Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидаларын бекіту туралы

      Ескерту. Бұйрықтың тақырыбы жаңа редакцияда - ҚР Инвестициялар және даму министрінің 21.01.2016 № 38 (қолданысқа енгізілу тәртібін 4-т. қараңыз) бұйрығымен.

      "Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 10) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңы 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидалары бекітілсін.

      2. Қазақстан Республикасы Көлік және коммуникация министрлігінің Көліктік бақылау комитеті (Ә.Н.Барменқұлов) осы бұйрықты Қазақстан Республикасы Әділет министрлігінде мемлекеттік тіркеу үшін ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Көлік және коммуникация вице-министрі Е.С.Дүйсенбаевқа жүктелсін.

      4. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Бәсекелестікті қорғау агенттігінің

      төрағасы (Монополияға қарсы агенттік)

      М.Т. Есенбаев ___________________

      2011 жылғы "___" _______________

Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидалары

      Ескерту. Қағида жаңа редакцияда – ҚР Индустрия және инфрақұрылымдық даму министрінің 13.12.2022 № 715 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидалары (бұдан әрі – Қағидалар) "Автомобиль көлігі туралы" Қазақстан Республикасы Заңының 13-бабының 10) тармақшасына (бұдан әрі – Заң) және "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес әзірленді және Қазақстан Республикасының автомобиль тасымалдаушыларына мынадай автокөлік құралдарының иелері үшін міндетті халықаралық автомобиль тасымалдарын жүзеге асыруға рұқсат беру куәлігін және рұқсат беру карточкасын беру тәртібін айқындайды.

      2. Жүктерді халықаралық автомобильмен тасымалдауды жүзеге асыруға:

      1) жүк автомобильдері (тіркемені қоса алғанда, рұқсат етілген жалпы салмағы 6 тоннадан асатын немесе тіркемені қоса алғанда, рұқсат етілген пайдалы жүктеме 3,5 тоннадан астам) және (немесе) арнайы автомобильдері (жүктердің белгілі бір түрлерін тасымалдауға арналған) және (немесе) тұрақты немесе уақытша, оның ішінде экипажбен жалға алынғандарды қоспағанда, лизинг шарты, бірлескен қызмет туралы шарт, шарттың екінші тарапына шетелдік рұқсаттарды беру көзделген агенттік келісім бойынша иеліктегі арнаулы автомобильдері (әртүрлі, негізінен көліктік емес жұмыстарды орындауға арналған);

      2) осы тармақтың 1) тармақшасында көрсетілген және электрондық (цифрлық) тахографтарды пайдалану кезінде Қазақстан Республикасында берілген жүргізушілердің қолданыстағы карточкасы бар автокөлік құралдарының санынан кем емес мөлшерде шетелдік азаматтарды қоса алғанда, жұмысқа орналастырылған қызметкерлері бар жеке және заңды тұлғаларға рұқсат етіледі.

      Жүктерді автомобильмен халықаралық тасымалдауды жүзеге асыруға:

      1) мемлекеттік немесе міндетті техникалық байқаудан өткен;

      2) жартылай тіркемені (тіркеме) қоспағанда, тахографтармен жабдықталған;

      3) жартылай тіркемені (тіркеме) қоспағанда, тахографты мерзімді тексеру (инспекция) туралы қолданыстағы куәлігі бар;

      4) жартылай тіркемені (тіркеме) қоспағанда, тахографты тексеру туралы қолданыстағы сертификаты бар автокөлік құралдарына рұқсат етіледі.

      3. Осы Қағидаларда мынадай ұғымдар пайдаланылады:

      1) автокөлік құралына рұқсат беру карточкасы (бұдан әрі – рұқсат беру карточкасы) – электрондық құжат нысанындағы автокөлік құралын халықаралық автомобильмен жүк тасымалдарын пайдалануға рұқсат беретін құжат;

      2) халықаралық автомобильмен жүк тасымалдауды жүзеге асыруға рұқсат беру куәлігі (бұдан әрі – Рұқсат) – электрондық құжат нысанындағы Қазақстан Республикасының автомобильдік тасымалдаушыларына құқық беретін халықаралық автомобиль тасымалдарын жүзеге асыруға рұқсат беретін құжат.

2-тарау. Рұқсатты және рұқсат беру карточкасын беру тәртібі

      4. Рұқсатты және (немесе) рұқсат беру карточкасын ресімдеуді және беруді Қазақстан Республикасы Көлік министрлігі Автомобиль көлігі және көліктік бақылау комитетінің аумақтық бөлімшелері (бұдан әрі – көрсетілетін қызметті беруші) жүзеге асырады.

      5. Рұқсат мынадай түрлерге бөлінеді:

      1) шетелдік рұқсатты қолдана отырып рұқсат беру – Қазақстан Республикасының автомобиль тасымалдаушыларына көліктік дерекқордың ақпараттық-талдамалық жүйесіндегі (бұдан әрі – КДАТЖ) шетелдік рұқсаттар алуға мүмкіндік береді және шетелдік рұқсат талап етілетін елдерге жүктерді автомобильмен халықаралық тасымалдауды жүзеге асыруға арналған;

      2) шетелдік рұқсатты қолданбай рұқсат беру – Қазақстан Республикасының автомобиль тасымалдаушыларына КДАТЖ-да шетелдік рұқсаттарды алуға мүмкіндік бермейді және шетелдік рұқсат талап етілмейтін елдерге жүктерді автомобильмен халықаралық тасымалдауды жүзеге асыруға арналған.

