Мемлекеттiк билiк органдары жүйесіндегі кадр саясатының кейбiр мәселелерi туралы

      Мемлекеттiк билiк органдары жүйесiнде бiрыңғай әрi тиiмдi кадр саясатын жүргiзу, лауазымды тұлғалардың мемлекеттiк мiндеттердi жүзеге асыру үшін жауапкершiлiгiн арттыру мақсатында қаулы етемін:

      1. Қоса берiлiп отырған:
      1) Мемлекеттiк саяси қызметшiлер лауазымдарының және Қазақстан Республикасының Президентi тағайындайтын және бекiтетiн немесе оның келiсуiмен тағайындалатын, оның ұсынуы бойынша сайланатын, сондай-ақ Қазақстан Республикасы Президенті Әкімшілігінің келісімі бойынша тағайындалатын өзге де лауазымды адамдардың лауазымдар тiзбесi;
      2) Қазақстан Республикасының мемлекеттiк саяси қызметшілерi мен  өзге де басшы лауазымды адамдарын қызметке келiсу, қызметке тағайындау мен қызметтен босату туралы ереже бекітілсін.
       Ескерту. 1-тармаққа өзгеріс енгізілді - ҚР Президентінің 2009.07.27. N 852 Жарлығымен.

      1-1. Алып тасталды - ҚР Президентінің 2007.11.13 N 436 Жарлығымен.

      2. Мыналардың:
      1) "Мемлекеттiк органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекiтiлетін, оның ұсынуы бойынша сайланатын басшы қызметкерлерiнiң лауазымдар тiзбесi туралы" Қазақстан Республикасы Президентiнің 1999 жылғы 4 мамырдағы N 132 Жарлығының;
      2) "Қазақстан Республикасы орталық және жергілікті мемлекеттік органдарының басшы лауазымды адамдарын қызметкe келiсу, қызметке тағайындау мен қызметтен босату тәртiбi туралы ереженi бекiту туралы" Қазақстан Республикасы Президентiнiң 1999 жылғы 3 қарашадағы N 87 өкiмiнiң күшi жойылған деп танылсын.

      2-1. Алып тасталды - ҚР Президентінің 2011.06.17 N 101 Жарлығымен.

      3. Осы Жарлық қол қойылған күнiнен бастап күшiне енедi.

      Қазақстан Республикасының
      Президенті

Қазақстан Республикасы  
Президентiнiң 2002 жылғы 
29 наурыздағы N 828   
Жарлығымен        
Бекiтiлген        

Мемлекеттік саяси қызметшілер лауазымдарының және Қазақстан
Республикасының Президенті тағайындайтын немесе оның
келісуімен тағайындалатын, оның ұсынуы бойынша
сайланатын, сондай-ақ Қазақстан Республикасы Президенті
Әкімшілігінің келісімі бойынша тағайындалатын өзге де
басшы лауазымды адамдардың
ТІЗБЕСІ

       Ескерту. Тізбе жаңа редакцияда - ҚР Президентінің 2009.07.27
N 852 Жарлығымен, өзгерістер енгізілді - ҚР Президентінің 2010.09.22
N 1066, 2011.05.19 N 86, 2011.06.17 N 101, 2011.07.22 N 124,
2011.08.01 N 131, 2012.03.05 N 278, 2012.03.13 № 282, 2012.05.17
N 328, 2012.06.21 № 344, 2012.10.05 N 403, 2012.11.16 N 435
(қолданысқа енгізілу тәртібін 3-т. қараңыз); 03.04.2013 N 537; 15.04.2013 N 541; 25.04.2013 N 556; 06.05.2013 № 561, 30.05.2013 № 576; 09.08.2013 N 609; 28.08.2013 N 624; 30.01.2014 N 744 Жарлықтарымен.

