Ескерту. Күші жойылды - Республикалық бюджеттің атқарылуын бақылау жөніндегі есеп комитеті Төрағасының 30.11.2015 № 17-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Қазақстан Республикасы Бюджет кодексінің 141-бабының 19) тармақшасына сәйкес Республикалық бюджеттің атқарылуын бақылау жөніндегі есеп комитеті ҚАУЛЫ ЕТЕДІ:
      1. Мыналар:
      1) Республикалық бюджеттің атқарылуын бақылау жөніндегі есеп комитетінің сыртқы мемлекеттік қаржылық бақылауды жүргізу қағидасы 1-қосымшаға сай;
      2) Облыстардың, республикалық маңызы бар қаланың, астананың тексеру комиссияларының сыртқы мемлекеттік қаржылық бақылауды жүргізу қағидасы 2-қосымшаға сай бекітілсін.
      2. Мыналардың:
      1) «Сыртқы мемлекеттік қаржылық бақылауды жүргізу ережесін бекіту туралы» Республикалық бюджеттің атқарылуын бақылау жөніндегі есеп комитетінің 2011 жылғы 18 тамыздағы № 2-НП нормативтік қаулысының (Нормативтік құқықтық актілерді мемлекеттік тіркеу тізілімінде № 7190 тіркелген, «Егемен Қазақстан» газетінде 2011 жылғы 11 қазанда № 488-490 (26882) жарияланған);
      2) «Республикалық бюджеттің атқарылуын бақылау жөніндегі есеп комитетінің «Сыртқы мемлекеттік қаржылық бақылаудың кейбір мәселелері туралы» 2011 жылғы 12 тамыздағы № 1-НП және «Сыртқы мемлекеттік қаржылық бақылауды жүргізу ережесін бекіту туралы» 2011 жылғы 18 тамыздағы № 2-НП нормативтік қаулыларына өзгерістер мен толықтырулар енгізу туралы» Республикалық бюджеттің атқарылуын бақылау жөніндегі есеп комитетінің 2012 жылғы 9 шілдедегі № 1-НП нормативтік қаулысының 1-тармағының 2) тармақшасының (Нормативтік құқықтық актілерді мемлекеттік тіркеу тізілімінде № 7808 тіркелген, «Егемен Қазақстан» газетінде 2012 жылғы 9 тамызда № 483-488 (27561) жарияланған) күші жойылды деп танылсын.
      3. Республикалық бюджеттің атқарылуын бақылау жөніндегі есеп комитетінің аппарат басшысы (В.В. Супрун) Қазақстан Республикасының Әділет министрлігінде осы нормативтік қаулының мемлекеттік тіркелуін қамтамасыз етсін.
      4. Осы нормативтік қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Төраға                                      А. Мусин

Республикалық бюджеттің 
атқарылуын бақылау жөніндегі
есеп комитетінің     
2013 жылғы 16 сәуірдегі 
№ 3-НП нормативтік қаулысына
1-қосымша          

Республикалық бюджеттің атқарылуын бақылау жөніндегі есеп
комитетінің сыртқы мемлекеттік қаржылық бақылауды жүргізу қағидасы

1. Жалпы ережелер

      1. Республикалық бюджеттің атқарылуын бақылау жөніндегі есеп комитетінің сыртқы мемлекеттік қаржылық бақылауды жүргізу қағидасы (бұдан әрі – Қағида) Қазақстан Республикасының 2008 жылғы 4 желтоқсандағы Бюджет кодексінің (бұдан әрі – Бюджет кодексі) 141-бабының 19) тармақшасына, «Республикалық бюджеттің атқарылуын бақылау жөніндегі есеп комитеті туралы ережені бекіту туралы» (бұдан әрі – Есеп комитеті) Қазақстан Республикасы Президентінің 2002 жылғы 5 тамыздағы № 917 Жарлығына, «Мемлекеттік қаржылық бақылау стандарттарын бекіту туралы» (бұдан әрі – Стандарттар) Қазақстан Республикасы Президентінің 2009 жылғы 7 сәуірдегі № 788 Жарлығына сәйкес әзірленген.