      6. Рұқсат беру карточкасы мынадай түрлерге бөлінеді:

      1) шетелдік рұқсатты қолдана отырып, рұқсат беру карточкасы – шетелдік рұқсатты қолдана отырып, жүктердің халықаралық автомобиль тасымалдарында автокөлік құралын КДАТЖ -да есепке алуға және пайдалануға рұқсат береді;

      2) шетелдік рұқсатты қолданбай рұқсат беру карточкасы – шетелдік рұқсаттарды қолдану талап етілмейтін жүктердің халықаралық автомобиль тасымалдарында автокөлік құралын КДАТЖ -да есепке алуға және пайдалануға рұқсат береді.

      7. Мемлекеттік қызметті көрсету ерекшеліктерін ескере отырып, қызметті көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызметті көрсетуге қойылатын негізгі талаптардың тізбесі осы Қағидаларға 1-қосымшаға сәйкес "Халықаралық автомобиль тасымалдарын жүзеге асыруға рұқсат беру туралы куәлік және автокөлік құралдарына рұқсат беру карточкасын беру" мемлекеттік қызмет көрсетуге қойылатын негізгі талаптардың тізбесінде (бұдан әрі - негізгі талаптар тізбесі) жазылған.

      Жеке және заңды тұлғалар (бұдан әрі – көрсетілетін қызметті алушылар) шетелдік рұқсатты қолданбай Рұқсат және шетелдік рұқсатты қолданбай рұқсат карточкасын алу үшін көрсетілетін қызметті берушіге "электрондық үкімет" веб-порталы (бұдан әрі-портал) арқылы:

      1) алынатын мемлекеттік көрсетілетін қызметке байланысты осы Қағидаларға 2-қосымшаға сәйкес нысан бойынша көрсетілетін қызметті алушының электрондық цифрлық қолтаңбасымен (бұдан әрі – ЭЦҚ) қол қойылған электрондық құжат нысанындағы өтінішті;

      2) автокөлік құралын жалдау шартының түрлі-түсті электрондық көшірмесін (автокөлік құралын жалға алған жағдайда);

      3) жартылай тіркемені (тіркемені) қоспағанда, тахографты мерзімді тексеру (инспекциялау) туралы куәліктің түрлі-түсті электрондық көшірмесін;

      4) жартылай тіркемені (тіркемені) қоспағанда, тахографты тексеру туралы сертификаттың түрлі-түсті электрондық көшірмесін жібереді.

      Көрсетілетін қызметті алушы өтініште және ұсынылатын құжаттарда (мемлекеттік тіркеу белгісі, көлік құралының типі, маркасы, моделі, шығарылған күні, автокөлік құралдарын жалдау шарты туралы мәліметтер (бар болса) және тахографты мерзімді тексеру (инспекция) туралы куәліктің көшірмелері) мәліметтердің толықтығы мен дұрыстығын қамтамасыз етеді.

      8. Көрсетілетін қызметті алушы шетелдік рұқсатты қолдана отырып, Рұқсат алған күннен бастап алты ай өткен соң шетелдік рұқсатты қолданбай Рұқсатты алады.

      Халықаралық автомобильмен жүктерді тасымалдауды алты ай ішінде жүзеге асыру мерзімі соңғы алты айдағы мынадай құжаттармен:

      1) жартылай тіркемені (тіркемені) қоспағанда, қызметті алушының рұқсат карточкалары алынған автокөлік құралдарының қатысуымен тасымалдауды жүзеге асырғанын растайтын, алдыңғы алты айдың әрбір 3 айы үшін кемінде 1 ТКЖ және/немесе CMR тауар-көлік жүкқұжатымен (бұдан әрі - ТКЖ), халықаралық тауар-көлік жүкқұжатымен (CMR);

      2) алдыңғы алты ай үшін "Салық есептілігі нысандарын және оларды жасау қағидаларын бекіту туралы" Қазақстан Республикасы Премьер-Министрінің бірінші орынбасары – Қазақстан Республикасы Қаржы министрінің 2020 жылғы 20 қаңтардағы № 39 бұйрығымен бекітілген (Нормативтік құқықтық актілерді мемлекеттік тіркеу тізілімінде № 19897 болып тіркелген) шағын бизнес субъектілері үшін оңайлатылған декларация нысандарымен (910.00-нысан, қосымшасыз), жеке табыс салығы және әлеуметтік салық бойынша декларация нысандарымен (200.00-нысан, қосымшасыз);

      3) теңгерімінде көрсетілетін қызметті алушының меншігіндегі бірден астам автокөлік құралы бар және жалдамалы еңбекті пайдаланбай қызметін жүзеге асыратын дара кәсіпкерлерді қоспағанда, "Еңбек шарттарын есепке алудың бірыңғай жүйесінде еңбек шарты туралы мәліметтерді ұсыну және алу қағидаларын бекіту туралы" Қазақстан Республикасы Еңбек және халықты әлеуметтік қорғау министрінің 2020 жылғы 3 қыркүйектегі № 353 бұйрығымен бекітілген (Нормативтік құқықтық актілерді мемлекеттік тіркеу тізілімінде № 21173 болып тіркелген) жүк автокөлік құралдары жүргізушілерінің еңбек шарттарын есепке алудың бірыңғай жүйесінен (бұдан әрі - ЕШЕАБЖ) жұмысқа орналастырылған қызметкерлер туралы мәліметтермен;

