Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесін бекіту туралы

      "Халық денсаулығы және денсаулық сақтау жүйесі туралы" Қазақстан Республикасының Кодексіне сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен, медициналық техниканы, фармацевтикалық қызметтерді сатып алуды ұйымдастыру және өткізу ережесі бекітілсін.
      2. Мыналардың күші жойылды деп танылсын:
      1) "Тегін медициналық көмектің кепілді көлемін көрсету үшін дәрілік заттарды сатып алуды ұйымдастыру мен өткізу ережесін бекіту туралы" Қазақстан Республикасы Үкіметінің 2007 жылғы 26 шілдедегі N 632 қаулысы (Қазақстан Республикасының ПҮАЖ-ы, 2007 ж., N 25, 298-құжат);
      2) "Қазақстан Республикасы Үкіметінің 2007 жылғы 26 шілдедегі N 632 қаулысына толықтырулар мен өзгерістер енгізу туралы" Қазақстан Республикасы Үкіметінің 2009 жылғы 31 наурыздағы N 448 қаулысы (Қазақстан Республикасының ПҮАЖ-ы, 2009 ж., N 17, 150-құжат).
      3. Осы қаулы алғаш рет ресми жарияланған күнінен бастап он күнтізбелік күн өткен соң қолданысқа енгізіледі.

      Қазақстан Республикасының
      Премьер-Министрі                                   К. Мәсімов

Қазақстан Республикасы 
Үкіметінің      
2009 жылғы 30 қазандағы
N 1729 қаулысымен  
бекітілген     

Тегін медициналық көмектің кепілдік берілген көлемін
көрсету бойынша дәрілік заттарды, профилактикалық
(иммундық-биологиялық, диагностикалық, дезинфекциялық)
препараттарды, медициналық мақсаттағы бұйымдар мен медициналық
техниканы, фармацевтикалық қызметтерді сатып алуды ұйымдастыру
және өткізу ережесі

1-бөлім. Тегін медициналық көмектің кепілдік берілген көлемін
көрсету бойынша дәрілік заттарды, профилактикалық
(иммундық-биологиялық, диагностикалық, дезинфекциялық)
препараттарды, медициналық мақсаттағы бұйымдар мен медициналық
техниканы, фармацевтикалық қызметтерді сатып алудың негізгі
ережелері

1-тарау. Жалпы ережелер

      1. Осы Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесі (бұдан әрі – Ереже) «Халық денсаулығы және денсаулық сақтау жүйесі туралы» Қазақстан Республикасының Кодексі (бұдан әрі – Кодекс) 6-бабының 12) тармақшасына, 10-бабының 7) тармақшасына және 77-бабының 2-тармағына сәйкес әзірленген және бюджет қаражаты есебінен жүзеге асырылатын тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды не мемлекеттік және мемлекеттік емес секторлардың Қазақстан Республикасының Үкіметі құрған, қызметінің негізгі мәні медициналық техниканы кейіннен қаржылық лизинг шарттарында денсаулық сақтау ұйымдарына беру үшін сатып алуды ұйымдастыру және өткізу болып табылатын ұйым (бұдан әрі – лизинг беруші) қаражатының есебінен денсаулық сақтау ұйымдарының қаржылық лизинг шарттарында сатып алуын ұйымдастыру және өткізу тәртібін айқындайды.
      Ескерту. 1-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      2. Осы Ережеде мынадай ұғымдар пайдаланылады:
      1) тапсырыс берушінің, сатып алуды ұйымдастырушының немесе бірыңғай дистрибьютордың аффилиирленген тұлғасы - (берілген өкілдіктерінің шеңберінде оның қызметін реттеуді жүзеге асыратын мемлекеттік органдарды қоспағанда) шешімдерді тікелей және (немесе) жанама айқындауға және (немесе) тапсырыс беруші, сатып алуды ұйымдастырушы немесе бірыңғай дистрибьютор қабылдайтын шешімдерге ықпал етуге, оның ішінде шартқа орай мүмкіндігі бар тұлға, сондай-ақ, оған қатысты тапсырыс берушінің, сатып алуды ұйымдастырушының немесе бірыңғай дистрибьютордың сондай құқығы бар кез келген тұлға;
      2) әлеуетті өнім берушінің аффилиирленген тұлғасы - шешімдерді тікелей және (немесе) жанама айқындауға және (немесе) осы әлеуетті өнім беруші қабылдайтын шешімдерге ықпал етуге, оның ішінде шартқа немесе өзге мәмілеге орай құқығы бар кез келген жеке немесе заңды тұлға, сондай-ақ оған қатысты аталған әлеуетті өнім берушінің сондай құқығы бар кез келген жеке немесе заңды тұлға;
      3) тапсырыс берушілер – денсаулық сақтау бюджеттік бағдарламаларының әкімшілері, мемлекеттік мекемелер, сондай-ақ дауыс беретін акцияларының (үлестерінің) елу және одан көп пайызы мемлекетке тиесілі мемлекеттік кәсіпорындар, заңды тұлғалар және ұлттық басқарушы холдингтерді, ұлттық холдингтерді, ұлттық басқарушы компанияларды және олармен үлестес заңды тұлғаларды қоспағанда, осы Ережеге, сондай-ақ Қазақстан Республикасының азаматтық заңнамасына сәйкес тауарлар мен көрсетілетін қызметтерді сатып алуды жүзеге асыратын заңды тұлғалар;
      4) бірыңғай дистрибьютор – тегін медициналық көмектің кепілдік берілген көлемі шеңберінде дәрілік заттардың, медициналық мақсаттағы бұйымдардың, дәрілік заттарды, медициналық мақсаттағы бұйымдарды сақтау және тасымалдау жөніндегі көрсетілетін қызметтердің сатып алынуын және шарттар, ұзақ мерзімді шарттар жасасуды, сондай-ақ медициналық техниканың сатып алынуын ұйымдастыруды жүзеге асыратын заңды тұлға;
      5) сатып алу - тапсырыс берушінің тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдарды және медициналық техниканы, фармацевтикалық қызметтерді осы Ережеде белгіленген тәртіппен және тәсілдермен өз иелігіндегі ақшаның есебінен сатып алуы немесе осы Ережеде белгіленген тәртіппен және тәсілдермен дәрілік заттарды, медициналық мақсаттағы бұйымдарды бірыңғай дистрибьютордың сатып алуы не Қазақстан Республикасының қаржылық лизинг туралы заңнамасында белгіленген тәртіппен медициналық техниканы қаржылық лизинг шарттарында сатып алу;
      6) дәрілік заттар - аурулардың профилактикасына, диагностикасына және оларды емдеуге, сондай-ақ ағзаның жай-күйі мен функцияларын өзгертуге арналған фармакологиялық белсенді заттарды білдіретін немесе оларды қамтитын заттар: дәрілік субстанция, табиғи шығу тегі бар дәрілік шикізат, дәрілік ангро- және балк- өнімдер, дәрілік препараттар, медициналық иммундық-биологиялық препараттар, парафармацевтикалар;
      6-1) пациентке бағдарланған дәрі-дәрмекпен қамтамасыз ету – әр пациентті организмінің жеке және жас ерекшеліктерін, үздіксіз емдеу үшін медициналық көмек көрсету деңгейлерінің сабақтастығын ескере отырып, дәрілік заттармен қамтамасыз ету;
      7) медициналық иммундық-биологиялық препараттар - инфекциялық және иммундық (аллергиялықты қоса алғанда) аурулардың өзіндік ерекшелігі бар профилактикасына, оларды диагностикалау мен емдеуге, басқа да аурулар мен физиологиялық жай-күйлерді иммунологиялық әдістердің көмегімен диагностикалауға, сыртқы орта объектілерінде инфекциялық агенттер мен олардың антигендерін индикациялауға арналған препараттар, иммундық жүйе арқылы емдік және профилактикалық әсерін тигізетін қан (алу тәсіліне қарамастан) препараттары;
      7-1) медициналық техника – аурулардың профилактикасы, диагностикасы, емдеу, оңалту, медициналық сипаттағы ғылыми зерттеулер үшін медициналық мақсаттарда жеке, кешендерде немесе жүйелерде қолданылатын аппараттар, аспаптар және жабдық;
      7-2) медициналық мақсаттағы бұйымдар – профилактикалық, диагностикалық және емдеу іс-шараларын жүргізу үшін пайдаланылатын бұйымдар мен материалдар: медициналық құрал-саймандар, стоматологиялық, шығыc, таңу және тігу материалдары, бекітетін таңғыштар мен құрылғылар, медициналық оптика бұйымдары;
      8) біртектес тауарлар мен қызметтер – бірдей болмаса да, ұқсас сипаттамасы бар және ұқсас құрамдауыштардан тұратын тауарлар мен қызметтер, бұл оларға бірдей функцияларды орындауға және оларды өзара алмастыруға мүмкіндік береді;
      9) биосимиляр - сапасы, қауіпсіздігі және тиімділігі бойынша бұрын тіркелген эталондық инновациялық биологиялық дәрілік затқа ұқсас деп мәлімделген және соған ұқсас халықаралық патенттелмеген атауы бар түрлендірілген биологиялық дәрілік зат;
      10) әлеуетті өнім беруші – кәсіпкерлік қызметті жүзеге асыратын жеке тұлға немесе сатып алу үдерісіне қатысатын заңды тұлға;
      11) жосықсыз әлеуетті өнім берушілердің (өнім берушілердің) тізбесі – біліктілік талаптары бойынша дұрыс емес ақпарат берген, сатып алудың жеңімпаздары деп танылған жағдайда шарт жасасудан жалтарған әлеуетті өнім берушілер, шарт бойынша өз міндеттемелерін орындамаған немесе тиісінше орындамаған, сот шешімімен бұзушылық жіберген деп танылған, жосықсыз әлеуетті өнім берушілер тізбесіне осындай заңды тұлғаларды кіргізуге негіз болып табылған өнім берушілер туралы сатып алуды ұйымдастырушы немесе бірыңғай дистрибьютер қалыптастыратын мәліметтер;
      11-1) мемлекеттік сатып алудың жосықсыз қатысушыларының тізілімі - Қазақстан Республикасының мемлекеттік сатып алу саласындағы заңнамасына сәйкес мемлекеттік сатып алу жүйесін реттеуді жүзеге асыратын мемлекеттік орган қалыптастыратын әлеуетті өнім берушілердің (өнім берушілердің) тізбесі;
      12) өнім беруші - осы Ережеге сәйкес жеткізу шартын жасасқан не Қазақстан Республикасының қаржылық лизинг туралы заңнамалық актілеріне сәйкес қаржылық лизинг шартын жасасқан заңды тұлға немесе кәсіпкерлік қызметті жүзеге асыратын жеке тұлға;
      13) тендер - әлеуетті өнім берушілер арасында ашық бәсекелестікті көздейтін және сатып алу туралы шарттың неғұрлым тиімді талаптарын айқындауға бағдарланған сатып алу тәсілі;
      14) екі кезеңді рәсімдер пайдаланылатын тендер - сатып алудың неғұрлым темен бағасын айқындау рәсімдерін өткізу жолымен әлеуетті өнім берушілер арасында ашық бәсекелестікті көздейтін дәрілік заттарды, медициналық мақсаттағы бұйымдарды бірыңғай дистрибьютердың сатып алу тәсілі;
      15) тендерлік құжаттама - әлеуетті өнім берушіге тендерлік өтінімді дайындау үшін тендерді ұйымдастырушы ұсынатын тендер өткізудің шарттары мен тәртібін қамтитын құжат;
      16) тендерлік өтінім - әлеуетті өнім берушінің тендерлік құжаттамаға немесе осы Ереженің 10-тарауының ережелеріне сәйкес жасалған ұсынысы;
      17) сатып алуды ұйымдастырушы - тапсырыс беруші немесе осы Ереженің 88-4-тармағына сәйкес сатып алуды ұйымдастыру үшін белгілеген тапсырыс беруші немесе Қазақстан Республикасының Үкіметі айқындаған тұлға;
      18) отандық тауар өндіруші - Қазақстан Республикасының резиденті болып табылатын және "СТ-КZ" ішкі айналымы үшін тауардың шығарылған жері туралы сертификатты беру жөніндегі уәкілетті орган растаған жеткілікті қайта өңдеу өлшемдеріне сәйкес толығымен Қазақстан Республикасында өндірілген немесе қайта өңделген, тұтынуға (қолдануға) дайын тауарларды өндіретін заңды тұлға немесе кәсіпкерлік қызметті жүзеге асыратын жеке тұлға;
      18-1) шетелдік өндіруші (дайындаушы зауыт) – шет мемлекеттің заңнамасы бойынша құрылған, Қазақстан Республикасының резиденті емес және толығымен Қазақстан Республикасынан тыс жерлерде өндірілген немесе қайта өңделген, белгіленген тәртіппен тауардың шығу тегі туралы сертификаттармен расталған тұтынуға (қолдануға) дайын тауарларды өндіретін шетелдік заңды тұлға;
      19) бірыңғай дистрибьютордан сатып алуға жататын дәрілік заттардың, медициналық мақсаттағы бұйымдардың және медициналық техниканың тізімі (бұдан әрі – бірыңғай дистрибьютордың тізімі) – денсаулық сақтау саласындағы уәкілетті орган әзірлейтін және бекітетін:
      дәрілік заттардың халықаралық патенттелмеген атаулары немесе құрамы, пациентке бағдарланған дәрі-дәрмекпен қамтамасыз етуді ескере отырып, қолдану мүмкіндігі, сондай-ақ техникалық сипаттамасы мен шекті бағасы көрсетілген, тапсырыс берушілер бірыңғай дистрибьютордан сатып алатын дәрілік заттар мен медициналық мақсаттағы бұйымдардың тізбесін;
      медициналық техниканың әр атауы бойынша техникалық сипаттамасы мен тізбесін, болжамды санын, жеткізудің ұзақ мерзімді шарты бойынша сатып алынуға тиіс әр бірлік үшін ағымдағы қаржы жылына және әрбір атауы бойынша жинақтау бөлінісінде шекті бағасын қамтитын құжат;
      19-1) индустриялық-инновациялық қызметті мемлекеттік қолдау саласындағы уәкілетті орган – индустрия және индустриялық-инновациялық даму саласында басшылықты жүзеге асыратын, сондай-ақ заңнамада көзделген шектерде салааралық үйлестіруді және индустриялық-инновациялық қызметті мемлекеттік қолдауды іске асыруға қатысуды жүзеге асыратын орталық атқарушы орган;
      20) Қазақстан Республикасының резиденттері - Қазақстан Республикасының азаматтық және салық заңнамасына сәйкес тіркелген заңды тұлғалар немесе кәсіпкерлік қызметті жүзеге асыратын жеке тұлғалар;
      20-1) Қазақстан Республикасының резидент еместері – Қазақстан Республикасының азаматтық және салық заңнамасына сәйкес Қазақстан Республикасының резиденті болып табылмайтын шетелдік жеке және заңды тұлғалар;
      21) белгіленген баға - бірыңғай дистрибьютор өткізетін, өнім беруші бірыңғай дистрибьюторға дәрілік заттарды, медициналық мақсаттағы бұйымдарды жеткізуге міндеттенетін сатып алу нәтижелері бойынша белгіленген дәрілік заттардың, медициналық мақсаттағы бұйымдардың құны;
      22) фармацевтикалық қызмет - дәрілік заттарды, медициналық мақсаттағы бұйымдар мен медициналық техниканы өндіру, дайындау (медициналық техниканы қоспағанда), көтерме және бөлшек саудада өткізу бойынша денсаулық сақтау саласында жүзеге асырылатын, дәрілік заттарды, медициналық мақсаттағы бұйымдар мен медициналық техниканы сатып алуға (алуға), сақтауға, әкелуге, әкетуге, сапасын бақылауға, ресімдеуге, таратуға, пайдалануға және жоюға, сондай-ақ олардың қауіпсіздігін, тиімділігін және сапасын қамтамасыз етуге байланысты қызмет;
      23) босату бағасы - бір әкімшілік-аумақтық бірліктің (облыстың, республикалық маңызы бар қаланың, астананың) шегінде фармацевтикалық қызметтерді сатып алу нәтижелері бойынша белгіленген дәрілік заттарды, мамандандырылған емдік өнімдерді, медициналық мақсаттағы бұйымдарды босату бағасы;
      24) шығындарды өтеу - облыстардың, республикалық маңызы бар қаланың, астананың денсаулық сақтауды басқарудың жергілікті мемлекеттік органдарының (бұдан әрі - денсаулық сақтауды басқарудың жергілікті органдары) өнім берушіге фармацевтикалық қызметтің құнын өтеу мөлшері;
      25) дәрілік заттарды, медициналық мақсаттағы бұйымдарды берудің ұзақ мерзімді шарты – дәрілік заттарға арналған тиісті өндірістік практика (GMP) талаптарына және медициналық мақсаттағы бұйымдарға арналған халықаралық стандарт талаптарына сәйкес өндірілген, Қазақстан Республикасының заңнамасына сәйкес тауардың ішкі айналыс үшін шығарылуы туралы сертификаты бар дәрілік заттарды, медициналық мақсаттағы бұйымдарды беруге Қазақстан Республикасының резиденті – заңды тұлғамен не дәрілік заттарға арналған тиісті өндірістік практика (GMP) талаптарына және медициналық мақсаттағы бұйымдарға арналған халықаралық стандарт талаптарына сәйкес дәрілік заттар, медициналық мақсаттағы бұйымдар өндірісін құруға ниеті бар заңды тұлғамен бірыңғай дистрибьютор жасасатын азаматтық-құқықтық шарт;
      26) кепілдік берілген сервистік қызмет көрсету – шығыс материалдары мен тозатын тораптарды қоспағанда, жеткізілген медициналық техниканы тиісінше пайдалану және сақтау шартымен сатып алу шартында және қаржылық лизинг шартында келісілген мерзімге өнім беруші (дайындаушы, орындаушы) ұсынатын оны жарамды жай-күйде ұстау жөніндегі қызметтер кешені, ол техникалық қызмет көрсетудің, техникалық диагностикалаудың және жабдықты дефектациялаудың, жөндеу-қалпына келтіру жұмыстарының, техникалық консультациялар мен оқытудың кез келген түрлерін қамтиды;
      27) қаржылық лизинг шарты - осы Ережеге сәйкес лизинг беруші өнім берушіден лизинг алушы көрсеткен лизинг нысанасын өз меншігіне сатып алуға және Қазақстан Республикасының азаматтық заңнамасына сәйкес осы лизинг нысанасын лизинг алушыға уақытша иеленуге және пайдалануға ақылы түрде беруге міндеттенетін үш жақты шарт;
      28) сатып алу туралы шарт - осы Ережеге және Қазақстан Республикасының өзге де нормативтік құқықтық актілеріне сәйкес тапсырыс беруші мен өнім беруші арасында жасалған, жазбаша нысанда тіркелген, оған барлық қосымшалармен және толықтырулармен, сондай-ақ шартта сілтемесі бар барлық құжаттамасымен тараптар қол қойған шарт;
      29) клиникалық-техникалық негіздеме – сұрау салынған медициналық техниканың қажеттілігі және оны қолдануға денсаулық сақтау ұйымдарының әзірлігі туралы ақпаратты қамтитын құжат;
      30) лизинг бepуші – тартылған ақша және (немесе) өз ақшасы есебiнен лизинг нысанасын меншiгіне сатып алатын және оны лизинг алушыға қаржылық лизинг шартының талаптарымен беретiн лизинг мәмiлесiне қатысушы;
      31) лизинг алушы – қаржылық лизинг шартының талаптарына орай лизинг нысанасын қабылдайтын денсаулық сақтау ұйымы (лизинг мәмiлесiне қатысушы);
      32) лизинг төлемдері – қаржылық лизинг шартын жасасқан сәттегi баға бойынша лизинг нысанасының бүкіл құнының өтелуiн ескере отырып есептелуге тиiс және қаржылық лизинг шартының қолданылу мерзiмiне жүзеге асырылатын, қаржылық лизинг шарты қолданылатын мерзiмге қаржылық лизинг шарты бойынша төлемдердiң жалпы сомасын бiлдiретiн мерзiмдiк төлемдер, олар:
      қаржылық лизинг шартына сәйкес лизинг берушiге лизинг нысанасын сатып алуға жұмсалған шығындарды және лизинг нысанасын сатып алуға, жеткiзуге және мақсаты бойынша пайдалану үшiн оны жұмыс iстейтiн күйге келтiруге тiкелей байланысты кез келген басқа шығыстарды өтеуді;
      лизинг бойынша сыйақыны қамтиды;
      33) біріздендіруді талап ететін медициналық техника – облыстық бюджеттерге, Астана және Алматы қалаларының бюджеттеріне жергілікті деңгейдегі медицина ұйымдарын материалдық-техникалық жарақтандыруға бөлінетін ағымдағы нысаналы трансферттерді қоса алғанда, республикалық бюджет қаражатының есебінен сатып алынатын, біртекті медициналық қызметтерді көрсету үшін денсаулық сақтау ұйымдары сатып алатын бір үлгідегі техникалық сипаттамалары бар медициналық техника;
      34) лизинг мерзiмi – қаржылық лизинг шартына сәйкес лизинг алушыға лизинг нысанасы уақытша иеленуге және пайдалануға берiлетiн мерзiм. Бұл ретте лизинг нысанасына лизинг берушінің меншік құқығын сақтай отырып, қаржылық лизинг шартын мерізімнен бұрын бұзу лизинг мерзімін өзгертуге әкеп соқтырмайды;
      35) инвестициялық жоба – тиісті өндірістік практика стандарттарына (GMP) сәйкес дәрілік заттардың және ISO13485 стандарттарына сәйкес медициналық мақсаттағы бұйымдардың жаңа өндірістерін құруға, жұмыс істеп тұрғандарын жаңғыртуға инвестициялар көздейтін іс-шаралар кешені;
      36) медициналық техниканы берудің ұзақ мерзімді шарты – халықаралық стандарттардың талаптарына сәйкес өндірілген және Қазақстан Республикасының заңнамасына сәйкес ішкі айналыс үшін тауардың шығарылғаны туралы сертификаты бар медициналық техниканы беруге Қазақстан Республикасының резиденті – заңды тұлғамен бірыңғай дистрибьютор жасасатын азаматтық-құқықтық шарт;
      37) бірыңғай дистрибьютордың прайс-парағы – бірыңғай дистрибьютор сатып алған дәрілік заттардың, медициналық мақсаттағы бұйымдардың халықаралық патенттелмеген атауларын немесе құрамын, саудалық атауларын, дәрілік түрін (техникалық сипаттамасын), өлшем бірліктерін, қаптамасын, өндіруші (елі) тізбесін, бірыңғай дистрибьютордың үстеме бағасын есепке алғанда бір бірлігінің бағасын қамтитын бірыңғай дистрибьютор бекітетін құжат;
      38) орфандық препараттар – орфандық (сирек) ауруларды емдеуге және оның диагностикасына арналған препараттар;
      39) дәрілік заттардың, медициналық мақсаттағы бұйымдар мен медициналық техниканың айналысы саласындағы мемлекеттік сараптама ұйымы – дәрілік заттардың қауіпсіздігін, тиімділігі мен сапасын қамтамасыз ету бойынша денсаулық саласында өндірістік-шаруашылық қызметті, сондай-ақ жаңа бірегей дәрілік заттарды әзірлеу, фармация, фармакология саласындағы ғылыми зерттеуді жүзеге асыратын шаруашылық жүргізу құқығындағы республикалық мемлекеттік кәсіпорын.
      Ескерту. 2-тармаққа өзгерістер енгізілді - ҚР Үкіметінің 2010.05.26 № 474 (қолданысқа енгізілу тәртібін 2-т. қараңыз); 2011.02.22 N 163, 2011.04.07 № 392 (алғашқы ресми жарияланған күнінен бастап қолданысқа енгізіледі); 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 2012.05.16 № 629 (алғашқы ресми жарияланған күнінен бастап қолданысқа енгізіледі); 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 24.01.2013 N 28 (алғашқы ресми жарияланған күнінен бастап қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

2-тарау. Тегін медициналық көмектің кепілдік берілген көлемін
көрсету бойынша дәрілік заттарды, профилактикалық
(иммундық-биологиялық, диагностикалық, дезинфекциялық)
препараттарды, медициналық мақсаттағы бұйымдарды және
медициналық техниканы, фармацевтикалық қызметтерді
сатып алудың принциптері мен тәсілдері

      3. Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдарды және медициналық техниканы, фармацевтикалық қызметтерді сатып алу:
      1) сатып алу үшін пайдаланылатын ақшаны оңтайлы әрі тиімді жұмсау;
      2) әлеуетті өнім берушілерге сатып алуды өткізу рәсіміне қатысу үшін тең мүмкіндіктер беру;
      3) әлеуетті өнім берушілер арасында әділетті бәсекелестік;
      4) сатып алу үдерісінің жариялылығы мен ашықтығы;
      5) отандық тауар өндірушілерді қолдау принциптерін сақтай отырып жүргізіледі.
      4. Тегін медициналық көмектің кепілдік берілген көлемін көрсетуге арналған дәрілік заттарды, медициналық мақсаттағы бұйымдарды және медициналық техниканы сатып алу үшін бөлінетін бюджет қаражатын оңтайлы және тиімді жұмсау мақсатында дәрілік заттар, медициналық мақсаттағы бұйымдар мен медициналық техника уәкілетті орган белгілеген бағадан аспайтын бағамен сатып алынады.
      Бірыңғай дистрибьютордың тізімі бойынша дәрілік заттардың, медициналық мақсаттағы бұйымдар мен медициналық техниканың шекті бағаларын жыл сайын уәкілетті орган бекітеді.
      Ескерту. 4-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      5. Тендер ді ұйымдастырушының жұмыскерлеріне, сондай-ақаффилиирленген тұлғаларына, оның ішінде бірыңғай дистрибьютордың аффилиирленген тұлғаларына осы ережеде реттелетін сатып алуды жүзеге асыру кезінде әлеуетті өнім беруші ретінде қатысуға тыйым салынады.
      Әлеуетті өнім берушінің және оның аффилиирленген тұлғасының бір лотқа қатысуға құқығы жоқ.
      Әлеуетті өнім берушінің егер:
      1) осы әлеуетті өнім берушінің жақын туыстарының, зайыбының(жұбайының) немесе өзіне тән басшыларының және (немесе) осы әлеуетті өнім берушінің уәкілетті өкілінің өнім берушіні таңдау туралы шешім қабылдауға құқығы болса не өткізілетін сатып алулар тендерінде тапсырыс берушінің өкілі немесе ұйымдастырушысы болып табылса;
      2) тендерге қатысуға үміткер әлеуетті өнім берушінің басшысының, заңды тұлға құрылтайшысының, кәсіпкерлік қызметті жүзеге асыратын жеке тұлғаның жосықсыз әлеуетті өнім берушілер (өнім берушілер) тізбесіне енгізілген заңды тұлғаларды басқаруға, құруға, жарғылық капиталына қатысуға қатысы болса;
      3) әлеуетті өнім берушінің басшысы және (немесе) тендерге қатысуға үміткер осы әлеуетті өнім берушінің уәкілетті өкілі жосықсыз әлеуетті өнім берушілер (өнім берушілер) тізбесіне енгізілген, кәсіпкерлік қызметті жүзеге асыратын жеке тұлға болып табылса;
      4) тендерге қатысуға үміткер кәсіпкерлік қызметті жүзеге асыратын, жеке тұлға болып табылатын әлеуетті өнім беруші жосықсыз әлеуетті өнім берушілер (өнім берушілер) тізбесіне енгізілген әлеуетті өнім берушінің басшысы болып табылса;
      5) әлеуетті өнім беруші және (немесе) осы әлеуетті өнім берушінің уәкілетті өкілі жосықсыз әлеуетті өнім берушілер (өнім берушілер) тізбесінде болса;
      6) әлеуетті өнім берушінің қаржылық-шаруашылық қызметі Қазақстан Республикасының заңнамасына не Қазақстан Республикасының резиденті емес әлеуетті өнім беруші мемлекетінің заңнамасына сәйкес тоқтатылған жағдайда сатып алуға қатысуға құқығы жоқ.
      Ескерту. 5-тармақ жаңа редакцияда - ҚР Үкіметінің 16.09.2013 N 964 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      6. Сатып алуды ұйымдастырушының немесе бірыңғай дистрибьютордың жұмыскері, егер ол әлеуетті өнім берушінің лауазымды немесе сенімді тұлғасының жақын туысы (ата-анасы, жұбайы, ағалары, әпкелері, балалары) болып табылса не сатып алу нәтижелеріне басқалай жеке мүдделі болса, сатып алумен байланысты міндеттерді орындай алмайды;
      7. Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдарды және медициналық техниканы сатып алуды жүзеге асыру:
      1) тапсырыс берушілердің және сатып алуды ұйымдастырушылардың сатып алуды жүзеге асыруы кезінде:
      тендер өткізу;
      баға ұсыныстарын сұрату;
      бір көзден сатып алу;
      бірыңғай дистрибьютордан сатып алынуы тиіс дәрілік заттардың, медициналық мақсаттағы бұйымдардың тізімі бойынша сатып алу;
      2) бірыңғай дистрибьютор сатып алуды жүзеге асырған кезде:
      екі кезеңдік рәсімді қолдану арқылы тендер өткізу;
      бір көзден сатып алу;
      жұқпалы және паразиттік аурулардың туындауы мен таралуының алдын алу, төтенше жағдайлардың салдарын болғызбау және жою үшін дәрілік заттарды, медициналық мақсаттағы бұйымдарды сатып алуды жүзеге асырудың ерекше тәртібі;
      дәрілік заттардың, медициналық мақсаттағы бұйымдардың өндірісін құруға ниеті бар әлеуетті өнім берушілерден медициналық техниканы ұзақ мерзімді жеткізу шарты бойынша сатып алуды жүзеге асырудың ерекше тәртібі;
      дәрілік заттардың, медициналық мақсаттағы бұйымдардың өндірісі бар әлеуетті өнім берушілерден ұзақ мерзімді жеткізу шарты бойынша сатып алуды жүзеге асырудың ерекше тәртібі;
      ұзақ мерзімді жеткізу шарты бойынша сатып алуды жүзеге асырудың ерекше тәртібі;
      3) медициналық техниканы сатып алуды Қазақстан Республикасының Үкіметі айқындаған тұлға ұйымдастырған кезде:
      екі кезеңді рәсімдерді пайдалана отырып тендер өткізу;
      бір көзден сатып алу;
      4) мемлекеттік мекемелерді қоспағанда, Қазақстан Республикасының қаржылық лизинг туралы заңнамалық актілерінде белгіленген тәртіппен, денсаулық сақтау ұйымдарының медициналық техниканы қаржылық лизинг шарттарымен сатып алуы тәсілдерімен жүзеге асырылуы мүмкін.
      Ескерту. 7-тармаққа өзгеріс енгізілді - ҚР Үкіметінің 2010.02.25 № 122, 2010.07.14 N 716, 2011.02.22 N 163, 2011.04.07 № 392 (алғашқы ресми жарияланған күнінен бастап қолданысқа енгізіледі), 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

3-тарау. Әлеуетті өнім берушіге қойылатын біліктілік талаптары

      8. Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы 7-тармақта көрсетілген тәсілдермен сатып алуға қатысу үшін фармацевтикалық көрсетілетін қызметтерді сатып алу жөніндегі қызметті, сондай-ақ осы Ереженің 7-тармағының 4) тармақшасында көзделген тәсілді қоспағанда, әлеуетті өнім беруші мынадай біліктілік талаптарына сәйкес келуге тиіс:
      1) фармацевтикалық қызметпен және (немесе) Қазақстан Республикасының заңнамасында көзделген лицензияланатын қызметтің басқа түрлерімен айналысуға лицензиясының және (немесе) денсаулық сақтау саласындағы уәкілетті органның хабарламаны қабылдау туралы талонының немесе халыққа қызмет көрсету орталығының қабылдау туралы белгісі бар хабарлама көшірмесінің немесе электрондық құжат нысанындағы талонның болуы;
      2) кәсіби біліктілікті меңгеру, сондай-ақ Қазақстан Республикасының фармацевтика нарығында кемінде бір жыл жұмыс тәжірибесінің болуы (бұл талап өндірушілерге қолданылмайды);
      3) жасасқан шарттар бойынша міндеттемелерді орындау үшін қажет қаржылық, материалдық және еңбек ресурстарының болуы;
      4) құқық қабілеттілікті иеленуі (заңды тұлғалар үшін), азаматтық әрекет қабілеттілігінің болуы (жеке тұлғалар үшін);
      5) Қазақстан Республикасының заңнамалық актілеріне сәйкес сатып алуды өткізу сәтіне төлем төлеуге қабілетті болу, таратылуға жатқызылмауға тиіс, оның қаржы-шаруашылық қызметі тоқтатылмауға тиіс;
      6) жосықсыз әлеуетті өнім берушілердің (өнім берушілердің) тізбесінде болмауы;
      7) дәрілік заттардың, профилактикалық (иммундық-биологиялық, диагностикалық, дезинфекциялық) препараттардың және/немесе медициналық мақсаттағы бұйымдардың әлеуетті өнім берушісінің сатып алуға ұсынылатын дәрілік заттарды, профилактикалық (иммундық-биологиялық, диагностикалық, дезинфекциялық) препараттарды және/немесе медициналық мақсаттағы бұйымдарды өндіруші не өндірушінің ресми өкілі мәртебесі болуы тиіс. Медициналық техниканың әлеуетті өнім берушісінің өндіруші не ресми дистрибьютор, не шарты немесе оның сатып алуға ұсынылған медициналық техниканы сатуға құқығын растайтын өзге құжаттары бар өндірушінің ресми өкілі мәртебесі болуы тиіс;
      8) үш айдан асатын мерзімде салық берешегі болмауы тиіс;
      9) шарт жасасуға басым құқық алу үшін дәрілік заттарды сатып алуға және дәрілік заттарды, медициналық мақсаттағы бұйымдарды жеткізуге ұзақ мерзімді шарт жасасу кезінде тиісті өндірістік практика (GMP) және/немесе дәрілік заттарды тегін медициналық көмектің кепілдік берілген көлемін көрсету жөніндегі фармацевтикалық көрсетілетін қызметтерді сатып алу кезінде тиісті дистрибьюторлық практика (GDP) талаптарына объектінің сәйкестігі туралы сертификат болуға тиіс.
      Ескерту. 8-тармаққа өзгерістер енгізілді - ҚР Үкіметінің 2010.02.25 № 122, 2011.04.07 № 392 (алғашқы ресми жарияланған күнінен бастап қолданысқа енгізіледі), 2012.12.21 № 1649 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
       8-1. Дәрілік заттарды, профилактикалық (иммундық-биологиялық, диагностикалық, дезинфекциялық) препараттарды және/немесе медициналық мақсаттағы бұйымдарды өндірушінің ресми өкілі мәртебесі бар дәрілік заттардың, профилактикалық (иммундық-биологиялық, диагностикалық, дезинфекциялық) препараттардың және (немесе) медициналық мақсаттағы бұйымдардың және медициналық техниканың әлеуетті өнім берушісі тендердің бір лоты бойынша дәрілік заттардың, профилактикалық (иммундық-биологиялық, диагностикалық, дезинфекциялық) препараттардың және (немесе) медициналық мақсаттағы бұйымдардың және медициналық техниканың бір ғана өндірушісін білдіреді.
      Сатып алынатын негізгі медициналық техникамен жиынтықта бірге пайдалану үшін медициналық техника және/немесе медициналық мақсаттағы бұйым қосымша талап етілген жағдайда тендердің бір лоты бойынша медициналық техниканың әлеуетті өнім берушісінің екі және одан да көп өндірушілерді ұсынуға құқығы бар.
      Ескерту. Ереже 8-1-тармақпен толықтырылды - ҚР Үкіметінің 2010.02.25 № 122 Қаулысымен, жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      8-2. Тегін медициналық көмектің кепілдік берілген көлемін көрсету бойынша дәрілік заттарды, медициналық мақсаттағы бұйымдарды, медициналық техниканы сатып алуға қатысу үшін әлеуетті өнім берушіге қойылатын осы Ереженің 8-тармағында, 7) тармақшасын қоспағанда, 8-1, 10-тармақтарында көзделген талаптар инфекциялық және паразиттік аурулардың пайда болуы мен таралуының алдын алу, төтенше жағдайларды болдырмау және олардың салдарын жою үшін дәрілік заттарды, медициналық мақсаттағы бұйымдарды, медициналық техниканы сатып алуды жүзеге асырудың ерекше тәртібіне қолданылмайды.
      Ескерту. 3-тарау 8-2-тармақпен толықтырылды - ҚР Үкіметінің 2010.07.14 N 716 Қаулысымен, өзгерту енгізілді - ҚР Үкіметінің 2011.02.22 N 163 Қаулысымен.
      9. Фармацевтикалық қызметтерді сатып алу кезінде әлеуетті өнім беруші мынадай біліктілік талаптарына сәйкес болуы тиіс:
      1) өткізу объектілеріне қосымшаларымен фармацевтикалық қызметпен айналысуға, оның ішінде өткізу объектілеріне қосымшаларымен есірткі құралдарының, психотроптық заттар мен прекурсорлардың айналымы саласындағы қызмет лицензиясының (құрамында есірткі құралдары, психотроптық заттар мен прекурсорлар бар дәрілік заттардың әлеуетті өнім берушілері ұсынады) және (немесе) денсаулық сақтау саласындағы уәкілетті органның хабарламаны қабылдау туралы талонының немесе халыққа қызмет көрсету орталығының қабылдау туралы белгісі бар хабарламасының көшірмесі немесе медициналық техниканы және медициналық мақсаттағы бұйымдарды көтерме, бөлшек саудада өткізуге электрондық құжат нысанындағы талонның болуы;
      2) фармацевтика нарығында кемінде бір жыл жұмыс тәжірибесінің болуы (заңды тұлғаны қайта тіркеуге дейінгі тәжірибені қоса алғанда);
      3) шарт бойынша міндеттемелерді орындау үшін қажетті қаржылық, материалдық және еңбек ресурстарының, оның ішінде дәрілік заттарды және медициналық мақсаттағы бұйымдарды бөлшек саудада өткізу пункттерінің, білікті қызметкерлер (арнайы білімі, фармацевтика нарығында кемінде бір жыл жұмыс тәжірибесі бар) амбулаториялық дәрі-дәрмекпен қамтамасыз етуді есепке алудың автоматтандырылған жүйесін жүргізу үшін компьютерлік техника және телекоммуникацияның байланыс құралдарының болуы;
      4) шарттар жасасу үшін азаматтық құқықтық қабілеттілігі болуы;
      5) Қазақстан Республикасының заңнамалық актілеріне сәйкес сатып алуды өткізу сәтіне төлем төлеуге қабілетті болып табылуы, таратылуға жатқызылмауға, оның мүлкіне тыйым салынбауға, оның қаржы-шаруашылық қызметі тоқтатылмауға тиіс;
      6) амбулаториялық дәрі-дәрмекпен қамтамасыз етуді есепке алудың автоматтандырылған жүйесін жүргізу үшін компьютерлік техника және телекоммуникацияның байланыс құралдарының болуы;
      7) соттың заңды күшіне енген шешімінің негізінде фармацевтикалық қызметтерді сатып алу туралы соңғы екі жыл ішінде жасасқан шарттар бойынша өзінің міндеттемелерін орындамағаны немесе тиісінше орындамағаны үшін жауапкершілікке тартылмаған болуы тиіс.
      Ескерту. 9-тармаққа өзгеріс енгізілді - ҚР Үкіметінің 2012.12.21 № 1649 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      10. Әлеуетті өнім беруші өзінің кәсіби біліктілік талаптарына сәйкестігін растау үшін сатып алуды ұйымдастырушыға, бірыңғай дистрибьюторға осы Ережеде көрсетілген құжаттарды ұсынады.
      11. Сатып алуды ұйымдастырушы және бірыңғай дистрибьютор әлеуетті өнім берушіге осы 3-тарауда көзделмеген біліктілік талаптарын қоюға құқығы жоқ.

4-тарау. Тегін медициналық көмектің кепілдік берілген көлемін
көрсету бойынша сатып алынатын және (фармацевтикалық қызметті
сатып алу кезінде) босатылатын дәрілік заттарды,
профилактикалық (иммундық-биологиялық, диагностикалық,
дезинфекциялық) препараттарға, медициналық мақсаттағы бұйымдар
мен медициналық техникаға қойылатын талаптар

      12. Тегін медициналық көмектің кепілдік берілген көлемін көрсету бойынша сатып алынатын және (фармацевтикалық қызметті сатып алған жағдайда) босатылатын дәрілік заттарды, профилактикалық (иммундық-биологиялық, диагностикалық, дезинфекциялық) препараттарға, медициналық мақсаттағы бұйымдарға мынадай талаптар қойылады:
      1) денсаулық сақтау саласындағы уәкілетті орган бекіткен орфандық препараттардан немесе Кодекске және денсаулық сақтау саласындағы уәкілетті орган айқындайтын тәртіпке сәйкес тіркелмей әкелінген дәрілік заттардан, медициналық мақсаттағы бұйымдардан басқа, дәрілік заттар, профилактикалық (иммундық-биологиялық, диагностикалық, дезинфекциялық) препараттар медициналық мақсаттағы бұйымдар Қазақстан Республикасында Кодекске және дәрілік заттар мен медициналық мақсаттағы бұйымдарды мемлекеттік тіркеу тәртібіне сәйкес тіркелуге тиіс.
      2) төмен температураларда сақтауды және мұзданудан сақтауды талап ететін дәрілік заттар, профилактикалық (иммундық-биологиялық, диагностикалық, дезинфекциялық) препараттар, медициналық мақсаттағы бұйымдар тиеу пунктінен тұтынушының соңғы пунктіне дейін сақтауды қамтамасыз етуге арналған арнайы ыдыстарда сақталуы және тасымалдануы тиіс;
      3) дәрілік заттар, профилактикалық (иммундық-биологиялық, диагностикалық, дезинфекциялық) препараттар, медициналық мақсаттағы бұйымдарын таңбалау, тұтынушылық қаптамалау және қолдану жөніндегі нұсқаулық Кодекстің және денсаулық сақтау саласындағы уәкілетті орган белгілеген тәртіптің талаптарына сәйкес болуы тиіс;
      4) кемінде екі жыл жалпы жарамдылық мерзімі бар дәрілік заттар, профилактикалық (иммундық-биологиялық, диагностикалық, дезинфекциялық) препараттар және медициналық мақсаттағы бұйымдар үшін жеткізу сәтіне жарамдылықтың қалған мерзімі жалпы жарамдылық мерзімінің кемінде елу пайызын құрауы тиіс (жарамдылықтың қалған мерзімі жеткізу сәтіне жалпы жарамдылық мерзімінің кемінде алпыс пайызын құрауы тиіс, кемінде екі жыл жалпы жарамдылық мерзімі бар дәрілік заттар мен медициналық мақсаттағы бұйымдар үшін бірыңғай дистрибьюторға жеткізуді қоспағанда). Кемінде екі жыл жарамдылық мерзімі бар дәрілік заттар мен медициналық мақсаттағы бұйымдар үшін жеткізу сәтіне жарамдылықтың қалған мерзімі кемінде он екі ай болуы тиіс (жарамдылықтың қалған мерзімі жеткізу сәтіне кемінде он төрт айды құрауы тиіс, кемінде екі жыл жарамдылық мерзімі бар дәрілік заттар мен медициналық мақсаттағы бұйымдар үшін бірыңғай дистрибьюторға жеткізуді қоспағанда);
      екі жылдан кем жарамдылық мерзімі бар, бірыңғай дистрибьютордың қоймасына өнім берушіден бұдан бұрын қабылданған тауардың ауыспалы қалдығы немесе төмендемейтін қордағы тауар болып табылатын, тапсырыс берушіге жеткізілетін дәрілік заттардың, профилактикалық (иммундық-биологиялық, диагностикалық, дезинфекциялық) препараттардың және медициналық мақсаттағы бұйымдардың жеткізу сәтіне жарамдылығының қалған мерзімі жалпы жарамдылық мерзімінің отыз пайызынан кем болуы мүмкін, ал кемінде екі жыл жарамдылық мерзімі бар тауардың жарамдылық мерзімі жеткізу сәтіне өндіруші көрсеткен жалпы жарамдылық мерзімінен сегіз айдан кем болуы мүмкін;
      5) Қазақстан Республикасында тіркелмеген дәрілік заттарды, медициналық мақсаттағы бұйымдарды осы Ереженің 11-1-тарауында айқындалған ерекше тәртіппен сатып алу жағдайларын қоспағанда, медициналық иммундық-биологиялық препараттардың өндіруші елде клиникалық немесе биобаламалылығы сыналғаны және Қазақстан Республикасында және (немесе) ТМД елдерінде кемінде бір жыл қолданылу тәжірибесі туралы дәйекті деректер болуы тиіс (бұл талаптар тендерді ұйымдастырушының және (немесе) бірыңғай дистрибьютордың қарауы бойынша белгіленеді);
      6) Қазақстан Республикасында тіркелмеген дәрілік заттарды, медициналық мақсаттағы бұйымдарды осы Ереженің 11-1-тарауында айқындалған ерекше тәртіппен сатып алу жағдайларын қоспағанда, биосимилярлардың дәрілік заттар айналымы саласындағы уәкілетті орган растаған сәйкестігі, клиникалық тиімділігі және қауіпсіздігі туралы деректері болуы тиіс.
      Ескерту. 12-тармаққа өзгерістер енгізілді - ҚР Үкіметінің 2010.07.14 N 716; 2010.08.27 N 844 (қолданысқа енгізілу тәртібін 2-т. қараңыз); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      13. Сатып алынатын медициналық техникаға мынадай талаптар қойылады:
      1) медициналық техника Кодекске және денсаулық сақтау саласындағы уәкілетті орган белгілеген тәртіпке сәйкес Қазақстан Республикасында тіркелуі немесе Қазақстан Республикасының аумағына уәкілетті органның рұқсатымен Қазақстан Республикасы аумағына әкелуге рұқсат беру туралы қорытындысын (рұқсат беру құжатын) ұсына отырып, Кодексте көзделген жағдайларда немесе ұсынылған медициналық техниканы тіркеу қажеттілігі жоқ екенін растайтын денсаулық сақтау саласындағы уәкілетті орган берген құжатты көрсеткенде мемлекеттік тіркеусіз әкелінуі тиіс;
      2) медициналық техниканы таңбалау, тұтынушылық қаптамалау және қолдану жөніндегі нұсқаулық Кодекстің және денсаулық сақтау саласындағы уәкілетті орган белгілеген тәртіптің талаптарына сәйкес болуы тиіс;
      3) медициналық техника жаңа және бұрын пайдаланылмаған болуы тиіс, бұл ретте өнім беруші медициналық техниканы жеткізу сәтінде шыққанына жиырма төрт ай болмаған медициналық техниканы ұсыну бойынша міндеттемелерді өзіне алуы тиіс;
      4) өлшеу құралдарына жататын медициналық техника Қазақстан Республикасының өлшем бірлігін қамтамасыз ету туралы заңнамасына сәйкес Қазақстан Республикасының өлшем бірлігін қамтамасыз етудің мемлекеттік жүйесі тізіліміне енгізілуі тиіс.
      Ескерту. 13-тармаққа өзгерістер енгізілді - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      14. Сатып алуды ұйымдастырушы және бірыңғай дистрибьютор сатып алынатын және босатылатын дәрілік заттар, профилактикалық (иммундық-биологиялық, диагностикалық, дезинфекциялық) препараттар, медициналық мақсаттағы бұйымдар мен медициналық техникаға осы тарауда көзделмеген талаптарды қоюға құқығы жоқ.

2-бөлім. Тапсырыс берушінің немесе сатып алуды ұйымдастырушының сатып алуды жүзеге асыру тәртібі

      Ескерту. 2-бөлімнің тақырыбына өзгерту енгізілді - ҚР Үкіметінің 2010.02.25 № 122 Қаулысымен.

