Сыртқы мемлекеттік аудит және қаржылық бақылау жүргізу қағидаларын бекіту туралы

      «Мемлекеттік аудит және қаржылық бақылау туралы» Қазақстан Республикасының 2015 жылғы 12 қарашадағы Заңының 12-бабы 4-тармағының  9) тармақшасынасәйкес, Республикалық бюджеттің атқарылуын бақылау жөніндегі есеп комитеті ҚАУЛЫ ЕТЕДІ:
      1. Мыналар:
      1) осы нормативтік қаулыға 1-қосымшаға сәйкес, Республикалық бюджеттің атқарылуын бақылау жөніндегі есеп комитетінің сыртқы мемлекеттік аудит және қаржылық бақылау жүргізу қағидалары;
      2) осы нормативтік қаулыға 2-қосымшаға сәйкес, Облыстардың, республикалық маңызы бар қаланың, астананың тексеру комиссияларының сыртқы мемлекеттік аудит және қаржылық бақылау жүргізу қағидалары бекітілсін.
      2. Осы нормативтік қаулыға 3-қосымшаға сәйкес, Республикалық бюджеттің атқарылуын бақылау жөніндегі есеп комитетінің кейбір нормативтік қаулыларының күші жойылды деп танылсын.
      3. Республикалық бюджеттің атқарылуын бақылау жөніндегі есеп комитетінің Заң бөлімі заңнамада белгіленген тәртіппен:
      1) осы нормативтік қаулының Қазақстан Республикасының Әділет министрлігінде мемлекеттік тіркелуін;
      2) осы нормативтік қаулы Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде оның мерзімді баспасөз басылымдарында және «Әділет» ақпараттық-құқықтық жүйесінде ресми жариялануға жіберілуін;
      3) осы нормативтік қаулының Республикалық бюджеттің атқарылуын бақылау жөніндегі есеп комитетінің интернет-ресурсына орналастырылуын қамтамасыз етсін.
      4. Нормативтік қаулының орындалуын бақылау Республикалық бюджеттің атқарылуын бақылау жөніндегі есеп комитетінің аппарат басшысына жүктелсін.
      5. Осы нормативтік қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Төраға                                            Қ. Жаңбыршин

Республикалық бюджеттің       
атқарылуын бақылау жөніндегі    
есеп комитетінің           
2015 жылғы 30 қарашадағы       
№ 17-НҚ нормативтік қаулысына    
1-қосымша               

Республикалық бюджеттің атқарылуын бақылау жөніндегі
есеп комитетінің сыртқы мемлекеттік аудит және қаржылық бақылау
жүргізу қағидалары

1-бөлім. Жалпы ережелер

      1. Республикалық бюджеттің атқарылуын бақылау жөніндегі есеп комитетінің сыртқы мемлекеттік аудит және қаржылық бақылау жүргізу қағидалары (бұдан әрі – Қағидалар) «Мемлекеттік аудит және қаржылық бақылау туралы» Қазақстан Республикасы Заңының (бұдан әрі – Мемлекеттік аудит туралы заң) 12-бабы 4-тармағының 9) тармақшасына сәйкес, сондай-ақ Халықаралық жоғары аудит органдары ұйымының (ИНТОСАИ) ISSAI 100 – 400 халықаралық стандарттарының қолайлы ережелері ескеріле отырып әзірленді.
      2. Қағидалар Республикалық бюджеттің атқарылуын бақылау жөніндегі есеп комитетінің (бұдан әрі – Есеп комитеті) мемлекеттік аудит объектілерінің тиісті жылға арналған тізбесін қалыптастыру, сыртқы мемлекеттік аудитті жоспарлау, жүргізу, оның қорытындылары бойынша құжаттарды ресімдеу, қаржылық бақылауды жүзеге асыру, сапа бақылауын жүргізу, сыртқы мемлекеттік аудиттің нәтижелері бойынша Есеп комитетінің аудиторлық қорытындысында берілген ұсынымдардың және Нұсқамалардың орындалуын мониторингтеуді ұйымдастыру, аудиторлық іс-шара нәтижелерінің бұқаралық ақпарат құралдарында жария етілу және мемлекеттік аудит материалдарын есепке алу тәртібін айқындайды.
      Ескерту. 2-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      3. Осы Қағидаларда мынадай ұғымдар пайдаланылады:
      1) аудиторлық рәсімдер – аудиторлық іс-шара барысында оны жүргізу бағдарламасына сәйкес жүзеге асырылатын, аудиторлық іс-шара мақсаттарына қол жеткізу үшін қажетті іс-қимылдар;
      2) аудиторлық іс-шара – мемлекеттік аудиттің қорытындысы бойынша аудиторлық есептер мен аудиторлық қорытындыларды дайындауға, жүргізуге, ресімдеуге бағытталған іс-қимылдар кешені;
      3) қаулы – Есеп комитетінің аудиторлық қорытындыны бекітетін құжаты;
      4) мемлекеттік аудит және қаржылық бақылау материалдары – мемлекеттік аудитті жүргізу үшін қажетті құжаттар, сондай-ақ оның нәтижелері бойынша жасалған құжаттар және қоса беріліп отырған аудиторлық дәлелдемелер;
      5) мемлекеттік аудит және қаржылық бақылау объектілері – мемлекеттік органдар, мемлекеттік мекемелер, квазимемлекеттік сектор субъектілері, сондай-ақ бюджет қаражатын алушылар (бұдан әрі – мемлекеттік аудит объектілері);
      6) мемлекеттік аудитор – мемлекеттік аудитті және (немесе) қаржылық бақылауды жүзеге асыратын мемлекеттік әкімшілік қызметші;
      7) мемлекеттік аудиттің сапа бақылауы – мемлекеттік аудиторлардың мемлекеттік аудитті жүзеге асыру кезінде Мемлекеттік аудит және қаржылық бақылау стандарттарының талаптарын сақтауын тексеру;
      8) нұсқама – анықталған бұзушылықтарды және (немесе) оларға итермелейтін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану үшін мемлекеттік аудит объектілеріне, ұйымдар мен лауазымды адамдарға жіберілетін, орындау үшін міндетті Есеп комитетінің актісі.
      9) сыртқы мемлекеттік аудит – Есеп комитеті жүзеге асыратын:
      бюджет қаражатының, мемлекет пен квазимемлекеттік сектор субъектілері активтерінің, байланысты гранттардың, мемлекеттік және мемлекет кепілдік берген қарыздардың, сондай-ақ мемлекет кепілгерлігімен, оның ішінде бюджетті атқаруға байланысты тәуекелдерді басқару жүйесіне негізделген басқа да қызмет кезінде тартылатын қарыздардың басқарылу және пайдаланылу тиімділігін;
      халықтың тұрмыс жағдайлары сапасының қарқынды өсуін және елдің ұлттық қауіпсіздігін қамтамасыз ету үшін ұлттық ресурстардың (қаржылық, табиғи, өндірістік, кадрлық, ақпараттық) тиімді және заңды басқарылуын талдау, бағалау және тексеру (бұдан әрі – мемлекеттік аудит).
      Ескерту. 3-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      4. Сыртқы мемлекеттік аудит және қаржылық бақылау мемлекеттік басқару жүйесінің ажырамас бөлігі болып табылады және бюджет қаражатын, мемлекет пен квазимемлекеттік сектор субъектілерінің активтерін пайдаланудың айқындығын, тиімділігін, жауаптылығын арттыруға бағытталған.
      5. Мемлекеттік аудит Есеп комитетінің мемлекеттік аудит объектілерінің тиісті жылға арналған тізбесінің (бұдан әрі – Мемлекеттік аудит объектілерінің тізбесі) негізінде жүргізіледі.
      Ескерту. 5-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      6. Мемлекеттік аудит туралы заңның 42-бабының 3-тармағына сәйкес, Мемлекеттік аудит объектілерінің тізбесінде көзделмеген тексерулерді жүргізу үшін мемлекеттік органдардың сұратулары бойынша Есеп комитетінің мемлекеттік аудиторлары мен өзге де лауазымды адамдарын тартуға жол берілмейді.
      Ескерту. 6-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      7. Аудиторлық іс-шараны жүргізуге тікелей басшылықты Есеп комитетінің мемлекеттік аудитті жүргізуге жауапты мүшесі өзіне бекітілген жұмыс бағыттары бойынша жүзеге асырады.
      8. Мемлекеттік аудит тобының құрамы аудиторлық іс-шараны жүргізуге қатысатын Есеп комитетінің қызметкерлерін – мемлекеттік аудит тобының жетекшісі мен аудиторлық іс-шараны жүргізуге қатысатын мемлекеттік аудиторларды, сондай-ақ тартылған жағдайда, мемлекеттік органдардың мамандарын, сарапшыларды, мемлекеттік емес аудиторлық ұйымдарды (бұдан әрі – сарапшы) қамтиды.
      Ескерту. 8-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      9. Құқықтық қамтамасыз етуге жауапты құрылымдық бөлімшенің басшысы мемлекеттік аудит тобына қызметкерлерді бекітеді, олар аудиторлық іс-шараны сүйемелдейді, сондай-ақ мемлекеттік аудит тобы басшысының жүргізіліп жатқан мемлекеттік аудит мәселелері бойынша қажетті құжаттары қоса беріліп, осы Қағидаларда белгіленген тәртіпте келіп түскен жазбаша сұрау салуларына бұзушылықтар мен кемшіліктер анықталған кезде заңнаманы қолдануға қатысты мемлекеттік аудит объектілеріне шықпай, жазбаша консультация береді.
      10. Құқықтық қамтамасыз етуге жауапты құрылымдық бөлімше қызметкерлерінің жазбаша консультациялары тек қойылған мәселелер шеңберінде және ұсынылған құжаттар көлемдері шегінде көрсетіледі.
      11. Аудиторлық іс-шараларды жүргізу кезінде Есеп комитетінің қызметкерлері, сондай-ақ тартылатын сарапшылар Мемлекеттік аудит туралы заңда белгіленген құзыреттеріне сүйене отырып, осы Мемлекеттік аудит туралы заңның 8-бабын және осы Қағидаларды басшылыққа алады.
      12. Есеп комитеті мемлекеттік аудиттің мынадай типтерін жүзеге асырады:
      1) тиімділік аудиті – мемлекеттік аудит объектісінің қызметін тиімділік, үнемділік, өнімділік және нәтижелілік тұрғысынан бағалау және талдау;
      2) сәйкестік аудиті – мемлекеттік аудит объектісінің Қазақстан Республикасы заңнамасының нормаларын, сондай-ақ оларды іске асыру үшін қабылданған квазимемлекеттік сектор субъектілерінің актілерін сақтауын бағалау, тексеру;
      3) қаржылық есептілік аудиті – мемлекеттік аудит объектісі қаржылық есептілігінің, бухгалтерлік есебінің және қаржылық жай-күйінің анықтығын, негізділігін бағалау.
      13. Мемлекеттік аудиттің типтері бойынша аудиторлық іс-шараларды жүргізудің ерекшеліктері Мемлекеттік аудит туралы заңның  8-бабына сәйкес белгіленеді.
      14. Есеп комитеті мемлекеттік аудит шеңберінде Мемлекеттік аудит туралы заңның 17-бабының 4-тармағында көзделген үстеме, бірлескен, қатар тексерулерді жүргізеді.
      15. Мемлекеттік аудит:
      республикалық бюджетті жоспарлау, қалыптастыру, бөлу, пайдалану және мемлекет пен квазимемлекеттік сектор субъектілерінің активтерін пайдаланудың;
      мемлекеттік, үкіметтік және бюджеттік бағдарламалардың, орталық мемлекеттік органдардың стратегиялық жоспарларының, акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларының іске асырудың;
      бюджет процесіне қатысушылардың, соның ішінде квазимемлекеттік сектор субъектілерінің, сондай-ақ басқа да бюджет қаражатын алушылардың байланысты гранттарды, мемлекет кепілгерліктері мен активтерін, мемлекеттік және мемлекет кепілдік берген қарыздарды, бюджеттік инвестицияларды пайдаланатын жеке және заңды тұлғалардың бюджет және өзге де заңнама нормаларын, оларды іске асыру үшін квазимемлекеттік сектор субъектілері қабылдаған актілерді сақтауының тәуекелдерін бағалау, оларды мониторингтеу, салыстыру, тексеру, бағалау және талдау арқылы жүргізіледі.
      16. Есеп комитеті мемлекеттік аудиттің нәтижелері бойынша анықталған бұзушылықтар мен кемшіліктерді талдауды, жинақтап қорытуды және жүйелеуді жүзеге асырады.

2-бөлім. Мемлекеттік аудит объектілерінің тізбесін қалыптастыру

      17. Мемлекеттік аудит объектілерінің тізбесін қалыптастыру Мемлекеттік аудит туралы заңның 8, 18-баптарына сәйкес жүзеге асырылады.
      18. Мемлекеттік аудит объектілерінің тізбесін қалыптастыру мемлекеттік аудит объектілерінің заңнама нормаларының, квазимемлекеттік сектор субъектілері актілерінің, соның ішінде бюджет қаражатын, мемлекет пен квазимемлекеттік сектор субъектілерінің активтерін (бұдан әрі – актив) жоспарлауға, қалыптастыруға, бөлуге, пайдалануға байланысты нормаларының бұзушылықтарын анықтау, жою және оларға жол бермеу мақсатында, Есеп комитетінің Мемлекеттік аудит туралы заңда көзделген өкілеттіктерін іске асыру үшін жүргізіледі.
      19. Мемлекеттік аудит объектілерінің тізбесі мемлекеттік аудит объектілерінің қайталануын жою мақсатында, Есеп комитетінің перспективалық жұмыс жоспары, мемлекеттік аудит және қаржылық бақылау органдарының өзара іс-қимылы, Есеп комитетінің мемлекеттік аудит нәтижелерін тануы ескеріле отырып, кезекті жылға арналған аудиторлық іс-шараларды сапалы және тиімді жүзеге асыру үшін қалыптастырылады.
      20. Мемлекеттік аудит объектілерінің тізбесі осы Қағидаларға 1-қосымшадағы нысанға сәйкес республика бойынша мемлекеттік аудит объектілерінің бірыңғай дерекқорының (бұдан әрі – Бірыңғай дерекқор) және осы Қағидаларға 2-қосымшадағы нысанға сәйкес республикалық бюджеттен бөлінген қаражаттың (нысаналы трансферттердің, кредиттердің) жұмсалуы туралы мәліметтердің негізінде жасалады.
      Ескерту. 20-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      21. Мемлекеттік аудит объектілерінің тізбесі Есеп комитетінің ақпараттық жүйесінде (бұдан әрі – ЕК АЖ) қалыптастырылады.
      Ескерту. 21-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      22. Мемлекеттік аудит объектілерінің тізбесін қалыптастыру үшін Есеп комитетінің мүшелері жоспарлауға жауапты құрылымдық бөлімшенің жоспарланатын жылдың алдындағы жылдың 1 қыркүйегінен кешіктірмей ұсынатын мемлекеттік аудит объектілерінің тәуекелдерін бағалауды және басқа мемлекеттік аудит органдарының мемлекеттік аудит объектілерінің тізбесін ескере отырып, Бірыңғай дерекқор және қосымша көздерден алынған деректер негізінде жоспарланатын жылдың алдындағы жылдың 1 қазанынан кешіктірмей, Мемлекеттік аудит объектілері тізбесінің жобасына ұсыныстарын осы Қағидаларға 3-қосымшаға сәйкес нысан бойынша аудиторлық іс-шараны жүргізуге өтінім (бұдан әрі – Өтінім) түрінде дайындайды.
      Ескерту. 22-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      23. Есеп комитетінің мүшелері Өтінімді жасау кезінде мемлекеттік аудит объектілерін және мемлекеттік аудитпен қамтылатын бюджет қаражаты мен активтердің көлемін, аудиторлық іс-шараның атауын, өз бағыттары бойынша мемлекеттік аудиттің типтері мен тексеру түрлерін, сондай-ақ мемлекеттік аудиторлардың қажетті санын ескере отырып, сарапшыларды тартудың қажеттілігін айқындайды.
      24. Жоспарлауға жауапты құрылымдық бөлімше аудиторлық іс-шараларды жүзеге асыруға арналған өтінімдердің негізінде аудиторлық іс-шараны жүргізу мерзімінің нормативін есептеуді жүзеге асырады.
      25. Жоспарлауға жауапты құрылымдық бөлімше осы Қағидаларға 4-қосымшаға сәйкес нысан бойынша және Есеп комитетінің аппараттық кеңесінде мақұлданған Мемлекеттік аудит объектілері тізбесінің алдын ала жобасын, сондай-ақ осы Қағидаларға 5-қосымшаға сәйкес нысан бойынша мемлекеттік аудит объектілерінің нақтыланған тізбесін жоспарланатын жылдың алдындағы жылдың 25 қазанына дейін Ішкі аудит жөніндегі уәкілетті органға (бұдан әрі – Уәкілетті орган) және облыстардың, республикалық маңызы бар қаланың, астананың тексеру комиссияларына (бұдан әрі – тексеру комиссиялары) жібереді.
      Ескерту. 25-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      26. Жоспарлауға жауапты құрылымдық бөлімше жоспарланатын жылдың алдындағы жылдың 20 қарашасына дейін тексеру комиссияларымен және жоспарланатын жылдың алдындағы жылдың 10 қарашасына дейін Уәкілетті органмен хаттама жасай отырып, мемлекеттік аудит объектілерін және мемлекеттік аудитпен қамтылатын бюджет қаражаты мен активтердің көлемін келіседі, бірлескен, қатар тексеру жүргізу мәселелерін пысықтайды.
      27. Жоспарлауға жауапты құрылымдық бөлімше жоспарланатын жылдың алдындағы жылдың 20 қарашасына дейін Мемлекеттік аудит объектілері тізбесінің түпкілікті жобасын Уәкілетті органға және тексеру комиссияларына жібереді.
      Ескерту. 27-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      28. Мемлекеттік аудит объектілері тізбесінің келісілген жобасы жоспарланатын жылдың алдындағы жылдың 10 желтоқсанына дейін Есеп комитетінің отырысында қаралады және мақұлданады. Отырысқа тараптардың келісімі бойынша Уәкілетті органның және тексеру комиссияларының бірінші басшылары шақырылады.
      Ескерту. 28-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      29. Ескертулер туындаған жағдайда, Мемлекеттік аудит объектілері тізбесінің жобасы отырыс өткізілген күннен бастап үш жұмыс күні ішінде пысықталады. Мемлекеттік аудит объектілерінің тиісті жылға арналған тізбесінің жобасы Есеп комитетінің мүшелерімен және мемлекеттік аудитті жүргізуге жауапты құрылымдық бөлімшемен қайта келісілгеннен кейін Есеп комитетінің Төрағасына бекітуге енгізіледі.
      Ескерту. 29-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      30. Мемлекеттік аудит объектілерінің тізбесін Есеп комитетінің Интернет-ресурсына орналастыруды жоспарлауға жауапты құрылымдық бөлімше ол бекітілген және өзгерістер (толықтырулар) енгізілген күннен бастап бес жұмыс күні ішінде жүзеге асырады.
      Ескерту. 30-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      31. Мемлекеттік аудит объектілерінің тізбесін бекіту туралы бұйрық тіркелген күннен бастап бес жұмыс күні ішінде оны Электрондық құжат айналымының бірыңғай жүйесі (бұдан әрі – ЭҚАБЖ) және (немесе) жазбаша түрде пошта арқылы Уәкілетті органға, тексеру комиссияларына, Қазақстан Республикасы Президентінің Әкімшілігіне, Қазақстан Республикасының Премьер-Министріне, құқықтық статистика және арнайы есепке алу саласындағы уәкілетті органға, республикалық бюджеттік бағдарламалар әкімшілеріне және облыстардың, республикалық маңызы бар қаланың, астананың әкімдеріне жіберу жүзеге асырылады.
      Ескерту. 31-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      32. Мемлекеттік аудит объектілерінің бекітілген тізбесіне өзгерістер (толықтырулар) енгізу туралы бұйрық тіркелген күннен бастап бес жұмыс күні ішінде) оны ЭҚАБЖ және (немесе) жазбаша түрде пошта арқылы:
      1) құқықтық статистика және арнайы есепке алу саласындағы уәкілетті органға;
      2) Уәкілетті органға және тексеру комиссияларына Мемлекеттік аудит объектілерінің өзгертілген (толықтырылған) нақтыланған тізбесінің қоса берілуімен жіберу жүзеге асырылады.
      Ескерту. 32-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      33. Жоспарлауға жауапты құрылымдық бөлімше бекітілген Мемлекеттік аудит объектілері тізбесінің орындалуына тұрақты негізде мониторинг жүргізеді.
      Ескерту. 33-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      34. Аудиторлық іс-шаралардың қайталануын болдырмау мақсатында, жоспарлауға жауапты құрылымдық бөлімше Уәкілетті органның және тексеру комиссияларының мемлекеттік аудит объектілері тізбелерінің өзгерістеріне ай сайынғы негізде мониторинг жүргізеді.
      35. Жоспарлауға жауапты құрылымдық бөлімше Уәкілетті органның және тексеру комиссиясының мемлекеттік аудит объектілерінің жылдық тізбесінің шеңберіндегі аудиторлық іс-шараларының орындалуы жөніндегі ақпаратты олардың нәтижелерін талдап және жинақтап, кейіннен Қазақстан Республикасының Президенті мен Қазақстан Республикасының Парламентіне ұсынылатын Есеп комитетінің ақпаратына және есебіне енгізу үшін тоқсан сайынғы негізде сұратып отырады.
      36. Мемлекеттік аудит объектілерінің тізбесі бекітілгеннен кейін бес жұмыс күні ішінде жоспарлауға жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірге тоқсан сайын нақтыланатын аудиторлық іс-шаралардың аяқталуын ескере отырып, отырыстар өткізудің жылдық жоспарын қалыптастырады.
      Ескерту. 36-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      37. Есепті кезеңнің қорытындылары бойынша Есеп комитетінің Төрағасына Мемлекеттік аудит объектілері тізбесінің іске асырылуы туралы ақпарат ұсынылады.
      Ескерту. 37-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      38. Мемлекеттік аудит объектілерінің тізбесіне Қазақстан Республикасы Президентінің тапсырмалары және (немесе) өзекті етілген Өтінім мен өзгерістер және (немесе) толықтырулар енгізудің негізділігін растайтын құжаттар (материалдар) қоса берілген, Есеп комитетінің аудиторлық іс-шараға жауапты мүшесінің қызметтік жазбасының негізінде Есеп комитеті Төрағасының бастамасы бойынша өзгерістер және (немесе) толықтырулар енгізіледі.
      Ескерту. 38-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

3-бөлім. Жеке мемлекеттік аудитті жоспарлау және оны жүргізу

1-кіші бөлім. Жеке мемлекеттік аудитті жоспарлау

      39. Аудиторлық іс-шараны жүргізуге дайындық оның бастапқы кезеңі болып табылады, онда:
      1) мемлекеттік аудит объектілерін алдын-ала зерделеу;
      2) тексеру тағайындауға актілер болып табылатын мемлекеттік аудит жүргізу жоспарын (бұдан әрі – Аудит жоспары), мемлекеттік аудит жүргізу бағдарламасын (бұдан әрі – Аудит бағдарламасы), аудиторлық іс-шараны, бірлескен және қатар тексерулерді жүргізуге тапсырманы (бұдан әрі – Тапсырма), аудиторлық іс-шараны жүргізуге арналған аудиторлық тапсырманы (бұдан әрі – Аудиторлық тапсырма) және өзге де құжаттаманы жасау жүзеге асырылады.
      Ескерту. 39-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      40. Жеке мемлекеттік аудит жүргізуге дайындық Мемлекеттік аудит туралы заңның 8-бабына, осы Қағидаларға және сыртқы мемлекеттік аудитті жүргізуді регламенттейтін өзге де құжаттарға сәйкес жүзеге асырылады.

1-параграф. Мемлекеттік аудит объектілерін алдын ала зерделеу

      41. Мемлекеттік аудит объектілерін алдын ала зерделеу мемлекеттік аудит объектісіне бармай, Қазақстан Республикасының мемлекеттік құпияларын қорғау жөніндегі заңнамаға сәйкес жүзеге асырылатын аудиторлық іс-шараларды қоспағанда, олардың қызметі туралы мемлекеттік аудиттін типін, тексеру түрі мен мемлекеттік аудит объектілерін, аудиторлық іс-шарамен қамтылатын қаражат және активтер көлемін, мемлекеттік аудит жүргізу мерзімдерін нақтылауға, мемлекеттік аудит мәселелерін айқындауға, соның ішінде қаражаттың жұмсалуы туралы мәліметтерде көзделген деректерді өзекті етуге қажетті ақпаратты жинау және талдау жолымен жүргізіледі.
      42. Мемлекеттік аудиттің типіне қарай мынадай көрсеткіштер айқындалады:
      1) тиімділік – жоспарланған және алынған нәтижелердің оларға қол жеткізу үшін пайдаланылған ресурстар ескерілгендегі арақатынасы;
      2) үнемділік – қызметтің бағаланатын нәтижелерінің тиісті сапасын сақтай отырып, осы нәтижелерге қол жеткізу үшін бөлінген ресурстардың құнын барынша азайту;
      3) өнімділік – санын, сапасын және мерзімдерін ескере отырып бөлінген ресурстарды пайдалана отырып, экономика немесе жекелеген басқару саласы үшін барынша пайдалы нәтиже алу;
      4) нәтижелілік – әрбір қызмет бойынша белгіленген міндеттердің іске асырылу деңгейі және тиісті қызметтің жоспарлы (тікелей, түпкілікті) және нақты нәтижелерінің арақатынасы;
      5) мәнділік – мемлекеттік аудит объектісі қаржылық және шаруашылық операцияларын жасауы кезінде Қазақстан Республикасының заңнамасы нормаларының, оларды іске асыру үшін қабылданған квазимемлекеттік сектор субъектілері актілерінің талаптарынан ауытқу, сондай-ақ ең жоғары жол берілетін мөлшері мемлекеттік аудит объектісі қызметінің ерекшелігіне және көрсеткіштер санатына қарай Қазақстан Республикасының мемлекеттік аудит және қаржылық бақылау туралы заңнамасына сәйкес айқындалатын, қабылданатын шешімдерге ықпал ететін өзге де қателер;
      6) перспективалық – жүргізілген шығыстардың белгіленген күтілетін кезеңге қойылған мақсаттар мен міндеттерге сәйкестігі.
      43. Мемлекеттік аудит объектісі туралы ақпаратты талдау негізінде алдын ала зерделеу барысында мемлекеттік аудиттің типіне және аудиторлық іс-шараның мақсатына қарай, осы Қағидалардың 42-тармағында көзделген мемлекеттік аудит көрсеткіштерін қоспағанда, мынадай көрсеткіштер айқындалады:
      1) тәуекелдердің болуы мен дәрежесі – тексерілетін саладағы бюджет қаражаты мен активтерінің қалыптастырылуына және пайдаланылуына немесе мемлекеттік аудит объектісінің қаржылық-шаруашылық қызметіне теріс әсер ететін, салдарынан бұзушылықтар мен кемшіліктер болуы мүмкін қандай да бір факторлардың (іс-қимыл немесе оқиғалардың) болуын айқындау;
      2) ішкі аудиттің болуы мен жай-күйі – осы мемлекеттік аудит объектісінде аудиторлық рәсімдердің көлемін жоспарлау және оларды жүргізу мақсатында, мемлекеттік аудит объектісінің қызметіндегі ол жүзеге асыратын ішкі бақылаудың тиімділігі дәрежесіне алдын ала бағалау жүргізу.
      44. Осы Қағидалардың 42 және 43-тармақтарында көрсетілген көрсеткіштер айқындалған және (немесе) басқа да арнайы көрсеткіштер әзірленген соң, аудиторлық іс-шараның мақсаттары мен мәселелері қалыптастырылады, оны жүргізу әдістері (талдау, салғастыру, бағалау, тексеру, зерттеп-қарау, аудиторлық іріктеу, мәнділік мөлшері және басқасы) айқындалады, сондай-ақ қажетті аудиторлық рәсімдердің көлемі жоспарланады.
      Ескерту. 44-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      45. Мәнділіктің шекті мөлшерін, мемлекеттік аудит үшін анағұрлым маңызды болатын салалар, мемлекеттік аудит объектілерінің тәуекелдерін және ішкі аудитінің жай-күйі мен ішкі бақылау жүйесін бағалау, аудиторлық іріктеуді қолдану әдістерін айқындаудың тәртібі Мемлекеттік аудит туралы заңның 8-бабына сәйкес, мемлекеттік аудиттің типіне қарай белгіленеді.
      46. Мемлекеттік аудит тобы мемлекеттік аудит объектілерінің қызметін алдын ала зерделеуді аудиторлық іс-шараның негізгі кезеңін жүргізуді бастағанға дейін кемінде бес жұмыс күні бұрын аяқтай отырып, Мемлекеттік аудит объектілерінің тізбесінде көзделген мерзімдерде жүргізеді.
      47. Алып тасталды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      48. Осы Қағидаларға 7-қосымшаға сәйкес ресімделетін алдын ала зерделеу жүргізу туралы хабарлама мемлекеттік аудит объектісіне оны жүргізудің басталатын күнінен кешіктірілмей жіберіледі.
      Мемлекеттік аудит объектісіне осы Қағидаларға 8-қосымшаға сәйкес нысан бойынша мәліметтер, құжаттама, ақпарат және материалдар (дәлелдемелер) ұсыну туралы талап (бұдан әрі – Құжаттар ұсыну туралы талап) жіберіледі.
      Ескерту. 48-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      49. Мемлекеттік аудит тобы Есеп комитетінің аудиторлық іс-шараға жауапты мүшесінің басшылығымен аудиторлық іс-шараға дайындық кезеңі мерзімі басталғаннан бес жұмыс күні ішінде:
      1) осы Қағидаларға 9-қосымшада ұсынылған мемлекеттік аудит объектісінің қызметін алдын ала зерделеу барысында зерделенетін Мәселелердің үлгі тізбесіне сәйкес мемлекеттік аудит объектілерінің қызметін алдын ала зерделеу үшін ақпарат көздеріне талдау жүргізеді;
      2) қолжетімді көздерден, Бірыңғай дерекқордан ақпарат жинауды және Мемлекеттік аудит туралы заңның 21-бабына сәйкес, мемлекеттік аудит объектілеріне, лауазымды, жеке және заңды тұлғаларға Құжаттар ұсыну туралы талапты жіберуді жүзеге асырады.
      Ескерту. 49-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      50. Мемлекеттік аудит объектісін алдын ала зерделеу кезінде:
      1) квазимемлекеттік сектор субъектілерінің арнайы мақсаттағы аудитінің нәтижелері бойынша аудиторлық қорытынды және бюджет қаражатын, кредиттерді, байланысты гранттарды, мемлекет пен квазимемлекеттік сектор субъектілері активтерін, мемлекеттік және мемлекет кепілдік берген қарыздарды, сондай-ақ мемлекет кепілгерлігімен тартылатын қарыздарды пайдалану мәселелері бойынша Аудиторлық қызмет туралы Қазақстан Республикасының заңнамасына және Мемлекеттік аудит туралы заңға сәйкес жүргізілетін аудит нәтижелері;
      2) Есеп комитетінің жоспарланған мемлекеттік аудитімен сәйкес келетін мемлекеттік аудитпен қамтылатын мақсат, кезеңі бойынша басқа мемлекеттік аудит органдарының (тексеру немесе бақылау) аудиторлық іс-шаралары жүргізу мәселелері міндетті түрде қаралады.
      Ескерту. 50-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      51. Есеп комитетінің мемлекеттік аудит нәтижелерін тануы Мемлекеттік аудит туралы заңның 8, 19-баптарына сәйкес жүзеге асырылады.
      52. Басқа мемлекеттік аудит органы жүргізген мемлекеттік аудит нәтижелерін Есеп комитеті танымаған жағдайда, осы мемлекеттік аудит объектілеріндегі аудиторлық іс-шара Аудит бағдарламасына және Мемлекеттік аудиторлардың аудиторлық тапсырмаларына сәйкес жүргізіледі, таныған жағдайда – аудиторлық іс-шара жүргізілмейді немесе Мемлекеттік аудит объектілерінің тізбесіне, Аудит жоспарына, Аудит бағдарламасына, Мемлекеттік аудиторлардың аудиторлық тапсырмаларына тиісті өзгерістер енгізіле отырып жүргізіледі.
      Ескерту. 52-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      53. Қолдағы бар және мемлекеттік аудит объектілерін алдын ала зерделеу қорытындысы бойынша алынған деректерге жүргізілген зерделеу мен талдауға сәйкес:
      1) мемлекеттік аудит нәтижелерін тану (танымау) ескеріле отырып, мемлекеттік аудиттің типіне, тексерудің түріне және мемлекеттік аудит объектілеріне, мемлекеттік аудитпен қамтылатын қаражаттың, активтердің көлеміне, кезеңіне нақтылау жүргізіледі;
      2) мемлекеттік аудит объектілері – мемлекеттік аудиторлардың арасында, бірлескен және қатар тексеру жүргізілген кезде мемлекеттік органдар мен мемлекеттік аудит органдары арасында бөлінеді;
      3) үстеме тексеру объектілері айқындалады;
      4) мемлекеттік аудитті жүргізуге тартылатын сарапшылар және мемлекеттік аудиттің соларға тапсырылуы жоспарланатын нақты мәселелері айқындалады;
      5) режимдік объектілерде мемлекеттік аудит жүргізілген жағдайларда, рұқсат алу мәселелері пысықталады;
      6) Мемлекеттік аудит объектісі басшысының (келісімімен аудиторлық іс-шара жүзеге асырылатын лауазымды адам) міндеттерін атқару жөніндегі талапқа қосу мақсатында, аудиторлық іс-шараны жүзеге асыру үшін құжаттардың және басқа да ақпараттың тізбесі жасалады;
      7) жоспарланған мемлекеттік аудитті жүргізуге қажетті ақпарат көздері айқындалады;
      8) мемлекеттік аудит тобының жетекшісі мемлекеттік аудит объектілерін алдын ала зерделеудің нәтижелері туралы ақпаратты осы Қағидаларға 10-қосымшаға сәйкес нысан бойынша жасайды.
      Ескерту. 53-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      54. Есеп комитетінің аудиторлық іс-шараға жауапты мүшесі:
      1) мемлекеттік аудит объектілерінде аудиторлық іс-шараны жүзеге асырудың орынсыздығы (елеулі тәуекелдердің болмауы, аудиторлық іріктеудің қорытындылары бойынша) анықталған;
      2) мемлекеттік аудиттің типтері мен тексерулердің түрлері бойынша Мемлекеттік аудит объектілерінің тізбесіне өзгерістер енгізудің қажеттілігі болған;
      3) басқа мемлекеттік аудит органдары мемлекеттік аудит (тексеру немесе бақылау) жүргізген және олардың нәтижелерін Есеп комитеті таныған;
      4) құқық қорғау органдары құқық белгілеуші және өзге де бастапқы құжаттарды алып қойған кездерде тиісінше негіздей отырып, Есеп комитетінің Төрағасына мемлекеттік аудит мерзімдерінің ауыстырылғаны не осы аудиторлық іс-шараның Мемлекеттік аудит объектілерінің тізбесінен алынып тасталғаны туралы қызметтік жазба енгізеді.
      55. Осы Қағидалардың 54-тармағында көзделген қызметтік жазбаны қараудың қорытындысы бойынша Есеп комитетінің Төрағасы өзгерістер және (немесе) толықтырулар енгізу және (немесе) Мемлекеттік аудит объектілерінің тізбесінен аудиторлық іс-шараны алып тастау туралы шешім қабылдайды.

2-параграф. Аудит жоспарын, Аудит бағдарламасын,
Аудиторлық тапсырма және Тапсырмалар жасау

      56. Есеп комитетінің мемлекеттік аудит нәтижелерін тануы (танымауы) ескеріле отырып, мемлекеттік аудит объектісін алдын ала зерделеудің негізінде осы Қағидаларға 11-қосымшаға сәйкес нысан бойынша Аудит жоспары, осы Қағидаларға 12-қосымшаға сәйкес нысан бойынша Аудит бағдарламасы, осы Қағидаларға 13-қосымшаға сәйкес нысан бойынша Аудиторлық тапсырмалар жасалады.
      57. Аудит жоспары мен Аудит бағдарламасының жобалары бойынша Мемлекеттік аудит туралы заңның 8-бабына және осы Қағидаларға сәйкес сапа бақылауы жүргізіледі.
      Сапа бақылауын жүргізу мақсатында сапа бақылауын жүргізуге жауапты құрылымдық бөлімшеге мыналар:
      1) мемлекеттік аудит объектілерін алдын ала зерделеудің нәтижелері туралы ақпарат;
      2) осы Қағидалардың 54-тармағына сәйкес Есеп комитетінің аудиторлық іс-шараға жауапты мүшесінің қызметтік жазбасы;
      3) Аудит жоспары мен Аудит бағдарламасының жобалары ұсынылады.
      Аудит жоспары, Аудит бағдарламасы, Аудиторлық тапсырмалар және Тапсырмалар ЕК АЖ-да және (немесе) ЭҚАБЖ арқылы қалыптастырылады.
      Ескерту. 57-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      58. Аудиторлық іс-шараға (негізгі кезең) шыққанға дейін төрт жұмыс күнінен кешіктірілмей:
      1) мемлекеттік аудит тобының жетекшісі жасап, оған мемлекеттік аудит жүргізуге, жоспарлауға, сапаны бақылауға жауапты құрылымдық бөлімшелердің басшылары бұрыштама қойған және Есеп комитетінің аудиторлық іс-шараға жауапты мүшесі қол қойған Аудит жоспары Есеп комитетінің Төрағасына бекітуге енгізіледі;
      2) Есеп комитетінің аудиторлық іс-шараға жауапты мүшесі мемлекеттік аудит тобының қатысушылары мемлекеттік аудит объектілері бойынша жасап, мемлекеттік аудит тобының жетекшісі, мемлекеттік аудитті жүргізуге жауапты құрылымдық бөлімшенің басшысы жинақтаған және қол қойған, жоспарлауға, сапаны бақылауға жауапты құрылымдық бөлімшелердің басшылары бұрыштама қойған Аудит бағдарламасын бекітеді;
      3) Есеп комитетінің аудиторлық іс-шараға жауапты мүшесі мемлекеттік аудит тобының әрбір қатысушысына жеке-жеке жасалып, мемлекеттік аудиторлар, мемлекеттік аудит тобының жетекшісі, мемлекеттік аудит жүргізуге жауапты құрылымдық бөлімше басшысы қол қойған Аудиторлық тапсырманы бекітеді;
      4) Есеп комитетінің аудиторлық іс-шараға жауапты мүшесі мемлекеттік аудит тобының қатысушылары жасап, мемлекеттік аудит тобының жетекшісі, мемлекеттік аудит жүргізуге, құқықтық қамтамасыз етуге жауапты бөлімшелердің басшылары бұрыштама қойған Тапсырмаларға қол қояды.
      59. Кадр қызметі осы Қағидалардың 58-тармағының 1) тармақшасында көзделген Аудит жоспары бекітілгеннен кейін, аудиторлық іс-шараға шыққанға дейін үш жұмыс күнінен кешіктірмей, іссапарға жіберу туралы бұйрықтарды уәкілетті лауазымды адамға қол қоюға енгізеді.
      Ескерту. 59-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      60. Осы Қағидалардың 58 және 59-тармақтарында көрсетілген құжаттарға қол қойылғаннан кейін Есеп комитетінің аудиторлық іс-шараға жауапты мүшесі және мемлекеттік аудитті жүргізуге жауапты құрылымдық бөлімше Аудит жоспарын, Аудит бағдарламасын, Аудиторлық тапсырмаларды және Тапсырмаларды ЭҚАБЖ-да бір тіркеу нөмірімен тіркейді.
      61. Тіркеу нөмірлері күнтізбелік жылдың бас кезінен мынадай мәндері көрсетіле отырып беріледі:
      N-Ж – Аудит жоспары;
      N-Б – Аудит бағдарламасы;
      N-АТ – Аудиторлық тапсырмалар. Бір аудиторлық іс-шараға аудиторлық тапсырмаларға ортақ нөмір беріледі;
      N-П-Т – Аудиторлық іс-шараны, үстеме, бірлескен және қатар тексерулерді жүргізуге тапсырма, мұнда N – Мемлекеттік аудит объектілерінің тізбесіне сәйкес, аудиторлық іс-шараның реттік нөмірі, П – тапсырманың реттік нөмірі;
      N-ҚТ – аудиторлық іс-шараның сапасын бақылаудың қорытындысы бойынша Қайта тексеруге тапсырма.
      Ескерту. 61-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      62. Екінші және кейінгі Тапсырмаларды бір аудиторлық іс-шараның шеңберінде тіркеу көрсетілген мәнге дефис арқылы реттік нөмір бере отырып (-1Т, -2-Т және т.б.), сол реттік нөмірмен (N) жүзеге асырылады.
      63. Тіркелген Тапсырмаларға өзгерістер және (немесе) толықтырулар енгізілген жағдайда, мемлекеттік аудит объектісі, құқықтық статистика және арнайы есепке алу саласындағы уәкілетті орган бір мезгілде хабардар етіле отырып, жаңа Тапсырма қабылданады.
      64. Үстеме тексеру жүргізуге берілген тапсырмаға негізгі мемлекеттік аудит объектісіндегі Аудиторлық іс-шара жүргізуге тапсырманың нөміріне бөлшек қою арқылы реттік нөмір беріледі (N-1/1-Т, N-2/1-Т және т.б.).
      65. Есеп комитетінің аудиторлық іс-шараға жауапты мүшесі мен мемлекеттік аудитті жүргізуге жауапты құрылымдық бөлімшенің басшысы аудиторлық іс-шараға (негізгі кезең) шыққанға дейін мемлекеттік аудит тобының қатысушыларына техникалық сабақ (нұсқама) өткізеді.
      66. Есеп комитетінің аудиторлық іс-шараға жауапты мүшесі тікелей мемлекеттік аудит объектісінде мемлекеттік аудит жүргізудің (үстеме тексеруді қоспағанда) негізгі кезеңі басталғанға дейін екі жұмыс күнінен кешіктірмей, мемлекеттік аудит объектісіне осы Қағидалардың 48-тармағында көзделген нысан бойынша аудиторлық іс-шара жүргізу туралы хабарлама жібереді.
      67. Аудит бағдарламасы Аудит жоспарын дамыту үшін жасалып, мемлекеттік аудит көрсеткіштерінен және оны іс жүзінде іске асыруға қажетті мәселелерден тұрады.
      Ескерту. 67-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      68. Аудит бағдарламасының мәселелері аудиторлық іс-шараның қойылған мақсаттарына қол жеткізуге бағытталған.
      Ескерту. 68-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      69. Аудит жоспарында, Аудит бағдарламасында және Тапсырмада аудиторлық іс-шараның мақсаты Мемлекеттік аудит объектілерінің тізбесінде көзделген мемлекеттік аудиттің тақырыбына (аудиторлық іс-шараның атауына), жүргізілетін типіне және Мемлекеттік аудит туралы заңның 12-бабының 1, 2, 3-тармақтарында көзделген мемлекеттік аудит бағыттарына сүйене отырып айқындалады.
      70. Сәйкестік аудитінің бағдарламасын жасау кезінде Мемлекеттік аудит туралы заңның 12-бабының 2-тармағында көзделген бағыттарға сәйкес, соның ішінде мемлекеттік аудит объектілерінің қызметін реттейтін және регламенттейтін заңнама нормаларын, нормативтік құқықтық актілер ережелерін, квазимемлекеттік сектор субъектілерінің актілерін, ұйымның белгіленген тәртібін сақтау, олардың қаржылық есептілікті жасау және ұсыну мәселелерін көрсеткен жөн.
      71. Қаржылық есептілік аудитінің бағдарламасын жасау кезінде мемлекеттік аудит объектілерінің қаржылық есептілікті жасауының толықтығы мен анықтығы мәселелері енгізіледі.
      Ескерту. 71-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      72. Тиімділік аудитінің бағдарламасы соның ішінде мемлекеттік аудиттің алдыңғы екі типіне – сәйкестік және қаржылық есептілік аудиттеріне негізделеді. Тиімділік аудиті бағдарламасының мәселелері оның бюджет қаражатын және активтерін пайдаланудан алынған түпкілікті әлеуметтік-экономикалық нәтижені айқындауға арналған бағытын ескереді.
      73. Тиімділік аудиті бірнеше мемлекеттік аудит объектісінде жүргізілген жағдайда, мемлекеттік аудит типі аталған обьектідегі мемлекеттік аудиттің мақсатына қарай, әрбір мемлекеттік аудит объектісі бойынша көрсетіледі.
      74. Мемлекеттік жоспарлау жүйесі құжаттарының, мемлекет акционері болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларының іске асырылуына тиімділік аудитін жүргізу кезінде Есеп комитеті бекітетін Мемлекеттік жоспарлау жүйесі құжаттарына, акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларына бағалау жүргізу қағидаларын басшылыққа алған жөн.
      75. Аудиторлық тапсырмада нақты бағдарламалық мәселелер, оларды әрбір мемлекеттік аудит объектісінде қарау мерзімдері көрсетіледі.
      76. Тапсырма аудиторлық іс-шара жүргізуге құқық беретін ресми құжат болып табылады және «Тексерудi тағайындау туралы актiлердi, тексеруді тоқтата тұру, қайта бастау, оның мерзімдерін ұзарту туралы, қатысушылар құрамын өзгерту және тексеру мен оның нәтижелерi туралы ақпараттық есепке алу құжаттарын ұсыну туралы хабарламаларды тіркеу қағидаларын бекіту туралы» Қазақстан Республикасы Бас прокурорының 2016 жылғы 26 қаңтардағы № 13 бұйрығына сәйкес (Нормативтік құқықтық актілерді мемлекеттік тіркеу тізілімінде № 13171 тіркелген), құқықтық статистика және арнайы есепке алу саласындағы уәкілетті органда тіркеле отырып, қатаң есептілік бланкісінде ресімделеді.
      Ескерту. 76-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      77. Аудиторлық іс-шараны жүргізуге тапсырма және Үстеме (Бірлескен, Қатар) тексеруді жүргізуге тапсырма осы Қағидаларға 14-қосымшаға сәйкес нысан бойынша ресімделеді.

