2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы шартты ратификациялау туралы

      2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы 2014 жылғы 10 қазанда Минскіде жасалған шарт ратификациялансын.

2014 жылғы 29 мамырдағы Еуразиялық экономикалық одақ туралы
шартқа Армения Республикасының қосылуы туралы
ШАРТ

      Бұдан әрі Тараптар деп аталатын Беларусь Республикасы, Қазақстан Республикасы және Ресей Федерациясы, бір тараптан, және Армения Республикасы, екінші тараптан,

      Тараптар мен олардың халықтарын байланыстырып отырған достық қарым-қатынастарды және олардың өркендеуін қамтамасыз етуге деген талпынысты растай отырып,

      әлеуметтік прогресс және халықтардың әл-ауқатын жақсарту мақсатында Тараптардың неғұрлым тығыз интеграциясын дамытуға, экономикаларының жақындай түсуіне жаңа серпін беруге батыл қадам жасай отырып,

      еуразиялық интеграциялық процесті дамытуға деген өз мүдделілігін растай отырып,

      Беларусь Республикасы, Қазақстан Республикасы, Ресей Федерациясы және Армения Республикасы басшыларының 2013 жылғы 24 қазандағы Армения Республикасының еуразиялық интеграциялық процеске қатысуы туралы Мәлімдемесін басшылыққа ала отырып,

      олардың негізінде Кеден одағы мен Бірыңғай экономикалық кеңістіктің шарттық-құқықтық базасын қалыптастыру жүзеге асырылған халықаралық шарттар 2014 жылғы 29 мамырдағы Еуразиялық экономикалық одақ туралы шарттың негізі болғандығын назарға ала отырып, Армения Республикасының көрсетілген халықаралық шарттарда көзделген міндеттемелерді орындауға дайын екендігін белгілей отырып, Беларусь Республикасының, Қазақстан Республикасы мен Ресей Федерациясының Кеден одағына және Бірыңғай экономикалық кеңістігіне Армения Республикасының қосылуы жөніндегі қажетті іс-шараларды Армения Республикасының орындағанын ескере отырып,

      төмендегі туралы уағдаласты:

1-бап

      Осы Шарт арқылы Армения Республикасы 2014 жылғы 29 мамырдағы Еуразиялық экономикалық одақ туралы шартқа, сондай-ақ осы Шартқа № 1 қосымшаға сәйкес тізім бойынша Еуразиялық экономикалық одақтың құқығына кіретін Кеден одағының және Бірыңғай экономикалық кеңістіктің шарттық-құқықтық базасын қалыптастыру шеңберінде жасалған басқа да шарттарға қосылады және осы Шарт күшіне енген күннен бастап Еуразиялық экономикалық одақтың мүшесі болады.

      Армения Республикасының 2014 жылғы 29 мамырдағы Еуразиялық экономикалық одақ туралы шартқа және осы Шартқа № 1 қосымшада көрсетілген халықаралық шарттарға қосылуына байланысты осы Шартқа № 2 қосымшаға сәйкес өзгерістер енгізіледі.

      Армения Республикасының 2014 жылғы 29 мамырдағы Еуразиялық экономикалық одақ туралы шарттың және осы Шартқа № 1 қосымшада көрсетілген басқа да халықаралық шарттардың жекелеген нормаларын қолдануы осы Шартқа № 3 қосымшаға сай талаптарға және өтпелі ережелерге сәйкес және осы Шартқа № 4 қосымшаға сәйкес тізбе бойынша тауарларға қатысты Еуразиялық экономикалық одақтың Бірыңғай кедендік тарифін қолдану жөніндегі уағдаластықтар ескеріле отырып жүзеге асырылады.

      Егер осы Шарт күшіне енгенге дейін Кеден одағының және Бірыңғай экономикалық кеңістіктің жұмыс істеуіне байланысты мәселелер бойынша Беларусь Республикасы, Қазақстан Республикасы және Ресей Федерациясы арасында жасалған және осы Шартқа № 1 қосымшада көрсетілмеген халықаралық шартқа қол қойылатын немесе ол күшіне енетін болса, Армения Республикасы бөлек хаттамаға сәйкес осындай Шарт күшіне енген күні, бірақ осы Шарт күшіне енген күннен кейін осындай халықаралық шартқа қосылу жөніндегі міндеттемені өз мойнына алады.

2-бап

      Осы Шарт күшіне енген күннен бастап осы Шарттың күшіне енген күнінде қолданыста болған Еуразиялық экономикалық одақ органдарының актілері, сондай-ақ Жоғары Еуразиялық экономикалық кеңестің (Еуразиялық экономикалық қоғамдастықтың Мемлекетаралық Кеңесінің (Кеден одағының Жоғары органының)) шешімдері, Еуразиялық экономикалық комиссияның (Кеден одағы комиссиясының) шешімдері осы Шартқа № 3 қосымшада айқындалған ережелер ескеріле отырып, Армения Республикасының аумағында қолданылуға жатады.

3-бап

      Армения Республикасының Дүниежүзілік сауда ұйымындағы мүшелігіне байланысты мәселелерді реттеу жөніндегі ережелер осы Шартқа № 3 қосымшада айқындалған.

4-бап

      Тауарларды және көлік құралдарын, Армения Республикасының аумағын қоса алғанда, Еуразиялық экономикалық одақтың кедендік аумағынан, Еуразиялық экономикалық одақтың кедендік аумағы болып табылмайтын аумақтар арқылы, Армения Республикасының аумағын қоса алғанда, Еуразиялық экономикалық одақтың кедендік аумағына өткізу ерекшеліктері осы Шартқа № 5 қосымшаға сәйкес айқындалады.

5-бап

      Осы Шарттың ережелерін түсіндіруге және (немесе) қолдануға байланысты даулар 2014 жылғы 29 мамырдағы Еуразиялық экономикалық одақ туралы шарттың 112-бабына сәйкес шешіледі.

6-бап

      Осы Шарт Еуразиялық экономикалық одақтың құқығына кіреді.

      Осы Шарт ратификациялауға жатады және депозитарий оның күшіне енуі үшін қажетті мемлекетішілік рәсімдерді Тараптардың орындағаны туралы соңғы жазбаша хабарламаны дипломатиялық арналар арқылы алған күннен бастап, бірақ 2014 жылғы 29 мамырдағы Еуразиялық экономикалық одақ туралы шарт күшіне енген күннен кейінгі күннен соң күшіне енеді.

      _________ қ. 2014 жылғы " " ___________ орыс тілінде бір данада

      жасалды.

      Осы Шарттың төлнұсқа данасы Еуразиялық экономикалық комиссияда сақталады, ол осы Шарттың депозитарийі бола отырып, әр Тарапқа оның расталған көшірмесін жібереді.

      үшін

Кеден одағының және Бірыңғай экономикалық кеңістіктің
шарттық-құқықтық базасын қалыптастыру шеңберінде жасалған,
Армения Республикасы қосылатын, халықаралық шарттардың
ТІЗБЕСІ

      1. 2008 жылғы 25 қаңтардағы Тауарлардың шығарылған елін айқындаудың бірыңғай ережесі туралы келісім.

      2. 2008 жылғы 25 қаңтардағы Кеден одағының кедендік шекарасы арқылы өткізілетін тауарлардың кедендік құнын айқындау туралы келісім (2008 жылғы 25 қаңтардағы Кеден одағының кедендік шекарасы арқылы өткізілетін тауарлардың кедендік құнын айқындау туралы келісімге өзгерістер мен толықтырулар енгізу туралы 2012 жылғы 23 сәуірдегі Хаттама редакциясында).

      3. 2008 жылғы 12 желтоқсандағы Кеден одағының тарифтік преференцияларының бірыңғай жүйесі туралы хаттама.

      4. 2008 жылғы 12 желтоқсандағы Тауарлардың дамушы және аз дамыған елдерден шығарылғанын айқындау ережесі туралы келісім.

      5. 2009 жылғы 27 қарашадағы Кеден одағының Кеден кодексі туралы шарт (Кеден одағының Кеден кодексі туралы шартқа өзгерістер мен толықтырулар енгізу туралы 2010 жылғы 16 сәуірдегі Хаттама редакциясында).

      6. 2010 жылғы 21 мамырдағы Кеден одағына мүше мемлекеттердің кеден органдарының өзара әкімшілік көмегі туралы келісім.

      7. 2010 жылғы 21 мамырдағы Кеден одағына мүше мемлекеттердің зияткерлік меншік объектілерінің бірыңғай кедендік тізілімі туралы келісім.

      8. 2010 жылғы 21 мамырдағы Кедендік транзиттің кедендік рәсіміне сәйкес тасымалданатын тауарларға қатысты кедендік баждарды, салықтарды төлеуді қамтамасыз етуді ұсынудың кейбір мәселелері, кедендік баждарды, салықтарды өндіріп алудың ерекшеліктері және осындай тауарларға қатысты өндіріп алынған сомаларды аудару тәртібі туралы келісім (2010 жылғы 21 мамырдағы Кедендік транзиттің кедендік рәсіміне сәйкес тасымалданатын тауарларға қатысты кедендік баждарды, салықтарды төлеуді қамтамасыз етуді ұсынудың кейбір мәселелері, кедендік баждарды, салықтарды өндіріп алудың ерекшеліктері және осындай тауарларға қатысты өндіріп алынған сомаларды аудару тәртібі туралы келісімге өзгерістер мен толықтырулар енгізу туралы 2011 жылғы 19 желтоқсандағы Хаттама редакциясында).

      9. 2010 жылғы 21 мамырдағы Кеден одағының кедендік шекарасы арқылы өткізілетін тауарлар мен көлік құралдары туралы алдын ала ақпаратты ұсыну туралы және алмасу туралы келісім.

      10. 2010 жылғы 21 мамырдағы Кеден одағына мүше мемлекеттердің кеден органдары мен өзге де мемлекеттік органдары арасында ақпарат алмасуға қойылатын талаптар туралы келісім.

      11. 2010 жылғы 21 мамырдағы Кедендік баждарды төлеу мерзімдерін өзгерту негіздемелері, шарттары және тәртібі туралы келісім.

      12. 2010 жылғы 21 мамырдағы Кеден одағының кедендік аумағы арқылы темір жол көлігімен өткізілетін тауарлардың кедендік транзитінің ерекшеліктері туралы келісім.

      13. 2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісім (2010 жылғы 18 маусымдағы Жеке тұлғалардың жеке пайдалануға арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісімге өзгерістер мен толықтырулар енгізу туралы 2011 жылғы 19 қазандағы Хаттама редакциясында).

      14. 2010 жылғы 18 маусымдағы Еркін қоймалар және еркін қойманың кедендік рәсімі туралы келісім.

      15. 2010 жылғы 18 маусымдағы Кеден одағына мүше мемлекеттердің кеден органдарының кедендік бақылаудың белгілі бір нысандарын қолдануынан босату туралы келісім.

      16. 2010 жылғы 18 маусымдағы Жолаушыларды тасымалдауды жүзеге асыратын халықаралық тасымалдаудың көлік құралдарын, сондай-ақ жүктердің және (немесе) багажды тасымалдауды жүзеге асыратын тіркемелерді, жартылай тіркемелерді, контейнерлер мен темір жол жылжымалы құрамын Кеден одағының кедендік аумағы арқылы ішкі тасымалдау үшін пайдалану ерекшеліктері туралы келісім.