      4) электрондық (цифрлық) тахографтарды пайдалану кезінде Қазақстан Республикасында берілген жүргізушінің карточкаларымен;

      "Қазақстан Республикасының 1970 жылғы Халықаралық автомобиль тасымалын жүзеге асыратын көлік құралдары экипаждарының жұмысына қатысты Еуропа келісіміне (КҚЕК) қосылуы туралы" Қазақстан Республикасы Президентінің 1995 жылғы 12 мамырдағы № 2272 Жарлығына сәйкес 2010 жылғы 16 маусымнан бастап алғаш рет пайдалануға берілген автокөлік құралдарына қолданылады;

      5) Қазақстан Республикасында уақытша және/немесе тұрақты тұруға рұқсаты бар шетелдік адамның (жүргізушінің) еңбек қызметін жүзеге асыру мерзіміне Қазақстан Республикасының аумағында болуына рұқсат беретін құжаттармен расталады.

      9. Көрсетілетін қызметті алушылар шетелдік рұқсатты қолдана отырып, Рұқсат және шетелдік рұқсатты қолдана отырып, рұқсат беру карточкасын алу үшін көрсетілетін қызметті алушыға портал арқылы:

      1) алынатын мемлекеттік қызметке байланысты осы Қағидаларға 3-қосымшаға сәйкес нысан бойынша көрсетілетін қызметті алушының ЭЦҚ қойылған электрондық құжат нысанындағы өтінішті;

      2) осы Қағидалардың 8-тармағында көзделген құжаттарды;

      3) автокөлік құралын жалдау шартының түрлі-түсті электрондық көшірмесін (автокөлік құралын жалға алған жағдайда);

      4) жартылай тіркемені (тіркеме) қоспағанда, тахографты мерзімді тексеру (инспекциялау) туралы куәліктің түрлі-түсті электрондық көшірмесін;

      5) жартылай тіркемені (тіркеме) қоспағанда, тахографты тексеру туралы сертификаттың түрлі-түсті электрондық көшірмесін жолдайды.

      Көрсетілетін қызметті алушыда жаңа автокөлік құралын сатып алған және/немесе автокөлік құралын жалға алған жағдайда шетелдік рұқсатты қолдана отырып, рұқсат карточкасын алу үшін шетелдік рұқсатты қолдана отырып, Рұқсаты болған кезде көрсетілетін қызметті берушіге осы Қағидалардың 8-тармағының 1) тармақшасында көзделген құжаттарды жіберу талап етілмейді.

      Егер көрсетілетін қызметті алушы және/немесе құрылтайшы және/немесе көрсетілетін қызметті алушының басшысы Рұқсат алған басқа заңды тұлғаның құрылтайшысы және/немесе басшысы болып табылған жағдайда, шетелдік рұқсатты қолдана отырып және шетелдік рұқсатты қолданбай рұқсатты беруге жол берілмейді.

      Мынадай автокөлік құралдарына:

      1) экипажы бар жалға алынған автокөлік құралдарына (бірлескен қызмет туралы шарт, шарттың екінші тарапына шетелдік рұқсаттарды беру көзделген агенттік келісімдер);

      2) шетелдік тұлғаға, шетелдік қатысуы бар заңды тұлғаға тиесілі, жалға алынған автокөлік құралдарына;

      3) Қазақстан Республикасы аумағында уақытша мемлекеттік тіркеуде тұрған автокөлік құралдарына шетелдік рұқсатты қолдана отырып және шетелдік рұқсатты қолданбай рұқсат карточкаларын беруге жол берілмейді.

      Соңғы 6 (алты) айда екі реттен артық жалға алынған сол бір автокөлік құралына шетелдік рұқсатты қолдана отырып және шетелдік рұқсатты қолданбай рұқсат карточкаларын беруге жол берілмейді.

      Көрсетілетін қызметті алушы өтініште және ұсынылатын құжаттарда (мемлекеттік тіркеу белгісі, көлік құралының типі, маркасы, моделі, шығарылған күні, автокөлік құралдарын жалдау шарты туралы мәліметтер (бар болса) және тахографты мерзімді тексеру (инспекция) туралы куәліктің көшірмелері) мәліметтердің толықтығы мен дұрыстығын қамтамасыз етеді.

      10. Көрсетілетін қызметті алушы шетелдік рұқсатты қолдана отырып Рұқсатты және (немесе) шетелдік рұқсатты қолдана отырып рұқсат беру карточкасын алу кезінде өзі мәлімдеген мәліметтердің өзгергені туралы көрсетілетін қызметті берушіні хабардар етеді және осындай өзгерістерді растайтын құжаттарды осындай мәліметтер өзгерген күннен бастап немесе олардың өзгергені туралы өзіне белгілі болған күннен бастап бес жұмыс күні ішінде ұсынады.

      Шетелдік рұқсатты қолдана отырып, Рұқсатты және (немесе) шетелдік рұқсатты қолдана отырып, рұқсат карточкасын алған кезде мәлімделген мәліметтердің өзгерісі анықталған кезде тасымалдаушы алынған шетелдік рұқсаттардың елу пайызынан астамын қайтармаса, көрсетілетін қызметті беруші 2 (екі) жұмыс күні ішінде көрсетілетін қызметті алушыға бұзушылық жойылғанға дейін шетелдік рұқсатты қолдана отырып, Рұқсаттың және (немесе) шетелдік рұқсатты қолдана отырып, рұқсат карточкасының қолданысын тоқтата тұру туралы хабарлама жібереді. Бұзушылықты жою елу пайыздан астам алынған шетелдік рұқсаттарды қайтаруды қамтамасыз ету және осы Қағидалардың 18-тармағына сәйкес сұрау салу беру болып табылады.