2-кіші бөлім. Жеке мемлекеттік аудит жүргізу

1-параграф. Аудиторлық іс-шараны жүргізудің
ұйымдастырушылық негіздері

      78. Мемлекеттік аудит объектілерінің тізбесіне сәйкес, Есеп комитетінің аудиторлық іс-шараға жауапты мүшесінің қолы қойылған Аудиторлық іс-шара жүргізуге тапсырманың болуы аудиторлық іс-шара жүргізу үшін негіздеме болып табылады.
      Ескерту. 78-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      79. Әрбір мемлекеттік аудит объектісіне жеке Тапсырма ресімделеді.
      80. Аудиторлық іс-шараны жүргізу басталардың алдында мемлекеттік аудит объектісінің басшысына:
      1) Аудиторлық іс-шара жүргізуге тапсырма;
      2) мемлекеттік аудитті жүзеге асыруға уәкілетті лауазымды адамдардың қызметтік куәліктері;
      3) Қазақстан Республикасында құпиялылық режимін қамтамасыз ету жөніндегі заңнамада белгіленген жағдайларда, құзыретті органның режимді объектілерде болуға арналған рұқсаты көрсетіледі.
      81. Аудиторлық іс-шараны Тапсырмада көрсетілген адамдар ғана жүзеге асырады.
      82. Аудиторлық іс-шара жүргізудің басталған кезі мемлекеттік аудит объектісінің лауазымды адамына (адамдарына) Тапсырманың көрсетілген күні болып табылады.
      83. Мемлекеттік аудит объектісінің басшысына немесе келісімімен аудиторлық іс-шара жүзеге асырылып жатқан лауазымды адамға Тапсырма көрсетілген күннен бастап екінші күннен кешіктірілмей, мемлекеттік аудит тобының жетекшісі немесе мемлекеттік аудитор қол қойған, осы Қағидаларға 15-қосымшаға сәйкес нысан бойынша мемлекеттік аудит объектісі басшысының (келісімімен аудиторлық іс-шара жүзеге асырылып жатқан лауазымды адамның) міндеттерін атқару жөніндегі талап беріледі.
      Қағидалардың осы тармағында көзделген Талапқа бөлшек арқылы тапсырманың нөмірі беріледі және көрсетілген Талаптың табыс етілген күні көрсетіледі.
      Мемлекеттік аудит объектісі басшысының міндеттерін атқару жөніндегі Талаптың бірінші данасы мемлекеттік аудит объектісінің басшысына немесе келісімімен аудиторлық іс-шара жүзеге асырылып жатқан лауазымды адамға қол қою арқылы беріледі. Қабылдамаған кезде мемлекеттік аудит тобының жетекшісі (мемлекеттік аудитор) Мемлекеттік аудит объектісі басшысының міндеттерін атқару жөніндегі талапты мемлекеттік аудит объектісінің кеңсесі арқылы жібереді.
      Мемлекеттік аудит объектісі басшысының міндеттерін атқару жөніндегі талаптың қабылданғаны туралы белгісі бар екінші данасы мемлекеттік аудиторда қалады және Аудиторлық есепке қоса тіркеледі.
      Міндеттерін атқару жөніндегі талап А4 форматының парағында жасалады.
      Аудиторлық іс-шараны жүзеге асыру барысында қосымша құжаттар, материалдар, ақпарат алуға кедергі келтірілген жағдайда, оларды алу үшін, Қағидалардың осы тармағына сәйкес ресімделетін Мемлекеттік аудит объектісі басшысының міндеттерін атқару жөніндегі талап жіберіледі.
      Үстеме тексеру жүргізу кезінде мемлекеттік аудит объектісі мемлекеттік аудит жүргізуге кедергі келтірген жағдайда, оған мемлекеттік аудит объектісі басшысының міндеттерін атқару жөніндегі талап көрсетіледі.
      Ескерту. 83-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      84. Мемлекеттік аудит объектісінің лауазымды адамдары мемлекеттік аудит объектісіне кіргізуден бас тартқан жағдайда және (немесе) аудиторлық іс-шараны жүргізуге кедергі келтірген кезде, мемлекеттік аудитор осы Қағидаларға 16-қосымшаға сәйкес нысан бойынша мемлекеттік аудит объектісіне кіргізуден бас тарту фактісі бойынша акті және Қазақстан Республикасының 2014 жылғы 5 шілдедегі Әкімшілік құқық бұзушылық туралы кодексінің (бұдан әрі – ӘҚтК) негізінде және онда көзделген тәртіппен әкімшілік құқық бұзушылық туралы хаттама жасайды.
      Әкімшілік құқық бұзушылық туралы тиісті хаттама құқықтық қамтамасыз етуге жауапты құрылымдық бөлімшеде тіркеледі.
      85. Осы Қағидалардың 84-тармағында көзделген жағдайда, мемлекеттік аудит тобының жетекшісі жазбаша, электрондық пошта (факс), пошта байланысы арқылы және (немесе) қолма-қол Есеп комитетінің аудиторлық іс-шараға жауапты мүшесіне осы фактілер туралы хабарлайды, ол осыларды жою жөнінде шаралар қабылдайды.
      86. Мемлекеттік аудит объектісі мемлекеттік аудит жүргізуге кедергі келтіретін мән-жайларды жоймаған жағдайда, Есеп комитетінің аудиторлық іс-шараға жауапты мүшесі мемлекеттік аудит жүргізуге кедергі келтіретін себептер толық жойылғанға дейін аудиторлық іс-шараны тоқтата тұру туралы Есеп комитетінің Төрағасына қолдаухат дайындайды.
      87. Аудиторлық іс-шараны тоқтата тұру, ұзарту туралы шешім мемлекеттік аудит объектісін, құқықтық статистика және арнайы есепке алу саласындағы уәкілетті органды бір мезгілде хабардар ете отырып, Есеп комитеті Төрағасының бұйрығы түрінде шығарылады.
      Аудиторлық іс-шара қайта басталған кезде жаңа Тапсырма жазылып беріледі.
      88. Аудиторлық іс-шараны жүргізу мемлекеттік аудит объектісінің қызметіне кедергі келтірмейді.
      89. Аудиторлық іс-шараны жүргізу мемлекеттік аудит объектісінің жұмыс режиміне және күн тәртібіне сәйкес жүзеге асырылады.
      90. Мемлекеттік аудиторлар мемлекеттік аудит объектісінің ақпараттық стендінде Есеп комитеті қызметкерлерінің мемлекеттік аудит объектісінде аудиторлық іс-шара жүргізіп жатқаны туралы ақпарат іледі.
      91. Егер мемлекеттік аудит объектісінде басқа мемлекеттік аудит органының мақсаты, аудиторлық іс-шарамен қамтылатын кезеңі бойынша Есеп комитетінің аудиторлық іс-шарасымен сәйкес келетін мемлекеттік аудит жүргізу фактісі анықталса, мемлекеттік аудиторлар Мемлекеттік аудит туралы заңның 8, 19-баптарына сәйкес, мемлекеттік аудит нәтижелерін тану рәсімдерін жүргізуге бастамашылық жасайды.
      Ескерту. 91-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      92. Басқа мемлекеттік аудит органы жүргізген мемлекеттік аудит нәтижелерін Есеп комитеті танымаған жағдайда, мемлекеттік аудиттің аталған объектілеріндегі аудиторлық іс-шара Аудит бағдарламасына және мемлекеттік аудиторлардың Аудиторлық тапсырмаларына сәйкес жүргізіледі.
      93. Мемлекеттік аудит объектілерінің тізбесіне, Аудит жоспарына, Аудит бағдарламасына, Аудиторлық тапсырмаларға Есеп комитеті басқа мемлекеттік аудит органы жүргізген мемлекеттік аудит нәтижелерін таныған жағдайда мемлекеттік аудиттің көлемі қысқарған кезде өзгерістер енгізіледі.
      Ескерту. 93-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      94. Құқық қорғау органдары мемлекеттік аудит объектісіндегі құжаттарды алып қойғанда, сарапшылар мемлекеттік аудит жүргізуден бас тартқанда, Есеп комитеті мемлекеттік аудит нәтижелерін танығанда, Есеп комитетінің аудиторлық іс-шараға жауапты мүшесі немесе Тапсырмаға қол қойған лауазымды адам тіркелген Тапсырманың күшін жоюға келісім берген мемлекеттік аудит тобы жетекшісінің, мемлекеттік аудитті жүргізуге, құқықтық қамтамасыз етуге жауапты бөлімше басшыларының қолы болған жағдайда, оның оң жақ жоғарғы бұрышына қойылатын «Тапсырманың күші жойылды» деген мәтіні бар мөртаңбаға өзінің қолын қою арқылы растай отырып Тапсырманың күшін жояды. Тапсырманың артқы бетінде (мөртаңбаның бедері деңгейінде) оның күшін жоюдың себептері және осындай шешімнің қабылданған күні көрсетіледі.
      95. Аудиторлық іс-шара барысында Аудит бағдарламасымен қамтылмаған, бірақ толық зерделеуге қажетті мәселелер туындаған жағдайда, мемлекеттік аудитор мемлекеттік аудит тобы басшысының келісімі бойынша Есеп комитетінің аудиторлық іс-шараға жауапты мүшесін жазбаша түрде хабардар етеді.
      Аудит бағдарламасында қамтылмаған мәселелер бойынша аудиторлық іс-шара жүргізудің орындылығы танылған жағдайда, Есеп комитетінің аудиторлық іс-шараға жауапты мүшесі мемлекеттік аудитордың Аудиторлық тапсырмасына толықтырулар енгізе отырып, мемлекеттік аудиторға тиісті тапсырма береді. Мемлекеттік аудит объектісі Аудит бағдарламасында қамтылмаған мәселелер бойынша материалдарды аудиторлық іс-шараны жүзеге асыратын мемлекеттік аудитор жіберген Құжаттарды ұсыну туралы талаптың негізінде ұсынады.
      Ескерту. 95-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      96. Мемлекеттік аудитті жүргізу мерзімін ұзарту қажет болған жағдайда, соның ішінде осы Қағидалардың 95-тармағында көзделген жағдайда, Мемлекеттік аудит объектілерінің тізбесіне тиісті өзгерістер енгізіле отырып, Есеп комитетінің Төрағасы Есеп комитетінің аудиторлық іс-шараға жауапты мүшесінің жазбаша қолдаухаты 6ойынша ол аяқталғанға дейін кемінде бір жұмыс күні бұрын мерзімін ұзартады.
      97. Аудиторлық іс-шараны жүргізу барысында Аудит жоспарына, Аудит бағдарламасына және Аудиторлық тапсырмаларға өзгерістер және (немесе) толықтырулар енгізу:
      Аудит жоспарына – Есеп комитетінің аудиторлық іс-шараға жауапты мүшесінің өзгерістер және (немесе) толықтырулар енгізудің негіздемелерін көрсете отырып, мемлекеттік аудит жүргізуге және жоспарлауға жауапты құрылымдық бөлімшелер басшыларының бұрыштамасы алынған, Есеп комитеті Төрағасының атына жазбаша қолдаухатының негізінде;
      Аудит бағдарламасына – мемлекеттік аудит тобы жетекшісінің өзгерістер және (немесе) толықтырулар енгізудің негіздемелерін көрсете отырып, мемлекеттік аудитті жоспарлауға және жүргізуге жауапты құрылымдық бөлімшелер басшыларының келісімі бойынша Есеп комитетінің аудиторлық іс-шараға жауапты мүшесінің атына қызметтік жазбасының негізінде;
      Аудиторлық тапсырмаға – мемлекеттік аудитордың мемлекеттік аудит тобының жетекшісімен келісілген, Есеп комитеті мүшесінің атына қызметтік жазбасының негізінде немесе Аудит жоспары мен Аудит бағдарламасына өзгерістер және (немесе) толықтырулар енгізілген жағдайда жүзеге асырылады.
      Бұл ретте Аудит жоспарын – Мемлекеттік аудит объектілерінің тізбесіне (қажет болғанда) бір мезгілде өзгерістер және (немесе) толықтырулар енгізе отырып, Есеп комитетінің Төрағасы, Аудит бағдарламасын және Аудиторлық тапсырманы – енгізілген өзгерістер және (немесе) толықтыруларды ескеріп, аудиторлық іс-шара жүргізу мерзімін өзгертіп немесе өзгеріссіз қалдырып, келісу рәсімдерін сақтай отырып, Есеп комитетінің аудиторлық іс-шараға жауапты мүшесі қайта бекітеді.
      98. Аудиторлық іс-шараны жүзеге асыру кезінде аудиторлық іс-шараның қойылған мақсатына және мәселелеріне сәйкес аудиторлық дәлелдемелер қалыптастыруға қажетті нақты деректерді жинау, талдау жүргізіледі.
      Нақты деректерді жинау мынадай тәсілдермен:
      1) бір мезгілде;
      2) үздіксіз процесс жолымен, белгілі бір уақыт аралығында;
      3) аудиторлық іс-шара жүргізілетін бүкіл мерзім ішінде жүзеге асырылады.
      Аудиторлық іс-шараны жүргізу барысында жиналған аудиторлық дәлелдемелер мемлекеттік аудит объектісінде анықталған нормативтік және құқықтық актілер бұзушылықтарының негіздемесі болып табылады. Жиналған аудиторлық дәлелдемелердің негізінде аудиторлық іс-шараның нәтижелері бойынша Аудиторлық қорытындыда тұжырымдар мен ұсынымдар қалыптастырылады.
      Ескерту. 98-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      99. Мемлекеттік аудиторлар іс жүзінде тауарларды жеткізу, қызметтерді көрсету және жекелеген жұмыс түрлерін (көлемін) орындау мәнінің анықтығын растау және (немесе) осыған байланысты аудиторлық дәлелдемелер жинау үшін мемлекеттік аудит объектісінің басшысы уәкілеттік берген адаммен бірге бақылау өлшемін, тексеріп қарауды (бұдан әрі – бақылау өлшемі (тексеріп қарау)) жүргізеді.
      Мемлекеттік аудит объектісінің басшылығы тапсырыс берушінің және (немесе) өнім берушінің (мердігердің) өкілдерінің және басқа да қатысы бар адамдардың толыққанды бақылау өлшемін (тексеріп қарауды) жүргізуге қажетті бақылау-өлшеу аспаптарымен қатысуын қамтамасыз ету қажеттілігі туралы хабардар етіледі.
      100. Бақылау өлшемінің (тексеріп қараудың) қорытындысы бойынша осы Қағидаларға 17-қосымшаға сәйкес нысан бойынша бақылау өлшемі (тексеріп қарау) актісі екі данада ресімделіп, оған аяқталған күні қол қойылады. Қол қойылған актінің бір данасы – мемлекеттік аудиторда қалдырылады, ал екінші данасы – мемлекеттік аудит объектісіне беріледі. Бақылау өлшемінің (тексеріп қараудың) нәтижелерін мемлекеттік аудитор негізгі мемлекеттік аудит объектісінде жасалатын Аудиторлық есепте міндетті түрде көрсетеді.
      101. Мемлекеттік аудит объектісінің (тапсырыс берушінің) және (немесе) өнім берушінің (мердігердің) өкілдері тарапынан бақылау өлшемі (тексеріп қарау) актісіне қол қоюдан бас тартылған жағдайда, қол қоюдан бас тартылғаны жөнінде белгі қойылады. Жүргізілген бақылау өлшемінің нәтижелерін растайтын тиісті негіздер (аудиторлық дәлелдемелер) болған жағдайда, мемлекеттік аудит объектісі (тапсырыс беруші) және (немесе) өнім беруші (мердігер) тарапынан бақылау өлшемі (тексеріп қарау) актісіне қол қоюдан бас тарту өлшем (тексеріп қарау) нәтижелерін Аудиторлық есепке енгізуден бас тартуға негіз бола алмайды.
      102. Мемлекеттік аудиторлар күн сайын мемлекеттік аудит тобы жетекшісіне ауызша есеп беріп отырады, апта сайын соңғы жұмыс күнінің алдындағы күні қорғалған байланыс арналары арқылы осы Қағидаларға 18-қосымшаға сәйкес нысан бойынша анықталған бұзушылықтар мен кемшіліктер туралы есепті күнге толтырылған (жасалған) апта сайынғы есебін жіберіп отырады. Көрсетілген есеп осындай тәртіппен мәлімет үшін Есеп комитетінің аудиторлық іс-шараға жауапты мүшесіне ұсынылады.
      Аудиторлық іс-шараға тартылған сарапшылар Мемлекеттік аудит туралы заңның 8-бабына сәйкес өз жұмысының барысы туралы есеп береді.
      Ескерту. 102-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      103. Мемлекеттік аудит тобының жетекшісі мемлекеттік аудиторлардың жұмысын үйлестіреді, аудиторлық іс-шара мәселелерінің толық қамтылуына мониторинг жүргізеді, аудиторлық іс-шараның жекелеген бағыттарын түзетеді, мемлекеттік аудиторлардың арасында туындайтын проблемалық мәселелерді шешеді, апта сайын аптаның соңғы жұмыс күні сағат 15-00-ге дейін қорғалған байланыс арналары арқылы мемлекеттік аудитті жүргізуге жауапты бөлімшенің басшысына және Есеп комитетінің аудиторлық іс-шараға жауапты мүшесіне осы Қағидалардың 102-тармағында көзделген нысан бойынша анықталған бұзушылықтар мен кемшіліктер туралы есепті күнге толтырылған (жасалған) мемлекеттік аудит тобы жетекшісінің жиынтық апта сайынғы есебін ұсынып отырады.
      Ескерту. 103-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      104. Мемлекеттік аудит тобының жетекшісі мемлекеттік аудит жүргізуге жауапты бөлімшенің басшысын және Есеп комитетінің аудиторлық іс-шараға жауапты мүшесін мемлекеттік аудитті жүргізу барысында аудиторлық іс-шараға қатысқан мемлекеттік аудиторлардың, сарапшылардың қызметтік міндеттерін орындамау жағдайлары және атқарушылық тәртіпті, еңбек тәртібін бұзу, мемлекеттік қызметшілердің қызмет әдебін сақтамау фактілері туралы жазбаша түрде хабардар етеді.
      Өз кезегінде, мемлекеттік аудитті жүргізуге жауапты бөлімшенің басшысы Есеп комитетінің аудиторлық іс-шараға жауапты мүшесімен бірге тәртіптік сипаттағы шаралар қабылдау үшін көрсетілген фактілер туралы Есеп комитетінің Төрағасына жазбаша түрде хабарлайды.
      105. Режимдік мекемелерде аудиторлық іс-шараларды жүргізуге байланысты құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады.

2-параграф. Аудиторлық іс-шараларды жүргізуге сарапшыларды тарту

      106. Есеп комитеті өз өкілеттіктері шегінде өзіне жүктелген міндеттерді орындау мақсатында, Мемлекеттік аудит туралы заңның 18-бабының 8-тармағына сәйкес:
      1) мемлекеттік аудит тобының құрамына сарапшыларды енгізу;
      2) сарапшыларға Аудит бағдарламасына сәйкес қызметтер көрсетуге жеке тапсырма беру жолымен сарапшыларды тартады.
      107. Сарапшыларды тартудың мақсаты сапалы аудиторлық іс-шарамен қамтамасыз ету және мемлекеттік аудит нәтижелерін арнайы білімдерді қажет ететін мәселелер жөніндегі тәуелсіз сараптаманың қорытындысымен растау болып табылады.
      Мемлекеттік органдардың мамандарын аудиторлық іс-шараға қатысуға жіберу мүмкіндік болмаған не оларды жіберуден бас тартылған жағдайда, Есеп комитетінің аудиторлық іс-шараға жауапты мүшесі, қажет болғанда, сынақтардың, бақылау өлшемдерінің (тексеріп қараулардың) нәтижелерін қажетті қорытындыларды алу мақсатында уәкілетті органдар мен ұйымдарға жібереді.
      Осы тармақта көзделген қорытындылардың нәтижелері Аудиторлық есепке, тізілімге, Аудиторлық қорытындыға және Жиынтық тізілімге енгізіледі.
      Ескерту. 107-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      108. Сарапшыларды тартудың қажеттілігі Мемлекеттік аудит объектілерінің тізбесін қалыптастыру кезінде айқындалады.
      109. Мемлекеттік органдардың мамандары жоспарланған іс-шараны, мамандардың саны мен біліктілігін, аудиторлық іс-шараның немесе сараптаманың жүргізілу мерзімі мен кезеңін көрсете отырып, мемлекеттік орган мен мекеме басшысының атына Есеп комитетінің хатының негізінде тартылады.
      Ескерту. 109-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      110. Сарапшылардың көрсететін қызметтерін тиісті шарттар жасай отырып сатып алу Қазақстан Республикасының азаматтық заңнамасының және мемлекеттік сатып алу туралы заңнамасының талаптарына сәйкес жүргізеді. Есеп комитетінің ведомстволық бағынысты ұйымдардың қызметкерлері сарапшылар ретінде өтеусіз негізде тартылуы мүмкін.

3-параграф. Үстеме тексеруді жүзеге асыру

      111. Негізгі мемлекеттік аудит объектілерінің қызметін алдын ала зерделеу барысында үстеме тексерудің ықтимал объектілері айқындалып, олар Аудит жоспары мен бағдарламасына енгізіледі.
      Егер аудиторлық іс-шараны жүргізу барысында үстеме тексеру жүргізу үшін негіз туындаса, онда Аудит жоспары мен бағдарламасына өзгерістер енгізілместен, соның ішінде, жасалған азаматтық-құқықтық мәмілелердің, мемлекеттік аудит объектісінің есептеулерінің және үшінші тұлғалармен қаржылық операцияларының анықтығына, іс жүзінде жеткізілетін тауарларға, жұмыстарға және көрсетілетін қызметтерге тексеру жүргізу мүмкіндігі болмаса, сондай-ақ Қазақстан Республикасы заңнамасының талаптарын сақтамауына Аудиторлық тапсырмаларға тиісті толықтырулар енгізіледі.
      112. Үстеме тексеру жүргізу үшін әрбір мемлекеттік аудит объектісіне осы Қағидалардың 77-тармағында көзделген нысан бойынша үстеме тексеру жүргізуге жеке Тапсырма ресімделеді.
      113. Үстеме тексеру нәтижелерін ресімдеу кезінде Аудиторлық есептің нысанынан мынадай бөлімдер: мемлекеттік аудит типі, алдыңғы мемлекеттік аудит нәтижелері туралы мәліметтер алынып тасталады.
      114. Үстеме тексеруді жүргізген мемлекеттік аудиторлар және тартылған сарапшылар Аудиторлық есепті екі данада жасайды және оларға қол қояды.
      Мемлекеттік аудитор Аудиторлық есептің екінші парағынан бастап барлық беттеріне қол қояды.
      Аудиторлық есептің екінші данасы аудиторлық есепті мемлекеттік аудит объектісінің кіріс хат-хабарын есепке алу жүйесінде тіркеу не поштамен хабардар ету арқылы үстеме тексеру аяқталған күні мемлекеттік аудит объектісінің басшысына (лауазымды адамына) тапсырылады.
      Ескерту. 114-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      115. Үстеме тексеру жүргізілген жағдайда, мемлекеттік аудитор оның нәтижелерін негізгі мемлекеттік аудит объектісінде жасалатын Аудиторлық есепте міндетті түрде көрсетеді.

4-параграф. Бірлескен тексеруді жүзеге асыру

      116. Бірлескен тексерудің іс-шаралары осы Қағидалардың 2-бөлімінде белгіленген тәртіпке сәйкес Мемлекеттік аудит объектілері тізбесін қалыптастыру және нақтылау кезеңінде көзделеді.
      Ескерту. 116-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      117. Бiрлескен тексеру жүргізуді Есеп комитеті басқа мемлекеттік аудит органдарымен және (немесе) мемлекеттік органдармен келісілген мерзімдерде бекітілген Мемлекеттік аудит объектілері тізбесінің негізінде тексерудің жеке түрі ретінде не жүргізілетін бірлескен аудиторлық іс-шараның шеңберінде бір мезгілде жүзеге асырады.
      118. Бiрлескен тексеруді жүргізуге дайындық Мемлекеттік аудит объектілерінің тізбесінде көзделген мерзімдерге сәйкес жүргізіледі.
      119. Мемлекеттік аудит (тексеру) тобының жетекшісі және мемлекеттік аудит (тексеру) тобының қатысушылары Есеп комитетінің аудиторлық іс-шараға (бiрлескен тексеруге) жауапты мүшесімен бірлесіп, ақпарат жинауды жүргізеді және алдын ала зерделеудің мерзімі басталған кезден бастап, бес жұмыс күні ішінде жетіспейтін ақпаратты ұсыну жөнінде мемлекеттік аудит (тексеру) объектілеріне сұрау салу жібереді.
      120. Алдын ала зерделеудің қорытындылары бойынша Есеп комитетінің мүшесі мемлекеттік аудит (тексеру) тобының жетекшісімен бірге бірлескен тексерудің Жоспарының, Бағдарламасының және Аудиторлық тапсырмалардың жобаларын жасайды, бірлескен тексеру Бағдарламасының әзірленген жобасын бірлескен тексеруді жүргізуге қатысатын мемлекеттік органдарға жібереді. Мемлекеттік аудит органдары және бірлескен тексеруді жүргізуге қатысатын мемлекеттік органдар аудиторлық іс-шара басталғанға дейін кемінде бес жұмыс күні бұрын бірлескен тексерудің Бағдарламасының жобасын келіседі.
      121. Есеп комитетінің мүшесі мемлекеттік аудит (тексеру) тобының жетекшісімен бірге үш жұмыс күні ішінде мемлекеттік аудит органдарының және мемлекеттік органдардың ұсыныстарын пысықтайды, және қажет болған жағдайда, Бірлескен тексеру жоспарына, бағдарламасына, Аудиторлық тапсырмаларға түзетулер енгізеді және оларды сапа бақылауына жауапты құрылымдық бөлімшеге ұсынады.
      122. Бірлескен тексеру бағдарламасында мемлекеттік аудит (тексеру) объектілері бойынша: мемлекеттік аудит (тексеру) объектісінің атауы, мақсаты, тексерудің түрі, мемлекеттік аудиттің типі, тексерумен қамтылатын кезең, тексеру жүргізу мерзімдері, бірлескен тексеру тобының құрамы, тексерумен қамтылатын қаражат пен активтер көлемі, мемлекеттік аудит көрсеткіштері, тексеру мәселелері және оларды қараудың дәйектілігі көрсетіледі.
      Бірлескен тексеру бағдарламасы мемлекеттік аудит органының немесе бірлескен тексеруге қатысушы мемлекеттік органның жауапты лауазымды адамымен (электрондық немесе жазбаша хат алмасу жолымен) келісіледі және Есеп комитетінің мүшесі бірлескен тексеру басталғанға дейін кемінде екі күн бұрын Тексеру бағдарламасының типтік нысанына сәйкес оны бекітеді.
      Ескерту. 122-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      123. Бірлескен тексеруді жүргізу үшін Есеп комитетінің және мемлекеттік аудит органдарының немесе мемлекеттік органдардың өкілдерінен ортақ бірлескен немесе тараптардың әрқайсысының жеке аудит (тексеру) тобы құрылады, олардың қатысушыларын мемлекеттік аудит (тексеру) объектілері және бюджет деңгейлері бойынша бөлу тараптардың келісімімен Есеп комитеті мүшесінің басшылығымен жүзеге асырылады.
      124. Тексеру жүргізуге негіз болып табылатын құжаттарды (Тексеру жүргізуге тапсырма, Тексеру тағайындау туралы бұйрықтар) әрбір мемлекеттік орган жеке ресімдейді.
      125. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік орган жеке жүргізеді.
      126. Бірлескен тексеруді сапалы жүргізу мақсатында, мемлекеттік органдардың тексеру жүргізуге жауапты лауазымды адамдары, мемлекеттік аудиттің (тексерудің) бірлескен тобының қатысушылары өз араларында:
      1) бірлескен тексеруді жүзеге асыру барысында туындайтын мәселелерді талқылай отырып жұмыс кеңестері;
      2) консультациялар;
      3) әдістемелік және талдамалық құжаттармен, ақпаратпен алмасу түріндегі өзара іс-қимылды жүзеге асырады.
      127. Есеп комитетінің және мемлекеттік аудит органының мемлекеттік аудиторлары немесе мемлекеттік аудит объектілерінде бірлескен аудитті (тексеруді) жүзеге асыратын мемлекеттік органның қызметкерлері бірлескен тексеруді жүргізудің қорытындылары бойынша Аудиторлық есеп жасайды және оған қол қояды.
      128. Мемлекеттік аудит (тексеру) объектісінде бірлескен тексеруді ортақ тексеру тобы жүргізген кезде Аудиторлық есеп Есеп комитетінің бланкісінде үш данада ресімделіп, бірінші данасы – Есеп комитетіне, екінші данасы – мемлекеттік аудит органына немесе бірлескен тексеруге қатысушы мемлекеттік органға, үшінші данасы – мемлекеттік аудит (тексеру) объектісіне беріледі. Бірлескен тексеруді жеке топ жүргізген кезде Аудиторлық есепті тараптардың әрқайсысы жеке ресімдеп, кейіннен нәтижелерімен алмасады. Аудиторлық есепке тексеруді жүргізген қызметкерлер қол қойған Тізілім қоса беріледі (Аудиторлық есепке тексерудің нәтижелері бойынша анықталған бұзушылықтар мен кемшіліктер тізілімінің нысаны бойынша ресімделеді).
      129. Аудиторлық есепке жазбаша қарсылықтарды бірлескен тексеруді жүргізуге жауапты Есеп комитетінің мүшесі мен мемлекеттік аудит органының немесе мемлекеттік органның лауазымды адамы тексеруді жүзеге асырған қызметкерлермен бірлесіп қарайды. Атына жазбаша қарсылықтар келіп түскен мемлекеттік орган тексеру объектісіне отырысты өткізу күніне дейін екі жұмыс күнінен кешіктірмей жауап жібереді.
      Ескерту. 129-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      130. Есеп комитеті бірлескен тексеру барысында жасалған Аудиторлық есептер негізінде бірлескен тексерудің нәтижелері бойынша Аудиторлық қорытынды жасайды. Аудиторлық қорытындының жобасы Есеп комитеті мүшесінің басшылығымен жасалады және бірлескен тексеруге жауапты мемлекеттік аудит органының және мемлекеттік органның лауазымды адамымен келісіледі.
      131. Есеп комитеті Бірлескен тексерудің қорытындысы бойынша аудиторлық қорытынды дайындауды Аудиторлық есептердің сапасын тексерудің сараптамалық қорытындысын алғаннан кейін және қарсылықтың әрбір тармағы бойынша қабылданған және қабылданбаған дәлелдерді (егер болса) көрсетіп, тексеру объектісіне дәлелді жауапты ескере отырып, он жұмыс күні ішінде жүзеге асырады. Аудиторлық қорытынды мен Жиынтық тізілім сапа бақылауын өткеннен кейін осы Қағидалардың 200-1-тармағында көрсетілген тәртіпке сәйкес, тексеру объектісіне жіберіледі.
      Ескерту. 131-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      132. Аудиторлық қорытындыға Есеп комитетінің мүшесі қол қояды және ол бірлескен тексеруді жүргізуге жауапты мемлекеттік органның лауазымды адамымен келісіледі және бірлескен тексеруді жүргізуге жауапты мемлекеттік органның лауазымды адамымен келісілген Есеп комитеті Төрағасының шешімі бойынша Қаулы жобасымен бірге Есеп комитетінің отырысына қарауға шығарылады.
      Ескерту. 132-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      133. Бірлескен тексерудің қатысушысы – мемлекеттік орган басшылығының қатысуымен өтетін Есеп комитетінің отырысында жүргізілген бірлескен тексерудің материалдары талқыланып, Аудиторлық қорытынды қаралады және бекітіледі.
      134. Бірлескен отырысқа мемлекеттік аудит (тексеру) объектісінің лауазымды адамдары шақырылады.
      135. Бірлескен тексерудің қорытындысы бойынша аудиторлық қорытындыда көрсетілген ұсынымдардың орындалуын мониторингтеуді Есеп комитетінің бірлескен тексеруді жүргізуге жауапты мүшесі осы Қағидалардың 6-бөлімінде белгіленген тәртіпке сәйкес жүзеге асырады.
      136. Есеп комитеті жүргізілген бірлескен тексерудің қорытындылары бойынша Қазақстан Республикасының Президентіне және Қазақстан Республикасының Парламентіне ұсынылатын тоқсан сайынғы ақпаратқа, сондай-ақ есепті қаржы жылындағы республикалық бюджеттің атқарылуы туралы жылдық есепке енгізу үшін талдамалық ақпарат дайындайды.

5-параграф. Қатар тексеруді жүзеге асыру

      137. Қатар тексеру жүргізу бойынша іс-шаралар осы Қағидалардың 2-бөлімінде белгіленген тәртіпке сәйкес Есеп комитеті Мемлекеттік аудит объектілері тізбесінің жобасын қалыптастыру және (немесе) нақтылануы кезеңінде көзделеді.
      Ескерту. 137-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      138. Қатар тексеру жүргізуді Есеп комитеті бекітілген Мемлекеттік аудит объектілері тізбесінің негізінде бір мезгілде не келісілген мерзімдерде әрбір мемлекеттік органмен дербес жүзеге асырады.
      139. Қатар тексеруді жүргізуге дайындық Мемлекеттік аудит объектілерінің тізбесінде көзделген мерзімге сәйкес жүргізіледі.
      140. Мемлекеттік аудит (тексеру) тобының жетекшісі және мемлекеттік аудит (тексеру) тобының қатысушылары Есеп комитетінің аудиторлық іс-шараға (тексеруге) жауапты мүшесімен бірлесіп, ақпарат жинауды жүргізеді және алдын ала зерделеу мерзімі басталған күннен бастап бес жұмыс күні ішінде жетіспейтін ақпаратты ұсыну жөнінде мемлекеттік аудит (тексеру) объектілеріне сұрау салу жібереді.
      141. Алдын ала зерделеудің қорытындысы бойынша Есеп комитетінің мүшесі мемлекеттік аудит (тексеру) тобының жетекшісімен және қатысушыларымен бірлесіп, Қатар тексеру жоспарының, Қатар тексеру бағдарламасының және Аудиторлық тапсырмалардың жобаларын жасайды, тексеру басталғанға дейін кемінде жеті жұмыс күні бұрын қатар тексеруді жүргізуге қатысатын мемлекеттік органдарға тексерілетін мәселелер мен мемлекеттік аудит (тексеру) объектілерінің тізбесін және олардың мемлекеттік органдар бойынша бөлінісін жібереді.
      142. Қатар тексеруді жүргізуге қатысатын мемлекеттік органдар мемлекеттік аудит мәселелерінің, объектілерінің тізбесі туралы Есеп комитетінен алынған ақпараттың негізінде қатар тексеру жүргізудің Жоспары мен Бағдарламасының жобаларын әзірлейді, бұл ретте тексеруге қатысты өздерінің қосымша мәселелерін енгізе отырып, негізгі тексерілетін мәселелер тізбесін кеңейтуге жол беріледі. Тексеру Жоспары мен Бағдарламасының жобалары аудиторлық іс-шаралар басталғанға дейін кемінде бес жұмыс күні бұрын келісу үшін Есеп комитетіне жіберіледі.
      143. Есеп комитеті мемлекеттік органдардың Тексеру жоспары мен бағдарламасының жобаларын Есеп комитетіне келіп түскен күнінен бастап үш жұмыс күні ішінде келіседі, қажет болған жағдайда, Тексеру жоспарына, бағдарламасына және Аудиторлық тапсырмаларға түзетулер енгізеді және оларды сапа бақылауына жауапты құрылымдық бөлімшеге береді. Есеп комитетінің тарапынан жазбаша ескертулер болмаған жағдайда, мемлекеттік аудит органдарының тексеру Жоспары мен Бағдарламасының жобалары келісілген деп есептеледі.
      144. Қатар тексерудің Жоспарын, Бағдарламасын және Аудиторлық тапсырмаларды әрбір тарап қатар аудиторлық іс-шара басталғанға дейін екі жұмыс күні бұрын (тексеру объектілерінің атауын, бюджеттік бағдарламалар мен активтерді, тексеру мәселелерін көрсете отырып) дербес бекітеді.
      145. Тексеруді жүргізуге негіз болып табылатын құжаттарды (Тексеру жүргізуге тапсырманы, Тексеруді тағайындау туралы бұйрықтарды) әрбір мемлекеттік орган дербес ресімдейді.
      146. Қатар тексеруді әрбір тарап оны жүргізу мерзімдерін келісе отырып, жеке мемлекеттік аудит (тексеру) тобын қалыптастыру арқылы жүргізеді.
      147. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік орган дербес жүргізеді.
      148. Мемлекеттік аудитті (тексеруді) жүргізуге жауапты лауазымды адамдар, қатар тексеру топтарының қатысушылары:
      1) қатар тексеруді жүргізу барысында туындайтын мәселелерді талқылай отырып жұмыс кеңестерін;
      2) консультацияларды;
      3) әдістемелік және талдамалық құжаттармен алмасуды жүргізеді.
      149. Мемлекеттік аудит (тексеру) топтарының жетекшілері тексеруді жүргізудің барысы (тексеру мәселелерін қамтудың толықтығы, туындаған проблемалар) және тексерудің алдын ала нәтижелері туралы ақпарат алмасады.
      150. Қатар тексеруді жүргізу кезінде Аудиторлық есептерді олардың нысаны мен мазмұнына мемлекеттік аудит органдарының бекіткен талаптарына сәйкес әрбір тарап дербес ресімдейді.
      151. Мемлекеттік органдар бұзушылықтардың анықталған жалпы сомасын көрсете отырып және мемлекеттік аудит (тексеру) объектілері бөлінісінде жүргізілген қатар тексерудің нәтижелері, мемлекеттік аудит (тексеру) объектілерінің аудиторлық іс-шара жүргізу барысында қабылдаған шаралары туралы жинақталған ақпаратты, сондай-ақ тексерудің қорытындысы туралы мемлекеттік органдардың шешімдерінің бір бірден көшірмесін оларға қол қойылған күннен бастап екі жұмыс күні ішінде Есеп комитетіне ұсынады.
      Ескерту. 151-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      152. Есеп комитеті Қатар тексерудің қорытындылары бойынша аудиторлық қорытынды дайындауды Аудиторлық есептердің сапасын бақылаудың сараптамалық қорытындысын алғаннан кейін және қарсылықтың әрбір тармағы бойынша қабылданған және қабылданбаған дәлелдерді (егер болса) көрсетіп, мемлекеттік аудит (тексеру) объектісіне дәлелді жауапты ескере отырып, он жұмыс күні ішінде жүзеге асырады. Мемлекеттік органдар жүргізген қатар тексерудің нәтижелері Аудиторлық қорытындыға енгізіледі.
      Ескерту. 152-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      153. Қатар тексерудің қорытындыларын қарау бойынша Есеп комитетінің отырысында:
      1) жүргізілген қатар тексерудің материалдары талқыланып, жүргізілген Қатар тексерудің қорытындылары туралы аудиторлық қорытынды қаралады және бекітіледі;
      2) мемлекеттік аудитке (тексеруге) жауапты адамдар, мемлекеттік аудит (тексеру) объектілерінің лауазымды адамдары, сондай-ақ Есеп комитетінің Төрағасы айқындаған өзге де адамдар шақырылады.
      154. Есеп комитеті бекітілген Қатар тексерудің қорытындылары туралы аудиторлық қорытындының көшірмесін қол қойылғаннан кейін екі жұмыс күні ішінде тексеруге қатысқан мемлекеттік органға жібереді.
      155. Аудиторлық іс-шараға (қатар тексеруге) жауапты Есеп комитетінің мүшелері және мемлекеттік органдардың лауазымды адамдары жүргізілген қатар тексерудің нәтижелері бойынша жеке Аудиторлық қорытындылар жасайды.
      156. Жүргізілген Қатар тексерудің қорытындылары туралы аудиторлық қорытынды Есеп комитетінің және мемлекеттік органдардың отырыстарында жеке қаралады және бекітіледі.
      157. Есеп комитеті және мемлекеттік органдар бекітілген Қатар тексерудің қорытындылары туралы аудиторлық қорытындылардың көшірмелерімен оларға қол қойылған күннен бастап екі жұмыс күні ішінде алмасады.
      158. Есеп комитеті Қатар тексерудің қорытындылары бойынша аудиторлық қорытындыда көрсетілген ұсынымдардың орындалуын мониторингтеуді осы Қағидалардың 6-бөлімінде белгіленген тәртіпке сәйкес жүзеге асырады.
      159. Мемлекеттік органдар және Есеп комитеті Қатар тексерудің қорытындылары бойынша аудиторлық қорытындыда көрсетілген ұсынымдардың іске асырылу барысы туралы тиісті ақпаратты ЭҚАБЖ және поштамен қағаз түрінде жолдау, ЕК АЖ-ға және (немесе) Бірыңғай дерекқорға ақпарат орналастыру арқылы бір-біріне хабарлап отырады.
      160. Есеп комитеті мемлекеттік органдармен бірге жүргізілген қатар тексерудің қорытындылары бойынша Қазақстан Республикасының Президентіне және Қазақстан Республикасының Парламентіне ұсынылатын тоқсан сайынғы ақпаратқа, сондай-ақ есепті қаржы жылы үшін республикалық бюджеттің атқарылуы туралы жылдық есепке енгізу үшін талдамалық ақпарат дайындайды.

6-параграф. Есеп комитетінің басқа елдердің жоғары мемлекеттік
аудит органдарымен жүргізетін бірлескен және қатар
тексерулерін жүзеге асыру

      161. Басқа елдердің жоғары мемлекеттік аудит органдарымен бірлескен немесе қатар аудиторлық іс-шараларына Есеп комитетінің қатысуының құқықтық негізі Бақылаудың басшылық қағидаттарының Лима декларациясы, Халықаралық жоғары аудит органдары ұйымының (ИНТОСАИ), Еуропа жоғары аудит органдары ұйымының (ЕУРОСАИ), Азия жоғары аудит органдары ұйымының (АЗОСАИ), Экономикалық ынтымақтастық елдерінің жоғары аудит органдары ұйымының (ЭКОСАИ), Тәуелсіз Мемлекеттер Достастығына қатысушы мемлекеттердің Жоғары қаржы бақылау органдары басшылары кеңесінің, Еуразиялық Экономикалық Одақ (ЕАЭО) туралы шарттың, басқа елдердің жоғары мемлекеттік аудит органдарымен Есеп комитетінің ынтымақтастық туралы келісімдері шеңберінде қабылданған шешімдер, Мемлекеттік аудит туралы заң және осы Қағидалар болып табылады.
      162. Басқа елдердің жоғары мемлекеттік аудит органдарымен бірлескен және қатар тексеру іс-шаралары Мемлекеттік аудит объектілері тізбесінің жобасын қалыптастыру кезеңінде көзделеді.
      163. Есеп комитеті бірлескен тексеруді басқа елдердің жоғары мемлекеттік аудит органдарымен бірге тексерудің ортақ тақырыбы, Бағдарламасы бойынша және келісілген мерзімдерде екіжақты немесе көпжақты негізде жүргізеді.
      164. Есеп комитеті қатар тексеруді басқа елдердің жоғары мемлекеттік аудит органдарымен бірге кейіннен оның нәтижелерімен алмаса отырып, келісілген мәселелер мен жүргізу мерзімдері бойынша өзара келісім шеңберінде, дербес жүргізеді.
      165. Басқа елдердің жоғары мемлекеттік аудит органдарымен бірлескен немесе қатар тексеру республикалық бюджет қаражатының, қатысушы елдердің аумағында орналасқан жекелеген объектілерді бірлескен үлестік қаржыландыруға бағытталатын бюджеттік инвестициялардың пайдаланылуына жүргізілген мемлекеттік аудит кезінде және Қазақстан Республикасының мемлекетаралық шарттары мен келісімдерінде көзделген жағдайларда жүргізіледі.
      166. Бірлескен немесе қатар тексеруді жүргізу үшін Есеп комитетінің жауапты мүшесі мемлекеттік аудитті жүргізуге, сыртқы байланыстарды үйлестіруге жауапты құрылымдық бөлімшелермен бірлесіп, тексеру жүргізу басталғанға дейін екі ай бұрын басқа елдердің жоғары мемлекеттік аудитінің бір немесе бірнеше органымен ақпарат алмасу жөнінде жұмыстар жүргізеді, онда:
      1) тексерудің мақсаты, міндеттері мен мәселелері;
      2) тексеру объектілері;
      3) тексеру жүргізу мерзімдері;
      4) тексеру жүргізуге жауапты адамдар;
      5) ұлттық заңнамада, ынтымақтастық туралы келісімдерде айқындалған функциялары мен аудиторлық өкілеттіктеріне сүйене отырып, әрбір жоғары мемлекеттік аудит органының қатысу шарттары мен мәселелері;
      6) жоғары мемлекеттік аудит органдарының тексеру жүргізуге байланысты жұмыстарды қаржыландыру бөлігіндегі міндеттемелері;
      7) ақпарат алмасу және тексеру нәтижелерін ресімдеу тәртібі, соның ішінде қорытынды құжаттың нысаны;
      8) аудиторлық іс-шаралардың нәтижелері бойынша шешімдерді дайындау мен қабылдау тәртібі;
      9) аудиторлық іс-шаралардың нәтижелері бойынша қабылданған шешімдердің орындалуын мониторингтеу (бақылау) тәртібі айқындалады.
      167. Есеп комитетінің мүшесі ынтымақтасып отырған елдің жоғары мемлекеттік аудит органымен ақпарат алмасқаннан кейін мемлекеттік аудитті жүргізуге, сыртқы байланыстарды үйлестіруге жауапты құрылымдық бөлімшелермен бірлесіп, бірлескен (қатар) тексеруді жүргізу туралы келісімнің (бұдан әрі – Келісім) және Тексеру бағдарламасының жобаларын дайындау жөнінде жұмыстар жүргізеді. Қатар тексеруді жүргізу кезінде Келісімнің, Тексеру бағдарламасының жобаларын қоспағанда, Есеп комитетінің жауапты мүшесі және тексеру тобының жетекшісі қажет болған жағдайда, осы Қағидалардың 3-бөлімінде белгіленген тәртіпке сәйкес Тексеру жоспарының және Аудиторлық тапсырмалардың жобаларын дайындайды.
      168. Тексеру бағдарламасының, Тексеру жоспарының және Аудиторлық тапсырмалардың жобалары (қатар тексеруді жүргізу кезінде) сапа бақылауынан өткеннен кейін Есеп комитетінің жауапты мүшесі мемлекеттік аудитті жүргізуге, сыртқы байланыстарды үйлестіруге жауапты құрылымдық бөлімшелермен бірлесіп, тексеру жүргізу басталғанға дейін жиырма жұмыс күнінен кешіктірмей, Келісімнің және Тексеру бағдарламасының жобаларын ынтымақтасып отырған елдің жоғары мемлекеттік аудит органына келісуге жібереді. Келісу барысында Келісімге және Тексеру бағдарламасына, қажет болған жағдайда, түзетулер енгізіледі.
      169. Ынтымақтасып отырған елдің жоғары мемлекеттік аудит органымен келісілген Келісім жобасына Есеп комитетінің жауапты мүшесі, мемлекеттік аудитті жүргізуге, құқықтық қамтамасыз етуге, сапа бақылауына, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, оны Есеп комитетінің Төрағасына қол қоюға енгізеді.
      Тексеру бағдарламасының келісілген жобасына мемлекеттік аудитті жүргізуге, құқықтық қамтамасыз етуге, сапа бақылауына, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, Есеп комитетінің жауапты мүшесі қол қояды.
      Келісім және Бірлескен тексерудің бағдарламасы тексеру басталғанға дейін жеті жұмыс күнінен кешіктірілмей, ынтымақтасып отырған елдің жоғары мемлекеттік аудит органына бекіту үшін жіберіледі.
      170. Бірлескен тексеру тобының құрамына кіретін Есеп комитетінің қызметкерлері өздері болған елдің аумағында тексеру жүргізу кезінде, болған елінің мемлекеттік аудит жүргізу заңнамасын, қағидаларын, сондай-ақ бекітілген Келісімді және Бірлескен тексеру бағдарламасын басшылыққа алуға міндетті.
      171. Бірлескен (қатар) тексеруді сапалы жүргізу мақсатында Есеп комитетінің тексеруге жауапты мүшесі ынтымақтасып отырған елдің жоғары мемлекеттік аудит органымен Есеп комитетінің өзара іс-қимылын:
      1) бірлескен (қатар) тексеруді жүзеге асыру барысында туындайтын мәселелерді талқылай отырып кеңестер;
      2) консультациялар;
      3) әдістемелік және талдамалық құжаттар, ақпарат алмасу түрінде ұйымдастырады.
      172. Қазақстан Республикасының аумағында бірлескен тексеру жүргізілген кезде Аудиторлық есеп Есеп комитетінің бланкісінде тексеру объектісі үшін бір данасы ескеріле отырып, бірлескен тексеруге қатысып отырған басқа елдердің жоғары мемлекеттік аудит органдарының санына тең даналарының саны бойынша ресімделеді.
      Аудиторлық есепке тексеруді жүргізген қызметкерлер қол қойған, Бірлескен немесе қатар тексерудің нәтижелері бойынша анықталған бұзушылықтар мен кемшіліктердің тізілімі қоса беріледі.
      173. Қатар тексеруді жүргізу кезінде Аудиторлық есептер қатар тексеруге қатысушы жоғары мемлекеттік аудит органдарының ұлттық заңнамасына сәйкес жасалады.
      174. Қатар немесе бірлескен тексерудің нәтижелері бойынша Есеп комитетінің тексеруге жауапты мүшесі осы Қағидаларда белгіленген тәртіпке сәйкес Аудиторлық қорытынды жасайды.
      175. Қатар немесе бірлескен тексерудің қорытындылары туралы Есеп комитетінің Аудиторлық қорытынды, егер Келісімде өзгеше көзделмесе, осы Қағидалардың 4-тарауында белгіленген тәртіпке сәйкес Есеп комитетінің отырысында қаралады және қабылданады.
      176. Қатар тексеруге қатысушы елдердің жоғары мемлекеттік аудит органдары оның нәтижелері бойынша қабылданған, бекітілген Аудиторлық есептердің көшірмелерімен алмасады.
      177. Бірлескен (қатар) тексеруді жүргізу туралы келісімде жүргізілген бірлескен (қатар) тексерудің қорытындылары бойынша бірлескен қорытынды құжатты дайындау көзделуі мүмкін.
      178. Келісімді іске асыру үшін, қажет болған жағдайда, жоғары мемлекеттік аудит органдарының жүргізген бірлескен (қатар) тексеруінің нәтижелері бойынша олардың бірлескен отырыстар өткізуі, бірлескен шешімдер қабылдауы көзделеді.