      2. Қағида бақылау қызметін жоспарлау, бақылауға дайындалу, бақылауды жүргізу, бақылаудың қорытындысы бойынша есептерді ресімдеу, сапаны бақылауды жүргізу, шешімдердің орындалуын мониторингтеуді және бақылауды ұйымдастыру тәртібін айқындайды.
      Ескерту. 2-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      3. Осы Қағидада мынадай анықтамалар пайдаланылады:
      1) сыртқы мемлекеттік қаржылық бақылау – Қазақстан Республикасының Президентіне тоқсан сайынғы ақпаратты және Қазақстан Республикасының Парламентіне жыл сайынғы есепті ұсына отырып, Есеп комитеті жүзеге асыратын республикалық бюджеттің атқарылуын бақылау (бұдан әрі – бақылау);
      2) сәйкестікке бақылау жасау – бақылау объектісі қызметінің Қазақстан Республикасының бюджет және өзге де заңнамасының талаптарына сәйкестігін бағалау;
      3) қаржылық есептілікті бақылау – бақылау объектісінің қаржылық есептілікті жасауының және табыс етуінің анықтығын, негізділігін және уақтылығын бағалау;
      4) тиімділікті бақылау – сәйкестікке бақылау жасау және қаржылық есептілікті бақылау негізінде жүргізілетін бағалау, мемлекеттік органдардың стратегиялық жоспарларында көзделген тікелей және түпкілікті нәтижелерге қол жеткізілуін, мемлекеттік, салалық және бюджеттік бағдарламалардың іске асырылуын, көрсетілетін мемлекеттік қызметтерді, байланысты гранттарды, мемлекеттік және мемлекет кепілдік берген қарыздарды, мемлекет кепілгерліктері мен активтерін пайдалануды бағалау, сондай-ақ мемлекеттік орган және квазимемлекеттік сектор субъектілері қызметінің экономиканың немесе жеке алғанда экономика саласының, әлеуметтік саланың, мемлекеттік басқарудың басқа да салаларының дамуына тигізетін әсерін кешенді және объективті талдау;
      5) кешенді бақылау – бақылау объектілерінің нақты кезеңдегі қызметін барлық мәселелер бойынша бақылау және бағалау;
      6) тақырыптық бақылау – бақылау объектiсiнiң нақты кезеңдегi қызметiн жекелеген мәселелер бойынша бақылау және бағалау;
      7) үстеме бақылау – тексерiлiп отырған мәселе шеңберiнде бақылаудың негiзгi объектiсiмен өзара қатынастары мәселелерi бойынша ғана жүргiзiлетiн үшiншi тұлғаларды бақылау;
      8) бiрлескен бақылау – мемлекеттiк қаржылық бақылау органдары келiсiлген мерзiмде басқа мемлекеттік органдармен бiрлесiп жүргiзетiн бақылау;
      9) қосарлас бақылау – мемлекеттiк қаржылық бақылау органдары кейiннен олардың нәтижелерiмен алмаса отырып, келiсiлген мәселелер мен жүргiзу мерзiмдерi бойынша өз бетiнше жүргiзетiн бақылау;
      10) бақылаушы – лауазымдық міндеттеріне бақылауды жүзеге асыру кіретін Есеп комитетінің қызметкері;
      11) бақылау іс-шарасы – бақылауға дайындалуға, бақылауды жүргізуге және бақылаудың қорытындысы бойынша есептерді ресімдеуге бағытталған іс-қимылдар кешені;
      12) талдамалық іс-шара – жекелеген экономикалық және әлеуметтік процестерді ашуға бағытталған талдау, талдамалық зерттеу, мониторинг, бағалау және сараптама жүргізуге байланысты іс-қимылдар кешені;
      13) бақылау-талдамалық іс-шара - бақылау және талдамалық іс-шаралар жүргізу кезінде көзделген іс-қимылдар мен рәсімдер кешені;
      14) бақылау іс-шарасына дайындалу принциптері:
      кешенділік – бақылау объектісін алдын ала зерделеуден бастап, бақылау бағдарламасын жасағанға дейінгі барлық кезеңдердің өзара байланыстылығы және келісілуі;
      үздіксіздік – бақылауды жүзеге асыратын Есеп комитетінің қызметкерлеріне, мемлекеттік органдардың, аудиторлық ұйымдардың мамандарына және сарапшыларға бақылаудың кезеңдері мен мерзімдері бойынша өзара байланысты тапсырмаларды белгілеу;
      оңтайлылық – бақылаудың түпкілікті мақсатына ең аз шығын жұмсай отырып қол жеткізу үшін бақылау бағдарламасының неғұрлым орынды нұсқасын таңдау;
      атаулылық – бақылау объектілерінің өңірлік орналасуын қоса алғанда, оларды нақты таңдау.