      11. Көрсетілетін қызметті алушы портал арқылы жүгінген кезде көрсетілетін қызметті алушының "жеке кабинетінде" мемлекеттік көрсетілетін қызмет нәтижесін алатын күні мен мекенжайын көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.

      Көрсетілетін қызметті алушылардан ақпараттық жүйелерден алынуы мүмкін құжаттарды талап етуге жол берілмейді.

      Баж сомасының бюджетке төленгенін растайтын құжат (ЭҮТШ арқылы төленген жағдайда), автокөлік құралының мемлекеттік немесе міндетті техникалық байқаудан өткені туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкіметтің" шлюзі арқылы алады.

      12. Мемлекеттік қызметті көрсету мерзімі 2 (екі) жұмыс күнін құрайды.

      Мемлекеттік қызмет көрсетуден бас тарту туралы дәлелді жауапты жіберу мерзімі өтініш берілген күннен бастап 2 (екі) жұмыс күнін құрайды.

      13. Көрсетілетін қызметті беруші мемлекеттік қызметті алуға құжаттар келіп түскен сәттен бастап екі жұмыс күні ішінде өтініште және ұсынылған құжаттарда мәліметтердің толықтығы мен дұрыстығын тексереді.

      14. Ұсынылған құжаттарды қарау нәтижелері бойынша пайдаланушының кабинетіне көрсетілетін қызметті берушінің уәкілетті адамының ЭЦҚ куәландырылған, электрондық құжат нысанындағы мемлекеттік қызметті көрсету нәтижесі немесе негізгі талаптар тізбесінің 9-тармағында көзделген тізбеге сәйкес негіздер бойынша мемлекеттік қызметті көрсетуден бас тарту туралы дәлелді жауап жіберіледі.

      Шетелдік рұқсатты қолдана отырып Рұқсат беру нысаны осы Қағидаларға 4-қосымшада келтірілген, шетелдік рұқсатты қолданбай Рұқсат беру нысаны осы Қағидаларға 5-қосымшада келтірілген, шетелдік рұқсатты қолдана отырып рұқсат беру карточкасы осы Қағидаларға 6-қосымшада келтірілген және шетелдік рұқсатты қолданбай рұқсат беру карточкасы осы Қағидаларға 7-қосымшада келтірілген.

      15. Көрсетілетін қызметті беруші мемлекеттік қызметті көрсету сатысы туралы деректерді ақпараттандыру саласындағы уәкілетті орган белгілеген тәртіппен мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде мемлекеттік қызметті көрсету сатысы туралы деректер автоматты режимде мемлекеттік қызметтерді көрсету мониторингінің ақпараттық жүйесіне түседі.

      Көлік саласындағы уәкiлеттi орган мемлекеттік қызметті көрсету тәртібін айқындайтын заңға тәуелді нормативтік құқықтық актіні мемлекеттік тіркегеннен кейін 3 (үш) жұмыс күн ішінде осы Қағидаларға енгізілген өзгерістер және (немесе) толықтырулар туралы ақпаратты көрсетілетін қызметті берушіге, "электрондық үкiметтiң" ақпараттық-коммуникациялық инфрақұрылымының операторына жібереді.

      16. Аумақтық органдар мынадай негіздер бойынша:

      1) мемлекеттік көрсетілетін қызметті алу үшін отандық тасымалдаушы (көрсетілетін қызметті алушы) ұсынатын құжаттардың және (немесе) оларда қамтылған деректердің (мәліметтердің) анық еместігін анықталғанда;

      2) отандық тасымалдаушы (көрсетілетін қызметті алушының) және (немесе) ұсынылған материалдар, объектілер, деректер мен мәліметтер осы Қағидаларда белгіленген талаптарға сәйкес келмегенде;

      3) отандық тасымалдаушыға (көрсетілетін қызметті алушыға) қатысты белгілі бір мемлекеттік көрсетілетін қызметті алуды талап ететін қызметке немесе қызметтің жекелеген түрлеріне тыйым салу туралы заңды күшіне енген сот шешімі (үкімі) болғанда Рұқсат және (немесе) рұқсат беру карточкасын беруден бас тартады.

      17. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым көрсетілетін шешіміне, әрекетіне (әрекетсіздігіне) шағым жасалып отырған қызметті берушіге және (немесе) лауазымды адамға беріледі.

      Шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам, егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылдаса, шағымды қарайтын органға шағым жібермейді.

      Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Қазақстан Республикасы Заңының 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      Егер Қазақстан Республикасының заңдарында өзгеше көзделмесе, сотқа жүгінуге Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес сотқа дейінгі тәртіппен шағым жасалғаннан кейін жол беріледі.

      18. Осы Қағидалардың 19-тармағында көзделген жағдайларда жаңа Рұқсатты және (немесе) рұқсат беру карточкасын алуға өтініш осы Қағидалардың 12-тармағында көрсетілген мерзімдерде аумақтық органның қарауы үшін осы Қағидаларға 8 немесе 9-қосымшаларға сәйкес нысан бойынша беріледі.