      17. 2010 жылғы 18 маусымдағы Халықаралық почта жөнелтілімдерімен жіберілетін тауарларға қатысты кедендік операциялардың ерекшеліктері туралы келісім.

      18. 2010 жылғы 18 маусымдағы Кеден одағының кедендік аумағындағы еркін (арнайы, ерекше) экономикалық аймақтар және еркін кедендік аймақтың кедендік рәсімі мәселелері жөніндегі келісім.

      19. 2010 жылғы 5 шілдедегі Жеке тұлғалардың Кеден одағының кеден шекарасы арқылы қолма-қол ақша қаражатын және (немесе) ақша құралдарын өткізу тәртібі туралы шарт.

      20. 2010 жылғы 5 шілдедегі Кеден одағының және Кеден одағына мүше мемлекеттердің кеден заңнамасын бұзғаны үшін қылмыстық және әкімшілік жауаптылықтың ерекшеліктері туралы шарт.

      21. 2010 жылғы 5 шілдедегі Кеден одағына мүше мемлекеттер кеден органдарының қылмыстық істер мен әкімшілік құқық бұзушылық туралы істер бойынша құқықтық көмегі және өзара іс-қимылы туралы келісім.

      22. 2010 жылғы 19 қарашадағы Үшінші мемлекеттерден келген заңсыз еңбек көші-қонына қарсы іс-қимыл жөніндегі ынтымақтастық туралы келісім.

      23. 2011 жылғы 19 мамырдағы Көпжақты сауда жүйесі шеңберінде Кеден одағының жұмыс істеуі туралы шарт.

      24. 2011 жылғы 22 маусымдағы Кеден одағына мүше мемлекеттердің кеден қызметтерінің Біріккен алқасы туралы шарт.

      25. 2011 жылғы 22 маусымдағы Еуразиялық экономикалық қоғамдастық шеңберінде Кеден одағына мүше мемлекеттердің кеден қызметтері өкілдіктерінің қызметі мәселелері бойынша кеден істеріндегі ынтымақтастық және өзара көмек туралы келісім.

      26. 2011 жылғы 19 қазандағы Кеден одағына мүше мемлекеттер кеден органдарының талдау және бақылау функцияларын іске асыру үшін ақпарат алмасуды ұйымдастыру туралы келісім.

      27. 2011 жылғы 19 желтоқсандағы Кеден одағының кедендік шекарасы арқылы қолма-қол ақша қаражатын және (немесе) ақша құралдарын өткізу кезінде қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы шарт.

      28. 2012 жылғы 17 желтоқсандағы Кеден одағына мүше мемлекеттер болып табылмайтын Тәуелсіз Мемлекеттер Достастығына қатысушы мемлекеттермен өзара саудадағы техникалық кедергілерді жою туралы Кеден одағына мүше мемлекеттердің келісімі.

      29. 2013 жылғы 24 қазандағы Есірткі, психотроптық заттар мен олардың прекурсорларын Кеден одағының кеден аумағы арқылы өткізу тәртібі туралы келісім.

      ______________

      *2011 жылғы 19 мамырдағы Копжақты сауда жүйесі шеңберінде Кеден одағының жұмыс істеуі туралы шарт 2012 жылғы 22 тамыздан бастап туындаған қатынастарға қолданылады. Көрсетілген Шартқа Армения Республикасының қатысуы, 2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы шарттың № 3 қосымшасының 38-тармағында көзделген жағдайларды қоспағанда, Армения Республикасының Дүниежүзілік сауда ұйымына қосылуы туралы хаттамада тіркелген Армения Республикасы міндеттемелерінің Еуразиялық экономикалық одақтың басқа мүше мемлекеттеріне және жалпы Еуразиялық экономикалық одаққа қолданылуына әкеп соқпайды.

      РҚАО-ның ескертпесі!
      Бұл Хаттаманың 11 және 17-тармақтары Еуразиялық экономикалық Одақтың Кедендік кодексінің 444-бабына сәйкес, Еуразиялық экономикалық комиссиясының тиісті шешімі күшіне енген күннен бастап күшін жояды - ҚР 13.12.2017 № 115-VI Заңымен (қолданысқа енгізілу тәртібін 2-баптан қараңыз).

2014 жылғы 29 мамырдағы Еуразиялық экономикалық одақ туралы
шартқа және Кеден одағы мен Бірыңғай экономикалық кеңістіктің
шарттық-құқықтық базасын қалыптастыру шеңберінде жасалған
халықаралық шарттарға Армения Республикасының қосылуына
байланысты өзгерістер енгізу туралы
ХАТТАМА
І. 2014 жылғы 29 мамырдағы Еуразиялық экономикалық одақ туралы шартқа енгізілетін өзгерістер

      1. Кедендік әкелу баждарының (баламалы қолданылатын өзге де баждар, салықтар мен алымдар) сомаларын есепке жатқызу және бөлу, оларды мүше мемлекеттер бюджеттерінің кірісіне аудару тәртібі туралы Хаттамада (2014 жылғы 29 мамырдағы Еуразиялық экономикалық одақ туралы шартқа № 5 қосымша):

      12-тармақ мынадай редакцияда жазылсын:

      "12. Кедендік әкелу баждарының сомаларын бөлу нормативтері әрбір мүше мемлекет үшін мынадай мөлшерлерде белгіленеді:

      Армения Республикасы – 1,13%;

      Беларусь Республикасы – 4,65%;

      Қазақстан Республикасы – 7,25%;

      Ресей Федерациясы – 86,97%.".

      40-тармақтағы "Беларусь Республикасы үшін" деген сөздер "Армения Республикасы үшін – Ереван қаласының уақытымен, Беларусь Республикасы үшін" деген сөздермен ауыстырылсын;

      53-тармақтағы "Беларусь Республикасының Мемлекеттік бақылау комитеті" деген сөздер "Армения Республикасының Бақылау палатасы, Беларусь Республикасының Мемлекеттік бақылау комитеті" деген сөздермен ауыстырылсын.

      2. Көрсетілетін қызметтер саудасы, инвестициялар құру, қызмет және инвестицияларды жүзеге асыру туралы хаттамаға (2014 жылғы 29 мамырдағы Еуразиялық экономикалық одақ туралы шартқа № 16 қосымша) № 2 қосымша мынадай мазмұндағы IV бөліммен толықтырылсын:

"IV. Армения Республикасы

      3. Қаржылық көрсетілетін қызметтер жөніндегі Хаттамада (2014 жылғы 29 мамырдағы Еуразиялық экономикалық одақ туралы шартқа № 17 қосымша):

      көрсетілген Хаттамаға № 1 қосымша мынадай мазмұндағы IV бөліммен толықтырылсын:

"IV. АРМЕНИЯ РЕСПУБЛИКАСЫ

      көрсетілген хаттамаға № 2 қосымша мынадай мазмұндағы IV бөліммен толықтырылсын:

"IV. АРМЕНИЯ РЕСПУБЛИКАСЫ

      4. Табиғи монополиялар субъектілерінің қызметін реттеудің бірыңғай қағидаттары мен қағидалары туралы хаттамада (2014 жылғы 29 мамырдағы Еуразиялық экономикалық одақ туралы шартқа № 20 қосымша):

      көрсетілген Хаттамаға № 1 қосымшада:

      "Армения Республикасы" деген бесінші бағанмен толықтырылып, оған мынадай мәтін енгізілсін:

      2-позицияда: "Электр энергиясын беру жөніндегі көрсетілетін қызметтер";

      3-позицияда: "Электр энергетикасы жүйесінің операторы көрсететін қызметтер";

      4-позицияда: "Темір жол инфрақұрылымын пайдалануды қамтамасыз ету жөніндегі көрсетілетін қызметтер";

      көрсетілген Хаттамаға № 2 қосымшада:

      "Армения Республикасы" деген бесінші бағанмен толықтырылып, оған мынадай мәтін енгізілсін:

      1-позицияда: "Табиғи газды тасымалдау жөніндегі көрсетілетін қызметтер; табиғи газды тарату жөніндегі көрсетілетін қызметтер; газбен жабдықтау жүйесінің операторы көрсететін қызметтер";

      5-позицияда: "Бәсекесіз сумен жабдықтау және су бұру жөніндегі көрсетілетін қызметтер";

      мынадай мазмұндағы 10 және 11 позициялармен толықтырылсын:

      "

      ".

      5. Өнеркәсіптік субсидиялар берудің бірыңғай қағидалары туралы хаттамада (2014 жылғы 29 мамырдағы Еуразиялық экономикалық одақ туралы шартқа № 28 қосымша):

      2-тармақтың екінші абзацы мынадай редакцияда жазылсын:

      "әкімшілік-аумақтық бірліктер" - Армения Республикасының, Беларусь Республикасының (Минск қаласын қоса алғанда) және Қазақстан Республикасының (Астана және Алматы қалаларын қоса алғанда) әкімшілік-аумақтық бірліктері, Ресей Федерациясының субъектілері мен муниципалдық құрылымдары;";

      көрсетілген Хаттамаға қосымша мынадай мазмұндағы IV бөліммен толықтырылсын:

"IV. Армения Республикасы

      6. Ауыл шаруашылығын мемлекеттік қолдау шаралары туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 29 қосымша) 2-тармағының екінші абзацы мынадай редакцияда жазылсын:

      "әкімшілік-аумақтық бірліктер" – Армения Республикасының, Беларусь Республикасының (Минск қаласын қоса алғанда) және Қазақстан Республикасының (Астана және Алматы қалаларын қоса алғанда) әкімшілік-аумақтық бірліктері, Ресей Федерациясының субъектілері мен муниципалдық құрылымдары;".

II. Кеден одағының және Бірыңғай экономикалық кеңістіктің
шарттық-құқықтық негізін қалыптастыру шеңберінде жасалған
халықаралық шарттарға енгізілетін өзгерістер

      7. ҚР 13.12.2017 № 115-VI Заңымен ратификацияланған Еуразиялық экономикалық Одақтың Кеден кодексі туралы шарт күшіне енген күннен бастап күші жойылды (қолданысқа енгізілу тәртібін 2-баптан қараңыз).
      8. ҚР 13.12.2017 № 115-VI Заңымен ратификацияланған Еуразиялық экономикалық Одақтың Кеден кодексі туралы шарт күшіне енген күннен бастап күші жойылды (қолданысқа енгізілу тәртібін 2-баптан қараңыз).
      9. ҚР 13.12.2017 № 115-VI Заңымен ратификацияланған Еуразиялық экономикалық Одақтың Кеден кодексі туралы шарт күшіне енген күннен бастап күші жойылды (қолданысқа енгізілу тәртібін 2-баптан қараңыз).
      10. ҚР 13.12.2017 № 115-VI Заңымен ратификацияланған Еуразиялық экономикалық Одақтың Кеден кодексі туралы шарт күшіне енген күннен бастап күші жойылды (қолданысқа енгізілу тәртібін 2-баптан қараңыз).

