Мемлекеттiк билiк органдары жүйесіндегі кадр саясатының кейбiр мәселелерi туралы

Қазақстан Республикасы Президентінің 2002 жылғы 29 наурыздағы N 828 Жарлығы

Жаңартылған

      Мемлекеттiк билiк органдары жүйесiнде бiрыңғай әрi тиiмдi кадр саясатын жүргiзу, лауазымды тұлғалардың мемлекеттiк мiндеттердi жүзеге асыру үшін жауапкершiлiгiн арттыру мақсатында қаулы етемін:

      1. Қоса берiлiп отырған:
      1) Мемлекеттiк саяси қызметшiлер лауазымдарының және мемлекеттiк органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекiтiлетiн, оның ұсынуы бойынша сайланатын басшы  қызметкерлерiнiң лауазымдар тiзбесi;
      2) Қазақстан Республикасының мемлекеттiк саяси қызметшілерi мен орталық және жергіліктi мемлекеттiк органдарының өзге де басшы лауазымды адамдарын қызметке келiсу, қызметке тағайындау мен қызметтен босату туралы ереже бекітілсін.

      2. Мыналардың:
      1) "Мемлекеттiк органдардың Қазақстан Республикасының Президентi тағайындайтын және бекiтетiн немесе оның келiсуiмен тағайындалатын және бекiтiлетін, оның ұсынуы бойынша сайланатын басшы қызметкерлерiнiң лауазымдар тiзбесi туралы" Қазақстан Республикасы Президентiнің 1999 жылғы 4 мамырдағы N 132 Жарлығының ;
      2) "Қазақстан Республикасы орталық және жергілікті мемлекеттік органдарының басшы лауазымды адамдарын қызметкe келiсу, қызметке тағайындау мен қызметтен босату тәртiбi туралы ереженi бекiту туралы" Қазақстан Республикасы Президентiнiң 1999 жылғы 3 қарашадағы N 87 өкiмiнiң  күшi жойылған деп танылсын.

      3. Осы Жарлық қол қойылған күнiнен бастап күшiне енедi.

      Қазақстан Республикасының
      Президенті

Қазақстан Республикасы  
Президентiнiң 2002 жылғы 
29 наурыздағы N 828   
Жарлығымен        
Бекiтiлген        

Мемлекеттiк саяси қызметшiлер лауазымдарының және
мемлекеттiк органдардың Қазақстан Республикасының
Президентi тағайындайтын және бекiтетiн немесе оның
келiсуімен тағайындалатын және бекiтiлетiн, оның ұсынуы
бойынша сайланатын басшы қызметкерлерінiң лауазымдар
ТIЗБЕСІ

      Ескерту. Тізбе өзгерді - ҚР Президентінің 2003.03.20. N 1044 жарлығымен .

                           !   Кiм    !    Кiм   !    Кіммен
                           ! тағайын. !  ұсынады !  келісіледі
                           !  дайды   !          !(кім ұсынады)
-----------------------------------------------------------------
Қазақстан Республикасының   Президент             Парламентпен
Премьер-Министрi

Парламент Сенатының         Парламент  Президент
Төрағасы

Қазақстан Республикасының   Президент
Мемлекеттiк хатшысы -
Сыртқы iстер министрi

Қазақстан Республикасы      Президент
Президентi Әкімшiлiгiнiң
Басшысы       

Конституциялық Кеңестің     Президент  Әкімшілік
Төрағасы және екi мүшесi               Басшысы

Жоғарғы Соттың Төрағасы,    Парламент  Президент  Жоғары Сот
алқа төрағалары мен         Сенаты                Кеңесімен
судьялары                   сайлайды

Қазақстан Республикасының   Президент  Әкімшілік  Парламент
Бас Прокуроры                          Басшысы    Сенатымен

Қазақстан Республикасы      Президент  Әкімшілік  Парламентпен
Ұлттық Банкінің Төрағасы               Басшысы

Қазақстан Республикасы      Президент  Премьер-
Премьер-Министрiнiң                    Министр
орынбасарлары

Орталық сайлау              Парламент  Президент
комиссиясының төрағасы,     Мәжілісі
төрағаның орынбасары,       сайлайды
хатшысы мен мүшелерi

Жоғары Сот Кеңесінің        Президент  Әкімшілік
Төрағасы және мүшелері                 Басшысы