      19. Отандық тасымалдаушыға жаңа Рұқсат және (немесе) рұқсат беру карточкасы:

      1) жеке кәсіпкердің тегі, аты, әкесінің аты (болған кезде), атауы, орналасқан жері өзгерген;

      2) заңды тұлғаның атауын, орналасқан жерін, қайта тіркелуін және (немесе) қайта ұйымдастырылуын өзгерткен;

      3) автокөлік құралының мемлекеттік тіркеу нөмірлік белгісін ауыстыру;

      4) Рұқсаттың және (немесе) рұқсат беру карточкасының қолданылу мерзімі өткен жағдайда беріледі.

      Жаңа Рұқсатты және (немесе) рұқсат беру карточкасын алған кезде, осы Қағидалардың 20-тармағында көзделген негіздер бойынша Рұқсатты және (немесе) рұқсат беру карточкасын тоқтатуды қоспағанда, КДАТЖ жүйесінде шетелдік рұқсаттарды алу және қайтару жөніндегі тасымалдаушының тарихы сақталады.

      20. Рұқсат және (немесе) рұқсат беру карточкасы мынадай:

      1) жеке кәсіпкердің қызметі тоқтатылған, заңды тұлғаны қайта ұйымдастыру нәтижесінде таратылған немесе қызметі тоқтатылған;

      2) автокөлік құралдарының тіркеу деректері өзгерген;

      3) автокөлік құралдарын жалдау шартының мерзімі өткен;

      4) автокөлік құралы мемлекеттік тіркеуден және есептен шығарылған;

      5) Қазақстан Республикасы Көлік министрлігінің аумақтық органдары және (немесе) Автомобиль көлігі және көліктік бақылау комитеті (бұдан әрі – Комитет) осы Қағидалардың 2 және 8-тармақтарына сәйкес келмейтін болып белгілеген;

      6) соңғы 12 (он екі) ай ішінде шетелдік рұқсатты қолдануға байланысты бұрмалауды (шетелдік рұқсатты үшінші тұлғаларға беруді жасыру мақсатында автокөлік құралының МТНБ-ны дұрыс пайдаланылған деген атпен ауыстыру, шетелдік рұқсатты басқа тұлғаға беру) ;

      7) Рұқсат алуға арналған өтініште көрсетілген жерде тасымалдаушының жоқтығы анықталған;

      8) құрылтайшы және (немесе) көрсетілетін қызметті алушының басшысы құрылтайшы және (немесе) басшы болып табылатын басқа заңды тұлғада рұқсат болған кезде өз қолданысын тоқтатады.

      Осы тармақтың 1) - 8) тармақшаларында көзделген жағдайлар анықталған кезде 1 (бір) жұмыс күні ішінде Рұқсаттың және (немесе) рұқсат беру карточкасының қолданысын тоқтатуды аумақтық орган және (немесе) Комитет Рұқсат және (немесе) рұқсат беру карточкасын алған жеке кәсіпкерді және (немесе) заңды тұлғаны хабардар ете отырып, Рұқсаттың және (немесе) рұқсат карточкасының күшін жойған күннен бастап 5 (бес) жұмыс күні ішінде өтінімдерді электрондық беру жүйесінде олардың күшін жою жолымен жүзеге асырады.

      21. Шетелдік рұқсаттарды қолданбай рұқсат беру 2 (екі) жылға беріледі, шетелдік рұқсаттарды қолдана отырып, Рұқсат беру 5 (бес) жылға беріледі.

      Рұқсат беру карточкасы 2 (екі) жылға беріледі. Жалға алынған автокөлік құралдарына рұқсат беру карточкасының қолданылу мерзімі жалдау шартының мерзімін негізге ала отырып, бірақ ол берілген сәттен бастап 2 (екі) жылдан аспайтын мерзімде анықталады.

      22. Рұқсат беру карточкалары әрбір тартқыш автомобильге және жартылай тіркемеге (тіркемеге) жеке ресімделеді.

      23. Рұқсат және (немесе) рұқсат беру карточкалары басқа отандық тасымалдаушыларға берілмейді.

      Автокөлік құралына біреуден артық қолданыстағы рұқсат беру карточкасының болуына жол берілмейді.

      24. Берілген Рұқсаттарды және (немесе) рұқсат беру карточкаларын есепке алу ҚТҚ АТЖ-да жүзеге асырылады.

      25. Осы Бұйрық күшіне енгенге дейін берілген жүктерді халықаралық автомобильмен тасымалдауды жүзеге асыруға рұқсат беру куәліктері және автокөлік құралына рұқсат беру карточкалары осы Бұйрық күшіне енген сәттен бастап 6 (алты) ай ішінде өз қолданысын сақтайды. Осы Бұйрық күшіне енгенге дейін берілген жүктерді халықаралық автомобильмен тасымалдауды жүзеге асыруға рұқсат беру куәліктері және автокөлік құралына рұқсат беру карточкалары осы бұйрық күшіне енген сәттен бастап 6 (алты) айдан кешіктірілмей осы Бұйрықта белгіленген тәртіппен ауыстырылуға жатады.