      15) Есеп комитетінің қаулысы – бақылау нәтижелерін растайтын және ол арналған барлық мемлекеттік органдар, ұйымдар мен лауазымды адамдар орындауға міндетті шешімдерді қамтитын құжат (бұдан әрі – Қаулы);
      16) бақылаудың нәтижесі бойынша қорытынды – бақылау актiлерiнің және (немесе) аудиторлық есептердің негiзiнде жасалатын Есеп комитетінің құжаты (бұдан әрі – Қорытынды);
      17) ұсыным – мемлекеттiк қаржылық бақылау органдарының анықталған бұзушылықтарды және жұмыстағы кемшiлiктердi жою үшiн бақылау объектiлерiне және басқа да мүдделi тұлғаларға жiберетін орындалуға мiндеттi құжаты (бұдан әрі – Ұсыным);
      18) сапаны бақылау – бақылау іс-шаралары материалдарының сыртқы мемлекеттік қаржылық бақылау саласындағы заңнаманың белгіленген талаптарына сәйкестігін тексеру және талдау;
      19) постбақылау – Есеп комитеті шешімдерінің (Қаулыларының (Ұсынымдарының)) орындалуын бақылау.
      Ескерту. 3-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      4. Сыртқы мемлекеттік қаржылық бақылау мемлекеттік басқару жүйесінің ажырамас бөлігі болып табылады, бюджетті атқарудың және мемлекет активтерін пайдаланудың айқындығын, тиімділігін, жауапкершілігін арттыруға бағытталған.
      5. Бюджет кодексінің 136-бабы 3-1-тармағына сәйкес Есеп комитетінің қызметкерлерін мемлекеттік органдардың сұрауы бойынша оның жұмыс жоспарларында көзделмеген тексеру жүргізу үшін тартуға жол берілмейді.
      6. Бақылау Есеп комитетінің жылдық және тоқсандық жұмыс жоспарлары негізінде жүргізіледі.
      7. Бақылау іс-шарасын жүргізуге тікелей басшылықты Есеп комитетінің бақылауды жүргізуге жауапты мүшесі жұмыстың бекітілген бағыттары бойынша (соның ішінде бақылау мәселелерінің қамтылу толықтығын бақылауды жүзеге асыру, бақылаушылардың жұмыс бағыттарын түзету) жүзеге асырады.
      8. Бақылау тобының құрамы бақылау іс-шарасын жүргізуге қатысатын Есеп комитетінің қызметкерлерін – бақылау тобының жетекшісі мен бақылаушыларды, және қажет болғанда, мемлекеттік органдардың мамандарын, аудиторлық ұйымдардың қызметкерлерін және (немесе) сарапшыларды қамтиды. Бірлескен бақылауды жүргізу кезінде бақылау тобының құрамына басқа мемлекеттік органдардың қызметкерлері енгізіледі.
