Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу, Механикалық көлік құралдарын жүргізушілерді даярлау, Емтихандар қабылдау және жүргізуші куәліктерін беру қағидаларын бекіту туралы

      РҚАО-ның ескертпесі!
      Осы бұйрықтың қолданысқа енгізілу тәртібін 6-тармақтан қараңыз

      "Жол жүрісі туралы" Қазақстан Республикасының 2014 жылғы 17 сәуірдегі Заңының 10-бабының 24-1) тармақшасына сәйкес БҰЙЫРАМЫН:

      1. Қоса беріліп отырған:

      1) осы бұйрыққа 1-қосымшаға сәйкес Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу қағидалары;

      2) осы бұйрыққа 2-қосымшаға сәйкес Механикалық көлік құралдарын жүргізушілерді даярлау қағидалары;

      3) осы бұйрыққа 3-қосымшаға сәйкес Емтихандар қабылдау және жүргізуші куәліктерін беру қағидалары бекітілсін.

      2. Нұр-Сұлтан, Алматы, Шымкент қалаларының және облыстардың полиция департаменттерінің (бұдан әрі - ПД), Қазақстан Республикасы ІІМ-нің (бұдан әрі - ІІМ) Байқоңыр қаласындағы өкілдігінің бастықтары:

      1) осы бұйрықты ішкі істер органдары жеке құрамының зерделеуін, сондай-ақ Қағидаларда көзделген қызметтік құжаттаманы дайындауды қамтамасыз етсін;

      2) ішкі істер органдарының жұмысын осы бұйрықтың талаптарына сәйкес ұйымдастырсын.

      3. Осы бұйрыққа 4-қосымшаға сәйкес Қазақстан Республикасы Ішкі істер министрінің кейбір бұйрықтарының күші жойылды деп танылсын.

      4. Қазақстан Республикасы Ішкі істер министрлігінің Әкімшілік полиция комитеті (И.В. Лепеха):

      1) осы бұйрықты Қазақстан Республикасының Әділет министрлігінде мемлекеттік тіркеуді және оны ресми жариялауды қамтамасыз етсін;

      2) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.

      5. Осы бұйрықтың орындалуын бақылау Қазақстан Республикасы Ішкі істер министрінің орынбасары полиция генерал-майоры Е.З. Тургумбаевқа және Қазақстан Республикасы Ішкі істер министрлігінің Әкімшілік полиция комитетіне (И.В. Лепеха) жүктелсін.

      6. Осы бұйрық 2015 жылдың 1 қаңтарынан бастап қолданысқа енгізілетін Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу қағидаларының 17-тармағының 14), 15) және 16) тармақшаларын қоспағанда, алғаш ресми жарияланған күннен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Сыртқы істер Министрінің м.а.

      ____________ Р. Жошыбаев

      2014 жыл "__" _________

Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу қағидалары

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

      1. Көлiк құралының сәйкестендіру нөмірі бойынша көлік құралдарының жекелеген түрлерiн мемлекеттiк тiркеу және есепке алу қағидалары (бұдан әрі – Қағидалар) көлік құралының сәйкестендіру нөмірі бойынша көлік құралдарын тiркеудің және есепке алудың бiрыңғай тәртiбін белгілейді.

      2. Қағидалар халықаралық қозғалысқа қатысатын, басқа мемлекеттің құзыретті органында тіркелген және Қазақстан Республикасына бір жылдан аспайтын мерзімге әкелінген көлік құралдарына және Қазақстан Республикасы Қарулы Күштерінің, басқа әскерлері мен әскери құрылымдарының механикалық көлік құралдарына және олардың тіркемелеріне қолданылмайды.

      3. Осы Қағидаларда мынадай ұғымдар пайдаланылады:

      1) дипломатиялық корпуспен жұмыс жөніндегі ұйым – Қазақстан Республикасы Сыртқы істер министрлігінің Қазақстан Республикасында тіркелген дипломатиялық өкілдіктермен, халықаралық ұйымдармен және/немесе олардың өкілдіктерімен, консулдық мекемелермен және Қазақстан Республикасында аккредиттелген олардың қызметкерлерімен жұмыс жөніндегі ведомстволық бағынысты ұйымы;

      2) жоғары сұранысқа ие мемлекеттік тіркеу нөмірлік белгілері (бұдан әрі – МТНБ) – жеке және заңды тұлғалардың автомобильдеріне арналған:

      010, 020, 030, 040, 050, 060, 070, 077, 080, 090, 707 цифрлық белгідегі;

      бірдей әріптік белгілері бар 010, 020, 030, 040, 050, 060, 070, 077, 080, 090, 707 цифрлық белгідегі;

      100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 цифрлық белгідегі;

      бірдей әріптік белгілері бар 100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 цифрлық белгідегі;

      001, 002, 003, 004, 005, 006, 007, 008, 009, 777 цифрлық белгідегі;

      бірдей әріптік белгілері бар 001, 002, 003, 004, 005, 006, 007, 008, 009, 777 цифрлық белгідегі;

      бірдей әріптік белгілерімен;

      3) жол қозғалысының шетелдік қатысушылары – 1961 жылғы "Дипломатиялық қатынастар туралы" Вена конвенциясына және 1963 жылғы "Консулдық қатынастар туралы" Вена конвенциясына сәйкес артықшылықтар мен иммунитеттерге ие, Қазақстан Республикасында тіркелген дипломатиялық өкілдіктер, халықаралық ұйымдар және/немесе оның өкілдіктері, консулдық мекемелер және Қазақстан Республикасында аккредиттелген олардың қызметкерлері, шетелдіктер және азаматтығы жоқ адамдар, сондай-ақ шетел қатысуымен заңды тұлғалар, Қазақстан Республикасында тіркелген шетелдік заңды тұлғалардың филиалдары мен өкілдіктері;

      4) көлік құралын тіркеу туралы куәлік (бұдан әрі – КҚТК) – көлік құралының жол қозғалысына қатысуға жіберілгенін растайтын құжат;

      5) көлік құралын мемлекеттік тіркеу, оның ішінде көлік құралын бастапқы тіркеу – құжаттардың Қазақстан Республикасының заңнамасына сәйкестігін тексергеннен, КҚТК мен МТНБ бере отырып, көлік құралының сәйкестендіру нөмірлерін салыстыра тексергеннен кейін уәкілетті орган жүзеге асыратын, көлік құралының жол қозғалысына қатысуына рұқсат беру рәсімі;

      6) көлік құралын бастапқы тіркеу - Қазақстан Республикасының аумағында алғаш жүзеге асырылатын, көлік құралын мемлекеттік тіркеу.

      Қазақстан Республикасына уақытша әкелінген, сондай-ақ басқару органдары сол жақта орналасқан, Армения Республикасының уәкілетті органдарында Қазақстан Республикасының азаматтарына тіркелген және Қазақстан Республикасына 2020 жылғы 1 ақпанға дейін әкелінген көлік құралдарын мемлекеттік тіркеу көлік құралын бастапқы тіркеу болып табылмайды;

      7) көлік құралын есептен шығару – көлік құралын жоғалтумен, басқа адамның иелігіне шығарумен, сондай-ақ кәдеге жаратумен немесе Қазақстан Республикасынан тыс жерлерге тұрақты болуға әкетумен байланысты немесе өзге де мән-жайларға сәйкес көлік құралын мемлекеттік тіркеуді тоқтатумен байланысты іс-әрекеттер;

      8) көлік құралдарын мемлекеттік тіркеудің бірыңғай ақпараттық жүйесі (бұдан әрі – БАЖ) – көлік құралдары және олардың иелері туралы мәліметтерді орталықтандырылған есепке алуды қамтамасыз ететін және көлік құралының сәйкестендіру нөмірін, сондай-ақ КҚТК мен МТНБ міндетті түрде көрсетіп, осы мәліметтерді орталықтандырылған есепке алуды қамтамасыз ететін мемлекеттік ақпараттық жүйе;

      9) көлік құралдарын тіркеудегі өзгерістер – азаматтық заңнамада белгіленген құқықтық негіздер болған кезде БАЖ бен МТНБ-ге өзгерістер мен толықтырулар енгізу;

      10) көлік құралының сәйкестендіру нөмірі – БАЖ-да көлік құралын сәйкестендіруді жүргізуге мүмкіндік беретін, көлік құралын шығарушы берген, тізбектелген әріптік-цифрлық символдар түрінде көрсетілген көлік құралының жеке сериялық нөмірі;

      11) көлік құралының иесі – көлік құралының меншік иесі, сондай-ақ көлік құралын шаруашылық жүргізу құқығында немесе жедел басқару құқығында не өзге де заңды негізде (жалға алу құқығы, көлік құралын басқару құқығына сенімхат, көлік құралын осы адамға беру туралы тиісті органның өкімі) иеленетін адам. Көлік құралын өзінің қызметтік немесе еңбек міндеттерін орындау үшін, оның ішінде көлік құралының меншік иесімен немесе өзге де иесімен еңбек және азаматтық-құқықтық келісімшарт негізінде басқаратын адам көлік құралының иесі болып табылмайды;

      12) қайта жабдықтау – жол жүрісі қауіпсіздігіне ықпал ететін, көлік құралының конструкциясында көзделген құрамдас бөліктер мен жабдық бұйымдарын алып тастау немесе көзделмегендерді орнату;

      13) МТНБ – мемлекеттің меншігі болып табылатын және жеке әріптік-цифрлық белгіні қамтитын, механикалық көлік құралына берілетін және ұлттық стандарттың талаптарына сәйкес жасалған бұйым. Бұл түсінік "Транзит" МТНБ-ге таралады;

      14) нөмірлік агрегат – көлік құралының шанағы, шассиі, рамасы, оларға өндіруші сәйкестендіру нөмірін басқан;

      15) техникалық құжат – көлік құралының оның техникалық параметрлеріне сәйкестігін белгілеуге мүмкіндік беретін ақпаратты қамтитын құжат (КҚТК, басқа мемлекетте берілген КҚТК, көлік құралының паспорты, дайындаушы зауыттың қабылдап алу-беру актісі);

      15-1) тіркеу әрекеттері – көлік құралдарын мемлекеттік тіркеуді жүзеге асырумен, есептен шығарумен, көлік құралдарының тіркеуіне және бірыңғай ақпараттық жүйеге өзгерістер енгізумен, кепілдерді тіркеумен (алумен), ауыртпалықтар салумен және алумен байланысты қызметі.

      17) МТНБ телнұсқасы - бұл белгіленген тәртіппен тіркелген көлік құралына МТНБ орнына берілетін МТНБ;

      18) жеткізуші - мемлекеттік сатып алу туралы шартты орындаушы ретінде әрекет ететін жеке және (немесе) заңды тұлға;

2-тарау. Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу және есепке алу

      Ескерту. 2-тараудың тақырыбы жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

      4. Көлік құралдары жеке тұлғалардың атына олардың тұрақты тіркелген тұрғылықты жері бойынша тіркеледі.

      Көлік құралдарын заңды тұлғалардың атына мемлекеттік тіркеу олардың тіркелген заңды мекенжайы бойынша, ал филиалдар мен өкілдіктерінің атына – олардың тіркелген жері бойынша жүргізіледі.

      Көлік құралын тіркеуге құжаттарды қабылдау және дайындарын беру көлік құралы иесінің жүгіну орны бойынша жүзеге асырылады.

      5. Көлiк құралының иесi бiрлескен меншiк құқығы туралы куәлiктi ұсынған жағдайда КҚТК-нің "Ерекше белгiлер" бөліміне: "Тең иесі" деген жазба енгізіледі.

      6. Меншік иелері он төрт жасқа жетпеген кәмелетке толмаған азаматтар болған жағдайларда көлік құралдарын тіркеу және есептен шығару олардың атынан ата-аналары (асырап алушылар) немесе қамқоршылық және қорғаншылық органдары, ал меншік иелері 14 жастан 18 жасқа дейінгі адамдар болған жағдайда ата-аналарының (асырап алушылардың) немесе қамқоршылық және қорғаншылық органдарының жазбаша келісімімен осы адамдар жасайды.

      7. Дипломатиялық өкілдіктердің, халықаралық ұйымдардың және/немесе оның өкілдіктерінің, Қазақстан Республикасында тіркелген консулдық мекемелердің және Қазақстан Республикасында аккредиттелген олардың қызметкерлерінің көлік құралдарын тіркеу және есептен шығару дипломатиялық корпуспен жұмыс жөніндегі ұйым арқылы жүргізіледі.

      8. Жеке жеңіл көлік құралдарын, мотоциклдер мен мотороллерлерді қоспағанда, көлік құралдарын мемлекеттік тіркеу және есептен шығару Қазақстан Республикасы Үкіметінің 2005 жылғы 19 шілдедегі № 747 қаулысымен бекітілген Қазақстан Республикасындағы әскери-көлік міндеттілігі туралы ереженің 6-тармағына сәйкес жүргізіледі.

      9. Көлік құралдарын тіркеу, тіркеуге өзгерістер енгізу, есептен шығару кезінде барлық қажетті деректер БАЖ-ға енгізіледі. Еуразиялық экономикалық одаққа кіретін елдерден келген көлік құралдарын тіркеген кезде КҚТК-ның ерекше белгілерінде жазба көрсетіледі: Ресей Федерациясынан - РФ КҚ, Армения Республикасынан - АР КҚ, Беларусь Республикасынан - БР КҚ, Қырғыз Республикасынан - Қырғыз Республикасы КҚ.

      Басқару органдары сол жақта орналасқан, Қазақстан Республикасының азаматтарына Армения Республикасының уәкілетті органдарында тіркелген және Қазақстан Республикасына 2020 жылғы 1 ақпанға дейін әкелінген көлік құралдарын тіркеу кезінде КҚТК-ның ерекше белгілерінде "Өзге адамға тіркеуге жатпайды" деп көрсетіледі.