"Халықаралық автомобильмен тасымалдауды жүзеге асыруға рұқсат беру туралы куәлік және автокөлік құралына рұқсат беру карточкасын беру" мемлекеттік қызметті көрсетуге қойылатын негізгі талаптардың тізбесі

      Ескерту. 1-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

      Ескерту. 2-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

      ______________________________________________________

(көліктік бақылау органының атауы) Өтініш Шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсат беру куәлігін және (немесе) Шетелдік рұқсатты қолданбай автокөлік құралына рұқсат беру карточкасын алуға арналған

      ________________________________________________________________________

      (жеке кәсіпкердің ТАӘ (бар болған жағдайда) немесе заңды тұлғаның атауы)

Мына автокөлік құралдарына шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсат беру куәлігін және (немесе) шетелдік рұқсатты қолданбай автокөлік құралына рұқсат беру карточкасын беруді сұраймын:

      ЖСН/БСН ____________________________________________

      Мекенжайы _________________________________________

      (индекс, қала, аудан, облыс, көше, үйдің№, телефон, факс)

      Қоса берілетін құжаттар:

      _______________________________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін

      _________________________________________________________________________

      ТАӘ (бар болған жағдайда) (қолы)

      Мөр орны (болған жағдайда)

      Аббревиатуралардың толық жазылуы:

      АКҚ – Автокөлік құралы;

      ЖСН - Жеке сәйкестендіру нөмірі;

      БСН - Бизнес сәйкестендіру нөмірі;

      ТАӘ - тегі, аты, әкесінің аты.

      Ескерту. 3-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

______________________________________________________ (көліктік бақылау органының атауы) Өтініш Шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсат беру куәлігін және (немесе) Шетелдік рұқсатты қолданбай автокөлік құралына рұқсат беру карточкасын алуға арналған

      ________________________________________________________________________

      (жеке кәсіпкердің ТАӘ (бар болған жағдайда) немесе заңды тұлғаның атауы)

      Мына автокөлік құралдарына шетелдік рұқсатты қолдана отырып, халықаралық

      автомобильмен жүк тасымалдауды жүзеге асыруға рұқсат беру куәлігін және (немесе) шетелдік

      рұқсатты қолдана отырып автокөлік құралына рұқсат беру карточкасын беруді сұраймын:

      (ЖСН)/(БСН) ____________________________________________

      Мекенжайы _________________________________________

      (индекс, қала, аудан, облыс, көше, үйдің№, телефон, факс)

      Қоса берілетін құжаттар:__________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін

      _________________________________________________________________________

      ТАӘ (бар болған жағдайда) (қолы)

      Мөр орны (болған жағдайда)

      Аббревиатуралардың толық жазылуы:

      АКҚ – Автокөлік құралы;

      ЖСН - Жеке сәйкестендіру нөмірі;

      БСН - Бизнес сәйкестендіру нөмірі;

      ТАӘ - тегі, аты, әкесінің аты.

      Қазақстан Республикасының Мемлекеттік Елтаңбасы

      Қазақстан Республикасы Индустрия және инфрақұрылымдық даму министрлігі

ШЕТЕЛДІК РҰҚСАТТЫ ҚОЛДАНА ОТЫРЫП, ХАЛЫҚАРАЛЫҚ АВТОМОБИЛЬМЕН ЖҮК ТАСЫМАЛДАУДЫ ЖҮЗЕГЕ АСЫРУҒА РҰҚСАТ БЕРУ КУӘЛІГІ УДОСТОВЕРЕНИЕ ДОПУСКА К ОСУЩЕСТВЛЕНИЮ МЕЖДУНАРОДНЫХ АВТОМОБИЛЬНЫХ ПЕРЕВОЗОК ГРУЗОВ С ПРИМЕНЕНИЕМ ИНОСТРАННОГО РАЗРЕШЕНИЯ

      Тіркеу №/Регистрационный №______ от "____" __________ 20___ жылғы/года

      Куәлік иесі/ Владелец Удостоверения __________________________________________

      ________________________________________________________________

      (Заңды тұлға мен жеке кәсіпкердің атауы және ұйымдастырушылық-құқықтық

      нысаны/организационно-правовая форма и наименование юридического лица или

      наименование индивидуального предпринимателя)

      Орналасқан мекенжайы бойынша/ Находящийся по адресу ________________________

      _____________________________________________

      (Заңды тұлға үшін - заңды мекенжайы, жеке кәсіпкер үшін – тұрғылықты мекенжайы/

      для юридического лица - юридический адрес, для индивидуального предпринимателя

      –адрес проживания)

      Осы куәлік оның иесінің шетелдік рұқсатты қолдана отырып, халықаралық автомобильмен жүк тасымалдауды жүзеге асыруға рұқсатын растайды.

      Настоящее удостоверение подтверждает допуск его владельца к осуществлению международных перевозок грузов автомобильным транспортом с применением иностранного разрешения.

      Рұқсат берілді/ Разрешение выдано______________________________________

      (Уәкілетті мекеменің атауы, Аты-жөні, әкесінің аты (бар болған жағдайда), берілген уақыты/ наименование уполномоченного органа, фамилия, имя, отчество (при его наличии), дата выдачи)

      Шетелдік рұқсатты қолдана отырып, халықаралық автомобильмен жүк тасымалдауды жүзеге асыруға рұқсат беру куәлігі қолдану мерзімі 5 (бес) жыл (қолданылу мерзімі берілген сәттен бастан есептеледі)/ Срок действия удостоверения допуска с применением иностранного разрешения 5 (пять) лет (срок действия исчисляется с момента выдачи).