      Құқықтық қамтамасыз етуге жауапты құрылымдық бөлімшенің басшысы бақылау тобына бақылау іс-шарасын сүйемелдейтін, сондай-ақ бұзушылықтар, кемшіліктер анықталған кезде заңнаманы қолдану мәселелері бойынша қажетті құжаттары қоса берілген жазбаша сұрау салуларға бақылау объектілеріне шықпай, электрондық пошта/факс арқылы жазбаша консультация беретін қызметкерлерді бекітеді.
      Ескерту. 8-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      9. Есеп комитетінің қызметкерлері бақылау жүргізу кезінде Бюджет кодексінде белгіленген құзыретіне сүйене отырып, осы Қағиданы басшылыққа алады.
      10. Бақылау жүргізуге тартылатын мемлекеттік органдардың (келісім бойынша), аудиторлық ұйымдардың мамандары және сарапшылар осы Қағиданы басшылыққа алады.
      Ескерту. 10-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      11. Бақылау мынадай үлгілерге бөлінеді:
      1) сәйкестікке бақылау жасау;
      2) қаржылық есептілікті бақылау;
      3) тиімділікті бақылау.
      12. Есеп комитеті өз өкілеттігі шегінде кешенді, тақырыптық, үстеме, бірлескен, қосарлас бақылау түрлерін жүзеге асырады.
      13. Бақылау республикалық бюджеттің атқарылуын, мемлекеттік, салалық және бюджеттік бағдарламалардың, мемлекеттік органдардың стратегиялық жоспарларының іске асырылуын, бюджет процесіне қатысушылардың, оның ішінде квазимемлекеттік сектор субъектілерінің, сондай-ақ басқа да бюджет қаражатын алушылардың, байланысты гранттарды, мемлекет кепілгерліктері мен активтерін, мемлекеттік және мемлекет кепілдік берген қарыздарды, бюджеттік инвестицияларды пайдаланатын жеке және заңды тұлғалардың (бұдан әрі – бақылау объектілері) оларды жоспарлауға, қалыптастыруға, бөлуге, пайдалануға байланысты заңнамалардың нормаларын сақтауын мониторингілеу, салыстыру, бағалау және талдау жүйесін қолдана отырып жүргізіледі.
      14. Есеп комитеті бақылау нәтижелері бойынша анықталған бұзушылықтарды, кемшіліктерді талдау, қорыту және жүйелендіруді жүзеге асырады.

2. Есеп комитетінің бақылау қызметін жоспарлау

      15. Есеп комитетінің бақылау қызметін жоспарлау бақылау объектілерінің заңнама нормаларын, соның ішінде бюджет қаражатын, мемлекет пен квазимемлекеттік сектор активтерін жоспарлауға, қалыптастыруға, бөлуге, пайдалануға байланысты бұзушылықтарды анықтау, жою және оларға жол бермеу мақсатында Бюджет кодексінде көзделген өзінің өкілеттіктерін іске асыру үшін жүргізіледі.
      16. Жоспарлау мынадай принциптерге сәйкес:
      1) жоспарлаудың кешенділігі (қызметтің заң жүзінде белгіленген барлық міндеттерін, түрлері мен бағыттарын жоспарлаумен қамту);
      2) жоспарлаудың үздіксіздігі;
      3) ресурстарды бөлудің теңгерімділігі;
      4) бақылау объектілерінде бақылау іс-шараларын жүргізудің мерзімділігі принциптеріне сәйкес жүйелі тәсілге негізделеді.
      17. Есеп комитетінің бақылау іс-шараларының жылдық (тоқсандық) жоспары (бұдан әрі – жылдық жоспар) Есеп комитетінің перспективалық жұмыс жоспарын, бақылау объектілерін қайталауды болдырмау мақсатында мемлекеттік қаржылық бақылау органдарымен өзара іс-қимылды ескере отырып, кезекті жылға арналған бақылау іс-шараларын сапалы және тиімді жоспарлау үшін қалаптастырылады.
