"Сақтандыру төлемдеріне кепілдік беру қоры" акционерлік қоғамының қызметін реттейтін нормативтік құқықтық актілерді бекіту туралы

      «Қазақстан Республикасының кейбір заңнамалық актілеріне міндетті және өзара сақтандыру, салық салу мәселелері бойынша өзгерістер мен толықтырулар енгізу туралы» Қазақстан Республикасының 2009 жылғы 30 желтоқсандағы Заңын іске асыру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі – Агенттік) Басқармасы ҚАУЛЫ ЕТЕДІ:
      1. Мыналар бекітілсін:
      1) осы қаулының 1-қосымшасына сәйкес «Сақтандыру төлемдеріне кепілдік беру қоры» акционерлік қоғамының есептілікті беру ережесі;
      2) осы қаулының 2-қосымшасына сәйкес «Сақтандыру төлемдеріне кепілдік беру қоры» акционерлік қоғамын ерікті қайта ұйымдастыруға немесе таратуға рұқсат беру ережесі;
      3) осы қаулының 3-қосымшасына сәйкес «Сақтандыру төлемдеріне кепілдік беру қоры» акционерлік қоғамының акцияларын сатып алу, сондай-ақ орналастыру туралы ереже;
      4) осы қаулының 4-қосымшасына сәйкес «Сақтандыру төлемдеріне кепілдік беру қоры» акционерлік қоғамының басшы қызметкерлерін сайлауға (тағайындауға) келісімді беру мен қайтарып алу және оларға біліктілік талаптарын белгілеу ережесі;
      5) осы қаулының 5-қосымшасына сәйкес «Сақтандыру төлемдеріне кепілдік беру қоры» акционерлік қоғамына қатысушы сақтандыру ұйымдарына шектеулі ықпал ету шараларын қолдану ережесі;
      6) осы қаулының 6-қосымшасына сәйкес «Сақтандыру төлемдеріне кепілдік беру қоры» акционерлік қоғамы акционерлерінің жалпы жиналысы мен директорлар кеңесі қабылдайтын шешімдерді келісу ережесі.
      2. Осы қаулы бірінші ресми жарияланғаннан кейін жиырма бір күнтізбелік күн өткен соң қолданысқа енгізілетін осы қаулының 1-тармағының 4) тармақшасын қоспағанда, осы қаулы, ол бірінші рет ресми жарияланғаннан кейін он күнтізбелік күн өткен соң қолданысқа енгізіледі.
      3. Сақтандыру нарығының субъектілерін және басқа қаржы ұйымдарын қадағалау департаменті (Д.Ш. Қарақұлова):
      1) Заң департаментiмен (Н.В. Сәрсенова) бірлесіп, осы қаулыны Қазақстан Республикасының Әдiлет министрлiгiнде мемлекеттiк тiркеу шараларын қолға алсын;
      2) осы қаулы Қазақстан Республикасының Әдiлет министрлiгiнде мемлекеттiк тiркеуден өткен күннен бастап он күндiк мерзiмде оны Агенттiктiң мүдделi бөлiмшелерiне, «Қазақстан қаржыгерлерiнiң қауымдастығы» заңды тұлғалар бiрлестiгiне, «Сақтандыру төлемдеріне кепілдік беру қоры» акционерлік қоғамына және сақтандыру (қайта сақтандыру) ұйымдарына жіберсін.
      4. Агенттік Төрайымының қызметі (А.Ә. Кенже) Қазақстан Республикасының бұқаралық ақпарат құралдарында осы қаулыны жариялау шараларын қолға алсын.
      5. Осы қаулының орындалуын бақылау Агенттік Төрайымның орынбасары А.Ө. Алдамбергенге жүктелсін.

      Төрайым                                        Е. Бахмутова

Қазақстан Республикасы   
Қаржы нарығын және қаржы  
ұйымдарын реттеу мен қадағалау
агенттігі Басқармасының  
2010 жылғы 1 наурыздағы  
№ 26 қаулысына 1-қосымша  

«Сақтандыру төлемдеріне кепілдік беру қоры»
акционерлік қоғамының есептілікті беру ережесі

      1. Осы Ереже «Сақтандыру төлемдеріне кепілдік беру қоры туралы» Қазақстан Республикасының 2003 жылғы 3 маусымдағы Заңының 4-бабының 1-тармағының 4) тармақшасына сәйкес әзірленді және «Сақтандыру төлемдеріне кепілдік беру қоры» акционерлік қоғамының (бұдан әрі – Қор) қаржы нарығын және қаржы ұйымдарын реттеу мен қадағалау жөніндегі уәкілетті органға (бұдан әрі – уәкілетті орган) есептілікті беру тізбесін, нысандарын, мерзімдерін және тәртібін белгілейді.
      2. Қор есептілікті уәкілетті органға ай сайын есепті айдан кейін келетін айдың бесінші жұмыс күнінен кешіктірмей мынадай нысандарға сәйкес ұсынады:
      1) осы Ереженің 1-қосымшасына сәйкес ақша қалдықтары туралы есеп;
      2) осы Ереженің 2-қосымшасына сәйкес орналастырылған салымдар туралы есеп;
      3) осы Ереженің 3-қосымшасына сәйкес бағалы қағаздар туралы есеп;
      4) осы Ереженің 4-қосымшасына сәйкес «кері РЕПО», «РЕПО» операциялары туралы есеп;
      5) осы Ереженің 5-қосымшасына сәйкес дебиторлық берешек туралы есеп;
      6) осы Ереженің 6-қосымшасына сәйкес сақтандыру төлемдеріне кепілдік беру резерві және зиянды өтеу резерві туралы есеп;
      7) осы Ереженің 7-қосымшасына сәйкес кредиторлық берешек туралы есеп;
      8) осы Ереженің 8-қосымшасына сәйкес Қор акционерлері туралы мәлімет;
      9) осы Ереженің 9-қосымшасына сәйкес инвестициялық қызметтен болған кірістер туралы есеп;
      10) осы Ереженің 10-қосымшасына сәйкес жалпы және әкімшілік шығыстар туралы есеп;
      11) осы Ереженің 11-қосымшасына сәйкес кепілдік төлемдерін, зардап шегушінің өміріне, денсаулығына келтірілген зиянды өтеу төлемдерін және (немесе) жерлеуге арналған шығыстарды, өтемақы төлемдерін жүзеге асыру бойынша шығыстар туралы есеп;
      12) осы Ереженің 12-қосымшасына сәйкес активтер туралы есеп;
      13) осы Ереженің 13-қосымшасына сәйкес инвестициялау лимиттерін сақтау жөніндегі есеп;
      14) осы Ереженің 14-қосымшасына сәйкес есептілікке түсіндірме жазба.
      3. Осы Ереженің 2-қосымшасына сәйкес жасалатын есептілік ұсынылатын деректердiң құпиялылығын және түзетiлмейтiндiгiн қамтамасыз ететiн криптографиялық қорғау құралдары бар, ақпараттың жеткiзiлуiне кепiлдiк беретiн көлiк жүйесiн пайдалана отырып, электрондық тасымалдауышта ұсынылады.
      4. Уәкілетті органға электронды тасымалдауышта ұсынылатын есептілік қағаз тасымалдауышта да жасалуы тиіс. Осындай есептілікке бірінші басшы немесе есепке қол қоюға уәкiлеттi тұлға, бас бухгалтер қол қояды, мөрмен расталады және Қорда сақталады. Уәкілетті органның талабы бойынша сұратуды алған күннен бастап екі күннен кешіктірмей тиісінше ресімделген есептілікті қағаз тасымалдауышта ұсынады.
      5. Электрондық тасымалдауышта ұсынылатын есептіліктің қағаз тасымалдауыштағы есептілікпен сәйкес келуін Қордың бiрiншi басшысы немесе оның орнындағы тұлға қамтамасыз етедi.
      6. Есептіліктің деректері ұлттық валюта – теңгеде көрсетіледі.
      7. Есептілікті жасаған кезде пайдаланылатын өлшем бірлігі мың теңгемен белгіленеді.
      Бес жүз теңгеден кем сома нөлге дейін дөңгелектенеді, ал бес жүз теңгеге тең және одан жоғары сома мың теңгеге дейін дөңгелектенеді.
      8. Қор қайта ұйымдастырылған немесе таратылған жағдайда уәкілетті органға заңды тұлғалар мемлекеттік тіркеліміне тиісті жазба енгізілу сәтіне дейінгі есептілік ұсынылады.

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 1-қосымшасы

Нысан

Ақша қалдықтары туралы есеп
«Сақтандыру төлемдеріне кепілдік беру қоры» акционерлік қоғамының
20___ жылғы 1________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 2-қосымшасы

Нысан

Орналастырылған салымдары туралы есеп
«Сақтандыру төлемдеріне кепілдік беру қоры» акционерлік қоғамының
20___ жылғы 1________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 3-қосымшасы

Нысан

Бағалы қағаздар туралы есеп
«Сақтандыру төлемдеріне кепілдік беру қоры» акционерлік қоғамының
20__ жылғы 1 _______________ жағдайы бойынша

кестенің жалғасы

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 4-қосымшасы

Нысан

«Керi РЕПО», «РЕПО» операциялары туралы есеп
«Сақтандыру төлемдеріне кепілдік беру қоры» акционерлік қоғамының
20__ жылғы 1 _______________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 5-қосымшасы

Нысан

Дебиторлық берешек туралы есеп
«Сақтандыру төлемдеріне кепілдік беру қоры» акционерлік қоғамының
20__ жылғы 1 ______________ жағдай бойынша

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 6-қосымшасы

Нысан

Сақтандыру төлемдерiне кепiлдiк беру резервi және зиянды өтеу резервi бойынша есеп
«Сақтандыру төлемдеріне кепілдік беру қоры» акционерлік қоғамының
20__ жылғы 1 __________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 7-қосымшасы

Нысан

Кредиторлық берешек туралы есеп
«Сақтандыру төлемдеріне кепілдік беру қоры» акционерлік қоғамының
200___ жылғы 1 ________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 8-қосымшасы

Нысан

Қор акционерлері туралы мәлімет
«Сақтандыру төлемдеріне кепілдік беру қоры» акционерлік қоғамының 20__жылғы «_____» __________ жағдай бойынша 

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 9-қосымшасы

Нысан

Инвестициялық қызметтен болған кірістер туралы есеп
«Сақтандыру төлемдеріне кепілдік беру қоры» акционерлік қоғамының
20__ жылғы 1 ________________ жағдай бойынша 

