Мемлекеттiк билiк органдары жүйесіндегі кадр саясатының кейбiр мәселелерi туралы

Қазақстан Республикасы Президентінің 2002 жылғы 29 наурыздағы N 828 Жарлығы

Жаңартылған

      Мемлекеттiк билiк органдары жүйесiнде бiрыңғай әрi тиiмдi кадр саясатын жүргiзу, лауазымды тұлғалардың мемлекеттiк мiндеттердi жүзеге асыру үшін жауапкершiлiгiн арттыру мақсатында қаулы етемін:

      1. Қоса берiлiп отырған:
      1) Мемлекеттiк саяси қызметшiлер лауазымдарының және мемлекеттiк органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекiтiлетiн, оның ұсынуы бойынша сайланатын басшы  қызметкерлерiнiң лауазымдар тiзбесi;
      2) Қазақстан Республикасының мемлекеттiк саяси қызметшілерi мен орталық және жергіліктi мемлекеттiк органдарының өзге де басшы лауазымды адамдарын қызметке келiсу, қызметке тағайындау мен қызметтен босату туралы ереже бекітілсін.

      1-1. Мына кандидатуралар:
      1) әлеуметтiк-экономикалық блок (Экономика және бюджеттiк жоспарлау, Қаржы, Еңбек және халықты әлеуметтiк қорғау, Денсаулық сақтау, Мәдениет, ақпарат және спорт) министрлерiнiң лауазымына - Қазақстан Республикасының Парламентi Мәжiлiсiнiң және Сенатының бейiндiк комитеттерiнде;
      2) Қазақстан Республикасының дипломатиялық өкiлдiктерi басшыларының лауазымына - Қазақстан Республикасының Парламентi Сенатының бейiндiк комитетiнде;
      3) Республикалық бюджеттiң атқарылуын бақылау жөнiндегi есеп комитетiнiң Мемлекет басшысы тағайындайтын Төрағасы мен екi мүшесiнiң лауазымына - Қазақстан Республикасының Парламентi Мәжiлiсiнiң бейіндік комитетiнде алдын ала талқылануға тиiс деп белгiленсiн.
      Ескерту. 1-1-тармақпен толықтырылды - ҚР Президентінің 2005.07.08. N  1610  жарлығымен.

      2. Мыналардың:
      1) "Мемлекеттiк органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекiтiлетін, оның ұсынуы бойынша сайланатын басшы қызметкерлерiнiң лауазымдар тiзбесi туралы" Қазақстан Республикасы Президентiнің 1999 жылғы 4 мамырдағы N 132  Жарлығының ;
      2) "Қазақстан Республикасы орталық және жергілікті мемлекеттік органдарының басшы лауазымды адамдарын қызметкe келiсу, қызметке тағайындау мен қызметтен босату тәртiбi туралы ереженi бекiту туралы" Қазақстан Республикасы Президентiнiң 1999 жылғы 3 қарашадағы N 87  өкiмiнiң  күшi жойылған деп танылсын.

      3. Осы Жарлық қол қойылған күнiнен бастап күшiне енедi.

      Қазақстан Республикасының
      Президенті

Қазақстан Республикасы   
Президентiнiң 2002 жылғы  
29 наурыздағы N 828    
Жарлығымен         
Бекiтiлген         

  Мемлекеттiк саяси қызметшiлер лауазымдарының және
мемлекеттiк органдардың Қазақстан Республикасының
Президентi тағайындайтын және бекiтетiн немесе оның
келiсуімен тағайындалатын және бекiтiлетiн, оның ұсынуы
бойынша сайланатын басшы қызметкерлерінiң лауазымдар
ТIЗБЕСІ

       Ескерту. Тізбеге өзгерту енгізілді - ҚР Президентінің 2003.03.20. N  1044 , 2003.06.21. N  1138 , 2003.10.13. N  1202 , 2004.04.15. N  1348 , 2004.05.07. N  1362 , 2004.08.03. N  1415 , 2005.03.31. N  1533 , 2005.07.08. N  1610 , 2005.07.08. N  1611 , 2005.09.26. N  1648 , 2005.12.29. N  1693 , 2006.06.06. N  131 ,  2007.01.12. N  272  Жарлықтарымен.
_________________________________________________________________
                           !   Кiм    !    Кiм   !    Кіммен
                           ! тағайын. !  ұсынады !  келісіледі
                           !  дайды   !          !(кім ұсынады)
__________________________________________________________________
Қазақстан Республикасының   Президент             Парламентпен
Премьер-Министрi

Парламент Сенатының         Парламент  Президент
Төрағасы

Қазақстан Республикасының   Президент
Мемлекеттік хатшысы            

Қазақстан Республикасы      Президент
Президентi Әкімшiлiгiнiң 
Басшысы        

Конституциялық Кеңестің     Президент  Әкімшілік
Төрағасы және екi мүшесi               Басшысы

Жоғарғы Соттың Төрағасы,    Парламент  Президент  Жоғары Сот
алқа төрағалары мен         Сенаты                Кеңесімен
судьялары                   сайлайды