Қазақстан Республикасы      Президент  Әкімшілік  Парламент
Ұлттық қауiпсiздiк                     Басшысы    Сенатымен
комитетiнiң Төрағасы

Республикалық бюджеттiң     Президент  Әкімшілік
атқарылуын бақылау                     Басшысы
жөнiндегi есеп комитетінің
төрағасы және екi мүшесi

Қазақстан Республикасы      Президент  Әкімшілік
Президентiнiң Iс                       Басшысы
Басқарушысы

Қазақстан Республикасы      Президент  Әкімшілік
Президентінің көмекшiлері              Басшысы

Қазақстан Республикасы      Президент  Премьер-
Премьер-Министрi                       Министр
Кеңсесiнiң Басшысы

Қазақстан Республикасы      Президент  Әкімшілік
Президентiнің Әкiмшiлiгi               Басшысы
Басшысының орынбасарлары

Қазақстан Республикасы      Президент  Әкiмшiлiк
Қауiпсiздiк Кеңесiнiң                  Басшысы <*>
хатшысы

Қазақстан Республикасы      Президент  Әкімшілік
Президентінің кеңесшілері              Басшысы

Қазақстан Республикасының   Президент  Премьер-
министрлерi                            Министр

Қазақстан Республикасындағы  Президент  Әкiмшiлiк
Адам құқығы жөнiндегi уәкiл             Басшысы <*>

Қазақстан Республикасының   Президент  Әкімшілік
Президентіне тікелей                   Басшысы
бағынатын және есеп беретін
мемлекеттік органдардың
басшылары

Облыстардың, Астана және    Президент  Премьер-
Алматы қалалары әкiмдерi               Министр

Қазақстан Республикасы      Президент  Мемлекеттік  Премьер-
дипломатиялық                          хатшы -      Министрмен,
өкілдіктерінің басшылары               Сыртқы істер Әкімшілік
                                       министрі     Басшысымен,
                                                    Парламент
                                                    Сенатының
                                                    және
                                                    Мәжілісінің
                                                    тиісті
                                                    комитеттерімен

Еуразиялық экономикалық     Президент  Премьер-    Мемлекеттік
қоғамдастық жанындағы                  Министр     хатшы -
Қазақстан Республикасының                          Сыртқы істер
Тұрақты өкілі                                      министрімен,
                                                   Әкімшілік
                                                   Басшысымен

Қазақстан Республикасы      Президент  Әкімшілік
Парламентi Сенатының жетi              Басшысы
депутаты

Орталық атқарушы органдар   Үкiмет     Премьер-    Президентпен
болып табылатын                        Министр     немесе оның
агенттiктердiң төрағалары              Keңсeciнiң  тапсыруы
                                       Басшысы     бойынша
                                                   Әкімшілік
                                                   Басшысымен

Қазақстан Республикасы      Президент  Қауіпсіздік Әкімшілік
Қауiпсiздiк Кеңесi                     Кеңесінің   Басшысымен
Хатшысының орынбасарлары               Хатшысы

Қазақстан Республикасы      Президент  Әкімшілік
Президентi Әкiмшiлiгі                  Басшысы
құрылымдық бөлiмшелерінің
басшылары (Хатшылықтардың
меңгерушiлерiнен басқа)

Қазақстан Республикасының   Президент  Ұлттық Банк Президентпен
Ұлттық Банкi Төрағасының               Төрағасы    немесе оның
орынбасарлары және                                 тапсыруы
басқарма мүшелерi                                  бойынша
                                                   Әкiмшiлiк
                                                   Басшысымен

Қазақстан Республикасының   Президент  Қорғаныс    Премьер-
Қарулы Күштерi Бас Штабының            министрi    Министрмен,
бастығы - Қазақстан                                Әкімшілік
Республикасы Қорғаныс                              Басшысымен
министрiнiң бiрiншi
орынбасары

Қазақстан Республикасы      Президент  Қорғаныс    Премьер-
Қорғаныс министрiнiң                   министрі    Министрмен,
орынбасарлары                                      Әкімшілік
                                                   Басшысымен

Министрлердің               Үкімет     Министрлер  Президентпен
орынбасарлары                                      немесе оның
                                                   тапсыруы
                                                   бойынша
                                                   Әкiмшiлiк
                                                   Басшысымен

