Ескерту. Күші жойылды - ҚР Үкіметінің 31.12.2020 № 960 қаулысымен.

      "Жекелеген қару түрлерiнiң айналымына мемлекеттiк бақылау жасау туралы" Қазақстан Республикасының 1998 жылғы 30 желтоқсандағы

      Заңын орындау үшiн Қазақстан Республикасының Yкiметi қаулы етеді:

      1. Қоса берiлiп отырған:

      1) Қазақстан Республикасындағы қару мен оның патрондары айналымының ережесi;

      2) алып тасталды - ҚР Үкіметінің 04.02.2016 № 53 қаулысымен (алғашқы ресми жарияланған күнінен бастап қолданысқа енгізіледі);

      4) алып тасталды - ҚР Үкіметінің 04.02.2016 № 53 қаулысымен (алғашқы ресми жарияланған күнінен бастап қолданысқа енгізіледі);

      2. Қазақстан Республикасының Iшкi iстер министрлiгi азаматтық және қызметтiк қару мен оның патрондарының айналымына мемлекеттiк бақылауды ұйымдастыру мен оны жүзеге асыруды қамтамасыз етсiн.

      3. Қазақстан Республикасының Денсаулық сақтау iсi жөнiндегi агенттiгi жарақат салатын тегіс ұзын ұңғылы атыс, ұңғысыз атыс және газ қаруларының патрондарына медициналық-биологиялық және химиялық-аналитикалық сынақтар жүргiзiлуiн қамтамасыз етсiн.

      4. Қазақстан Республикасының Iшкi iстер министрлiгi Қазақстан Республикасының Қаржы министрлiгiмен келiсiм бойынша бiр айлық мерзiмде, "Жекелеген қару түрлерiнiң айналымына мемлекеттiк бақылау жасау туралы" Қазақстан Республикасының Заңында көзделген рұқсаттарды бергенi үшiн бiр жолғы алым мөлшерлерiн бекiту туралы, Қазақстан Республикасының Үкiметi қаулысының жобасын енгiзсiн.

      5. Қазақстан Республикасының Денсаулық сақтау iсi жөнiндегi агенттiгi бiр айлық мерзiмде, өзiн-өзi қорғау - жарақат салатын патрондары бар тегiс ұзын ұңғылы атыс, жарақат салатын, газбен және сәулемен, дыбыспен әсер ететiн патрондары бар ұңғысыз атыс қаруының зақымдағыш факторларының адамға әсер етуiнiң рұқсат етiлетiн нормаларын әзiрлесiн және бекiтсiн.

      6. Қосымшаға сәйкес Қазақстан Республикасы Yкiметiнiң кейбiр шешiмдерiнің күшi жойылды деп танылсын.

      7. Осы қаулы қол қойылған күнінен бастап күшiне енедi және жариялауға жатады.

ҚАЗАҚСТАН РЕСПУБЛИКАСЫНДАҒЫ ҚАРУ МЕН ОНЫҢ ПАТРОНДАРЫ
АЙНАЛЫМЫНЫҢ ЕРЕЖЕСI
1. Жалпы ережелер

      Ескерту. Мәтiндегi "Астана қаласының IIБ, Алматы қаласының IIББ", "Астана қаласы IIБ, Алматы қаласы IIББ" деген сөздер "Астана және Алматы қалаларының IIББ" деген сөздермен ауыстырылды - ҚР Үкіметінің 2003.11.11. N 1127 қаулысымен.
      Ескерту. Мәтiндегi "мемлекеттік өртке қарсы қызмет, санитарлық-эпидемиологиялық қадағалау органдары мен мекемелерінің", деген сөздер "өртке қарсы қызмет, санитарлық-эпидемиологиялық қадағалау органдарының" деген сөздермен ауыстырылды - ҚР Үкіметінің 2005.06.30. N 662 қаулысымен.
      Ескерту. Мәтiндегi "үш жыл" деген сөздер "бес жыл" деген сөздермен, "немесе нашақорлыққа" деген сөздер ", нашақорлыққа немесе уытқұмарлыққа" деген сөздермен, "аңшылық билетке", "аңшылық билетіне", "аңшылық билетінде", "аңшылық билетті", "аңшылық билетінсіз", "аңшылық билеті" деген сөздер тиісінше "аңшылық куәлікке", "аңшылық куәлігіне", "аңшылық куәлігінде", "аңшылық куәлікті", "аңшылық куәлігінсіз", "аңшылық куәлігі" деген сөздермен ауыстырылды - ҚР Үкіметінің 2007.12.29. N 1370 (ресми жарияланған күнінен бастап он күнтізбелік күн өткен соң қолданысқа енгізіледі) Қаулысымен.

      Осы Ереже "Жекелеген қару түрлерiнiң айналымына мемлекеттiк бақылау жасау туралы" Қазақстан Республикасының Заңына сәйкес қару мен оның патрондарын өндiрудi, сатуды (саудасы), берудi, сыйға тартуды, марапаттауды, мұраға ие болуды, сатып алуды, коллекциялауды, экспонаттауды, есепке алуды, сақтауды, алып жүрудi, тасымалдауды, пайдалануды, алып қоюды, жоюды, Қазақстан Республикасының аумағына әкелудi және Қазақстан Республикасының аумағынан әкетудi қоса алғандағы, айналымын реттейдi.

2. Қызметтiк қару мен оның патрондарын сатып алу құқығына
лицензия берудiң шарттары мен тәртiбi

      Ескерту. 2-тарау алынып тасталды - ҚР Үкіметінің 2007.08.13. N 692 (ресми жарияланған күннен бастап жиырма бір күнтізбелік күн өткен соң қолданысқа енгізіледі) Қаулысымен.

2-1. Заңды тұлғалардың азаматтық және қызметтік қару мен оның
патрондарын сатып алу тәртібі

      Ескерту. Ереже 2-1-тараумен толықтырылды - ҚР Үкіметінің 29.12.2016 № 909 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      "3-1. Ұйымдардың өздеріне заңнамада жүктелген және олардың жарғыларында (ережелерінде) көзделген азаматтардың өмірі мен денсаулығын, меншігін қорғау бойынша, қоршаған орта объектілері мен табиғи ресурстарды, құнды және қауіпті жүктерді, арнайы хат-хабарларды күзету бойынша жүктелген міндеттерді жүзеге асыру кезінде пайдалануына арналған қару мен оның патрондары жеткізуші заңды тұлғалардан ішкі істер органдарында оны сатып алуға рұқсат алған соң сатып алынуы мүмкін.

      3-2. Заңды тұлғаға қару мен оның патрондарын сатып алуға арналған рұқсатты ресімдеу үшін мыналар болуы қажет:

      1) мыналарды:

      толық сауалнамалық деректермен бірге, қаруға рұқсаты бар адамдар туралы мәліметтер, техникалық нығайту талаптарына сай келетін және осы Ереженің 7-9-тармақтарында жазылған талаптарға сәйкес өрт-күзет дабылдары құралдарымен жабдықталған қару мен оның патрондарын сақтау және (немесе) сату үшін арнайы жабдықталған үй-жайлардың кадастрлық нөмірі көрсетілген заңды тұлғаның сатып алуға рұқсат алуға арналған өтініш;

      2) техникалық нығайту талаптарына сай келетін және осы Ереженің 7-9-тармақтарында жазылған талаптарға сәйкес өрт-күзет дабылдары құралдарымен жабдықталған қару мен оның патрондарын сақтау және (немесе) сату үшін арнайы жабдықталған үй-жайларды жалға алу шартының көшірмесі;

      3) қаруға рұқсаты бар адамдардың қаруды иеленуге қарсы көрсетілімдердің жоқтығы туралы медициналық қорытынды;

      4) қаруға рұқсаты бар адамдардың қаруды қауіпсіз пайдалану қағидаларын білетіндігін тексеру туралы анықтама;

      5) қару мен оның патрондарын сатып алуға және сақтауға жауапты адамды тағайындау туралы бұйрық;

      6) жеткізілетін қару мен оқ-дәрілердің нақты түрлері мен модельдерін және олардың санын көрсете отырып, қару және (немесе) оның патрондарын жеткізуге немесе сатып алуға арналған шарт (келісімшарт) (қаруды әкелуді жүзеге асыратын заңды тұлғалар үшін) не қару мен оның патрондарын сатып алу-сату шарты (келісімшарты) (Қазақстан Республикасының аумағында қару саудасын жүзеге асыратын заңды тұлғалар үшін);

      7) денсаулық сақтау саласындағы уәкілетті органның жарақат салатын әсері бар патрондары бар қарудың және электр қаруының көрсетілген қарудың зақымдағыш факторларының адамға тигізетін жол берілген әсерінің белгіленген нормаларына сәйкестігі туралы қорытынды (қаруды сатуды жүзеге асыратын ұйым оны сатып алуға ниет білдірген кезде);

      8) осы Ережеге 17-қосымшаға сәйкес аумақтық ішкі істер департаменттерімен (тегіс ұңғылы қару үшін) және (немесе) Ішкі істер министрлігімен (ойық қару үшін) келісілген қару мен оның патрондарының қолда бар және қажетті саны туралы мәліметтер бланкілері (ерекше жарғылық міндеттері бар заңды тұлғалар үшін).

      Полицияның жауапты қызметкері "Жекелеген қару түрлерінің айналымына мемлекеттік бақылау жасау туралы" 1998 жылғы 30 желтоқсандағы Қазақстан Республикасы Заңының 12-бабына сәйкес өтініште ұсынылған қару мен оның патрондарына рұқсаты бар адамдарда соттылығының жоқтығы, қару мен оның патрондарын сақтауға және (немесе) сатуға арналған үй-жайлардың және қару мен оның патрондарын сатып алу құқығының болуы туралы мәліметтерді мемлекеттік ақпараттық жүйелермен салыстыра тексеруді жүзеге асырады.

      Осы тармақта көрсетілген құжаттар болғанда және өтініштегі мәліметтерде көрсетілген ақпараттар мемлекеттік ақпараттық жүйемен сәйкес келген кезде заңды тұлғаға азаматтық және қызметтік қаруды сатып алуға рұқсат беріледі.

3. Қызметтiк қару мен оның патрондарын сақтаудың тәртiбi

      4. Заңды тұлға қаруды сатып алған күннен бастап 7 күннің ішінде осы Ережеге 11-қосымшаға сәйкес оны сақтауға ішкі істер органынан рұқсат алады.

      5. Қаруды тіркеу кезінде ішкі істер органы қаруды сатып алудың заңдылығын растайтын құжаттар негізінде бес жыл мерзімге осы қаруды сақтауға рұқсат береді.

      6. Қаруды сақтауға рұқсат беру үшін:

      сатып алынған қарудың саны (әр бірлiктiң түрi, үлгiсi, моделi, жүйесi, калибрi, нөмiрі, шығарылған жылы) туралы;

      қаруды сақтау мен пайдалануға жауапты адам, сондай-ақ қаруды алуға рұқсаты бар адамдар, оның ішінде күзет қызметкерлері туралы мәліметтер (тегі, аты, әкесінің аты, туған күні мен жері), денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытынды, қаруды қауіпсіз ұстаудың ережелерін білетіндігін тексеру туралы және сотталмағандығы туралы анықтамалар көрсетілетін ұйым басшысының өтініші негіз болып табылады.

      Өтiнiшке ұйым басшысының қару мен оның патрондарының сақталуы үшiн жауапты адамды (адамдарды) тағайындау туралы бұйрығының көшiрмесi қоса тiркеледi.

      Қаруды сақтауға арналған жаңа объект ашылған кезде өтінішке iшкi iстер органдарының, мемлекеттік өртке қарсы қызмет, санитарлық-эпидемиологиялық қадағалау органдарының өкілдерi жасаған қару сақтауға арналған үй-жайдың жарамдылығы актілерi қоса тiркеледi.

      7. Қызметтiк қару мен оның патрондары арнайы жабдықталған қоймада сақталады, ол мынадай талаптарға сай болуы тиiс:

      1) басқа қосалқы, қызметтік үй-жайлардан оқшау болуы керек, қабырғалары қалың, төбе жабулары мен еденi берiк болуы тиiс. Iшкi қабырғалары (қоршаулары) беріктігі жағынан арасына болат тор өткiзiлген, әрқайсысының қалыңдығы 80 мм қосарланған гипсобетонды панельдерге немесе металл тормен арматураланған, қалыңдығы кемінде 120 мм кiрпiш қабырғаға тең болуы керек. Бұрын салынған ғимараттарда болат торлармен күшейтiлген тақтай қоршаулар жасауға рұқсат етiледi;

      2) екі есiгi болуы керек, бұл ретте сыртқысы - қаңылтырдың шеттерi есiктiң жақтауына қайтарылып, екі жағы мырышты болат қаңылтырмен сомдалған, қалыңдығы кемiнде 40 мм бір қабат тақтайдан, ал iшкiсi - болат тордан жасалады.

      Сыртқы есiк екi iшкi құлыппен жабылып, мөр немесе пломбы басылуы тиiс, iшкi торлы есік - iшкi немесе аспалы құлыппен жабылады.

      Қару-жарақ бөлмесi есiгiнiң ойығы (есiктiң қорабы) болат жиекпен жақтауланады. Бұрын салынған үй-жайларда көлемi 30х40 мм-ден, қалыңдығы 5 мм-ден кем болмайтын, қабырғаға диаметрi 10-12 мм арматуралы болат шегемен он жерден қағылған бұрыштама темiрмен күшейтiлген ағаш қораптарға рұқсат беріледі;

      3) үй-жайдың iшкi жағындағы терезе ойықтарында немесе жақтауларының арасында болат тор жүргiзiледi. Бiрiншi қабатта орналасқан бөлмелерде терезелері iшкi жағынан металл немесе екi жағынан мырышты болатпен қапталған ағаш қақпақпен жабдықталады. Торлардың ұшы қабырғаға кемінде 80 мм тереңдікке дейін қағылып және бетон құйып бекiтiледi. Терезенiң қақпақтары аспалы құлыппен жабылуы керек.

      Есiк, терезе ойықтарына және қабырғаны нығайту үшiн тартылатын торлар диаметрi кемiнде 15 мм болат шыбықтан жасалады. Шыбықтардың тор көздерi кемінде 150х150 мм-ден айқастырылып дәнекерленедi;

      4) екi және одан көп күзет-өрт белгі беру құралдарымен жабдықталады, ол электр қуатымен қамтамасыз ету қалқанына жасырын сым тарту арқылы орындалады, терезелерге, есіктерге, люктерге, қабырғаларға, төбеге, еденге қару мен патрондар сақталатын сейфтерді, шкафтарды ашқанда немесе бұзғанда, сондай-ақ бөлменің iшiнде адам жүргенде iске қосылатын хабарлағыштар орнатылады. Бұл үй-жайлар кезекші бөлімдеріндегі шығарылатын жұмыс орындары бар оператор-фирмалардың iшкi істер органдары күзет бөлiмшелерiнің күзетуiне берiлiп, белгiленген тәртiппен белгі беру құралдарының орталықтандырылған бақылау пультiне қосылады. Күзету белгi беру құралдарының шлейфін темiрбетонды және бетонды құрылыс конструкциялары бойынша тек қана бөлме iшiнде құбырмен жүргiзуге рұқсат етiледi;

      5) желдеткiш терезе, люк болған жағдайда, оларға бұл жүйелер арқылы өту мүмкiндiгiн болдырмайтын көлемi 100х100 мм-ден аспайтын тор көздерi бар болат тор орнатылады. Инженерлiк желiлердi тартуға арналған қабырғалардағы тесiктердiң диаметрi 200 мм-ден аспауы керек;

      6) қару мен патрондар сақтайтын бөлмеде өртке қарсы құралдар, мүлiктердiң тiзімдемесi болуы тиiс, онда шкафтардың, металл жәшiктердiң саны, олардың нөмiрлерi және қандай мөр басылғаны көрсетiледi;

      7) қару мен оның патрондары бар қару-жарақ бөлмесi және металл шкафтар (сейфтер) кiлттерiнiң екi жинағы болуы тиiс.

      Кiлттердiң бiр жинағы қару мен оның патрондарын сақтауға жауапты адамда, екiншiсi - атына сақтау рұқсаты берiлген ұйым басшысының мөрленген сауытында ұдайы сақталады.

      Қару-жарақ бөлмесiнiң, қару мен патрондар бар металл шкафтардың, сейфтердiң кiлттерiн столдарда және бөгде адамдардың қолы жететiн өзге де жерлерде қалдыруға тыйым салынады.

      8. Қару мен патрондар қабырғасының қалыңдығы кемiнде 3 мм, ішкi құлыптары (кемiнде екi) берiк жабылатын металл шкафтарда (сейфтерде) сақталуы керек. Шкафтардың есiктерi мықты болу үшiн болат бастырмамен немесе бұрыштамалармен нығайтылады. Қаруды жөндеу шеберханаларында қаруды сақтауды қоспағанда, шкафтардың есіктерінің ішкі жағында нөмірлері бойынша оның тізімдемесі болуы тиіс. Қаруды бiр iшкi құлпы бар, салмағы кемiнде 700 кг ауыр сейфтерде сақтауға болады.

      9. Қарумен және патрондармен бiрге қару-жарақ бөлмесiнiң темiр тормен бөлiнген бөлiгiнде сақтауға болатын пневматикалық қару, арнаулы құралдар, радиостанциялар мен дозиметриялық аспаптарды қоспағанда, басқа бұйымдарды сақтауға тыйым салынады. Қарудың патрондары қарудан бөлек металл жәшiкте, шкафта сақталуы тиiс.

      Сүрту материалдары, май және сiлтiлер, қаруды тазалау мен майлауға арналған бұйымдар қару мен патрондардан бөлек, ол үшiн арнайы бөлiнген жерде сақталады.

      10. Банк басқармаларында, бөлiмшелерiнде, филиалдарында қару мен патрондар темiр-бетонды қоймаларда сақталады. Қоймалар болмаған жағдайда қару мен оның патрондарын (орталықтандырылған бақылау пультіне шығарылған күзету белгi беру құралдары болған жағдайда) iшкi немесе жапсырма темiр-бетон шкафтарда (кассаларда) немесе салмағы кемiнде 700 кг ауыр сейфтерде сақтауға рұқсат етіледi. Байланыс тораптарында, фельдъегерлiк қызметтерде, арнайы байланыс бөлiмшелерiнде, автономиялық күзету белгi беру құралдары мен салмағы кемiнде 700 кг ауыр сейфтер болған жағдайда қару мен патрондарды сақтауға рұқсат етiледi.

      11. Қызметтiк қару мен оның патрондарын сақтауға арналған үй-жай болмаған жағдайда ұйымдарға орталықтандырылған сақтау пункттерi жабдықтарын пайдалануға рұқсат етiледi. Мұндай пункттер "Динамо" дене тәрбиесi-спорт қоғамының базасында, жеке күзет ұйымдарында шарттық негiзде құрылуы мүмкiн. Орталықтандырылған сақтау пунктiнде қару мен патрондар осы Ереженiң 7-9-тармақтарында белгiленген тәртiппен сақталады. Қаруды орталықтандырылған сақтау пунктiне тапсыру акт бойынша ресiмделедi. Онда қару мен оның патрондарын сақтайтын әрбiр ұйым үшiн жеке металл шкафтар немесе бокстар бөлiнуi тиiс.

      12. Әскерилендiрiлген күзет жасақтарында (командаларында) атыс қаруы мен патрондар (оның iшiнде азайтылмайтын қор) осы Ереженiң 7-9-тармақтарында жазылған талаптарға сәйкес сақталады.

      Қару-жарақ бөлмесiн орталықтандырылған бақылау пультiне шығатын дабыл белгiсiмен жабдықтау мүмкiн болмаған жағдайда оның қабырғаларына, төбесiне, терезелерiне хабарлағыштар орнатылып, қарауыл үй-жайынан (күзет қосынан) басқа жақын жердегi қарулы қосқа да шығарылған жеке дабыл белгiсiмен жабдықталады.

      13. Оқу мақсатында (практикалық атыстар), спорт жарыстарында немесе қызмет өткеру уақытында қару қолдану нәтижесiнде жұмсалған, сондай-ақ жоғалған патрондар акт бойынша есептен шығарылады, оған тарату-тапсыру ведомосы, ал қажет болған жағдайда, қаруды қолдану немесе патрондарды жоғалту себептерi туралы қызметтiк тексеру материалдары қоса тiркеледi. Акт атыс жүргiзiлген кейiнгi келесi күннен кешiктiрiлмей жасалады, оны ұйым басшысы бекiтедi және қаруды сақтауға жауапты адамда сақталады. Қаруды есепке алу кiтабында патрондарды есептен шығару туралы тиiстi белгiлер қойылады.

      14. Алынып тасталды - ҚР Үкіметінің 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулысымен.

      15. Iшкi iстер органдарымен келiсу бойынша қызметтiк ойық және тегiс ұңғылы қару (карабиндер, винтовкалар, тапаншалар, револьверлер, мылтықтар) мен оның патрондарын мемлекеттік орман қоры учаскелерін және жануарлар әлемі объектілерін тікелей күзетуді, қорғауды жүзеге асыратын орманды күзету және қорғау инженерлерінің, орманшылардың, орман шеберлерінің, орман күтушілерінің, мемлекеттік инспекторлардың (қорықшылардың), аңшылық мамандарының, инспекторлардың, аңшылық және балық шаруашылықтары қорықшыларының тұрғылықты жерлерiнде сақтауға болады.

      Бұл ретте атыс қаруы осы Ереженің 91-тармағының талаптарына сәйкес сақталады.

      Мемлекеттік орман қоры учаскелерін және жануарлар әлемі объектілерін тікелей күзетуді, қорғауды жүзеге асыратын орманды күзету және қорғау инженері, орманшы, орман шебері, орман күтушісі, мемлекеттік инспектор (қорықшы), аңшылық маманы, инспектор, аңшылық және балық шаруашылықтарының қорықшысы ұзақ уақыт (он күннен астам) болмаған кезеңде (іссапар, демалыс, емделу, әскери қызмет өткеру) қару осы қаруды сақтауға рұқсат берілген ұйымның қару-жарақ бөлмесіне тапсырылады.