      11. 2010 жылғы 21 мамырдағы Кедендік транзиттің кедендік рәсіміне сәйкес тасымалданатын тауарларға қатысты кедендік баждарды, салықтарды төлеуді қамтамасыз етуді ұсынудың кейбір мәселелері, кедендік баждарды, салықтарды өндіріп алудың ерекшеліктері және осындай тауарларға қатысты өндіріп алынған соманы аудару тәртібі туралы келісімде:

      2-бапта:

      бесінші абзац "орталық кеден органдары" - " деген сөздерден кейін "Армения Республикасының Қаржы министрлігі," деген сөздермен толықтырылсын;

      алтыншы абзац "Тараптардың мемлекеттік органдары - " деген сөздерден кейін "Армения Республикасының орталық мемлекеттік органдары," деген сөздермен толықтырылсын;

      9-баптың төртінші абзацы "Беларусь Республикасында" деген сөздердің алдынан "Армения Республикасында," деген сөздермен толықтырылсын;

      2-қосымшадағы "1" белгісі бар сілтеме мынадай редакцияда жазылсын:

      "¹ Егер Армения Республикасының кеден органы, Беларусь Республикасының кеден органы немесе Қазақстан Республикасының кеден органы Сертификатты тіркеуші кеден органы болып табылса, мұндай кеден органының коды мынадай ерекшеліктерді ескере отырып көрсетіледі:

      Армения Республикасы үшін – 051000 және одан әрі кеден органдарының сыныптауышына сәйкес кеден органының коды (05100000);

      Беларусь Республикасы үшін – 112 және одан әрі кеден органдарының сыныптауышына сәйкес кеден органының коды (11200000);

      Қазақстан Республикасы үшін – 398 және одан әрі кеден органдарының сыныптауышына сәйкес кеден органының коды (39800000).".

      15. 2010 жылғы 18 маусымдағы Кеден одағының кедендік аумағындағы еркін (арнайы, ерекше) экономикалық аймақтар және еркін кедендік аймақтың кедендік рәсімі мәселелері жөніндегі келісімде:

      10-баптың 2-тармағының бесінші абзацы мынадай редакцияда жазылсын:

      "Еркін кедендік аумақтың кедендік рәсімімен Беларусь Республикасында, Қазақстан Республикасында және Ресей Федерациясында 2012 жылғы 1 қаңтарға дейін және Армения Республикасында 2016 жылғы 1 желтоқсанға дейін тіркелген резиденттер орналастырған шетел тауарларын пайдалана отырып дайындалған (алынған) тауарлардың мәртебесін айқындау осы баптың 3 және 4-тармақтарының ережелері ескеріле отырып, осы Келісімнің 19-бабына сәйкес 2017 жылғы 1 қаңтарға дейін жүзеге асырылады.".

      17. 2010 жылғы 18 маусымдағы Жеке тұлғалардың жеке пайдалануына арналған тауарларды кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісімде:

      6-тармақтың екінші абзацы "атап айтқанда," деген сөздерден кейін "Армения тарапынан - Армения Республикасының Қаржы министрлігі," деген сөздермен толықтырылсын;

      көрсетілген Келісімге 2-қосымшаның 2 бөлімінің 4.3-тармағы "өткізу шектелген," деген сөздерден кейін "Армения Республикасының," деген сөздермен толықтырылсын.

      19. 2010 жылғы 5 шілдедегі Кеден одағына мүше мемлекеттер кеден органдарының қылмыстық істер мен әкімшілік құқық бұзушылық туралы істер бойынша құқықтық көмегі және өзара іс-қимылы туралы келісімнің 1-бабы 2-тармағының бірінші абзацы "Беларусь Республикасының атынан -" деген сөздердің алдынан "Армения Республикасының атынан - Армения Республикасының Қаржы министрлігі," деген сөздермен толықтырылсын.

      20. 2010 жылғы 5 шілдедегі Кеден одағының және Кеден одағына мүше мемлекеттердің кеден заңнамасын бұзғаны үшін қылмыстық және әкімшілік жауаптылықтың ерекшеліктері туралы шарттың 14-бабының төртінші абзацы "күнінен бастап" деген сөздерден кейін ", егер Тараптардың келісімімен өзгеше көзделмесе," деген сөздермен толықтырылсын.

      21. 2010 жылғы 5 шілдедегі Кедендік одағына мүше мемлекеттер кеден органдарының қылмыстық істер мен әкімшілік құқық бұзушылық туралы істер бойынша құқықтық көмегі және өзара іс-қимылы туралы келісімнің 17-бабының төртінші абзацы "күнінен бастап" деген сөздерден кейін ", егер Тараптардың келісімімен өзгеше көзделмесе," деген сөздермен толықтырылсын.

      23. 2010 жылғы 19 қарашадағы Үшінші мемлекеттерден келген заңсыз еңбек көші-қонына қарсы іс-қимыл жөніндегі ынтымақтастық туралы келісімнің 15-бабы мынадай мазмұндағы абзацпен толықтырылсын:

      "Тараптар осы Келісімге қосылудың өзге де тәртібін айқындауы мүмкін.".

Шарттар және өтпелі ережелер
I. Армения Республикасынан Еуразиялық экономикалық комиссия
Алқасының мүшелерін тағайындауға байланысты мәселелер

      1. Армения Республикасынан Еуразиялық экономикалық комиссия алқасының мүшелерін алғаш тағайындаған кезде олар өздерінің функцияларын 2014 жылғы 29 мамырдағы Еуразиялық экономикалық одақ туралы шарт күшіне енгенге дейін Беларусь Республикасынан, Қазақстан Республикасынан және Ресей Федерациясынан Еуразиялық экономикалық комиссия алқасының мүшелері тағайындалған өкілеттіктер мерзімі аяқталғанға дейін, 2014 жылғы 29 мамырдағы Еуразиялық экономикалық одақ туралы шарттың 99-бабы 3-тармағының төртінші абзацында айқындалғандай орындайды.

      Осы тармақтың бірінші абзацында көрсетілген мерзімде Армения Республикасын Еуразиялық экономикалық комиссия Алқасында оларға сала жүргізуді бекітпей бір дауысқа ие Еуразиялық экономикалық комиссия Алқасының үш мүшесі ұсынылды.

II. Кедендік әкелу баждары (баламалы қолданылатын өзге де
баждар, салықтар мен алымдар) және арнайы, демпингке қарсы,
өтемақы баждары сомаларын есепке алу мен бөлуге байланысты мәселелер

      2. Кедендік әкелу баждарының (баламалы қолданылатын өзге де баждар, салықтар мен алымдар) сомаларын есепке жатқызу және бөлу, оларды мүше мемлекеттер бюджеттерінің кірісіне аудару тәртібі туралы хаттаманы (2014 жылғы 29 мамырдағы Еуразиялық экономикалық одақ туралы шартқа № 5 қосымша) және Арнайы, демпингке қарсы, өтемақы баждарын есепке жатқызу және бөлу туралы ережені (2014 жылғы 29 мамырдағы Еуразиялық экономикалық одақ туралы шартқа № 8 қосымшада) Армения Республикасы 2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы шарт (бұдан әрі – Шарт) күшіне енген айдан кейінгі айдың 1-ші күнінен бастап қолданады.

III. Кедендік құқық қатынастары мәселелері
Кеден ісі саласындағы қызметті жүзеге асыратын адамдарға және
өзге де адамдарға қатысты бөлігінде

      3. Кедендік делдалдар (брокерлер), кедендік тасымалдаушылар, кеден қоймаларында сақтауды жүзеге асыратын адамдар, Армения Республикасында Шарт күшіне енгенге дейін құрылған бажсыз сауда дүкендерін ашатын адамдар Шарт күшіне енген күннен бастап тиісінше кеден өкілдері, кедендік тасымалдаушылар, кеден қоймаларының иелері, бажсыз сауда дүкендерінің иелері болып танылады және Шарт күшіне енгенге дейін Армения Республикасының заңнамасында белгіленген шарттарда:

      кедендік делдалдар (брокерлер), кеден қоймаларында сақтауды жүзеге асыратын адамдар және бажсыз сауда дүкендерін ашатын адамдар – Шарт күшіне енген күннен бастап 18 айдың ішінде;

      кедендік тасымалдаушылар – Шарт күшіне енген күннен бастап 6 айдың ішінде кеден ісі саласындағы қызметті жүзеге асыруға құқылы.

      Кеден өкілдері, кедендік тасымалдаушылар, кеден қоймаларының иелері, уақытша сақтау қоймаларының иелері, уәкілетті экономикалық операторлар 2009 жылғы 29 қарашадағы Кеден одағының Кеден кодексі туралы шарттың ажырамас бөлігі болып табылатын Кеден одағының Кеден кодексіне (бұдан әрі – Кеден одағының Кеден кодексі), өзге де кедендік құқық қатынастарын реттейтін халықаралық шарттарға және Одақ құқығын құрайтын басқа да актілерге сәйкес Шарт күшіне енгеннен кейін Армения Республикасында Еуразиялық экономикалық одаққа мүше мемлекеттің заңнамасына сәйкес белгіленетін валюталар бағамы бойынша 1 миллион еуродан кем емес баламалы сомаға кеден баждарын, салықтарын төлеуді қамтамасыз етуді ұсынбастан, ондай қамтамасыз етуді ұсыну күніне және (немесе) өз азаматтық жауапкершілігінің тәуекелін сақтандыру шартының болуынсыз:

      кеден өкілдері, кеден қоймаларының иелері және уақытша сақтау қоймаларының иелері – Шарт күшіне енген күннен бастап 18 айдың ішінде;

      кедендік тасымалдаушылар және уәкілетті экономикалық операторлар – Шарт күшіне енген күннен бастап 6 айдың ішінде құрылады.

      4. Шарт күшіне енгенге дейін Армения Республикасында құрылған кедендік тасымалдаушылар Кеден одағының Кеден кодексінде, өзге де кедендік құқық қатынастарын реттейтін халықаралық шарттарда және Кеден одағы Кеден кодексі 18-бабының 4-тармағына сәйкес өз мәртебесін растаусыз Еуропалық экономикалық Одақтың құқығын құрайтын басқа да актілерде белгіленген жағдайларда және шарттарда және көрсетілген кедендік тасымалдаушыларды Еуразиялық экономикалық комиссия қалыптастыратын кедендік тасымалдаушылардың жалпы тізіліміне енгізу туралы ақпаратты және кедендік тасымалдаушы ретінде қызметті жүзеге асыру құқығын растайтын құжаттың көшірмесі болған жағдайда Шарт күшіне енген күннен бастап 6 ай ішінде Еуразиялық экономикалық одақтың кеден аумағы бойынша кедендік бақылаудағы тауарларды тасымалдауды жүзеге асыруға құқылы.

      Армения Республикасының кеден органдары Шарт күшіне енгенге дейін Еуразиялық экономикалық комиссияға кедендік тасымалдаушылардың жалпы тізілімін қалыптастыру үшін Армения Республикасында құрылған кедендік тасымалдаушылардың тізілімдерін ұсынады.

      5. Армения Республикасы үшін заңды тұлғаларды кеден өкілдері тізіліміне және кедендік тасымалдаушылар тізіліміне, уақытша сақтау қоймаларының тізіліміне, кеден қоймалары тізіліміне енгізу үшін шарт ретінде азаматтық жауапкершілік тәуекелін сақтандыру шартының болуы және кеден баждарын, салықтарды төлеуді қамтамасыз етуді ұсыну және заңды тұлғаларға уәкілетті экономикалық операторлар мәртебесін беру бөлігінде Кеден одағының Кеден кодексінің 13, 19, 24, 29 және 39-баптарының ережелері:

      Кеден одағы Кеден кодексінің 13, 24 және 29-баптарының ережелері – Шарт күшіне енген күннен бастап 18 ай өткен соң;

      Кеден одағы Кеден кодексінің 19 және 39-баптарының ережелері Шарт күшіне енген күннен бастап 6 ай өткен соң күшіне енеді.