7-параграф. Аудиторлық есептерді жасау және ресімдеу

      179. Есеп комитеті жүргізетін аудиторлық іс-шараның нәтижелері бойынша мыналар ресімделеді:
      1) қаржылық есептілік жөніндегі аудиторлық есеп – аудиторлық іс-шараны тікелей жүргізген мемлекеттік аудиторлар жасаған, қаржылық есептіліктің анықтығы, сондай-ақ бухгалтерлік есепті жүргізу және қаржылық есептілікті жасау тәртібінің Қазақстан Республикасының заңнамасында белгіленген талаптарға сәйкестігі туралы жазбаша нысанда білдірілген пікірді қамтитын құжат. Қаржылық есептілік бойынша аудиторлық есептің нысаны мен мазмұны Мемлекеттік аудит туралы заңның  8-бабына сәйкес айқындалады;
      2) тиімділік және (немесе) сәйкестік аудитінің аудиторлық есебі – аудиторлық іс-шараны тікелей жүргізген мемлекеттік аудиторлар жасаған, белгілі бір уақыт кезеңі үшін жүргізілген тиімділік аудитінің және (немесе) сәйкестік аудитінің нәтижелерін қамтитын құжат.
      180. Шоғырландырылған немесе жекелеген қаржылық есептіліктің мемлекеттік аудитінің нәтижелері бойынша:
      1) елеулі қателер болмаған кезде – қаржылық есептілік бойынша оң аудиторлық есеп;
      2) елеулі қателер анықталған кезде – қаржылық есептілік бойынша ескертпесі бар аудиторлық есеп қабылданады.
      Мемлекеттік аудит объектісінде бухгалтерлік есеп жүргізілмеген не бухгалтерлік құжаттар жоғалған жағдайларда, Есеп комитетінің аудиторлық іс-шараға жауапты мүшесі:
      1) мемлекеттік аудит объектісінің басшысына және мемлекеттік аудит объектісіне басшылықты немесе оны басқаруды жүзеге асыратын жоғары тұрған органға осы жұмыстың аяқталу мерзімін белгілей отырып, мемлекеттік аудит объектісінде бухгалтерлік есепті қалпына келтіру туралы талабы бар Нұсқаманы жібереді;
      2) Мемлекеттік аудит объектілерінің тізбесіне тиісті өзгерістер енгізе отырып, мемлекеттік аудитті уақытша тоқтата тұру туралы шешім қабылдайды. Бұл ретте, мемлекеттік аудитор жекелеген қаржылық есептіліктің мемлекеттік аудитінің нәтижелері бойынша Аудиторлық есепті пікірін білдіруден бас тарта отырып береді.
      181. Мемлекеттік аудит жүргізілген әрбір мемлекеттік аудит объектісі бойынша аудиторлық іс-шараның нәтижелері осы Қағидаларға 19-қосымшаға сәйкес қатаң есептілік бланкісінде және осы Қағидаларға  20-қосымшаға сәйкес нысан бойынша Аудиторлық есептермен ресімделеді.
      182. Аудиторлық есептің құрылымы Аудит бағдарламасындағы барлық мәселелердің толық көрсетілуін, онда жазылған мәліметтердің анықтығын, объективтілігін қамтамасыз етеді.
      183. Аудиторлық есеп Аудит бағдарламасындағы және Аудиторлық тапсырмалардағы мәселелердің тізбесіне сәйкестікте жасалады. Анықталған бұзушылықтар мен кемшіліктер Аудиторлық есептегі жазбалардың анықтығын растайтын құжаттардың түпнұсқаларының деректемелеріне, сондай-ақ ережелері бұзылған нормативтік құқықтық актілердің баптарына, тармақтары мен тармақшаларына қажетті сілтемелер көрсетіле отырып, объективті және дәл сипатталады. Егер, талдау сипатындағы мәселелерді қоспағанда, аудиторлық іс-шара мәселесі бойынша бұзушылықтар мен кемшіліктер анықталмаса, мемлекеттік аудитор:
      1) Аудиторлық есепте анықталған кемшіліктер мен бұзушылықтардың болмағандығы, Аудит бағдарламасы бойынша қысқаша ақпарат көрсетіледі;
      2) мемлекеттік аудит (тексеру) жүргізілген құжаттардың деректемелерін көрсете отырып, олардың тізбесін Аудиторлық есепке қоса береді.
      Тиімділік аудитінің немесе сәйкестік аудитінің нәтижелері бойынша Аудиторлық есепке мемлекеттік аудиттің қолданылған көрсеткіштерінің сипаттамасы кіреді.
      Ескерту. 183-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      184. Бұзушылықтың әрбір фактісі, сондай-ақ заңнаманың анықталған кемшіліктері мен олқылықтары бұзушылықтың сипаты мен түрі, оның ішінде Есеп комитетінің 2015 жылғы 28 қарашадағы № 6-НҚ нормативтік қаулысымен бекітілген Мемлекеттік аудит және қаржылық бақылау объектілерінде анықталатын бұзушылықтар сыныптауышында (Нормативтік құқықтық актілерді мемлекеттік тіркеу тізілімінде № 12483 тіркелген) көзделгендері сипаттала отырып, реттік тәртіппен нөмірленеді және жеке тармақта (1-тармақ, 2-тармақ және тағы басқалар) тіркеледі. Бұзушылықтар сипаттамасында бұзушылықтарды расстайтын құжаттарға сілтеме жасалады.
      185. Аудиторлық есепке оның ажырамас бөлігі болып табылатын мынадай аудиторлық дәлелдемелер:
      1) мемлекеттік аудит объектісі басшысының міндеттерін атқару жөніндегі талап;
      2) мемлекеттік аудиторлар қол қойған және осы Қағидаларға 21-қосымшаға сәйкес нысан бойынша жасалған аудиторлық іс-шараның нәтижелері бойынша анықталған бұзушылықтар мен кемшіліктердің тізілімі (бұдан әрі – Тізілім);
      3) құжаттардың, кестелердің түпнұсқалары немесе белгіленген тәртіппен куәландырылған көшірмелері, сондай-ақ қажет болған жағдайда, бұзушылық фактілерін көрсететін анықтамалар, фотосуреттер;
      4) функционалдық және лауазымдық міндеттеріне сүйене отырып, жол берілген бұзушылықтарға қатысы бар адамдардың жазбаша түсініктемелері;
      5) бақылау өлшемдері (тексеріп қараулар) актілері (олар жасалған жағдайда);
      6) зерттеулердің (сынақтардың), сараптамалардың қорытындылары, хаттамалардың көшірмелері, аудиторлық іс-шараның нәтижелеріне байланысты басқа да құжаттар немесе олардың көшірмелері (олар жасалған жағдайда);
      7) сарапшылардың сараптамалық қорытындылары (тартылған жағдайда);
      8) мемлекеттік қызметтерді алушылардың қанағаттануы тұрғысынан халық арасында сауалнама жүргізу нәтижелері (қажет болған жағдайда);
      9) ақы төлеу фактісін растайтын құжаттар (көшірмелері) (аудиторлық іс-шара барысында қаражат өтелген (қалпына келтірілген) жағдайда):
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      10) мемлекеттік аудит объектісінің басшысына (лауазымды адамына) Аудиторлық есептің тапсырылған күнін растайтын құжат (көшірмесі) (оны қабылдағаны туралы мемлекеттік аудит объектісінің мөртабаны болмаған жағдайда);
      11) талдау материалдары және мемлекеттік аудит объектісінің қызметіндегі бұзушылықтар мен кемшіліктер фактісін растайтын материалдар қоса беріледі.
      Аудиторлық есепке қоса берілетін құжаттардың көшірмелері белгіленген тәртіппен уәкілетті лауазымды адамдардың қолымен, мемлекеттік аудит объектісінің мөрімен және мөртабанымен (болған жағдайда) расталады. Аудиторлық есепте қосымшаларының реттік нөмірі, парақ саны көрсетіле отырып, оларға сілтеме жасалады.
      186. Аудиторлық есепке тиісті құжаттармен расталмаған фактілерді, тұжырымдарды енгізуге жол берілмейді.
      187. Аудиторлық есепте жазылып, Аудиторлық есепте соларға сілтеме жасалған бұзушылықтарды растайтын құжаттардың болмауы Мемлекеттік аудиттің және қаржылық бақылаудың жалпы стандарттарын және осы Қағидаларды бұзу болып табылады.
      Осы тармақта көрсетілген құжаттарды толықтыру мүмкіндігі болмаған кезде расталмаған фактілер Аудиторлық қорытындыға енгізілмейді.
      Ескерту. 187-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      188. Мемлекеттік аудит объектісінің тауарларға, жұмыстарға немесе көрсетілген қызметтерге ақы төлеуінің негізділігін растайтын құжаттар мемлекеттік аудит объектісінде болмаған жағдайда, сондай-ақ Қазақстан Республикасының заңнамасында көзделген талаптар, міндеттер орындалмағанда немесе тиісінше орындалмағанда, мемлекеттік аудит объектісінің лауазымды адамдары мемлекеттік аудиторларға олардың сұрауы бойынша тиісті жазбаша түсініктемелер береді.
      189. Аудиторлық есеп (осы Қағидалардың 128, 172-тармақтарында көрсетілген жағдайларды қоспағанда) екі данада жасалып, оған аудиторлық іс-шараны жүргізген мемлекеттік аудиторлар және сарапшылар қол қояды.
      Мемлекеттік аудитор Аудиторлық есептің екінші парағынан бастап, барлық беттеріне қолын қояды.
      190. Аудиторлық есеп мемлекеттік аудит объектісінің кіріс хат-хабарларын есепке алу жүйесінде тіркеле отырып не поштамен хабардар етіле отырып, Аудиторлық есептің екінші данасы мемлекеттік аудит объектісінің басшысына (лауазымды адамына) аудиторлық іс-шара аяқталған күннен кешіктірілмей тапсырылады.
      Ескерту. 190-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      191. Аудиторлық іс-шараның нәтижелерімен келіспеген жағдайда, мемлекеттік аудит объектісінің басшылығы Аудиторлық есепке жазбаша қарсылықтарын қол қойылған Аудиторлық есеп мемлекеттік аудит объектісіне тапсырылған күннен бастап он жұмыс күнінен аспайтын мерзімде Есеп комитетіне ұсынады.
      Мемлекеттік аудит объектісінің Аудиторлық есепке қол қойылғаннан кейін дереу ұсынған жазбаша қарсылықтарын мемлекеттік аудитор Аудиторлық есепке қоса тіркейді.
      Көрсетілген мерзім өткен соң келіп түскен Аудиторлық есепке қарсылықтар қаралмайды.
      192. Есеп комитетіне келіп түскен Аудиторлық есепке қарсылықтарды Есеп комитетінің аудиторлық іс-шараға жауапты мүшесі мемлекеттік аудиторлармен, мемлекеттік аудитті жүргізуге жауапты құрылымдық бөлімшенің басшысымен, құқықтық қамтамасыз етуге жауапты құрылымдық бөлімшенің қызметкерлерімен, мемлекеттік аудитті жүзеге асыруға тартылған сарапшылармен бірге Аудиторлық қорытындыны дайындау кезеңінде қарайды, содан кейін қарсылықтың әрбір тармағы бойынша қабылданған және қабылданбаған дәлелдерді көрсете отырып, Есеп комитетінің отырысы өткізілетін күнге дейін екі жұмыс күнінен кешіктірмей мемлекеттік аудит объектісіне уәжді жауап жібереді. Мемлекеттік аудит объектісінің Аудиторлық есепке ұсынған түсініктемелері оған жауап дайындалмастан назарға алынады.
      Ескерту. 192-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      193. Есеп комитетіне келіп түскен Аудиторлық есепке қарсылықтар және оларға уәжді жауаптар Есеп комитетінің отырысынан кейін міндетті түрде аудиторлық іс-шара материалдарына және олардың ЕК АЖ-дағы және (немесе) ЭҚАБЖ-дағы электронды нұсқаларына қоса тіркеледі.
      194. Мемлекеттік аудит тобының жетекшісі (мемлекеттік аудитор) Аудиторлық есеп мемлекеттік аудит объектісіне тапсырылғаннан кейін келесі жұмыс күнінен кешіктірмей, Аудиторлық есептерді, Тізілімдерді, кестелерді және басқа да қосымшаларды (болған жағдайда) мынадай қолайлы тәсілдердің бірі арқылы:
      1) мемлекеттік аудитордың өзі қолма-қол;
      2) сканерден өткізілгендерін – қорғалған байланыс арналары бойынша;
      3) Аудиторлық есептің тұпнұсқасын (құпиясын қоспағанда) – фельдъегерлік байланыс не хабарламасы бар тапсырыс хатпен пошта арқылы;
      4) құпия сипаты бар Аудиторлық есептерді – Қазақстан Республикасының мемлекеттік құпияларын қорғау жөніндегі заңнамада белгіленген талаптарды сақтай отырып, Есеп комитетіне жібереді және (немесе) ұсынады.
      Аудиторлық есептің бір данасы (№ 2 дана) анықталған бұзушылықтарды жою жөнінде шаралар қабылдау және басқа да іс-әрекеттер жасау үшін мемлекеттік аудит объектісінің басшысында қалдырылады.
      195. Мемлекеттік аудиторлар іссапардан келген күннен бастап келесі жұмыс күнінен кешіктірмей құжаттардың атауы мен аудиторлық іс-шараның қалған материалдарын жасақтағанға дейін жинақтау папкасында қалыптастырылатын парақ санын тізімдемеде көрсете отырып, Аудиторлық есептің (№ 1 дана), Тізілімнің және Аудиторлық есепке басқа да қосымшалардың түпнұсқаларын, мемлекеттік аудит объектілерінің қарсылықтарын (болған жағдайда) құжат айналымына жауапты құрылымдық бөлімшеге тапсырады.
      Құжат айналымына жауапты құрылымдық бөлімше Аудиторлық есептердің, Тізілімнің және Аудиторлық есепке басқа да қосымшалардың түпнұсқаларын, мемлекеттік аудит объектілерінің қарсылықтарын олар Есеп комитетіне түскен күннен бастап, екі жұмыс күні ішінде сканерлейді және ЭҚАБЖ-да тіркеу үшін сапа бақылауына жауапты құрылымдық бөлімшеге береді.
      Ескерту. 195-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      196. Аудиторлық есептер және Аудиторлық есептерге қоса берілген Тізілімдер бойынша Мемлекеттік аудит туралы заңның 8, 24-тармақтарына және осы Қағидаларға сәйкес, сапа бақылауы жүргізіледі.
      197. Егер, аудиторлық іс-шара материалдарына заң қорытындысын дайындау кезінде мемлекеттік аудиторлар тіркелген Аудиторлық есепке қоса берілмеген өзге де құжаттарды ұсынса, олар мұндай құжаттарды мемлекеттік аудит материалдарына, соның ішінде оның электрондық нұсқасына қоса тіркейді.
      Құжаттарды қоса тіркеу Есеп комитетінің аудиторлық іс-шараға жауапты мүшесінің атына мемлекеттік аудит тобы жетекшісінің қызметтік жазбасын дайындау арқылы барлық аудиторлық іс-шараны жүргізу аяқталған соң бес жұмыс күні ішінде жүзеге асырылады.
      Қызметтік жазба құжат айналымына және құқықтық қамтамасыз етуге жауапты құрылымдық бөлімшелерге ЭҚАБЖ арқылы жіберіледі.
      Ескерту. 197-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

8-параграф. Аудиторлық қорытындыларды,
Нұсқамаларды жасау және ресімдеу

      198. Есеп комитеті жүргізген мемлекеттік аудиттің нәтижелері бойынша Аудиторлық қорытынды ресімделеді, ол Аудиторлық есептердің негізінде жасалатын, тұжырымдар мен ұсынымдарды қамтитын және Есеп комитетінің қаулысымен бекітілетін құжат болып табылады.
      199. Жүргізілген аудиторлық іс-шараның нәтижелері бойынша Есеп комитетінің аудиторлық іс-шараға жауапты мүшесі мемлекеттік аудит тобы жетекшісінің, мемлекеттік аудиторлардың және (немесе) мемлекеттік аудитті жүзеге асыруға тартылған сарапшылардың қатысуымен Аудиторлық есептердің сапасын бақылаудың сараптамалық қорытындысын және жергілікті жерге барып аудиторлық іс-шараны қайта тексеру (ол жүргізілген жағдайда) нәтижелерін алғаннан кейін он жұмыс күні ішінде, 15 және одан көп мемлекеттік аудит объектілері қамтылған жағдайда, он бес жұмыс күні ішінде Аудиторлық қорытындының, мемлекеттік аудиттің нәтижелері бойынша анықталған бұзушылықтар мен кемшіліктердің жиынтық тізілімінің (бұдан әрі – Жиынтық тізілім) және Қазақстан Республикасы заңнамасының анықталған бұзушылықтарын және (немесе) оларға итермелейтін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану қажет болған жағдайда, Нұсқаманың жобаларын дайындайды.
      Аудиторлық іс-шараның нәтижелерін қайта тексеру Мемлекеттік аудит туралы заңның 8-бабына сәйкес жүзеге асырылады.
      200. Аудиторлық қорытындының, Жиынтық тізілімнің және Нұсқаманың жобаларын Есеп комитетінің аудиторлық іс-шараға жауапты мүшесі бір мезгілде сапа бақылауына және құқықтық қамтамасыз етуге жауапты құрылымдық бөлімшелерге жібереді.
      Аудиторлық қорытындының, Жиынтық тізілімнің және Нұсқаманың жобалары бойынша заң сараптамасы үш жұмыс күні ішінде өткізіледі, содан кейін заң сараптамасының қорытындысы сапа бақылауына жауапты құрылымдық бөлімшеге жіберіледі.
      Сапа бақылауы Мемлекеттік аудит туралы заңның 8-бабына сәйкес, заң сараптамасының қорытындысы келіп түскен күннен бастап бір жұмыс күні ішінде Аудиторлық қорытындының, Жиынтық тізілімнің және Нұсқаманың жобалары бойынша жүргізіледі.
      Ескерту. 200-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      200-1. Аудиторлық қорытындының және Жиынтық тізілімнің жобалары сапа бақылауы және құқықтық сараптама жүргізілген соң Есеп комитетінің аудиторлық іс-шараға жауапты мүшесінің қолы қойылып, Есеп комитетінің отырысы өтетін күннен кешіктірілмей, Есеп комитетінің отырысына дайындалу мақсатында танысу үшін негізгі мемлекеттік аудит объектісіне жіберіледі.
      Ескерту. 8-параграф 200-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      201. Аудиторлық қорытындының, Жиынтық тізілімнің және Нұсқаманың жобаларына мемлекеттік аудитті жүргізуге, сапа бақылауына, құқықтық қамтамасыз етуге жауапты құрылымдық бөлімшелердің басшылары бұрыштама қояды, содан кейін Аудиторлық қорытындының және Нұсқаманың жобаларына Есеп комитетінің аудиторлық іс-шараға жауапты мүшесі қол қояды және Жиынтық тізілім жобасы онымен (соның ішінде ЭҚАБЖ-да) келісіледі.
      Аудиторлық қорытындының, Жиынтық тізілімнің және Нұсқаманың жобалары осы тармақтың бірінші бөлігіне сәйкес басқа да материалдармен, соның ішінде негізгі мемлекеттік аудит объектісі өкілінің баяндамасы (сөйлейтін сөзі) тезистерінің жобаларымен бірге Есеп комитетінің отырысы өткізілгенге дейін төрт жұмыс күні бұрын Есеп комитетінің Төрағасына ілеспе хатпен ұсынылады.
      Ескерту. 201-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      202. Сапа бақылауының сараптамалық қорытындысында жасалған Аудиторлық есептердің Мемлекеттік аудиттің және қаржылық бақылаудың жалпы стандарттарына және Мемлекеттік аудит туралы заңның 8-бабына сәйкессіздігін растайтын фактілер көрсетілген жағдайда, Есеп комитетінің аудиторлық іс-шараға жауапты мүшесі аудиторлық іс-шараның материалдарын Есеп комитетінің отырысына шығарудың орындылығы және Аудиторлық қорытындыға қайта тексеру тағайындау не оны пысықтау туралы Есеп комитеті аппарат басшысының келісімі бойынша Есеп комитеті Төрағасының атына қызметтік жазба енгізеді.
      203. Аудиторлық қорытынды кіріспе, негізгі (талдау), қорытынды бөліктерден тұрады және осы Қағидаларға 22-қосымшаға сәйкес нысан бойынша ресімделеді.
      204. Жиынтық тізілім осы Қағидалардың 185-тармағында көзделген нысан бойынша жасалады және Аудиторлық қорытындыға қосымша болып табылады.
      Ескерту. 204-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      205. Аудиторлық қорытындының қорытынды бөлігінде:
      1) аудиторлық іс-шараның негізгі нәтижелері;
      2) Аудиторлық есепте көрсетілген және құжаттармен, сапа бақылауымен расталған бұзушылықтардың, кемшіліктердің анықталған фактілері;
      3) сарапшылардың қорытындыларының нәтижелері (олар болған жағдайда) жинақталады, жүйеленеді және қысқаша нысанда көрсетіледі.
      Жинақталған бір текті (бір типті) бұзушылықтар, кемшіліктер оларды жою және мемлекеттік аудит объектілерінің қызметін регламенттейтін, сондай-ақ экономиканы немесе жеке алғанда экономика саласын, әлеуметтік саланы, мемлекеттік басқарудың басқа да салаларын дамытуға бағытталған құқықтық актілерді, квазимемлекеттік сектор актілерін жетілдіру жөніндегі ұсыныстармен бірге Аудиторлық қорытындыда мемлекеттік аудит объектілері бойынша бөлек тармақтар болып баяндалады.
      Аудиторлық қорытындыда Қазақстан Республикасы заңнамасы нормаларының, сондай-ақ оларды іске асыру үшін қабылданған квазимемлекеттік сектор субъектілері актілерінің анықталған бұзушылықтарының жалпы сомасы, соның ішінде:
      1) қаржылық бұзушылықтар;
      2) рәсімдік бұзушылықтар;
      3) бюджет қаражатын, активтерді тиімсіз пайдалану;
      4) бюджет қаражатын, активтерді тиімсіз жоспарлау;
      5) Қазақстан Республикасының заңнамасы нормаларын іске асыру үшін қабылданған квазимемлекеттік сектор субъектілері актілері бұзушылықтарының сомалары көрсетіледі.
      Ескерту. 205-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      206. Аудиторлық қорытындыға мемлекеттік аудит объектісінің осы Қағидаларда белгіленген тәртіппен қаралмаған қарсылықтары бар бұзушылық фактілерін енгізуге жол берілмейді.
      207. Мемлекеттік аудиттің нәтижелері Бірыңғай дерекқорда жүйеленеді, Мемлекеттік аудит туралы заңның 12-бабының 1, 2,  3-тармақтарында көзделген мемлекеттік аудит бағыттарының ерекшеліктері ескеріле отырып, мемлекеттік аудиттің типіне, тексерудің түрлеріне және мемлекеттік аудит объектісіне сәйкес мына бағыттар:
      1) Мемлекеттік жоспарлау жүйесі құжаттарының (мемлекеттік, үкіметтік бағдарламалардың, орталық мемлекеттік органдардың стратегиялық жоспарларының), акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларының және бюджеттік бағдарламалардың іске асырылуын нормативтік әдістемелік қамтамасыз ету;
      2) мемлекеттік аудит объектілері қызметінің, Мемлекеттік жоспарлау жүйесі құжаттарының республикалық бюджеттің атқарылуы және активтердің пайдаланылуы бөлігіндегі тиімділігі;
      3) квазимемлекеттік сектордың республикалық субъектілері қызметінің экономиканы немесе экономиканың жеке алғандағы саласын, мемлекеттік басқарудың әлеуметтік және басқа да салаларын дамытуға әсерін;
      4) бюджет қаражатын, оның ішінде трансферттерді, кредиттерді байланысты гранттарды, мемлекеттік және мемлекет кепілдік берген қарыздарды, бюджеттік инвестицияларды және кепілгерліктерді игеру нәтижелілігінің, бюджеттік бағдарламалар бойынша түпкілікті мақсаттар мен нәтижелерге қол жеткізудің, мемлекет активтерін пайдаланудың және акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқаруының, сондай-ақ квазимемлекеттік сектор субъектілері қызметінің экономиканы немесе жеке алғанда экономиканың саласын, әлеуметтік саланы және мемлекеттік басқарудың басқа да салаларын дамытуға ықпалының дәрежесі;
      5) республикалық бюджетке түсетін түсімдердің, бюджетке түсетін түсімдерді алудың толықтығына және уақтылығына, сондай-ақ республикалық бюджеттен қате (артық) төленген соманы қайтарудың, есепке жазудың дұрыстығына, салықтық және кедендік әкімшілендірудің тиімділігіне жүргізілген мемлекеттік аудиттің нәтижелері;
      6) мемлекеттік органдардың және квазимемлекеттік сектордың республикалық субъектілерінің сатып алынатын тауарлардың, жұмыстардың, көрсетілетін қызметтердің мерзімдері, көлемі, бағасы, саны және сапасы бойынша шарттардың талаптарын орындауына жүргізілген мемлекеттік аудиттің нәтижелері;
      7) қаржы активтерін сатып алу, оларды сатудан бюджетке түсетін қаражат түсімдері бойынша мемлекеттік аудит нәтижелері;
      8) Есеп комитетінің Аудиторлық қорытындысында және Нұсқамаларында қамтылған ұсынымдардың орындалуын мониторингтеудің нәтижелері бойынша көрсетіледі.
      208. Аудиторлық қорытынды Есеп комитеті Нұсқамасының жобасын дайындау үшін негіз болып табылады.
      209. Есеп комитетінің Нұсқамасы әкімшілік рәсімдер туралы заңнамада белгіленген деректемелерді қамтиды.
      210. Есеп комитетінің отырысында жүргізілген аудиторлық іс-шаралардың қорытындылары қаралады. Аудиторлық қорытынды, Нұсқама Есеп комитетінің аудиторлық іс-шараға жауапты мүшесінің және мемлекеттік аудит объектілері өкілдерінің ақпаратын тыңдаудың қорытындылары бойынша қабылданады.
      Егер, аудиторлық іс-шаралардың қорытындылары бойынша Есеп комитетінің отырысы барысында мемлекеттік аудит объектісі Есеп комитетінің Нұсқамасы жобасының тапсырмалық тармақтарын орындау мерзімдерін ауыстыруға не жобаны өзге де түзетуге бастама жасаса, отырыс хаттамасында бастамашы, негіз және қабылданған шешім көрсетіледі.
      Есеп комитетінің Аудиторлық қорытындысы бекітіліп, Нұсқамасына қол қойылған кезде Есеп комитеті отырысының қорытындылары бойынша оның материалдарына Есеп комитетінің аудиторлық іс-шараға жауапты мүшесінің баяндамасы қоса беріледі.
      Құпия сипаттағы аудиторлық іс-шаралар бойынша отырыстар Қазақстан Республикасының мемлекеттік құпияларын қорғау жөніндегі заңнамада белгіленген талаптар сақтала отырып өткізіледі.
      Ескерту. 210-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      211. Басқа мемлекеттік органдармен жүргізілген бірлескен аудиторлық іс-шараның қорытындылары бойынша Аудиторлық қорытынды мен Нұсқама Есеп комитетінің отырысында осы органның өкілдерінің қатысуымен ақпаратты талқылағаннан кейін қабылданады.
      212. Аудиторлық қорытынды Есеп комитетінің Қаулысымен қабылданады.
      213. Қаулы мыналарды:
      1 жүргізілген аудиторлық іс-шараның қорытындылары бойынша дайындалған Аудиторлық қорытындыны бекіту туралы шешімді;
      2) Қазақстан Республикасының Үкіметіне және (немесе) консультативтік-кеңесші органға ұсынымдарды;
      3) Қазақстан Республикасының Үкіметіне және (немесе) консультативтік-кеңесші органға Аудиторлық қорытындыны немесе одан үзіндіні беру туралы шешімді;
      4) материалдарды құқық қорғау органдарына жіберу туралы шешімді;
      5) Нұсқамаларды жіберу туралы шешімді қамтиды.
      Ескерту. 213-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      214. Есеп комитетінің аудиторлық іс-шараға жауапты мүшесінің Аудиторлық қорытындысы және Жиынтық тізілімі немесе Аудиторлық қорытындысынан және Жиынтық тізілімінен алынған үзінді қоса беріліп, мемлекеттік органдар мен ұйымдардың басшыларына жіберілген Нұсқамалар оларда көрсетілген мерзімдерде қаралады.
      Ескерту. 214-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      215. Қаулылар және Аудиторлық қорытындылар толық көлемде Қазақстан Республикасы Президентінің Әкімшілігіне, Қазақстан Республикасының Үкіметіне және құқық қорғау органдарына да жіберілуі мүмкін.
      Аудиторлық қорытындыда жазылған Қазақстан Республикасының Үкіметіне ұсынымдар Қаулының және Аудиторлық қорытындының мөрмен расталған көшірмелерінің қоса берілуімен Есеп комитетінің Төрағасы қол қоятын хатпен Қазақстан Республикасының Премьер-Министріне жіберіледі.
      Ескерту. 215-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      216. Мемлекеттік аудит туралы заңға сәйкес, Есеп комитеті Аудиторлық қорытынды бекітілгеннен кейін үш жұмыс күні ішінде құқықтық статистика және арнайы есепке алу саласындағы уәкілетті органға электрондық ақпараттық есепке алу құжатын – талон-хабарламаны ұсынады.

4-бөлім. Қаржылық бақылау

1-параграф. Жалпы ережелер

      217. Қаржылық бақылауды Мемлекеттік аудит туралы заңда, өзге де заңдарда және Қазақстан Республикасы Президентінің және Қазақстан Республикасы Үкіметінің актілерінде белгіленген құзыреті шегінде бюджетке өтеуді, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету, Нұсқамаларды орындау және кінәлі адамдарды жауаптылыққа тарту жолымен қалпына келтіруді қамтамасыз ету арқылы мемлекеттік аудит органдары жүзеге асырады.
      218. Қаржылық бақылаудың ден қою шаралары:
      1) барлық мемлекеттік органдардың, ұйымдардың және лауазымды адамдардың орындауы үшін міндетті, анықталған бұзушылықтарды жою туралы және оларға жол берген лауазымды адамдардың жауаптылығын қарау туралы Нұсқама шығару;
      2) Қазақстан Республикасының әкімшілік құқық бұзушылық туралы заңнамасында көзделген құзырет шегінде әкімшілік іс жүргізуді қозғау;
      3) мемлекеттік аудит объектісі лауазымды адамдарының әрекеттерінде қылмыстық немесе әкімшілік құқық бұзушылық белгілері анықталған жағдайларда, материалдарды тиісті аудиторлық дәлелдемелерімен бірге құқық қорғау органдарына немесе әкімшілік құқық бұзушылық туралы істерді қозғауға және (немесе) қарауға уәкілетті органдарға беру;
      4) бюджетке өтеуді, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету және нұсқамаларды орындау жолымен қалпына келтіруді қамтамасыз ету мақсатында сотқа талап қоюды беру болып табылады.

2-параграф. Анықталған бұзушылықтарды жою және оларға жол
берген лауазымды адамдардың жауаптылығын қарау туралы нұсқама

      219. Мемлекеттік аудит объектілеріне осы Қағидаларға 24-қосымшаға сәйкес нысан бойынша, оларда көрсетілген мерзімдерде қаралатын Есеп комитетінің Нұсқамалары Аудиторлық қорытындының немесе Аудиторлық қорытындыдан үзіндінің қоса берілуімен жіберіледі.
      Ескерту. 219-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      220. Осы Қағидалардың 180-тармағында көзделген жағдайларда, Есеп комитетінің аудиторлық іс-шараға жауапты мүшесі мемлекеттік аудит объектісінің басшысына және мемлекеттік аудит объектісіне басшылықты немесе оны басқаруды жүзеге асыратын жоғары тұрған органға осы жұмыстың аяқталу мерзімін айқындай отырып, мемлекеттік аудит объектісінде бухгалтерлік есепті қалпына келтіру туралы талаппен Нұсқама жібереді.
      221. Мемлекеттік аудит объектісінің лауазымды адамдары ӘҚтК-ге сәйкес Есеп комитеті Нұсқамаларын орындамағаны үшін жауапты болады.

3-параграф. Әкімшілік құқық бұзушылықтар туралы хаттама жасау

      222. Егер мемлекеттік аудит объектісінің басшысы Мемлекеттік аудит объектісі басшысының міндеттерін атқару жөніндегі талапта көрсетілген және (немесе) құжаттарды ұсыну мерзімдері аяқталғанымен, Мемлекеттік аудит туралы заңның 21-бабында көзделген міндеттерін орындамаса, мемлекеттік аудитор – анықталған күні, ал әкімшілік құқық бұзушылықтың мән-жайларын және жеке тұлғаның жеке басын қосымша анықтау қажет болған жағдайларда, көрсетілген деректер анықталған күннен бастап үш жұмыс күні ішінде ӘҚтК-нің 803-бабына сәйкес, ӘҚтК-нің 462-бабының негізінде әкімшілік құқық бұзушылық туралы хаттама толтырады, оның жобасы ӘҚтК-де белгіленген мерзімдер шегінде оны ұсынған күннен бастап бір жұмыс күні ішінде құқықтық қамтамасыз етуге жауапты құрылымдық бөлімшемен келісіледі.
      223. Осы Қағидалардың 236-тармағында көзделген жағдайларды қоспағанда, аудиторлық іс-шараны жүргізу барысында анықталған әкімшілік құқық бұзушылықтар бойынша әкімшілік құқық бұзушылық жасау фактісін тапқан мемлекеттік аудитор тиісті тексеру аяқталғаннан кейін дереу әкімшілік құқық бұзушылық туралы хаттама жасайды.
      Хаттама жобасы ӘҚтК-де белгіленген мерзімдер шегінде оны ұсынған күннен бастап үш жұмыс күні ішінде құқықтық қамтамасыз етуге жауапты құрылымдық бөлімшемен келісіледі.
      Сараптама жүргізу қажет болған жағдайда, әкімшілік құқық бұзушылық туралы хаттама сараптаманың қорытындысы алынған күннен бастап екі тәулік ішінде жасалады.
      224. Әкімшілік құқық бұзушылық туралы хаттама жасалған кезде өзіне қатысты іс қозғалған лауазымды адамға, сондай-ақ іс бойынша іс жүргізудің басқа да қатысушыларына ӘҚтК-нің 38-тарауында көзделген олардың құқықтары мен міндеттері түсіндіріледі, бұл туралы хаттамаға белгі қойылады.
      225. Әкімшілік құқық бұзушылық туралы хаттамаға оны жасаған адам және әкімшілік құқық бұзушылықты жасаған адам қол қояды. Куәлар болған кезде, сондай-ақ куәгерлер қатысқан жағдайларда, хаттамаға осы адамдар да қол қояды.
      226. Өзіне қатысты іс қозғалған лауазымды адамға әкімшілік құқық бұзушылық туралы хаттамамен танысуға мүмкіндік беріледі. Көрсетілген адам хаттаманың мазмұны бойынша түсініктемелер мен ескертулер береді, сондай-ақ оған қол қоюдан бас тартуының себептерін баяндайды, олар осы хаттамаға қоса беріледі. Аталған адамдар әкімшілік құқық бұзушылық туралы хаттамаға қол қоюдан бас тартқан жағдайда, онда тиісті жазба жасалады.
      227. Әкімшілік құқық бұзушылық туралы хаттама жасалғаннан кейін оның көшірмесі дереу өзіне қатысты әкімшілік құқық бұзушылық туралы іс қозғалған адамға қолхатпен табыс етіледі.
      228. Әкімшілік құқық бұзушылық туралы хаттаманың көшірмесін қолхатпен алудан бас тартылған жағдайда, оны жасаған адам хаттамаға тиісті жазба жүргізеді.
      229. Әкімшілік құқық бұзушылық жасап, тиісінше хабардар етілген адам болмаған немесе келмеген жағдайда, әкімшілік құқық бұзушылық туралы хаттамаға оны жасаған адам қол қойып, оған әкімшілік құқық бұзушылық жасаған адамның болмағаны немесе келмегені жөнінде белгі қояды.
      230. Әкімшілік құқық бұзушылық туралы хаттаманың көшірмесін қолхатпен алудан бас тартылған жағдайда, сондай-ақ әкімшілік құқық бұзушылық жасап, тиісінше хабардар етілген адам болмаған немесе келмеген жағдайда, әкімшілік құқық бұзушылық туралы хаттама жасалғаннан кейін екі тәулік ішінде өзіне қатысты іс қозғалған адам хабардар етіле отырып, оған тапсырысты хатпен пошта арқылы жіберіледі.
      231. Хаттамаға мынадай құжаттар қоса беріледі:
      1) құқық бұзушының жеке басын куәландыратын құжат (көшірмесі);
      2) функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акт);
      3) анықталған құқық бұзушылықтың белгілерін растайтын, лауазымды адамдардың қолымен, ұйымның мөрімен немесе мөртабанымен расталған құжаттардың түпнұсқалары немесе төлнұсқасының көшірмелері:
      соның ішінде, әкімшілік құқық бұзушылықтың түріне қарай:
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және мемлекеттік емес аудиторлық ұйымдардың қорытындылары (жүргізілген жағдайда);
      операция немесе әрекет фактісін қамтитын құжаттар немесе олардың көшірмелері, соның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      ақы төлеу фактісін растайтын құжаттар:
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар немесе олардың көшірмелері:
      анықтамалар, кестелер, диаграммалар;
      есептеулер;
      бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар.
      232. Әрбір әкімшілік құқық бұзушылық бойынша материалдар тиісті уәкілетті органдарға жеке ілеспе хатпен жіберіледі.
      233. Заң сараптамасын жүргізу кезінде орны толмайтын, ұсынылған құжаттардың толық болмауы кемшіліктерді жою үшін материалдарды хаттаманы жасаушыға қайтаруға әкеп соғады.
      234. Лауазымды адам хаттаманың және басқа да материалдардың кемшіліктерін оларды алған кезден бастап екі тәулік ішінде жояды.
      235. Мемлекеттік аудиторлар әкімшілік құқық бұзушылық туралы хаттама мен әкімшілік құқық бұзушылық туралы істің басқа да материалдарын жасалған кезінен бастап, үш тәуліктің ішінде тиісті әкімшілік-аумақтық бірліктің аумағында орналасқан сотқа жібереді.

4-параграф. Құқық қорғау органдарына немесе әкімшілік құқық
бұзушылықтар туралы істерді қозғауға және (немесе) қарауға
уәкілетті органдарға материалдар беру

      236. Аудит объектісінің лауазымды адамдарының іс-қимылында Қазақстан Республикасының 2014 жылғы 3 шілдедегі Қылмыстық кодексінің баптарымен көзделген қылмыстық белгілер және олар бойынша қарау мен процестік шешім қабылдау әкімшілік құқық бұзушылықтар туралы істерді қарауға уәкілетті органдардың құзыретіне жататын әкімшілік құқық бұзушылық құрамының белгілері анықталған жағдайларда, мемлекеттік аудиторлар кейіннен құқық қорғау органдарына және әкімшілік құқық бұзушылықтар туралы істерді қарауға уәкілетті органдарға беру үшін құқық бұзушылықтарға жол берген адамдардан жазбаша түсініктемелер және анықталған құқық бұзушылықтың белгілерін растайтын, лауазымды адамдардың қолымен немесе ұйымның мөрімен расталған құжаттардың түпнұсқаларының көшірмелерін (бұдан әрі – құжаттар тізбесі) жасауды талап етеді:
      1) бұзушылық фактісін тікелей растайтын құжаттар:
      бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар;
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және мемлекеттік емес аудиторлық ұйымдардың қорытындылары (жүргізілген жағдайларда);
      функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акт), олардың жеке басын куәландыратын құжаттардың көшірмелері;
      2) операция немесе әрекет фактісін қамтитын құжаттар немесе олардың көшірмелері, соның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      3) ақы төлеу фактісін растайтын құжаттар немесе олардың көшірмелері:
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомосттар, ордерлер, нарядтар;
      4) лауазымды адамдардың өкілеттіктерін растайтын құжаттар немесе олардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар:
      анықтамалар, кестелер, диаграммалар;
      есептеулер.
      Құқық қорғау органдарына материалдарды жіберу «Сыртқы мемлекеттік аудитті және қаржылық бақылауды жүргізу кезінде анықталған құқық бұзушылықтар бойынша мемлекеттік аудит материалдарын беру қағидаларын бекіту туралы» Республикалық бюджеттің атқарылуын бақылау жөніндегі есеп комитетінің 2016 жылғы 31 наурыздағы № 6-НҚ және Қазақстан Республикасы Бас Прокурорының 2016 жылғы 30 наурыздағы № 51, Қазақстан Республикасы Қаржы министрінің 2016 жылғы 19 ақпандағы № 76, Қазақстан Республикасы Мемлекеттік қызмет істері министрлігінің Сыбайлас жеморлыққа қарсы іс-қимыл ұлттық бюросы (Сыбайлас жемқорлыққа қарсы қызмет) Төрағасының 2016 жылғы 26 ақпандағы № 20 бірлескен нормативтік қаулысына және бұйрығына сәйкес жүзеге асырылады (Нормативтік құқықтық актілерді мемлекеттік тіркеу тізілімінде № 13679 болып тіркелді).
      Әкімшілік және өзге де құқық бұзушылық белгілері көзделген бұзушылық фактілері бойынша мемлекеттік аудиторлар дайындаған материалдар Аудиторлық есепке заң сараптамасы алынған күннен бастап үш жұмыс күні ішінде Есеп комитетінің аудиторлық іс-шараға жауапты мүшесіне қызметтік жазбамен жіберіледі.
      Есеп комитетінің аудиторлық іс-шараға жауапты мүшесі бір күндік мерзім ішінде материалдарды құқықтық қамтамасыз етуге жауапты құрылымдық бөлімшеге жіберу жөнінде шешім қабылдайды.
      Заң қорытындысы Есеп комитетінің аудиторлық іс-шараға жауапты мүшесіне және мемлекеттік аудит жүргізуге жауапты құрылымдық бөлімшеге материалдардың құқықтық қамтамасыз етуге жауапты құрылымдық бөлімшеге келіп түскен күнінен бастап үш жұмыс күн ішінде жіберіледі.
      Ескерту. 236-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      236-1. Мемлекеттік аудитті жүргізуге жауапты құрылымдық бөлімше әкімшілік іс жүргізуді қозғау және процестік шешім қабылдау үшін материалдарды жіберуді мемлекеттік аудиторлар бастамашылық жасаған және Есеп комитетінің мүшесі қол қойған әкімшілік құқық бұзушылық белгілері көзделген бұзушылық фактілеріне оң заң қорытындысын алған күннен бастап үш жұмыс күнінен кешіктірмей жүзеге асырады.
      Ескерту. 4-параграф 236-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

5-параграф. Бюджетке өтеуді қамтамасыз ету, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету жолымен қалпына келтіру және нұсқамаларды орындау мақсатында сотқа талап қоюды беру

      Ескерту. 4-бөлім 5-параграфпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      236-2. Есеп комитеті сотқа талап қоюды беруді бюджетке өтеудің, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету жолымен қалпына келтірудің қажеттілігін қамтитын нұсқамаларының тапсырмалық тармақтарын көрсетілген мерзімдерде орындамаған және орындау мерзімдерін ұзарту туралы шешімдер болмаған жағдайда жүзеге асырады.
      236-3. Есеп комитетінің аудиторлық іс-шараға жауапты мүшесі нұсқаманың тапсырмалық тармақтары орындалмаған жағдайда, олардың орындалуы тиіс күннен бастап отыз күнтізбелік күн ішінде құқықтық қамтамасыз етуге жауапты құрылымдық бөлімшеге заң сараптамасын жүргізу үшін жіберілетін Есеп комитетінің Төрағасына сотқа талап қоюды беруге бастамашылық жасау туралы қызметтік жазбаның жобасын дайындайды.
      236-4. Құқықтық қамтамасыз етуге жауапты құрылымдық бөлімше Есеп комитетінің аудиторлық іс-шараға жауапты мүшесінің қызметтік жазбасын алған күннен бастап он жұмыс күні ішінде растайтын құжаттар болған жағдайда сотқа талап қоюды берудің орындылығы туралы сараптамалық қорытынды жасайды.
      236-5. Сотқа талап қоюды берудің оң сараптамалық қорытындысын немесе оның негізсіздігі туралы қорытындыны алғаннан кейін Есеп комитетінің аудиторлық іс-шараға жауапты мүшесі қызметтік жазбаны тиісті шаралар қабылдау үшін Есеп комитетінің Төрағасына жібереді.
      236-6. Сотқа талап қоюды беру туралы оң шешім қабылданған жағдайда, құқықтық қамтамасыз етуге жауапты құрылымдық бөлімше мемлекеттік аудит жүргізуге жауапты тиісті құрылымдық бөлімшемен бірлесіп 2015 жылғы 31 қазандағы Қазақстан Республикасының Азаматтық процестік кодексіне сәйкес құжаттар дайындайды.
      Есеп комитетінің басшылығы айқындаған құқықтық қамтамасыз етуге жауапты құрылымдық бөлімшенің қызметкері және (немесе) тиісті мемлекеттік аудитті жүргізген мемлекеттік аудиторлар сот процесіне тікелей қатысады.

5-бөлім. Сапа бақылауын жүзеге асыру

      237. Сапа бақылауын жүзеге асыру қағидаттары мыналар болып табылады:
      1) тәуелсіздік – сапа бақылауын жүзеге асырып жатқан кезде қызметкерлердің қызметіне араласуға жол бермеу;
      2) объективтілік – сапа бақылауын Қазақстан Республикасының заңнамасына қатаң сәйкестікте жүргізу, сапа бақылауын жүргізу және сапа бақылауының қорытындыларын ресімдеу кезінде құжаттамалық негізделген және расталған тұжырымдармен бірыңғай тәсілді қамтамасыз ету, мүдделер қақтығысын болғызбау;
      3) ашықтық – сапа бақылауының нәтижелерін баяндаудың анықтығы, сапа бақылауы нәтижелерінің барлық мүдделі тараптарға түсініктілігі мен анықтығын қамтамасыз ететін, сапа бақылауын жүргізудің әдістері мен өлшемшарттарын қолдану;
      4) құзыреттілік – сапа бақылауын жүзеге асыру үшін қызметкерлердің қажетті кәсіби білімдері мен дағдыларының жиынтығы;
      5) анықтық – сапа бақылауы нәтижелерін құжаттардың түпнұсқаларымен немесе олардың сканерленген нұсқаларымен, сондай-ақ ережелері бұзылған нормативтік құқықтық актілерге сілтемелермен растау.
      238. Алдын ала зерделеу нәтижелері Аудит жоспарларының және Аудит бағдарламаларының жобалары, барлық қосымшаларымен бірге Аудиторлық есептер, соның ішінде Аудиторлық есептерге бұзушылықтар тізілімі, Аудиторлық қорытындылар мен Нұсқамалардың жобалары, бұзушылықтардың жиынтық тізілімі, сондай-ақ Есеп комитеті Нұсқамаларының тармақтарын іске асыру және орындау туралы ақпарат сапа бақылауының мәні болып табылады.
      239. Мемлекеттік аудит туралы заңның 8-бабына сәйкес, сапа бақылауын сапа бақылауын жүргізуге жауапты құрылымдық бөлімше құқықтық қамтамасыз етуге жауапты құрылымдық бөлімшенің қатысуымен жүзеге асырады.
      240. Сапа бақылауының қорытындылары бойынша Аудиторлық есептің Мемлекеттік аудит және қаржылық бақылау стандарттарына сәйкессіздігі анықталған жағдайда, Есеп комитетінің Төрағасы мемлекеттік аудит объектісінде қайта тексеру тағайындау туралы мәселені шешеді.
      241. Сапа бақылауын жүзеге асыру процесінде Есеп комитетінің мүшелері және Есеп комитетінің қызметкерлері сапа бақылауын және құқықтық қамтамасыз етуді жүргізуге жауапты құрылымдық бөлімшелерге қажетті ақпаратты уақтылы және толық көлемде ұсыну жолымен жәрдем көрсетеді.
      242. Сапа бақылауын жүзеге асыру барысында оны жүргізу бойынша кедергілер туындаған, соның ішінде құжаттар мен өзге де ақпарат ұсынылмаған кезде, сапа бақылауын және құқықтық қамтамасыз етуді жүргізуге жауапты құрылымдық бөлімшелердің басшылары бұл туралы Есеп комитетінің Төрағасын хабардар етеді.
      243. Мемлекеттік аудиттің сапасын бақылаудың нәтижелері бойынша аудиторлық іс-шараларға (алдын ала, постаудиторлық және қорытынды) бағалау жүргізіледі, ол Мемлекеттік аудит және қаржылық бақылау стандарттарын сақтаудың қажетті шарты болып табылады.
      244. Мемлекеттік аудит туралы заңның 8-бабына сәйкес, аудиторлық іс-шараны бағалауды сапа бақылауын жүргізуге жауапты құрылымдық бөлімше жүзеге асырады.

6-бөлім. Есеп комитетінің Аудиторлық қорытындысында,
Нұсқамаларында қамтылған ұсынымдардың орындалуын
мониторингтеуді жүзеге асыру

1-параграф. Есеп комитетінің Аудиторлық қорытындысында,
Нұсқамаларында қамтылған ұсынымдарды бақылауға
қою және олардың орындалуын мониторингтеу

      245. Құжат айналымына жауапты құрылымдық бөлімше Есеп комитетінің Аудиторлық қорытындысында қамтылған ұсынымдарды, Нұсқамасының тармақтарын қол қойылған күнінен бастап бір жұмыс күні ішінде бақылауға қоюды жүзеге асырады, олардың орындалу мерзімі келгенге дейін үш жұмыс күні бұрын Есеп комитетінің аудиторлық іс-шараға жауапты мүшесіне олардың орындалу мерзімі туралы ескертеді.
      246. Құқықтық қамтамасыз етуге жауапты құрылымдық бөлімше жартыжылдықта бір рет құқық қорғау органдарына жіберілген аудиторлық іс-шаралар материалдарын қараудың нәтижелеріне мониторинг жүргізеді.
      Ескерту. 246-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      247. Жоспарлауға жауапты құрылымдық бөлімше Есеп комитетінің Аудиторлық қорытындысында қамтылған ұсынымдардың және Нұсқамасының тармақтарының іске асырылу барысына мониторинг жүргізеді және ай сайынғы негізде Есеп комитетінің Төрағасына хабарлайды, мониторингінің нәтижелері Қазақстан Республикасының Президентіне және Қазақстан Республикасының Парламентіне ұсынылатын ай сайынғы ақпарат, сондай-ақ есепті қаржы жылы үшін республикалық бюджеттің атқарылуы туралы жылдық есеп қалыптастыру, бұзушылықтардың алдын алу мақсатында оларды жүйелеу үшін пайдаланылады.
      248. Сапаны бақылауға жауапты құрылымдық бөлімше жартыжылдықтың қорытындылары бойынша есепті кезеңнен кейінгі айдың екінші айының 20 күнінен кешіктірмей, Есеп комитетінің Төрағасына аудиторлық іс-шаралар материалдарының сапасын бақылаудың нәтижелері туралы, сондай-ақ талдаудың қорытындылары бойынша Есеп комитеті Қаулыларының (Нұсқамаларының) орындалу сапасы жөнінде жинақталып қорытылған ақпарат ұсынады.
      249. Есеп комитетінің аудиторлық іс-шараға жауапты мүшесі:
      1) оларға Аудиторлық қорытындыда берілген ұсынымдарды;
      2) Аудиторлық қорытындыда берілген ұсынымдарды қараудың нәтижелері туралы ақпаратты және мемлекеттік аудит объектісі мен өзге де мүдделі адамдар жіберетін растайтын құжаттарды;
      3) міндетті түрде орындауға жіберілген Нұсқамалардың орындалуын;
      4) Нұсқамалардың орындалу нәтижелері туралы ақпаратты және мемлекеттік аудит объектісі мен өзге де лауазымды адамдар жіберетін растайтын құжаттарды;
      5) мемлекеттік аудиттің қорытындылары бойынша қабылданған Есеп комитетінің Аудиторлық қорытындысында және Нұсқамасында қамтылған тұжырымдар мен ұсынымдарды іске асыру бойынша іс-шараларды мемлекеттік аудит объектілерінің орындау уақтылығы мен толықтығын мониторингтеуді және талдауды тұрақты және жүйелі негізде жүзеге асырады.
      250. Мемлекеттік аудит органы мен өзге де лауазымды адамдар Аудиторлық қорытындыда берілген ұсынымдарды қараудың нәтижелері туралы және Нұсқамалардың орындалғаны туралы ақпаратты растайтын құжаттарымен бірге тиісті құжаттарда көрсетілген мерзімдерде Есеп комитетіне жіберуге міндетті.

