Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидаларын бекіту туралы

      Ескерту. Бұйрықтың тақырыбы жаңа редакцияда - ҚР Инвестициялар және даму министрінің 21.01.2016 № 38 (қолданысқа енгізілу тәртібін 4-т. қараңыз) бұйрығымен.

      "Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 10) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңы 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидалары бекітілсін.

      2. Қазақстан Республикасы Көлік және коммуникация министрлігінің Көліктік бақылау комитеті (Ә.Н.Барменқұлов) осы бұйрықты Қазақстан Республикасы Әділет министрлігінде мемлекеттік тіркеу үшін ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Көлік және коммуникация вице-министрі Е.С.Дүйсенбаевқа жүктелсін.

      4. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Бәсекелестікті қорғау агенттігінің

      төрағасы (Монополияға қарсы агенттік)

      М.Т. Есенбаев ___________________

      2011 жылғы "___" _______________

      ЗҚАИ-ның ескертпесі!
      Қағида жаңа редакцияда көзделген – ҚР Индустрия және инфрақұрылымдық даму министрінің 13.12.2022 № 715 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидалары

      Ескерту. Қағида жаңа редакцияда – ҚР Индустрия және инфрақұрылымдық даму министрінің 17.04.2020 № 210 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидалары (бұдан әрі – Қағидалар) "Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 10) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленді және Қазақстан Республикасының автомобиль тасымалдаушыларына мынадай автокөлік құралдарының иелері үшін міндетті халықаралық автомобиль тасымалдарын жүзеге асыруға рұқсат беру куәлігін және рұқсат карточкасын беру тәртібін айқындайды.

      1) жүк автомобильдері (тіркемені қоса алғанда рұқсат етілетін пайдалы жүктемесі 3,5 тоннадан асатын);

      2) жүктердің белгілі бір түрлерін тасымалдауға арналған мамандандырылған автомобильдер.

      2. Халықаралық автомобильмен жүк тасымалдауға мемлекеттік немесе міндетті техникалық байқаудан өткен автокөлік құралдары жіберіледі.

      3. Осы Қағидаларда мынадай ұғымдар пайдаланылады:

      1) мемлекеттік көрсетілетін қызмет стандарты – мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі;

      2) халықаралық автомобильмен жүк тасымалдауды жүзеге асыруға рұқсат беру куәлігі – электрондық құжат нысанындағы Қазақстан Республикасының автомобильдік тасымалдаушыларына құқық беретін халықаралық автомобиль тасымалдарын жүзеге асыруға рұқсат беретін құжат (бұдан әрі - Рұқсат);

      3) автокөлік құралына рұқсат карточкасы – электрондық құжат нысанындағы автокөлік құралын халықаралық автомобильмен жүк тасымалдарын пайдалануға рұқсат беретін құжат (бұдан әрі – рұқсат карточкасы).

2-тарау. Рұқсат және рұқсат карточкасын беру тәртібі

      4. Рұқсатты және (немесе) рұқсат карточкасын ресімдеуді және беруді Қазақстан Республикасы Индустрия және инфрақұрылымдық даму министрлігі Көлік комитетінің аумақтық органдары (бұдан әрі – көрсетілетін қызмет беруші) жүзеге асырады.

      5. Мемлекеттік қызметті көрсету ерекшеліктері ескеріле отырып, қызметті көрсету процесінің сипаттамалар, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызметті көрсетуге қойылатын негізгі талаптардың тізбесі осы Қағидаларға 3-қосымшаға сәйкес "Халықаралық автомобиль тасымалдарын жүзеге асыруға рұқсат беру туралы куәлік және автокөлік құралдарына рұқсат карточкасын беру" мемлекеттік көрсетілетін қызмет стандартында жазылған.

      Жеке және заңды тұлғалар (бұдан әрі – көрсетілетін қызметті алушылар) "Халықаралық автомобиль тасымалдарын жүзеге асыруға рұқсат беру туралы куәлік және автокөлік құралдарына рұқсат карточкасын беру" мемлекеттік көрсетілетін қызметті (бұдан әрі – мемлекеттік көрсетілетін қызмет) алу үшін қызмет берушіге портал арқылы:

      осы Қағидаларға 1-қосымшаға және (немесе) 2-қосымшаға сәйкес нысан бойынша көрсетілетін қызметті алушының электрондық цифрлық қолтаңбасымен (бұдан әрі – ЭЦҚ) қол қойылған электрондық құжат нысанындағы сұрау салу.