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 10-қосымшасы

Нысан

Жалпы және әкімшілік шығыстар туралы есеп
«Сақтандыру төлемдеріне кепілдік беру қоры» акционерлік қоғамының 20__ жылғы 1 __________________ жағдай бойынша

(мың теңгемен)   

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 11-қосымшасы

Нысан

Кепілдік төлемдерін, жәбiрленушiнiң өмiрiне, денсаулығына келтiрiлген зиянды және (немесе) жерлеуге жұмсалған шығыстарды өтеу бойынша төлемдерiн, өтемақы төлемдерін жүзеге асыру жөніндегі шығыстар туралы есеп
«Сақтандыру төлемдеріне кепілдік беру қоры» акционерлік қоғамының 20__ жылғы 1 _________________ жағдай бойынша

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 12-қосымшасы

Нысан

Сақтандыру төлемдеріне кепілдік беру қорының активтері туралы есеп «Сақтандыру төлемдеріне кепілдік беру қоры» акционерлік қоғамының
20__ жылғы 1 _________________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне кепілдік
беру қоры» акционерлік қоғамының
есеп беру ережесінің 13-қосымшасы

Нысан

Инвестициялау лимитін сақтау туралы есеп
«Сақтандыру төлемдеріне кепілдік беру қоры» акционерлік қоғамының
20__ жылғы 1 ______________________ жағдай бойынша

(мың теңгемен)

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

«Сақтандыру төлемдеріне
кепілдік беру қоры» 
акционерлік қоғамының
есеп беру ережесінің 
14-қосымшасы     

Нысан

Есеп беруге түсіндірме жазба
«Сақтандыру төлемдеріне кепілдік беру қоры» акционерлік қоғамының
20__ жылғы 1 _________________ жағдай бойынша

      1. Түсіндірме жазбадағы есеп беруде келтірілген баптарды жіктеу, қажет болған жағдайда, олардың мағынасын түсіндіретін ақпаратпен толықтырылады.
      2. Есепті кезеңде болған өзгерістер есеп саясатына сәйкес жиынтық шамаларды сипаттай отырып, әрбір бап бойынша ашылып көрсетілуі тиіс.
      3. Есеп беруге түсіндірме жазба есепті кезеңде болған өзгерістерді көрсетуі тиіс.
      4. Өзгерістерді сақтандыру (қайта сақтандыру) ұйымының есеп саясатына сәйкес көрсету қажет.

Бiрiншi басшы немесе есепке
қол қоюға уәкiлеттi тұлға __________________________ күні __________
Бас бухгалтер             __________________________ күні __________
Орындаушы                 __________________________
Телефоны:                 __________________________
Мөр қоюға арналған орын

Қазақстан Республикасы Қаржы 
нарығын және қаржы ұйымдарын 
реттеу мен қадағалау агенттігі
Басқармасының 2010 жылғы  
1 наурыздағы № 26 қаулысына  
2-қосымша          

«Сақтандыру төлемдеріне кепілдік беру қоры» акционерлік қоғамын ерікті түрде қайта ұйымдастыруға немесе таратуға рұқсат беру ережесі

      Осы Ереже «Сақтандыру төлемдеріне кепілдік беру қоры туралы» Қазақстан Республикасының 2003 жылғы 3 маусымдағы Заңының (бұдан әрі – Заң) 4-бабының 1-тармағының 5) тармақшасына сәйкес әзірленді және қаржы нарығын және қаржы ұйымдарын реттеу мен қадағалау жөніндегі уәкілетті органның (бұдан әрі – уәкілетті орган) «Сақтандыру төлемдеріне кепілдік беру қоры» акционерлік қоғамын (бұдан әрі – Қор) ерікті түрде қайта ұйымдастыруға немесе таратуға рұқсат беру тәртібін белгілейді.

1-тарау. Жалпы ережелер

      1. Қордың ерікті түрде қайта ұйымдастырылуы (бірігуі, қосып алуы, бөлінуі, бөлініп шығаруы) немесе таратылуы уәкілетті органның рұқсаты болған жағдайда акционерлердің жалпы жиналысының шешімі бойынша жүзеге асырылады.
      2. Уәкілетті органның Қордың ерікті түрде қайта ұйымдастырылуын немесе таратылуын жүргізуге рұқсат беруі туралы өтініш осы Ереженің қосымшасына сәйкес жасалады.
      3. Қордың ерікті түрде қайта ұйымдастыруды жүргізуге уәкілетті органның рұқсатын алу туралы өтініші уәкілетті органмен оны қабылдаған күннен бастап екі ай ішінде қаралады.
      4. Қордың таратуды жүргізуге уәкілетті органның рұқсат беруі туралы өтініші уәкілетті органмен тиісінше ресімделген құжаттар қабылданған күннен бастап бір айдың ішінде қаралады.

2-тарау. Қорды ерікті түрде қайта ұйымдастыруға рұқсат беру тәртібі

      5. Уәкілетті органның Қорды ерікті түрде қайта ұйымдастыруға рұқсат беруі туралы өтінішке мынадай құжаттар қоса беріледі:
      1) Қор акционерлері жалпы жиналысының ауыспалы кезеңде Қордың қызметін басқару тәртібін қамтыған ерікті түрде қайта ұйымдастырылуы туралы шешімі;
      2) осы Ереженің талаптарына сәйкес келетін ерікті түрде қайта ұйымдастыруды жүргізу бойынша іс-шаралар жоспары;
      3) осы Ереженің талаптарына сәйкес келетін және қор акционерлерінің жалпы жиналысымен бекітілген ерікті қайта ұйымдастыру салдарының қаржылық болжамы.
      6. Қорды ерікті түрде қайта ұйымдастыруды жүргізу бойынша іс-шаралар жоспары мыналарды қамтиды:
      1) Қорды ерікті түрде қайта ұйымдастыруын жүргізу мерзімдерін;
      2) Қордың қатысушысы сақтандыру (қайта сақтандыру) ұйымдарын (бұдан әрі – қатысушы сақтандыру ұйымдары) және өзге кредиторларды қайта ұйымдастыру туралы хабардар ету тәртібін;
      3) Қордың қатысушы сақтандыру ұйымдарының және өзге кредиторлардың алдындағы міндеттемелерінің мөлшерлерін, сондай-ақ міндеттемелерді орындау тәртібі мен мерзімдерін;
      4) Қормен ұсынылатын, алдағы қайта ұйымдастырудың ерекшеліктерін көрсететін өзге ақпаратты.
      7. Ерікті түрде қайта ұйымдастыру салдарының қаржылық болжамында мынадай деректер болады:
      1) жоспарланған ерікті түрде қайта ұйымдастырудың экономикалық негіздемесі;
      2) Қордың ерікті түрде қайта ұйымдастырылғаннан кейінгі болжамдық (есептік) балансы.
      8. Қор, ерікті түрде қайта ұйымдастырылған жағдайда ай сайын есепті айдан кейін келетін айдың он бесіне дейінгі мерзімде уәкілетті органды ерікті түрде қайта ұйымдастыру бойынша іс-шаралар жоспарының орындалуы туралы хабардар етеді.

3-тарау. Қорды таратуға рұқсат беру тәртібі

      9. Уәкілетті орган Қорды таратуға рұқсатты Қазақстан Республикасының міндетті сақтандыру туралы заңнамалық актілерінде көзделген сақтандыру ұйымдарының Қорға міндетті түрде қатысу талаптары алынып тасталған жағдайда береді.
      10. Уәкілетті органның Қорды таратуға рұқсатын беру туралы өтінішке қоса мынадай құжаттар ұсынылады:
      1) Қор акционерлерінің жалпы жиналысының оны тарату туралы шешімі;
      2) тарату комиссия мүшелеріне үміткерлердің тізімі;
      3) акционерлердің жалпы жиналысы Қорды тарату туралы шешім қабылдаған күніндегі барлық шоттардың талдамасы бар, аудиторлық есеппен расталған, Қордың меншікті қаражатының оның міндеттемелерін толық орындау үшін жеткілікті болатынын куәландыратын баланстық есеп;
      4) Қордың, оның барлық кредиторларының талаптарын толығымен қанағаттандыруды қамтамасыз ететіні туралы жазбаша міндеттемесі;
      5) акционерлердің жалпы жиналысы Қорды тарату туралы шешімін қабылдаған күніне Қор міндеттемелерінің сомасы туралы мәліметтерді қамтыған Қор кредиторларының тізімі;
      6) акционерлердің жалпы жиналысымен бекітілген, Қордың өз қызметін тоқтатуға дайындалуының мерзімдері мен кезеңдері бойынша іс-шаралардың тізбесі (жоспары мен кестесі).

4-тарау. Қорытынды ережелер

      11. Қордың ерікті түрде қайта ұйымдастыруына рұқсат беруден бас тарту уәкілетті органмен мынадай негіздемелер бойынша жасалады:
      1) Қордың қайта ұйымдастырылуы (Қордың қайта құрылуын қоспағанда) нәтижесінде құрылған заңды тұлғаның Заңға сәйкес Қорға жүктелген негізгі міндеттерді және функцияларды жүзеге асыралмайтындығы және толық көлемде орындай алмайтындығы;
      2) көзделген ерікті түрде қайта ұйымдастырылуы нәтижесінде Қордың қатысушы сақтандыру ұйымдары мен өзге кредиторларының заңды мүдделерінің бұзылуы;
      3) осы Ереженің 5-тармағында көзделген құжаттарды ұсынбау;
      4) ұсынылған құжаттардың осы Ереженің 5, 6, 7–тармақтарының талаптарына сәйкес келмеуі.
      12. Қорды таратуға рұқсат беруден бас тарту уәкілетті органмен мынадай негіздемелер бойынша жасалады:
      1) Қазақстан Республикасының міндетті сақтандыру туралы заңнамалық актілерінде көзделген сақтандыру ұйымдарының Қорға міндетті түрде қатысуы жөніндегі талаптар бар болған жағдайда;
      2) көзделген тарату нәтижесінде Қордың қатысушы сақтандыру ұйымдары мен өзге кредиторларының заңды мүдделерінің бұзылуы;
      3) осы Ереженің 10-тармағында көзделген құжаттарды ұсынбау;
      4) ұсынылған құжаттардың осы Ереженің 10-тармағының талаптарына сәйкес келмеуі.
      13. Ерікті түрде қайта ұйымдастыруға немесе таратуға рұқсат беруден бас тартылған жағдайда уәкілетті орган осы Ереженің 3 және 4-тармақтарында белгіленген мерзімдерде ол туралы дәлелді шешім қабылдайды, оны Қорға мәлімет үшін жеткізеді.