5-тарау. Тендер өткізу тәсілімен сатып алуды жүзеге асыру
тәртібі

1. Тендерді ұйымдастыру

      15. Тендерді ұйымдастырушы дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдарды, медициналық техниканы, фармацевтикалық көрсетілетін қызметтерді алдағы сатып алу туралы тендерлік өтінімдерді қабылдау аяқталатын күнге дейін кемінде күнтізбелік 15 күн бұрын аптасына үш реттен сиретпей шығарылатын және Қазақстан Республикасының аумағында таралатын мерзімді баспа басылымында мемлекеттік және орыс тілдерінде жариялау және ақпаратты тендерді ұйымдастырушының/сатып алуды ұйымдастырушының интернет-ресурсында орналастыру арқылы әлеуетті өнім берушілерді хабардар етеді.
      Ескерту. 15-тармақ жаңа редакцияда - ҚР Үкіметінің 14.04.2015 N 229 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      16. Тендерлік өтінімдерді қабылдаудың аяқталуы мен тендерлік өтінімдер салынған конверттерді ашу үдерісінің басталуы арасындағы уақыт ұзақтығы екі сағаттан аспауы тиіс.
      17. Осы ережеге 1-қосымшаға сәйкес нысан бойынша жарияланатын дәрілік заттарға, профилактикалық (иммундық-биологиялық, диагностикалық, дезинфекциялық) препараттарға, медициналық мақсаттағы бұйымдар мен медициналық техникаға тендер өткізу туралы хабарландыруда мынадай мәліметтер болуы тиіс:
      1) тендерді ұйымдастырушының атауы мен мекен-жайы;
      2) сатып алынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың халықаралық патенттелмеген атауы, сатып алынатын медициналық мақсаттағы бұйымдар мен медициналық техниканың тізбесі, сатып алу көлемі, жеткізу орны, әрбір лот бойынша сатып алу үшін бөлінген сомалар;
      3) жеткізудің талап етілетін мерзімдері мен шарттары;
      4) тендерлік құжаттаманы алу тәсілі және орны;
      5) құжаттарды ұсыну орны және тендерлік өтінімдерді берудің соңғы мерзімі;
      6) тендерлік өтінімдер салынған конверттерді ашу күні, уақыты және орны.
      18. Осы Ережеге 1-қосымшаға сәйкес нысан бойынша жарияланатын фармацевтикалық қызметті сатып алуды өткізу туралы хабарландыруда мынадай мәліметтер болуы тиіс:
      1) тендерді ұйымдастырушының атауы мен почталық мекен-жайы;
      2) сатып алынатын қызметтердің атауы;
      3) қызметтерді көрсету мерзімі;
      4) шарт жасасу үшін тендерлік құжаттаманы алу орны мен тәсілдері;
      5) құжаттарды ұсыну орны мен өтінім берудің соңғы мерзімі;
      6) тендерлік өтінімдер салынған конверттерді ашу күні, уақыты және орны.
      19. Тендерді ұйымдастыру және өткізу үшін оны ұйымдастырушы әрбір тендерге жеке тендерлік комиссия құрады және оның құрамын бекітеді.
      20. Тендерлік комиссияның құрамына төраға, төрағаның орынбасары және тендерлік комиссияның мүшелері кіреді. Тендерлік комиссия мүшелерінің жалпы саны тақ саннан тұруы және үш адамнан кем болмауы тиіс. Тендерлік комиссияның хатшысы тендерлік комиссияның мүшесі болып табылмайды және тендерлік комиссия шешім қабылдаған кезде дауыс беру құқығы болмайды.
      Тендерлік комиссия оны құру туралы шешім күшіне енген күнінен бастап сатып алу туралы шарт күшіне енгенге дейін жұмыс істейді.
      Егер тендер өтпей қалды деп танылған немесе оның қорытындылары күшін жойған жағдайда, тендерлік комиссия өзінің қызметін тоқтатады.
      21. Тендерлік комиссияның құрамына тендерді ұйымдастырушының, тапсырыс берушінің бірінші басшылары немесе олардың орынбасарлары, сондай-ақ тендерді ұйымдастырушының және тапсырыс берушінің құрылымдық бөлімшелерінің басшылары мен мамандары кіреді.
      22. Тендерлік комиссияның төрағасы тендерді ұйымдастырушы басшының орынбасарынан төмен емес тұлға болып табылады, ол комиссияның қызметін басқарады, комиссия отырыстарына төрағалық етеді, жұмысты жоспарлайды және оның шешімдерінің іске асырылуын жалпы бақылауды жүзеге асырады. Төраға болмаған уақытта оның функцияларын орынбасары атқарады.
      23. Тендерлік комиссияның хатшысы тендерді ұйымдастырушының қызметкері болып табылады. Тендерлік комиссияның хатшысы әлеуетті өнім берушілерге тендерлік құжаттаманы береді, әлеуетті өнім берушілерден тендерлік өтінімдер салынған конверттерді қабылдайды, тендерлік комиссия отырысының күн тәртібі бойынша ұсыныстарды, қажетті құжаттарды және материалдарды дайындайды, комиссия отырыстарын өткізгеннен кейін оның хаттамаларын ресімдейді, түскен тендерлік өтінімдерді және тендерлік өтінімдер салынған конверттерді әлеуетті өнім берушілердің ұсынған уақыты мен күні, әлеуетті өнім берушінің уәкілетті өкілінің тегі, аты, әкесінің аты (тендерлік өтінімдер салынған конвертті берген және конверттерді ашу рәсімінде қатысатын тұлғалар) көрсетілген конкурстық өтінімдер салынған конверттерді ашу рәсімдеріне қатысуға ниет білдірген әлеуетті өнім берушілерді тіркеу журналын жүргізеді. Түскен тендерлік өтінімдерді және конверттерді ашу рәсімдеріне қатысуға ниет білдірген әлеуетті өнім берушілерді тіркеу журналы тігілуі, беттері нөмірленуі және соңғы беті тендерді ұйымдастырушының мөрімен бекітілуі тиіс.
      24. Қажет болған жағдайда тендерді ұйымдастырушы клиникалық фармакологтар мен денсаулық сақтау ұйымдарының мамандарынан немесе дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сараптауды жүзеге асыруға аккредиттелген ұйымдардың сарапшыларынан тұратын сараптама комиссиясын құрады.
      25. Сарапшылар (құрылған жағдайда сараптама комиссиясы) әлеуетті өнім берушілер ұсынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың тендерлік құжаттаманың талаптарына сәйкестігі бойынша сараптамалық қорытынды береді және тендерлік комиссия шешім қабылдаған кезде дауыс беру құқығы болмайды. Сарапшылардың (сараптама комиссиясының) сараптама қорытындысын, егер ол тендерлік құжаттамада көзделген талаптар шегінде жасалған болса ғана тендерге ұсынылған тендерлік өтінімдерді бағалау және салыстыру және тендер жеңімпазын анықтау кезінде ескеріледі. Сараптама қорытындысы жазбаша түрде ресімделеді, оған сарапшылар (сараптама комиссиясының мүшелері) қол қояды және конкурсқа қатысуға рұқсат туралы хаттамаға қоса беріледі.
      26. Тендерлік комиссияның отырысы тендерлік комиссия мүшелерінің жалпы санының кемінде үштен екісі қатысқан кезде өткізіледі. Тендерлік комиссияның шешімі ашық дауыс берумен қабылданады және егер отырысқа қатысып отырған тендерлік комиссия мүшелерінің жалпы санының басым бөлігі ол үшін дауыс берсе, қабылданды деп есептеледі. Дауыстар тең болған жағдайда комиссия төрағасы немесе ол болмаған кезде оның орынбасары дауыс берген шешім қабылданды деп есептеледі.
      27. Тендерлік комиссия мүшелерінің бірі өндірістік немесе басқа себепен қатыспаған жағдайда тендерлік комиссия отырысының хаттамасында оның қатыспау себебі және осы фактіні растайтын құжатқа сілтеме көрсетіледі.
      Егер тендерлік комиссия мүшелерінің қажетті саны болмауы себебінен белгіленген күні мен уақытында тендерлік өтінімдер салынған конверттерді ашу жөніндегі тендерлік комиссия отырысы болмай қалған жағдайда, тендерлік комиссияның хатшысы тендерге ұсынылған тендерлік өтінімдер салынған конверттердің сақталуын қамтамасыз етеді және хабарланған мерзімнен 24 сағаттан кешіктірмей конверттерді ашуды өткізудің күні мен уақыты туралы хабарлайды. Бұл ретте жаңадан ұсынылған өтінімдер қабылданбайды.
      Егер хатшы хабарлаған уақытта тендерлік комиссия мүшелерінің қажетті саны болмаған жағдайда, тендерді ұйымдастырушы тендерлік комиссияның қатыспаған мүшелерін ауыстыру бойынша, ауыстыру себебін көрсете отырып, өзгеріс енгізеді.
      28. Тендерлік комиссия отырысының хаттамасына тендерлік комиссияның қатысқан барлық мүшелері, төраға, оның орынбасары және хатшысы қол қояды.
      29. Тендерді ұйымдастырушы тендерлік құжаттаманы әзірлейді және бекітеді, бұл бюджеттік бағдарлама әкімшісінің интернет-ресурсында орналастырылуы тиіс және онда мыналар болуы тиіс:
      1) тендерлік құжаттаманның құрамы, осы Ереженің 3, 4-тарауларының талаптарына сәйкестігін растау үшін әлеуетті өнім беруші ұсынуы тиіс құжаттардың тізбесі;
      2) сатып алынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың сипаттамасы, техникалық өзіндік ерешеліктерді қоса алғанда, олардың қажетті техникалық және сапалық сипаттамалары;
      3) сатып алынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың саны (көлемі), әрбір лот бойынша сатып алуға бөлінген сома;
      4) жеткізуде талап етілетін мерзімдер мен шарттар, орны;
      5) төлем шарты және сатып алу туралы шарттың жобасы;
      6) бағада тасымалдауға және сақтандыруға шығыстарды, кедендік баждарын, салықтарды, алымдарды және тауарлардың құнынан басқа өзге де төлемдерге шығыстар сияқты элементтердің қамтылуына қатысты нұсқауларды қоса алғанда, тендерлік өтінімнің бағасын есептеу тәсілдері мен әдістемесі;
      7) тендерлік өтінімнің бағасы көрсетілуі тиіс валюта немесе валюталар, тендерлік өтінімдер бағаларын оларды салыстыру және бағалау мақсатында бірыңғай валютаға келтіру үшін қолданылатын курс;
      8) Қазақстан Республикасының тіл туралы заңнамасына сәйкес тендерлік өтінімді, сатып алу туралы шарттарды құру және ұсыну тіліне қойылатын талаптар;
      9) тендерлік өтінімді ресімдеуге қойылатын талаптар;
      10) тендерлік өтінімді қамтамасыз етуді енгізу тәртібі, нысаны, мерзімдері;
      11) тендерлік өтінімді ұсынудың аяқталу мерзіміне дейін тендерлік өтінімді өзгертуге немесе қайтарып алуға өнім берушінің мүмкіндігін көрсету;
      12) тендерлік өтінімді ұсынудың орны мен соңғы мерзімі және олардың қолданылу мерзімі;
      13) тендерлік құжаттаманың мазмұны бойынша әлеуетті өнім берушілер түсініктеме сұрай алатын тәсілдер, сондай-ақ аталған кезеңде тендерді ұйымдастырушының әлеуетті өнім берушілермен ашық нысанда өтетін және хаттамаланатын кездесу өткізуге ниеті туралы хабарлама;
      14) тендерлік өтінімдерімен коверттерді ашу орны, күні және уақыты;
      15) тендерлік өтінімдер салынған конверттерді ашу және тендерлік өтінімдерді қарау кезінде пайдаланылатын рәсімдер;
      16) әлеуетті өнім берушілер - отандық тауар өндірушілерге басымдық беру туралы шарт;
      17) сатып алу туралы шарт бойынша міндеттемелердің орындалуын қамтамасыз етуді енгізу шарты, нысаны, көлемі мен тәсілі.
      30. Сатып алуды жүзеге асыру кезінде тендерді ұйымдастырушы бір текті тауарларды оларды жеткізу орны бойынша лоттарға бөле алады.
      Бір текті тауарлардың бірнеше түрлерін сатып алуды жүзеге асыру кезінде тендерді ұйымдастырушы тауарлардың бір текті түрлері бойынша және (немесе) оларды жеткізу орны бойынша оларды лоттарға бөле алады.
      31. Әлеуетті өнім беруші тендерді ұйымдастырушыдан тендерлік өтінімді ұсынудың соңғы мерзімі аяқталғанға дейін он күнтізбелік күннен кешіктірмей тендерлік құжаттамаға түсініктеме сұрауға құқылы. Тендерді ұйымдастырушы өтінімді алған күнінен бастап үш жұмыс күнінен кешіктірмей сұраным жасаған авторды көрсетпей тендерлік құжаттама берілген барлық әлеуетті өнім берушілерге тиісті түсініктеме жіберуі тиіс.
      32. Тендерді ұйымдастырушы тендерлік өтінімді ұсынудың соңғы мерзіміне дейін жеті күнтізбелік күннен кешіктірмей жеке бастамасымен немесе әлеуетті өнім берушілердің сұранымына жауапқа тендерлік құжаттамаға өзгерістер енгізуге құқылы.
      Енгізілген өзгерістердің міндетті күші болады және олар туралы тендерлік, құжаттама берілген барлық әлеуетті өнім берушілерге дереу хабарланады. Бұл ретте тендерді ұйымдастырушы тендерлік өтінімдердегі осы өзгерістерді әлеуетті өнім берушілердің есепке алуы үшін тендерлік өтінімдерді ұсынудың соңғы мерзімін кемінде бес жұмыс күніне ұзартады.
      33. Тендерді ұйымдастырушы тендер шарттарын түсіндіру үшін тендерлік құжаттамада көрсетілген белгіленген орында және белгіленген уақытта әлеуетті өнім берушілермен кездесу өткізуге құқылы.
      Көрсетілген кездесуді өткізу кезінде мазмұнында кездесу барысында тендер шарттарын түсіндіру бойынша берілген сұрақтар мен жауаптар бар хаттама жасалады, бұл кездесу қорытындысы бойынша тендерлік құжаттама ұсынылған барлық әлеуетті өнім берушілерге дереу жіберіледі.
      34. Фармацевтикалық қызметтерді сатып алу үшін тендерді ұйымдастырушы тендерлік құжаттаманы әзірлейді және бекітеді, онда мынадай ақпаратты көрсетеді:
      1) тегін босатылатын, халықаралық патенттелмеген атауларымен дәрілік заттардың және медициналық мақсаттағы бұйымдардың тізбесі мен көлемдері;
      2) өтеу коэффициенті көрсетіле отырып, жеңілдік шарттармен босатылатын, халықаралық патенттелмеген атауларымен дәрілік заттардың және медициналық мақсаттағы бұйымдардың тізбесі мен көлемдері;
      3) фармацевтикалық қызметтерді ұсыну қажет елді мекендер пункттерінің тізбесі;
      4) осы Ереженің 9-тармағында көрсетілген қызметтердің өнім берушілеріне қойылатын талаптар;
      5) мамандардың біліктілігін, мамандығы бойынша жұмыс өтілін көрсете отырып, олардың саны туралы мәліметтер;
      6) амбулаториялық дәрі-дәрмекпен қамтамасыз етуді есепке алудың автоматтандырылған жүйесін жүргізу үшін компьютерлік техника және телекоммуникацияның байланыс құралдарының болуы туралы мәлімет;
      7) осы Ереженің 4-тарауында көрсетілген, босатылатын дәрілік заттар мен медициналық мақсаттағы бұйымдарға қойылатын талаптар;
      8) осы Ережеге 8-қосымшаға сәйкес фармацевтикалық қызметтерді көрсетуге арналған қызметтердің өнім берушілерімен шарттың үлгі нысаны;
      9) конверттерді ашу орны, күні мен мерзімі.
      35. Сатып алуды ұйымдастырушы немесе бірыңғай дистрибьютор денсаулық саласындағы уәкілетті орган көздеген тәртіппен және мерзімдерде қалыптастырған дәрілік заттардың, медициналық мақсаттағы бұйымдар мен медициналық техниканың жосықсыз әлеуетті өнім берушілерінің (өнім берушілер) тізбесі заңды күшіне енген сот шешімдерінің негізінде денсаулық сақтау саласындағы уәкілетті органға оның интернет-ресурсында орналастыру үшін жіберіледі.
      Жасалған шарттар бойынша өз міндеттемелерін орындамаған немесе тиісті түрде орындамаған медициналық техниканың өнім берушілерін мемлекеттік сатып алудың жосықсыз әлеуетті өнім берушілері тізіліміне енгізуді тапсырыс беруші Қазақстан Республикасының мемлекеттік сатып алу саласындағы заңнамасында көзделген тәртіппен және мерзімдерде жүзеге асырады.
      Ескерту. 35-тармақ жаңа редакцияда - ҚР Үкіметінің 16.09.2013 N 964 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

2. Тендерлік өтінімдердің қолданылу мерзімі, мазмұны, оларды ұсыну, өзгерту және қайтарып алу

      36. Тендерге қатысуға ниет білдірген әлеуетті өнім беруші тендерлік өтінімдерді ұсынудың соңғы мерзімі аяқталғанға дейін тендерлік құжаттамаға сәйкес жасалған тендерлік өтінімді мөрленген түрде тендерді ұйымдастырушыға ұсынады.
      37. Тендерлік өтінімдерді ұсынудың соңғы мерзімі аяқталғаннан кейін ұсынылған тендерлік өтінімдер ашылмайды және оны ұсынған әлеуетті өнім берушіге қайтарылады.
      38. Тендерге қатысу үшін әлеуетті өнім беруші ұсынған тендерлік өтінімнің қолданылу мерзімі қырық бес күнтізбелік күннен кем болмауы тиіс.
      Қолданылу мерзімі тендер шартында көрсетілген мерзімнен қысқа тендерлік өтінім қайтарылады.
      39. Тендерге қатысуға ниет білдірген әлеуетті өнім берушінің тендерлік өтінімі мыналарды қамтуы тиіс:
      1) осы Ережеге 2-қосымшаға сәйкес тендерге қатысуға өтінім. Осы Ережеге 3-қосымшаға сәйкес нысан бойынша өтінімге қоса берілетін құжаттардың тізімдемесі электрондық нұсқада міндетті түрде беріледі;
      2) әлеуетті өнім берушіге қойылатын біліктілік талаптарына сәйкестігін растайтын құжаттар:
      дәрілік заттарды, профилактикалық (иммундық-биологиялық, диагностикалық, дезинфекциялық) препараттарды көтерме, бөлшек саудада өткізуге әлеуетті өнім берушінің құқығын растайтын лицензиялардың көшірмелері және (немесе) денсаулық сақтау саласындағы уәкілетті органның хабарламаны қабылдау туралы талоны немесе халыққа қызмет көрсету орталығының қабылдау туралы белгісі бар хабарламасының көшірмесі немесе медициналық техниканы және медициналық мақсаттағы бұйымдарды көтерме, бөлшек саудада өткізуге электрондық құжат нысанындағы талоны;
      тиісті мемлекеттік орган (кәсіпкерлік қызметті жүзеге асыратын жеке тұлға үшін) берген, заңды тұлғаның білімінсіз кәсіпкерлік қызметті жүзеге асыруға құқық беретін құжаттың нотариаттық куәландырылған көшірмесі;
      Қазақстан Республикасының заңнамалық актілерінде міндетті аудит жүргізу белгіленген заңды тұлғалардың соңғы қаржы жылындағы аудиторлық есебінің түпнұсқасы немесе нотариаттық куәландырылған көшірмесі. Егер конверттерді ашу ағымдағы жылдың 1 маусымына дейінгі мерзімде жүргізілген жағдайда, соңғы қаржы жылының алдындағы қаржы жылындағы аудиторлық есептің түпнұсқасы нотариаттық куәландырылған көшірмесі ұсынылады;
      заңды тұлғаны мемлекеттік тіркеу (қайта тіркеу) туралы куәліктің нотариат куәландырған көшірмесі не заңды тұлғаны мемлекеттік тіркеу (қайта тіркеу) туралы анықтама, жеке куәліктің немесе төлқұжаттың көшірмесі (кәсіпкерлік қызметті жүзеге асыратын жеке тұлға үшін);
      заңды тұлға үшін Жарғының нотариаттық куәландырылған көшірмесі (егер Жарғыда құрылтайшылардың, қатысушылардың немесе акционерлердің құрамы көрсетілмеген жағдайда, акцияларды ұстаушылардың тізілімінен үзінді көшірме немесе құрылтайшылардың, қатысушылардың құрамы туралы үзінді көшірме немесе құрылтай шартының нотариаттық куәландырылған көшірмесі);
      Қазақстан Республикасының заңнамалық актілеріне сәйкес төлем мерзімі ұзартылған жағдайларды қоспағанда, тендерлік өтінімдер салынған конверттерді ашу күнінің алдындағы бір айдан кешіктірілмей берілген үш айдан асқан салық төлеушінің Қазақстан Республикасы бойынша салық берешегінің, міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегінің жоқ (бар) екені туралы тиісті салық органының белгіленген нысандағы анықтамасының салық органының басшысы не орынбасары қол қойған және аталған салық органының мөрімен бекітілген түпнұсқасы. Көрсетілген анықтама электрондық түрде берілген кезде уәкілетті органның электрондық цифрлық қолтаңбасымен расталады;
      әлеуетті өнім беруге қызмет көрсетілетін банктің немесе банк филиалының қолы және мөрі бар әлеуетті өнім берушінің осы Ережеге 4-қосымшаға сәйкес Қазақстан Республикасы Ұлттық Банкі басқармасының қаулысымен бекітілген Екінші деңгейдегі банктердегі және ипотекалық ұйымдардағы және «Қазақстанның даму банкі» акционерлік қоғамындағы бухгалтерлік есеп шоттарының үлгі жоспарына сәйкес банктің немесе банк филиалының алдындағы міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы анықтаманың түпнұсқасы (егер әлеуетті өнім беруші бірнеше банктің немесе банк филиалдардың, сондай-ақ шетелдік банктің клиенті болып табылған жағдайда, бұл анықтама осындай банктердің немесе банк фидиалдарының әрқайсысынан ұсынылады). Анықтама тендірлік өтінімдер салынған конверттерді ашу күнінің алдындағы бір айдан кешіктірмей берлуі тиіс. Анықтамаға қол қойған лауазымды тұлғаның өкілеттігін растайтын құжаттың болмауы осындай әлеуетті өнім берушіні біліктілік талаптарына сәйкес емес деп тану үшін негіздеме болып табылмайды;
      біліктілігі, мамандығы бойынша жұмыс өтілі көрсетіле отырып, мамандардың болуы және саны туралы мәлімет,;
      егер әлеуетті өнім беруші басым құқықты пайдалануды көздеген жағдайда, оларға дәрілік заттарды сатып алуға және дәрілік заттарды, медициналық мақсаттағы бұйымдарды жеткізуге ұзақ мерзімді шарт жасасу кезінде тиісті өндірістік практика (GMP) және/немесе дәрілік заттарды, тегін медициналық көмектің кепілдік берілген көлемін көрсету жөніндегі фармацевтикалық көрсетілетін қызметтерді сатып алу кезінде тиісті дистрибьюторлық практика (GDP) талаптарына объектінің сәйкестігі туралы сертификаттың нотариат куәландырған көшірмесі ұсынылады.
      егер әлеуетті өнім беруші Қазақстан Республикасының резиденті болып табылмаса және Қазақстан Республикасының салық төлеушісі ретінде тіркелмеген жағдайда, Қазақстан Республикасының салық органынан осы әлеуетті өнім берушінің Қазақстан Республикасының резиденті еместігі және салық есебіне тұрмайтыны туралы анықтаманың түпнұсқасы немесе нотариаттық куәландырылған көшірмесі беріледі;
      3) осы Ережеге 5-қосымшаға сәйкес жеткізілетін дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың, қосалқы қызметтердің құнын қоса алғанда, түпкі бағасын құрайтын, әлеуетті өнім берушінің барлық нақты шығындары қамтылуға тиіс әлеуетті өнім беруші ұсынатын баға кестесі;
      4) ұсынылатын тауардың нақты техникалық сипаттамасы – қағаз жеткізгіште, медициналық техниканы ұсыну кезінде – электрондық жеткізгіште (doc* форматында) көрсетілген техникалық ерекшеліктер;
      5) ұсынылатын қосалқы қызметтер;
      6) тендерлік өтінімді қамтамасыз етуді енгізуді растайтын құжаттардың түпнұсқасы;
      7) ұсынылатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың, фармацевтикалық қызметтердің осы Ережеде көзделген талаптарға сәйкестігін растайтын құжаттар;
      7-1) мемлекеттік санитариялық-эпидемиологиялық қадағалау органдары берген «суыту тізбегі» болуы қажет болған жағдайда дәрілік заттар айналымы саласындағы уәкілетті органның аумақтық бөлімшелері берген дәрілік заттарды сақтау мен тасымалдау үшін жағдайдың бар-жоғын тексеру актісі (актілер өтінімдер салынған конверттерді ашу күніне дейін бір жылдан кешіктірілмей берілуі тиіс);
      8) тендерлік құжаттамаға сәйкес ұсыну үшін қажетті басқа да құжаттар.
      Ескерту. 39-тармаққа өзгерістер енгізілді - ҚР Үкіметінің 2010.05. 26 № 474 (қолданысқа енгізілу тәртібін 2-т. қараңыз), 2010.08.27 N 844 (қолданысқа енгізілу тәртібін 2-т. қараңыз), 2011.02.22 N 163, 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.12.21 № 1649 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 06.06.2013 № 582 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      40. Фармацевтикалық көрсетілетін қызметтерді жеткізетін өнім берушіні, сондай-ақ осы Ереженің 39-тармағында көзделген құжаттарды қоспағанда, дәрілік заттарды, профилактикалық (иммундық-биологиялық, диагностикалық, дезинфекциялық) препараттарды және/немесе медициналық мақсаттағы бұйымдарды жеткізетін өнім берушінің тендерлік өтінімдері мынадай құжаттарды қамтуға тиіс:
      1) дәрілік заттарды, профилактикалық (иммундық-биологиялық, диагностикалық, дезинфекциялық) препараттарды және/немесе медициналық мақсаттағы бұйымдарды өндірушілермен не өндірушінің ресми өкілдерімен (дәрілік заттарды, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдардың көлемдері мен тізбесі көрсетілген) шарттардың нотариаттық куәландырылған көшірмелері;
      1-1) сатып алуға ұсынылатын дәрілік заттардың, медициналық мақсаттағы бұйымдар өндірушісінің не өндірушісінің ресми өкілінің мәртебесін растайтын, бірыңғай дистрибьютор өткізетін сатып алу тәсілі көрсетілген, саудалық атаулары бойынша тендерлік өтінімдері бар конверттерді ашу күніне дейін ағымдағы жылы берілген құжаттың түпнұсқасы немесе нотариат куәландырған көшірмесі (сондай-ақ қажет болған жағдайда нотариат куәландырған аудармасы);
      1-2) фармацевтикалық көрсетілетін қызметтерді сатып алудан басқа, тіркеу куәлігіне сәйкес өндіруші немесе өндіруші зауыт растаған дәрілік заттарды, медициналық мақсаттағы бұйымдарды жеткізу кестесі;
      Ескерту. 40-тармаққа өзгерістер енгізілді - ҚР Үкіметінің 2010.08.27 N 844 (қолданысқа енгізілу тәртібін 2-т. қараңыз); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      40-1. Медициналық техниканың әлеуетті өнім берушісінің тендерлік өтінімінде осы Ереженің 39-тармағында көзделген құжаттардан басқа, сатып алуға ұсынылатын медициналық техниканың әлеуетті өнім берушісі өндірушісінің мәртебесін растайтын құжаттардың түпнұсқалары немесе нотариат куәландырған көшірмелері (қажет болған жағдайда нотариалды расталған аудармасы да) қамтылуы тиіс. Тендерге ресми дистрибьютор не өндірушінің ресми өкілі қатысқан жағдайда, әлеуетті өнім берушінің тендерлік өтінімінде оның сатып алуға ұсынылатын медициналық техниканы сату құқығын растайтын шарттың немесе өзге де құжаттардың түпнұсқалары немесе нотариат куәландырған көшірмелері (сондай-ақ қажет болған жағдайда нотариат растаған аудармасын) қамтылуы тиіс.
      Ескерту. Ереже 40-1-тармақпен толықтырылды - ҚР Үкіметінің 2010.02.25 № 122; жаңа редакцияда - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      41. Әлеуетті өнім беруші тендерлік өтінімді ұсынудың мерзімі аяқталғанға дейін өзінің тендерлік өтінімін өзгертуге немесе қайтарып алуға құқылы. Бұл ретте ол өзінің тендерлік өтінімінің кепілдік қамтамасыз етілуін қайтарып алуға құқылы.
      Әлеуетті өнім берушінің тендерлік өтінімді қайтарып алу туралы хабарламасы тендерлік өтінімдерді ұсынудың соңғы мерзімінен кешіктірілмей, сатып алуды ұйымдастырушыға жазбаша түрде жіберілуі тиіс.
      42. Тендерлік өтінімді ұсынудың соңғы мерзімі өткеннен кейін тендерлік өтінімдерге өзгерістер енгізуге жол берілмейді.
      43. Тендерлік өтінімді әлеуетті өнім беруші беттері нөмірленген тігілген түрде ұсынады және соңғы беті мөрімен куәландырылады.
      Тендерлік өтінімнің техникалық өзіндік ерекшелігі (тігілген түрде, беттері нөмірленген, соңғы беті заңды тұлғаның немесе кәсіпкерлік қызметті жүзеге асыратын жеке тұлғаның қолымен және мөрімен бекітілген болуы тиіс), кепілдікті қамтамасыз етудің түпнұсқасы тендерлік өтінімге жеке қоса беріледі және осы Ереженің 46-тармағына сәйкес ресімделген тендерлік өтініммен бір конвертке салынып, жабылады.
      Ескерту. 43-тармақ жаңа редакцияда - ҚР Үкіметінің 2012.05.16 № 629 (алғашқы ресми жарияланған күнінен бастап қолданысқа енгізіледі) Қаулысымен.
      44. Тендерлік өтінім басылуы немесе өшірілмейтін сиямен жазылуы және оған әлеуетті өнім беруші қол қоюы тиіс.
      45. Тендерлік өтінімде әлеуетті өнім берушінің грамматикалық немесе арифметикалық қателерді түзетуі қажет болатын жағдайларды қоспағанда, жолдар арасында ешқандай өндірме, өшірілген сөздер немесе толықтырулар болмауы тиіс.
      46. Әлеуетті өнім беруші тендерге қатысуға өтінімді конвертке желімдейді. Конвертте әлеуетті өнім берушінің атауы мен заңды мекен-жайы көрсетілуі тиіс. Конверт Тендерлік құжаттамада көрсетілген мекен-жай бойынша тендерді ұйымдастырушыға жіберілуі және мынадай жазулар болуы тиіс: "____________________ сатып алу жөніндегі тендер (тендердің атауы көрсетіледі)" және "________________ дейін ашпаңыз" (тендерлік құжаттамада көрсетілген конверттерді ашу күні және уақыты көрсетіледі)".

3. Тендерлік өтінімді кепілдікті қамтамасыз өту

      47. Әлеуетті өнім беруші тендерлік өтінімді берген кезде сатып алынатын дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сатып алу үшін бөлінген сомадан үш пайыз мөлшерінде екі кезеңдік рәсімдерді пайдалана отырып, тендерді өткізу туралы хабарландыруда көзделген шарттарда оның тендерлік өтінімінде ұсынылған лоттар бойынша бір мезгілде кепілді міндеттеме енгізеді.
      Ескерту. 47-тармақ жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      48.Тендерлік өтінімді кепілдікті қамтамасыз ету:
      1) банкте орналастырылатын ақшалай кепілдік;
      2) сатып алуды ұйымдастырушыға осы Ережеге 6 немесе 6-1-қосымшаларға сәйкес осы Ереженің 88-4-тармағына сәйкес бірыңғай дистрибьютерге немесе сатып алуды ұйымдастырушыға банктік кепілдік.
      Тендерлік өтінімді кепілдікті қамтамасыз етуді әлеуетті өнім беруші ақшалай кепілдік түрінде тендерді ұйымдастырушының тиісті шотына енгізеді.
      Ескерту. 48-тармаққа өзгерістер енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулыларымен.
      49. Тендерлік өтінімді кепілдікті қамтамасыз етудің қолданылу мерзімі тендерлік өтінімнің қолданылу мерзімінен кем болмауы тиіс.
      50. Тендерді ұйымдастырушы тендерлік өтінімді кепілдікті қамтамасыз етуді бес жұмыс күні ішінде туындаған мынадай жағдайларда:
      1) тендер жеңімпазын қоспағанда, тендерлік өтінімнің мерзімі асқан;
      2) әлеуетті өнім берушінің тендерлік өтінімдерді ұсынудың соңғы мерзімі аяқталғанға дейін тендерлік өтінімді кері қайтарып алған;
      3) тендерлік өтінім тендерлік құжаттаманың талаптарына сәйкес емес деп қабылдамаған;
      4) басқа өнім беруші тендер жеңімпазы деп танылған кезде;
      5) тендер жеңімпазы анықталмастан, сатып алу рәсімдері тоқтатылған;
      6) сатып алу туралы шарттың күшіне енуі және тендерлік құжаттамада көзделген сатып алу туралы шарттың орындалуын қамтамасыз етуді тендер жеңімпазының енгізу сәтінен бастап кері қайтарады.
      51. Тендерлік өтінімді кепілдікті қамтамасыз ету тендерлік өтінімді ұсынған және оны қамтамасыз ету, егер әлеуетті өнім беруші:
      1) тендерлік өтінімдерді ұсынудың соңғы мерзімі асқаннан кейін тендерлік өтінімді кері қайтарып алса немесе өзгертсе;
      2) тендер жеңімпазы болып анықталса, бірақ сатып алу туралы уақтылы шарт жасаспаған жағдайларда әлеуетті өнім берушіге қайтарылмайды.
      52. Тендерлік өтінімді ұсынған кезде бір мезгілде шағын кәсіпкерлік субъектілері болып табылатын әлеуетті өнім берушілер сатып алынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың және медициналық мақсаттағы бұйымдар мен медициналық техникасының, фармацевтикалық қызметтер құнының бір жарым пайызы мөлшерінде тендерлік құжаттамада көзделген тәсілімен және шарттарда оның тендерлік өтінімінде ұсынылған нысанда тендерлік өтінімді кепілдікті қамтамасыз етуді енгізеді.

4. Тендерлік өтінімдер салынған конверттерді ашу

      53. Тендерлік өтінімдер салынған конверттерді тендерлік комиссия тендерлік құжаттамада көрсетілген уақытта, мерзімде және орында ашады.
      Тендерлік өтінімдер салынған конверттерді ашу кезінде әлеуетті өнім берушілер не олардың уәкілетті өкілдері қатысуға құқылы.
      54. Тендерлік өтінімдер салынған конверттерді ашу кезінде тендерлік комиссияның хатшысы қатысушы тұлғаларға тендерге қатысушы әлеуетті өнім берушілердің атауы мен мекен-жайын, олардың ұсынған бағаларын, жеткізу және төлеу шарттарын, егер құжатта көрсетілген болса өтінімдерін кері қайтару және өзгерістер, тендерлік өтінімді құрайтын құжаттардың болуы туралы ақпаратты хабарлайды және аталған ақпаратты тендерлік өтінімдер салынған конверттерді ашу хаттамасына тіркейді.

5. Тендерлік өтінімдерді бағалау және салыстыру

      55. Тендерлік өтінімдерді бағалау және салыстыру кезінде:
      1) тендерлік комиссия әлеуетті өнім берушілерден олардың тендерлік өтінімдеріне байланысты тендерге қатысуға өтінімдерді қарауды, бағалауды және салыстыруды жеңілдету үшін түсіндірулерді сұратуға құқылы;
      2) біліктілік талаптары мен тендерлік құжаттаманың талаптарына сай келмейтін тендерлік өтінімдерді осы талаптарға сәйкес келтіру үшін сұратуларға, ұсыныстарға немесе толықтыруларға жол берілмейді.
      56. Тендерлік комиссия, егер:
      1) әлеуетті өнім беруші біліктілік талаптарына сәйкес келмесе;
      2) тендерлік құжаттамада көзделген нысанда, көлемде және шарттарда тендерлік өтінімді кепілдікті қамтамасыз етуді енгізбесе;
      3) осы тендерлік өтінім тендерлік құжаттаманың талаптарына сәйкес келмесе;
      4) әлеуетті өнім берушілердің тендерлік өтінімдерінің бағасы сатып алу үшін бөлінген сомадан артық болса, тендерлік өтінімді қабылдамайды;
      57. Тендерлік комиссия мынадай жағдайларда:
      1) осы Ережеде көзделген жағдайларды қоспағанда, тендерге қатысу үшін біліктілік талаптарын қанағаттандырған екіден кем әлеуетті өнім беруші тендерлік өтінім бергенде;
      2) барлық ұсынылған тендерлік өтінімдер тендерлік құжаттаманың талаптарына сай келмейді деп қабылдамағанда;
      3) тендерге қатысуға тек бір әлеуетті өнім беруші ғана өтінім берсе, тендерді тұтастай немесе оның қандай да бір лоты өтпей қалды деп таниды.
      Ескерту. 57-тармаққа өзгерту енгізілді - ҚР Үкіметінің 2010.08.27 N 844 (қолданысқа енгізілу тәртібін 2-т. қараңыз) Қаулысымен.
      58. Егер тендер тұтастай немесе оның қандай да бір лоты өтпей қалды деп танылса, тендерді ұйымдастырушы қажет болған жағдайда тендердің шарттарын өзгертеді және тендерді қайта өткізеді.
      Бұл ретте егер тендер тұтастай немесе оның қандай да бір лоты өтпей қалды деп танылса, егер тендерге қандай да бір лот бойынша осы Ереженің талаптарына сәйкес келетін тек бір ғана өтінім ұсынылса, онда тендерді ұйымдастырушы осы әлеуетті өнім берушіден бір көзден сатып алу тәсіліне көшеді.
      Ескерту. 58-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      59. Тендерлік комиссия тендерге қатысу үшін қабылданған тендерлік өтінімдерді бағалайды және салыстырады әрі ең төмен баға негізінде жеңімпаз өтінімді айқындайды.
      60. Тендерлік комиссия тендерлік өтінімдер салынған конверттер ашылған күнінен бастап он күнтізбелік күн ішінде тендер қорытындысының хаттамасын ресімдеу жолымен тендер қорытындысын шығарады.
      61. Тендерге қатысқан әлеуетті өнім беруші Қазақстан Республикасының заңнамасында белгіленген тәртіппен тендер қорытындысына шағым жасай алады.

6. Тендер қорытындылары туралы хаттама

      62. Дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы және фармацевтикалық қызметтерді тендер тәсілімен сатып алуды жүзеге асыру кезінде тендерлік комиссия тендер қорытындылары туралы хаттама ресімдейді, онда мынадай ақпараттар қамтылуға тиіс:
      1) сатып алынатын дәрілік заттардың, профилактикалық (иммундық- биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың, фармацевтикалық қызметтердің атауы және қысқаша сипаттамасы;
      2) сатып алу үшін бөлінген сома;
      3) тендерлік өтінім берген әлеуетті өнім берушілердің атауы және орналасқан жері;
      4) тендерлік өтінім ұсынған әлеуетті өнім берушілердің біліктілік деректері;
      5) тендерлік құжаттамаға сәйкес әрбір тендерлік өтінімнің бағасы және басқа шарттары;
      6) тендерлік өтінімдерді бағалауды және салыстыруды баяндау;
      7) тендерлік өтінімдер қабылданбаған жағдайда - оларды қабылдамау негіздемесі;
      8) әрбір лот бойынша тендер жеңімпазының атауы мен орналасқан жері және олар бойынша жеңімпаз белгіленген шарттар;
      9) әрбір лот бойынша жеңімпаз ұсынысынан кейін ұсынысының артықшылығы екінші болып табылатын тендерге қатысушының атауы мен орналасқан жері;
      10) егер тендердің нәтижесінде жеңімпаз анықталмаған болса - тендерлік комиссияның осындай шешім қабылдауының негіздемесі;
      11) сатып алу туралы шарт жасалуы тиіс (бірақ тендердің жеңімпазы хаттама қорытындысын алған сәттен бастап он күнтізбелік күннен аспайтын) мерзім;
      12) сараптама комиссиясын тарту туралы ақпарат.
      63. Тендерді ұйымдастырушы тендердің қорытындылары шыққан күнінен бастап үш күнтізбелік күн ішінде әлеуетті өнім берушілерге хабарлама және хаттама қорытындысының көшірмесін жіберу жолымен тендерге қатысқан барлық әлеуетті өнім берушілерді жазбаша хабардар етеді.

7. Сатып алу туралы шарт жасасу тәртібі

      64. Тендерді ұйымдастырушы тендердің қорытындылары шыққан күнінен бастап бес күнтізбелік күн ішінде әлеуетті - өнім берушіге осы Ережеге 7 және 9-қосымшаларға сәйкес нысан бойынша жасалатын сатып алу туралы қол қойылған шартты жібереді.
      65. Сатып алу туралы шарт, егер Қазақстан Республикасының заңнамалық актілерінде өзгеше көзделмесе, оған тараптардың уәкілетті өкілдері қол қойған сәтінен бастап күшіне енеді.
      66. Тендердің жеңімпазы қол қойылған сатып алу туралы шартты алған сәттен бастап он жұмыс күнінің ішінде қол қояды немесе тендерді ұйымдастырушыны келіспеушіліктері туралы немесе шартқа қол қоюдан бас тартатындығы туралы жазбаша хабардар етеді.
      67. Егер тендердің жеңімпазы болып танылған әлеуетті өнім беруші тендерді ұйымдастырушыны келіспеушіліктері туралы хабарламай, осы Ереженің 66-тармағында белгіленген мерзімде сатып алу туралы шартқа қол қоймаса, тендерді ұйымдастырушы жеңімпаз ұсынысынан кейін ұсынысының артықшылығы екінші болып табылатын тендердің басқа қатысушысымен сатып алу туралы шарт жасасуға құқылы, бұл тендердің қорытындысы туралы хаттамамен расталады.
      68. Өнім берушіні таңдауға негіз болған (баға, сапа) ұсыныстар мазмұнын өзгерте алатын сатып алу шартының жобасына немесе қол қойылған сатып алу туралы шартқа немесе фармацевтикалық қызметтер көрсетуге арналған шартқа қандай да бір өзгерістер және (немесе) жаңа талаптар (бағаны азайтуды қоспағанда) енгізуге жол берілмейді.
      Өнім берушіні таңдау үшін негіз болған баға мен сапасын өзгертпеген жағдайда және басқа жағдайларда сатып алу туралы шарттың жобасына немесе фармацевтикалық қызметтер көрсетуге арналған шарттың жобасына немесе қол қойылған сатып алу туралы шартқа немесе фармацевтикалық қызметтер көрсетуге арналған шартқа сатып алу көлемін өзгерту бөлігінде өзгерістер енгізуге жол беріледі.
      69. Тендерді ұйымдастырушы сатып алу туралы шартқа қол қойылғанға дейін шарт сомасын азайту мақсатында тендердің жеңімпазы деп танылған әлеуетті өнім берушімен келіссөз жүргізуге құқылы. Әлеуетті өнім беруші мұндай азайтуға келіспеуге құқылы, бұл ретте тендерді ұйымдастырушының дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сатып алу бойынша тендердің жеңімпазы деп танылған әлеуетті өнім берушімен шартқа қол қоюдан бас тартуға құқығы жоқ.
      Егер сатып алу туралы шартты орындау үдерісінде осыған ұқсас сатып алынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың бағалары азаю жағына өзгерген жағдайда тендерді ұйымдастырушы мен өнім берушінің өзара келісімі бойынша сатып алу туралы шартқа осы тармақтың ережелері ескеріле отырып, тиісті өзгерістер енгізілуі мүмкін.

8. Сатып алу туралы шартты орындауды қамтамасыз етуді енгізу тәртібі

      70. Сатып алу туралы шартты орындауды қамтамасыз ету мынадай түрде ұсынылуы мүмкін:
      1) банкте орналастырылатын ақшалай кепілдік;
      2) Қазақстан Республикасының Ұлттық Банкінің нормативтік құқықтық актілеріне сәйкес берілген банк кепілдігі.
      Ақшалай кепілдік түрінде шарттың орындалуын қамтамасыз етуді әлеуетті өнім беруші тендерді ұйымдастырушының тиісті шотына салады.
      Сатып алу туралы шартты орындауды қамтамасыз ету мөлшері шарттың жалпы сомасының үш пайызын құрайды.
      Егер шарттың сомасы тиісті қаржы жылына екі мың есе айлық есептік көрсеткіш мөлшерінен аспаған жағдайда, шартты орындауды қамтамасыз ету енгізілмейді.
      71. Егер тендерлік құжаттамада тендерді ұйымдастырушы мемлекеттік мекеменің атынан шарттың орындалуын қамтамасыз етуді ақшалай кепілдік түрінде енгізуді көздесе, онда олар тендерлік құжаттамада көрсетілген тендерді ұйымдастырушының тиісті табыс кодына салынады.
      72. Шартты орындауды қамтамасыз етудің мазмұнын, нысаны мен енгізу шартын осы Ережеге сәйкес тендерді ұйымдастырушы айқындайды, тендерлік құжаттамада көрсетіледі және сатып алу туралы шартта ескеріледі.
      73. Өнім беруші сатып алу туралы шарттың орындалуын қамтамасыз етуді егер осы шартта өзгеше көзделмесе, өнім беруші шарт күшіне енгеннен кейін он жұмыс күнінің ішінде енгізеді.

9. Фармацевтикалық қызметтердің өнім берушілеріне шығындарды
өтеу тәртібі

      74. Денсаулық сақтауды басқарудың жергілікті органдары бюджеттік бағдарламалар әкімшісінің міндеттемелері мен төлемдері бойынша бюджеттік бағдарламаларды (кіші бағдарламаларды) қаржыландыру жоспарларында көзделген қаражаттың шегінде берілген рецептілер тізілімін салыстыру негізінде орындалған жұмыстардың актілеріне сәйкес нақты көрсетілген қызметтер үшін фармацевтикалық қызметтердің өнім берушілеріне ай сайын шығындарын өтейді.
      75. Фармацевтикалық қызметтердің өнім берушілеріне өтеу сомасын денсаулық сақтауды басқарудың жергілікті органдары Тегін медициналық көмектің кепілдік берілген көлемінің шеңберінде амбулаториялық деңгейде белгілі бір аурулары (жай-күйлері) бар халықты тегін немесе жеңілдікпен-берілетін дәрілік заттармен және арнайы емдік өнімдермен қамтамасыз ету үшін уәкілетті орган бекіткен дәрілік заттар мен медициналық мақсаттағы бұйымдардың тізбесіне сәйкес төлейді. Шарт сомасы нақты көрсетілген қызметтердің көлемі ескеріле отырып түзетілуі мүмкін.

6-тарау. Баға ұсыныстарын сұрату тәсілімен сатып алуды жүзеге
асыру тәртібі

      76. Егер бірыңғай дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сатып алудың жылдық көлемі құндық тұрғыдан тиісті қаржы жылына заңнамамен белгіленген екі мың есе айлық есептік көрсеткіш мөлшерінен аспаса, баға ұсыныстарын сұратумен сатып алу пайдаланылуы мүмкін.
      77. Баға ұсыныстарын сұрату тәсілімен сатып алуды қолдану мақсатында бірыңғай дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сатып алудың жылдық көлемін қаржы жылының ішінде бөліктерге ұсақтауға жол берілмейді.
      77-1. Күші жойылды - ҚР Үкіметінің 2010.02.04 № 66 (2010.03.10 бастап қолданыста болады) Қаулысымен.
      77-2. Дәрілік заттар мен медициналық мақсаттағы бұйымдарды уәкілетті орган белгілеген мөлшерден аспайтын баға бойынша отыз күнге дейінгі қажеттілік кезеңіне сатып алуға дәрілік заттар мен медициналық мақсаттағы бұйымдардың атаулары бойынша жеткізу мерзімдерін Бірыңғай дистрибьютордың бұзуына байланысты тегін медициналық көмектің (жедел, стационарлық және стационарды алмастыратын көмек) кепілдік берілген көлемін уақтылы көрсету үшін тапсырыс берушілерде дәрілік заттар мен медициналық мақсаттағы бұйымдардың қалдықтары болмаған жағдайда жол беріледі.
      Ескерту. Ереже 77-2-тармақпен толықтырылды - ҚР Үкіметінің 2010.05.26 № 474 (қолданысқа енгізілу тәртібін 2-т. қараңыз) Қаулысымен, жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      78. Тапсырыс беруші осы Ережеге 5-қосымшада көрсетілген нысан бойынша өзара аффилиирленбеген кемінде екі әлеуетті өнім берушіден баға ұсыныстарын сұратады және түскен барлық ұсыныстарды қарайды.
      Әрбір әлеуетті өнім беруші жазбаша түрде ресімделген тек бір ғана баға ұсынысты береді.
      Баға ұсыныстарын сұрату тәсілімен сатып алуды өткізу кезінде қойылатын біліктілік талаптарына ең темен баға ұсынған әлеуетті өнім берушінің сәйкестігін растайтын құжаттар мыналар болып табылады:
      1) әлеуетті өнім берушіге қойылатын біліктілік талаптарына сәйкестігін растайтын құжаттар:
      дәрілік заттарды, профилактикалық (иммундық-биологиялық, диагностикалық, дезинфекциялық) препараттарды көтерме, бөлшек саудада өткізуге әлеуетті өнім берушінің құқығын растайтын лицензиялардың көшірмелері және (немесе) денсаулық сақтау саласындағы уәкілетті органның хабарламаны қабылдау туралы талоны, халыққа қызмет көрсету орталығының қабылдау туралы белгісі бар хабарламасының көшірмесі немесе медициналық техниканы және медициналық мақсаттағы бұйымдарды көтерме, бөлшек саудада өткізуге электрондық құжат нысанындағы талоны;
      тиісті мемлекеттік орган (кәсіпкерлік қызметті жүзеге асыратын жеке тұлға үшін) берген, заңды тұлғаны құрусыз кәсіпкерлік қызметті жүзеге асыруға құқық беретін құжаттың нотариаттық куәландырылған көшірмесі;
      бірінші басшының немесе оның міндетін атқарушының қолы қойылған соңғы қаржы жылдың бухгалтерлік баланстың нотариаттық куәландырылған көшірмесі;
      заңды тұлғаны мемлекеттік тіркеу (қайта тіркеу) туралы куәліктің нотариат куәландырған көшірмесі не заңды тұлғаны мемлекеттік тіркеу (қайта тіркеу) туралы анықтама, жеке куәліктің немесе төлқұжаттың көшірмесі (кәсіпкерлік қызметті жүзеге асыратын жеке тұлға үшін);
      заңды тұлға үшін Жарғының нотариаттық куәландырылған көшірмесі (егер Жарғыда құрылтайшылардың, қатысушылардың немесе акционерлердің құрамы көрсетілмеген жағдайда, акцияларды ұстаушылардың тізілімінен үзінді көшірме немесе құрылтайшылардың, қатысушылардың құрамы туралы үзінді көшірме немесе құрылтай шартының нотариаттық куәландырылған көшірмесі);
      салық төлеушінің Қазақстан Республикасы бойынша салық берешегінің, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешегінің жоқ (бар) екені туралы анықтаманың түпнұсқасы;
      әлеуетті өнім беруге қызмет көрсетілетін банктің немесе банк филиалының қолы және мөрі бар әлеуетті өнім берушінің осы Ережеге 4-қосымшаға сәйкес Қазақстан Республикасы Ұлттық Банкі басқармасының қаулысымен бекітілген Екінші деңгейдегі банктердегі және ипотекалық ұйымдардағы және «Қазақстанның даму банкі» акционерлік қоғамындағы бухгалтерлік есеп шоттарының үлгі жоспарына сәйкес банктің немесе банк филиалының алдындағы міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы анықтаманың түпнұсқасы (егер әлеуетті өнім беруші бірнеше банктің немесе банк филиалдардың, сондай-ақ шетелдік банктің клиенті болып табылған жағдайда, бұл анықтама осындай банктердің немесе банк филиалдарының әрқайсысынан ұсынылады). Анықтама тендірлік өтінімдер салынған конверттерді ашу күнінің алдындағы бір айдан кешіктірмей берлуі тиіс. Анықтамаға қол қойған лауазымды тұлғаның өкілеттігін растайтын құжаттың болмауы осындай әлеуетті өнім берушіні біліктілік талаптарына сәйкес емес деп тану үшін негіздеме болып табылмайды;
      біліктілігі, мамандығы бойынша жұмыс өтілі көрсетіле отырып, мамандардың болуы және саны туралы мәлімет;
      егер әлеуетті өнім беруші Қазақстан Республикасының резиденті болып табылмаса және Қазақстан Республикасының салық төлеушісі ретінде тіркелмеген жағдайда, Қазақстан Республикасының салық органынан осы әлеуетті өнім берушінің Қазақстан Республикасының резиденті еместігі және салық есебіне тұрмайтыны туралы анықтаманың түпнұсқасы немесе нотариаттық куәландырылған көшірмесі беріледі;
      2) ілеспелі қызметтер құнын қосқанда жеткізілетін дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың соңғы бағасын құраушы әлеуетті өнім берушінің барлық нақты шығындары құрамына енгізілген әлеуетті өнім беруші ұсынып отырған бағалар кестесі;
      3) техникалық ерекшелік;
      4) ұсынылатын ілеспелі қызметтер;
      5) ұсынылып отырған дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың, фармацевтикалық қызметтердің осы Ережеде көзделген талаптарға сәйкестігін растайтын құжаттар.
      Ескерту. 78-тармаққа өзгерістер енгізілді - ҚР Үкіметінің 2010.08.27 N 844 (қолданысқа енгізілу тәртібін 2-т. қараңыз), 2011.02.22 N 163, 2011.04.07 № 392 (алғашқы ресми жарияланған күнінен бастап қолданысқа енгізіледі), 2012.05.16 № 629 (алғашқы ресми жарияланған күнінен бастап қолданысқа енгізіледі), 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.12.21 № 1649 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 06.06.2013 № 582 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі) қаулыларымен.

7-тарау. Бір көзден сатып алу және оны қолдану шарттары

      79. Бір көзден сатып алу - бұл мынадай жағдайларда:
      1) сатып алу жарамсыз деп танылған жағдайларды қоспағанда, тендер өтпей қалды деп танылғанда;
      2) балама болмаған кезде дәрілік заттар, профилактикалық (иммундық-биологиялық, диагностикалық, дезинфекциялық) препараттар, медициналық мақсаттағы бұйымдар немесе медициналық техника тек бір өнім берушіде ғана бар болғанда;
      3) Қазақстан Республикасының заңнамасымен белгіленген тәртіпте төтенше жағдайларды хабарлау салдарынан осы дәрілік заттарға және медициналық мақсаттағы бұйымдар мен медициналық техникаға жедел қажеттілік туындайды, бұл тендерлер өткізу мүмкіндігін болдырмағанда;
      4) қалдық жоқ болған кезде, тендердің қорытындысы шыққанға дейінгі кезеңге ағымдағы қажеттіліктегі дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен фармацевтикалық қызметті сатып алуды жүзеге асырудағы қажеттілік болғанда жүргізілетін сатып алу тәсілі.
      Ескерту. 79-тармаққа өзгерту енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      80. Бір көзден сатып алуды жүзеге асыру кезінде сатып алуды ұйымдастырушы әлеуетті өнім берушіден:
      1) баға ұсыныстарына;
      2) әлеуетті өнім берушінің осы Ереженің 8-тармағында белгіленген біліктілік талаптарына сәйкестігін растайтын құжаттарға;
      3) ұсынылатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың осы Ережеде көзделген талаптарға сәйкестігін растайтын құжаттарға сұрау салады.
      81. Бір көзден сатып алуды жүзеге асыру кезінде сатып алуды ұйымдастырушы мынадай ақпараттан тұратын хаттаманы жасауы тиіс:
      1) бір көзден сатып алу тәсілін қолдану негіздемесі;
      2) сатып алынатын дәрілік заттардың, профилактикалық (иммундық-биологиялық, диагностикалық, дезинфекциялық) препараттардың, медициналық мақсаттағы бұйымдар мен медициналық техниканың, фармацевтикалық қызметінің қысқаша сипаттамасы;
      3) сатып алу туралы шарт жасалатын өнім берушінің атауы мен орналасқан жері және осындай шарттың бағасы.
      Осы Ереженің 5-тарауы 7-бөлігінің талаптарын ескере отырып, тапсырыс беруші сатып алу туралы шарт жасасады.