4. Қызметтiк қару мен оның патрондарын есепке алудың тәртiбi

      16. Қаруды сақтайтын және пайдаланатын ұйымдарда қызметтік қару мен оның патрондарын есепке алу осы Ережеге 18-қосымшаға сәйкес қаруды сақтайтын және пайдаланатын ұйымдарда қару мен оның патрондарын есепке алу кітабында және осы Ережеге 19-қосымшаға сәйкес қару мен оның патрондарын беру және қабылдау журналында жүргізіледі, олар нөмiрленеді, тігіледі және аумақтық iшкi iстер органының "Лицензиялық-рұқсат жүйесі" деген бедерi бар арнайы мөрi басылады.

      17. Ұйымдар бұдан әрі пайдалануға жарамсыз қызметтiк қару мен оның патрондарын облыстардың, Алматы, Астана қалаларының және Көліктегі ішкі істер департаменттері (бұдан әрі - ІІД (К) шаруашылық бөлiмдерiнiң қоймаларына одан әрi жою үшiн тапсырылады. Жою тәртiбiн қару айналымын бақылау саласындағы өкiлеттi орган анықтайды.

      Ескерту. Қарудың пайдалануға жарамдылығын iшкi iстер органдарының аталған бөлімшелерiнiң техникалық комиссиялары анықтайды.

      Ұйымдарға тиесiлi басы артық, бiрақ бұдан әрi пайдалануға жарамды қызметтiк қару мен оның патрондары тек қана оны сақтауға рұқсат берген ішкi iстер органының рұқсаты (жолдамасы) бойынша басқа ұйымдарға берiледі немесе сатылады.

      18. Қару мен оның патрондарын есепке алудың, сақтаудың және дұрыс пайдаланудың жай-күйiне ұйым басшылары, ал әскерилендiрiлген күзет жасақтарында - жасақ (бөлiмше) бастықтары жауапты болады, олар қару немесе оның патрондары ұрланған немесе жоғалған жағдайларда ол туралы аумақтық iшкi iстер органдарына дереу хабарлауға және оларды iздестiру шараларын қолдануға мiндеттi.

      19. Ойық ұңғылы қызметтiк атыс қаруы мiндеттi түрде тексеру атысынан өтуi тиіс. Атылған оқтар мен гильзалар ІІД, (К) қару-жарақ қызметтерiнде сақталады.

      Тексеру атысын iшкi iстер органдары жүргiзедi, атыстың қайталану кезеңi - 5 жылда бiр рет. Оларды өткiзу үшiн ұйым қару-жарақты атыс орнына тасымалдауды қамтамасыз етедi.

      Жауынгерлiк қол атыс қаруы мен оның патрондарын, сондай-ақ суық қаруды сақтау, есепке алу және пайдаланудың тәртiбi заңнамаға сәйкес айқындалады.

5. Қызметтiк қару мен оның патрондарын берудiң тәртiбi

      20. "Жекелеген қару түрлерінің айналымына мемлекеттік бақылау жасау туралы" Қазақстан Республикасы Заңының 12-бабының 2) – 8), 11) тармақшаларында көрсетілген заңды тұлғалар қайта ұйымдастырылған немесе таратылған кезде азаматтық және қызметтік қару мен оның патрондарын оларды сатып алуға рұқсаттары бар субъектілерге бере алады.

      Қару немесе патрондарды берген заңды тұлғалар бұл туралы қару есепте тұрған ішкі істер органына берілген қарудың санын, әрбір бірлігінің маркасын, калибрі мен нөмірін, патрондардың санын, маркасын, калибрін көрсете отырып, жеті күн мерзімде жазбаша хабарлайды. Хабарламаға қайта ресімдеу үшін қаруды сақтауға рұқсаты, сондай-ақ оның негізінде беру жүзеге асырылған құжаттар қоса беріледі.

      Ерекше жарғылық міндеттері бар заңды тұлғалар, күзет қызметінің субъектілері ішкі істер органдарымен келісу бойынша өздерінің балансындағы азаматтық және қызметтік қаруды аумақтық тиесілігіне қарамастан, өздерінің филиалдарына, өкілдіктеріне (бұдан әрі – филиалдар, өкілдіктер) бере алады.

      Филиалдар мен өкілдіктердің қаруды сақтауы осы Ереженің 3-бөлімінің талаптарына сәйкес жүзеге асырылады.

      Қаруды сақтауға рұқсат беру және оны филиалға және өкілдікке тіркеу үшін заңды тұлға осы Ережеге 17-қосымшаға сәйкес қару мен оның патрондарының қолда бар және қажетті саны туралы мәліметтердің толтырылған бланкін ішкі істер органына келісу үшін ұсынады. Филиал мен өкілдіктің азаматтық және қызметтік қаруды сатып алуға рұқсат алуы талап етілмейді.

      Қаруды тіркеген ішкі істер органының қызмет көрсету аумағынан тыс қызметті жүзеге асыру үшін қызметтік қаруды уақытша әкетуді заңды тұлға қаруды әкету орны бойынша тіркеусіз және қару мен оның патрондарының қолда бар және қажетті санын келісусіз жүзеге асырады.

      Бұл ретте заңды тұлға осы Ереженің 3-бөліміне сәйкес қызметтік қару мен оның патрондарын сақтау бойынша талаптардың орындалуын қамтамасыз етеді.

      Қызметтік қаруды сақтауға және алып жүруге рұқсаттарды беруді оны тіркеген ішкі істер органы жүзеге асырады.

      Республикалық спорт ұйымдары ішкі істер органдарымен келісу бойынша өздерінің балансындағы спорттық қаруды өңірлік спорт ұйымдарына бере алады.

      Бұл ретте өңірлік спорт ұйымдары аумақтық ішкі істер органында азаматтық және қызметтік қару мен оның патрондарын сатып алуға рұқсат алады.

      Басқа жағдайларда азаматтық және қызметтік қару мен оның патрондары олардың ведомстволық тиесілігіне қарамастан, оны бір заңды тұлғадан екіншісіне беру мақсатында ішкі істер органының жолдамасы бойынша қару сататын мамандандырылған дүкен арқылы сатылады.

      21. Ұйым басшылары ұйымның (ерекше жарғылық мiндеттерi бар заңды тұлғалардың) штат қызметкерлерiне өз функцияларын атқару кезеңiнде қару бередi. Қару қызметкерлерге тиiстi дайындықтан өткеннен кейiн берiледi. Бұл қызметкерлер атыс қаруын қолданумен байланысты жағдайлардағы iс-әрекетке жарамдылығы бойынша мезгiл-мезгiл тексеруден өтiп отыруға мiндеттi және iшкi iстер органдарының қызметтiк қаруды сақтауға және алып жүруге берген рұқсаты болуы керек.

6. Қызметтiк қару мен оның патрондарын алып жүру құқығына
рұқсат беру тәртiбi

      22. ІІД (К) ұйымдар басшыларының ұсынымхаттары бойынша бұл ұйымдардың осы Epeжeгe 2, 4, 6, 7-1, 7-2, 9 және 10-қосымшаларда көрсетiлген қызметкерлерiне қызметтік қаруды сақтау мен алып жүруге рұқсаттар бередi.

      Ұйым басшыларының өтініштеріне қажетті құжаттар (адамдардың тегі, аты, әкесінің аты, туған күні мен жері көрсетілген тізімдер) денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытынды, күзетші ретінде жұмыс істеу үшін дайындықтан өткендігін растайтын куәлік және Қазақстан Республикасының азаматтығын растайтын құжаттар;

      қаруды қауiпсiз ұстаудың ережелерiн бiлетiндiгiн тексеру туралы анықтама; ұйым басшысының адамды лауазымға тағайындау туралы және қызметтiк қаруды жеке бекiтiп беру туралы бұйрықтарының көшiрмелерi; көлемi 3х4 см екi фотосурет) қоса тiркеледi.

      Iшкi iстер органы өтiнiш пен құжаттар келiп түскен күннен бастап бiр ай iшiнде тапсырылған материалдарды қарайды және рұқсаттар бередi, ал бас тарту жағдайында оның себептерiн көрсете отырып, ол жөнiнде ұйымға хабарлайды.

      Қызметтік қаруды сақтауға және алып жүруге рұқсатты ішкі істер органдары осы Ережеге 12-қосымшаға сәйкес "Қызметтік міндеттерін орындау кезінде қолданылады" деген мөртабан қоя отырып, бес жыл мерзімге береді.

      22-1. Қаруды сақтауға, сақтау мен алып жүруге рұқсаттардың қолданылуын тоқтата тұру, қалпына келтіру және тоқтату, сондай-ақ оларды беруден бас тарту "Жекелеген қару түрлерінің айналымына мемлекеттік бақылау жасау туралы" Қазақстан Республикасының Заңы 19-бабының талаптарына сәйкес жүргізіледі.

      23. Алынып тасталды - ҚР Үкіметінің 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулысымен.

7. Қызметтiк қару мен оның патрондарын пайдаланудың тәртiбi

      24. "Қазақстан Республикасының мемлекеттiк қызметі туралы" 2015 жылғы 23 қарашадағы Қазақстан Республикасының Заңына сәйкес лауазымдары саяси мемлекеттiк қызметшiлерге жатқызылған мемлекеттік органдардың лауазымды адамдарының, Қазақстан Республикасының Парламентi депутаттарының жеке қауiпсiздiгiн қамтамасыз ету мақсатында пайдалануына арналған қызметтік қаруды Қазақстан Республикасының Ішкі істер министрлігі беретін рұқсаттар бойынша мынадай тәртіппен:

      депутаттарға - Қазақстан Республикасының Парламентi;

      мемлекеттiк қызмет туралы заңнамаға сәйкес лауазымдары саяси мемлекеттiк қызметшiлерге жатқызылған мемлекеттiк органдардың лауазымды адамдарына - Қазақстан Республикасы Президентінiң Іс Басқармасы, Премьер-Министрiнің Кеңсесі сатып алады.

      Қызметтiк қаруды (қысқа ұңғылы ойықты атыс қаруын) сақтау мен алып жүруге мынадай құжаттардың:

      өтiнiш;

      кадрларды есепке алу жөнiндегi жеке парақ (сауалнама);

      денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытынды;

      қаруды қауiпсiз ұстаудың ережелерiн бiлетiндiгiн тексеру туралы анықтамалар;

      3х4 см екi фотосурет;

      түрi, үлгісі, моделі, жүйесi, калибрі, нөмiрi көрсетiле отырып, қарудың бекiтiлiп берiлгенi туралы бұйрықтың көшiрмесi негiзiнде берiледi.

      Қазақстан Республикасы Парламентiнiң депутаттарына және "Мемлекеттiк қызмет туралы" Қазақстан Республикасының Заңына сәйкес лауазымдары саяси мемлекеттiк қызметшiлерге жатқызылған мемлекеттiк органдардың лауазымды адамдарына қызметтiк қаруды (қысқы ұңғылы ойықты атыс қаруы) сақтау мен алып жүруге рұқсатты Қазақстан Республикасының Iшкi iстер министрi, оның орынбасарлары - бередi.

      Мемлекеттік қызмет туралы" Қазақстан Республикасының Заңына сәйкес лауазымдары саяси мемлекеттік қызметшілерге жатқызылған облыстардың, астананың және республикалық маңызы бар қаланың мемлекеттік органдарының лауазымды адамдарына қызметтік қаруды (қысқы ұңғылы ойықты атыс қаруы) сақтау мен алып жүруге рұқсатты ІІД бастықтары береді.

      Мемлекеттiк қызмет туралы заңнамаға сәйкес лауазымдары саяси мемлекеттiк қызметшiлерге жатқызылған мемлекеттiк органдардың лауазымды адамдарының - Қазақстан Республикасы Парламентi депутаттарының, прокурорлардың жеке қауiпсiздiгiн қамтамасыз ету мақсатында пайдалануға арналған қызметтiк қару осы Ережелердiң 7-9 тармақтарында жазылған талаптарға сәйкес сақталады.

      Ескерту. Қызметтік қаруды (бiр бiрлiктен артық емес) сақтау мен алып жүруге рұқсат бес жыл мерзiмге берiледі.

      Қару мен оның патрондарын алып қою Қазақстан Республикасының "Жекелеген қару түрлерiнiң айналымын мемлекеттiк бақылау туралы" Заңының 20-бабына сәйкес жүргiзiледi.

8. Қызметтiк қару мен оның патрондарын тасымалдаудың тәртiбi

      25. Қаруды, аңшылық оқ-дәрiнi, жабдықталған патрондарды автомобиль көлiгiмен тасымалдау кезiнде ұйым басшысы тасымалдауға жауапты адамды тағайындайды және жол бойында тиiстi қарулы күзетпен қамтамасыз етедi.

      25-1. Осы Ережеге 13-қосымшаға сәйкес қару мен оның патрондарын тасымалдауға рұқсатты ішкі істер органы 15 күн мерзімге береді және ол Қазақстан Республикасының барлық аумағында қолданылады.

      26. Аңшылық оқ-дәріні, жарақталған патрондарды Қазақстан Республикасының аумағы арқылы автомобиль көлігімен тасымалдау автомобиль көлігі саласындағы уәкілетті орган бекіткен Автомобиль көлігімен қауіпті жүктерді тасымалдау қағидаларына сәйкес жүзеге асырылады.

      Тасымалданатын қару мен патрондар қорапқа орап салынады, оған жүк тасымалдаушы ұйым мөр басады немесе пломбалайды.

      Оқ-дәріні тасымалдаған кезде жүру бағыты жол жүрісі қауіпсіздігін қамтамасыз ету жөніндегі уәкілетті органмен келісіледі.

      27. Қол жүгi ретiнде темiржол және су жолдары арқылы тасымалданатын патрондардың, оқ-дәрiнiң саны мынадай:

      барлық калибрлi атыс қаруының патрондары - 10 кг;

      түтiнсiз оқ-дәрi - 10 кг;

      түтiндi оқ-дәрi бұйымдары - 5 кг;

      түтiндi оқ-дәрi - 5 кг салмақтан аспауы керек.

      Ескерту. Қол жүгi ретiнде тасымалдауға берiлген рұқсатта тек қана жүктiң таза салмағы көрсетiледi (металл гильзалар, жәшiктер және т.б. жүктің салмағына кiрмейдi).

      28. Қаруды (оның негізгі (құрамдас) бөлшектерін) және оның патрондарын пошта арқылы, оның ішінде халықаралық пошта арқылы жөнелтуге жол берілмейді.

      29. Қызметтік қаруды, патрондарды, оқ-дәріні түрлі көліктермен тасымалдау көліктің осы түрі үшін белгіленген қағидаларға сәйкес жүргізіледі. Қару оқсыз, қапталған түрде, ал патрондар қорапқа орап салынып тасымалданады.

      30. Жүкке ерiп жүретін қызметкерлер белгiленген пунктке барған және жүк күзетумен байланысты жұмыс аяқталған кезде қызметтiк қаруды уақытша сақтау үшiн жүктi қабылдап алған ұйымның қару бөлмесiне немесе жергiлiктi iшкi iстер органына тапсырады.

      Жауынгерлiк қол атыс қаруы мен оның патрондарын, сондай-ақ суық қаруды тасымалдау тәртiбi заңнамада белгiленедi.

9. Спорттық қаруды сатып алу, сақтау, есепке алу және тасымалдау тәртiбi

      Ескерту. 9-бөлімнің тақырыбы жаңа редакцияда - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      31. Спорттық атыс қаруын (үрлемелі қуаты 3 Дж бастап 7,5 Дж дейінгі және калибрі 4,5 мм аспайтын пневматикалық қарудан басқа) және оның патрондарын сатып алуды спорттық ұйымдар ішкі істер органдары беретін рұқсаттар бойынша осы Ережеге 9-қосымшада көрсетілген түрлеріне, типтеріне, модельдеріне және санына сәйкес жүзеге асырады.

      Лақтырылатын қаруды (арқанының керілу күші 14 кг жоғары садақтар мен арбалеттерді) спорттық ұйымдар ішкі істер органдары беретін рұқсаттар бойынша сатып алады.

      Спорттық атыс және лақтырылатын қаруды сатып алу, сақтау және тасымалдау осы Ереженің 4, 5, 6, 8, 9-тармақтарында, 8 және 9-бөлімдерінде белгіленген тәртіппен жүзеге асырылады.

      31-1. Қаруды есепке алу үшін спорт ұйымында осы Ережеге 18-қосымшаға сәйкес қаруды сақтайтын және пайдаланатын ұйымдарда қару мен оның патрондарын есепке алу кітабы және осы Ережеге 19-қосымшаға сәйкес қару мен оның патрондарын беру және қабылдау журналы жүргізіледі, олар нөмiрленеді, тігіледі және аумақтық iшкi iстер органының "Лицензиялық-рұқсат жүйесі" деген бедерi бар арнайы мөрi басылады.

      32. Спорттық ұйымдардың қару мен патрондарды тасымалдауға жауапты лауазымды адамдары жарыстарды немесе оқу-жаттығу жиындарын өткiзу пунктiне келгеннен кейiн, өздерi әкелген қаруды және оның патрондарын тасымалдау құқығын беретiн рұқсатпен бiрге жарыстар немесе жиындар өтетiн жердегi арнайы жабдықталған үй-жайға уақытша сақтауға дереу тапсыруға мiндеттi.

      Қару мен патрондарды спорт делегациялары (командалары) орналасқан қонақ үйлерiнде, жатақханаларда, спорт лагерьлерiнде және басқа демалыс орындарында сақтауға тыйым салынады.

      Жиындар (жарыстар) өту кезінде қарудың сақталуына жауапты адамдар қаруды күнделiктi күзетке тапсыру алдында қару мен оның патрондарын беру және қабылдау журналына сәйкес барлық атыс қаруы бiрлiктерінiң болуын тексеруге мiндеттi.

      32-1. Спорттық мақсаттар үшін лақтырылатын қаруды (көрмесінің тартылу күші 14 кг жоғары садақтар мен арбалеттерді) сатып алуға, сақтауға, сақтау мен алып жүруге Қазақстан Республикасының 16 жасқа толған азаматтарының да құқығы бар.

      Сатып алынған лақтырылатын қару (садақтар мен арбалеттер) сатып алынған күннен бастап бір апта мерзімде тұрғылықты жері бойынша ішкі істер органдарында тіркелуі тиіс.

      Лақтырылатын қаруды (садақтар мен арбалеттерді) сатып алу, алып жүру және сақтау, тасымалдау осы Ереженің 79-101-тармақтарына сәйкес жүзеге асырылады.

      Лақтырылатын қаруды пайдалануға тек тиісті спорттық объектілерде ғана рұқсат етіледі.

10. Азаматтық және қызметтiк қару мен оның патрондарын
өндiруге, өңдеуге және жөндеуге лицензия берудiң шарттары мен
тәртiбi

      Ескерту. 10-тарау алынып тасталды - ҚР Үкіметінің 2007.08.13. N 692 (ресми жарияланған күннен бастап жиырма бір күнтізбелік күн өткен соң қолданысқа енгізіледі) Қаулысымен.

11. Азаматтық және қызметтiк қару мен оның патрондарын сатуға
(саудасына) лицензия берудiң шарттары мен тәртiбi

      Ескерту. 11-тарау алынып тасталды - ҚР Үкіметінің 2007.08.13. N 692 (ресми жарияланған күннен бастап жиырма бір күнтізбелік күн өткен соң қолданысқа енгізіледі) Қаулысымен.

12. Азаматтық және қызметтiк қаруды, оның патрондарын
коллекциялау мен экспонаттауға лицензиялар берудiң тәртiбi мен
шарттары

      Ескерту. 12-тарау алынып тасталды - ҚР Үкіметінің 2007.08.13. N 692 (ресми жарияланған күннен бастап жиырма бір күнтізбелік күн өткен соң қолданысқа енгізіледі) Қаулысымен.

13. Азаматтық, қызметтiк қару мен оның патрондарын
коллекциялау мен экспонаттаудың тәртiбi

      47. Коллекциялық атыс қаруы қару-жарақ шеберханаларында:

      жазулары мен таңбаларына зақым келтiрiлмей қарудың қазыналық бөлiгiнде диаметрi кемiнде 5 мм саңылау бұрғылау;

      шаппасын алып тастау немесе кесу арқылы атуға жарамсыз күйге келтiрiлуге тиiс.

      Музейлерде экспонатталатын азаматтық және қызметтік қару көрмелер, сауда көрмелері немесе аукциондар ұйымдастыру кезінде:

      қарудың соққылау-жіберу тетігінің бөлшектерін алып тастау;

      қарудың тетіктеріне, ұңғысына атыс жүргізуге жол бермейтін ендірмелер қою арқылы атуға жарамсыз күйге келтiрілуге тиiс, бұл ретте ендірмелердің конструкциясы оларды қосымша құралдарсыз алуға мүмкіндік бермеуге тиіс.

      Атыс қаруының патрондары музейлерде оқталмаған (оқ-дәрiсiз) күйінде ғана экспонатталады.

      48. Бұрынғы ұрыс орындарынан табылған, азаматтардың сыйға тартқан, iшкi iстер органдарында тiркелмеген қаруды экспонаттау үшін пайдалануға тыйым салынады.

      49. Коллекциялық қару иесiнiң қаруды тек қана коллекциялауға ішкi iстер органының лицензиясы бар адамның меншiгiне тапсыруға құқығы бар.

      50. Коллекциялық қару ұрланған немесе жоғалған жағдайда иесi коллекциялауға лицензия берген аумақтық iшкi істер органына дереу мәлiмдеуге мiндеттi.