Кедендік операцияларды жасау ерекшеліктеріне қатысты бөлігінде

      6. Шарт күшіне енгенге дейін кеден органдарының жауапты сақтауына орналастырылған кедендік бақылаумен Армения Республикасындағы тауарлар Шарт күшіне енген күннен бастап уақытша сақтауға орналастырылған болып есептеледі және осы тауарларға қатысты осы қосымшаның 7-тармағын ескере отырып, Кеден одағы Кеден кодексінің, өзге де құқық қатынастарын реттейтін халықаралық шарттар мен Еуропалық экономикалық одақтың құқығын құрайтын басқа да актілердің ережелері қолданылады.

      7. Осы қосымшаның 6-тармағында көрсетілген тауарларды уақытша сақтау мерзімі Шарт күшіне енген күннен бастап есептелінеді.

      8. Армения Республикасындағы Шарт күшіне енген күнге кеден органдарының жауапты сақтауына орналастырылған кедендік бақылаумен және тауарларға қатысты кеден декларациясы кеден органына Шарт күшіне енген күннен бастап есептелінетін уақытша сақтау мерзімі аяқталғанға дейін берілуге тиіс.

      9. Шарт күшіне енгенге дейін Армения Республикасының кеден органы қабылдаған кеден декларациясына қатысты тауарлар кеден органының сол кеден декларациясын қабылдаған күні Армения Республикасының заңнамасында белгіленген тәртіппен және шарттарда мәлімденген кеден режиміне орналастырылуға жатады.

Тауарларды кедендік бақылаумен тасымалдаудың ерекшеліктеріне қатысты бөлігінде

      10. Шарт күшіне енгенге дейін Армения Республикасының кеден органы транзиттік декларациялар функциясын орындайтын өткізу парақтары қабылданған тауарларға қатысты кеден транзитіне рұқсат беруі Армения Республикасының кеден органы осы өткізу парақтарын қабылдау күніне Армения Республикасының заңнамасында белгіленген тәртіппен және шарттарда жүзеге асырады, ал Армения Республикасының аумағы арқылы тасымалдау кедендік бақылаумен жүзеге асырады және аяқтайды.

      11. Армения Республикасының кеден органы Шарт күшіне енгенге дейін транзитке рұқсат берілген тауарларға қатысты кедендік бақылаумен Армения Республикасының аумағы арқылы тасымалдауды кеден транзитіне рұқсат берілген күні Армения Республикасының заңнамасында белгіленген тәртіппен және шарттарда жүзеге асырады және аяқтайды.

Тауарлардың мәртебесі және кедендік рәсімдерге қатысты бөлігінде

      12. Армения Республикасының аумағында орналасқан және Шарт күшіне енгенге дейін еркін айналым, кері импорт және мемлекеттің пайдасына жеке меншік құқығынан бас тарту үшін кедендік әкелу режимдеріне орналастырылған тауарлар тиісінше ішкі тұтыну, кері импорт және мемлекет пайдасына бас тарту үшін кедендік шығарылу рәсімдеріне орналастырылған деп есептеледі және Еуразиялық экономикалық одақтың тауарлары деп танылады. Осы тауарларға қатысты Кеден одағының Кеден кодексінің, өзге де кедендік құқық қатынастарын реттейтін халықаралық шарттар мен Еуразиялық экономкиалық Одақ құқығын құрайтын басқа да актілердің ережелері қолданылады.

      13. Еуразиялық экономикалық одақтың сыртқы экономикалық қызметінің бірыңғай Тауар номенклатурасында (ЕАЭО СЭҚ ТН) 8702, 8703 және 8704 тауар позицияларында жіктелген жеңіл автомобильдер және басқа да моторлы көлік құралдарына қатысты Еуразиялық экономикалық одақтың Бірыңғай кедендік тарифімен (ЕАЭО БКТ) белгіленгенінен ерекшеленетін мөлшерлемелер бойынша оларға қатысты кедендік баждар төленген, Армения Республикасының аумағына үшінші елдерден әкелінген және Шартқа қол қойылғаннан кейін еркін айналым үшін кедендік әкелу режиміне немесе ішкі тұтыну үшін шығарылымның кедендік рәсіміне орналастырылған ЕАЭО СЭҚ ТН 8702, 8703 және 8704 тауар позицияларында жіктелген жеңіл автомобильдер және басқа да моторлы көлік құралдары Беларусь Республикасында, Қазақстан Республикасында және Ресей Федерациясында:

      кедендік баждардың төленген сомаларының және ЕАЭО СЭҚ ТН 8702, 8703 және 8704 тауар позицияларында жіктелген жеңіл автомобильдер және басқа да моторлы көлік құралдарына қатысты ЕАЭО БКТ белгіленген мөлшерлемелер бойынша төленуге тиіс кедендік баждар сомаларының айырмасы мөлшеріндегі кедендің баждарды төлегенге дейін;

      Армения Республикасы ЕАЭО СЭҚ ТН 8702, 8703 және 8704 тауар позицияларында жіктелген жеңіл автомобильдерді және басқа да моторлы көлік құралдарына қатысты ЕАЭО БКТ белгіленген мөлшерлемелерді қолдануды бастағаннан кейін 3 жыл өткенге дейін шетелдік тауарлар болып танылады.

      Осы тармақтың күші оларға қатысты ЕАЭО БКТ белгіленген мөлшерлемелер бойынша кедендік баждар төленген, осы тармақтың бірінші абзацында көрсетілген тауарларға қолданылмайды.

      14. Еркін айналым үшін әкетудің кедендік режиміне Шарт күшіне енгенге дейін Армения Республикасында орналастырылған тауарлар Шарт күшіне енген күннен бастап экспорттың кедендік рәсіміне орналастырылған деп танылады және бұл тауарларға қатысты кеден одағының Кеден кодексінің, өзге де кедендік құқық қатынастарын реттейтін халықаралық шарттар мен Еуразиялық экономикалық одақ құқығын құрайтын басқа да актілердің ережелері қолданылады.

      15. Шарт күшіне енген күннен бастап қайта өңдеу үшін уақытша әкелудің және қайта өңдеу үшін уақытша әкетудің кедендік режимдеріне Шарт күшіне енгенге дейін Армения Республикасында орналастырылған тауарлар кеден аумағында қайта өңдеудің, кеден аумағынан тыс қайта өңдеудің кедендік рәсімдеріне сәйкес орналастырылған деп танылады. Осы тауарларға қатысты, сондай-ақ мұндай тауарларды қайта өңдеу бойынша операцияларды жасау нәтижесінде Шарт күшіне енгенге дейін алынған тауарларға қатысты осы қосымшаның 16 - 20 тармақтарын ескере отырып, Кеден одағы Кеден кодексінің, өзге де кедендік құқық қатынастарын реттейтін халықаралық шарттар мен Еуразиялық экономикалық одақ құқығын құрайтын басқа да актілердің ережелері қолданылады.

      16. Осы қосымшаның 15-тармағында көрсетілген кедендік рәсімдер тиісінше Кеден одағы Кеден кодексінің 243 және 256-баптарында көзделген мерзімдердің шегінде тауарларды қайта өңдеу мерзімдерін ұзарту мүмкіндігін ескере отырып, тиісті кедендік режимдерге тауарларды орналастыру кезінде белгіленген мерзімдер аяқталғанға дейін қолданылады.

      17. Армения Республикасының аумағынан Кеден одағына мүше мемлекеттің бірінің аумағына шығарылған тауарларға қатысты Шарт күшіне енгенге дейін Армения Республикасында қолданылған қайта өңдеу үшін уақытша әкетудің кедендік режимі Шарт күшіне енген күннен бастап өз қолданысын тоқтатады. Осы кедендік режимге орналастырылған тауарлар, сондай-ақ осындай тауарларды қайта өңдеу бойынша операциялар жасау нәтижесінде алынған тауарлар Шарт күшіне енген күннен бастап Еуразиялық экономикалық одақтың тауарлары деп танылады.

      18. Кеден одағына мүше мемлекеттердің аумағынан Армения Республикасының аумағына әкетілген Кеден одағының тауарларына Шарт күшіне енгенге дейін Кеден одағына мүше мемлекеттерде қолданылған кеден аумағынан тыс қайта өңдеудің кедендік рәсімдері Шарт күшіне енген күннен бастап өз қолданысын тоқтатады. Осы кедендік рәсімге орналастырылған тауарлар, сондай-ақ осындай тауарларды қайта өңдеу бойынша операциялар жасау нәтижесінде алынған тауарлар Шарт күшіне енген күннен бастап Еуразиялық экономикалық одақтың тауарлары деп танылады.

      19. Армения Республикасының аумағына Кеден одағына мүше мемлекеттердің аумағынан әкелінген тауарларға Шарт күшіне енгенге дейін Армения Республикасында қолданылған қайта өңдеу үшін уақытша әкелудің кедендік режимі Шарт күшіне енген күннен бастап өз қолданысын тоқтатады. Осы кедендік режиміне орналастырылған тауарлар, сондай-ақ осындай тауарларды қайта өңдеу бойынша операцияларды жасау нәтижесінде алынған тауарлар Шарт күшіне енген күннен бастап Еуразиялық экономикалық одақтың тауарлары деп танылады.

      20. Олардың қайта өңделген өнімдерін үшінші елдердің аумағынан Кеден одағына бір мүше мемлекеттің аумағына кейіннен әкету үшін Армения Республикасының аумағына әкелінген тауарларға Шарт күшіне енгенге дейін Армения Республикасында қолданылған қайта өңдеу үшін уақытша әкелудің кедендік режимі 2009 жылғы 20 қарашадағы Тәуелсіз Мемлекеттер Достастығында тауарлардың шығарылған елін айқындау қағидасы туралы келісімде белгіленген жеткілікті қайта өңдеу критерийлеріне сәйкес Армения Республикасынан шығарылған тауарларды, тауарлардың қайта өңдеу мерзімі аяқталғанға дейін, бірақ 2016 жылдың 1 қаңтарынан кешіктірмей, қайта өңдеу үшін уақытша әкелудің кедендік режиміне орналастырылған тауарлардың қайта өңделген өнімдерін тану шартымен, ондай тауарларды және Кеден одағының Кеден кодексі белгілеген кедендік рәсіміне мұндай тауарларды қайта өңдеу бойынша операциялар жасау нәтижесінде алынған тауарларды орналастырмастан, өзінің қолданысын тоқтатады. Бұл ретте қайта өңдеу үшін уақытша әкелудің кедендік режиміне орналастырылған тауарлар және осындай тауарларды қайта өңдеу операциялары нәтижесінде алынған тауарлар Еуразиялық экономикалық одақтың тауарлары деп танылады.