8-тарау. Бірыңғай дистрибьютордың тізімі бойынша сатып алу

      82. Денсаулық сақтау саласындағы уәкілетті орган жыл сайын тиісті қаржы жылының бірінші шілдесінен кешіктірмей, келесі қаржы жылына бірыңғай дистрибьютордың тізімін бекітеді, онда денсаулық сақтау саласындағы уәкілетті орган бекіткен тәртіппен өзгерістер мен толықтырулар енгізу мүмкіндігімен тегін медициналық көмектің кепілдік берілген көлемін көрсетуге арналған дәрілік заттар мен медициналық мақсаттағы бұйымдар қамтылады.
      Бірыңғай дистрибьютордың бекітілген тізімін уәкілетті орган дәрілік заттардың халықаралық патенттелмеген атауларын немесе құрамын, пациентке бағдарланған дәрілік қамтамасыз етуді ескере отырып қолдану мүмкіндігін, сондай-ақ техникалық сипаттамасын және шекті бағасын көрсете отырып, бірыңғай дистрибьюторға жібереді;
      Тегін медициналық көмектің кепілдік берілген көлемін көрсетуге арналған дәрілік заттарды, медициналық мақсаттағы бұйымдарды сатып алу үшін бөлінетін бюджет қаражатын оңтайлы және тиімді жұмсау мақсатында дәрілік заттар, медициналық мақсаттағы бұйымдар осы Ереженің 11-1-тарауында көзделген жағдайларды қоспағанда, уәкілетті орган белгілеген бағадан аспайтын бағалар бойынша сатып алынады.
      Дәрілік заттармен, медициналық мақсаттағы бұйымдармен уақтылы қамтамасыз ету және сатып алуды жүзеге асыру мақсатында денсаулық сақтау саласындағы уәкілетті орган Біріккен Ұлттар Ұйымының Бас Ассамблеясы құрған ұйымдардан сатып алуға жататын дәрілік заттар мен медициналық мақсаттағы бұйымдардың тізбесін бекітеді және бірыңғай дистрибьютордың атына дәрілік заттардың, медициналық мақсаттағы бұйымдардың халықаралық патенттелмеген атауын, болжамды құнын (бағасын) көрсете отырып, дәрілік заттардың тізбесін жібереді.
      Денсаулық сақтау саласындағы уәкілетті орган дәрілік заттарды Біріккен Ұлттар Ұйымының Бас Ассамблеясы құрған ұйымдардан сатып алу туралы шешімді егер, Біріккен Ұлттар Ұйымы құрған ұйымдардан сатып алуға ұсынылған дәрілік заттар мен медициналық мақсаттағы бұйымдар Бірыңғай дистрибьютордың тізіміне енгізілген және ұсынылған баға уәкілетті орган белгілеген сатып алу бағасынан төмен болған жағдайда қабылдайды.
      Ескерту. 82-тармақ жаңа редакцияда - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      83. Алынып тасталды - ҚР Үкіметінің 2010.05.26 № 474 (қолданысқа енгізілу тәртібін 2-т. қараңыз) қаулысымен.
      83-1. Тапсырыс берушілерде сол қаржылық жылы дәрілік заттар мен медициналық мақсаттағы бұйымдарға бірыңғай дистрибьютор мен тапсырыс беруші арасында жасалған дәрілік заттар мен/немесе медициналық мақсаттағы бұйымдарды сатып алу шартында көрсетілген көлемнен өсу жағына қарай қосымша қажеттілік туындаған жағдайда, тапсырыс беруші бірыңғай дистрибьюторға көзделген қаражат шегінде дәрілік заттар мен медициналық мақсаттағы бұйымдардың атауын, олардың көлемі мен жеткізу кестесін көрсете отырып, қосымша өтінім береді.
      Ескерту. Ережелер 83-1-тармақпен толықтырылды - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); жаңа редакцияда - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      84. Тапсырыс берушілер жыл сайын бірыңғай дистрибьютор өтінім жіберген сәттен бастап күнтізбелік отыз күннен кешіктірмей бірыңғай дистрибьюторға келесі күнтізбелік жылға алдын ала өтінімді ұсынады, онда мыналар қамтылуы тиіс:
      1) дәрілік заттар (халықаралық патенттелмеген атауларымен) мен медициналық мақсаттағы бұйымдардың атауы;
      2) алдыңғы аяқталған күнтізбелік жылы пайдаланылған дәрілік заттар мен медициналық мақсаттағы бұйымдардың нақты саны;
      3) тапсырыс берушілердің толық атауы, олардың деректемелері, мекен-жайы (почта және заңды), байланыс телефондары, факстары, электрондық почтасының мекен-жайы, бірінші басшының немесе оны ауыстыратын адамның лауазымы және Т.А.Ә., сатып алуды жүзеге асыруға жауапты адамның Т.А.Ә., бағдарламаның, кіші бағдарламаның, ерекшеліктің атауы шеңберінде сатып алу жоспарланады;
      4) өткен жылғы нақты тұтынуды ескере отырып, дәрілік заттардың және медициналық мақсаттағы бұйымдардың әрбір атауы бойынша ай сайынғы қажеттілігі көрсетілген келесі жылға қажеттілік есебі.
      Ескерту. 84-тармаққа өзгерістер енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      85. Дәрілік заттар мен медициналық мақсаттағы бұйымдарды сатып алуды жүргізу рәсімдерін бірыңғай дистрибьютор осы Ереженің 3-бөлімінде айқындалған тәртіппен жүзеге асырады.
      86. Бірыңғай дистрибьютор сатып алуды өткізгеннен кейін бірыңғай дистрибьютор сатып алған дәрілік заттар мен медициналық мақсаттағы бұйымдардың халықаралық патенттелмеген атауы немесе құрамы, саудалық атауы, дәрілік нысаны (техникалық сипаттамасы), өлшем бірліктері, қаптамасы, өндірушісі (елі), шетелдік өндірушіден (өндіруші зауыттан) аналогы жоқ дәрілік заттар мен медициналық мақсаттағы бұйымдарды сатып алу кезінде бірыңғай дистрибьютор төлеуге тиіс кедендік баж салықтарын қамтитын 9 %-дан аспайтын немесе орфандық препараттарға және бір бірлігіне құны 100000 (жүз мың) теңгеден асатын препараттарға арналған қаптама үшін төрт айлық есептік көрсеткіштен аспайтын мөлшердегі бірыңғай дистрибьютор белгілеген үстеме бағаны қамтитын, бір бірлігі үшін бағасы көрсетілген прайс-парағын бекітеді және тапсырыс берушілерге тиісті қаржы жылына бюджетті қалыптастыру (түзету) үшін жібереді. Бұл ретте дәрілік заттар мен медициналық мақсаттағы бұйымдардың бағасы уәкілетті орган бекіткен шекті бағадан аспауға тиіс.
      Үстеме баға саясатын денсаулық сақтау саласындағы уәкілетті органның келісімі бойынша Бірыңғай дистрибьютор анықтайды.
      Ескерту. 86-тармақ жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      87. Тапсырыс берушілер жыл сайын тиісті қаржы жылына арналған бюджет бекітілген күнінен бастап күнтізбелік он күннен кешіктірмей бірыңғай дистрибьюторға бірыңғай дистрибьютордың тізімінде көзделген келесі күнтізбелік жылға арналған дәрілік заттарға, медициналық мақсаттағы бұйымдарға түпкілікті өтінімді береді, онда мыналар қамтылуы тиіс:
      1) дәрілік заттардың атауы мен медициналық мақсаттағы бұйымдардың тізбесі;
      2) бекітілген бюджетке және ай сайынғы қажеттілікке сәйкес дәрілік заттар мен медициналық мақсаттағы бұйымдардың саны.
      Бұл ретте, дәрілік заттар мен медициналық мақсаттағы бұйымдардың саны ай сайын ең аз қаптамаға дейін дөңгелектенеді;
      3) мемлекеттік тіркеу туралы анықтама немесе куәлік, жарғы/ереже көшірмелері, олардың деректемелері, мекенжайы (пошта және заңды), байланыс телефондары, факстары, электрондық поштасының мекен жайы, бірінші басшының немесе оны алмастыратын адамның лауазымы (атқаратын лауазымын растайтын құжаттың көшірмесі), және Т.А.Ә., сатып алуды жүзеге асыруға жауапты адамның Т.А.Ә., сатып алу жоспарланатын бағдарламаның, кіші бағдарламаның, ерекшеліктің атауы көрсетілген тапсырыс берушілердің толық атауы;
      Соңғы өтінімдерді қалыптастыру кезінде дәрілік заттар мен медициналық мақсаттағы бұйымдардың саны алдын ала өтінімде көрсетілген санынан кемінде 25 %-ға (жиырма бес пайызға) арттырылуы немесе азаю жағына қарай өзгертілуі мүмкін.
      Соңғы өтінімді қалыптастыру кезінде тапсырыс беруші сатып алынатын дәрілік заттар мен медициналық мақсаттағы бұйымдардың санын олардың сапасын сақтау мақсатында осы Ереженің 86-тармағына сәйкес ең аз қаптамаға дейін жинақтайды.
      Ескерту. 87-тармаққа өзгерістер енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулыларымен.
      87-1. Бірыңғай дистрибьютор сатып алуды қорытындылаған күнінен бастап 5 (бес) жұмыс күнінің ішінде сатып алынатын дәрілік заттардың атауларының нақты бағасын көрсете отырып, белгіленген нысан бойынша денсаулық сақтау саласындағы уәкілетті органға нәтижелері туралы есеп береді.
      Ескерту. Ереже 87-1-тармақпен толықтырылды - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      87-2. Бірыңғай дистрибьютор ай сайын, есепті айдан кейінгі айдың 5-күніне дейінгі мерзімде дәрілік заттарды, медициналық мақсаттағы бұйымдарды және медициналық техниканы сатып алу және жеткізу мониторингін жүргізеді және денсаулық сақтау саласындағы уәкілетті органға денсаулық сақтау саласындағы уәкілетті орган белгілеген нысан бойынша есеп береді.
      Ескерту. Ереже 87-2-тармақпен толықтырылды - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен, өзгеріс енгізілді - ҚР Үкіметінің 2012.05.16 № 629 (алғашқы ресми жарияланған күнінен бастап қолданысқа енгізіледі) Қаулысымен.
      87-3. Тапсырыс берушілер алдын ала, түпкілікті, қосымша өтінімдерді қағаз жеткізгіште және (немесе) электрондық форматта ұсынады. Өтінімдерді электрондық форматта жіберген жағдайда, өтінім тапсырыс берушінің электрондық цифрлық қолтаңбасы қойылған электрондық құжат түрінде қалыптастырылады.
      Ескерту. Ереже 87-3-тармақпен толықтырылды - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      88. Тапсырыс берушілер түпкілікті өтінімдердің және бірыңғай дистрибьютор мен тапсырыс берушінің арасында осы Ережеге 9-қосымшаға сәйкес дәрілік заттарды және (немесе) медициналық мақсаттағы бұйымдарды сатып алудың үлгі шартына сәйкес әзірленген және жасалған дәрілік заттарды және (немесе) медициналық мақсаттағы бұйымдарды сатып алу шартының (бұдан әрі – сатып алу шарты) негізінде дәрілік заттарды және (немесе) медициналық мақсаттағы бұйымдарды сатып алуды жүзеге асырады.
      Бірыңғай дистрибьютор тапсырыс берушілерден түпкілікті өтінімді алған күннен бастап бес жұмыс күні ішінде сатып алу шартын қабылдау-беру актісі бойынша тапсырыс берушілерге қол қоюға береді.
      Тапсырыс берушілер бірыңғай дистрибьютордан сатып алу шартын алған күннен бастап он жұмыс күнінен кешіктірмей оларға толық көлемде қол қояды.
      Ескерту. 88-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

8-1-тарау. Медициналық техниканы сатып алуды жоспарлау және ұйымдастыру

      Ескерту. 2-бөлім 8-1-тараумен толықтырылды - ҚР Үкіметінің  2011.02.22 N 163 Қаулысымен, жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

      88-1. Тегін медициналық көмектің кепілдік берілген көлемі шеңберінде бірыңғай дистрибьютордың тізіміне енбейтін, құны 5000000 (бес миллион) теңгеге дейінгі медициналық техниканы сатып алу келісілген клиникалық-техникалық негіздеме және техникалық ерекшелік негізінде осы Ереженің 7-тармағының 1) тармақшасында көзделген тәсілмен жүзеге асырылады:
      1) денсаулық сақтау саласындағы уәкілетті органға бағынысты денсаулық сақтау ұйымдарымен, денсаулық сақтау саласындағы уәкілетті органмен;
      2) жергілікті атқарушы органдарға бағынысты денсаулық сақтау ұйымдарымен, денсаулық сақтауды басқарудың жергілікті органдарымен;
      3) «Ұлттық медициналық холдинг» акционерлік қоғамымен «Ұлттық медициналық холдинг» акционерлік қоғамының еншілес ұйымдарымен келісілген клиникалық-техникалық негіздеменің және техникалық ерекшеліктің негізінде осы Ереженің 7-тармағының 1) тармақшасында көзделген әдіспен жүзеге асырылады.
      Тегін медициналық көмектің кепілдік берілген көлемі шеңберінде бірыңғай дистрибьютордың тізіміне енгізілген құны 5000000 (бес миллион) теңгеге дейінгі медициналық техниканы сатып алуды осы Ереженің 133-139-тармақтарына сәйкес денсаулық сақтау саласындағы уәкілетті органмен немесе денсаулық сақтауды басқарудың жергілікті органдарымен келісу рәсімдерін және лизинг берушінің сараптамасын жүргізбей міндетті түрде өтінім беру арқылы тапсырыс беруші жүзеге асырады.
      Ескерту. 88-1-тармаққа өзгеріс енгізілді - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      88-2. Құны 5 000 000 (бес миллион) теңгеден бастап 50 000 000 (елу миллион) теңгеге дейінгі медициналық техника қаржылық лизинг шарттарында және осы Ережеге сәйкес сатып алынады.
      Егер:
      1) лизингтік төлемдерді тегін медициналық көмектің кепілдік берілген көлемі есебінен өтеу тетігі болмаса;
      2) қаржылық лизинг шарты қаржылық лизинг шарттары мен талаптарына сәйкес келмесе, медициналық техника қаржылық лизинг шарттарында сатып алынбайды.
      Ескерту. 88-2-тармаққа өзгеріс енгізілді - ҚР Үкіметінің 14.04.2015 N 229 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      88-3. Медициналық техниканы сатып алуды ұйымдастырушы қаржылық лизинг шарттарында сатып алынбайтын құны 5000000 (бес миллион) теңгеден 50000000 (елу миллион) теңгеге дейінгі медициналық техниканы, құны 50000000 (елу милион) теңгеден жоғары, сондай-ақ біріздендіруді талап ететін медициналық техниканы осы Ереженің 8-2-тарауына сәйкес облыстық бюджеттерге, Астана және Алматы қалаларының бюджеттеріне жергілікті деңгейдегі медицина ұйымдарын материалдық-техникалық жарақтандыруға берілетін ағымдағы нысаналы трансферттерді қоса алғанда, республикалық бюджет қаражатының есебінен сатып алады. Сұрау салынған медициналық техниканың клиникалық-техникалық негіздемесіне, техникалық сипаттамасына және құнына сараптаманы лизинг беруші жүргізеді.
      Жергілікті бюджет есебінен бірыңғай дистрибьютордың тізімі бойынша медициналық техниканы сатып алу осы Ереженің 133-139-тармақтарына сәйкес денсаулық сақтау саласындағы уәкілетті органмен немесе денсаулық сақтауды басқарудың жергілікті органдарымен келісу рәсімдерін және лизинг берушінің сараптамасын жүргізбей міндетті түрде өтінім беру арқылы тапсырыс беруші жүзеге асырады.
      Ескерту. 88-3-тармақ жаңа редакцияда - ҚР Үкіметінің 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

8-2-тарау. Үкімет айқындаған тұлғаның медициналық техниканы сатып алуды ұйымдастыруы

      Ескерту. 2-бөлім 8-2-тараумен толықтырылды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

      88-4. Облыстық бюджеттерге, Астана және Алматы қалаларының бюджеттеріне жергілікті деңгейдегі медицина ұйымдарын материалдық-техникалық жарақтандыруға бөлінетін ағымдағы нысаналы трансферттерді қоса алғанда, республикалық бюджет қаражатының есебінен сатып алатын медициналық техниканы сатып алуды ұйымдастырушы «СҚ-Фармация» жауапкершілігі шектеулі серіктестігі болады (бұдан әрі – 8-2-тарауда СҚ-Фармация).
      Денсаулық сақтау ұйымдарына қаржылық лизинг шартында кейіннен беру үшін лизинг беруші қаражаты есебінен сатып алынатын медициналық техника үшін сатып алуды ұйымдастырушы лизинг беруші болады, ал СҚ-Фармация осы Ереженің 3-бөлімінің 10 және 11-тарауларына сәйкес өнім берушілерді іріктеу бойынша тендер өткізеді.
      Ай сайын, есептi айдан кейiнгi айдың 5-күніне дейiн СҚ-Фармация мен лизинг беруші облыстық бюджеттерге, Астана және Алматы қалаларының бюджеттеріне жергілікті деңгейдегі медицина ұйымдарын материалдық-техникалық жарақтандыруға бөлінетін ағымдағы нысаналы трансферттерді қоса алғанда, республикалық бюджет қаражатының есебінен сатып алатын және лизинг берушінің қаражаты есебінен сатып алатын медициналық техниканы сатып алу және жеткiзу мониторингiн жүргiзедi және денсаулық сақтау саласындағы уәкiлеттi органға денсаулық сақтау саласындағы уәкiлеттi орган белгiлеген нысан бойынша есеп бередi.
      88-5. Облыстық бюджеттерге, Астана және Алматы қалаларының бюджеттеріне жергілікті деңгейдегі медицина ұйымдарын материалдық-техникалық жарақтандыруға бөлінетін ағымдағы нысаналы трансферттерді қоса алғанда, республикалық бюджет қаражатының есебінен сатып алынатын медициналық техниканы сатып алуды дайындау және ұйымдастыру мақсатында денсаулық сақтау саласындағы уәкілетті орган тапсырыс берушілерден алған медициналық техниканың тізбесін, клиникалық-техникалық негіздемесін, техникалық өзіндік ерекшелігін, санын, мерзімін, жеткізу шарты мен орнын, медициналық техниканың әрбір атауы бойынша сатып алу үшін бөлінген сомасын, тапсырыс берушінің толық атауын, банк деректемелерін, мекенжайын (пошталық және заңды), байланыс телефоны/факс нөмірін, электрондық пошта мекенжайын, тапсырыс берушінің басшысының лауазымы мен Т.А.Ә. қамтуы тиіс ақпаратты, сатып алынатын медициналық техникаға көрсетуі жоспарланған медициналық қызметтердің тізбесі мен саны, пайдаланудың техникалық шарттары, сатып алынатын медициналық техниканы пайдалану үшін мамандар туралы мәлімет бар ақпаратты лизинг берушіге ұсынады.
      Лизинг беруші денсаулық сақтау саласындағы уәкілетті орган осы ереженің 88-5-тармағының бірінші бөлігінде көрсетілген ақпаратты ұсынған сәттен бастап күнтізбелік қырық күн ішінде денсаулық сақтау ұйымының медициналық техниканы қабылдауға және тиісті түрде пайдалануға дайындық деңгейін, медициналық техниканың денсаулық сақтау ұйымы көрсететін қызметтерге сәйкестігін анықтау, сондай-ақ өтінім берілген медициналық қызметтерге медициналық техниканың анағұрлым жарамды техникалық сипаттамаларын анықтау мақсатында, әрбір атауы бойынша медициналық техниканың клиникалық-техникалық негіздемесі, техникалық өзіндік ерекшелігі (техникалық сипаттамасы) және құны бөлігінде сараптама жүргізеді және оның нәтижелері бойынша сараптамалық қорытындының ажырамас бөлігі болып табылатын техникалық ерекшелікті бекіте отырып сараптамалық қорытынды шығарады.
      Біріздендіруді талап ететін медициналық техниканы сараптау нәтижелері бойынша бірыңғай біріздендірілген бір техникалық ерекшелікке сараптамалық қорытынды әрбір тапсырыс беруші бойынша шығарылады.
      Ұсынылған ақпараттың толықтығы мен дұрыстығы бұзылған жағдайда лизинг беруші ақпаратты қарамай, денсаулық сақтау саласындағы уәкілетті органға қайтарады.
      Лизинг беруші сараптамалық қорытынды шығарылған сәттен бастап үш жұмыс күні ішінде бекітілген техникалық ерекшелікті тапсырыс берушілерге келісу үшін жолдайды.
      Тапсырыс берушілер үш жұмыс күні ішінде сатып алынатын медициналық техниканың техникалық өзіндік ерекшелігін келіседі, ол тігілген және нөмірленген түрінде ұсынылады, оның әрбір бетіне тапсырыс беруші қол қояды, ол тапсырыс берушінің мөрімен расталады және лизинг берушіге ұсынылады.
      Тапсырыс беруші келіскен техникалық ерекшелікті лизинг беруші үш жұмыс күні ішінде сараптамалық қорытындымен бірге тігеді және денсаулық сақтау саласындағы уәкілетті органға тізбесі, саны, жеткізу орны және медициналық техниканың әрбір атауы бойынша сатып алуға бөлінген сомасы бөлігінде келісуге жібереді.
      Тапсырыс беруші мерзімінде келіспеген техникалық ерекшеліктің сараптамалық қорытындысын лизинг беруші денсаулық сақтау саласындағы уәкілетті органға жібермейді.
      Денсаулық сақтау саласындағы уәкілетті орган лизинг берушіден, техникалық ерекшелікпен бірге тігілген сараптамалық қорытындыны алған сәттен бастап бес жұмыс күні ішінде санын, мерзімін, жеткізу шарты мен орнын, медициналық техниканың әрбір атауы бойынша сатып алу үшін бөлінген сомасын қоса беріп, тендер өткізу үшін оны СК-Фармацияға жолдайды.
      Ескерту. 88-5-тармақ жаңа редакцияда - ҚР Үкіметінің 16.09.2013 N 964 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      88-6. Денсаулық сақтау ұйымдары қаржылық лизинг шартында сатып алынатын, бірыңғай дистрибьютордың тізіміне енгізілмеген медициналық техниканың техникалық сипаттамасының (техникалық ерекшеліктердің) оңтайлы параметрлерін айқындау үшін клиникалық-техникалық негіздемені, техникалық ерекшелікті және өзге де құжаттарды техникалық, ұйымдастырушылық сараптаманы және құн сараптамасын, сондай-ақ қаржылық лизинг шарттары мен талаптарына сәйкестігіне сараптама жүргізу үшін лизинг беруші айқындаған тәртіппен және құжаттар тізбесіне сәйкес ұсынады.
      Лизинг беруші техникалық, ұйымдық сараптаманы және құн, сондай-ақ қаржылық лизинг шарттары мен талаптарына сәйкестік сараптамасы жүргізілгеннен кейін он жұмыс күні ішінде сатып алу жоспарланған медициналық техниканың тізбесін әзірлейді, оны алған сәттен бастап күнтізбелік он бес күн ішінде медициналық техниканың тізбесін келісуді жүзеге асыратын денсаулық сақтау саласындағы уәкілетті органға саны және жеткізу орны бөлігінде келісуге жібереді.
      Денсаулық сақтау саласындағы уәкілетті органмен келісілген медициналық техниканың тізбесін лизинг беруші он бес жұмыс күні ішінде екі кезеңдік рәсімді және бір көзден сатып алуды пайдалана отырып, медициналық техниканың өнім берушілерін іріктеу бойынша тендерді ұйымдастыру және өткізу үшін СҚ-Фармацияға жібереді. Тендер өткізгеннен кейін СҚ-Фармация лизинг берушіге он жұмыс күні ішінде жеңімпаз деп анықталған өнім берушілердің тізбесін жібереді.
      Өнім берушілерді айқындау қорытындысы бойынша лизинг беруші он бес жұмыс күні ішінде денсаулық сақтау ұйымдарымен және медициналық техниканы берушімен лизинг беруші айқындаған нысан бойынша қаржылық лизинг шартын жасасады.
      Қаржылық лизинг шарты жасалғаннан кейін өнім беруші денсаулық сақтау ұйымына лизинг нысанасын ұсынады, осы шартта көзделген тәртіппен және жағдайларда іске қосу-баптау жұмыстарын, персоналды оқытуды және медициналық техникаға кепілдік берілген сервистік қызмет көрсетуді жүргізеді. Бұл ретте медициналық техникаға кепілдік берілген сервистік қызмет көрсету медициналық техника пайдалануға берілген күннен бастап кемінде отыз жеті айды құрауы тиіс.
      Ескерту. 88-6-тармаққа өзгерістер енгізілді - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      88-7. Алып тасталды - ҚР Үкіметінің 14.04.2015 N 229 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      88-8. Алып тасталды - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      88-9. СҚ-Фармация денсаулық сақтау саласындағы уәкілетті органмен келісілген, денсаулық сақтау саласындағы уәкілетті орган ұсынған сатып алынатын медициналық техниканың тізімдері негізінде бес жұмыс күні ішінде тізбесі, саны, мерзімі, жеткізу шарттары мен орны, бағасы және сатып алу үшін бөлінген сомасы, медициналық техниканың әрбір атауы бойынша техникалық сипаттамалары (техникалық ерекшеліктері) қамтылған сатып алынатын медициналық техниканың жиынтық тізімін қалыптастырады, тендер жариялайды және осы Ереженің 3-бөлімінің 10 және 11-тарауларында көзделген тәртіппен жеткізушілерді іріктеуді жүргізеді.
      Ескерту. 88-9-тармақ жаңа редакцияда - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      88-10. Денсаулық сақтау ұйымдары қаржылық лизинг шартында бірыңғай дистрибьютордың тізіміне енгізілген медициналық техниканы сатып алу үшін клиникалық-техникалық негіздемені, техникалық ерекшелікті, әлеуетті өнім берушінің атауын және басқа да құжаттарды денсаулық сақтау саласындағы уәкілетті орган әзірлеген және бекіткен Медициналық техниканың оңтайлы техникалық сипаттамалары мен клиникалық-техникалық негіздемесін сараптамалық бағалауды жүзеге асыру әдістемесіне сәйкес жүзеге асырылатын техникалық, ұйымдастырушылық сараптамасын және құн сараптамасын, сондай-ақ қаржылық лизинг шарттары мен талаптарына сәйкестігі сараптамасын жүргізу үшін лизинг берушіге ұсынады.
      Лизинг беруші техникалық, ұйымдастырушылық сараптаманы және құн сараптамасын, сондай-ақ қаржылық лизинг шарттары мен талаптарына сәйкестігі сараптамасын жүргізгеннен кейін он жұмыс күні ішінде сатып алу жоспарланған, отандық өндіруші өндірген медициналық техниканың тізбесін қалыптастырады және денсаулық сақтау саласындағы уәкілетті органға саны, мерзімі және жеткізу орны бөлігінде келісуге жібереді, ол оны алған кезден бастап күнтізбелік он бес күн ішінде медициналық техниканың тізбесін келісуді жүзеге асырады.
      Денсаулық сақтау саласындағы уәкілетті органмен келісілген медициналық техниканың тізбесі бойынша лизинг беруші жиырма жұмыс күні ішінде лизинг беруші айқындайтын нысан бойынша денсаулық сақтау ұйымдарымен және медициналық техниканы жеткізушімен үшжақты қаржылық лизинг шартын жасасады.
      Қаржылық лизинг шарты жасалғаннан кейін отандық өндіруші – өнім беруші осы шартта көзделген тәртіппен және шарттарда денсаулық сақтау ұйымына медициналық техниканы жеткізеді, іске қосу-баптау жұмыстарын жүргізеді, персоналдарды оқытады және медициналық техникаға кепілдік берілген сервистік қызмет көрсетуді ұсынады. Бұл ретте медициналық техникаға кепілдік берілген сервистік қызмет көрсету медициналық техника пайдалануға берілген күннен бастап отыз жеті айдан кем болмауға тиіс.
      Ескерту. Ереже 88-10-тармақпен толықтырылды - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

9-тарау. Отандық тауар өндірушіні қолдау

      89. Егер осы Ереженің 7-тармағы 1) тармақшасының екінші және үшінші абзацтарында көзделген тәсілдермен дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сатып алу кезінде әлеуетті өнім берушілер ретінде тек сол бір лот бойынша екі және одан көп отандық тауар өндірушілер қатысқан жағдайда, онда тапсырыс беруші осы лот бойынша отандық тауар өндірушілердің ғана баға ұсыныстарын қарайды.
      Ескерту. 89-тармақ жаңа редакцияда - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      90. Егер тендерде қандай да бір лот бойынша отандық тауар өндіруші болып табылатын әлеуетті өнім берушінің осы Ереженің талаптарына сәйкес келетін бір өтінімі берілсе немесе әлеуетті өнім берушінің екі және одан көп өтінімі берілсе, оның біреуі - отандық тауар өндіруші болып табылатын әлеуетті өнім берушінің осы Ереженің талаптарына сәйкес келетін өтінімі болса, онда комиссия тендерді бұл лот бойынша өтпеген деп жариялайды (өтініш берілген көлем шеңберінде), ал тендерді ұйымдастырушы бір көзден сатып алу тәсілімен отандық тауар өндіруші болып табылатын осы әлеуетті өнім берушіден сатып алуға көшеді.
      Ескерту. 90-тармақ жаңа редакцияда - ҚР Үкіметінің 2010.08.27 N 844 (қолданысқа енгізілу тәртібін 2-т. қараңыз) Қаулысымен.

3-бөлім. Бірыңғай дистрибьютордың дәрілік заттарды және
медициналық мақсаттағы бұйымдарды, сондай-ақ Қазақстан
Республикасының Үкіметі айқындаған тұлғаның медициналық
техниканы сатып алуды жүзеге асыру тәртібі

      Ескерту. 3-бөлімнің тақырыбы жаңа редакцияда - ҚР Үкіметінің  2011.02.22 N 163 Қаулысымен.

10-тарау. Екі кезеңді рәсімдерді пайдалану арқылы тендер
өткізу тәсілімен сатып алуды жүзеге асыру тәртібі

      91. Екі кезеңді рәсімдерді пайдалану арқылы тендер тәсілімен сатып алу мынадай реттік кезеңдердің жиынтығын білдіреді:
      1) бірінші кезеңде мынадай іс-шаралар жүзеге асырылады:
      бірыңғай дистрибьютордың немесе медициналық техниканы сатып алуды ұйымдастырушының комиссия құруы;
      бiрыңғай дистрибьютордың немесе медициналық техниканы сатып алуды ұйымдастырушының сараптама комиссиясын құруы;
      екі кезеңді рәсімдерді пайдалану арқылы тендер өткізу туралы хабарландыру;
      әлеуетті өнім берушілердің өтінімдерін қабылдау, ашу және қарау;
      әлеуетті өнім берушілердің қосымша өтінімдерін қабылдау, ашу және қарау;
      әлеуетті өнім берушілерге ең төмен бағаны айқындау рәсіміне рұқсатнама;
      2) екінші кезеңде ең төмен бағаны айқындау бойынша іс-шаралар жүзеге асырылады.
      Ескерту. 91-тармаққа өзгерту енгізілді - ҚР Үкіметінің  2011.02.22 N 163, 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулыларымен.

1. Екі кезеңді рәсімдерді пайдалану арқылы тендер
өткізуді ұйымдастыру

      92. Екі кезеңді рәсімдерді пайдалану арқылы тендерді ұйымдастыру және өткізу үшін бірыңғай дистрибьютор немесе медициналық техниканы сатып алуды ұйымдастырушы тендерлік комиссиясын (бұдан әрі – комиссия) құрады және оның құрамын әр тендерге жеке бекітеді.
      Ескерту. 92-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      93. Комиссия құрамына төраға, төрағаның орынбасары және комиссия мүшелері кіреді. Комиссия мүшелерінің жалпы саны тақ сан болуы тиіс және үш адамнан кем болмауы тиіс. Комиссияның хатшысы комиссияның мүшесі болып табылмайды және тендерлік комиссия шешімдер қабылдаған кезде дауыс беруге құқығы болмайды.
      Комиссия құру туралы шешім қабылданған кезден бастап ол сатып алу туралы шарт немесе қаржылық лизинг шарты күшіне енгенге дейін жұмыс істейді.
      Егер тендер өтпей қалды деп танылса немесе оның нәтижелері жойылса, онда комиссия өзінің қызметін тоқтатады.
      Ескерту. 93-тармаққа өзгеріс енгізілді - ҚР Үкіметінің 14.04.2015 N 229 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      94. Комиссияның құрамына бірыңғай дистрибьютордың немесе медициналық техниканы сатып алуды ұйымдастырушының бірінші басшысы немесе ол өкілеттік берген тұлға, қызметкерлері, тапсырыс берушілердің өкілдері және/немесе тапсырыс берушілердің мемлекеттік басқару органының, Лизинг берушінің өкілдері енгізіледі.
      Ескерту. 94-тармақ жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      95. Комиссияның төрағасы бірыңғай дистрибьютордың құрылымдық бөлімшесінің немесе медициналық техниканы сатып алуды ұйымдастырушының басшысынан төмен емес, оның қызметін басқаратын, комиссия отырыстарында төрағалық ететін, жұмысты жоспарлайтын және оның шешімдерінің іске асырылуына жалпы бақылауды жүзеге асыратын адам болып табылады.
      Ескерту. 95-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      96. Комиссияның хатшысы бірыңғай дистрибьютордың немесе медициналық техниканы сатып алуды ұйымдастырушының қызметкері болып табылады. Комиссияның хатшысы әлеуетті өнім берушілерден тендерлік өтінімдермен конверттерді қабылдайды, комиссия отырысының күн тәртібі бойынша ұсыныстарды, қажетті құжаттарды және материалдарды дайындайды, комиссияның отырысы өткізілгеннен кейін хаттамаларды ресімдейді, түскен тендерлік өтінімдерді және ашық тендерге қатысуға ниет білдірген әлеуеттік өнім берушілерді, әлеуетті өнім берушінің уәкілетті өкілінің тегі, аты, әкесінің аты (тендерлік өтініммен конвертті ұсынған және конверттерді ашу рәсімдері кезінде қатысқан адамдар), әлеуетті өнім берушілер ұсынған конверттердің уақыты мен күні көрсетілген тіркеу журналдарын жүргізеді. Келіп түскен тендерлік өтінімдерді және ашық тендерге қатысуға ниет білдірген әлеуетті өнім берушілерді тіркеу журналдары тігілген, парақтары нөмірленген болуы тиіс, соңғы парағы бірыңғай дистрьюбитердің немесе медициналық техниканы сатып алуды ұйымдастырушының мөрімен куәландырылған болуы тиіс.
      Ескерту. 96-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      97. Комиссияның отырысы комиссия мүшелерінің жалпы санынан кемінде үштен екісі қатысқан жағдайда ғана өткізіледі. Комиссияның шешімі ашық дауыс берумен қабылданады және қатысқан комиссия мүшелерінің жалпы санынан көпшілігі дауыс бергенде ғана қабылданды деп есептеледі.
      98. Комиссия мүшелерінің біреуі өндірістік немесе басқа себепке байланысты болмаған жағдайда комиссия отырысының хаттамасында оның болмау себебі және осы фактіні дәлелдейтін құжатқа сілтеме көрсетіледі.
      Егер комиссияның жұмыс регламентінде оның төрағасы немесе төрағасының орынбасары бекіткен (бұдан әрі - Регламент) көрсетілген уақытта комиссия мүшелерінің қажетті саны болмаса, онда бірыңғай дистрибьютор немесе медициналық техниканы сатып алуды ұйымдастырушы комиссияның құрамына мұндай ауыстыру себебін көрсете отырып комиссияның жоқ мүшелерін ауыстыру бөлігінде өзгерістер енгізеді.
      Ескерту. 98-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      99. Комиссия отырысының хаттамасына қатысқан барлық комиссияның мүшелері, оның төрағасы, орынбасары және хатшысы қол қояды.
      100. Қажет болған жағдайда бірыңғай дистрибьютор немесе медициналық техниканы сатып алуды ұйымдастырушы клиникалық фармакологтардан және/немесе медициналық техниканың сұратылған үлгісінің бейіні бойынша мамандардан және/немесе денсаулық сақтау ұйымдарының мамандарынан не дәрілік заттарға, медициналық мақсаттағы бұйымдарға және медициналық техникаға сараптаманы жүзеге асыруға аккредиттелген ұйымдардың сарапшыларынан тұратын сараптама комиссиясын құра алады.
      Ескерту. 100-тармақ жаңа редакцияда - ҚР Үкіметінің 2011.02.22 N 163 Қаулысымен.
      101. Сарапшы (құрылған жағдайда сараптама комиссиясы) әлеуетті өнім берушілер ұсынатын дәрілік заттардың, медициналық мақсаттағы бұйымдардың бірыңғай дистрибьютордың тізіміне және осы Ереженің 12-тармағының 5) және 6) тармақшаларына сәйкестігі жөнінде сараптамалық қорытынды береді.
      Медициналық техниканы сатып алу кезінде сарапшы (сараптама комиссиясы) медициналық техниканың осы Ереженің 13-тармағының талаптарына, сондай-ақ жарияланған техникалық сипаттамаға сәйкестігі жөнінде сараптамалық қорытынды береді.
      Сарапшының (сараптама комиссиясының) комиссия шешім қабылдаған кезде дауыс беру құқығы жоқ. Сараптамалық қорытынды жазбаша түрде ресімделеді, оған сарапшы (сараптама комиссиясы) қол қояды және комиссия отырысының хаттамасына қоса беріледі. Сарапшының (сараптама комиссиясының) сараптамалық қорытындысын әлеуетті өнім берушінің өтінімін ең төменгі бағаны айқындау рәсіміне жіберу туралы мәселені шешу кезінде комиссия қарайды.
      Ескерту. 101-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      102. Екі кезеңді рәсімдерді пайдаланумен тендер өткізу туралы әлеуетті өнім берушілер өтінімдерді қабылдауды аяқтау күніне дейін жиырма күнтізбелік күн ішінде мемлекеттік және орыс тілдеріндегі хабарландыруды республикалық мерзімдік баспа басылымдарында және (немесе) медициналық техниканы сатып алуды ұйымдастырушының интернет-ресурсында жариялау жолымен хабарланады.
      Ескерту. 102-тармақ жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      103. Екі кезеңді рәсімдерді пайдаланумен тендерді өткізу туралы хабарландыруда мынадай мәліметтер қамтылуы тиіс:
      1) бірыңғай дистрибьютордың немесе медициналық техниканы сатып алуды ұйымдастырушының атауы, мекенжайы және банк деректемелері;
      2) дәрілік заттардың (халықаралық патенттелмеген атауларымен), медициналық мақсаттағы бұйымдардың және медициналық техниканың атауы;
      3) дәрілік заттардың, медициналық мақсаттағы бұйымдардың және медициналық техниканың техникалық сипаттамасы (техникалық сипаттамалар туралы мәліметтер көлемі ауқымды болған кезде бірыңғай дистрибьютордың немесе медициналық техниканы сатып алуды ұйымдастырушының интернет-ресурсында ғана орналастырылуы мүмкін). Егер медициналық техника қаржылық лизингке сатып алынған жағдайда техникалық сипаттамасы лизинг шартының егжей-тегжейлі сипаттамасын қамтуы тиіс;
      4) Тапсырыс берушілердің соңғы өтінімдерін ескере отырып, қажеттілікке қарай дәрілік заттардың, медициналық мақсаттағы бұйымдардың көлеміне түзетулер енгізілуі мүмкін;
      5) жеткізу шарттары;
      6) жеткізу сәтінде сатып алынатын дәрілік заттардың, медициналық мақсаттағы бұйымдардың қалған жарамдылық мерзімдері;
      7) ашық тендерге қатысуға өтінімдерді қабылдауды тоқтату күні, уақыты және орны;
      8) ашық тендерді өткізуді бастау күні, уақыты және орны;
      9) әрбір лот бойынша сатып алу үшін бөлінген сома.
      10) осы Ереженің 11-4-тарауына сәйкес (болған кезде) 10 жылға дейінгі мерзімге ұзақ мерзімді жеткізу шартын жасасу мүмкін болатын дәрілік заттардың (халықаралық патенттелмеген атаулардың немесе ол болмаған жағдайда, оның құрамы), медициналық мақсаттағы бұйымдардың атаулары;
      Әр лот бойынша сатып алу үшін бөлінген қаражатты есептеу кезінде бірыңғай дистрибьютор тапсырыс берушілердің алдын ала өтінімдеріне сәйкес уәкілетті орган айқындаған дәрілік заттардың, медициналық мақсаттағы бұйымдардың шекті бағаларын тоғыз пайызға азайтады.
      Ескерту. 103-тармаққа өзгерістер енгізілді - ҚР Үкіметінің  2011.02.22 N 163, 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

2. Тендерлік өтінімдердің қолданылу мерзімі, мазмұны, ұсынылуы,
өзгерту және кері қайтару

      104. Екі кезеңді рәсімдер пайдаланылатын тендерге қатысуға ниет білдірген әлеуетті өнім беруші тендерлік өтінімдерді қабылдау мерзімі аяқталғанға дейін бірыңғай дистрибьюторға немесе медициналық техниканы сатып алуды ұйымдастырушыға екі Кезеңді рәсімдер пайдаланылатын тендерге қатысуға тендерлік өтінімді ұсынады.
      Ескерту. 104-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      105. Тендерлік өтінімдердің қолданылу мерзімі, мазмұны, ұсыну тәртібі, өзгерту және тендерлік өтінімдерді кері қайтару ұсынылмаған бағалар кестесін қоспағанда, осы Ереженің 5-тарауының 2-бөлігінде белгіленген тәртіпке ұқсас.
      105-1. Бірыңғай дистрибьютор немесе медициналық техниканы сатып алуды ұйымдастырушы тендерлік құжаттама әзірлемейді. Әлеуетті өнім берушілер тендерлік өтінімді осы Ережеге сәйкес қалыптастырады.
      Ескерту. 10-тарау 105-1-тармақпен толықтырылды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

3. Кепілдікті қамтамасыз ету

      106. Әлеуетті өнім беруші осы Ереженің 5-тарауында айқындалған тәртіппен тендерлік өтінімнің кепілдікті қамтамасыз етуін енгізеді.
      Әлеуетті өнім беруші екі кезеңдік рәсімдерді пайдалана отырып тендер өткізу туралы хабарландыруда көзделген шарттарда оның тендерлік өтінімінде ұсынылған лоттар бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы сатып алу үшін бөлінген соманың үш пайызы мөлшерінде кепілдікті қамтамасыз етуді енгізеді.
      Ескерту. 106-тармақ жаңа редакцияда - ҚР Үкіметінің 2010.02.25 № 122 Қаулысымен, өзгерту енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      107. Егер әлеуетті өнім беруші:
      1) тендерлік өтінімдерді қабылдаудың соңғы мерзімі аяқталғаннан кейін тендерлік өтінімді кері қайтарып алған немесе өзгерткен (тендерлік өтінімге өзгерістер осы Ережеге сәйкес бірыңғай дистрибьютордың/сатып алуды ұйымдастырушының ескертулері негізінде енгізілетін жағдайларды қоспағанда);
      2) екі кезеңді рәсімдер пайдаланылатын тендердің жеңімпазы деп танылса, бірақ жеткізу шартын немесе ұзақ мерзімді жеткізу шартын уақтылы жасамаса;
      3) жеткізу шартын жасап, жеткізу шартын немесе ұзақ мерзімді жеткізу шартын орындауды кепілдікті қамтамасыз ету бойынша талаптарды орындамаса немесе уақтылы орындамаса;
      4) лот бойынша сатып алуға бөлінген сомадан асатын баға ұсынысын берсе, тендерлік өтінімді кепілдікті қамтамасыз етуді бірыңғай дистрибьютор немесе медициналық техниканы сатып алуды ұйымдастырушы қайтармайды.
      Ескерту. 107-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      108. Бірыңғай дистрибьютор немесе медициналық техниканы сатып алуды ұйымдастырушы әлеуетті өнім берушінің жазбаша өтініші бойынша оған тендерлік өтінімді кепілдікті қамтамасыз етуге берілген 5 (бес) жұмыс күні ішінде мынадай жағдайлардың бірі болғанда қайтарады:
      1) осы әлеуетті өнім беруші өзінің тендерлік өтінімін өтінімдерді қабылдау мерзімінің соңғы мерзіміне дейін кері қайтарып алса;
      2) екі кезеңді рәсімдер пайдаланылатын тендердің қорытындысы туралы хаттамаға қол қойса (көрсетілген жағдай жеңімпаз белгілеген екі кезеңді рәсімдер пайдаланылатын тендерге қатысушыға қолданылмайды);
      3) жеткізу шартының күшіне енуі және екі кезеңді рәсімдер пайдаланылатын тендер жеңімпазының жеткізу шартының орындалуын қамтамасыз ету рәсімдерін енгізуі;
      4) әлеуетті өнім берушінің тендерлік өтінімінің қолданылу мерзімінің аяқталуы.
      Ескерту. 108-тармаққа өзгерту енгізілді - ҚР Үкіметінің  2011.02.22 N 163 Қаулысымен.