      51. Экспонаттауға лицензиясы бар заңды және жеке тұлғалар көрме, сауда көрмесi немесе аукцион ұйымдастырған кезде:

      1) үй-жайды жалға алу, қару мен патрондарды экспонаттау тәртiбi, олардың сақталуын қамтамасыз ету туралы шарттар жасасуы;

      2) шетелдік қатысушылар үшін оларға тиесілі қаруды Қазақстан Республикасының аумағына әкелуге және Қазақстан Республикасынан әкетуге аумақтық ішкі істер органынан қорытынды, сондай-ақ оны тасымалдауға рұқсат алуы;

      3) көрме, сауда көрмелерi немесе аукцион өтетiн жердегi iшкi iстер органдарына экспонаттау жоспарлары мен экспозицияларды орналастыру сызбасын келiсу үшiн ұсынуға, сондай-ақ көрме, сауда көрмелерi немесе аукцион өткiзу кезеңiне осы Ережеде белгіленген тәртiппен қару мен оның патрондарын сақтау үшiн рұқсат алуы;

      4) экспонатталатын қару мен патрондар орналастырылған және сақталатын жерлерге бөтен адамдардың рұқсатсыз кіруiне жол бермеуі;

      5) қару мен патрондар экспозицияларын ашық сөрелер мен стендiлерде орналастырған жағдайда, көрме, сауда көрмелерi немесе аукцион жұмысы аяқталғаннан кейiн күн сайын қару мен патрондардың сақталуын қамтамасыз ету жөнiндегi талаптарға сәйкес қару мен патрондарды жабдықталған үй-жайларға сақтау үшiн тапсыруы;

      6) музейлерде, көрме, сауда көрмесін немесе аукцион ұйымдастыру кезінде азаматтық және қызметтік қару мен оның патрондарын атуға жарамсыз күйінде экспонаттау қажет.

      Жауынгерлiк қол атыс қаруы мен оның патрондарын коллекциялаудың және экспонаттаудың лицензиялары Қазақстан Республикасының заңнамасында белгiленген тәртiппен берiледi.

14. Жөндеу шеберханасындағы азаматтық және қызметтiк қаруды
есепке алудың тәртiбi

      52. Қару жөндеу шеберханасын ашуға лицензия беруге жауапты адам және шеберханада жұмыс істейтін адамдар туралы (тегi, аты, әкесiнің аты, туған күнi мен жерi, тұрғылықты мекен-жайы) мәлiметтер көрсетiлген шеберхананы ашушы ұйым басшысының өтiнiшi негiз болып табылады. Өтiнішке комиссияның үй-жайды қабылдап алу туралы актісі қоса тiркеледi.

      Yй-жайдың қару жөндеу шеберханасы ретiнде жұмыс iстеуге жарамдылығын құрамында iшкi iстер органдарының, мемлекеттік өртке қарсы қызмет, санитарлық-эпидемиологиялық қадағалау органдарының және шеберхананы ашушы ұйымның өкiлдерi бар комиссия анықтайды.

      53. Осы Ереженiң 7-8-тармақтарында жазылған талаптарға жауап беретiн арнайы жабдықталған үй-жайлар болған кезде қаруды қару жөндеу шеберханасында сақтауға жол берiледi.

      54. Қаруды (оның ішінде аңшылық қаруларды) жөндеуге:

      1) ішкі істер органының қаруды сақтауға, сақтау мен алып жүруге рұқсаты және жеке басын куәландыратын құжаттары болғанда - азаматтардан;

      2) қарудың сақталуына жауапты адамда қаруды сақтауға ішкі істер органының рұқсаты, ұйым басшысының ілеспе хаты, сенімхат және жеке басын куәландыратын құжаты болғанда - ұйымдардан қабылдау жүргізіледі.

      Ескерту. Тіркелмеген қару жөндеуге тапсырылған жағдайда шеберхана әкiмшiлігі осы қаруды тапсырған адам туралы iшкi iстер органына дереу хабарлайды.

      55. Қару шеберханасында жөндеуден өткеннен кейiн қару:

      1) шеберхананың түбіршегi, қаруды сақтауға немесе сақтау мен жүруге iшкi iстер органының рұқсаты және жеке басын куәландыратын құжаты болғанда - азаматтарға;

      2) шеберхананың түбіршегi, қаруды сақтауға iшкi iстер органының рұқсаты, сенiмхат және жеке басын куәландыратын құжаты болғанда - ұйым өкiлдерiне берiледi.

      Ескерту. Ойық ұңғылы қарудың iз қалдыратын бөлiктерi жөндеуден өткен жағдайда тексеру атысын жүргiзу үшiн міндеттi түрде iшкі істер органдарын хабардар ету қажет.

      56. Жөндеуге қару тапсырған қару иесiнiң немесе ұйым өкiлiнің тапсырысты орындау түбiршегiнде көрсетiлген мерзiм еткеннен кейін отыз күн iшiнде келмеген жағдайда қару тиiстi тексерулердi жүзеге асыру үшiн аумақтық iшкi iстер органына тапсырылады.

      57. Жөндеуге келiп түскен қаруды есепке алу үшiн қару жөндеу шеберханасында осы Ережеге 20-қосымшаға сәйкес нөмiрленген, тігiлген және шеберхананың жұмыс iстеуiне лицензия берген iшкi iстер органының "Лицензиялық-рұқсат ету жүйесi" деген бедерi бар арнайы мөрi басылған қару жөндеу шеберханасына келiп түскен қаруды есепке алу кiтабы жүргiзiледi.

      58. Азаматтық және қызметтік қару мен оның патрондарын, суық қаруды, сондай-ақ газды қару мен оның патрондарын жасауға лицензиясы бар заңды тұлғалар мыналарды жүзеге асырады:

      а) қарудың немесе патрондардың жаңа үлгiлерi мен модельдерiн жасаумен байланысты зерттеудi;

      б) тәжiрибелiк-конструкторлық жұмыстар жүргiзу процесiнде қарудың немесе патрондардың жаңа үлгiлерi мен модельдерiнiң тәжiрибелік үлгiлерiн әзiрлеудi, сондай-ақ қаруды немесе патрондарды өндіруге ғылыми-техникалық құжаттар әзiрлеудi және сараптауды;

      в) қарудың немесе патрондардың техникалық сипаттамаларын (қасиеттерін) анықтау үшiн, қызметтiң шекті мерзiмдерi мен пайдалану қауіпсіздігін белгiлеу үшiн оларды сынақтан өткiзудi;

      г) қару немесе патрондар жасап шығаруды, оның iшiнде қаруды құрастыруды және атыс қаруының негiзгi бөлiктерiн немесе патрондардың құрамдас бөлiктерiн (гильзаларды, капсюльдердi, оқ-дәрiнi, оқтарды, бытыралар мен картечтердi) жасауды, патрондарды құрастыру мен жарақтауды;

      д) қарудың негiзгi бөлiктерiне конструкциясы жағынан өзгерiстер енгiзусiз және оның техникалық сипаттамаларын сақтай отырып, қаруды көркемдеп әрлеудi жүзеге асырады. Қаруды көркемдеп әрлеу кезінде қымбат металдар, қымбат және жартылай қымбат тастар, сондай-ақ қарудың нақты моделiн дайындауға қажеттi материалдар мен технологиялар қолданылуы мүмкiн;

      е) қару жөндеудi, оның iшінде детальдарының ақауларын жою немесе оларды айырбастау арқылы оны жұмыс iстеу күйiне келтiрудi, сондай-ақ қарудың сыртқы түрi мен көркемдеп әрлеу элементтерiн қайта қалпына келтiрудi жүзеге асырады. Қарудың iз қалдыратын бөлiктерi жөнделген жағдайда тексеру атысын жүргiзу үшiн iшкi iстер органдарына хабарлау қажет.

      Заңды тұлғалар қару мен патрондар өндiруге бақылау жасауды жүзеге асыруға, жұмыс өндірiсiмен байланысты қауiпсiздiктi, шығарылатын өнiмнiң тиiстi сапасын, оның есебi мен сақталуын қамтамасыз етуге мiндеттi.

      59. Қару мен оның патрондарын өндiруге лицензиясы бар заңды тұлғаларға:

      а) лицензияда көзделмеген қарудың немесе патрондардың түрлерi мен үлгiлерiн өндiрудi жүзеге асыруға;

      б) импорттаушы елдердiң талаптарына жауап беретiн техникалық шарттарға сәйкес тек экспорттау үшiн ғана өндiрiлетiн қаруға немесе патрондарға Қазақстан Республикасының аумағында айналымда болатын осындай қарудың немесе патрондардың таңбалануын беруге тыйым салынады.

      Жауынгерлiк қол атыс қаруы мен оның патрондарын өндiру лицензиясы заңнамада белгiленген тәртiппен берiледi.

15. Дүкендердегі азаматтық және қызметтік қару мен оның патрондарын сатып алу, сақтау, есепке алу, тасымалдау және сату тәртібі

      Ескерту. 15-бөлімнің тақырыбы жаңа редакцияда - ҚР Үкіметінің 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулысымен.

      59-1. Азаматтық және қызметтік қару саудасына лицензиясы бар заңды тұлғалар азаматтық және қызметтік қару мен оның патрондарын оларды сатып алуға арналған рұқсаттар бойынша сатып алады.

      Сатып алынған азаматтық және қызметтік қару сатып алынған күнінен бастап жеті күн мерзімде аумақтық ішкі істер органында рұқсат телнұсқасының түпнұсқасын немесе рұқсат телнұсқасына қосымшаны беру арқылы тіркеледі.

      59-2. Сатып алынатын, сатылатын қару мен оның патрондарын есепке алу, осы Ережеге 21-қосымшаға сәйкес кітапта жүргізіледі.

      60. Азаматтық және қызметтік қару саудасына лицензиясы бар заңды тұлғалар қару мен оның патрондарын мынадай талаптарға сай келетін, арнайы жабдықталған қоймада (қару-жарақ бөлмесінде) сақтайды:

      1) басқа қосалқы, қызметтік үй-жайлардан оқшауланған болуы, қабырғалары қалың, төбе жабыны мен едені темірбетонды болуы тиіс;

      арнайы жабдықталған қойманың күзетілетін аймағының периметрі болып табылатын қалың емес қабырғалар, темірбетонды емес төбе жабулар мен еден диаметрі кемінде 15 мм жұмыр болат шыбықтан немесе жиегі кемінде 14 мм төртбұрышты болат шыбықтан орындалған металл тормен қапталады. Шыбықтар 150x150 мм аспайтын тор көз құрып, олардың әрбір қиылысқан жері дәнекерленеді;

      2) екі есігі, бұл ретте қалыңдығы кемінде 3 мм болат табақтан жасалған сыртқы металл есігі, торланған болаттан жасалған ішкі есігі немесе болат рол-қақпасы болуға тиіс;

      сыртқы есік автоматты "ілмешегі" бар ішкі құлыппен жабылады, "жеткізгішпен" және "дабыл түймесін" басқан кезде іске қосылатын резервтік қоректендіргіші бар бұғаттаушы құрылғымен жабдықталады, ішкі тор есік немесе рол-қақпасы ішкі немесе аспалы құлыппен жабылады;

      арнайы жабдықталған қойма есігі ойығының жиегі (есіктің қорабы) диаметрі 10-12 мм арматуралы болаттан жасалған кемінде он шегемен қабырғаға кемінде 80 мм тереңдікке қағылған болат профильден жасалады;

      3) қару мен патрондар стеллаждарда, пирамидаларда немесе металл жәшіктерде (шкафтарда) сақталады;

      4) желдеткіш терезелер, люктер болған жағдайда, оларға бұл жүйелер арқылы өту мүмкіндігін болдырмайтын көлемі 150x150 мм аспайтын тор көздері бар болат тор орнатылады. Инженерлік желілерді тартуға арналған қабырғалардағы тесіктердің диаметрі 200 мм аспайды;

      5) терезелер болған жағдайда, оларға болат торлар, сондай-ақ металл қақпақтар немесе рол-ставнялар орнатылады. Торлардың, қақпақтардың және рол-ставнялардың жиектері диаметрі 10-12 мм болат арматурадан жасалған істікпен қабырғаға кемінде 80 мм тереңдікке қағылады. Шалқасынан ашылатын терезе қақпақтары берік аспалы немесе ішкі құлыптарға жабылады. Есік, терезе ойықтарына орнатылатын торлар диаметрі кемінде 15 мм жұмыр болат шыбықтан немесе қалыңдығы кемінде 14 мм шаршы болат шыбықтан, ал қақпақтар қалыңдығы кемінде 3 мм болат табақтан жасалады. Шыбықтар 150x150 мм аспайтын тор көз құрып, олардың әрбір қиылысқан жері дәнекерленеді;

      6) өртке қарсы құралдар болуы керек;

      7) қару мен оның патрондары бар арнайы жабдықталған қойманың және металл жәшіктер (шкафтар) кілттерінің екі жиынтығының болуы;

      бұғаттаушы құрылғылардан басқа, кілттердің бір жиынтығы – қару мен оның патрондарын сақтауға жауапты адамда, екіншісі ұйым басшысында, сондай-ақ онда бұғаттаушы құрылғылардың барлық кілттері болады;

      8) электрмен қоректендіру қалқанына дейін жасырын сым тарту арқылы жасалған екі және одан көп күзет-өрт дабылы құралдарымен жабдықталады, терезелерді, есіктерді, люктерді ашқанда, әйнекті бұзғанда немесе қабырғаларды, төбелерді, едендерді, жәшіктерді (шкафтарды) бұзғанда және адам кіргенде іске қосылатын датчиктер орнатылады (күзет дабылы құралдарының шлейфтерін үй-жайдың ішіне ғана жүргізуге рұқсат етіледі);

      жұмыстан тыс уақытта арнайы жабдықталған қойма ішкі істер органдарының кезекші бөлімдеріне шығарылатын жұмыс орындары бар оператор-фирмалардың орталықтандырылған бақылау пульттеріне сигнализация қосылып, күзетуге тапсырылады;

      жұмыс уақытында арнайы жабдықталған қойманы қару мен оның патрондары саудасы бойынша мамандандырылған дүкеннің қаруға рұқсаты бар жауапты қызметкері немесе заңды тұлғаның басшысы ғана ашады.

      Қойманың есіктері, дүкеннің қаруға рұқсаты бар қызметкерлерінің кіріп-шығуын, сондай-ақ олардың қару мен патрондарды, қарудың қосалқы бөлшектері мен оқ-дәріні әкеліп-әкетуін қоспағанда, жабық күйінде болады;

      9) жалпы алаңы кемінде 10 м² арнайы жабдықталған қойма сөрелерінде мыналарды:

      150 кг аспайтын түтінсіз оқ-дәріні;

      тегіс ұңғылы қарудың 200 000 дана патронын;

      ойық ұзын ұңғылы қарудың ортадан соққылайтын 300 000 дана патронын;

      ойық ұзын ұңғылы қарудың бүйірден соққылайтын 500 000 дана патронын;

      қысқа ұңғылы ойық қарудың 50 000 дана патронын;

      газды, травматикалық патронмен ату мүмкіндігі бар газды, ұңғысыз травматикалық қарудың 150 000 дана патронын;

      жарық-дыбыстық әсері бар 10 000 дана патронды сақтауға рұқсат етіледі;

      жекелеген жағдайларда, арнайы жабдықталған қойма алаңының, сондай-ақ азаматтық және қызметтік қару санының өзгеруіне байланысты оқ-дәрі мен патрондардың көрсетілген шекті саны ішкі істер органдарымен келісім бойынша азайтылады немесе көбейтіледі;

      келісу хат жыл сайын еркін нысандағы жеке құжатпен ресімделеді, онда қару-жарақ бөлмесінің алаңы және ондағы нақты болған қарудың, қосалқы бөлшектерінің, түрлері мен калибрлері бойынша патрондарының нақты саны көрсетіледі және сақталатын түрлері мен калибрлері бойынша патрондарды азайту немесе көбейту мүмкіндігі туралы тұжырым жасалады.

      10) азаматтық және қызметтік қару саудасына лицензиясы бар заңды тұлға басшысының немесе қару мен патрондар саудасы бойынша мамандандырылған дүкен директорының бұйрығымен қару мен оның патрондарының сақталуына жауапты адам тағайындалады.

      61. Қару мен патрондар сатылатын сауда залы мынадай талаптарға сәйкес жабдықталады:

      1) мыналарды:

      дәлдік қабілеті фото-бейне сурет бойынша адамды сәйкестендіруге мүмкіндік беретін ("күн-түн" үлгісіндегі) бейнебақылау камераларын;

      кемінде 7 тәулік мерзімге дейін бейнеақпаратты сақтауға мүмкіндік беретін тиісті компьютерлік жабдықты қамтитын тәулік бойғы бейнебақылау жүйелерінің болуы;

      2) орталықтандырылған бақылау пультіне жасырын сигнал беруге мүмкіндік беретін ұтқыр не стационарлық дабыл беру ("Дабыл түймелері") құралдарының болуы;

      3) қару мен оның патрондары саудасы жөніндегі сауда залында экспонатталатын қарудың (суық қаруды қоспағанда) әрбір бірлігі атуға жарамсыз күйінде сөрелерде (стендтерде) орналастырылады, шүріппе тұтқа (бар болған кезде) арқылы қаруға қолжетімділікті шектеуге арналған қару құлпына бекітіледі;

      4) атыс қаруының патрондары сөрелерге оқ-дәрі зарядынсыз қойылады және шынының астында тұрады;

      5) сөрелерде тұрған қару жылдам атуды болдырмайтын күйге келтіріледі;

      6) жасақталған патрондарды, капсюльдер мен оқ-дәріні сақтау үшін сөрелердің артына кемінде екі шкаф орнатылады. Оқ-дәріні капсюльдермен немесе жасақталған патрондармен бірге бір шкафта сақтауға тыйым салынады.

      Оқ-дәрі сатып алушыға тапсыру үшін ғана сөрелерге капсюльдермен бірге қойылуы мүмкін;

      7) терезе ойықтарындағы қақпақтарды қоспағанда, осы Ереженің 60-тармағының 4), 5) және 6) тармақшаларында көзделген талаптарға сәйкес болуы;

      8) жасақталған патрондарды, капсюльдер мен оқ-дәріні сақтауға арналған сауда залы мен шкафтар кілттерінің екі жиынтығының болуы;

      кілттердің бір жиынтығы қару мен оның патрондарын сақтауға жауапты адамда, екіншісі - ұйым басшысында ұдайы болады;

      арнайы жабдықталған қойманың, қару мен оның патрондары бар металл жәшіктердің (шкафтардың) кілттерін үстелдерде және бөгде адамдардың қолы жететін өзге де жерлерде қалдыруға рұқсат етілмейді;

      9) осы Ереженің 60-тармағының 1), 2) және 8) тармақшаларында көзделген талаптарға сәйкес болуы. Сауда залы көрсетілген талаптарға сәйкес келмеген жағдайда, дүкенді жапқаннан кейін (жұмыс уақытынан тыс) сатып алу ішкі істер органдарының рұқсаттары бойынша жүзеге асырылатын қаруды, сондай-ақ қарудың патрондарын және оқ-дәріні онда қалдыруға жол берілмейді;

      10) сауда залында витражды қоршаулар болған жағдайда, олар соққыға төзімді немесе шыныны тесуге төзімді материалдан жасалады, оққа төзімді шыны орнатуға жол беріледі;

      11) қару мен патрондар саудасы жөніндегі сауда залы аңшылық дүкенінің ғимаратында, сатып алушылардың ол арқылы дүкеннің басқа үй-жайларына өтуіне жол бермейтін жерде орналасады.

      62. Азаматтар немесе ұйымдардың өкілдері қаруды комиссиялық сатуға ішкі істер органдарының жолдамасы мен жеке басын куәландыратын құжаттары бойынша тапсырады. Қаруды комиссиялық сатуға көрсетілген жолдамасыз тапсырған жағдайда дүкен әкімшілігі оны қабылдап алады және қаруды тапсырған адам туралы мәліметтерді көрсете отырып, iшкi iстер органдарына тапсырады. Қаруды комиссиялық сатуға қабылдап алу туралы квитанцияны азамат қаруды сақтау рұқсатымен бірге оны тiркеген iшкi iстер органына он күндiк мерзімде ұсынады. Қарудың сатылғаны туралы хабарламаны алғаннан кейiн iшкi істер органы оны есептен шығарады.

      63. Дүкендерде атыс және газды қарудың патрондары:

      1) қарудың тиiстi түрлерiн сақтауға немесе сақтау мен алып жүруге ішкі істер органдарының рұқсатын және жеке басын куәландыратын құжатын көрсеткен кезде – жеке тұлғаларға;

      2) жеке тұлғаларға аңшылық оқ-дәрі атыс қаруын сақтау немесе сақтау мен алып жүру құқығына рұқсатын және жеке басын куәландыратын құжатын көрсеткеннен кейiн беріледі (сатылған оқ-дәрінiң салмағы аңшылық куәлікке және есепке алу кiтабына жазылады);

      3) қарудың тиiстi түрлерiн сатып алуға ішкi iстер органының рұқсаты мен сақтауға рұқсатын, сенiмхатты және қарудың сақталуына жауапты адамның жеке басын куәландыратын құжатын көрсеткенде – заңды тұлғаларға сатылады.

      63-1. Ішкі істер органдарында тіркелуі тиіс қаруды сатқан кезде дүкендердің сатушылары қаруды сатып алуға арналған рұқсатты сатып алушының жеке куәлігінің немесе паспортының түпнұсқасымен салыстырып тексеруді жүргізеді.

      Атыс қаруын қаруды сатып алуға рұқсатты және жеке басын куәландыратын құжатын көрсетпеген сатып алушының, сондай-ақ дүкенге келушілердің "қолына" беруге жол берілмейді.

      64. Азаматтық және қызметтiк қару мен оның патрондары саудасын жүзеге асыратын ұйымдарда келiп түсетiн және сатылған қару мен оның патрондарының есебі нөмірленген, тігілген кітаптар бойынша жүргiзiледi және аумақтық ішкi iстер органының "Лицензиялық-рұқсат ету жүйесi" деген бедерi бар арнайы мөрі басылады. Сатылған қарудың маркасы, калибрi, нөмiрi атыс және газ қаруын сатып алуға рұқсаттың телнұсқасына және есепке алу кiтабына, сатылған аңшылық пышақтың нөмiрi – сатып алушының аңшылық куәлігiне жазылады. Рұқсаттың телнұсқасы мен аңшылық куәлігінде көрсетiлген жазбалар сатушының қол қоюымен және осы заттарды сату күні көрсетiле отырып, дүкеннің мөртаңбасымен расталады.

      65. Қару мен оның патрондары саудасын жүзеге асыратын ұйымдар:

      1) сәйкестікті растау жөніндегі органның сәйкестiк сертификаты бар қару мен оның патрондарын сатады;

      2) сатып алынатын және сатылатын қаруды есепке алуды, сондай-ақ 10 жыл бойы есептік құжаттаманы сақтауды қамтамасыз етеді;

      3) мемлекеттік оқ-гильза қоймасына сатылатын қызметтiк және азаматтық ойық атыс қаруынан атылған оқтар мен гильзаларды ұсынады.