Қазақстан Республикасының   Президент  Әкімшілік  Парламент
Бас Прокуроры                          Басшысы    Сенатымен

Қазақстан Республикасы      Президент  Әкімшілік  Парламентпен
Ұлттық Банкінің Төрағасы               Басшысы

Қазақстан Республикасы      Президент  Премьер-
Премьер-Министрiнiң                    Министр
орынбасарлары

Қазақстан Республикасы       Президент Әкiмшiлiк 
Президентiнiң көмекшiсi -              Басшысымен
Қауiпсiздiк Кеңесiнiң хатшысы

Орталық сайлау              Парламент  Президент
комиссиясының төрағасы,     Мәжілісі
төрағаның орынбасары,       сайлайды
хатшысы мен мүшелерi

Жоғары Сот Кеңесінің        Президент  Әкімшілік
Төрағасы және мүшелері                 Басшысы

Қазақстан Республикасы      Президент  Әкімшілік  Парламент
Ұлттық қауiпсiздiк                     Басшысы    Сенатымен
комитетiнiң Төрағасы

Республикалық бюджеттiң     Президент  Әкімшілік
атқарылуын бақылау                     Басшысы
жөнiндегi есеп комитетінің 
төрағасы және екi мүшесi

Қазақстан Республикасы      Президент  Әкімшілік
Президентiнiң Iс                       Басшысы
Басқарушысы

Қазақстан Республикасы      Президент  Әкімшілік
Президентінің көмекшiлері              Басшысы

Қазақстан Республикасы      Президент  Әкімшілік
Президентiнің Әкiмшiлiгi               Басшысы
Басшысының орынбасарлары

Қазақстан Республикасы      Президент  Әкімшілік
Президентінің кеңесшілері              Басшысы

Қазақстан Республикасының   Президент  Премьер-
министрлерi                            Министр

Қазақстан Республикасындағы  Президент  Әкiмшiлiк
Адам құқығы жөнiндегi уәкiл             Басшысы 

Қазақстан Республикасының   Президент  Әкімшілік
Президентіне тікелей                   Басшысы
бағынатын және есеп беретін
мемлекеттік органдардың
басшылары

Облыстардың, Астана және    Президент  Премьер-
Алматы қалалары әкiмдерi               Министр

Қазақстан Республикасы      Президент  Сыртқы істер Премьер-
дипломатиялық                          министрі     Министрмен,
өкілдіктерінің басшылары                            Әкімшілік
                                                    Басшысымен

Еуразиялық экономикалық     Президент  Премьер-    Мемлекеттік
қоғамдастық жанындағы                  Министр     хатшы -
Қазақстан Республикасының                          Сыртқы істер
Тұрақты өкілі                                      министрімен,
                                                   Әкімшілік
                                                   Басшысымен

Қазақстан Республикасы      Президент  Әкімшілік
Парламентi Сенатының жетi              Басшысы
депутаты

Орталық атқарушы органдар   Үкiмет     Премьер-    Президентпен
болып табылатын                        Министр     немесе оның
агенттiктердiң төрағалары              Keңсeciнiң  тапсыруы
                                       Басшысы     бойынша
                                                   Әкімшілік
                                                   Басшысымен

Қазақстан Республикасы      Президент  Қауіпсіздік Әкімшілік
Қауiпсiздiк Кеңесi                     Кеңесінің   Басшысымен
Хатшысының орынбасарлары               Хатшысы

Қазақстан Республикасы      Президент  Әкімшілік
Президентi Әкiмшiлiгі                  Басшысы
құрылымдық бөлiмшелерінің 
басшылары (Хатшылықтардың
меңгерушiлерiнен басқа)

Қазақстан Республикасының   Президент  Ұлттық Банк Президентпен 
Ұлттық Банкi Төрағасының               Төрағасы    немесе оның
орынбасарлары және                                 тапсыруы
басқарма мүшелерi                                  бойынша
                                                   Әкiмшiлiк
                                                   Басшысымен

Қазақстан Республикасы      Президент  Қорғаныс    Премьер-
Қорғаныс министрiнiң                   министрi    Министрмен,
бiрiншi орынбасары -                               Әкімшілік
Қазақстан Республикасының                          Басшысымен
Қорғаныс министрлігі 
Штабтар бастықтары
комитетiнiң төрағасы 

Қазақстан Республикасы      Президент  Сыртқы      Премьер-
Сыртқы істер министрінің               істер       Министрмен,
бірінші орынбасары                     министрі    Әкімшілік
                                                   Басшысымен       

Қазақстан Республикасы      Президент  Қорғаныс,   Премьер-
Қорғаныс және Сыртқы                   Сыртқы      Министрмен,
iстер министрлерiнiң                   iстер       Әкiмшiлiк
орынбасарлары                          министрлерi Басшысымен

Министрлердің               Үкімет     Министрлер  Президентпен
орынбасарлары                                      немесе оның
                                                   тапсыруы
                                                   бойынша
                                                   Әкiмшiлiк
                                                   Басшысымен