      21. Шарт күшіне енгенге дейін Кеден одағына мүше мемлекеттерде Армения Республикасының аумағынан әкелінген тауарларға қолданылған кеден аумағындағы қайта өңдеудің кедендік рәсімдері Шарт күшіне енген күннен бастап өзінің қолданысын тоқтатады. Осындай кедендік режимдерге орналастырылған тауарлар және осындай тауарларды қайта өңдеу бойынша операцияларды жасау нәтижесінде алынған тауарлар Шарт күшіне енген күннен бастап Еуразиялық экономикалық одақтың тауарлары деп танылады.

      22. Шарт күшіне енгенге дейін Армения Республикасында кеден қоймасына әкелудің немесе бос кеден қоймасына әкелудің кедендік режимдерге орналастырылған тауарлар Шарт күшіне енген күннен бастап экспорттың кедендік рәсіміне сәйкес әкетуге арналған тауарларды қоспағанда, кеден қоймасының кедендік рәсіміне орналастырылған деп танылады және бұл тауарларға қатысты осы қосымшаның 23-тармағын ескере отырып, Кеден одағының Кеден кодексінің, өзге де кедендік құқық қатынастарын реттейтін халықаралық шарттар мен Еуразиялық экономикалық одақ құқығын құрайтын басқа да актілердің ережелері қолданылады.

      23. Шарт күшіне енгенге дейін экспорттың кедендік рәсіміне сәйкес және кеден қоймасына әкелудің немесе бос кеден қоймасына әкелудің кедендік режимдеріне орналастырылған, экспорттың кедендік рәсіміне сәйкес Армения Республикасының аумағынан әкетуге арналған тауарлар Шарт күшіне енген күннен бастап 6 ай бойы кеден қоймаларында сақталады.

      Кеден қоймасының кедендік рәсімі Кеден одағының Кеден кодексінің 231-бабында айқындалған мерзімдерде ұзарту мүмкіндігін ескере отырып, тауарларды кеден қоймасына әкелудің немесе бос кеден қоймасына әкелудің кедендік режимдеріне орналастыру кезінде белгіленген сақтау мерзімдері аяқталғанға дейін қолданылады.

      24. Шарт күшіне енгенге дейін уақытша әкелу және уақытша әкету кедендік режимдеріне орналастырылған тауарлар Шарт күшінен енген күннен бастап уақытша әкелу (рұқсат) және уақытша әкету кеден рәсімдеріне сәйкес орналастырылған деп танылады. Бұл тауарларға қатысты осы тармақтың екінші және үшінші абзацтарын ескере отырып, Кеден одағының Кеден кодексінің, кедендік құқық қатынастарын реттейтін өзге де халықаралық шарттар мен Еуразиялық экономикалық одақ құқығын құрайтын өзге де актілердің ережелері қолданылады.

      Шарт күшіне енгенге дейін уақытша әкелу кедендік режиміне орналастырылған тауарларға қатысты кедендік баждарды, салықтарды төлеуден толықтай шартты түрде босату қолданылады.

      Уақытша әкелу (рұқсат) кедендік рәсімі Кеден одағының Кеден кодексінің 280-бабында көзделген мерзімдер шегінде ұзарту мүмкіндігін ескере отырып, уақытша әкелудің кедендік режимінде тауарларды орналастырған кезде белгіленген уақытша әкелу мерзімдері аяқталғанға дейін қолданылады.

      Уақытша әкетудің кедендік рәсімі Кеден одағының Кеден кодексінің 288-бабына сәйкес мерзімдерді ұзарту мүмкіндігін ескере отырып, уақытша әкетудің кедендік режимінде тауарларды орналастырған кезде белгіленген уақытша әкету мерзімдері аяқталғанға дейін қолданылады.

      Шарт күшіне енгеннен кейін Кеден одағына мүше мемлекеттерден Армения Республикасына және Шарт күшіне енгенге дейін Армения Республикасынан Кеден одағына мүше мемлекеттерге әкелінген (әкетілген) тауарларға қатысты уақытша әкелу (рұқсат) немесе уақытша әкету кедендік рәсімдерінің қолданысы тоқтатылады және мұндай тауарлар Еуразиялық экономикалық одақтың тауарлары мәртебесіне ие болады.

      25. Шарт күшіне енгенге дейін Армения Республикасында кері экспорттың кедендік режимінде орналастырылған тауарлар Шарт күшіне енген күннен бастап кері экспорттың кедендік рәсімінде орналастырылған деп танылады. Бұл тауарларға қатысты кедендік одағының Кеден кодексінің, өзге де кедендік құқықтық қатынастарды реттейтін өзге де халықаралық шарттар мен Еуразиялық экономикалық Одақ құқығын құрайтын актілердің ережелері қолданылады.

      Шарт күшіне енген күннен бастап қайта өңдеу үшін уақытша әкелудің кедендік режиміне сәйкес тауарларды қайта өңдеу бойынша операцияларды орындау нәтижесінде алынған қайта өңдеу өнімдерін әкету мақсатында Шарт күшіне енгенге дейін кері экспорттың кедендік режимінде орналастырылған тауарлар кері экспорттың кедендік рәсіміне орналастырылған деп танылады.

      26. Шарт күшіне енгенге дейін Армения Республикасында жою және бажсыз сауда дүкендеріне әкелудің кедендік режимдерінде орналастырылған тауарлар Шарт күшіне енген күннен бастап жою немесе бажсыз сауданың кедендік рәсімдеріне орналастырылған деп танылады. Бұл тауарларға қатысты осы тармақта көзделген ережелерді ескере отырып, Кеден одағының Кеден кодексінің, кедендік құқықтық қатынастарды реттейтін өзге де халықаралық шарттар мен Еуразиялық экономикалық одақ құқығын құрайтын актілердің ережелері қолданылады.

Көлік құралдарына қатысты кедендік операцияларды орындаудың ерекшеліктеріне қатысты бөлігінде

      28. Еуразиялық экономикалық одақтың басқа мүше мемлекетінде немесе Еуразиялық экономикалық одақтың мүше мемлекеті болып табылмайтын мемлекетте тіркелген, Шарт күшіне енгенге дейін Армения Республикасының аумағына әкелінген көлік құралдары халықаралық жолаушылар және тауарлар тасымалын жүзеге асырған кезде, Шарт күшіне енген күннен бастап халықаралық тасымалдың көлік құралы деп танылады. Бұл көлік құралдарына қатысты кеден одағы Кеден кодексінің 48-тарауының, кедендік құқықтық қатынастарды реттейтін өзге халықаралық шарттар мен Еуразиялық экономикалық одақ құқығын құрайтын актілердің ережелері қолданылады.

      29. Армения Республикасында тіркелген және Шарт күшіне енгенге дейін Армения Республикасының аумағынан әкетілген көлік құралдары халықаралық жолаушылар және тауарлар тасымалын осындай көлік құралымен жүзеге асырған кезде, Шарт күшіне енген күннен бастап халықаралық тасымалдың көлік құралы деп танылады. Бұл көлік құралдарына қатысты Кеден одағы Кеден кодексінің 48-тарауының кедендік қатынастарды реттейтін халықаралық шарттар мен Еуразиялық экономикалық одақ құқығын құрайтын актілердің ережелері қолданылады.

Жеке пайдалануға арналған автомобильдердің мәртебесіне қатысты бөлігінде

      30. 2010 жылғы 18 маусымдағы Жеке тұлғалардың жеке пайдалануға арналған тауарларды Кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы келісімге (бұдан әрі – Келісім) 5-қосымшамен белгіленген кедендік баждардың, салықтардың мөлшерлемелері ЕАЭО СЭҚ ТН 8702, 8703, 8704 21 және 8704 31 тауар позицияларында жіктелетін жеңіл автомобильдер және өзге де моторлы көлік құралдарына қатысты ЕАЭО БКТ белгіленген мөлшерлемелерді Армения Республикасы қолдана бастағанға дейін жеке тұлғалар жеке пайдалану үшін (бұдан әрі – автомобильдер) әкелетін, ЕАЭО СЭҚ ТН 8702, 8703, 8704 21 және 8704 31 тауар позицияларында жіктелетін жеңіл автомобильдер және өзге де моторлы көлік құралдарына қатысты Армения Республикасында қолданылмайды.

      31. Келісімге 5-қосымшада белгіленгендерден ерекшеленетін мөлшерлемелер бойынша кедендік баждар, салықтар төленген үшінші елдерден Шартқа қол қойылғаннан кейін Армения Республикасының аумағына әкелінген автомобильдер, сондай-ақ осы қосымшаның 30-тармағында көрсетілген автомобильдер:

      Кедендік баждардың, салықтардың төленген сомаларының және Келісімге 5-қосымшада көрсетілген мөлшерлемелер бойынша төленуге жататын кедендік баждардың, салықтардың сомаларының айырмашылығы мөлшеріндегі кедендік баждарды, салықтарды төлегенге дейін;

      ЕАЭО СЭҚ ТН 8702, 8703, 8704 21 және 8704 31 тауар позицияларында жіктелетін жеңіл автомобильдерге және өзге де моторлы көлік құралдарына қатысты ЕАЭО БКТ белгіленген мөлшерлемелерін Армения Республикасы қолдана бастағаннан кейін 3 жыл өткенге дейін Еуразиялық экономикалық одаққа мүше басқа мемлекеттерде шетелдік тауар деп танылады.

      Осы тармақтың күші ЕАЭО БКТ белгіленген мөлшерлемелер бойынша кедендік баждар төленген, Шартқа қол қойылғаннан кейін әкелінген автомобильдерге қолданылмайды.

      32. Шартқа қол қойылғаннан кейін Армения Республикасының аумағына әкелінген автомобильдерге қатысты оларды Еуразиялық экономикалық одақтың басқа мүше мемлекеттерінің аумағына әкелген кезде кедендік баждар, салықтар сомаларымен Келісімге 5-қосымшада көрсетілген мөлшерлемелер бойынша төленуге тиіс төленген кедендік баждар, салықтар сомалары арасындағы айырмашылық Еуразиялық экономикалық одақтың осындай басқа мүше мемлекеттерінің аумағына әкелгенге дейін Армения Республикасының бюджетіне төленуі мүмкін.

      33. Осы қосымшаның 30 және 31-тармақтарында көрсетілген автомобильдерге қатысты, оларды Еуразиялық экономикалық одақтың басқа мүше мемлекеттерінің аумағына әкелген кезде кедендік бақылау жүргізіледі, ал кедендік төлемдерді төлеу қажет болған кезде осы қосымшаның 34 және 35-тармақтарын ескере отырып, кеден одағының Кеден кодексімен, кедендік құқықтық қатынастарды реттейтін өзге шарттармен және Еуразиялық экономикалық одақтың құқығын құратын басқа актілермен белгіленген тәртіппен кедендік операциялар жасалады.

      34. Егер осы қосымшаның 30 және 31-тармақтарында көрсетілген автомобильдерге қатысты кедендік баждар, салықтар осы қосымшаның 31-тармағының екінші абзацында көрсетілген мөлшерде Армения Республикасының бюджетіне Еуразиялық экономикалық одақтың басқа мүше мемлекеттерінің аумағына әкелгенге дейін төленбесе, мұндай кедендік баждар, салықтар кеден органының қызмет ету өңірінде мұндай автомобильдердің пайдасы Еуразиялық экономикалық одақтың кедендік шекарасы арқылы тауарлардың өту орындары орналасқан аймақта Еуразиялық экономикалық одақтың сол мүше мемлекетінің бюджетіне мұндай автомобильдерді кедендік декларациялау кезінде тиісінше төленеді.