«Сақтандыру төлемдеріне кепілдік
беру қоры» акционерлік қоғамын 
ерікті түрде қайта ұйымдастыруға
немесе таратуға рұқсат беру  
ережесіне қосымша       

Қазақстан Республикасы Қаржы  
нарығын және қаржы ұйымдарын  
реттеу мен қадағалау агенттігінің
Төрайымы            
______________

Нысан

«Сақтандыру төлемдеріне кепілдік беру қоры» акционерлік қоғамының ерікті түрде қайта ұйымдастыруын/таратуын жүргізуге уәкілетті органның рұқсатын алу туралы өтініш

____________________________________________________________
(өтініш берушінің атауы)
______________________________________________________      (өткізілген орны)

акционерлердің жалпы жиналысының ___ жылғы _____ ________ № _____ хаттамасына сәйкес
_________________________________________________________________
           («Сақтандыру төлемдеріне кепілдік беру қоры» акционерлік
                 қоғамы, оның орналасқан жерін көрсете отырып)
ерікті түрде қайта ұйымдастыруға (таратуға) рұқсат беруіңізді сұрайды.
      «Сақтандыру төлемдеріне кепілдік беру қоры» акционерлік қоғамды ерікті қайта ұйымдастыруын (таратуын) жүргізуге рұқсат алуға өтінішті ресімдеу құқығы берілген уәкілетті тұлға болып
____________________________________________________________________
(уәкілетті тұлғаның тегі, аты, бар болса әкесінің аты, аталған өкілеттіктерді алуға негіздеме болып табылатын құжатқа сілтеме)
____________________________________________________________________
                      (уәкілетті тұлғаның лауазымы)
табылады.
      Акционерлер өтінішке қоса берілген тиісті құжаттардың шынайлығына толығымен жауапты болады.
      Қосымша: _____________________________________________________
      (жіберілетін құжаттардың толық тізбесі, даналар мен әр қайсысы бойынша парақтар саны көрсетіледі):
      ______________________________________________________________
(«Сақтандыру төлемдеріне кепілдік беру қоры» акционерлік қоғамының атынан өтінішті беруге уәкілетті тұлғаның қолы, құжаттың тіркелген күні мен нөмірі)

Қазақстан Республикасы Қаржы 
нарығын және қаржы ұйымдарын 
реттеу мен қадағалау агенттігі
Басқармасының 2010 жылғы     
1 наурыздағы № 26 қаулысына  
3-қосымша           

«Сақтандыру төлемдеріне кепілдік беру қоры» акционерлік қоғамының акцияларын сатып алу, сондай-ақ орналастыру туралы ереже

      1. Осы Ереже «Сақтандыру төлемдеріне кепілдік беру қоры туралы» Қазақстан Республикасының 2003 жылғы 3 маусымдағы Заңының (бұдан әрі – Заң) 4-бабының 1-тармағының 6) тармақшасына сәйкес әзірленді және «Сақтандыру төлемдеріне кепілдік беру қоры» акционерлік қоғамының (бұдан әрі – Қор) акцияларын сатып алу, сондай-ақ орналастыру тәртібі мен шарттарын белгілейді.
      2. Қордың акцияларын сатып алу үшін сақтандыру міндетті түрлері бойынша сақтандыру қызметін жүзеге асыру құқығын алуға ниет ететін, Қазақстан Республикасының міндетті сақтандыру жөніндегі заңнамалық  актісінде Қорға міндетті қатысуы көзделген Қазақстан Республикасының заңнамасына сәйкес сақтандыру ұйымы ретінде тіркелген заңды тұлға не сақтандыру ұйымы (бұдан әрі - өтініш беруші) Қорға Заңның 9-бабының 2-тармағында көрсетілген құжаттарды және Заңның 5-бабының 3-тармағында белгіленген шектеуді ескере отырып, Қордың акцияларын сатып алу туралы өтінішті (бұдан әрі - өтініш) ұсынады.
      Қор акцияларының сатып алу туралы өтініште мынадай ақпарат қамтылады:
      1) өтініштің күні мен шығыс нөмірі;
      2) өтініш беруші сатып алғысы келетін акциялардың саны;
      3) өтініш берушінің атауы, орналасқан жері, мөрі, бірінші басшының не Қазақстан Республикасының заңнамасына сәйкес оның мүдделерін білдіруге өкілетті өзге тұлғаның қолы.
      3. Өтінішті алғаннан кейін екі жұмыс күн ішінде Қор құжаттарды табыс ету электронды құралдары (факс, электронды пошта) арқылы сұрату жіберу жолымен, міндетті түрде қағаз тасымалдауышта растауымен Қор акционерлеріне Қор акцияларын өтініш берушіге сату туралы ұсынысты, өтініш беруші сатып алғысы келетін акциялардың санын көрсете отырып, жібереді.
      Қордың сұратуын құжаттарды табыс ету электронды құралдарын (факс, электронды пошта) пайдалана отырып, алған күннен бастап бес жұмыс күн ішінде қор акционері сатуға жоспарланған акциялардың санын көрсете отырып, өзінің акцияларды сату туралы ниетін не өтініш берушіге акцияларды сатудан бас тартуын білдіреді.
      Қордың сұратуына жауаптың болмауы Қор акционерінің өтініш берушіге акцияларды сатудан бас тартуы деп танылады.
      4. Қор акционерінің өтініш берушіге акцияларды сату ниетін, сатуға арналған акциялардың санын көрсете отырып, растағаннан кейін Қор екі жұмыс күн ішінде осы шешімді өтініш берушіге мәлімет үшін жеткізеді.
      Қор акцияларын сатып алу – сату шартын жасасу күні туралы шешім, Қор акционерімен және өтініш берушімен келісу бойынша Қор акционерінің Қор акцияларын өтініш берушіге сату туралы шешім қабылданған күннен бастап он жұмыс күннен аспайтын мерзімде Қормен қабылданады.
      5. Жарияланған акцияларды орналастыру, сондай-ақ бұрын сатып алынған акцияларды сату Қордың барлық акционерлерінен Қор акцияларын өтініш берушіге сатудан бас тартуды алған жағдайда Қормен жүзеге асырылады.
      6. Қор акцияларын оның жарияланған акцияларының саны шегінде орналастыру туралы шешім, егер Қор жарғысында осы мәселе оның құзырына жатқызылған болса, өтініш беруші сатып алуға ниеттенген акциялар санын ескере отырып, Қордың директорлар кеңесімен немесе акционерлерінің жалпы жиналысымен (бұдан әрі - Қордың уәкілетті органы) қабылданады.
      7. Қор акцияларының, оларды орналастырған кездегі құны Қор акцияларының құнын анықтау әдістемесіне сәйкес анықталады.
      8. Орналастырылатын (сатылатын) акцияларды басымдықпен сатып алу құқығы бар акционерлердің тізімі, қордың жазбаша өкіміне сәйкес, Қор акцияларын ұстаушылардың тізілімі жүйесінің Қордың уәкілетті органының Қор акцияларын орналастыру (сату) туралы шешім қабылдау күнінің басындағы (00 сағат 00 минуттағы) деректері негізінде тіркеушімен жасалады.
      9. Қор акционерлеріне орналастырылатын (сатылатын) акцияларды басымдықпен сатып алу құқығына сәйкес сатып алу туралы ұсынысты өз акционерлеріне мәлімет үшін, осы Ереженің 8-тармағына сәйкес тіркеушімен Қорға ұсынылған тізім бойынша, көрсетілген ұсынысы бар жеке хабарламаны (бұдан әрі – хабарлама) құжаттарды табыс ету электронды құралдарын (факс, электронды пошта) пайдалана отырып, міндетті түрде қағаз тасымалдауышта растаумен әрбір Қор акционеріне жіберу арқылы жеткізіледі.
      Хабарламада мынадай ақпарат көрсетіледі:
      1) хабарламаның күні мен шығыс нөмірі;
      2) орналастырылатын (сатылатын) акциялардың саны;
      3) орналастырылған (Қормен сатып алынғандарды шегергендегі) акциялар саны мен орналастырылатын (сатылатын) акциялар санының ара қатынасы;
      4) «Акционерлік қоғамдар туралы» Қазақстан Республикасының 2003 жылғы 13 мамырдағы Заңының 16-бабының 1-тармағының талаптарын ескергендегі орналастырылатын (сатылатын) акцияларды сатып алу шарттары;
      5) Қор акцияларының құнын анықтау әдістемесіне сәйкес анықталатын орналастырылатын (сатылатын) акцияларының орналастыру (сату) бағасы;
      6) акционер тегін, атын, (бар болса - әкесінің атын), әрбір осындай пошта адресі бойынша Қор акционерлерімен Қор акцияларын басымдықпен сатып алу құқығына сәйкес олар орналастыратын (сататын) акцияларды сатып алу мәселелері бойынша өзара іс-қимылды жүзеге асыратын тұлғалардың байланыс деректемелерін көрсетіп, орналастырылатын (сатылатын) акцияларын сатып алуға өтінімін бере алатын пошта адрестері.
      Хабарламалар Қор акционерлеріне Қордың уәкілетті органы Қор акцияларын орналастыру туралы шешім қабылдаған күннен бастап екі жұмыс күн ішінде жіберіледі.
      10. Акционер орналастырылатын (сатылатын) акцияларды басымдықпен сатып алу құқығына сәйкес сатып алуға өтінімін бере алатын мерзім осы Ереженің 8-тармағына сәйкес Қордың тіркеушісі жасаған тізімде көрсетілген акционердің Қордың хабарламасын құжаттарды табыс ету электронды құралдарын (факс, электронды пошта) пайдалану арқылы алған күннен бастап отыз күнді құрайды.
      11. Қор акционерінің өтінімінде мынадай мәліметтер көрсетіледі:
      1) өтінімнің күні мен шығыс нөмірі;
      2) Қор акционері сатып алуға ниеттенген акциялардың саны;
      3) Қор акционері оларға қатысты басымдықпен сатып алу құқығын іске асырудан бас тартқан акциялардың саны;
      4) Қордың қатысушы ұйымының атауы, орналасқан жері және мөрі, оның бірінші басшысының не Қазақстан Республикасының заңнамасына сәйкес оның мүдделерін білдіруге уәкілетті тұлғаның қолы.
      12. Қағаз тасымалдауышта жасалған, Қор акционерінің орналастырылатын (сатылатын) акцияларды басымдықпен сатып алу құқығына сәйкес сатып алуға өтінімі құжаттарды табыс ету электронды құралдарын (факс, электронды пошта) пайдалану арқылы міндетті түрде қағаз тасымалдауышта растаумен жіберіледі немесе қордың хабарламасында көрсетілген адрес бойынша акционердің өзі немесе оның уәкілетті өкілі ұсынады. Акционердің өзі немесе оның уәкілетті өкілі ұсынған жағдайда өтінім екі данада жасалады да өтінімнің екінші данасында оны алу туралы, алған күнін және уақытын, оны алған адамның тегін, атын (бар болса - әкесінің атын) көрсете отырып, белгі қойылады.
      Егер Қор акционері ұсынған өтінім осы Ереженің талаптарын бұзып ресімделген болса, Қор анықталған кемшіліктерді жойып, осы Ереженің 10-тармағында көрсетілген мерзім шегінде өтінімді қайта жіберу үшін осындай өтінімді акционерге бір жұмыс күні ішінде қайтарады.
      13. Осы Ереженің 10-тармағында көрсетілген мерзімі аяқталғанға дейін Қор акционерлерінің орналастырылатын (сатылатын) акцияларды басымдықпен сатып алу құқығына сәйкес сатып алуға өтінімдері келіп түскеннен кейін Қор осы өтінімдерді орындайды, сондай-ақ Қор акционерлері басымдықпен сатып алу құқығын іске асырудан бас тартқан акцияларды өтініш берушіге орналастырады (сатады).
      14. Егер Қор акционерлері өтінімдерді осы ереженің 10-тармағында көрсетілген мерзімде ұсынбаған жағдайда Қор акцияларды көрсетілген мерзімі өткеннен кейін орналастырады (сатады).
      15. Қор акционерлерінің жалпы жиналысы жарияланған акциялар санының шегінде акцияларды орналастыру (сату) туралы шешім қабылдаған жағдайда, осы жалпы жиналыста орналастырылатын акцияларды басымдықпен сатып алу құқығынан жазбаша бас тарту ұсынылуы мүмкін.
      16. Қор хабарлама дубликаттарын, хабарламаны, құжаттарды табыс ету электронды құралдарын (факс, электрондық пошта) пайдалана отырып, жібергенін және оның жеткізілгенін растайтын құжаттарын, акционерлердің орналастырылатын (сатылатын) акцияларды сатып алуға өтінімдерін қамтыған, акционерлер жіберген хабарламалардың есебін жүргізеді.
      17. Осы Ереженің 8-тармағына сәйкес тіркеуші тізімді жасаған күннен бастап осы акционерге акцияларды басымдықпен сатып алу құқығына сәйкес сатып алуға өтінімді беру үшін берілген отыз күнтізбелік күн өткенге дейінгі кезеңде Қор акционері акцияларды иелігінен шығарған кезде, егер бұрынғы акциялар иегері осындай өтінімді бермеген жағдайда, осы құқық жаңа иегерімен жүзеге асырылады.
      18. Қордың жарияланған орналастырылмаған немесе сатып алынған акцияларын сатып алу-сату туралы шарты өтініш берушімен осы Ереженің 13-тармағында көзделген іс-шаралар жүргізілгеннен кейін бес жұмыс күн ішінде жасалады.
      19. Қорда орналастырылмаған жарияланған акциялары болмаған жағдайда Қор жарияланған акцияларды сатып алған (иеленген) күннен бастап он бес жұмыс күні ішінде уәкілетті органға «Бағалы қағаздар рыногы туралы» 2003 жылғы 2 шілдедегі Қазақстан Республикасының Заңымен көзделген тәртіппен және шарттарымен акциялар шығарылымы проспектісіне тиісті өзгертулер енгізу арқылы жарияланған акциялар санын ұлғайту бойынша құжаттар пакетін ұсынады.
      20. Қор ай сайын Қор акцияларының құнын анықтау әдістемесіне сәйкес анықталатын бір Қор акциясының құны туралы ақпаратты Қордың интернет-ресурсында орналастырады.