2-параграф. Мемлекеттік аудит объектісінің Есеп комитетінің
Аудиторлық қорытындысында қамтылған ұсынымдарды және
Нұсқамасының тармақтарын орындауын талдау

      251. Есеп комитетінің аудиторлық іс-шараға жауапты мүшесі мемлекеттік аудит объектісінен ақпаратты (растайтын құжаттарды) алған күннен бастап бес жұмыс күні ішінде мемлекеттік аудит объектісінің Аудиторлық қорытындыда қамтылған ұсынымдарды және Нұсқаманың тармақтарын орындауына талдау жүргізеді және олардың орындалу нәтижелері туралы қызметтік жазба дайындап, Есеп комитеті Төрағасының қарауына енгізеді.
      Есеп комитеті мен мемлекеттік аудит органының бірлескен Аудиторлық қорытындысының тармақтарының орындалуына мониторингтеу кезінде Есеп комитетінің аудиторлық іс-шараға жауапты мүшесі бірлескен Аудиторлық қорытындыда қамтылған ұсынымдардың орындалу толықтығы мен сапасы туралы мемлекеттік аудит органынан алынған ақпарат пен басқа да құжаттамалардың (растайтын құжаттардың көшірмелері, фотосуреттер, мемлекеттік аудит органы жүргізген мониторинг материалдары) негізінде мемлекеттік аудит органынан ақпарат алған күннен бастап екі жұмыс күні ішінде бірлескен Аудиторлық қорытындыда қамтылып, орындалған ұсынымдарды бақылаудан алып тастау не орындалмаған немесе тиісінше орындалмаған Нұсқамалар бойынша шаралар қабылдау туралы мәселені қарайды және ол туралы шешім қабылдау үшін қызметтік жазба дайындап, Есеп комитетінің Төрағасына енгізеді.
      Ескерту. 251-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      251-1. Егер ұсынымдар және (немесе) Нұсқаманың тармақтары белгіленген мерзімде орындалмайтын жағдайда, мемлекеттік аудит объектісінің басшысы олардың орындалу мерзімінің белгіленген күніне дейін жеті жұмыс күнінен кешіктірмей Есеп комитетіне растайтын құжаттардың қоса берілуімен орындау мерзімін ұзартудың қажеттілігі дәйектеліп негізделген орындаудың ағымдағы жай-күйін көрсете отырып хат енгізеді. Бұл ретте мемлекеттік аудит объектісінің басшысы нақты орындау мерзімін ұсынады.
      Есеп комитетінің мүшесі екі жұмыс күні ішінде Аудиторлық қорытындыда қамтылған ұсынымдардың және (немесе) Нұсқама тармақтарының орындалу мерзімдерін ұзарту туралы немесе олардың орындалу мерзімін ұзартудан бас тарту туралы қызметтік жазбаны жасайды және Есеп комитетінің Төрағасына енгізеді.
      Ескерту. 2-параграф 251-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      251-2. Есеп комитеті Төрағасының тапсырмасы бойынша Есеп комитетінің аппарат басшысы:
      1) Аудиторлық қорытындыда қамтылған (соның ішінде бірлескен) ұсынымдардың және Нұсқамалар тармақтарының орындалуының толықтығы;
      2) Аудиторлық қорытындыда қамтылған ұсынымдардың және Нұсқамалар тармақтарының орындалу мерзімдерін ұзарту мәніне талдау жасауы үшін сапа бақылауына жауапты құрылымдық бөлімшеге осы Қағидалардың 251, 251-1-тармақтарында көзделген қызметтік жазбаны жібереді.
      Ескерту. 2-параграф 251-2-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      252. Сапа бақылауына жауапты құрылымдық бөлімше үш жұмыс күні ішінде Аудиторлық қорытындыда қамтылған ұсынымдарды және (немесе) Нұсқаманың тармақтарын бақылаудан алудың, оларды орындау мерзімдерін ұзартудың немесе Қазақстан Республикасының заңнамасына сәйкес ден қою шараларын қабылдаудың негізділігін бағалайды және олардың орындалуы бойынша сараптамалық қорытынды дайындайды.
      Ескерту. 252-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      253. Есеп комитетінің Төрағасы сапа бақылауына жауапты құрылымдық бөлімшенің сараптамалық қорытындысының негізінде Аудиторлық қорытындыда қамтылған ұсынымдарды және Нұсқаманың тармақтарын бақылаудан алу, орындау мерзімдерін ұзарту немесе Қазақстан Республикасының заңнамасына сәйкес ден қою шараларын қабылдау туралы шешім қабылдайды.
      Ескерту. 253-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      254. Есеп комитетінің Төрағасы шешім қабылдаған күннен бастап үш жұмыс күні ішінде Есеп комитетінің аудиторлық іс-шараға жауапты мүшесі мемлекеттік аудит объектісін Есеп комитетінің Аудиторлық қорытындысында қамтылған ұсынымдарды және (немесе) Нұсқамасының тармақтарын бақылаудан алу не олардың орындалуын жалғастыру туралы хабардар етеді.
      Құжат айналымына жауапт құрылымдық бөлімше Есеп комитеті Төрағасының бұрыштамасы бар Есеп комитетінің жауапты мүшесінің қызметтік жазбасын және мемлекеттік аудит объектілерінің Аудиторлық қорытындыда қамтылған ұсынымдарды және Нұсқама тармақтарын орындауы туралы ақпаратты Бірыңғай дерекқорға жүктеуді жүзеге асырады.
      255. Есеп комитетінің Аудиторлық қорытындысында қамтылған ұсынымдарды және Нұсқамасының тармақтарын бақылаудан алу немесе олардың орындалуын жалғастыру туралы Есеп комитеті Төрағасының бұрыштамасы қабылданған күннен бастап бір жұмыс күні ішінде жоспарлауға жауапты құрылымдық бөлімше олардың орындалуын әрі қарай мониторингтеуді жүзеге асырады.
      256. Аудиторлық қорытындысында қамтылған ұсынымдардың және Нұсқаманың тармақтарының орындалу барысы туралы мәселені талқылау қажет болған жағдайда Есеп комитетінің отырысына шығарылады, оны қараудың қорытындысы бойынша тиісті шешім қабылданады.

3-параграф. Мемлекеттік аудит объектісінің ақпарат ұсынбауы,
Нұсқама тармақтарын орындамауы және тиісінше орындамауы жөнінде
шаралар қабылдау

      257. Мемлекеттік аудит объектісі Нұсқамалар тармақтарының орындалуы жөніндегі ақпаратты тиісті мерзімдерде ұсынбаған жағдайда, Есеп комитетінің аудиторлық іс-шараға жауапты мүшесі Нұсқама тармақтарының орындалу мерзіміне дейін кемінде екі жұмыс күні бұрын мемлекеттік аудит объектісіне ЭҚАБЖ (болған жағдайда) арқылы және қағаз түрінде поштамен ӘҚтК-нің 462-бабында көзделген әкімшілік жауаптылық туралы ескерту жібереді.
      258. Мемлекеттік аудит объектісі ақпарат ұсынбаған, көрсетілген мерзімде Нұсқама тармақтарын орындамаған немесе тиісінше орындамаған жағдайда, Есеп комитетінің аудиторлық іс-шараға жауапты мүшесі Нұсқамада көрсетілген мерзім аяқталғаннан кейін бір жұмыс күні ішінде Есеп комитеті Төрағасының атына мемлекеттік аудит объектісіне әкімшілік ықпал ету шарасын қолдану туралы қызметтік жазба дайындап, сараптама жүргізу үшін құқықтық қамтамасыз етуге жауапты құрылымдық бөлімшеге жібереді.
      259. Құқықтық қамтамасыз етуге жауапты құрылымдық бөлімше Есеп комитетінің аудиторлық іс-шараға жауапты мүшесінің қызметтік жазбасын алған күннен бастап үш жұмыс күні ішінде осы Қағидалардың 231-тармағында көзделген растайтын құжаттар болғанда, әкімшілік іс жүргізуді қозғаудың орындылығы туралы сараптамалық қорытынды жасайды, орындылығы танылған жағдайда, әкімшілік құқық бұзушылық туралы хаттама ресімдейді.
      Ескерту. 259-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      260. Әкімшілік құқық бұзушылық туралы хаттама жасалған кезден бастап үш тәулік ішінде Есеп комитетінің аудиторлық іс-шараға жауапты мүшесі әкімшілік іс материалдарын тиісті сотқа жібереді.

7-бөлім. Қорытынды ережелер

1-параграф. Аудиторлық іс-шараның нәтижелерін
бұқаралық ақпарат құралдарында жария ету

      261. Есеп комитетінің аудиторлық іс-шараға жауапты мүшесі мемлекеттік аудит тобының жетекшісімен бірлесіп, жұртшылықпен байланысқа жауапты құрылымдық бөлімше дайындаған аудиторлық іс-шара нәтижелерінің баспасөз релизі жобасын Есеп комитетінің отырысы өткізілген күнге дейін бес жұмыс күні ішінде пысықтайды.
      262. Жұртшылықпен байланысқа жауапты құрылымдық бөлімше аудиторлық іс-шараның нәтижелерін қарау бойынша Есеп комитетінің отырысына дейін бір жұмыс күнінен кешіктірмей, Есеп комитетінің Интернет-ресурсына отырыс туралы анонстарды орналастырады.
      263. Аудиторлық іс-шараның нәтижелерін қарау бойынша Есеп комитетінің отырысы өткізілгеннен кейін жұртшылықпен байланысқа жауапты құрылымдық бөлімше Аудиторлық қорытынды бекітілген және Нұсқамаға қол қойылған күннен бастап үш жұмыс күнінен кешіктірмей, тиісті баспасөз релизін Есеп комитетінің Интернет-ресурсына орналастырады және (немесе) Есеп комитеті Төрағасының келісімі бойынша бұқаралық ақпарат құралдары өкілдерінің алдында Есеп комитеті лауазымды адамдарының сөз сөйлеуін ұйымдастырады.
      264. Есеп комитетінің аудиторлық іс-шараға жауапты мүшесінің мемлекеттік және қызметтік құпияны, сондай-ақ шектеулі таралымды қызметтік ақпаратты (қызмет бабында пайдалану үшін) қамтымайтын аудиторлық қорытындысы:
      1) Төрағаның келісімі бойынша Есеп комитетінің бюллетенінде толығымен немесе одан алынған үзінділер түрінде жарияланады;
      2) Есеп комитеті Төрағасының шешімімен Есеп комитетінің Интернет-ресурсына орналастырылады.

2-параграф. Мемлекеттік аудит материалдарын есепке алу

      265. Есеп комитетінің Аудиторлық қорытындысын бекітіп, Нұсқамасына қол қойғаннан кейін бес жұмыс күні ішінде Есеп комитетінің аудиторлық іс-шараға жауапты мүшесі және мемлекеттік аудит тобының жетекшісі мемлекеттік аудит материалдарын (Аудит жоспарының, Аудит бағдарламасының, Аудиторлық тапсырмалардың, Тапсырмалардың түпнұсқаларын, сараптамалық қорытындыны, Есеп комитетінің аудиторлық іс-шараға жауапты мүшесі қол қойған Аудиторлық қорытындыны, Жиынтық тізілімді, Есеп комитетінің Төрағасы қол қойған отырыс хаттамасын) аудиторлық іс-шара материалдары бар жинақ папканы толықтырып, кейіннен архивке өткізу үшін құжат айналымына жауапты құрылымдық бөлімшеге тапсырады, аудиторлық іс-шара материалдарының электрондық нұсқалары Бірыңғай дерекқордың электрондық архивіне енгізіледі.
      266. Аудиторлық іс-шараның мемлекеттік құпияларды қамтитын материалдары Қазақстан Республикасында құпиялылық режимін қамтамасыз ету жөніндегі заңнамамен бекітілген талаптарға сәйкес сақталады.
      267. Процестік шешім қабылдау үшін әкімшілік құқық бұзушылықтар туралы істерді қарауға уәкілетті органдарға жіберілген әкімшілік материалдардың көшірмелері құқықтық қамтамасыз етуге жауапты құрылымдық бөлімшеде сақталып, жеке журналда тіркеледі. Құжат айналымына жауапты құрылымдық бөлімшеге сақтауға тапсырылған әкімшілік материалдардың көшірмелері Есеп комитетінің жалпы хат-хабарларынан бөлек сақталады.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
1-қосымша        

нысан

Республика бойынша мемлекеттік аудит объектілерінің
бірыңғай дерекқоры

      Ескерту. 1-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1) республикалық бюджеттік бағдарламалар әкімшілері бойынша ақпарат

      кестенің жалғасы:

      2) бағдарламалық құжаттардың іске асырылуы бойынша ақпарат

                                                        млн. теңгемен

      Ескертпе
      * – орталық мемлекеттік органдардың стратегиялық жоспарлары бойынша толтырылмайды.
      Бірыңғай дерекқор соңғы үш жылдағы және жоспарланатын жылдың алдындағы жылдың бірінші жартыжылдығындағы:
      1) бюджеттік бағдарламалар әкімшілері бойынша;
      2) орталық аппараттың, ведомствоның, ведомстволық бағынысты ұйымдардың, жергілікті атқарушы органдардың (нысаналы трансферттер) бөлінісінде ағымдағы, күрделі шығындардың түрлері және бюджет қаражатын басқа да алушылар бойынша бюджеттік бағдарламалар жөніндегі;
      3) салықтық, салықтық емес түсімдер, негізгі капиталды сатудан түсетін түсімдер, мемлекет пен квазимемлекеттік сектор субъектілерінің активтері бойынша;
      4) мыналардың:
      мемлекеттік аудит органдарының мемлекеттік аудит объектілері бойынша аудиторлық іс-шараларының;
      сараптамалық-талдау іс-шараларының;
      квазимемлекеттік сектор субъектілерінің арнайы мақсаттағы аудитінің және Қазақстан Республикасының аудиторлық қызмет туралы заңнамасына, Мемлекеттік аудит туралы заңға сәйкес бюджет қаражатын, кредиттерді, байланысты гранттарды, мемлекет пен квазимемлекеттік сектор субъектілерінің активтерін, мемлекеттік және мемлекет кепілдік берген қарыздарды, сондай-ақ мемлекет кепілгерлігімен тартылатын қарыздарды пайдалану мәселелері бойынша жүргізілген аудиттің;
      Мемлекеттік жоспарлау жүйесін (мемлекеттік, үкіметтік бағдарламалар, орталық мемлекеттік органдардың сратегиялық жоспарлары) және инвестициялық жобаларды іске асыру құжаттарының бұрын жүргізілген нәтижелері көрсетілген ақпаратты қамтиды.

Есеп комитетінің сыртқы мемлекеттік аудит және
қаржылық бақылау жүргізу қағидаларына    
2-қосымша                        

                                                         нысан

      20__ жылы республикалық бюджеттен бөлінген қаражаттың
            (нысаналы трансферттердің, кредиттердің)
                      жұмсалуы туралы мәлімет

                                                    мың теңге

Есеп комитетінің сыртқы мемлекеттік аудит және
қаржылық бақылау жүргізу қағидаларына    
3-қосымша                        

                                                         нысан

                 Аудиторлық іс-шараны жүргізуге өтінім

      Аталған бағыт бойынша алдыңғы аудиторлық іс-шара (тексеру)
                          туралы мәлімет:
_____________________________________________________________________

Есеп комитетінің сыртқы мемлекеттік аудит және
қаржылық бақылау жүргізу қағидаларына    
4-қосымша                        

                                                         нысан

Мемлекеттік аудит объектілерінің ________ жылға арналған
тізбесі

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
5-қосымша        

нысан

«Бекітемін»      
Республикалық бюджеттің 
aтқарылуын бақылау жөніндегі
есеп комитетінің Төрағасы 
____________________________
А.Т.Ә. (болған жағдайда) 
(қолы)                 
201___ жылғы «___»__________

Мемлекеттік аудит объектілерінің ______ жылға нақтыланған
тізбесі

      Ескерту. 5-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      кестенің жалғасы

Есеп комитетінің сыртқы мемлекеттік аудит
және қаржылық бақылау жүргізу қағидаларына
6-қосымша                 

                                                       нысан

                     Алдын ала зерделеуге
                           ТАПСЫРМА

      Ескерту. 6-қосымша алып тасталды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
7-қосымша        

нысан

________________________________________
мемлекеттік органның немесе ұйымның атауы

Алдын ала зерделеуді (аудиторлық іс-шараны, тексеруді)
жүргізу туралы хабарлама

      Ескерту. 7-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Республикалық бюджеттің атқарылуын бақылау жөніндегі есеп
комитетінің мемлекеттік аудит объектілерінің___жылға арналған
тізбесіне сәйкес ________________________аралығында
                  (ұзақтығы көрсетіледі)
_____________________________________________________________________
                       (мақсаты көрсетіледі)
алдын ала зерделеу (аудиторлық іс-шара, тексеру) жүргізіледі.

      Сіздерден:
      1) алдын ала зерделеу (аудиторлық іс-шара, тексеру) жүргізуге
және жауапты лауазымды адамдарды белгілеуге жәрдем көрсетулеріңізді;
      2) оны жүргізуге кедергі келтірмеулеріңізді және барлық
сұратылған ақпаратпен қамтамасыз етулеріңізді;
      3) қажетті жағдай жасауларыңызды, дайындық жұмыстарын жүзеге
асырып, қызметкерлерді жұмыс орындарымен қамтамасыз етулеріңізді
сұраймыз*.

      Есеп комитетінің мүшесі                ________________________
                                                 (аты-жөні, тегі)

      Ескертпе:
      Алдын ала зерделеу (аудиторлық іс-шара, тексеру) жүргізу туралы
хабарлама Есеп комитетінің ресми бланкісінде ресімделеді.
      *3) тармақшада хабарламада аудиторлық іс-шараны, тексеруді
жүргізу кезінде, сондай-ақ Қазақстан Республикасының мемлекеттік
құпияларды қорғау жөніндегі заңнамасына сәйкес жүзеге асырылатын
аудиторлық іс-шаралар бойынша мемлекеттік аудит объектілерін алдын
ала зерделеу жағдайында көрсетіледі.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
8-қосымша        

нысан

                 __________________________________________
                 мемлекеттік органның немесе ұйымның атауы
        мәліметтерді, құжаттамаларды, ақпаратты және материалдарды
                   (дәлелдемелерді) ұсынуы туралы талап

      Ескерту. 8-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Республикалық бюджеттің атқарылуын бақылау жөніндегі есеп
комитетінің мемлекеттік аудит объектілерінің ____ жылға арналған
тізбесіне сәйкес_____________________________________________________
       (объектінің атауы, аудиторлық іс-шараның мақсаты көрсетіледі)
_____________________аралығында аудиторлық іс-шара жүргізу көзделген.
(мемлекеттік аудиттің ұзақтығы көрсетіледі)
      Осыған байланысты, «Мемлекеттік аудит және қаржылық бақылау
туралы» Қазақстан Республикасы Заңының 21-бабына сәйкес _____________
_____________________________________________________________________
   (қажетті мәлімет және мәселелер үлгі тізбесіне сәйкес құжаттама
                        тізбесі көрсетіледі)
туралы ақпаратты растайтын құжаттардың көшірмелерімен бірге
ұсынуларыңызды сұраймыз.
      Сұратылған ақпарат және құжаттардың көшірмелерін_______________
________________________дейін қағаз жеткізгіштерде немесе электрондық
(құжаттаманы ұсынудың күні көрсетіледі)
поштамен ұсынылсын.

      Есеп комитетінің мүшесі                      __________________
                                                   (аты-жөні, тегі)
      Орындаушының аты-жөні, тегі
(телефоны, электрондық пошта мекенжайы)

      Ескертпе: Мәліметтерді, құжаттамаларды, ақпаратты және
материалдарды (дәлелдемелерді) ұсыну туралы талап Есеп комитетінің
ресми бланкісінде ресімделеді.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
9-қосымша        

Мемлекеттік аудит объектісінің қызметін алдын ала зерделеу
барысында зерделенетін мәселелердің үлгі тізбесі*

      Ескерту. 9-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Ескертпе:
      *Осы тізбе толыққанды болып табылмайды. Аудиторлық іс-шараны
жүргізу барысында қосымша құжаттар және (немесе) ақпарат сұратылуы
мұмкін.
      **«Сәйкестік аудиті» типі бойынша алдын ала зерделеу кезінде
жалпы мәселелер және осы типке жататын мемлекеттік аудиттің тиісті
мақсаты бойынша қосымша мәселелер зерделенеді.
      *** «Тиімділік аудиті» типі бойынша алдын ала зерделеу
кезінде жалпы мәселелер және осы типке жататын мемлекеттік аудиттің
тиісті мақсаты бойынша қосымша мәселелер зерделенеді.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
10-қосымша       

нысан

Республикалық бюджеттің атқарылуын бақылау
жөніндегі есеп комитетінің мүшесі    
_________________________________________
Аты-жөні, тегі            

Мемлекеттік аудит объектілерін алдын ала зерделеу нәтижелері
туралы ақпарат

      Ескерту. 10-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1. ____________________________________________________________
                  (мемлекеттік аудит объектілерінің атауы)
мемлекеттік аудит объектілерін алдын ала зерделеу барысында
_____________________________________________________________________
           (аудиторлық іс-шараның мақсаты көрсетіледі)
жүргізуге маңызы бар мынадай құжаттар зерделенді:
      1) ____________________________________________________________
             (зерделенген құжаттардың, есептердің және басқа да
    ақпараттың, соның ішінде қаржыландырудың бекітілген сомаларының
       тиісті бюджеттік бағдарлама бойынша бөлінуі мен игерілуін
   жылдар бөлінісінде көрсете отырып, мемлекеттік аудит объектісінен
          талап ету бойынша алынғандарының тізбесі көрсетіледі)
      2) ____________________________________________________________
      3) ____________________________________________________________
      (мемлекеттік (үкіметтік) бағдарламаға, стратегиялық жоспарға,
квазимемлекеттік сектор субъектісінің даму стратегиясына бағалау
жүргізген жағдайда, мемлекеттік (үкіметтік) бғдарламаны, даму
стратегиясын іске асыруға арналған жоспарлы шығыстар – қаржыландыру
көздері бөлінісінде, бекітілген сомалар–Бағдарламаны, даму
стратегиясын іске асыру жөніндегі іс-шаралар жоспарына сәйкес, нақты
бөлінген және игерілген сомалар – жылдар бөлінісінде, стратегиялық
жоспармен бекітілген бюджеттік бағдарламалар және
активтер–қаржыландыру көлемі, нақтыланған, түзетілген және игерілген
сомалары көрсетіле отырып, жылдар бөлінісінде, қол жеткізілген
нысаналы индикаторлардың, мемлекеттік (үкіметтік) бағдарлама,
стратегиялық жоспар, даму стратегиялары нәтижелері көрсеткіштерінің
саны жоспарланғандардың ішінен - кезеңдер бөлінісінде, қол
жеткізілмеген жағдайда себебі көрсетіледі, Бағдарламаны, даму
тратегияларын іске асыру жөніндегі іс-шаралар жоспары іс-шараларының
орындалғандарының/орындалмағандарының саны, орындалмаған жағдайда
себебі көрсетіледі)

      2. Мемлекеттік аудит объектісін алдын ала зерделеудің және
жүргізілген талдаудың қорытындысы бойынша мыналарды ұсынамыз:
      2.1. Аудит бағдарламасына мыналар енгізілсін:
      1) аудиторлық іс-шарамен қамтылатын бюджет қаражаты мен
активтердіңкөлемі____________________________________________________
      (тексерілетін жылдар және бюджеттік бағдарламалар бөлінісінде
       мемлекеттік аудитпен қамтылатын қаражат пен активтер көлемі
                               көрсетіледі)

      2) мемлекеттік аудит объектілері және оларды мемлекеттік
аудиторлар арасында бөлу, бірлескен және қатар тексеру жүргізілген
жағдайда, мемлекеттік органдар мен мемлекеттік аудит және қаржылық
бақылау органдарының арасында бөлу: _________________________________

      3) зерделенген мемлекеттік аудит объектілеріне қатысты
қолданылатын аудит типі мен тексеру түрі:____________________________

      4) тиімділік аудитін немесе сәйкестік аудитін жүргізу кезіндегі
көрсеткіштер және көрсеткіштердің әрбіреуіне мәселелер:
_____________________________________________________________________

      2.2. Аудиторлық іс-шарадан мынадай негіздер ___________________
                                         (тиісті негіздерді көрсету)
бойынша _______________ мемлекеттік аудит объектісі алынып тасталсын.
(мемлекеттік аудит объектісінің атауы)

      2.3. Аудиторлық іс-шаралар жүргізу мерзімі мынадай негіздер
__________________ бойынша қайта қаралсын (ұлғайтылсын/қысқартылсын).

Мемлекеттік аудит тобының жетекшісі       ___________________________
                                            (қолы, аты-жөні, тегі)

Мемлекеттік аудит тобына қатысушылар      ___________________________
                                            (қолы, аты-жөні, тегі)

Ескертпе: қажет болған жағдайда, 2.2, 2.3-тармақтар толтырылады.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
11-қосымша       

нысан

«Бекітемін»        
Республикалық бюджеттің  
aтқарылуын бақылау жөніндегі
есеп комитетінің Төрағасы
___________________________
А.Т.Ә. (болған жағдайда) 
(қолы)                  
201___ жылғы «___»__________

АУДИТ ЖОСПАРЫ

      Ескерту. 11-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

1. Аудиторлық іс-шараның (бірлескен, қатар тексерудің) негізі: ______
_____________________________________________________________________

2. Аудиторлық іс-шараның (бірлескен, қатар тексерудің) мақсаты:______

3. Мемлекеттік аудиттің типі, тексерудің түрі: ______________________

4. Мемлекеттік аудит объектілері:

5. Аудиторлық іс-шарамен (бірлескен, қатар тексерумен) қамтылатын
қаражаттың және (немесе) активтердің көлемі:_________________________

6. Аудиторлық іс-шарамен (бірлескен, қатар тексерумен) қамтылатын
кезең: ______________________

7. Аудиторлық іс-шараны (бірлескен, қатар тексеруді) жүргізу мерзімі:
______________________________________________________________аралығы

      Есеп комитетінің мүшесі: _______________ (қолы, аты-жөні, тегі)

      Ескертпе: Мемлекеттік аудит жүргізу жоспарын (бұдан әрі – Аудит жоспары) жасау.
      1. Аудиторлық іс-шараның (тексерудің) негізі.
      Есеп комитетінің мемлекеттік аудит объектілерінің жылдық тізбесіне сілтеме көрсетіледі.
      2. Аудиторлық іс-шараның (тексерудің) мақсаты.
      Жоспарланған мемлекеттік аудиттің тақырыбына (аудиторлық іс-шараның, бірлескен, қатар тексерудің атауы) және типіне қарай, мақсаты ретінде Мемлекеттік аудит туралы заңның 12-бабының 1, 2,  3-тармақтарында көзделген бағыттар көрсетіледі.
      3. Мемлекеттік аудит типі (тексеру түрі).
      Жүргізілетін мемлекеттік аудиттің тиісті типі: сәйкестік, қаржылық есептілік, тиімділік аудиті көрсетіледі. Тексеру жүргізілген жағдайда, оның түрі көрсетіледі. Үстеме тексеру жүргізілген кезде мемлекеттік аудиттің типі көрсетілмейді.
      4. Мемлекеттік аудит объектілері.
      Көрсетілген кестеде:
      1-бағанда – рет саны нөмірі;
      2-бағанда – барлық мемлекеттік аудит объектілерінің, соның  ішінде өңірлерде орналасқандардың толық атауы;
      3-бағанда – облысты, қаланы көрсете отырып, мемлекеттік аудит  объектісінің орналасқан жері толтырылады.
      5. Аудиторлық іс-шарамен (бірлескен, қатар тексерумен) қамтылатын қаражат және (немесе) активтер көлемі*.
      Жүргізілетін аудиторлық іс-шараның (бірлескен, қатар тексерудің) шеңберінде аудиторлық іс-шарамен (бірлескен, қатар тексерумен) қамтуға жататын республикалық бюджет қаражатының және (немесе) активтердің жалпы көлемі көрсетіледі.
      *Осы бөлім республикалық бюджетке түсетiн түсiмдердiң толықтығы мен уақтылылығына, республикалық бюджеттен түсетiн түсiмдер сомаларының қайтарылуына мемлекеттік аудит, салықтық және кедендiк әкiмшiлендірудің тиiмдiлiгiне аудит жүргізу кезінде толтырылмайды.
      6. Аудиторлық іс-шарамен (тексерумен) қамтылатын кезең. Мемлекеттік аудит объектілері қызметінің аудиторлық іс-шарамен (бірлескен, қатар тексерумен) қамтылатын кезеңі (күндері, айлары, жылдары) көрсетіледі.
      7. Аудиторлық іс-шараны (бірлескен, қатар тексеруді) жүргізу мерзімі.
      Аудиторлық іс-шараны (тексеруді) жүргізудің басталған және аяқталған күндері көрсетіледі.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
12-қосымша       

нысан

«Бекітемін»        
Республикалық бюджеттің  
aтқарылуын бақылау жөніндегі
есеп комитетінің мүшесі 
___________________________
А.Т.Ә. (болған жағдайда) 
(қолы)                  
201___ жылғы «___»__________

АУДИТ БАҒДАРЛАМАСЫ

      Ескерту. 12-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1. ____________________________________________________________
                 (мемлекеттік аудит объектісінің атауы)

      Аудиторлық іс-шараның (бірлескен, қатар тексерудің) мақсаты:
_____________________________________________________________________
_____________________________________________________________________

      Мемлекеттік аудиттің типі, тексерудің түрі: ___________________

      Аудиторлық іс-шарамен (бірлескен, қатар тексерумен) қамтылатын
кезең: ______________________________________________________________
_____________________________________________________________________

      Аудиторлық іс-шараны (бірлескен, қатар тексеруді) жүргізу
мерзімі: ____________________________________________________________
_______________________________ аралығы

      Мемлекеттік аудит тобының құрамы (мемлекеттік аудитор):
_____________________________________________________________________

      Аудиторлық іс-шарамен (бірлескен, қатар тексерумен) қамтылатын
қаражат және (немесе) активтер көлемі:

      Мемлекеттік аудит көрсеткіштері және көрсеткіштердің әрбіреуіне
аудиторлық іс-шараның (бірлескен, қатар тексерудің) мәселелері:______
_____________________________________________________________________

      Аудиторлық іс-шараның (бірлескен, қатар тексерудің) нормативтік
құқықтық және әдіснамалық қамтамасыз етілуі: ________________________
_____________________________________________________________________

      2. ____________________________________________________________
                    (мемлекеттік аудит объектісінің атауы)

Мемлекеттік аудитті жүргізуге             ___________________________
жауапты құрылымдық бөлімшенің               (қолы, аты-жөні, тегі)
басшысы

Мемлекеттік аудит тобының                 ___________________________
жетекшісі                                   (қолы, аты-жөні, тегі)

      Ескертпе: Мемлекеттік аудит жүргізу бағдарламасын (бұдан әрі – Аудит бағдарламасын) жасау.
      1. Аудиторлық іс-шара (тексеру) объектісінің атауы.
      Реттік нөмірі, мемлекеттік аудит объектісінің атауы көрсетіледі.
      2. Аудиторлық іс-шараның (тексерудің) мақсаты.
      Жоспарланған мемлекеттік аудиттің тақырыбына (аудиторлық іс-шараның (бірлескен, қатар тексерудің) атауы) және типіне қарай, мақсаты ретінде Мемлекеттік аудит туралы заңның 12-бабының 1, 2, 3-тармақтарында көзделген бағыттар көрсетіледі.
      3. Мемлекеттік аудиттің типі.
      Осы мемлекеттік аудит объектісінде жүргізілетін мемлекеттік аудиттің тиісті типі: сәйкестік, қаржылық есептілік, тиімділік аудиті көрсетіледі. Тексеру жүргізілген жағдайда, оның түрі көрсетіледі. Үстеме тексеру жүргізілген кезде мемлекеттік аудиттің типі көрсетілмейді.
      4. Аудиторлық іс-шарамен (бірлескен, қатар тексерумен) қамтылатын кезең.
      Мемлекеттік аудит объектісі қызметінің аудиторлық іс-шарамен (бірлескен, қатар тексерумен) қамтылатын кезеңі (күндері, айлары, жылдары) көрсетіледі.
      5. Аудиторлық іс-шараны (бірлескен, қатар тексеруді) жүргізу мерзімі.
      Аудиторлық іс-шараны (бірлескен, қатар тексеруді) жүргізудің басталған және аяқталған күндері көрсетіледі.
      6. Мемлекеттік аудит тобының құрамы (мемлекеттік аудитор).
      Осы мемлекеттік аудит объектісінде аудиторлық іс-шараны (бірлескен, қатар тексеруді) жүзеге асыратын Есеп комитеті қызметкер(лер)інің, мемлекеттік органдар мамандарының, мемлекеттік емес аудиторлық ұйымдардың және сарапшылардың (олар тартылған
жағдайда) аты-жөндері, тектері, лауазымдары көрсетіледі.
      7. Аудиторлық іс-шарамен (бірлескен, қатар тексерумен) қамтылатын қаражат көлемі*.
      Көрсетілген кесте бюджеттік бағдарламалар мен активтер бөлінісінде:
      1-бағанда – рет саны нөмірі;
      2-бағанда – осы мемлекеттік аудит объектісінде аудиторлық іс-шарамен (тексерумен) қамтылуға жататын бюджеттік бағдарламаның нөмірі мен атауы және активтер;
      3-бағанда – аудиторлық іс-шара (тексеру) жүргізілетін тиісті жыл, жартыжылдық, айлардың саны;
      4-бағанда – аудиторлық іс-шарамен (тексерумен) қамтылуға жататын республикалық бюджет қаражатының және активтердің көлемітолтырылады.
      4-бағанның соңында осы мемлекеттік аудит объектісінде аудиторлық іс-шарамен (тексерумен) қамтылуға жататын республикалықбюджет қаражаты мен активтер көлемінің жиынтық сомасы көрсетіледі.
      Осы мемлекеттік аудит объектісіне мемлекеттік органдардың мамандары, мемлекеттік емес аудиторлық ұйымдардың қызметкерлері және сарапшылар тартылған жағдайда, олардың аты-жөндері, тектері, лауазымдары, мемлекеттік органның, мемлекеттік емес аудиторлық ұйымның атауы көрсетіледі.
      *Осы бөлім республикалық бюджетке түсетiн түсiмдердiң толықтығы мен уақтылылығына, республикалық бюджеттен түсетiн түсiмдер сомаларының қайтарылуына, салықтық және кедендiк әкiмшiлендірудің тиiмдiлiгiне мемлекеттік аудит жүргізу, талдамалық іс-шара жүргізу кезінде толтырылмайды.
      8. Мемлекеттік аудит көрсеткіштері және көрсеткіштердің әрбіреуіне аудиторлық іс-шараның (бірлескен, қатар тексерудің) мәселелері.
      Мемлекеттік аудит көрсеткіштері және көрсеткіштердің әрбіреуіне аудиторлық іс-шараның (бірлескен, қатар тексерудің) мәселелері Мемлекеттік аудит туралы заңның 12-бабының 1, 2, 3-тармақтарында көзделген бағыттарға сәйкес көрсетіледі.
      9. Аудиторлық іс-шараны (бірлескен, қатар тексеруді) нормативтік құқықтық және әдіснамалық қамтамасыз ету.
      Аудиторлық іс-шара (бірлескен, қатар тексеру) барысында пайдаланылатын Қазақстан Республикасы нормативтік құқықтық актілерінің, сыртқы мемлекеттік аудит және қаржылық бақылаудың рәсімдік стандарттарының және Есеп комитетінің әдіснамалық құжаттарының тізбесі көрсетіледі.
      Мемлекеттік аудиттің келесі объектілері бойынша мәліметтер осындай тәртіппен толтырылады.

Есеп комитетінің сыртқы мемлекеттік аудит
және қаржылық бақылау жүргізу қағидаларына
13-қосымша                 

                                                       нысан

                                 «Бекітемін»
                                 Республикалық бюджеттің
                                 атқарылуын бақылау жөніндегі
                                 есеп комитетінің мүшесі
                                 ____________________________
                                 20___ жылғы «___»___________

                   Аудиторлық тапсырма

Есеп комитетінің қызметкері (аудитке тартылған маман, мемлекеттік
емес аудитор, сарапшы) ______________________________________________
                                (аты-жөні, тегі, лауазымы)
Аудиторлық іс-шараның (тексерудің) атауы: ___________________________
Аудиторлық іс-шараның (тексерудің) жалпы мерзімі: ___ күнтізбелік күн

Мемлекеттік аудитті жүргізуге жауапты
құрылымдық бөлімше басшысы ___________________________________
                                 (қолы, аты-жөні, тегі)
Мемлекеттік аудит тобының жетекшісі __________________________
                                      (қолы, аты-жөні, тегі)
Есеп комитетінің қызметкері (аудитке тартылған маман, мемлекеттік
емес аудитор) ___________________________
                 (қолы, аты-жөні, тегі)

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
14-қосымша       

нысан

Аудиторлық іс-шара жүргізуге
ТАПСЫРМА

      Ескерту. 14-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

(Үстеме (бірлескен, қатар) тексеру жүргізуге тапсырма)
(Тексеру тағайындау туралы акт)

      «Мемлекеттік аудит және қаржылық бақылау туралы» Қазақстан
Республикасы Заңының __ бабына және Республикалық бюджеттің
атқарылуын бақылау жөніндегі есеп комитетінің мемлекеттік аудит
объектілерінің 20__ жылға арналған тізбесіне сәйкес,
_____________________________________________________________________
   (Есеп комитеті аудиторлық іс-шара (тексеру) жүргізу тапсырған
            қызметкерінің Т.А.Ә. мен лауазымы көрсетіледі)
_____________________________________________________________________
(мемлекеттік аудит объектісінің ұйымдық-құқықтық нысаны, толық атауы,
_____________________________________________________________________
   оның орналасқан жері, ЖСН, БСН, басшысының Т.А.Ә. көрсетіледі)
____________________________________________________ мәселесі бойынша
аудиторлық іс-шара (үстеме, бірлескен, қатар тексеру) жүргізу
тапсырылады.

      Аудиторлық іс-шараның мақсаты _________________________________

      Мемлекеттік аудиттің типі ____________________________________*

      Тексерудің түрі _______________________________________________

      Аудиторлық іс-шарамен (тексерумен) қамтылатын кезең ___________

      Аудиторлық іс-шара (тексеру) жүргізудің мерзімі________ аралығы

      Салық құпиясын құрайтын мәліметтерге рұқсаты бар лауазымды
адамдар ____________**

      Есеп комитетінің мүшесі              __________________________
                                             (қолы, аты-жөні, тегі)

      Аудиторлық іс-шараның (тексерудің) мерзімі ____ жылғы «__»_____
бастап, ____ жылғы «__» ______ дейін ұзартылды.*

      Есеп комитетінің Төрағасы               _______________________
                                              (қолы, аты-жөні, тегі)

      *Үстеме тексеру жүргізілген кезде көрсетілмейді.
      ** - салық құпиясын құрайтын мәліметтерге мемлекеттік аудит
объектілерінің рұқсат беруін көздейтін тексерулерді жүргізу кезінде
көрсетіледі.

      Ескертпе: Аудиторлық іс-шара (тексеру) жүргізуге тапсырманы
(бұдан әрі – Тапсырма) жасау.
      Тапсырма мынадай деректерді:
      нөмірі мен берілген күнін;
      аудиторлық іс-шара (тексеру) жүргізу тапсырылған Есеп комитеті қызметкер (лер) інің тегін, атын, әкесінің атын (болған жағдайда) және лауазымын, аудиторлық іс-шара (тексеру) жүргізуге тартылған мемлекеттік органдар мамандарының, мемлекеттік емес аудиторлық ұйымдар қызметкерлерінің және (немесе) сарапшылардың тегін, атын, әкесінің атын (болған жағдайда);
      Есеп комитетінің аудиторлық іс-шара (тексеру) жүргізуге жауапты мүшесінің аты-жөні мен тегін, оның қолын, не оның міндетін атқарушы адамның деректерін, сондай-ақ Есеп комитетінің мөрін;
      бастапқыда белгіленген аудиторлық іс-шара (тексеру) мерзімі асып кеткен жағдайда, күнін көрсете отырып, аудиторлық іс-шара (тексеру) мерзімінің ұзартылғаны туралы мәліметтерді қамтиды.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
15-қосымша       

нысан

күні, айы, жылы     

Мемлекеттік аудит объектісінің басшысы    
(министрліктің, агенттіктің жауапты хатшысы)
___________________________________________
(аты-жөні, тегі)           

Мемлекеттік аудит объектісі басшысының
міндеттерін атқару жөніндегі талап

      Ескерту. 15-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1. «Мемлекеттік аудит және қаржылық бақылау туралы» Қазақстан
Республикасы Заңының (бұдан әрі – Мемлекеттік аудит туралы заң)
21-бабына, 37-бабының 2-тармағына сәйкес мемлекеттік аудит
объектісінің басшысы:
      1) мемлекеттiк аудит және қаржылық бақылау органының
қызметкерлерiн жұмыс орындарымен қамтамасыз етуге;
      2) мемлекеттiк аудит және қаржылық бақылау органының
қызметкерлерiн мемлекеттiк аудитті жүзеге асыру үшiн сұратылып
отырған барлық қажеттi ақпаратпен ___________________________________
                                        (басшысының немесе бас
_____________________________________________________________________
бухгалтерінің қолы қойылған қажетті құжаттар мен ақпараттың тізбесі
                               көрсетіледі)
_______________________________ дейін қамтамасыз етуге;
      (күні көрсетіледі)
      3) мемлекеттiк қаржылық бақылау органы қызметкерлерiнiң
ақпараттық және есептік жүйелерге, соның ішінде ЭҚАБЖ-ға кіруін
қамтамасыз етуге;
      4) мемлекеттiк аудит және қаржылық бақылау органы
қызметкерлерiнiң iс-әрекеттерiне араласпауға, мемлекеттік аудит
жүргiзуге кедергi келтiрмеуге;
      5) аудиторлық іс-шараның нәтижелерiмен келiспеген жағдайда,
Аудиторлық есепке жазбаша қарсылықтарын Есеп комитетіне қол қойылған
Аудиторлық есеп мемлекеттік аудит объектісіне берілген күннен бастап
он жұмыс күнінен аспайтын мерзімде ұсынуға міндетті.
      2. Мемлекеттік аудит туралы заңның 21-бабы және 37-бабының
2-тармағы негізінде мемлекеттiк аудит және қаржылық бақылау
органдарының лауазымды адамдарына олардың өз құзыреттерiне сәйкес
қызметтiк мiндеттерiн орындауда аудит жүргiзуге жiберуден бас тарту,
қажеттi құжаттарды, материалдарды, қызмет туралы ақпаратты және өзге
де мәлiметтердi беруден бас тарту, анық емес ақпарат беру түрiндегi
кедергi келтiру, аудитті жүзеге асыруға өзге де кедергi жасау
«Әкімшілік құқық бұзушылық туралы» Қазақстан Республикасы Кодексінің
(бұдан әрі – ӘҚтК) 462-бабына сәйкес әкімшілік құқық бұзушылық туралы
ӘҚтК-нің 803-бабына сәйкес хаттаманы жасай отырып әкімшілік
жауаптылыққа әкеп соқтырады.