      35. Армения Республикасының аумағында тіркелген, осы қосымшаның 30 және 31-тармақтарында көрсетілген автомобильдер кедендік баждар, салықтар төлеместен және кедендік баждар, салықтар төлеуді қамтамасыз етуді енгізбестен, Армения Республикасында тұрақты тұратын адамдар ғана Еуразиялық экономикалық аумақтың басқа мүше мемлекеттерінің аумағына уақытша әкелінуі мүмкін. Еуразиялық экономикалық одақтың басқа мүше мемлекеттерінің аумағына мұндай автомобильдерді өзге адамдардың әкелуіне және пайдалануына, сондай-ақ оларды иеліктен айыруға, пайдалануға беруге, иеленуіне олардың Еуразиялық экономикалық одақтың сол басқа мүше мемлекеттерінің аумақтарында билік етуге олар осы басқа мүше мемлекеттердің кеден органдарында кедендік декларацияланғанда және осы қосымшаның 31-тармағын ескере отырып, кедендік баждарды, салықтарды төлеген жағдайда ғана рұқсат беріледі.

      36. Армения Республикасының кеден органдары Еуразиялық экономикалық одақтың басқа мүше мемлекеттерінің кеден органдарын Шартқа қол қойылғаннан кейін Армения Республикасының аумағына әкелінген және еркін айналымға шығарылған автомобильдер туралы және мұндай автомобильдерге қатысты төленген кедендік баждар, салықтар сомаларының мөлшері туралы хабардар етеді.

      37. Армения Республикасының аумағына Шартқа қол қойылғанға дейін әкелінген осы қосымшаның 30 және 31-тармақтарында көрсетілгендерді қоспағанда, автомобильдер Шарт күшіне енген күннен бастап Еуразиялық экономикалық одақтың тауарлары болып есептеледі.

      Осы қосымшаның 30 және 31-тармақтарында көрсетілген автомобильдер ЕАЭО СЭҚ ТН 8702, 8703, 8704 21 және 8704 31 тауар позицияларында жіктелетін жеңіл автомобильдерге және өзге де моторлы көлік құралдарына қатысты ЕАЭО БКТ белгілеген мөлшерлемелерді Армения Республикасы қолдана бастағаннан кейін 3 жыл өткен соң, Келісімге 5-қосымшада көрсетілген мөлшерлемелер бойынша кедендік баждардың, салықтардың төленген сомалары мен төленуге жататын кедендік баждардың, салықтардың сомалары айырмашылығы мөлшерінде кедендік баждарды, салықтарды Армения Республикасының, Еуразиялық экономикалық одақтың мүше мемлекеттерінің бюджетіне төлену фактісіне қарамастан, Еуразиялық экономикалық одақтың тауарлары деп танылады.

IV. Армения Республикасының Дүниежүзілік сауда ұйымындағы мүшелігіне байланысты мәселелер

      38. Армения Республикасының Еуразиялық экономикалық одаққа қосылуына байланысты Дүниежүзілік сауда ұйымының қағидаларына, сондай-ақ 2011 жылғы 19 мамырдағы Кеден одағының көп тарапты сауда жүйесі шеңберінде қызмет етуі туралы Шарттың 1-бабы 4-тармағына сәйкес Дүниежүзілік сауда ұйымының мүшелерімен Армения Республикасының тиісті тарифтік міндеттемелерін өзгерту жөнінде келіссөздер жүргізіледі.

      Аталған келіссөздерді директивалар негізінде осыған уәкілетті делегация жүргізеді. Делегация құрамы мен директиваларды Еуразиялық экономикалық комиссияның Кеңесі бекітеді және қажет болған кезде түзетеді.

      Келіссөздер нәтижесінде қол жеткізілген уағдаластықтарды, оларды Дүниежүзілік сауда ұйымында түпкілікті қабылдау алдында Еуразиялық экономикалық комиссия Кеңесі мақұлдайды.

      39. Армения Республикасының Дүниежүзілік сауда ұйымына қосылуы жөніндегі Жұмыс тобының баяндамасында қамтылған Армения Республикасының міндеттемелері басқа Еуразиялық экономикалық одаққа мүше мемлекеттерге қолданылмайды.

V. Кедендік-тарифтік реттеу мәселелері

      40. Шарт күшіне енген күнінен бастап ЕАЭО БКТ баждарының мөлшерлемелерінен ерекшеленетін кедендік әкелу баждарының мөлшерлемелерін Армения Республикасы Шартқа № 4 қосымшаға сәйкес көзделген тізбе бойынша тауарларға қатысты өтпелі кезең ішінде қолданады.

      Армения Республикасы ЕАЭО БКТ баждарының мөлшерлемелерімен салыстырғанда кедендік әкелу баждарының анағұрлым төмен мөлшерлемелері қолданылатын тауарларды пайдалануды өз аумағы шеңберінде ғана қамтамасыз етеді және ЕАЭО БКТ мөлшерлемелері бойынша есептелген кедендік әкелу баждары сомаларының және Армения Республикасының аумағына тауарларды әкелу кезінде төленген кедендік әкелу баждары сомаларының айырмашылығын қосымша төлемсіз басқа Еуразиялық экономикалық одаққа мүше мемлекеттердің аумағына мұндай тауарларды әкетуге жол бермеу жөнінде шаралар қолданады.

      Беларусь Республикасы, Қазақстан Республикасы және Ресей Федерациясы аталған тауарлардың өз аумағына келу тәртібін айқындауға құқылы.

      Жүргізу, оларға қатысты Армения Республикасы ЕАЭО БКТ баждарының мөлшерлемелерінен ерекшеленетін кедендік әкелу баждарының мөлшерлемелері қолданылатын тауарлар мен мөлшерлемелер тізбесін өзекті етуді қоса алғанда, Шарт күшіне енген күнінен бастап Еуразиялық экономикалық комиссия жүзеге асырады.

      41. Армения Республикасы:

      1) көрсетілген халықаралық шарттарға сәйкес 2015 жылғы 1 қаңтарға дейін жасалған Армения Республикасының халықаралық шарттарына сәйкес (оның ішінде осы халықаралық шарттар шеңберінде жүзеге асырылатын бағдарламаларды 2015 жылдың 1 қаңтарынан кейін жүзеге асыру кезінде);

      2) 2009 жылғы 26 маусымдағы "Армян-Үнді ақпараттық және коммуникациялық технологиялар оқу орталығын құру туралы" Армения Республикасының Үкіметі мен Үндістан Республикасының Үкіметі арасындағы өзара түсіністік туралы меморандумға сәйкес оның қолданылу мерзімі аяқталғанға дейін "Армян-Үнді ақпараттық және коммуникациялық технологиялар оқу орталығы" бағдарламасын іске асыру шеңберінде;

      3) көлік құралдарын, велосипедтерді, су және әуе көлігін қоспағанда, 2013 жылғы 19 маусымдағы Армения Республикасының заңында 2018 жылдың 1 қаңтарына дейін бекітілген "Халықаралық Дилижан мектебі" бағдарламасын іске асыру шеңберінде ұсынылған кедендік әкелу баждарын төлеу жөнінде жеңілдіктерді қолданады.

      42. 2015-2025 жылдар кезеңінде кедендік әкелу баждарын өндіріп алудан босата отырып, Армения Республикасының аумағында өнеркәсіптік қайта өңдеу үшін ЕАЭО СЭҚ ТН 1701 13 және 1701 14 қосалқы позицияларының тазартылмаған құрақ қантын (бұдан әрі осы тармақта – тазартылмаған қант) әкелуге рұқсат беріледі.

      Армения Республикасының заңнамасына сәйкес берілген, Армения Республикасының аумағындағы қант өңдеуші кәсіпорындарды қамтамасыз ету үшін әкелінетін тазартылмаған қанттың нысаналы мақсаты туралы Армения Республикасы уәкілетті органы растауының болуы Армения Республикасының аумағына тазартылмаған қантты өнеркәсіптік қайта өңдеу үшін әкелудің шарты болып табылады.

      Армения Республикасы Еуразиялық экономикалық комиссияға Армения Республикасындағы алдағы кезеңге қантты өндіру және тұтынудың қалыптасатын теңгеріміне сәйкес өнеркәсіптік қайта өңдеу үшін тазартылмаған қантты әкелудің жыл сайынғы көлемі туралы хабарлайды.

      Армения Республикасы өнеркәсіптік қайта өңдеу үшін әкелінетін тазартылмаған қант, сондай-ақ осы тармақтың бірінші абзацында көрсетілген тарифтік жеңілдікті қолдана отырып, әкелінген тазартылмаған қанттан өндірілген ақ қант Беларусь Республикасы, Қазақстан Республикасы және Ресей Федерациясының аумағына қайта жіберілмейтіндігіне кепілдік береді.

      Осы тармақтың ережелері Армения Республикасының қантты Беларусь Республикасынан, Қазақстан Республикасынан және Ресей Федерациясынан әкелуге шектеу шараларын қолдануға негіз болып табылмайды.

      43. Шарт күшіне енген күннен бастап 2 жыл бойы жылына 4 000 тоннадан аспайтын көлемде кедендік құнынан 10 пайыз мөлшеріндегі кедендік әкелу баждарын төлей отырып, ЕАЭО СЭҚ ТН 1701 99 100 1 және 1701 99 100 9 кіші қосалқы позицияларындағы ақ қантты әкелуге рұқсат беріледі.

      Армения Республикасының уәкілетті органы беретін ақ қант импортына лицензия әкелу шарты болып табылады.

      44. Мыналар:

      1) Армения Республикасы Қарулы күштерінің қажеттіліктерін қамтамасыз ету үшін Армения Республикасына 2015-2022 жылдары кезеңінде әкелінуі жүзеге асырылатын және аналогтары басқа Еуразиялық экономикалық одаққа мүше мемлекеттердің аумақтарында өндірілмейтін, әскери мақсаттарда пайдалану үшін арнайы әзірленген немесе түрлендірілген тауарлар.