Қазақстан Республикасының   Президент  Қазақстан   Әкімшілік
Президентiне тiкелей                   Республика. Басшысымен
бағынатын және есеп                    сының Пре.
беретiн мемлекеттiк                    зидентіне
органдар басшыларының                  тікелей
орынбасарлары                          бағынатын
                                       және есеп
                                       беретін
                                       мемлекеттік
                                       органдардың
                                       басшылары

Қазақстан Республикасы      Президент  Президенттің Әкімшілік
Президенті Іс                          Іс           Басшысымен
Басқарушысының                         Басқарушысы
орынбасарлары

Қазақстан Республикасы      Президент  ҰҚК төрағасы Әкімшілік
ҰҚК-нің "Барлау", Арнайы                            Басшысымен
ақпараттық қызметтерінің
директорлары, алқа
мүшелері <*>

Қазақстан Республикасының   Президент  Жоғарғы Сот  Әкімшілік
Жоғарғы Соты жанындағы                 Төрағасы     Басшысымен
Сот әкiмшiлiгi жөніндегі
комитет төрағасы

Қазақстан Республикасы      Президент  Әкiмшiлiк
Президентiнiң "Байқоңыр"               Басшысы
ғарыш айлағындағы арнаулы
өкiлi

Қазақстан Республикасы      Президент  Әкiмшiлiк
Президентінiң жанындағы                Басшысы
Мемлекеттiк қызмет
академиясының ректоры

Қазақстан Республикасы      Президент  Әкімшілік
Президентiнің жанындағы                Басшысы
Қазақстан стратегиялық
зерттеулер институтының
директоры

Қазақстан Республикасы      Президент  Бiлiм және   Премьер-
Ұлттық ғылым академиясының             ғылым        Министрмен,
президентi                             министрi     Әкiмшiлiк
                                                    Басшысымен

Қазақстан Республикасы      Президент  Қорғаныс     Премьер-
Қарулы Күштерiнiң әскер                министрі     Министрмен,
түрлерiнiң, тектерiнiң                              Әкімшілік
қолбасшылары                                        Басшысымен

Қазақстан Республикасы      Президент  Қорғаныс     Премьер-
Қарулы Күштерiнiң әскери               министрі     Министрмен,
округтерінiң                                        Әкімшілік
қолбасшылары                                        Басшысымен

Қазақстан Республикасы      Президент  Қорғаныс     Премьер-
Қарулы Күштерi Әскери                  министрі     Министрмен,
академиясының бастығы                               Әкімшілік
                                                    Басшысымен

Қазақстан Республикасының   Президент  Ішкі істер   Премьер-
Ішкі істер министрлігі                 министрі     Министрмен,
Ішкі әскерлерінің                                   Әкімшілік
қолбасшысы                                          Басшысымен

Қазақстан Республикасы      Президент  Әкімшілік
Президентінің Қазақстан                Басшысы
Республикасы Ұлттық Банкі
басқармасындағы өкілі

Қазақстан Республикасы      Президент  Әкімшілік
Әділет біліктілік                      Басшысы
алқасының төрағасы

Облыстардың, Астана және    Президент  Жоғарғы Сот  Жоғары Сот
Алматы қалалары соттарының             Төрағасы     Кеңесімен
төрағалары, осы соттардың
алқа төрағалары, судьялары

Аудандық, қалалық және      Президент  Әділет       Әділет
оларға теңестiрiлген                   министрі     біліктілік
соттардың төрағалары және                           алқасымен
осы соттардың судьялары

Кедендiк бақылау және       Үкімет     Агенттіктер  Әкімшілік
Қаржы полициясы                        төрағалары   Басшысымен
агенттiктерi төрағаларының
орынбасарлары <*>

Қылмыстық-атқару            Үкімет     Министрлер   Әкімшілік
жүйесi, Нашақорлыққа және                           Басшысымен
есiрткi бизнесiне қарсы
күрес жөнiндегі, Tipкey
қызметi, Мемлекеттiк мүлiк
және жекешелендiру, құқық
қорғау органдары комитет.
терiнiң төрағалары

Облыстардың, Астана және     Облыс     Облыс        Премьер-
Алматы қалалары әкiмдерiнiң  әкiмi     әкiмi        Министрмен,
орынбасарлары, әкiмдер                              Әкiмшiлiк
аппараттарының жетекшiлерi,                         Басшысымен
қалалардың, аудандардың
және қалалардағы
аудандардың әкiмдерi