Қазақстан Республикасы Қаржы 
нарығын және қаржы ұйымдарын 
реттеу мен қадағалау агенттігі
Басқармасының 2010 жылғы   
1 наурыздағы № 26 қаулысына  
4-қосымша          

      Ескерту. 4-қосымшаға өзгеріс енгізілді - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.

«Сақтандыру төлемдеріне кепілдік беру қоры» акционерлік қоғамының басшы қызметкерлерін сайлауға (тағайындауға) келісімді беру мен қайтарып алу және оларға біліктілік талаптарын белгілеу ережесі

      Осы «Сақтандыру төлемдеріне кепілдік беру қоры» акционерлік қоғамының басшы қызметкерлерін сайлауға (тағайындауға) келісім беру мен қайтарып алу және оларға біліктілік талаптарын белгілеу ережесі (бұдан әрі – Ереже) Қазақстан Республикасының «Сақтандыру төлемдеріне кепілдік беру қоры туралы» 2003 жылғы 3 маусымдағы Заңына (бұдан әрі – Заң), Қазақстан Республикасының «Бухгалтерлiк есеп пен қаржылық есептiлiк туралы» 2007 жылғы 28 ақпандағы Заңына (бұдан әрі – Бухгалтерлік есеп туралы Заң) сәйкес әзірленген және Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті (бұдан әрі – уәкілетті орган) «Сақтандыру төлемдеріне кепілдік беру қоры» акционерлік қоғамының басшы қызметкерлерін сайлауға (тағайындауға) келісім беру мен қайтарып алу тәртібін, сондай-ақ оларға біліктілік талаптарын белгілейді.
      Ескерту. Кіріспе жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      1. Қордың басшы қызметкерлері мыналар болып табылады:
      1) Қордың директорлар кеңесінің төрағасы мен мүшелері;
      2) Қордың бас директоры;
      3) Қордың бас бухгалтері.
      2. Қордың басшы қызметкері болып мыналар тағайындала алмайды (сайлана алмайды):
      1) жоғары білімі жоқ;
      2) осы Ереженің 4-тармағына сәйкес кемінде екі жылдық еңбек стажы жоқ;
      3) мінсіз іскерлік беделі жоқ;
      4) уәкілетті органның қаржы ұйымын консервациялау, оның акцияларын мәжбүрлеп сатып алу туралы, қаржы ұйымын лицензиясынан айыру туралы, сондай-ақ қаржы ұйымын мәжбүрлеп тарату немесе Қазақстан Республикасы заңнамасында көзделген тәртіппен оны банкрот деп тану туралы шешім қабылдауына дейін кем дегенде бір жыл бұрын қаржы ұйымының директорлар кеңесінің бірінші басшысы, басқармасының бірінші басшысы және оның орынбасары, бас бухгалтері, ірі қатысушы жеке тұлға, ірі қатысушы заңды тұлғаның бірінші басшысы болған тұлға. Көрсетілген талап уәкілетті органның қаржы ұйымын консервациялау, оның акцияларын мәжбүрлеп сатып алу, қаржы ұйымын лицензиясынан айыру, сондай-ақ қаржы ұйымын мәжбүрлеп тарату немесе оны банкрот деп тану туралы шешім қабылдағаннан кейін бес жыл ішінде қолданылады;
      5) Қордың және (немесе) қаржы ұйымының басшы қызметкері лауазымына тағайындалуға (сайлануға) берілген келісім қайтарып алынған тұлға. Көрсетілген талап уәкілетті орган басшы қызметкері лауазымына тағайындалуға (сайлануға) берілген келісімді қайтарып алу туралы шешім қабылдағаннан кейінгі соңғы жүйелі он екі ай ішінде қолданылады.
      Мінсіз іскерлік беделі – кәсіпқойлықты, адалдықты, алып тасталмаған немесе өтелмеген соттылығының жоқтығын растайтын факторлардың болуы.
      3. Осы Ереженің 2-тармағының 2) тармақшасына сәйкес кандидатты Қордың басшы қызметкері лауазымына сайлау (тағайындау) үшін қажетті еңбек стажына кандидаттың қаржылық қызмет көрсету және (немесе) реттеу саласында, және (немесе) қаржы ұйымдарының аудитін жүзеге асыратын ұйымдарда және (немесе) «Қазақстан Даму Банкі» акционерлік қоғамында және (немесе) кандидаттың мынадай халықаралық қаржы ұйымдарында істеген еңбек стажы кіреді:
      1) Азия даму банкі;
      2) Еуразия даму банкі;
      3) Еуропа қайта құру және даму банкі;
      4) Ислам даму банкі;
      5) Инвестициялық дауларды реттеу жөніндегі халықаралық орталық;
      6) Көп салалы инвестицияларға кепілдік беру агенттігі;
      7) Халықаралық валюталық қор;
      8) Халықаралық даму қауымдастығы;
      9) Халықаралық қайта құру және даму банкі;
      10) Халықаралық қаржы корпорациясы.
      Ескерту. 3-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      4. Мыналар уәкілетті органмен келісуге жатпайды:
      1) Қордың директорлар кеңесінің құрамына кіретін уәкілетті органның өкілі;
      2) Қордың уәкілетті органының шешімімен жаңа мерзімге қайта сайланған (қайта тағайындалған) Қордың басшы қызметкері, осы үміткердің бұрын уәкілетті органмен тиісті немесе жоғарыда тұрған лауазымға келісілген болуы және осы үміткердің осы Ереженің 2-тармағында белгіленген талаптарға сәйкес келуі шартымен.
      Осы тармақтың 2) тармақшасында белгіленген жағдайда Қор басшы қызметкерді тиісті лауазымға жаңа мерзімге қайта сайлау (тағайындау) туралы Қордың уәкілетті органының шешімінің үзінді көшірмесін, осы үміткердің осы Ереженің 2-тармағында белгіленген талаптарға сәйкес келуі туралы көрсетілген ілеспе хатымен бірге ұсынады. Өзге құжаттарды ұсыну талап етілмейді.
      5. Қордың басшы қызметкері уәкілетті органның келісімінсіз өзінің қызметінде, оны сайлаған (тағайындаған) күннен бастап күнтізбелік алпыс күннен аспайтын уақыт болады.
      Осы тармақтың бірінші бөлігінде көрсетілген мерзім аяқталған соң, және уәкілетті органға келісуге құжаттардың толық пакетін ұсынбаған жағдайда, не уәкілетті орган келісуден бас тартқан жағдайда Қор осы тұлғамен еңбек шартын бұзады, не еңбек шарты болмаған жағдайда осы тұлғаның өкілеттіктерін тоқтату бойынша шаралар қабылдайды.
      Уәкілетті органның келісімінсіз осы тармақтың бірінші бөлігінде белгіленген мерзімнен артық Қордың басшы қызметкерінің міндетін атқаруға (уақытша жоқ басшы қызметкердің орнында болуға) жол берілмейді.
      Уәкілетті орган өтініш Қордың басшы қызметкері лауазымына сайлауға (тағайындауға) келісім беруден бас тартқан не ол Қордың басшы қызметкері лауазымынан босатылған немесе оны осы Қордағы өзге лауазымға ауыстырған жағдайда, бұл адам оны сайлауға (тағайындауға) келісім беруден бас тартылғаннан не ол лауазымнан босатылғаннан не өзге лауазымға ауыстырылғаннан кейін кемінде күнтізбелік тоқсан күн өткен соң, бірақ қатарынан он екі ай ішінде екі реттен артық емес, осы Қордың басшы қызметкері лауазымына қайта (сайланады) тағайындалады.
      Уәкілетті орган өтініш Қордың басшы қызметкері лауазымына сайлауға (тағайындауға) келісім беруден қатарынан екі рет бас тартқан жағдайда, бұл адам өзін уәкілетті органның осы Қордың басшы қызметкері лауазымына сайлауға (тағайындауға) келісім беруден екінші рет бас тарту туралы шешімі қабылданған күннен бастап қатарынан он екі ай өткеннен кейін Қордың басшы қызметкері лауазымына (сайланады) тағайындалады алады.
      Ескерту. 5-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      6. Келісуді уәкілетті орган Комиссияның шешімі бойынша тестілеуден өткізу үшін кандидаттарды шақыра отырып не осы Ереженің 12-1-тармағында көзделген жағдайда оларды шақырмай өткізеді.
      Ескерту. 6-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      7. Қор кандидатты келісу үшін уәкілетті органға мынадай құжаттарды ұсынады:
      1) кандидаттың Қордың басшы қызметкерлеріне қойылатын осы Ережеде көзделген талаптарына сәйкес келуін, сондай-ақ кандидат туралы мәліметтер осы Ережеге сәйкес ұсынылғанын және Қор құжаттамалық жағынан тексерілгенін көрсетумен және оған мыналар:
      директорлар кеңесінің мүшелерін, Қордың бас директорын  (сайлаған) тағайындаған  кезде Қордың директорлар кеңесінің бірінші басшысы, ол болмаған жағдайда - директорлар кеңесінің шешімі бойынша (директорлар кеңесінің осы шешімінің көшірмесін бере отырып) директорлар кеңесінің бір мүшесі;
      директорлар кеңесінің төрағасын, бас бухгалтерді (сайлаған) тағайындаған кезде Қордың бас директоры не Қордың бас директорының міндетін атқарушы тұлға (міндетін атқаруды жүктеу туралы шешімнің көшірмесін бере отырып) қол қойған еркін нысанда жасалған өтінішті;
      2) Қордың басшы қызметіне кандидатты сайлау (тағайындау) күнін көрсете отырып, Қордың уәкілетті органының кандидатты (сайлау) тағайындау шешімінің үзінді-көшірмесінің көшірмесі (екі және одан да көп кандидатты келісу кезде әр кандидатқа шешім көшірмесінің бір данасы).
      Тағайындау күні болмаса, кандидатты сайлау (тағайындау) күні Қордың уәкілетті органы шешім қабылдаған күн не аталған шешімдегі жағдайдың басталған күні болып саналады. Осындай жағдайда Қор аталған шешімдегі жағдайдың басталғанын растайтын құжаттар көшірмесін ұсынады;
      3) электронды және қағаз тасымалдауыштарда (1-қосымшадағы фотосурет 3 х 4 көлемімен ашық фонда жасалады) осы Ереженің1-қосымшасына сәйкес кандидат туралы мәлімет;
      4) кандидаттың жеке басын растайтын құжаттың көшірмесі;
      5) осы Ереженің 8-тармағының 4) тармақшасында көзделген жағдайда ғылыми дәрежесін алғанын растайтын құжаттар көшірмесі;
      6) құқықтық статистиканы қалыптастыру және арнайы есептер жүргізу жөніндегі уәкілетті мемлекеттік орган берген алынбаған немесе өтелмеген соттылығының жоқтығын растайтын құжатты (не сол бір кандидатты екі және одан да көп басшы лауазымына келісуге құжаттардың толық пакетін берген кезде құқықтық статистиканы қалыптастыру және арнайы есептер жүргізу жөніндегі уәкілетті мемлекеттік орган құжатының көшірмесі). Аталған құжатты беру күні өтінішті берген күннің алдындағы үш айдан аспайды;