      автокөлік құралын жалға алу шартының электрондық көшірмесі (автокөлік құралын жалға алған жағдайда);

      тахографты мерзімдік тексеру (инспекция) туралы куәліктің электрондық көшірмесі.

      Көрсетілетін қызметті алушы өтініште және ұсынылатын құжаттарда (көлік құралының мемлекеттік тіркеу белгісі, типі, маркасы, моделі, шығарылған күні, автокөлік құралдарын жалдау шарты туралы мәліметтер (болған жағдайда) және тахографты мерзімді тексеру (инспекция) туралы куәліктің көшірмесі) мәліметтердің толықтығы мен анықтығын қамтамасыз етеді.

      6. Көрсетілетін қызметті алушы портал арқылы жүгінген кезде көрсетілетін қызметті алушының "жеке кабинетінде" мемлекеттік көрсетілетін қызмет нәтижесін алатын күні мен мекенжайын көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.

      Көрсетілетін қызметті алушылардан ақпараттық жүйелерден алынуы мүмкін құжаттарды талап етуге жол берілмейді.

      Жеке басты куәландыратын құжаттар туралы, заңды тұлғаны мемлекеттік тіркеу (қайта тіркеу) туралы, жылжымалы мүлікке құқық белгілейтін құжаттар, баж сомасының бюджетке төленгенін растайтын құжат (ЭҮТШ арқылы төленген жағдайда), автокөлік құралының мемлекеттік немесе міндетті техникалық байқаудан өткені, тахографты мерзімді тексеру (инспекциялау) туралы куәлік туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкіметтің" шлюзі арқылы алады.

      7. Мемлекеттік қызметті көрсету мерзімі 2 (екі) жұмыс күнін құрайды.

      Мемлекеттік қызмет көрсетуден бас тарту туралы дәлелді жауапты жіберу мерзімі өтініш берілген күннен бастап 2 (екі) жұмыс күнін құрайды.

      8. Көрсетілетін қызметті беруші мемлекеттік қызметті алуға құжаттар келіп түскен сәттен бастап екі жұмыс күні ішінде өтініште және ұсынылған құжаттарда (көлік құралының мемлекеттік тіркеу белгісі, типі, маркасы, моделі, оның шығарылған күні, автокөлік құралдарын жалдау шарты туралы мәліметтер (болған жағдайда) және тахографты мерзімді тексеру (инспекция) туралы куәліктің көшірмесі) мәліметтердің толықтығы мен дұрыстығын тексереді.

      9. Ұсынылған құжаттарды қарау нәтижелері бойынша көрсетілетін қызметті алушының кабинетіне көрсетілетін қызметті берушінің уәкілетті адамының ЭЦҚ-мен куәландырылған электрондық құжат нысанында мынадай нәтижелердің бірі жіберіледі:

      1) осы Қағидаларға 4 және 5-қосымшаларға сәйкес нысандар бойынша жүктерді автомобильмен халықаралық тасымалдауды жүзеге асыруға рұқсат беру куәлігі және (немесе) автокөлік құралына рұқсат карточкасы;

      2) құжаттарды одан әрі қараудан дәлелді бас тарту;

      3) мемлекеттік қызмет көрсетуден бас тарту туралы дәлелді жауап.

      10. Көрсетілетін қызметті беруші Мемлекеттік қызмет көрсету сатысы туралы деректерді ақпараттандыру саласындағы уәкілетті орган белгілеген тәртіппен мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде мемлекеттік қызметті көрсету сатысы туралы деректер автоматты режимде мемлекеттік қызметтерді көрсету мониторингінің ақпараттық жүйесіне түседі.