Адам құқығы             "Қазақстан    "Қазақстан        Әкiмшiлiк
жөнiндегi               Республикасын. Республикасын.   Басшысы <*>
ұлттық                  дағы Адам      дағы Адам құқығы
орталық                 құқығы         жөнiндегi уәкiл
жетекшiсi               жөнiндегi
                        уәкiл

Облыстардың, Алматы және     Бас       Бас          Президентпен
Астана қалаларының           Прокурор  Прокурор     немесе оның
прокурорлары және оларға                            тапсыруы
теңестiрiлген прокурорлар <*>                       бойынша
                                                    Әкімшілік
                                                    Басшысымен

Бас Прокуратураның орталық   Бас       Бас          Әкімшілік
аппаратының Департамент.     Прокурор  Прокурор     Басшысымен
терiнiң бастықтары

"Облыстар, Астана,         Бас         Бас          Әкімшілік
Алматы қалалары про.       прокурор    прокурор     Басшысы.
курорларының орын.                                  мен <*>
басарлары және оларға
теңестiрілген прокурор.
лардың орынбасарлары

Қазақстан Республикасы       ҰҚК       ҰҚК          Әкімшілік
ҰҚK-нiң орталық аппараты     төрағасы  төрағасы     Басшысымен
департаменттерiнiң, ҰҚК
Академиясының және Әскери
институтының бастықтары

Облыстардың, Алматы және     ҰҚК       ҰҚК          Президентпен
Астана қалалары ҰҚК          төрағасы  төрағасы     немесе оның
департаменттерiнiң                                  тапсыруы
бастықтары                                          бойынша
                                                    Әкімшілік
                                                    Басшысымен

Облыстық, Астана, Алматы     Ішкі істер Ішкі істер  Президентпен
қалалық iшкi iстер           министрі   министрі    немесе оның
басқармаларының, көлiктегi                          тапсыруы
iшкi iстер басқармаларының                          бойынша
(бас басқармалар) бастықтары <*>                    Әкімшілік
                                                    Басшысымен

Қазақстан Республикасы     Iшкi          Ішкі          Әкімшілік
Iшкi iстер министрлiгiнiң  істер         істер         Басшысы.
орталық аппараты депар.    министрі      министрі      мен <*>
таменттерiнiң бастықтары

Облыстар, Астана, Алматы   Қаржы         Қаржы         Әкімшілік
қалалары қаржы поли.       полициясы     полициясы     Басшысы.
циясы, көлiктегi полиция   агенттігінің  агенттігінің  мен <*>
департаменттерiнiң         төрағасы      төрағасы
бастықтары, Қазақстан
Республикасы Қаржы
полициясы агенттiгi орта.
лық аппараты департа.
менттерiнiң бастықтары

Облыстар, Астана және      Кедендiк      Кедендiк      Әкімшілік
Алматы қалалары кеден      бақылау       бақылау       Басшысы.
басқармаларының            агенттiгiнің  агенттiгiнің  мен <*>
бастықтары                 төрағасы      төрағасы

Облыстар, Астана және      Әдiлет        Әдiлет        Әкімшілік
Алматы қалалары әдiлет     министрi      министрi      Басшысы.
басқармаларының бас.                                   мен <*>
тықтары, облыстар,
Астана қаласы, Алматы
қаласы және Алматы
облысы бойынша Қыл.
мыстық-атқару жүйесi
комитетi басқармалары.
ның бастықтары, Әдiлет
министрлiгi "Сот сарап.
тамасы орталығы"
мемлекеттiк мекемесiнiң
директоры

Қазақстан Республикасы 
Президентiнiң 2002 жылғы
29 наурыздағы N 828   
Жарлығымен        
Бекiтiлген        

Қазақстан Республикасының мемлекеттiк саяси
қызметшiлерi мен орталық және жергiлiктi
мемлекеттiк органдарының өзге де басшы
лауазымды адамдарын қызметке келiсу,
қызметке тағайындау мен қызметтен босату
тәртiбi туралы
ЕРЕЖЕ

Орталық мемлекеттiк органдардың басшы лауазымды
адамдары мен облыстардың, Астана және Алматы
қалаларының әкiмдерi бойынша

      1. Қазақстан Республикасы Президентiнiң жарлықтарымен тағайындалатын мемлекеттiк саяси қызметшілер мен орталық және жергілікті мемлекеттiк органдардың өзге де басшы лауазымды адамдарын тағайындау немесе босату туралы ұсыныстарды Республика Премьер-Министрi (Үкiмет мүшелерi, облыстардың, Астана мен Алматы қалаларының әкiмдерi бойынша), Республика Президентi Әкiмшілігінің Басшысы (Республика Президентiне тiкелей бағынатын және есеп беретiн мемлекеттiк органдар басшылары бойынша) ұсынылып отырған тағайындаудың немесе босатудың себептерi мен дәлелдерiн көрсете отырып, Қазақстан Республикасы Президентiнiң қарауына жазбаша түрде енгiзедi.