      *лауазымға тағайындауды келісу Қазақстан Республикасы Президентінің жанындағы Қазақстан Республикасының құқық қорғау органдарындағы кадр саясаты мәселелері жөніндегі комиссияның шешімімен жүзеге асырылады

Қазақстан Республикасы 
Президентiнiң 2002 жылғы
29 наурыздағы N 828   
Жарлығымен        
Бекiтiлген        

Қазақстан Республикасының мемлекеттік саяси қызметшілерін және
өзге де лауазымды тұлғаларын келісу, қызметке тағайындау және
қызметтен босату тәртібі туралы
ЕРЕЖЕ

       Ескерту. Ереже жаңа редакцияда - ҚР Президентінің 2009.07.27. N 852 Жарлығымен.

1. Жалпы ережелер

      1. Мемлекет басшысының жарлықтарымен тағайындалатын мемлекеттік саяси қызметшілерді қызметке тағайындау немесе қызметтен босату туралы ұсынымдарды Қазақстан Республикасы Президентінің қарауына:
      Үкімет мүшелері жөнінде - Сыртқы істер, Қорғаныс, Ішкі істер, Әділет министрлерін қоспағанда - Республиканың Премьер-Министрі;
      Республика Президентіне тікелей бағынатын және есеп беретін мемлекеттік органдардың басшылары жөнінде - Республика Президенті Әкімшілігінің (бұдан әрі - Әкімшілік) Басшысы;
      дипломатиялық өкілдіктер басшылары жөнінде - Сыртқы істер министрі енгізеді.
      2. Республика Президентінің өкімдерімен тағайындалатын басшы лауазымды тұлғаларды қызметке тағайындау немесе қызметтен босату туралы ұсынымдарды Әкімшілікке тиісті мемлекеттік органның басшысы енгізеді.
      3. Мемлекет басшысының немесе оның уәкілеттік беруі бойынша Әкімшілік Басшысының келісімімен тағайындалатын басшы лауазымды тұлғаларды қызметке тағайындау немесе қызметтен босату кезінде келісім беру туралы ұсынымдарды Әкімшілікке:
      Үкімет құрамына кірмейтін орталық атқарушы органдардың басшылары; мемлекеттік холдингтер және ұлттық компаниялардың басқарма төрағалары жөнінде - Республиканың Премьер-Министрі;
      министрліктер ведомстволары және орталық мемлекеттік органдар аумақтық бөлімшелерінің басшылары жөнінде (жауапты хатшы лауазымы енгізілген мемлекеттік органдарды қоспағанда) – тиісті орталық мемлекеттік органдардың басшылары;
      Қазақстан Республикасы Президентіне тікелей бағынатын және есеп беретін мемлекеттік органдардың басшылары тағайындайтын лауазымды адамдары жөнінде - тиісті органдардың басшылары;
      жергілікті атқарушы мемлекеттік органдардың басшы лауазымды тұлғалары жөнінде - Астана және Алматы қалаларының, облыстардың әкімдері;
      орталық атқарушы органдардың жауапты хатшылары тағайындайтын лауазымды тұлғалар жөнінде – тиісті орталық мемлекеттік органдардың жауапты хатшылары;
      Астана және Алматы қалаларының, облыстардың тексеру комиссияларының төрағалары жөнінде - Астана және Алматы қалаларының, облыстардың мәслихаттарының хатшылары;
      Қазақстан Республикасының Ресей Федерациясындағы сауда өкілі, Қазақстан Республикасының Ресей Федерациясындағы сауда өкілінің орынбасарлары жөнінде - Қазақстан Республикасы Экономика және бюджеттік жоспарлау министрі енгізеді.
      Ескерту. 3-тармаққа өзгерістер енгізілді - ҚР Президентінің 2011.08.01 N 131, 2012.11.16 N 435 (қолданысқа енгізілe тәртібін 3-т. қараңыз); 09.08.2013 N 609 Жарлықтарымен.
      4. Қазақстан Республикасының Президенті осы Ережеде көзделген рәсімдерді сақтамай, қызметке тағайындауды және қызметтен босатуды жүргізе алады.
      4-1. «А» корпусының мемлекеттік әкімшілік қызметіне жататын лауазымдарға тағайындау Қазақстан Республикасының Президенті бекітетін «А» корпусының мемлекеттік әкімшілік қызметшілеріне ротация жүргізу қағидаларында көзделген тәртіпте жоспарлы ротациялау шеңберінде жүзеге асырылады.
      Ескерту. Ереже 4-1-тармақпен толықтырылды - ҚР Президентінің 13.01.2014 № 721 Жарлығымен (алғашқы ресми жарияланған күнінен бастап қолданысқа енгізіледі).