      Есеп комитетінің қызметкері ___________________________________
                                    (лауазымы, аты-жөні, тегі, қолы)

Есеп комитетінің сыртқы мемлекеттік аудит
және қаржылық бақылау жүргізу қағидаларына
16-қосымша                 

                                                       нысан

             Мемлекеттік аудит объектісіне жіберуден
                   бас тарту фактісі бойынша
                              АКТ

___________ қаласы                      20__жылғы «__» _________

      «Мемлекеттік аудит және қаржылық бақылау туралы» Қазақстан
Республикасы Заңының (бұдан әрі – Мемлекеттік аудит туралы заң)
36-бабының 1-тармағына, Республикалық бюджеттің атқарылуын бақылау
жөніндегі есеп комитетінің мемлекеттік аудит объектілерінің ____
жылға арналған тізбесіне сәйкеc
_____________________________________________________________________
             (тексерілетін органның, мекеменің, ұйымның атауы)
_____________________________________ аудиторлық іс-шара жүргізіледі.
    (аудиторлық іс-шараның атауы)
Тексерілетін объектінің лауазымды адамы _____________________________
                                       (лауазымы, аты-жөні және тегі)
оларға аудиторлық іс-шара жүргізуге Тапсырманың (тексеруді тағайындау
туралы актінің) көрсетілгеніне қарамастан, тексерілетін объектіге
_____________________________________________________________________
           (тексерілетін органның, мекеменің, ұйымның атауы)
_____________________________________________________________________
      (Есеп комитеті қызметкерінің лауазымы, аты-жөні және тегі)
жіберуден бас тартты.
      Бұл Мемлекеттік аудит туралы заңның 36-бабы 1-тармағының 1)
тармақшасын және 37-бабының 2-тармағын бұзу болып табылады және
Қазақстан Республикасының заңнамасына сәйкес лауазымды адамдардың
жауапты болуына әкеп соғады.
      Осы Акт екі данада жасалды, оның бірі _________________________
                                      (органның немесе ұйымның атауы)
басшысы (лауазымды адамы)________________________________ тапсырылды.
                          (лауазымы, аты-жөні және тегі)

      Қолдары:
      Республикалық бюджеттің атқарылуын бақылау жөніндегі есеп
комитеті атынан _____________________________________________________
                       (лауазымы, аты-жөні және тегі, қолы)

      Актінің бір данасын алдым _____________________________________
           (лауазымы, аты-жөні және тегі, қолы, қол қоюдан бас тарқан
                   кезде – алудан бас тартты деп көрсетіледі)

Есеп комитетінің сыртқы мемлекеттік аудит
және қаржылық бақылау жүргізу қағидаларына
17-қосымша                 

                Бақылау өлшемі (тексеріп қарау)
                             АКТІСІ

_________________                        ______________________
(жасалған орны)                             (жасалған күні)

      Есеп комитеті мүшесінің 20__жылғы __________ Тапсырмасына
сәйкес жүргізілген ______________________ мемлекеттік аудит барысында
       (аудиторлық іс-шараның, тексерудің атауы)
_____________________________________________________________________
              (мемлекеттік аудит объектiсінiң атауы)
объектісінде Есеп комитетінің қызметкер(лер)i (сарапшы, маман)
_____________________________________________________________________
     (мемлекеттік аудитордың және аудитке тартылған сарапшылардың,
       мамандардың аты-жөндерi, тектері, лауазымдары көрсетіледі)
_____________________________________________________________________
(мемлекеттік аудит объектісінің, тапсырыс берушінің, мердігердің және
_____________________________________________________________________
      тағы басқаның өкілдерінің аты-жөндері, тектері, лауазымдары
                  көрсетіледі) өкiлдердің қатысуымен
_____________________________________________________________________
    (объекті және бақылау өлшемі (тексеріп қарау) мәні көрсетіледі)
  анықтығын растау мақсатында бақылау өлшемі (тексеріп қарау) жүзеге
асырылып, нәтижесінде
_____________________________________________________________________
   (бақылау өлшемінің (тексеріп қараудың) нәтижелері көрсетіледі)
анықталды.
      Актіге қосымша ________________________________________________
                      (тексеріп қарауға байланысты түсініктеме, фото
                                және басқа да материалдар)

      Есеп комитетінің қызметкер(лер)і (аудитке тартылған сарапшы,
маман):
_______________________________          ________________________
        (лауазымы)                        (қолы, аты-жөнi, тегі)
      Мемлекеттік аудит объектісінің, тапсырыс берушінің мердігердің
және тағы басқаның өкілдері:
_______________________                  ________________________
        (лауазымы)                        (қолы, аты-жөнi, тегі)
_______________________                  ________________________
        (лауазымы)                        (қолы, аты-жөнi, тегі)
Актінің жасалған даналарының саны: ______________________________
                                        (адресат көрсетіледі)

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
18-қосымша       

нысан

Анықталған бұзушылықтар мен кемшіліктер туралы туралы апта
сайынғы есеп

      Ескерту. 18-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Аудиторлық іс-шара: «_________________________________________»
      Жүргізу мерзімі: басталған және аяқталған күні: 20__ жылғы
      _______________________________ аралығы
      Мемлекеттік аудиттің типі: _________________________________

      Мемлекеттік аудитордың ( мемлекеттік аудит тобы жетекшісінің) аты-жөні _______________

Есеп комитетінің сыртқы мемлекеттік аудит
және қаржылық бақылау жүргізу қағидаларына
19-қосымша                 

                                                       нысан

      Ескертпе: Аудиторлық есеп бланкісінің сипаттамасы.
      1. Аудиторлық есептің бірінші парағы А4 форматындағы қатаң
есептілік бланкісінде ресімделеді.
      2. Есеп комитетінің ресми атауы мемлекеттік және орыс
тілдерінде көк түспен көрсетіледі. Деректеме бланкінің жоғары
жағында, Есеп комитеті логотипінің түрлі-түсті бейнесінің жоғарғы
нүктесі мен ортасының аралығындағы деңгейде орналасады. Осы деректеме
ортаға орнату тәсілімен бейнеленеді.
      3. Бланкінің төменгі оң жағында оның реттік нөмірі көрсетіледі.
      4. Аудиторлық есепті ресімдеген кезде бланкінің сол жағында,
парақтың тігінен алғанда ортасында «Көшірме жасауға тыйым салынады.
Снятие копий запрещается» деген сөздер орналастырылады.
      5. Аудиторлық есептің қалған парақтары су белгісі түрінде
орындалған «Есеп комитеті» «1(2) дана» деген сөздермен парақтың
диагоналі бойынша А4 форматындағы парақтарда толтырылады.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
20-қосымша       

нысан

Аудиторлық есеп

      Ескерту. 20-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

_________________                         20___ жылғы «___» _________
(жасалған орны)                                 №___

      Мемлекеттік аудит объектісінің атауы: _________________________
      Мемлекеттік аудиттің типі, тексерудің түрі: ___________________
      Мемлекеттік аудит жүргізуге тапсырма (Тексеру тағайындау туралы
акт) ________________________________________________________________
      Мемлекеттік аудитті _________________________________ жүргізді.
      Мемлекеттік аудиттің мақсаты: _________________________________
      Мемлекеттік аудитпен қамтылған кезең __________________________
      Мемлекеттік аудит жүргізу мерзімі _____________________ аралығы
      Мемлекеттік аудит объектісінің лауазымды адамдары _____________
      Алдыңғы мемлекеттік аудиттің нәтижелері туралы мәліметтер: ____
      Жүргізіліп отырған мемлекеттік аудиттің нәтижелері туралы
мәліметтер: _______________
      Мемлекеттік аудит жүргізудегі кедергілер: _____________________
      Мемлекеттік аудит барысында қабылданған шаралар: ______________
      Қосымшалар: ___________________________________________________

      Есеп комитетінің қызметкер(лер)і: ___________ _________________
                                    (лауазымы) (қолы, аты-жөні, тегі)

      Аудитке тартылған мемлекеттік органдардың мамандары,
мемлекеттік емес аудиторлық ұйымдардың қызметкерлері, сарапшылар
      _____________________             _____________________________
           (лауазымы)                       (қолы, аты-жөні, тегі)

      Аудиторлық есеп екі данада жасалды: ___________________________

      Ескертпе: Аудиторлық есепті жасау.
      Аудиторлық есептің жоғары бөлігінде оның жасалған орны (қаланың, басқа да елді мекеннің (ауыл, кент және тағы басқаларының) атауы)), Аудиторлық есептің жасалған күні, Аудиторлық есеп данасының нөмірі көрсетіледі (№ 1 дана – Есеп комитеті үшін, № 2 дана – мемлекеттік аудит объектісі үшін жасалады. Бірлескен тексеру кезінде № 1 дана – Есеп комитеті үшін, № 2 дана – бірлескен тексеруге қатысушы мемлекеттік орган үшін, № 3 дана – мемлекеттік аудит объектісі үшін жасалады).
      Аудиторлық есепте мынадай деректер көрсетіледі:
      1. Мемлекеттік аудит объектісі. Мемлекеттік аудит объектісінің толық атауы, мемлекеттік тіркеу туралы деректері, банктік және салықтық деректемелері, БСН (ЖСН) көрсетіледі.
      2. Мемлекеттік аудит типі, тексерудің түрі.
      Осы мемлекеттік аудит объектісінде жүргізілетін мемлекеттік аудиттің тиісті типі: сәйкестік, қаржылық есептілік, тиімділік аудиті көрсетіледі. Тексеру жүргізілген жағдайда, оның түрі көрсетіледі. Үстеме тексеру жүргізілген кезде мемлекеттік аудиттің типі көрсетілмейді.
      3. Мемлекеттік аудит жүргізуге тапсырма (Тексеру тағайындау туралы акт).
      Тапсырманың күні мен нөмірі, Тапсырмаға қол қойған лауазымды адамның аты-жөні, тегі, лауазымы көрсетіледі.
      4. Мемлекеттік аудитті жүргізді.
      Мемлекеттік аудитті жүргізген Есеп комитеті қызметкерінің, мемлекеттік аудитті жүргізуге тартылған мемлекеттік органдар мамандарының, мемлекеттік емес аудиторлық ұйымдар қызметкерлерінің және сарапшылардың аты-жөні, тегі, лауазымы көрсетіледі.
      5. Мемлекеттік аудиттің мақсаты.
      Аудит Бағдарламасына сәйкес, мемлекеттік аудиттің мақсаты көрсетіледі.
      6. Мемлекеттік аудитпен қамтылған кезең.
      Мемлекеттік аудит объектісі қызметінің тексерілген кезеңі көрсетіледі (Аудит бағдарламасына сәйкес келеді).
      7. Мемлекеттік аудит жүргізу мерзімі.
      Осы мемлекеттік аудит объектісінде мемлекеттік аудитті жүргізудің басталған және аяқталған күні көрсетіледі (Аудит бағдарламасына сәйкес келеді).
      8. Мемлекеттік аудит объектісінің лауазымды адамдары.
      Мемлекеттік аудит объектісінің келісімімен мемлекеттік аудит жүзеге асырылған лауазымды адамдарының аты-жөні, тегі, сондай-ақ мемлекеттік аудит объектісінің мемлекеттік аудитпен қамтылған кезеңде жұмыс істеген және құжаттарға қол қою құқығы болған лауазымды адамдарының аты-жөні, тегі көрсетіледі.
      9. Алдыңғы мемлекеттік аудиттің нәтижелері туралы мәліметтер.
      Басқа мемлекеттік қаржылық бақылау органдары мен құқық қорғау органдарының бұрын қамтыған, тек тексеру мәні Есеп комитеті жүргізген мемлекеттік аудиттің мәселелерімен сәйкес келетін мәселелер бойынша қысқаша мәліметтер, мемлекеттік аудит объектісінің анықталған бұзушылықтарды жою жөнінде қабылдаған шаралары көрсетіледі. Есеп комитетінің бақылауда тұрған Аудиторлық қорытындылары (Нұсқамалары) бойынша орындалу мерзімі өткен тапсырмалық тармақтар бойынша шаралар көрсетіледі.
      10. Жүргізіліп отырған мемлекеттік аудит нәтижелері туралы мәліметтер.
      Аудиторлық есептің осы бөлімінде жүргізілген мемлекеттікаудиттің нәтижелері туралы мемлекеттік аудит мақсатына қол жеткізілгенін растауға жеткілікті мәліметтер көрсетіледі. Аудит бағдарламасының мәселелеріне жауаптар тіркеледі, бұл ретте Аудитбағдарламасының әрбір мәселесінің атауы көрсетіледі.
      Тиімділік аудитінің немесе сәйкестік аудитінің нәтижелері бойынша Аудиторлық есепте тиімділік аудитінің немесе сәйкестік аудитінің қолданылған көрсеткіштерінің сипаттамасы немесе тиісті аудиторлық құжаттамаға сілтеме қамтылады.
      Аудит бағдарламасының мәселелеріне жауаптар толық, дәл, объективті және қысқаша жазылады. Аудиторлық есепке қосымшаларда егжей-тегжейлі ақпарат көрсетіле отырып, тексерілетін мәселелер бойынша мемлекеттік аудит объектісі қызметінің нәтижелері Аудиторлықесепте жинақталған түрде тіркеледі.
      Аудиторлық есепте жүргізілген үстеме тексерудің, бақылау өлшемдерінің (тексеріп қараулардың) нәтижелері көрсетіледі, сондай-ақ бұзушылық фактілері, соның ішінде мемлекеттік аудит объектісі болып табылмайтын басқа да мемлекеттік органдардың бөлінетін бюджеттікбағдарлама қаражатын пайдалану кезінде жасағандары баяндалады.
      Мемлекеттік аудит мәселелері бойынша бұзушылықтар анықталған жағдайда, бұзушылықтың әрбір фактісі жалғаспалы тәртіппен нөмірленеді және ережелері бұзылған нормативтік құқықтық актілердің және құқықтық актілердің баптарына, тармақтарына және тармақшаларына сілтеме жасала отырып, бұзушылықтың сипаттамасы мен түрін сипаттау арқылы жеке тармақта (1-тармақ, 2-тармақ және тағы басқа) тіркеледі және тиісті
бұзушылыққа дәлел болатын құжаттар көрсетіледі.
      Егер, талдамалық сипаттағы мәселелерді қоспағанда, Аудит бағдарламасы мәселесі бойынша бұзушылықтар анықталмаса, қысқаша ақпарат беріледі және «Бағдарлама мәселесі (атауы) тексерілді. «Бұзушылықтар анықталмады.» деген жазба жасалады. Аудиторлық есепте тексеру жүргізілген құжаттардың деректемелері көрсетіле отырып, олардың тізбесі қоса беріледі.
      Мемлекеттік аудитті жүзеге асыратын қызметкерлер жүргізілетін мемлекеттік аудиттің типіне және мақсатына қарай Аудиторлық есепке қосымшалар ретінде ресімделетін мынадай кестелерді толтырады:
      1) 1-кесте. Әкімшілердің мемлекеттік аудитпен қамтылғанбюджеттік бағдарламаларды (кіші бағдарламаларды) орындауы туралы ақпарат;
      2) 2-кесте. Құрылыс жұмыстарының орындалған (қабылданған) көлемі және құрылыс объектілерін пайдалануға берудің уақтылылығы туралы ақпарат;
      3) 3-кесте. ____ жылы объектілерді салу және реконструкциялау құнының қымбаттағаны туралы мәліметтер (қымбаттаған жағдайда);
      4) 4-кесте. Квазимемлекеттік сектор субъектілеріне жарғылық капиталын толықтыруға бөлінген бюджет қаражатының пайдаланылуы туралы мәліметтер.
      Мемлекеттік аудитті жүзеге асырып жатқан қызметкерлер Аудиторлық есепке қосымша болып табылатын өзге де қажетті кестелер жасауы мүмкін. Аудиторлық есепте көрсетілген қосымшаларға сілтеме жасау міндетті.
      11. Мемлекеттік аудитті жүргізудегі кедергілер. Мемлекеттік аудит объектісі лауазымды адамдарының Есеп комитеті қызметкерлерінің мемлекеттік аудит жүргізуіне кедергі келтіру фактілері туралы мәліметтер көрсетіледі.
      Есеп комитетінің қызметкері әкімшілік құқық бұзушылықтыңжасалғаны туралы хаттама жасаған жағдайда, оның нөмірі және күні көрсетіледі (хаттама мемлекеттік аудит объектісінің лауазымды адамдары мемлекеттік аудит объектісіне жіберуден бас тартқан кезде, мемлекеттік аудит жүргізу үшін қажетті құжаттарды ұсынбаған немесе анық емес, объективті емес және (немесе) толық емес ақпаратты, материалдарды және өзге де мәліметтерді ұсынған кезде, Аудиторлық есепке қол қоюдан бас тартқан немесе қол қойылған Аудиторлық есепті бермеген кезде жасалады).
      12. Мемлекеттік аудит барысында қабылданған шаралар.
      Мемлекеттік аудит барысында анықталған бұзушылықтарды жою жөнінде мемлекеттік аудит объектісінің қабылдаған шаралары туралы мәліметтер көрсетіледі (салықтарды, айыппұлдарды, өсімпұлдарды қосымша есептеу, негізсіз пайдаланылған қаражатты бюджетке өтеу, бухгалтерлік есеп пен қаржылық есептілік бойынша қаражатты қалпына келтіру, тауарлар, жұмыстар мен көрсетілетін қызметтер бойынша өнім берушілердің шарттық міндеттемелерін орындауы, мемлекеттік аудит объектісінің лауазымды адамдарына қатысты қабылданған тәртіптік жазалау шаралары және басқалар).
      13. Қосымшалар:
      Аудиторлық есепке осы Қағидалардың 185-тармағында көзделген аудиторлық дәлелдемелер қоса беріледі.
      14. Мемлекеттік аудитті жүргізген Есеп комитетіқызметкерлерінің (мемлекеттік аудит жүргізуге тартылған мемлекеттік органдар мамандарының, мемлекеттік емес аудиторлық ұйымдар қызметкерлерінің, сарапшылардың) қолдары.
      Аудиторлық есептің соңғы бетінде адресатты және бланк нөмірін көрсете отырып, Аудиторлық есептің екі данада (Аудиторлық есептің № 1 данасы – Есеп комитетіне, Аудиторлық есеп бланкісінің №__; № 2 дана – мемлекеттік аудит объектісіне, бланк № __) жасалғаны туралы жазба жасалады.
      Мемлекеттік аудитті жүргізген мемлекеттік аудиторлар екіншіпарағынан бастап, Аудиторлық есептің барлық беттеріне қол қояды.
      Мемлекеттік аудит объектісінде бірыңғай топ бірлескен тексеру жүргізген кезде Аудиторлық есеп Есеп комитетінің бланкісінде үш данада ресімделеді, оның бірінші данасы – Есеп комитетіне, екінші данасы – бірлескен тексеруге қатысушы мемлекеттік органға, үшіншіданасы – мемлекеттік аудит объектісіне беріледі.

20___ жылғы «____» _________
Аудиторлық есепке №__ қосымша

1-кесте. Мемлекеттік аудитпен қамтылған бюджеттік
бағдарламалардың (кіші бағдарламалардың) орындалуы туралы
ақпарат

(мың теңге)

20___ жылғы «____» _________
Аудиторлық есепке №__ қосымша

2-кесте. Құрылыс жұмыстарының көлемін орындау және құрылыс
объектілерін пайдалануға берудің уақтылылығы туралы ақпарат

20___ жылғы «____» _________
Аудиторлық есепке №__ қосымша

3-кесте. ___ жылы объектілерді салу және реконструкциялау
құнының қымбаттағаны туралы мәліметтер

20___ жылғы «____» _________
Аудиторлық есепке №__ қосымша

4-кесте. Квазимемлекеттік сектор субъектілеріне жарғылық
капиталын толықтыруға бөлінген бюджет қаражатының
пайдаланылуы туралы мәліметтер

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
21-қосымша       

нысан

Аудиторлық іс-шараның нәтижелері бойынша анықталған
бұзушылықтар мен кемшіліктердің
ТІЗІЛІМІ

      Ескерту. 21-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

(Мемлекеттік аудит нәтижелері бойынша анықталған
бұзушылықтар мен кемшіліктердің ЖИЫНТЫҚ ТІЗІЛІМІ)

      1) қаражат бюджетке түскен кезде (мың теңге)

      кестенің жалғасы

      2) бюджет қаражаты мен активтерді пайдалану кезінде (мың теңге)

      кестенің жалғасы

      кестенің жалғасы

      кестенің жалғасы

      3) мемлекеттік аудит объектісі қызметіндегі өзге де заңнама бұзушылықтары, сондай-ақ оның міндеттері мен функцияларын іске асыруға байланысты кемшіліктер мен олқылықтар

      Есеп комитетінің мемлекеттік аудит жүргізген қызметкерлері
                                            _________________________
                                             (қолы, аты-жөні, тегі)

      *Келісілді: Есеп комитетінің аудиторлық іс-шараға жауапты мүшесі                     ________________________
                            (қолы, аты-жөні, тегі)

      *Мемлекеттік аудитті жүргізген аудит тобының жетекшісі мен қатысушылары Есеп комитетінің аудиторлық іс-шараға жауапты мүшесімен
келісілетін Аудиторлық қорытындыға қоса берілетін Анықталған бұзушылықтардың жиынтық тізіліміне қол қояды.

      Ескертпе: Мемлекеттік аудит нәтижелері бойынша анықталған бұзушылықтар мен кемшіліктердің тізілімін (Жиынтық тізілімін) толтыру. Анықталған бұзушылықтар мен кемшіліктердің тізілімі әрбір мемлекеттік аудит объектісінде толтырылып, Аудиторлық есепке қоса беріледі.
      Анықталған бұзушылықтар мен кемшіліктердің жиынтық тізілімі мемлекеттік аудит объектілерінің қарсылықтары қаралғаннан кейін сапаны ақылаудың қорытындысы ескеріле отырып, Аудиторлық қорытындыға қоса беріледі.
      Анықталған бұзушылықтар мен кемшіліктердің тізілімі (Жиынтық тізілімі) Есеп комитетінің ____ «__» ____ № __ нормативтік қаулысымен бекітілген Мемлекеттік аудит және қаржылық бақылау объектілерінде анықталатын бұзушылықтар сыныптауышына (бұдан әрі – Сыныптауыш) сәйкес жасалады.

      1-бөлім. Қаражат бюджетке түскен кезде:
      «Р/с №» деген 1-бағанда – мемлекеттік аудит объектілерінің реттік нөмірлері (1, 2, 3 және т.б.) көрсетіледі;
      «Жыл» деген 2-бағанда – есепті кезеңдер көрсетіле отырып, мемлекеттік аудитпен қамтылған кезең көрсетіледі;
      «Мемлекеттік аудит объектісінің атауы» деген 3-бағанда – мемлекеттік кірістер органдары, квазимемлекеттік сектор субъектілері, сондай-ақ алықтық емес төлемдер бойынша уәкілетті органдар көрсетіледі;
      «Мемлекеттік аудит объектісінің БСН-і» деген 4-бағанда – мемлекеттік аудит объектісінің бизнес-сәйкестендіру нөмірі (болған жағдайда) rөрсетіледі;
      «Өңірдің коды» деген 5-бағанда мемлекеттік аудит объектісі тіркелген аумақтың коды көрсетіледі;
      «ББС бойынша бюджетке түсетін түсімдер коды» деген 6-бағанда – Қазақстан Республикасының Бірыңғай бюджеттік сыныптамасына (бұдан әрі – ББС) сәйкес бюджет түсімдерінің коды көрсетіледі;
      «Бюджетке түсетін түсімдер бойынша анықталған қаржылық бұзушылықтардың жалпы сомасы» деген 7-бағанда – түсімдер бойынша анықталған қаржылық бұзушылықтардың жалпы сомасы, оның ішінде 8-бағанда – бюджетке түсуге жататын бұзушылық сомасы, 9-бағанда – мемлекеттік аудит барысында түскен бұзушылық сомасы көрсетіледі;
      «Бюджетке түсетін қаражаттың уақтылы, толық есепке жатқызылмауы» деген 10-бағанда – қазынашылық органдарының уақтылы және толық есепке жатқызбаған бюджетке түсетін түсімдердің жалпы сомасы, оның ішінде 11-бағанда – бюджетке түсуге жататын, уақтылы, толық есепке жатқызылмаған қаражат сомасы, 12-бағанда – бюджетке түскен қаражаттың уақтылы, толық есепке жатқызылмауына жүргізілген мемлекеттік аудит барысында түскен сома көрсетіледі;
      «Артық (қате) төленген түсімдер сомаларын бюджеттен қайтаруды және (немесе) есепке жатқызуды Қазақстан Республикасының заңнамасын бұза отырып жүзеге асыру» деген 13-бағанда – бюджеттен қайтарылуы Қазақстан Республикасының заңнамасын бұза отырып жүзеге асырылған бюджетке түскен түсімдердің сомасы, оның ішінде 14-бағанда – Қазақстан Республикасының заңнамасын бұза отырып артық (қате) төленген түсімдер сомаларын бюджеттен қайтарудың және (немесе) есепке жатқызудың түсуге жататын сомасы, 15-бағанда – Қазақстан Республикасының заңнамасын бұза отырып артық (қате) төленген түсімдер сомаларын бюджетке қайтаруға және (немесе) есепке жатқызуға мемлекеттік аудит жүргізу барысында түскен сомасы көрсетіледі;
      «Мемлекеттік кірістер органдарының салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің толықтығы мен уақтылылығын қамтамасыз етпеуі» деген 16-бағанда – салықтық және кедендік әкімшілендіру шараларының қамтамасыз тілмеуіне байланысты, бюджетке түспеген салықтардың, әкімшілік айыппұлдардың, кедендік және басқа да міндетті төлемдердің сомалары, оның ішінде 17-бағанда – мемлекеттік кірістер органдары толықтығы мен уақтылылығын қамтамасыз етпеген салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің бюджетке түсуге жататын сомасы, 18-бағанда – мемлекеттік кірістер органдары толықтығы мен уақтылылығын қамтамасыз етпеген салық түсімдеріне, әкімшілік айыппұлдарға, кедендік және бюджетке төленетін басқа да міндетті төлемдерге мемлекеттік аудит жүргізу барысында бюджетке түскен сомасы көрсетіледі;
      «Салықтар және бюджетке төленетін басқа да міндетті төлемдердің, сондай-ақ салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен сомалардың, қарыздардың бюджетке түсуін бақылауды жүзеге асыратын уәкілетті органдардың толық өндіріп алмауы және уақтылы аудармауы» деген 19-бағанда – уәкілетті органдардың толық өндіріп алмауы және уақтылы аудармауы салдарынан бюджетке түспеген (бюджетке уақтылы түспеген) салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен сомалар, қарыздардың сомалары, оның ішінде 20-бағанда – уәкілетті органдардың толық өндіріп алмауы және уақтылы аудармауы салдарынан, бюджетке түспеген (бюджетке уақтылы түспеген) салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен түсімдердің, қарыздардың бюджетке түсуге жататын сомалары, 21-бағанда – уәкілетті органдардың толық өндіріп алмауы және уақтылы аудармауы салдарынан, бюджетке түспеген (бюджетке уақтылы түспеген) салықтық емес түсімдерге, негізгі капиталды сатудан түсетін түсімдерге, трансферттерге, бюджеттік кредиттерді өтеуден, мемлекеттің қаржы активтерін сатудан түскен түсімдерге, қарыздарға мемлекеттік аудит жүргізу барысында түскен сомалары көрсетіледі;
      «Бюджетке қаражаттың түсуі кезіндегі заңнаманың өзге де қаржылық бұзушылықтары» деген 22-бағанда – барлық өзге бұзушылықтар, оның ішінде 23-бағанда түсуге жататын сома, 24-бағанда – мемлекеттік аудит барысында түскен сома көрсетіледі;
      «Рәсімдік бұзушылықтар» деген 25-26-бағандарда – жүргізілген мемлекеттік аудит барысында анықталған рәсімдер бұзушылықтарының саны және тиісінше олардың сомасы (бар болған жағдайда) көрсетіледі;
«Бюджеттің тікелей (жанама) шығындары» деген 27-бағанда – салық және кедендік әкімшілендірудің белгіленген тәртібін сақтағанда, шартты түрде түсуі мүмкін бюджетке толық түспеген сомалары көрсетіледі;
      «Бұзушылық фактісін сипаттау, нормативтік құқықтық актілердің бұзылған ережелеріне сілтеме жасау» деген 28–бағанда құқықтың бұзылған нормаларының тармақтарына сілтеме жасай отырып, бұзушылық фактісі қысқаша түрде сипатталады. Жүргізілген мемлекеттік аудит барысында анықталған қаржылық бұзушылықтар сомасы түскен жағдайда, мемлекеттік аудит материалдарына қоса берілетін растайтын құжаттарға сілтеме жасай отырып, қабылданған шаралар көрсетіледі.
      «Бұзушылықтар сыныптауышының тармағы (болған жағдайда)» 29-бағанында Сыныптауыштың тармағы көрсетіледі;
      «Жиыны» деген жолда – мемлекеттік аудит объектілерінің бөлінісінде тізілім (жиынтық тізілім) деректері көрсетіледі (1-жол+ 2-жол+3-жол...).

      2-бөлім. Бюджет қаражаты мен активтерді пайдалану кезінде:
      «Р/с №» деген 1-бағанда – мемлекеттік аудит объектілерінің реттік нөмірлері (1, 2, 3 және тағы басқалар) көрсетіледі;
      «Жыл» деген 2-бағанда – есепті кезеңдер көрсетіле отырып, мемлекеттік аудитпен қамту кезеңі көрсетіледі;
      «Бюджеттік бағдарлама әкімшісінің коды» деген 3-бағанда – ББС-ға сәйкес бюджеттік бағдарлама әкімшісінің коды көрсетіледі;
      «Бюджеттік бағдарлама әкімшісінің, мемлекеттік (үкіметтік) бағдарламаны әзірлеушінің/бірлесіп орындаушының атауы» деген 4-бағанда – джеттік бағдарламаларды, мемлекеттік (үкіметтік) бағдарламаны жоспарлауға, негіздеуге және іске асыруға жауапты мемлекеттік орган, әзірлеуші/бірлесіп орындаушы көрсетіледі;
      «Мемлекеттік аудит объектісінің атауы» деген 5-бағанда – Аудит жоспарында, Аудит бағдарламасында және Аудиторлық тапсырмада көзделген мемлекеттік аудит объектісінің толық атауы көрсетіледі;
      «Мемлекеттік аудит объектісінің БСН-і» деген 6-бағанда – мемлекеттік аудит объектісінің бизнес-сәйкестендіру нөмірі (болған жағдайда) көрсетіледі;
      «Өңірдің коды» деген 7-бағанда - мемлекеттік аудит объектісі тіркелген аумақтың коды көрсетіледі;
      «Бюджеттік бағдарламаның коды» деген 8-бағанда – ББС-ға сәйкес бюджеттік бағдарламаның коды көрсетіледі; бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның коды ақпарат түрінде 47-бағанда көрсетіледі;
      «Бюджеттік бағдарламаның атауы» деген 9-бағанда – ББС-ға сәйкес бюджеттік бағдарламаның атауы көрсетіледі. Бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның атауы ақпарат түрінде 47-бағанда көрсетіледі;
      «Мемлекеттік аудитпен қамтылған қаражат көлемі, барлығы» деген 10-бағанда – мемлекеттік аудитпен қамтылатын қаражат көлемі, бұл ретте мемлекеттік аудитпен қамтылған есепті кезеңде енгізілген түзетулер мен нақтылауларды ескере отырып, бюджеттік бағдарламалар бойынша, оның ішінде 11-бағанда – бюджет қаражатының қамтылған көлемі, 12-бағанда – мемлекеттік аудитпен қамтылған трансферттердің сомасы, 13-бағанда – мемлекет пен квазимемлекеттік сектор активтерінің қамтылған сомасы көрсетіледі;
      «Анықталған қаржылық бұзушылықтардың жалпы сомасы, барлығы (23-бағ.+28-бағ.+33-бағ.)» деген 14-бағанда – бюджет қаражатын пайдалану кезінде анықталған бюджет заңнамасы және өзге де заңнама бұзушылықтарының жалпы сомасы (23-бағ.), активтерді пайдалану кезіндегі бюджет және өзге де заңнама бұзушылықтары (28-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (33-бағ.), оның ішінде 15-бағанда – трансферттерді пайдалану кезінде анықталған бұзушылықтардың сомасы көрсетіледі;
      «соның ішінде қалпына келтіруге (өтелуге) жататыны» деген 16-бағанда (24-бағ.+26-бағ.+29-бағ.+31-бағ.+34-бағ.) – бюджет қаражатын пайдалану кезінде бюджет заңнамасының және өзге де заңнаманың сақталуына мемлекеттік аудит жүргізу қорытындысы бойынша қалпына келтіруге және өтелуге жататын сома (24-бағ. және 26-бағ.), активтерді пайдалану кезіндегі бюджет және өзге де заңнама бұзушылықтары (29-бағ. және 31-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (34-бағ.) көрсетіледі, оның ішінде 19-бағанда – трансферттерді пайдалану кезінде анықталып, қалпына келтіруге (өтелуге) жататын бұзушылықтардың сомасы көрсетіледі;
      «Оның ішінде қалпына келтіруге жататыны» деген 17-бағанда (24-бағ.+29-бағ.+34-бағ.)» – бюджет қаражатын пайдалану кезінде бюджет заңнамасының және өзге де заңнаманың сақталуына мемлекеттік аудит жүргізу қорытындысы бойынша қалпына келтіруге жататын сома (24-бағ.), активтерді пайдалану кезіндегі бюджет және өзге де заңнама бұзушылықтары (29-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (34-бағ.) көрсетіледі;
      «Оның ішінде өтелуге жататыны» деген 18-бағанда (26-бағ.+31-бағ.)» – бюджет қаражатын пайдалану кезінде бюджет заңнамасының және өзге де заңнаманың сақталуына мемлекеттік аудит жүргізу қорытындысы бойынша өтелуге жататын сома (26-бағ.), активтерді пайдалану кезіндегі бюджет және өзге де заңнама бұзушылықтары (31-бағ.) көрсетіледі;
      «Оның ішінде мемлекеттік аудит барысында қалпына келтірілгені» деген 20-бағанда (25-бағ.+30-бағ.+35-бағ.)» – бюджет қаражатын пайдалану кезінде бюджет заңнамасы және өзге де заңнама бұзушылықтарының анықталған фактілері бойынша мемлекеттік аудит барысында қалпына келтірілген қаржылық бұзушылықтар сомасы (25-бағ.), активтерді пайдалану кезіндегі бюджет және өзге де заңнама бұзушылықтары (30-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (35-бағ.) көрсетіледі;
      «Оның ішінде мемлекеттік аудит барысында өтелгені» деген 21-бағанда (27-бағ.+32-бағ.)» – бюджет қаражатын пайдалану кезінде бюджет заңнамасы және өзге де заңнама бұзушылықтарының анықталған фактілері бойынша мемлекеттік аудит жүргізу барысында өтелген қаржылық бұзушылықтар сомасы (27-бағ.), активтерді пайдалану кезіндегі бюджет және өзге де заңнама бұзушылықтары (32-бағ.) көрсетіледі;
      «Оның ішінде қалпына келтірілгені (өтелгені), соның ішінде трансферттер» деген 22-бағанда – трансферттерді пайдалану кезінде қалпына келтірілген және өтелген сома көрсетіледі;
      «Бюджет қаражатын пайдалану кезіндегі бюджет заңнамасының және өзге де заңнама бұзушылықтары, барлығы» деген 23-бағанда – республикалық бюджет қаражатын, соның ішінде жоғары тұрған бюджеттен төмен тұрған бюджетке бөлінген нысаналы трансферттер мен кредиттерді, байланысты гранттарды, мемлекеттік және мемлекет кепілдік берген қарыздарды, концессиялық жобаларды бюджеттен қоса қаржыландыруды, сондай-ақ кепілгерліктерді пайдалану кезінде анықталған бұзушылықтардың сомасы көрсетіледі;
      «Активтерді пайдалану кезіндегі бюджет және өзге де заңнама бұзушылықтары, барлығы» деген 28-бағанда – мемлекет пен квазимемлекеттік сектордың активтерін, квазимемлекеттік сектор субъектілеріне мемлекеттік және бюджеттік бағдарламаларда көзделген мақсаттар мен іс-шараларға бөлінген бюджет қаражатын пайдалану кезіндегі бұзушылықтардың анықталған сомасы көрсетіледі;
      «Бухгалтерлік есепті жүргізу мен қаржылық есептілікті жасау кезіндегі заңнама бұзушылықтары, барлығы» деген 33-бағанда – анықталған бұзушылықтардың сомасы, атап айтқанда бухгалтерлік есепті жүргізудегі бұзушылықтар, бюджеттік есепті жүргізу, есептілікті жасау және ұсыну қағидаларының бұзушылықтары, активтерді, материалдарды, құндылығы төмен тез тозатын заттарды негізсіз есептен шығару, жазалау шараларын қабылдамау, сондай-ақ дебиторлық берешекті жасыру немесе негізсіз есептен шығару, квазимемлекеттiк сектор субъектiлерiнің лауазымды адамдарының іс-әрекеттері нәтижесінде қаражатты өтеу немесе қалпына келтіру қажеттілігі туындап, олардың Қазақстан Республикасының бухгалтерлік есеп және қаржылық есептілік туралы заңнамасында көзделген міндеттерді орындамауы және (немесе) тиісінше орындамауы көрсетіледі;
      «Рәсімдік бұзушылықтар, барлығы» деген 36, 37-бағандарда – мемлекеттік аудит барысында анықталған рәсімдік бұзушылықтардың жалпы саны мен сомасы көрсетіледі, оның ішінде:
      38, 39-бағандарда – республикалық бюджет қаражатын пайдалану, бюджеттік кредиттерді, мемлекеттік кепілдіктер мен кепілгерліктерді, қарыздарды беру кезіндегі рәсімдерге мемлекеттік аудит жүргізу барысында анықталған бұзушылықтар саны мен сомасы (болған жағдайда) көрсетіледі;
      40, 41-бағандарда – Қазақстан Республикасының заңнамасына сәйкес, мемлекет пен квазимемлекеттік сектор активтерін пайдалану рәсімдері бойынша бұзушылықтар саны мен сомасы (болған жағдайда) көрсетіледі;
      42, 43-бағандарда – жұмыс істеуді қамтамасыз ету, сондай-ақ мемлекеттік функцияларды не тапсырыс берушінің жарғылық қызметін орындау үшін қажетті тауарларды, жұмыстарды, көрсетілетін қызметтерді ақылы негізде тапсырыс берушілердің сатып алуы кезінде жол берілген сатып алу рәсімдері бұзушылықтарының саны мен сомасы (болған жағдайда) көрсетіледі;
      44, 45-бағандарда – бухгалтерлік есеп және қаржылық есептілікті жүргізу кезінде рәсімдік бұзушылықтардың саны мен сомасы (болған жағдайда) көрсетіледі;
      «Бұзушылық фактісін сипаттау, НҚА-ның бұзылған ережелеріне сілтеме жасау» деген 46-бағанда – құқық нормалары бұзылған тармаққа сілтеме жасала отырып, бұзушылық фактісі қысқаша түрде сипатталады. Жүргізілген мемлекеттік аудит барысында анықталған қаржылық бұзушылықтардың сомалары қалпына келтірілген (өтелген) жағдайда, мемлекеттік аудит материалдарына қоса берілетін растайтын, құжаттарға сілтеме жасала отырып, қабылданған шаралар көрсетіледі;
      «Бұзушылықтар сыныптауышының тармағы (болған жағдайда)» деген 47-бағанда – Сыныптауыштың тармағы көрсетіледі;
      «Жиыны» деген жолда – мемлекеттік аудит объектілерінің бөлінісінде тізілім (жиынтық тізілім) деректері көрсетіледі (1-жол+2-жол+3-жол+...).

      3-бөлім. Мемлекеттік аудит объектісі қызметіндегі өзге де заңнама бұзушылықтары, сондай-ақ оның міндеттері мен функцияларын іске асыруға байланысты кемшіліктер мен олқылықтар:
      «Р/с №» деген 1-бағанда – мемлекеттік аудит объектілерінің реттік нөмірлері (1, 2, 3 және т.б.) көрсетіледі;
      «Жыл» деген 2-бағанда – есепті кезеңдер көрсетіле отырып, мемлекеттік аудитпен қамтылған кезең көрсетіледі;
      «Бюджеттік бағдарлама әкімшісінің коды» деген 3-бағанда – ББС-ға сәйкес бюджеттік бағдарлама әкімшісінің коды көрсетіледі;
      «Бюджеттік бағдарлама әкімшісінің, мемлекеттік (үкіметтік) бағдарламаны әзірлеушінің/бірлесіп орындаушының атауы» деген 4-бағанда – бюджеттік бағдарламаларды, мемлекеттік (үкіметтік) бағдарламаны жоспарлауға, негіздеуге және іске асыруға жауапты мемлекеттік орган, әзірлеуші/бірлесіп орындаушы көрсетіледі;
      «Мемлекеттік аудит объектісінің атауы» деген 5-бағанда – Аудит жоспарында, Аудит бағдарламасында және Аудиторлық тапсырмаларда көзделген мемлекеттік аудит объектісінің толық атауы көрсетіледі;
      «Мемлекеттік аудит объектісінің БСН-і» деген 6-бағанда – мемлекеттік аудит объектісінің бизнес-сәйкестендіру нөмірі (болған жағдайда) көрсетіледі;
      «Өңірдің коды» деген 7-бағанда – мемлекеттік аудит объектісі тіркелген аумақтың коды көрсетіледі;
      «Бюджеттік бағдарламаның коды» деген 8-бағанда – ББС-ға сәйкес бюджеттік бағдарламаның коды көрсетіледі; бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның коды ақпарат түрінде 14-бағанда көрсетіледі;
      «Бюджеттік бағдарламаның атауы» деген 9-бағанда – ББС-ға сәйкес бюджеттік бағдарламаның атауы көрсетіледі. Бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның атауы ақпарат түрінде 14-бағанда көрсетіледі;
      «Тиімсіз жоспарланған бюджет қаражатының (активтердің) сомасы (мың теңге)» деген 10-бағанда тиімсіз жоспарланған қаражаттың (активтердің) анықталған сомасы көрсетіледі;
      «Тиімсіз пайдаланылған бюджет қаражатының (активтердің) сомасы (мың теңге)» деген 11-бағанда – тиімсіз пайдаланылған бюджет қаражатының, мемлекет пен квазимемлекеттік сектор активтерінің анықталған сомасы көрсетіледі;
      «Қазақстан Республикасы заңнамасының нормаларын іске асыру үшін қабылданған, квазимемлекеттік сектор субъектілерінің актілері бұзушылықтарының сомасы (мың теңге)» деген 12-бағанда - Қазақстан Республикасы заңнамасының нормаларын іске асыру үшін қабылданған квазимемлекеттік сектор субъектілерінің актілеріне мемлекеттік аудит жүргізу барысында анықталған бұзушылықтардың сомасы көрсетіледі.
      «Жүйелі бұзушылықтар (саны, бірлікпен) деген 13-бағанда – Сыныптауышта ескерілмей, жүргізілген мемлекеттік аудит барысында анықталған, соның ішінде мемлекеттік аудит объектісі болып табылмайтын заңды және лауазымды тұлғалардың заңнаманың жетілдірілмеуіне (НҚА арасындағы қайшылықтар, құқықтық реттеудегі олқылықтар, коллизиялар) және/немесе жұмыстың ұйымдастырылуына (біліктілігінің болмауы немесе жеткіліксіздігі, өкілеттіктерді қайталау, басқа ұйымдармен өзара іс-қимыл жасау тетігінің жасалмауы және т.б.) байланысты жүйелі қызметіндегі жүйелі бұзушылықтар көрсетіледі;
      «Тиісті нормативтік және құқықтық актілерге сілтеме жасай отырып, өзге де салалық заңнамадағы кемшілік, бұзушылық фактісін, проблемаларды сипаттау» деген 14-бағанда – мемлекеттік аудит барысында анықталған бюджет қаражаты, активтер түскен және оларды пайдаланған кезде заңнамадағы кемшіліктер мен олқылықтар, бюджет қаражатын қалыптастыру және пайдалану, мемлекеттік органға, квазимемлекеттік сектор субъетілеріне жүктелген функциялар мен міндеттерді орындау процесінің нормативтік құқықтық актілермен және әдіснамалық құжаттармен реттелмеген фактілері және т.б. қысқаша түрде көрсетіледі.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
22-қосымша       

нысан

Республикалық бюджеттің  
атқарылуын бақылау жөніндегі
есеп комитетінің Төрағасы
____________________________
(аты-жөні, тегі)    

АУДИТОРЛЫҚ ҚОРЫТЫНДЫ

      Ескерту. 22-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Мемлекеттік аудиттің мақсаты __________________________________
      Мемлекеттік аудиттің объектілері ______________________________
      Мемлекеттік аудитті _________________________________ жүргізді.
      Мемлекеттік аудитпен қамтылған кезең __________________________
      Негізгі (талдамалық) бөлік ____________________________________
      Мемлекеттік аудит барысында қабылданған шаралар _______________
      Мемлекеттік аудиттің нәтижесі бойынша тұжырымдар ______________
      Мемлекеттік аудиттің нәтижесі бойынша ұсынымдар _______________
      Қосымша: (__ парақ) ___________________________________________

      Есеп комитетінің мүшесі     ___________________________________
                                         (қолы, аты-жөні, тегі)

      Ескертпе: Мемлекеттік аудит қорытындысы бойынша Аудиторлық қорытынды (бұдан әрі – Аудиторлық қорытынды) жасау.
      Аудиторлық қорытындының кіріспе бөлігінде мынадай деректер көрсетіледі:
      1. Мемлекеттік аудиттің мақсаты.
      Бекітілген Аудит жоспарына сәйкес мемлекеттік аудиттің мақсаты көрсетіледі.
      2. Мемлекеттік аудит объектілері.
      Мемлекеттік аудит объектілерінің атауы, соның ішінде үстеме тексеру объектілері көрсетіледі.
      3. Мемлекеттік аудитті жүргізді.
      Мемлекеттік аудитті жүргізген лауазымды адамдар көрсетіледі.
      4. Мемлекеттік аудитпен қамтылған кезең.
      Мемлекеттік аудитпен қамтылған кезең көрсетіледі.
      5. Аудиторлық қорытындының негізгі (талдамалық) бөлігі аудиторлық іс-шаралардың жинақталған түрдегі (болған жағдайда) нақты нәтижелерін, соның ішінде Қазақстан Республикасы заңнамасы нормаларының, сондай-ақ квазимемлекеттік сектор субъектілері актілерінің анықталған бұзушылықтарының жалпы сомасын:
      1) қаржылық бұзушылықтарды;
      2) рәсімдік бұзушылықтарды;
      3) тиімсіз пайдаланылған бюджет қаражатын, активтерді;
      4) тиімсіз жоспарлауды бюджет қаражатын, активтерді;
      5) Қазақстан Республикасы заңнамасының нормаларын іске асыру үшін қабылданған квазимемлекеттік сектор субъектілері актілерінің бұзушылықтарын қамтиды.
      Бұл ретте Есеп комитетінің мүшесі мемлекеттік аудит қорытындысы бойынша өткізілген отырысты ескере отырып, Аудиторлық қорытындыда көрсетілген деректердің мемлекеттік аудит материалдарына сәйкестігін қамтамасыз етеді.
      Сондай-ақ осы бөлімде тексерудің және мемлекеттік аудиттің қойған мақсаты, белгілі бір түрі мен типі шегінде уәкілетті органның және ұйымдардың (болған жағдайда) қорытындыларының нәтижелері, мемлекеттік аудит объектісінің қызметіне жасалған талдаудың қорытындылары келтіріледі. Тиімділік немесе сәйкестік аудиті кезінде негізінде бағалау жүзеге асырылған көрсеткіштер көрсетіледі.
      Аудиторлық қорытындының жиынтық бөлігі мынадай бөлімдерді қамтиды:
      6. Мемлекеттік аудит барысында қабылданған шаралар.
      Аталған бөлімде есептелген (толық есептелген) салықтар, айыппұлдар, өсімпұлдар туралы, бюджетке түсімдер енгізудің қамтамасыз етілгені және негізсіз пайдаланылған қаражаттың өтелгені, тауарларды, жұмыстар мен көрсетілетін қызметтерді берушілердің шарттық міндеттемелерін орындағаны, мемлекеттік аудит объектісінің бұзушылықтарға жол берген лауазымды адамдарына қолданылған тәртіптік жазалау шаралары туралы, мемлекеттік аудитті жүзеге асыру процесінде және мемлекеттік аудиттің қорытындысы бойынша отырыс өткізілгенге дейін мемлекеттік аудит объектісінің бұзушылықтарды жоюына қатысты басқа да ақпарат, сондай-ақ мемлекеттік аудит материалдарын әкімшілік құқық бұзушылықтар туралы істерді қарауға уәкілетті органдарға беру туралы мәліметтер мен оларды қараудың нәтижелері (болған жағдайда) көрсетіледі.
      7. Мемлекеттік аудит нәтижелері бойынша тұжырымдар.
      Жүргізілген мемлекеттік аудит мәселелері бойынша мемлекеттік аудит объектісі қызметінің нәтижелерін жалпы бағалау және нықталған бұзушылықтардың жалпы сомасы көрсетіледі. Мемлекеттік аудит бағытының ерекшеліктерін ескере отырып, мемлекеттік аудиттің типіне және объектісіне, тексеру түріне қарай бюджеттің атқарылуын, мемлекеттік органдардың стратегиялық жоспарларының іске асырылуын, мемлекеттік, үкіметтік және бюджеттік бағдарламалардың іске асырылу тиімділігін, мемлекеттік органдардың (бюджеттік бағдарламалар әкімшілерінің) республикалық бюджетке түсетін түсімдердің толықтығы мен уақтылылығын, республикалық бюджеттен түсімдер сомаларының қайтарылуын қамтамасыз ету, сондай-ақ бюджет қаражаты мен активтердің, байланысты гранттардың, мемлекеттік және мемлекет кепілдік берген қарыздардың, бюджеттік инвестициялардың, мемлекет кепілгерліктерінің тиімді пайдаланылуын, акциялары (қатысу үлестері) мемлекетке тиесілі квазимемлекеттік сектор субъектілері активтерінің басқарылуын қамтамасыз ету жөніндегі қызметін бағалау қамтылады. Анықталған бұзушылықтар мен кемшіліктердің себептері, олардың әкеп соғуы мүмкін салдарлар көрсетіледі.
      8. Мемлекеттік аудит нәтижелері бойынша ұсынымдар.
      Есеп комитетінің аудиторлық іс-шараға жауапты мүшесінің тұжырымдармен негізделген және анықталған бұзушылықтар мен кемшіліктердің себептерін жоюға бағытталған ұсынымдары, сондай-ақ Есеп комитетінің отырысында аудиторлық іс-шараның орытындыларын қарау туралы оның пікірі көрсетіледі.
Бөлімде:
      1) Қазақстан Республикасының Үкіметіне, уәкілетті мемлекеттік органдарға, жергілікті атқарушы органдарға, басқа да консультативтік-кеңесші органдарға нормативтік құқықтық актілерді жетілдіру жөніндегі ұсынымдар;
      2) нормативтік құқықтық актілерді жетілдіру, қызметті ұйымдастыру, Қазақстан Республикасының заңнамасы талаптарының сақталуын қамтамасыз ету жөніндегі Есеп комитетінің ұсынымдары;
      3) мемлекеттік аудит объектісі басшылығының бюджет және өзге де заңнама талаптарының бұрын жол берген бұзушылықтарының салдарларын барынша азайтуға бағытталған, аудиторлық іс-шара барысында және отырыс өткізілгенге дейін жасаған іс-әрекеттерін назарға алу туралы ұсыныстар көрсетіледі.
      9. Қосымшалар.
      Аудиторлық қорытындыға мемлекеттік аудит нәтижелері бойынша анықталған бұзушылықтар мен кемшіліктердің жиынтық тізілімі, сондай-ақ мемлекеттік аудит объектілері қалпына келтірген және өтеген қаражат (жұмыстар, тауарлар, көрсетілетін қызметтер) жөніндегі ақпарат міндетті түрде қоса беріледі.
      Жекелеген бұзушылықтарды неғұрлым толығырақ ашу үшін негізгі (талдамалық) бөлік қосымшалармен (кестелер, есептеулер, таратып жазулар) толықтырылады. Қосымшалар Аудиторлық қорытындының негізгі мәтінімен бірге біртұтас бүтінді құрайды.

Есеп комитетінің сыртқы мемлекеттік аудит
және қаржылық бақылау жүргізу қағидаларына
23-қосымша                 

                                                       нысан

      Мемлекеттік аудит объектілері қалпына келтірген және
        өтеген қаражат (жұмыстар, тауарлар, көрсетілетін
                 қызметтер) бойынша ақпарат

      Ескерту. 23-қосымша алып тасталды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Есеп комитетінің сыртқы  
мемлекеттік аудит және  
қаржылық бақылау жүргізу 
қағидаларына       
24-қосымша       

нысан

________________________________________________
Нұсқама жіберіліп отырған органның, ұйымның атауы

Республикалық бюджеттің атқарылуын бақылау
жөніндегі есеп комитетінің
№ _______
НҰСҚАМАСЫ

      Ескерту. 24-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

___________________________                20__ жылғы « ___»________
(органның орналасқан жері)

Нұсқаманың тақырыбы

      Айқындаушы бөлік ______________________________________________

      Тапсырмалық тармақтар _________________________________________

      Есеп комитетінің мүшесі             _________________________
                                           (қолы, аты-жөні, тегі)

      Ескертпе: Республикалық бюджеттің атқарылуын бақылау жөніндегі есеп комитетінің нұсқамасын (бұдан әрі – Нұсқама) жасау.
      Нұсқамада анықталған бұзушылықтардың, оларға ықпал ететін себептер мен жағдайлардың жойылғаны, сондай-ақ осы бұзушылықтарға жол берген адамдарға Қазақстан Республикасының заңнамасында көзделген жауаптылық шараларын қабылдау және Нұсқаманың орындалғаны туралы ақпаратты Есеп комитетіне белгіленген мерзімде ұсыну туралы талап көрсетіледі.
      Нұсқама мемлекеттік аудит объектісіне (басқа да мүдделі тұлғаларға):
      1) негізсіз пайдаланылған бюджет қаражатын қалпына келтіру не оларды есеп бойынша қалпына келтіру, атаулылық және нысаналы сипат принципін бұза отырып пайдаланылған бюджет қаражатын, соның ішінде мақсаты бойынша пайдаланылмаған нысаналы трансферттер мен бюджеттік кредиттердің сомаларын қайтару, заңсыз іс-әрекеттер нәтижесінде мемлекетке келтірілген залалдың орнын толтыру туралы;
      2) бұзушылық фактілері анықталған жағдайда, өнім берушілердің тауарларды жеткізуін (жұмыстарды орындауын және қызметтерді көрсетуін), басқа да шарттық міндеттемелерін орындауын қамтамасыз ету туралы, сондай-ақ басқа да шараларды қабылдау туралы;
      3) Нұсқаманың орындалуы туралы ақпаратты сыртқы мемлекеттік аудит және қаржылық бақылау органына онда белгіленген мерзімде ұсыну туралы талаптарды қамтиды.
      Есеп комитетінің мемлекеттік аудит жүргізуге жауапты мүшесі Нұсқама жобасын Есеп комитетінің отырысында талқылау үшін Аудиторлық қорытындының жобасымен бірге енгізеді.
      Нұсқамаға Есеп комитетінің мүшесі қол қояды және мемлекеттік аудит объектісінің (ұйымдар мен лауазымды тұлғалар) мекенжайына оған (оларға) қатысты бөлігінде жіберіледі. Әрбір адресатқа жекелеген нұсқама жіберіледі.
      Нұсқама Республикалық бюджеттің атқарылуын бақылау жөніндегі есеп комитетінің бланкісінде ресімделеді.