Қазақстан Республикасының   Президент  Қазақстан   Әкімшілік
Президентiне тiкелей                   Республика. Басшысымен
бағынатын және есеп                    сының Пре.
беретiн мемлекеттiк                    зидентіне
органдар басшыларының                  тікелей
орынбасарлары                          бағынатын
                                       және есеп
                                       беретін 
                                       мемлекеттік
                                       органдардың
                                       басшылары

Қазақстан Республикасы      Президент  Президенттің Әкімшілік
Президенті Іс                          Іс           Басшысымен
Басқарушысының                         Басқарушысы
орынбасарлары

Қазақстан Республикасы      Президент  ҰҚК төрағасы Әкімшілік
ҰҚК-нің "Барлау", Арнайы                            Басшысымен
ақпараттық қызметтерінің
директорлары, алқа
мүшелері  

Қазақстан Республикасының   Президент  Жоғарғы Сот  Әкімшілік
Жоғарғы Соты жанындағы                 Төрағасы     Басшысымен
Сот әкiмшiлiгi жөніндегі
комитет төрағасы

Қазақстан Республикасы      Президент  Әкiмшiлiк
Президентiнiң "Байқоңыр"               Басшысы
ғарыш айлағындағы арнаулы
өкiлi

Қазақстан Республикасы      Президент  Әкiмшiлiк
Президентінiң жанындағы                Басшысы
Мемлекеттiк басқару
академиясының ректоры 

Қазақстан Республикасы      Президент  Әкімшілік
Президентiнің жанындағы                Басшысы
Қазақстан стратегиялық 
зерттеулер институтының
директоры

Қазақстан Республикасының   Президент  Қорғаныс     Премьер-
Қарулы Күштерi өңiрлiк                 министрі     Министрмен,
қолбасшылықтарының                                  Әкімшілік
қолбасшылары                                        Басшысымен

Ұлттық қорғаныс             Президент  Қорғаныс     Премьер-
университетiнiң бастығы                министрі     Министрмен,
                                                    Әкімшілік
                                                    Басшысымен

Қазақстан Республикасы      Президент  Қорғаныс     Премьер-
Қарулы Күштерi Әскери                  министрі     Министрмен,
академиясының бастығы                               Әкімшілік
                                                    Басшысымен

Қазақстан Республикасының   Президент  Ішкі істер   Премьер-
Ішкі істер министрлігінің              министрі     Министрмен,
Ішкі әскерлер қолбасшысы -                          Әкімшілік
Iшкi әскерлер комитетiнiң                           Басшысымен
төрағасы 

Қазақстан Республикасы      Президент  Әкімшілік
Президентінің Қазақстан                Басшысы
Республикасы Ұлттық Банкі 
басқармасындағы өкілі

Қазақстан Республикасы      Президент  Әкімшілік
Әділет біліктілік                      Басшысы
алқасының төрағасы

Облыстардың, Астана және    Президент  Жоғарғы Сот  Жоғары Сот
Алматы қалалары соттарының             Төрағасы     Кеңесімен
төрағалары, осы соттардың 
алқа төрағалары, судьялары

Аудандық, қалалық және      Президент  Әділет       Әділет
оларға теңестiрiлген                   министрі     біліктілік
соттардың төрағалары және                           алқасымен
осы соттардың судьялары

Министрліктер комитетте-  Yкiмет       министрлер   Әкiмшілiк
рiнiң төрағалары                                    Басшысымен      

Облыстардың, Астана және     Облыс     Облыс        Премьер-
Алматы қалалары әкiмдерiнiң  әкiмi     әкiмi        Министрмен,
орынбасарлары, әкiмдер                              Әкiмшiлiк
аппараттарының жетекшiлерi,                         Басшысымен
қалалардың, аудандардың 
және қалалардағы 
аудандардың әкiмдерi

Қылмыстық-атқару            министрлер  министрлер  Премьер-
жүйесi, Тiркеу қызметi,                             Министрмен,
Мемлекеттік мүлiк және                              Әкiмшiлiк
жекешелендiру , Халыққа                             Басшысымен
құқықтық көмек және заң
қызметiн көрсетудi 
ұйымдастыру, Кеден бақылау,
Төтенше жағдайлар сала-
сындағы мемлекеттiк бақылау
және қадағалау комитетте.                            
рi, құқық қорғау органдары
комитеттерi төрағаларының
орынбасарлары     

Адам құқығы             Қазақстан      Қазақстан        Әкiмшiлiк
жөнiндегi               Республикасын. Республикасын.   Басшысы 
ұлттық                  дағы Адам      дағы Адам құқығы
орталық                 құқығы         жөнiндегi уәкiл
жетекшiсi               жөнiндегi
                        уәкiл 

Облыстардың, Алматы және     Бас       Бас          Президентпен
Астана қалаларының           Прокурор  Прокурор     немесе оның
прокурорлары және оларға                            тапсыруы
теңестiрiлген прокурорлар                           бойынша
                                                    Әкімшілік
                                                    Басшысымен

Бас прокуратураның орталық   Бас       Бас          Әкімшілік
аппараты департаменттерi-    Прокурор  Прокурор     Басшысымен
нiң бастықтары, Құқықтық
статистика және арнаулы
есепке алу комитетi төраға-
сының орынбасарлары