      11. Аумақтық органдар мынадай негіздер бойынша Рұқсат және (немесе) рұқсат беру карточкасын беруден бас тартады:

      1) мемлекеттік көрсетілетін қызметті алу үшін отандық тасымалдаушы (көрсетілетін қызметті алушы) ұсынатын құжаттардың және (немесе) оларда қамтылған деректердің (мәліметтердің) анық еместігін анықтау;

      2) отандық тасымалдаушының (көрсетілетін қызметті алушының) және (немесе) ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі;

      3) отандық тасымалдаушыға (көрсетілетін қызметті алушыға) қатысты белгілі бір мемлекеттік көрсетілетін қызметті алуды талап ететін қызметке немесе қызметтің жекелеген түрлеріне тыйым салу туралы заңды күшіне енген сот шешімінің (үкімінің) болуы.

      12. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым көрсетілетін шешіміне, әрекетіне (әрекетсіздігіне) шағым жасалып отырған қызметті берушіге және (немесе) лауазымды адамға беріледі.

      Шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам, егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылдаса, шағымды қарайтын органға шағым жібермейді.

      Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Қазақстан Республикасы Заңының 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      Егер Қазақстан Республикасының заңдарында өзгеше көзделмесе, сотқа жүгінуге Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес сотқа дейінгі тәртіппен шағым жасалғаннан кейін жол беріледі.

      13. Осы Қағидалардың 14-тармағында көзделген жағдайларда жаңа Рұқсат және (немесе) рұқсат беру карточкасын алуға арналған өтінішті аумақтық орган осы Қағидалардың 7-тармағында көрсетілген мерзімде қарайды.

      14. Отандық тасымалдаушыға жаңа рұқсат және (немесе) рұқсат беру карточкалары:

      1) дара кәсіпкердің тегі, аты, әкесінің аты, атауы, орналасқан жері өзгерген;

      2) заңды тұлғаның атауы, орналасқан жері өзгерген және қайта ұйымдастырылған;

      3) автокөлік құралының мемлекеттік тіркеу нөмірінің белгісін ауыстырған жағдайларда беріледі.

      15. Рұқсат және (немесе) рұқсат беру карточкалары:

      1) заңды тұлғаны қайта ұйымдастыру нәтижесінде дара кәсіпкердің қызметі таратылған немесе тоқтатылған;

      2) автокөлік құралдарының тіркеу деректері өзгерген;

      3) автокөлік құралдарының жалға алу шартының мерзімі өткен.

      4) автокөлік құралын мемлекеттік тіркеуден және есептен шығарған;

      5) аумақтық органдар мен Қазақстан Республикасы Индустрия және инфрақұрылымдық даму министрлігінің Көлік комитеті (бұдан әрі – Көлік комитеті) тахографты мерзімдік тексеру (инспекция) туралы куәліктің жарамсыздығы, механикалық көлік құралдарын және олардың тіркемелерін міндетті техникалық байқаудың бірыңғай ақпараттық жүйесінде автокөлік құралы туралы мәліметтердің болмауы, жүк автомобильдерінің осы Қағидалардың 2-тармағына сәйкес келмеуі туралы куәліктің жарамсыздығы туралы белгіленген жағдайларда өз қолданысын тоқтатады.

      Осы тармақтың 4) және 5) тармақшаларында көзделген жағдайлар анықталған кезде Рұқсаттың және (немесе) рұқсат беру карточкасының қолданысын тоқтатуды аумақтық орган және (немесе) көлік комитеті рұқсат және (немесе) рұқсат беру карточкасын алған дара кәсіпкерді және (немесе) заңды тұлғаны хабардар ете отырып, өтінімдерді электрондық беру жүйесінде олардың күшін жою жолымен жүзеге асырады.

      16. Рұқсат беру және рұқсат беру карточкалары мерзімсіз болып табылады. Жалға алынған автокөлік құралдарына рұқсат беру карточкасының қолданылу мерзімі жалдау шартының мерзіміне байланысты айқындалады.

      17. Рұқсат беру карточкалары әрбір автомобиль-тартқышқа және жартылай тіркемеге (тіркемеге) жеке ресімделеді.

      18. Рұқсат беру және (немесе) рұқсат беру карточкалары басқа отандық тасымалдаушыларға берілмейді.

      Автокөлік құралына қолданыстағы біреуден артық рұқсат беру карточкасының болуына жол берілмейді

      19. Берілген Рұқсаттарды және (немесе) рұқсат беру карточкаларын есепке алу көлік дерекқорының ақпараттық талдау жүйесінде және тасымалдау қауіпсіздігі серпіні мониторингінде жүзеге асырылады.