Республикалық бюджеттің атқарылуын
бақылау жөніндегі есеп комитетінің
2015 жылғы 30 қарашадағы     
№ 17-НҚ нормативтік қаулысына   
2-қосымша               

Облыстардың, республикалық маңызы бар қалалардың,
астананың сыртқы мемлекеттік аудит және қаржылық
бақылау жүргізу қағидалары 1-бөлім. Жалпы ережелер

      1. Облыстардың, республикалық маңызы бар қалалардың, астананың сыртқы мемлекеттік аудит және қаржылық бақылау жүргізу қағидалары (бұдан әрі – Қағидалар) «Мемлекеттік аудит және қаржылық бақылау туралы» Қазақстан Республикасы Заңының (бұдан әрі – Мемлекеттік аудит туралы заң) 12-бабы 4-тармағының 9) тармақшасына сәйкес, сондай-ақ Халықаралық жоғары аудит органдары ұйымының (ИНТОСАИ) ISSAI 100 – 400 халықаралық стандарттарының қолайлы ережелері ескеріле отырып әзірленді.
      2. Қағидалар облыстардың, республикалық маңызы бар қалалардың, астананың тексеру комиссияларының (бұдан әрі – Тексеру комиссиялары) мемлекеттік аудит объектілерінің тиісті жылға арналған тізбесін қалыптастыру, сыртқы мемлекеттік аудитті жоспарлау, жүргізу, оның қорытындылары бойынша құжаттарды ресімдеу, қаржылық бақылауды жүзеге асыру, сапа бақылауын жүргізу, сыртқы мемлекеттік аудиттің нәтижелері бойынша Тексеру комиссияларының аудиторлық қорытындысында берілген ұсынымдардың және Нұсқамалардың орындалуын мониторингтеуді ұйымдастыру, аудиторлық іс-шара нәтижелерінің бұқаралық ақпарат құралдарында жария етілу және мемлекеттік аудит материалдарын есепке алу тәртібін айқындайды.
      Ескерту. 2-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      3. Осы Қағидаларда мынадай ұғымдар пайдаланылады:
      1) аудиторлық рәсімдер – аудиторлық іс-шара барысында оны жүргізу бағдарламасына сәйкес жүзеге асырылатын, аудиторлық іс-шара мақсаттарына қол жеткізу үшін қажетті іс-қимылдар;
      2) аудиторлық іс-шара – мемлекеттік аудиттің қорытындысы бойынша аудиторлық есептер мен аудиторлық қорытындыларды дайындауға, жүргізуге, ресімдеуге бағытталған іс-қимылдар кешені;
      3) қаулы – Тексеру комиссиясының аудиторлық қорытындыны бекітетін құжаты;
      4) мемлекеттік аудит және қаржылық бақылау материалдары – мемлекеттік аудитті жүргізу үшін қажетті құжаттар, сондай-ақ оның нәтижелері бойынша жасалған құжаттар және қоса беріліп отырған аудиторлық дәлелдемелер;
      5) мемлекеттік аудит және қаржылық бақылау объектілері – мемлекеттік органдар, мемлекеттік мекемелер, квазимемлекеттік сектор субъектілері, сондай-ақ бюджет қаражатын алушылар (бұдан әрі – мемлекеттік аудит объектілері);
      6) мемлекеттік аудитор – мемлекеттік аудитті және (немесе) қаржылық бақылауды жүзеге асыратын мемлекеттік әкімшілік қызметші;
      7) мемлекеттік аудиттің сапа бақылауы – мемлекеттік аудиторлардың мемлекеттік аудитті жүзеге асыру кезінде Мемлекеттік аудит және қаржылық бақылау стандарттарының талаптарын сақтауын тексеру;
      8) нұсқама – анықталған бұзушылықтарын және (немесе) оларға итермелейтін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану үшін мемлекеттік аудит объектілеріне, ұйымдар мен лауазымды адамдарға жіберілетін, орындау үшін міндетті Тексеру комиссиясының актісі.
      9) сыртқы мемлекеттік аудит – Тексеру комиссиясы жүзеге асыратын:
      бюджет қаражатының, мемлекет пен квазимемлекеттік сектор субъектілері активтерінің, байланысты гранттардың, мемлекеттік және мемлекет кепілдік берген қарыздардың, сондай-ақ мемлекет кепілгерлігімен, оның ішінде бюджетті атқаруға байланысты тәуекелдерді басқару жүйесіне негізделген басқа да қызмет кезінде тартылатын қарыздардың басқарылу және пайдаланылу тиімділігін;
      халықтың тұрмыс жағдайлары сапасының қарқынды өсуін және елдің ұлттық қауіпсіздігін қамтамасыз ету үшін ұлттық ресурстардың (қаржылық, табиғи, өндірістік, кадрлық, ақпараттық) тиімді және заңды басқарылуын талдау, бағалау және тексеру (бұдан әрі – мемлекеттік аудит).
      Ескерту. 3-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      4. Сыртқы мемлекеттік аудит және қаржылық бақылау мемлекеттік басқару жүйесінің ажырамас бөлігі болып табылады және бюджет қаражатын, мемлекет пен квазимемлекеттік сектор субъектілерінің активтерін пайдаланудың айқындығын, тиімділігін, жауаптылығын арттыруға бағытталған.
      5. Мемлекеттік аудит Тексеру комиссияларының мемлекеттік аудит объектілерінің тиісті жылға арналған тізбесінің (бұдан әрі – Мемлекеттік аудит объектілерінің тізбесі) негізінде жүргізіледі.
      Ескерту. 5-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      6. Мемлекеттік аудит туралы заңның 50-бабының 3-тармағына сәйкес, Мемлекеттік аудит объектілерінің тізбесінде көзделмеген тексерулерді жүргізу үшін мемлекеттік органдардың сұратулары бойынша Тексеру комиссияларының мемлекеттік аудиторлары мен өзге де лауазымды адамдарын тартуға жол берілмейді.
      Ескерту. 6-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      7. Аудиторлық іс-шараны жүргізуге тікелей басшылықты Тексеру комиссиясының мемлекеттік аудитті жүргізуге жауапты мүшесі өзіне бекітілген жұмыс бағыттары бойынша жүзеге асырады.
      8. Мемлекеттік аудит тобының құрамы аудиторлық іс-шараны жүргізуге қатысатын Тексеру комиссиясының қызметкерлерін – мемлекеттік аудит тобының жетекшісі мен аудиторлық іс-шараны жүргізуге қатысатын мемлекеттік аудиторларды, сондай-ақ тартылған жағдайда, мемлекеттік органдардың мамандарын, сарапшыларды, мемлекеттік емес аудиторлық ұйымдарды (бұдан әрі – сарапшы) қамтиды.
      Мемлекеттік аудит тобы жетекшісінің міндеттері Тексеру комиссиясы Төрағасының шешімімен Тексеру комиссиясының Регламентінде белгіленген тәртіппен мемлекеттік аудиторлардың біріне жүктеледі.
      Ескерту. 8-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      9. Тексеру комиссиясының Регламентінде көзделген жағдайда, мемлекеттік аудит тобына заң қызметінің қызметкері (заңгер) бекітіледі, ол мемлекеттік аудит объектісіне шықпай (қажет болған жағдайда шығу арқылы) аудиторлық іс-шараны сүйемелдейді, сондай-ақ мемлекеттік аудит тобы басшысының жүргізіліп жатқан мемлекеттік аудит мәселелері бойынша қажетті құжаттары қоса берілген жазбаша сұрау салуларына бұзушылықтар мен кемшіліктер анықталған кезде заңнаманы қолдануға қатысты жазбаша консультация береді.
      10. Құқықтық қамтамасыз етуге жауапты құрылымдық бөлімше қызметкерлерінің жазбаша консультациялары тек қойылған мәселелер шеңберінде және ұсынылған құжаттар көлемдері шегінде көрсетіледі.
      11. Аудиторлық іс-шараларды жүргізу кезінде Тексеру комиссиясының қызметкерлері, сондай-ақ тартылатын сарапшылар Мемлекеттік аудит туралы заңда белгіленген құзыреттеріне сүйене отырып, осы Мемлекеттік аудит туралы заңның 8-бабын және осы Қағидаларды басшылыққа алады.
      12. Тексеру комиссиясы мемлекеттік аудиттің мынадай типтерін жүзеге асырады:
      1) тиімділік аудиті – мемлекеттік аудит объектісінің қызметін тиімділік, үнемділік, өнімділік және нәтижелілік тұрғысынан бағалау және талдау;
      2) сәйкестік аудиті – мемлекеттік аудит объектісінің Қазақстан Республикасы заңнамасының нормаларын, сондай-ақ оларды іске асыру үшін қабылданған квазимемлекеттік сектор субъектілерінің актілерін сақтауын бағалау, тексеру;
      3) қаржылық есептілік аудиті – мемлекеттік аудит объектісі қаржылық есептілігінің, бухгалтерлік есебінің және қаржылық жай-күйінің анықтығын, негізділігін бағалау.
      13. Мемлекеттік аудиттің типтері бойынша аудиторлық іс-шараларды жүргізудің ерекшеліктері Мемлекеттік аудит туралы заңның  8-бабына сәйкес белгіленеді.
      14. Тексеру комиссиялары мемлекеттік аудит шеңберінде Мемлекеттік аудит туралы заңның 17-бабының 4-тармағында көзделген үстеме, бірлескен, қатар тексерулерді жүргізеді.
      15. Мемлекеттік аудит:
      жергілікті бюджетті жоспарлау, қалыптастыру, бөлу, пайдалану және мемлекет пен квазимемлекеттік сектор субъектілерінің активтерін пайдаланудың;
      аумақтарды дамыту бағдарламаларын және бюджеттік бағдарламаларды іске асырудың;
      бюджет процесіне қатысушылардың, соның ішінде квазимемлекеттік сектор субъектілерінің, сондай-ақ басқа да бюджет қаражатын алушылардың, байланысты гранттарды, мемлекет кепілгерліктері мен активтерін, мемлекеттік және мемлекет кепілдік берген қарыздарды, бюджеттік инвестицияларды пайдаланатын жеке және заңды тұлғалардың бюджет және өзге де заңнама нормаларын, оларды іске асыру үшін квазимемлекеттік сектор субъектілері қабылдаған актілерді сақтауының тәуекелдерін бағалау, оларды мониторингтеу, салыстыру, тексеру, бағалау және талдау арқылы жүргізіледі.
      16. Тексеру комиссиялары мемлекеттік аудиттің нәтижелері бойынша анықталған бұзушылықтар мен кемшіліктерді талдауды, жинақтап қорытуды және жүйелеуді жүзеге асырады.

2-бөлім. Мемлекеттік аудит объектілерінің тізбесін қалыптастыру

      17. Мемлекеттік аудит объектілерінің тізбесін қалыптастыру Мемлекеттік аудит туралы заңның 8, 18-баптарына сәйкес жүзеге асырылады.
      18. Мемлекеттік аудит объектілерінің тізбесін қалыптастыру мемлекеттік аудит объектілерінің заңнама нормаларының, квазимемлекеттік сектор субъектілері актілерінің, соның ішінде бюджет қаражатын, мемлекет пен квазимемлекеттік сектор субъектілерінің активтерін (бұдан әрі – актив) жоспарлауға, қалыптастыруға, бөлуге, пайдалануға байланысты нормаларының бұзушылықтарын анықтау, жою және оларға жол бермеу мақсатында, Тексеру комиссиясының Мемлекеттік аудит туралы заңда көзделген өкілеттіктерін іске асыру үшін жүргізіледі.
      19. Мемлекеттік аудит объектілерінің тізбесі мемлекеттік аудит объектілерінің қайталануын жою мақсатында, Тексеру комиссиясының перспективалық жұмыс жоспары, мемлекеттік аудит және қаржылық бақылау органдарының өзара іс-қимылы, мемлекеттік аудит нәтижелерін тануы ескеріле отырып, кезекті жылға арналған аудиторлық іс-шараларды сапалы және тиімді жүзеге асыру үшін қалыптастырылады.
      20. Мемлекеттік аудит объектілерінің тізбесі осы Қағидаларға 1-қосымшаға сәйкес нысан бойынша облыстар, республикалық маңызы бар қалалар, астана бойынша мемлекеттік аудит объектілерінің бірыңғай дерекқорының (бұдан әрі – Бірыңғай дерекқор) негізінде жасалады.
      Ескерту. 20-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      21. Мемлекеттік аудит объектілерінің тізбесі Тексеру комиссиясының ведомстволық ақпараттық жүйесінде (бұдан әрі – ТК ВАЖ) қалыптастырылады.
      Ескерту. 21-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      22. Мемлекеттік аудит объектілерінің тізбесін қалыптастыру үшін Тексеру комиссиясының мүшелері жоспарлауға жауапты құрылымдық бөлімшенің жоспарланатын жылдың алдындағы жылдың 1 қыркүйегінен кешіктірмей ұсынатын мемлекеттік аудит объектілерінің тәуекелдерін бағалауды және басқа мемлекеттік аудит органдарының мемлекеттік аудит объектілерінің тізбесін ескере отырып, Бірыңғай дерекқор және қосымша көздерден алынған деректер негізінде жоспарланатын жылдың алдындағы жылдың 1 қазанынан кешіктірмей, Мемлекеттік аудит объектілері тізбесінің жобасына ұсыныстарын осы Қағидаларға 2-қосымшаға сәйкес нысан бойынша аудиторлық іс-шараны жүргізуге өтінім (бұдан әрі – Өтінім) түрінде дайындайды.
      Ескерту. 22-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      23. Тексеру комиссияларының мүшелері Өтінімді жасау кезінде мемлекеттік аудит объектілерін және мемлекеттік аудитпен қамтылатын бюджет қаражаты мен активтердің көлемін, аудиторлық іс-шараның атауын, өз бағыттары бойынша мемлекеттік аудиттің типтері мен тексеру түрлерін, сондай-ақ мемлекеттік аудиторлардың қажетті санын ескере отырып, сарапшыларды тартудың қажеттілігін айқындайды.
      24. Тексеру комиссиясы жоспарлауға жауапты құрылымдық бөлімшемен бірлесіп, жоспарланатын жылдың алдындағы жылдың 20 қарашасына дейін Республикалық бюджеттің атқарылуын бақылау жөніндегі есеп комитетімен (бұдан әрі – Есеп комитеті) және басқа да мемлекеттік органдармен жүзеге асыратын бірлескен, қатар тексерулерді Мемлекеттік аудит объектілері тізбесінің жобасына енгізу үшін оларды жүргізу мәселелерін келіседі.
      25. Жоспарлауға жауапты құрылымдық бөлімше осы Қағидаларға 3-қосымшаға сәйкес нысан бойынша Мемлекеттік аудит объектілері тізбесінің алдын ала жобасын, сондай-ақ осы Қағидаларға 4-қосымшаға сәйкес нысан бойынша мемлекеттік аудит объектілерінің нақтыланған тізбесін жоспарланатын жылдың алдындағы жылдың 5 желтоқсанына дейін Есеп комитетіне және Ішкі аудит жөніндегі уәкілетті органның аумақтық бөлімшесіне (бұдан әрі – Уәкілетті орган) жібереді.
      Ескерту. 25-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      26. Мемлекеттік аудит объектілері тізбесінің келісілген жобасы жоспарланатын жылдың алдындағы жылдың 25 желтоқсанына дейін Тексеру комиссиясының отырысында қаралады және мақұлданады.
      Ескерту. 26-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      27. Мемлекеттік аудит объектілерінің тізбесін Тексеру комиссиясының Интернет-ресурсына орналастыруды жоспарлауға жауапты құрылымдық бөлімше ол бекітілген және өзгерістер (толықтырулар) енгізілген күннен бастап бес жұмыс күні ішінде жүзеге асырады.
      Ескерту. 27-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      28. Мемлекеттік аудит объектілерінің тізбесін бекіту туралы бұйрық тіркелген күннен бастап бес жұмыс күні ішінде оны Электрондық құжат айналымының бірыңғай жүйесі (бұдан әрі – ЭҚАБЖ) және (немесе) жазбаша түрде пошта арқылы Есеп комитетіне, Уәкілетті органның аумақтық бөлімшесіне, құқықтық статистика және арнайы есепке алу саласындағы уәкілетті органға жіберу жүзеге асырылады.
      Ескерту. 28-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      29. Бекітілген Мемлекеттік аудит объектілерінің тізбесіне өзгерістер (толықтырулар) енгізу туралы бұйрық тіркелген күннен бастап бес жұмыс күні ішінде оны ЭҚАБЖ және (немесе) жазбаша түрде пошта арқылы мыналарға:
      1) құқықтық статистика және арнайы есепке алу саласындағы уәкілетті органға;
      2) Есеп комитетіне және Уәкілетті органның аумақтық бөлімшесіне Мемлекеттік аудит объектілерінің өзгертілген (толықтырылған) нақтыланған тізбесінің қоса берілуімен жіберу жүзеге асырылады.
      Ескерту. 29-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      30. Жоспарлауға жауапты құрылымдық бөлімше бекітілген Мемлекеттік аудит объектілері тізбесінің орындалуына тұрақты негізде мониторинг жүргізеді.
      Ескерту. 30-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      31. Аудиторлық іс-шаралардың қайталануын болдырмау мақсатында, жоспарлауға жауапты құрылымдық бөлімше Есеп комитетінің және Уәкілетті органның аумақтық бөлімшесінің мемлекеттік аудит объектілері тізбелерінің өзгерістеріне ай сайынғы негізде мониторинг жүргізеді.
      Ескерту. 31-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      32. Мемлекеттік аудит объектілерінің тізбесі бекітілгеннен кейін бес жұмыс күні ішінде жоспарлауға жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірге тоқсан сайын нақтыланатын аудиторлық іс-шаралардың аяқталуын ескере отырып, отырыстар өткізудің жылдық жоспарды қалыптастырады.
      Ескерту. 32-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      33. Есепті кезеңнің қорытындылары бойынша Тексеру комиссиясының Төрағасына Мемлекеттік аудит объектілері тізбесінің іске асырылуы туралы ақпарат ұсынылады.
      Ескерту. 33-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      34. Мемлекеттік аудит объектілерінің тізбесіне Қазақстан Республикасы Президентінің тапсырмасы, Қазақстан Республикасы Президенті Әкімшілігінің тапсырмаларына негізделген Есеп комитетінің сұрау салулары, тиісті мәслихаттардың шешімдері және (немесе) өзекті етілген Өтінім мен өзгерістер және (немесе) толықтырулар енгізудің негізділігін растайтын құжаттар (материалдар) қоса берілген, Тексеру комиссиясының аудиторлық іс-шараға жауапты мүшесінің қызметтік жазбасының негізінде Тексеру комиссиясы Төрағасының бастамасы бойынша өзгерістер және (немесе) толықтырулар енгізіледі.
      Ескерту. 34-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

3-бөлім. Жеке мемлекеттік аудитті жоспарлау және оны жүргізу

1-кіші бөлім. Жеке мемлекеттік аудитті жоспарлау

      35. Аудиторлық іс-шараны жүргізуге дайындық оның бастапқы кезеңі болып табылады, онда:
      1) мемлекеттік аудит объектілерін алдын-ала зерделеу;
      2) тексеру тағайындауға актілер болып табылатын мемлекеттік аудит жүргізу жоспарын (бұдан әрі – Аудит жоспары), мемлекеттік аудит жүргізу бағдарламасын (бұдан әрі – Аудит бағдарламасы), аудиторлық іс-шараны, бірлескен және қатар тексерулерді жүргізуге тапсырманы (бұдан әрі – Тапсырма), аудиторлық іс-шараны жүргізуге арналған аудиторлық тапсырманы (бұдан әрі – Аудиторлық тапсырма) және өзге де құжаттаманы жасау жүзеге асырылады.
      Ескерту. 35-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      36. Жеке мемлекеттік аудит жүргізуге дайындық Мемлекеттік аудит туралы заңның 8-бабына, осы Қағидаларға және сыртқы мемлекеттік аудитті жүргізуді регламенттейтін өзге де құжаттарға сәйкес жүзеге асырылады.

1-параграф. Мемлекеттік аудит объектілерін алдын ала зерделеу

      37. Мемлекеттік аудит объектілерін алдын ала зерделеу мемлекеттік аудит объектісіне бармай, Қазақстан Республикасының мемлекеттік құпияларын қорғау жөніндегі заңнамаға сәйкес жүзеге асырылатын аудиторлық іс-шараларды қоспағанда, олардың қызметі туралы мемлекеттік аудиттін типін, тексеру түрі мен мемлекеттік аудит объектілерін, аудиторлық іс-шарамен қамтылатын қаражат және активтер көлемін, мемлекеттік аудит жүргізу мерзімдерін нақтылауға, мемлекеттік аудит мәселелерін айқындауға, соның ішінде қаражаттың жұмсалуы туралы мәліметтерде көзделген деректерді өзекті етуге қажетті ақпаратты жинау және талдау жолымен жүргізіледі.
      38. Мемлекеттік аудиттің типіне қарай мынадай көрсеткіштер айқындалады:
      1) тиімділік – жоспарланған және алынған нәтижелердің оларға қол жеткізу үшін пайдаланылған ресурстар ескерілгендегі арақатынасы;
      2) үнемділік – қызметтің бағаланатын нәтижелерінің тиісті сапасын сақтай отырып, осы нәтижелерге қол жеткізу үшін бөлінген ресурстардың құнын барынша азайту;
      3) өнімділік – санын, сапасын және мерзімдерін ескере отырып бөлінген ресурстарды пайдалана отырып, экономика немесе жекелеген басқару саласы үшін барынша пайдалы нәтиже алу;
      4) нәтижелілік – әрбір қызмет бойынша белгіленген міндеттердің іске асырылу деңгейі және тиісті қызметтің жоспарлы (тікелей, түпкілікті) және нақты нәтижелерінің арақатынасы;
      5) мәнділік – мемлекеттік аудит объектісі қаржылық және шаруашылық операцияларын жасауы кезінде Қазақстан Республикасының заңнамасы нормаларының, оларды іске асыру үшін қабылданған квазимемлекеттік сектор субъектілері актілерінің талаптарынан ауытқу, сондай-ақ ең жоғары жол берілетін мөлшері мемлекеттік аудит объектісі қызметінің ерекшелігіне және көрсеткіштер санатына қарай Қазақстан Республикасының мемлекеттік аудит және қаржылық бақылау туралы заңнамасына сәйкес айқындалатын, қабылданатын шешімдерге ықпал ететін өзге де қателер;
      6) перспективалық – жүргізілген шығыстардың белгіленген күтілетін кезеңге қойылған мақсаттар мен міндеттерге сәйкестігі.
      39. Мемлекеттік аудит объектісі туралы ақпаратты талдау негізінде алдын ала зерделеу барысында мемлекеттік аудиттің типіне және аудиторлық іс-шараның мақсатына қарай, осы Қағидалардың 38-тармағында көзделген мемлекеттік аудит көрсеткіштерін қоспағанда, мынадай көрсеткіштер айқындалады:
      1) тәуекелдердің болуы мен дәрежесі – тексерілетін саладағы бюджет қаражаты мен активтерінің қалыптастырылуына және пайдаланылуына немесе мемлекеттік аудит объектісінің қаржылық-шаруашылық қызметіне теріс әсер ететін, салдарынан бұзушылықтар мен кемшіліктер болуы мүмкін қандай да бір факторлардың (іс-қимыл немесе оқиғалардың) болуын айқындау;
      2) ішкі аудиттің болуы мен жай-күйі – осы мемлекеттік аудит объектісінде аудиторлық рәсімдердің көлемін жоспарлау және оларды жүргізу мақсатында, мемлекеттік аудит объектісінің қызметіндегі ол жүзеге асыратын ішкі бақылаудың тиімділігі дәрежесіне алдын ала бағалау жүргізу.
      40. Осы Қағидалардың 38 және 39-тармақтарында көрсетілген көрсеткіштер айқындалған және (немесе) басқа да арнайы көрсеткіштер әзірленген соң, аудиторлық іс-шараның мақсаттары мен мәселелері қалыптастырылады, оны жүргізу әдістері (талдау, салғастыру, бағалау, тексеру, зерттеп-қарау, аудиторлық іріктеу, мәнділік мөлшері және басқасы) айқындалады, сондай-ақ қажетті аудиторлық рәсімдердің көлемі жоспарланады.
      Ескерту. 40-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      41. Мәнділіктің шекті мөлшерін, мемлекеттік аудит үшін анағұрлым маңызды болатын салалар, мемлекеттік аудит объектілерінің тәуекелдерін және ішкі аудитінің жай-күйі мен ішкі бақылау жүйесін бағалау, аудиторлық іріктеуді қолдану әдістерін айқындаудың тәртібі Мемлекеттік аудит туралы заңның 8-бабына сәйкес, мемлекеттік аудиттің типіне қарай белгіленеді.
      42. Мемлекеттік аудит тобы мемлекеттік аудит объектілерінің қызметін алдын ала зерделеуді аудиторлық іс-шараның негізгі кезеңін жүргізуді бастағанға дейін кемінде бес жұмыс күні немесе Тексеру комиссиясының Регламентінде белгіленген мерзім ішінде аяқтай отырып, Мемлекеттік аудит объектілерінің тізбесінде көзделген мерзімдерде жүргізеді.
      43. Алып тасталды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      44. Осы Қағидаларға 6-қосымшаға сәйкес ресімделетін Алдын ала зерделеу жүргізу туралы хабарлама мемлекеттік аудит объектісіне оны жүргізудің басталатын күнінен кешіктірілмей жіберіледі.
      Ескерту. 44-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      45. Мемлекеттік аудит объектісіне осы Қағидаларға 7-қосымшаға сәйкес нысан бойынша мәліметтер, құжаттама, ақпарат және материалдар (дәлелдемелер) ұсыну туралы талап (бұдан әрі – Құжаттар ұсыну туралы талап) жіберіледі.
      Ескерту. 45-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      46. Мемлекеттік аудит тобы Тексеру комиссиясының аудиторлық іс-шараға жауапты мүшесінің басшылығымен:
      1) осы Қағидаларға 8-қосымшада ұсынылған мемлекеттік аудит объектісінің қызметін алдын ала зерделеу барысында зерделенетін Мәселелердің үлгі тізбесіне сәйкес мемлекеттік аудит объектілерінің қызметін алдын ала зерделеу үшін ақпарат көздеріне талдау жүргізеді;
      2) қолжетімді көздерден, Бірыңғай дерекқордан ақпарат жинауды және Мемлекеттік аудит туралы заңның 21-бабына сәйкес, мемлекеттік аудит объектілеріне, лауазымды, жеке және заңды тұлғаларға Құжаттар ұсыну туралы талапты жіберуді жүзеге асырады.
      Ескерту. 46-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      47. Қолдағы бар және Мемлекеттік аудит объектілерін алдын ала зерделеу қорытындысы бойынша алынған деректерге жүргізілген зерделеуге және талдауға сәйкес аудит объектісін алдын ала зерделеу кезінде Тексеру комиссиясының жоспарлаған мемлекеттік аудитімен сәйкес келетін мемлекеттік аудитпен қамтылатын мақсат, кезең бойынша басқа мемлекеттік аудит органдарының аудиторлық іс-шаралар (тексеру немесе бақылау) жүргізу мәселелері міндетті түрде қаралады.
      Ескерту. 47-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      48. Мемлекеттік аудит нәтижелерін тану Мемлекеттік аудит туралы заңның 8, 19-баптарға сәйкес жүзеге асырылады.
      49. Басқа мемлекеттік аудит органы жүргізген мемлекеттік аудит нәтижелерін Есеп комитеті танымаған жағдайда, осы мемлекеттік аудит объектілеріндегі аудиторлық іс-шара Аудит бағдарламасына және Мемлекеттік аудиторлардың аудиторлық тапсырмаларына сәйкес жүргізіледі, таныған жағдайда – аудиторлық іс-шара жүргізілмейді немесе Мемлекеттік аудит объектілерінің тізбесіне, Аудит жоспарына, Аудит бағдарламасына, Мемлекеттік аудиторлардың аудиторлық тапсырмаларына тиісті өзгерістер енгізіле отырып жүргізіледі.
      Ескерту. 49-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      50. Қолдағы бар және мемлекеттік аудит объектілерін алдын ала зерделеу қорытындысы бойынша алынған деректерге жүргізілген зерделеу мен талдауға сәйкес:
      1) мемлекеттік аудит нәтижелерін тану (танымау) ескеріле отырып, мемлекеттік аудиттің типіне, тексерудің түріне және мемлекеттік аудит объектілеріне, мемлекеттік аудитпен қамтылатын қаражаттың, активтердің көлеміне, кезеңіне нақтылау жүргізіледі.
      2) мемлекеттік аудит объектілері – мемлекеттік аудиторлардың арасында, бірлескен және қатар тексеру жүргізілген кезде мемлекеттік органдар мен мемлекеттік аудит органдары арасында бөлінеді;
      3) үстеме тексеру объектілері айқындалады;
      4) мемлекеттік аудитті жүргізуге тартылатын сарапшылар және мемлекеттік аудиттің соларға тапсырылуы жоспарланатын нақты мәселелері айқындалады;
      5) режимдік объектілерде мемлекеттік аудит жүргізілген жағдайларда, рұқсат алу мәселелері пысықталады;
      6) Мемлекеттік аудит объектісі басшысының (келісімімен аудиторлық іс-шара жүзеге асырылатын лауазымды адам) міндеттерін атқару жөніндегі талапқа қосу мақсатында, аудиторлық іс-шараны жүзеге асыру үшін құжаттардың және басқа да ақпараттың тізбесі жасалады;
      7) жоспарланған мемлекеттік аудитті жүргізуге қажетті ақпарат көздері айқындалады;
      8) мемлекеттік аудит тобының жетекшісі мемлекеттік аудит объектілерін алдын ала зерделеудің нәтижелері туралы ақпаратты осы Қағидаларға 9-қосымшаға сәйкес нысан бойынша жасайды.
      Ескерту. 50-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      51. Тексеру комиссиясының аудиторлық іс-шараға жауапты мүшесі:
      1) мемлекеттік аудит объектілерінде аудиторлық іс-шараны жүзеге асырудың орынсыздығы (елеулі тәуекелдердің болмауы, аудиторлық іріктеудің қорытындылары бойынша) анықталған;
      2) мемлекеттік аудиттің типтері мен тексерулердің түрлері бойынша Мемлекеттік аудит объектілерінің тізбесіне өзгерістер енгізудің қажеттілігі болған;
      3) басқа мемлекеттік аудит органдары мемлекеттік аудит (тексеру немесе бақылау) жүргізген және олардың нәтижелерін Тексеру комиссиясы таныған;
      4) құқық қорғау органдары құқық белгілеуші және өзге де бастапқы құжаттарды алып қойған кездерде тиісінше негіздей отырып, Тексеру комиссиясының Төрағасына мемлекеттік аудит мерзімдерінің ауыстырылғаны не осы аудиторлық іс-шараның Мемлекеттік аудит объектілерінің тізбесінен алынып тасталғаны туралы қызметтік жазба енгізеді.
      52. Осы Қағидалардың 51-тармағында көзделген қызметтік жазбаны қараудың қорытындысы бойынша Тексеру комиссиясының Төрағасы өзгерістер және (немесе) толықтырулар енгізу және (немесе) Мемлекеттік аудит объектілерінің тізбесінен аудиторлық іс-шараны алып тастау туралы шешім қабылдайды.

2-параграф. Аудит жоспарын, Аудит бағдарламасын,
Аудиторлық тапсырма және Тапсырмалар жасау

      53. Мемлекеттік аудит нәтижелерін тану (танымау) ескеріле отырып, мемлекеттік аудит объектісін алдын ала зерделеудің негізінде осы Қағидаларға 10-қосымшаға сәйкес нысан бойынша Аудит жоспары, осы Қағидаларға 11-қосымшаға сәйкес нысан бойынша Аудит бағдарламасы, осы Қағидаларға 12-қосымшаға сәйкес нысан бойынша Аудиторлық тапсырмалар жасалады.
      54. Аудит жоспары, Аудит бағдарламасы, Аудиторлық тапсырмалар және Тапсырмалар ТК ВАЖ-да және (немесе) ЭҚАБЖ арқылы қалыптастырылады.
      55. Аудит жоспары және Аудит бағдарламасының жобалары бойынша Мемлекеттік аудит туралы заңның 8-бабына және осы Қағидаларға сәйкес сапа бақылауы жүргізіледі.
      Сапа бақылауын жүргізу мақсатында сапа бақылауын жүргізуге жауапты құрылымдық бөлімшеге мыналар:
      1) мемлекеттік аудит объектілерін алдын ала зерделеудің нәтижелері туралы ақпарат;
      2) осы Қағидалардың 51-тармағына сәйкес Тексеру комиссиясының аудиторлық іс-шараға жауапты мүшесінің қызметтік жазбасы;
      3) Аудит жоспары мен Аудит бағдарламасының жобалары ұсынылады.
      Ескерту. 55-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      56. Аудиторлық іс-шараға (негізгі кезең) шыққанға дейін үш жұмыс күнінен кешіктірілмей немесе Тексеру комиссиясының Регламентінде белгіленген мерзімде:
      1) мемлекеттік аудит тобының жетекшісі жасап, оған мемлекеттік аудит жүргізуге, жоспарлауға, сапаны бақылауға жауапты құрылымдық бөлімшелердің басшылары бұрыштама қойған және Тексеру комиссиясының аудиторлық іс-шараға жауапты мүшесі қол қойған Аудит жоспары Тексеру комиссиясының Төрағасына бекітуге енгізіледі;
      2) Тексеру комиссиясының аудиторлық іс-шараға жауапты мүшесі мемлекеттік аудит тобының қатысушылары мемлекеттік аудит объектілері бойынша жасап, мемлекеттік аудит тобының жетекшісі, мемлекеттік аудитті жүргізуге жауапты құрылымдық бөлімшенің басшысы жинақтаған және қол қойған, жоспарлауға, сапаны бақылауға жауапты құрылымдық бөлімшелердің басшылары бұрыштама қойған Аудит бағдарламасын бекітеді;
      3) Тексеру комиссиясының аудиторлық іс-шараға жауапты мүшесі мемлекеттік аудит тобының әрбір қатысушысына жеке-жеке жасалып, мемлекеттік аудиторлар, мемлекеттік аудит тобының жетекшісі, мемлекеттік аудит жүргізуге жауапты құрылымдық бөлімше басшысы қол қойған Аудиторлық тапсырманы бекітеді;
      4) Тексеру комиссиясының аудиторлық іс-шараға жауапты мүшесі мемлекеттік аудит тобының қатысушылары жасап, мемлекеттік аудит тобының жетекшісі, мемлекеттік аудит жүргізуге, құқықтық қамтамасыз етуге жауапты бөлімшелердің басшылары бұрыштама қойған Тапсырмаларға қол қояды;
      5) кадр қызметі осы Қағидалардың 56-тармағының 1) тармақшасында көзделген Аудит жоспары бекітілгеннен кейін іссапарға жіберу туралы бұйрықтарды уәкілетті лауазымды адамға қол қоюға енгізеді.
      Ескерту. 56-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      57. Осы Қағидалардың 56-тармағында көрсетілген құжаттарға қол қойылғаннан кейін Тексеру комиссиясының аудиторлық іс-шараға жауапты мүшесі және мемлекеттік аудитті жүргізуге жауапты құрылымдық бөлімше Аудит жоспарын, Аудит бағдарламасын, Аудиторлық тапсырмаларды және Тапсырмаларды ЭҚАБЖ-да бір тіркеу нөмірімен тіркейді.
      58. Тіркеу нөмірлері күнтізбелік жылдың бас кезінен мынадай мәндері көрсетіле отырып беріледі:
      N-Ж – Аудит жоспары;
      N-Б – Аудит бағдарламасы;
      N-АТ – Аудиторлық тапсырмалар. Бір аудиторлық іс-шараға аудиторлық тапсырмаларға ортақ нөмір беріледі;
      N-П-Т – Аудиторлық іс-шараны, үстеме, бірлескен және қатар тексерулерді жүргізуге тапсырма, мұнда N – Мемлекеттік аудит объектілерінің тізбесіне сәйкес, аудиторлық іс-шараның реттік нөмірі, П – тапсырманың реттік нөмірі.
      N-ҚТ–аудиторлық іс-шараның сапасын бақылаудың қорытындысы бойынша Қайта тексеруге тапсырма.
      Ескерту. 58-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      59. Екінші және кейінгі Тапсырмаларды бір аудиторлық іс-шараның шеңберінде тіркеу көрсетілген мәнге дефис арқылы реттік нөмір бере отырып (-1Т, -2-Т және т.б.), сол реттік нөмірмен (N) жүзеге асырылады.
      Тіркелген Тапсырмаларға өзгерістер және (немесе) толықтырулар енгізілген жағдайда, мемлекеттік аудит объектісі, құқықтық статистика және арнайы есепке алу саласындағы уәкілетті орган бір мезгілде хабардар етіле отырып, жаңа Тапсырма қабылданады.
      Үстеме тексеру жүргізуге берілген тапсырмаға негізгі мемлекеттік аудит объектісіндегі Аудиторлық іс-шара жүргізуге тапсырманың нөміріне бөлшек қою арқылы реттік нөмір беріледі (N-1/1-Т, N-2/1-Т және т.б.).
      60. Тексеру комиссиясының аудиторлық іс-шараға жауапты мүшесі мен мемлекеттік аудитті жүргізуге жауапты құрылымдық бөлімшенің басшысы аудиторлық іс-шараға (негізгі кезең) шыққанға дейін мемлекеттік аудит тобының қатысушыларына техникалық сабақ (нұсқама) өткізеді.
      61. Тексеру комиссиясының аудиторлық іс-шараға жауапты мүшесі тікелей мемлекеттік аудит объектісінде мемлекеттік аудит жүргізудің (үстеме тексеруді қоспағанда) негізгі кезеңі басталғанға дейін екі жұмыс күнінен кешіктірмей немесе Тексеру комиссиясының Регламентінде белгіленген мерзімде, мемлекеттік аудит объектісіне осы Қағидалардың 44-тармағында көзделген нысан бойынша аудиторлық іс-шара жүргізу туралы хабарлама жібереді.
      62. Аудит бағдарламасы Аудит жоспарын дамыту үшін жасалып, мемлекеттік аудит көрсеткіштерінен және оны іс жүзінде іске асыруға қажетті мәселелерден тұрады.
      Ескерту. 62-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      63. Аудит бағдарламасының мәселелері аудиторлық іс-шараның қойылған мақсаттарына қол жеткізуге бағытталған.
      Ескерту. 63-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      64. Аудит жоспарында, Аудит бағдарламасында және Тапсырмада аудиторлық іс-шараның мақсаты Мемлекеттік аудит объектілерінің тізбесінде көзделген мемлекеттік аудиттің тақырыбына (аудиторлық іс-шараның атауына), жүргізілетін типіне және Мемлекеттік аудит туралы заңның 13-бабының 1, 2, 3-тармақтарында көзделген мемлекеттік аудит бағыттарына сүйене отырып айқындалады.
      65. Сәйкестік аудитінің бағдарламасын жасау кезінде Мемлекеттік аудит туралы заңның 13-бабының 2-тармағында көзделген бағыттарға сәйкес, соның ішінде мемлекеттік аудит объектілерінің қызметін реттейтін және регламенттейтін заңнама нормаларын, нормативтік құқықтық актілер ережелерін, квазимемлекеттік сектор субъектілерінің актілерін, ұйымның белгіленген тәртібін сақтау, олардың қаржылық есептілікті жасау және ұсыну мәселелерін көрсеткен жөн.
      66. Қаржылық есептілік аудитінің бағдарламасын жасау кезінде оған мемлекеттік аудит объектілерінің жергілікті бюджетті атқаруының қаржылық есептілігін нормативтік құқықтық актілерге, бухгалтерлік стандарттарға, қаржылық есептілік стандарттарына сәйкес жасауының толықтығы мен анықтығы мәселелерін енгізген жөн.
      Ескерту. 66-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      67. Тиімділік аудитінің бағдарламасы соның ішінде мемлекеттік аудиттің алдыңғы екі типіне – сәйкестік және қаржылық есептілік аудиттеріне негізделеді. Тиімділік аудиті бағдарламасының мәселелері оның бюджет қаражатын және активтерін пайдаланудан алынған түпкілікті әлеуметтік-экономикалық нәтижені айқындауға арналған бағытын ескереді.
      68. Тиімділік аудиті бірнеше мемлекеттік аудит объектісінде жүргізілген жағдайда, мемлекеттік аудит типі аталған обьектідегі мемлекеттік аудиттің мақсатына қарай, әрбір мемлекеттік аудит объектісі бойынша көрсетіледі.
      69. Мемлекеттік жоспарлау жүйесі құжаттарының іске асырылуына тиімділік аудитін жүргізу кезінде Есеп комитеті бекітетін Мемлекеттік жоспарлау жүйесі құжаттарына, акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларына бағалау жүргізу қағидаларын басшылыққа алған жөн.
      70. Аудиторлық тапсырмада нақты бағдарламалық мәселелер, оларды әрбір мемлекеттік аудит объектісінде қарау мерзімдері көрсетіледі.
      71. Тапсырма аудиторлық іс-шара жүргізуге құқық беретін ресми құжат болып табылады және «Тексерудi тағайындау туралы актiлердi, тексеруді тоқтата тұру, қайта бастау, оның мерзімдерін ұзарту туралы, қатысушылар құрамын өзгерту және тексеру мен оның нәтижелерi туралы ақпараттық есепке алу құжаттарын ұсыну туралы хабарламаларды тіркеу қағидаларын бекіту туралы» Қазақстан Республикасы Бас прокурорының 2016 жылғы 26 қаңтардағы № 13 бұйрығына сәйкес (Нормативтік құқықтық актілерді мемлекеттік тіркеу тізілімінде № 13171 тіркелген), құқықтық статистика және арнайы есепке алу саласындағы уәкілетті органда тіркеле отырып, қатаң есептілік бланкісінде ресімделеді.
      Ескерту. 71-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      72. Аудиторлық іс-шараны жүргізуге тапсырма және Үстеме (Бірлескен, Қатар) тексеруді жүргізуге тапсырма осы Қағидаларға 13-қосымшаға сәйкес нысан бойынша ресімделеді.