      7) кандидат ұсынылатын лауазымды, ұсынып отырған тұлғаның қол қойған күнін және лауазымын, сондай-ақ кандидаттың кәсіби және (немесе) өзге мінездемелерін көрсете отырып, еркін нысанда жазылған осы Ереженің 8-тармағында көрсетілген, кем дегенде екі тұлғадан алынған кандидатқа берілген ұсыным хат. Ұсыным хатты беру күні өтінішті берген күннің алдындағы үш айдан аспайды;
      8) бас бухгалтер лауазымына кандидат үшін сертификаттау жөніндегі ұйым (бухгалтерлік есеп және қаржылық есептілік саласындағы қызметті реттеуді жүзеге асыратын Қазақстан Республикасының орталық мемлекеттік органымен аккредиттелген) берген кәсіби бухгалтер сертификатының көшірмесі не Халықаралық бухгалтерлер федерациясының нағыз мүшесі болып табылатын шетел институтымен берілген кәсіби бухгалтердің біліктілік куәлігінің көшірмесі.
      Ескерту. 7-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      8. Кепілдеме беретін тұлғалар мыналар болуы мүмкін:
      1) «Қазақстан қаржыгерлерінің қауымдастығы» заңды тұлғалар бірлестігі;
      2) бұрын сайлауына (тағайындалуына) уәкілетті органның келісімін алған, бұл келісім қайтарып алынбаған директорлар кеңесінің төрағасы мен мүшелері, басқарманың бірінші басшысы (бір өзі тіркеушінің, трансфер-агенттің атқарушы органының функцияларын жүзеге асыратын тұлға), сақтандыру брокерінің бірінші басшысы, қаржы ұйымдарының атқарушы органының мүшелері;
      3) кепілдеме хатына қол қою күніне уәкілетті органның бірінші басшысы және оның орынбасары лауазымындағы тұлғаларды қоспағанда мемлекеттік органдардың және ведомстволардың бірінші басшылары мен олардың орынбасарлары;
      4) экономика және (немесе) заң ғылымдарының докторы деген ғылыми дәрежесі бар тұлғалар;
      5) тізбесі осы Ереженің 3-тармағында белгіленген халықаралық қаржы ұйымдарының басшылары, өкілдіктердің басшылары.
      Қазақстан Республикасының резидент емес үміткерлерді келіскен кезде – кепілдеме беруші тұлғалар, тізбесі Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Болу қажеттілігі қаржы ұйымдарының қызметін реттейтін Қазақстан Республикасының заңнамасына сәйкес талап етілетін заңды тұлғалар үшін ең аз рейтингті, осы рейтингті беретін рейтинг агенттіктерінің тізбесін белгілеу, сондай-ақ Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2004 жылғы 25 қазандағы № 304 қаулысына өзгеріс енгізу туралы» 2006 жылғы 25 ақпандағы № 55 қаулысында белгіленген (Нормативтік құқықтық актілерді мемлекеттік тіркеу тізілімінде № 4139) рейтингтік агенттіктерінің бірімен тағайындалған ВВ+ төмен емес рейтингі бар Қазақстан Республикасының резиденті емес қаржы ұйымдарының директорлар кеңесінің төрағасы мен мүшелері, атқарушы орган басшысы мен мүшелері де бола алады.
      Қордың (өтініш берушінің) басшы қызметкері, акционері, Қордың (өтініш берушінің) акционерінің басшы қызметкері, сондай-ақ үміткердің ері (зайыбы), жақын туыстары (ата-анасы, аға-інісі, апа-сіңілісі, балалары) және үміткердің жекжаты (ерінің (зайыбының) ата-анасы, аға-інісі, апа-сіңілісі, балалары), Уәкілетті органның және (немесе) Қазақстан Республикасының Ұлттық Банкі тарапынан қаржы ұйымы үміткерді келісу туралы өтінішті бергенге дейінгі бір жыл ішінде шектеулі ықпал ету шаралары және (немесе) санкциялар қолданылған жеке тұлға кепілдеме беруші бола алмайды.
      9. Қор бір мезгілде қаржы ұйымында басшы қызметкері лауазымында болған және уәкілетті органмен келісілген (бұдан әрі – келісілген басшы қызметкер) үміткерді басшы қызметкер лауазымына келісу үшін, уәкілетті органға мыналарды ұсынады:
      1) ерікті нысанда жасалған өтінішті, онда үміткер туралы мәліметтердің, оның ішінде осы Ереженің 1-қосымшасында көрсетілген мәліметтердің Қормен (өтініш берушімен) құжаттамалық тексерілгені және үміткердің осы Ереженің 2-тармағында белгіленген талаптарға сәйкес келетіні көрсетіледі;
      2) Қордың уәкілетті органының үміткерді сайлау (тағайындау) туралы шешімінің үзінді көшірмесін;
      3) үміткердің жеке тұлғасын куәландыратын құжаттың көшірмесін;
      4) құқықтық статистиканы қалыптастыру және арнайы есеп жүргізу жөніндегі уәкілетті органның анықтамасы нысанында берілген алынбаған немесе өтелмеген соттылығының болмауын растайтын құжатты (не сол бір үміткерді өзге басшылық лауазымына келісуге құжаттар пакетін тапсырған кездегі құқықтық статистиканы қалыптастыру және арнайы есеп жүргізу жөніндегі уәкілетті органның анықтамасының көшірмесі) (көрсетілген құжаттың берілген күні өтініш беру күніне дейінгі үш айдан аспауы тиіс);
      5) осы Ереженің 1-қосымшасына сәйкес үміткер туралы мәліметтер электронды және қағаз тасымалдауышта.
      10. Осы Ереженің 7, 9-тармақтарында аталған, бірнеше парақтан тұратын құжаттар нөмірленген, тігілген және соңғы парағының сыртында тігін түйіншегіне желімделген, парақтар саны көрсетілген жапсырманың жартылай үстінен қойылған Қордың мөрімен расталған болып ұсынылады. Құжаттардың көшірмелері Қордың осындай құжаттарға қол қоюға құқығы бар лауазымды тұлғаларының қолымен және Қордың мөр бедерімен расталады.
      11. Қор кандидатты келісу үшін уәкілетті органға оның  (сайланған) тағайындалған  күнінен бастап күнтізбелік алпыс күннен кешіктірмейтін мерзімде құжаттардың толық пакетін ұсынады.
      Басшы қызметкер лауазымына кандидатты келісу үшін ұсынылған құжаттарды уәкілетті орган осы Ереженің талаптарына сәйкес ресімделген құжаттардың толық пакеті ұсынылған күннен бастап күнтізбелік отыз күн ішінде қарайды.
      Уәкілетті орган ұсынылған құжаттар осы Ереженің талаптарына, Қордың құрылтай құжаттарына сәйкес келмеген жағдайда ескертулер мен оларды жою мерзімін көрсете отырып, Қорға жазбаша жауап береді.
      Қор осы Ережеде көзделген құжаттардың толық емес пакеті ұсынған жағдайда уәкілетті орган оларды Қорға қараусыз қайтарады. Қор жетіспейтін құжаттарды кандидат басқа қызметке сайланған (тағайындалған) күннен бастап күнтізбелік алпыс күннен кеш емес мерзімде ұсынады.
      Ескерту. 11-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      12. Азаматтығы бар елінде (шетел азаматтары үшін) немесе тұрақты тұратын елінде (азаматтығы жоқ тұлғалар үшін) алынбаған немесе өтелмеген соттылығының жоқ екендігі туралы мәліметтердің дәйектілігін растау мақсатында шетел азаматтары (азаматтығы жоқ тұлғалар) Қордың басшы қызметкері лауазымына (сайланған) тағайындалған күннен бастап алты айдан кеш емес мерзімде уәкілетті органға олардың азаматтығы бар елінің (азаматтығы жоқ тұлғалар үшін - тұрақты тұратын елінің) не кандидат соңғы он бес жыл ішінде тұрақты тұрған елінің мемлекеттік органы берген тиісті құжатты ұсынады.
      Көрсетілген құжатты осы тармақта белгіленген мерзімде ұсынбаған жағдайда, мәліметтер негізінде келісім берілген осы мәліметтер дәйекті емес болып табылады және берілген келісім осы Ереженің 27-тармағында көзделген негіздер бойынша уәкілетті органмен қайтарып алуға жатады.
      Қазақстан Республикасының резиденті емес болып табылатын басшы қызметкері лауазымына кандидаттың мінсіз іскерлік беделін растау мақсатында уәкілетті орган шет мемлекеттің уәкілетті қадағалау органынан қаржы ұйымында, холдингте басшы қызметкер лауазымына тағайындалған күнге дейінгі 10 (он) жылдан кем емес кезеңде кандидаттың іскерлік беделін сипаттайтын мәліметтердің болуы не жоқ екені жөнінде сұратады.
      Шет мемлекеттің уәкілетті қадағалау органы басшы қызметкердің лауазымына кандидаттың мінсіз іскерлік беделі жоқтығы туралы ақпаратты ұсынған жағдайда, соның негізінде келісім берілген мәліметтер дәйексіз болып саналады, сондай-ақ берілген келісім осы Ереженің 27-тармағында көзделген негіздер бойынша уәкілетті органмен қайтарып алуға жатады.
      Ескерту. 12-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      12-1. Комиссия шешімі бойынша Қордың мынадай қызметкерлері ұсынылған құжаттардың негізінде:
      1) Қордың атқарушы органының бірінші басшысы лауазымына кандидаттың:
      сақтандыру (қайта сақтандыру) ұйымында не осы Ереженің 3-тармағында көрсетілген халықаралық қаржы ұйымдардың бірінде бұрын:
      бірінші басшысы, атқарушы органының мүшесі (қаржылық қызмет көрсетумен байланысты мәселелерді жетекшілік еткен);
      бас бухгалтер лауазымын атқарған кемінде үш жыл еңбек өтілі бар болса;
      2) Қордың бірінші басшысы, директорлар кеңесінің мүшесі лауазымына кандидаттың:
      қаржы ұйымының аудитін тікелей жүзеге асырған аудитор;
      сақтандыру (қайта сақтандыру) ұйымында, Қорда және (немесе) осы Қағидалардың 3-тармағында көрсетілген халықаралық қаржы ұйымдардың бірінің:
      бірінші басшысы, директорлар кеңесінің мүшесі;
      бірінші басшысы, басқарма мүшесі (қаржылық қызмет көрсетумен байланысты мәселелерді жетекшілік еткен);
      бас бухгалтер ретінде кемінде екі жыл еңбек өтілі бар болса;