4. Тендерлік өтінімдерді ашу және қарау

      109. Комиссия әлеуеті өнім берушілердің тендерлік өтінімдері салынған конверттерді екі кезеңді рәсімдер пайдаланылатын тендерді өткізу туралы хабарландыруда көрсетілген уақытта, мерзімде және орында ашады.
      Комиссия конверттерді ашу кезінде осы Ереженің 113 - 115 және 120-тармақтарына сәйкес рәсімдерді өткізу орны, уақыты мен күні көрсетіле отырып, әлеуетті өнім берушілердің назарына Регламент жеткізіледі. Регламент бірыңғай дистрибьютордың немесе медициналық техниканы сатып алуды ұйымдастырушының интернет-ресурсында да орналастырылады.
      Ескерту. 109-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      110. Әлеуетті өнім берушілер немесе олардың уәкілетті өкілдері тендерлік өтінімдер салынған конверттерді ашу кезінде қатысуға құқылы.
      111. Тендерлік өтінімдер салынған конверттерді ашу кезінде комиссияның хатшысы барлық қатысушы адамдарға ашық тендерге қатысушы әлеуетті өнім берушілердің атауын және мекенжайын, өтінімдерді құрайтын ұсынылған құжаттар туралы ақпаратты хабарлайды. Бұл ақпарат тендерлік өтінімдер салынған конверттерді ашу хаттамасында көрсетіледі.
      112. Комиссия тендерлік өтінімдер салынған конверттерді ашқан сәттен бастап 10 (он) жұмыс күні ішінде әлеуетті өнім берушілердің ұсынған тендерлік өтінімдерінің біліктілік талаптарына және осы Ереженің талаптарына сәйкестігін қарайды.
      113. Комиссия Регламентке сай күні мен уақытына сәйкес тендерлік өтінімдерді қараудың оныншы жұмыс күнінен кешіктірмей ашу хаттамасын (отырыс өткізу және бірыңғай дистрибьютордың немесе медициналық техниканы сатып алуды ұйымдастырушының интернет-ресурсында орналастыру жолымен) әлеуетті өнім берушілердің назарына ұсынады, онда мынадай ақпарат көрсетілуі тиіс:
      1) әлеуетті өнім берушілердің әрқайсысы қатысатын лоттардың нөмірлерін көрсете отырып, тендерлік өтінімдерді ұсынған әлеуетті өнім берушілердің атауы;
      2) әлеуетті өнім берушілердің тендерлік өтінімдерінің мазмұны;
      3) тендерлік өтінімдері толықтырулар мен өзгерістерді қажет етпейтін әлеуетті өнім берушілердің атауы;
      4) тендерлік өтінімдеріне ескертулер бар әлеуетті өнім берушілердің атауы;
      5) комиссия көрсеткен ескертулерді жою үшін толықтырулар енгізу мерзімі ашу хаттамасын хабарлау күнін қоспағанда 3 (үш) жұмыс күнін құрауға тиіс;
      6) екіден аз тендерлік өтінім ұсынылған лоттардың нөмірі;
      7) отандық тауар өндірушілер ұсынған тендерлік өтінімдер лоттарының нөмірі;
      8) дәрілік заттардың тиісті өндірістік практика (GMP) талаптарына сәйкес және/немесе медициналық мақсаттағы бұйымдардың халықаралық стандарт талаптарына сәйкес өндірілгенін растайтын құжатты ұсынған жағдайда, ұзақ мерзімді жеткізу шартын жасауға болатын отандық тауар өндірушілер ұсынған тендерлік өтінімдер лоттарының нөмірлері.
      Ескерту. 113-тармаққа өзгерту енгізілді - ҚР Үкіметінің  2011.02.22 N 163; 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      114. Ескертулер жойылғаннан кейін тендерлік өтінім беру кезінде қойылған талаптарға сәйкес ресімделген толықтыру түріндегі өзгертілген тендерлік өтінім ашу хаттамасында көрсетілген өзгерістерді енгізу мерзімінің соңғы жұмыс күнінің 15 сағатына дейін комиссияның хатшысына ұсынылады.
      115. Толықтырулары бар конверттерді ашу өзгерістер енгізу мерзімінің аяқталу күнінде 15 сағат 30 минутта комиссия жүзеге асырады. Әлеуетті өнім берушілер немесе олардың уәкілетті өкілдері тендерлік өтінімдерге толықтырулар салынған конверттерді ашу кезінде қатысуға құқылы.
      116. Өзгерістер енгізуге ұсынылған тендерлік өтінімдердің толықтыруларын зерделегеннен кейін комиссия Регламентке сәйкес күні мен уақытында, бірақ толықтырулар салынған конверттерді ашу күнінен бастап екі жұмыс күнінен кешіктірмей, ең төменгі бағаны анықтау рәсіміне жіберілген әлеуетті өнім берушілердің тізбесін хабарлайды.
      117. Әлеуетті өнім берушілерді ең төменгі бағаны анықтау рәсіміне рұқсат беру хаттамасына комиссия ең төменгі бағаны анықтау рәсіміне жіберілген әлеуетті өнім берушілердің тізбесін хабарлау күні қол қоюы тиіс. Рұқсат беру хаттамасын бірыңғай дистрибьютор немесе медициналық техниканы сатып алуды ұйымдастырушы қол қойылған күнінен 3 (үш) жұмыс күні ішінде өзінің интернет-ресурсында орналастырады. Рұқсат беру хаттамасы мынадай ақпараттан тұруы тиіс:
      1) тендерлік өтінімдерді ұсынған әрбір әлеуетті өнім берушілердің әрқайсысы қатысатын лоттардың нөмірлері көрсетілген әлеуетті өнім берушілердің атауы;
      2) әлеуетті өнім берушілердің тендерлік өтінімдерінің мазмұны;
      3) тендерлік өтінімдеріне ескертулер болмаған әлеуетті өнім берушілердің атауы;
      4) тендерлік өтінімдеріне комиссияның ескертулері болған әлеуетті өнім берушілердің атауы, сондай-ақ өтінімдерге толықтырулар ұсыну туралы ақпарат;
      5) отандық тауар өндірушілердің тендерлік өтінімдері ұсынылған лоттардың нөмірлері;
      6) ең төменгі бағаны анықтау рәсіміне әлеуетті өнім берушілерді қатыстыру туралы комиссияның шешімі.
      Ескерту. 117-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      118. Егер екі кезеңді рәсімдер пайдаланылатын тендерде, оның ішінде екі және одан да көп отандық тауар өндірушілер бір лот бойынша қатысатын болса және осы Ереженің талаптарына сәйкес келетін болса, комиссия осы лот бойынша ең төменгі бағаны анықтау рәсіміне қатысуға тек қана отандық тауар өндірушілерді қатыстырады (өтінім берілген көлемдер бойынша).
      Егер екі кезеңді рәсімдер пайдаланылатын тендерде қандай да бір лоты бойынша осы Ереженің талаптарына сәйкес келетін отандық тауар өндіруші болып табылатын әлеуетті өнім берушінің бір өтінімі ғана ұсынылса не әлеуетті өнім беруші екі және одан да көп өтініш ұсынып, оның біреуі – осы Ереженің талаптарына сәйкес келетін отандық тауар өндіруші болатын әлеуетті өнім берушінің өтінімі болса, онда комиссия осы лот бойынша тендерді өтпеген деп жариялайды, ал бірыңғай дистрибьютор немесе медициналық техниканы сатып алуды ұйымдастырушы отандық тауар өндіруші болып табылатын әлеуетті өнім берушіден бір көзден сатып алу тәсіліне көшеді. Егер отандық тауар өндірушінің өтінімінде хабарландырудың шартына сәйкес ұзақ мерзімді жеткізу шартын жасауға дайын екенін білдіретін лоттар болған жағдайда, бірыңғай дистрибьютор осы Ереженің 11-4-тарауына сәйкес бір көзден сатып алу тәсілін қолданбай ұзақ мерзімді жеткізу шартын жасасады.
      Егер екі кезеңді рәсімдер пайдаланылатын тендерде қандай да бір лоты бойынша әлеуетті өнім берушілердің екі және одан да көп өтінімі берілсе, әлеуетті өнім берушілердің бірінің өтініші – осы Ереженің талаптарына сәйкес келсе және объектінің тиісті өндірістік практика (GMP) және/немесе тегін медициналық көмектің кепілдік берілген көлемін көрсету бойынша дәрілік заттарды сатып алу кезінде тиісті дистрибьюторлық практика (GDP) талаптарына сәйкестігі туралы сертификаты бар болса, лотта отандық тауар өндірушілер болмаған кезде комиссия тендерді өтпеген деп жариялайды, ал бірыңғай дистрибьютор осы әлеуетті өнім берушіден бір көзден сатып алу тәсіліне көшеді.
      Ескерту. 118-тармақ жаңа редакцияда - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      119. Комиссия ұсынылған өзгерістерді зерделегеннен кейін тендерлік өтінімді тұтастай не лоттар бойынша, егер:
      1) әлеуетті өнім беруші осы Ережеде көзделген нысанда, көлемде және жағдайларда өтінімдерді кепілдікті қамтамасыз етуді енгізбесе;
      2) әлеуетті өнім беруші осы Ереженің 8 және 8-1-тармақтарында көзделген талаптарға сай келмесе;
      3) әлеуетті өнім беруші ұсынатын дәрілік заттар, медициналық мақсаттағы бұйымдар мен медициналық техника осы Ереженің 12 және 13-тармақтарының талаптарына және денсаулық сақтау саласындағы уәкілетті орган белгіленген дәрілік заттардың, медициналық мақсаттағы бұйымдарды және медициналық техниканың мемлекеттік тіркеу тәртібіне сай келмесе;
      4) әлеуетті өнім беруші жосықсыз өнім берушілердің тізбесіне енгізілсе;
      5) осы Ереженің 118, 123-тармақтарында көзделген жағдайларда;
      6) тендерлік өтінім осы Ереженің 38, 39, 40, 40-1, 43, 49-тармақтарының талаптарына сәйкес келмейді деп танылған жағдайда;
      7) сараптама комиссиясы әлеуетті өнім беруші ұсынған дәрілік заттарды, профилактикалық (иммуннобиологиялық, диагностикалық, дезинфекциялық) препараттар, медициналық мақсаттағы бұйымдар мен медициналық техниканың техникалық сипаттамаларына (техникалық өзіндік ерекшеліктеріне) қойылатын талаптарға сәйкес келмейді деп танылған жағдайда;
      8) әлеуетті өнім беруші ұсынып отырған дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы жеткізу шарттары бірыңғай дистрибьютордың не осы Ереженің 88-4-тармағына сәйкес сатып алуды ұйымдастырушының хабарламасында көрсетілген талаптарға сәйкес келмеген;
      9) ұсынылған техникалық ерекшелікте ұсынылып отырған медициналық техниканың техникалық сипаттамасы дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік сараптама ұйымының сайтында орналасқан тіркеу құжаттамасында немесе/және тіркеу куәлігінде көрсетілген техникалық сипаттамаға және/немесе жиынтыққа сәйкес келмеген жағдайда қарамайды.
      Ескерту. 119-тармақ жаңа редакцияда - ҚР Үкіметінің 2012.05.16 № 629 (алғашқы ресми жарияланған күнінен бастап қолданысқа енгізіледі); өзгеріс енгізілді - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

5. Ең төменгі бағаны анықтау

      120. Рұқсат беру хаттамасына қол қойылған күнінен кейінгі жұмыс күні сағат 10-да (Астана қаласының уақытымен) комиссия ең төменгі бағаны анықтауға қатысатын әлеуетті өнім берушілерден баға ұсыныстарын қабылдауды бастайды.
      121. Бастапқы баға ұсыныстарын қабылдау уақыты 5 минутты құрайды. Әлеуетті өнім беруші баға ұсыныстарын беруге уәкілетті тұлғаның қатысуын қамтамасыз етеді.
      Ескерту. 121-тармаққа өзгерту енгізілді - ҚР Үкіметінің 2010.02.25 № 122 Қаулысымен.
      122. Осы Ереженің 10-қосымшасына сәйкес нысан бойынша әлеуетті өнім берушінің бастапқы баға ұсыныстары лот бойынша әлеуетті өнім берушінің мөрімен бекітілген және бірінші басшының немесе мұндай баға ұсынысына қол қоюға уәкілетті тұлғаның қолы қойылған бағалар көрсетіле отырып, жазбаша ұсынылады.
      Әлеуетті өнім беруші тендердің қандай да бір лоты бойынша бастапқы баға ұсынысын ұсынбаған жағдайда әлеуетті өнім беруші осы лот бойынша түпкілікті баға ұсынысын ұсыну мүмкіндігінен айырылады және тендердің жеке лоты бойынша ең төменгі бағаны анықтау рәсіміне қатысудан шеттетіледі.
      Ескерту. 122-тармаққа өзгеріс енгізілді - ҚР Үкіметінің 2010.02.25 № 122, 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулыларымен.
      123. Егер баға ұсынысы лот бойынша сатып алу үшін бөлінген сомадан асатын болса комиссия оны, қарамайды және осы лот бойынша мұндай баға ұсынысын ұсынған әлеуетті өнім берушінің тендерлік өтінімін қарамайды. Бұл ретте, егер осы лот бойынша ең төмен бағаны анықтау рәсіміне қатысуға екіден аз тендерлік өтінім қалса, комиссия лот бойынша екі кезеңдік рәсімді пайдаланылатын тендерді өткізілмеді деп таниды.
      Ескерту. 123-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      124. Комиссия хатшысы әлеуетті өнім берушілердің барлық ұсынылған баға ұсыныстарын, оның ішінде лот бойынша ең төмен баға ұсыныстарын жариялайды және оларға бастапқы ұсынылған баға ұсыныстарын азайтуды ұсынады.
      Түпкілікті баға ұсыныстарын қабылдау уақыты осындай ұсыныстарды қабылдаудың басталуы туралы комиссия хатшысы хабарлаған сәттен бастап бес минутқа дейін болады. Егер бастапқы баға ұсынысын ұсынған әлеуетті өнім беруші түпкілікті баға ұсынысын ұсынбаған жағдайда комиссия оның бастапқы ұсынған баға ұсынысын түпкілікті ұсыныс ретінде қабылдайды.
      Ең төменгі баға ұсынысы біреу ғана болған жағдайда ең төменгі бағаны анықтау рәсімі түпкілікті болып табылады.
      Ең төменгі түпкілікті баға ұсыныстарының екі немесе одан да көбі бірдей болған кезде ең төменгі баға ұсынысын анықтау үшін үшінші баға ұсынысын ұсынуға болады.
      Ескерту. 124-тармаққа өзгеріс енгізілді - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      125. Баға ұсынысы басқа баға ұсыныстарына қарағанда ең төмен болып табылатын әлеуетті өнім беруші екі кезеңді рәсімдер пайдаланылатын тендер жеңімпазы болып танылады.
      126. Егер бірдей ең төменгі баға ұсыныстарын берген әлеуетті өнім берушілер өздерінің лот бойынша бұрын берген баға ұсыныстарын азайтудан бас тартқан жағдайда, осы лот бойынша екі кезеңді рәсімдер пайдаланылатын тендер өтпей қалды деп танылады.
      Ескерту. 126-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      127. Екі кезеңді рәсімдерді пайдаланумен өткізілген тендер нәтижесі бойынша комиссия үш жұмыс күнінің ішінде екі кезеңді рәсімдерді пайдаланумен өткізілген тендер қорытындысы жөнінде хаттамаға қол қояды, онда мынадай ақпарат қамтылуға тиіс:
      1) ең төменгі бағаны анықтау рәсімінің күні, басталу және аяқтау уақыты;
      2) комиссияның құрамы;
      3) ең төменгі бағаны анықтау рәсіміне қатысқан әлеуетті өнім берушілердің атауы және орналасқан жері;
      4) лоттардың атауы және қысқаша сипаттамасы;
      5) екі кезеңді рәсімдер пайдаланылатын тендер қорытындысы бойынша анықталған ең төменгі баға;
      6) әр лот бойынша екі кезеңді рәсімдер пайдаланылатын тендер жеңімпаздарының атауы және орналасқан жері;
      7) егер екі кезеңді рәсімдер пайдаланылатын тендер нәтижесінде жеңімпаз анықталмаса - Комиссияның мұндай шешім қабылдау негіздемесі;
      8) жеткізу шартына қол қойылуы тиіс мерзім.
      Ескерту. 127-тармаққа өзгерту енгізілді - ҚР Үкіметінің  2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      128. Ең төменгі бағаны анықтау рәсімінің аяқталу сәтінен бір жұмыс күнінен кешіктірмей бірыңғай дистрибьютор немесе медициналық техниканы сатып алуды ұйымдастырушы лот бойынша екі кезеңді рәсімдер пайдаланылатын тендер жеңімпазының атауын интернет-ресурста жариялайды.
      Ескерту. 128-тармаққа өзгерту енгізілді - ҚР Үкіметінің  2011.02.22 N 163 Қаулысымен.
      129. Екі кезеңді рәсімдер пайдаланылатын тендерге қатысқан әлеуетті өнім берушінің жазбаша талабы бойынша оған екі кезеңді рәсімдерді пайдаланатын тендер қорытындысы туралы хаттаманың көшірмесі беріледі.
      129-1. Тендер жеңімпазының қағаз және doc* форматында электрондық түрдегі техникалық ерекшеліктерінің көшірмелерін қоса бере отырып, медициналық техниканы сатып алу бойынша екі кезеңді рәсімдер пайдаланылатын тендер қорытындылары туралы хаттаманың нотариалды куәландырылған көшірмелерін тендердің қорытындысы шығарылған күннен бастап бес жұмыс күні ішінде медициналық техниканы сатып алуды ұйымдастырушы тапсырыс берушілердің тендер жеңімпаздарымен осы Ережеге 7-қосымшаға сәйкес жасалған медициналық техниканы сатып алу шарттарын (бұдан әрі - сатып алу шарты) немесе қаржылық лизинг шартын жасасуы үшін қабылдау-беру актісі бойынша тапсырыс берушілерге беруге тиіс.
      Ескерту. 129-1-тармақ жаңа редакцияда - ҚР Үкіметінің 14.04.2015 N 229 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      129-2. Тапсырыс берушілер медициналық техниканы сатып алу бойынша екі кезеңді рәсімдерді пайдаланылған тендер қорытындылары туралы хаттаманың нотариалды куәландырылған көшірмелерін алған күннен бастап он жұмыс күнінен кешіктірмей тендер жеңімпаздарымен медициналық техниканы сатып алу шарттарын жасасуға тиіс.
      Ескерту. 10-тарау 129-2-тармақпен толықтырылды - ҚР Үкіметінің  2011.02.22 N 163 Қаулысымен.
      130. Комиссия екі кезеңді рәсімдерді пайдаланатын тендерді, егер:
      1) осы Ережеде белгіленген жағдайларды қоспағанда, ең төменгі бағаны анықтау рәсіміне қатысуға жіберілген кемінде екі әлеуетті өнім берушінің екі кезеңді рәсімдер пайдаланылатын тендерге қатысуға тендерлік өтінімдерін берген;
      2) барлық берілген өтінімдер қабылданбаған;
      3) осы Ережеде 123 және 126-тармақтарында көзделген жағдайда тұтастай немесе қандай да бір лот бойынша өтпей қалды деп таниды.
      Екі кезеңді рәсімдерді пайдаланатын тендер нәтижесі бойынша жеткізу шарты осы Ереженің 12-тарауының талаптарын ескере отырып, бірыңғай дистрибьютормен жасалады.
      130-1. Егер сатып алу осы Ереженің 7-тармағының З) тармақшасында көзделген тәсілдермен жүргізілген жағдайда сатып алуды ұйымдастырушы медициналық техниканы жеткізушіні айқындамаса, құндық мәндегі жылдық көлемі бір айлық есептік көрсеткіштің екі мың еселенген мөлшерінен аспайтын медициналық техниканы сатып алуды Ережеге сәйкес тапсырыс берушілер жүзеге асырады.
      Ескерту. 10-тарау 130-1-тармақпен толықтырылды - ҚР Үкіметінің 2012.05.16 № 629 (алғашқы ресми жарияланған күнінен бастап қолданысқа енгізіледі) Қаулысымен.

11-тарау. Бір көзден сатып алу және оны қолдану шарттары

      131. Бір көзден сатып алуды бірыңғай дистрибьютор немесе медициналық техниканы сатып алуды ұйымдастырушы мынадай жағдайларда жүзеге асырады:
      1) екі кезеңді рәсімдерді тұтасымен пайдаланып немесе оның қандай да бір болмаған лоты бойынша тендерді тану кезінде;
      2) екі кезеңді рәсімдер пайдаланылатын тендерде қандай да бір лоты бойынша әлеуетті өнім берушінің осы Ереженің талаптарына сәйкес келетін тек бір ғана өтінімі берілгенде не оның қандай да бір лоты бойынша әлеуетті өнім берушінің екі және одан да көп өтінімі берілсе, оның біреуі – отандық тауар өндіруші болып табылатын әлеуетті өнім берушінің өтініші осы Ереженің талаптарына сәйкес болған кезде. Бұл жағдайда бірыңғай дистрибьютор немесе медициналық техниканы сатып алуды ұйымдастырушы осы әлеуетті өнім берушіден немесе осы отандық тауар өндірушіден бір көзден сатып алу тәсіліне көшеді. Бұл ретте егер, отандық тауар өндірушінің өтінімінде хабарландыру шартына сәйкес ұзақ мерзімді жеткізу шартын жасауға дайын екенін білдіретін лоттар болған жағдайда, онда бірыңғай дистрибьютор осы Ереженің 11-4-тарауына сәйкес бір көзден сатып алу тәсілін қолданбай, ұзақ мерзімді жеткізу шартын жасасады;
      3) дәрілік заттар мен медициналық мақсаттағы бұйымдар көлемін көбейту жағына, сондай-ақ сатып алуға, төмендемейтін қорды толықтыруға қарай сол қаржы жылында тапсырыс берушінің қосымша өтінімі түскен кезде. Аталған жағдайда бірыңғай дистрибьютор белгіленген баға бойынша өнім берушілерден бір көзден сатып алуды жүзеге асырады. Сол қаржы жылында сатып алу жеткізу шарты жасалған сол жеткізушіден жүзеге асырылатын болса, тапсырыс беруші жасалған шартқа 132-тармақта көзделген тиісті өзгерістер мен құжаттарды енгізеді. Бірыңғай дистрибьютор бірыңғай дистрибьютордан ұсыныс алған сәттен бастап бес жұмыс күні ішінде жазбаша бас тарту алған кезде, ұсыныстар басқа әлеуетті жеткізушілерге жіберіледі.
      4) екі кезеңді рәсімдер пайдаланылатын тендер жеңімпазы болып табылған әлеуетті өнім беруші бірыңғай дистрибьюторға немесе тапсырыс берушіге келіспеушіліктердің болғаны туралы хабарламай, осы Ереженің 135-тармағында белгіленген мерзімде жеткізу шартына немесе сатып алу шартына қол қоймаған жағдайда. Бұл жағдайда бірыңғай дистрибьютор немесе медициналық техниканы сатып алуды ұйымдастырушы ашық тендер жеңімпазының бағасынан аспайтын бағамен осы Ереженің біліктілік талаптарына сәйкес келетін заңды тұлғадан немесе кәсіпкерлік қызметті жүзеге асыратын жеке тұлғадан бір көзден сатып алуды жүзеге асыруға құқылы. Аталған тармақтың талаптары, егер тендер жеңімпазы отандық тауар өндіруші болып белгіленген жағдайда, қолданылмайды;
      5) өнім беруші жеткізу шартының немесе сатып алу шартының, қаржылық лизинг шартының талаптарын орындамағандықтан, тиісінше орындамағандықтан жеткізу шарты немесе сатып алу шарты, қаржылық лизинг шарты бұзылғанда. Бұл жағдайда бірыңғай дистрибьютор немесе медициналық техниканы сатып алуды ұйымдастырушы бұзылған жеткізу шартының немесе сатып алу шартының, қаржылық лизинг шартының белгіленген бағасынан аспайтын баға бойынша дәрілік заттардың, медициналық мақсаттағы бұйымдардың және медициналық техниканың қалған көлеміне осы Ережеде белгіленген біліктілік талаптарына сәйкес келетін заңды тұлғадан немесе кәсіпкерлік қызметті жүзеге асыратын жеке тұлғадан бір көзден сатып алуды жүзеге асыруға құқылы. Егер тендер жеңімпазы отандық тауар өндіруші болып белгіленген жағдайда, аталған тармақтың талаптары қолданылмайды;
      6) алынып тасталды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен;
      7) егер дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік сараптама ұйымы Қазақстан Республикасында тек бір ғана:
      халықаралық патенттелмеген атауы немесе құрамы бойынша аналогтары жоқ шетелдік өндірушінің дәрілік заты;
      аналогтары жоқ медициналық мақсаттағы бұйымдар тіркелгенін растаса;
      8) Қазақстан Республикасы ратификациялаған халықаралық шарттар (келісімдер), сондай-ақ оларды іске асыру үшін қол қойылған халықаралық шарттар негізінде денсаулық сақтау саласындағы уәкілетті органның шешімімен Біріккен Ұлттар Ұйымының Бас Ассамблеясы құрған халықаралық ұйымдардан сатып алу кезінде;
      9) екі кезеңді рәсімдер пайдаланатын тендерде қандай да бір лоты бойынша әлеуетті өнім берушінің екі және одан да көп өтінімі берілгенде, әлеуетті өнім берушілердің біреуінің өтінімі – осы Ереженің талаптарына сәйкес келген және объектінің тиісті өндірістік практика (GMP) және/немесе тегін медициналық көмектің кепілдік берілген көлемін көрсету бойынша дәрілік заттарды сатып алу кезінде тиісті дистрибьюторлық практика (GDP) талаптарына сәйкестігі туралы сертификаты бар болған кезде.
      Ескерту. 131-тармаққа өзгерістер енгізілді - ҚР Үкіметінің 2010.02.25 № 122, 2011.02.22 N 163, 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.05.16 № 629 (алғашқы ресми жарияланған күнінен бастап қолданысқа енгізіледі), 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі), 2012.12.21 № 1649 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      132. Бірыңғай дистрибьютор немесе медициналық техниканы сатып алуды ұйымдастырушы осы Ереженің 131-тармағының 1)- 5) тармақшаларына сәйкес бір көзден сатып алуды жүзеге асыру кезінде әлеуетті өнім берушіден (осы Ереженің 131-тармағының 7) тармақшасына, 11-2-тарауына сәйкес шарт жасалған өнім берушілерді қоспағанда) мыналарды сұратады:
      1) баға ұсынысы;
      2) әлеуетті өнім берушінің осы Ереженің 8-тармағында белгіленген біліктілік талаптарына сәйкестігін растайтын құжаттар. Осы Ереженің 131-тармағының 1), 2) тармақшаларына сәйкес бір көзден сатып алуды жүзеге асырған кезде, бұдан бұрын осы Ереженің талаптарына сәйкес тендерлік өтінімді ұсынған әлеуетті өнім беруші бірыңғай дистрибьютор мен медициналық техниканы ұйымдастырушыға осы Ереженің 8-тармағында белгіленген біліктілік талаптарына сәйкестігін растайтын құжаттарды ұсынбайды;
      3) дәрілік заттардың, медициналық мақсаттағы бұйымдар мен медициналық техниканың осы Ереженің 4-тарауында көзделген талаптарға сәйкестігін растайтын құжаттар.
      Ескерту. 132-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      132-1. Алынып тасталды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      132-2. Осы Ереженің 131-тармағының 7) тармақшасына сәйкес бір көзден сатып алуды жүзеге асырған кезде азаматтық-құқықтық шарт мынадай жағдайларда 3 жылға дейін жасалады:
      1) Қазақстан Республикасында халықаралық патенттелмеген атау бойынша ұқсастықтары жоқ тек бiр ғана дәрiлiк зат тіркелгенде немесе құрамы бойынша халықаралық патенттелмеген атауы болмаса;
      2) Қазақстан Республикасында ұқсастықтары жоқ бiр ғана медициналық мақсаттағы бұйым тіркелгенде жасалады.
      Азаматтық-құқықтық шарт мынадай:
      1) Қазақстан Республикасында халықаралық патенттелмеген атау бойынша дәрiлiк заттың ұқсастықтары тіркелген;
      2) Қазақстан Республикасында медициналық мақсаттағы бұйымдардың ұқсастықтары тіркелген;
      3) дәрілік заттар мен медициналық мақсаттағы бұйымдар бірыңғай дистрибьютордың сатып алу тізімінен алып тасталған;
      4) дәрілік затты, медициналық мақсаттағы бұйымды Қазақстан Республикасында тіркеудің қолданылу мерзімі тоқтатылған жағдайларда бұзылуға жатады.
      Ескерту. Ереже 132-2-тармақпен толықтырылды - ҚР Үкіметінің 2012.05.16 № 629 (алғашқы ресми жарияланған күнінен бастап қолданысқа енгізіледі) қаулысымен; өзгерістер енгізілді - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      132-3. Осы Ереженің 131-тармағының 7) тармақшасына сәйкес бір көзден сатып алуды жүзеге асырған кезде бірыңғай дистрибьютор әлеуетті өнім беруші – шетелдік өндірушіден (дайындаушы зауыттан) мыналарды сұратады:
      1) дәрілік заттардың, медициналық мақсаттағы бұйымдардың бағасы бойынша ұсыныс;
      2) осы Ереженің 12-тармағында көзделген талаптарға сәйкестікті растайтын құжаттар;
      3) шетелдік өндірушінің (дайындаушы зауыттың) шет мемлекеттің заңнамасы бойынша заңды тұлға болып табылатынын куәландыратын, мемлекеттік және орыс тілдеріндегі нотариалды куәландырылған аудармасы бар заңдастырылған немесе апостильденген құжат.
      Егер шетелдік өндірушінің (өндіруші-зауыт) Қазақстан Республикасының аумағында өкілдігі/филиалы болған жағдайда, онда өкілдікті/филиалды есептік тіркеу (қайта тіркеу) туралы куәлік не заңды тұлғаны мемлекеттік тіркеу (қайта тіркеу) туралы анықтама, өкілдік/филиал туралы ереже ғана ұсынылады;
      4) нотариалды куәландырылған мемлекеттік және орыс тілдеріндегі аудармасы бар дәрілік заттарды, медициналық мақсаттағы бұйымдарды өндіруге және/немесе көтерме, бөлшек саудада сатуға шетелдік өндіруші (дайындаушы зауыт) құқығын растайтын құжаттың заңдастырылған немесе апостильденген көшірмесі.
      Ескерту. Ереже 132-3-тармақпен толықтырылды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 06.06.2013 № 582 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.
      132-4. Осы Ереженің 131-тармағының 8) тармақшасына сәйкес бір көзден сатып алуды жүзеге асыру кезінде Біріккен Ұлттар Ұйымының Бас Ассамблеясы құрған ұйым мыналарды ұсынады:
      1) баға ұсынысы;
      2) Біріккен Ұлттар Ұйымының Бас Ассамблеясының ұйымды құрғанын растайтын құжаттар;
      3) дәрілік заттардың, медициналық мақсаттағы бұйымдардың Қазақстан Республикасында тіркелмегенін және олардың Қазақстан Республикасында тіркелмеген дәрілік заттарды, медициналық мақсаттағы бұйымдарды сатып алу жағдайларын қоспағанда, осы Ереженің 12-тармағының 1-4) тармақшасында көзделген талаптарға сәйкестігін растайтын құжаттар;
      4) дәрілік заттардың шығу тегі сертификаты, өндіруші зауыттың Дүниежүзілік денсаулық сақтау ұйымының алдын ала біліктілігін жоғарылатудан өткенін растауы, жарамдылық мерзімі бойынша және сақтау шарттары бойынша кепілхаттар.
      Ескерту. Ереже 132-4-тармақпен толықтырылды - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      133. Бірыңғай дистрибьютор немесе медициналық техниканы сатып алуды ұйымдастырушы бір көзден сатып алуды жүзеге асыру кезінде мынадай ақпараттан тұратын хаттама толтырады:
      1) бір көзден сатып алу тәсілін қолданудың негіздемесі;
      2) сатып алынатын дәрілік заттардың, медициналық мақсаттағы бұйымдар мен медициналық техниканың қысқаша сипаттамасы;
      3) жеткізу шарты немесе сатып алу шарты, қаржылық лизинг шарты жасалатын әлеуетті өнім берушінің атауы және орналасқан жері және мұндай шарттың бағасы.
      Жеткізу шарты немесе сатып алу шарты бір көзден сатып алу тәсілін пайдалану нәтижесі бойынша осы Ереженің 12-тарауының талаптарын ескере отырып, бірыңғай дистрибьютормен немесе тапсырыс берушімен жасалады.
      Ескерту. 133-тармаққа өзгерістер енгізілді - ҚР Үкіметінің 2011.02.22 N 163; 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

11-1-тарау. Инфекциялық және паразиттік аурулардың пайда
болуы мен таралуының алдын алу, төтенше жағдайларды болдырмау
және олардың салдарын жою үшін дәрілік заттарды, медициналық
мақсаттағы бұйымдарды сатып алуды жүзеге асырудың ерекше
тәртібі

      Ескерту. 3-бөлім 11-1-тарамен толықтырылды - ҚР Үкіметінің 2010.07.14 N 716 Қаулысымен.

      133-1. Дәрілік заттарды, медициналық мақсаттағы бұйымдарды сатып алудың ерекше тәртібін бірыңғай дистрибьютор:
      1) инфекциялық және паразиттік аурулардың пайда болуы мен таралуының алдын алу қажет болған;
      2) төтенше жағдайларды болдырмау және олардың салдарын жою қажет болған жағдайларда жүзеге асырады.
      133-2. Сатып алудың ерекше тәртібі Қазақстан Республикасы ратификациялаған халықаралық шарттар (келісімдер), сондай-ақ оларды іске асыру үшін қол қойылған халықаралық шарттар негізінде қолданылады.
      133-3. Инфекциялық және паразиттік аурулардың пайда болуы мен таралуының алдын алу, төтенше жағдайларды болдырмау және олардың салдарын жою үшін дәрілік заттармен, медициналық мақсаттағы бұйымдармен уақтылы қамтамасыз ету және ерекше тәртіппен сатып алуды жүзеге асыру мақсатында денсаулық сақтау саласындағы уәкілетті орган:
      1) сатып алынуға тиіс дәрілік заттардың, медициналық мақсаттағы бұйымдардың тізбесін (тізімін) және санын;
      2) кедендік тазарту бойынша шығыстарды қоса алғанда, дәрілік заттардың, медициналық мақсаттағы бұйымдардың болжамды құнын (бағасын);
      3) қаржыландыру көзін айқындайды.
      133-4. Әлеуетті өнім беруші ретінде ерекше тәртіппен сатып алуға қатысу үшін Қазақстан Республикасы ратификациялаған халықаралық шарттар (келісімдер), сондай-ақ оларды іске асыру үшін қол қойылған халықаралық шарттар негізінде шетелдік және халықаралық коммерциялық емес ұйымдарға рұқсат беріледі.
      133-5. Ерекше тәртіппен сатып алуды жүзеге асыру кезінде бірыңғай дистрибьютор әлеуетті өнім берушіден:
      1) дәрілік заттардың, медициналық мақсаттағы бұйымдардың бағасы бойынша ұсынысты;
      2) Қазақстан Республикасында тіркелмеген дәрілік заттарды, медициналық мақсаттағы бұйымдарды сатып алу жағдайларын қоспағанда, дәрілік заттардың, медициналық мақсаттағы бұйымдардың Қазақстан Республикасында тіркелгенін және олардың осы Ереженің 12-тармағында көзделген талаптарға сәйкестігін растайтын құжаттарды сұрайды.
      133-6. Ерекше тәртіппен жүзеге асырылған Дәрілік заттарды, медициналық мақсаттағы бұйымдарды сатып алу туралы шартты (келісімді) осы тараудың талаптарын есепке ала отырып, бірыңғай дистрибьютор жасайды.
      133-7. Қазақстан Республикасы ратификациялаған халықаралық шарт шеңберінде жасалған шарттарда (келісімдерде) шарт сомасының 100 пайызы мөлшеріндегі аванстық (алдын ала) төлемге жол беріледі.

11-2-тарау. Дәрілік заттардың, медициналық мақсаттағы
бұйымдардың өндірісін құруға ниеті бар әлеуетті өнім
берушілерден ұзақ мерзімді жеткізу шарттары бойынша сатып
алуды жүзеге асырудың ерекше тәртібі

      Ескерту. 11-2-тараудың атауы жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      Ескерту. 3-бөлім 11-2-тараумен толықтырылды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); жаңа редакцияда - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

      133-8. Ұзақ мерзімді жеткізу шарттарын жасасуға конкурс өткізу мақсатында бірыңғай дистрибьютор әлеуетті өнім берушілерден номенклатураны қалыптастыруға дейін ұзақ мерзімді жеткізу шартын жасау бойынша түскен өтініштерді ескере отырып, номенклатураны қалыптастырады және денсаулық сақтау саласындағы уәкілетті органға бекіту үшін жібереді.
      Номенклатура конкурс өткізу жылына бұдан бұрын жасалған ұзақ мерзімді жеткізу шарты болмаған жағдайда, бірыңғай дистрибьютордың қолданыстағы тізіміндегі дәрілік заттардың, медициналық мақсаттағы бұйымдардың атауларын қамтиды.
      133-9. Денсаулық сақтау саласындағы уәкілетті орган дәрілік заттардың, медициналық мақсаттағы бұйымдардың номенклатурасын алған сәттен бастап он жұмыс күні ішінде бірыңғай дистрибьюторға халықаралық патенттелмеген атауын немесе формулярлық комиссия мақұлдаған дәрілік заттардың, медициналық мақсаттағы бұйымдардың құрамын, техникалық сипаттамасын, дәрілік заттардың, медициналық мақсаттағы бұйымдардың әрбір атауы бойынша жеткізу кезеңінің ұзақтығын көрсете отырып бекітілген номенклатураны немесе негіздемесін ұсына отырып, дәрілік заттардың, медициналық мақсаттағы бұйымдардың атаулары бойынша ұзақ мерзімді жеткізу шарттары бойынша сатып алудың орынсыздығы туралы қорытындыны ұсынады.
      133-10. Бірыңғай дистрибьютор дәрілік заттардың, медициналық мақсаттағы бұйымдардың номенклатурасын сатып алудың орынсыздығы туралы қорытынды алған жағдайда, дәрілік заттардың, медициналық мақсаттағы бұйымдардың тиісті атаулары бойынша (лоттар бойынша) ұзақ мерзімді жеткізу шартын жасауға конкурс жарияламайды.
      133-11. Бірыңғай дистрибьютор ұзақ мерзімді жеткізу шартын жасасуға конкурс өткізу үшін бағалау комиссиясын (бұдан әрі – комиссия) құрады және оның құрамын бекітеді.
      133-12. Комиссия өз қызметін ұзақ мерзімді жеткізу шарты жасалған сәттен бастап не ұзақ мерзімді жеткізу шартын жасасуға конкурс өткізілмеген деп танылған сәттен бастап тоқтатады.
      133-13. Комиссия құрамына:
      1) денсаулық сақтау саласындағы уәкілетті органның комитет төрағасының орынбасарынан төмен емес қызметкерлері;
      2) индустриялық-инновациялық қызметті мемлекеттік қолдау саласындағы уәкілетті органның комитет төрағасының орынбасарынан төмен емес қызметкерлері;
      3) тұтынушылардың құқықтарын қорғау саласындағы уәкілетті органның басқарма басшысынан төмен емес қызметкерлері (келісім бойынша);
      4) дәрілік заттардың, медициналық мақсаттағы бұйымдар мен медициналық техниканың айналысы саласындағы мемлекеттік сараптау ұйымы басшының орынбасарынан төмен емес қызметкерлері;
      5) бірыңғай дистрибьютордың басшылары, қызметкерлері;
      6) Қазақстан Республикасы Парламентінің депутаттары (келісім бойынша);
      7) құқық қорғау органдарының қызметкерлері (келісім бойынша);
      8) саяси партиялардың мүшелері (келісім бойынша);
      9) фармацевтикалық немесе медициналық өнеркәсіп бойынша аккредиттелген бейінді қауымдастықтардың өкілдері (келісім бойынша);
      10) Ұлттық кәсіпкерлер палатасының қызметкерлері кіреді.
      133-14. Комиссия құрамына төраға, төрағаның орынбасары және комиссия мүшелері кіреді. Комиссия мүшелерінің жалпы саны тақ санды құрауы тиіс және он үш адамнан кем болмауы тиіс. Комиссияның шешімдері хаттамамен ресімделеді. Комиссия хатшысы комиссия мүшесі болып табылмайды және комиссия шешім қабылдаған кезде дауыс беру құқығы болмайды.
      133-15. Денсаулық сақтау саласындағы уәкілетті органның комитет төрағасының орынбасарынан төмен емес қызметкері – төраға болып, бірыңғай дистрибьютордың басшысы – төрағаның орынбасары болып тағайындалады.
      133-16. Төраға оның қызметіне басшылық етеді, отырыстарда төрағалық етеді, жұмысты жоспарлайды және оның шешімдерінің іске асырылуына жалпы бақылауды жүзеге асырады. Төраға болмаған уақытта оның қызметін орынбасары атқарады.
      133-17. Бірыңғай дистрибьютордың қызметкері комиссия хатшысы болып табылады, ол әлеуетті өнім берушілерден өтінімдер салынған конверттерді қабылдайды, комиссия отырысының күн тәртібі бойынша ұсыныстарды, қажетті құжаттар мен материалдарды әзірлейді, комиссия отырысы өткен соң оның хаттамаларын ресімдейді, келіп түскен өтінімдерді және өтінімі бар конверттерді ашу рәсіміне қатысуға ниет білдірген әлеуетті өнім берушілерді тіркеу журналын жүргізеді, онда әлеуетті өнім берушілердің өтінімі бар конверттерді ұсынған уақыты мен күні, әлеуетті өнім берушінің уәкілетті өкілдерінің (өтінім салынған конвертті ұсынған және конверттерді ашу рәсіміне қатысқан адамның) тегі, аты, әкесінің аты көрсетіледі. Келіп түскен өтінімдерді және конверттерді ашу рәсіміне қатысуға ниет білдірген әлеуетті өнім берушілерді тіркеу журналдары тігілген, беттері нөмірленген, соңғы парағы бірыңғай дистрибьютордың мөрімен расталған болуы тиіс.
      133-18. Комиссия отырысы комиссия мүшелерінің жалпы санының кемінде үштен екісі қатысқан жағдайда өткізіледі.
      133-19. Комиссияның шешімі ашық дауыс берумен қабылданады және егер оған қатысқан комиссия мүшелерінің жалпы санының көпшілігі дауыс берген болса, қабылданған болып саналады. Дауыстар тең болған жағдайда, комиссия төрағасы немесе ол болмаған жағдайда төрағаның орынбасары дауыс берген шешім қабылданған болып саналады.
      133-20. Қажет болған кезде комиссия критерийлер бойынша сәйкестігін бағалау үшін тиісті саланың сарапшысын (-ларын) ақысыз негізде тарта алады. Сарапшы (-лар) комиссия шешім қабылдаған кезде дауыс бере алмайды.
      133-21. Сарапшы (-лар) комиссия қойған сұрақтарға бағалау критерийлері бойынша сараптамалық қорытынды береді.
      133-22. Сараптама қорытындысы ұсынымдық сипатта болады және өтінімдерді бағалау кезінде ескеріледі, жазбаша түрде ресімделеді, оған сарапшы (-лар) қол қояды және комиссия отырысының хаттамасына қоса беріледі.
      133-23. Бірыңғай дистрибьютор әлеуетті өнім берушілердің өтінімдерді беру күні аяқталғанға дейін кемінде күнтізбелік 30 (отыз) күн бұрын республикалық мерзімді баспа басылымдарында және (немесе) өзінің интернет-ресурсында мемлекеттік және орыс тілдерінде ұзақ мерзімді жеткізу шартын жасауға конкурс өткізетіні туралы хабарландыру орналастырады.
      133-24. Ұзақ мерзімді жеткізу шартын жасауға конкурс өткізетіні туралы хабарландыру мынадай мәліметтерді қамтиды:
      1) бірыңғай дистрибьютордың атауы, мекенжайы және банктік деректемелері;
      2) дәрілік заттардың, медициналық мақсаттағы бұйымдардың халықаралық патенттелмеген атауы немесе құрамы және олардың техникалық сипаттамалары (техникалық сипаттамалар туралы мәліметтердің көлемі ауқымды болған кезде бірыңғай дистрибьютордың интернет-ресурсына ғана орналастырылуы мүмкін) көрсетілген дәрілік заттардың, медициналық мақсаттағы бұйымдардың номенклатурасы;
      3) ұзақ мерзімді жеткізу шартын жасасу үшін конкурсқа қатысу үшін өтінімдерді қабылдауды аяқтау күні, уақыты және орны;
      4) өтінімдері бар конверттерді ашу күні, уақыты және орны.
      133-25. Ұзақ мерзімді жеткізу шартын жасасу үшін конкурсқа қатысуға ниет білдірген әлеуетті өнім беруші өтінімдерді қабылдау мерзімі аяқталғанға дейін бірыңғай дистрибьюторға өтінімді жабық түрде ұсынады.
      133-26. Ұсыну мерзімі өтіп кеткеннен кейін алынған, сондай-ақ нөмірленбеген және әлеуетті өнім берушінің мөрімен расталмаған өтінім қабылданбайды және оны ұсынған әлеуетті өнім берушіге кері қайтарылады.
      133-27. Әлеуетті өнім беруші өтінім беру мерзімі аяқталғанға дейін өз өтінімін өзгерте алады немесе кері қайтара алады. Әлеуетті өнім берушінің өтінімді қайтару туралы хабарламасы бірыңғай дистрибьюторға жазбаша түрде жіберілуі, бірақ өтінім берудің аяқталу мерзімінен кешіктірілмеуі тиіс.
      133-28. Әлеуетті өнім беруші өтінімді конвертке салып желімдейді. Конвертте әлеуетті өнім берушінің атауы және заңды мекенжайы көрсетілуі тиіс. Конверт бірыңғай дистрибьютордың хабарландыруда көрсетілген мекенжайына жіберілуі және мынадай: «__________ (тендердің атауы көрсетіледі) сатып алу жөніндегі конкурс» және «__________дейін ашуға болмайды (хабарландыруда көрсетілген конверттердің ашылу күні және уақыты көрсетіледі)» деген жазулары болуы тиіс.
      Әлеуетті өнім беруші өтінімді түпнұсқада және көшірмеде бөлек тігілген түрде, беттері нөмірленген, конверттерде түпнұсқа және көшірме екенін, сондай-ақ оның заңды және нақты мекенжайын көрсете отырып ұсынады, соңғы парағы оның мөрімен расталады.
      133-29. Ұзақ мерзiмдi жеткiзу шартын жасасу бойынша конкурсқа қатысуға ниет білдірген әлеуетті өнім берушілер мынадай құжаттар тізбесіне сәйкес өтінім береді:
      1) осы Ережеге 13-қосымшаның нысанына сәйкес дәрілік заттардың, медициналық мақсаттағы бұйымдардың (лоттардың) атауын көрсете отырып конкурсқа қатысуға өтінім;
      2) заңды тұлғаны мемлекеттік тіркеу (қайта тіркеу) туралы куәліктің нотариат куәландырған көшірмесі немесе анықтама;
      3) заңды тұлға жарғысының нотариат куәландырған көшірмесі (егер, жарғыда құрылтайшылар, қатысушылар немесе акционерлер құрамы көрсетілмесе, онда акция иелерінің тізілімінен немесе құрылтайшылар, қатысушылар құрамы туралы үзінді көшірмелер немесе құрылтай шартының нотариат куәландырған көшірмесі ұсынылады);
      4) техникалық-экономикалық негіздеме және/немесе бизнес-жоспар (ақпаратты мынадай реттілік бойынша көрсете отырып: инвестициялық жобаның мақсаты, инвестициялық жобаның операторы жөніндегі ақпарат; инвестициялық жобаны қаржыландыру құны мен көздері; коммерциялық бөлім; өнімді өткізу бағдарламасы; техникалық бөлім; технологияны сипаттау; жабдықтарды сипаттау; экологиялық бөлім; қаржы бөлімі; әлеуметтік-экономикалық бөлім; жобалау тәуекелі, дәрілік заттардың өндірісін құру және/немесе жаңғырту бойынша инвестициялық жобаны іске асыру мерзімдері; дәрілік заттарды, медициналық мақсаттағы бұйымдарды жеткізу кезеңінің басталу күні; дәрілік заттардың, медициналық мақсаттағы бұйымдардың өндірісін құру бойынша инвестициялық жобаны іске асыру кезеңдері мен жартыжылдық кестесі; шығарылатын дәрілік заттардың, медициналық мақсаттағы бұйымдардың тізімі; инфрақұрылымы;
      5) тиісті салық органынан салық берешегінің және міндетті зейнетақы жарналары, міндетті кәсіптік зейнетақы жарналары және әлеуметтік төлемдер бойынша үш айдан артық берешегінің жоқ екені туралы (Қазақстан Республикасының заңнамасына сәйкес төлем мерзімі шегерілген жағдайларды қоспағанда) не салықтық берешектің және міндетті зейнетақы жарналары, міндетті кәсіптік зейнетақы жарналары және әлеуметтік төлемдер бойынша бір теңгеден кем берешектің болуы туралы конкурс өткізілетін күннің алдындағы бір айдан кешіктірілмей берілген белгіленген нысандағы анықтаманың түпнұсқасы. Көрсетілген анықтама қағаз жеткізгіште ұсынылған жағдайда, басшының қолымен, оны алмастыратын тұлғаның немесе басшының орынбасарының қолымен және анықтаманы жасаған салық органының мөрімен расталады. Көрсетілген анықтаманы электрондық түрде беру кезінде уәкілетті органның электронды цифрлық қолтаңбасымен расталады;
      6) әлеуетті өнім берушіге қызмет көрсететін банктің немесе банк филиалының осы Ережеге 4-қосымшаға сәйкес Қазақстан Республикасының Ұлттық Банкі басқармасының қаулысымен бекітілген екінші деңгейдегі банктердегі, ипотекалық ұйымдардағы және «Қазақстан Даму Банкі» акционерлік қоғамындағы бухгалтерлік есепке алу шоттарының үлгі жоспарына сәйкес банктің немесе банк филиалының алдында әлеуетті өнім берушінің міндеттемелерінің барлық түрлері бойынша анықтама берілген күнге дейін үш айдан артық мерзімнен асатын берешегінің жоқ екені туралы анықтамасының түпнұсқасы (егер, әлеуетті өнім беруші бірнеше екінші деңгейдегі банктердің немесе филиалдардың, сондай-ақ шетелдік банктің клиенті болған жағдайда, аталған анықтама ондай банктердің әрқайсысынан беріледі). Анықтама конкурс өткізілетін күннің алдындағы бір айдан кейін берілуі тиіс. Анықтамаға қол қойған лауазымды адамның өкілеттігін растайтын құжаттың болмауы өтінімді кері қайтаруға негіз бола алмайды.
      133-30. Комиссия өтінімдер салынған конверттерді хабарландыруда көрсетілген уақытта, мерзімде және орында ашады.
      133-31. Әлеуетті өнім берушілер не олардың уәкілетті өкілдері өтінімдер салынған конверттерді ашу кезінде қатысуға құқылы.
      133-32. Өтінімдер салынған конверттерді ашу кезінде комиссия хатшысы қатысып отырған адамдарға конкурсқа қатысушы әлеуетті өнім берушілердің атауларын және мекенжайларын, әлеуетті өнім берушілердің өтінімдері ұсынылған лоттардың атауларын хабарлайды және көрсетілген ақпаратты өтінімдер салынған конверттерді ашу хаттамасында тіркейді.
      133-33. Комиссия хатшысы индустриялық-инновациялық қызметті мемлекеттік қолдау саласындағы уәкілетті органға конверттерді ашу рәсімінен кейін үш жұмыс күні ішінде салалық қорытынды алу үшін өтінімдердің көшірмелерін жібереді.
      133-34. Индустриялық-инновациялық қызметті мемлекеттік қолдау саласындағы уәкілетті орган өтінім көшірмелерін алған сәттен бастап он жұмыс күні ішінде: бірыңғай дистрибьюторге жоба конкурс комиссиясының одан әрі қарауына ұсынылады/ұсынылмайды деген салалық қорытындыны жібереді.
      Салалық қорытынды техникалық-экономикалық негіздеме және/немесе бизнес-жоспар негізінде мынадай критерийлер бойынша беріледі: жобаның зерттелу дәрежесі, қаржыландыру көздері, инфрақұрылыммен және жер учаскелерімен қамтамасыз етілуі.
      133-35. Өтінімдерді бағалау кезінде:
      1) сұрақтар мен ескертулер туындаған кезде комиссия әлеуетті өнім берушілерден индустриялық-инновациялық қызметті мемлекеттік қолдау саласындағы уәкілетті органның салалық қорытындысын алу сәтінен бастап бес жұмыс күнінен кешіктірмей өтінімде көрсетілген құжаттар бойынша түсіндірулерді сұратады. Әлеуетті өнім беруші үш жұмыс күні ішінде комиссияға жазбаша түсіндірулерді ұсынуы тиіс;
      2) осы Ереженің талаптарына сай келмейтін өтінімдерді осы талаптарға сәйкес келтіру үшін сұратуларға, ұсыныстарға немесе толықтыруларға жол берілмейді;
      3) бірыңғай дистрибьютор хабарлаған дәрілік заттардың, медициналық мақсаттағы бұйымдардың атаулары ғана ескеріледі.
      133-36. Комиссия өтінімдерді индустриялық-инновациялық қызметті мемлекеттік қолдау саласындағы уәкілетті органның салалық қорытындысын алғаннан кейін келесі күннен бастап он жұмыс күні ішінде қарайды.
      133-37. Дәрілік заттардың, медициналық мақсаттағы бұйымдардың (лоттардың) атаулары бойынша ұсынылған осы тараудың талаптарына сәйкес кері қайтарылмаған екі өтінімнен артық (лотта бәсекелестік орта болған жағдайда) өтінімді комиссия балдық жүйемен бағалайды.
      133-38. Әлеуетті өнім берушілердің өтініміне мынадай бағалау критерийлері (балдық жүйе) қолданылады:
      1) инвестициялық жобаны іске асырудың орнын толық толтыратын қаржы құралдарының болуы туралы растау:
      инвестициялық жобаны іске асырудың орнын толық толтыратын меншікті қаржы құралдары (банктің анықтамасы) – 2 балл, немесе
      инвестициялық жобаны іске асырудың орнын толық толтыруға тартылатын қаржы құралдары (банк анықтамасы, қарыз туралы шарт, кредиттік лимит беру туралы шарт) – 1 балл;
      2) тиісті мамандарды тарту туралы растау (өндіріс жаңғыртылған жағдайда мамандығы бойынша кемінде 5 жыл жұмыс тәжірибесі бар фармацевтикалық өндіріс мамандары) – 2 балл;
      3) техникалық-экономикалық негіздемеге және/немесе бизнес-жоспарға сәйкес дәрілік заттарды, медициналық мақсаттағы бұйымдарды өндіру үшін технологиялық жабдықтың болуы туралы растау (технологиялық жабдықтарды меншік құқығына сатып алуды/ сатып алу туралы ниетін растайтын құжат) – 1 балл;
      4) инвестициялық жобада көрсетілген дәрілік заттардың, медициналық мақсаттағы бұйымдардың өндірісін құру үшін пайдаланылатын тиісті үй-жайдың болуы туралы растау:
      меншік құқығындағы үй-жай (үй-жайға меншік құқығын растайтын құжат) – 2 балл, немесе
      жалға, сенімгерлік басқаруға, уақытша пайдалануға алынған үй-жай (жалға, сенімгерлік басқаруға, уақытша пайдалануға алу туралы шарт/келісім) – 1 балл;
      5) дәрілік заттардың, медициналық мақсаттағы бұйымдардың өндірісін құру үшін пайдаланылатын жер учаскесінің болуы туралы растау:
      дәрілік заттардың, медициналық мақсаттағы бұйымдардың өндірісін құру үшін пайдаланылатын меншіктегі жер учаскесі (тиісті инвестициялық жобаға сәйкес келетін нысаналы мақсаты көрсетілген жер учаскесінің актісі) – 2 балл, немесе
      дәрілік заттардың, медициналық мақсаттағы бұйымдардың өндірісін құру үшін пайдаланылатын жалға, сенімгерлікпен басқаруға, уақытша жер пайдалануға алынған жер учаскесі (тиісті инвестициялық жобаға сәйкес келетін нысаналы мақсаты көрсетілген жер учаскесінің актісі) – 1 балл;
      6) құрылысын салу жағдайында жобалау-сметалық құжаттамасына мемлекеттік сараптама қорытындысының болуы – 2 балл;
      7) құрылыс-монтаждау жұмыстарын жүзеге асыруға лицензиялардың көшірмелерін ұсына отырып, құрылыс-монтаждау жұмыстарына шарттың болуы – 1 балл;
      8) инвестициялық жобаны ұсынған әлеуетті өнім берушіге:
      жаңғыртуға (дәрі түрлері, дозалар бөлінісінде осы өндіріс үшін жаңа дәрілік заттар өндірісі) – 1 балл, немесе
      жаңа құрылысқа – 2 балл, немесе
      жұмыс істейтін фармацевтикалық өндіріс базасындағы жаңа құрылысқа – 2 балл беріледі;
      9) Қазақстан Республикасында өндірілетін дәрілік заттарды, медициналық мақсаттағы бұйымдарды ТМД елдеріне жеткізуге келісімшарттар ұсынған әлеуетті өнім берушіге – 1 балл беріледі;
      10) әлеуетті өнім берушіге өндіріс циклы бойынша мынадай балдар беріледі:
      толықтай Қазақстанда шығарылған дәрілік заттар, медициналық мақсаттағы бұйымдар өндірісіне (Қазақстан Республикасының аумағында шығарылатын өнімдерден ғана тұратын Қазақстанда өндірілетін дәрілік заттар, медициналық мақсаттағы бұйымдар) – 3 балл, немесе
      жеткілікті өңдеу критерийлеріне сәйкес дәрілік заттарға, медициналық мақсаттағы бұйымдарға өзіне тән қасиет беру үшін субстанцияларды/шикізатты өңдеу жолымен дәрілік заттар, медициналық мақсаттағы бұйымдар өндірісіне – 2 балл, немесе
      қайта қапталған өнімі/қапталған дайын өнім «in-bulk»-ты қоса алғанда өндірісіне – 1 балл.
      «СТ-KZ» ішкі айналымы үшін тауардың шығарылған жері туралы сертификаты бар дәрілік заттар/медициналық мақсаттағы бұйымдар осы тармақ бойынша жалпы негізде, өндірістік циклға сәйкес бағаланады.
      Өндіріс циклы бойынша қорытынды балл мынадай формула бойынша орташа арифметикалық мәнді айқындау жолымен айқындалады (осы тармақшаға ғана қолданылады):
      Б=(N1+N2+Nn)/Р
      Б – өндіріс циклы бойынша қорытынды балл;
      N – тиісті лот үшін балл;
      Р – конкурс комиссиясы қабылдаған лот саны.
      Балл алу үшін әлеуетті өнім беруші осы Ережеге 14-қосымшаға сәйкес ақпаратты ұсынады.
      133-39. Балл алу үшін барлық құжаттар түпнұсқада немесе нотариат растаған көшірмелерде беріледі.
      133-40. Осы тарауда көзделген әрбір критерий бойынша балдарды қосу арқылы ең көп балл жинаған әлеуетті өнім беруші жеңімпаз деп танылады.
      133-41. Жарияланған номенклатурадан қалған дәрілік заттардың, медициналық мақсаттағы бұйымдардың атаулары (лоттары), балдарының кемуі бойынша тиісінше, кейінгі орын алған әлеуетті өнім берушілер арасында бөлінеді.
      133-42. Балдар тең болған жағдайда, комиссия жеңімпазды ең жоғары шартты бағалық жеңілдік бойынша айқындайды.
      133-43. Өтінімдерді қарау қорытындылары бойынша бағалау хаттамасы жасалады, оған қатысушы комиссия мүшелері қол қояды және ол мынадай ақпаратты қамтиды:
      1) индустриялық-инновациялық қызметті мемлекеттік қолдау саласындағы уәкілетті орган инвестициялық жобаларын іске асыруға орынды немесе орынсыз деп танылған әлеуетті өнім берушілер туралы;
      2) ұзақ мерзімді жеткізу шартын жасауға жататын әлеуетті өнім берушілер туралы, олардың номенклатурасымен;
      3) ең жоғары баға жеңілдігін айқындау рәсіміне жіберілген әлеуетті өнім берушілер туралы (балдар тең болған жағдайда), сондай-ақ әлеуетті өнім берушілерден ең жоғары шартты бағалық жеңілдікті қабылдау күні, уақыты және орны туралы.
      133-44. Тиісті орындар алған әлеуетті өнім берушілер туралы олардың лоттары көрсетілген ақпарат, ең жоғары баға жеңілдігін айқындау рәсіміне жіберілген әлеуетті өнім берушілер туралы (балдар тең болған жағдайда), сондай-ақ ең жоғары баға жеңілдігін айқындау рәсіміне жіберілген әлеуетті өнім берушілер туралы ақпарат бірыңғай дистрибьютордың интернет-ресурсында бағалау хаттамасына қол қойылған сәттен бастап үш жұмыс күні ішінде жарияланады.
      133-45. Әлеуетті өнім берушілер жазбаша түрде конкурсқа одан әрі қатысудан бас тарта алады.
      133-46. Ең жоғары шартты бағалық жеңілдікті айқындау рәсімі бағалау хаттамасында көрсетілген уақыты, күні және орны бойынша өткізіледі. Әлеуетті өнім беруші бағалық жеңілдікті беруге уәкілетті адамның қатысуын қамтамасыз етеді.
      133-47. Әлеуетті өнім берушінің бастапқы бағалық жеңілдігі әлеуетті өнім берушінің мөрімен расталған және бірінші басшының немесе осындай шартты бағалық жеңілдікке қол қоюға өкілеттігі бар адамның қолы қойылған лот бойынша шартты бағалық жеңілдікті көрсете отырып, жазбаша түрде ұсынылады.
      Шартты бағалық жеңілдіктің ең төменгі қадамы 1 %-ды (бір пайыз) құрайды.
      133-48. Қандай да бір лот бойынша әлеуетті өнім беруші бастапқы баға жеңілдігін ұсынбаған жағдайда, әлеуетті өнім беруші осы лот бойынша түпкілікті баға жеңілдігін ұсыну мүмкіндігінен айырылады және тиісті лот бойынша ең жоғары шартты бағалық жеңілдікті айқындау рәсіміне қатысудан шеттетіледі.
      133-49. Егер тиісті лот бойынша ең жоғары шартты бағалық жеңілдікті айқындау рәсіміне қатысудан шеттетілу нәтижесінде бір ғана әлеуетті өнім беруші қалса, соңғысы жеңімпаз деп танылады.
      133-50. Комиссия хатшысы әлеуетті өнім берушілер ұсынған барлық шартты бағалық жеңілдіктерді, оның ішінде лот бойынша ең көп шартты бағалық жеңілдікті жариялайды және оларға бастапқы шартты бағалық жеңілдікті ұлғайтуға ұсыныс жасайды.
      Ескерту. 133-50-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      133-51. Түпкілікті шартты бағалық жеңілдіктерді қабылдау уақыты комиссия хатшысының осындай баға жеңілдіктерін қабылдаудың басталғанын хабарлаған сәтінен бастап бес минутқа дейінгі уақытты құрайды.
      133-52. Егер бастапқы бағалық жеңілдікті ұсынған әлеуетті өнім беруші түпкілікті баға жеңілдігін ұсынбаса, комиссия оның бастапқы бағалық жеңілдігін түпкілікті ретінде қабылдайды.
      133-53. Ең жоғары шартты бағалық жеңілдікті айқындау рәсімі ең жоғары бағалық жеңілдік біреу болған жағдайда түпкілікті болып табылады.
      133-54. Екі немесе одан көп бірдей түпкілікті бағалық жеңілдік болған жағдайда, үшінші рет бағалық жеңілдікті ұсынуға рұқсат етіледі және ол түпкілікті болып есептеледі.
      133-55. Үшінші түпкілікті бағалық жеңілдік те бірдей болып шыққан жағдайда, ондай лот өткізілмеді деп танылады.
      133-56. Басқа бағалық жеңілдіктерге қарағанда ең жоғары шартты бағалық жеңілдікті ұсынған әлеуетті өнім беруші жеңімпаз деп танылады.
      133-57. Ұсынылған шартты бағалық жеңілдік ұзақ мерзімді жеткізу шартының қолданылу мерзімінде әрекет етеді. Шартты бағалық жеңілдік өсу жағына өзгереді және кему жағына қарай өзгеруге жатпайды.
      133-58. Ұсынылған шартты бағалық жеңілдік мынадай формула бойынша дәрілік заттарды бір жылға сатып алу бағаларына қолданылады:
      (P-N)-S= D
      Р – денсаулық сақтау саласындағы уәкілетті орган белгілеген шекті баға;
      N – бірыңғай дистрибьютордың үстеме бағасы;
      S – шартты жеңілдік;
      D – дәрілік заттың, медициналық мақсаттағы бұйымның бағасы. Бұл ретте, баға тараптардың келісуі бойынша кему жағына қарай өзгеруі мүмкін.
      133-59. Комиссия:
      1) осы Ереженің талаптарына сәйкес келмейтін өтінім ұсынылған;
      2) осы Ережеде белгіленген инвестициялық жобаны іске асыру мерзімі асырылған;
      3) әлеуетті өнім беруші жосықсыз әлеуетті өнім берушілердің тізбесінде болған;
      4) индустриялық-инновациялық қызметті мемлекеттік қолдау саласындағы уәкілетті органның инвестициялық жобаны іске асырудың орынсыздығы туралы салалық қорытындысын алған;
      5) бағалау критерийлеріне сәйкес келмеген кезде (комиссия сарапшылардың қорытындысын назарға алған кезде);
      6) салық берешегі болған;
      7) банк алдында борышкер болған жағдайларда өтінімді толықтай не жекелеген лоттардың бөлігінде кері қайтарады.
      133-60. Ұзақ мерзімді жеткізу шартын жасауға конкурс толық немесе жекелеген лоттар бөлігінде:
      1) лот бойынша бірде-бір өтінім ұсынылмаған;
      2) лот бойынша барлық өтінімдер кері қайтарылған;
      3) ең жоғары шартты бағалық жеңілдікті айқындау рәсімі кезінде шартты бағалық жеңілдік ұсынылмаған;
      4) тиісті лот бойынша бірдей шартты бағалық жеңілдіктер ұсынылған;
      5) автоматты түрде ұзақ мерзімді жеткізу шарты жасалатын әлеуетті өнім берушіден бір ғана өтінім ұсынылған жағдайларда өткізілмеді деп танылады.
      133-61. Комиссия қорытындылайды және хаттамаға қол қояды.
      133-62. Қорытындылар хаттамасында:
      1) ұзақ мерзімді жеткізу шарты жасалуы тиіс олардың номенклатурасымен қоса әлеуетті өнім берушілер туралы ақпарат;
      2) өтінімдері негіздемелері көрсетіле отырып, кері қайтарылған әлеуетті өнім берушілердің атаулары;
      3) балдық жүйе қолданылған жағдайдағы, балдар;
      4) өнім беруші лоттар бойынша бағалық жеңілдіктер арқылы айқындалған жағдайда, бағалық жеңілдіктер;
      5) автоматты түрде ұзақ мерзімді жеткізу шарты жасалатын бір ғана өтінім ұсынған әлеуетті өнім беруші туралы ақпарат көрсетіледі.
      133-63. Бірыңғай дистрибьютор қорытынды хаттаманың негізінде оған қол қойылған сәттен бастап бес жұмыс күні ішінде ұзақ мерзімді жеткізу шартын жасасады. Бұл ретте, өтінім ұзақ мерзімді жеткізу шартының ажырамас бөлігі болып табылады.
      133-64. Ұзақ мерзімді жеткізу шарттары бойынша дәрілік заттарды, медициналық мақсаттағы бұйымдарды жеткізу басталғанға дейін бірыңғай дистрибьютор оларды осы Ереженің 10, 11-тарауларына сәйкес сатып алады.
      133-65. Ұзақ мерзімді шарт жасалған кезден бастап ұзақ мерзімді жеткізу шартында көзделген объектіні пайдалануға беру/жаңғырту күні арасындағы кезең екі жылдан аспауы тиіс. Көрсетілген мерзімнен асқан және жеткізуші объектіні пайдалануға беру туралы актіні/жаңғырту туралы толық есеппен бірге хабарламаны көрсетілген кезең аяқталған сәттен бастап он жұмыс күні ішінде ұсынбаған жағдайларда, бірыңғай дистрибьютор біржақты тәртіппен ұзақ мерзімді жеткізу шартын бұзады.
      133-66. Объектіні пайдалануға беру/жаңғырту сәтінен бастап дәрілік заттарды, медициналық мақсаттағы бұйымдарды жеткізу басталған, ұзақ мерзімді жеткізу шартында көзделген күн арасындағы кезең объектіні пайдалануға беру актісі ұсынылған/жаңғырту туралы толық есеппен бірге хабарлама берілген сәттен бастап есептеледі. Көрсетілген мерзімнен асқан жағдайда, бірыңғай дистрибьютор біржақты тәртіппен ұзақ мерзімді жеткізу шартын бұзады.
      133-67. Өнім беруші бірыңғай дистрибьюторды дәрілік заттарды, медициналық мақсаттағы бұйымдарды жеткізуге дайын екендігі туралы хабардар етеді.
      133-68. Жеткізуді бастау күні бірыңғай дистрибьюторға мынадай құжаттарды ұсынғаннан кейін басталады:
      1) фармацевтикалық қызметке арналған лицензия;
      2) дәрілік заттарға, медициналық мақсаттағы бұйымдарға арналған тиісті тіркеу куәліктері;
      3) тауардың шығарылуы туралы ішкі айналысқа арналған «СТ-KZ» сертификаты;
      4) Қазақстан Республикасының заңнамасына сәйкес дәрілік заттарды, медициналық мақсаттағы бұйымдарды өндіру үшін тиісті өндірістік тәжірибе стандарттарының (GМP) енгізілгенін растайтын құжат;
      5) өнім берушінің жосықсыз әлеуетті өнім берушілердің (өнім берушілердің) тізбесінде жоқ екенін растайтын құжат.
      133-69. Ұзақ мерзімді жеткізу шарттары бойынша дәрілік заттарды, медициналық мақсаттағы бұйымдарды сатып алу тиісті қаржылық жылы өнім берушінің бірыңғай дистрибьюторға өтініш берген сәтінен бастап жүзеге асырылады. Дәрілік заттарды, медициналық мақсаттағы бұйымдарды сатып алу осы Ереженің 10, 11-тарауларына сәйкес тиісті қаржы жылында жүзеге асырылған жағдайда, ұзақ мерзімді жеткізу шарттары бойынша сатып алу келесі қаржы жылы бойынша жүзеге асырылады.
      133-70. Мыналар:
      1) осы Ережеде белгіленген инвестициялық жобаны іске асыру мерзімін асыру;
      2) ұзақ мерзімді жеткізу шартында көзделген жеткізудің басталу күнінің бұзылуы;
      3) ұзақ мерзімді жеткізу шартында көзделген міндеттемелердің бұзылуы;
      4) жеткізудің басталу күнінен бастап екі жыл ішінде жеткізуден бас тарту;
      5) инвестициялық жобаны іске асыру кестесінің бұзылуы;
      6) ұсынылуы ұзақ мерзімді жеткізу шартында көзделген инвестициялық жобаны іске асыру барысы туралы жартыжылдық есептің уақтылы ұсынылмауы жеткізу шартын бұзу үшін негіз болып табылады.