      13. Тіркеу әрекеттерін www.egov.kz "электрондық үкімет" веб-порталы арқылы жасауды қоспағанда, тіркеу іс-қимылдарын жасау кезінде жеке басты куәландыратын құжаттың негізінде көлік құралдары иелерінің жеке басы сәйкестендіріледі.

      14. Көлік құралының жеке тұлға болып табылатын иесінің өкілі жүгінген жағдайда, азаматтық заңнамаға сәйкес берілген құжаттардың негізінде көлік құралдарын тіркеу кезінде иесінің мүддесін білдіруге оның өкілеттігі тексеріледі. Заңды тұлға өкілінің өкілеттігі басшының немесе осыған уәкілетті өзге де органның қолтаңбасымен куәландырылған сенімхатпен және заңды тұлғаның мөрімен (жеке кәсіпкерлік субъектілерін қоспағанда) расталады.

      15. Кәмелетке толмаған адамның туу туралы куәлiгiн ұсынған жағдайда жеке басын анықтау оның ата-аналарының (асырап алушылардың), қамқоршыларының (қорғаншыларының) немесе қамқоршылық және қорғаншылық органдары өкілдерінің қатысуымен жүргізіледі.

      16. Тiркеу іс-қимылдарын жасау үшін көлік құралдарының иелерi:

      2) жеке басты куәландыратын құжатты;

      3) алып тасталды - ҚР Ішкі істер министрінің 07.12.2015 № 999 (алғаш ресми жарияланған күннен кейін күнтізбелік он күн өткен соң қолданысқа енгізіледі) бұйрығымен;

      4) "Салық және бюджетке төленетін басқа да міндетті төлемдер туралы" (бұдан әрі – Салық кодексі) Қазақстан Республикасының кодексінде белгіленген баждар мен алымдарды төлеуді растайтын құжаттар.

      Бастапқы тіркеу үшін алымдар төлеуден Қазақстан Республикасында тіркелген дипломатиялық өкілдіктер, халықаралық ұйымдар және/немесе оның өкілдіктері, консулдық мекемелер, Қазақстан Республикасында аккредиттелген, 1961 жылғы "Дипломатиялық қатынастар туралы" Вена конвенциясына және 1963 жылғы "Консулдық қатынастар туралы" Вена конвенциясына сәйкес артықшылары мен иммунитеттері бар қызметкерлер мен олардың отбасы мүшелері босатылады";

      Қазақстан Республикасының Экологиялық кодексінде белгіленген көлік құралын бастапқы тіркеу кезінде өндірушілердің (импорттаушылардың) кеңейтілген міндеттемелерін орындау;

      5) алып тасталды - ҚР Ішкі істер министрінің 07.12.2015 № 999 (алғаш ресми жарияланған күннен кейін күнтізбелік он күн өткен соң қолданысқа енгізіледі) бұйрығымен;

      7) техникалық құжатты;

      9) 9) Қазақстан Республикасына уақытша, оның ішінде кері әкету туралы мiндеттемемен әкелінген көлiк құралдарының МТНБ, КҚТК және (немесе) тiркеу құжаттарын;

      12) заңды тұлғаның көлік құралын өзінің құрылымдық бөлінісіне немесе басқа заңды не жеке тұлғаға бөлу және беру туралы, егер Қазақстан Республикасының заңнамасына сәйкес осы тұлғаның мөрі болуы тиіс болса, осы ұйымның мөрімен куәландырылған (жеке кәсіпкерлік субъектілерін қоспағанда) бұйрығы (өкімі);

      13) көлiк құралына, нөмірлiк агрегатқа меншiк құқығын растайтын құжатты, оларға:

      кедендік ресімдеуден өткенін растайтын құжаттар (кеден декларациясы, кедендік кіріс ордері, уақытша әкелген жағдайларда кері әкету туралы міндеттеме);

      сот шешімінің, қаулысының сот растаған көшірмелері, орындауға жататын мемлекеттік органның әрекеттері туралы сот орындаушысының хабарламасы қоса берілген атқару парағы;

      азаматтық заңнама талаптарына сәйкес жасалған шарттар, мәмілелер, куәлiктер, мүлікке мұрагерлік құқығы туралы құжаттар жатады;

      14) Кеден одағы Комиссиясының 2011 жылғы 9 желтоқсандағы № 877 шешімімен бекітілген "Дөңгелекті көлік құралдарының қауіпсіздігі туралы" Кеден одағының Техникалық регламентіне (бұдан әрі – 018/2011 КО ТР) 17-қосымшаға сәйкес нысан бойынша көлік құралы конструкциясының қауіпсіздігі туралы куәлікті:

      жеке тұлғалар Кеден одағы/Еуразиялық экономикалық одақтың (бұдан әрі - КО/ЕЭО) бірыңғай кеден аумағына өз қажеттіліктері үшін әкелетін, айналымға шығарылатын көлік құралдарын мемлекеттік тіркеген кезде;

      көлік құралын дайындаған сәттен бастап үш жылдан көп уақыт өткен жағдайда, бұрын КО/ЕЭО мүше болып табылмайтын мемлекеттерде жол жүрісіне қатысқан, Кеден одағының бірыңғай кеден аумағына әкелінетін көлік құралдарын заңды тұлғалар мемлекеттік тіркеген кезде;

      жеке және заңды тұлғалар айналымға шығарылғанға дейін конструкциясына жеке тәртіппен өзгерістер енгізілген, сериялық өндіріс жағдайындағы; немесе сериялық өндірістен тыс жеке тәртіппен құрастыру жиынтығынан немесе жеке техникалық шығармашылық нәтижесі болып табылатын; немесе бұрын мемлекеттік қорғаныс тапсырысы бойынша жеткізілгендер қатарынан айналымға шығарылған көлік құралдарын мемлекеттік тіркеген кезде;

      15) пайдаланудағы және қайта жабдықталуына байланысты Кеден одағының бірыңғай кеден аумағында тіркелген көлік құралын мемлекеттік тіркеген кезде 018/2011 КО ТР 18-қосымшаға сәйкес нысан бойынша көлік құралының оның конструкциясына енгізілген өзгерістермен қауіпсіздік талаптарына сәйкестігі туралы куәлікті;

      16) 018/2011 КО ТР 14 және 15-қосымшаларға сәйкес нысан бойынша көлік құралының типін мақұлдау, көлік құралы шассиінің типін мақұлдау:

      көлік құралын дайындаған сәттен бастап үш жылдан аз уақыт өткен жағдайда, заңды тұлғалар Кеден одағы/Еуразиялық экономикалық одаққа мүше болып табылмайтын елдерден әкелінетін, айналымға шығарылатын көлік құралдарын мемлекеттік тіркеген кезде;

      жеке және заңды тұлғалар Кеден одағы/Еуразиялық экономикалық одаққа мүше елдерден әкелінетін, айналымға шығарылатын көлік құралдарын мемлекеттік тіркеген кезде ұсынылмайды.

      16-1. Басқару органдары сол жақта орналасқан, Қазақстан Республикасының азаматтарына Армения Республикасының уәкілетті органдарында тіркелген және Қазақстан Республикасына 2020 жылғы 1 ақпанға дейін әкелінген көлік құралдарын тіркеуді жүргізу үшін иелері:

      1) жеке басты куәландыратын құжатты;

      2) Қазақстан Республикасы Салық кодексінің 553-бабының 4-тармағына сәйкес мемлекеттік тіркеу үшін алым мен Қазақстан Республикасы Салық кодексінің 615-бабына сәйкес мемлекеттік баждар төлеу туралы құжаттарды;

      3) Армения Республикасының уәкілетті органында берілген, көлік құралдарына арналған КҚТК мен МТНБ;

      4) сәйкестендіру нөмірінде кемінде 17 белгі болған жағдайда, 018/2011 КО ТР 17-қосымшаға сәйкес нысан бойынша көлік құралы конструкциясының қауіпсіздігі туралы куәлікті немесе 1418-2018 "Автомотокөлік құралдары. Конструкцияға өзгерістер енгізу. Жалпы ережелер және техникалық талаптар" Қазақстан Республикасының ұлттық стандартына сәйкес көлік құралы конструкциясының қауіпсіздігін тексеру хаттамасын (бұдан әрі – көлік құралы конструкциясының қауіпсіздігін тексеру хаттамасы) ұсынады.

      17. Көлік құралын мемлекеттік тіркеуді жүргізуге өшірілген не қосып жазылған, сызылған сөздері және басқа да, сондай-ақ қарындашпен жазылған түзетулері бар және егер ондағы мәтін анық көрінбеген жағдайда құжаттар қабылданбайды. Жеке тұлғалардың тегі, аты және әкесінің аты тұрғылықты тіркелген жері мекенжайының деректері көрсетіле отырып, ал заңды тұлғалардың, олардың филиалдарының және өкілдіктерінің атаулары қысқартусыз және олардың заңды мекенжайлары көрсетіле отырып толық ұсынылады. Көлік құралдарын тіркеуді жүргізу үшін ұсынылатын құжаттардың көшірмелері аталған құжаттарды берген заңды тұлға (жеке кәсіпкерлік субъектілерін қоспағанда) мөрінің түпнұсқасымен расталады.

      18. Мемлекеттік және орыс тілдерінен басқа тілде жасалған, көлiк құралдарын тіркеу үшін ұсынылатын құжаттар мемлекеттік немесе орыс тiлдерiне аударылады және аударманың дұрыстығы туралы нотариустың не осындай іс-әрекеттерді жүргізуге құқығы бар басқа лауазымды адамның қолымен куәландырылған болуы тиіс.

      19. Қолданыстағы заңнамаға сәйкес көлік құралдарына енгізілген ауыртпалықтар, сондай-ақ кері әкету туралы міндеттемемен Қазақстан Республикасына уақытша әкелiнген көлiк құралдарын шетелге әкету мерзiмi БАЖ-ға енгізіледі.

      Осы тармақта көрсетілген мәліметтерді өзгерту тиісті тыйымдар мен шектеулерді енгiзген органдар берген құжаттардың негiзiнде жүргізіледі.

      20. Арнайы жарық және дыбыстық сигналдар беруге арналған құралдармен жабдықталған көлiк құралдарының КҚТК-не "дыбыстық және (арнайы маяктың нақты түсi көрсетiледi) жарық сигналдары" деген жазба жазылады.

      Қазақстан Республикасының мемлекеттік стандарттарында көзделген көлік құралдарына арнайы жарық және дыбыс сигналдарын беру мен түрлі-түсті графикалық сызбаларды қолдануға арналған құралдармен жабдықтау құқығының тоқтатылуына байланысты тіркеу есебінен алу және тіркеу мәліметтерін өзгерту көрсетілген аспаптар бөлшектелгеннен және түрлі-түсті графикалық сызбалар жойылғаннан кейін жүргізіледі.

      21. Көлік құралдарын мемлекеттік тіркеуді, сондай-ақ есептен шығаруды жүргізер алдында көлік құралын, иесін және иесінің өкілін олардың іздестіруде болуы мәніне ІІО ақпараттық ресурстары бойынша тексеру жүзеге асырылады. Жүргізілген тексеру нәтижесі БАЖ-да сақталады.

      22. Ұсынылған құжаттарды, МТНБ-ны қолдан жасау белгілері анықталған кезде, сондай-ақ көлік құралының (нөмірлік агрегаттардың), иесінің немесе ұсынылған құжаттардың іздестіруде екені туралы мәліметтер болса, ІІО-ның уәкілетті қызметкері, Мемлекеттік корпорацияның жұмыскері дереу ІІО кезекші бөліміне тиісті ақпарат береді.

      Соғылған, егелген нөмірлік агрегаттар, іздестіру бойынша есептен шығарылмаған көлік құралдары тіркеуге жатпайды.

      Нөмірлік агрегаттардың сәйкестігін анықтау үшін ІІО уәкілетті қызметкері көлік құралын қарап тексеруді жүзеге асыра алады.

      Көлік құралын сәйкестендіру, көлік құралын дайындаушы салған нөмірлік агрегаттар таңбалануының сәйкестігін анықтау үшін ІІО уәкілетті қызметкері көлік құралын қарап тексеруді жүзеге асыра алады.

      23. Тіркелген техникалық ақаусыз көлiк құралдарына тиісті үлгідегі КҚТК, МТНБ беріледі. Автомобильдер мен автобустарға екі, ал мотокөлiк құралдары мен тiркемелерге бiр МТНБ берiледi.

      24. Дайындаушы кәсіпорындардан, автожөндеу зауыттарынан, мемлекеттік кіріс органдарынан өз жүрісімен жеткізілетін, сондай-ақ тұрақты тіркеу орнының немесе меншік құқығының өзгеруіне байланысты есептен шығарылған көлік құралдарына бір рет пайдалану үшін тиісінше "Транзит" МТНБ беріледі.

      "Транзит" МТНБ беру кезінде көлік құралдарына меншік құқығын растайтын құжаттарда көрсетілген белгілердің сериясы, нөмірі, берілген күні мен жарамдылық мерзімі көрсетіледі және осы жазбаларды жазған ұйымдардың (жеке кәсіпкерлік субъектілерді қосапағанда) мөрлерімен куәландырылады.

      "Транзит" МТНБ қолданылу мерзімі – берілген күнінен бастап күнтізбелік он күн.

      25. Көлік құралы иесінің Мемлекеттік корпорация үй-жайларында қолда бардан МТНБ таңдау, сондай-ақ жоғары сұранысқа ие, белгілі цифрлық және (немесе) әріптік белгіленуі бар, қолда жоқ бос МТНБға тапсырыс беруге құқығы бар.