Қазақстан Республикасы       ҰҚК       ҰҚК          Әкімшілік
ҰҚK-нiң орталық аппараты     төрағасы  төрағасы     Басшысымен
департаменттерiнiң, ҰҚК 
Академиясының және Әскери
институтының бастықтары

Облыстардың, Алматы және     ҰҚК       ҰҚК          Президентпен
Астана қалалары ҰҚК          төрағасы  төрағасы     немесе оның
департаменттерiнiң                                  тапсыруы
бастықтары                                          бойынша
                                                    Әкімшілік
                                                    Басшысымен

ҰҚК Шекара қызметi         ҰҚК          ҰҚК         Әкiмшiлiк
директорының орынбасар-    Төрағасы     Төрағасы    Басшысымен
лары, ҰҚК Шекара қызметi
өңiрлiк басқармаларының
бастықтары      

Қорғаныс                     Қорғаныс   Қорғаныс    Әкімшілік
министрлiгiнiң               министрi   министрi    Басшысымен 
орталық аппараты
департаменттерiнiң, бас
инспекцияларының, орталық
командалық пунктiнiң, бас
басқармаларының бастықтары 

Штабтар бастықтары         Қорғаныс     Қорғаныс   Премьер-
комитеті төрағасының       министрi     министрi   Министрмен,
орынбасарлары                                      Әкiмшiлiк
                                                   Басшысымен

Қазақстан Республикасы     Қорғаныс     Қорғаныс   Премьер-
Қарулы Күштерiнiң Тыл      министрi     министрi   Министрмен,
бастығы                                            Әкiмшiлiк
                                                   Басшысымен

Қарулы Күштер түрлерi      Қорғаныс     Қорғаныс   Әкiмшiлiк
бас қолбасшыларының,       министрi     министрi   Басшысымен
әскерлер тектерi,
өңiрлiк қолбасшылықтар
қолбасшыларының бiрiншi
орынбасарлары      

Облыстардың, Астана          Қорғаныс   Қорғаныс   Президентпен
және Алматы қала.            министрi   министрi   немесе оның
ларының қорғаныс                                   тапсыруы бойынша
iстерi жөнiндегi                                   Әкiмшiлiк
департаменттерiнiң                                 Басшысымен 
бастықтары

Облыстық, Астана, Алматы     Ішкі істер Ішкі істер  Президентпен
қалалық iшкi iстер           министрі   министрі    немесе оның
басқармаларының, көлiктегi                          тапсыруы
iшкi iстер департаментте-                           бойынша
рiнiң бастықтары                                    Әкімшілік
                                                    Басшысымен,
                                                    Премьер-
                                                    Министрмен

Қазақстан Республикасы     Iшкi          Ішкі       Премьер-
Iшкi iстер министрлiгiнiң  істер         істер      Министрмен,
орталық аппараты депар.    министрі      министрі   Әкімшілік
таменттерiнiң, Ерекше                               Басшысымен
қауiптi қылмыстармен
күресті үйлестiру орта-
лығының, Академиясының
бастықтары және iшкi
әскерлер бригадаларының
(құрамаларының) командирлерi

Қазақстан Республикасы     Экономи-     Экономи-   Әкiмшiлiк
Экономикалық қылмысқа       калық        калық     Басшысымен
және сыбайлас жемқор-      қылмысқа     қылмысқа
лыққа қарсы күрес агент-     және         және
тiгi (қаржы полициясы)     сыбайлас     сыбайлас
орталық аппараты депар-    жемқорлық-   жемқорлық-
таменттерiнiң, облыстар-   қа қарсы      қа қарсы
дың, Астана, Алматы қала-    күрес         күрес
лары экономикалық          агенттігi.   агенттiгi.
қылмысқа және сыбайлас     нің (қаржы   нің (қаржы
жемқорлыққа қарсы күрес    полициясы)   полициясы)
департаменттерiнiң (қаржы  төрағасы     төрағасы
полициясы), Қаржы поли-
циясы академиясының
бастықтары

Қаржы министрлiгi          Кеден        Кеден      Премьер-
Кеден бақылау комите-      бақылау      бақылау    Министрмен,
тiнiң облыстар, Астана   комитетінің  комитетінің  Әкiмшілiк
және Алматы қалалары      төрағасы     төрағасы    Басшысымен
кеден бақылау департа-
менттерiнiң бастықтары

Төтенше жағдайлар          Төтенше      Төтенше    Премьер-
министрлігінің орталық     жағдайлар    жағдайлар  Министрмен,
аппараты департаментте-    министрі     министрі   Әкiмшілiк
рiнің директорлары,                                Басшысымен
облыстар, Астана және
Алматы қалалары төтенше
жағдайлар департамент-
терiнiң бастықтары,
Төтенше жағдайлар
саласындағы мемлекеттiк
бақылау және қадағалау
комитетiнiң облыстар,
Астана және Алматы
қалалары төтенше
жағдайлар саласындағы
мемлекеттік бақылау және
қадағалау басқармалары-
ның бастықтары            