11-3 тарау. Бірыңғай дистрибьютордың қоймасындағы қоры төмендемейтін дәрілік заттарды, медициналық мақсаттағы бұйымдарды қалыптастыру және пайдалану тәртібі

      Ескерту. 3-бөлім 11-3-тараумен толықтырылды - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); өзгеріс енгізілді - ҚР Үкіметінің 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

      133-71. Қоры төмендемейтін дәрілік заттар мен медициналық мақсаттағы бұйымдар бірыңғай дистрибьютордың өз қаражаты есебінен қалыптастырылады.
      133-72. Қоры төмендемейтін дәрілік заттар мен медициналық мақсаттағы бұйымдардың алдыңғы жылы нақты сатып алынған жалпы көлемінің 20 %-ына дейінгі мөлшері денсаулық сақтау саласындағы уәкілетті органның қоры төмендемейтін тізбені бекіткен күні сатып алынады. Бірыңғай дистрибьютор сатып алуды, қоры төмендемейтін қалдықты толтыруды осы Ереженің 10, 11 және 11-1-тарауларына сәйкес белгіленген тәртіппен және тәсілдердің бірімен (қоры төмендемейтін тізімді қорды қалыптастыру сәтінде дәрілік заттар мен медициналық мақсаттағы бұйымдардың қалдығын есепке алғанда) жүзеге асырады. Қоры төмендемейтін дәрілік заттар мен медициналық мақсаттағы бұйымдардың тізбесі мен көлемін денсаулық сақтау саласындағы уәкілетті орган бірыңғай дистрибьютордың тиісті жылдағы тізіміне байланысты жыл сайын белгілейді.
      133-73. Қоры төмендемейтін дәрілік заттар мен медициналық мақсаттағы бұйымдарды бірыңғай дистрибьютор тапсырыс берушінің өтінімі бойынша мынадай жағдайларда пайдаланады:
      1) өнім берушілер бірыңғай дистрибьюторға жеткізу мерзімін бұзған кезде;
      2) өнім берушілер жеткізуден бас тартқан кезде;
      3) өнім берушінің кінәсінен шарт бұзылған кезде;
      4) тапсырыс берушілерден сол қаржы жылында дәрілік заттар мен медициналық мақсаттағы бұйымдардың көлемін ұлғайтуға қатысты қосымша өтінім келіп түскен кезде.
      133-74. Қоры төмендемейтін дәрілік заттар мен медициналық мақсаттағы бұйымдар жыл сайын осы Ереженің 10, 11 және 11-2-тарауына сәйкес белгіленген тәртіппен (дәрілік заттар мен медициналық мақсаттағы бұйымдардың қалдықтарын есепке алғанда) толықтырылып отырады.

11-4-тарау. Дәрілік заттардың, медициналық мақсаттағы
бұйымдардың өндірісі бар әлеуетті өнім берушілерден ұзақ
мерзімді жеткізу шарттары бойынша сатып алуды жүзеге
асырудың ерекше тәртібі

      Ескерту. Ереже 11-4-тараумен толықтырылды - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      133-75. Бірыңғай дистрибьютор ұзақ мерзімді жеткізу шартын жасау үшін ұзақ мерзімді жеткізу шартын жасау мүмкін болатын және бұрын жасалған ұзақ мерзімді жеткізу шарттары болмаған, бірыңғай дистрибьютордың қолданыстағы тізіміндегі дәрілік заттардың, медициналық мақсаттағы бұйымдардың атауы көрсетілген, денсаулық сақтау саласындағы уәкілетті орган бекіткен номенклатураны алғаннан кейін осы Ереженің 10-тарауына сәйкес екі кезеңді рәсімді пайдалана отырып тендер өткізеді.
      133-76. Екі кезеңді рәсім пайдаланылатын тендерге қатысқан кезде осы Ереженің 10-тарауына сәйкес ұзақ мерзімді жеткізу шартын жасау үшін әлеуетті өнім беруші осы Ереженің 2-қосымшасына сәйкес ұсынылған өтінімінде:
      1) объектінің дәрілік заттарға арналған тиісті өндірістік практика стандарттарына (GMP) және медициналық мақсаттағы бұйымдарға арналған халықаралық стандартқа сәйкестігі туралы сертификатты;
      2) Қазақстан Республикасының заңнамасына сәйкес ішкі айналысқа арналған тауардың шығу тегі туралы сертификатты ұсына отырып, олар бойынша ұзақ мерзімді жеткізу шартын жасасуға дайын қосымша лоттарды көрсетеді.
      133-77. Екі кезеңді рәсімдер пайдаланылған тендер жеңімпазы тендердің қорытындысы шығарылған күннен бастап бес жұмыс күні ішінде бірыңғай дистрибьюторға дәрілік заттарды, медициналық мақсаттағы бұйымдарды жеткізудің көлемдері, мерзімдері және шарттары көрсетілген жеткізу кестесін ұсынады.
      133-78. Бірыңғай дистрибьютор тендер жеңімпазынан дәрілік заттарды, медициналық мақсаттағы бұйымдарды жеткізу кестесін алған күннен бастап бес жұмыс күні ішінде әлеуетті өнім берушіге қол қойылған ұзақ мерзімді жеткізу шартын жібереді.
      133-79. Егер тендер жеңімпазы бірыңғай дистрибьюторға дәрілік заттарды, медициналық мақсаттағы бұйымдарды жеткізу кестесін ұсынбаса, онда бірыңғай дистрибьютор онымен жасасатын ұзақ мерзімді жеткізу шартына қол қоюдан бас тартуға құқылы.
      133-80. Бірыңғай дистрибьютор:
      1) дәрілік заттар, медициналық мақсаттағы бұйымдар бірыңғай дистрибьютордың тізіміне енгізілген;
      2) дәрілік заттардың, медициналық мақсаттағы бұйымдардың шекті бағасын уәкілетті орган бекіткен;
      3) тапсырыс берушілер дәрілік заттарға, медициналық мақсаттағы бұйымдарға өтінімдер ұсынған;
      4) өнім беруші осы Ереженің 8, 12-тармақтарының талаптарына сәйкестігін растаған;
      5) ішкі айналым үшін тауардың шығарылған жері туралы «СТ-КZ» сертификаты, сондай-ақ дәрілік заттарды тиісті өндірістік практика стандарттарының (GMP) өндіру талаптарына сәйкес және/немесе медициналық мақсаттағы бұйымдарды халықаралық стандартқа сәйкес өндіру сертификаты ұсынылған;
      6) жеткізу кестесі ұсынылған кезде әр қаржы жылына ұзақ мерзімді жеткізу шарттары бойынша оның қолданылу мерзімі ішінде көлемін, бағасын міндеттемелерді орындауды қамтамасыз етуді және тиісті қаржы жылына дәрілік заттарды, медициналық мақсаттағы бұйымдарды жеткізу шарттарын көрсете отырып, қосымша келісім жасасу арқылы сатып алуды жүзеге асырады.
      133-81. Мыналар:
      1) ұзақ мерзімді жеткізу шартында көзделген міндеттемелердің бұзылуы;
      2) екі жыл қатарынан жеткізуден бас тарту;
      3) өнім берушінің жосықсыз әлеуетті өнім берушілер (өнім берушілер) тізбесінде болуы;
      4) зияткерлік меншік саласындағы Қазақстан Республикасының заңнамасының бұзылуы ұзақ мерзімді жеткізу шартын бұзуға негіз болып табылады.

11-5-тарау. Ұзақ мерзімді жеткізу шарты бойынша медициналық
техниканы сатып алуды жүзеге асырудың ерекше тәртібі

      Ескерту. Ереже 11-5-тараумен толықтырылды - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      133-82. Ұзақ мерзімді жеткізу шарттары бойынша медициналық техниканы сатып алуды дайындау және ұйымдастыру мақсатында денсаулық сақтау саласындағы уәкілетті орган лизинг берушіге медициналық техниканың тізбесі, техникалық ерекшелік, саны, сатып алынатын медициналық техниканың әрбір атауы бойынша болжамды құны қамтылуға тиіс ақпаратты ұсынады.
      Отандық тауар өндірушілер сараптама жүргізу үшін лизинг берушіге өздері өндіретін медициналық техниканың тізбесін, техникалық ерекшелігін және жиынтығын, өндіруге жеткілікті, бірақ 150 күннен аспайтын жеткізу мерзімін, медициналық техниканың әрбір атауы бойынша бір бірлікке ұсынылған және жинақтама бөлінісіндегі құнын ұсынады.
      Лизинг беруші денсаулық сақтау саласындағы уәкілетті орган осы Ереженің 133-82-тармағының бірінші және екінші бөліктерінде көрсетілген ақпаратты ұсынған кезден бастап 20 (жиырма) жұмыс күні ішінде отандық тауар өндірушілер дайындаған медициналық техниканы, техникалық ерекшелігін (техникалық сипаттамасын) әрбір атауы және жиынтық бөлінісіндегі медициналық техниканы жеткізу мерзімін, сатып алынатын медициналық техниканы отандық тауар өндірушілер дайындайтын техникамен ауыстыру мүмкіндігін айқындау бөлігінде ұсынылған медициналық техника атауларына сараптама жүргізеді және оның нәтижелері бойынша сараптама қорытындысының ажырамас бөлігі болып табылатын техникалық ерекшелікті бекітіп, сараптамалық қорытындысын шығарады.
      Лизинг беруші сараптамалық қорытынды шығарылған кезден бастап 3 (үш) жұмыс күні ішінде медициналық техниканың әрбір атауы бойынша бір бірлігі үшін және жиынтық бөлінісіндегі шекті бағасы көрсетілген техникалық ерекшелікпен бірге тігілген, бекітілген сараптама қорытындысын денсаулық сақтау саласындағы уәкілетті органға жібереді.
      Денсаулық сақтау саласындағы уәкілетті орган лизинг берушіден техникалық ерекшелікпен бірге тігілген сараптама қорытындысын алған кезден бастап 10 (он) жұмыс күні ішінде отандық тауар өндірушілердің медициналық техниканың тізбесі, әрбір атауы бойынша техникалық сипаттамалары, әрбір атауы бойынша бірлігі үшін және жиынтық бөлінісіндегі шекті бағасы, медициналық техниканы жеткізу мерзімінің ұзақтығы қамтылған ұзақ мерзімді жеткізу шарттарын жасасу жөніндегі өтінішін ескере отырып, бірыңғай дистрибьюторға ұзақ мерзімді жеткізу шарты бойынша сатып алынуға жататын медициналық техниканың бекітілген тізбесін жібереді.
      133-83. Ұзақ мерзімді жеткізу шарттарын жасауға конкурс өткізу, конкурстық комиссияның (бұдан әрі – комиссия), сараптамалық комиссияның құрамын бекіту, комиссия хатшысын тағайындау туралы шешім бірыңғай дистрибьютордың бірінші басшысының не бірінші басшының міндетін атқаратын адамның бұйрығы түрінде ұзақ мерзімді жеткізу шарттары бойынша сатып алынуға жататын медициналық техниканың бекітілген тізімін денсаулық сақтау саласындағы уәкілетті органнан алған кезден бастап 10 (он) жұмыс күні ішінде ресімделеді.
      133-84. Ұзақ мерзімді жеткізу шарттарын жасауға конкурс өткізу үшін бірыңғай дистрибьютор комиссия, сараптамалық комиссия құрады және олардың құрамын бекітеді.
      133-85. Комиссия өз қызметін медициналық техниканы ұзақ мерзімді жеткізу шарты жасалған кезден не медициналық техниканы ұзақ мерзімді жеткізу шартын жасауға конкурс өткізілмеген деп танылған кезден бастап тоқтатады.
      133-86. Комиссия құрамына:
      1) Комитет төрағасының орынбасарынан төмен емес басшы, денсаулық сақтау саласындағы уәкілетті органның қызметкерлері;
      2) бірыңғай дистрибьютордың басшылары, қызметкерлері;
      3) лизинг берушінің басшылары, қызметкерлері;
      4) денсаулық сақтау саласындағы уәкілетті орган фармацевтикалық немесе медициналық өнеркәсіп бойынша аккредиттеген бейінді қауымдастықтардың басшының орынбасарынан төмен емес өкілдері (келісім бойынша);
      5) Ұлттық кәсіпкерлер палатасының құрылымдық бөлімше басшысының орынбасарынан төмен емес өкілдері кіреді.
      133-87. Комиссия құрамына төраға, төрағаның орынбасары және комиссия мүшелері кіреді. Комиссия мүшелерінің жалпы саны тақ санды құрауға және бес адамнан кем, он үш адамнан артық болмауға тиіс. Комиссияның шешімі хаттамамен ресімделеді. Комиссия хатшысы комиссия мүшесі болып табылмайды және комиссия шешім қабылдаған кезде дауыс беру құқығы болмайды.
      133-88. Денсаулық сақтау саласындағы уәкілетті органның Комитет төрағасының орынбасарынан төмен емес қызметкері – төраға болып, бірыңғай дистрибьютордың басшысы немесе басшысының орынбасары – төрағаның орынбасары болып тағайындалады.
      133-89. Төраға оның қызметіне басшылық етеді, отырыстарда төрағалық етеді, жұмысты жоспарлайды және оның шешімдерінің іске асырылуын жалпы бақылауды жүзеге асырады. Төраға болмаған уақытта оның функцияларын орынбасары атқарады.
      133-90. Бірыңғай дистрибьютордың қызметкері комиссия хатшысы болып табылады, ол әлеуетті өнім берушілерден өтінімдер салынған конверттерді қабылдайды, комиссия отырысының күн тәртібі бойынша ұсыныстарды, қажетті құжаттар мен материалдарды әзірлейді, комиссия отырысы өткен соң оның хаттамаларын ресімдейді, келіп түскен өтінімдерді және өтінімі бар конверттерді ашу рәсіміне қатысуға ниет білдірген әлеуетті өнім берушілерді тіркеу журналын жүргізеді, онда әлеуетті өнім берушілердің өтінімі бар конверттерді ұсыну уақыты мен күні, әлеуетті өнім берушінің уәкілетті өкілдерінің (өтінім салынған конвертті ұсынған және конверттерді ашу рәсіміне қатысқан тұлғаның) тегі, аты, әкесінің аты көрсетіледі. Келіп түскен өтінімдерді және конверттерді ашу рәсіміне қатысуға ниет білдірген әлеуетті өнім берушілерді тіркеу журналдары тігіледі, парақтары нөмірленеді, соңғы парағы бірыңғай дистрибьютордың мөрімен расталады.
      133-91. Комиссия отырысы комиссия мүшелерінің жалпы санының кемінде үштен екісі қатысқан жағдайда өткізіледі.
      133-92. Комиссияның шешімі ашық дауыс беру арқылы қабылданады және егер оған қатысқан комиссия мүшелерінің жалпы санының көпшілігі дауыс берген болса, қабылданған болып саналады. Дауыстар тең болған жағдайда, комиссия төрағасы немесе ол болмаған жағдайда, төрағаның орынбасары дауыс берген шешім қабылданған болып саналады.
      133-93. Бірыңғай дистрибьютор медициналық техниканың сұратылған үлгісінің бейіні бойынша мамандардан және/немесе денсаулық сақтау ұйымдарының мамандарынан не медициналық техникаға сараптаманы жүзеге асыруға аккредиттелген ұйымдардың сарапшыларынан тұратын сараптамалық комиссия құрады.
      133-94. Сараптамалық комиссия әлеуетті өнім берушілер ұсынатын медициналық техниканың сатып алынатын медициналық техниканың тізіміне сәйкес техникалық сипаттамасының талаптарына сәйкестігі бойынша сараптамалық қорытынды береді және комиссия шешім қабылдаған кезде оның дауыс беру құқығы болмайды. Сараптамалық қорытынды жазбаша түрде ресімделеді, оған сараптамалық комиссияның мүшелері қол қояды және комиссия отырысының хаттамасына қоса беріледі. Сараптамалық комиссияның сараптамалық қорытындысын әлеуетті өнім берушінің өтінімін ең көп жеңілдікті айқындау рәсіміне жіберу туралы мәселені шешу кезінде комиссия қарайды.
      133-95. Бірыңғай дистрибьютор әлеуетті өнім берушілердің өтінімдерді беру күні аяқталғанға дейін кемінде күнтізбелік отыз күн бұрын республикалық мерзімді баспасөз басылымдарында және өзінің интернет-ресурсында мемлекеттік және орыс тілдерінде медициналық техниканы ұзақ мерзімді жеткізу шартын жасауға конкурс өткізетіні туралы хабарландыру орналастырады.
      133-96. Медициналық техниканы ұзақ мерзімді жеткізу шартын жасауға конкурс өткізу туралы хабарландыру мынадай мәліметтерді қамтиды:
      1) бірыңғай дистрибьютордың атауы, мекенжайы және банктік деректемелері;
      2) денсаулық сақтау саласындағы уәкілетті орган бекіткен, сатып алынатын медициналық техниканың атауы, әрбір атауы бойынша техникалық сипаттамасы, әрбір атауы бойынша бір бірлігінің және жиынтық бөлінісіндегі шекті бағасы, тауардың әрбір атауы бойынша жеткізу мерзімдері, медициналық техниканы жеткізу кезеңінің ұзақтығы қамтылуға тиіс сатып алынуға жататын медициналық техниканың тізбесі (мәліметтер көлемі көп болған жағдайда, жоғарыда көрсетілген ақпарат бірыңғай дистрибьютордың интернет-ресурсында ғана орналастырылуы мүмкін);
      3) ұзақ мерзімді жеткізу шартын жасау конкурсына қатысу үшін өтінімдерді қабылдауды аяқтау күні, уақыты және орны.
      133-97. Ұзақ мерзімді жеткізу шартын жасасу конкурсына қатысуға ниет білдірген әлеуетті өнім беруші өтінімдерді қабылдау мерзімі аяқталғанға дейін бірыңғай дистрибьюторға жабық түрде өтінім береді.
      133-98. Өтінімдерді ұсынудың соңғы мерзімі өткеннен кейін алынған, сондай-ақ әлеуетті өнім берушінің мөрімен расталмаған өтінім қабылданбайды және оны ұсынған әлеуеті өнім берушіге қайтарылады.
      133-99. Өтінімді өзгерту және қайтарып алу үшін әлеуетті өнім беруші өтінімді ұсыну мерзімі өткенге дейін әлеуетті бірыңғай дистрибьюторға жазбаша нысанда хабарлама жібереді.
      133-100. Әлеуетті өнім беруші парақтары нөмірленген, тігілген түрінде және соңғы парақтары қол қоюмен және мөрмен (егер бар болса) расталған конкурстық өтінімді ұсынады.
      Конкурстық өтінімнің техникалық ерекшелігі (тігілген түрде, парақтары нөмірленген, соңғы парағы заңды тұлғаның қолымен және мөрімен (егер бар болса) расталған) конкурстық өтінімге бөлек қосылып беріледі және конкурстық өтініммен бір конвертке салынады.
      133-101. Әлеуетті өнім беруші өтінімді конвертке желімдейді. Конвертте әлеуетті өнім берушінің атауы және заңды мекенжайы көрсетіледі. Конверт бірыңғай дистрибьютордың хабарландыруда көрсетілген мекенжайына жіберілуге және мынадай: «Медициналық техниканы ұзақ мерзімді жеткізу жөніндегі конкурс» және «______ дейін ашуға болмайды (хабарландыруда көрсетілген конверттердің ашылу күні және уақыты көрсетіледі)» деген жазулар болуға тиіс.
      133-102. Медициналық техниканы ұзақ мерзімді жеткізу конкурсына қатысу үшін әлеуетті өнім беруші мынадай біліктілік талаптарына сәйкестігін растайды:
      1) Қазақстан Республикасының заңнамасында көзделген лицензияланатын қызметті орындауға лицензиясының болуы;
      2) жасалған шарттар бойынша міндеттемелерді орындауға қажетті қаржылық, материалдық және еңбек ресурстарының болуы;
      3) заңды тұлғаның құқық қабілеттілігінің болуы;
      4) төлем қабілетінің болуы, таратылуға жатпауы, сатып алуды өткізу кезінде Қазақстан Республикасының заңнамалық актілеріне сәйкес оның қаржылық-шаруашылық қызметі тоқтатылмауы тиіс;
      5) отандық тауар өндіруші мәртебесінің болуы;
      6) мерзімі үш айдан асқан салық берешегінің болмауы.
      133-103. Медициналық техниканы ұзақ мерзiмдi жеткiзу шартын жасасу жөніндегі конкурсқа қатысуға ниет білдірген әлеуетті өнім берушілер мынадай құжаттар тізбесіне сәйкес өтінім береді:
      1) осы Ережеге 15-қосымшаға сәйкес нысан бойынша медициналық техниканың (лоттардың) атауы көрсетілген конкурсқа қатысу өтінім;
      2) әлеуетті өнім берушіге қойылатын біліктілік талаптарға сәйкестігін растайтын құжаттар:
      Қазақстан Республикасының заңнамасында көзделген лицензияланатын қызметті орындауға арналған әлеуетті өнім берушінің құқығын растайтын лицензияның не қағаз көшірме түріндегі электрондық құжат лицензиясының нотариат куәландырған көшірмесі;
      Қазақстан Республикасының заңнамалық актілерінде міндетті аудит жүргізу белгіленген заңды тұлғалардың соңғы қаржы жылындағы аудиторлық есебінің түпнұсқасы немесе нотариат куәландырған көшірмесі. Егер конверттерді ашу ағымдағы жылдың 1 маусымына дейінгі мерзімде жүргізілген жағдайда, соңғы қаржы жылының алдындағы қаржы жылындағы аудиторлық есептің түпнұсқасы немесе нотариат куәландырған көшірмесі ұсынылады;
      заңды тұлғаны мемлекеттік тіркеу (қайта тіркеу) туралы куәліктің нотариат куәландырған көшірмесі не заңды тұлғаны мемлекеттік тіркеу (қайта тіркеу) туралы анықтама;
      заңды тұлға үшін Жарғының нотариат куәландырған көшірмесі (жарғыда құрылтайшылардың, қатысушылардың немесе акционерлердің құрамы көрсетілмеген жағдайда, акцияларды ұстаушылардың тізілімінен үзінді көшірме немесе құрылтайшылардың, қатысушылардың құрамы туралы үзінді көшірме немесе құрылтай шартының нотариат куәландырған көшірмесі);
      Қазақстан Республикасының заңнамалық актілеріне сәйкес төлем мерзімі ұзартылған жағдайларды қоспағанда, берілгеніне конкурстық өтінімдері бар конверттер ашылатын күннен бұрын бір ай өтпеген салық төлеушінің Қазақстан Республикасы бойынша үш айдан асқан салық берешегінің, міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегінің жоқ (бар) екені туралы осы салық органының басшысы не басшының орынбасары қол қойған және мөрімен бекітілген анықтама. Көрсетілген анықтама электрондық түрде берілген кезде уәкілетті органның электрондық цифрлық қолтаңбасымен расталады;
      әлеуетті өнім берушіге қызмет көрсететін банктің немесе банк филиалының қолы және мөрі қойылған әлеуетті өнім берушінің осы Ережеге 4-қосымшаға сәйкес Қазақстан Республикасының Ұлттық Банкі басқармасының қаулысымен бекітілген Екінші деңгейдегі банктердегі, ипотекалық ұйымдар мен «Қазақстанның даму банкі» акционерлік қоғамындағы бухгалтерлік есеп шоттарының үлгі жоспарына сәйкес банктің немесе банк филиалының алдындағы міндеттемелерінің барлық түрлері бойынша анықтама берілген күннің алдындағы үш айдан асқан мерзімге берешегінің жоқ екені туралы анықтаманың түпнұсқасы (егер әлеуетті өнім беруші бірнеше банктің немесе банк филиалдарының, сондай-ақ шетелдік банктің клиенті болып табылған жағдайда, бұл анықтама осындай банктердің немесе банк филиалдарының әрқайсысынан ұсынылады). Анықтаманың берілгеніне конкурстық өтінімдер салынған конверттер ашылатын күнінің алдында бір ай өтпеуге тиіс. Анықтамаға қол қойған лауазымды тұлғаның өкілеттігін растайтын құжаттың болмауы осындай әлеуетті өнім берушіні біліктілік талаптарына сәйкес емес деп тану үшін негіздеме болып табылмайды;
      3) ұсынылатын тауардың нақты техникалық сипаттамалары көрсетілген қағазда және электрондық түрдегі (doc* форматында) техникалық ерекшеліктер;
      4) белгіленген үлгідегі ішкі айналысқа арналған тауардың шығуы тегі туралы «CT-KZ» сертификатының түпнұсқасы немесе оның нотариат растаған көшірмесі;
      5) медициналық техника өндірісінің ISO халықаралық стандартына сәйкестігін растайтын құжаттың нотариат растаған көшірмесі;
      6) ұсынылатын медициналық техниканың осы Ереженің 133-104-тармақтарында көзделген талаптарға сәйкестігін растайтын құжаттар.
      133-104. Сатып алынатын медициналық техникаға мынадай талаптар қойылады:
      1) медициналық техника Кодекске және денсаулық сақтау саласындағы уәкілетті орган белгілеген тәртіпке сәйкес Қазақстан Республикасында тіркелген;
      2) медициналық техниканы таңбалау, тұтынушы қаптамасы және қолдану жөніндегі нұсқаулық Кодекстің және денсаулық сақтау саласындағы уәкілетті орган белгілеген тәртіптің талаптарына сәйкес келеді;
      3) медициналық техника жаңа және бұрын пайдаланылмаған болып табылады, бұл ретте өнім беруші өндірілгеніне медициналық техниканы жеткізу кезінде жиырма төрт айдан аспаған медициналық техниканы ұсыну бойынша міндеттемелерді қабылдайды;
      4) өлшеу құралдарына жататын медициналық техника Қазақстан Республикасының өлшем бірлігін қамтамасыз ету туралы заңнамасына сәйкес Қазақстан Республикасының өлшем бірлігін қамтамасыз етудің мемлекеттік жүйесі тізіліміне енгізілуі тиіс.
      133-105. Комиссия өтінімдер салынған конверттерді хабарландыруда көрсетілген уақытта, мерзімде және орында ашады.
      Комиссия конверттерді ашу кезінде рәсімдерді өткізу орны, уақыты мен күні көрсетілген регламентті әлеуетті өнім берушілердің назарына жеткізеді. Регламент бірыңғай дистрибьютордың интернет-ресурсында да орналастырылады.
      133-106. Әлеуетті өнім берушілер не олардың уәкілетті өкілдері өтінімдері бар конверттерді ашу кезінде қатысуға құқылы.
      133-107. Өтінімдер салынған конверттерді ашу кезінде комиссия хатшысы қатысып отырған адамдарға конкурсқа қатысушы әлеуетті өнім берушілердің атаулары мен мекенжайларын, әлеуетті өнім берушілердің өтінімдері ұсынылған лоттардың атауларын хабарлайды және бұл ақпаратты өтінімдер салынған конверттерді ашу хаттамасына тіркейді.
      133-108. Комиссия конкурстық өтінімдер салынған конверттерді ашқан сәттен бастап он жұмыс күні ішінде әлеуетті өнім берушілер ұсынған конкурстық өтінімдердің біліктілік талаптарына және осы Ереженің талаптарына сәйкестігі тұрғысынан қарайды.
      133-109. Комиссия регламентке сәйкес күні мен уақытына сай, бірақ конкурстық өтінімдерді қараудың оныншы жұмыс күнінен кешіктірмей ашу хаттамасын (отырыс өткізу және бірыңғай дистрибьютордың немесе медициналық техниканы сатып алуды ұйымдастырушының интернет-ресурсында орналастыру жолымен) әлеуетті өнім берушілердің назарына жеткізеді, онда мынадай ақпарат көрсетіледі:
      1) әлеуетті өнім берушілердің әрқайсысы қатысатын лоттардың нөмірлері көрсетілген, конкурстық өтінімдерді ұсынған әлеуетті өнім берушілердің атауы;
      2) әлеуетті өнім берушілердің конкурстық өтінімдерінің мазмұны;
      3) конкурстық өтінімдері толықтырулар мен өзгерістерді қажет етпейтін әлеуетті өнім берушілердің атауы;
      4) конкурстық өтінімдеріне ескертулер бар әлеуетті өнім берушілердің атауы;
      5) әлеуетті өнім берушілердің конкурстық өтінімдеріне ескертулер;
      6) комиссия көрсеткен ескертулерді жою үшін толықтырулар енгізу мерзімі;
      7) екі конкурстық өтінімнен аз өтінім ұсынылған лоттардың нөмірі.
      133-110. Комиссия көрсеткен ескертулерді жою мерзімі ашу хаттамасы жария етілген күнді қоспағанда, үш жұмыс күнін құрайды.
      133-111. Ескертулер жойылғаннан кейін конкурстық өтінім беру кезінде қойылатын талаптарға сәйкес ресімделген толықтырулар түріндегі өзгертілген конкурстық өтінім ашу хаттамасында көрсетілген өзгерістерді енгізу мерзімінің соңғы жұмыс күні сағат 15.00-ге дейін комиссияның хатшысына ұсынылады
      133-112. Толықтырулары бар конверттерді ашуды өзгерістер енгізу мерзімі аяқталған күні 15 сағат 30 минутта комиссия жүзеге асырады. Әлеуетті өнім берушілер не олардың уәкілетті өкілдері конкурстық өтінімдерге толықтырулар салынған конверттерді ашу кезінде қатысуға құқылы.
      133-113. Өзгерістер енгізуге ұсынылған конкурстық өтінімдердің толықтырулары зерделенгеннен кейін комиссия регламентке сәйкес күні мен уақытта, бірақ толықтырулар салынған конверттер ашылатын күнінен бастап үш жұмыс күнінен кешіктірмей, ең көп жеңілдікті айқындау рәсіміне рұқсат берілген әлеуетті өнім берушілердің тізбесін хабарлайды.
      133-114. Әлеуетті өнім берушілерге ең көп жеңілдікті айқындау рәсіміне рұқсат беру хаттамасына комиссия ең көп жеңілдікті анықтау рәсіміне рұқсат берілген әлеуетті өнім берушілердің тізбесін жария еткен күні қол қояды. Бірыңғай дистрибьютор рұқсат беру хаттамасына комиссия мүшелері қол қойған соң бір жұмыс күнінен кейін оны өзінің интернет-ресурсында орналастырады. Рұқсат беру хаттамасында мынадай ақпарат қамтылады:
      1) конкурстық өтінімдер ұсынған әрбір әлеуетті өнім берушілердің әрқайсысы қатысатын лоттардың нөмірлері көрсетілген әлеуетті өнім берушілердің атауы;
      2) әлеуетті өнім берушілердің конкурстық өтінімдерінің мазмұны;
      3) конкурстық өтінімдерге ескертулер болмаған әлеуетті өнім берушілердің атауы;
      4) конкурстық өтінімдерге комиссияның ескертулері болған әлеуетті өнім берушілердің атауы, сондай-ақ өтінімдерге толықтырулар ұсыну туралы ақпарат;
      5) ең көп жеңілдікті анықтау рәсіміне әлеуетті өнім берушілерге рұқсат беру туралы комиссияның шешімі.
      133-115. Ұсынылған өзгерістерді зерделегеннен кейін комиссия, егер:
      1) ұсынылған өтінім осы Ереженің 11-4-тарауының талаптарына сәйкес келмейтін болса;
      2) әлеуетті өнім беруші 133-102-тармақта көзделген біліктілік талаптарына сәйкес келмесе;
      3) әлеуетті өнім беруші ұсынған медициналық техника 133-104-тармақта көзделген талаптарға сай болмаса;
      4) сараптама комиссиясы әлеуетті өнім беруші ұсынған медициналық техниканы техникалық сипаттаманың (техникалық ерекшеліктің) талаптарына сәйкес келмейді деп таныса;
      5) ұсынылған техникалық ерекшелікте ұсынылып отырған медициналық техниканың техникалық сипаттамасы дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік сараптама ұйымының сайтында орналасқан, тіркеу куәлігінде және (немесе) тіркеу құжаттамасында көрсетілген техникалық сипаттамаға және (немесе) жинақтауышқа сәйкес келмесе, өтінімді толықтай не лоттар бойынша қайтарады.
      133-116. Конкурсқа лот бойынша тек бір ғана отандық өндіруші қатысқан жағдайда, ол Ереженің 11-4-тарауында көзделген біліктілік және өзге де талаптарға сәйкес келген кезде онымен автоматты түрде ұзақ мерзімді шарт жасалады.
      133-117. Лот бойынша бәсекелес орта болған жағдайда, комиссия жеңімпазды ең жоғары баға жеңілдігі рәсімі бойынша айқындайды.
      133-118. Бірыңғай дистрибьютордың интернет-ресурсында рұқсат беру хаттамасын орналастырған күннен бастап бір жұмыс күнінен кейінгі жұмыс күні сағат 10.00-де (Астана қаласының уақытымен) комиссия ең көп баға жеңілдігі рәсіміне қатысатын әлеуетті өнім берушілерден баға жеңілдіктерін қабылдауды бастайды.
      133-119. Әлеуетті өнім беруші баға жеңілдігін беруге уәкілетті тұлғасының қатысуын қамтамасыз етеді.
      133-120. Әлеуетті өнім берушінің бастапқы баға жеңілдігі әлеуетті өнім берушінің мөрімен расталған және бірінші басшының немесе осындай баға жеңілдігіне қол қоюға уәкілетті адамның қолы қойылған лот бойынша баға жеңілдігі көрсетіле отырып, жазбаша түрде ұсынылады.
      Баға жеңілдігінің ең төменгі қадамы 1 %-ды (бір пайыз) құрайды.
      133-121. Қандай да бір лот бойынша әлеуетті өнім беруші бастапқы баға жеңілдігін ұсынбаған жағдайда, әлеуетті өнім беруші осы лот бойынша түпкілікті баға жеңілдігін ұсыну мүмкіндігінен айырылады және тиісті лот бойынша ең көп баға жеңілдігін айқындау рәсіміне қатысудан шеттетіледі.
      133-122. Егер тиісті лот бойынша ең көп шартты баға жеңілдігін айқындау рәсіміне қатысудан шеттетілу нәтижесінде бір ғана әлеуетті өнім беруші қалса, соңғысы жеңімпаз деп танылады.
      133-123. Комиссия хатшысы әлеуетті өнім берушілер ұсынған барлық баға жеңілдіктерін, соның ішінде лот бойынша ең көп шартты баға жеңілдігін жариялайды және оларға бастапқы шартты баға жеңілдігін арттыруға ұсыныс жасайды.
      133-124. Түпкілікті баға жеңілдіктерін қабылдау уақыты комиссия хатшысының осындай баға жеңілдіктерін қабылдаудың басталғаны туралы хабарлаған кезінен бастап бес минутқа дейінгі уақытты құрайды.
      133-125. Егер бастапқы баға жеңілдігін ұсынған әлеуетті өнім беруші түпкілікті баға жеңілдігін ұсынбаса, комиссия оның бастапқы баға жеңілдігін түпкілікті ретінде қабылдайды.
      133-126. Ең жоғары баға жеңілдігін айқындау рәсімі ең жоғары баға жеңілдігі біреу болған жағдайда түпкілікті болып табылады.
      133-127. Лот бойынша бірдей екі түпкілікті баға жеңілдігі болған жағдайда, жеңімпаз «СТ КZ»-ға сәйкес қазақстандық қамтудың ең көп үлесі бойынша айқындалады.
      Бірдей қазақстандық қамту үлесі ұсынылған жағдайда, «СТ КZ»-ға сәйкес конкурсқа қатысуға өтінімді бұрын берген әлеуетті өнім беруші жеңімпаз болып танылады.
      133-128. Басқа баға жеңілдіктеріне қарағанда ең жоғары баға жеңілдігін ұсынған әлеуетті өнім беруші жеңімпаз деп танылады.
      133-129. Ұсынылған баға жеңілдігі ұзақ мерзімді жеткізу шартының қолданылу мерзімінде әрекет етеді. Баға жеңілдігі өсу жағына өзгереді және кему жағына қарай өзгермеуге тиіс.
      133-130. Ұсынылған баға жеңілдігі медициналық техниканы бір жылға сатып алу бағаларына мынадай формула бойынша қолданылады:
      P - S = D
      Р - денсаулық сақтау саласындағы уәкілетті орган белгілеген шекті баға;
      S - баға жеңілдігі;
      D – медициналық техниканың бағасы.
      133-131. Комиссия қорытынды шығарады және хаттамаға қол қояды.
      133-132. Қорытындылар хаттамасында:
      1) ең көп жеңілдікті айқындау рәсімі өтетін күн, басталу және аяқталу уақыты;
      2) ең көп жеңілдікті айқындау рәсіміне қатысқан әлеуетті өнім берушілердің атаулары мен мекенжайлары;
      3) лоттардың атаулары мен қысқаша сипаттамалары;
      4) бірде бір әлеуетті өнім беруші шықпаған лоттардың атаулары;
      5) конкурстың қорытындысы бойынша айқындалған ең көп жеңілдік;
      6) конкурс жеңімпаздарының атаулары мен мекенжайлары;
      7) автоматты түрде ұзақ мерзімді жеткізу шарты жасалатын бір ғана өтінім ұсынған әлеуетті өнім беруші туралы ақпарат көрсетіледі.
      133-133. Ең көп жеңілдікті анықтау рәсімінің аяқталған кезден бастап бір жұмыс күнінен кешіктірмей бірыңғай дистрибьютор лот бойынша медициналық техниканы ұзақ мерзімді жеткізу шартын жасасу конкурсының қорытынды хаттамасын интернет-ресурста жариялайды.
      133-134. Бірыңғай дистрибьютор осы Ережеге 16-қосымшаға сәйкес медициналық техниканы жеткізудің үлгілік ұзақ мерзімді шартына сәйкес қорытынды хаттаманың негізінде, оған қол қойылған кезден бастап бес жұмыс күні ішінде медициналық техниканы ұзақ мерзімді жеткізу шартын жасасады.
      133-135. Медициналық техниканы ұзақ мерзімді жеткізу шарттарын жасасқан күннен бастап бес жұмыс күні ішінде бірыңғай дистрибьютор денсаулық сақтау саласындағы уәкілетті органға және тапсырыс берушілерге конкурстың қорытынды хаттамасын және конкурс жеңімпазының техникалық ерекшеліктерінің көшірмелерімен қоса, қағаз (doc* форматында) және электрондық түрде өткізілген конкурстың қорытындысы және конкурс жеңімпаздарының тізімі көрсетілген ақпараттық хат жібереді.
      133-136. Өткізілген конкурстың қорытындысы бойынша денсаулық сақтау саласындағы уәкілетті орган бірыңғай дистрибьютордан сатып алынуға тиіс медициналық техниканың тізімін бекітеді.
      133-137. Бірыңғай дистрибьютор денсаулық сақтау саласындағы уәкілетті орган бекіткен, бірыңғай дистрибьютордан сатып алынуға тиіс медициналық техниканың тізімін алғаннан кейін медициналық техниканың атауларын техникалық сипаттамасы мен жиынтығын, тауардың әрбір атауы бойынша бір бірлігінің және жиынтық бөлінісіндегі шекті бағасын, медициналық техниканы жеткізу кезеңінің ұзақтығын көрсете отырып, өзінің интернет-ресурсына орналастырады.
      133-138. Облыстық бюджеттерге, Астана және Алматы қалаларының бюджеттеріне жергілікті деңгейде медициналық ұйымдарды материалдық-техникалық жарақтандыруға берілетін ағымдағы нысаналы трансферттерді қоса алғанда, республикалық бюджет қаражаты есебінен сатып алынатын ұзақ мерзімді жеткізу шарттары бойынша отандық өндірушінің медициналық техникасына қажеттілікті айқындау мақсатында тапсырыс берушілер денсаулық сақтау саласындағы уәкілетті органға медициналық техниканың тізбесі, саны, техникалық ерекшелігі, клиникалық-техникалық негіздемесі қамтылған ақпаратты ұсынады.
      Денсаулық сақтау саласындағы уәкілетті орган ақпаратты алған кезден бастап он жұмыс күні ішінде тапсырыс берушілерден алған ақпаратты клиникалық-техникалық негіздеме бөлігінде сараптама жүргізу және сараптамалық қорытынды шығару үшін лизинг берушіге жібереді.
      Денсаулық сақтау саласындағы уәкілетті орган ақпарат берген кезден бастап, сондай-ақ медициналық техниканы жергілікті бюджет есебінен иеленетін тапсырыс берушілерден алған ақпараттарды ұсынған сәттен бастап жиырма жұмыс күні ішінде лизинг беруші денсаулық сақтау ұйымының медициналық техниканы қабылдауға және тиісінше пайдалануға беруге дайындық деңгейін, медициналық техниканың денсаулық сақтау ұйымы көрсететін қызметтерге сәйкестігін анықтау мақсатында клиникалық-техникалық негіздемесі бөлігінде сараптама жүргізеді және оның нәтижелері бойынша сараптамалық қорытынды шығарады.
      Лизинг беруші сараптамалық қорытынды шығарылған сәттен бастап үш жұмыс күні ішінде алынған ақпаратты денсаулық сақтау саласындағы уәкілетті органға жібереді.
      Денсаулық сақтау саласындағы уәкілетті орган лизинг беруші сараптамалық қорытындыны ұсынған кезден бастап он жұмыс күні ішінде алған сараптамалық қорытындыны тапсырыс берушіге кейіннен бірыңғай дистрибьюторға өтінім ұсыну үшін жолдайды.
      133-139. Тапсырыс берушілер денсаулық сақтау саласындағы уәкілетті орган тізімді бекіткеннен кейін бірыңғай дистрибьюторға өтінім береді, онда мыналар қамтылуы тиіс:
      1) сатып алынатын медициналық техниканың атауы;
      2) жиынтығы, саны, мерзімі, талаптары және жеткізу орны;
      3) облыстық бюджеттерге, Астана және Алматы қалаларының бюджеттеріне жергілікті деңгейде медициналық ұйымдарды материалдық-техникалық жарақтандыруға берілетін ағымдағы нысаналы трансферттерді қоса алғанда, республикалық бюджет қаражаты есебінен медициналық техника сатып алынған жағдайда лизинг берушінің сараптама қорытындысының көшірмесі;
      4) тапсырыс берушілердің мемлекеттік тіркеу туралы анықтамасы немесе куәлігі, жарғы/ереже көшірмелерінің қосымшаларымен толық атауы, олардың деректемелері, мекенжайы (пошта және заңды), байланыс телефондарының, факстарының нөмірлері, электрондық поштасының мекенжайы, бірінші басшының немесе оны алмастыратын адамның лауазымы, тегі, аты, әкесінің аты (болған кезде), сатып алуды жүзеге асыруға жауапты адамның тегі, аты, әкесінің аты (болған кезде), шеңберінде сатып алу жоспарланған бағдарламаның, кіші бағдарламаның, ерекшеліктің атауы.
      Бірыңғай дистрибьютор тапсырыс берушілерден өтінім алған күннен бастап бес жұмыс күні ішінде сатып алу шартын қабылдау-беру актісі бойынша тапсырыс берушілерге қол қоюға береді.
      Тапсырыс берушілер бірыңғай дистрибьютордан сатып алу шартын алған күннен бастап он жұмыс күнінен кешіктірмей толық көлемде оларға қол қоюға міндетті.
      133-140. Бірыңғай дистрибьютор медициналық техниканы ұзақ мерзімді жеткізу шартын жасасқаннан кейін медициналық техниканы ұзақ мерзімді жеткізу шартының ажырамас бөлігі болып табылатын медициналық техниканы жеткізу туралы тиісті қаржы жылына арналған қосымша келісіммен ресімделетін тапсырыс берушілердің әрбір келесі күнтізбелік жылға өтінімдерінің негізінде жыл сайын мына шарттармен медициналық техниканы сатып алуды жүзеге асыруға міндеттенеді:
      1) медициналық техниканы бірыңғай дистрибьютордың тізіміне енгізу;
      2) тапсырыс берушілердің медициналық техниканы жеткізу санын (көлемін) айқындауы;
      3) медициналық техниканы ұзақ мерзімді жеткізу шартының талаптарында белгіленген әлеуетті өнім берушіге, медициналық техникаға қойылатын талаптарға сәйкестігін растауы.
      Бірыңғай дистрибьютор жыл сайын, тапсырыс берушілерден өтінім алған кезден бастап күнтізбелік 30 (отыз) күннен кешіктірмей отандық тауар өндірушіге ұзақ мерзімді жеткізу шарты шеңберінде сатып алынатын медициналық техниканы жеткізу туралы қосымша келісімді қол қою үшін жібереді. Отандық тауар өндіруші қосымша келісімді алғаннан кейін оған 10 (күн) жұмыс күнінен кешіктірмей қол қоюға міндетті.
      133-141. Бірыңғай дистрибьютор денсаулық сақтау саласындағы уәкілетті орган ұсынған шекті құнының және жақсару жағына техникалық сипаттамаларының негізінде лизинг беруші шекті құнының өзгерісін және/немесе жақсару жағына техникалық сипаттаманың өзгерісін растайтын сараптама жүргізгеннен кейін ұзақ мерзімді шартқа қосымша келісім жасау жолымен жылына бір рет өзгеріс енгізуге құқылы.
      Мұндай өзгеріс енгізуге тараптардың өзара келісуі бойынша медициналық техниканы ұзақ мерзімді жеткізу шартының қолданысына бір жыл өткенде және жылына бір рет қана жол беріледі.
      Бұл ретте сатып алу жылына медициналық техниканың шекті құнына осы Ереженің 133-130-тармағына сәйкес формула қолданылатын болады.
      133-142. Медициналық техниканы ұзақ мерзімді жеткізу шартын жасасу конкурсы мынадай:
      1) лот бойынша өтінім ұсынылмаған;
      2) лот бойынша ұсынылған барлық өтінімдер қайтарылған;
      3) ең көп жеңілдікті анықтау рәсімі кезінде әлеуетті өнім берушілердің барлығы баға жеңілдігін ұсынбаған жағдайларда, толықтай не жекелеген лоттар бөлігінде өткізілмеді деп танылады.
      133-143. Мыналар:
      1) шартта көзделген міндеттемелердің бірнеше мәрте бұзылуы;
      2) Қазақстан Республикасының заңнамасында көзделген лицензияланатын қызметті орындауға лицензияның қайтарылуы;
      3) екі жыл қатарынан жеткізуден бас тарту (себептері мен мән-жайларына қарамастан);
      4) әлеуетті өнім берушінің жосықсыз әлеуетті өнім берушілердің тізбесіне енгізілуі;
      5) бірнеше рет сапасы лайықсыз тауарды жеткізуі ұзақ мерзімді жеткізу шартын бұзуға негіздеме болады.