      Көлік құралдары иелерінің қолда бар МТНБ тізбесіне қолжетімділігі тиісті ақпаратты Мемлекеттік корпорацияның үй-жайларында орналастыру жолымен ұйымдастырылады. Қолда бар МТНБ-ның барлық тізбесі міндетті түрде Мемлекеттік корпорацияның ақпараттық жүйелеріне енгізіледі. Жоғары сұранысқа ие емес жаңа МТНБ-ны дайындауға және жеткізуге арналған өтінімге ПД ӘПБ мемлекеттік органдардың, дипломатиялық өкілдіктердің, Қазақстан Республикасында тіркелген халықаралық ұйымдардың және (немесе) оның өкілдіктерінің, консулдық мекемелердің, Қазақстан Республикасында аккредиттелген қызметкерлер мен олардың отбасы мүшелерінің көлік құралдарына берілетін МТНБ-ны қоспағанда, МТНБ-ны алфавиттік тәртіппен енгізеді.

      Көлік құралы иесінің ерік қалауы бойынша ол жүгінген кезде жоғары сұранысқа ие МТНБ-ны таңдау және брондау жүзеге асырылады.

      Иесі жоғары сұранысқа ие МТНБ-ның белгілі цифрлық және (немесе) әріптік белгіленуін таңдаған көлік құралын тіркеу МТНБ дайындағаннан кейін жүргізіледі.

      27. Бұрын МТНБ тіркелген көлік құралын мемлекеттік есептен шығарған жағдайда, бұл нөмірлік белгі тапсыруға жатады.

      Тапсырылған МТНБ, көлік құралы иесінің арызы бойынша сақтау жағдайларын қоспағанда, жоюға жатады.

      Иесінің арызы бойынша тапсырылған, ұлттық стандарттың талаптарына сәйкес келетін МТНБ-ны 6 айға дейін сақтауға жол беріледі.

      28. Бұрын Мемлекеттік корпорацияға тапсырылған және ұлттық стандарттың талаптарына сәйкес келетін МТНБ көлік құралы иесінің сұрау салуы бойынша ол жаңадан сатып алған көлік құралына қайта беріледі.

      Мемлекеттік корпорацияда сақтаудың 30 тәулігі өткенге дейін МТНБ оны беру үшін мемлекеттік баж төленбей беріледі.

      29. МТНБ-ның телнұсқасын берген кезде көлік құралының иесі 2 бірлік МТНБ беру үшін АЕК-ның 2,8 көлемінде, 1 бірлік - 1,4 АЕК көлемінде мемлекеттік баж төленгенін растайтын құжатты ұсынады.

      30. Мемлекеттік органдардың, Қазақстан Республикасында аккредиттелген дипломатиялық өкілдіктердің, халықаралық ұйымдардың және/немесе олардың Қазақстан Республикасында тіркелген өкілеттіктері, консулдық мекемелері қызметкерлерінің және олардың отбасы мүшелерінің көлік құралдарын, сондай-ақ КҚ мұрагерлікке берілген жағдайда құқықтық мирасқордың (мұрагердің) ерік білдіруі бойынша мұрагер автомобильдерге және автобустарға 2,8 айлық есептік көрсеткіш (бұдан әрі - АЕК), мотокөлік пен тіркемелер үшін 1,4 АЕК мөлшерінде мемлекеттік баж салығын төлегеннен кейінгі жағдайды қоспағанда, бұрын пайдалануда болған, оның ішінде жоғары сұраныстағы МТНБ-ларды өзге көлік құралдарының иелеріне беруге жол берілмейді.

      32. Ауыртпалығы бар көлікке құжаттар мен МТНБ телнұсқалары тиісті шектеулерді қойған органдар берген рұқсат беру құжаттарының негізінде беріледі. Құжаттар мен МТНБ телнұсқаларын беру сәтіне БАЖ-дағы ауыртпалықтарды уақытша шешуді ІІО-ның уәкілетті қызметкері жүргізеді.

      33. Есептен шығарылған көлік құралдарының тіркеу құжаттары жоғалған жағдайда, Мемлекеттік корпорация көлік құралының иесіне, орналасқан жеріне қарамастан, бұрын тіркелгені туралы анықтама-растау береді. Мемлекеттік корпорация көлік құралының бұрынғы тіркелгені туралы ақпаратты БАЖ-дан алады.

      34. Тіркеу іс-әрекеттерін жасауға негіз болған құжаттар көлік құралын тіркеу орны бойынша сақталады.

      35. Қазақстан Республикасының аумағына бір жылдан астам мерзімге уақытша әкелінген көлік құралдарын мемлекеттік тіркеу иелеріне олардың әкелінген мерзіміне КҚТК мен МТНБ бере отырып жүргізіледі. Тіркеу құжаттары мен МТНБ түпнұсқалары көлік құралын тіркеу орны бойынша сақталады.

      35-1. 16-1-тармақта көзделген жағдайда, Армения Республикасының уәкілетті органы берген тіркеу құжаттары мен МТНБ түпнұсқалары иесі оны бастапқы тіркеу не Қазақстан Республикасынан тыс жерлерге шығару туралы шешім қабылдағанға дейін көлік құралының тіркелген жері бойынша сақталады.

      36. Жол қозғалысының шетелдік қатысушыларына тиесілі көлік құралдарына мынадай сериядағы МТНБ беріледі:

      "D" - Қазақстан Республикасында аккредиттелген дипломатиялық өкілдіктердің, халықаралық ұйымдардың және/немесе олардың Қазақстан Республикасында тіркелген өкілеттіктері, консулдық мекемелері қызметкерлерінің қызметтік және жеке көлік құралдарына;

      "Т" - Қазақстан Республикасында аккредиттелген дипломатиялық өкілдіктердің, халықаралық ұйымдардың және/немесе олардың Қазақстан Республикасында тіркелген өкілеттіктерінің, консулдық мекемелерінің әкімшілік-техникалық қызметкерлерінің қызметтік және жеке көлік құралдарына;

      "НС" - құрметті консулдық лауазымды адамдар басқаратын консулдық мекемелердің қызметтік және жеке көлік құралдарына;

      "М" - Қазақстан Республикасының аумағында тіркелген шетелдік заңды тұлғалардың филиалдары мен өкілдіктерінің көлік құралдарына;

      "Н" - Қазақстан Республикасының аумағында тіркелген шетелдік азаматтардың қатысуымен заңды тұлғалардың көлік құралдарына;

      "F" - шетелдік азаматтар мен азаматтығы жоқ адамдардың көлік құралдарына;

      "D", "T", "HC" сериясындағы МТНБ-сы бар көлік құралдарының жол қозғалысына қатысуы үшін дипломатиялық корпусымен жұмыс жөніндегі ұйым беретін стикердің болуы қажет.

      "D", "T", "HC" сериясындағы МТНБ-ның қолданылу мерзімі стикерде көрсетілген мерзімге тең.

      37. Ақаулы (кәдеге жаратылған) көлік құралдарының қосалқы бөлшектерінен және агрегаттарынан жиналған, техникалық регламенттерді бұза отырып, қайта жабдықталған көлік құралдары тіркеуге алынбайды.

      38. Жасалған тіркеу әрекеттері, тiркелген көлiк құралдары, көлік құралдарының меншік иелері мен иелерi туралы мәліметтер, сондай-ақ тіркеу әрекеттерін жасау үшін негіз болған құжаттар (құжаттардың көшірмелері) жазбаша сұрау салу негізінде соттарға, құқық қорғау органдарына олардың өндірісіндегі қылмыстық, азаматтық істерге, әкімшілік құқық бұзушылық істерге байланысты, сот орындаушыларына олардың сот актілерін немесе басқа да органдардың актілерін орындауы бойынша функцияларды жүзеге асыруына байланысты, сондай-ақ мемлекеттік кіріс органдарына және басқа органдарға өз функцияларын орындау үшін Қазақстан Республикасының заңнамасында көзделген шарттарда және тәртіппен ұсынылады.

      39. Лизингке сатып алынатын көлік құралдары "Қаржы лизингі туралы" Қазақстан Республикасының 2000 жылғы 5 шілдедегі Заңының және осы Қағидалардың 16-тармағында көрсетілген құжаттардың негізінде тіркеледі.

      40. Жеке немесе заңды тұлға меншігіне сатып алған және лизинг шарты немесе қосалқы лизинг шарты негізінде жеке және заңды тұлғаға уақытша пайдалануға не иеленуіне берілген көлік құралдары лизинг беруші немесе лизинг алушы тараптардың жазбаша келісімі бойынша тіркеледі.

      41. Көлік құралдарын лизинг берушінің атына мемлекеттік тіркеуді, өзге тіркеу әрекетін жасауды және осындай көлік құралдарын тіркеу есебінен шығаруды Мемлекеттік корпорация жалпы негіздерде жасайды.

      42. Көлік құралдарын лизинг алушының атына тіркеуді көздейтін лизинг немесе қосалқы лизинг шартының негізінде лизинг беруші лизинг алушыға уақытша иеленуге және (немесе) пайдалануға берген көлік құралдары лизинг не қосалқы лизинг шартының негізінде лизинг алушының атына орналасқан орны бойынша шарттың қолданылу мерзіміне Мемлекеттік корпорацияда уақытша тіркеледі.

      Көлік құралдарын лизинг алушының атына уақытша мемлекеттік тіркеу лизинг немесе қосалқы лизинг шартында не Қазақстан Республикасының аумағына көлік құралдарын уақытша әкелген кезде мемлекеттік кіріс органдары беретін құжаттарда көрсетілген мерзімге МТНБ және КҚТК бере отырып жүргізіледі.

      Көлік құралдарын лизинг берушінің атына тіркеу орны бойынша Мемлекеттік корпорация берген МТНБ және КҚТК, сондай-ақ лизинг берушінің атына тіркелген немесе тіркелмеген көлік құралдарына берілген лизинг немесе қосалқы лизинг шартының көшірмелері (ксерокөшірмелері) көлік құралдарын лизинг алушының атына уақытша тіркеу орны бойынша Мемлекеттік корпорацияға тапсырылады.

      43. Қазақстан Республикасының аумағына басқа мемлекеттерден уақытша әкелінген көлік құралдарының тіркеу құжаттары және тіркеу нөмірі белгілері көлік құралдарын тіркеу орны бойынша Мемлекеттік корпорацияға тапсырылады және лизинг алушының атына тіркеледі.

      44. Лизинг берушінің атына тіркелген немесе көлік құралдарына меншік құқығының лизинг алушының атына ауысуын көздейтін лизинг шартының негізінде лизинг алушының атына уақытша тіркелген көлік құралдары тиісті тіркеу есебінен шығарылады және Қазақстан Республикасының аумағына уақытша әкелінген көлік құралын кедендік ресімдеу аяқталған кезде көлік құралына меншік құқығының ауысуы туралы лизинг берушінің жазбаша растауының, лизинг шартының негізінде лизинг алушының атына тіркеледі.

      Көлік құралдарына меншік құқығының лизинг алушыға ауысуын көздемейтін лизинг шартының мерзімі аяқталған соң көлік құралдары тиісті есептен шығарылады және лизинг алушының атына тек осындай көлік құралдарына лизинг алушының меншік құқығын растайтын тиісті құжаттардың негізінде ғана, оның ішінде Қазақстан Республикасының аумағына уақытша әкелінген көлік құралдарын кедендік ресімдеу аяқталған кезде тіркеледі.

      45. Лизинг берушінің тиісті жазбаша өтінішінің негізінде лизинг беруші лизинг шартын бұзған және көлік құралын лизинг алушының атына уақытша тіркелген көлік құралдарын алып қойған жағдайда, мұндай көлік құралдары тіркеу есебінен шығарылады.

      46. Лизинг алушының атына уақытша тіркелген көлік құралдарының тіркеу деректерін өзгерту лизинг алушы көлік құралдарына күрделі және/немесе ағымдағы жөндеуді жүзеге асырған жағдайда ғана, оның ішінде егер бұл шартта көзделген болса, нөмірлік агрегаттарды ауыстыра отырып жүргізіледі.

      Көрсетілген жағдайларда тіркеу деректерін өзгерту берілген тіркеу туралы куәлікті ауыстыру және көлік құралдарының паспорттарына тиісті өзгерістер енгізу арқылы көлік құралдарын лизинг алушының атына уақытша тіркеу орны бойынша Мемлекеттік корпорацияда жүзеге асырады.

      47. Лизинг алушының атына көлік құралдарын уақытша тіркеу мерзімі аяқталған кезде осы көлік құралдары лизинг алушының өтініштері негізінде тіркеу есебінен шығарылады. Лизинг алушыларға берілген МТНБ және КҚТК көлік құралдарын уақытша тіркеу орны бойынша Мемлекеттік корпорацияға тапсырылады. Өтініш берушілерге олардан қабылданған тіркеу құжаттары мен лизинг берушінің атына тіркелген көлік құралдарына МТНБ қайтарылады.

      Қазақстан Республикасының аумағына уақытша әкелінген көлік құралдарын оларды Қазақстан Республикасынан тыс жерлерге әкетуге байланысты тіркеу есебінен шығарған кезде, өтініш берушілерге көлік құралын тіркеу есебінен шығару туралы белгісі бар КҚТК беріледі, сондай-ақ көлік құралы тіркелген шет мемлекеттердің тіркеу нөмірлері қайтарылады, ал олар болмаған кезде "Транзит" МТНБ беріледі.

      48. Жеңілдетілген кедендік тариф бойынша Қазақстан Республикасына әкелінген арнайы көлік құралдары кедендік жеңілдіктер қолданылмайтын көлік құралының басқа түріне қайта жабдықталған жағдайда, мемлекеттік кіріс органдарының тиісті рұқсатын ұсынғаннан кейін тіркеледі.