2. Әкімшілікте мемлекеттік саяси қызметшілерді және
өзге де лауазымды тұлғаларды келісуді, қызметке тағайындауды
және қызметтен босатуды жүргізуді ұйымдастыру

      5. Республика Президентінің өкімімен, сондай-ақ Мемлекет басшысының келісімімен немесе оның уәкілеттік беруі бойынша Әкімшілік Басшысының келісімімен жүргізілетін, басшы мемлекеттік қызметке тағайындауға келісу рәсімін жүргізу үшін осы Ереженің 2 және 3-тармақтарында көрсетілген тұлғалар Әкімшілікке:
      кандидаттың іскерлік және жеке қабілеттері көрсетілген ұсынымды;
      кандидаттың суретімен бірге анықтама парағын (қызметтік тізімі);
      міндетті арнайы тексерістен өткендігі туралы мәліметтерді жібереді.
      5-1. «А» корпусының мемлекеттік әкімшілік қызметіне жататын лауазымға ротациялау шеңберінде тағайындауды келісу ресіміне қажетті құжаттар тізбесі Қазақстан Республикасының Президенті бекітетін «А» корпусының мемлекеттік әкімшілік қызметшілеріне ротация жүргізу қағидаларында айқындалады.
      Ескерту. Ереже 5-1-тармақпен толықтырылды - ҚР Президентінің 13.01.2014 № 721 Жарлығымен (алғашқы ресми жарияланған күнінен бастап қолданысқа енгізіледі).
      6. Республика Президентінің өкімімен, сондай-ақ Мемлекет басшысының келісімімен немесе оның уәкілеттік беруі бойынша Әкімшілік Басшысының келісімімен жүргізілетін, басшы мемлекеттік қызметтен босатуды келісу рәсімін жүргізу үшін осы Ереженің 2 және 3 тармақтарында көрсетілген тұлғалар Әкімшілікке:
      қызметтен осылайша босатудың нақты себептері мен дәлелдері көрсетілген ұсынымды;
      кандидаттың суретімен бірге анықтама парағын (қызметтік тізімі);
      өтінішін (қызметтен өз тілегі бойынша босатылған жағдайда) жібереді.
      7. Қызметке тағайындау немесе қызметтен босату жөнінде Әкімшілікке ұсынылған материалдар тіркеу үшін әрі ресімдеу сапасына және осы Ережеде көзделген құжаттардың толық тізбесінің бар екеніне тексеру жүргізу үшін мемлекеттік қызмет және кадр саясаты мәселелерімен айналысатын құрылымдық бөлімшеге (бұдан әрі - Кадр қызметі) жіберіледі.
      Тексеру жүргізілгеннен кейін ұсынылған құжаттар бір күн ішінде Әкімшілік Басшысының қарауына беріледі, ол келісілетін кандидатураларды зерделеу жөнінде Әкімшіліктің тиісті лауазымды тұлғаларына тапсырмалар береді.
      Қазақстан Республикасы Президентінің жанындағы Қазақстан Республикасының құқық қорғау органдарындағы кадр саясаты мәселелері жөніндегі комиссия (бұдан әрі - Комиссия) қарайтын мемлекеттік саяси қызметшілерді және өзге лауазымды тұлғаларды қызметке тағайындау жөніндегі материалдар Комиссияның жұмыс органына жіберіледі.