      Дайындап шығарушы кәсiпорындар зауыттық паспорттарына тиiстi жазбалар енгiзу арқылы отандық қарудың тексеру атыстарын жүргізеді.

      Импорттық қарудың тексеру атыстарын iшкi iстер органдары жүргізеді. Оларды жүргізу үшiн ұйым патрондардың қажеттi санын ұсынады, қаруды атыс жүргiзiлетiн жерге тасымалдауды қамтамасыз етеді;

      4) осы Ережеге 22-қосымшаға сәйкес сатып алынған және сатылған қызметтiк және азаматтық қару және оны сатып алушылар туралы мәлiметтердi қару айналымын бақылау саласындағы уәкілетті орган белгiлеген тәртіппен ай сайын iшкi iстер органдарына ұсынады;

      5) қарудың сақталуын және оны сақтау қауiпсiздiгiн қамтамасыз етеді;

      6) персоналдың Қазақстан Республикасының қару айналымы туралы заңнамасын бiлуiн қамтамасыз етеді;

      7) жыл сайын есепті кезеңнен кейінгі жылдың 10 қаңтарынан кешіктірмей, Қазақстан Республикасының Ішкі істер министрлігіне осы Ережеге 15-қосымшаға сәйкес әкелінген қару және оның сатылуы туралы жылдық есеп береді;

      8) қару мен патрондарды орналастыру және сақтау орындарына (сатушы сөресінің артына) бөгде адамдардың, сондай-ақ дүкеннің қаруға рұқсаты жоқ жұмыскерлерінің кіруіне жол бермейді.

      66. Қарудың осы түрін сатып алуға рұқсатын ұсынбаған заңды және жеке тұлғаларға қарумен сауда жасауға, сондай-ақ нөмірсіз және таңбасыз қару не азаматтық және қызметтiк қару мен оның патрондарының айналымы саласындағы техникалық регламенттердiң талаптарына сәйкестік белгісі жоқ патрондарды сатуға жол берілмейді.

      67. Азаматтық және қызметтiк қару мен оның патрондарының саудасына лицензиясы бар заңды тұлғаларға спорт, аң және балық аулау құрал-жабдықтары мен осы қарудың қосалқы бөлшектерiн қоспағанда, бiр сауда залында қару мен өзге де тауар түрлерiн қатар сатуға тыйым салынады.

      68. Азаматтық және қызметтiк қару мен оның патрондарын сатуға берiлген лицензия азаматтық және қызметтiк қару мен оның патрондарын сату үшiн құрылған заңды тұлғалардың филиалдарын ашуға құқық бермейдi.

      69. Қаруды сақтау, пайдалану және сату ережелерiн бұзу анықталған жағдайда iшкi iстер органдарының қару сақталатын үй-жайларды мөрлеуге, ал қажет болған жағдайда анықталған кемшiлiктер жойылғанға дейiн ұйымның жұмысын тоқтата тұруға құқығы бар.

      70. Қазақстан Республикасының аумағында азаматтық және қызметтік қару мен оның патрондарын сатуды:

      1) Қарулы Күштердің, басқа да әскерлер мен әскери құралымдардың, мемлекеттік өртке қарсы қызмет органдарын қоспағанда, арнаулы мемлекеттік және құқық қорғау органдары;

      2) лауазымды адамдарына атыс қаруын сақтауға және алып жүруге құқық берілген мемлекеттік органдар;

      3) ерекше жарғылық міндеттері бар заңды тұлғалар;

      4) қару өндірумен немесе оны сатумен айналысатын заңды тұлғалар;

      5) қаруды коллекциялаумен немесе экспонаттаумен айналысатын заңды және жеке тұлғалар;

      6) аңшылық шаруашылығы ұйымдары;

      7) спорттық ұйымдар;

      8) білім беру ұйымдары;

      9) Қазақстан Республикасының азаматтары;

      10) шетелдіктер;

      11) қаруды, оның ішінде жарақат салатын және газбен әсер ететін патрондары бар қаруды қолдану саласында ғылыми медициналық зерттеулер жүргізуге уәкілеттік берілген заңды тұлғалар заңнамада белгіленген тәртіппен жүзеге асыра алады.

      71. Алынып тасталды - ҚР Үкіметінің 2011.07.01 № 751 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

      72. Осы Ереженің 70-тармағының 2) - 11) тармақшаларында көрсетілген субъектілер өз қарамағында заңды негізде болатын қару мен патрондарды көрсетілген қарудың есепке алынған жеріндегі ішкі істер органдарына ол туралы алдын ала хабарлау арқылы қарумен сауда жасауға лицензиясы бар заңды тұлғаларға сата алады.

      73. Қаруды сақтауға немесе сақтау мен алып жүруге рұқсат берген уәкілетті органының (бұдан әрі - уәкілетті орган) жолдамасы бойынша Қазақстан Республикасының азаматтары өздерінде меншік құқығында заңды негізде болатын қаруды, қару мен оның патрондары айналымын бақылау саласындағы уәкілетті органға алдын ала хабарлай отырып, азаматтық және қызметтік қаруды сатуға, коллекциялауға немесе экспонаттауға лицензиясы бар заңды тұлғаларға, сондай-ақ қару есепке алынған жердегі ішкі істер органдарында қайта тіркегеннен кейін қару сатып алуға рұқсаты бар азаматтарға иеліктен шығаруға құқығы бар.

      73-1. Қаруды, аңшылық оқ-дәріні, жарақталған патрондарды тасымалдауды оларды сатумен айналысатын заңды тұлғалар ішкі істер органдарының рұқсаттары бойынша жүзеге асырады.

      Қаруды, аңшылық оқ-дәріні, жарақталған патрондарды автомобиль көлігімен тасымалдау кезінде ұйым басшысы тасымалдауға жауапты адамды тағайындайды және жол бойында қарулы күзетпен қамтамасыз етеді (күзет қызметін көрсету жөніндегі шарт).

      Спорттық тауарларды, аң және балық аулау құрал-жабдықтарын қоспағанда, қаруды, аңшылық оқ-дәріні, жарақталған патрондарды өзге тауарлармен бірге тасымалдауға жол берілмейді.

      Аңшылық оқ-дәріні, жарақталған патрондарды Қазақстан Республикасының аумағы бойынша автомобиль көлігімен тасымалдау автомобиль көлігі саласындағы уәкілетті орган бекіткен Автомобиль көлігімен қауіпті жүктерді тасымалдау қағидаларына сәйкес жүзеге асырылады.

      Тасымалданатын қару мен патрондар қорапқа орап салынады, оған жүк тасымалдаушы ұйым мөр басады немесе пломбылайды.

      Қаруды, аңшылық оқ-дәріні, жарақталған патрондарды жеткізу шарты (келісімшарты) болған кезде, қару саудасы бойынша мамандандырылған дүкеннің сатуын қоспағанда, қаруды, аңшылық оқ-дәріні, жарақталған патрондарды тасымалдау кезінде жол бойында қорапты ашуға жол берілмейді.

      Оқ-дәріні, жарақталған патрондарды тасымалдау кезінде жүру бағыты жол жүрісі қауіпсіздігін қамтамасыз ету жөніндегі уәкілетті органмен келісіледі.

      Жарақталған патрондар, оқ-дәрі қол жүгі ретінде темір жол, су көлігімен мынадай салмақтан аспайтын мөлшерде тасымалданады:

      1) атыс қаруының жарақталған патрондары – 10 кг;

      2) түтінсіз оқ-дәрі – 10 кг;

      3) түтінді оқ-дәрі бұйымдары – 5 кг;

      4) түтінді оқ-дәрі – 5 кг.

      Ескертпе: қол жүгін тасымалдауға берілген рұқсатта жүктің нетто салмағы ғана көрсетіледі (металл гильзалар, ыдыстар жүктің салмағына кірмейді).

      Салмағы:

      1) атыс қаруының жарақталған патрондары – 300 кг;

      2) оқ-дәрі – 50 кг аспайтын аңшылық оқ-дәріні, жарақталған патрондарды автомобиль көлігімен тасымалдау ішкі істер органдарының оларды тасымалдауға рұқсатынсыз жүзеге асырылады, бұл ретте ұйым басшысы тасымалдауға жауапты адамды тағайындайды және жол бойында қарулы күзетпен қамтамасыз етеді (күзет қызметін көрсету жөніндегі шарт).

      Көрсетілген салмақтан асып кеткен жағдайда, оқ-дәрі мен жарақталған патрондарды тасымалдау автомобиль көлігі саласындағы уәкілетті орган бекіткен Автомобиль көлігімен қауіпті жүктерді тасымалдау қағидаларына сәйкес жүргізіледі.

      Ескертпе. Тасымалдау азаматтық және қызметтік қару айналымы саласындағы бақылауды жүзеге асыратын бөлімшеге ресми түрде хабарланғаннан кейін ғана жүзеге асырылады.

      74. Қазақстан Республикасының аумағында:

      а) iшкi iстер органдарында тiркелмеген не пайдалануға техникалық жағынан жарамсыз қару мен патрондарды;

      б) нөмiрi мен таңбасы жоқ қаруды не стандартқа сәйкестiк белгiсi жоқ патрондарды;

      в) мемлекеттiк оқ-гильза қоймасына атылған оқтар мен гильзаларды ұсыну арқылы тексеру атыстары өткiзiлмеген ойық ұңғылы атыс қаруын;

      г) уақытша пайдалануға алынған қару мен патрондарды;

      д) кеден бақылауында болатын қару мен патрондарды;

      е) азаматтардың жеке пайдалануы үшiн жарақталған тегiс ұңғылы аңшылық атыс қаруының патрондарын сатуға тыйым салынады.

      Жауынгерлiк қол атыс қаруы мен оның патрондарын сату заңнамада белгiленген тәртiппен жүзеге асырылады.

15-1. Заңды тұлғалардың қару мен патрондарға түгендеу жүргізу тәртібі

      Ескерту. Ереже 15-1-бөліммен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      Азаматтық және қызметтік қару мен оның патрондарын сақтауды жүзеге асыратын ұйымдарда есепке алу мақсатында заңды тұлғалар қару мен патрондарға түгендеу жүргізеді.

      74-1. Түгендеу – қару мен патрондардың бар-жоғын есептік деректерге сәйкес келуі тұрғысынан, сондай-ақ олардың есебін жүргізу мен сақталуын қамтамасыз ету тәртібін толық салыстырып тексеру. Түгендеу ұйымдарда түгендеу жүргізілетін заңды тұлға басшысының бұйрығы негізінде жүргізіледі.

      74-2. Түгендеу:

      1) тоқсан сайын;

      2) қару мен патрондардың сақталуына жауапты адам немесе заңды тұлғаның басшысы ауысқан кезде (істерді қабылдау-тапсыру күніне);

      3) дүлей зілзала, өрт, авария немесе басқа да төтенше жағдайлар болған кезде (осындай оқиғаларға нақты қатысушы үшін) оның салдарынан қарудың немесе патрондардың орнын ауыстыру жүргізілгенде;

      4) заңды тұлға таратылған немесе қайта ұйымдастырылған кезде тарату немесе бөлу баланстарын жасау алдында жүргізіледі.

      Түгендеу жүргізілетін заңды тұлға басшысының бұйрығымен түгендеу басталғанға дейін 10 күн бұрын түгендеу комиссиясының төрағасы мен мүшелері тағайындалады, оның жұмыс істеу мерзімі мен түгендеу актісін, түгендеудің жүргізілгені туралы салыстыру ведомостерін ұсыну тәртібі айқындалады.

      74-3. Түгендеу жүргізу үшін ұйымда кемінде үш адамнан тұратын тұрақты жұмыс істейтін түгендеу комиссиясы құрылады. Түгендеу комиссиясына түгендеу жүргізілетін заңды тұлға басшыларының біреуі, бухгалтерлік қызметтің қызметкерлері және салыстырып тексерілетін қарудың құрылымы мен номенклатурасын, сондай-ақ оларды пайдалану кезіндегі қауіпсіздік шараларын зерделеген басқа да мамандар кіреді.

      Түгендеу комиссиясының құрамы, әдетте, комиссияның жұмыс істеу мерзімі аяқталғанға дейін өзгермеуге тиіс. Ерекше жағдайларда комиссияның мүшелерін ауыстыру түгендеу жүргізілетін заңды тұлға басшысының бұйрығы негізінде жүргізіледі.

      Заңды тұлғаның басшысы қару мен патрондарға түгендеу жүргізу үшін жағдай жасайды, оны өткізу кезінде комиссия мүшелерін уақытша басқа міндеттерді орындаудан босатады, сондай-ақ қарумен және патрондармен жұмыс істеуге рұқсаты бар техникалық жұмыскерлердің қажетті санын бөледі.

      74-4. Қару мен патрондардың сақталуына жауапты адамдар қару мен патрондардың қозғалысы бойынша аяқталған барлық операцияларды тізуді жүзеге асырады және олардың қалдықтарын есепке алу кітаптарына түгендеу күніне өзінің қолымен растай отырып, шығарады.

      74-5. Түгендеуді бастар алдында комиссия мүшелері:

      1) Қазақстан Республикасының қару мен патрондар айналымы және оларға түгендеу жүргізу тәртібін реттейтін заңнамалық және өзге де нормативтік құқықтық актілерінің талаптарын зерделейді;

      2) осы Ережеге 23-қосымшаға сәйкес түгендеу тізімдемелерінің, осы Ережеге 24-қосымшаға сәйкес нөмірлік есепке алу тізімдемелерінің және осы Ережеге 25-қосымшаға сәйкес қару мен патрондарды түгендеу нәтижелерінің салыстыру ведомостерінің бланкілерін дайындайды, оларды белгіленген тәртіппен тіркейді. Бұл ретте қару мен патрондардың қалдықтарын көрсетілген құжаттарға алдын ала енгізуге жол берілмейді;

      3) деректемелері қарудың сақталуына жауапты адамдардағы пломбылау құралдарынан ерекшеленуге тиіс пломбылау құралдары мен пломбылау материалының бар-жоғын салыстырып тексереді.

      74-6. Қару мен патрондардың нақты бар-жоғын салыстырып тексеруді комиссия қару мен патрондардың сақталу орнын тексеруден және қару мен патрондар бар қолдағы сейфтерді, шкафтарды, пирамидаларды, жәшіктерді мөрлеуден бастайды.

      Қару мен патрондарды қабылдау немесе беру үшін оларды сақтау орындарын ашуды және тексерілгендерін қайта мөрлеуді түгендеу комиссиясының мүшелері ғана жүзеге асырады.

      74-7. Қарудың бар-жоғы оның сақталуына жауапты адамның қатысуымен оны міндетті түрде бір-бірден, жиынтық түрінде және нөмірі бойынша қайта санау, сондай-ақ қарудың техникалық құжаттамаға (паспорттарға, формулярларға не оның телнұсқаларына) сәйкес келмеуі тұрғысынан тексеру арқылы анықталады.

      Герметикалық орамдарға немесе металл мырышқа, олар болған жағдайда, орап салынған патрондарды салыстырып тексеру басылған таңбалауға сәйкес ыдыстың тұтастығын қарап тексеру арқылы жүзеге асырылады, ол туралы түгендеу тізімдемесінде тиісті белгі қойылады. Таңбалау болмаған кезде, оның ішінде ішінара көрсетілген орамдар ашылуы, ал патрондар – бір-бірден қайта саналуы тиіс.

      Тексерілген сейфтерге, шкафтарға, пирамидаларға, жәшіктер мен тығындауларға салыстырып тексеру жүргізілген күн көрсетіле отырып, комиссияның төрағасы растаған жазба белгілер салынады.

      74-8. Түгендеу тізімдемелеріндегі және нөмірі бойынша есепке алу тізімдемелеріндегі түзетулер мен толықтыруларды түгендеу комиссиясының мүшелері және қару мен патрондардың сақталуына жауапты адамдар растайды.

      Тізімдемелер бастапқы түгендеу құжаттары болып табылады, олар тікелей қару мен патрондарды сақтау орындарында (объектілерінде) олардың тексерілуіне қарай толтырылады. Салыстырып тексеру аяқталған соң, толтырылған тізімдемелердің әрбір парағына комиссия мүшелері және қару мен оның патрондарының сақталуына жауапты адам қол қояды.

      74-9. Түгендеу процесінде келіп түскен қару мен патрондар жеке тізімдемелерге енгізіледі. Бұл ретте, қарудың пайдалану мақсатын көрсетуге арналған жолда "Түгендеу кезінде келіп түскен қару (патрондар)" деген жазу жазылады, ал "Ескертпе" деген бағанда қарудың кімнен келіп түскені, келіп түскен күні және кіріс (ілеспе, көліктік) құжаттарының нөмірлері көрсетіледі.

      74-10. Түгендеу кезінде ұйымның іссапарға кеткен қызметкерлерінде болған қару мен патрондар есептік құжаттар бойынша есепке алынады. Бұл ретте "Ескертпе" деген бағанда берілген күні, оларды қабылдап алған адамдардың тектері мен аты-жөндері және беру негіздері көрсетіледі (ерекше жарғылық міндеттері бар заңды тұлғалар үшін).

      74-11. Қару мен патрондарды түгендеу нәтижелері салыстыру ведомосында көрсетіледі. Ведомосқа комиссияның төрағасы мен мүшелері, сондай-ақ тексерілген қару немесе патрондардың сақталуына жауапты адам қол қояды.

      74-12. Қару мен патрондардың жетіспеуі немесе артық болуы фактілері анықталған кезде, түгендеу комиссиясы бұл туралы заңды тұлғаның басшысына дереу хабарлайды.

      74-13. Түгендеу қорытындысы бойынша комиссия акт толтырады (еркін нысанда), онда қару мен патрондарды сақтаудың, есепке алудың жай-күйі, жетіспеуі, артық болуы, бүліну және жоғалу фактілері, сондай-ақ анықталған кемшіліктерді жою бойынша ұсыныстар көрсетіледі.

      Актіні комиссия оған қол қойған және ұсынған күннен бастап үш күн мерзімде түгендеу жүргізіліп жатқан заңды тұлғаның басшысы қарайды және бекітеді.

      74-14. Акт, түгендеу тізімдемесі, нөмірлік есепке алу тізімдемесі, салыстыру ведомосы және басқа да материалдар ұйымдағы қару мен патрондардың сақталуына жауапты адамның жеке есептік ісінде сақталады.

16. Азаматтық қару мен оның патрондарын сатып алудың, есепке
алудың, сақтаудың, алып жүрудiң, тасымалдаудың, алып қоюдың
және жою тәртiбi

      75. Осы Ережеге 14-қосымшаға сәйкес Қазақстан Республикасының 18 жасқа толған азаматтарының тұрғылықты жеріндегі ішкі істер органдарынан қарудың нақты түрін сатып алу үшін рұқсат алғаннан кейін азаматтық қаруды сатып алуға құқығы бар.

      76. Азаматтық атыс қаруын, газды тапаншалар мен револьверлерді, электр қаруын, сондай-ақ үрлемелі қуаты 7,5 Дж-дан асатын, 25 Дж-ға дейінгі аңшылық пневматикалық қаруды азаматтар тек қана ішкі істер органдары беретін рұқсаттар бойынша сатып алады.

      Ескерту. Сұқпалы аңшылық суық қару ("Пайдалану құқығынсыз уақытша сақтауға" дегеннен басқа) сақтау мен алып жүруге рұқсаттар бойынша сатып алынады және аңшылық куәлігiне жазылады.

      Қазақстан Республикасының азаматтарының белгі беру қаруын, механикалық шашыратқыштарды, көзден жас ағызатын немесе тiтiркендiргiш заттармен жабдықталған аэрозолдық және басқа да құрылғыларды, үрлемелi қуаты 7,5 Дж-дан аспайтын және калибрi 4,5 мм-ге дейiнгi пневматикалық қаруларды қоса алғанда, iшкi iстер органдарының рұқсатынсыз сатып алуға құқығы бар.

      77. Ойық ұңғылы аңшылық атыс қаруын (аңшылық карабиндерін, винтовкаларды, құрастырылған мылтықтарды) сатып алуға, сақтау мен алып жүруге рұқсатты ішкі істер органдары белгіленген тәртіппен аң аулауға құқық берілген меншігінде кемінде үш жыл тегіс ұңғылы ұзын ұңғылы аңшылық атыс қаруы бар Қазақстан Республикасының азаматтарына береді.

      Ойық ұңғылы аңшылық атыс қаруын сатып алудың, сақтау мен алып жүрудiң рұқсатына Қазақстан Республикасының Iшкi iстер министрi, оның орынбасарлары, ІІД бастықтары қол қояды.

      78. Iшкi iстер органдарынан ойық ұңғылы аңшылық атыс қаруын сатып алуға рұқсат алу үшiн Қазақстан Республикасының азаматтары мынадай құжаттарды:

      1) толтырылған карточка-өтiнiштi;

      2) аңшылық куәліктi (аң аулау құқығын беретiн мемлекеттiк баж төленгенi туралы белгiсi бар);

      3) денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытынды;

      4) Қазақстан Республикасының азаматтығын растайтын құжаттың көшірмесін;

      5) қаруды қауiпсiз ұстаудың ережелерiн бiлетiндiгiн тексеру туралы анықтаманы;

      6) тегiс ұңғылы аңшылық қару бұл адамның заңды иелiгiнде кемiнде үш жыл болғандығын растайтын, iшкi iстер органы берген қаруды сақтау мен алып жүруге рұқсаттың көшiрмесiн ұсынады.

      79. Ішкі істер органдарынан аңшылық атыс, пневматикалық, газды және электр қаруын сатып алуға рұқсат алу үшін Қазақстан Республикасының азаматтары мынадай құжаттарды:

      1) толтырылған карточка-өтінішті;

      2) денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытынды;

      3) Қазақстан Республикасының азаматтығын растайтын құжаттың көшірмесін;

      4) қаруды қауіпсіз ұстаудың ережелерін білетіндігін тексеру туралы анықтаманы ұсынады.