2-кіші бөлім. Жеке мемлекеттік аудит жүргізу

1-параграф. Аудиторлық іс-шараны жүргізудің
ұйымдастырушылық негіздері

      73. Мемлекеттік аудит объектілерінің тізбесіне сәйкес, Тексеру комиссиясының аудиторлық іс-шараға жауапты мүшесінің қолы қойылған Аудиторлық іс-шара жүргізуге тапсырманың болуы аудиторлық іс-шара жүргізу үшін негіздеме болып табылады.
      Ескерту. 73-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      74. Әрбір мемлекеттік аудит объектісіне жеке Тапсырма ресімделеді.
      75. Аудиторлық іс-шараны жүргізу басталардың алдында мемлекеттік аудит объектісінің басшысына:
      1) Аудиторлық іс-шара жүргізуге тапсырма;
      2) мемлекеттік аудитті жүзеге асыруға уәкілетті лауазымды адамдардың қызметтік куәліктері;
      3) Қазақстан Республикасында құпиялылық режимін қамтамасыз ету жөніндегі заңнамада белгіленген жағдайларда, құзыретті органның режимді объектілерде болуға арналған рұқсаты көрсетіледі.
      76. Аудиторлық іс-шараны Тапсырмада көрсетілген адамдар ғана жүзеге асырады.
      77. Аудиторлық іс-шара жүргізудің басталған кезі мемлекеттік аудит объектісінің лауазымды адамына (адамдарына) Тапсырманың ұсынылған күні болып табылады.
      78. Мемлекеттік аудит объектісінің басшысына немесе келісімімен аудиторлық іс-шара жүзеге асырылып жатқан лауазымды адамға Тапсырма көрсетілген күннен бастап екінші күннен кешіктірілмей, мемлекеттік аудит тобының жетекшісі немесе мемлекеттік аудитор қол қойған, осы Қағидаларға 14-қосымшаға сәйкес нысан бойынша мемлекеттік аудит объектісі басшысының (келісімімен аудиторлық іс-шара жүзеге асырылып жатқан лауазымды адамның) міндеттерін атқару жөніндегі талап беріледі.
      Қағидалардың осы тармағында көзделген Талапқа бөлшек арқылы тапсырманың нөмірі беріледі және көрсетілген Талаптың табыс етілген күні көрсетіледі.
      Мемлекеттік аудит объектісі басшысының міндеттерін атқару жөніндегі Талаптың бірінші данасы мемлекеттік аудит объектісінің басшысына немесе келісімімен аудиторлық іс-шара жүзеге асырылып жатқан лауазымды адамға қол қою арқылы беріледі. Қабылдамаған кезде мемлекеттік аудит тобының жетекшісі (мемлекеттік аудитор) Мемлекеттік аудит объектісі басшысының міндеттерін атқару жөніндегі талапты мемлекеттік аудит объектісінің кеңсесі арқылы жібереді.
      Мемлекеттік аудит объектісі басшысының міндеттерін атқару жөніндегі талаптың, қабылданғаны туралы белгісі бар екінші данасы мемлекеттік аудиторда қалады және Аудиторлық есепке қоса тіркеледі.
      Міндеттерін атқару жөніндегі талап А4 форматының парағында жасалады.
      Ескерту. 78-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      79. Аудиторлық іс-шараны жүзеге асыру барысында қосымша құжаттар, материалдар, ақпарат алуға кедергі келтірілген жағдайда, оларды алу үшін, Қағидалардың осы тармағына сәйкес ресімделетін Мемлекеттік аудит объектісі басшысының міндеттерін атқару жөніндегі талап жіберіледі.
      80. Үстеме тексеру жүргізу кезінде мемлекеттік аудит объектісі мемлекеттік аудит жүргізуге кедергі келтірген жағдайда, оған мемлекеттік аудит объектісі басшысының міндеттерін атқару жөніндегі талап көрсетіледі.
      81. Мемлекеттік аудит объектісінің лауазымды адамдары мемлекеттік аудит объектісіне кіргізуден бас тартқан жағдайда және (немесе) аудиторлық іс-шараны жүргізуге кедергі келтірген кезде, мемлекеттік аудитор осы Қағидаларға 15-қосымшаға сәйкес нысан бойынша мемлекеттік аудит объектісіне кіргізуден бас тарту фактісі бойынша акті және Қазақстан Республикасының 2014 жылғы 5 шілдедегі Әкімшілік құқық бұзушылық туралы кодексінің (бұдан әрі – ӘҚтК) негізінде және онда көзделген тәртіппен әкімшілік құқық бұзушылық туралы хаттама жасайды.
      Әкімшілік құқық бұзушылық туралы тиісті хаттама құқықтық қамтамасыз етуге жауапты құрылымдық бөлімшеде тіркеледі.
      82. Осы Қағидалардың 81-тармағында көзделген жағдайда, мемлекеттік аудит тобының жетекшісі жазбаша, электрондық пошта (факс), пошта байланысы арқылы және (немесе) қолма-қол Тексеру комиссиясының аудиторлық іс-шараға жауапты мүшесіне осы фактілер туралы хабарлайды, ол осыларды жою жөнінде шаралар қабылдайды.
      83. Мемлекеттік аудит объектісі мемлекеттік аудит жүргізуге кедергі келтіретін мән-жайларды жоймаған жағдайда, Тексеру комиссиясының аудиторлық іс-шараға жауапты мүшесі мемлекеттік аудит жүргізуге кедергі келтіретін себептер толық жойылғанға дейін аудиторлық іс-шараны тоқтата тұру туралы Тексеру комиссиясының Төрағасына қолдаухат дайындайды.
      84. Аудиторлық іс-шараны тоқтата тұру, ұзарту туралы шешім мемлекеттік аудит объектісін, құқықтық статистика және арнайы есепке алу саласындағы уәкілетті органды бір мезгілде хабардар ете отырып, Тексеру комиссиясы Төрағасының бұйрығы түрінде шығарылады.
      Аудиторлық іс-шара қайта басталған кезде жаңа Тапсырма жазылып беріледі.
      85. Аудиторлық іс-шараны жүргізу мемлекеттік аудит объектісінің қызметіне кедергі келтірмейді.
      86. Аудиторлық іс-шараны жүргізу мемлекеттік аудит объектісінің жұмыс режиміне және күн тәртібіне сәйкес жүзеге асырылады.
      87. Мемлекеттік аудиторлар мемлекеттік аудит объектісінің ақпараттық стендінде Тексеру комиссиясы қызметкерлерінің мемлекеттік аудит объектісінде аудиторлық іс-шара жүргізіп жатқаны туралы ақпарат іледі.
      88. Егер мемлекеттік аудит объектісінде басқа мемлекеттік аудит органының мақсаты, аудиторлық іс-шарамен қамтылатын кезеңі бойынша Тексеру комиссиясының аудиторлық іс-шарасымен сәйкес келетін мемлекеттік аудит жүргізу фактісі анықталса, мемлекеттік аудиторлар Мемлекеттік аудит туралы заңның 8, 19-баптарына сәйкес, мемлекеттік аудит нәтижелерін тану рәсімдерін жүргізуге бастамашылық жасайды.
      Ескерту. 88-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      89. Басқа мемлекеттік аудит органы жүргізген мемлекеттік аудит нәтижелерін Есеп комитеті танымаған жағдайда, мемлекеттік аудиттің аталған объектілеріндегі аудиторлық іс-шара Аудит бағдарламасына және мемлекеттік аудиторлардың Аудиторлық тапсырмаларына сәйкес жүргізіледі.
      90. Мемлекеттік аудит объектілерінің тізбесіне, Аудит жоспарына, Аудит бағдарламасына, Аудиторлық тапсырмаларға Есеп комитеті басқа мемлекеттік аудит органы жүргізген мемлекеттік аудит нәтижелерін толық таныған жағдайда мемлекеттік аудиттің көлемі қысқарған кезде өзгерістер енгізіледі.
      Ескерту. 90-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      91. Құқық қорғау органдары мемлекеттік аудит объектісіндегі құжаттарды алып қойғанда, сарапшылар мемлекеттік аудит жүргізуден бас тартқанда, Есеп комитеті мемлекеттік аудит нәтижелерін танығанда, Тексеру комиссиясының аудиторлық іс-шараға жауапты мүшесі немесе Тапсырмаға қол қойған лауазымды адам тіркелген Тапсырманың күшін жоюға келісім берген мемлекеттік аудит тобы жетекшісінің, мемлекеттік аудитті жүргізуге, құқықтық қамтамасыз етуге жауапты бөлімше басшыларының қолы болған жағдайда, оның оң жақ жоғарғы бұрышына қойылатын «Тапсырманың күші жойылды» деген мәтіні бар мөртаңбаға өзінің қолын қою арқылы растай отырып Тапсырманың күшін жояды. Тапсырманың артқы бетінде (мөртаңбаның бедері деңгейінде) оның күшін жоюдың себептері және осындай шешімнің қабылданған күні көрсетіледі.
      92. Аудиторлық іс-шара барысында Аудит бағдарламасымен қамтылмаған, бірақ толық зерделеуге қажетті мәселелер туындаған жағдайда, мемлекеттік аудитор мемлекеттік аудит тобы басшысының келісімі бойынша Тексеру комиссиясының аудиторлық іс-шараға жауапты мүшесін жазбаша түрде хабардар етеді.
      Аудит бағдарламасында қамтылмаған мәселелер бойынша аудиторлық іс-шара жүргізудің орындылығы танылған жағдайда, Тексеру комиссиясының аудиторлық іс-шараға жауапты мүшесі мемлекеттік аудитордың Аудиторлық тапсырмасына толықтырулар енгізе отырып, мемлекеттік аудиторға тиісті тапсырма береді. Мемлекеттік аудит объектісі Аудит бағдарламасында қамтылмаған мәселелер бойынша материалдарды аудиторлық іс-шараны жүзеге асыратын мемлекеттік аудитор жіберген Құжаттарды ұсыну туралы талаптың негізінде ұсынады.
      Ескерту. 92-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      93. Мемлекеттік аудитті жүргізу мерзімін ұзарту қажет болған жағдайда, соның ішінде осы Қағидалардың 92-тармағында көзделген жағдайда, Мемлекеттік аудит объектілерінің тізбесіне тиісті өзгерістер енгізіле отырып, Тексеру комиссиясының Төрағасы Тексеру комиссиясының аудиторлық іс-шараға жауапты мүшесінің жазбаша қолдаухаты 6ойынша ол аяқталғанға дейін кемінде бір жұмыс күні бұрын мерзімін ұзартады.
      94. Аудиторлық іс-шараны жүргізу барысында Аудит жоспарына, Аудит бағдарламасына және Аудиторлық тапсырмаларға өзгерістер және (немесе) толықтырулар енгізу:
      Аудит жоспарына – Тексеру комиссиясының аудиторлық іс-шараға жауапты мүшесінің өзгерістер және (немесе) толықтырулар енгізудің негіздемелерін көрсете отырып, мемлекеттік аудит жүргізуге және жоспарлауға жауапты құрылымдық бөлімшелер басшыларының бұрыштамасы алынған, Тексеру комиссиясы Төрағасының атына жазбаша қолдаухатының негізінде;
      Аудит бағдарламасына – мемлекеттік аудит тобы жетекшісінің өзгерістер және (немесе) толықтырулар енгізудің негіздемелерін көрсете отырып, мемлекеттік аудитті жоспарлауға және жүргізуге жауапты құрылымдық бөлімшелер басшыларының келісімі бойынша Тексеру комиссиясының аудиторлық іс-шараға жауапты мүшесінің атына қызметтік жазбасының негізінде;
      Аудиторлық тапсырмаға – мемлекеттік аудитордың мемлекеттік аудит тобының жетекшісімен келісілген, Тексеру комиссиясы мүшесінің атына қызметтік жазбасының негізінде немесе Аудит жоспары мен Аудит бағдарламасына өзгерістер және (немесе) толықтырулар енгізілген жағдайда жүзеге асырылады.
      Бұл ретте Аудит жоспарын – Мемлекеттік аудит объектілерінің тізбесіне (қажет болғанда) бір мезгілде өзгерістер және (немесе) толықтырулар енгізе отырып, Тексеру комиссиясының Төрағасы, Аудит бағдарламасын және Аудиторлық тапсырманы – енгізілген өзгерістер және (немесе) толықтыруларды ескеріп, аудиторлық іс-шара жүргізу мерзімін өзгертіп немесе өзгеріссіз қалдырып, келісу рәсімдерін сақтай отырып, Тексеру комиссиясының аудиторлық іс-шараға жауапты мүшесі қайта бекітеді.
      95. Аудиторлық іс-шараны жүзеге асыру кезінде аудиторлық іс-шараның қойылған мақсатына және мәселелеріне сәйкес аудиторлық дәлелдемелер қалыптастыруға қажетті нақты деректерді жинау, талдау жүргізіледі.
      Нақты деректерді жинау мынадай тәсілдермен:
      1) бір мезгілде;
      2) үздіксіз процесс жолымен, белгілі бір уақыт аралығында;
      3) аудиторлық іс-шара жүргізілетін бүкіл мерзім ішінде жүзеге асырылады.
      Аудиторлық іс-шараны жүргізу барысында жиналған аудиторлық дәлелдемелер мемлекеттік аудит объектісінде анықталған нормативтік және құқықтық актілер бұзушылықтарының негіздемесі болып табылады. Жиналған аудиторлық дәлелдемелердің негізінде аудиторлық іс-шараның нәтижелері бойынша Аудиторлық қорытындыда тұжырымдар мен ұсынымдар қалыптастырылады.
      Ескерту. 95-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      96. Мемлекеттік аудиторлар іс жүзінде тауарларды жеткізу, қызметтерді көрсету және жекелеген жұмыс түрлерін (көлемін) орындау мәнінің анықтығын растау және (немесе) осыған байланысты аудиторлық дәлелдемелер жинау үшін мемлекеттік аудит объектісінің басшысы уәкілеттік берген адаммен бірге бақылау өлшемін, тексеріп қарауды (бұдан әрі – бақылау өлшемі (тексеріп қарау)) жүргізеді.
      Мемлекеттік аудит объектісінің басшылығы тапсырыс берушінің және (немесе) өнім берушінің (мердігердің) өкілдерінің және басқа да қатысы бар адамдардың толыққанды бақылау өлшемін (тексеріп қарауды) жүргізуге қажетті бақылау-өлшеу аспаптарымен қатысуын қамтамасыз ету қажеттілігі туралы хабардар етіледі.
      97. Бақылау өлшемінің (тексеріп қараудың) қорытындысы бойынша осы Қағидаларға 16-қосымшаға сәйкес нысан бойынша бақылау өлшемі (тексеріп қарау) актісі екі данада ресімделіп, оған аяқталған күні қол қойылады. Қол қойылған актінің бір данасы – мемлекеттік аудиторда қалдырылады, ал екінші данасы – мемлекеттік аудит объектісіне беріледі. Бақылау өлшемінің (тексеріп қараудың) нәтижелерін мемлекеттік аудитор негізгі мемлекеттік аудит объектісінде жасалатын Аудиторлық есепте міндетті түрде көрсетеді.
      98. Мемлекеттік аудит объектісінің (тапсырыс берушінің) және (немесе) өнім берушінің (мердігердің) өкілдері тарапынан бақылау өлшемі (тексеріп қарау) актісіне қол қоюдан бас тартылған жағдайда, қол қоюдан бас тартылғаны жөнінде белгі қойылады. Жүргізілген бақылау өлшемінің нәтижелерін растайтын тиісті негіздер (аудиторлық дәлелдемелер) болған жағдайда, мемлекеттік аудит объектісі (тапсырыс беруші) және (немесе) өнім беруші (мердігер) тарапынан бақылау өлшемі (тексеріп қарау) актісіне қол қоюдан бас тарту өлшем (тексеріп қарау) нәтижелерін Аудиторлық есепке енгізуден бас тартуға негіз бола алмайды.
      99. Мемлекеттік аудиторлар күн сайын мемлекеттік аудит тобы жетекшісіне ауызша есеп беріп отырады, апта сайын соңғы жұмыс күнінің алдындағы күні қорғалған байланыс арналары арқылы осы Қағидаларға 17-қосымшаға сәйкес нысан бойынша немесе Тексеру комиссиясының Регламентінде көзделген нысан бойынша анықталған бұзушылықтар мен кемшіліктер туралы есепті күнге толтырылған (жасалған) апта сайынғы есебін жіберіп отырады. Көрсетілген есеп осындай тәртіппен мәлімет үшін Есеп комитетінің аудиторлық іс-шараға жауапты мүшесіне ұсынылады.
      Аудиторлық іс-шараға тартылған сарапшылар Мемлекеттік аудит туралы заңның 8-бабына сәйкес өз жұмысының барысы туралы есеп береді.
      Ескерту. 99-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      100. Мемлекеттік аудит тобының жетекшісі мемлекеттік аудиторлардың жұмысын үйлестіреді, аудиторлық іс-шара мәселелерінің толық қамтылуына мониторинг жүргізеді, аудиторлық іс-шараның жекелеген бағыттарын түзетеді, мемлекеттік аудиторлардың арасында туындайтын проблемалық мәселелерді шешеді, апта сайын аптаның соңғы жұмыс күні қорғалған байланыс арналары арқылы мемлекеттік аудитті жүргізуге жауапты бөлімшенің басшысына және Тексеру комиссиясының аудиторлық іс-шараға жауапты мүшесіне осы Қағидалардың 99-тармағында көзделген нысан бойынша немесе Тексеру комиссиясының Регламентінде көзделген нысан бойынша анықталған бұзушылықтар мен кемшіліктер туралы есепті күнге толтырылған (жасалған) мемлекеттік аудит тобы жетекшісінің жиынтық апта сайынғы есебін ұсынып отырады.
      Ескерту. 100-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      101. Мемлекеттік аудит тобының жетекшісі мемлекеттік аудит жүргізуге жауапты бөлімшенің басшысын және Тексеру комиссиясының аудиторлық іс-шараға жауапты мүшесін мемлекеттік аудитті жүргізу барысында аудиторлық іс-шараға қатысқан мемлекеттік аудиторлардың, сарапшылардың қызметтік міндеттерін орындамау жағдайлары және атқарушылық тәртіпті, еңбек тәртібін бұзу, мемлекеттік қызметшілердің қызмет әдебін сақтамау фактілері туралы жазбаша түрде хабардар етеді.
      Өз кезегінде, мемлекеттік аудитті жүргізуге жауапты бөлімшенің басшысы Тексеру комиссиясының аудиторлық іс-шараға жауапты мүшесімен бірге тәртіптік сипаттағы шаралар қабылдау үшін көрсетілген фактілер туралы Тексеру комиссиясының Төрағасына жазбаша түрде хабарлайды.
      102. Режимдік мекемелерде аудиторлық іс-шараларды жүргізуге байланысты құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады.

2-параграф. Аудиторлық іс-шараларды жүргізуге сарапшыларды тарту

      103. Тексеру комиссиясы өз өкілеттіктері шегінде өзіне жүктелген міндеттерді орындау мақсатында, Мемлекеттік аудит туралы заңның 18-бабының 8-тармағына сәйкес:
      1) мемлекеттік аудит тобының құрамына сарапшыларды енгізу;
      2) сарапшыларға Аудит бағдарламасына сәйкес қызметтер көрсетуге жеке тапсырма беру жолымен сарапшыларды тартады.
      104. Сарапшыларды тартудың мақсаты сапалы аудиторлық іс-шарамен қамтамасыз ету және мемлекеттік аудит нәтижелерін мемлекеттік аудиттің арнайы білімдерді қажет ететін мәселелері жөніндегі тәуелсіз сараптаманың қорытындысымен растау болып табылады.
      Мемлекеттік органдардың мамандарын аудиторлық іс-шараға қатысуға жіберу мүмкіндік болмаған не оларды жіберуден бас тартылған жағдайда, Тексеру комиссиясының аудиторлық іс-шараға жауапты мүшесі, қажет болғанда, сынақтардың, бақылау өлшемдерінің (тексеріп қараулардың) нәтижелерін қажетті қорытындыларды алу мақсатында уәкілетті органдар мен ұйымдарға жібереді.
      Осы тармақта көзделген қорытындылардың нәтижелері Аудиторлық есепке, тізілімге, Аудиторлық қорытындыға және Жиынтық тізілімге енгізіледі.
      Ескерту. 104-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      105. Сарапшыларды тартудың қажеттілігі Мемлекеттік аудит объектілерінің тізбесін қалыптастыру кезінде айқындалады.
      106. Мемлекеттік органдардың мамандары жоспарланған іс-шараны, мамандардың саны мен біліктілігін, аудиторлық іс-шараның немесе сараптаманың жүргізілу мерзімі мен кезеңін көрсете отырып, мемлекеттік орган мен мекеме басшысының атына Тексеру комиссиясының хатының негізінде тартылады.
      Ескерту. 106-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      107. Сарапшылардың көрсететін қызметтерін тиісті шарттар жасай отырып сатып алу Қазақстан Республикасының азаматтық заңнамасының және мемлекеттік сатып алу туралы заңнамасының талаптарына сәйкес жүргізеді.

3-параграф. Үстеме тексеруді жүзеге асыру

      108. Негізгі мемлекеттік аудит объектілерінің қызметін алдын ала зерделеу барысында үстеме тексерудің ықтимал объектілері айқындалып, олар Аудит жоспары мен бағдарламасына енгізіледі.
      Егер аудиторлық іс-шараны жүргізу барысында үстеме тексеру жүргізу үшін негіз туындаса, онда Аудит жоспары мен бағдарламасына өзгерістер енгізілместен, Аудиторлық тапсырмаларға тиісті толықтырулар енгізіледі.
      109. Үстеме тексеру жүргізу үшін әрбір мемлекеттік аудит объектісіне осы Қағидалардың 72-тармағында көзделген нысан бойынша үстеме тексеру жүргізуге жеке Тапсырма ресімделеді.
      110. Үстеме тексеру нәтижелерін ресімдеу кезінде Аудиторлық есептің нысанынан мынадай бөлімдер: мемлекеттік аудит типі, алдыңғы мемлекеттік аудит нәтижелері туралы мәліметтер алынып тасталады.
      111. Үстеме тексеруді жүргізген мемлекеттік аудитор мен тартылған сарапшылар Аудиторлық есепті екі данада жасайды және оларға қол қояды.
      Мемлекеттік аудитор Аудиторлық есептің екінші парағынан бастап барлық беттеріне қол қояды.
      Аудиторлық есептің екінші данасы аудиторлық есепті мемлекеттік аудит объектісінің кіріс хат-хабарын есепке алу жүйесінде тіркеу не поштамен хабардар ету арқылы үстеме тексеру аяқталған күні мемлекеттік аудит объектісінің басшысына (лауазымды адамына) тапсырылады.
      Ескерту. 111-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      112. Үстеме тексеру жүргізілген жағдайда, мемлекеттік аудитор оның нәтижелерін негізгі мемлекеттік аудит объектісінде жасалатын Аудиторлық есепте міндетті түрде көрсетеді.

4-параграф. Бірлескен тексеруді жүзеге асыру

      113. Бірлескен тексерудің іс-шаралары осы Қағидалардың 2-бөлімінде белгіленген тәртіпке сәйкес Тексеру комиссиясының Мемлекеттік аудит объектілері тізбесін қалыптастыру және нақтылу кезеңінде көзделеді.
      Ескерту. 113-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      114. Бiрлескен тексеру жүргізуді Тексеру комиссиясы басқа мемлекеттік аудит органдарымен және (немесе) мемлекеттік органдармен келісілген мерзімдерде бекітілген Мемлекеттік аудит объектілері тізбесінің негізінде тексерудің жеке түрі ретінде не жүргізілетін бірлескен аудиторлық іс-шараның шеңберінде бір мезгілде жүзеге асырады.
      115. Бiрлескен тексеруді жүргізуге дайындық Мемлекеттік аудит объектілерінің тізбесінде көзделген мерзімдерге сәйкес жүргізіледі.
      116. Мемлекеттік аудит (тексеру) тобының жетекшісі және мемлекеттік аудит (тексеру) тобының қатысушылары Тексеру комиссиясының аудиторлық іс-шараға (бiрлескен тексеруге) жауапты мүшесімен бірлесіп, ақпарат жинауды жүргізеді және алдын ала зерделеудің мерзімі басталған кезден бастап, бес жұмыс күні ішінде жетіспейтін ақпаратты ұсыну жөнінде мемлекеттік аудит (тексеру) объектілеріне сұрау салу жібереді.
      117. Алдын ала зерделеудің қорытындылары бойынша Тексеру комиссиясының мүшесі мемлекеттік аудит (тексеру) тобының жетекшісімен бірге бірлескен тексерудің Жоспарының, Бағдарламасының және Аудиторлық тапсырмалардың жобаларын жасайды, бірлескен тексеру Бағдарламасының әзірленген жобасын бірлескен тексеруді жүргізуге қатысатын мемлекеттік органдарға жібереді. Мемлекеттік аудит органдары және бірлескен тексеруді жүргізуге қатысатын мемлекеттік органдар аудиторлық іс-шара басталғанға дейін кемінде бес жұмыс күні бұрын бірлескен тексерудің Бағдарламасының жобасын келіседі.
      118. Тексеру комиссиясының мүшесі мемлекеттік аудит (тексеру) тобының жетекшісімен бірге үш жұмыс күні ішінде мемлекеттік аудит органдарының және мемлекеттік органдардың ұсыныстарын пысықтайды, және қажет болған жағдайда, Бірлескен тексеру жоспарына, бағдарламасына, Аудиторлық тапсырмаларға түзетулер енгізеді және оларды сапа бақылауына жауапты құрылымдық бөлімшеге ұсынады.
      119. Бірлескен тексеру бағдарламасында мемлекеттік аудит (тексеру) объектілері бойынша: мемлекеттік аудит (тексеру) объектісінің атауы, мақсаты, тексерудің түрі, мемлекеттік аудиттің типі, тексерумен қамтылатын кезең, тексеру жүргізу мерзімдері, бірлескен тексеру тобының құрамы, тексерумен қамтылатын қаражат пен активтер көлемі, мемлекеттік аудит көрсеткіштері, тексеру мәселелері және оларды қараудың дәйектілігі көрсетіледі.
      Бірлескен тексеру бағдарламасы мемлекеттік аудит органының немесе бірлескен тексеруге қатысушы мемлекеттік органның жауапты лауазымды адамымен (электрондық немесе жазбаша хат алмасу жолымен) келісіледі және Тексеру комиссиясының мүшесі бірлескен тексеру басталғанға дейін кемінде екі күн бұрын Тексеру бағдарламасының типтік нысанына сәйкес оны бекітеді.
      Ескерту. 119-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      120. Бірлескен тексеруді жүргізу үшін Тексеру комиссиясының және мемлекеттік аудит органдарының немесе мемлекеттік органдардың өкілдерінен ортақ бірлескен немесе тараптардың әрқайсысының жеке аудит (тексеру) тобы құрылады, олардың қатысушыларын мемлекеттік аудит (тексеру) объектілері және бюджет деңгейлері бойынша бөлу тараптардың келісімімен Тексеру комиссиясы мүшесінің басшылығымен жүзеге асырылады.
      121. Тексеру жүргізуге негіз болып табылатын құжаттарды (Тексеру жүргізуге тапсырма, Тексеру тағайындау туралы бұйрықтар) әрбір мемлекеттік орган жеке ресімдейді.
      122. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік орган жеке жүргізеді.
      123. Бірлескен тексеруді сапалы жүргізу мақсатында, мемлекеттік органдардың тексеру жүргізуге жауапты лауазымды адамдары, мемлекеттік аудиттің (тексерудің) бірлескен тобының қатысушылары өз араларында:
      1) бірлескен тексеруді жүзеге асыру барысында туындайтын мәселелерді талқылай отырып жұмыс кеңестері;
      2) консультациялар;
      3) әдістемелік және талдамалық құжаттармен, ақпаратпен алмасу түріндегі өзара іс-қимылды жүзеге асырады.
      124. Тексеру комиссиясының және мемлекеттік аудит органының мемлекеттік аудиторлары немесе мемлекеттік аудит объектілерінде бірлескен аудитті (тексеруді) жүзеге асыратын мемлекеттік органның қызметкерлері бірлескен тексеруді жүргізудің қорытындылары бойынша Аудиторлық есеп жасайды және оған қол қояды.
      125. Мемлекеттік аудит (тексеру) объектісінде бірлескен тексеруді ортақ тексеру тобы жүргізген кезде Аудиторлық есеп Тексеру комиссиясының бланкісінде үш данада ресімделіп, бірінші данасы – Тексеру комиссиясына, екінші данасы – мемлекеттік аудит органына немесе бірлескен тексеруге қатысушы мемлекеттік органға, үшінші данасы – мемлекеттік аудит (тексеру) объектісіне беріледі. Бірлескен тексеруді жеке топ жүргізген кезде Аудиторлық есепті тараптардың әрқайсысы жеке ресімдеп, кейіннен нәтижелерімен алмасады. Аудиторлық есепке тексеруді жүргізген қызметкерлер қол қойған Тізілім қоса беріледі (Аудиторлық есепке тексерудің нәтижелері бойынша анықталған бұзушылықтар мен кемшіліктер тізілімінің нысаны бойынша ресімделеді).
      126. Аудиторлық есепке жазбаша қарсылықтарды бірлескен тексеруді жүргізуге жауапты Тексеру комиссиясының мүшесі мен мемлекеттік аудит органының немесе мемлекеттік органның лауазымды адамы тексеруді жүзеге асырған қызметкерлермен бірлесіп қарайды. Атына жазбаша қарсылықтар келіп түскен мемлекеттік орган тексеру объектісіне отырысты өткізу күніне дейін екі жұмыс күнінен кешіктірмей жауап жібереді.
      Ескерту. 126-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      127. Тексеру комиссиясы бірлескен тексеру барысында жасалған Аудиторлық есептер негізінде бірлескен тексерудің нәтижелері бойынша Аудиторлық қорытынды жасайды. Аудиторлық қорытындының жобасы Тексеру комиссиясы мүшесінің басшылығымен жасалады және бірлескен тексеруге жауапты мемлекеттік аудит органының және мемлекеттік органның лауазымды адамымен келісіледі.
      128. Тексеру комиссиясы Бірлескен тексерудің қорытындысы бойынша аудиторлық қорытындыны дайындауды Аудиторлық есептердің сапасын тексерудің сараптамалық қорытындысын алғаннан кейін және қарсылықтың әрбір тармағы бойынша қабылданған және қабылданбаған дәлелдерді (егер болса) көрсетіп, тексеру объектісіне дәлелді жауапты ескере отырып, он жұмыс күні ішінде жүзеге асырады. Аудиторлық қорытынды мен Жиынтық тізілім сапа бақылауын өткеннен кейін осы Қағидалардың 178-1 тармағында көрсетілген тәртіпке сәйкес, тексеру объектісіне жіберіледі.
      Ескерту. 128-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      129. Аудиторлық қорытындыға Тексеру комиссиясының мүшесі қол қояды және ол бірлескен тексеруді жүргізуге жауапты мемлекеттік органның лауазымды адамымен келісіліп, және де Тексеру комиссиясының төрағасы шешімімен бірлескен тексеруді жүргізуге жауапты мемлекеттік органның лауазымды адамымен келісіледі және бірлескен тексеруді жүргізуге жауапты мемлекеттік органның басшысымен келісілген Тексеру комиссиясы Төрағасының шешімі бойынша Қаулы жобасымен бірге Тексеру комиссиясының отырысына қарауға шығарылады.
      Ескерту. 129-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      130. Бірлескен тексерудің қатысушысы – мемлекеттік орган басшылығының қатысуымен өтетін Тексеру комиссиясының отырысында жүргізілген бірлескен тексерудің материалдары талқыланып, Аудиторлық қорытынды қаралады және бекітіледі.
      131. Бірлескен отырысқа мемлекеттік аудит (тексеру) объектісінің лауазымды адамдары шақырылады.
      132. Бірлескен тексерудің қорытындысы бойынша аудиторлық қорытындыда көрсетілген ұсынымдардың орындалуын мониторингтеуді Тексеру комиссиясының бірлескен тексеруді жүргізуге жауапты мүшесі осы Қағидалардың 6-бөлімінде белгіленген тәртіпке сәйкес жүзеге асырады.

5-параграф. Қатар тексеруді жүзеге асыру

      133. Қатар тексеру жүргізу бойынша іс-шаралар осы Қағидалардың 2-бөлімінде белгіленген тәртіпке сәйкес Тексеру комиссиясы Мемлекеттік аудит объектілері тізбесінің жобасын қалыптастыру және (немесе) нақтылануы кезеңінде көзделеді.
      Ескерту. 133-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      134. Қатар тексеру жүргізуді Тексеру комиссиясы бекітілген Мемлекеттік аудит объектілері тізбесінің негізінде бір мезгілде не келісілген мерзімдерде әрбір мемлекеттік органмен дербес жүзеге асырады.
      135. Қатар тексеруді жүргізуге дайындық Мемлекеттік аудит объектілерінің тізбесінде көзделген мерзімге сәйкес жүргізіледі.
      136. Мемлекеттік аудит (тексеру) тобының жетекшісі және мемлекеттік аудит (тексеру) тобының қатысушылары Тексеру комиссиясының аудиторлық іс-шараға (тексеруге) жауапты мүшесімен бірлесіп, ақпарат жинауды жүргізеді және алдын ала зерделеу мерзімі басталған күннен бастап бес жұмыс күні ішінде жетіспейтін ақпаратты ұсыну жөнінде мемлекеттік аудит (тексеру) объектілеріне сұрау салу жібереді.
      137. Алдын ала зерделеудің қорытындысы бойынша Тексеру комиссиясының мүшесі мемлекеттік аудит (тексеру) тобының жетекшісімен және қатысушыларымен бірлесіп, Қатар тексеру жоспарының, Қатар тексеру бағдарламасының және Аудиторлық тапсырмалардың жобаларын жасайды, тексеру басталғанға дейін кемінде жеті жұмыс күні бұрын қатар тексеруді жүргізуге қатысатын мемлекеттік органдарға тексерілетін мәселелер мен мемлекеттік аудит (тексеру) объектілерінің тізбесін және олардың мемлекеттік органдар бойынша бөлінісін жібереді.
      138. Қатар тексеруді жүргізуге қатысатын мемлекеттік органдар мемлекеттік аудит мәселелерінің, объектілерінің тізбесі туралы Тексеру комиссиясынан алынған ақпараттың негізінде қатар тексеру жүргізудің Жоспары мен Бағдарламасының жобаларын әзірлейді, бұл ретте тексеруге қатысты өздерінің қосымша мәселелерін енгізе отырып, негізгі тексерілетін мәселелер тізбесін кеңейтуге жол беріледі. Тексеру Жоспары мен Бағдарламасының жобалары аудиторлық іс-шаралар басталғанға дейін кемінде бес жұмыс күні бұрын келісу үшін Тексеру комиссиясына жіберіледі.
      139. Тексеру комиссиясы мемлекеттік органдардың Тексеру жоспары мен бағдарламасының жобаларын Тексеру комиссиясына келіп түскен күнінен бастап үш жұмыс күні ішінде келіседі, қажет болған жағдайда, Тексеру жоспарына, бағдарламасына және Аудиторлық тапсырмаларға түзетулер енгізеді және оларды сапа бақылауына жауапты құрылымдық бөлімшеге береді. Тексеру комиссиясының тарапынан жазбаша ескертулер болмаған жағдайда, мемлекеттік аудит органдарының тексеру Жоспары мен Бағдарламасының жобалары келісілген деп есептеледі.
      140. Қатар тексерудің Жоспарын, Бағдарламасын және Аудиторлық тапсырмаларды әрбір тарап қатар аудиторлық іс-шара басталғанға дейін екі жұмыс күні бұрын (тексеру объектілерінің атауын, бюджеттік бағдарламалар мен активтерді, тексеру мәселелерін көрсете отырып) дербес бекітеді.
      141. Тексеруді жүргізуге негіз болып табылатын құжаттарды (Тексеру жүргізуге тапсырманы, Тексеруді тағайындау туралы бұйрықтарды) әрбір мемлекеттік орган дербес ресімдейді.
      142. Қатар тексеруді әрбір тарап оны жүргізу мерзімдерін келісе отырып, жеке мемлекеттік аудит (тексеру) тобын қалыптастыру арқылы жүргізеді.
      143. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік орган дербес жүргізеді.
      144. Мемлекеттік аудитті (тексеруді) жүргізуге жауапты лауазымды адамдар, қатар тексеру топтарының қатысушылары:
      1) қатар тексеруді жүргізу барысында туындайтын мәселелерді талқылай отырып жұмыс кеңестерін;
      2) консультацияларды;
      3) әдістемелік және талдамалық құжаттармен алмасуды жүргізеді.
      145. Мемлекеттік аудит (тексеру) топтарының жетекшілері тексеруді жүргізудің барысы (тексеру мәселелерін қамтудың толықтығы, туындаған проблемалар) және тексерудің алдын ала нәтижелері туралы ақпарат алмасады.
      146. Қатар тексеруді жүргізу кезінде Аудиторлық есептерді олардың нысаны мен мазмұнына мемлекеттік аудит органдарының бекіткен талаптарына сәйкес әрбір тарап дербес ресімдейді.
      147. Мемлекеттік органдар бұзушылықтардың анықталған жалпы сомасын көрсете отырып және мемлекеттік аудит (тексеру) объектілері бөлінісінде жүргізілген қатар тексерудің нәтижелері, мемлекеттік аудит (тексеру) объектілерінің аудиторлық іс-шара жүргізу барысында қабылдаған шаралары туралы жинақталған ақпаратты, сондай-ақ тексерудің қорытындысы туралы мемлекеттік органдардың шешімдерінің бір бірден көшірмесін оларға қол қойылған күннен бастап екі жұмыс күні ішінде Тексеру комиссиясына ұсынады.
      Ескерту. 147-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      148. Тексеру комиссиясы Қатар тексерудің қорытындылары бойынша аудиторлық қорытынды дайындауды Аудиторлық есептердің сапасын бақылаудың сараптамалық қорытындысын алғаннан кейін және қарсылықтың әрбір тармағы бойынша қабылданған және қабылданбаған дәлелдерді (егер болса) көрсетіп, мемлекеттік аудит (тексеру) объектісіне дәлелді жауапты ескере отырып, он жұмыс күні ішінде жүзеге асырады. Мемлекеттік органдар жүргізген қатар тексерудің нәтижелері Аудиторлық қорытындыға енгізіледі.
      Ескерту. 148-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      149. Қатар тексерудің қорытындыларын қарау бойынша Тексеру комиссиясының отырысында:
      1) жүргізілген қатар тексерудің материалдары талқыланып, жүргізілген Қатар тексерудің нәтижелері туралы аудиторлық қорытынды қаралады және бекітіледі;
      2) мемлекеттік аудитке (тексеруге) жауапты адамдар, мемлекеттік аудит (тексеру) объектілерінің лауазымды адамдары, сондай-ақ Тексеру комиссиясының Төрағасы айқындаған өзге де адамдар шақырылады.
      150. Тексеру комиссиясы бекітілген Қатар тексерудің қорытындылары туралы аудиторлық қорытындының көшірмесін қол қойылғаннан кейін екі жұмыс күні ішінде тексеруге қатысқан мемлекеттік органға жібереді.
      151. Аудиторлық іс-шараға (қатар тексеруге) жауапты Тексеру комиссиясының мүшелері және мемлекеттік органдардың лауазымды адамдары жүргізілген қатар тексерудің нәтижелері бойынша жеке Аудиторлық қорытындылар жасайды.
      152. Жүргізілген Қатар тексерудің қорытындылары туралы аудиторлық қорытынды Тексеру комиссиясының және мемлекеттік органдардың отырыстарында жеке қаралады және бекітіледі.
      153. Тексеру комиссиясы және мемлекеттік органдар бекітілген Қатар тексерудің қорытындылары туралы аудиторлық қорытындылардың көшірмелерімен оларға қол қойылған күннен бастап екі жұмыс күні ішінде алмасады.
      154. Тексеру комиссиясы Қатар тексерудің қорытындылары бойынша аудиторлық қорытындыда көрсетілген ұсынымдардың орындалуын мониторингтеуді осы Қағидалардың 6-бөлімінде белгіленген тәртіпке сәйкес жүзеге асырады.
      155. Мемлекеттік органдар және Тексеру комиссиясы Қатар тексерудің қорытындылары бойынша аудиторлық қорытындыда көрсетілген ұсынымдардың іске асырылу барысы туралы тиісті ақпаратты ЭҚАБЖ және поштамен қағаз түрінде жолдау арқылы, сондай-ақ ЕК ВАЖ-ға және (немесе) Бірыңғай дерекқорға ақпарат орналастыра отырып бір-біріне хабарлайды.

6-параграф. Аудиторлық есептерді жасау және ресімдеу

      156. Тексеру комиссиясы жүргізетін аудиторлық іс-шараның нәтижелері бойынша мыналар ресімделеді:
      1) қаржылық есептілік жөніндегі аудиторлық есеп – аудиторлық іс-шараны тікелей жүргізген мемлекеттік аудиторлар жасаған, қаржылық есептіліктің анықтығы, сондай-ақ бухгалтерлік есепті жүргізу және қаржылық есептілікті жасау тәртібінің Қазақстан Республикасының заңнамасында белгіленген талаптарға сәйкестігі туралы жазбаша нысанда білдірілген пікірді қамтитын құжат. Қаржылық есептілік бойынша аудиторлық есептің нысаны мен мазмұны Мемлекеттік аудит туралы заңның  8-бабына сәйкес айқындалады;
      2) тиімділік және (немесе) сәйкестік аудитінің аудиторлық есебі – аудиторлық іс-шараны тікелей жүргізген мемлекеттік аудиторлар жасаған, белгілі бір уақыт кезеңі үшін жүргізілген тиімділік аудитінің және (немесе) сәйкестік аудитінің нәтижелерін қамтитын құжат.
      157. Шоғырландырылған немесе жекелеген қаржылық есептіліктің мемлекеттік аудитінің нәтижелері бойынша:
      1) елеулі қателер болмаған кезде – қаржылық есептілік бойынша оң аудиторлық есеп;
      2) елеулі қателер анықталған кезде – қаржылық есептілік бойынша ескертпесі бар аудиторлық есеп қабылданады.
      Мемлекеттік аудит объектісінде бухгалтерлік есеп жүргізілмеген не бухгалтерлік құжаттар жоғалған жағдайларда, Тексеру комиссиясының аудиторлық іс-шараға жауапты мүшесі:
      1) мемлекеттік аудит объектісінің басшысына және мемлекеттік аудит объектісіне басшылықты немесе оны басқаруды жүзеге асыратын жоғары тұрған органға осы жұмыстың аяқталу мерзімін белгілей отырып, мемлекеттік аудит объектісінде бухгалтерлік есепті қалпына келтіру туралы талабы бар Нұсқаманы жібереді;
      2) Мемлекеттік аудит объектілерінің тізбесіне тиісті өзгерістер енгізе отырып, мемлекеттік аудитті уақытша тоқтата тұру туралы шешім қабылдайды. Бұл ретте, мемлекеттік аудитор жекелеген қаржылық есептіліктің мемлекеттік аудитінің нәтижелері бойынша Аудиторлық есепті пікірін білдіруден бас тарта отырып береді.
      158. Мемлекеттік аудит жүргізілген әрбір мемлекеттік аудит объектісі бойынша аудиторлық іс-шараның нәтижелері осы Қағидаларға 18-қосымшаға сәйкес қатаң есептілік бланкісінде және осы Қағидаларға  19-қосымшаға сәйкес нысан бойынша Аудиторлық есептермен ресімделеді.
      159. Аудиторлық есептің құрылымы Аудит бағдарламасындағы барлық мәселелердің толық көрсетілуін, онда жазылған мәліметтердің анықтығын, объективтілігін қамтамасыз етеді.
      160. Аудиторлық есеп Аудит бағдарламасындағы және Аудиторлық тапсырмалардағы мәселелердің тізбесіне сәйкестікте жасалады. Анықталған бұзушылықтар мен кемшіліктер Аудиторлық есептегі жазбалардың анықтығын растайтын құжаттардың түпнұсқаларының деректемелеріне, сондай-ақ ережелері бұзылған нормативтік құқықтық актілердің баптарына, тармақтары мен тармақшаларына қажетті сілтемелер көрсетіле отырып, объективті және дәл сипатталады. Егер, талдау сипатындағы мәселелерді қоспағанда, аудиторлық іс-шара мәселесі бойынша бұзушылықтар мен кемшіліктер анықталмаса, мемлекеттік аудитор:
      1) Аудиторлық есепте анықталған кемшіліктер мен бұзушылықтардың болмағандығы, Аудит бағдарламасы бойынша қысқаша ақпарат көрсетіледі;
      2) мемлекеттік аудит (тексеру) жүргізілген құжаттардың деректемелерін көрсете отырып, олардың тізбесін Аудиторлық есепке қоса береді.
      Тиімділік аудитінің немесе сәйкестік аудитінің нәтижелері бойынша Аудиторлық есепке мемлекеттік аудиттің қолданылған көрсеткіштерінің сипаттамасы кіреді.
      Ескерту. 160-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      161. Бұзушылықтың әрбір фактісі, сондай-ақ заңнаманың анықталған кемшіліктері мен олқылықтары бұзушылықтың сипаты мен түрі, оның ішінде Есеп комитетінің 2015 жылғы 28 қарашадағы № 6-НҚ нормативтік қаулысымен бекітілген Мемлекеттік аудит және қаржылық бақылау объектілерінде анықталатын бұзушылықтар сыныптауышында (Нормативтік құқықтық актілерді мемлекеттік тіркеу тізілімінде № 12483 тіркелген) көзделгендері сипаттала отырып, реттік тәртіппен нөмірленеді және жеке тармақта (1-тармақ, 2-тармақ және тағы басқалар) тіркеледі. Бұзушылықтар сипаттамасында бұзушылықтарды расстайтын құжаттарға сілтеме жасалады.
      162. Аудиторлық есепке оның ажырамас бөлігі болып табылатын мынадай аудиторлық дәлелдемелер:
      1) мемлекеттік аудит объектісі басшысының міндеттерін атқару жөніндегі талап;
      2) мемлекеттік аудиторлар қол қойған және осы Қағидаларға 20-қосымшаға сәйкес нысан бойынша жасалған аудиторлық іс-шараның нәтижелері бойынша анықталған бұзушылықтар мен кемшіліктердің тізілімі (бұдан әрі – Тізілім);
      3) құжаттардың, кестелердің түпнұсқалары немесе белгіленген тәртіппен куәландырылған көшірмелері, сондай-ақ қажет болған жағдайда, бұзушылық фактілерін көрсететін анықтамалар, фотосуреттер;
      4) функционалдық және лауазымдық міндеттеріне сүйене отырып, жол берілген бұзушылықтарға қатысы бар адамдардың жазбаша түсініктемелері;
      5) бақылау өлшемдері (тексеріп қараулар) актілері (олар жасалған жағдайда);
      6) зерттеулердің (сынақтардың), сараптамалардың қорытындылары, хаттамалардың көшірмелері, аудиторлық іс-шараның нәтижелеріне байланысты басқа да құжаттар немесе олардың көшірмелері (олар жасалған жағдайда);
      7) сарапшылардың сараптамалық қорытындылары (тартылған жағдайда);
      8) мемлекеттік қызметтерді алушылардың қанағаттануы тұрғысынан халық арасында сауалнама жүргізу нәтижелері (қажет болған жағдайда);
      9) ақы төлеу фактісін растайтын құжаттар (көшірмелері) (аудиторлық іс-шара барысында қаражат өтелген (қалпына келтірілген) жағдайда):
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      10) мемлекеттік аудит объектісінің басшысына (лауазымды адамына) Аудиторлық есептің тапсырылған күнін растайтын құжат (көшірмесі) (оны қабылдағаны туралы мемлекеттік аудит объектісінің мөртабаны болмаған жағдайда);
      11) талдау материалдары және мемлекеттік аудит объектісінің қызметіндегі бұзушылықтар мен кемшіліктер фактісін растайтын материалдар қоса беріледі.
      Аудиторлық есепке қоса берілетін құжаттардың көшірмелері белгіленген тәртіппен уәкілетті лауазымды адамдардың қолымен, мемлекеттік аудит объектісінің мөрімен және мөртабанымен (болған жағдайда) расталады. Аудиторлық есепте қосымшаларының реттік нөмірі, парақ саны көрсетіле отырып, оларға сілтеме жасалады.
      163. Аудиторлық есепке тиісті құжаттармен расталмаған фактілерді, тұжырымдарды енгізуге жол берілмейді.
      164. Аудиторлық есепте жазылып, Аудиторлық есепте соларға сілтеме жасалған бұзушылықтарды растайтын құжаттардың болмауы Мемлекеттік аудиттің және қаржылық бақылаудың жалпы стандарттарын және осы Қағидаларды бұзу болып табылады.
      Осы тармақта көрсетілген құжаттарды толықтыру мүмкіндігі болмаған кезде расталмаған фактілер Аудиторлық қорытындыға енгізілмейді.
      Ескерту. 164-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      165. Мемлекеттік аудит объектісінің тауарларға, жұмыстарға немесе көрсетілген қызметтерге ақы төлеуінің негізділігін растайтын құжаттар мемлекеттік аудит объектісінде болмаған жағдайда, сондай-ақ Қазақстан Республикасының заңнамасында көзделген талаптар, міндеттер орындалмағанда немесе тиісінше орындалмағанда, мемлекеттік аудит объектісінің лауазымды адамдары мемлекеттік аудиторларға олардың сұрауы бойынша тиісті жазбаша түсініктемелер береді.
      166. Аудиторлық есеп (осы Қағидалардың 125-тармағында көрсетілген жағдайларды қоспағанда) екі данада жасалады.
      Мемлекеттік аудитор Аудиторлық есептің екінші парағынан бастап, барлық беттеріне қолын қояды.
      167. Аудиторлық есеп мемлекеттік аудит объектісінің кіріс хат-хабарларын есепке алу жүйесінде тіркеле отырып не поштамен хабардар етіле отырып, Аудиторлық есептің екінші данасы мемлекеттік аудит объектісінің басшысына (лауазымды адамына) аудиторлық іс-шара аяқталған күннен кешіктірілмей тапсырылады.
      Ескерту. 167-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      168. Аудиторлық іс-шараның нәтижелерімен келіспеген жағдайда, мемлекеттік аудит объектісінің басшылығы Аудиторлық есепке жазбаша қарсылықтарын қол қойылған Аудиторлық есеп мемлекеттік аудит объектісіне тапсырылған күннен бастап он жұмыс күнінен аспайтын мерзімде Тексеру комиссиясына ұсынады.
      Мемлекеттік аудит объектісінің Аудиторлық есепке қол қойылғаннан кейін дереу ұсынған жазбаша қарсылықтарын мемлекеттік аудитор Аудиторлық есепке қоса тіркейді.
      169. Көрсетілген мерзім өткен соң келіп түскен Аудиторлық есепке қарсылықтар қаралмайды.
      170. Тексеру комиссиясына келіп түскен Аудиторлық есепке қарсылықтарды Тексеру комиссиясының аудиторлық іс-шараға жауапты мүшесі мемлекеттік аудиторлармен, мемлекеттік аудитті жүргізуге жауапты құрылымдық бөлімшенің басшысымен, құқықтық қамтамасыз етуге жауапты құрылымдық бөлімшенің қызметкерлерімен, мемлекеттік аудитті жүзеге асыруға тартылған сарапшылармен бірге Аудиторлық қорытындыны дайындау кезеңінде қарайды, содан кейін қарсылықтың әрбір тармағы бойынша қабылданған және қабылданбаған дәлелдерді көрсете отырып, Есеп комитетінің отырысы өткізілетін күнге дейін екі жұмыс күнінен кешіктірмей мемлекеттік аудит объектісіне уәжді жауап жібереді. Мемлекеттік аудит объектісінің Аудиторлық есепке ұсынған түсініктемелері оған жауап дайындалмастан назарға алынады.
      Ескерту. 170-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      171. Тексеру комиссиясына келіп түскен Аудиторлық есепке қарсылықтар және оларға уәжді жауаптар Тексеру комиссиясының отырысынан кейін міндетті түрде аудиторлық іс-шара материалдарына және олардың ЕК ВАЖ-дағы және (немесе) ЭҚАБЖ-дағы электронды нұсқаларына қоса тіркеледі.
      172. Мемлекеттік аудит тобының жетекшісі (мемлекеттік аудитор) Аудиторлық есеп мемлекеттік аудит объектісіне тапсырылғаннан кейін келесі жұмыс күнінен кешіктірмей, Аудиторлық есептерді, Тізілімдерді, кестелерді және басқа да қосымшаларды (болған жағдайда) мынадай қолайлы тәсілдердің бірі арқылы:
      1) мемлекеттік аудитордың өзі қолма-қол;
      2) сканерден өткізілгендерін – қорғалған байланыс арналары бойынша;
      3) Аудиторлық есептің тұпнұсқасын (құпиясын қоспағанда) – фельдъегерлік байланыс не хабарламасы бар тапсырыс хатпен пошта арқылы;
      4) құпия сипаты бар Аудиторлық есептерді – Қазақстан Республикасының мемлекеттік құпияларын қорғау жөніндегі заңнамада белгіленген талаптарды сақтай отырып, Тексеру комиссиясына жібереді және (немесе) ұсынады.
      Аудиторлық есептің бір данасы (№ 2 дана) анықталған бұзушылықтарды жою жөнінде шаралар қабылдау және басқа да іс-әрекеттер жасау үшін мемлекеттік аудит объектісінің басшысында қалдырылады.
      173. Мемлекеттік аудиторлар іссапардан келген күннен келесі жұмыс күнінен кешіктірмей құжаттардың атауы мен аудиторлық іс-шараның қалған материалдарын жасақтағанға дейін жинақтау папкасында қалыптастырылатын парақ санын тізімдемеде көрсете отырып, Аудиторлық есептің (№ 1 дана), Тізілімнің және Аудиторлық есепке басқа да қосымшалардың түпнұсқаларын, мемлекеттік аудит объектілерінің қарсылықтарын (болған жағдайда) құжат айналымына жауапты құрылымдық бөлімшеге тапсырады.
      Аудиторлық есептердің, Тізілімнің және Аудиторлық есепке басқа да қосымшалардың түпнұсқаларын, мемлекеттік аудит объектілерінің қарсылықтарын олардың Тексеру комиссиясына түскен күнінен бастап екі жұмыс күні ішінде құжат айналымына жауапты құрылымдық бөлімше сканерлейді, Тексеру комиссиясының Регламентінде белгіленген құрылымдық бөлімше ЭҚАБЖ-да тіркейді, содай кейін сапа бақылауына жауапты құрылымдық бөлімшеге беріледі.
      Ескерту. 173-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      174. Аудиторлық есептер және Аудиторлық есептерге қоса берілген Тізілімдер бойынша Мемлекеттік аудит туралы заңның 8, 24-тармақтарына және осы Қағидаларға сәйкес, сапа бақылауы жүргізіледі.
      175. Егер, аудиторлық іс-шара материалдарына заң қорытындысын дайындау кезінде мемлекеттік аудиторлар тіркелген Аудиторлық есепке қоса берілмеген өзге де құжаттарды ұсынса, олар мұндай құжаттарды мемлекеттік аудит материалдарына, соның ішінде Аудиторлық есептің электрондық нұсқасына қоса тіркейді.
      Құжаттарды қоса тіркеу Тексеру комиссиясының аудиторлық іс-шараға жауапты мүшесінің атына мемлекеттік аудит тобы жетекшісінің қызметтік жазбасын дайындау арқылы барлық аудиторлық іс-шараны жүргізу аяқталған соң бес жұмыс күні ішінде жүзеге асырылады.
      Қызметтік жазба ЭҚАБЖ арқылы жіберіледі.
      Ескерту. 175-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