      Ескерту. 17-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      18. Жылдық жоспарды қалыптастыру үшін жоспарлауға, талдау мен есептілікке жауапты құрылымдық бөлімше (бұдан әрі – жоспарлауға жауапты құрылымдық бөлімше) жоспарланатын жылдың алдындағы жылдың деректері негізінде бюджеттік бағдарламалар әкімшілерінен (бұдан әрі – ББӘ) бастап, бюджет қаражатын түпкі алушыларға дейінгі бюджет қаражатын пайдаланудың бірізділігін көрсететін деректер базасын 1 қыркүйектен кешіктірмей қалыптастырады.
      Ескерту. 18-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      19. Деректер базасы мемлекеттік қаржылық бақылау органдарының бақылау объектілері бойынша соңғы үш жылда және жоспарланатын жылдың алдындағы жылдың бірінші жартыжылдығында бұрын жүргізілген бақылау іс-шараларының нәтижелерін көрсете отырып, ағымдағы, күрделі шығындардың түрлері бойынша орталық аппараттың, ведомствоның, ведомстволық бағыныстағы ұйымдардың, жергілікті атқарушы органдардың (нысаналы трансферттер) және басқа да бюджет қаражатын алушылардың, салықтық, салықтық емес түсімдердің, негізгі капиталды сатудан түскен түсімдердің, мемлекет және квазимемлекеттік сектор активтерінің бөлінісінде ББӘ, бюджеттік бағдарламалар жөніндегі ақпаратты қамтиды және стратегиялық, бағдарламалық құжаттардың (мемлекеттік, салалық бағдарламалардың, мемлекеттік органдардың стратегиялық жоспарларының) және инвестициялық жобалардың іске асырылуын көрсетеді.
      Ескерту. 19-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      20. Жоспарлауға жауапты құрылымдық бөлімше жоспарланатын жылдың алдындағы жылдың 1 қыркүйегінен кешіктірмей, мемлекеттік қаржылық бақылау органдарымен бірлесіп, деректер базасы негізінде осы Қағидаға 1-қосымшаға сай нысан бойынша бақылау объектілерінің республика бойынша бірыңғай ақпараттық деректер базасын (республикалық бюджеттік бағдарламалар әкімшілері бойынша ақпарат) (бұдан әрі – бірыңғай ақпараттық база) және 1-1-қосымшаға сай нысан бойынша республикалық бюджеттен бөлінген қаражаттың (нысаналы трансферттердің, кредиттердің) жұмсалуы туралы мәліметті (бұдан әрі – қаражаттың жұмсалуы туралы мәлімет) қалыптастырады.
      Ескерту. 20-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      21. Жылдық жоспарды қалыптастыру үшін Есеп комитетінің мүшелері жоспарлауға жауапты құрылымдық бөлімше жоспарланатын жылдың алдындағы жылдың 1 қыркүйегінен кешіктірмей ұсынатын бақылау объектілерінің тәуекелдерін бағалауды және мемлекеттік қаржылық бақылау органдарының бақылау іс-шараларының жоспарларын ескере отырып, бірыңғай ақпараттық базаның деректері және қосымша көздерден алынған деректер негізінде жоспарланатын жылдың алдындағы жылдың 1 қазанынан кешіктірмей жылдық жоспар жобасына өздерінің ұсыныстарын бақылау іс-шарасын жүргізуге өтінім түрінде осы Қағидаға 2-қосымшаға сай нысан бойынша дайындайды.
      Ескерту. 21-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      22. Есеп комитетінің мүшелері өтінімді жасау кезінде бақылау іс-шарасының атауын, бақылау объектілерін және бақылаумен қамтылатын қаражат көлемін, өздерінің бағыттары бойынша бақылаудың үлгілері мен түрлерін, сондай-ақ бақылаушылардың қажетті санын ескере отырып, аудиторлық компанияларды және сарапшыларды тартудың қажеттілігін айқындайды.