      Ескертпе. Азаматтық және қызметтік қару айналымы саласын бақылау жөніндегі бөлімшелердің қызметкерлері, сондай-ақ учаскелік полиция инспекторлары "Жекелеген қару түрлері айналымын мемлекеттік бақылау туралы" Қазақстан Республикасының Заңына сәйкес азаматтық қаруды сатып алуға рұқсат беру, сақтауға немесе сақтау мен алып жүруге рұқсатты ұзарту кезінде міндетті түрде азаматтардың тұрғылықты жері бойынша қарудың сақталу жағдайларын, Құқықтық статистика және арнайы есепке алу комитеттің есептері бойынша сотты болуын, экстремизмге, терроризмге немесе ұйымдасқан қылмысқа қарсы күрес желісі бойынша ішкі істер және (немесе) ұлттық қауіпсіздік органдарының есептері бойынша тексереді, сондай-ақ автоматтандырылған деректер банкінің деректері бойынша ойық ұңғылы атыс қаруларының бақылау атыс оқтары мен гильзаларының болуын және уақтылы ауыстырылуын (тексеру атысының қайталану кезеңі — 5 жылда бір рет) тексереді.

      80. Қарулы Күштердің, басқа да әскерлер мен әскери құралымдардың әскери қызметшілері, өртке қарсы қызмет органдарын қоспағанда, арнайы атақтары және (немесе) сыныптық шендері бар арнаулы мемлекеттік және құқық қорғау органдарының қызметкерлері азаматтық қаруды сатып алуға рұқсатты қару ұстауға қарсы көрсетімдердің жоқ екені туралы медициналық қорытындыны тапсырмай-ақ алады.

      Ескертпе. Қазақстан Республикасының азаматтары өзін-өзі қорғау мақсатында азаматтардың денсаулығын сақтау саласына басшылық етуді жүзеге асыратын Қазақстан Республикасының уәкілетті орталық атқарушы органының тиісті нормаларына сәйкес аңшылық куәлігінсіз тұрғылықты жеріндегі ішкі істер органдары беретін рұқсаттар бойынша алып жүру құқығынсыз ұзын ұңғылы атыс қаруларын сатып алуға құқығы бар.

      Қазақстан Республикасының азаматтары қаруды "Жекелеген қару түрлерінің айналымын мемлекеттік бақылау туралы" 1998 жылғы 30 желтоқсандағы Қазақстан Республикасы Заңының 18-бабына сәйкес пайдалана алады.

      81. Қазақстан Республикасының аумағында кемінде бір жыл мерзімге тұру үшін белгіленген тәртіппен ішкі істер органдарында тіркелген шетелдіктердің өздері азаматтары болып табылатын мемлекеттердің дипломатиялық өкілдіктерінің қолдаухаттары бойынша жалпы негіздерде Қазақстан Республикасында газды тапаншалар мен револьверлерді сатып алуға, алып жүруге және сақтауға құқығы бар.

      Қазақстан Республикасының аумағында тұру үшін белгіленген тәртіппен ішкі істер органдарында тіркелген шетелдіктер жеткізіп беруші заңды тұлғалардан механикалық шашыратқыштар, көзден жас ағызатын немесе тітіркендіретін заттар толтырылған аэрозольді және басқа құрылғыларды, үрлемелі қуаты 7,5 Дж-дан аспайтын және калибрі 4,5 мм-ге дейінгі пневматикалық қаруды рұқсат алмай-ақ сатып алады.

      82. Туристiк жолдамалар, жеке және қызметтiк iстерi бойынша Қазақстан Республикасына келген және Қазақстан Республикасының аумағында тұру үшiн белгiленген тәртiпте iшкi iстер органдарында тiркелген шетелдіктер азаматтық қаруды, өздерi сол елдердiң азаматтары болып табылатын мемлекеттердiң дипломатиялық өкiлдiктерінің өтiнiштерi бойынша, оны сатып алған күннен бастап 7 (жетi) күн iшiнде Қазақстан Республикасынан тысқары жерлерге әкететiн жағдайда Қазақстан Республикасының Iшкiiсминi беретiн рұқсаттар бойынша жалпы негiзде сатып алады.

      83. Қазақстан Республикасында тiркелген елшiлiктердiң дипломатиялық және әкiмшiлiк-техникалық қызметкерлерiне азаматтық қаруды мемлекетаралық шарттарда белгiленген жағдайлар мен тәртiпте әкелуге, сатып алуға және әкетуге рұқсат берiледi. Бұл ретте әкелiнетiн, сатып алынатын және әкетiлетiн азаматтық қарулар мiндеттi түрде Қазақстан Республикасының Iшкiiсминiнде тiркелуi тиiс.

      84. Шетелдiктердiң өздерi әкелген азаматтық қаруды Қазақстан Республикасының заңнамасында белгiленген тәртiпте сыйға тарту немесе сату құқығы сақталады.

      Шетелдiктер тиiстi рұқсат алу үшiн мемлекеттiк баж төлейді.

      85. Азаматтарға азаматтық қаруды сатып алуға рұқсатты iшкi iстер органдары, төлқұжатын немесе жеке басын куәландыратын құжатты көрсеткен жағдайда үш ай мерзiмге бередi. Пайдаланылмаған рұқсаттар азаматтардың жазбаша өтініші бойынша көрсетілген мерзімге кемінде бір рет ұзартылады не ішкі істер органы олардың күшін жояды.

      86. Азаматтық атыс қаруының немесе газды тапаншалар мен револьверлердің патрондарын азаматтар тиісінше нақты қару түрін сақтауға немесе сақтауға және алып жүруге ішкі істер органдарының рұқсатын көрсеткенде дүкендерден сатып алады. Аңшылық оқ-дәріні тегіс ұңғылы аңшылық қаруды сақтауға немесе сақтауға және алып жүруге ішкі істер органының рұқсаты бар болған жағдайда сатып алынады.

      87. Сатып алынған азаматтық қару сатып алған күнінен бастап жеті күн мерзімде оны сақтауға немесе сақтау мен алып жүруге ішкі істер органдары бес жыл мерзімге беретін рұқсатты ала отырып, иесінің тұрғылықты мекенжайы бойынша осы Ережеге 12-қосымшаға сәйкес ішкі істер органында тіркеледі.

      88. Азаматтарға тиесілі қаруды тіркеу және қайта тіркеу үшін салық заңнамасында белгіленген мөлшерде мемлекеттік баж алынады.

      Иесiнiң тұрғылықты жерi өзгергенде, егер қаруды сақтауға немесе сақтау мен алып жүруге бұрын берiлген рұқсаттың мерзiмi аяқталмаған болса, қаруды iшкi iстер органына есепке қою кезiнде төлем алынбайды.

      89. Азаматтық қаруды сақтауға немесе сақтау мен алып жүруге рұқсатты алу үшiн iшкi iстер органына:

      1) көлемi 3х4 см екi фотосурет;

      2) қаруды тiркеу (қайта тiркеу) үшiн мемлекеттiк бажды және қаруды сақтауға немесе сақтау мен алып жүруге рұқсат беру үшiн төлегенi туралы түбiршектер;

      3) қаруды иемдену көзiн көрсететiн құжат (рұқсаттың төлнұсқасы немесе өтінiш) ұсынылады.

      90. Қаруды сақтауға, сақтау мен алып жүруге рұқсаттың қолданылу мерзімін ұзарту үшін қару иесі техникалық байқаудан өткізу үшін қолындағы қаруды және мынадай құжаттарды ұсына отырып, жергілікті ішкі істер органына өтініш білдіреді:

      1) тегі, аты, әкесiнiң аты, тұрғылықты мекен-жайы, қарудың жүйесі, калибрi мен нөмiрi, оның сақталуын қамтамасыз ету жағдайын: сейфтiң немесе металл шкафтың немесе қаруға бөгде адамдардың қол жеткiзуiн болдырмайтын өзге де құрылғының болуы көрсетiлген рұқсаттың қолданылу мерзiмiн ұзарту туралы iшкi iстер органы бастығының атына өтiнiштi;

      2) қарудың әр бiрлiгiн қайта тiркеу үшiн мемлекеттiк баж төленгенi туралы түбiршектi;

      3) денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытындыны және Қазақстан Республикасының азаматтығын растайтын құжаттың көшірмесін;

      4) қаруды қауіпсіз ұстау ережелерін білуі бойынша қайта даярлау туралы анықтаманы ұсына отырып, жергiлiктi iшкі істер органына өтiніш білдiруге мiндеттi.

      Ескерту. Қаруды сақтау, сақтау мен алып жүру құқығын беретін рұқсаттың қолданылу мерзімі әрдайым бес жылға ұзартылады.

      91. Қару мен оның патрондары иелерінің тұрғылықты тұратын жерінде еденге немесе қабырғаға берік бекітілген, қабырғаларының қалыңдығы кемінде 3 мм болатын және есігінде ішкі құлпы бар металл шкафта (сейфте) сақталады. Қаруды тұрғын бөлмелердің қабырғаларына ілуге жол берілмейді.

      Қалалық елді мекендерде (республикалық, облыстық және аудандық маңызы бар қалалар, сондай-ақ оларға әкімшілік бағынысты аумақтағы кенттер) азаматтық қару иесінің тұрақты тұратын жері (пәтер, жеке үй) электр желісіне және қосалқы электрмен қоректендіру көзіне тұрақты (тұрақты және қосалқы қоректендіру көзінің болуы) үй-жайларды күзетудің сертификатталған жүйесімен (дабыл сигналын меншік иесінің немесе оның отбасы мүшелерінің ұялы телефонына немесе күзет ұйымына беру мүмкіндігі бар сигнализация) жабдықталады.

      Қару иесінің қалауы бойынша қаруды тікелей сақтау жүзеге асырылатын бөлмелерді немесе металл шкафты (сейфті) ғана сигнализациямен жабдықтауға жол беріледі.

      Күзет дабылының түрі мен типін қару иесі айқындайды.

      Қаруды иесінің тұрақты тұратын жерінен тысқары жерлерде (жеке үй, пәтер, бақтағы, саяжайдағы үй, гараж, монша, балкон, лоджия, сарай, вагон, лашық, шатыр), сондай-ақ жатақханаларда (бір отбасының мүшелері жеке бөлмеде тұратын отбасылық жатақханаларды қоспағанда), уақытша вахталық үй-жайларда, жайылым учаскелерінде, фермерлік және шаруа қожалықтарында, туысқандарында, таныстарында сақтауға жол берілмейді.

      Қару иесі ұзақ уақыт (үш айдан астам) болмаған кезеңде (іссапар, демалыс, емделу, әскери қызмет өткеру) қару иесінің тұрғылықты жері бойынша ішкі істер органдарына қару уақытша сақтауға тапсырылуы қажет.

      Азаматтық тегіс ұңғылы қарудың жалпы саны 500 данадан аспайтын, азаматтық ойық қарудың ойық қарудың әрбір бірлігіне 100 данадан аспайтын, газдық қарудың 50 данадан аспайтын патрондарын, 500 граммнан аспайтын аңшылық оқ-дәріні қарумен бірге сақтауға жол беріледі.

      Азаматтық тегіс ұңғылы қарудың жалпы саны 500 данадан асатын, бірақ 1000 данадан аспайтын патрондары жеке металл шкафта (сейфте) сақталады.

      Сейфте қарумен бірге бөгде заттарды (сақталатын қарудың алынатын және ауыстырылатын аксессуарларын қоспағанда), оның ішінде ақша купюраларын, бағалы қағаздарды, зергерлік бұйымдарды, сондай-ақ сақтауға, сақтауға және алып жүруге рұқсаты жоқ қарудың басқа түрінің патрондарын сақтауға жол берілмейді.

      92. Көліктің барлық түрлерiмен алып жүру немесе тасымалдау кезінде қару оқталмаған күйде қабына салынуы тиiс. Қаруды алып жүру немесе тасымалдау кезiндегi барлық жағдайларда иесі бір мезгілде қаруды алып жүрудiң рұқсаты болып табылатын, iшкi істер органының оны сақтау мен алып жүруге берген рұқсатын өзiмен бірге алып жүруге мiндеттi. Қаруды сақтаудың, алып жүрудiң, тасымалдаудың және пайдаланудың белгіленген ережелерiн бұзғаны үшiн кінәлі адамдар Қазақстан Республикасының заңнамасына сәйкес жауапқа тартылады.

      Аңшылық суық қару қапталған күйде тек қана аңшылық куәлігi болған жағдайда тасымалданады.

      93. Қаруды сақтауға, сақтау мен алып жүруге рұқсаттардың қолданылуын тоқтата тұру, қалпына келтіру және тоқтату, сондай-ақ оларды беруден бас тарту "Жекелеген қару түрлерінің айналымына мемлекеттік бақылау жасау туралы" Қазақстан Республикасының Заңы 19-бабының талаптарына сәйкес жүргізіледі.

      94. Қаруды сақтауға, сақтау мен алып жүруге рұқсаттардың қолданылуын тоқтата тұру, қалпына келтіру және тоқтату туралы дәлелді қорытынды шығарылады, оны ішкі істер органының бастығы бекітеді. Қорытындыда мұндай шешім қабылдаудың негіздері мен дәлелдері жазылады.

      95. Рұқсаттың қолданылуын тоқтата тұрған, тоқтатқан кезде, ол қару мен оның патрондарымен бірге алынып қойылады. Ішкі істер органдарының жолдамасы бойынша қару иелері немесе олардың заңды өкілдері алынып қойылған қару мен оның патрондарын комиссиялық сатуға тапсырады не қаруды сатып алуға немесе сақтау мен алып жүруге ішкі істер органдарының рұқсаты бар адамның иелігіне берілуі мүмкін.

      Ескерту. Қылмыстық iстер бойынша айып тағылған адамдардың қару мен оның патрондары рұқсатпен бiрге алынып қойылады және тергеу органдарының немесе соттық қылмыстық iс бойынша түпкiлiктi шешiмiне дейiн iшкі iстер органдарында сақталады. Егер аталған адамға қатысты қылмыстық iс тоқтатылған болса немесе сот ақтау үкiмін шығарса, оған қаруы мен оның патрондары, қаруды сақтау немесе сақтау мен алып жүру рұқсаты қайтарылады.

      96. Iшкi iстер органдары:

      ұңғысының немесе ұңғылы қорапшасымен қоса, ұңғысының ұзындығы 500 мм-ге жетпейтiн және қарудың жалпы ұзындығы 800 мм-ге жетпейтiн, сондай-ақ конструкциясы оның ұзындығын 800 мм-ге жетпейтiн етiп жасауға мүмкiндiк беретiн және сонымен бiрге бұл ретте ату мүмкiндiгi жойылмайтын ұзын ұңғылы атыс қаруын;

      оқты түйдектете атуға мүмкiндiк беретiн азаматтық атыс қаруын;

      нөмiрi жоқ, қолдан жасалған немесе нөмiрлерi қисайған атыс қаруын сатып алуға, сақтауға немесе сақтау мен алып жүруге рұқсаттар бермейдi.

      97. Азаматтық қарудың иесi қайтыс болған жағдайда отбасы мүшелерi бiр айлық мерзiмде бұл қаруды қайта тiркеуге немесе комиссиялық өткiзуге тапсыруға мiндеттi немесе олар оны азаматтық қаруды сатып алуға iшкi iстер органдарының рұқсаты бар адамға бөлек беруi тиiс. Мұраға қалдыру, сыйға тарту Қазақстан Республикасының заңнамасына сәйкес белгiленедi.

      98. Iшкi iстер органдарында қаруды бір адамнан екiншi адамға тапсыруға құжаттар ресiмдеуге рұқсат беріледi. Мұның өзi, рұқсат ету жүйесiн жүзеге асыратын ішкi істер органының қызметкерi қару иесiнiң және қарудың бұл түрiн сатып алуға iшкi iстер органының рұқсаты бар адамның қатысуымен, тапсырылатын қарудың есепке алынған жерiнде жүргiзедi. Мұндай жағдайда тапсырылатын қарудың маркасы, калибрі мен нөмірі рұқсат қағазға және сатып алу рұқсатының төлнұсқасына жазылады. Жазбаларды ішкі істер органының бастығы қол қойып және "Лицензиялық-рұқсат ету жүйесi" деген бедерi бар арнайы мөрмен куәландырады. Рұқсаттың төлнұсқасы қаруды тұрғылықты жерінде есепке қою үшін жаңа иесіне қайтарылады. Сонымен бiр мезгiлде, қаруды тапсыруды жүргізудің негізінде қаруды есептен шығару туралы тиiстi жазбалар қару иелерiн есепке алу журналына енгізіледі.

      99. Қарудың иесі тұрғылықты жерін өзгерткен кезде қаруды ішкі істер органының есебінен шығарады және оны он күн мерзімде жаңа тұрғылықты жері бойынша тиісті есепке қоюды, ал бір ауданның не ауданға бөлінбейтін қаланың шегінде тұрғылықты жерін өзгерткен кезде ол туралы аумақтық ішкі істер органына бес күн мерзімде хабарлайды.

      100. Қарудың техникалық күйiн анықтау жөнiндегi комиссия қаруды жарамсыз (жөндеуге келмейдi) деп тапса, қару тiркелмейді (қайта тіркелмейдi) және дереу қару айналымын бақылау саласындағы уәкілетті орган белгiлеген тәртiппен жойылуы тиіс.

      Ескерту. Қарудың техникалық күйiн анықтау жөнiндегi комиссия ішкі істер органында құрылады, оның құрамы 3-4 адамнан: iшкi iстер органының рұқсат ету жүйесiн жүзеге асыраушы қызметкерiнен, криминалистен, қару шеберi-техниктен тұрады және ІІД (К) бастығының бұйрығымен бекiтiледi.

      Азаматтардың iшкi iстер органдарына ұсынған қаруды тiркеу (қайта тіркеу) кезiнде оның техникалық күйiн анықтау үшiн қаруға тексеру жүргiзу комиссияның мiндетi болып табылады. Жұмыс барысында комиссия аңшылық атыс қаруының техникалық санатталу нормаларын басшылыққа алады.

      Алынып қойылған, ерiктi түрде тапсырылған, тауып алынған қару мен оқ-дәрілердiң iшкi iстер органдарында сақталуын қамтамасыз ету жөніндегі жұмыс тәртiбiн Қазақстан Республикасының Iшкіiсминi белгілейді.

      101. Қару жоғалған немесе ұрланған жағдайда иесі ол туралы ішкі істер органына бір күн мерзімде хабарлауға міндетті.

      Жауынгерлік қол атыс қаруы мен оның патрондарын, сондай-ақ суық қаруды сатып алудың, сақтаудың, алып жүрудiң және тасымалдаудың тәртібі заңнамада белгiленедi.

17. Марапаттық қаруды сатып алу, сақтау және алып қою тәртібі

      Ескерту. 17-бөлімнің тақырыбы жаңа редакцияда - ҚР Үкіметінің 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулысымен.

      102. Қазақстан Республикасы Президентінің Жарлығы, Қазақстан Республикасы Үкіметінің қаулысы негізінде Қазақстан Республикасының азаматтары алған қысқа ұңғылы ойық атыс қаруы марапаттық қаруға жатады.

      Қазақстан Республикасының азаматтары шет мемлекеттер басшыларының, шет мемлекеттер үкіметтерінің басшылары мен мүшелерінің марапаттау құжаттары негізінде марапаттық қару алуы мүмкін.

      Қазақстан Республикасының азаматтарына марапаттық қаруды сақтау мен алып жүруге рұқсатты Қазақстан Республикасы Ішкі істер министрлігі береді.

      Түйдектете атуға мүмкіндік беретін, сыйымдылығы 10 патроннан асатын оқжатары (барабаны) бар, сондай-ақ "Жекелеген қару түрлерінің айналымына мемлекеттік бақылау жасау туралы" 1998 жылғы 30 желтоқсандағы Қазақстан Республикасының Заңымен тыйым салынған қару марапаттық қаруға жатпайды.

      Азаматты қысқа ұңғылы ойық атыс қаруымен марапаттауға бастамашылық еткен мемлекеттік органдар (атауын, моделін, калибрін, сериясы мен нөмірін көрсете отырып) марапаттау туралы Қазақстан Республикасы Президентінің Жарлығының, Қазақстан Республикасының Үкіметі қаулысының жобаларын өздері әзірлейді.

      102-1. Марапаттық қысқа ұңғылы ойық атыс қаруын беру Қарулы Күштердің, басқа да әскерлер мен әскери құралымдардың, арнаулы мемлекеттік және құқық қорғау органдарының қаруынан құрылған марапаттау қорынан жүзеге асырылады.

      103. Марапаттық атыс (суық) қаруы бар адамдарға Қазақстан Республикасы Iшкiiсминi қарудың қолданылу мерзiмiн көрсетпей, "марапаттық" деген белгiсi бар сақтау және алып жүруге рұқсаттар бередi.

      Марапаттық қаруды сақтау мен алып жүрудiң рұқсаты бiр мезгiлде оны тасымалдаудың рұқсаты болып табылады.

      104. Марапаттық атыс (суық) қаруы жетi күндiк мерзiм iшiнде Қазақстан Республикасының Iшкiiсминiнде тiркелiп, оны сақтау мен алып жүрудiң рұқсаты алынуы тиiс.

      105. Марапаттық қаруды сақтауға рұқсат алу үшiн Қазақстан Республикасының Iшкiiсминiне мынадай құжаттар:

      1) толтырылған өтiнiш-карточка;

      2) қарумен марапаттау туралы құжаттың түпнұсқасы немесе нотариалды тәртiппен куәландырған көшiрмесi;

      3) денсаулық сақтау саласындағы уәкілетті орган белгілеген қару ұстауға қарсылық жоқ екені туралы медициналық қорытындыны;

      4) Қазақстан Республикасының азаматтығын растайтын құжаттың көшірмесі;

      5) қаруды қауiпсiз ұстаудың ережелерiн бiлетiндiгiн тексеру туралы анықтама;

      6) <*>

      7) қару мен оның патрондарын сақтауға және алып жүруге рұқсат берiлу үшiн мемлекеттік баждың төленгенi туралы түбіртек;

      8) көлемi 3х4 см екі фотосурет ұсынылады.

      105-1. Марапаттық қаруды сақтау осы Ереженің 91-тармағының талаптарына сәйкес жүзеге асырылады.