      3) Қордың бас бухгалтері лауазымына кандидаттың:
      сақтандыру (қайта сақтандыру) ұйымының аудитін тікелей жүзеге асырған аудитор;
      сақтандыру (қайта сақтандыру) ұйымында, Қорда және (немесе) осы Ереженің 3-тармағында көрсетілген халықаралық қаржы ұйымдардың бірінің:
      бірінші басшысы, директорлар кеңесінің мүшесі;
      қаржылық қызмет көрсетумен байланысты мәселелерді жетекшілік еткен бірінші басшы, басқарма мүшесі;
      бас бухгалтер немесе бас бухгалтердің орынбасары;
      қызметі қаржылық қызмет көрсетумен байланысты дербес құрылымдық бөлімшенің (департаменттің, басқарманың) басшысы (орынбасары) ретінде кемінде үш жыл еңбек өтілі бар болса шақырмай келісіледі.
      Ескерту. 12-1-тармақпен толықтырылды - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      13. Үміткердің келісуі уәкілетті органның жанындағы қаржы ұйымдары басшы қызметкерлерінің лауазымдарына үміткерлердің сәйкес келуін анықтау жөніндегі комиссиямен (бұдан әрі – Комиссия) жүзеге асырылады. Комиссияның қызметі Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2004 жылғы 12 маусымдағы № 157 қаулысымен (нормативтік құқықтық актілерді мемлекеттік тіркеу тізілімінде № 2952 тіркелген) бекітілген Қаржы ұйымдарының басшы қызметкерлерін тағайындауға (сайлауға) келісім беру ережесіне сәйкес жүзеге асырылады.
      14. Хаттамамен ресімделген Комиссияның ұсынымы бойынша Қордың басшы қызметкері лауазымына сайлауға (тағайындауға) берілген келісім осы Ереженің 27-тармағында көзделген негіздемелер бойынша уәкілетті органның бірінші басшысының немесе оның орнындағы тұлғаның бұйрығымен қайтарып алынуы мүмкін.
      15. Үміткерлерді келісу 45 минут ішінде 30 сұрақ бойынша компьютерлік тестілеу әдісімен жүргізіледі.
      Үміткерлерді тестілеуге арналған сұрақтар уәкілетті органның бірінші басшысымен бекітіледі.
      16. Үміткерлерді тестілеу кезінде тестілеуден өтетін тұлғамен бірге бір бөлмеде тек уәкілетті органның жауапты бөлімшесі қызметкерлерінің және, қажет болған жағдайда, аудармашының ғана қатысуына рұқсат етіледі.
      Үміткер тестілеуден өткен кезінде қандай болса да бір жазбаша, электронды немесе басқа ақпарат материалдарын қолдануға тыйым салынады. Осы тармақта аталған шарттарды бұзу тестілеудің теріс нәтижесіне теңеледі.
      17. Тестілеудің оң нәтижесін алған жағдайда (кем дегенде дұрыс жауаптардың 70 пайызы) үміткер сайланған (тағайындалған) лауазымға келісілді деп саналады).
      Үміткер тестілеуден өткеннен кейін тесттің қорытындысымен дереу қол қойып, таныстырылуы тиіс.
      Комиссия мүшелері құжаттарды қарап, осы Ереженің 2-қосымшасына сәйкес нысанында қаралатын мәселе бойынша өзінің пікірін білдіреді.
      18. Тестілеудің қорытындысымен келіспеген жағдайда үміткер тестілеу рәсімі аяқталғаннан кейін үш жұмыс күн ішінде уәкілетті органға жазбаша жүгінеді.
      19. Апелляциялық комиссияның құрамы уәкілетті органы бірінші басшысының бұйрығымен бекітіледі. Комиссия Төрағасы, оның орынбасары және мүшелері Апелляция комиссияның мүшесі бола алмайды.
      20. Аппеляциялық комиссия Аппеляцияны, оны алған күннен бастап үш жұмыс күн ішінде қарайды.
      21. Үміткердің қатысуымен Апелляциялық комиссияның отырысында Комиссияның Төрағасы және (немесе) оның орынбасары дауыс беру құқығынсыз қатыса алады.
      22. Апелляциялық комиссияның отырысын өткізу үшін кворум Төрағаны (Апелляциялық комиссия Төрағасының орынбасарын) қоса алғанда Апелляциялық комиссия мүшелері санының кем дегенде үштен екі бөлігін құрайды.
      Апелляциялық комиссияның әрбір мүшесінің бір дауысы бар. Апелляциялық комиссияның шешімдері Апелляциялық комиссияның отырысына қатысушы мүшелерінің жай дауыс көпшілігімен қабылданады. Дауыстар тең болған кезде Апелляциялық комиссия Төрағасының не ол болмаған жағдайда Апелляциялық комиссия Төрағасы орынбасарының дауысы шешуші болып табылады.
      23. Апелляциялық комиссияның шешімі хаттамамен ресімделеді, ол екі данада жасалады және оған осы отырысқа қатысқан барлық Апелляциялық комиссияның барлық мүшелері қол қояды. Апелляциялық комиссия отырысы хаттамасының екінші данасы Комиссияға беріледі.
      24. Апелляциялық комиссия отырысының хаттамасын жүргізу оның, уәкілетті органның бірінші басшысының бұйрығымен Апелляциялық комиссия мүшелерінің қатарынан тағайындалған хатшысымен жүзеге асырылады.
      25. Апелляцияны, үміткердің тест сұрақтарына жауаптарын қарау, үміткердің дәлелдерін тыңдау қорытындысы бойынша Апелляциялық комиссия мынадай шешімдердің бірін қабылдайды:
      1) тестілеудің қорытындысын өзгеріссіз, ал апелляцияның қанағаттандырмай қалдыру;
      2) үміткердің апелляциясын қанағаттандыру және тесттің қорытындысын оң деп тану;
      3) үміткерді қайта тестілеуден өтуге жіберу.
      26. Уәкілетті орган мынадай себептермен Қордың басшы қызметкерлерін сайлауға (тағайындауға) келісім беруден бас тартады:
      1) басшы қызметкерлердің осы Ереженің 2-тармағының 1), 2), 3), 4) және 5) тармақшаларына, Бухгалтерлік есеп туралы Заңның 9-бабына сәйкес келуі;
      2) дәлелді себепсіз тестілеуге келмей қалу не тестілеудің теріс нәтижесі;
      3) Қордың уәкілетті органның ескертулерін жоймауы немесе осы Ереженің 5-тармағымен белгіленген уәкілетті органның құжаттарды қарау мерзімі аяқталғаннан кейін Қордың уәкілетті органның ескертулерін ескере отырып пысықталған құжаттарын ұсынуы;
      4) осы Ереженің 5-тармағымен белгіленген басшы қызметкер өз лауазымын уәкілетті органның келісімінсіз иелене алатын мерзім аяқталғаннан кейін құжаттарды ұсыну;
      5) кандидатқа уәкілетті орган және (немесе) Қазақстан Республикасының Ұлттық Банкі қолданған шектеулі ықпал ету шаралары және (немесе) санкцияларының бар болуы.
      Осы талап кандидатты келісу туралы Қор өтініш берген күнге дейінгі бір жыл ішінде қолданылады;
      6) басшы қызметкер не басшы қызметкердің міндетін атқарушы лауазымын атқаратын (атқарған) оның өкілетіне кірген қаржы ұйымы, Қор, банк, сақтандыру холдингі Қазақстан Республикасының заңнамасын бұзуларды туғызған мәселелер бойынша шешімдерді қабылдау фактілері және ол үшін қаржы ұйымына, Қорға, банк, сақтандыру холдингіне қатысты уәкілетті орган және (немесе) Қазақстан Республикасының Ұлттық Банкі шектеулі ықпал ету шараларын және (немесе) санкцияларды қолданғаны туралы уәкілетті органның мәліметтерінің болуы.
      Осы талап уәкілетті орган бұзуды анықтаған күннен бастап бір жыл ішінде қолданылады;
      7) уәкілетті органда кандидаттың бағалы қағаздар нарығында манипуляциялау мақсатында жасалған және (немесе) үшінші тұлғаға (үшінші тұлғаларға) шығын келтірген деп танылған тарап болып табылғаны туралы мәліметтердің болуы.
      Осы талап уәкілетті органда бағалы қағаздар нарығындағы манипуляциялау және (немесе) осы мәміле жасау нәтижесінде үшінші тұлғаға (үшінші тұлғаларға) зиян келтірілгені кандидаттың адал емес әрекеттерінен болғанын растайтын фактілері болған жағдайда қолданылады;
      8) уәкілетті органда кандидаттың уәкілетті орган оған қатысты бағалы қағаздар нарығында манипуляциялау мақсатында жасалған деп танылған мәмілелерді жасағаны үшін санкциялар және (немесе) шектеулі ықпал ету шаралары қолданылған қаржы ұйымының қызметкері және (немесе) іс-әрекеті мәмілеге қатысушы қаржы ұйымына және (немесе) үшінші тұлғаға (үшінші тұлғаларға) шығын келтірген қаржы ұйымының қызметкері болып табылғаны туралы мәліметтің болуы.
      Осы талап уәкілетті органда бағалы қағаздар нарығындағы манипуляциялау және (немесе) осы мәміле жасау нәтижесінде қаржы ұйымына және (немесе) үшінші тұлғаға (үшінші тұлғаларға) зиян келтірілгені кандидаттың адал емес әрекеттерінен не әрекетсіздігінен болғанын растайтын фактілері болған жағдайда қолданылады.»
      Ескерту. 26-тармақ жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.
      27. Уәкілетті орган Қордың басшы қызметкері лауазымына сайлауға (тағайындауға) берілген келісімді мынадай негіздемелер бойынша қайтарып алады:
      1) негізінде келісім берілген мәліметтердің шынайы емес болғанын анықтау;
      2) басшы қызметкерге қызметтік міндеттерін орындаудан шеттету түріндегі санкциялардың қолданылуы;
      3) алынбаған немесе өтелмеген соттылығының болуы.
      Уәкілетті орган Қордың басшы қызметкері лауазымына сайлауға (тағайындауға) келісімді қайтарып алған жағдайда, Қор осы тұлғамен жасалған еңбек шартын бұзады, не еңбек шарты болмаған жағдайда осы басшы қызметкердің өкілеттіктерін тоқтату бойынша шаралар қабылдайды.
      28. Уәкілетті орган кандидатуралары өзімен келісілген Қордың басшы қызметкерлерінің тізілімін жүргізеді.
      29. Басшы қызметкерлері уәкілетті органмен келісілген Қор он күндік мерзімде уәкілетті органды оларды келісу үшін ұсынылған құжаттардағы өзгерістер туралы (осы Ереженің 1-қосымшасының 5, 8–тармақтарын қоспағанда), сондай-ақ басқа лауазымға ауысқанын және жұмыстан босатылғанын қоса алғанда, басшы қызметкерлері құрамындағы барлық болған өзгерістері туралы хабардар етеді.