      Ескерту. 22-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      22-1. Жоспарлауға жауапты құрылымдық бөлімше бақылау іс-шараларын жүргізуге арналған өтінімдер негізінде осы Қағидаға 2-1-қосымшаға сай Бақылау іс-шараларын жүргізу мерзімдерін нормалау жөніндегі әдістемелік ұсынымдарға сәйкес, бақылау іс-шарасын жүргізу мерзімінің нормативін есептеуді жүзеге асырады.
      Ескерту. 22-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      23. Жоспарлауға жауапты құрылымдық бөлімше бақылау объектілерін қайталауды болдырмау, сондай-ақ бақылау объектілерін бөлу, кешенді бақылау жүргізуге қажетті еңбек ресурстарын айқындау мақсатында, осы Қағидаға 3-қосымшаға сай нысан бойынша қалыптастырылған және Есеп комитетінің аппараттық кеңесінде мақұлданған, кезекті жылға арналған бақылау жұмысы жоспарының алдын ала жобасын, сондай-ақ осы Қағидаға 3-1-қосымшаға сай нысан бойынша қалыптастырылған, кезекті жылы бақылау жүргізілуі жоспарланған бақылау объектілері мен бюджеттік бағдарламалардың тізбесін жоспарланатын жылдың алдындағы жылдың 1 қарашасына дейін Қазақстан Республикасының Үкіметі уәкілеттік берген ішкі бақылау жөніндегі органға (бұдан әрі – ҚБК) және облыстардың, республикалық маңызы бар қаланың, астананың тексеру комиссияларына (бұдан әрі – тексеру комиссиялары) жібереді.
      Ескерту. 23-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      24. Жоспарлауға жауапты құрылымдық бөлімше жоспарланатын жылдың алдындағы жылдың 15 қарашасына дейін тексеру комиссияларымен және жоспарланатын жылдың алдындағы жылдың 25 қарашасына дейін ҚБК-мен объектілерді және бақылаумен қамтылатын қаражаттың көлемін келісіп, кешенді, бірлескен, қосарлас бақылау жүргізудің мәселелерін хаттама жасай отырып пысықтайды.
      Ескерту. 24-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      25. Жоспарлауға жауапты құрылымдық бөлімше жоспарланатын жылдың алдындағы жылдың 1 желтоқсанына дейін жылдық жоспардың түпкілікті жобасын ҚБК-ге және тексеру комиссияларына жібереді.
      Ескерту. 25-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      26. Жылдық жоспардың келісілген жобасы жоспарланатын жылдың алдындағы жылдың 10 желтоқсанына дейін Есеп комитетінің отырысында қаралып мақұлданады. Отырысқа тараптардың келісуі бойынша ҚБК-нің және тексеру комиссияларының бірінші басшылары шақыртылуы мүмкін.
      27. Ескертулер туындаған жағдайда, жылдық жоспардың жобасы үш жұмыс күні ішінде жетілдіріледі. Жылдық жоспардың жобасы Есеп комитетінің мүшелерімен және бақылау жүргізуге жауапты құрылымдық бөлімшемен қайта келісілгеннен кейін Есеп комитетінің Төрағасына бекітуге енгізіледі.
      28. Құжат айналымына жауапты құрылымдық бөлімше бұйрыққа қол қойылған күннен бастап бір жұмыс күні ішінде жылдық жоспарды бекіту туралы бұйрықты тіркеуді жүзеге асырып, оны бақылауға қояды, жоспарлауға жауапты құрылымдық бөлімше оны Есеп комитетінің Интернет-ресурсына орналастырады.
      29. Бұйрық тіркелген күннен бастап, екі жұмыс күні ішінде Электрондық құжат айналымының бірыңғай жүйесі (бұдан әрі – ЭҚАБЖ) арқылы және (немесе) жазбаша түрде почтамен ҚБК-ге, тексеру комиссияларына, Қазақстан Республикасы Президентінің Әкімшілігіне, Қазақстан Республикасының Премьер-Министріне, құқықтық статистика және арнайы есепке алу саласындағы уәкілетті органға, республикалық бюджеттік бағдарламалар әкімшілеріне және облыстардың, республикалық маңызы бар қаланың, астананың әкімдеріне бекітілген жылдық жоспарды жіберу жүзеге асырылады.