3-тарау. БАЖ-ға және КҚТК-ге өзгерістер енгізу

      Ескерту. 3-тараудың тақырыбы жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

      49. БАЖ-ға және КҚТК-ге өзгерiстер енгізу:

      1) көлік құралына меншiк құқығы өзгерген;

      2) көлік құралы иесiнiң тұрғылықты жері (заңды тұлғаның мекенжайы) өзгерген, көлік құралы иесінің ерік қалауы бойынша;

      3) көлік құралы иесiнiң тегі, аты, әкесінің аты (болған жағдайда) (заңды тұлғаның атауы) өзгерген;

      4) қайта жабдықтау немесе көлік құралы типі өзгерген;

      5) көлік құралының түсі өзгерген;

      6) КҚТК ауыстырған немесе жоғалтқан жағдайларда жүргізіледі.

      50. Осы Қағидалардың 49-тармағының 1), 2) және 5) тармақшаларында көзделген жағдайларда, БАЖ-ға және КҚТК-ге өзгерістер енгізу осы Қағидалардың 16-тармағының 2), 4), 7), 12), 13) тармақшаларында көрсетілген құжаттардың негізінде, ал осы Қағидалардың 49-тармағының 3) тармақшасында көзделген жағдайда, Қазақстан Республикасының қолданыстағы заңнамасына сәйкес өзгертуді растайтын құжаттардың негізінде қосымша жүргізіледі.

      Осы Қағидалардың 49-тармағының 4) тармақшасында көзделген жағдайда БАЖ-ға және КҚТК-ге өзгерістер енгізу осы Қағидалардың 16-тармағының 2), 4), 7) 12), 13) және 15) тармақшаларында көрсетілген құжаттардың негізінде жүргізіледі.

      Осы Қағидалардың 49-тармағының 6) тармақшасында көзделген жағдайда БАЖ-ға және КҚТК-ге өзгерістер енгізу осы Қағидалардың 16-тармағының 2), 4) тармақшаларында көрсетілген құжаттардың негізінде жүргізіледі.

      Сот қаулысының негізінде кәсіпорынның банкроттығы туралы іс қозғалған жағдайда, есептен шығару және тіркеу "Оңалту және банкроттық туралы" Қазақстан Республикасының Заңына сәйкес әкімшінің өтініші бойынша тарату комиссиясы шешімінің негізінде жүргізіледі.

      50-1. Осы Қағидалардың 49-тармағының 1) тармақшасында көзделген жағдайларда, басқару органдары сол жақта орналасқан, Қазақстан Республикасының азаматтарына Армения Республикасының уәкілетті органдарында тіркелген және Қазақстан Республикасына 2020 жылғы 1 ақпанға дейін әкелінген көлік құралдарына қатысты БАЖ-ға өзгерістер енгізу оларды Армения Республикасында тіркеу есебінен шығарғаннан кейін және осы Қағидалардың 16-тармағының 2), 4), 7), 12), 13) тармақшаларында көрсетілген құжаттардың негізінде жүргізіледі, ал осы Қағидалардың 49-тармағының 6) тармақшасында көзделген жағдайда БАЖ бен КҚТК-ға өзгерістер енгізу осы Қағидалардың 16-1-тармағының 1), 2) тармақшаларында көрсетілген құжаттардың негізінде жүргізіледі.

      51. БАЖ-ға және БАЖ бен КҚТК-де көрсетілген тіркеу деректерінен айырмашылығы бар КҚТК-ге өзгерістер енгізу ІІО берген қорытындының негізінде жүргізіледі.

      52. Көлік құралын есептен шығаруды және МТНБ-нің телнұсқасын беруді қоспағанда, БАЖ-ға және КҚТК-ге өзгерiстер енгiзген кезде КҚТК-ні ауыстыру жүргізіледі.

      53. Жеңіл автомобильдің немесе автобустың шанағын, жүк автомобилінің шассиін ауыстырған, оның ішінде басқа модельге (модификацияға) ауыстырған жағдайда, КҚТК-ге көлік құралының бұрынғы шығарылған жылы, маркасы, моделі жазылады. КҚТК-нің "Ерекше белгiлер" деген бағанына тиісті өзгерістің күні көрсетiлiп, "Шанақ ауыстырылды" деген жазба жасалады. Рамасын немесе негізгі шанағын ауыстырған кезде көлік құралының иесі көлік құралы конструкциясының қауіпсіздігін тексеру хаттамасын ұсынады.

      54. Осы Қағидаларға 3-қосымшаға сәйкес нысан бойынша босаған көлік құралдарының нөмірлік агрегаттарына куәліктер тиісті нөмірлік агрегаттарды ауыстыруға байланысты тіркеу деректері өзгерген кезде, сондай-ақ олардың кәдеге жаратылуына байланысты көлік құралын есептен шығарған кезде беріледі.

      55. БАЖ-ға және КҚТК-ге өзгерiстер енгiзу кезінде КҚТК-нiң "Ерекше белгiлер" деген бағанында бұрынғы КҚТК-нің сериясы мен нөмірi, сондай-ақ жүргізілген өзгерістің негіздемесі көрсетiледi.

      Егер меншік құқығын растайтын құжаттарда бірнеше меншік иесі көрсетілсе, онда көлік құралын тіркеу барлық иелерінің келiсiмiн растайтын құжаттың негізінде олардың біреуінің атына не КҚТК-нің "Ерекше белгілер" деген бағанында қалған елерін көрсете отырып, олардың бiрінің атына жүзеге асырылады.

      56. БАЖ-ға және сот шешімі бойынша тәркiленген немесе иесiз деп танылған көлiк құралдарының, сондай-ақ тіркеу құжаттары жоқ көлiк құралдарының КҚТК-сіне өзгерiстер енгiзу сот шешiмдерiнiң көшiрмелерімен расталған сауда нәтижелерінің негiзiнде жүргізіледі. Бұл ретте есептен шығаруға арналған ақпарат оның бұрынғы тiркелген жерi бойынша жіберіледі.

4-тарау. Көлік құралдарын есептен шығару

      Ескерту. 4-тараудың тақырыбы жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

      57. Көлік құралын есептен шығару үшін олардың иелері (иелерінің өкілдері) Мемлекеттік корпорацияға осы Қағидалардың 16-тармағының 2), 7), 9), 12), 13) тармақшаларында көрсетілген құжаттарды ұсынады, сондай-ақ МТНБ-ны тапсырады.

      Салық салу объектісі болып табылатын көлік құралына қатысты тіркеу әрекеттерін жүзеге асырған жағдайда, меншік құқығын беретін адамның осындай объектіге нақты иелік ету кезеңі үшін төлеуге жататын салық сомасы Салық кодексінде белгіленген тәртіппен, көрсетілген іс-әрекеттерді жасағанға дейін бюджетке енгізіледі.

      Есептен шығару ішкі істер органдарының ақпараттық ресурстары бойынша есептен шығаруға ешқандай шектеулер жоқ екені туралы сұрау салулар орындалғаннан кейін ғана жүргізіледі.

      Жол жүрісі қауіпсіздігін қамтамасыз ету жөніндегі уәкілетті органның лауазымды адамы көлік құралын есептен шығару туралы шешім қабылдағаннан кейін бұл туралы ақпарат БАЖ-ға енгізіледі.

      58. Егер көлік құралының иесі екі немесе одан да көп жеке тұлға болса, есептен шығару иелерінің жазбаша келісімі немесе олардың атынан көлік құралын заңды негіздерде иеленуге, пайдалануға немесе өкімдік етуге құқық беретін құжаттарды ұсыну бойынша жүргізіледі.

      59. Кәдеге жаратуға жататын көлік құралы осы Қағидалардың 16-тармағының 2), 7) тармақшаларында көрсетілген құжаттарды ұсынған кезде есептен шығарылады. КҚТК мен МТНБ көлік құралын есептен шығару орны бойынша тапсырылады.

      Кәдеге жаратылатын көлік құралының КҚТК, МТНБ болмаған кезде көлік құралының иесі жазбаша нысанда оларды жоғалту мән-жайларын көрсетеді. Бұл ретте ІІО-ның ақпараттық ресурстары бойынша тексеру жүзеге асырылады.

      Кәдеге жаратуға жататын көлік құралын тіркеу есебінен алғаннан кейін оның иесіне "Азаматтарға арналған үкімет" Мемлекеттік корпорациясы" КЕАҚ жұмыскері Қағидаларға 4-қосымшаға сәйкес кәдеге жаратуға (ақаулы) жататын көлік құралын есептен шығару туралы анықтама береді.

      60. КҚТК болмаған кезде көлік құралының иесі жазбаша нысанда оларды жоғалту мән-жайларын көрсетеді. Көлік құралдары есептен КҚТК телнұсқасы берілмей шығарылады, бұл ретте көлік құралының иесіне көлік құралын есептен шығару туралы қызметтік жазбасы бар көлік құралына анықтама-растау беріледі.

      61. Айдап әкетілген және/немесе ұрланған және көлік құралының иесіне қайтарылмаған көлік құралдарын есептен шығару оның өтініші және көлік құралының іздестіруде екені туралы ІІО берген құжаттың негізінде жүргізіледі. Іздестірудегі көлік құралы оның иесіне қайтарылған жағдайда, тіркеу оның өтінішінің негізінде және ақпараттық ресурстарда көлік құралының іздестіруде екендігі туралы мәліметтер болмаған жағдайда жүргізіледі.

      62. Соттар, құқық қорғау органдары мен мемлекеттік кіріс органдары не Қазақстан Республикасының заңнамасында көзделген жағдайларда және тәртіппен басқа да органдар меншік құқығын өзгерту бойынша тыйымдар немесе шектеулер енгізген көлік құралын есептен шығару, сондай-ақ МТНБ телнұсқасын беру тиісті органдар берген және көрсетілген тыйымдардың немесе шектеулердің жоқ екені туралы куәландыратын құжаттар ұсынылғаннан кейін не сот органдарының шешімі бойынша жүргізіледі. Тіркеу әрекеттеріне тыйым салулар немесе шектеулер тиісті органдар (ұйымдар) берген құжаттар (сот органдарының қаулылары, шешімдері, ұйғарымдары, кепіл (кепіл билеттері) және лизинг шарттары және т.б.) келіп түскен күннен бастап екі жұмыс күнінен кешіктірмей, БАЖ-ға қойылады немесе алынады.

      63. Берілген кредит үшін банктерге және (немесе) ломбардтар, өзге де тұлғалар кепіл ретінде ұсынған жеке немесе заңды тұлғаның көлiк құралына, сондай-ақ банктер және (немесе) ломбардтар, өзге де адамдар берген кепіл туралы шарттың (кепіл билетінің) көшірмелерін ұсынған жағдайда, жеке және заңды тұлғаларға кепілдік міндеттеме орындалғанға дейін оларды есептен шығаруға шектеу енгізіледі. Бұл ретте БАЖ-ға тиiстi белгiлер жасалады.

      64. Заңды тұлғалардың көлік құралдарын жеке тұлғаларға сату кезінде есептен шығару осы Қағидалардың 16-тармағының 7), 9), 11), 12) және 13) тармақшаларында көрсетілген құжаттардың, заңды тұлғаларға қатысты мемлекеттік (коммуналдық) меншік құқығы субъектісінің (мемлекеттік меншіктегі заңды тұлғалар үшін) функцияларын жүзеге асыратын мемлекеттік (коммуналдық) органдар рұқсатының негізінде жүргізіледі.

      65. Қазақстан Республикасына әкелiнген және белгіленген мерзімдерде әкетiлмеген немесе кеден заңнамасын бұза отырып пайдаланылатын көлiк құралдары кеден органдарының тиісті құжаттарының негізінде ғана есептен шығарылады.

      66. Кері әкету туралы міндеттемемен Қазақстан Республикасына бір жылдан астам мерзімге уақытша әкелінген көлік құралдарын есептен шығарған кезде Қазақстан Республикасының берілген ҚКТК және МТНБ көлік құралдарын тіркеу орны бойынша тапсырылады, ал өзге мемлекеттердің МТНБ мен құжаттардың түпнұсқалары иелеріне қайтарылады.

      66-1. Қазақстан Республикасының азаматтарына Армения Республикасының уәкілетті органы берген құжаттардың негізінде тіркелген және Қазақстан Республикасына 2020 жылғы 1 ақпанға дейін әкелінген көлік құралдарын Қазақстан Республикасынан тыс жерлерге әкету үшін есептен шығару кезінде Қазақстан Республикасының КҚТК мен МТНБ көлік құралдарының тіркелген жері бойынша тапсырылады, ал Армения Республикасының уәкілетті органы берген құжаттар мен МТНБ түпнұсқалары иелеріне қайтарылады.

      67. КҚТК және/немесе МТНБ болмаған кезде тұрған жері белгісіз көлік құралдарын есептен шығару осы көлік құралы соңғы үш жыл бойы пайдаланылмайды деп ұйғаруға негіз беретін ақпаратты жаза отырып, жол қозғалысы қауіпсіздігі саласындағы уәкілетті орган шығарған қорытындының негізінде жүргізіледі.

      68. Көлік құралын өндіруші басып салған нөмірлік агрегаттарды қолдан жасау, жасыру, өзгерту және (немесе) таңбаларын жою фактісі анықталған жағдайда көлік құралын мемлекеттік тіркеу растайтын құжаттарды қоса отырып, қорытындының (ерікті нысанда) негізінде тоқтатылады.

5-тарау. Бақылауды ұйымдастыру

      Ескерту. Қағида 5-тараумен толықтырылды – ҚР Ішкі істер министрінің 07.10.2019 № 863 (алғаш ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.

      69. Тіркеу әрекеттері үшін негіз болған құжаттарды заңдылығы мәніне тексеруді уәкілетті орган жарты жылда кемінде бір рет жүргізеді.