«Сақтандыру төлемдеріне кепілдік
беру қоры» акционерлік қоғамының,
банк, сақтандыру холдингтерінің 
басшы қызметкерлерін сайлауға   
(тағайындауға)келісім беру      
қағидаларына 1-қосымша          

      Ескерту. 1-қосымша жаңа редакцияда - ҚР Ұлттық Банк Басқармасының 2012.02.24 № 94 (алғашқы ресми жарияланғаннан кейін күнтізбелік он күн өткен соң қолданысқа енгізіледі) қаулысымен.      

Нысан

фотосуреттiң орны

«Сақтандыру төлемдеріне кепілдік беру қоры» акционерлік
қоғамының басшы қызметкері лауазымына кандидат туралы
мәліметтер

____________________________________________________________________
____________________________________________________________________
____________________________________________________________________
____________________________________________________________________
    (кандидаттың фамилиясы, аты, бар болса - әкесiнiң аты және
      тағайындалатын «Сақтандыру төлемдеріне кепілдік беру қоры»
             акционерлік қоғамының лауазымы көрсетiледi)

      1. Жалпы мәлiметтер:

      2. Білімі:

      3. Ерi (зайыбы), жақын туыстары (ата-анасы, аға-iнiсi, апа-сiңлiсi, балалары) және жекжаттары (ерiнiң (зайыбының) ата-анасы, аға-iнiсi, апа-сiңлiсi, балалары) туралы мәлiметтер

      4. Кандидаттың заңды тұлғалардың жарғылық капиталында қатысуы және акцияларын иеленуi туралы мәлiметтер:

      5. Соңғы үш жылдағы бiлiктiлiк көтеру жөнiндегi семинарлар, бiлiктiлiкті арттыру курстарынан өту туралы мәлiметтер:

      6. Еңбек қызметi туралы мәлiметтер.
      Осы тармақта кандидаттың барлық еңбек қызметiндегi атқарған (атқарып отырған) лауазымдары, оның iшiнде уәкiлеттi органға келісу туралы өтiнiштi берген «Сақтандыру төлемдеріне кепілдік беру қоры» акционерлік қоғамында лауазымы туралы көрсетіледі;

      7. Кандидат қаржы ұйымының, «Сақтандыру төлемдеріне кепілдік беру қоры» акционерлік қоғамының аудитін жүргізу туралы мәліметтер:
____________________________________________________________________
____________________________________________________________________
(ұйымның атауын, кандидат аудитор-орындаушы ретінде аудиторлық есепке қол қойған күнін көрсету).

      8. Қор және (немесе) басқа ұйымдардың директорлар кеңесінде және инвестициялық комитеттерiндегi мүшелiгi туралы мәлiметтер:

      9. Бар жарияланымдар, ғылыми әзiрленiмдер және басқа да жетiстiктерi:
____________________________________________________________________
____________________________________________________________________
(иә/жоқ, бар болған жағдайда күнi, қандай басылымдарда көрсетiлдi)

      10. Алынбаған немесе өтелмеген соттылықтың болуы туралы мәлiметтер:

      11. Өзiне қабылдаған мiндеттемелердi орындамау фактiлерiнiң болуы туралы мәлiметтер:
_____________________________________________________________________
_____________________________________________________________________
_____________________________________________________________________
_____________________________________________________________________
(иә/жоқ, аталған фактiлер болған жағдайда, ұйымның атауын және мiндеттемелер сомасын көрсету қажет)

      12. Кандидат бұрын директорлар кеңесінің бірінші басшысы, басқарманың (атқарушы органның) бірінші басшысы және оның орынбасары, бас бухгалтері, ірі қатысушысы – жеке тұлға, ірі қатысушысының (банк немесе сақтандыру холдингінің) – қаржы ұйымы заңды тұлғаның қаржы нарығын және қаржы ұйымдарын реттеу мен қадағалау жөніндегі мемлекеттік органы қаржы ұйымын, банктің бас ұйымы болып табылатын банк холдингін консервациялау туралы, олардың акцияларын мәжбүрлеп сатып алу туралы, қаржы ұйымының лицензияларын айыру туралы, сондай-ақ қаржы ұйымын, Қордың, холдингін мәжбүрлеп тарату немесе Қазақстан Республикасының заңнамасында белгіленген оны банкрот деп тану туралы шешімді қабылдағанға дейін бір жылдан аспайтын кезеңде бірінші басшысы болғандығы туралы мәліметтер.
_____________________________________________________________________
_____________________________________________________________________
   (иә/жоқ, ұйымның атауы, лауазымы, жұмыс кезеңi көрсетiлсiн).

      13. Басшы қызметкерін сайлауға (тағайындауға) келісімді қайтарып алу және уәкілетті органдарының қаржы ұйымының, «Сақтандыру төлемдеріне кепілдік беру қоры» акционерлік қоғамының, банктік, сақтандыру холдингінің қызметтiк мiндеттерiн орындаудан шеттетуi туралы деректердiң болуы.
_____________________________________________________________________
_____________________________________________________________________
      (иә/жоқ, ұйымның атауы, лауазымы, жұмыс кезеңі, сайлауға (тағайындауға) келісімді қайтарып алуға негіздемесі және осындай шешім қабылдаған мемлекеттік органының атауы көрсетiлсiн).

      14. Қаржы ұйымының, «Сақтандыру төлемдеріне кепілдік беру қоры» акционерлік қоғамының, банктік, сақтандыру холдингінің басшысы ретiнде қаржы ұйымы, «Сақтандыру төлемдеріне кепілдік беру қоры» акционерлік қоғамы, банктік, сақтандыру холдингі қызметiнiң мәселелерi бойынша сотта iстi қарау кезiнде жауап берушi ретiнде тартылды ма:
_____________________________________________________________________
_____________________________________________________________________
_____________________________________________________________________
(иә/жоқ, күнiн, сотта iстi қарау кезiндегi жауап берушi – қаржы  ұйымының атауы, қаралған мәселе және сот шешiмi).