      105-2. Марапаттық қысқа ұңғылы ойық атыс қаруы оны сақтауға және алып жүруге рұқсат ішкі істер органдарында ресімделерден бұрын, кейіннен әрбір бес жылдан кейін атып тексеріледі.

      106. Лауазымды адамдардан алынған, осы Ереженiң 102-тармағында көрсетiлмеген атыс (суық) қаруы марапаттық қару қатарына жатпайды және аумақтық iшкi істер органына:

      1) әскери қол атыс және суық қару - оны берген тиiстi ведомствоға кейiннен табыс ету арқылы тегiн тапсырылуы тиіс;

      2) аңшылық қару - осы Ережелердің 77-80 және 89-тармақтарына сәйкес оны сақтау мен алып жүруге рұқсат беру арқылы тiркелуi немесе оны сатып алу рұқсаты бар адамға бөлек берiлуi мүмкiн.

      Ескерту. Марапаттық қаруға, сондай-ақ Қазақстан Республикасы азаматтарының "Жекелеген қару түрлері айналымын мемлекеттiк бақылау туралы" Қазақстан Республикасының Заңы күшiне енгенге дейін атаулы қарумен марапаттау құқығы болған лауазымды адамдардың, өкiлдi және атқарушы органдардың бұйрықтары негiзiнде алынған, заңнамада белгiленген тәртiпте оны алып жүру мен сақтауға ішкі iстер органдарының рұқсаты бар қарулар жатады.

      107. Марапаттық қаруды ішкі істер органдары Қазақстан Республикасының қолданылып жүрген заңнамасына сәйкес сақтаудың, тасымалдаудың және пайдаланудың ережелерін бұзғаны үшін азаматтардан алып қоюы мүмкін.

      108. Марапаттық атыс (суық) қарудың иесi қайтыс болған жағдайда аталған қару бiр айлық мерзiмде iшкi iстер органдарына өткiзiледi.

      109. Марапаттық қару iшкi істер органдары оны тиiсiнше қайта тiркеп, қайта жасағаннан кейiн сақтау үшiн мұражайларға тапсырылуы мүмкiн.

18. Азаматтық және қызметтік қару мен оның патрондарын
Қазақстан Республикасының аумағына әкелу, Қазақстан
Республикасының аумағынан әкету және Қазақстан
Республикасының аумағы арқылы транзиттеу тәртібі

      Ескерту. 18-тарау жаңа редакцияда - ҚР Үкіметінің 29.12.2016 № 909 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      110. Осы тараудың талаптары:

      1) қаруды, оның негізгі (құрама) бөлшектері мен патрондарын Қарулы Күштердің, басқа да әскерлер мен әскери құралымдардың, арнаулы мемлекеттік және құқық қорғау органдарының мұқтаждығы үшін әкелу және (немесе) әкету кезінде;

      2) 1899 жылдың соңына дейін жасалған атыс, лақтырылатын және пневматикалық қаруды (ортадан соққылайтын унитарлық патрондармен атуға арналған атыс қаруын қоспағанда) және 1945 жылдың соңына дейін жасалған суық қаруды әкету кезінде қолданылмайды.

      111. Азаматтық және қызметтік қаруды, оның негізгі (құрама) бөлшектері мен патрондарын (бұдан әрі – қару) әкелу, әкету және транзиттеу Еуразиялық экономикалық комиссия алқасының 2012 жылғы 16 мамырдағы № 45 шешімімен бекітілген нысан бойынша жасалған қорытынды (рұқсат құжаты) (бұдан әрі – қорытынды) болған кезде жүзеге асырылады.

      Қаруды уақытша әкелуге (уақытша әкетуге) қорытынды қаруды кері әкетуге (әкелуге) арналған рұқсат құжаты болып табылады.

      112. Заңды тұлғаларға қаруды әкелуге немесе әкетуге арналған қорытындылар қаруды жеткізу шартында (келісімшартта) айқындалған, бірақ күнтізбелік бір жылдан артық емес мерзімге беріледі.

      113. Қаруды әкелу, әкету құқығына қорытындыларды ресімдеу кезіндегі жалпы талаптар:

      1) ұйым басшысының (жеке тұлғаның) өтініші, онда қару мен оның патрондарының саны, әкелуге (әкетуге) жауапты адамның (жеке тұлғаның) тегі, аты-жөні, паспортының немесе жеке куәлігінің сериясы мен нөмірі, қару мен оның патрондары әкелінетін мемлекет, әкелу жүзеге асырылатын кеден пункті (шекарадан өту пункті) көрсетіледі;

      2) Еуразиялық экономикалық комиссия алқасының 2012 жылғы 16 мамырдағы № 45 шешімімен бекітілген Еуразиялық экономикалық қоғамдастық шеңберінде Кеден одағына мүше мемлекеттер үшінші елдермен саудада әкелуге немесе әкетуге тыйым салулар немесе шектеулер қолданылатын тауарлардың бірыңғай тізбесіне енгізілген жекелеген тауарларды әкелуге, әкетуге және транзиттеуге қорытындыны толтырудың бірыңғай нысанын толтыру жөніндегі әдістемелік нұсқауларға сәйкес ресімделген қорытындының жобасы;

      3) қаруды әкелу немесе әкету құқығына қорытынды бергені үшін мемлекеттік баждың төленуі.

      Заңды тұлғалар үшін қосымша:

      1) сәйкестік сертификаты немесе қаруды Қазақстан Республикасының аумағына әкелгеннен кейін сертификаттау жүргізуге арналған шарт;

      2) заңды тұлғаны мемлекеттік қайта тіркеу туралы анықтама болуы қажет.

      Жеке тұлғалар үшін қосымша жеке басын куәландыратын құжаттар немесе жеке басын куәландыратын құжаттардың мәліметтері (сериясы, нөмірі, қашан және кімнің бергені, жеке сәйкестендіру нөмірі, тұрғылықты мекенжайы) болуы қажет.

      113-1. Заңды тұлғаларға қаруды сату үшін әкелуге қорытындыны ресімдеу кезінде қосымша мыналардың болуы қажет:

      1) тауарды импорттаушының азаматтық және қызметтік қарудың, оның негізгі (құрамдас) бөлшектері мен патрондарының "Жекелеген қару түрлерінің айналымына мемлекеттік бақылау жасау туралы" 1998 жылғы 30 желтоқсандағы Қазақстан Республикасы Заңының 5 және 6-баптарында көрсетілген пайдаланушыларға сатылатыны туралы кепілхат.

      Егер қару мен патрондардың импорты кезінде Қарулы Күштер, басқа да әскерлер мен әскери құралымдар, арнаулы және құқық қорғау органдары соңғы тұтынушылар болып табылған жағдайда импортқа лицензия ресімдеу "Экспорттық бақылауға жататын өнімнің номенклатурасын (тізімін) бекіту туралы" Қазақстан Республикасы Үкіметінің 2008 жылғы 5 ақпандағы № 104 қаулысымен бекітілген "Әскери қолданылатын (мақсаттағы) тауарлар мен технологиялар" деген бөлімді ескере отырып, әскери мақсаттағы өнім ретінде жүзеге асырылады.

      2) уәкілетті ішкі істер органы берген азаматтық және қызметтік қару мен оның патрондары саудасына лицензия;

      3) қарудың нақты түрлері, типтері, модельдері, саны көрсетілетін ерекшелігі қоса берілген қаруды жеткізу шарты (келісімшарты);

      4) қаруды сатып алу құқығына рұқсат;

      5) қарудың атауы мен моделінің белгісі, негізгі техникалық көрсеткіштері, қаруды шығарған елдің және фирманың атауы туралы ақпарат, оның түрлі-түсті фотосуреті;

      6) жарақат салатын патрондармен ату мүмкіндігі бар ұңғысыз атыс, газды қарудың, электр қаруының, сондай-ақ жарақат салатын патрондардың зақымдаушы факторларының адам ағзасына тигізетін шекті әсері туралы денсаулық сақтау саласындағы уәкілетті орган берген қорытындының не қаруды әкелгеннен кейін адам ағзасына тигізетін шекті әсер нормаларына сәйкестігіне медициналық-биологиялық сынақтар өткізілгені туралы кепілхат болуы қажет.

      113-2. Заңды тұлғаларға қаруды сату үшін әкетуге қорытындыны ресімдеу кезінде қосымша:

      1) уәкілетті ішкі істер органы берген азаматтық және қызметтік қару мен оның патрондары саудасына лицензия;

      2) қарудың нақты түрлері, типтері, модельдері, саны көрсетілетін ерекшеліктері қоса берілген қаруды жеткізу шарты (келісімшарты);

      3) қарудың атауы мен моделінің белгісі, негізгі техникалық көрсеткіштері, қаруды шығарған елдің және фирманың атауы туралы ақпарат, оның түрлі-түсті фотосуреті;

      4) оны әкелу болжанып отырған мемлекеттің құзыретті органы берген қаруды әкелуге рұқсат құжаты;

      5) шет мемлекеттің уәкілетті мемлекеттік органының осы қарудың тек бейбіт мақсатта пайдаланылатыны және басқа елдерге экспортталмайтыны туралы жазбаша кепілдік міндеттемесі болуы қажет.

      113-3. Қару саудасына лицензиясы бар заңды тұлғаларға қарудың сәйкестігін растау, медициналық-биологиялық зерттеулер жүргiзу, жөндеу, ауыстыру, қайтару мақсатында сынақтарды жүргiзу үшін әкелуге (әкетуге), сондай-ақ көрмелерге қатысу үшін уақытша әкелуге (әкетуге) қорытындыны ресімдеу кезінде қосымша:

      1) уәкілетті ішкі істер органы берген азаматтық және қызметтік қару мен оның патрондары саудасына лицензия;

      2) қарудың нақты түрлері, типтері, модельдері, саны көрсетілетін ерекшеліктері қоса берілген қаруды жеткізу шарты (келісімшарты);

      3) қаруды сатып алу құқығына рұқсат;

      4) қарудың атауы мен моделінің белгісі, негізгі техникалық көрсеткіштері, қаруды шығарған елдің және фирманың атауы туралы ақпарат, оның түрлі-түсті фотосуреті;

      5) оны әкелу болжанып отырған мемлекеттің құзыретті органы берген қаруды әкелуге рұқсат құжаты болуы қажет.

      113-4. Қарудың сәйкестігін растау, медициналық-биологиялық зерттеулер жүргізу, жеке пайдалану үшін сатып алу, жөндеу, ауыстыру, қайтару мақсатында жеке тұлғаларға қаруды әкелуге қорытындыны ресімдеу кезінде қосымша:

      1) қаруды сатып алу құқығына рұқсат;

      2) сәйкестік сертификаты немесе қаруды Қазақстан Республикасының аумағына әкелгеннен кейін сертификаттау жүргізу шарты (тек жеке пайдалану үшін сатып алған кезде);

      3) жарақат салатын патрондармен ату мүмкіндігі бар ұңғысыз атыс, газды қарудың, электр қаруының, сондай-ақ жарақат салатын патрондардың зақымдаушы факторларының адам ағзасына тигізетін шекті әсері туралы денсаулық сақтау саласындағы уәкілетті орган берген қорытындының не қаруды әкелгеннен кейін адам ағзасына тигізетін шекті әсер нормаларына сәйкестігіне медициналық-биологиялық сынақтар өткізілгені туралы кепілхат (тек жеке пайдалану үшін сатып алған кезде);

      4) қарудың жөндеу, ауыстыру, қайтару үшін (тек жөндеу, ауыстыру, қайтару үшін) әкелінгенін растайтын құжат (шарт, хат) болуы қажет.

      113-5. Жеке тұлғаларға қаруды жөндеу, ауыстыру, қайтару үшін әкетуге қорытындыны ресімдеу кезінде қосымша:

      1) қаруды әкелу болжанып отырған мемлекеттің құзыретті органы берген қаруды әкелуге рұқсат құжаты;

      2) әкетілуі көзделген қаруды сақтау құқығына немесе сақтау және алып жүру рұқсаты;

      3) қарудың жөндеу, ауыстыру, қайтару үшін әкетілетінін растайтын құжат (шарт, хат) болуы қажет.

      113-6. Шетелдік заңды тұлғаларға немесе шетелдіктерге (спорт ұйымдарына немесе спортшыларға) спорттық іс-шараларға қатысу үшін қаруды уақытша әкелуге арналған қорытындыны ресімдеу кезінде қосымша:

      1) халықаралық спорттық жарыстарға немесе оқу-жаттығу жиындарына қатысуға шақыру;

      2) қару мен оның патрондарының нақты түрінің спортшыға бекітілгені туралы ақпарат (тізім);

      3) әкелінетін қаруды сақтау үшін жағдайлардың барын растайтын құжаттама (үй-жайды жалға алу шарты, қаруды сақтауға рұқсат) болуы қажет.

      113-7. Заңды немесе жеке тұлғаларға (спорт ұйымдарына немесе спортшыларға) спорттық іс-шараларға қатысу үшін қаруды уақытша әкетуге арналған қорытындыны ресімдеу кезінде қосымша:

      1) халықаралық спорттық жарыстарға немесе оқу-жаттығу жиындарына қатысуға шақыру;

      2) қаруды әкелу болжанып отырған мемлекеттің құзыретті органы берген қаруды әкелуге рұқсат құжаты;

      3) спорт ұйымы басшысының қарудың нақты түрін спортшыға бекіту туралы бұйрығы;

      4) әкетілуі көзделген спорт қаруын сақтау құқығына рұқсат;

      5) спорт ұйымы басшысының спортшыны(ларды) іссапарға жіберу туралы тиісті бұйрығы болуы қажет.

      113-8. Шетелдіктерге аңшылыққа қатысу үшін аңшылық атыс қаруының бірлі-жарым даналарын (екі бірліктен артық емес), олардың патрондары мен аңшылық пышақтарды уақытша әкелуге қорытындыны ресімдеу кезінде қосымша:

      1) аңшылық шаруашылығы ұйымының шетелдік аңшымен аң аулауға жасасқан шарты;

      2) жануарлар дүниесін қорғау, өсімін молайту және пайдалану саласындағы уәкілетті органмен келісілген аңшылық алқаптарды бекітіп беру туралы облыстық атқарушы органның шешімі;

      3) аңшылық атыс және суық қаруды әкелуге (әкетуге) қорытынды алуға арналған сенімхат;

      4) шетелдік аңшының жеке басын куәландыратын құжаттар (паспорт) болуы қажет.

      Өтінішпен мүдделі аңшылық шаруашылығы ұйымы жүгінеді, онда әкелінетін патрондар саны, шетелдіктің паспортының немесе жеке куәлігінің сериясы мен нөмірі қосымша көрсетіледі.

      Өтініш уәкілетті орман және аңшылық шаруашылығы органының облыстық аумақтық органымен келісіледі.

      113-9. Жеке тұлғаларға аңшылық атыс қаруының бірлі-жарым даналарын (екі бірліктен артық емес), олардың патрондары мен аңшылық пышақтарды уақытша әкетуге қорытындыны ресімдеу кезінде қосымша:

      1) аң аулау жүзеге асырылатын мемлекеттің заңнамасында көзделген аң аулауға қатысуын растайтын (қызметтер көрсету туралы шарт немесе шақыру және т.б.) құжат;

      2) қаруды әкелу көзделіп отырған мемлекеттің құзыретті органы берген қаруды әкелуге рұқсат құжаты;

      3) әкетілуі көзделген аңшылық қаруды сақтау құқығына рұқсаты болуы қажет.

      Жеке тұлға Еуразиялық экономикалық одаққа мүше мемлекеттерге аң аулауға қатысу үшін шыққан кезде аңшылық қару мен оның патрондарын уақытша әкетуге (әкелуге) қорытынды ресімделмейді.

      Бұл ретте, жеке тұлға (аңшы) қаруды әкеткенге дейін кемінде 10 күн бұрын қару тіркелген аумақтық ішкі істер органына Еуразиялық экономикалық одаққа мүше мемлекеттің заңнамасында көзделген аң аулауға қатысуын растайтын құжатты (қызметтер көрсету туралы шарт немесе шақыру) ұсынады.

      Жеке тұлға аңшылыққа қатысу кезінде пайдалану үшін әкеткен азаматтық қару көрсетілген азаматтық қару тіркелген мүше мемлекетке әкелуге арналған рұқсат құжаттың жарамдық мерзімі аяқталғанға дейін әкелінуі тиіс.

      Құзыретті органдардың азаматтық қаруды аңшылыққа қатысу кезінде пайдалану үшін әкелуге рұқсат құжаттарын беру мерзімі күнтізбелік 15 күннен аспауы тиіс.

      113-10. Басқа мемлекетке тұрақты тұруға кететін жеке тұлғаларға азаматтық қаруды, оның патрондарын әкетуге қорытындыны ресімдеу кезінде қосымша:

      1) қаруды әкету жүзеге асырылатын мемлекеттің заңнамасында көзделген тұрақты тұруға кететінін растайтын құжат;

      2) қаруды әкету болжанып отырған мемлекеттің құзыретті органы берген қаруды әкелуге рұқсат құжаты;

      3) әкету болжанып отырған аңшылық қаруды сақтау құқығына рұқсат болуы қажет.

      113-11. Қазақстан Республикасына тұрақты тұруға келетін жеке тұлғаларға қару мен оның патрондарын әкелуге қорытындыны ресімдеу кезінде қаруды әкетуге рұқсат құжаты қосымша болуы қажет.

      Әкелінгеннен кейін қару ішкі істер органына жауапты сақтауға тапсырылады, ал оны тіркеу осы Ережеде көзделген жалпы негіздерде жүргізіледі.

      113-12. Қазақстан Республикасының азаматы марапаттық қаруды әкелуге арналған қорытындыны ресімдеу кезінде үшінші мемлекеттер басшыларының және үшінші мемлекеттердің үкімет басшыларының марапаттық құжаттары қосымша болуы қажет.

      113-13. Шетелдіктерге марапаттық қаруды әкетуге қорытындыны ресімдеу кезінде әкетілетін қарумен марапаттау туралы Қазақстан Республикасы Президентінің Жарлығы немесе Қазақстан Республикасы Үкіметінің қаулысы қосымша болуы қажет.

      114. Жеке тұлғаларға азаматтық қарудың бірлі-жарым даналары (екі бірліктен артық емес) мен оның патрондарын Қазақстан Республикасының аумағы арқылы транзиттеуге арналған қорытындыны ресімдеу кезінде мыналар болуы қажет:

      1) азаматтық қарудың бірлі-жарым даналары (екі бірліктен артық емес) мен оның патрондарын Қазақстан Республикасының аумағы арқылы транзиттеуге қорытынды беру туралы өтініш;

      2) қару мен оның патрондарын әкелетін елдің және әкететін елдің уәкілетті органдары берген, қару мен оның патрондарын сатып алу құқығын растайтын, мөрмен және өтініш берушінің қолымен расталған өтініш берушінің атына берілген рұқсат құжаты. Егер әкелу елінің немесе әкету елінің заңнамасында қару мен оның патрондарын сатып алуға рұқсат құжаттарын беру көзделмеген жағдайда, қару мен оның патрондарын сатып алудың заңдылығын көрсететін құжаттың көшірмесі ұсынылады. Ұсынылған құжат көшірмелерінде қарудың типі, моделінің түрі, калибрі, сериясы мен нөмірі көрсетіледі;

      3) кеден органының "транзит" кедендік режимін белгілеу туралы белгісі бар кеден декларациясының данасы;

      4) жеке тұлғаның (өтініш берушінің) жеке басын растайтын құжат;

      5) қаруды әкету елінің уәкілетті органы берген қару мен оның патрондарын әкетуге арналған рұқсаттың болуы туралы құжат;

      6) қаруды әкелу елінің уәкілетті органы берген қару мен оның патрондарын әкелуге арналған рұқсаттың болуы туралы құжат;

      7) Қазақстан Республикасының заңнамасына сәйкес азаматтық-құқықтық жауапкершілігін сақтандыру шарты немесе сақтандыру полисі.

      2), 3), 5), 6), 7) тармақшаларда көрсетілген құжаттар Қазақстан Республикасының мемлекеттік тіліндегі немесе орыс тіліндегі ресми аудармасымен қоса, сондай-ақ 7) тармақшада көрсетілген құжаттарды қоспағанда, нотариалды куәландырылған көшірмелері ұсынылады.

      Үшінші тұлғалардың азаматтық қарудың бірлі-жарым даналары (екі бірліктен артық емес) мен оның патрондарын Қазақстан Республикасының аумағы арқылы транзиттеуі осы Ереженің 115-тармағына сәйкес жүзеге асырылады.

      115. Заңды тұлғаларға азаматтық және қызметтік қару мен оның патрондарын Қазақстан Республикасының аумағы арқылы транзиттеуге қорытындыны ресімдеу кезінде:

      1) азаматтық және қызметтік қаруды, олардың негізгі (құрама) бөлшектері мен патрондарын Қазақстан Республикасының аумағы арқылы транзиттеуге қорытынды беру туралы өтініш;

      2) мөрмен және өтініш берушінің қолымен куәландырылған, сыртқы сауда мәмілесіне қатысушылар арасындағы иеліктен шығару құжаты;

      3) мөрмен және өтінім берушінің қолымен куәландырылған, қаруды жасаушы елден экспорттауды жүзеге асыратын заңды тұлға мен қару жасаушы немесе қаруды сатып алушы елге импорттауды жүзеге асыратын заңды тұлға мен қаруды сатып алушы арасындағы шарт;

      4) кеден органының "транзит" кеден режимін белгілеу туралы белгісі бар кеден декларациясының данасы;

      5) қарудың түрлерін, типтерін, модельдерін, калибрлері мен нөмірлерін, сондай-ақ патрондардың типтері, калибрлері, дайындау партиялары мен саны туралы мәліметтер көрсетілген кеден органы растаған тасымалданатын қаруды нөмірлік есепке алу тізімі;

      6) заңды тұлға ретінде мемлекеттік тіркелгенін растайтын құжат;

      7) экспорттаушы елдің уәкілетті органы берген өнімді әкетуге арналған рұқсаттың болуы туралы құжат;

      8) өнім транзитіне байланысты өтініш беруші мемлекеттің заңнамасына сәйкес қызметті жүзеге асыру құқығын растайтын құжат;

      9) Қазақстан Республикасының заңнамасына сәйкес азаматтық-құқықтық жауапкершілікті сақтандыру шарты немесе сақтандыру полисі;

      10) өтініш берушінің транзитпен тасымалданатын өнімнің жеке қорғалуын жүзеге асыруды қамтамасыз ететінін растайтын құжат және жеке қорғауды жүзеге асыратын заңды немесе жеке тұлғалардың күзет қызметін жүзеге асыру құқығын растайтын құжат;

      11) оған қатысы жоқ себептер бойынша жүк қабылдаушыға жүкті беру мүмкін болмаған жағдайда, жүк жөнелтушінің осы жүктерді қайта қабылдауға келісімін растайтын құжат болуы қажет.