      Осы тармақтың үшінші бөлігінде көрсетілген лауазымды тұлғаларға қатысты материалдарды қарау тәртібі Комиссия туралы ережеде айқындалады.
      Ескерту. 7-тармаққа өзгеріс енгізілді - ҚР Президентінің 03.04.2013 N 537 Жарлығымен.
      8. Қызметке тағайындауға немесе қызметтен босатуға келісуді жүзеге асыратын Әкімшіліктің құрылымдық бөлімшелері тиісті келісу парақтарын ресімдейді, оларда тегі, аты-жөні; ұсынылатын немесе босатылатын қызмет; келісуді жүзеге асыратын Әкімшіліктің лауазымды тұлғалары көрсетіледі.
      9. Қызметке тағайындауға немесе қызметтен босатуға келісім беру жөнінде ұсынылған материалдарды талдау барысында құрылымдық бөлімшелер қызметке тағайындалатын немесе қызметтен босатылатын лауазымды тұлғаның іскерлік және жеке қабілеттерін жергілікті жерге бару не оны Әкімшілікке әңгімелесуге шақыру арқылы зерделейді, қосымша құжаттар сұратылуы мүмкін.
      10. Әкімшіліктің құрылымдық бөлімшелері қызметке тағайындауға немесе қызметтен босатуға келісу жөнінде он жұмыс күні ішінде жұмыс жүргізеді және тиісті құжаттарды кейіннен Әкімшілік Басшысының қарауына енгізу үшін Кадр қызметіне жібереді.
      11. Тиісті лауазымды тұлғалар қызметке тағайындаумен немесе қызметтен босатумен келіспеген жағдайда Әкімшілік Басшысына қорытынды ұсынылады, онда бас тартудың нақты себептері көрсетіледі.
      Бұл ретте олар тағайындалатын лауазымға өзге кандидатураны Әкімшілік Басшысының қарауына енгізуге хақылы.
      12. Келісуге ұсынылған материалдарды қарағаннан және кажет болған жағдайда Мемлекет басшысын хабардар еткеннен кейін Әкімшілік Басшысы қызметке тағайындауға немесе қызметтен босатуға келісім беру не одан бас тарту туралы шешім қабылдайды.
      Қабылданған шешім туралы Кадр қызметі бір күн мерзім ішінде мемлекеттік органдарға хабарлайды.
      13. Республика Президентінің лауазымды тұлғаларды қызметке тағайындау және қызметтен босату жөніндегі жарлықтары мен өкімдерінің жобаларын дайындауды Кадр қызметі жүзеге асырады.
      14. Мемлекет басшысымен немесе Әкімшілік Басшысымен келісілуге тиіс кандидатураларды, олар тиісті шешім шығарғанға дейін, қызметке тағайындау және қызметтен босату туралы актілерді қабылдауға жол берілмейді.
      15. Қазақстан Республикасы Президентінің өкімдерімен жүргізілетін, лауазымды тұлғаларды қызметке тағайындау немесе қызметтен босату туралы ұсынымдарды Әкімшіліктің құрылымдық бөлімшелерінде қаралу сатысына соқпай, Мемлекет басшысына оның Әкімшілігінің Басшысы тікелей баяндауы мүмкін.