      Армения Республикасының заңнамасына сәйкес Армения Республикасының Қорғаныс министрлігі берген түпкілікті пайдаланушының сертификаты әкелу шарты болып табылады;

      2) Армения Республикасының аумағы бойынша халықаралық тасымалдау және (немесе) ішкі тасымалдау үшін және (немесе) Еуразиялық экономикалық одаққа мүше мемлекеттердің аумақтары арасында пайдалану мақсаттарында Армения Республикасына 2022 жылғы 31 желтоқсанға дейін әкелінетін ең жоғарғы ұшу массасы 750 кг астам, бірақ 3 175 кг аспайтын, ЕАЭО СЭҚ ТН 8802 11 000 1 кіші қосалқы позициясына қосылатын азаматтық тікұшақтар; бос жарақталған аппараттың массасы 2 000 кг астам, бірақ 5 000 кг аспайтын және ең жоғарғы ұшу массасы 4 000 кг астам, бірақ 10 500 кг аспайтын, ЕАЭО СЭҚ ТН 8802 12 000 1 кіші қосалқы позициясына қосылатын азаматтық тікұшақтар; бос жабдықталған аппаратының массасы 2 000 кг аспайтын және ең жоғары ұшу массасы 750 кг астам, ЕАЭО СЭҚ ТН 8802 20 000 1 кіші қосалқы позициясына қосылатын азаматтық жолаушылар ұшақтары; бос жабдықталған аппаратының массасы 60 000 кг астам, бірақ 90 000 кг аспайтын, ең жоғары ұшу массасы 120 000 кг астам, бірақ 180 000 кг аспайтын, ЕАЭО СЭҚ ТН 8802 40 003 9 кіші қосалқы позициясына қосылатын азаматтық жүк таситын орташа магистральдық ұшақтар; бос жарақталған аппаратының массасы 160 000 кг астам, ең жоғары ұшу массасы 370 000 кг аспайтын, ЕАЭО СЭҚ ТН 8802 40 009 7 кіші қосалқы позициясына қосылатын азаматтық жүк таситын кең фюзеляжды алыс магистральдық ұшақтар;

      Армения Республикасына 2016 жылғы 31 желтоқсанды қоса алғанға дейін әкелінетін, өндіруші елдің уәкілетті органы берген үлгі сертификатқа сәйкес айқындалатын, азаматтық жолаушылар орны 110 адамнан кем емес, бірақ 300 адамнан аспайтын, әуе кемелерінің ұшу жарамдылығын күтіп ұстауға жауапты уәкілетті орган мақұлдаған, жолаушыларды орналастыру сызбасына (LOPA) сәйкес айқындалатын, жолаушылар орны 110 адамнан кем емес, бірақ 300 адамнан аспайтын, оларды халықаралық тасымалдау және (немесе) Армения Республикасының аумағы бойынша және (немесе) Еуразиялық экономикалық одаққа мүше мемлекеттердің аумағы арасында ішкі тасымал үшін пайдалану мақсатында Армения Республикасына 2017 жылғы 1 қаңтардан бастап 2019 жылғы 30 маусым аралығында әкелінетін ЕАЭО СЭҚ ТН 8802 40 003 5 және 8802 40 003 6 кіші қосалқы позицияларының азаматтық жолаушылар ұшақтары;

      осы тармақтың бесінші абзацында көрсетілген жеңілдікті қолданумен Армения Республикасына әкелінген және оларды Еуразиялық экономикалық одақтың кедендік аумағының шегінен тысқары жөндеуден немесе оларға техникалық қызмет көрсетуден кейін оларды пайдалану мерзімі ішінде Армения Республикасына әкелетін ЕАЭО СЭҚ ТН 8802 40 003 5 және 8802 40 003 6 кіші қосалқы позицияларының азаматтық жолаушылар ұшақтары;

      3) атом электр станциясын салу және оны кепілдік мерзімі ішінде пайдалану мақсаттары үшін Еуразиялық экономикалық комиссиясы кеңесінің 2012 жылғы 19 наурыздағы № 9 шешімімен бекітілген Кеден одағының кедендік аумағына әкелінетін Тауарлар тізбесі бойынша Армения Республикасының аумағында атом электр станциясын салу және жаңғырту және оны кепілдік мерзімі ішінде пайдалану мақсаттары үшін Еуразиялық экономикалық одақтың кедендік аумағына әкелінетін тауарлар Шарт күшіне енген күннен бастап кедендік әкелу баждарынан босатылады.

      45. Армения Республикасы 41, 43 және 44-тармақтарда көрсетілген тарифтік жеңілдіктерді қолданумен әкелінген тауарларды өз аумағы шегінде ғана пайдалануды қамтамасыз етеді және ЕАЭО БКТ мөлшерлемелері бойынша есептелген кедендік әкелу баждары сомаларының және Армения Республикасының аумағына тауарларды әкелу кезінде төленген кедендік әкелу баждары сомаларының айырмашылығын қосымша төлемей Еуразиялық экономикалық одаққа мүше басқа мемлекеттердің аумағына мұндай тауарларды әкетуге жол бермеу жөнінде шаралар қолданады.

      46. Осы қосымшада және Шартқа № 4 қосымшада көрсетілген ЕАЭО СЭҚ ТН кодтарын ЕАЭО СЭҚ ТН өзгерген жағдайда, Еуразиялық экономикалық комиссия нақтылауы мүмкін.

VI. Үшінші елдерге қатысты арнайы қорғау, демпингке
қарсы және өтемақы шараларын қолдану мәселелері

      47. Еуразиялық экономикалық одақтың кедендік аумағында арнайы қорғау, демпингке қарсы және өтемақы шараларын енгізу алдындағы тергеп-тексеру жүргізуге жауапты орган өз бастамасы бойынша немесе мүдделі тұлғаның өтініші бойынша Үшінші елдерге қатысты арнайы қорғау, демпингке қарсы және өтемақы шараларын қолдану туралы хаттамаға (2014 жылғы 29 мамырдағы Еуразиялық экономикалық одақ туралы шартқа № 8 қосымша) сәйкес Шарт күшіне енген күніне Еуразиялық экономикалық одақта қолданылатын арнайы қорғау, демпингке қарсы және өтемақы шараларына қатысты қайта тергеп-тексеру жүргізуі мүмкін.

      Мұндай қайта тергеп-тексеруді бастау туралы шешім нәтижелері бойынша қолданыстағы арнайы қорғау, демпингке қарсы немесе өтемақы шараларын қолдану туралы шешім қабылданған тергеп-тексеру жүргізу кезінде Армения Республикасының нарығы бойынша деректерді есепке алу тиісті шараны енгізуге негіздердің елеулі түрде өзгеруіне әкеп соғуы мүмкін екендігіне жеткілікті дәлелдер болған жағдайда ғана қабылдануы мүмкін.

      Осы тармақтың бірінші абзацында көрсетілген тергеп-тексеруге қатысты аяқталуы бойынша қайтадан арнайы қорғау, демпингке қарсы немесе өтемақылық тергеп-тексеру басталуы мүмкін ең аз мерзімді айқындайтын Үшінші елдерге қатысты арнайы қорғау, демпингке қарсы және өтемақы шараларын қолдану туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 8 қосымша) 35, 110 және 175-тармақтарының ережелері қолданылмайды.

      Осы Шарт күшіне енген күні Еуразиялық экономикалық одақтың кедендік аумағында жүргізілетін тергеп-тексеру нәтижелері бойынша Шарт күшіне енгеннен кейін қабылданған арнайы қорғау, демпингке қарсы және өтемақы шараларын қолдану туралы Еуразиялық экономикалық комиссияның шешімдері Армения Республикасы аумағында тікелей қолданылуға жатады және осы тармақтың бірінші - үшінші абзацтарында көрсетілген тәртіппен қайта қаралуы мүмкін.

      Шарт күшіне енген күннен бастап арнайы қорғау шаралары ретінде белгіленген импорттық квоталардың мөлшері 2011 – 2013 жылдар кезеңі үшін үшінші елдерден Армения Республикасына тиісті тауарлардың импорты көлемін ескере отырып түзетілуге жатады.

VII. Техникалық реттеу мәселелері

      48. 2014 жылғы 29 мамырдағы Еуразиялық экономикалық одақ туралы шарттың 53-бабы 3-тармағы бірінші абзацының ережелерін Армения Республикасы көрсетілген ережелердің күшіне енуінің мынадай мерзімдері:

      24 айдан кейін:

      "Машиналар мен жабдықтардың қауіпсіздігі туралы" (010-2011 КО ТР);

      "Жиһаз өнімінің қауіпсіздігі туралы" (025/2012 КО ТР);

      "Ауыл шаруашылығы және орман шаруашылығы тракторларының және оларға тіркемелердің қауіпсіздігі туралы" (031/2012 КО ТР);

      48 айдан кейін:

      "Автомобиль жолдарының қауіпсіздігі" (014/2011 КО ТР);

      60 айдан кейін:

      "Дөңгелекті көлік құралдарының қауіпсіздігі туралы" (018/2011 КО ТР) белгіленетін Кеден одағының техникалық регламенттерін қоспағанда, Шарт күшіне енген күннен бастап 12 ай бойы қолданылады.

      Армения Республикасында Кеден одағының техникалық регламенттерінің ережелерімен қатар:

      Шарт күшіне енген күннен бастап 12 ай ішінде – Кеден одағының техникалық регламенттерінің техникалық реттеу объектілеріне қатысты ("Машиналар мен жабдықтардың қауіпсіздігі туралы" (010-2011 КО ТР), "Автомобиль жолдарының қауіпсіздігі" (014/2011 КО ТР), "Дөңгелекті көлік құралдарының қауіпсіздігі туралы" (018/2011 КО ТР), "Жиһаз өнімінің қауіпсіздігі туралы" (025/2012 КО ТР), "Ауыл шаруашылығы және орман шаруашылығы тракторлары мен олардың тіркемелерінің қауіпсіздігі туралы" (031/2012 КО ТР) Кеден одағының техникалық техникалық регламенттерін қоспағанда);

      Шарт күшіне енген күннен бастап 24 ай бойы – "Машиналар мен жабдықтардың қауіпсіздігі туралы" (010-2011 ТР), "Жиһаз өнімінің қауіпсіздігі туралы" (025/2012 КО ТР), "Ауыл шаруашылығы және орман шаруашылығы тракторлары мен олардың тіркемелерінің қауіпсіздігі туралы" (031/2012 КО ТР) Кеден одағының техникалық регламенттерінің техникалық реттеу объектілеріне қатысты;

      Шарт күшіне енген күннен бастап 48 ай бойы – "Автомобиль жолдарының қауіпсіздігі" (014/2011 КО ТР) Кеден одағының техникалық регламентінің техникалық реттеу объектісіне қатысты;

      Шарт күшіне енген күннен бастап 60 ай бойы - "Дөңгелекті көлік құралдарының қауіпсіздігі туралы" (018/2011 КО ТР) Кеден одағының техникалық регламентінің техникалық реттеу объектілеріне қатысты Армения Республикасы заңнамасының нормаларын қолдануға жол беріледі.

      49. Армения Республикасында Шарт күшіне енген күніне күшіне енген Кеден одағының техникалық регламенттерін қолданысқа енгізу тәртібін Еуразиялық экономикалық комиссия бұрын Еуразиялық экономикалық комиссияның шешімімен белгіленген Кеден одағының мұндай техникалық регламенттерінің өтпелі ережелерінің мерзімдері 6 айдан 24 айға дейін ұзартылатынын ескере отырып белгілейді.

      50. Еуразиялық экономикалық одақ шеңберіндегі техникалық реттеу туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 9 қосымша) 7-тармағына сәйкес қалыптастырылатын өнімнің бірыңғай тізбесіне енгізілген өнімге қатысты тиісті техникалық регламенттер күшіне енгенге дейін Армения Республикасының заңнамасында белгіленген талаптар қолданылады.

      51. Осы қосымшаның 48 – 50-тармақтарының ережелері Армения Республикасының аумағында айналымға арналған өнімге қолданылады.

      52. Еуразиялық экономикалық одақтың (Кеден одағының) техникалық регламенттері талаптарына сәйкес техникалық реттеу объектілерінің сәйкестігін бағалауды 2014 жылғы 29 мамырдағы Еуразиялық экономикалық одақ туралы шарттың 54-бабында көзделген тәртіппен және шарттарда аккредиттелген сәйкестікті бағалау жөніндегі органдар жүзеге асырады.