12-тарау. Жеткізу шартын жасасу және орындау

      134. Тендер жеңімпазы екі кезеңді рәсімдерді пайдалана отырып, тендердің қорытындысын шығарғаннан күннен кейін бес жұмыс күні ішінде бірыңғай дистрибьюторға дәрілік заттарды және медициналық мақсаттағы бұйымдарды жеткізудің өндіруші зауыт бекіткен, жеткізу көлемдері, мерзімдері және шарттары көрсетілген кестесін ұсынады.
      Бірыңғай дистрибьютор тендер жеңімпазынан дәрілік заттарды және медициналық мақсаттағы бұйымдарды жеткізудің өндіруші зауыт бекіткен кестесін алған күннен бастап бес жұмыс күні ішінде әлеуетті өнім берушіге осы Ережеге 11-қосымшаға сәйкес нысан бойынша жасалатын, қол қойылған жеткізу шартын жолдайды.
      Егер тендер жеңімпазы бірыңғай дистрибьюторға дәрілік заттарды және медициналық мақсаттағы бұйымдарды жеткізудің өндіруші зауыт бекіткен кестесін осы тармақта көрсетілген мерзімде ұсынбаса, онда бірыңғай дистрибьютор онымен жасасатын шартқа қол қоюдан бас тартуға құқықты.
      Егер Қазақстан Республикасының заңнамалық актілерінде өзгеше көзделмесе, жеткізу шарты оған тараптардың уәкілетті өкілдері қол қойған сәтінен бастап күшіне енеді.
      Ескерту. 134-тармақ жаңа редакцияда - ҚР Үкіметінің 2010.08.27 N 844 (қолданысқа енгізілу тәртібін 2-т. қараңыз) Қаулысымен.
      135. Екі кезеңді рәсімдер пайдаланатын тендердің жеңімпазы қол қойылған жеткізу шартын алған сәтінен бастап он жұмыс күні ішінде қол қояды немесе бірыңғай дистрибьюторды болған келіспеушіліктер немесе шартқа қол қоюдан бас тарту туралы жазбаша хабарлайды.
      135-1. Осы Ереженің 134-тармағының екінші абзацында көзделген жеткізу шартын жасасуға қойылатын талаптар осы Ереженің 131-тармағының 2-1) тармақшасында көзделген жағдайда бір көзден сатып алу тәсілін қолдану нәтижелері бойынша шетелдік өндірушімен (дайындаушы зауытпен) жасалған жеткізу шарттарына қолданылады.
      Ескерту. 12-тарау 135-1-тармақпен толықтырылды - ҚР Үкіметінің  2011.02.22 N 163 Қаулысымен.
      136. Өнім берушіні таңдауға негіз болған (баға, сапа) ұсыныстар мазмұнын өзгерте алатын жеткізу шартының жобасына немесе қол қойылған жеткізу шартына қандай да бір өзгерістер және (немесе) жаңа талаптар (бағаны азайтуды қоспағанда) енгізуге жол берілмейді.
      Өнім берушіні таңдау үшін негіз болған баға мен сапасын өзгертпеген жағдайда және басқа жағдайларда сатып алу туралы шарттың жобасына немесе қол қойылған сатып алу туралы шартқа сатып алу көлемін өзгерту бойынша өзгерістер енгізуге жол беріледі.
      137. Бірыңғай дистрибьютор жеткізу шартына қол қойғанға дейін екі кезеңді рәсімдер пайдаланылатын тендердің жеңімпазы болып танылған әлеуетті өнім берушімен келіссөздер жүргізуге құқылы. Әлеуетті өнім беруші мұндай азайтуға келіспеуге құқылы, бұл ретте бірыңғай дистрибьютор екі кезеңді рәсімдер пайдаланылатын тендердің жеңімпазы болып танылған әлеуетті өнім берушімен шартқа қол қоюдан бас тартуға құқығы жоқ.
      138. Заңнамада белгіленген тәртіппен тиісті бюджеттерді бекіткеннен кейін бірыңғай дистрибьюторға тапсырыс берушілердің соңғы өтінімінде ұсынған сатып алынатын дәрілік заттар, медициналық мақсаттағы бұйымдар көлемі азайған жағдайда жеткізу шартына жеткізу көлемін тиісті азайту бойынша және шарт сомасының қосалқы мөлшеріне өзгерістер енгізіледі.
      Ескерту. 138-тармаққа өзгерту енгізілді - ҚР Үкіметінің 2011.02.22 N 163 Қаулысымен.
      139. Жеңімпаз болып айқындалған әлеуетті өнім беруші не осы Ереженің 11-тарауына сәйкес өнім беруші, жеткізу шартына не дәрілік заттар мен медициналық мақсаттағы бұйымдардың көлемін арттыру жөніндегі қосымша келісімге қол қойған күннен бастап он жұмыс күні ішінде бірыңғай дистрибьюторға жеткізу шарты немесе дәрілік заттардың, медициналық мақсаттағы бұйымдардың көлемін арттыру туралы қосымша келісім құнының 3 %-ы мөлшерінде әлеуетті өнім берушінің жеткізу шартының сапалы және уақтылы орындауын кепілдікпен қамтамасыз етуді енгізуді растайтын құжаттың түпнұсқасын береді.
      Әлеуетті өнім берушінің жеткізу шартын сапалы және уақтылы орындауын кепілдікпен қамтамасыз етуі мынадай түрде ұсынылуы мүмкін:
      1) өнім берушінің бірыңғай дистрибьютордың тиісті шотына салатын ақшалай кепілдігі;
      2) осы Ережеге 12-қосымшаға сәйкес банктік кепілдік.
      Жеткізу шартын, қосымша келісімді орындауды қамтамасыз ету, егер жеткізу шартының сомасы тиісті қаржы жылына арналған айлық есептік көрсеткіштің екі мың еселенген мөлшерінен аспайтын болса, сондай-ақ шарт осы Ереженің 131-тармағының 7) тармақшасына сәйкес жасалған жағдайда енгізілмейді.
      Ескерту. 139-тармақ жаңа редакцияда - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

4-бөлім. Қорытынды ережелер

      140. Өнім берушілер осы шарт бойынша өз міндеттемелерін, шартта көрсетілген мерзімде толық және тиісінше орындағаннан кейін оның жазбаша өтініші бойынша сатып алу туралы шарттың (жеткізу шарты) орындалуына енгізілген қамтамасыз ету өнім берушіге қайтарылады.
      Ескерту. 140-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      141. Бірыңғай дистрибьютор немесе сатып алуды ұйымдастырушы егер өнім беруші:
      1) шарт бойынша өз міндеттемелерін орындамаса және шартта көзделген айыппұл санкцияларын төлемесе;
      2) шарт бойынша өз міндеттемелерін тиісінше орындамаса (өнім беру мерзімінің бұзылуы, сапасыз дәрілік заттарды, медициналық мақсаттағы бұйымдар мен медициналық техниканы беру, басқа да шарт талаптарын бұзу) және шартта көзделген айыппұл санкцияларын төлемесе, өнім берушінің енгізген шартты орындауды қамтамасыз етуді ұстап қалады.
      Ескерту. 141-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      142. Сатып алуды өткізу кезінде бұзушылықтар анықталған жағдайда, сатып алуды ұйымдастырушының (бірыңғай дистрибьютордың) басшысы мұндай сатып алуды тұтастай немесе тиісті лоттар бойынша жарамсыз деп тануға құқылы.
      Ескерту. 142-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      142-1. Өнім беруші техникалық ерекшеліктен ауытқитын медициналық техниканы ұсынған және/немесе осы медициналық техниканың жеткізілуі жоспарланған денсаулық сақтау ұйымының бейініне, бағытына және қызмет түріне сәйкес келмеген жағдайда, лизинг берушінің тендер жеңімпазымен қаржылық лизинг шартын жасасудан бас тартуға құқығы бар. Бұл жағдайда лизинг беруші қаржылық лизинг шарттарында медициналық техниканы сатып алатын денсаулық сақтау ұйымының жазбаша хабарламасының негізінде сатып алуды ұйымдастырушыны және тендер жеңімпазын қаржылық лизинг шартын жасасудан бас тартатыны туралы хабардар етеді.
      Ескерту. 4-бөлім 142-1-тармақпен толықтырылды - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулысымен; жаңа редакцияда - ҚР Үкіметінің 14.04.2015 N 229 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      143. Ашылған тендерлік өтінімдер әлеуетті өнім берушілерге қайтарылмайды. Ерекшелік ретінде банк кепілдігінің түпнұсқасы болуы мүмкін, бұл ретте тендерді ұйымдастырушы (бірыңғай дистрибьютордың) тендерді ұйымдастырушы (бірыңғай дистрибьютордың) растаған осы құжаттың көшірмесін сақтауға міндетті.
      144. Өткізілген сатып алу материалдары сатып алуды ұйымдастырушының (бірыңғай дистрибьютордың) тиісті іс номенклатурасында белгілеген тәртіппен сақталады.
      145. Бірыңғай дистрибьютор тізіміне өзгерістер енгізілген жағдайда дәрілік заттар мен медициналық мақсаттағы бұйымдарды сатып алу осы Ереженің 10-тарауында айқындалған тәртіппен жүзеге асырылады.
      Ескерту. 145-тармақ жаңа редакцияда - ҚР Үкіметінің 2010.02.25 № 122 Қаулысымен, өзгерту енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 1-қосымша                    

Алдағы тендер туралы хабарландыру нысаны

_______________________________________________
(тендерді ұйымдастырушының атауы)

      мынадай тауарларды сатып алу бойынша тендер жүргізу туралы хабарлайды: ________________________________________________________
(тауарлардың қысқаша сипаты және олардың саны (көлемі, сатып алу үшін бөлінетін сома)); (тендерді ұйымдастырушы сатып алынатын тауарлардың толық тізбесі, олардың саны мен егжей-тегжейлі өзіндік ерекшеліктер тендерлік құжаттамада көрсетілгеніне сілтеме жасауға құқылы).
      Тауар жеткізілуі тиіс: (тауарларды беру орнын көрсету).
      Тауарларды берудің талап етілетін мерзімі ____________________
      Тендерге Қазақстан Республикасы Үкіметінің 200 _ жылғы " " ____ N ____ қаулысымен бекітілген Тегін медициналық көмектің кепілдік берілетін көлемін көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдарды және медициналық техниканы, фармацевтикалық қызметтерді сатып алуды ұйымдастыру және өткізу ережесінің 8-9-тармағында көрсетілген біліктілік талаптарға сай келетін барлық әлеуетті өнім берушілер жіберіледі.
      Тендерлік құжаттама пакетті ____ жылғы "___" _________ дейінгі мерзімді қоса алғанда (тендерлік өтінімдер салынған конверттерді ашқанға дейін 24 сағат бұрын уақыт пен күні көрсетілген) мына мекен-жай бойынша: _______, бөлме N _____ сағат____ -дан_____ -ге дейін және/немесе мекен-жай бойынша ______ электрондық почтамен алуға болады.
      Тендерлік өтінімдерді берудің соңғы мерзімі___ (уақыты мен күні) дейін.
      Тендерлік өтінімдер салынған конверттер _______________ (уақыты мен күні көрсетілсін) мына мекенжай бойынша ашылады: (толық мекенжайы, бөлменің N көрсетілсін).
      Әлеуетті өнім берушілерге тендерлік өтінімдер салынған конверттерді ашу кезінде қатысуына болады.
      Қосымша ақпарат пен анықтаманы мына телефон арқылы алуға болады: (қаланың коды мен телефон нөмірі көрсетілсін).

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 2-қосымша                    

      Ескерту. 2-қосымшаға өзгерту енгізілді - ҚР Үкіметінің
2011.02.22 N 163 Қаулысымен.

(Кімге)
_________________________________________________________________
              (тендерді ұйымдастырушының атауы)

(Кімнен)
_________________________________________________________________
               (әлеуетті өнім берушінің атауы)

                   Тендерге қатысуға өтінім

 (кәсіпкерлік қызметті жүзеге асыратын жеке тұлғалар және заңды
                         тұлғалар үшін)

___________________________________________ тендерді жүргізу бойынша
(тендердің атауы) тендерлік құжаттаманы қарап,
осы арқылы алуды куәландыратын __________________________________
_________________________________________________________________
(әлеуетті өнім берушінің атауы)
мына лоттар бойынша тендерлік құжаттамаға сәйкес тауарларды беруі жүзеге асыруды ұсынады: _____
_________________________________________________________________
             (тауарларды егжей-тегжейлі сипаттау)
_________________________________________________________________
_________________________________________________________________
_________________________________________________________________
      Осы тендерлік етінім мыналарды қамтиды:
      1. ________________________________________________________
      2. ________________________________________________________
      3. ________________________________________________________
      4. ________________________________________________________
      5. ________________________________________________________
      6. ________________________________________________________
      7. ________________________________________________________
      8. ________________________________________________________
      9. ________________________________________________________
      10.________________________________________________________
      Мен (біз) егер менің (біздің) тендерлік өтінімім(із) ұтты деп танылған жағдайда, шартқа қол қойылған күнінен бастап _______ күн ішінде (толық жазу) тауарларды беруді бастауды және осы тендерлік өтінімде көрсетілген барлық тауарларды ________________ дейін (толық жазу) (күні көрсетілсін) беруді аяқтауды міндетіме аламын (мыз).
      Егер менің (біздің) тендерлік өтінімім(із) ұтты деп танылған жағдайда, мен (біз) келісімдегі жалпы соманың _____________ пайызын құрайтын сомада сатып алу туралы шартты* орындауды қамтамасыз етемін (міз).
      Осы тендерлік өтінім тендерлік өтінім салынған конверттерді ашқан күннен бастап _____________ күн ішінде (толық жазу) жарамды.
      Сатып алу туралы шарт жасасқан сәттен бастап осы тендерлік өтінім оны ұтып алды деп тану туралы сіздің хабарламаңызбен бірге арамыздағы міндетті шарттың қызметі орындалатын болады.
__________                    ___________________________________
(қолы, күні)                  (лауазымы, тегі, аты, әкесінің аты)
МО
_________________________________________________________________
(әлеуетті өнім берушінің атауы) атынан және тапсырмасы бойынша тендерлік өтінімге қол қоюға барлық өкілеттілігі бар
      *егер шартты орындауды қамтамасыз ету тендерлік құжаттамада көзделген болса көрсетіледі.

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 3-қосымша                    

Әлеуетті өнім берушінің өтініміне қоса берілетін құжаттардың
тізімін толтыру нысаны

Тегін медициналық көмектің кепілдік   
берілетін көлемін көрсету бойынша дәрілік
заттарды, профилактикалық (иммундық-   
биологиялық, диагностикалық, дезинфекциялық)
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды 
ұйымдастыру және өткізу ережесіне   
4-қосымша                  

Берешектің жоқтығы туралы анықтама

      Ескерту. 4-қосымша жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

      Банк/банк филиалы (атауы) _________________ жағдай бойынша Қазақстан Республикасы Ұлттық Банк Басқармасының қаулысымен бекітілген екінші деңгейдегі банктердегі және ипотекалық ұйымдардағы және «Қазақстан Даму Банкі» акционерлік қоғамдағы бухгалтерлік есептің үлгі шот жоспарына сәйкес осы банкте/банк филиалында қызмет көрсетілетін (кәсіпкерлік қызметті жүзеге асыратын жеке тұлғаның немесе заңды тұлғаның толық атауы, мекенжайы, СТН, БСК және т.б. көрсету қажет) банк алдында анықтама берілген айдың алдыңғы үш айдан созылған мерзімі өткен берешегінің жоқ екендігін растайды.

      Күні
      Қолы
      М.О.

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 5-қосымша                    

Әлеуетті өнім берушінің тендерлік өтінім
бағасының кестесі

(әлеуетті өнім берушінің атауы, әрбір лотқа жеке толтырылады)

      Мен (Біз) Сіздердің тендерлік құжаттамада айтылған төлем шарттарыңызға келісе(мін) (міз). Төлемнің мынадай балама шарттарын ұсынамыз
      ____________________________________________________________
                              (егер олар болса)
      ____________________________________________________________
                  (төлемнің балама шарттары көрсетіледі)
      немесе басқа шарттар (санамалау қажет:___________ __________)
      бұл ретте__________________ мөлшерде жеңілдіктер ұсынамыз
      ____________________________________________________________
              (ақшалай мәнде жазбаша түрде көрсету қажет)
      _________________________________      __________
       (лауазымы, тегі, әкесінің аты)          (Қолы)

      М.О.

      Ескертпе: әлеуетті өнім беруші 8-жолда көрсетілген жалпы бағаның құрауыш бөліктерін көрсетпеуі де мүмкін, бұл ретте осы жолда көрсетілген бағаны әлеуетті өнім берушінің барлық шығындарын ескере отырып тендерлік комиссия қарайды және қайта қарауға жатпайды.

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 6-қосымша                    

Банктік кепілдік

Банктің атауы:___________________________________________________
                    (банктің атауы мен деректемелері)
Кімге:___________________________________________________________
          (сатып алуды ұйымдастырушының атауы мен деректемелері)

                  N__________ кепілдік міндеттеме

____________________________       ___ жылғы "____" _________
      (орналасқан жері)

      Біз бұдан әрі "Өнім беруші" деп аталатын,_________________,
                                   (әлеуетті өнім берушінің атауы)
___________________________________ ұйымдастырған _______________
(сатып алуды ұйымдастырушының атауы)
сатып алу жөніндегі тендерге қатысатындығынан және жалпы сомасы __________ теңгеге ______________________________________________
(жазумен) (тауарлардың, жұмыстардың және көрсетілетін қызметтердің атауы мен көлемі)
беруді (жұмыстарды орындауды, қызметтерді көрсетуді) жүзеге асыруға дайындығынан хабардармыз.
      _________ жылғы "___" ________________ жоғарыда аталған сатып алуды өткізу жөніндегі тендерлік құжаттамада/баға ұсыныстарға сұрау салу тәсілімен сатып алу шарттарында әлеуетті өнім берушілердің банктік кепілдік түрінде тендерлік өтінімді қамтамасыз етуді енгізуі көзделген.
      Осыған байланысты біз ____________________ осымен өзімізге
                              (банктің атауы)
      Сіздің талап өтуіңіз бойынша Сіздің ақы төлеуге жазбаша талабыңызды, сондай-ақ Өнім беруші:
      тендерлік өтінімдерді берудің түпкілікті мерзімі өткеннен кейін тендерлік өтінімді кері қайтарып алғандығын немесе өзгерткендігін;
      белгіленген мерзімде мемлекеттік сатып алу туралы шартқа қол қоймағандығын;
      тендерлік құжаттамада көзделген нысанда, көлемде және шарттарда мемлекеттік сатып алу туралы шартқа қол қойылғаннан кейін мемлекеттік сатып алу туралы шарттың орындалуын қамтамасыз етуді енгізбегендігін жазбаша растауды алғаннан кейін ____________________________________
                                   (сомасы цифрмен және жазумен)
тең соманы төлеуге қайтарымсыз міндеттемені өзімізге аламыз.
      Бұл кепілдік міндеттеме тендерлік өтінімдер бар конверттерді ашқан күннен бастап күшіне енеді.
      Бұл кепілдік міндеттеме Өнім берушінің тендерге қатысуға тендерлік өтінімінің қолданылуының соңғы мерзіміне дейін қолданылады және, егер Сіздің жазбаша талабыңызды біз __________ аяғына дейін алмасақ, осы құжат бізге қайтарылатыңдығына немесе қайтарылмайтындығына қарамастан, толық және автоматты түрде күшін жояды. Егер тендерлік өтінімнің мерзімі ұзартылған болса, онда бұл кепілдік міндеттеме сондай мерзімге ұзартылады.
      Осы кепілдік міндеттемеге байланысты туындайтын барлық құқықтар мен міндеттемелер Қазақстан Республикасының заңнамасымен реттеледі.

      Кепілгердің қолы және мөрі         Күні және мекен-жайы

«Тегін медициналық көмектің      
кепілдік берілген көлемін көрсету
бойынша дәрілік заттарды,        
профилактикалық (иммундық-       
биологиялық, диагностикалық,     
дезинфекциялық) препараттарды,   
медициналық мақсаттағы бұйымдар  
мен медициналық техниканы,       
  фармацевтикалық қызметтерді      
сатып алуды ұйымдастыру және     
өткізу ережесіне 6-1-қосымша     

      Ескерту. Ереже 6-1-қосымшамен толықтырылды - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулысымен, өзгерістер енгізілді - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулыларымен.

Банк кепілдігі
(тендер өтінімін қамтамасыз ету нысаны)

Банктің атауы:

_______________________________________________________________
_______________________________________________________________
             (банктің атауы мен деректемелері)
Кімге:
_______________________________________________________________
_______________________________________________________________
(көрсетілген Ереженің 88-4-тармағына сәйкес бірыңғай дистрибьютордың немесе сатып алуды ұйымдастырушының атауы мен деректемелері)

      №___ кепілдік міндеттеме

___________________                     ____ ж. «__»________
(орналасқан жері)

Бізге _________________________________________________________
                 (әлеуетті өнім берушінің атауы)

бұдан әрі «Өнім беруші»,_________________________________________
(бірыңғай дистрибьютордың немесе сатып алуды ұйымдастырушының атауы)
___________________________________________________________________
___________________________________________________________ жалпы
сомасы ___________________________________________________ теңгеге
                              (жазумен)
___________________________________________________________________
    (тауарлардың, жұмыстар мен қызметтердің атауы мен көлемі)
сатып алу бойынша екі кезеңді рәсімдерді пайдалана отырып, тендерге қатысатыны туралы хабарлайды.
      Екі кезеңді рәсімдер пайдаланылатын тендер тәсілімен сатып алу шарттарына сәйкес банктік кепілдеме түрінде тендер өтінімін қамтамасыз етуді әлеуетті өнім берушілердің енгізуі көзделген.
      Осыған байланысты _________________________ (банктің атауы) біз Сіздің Қазақстан Республикасы Үкіметінің 2009 жылғы 30 қазандағы № 1729 қаулысымен бекітілген Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу Ережесінің 107-тармағында көзделген негіздер бойынша ақы төлеуге жазбаша талабыңызды алғаннан кейін Сіздің талабыңыз бойынша
_____________________________________________________________________
_____________________________________________________________________
_____________________________________________________________________
      (сомасы цифрмен және жазумен)
тең соманы Сізге төлеуге бұлтартпас міндеттеме аламыз.
      Осы кепілдік міндеттеме тендер өтінімі бар конверттерді ашу күнінен бастап күшіне енеді.
      Осы кепілдік міндеттеме Өнім берушінің тендерге қатысуға тендер өтінімінің соңғы мерзіміне дейін қолданылады және егер Сіздің жазбаша талабыңызды біз тендер өтінімінің соңғы мерзіміне «__»________________алмайтын болсақ, бұл құжаттың бізге қайтарылғанына немесе қайтарылмағанына қарамастан толық және автоматты түрде мерзімі өтеді. Егер тендер өтінімінің қолданылу мерзімі ұзартылса, онда осы кепілдік міндеттеме осындай мерзімге ұзартылады.
      Осы кепілдік міндеттемеге байланысты туындайтын барлық құқықтар мен міндеттемелер Қазақстан Республикасының заңнамасымен реттеледі.

Кепілдік берушілердің қолы мен мөрі          Күні және мекенжайы

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 7-қосымша                    

Сатып алу туралы үлгілік шарт

      Ескерту. 7-қосымшаға өзгеріс енгізілді - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

      ____________________     _____ жылғы "___" ___________
        (Орналасқан жері)

      Бұдан әрі "Тапсырыс беруші" деп аталатын __________________
                                               (тапсырыс берушінің
                                                толық атауы)
атынан,_________________________________________________________,
        (уәкілетті адамның лауазымы, тегі, аты, әкесінің аты)
бір тараптан және бұдан әрі "Өнім беруші" деп аталатын,
      ___________________________________________________________
          (өнім беруші - тендер жеңімпазының толық атауы)
атынан ___________________________________ негізінде әрекет ететін
          (Жарғы, Ереже және т.с.с.)
      ___________________________________________________________
         (уәкілетті адамның лауазымы, тегі, аты, әкесінің аты)

екінші тараптан, Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдарды және медициналық техниканы, фармацевтикалық қызметтерді сатып алуды ұйымдастыру және өткізу ережесі және ___ жылғы "__" ________ өткен (затты сатып алу) сатып алу __________________________ (тәсіл көрсетілсін) тәсілмен сатып алу қорытындысы туралы N_____ хаттамасының негізінде сатып алу туралы шартты (бұдан әрі - Шарт) жасасты және мына төмендегі келісімге келді:
      1. Өнім беруші Шарттың талаптарына сәйкес тауарды осы Шарттың қосымшаларында анықталған санда және сапада беруді, ал Тапсырыс беруші оны қабылдауды және Шарттың талаптарына сәйкес төлеуді міндетіне алады.
      2. Тауарлардың жалпы құны (ММ үшін бюджеттік бағдарламаға/ерекшелігіне сәйкес тауарлардың атауы көрсетілсін) (сома санмен цифрмен және жазумен көрсетілсін) (бұдан әрі - шарттың жалпы сомасы) құрайды.
      3. Осы Шартта төменде санамаланған ұғымдарға мынадай түсінік беріледі:
      1) "Шарт" - Тапсырыс беруші мен Өнім беруші арасында Тегін медициналық көмектің кепілдік берілген көлемін көрсету үшін дәрілік заттарды сатып алуды ұйымдастыру және өткізу ережесіне және Қазақстан Республикасының өзге де нормативтік құқықтық актілеріне сәйкес жасалған, жазбаша нысанда тіркелген, тараптар оған барлық қосымшаларымен және толықтыруларымен бірге, сондай-ақ шартта сілтеме бар барлық құжаттамамен бірге қол қойған азаматтық-құқықтық акт;
      2) Шарттың бағасы тапсырыс беруші Шарттың шеңберінде Өнім берушіге өзінің шарттық міндеттемелерін толық орындағаны үшін төленуге тиіс соманы білдіреді;
      3) тауарлар - өнім беруші Тапсырыс берушіге Шарт шеңберінде жеткізуі тиіс тауарлар және ілеспе көрсетілетін қызметтер;
      4) ілеспе көрсетілетін қызметтер - тауарларды беруді қамтамасыз ететін қызметтерді, мәселен, тасымалдау және сақтандыру және мәселен, монтаждау, іске қосу, техникалық жәрдем көрсету, оқыту қамтылатын кез келген басқа да көмекші қызметтер және Өнім берушінің осы Шартта көзделген басқа да осыған ұқсас міндеттерін білдіреді;
      5) Тапсырыс беруші - акцияларының бақылау пакеті мемлекетке тиесілі мемлекеттік органдар, мемлекеттік мекемелер, сондай-ақ мемлекеттік кәсіпорындар, сондай-ақ олармен аффилиирленген заңды тұлғалар;
      6) Өнім беруші - шартта көрсетілген шарттарда тауарларды беруді жүзеге асыратын және тапсырыс берушімен сатып алу туралы жасасқан шартта оның агенті ретінде әрекет ететін заңды және жеке тұлға.
      4. Төменде санамаланған құжаттар және оларда баяндалған талаптар осы Шартты құрайды және оның ажырамас бөлігі болып саналады, атап айтқанда:
      1) осы Шарт;
      2) сатып алынатын тауарлардың тізбесі;
      3) техникалық ерекшелігі;
      4) Шарттың орындалуын қамтамасыз ету (бұл тармақша егер тендерлік құжаттамада көрсетілсе, шартты орындауды қамтамасыз ету көзделеді).
      5. Төлем нысаны ___________________________________________
    (қолма-қол есептесулер үшін ақша аударулар, акредиттер және т.б.)
      6. Төлем мерзімі
_________________________________________________________________
(мысалы: % белгіленген пунктте тауарды қабылдау немесе алдын ала
                       төлеу және т.б.)
      7. Алдағы төлемде қажетті құжаттар:
________________________________________________________________
      (шот-фактура немесе қабылдау-тапсыру акті немесе т.б.)
      8. Осы Шарт шеңберінде берілетін тауарлар немесе көрсетілетін қызметтер техникалық ерекшелікте көрсетілген стандарттарға сәйкес келуге немесе олардан жоғары болуға тиіс.
      9. Өнім беруші Тапсырыс берушінің алдын ала жазбаша келісімінсіз қандай да болмасын адамға Шарттың мазмұнын немесе оның қандай да бір ережелерін, сондай-ақ тапсырыс беруші немесе осы Шартты орындау үшін өнім беруші тартқан персоналды қоспағанда, оның атынан басқа адам берген техникалық құжаттаманы, жоспарларды, сызбаларды, модельдерді, үлгілерді немесе ақпаратты ашпауға тиіс. Көрсетілген ақпарат бұл персоналға құпия түрде және шарттық міндеттемелерді орындау үшін қажетті шамада берілуге тиіс.
      10. Өнім беруші Тапсырыс берушінің алдын ала жазбаша келісімінсіз қандай да болмасын жоғарыда санамаланған құжаттарды немесе ақпаратты Шартты іске асыру мақсатынан басқа, пайдаланбауға тиіс.
      11. Өнім беруші Тендерлік құжаттамаға 1-қосымшада көрсетілген белгіленген соңғы пунктке тасымалдау уақытына олардың бұзылуын немесе бүлінуін болдырмауы, тауардың қаптамасын қамтамасыз етуі тиіс. Қаптама қандай да болмасын шектеулерсіз қарқынды көтергіш-көлік өңдеуіне және тасымалдау кезіндегі өзгермелі температураның, тұз бен жауын-шашынның, сондай-ақ ашық сақтаудың әсеріне төзуге тиіс. Оралған жәшіктердің габаритін және олардың салмағын анықтау кезінде жеткізу пунктінің алыстығы және тауарларды алып жүрудің барлық пункттерінде қуатты жүк көтергіш құралдардың болуы ескерілуі қажет.
      12. Жәшіктерді орау мен таңбалау, сондай-ақ ішінен және сыртынан құжаттамалау Тапсырыс беруші белгілеген арнайы талаптарға қатаң сәйкес келуге тиіс.
      13. Тауарларды беруді Өнім беруші сатып алынатын тауарлардың тізбесінде айтылған Тапсырыс берушінің талаптарына сәйкес (1-қосымша) жүзеге асырады.
      14. Өнім беруші Тендерлік құжаттамаға 1-қосымшада көрсетілген белгіленген пунктке дейін тауарды беруі тиіс. Осы тауарларды белгіленген пунктке дейін тасымалдау жүзеге асырылады және өнім беруші төлейді, ал осымен байланысты шығыстар шарттың бағасына енеді.
      15. Осы Шарттың шеңберінде Өнім беруші тендерлік құжаттамада көрсетілген қызметтерді ұсынуы тиіс.
      16. Ілеспе қызметтерге арналған бағалар Шарттың бағасына енгізілуі тиіс.
      17. Тапсырыс беруші Өнім берушіден өнім беруші дайындайтын немесе сататын қосалқы бөлшектер туралы ақпаратты ұсынуды, атап айтқанда Тапсырыс беруші Өнім берушіден сатып алу үшін таңдап алатын және кепілдік берілген мерзімнен кейін оларды пайдаланатын қосалқы бөлшектердің құны және номенклатурасын талап етуі мүмкін.
      18. Өнім беруші оларға қосалқы бөлшектерді шығаруды тоқтатқан жағдайда:
      а) Тапсырыс берушіні оған қажетті санда қажетті сатып алуды жүргізе алуына мүмкіндік беру үшін өндірістің алдағы уақыттағы тоқтауы туралы алдын ала хабарлауға;
      б) қажет болған жағдайда өндіріс тоқтағаннан кейін артынша Тапсырыс берушіге қосалқы бөліктерге жоспарларды, сызбалар мен техникалық құжаттаманы тегін беруге тиіс.
      19. Өнім беруші Шарт шеңберінде берілген Тауарлар, егер Шартта өзгеше көзделмесе, жаңа, пайдаланылмаған, конструкциялар мен материалдардың барлық соңғы түрленулері көрсетілген жаңа не сериялық модель болып табылатындығына кепілдік береді. Өнім беруші, бұдан әрі, осы Шарт бойынша берілген Тауарлар Тапсырыс берушінің елі үшін әдетте қолайлы жағдайларда берілген Тауарларды қалыпты пайдаланған кезде конструкцияларына, материалдары мен жұмысына байланысты ақаулары болмайтындығына бұдан әрі кепілдік береді. Тапсырыс беруші берген техникалық ерекшелікке қатаң сәйкестікте Өнім беруші дайындаған конструкцияларда, материалдарда ақау пайда болған жағдайда Өнім беруші Тапсырыс берушінің оның (Тапсырыс берушінің) техникалық ерекшелігінде жіберген қателігі үшін жауап бермейді.
      20. Бұл кепілдік Тауарлардың бүкіл партиясын немесе оның бөлігін нақтылы жағдайға және оларды Шартта көрсетілген тағайындалған нақты пунктіне қабылдағанға орай ___________________________________
        (кепілдіктің талап етілетін мерзімі көрсетілсін) ішінде жарамды.
      21. Тапсырыс беруші Өнім берушіні осы кепілдікке байланысты барлық талап қоюлар туралы жазбаша түрде жедел хабардар етуге міндетті.
      22. Тауардың істен шыққаны туралы хабарлама алғаннан кейін әлеуетті өнім беруші хабарлама алған сәттен бастап 72 (жетпіс екі) сағаттан аспайтын мерзімде болжамды жөндеу жұмыстарының себептерін, мерзімдерін айқындау үшін білікті мамандарды жергілікті жерге жіберуді қамтамасыз етеді. Өнім беруші дайындаушы-зауыт өндірген қосалқы бөлшектерді және тораптарды пайдалана отырып жөндеу жұмысын немесе бір ай ішінде тапсырыс берушінің тарапынан қандай да бір шығыстарсыз ақауы бар тауарды немесе оның бөлшектерін ауыстыруды жүргізуге тиіс.
      Ескерту. 22-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      23. Егер Өнім беруші хабарлама алып, Тапсырыс беруші талап еткен мерзімде ақауды(ларды) жөндемесе, Тапсырыс беруші Өнім беруші есебінен және Тапсырыс беруші Өнім берушіге қатысты Шарт бойынша иеленуі мүмкін басқа да құқықтарға қандай да болмасын залалсыз ақауларды жөндеу жөніндегі қажетті санкциялар мен шараларды қолдана алады.
      24. Өнім берушіге берілген Тауарларға ақы төлеу осы Шарттың 5 және 6-тармақтарында көрсетілген нысанда және мерзімде жүргізілетін болады.
      25. Тапсырыс беруші Шартта көрсеткен баға Тапсырыс берушінің тендерлік өтінімінде ол көрсеткен бағаға сәйкес келуге тиіс.
      26. Екі тарап қол қойған жазбаша өзгерістерді қоспағанда, Шарттың құжаттарына ешқандай ауытқуларға немесе өзгерістерге (сызбалар, жобалар немесе техникалық ерекшеліктер, тиеу, орау әдістері, жеткізу орны немесе өнім беруші көрсететін қызметтер және т.б.) жол жіберілмейді.
      27. Егер кез келген өзгеріс Өнім берушіге Шарт бойынша тауарлардың кез келген бөлігін беру үшін қажетті құнның немесе мерзімнің азаюына әкелетін болса, Шарттың бағасы немесе беру кестесі немесе сол немесе өзгелері тиісті түрде түзетіледі, ал Шартқа тиісті түзетулер енгізіледі. Осы бап шеңберінде Өнім берушінің түзету жүргізуге барлық сауалдары Өнім беруші Тапсырыс берушіден өзгерістер туралы өкім алған күнінен бастап 30 (отыз) күн ішінде көрсетілуге тиіс.
      28. Өнім беруші қандай да болмасын біреуге осы Шарт бойынша өзінің міндеттемелерін Тапсырыс берушінің алдын ала жазбаша келісімінсіз не толық не ішінара бермеуге тиіс.
      29. Тауарларды беруді және Қызметтерді көрсетуді Өнім беруші бағалар кестесінде көрсетілген кестеге сәйкес жүзеге асыруға тиіс.
      30. Өнім беруші тарапынан өнім беруді орындауды кешіктіру шартты орындауды қамтамасыз етуді ұстап қалуға және тұрақсыздық айыппұлын төлеуге әкеп соқтырады.
      Ескерту. 30-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      31. Егер Шартты орындау кезеңінде Өнім беруші немесе оның қосалқы мердігері (лері) кез келген сәтте тауарларды уақтылы беруге және қызметтерді көрсетуге кедергі келтіретін жағдайларға тап болса, Өнім беруші Тапсырыс берушіге тез арада кешігу фактісі, оның шамамен ұзақтығы және себебі (тері) туралы жазбаша хабарлама жіберуге тиіс. Өнім берушіден хабарлама алғаннан кейін Тапсырыс беруші жағдайды бағалауға тиіс және өзінің қалауы бойынша Өнім берушінің Шартты орындау мерзімін ұзарта алады: бұл жағдайда мұндай ұзартуды тараптар Шарттың мәтініне түзетулер енгізу жолымен ратификациялануы тиіс.
      32. Форс-мажор жағдайларын қоспағанда, егер Өнім беруші тауарларды Шартта көзделген мерзімде бере алмайтын не қызметтерді көрсете алмайтын болса, Тапсырыс беруші өзінің басқа құқықтарына зиян келтірместен, Шарт шеңберінде әрбір мерзімі өткен күн үшін Шарттың бағасынан 0,1 % соманы тұрақсыздық айыбы түрінде шегеріп тастайды.
      Ескерту. 32-тармақта қазақ тіліндегі мәтіні өзгермейді - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      33. Өнім беруші, егер Шартты орындауды кешіктіру форс-мажор жағдайларының нәтижесі болса, өзінің Шартты орындауды қамтамасыз етуден айырылмайды және Шарттың талаптарын орындамауына орай тұрақсыздық айыбын төлеуге немесе оны бұзуға жауапкершілік жүктемейді.
      34. Осы Шарттың мақсаты үшін "форс-мажор" Өнім берушінің есебіне және салақтығына байланысты емес және күтпеген сипаттағы Өнім беруші тарапынан бақылауға бағынбайтын оқиғаны білдіреді. Мұндай оқиғалар әскери іс-қимылдар, табиғи немесе зілзала апаттары, індет, карантин мен тауарларды беруге эмбарго сияқты іс-қимылдарды қамтуы мүмкін, бірақ олармен шектелмейді.
      35. Форс-мажор жағдайлары туындаған кезде Өнім беруші Тапсырыс берушіге мұндай жағдайлар мен олардың себептері туралы тез арада жазбаша хабарлама жіберуге тиіс. Егер Тапсырыс берушіден өзгеше жазбаша нұсқаулықтар түспесе, Өнім беруші Шарт бойынша өзінің міндеттемелерін орындауды ол орынды болғанынша жалғастырады және форс-мажор жағдайларына байланысты емес Шартты орындаудың баламалы тәсілдерін жүргізеді.
      36. Тапсырыс беруші, егер Өнім беруші банкрот немесе төлеуге қабілетсіз болса, Өнім берушіге тиісті жазбаша хабарлама жібере отырып, Шартты бұза алады. Бұл жағдайда бұзу тез арада жүзеге асады және Тапсырыс беруші, егер Шартты бұзу іс-әрекеттерді жасауға немесе Тапсырыс берушіге қойылған немесе қойылатын санкцияларды қолдануға залал әкелмесе немесе қандай да болмасын құқықтарды қозғамаса Өнім берушіге қатысты ешқандай қаржылық міндеттемелер жүктемейді.
      37. Тапсырыс беруші Өнім берушіге тиісті жазбаша хабарлама жібере отырып, оның бұдан әрі орындалуының орынсыздығына орай кез келген уақытта Шартты бұза алады. Хабарламада Шартты бұзудың себебі көрсетілуге тиіс, күші жойылған шарттық міндеттемелердің көлемі, сондай-ақ Шарттың бұзылуы күшіне енген күн айтылуға тиіс.
      38. Шарт жойылған кезде, өнім беруші Шарт бойынша бұзуға байланысты оны бұзатын күнгі іс жүзіндегі шығындар үшін ғана ақы талап етуге құқылы. Тапсырыс беруші мен Өнім беруші тікелей келіссөздер процесінде олардың арасында Шарт бойынша немесе оған байланысты туындайтын барлық келіспеушіліктерді немесе дауларды шешуге бар күш-жігерін жұмсауға тиіс.
      39. Егер осындай келіссөздер басталғаннан кейін 21 (жиырма бір) күн ішінде Тапсырыс беруші мен Өнім беруші Шарт бойынша дауды шеше алмаса, тараптардың кез келгені осы мәселені Қазақстан Республикасының заңнамасына сәйкес шешуді талап ете алады.
      40. Шарт мемлекеттік және/немесе орыс тілдерінде жасалады. Егер екінші тарап шетел ұйымы болса, онда екінші дана Қазақстан Республикасының Тіл туралы заңнамасына сәйкес тілге аударылуы мүмкін. Шартты төрелікте қарау қажет болған жағдайда, Шарттың мемлекеттік немесе орыс тілдеріндегі данасы қаралады. Шартқа қатысты барлық хат алмасу немесе тараптар алмасатын басқа құжаттама осы талаптарға сәйкес келуге тиіс.
      41. Шартқа сәйкес тараптардың бірі екінші тарапқа жіберетін кез келген хабарлама кейіннен түпнұсқасын бере отырып, хат, жеделхат, телекс немесе факс түрінде жіберіледі.
      42. Хабарлама жеткізілгеннен кейін немесе күшіне ену көрсетілген күні (егер хабарламада көрсетілсе) күшіне енеді, ол бұл күндердің қайсысы кеш болатындығына байланысты.
      43. Салық және бюджетке төленетін басқа да міндетті төлемдер Қазақстан Республикасының заңнамасына сәйкес төленуге тиіс.
      44. Өнім беруші Шарттың орындалуын қамтамасыз етуді тендерлік құжаттамада көзделген нысанда, көлемде және шарттарда енгізуге міндетті.
      45. Осы Шарт оны Тапсырыс беруші Қазақстан Республикасы Қаржы министрлігінің Қазынашылық аумақтық органында тіркелген күнінен бастап (мемлекеттік органдар мен мемлекеттік мекемелер үшін) және Өнім беруші Шартты қамтамасыз етуді енгізгеннен кейін күшіне енеді.
      46. Тараптардың мекенжайлары мен деректемелері:
      Аумақтық қазыналық органда тіркелген күні (мемлекеттік органдар және мемлекеттік мекемелер үшін) _________________________________
      Осы Сатып алу туралы шарт Тапсырыс берушінің дәрілік заттарды, медициналық мақсаттығы бұйымдарды және медициналық техниканы сатып алуды жүзеге асыруы үдерісінде Тапсырыс беруші мен Өнім беруші арасында туындайтын құқықтық қатынастарды реттейді. Осы Шартқа енгізілетін кез келген өзгерістер мен толықтырулар Қазақстан Республикасының заңнамасына, тапсырыс берушінің тендерлік құжаттамасына, өнім берушінің тендерлік өтініміне және тендердің қорытындысы туралы хаттамаға сәйкес болуы тиіс. Осы Шартта курсивпен бояп көрсетілген түсіндірмелерді Тапсырыс беруші толтыруға тиіс.