3. Әкімшілікте келісілуге тиіс мемлекеттік саяси
қызметшілердің және өзге де басшы қызметкерлердің лауазымдарын
оның құрылымдық бөлімшелері арасында бөлу

      16. Егер Мемлекет басшысы немесе оның Әкімшілігінің Басшысы өзгедей шешім қабылдамаса, Әкімшілікте келісілуге тиіс барлық кандидатуралар Кадр қызметінде және тиісті бейіндегі құрылымдық бөлімшелерде алдын ала зерделенуге тиіс.
      17. Егер Мемлекет басшысы немесе оның Әкімшілігінің Басшысы өзгедей шешім қабылдамаса, Қауіпсіздік Кеңесінің хатшылығында мынадай лауазымдарға кандидатуралар алдын ала зерделенуге тиіс:
      Ұлттық қауіпсіздік комитеті Төрағасының орынбасарлары, Арнаулы ақпарат қызметінің директоры, орталық аппарат департаменттерінің, орталық аппарат жанындағы департаменттердің, ҰҚК Астана және Алматы қалалары департаменттерінің, облыстық департаменттерінің бастықтары, «Арыстан» қызметінің, ҰҚК Ғылыми-зерттеу институтының, ҰҚК Академиясының және ҰҚК Шекара қызметі академиясының бастықтары, ҰҚК Шекара қызметі директорының орынбасарлары, ҰҚК Шекара қызметі өңірлік басқармаларының бастықтары;
      «Сырбар» Сыртқы барлау қызметі директорының орынбасарлары, «Сырбар» Сыртқы барлау қызметі департаменттерінің және оларға теңестірілген бөлімшелердің бастықтары;
      Қорғаныс министрінің бірінші орынбасары - Қазақстан Республикасы Қарулы Күштері Бас штабының бастығы; Қорғаныс министрінің орынбасарлары; Қарулы Күштер әскерлері түрлерінің, тектерінің және өңірлік қолбасшылықтарының қолбасшылары; Қарулы Күштер Бас барлау басқармасының бастығы; Ұлттық қорғаныс университетінің бастығы; Бас штаб бастығының орынбасарлары; Қазақстан Республикасы Қарулы Күштері тылының бастығы; Қарулы Күштер түрлері бас қолбасшыларының, әскерлер түрлерінің тектері, өңірлік қолбасшылықтар қолбасшыларының бірінші орынбасарлары - штаб бастықтары; Астана және Алматы қалаларының, облыстардың қорғаныс істері жөніндегі департаменттерінің бастықтары;
      Ішкі істер министрлігі Ішкі әскерлерінің Бас қолбасшысы - Ішкі
әскерлер комитетінің төрағасы, оның орынбасарлары, өңірлік
қолбасшылықтардың қолбасшылары, өңірлік қолбасшылықтар қолбасшыларының бірінші орынбасарлары - штабтар бастықтары;
      Төтенше жағдайлар министрлігінің Өртке қарсы қызмет, Төтенше жағдайлар мен өнеркәсіп қауіпсіздігін мемлекеттік бақылау комитеттерінің төрағалары, Астана және Алматы қалаларының, облыстардың төтенше жағдайлар департаменттерінің бастықтары;
      Қоршаған ортаны қорғау министрінің орынбасарлары, министрліктің жауапты хатшысы, комитеттері төрағалары.
      Ескерту. 17-тармаққа өзгерістер енгізілді - ҚР Президентінің 2011.06.17 N 101, 2012.03.13 № 282; 15.04.2013 N 541; 06.05.2013 № 561; 28.08.2013 N 624 Жарлықтарымен.
      18. Егер Мемлекет басшысы немесе оның Әкімшілігінің Басшысы өзгедей шешім қабылдамаса, әлеуметтік-экономикалық сала мәселелерін жүргізетін құрылымдық бөлімшеде мынадай лауазымдарға кандидатуралар алдын ала зерделенуге тиіс:
      Қоршаған ортаны қорғау, Денсаулық сақтау, Білім және ғылым, Еңбек және халықты әлеуметтік қорғау, Қаржы, Индустрия және жаңа технологиялар, Ауыл шаруашылығы, Көлік және коммуникация, Экономикалық даму және сауда, Мұнай және газ, Байланыс және ақпарат, Туризм және спорт министрлерінің орынбасарлары, министрліктердің жауапты хатшылары, комитеттерінің төрағалары;