      Қазақстан Республикасының Мемлекеттік Елтаңбасы

      Қазақстан Республикасы Индустрия және инфрақұрылымдық даму министрлігі

ШЕТЕЛДІК РҰҚСАТТЫ ҚОЛДАНБАЙ, ХАЛЫҚАРАЛЫҚ АВТОМОБИЛЬМЕН ЖҮК ТАСЫМАЛДАУДЫ ЖҮЗЕГЕ АСЫРУҒА РҰҚСАТ БЕРУ КУӘЛІГІ УДОСТОВЕРЕНИЕ ДОПУСКА К ОСУЩЕСТВЛЕНИЮ МЕЖДУНАРОДНЫХ АВТОМОБИЛЬНЫХ ПЕРЕВОЗОК ГРУЗОВ БЕЗ ПРИМЕНЕНИЯ ИНОСТРАННОГО РАЗРЕШЕНИЯ

      Тіркеу №/Регистрационный №______ от "____" __________ 20___ жылғы/года

      Куәлік иесі/ Владелец Удостоверения _________________________________________

      _______________________________________________________________

      (Заңды тұлға мен жеке кәсіпкердің атауы және ұйымдастырушылық-құқықтық нысаны/организационно-правовая форма и наименование юридического лица или наименование индивидуального предпринимателя)

      Орналасқан мекенжайы бойынша/ Находящийся по адресу ________________________

      ____________________________________

      (Заңды тұлға үшін - заңды мекенжайы, жеке кәсіпкер үшін – тұрғылықты мекен-жайы/ для юридического лица - юридический адрес, для индивидуального предпринимателя –адрес проживания)

      Осы куәлік оның иесінің шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсатын растайды.

      Настоящее Удостоверение подтверждает допуск его владельца к осуществлению международных перевозок грузов автомобильным транспортом без применения иностранного разрешения.

      Рұқсат берілді/ Разрешение выдано______________________________________

      (Уәкілетті мекеменің атауы, Аты-жөні, әкесінің аты (бар болған жағдайда),берілген уақыты/ наименование уполномоченного органа, фамилия, имя, отчество (при его наличии), дата выдачи)

      Шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсат куәлігі қолдану мерзімі 2 (екі) жыл (қолданылу мерзімі берілген сәттен бастан есептеледі)/ Срок действия удостоверения допуска без применения иностранного разрешения 2 (два) года (срок действия исчисляется с момента выдачи).

      Ескерту. 6-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

Қазақстан Республикасының Мемлекеттік Елтаңбасы Қазақстан Республикасы Көлік министрлігі ШЕТЕЛДІК РҰҚСАТТЫ ҚОЛДА ОТЫРЫП, АВТОКӨЛІК ҚҰРАЛДАРЫНА РҰҚСАТ БЕРУ КАРТОЧКАСЫ (ХАЛЫҚАРАЛЫҚ ЖҮК ТАСЫМАЛЫНА) КАРТОЧКА ДОПУСКА НА АВТОТРАНСПОРТНОЕ СРЕДСТВО С ПРИМЕНЕНИЕМ ИНОСТРАННОГО РАЗРЕШЕНИЯ (МЕЖДУНАРОДНЫЕ ПЕРЕВОЗКИ ГРУЗОВ)

      Тіркеу №/ Регистрационный № ________________

      Рұқсатқа тіркелу куәлігіне/

      К Удостоверению допуска с применением иностранного разрешения регистрационный №

      ___ от _______ 20 __ жылғы/ года

      Жарамдылық мерзімі/ Действительна по: _____ ________ 20 __ года

      Автокөлік құралының маркасы/ Марка автотранспортного средства: _______________

      Тіркеу белгісі №/ Регистрационный знак № ____________________________

      автокөлік құралының сәйкестендіру нөмірі (VIN) / идентификационный номер (VIN)

      автотранспортного средства № ____________________________

      Куәлік иесі/ Владелец Удостоверения:___________________________________

      Рұқсат берілді/ Разрешение выдано______________________________________

      (Құзыретті мекеменің атауы, ТАӘ (бар болған жағдайда), берілген уақыты/наименование

      уполномоченного органа, ФИО (при его наличии), дата, выдачи)

      Шетелдік рұқсатты қолдана отырып, рұқсат беру карточкасы 2 (екі) жылға беріледі (қолданылу мерзімі берілген сәттен бастан есептеледі)/Карточка допуска с применением иностранного разрешения выдается на 2 (два) года (срок действия исчисляется с момента выдачи).

      Жалға алынған автокөлік құралдарына шетелдік рұқсатты қолдана отырып, рұқсат карточкасының қолдану мерзімі жалдау шартының мерзімінін негізге ала отырып, берілген сәттен бастан 2 (екі) жылға айқындалады/ На арендованные автотранспортные средства срок действия карточки допуска с применением иностранного разрешения определятся исходя из срока договора аренды, 2 (два) года с момента ее выдачи.

      Ескерту. 7-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

Қазақстан Республикасының Мемлекеттік Елтаңбасы Қазақстан Республикасы Көлік министрлігі ШЕТЕЛДІК РҰҚСАТТЫ ҚОЛДАНБАЙ, АВТОКӨЛІК ҚҰРАЛДАРЫНА РҰҚСАТ БЕРУ КАРТОЧКАСЫ (ХАЛЫҚАРАЛЫҚ ЖҮК ТАСЫМАЛЫНА) КАРТОЧКА ДОПУСКА НА АВТОТРАНСПОРТНОЕ СРЕДСТВО БЕЗ ПРИМЕНЕНИЯ ИНОСТРАННОГО РАЗРЕШЕНИЯ (МЕЖДУНАРОДНЫЕ ПЕРЕВОЗКИ ГРУЗОВ)