      Ескерту. 29-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      29-1. Есеп комитетінің бақылау іс-шараларының тоқсандық жоспары тиісті кезең басталғанға дейін күнтізбелік үш күннен кешіктірілмей, ЭҚАБЖ арқылы және қағаз түрінде құқықтық статистика және арнайы есепке алу саласындағы уәкілетті органға жіберіледі және Есеп комитетінің интернет-ресурсына орналастырылады.
      Есеп комитетінің бақылау іс-шараларының тоқсандық жоспарына өзгерістер енгізілген жағдайда, өзгертілген тоқсандық жоспар тиісті бұйрыққа қол қойылғаннан кейін үш жұмыс күні ішінде ЭҚАБЖ арқылы және қағаз түрінде құқықтық статистика және арнайы есепке алу саласындағы уәкілетті органға жіберіліп, Есеп комитетінің интернет-ресурсына орналастырылады.
      Ескерту. 29-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      30. Жоспарлауға жауапты құрылымдық бөлімше Есеп комитетінің бекітілген жылдық жоспарының орындалуына тұрақты негізде мониторинг жүргізеді.
      30-1. Бақылау іс-шараларының қайталануын болдырмау мақсатында, жоспарлауға жауапты құрылымдық бөлімше ҚБК мен тексеру комиссиясының бақылау іс-шаралары жоспарларына өзгерістерге тоқсан сайынғы негізде мониторинг жүргізеді.
      Ескерту. 30-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      31. Жоспарлауға жауапты құрылымдық бөлімше ҚБК мен тексеру комиссияларының нәтижелерін талдап қорыту үшін олардың жылдық жұмыс жоспарлары шеңберіндегі бақылау іс-шараларының орындалуы жөніндегі ақпаратты кейіннен Қазақстан Республикасының Президенті мен Қазақстан Республикасының Парламентіне ұсынылатын Есеп комитетінің ақпаратына және есебіне енгізу үшін тоқсан сайын сұратып отырады.
      32. Жоспарлауға жауапты құрылымдық бөлімше жылдық жоспар бекітілгеннен кейін бес жұмыс күні ішінде бақылау жүргізуге жауапты құрылымдық бөлімшемен бірлесіп, тоқсан сайын нақтыланатын бақылау іс-шараларының аяқталуын ескере отырып, отырыстар өткізудің жылдық кестесін қалыптастырады.
      33. Есепті кезеңнің қорытындылары бойынша Есеп комитетінің Төрағасына жылдық жоспардың іске асырылуы туралы ақпарат ұсынылады.
      34. Осы Қағидаға 2-қосымшада көзделген нысан бойынша өзектендірілген өтінім және өзгерістер мен толықтырулар енгізудің негізділігін растайтын құжаттар (материалдар) қоса берілген Есеп комитеті мүшесінің қызметтік жазбасы негізінде Есеп комитеті Төрағасының шешімі бойынша Есеп комитетінің жылдық жұмыс жоспарына өзгерістер және (немесе) толықтырулар енгізіледі.
      Ескерту. 34-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

3. Бақылауға дайындалу 1-параграф. Жалпы ережелер

      35. Бақылау жүргізуге дайындалу бақылау іс-шарасының бастапқы кезеңі болып табылады, онда бақылау объектісін алдын-ала зерделеу және бақылау жүргізу жоспарын (бұдан әрі – Бақылау жоспары), бақылау жүргізу бағдарламасын (бұдан әрі – Бақылау бағдарламасы), бақылау жүргізуге тапсырманы (бұдан әрі – Тапсырма), бақылау жүргізудің жұмыс жоспарларын (бұдан әрі – Жұмыс жоспарлары) жасау жүзеге асырылады.