Әділет министрлігінің         Әділет        Әділет      Премьер-
облыстар, Астана және         министрі      министрі    Министрмен
Алматы қалалары әділет                                  Әкімшілік
департаменттерінің бастық-                              Басшысымен
тары, Қылмыстық-атқару
жүйесі комитетінің
орталық аппараты,
облыстар, Астана және
Алматы қалалары бойынша
басқармаларының
бастықтары, "Сот сарап-
тамасы орталығы"
мемлекеттік мекемесінің
директоры

Облыстар, Астана және      Ақпарат      Ақпарат     Премьер-
Алматы қалалары ақпарат    министрi     министрi    Министрмен,
басқармаларының                                     Әкiмшiлiк
бастықтары                                          Басшысымен
____________________________________________________________________

Қазақстан Республикасы  
Президентiнiң 2002 жылғы 
29 наурыздағы N 828    
Жарлығымен         
Бекiтiлген         

  Қазақстан Республикасының мемлекеттiк саяси
қызметшiлерi мен орталық және жергiлiктi
мемлекеттiк органдарының өзге де басшы
лауазымды адамдарын қызметке келiсу,
қызметке тағайындау мен қызметтен босату
тәртiбi туралы
ЕРЕЖЕ

  Орталық мемлекеттiк органдардың басшы лауазымды
адамдары мен облыстардың, Астана және Алматы
қалаларының әкiмдерi бойынша

      1. Қазақстан Республикасы Президентiнiң жарлықтарымен тағайындалатын мемлекеттiк саяси қызметшілер мен орталық және жергілікті мемлекеттiк органдардың өзге де басшы лауазымды адамдарын тағайындау немесе босату туралы ұсыныстарды Республика Премьер-Министрi (Үкiмет мүшелерi, облыстардың, Астана мен Алматы қалаларының әкiмдерi бойынша), Республика Президентi Әкiмшілігінің Басшысы (Республика Президентiне тiкелей бағынатын және есеп беретiн мемлекеттiк органдар басшылары бойынша) ұсынылып отырған тағайындаудың немесе босатудың себептерi мен дәлелдерiн көрсете отырып, Қазақстан Республикасы Президентiнiң қарауына жазбаша түрде енгiзедi.

      2. Республика Президентiнiң өкiмдерiмен, сондай-ақ Республика Президентiнiң немесе оның уәкiлеттiк беруiмен Президент Әкiмшiлiгi Басшысының келiсiмi бойынша жүргiзiлетiн оpталық мемлекеттiк органдардың лауазымды адамдарын тағайындау немесе босату туралы ұсыныстарды тиiстi орталық органның басшысы Әкiмшiлiкке жазбаша түрде енгізедi және оны тiркеп, Әкiмшілiк Басшысына ұсынатын Кадр саясаты бөлiмiне жiбередi.
      Бұл ретте Үкiмет құрамына кірмейтін орталық атқарушы органдардың және ведомстволардың басшыларын қызметке тағайындауға немесе қызметтен босатуға келісім беру туралы ұсыныстарды Премьер-Министр ұсынылып отырған тағайындаудың немесе босатудың себептері мен дәлелдерін көрсете отырып, Республика Президентінің қарауына енгізеді. Кадр саясаты бөлiмi қажетті құжаттарды дайындайды. Әкімшіліктің құрылымдық бөлімшелерінде кандидатураны зерделеуді, келісуді немесе кандидатпен әңгімелесуді ұйымдастырады және материалдарды қызметке тағайындау немесе қызметтен босату туралы, Республика Президентінің немесе оның уәкілеттік беруімен Әкімшілік Басшысының келiсiм беруi туралы мәселенi шешу үшін Президент Әкімшілігінің Басшысына береді.
      Осы тармақта аталған ұсыныстарды Әкімшіліктің құрылымдық бөлімшелерінде қаралу сатысына соқпай, Әкімшілік Басшысы Қазақстан Республикасының Президентіне тікелей баяндауы мүмкін.
       Ескерту. 2-тармаққа өзгерту енгізілді - ҚР Президентінің 2004.05.07. N 1362  жарлығымен , 2005.03.31. N 1533  жарлығымен .
       2-1. Егер Мемлекет басшысы немесе оның Әкiмшiлiгiнiң Басшысы өзгедей шешiм қабылдамаса, Мәдениет, ақпарат және спорт; Денсаулық сақтау; Бiлiм және ғылым министрлiктерi комитеттерiнiң төрағалары  қызметтерiне тағайындалуға кандидатуралар Президент Әкiмшiлiгiнiң Әлеуметтiк-саяси және Кадр саясаты бөлiмдерiнде алдын ала зерделенуге тиiс.
      Ескерту. 2-1-тармақпен толықтырылды - ҚР Президентінің 2005.03.31. N 1533  жарлығымен .  
      2-2. Егер Мемлекет басшысы немесе оның Әкiмшiлiгiнiң Басшысы өзгедей шешiм қабылдамаса, Қаржы; Индустрия және сауда; Ауыл шаруашылығы; Көлiк және коммуникация; Еңбек және халықты әлеуметтiк қорғау; Энергетика және минералдық ресурстар министрлiктерi комитеттерiнiң төрағалары қызметтерiне тағайындалуға кандидатуралар Президент Әкiмшiлiгiнiң Әлеуметтiк-экономикалық талдау және Кадр саясаты бөлiмдерiнде алдын ала зерделенуге тиiс.
       Ескерту. 2-2-тармақпен толықтырылды - ҚР Президентінің 2005.03.31. N 1533  жарлығымен .