      2. Республика Президентiнiң өкiмдерiмен, сондай-ақ Республика Президентiнiң немесе оның уәкiлеттiк беруiмен Президент Әкiмшiлiгi Басшысының келiсiмi бойынша жүргiзiлетiн оpталық мемлекеттiк органдардың лауазымды адамдарын тағайындау немесе босату туралы ұсыныстарды тиiстi орталық органның басшысы Әкiмшiлiкке жазбаша түрде енгізедi және оны тiркеп, Әкiмшілiк Басшысына ұсынатын Әкiмшілiктiң Кадр жұмысы бөлiмiне жiбередi.
      Бұл ретте Үкiмет құрамына кірмейтін орталық атқарушы органдардың және ведомстволардың басшыларын қызметке тағайындауға немесе қызметтен босатуға келісім беру туралы ұсыныстарды Премьер-Министр ұсынылып отырған тағайындаудың немесе босатудың себептері мен дәлелдерін көрсете отырып, Республика Президентінің қарауына енгізеді. Әкiмшiлiктің Кадр жұмысы бөлімі қажетті құжаттарды дайындайды. Әкімшіліктің құрылымдық бөлімшелерінде кандидатураны зерделеуді, келісуді немесе кандидатпен әңгімелесуді ұйымдастырады және материалдарды қызметке тағайындау немесе қызметтен босату туралы, Республика Президентінің немесе оның уәкілеттік беруімен Әкімшілік Басшысының келiсiм беруi туралы мәселенi шешу үшін Президент Әкімшілігінің Басшысына береді.
      Осы тармақта аталған ұсыныстарды Әкімшіліктің құрылымдық бөлімшелерінде қаралу сатысына соқпай, Әкімшілік Басшысы Қазақстан Республикасының Президентіне тікелей баяндауы мүмкін.

Прокуратура, iшкi iстер, ұлттық қауіпсіздік,
қаржы полициясы және кеден қызметі органдары бойынша

      3. Бас Прокурордың, Ұлттық қауiпсiздiк комитетi Төрағасының орынбасарларын, "Барлау", Арнаулы ақпараттық қызметтерiнiң директорларын қызметке тиiсiнше Бас Прокурордың, Ұлттық қауіпсіздік комитетi Төрағасының Мемлекет басшысының Әкiмшiлiгiне енгiзген жазбаша ұсынысы бойынша Республика Президентi тағайындайды. <*>
      Мемлекет басшысының шешiмi бойынша немесе оның Әкiмшiлiк Басшысына берген тапсырмасына сәйкес Бас Прокурордың немесе Ұлттық қауiпсiздiк комитетi Төрағасының орынбасарлары, ҰҚК қызметтерiнiң директорлары лауазымдарына кандидатуралар тағайындалғанға дейiн, тиiсiнше Президент Әкiмшiлiгiнiң Мемлекеттiк-құқық және Кадр жұмысы бөлiмдерiнде, сондай-ақ Қауiпсiздiк Кеңесiнiң Хатшылығында алдын ала зерделенуi мүмкiн, олар тиiстi қорытынды дайындап, Әкімшiлiк Басшысына ұсынады.
      Ескерту. 3-тармақ өзгерді - ҚР Президентінің 2003.03.20. N 1044 жарлығымен .