5-тарау. "Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу, есепке алу және есептен шығару, сондай-ақ көлік құралын тіркеу туралы куәліктер және мемлекеттік тіркеу нөмірі белгілерін беру" мемлекеттік қызмет көрсету тәртібі

      Ескерту. Қағидалар 5-тараумен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      69. Мемлекеттік қызметті алу үшін Қазақстан Республикасының аумағында тұрақты немесе уақытша тұрғылықты жері (тіркеу орны) бар жеке және заңды тұлғалар (бұдан әрі - көрсетілетін қызметті алушылар) Мемкорпорацияның филиалдары немесе "электрондық үкімет" порталы (бұдан әрі - ЭҮП) арқылы осы Қағидаларға 1-қосымшаға сәйкес "Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу, есепке алу және есептен шығару, сондай-ақ көлік құралдарын тіркеу туралы куәлік және мемлекеттік тіркеу нөмірі белгілерін беру" мемлекеттік қызмет көрсету стандартының 8-тармағына сәйкес құжаттар пакетін ұсынады, онда мемлекеттік қызметтерді ІІО аумақтық бөліністері (бұдан әрі - көрсетілетін қызметті беруші) көрсетеді.

      Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі Қағидаларға 1-қосымшаға сәйкес Мемлекеттік көрсетілген қызмет стандартында баяндалған.

      70. Көлік құралдары (бұдан әрі - КҚ) жеке тұлғаларға олардың тұрғылықты жерінің тұрақты тіркелген орны бойынша тіркеледі. Заңды тұлғаларға көлік құралдарын мемлекеттік тіркеу олардың тіркелген заңды мекенжайына сәйкес, ал филиалдар мен өкілдіктерге оларды тіркеу орны бойынша жүргізіледі.

      71. КҚ-ны есептен шығаруды қоспағанда, мемлекеттік қызмет ақылы көрсетіледі. Мемлекеттік баждар мен алымдар "Салық және бюджетке төленетін басқа да міндетті төлемдер туралы" Қазақстан Республикасының Кодексіне (бұдан әрі - Салық кодексі) сәйкес төленеді.

      72. Құжаттар пакетін қабылдау және мемлекеттік қызмет көрсету нәтижелерін беру:

      1) Мемкорпорация арқылы:

      Мемкорпорацияның қызметкері көрсетілетін қызметті алушының деректерін және баждар мен алымдарды төлеу, Қазақстан Республикасының Экологиялық кодексінде белгіленген, көлік құралдарын бастапқы тіркеу кезінде өндірушілердің (импорттаушылардың) кеңейтілген міндеттемелерді орындауы, көлік құралына салық төлеу, жол жүрісі қауіпсіздігін қамтамасыз ету саласында айыппұл түрінде әкімшілік жазаға тарту туралы қаулының және (немесе) айыппұл төлеу қажеттігі туралы нұсқаманың мемлекеттік органдардың тиісті ақпараттық жүйелері арқылы орындалуы туралы мәліметтерді тексереді, 20 минут ішінде қажетті құжаттар пакетін қабылдайды, қабылданған құжаттардың электронды көшірмелерін жасайды, электрондық өтінішті қалыптастырады, электрондық-цифрлық қолтаңба қояды, актіні қағаз тасымалдағышта басып шығарады және көрсетілетін қызметті алушыға осы Қағидалардың 1-қосымшасына сәйкес құжаттардың қабылданғаны туралы қолхат береді.

      Көрсетілетін қызметті беруші құжаттар келіп түскен сәттен бастап иесінің және көлік құралының іздестіруде (шектеулер, тыйым салулар) болуы мәніне оларды тексереді, толтырылу дұрыстығына сканерленген құжаттарды электрондық өтініммен салыстырады, 15 минут ішінде өтінімді бекіту немесе мемлекеттік қызметті көрсетуден бас тарту туралы шешім қабылдайды.

      Қалыптастырылған өтінім 5 минут ішінде онлайн-режимде көрсетілетін қызметті берушіге бекітуге түседі, бекітілген жағдайда өтінім жеткізушінің принтеріне автоматты түрде келіп түседі және КҚТК 5 минут ішінде басып шығарылады.

      Иесінің деректері немесе оның көлік құралының деректері, сондай-ақ көрсетілетін қызметті алушының деректері іздестіру базасында болған жағдайда, көрсетілетін қызметті беруші мемлекеттік қызметті көрсетуден бас тартады және тиісті шаралар қабылдау үшін ақпаратты аумақтық ІІО бөлінісіне дереу береді.

      Дайындалған КҚТК-ны жеткізуші 5 минут ішінде Мемкорпорацияның қызметкеріне құжаттарды беру секторына береді.

      Дайындалған КҚТК мен берілген МТНБ-ларды Мемкорпорацияның қызметкері көрсетілетін қызметті алушыға (КҚ иесіне) немесе сенімхат негізінде әрекет ететін оның өкіліне (жеке тұлғалар үшін нотариаттық куәландырылған) жеке басты куәландыратын құжатты көрсетуі бойынша бұрынғы КҚТК, МТНБ (олар болған жағдайда) тапсырған кезде береді.

      Мемкорпорация қызметкері көрсетілетін қызметті алушылардан қабылдаған және көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу, есепке алу және есептен шығару, сондай-ақ көлік құралдарын тіркеу туралы куәліктер мен мемлекеттік тіркеу нөмірі белгілерін беру үшін негіз болған құжаттар сканерленеді және көрсетілген мемлекеттік қызметтер бойынша номенклатуралық іске тігіледі, сандық тәртіппен нөмірленеді, Мемкорпорация филиалының басшысы қол қояды және қағаз түрінде Мемкорпорация филиалында 3 жыл, электронды түрде Мемкорпорацияның серверінде тұрақты негізде сақталады.

      Қағидалардың 72-тармағының 1) тармақшасында көзделген іс-әрекеттер орындалғаннан кейін мемлекеттік көрсетілетін қызмет аяқталған деп есептеледі.

      2) ЭҮП арқылы жүгінген кезде құжаттарды тапсырған сәттен бастап мемлекеттік қызмет көрсету мерзімі 60 минутты құрайды.

      Электрондық мемлекеттік көрсетілетін қызмет "бір өтініш" қағидаты бойынша композиттік болып табылады, ол кезде көлік құралын есептен шығару және тіркеу жүргізіледі:

      көрсетілетін қызметті беруші жолданған өтінімді қабылдайды, иесін және көлік құралын олардың іздестіру базасында болуы мәніне тексереді және 20 минут ішінде көлік құралын есептен шығаруға арналған өтінімді бекіту туралы немесе тіркеу бойынша Мемлекеттік көрсетілетін қызмет стандартында көзделген негіздер бойынша мемлекеттік қызметті көрсетуден бас тарту туралы шешім қабылдайды;

      көрсетілетін қызметті беруші көлік құралы есептен шығарылғаннан кейін көлік құралының жаңа иесін оның іздестіру базасында болуы мәніне тексереді және 20 минут ішінде көлік құралын жаңа иесіне тіркеуді бекіту туралы немесе мемлекеттік қызметті көрсетуден бас тарту туралы шешім қабылдайды;

      бекітілген өтінім КҚТК шығару үшін принтерге автоматты түрде жіберіледі және 5 минут ішінде КҚТК дайындалады. КҚТК дайындалғаннан кейін автоматты режимде 5 минут ішінде "электрондық үкімет" порталы арқылы: бұрынғы иесіне КҚ-ның есептен шығарылғаны туралы, жаңа иесіне дайындалған КҚТК мен берілген МТНБ орналасқан жері туралы хабарлама жеткізіледі;

      - хабарламаны алған кезде көрсетілетін қызметті алушы (КҚ-ның жаңа иесі) Мемкорпорацияға жүгінеді, Мемкорпорацияның қызметкері 10 минут ішінде бұрынғы КҚТК-ны, МТНБ-ны қабылдайды және көрсетілетін қызметті алушыға немесе жеке басты куәландыратын құжатты ұсынғаннан кейін сенімхат негізінде әрекет ететін оның өкіліне (жеке тұлғалар үшін нотариаттық куәландырылған) жаңа МТНБ мен КҚТК береді.

      Қағидалардың 72-тармағының 2) тармақшасында көзделген іс-әрекеттер орындалғаннан кейін мемлекеттік көрсетілетін қызмет аяқталған деп есептеледі.

      73. КҚ есепке қоймай, есептен шығару бойынша, сондай-ақ рама немесе тірек шанақты ауыстыру кезінде электронды түрдегі мемлекеттік көрсетілетін қызмет ЭҮП арқылы ұсынылмайды.

6-тарау. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының, Мемкорпорацияның және (немесе) олардың қызметкерлерінің шешімдеріне, әрекетіне (әрекетсіздігіне) шағымдану тәртібі

      Ескерту. Қағидалар 6-тараумен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      74. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының, Мемкорпорацияның және (немесе) олардың қызметкерлерінің шешімдеріне, әрекетіне (әрекетсіздігіне) шағымдану кезінде шағым көрсетілетін қызметті беруші немесе Мемкорпорация басшысының атына беріледі.

      Шағым пошта арқылы жазбаша нысанда, ЭҮП арқылы электронды түрде, не көрсетілетін қызметті берушінің, ІІМ немесе Мемкорпорацияның кеңсесі арқылы қолма-қол беріледі.

      Шағымды тіркеу (мөртаңба, кіріс нөмірі мен тіркеу күні шағымның екінші данасына немесе шағымға ілеспе хатқа қойылады) шағымның көрсетілетін қызметті берушінің немесе ІІМ-нің кеңсесінде қабылданғанын растау болып табылады.

      Мемкорпорация қызметкері дұрыс қызмет көрсетпеген жағдайда, шағым Мемкорпорация басшысының атына беріледі.

      Қолма-қол, сол сияқты пошта арқылы келіп түскен шағымды тіркеу (мөртаңба, кіріс нөмірі мен тіркеу күні шағымның екінші данасына немесе шағымға ілеспе хатқа қойылады) оның Мемкорпорацияда қабылданғанын растау болып табылады.

      Портал арқылы жүгінген кезде шағымдану тәртібі туралы ақпаратты бірыңғай байланыс орталығының 1414 телефоны бойынша алуға болады.

      Шағымды портал арқылы жіберген кезде көрсетілетін қызметті алушыға "жеке кабинетінен" өтініш туралы ақпарат қолжетімді, ол көрсетілетін қызметті берушінің өтінішті өңдеуі (жеткізілгені, тіркелгені, орындалғаны туралы белгілер, қаралғаны немесе қараудан бас тартылғаны туралы жауап) барысында жаңартылып отырады.

      Шағымда:

      1) жеке тұлғаның - оның тегі, аты, әкесінің аты (ол болған жағдайда), пошта мекенжайы;

      2) заңды тұлғаның - оның атауы, пошта мекенжайы, шығыс нөмірі мен күні көрсетіледі. Көрсетілетін қызметті алушының көрсетілетін қызметті берушінің, ІІМ-нің немесе Мемкорпорацияның атына келіп түскен шағымы ол тіркелген күнінен бастап 5 (бес) жұмыс күні ішінде қарауға жатады. Шағымды қарау нәтижелері туралы дәлелді жауап көрсетілетін қызметті алушыға пошта арқылы жіберіледі не көрсетілетін қызметті берушінің, ІІМ-нің немесе Мемкорпорацияның кеңсесінде қолма-қол беріледі.

      Портал арқылы электрондық өтініш берген жағдайда көрсетілетін қызметті алушыға "жеке кабинетінен" өтініш туралы ақпарат қолжетімді, ол өңдеу (жеткізілгені, тіркелгені, орындалғаны туралы белгілер, қаралғаны немесе қараудан бас тартылғаны туралы жауап) барысында жаңартылып отырады. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады.

      Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органның мекенжайына келіп түскен шағымы тіркелген күнінен бастап 15 (он бес) жұмыс күні ішінде қарауға жатады. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушының Қазақстан Республикасының заңнамасында белгіленген тәртіппен сотқа жүгінуге құқығы бар.

7-тарау. "Көлік құралдары үшін мемлекеттік тіркеу нөмірі белгілерінің телнұсқасын беру" мемлекеттік қызмет көрсету тәртібі

      Ескерту. Қағидалар 7-тараумен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      75. Мемлекеттік қызметті алу үшін жеке және заңды тұлғалар (бұдан әрі - көрсетілетін қызметті алушылар) Мемкорпорацияның филиалдары немесе "электрондық үкімет" порталы (бұдан әрі - ЭҮП) арқылы осы Қағидаларға 8-қосымшаға сәйкес "Көлік құралы үшін мемлекеттік тіркеу нөмірі белгісінің телнұсқасын беру" мемлекеттік қызмет көрсету стандартына сәйкес құжаттар пакетін ұсынады, онда мемлекеттік қызметтерді ІІО аумақтық бөліністері (бұдан әрі - көрсетілетін қызметті беруші) көрсетеді. Ұсынылған құжаттардың толық болмау фактісі анықталған жағдайда көрсетілетін қызметті беруші Мемкорпорацияның құжаттарын қабылдаудан жазбаша дәлелді бас тарту береді.

      76. Мемлекеттік қызмет көрсету нысаны: қағаз және элекронды түрде.

      77. Мемлекеттік қызмет көрсету нәтижесі - көлік құралдары үшін мемлекеттік тіркеу нөмірі белгілерінің (бұдан әрі - МТНБ) телнұсқасын беру не мемлекеттік қызмет көрсетуден бас тарту туралы дәлелді жауап.

      Мемлекеттік қызмет көрсету нәтижесі көрсетілетін қызметті алушыға немесе нотариаттық расталған сенімхаттың негізінде әрекет ететін оның өкіліне беріледі.