7-параграф. Аудиторлық қорытындыларды,
Нұсқамаларды жасау және ресімдеу

      176. Тексеру комиссиясы жүргізген мемлекеттік аудиттің нәтижелері бойынша Аудиторлық қорытынды ресімделеді, ол Аудиторлық есептердің негізінде жасалатын, тұжырымдар мен ұсынымдарды қамтитын және Тексеру комиссиясының қаулысымен бекітілетін құжат болып табылады.
      177. Жүргізілген аудиторлық іс-шараның нәтижелері бойынша Тексеру комиссиясының аудиторлық іс-шараға жауапты мүшесі мемлекеттік аудит тобы жетекшісінің, мемлекеттік аудиторлардың және (немесе) мемлекеттік аудитті жүзеге асыруға тартылған сарапшылардың қатысуымен Аудиторлық есептердің сапасын бақылаудың сараптамалық қорытындысын және жергілікті жерге барып аудиторлық іс-шараны қайта тексеру (ол жүргізілген жағдайда) нәтижелерін алғаннан кейін он жұмыс күні ішінде, 15 және одан көп мемлекеттік аудит объектілері қамтылған жағдайда, он бес жұмыс күні ішінде Аудиторлық қорытындының, мемлекеттік аудиттің нәтижелері бойынша анықталған бұзушылықтар мен кемшіліктердің жиынтық тізілімінің (бұдан әрі – Жиынтық тізілім) және Қазақстан Республикасы заңнамасының анықталған бұзушылықтарын және (немесе) оларға итермелейтін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану қажет болған жағдайда, Нұсқаманың жобаларын дайындайды.
      Аудиторлық іс-шараның нәтижелерін қайта тексеру Мемлекеттік аудит туралы заңның 8-бабына сәйкес жүзеге асырылады.
      178. Аудиторлық қорытындының, Жиынтық тізілімнің және Нұсқаманың жобаларын Тексеру комиссиясының аудиторлық іс-шараға жауапты мүшесі бір мезгілде сапа бақылауына және құқықтық қамтамасыз етуге жауапты құрылымдық бөлімшелерге жібереді.
      Аудиторлық қорытындының, Жиынтық тізілімнің және Нұсқаманың жобалары бойынша заң сараптамасы үш жұмыс күні ішінде не Тексеру комиссиясының Регламентінде белгіленген мерзімде өткізіледі, содан кейін заң сараптамасының қорытындысы сапа бақылауына жауапты құрылымдық бөлімшеге жіберіледі.
      Сапа бақылауы Мемлекеттік аудит туралы заңның 8-бабына сәйкес, заң сараптамасының қорытындысы келіп түскен күннен бастап бір жұмыс күні ішінде Аудиторлық қорытындының, Жиынтық тізілімнің және Нұсқаманың жобалары бойынша жүргізіледі.
      Ескерту. 178-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      178-1. Аудиторлық қорытындының және Жиынтық тізілімнің жобалары сапа бақылауы және құқықтық сараптама жүргізілген соң Тексеру комиссиясының аудиторлық іс-шараға жауапты мүшесінің қолы қойылып, Тексеру комиссиясының отырысы өтетін күннен кешіктірілмей не Регламентте белгіленген мерзімдерде Тексеру комиссиясының отырысына дайындалу мақсатында танысу үшін негізгі мемлекеттік аудит объектісіне жіберіледі.
      Ескерту. 7-параграф 178-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      179. Аудиторлық қорытындының, Жиынтық тізілімнің және Нұсқаманың жобаларына мемлекеттік аудитті жүргізуге, сапа бақылауына, құқықтық қамтамасыз етуге жауапты құрылымдық бөлімшелердің басшылары бұрыштама қояды, содан кейін Аудиторлық қорытындының және Нұсқаманың жобаларына Тексеру комиссиясының аудиторлық іс-шараға жауапты мүшесі қол қояды және Жиынтық тізілімнің жобасы онымен (соның ішінде ҚР ІАЖ және (немесе) ЭҚАБЖ-да) келісіледі.
      Аудиторлық қорытындының, Жиынтық тізілімнің және Нұсқаманың жобалары осы тармақтың бірінші бөлігіне сәйкес басқа да материалдармен, соның ішінде негізгі мемлекеттік аудит объектісі өкілінің баяндамасы (сөйлейтін сөзі) тезистерінің жобаларымен бірге Тексеру комиссиясының отырысы өткізілгенге дейін төрт жұмыс күні бұрын не Тексеру комиссиясының Регламентінде белгіленген мерзімде Тексеру комиссиясының Төрағасына ілеспе хатпен ұсынылады.
      Ескерту. 179-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      180. Сапа бақылауының сараптамалық қорытындысында жасалған Аудиторлық есептердің Мемлекеттік аудиттің және қаржылық бақылаудың жалпы стандарттарына және Мемлекеттік аудит туралы заңның 8-бабына сәйкессіздігін растайтын фактілер көрсетілген жағдайда, Тексеру комиссиясының аудиторлық іс-шараға жауапты мүшесі аудиторлық іс-шараның материалдарын Тексеру комиссиясының отырысына шығарудың орындылығы және Аудиторлық қорытындыға қайта тексеру тағайындау не оны пысықтау туралы Тексеру комиссиясы аппарат басшысының келісімі бойынша Тексеру комиссиясы Төрағасының атына қызметтік жазба енгізеді.
      181. Аудиторлық қорытынды кіріспе, негізгі (талдау), қорытынды бөліктерден тұрады және осы Қағидаларға 21-қосымшаға сәйкес нысан бойынша ресімделеді.
      182. Жиынтық тізілім осы Қағидалардың 162-тармағында көзделген нысан бойынша жасалады және Аудиторлық қорытындыға қосымша болып табылады.
      Ескерту. 182-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      183. Аудиторлық қорытындының қорытынды бөлігінде:
      1) аудиторлық іс-шараның негізгі нәтижелері;
      2) Аудиторлық есепте көрсетілген және құжаттармен, сапа бақылауымен расталған бұзушылықтардың, кемшіліктердің анықталған фактілері;
      3) сарапшылардың қорытындыларының нәтижелері (олар болған жағдайда) жинақталады, жүйеленеді және қысқаша нысанда көрсетіледі.
      Жинақталған бір текті (бір типті) бұзушылықтар, кемшіліктер оларды жою және мемлекеттік аудит объектілерінің қызметін регламенттейтін, сондай-ақ экономиканы немесе жеке алғанда экономика саласын, әлеуметтік саланы, мемлекеттік басқарудың басқа да салаларын дамытуға бағытталған құқықтық актілерді, квазимемлекеттік сектор актілерін жетілдіру жөніндегі ұсыныстармен бірге Аудиторлық қорытындыда мемлекеттік аудит объектілері бойынша жеке тармақтар ретінде баяндалады.
      Аудиторлық қорытындыда Қазақстан Республикасы заңнамасы нормаларының, сондай-ақ оларды іске асыру үшін қабылданған квазимемлекеттік сектор субъектілері актілерінің анықталған бұзушылықтарының жалпы сомасы, соның ішінде:
      1) қаржылық бұзушылықтар;
      2) рәсімдік бұзушылықтар;
      3) бюджет қаражатын, активтерді тиімсіз пайдалану;
      4) бюджет қаражатын, активтерді тиімсіз жоспарлау;
      5) Қазақстан Республикасының заңнамасы нормаларын іске асыру үшін қабылданған, квазимемлекеттік сектор субъектілері актілері бұзушылықтарының сомалары көрсетіледі.
      Ескерту. 183-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      184. Аудиторлық қорытындыға мемлекеттік аудит объектісінің осы Қағидаларда белгіленген тәртіппен қаралмаған қарсылықтары бар бұзушылық фактілерін енгізуге жол берілмейді.
      185. Мемлекеттік аудиттің нәтижелері Бірыңғай дерекқорда жүйеленеді, Мемлекеттік аудит туралы заңның 13-бабының 1, 2,  3-тармақтарында көзделген мемлекеттік аудит бағыттарының ерекшеліктері ескеріле отырып, мемлекеттік аудиттің типіне, тексерудің түрлеріне және мемлекеттік аудит объектісіне сәйкес мына бағыттар:
      1) Мемлекеттік жоспарлау жүйесі құжаттарының (аумақтарды дамыту бағдарламаларының және даму жоспарларының) және бюджеттік бағдарламалардың іске асырылуын нормативтік әдістемелік қамтамасыз ету;
      2) мемлекеттік аудит объектілері қызметінің, Мемлекеттік жоспарлау жүйесі құжаттарының жергілікті бюджеттің атқарылуы және активтердің пайдаланылуы бөлігіндегі тиімділігі;
      3) квазимемлекеттік сектордың жергілікті субъектілері қызметінің экономиканы немесе экономиканың жеке алғандағы саласын, мемлекеттік басқарудың әлеуметтік және басқа да салаларын дамытуға әсерін;
      4) бюджет қаражатын, оның ішінде трансферттерді, кредиттерді байланысты гранттарды, мемлекеттік және мемлекет кепілдік берген қарыздарды, бюджеттік инвестицияларды және кепілгерліктерді игеру нәтижелілігінің, бюджеттік бағдарламалар бойынша түпкілікті мақсаттар мен нәтижелерге қол жеткізудің, мемлекет активтерін пайдаланудың және акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқаруының, сондай-ақ квазимемлекеттік сектор субъектілері қызметінің экономиканы немесе жеке алғанда экономиканың саласын, әлеуметтік саланы және мемлекеттік басқарудың басқа да салаларын дамытуға ықпалының дәрежесі;
      5) жергілікті бюджетке түсетін түсімдердің, бюджетке түсетін түсімдерді алудың толықтығына және уақтылығына, сондай-ақ жергілікті бюджеттен қате (артық) төленген соманы қайтарудың, есепке жазудың дұрыстығына, салықтық әкімшілендірудің тиімділігіне жүргізілген мемлекеттік аудиттің нәтижелері;
      6) мемлекеттік органдардың және квазимемлекеттік сектордың жергілікті субъектілерінің сатып алынатын тауарлардың, жұмыстардың, көрсетілетін қызметтердің мерзімдері, көлемі, бағасы, саны және сапасы бойынша шарттардың талаптарын орындауына жүргізілген мемлекеттік аудиттің нәтижелері;
      7) қаржы активтерін сатып алу, оларды сатудан бюджетке түсетін қаражат түсімдері бойынша мемлекеттік аудит нәтижелері;
      8) Тексеру комиссиясының Аудиторлық қорытындысында және Нұсқамаларында қамтылған ұсынымдардың орындалуын мониторингтеудің нәтижелері бойынша көрсетіледі.
      186. Аудиторлық қорытынды Тексеру комиссиясы Нұсқамасының жобасын дайындау үшін негіз болып табылады.
      187. Тексеру комиссиясының Нұсқамасы әкімшілік рәсімдер туралы заңнамада белгіленген деректемелерді қамтиды.
      188. Тексеру комиссиясының отырысында жүргізілген аудиторлық іс-шаралардың қорытындылары қаралады. Аудиторлық қорытынды, Нұсқама Тексеру комиссиясының аудиторлық іс-шараға жауапты мүшесінің және Тексеру комиссиясының Регламентіне сәйкес шақырылатын мемлекеттік аудит объектілері өкілдерінің ақпаратын тыңдаудың қорытындылары бойынша қабылданады.
      Егер, аудиторлық іс-шаралардың қорытындылары бойынша Тексеру комиссиясының отырысы барысында мемлекеттік аудит объектісі Тексеру комиссиясының Нұсқамасы жобасының тапсырмалық тармақтарын орындау мерзімдерін ауыстыруға не жобаны өзге де түзетуге бастама жасаса, отырыс хаттамасында бастамашы, негіз және қабылданған шешім көрсетіледі.
      Тексеру комиссиясының Аудиторлық қорытындысы бекітіліп, Нұсқамасына қол қойылған кезде Тексеру комиссиясы отырысының қорытындылары бойынша оның материалдарына Тексеру комиссиясының аудиторлық іс-шараға жауапты мүшесінің баяндамасы қоса беріледі.
      Құпия сипаттағы аудиторлық іс-шаралар бойынша отырыстар Қазақстан Республикасының мемлекеттік құпияларын қорғау жөніндегі заңнамада белгіленген талаптар сақтала отырып өткізіледі.
      Ескерту. 188-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      189. Басқа мемлекеттік органдармен жүргізілген бірлескен аудиторлық іс-шараның қорытындылары бойынша Аудиторлық қорытынды мен Нұсқама Тексеру комиссиясының отырысында осы органның өкілдерінің қатысуымен ақпаратты талқылағаннан кейін қабылданады.
      190. Аудиторлық қорытынды Қаулымен қабылданады.
      191. Қаулы:
      1) жүргізілген аудиторлық іс-шараның қорытындылары бойынша дайындалған Аудиторлық қорытындыны бекіту туралы шешімді;
      2) облыстың (облыстық маңызды қаланың, ауданның) әкіміне және (немесе) консультативтік-кеңесші органға ұсынымдарды;
      3) Аудиторлық қорытындыны немесе одан үзіндіні облыстың (облыстық маңызды қаланың, ауданның) жергілікті атқарушы органына беру туралы шешімді;
      4) құқық қорғау органдарына материалдарды беру туралы шешімді;
      5) Нұсқамаларды жіберу туралы шешімді қамтиды.
      Ескерту. 191-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      192. Тексеру комиссиясының аудиторлық іс-шараға жауапты мүшесінің Аудиторлық қорытындысы және Жиынтық тізілімі немесе Аудиторлық қорытындысынан және Жиынтық тізілімінен алынған үзінді қоса беріліп, мемлекеттік органдар мен ұйымдардың басшыларына жіберілген Нұсқамалар оларда көрсетілген мерзімдерде қаралады.
      Ескерту. 192-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      193. Қаулылар және Аудиторлық қорытындылар толық көлемінде облыстың (облыстық маңызды қала, аудан) жергілікті атқарушы органдарына және құқық қорғау органдарына да жіберілуі мүмкін.
      Ескерту. 193-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      194. Мемлекеттік аудит туралы заңға сәйкес, Тексеру комиссиясы Аудиторлық қорытынды бекітілгеннен кейін үш жұмыс күні ішінде құқықтық статистика және арнайы есепке алу саласындағы уәкілетті органға электрондық ақпараттық есепке алу құжатын – талон-хабарламаны ұсынады.

4-бөлім. Қаржылық бақылау

1-параграф. Жалпы ережелер

      195. Қаржылық бақылауды Мемлекеттік аудит туралы заңда, өзге де заңдарда және Қазақстан Республикасы Президентінің және Қазақстан Республикасы Үкіметінің актілерінде белгіленген құзыреті шегінде бюджетке өтеуді, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету, Нұсқамаларды орындау және кінәлі адамдарды жауаптылыққа тарту жолымен қалпына келтіруді қамтамасыз ету арқылы мемлекеттік аудит органдары жүзеге асырады.
      196. Қаржылық бақылаудың ден қою шаралары:
      1) барлық мемлекеттік органдардың, ұйымдардың және лауазымды адамдардың орындауы үшін міндетті, анықталған бұзушылықтарды жою туралы және оларға жол берген лауазымды адамдардың жауаптылығын қарау туралы Нұсқама шығару;
      2) Қазақстан Республикасының әкімшілік құқық бұзушылық туралы заңнамасында көзделген құзырет шегінде әкімшілік іс жүргізуді қозғау;
      3) мемлекеттік аудит объектісі лауазымды адамдарының әрекеттерінде қылмыстық немесе әкімшілік құқық бұзушылық белгілері анықталған жағдайларда, материалдарды тиісті аудиторлық дәлелдемелерімен бірге құқық қорғау органдарына немесе әкімшілік құқық бұзушылық туралы істерді қозғауға және (немесе) қарауға уәкілетті органдарға беру;
      4) бюджетке өтеуді, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету және нұсқамаларды орындау жолымен қалпына келтіруді қамтамасыз ету мақсатында сотқа талап қоюды беру болып табылады.

2-параграф. Анықталған бұзушылықтарды жою және оларға жол
берген лауазымды адамдардың жауаптылығын қарау туралы нұсқама

      197. Мемлекеттік аудит объектілеріне осы Қағидаларға 23-қосымшаға сәйкес нысан бойынша, оларда көрсетілген мерзімдерде қаралатын Тексеру комиссиясының Нұсқамалары Аудиторлық қорытындының немесе Аудиторлық қорытындыдан үзіндінің қоса берілуімен жіберіледі.
      Ескерту. 197-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      198. Осы Қағидалардың 157-тармағында көзделген жағдайларда, Тексеру комиссиясының аудиторлық іс-шараға жауапты мүшесі мемлекеттік аудит объектісінің басшысына және мемлекеттік аудит объектісіне басшылықты немесе оны басқаруды жүзеге асыратын жоғары тұрған органға осы жұмыстың аяқталу мерзімін айқындай отырып, мемлекеттік аудит объектісінде бухгалтерлік есепті қалпына келтіру туралы талаппен Нұсқама жібереді.
      199. Мемлекеттік аудит объектісінің лауазымды адамдары ӘҚтК-ге сәйкес Тексеру комиссиясы Нұсқамаларын орындамағаны үшін жауапты болады.

3-параграф. Әкімшілік құқық бұзушылықтар туралы хаттама жасау

      200. Егер мемлекеттік аудит объектісінің басшысы Мемлекеттік аудит объектісі басшысының міндеттерін атқару жөніндегі талапта көрсетілген және (немесе) құжаттарды ұсыну мерзімдері аяқталғанымен, Мемлекеттік аудит туралы заңның 21-бабында көзделген міндеттерін орындамаса, мемлекеттік аудитор – анықталған күні, ал әкімшілік құқық бұзушылықтың мән-жайларын және жеке тұлғаның жеке басын қосымша анықтау қажет болған жағдайларда, көрсетілген деректер анықталған күннен бастап үш жұмыс күні ішінде ӘҚтК-нің 803-бабына сәйкес, ӘҚтК-нің 462-бабының негізінде әкімшілік құқық бұзушылық туралы хаттама толтырады, оның жобасы ӘҚтК-де белгіленген мерзімдер шегінде оны ұсынған күннен бастап бір жұмыс күні ішінде құқықтық қамтамасыз етуге жауапты құрылымдық бөлімшемен келісіледі.
      201. Осы Қағидалардың 214-тармағында көзделген жағдайларды қоспағанда, аудиторлық іс-шараны жүргізу барысында анықталған әкімшілік құқық бұзушылықтар бойынша әкімшілік құқық бұзушылық жасау фактісін тапқан мемлекеттік аудитор тиісті тексеру аяқталғаннан кейін дереу әкімшілік құқық бұзушылық туралы хаттама жасайды.
      Хаттама жобасы ӘҚтК-де белгіленген мерзімдер шегінде оны ұсынған күннен бастап үш жұмыс күні ішінде құқықтық қамтамасыз етуге жауапты құрылымдық бөлімшемен келісіледі.
      Сараптама жүргізу қажет болған жағдайда, әкімшілік құқық бұзушылық туралы хаттама сараптаманың қорытындысы алынған күннен бастап екі тәулік ішінде жасалады.
      202. Әкімшілік құқық бұзушылық туралы хаттама жасалған кезде өзіне қатысты іс қозғалған лауазымды адамға, сондай-ақ іс бойынша іс жүргізудің басқа да қатысушыларына ӘҚтК-нің 38-тарауында көзделген олардың құқықтары мен міндеттері түсіндіріледі, бұл туралы хаттамаға белгі қойылады.
      203. Әкімшілік құқық бұзушылық туралы хаттамаға оны жасаған адам және әкімшілік құқық бұзушылықты жасаған адам қол қояды. Куәлар болған кезде, сондай-ақ куәгерлер қатысқан жағдайларда, хаттамаға осы адамдар да қол қояды.
      204. Өзіне қатысты іс қозғалған лауазымды адамға әкімшілік құқық бұзушылық туралы хаттамамен танысуға мүмкіндік беріледі. Көрсетілген адам хаттаманың мазмұны бойынша түсініктемелер мен ескертулер береді, сондай-ақ оған қол қоюдан бас тартуының себептерін баяндайды, олар осы хаттамаға қоса беріледі. Аталған адамдар әкімшілік құқық бұзушылық туралы хаттамаға қол қоюдан бас тартқан жағдайда, онда тиісті жазба жасалады.
      205. Әкімшілік құқық бұзушылық туралы хаттама жасалғаннан кейін оның көшірмесі дереу өзіне қатысты әкімшілік құқық бұзушылық туралы іс қозғалған адамға қолхатпен табыс етіледі.
      206. Әкімшілік құқық бұзушылық туралы хаттаманың көшірмесін қолхатпен алудан бас тартылған жағдайда, оны жасаған адам хаттамаға тиісті жазба жүргізеді.
      207. Әкімшілік құқық бұзушылық жасап, тиісінше хабардар етілген адам болмаған немесе келмеген жағдайда, әкімшілік құқық бұзушылық туралы хаттамаға оны жасаған адам қол қойып, оған әкімшілік құқық бұзушылық жасаған адамның болмағаны немесе келмегені жөнінде белгі қояды.
      208. Әкімшілік құқық бұзушылық туралы хаттаманың көшірмесін қолхатпен алудан бас тартылған жағдайда, сондай-ақ әкімшілік құқық бұзушылық жасап, тиісінше хабардар етілген адам болмаған немесе келмеген жағдайда, әкімшілік құқық бұзушылық туралы хаттама жасалғаннан кейін екі тәулік ішінде өзіне қатысты іс қозғалған адам хабардар етіле отырып, оған тапсырысты хатпен пошта арқылы жіберіледі.
      209. Хаттамаға мынадай құжаттар қоса беріледі:
      1) құқық бұзушының жеке басын куәландыратын құжат (көшірмесі);
      2) функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акт);
      3) анықталған құқық бұзушылықтың белгілерін растайтын, лауазымды адамдардың қолымен, ұйымның мөрімен немесе мөртабанымен расталған құжаттардың түпнұсқалары немесе төлнұсқасының көшірмелері:
      соның ішінде, әкімшілік құқық бұзушылықтың түріне қарай:
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және мемлекеттік емес аудиторлық ұйымдардың қорытындылары (жүргізілген жағдайда);
      операция немесе әрекет фактісін қамтитын құжаттар немесе олардың көшірмелері, соның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      ақы төлеу фактісін растайтын құжаттар:
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар немесе олардың көшірмелері:
      анықтамалар, кестелер, диаграммалар;
      есептеулер;
      бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар.
      210. Әрбір әкімшілік құқық бұзушылық бойынша материалдар тиісті уәкілетті органдарға жеке ілеспе хатпен жіберіледі.
      211. Заң сараптамасын жүргізу кезінде орны толмайтын, ұсынылған құжаттардың толық болмауы кемшіліктерді жою үшін материалдарды хаттаманы жасаушыға қайтаруға әкеп соғады.
      212. Лауазымды адам хаттаманың және басқа да материалдардың кемшіліктерін оларды алған кезден бастап екі тәулік ішінде жояды.
      213. Мемлекеттік аудиторлар әкімшілік құқық бұзушылық туралы хаттама мен әкімшілік құқық бұзушылық туралы істің басқа да материалдарын жасалған кезінен бастап, үш тәуліктің ішінде тиісті әкімшілік-аумақтық бірліктің аумағында орналасқан сотқа жібереді.

4-параграф. Құқық қорғау органдарына немесе әкімшілік
құқық бұзушылықтар туралы істерді қозғауға және (немесе)
қарауға уәкілетті органдарға материалдар беру

      214. Аудит объектісінің лауазымды адамдарының іс-қимылында Қазақстан Республикасының 2014 жылғы 3 шілдедегі Қылмыстық кодексінің баптарымен көзделген қылмыстық белгілер және олар бойынша қарау мен процестік шешім қабылдау әкімшілік құқық бұзушылықтар туралы істерді қарауға уәкілетті органдардың құзыретіне жататын әкімшілік құқық бұзушылық құрамының белгілері анықталған жағдайларда, мемлекеттік аудиторлар кейіннен құқық қорғау органдарына және әкімшілік құқық бұзушылықтар туралы істерді қарауға уәкілетті органдарға беру үшін құқық бұзушылықтарға жол берген адамдардан жазбаша түсініктемелер және анықталған құқық бұзушылықтың белгілерін растайтын, лауазымды адамдардың қолымен немесе ұйымның мөрімен расталған құжаттардың түпнұсқаларының көшірмелерін (бұдан әрі – құжаттар тізбесі) жасауды талап етеді:
      1) бұзушылық фактісін тікелей растайтын құжаттар:
      бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар;
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және мемлекеттік емес аудиторлық ұйымдардың қорытындылары (жүргізілген жағдайларда);
      функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акт), олардың жеке басын куәландыратын құжаттардың көшірмелері;
      2) операция немесе әрекет фактісін қамтитын құжаттар немесе олардың көшірмелері, соның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      3) ақы төлеу фактісін растайтын құжаттар немесе олардың көшірмелері:
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттар немесе олардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар:
      анықтамалар, кестелер, диаграммалар;
      есептеулер.
      Құқық қорғау органдарына материалдарды беру көрсетілген органдардың бірлескен актілеріне сәйкес жүзеге асырылады.
      Ескерту. 214-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      214-1. Әкімшілік және өзге де құқық бұзушылық белгілері көзделген бұзушылық фактілері бойынша мемлекеттік аудиторлар дайындаған материалдар Аудиторлық есепке заң сараптамасы алынған күннен бастап үш жұмыс күні ішінде Тексеру комиссиясының аудиторлық іс-шара жүргізуге жауапты мүшесіне қызметтік жазбамен жіберіледі.
      Тексеру комиссиясының аудиторлық іс-шараға жауапты мүшесі бір күндік мерзім ішінде материалдарды құқықтық қамтамасыз етуге жауапты құрылымдық бөлімшеге жіберу жөнінде шешім қабылдайды.
      Заң қорытындысы Тексеру комиссиясының аудиторлық іс-шараға жауапты мүшесіне және мемлекеттік аудит жүргізуге жауапты құрылымдық бөлімшеге материалдың құқықтық қамтамасыз етуге жауапты құрылымдық бөлімшеге келіп түскен күнінен бастап үш жұмыс күні ішінде жіберіледі.
      Ескерту. 4-параграф 214-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      214-2. Мемлекеттік аудитті жүргізуге жауапты құрылымдық бөлімше әкімшілік іс жүргізуді қозғау және процестік шешім қабылдау үшін материалдарды жіберуді мемлекеттік аудиторлар бастамашылық жасаған және Тексеру комиссиясының аудиторлық іс-шараға жауапты мүшесі қол қойған әкімшілік құқық бұзушылық белгілері көзделген бұзушылық фактілеріне оң заң қорытындысын алған күннен бастап үш жұмыс күнінен кешіктірмей жүзеге асырады.
      Ескерту. 4-параграф 214-2-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

5-параграф. Бюджетке өтеуді қамтамасыз ету, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету жолымен қалпына келтіру және нұсқамаларды орындау мақсатында сотқа талап қоюды беру

      Ескерту. 4-бөлім 5-параграфпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      214-3. Тексеру комиссиясы сотқа талап қоюды беруді бюджетке өтеудің, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету жолымен қалпына келтірудің қажеттілігін қамтитын нұсқаманың тапсырмалық тармақтарын көрсетілген мерзімдерде орындамаған және орындау мерзімдерін ұзарту туралы шешімдер болмаған жағдайда жүзеге асырады.
      214-4. Тексеру комиссиясының аудиторлық іс-шараға жауапты мүшесі нұсқаманың тапсырмалық тармақтары орындалмаған жағдайда, олардың орындалуы тиіс күннен бастап отыз күнтізбелік күн ішінде құқықтық қамтамасыз етуге жауапты құрылымдық бөлімшеге заң сараптамасын жүргізу үшін жіберілетін Тексеру комиссиясының Төрағасына сотқа талап қоюды беруге бастамашылық жасау туралы қызметтік жазбаның жобасын дайындайды.
      214-5. Құқықтық қамтамасыз етуге жауапты құрылымдық бөлімше Тексеру комиссиясының аудиторлық іс-шараға жауапты мүшесінің қызметтік жазбасын алған күннен бастап он жұмыс күні ішінде растайтын құжаттар болған жағдайда сотқа талап қоюды берудің орындылығы туралы сараптамалық қорытынды жасайды.
      214-6. Сотқа талап қоюды берудің оң сараптамалық қорытындысын немесе оның негізсіздігі туралы қорытындыны алғаннан кейін Тексеру комиссиясының аудиторлық іс-шараға жауапты мүшесі қызметтік жазбаны тиісті шаралар қабылдау үшін Есеп комитетінің Төрағасына жібереді.
      214-7. Сотқа талап қоюды беру туралы оң шешім қабылданған жағдайда, құқықтық қамтамасыз етуге жауапты құрылымдық бөлімше мемлекеттік аудит жүргізуге жауапты тиісті құрылымдық бөлімшемен бірлесіп 2015 жылғы 31 қазандағы Қазақстан Республикасының Азаматтық процестік кодексіне сәйкес құжаттар дайындайды.
      Тексеру комиссиясының басшылығы айқындаған құқықтық қамтамасыз етуге жауапты құрылымдық бөлімшенің қызметкері және (немесе) тиісті мемлекеттік аудитті жүргізген мемлекеттік аудиторлар сот процесіне тікелей қатысады.

5-бөлім. Сапа бақылауын жүзеге асыру

      215. Сапа бақылауын жүзеге асыру қағидаттары мыналар болып табылады:
      1) тәуелсіздік – сапа бақылауын жүзеге асырып жатқан кезде қызметкерлердің қызметіне араласуға жол бермеу;
      2) объективтілік – сапа бақылауын Қазақстан Республикасының заңнамасына қатаң сәйкестікте жүргізу, сапа бақылауын жүргізу және сапа бақылауының қорытындыларын ресімдеу кезінде құжаттамалық негізделген және расталған тұжырымдармен бірыңғай тәсілді қамтамасыз ету, мүдделер қақтығысын болғызбау;
      3) ашықтық – сапа бақылауының нәтижелерін баяндаудың анықтығы, сапа бақылауы нәтижелерінің барлық мүдделі тараптарға түсініктілігі мен анықтығын қамтамасыз ететін, сапа бақылауын жүргізудің әдістері мен өлшемшарттарын қолдану;
      4) құзыреттілік – сапа бақылауын жүзеге асыру үшін қызметкерлердің қажетті кәсіби білімдері мен дағдыларының жиынтығы;
      5) анықтық – сапа бақылауы нәтижелерін құжаттардың түпнұсқаларымен немесе олардың сканерленген нұсқаларымен, сондай-ақ ережелері бұзылған нормативтік құқықтық актілерге сілтемелермен растау.
      216. Алдын ала зерделеу нәтижелері Аудит жоспарларының және Аудит бағдарламаларының жобалары, барлық қосымшаларымен бірге Аудиторлық есептер, соның ішінде Аудиторлық есептерге бұзушылықтар тізілімі, Аудиторлық қорытындылар мен Нұсқамалардың жобалары, бұзушылықтардың жиынтық тізілімі, сондай-ақ Тексеру комиссиясы Нұсқамаларының тармақтарын іске асыру және орындау туралы ақпарат сапа бақылауының мәні болып табылады.
      217. Мемлекеттік аудит туралы заңның 8-бабына сәйкес, сапа бақылауын сапа бақылауын жүргізуге жауапты құрылымдық бөлімше құқықтық қамтамасыз етуге жауапты құрылымдық бөлімшенің қатысуымен жүзеге асырады.
      218. Сапа бақылауының қорытындылары бойынша Аудиторлық есептің Мемлекеттік аудит және қаржылық бақылау стандарттарына сәйкессіздігі анықталған жағдайда, Тексеру комиссиясының Төрағасы мемлекеттік аудит объектісінде қайта тексеру тағайындау туралы мәселені шешеді.
      219. Сапа бақылауын жүзеге асыру процесінде Тексеру комиссиясының мүшелері және Тексеру комиссиясының қызметкерлері сапа бақылауын және құқықтық қамтамасыз етуді жүргізуге жауапты құрылымдық бөлімшелерге қажетті ақпаратты уақтылы және толық көлемде ұсыну жолымен жәрдем көрсетеді.
      220. Сапа бақылауын жүзеге асыру барысында оны жүргізу бойынша кедергілер туындаған, соның ішінде құжаттар мен өзге де ақпарат ұсынылмаған кезде, сапа бақылауын және құқықтық қамтамасыз етуді жүргізуге жауапты құрылымдық бөлімшелердің басшылары бұл туралы Тексеру комиссиясының Төрағасын хабардар етеді.
      221. Мемлекеттік аудиттің сапасын бақылаудың нәтижелері бойынша аудиторлық іс-шараларға бағалау жүргізіледі, ол Мемлекеттік аудит және қаржылық бақылау стандарттарын сақтаудың қажетті шарты болып табылады.
      222. Мемлекеттік аудит туралы заңның 8-бабына сәйкес, аудиторлық іс-шараны бағалауды сапа бақылауын жүргізуге жауапты құрылымдық бөлімше жүзеге асырады.

6-бөлім. Тексеру комиссиясының Аудиторлық қорытындысында,
Нұсқамаларында қамтылған ұсынымдардың орындалуын
мониторингтеуді жүзеге асыру

1-параграф. Тексеру комиссиясының Аудиторлық қорытындысында,
Нұсқамаларында қамтылған ұсынымдарды бақылауға қою және олардың
орындалуын мониторингтеу

      223. Құжат айналымына жауапты немесе Тексеру комиссиясының Регламентінде айқындалған құрылымдық бөлімше Тексеру комиссиясының Аудиторлық қорытындысында қамтылған ұсынымдарды, Нұсқамасының тармақтарын қол қойылған күнінен бастап бір жұмыс күні ішінде бақылауға қоюды жүзеге асырады, олардың орындалу мерзімі келгенге дейін үш жұмыс күні бұрын Тексеру комиссиясының аудиторлық іс-шараға жауапты мүшесіне олардың орындалу мерзімі туралы ескертеді.
      224. Құқықтық қамтамасыз етуге жауапты құрылымдық бөлімше жартыжылда бір рет құқық қорғау және уәкілетті органдарға жолданған аудиторлық іс-шара материалдарын қараудың нәтижелеріне мониторинг жүргізеді.
      Ескерту. 224-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      225. Жоспарлауға жауапты немесе Тексеру комиссиясының Регламентінде айқындалған құрылымдық бөлімше Тексеру комиссиясының Аудиторлық қорытындысында қамтылған ұсынымдардың және Нұсқамасының тармақтарының іске асырылу барысына мониторинг жүргізеді және ай сайынғы негізде Тексеру комиссиясының Төрағасына хабарлайды, мониторингінің нәтижелері Есеп комитетінің Қазақстан Республикасының Президент Әкімшілігіне ұсынылатын ай сайынғы ақпарат, сондай-ақ есепті қаржы жылы үшін жергілікті бюджеттің атқарылуы туралы жылдық есеп қалыптастыру, бұзушылықтардың алдын алу мақсатында оларды жүйелеу үшін пайдаланылады.
      226. Сапаны бақылауға жауапты немесе Тексеру комиссиясының Регламентінде айқындалған құрылымдық бөлімше жартыжылдықтың қорытындылары бойынша есепті кезеңнен кейінгі айдың екінші айының 20 күнінен кешіктірмей, Тексеру комиссиясының Төрағасына аудиторлық іс-шаралар материалдарының сапасын бақылаудың нәтижелері туралы, сондай-ақ талдаудың қорытындылары бойынша Тексеру комиссиясы Қаулыларының (Нұсқамаларының) орындалу сапасы жөнінде жинақталып қорытылған ақпарат ұсынады.
      227. Тексеру комиссиясының аудиторлық іс-шараға жауапты мүшесі:
      1) оларға Аудиторлық қорытындыда берілген ұсынымдарды;
      2) Аудиторлық қорытындыда берілген ұсынымдарды қараудың нәтижелері туралы ақпаратты және мемлекеттік аудит объектісі мен өзге де мүдделі адамдар жіберетін растайтын құжаттарды;
      3) міндетті түрде орындауға жіберілген Нұсқамалардың орындалуын;
      4) Нұсқамалардың орындалу нәтижелері туралы ақпаратты және мемлекеттік аудит объектісі мен өзге де лауазымды адамдар жіберетін растайтын құжаттарды;
      5) мемлекеттік аудиттің қорытындылары бойынша қабылданған Тексеру комиссиясының Аудиторлық қорытындысында және Нұсқамасында қамтылған тұжырымдар мен ұсынымдарды іске асыру бойынша іс-шараларды мемлекеттік аудит объектілерінің орындау уақтылығы мен толықтығын мониторингтеуді және талдауды тұрақты және жүйелі негізде жүзеге асырады.
      228. Мемлекеттік аудит органы мен өзге де лауазымды адамдар Аудиторлық қорытындыда берілген ұсынымдарды қараудың нәтижелері туралы және Нұсқамалардың орындалғаны туралы ақпаратты растайтын құжаттарымен бірге тиісті құжаттарда көрсетілген мерзімдерде Тексеру комиссиясына жіберуге міндетті.

2-параграф. Мемлекеттік аудит объектісінің Тексеру
комиссиясының Аудиторлық қорытындысында қамтылған
ұсынымдарды және Нұсқамасының тармақтарын орындауын талдау

      229. Тексеру комиссиясының аудиторлық іс-шараға жауапты мүшесі мемлекеттік аудит объектісінен ақпаратты (растайтын құжаттарды) алған күннен бастап бес жұмыс күні ішінде мемлекеттік аудит объектісінің Аудиторлық қорытындыда қамтылған ұсынымдарды және Нұсқаманың тармақтарын орындауына талдау жүргізеді және олардың орындалу нәтижелері туралы қызметтік жазба дайындап, Тексеру комиссиясы Төрағасының қарауына енгізеді.
      Тексеру комиссиясы мен мемлекеттік аудит органының бірлескен Аудиторлық қорытындысының тармақтарының орындалуын мониторингтеу кезінде Тексеру комиссиясының аудиторлық іс-шараға жауапты мүшесі бірлескен Аудиторлық қорытындыда қамтылған ұсынымдардың орындалу толықтығы мен сапасы туралы мемлекеттік аудит органынан алынған ақпарат пен басқа да құжаттамалардың (растайтын құжаттардың көшірмелері, фотосуреттер, мемлекеттік аудит органы жүргізген мониторинг материалдары) негізінде мемлекеттік аудит органынан ақпарат алған күннен бастап екі жұмыс күні ішінде бірлескен Аудиторлық қорытындыда қамтылып, орындалған ұсынымдарды бақылаудан алып тастау не орындалмаған немесе тиісінше орындалмаған Нұсқамалар бойынша шаралар қабылдау туралы мәселені қарайды және ол туралы шешім қабылдау үшін қызметтік жазба дайындап, Тексеру комиссиясының Төрағасына енгізеді.
      Ескерту. 229-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      229-1. Егер ұсынымдар және (немесе) Нұсқаманың тармақтары белгіленген мерзімде орындалмайтын жағдайда, мемлекеттік аудит объектісінің басшысы олардың орындалу мерзімінің белгіленген күніне дейін жеті жұмыс күнінен кешіктірмей Тексеру комиссиясына растайтын құжаттардың қоса берілуімен орындау мерзімін ұзартудың қажеттілігі дәйектеліп негізделген орындаудың ағымдағы жай-күйін көрсете отырып хат енгізеді. Бұл ретте мемлекеттік аудит объектісінің басшысы нақты орындау мерзімін ұсынады.
      Тексеру комиссиясының мүшесі екі жұмыс күні ішінде Аудиторлық қорытындыда қамтылған ұсынымдардың және (немесе) Нұсқама тармақтарының орындалу мерзімдерін ұзарту туралы немесе олардың орындалу мерзімін ұзартудан бас тарту туралы қызметтік жазбаны жасайды және Тексеру комиссиясының Төрағасына енгізеді.
      Ескерту. 2-параграф 229-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      229-2. Тексеру комиссиясы Төрағасының тапсырмасы бойынша Тексеру комиссиясының аппарат басшысы:
      1) Аудиторлық қорытындыда қамтылған (соның ішінде бірлескен) ұсынымдардың және Нұсқамалар тармақтарының орындалуының толықтығы;
      2) Аудиторлық қорытындыда қамтылған ұсынымдардың және Нұсқамалар тармақтарының орындалу мерзімдерін ұзарту мәніне талдау жасауы үшін сапа бақылауына жауапты немесе Тексеру комиссиясының Регламентінде айқындалған құрылымдық бөлімшеге осы Қағидалардың 229, 229-1-тармақтарында көзделген қызметтік жазбаны жібереді.
      Ескерту. 2-параграф 229-2-тармақпен толықтырылды - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      230. Сапа бақылауына жауапты немесе Тексеру комиссиясының Регламентінде айқындалған құрылымдық бөлімше үш жұмыс күні ішінде Аудиторлық қорытындыда қамтылған ұсынымдарды және (немесе) Нұсқаманың тармақтарын бақылаудан алудың, оларды орындау мерзімдерін ұзартудың немесе Қазақстан Республикасының заңнамасына сәйкес ден қою шараларын қабылдаудың негізділігін бағалайды және олардың орындалуы бойынша сараптамалық қорытынды дайындайды.
      Ескерту. 230-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      231. Тексеру комиссиясының Төрағасы сапа бақылауына жауапты немесе Тексеру комиссиясының Регламентінде айқындалған құрылымдық бөлімшенің сараптамалық қорытындысының негізінде Аудиторлық қорытындыда қамтылған ұсынымдарды және Нұсқаманың тармақтарын бақылаудан алу, орындау мерзімдерін ұзарту немесе Қазақстан Республикасының заңнамасына сәйкес ден қою шараларын қабылдау туралы шешім қабылдайды.
      Ескерту. 231-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      232. Тексеру комиссиясының Төрағасы шешім қабылдаған күннен бастап үш жұмыс күні ішінде Тексеру комиссиясының аудиторлық іс-шараға жауапты мүшесі мемлекеттік аудит объектісін Тексеру комиссиясының Аудиторлық қорытындысында қамтылған ұсынымдарды және (немесе) Нұсқамасының тармақтарын бақылаудан алу не олардың орындалуын жалғастыру туралы хабардар етеді.
      Құжат айналымына жауапт құрылымдық бөлімше Тексеру комиссиясы Төрағасының бұрыштамасы бар Тексеру комиссиясының жауапты мүшесінің қызметтік жазбасын және мемлекеттік аудит объектілерінің Аудиторлық қорытындыда қамтылған ұсынымдарды және Тексеру комиссиясының Нұсқама тармақтарын орындауы туралы ақпаратты Бірыңғай дерекқорға жүктеуді жүзеге асырады.
      233. Тексеру комиссиясының Аудиторлық қорытындысында қамтылған ұсынымдарды және Нұсқамасының тармақтарын бақылаудан алу немесе олардың орындалуын жалғастыру туралы Тексеру комиссиясы Төрағасының бұрыштамасы қабылданған күннен бастап бір жұмыс күні ішінде жоспарлауға жауапты құрылымдық бөлімше олардың орындалуын әрі қарай мониторингтеуді жүзеге асырады.
      234. Аудиторлық қорытындысында қамтылған ұсынымдардың және Нұсқаманың тармақтарының орындалу барысы туралы мәселені талқылау қажет болған жағдайда Тексеру комиссиясының отырысына шығарылады, оны қараудың қорытындысы бойынша тиісті шешім қабылданады.

3-параграф. Мемлекеттік аудит объектісінің ақпарат ұсынбауы,
Нұсқама тармақтарын орындамауы және тиісінше орындамауы жөнінде
шаралар қабылдау

      235. Мемлекеттік аудит объектісі Нұсқамалар тармақтарының орындалуы жөніндегі ақпаратты тиісті мерзімдерде ұсынбаған жағдайда, Тексеру комиссиясының аудиторлық іс-шараға жауапты мүшесі Нұсқама тармақтарының орындалу мерзіміне дейін кемінде екі жұмыс күні бұрын мемлекеттік аудит объектісіне ЭҚАБЖ (болған жағдайда) арқылы және қағаз түрінде поштамен ӘҚтК-нің 462-бабында көзделген әкімшілік жауаптылық туралы ескерту жібереді.
      236. Мемлекеттік аудит объектісі ақпарат ұсынбаған, көрсетілген мерзімде Нұсқама тармақтарын орындамаған немесе тиісінше орындамаған жағдайда, Тексеру комиссиясының аудиторлық іс-шараға жауапты мүшесі Нұсқамада көрсетілген мерзім аяқталғаннан кейін бір жұмыс күні ішінде Тексеру комиссиясы Төрағасының атына мемлекеттік аудит объектісіне әкімшілік ықпал ету шарасын қолдану туралы қызметтік жазба дайындап, сараптама жүргізу үшін құқықтық қамтамасыз етуге жауапты құрылымдық бөлімшеге жібереді.
      237. Құқықтық қамтамасыз етуге жауапты құрылымдық бөлімше Тексеру комиссиясының аудиторлық іс-шараға жауапты мүшесінің қызметтік жазбасын алған күннен бастап үш жұмыс күні ішінде осы Қағидалардың 209-тармағында көзделген растайтын құжаттар болғанда, әкімшілік іс жүргізуді қозғаудың орындылығы туралы сараптамалық қорытынды жасайды, орындылығы танылған жағдайда, әкімшілік құқық бұзушылық туралы хаттама ресімдейді.
      Ескерту. 237-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      238. Әкімшілік құқық бұзушылық туралы хаттама жасалған кезден бастап үш тәулік ішінде Тексеру комиссиясының аудиторлық іс-шараға жауапты мүшесі әкімшілік іс материалдарын тиісті сотқа жібереді.

7-бөлім. Қорытынды ережелер

1-параграф. Аудиторлық іс-шараның нәтижелерін
бұқаралық ақпарат құралдарында жария ету

      239. Тексеру комиссиясының аудиторлық іс-шараға жауапты мүшесі мемлекеттік аудит тобының жетекшісімен бірге аудиторлық іс-шараның нәтижелері бойынша баспасөз релизін дайындайды, аудиторлық іс-шараның нәтижелерін қарау бойынша Тексеру комиссиясының отырысы өткізілгеннен кейін Аудиторлық қорытынды бекітілген және Нұсқамаға қол қойылған күннен бастап үш жұмыс күнінен кешіктірмей, оны Тексеру комиссиясының Төрағасының келісімі бойынша Тексеру комиссиясының Интернет-ресурсына орналастырады және (немесе) бұқаралық ақпарат құралдары өкілдерінің алдында Тексеру комиссиясы лауазымды адамдарының сөз сөйлеуін ұйымдастырады.
      240. Тексеру комиссиясының аудиторлық іс-шараға жауапты мүшесінің мемлекеттік және қызметтік құпияны, сондай-ақ шектеулі таралымды қызметтік ақпаратты (қызмет бабында пайдалану үшін) қамтымайтын аудиторлық қорытындысы:
      1) Тексеру комиссиясының Интернет-ресурсына орналастырылады;
      2) Тексеру комиссиясы Төрағасының шешімімен Есеп комитеті Төрағасының келісімі бойынша Есеп комитетінің бюллетенінде толығымен немесе одан алынған үзінділер түрінде жариялануға жіберіледі.

2-параграф. Мемлекеттік аудит материалдарын есепке алу

      241. Тексеру комиссиясының Аудиторлық қорытындысын бекітіп, Нұсқамасына қол қойғаннан кейін бес жұмыс күні ішінде Тексеру комиссиясының аудиторлық іс-шараға жауапты мүшесі және мемлекеттік аудит тобының жетекшісі мемлекеттік аудит материалдарын (Аудит жоспарының, Аудит бағдарламасының, Аудиторлық тапсырмалардың, Тапсырмалардың түпнұсқаларын, сараптамалық қорытындыны, Тексеру комиссиясының аудиторлық іс-шараға жауапты мүшесі қол қойған Аудиторлық қорытындыны, Жиынтық тізілімді, Тексеру комиссиясының Төрағасы қол қойған отырыс хаттамасын) аудиторлық іс-шара материалдары бар жинақ папканы толықтырып, кейіннен архивке өткізу үшін құжат айналымына жауапты құрылымдық бөлімшеге тапсырады, аудиторлық іс-шара материалдарының электрондық нұсқалары Бірыңғай дерекқордың электрондық архивіне енгізіледі.
      242. Аудиторлық іс-шараның мемлекеттік құпияларды қамтитын материалдары Қазақстан Республикасында құпиялылық режимін қамтамасыз ету жөніндегі заңнамамен бекітілген талаптарға сәйкес сақталады.
      243. Процестік шешім қабылдау үшін әкімшілік құқық бұзушылықтар туралы істерді қарауға уәкілетті органдарға жіберілген әкімшілік материалдардың көшірмелері құқықтық қамтамасыз етуге не құжат айналымына жауапты құрылымдық бөлімшеде сақталып, жеке журналда тіркеледі. Құжат айналымына жауапты құрылымдық бөлімшеге сақтауға тапсырылған әкімшілік материалдардың көшірмелері Тексеру комиссиясының жалпы хат-хабарларынан бөлек сақталады.

Тексеру комиссияларының сыртқы
мемлекеттік аудит және қаржылық
бақылау жүргізу қағидаларына 
1-қосымша          

нысан

Облыстардың, республикалық маңызы бар қалалардың, астананың
мемлекеттік аудит объектілері бойынша бірыңғай дерекқор

      Ескерту. 1-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 27.09.2016 № 13-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1) жергілікті бюджеттік бағдарламалар әкімшілері бойынша ақпарат

      2) бағдарламалық құжаттарды іске асыру бойынша ақпарат (млн. теңге)

      Ескертпе:
      * бюджеттік инвестициялық жобалар бар болған кезде, барлық жобалар/объектілер (ешқайсысы қалдырылмай) көрсетіледі.
      Бірыңғай дерекқор соңғы үш жылдағы және жоспарланатын жылдың алдындағы жылдың бірінші жартыжылдығындағы:
      1) бюджеттік бағдарламалар әкімшілері (бұдан әрі – ББӘ) бойынша;
      2) жергілікті атқарушы органдардың бөлінісінде ағымдағы, күрделі шығындардың түрлері және бюджет қаражатын басқа да алушылар бойынша бюджеттік бағдарламалар жөніндегі;
      3) салықтық, салықтық емес түсімдер, негізгі капиталды сатудан түсетін түсімдер, мемлекет пен квазимемлекеттік сектор субъектілерінің активтері бойынша;
      4) мыналардың:
      мемлекеттік аудит органдарының мемлекеттік аудит объектілері бойынша аудиторлық іс-шараларының;
      сараптамалық-талдау іс-шараларының;
      аумақтарды дамыту бағдарламаларының және инвестициялық жобалардың іске асырылуының бұрын жүргізілген нәтижелері көрсетілген ақпаратты қамтиды.

Тексеру комиссияларының сыртқы
мемлекеттік аудит және қаржылық
бақылау жүргізу қағидаларына
2-қосымша

                                                             нысан

             Аудиторлық іс-шараны жүргізуге өтінім