      2), 3), 4), 5), 6), 7), 8) және 9) тармақшаларда көрсетілген құжаттар Қазақстан Республикасының мемлекеттік тіліндегі немесе орыс тіліндегі ресми аудармасымен, сондай-ақ 7) және 9) тармақшаларда көрсетілген құжаттарды қоспағанда, нотариалды куәландырылған көшірмелері ұсынылады.

      116. Осы Ереженің 115-тармағында көрсетілген құжаттар консулдық заңдастыру туралы талаптарды сақтай отырып немесе Қазақстан Республикасының заңнамасына және Қазақстан Республикасы ратификациялаған халықаралық шарттарға сәйкес апостиль қойылып ұсынылады.

      117. Әкелінетін (әкетілетін) қару кеден пунктінде бір-бірлеп тексеріледі. Ол туралы деректер әкелінетін (әкетілетін) қару мен патрондарды есепке алу журналына енгізіледі және жинақталған мәліметтер ай сайын Қазақстан Республикасының Ішкі істер министрлігіне ұсынылады.

      Ескертпе. Әкелінетін (әкетілетін) патрондар туралы деректер журналға: жарақталған патрондар саны бойынша, ал оқ-дәрілер салмағы бойынша енгізіледі.

19. Шетелдiк құқық қорғау органдарының арнаулы қызметтерi мен
әскерилендiрiлген ұйымдары қызметкерлерiнiң жауынгерлiк қол
атыс қаруын Қазақстан Республикасының аумағына әкелу және
Қазақстан Республикасынан әкету тәртiбi

      118. Жауынгерлік және жедел қызметтік міндеттерді шешу үшін жауынгерлік қол атыс қаруы мен суық қарудың бірлі жарым даналарын Қазақстан Республикасынан әкетуді және Қазақстан Республикасының аумағына әкелуді Қазақстан Республикасының тиісті мемлекеттік органдары мен олардың бөлімшелерінің (бұдан әрі - Қарулы Күштер, басқа әскерлер мен әскери құралымдар, арнаулы мемлекеттік және құқық қорғау органдары, өртке қарсы қызмет органдарын қоспағанда) әскери қызметшілері және қызметкерлері қаруды алып жүру құқығын растайтын құжат пен әкетілетін (әкелінетін) қару жазылған іссапар куәлігінің негізінде жүзеге асырылады. Көрсетілген құжат іссапар куәлігінің көшірмесімен бірге Қазақстан Республикасының Мемлекеттік шекарасы арқылы өткізу пунктінде орналасқан кеден органына ұсынылады. Іссапар куәлігінің көшірмесін кеден органының қызметкері түпнұсқасымен салыстырғаннан кейін нөмірлік мөр басу арқылы куәландырады және ол әкетілетін (әкелінетін) қаруды кедендік ресімдеуді жүзеге асырған кеден органының ісінде қалады.

      119. Өртке қарсы қызмет органдарын қоспағанда, Қазақстан Республикасына шақыру бойынша немесе қызметтік тапсырмаларды орындауына байланысты келген шетелдік құқық қорғау органдары, арнаулы қызметтері мен әскерилендірілген ұйымдары қызметкерлерінің жауынгерлік қол атыс қаруын Қазақстан Республикасының аумағына әкелуі мен Қазақстан Республикасының аумағынан әкету, сондай-ақ Қазақстан Республикасының аумағы арқылы транзиті тиісінше Қарулы Күштер, басқа әскерлер мен әскери құралымдар, арнаулы мемлекеттік және құқық қорғау органдары басшыларының жазбаша қорытындысы бойынша жүзеге асырылады.

      120. Жазбаша қорытындыда шетелдік құқық қорғау органдары, арнаулы қызметтері мен әскерилендірілген ұйымдары қызметкерлерінің тегі, аты, әкесінің аты, қарудың түрі (маркасы), нөмірі және калибрі, әкелінетін қарудың әрбір бірлігіне арналған оқ-дәрілердің саны көрсетіледі. Өртке қарсы қызмет органдарын қоспағанда, жазбаша қорытындыға тиісінше Қарулы Күштердің, басқа әскерлер мен әскери құралымдардың, арнаулы мемлекеттік органдардың басшысы немесе оның орнындағы адам қол қояды.

      121. Жазбаша қорытынды және оның көшірмесін қабылдаушы тараптың өкілі Қазақстан Республикасының Мемлекеттік шекарасы арқылы өткізу пунктінде орналасқан кеден және шекара органына ұсынады және кеден және шекара органының қызметкері мөр басу арқылы куәландырады, жазбаша қорытындының көшірмесі әкелінетін қаруды ресімдеуді жүзеге асыратын кеден және шекара органының ісінде қалады.

      Қаруды Қазақстан Республикасына әкелу кезінде кеден және шекара органы растаған жазбаша қорытындының түпнұсқасы қаруды әкету кезінде Қазақстан Республикасының Мемлекеттік шекарасы арқылы өткізу пунктінде орналасқан кеден және шекара органына ұсынылады және оның ісінде қалады.

      Ескертпе: Еуразиялық экономикалық қоғамдастық шеңберінде Кеден одағына мүше мемлекеттермен мемлекеттік шекарада қару мен оның патрондарын әкелу және/немесе әкету жағдайында ресімдеу тек қана шекара органында жүргізіледі.

      122. Қазақстан Республикасының аумағына әкелiнген қару Қазақстан Республикасының заңнамасына сәйкес қолданылады.

      123. Қазақстан Республикасының аумағына әкелiнген қаруды сақтау, алып жүру және пайдалану тәртiбiн бақылауды Қазақстан Республикасының тиiстi мемлекеттiк органдары мен олардың бөлiмшелерi жүзеге асырады.

20. Атыс тирлері (атыс орындары) мен стенділерін ашу және
олардың жұмыс істеу тәртібі

      Ескерту. 20-бөлім алып тасталды - ҚР Үкіметінің 04.02.2016 № 53 қаулысымен (алғашқы ресми жарияланған күнінен бастап қолданысқа енгізіледі).

      Ескерту. 1-қосымша алынып тасталды - ҚР Үкіметінің 2002.04.05. N 407 қаулысымен.

      Ескерту. 2-қосымша жаңа редакцияда- ҚР Үкіметінің 2003.11.11. N 1127, 2007.12.29. N 1370 (ресми жарияланған күнінен бастап он күнтізбелік күн өткен соң қолданысқа енгізіледі) Қаулыларымен.

Қазақстан Республикасының аумағында инкассацияны жүзеге асыратын ұйымдардың қызметкерлерiн қаруландыру үшiн белгіленген қару мен оның патрондарының түрлерi, үлгiлерi, модельдерi, саны

      Қару:

      1. Ақшалай түсiмдердi инкасса. Әрбiр инкассаторға 1

      циялау мен құндылықтарды тапанша немесе револьвер

      тасымалдауды жүзеге асыратын Инкассаторлар бригадасына

      инкассация қызметiнiң қызмет. (3-5 адам) 1 винтовка

      керлерi (инкассаторлар) немесе карабин немесе

      жекелей атуға қайта

      жасалған автомат немесе

      инкассаторлар командасына

      (10-15 адам) 6 винтовка

      немесе карабин немесе

      жекелей атуға қайта

      жасалған автомат

      2. Инкассация қызметiнің ақшалай Әрбiр жүргiзушiге 1 тапан.

      түсiмдердi инкассациялау мен ша немесе револьвер

      құндылықтарды тасымалдауға

      арналған арнайы автомобиль.

      дерiнің жүргізушілерi

      3. Қару резервi Әрбiр 10 бiрлiк қаруға

      1 бiрлік

      Оқ-дәрiлер:

      ____________________________________________________________________

      | | Патрондардың саны (дана)

      P/c| Қарудың |________________________________________________

      N | атауы |инкассаторлар, |қару | жылдық шығын:

      | |инкассациялауға|бірлігінің|___________________

      | |жарақталған |азаймайтын|бір адамға|қару

      | |арнайы авто. |қоры |практика. |бірлігіне

      | |мобильдердің | |лық атыс. |атылыс

      | |жүргiзушiлерi | |тар үшін |тексеруі

      | | | | |үшін

      ____________________________________________________________________

      1 Жекелей

      атуға қайта

      жасалған 30 60 120 8

      автомат (1 оқжатарда)

      2 Винтовка, 15 30 120 8

      кaрабин (оқтізерлерде)

      3 Тапанша 16 32 96 8

      (2 оқжатарда)

      4 Револьвер 14 28 72 8

      (қорапта)

      ____________________________________________________________________

      Ескерту. Қарудың атылысын тексеруге арналған оқ-дәрiлердi басқа мақсаттарға жұмсауға тыйым салынады.

Қазақстан Республикасының екiншi дәрежелi банктерi
мекемелерiнiң қызметкерлерiн қаруландыру үшiн белгiленген
қару мен оның патрондарының түрлерi, үлгiлерi,
модельдерi және саны

      Ескерту. 3-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

      Ескерту. 4-қосымша жаңа редакцияда - ҚР Үкіметінің 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулысымен.

Жеке күзет ұйымдарының күзетшілері пайдаланатын қызметтік
қарудың және оларға патрондардың түрлері, үлгілері, модельдері
және саны

      1. Жеке күзет ұйымдарының күзетшілері бір бекетке 2 бірлік қарудан аспайтын есеппен қаруланады.

      2. Сыртқы бекеттегі күзетші, сондай-ақ жылдам қимылдайтын ұтқыр топтың құрамындағы күзетші (жүргізуші-күзетшіні қоспағанда) денсаулық сақтау саласындағы уәкілетті орган қолдануға рұқсат берген жарақат салатын патрондармен ату мүмкіндігі бар азаматтық ұңғысыз атыс қаруымен, газды қарумен немесе электр қаруымен немесе ұзын тегіс ұңғылы қарумен қарулана алады.

      3. Ауысым тобының аға күзетшісі, жылдам қимылдайтын ұтқыр топтың аға күзетшісі, ішкі бекеттегі күзетші, жылдам қимылдайтын ұтқыр топтың құрамындағы жүргізуші-күзетші, сондай-ақ жеке тұлғалардың өмірі мен денсаулығын күзетуді жүзеге асыратын күзетші денсаулық сақтау саласындағы уәкілетті орган қолдануға рұқсат берген жарақат салатын патрондармен ату мүмкіндігі бар азаматтық ұңғысыз атыс қаруымен, газды қарумен немесе электр қаруымен немесе ұзын тегіс ұңғылы қарумен қарулана алады.

      4. Күзеттің барлық түрі үшін қару резерві - қаруланудағы әр 10 бірлікке 1 бірлік қару.

      5. Объектіні күзетуге түсетін күзетшілерге:

      1) тегіс қысқа ұңғылы қарудың, жарақат салатын патрондары бар азаматтық ұңғысыз атыс қаруының, газды қарудың әр бірлігіне 16 патронға (2 оқжатарға, барабанға) дейін;

      2) тегіс ұзын ұңғылы қарудың әр бірлігіне 10 патроннан беріледі;

      3) оқу атыстарын өткізу үшін 1 күзетшіге жылына кемінде 12 патрон беріледі.

      Тегіс ұңғылы қаруға арналған патрондар № 7 немесе № 8 оқ-дәрімен оқталады, сондай-ақ денсаулық сақтау саласындағы уәкілетті органның нормаларына сәйкес келетін жарақат салатын патрондар қолданылуы мүмкін.

      Бағалы металдар мен алмасты, көмірсутек шикізатын өндіруді, сақтауды, тасымалдауды, қайта өңдеуді қамтамасыз ететін объектілерді, банктерді, электр станцияларын, жылу-электр орталықтарын және электр беру желілерін, жарылғыш, улы және есірткі заттары, радиоактивті материалдар қоймаларын (сақтау орындарын), мемлекеттік материалдық резервтер қоймаларын (сақтау орындарын), сондай-ақ бағалы және қауіпті жүктерді тасымалдау кезінде теміржол және әуе көлігін күзету кезінде тегіс ұңғылы қаруға арналған патрондарды № 0; 1 оқ-дәрімен немесе оқпен оқтауға рұқсат етіледі.

      Патрондардың азаймайтын қоры:

      1) тегіс қысқа ұңғылы, жарақат салатын патрондары бар азаматтық ұңғысыз атыс қаруының, газды қарудың бір бірлігіне - 16 патрон;

      2) тегіс ұзын ұңғылы атыс қаруының бір бірлігіне - 10 патрон.

      Ескерту. 4-1-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

      Ескерту. 4-2-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

Қазақстан Республикасы Ішкі істер министрлігінің кадрларына енетін, Қазақстан Республикасы Мемлекеттік құпияларды сақтау жөніндегі қызметінің жеке құрамының қарулануы үшін белгіленген қару мен оның патрондарының түрлері, үлгілері, модельдері және саны

      ---------------------------------------------------------------------------

      Қарудың түрі ! Калибрі ! Басшылық құрамының ! Мемлекеттік фельдъегерлік

      мен атауы ! ! санына қару бірлі. ! қызмет бөлімшелеріне тиесілі

      ! ! гінің саны |

      --------------------------------------------------------------------------

      1 ! 2 ! 3 ! 4

      ---------------------------------------------------------------------------

      ҰРЫСҚА АРНАЛҒАН

      "Макаров" 9,00 мм 1 адамға 1 дана Қазақстан Республикасының

      тапаншасы Мемлекеттік фельдъегерлік

      қызметі және оның арнайы

      тапсырмалар орындауға

      арналған бөлімшелері.

      Автомат Қазақстан Республикасының

      (КА, ЖМКА) 7,62 мм Мемлекеттік фельдъегерлік

      (САТ) 9,00 мм 15 адамға 1 дана қызметі.

      Қазақстан Республикасының

      Мемлекеттік фельдъегерлік

      қызметінің бөлімдері мен

      1 бөлімшеге 1 дана бөлімшелері.

      ОҚУ Қазақстан Республикасының

      "Макаров" Мемлекеттік фельдъегерлік

      тапаншасы 9,00 мм 100 адамға 1 дана қызметі.

      Қазақстан Республикасының

      Мемлекеттік фельдъегерлік

      қызметінің бөлімдері мен

      1 бөлімшеге 1 дана бөлімшелері.

      Автомат Қазақстан Республикасының

      (КА, ЖМКА) 7,62 мм Мемлекеттік фельдъегерлік

      100 адамға 1 дана қызметі.

      Қазақстан Республикасының

      Мемлекеттік фельдъегерлік

      қызметінің бөлімдері мен

      1 бөлімшеге 1 дана бөлімшелері.

      СПОРТТЫҚ ШАҒЫН КАЛИБРЛІ

      "Марголина" 5,6 мм 50 адамға 1 дана Қазақстан Республикасының

      өздігінен Мемлекеттік фельдъегерлік

      зарядталатын, қызметі.

      спорттық

      тапаншасы

      Нысаналы шағын 5,6 мм 100 адамға 1 дана Қазақстан Республикасының

      калибрлі Мемлекеттік фельдъегерлік

      спорттық қызметі.

      винтовка Қазақстан Республикасының

      Мемлекеттік фельдъегерлік

      қызметінің бөлімдері мен

      1 бөлімшеге 1 дана бөлімшелері.

      ОҚ-ДӘРІЛЕРДІҢ НОРМАЛАРЫ

      ---------------------------------------------------------------------------

      Қарудың атауы ! Калибрі ! Қару бірлігінің ! Жылдық норма (дана)

      ! ! азаймайтын қоры !--------------------------------

      ! ! (дана) ! 1 адамға ! 1 ұңғыға

      ! !-----------------!-------------------!------------

      ! ! Қару. ! Қару !оқу прак.!ату-спорт! атып

      ! ! дағы ! қойма. !тикасына !іс-шара. ! сынауға

      ! ! !сындағы ! !ларына !---------------------------------------------------------------------------

      "Макаров" 9,00 мм 16 8 60 - 4

      тапаншасы

      "Стечкиннің" 9,00 мм 20 180 20 - 10

      автомат-

      тапаншасы

      "Калашников" 7,62 мм 120 180 20 - 10

      автоматы

      "Марголина" 5,6 мм - - 10 60 -

      өздігінен

      зарядталатын

      спорттық

      тапаншасы

      Нысаналы 5,6 мм - - 10 60 -

      шағын-калибрлі

      спорттық

      винтовка

      Ескерту. Ату-спорт іс-шараларын өткізуге арналған оқ-дәрілердің жалпы саны фельдъегерлік қызмет бөлімшелерінің басшы құрамы штаттық санының 20% ғана жылдық есептен

      бөлінеді.

      Ескерту. 6-қосымша жаңа редакцияда - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

"Қазпошта" АҚ - Ұлттық пошта операторының қызметкерлерін қаруландыру үшін белгіленген қару мен оның патрондарының түрлері, үлгілері, модельдері, саны

Оқ-дәрілер:

      Ескертпе:

      Қарудың жалпы саны бекітілген штаттық кестеге сәйкес қызметкерлердің жалпы санынан аспауы тиіс, бұл ретте қарудың бір түрінің 10 бірлігіне бір резервтік қару ұстауға рұқсат етіледі.

      Қалалық, аудандық және ауылдық пошта байланысы торабының және бөлімшелерінің бастықтары "Жекелеген қару түрлерінің айналымына мемлекеттік бақылау жасау туралы" Қазақстан Республикасының Заңын жүзеге асыру жөніндегі шаралар туралы" Қазақстан Республикасы Үкіметінің 2000 жылғы 3 тамыздағы № 1176 қаулысымен бекітілген Қазақстан Республикасындағы қару мен оның патрондары айналымының ережесінің 7-9, 11-тармақтарында көзделген қарудың сақталуын қамтамасыз ететін талаптарды сақтаған жағдайда қаруланады.

      Ескерту. 7-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

      Ескерту. 7-1-қосымша жаңа редакцияда - ҚР Үкіметінің 2011.07.01 № 751 (2012.01.22 бастап қолданысқа енгізіледі) қаулысымен; өзгеріс енгізілді - ҚР Үкіметінің 13.05.2017 № 260 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

Қазақстан Республикасы Ауыл шаруашылығы министрлігі жүйесінің мемлекеттік инспекторлары мен қызметкерлерін қаруландыру үшін белгіленген қару мен оның патрондарының түрлері, үлгілері, модельдері, саны

      Ескерту. 7-1-қосымшаның тақырыбы жаңа редакцияда - ҚР Үкіметінің 17.04.2014 № 363 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі), 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулыларымен.

Оқ-дәрілердің нормалары мынадай есеппен белгіленеді:

      Ескертпе:

      Қарудың жалпы саны бекітілген штаттық кестеге сәйкес жұмыскерлердің жалпы санынан аспауы тиіс, бұл ретте 10 бірлік қаруға бір резервтік қару ұстауға рұқсат етіледі.

      Жануарлар дүниесін қорғау жөніндегі мемлекеттік инспектор – Орман шаруашылығы және жануарлар дүниесі комитетінің аумақтық бөлімшесі мен ведомстволық бағынысты ұйымдарының жануарлар дүниесін қорғауды тікелей жүзеге асыратын қызметкері.

      Мамандандырылған ұйымның жануарлар дүниесін қорғау жөніндегі инспекторы – Қазақстан Республикасы Үкіметінің қаулысымен құрылған және Орман шаруашылығы және жануарлар дүниесі комитетінің қарамағындағы мамандандырылған ұйымның жануарлар дүниесін қорғауды тікелей жүзеге асыратын қызметкері.

      Ерекше қорғалатын табиғи аумақтарды қорғау жөніндегі мемлекеттік инспектор – мемлекеттік табиғи қорықтың, мемлекеттік ұлттық табиғи парктің, мемлекеттік табиғи резерваттың, мемлекеттік өңірлік табиғи парктің жануарлар мен өсімдіктер дүниесін қорғауды тікелей жүзеге асыратын қызметкері (орманды күзету және қорғау инженері, орманшы, орман шебері, орман күтуші, мемлекеттік инспектор (қорықшы), аңшылық маман).

      Мемлекеттік орман инспекциясының және орманды мемлекеттік қорғау қызметкері – Орман шаруашылығы және жануарлар дүниесі комитетінің аумақтық бөлімшесінің өсімдіктер дүниесін қорғауды тікелей жүзеге асыратын қызметкері (орманды күзету және қорғау инженері, орманшы, орман шебері, орман күтуші, мемлекеттік инспектор (қорықшы), аңшылық маман).

      Жануарлар дүниесін қорғау жөніндегі мемлекеттік инспектор, мамандандырылған ұйымның жануарлар дүниесін қорғау жөніндегі инспекторы, ерекше қорғалатын табиғи аумақтарды қорғау жөніндегі мемлекеттік инспектор, мемлекеттік орман инспекциясының және орманды мемлекеттік қорғау қызметкері "Жекелеген қару түрлерінің айналымына мемлекеттік бақылау жасау туралы" Қазақстан Республикасының Заңын жүзеге асыру жөніндегі шаралар туралы" Қазақстан Республикасы Үкіметінің 2000 жылғы 3 тамыздағы № 1176 қаулысымен бекітілген Қазақстан Республикасындағы қару мен оның патрондары айналымы ережесінің 7-9, 11, 15-тармақтарында көзделген қаруды сақтауды қамтамасыз ету талаптары сақталған жағдайда, қызметтік қарумен қаруланады.