      4. Егер Республика Президентi немесе оның Әкiмшiлiгiнiң Басшысы өзгедей шешiм қабылдамаса, мынадай қызметтерге тағайындалуға кандидатуралар Президент Әкiмшiлiгiнiң Мемлекеттiк-құқық және Кадр жұмысы бөлiмдерiнде алдын ала зерделенуге тиіс:
      Бас прокуратураның орталық аппараты департаменттерінің бастықтары, облыстардың, Астана мен Алматы қалаларының прокурорлары, оларға теңестірілген басқа да прокурорлар және олардың орынбасарлары; <*>
      Iшкi iстер министрiнiң, Iшкi әскерлер Қолбасшысының, Iшкi iстер министрлiгi комитеттерi төрағаларының, IIМ орталық аппараты департаменттерi бастықтарының, облыстар, Астана, Алматы қалаларының ҚIIБ (IIБ) және көлiктегi ҚIIБ (IIБ) бастықтарының орынбасарлары;<*>
      Әділет министрінің орынбасарлары, Әділет министрлігі комитеттерінің төрағалары, Әдiлет министрлiгi "Сот сараптамасы орталығы" мемлекеттiк мекемесi директорының, облыстар, Астана және Алматы қалалары әдiлет басқармалары бастықтарының, облыстар, Астана қаласы, Алматы қаласы және Алматы облысы бойынша Қылмыстық-атқару жүйесi комитетi басқармалары бастықтарының орынбасарлары; <*>
      Кедендiк бақылау агенттiгiнiң төрағасы, оның орынбасарлары, облыстар, Астана және Алматы қалалары кеден басқармаларының бастықтары; <*>
      Қаржы полициясы агенттігінің төрағасы, оның орынбасарлары, Қаржы полициясы агенттiгiнiң орталық аппараты департаменттерiнiң бастықтары, облыстар, Астана, Алматы қалалары қаржы полициясы, көлiктегi полиция департаменттерiнiң бастықтары. <*>
      Ұсынылған кандидатураларды зерделеудің нәтижесін Мемлекеттік-құқық бөлімі Кадр жұмысы бөлімімен бірлесе отырып, келісім берудің мүмкіндігі немесе мүмкін еместігі туралы Әкімшілік Басшысының қарауына ұсынылатын қорытынды түрінде ресімдейді.
      Егер кандидат орталық атқарушы органдағы қызметке ұсынылатын болса, ұсынылған кандидатураларды зерделеу кезінде Үкіметтің пікірі ескеріледі. Бұл үшін Премьер-Министр Кеңсесі Президент Әкімшілігіне тиісті жазбаша қорытынды табыс етеді.
      Ескерту. 4-тармақ өзгерді - ҚР Президентінің 2003.03.20. N 1044 жарлығымен .

      5. Егер Мемлекет басшысы немесе оның Әкiмшiлiгiнiң Басшысы өзгедей шешiм қабылдамаса, мынадай қызметтерге тағайындалуға кандидатуралар Қауiпсiздiк Кеңесiнiң хатшылығында, Кадр жұмысы бөлiмiнде зерделенуге тиiс:
      Ұлттық қауiпсiздiк комитетiнiң орталық аппараты департаменттерiнiң, облыстық, Астана мен Алматы қалалық департаменттерiнiң, Ұлттық қауiпсiздiк комитетi Академиясының және Әскери институтының бастықтары;
      Қазақстан Республикасы Қарулы Күштерi Бас штабының бастығы - Қорғаныс министрiнiң бiрiншi орынбасары; Қорғаныс министрiнiң орынбасарлары; Қазақстан Республикасы Қарулы Күштерi әскер түрлерiнiң, тектерiнiң және әскери округтерiнiң қолбасшылары.
      Ұсынылған кандидатураларды зерделеудiң нәтижесiн Қауiпсiздiк Кеңесiнiң Хатшылығы Кадр жұмысы бөлiмiмен бiрлесе отырып, келісім беру мүмкiндiгi немесе мүмкiн еместiгi туралы Әкiмшiлiк Басшысының қарауына ұсынылатын қорытынды түрiнде ресiмдейдi.

      6. <*>
      Ескерту. 6-тармақ алып тасталды - ҚР Президентінің 2003.03.20. N 1044 жарлығымен .

      7. Аталған мемлекеттік органдардың жекелеген лауазымды адамдарын тағайындау немесе босату жөніндегі ұсыныстар Президент Әкімшілігінің құрылымдық бөлімшелері мен Премьер-Министрдің Кеңсесіне соқпай Қазақстан Республикасы Президентінің жеке өзіне және оның Әкімшілігінің Басшысына баяндалуы мүмкін.