  Қарулы Күштер,прокуратура, iшкi iстер, ұлттық қауіпсіздік, қаржы полициясы және кеден қызметі органдары бойынша <*>

     Ескерту. Атауына өзгерту енгізілді - ҚР Президентінің 2003.10.13. N 1202   жарлығымен .

      3. Бас Прокурордың, Ұлттық қауiпсiздiк комитетi Төрағасының орынбасарларын, "Барлау", Арнаулы ақпараттық қызметтерiнiң директорларын, Экономикалық қылмысқа және сыбайлас жемқорлыққа қарсы күрес агенттiгi (қаржы полициясы) төрағасының орынбасарларын қызметке тиiсiнше Бас Прокурордың, Ұлттық қауіпсіздік комитетi Төрағасының және Экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының Мемлекет басшысының Әкiмшiлiгiне енгiзген жазбаша ұсынысы бойынша Республика Президентi тағайындайды. 
      Мемлекет басшысының шешiмi бойынша немесе оның Әкiмшiлiк Басшысына берген тапсырмасына сәйкес Бас Прокурордың немесе Ұлттық қауiпсiздiк комитетi Төрағасының орынбасарлары, ҰҚК қызметтерiнiң директорлары, Экономикалық қылмысқа және сыбайлас жемқорлыққа қарсы күрес агенттiгi (қаржы полициясы) төрағасының орынбасарлары лауазымдарына кандидатуралар тағайындалғанға дейiн, тиiсiнше Президент Әкiмшiлiгiнiң Құқық қорғау және сот жүйелерi мәселелерi бөлiмiнде және Кадр саясаты бөлiмiнде, сондай-ақ Қауiпсiздiк Кеңесiнiң Хатшылығында алдын ала зерделенуi мүмкiн, олар тиiстi қорытынды дайындап, Әкімшiлiк Басшысына ұсынады.
       Ескерту. 3-тармаққа өзгерту енгізілді - ҚР Президентінің 2003.03.20. N 1044   жарлығымен , 2004.05.07. N 1362  жарлығымен , 2005.03.31. N 1533  жарлығымен .       

      4. Егер Республика Президентi немесе оның Әкiмшiлiгiнiң Басшысы өзгедей шешiм қабылдамаса, мынадай қызметтерге тағайындалуға кандидатуралар Президент Әкiмшiлiгiнiң Құқық қорғау және сот жүйелерi мәселелерi бөлiмiнде және Кадр саясаты бөлiмінде алдын ала зерделенуге тиіс:
      Бас прокуратураның орталық аппараты департаменттерінің бастықтары, облыстардың, Астана мен Алматы қалаларының прокурорлары, оларға теңестірілген басқа да прокурорлар; 
      Iшкi iстер министрiнiң, Iшкi iстер министрлiгiнiң Iшкi әскерлер қолбасшысы - Iшкi әскерлер комитетi төрағасының орынбасарлары, Iшкi iстер министрлiгi комитеттерiнiң төрағалары және төрағаларының орынбасарлары, ІІМ орталық аппараты департаменттерiнiң, Ерекше қауiптi қылмыстармен күресті үйлестіру орталығының бастықтары, Iшкi әскерлер бригадаларының (құрамаларының) командирлерi, IIМ Академиясының бастығы, облыстар, Астана, Алматы қалалары қалалық департаменттерiнiң, көліктегi департаменттерінің бастықтары;
      Әдiлет министрiнiң орынбасарлары, Әділет министрлiгi комитеттерiнiң төрағалары және төрағаларының орынбасарлары, Әділет министрлiгi "Сот сараптамасы орталығы" мемлекеттiк мекемесiнің директоры, облыстар, Астана және Алматы қалалары әділет департаменттерiнiң бастықтары, Қылмыстық-атқару жүйесi комитетiнiң орталық аппараты, облыстар, Астана және Алматы қалалары бойынша басқармаларының бастықтары;
      Қаржы министрлiгi Кеден бақылау комитетiнiң төрағасы және төрағасының орынбасарлары, облыстар, Астана және Алматы қалалары кеден бақылау департаменттерiнiң бастықтары;
      Қазақстан Республикасы Экономикалық қылмысқа және сыбайлас жемқорлыққа қарсы күрес агенттігi (қаржы полициясы) орталық аппараты департаменттерiнiң, облыстардың, Астана, Алматы қалаларының экономикалық қылмысқа және сыбайлас жемқорлыққа қарсы күрес департаменттерiнiң (қаржы полициясы) және Қаржы полициясы академиясының бастықтары;
      Ұсынылған кандидатураларды зерделеудің нәтижесін Құқық қорғау және сот жүйелерi мәселелерi бөлiмi Кадр саясаты бөлiмiмен бірлесе отырып, келісім берудің мүмкіндігі немесе мүмкін еместігі туралы Әкімшілік Басшысының қарауына ұсынылатын қорытынды түрінде ресімдейді.
      Егер кандидат орталық атқарушы органдағы қызметке ұсынылатын болса, ұсынылған кандидатураларды зерделеу кезінде Үкіметтің пікірі ескеріледі. Бұл үшін Премьер-Министр Кеңсесі Президент Әкімшілігіне тиісті жазбаша қорытынды табыс етеді.
       Ескерту. 4-тармаққа өзгерту енгізілді - ҚР Президентінің 2003.03.20. N 1044   жарлығымен , 2003.10.13. N 1202   жарлығымен , 2004.05.07. N 1362  жарлығымен , 2004.08.03. N 1415  жарлығымен , 2005.03.31. N 1533  жарлығымен , 2005.12.29. N  1693  жарлығымен.