      Ескерту. 7-2-қосымша жаңа редакцияда - ҚР Үкіметінің 2011.07.01 № 751 (2012.01.22 бастап қолданысқа енгізіледі) қаулысымен; өзгеріс енгізілді - ҚР Үкіметінің 13.05.2017 № 260 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

Облыстық атқарушы органдардың орман шаруашылығы мемлекеттік мекемелерінің қызметкерлерін қаруландыру үшін белгіленген қару мен оның патрондарының түрлері, үлгілері, модельдері, саны

Оқ-дәрілердің нормалары мынадай есеппен белгіленеді:

Заңнамада белгіленген тәртіппен аңшылық және балық аулау шаруалығын жүргізу құқығы берілген аңшылық және балық шаруашылықтарының қызметкерлерін қаруландыру үшін белгіленген қару мен оның патрондарының түрлері, үлгілері, модельдері, саны

Аңшылық және балық шаруашылығының аңшылық маманына арналған оқ-дәрілердің нормалары мынадай есеппен белгіленеді:

      Ескертпе:

      Қарудың жалпы саны бекітілген штаттық кестеге сәйкес қызметкерлердің жалпы санынан аспауы тиіс.

      Облыстық атқарушы органның орман шаруашылығы мемлекеттік мекемесінің қызметкері – орман шаруашылығы мемлекеттік мекемесінің аумағында жануарлар мен өсімдіктер дүниесін тікелей қорғауды жүзеге асыратын қызметкер (орманды күзету және қорғау инженері, орман шебері, мемлекеттік инспектор (қорықшы), аңшылық маман). Орман шаруашылығының мемлекеттік мекемелері облыстық атқарушы органдардың табиғи ресурстар және табиғат пайдалануды реттеу басқармаларының құрылымдық бөлімшелері болып табылады.

      Аңшылық маманы, қорықшы - аңшылық алқаптарда және балық шаруашылығы су айдындарында және (немесе) учаскелерде заңнамада белгіленген тәртіппен бекітілген жануарлар және өсімдік әлемін күзетуді жүзеге асыратын аңшылық және балық шаруашылығының қызметкері. Аңшылық маманы, қорықшы жануарлар дүниесін қорғауды жүзеге асырған кезде тек қызметтік қаруды ғана қолданады.

      Облыстық атқарушы органның орман шаруашылығы мемлекеттік мекемесінің, сондай-ақ аңшылық және балық шаруашылықтарының қызметкерлері "Жекелеген қару түрлерінің айналымына мемлекеттік бақылау жасау туралы" Қазақстан Республикасының Заңын жүзеге асыру жөніндегі шаралар туралы" Қазақстан Республикасы Үкіметінің 2000 жылғы 3 тамыздағы № 1176 қаулысымен бекітілген Қазақстан Республикасындағы қару мен оның патрондары айналымының ережесінің 7-9, 11, 15-тармақтарында көзделген қару сақтауды қамтамасыз ететін талаптарды сақтаған жағдайда қызметтік қарумен қаруланады.

      Ескерту. 8-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

      Ескерту. 9-қосымша жаңа редакцияда- ҚР Үкіметінің 2007.12.29. N 1370 (ресми жарияланған күнінен бастап он күнтізбелік күн өткен соң қолданысқа енгізіледі) Қаулысымен.

Балалар-жасөспірімдер спорт мектептеріндегі, олимпиадалық резервтің мамандандырылған балалар-жасөспірімдер мектептеріндегі, жоғары спорттық шеберлік мектептеріндегі, олимпиадалық даярлық орталықтарындағы, спорт клубтарындағы, федерацияларындағы, спортта дарынды балаларға арналған мектеп-интернаттардағы, штаттық ұлттық командалар мен спорттық резерв дирекциясындағы, дене шынықтыру-спорт қоғамдарындағы спорттық қару мен оның патрондарының түрлері, типтері, модельдері, саны
Ұйымдарда спорттық қаруды ұстау нормалары
(бір ұйымға арналған данада)

      Спорттық қаруға патрондардың саны (бір спортшыға мың данадан

      бір жылға)

      Ескерту. 10-қосымшаға өзгерту енгізілді - ҚР Үкіметінің 2003.11.11. N 1127 қаулысымен.

Қазақстан Республикасының Президентi Іс басқармасының қарауындағы ұйымдар аңшылық шаруашылықтары мен "Шаруашылық басқармасы" жабық акционерлік қоғамы аңшылық шаруашылықтарының қызметкерлерiн қаруландыру үшiн белгiленген қару мен оның патрондарының түрлерi, үлгілерi, модельдерi мен саны

      ---------------------------------------------------------------------------

      Аңшылық шаруашылықтардың ! Тапанша ! Карабин ! Тегіс ұңғылы

      қызметкерлері ! (револьвер) ! (винтовка) ! қару

      ---------------------------------------------------------------------------

      Директор 1 немесе 1

      Бас аң маманы 1 немесе 1

      Бас орманшы 1 немесе 1

      Табиғатты қорғау жөніндегі

      жетекші инспектор-инженер 1

      Орманды қорғау инженері 1

      Орманшы, орманшының көмекшісі 1 1

      Аңшылық учаскесінің бастығы 1 1 немесе 1

      Орман маманы 1

      Ихтиолог, балық шаруашылығы

      учаскесінің бастығы 1 немесе 1

      Орманшы 1

      Аға қорықшы, қорықшы 1 немесе 1

      Қорғау жөніндегі жұмысшы постқа 1

      Бақташылар, шопандар 1

      Аға омарташы, омарташы постқа 1

      Ескерту.

      Қару резерві - жарақталған әрбір 10 бірлікке қарудың 1 бірлігі. Көрсетілген аңшылық шаруашылықтарында қарудың тегіс ұңғылы 5 бірлігі мен аңшылық ойық қарудың 5 бірлігін қосымша пайдалануға рұқсат беріледі.

      Патрондар саны ішкі істер органдарымен келісім бойынша сатып алынады.

      Ескерту. 10-1-қосымша жаңа редакцияда - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

Жеке күзет ұйымының күзетшісі және басшысы қызметін атқаратын қызметкерлерді даярлауды және біліктілігін арттыруды жүзеге асыру (арнайы оқыту курсы) жөніндегі мамандандырылған оқу орталықтары мен олардың филиалдары үшін белгіленген қару мен оның патрондарының түрлері, үлгілері, модельдері, саны

      Ескертпе:

      Оқ-дәрілердің нормалары:

      жеке күзет ұйымдарының күзетшілерін, басшыларын оқыту - оқитын қызметкерге әрбір қарудың түріне 18 патрон;

      жеке адамдардың өмірі мен денсаулығын қорғауды жүзеге асыратын күзетшілерді оқыту - оқитын қызметкерге барлық курс ішінде 500 патрон;

      азаматтық аңшылық қару мен өзін-өзі қорғау қаруының иелерін оқытуға - бір азаматтық қару иесіне 20 патрон;

      қарудың атуын тексеру - бір бірлік қаруға 8 патрон есебінен белгіленеді.

      Ескерту. 10-2-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

      Ескерту. 10-4-қосымша алып тасталды - ҚР Үкіметінің 2011.07.01 № 751 (2012.01.22 бастап қолданысқа енгізіледі) Қаулысымен.

Қазақстан Республикасы әуежайларының авиациялық қауіпсіздік
қызметінің қызметкерлерін қаруландыру үшін белгіленген қару мен
оның патрондарының түрлері, үлгілері, модельдері, саны

      Ескерту. Ереже 10-5-қосымшамен толықтырылды - ҚР Үкіметінің 17.04.2014 № 363 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      1. Әуежайдың авиациялық қауіпсіздік қызметі қызметкерлерін қаруландыру нормалары:

      2. Оқ-дәрілердің нормалары мынадай есеппен белгіленеді:

      Ескертпе:

      1. Қарудың атысын тексеруге көзделген патрондарды басқа мақсаттарға жұмсауға тыйым салынады.

      2. Қарудың атысын тексеруді өткізу қажеттілігін әуежайдың авиациялық қауіпсіздік қызметінің бастығы жылына екі рет белгілейді.

      3. Тегіс ұңғылы мылтыққа арналған патрондар № 7, 8 бытырамен оқталады.

      4. Қарудың жалпы саны әуежайдың авиациялық қауіпсіздік қызметінің қауіпсіздік бөлімшесінің ауысым қызметкерлерінің бекітілген штат кестесі бойынша жалпы санынан аспауы тиіс, бұл ретте 10 бірлікке бір резервтік қару ұстауға рұқсат етіледі.

      5. Әуежайда ұшуды орнитологиялық қамтамасыз ету үшін қосымша екі тегіс ұңғылы қару ұстауға рұқсат етіледі.

      Ескерту. Ереже 11-қосымшамен толықтырылды - ҚР Үкіметінің 2011.11.07. N 1301 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

      Ескерту. Ереже 12-қосымшамен толықтырылды - ҚР Үкіметінің 2011.11.07. N 1301 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

      Ескерту. Ереже 13-қосымшамен толықтырылды - ҚР Үкіметінің 2011.11.07. N 1301 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

      Ескерту. Ереже 14-қосымшамен толықтырылды - ҚР Үкіметінің 2011.11.07. N 1301 (алғашқы ресми жарияланғанынан кейін күнтізбелік он күн өткен соң қолданысқа енгізіледі) Қаулысымен.

      (сыртқы беті)

Әкелінген және өткізілген қару туралы есеп

      Ескерту. Ереже 15-қосымшамен толықтырылды - ҚР Үкіметінің 17.04.2014 № 363 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      Ескертпе: * 2-4-бағандар қарудың келіп түсуіне байланысты жеке толтырылады. Есепті айдың ішінде сатылмаған қару келесі есепті кезеңге ауыстырылады.

      ** аталған баған газды, оның ішінде жарақат салатын патронмен ату мүмкіндігі бар, ұңғысыз жарақат салатын және электрлік қару үшін толтырылады.

Өз қызметін магистральдық теміржол желілері, магистральдық
құбыржолдар, мұнай өңдеу өндірісі және атом энергиясы саласында
жүзеге асыратын ұлттық компаниялар құрған күзет ұйымдарының
қызметкерлерін қаруландыру үшін белгіленген қару мен оның
патрондарының түрлері, үлгілері, модельдері, саны

      Ескерту. Ереже 16-қосымшамен толықтырылды - ҚР Үкіметінің 2014.11.14 № 1198 (алғашқы ресми жарияланған күнінен кейін күнтізбелік жиырма бір күн өткен соң қолданысқа кейін енгізіледі) қаулысымен.

Қаруға патрондардың нормасы

      Ескертпе:

      1. Қаруды атып тексеруге арналған патрондарды басқа мақсаттарға жұмсауға тыйым салынады.

      2. Барлық күзет түрлеріне қару қоры - қолда бар қару-жарақтың әрбір 10 бірлігіне 1 бірлік.

      3. Тегіс ұңғылы қару үшін патрондар № 7, № 8 бытырамен немесе денсаулық сақтау саласындағы уәкілетті органдар қолдануға рұқсат еткен жарақат салатын әсері бар патрондармен оқталады.

      Ескерту. Ереже 17-қосымшамен толықтырылды - ҚР Үкіметінің 29.12.2016 № 909 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Қару мен оның патрондарының қолда бар және қажетті саны туралы

      мәліметтер

      1. _________________________________________________________________

      (заңды тұлғаның атауы, пошталық индексі, толық мекенжайы)

      2. Қызмет түрі ______________________________________________________

      3. Ішкі, сыртқы бекеттердің және ұтқыр топтардың саны (бөлек) ___________

      4. Ішкі, сыртқы бекеттер және ұтқыр топтардағы жеке құрамының саны (бөлек) __________________________________________________________________________

      5. Қолда бар қару мен патрондардың саны:

      1) бір-бірлеп ату үшін қайта жасалған автоматтар _________________________

      2) винтовкалар, карабиндер ____________________________________________

      3) пистолеттер _______________________________________________________

      4) револьверлер_______________________________________________________

      5) электр қаруы _______________________________________________________

      6) мылтықтар _________________________________________________________

      6. Патрондар __________________________________________________________

      (қарудың әрбір түрі бойынша бөлек)

      7. Жарамсыз ретінде тапсыруға арналған қару мен оның патрондарының

      саны:

      1) бір-бірлеп ату үшін қайта жасалған автоматтар _______________________

      2) винтовкалар, карабиндер __________________________________________

      3) пистолеттер _____________________________________________________

      4) револьверлер ____________________________________________________

      5) электр қаруы ____________________________________________________

      6) мылтықтар ______________________________________________________

      8. Патрондар _______________________________________________________

      (қарудың әрбір түрі бойынша бөлек)

      9. Қажетті саны:

      1) Атыс қаруы:

      бір-бірлеп ату үшін қайта жасалған автоматтар _____________________

      винтовкалар, карабиндер ________________________________________

      пистолеттер ____________________________________________________

      револьверлер ___________________________________________________

      электр қаруы ___________________________________________________

      мылтықтар _____________________________________________________

      2) Патрондар:

      ортаймайтын қор________________________________________________

      (қарудың әрбір түрі бойынша бөлек)

      оқу-жаттығу атыстары ___________________________________________

      (қарудың әрбір түрі бойынша бөлек)

      қаруды атып көру үшін___________________________________________

      (қарудың әрбір түрі бойынша бөлек)

      10. Ауысымға (қарауылға) шығу үшін сатып алынатын патрондар саны: ___

      11. Қару мен патрондардың қажетті саны туралы мәліметтер

      __________________________________________________________________

      __________________________________________________ негізінде жасалады.

      (тиесілік нормаларының атауы, қашан және кім белгілеген)

      М.О.

      Заңды тұлға басшысының қолы __________________________________

Қызметтік қаруды сақтайтын және пайдаланатын ұйымдарда қару мен оның патрондарын есепке алу кітабы

      Ескерту. Ереже 18-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      ________________________________________________________
(кәсіпорынның, ұйымның, мекеменің және оқу орнының атауы)

Қару мен оның патрондарын беруді және қабылдап алуды есепке алу журналы

      Ескерту. Ереже 19-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      _______________________________________________________________
(кәсіпорынның, ұйымның, мекеменің және оқу орнының атауы)

Қару-жарақ жөндеу шеберханасына келіп түскен қаруды есепке алу кітабы

      Ескерту. Ереже 20-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      __________________ басталды            _________________ аяқталды

Азаматтық және қызметтік қару саудасы жөніндегі мамандандырылған дүкендерге келіп түскен және сатылған қару мен оның патрондарын есепке алу кітабы

      Ескерту. Ереже 21-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      ____________________ басталды ___________________ аяқталды

Қызметтік және азаматтық қаруды сатып алғаны және сатылғаны және оларды сатып алушылар туралы ай сайынғы мәліметтер

      Ескерту. Ереже 22-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      (ІІД ӘПБ-ге келесі есепті айдың 5 күніне қарай ұсынылады)

      Ескертпе: * - 2-4- бағандар қарудың келіп түсуіне байланысты толтырылады. Есепті ай ішінде сатылмаған қарулар келесі есептік кезеңге ауыстырылады.

      ** - бұл баған газды, оның ішінде травматикалық патрондармен ату мүмкіндігі бар, ұңғысыз травматикалық және электрлік қарулар үшін толтырылады.

20____ жылғы "__" __________ қару мен оның патрондарының № ___________ түгендеу тізімдемесі

      Ескерту. Ереже 23-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      ________________________________________________________________ орналасқан

      (ұйымның атауы)

      __________________________________________________________________________

      (қаруды, патрондарды сақтау үшін жауапты адамның лауазымы, тегі, аты-жөні)

      Қарудың нысаналы мақсаты ____________________________

      Комиссияның құрамы: төраға ____________________________________

      Комиссия мүшелері ___________________________________________________

      Қалдықтарды алып тастау _______________ басталды, __________________ аяқталды

      Іс жүзінде бар-жоғын тексеру кезінде болғаны:

      Төраға ___________________________________

      (қолы)

      Мүшелер: ___________________ ____________________ ________________

      (қолы) (қолы) (қолы)

      Қарудың сақталуына жауапты адам ______________________

      (қолы)

      20___ ж. "__" ______________

      Ескертпе. Қару мен патрондардың қалдықтары алып тасталғаннан кейін 6, 7 және 8-бағандар толтырылады.

20____ жылғы "__" __________ қару мен оның патрондарының № _______ нөмірлік есебінің тізімдемесі

      Ескерту. Ереже 24-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      ________________________________________________________________ орналасқан

      (ұйымның атауы)

      __________________________________________________________________________

      (қару мен патрондардың сақталуына жауапты адамның лауазымы, тегі, аты-жөні)

      № ___________ түгендеу тізімдемесіне

      Комиссияның құрамы: төраға ____________________________________

      Комиссия мүшелері ___________________________________________________

      Қалдықтарды алып тастау _______________ басталды, __________________ аяқталды

      Іс жүзінде бар-жоғын тексеру кезінде болғаны:

      Ескерту. Қару мен патрондардың қалдықтары алып тасталғаннан кейін 4, 5, 6-бағандар толтырылады.

      Комиссия: төраға ___________________________________

      (қолы)

      Мүшелер: ___________________ ____________________ ________________

      (қолы) (қолы) (қолы)

      Қарудың сақталуына жауапты адам ______________________

      (қолы)

      20 ___ ж. "__" ______________

Қару мен оның патрондарын түгендеу нәтижелерінің салыстыру ведомосі

      Ескерту. Ереже 25-қосымшамен толықтырылды - ҚР Үкіметінің 13.05.2017 № 260 қаулысымен (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі).

      20____ жылғы "___"_________

      Басшысының ________________________________________ бұйрығы негізінде

      (тегі, аты, әкесінің аты (бар болса)

      _________ ж. "__"_________ ______________________________________ орналасқан

      (ұйымның атауы, қарудың сақталуына жауапты адамның тегі, аты-жөні)

      қару мен оның патрондарын түгендеу жүргізілді

      Қалдықтарды алып тастау 20_____ ж.______ "____" басталды

      20_____ ж.______ "____" аяқталды

      Түгендеу кезінде мыналар анықталды:

      Парақтағы жиыны: реттік сандар № _____ ден № _______ дейін

      Түгендеу комиссиясының Қарудың сақталуына жауапты

      төрағасы ______________________ адам ________________________

      (қолы) (қолы)

      Түгендеу комиссиясының Ұйымның басшысы

      мүшелері ______________________ _______________

      (қолы) (қолы)

      ____ ж. "__" _____________

Азаматтық және қызметтiк қару мен оның патрондарына мемлекеттiк кадастрды әзiрлеу, шығару және жүргiзу жөнiндегi
НҰСҚАУЛЫҚ

      Ескерту. Нұсқаулық алып тасталды - ҚР Үкіметінің 04.02.2016 № 53 қаулысымен (алғашқы ресми жарияланған күнінен бастап қолданысқа енгізіледі).

Мемлекеттiк оқ-гильза қоймасын құру
ЕРЕЖЕСI

      Ескерту. Күші жойылды – ҚР Үкіметінің 24.06.2019 № 429 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

Қару иелерi мен пайдаланушыларының бастапқы даярлығын ұйымдастыру ережесi

      Ескерту. Ереже алып тасталды - ҚР Үкіметінің 04.02.2016 № 53 қаулысымен (алғашқы ресми жарияланған күнінен бастап қолданысқа енгізіледі).

      Қазақстан Республикасы Үкiметiнiң

      күшi жойылған кейбiр шешiмдерiнiң

      ТIЗБЕСI

      1. "Жекелеген қару түрлерiнiң айналымына мемлекеттiк бақылау жасау туралы" Қазақстан Республикасы Заңын іске асыру жөнiндегi шаралар туралы" Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысы.

      2. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына өзгерiс енгiзу туралы" Қазақстан Республикасы Министрлер Кабинетiнiң 1995 жылғы 19 шілдедегі N 996 қаулысы.

      3. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына толықтырулар енгiзу туралы" Қазақстан Республикасы Министрлер Кабинетiнiң 1995 жылғы 1 қыркүйектегi N 1212 қаулысы.

      4. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына толықтырулар енгiзу туралы" Қазақстан Республикасы Үкiметiнiң 1996 жылғы 18 қаңтардағы N 66 қаулысы.

      5. "Қазақстан Республикасы Үкiметiнiң кейбiр шешiмдерiне өзгерістер енгiзу және күшi жойылды деп тану туралы" Қазақстан Республикасы Үкiметiнiң 1996 жылғы 20 тамыздағы N 1031 қаулысымен бекiтiлген Қазақстан Республикасы Yкiметiнiң кейбiр шешiмдерiне енгiзiлетiн өзгерiстердiң 31-тармағы (Қазақстан Республикасының ПYКЖ-ы, 1996 ж., N 35, 327-құжат).

      6. "Қазақстан Республикасы Үкiметiнiң кейбiр шешiмдерiне өзгерiстер мен толықтырулар енгiзу туралы" Қазақстан Республикасы Үкiметiнiң 1996 жылғы 28 тамыздағы N 1060 қаулысының 2-тармағы.

      7. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына толықтыру енгiзу туралы" Қазақстан Республикасы Yкiметiнiң 1997 жылғы 3 наурыздағы N 289 қаулысы.

      8. Қазақстан Республикасы Yкiметiнiң 1997 жылғы 1 тамыздағы N 1203-56қ қаулысы.

      9. "Қазақстан Республикасы Министрлер Кабинетiнің 1995 жылғы 2 ақпандағы N 110 қаулысына толықтыру енгiзу туралы" Қазақстан Республикасы Yкiметiнiң 1997 жылғы 29 қыркүйектегі N 1379 қаулысы.

      10. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына толықтыру енгізу туралы" Қазақстан Республикасы Үкiметінiң 1997 жылғы 18 қарашадағы N 1598 қаулысы.

      11. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына толықтыру енгізу туралы" Қазақстан Республикасы Үкiметiнiң 1998 жылғы 19 наурыздағы N 234 қаулысы.

      12. "Қазақстан Республикасы Министрлер Кабинетiнiң 1995 жылғы 2 ақпандағы N 110 қаулысына толықтыру енгізу туралы" Қазақстан Республикасы Үкiметiнiң 1998 жылғы 2 маусымдағы N 506 қаулысы.

      13. "Қазақстан Республикасы Үкiметiнiң кейбір шешімдеріне өзгерістер енгiзу және күшi жойылды деп тану туралы" Қазақстан Республикасы Үкiметiнiң 1999 жылғы 7 қаңтардағы N 10 қаулысының 1-тармағының 1) тармақшасы.