      Осы ақпаратты мен тексердiм және оның толық және шынайы болып табылатындығын растаймын.
      Тегi, аты, әкесiнiң аты (бар болса)
____________________________________________________________________
                     (баспа әрiптерiмен)

Күні ___________________________________

Қолы ___________________________________

«Сақтандыру төлемдеріне кепілдік
беру қоры» акционерлік қоғамының
басшы қызметкерлерін сайлауға  
(тағайындауға) келісімді беру  
мен қайтарып алу және оларға   
біліктілік талаптарын белгілеу 
ережесіне 2-қосымша       

Нысан

№ ______________ Хаттама             200 __ жылғы «____» __________

Комиссияның «Сақтандыру төлемдеріне кепілдік беру қоры» акционерлік қоғамының басшы қызметкері лауазымына үміткерді қарауының қорытындысы

______________________________________________________________
Үміткердің тегі, аты, әкесінің аты,
«Сақтандыру төлемдеріне кепілдік беру қоры» акционерлік қоғамы

«Сақтандыру төлемдеріне кепілдік беру
Қоры» акционерлік қоғамының
басшы қызметкері лауазымына
үміткерді қарау Комиссиясының Төрағасы
__________________________________
Комиссия шешімі: Келісілсін
                 Бас тартылсын

Қазақстан Республикасы Қаржы 
нарығын және қаржы ұйымдарын 
реттеу мен қадағалау агенттігі
Басқармасының 2010 жылғы     
1 наурыздағы № 26 қаулысына  
5-қосымша           

«Сақтандыру төлемдеріне кепілдік беру қоры» акционерлік қоғамына қатысушы сақтандыру ұйымдарына шектеулі ықпал ету шараларын қолдану ережесі

      1. Осы Ереже «Сақтандыру төлемдеріне кепілдік беру қоры туралы» Қазақстан Республикасының 2003 жылғы 3 маусымдағы Заңына сәйкес әзірленді және «Сақтандыру төлемдеріне кепілдік беру қоры» акционерлік қоғамына (бұдан әрі – Қор) қатысушы сақтандыру ұйымдарына шектеулі ықпал ету шараларын қолдану тәртібін белгілейді.
      2. Қаржы нарығын және қаржы ұйымдарын реттеу мен қадағалау жөніндегі уәкілетті органы (бұдан әрі – уәкілетті орган) Қордың қаржылық жағдайының нашарлауына әкелген Қорға қатысушы сақтандыру ұйымдарының жөнсіздіктерін, Қорға қатысушы сақтандыру ұйымдары лауазымды тұлғаларының немесе қызметкерлерінің заңсыз әрекеттерін немесе әрекетсіздіктерін анықтаған жағдайда, уәкілетті орган Қорға қатысушы сақтандыру ұйымына мынадай шектеулі ықпал ету шараларының бірін қолданады:
      1) жазбаша ұйғарым;
      2) жазбаша келісім.
      3. Уәкілетті орган Қорға қатысушы сақтандыру ұйымына, бұрын оған ықпал ету шараларының қолданылғанына қарамастан, осы Ереженің 2-тармағында көрсетілген кез келген шектеулі ықпал ету шарасының біреуін қолданады.
      4. Уәкілетті орган қолданылған шектеулі ықпал ету шаралардың есебін жүргізеді.
      5. Қорға қатысушы сақтандыру ұйымдарына, анықталған Қазақстан Республикасының заңнамасын бұзушылықтарын, сондай-ақ шарттық міндеттемелерін бұзушылықтарын қатаң түрде белгіленген мерзімдерде жоюға бағытталған, орындалуы міндетті түзету шараларын қабылдау туралы және келешекте Қазақстан Республикасының заңнама бұзушылықтарына жол бермеу туралы нұсқау жазбаша ұйғарым болып табылады.
      Уәкілетті орган Қорға қатысушы сақтандыру ұйымдарының атына анықталған кемшіліктерді белгіленген мерзімде жоюға бағытталған, орындалуы міндетті түзету шараларын қабылдау туралы жазбаша ұйғарым шығарады.
      Түзету шаралары жазбаша ұйғарымда көрсетіледі және орындалуы міндетті мынадай шаралар болып табылады:
      1) Қор алдындағы міндеттемелерді орындау бойынша;
      2) анықталған уәкілетті органның нормативтік құқықтық актілердің талаптарын бұзушылықтарын жою бойынша;
      3) Қазақстан Республикасының заңнамасына сәйкес Қорға қатысушы сақтандыру ұйымдарына қойылатын басқа талаптарды орындау бойынша.
      Қорға қатысушы сақтандыру ұйымы уәкілетті органды жазбаша ұйғарымды, онда көрсетілген мерзімде орындағаны туралы хабардар етеді.
      Уәкілетті органның жазбаша ұйғарымы бойынша сотқа шағымдану, оның орындалуын тоқтата тұрмайды.
      6. Уәкілетті орган мен Қорға қатысушы сақтандыру ұйымы арасындағы анықталған жөнсіздіктерді және (немесе) кемшіліктерді жою қажеттілігі туралы және осы жөнсіздіктерді және (немесе) кемшіліктерді жою бойынша бірінші кезектегі шараларды бекіту туралы келісім – жазбаша келісім болып табылады. Жазбаша келісім екі тарап орын алған жөнсіздіктерді және (немесе) кемшіліктерді жою үшін оларды уәкілетті орган анықтаған сәттен бастап екі айдан артық уақыт қажет болады деген қорытындыға келген жағдайда жасалады.
      Уәкілетті орган Қорға қатысушы сақтандыру ұйымымен анықталған кемшіліктерді дереу жою қажеттілігі туралы және осыған байланысты бірінші кезектегі шараларды бекіту туралы жазбаша келісім жасасады.
      Жазбаша келісім Қорға қатысушы сақтандыру ұйымының басқару органының және (немесе) атқару органының бірінші басшысымен немесе оның орнындағы тұлғамен жасалады.
      Жазбаша келісімде Қорға қатысушы сақтандыру ұйымының басқару органы және (немесе) атқару органының кемшіліктерді жою, қаржылық жағдайын жақсарту бойынша жасалуы тиіс іс-әрекеттері мен оларды орындау мерзімдері көрсетіледі. Жазбаша келісімге сәйкес, Қорға қатысушы сақтандыру ұйымы оның талаптарын орындау бойынша өзіне міндеттеме қабылдайды.
      Жазбаша келісім мемлекеттік және орыс тілдерінде жасалады.

Қазақстан Республикасы Қаржы 
нарығын және қаржы ұйымдарын 
реттеу мен қадағалау агенттігі
Басқармасының 2010 жылғы     
1 наурыздағы № 26 қаулысына  
6-қосымша            

«Сақтандыру төлемдеріне кепілдік беру қоры» акционерлік қоғамы акционерлерінің жалпы жиналысы мен директорлар кеңесі қабылдайтын шешімдерді келісу ережесі

      1. Осы Ереже «Сақтандыру төлемдеріне кепілдік беру қоры туралы» Қазақстан Республикасының 2003 жылғы 3 маусымдағы Заңына (бұдан әрі - Заң), «Қаржы рыногы мен қаржылық ұйымдарды мемлекеттiк реттеу және қадағалау туралы» Қазақстан Республикасының 2003 жылғы 4 шілдедегі Заңына сәйкес әзірленді және «Сақтандыру төлемдеріне кепілдік беру қоры» акционерлік қоғамы (бұдан әрі – Қор) акционерлерінің жалпы жиналысымен және директорлар кеңесімен қабылданатын шешімдерді қаржы нарығын және қаржы ұйымдарын реттеу мен қадағалау жөніндегі уәкілетті органмен (бұдан әрі – уәкілетті орган) келісу тәртібін белгілейді.
      2. Қордың акционерлерінің жалпы жиналысымен және директорлар кеңесімен Заңның 4-бабының 2-тармағында көрсетілген мәселелер бойынша қабылданатын шешімдері Заңның 4-бабының 3-тармағына сәйкес уәкілетті органмен келісуге жатады.
      3. Акционерлердің жалпы жиналысымен немесе директорлар кеңесімен қабылданған шешімдерін келісуден бас тартылған жағдайда уәкілетті орган осындай шешімдерге қатысты тыйым салады, тыйым салудың дәлелді негіздемесі қоса ұсынылады.
      4. Уәкілетті органның келісуі туралы немесе келісуден бас тарту және тыйым салу туралы шешім жазбаша ресімделеді және оған уәкілетті органның басшысы не оның орнындағы тұлға қол қояды.
      5. Заңның 4-бабының 2-тармағында көрсетілген, қабылданған шешімдерді уәкілетті органмен келіспей Қормен жасалған мәмілелер Қазақстан Республикасының заңнамасына сәйкес жарамсыз болып саналады.
      6. Шешімді келісу үшін Қор акционерлердің жалпы жиналысының немесе директорлар кеңесі отырысының хаттамасына қол қойылған күннен бастап екі жұмыс күн ішінде оны уәкілетті органға, мынадай құжаттарды қоса бере отырып, ұсынады:
      1) дауыс беру қорытындысы туралы хаттама;
      2) негізінде хаттама жасалған, тікелей құпия және сырттай дауыс беру үшін толтырылған бюллетеньдер (оның ішінде жарамсыз деп танылған бюллетеньдер);
      3) жалпы жиналысқа қатысу және дауыс беру, сондай-ақ хаттамаға қол қою құқығына сенімхат;
      4) хаттамаға қол қоюдан бас тартудың себептерінің жазбаша түсініктемелері;
      5) күн тәртібінің мәселелері бойынша материалдар.
      7. Осы Ереженің 6-тармағында көрсетілген құжаттарды ұсынбаған не толық көлемде ұсынбаған жағдайда уәкілетті орган үш жұмыс күн ішінде Қорды жетіспейтін құжаттар туралы хабардар етеді.
      8. Қор уәкілетті органның жетіспейтін құжаттар туралы хабарламаны алған күннен бастап екі жұмыс күн ішінде жетіспейтін құжаттарды ұсынады.
      9. Уәкілетті орган Қормен соңғы құжат тапсырылған күнінен бастап он жұмыс күн ішінде шешімді келіседі не бас тартудың негіздемесін көрсете отырып, тыйым салу туралы шешім қабылдайды.
      10. Уәкілетті органның Қордың акционерлерінің жалпы жиналысының және директорлар кеңесінің шешіміне тыйым салу туралы шешімі бойынша Қазақстан Республикасының заңнамалық актілеріне сәйкес шағым жасалуы мүмкін. Бұл ретте көрсетілген шешім бойынша шағымдану тыйым салудың қолданылуын тоқтата тұрмайды.