      Нысаны

      __________________________________________________________________

      (көліктік бақылау органының атауы)

Халықаралық автомобильмен жүк тасымалдауды жүзеге асыруға рұқсат беру куәлігін және (немесе) автокөлік құралына рұқсат карточкасын алуға өтініш

      Ескерту. 1-қосымша жаңа редакцияда - ҚР Индустрия және инфрақұрылымдық даму министрінің 14.06.2021 № 297 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      __________________________________________________________________

      (дара кәсіпкердің тегі, аты, әкесінің аты (ол болған кезде) немесе заңды тұлғаның атауы)

      Мына автокөлік құралдарына халықаралық автомобильмен жүк тасымалдауды жүзеге асыруға рұқсат беру куәлігін және (немесе) рұқсат карточкаларын беруді сұраймын:

      Жеке сәйкестендіру нөмірі (ЖСН)/ бизнес сәйкестендіру нөмірі БСН)

      _______________________________________________________________________

      Дара кәсіпкерді немесе заңды тұлғаны мемлекеттік тіркеу туралы анықтама

      __________________________________________________________________

      (№ және берілген күні)

      Мекенжайы _______________________________________________________

      __________________________________________________________________

      (индекс, қала, аудан, облыс, көше, үйдің№, телефон, факс)

      Қоса берілетін құжаттар:____________________________________________

      __________________________________________________________________

      __________________________________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін

      _____________________________________________ ___________

      тегі, аты, әкесінің аты (болған жағдайда)                  (қолы)

      Мөр орны (болған жағдайда)

      Ескертпе: Жеке кәсіпкерлік субъектілеріне жататын заңды тұлғалар үшін мөрдің болуы талап етілмейді.

      Нысаны

      __________________________________________________________________________

      (көліктік бақылау органының атауы)

Халықаралық автомобильмен жүк тасымалдауды жүзеге асыруға рұқсат берудің жаңа куәлігін және (немесе) авто көлік құралына рұқсат карточкасын алуға өтініш

      Ескерту. 2-қосымша жаңа редакцияда - ҚР Индустрия және инфрақұрылымдық даму министрінің 14.06.2021 № 297 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      __________________________________________________________________

      (дара кәсіпкердің тегі, аты, әкесінің аты (бар болса) заңды тұлғаның атауы)

      Мынадай автокөлік құралдарына:

      1) дара кәсіпкердің тегінің, атының, әкесінің атының, атауымен, орналасқан жерінің өзгеруіне;

      2) заңды тұлғаның атауының, орналасқан жерінің өзгеруіне және қайта ұйымдастырылуына;

      3) автокөлік құралының мемлекеттік тіркеу нөмірлік белгісінің ауысуына байланысты Халықаралық автомобильмен жүк тасымалдауды жүзеге асыруға жаңа рұқсат беру куәлігін және (немесе) рұқсат карточкасын беруіңізді сұраймын.

      (керегінің астын сызу)

      Жеке сәйкестендіру нөмірі (ЖСН) / бизнес сәйкестендіру нөмірі (БСН)

      _________________________________________________________________

      Дара кәсіпкерді немесе заңды тұлғаны мемлекеттік тіркеу туралы анықтама

      _________________________________________________________________

      (№ және берілген күні)

      Мекенжайы______________________________________________________

      __________________________________________________________________

      (индекс, қала, аудан, облыс, көше, үйдің №, телефон, факс)

      Қоса берілетін құжаттар:________________________________________________

      __________________________________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін

      _________________________________________ _____________

      тегі, аты, әкесінің аты (болған жағдайда)            (қолы)

      Мөр орны (болған жағдайда)

      Ескертпе: Жеке кәсіпкерлік субъектілеріне жататын заңды тұлғалар үшін мөрдің болуы талап етілмейді.