      78. Мемлекеттік қызмет жеке және заңды тұлғаларға ақылы негізде көрсетіледі.

      "Салық және бюджетке төленетін басқа да міндетті төлемдер туралы" Қазақстан Республикасы Кодексінің 615-бабына сәйкес көлік құралының МТНБ телнұсқасын беру үшін мемлекеттік баж: саны 2 бірлік МТНБ телнұсқасын беру үшін - 2,8 АЕК, саны 1 бірлік - 1,4 АЕК құрайды.

      Мемлекеттік баж екінші деңгейдегі банктер мен банк операцияларының жекелеген түрлерін жүзеге асыратын ұйымдар немесе "электрондық үкімет" порталының төлем шлюзі арқылы қолма-қол немесе қолма-қол емес тәсілмен төленеді.

      79. Мемкорпорацияда құжаттарды қабылдау кезінде:

      1) Мемкорпорацияның қызметкері көрсетілетін қызметті алушының деректерін және тиісті мемлекеттік ақпараттық жүйелер арқылы баждар мен алымдарды төлеу туралы мәліметтерді тексереді, 20 минут ішінде қажетті құжаттар пакетін қабылдайды, электрондық өтінішті қалыптастырады, электрондық-цифрлық қолтаңба қояды және көрсетілетін қызметті алушыға Қағидалардың 6-қосымшасына сәйкес құжаттардың қабылданғаны туралы қолхат береді;

      2) уәкілетті органның қызметкері өтінімді қабылдайды, иесін (көрсетілетін қызметті алушыны) және КҚ-ны олардың іздестіруде болуы мәніне тексереді, 20 минут ішінде өтінімді бекіту немесе телнұсқалар беру бойынша Мемлекеттік көрсетілетін қызмет стандартының 9-тармағына сәйкес негіздер бойынша мемлекеттік қызмет көрсетуден бас тарту туралы шешім қабылдайды;

      3) өтінішті алған кезде уәкілетті органның қызметкері Қағидаларға 9-қосымшаға сәйкес МТНБ телнұсқасын дайындауға арналған жиынтық өтінімге МТНБ деректерін енгізеді және жұмыс уақытының соңына дейін Жеткізушіге МТНБ телнұсқасын дайындауға өтінімді жолдайды;

      4) уәкілетті органда Жеткізушіден МТНБ қабылдауды материалдық жауапты адам оларды алған күні Жеткізуші жүкқұжатының, осы Қағидаларға 10-қосымшаға сәйкес нысан бойынша МТНБ қабылдау актісінің негізінде жүзеге асырады;

      5) уәкілетті органның материалдық жауапты адамы қабылдау күні дайындалған МТНБ телнұсқасын 11-қосымшаға сәйкес жүкқұжат бойынша Мемкорпорацияға береді;

      6) Мемкорпорация қызметкері 10 минут ішінде көрсетілетін қызметті алушыға МТНБ телнұсқасын береді.

      80. Құжаттарды "электрондық үкімет" порталы (бұдан әрі - ЭҮП) арқылы қабылдаған кезде:

      1) көрсетілетін қызметті алушы ЭҮП-де электрондық-цифрлық қолтаңбасын (бұдан әрі - ЭЦҚ) белсендендіреді, барлық деректемелік деректерді толтырады, ЭҮТШ арқылы "Салық және бюджетке төленетін басқа да міндетті төлемдер туралы" Қазақстан Республикасының Кодексінде (бұдан әрі - Салық кодексі) белгіленген баж салығын төлеуді жүргізеді және өтінімге ЭЦҚ қояды;

      2) уәкілетті органның қызметкері өтінімді қабылдайды, олардың іздестіруде болуы мәніне иесі (көрсетілетін қызметті алушы) мен КҚ-ны тексереді, 20 минут ішінде өтінімді бекіту немесе мемлекеттік қызмет көрсетуден бас тарту туралы шешім қабылдайды.

8-тарау. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының, Мемкорпорацияның және (немесе) олардың қызметкерлерінің шешімдеріне, әрекетіне (әрекетсіздігіне) шағымдану тәртібі

      Ескерту. Қағидалар 8-тараумен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      81. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының, Мемкорпорацияның және (немесе) олардың қызметкерлерінің шешімдеріне, әрекетіне (әрекетсіздігіне) шағымдану: шағым көрсетілетін қызметті беруші немесе Мемкорпорация басшысының атына беріледі.

      Шағым пошта арқылы жазбаша нысанда, ЭҮП арқылы электронды түрде, не көрсетілетін қызметті берушінің, ІІМ-нің немесе Мемкорпорацияның кеңсесі арқылы қолма-қол беріледі.

      Көрсетілетін қызметті берушінің немесе ІІМ-нің кеңсесінде шағымды тіркеу (мөртаңба, кіріс нөмірі мен тіркеу күні шағымның екінші данасына немесе шағымға ілеспе хатқа қойылады) оның қабылданғанын растау болып табылады.

      Мемкорпорация қызметкері дұрыс қызмет көрсетпеген жағдайда, шағым Мемкорпорация басшысының атына беріледі.

      Қолма-қол, сонымен қатар пошта арқылы келіп түскен шағымды тіркеу (мөртаңба, кіріс нөмірі мен тіркеу күні шағымның екінші данасына немесе шағымға ілеспе хатқа қойылады) оның Мемкорпорацияда қабылданғанын растау болып табылады.

      Портал арқылы жүгінген кезде шағымдану тәртібі туралы ақпаратты бірыңғай байланыс орталығының 1414 телефоны бойынша алуға болады.

      Шағымды портал арқылы жіберген кезде көрсетілетін қызметті алушыға "жеке кабинетінен" өтініш туралы ақпарат қолжетімді, ол көрсетілетін қызметті берушінің өтінішті өңдеуі (жеткізілгені, тіркелгені, орындалғаны туралы белгілер, қаралғаны немесе қараудан бас тартылғаны туралы жауап) барысында жаңартылып отырады.

      Шағымда:

      1) жеке тұлғаның - оның тегі, аты, әкесінің аты (ол болған жағдайда), пошта мекенжайы;

      2) заңды тұлғаның - оның атауы, пошта мекенжайы, шығыс нөмірі мен күні көрсетіледі.

      Көрсетілетін қызметті алушының көрсетілетін қызметті берушінің, ІІМ-нің немесе Мемкорпорацияның атына келіп түскен шағымы ол тіркелген күнінен бастап 5 (бес) жұмыс күні ішінде қарауға жатады. Шағымды қарау нәтижелері туралы дәлелді жауап көрсетілетін қызметті алушыға пошта байланысы арқылы жіберіледі не көрсетілетін қызметті берушінің, ІІМ-нің немесе Мемкорпорацияның кеңсесінде қолма-қол беріледі.

      Портал арқылы электронды жүгінген жағдайда көрсетілетін қызметті алушыға "жеке кабинетінен" өтініш туралы ақпарат қолжетімді, ол өңдеу (жеткізілгені, тіркелгені, орындалғаны туралы белгілер, қаралғаны немесе қараудан бас тартылғаны туралы жауап) барысында жаңартылып отырады. Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады. Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органның мекенжайына келіп түскен шағымы ол тіркелген күнінен бастап 15 (он бес) жұмыс күні ішінде қарауға жатады.

      Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушының Қазақстан Республикасының заңнамасында белгіленген тәртіппен сотқа жүгінуге құқығы бар.

Көлік құралын тіркеу (есептен шығару) актісі

      Ескерту. 1-қосымша алып тасталды – ҚР Ішкі істер министрінің 07.10.2019 № 863 (алғаш ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.

№ ____ көлік құралын байқау актісі

      Ескерту. 2-қосымша алып тасталды – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

Босаған нөмірлік агрегатқа куәлік

      Ескерту. 3-қосымша жаңа редакцияда – ҚР Ішкі істер министрінің 07.10.2019 № 863 (алғаш ресми жарияланған күннен кейін күнтізбелік он күн өткен соң қолданысқа енгізіледі) бұйрығымен.

      ______________________________________________________________________

                        (тіркеу пунктінің атауы)

      _____________________________________________________________ растайды

                        (агрегаттың атауы және нөмірі)

      Нөмірлік агрегат орнатылған (тіркелген) көлік құралы туралы

      мәліметтер: мемлекеттік тіркеу белгісі ____________________________________

      сәйкестендіру нөмірі (VІN)______________________________________________

      маркасы, үлгісі _________________ дайындаушы кәсіпорын__________________

      КҚ түрі ______________ КҚ санаты ______________________________________

      шығарылған жылы_________________ шасси (рама) нөмірі__________________

      шанақ нөмірі ___________________ түсі __________________________________

      сериясы ____________ № _______________________________________________

                              (тіркеу құжаты)

      _______________________________________________________________ тиесілі

                              (тегі, аты, әкесінің аты)

      _____________________________________________________________________

      (мекенжайы, паспорты немесе оны алмастыратын құжаты, кім, қашан берілген)

      _____________________________________________________________________

                        (заңды тұлғаның атауы, мекенжайы)

      М.О.

      20__ жылғы "___" _____________

      Уәкілетті адамның қолы ________________

Кәдеге жаратуға жататын (ақаулы) көлік құралын есептен шығару туралы __________ № _________ анықтама

      Ескерту. Қағида 4-қосымшамен толықтырылды – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі); жаңа редакцияда – ҚР Ішкі істер министрінің 07.10.2019 № 863 (алғаш ресми жарияланған күннен кейін күнтізбелік он күн өткен соң қолданысқа енгізіледі) бұйрықтарымен.

      _____________________________________________________________ берілген,

                        (КҚ иесі және (немесе) оның өкілі туралы мәліметтер)

      _____________________________________________________________________,

      маркасы, моделі _______________________________________________________

      КҚ түрі ______________________________________________________________

      сәйкестендіру нөмірі (VІN) ______________________________________________

      мемлекеттік тіркеу белгісі ______________________________________________

      түсі __________________________________________________________________

      КҚ санаты ____________________________________________________________

      шығарылған жылы _____________________________________________________

      шасси (рама) нөмірі ____________________________________________________

      шанақ нөмірі __________________________________________________________

      рұқсат тілген ең жоғары массасы kg ______________________________________

      жүктемесіз массасы, kg _________________________________________________

      КҚТКсериясы _________________________________________________________

      № ___________________________________________________________________

      көлік құралы кәдеге жаратуға (ақаулы) жататын көлік құралы ретінде

      _____________________________________ бастап тіркеу есебінен шығарылды.

                        (күні )

      М.О.

      20 __ жылғы "___" _____________

      Уәкілетті адамның қолы ________________

      Ескерту. Қағидалар 5-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

Құжаттарды қабылдау туралы № қолхат _____________________________________________________________________ (мемлекеттік көрсетілетін қызметтің атауы көрсетіледі)

      Ескерту. Қағидалар 6-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      ________________________________________________________________________________

      (көрсетілетін қызметті алушының Т.А.Ә. (ол болған жағдайда) немесе заңды тұлғаның атауы немесе олардың өкілдері)

      Қабылданған құжаттардың тізбесі:

      1. ______________________________________________________________________________

      2. ______________________________________________________________________________

      3. ______________________________________________________________________________

      4. ______________________________________________________________________________

      5. ______________________________________________________________________________

      6. ______________________________________________________________________________

      7. ______________________________________________________________________________

      8. ______________________________________________________________________________

      9. ______________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      ________________________________________________________________________________

      Қабылдады: ___________________________ /__________/ ______________________________

      Мемкорпорация қызметкері (қолы) (Т.А.Ә. (ол болған жағдайда))

      ____ жылғы "__" ________

      Берілген уақыты мен күні: ___ сағ. ___ мин.

Құжаттарды қабылдаудан бас тарту туралы қолхат

      Ескерту. Қағидалар 7-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      "Мемлекеттік көрсетілетін қызметтер туралы" Қазақстан Республикасының

      2013 жылғы 15 сәуірдегі Заңының 20-бабының 2) тармақшасына сәйкес

      __________________________

      (мекенжайын көрсету)

      Мемлекеттік корпорацияның қызметкері Сіздің мемлекеттік көрсетілетін қызмет стандартында көзделген құжаттар тізбесін, атап айтқанда: жоқ құжаттардың атауы:

      1. ________________________________________;

      2. ________________________________________;

      3. _____________________________ толық ұсынбауыңызға байланысты

      ________________________________________________________________________________

      (көрсетілетін қызмет стандартына сәйкес мемлекеттік көрсетілетін қызметтің атауын көрсету)

      мемлекеттік қызметті көрсетуге құжаттар қабылдаудан бас тартады.

      Осы қолхат әр тарап үшін біреуден 2 данада жасалды.