      Ұлттық Банк, Үкіметтің құрамына кірмейтін орталық атқарушы органдар болып табылатын агенттіктер төрағаларының орынбасарлары; «Самұрық-Қазына» ұлттық әл-ауқат қоры» АҚ, «Парасат» ұлттық ғылыми-технологиялық холдингі» АҚ, «Зерде» ұлттық инфокоммуникациялық холдингі» АҚ, «Ұлттық медициналық холдинг» АҚ, «ҚазАгро» ұлттық басқарушы холдингі» АҚ, сондай-ақ «Самұрық-Қазына» ұлттық әл-ауқат қоры» АҚ құрамына кіретін ұлттық даму институттары мен ұлттық компаниялар басқармаларының төрағалары; холдингтер құрамына кірмейтін ұлттық компаниялар басқармаларының төрағалары; Республикалық бюджеттің атқарылуын бақылау жөніндегі есеп комитеті аппаратының басшысы; Қазақстан Республикасының Ресей Федерациясындағы сауда өкілі, Қазақстан Республикасының Ресей Федерациясындағы сауда өкілінің орынбасарлары.
      Ескерту. 18-тармақ жаңа редакцияда - ҚР Президентінің 2011.06.17 N 101 Жарлығымен; өзгерістер енгізілді - ҚР Президентінің 09.08.2013 N 609; 30.01.2014 N 744 Жарлықтарымен.
      19. Егер Мемлекет басшысы немесе оның Әкімшілігінің Басшысы өзгедей шешім қабылдамаса, құқық қорғау жүйесі мәселелерін жүргізетін  құрылымдық бөлімшеде мынадай лауазымдарға кандидатуралар алдын ала зерделенуге тиіс:
      Бас прокурордың орынбасарлары, Астана және Алматы қалаларының, облыстардың прокурорлары, оларға теңестірілген басқа да прокурорлар; Бас прокуратураның Құқықтық статистика және арнаулы есепке алу комитетінің төрағасы;
      Ішкі істер министрінің орынбасарлары, Ішкі істер министрлігі Ішкі әскерлерінің Бас қолбасшысы - Ішкі әскерлер комитетінің төрағасы, оның орынбасарлары, Ішкі істер министрлігі комитеттерінің төрағалары; Ішкі істер министрлігі Қылмыстық-атқару жүйесі комитеті төрағасының орынбасарлары өңірлік қолбасшылықтардың қолбасшылары, өңірлік қолбасшылықтар қолбасшыларының бірінші орынбасарлары - штабтар бастықтары; Ішкі істер министрлігі Алматы, Қарағанды және Қостанай академияларының бастықтары; Ішкі істер министрлігінің көліктегі ішкі істер департаментінің, Астана, Алматы қалаларының және облыстардың ішкі істер департаменттерінің бастықтары; Ішкі істер министрлігінің Астана, Алматы қалалары және облыстар бойынша қылмыстық-атқару жүйесі департаменттерінің бастықтары;
      Әділет министрлігі «Сот сараптамасы орталығы» мемлекеттік мекемесінің директоры;
      Қаржы министрлігі Кеден бақылау комитетінің төрағасы және төрағасының орынбасарлары, аумақтық кеден бақылау департаменттерінің бастықтары;
      Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының орынбасарлары, Астана және Алматы қалаларының, облыстардың экономикалық қылмысқа және сыбайлас жемқорлыққа қарсы күрес департаменттерінің (қаржы полициясының) бастықтары.
      Ескерту. 19-тармақ жаңа редакцияда - ҚР Президентінің 2011.06.17 N 101 Жарлығымен, өзгерістер енгізілді - ҚР Президентінің 2012.05.17 N 328; 06.05.2013 № 561 Жарлықтарымен.
      20. Егер Мемлекет басшысы немесе оның Әкімшілігінің Басшысы өзгедей шешім қабылдамаса, сыртқы саясат мәселелерін жүргізетін құрылымдық бөлімшеде мынадай лауазымдарға кандидатуралар алдын ала зерделенуге тиіс:
      Сыртқы істер министрінің орынбасарлары, Сыртқы істер министрлігінің жауапты хатшысы, комитеттері төрағалары, Қазақстан Республикасының Төтенше және Өкілетті елшілері, Қазақстан Республикасының халықаралық ұйымдар жанындағы тұрақты өкілдері.
      21. Егер Мемлекет басшысы немесе оның Әкімшілігінің Басшысы өзгедей шешім қабылдамаса, құқықтық қамтамасыз ету мәселелерін жүргізуші құрылымдық бөлімшеде мынадай лауазымдарға кандидатуралар алдын ала зерделенуге тиіс:
      Әділет министрінің орынбасарлары, Әділет министрлігінің жауапты хатшысы, комитеттер төрағалары, Әділет министрлігінің Астана және Алматы қалалары, облыстар әділет департаменттерінің бастықтары;
      Қазақстан Республикасы Жоғарғы Соты жанындағы Соттардың қызметін қамтамасыз ету департаментінің (Қазақстан Республикасы Жоғарғы Соты аппаратының) басшысы, оның орынбасарлары, Қазақстан Республикасы Әділет министрлігі Сот актілерін орындау комитетінің Астана және Алматы қалалары, облыстар бойынша аумақтық органдарының басшылары.
      Ескерту. 21-тармаққа өзгеріс енгізілді - ҚР Президентінің 2010.09.22 N 1066, 2011.06.17 N 101, 2012.05.17 N 328 Жарлықтарымен.
      22. Егер Мемлекет басшысы немесе оның Әкімшілігінің Басшысы өзгедей шешім қабылдамаса, ішкі саясат мәселелерін жүргізетін құрылымдық бөлімшеде мынадай лауазымдарға кандидатуралар алдын ала зерделенуге тиіс:
      Мәдениет, Байланыс және ақпарат, Денсаулық, Білім және ғылым, Еңбек және халықты әлеуметтік қорғау министрлерінің орынбасарлары, министрліктерінің жауапты хатшылары және комитеттер төрағалары; Қазақстан Республикасы Дін істері агенттігі төрағасының орынбасарлары;
      Адам құқықтары жөніндегі ұлттық орталық басшысы;
      әкімдердің әлеуметтік мәселелерді қадағалайтын орынбасарлары, Қазақстан Республикасының Президенті лауазымға тағайындайтын және лауазымнан босататын мемлекеттік жоғары оқу орындарының бірінші басшылары; «Парасат» ұлттық ғылыми-технологиялық холдингі» АҚ, «Ұлттық медициналық холдинг» АҚ және олардың құрамына кіретін ұлттық компаниялар басқармаларының төрағалары, «Астана Опера» мемлекеттік опера және балет театры» коммерциялық емес акционерлік қоғамының басшысы.
      Ескерту. 22-тармақ жаңа редакцияда - ҚР Президентінің 2011.06.17 N 101 Жарлығымен; өзгеріс енгізілді - ҚР Президентінің 25.04.2013 N 556 Жарлығымен.
      23. Егер Мемлекет басшысы немесе оның Әкімшілігінің Басшысы өзгедей шешім қабылдамаса, мемлекеттік бақылау және аумақтарды дамыту мәселелерін жүргізетін құрылымдық бөлімшеде мынадай лауазымдарға кандидатуралар алдын ала зерделенуге тиіс:
      орталық атқарушы органдардың жауапты хатшылары; Қазақстан Республикасы Мемлекеттік қызмет істері агенттігінің аппарат басшысы;
      Астана және Алматы қалалары, облыстар әкімдерінің орынбасарлары, әкімдері аппараттарының басшылары; Астана және Алматы қалаларының, облыстардың тексеру комиссияларының төрағалары; облыстар аудандарының, облыстық маңызы бар қалалардың әкімдері, қалалардағы аудандардың әкімдері; Қазақстан Республикасы Мемлекеттік қызмет істері агенттігі аумақтық органдарының басшылары - тәртіптік кеңестер төрағалары.
      Ескерту. 23-тармаққа өзгеріс енгізілді - ҚР Президентінің 2011.05.19 № 86, 2011.06.17 N 101, 2011.08.01 N 131, 2012.06.21 № 344 Жарлықтарымен.

      24. Егер Мемлекет басшысы немесе оның Әкімшілігінің Басшысы өзгедей шешім қабылдамаса, мемлекеттік қызмет және кадр саясаты мәселелерін жүргізетін құрылымдық бөлімшеде мынадай лауазымдарға кандидатуралар алдын ала зерделенуге тиіс:
      Қазақстан Республикасы Мемлекеттік қызмет істері агенттігінің аппарат басшысы; Қазақстан Республикасы Мемлекеттік қызмет істері агенттігі аумақтық органдарының басшылары - тәртіптік кеңестер төрағалары.
      Ескерту. Ереже 24-тармақпен толықтырылды - ҚР Президентінің 2012.06.21 № 344 Жарлығымен.