      5. Егер Мемлекет басшысы немесе оның Әкiмшiлiгiнiң Басшысы өзгедей шешiм қабылдамаса, мынадай қызметтерге тағайындалуға кандидатуралар Қауiпсiздiк Кеңесiнiң хатшылығында, Кадр саясаты бөлiмiнде зерделенуге тиiс:
      Ұлттық қауiпсiздiк комитетi орталық аппараты департаменттерiнiң, облыстар, Астана және Алматы қалалары департаменттерiнің бастықтары, Шекара қызметi директорының орынбасарлары, Шекара қызметi өңiрлiк басқармаларының, Академиясының және Әскери институтының бастықтары;
      Қорғаныс министрiнiң бiрiншi орынбасары - Қорғаныс министрлiгi Штабтар бастықтары комитетiнiң төрағасы; Қорғаныс министрiнiң орынбасарлары; Штабтар бастықтары комитетi төрағасының орынбасарлары; Қарулы Күштер әскер түрлерiнiң, тектерiнiң және өңiрлiк қолбасшылықтарының қолбасшылары және олардың бiрiншi орынбасарлары, сондай-ақ тыл бастығы; Қазақстан Республикасы Қорғаныс министрлiгiнiң орталық аппараты департаменттерiнiң бастықтары, бас инспекцияларының, орталық командалық пунктiнiң, бас басқармаларының бастықтары; Ұлттық қорғаныс университетiнiң бастығы; облыстардың және Астана мен Алматы қалаларының қорғаныс iстерi департаменттерiнiң бастықтары; 
      Төтенше жағдайлар министрінің орынбасарлары, Төтенше жағдайлар министрлігі комитеттерiнiң төрағалары, Төтенше жағдайлар саласындағы мемлекеттiк бақылау және қадағалау комитетi төрағасының орынбасарлары, облыстардың, Астана және Алматы қалалық төтенше жағдайлар департаменттерiнiң бастықтары, Төтенше жағдайлар саласындағы мемлекеттiк бақылау және қадағалау комитетiнiң облыстар, Астана және Алматы қалалары төтенше жағдайлар саласындағы мемлекеттiк бақылау және қадағалау басқармаларының бастықтары; Қоршаған ортаны қорғау министрлiгi комитеттерінің төрағалары;
      Ұсынылған кандидатураларды зерделеудiң нәтижесiн Қауiпсiздiк Кеңесiнiң Хатшылығы Кадр саясаты бөлiмiмен бiрлесе отырып, келісім беру мүмкiндiгi немесе мүмкiн еместiгi туралы Әкiмшiлiк Басшысының қарауына ұсынылатын қорытынды түрiнде ресiмдейдi.
       Ескерту. 5-тармаққа өзгерту енгізілді - ҚР Президентінің 2003.10.13. N 1202   жарлығымен , 2004.05.07. N 1362  жарлығымен , 2005.03.31. N 1533  жарлығымен .

      6. <*>
       Ескерту. 6-тармақ алып тасталды - ҚР Президентінің 2003.03.20. N 1044   жарлығымен .

      7. Аталған мемлекеттік органдардың жекелеген лауазымды адамдарын тағайындау немесе босату жөніндегі ұсыныстар Президент Әкімшілігінің құрылымдық бөлімшелері мен Премьер-Министрдің Кеңсесіне соқпай Қазақстан Республикасы Президентінің жеке өзіне және оның Әкімшілігінің Басшысына баяндалуы мүмкін.