      Тіркеу №/ Регистрационный № ________________

      Рұқсатқа тіркелу куәлігіне/

      К Удостоверению допуска без применения иностранного разрешения регистрационный №

      ___ от _______ 20 __ жылғы/ года

      Жарамдылық мерзімі/ Действительна по: _____ ________ 20 __ года

      Автокөлік құралының маркасы/ Марка автотранспортного средства: ________________

      Тіркеу белгісінің №/ Регистрационный знак № ____________________________

      автокөлік құралының сәйкестендіру нөмірі (VIN )/ идентификационный номер (VIN)

      автотранспортного средства № ____________________________

      Куәлік иесі/ Владелец Удостоверения:___________________________________

      Рұқсат берілді/ Разрешение выдано______________________________________

      (Құзыретті мекеменің атауы, ТАӘ (бар болған жағдайда), берілген уақыты/наименование

      уполномоченного органа, ФИО (при его наличии), дата, выдачи)

      Шетелдік рұқсатты қолданбай рұқсат беру карточкасы 2 (екі) жылға беріледі (қолданылу мерзімі берілген сәттен бастан есептеледі)/Карточка допуска без применения иностранного разрешения выдается на 2 (два) года (срок действия исчисляется с момента выдачи).

      Жалға алынған автокөлік құралдарына шетелдік рұқсатты қолданбай рұқсат карточкасының қолдану мерзімі жалдау шартының мерзімінін негізге ала отырып, берілген сәттен бастан 2 (екі) жылға айқындалады/ На арендованные автотранспортные средства срок действия карточки допуска без применения иностранного разрешения определятся исходя из срока договора аренды, 2 (два) года с момента ее выдачи

      Ескерту. 8-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

___________________________________________________________________________ (көліктік бақылау органының атауы) Өтініш Жаңа шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсат беру куәлігін және (немесе) шетелдік рұқсатты қолданбай автокөлік құралына рұқсат беру карточкасын алуға

      __________________________________________________________________________

      (жеке кәсіпкердің ТАӘ (бар болған жағдайда) заңды тұлғаның атауы)

      Мынадай автокөлік құралдарына:

      1) жеке кәсіпкердің ТАӘ (бар болған жағдайда), атауымен, орналасқан жерінің өзгеруіне;

      2) заңды тұлғаның атауының, орналасқан жерінің өзгеруіне және қайта ұйымдастырылуына;

      3) ) автокөлік құралының мемлекеттік тіркеу нөмірлік белгісінің ауысуына байланысты Халықаралық автомобильмен жүк тасымалдауды жүзеге асыруға жаңа рұқсат беру куәлігін және (немесе) рұқсат беру карточкасын беруіңізді сұраймын.

      (керегінің астын сызу)

      ЖСН/БСН_______________________________________________

      Мекенжайы______________________________________________________________

      (индекс, қала, аудан, облыс, көше, үйдің №, телефон, факс)

      Қоса берілетін құжаттар:

      _______________________________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді

      пайдалануға келісемін_____________________________

      ТАӘ (бар болған жағдайда) (қолы)

      Мөр орны (болған жағдайда)

      Аббревиатуралардың толық жазылуы:

      АКҚ – Автокөлік құралы;

      ЖСН - Жеке сәйкестендіру нөмірі;

      БСН - Бизнес сәйкестендіру нөмірі;

      ТАӘ - тегі, аты, әкесінің аты.

      Ескерту. 9-қосымша жаңа редакцияда - ҚР Көлік министрінің 28.11.2023 № 105 (алғашқы ресми жарияланған күнінен бастап қолданысқа енгізіледі) бұйрығымен.

___________________________________________________________________________ (көліктік бақылау органының атауы) Өтініш Жаңа шетелдік рұқсатты қолданбай, халықаралық автомобильмен жүк тасымалдауды жүзеге асыруға рұқсат беру куәлігін және (немесе) шетелдік рұқсатты қолдана отырып, автокөлік құралына рұқсат беру карточкасын алуға

      _______________________________________________

      (жеке кәсіпкердің ТАӘ (бар болған жағдайда) заңды тұлғаның атауы)

      Мынадай автокөлік құралдарына:

      1) жеке кәсіпкердің ТАӘ (бар болған жағдайда), атауымен, орналасқан жерінің өзгеруіне;

      2) заңды тұлғаның атауының, орналасқан жерінің өзгеруіне және қайта ұйымдастырылуына;

      3) ) автокөлік құралының мемлекеттік тіркеу нөмірлік белгісінің ауысуына байланысты Халықаралық автомобильмен жүк тасымалдауды жүзеге асыруға жаңа рұқсат беру куәлігін және (немесе) рұқсат беру карточкасын беруіңізді сұраймын.

      (керегінің астын сызу)

      ЖСН/БСН_______________________________________________

      Мекенжайы____________________________________________________________

      (индекс, қала, аудан, облыс, көше, үйдің №, телефон, факс)

      Қоса берілетін құжаттар:

      __________________________________________________________________________

      Ақпараттық жүйелерде қамтылған заңмен қорғалатын құпияны құрайтын мәліметтерді

      пайдалануға келісемін _____________________________

      ТАӘ (бар болған жағдайда) (қолы)

      Мөр орны (болған жағдайда)

      Аббревиатуралардың толық жазылуы:

      АКҚ – Автокөлік құралы;

      ЖСН - Жеке сәйкестендіру нөмірі;

      БСН - Бизнес сәйкестендіру нөмірі;

      ТАӘ - тегі, аты, әкесінің аты.