      ________________________________________________________________________________

      (Мемлекеттік корпорация қызметкерінің Т.А.Ә. (ол болған жағдайда), қолы)

      Алдым: ___________________________________________________________________

      (көрсетілетін қызметті алушының Т.А.Ә. (ол болған жағдайда) (қолы)

      20 __ жылғы "___" _________

      Ескерту. Қағидалар 8-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      Ескерту. Қағидалар 9-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      Бекітемін __________________ПД ӘПБ бастығы

      (бөліністің атауы)

      __________________________________

      (атағы, (қолы), (Т.А.Ә. (ол болған жағдайда))

      20 __ жылғы "___"___________

20 __ жылғы "___"___________ мемлекеттік тіркеу нөмірі белгілерінің телнұсқаларын дайындауға және жеткізуге жиынтық өтінім

      уәкілетті органның қызметкері _____________________________________________________

      (лауазымы, қолы, Т.А.Ә. (ол болған жағдайда))

Мемлекеттік тіркеу нөмірі белгілерін қабылдау актісі

      Ескерту. Қағидалар 10-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      20__ жылғы "__" __________. _____________________ (елді-мекен)

      Жеткізуші өкілінің қатысуымен уәкілетті адам

      ________________________________________________________________________________

      (лауазымы, Т.А.Ә. (ол болған жағдайда))

      ________________________________________________________________________________

      (Жеткізушінің атауы, заңдық мекенжайы, БСН)

      20__ жылғы "__" __________ № ___________ жүкқұжат бойынша келіп түскен МТНБ-ны

      қабылдауды жүргізді. Орамды ашқан кезде:

      ________________________________________________________________________________

      ______________________________________________________________________ анықталды.

      (МТНБ-лар типі, сериясының литерін көрсетіп саны бойынша санамаланады, оның ішінде:

      жарамсыз, жетіспейтін, артық МТНБ санамаланады) Қабылдау актісі үш (төрт) данада

      жасалады және: 1 дана - уәкілетті адамға; 2 дана - Жеткізушіге; 3 дана - ПД ҚҚЕБ-ге, ІІМ

      Байқоңыр қаласындағы Өкілдігіне берілді.

      Жеткізушінің өкілі __________________________________________ ___________________

      (Т.А.Ә. (ол болған жағдайда),                  қолы)

      Осы актіде аталған барлық құндылықтар менің қатысуыммен тексерілді, актіге дұрыс енгізілді

      және мен қабылдадым.

      Уәкілетті органның материалдық жауапты адамы ______________________ лауазымы,

      Т.А.Ә. (ол болған жағдайда), қолы)

      20__ жылғы "__" __________.

      Ескерту. Қағидалар 11-қосымшамен толықтырылды – ҚР Ішкі істер министрінің 31.03.2020 № 280 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгізіледі).

      Жіберуші ______________________________

      Алушы _______________________________

      Кім арқылы_______________________________

      Сенімхат бойынша __________________________

20__ жылғы "__" __________ №_____ жүкқұжат

      Жіберді _____________(Т.А.Ә. (ол болған жағдайда)) __________ /қолы/

      Алды _____________(Т.А.Ә. (ол болған жағдайда)) __________ /қолы/

      МО.                                    М.О.

Механикалық көлік құралдарын жүргізушілерді даярлау қағидалары

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

      1. Осы Механикалық көлік құралдарын жүргізушілерді даярлау қағидалары (бұдан әрі - Қағидалар) "Жол жүрісі туралы" 2014 жылғы 17 сәуірдегі Қазақстан Республикасының Заңына сәйкес әзірленді және көлік құралдарын жүргізушілерді даярлау жөніндегі оқу ұйымдарында (бұдан әрі - оқу ұйымдары) механикалық көлік құралдарын жүргізушілерді (бұдан әрі - жүргізушілер) даярлау тәртібін айқындайды.

      1-1. Осы Қағидаларда мынадай ұғымдар пайдаланылады:

      1) алғашқы көмек – зардап шегушілер білікті медициналық көмек алу мүмкіндігіне дейін адамдардың орындауы үшін қолжетімді көмектің іс-шаралар кешені;

      2) контент – оқу материалдарын ақпараттық (мәтіндер, графикалар мультимедиалар және өзге де маңызды толықтыру) толықтыру;

      3) тестілеу кешені – интернет-ресурс арқылы қолжетімділігі бар білім беру процесінің барлық деңгейінде білім алушылардың оқу материалын меңгеру дәрежесін анықтауға арналған технология;

      4) аралас оқыту – дәстүрлі күндізгі оқыту нысанында және қашықтықтан оқыту технологияларын пайдалана отырып жүргізілетін оқыту технологиясы;

      5) тьютор - білім алушыларға зерделенетін пәнді меңгеруге көмектесетін тұлға;

      6) қашықтықтан білім беру технологияларын іске асыратын оқу ұйымдарының интернет-ресурсы – білім беру процесінің қатысушылары үшін әкімшілік-академиялық ақпаратты қамтитын интернет-ресурс;

      7) "on-line" - нақты уақытта ақпаратпен алмасу;

      8) "off-line" - еркін уақыт кеңістігінде ақпаратпен алмасу;

      9) силлабус - оқу пәнінің қысқаша сипаттамасын, зерделенетін пәннің негізгі сипаттамасын қамтитын, пән бойынша білім алушыға арналған оқыту бағдарламасы.

      2. Жүргізушілерді даярлау осы Қағидаларға 1-қосымшаға сәйкес "А", "В", "С", "D", "ВЕ", "СЕ", "DЕ", "Tm", "Tb" санаттарындағы және "A1", "В1", "С1", "D1", "С1Е", "D1Е" кіші санаттарындағы механикалық көлік құралдарын жүргізушілерді даярлаудың үлгі бағдарламаларына сәйкес жүзеге асырылады.

      "А", "В" санаттарындағы және "A1", "В1" кіші санаттарындағы механикалық көлік құралдарын жүргізушілерді даярлаудың үлгі бағдарламаларына сәйкес жүргізушілерді даярлауға рұқсат етіледі.

      3. "А", "В", "С", "D", "ВЕ", "СЕ", "DЕ", "Tm", "Tb" санаттарындағы және "A1", "В1", "С1", "D1", "С1Е", "D1Е" кіші санаттарындағы механикалық көлік құралдарын жүргізушілерді даярлау медициналық куәландырудан өткен және медициналық қарсы көрсетілімдері жоқ адамдардың қатарынан жүзеге асырылады.

      4. Жүргізушілерді даярлау топтарына қабылданған, оқу ұйымдарындағы білім алушыларды есепке алу жол жүрісі қауіпсіздігін қамтамасыз ету жөніндегі уәкілетті органның және Қазақстан Республикасы Ақпарат және коммуникациялар министрлігінің автоматтандырылған кешенімен біріктіру мүмкіндігімен, автоматтандырылған ақпараттық жүйені пайдаланып жүргізіледі.

      5. Жүргізушілерді даярлау жөніндегі оқу топтары саны кем дегенде отыз адамнан жасақталады.

2-тарау. Механикалық көлік құралдарын жүргізушілерді даярлау тәртібі

      Ескерту. 2-тараудың тақырыбы жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

      6. Механикалық көлік құралдарын (бұдан әрі – МКҚ) жүргізушілерді даярлау мынадай тақырыптық жоспарларға сәйкес жүзеге асырылады:

      1) "Құрылымы және техникалық қызмет көрсету";

      2) "Жол жүрісі қағидалары";

      3) "Көлік құралын басқару негіздері және қозғалыс қауіпсіздігі";

      4) "Жол-көлік оқиғасы (бұдан әрі - ЖКО) кезіндегі алғашқы көмек";

      5) "Механикалық көлік құралын жүргізу (тиісті санаттағы, кіші санаттағы).

      7. Жүргізушілерді даярлауға арналған кабинеттер (сыныптар) осы Қағидаларға 2-қосымшаға сәйкес МКҚ-ның тиісті санатына жүргізушілер даярлауға арналған кабинеттің (сыныптың) оқу жабдығының минималды тізбесіне сәйкес жабдықталады.

      8. Оқытудың негізгі нысандары теориялық, практикалық сабақтар болып табылады.

      Электрондық оқытуды және қашықтықтан білім беру технологияларын (бұдан әрі – ҚБТ) қолданып, "А", "В" санаттары және "А1", "В1" кіші санаттары үшін теориялық сабақтар жүргізуге мынадай талаптар сақталған жағдайда жол беріледі:

      1) Ақпараттық білім беру ресурсы (бұдан әрі – АБР) оқу-әдістемелік материалдармен, білім алушылардың оқытушымен және бір-бірімен интерактивті өзара іс-қимыл жасасу нысандарымен қамтамасыз етуді, сондай-ақ Интернет-ресурстың көмегімен оқу процесін әкімшілендіруді, ұйымдастыруды және сүйемелдеуді қамтиды. Интернет-ресурстың бағдарламалық коды, сондай-ақ тестілеуден өту нәтижелері, оқыту тарихы, білім алушылардың үлгерімі туралы ақпарат өзіндік серверлерде не оқу орнының (заңды тұлғаның) немесе жеке кәсіпкерлердің меншігіне жалға алынған серверлерде сақталады;

      2) Оқу контенті оқыту басталған сәтте жол жүрісі қауіпсіздігін қамтамасыз ету саласындағы Қазақстан Республикасының ағымдағы заңнамасына сәйкес келеді;

      3) АБР арқылы іске асырылатын ҚБТ аутентификациялау жүйесі арқылы білім алушылардың жеке басын сәйкестендіруді қамтамасыз етеді;

      4) АБР-де ақпарат алмасу Hyper Text Transfer Protocol Secure (бұдан әрі – https) қорғалған хаттамасы жүйесін пайдаланып жүзеге асырылады;

      5) ҚБТ аралас оқыту технологиясының мүмкіндігін береді. АБР-ді пайдаланып қашықтықтан оқыту үлесі, оқыту контентін, сондай-ақ жалпы оқыту сағаты санынан тестілеуді қоса алғанда, кемінде 80% құрайды. Күндізгі нысанға кем дегенде 20%;

      6) ҚБТ бойынша оқу процесін жүзеге асыру үшін:

      - тьюторлар мен ҚБТ-ны іске асыру жөніндегі қызметтердің болуы;

      - on-line режимінде консультациялар ұйымдастыру және өткізу;

      - off-line режимінде кері байланысты ұйымдастыру қажет. Оff-line режиміндегі оқу сабақтары өзара оқу іс-қимылы процесін көздейді, бұл жағдайда оқытушы мен білім алушының қарым-қатынасы синхронды жүзеге асырылады (бейнедәрістер, АБР жүйесіндегі тапсырмалар, электрондық пошта, оқытушының тапсырмасы бойынша білім алушының оқулықпен жұмыс істеуі, кейіннен аралық және/немесе қорытынды бақылау тапсырмаларын тапсыруы);

      - білім алушылардың оқудағы жетістіктерін on-line және off-line режимінде бақылау қажет.

      7) АБР оқудан өту аяқталғаннан кейінгі екі жыл ішінде білім беру процесінің барлық деңгейлерінде білім алушылардың оқу материалын меңгеру нәтижелерін жинақтау және сақтау әдістері мен құралдарын ұсынады.

      8) Пәннің электрондық оқу-әдістемелік кешені міндетті және қосымша жиынтықтарды қамтиды.

      9) Міндетті жиынтық:

      а) пәннің мазмұнын, күнтізбелік-тақырыптық жоспарды, ұсынылатын әдебиеттер (негізігі және қосымша) тізімін, пәндерді модульдерге бөлуді қамтитын силлабустан;

      б) дәрістердің электрондық конспектісінен және бейнедәрістерден;

      в) практикалық және семинар сабақтарының материалдарынан;

      г) білім алушының өзіндік жұмысына және білім алушының оқытушының басшылығымен орындалатын өзіндік жұмысына арналған тапсырмалардан;

      д) аралық бақылауды ұйымдастыру материалдарынан (бақылау жұмыстары, тестілеу тапсырмалары, жеке тапсырмалар);

      е) қорытынды бақылауды ұйымдастыру материалдарынан (тесттік емтихан тапсырмалары, емтихан сұрақтары, билеттер, емтихандық бақылау жұмыстары);

      ж) қашықтықтан консультациялар жүргізу кестесінен тұрады.

      10) қосымша жиынтықты оқу ұйымы дербес анықтайды;

      11) ҚБТ-ны енгізетін білім беру ұйымында білім алушылардың деректер базасын (білім алушыларды қабылдау, ауыстыру, қайта қабылдау туралы бұйрықтар, білім алушылардың ағымдағы үлгерімі туралы мәліметтер) қамтитын ақпараттық басқару жүйесі құрылады;

      12) ҚБТ-ны іске асыратын оқу ұйымында ҚБТ бойынша оқу процесін ұйымдастырушылық, әдістемелік, ақпараттық және техникалық қолдауды жүзеге асыратын арнайы құрылымдық бөлімше құрылады;

      13) ҚБТ-ны сүйемелдеуді жүзеге асыратын құрылымдық бөлімше ҚБТ бойынша оқу процесін жоспарлайды және ұйымдастырады, ҚБТ-ға байланысты құжаттаманы жүргізеді, оқытушылар мен тьюторлардың біліктілігін арттыруды жоспарлайды;

      14) ҚБТ-ны сүйемелдеуді жүзеге асыратын құрылымдық бөлімше электронды оқу басылымдарын, мультимедиалық курстарды, әдістемелік құралдарды әзірлеуде консультативтік көмек көрсетуді жүзеге асырады, білімді бақылаудың тестілеу жүйесіне және басқа да құралдарына әкімшілік етеді, ҚБТ үшін ақпараттық ресурстарды пайдалану әдістемесін әзірлейді. Әрбір пән бойынша теориялық сабақтар, әдетте, күніне төрт сағаттан аспайтыңдай жоспарланады.

      Әрбір пән бойынша теориялық сабақтар, әдетте, күніне екі сағаттан, ал практикалық сабақтар алты сағаттан аспайтындай жоспарланады.

      Бір күн ішінде автомобиль жүргізуді үйренушінің біреуіне:

      1) автотренажерде кемінде бір сағат;

      2) оқу автомобилінде "Лекте жүру" жаттығуын, сондай-ақ төрт сағат ішінде пысықталатын, жүк тасымалдаумен байланысты жаттығуларды қоспағанда, кемінде екі сағат пысықтап үйретуге рұқсат етіледі.

      9. Теориялық және зертханалық-практикалық оқу сабақтарының ұзақтығы – қырық бес минут, ал міндеттерді белгілеу, қорытынды шығару, құжаттама ресімдеу және оқитындарды ауыстыру уақытын қоса алғанда, автомобиль жүргізу бойынша практикалық сабақтардың ұзақтығы – бір сағат.