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 8-қосымша                    

Фармацевтикалық қызметтер көрсетуге арналған үлгі шарт

      __________________       _____ ж. "___" ______________
        (Орналасқан жері)

бұдан әрі "Тапсырыс беруші" деп аталатын
____________________________________________________________ атынан,
      (бюджеттік бағдарлама әкімшісінің толық атауы)
"Халық денсаулығы және денсаулық сақтау жүйесі туралы" Қазақстан Республикасы Кодексінің, " " ______ жылы өткізілген фармацевтикалық қызметтерді сатып алу қорытындылары, әкімдіктің қаулысымен бекітілген департамент (басқарма) туралы Ереже негізінде әрекет ететін
__________________________________________________________________
      (уәкілетті адамның лауазымы, тегі, аты, әкесінің аты)
бір тараптан және бұдан әрі "Өнім беруші" деп аталатын,
____________________________________________________________ атынан
_________________________________________________________________
      (уәкілетті адамның лауазымы, тегі, аты, әкесінің аты)
_____________________________________________ негізінде әрекет ететін
        (Жарғының, Ереженің және т.б.)
_________________________________________________________________
      (өнім берушінің атауы меншік нысанына қарамастан)
екінші тараптан мына төмендегілер туралы, осы шартты (бұдан әрі - Шарт) жасасты:

Шарттың мәні

      1. Өнім беруші Шартқа 1-қосымшада көрсетілген елді мекендерде фармацевтикалық қызмет көрсетеді.
      2. Тапсырыс беруші осы Шартқа 2-қосымшаға сәйкес тарифтер бойынша Өнім берушінің шығындарының орнын толтырады.

Есептеу тәртібі

      3. Шарттың сомасы ___________ жылға ________________ теңгені құрайды.
      4. Тапсырыс беруші Өнім берушінің іс жүзінде көрсетілген қызметтерінің шығындарын бюджеттік бағдарламалар әкімшісінің міндеттемелері мен төлемдері бойынша бюджеттік бағдарламаларды (кіші бағдарламаларды) қаржыландыру жоспарларында көзделген қаражат шегінде өтейді.
      5. Қызметтерді өтеу ай сайын, орындалған жұмыс актілеріне сәйкес, ұсынылған рецептер тізілімін салыстыру негізінде жүргізіледі.
      6. Өнім берушіге Шарттың жалпы сомасынан 30 %-ы мөлшерінде аванс беруге рұқсат етіледі.
      7. Шарттың сомасы көрсетілген фармацевтикалық қызметтерді ескере отырып түзетілуі тиіс.

Тараптардың міндеттері мен құқықтары

      8. Өнім беруші:
      азаматтарға Тапсырыс беруші белгілеген тізбе бойынша елді мекендерде фармацевтикалық қызметтер көрсетуге;
      азаматтарға ауру түрлерінің тізбесі және амбулаториялық емдеген кезде дәрілік заттар мен арнайы емдік тағамдар ақысыз және жеңілдікті шарттармен берілетін азаматтардың жекелеген санаттары туралы, сатылатын бағасы мен дәрілік заттардың құнын өтеу сомалары туралы көрнекі ақпарат беруге;
      амбулаториялық дәрілік қамтамасыз ету бойынша деректер базасына деректер енгізуге;
      Тапсырыс берушіге ай сайын осы Шартқа 3-қосымшаға сәйкес нысан бойынша дәрілік заттарды босату жүзеге асырылған рецептер тізілімін қағаз түрінде және электрондық нұсқада беруге;
      Тапсырыс берушіге осы Шарттың орындалуына тексеру жүргізу үшін қажетті барлық құжаттаманы беруге міндетті.
      9. Тапсырыс беруші:
      көрсетілген фармацевтикалық қызмет үшін Өнім берушінің шығындарын уақтылы өтеуге;
      Өнім берушіні ақысыз және жеңілдікті шарттармен рецепттер беруді жүзеге асыратын дәрігерлер мен емдеу-профилактикалық ұйымдары туралы ақпаратпен қамтамасыз етуге;
      Қазақстан Республикасында тегін медициналық көмектің кепілдік берілген көлемін көрсету мәселелері жөнінде халықты ақпараттандыруға бағытталған қажетті ұйымдастыру іс-шараларын өткізуге міндеттенеді.

Тараптардың жауапкершілігі

      10. Өнім беруші:
      Қазақстан Республикасының заңнамасына сәйкес халыққа фармацевтикалық қызмет көрсету бойынша жіберілген бұзушылық жағдайлары (Тапсырыс беруші белгілеген дәрілік заттармен қамтамасыз етуден бас тарту, сапасыз препарттарды босату) үшін;
      дәрілік заттарды өткізуге рұқсаты (құқығы) жоқ объектілерден дәрілік заттардың өткізілгені үшін;
      заңнамада белгіленген тәртіппен Тапсырыс берушіден алынған қаражатты мақсатсыз пайдаланғаны үшін;
      амбулаториялық дәрілік қамтамасыз ету бойынша деректер базасына енгізілетін деректердің дұрыстығы үшін;
      Тапсырыс берушіге ай сайын дәрілік заттарды босату жүзеге асырылған рецепттер тізілімін беруге жауапты болады.
      11. Тапсырыс беруші:
      Өнім берушіні ақысыз және жеңілдікті шарттармен рецепттер беруді жүзеге асыратын дәрігерлер мен емдеу-профилактикалық ұйымдары туралы ақпаратпен қамтамасыз етуге;
      Қазақстан Республикасының заңнамасына сәйкес ұсынылған рецептер тізілімін салыстыру негізінде Өнім берушінің іс жүзінде көрсеткен медициналық көмектің көлемі үшін шығындарды өтеуге ақша қаражатын уақтылы аударуға;
      амбулаториялық дәрілік қамтамасыз ету бойынша автоматтандырылған деректер базасын жүргізуге жауапты болады.
      12. Өнім берушінің тарапынан Фармацевтикалық қызмет көрсету жөніндегі шарттың талаптарын бұзу мынадай санкцияларға әкелуі мүмкін: Шартты жоюға немесе орындалмаған не тиісті орындалмаған міндеттемелер сомасының 0,01 %-ы мөлшерінде тұрақсыздық төлемін төлеуге әкелуі мүмкін.

Шартты өзгерту және бұзу

      13. Осы Шарттың талаптары тараптардың жазбаша келісімі бойынша өзгертілуі және толықтырылуы мүмкін.
      14. Шартты мерзімінен бұрын тоқтату ниеті туралы тараптар Шартты тоқтатудың болжанған күніне дейін кемінде 30 күн бұрын бірін-бірі хабардар етуге міндетті.
      15. Шарттың талаптарын бұзғаны үшін Тапсырыс беруші міндеттемелерді орындамағаны туралы Өнім берушіге жазбаша хабарлама жолдай отырып, осы Шартты бір жақты тәртіппен бұза алады.

Форс-мажор

      16. Форс-мажор мән-жайлары туындаған кезде Өнім беруші Тапсырыс берушіге кідіртпей осы мән-жайлар мен олардың себептері туралы жазбаша хабарлама жіберуі тиіс.
      17. "Форс-мажор" мән-жайларына Өнім беруші тарапынан бақылауға бағынбайтын, оның жаңсақтығына немесе салақтығына байланысты емес және күтпеген сипаттағы жағдайлар жатады. Мұндай оқиғаларға соғыс қимылдары, табиғи немесе дүлей зілзалалар, індет, карантин сияқты мән-жайларды жатқызуға болады, бірақ іс-қимылдармен шектелмейді.

Қорытынды ережелер

      18. Тараптардың ешқайсысының екінші тараптың жазбаша келісімінсіз осы Шарт бойынша өзінің міндеттемелерін үшінші тарапқа беруге құқығы жоқ.
      19. Осы Шарт бірдей заңды күші бар екі данада жасалған, бір дана Тапсырыс берушіде, екіншісі Өнім берушіде болады.
      20. Осы Шарт Қазақстан Республикасы Қаржы министрлігінің Қазынашылық комитетінің аумақтық органында тіркелген күнінен бастап күшіне енеді және 200__ жылғы "___" ________ дейін қолданылады.

Тараптардың мекен-жайлары мен деректемелері:

Фармацевтикалық қызметтер
көрсетуге арналған       
үлгі шартқа              
1-қосымша                

Амбулаториялық дәрілік қамтамасыз етуді жүзеге асыратын дәрілік
заттарды бөлшек саудада сату объектілерінің тізбесі

Фармацевтикалық қызметтер
көрсетуге арналған       
үлгі шартқа              
2-қосымша                

________ жылы амбулаториялық деңгейде тегін медициналық көмектің кепілдік берілген көлемі шегінде халықты белгілі бір аурулармен (жағдайлармен) және арнайы емдік өнімдермен тегін қамтамасыз етуге арналған дәрілік заттар мен медициналық мақсаттағы бұйымдар тізбесі

_________ жылы амбулаториялық деңгейде тегін медициналық көмектің кепілдік берілген көлемі шегінде халықты белгілі бір аурулармен (жағдайлармен) және арнайы емдік өнімдермен жеңілдікпен қамтамасыз етуге арналған дәрілік заттар мен медициналық мақсаттағы бұйымдар тізбесі

Фармацевтикалық қызметтер
көрсетуге арналған       
үлгі шартқа              
3-қосымша                

___________________ тапсырыс беруші бойынша
200__ жылғы___________ бастап 200_____________ дейінгі кезеңдегі
амбулаториялық дәрілік қамтамасыз ету бойынша рецепттердің жиынтық
тізілімі

      Құрастырды:

      Басшы                     200________ ж. "___" _________

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 9-қосымша                    

      Ескерту. 9-қосымшаға өзгерту енгізілді - ҚР Үкіметінің
2011.02.22 N 163  қаулысымен.

Бірыңғай дистрибьютор мен тапсырыс берушінің арасындағы дәрілік
заттарды және/немесе медициналық мақсаттағы бұйымдарды сатып алу шарты

      Ескерту. 9-қосымшаның тақырыбы жаңа редакцияда - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

____________________ жылғы «_______-____»
_________________________________________________________________
Бұдан әрі «Бірыңғай дистрибьютер» деп аталатын__________________,
негізінде әрекет өтетін бір тараптан ___________________________
бұдан әрі «Өнім беруші» деп аталатын,___________________________
негізінде әрекет ететін екінші тараптан
Бұдан әрі бірлесіп «Тараптар» деп аталып, Бірыңғай дистрибьютор мен Тапсырыс беруші арасында төмендегідей дәрілік заттарды және медициналық мақсаттағы бұйымдарды сатып алу шартын (бұдан әрі – Шарт) жасасты:
      Ескерту. Кіріспе жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

1-тарау. Шартта қолданылатын терминдер

      1. Осы Шартта төменде санамаланған ұғымдар төмендегіше түсіндіріледі:
      1) Шарт - Тапсырыс беруші мен Бірыңғай дистрибьютор арасында Қазақстан Республикасының нормативтік құқықтық актілеріне сәйкес жасалған, жазбаша нысанда тіркелген, тараптар оған барлық қосымшаларымен және толықтыруларымен бірге, сондай-ақ шартта сілтеме бар барлық құжаттамамен бірге қол қойған азаматтық-құқықтық акт;
      2) Шарттың сомасы - Тапсырыс беруші Шарттың шеңберінде Бірыңғай дистрибьюторға өзінің шарттық міндеттемелерін толық орындағаны үшін төленуге тиіс сомасы;
      3) Тауарлар - Бірыңғай дистрибьютор Тапсырыс берушіге Шарт шеңберінде жеткізуі тиіс дәрілік заттар, медициналық мақсаттағы бұйымдар және ілеспе қызметтер (сақтау, тасымалдау және басқа да осыған ұқсас қызметтер);
      4) Тапсырыс беруші - Осы Ережеге сәйкес сатып алуды жүзеге асыратын денсаулық сақтау және денсаулық сақтау ұйымдарының республикалық және жергілікті бюджеттік бағдарламаларының әкімшіліктері;
      5) Дәрілік заттарды және медициналық мақсаттағы бұйымдарды сатып алу және қамтамасыз ету жөніндегі бірыңғай дистрибьютор (бұдан әрі – бірыңғай дистрибьютор) – тегін медициналық көмектің кепілдік берілген көлемі шеңберінде сатып алуды ұйымдастыруды, оның нәтижелері бойынша Өнім берушілермен жеткізу шарттарын жасасуды, сондай-ақ Тапсырыс берушілерді дәрілік заттармен, медициналық мақсаттағы бұйымдармен қамтамасыз етуді жүзеге асыратын заңды тұлға.
      Ескерту. 1-тармаққа өзгеріс енгізілді - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

2-тарау. Шарттың мәні

      2. Төменде санамаланған құжаттар және оларда келісілген талаптар Осы Шартты құрайды және оның ажырамас бөлігі болып табылады, атап айтқанда:
      1) Осы Шарт;
      2) сатып алынатын тауарлардың ерекшеліктері (Шартқа 1-қосымша);
      3) беру кестесі (Шартқа 2-қосымша).
      Бірыңғай дистрибьютор осы Шартқа қосымшаларға сәйкес тауарды жеткізуді (ММ үшін бюджеттік бағдарламаларға/ерекшеліктерге сәйкес тауарлардың атауы көрсетілсін), ал Тапсырыс беруші оны қабылдауды және Шартта белгіленген шартқа сәйкес төлеуді міндетіне алады.
      Тараптар осы Шартта жасау және орындау үшін барлық өкілеттілікке ие екендігін, үшінші тұлғаның талаптары қиын соқпайтынын және кейіннен үшінші тұлға тарапынан даулар туындаған жағдайда оларды өздігінен реттейтіндігін хабарлайды және кепілдік береді.

3-тарау. Тараптардың міндеттері

      3. Бірыңғай дистрибьютор:
      Тауарды Тапсырыс берушінің өтініміне сәйкес санда және сапада және Шарттың ажырамас бөлігі болып табылатын (Шартқа 1-қосымша) сатып алынатын тауарлардың ерекшеліктерінде көзделген баға бойынша беруге;
      Тауарды Шарттың ажырамас бөлігі болып табылатын (Шартқа 2-қосымша) беру кестесіне сәйкес беруге. Кестеде беру тізімі және әрбір атаудың саны көрсетілуі тиіс;
      ілеспе құжатта дәрілік заттардың, медициналық мақсаттағы бұйымдардың әрбір атауы мен партиясының (сериясының) қауіпсіздігі және сапасы туралы қорытындының нөмірі мен жарамдылық мерзімін көрсету;
      Бірыңғай дистрибьютор Тапсырыс берушінің келісімі бойынша тауарды уақытынан бұрын беруді жүзеге асыруға міндетті.
      Тапсырыс беруші:
      Берілген тауарды Тапсырыс берушінің өтініміне сәйкес санда және сапада қабылдауға;
      Берілген тауарды беру кестесіне сәйкес қабылдауға;
      Тауарға осы Шартта көрсетілген шарттарға сәйкес төлем жүргізуге;
      Бірыңғай дистрибьюторға берілген тауардың сәйкес еместігі анықталғаннан кейін 24 сағаттан кешіктірмей алынған тауардың сапасына байланысты барлық дауларды жазбаша түрде шұғыл хабарлауға міндетті.
      Ескерту. 3-тармаққа өзгеріс енгізілді - ҚР Үкіметінің 16.09.2013 N 964 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

4-тарау. Шарттың сомасы және төлемі

      4. Шарттың сомасы____теңгені құрайды.
      Осы шарт бойынша тауардың төлемі мынадай жолмен жүргізіледі:
      1) мемлекеттік мекеменің ұйымдық-құқықтық нысанындағы тапсырыс беруші Шарт күшіне енген күннен бастап 10 банктік күн ішінде шарт сомасының 50 пайызынан аспайтын мөлшерде, өзге ұйымдық-құқықтық нысандағы тапсырыс берушілер шарт сомасының кемінде 30 пайыз мөлшерінде алдын ала төлем жүргізеді;
      2) одан кейінгі төлемдер бірыңғай дистрибьютордың шот-фактураны беруі негізінде 10 банктік күн ішінде жеткізу фактісі бойынша Шарт сомасынан алдын ала төлемдерге барабар жүргізіледі.
      Салықтар және басқа да міндетті төлемдерді бюджетке Қазақстан Республикасының салық заңнамасына сәйкес тиісті Тараптар - салық төлеушілер төлеуі тиіс.
      Осы Шарт бойынша сома сатып алу үшін бөлінген сомаға тең немесе одан артық болмайды.
      Ескерту. 4-тармаққа өзгерістер енгізілді - ҚР Үкіметінің 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

5-тарау. Тауарды беру және қабылдау шарттары

      5. Тауарды беру оның белгіленген соңғы пунктке тасымалдау уақытына олардың бұзылуын немесе бүлінуін болдырмауы, тауардың қаптамасын қамтамасыз етуі тиіс. Қаптама қандай да бір шектеулерсіз қарқынды көтергіш көлік өңдеуіне және тасымалдау кезіндегі экстремалды температураның, тұз бен жауын-шашынның, сондай-ақ ашық сақтаудың әсеріне төзуге тиіс.
      Қаптама және ыдыстарды таңбалау, сондай-ақ құжаттаманың іші және сырты Қазақстан Республикасындағы қолданыстағы заңнамамен анықталған арнайы талаптарға сәйкес болуы тиіс.
      Тауарды саны және сапасы бойынша қабылдау тапсырыс берушінің және бірыңғай дистрибьютордың өкілдері берген сәтте жүргізеді, қабылдау нәтижелері тауарды қабылдау-тапсыру актісі бойынша ресімделеді. Жеткізу сәтінде бірыңғай дистрибьютор мен тапсырыс берушінің өкілдері тауарларды тиісті түрде қабылдау үшін сенімхат пен жеке басты куәландыратын құжат көшірмесінің болуын қамтамасыз етуі тиіс. Беру күні тауарды қабылдау-тапсыру актісін толтыру күні болып саналады. Шарт бойынша берілетін тауар мыналар бойынша бірыңғай дистрибьютор тапсырды және тапсырыс беруші қабылдады деп саналады:
      1) саны бойынша: тауарды қабылдау-тапсыру актісінде көрсетілгенге сәйкес;
      2) сапасы бойынша: техникалық ерекшелікте (Шартқа 1-қосымша) және ілеспе құжатта көрсетілген өнімнің әрбір атауының және дәрілік зат, медициналық мақсаттағы бұйым партиясының (сериясының) қауіпсіздігі және сапасы туралы қорытындының нөмірі мен жарамдылық мерзімі.
      Бірыңғай дистрибьютордың уәкілетті өкілінен тауарды қабылдау кезінде Тапсырыс берушінің уәкілетті өкілі оны саны мен сапасы бойынша қабылдауды жүзеге асырады. Тауарды жеткізген күні Тараптардың өкілдері тауардың саны мен сапасын тексереді. Тапсырыс беруші бірыңғай дистрибьютордан тауар жеткізілген кезден бастап үш жұмыс күнінен кешіктірмей тауардың ілеспе құжаттарына қол қояды және оларды толық көлемде бірыңғай дистрибьютордың уәкілетті өкіліне береді.
      Жеткізілген тауардың саны және сапасы бойынша ілеспе құжаттарға сәйкессіздігі анықталған жағдайда, бұл сәйкессіздіктер қабылдау-беру актісінде көрсетіледі. Тапсырыс беруші тауарды қабылдау-беру актісіне қол қойғаннан кейін 24 сағаттан кешіктірмей алынған тауарлардың сапасына байланысты барлық наразылықтары туралы жазбаша шұғыл түрде бірыңғай дистрибьюторға хабарлауға тиіс. Бұл ретте бірыңғай дистрибьютор тапсырыс берушінің жеткізілген тауарға барлық ескертулерін 30 (отыз) жұмыс күні ішінде жоюға міндеттенеді, олай болмаған жағдайда осы Шарттың 6-тармағына сәйкес тапсырыс беруші бірыңғай дистрибьютордың әрекетін тауарды уақтылы жеткізбеуі ретінде бағалайтын болады;
      Бірыңғай дистрибьютор Тапсырыс берушінің хабарламасын алғаннан кейін келесі күннен кешіктірмей (егер хабарламада өзге мерзім көрсетілмесе) тауардың саны мен сапасын тексеруге қатысу үшін өзінің өкілін жіберуге тиіс.
      Жеткізілетін тауарды немесе оның бөліктерін ауыстыруға осындай тауардың бағасы, көлемі және мерзімі сақталған (төмендеген) жағдайда, Тараптардың келісімі бойынша рұқсат етіледі.
      Тапсырыс беруші тауарды қабылдаудан бас тартқан жағдайда тауарды қабылдаудан бас тарту туралы акт жасалады, бұл жағдайда тауарды беру күні тауар құжаттамасында көрсетілген күн болып саналады. Тапсырыс берушінің тарапынан бас тарту туралы актіге бірінші басшы немесе оның міндетін атқарушы адам немесе тапсырыс беруші басшысының орынбасары; тауар қабылдауға жауапты адам қол қояды. Бірыңғай дистрибьютордың тарапынан бас тарту туралы актіге бірыңғай дистрибьютордың уәкілетті өкілі қол қояды. Бұл ретте тапсырыс беруші жеткізілген тауардың барлық көлеміне, оның ішінде тапсырыс беруші қабылдамаған тауарға ақы төлеуге міндеттенеді.
      Егер Шартты орындау барысында Бірыңғай дистрибьютор кез-келген мезетте тауарды уақтылы беруге кедергі келтіретін жағдайларға тап болатын болса, Бірыңғай дистрибьютор Тапсырыс берушіге жедел кідірту фактісі, оның болжалды ұзақтығы мен себебі (тері) туралы жазбаша хабарлама жіберуге тиіс. Бірыңғай дистрибьютордан хабарлама алғаннан кейін Тапсырыс беруші 5 жұмыс күні ішінде ахуалды бағалауы тиіс және Бірыңғай дистрибьютордың міндеттемелерді орындау мерзімін ұзартуы тиіс; мұндай жағдайда осындай ұзартуды Тараптар қосымша келісімге қол қою жолымен ресімдеуге тиіс.
      Жалпы жарамдылық мерзімі кемінде екі жыл болатын тауарды жеткізу сәтіндегі қалдық жарамдылық мерзімі жеткізу сәтіндегі жалпы жарамдылық мерзімінің кемінде отыз пайызын құрауы тиіс, жарамдылық мерзімі жеткізу жылынан кем емес тауар үшін беру сәтіндегі қалдық жарамдылық мерзімі кемінде сегіз айды құрауы тиіс, вакциналарды қоспағанда жалпы жарамдылық мерзімі кемінде екі жыл болатын тауарды жеткізу сәтіндегі қалдық жарамдылық мерзімі беру сәтіндегі жалпы жарамдылық мерзімінің кемінде қырық пайызын құрауы тиіс және жарамдылық мерзімі екі жылдан кем емес тауар үшін жеткізу сәтіндегі қалдық жарамдылық мерзімі кемінде он айды құрауы тиіс.
      Тапсырыс берушіге жеткізілетін, тауардың ауыспалы қалдығы болып табылатын, өнім берушіден бірыңғай дистрибьютордың қоймасына бұрын қабылданған қалдық жарамдылық мерзімі бар тауарды жеткізуге жол беріледі. Бұл ретте ауыспалы қалдық болып табылатын жеткізілген тауардың жарамдылық мерзімі аяқталған жағдайда бірыңғай дистрибьютор тапсырыс берушінің бірінші жазбаша талабы бойынша тауарды қалдық жарамдылық мерзімі бар ұқсасына алмастыруды өтеусіз жүргізеді:
      1) жарамдылық мерзімі екі жылдан кем болса - өндіруші көрсеткен жеткізу сәтінде жарамдылықтың жалпы мерзімінің отыз пайызынан кем емес;
      2) жарамдылық мерзімі кемінде екі жыл болса - өндіруші көрсеткен жеткізу сәтінде жарамдылықтың жалпы мерзімінің сегіз айынан кем емес.
      Тапсырыс беруші вакциналар және басқа иммундық-биологиялық препараттарды қоспағанда, барлық жеткізілетін тауар көлемін қабылдауға және оны бірыңғай дистрибьюторға өтеусіз негізде жауапты сақтауға тапсыруға міндеттенеді. Бірыңғай дистрибьютор жауапты сақтаудағы тауарды Шартқа 2-қосымшаға орай жеткізу кестесіне сәйкес немесе Шартта көрсетілген мерзімдерде босатады.
      Тапсырыс беруші жеткізілетін өнімнен медициналық ұйымның таратылуы, қайта құрылуы салдарынан бас тартқан жағдайда, тауарды жеткізуді жүзеге асырғанға дейін күнтізбелік 30 күннен кешіктірмей бас тарту туралы бірыңғай дистрибьюторды хабардар етуге міндетті.
      Тапсырыс берушінің бірыңғай дистрибьютордың алдын ала жазбаша келісімінсіз тараптардың заңды құқықтық мұрагерлерін қоспағанда, Шарт бойынша өзінің міндеттерін үшінші тұлғаларға беруге құқығы жоқ.
      Ескерту. 5-тармаққа өзгерістер енгізілді - ҚР Үкіметінің 2010.02.25 № 122; 2010.08.27 N 844 (қолданысқа енгізілу тәртібін 2-т. қараңыз), 2012.05.16 № 629 (алғашқы ресми жарияланған күнінен бастап қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

6-тарау. Тараптардың жауапкершілігі

      6. Шарт бойынша міндеттемелерді орындамағаны немесе тиісті орындамағаны үшін Тараптар Қазақстан Республикасының қолданыстағы заңнамасына сәйкес жауапты болады.
      Тараптар жауапкершіліктен еңсерілмейтін күш мән-жайлары туындаған жағдайда босатылады (форс-мажор мән-жайлары).
      Осы Шарттың мақсаттары үшін форс-мажор Тараптар жағынан бақылауға бағынбайтын, Тараптардың жаңсақтығына немесе салақтығына байланысты емес және күтпеген сипаттағы жағдайды білдіреді. Бұндай жағдайлар әскери іс-қимылдарды, табиғи және дүлей зілзалаларды, індеттерді, тауарды беруге карантинді және эмбаргоны қамтуы мүмкін, бірақ осындай әрекеттермен шектелуі мүмкін емес.
      Форс-мажор мән-жайлары пайда болған кезде, осы жағдай туындаған Тарап басқа Тарапқа осындай мән-жайлар және олардың себептері туралы жазбаша хабарлама жібереді және форс-мажор мән-жайлары пайда болған сәттен бастап күнтізбелік он күн ішінде олардың туындауын тиісті құжаттармен растайды. Мұндай жағдайда Шарттың әрекеті форс-мажор мән-жайлары аяқталғанға дейін тоқтатыла тұрады және Шарттың қолданылу мерзімі форс-мажор мән-жайлары әрекетінің мерзіміне сай ұзартылады. Хабарламау немесе уақтылы хабарламау Тарапты Шарт бойынша міндеттемелерді орындамағаны немесе тиісті орындамағаны үшін жауапкершіліктен босататын негіз ретінде жоғарыда көрсетілген кез келген мән-жайларға сүйену құқығынан айырады.
      Егер форс-мажор мән-жайлары күнтізбелік бір айдан асатын болса, Тараптар бұл туралы жазбаша келісім жасау жолымен Шарттың қолданылуын тоқтату туралы шешім қабылдауға құқылы. Бұл ретте Тараптар нақты берілген тауарға ғана өзара есеп жүргізеді.
      Форс-мажор жағдайларын қоспағанда, егер бірыңғай дистрибьютор тауарды жеткізу кестесін сақтамаған болса, тапсырыс беруші бірыңғай дистрибьюторды жазбаша нысанда хабардар еткеннен кейін өзінің басқа құқықтарына нұқсан келтірмей бірыңғай дистрибьютордың келісімін алғаннан кейін Шарт шеңберінде кешіктірілген әрбір күн үшін Шарт сомасынан уақтылы берілмеген тауар сомасының 0,2 % мөлшерінде аспайтын соманы бірақ уақтылы берілмеген тауар құнының 5 %-нан асырмай тұрақсыздық төлемі ретінде шегеруге құқылы.
      Егер тапсырыс беруші Шарттың 4-тармағында көзделген тауарға ақы төлеу тәртібін бұзса, Бірыңғай дистрибьютор Шарттың шеңберінде басқа құқықтарға залал келтірмей, Шарттың сомасынан Шарт бойынша уақтылы төленбеген соманың 0,02 %-ы, бірақ Шарт бойынша уақтылы төленбеген соманың 0,5 %-ынан аспайтын мөлшерде тұрақсыздық төлемі түрінде соманы шегеруге құқылы.
      Ескерту. 6-тармаққа өзгерістер енгізілді - ҚР Үкіметінің 2010.05.26 № 474 (қолданысқа енгізілу тәртібін 2-т. қараңыз), 2011.02.22 N 163, 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

7-тарау. Өтпелі ережелер

      7. Тараптардың басқа Тараптың алдын ала жазбаша келісімінсіз Шарттың немесе оның ережелерінің кез-келгенінің мазмұнын, сондай-ақ Тараптар немесе олардың атынан басқа тұлғалар ұсынған ақпаратты, осы Шартты орындау үшін Тараптар тартқан қызметкерлерді қоспағанда, біреуге ашуға құқығы жоқ. Көрсетілген ақпарат осы қызметкерге құпия және Шарт бойынша міндеттемелерді орындау үшін қажетті мөлшерде ұсынылуы тиіс.

8-тарау. Қорытынды ережелер

      8. Осы Шарт қол қойылған күнінен бастап не тапсырыс беруші оны Қазақстан Республикасының қолданыстағы заңнамасына сәйкес Қазақстан Республикасы Қаржы министрлігінің аумақтық қазынашылық бөлімшесінде міндетті түрде тіркегеннен кейін күшіне енеді.
      Шарт өз күшін мынадай жағдайларда жояды:
      1) Шарттың қолданылу мерзімінің өтуі;
      2) Тараптардың бірінің банкрот болып танылуы;
      3) Шарт бойынша міндеттемелердің тиісті түрде орындалуы. Шарттың қолданылуы тоқтатылған кезде тараптар өзара есептесудің салыстыру актісіне қол қояды.
      Тапсырыс беруші мен Бірыңғай дистрибьютор олардың арасындағы Шарт бойынша немесе онымен байланысты пайда болатын барлық келіспеушіліктер мен дауларды тікелей келіссөздер процесінде шешуге күш салуға тиіс. Барлық келіссөздер жазбаша хаттамалармен ресімделеді.
      Егер мұндай келіссөздер басталғаннан кейін 21 (жиырма бір) күн ішінде тапсырыс беруші мен бірыңғай дистрибьютор Шарт бойынша дауларды шеше алмаса, Тараптардың кез келгені Қазақстан Республикасының заңнамасына сәйкес бірыңғай дистрибьютордың орналасқан жері бойынша осы мәселенің шешімін талап ете алады.
      Шарт тараптардың әрқайсысы үшін бір-бірден мемлекеттік және орыс тілдерінде, заңды күші бірдей екі данада жасалады.
      Шарт бойынша қатынастар Қазақстан Республикасының қолданыстағы заңнамасының нормаларымен реттеледі.
      Шартқа сәйкес бір Тарап екінші Тарапқа жолдайтын кез келген хабарлама электрондық цифрлық қолтаңба қойылған электрондық құжат түрінде жасалады не кейіннен түпнұсқасын бере отырып хат, жеделхат немесе факс түрінде жіберіледі.
      Хабарлама жеткізілгеннен кейін немесе күшіне енетіні көрсетілген күні (егер хабарламада көрсетілген болса) осы күндердің қайсысы кейінірек келетініне байланысты күшіне енеді.
      Шартқа енгізілген барлық өзгерістер мен толықтырулардың егер олар жазбаша нысанда жасалған болса, оған тараптардың уәкілетті өкілдері қол қойса, тараптардың мөрімен расталса күші болады. Жеткізу орны тараптардың келісімі бойынша белгіленеді.
      Ақпаратты ұсыну 24 сағаттың ішінде деген сілтеме кездесетін жерде бүкіл Шарт бойынша Тараптар егер, 24 сағаттың өтуі сенбі, жексенбі немесе мемлекеттік мерекелерге сәйкес келсе, осы міндеттемелер жүктелген Тарап үшін мерзімнің аяқталуы автоматты түрде келесі жұмыс күніне ұзартылады деп өзара келісті.

      Тараптардың мекен-жайлары мен деректемелері:
      Ескерту. 8-тармаққа өзгерістер енгізілді - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 16.09.2013 N 964 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 04.07.2014 № 767 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулыларымен.

Дәрілік заттарды және  
медициналық мақсаттағы
бұйымдарды сатып алу шартына
1-қосымша         

Сатып алынатын тауарлардың ерекшелігі

      Ескерту. 1-қосымша жаңа редакцияда - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      Тараптардың мекенжайлары мен деректемелері:

Бірыңғай дистрибьютор мен         
Тапсырыс беруші арасындағы        
дәрілік заттарды сатып алу шартына
2-қосымша                         

Беру кестесі

      *- беру басталатын күнге байланысты толтырылады. Беру жоспарланбаған графаларда "0" немесе "-" қойылады.

      Тараптардың мекен-жайлары мен деректемелері:

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 10-қосымша                   

Әлеуетті өнім берушінің баға ұсынысының нысаны
(әлеуетті өнім берушінің атауы)
(әр лотқа жеке толтырылады)

Лот N__

_________________ М.О. __________________________
(қолы)                   (лауазымы, А.Т.Ә.)

      Ескертпе: әлеуетті өнім беруші жалпы бағаның құрамдас бөліктерін көрсетпеуіне болады, бұл ретте осы жолда көрсетілген бағаны Комиссия әлеуетті өнім беруші барлық шығындарды ескере отырып анықтаған баға ретінде қарайды.

Тегін медициналық көмектің             
кепілдік берілетін көлемін             
көрсету бойынша дәрілік заттарды,      
профилактикалық (иммундық-биологиялық, 
диагностикалық, дезинфекциялық)        
препараттарды, медициналық мақсаттағы  
бұйымдарды және медициналық техниканы, 
фармацевтикалық қызметтерді сатып алуды
ұйымдастыру және өткізу                
ережесіне 11-қосымша                   

Беру үлгі шарты

      Ескерту. 11-қосымшаға өзгеріс енгізілді - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

_________ қ.       N_________   20__ жылғы "__" ______________

Бұдан әрі "Сатып алушы" деп аталатын ________________________ атынан,
_____________________________________________ негізінде әрекет ететін
_________________________________________________________________
бір тараптан және бұдан әрі "Өнім беруші" деп аталатын
_____________________________________________________________ атынан,
_____________________________________________ негізінде әрекет ететін
_____________________________________________ екінші тараптан, бұдан
әрі бірлесіп "Тараптар" деп аталатын төмендегі туралы осы беру шартты
(бұдан әрі - Шарт) жасасты:

1. Шарттың мәні

      Өнім беруші Сатып алушыға Шартқа 1-қосымшада көрсетілген саны, бағасы бойынша, қабылдау орны мен мерзімінде тізбеге сәйкес дәрілік заттарды, медициналық мақсаттағы өнімдерді (бұдан әрі - өнім) жеткізіп беруге міндеттенеді және Сатып алушы Шарттың талаптарына қарай өнімді қабылдауға және құнын төлеуге міндеттенеді.

2. Шарттың құны

      1. Шарттың құны ____ теңгені құрайды. Осы Шарт бойынша жеткізілетін өнім бірлігінің құны теңгемен Шартқа 1-қосымшада көрсетілген.
      2. Шарттың құнына салықтар, алымдар және Қазақстан Республикасының заңнамасымен көзделген басқа да міндетті төлемдер, өнімді орауға және таңбалауға арналған шығындар, сондай-ақ Өнім берушінің өнімді Сатып алушыға беруге байланысты барлық шығыстары жатады.
      3. Шарттың құны мен өнімнің бір бірлігінің құны белгіленіп қойылады және Тараптардың Шарт бойынша өз міндеттемелерін толық орындағанына дейін көбейту жағына қарай өзгертуге жатпайды.
      3-1. Қазақстан Республикасының 2009 жылғы 30 қазандағы № 1729 қаулысымен бекітілген Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесінің 136 және 138-тармақтарына сәйкес медициналық ұйымдар (тапсырыс берушілер) сатып алатын дәрілік заттардың, медициналық мақсаттағы бұйымдардың көлемі азайған жағдайда, заңнамада белгіленген тәртіппен тиісті бюджеттер бекітілгеннен кейін, Шартқа да жеткізу көлемінің тиісті азаюы бойынша және Шарт сомасына шамалас өзгерістер енгізіледі.
      Ескерту. 11-қосымша 3-1-тармақпен толықтырылды - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

3. Төлем тәртібі

      Ескерту. 3-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      4. Шарт бойынша жеткізілген өнім үшін төлемді Сатып алушы теңгемен жүргізеді. Өнімнің әр партиясы үшін төлем мерзімі осы Шарттың 2-тармағының 3-бөлігінде көрсетілген құжаттар алынған және қол қойылған күнінен бастап 90 (тоқсан) банк күнінен аспауы тиіс.
      Ескерту. 4-тармаққа өзгерту енгізілді - ҚР Үкіметінің  2010.08.27 N 844 (қолданысқа енгізілу тәртібін 2-т. қараңыз) Қаулысымен.
      5. Шарт бойынша төлем Сатып алушыға өнімді жеткізгенін растайтын мына құжаттардың тиісті ресімделген (Шартқа міндетті түрде сілтеме жасалуға тиіс) түпнұсқаларын уақтылы тапсырған кезде жүргізіледі:
      1) Өнім берушінің шот-фактурасы;
      2) қауіпсіздігі және сапасы туралы қорытындының нөмірі мен қолданылу мерзімі көрсетілген тараптарға тауарды босату жүкқұжаты;
      3) Сатып алушының немесе оның заңды өкілінің өнімді саны мен сапасы бойынша қабылдағаны туралы белгісі бар Өнім берушінің тауар-көліктік жүкқұжаты;
      4) Сатып алушының немесе оның заңды өкілінің саны мен сапасы бойынша өнімді қабылдағаны туралы белгісі бар Өнім берушінің қаптама қағазы;
      5) қабылдау-беру орнында жасалған, Тараптардың немесе олардың заңды өкілдері белгі қойған қабылдау-беру актісі;
      6) Тараптар қол қойған өзара есеп айырысудың салыстыру актісі (бұл құжатты өнім беруші өнімнің соңғы партиясымен ұсынады).
      Ескерту. 5-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

4. Өнімді орау және таңбалау

      Ескерту. 4-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      6. Тиеуді қоса алғанда, өнім сатып алушыға оны тиеу, темір жол және/немесе автомобиль көлігі арқылы тасымалдау, ауыстырып, түсіру кезінде өнімді бүлінуден сақтауды қамтамасыз ететін паллеттерде, тиісті қаптамада жеткізілуі тиіс.
      Ескерту. 6-тармақ жаңа редакцияда - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      7. Өнімді орау және таңбалау шарттары Шартқа 2-қосымшаның талаптарына сәйкес келуі тиіс.

5. Ерекше жағдайлар

      Ескерту. 5-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      8. Шартты орындауды қамтамасыз ету мақсатында Өнім беруші Сатып алушыға 1-тармақтың 2-бөлігінде белгіленген Шарттың құнынан 3 %-ы мөлшерінде Шарт бойынша өз міндеттемелерін сапалы және уақтылы орындауға осы Шартқа қол қойылған күнінен бастап 10 (он) жұмыс күні ішінде кепілдік қамтамасыз етуді ұсынады.
      9. Өнім беруші күн сайын Сатып алушыға қабылдау-тапсыру актісіне қол қойылғанға дейін осы Шарттың барлық орындалу сатылары (өндіру, сақтау, тиеу) туралы ақпарат беріп отыруға міндетті.
      10. Өнімді тиеуді бастауға 24 сағат қалғанда Өнім беруші Сатып алушыға мынаны көрсете отырып, жазбаша түрде факс немесе телекс арқылы алдағы тиеу туралы ақпарат беруге міндетті:
      Шарттың нөмірі мен күнін;
      берілетін Өнімнің атауын;
      көліктің нөмірін (вагонның, контейнердің);
      тиеу күнін;
      орындар саны мен салмағын;
      тиелген өнімнің құнын.
      11. Өнім тиелгеннен кейін күнтізбелік үш күннен кешіктірмей және сатып алушының қоймасына тауардың нақты келген күнінен кешіктірмей өнім беруші сатып алушыға осы Шарттың 3-бөлімінің 5-тармағында көрсетілген тиеуге қатысты құжаттарды толық көлемде ұсынуға міндетті. Көрсетілген құжаттар Қазақстан Республикасының қолданыстағы заңнамасының талаптарына сәйкес келуі тиіс. Сатып алушының немесе оның ресми өкілінің талабы бойынша Сатушы күнтізбелік 3 (үш) күннен кешіктірмей көрсетілген құжаттарға жасалған ескертулерді жоюы тиіс.
      Ескерту. 11-тармақ жаңа редакцияда - ҚР Үкіметінің 16.09.2013 N 964 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      12. Өнімді беру күні болып Шартқа 1-қосымшада көрсетілген жеткізу орнында Тараптар арасында қабылдау актісі жасалған күн болып саналады.
      13. Шарт бойынша жеткізілетін өнім:
      1) екі тарап қол қойған өнімді қабылдау-беру актісінде көрсетілген саны бойынша;
      2) егер оны ұсыну Қазақстан Республикасының заңнамасына сәйкес міндетті болса, өнімнің қауіпсіздігі мен сапасын растайтын құжатта және өнімнің шыққан елін куәландыратын құжатта көрсетілген сапаға сәйкес сапасы бойынша өнім беруші тапсырған және сатып алушы қабылдаған болып саналады.
      Ескерту. 13-тармақ жаңа редакцияда - ҚР Үкіметінің 16.09.2013 N 964 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
      14. Сатып алушы немесе оның заңды өкілі өнімнің жетіспеушілігін, жиынының толық еместігін немесе тиісті сапасының болмауын анықтаған жағдайда, анықталған сәттен бастап 24 сағаттан кешіктірмей Өнім берушіге өнімнің санын, жиынының толықтығын және сапасын тексеруге қатысу үшін өзінің өкілін жіберуді ұсынып факсимильді байланыспен хабарлама жіберуге тиіс.
      15. Өнім беруші Сатып алушының шақыруын алғаннан кейін Шарттың 7-тармағындағы 5-бөлікте көзделген келесі күннен кешіктірмей (егер хабарламада басқа мерзім көрсетілмесе) өнімнің санын, жиынының толықтығын және сапасын тексеруге қатысу үшін өзінің өкілін жіберуге міндетті. Өнімнің жетіспеушілігін, жиынының толық еместігін және тиісті сапасының болмауын бірлесіп тексеру нәтижесі бойынша ескертулерді жою үшін мерзімдері (15 күнтізбелік күннен артық емес) көрсетіле отырып, екі Тарап қол қоятын тексеру актісі жасалады.
      16. Шарттың 7-тармағының 5-бөлігінде белгіленген мерзімде Өнім берушінің уәкілетті өкілі келмеген жағдайда, Сатып алушы Шарттың 10-тармағында белгіленген тәртіппен кейіннен оны Өнім берушіге жіберу арқылы ескертулерді жою үшін мерзімдерін (15 күнтізбелік күннен артық емес) көрсете отырып, Өнімнің жетіспеушілігін, жиынының толық еместігін және тиісті сапасының болмауын бір жақты тексеру актісін жасайды. Өнім беруші Шарттың 8-тармағында көзделген, актіде көрсетілген ескертулерді жоймаған жағдайда, Сатып алушы Шарттың 1-тармағының 7-бөлігіне сәйкес Өнім берушінің әрекетін өнімді уақтылы жеткізбеу ретінде бағалайтын болады.
      17. Бұрын Тараптар қабылдау-тапсыру актісіне қол қойған, Сатып алушы немесе оның заңды өкілі сақтау орнына қабылдап алған өнімде ақаулар анықталған жағдайда Сатып алушы немесе оның заңды өкілдері 3 жұмыс күні ішінде Өнім берушіге жазбаша хабарлауы тиіс және Өнім беруші өкілінің өнімді сақтау орнына кедергісіз кіруін қамтамасыз етуі тиіс.
      18. Сатып алушы немесе оның заңды өкілі өнімде ақауларды анықтаған жағдайда, егер осы алмастыру өнімнің сапасы мен басқа техникалық сипаттамасының төмендеуіне алып келмейтін болса және техникалық әзірлемелерге сай келетін болса Өнім беруші бұзылған және/немесе ақаулы өнімді тегін алмастыруы тиіс. Өнім беруші өз еркімен ақау анықталған күнінен бастап 10 күнтізбелік күннен кешіктірмей, Өнім қабылданған сақтау орнынан барлық ақауы бар өнімді толығымен алуды (қайтаруды) қамтамасыз етуге міндетті.
      19. Өнім беруші Сатып алушының жеткізілген өнімге жасаған ескертулерін 15 күнтізбелік күн ішінде жоюға міндеттенеді, олай болмаған жағдайда осы Шарттың 1-тармағының 7-бөлігіне сәйкес Сатып алушы өнім берушінің әрекетін тауарды уақтылы жеткізбеу ретінде бағалайтын болады.

6. Өнімге берілетін кепілдіктер

      Ескерту. 6-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      20. Өнім беруші өнімге берілетін таңбаға немесе өзге де танып айыратын деректеріне сай оның жарамдылық мерзімі ішінде өнімнің барлық көлеміне кепілдік береді.
      21. Кепілдік мерзімі шеңберінде Өнім беруші өз есебінен және тәуекелінен Сатып алушыдан кепілдік міндеттемелерін орындау жағдайының туындағаны туралы жазбаша хабарлама алған сәттен бастап 15 (он бес) күнтізбелік күн ішінде денсаулық сақтау ұйымындағы сапасыз өнімді алмастыруды жүзеге асыруға міндеттенеді.
      22. Жеткізілетін өнімнің сапасы МЕМСТ-қа, ОСТ-қа, өнімге берілетін техникалық шарттарға сәйкес келуі және тиісті құжаттамамен расталуы тиіс.
      23. Өнім беруші Сатып алушыға өзі жеткізген өнімнің үшінші бір тұлғалардың кез келген құқығынан және тәуелдіктерінен еркін екеніне және еркін болатынына кепілдік береді.
      24. Жарамдылық мерзімі кемінде екі жыл тауарды беру сәтіне қалдық жарамдылық мерзімі беру сәтіне жалпы жарамдылық мерзімінен кемінде алпыс пайызды құрауы тиіс. Жарамдылық мерзімі екі жылдан артық өнім үшін беру сәтіне қалдық жарамдылық мерзімі кемінде он төрт айды құрауы тиіс.

7. Міндеттемелерді бұзғаны үшін жауапкершілік

      Ескерту. 7-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      25. Өнім беруші беру, жеткізілген өнімді алмастыру мерзімін немесе ескертулерді жою мерзімін бұзған жағдайда, Өнім беруші мерзімі өткен әр күн үшін мерзімінде жеткізілмеген өнім сомасының 0,2 %-ы мөлшерінде, бірақ өнімнің құнынан 20 % артық емес өсімақы төлейді. Өсімақыны төлеу Өнім беруші Сатып алушыдан тиісті шотты алған сәттен бастап 7 (жеті) күнтізбелік күн ішінде жүргізіледі.
      Ескерту. 25-тармаққа өзгерту енгізілді - ҚР Үкіметінің 2010.05.26 № 474 (қолданысқа енгізілу тәртібін 2-т. қараңыз) Қаулысымен.
      26. Өнім беруші барлық өнімді немесе бір бөлігін беруден бас тартқан жағдайда, ол Сатып алушыға осы Шарттың сомасының 10 %-ы мөлшерінде бір реттік айыппұл төлеуге міндетті. Сатып алушы бір реттік айыппұл төлеуге шотты Шартқа 1-қосымшада көрсетілген өнімді берудің соңғы күнінен кейін 10 (он) күнтізбелік күн ішінде өнімді беру орындалмаған жағдайда берілуі мүмкін.
      27. Сатып алушы Өнім берушіге өсімақы және/немесе айыппұл төлеу үшін берген шот, өсімақы және/немесе айыппұл төлеу және жеткізілген өнімге төлем жасау бойынша біртектес екі жақты талаптарды есептеуді жүргізу мақсатында өзара есеп айырысуды салыстыру актісіне енгізілуі мүмкін.
      28. Сатып алушы осы Шарттың 8-тармағына сәйкес шартты орындауды қамтамасыз ету сомасын Шарттың 25 және 26-тармақтарына сәйкес өсімпұл және/немесе айыппұл сомалары бойынша Өнім берушінің міндеттемелерін өтеу шотына ұстауға құқылы.
      Ескерту. 28-тармақ жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      29. Сатып алушы өнім берушіге тиісті жазбаша хабарлама жіберу арқылы (Өнім беруші жеткізу мерзімін бұзған жекелеген дәрілік заттар мен медициналық мақсаттағы бұйымдарды жеткізуге қатысты):
      1) өнім жеткізу мерзімін кешіктіру күнтізбелік 30 (отыз) күннен асқан және (немесе) өсімпұл және (немесе) айыппұл төлеуді кідірту күнтізбелік 15 (он бес) күннен асқан;
      2) шартты орындауды қамтамасыз етуді Өнім беруші Ереженің 139-тармағының талаптарын бұза отырып ұсынған жағдайларда, Өнім берушіге қандай да бір залал мен шығындарын өтемей шартты бір жақты тәртіппен толықтай немесе ішінара бұзуға (шартты орындаудан бас тартуға) құқылы.
      Өнім беруші шартты біржақты тәртіппен бұзу (Шартты орындаудан бас тарту) себебі туралы күші жойылатын шарттық міндеттемелердің көлемі, сондай-ақ Шартты бұзудың күшіне енуінің отыз күннен аспайтын күні көрсетілген Сатып алушының тиісті жазбаша хабарламасын алған күннен бастап Шартты бұзу күшіне енген күн өткен соң Шарт толықтай немесе ішінара бұзылды деп саналады. Сатып алушы жекелеген өнімді жеткізуге қатысты ішінара Шартты біржақты тәртіппен бұзған кезде тараптардың Шарттың қалған бөлігі бойынша міндеттемелері тоқтатылмайды.
      Ескерту. 29-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      30. Жеткізілген өнімге төлемді негізсіз кідірткен жағдайда, Сатып алушы Өнім берушінің жазбаша хабарламасының негізінде Өнім берушіге кешіктірілген әр күні үшін берешек сомасының 0,1% мөлшерінде, бірақ берешек сомасының 5%-ынан аспайтын өсімпұл төлейді.
      Ескерту. 30-тармақ жаңа редакцияда - ҚР Үкіметінің 2011.08.31 № 983 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
      31. Өсімақы немесе айыппұл төлеу Тараптарды Шарт бойынша өздерінің міндеттемелерін орындаудан босатпайды.
      32. Өнім беруші Шарттың 5-бөлігінің 8-тармағында белгіленген міндеттемелерді уақтылы немесе толық орындамаған жағдайда, Сатып алушы Шартты біржақты тәртіппен бұзуға құқылы. Бұл ретте мұндай бұзу туралы қандай да бір қосымша келісімнің болуы талап етілмейді.
      Ескерту. 32-тармақ жаңа редакцияда - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      32-1. Өнім беруші сақтау орнынан өнімнің ақауы бар барлық партиясын ауыстыру және/немесе толық алып кою (қайтару) жөніндегі міндеттемелерін бұзған жағдайда, өнім беруші сатып алушыға осы шарт бойынша сақтау орнынан өнімнің сапасыз (зақымданған және/немесе ақауы бар) барлық партиясын ауыстыру және/немесе толық алып қою (қайтару) жөніндегі міндеттемелерін бұзған әр күні үшін ауыстыруға, алып қоюға (қайтаруға) жататын өнімнің құнының 1%-ы мөлшерінде өсімақы төлейді.
      Ескерту. 7-тарау 32-1-тармақпен толықтырылды - ҚР Үкіметінің 2012.05.16 № 629 (алғашқы ресми жарияланған күнінен бастап қолданысқа енгізіледі) Қаулысымен.