"Халықаралық автомобильмен тасымалдауды жүзеге асыруға рұқсат беру туралы куәлік және автокөлік құралына рұқсат карточкасын беру" мемлекеттік көрсетілетін қызмет стандарты

      Ескерту. 3-қосымша жаңа редакцияда - ҚР Индустрия және инфрақұрылымдық даму министрінің 14.06.2021 № 297 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Қазақстан Республикасының Мемлекеттік Елтаңбасы

      Қазақстан Республикасы Индустрия және инфрақұрылымдық даму министрлігі

ХАЛЫҚАРАЛЫҚ АВТОМОБИЛЬ МЕН ЖҮК ТАСЫМАЛДАУДЫ ЖҮЗЕГЕ АСЫРУҒА РҰҚСАТ БЕРУ КУӘЛІГІ УДОСТОВЕРЕНИЕ ДОПУСКА К ОСУЩЕСТВЛЕНИЮ МЕЖДУНАРОДНЫХ АВТОМОБИЛЬНЫХ ПЕРЕВОЗОК ГРУЗОВ

      Тіркеу №/Регистрационный 20___ жылғы"____"/№______ _______20__ года

      Куәлік иесі/ Владелец Удостоверения__________________________________________

      __________________________________________________________________________

      Ұйымдастырушылық-құқықтық нысан және (Заңды тұлғаның атауы немесе дара

      кәсіпкердің атауы / организационно-правовая форма и наименование юридического

      лица или наименование индивидуального предпринимателя)

      Находящийся по адресу _____________________________________________________

      _________________________________________________________________________

      мекенжайы бойынша орналасқан

      (Заңды тұлға үшін - заңды мекен жайы, дара кәсіпкер үшін – тұрғылықты

      мекенжайы/ для юридического лица - юридический адрес, для индивидуального

      предпринимателя –адрес проживания)

      Осы куәлік оның иесінің халықаралық автомобильмен жүк тасымалдауды жүзеге асыруға рұқсатын растайды.

      Настоящее Удостоверение подтверждает допуск его владельца к осуществлению международных перевозок грузов автомобильным транспортом.

      Рұқсат берілді/ Разрешение выдано____________________________________________

      __________________________________________________________________________

      (Уәкілетті органның мекеменің атауы, тегі, аты, әкесінің аты (бар болған

      жағдайда), берілген уақыты/ наименование уполномоченного органа, фамилия, имя,

      отчество (при его наличии), дата выдачи)

      Қазақстан Республикасының Мемлекеттік Елтаңбасы

      Қазақстан Республикасы Индустрия және инфрақұрылымдық даму министрлігі

АВТОКӨЛІК ҚҰРАЛДАРЫНА РҰҚСАТ БЕРУ КАРТОЧКАСЫ (ХАЛЫҚАРАЛЫҚ ЖҮК ТАСЫМАЛЫ) КАРТОЧКА ДОПУСКА НА АВТОТРАНСПОРТНОЕ СРЕДСТВО (МЕЖДУНАРОДНЫЕ ПЕРЕВОЗКИ ГРУЗОВ)

      Тіркеу №/ Регистрационный № ________________

      Рұқсат беру куәлігін тіркеу / К Удостоверению допуска регистрационный № ___ 20 __ жылғы/ года _______

      Жарамдылық мерзімі/ Действительна 20 __ жылғы: _____ _______20__ года

      Жүк автокөлігінің маркасы/ Марка грузового автомобиля: __________________

      Тіркеу белгісінің №/ Регистрационный знак № ____________________________

      Куәлік иесі/ Владелец Удостоверения:____________________________________

      Рұқсат берілді/ Разрешение выдано______________________________________

      (Уәкілетті органның атауы,тегі, аты, әкесінің аты (бар болған жағдайда), берілген

      уақыты/наименование уполномоченного органа, фамилия, имя, отчество

      (при его наличии), дата, выдачи)

      Ескертпе/ Примечания:

      "____ дейін жарамды" жолын толтыру кезінде "Жарамды" жалға алу шарты бойынша, жүк автомобилін пайдаланған жағдайда рұқсат беру карточкасының қолданысының аяқталу күні қойылады–оның қолданыс мерзімінің аяқталуы. Рұқсат карточкасының тіркелу нөмірі Куәліктің толық қолданылу кезеңінде сақталады

      При заполнении строки "Действительна по:" проставляется дата окончания действия карточки допуска в случае использования грузового автомобиля по договору аренды - срок окончания его действия. Регистрационный номер Карточки допуска сохраняется на весь период действия Удостоверения.

      Ескерту. 6-қосымша алып тасталды - ҚР Индустрия және инфрақұрылымдық даму министрінің 14.06.2021 № 297 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.