      Практикалық сабақтарды үзіліссіз тоқсан минут ішінде өткізуге жол беріледі. Оқу уақытының ұзақтығы жұмыс күндері төрт сағаттан және демалыс күндері алты сағаттан аспауы тиіс.

      10. Теориялық сабақтарды оқытушы, ал автомобиль құрылғылары мен оған техникалық қызмет көрсету бойынша зертханалық-практикалық сабақтарды оқытушы өндірістік үйрету шеберімен бірлесіп өткізеді, автомобиль жүргізу бойынша практикалық сабақтарды көлік жүргізуге үйрету шебері оқитын әр адаммен жеке жүргізеді.

      Автомобиль құрылымы және оған техникалық қызмет көрсету және ЖКО кезінде зардап шеккендерге алғашқы көмек көрсету бойынша практикалық сабақтар бір немесе бірнеше тақырып бойынша тиісті теориялық материалды зерделегеннен кейін жүргізіледі.

      11. Автомобильді практикалық жүргізу басталғанға дейін оқитындар көлік құралдарын пайдалануға жіберу жөніндегі негізгі ережелер және Қазақстан Республикасының Жол қозғалысы ережелеріне сәйкес жол қозғалысы қауіпсіздігін қамтамасыз ету бойынша лауазымды адамдар мен жол жүрісіне қатысушылардың міндеттері бойынша даярлықтан өтеді.

      12. Практикалық жүргізу сабақтары әрбір білім алушымен жеке автотренажерларда (олар болған жағдайда), автодромдарда (жүргізіп үйренуге арналған алаңдарда) және үш жылда кемінде бір рет жол жүрісі қауіпсіздігін қамтамасыз ету жөніндегі аумақтық уәкілетті органда келісуден өткен оқу бағыттарында өткізіледі.

      13. Практикалық жүргізуге оқыту жүргізуге үйрету шеберінің басшылығымен техникалық жағынан ақаусыз, Қазақстан Республикасы Жол қозғалысы ережелерінің талаптарына сәйкес жабдықталған көлік құралдарында өткізіледі.

      14. Әр пән бойынша оқитындардың деңгейін анықтау және оның білімін бағалау үшін қорытынды сабақтар өткізіледі, олардың нәтижелері бойынша әрбір оқитынның және жалпы топтың емтихандарға дайындығы, консультациялар тақырыптары, қосымша сабақтардың көлемі айқындалады, сондай-ақ емтихандарға өздігінен дайындалу үшін ұсынымдар беріледі, сондай-ақ қорытынды аттестаттау өткізіледі.

      15. Тиісті санаттардағы және кіші санаттардағы механикалық көлік құралдарын жүргізушілерді даярлаудың үлгі бағдарламаларында көзделген жаттығуларды толық көлемде пысықтағаннан кейін МКҚ басқару тәсілдерін жеткілікті меңгермеген, оқитын адамдар үшін қорытынды сабақтың нәтижелері бойынша қосымша сабақтар өткізіледі.

      16. Қорытынды аттестаттау оқыту ұйымында:

      1) көлік құралының құрылғылары мен оған техникалық қызмет көрсету;

      2) жол жүрісі қағидалары, қозғалыс қауіпсіздігі мен ЖКО кезінде зардап шеккендерге алғашқы көмек көрсету негіздері;

      3) көлік құралын практикалық жүргізу бойынша емтихандар қабылдау түрінде өткізіледі.

      17. Қорытынды аттестаттауда дәлелді себептермен (сырқаттану, іссапар) емтихан тапсыра алмаған оқитындар оларды жеке тәртіппен тапсыруға, ал қанағаттанарлықсыз баға алғандар қосымша өзіндік дайындықтан кейін, бірақ қорытынды аттестаттау өткізілген күннен бастап кемінде 5 жұмыс күні өткен соң қайта емтихан тапсыруға жіберіледі.

      18. Оқу ұйымында қорытынды аттестаттау өткізу кезінде емтихандардың нәтижелері бойынша оң баға алған білім алушы адамдарға осы Қағидаларға 3-қосымшаға сәйкес нысан бойынша оқыту курсын бітіргені туралы куәлік (бұдан әрі - куәлік) беріледі.

      19. Куәлік МКҚ басқаруға құқық беретін құжат болып табылмайды, ол тиісті санаттағы және кіші санаттағы МКҚ басқару құқығына жүргізуші куәлігін алу үшін емтихандар тапсыру кезінде ұсынылады.

      20. Куәлік жоғалған жағдайда оқу ұйымы жазбаша өтініш пен қорытынды аттестаттау нәтижелерінің негізінде өтініш берілген сәттен бастап бес жұмыс күні ішінде "Телнұсқа" береді.

      21. Куәлік қатаң есептегі құжат болып табылады, олардың сериясы және баспаханалық реттік нөмірі болады. Куәлік оқыту курсын аяқтағаннан кейін екі жыл ішінде жарамды.

Көлік құралдарын жүргізушілерді даярлаудың үлгі бағдарламалары
"А" санаттағы және "А1", "В1" кіші санаттарындағы көлік құралдарын жүргізушілерді даярлау бағдарламасы.
Оқу жоспары

      Ескерту. 1-қосымшаға өзгеріс енгізілді – ҚР Ішкі істер министрінің м.а. 26.09.2017 № 646 (01.01.2018 бастап қолданысқа енгізіледі) бұйрығымен

      * Оқыту ұйымында жүргізу жөніндегі емтихан жүргізуге бөлінген сағаттар есебінен жүргізіледі.

      ** Жүргізу оқу уақытынан тыс тиісті санаттағы немесе кіші санаттағы көлік құралында жүргізіледі.

"Құрылымы және техникалық қызмет көрсету"
пәнінің тақырыптық жоспары мен бағдарламасы.
Тақырыптық жоспар.

      * Тақырыпты пысықтау практикалық (зертханалық-практикалық) сабақта жүргізіледі.

"Жол қозғалысы ережелері" пәнінің тақырыптық жоспары мен бағдарламасы.
Тақырыптық жоспар.

"Көлік құралын басқару негіздері және қозғалыс қауіпсіздігі" пәнінің тақырыптық жоспары мен бағдарламасы.
Тақырыптық жоспар.

"Алғашқы медициналық көмек көрсету" пәнінің тақырыптық жоспары мен бағдарламасы.
Тақырыптық жоспар.

"Мотоцикл жүргізу" пәнінің тақырыптық жоспары мен бағдарламасы.
Тақырыптық жоспар.

"А1" және "В1" кіші санаттағы көлік құралдарын жүргізушілерді "А" санатқа даярлау бағдарламасы.
Оқу жоспары.

      * Оқыту ұйымында мотоцикл жүргізу жөніндегі емтихан жүргізуге бөлінген сағаттар есебінен жүргізіледі.

      ** Жүргізу оқу уақытынан тыс жүргізіледі.

"Құрылымы және техникалық қызмет көрсету"
пәнінің тақырыптық жоспары мен бағдарламасы.
Тақырыптық жоспар.

      * Тақырыпты пысықтау практикалық (зертханалық-практикалық) сабақта жүргізіледі.

"Жол қозғалысы ережелері" пәнінің
тақырыптық жоспары мен бағдарламасы.
Тақырыптық жоспар.

"Көлік құралын басқару негіздері және қозғалыс қауіпсіздігі" пәнінің тақырыптық жоспары мен бағдарламасы.
Тақырыптық жоспар.

"Алғашқы медициналық көмек көрсету" пәнінің тақырыптық жоспары мен бағдарламасы.
Тақырыптық жоспар.

"Мотоцикл жүргізу" пәнінің тақырыптық жоспары мен бағдарламасы. Тақырыптық жоспар.

"В" санатындағы көлік құралдарын жүргізушілерді
даярлау жөніндегі бағдарлама.
Оқу жоспары.

      * Автомобиль жүргізу жөніндегі емтихан автомобиль жүргізуге бөлінген сағат есебінен өткізіледі.

      ** Жүргізу оқу уақытынан тыс 50 сағат көлемінде жүргізіледі, оның ішінде 6 сағат – автотренажерда өткізіледі.

Автотренажер болмаған жағдайда 50 сағат – автокөлікте өткізіледі.
"Құрылымы және техникалық қызмет көрсету" пәнінің тақырыптық жоспары мен бағдарламасы.
Тақырыптық жоспар.

      * Бұл тақырып практикалық сабақтағы үйрету автомобилінде оқытылады.

"Жол қозғалысы ережелері" пәнінің тақырыптық жоспары мен бағдарламасы. Тақырыптық жоспар.

"Көлік құралын басқару негіздері және қозғалыс қауіпсіздігі" пәнінің тақырыптық жоспары және бағдарламасы.
Тақырыптық жоспар.

"Алғашқы медициналық көмек көрсету" пәнінің тақырыптық жоспары мен бағдарламасы.
Тақырыптық жоспар.

"Автомобиль жүргізу" пәнінің тақырыптық жоспары мен бағдарламасы. Тақырыптық жоспар.

"В" санатындағы көлік құралдарын жүргізушілерді "С1" кіші санатына даярлау жөніндегі бағдарлама.
Оқу жоспары.

      * Автомобиль жүргізу жөніндегі емтихан автомобиль жүргізуге бөлінген сағат есебінен өткізіледі.

      ** Жүргізу оқу уақытынан тыс 40 сағат көлемінде жүргізіледі

"Құрылымы және техникалық қызмет көрсету" пәнінің тақырыптық жоспары мен бағдарламасы.
Тақырыптық жоспар.

      *Бұл тақырыптар үйрету автомобилінде практикалық (зертханалық-практикалық) сабақтарда оқытылады.

"Жол қозғалысы ережелері" пәнінің тақырыптық жоспары мен бағдарламасы.
Тақырыптық жоспар.

"Көлік құралын басқару негіздері және қозғалыс қауіпсіздігі" пәнінің тақырыптық жоспары мен бағдарламасы.
Тақырыптық жоспар.

"Алғашқы медициналық көмек көрсету" пәнінің тақырыптық жоспары мен бағдарламасы.
Тақырыптық жоспар.

"Автомобиль жүргізу" пәнінің тақырыптық жоспары мен бағдарламасы.
Тақырыптық жоспар.

"С1" санатындағы көлік құралдарын жүргізушілерді "С" санатына даярлау жөніндегі бағдарлама.
Оқу жоспары.

      * Автомобиль жүргізу жөніндегі емтихан автомобиль жүргізуге бөлінген сағат есебінен өткізіледі.

      ** Жүргізу оқу уақытынан тыс 30 сағат көлемінде жүргізіледі.

"Құрылымы және техникалық қызмет көрсету" пәнінің тақырыптық жоспары мен бағдарламасы.
Тақырыптық жоспар.

      *Бұл тақырыптар үйрету автомобилінде практикалық (зертханалық-практикалық) сабақтарда оқытылады.

"Жол қозғалысы ережелері" пәнінің тақырыптық жоспары мен бағдарламасы. Тақырыптық жоспар.

"Көлік құралын басқару негіздері және қозғалыс қауіпсіздігі" пәнінің тақырыптық жоспары мен бағдарламасы.
Тақырыптық жоспар.

"Алғашқы медициналық көмек көрсету" пәнінің тақырыптық жоспары мен бағдарламасы.
Тақырыптық жоспар.

"Автомобиль жүргізу" пәнінің тақырыптық жоспары мен бағдарламасы. Тақырыптық жоспар.

"В" санатындағы және "С1" кіші санатындағы көлік құралдарын жүргізушілерді даярлау жөніндегі бағдарлама. Оқу жоспары.

      * Автомобиль жүргізу жөніндегі емтихан автомобиль жүргізуге бөлінген сағат есебінен өткізіледі.

      ** Жүргізу оқу уақытынан тыс 80 сағат көлемінде жүргізіледі, оның ішінде 8 сағат – автотренажерда өткізіледі. Автотренажер болмаған жағдайда 80 сағат – автокөлікте өткізіледі.

"Құрылымы және техникалық қызмет көрсету" пәнінің тақырыптық жоспары мен бағдарламасы.
Тақырыптық жоспар.

"Жол қозғалысы ережелері" пәнінің тақырыптық жоспары мен бағдарламасы.
Тақырыптық жоспар.

"Көлік құралын басқару негіздері және қозғалыс қауіпсіздігі" пәнінің тақырыптық жоспары мен бағдарламасы.
Тақырыптық жоспар.

"Алғашқы медициналық көмек көрсету" пәнінің тақырыптық жоспары мен бағдарламасы.
Тақырыптық жоспар.

"Автомобиль жүргізу" пәнінің тақырыптық жоспары мен бағдарламасы.
Тақырыптық жоспар.

"Д1" санатындағы көлік құралдарын жүргізушілерді даярлау жөніндегі бағдарлама.
Оқу жоспары.

      * Автомобиль жүргізу жөніндегі емтихан автомобиль жүргізуге бөлінген сағат есебінен өткізіледі.

      ** Жүргізу оқу уақытынан тыс 20 сағат көлемінде жүргізіледі.

"Құрылымы және техникалық қызмет көрсету" пәнінің тақырыптық жоспары мен бағдарламасы.
Тақырыптық жоспар.

"Құрылымы және техникалық қызмет көрсету" пәнінің зертханалық-практикалық сабақтарының тақырыптық жоспары мен бағдарламасы.
Тақырыптық жоспар.

"Көлік құралдарын пайдалану мен жолаушылар тасымалдауды ұйымдастыру" пәнінің тақырыптық жоспары мен бағдарламасы.
Тақырыптық жоспар.

"Жол қозғалысы ережелері" пәнінің тақырыптық жоспары мен бағдарламасы.
Тақырыптық жоспар.