8. Еңсерілмейтін күш мән-жайлары (форс-мажор)

      Ескерту. 8-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      33. Тараптар Шарт бойынша өздерінің міндеттемелерін толықтай немесе ішінара орындамағаны үшін жауапкершіліктен босатылады, егер бұл еңсерілмейтін күш мән-жайларының салдарынан болса (топан су, жер сілкіну, тыйым салатын не қандай да бір себептерден жұмыстың орындалуына кедергі келтіретін мемлекеттік органдардың нормативтік актілерінің немесе өкімдерінің шығуы), бұл мән-жайлар кез келген Тараптардың Шарт бойынша өз міндеттемелерін орындауына мүмкіндік бермесе.
      34. Шарт бойынша міндеттемелерді орындау мерзімі еңсерілмейтін күш мән-жайлары әрекет еткен, сондай-ақ осы мән-жайлардан туындаған жағдайлар болатын уақытқа дейін ұзартылады.
      35. Еңсерілмейтін күш мән-жайлары пайда болған кезде осындай жағдай туындаған кез келген Тарап басқа Тарапқа 5 (бес) күнтізбелік күн ішінде осы мән-жайлар туралы жазбаша хабарлама жібереді. Осы мән-жайлар Қазақстан Республикасының мемлекеттік уәкілетті органымен немесе Қазақстан Республикасының Сауда палатасымен расталуы тиіс.
      36. Хабарламау немесе уақтылы хабарламау Тарапты Шарт бойынша міндеттемелерді орындамағаны үшін жауапкершіліктен босататын негіз ретінде жоғарыда көрсетілген кез келген мән-жайларға сүйену құқығынан айырады.
      37. Егер Тараптардың міндеттемелерін толықтай немесе ішінара орындай алмау мүмкіндігі 2 (екі) айдан артық болса, онда Тараптар Шартты бұзуға және өзара есеп айырысуға құқылы.

9. Дауларды шешу тәртібі

      Ескерту. 9-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      38. Тараптар арасында туындаған барлық даулар мен келіспеушіліктер Шарт бойынша келіссөздер жолымен шешіледі.
      39. Тараптар арасындағы даулар мен келіспеушіліктерді келіссөздер жолымен шешу мүмкін болмаған жағдайда, кез келген Тарап осы мәселені Қазақстан Республикасының заңнамасына сәйкес Сатып алушының орналасқан орны бойынша шешуді талап ете алады.
      40. Осы Шартпен реттелмеген Тараптардың өзара қарым-қатынастары Қазақстан Республикасының заңнамасымен реттеледі.

10. Хат-хабарлар

      Ескерту. 10-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      41. Шарт бойынша барлық коммуникативтік құжаттарда Шарттың нөмірі көрсетілген Тараптардың деректемелері болуы тиіс.
      42. Шарт бойынша Тараптардан талап етілетін кез келген хабарлама немесе мәлімдеме жазбаша түрде беріледі және тапсырыс хатпен немесе курьер қызметінің көмегімен жіберіледі. Жедел болған жағдайда көрсетілген хат-хабар кейіннен оны міндетті түрде тапсырыс хат немесе курьер қызметінің көмегімен жіберу арқылы, оның жеткізілгенін тіркеуді қарастыратын факс, электрондық почта немесе басқа да телекоммуникациялық байланыс құралдары арқылы берілуі мүмкін.
      43. Шарт бойынша хат-хабар Тараптарға немесе олардың заңды өкілдеріне Шартқа 3-қосымшада көрсетілген деректемелер бойынша жіберілуі тиіс.
      44. Тапсырыс хатпен немесе курьер қызметінің көмегімен жіберілген хат-хабар екінші Тарапта почта бөлімшесінің немесе курьер қызметінің оны жеткізгенін растайтын мөртабаны бар хабарламасы болса, хат-хабар жіберілген Тарап оны алған күні (сағатта) жеткізілген болып саналады. Хат-хабардың жеткізілуін тіркеуді қарастыратын факс, электрондық почта немесе өзге де телекоммуникациялық байланыс құралдары арқылы жіберілген хат-хабар Шарттың 2-тармағы 10-бөлігінің талаптары сақталған жағдайда, Тарапқа оның берілген күнінде (сағатта) жеткізілген болып саналады.

11. Өзге де жағдайлар

      Ескерту. 11-бөлімге өзгерту енгізілді - ҚР Үкіметінің 2010.02.25 № 122 Қаулысымен.

      45. Егер Өнім беруші банкрот немесе төлеуге қабілетсіз болса, онда Сатып алушы Өнім берушіге тиісті хабарлама жіберу арқылы Шартты бір жақты тәртіппен бұзуға құқылы.
      46. Сатып алушы болжалды бұзу күнінен 30 күнтізбелік күн бұрын Өнім берушіге тиісті хабарлама жіберу арқылы Шартты бір жақты тәртіппен бұзуға құқылы. Хабарламада Шартты бұзу себебі, күшін жойған шарттық міндеттемелердің көлемі жазылуы тиіс, сондай-ақ Шартты бұзудың күшіне енетін күні көрсетілуі тиіс.
      47. Сатып алушы Шарттың 2-тармағы 11-бөлігінің талаптарын сақтаған жағдайда, Өнім беруші Шартты бұзуға байланысты іс жүзіндегі шығыстар үшін ақы төлеуді ол бұзылған күні талап етуге құқылы.
      Шарттың ажырамас бөлігі:
      1) N 1-қосымша - жеткізілетін өнім тізбесі;
      2) N 2-қосымша - өнімнің қаптамасына және таңбасына қойылатын талаптар;
      3) N 3-қосымша - Қазақстан Республикасының өңірлеріндегі Сатып алушының заңды өкілдерінің тізімі.
      48. Шартқа жасалған барлық өзгерістер мен толықтырулар, егер олар жазбаша нысанда, Тараптардың осыған уәкілетті өкілдерінің қолы қойылса, және Тараптардың мөрлерімен куәландырылса олардың күші болады.
      49. Тараптардың заңды құқық иеленушісін қоспағанда, Өнім беруші Сатып алушының оған алдын ала жазбаша келісімі болмаса, өзінің Шарт бойынша міндеттерін үшінші тұлғаларға беруге құқығы жоқ.
      50. Кез келген Тараптың заңды мекен-жайлары және басқа да деректемелері өзгерген жағдайда, ол осындай өзгерістер сәтінен бастап 5 (бес) жұмыс күні ішінде екінші Тарапты бұл туралы жазбаша хабардар етуге міндетті.
      51. Шарт Өнім берушіге және Сатып алушыға бір данадан 2 данада жасалды.
      52. Шарт қол қойылған күнінен бастап күшіне енеді және 200__ жылғы 31 желтоқсанға дейін, өзара есеп айырысу бөлігінде оларды Тараптар толық орындағанға дейін қолданылады.
      53. Ақпаратты ұсыну 24 сағаттың ішінде деген сілтеме кездесетін жерде бүкіл Шарт бойынша Тараптар егер, 24 сағаттың өтуі сенбі, жексенбі немесе мемлекеттік мерекелерге сәйкес келсе, осы міндеттемелер жүктелген Тарап үшін мерзімнің аяқталуы автоматты түрде келесі жұмыс күніне ұзартылады деп өзара келісті.
      Ескерту. 11-қосымша 53-тармақпен толықтырылды - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

12. Заңды мекен-жайлары, банк деректемелері
және Тараптардың қолдары

Жеткізу үлгі шартына
1-қосымша    

Жеткізілетін өнімнің тізбесі

      Ескерту. 1-қосымша жаңа редакцияда - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      Ерекше жағдайлар:
      1. __________________
      2. __________________
      3. __________________

Беру үлгі шартына
2-қосымша        

Өнімнің қаптамасына және таңбасына қойылатын талаптар

      1. Әрбір жәшіктің немесе қаптаманың сыртқы жағында қаптама қағазының көшірмесі бар су өткізбейтін қағаздан жасалған конверт жапсырылады. Конверт жәшікке бекітілетін метал пластинкамен жабылуы тиіс. Қаптама қағаздың екінші көшірмесі өнім салынған жәшікке салынуы тиіс. Егер өнім қаптамасыз жіберілетін болса, онда конверт өнімнің тікелей жұмыс істемейтін бөліктеріне бекітіледі.
      2. Егер техникалық құжаттама көзделген болса, атап айтқанда өнімді пайдалану жөніндегі нұсқаулар өнім салынған жәшікке немесе қаптамаға қажет жеріне салынады.
      3. Таңба өнімі бар әрбір жәшіктің немесе қаптаманың үш жағынан (әр жәшіктің қақпағына, алдыңғы және сол жағына) жуылмайтын бояумен орыс тілінде жазылады. Өнімі бар әрбір жәшік мынадай үлгіде таңбалануы тиіс:
      Жіберушінің атауы - ____________________
      Алушының атауы - хххххххххххх
      - шарт N
      - брутто салмағы - _____________________
      - таза салмағы - _______________________
      - жәшік немесе қаптама N __________________________

Беру үлгі шартына
3-қосымша        

Қазақстан Республикасының өңірлеріндегі
Сатып алушының заңды өкілдерінің тізімі

Тегін медициналық көмектің 
кепілдік берілген көлемін  
көрсету бойынша дәрілік   
заттарды, профилактикалық  
(иммундық-биологиялық,    
диагностикалық, дезинфекциялық)
препараттарды, медициналық  
мақсаттағы бұйымдар мен    
медициналық техниканы,    
фармацевтикалық қызметтерді 
сатып алуды ұйымдастыру және 
өткізу ережесіне      
12-қосымша         

      Ескерту. Ереже 12-қосымшамен толықтырылды - ҚР Үкіметінің
2011.02.22 N 163 Қаулысымен, өзгеріс енгізілді - ҚР Үкіметінің 2012.11.08 № 1415 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

Банк кепілдігі
(жеткізу шартын/сатып алу шартын орындауды қамтамасыз ету нысаны)

Банктің атауы:
________________________________________________________________
               (банктің атауы мен деректемелері)
Кімге:
________________________________________________________________
          (тапсырыс берушінің атауы мен деректемелері)

      №___ кепілдік міндеттеме
      ___________________                    ___ ж. «__»________
       (орналасқан жері)

      «Өнім беруші» ____________________________________________
                        (өнім берушінің атауы)

тапсырыс беруші мен өнім берушінің арасындағы______ж. №_________
_________________________________________________________________
     (тауарлардың, жұмыстар мен қызметтердің сипаттамасы)

жеткізуге (орындауға, көрсетуге) медициналық техниканы сатып алу шартын (бұдан әрі – Шарт) жасасқанын (жасасатынын)*
және Сіз Шартта Өнім беруші жалпы сомасы _________
теңге______________________ банктік кепілдеме түрінде оның орындалуын
         (банктің атауы)
қамтамасыз етуді енгізетінін көздегеніңізді назарға ала отырып, осымен жоғарыда көрсетілген Шарт бойынша кепілдік беруші болып табылатынымызды растаймыз және Сіздің ақы төлеуге жазбаша талабыңызды, сондай-ақ Өнім беруші Шарт бойынша өзінің міндеттерін орындамағаны немесе тиісінше орындамағаны туралы жазбаша растауыңызды алғаннан кейін Сізге сіздің талабыңыз бойынша_________соманы төлеуге өзімізге кері қайтарылмайтын міндеттеме аламыз.
      (сандармен және жазбаша жазылған сома)
      Осы кепілдік міндеттеме оған қол қойылған сәттен бастап күшіне енеді және Өнім беруші Шарт бойынша өз міндеттемелерін толық орындаған сәтке дейін қолданылады.
      Осы кепілдік міндеттемеге байланысты туындаған барлық құқықтар мен міндеттер Қазақстан Республикасының заңнамасымен реттеледі.

      Кепілдік берушілердің қолы мен мөрі      Күні және мекенжайы

Тегін медициналық көмектің кепілдік берілген
көлемін көрсету бойынша дәрілік заттарды,
профилактикалық (иммунобиологиялық, диагностикалық,
дезинфекциялық) препараттарды, медициналық
мақсаттағы бұйымдар мен медициналық техниканы,
фармацевтикалық қызметтерді сатып алуды 
ұйымдастыру және өткізу ережесіне   
13-қосымша               

Ұзақ мерзімді жеткізу шарттарын жасасу конкурсына қатысуға өтінім

      Ескерту. Ереже 13-қосымшамен толықтырылды - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      _____________________ Өтінімге қосымша:
____________________________________________________________________
      (әлеуетті өнім беруші) өтінімде және қоса берілетін құжаттарда қамтылған ақпарат үшін дұрыстығын (дәйектілігін) мәлімдейді және кепілдік береді, ұсынылған ақпаратқа жауапты болады және жосықсыз өнім берушілер тізбесіне қосу шарттарымен, сондай-ақ ұзақ мерзімді жеткізу шартын бұзу талаптарымен таныстырылды.

Қазақстан Республикасының заңды тұлғасы басшысының Т.А.Ә.

                                                  _____________
                                                  қолы мен мөрі

Тегін медициналық көмектің кепілдік
берілген көлемін көрсету бойынша
дәрілік заттарды, профилактикалық
(иммунобиологиялық, диагностикалық,
дезинфекциялық) препараттарды, медициналық
мақсаттағы бұйымдар мен медициналық техниканы,
фармацевтикалық қызметтерді сатып алуды
ұйымдастыру және өткізу ережесіне
14-қосымша           

Өндіріс циклы бойынша дәрілік заттардың, медициналық мақсаттағы
бұйымдардың тізбесі

      Ескерту. Ереже 14-қосымшамен толықтырылды - ҚР Үкіметінің 04.07.2014 № 767 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

Тегін медициналық көмектің  
кепілдік берілген көлемін   
көрсету бойынша дәрілік    
заттарды, профилактикалық   
(иммундық-биологиялық,    
диагностикалық, дезинфекциялық)
препараттарды, медициналық   
мақсаттағы бұйымдар мен    
медициналық техниканы,    
фармацевтикалық қызметтерді  
сатып алуды ұйымдастыру және  
өткізу ережесіне       
15-қосымша         

      Ескерту. 15-қосымшамен толықтырылды - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

Кімге ______________________________________________________________
                    (Бірыңғай дистрибьютордың атауы)
Кімнен _____________________________________________________________
                       (әлеуетті өнім берушінің атауы)

Медициналық техниканы ұзақ мерзімді жеткізу шартын жасасу конкурсына қатысуға өтінім

      Конкурсқа қатысуға үміткер заңды тұлға (әлеуетті өнім беруші) туралы мәліметтер:

      ___________________ (заңды тұлғаның толық атауы көрсетіледі) осы медициналық техниканы ұзақ мерзімді жеткізу шартын жасасу конкурсына қатысуға өтініммен (бұдан әрі – өтінім)
____________________________________________________________________
                (лот нөмірі, тауардың атауы)
____________________________________________________________________
____________________________________________________________________
лоттары бойынша медициналық техниканы жеткізуді жүзеге асыруды ұсынады.
      2. ________________ (заңды тұлғаның толық атауы көрсетіледі) осы өтініммен медициналық техниканы ұзақ мерзімді жеткізу шартын жасасу конкурсына әлеуетті өнім беруші ретінде қатысуға тілек білдіреді және медициналық техниканы осы Ереженің 11-4-тарауында көзделген талаптар мен шарттарға сәйкес жеткізуге келісімін білдіреді.
      3. Әлеуетті өнім беруші осы Ереженің 11-4-тарауында көзделген талаптармен және шарттармен танысқанын және конкурстық комиссияға өзінің құзыреттілігі, біліктілігі, медициналық техниканы жеткізу сапасы және өзге де сипаттамалары туралы жалған мәлімет бергені үшін жауапкершілік, сондай-ақ Қазақстан Республикасының қолданыстағы заңнамасында көзделген басқа шектеулер туралы хабардар екенін растайды.
      Әлеуетті өнім беруші медициналық техниканы ұзақ мерзімді жеткізу шартын жасасу конкурсына қатысуға берген өтінімінде және оған қоса берілетін құжаттарда мұндай жалған мәліметтерді бергені үшін жауапкершілікті толық қабылдайды.
      4. Қоса берілетін құжаттардың тізбесі.

      5. Осы өтінім ___ күн ішінде әрекет етеді.
      6. Медициналық техниканы ұзақ мерзімді жеткізу шартын жасасу кезіне дейін осы өтінім біздің арамыздағы міндетті шарттың рөлін атқарады.

      ___________________     _____________________________
         (қолы, күні)              (лауазым, Т.А.Ә.)

      М.О.

Конкурстық өтінімге _____________________________ атынан және оның
                   (әлеуетті өнім берушінің атауы)
тапсырмасымен қол қоюға барлық өкілеттігі бар

Тегін медициналық көмектің  
кепілдік берілген көлемін   
көрсету бойынша дәрілік    
заттарды, профилактикалық   
(иммундық-биологиялық,    
диагностикалық, дезинфекциялық)
препараттарды, медициналық   
мақсаттағы бұйымдар мен    
медициналық техниканы,    
фармацевтикалық қызметтерді  
сатып алуды ұйымдастыру және  
өткізу ережесіне       
16-қосымша          

      Ескерту. 16-қосымшамен толықтырылды - ҚР Үкіметінің 08.07.2015 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

Медициналық техниканы жеткізудің № ____ ұзақ мерзімді үлгілік шарты

Астана қаласы                                    «__»________ 2015 ж.

      Бұдан әрі «Сатып алушы» деп аталатын «СҚ-Фармация» жауапкершілігі шектеулі серіктестігінің (бірыңғай дистрибьютор) атынан Жарғы негізінде әрекет ететін Басқарма төрағасы бір тараптан және бұдан әрі «Өнім беруші» деп аталатын ______________________________ атынан Жарғы негізінде әрекет ететін директор екінші тараптан бұдан әрі бірлесіп «Тараптар», ал жеке-жеке «Тарап» деп аталып,
      денсаулық сақтау саласындағы уәкілетті орган (бұдан әрі – уәкілетті орган) «Халық денсаулығы және денсаулық сақтау жүйесі туралы» Қазақстан Республикасы Кодексінің (бұдан әрі – Кодекс) 7-бабы 1-тармағының 20), 50), 68) тармақшаларына, 76-бабының 2-тармағына және 77-бабына сәйкес жыл сайын медициналық техниканы сатып алудың шекті бағаларын белгілей отырып, тегін медициналық көмектің кепілдік берілген көлемін (бұдан әрі – ТМККК) көрсету үшін сатып алынатын медициналық техниканың бағасын мемлекеттік реттеуді жүзеге асыратынын, бірыңғай дистрибьютордан сатып алынатын медициналық техника тізімін айқындайтын және бекітетінін ескере отырып,
      және:
      Кодекстің 77-бабының 1-тармағын;
      Қазақстан Республикасы Үкіметінің 2009 жылғы 30 қазандағы № 1729 қаулысымен бекітілген Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммундық-биологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесінің (бұдан әрі – Ереже) 7-тармағының 2) тармақшасын басшылыққа ала отырып;
      мыналардың:
      медициналық техниканы жеткізуге ұзақ мерзімді шарттар жасау конкурсы қорытындыларының ___________ жылғы № ________ хаттамасының негізінде:
      төмендегілер туралы осы __________ жылғы Медициналық техниканы жеткізудің № _____ ұзақ мерзімді шартын (бұдан әрі – Шарт) жасасуға уағдаласты:

1. Шартта қолданылатын терминдер

      1. Осы Шартта төменде көрсетілген ұғымдардың мынадай түсініктері болады:
      1) Шарт – Өнім беруші мен Сатып алушы арасында Қазақстан Республикасының нормативтік құқықтық актілеріне сәйкес жазбаша нысаны сақтала отырып жасалған, Тараптар оған барлық қосымшаларымен және толықтыруларымен, сондай-ақ Шартта сілтемесі бар барлық құжаттамамен қоса қол қойған азаматтық-құқықтық акт;
      2) Шарт сомасы – Шарт талаптарына сәйкес Сатып алушы Өнім берушіге төлейтін сома;
      3) тауарлар – Шарт талаптарына сәйкес Өнім беруші Сатып алушыға жеткізетін медициналық техника және қосалқы көрсетілетін қызметтер;
      4) қосалқы көрсетілетін қызметтер – тауарларды жеткізуді қамтамасыз ететін, мысалы, тасымалдау және сақтандыру сияқты қызметтер және мысалы, монтаждауды, іске қосуды, техникалық жәрдемдесуді, оқытуды және осы Шартта көзделген Өнім берушінің міндеттемелерінің басқа ұқсас түрлерін қамтитын кез келген басқа қосалқы қызметтер.

2. Шарттың нысанасы

      2. Төменде көрсетілген құжаттар мен оларда жазылған талаптар осы Шартты құрайды және оның ажырамас бөлігі болып табылады, атап айтқанда:
      1) осы Шарт;
      2) сатып алынатын тауарлардың тізбесі (осы Шартқа 1-қосымша);
      3) сатып алынатын тауарлардың жинақтауышы (осы Шартқа 2-қосымша);
      4) сатып алынатын тауарлардың техникалық ерекшелігі (осы Шартқа 3-қосымша);
      5) монтаждау, іске қосу-баптау жұмыстары (қызметкерлерді оқыту) жөніндегі акт (осы Шартқа 4-қосымша).
      Өнім беруші осы Шартқа қосымшаларға сәйкес тауарды жеткізуге міндеттенеді.
      Сатып алушы үшін тауарды сатып алу жөніндегі міндеттемелер медициналық техниканы жеткізу жөніндегі тиісті қаржы жылына арналған қосымша келісіммен ресімделетін, мынадай:
      1) бірыңғай дистрибьютордан сатып алынатын дәрілік заттардың, медициналық мақсаттағы бұйымдардың және медициналық техниканың тізіміне медициналық техника қосылған;
      2) Тапсырыс берушілер жеткізетін медициналық техниканың көлемін айқындаған;
      3) әлеуетті өнім берушіге, сондай-ақ осы Шарттың талаптарында белгіленген медициналық техникаға қойылатын талаптарға сәйкестігі расталған жағдайда осы шарттың ажырамас бөлігі болып табылатын әрбір алдыңғы күнтізбелік жылға Тапсырыс берушіден өтінімдер түскеннен кейін басталады.
      Тараптар осы Шартты жасау және орындау үшін барлық өкілеттіктері бар екенін, үшінші тараптардың талаптарымен ауыртпалық салынбағанын және келешекте үшінші тараптардан шағым болған жағдайда, оларды дербес реттейтінін мәлімдейді және кепілдік береді.

3. Тараптардың тауар жеткізу жөніндегі міндеттемелері

      3. Тауар Бірыңғай дистрибьютордан сатып алынуға тиіс медициналық техника тізіміне енгізілген, Тапсырыс берушілер тауарды жеткізу санын анықтаған, сондай-ақ әлеуетті өнім берушіге, сондай-ақ медициналық техникаға қойылатын Ережеде белгіленген талаптарға сәйкестігі расталған жағдайда, Сатып алушы жыл сайын тапсырыс берушілерден өтінімдер алған және ағымдағы күнтізбелік жылға арналған жалпы қажеттілік қалыптастырылған, сондай-ақ ағымдағы күнтізбелік жыл ішінде тапсырыс берушіден қосымша келісім алған күннен бастап күнтізбелік 30 (отыз) күннен кешіктірмей, Сатып алушы өнім берушіге қосымша келісімді ұсынады, онда мынадай ақпарат қамтылуға тиіс:
      1) медициналық техниканың атауы;
      2) медициналық техниканың саны;
      3) жиынтықтың бөліністегі құны көрсетілген медициналық техниканың жиынтығы;
      4) жеткізу мерзімі;
      5) сатып алынатын тауардың техникалық сипаттамалары;
      6) төлем жүргізу тәртібі;
      7) жеткізу орны.
      Өнім беруші жыл сайын тиісті қаржы жылына арналған тауарды жеткізу туралы қосымша келісімге қол қоюға міндеттенеді. Өнім беруші қосымша келісімді алған күннен бастап 10 (он) жұмыс күнінен кешіктірмей қол қоюға міндетті.
      Әр қаржы жылына қосымша келісімге тараптар осы Шарттың талаптарында және оны орындау мақсатында қол қояды. Сатып алушының талабы бойынша Қосымша келісімде Өнім берушінің қосымша келісімнің сомасынан кемінде бір пайыз мөлшерінде қосымша келісімді орындауды қамтамасыз етуді енгізуі бойынша міндеттеме көзделуі мүмкін.
      Медициналық техниканы жеткізуді ұйымдастыруды Сатып алушы ұсынатын жазбаша өтінімнің негізінде Өнім беруші орындайды. Медициналық техниканың атауы, саны, жиынтығы, құны, ақы төлеу мерзімдері, жеткізу орны Қосымша келісімнің ажырамас бөлігі болып табылатын өтінімдерге қол қою арқылы Тараптармен келісіледі.
      Күнтізбелік жыл ішінде Сатып алушыға Тапсырыс берушілерден тауарды жеткізуге қосымша өтінімдер келіп түскен жағдайда, Өнім беруші қосымша жеткізуді Сатып алушыдан өтінімдер бойынша жүзеге асыратын болады, оларда мынадай ақпарат қамтылады:
      1) медициналық техниканың атауы;
      2) медициналық техниканың саны;
      3) жиынтықтың бөліністегі құны көрсетілген медициналық техниканың жиынтығы;
      4) жеткізу мерзімі;
      5) сатып алынатын тауардың техникалық сипаттамалары;
      6) төлем жүргізу тәртібі;
      7) жеткізу орны.
      Қазақстан Республикасының заңнамасында медициналық техникаға қойылатын талаптарға сәйкес Өнім беруші тауарды өндіру және жеткізу күніне тауарды өндіруге және жеткізуге міндеттенеді.
      Тиісті қаржы жылына арналған тауар жеткізу туралы қосымша келісім маңызды талаптар (төлем тәртібі, қаптама және таңбалау, монтаж және іске қосу жұмыстары, өнімге берілетін кепілдік, жауапкершілік (айыппұл санкциялары) және өзге жағдайлар) ескеріле отырып жасалады.
      Тауарды жеткізу соңғы межелі пунктке тасымалдау кезінде зақымданудан немесе бұзылудан қорғай алатын қаптамада жүзеге асырылады. Қаптаманың тасымалдау кезінде, сондай-ақ ашық жерде сақтау кезінде қарқынды көтеру-тасымалдауға және экстремалды температуралардың, тұздар мен жауын-шашынның әсеріне қандай да бір шектеусіз төзімділік қабілеті болуы тиіс.
      Ыдыстың қаптамасы мен таңбасы, сондай-ақ ішіндегі және сыртындағы құжаттары Қазақстан Республикасының қолданыстағы заңнамасында айқындалған арнайы талаптарға сәйкес болуы тиіс.
      Тауарды саны мен сапасы бойынша қабылдап алуды жеткізу сәтінде Тапсырыс берушінің, Сатып алушының және Өнім берушінің өкілдері жүргізеді, қабылдап алу нәтижелері тауарды қабылдау-беру актісімен ресімделеді. Жеткізу кезінде Сатып алушы мен Өнім берушінің өкілдері тауарды қабылдауды дұрыс жүзеге асыру үшін сенімхаттың және жеке басын куәландыратын құжаттың көшірмесінің болуын қамтамасыз етеді. Тауарды қабылдау-беру актісі және монтаждау мен іске қосу-баптау жұмыстары жөніндегі акт жасалған күн тауарды жеткізу күні болып саналады. Шарт бойынша жеткізілетін Тауар:
      1) саны бойынша: тауарды қабылдау-беру актісінде көрсетілген санына сәйкес;
      2) жиынтығы бойынша: сатып алынатын медициналық техниканың жиынтығына сәйкес (Шартқа 2-қосымша);
      3) сапасы бойынша: техникалық ерекшелікте (Шартқа 3-қосымша) көрсетілген сапаға, ілеспе құжатта көрсетілген медициналық техниканың әрбір атауына өнімнің қауіпсіздігі мен сапасы жөніндегі қорытындының нөміріне және қолданылу мерзіміне сәйкес;
      4) монтаждаудан және іске қосу-баптау жұмыстарынан кейін монтаждау және іске қосу-баптау жұмыстарының актісіне (Шартқа 4-қосымша) сәйкес Өнім беруші берген және Сатып алушы қабылдап алған болып саналады.
      Өнім беруші медициналық техниканы жеткізуді Сатып алушының сатып алынатын тауарлар тізімінде айтылған талаптарына сәйкес жүзеге асырады.
      Медициналық техниканы межелі пунктіне дейін тасымалдауды Өнім беруші жүзеге асырады және оған ақы төлейді және ол Шарт сомасына кіреді.
      Тауар үй-жайдың арнайы дайындығын талап еткен жағдайда, Өнім беруші қосымша келісімге қол қойылған кезден бастап 10 күн ішінде Сатып алушыға үй-жайды дайындау және монтаж жасауға жағдайлар қажеттілігі туралы жазбаша хабарлайды.
      Сатып алушы жеткізу мерзімі аяқталғанға дейін 30 күннен кешіктірмей Өнім берушіге монтаждау үшін үй-жай және жағдайлардың дайындығы жөнінде жазбаша хабарлайды.
      Өнім беруші медициналық техниканы жеткізу процесін осы медициналық техникамен жұмыс істеу, монтаждау, орнату, баптау және іске қосу үшін персоналды оқытуға құжаттық растауы бар білікті мамандармен сүйемелдеуді қамтамасыз етеді.
      Медициналық техниканы жеткізуді жүзеге асыру кезінде Өнім беруші қызмет көрсетудің кепілді мерзімі өткеннен кейін Сатып алушыға медициналық техниканың бағдарламалық жасақтамасына қол жеткізу үшін барлық сервис-кодтарды береді.
      Өнім беруші Шарт шеңберінде жеткізілген медициналық техника жаңа, қолданылмаған, ең жаңа немесе конструкциялар мен материалдардың ең соңғы модификацияларын көрсететін үлгі болып табылатынына кепілдік береді, бұл ретте Өнім беруші өндірілгеніне жеткізу сәтіне 24 (жиырма төрт) айдан аспаған медициналық техниканы жеткізуге міндеттеме алады. Өнім беруші одан әрі осы Шарт бойынша жеткізілген медициналық техника Сатып алушының елі үшін әдеттегі болып табылатын жағдайларда қалыпты қолданылса, оның конструкциясымен, материалдарымен және жұмысымен байланысты ақаулары болмайды деп кепілдік береді.
      Кепілдік тауардың барлық партиясы жеткізілгеннен және межелі пунктінде қабылданғаннан кейін 37 (отыз жеті) ай ішінде жарамды.
      Кепілдік қызмет көрсету мерзімі ішінде жоспарлы сервистік қызмет көрсетуді Өнім берушінің білікті маманы жүзеге асырады.
      Өнім беруші тауарды қабылдау-беру актісіне қол қойылғаннан кейін күнтізбелік он күн ішінде Сатып алушыға сервистік қызмет көрсетуге қажетті шығыс материалдары мен жұмыстардың атауы көрсетілген сервистік қызмет көрсету кестесін ұсынуға міндетті.
      Сервистік қызмет көрсетуді жүргізу кестесіне сәйкес жүргізу нәтижесі бойынша Өнім беруші медициналық техниканы тексеру актісін жасайды.
      Тексеру актісіне Сатып алушы мен Өнім берушінің уәкілетті өкілдері қол қояды және Өнім беруші тексеруді жүргізген күннен бастап бес жұмыс күні ішінде Сатып алушыға тексеру актісінің көшірмесін жібереді.
      Медициналық техника бұзылған жағдайда, Сатып алушы Өнім берушіге жазбаша түрде хабарлайды.
      Осындай хабарлама алғаннан кейін Өнім беруші хабарлама алған кезден бастап жетпіс екі сағаттан аспайтын мерзім ішінде оның бұзылуының себептерін және болжамды жөндеу мерзімін анықтау үшін білікті маманның медициналық техника орналасқан жерге баруын қамтамасыз етеді. Жөндеуді жүргізу кезінде Өнім беруші тауар Тапсырыс берушінің кінәсінен бұзылғаны, сондай-ақ Тапсырыс беруші өз бетінше жөндегені анықталғаннан басқа жағдайларда, өндіруші зауытта жасалған қосалқы бөлшектер мен тораптарды пайдаланады немесе ақауы бар тауарды немесе оның бөлшектерін Сатып алушы тарапынан ешқандай шығын шығармай ауыстырады.
      Шарт құжаттарына екі тарап та қол қойған жазбаша өзгерістерден басқа ешқандай ауытқулар немесе өзгерістер (сызбалар, жобалар немесе техникалық сипаттамалар, жүк түсіру, орау тәсілі, жеткізу орны немесе Сатып алушы көрсететін қызметтер және т.б.) енгізуге жол берілмейді.
      Жеткізілген тауардың саны мен сапасы бойынша ілеспе құжаттарға сәйкес келмейтіні анықталған жағдайда, бұл сәйкессіздіктер қабылдау-беру актісінде көрсетіледі. Сатып алушы Өнім берушіге алынған тауардың сапасына байланысты барлық наразылықтарын жазбаша түрде, бірақ тауарды қабылдау-беру актісіне қол қойылғаннан кейін 72 (жетпіс екі) сағаттан кешіктірмей жедел хабарлайды. Бұл ретте Өнім беруші 30 (отыз) жұмыс күні ішінде Сатып алушының жеткізілген тауарға қатысты барлық ескертулерін жоюға міндеттенді, олай болмаған жағдайда Сатып алушы Өнім берушінің әрекетін Тауарды уақтылы жеткізбеу ретінде бағалайтын болады.
      Өнім беруші Сатып алушының хабарламасын алғаннан кейін келесі күннен кешіктірмей (егер хабарламада өзге мерзім көрсетілмесе) тауардың саны мен сапасын тексеруге қатысу үшін өз өкілін жібереді.
      Жеткізілетін тауарды немесе оның бір бөлігін саны мен сапасын жақсарту, сондай-ақ осындай тауардың бағасын, көлемін және жеткізу мерзімін сақтау шартымен басқа тауар атауымен ауыстыруға жол беріледі.

4. Баға белгілеу

      4. Тиісті қаржы жылына арналған Тауар жеткізу жөніндегі қосымша келісімде тауардың бағасы жыл сайын тауарға уәкілетті орган айқындайтын және бекітетін шекті бағадан аспайтындай етіп белгіленеді.
      Өнім беруші конкурсқа ұсынатын _____ мөлшеріндегі баға жеңілдігі сатып алу жылына медициналық техника бағаларына қатысты мына формула бойынша қолданылады:
                              Р - S = D
      Р – денсаулық сақтау саласындағы уәкілетті орган бекіткен шекті баға;
      S – баға жеңілдігі;
      D – медициналық техниканың бағасы.
      Өнім беруші Қосымша келісімге қол қойылғанға дейін Сатып алушыға негіздемені ұсына отырып, тауар жеткізуден бас тартуға құқылы, бірақ екі жыл қатарынан бас тартуға болмайды.
      Тауар бағасы Қазақстан Республикасының заңнамасында көзделген барлық салықтарды, алымдарды және басқа да міндетті төлемдерді, сондай-ақ Сатып алушыға тауарды жеткізумен және қосалқы қызметтер көрсетумен байланысты Өнім беруші шығыстарын қамтиды.
      Осы Шарттың 4-бөліміне сәйкес тауарға бағасын анықтау бойынша барлық мәселелер Тараптар тиісті қаржы жылына арналған Тауар жеткізу жөніндегі қосымша келісім жасасқан кезде шешілді деп саналады.

5. Шарт мерзімі

      5. Осы Шарт _______ жылғы ____________ күшіне енеді және Шарт жасалған сәттен бастап ___________ жыл қолданылады.

6. Тараптардың жауапкершілігі және шартты бұзу

      6. Шарт бойынша міндеттемелерін орындамағаны немесе тиісінше орындамағаны үшін Тараптар Қазақстан Республикасының қолданыстағы заңнамасына сәйкес жауапты болады.
      Өнім беруші Тапсырыс берушінің Шарт бойынша міндеттемелерін орындамағаны үшін жауапкершіліктен босатылады.
      Өнім беруші жеткізілген тауардың жеткізу, алмастыру, сапасыз (ақауы бар) тауарды жою мерзімдері бұзылған, сондай-ақ кепілдікті қызмет уақтылы көрсетілмеген жағдайда Өнім беруші Сатып алушыға мерзімі өткен әр күн үшін мерзімінде жеткізілмеген тауар сомасының 0,1 %-ы мөлшерінде, бірақ мерзімінде жеткізілмеген тауар құнының не ол бойынша кепілдікті қызмет уақтылы көрсетілмеген тауар құнының 10 %-дан артық емес өсімпұл төлейді. Өсімпұлды төлеу Өнім беруші Сатып алушыдан тиісті шотты алған кезден бастап күнтізбелік 7 (жеті) күн ішінде жүргізіледі.
      Тауарды тұтастай немесе оның бір бөлігін жеткізуден бас тартқан жағдайда, Өнім беруші Сатып алушыға жеткізілмеген тауар құнының 10%-ы мөлшерінде біржолғы айыппұл төлеуге міндетті. Біржолғы айыппұл төлеуге шотты тауарды жеткізудің соңғы күнінен кейін 10 (он) жұмыс күні ішінде тауарды жеткізу орындалмаған кезде Сатып алушы береді.
      Сатып алушы Өнім берушіге өсімпұл және/немесе айыппұл төлеу үшін берген шот жеткізілген тауарға төлем жасау бойынша және өсімпұлды және/немесе айыппұлды төлеу бойынша біртектес екіжақты талаптарды есептеуді жүргізу мақсатында өзара есеп айырысуды салыстыру актісіне енгізілуі мүмкін.
      Сатып алушы өсімпұл және/немесе айыппұл сомалары бойынша Өнім берушінің міндеттемелерін өтеу есебінен қосымша келісімді орындауды қамтамасыз ету сомасын ұстап қалуға құқылы.
      Өсімпұл немесе айыппұл төлеу тараптарды осы Шарт бойынша өз міндеттемелерін орындаудан босатпайды.
      Өнім беруші ақаулы тауар партиясын ауыстыру және/немесе толықтай алу (қайтару) жөніндегі міндеттемелерін бұзған жағдайда, Өнім беруші Сатып алушыға барлық сапасыз (бұзылған және/немесе ақауы бар) тауарды ауыстыру және немесе толықтай алу (қайтару) жөніндегі міндеттемелерін бұзған әр күн үшін осы Шарт бойынша ауыстыруға, алынуға (қайтаруға) жататын тауар бағасының 1 %-ы мөлшерінде өсімпұл төлейді.
      Шарт Тараптардың келісімі бойынша Қазақстан Республикасының заңнамасында көзделген жағдайларда немесе бойынша Тараптардың бірінің бастамасы бойынша біржақты тәртіппен тұтастай немесе ішінара (медициналық техниканың жекелеген атаулары бойынша шарттық міндеттемелерді бұзу) бұзылуы мүмкін.
      Мыналар:
      1) осы Шартта көзделген міндеттемелерді бірнеше рет бұзылуы;
      2) Қазақстан Республикасының заңнамасында көзделген лицензияланатын қызметті орындауға лицензияның қайтарып алынуы;
      3) қатарынан екі жыл тауар жеткізуден (себебі мен мән-жайларына қарамастан) бас тарту;
      4) Өнім берушінің жосықсыз өнім берушілердің тізбесіне және/немесе мемлекеттік сатып алудың жосықсыз қатысушылары тізіліміне енгізілу жағдайлары;
      5) сапасыз тауар жеткізу жағдайлары Сатып алушының бастамасы бойынша осы Шартты бұзу үшін негіз болып табылады.
      Жеткізілген тауар үшін төлемді негізсіз кешіктіру осы Шартты Өнім берушінің бастамасымен бұзуға негіз болып табылады.
      Шарт бұзылған жағдайда, оны бұзуға бастама жасаған Тарап екінші Тарапқа Шартты бұзу туралы хабарлама жібереді. Хабарламада Шартты бұзу себебі көрсетіліп, күші жойылатын шарттық міндеттемелердің көлемі, сондай-ақ Шартты бұзудың күшіне енетін күні көрсетіледі.
      Егер Өнім беруші банкрот немесе төлемге қабілетсіз болып қалса, Сатып алушы Өнім берушіге тиісті жазбаша хабарлама жіберіп, кез келген уақытта Шартты бұза алады. Бұл жағдайда бұзу бірден жүзеге асырылады және Шарттың бұзылуы Тапсырыс берушіге зиян келтірмесе немесе Тапсырыс берушінің әрекет етуге немесе осының салдарынан болған немесе болуы мүмкін санкцияларды қолдануға қандай да бір құқықтары бұзылмаса, Сатып алушының Өнім берушіге қатысты ешқандай қаржылық міндеттемесі болмайды.

7. Еңсерілмейтін күш мән-жайлары (форс-мажор)

      7. Егер Тараптардың Шарт бойынша өз міндеттемелерін ішінара немесе толықтай орындамауы еңсерілмейтін күш мән-жайларының, атап айтқанда: топан су, жер сілкінісі, әскери іс-қимылдар, блокадалар, сондай-ақ Өнім берушіге, Сатып алушыға қатысты міндеттемелерін орындауына тыйым салатын не қандай да бір себептерден жұмыстың орындалуына кедергі келтіретін мемлекеттік органдардың нормативтік құқықтық актілерінің немесе нормативтік актілерінің шығарылуы салдарынан болса, олар жауапкершіліктен босатылады.
      Еңсерілмейтін күш мән-жайлары үш айдан асатын жағдайларды қоспағанда, мұндай мән-жайлар осы Шарттың қолданысын тоқтатуға негіз бола алмайды. Шарт бойынша міндеттемелерді орындау мерзімі еңсерілмейтін күш мән-жайлары ықпал еткен, сондай-ақ осы мән-жайлардан туындаған жағдайлар пайда болған уақытқа дейін шегеріледі. Еңсерілмейтін күш мән-жайларының қолданылуы тоқтағаннан кейін екі тарап та Шартты орындауды қайта бастайды.
      Еңсерілмейтін күш мән-жайлары туындаған кезде Тараптардың кез келгені олар орын алған күннен бастап күнтізбелік бес күн ішінде екінші Тарапты жазбаша түрде осындай мән-жайлардың орын алуы жөнінде хабардар етеді. Осы мән-жайларды тиісті уәкілетті мемлекеттік орган растайды.
      Хабарламау немесе уақтылы хабарламау Тарапты Шарт бойынша міндеттемелерді орындамағаны үшін жауапкершіліктен босататын негіз ретінде жоғарыда көрсетілген кез келген мән-жайларға сүйену құқығынан айырады.

8. Дауларды шешу тәртібі

      8. Тараптар арасында осы Шарттан немесе оған байланысты туындаған барлық даулар мен келіспеушіліктер келіссөздер жолымен шешіледі.
      Тараптар арасындағы дауларды (және) немесе келіспеушіліктерді келіссөздер жолымен шешу мүмкін болмаған жағдайда, мұндай дау және (немесе) келіспеушілік Қазақстан Республикасының заңнамасында белгіленген тәртіппен Сатып алушының орналасқан жері бойынша түпкілікті реттелуге тиіс.
      Осы Шарт Қазақстан Республикасының заңнамасымен реттеледі.

9. Хат-хабарлар

      9. Кез келген хабарламалар немесе хабарландырулар жазбаша түрде ұсынылады және тапсырыс хатпен немесе курьер қызметінің көмегімен жіберіледі. Хабарлама жедел болған жағдайда көрсетілген хат-хабар факспен, электрондық поштаның көмегімен немесе оның жеткізілуін тіркеуді, оны тапсырыс хатпен немесе курьер қызметінің көмегімен міндетті түрде жіберілуін көздейтін өзге телекоммуникациялық байланыс құралдарымен берілуі мүмкін.
      Осы Шарт бойынша хат-хабар Тараптарға немесе олардың заңды өкілдеріне осы Шартта көрсетілген деректемелер бойынша жіберілуге тиіс.
      Тапсырыс хатпен немесе курьер қызметімен жіберілген хат-хабар екінші Тарапта пошта бөлімшесінің немесе курьер қызметінің оны жеткізгенін растайтын мөртаңбасы бар хабарламасы болса, хат-хабар жіберілген Тарап оны алған күні (сағатта) жеткізілген болып саналады. Факспен жіберілген, электрондық пошта көмегімен немесе оның жеткізілуін тіркеуді, оны тапсырыс хатпен немесе курьер қызметінің көмегімен міндетті түрде жіберілуін көздейтін өзге телекоммуникациялық байланыс құралдарымен жіберілген хат-хабар оны қабылдайтын факсимильді аппараттың, электрондық поштаның немесе басқа да телекоммуникациялық байланыс құралдарының жүйесінде алуы туралы жауап хабарламасымен растау болған кезде осы Шартта белгіленген талаптар сақталған жағдайда, хат-хабар жіберілген Тарапқа ол берілген күні (сағатта) жеткізілген болып саналады.

10. Өзге де жағдайлар

      10. Шартқа қол қойылғаннан кейін осы Шарттың нысанасы туралы ауызша және жазбаша нысандағы барлық құжаттар, хат-хабарлар, келіссөздер күшін жояды.
      Егер олар осы Шарттың ажырамас бөлігі болып табылатын қосымша келісім түрінде жазбаша нысанда жасалған, Тараптардың осыған уәкілетті өкілдерінің қолы қойылған және Тараптардың мөрлерімен куәландырылған болса, осы Шартқа барлық өзгерістер мен толықтырулардың күші болады.
      Тараптардың екінші Тарапқа осындай Тараптардың заңды құқық иеленушісін қоспағанда, үшінші тұлғаға Шарт бойынша өзінің міндеттемелерін беруге құқығы жоқ.
      Кез келген Тараптың атауы, заңды мекенжайлары және басқа да деректемелері өзгерген жағдайда, ол осындай өзгерістер орын алған кезден бастап бес жұмыс күні ішінде екінші Тарапты бұл туралы жазбаша хабардар етеді.
      Тараптардың Шартпен реттелмеген өзара қарым-қатынастары Қазақстан Республикасының заңнамасымен реттеледі.
      Шарт мемлекеттік және орыс тілдерінде Өнім берушіге және Сатып алушыға бір-бір данадан екі данада жасалды. Шарттың мемлекеттік және орыс тілдеріндегі мәтіндері арасында келіспеушіліктер туындаған жағдайда Шарттың орыс тіліндегі мәтініне басымдық беріледі.

11. Тараптардың заңды мекенжайлары, банктік деректемелері және қолдары

      Сатып алушы _____________      Өнім беруші _____________
      _________________________     __________________________
      _________________________     __________________________
      _________________________     __________________________

201 __ жылғы «__»___________
№ ________ Шартқа
1-қосымша

Сатып алынатын тауарлардың тізбесі 

      Cатып алушы                                  Өнім беруші

201 __ жылғы «___»___________
№ ________ Шартқа
2-қосымша

Сатып алынатын тауардың жиынтығы

      САТЫП АЛУШЫ                                     ӨНІМ БЕРУШІ
      ______________________               _________________________
      м.о.                                  м.о.

201 __ жылғы «___»___________
№ ________ Шартқа
3-қосымша

Техникалық ерекшелік

Тауардың атауы
Тіркелген атауы: ___________________________________________________
Сатып алынатын моделі: _____________________________________________
Өндіруші:___________________________________________________________
Тіркеу нөмірі:______________________________________________________
Тіркеу куәлігінің қолданылу мерзімі: _______________________________
Егжей-тегжейлі техникалық сипаттамасы_______________________________
      Тауарлар жаңа әрі бұрын қолданылмаған түрде жеткізіледі. Тауардың әр жиынтығы мемлекеттік және орыс тілдеріндегі аудармасы бар техникалық және пайдалану құжаттамасымен жабдықталады. Тауарды әкелу және сату Қазақстан Республикасының заңнамасына сәйкес жүзеге асырылады. Жеткізу жиынтығы тауарлардың және барлық жиынтығының нақты техникалық сипаттамалары көрсетіліп және осы кестенің әрбір тармағына жекелеп (жиынтығы немесе жабдық бірлігі) сипатталады. Егер техникалық ерекшелікте өзгеше көрсетілмесе, электр қуаты ешқандай қосымша жалғастыру тетігінсіз немесе транформаторсыз 220В болуы тиіс. Аспаптармен бірге жеткізілген бағдарламалық жасақтама түпкі алушының орнатылған жабдығының бағдарламалық жасақтамасына сәйкес болуы тиіс. Өнім беруші тауарды жеткізу рәсімін аталған тауармен жұмыс істеу үшін персоналды оқытуға құжатпен расталған білікті мамандардың қолдауын, тауарды орнатуды, жөндеуді және іске қосуды қамтамасыз етеді. Тауарды жеткізуді жүзеге асыру кезінде Өнім беруші тапсырыс берушіге тауардың бағдарламалық жасақтамасына қол жеткізу үшін барлық сервис-кодтарды береді. Кепілдікті сервистік және техникалық қызмет көрсету және жөндеу мерзімі түпкі алушыға ресми хабарланған сәтінен бастап күнтізбелік 30 (отыз) күннен аспайтын мерзімде істен шыққан жабдыққа жөндеу жүргізу немесе оны ауыстыра отырып, жабдықты пайдалануға беру сәтінен бастап кемінде 37 (отыз жеті) айды құрайды. Қызмет көрсетудің кепілдікті мерзімі ішінде сервистік қызмет көрсетуді Өнім берушінің білікті маманы тоқсанына кемінде 1 рет жүзеге асырады. Техникалық ерекшелікке техникалық және пайдалану сипаттамаларын, сондай-ақ модельдер мен өндірушілерді көрсетуден басқа, жеткізілетін тауарлардың фотосуреттері де қоса беріледі. Өлшеу құралдарына жататын тауарлар Қазақстан Республикасының өлшем құралдарының тізіліміне енгізілуі тиіс. Жабдықты орнатуға дейін күнтізбелік 40 (қырық) күннен кешіктірмей Өнім беруші түпкі алушыны жабдықты сәтті іске қосу үшін қажетті орнату алдындағы талаптар туралы хабардар етеді. Үй-жайды сыртқы пішіні бойынша есіктердің стандартты ойығынан өтетін (ені 80 см, биіктігі 200 см), инсталляциялық дайындаумен күрделі монтаждау жұмыстарын жүргізуді болжамайтын көлемді жабдық. Жұмыс орнына жеткізуді, жабдықты түсіруді, қаптамасын ашуды, орнатуды, аспаптарды жөндеуді және іске қосуды, олардың сипаттамасының осы құжатқа және фирманың ерекшелігіне сәйкестігін (дәлдігі, сезгіштігі, өнімділігі және т.б.) тексеруді, персоналды оқытуды Өнім беруші жүзеге асырады.

      САТЫП АЛУШЫ                        ӨНІМ БЕРУШІ
      ______________________             _________________________
      м.о.                               м.о.

201 __ жылғы «___»___________
№ ________ Шартқа
4-қосымша

Монтаждау, іске қосу-баптау жұмыстары (қызметкерлерді оқыту) бойынша қызметтер көрсету актісі

_______________                        201 __ жылғы «___»__________
(Қызметтер көрсету орны)

      САТЫП АЛУШЫ                           ӨНІМ БЕРУШІ
      ______________________                ________________________
      м.о.                                  м.о.

      ТАПСЫРЫС БЕРУШІНІҢ ӨКІЛІ
      ________________________
      м.о.