      Техникалық реттеу объектілерін Еуразиялық экономикалық одақтың (Кеден одағының) техникалық регламенттерінің талаптарына сәйкес тіркеуді (мемлекеттік тіркеуді) Армения Республикасының заңнамасына сәйкес көрсетілген жұмыстарды жүргізуге уәкілеттік берілген органдар жүзеге асырады.

VIII. Санитариялық, ветеринариялық-санитариялық және
карантиндік фитосанитариялық шараларды қолдануға байланысты мәселелер

      53. Бірыңғай санитариялық-эпидемиологиялық және гигиеналық талаптарға немесе Еуразиялық экономикалық одақтың (Кеден одағының) техникалық регламенттерінің талаптарына сәйкестігіне өнімді (тауарларды) мемлекеттік тіркеуді Армения Республикасының заңнамасына сәйкес Армения Республикасының халықтың санитариялық-эпидемиологиялық саламаттылығы саласындағы уәкілетті органдары жүзеге асырады.

      54. Армения Республикасында аудит, бірлескен тексерулер (инспекцияларды) жүргізуге байланысты шығыстарды қаржыландыру, егер әрбір нақты жағдайда өзге тәртіп келісілген болмаса, Армения Республикасының тиісті бюджеттерін немесе оның заңнамасында тыйым салынбаған басқа да қаражат есебінен жүзеге асырылады.

IX. Тұтынушылардың құқықтарын қорғауға байланысты мәселелер

      55. Армения Республикасында "сапасыз тауарлар" ұғымы қауіпсіздіктің қабылданған стандарттары мен нормаларына сай келмейтін тауарларды білдіреді.

X. Көрсетілетін қызметтер саудасын, инвестициялар құруды,
қызметін және оларды жүзеге асыруды реттеу мәселелері

      56. Көрсетілетін қызметтер саудасы, инвестициялар құру, қызметі және инвестицияларды жүзеге асыру туралы хаттаманың (2014 жылғы 29 мамырдағы Еуразиялық экономикалық одақ туралы Шартқа № 16 қосымша) 15 – 17, 23, 26, 28, 31, 33 және 35-тармақтарында көзделген шектеулер, алып қоюлар, қосымша талаптар мен шарттар (деңгейлестерді қоспағанда) көрсетілген Армения Республикасы үшін шектеулердің, алып қоюлардың, қосымша талаптар мен шарттардың Жеке ұлттық тізбесі хаттамасының 2-тармағының төртінші абзацына сәйкес Жоғары Еуразиялық экономикалық кеңес бекіткен күнінен бастап қолданылады.

      57. Армения Республикасы үшін шектеулердің, алып қоюлардың, қосымша талаптар мен шарттардың Жеке ұлттық тізбесін Көрсетілетін қызметтер саудасы, инвестициялар құру, қызметі және инвестицияларды жүзеге асыру туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 16 қосымша) 2-тармағының төртінші абзацына сәйкес Жоғары Еуразиялық экономикалық кеңес Шарт күшіне енген күннен бастап 3 айдан кешіктірмей бекітеді.

      58. Көрсетілетін қызметтер саудасы, инвестициялар құру, қызметі және инвестицияларды жүзеге асыру туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 16 қосымша) 40-тармағындакөзделген көрсетілетін қызметтердің бірыңғай нарығы жұмыс істейтін көрсетілетін қызметтер секторларының тізбесін Жоғары Еуразиялық экономикалық кеңес Шарт күшіне енген күннен бастап 3 айдан кешіктірмей бекітеді.

      59. Көрсетілетін қызметтердің бірыңғай нарығын қалыптастыру ырықтандыру жоспарына сәйкес (өтпелі кезең ішінде) жүзеге асырылатын көрсетілетін қызметтер секторларының (кіші секторларының) тізбесін Жоғары Еуразиялық экономикалық кеңес Шарт күшіне енген күннен бастап 3 айдан кешіктірмей бекітеді.

XI. Жанама салықтарды алумен байланысты мәселелер

      60. Еуразиялық экономикалық одаққа мүше мемлекеттердің аумағынан әкелінген (әкелінетін) және кедендік рәсімдерге тауарлар бойынша жанама салықтар алуды Армения Республикасының кеден заңнамасына сәйкес, 2015 жылғы 1 қаңтардағы жағдай бойынша аяқталмаған режимдер мен операцияларды орналастырылған Армения Республикасының кеден органдары жүзеге асырады.

      Өзара сауданы жүзеге асыру кезінде Армения Республикасының, Беларусь Республикасының, Қазақстан Республикасының және Ресей Федерациясының салық органдары арасында электрондық түрде ақпарат алмасу мәселелері 2009 жылғы 11 желтоқсандағы Кеден одағына мүше мемлекеттердің салық органдары арасында төленген жанама салық сомалары туралы электронды түрде ақпарат алмасу туралы хаттамаға өзгерістер енгізу туралы хаттаманы қабылдау арқылы реттелетін болады, ол Шарт күшіне енген күннен кешіктірілмей күшіне енетін болады.

      61. Өзара саудада 2015 жылғы 1 қаңтарға дейін Армения Республикасының кеден органына алдын ала декларациялау жүзеге асырылған және декларант жанама салықтарды төлеген тауарларға қатысты бөлігінде 2015 жылғы 1 қаңтардан кейін тиелген осындай тауарлардың экспорттаушылары ҚҚС-тың нөлдік мөлшерлемесін қолданудың және (немесе) акциздерді төлеуден босатудың негізділігін растау үшін салық органына Тауарлар экспорты мен импорты, жұмыстарды орындау, қызметтерді көрсету кезінде жанама салықтар алу тәртібі мен олардың төленуін бақылау тетігі туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 18 қосымша) 3-тармағында көзделген құжаттар топтамасында тауарларды әкелу және жанама салықтар төлеу туралы өтініштің орнына тауарларды еркін айналымға шығару кезінде ресімделген кедендік декларацияның көшірмесін ұсынады.

XII. Табиғи монополиялар саласын реттеу мәселелері

      62. 2014 жылғы 29 мамырдағы Еуразиялық экономикалық одақ туралы шарттың XIX бөлімінің ережелері Табиғи монополиялар субъектілерінің қызметін реттеудің бірыңғай қағидаттары мен қағидалары туралы хаттамаға (2014 жылғы 29 мамырдағы Еуразиялық экономикалық одақ туралы шартқа № 20 қосымша) № 1 қосымшада көрсетілген Еуразиялық экономикалық одаққа мүше мемлекеттердің арасындағы саудаға ықпал ететін Армения Республикасының табиғи монополиялар субъектілері, табиғи монополиялар саласындағы тұтынушылары, атқарушы билік органдарының, мемлекеттік органдары және жергілікті өзін-өзі басқару органдары қатысатын қатынастарға қолданылады.

      63. Армения Республикасының аумағында Армения Республикасының заңнамасында белгіленген қоғамдық көрсетілетін қызметтер Табиғи монополиялар субъектілерінің қызметін реттеудің бірыңғай қағидаттары мен қағидалары туралы хаттамаға (2014 жылғы 29 мамырдағы Еуразиялық экономикалық одақ туралы шартқа № 20 қосымша) № 1 және 2 қосымшаларға сәйкес табиғи монополиялардың көрсетілетін қызметтеріне теңестіріледі.

      Көрсетілген қоғамдық қызметті көрсетуге қатысты Армения Республикасы табиғи монополиялардың көрсетілетін қызметтерін реттейтін 2014 жылғы 29 мамырдағы Еуразиялық экономикалық одақ туралы шарттың ережелерін қолданады.

XIII. Энергетика саласын реттеу мәселелері

      64. 2014 жылғы 29 мамырдағы Еуразиялық экономикалық одақ туралы шарттың ХХ бөлімінің ережелерін Армения Республикасы Шарт күшіне енген күннен бастап 1 жылдан кешіктірілмей күшіне енетін Мүше мемлекеттердің арасында электр энергиясын (қуатын) мемлекетаралық беруді жүзеге асыру әдістемесіне қатысты бөлігінде көрсетілген Шартқа өзгерістер енгізу туралы хаттамаға сәйкес қолданылады.

XIV. Зияткерлік меншік объектілеріне құқықтарды сақтау және қорғау мәселелері

      65. Зияткерлік меншік объектілеріне құқықтарды сақтау мен қорғау туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 26 қосымша) V бөлімінің ережелерін Армения Республикасы Шарт күшіне енген күннен бастап 3 жыл өткен соң қолданады.

      66. Армения Республикасы Армения Республикасының аумағына үшінші елдерден әкелінген және құқық иесінің келісімінсіз Кеден одағына мүше мемлекеттердің зияткерлік меншік объектілерінің бірыңғай кедендік тізіліміне және тауарлар баратын елдің зияткерлік меншік объектілерінің кедендік тізіліміне енгізілген тауар таңбаларымен белгіленген тауарларды Армения Республикасының аумағынан Еуразиялық экономикалық одақтың басқа мүше мемлекеттерінің аумақтарына әкетуге жол бермеу жөнінде шаралар қолдануға кепілдік береді.

      67. Армения Республикасы Шарт күшіне енген күннен кешіктірмей Кеден одағына мүше мемлекеттердің зияткерлік меншік объектілерінің бірыңғай кедендік тізіліміне және тауарлар баратын елдің зияткерлік меншік объектілерінің кедендік тізіліміне енгізілген тауар таңбаларымен белгіленген тауарлардың әкетілуін бақылау тәртібін белгілейтін нормативтік құқықтық актіні әзірлейді және бекітеді.

      68. Армения Республикасы Шарт күшіне енген күннен бастап 6 ай ішінде Армения Республикасында тауар таңбасына айрықша құқықты жоюдың өңірлік қағидатының қолданылуы жағдайларында шаруашылық жүргізуші субъектілерінің қызметін жүзеге асыруыға бейімдеу бойынша іс-шаралар жоспарын әзірлейді және бекітеді.

      69. Армения Республикасы осы қосымшаның 66-тармағында көзделген міндеттеменің орындалуына мониторинг жүргізуді және Еуразиялық экономикалық комиссияға Армения Республикасы мен Еуразиялық экономикалық одаққа мүше мемлекеттердің тауар айналымының көлемі туралы, оның ішінде Армения Республикасында шығарылатын тауарларға қатысты статистикалық деректердің бір тоқсанда кем дегенде 1 рет берілуін қамтамасыз етеді.

      Беларусь Республикасы, Қазақстан Республикасы және Ресей Федерациясы Армения Республикасынан Беларусь Республикасының, Қазақстан Республикасының және Ресей Федерациясының аумақтарына жыл сайынғы әкету құрамында үшінші елдерде өндірілген тауарлардың 15-пайыздық үлесінен асып кету жағдайында осы қосымшаның 65-тармағында көзделген өтпелі кезеңді Армения Республикасы үшін мерзімінен бұрын алып тастау бөлігінде Шартқа өзгерістер енгізу рәсіміне бастама жасауға құқылы.

Өтпелі кезең ішінде Армения Республикасының Еуразиялық
экономикалық одақтың Бірыңғай кедендік тарифті
мөлшерлемелерінен ерекшеленетін кедендік әкелу баждарының
мөлшерлемелері қолданылатын тауарлар мен мөлшерлемелердің
ТІЗБЕСІ