  Жергілiкті атқарушы органдар бойынша

      8. Облыс, Астана мен Алматы қалаларының әкімдері орынбасарларының, әкiмдерi аппараттары жетекшілерiнiң қала және аудан әкімдерінің, қалалардағы аудандар әкімдерінің қызметтеріне тағайындауларды оларға қатысты жоғары тұрған әкімдер Қазақстан Республикасының Президентi мен Премьер-Министрiнiң немесе олар уәкiлеттiк берген лауазымды адамдардың келiсiмiмен жүргiзедi. 
      Ұсынылған кандидатураларды жоғарыда аталған қызметтерге тағайындау жөнiндегi материалдарды тиiсiнше облыстардың, Астана және Алматы қалаларының әкiмдерi Президент Әкiмшiлiгiне енгiзедi, онда Мемлекеттік бақылау және ұйымдастыру жұмысы мен Кадр саясаты бөлiмдерiнде тiркелгеннен және зерделенгеннен кейiн мәселенi Үкiметте келісу үшiн Премьер-Министр Кеңсесiне жiберiледi;
      Мәселе Үкiметте қаралғаннан кейiн материалдар қайтадан Кадр саясаты бөлiмiне берiледi, ол Әкімшiлiк Басшысының келiсiмiмен кандидатпен әңгіме өткізу және Президент Әкiмшiлiгi мен Премьер-Министр Кеңсесiнiң мүдделi құрылымдық бөлiмшелерiнде келiсу үшiн оны шақыруды ұйымдастырады. Содан кейiн тиiстi құжаттар Қазақстан Республикасының Президентiне одан әрi баяндау үшiн немесе оның уәкiлеттiк беруiмен Әкiмшiлiк Басшысының келiсiм беру не бас тарту туралы мәселенi шешу үшiн Әкiмшiлiк Басшысына табыс етiледi.
      Жекелеген жағдайларда Әкiмшiлiк Басшысы Қазақстан Республикасының Президентiмен келiсу бойынша әңгiмелесуге шақырусыз да кандидатты тағайындауға келiсiм беруi мүмкiн.
       Ескерту. 8-тармаққа өзгерту енгізілді - ҚР Президентінің 2003.03.20. N 1044   жарлығымен , 2004.05.07. N 1362  жарлығымен , 2005.03.31. N 1533  жарлығымен .

      9. Облыстар, Астана, Алматы қалалары әкiмдерiнiң орынбасарларын, әкiмдерi аппараттары жетекшiлерiн, қала және аудандар әкiмдерiн қызметтен босату осы мәселе Президент Әкiмшiлiгiнiң Басшысымен және Yкiметпен келiсiлгеннен кейін ғана жүргiзiледi. Бұл үшiн облыс, Астана мен Aлматы қалаларының әкiмдерi ұсынылатын босатудың себептерiн Президент Әкiмшілiгi Басшысының атына көрсетіп, жазбаша ұсыным жолдайды. Мәселе тиісінше зерделеніп, Мемлекет басшысына баяндалғаннан кейін Әкімшілік Басшысы босатуға келісім береді немесе ұсынымды қабылдамай тастайды.
       Ескерту. 9-тармаққа өзгерту енгізілді - ҚР Президентінің 2003.03.20. N 1044   жарлығымен .

       Орталық мемлекеттiк органдардың аумақтық бөлімшелерінің
                 басшы лауазымды адамдары бойынша

      9-1. Егер Мемлекет басшысы немесе оның Әкiмшілігінiң Басшысы өзгедей шешiм қабылдамаса, облыстар, Астана және Алматы қалалары ақпарат басқармаларының бастықтары қызметтеріне тағайындалуға кандидатуралар Президент Әкiмшiлiгiнiң Iшкi саясат пен Ұйымдастыру-бақылау жұмысы және кадр саясаты басқармаларында алдын ала зерделенуге тиiс.
      Ұсынылған кандидатураларды зерделеудiң нәтижесiн Iшкi саясат басқармасы Ұйымдастыру-бақылау жұмысы және кадр саясаты басқармасымен бiрлесе отырып, келiсiм берудiң мүмкiндiгі немесе мүмкiн еместігi туралы Әкiмшілiк Басшысының қарауына ұсынылатын қорытынды түрiнде ресiмдейдi.
      Ескерту. Бөліммен толықтырылды - ҚР Президентінің 2004.08.03. N 1415  жарлығымен , 9-1-тармақ жаңа редакцияда - 2005.03.31. N 1533  жарлығымен .  

   Осы Ереженiң өзге де мәселелерi

      10. Лауазымды адамдарды тағайындау және босату жөніндегі тиісті жарлықтар мен өкімдердің жобаларын, дайындауды, әдетте, Президент Әкімшілігінің Кадр саясаты бөлiмi жүзеге асырады.
       Ескерту. 10-тармаққа өзгерту енгізілді - ҚР Президентінің 2004.05.07. N 1362  жарлығымен , 2005.03.31. N 1533  жарлығымен .  

      11. Ұсынылған кандидатураларды тиісті қызметтерге тағайындау туралы ұсынымға Президент Әкімшілігі айқындайтын тізбе бойынша құжаттар қоса беріледі.
      Ұсынымда қызметке тағайындауға ұсынылған кандидаттардың iскерлiк және жеке басының қасиеттерiне қысқаша сипаттама берiледi. Лауазымды адам орнынан түскен немесе ол өз тілегі бойынша қызметтен босатылған жағдайда материалдарға мемлекеттік қызметшінің тиісті өтініші қоса беріледі.

      12. Қажет болған жағдайда Президент Әкiмшiлiгiнiң мүдделi құрылымдық бөлiмшелерi қосымша материалдарды сұратып алдырады, не тағайындалатын немесе босатылатын мемлекетті қызметшiнiң iскерлiк және жеке басының қасиеттерiн зерделеудi жергiлiктi жерге барып болмаса Әкiмшiлiкке әңгiмелесуге шақыру арқылы ұйымдастырады.