Жергілiкті атқарушы органдар бойынша

      8. Облыс, Астана мен Алматы қалаларының әкімдері орынбасарларының, әкiмдерi аппараттары жетекшілерiнiң қала және аудан әкімдерінің, қалалардағы аудандар әкімдерінің қызметтеріне тағайындауларды оларға қатысты жоғары тұрған әкімдер Қазақстан Республикасының Президентi мен Премьер-Министрiнiң немесе олар уәкiлеттiк берген лауазымды адамдардың келiсiмiмен жүргiзедi. <*>
      Ұсынылған кандидатураларды жоғарыда аталған қызметтерге тағайындау жөнiндегi материалдарды тиiсiнше облыстың, Астана мен Алматы қалаларының әкiмдерi Президент Әкiмшiлiгiне енгiзедi, онда Кадр жұмысы бөлiмiнде тiркелiп және зерделенiп, Әкiмшiлiктiң, Ұйымдастыру-бақылау бөлiмiмен келiсiлгеннен кейiн мәселенi Үкiметте келiсу үшiн Премьер-Министр Кеңсесiне жiберiледi. <*>
      Мәселе Үкiметте қаралғаннан кейiн материалдар қайтадан Әкiмшiлiктiң Кадр жұмысы бөлiмiне берiледi, ол Әкімшiлiк Басшысының келiсiмiмен кандидатпен әңгіме өткізу және Президент Әкiмшiлiгi мен Премьер-Министр Кеңсесiнiң мүдделi құрылымдық бөлiмшелерiнде келiсу үшiн оны шақыруды ұйымдастырады. Содан кейiн тиiстi құжаттар Қазақстан Республикасының Президентiне одан әрi баяндау үшiн немесе оның уәкiлеттiк беруiмен Әкiмшiлiк Басшысының келiсiм беру не бас тарту туралы мәселенi шешу үшiн Әкiмшiлiк Басшысына табыс етiледi.
      Жекелеген жағдайларда Әкiмшiлiк Басшысы Қазақстан Республикасының Президентiмен келiсу бойынша әңгiмелесуге шақырусыз да кандидатты тағайындауға келiсiм беруi мүмкiн.
      Ескерту. 8-тармақ өзгерді - ҚР Президентінің 2003.03.20. N 1044 жарлығымен .

      9. Облыстар, Астана, Алматы қалалары әкiмдерiнiң орынбасарларын, әкiмдерi аппараттары жетекшiлерiн, қала және аудандар әкiмдерiн қызметтен босату осы мәселе Президент Әкiмшiлiгiнiң Басшысымен және Yкiметпен келiсiлгеннен кейін ғана жүргiзiледi. Бұл үшiн облыс, Астана мен Aлматы қалаларының әкiмдерi ұсынылатын босатудың себептерiн Президент Әкiмшілiгi Басшысының атына көрсетіп, жазбаша ұсыным жолдайды. Мәселе тиісінше зерделеніп, Мемлекет басшысына баяндалғаннан кейін Әкімшілік Басшысы босатуға келісім береді немесе ұсынымды қабылдамай тастайды.<*>
      Ескерту. 9-тармақ өзгерді - ҚР Президентінің 2003.03.20. N 1044 жарлығымен .

Осы Ереженiң өзге де мәселелерi

      10. Лауазымды адамдарды тағайындау және босату жөніндегі тиісті жарлықтар мен өкімдердің жобаларын, дайындауды, әдетте, Президент Әкімшілігінің Кадр жұмысы бөлімі жүзеге асырады.

      11. Ұсынылған кандидатураларды тиісті қызметтерге тағайындау туралы ұсынымға Президент Әкімшілігі айқындайтын тізбе бойынша құжаттар қоса беріледі.
      Ұсынымда қызметке тағайындауға ұсынылған кандидаттардың iскерлiк және жеке басының қасиеттерiне қысқаша сипаттама берiледi. Лауазымды адам орнынан түскен немесе ол өз тілегі бойынша қызметтен босатылған жағдайда материалдарға мемлекеттік қызметшінің тиісті өтініші қоса беріледі.

      12. Қажет болған жағдайда Президент Әкiмшiлiгiнiң мүдделi құрылымдық бөлiмшелерi қосымша материалдарды сұратып алдырады, не тағайындалатын немесе босатылатын мемлекетті қызметшiнiң iскерлiк және жеке басының қасиеттерiн зерделеудi жергiлiктi жерге барып болмаса Әкiмшiлiкке әңгiмелесуге шақыру арқылы ұйымдастырады.