      Ескерту. 35-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      36. Бақылау іс-шарасына дайындалу кезінде кешенділік, үздіксіздік, оңтайлылық, атаулылық принциптерін басшылыққа алған жөн.

2-параграф. Бақылау объектісін алдын ала зерделеу

      37. Бақылау объектілерін алдын ала зерделеу бақылау объектілеріне бармай, Қазақстан Республикасының мемлекеттік құпияларын қорғау жөніндегі заңнамаға сәйкес жүзеге асырылатын тексерулерді қоспағанда, олардың қызметі туралы бақылаудың үлгісін, түрі мен объектілерін, бақылаумен қамтылатын қаражат көлемін, бақылау жүргізу мерзімін нақтылауға, бақылау мәселелерін айқындауға, соның ішінде қаражаттың жұмсалуы туралы мәліметтерде көзделген деректерді өзекті етуге қажетті ақпаратты жинау және талдау жолымен жүргізіледі. Тиімділікті бақылау жүргізілген жағдайда, үнемділікті, тиімділік пен нәтижелілікті бағалаудың тиісті критерийлері әзірленеді.
      Есеп комитетінің бақылау іс-шарасын жүргізуге жауапты мүшесінің қолы қойылған Тапсырманың болуы алдын ала зерделеу жүргізуге негіз болып табылады.
      Ескерту. 37-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      37-1. Алдын ала зерделеу жүргізу туралы хабарлама «Тексерудiң тағайындалғаны туралы актiлердi, тексеруді тоқтата тұру, қайта бастау, оның мерзімдерін ұзарту туралы, қатысушылар құрамын өзгерту және тексеру мен оның нәтижелерi туралы ақпараттық есептiк құжаттарды ұсыну туралы хабарламаларды тіркеу қағидасын бекіту туралы» Қазақстан Республикасы Бас прокурорының 2015 жылғы 29 мамырдағы № 67 бұйрығына (Нормативтік құқықтық актілерді мемлекеттік тіркеу тізілімінде № 11564 тіркелді) (бұдан әрі – № 67 Бұйрық) сәйкес, құқықтық статистика және арнайы есепке алу саласындағы уәкілетті органға жіберіледі.
      Алдын ала зерделеудің нәтижелері бойынша хабарлама талоны толтырылады, онда құжаттар мен ақпаратты ұсыну туралы бақылау объектілеріне жіберілген сұрау салулар саны көрсетіледі.
      Ескерту. 37-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      38. Бақылау объектісін алдын ала зерделеу барысында жоспарланған бақылауды жүргізуге қажетті ақпарат көздері айқындалады.
      Ескерту. 38-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      39. Бақылау тобы бақылау объектісінің қызметін алдын ала зерделеуді бақылау жүргізу басталғанға дейін кемінде бес жұмыс күні бұрын аяқтай отырып, жылдық жоспарда көзделген мерзімде жүргізеді.
      Бақылау тобы қолжетімді дереккөздерден ақпарат жинауды және бақылау объектілерін алдын ала зерделеу үшін бақылаудың үлгісіне, түріне және мақсаттарына сәйкес, осы Қағидаға 4-қосымшаға сай бақылау объектілері қызметін алдын ала зерделеу барысында зерделенетін мәселелердің үлгі тізбесіне сәйкес және осы Қағидаға 5-қосымшаға сай нысан бойынша құжаттар мен ақпаратты сұрау салуды бақылау объектілеріне жіберуді жүзеге асырады.
      Мәліметтер алу мақсатында, Есеп комитетінің бақылауға жауапты мүшесі бақылау тобымен бірге құпиялылық режимінің, қызметтік, коммерциялық немесе заңмен қорғалатын өзге де құпияның сақталуын ескере отырып, бақылау объектісіне қатысты ақпаратқа ие мемлекеттік органдарға, жеке және заңды тұлғаларға сұрау салулар дайындайды.
      Ескерту. 39-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      40. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      40-1. Алдын ала зерделеуді жүргізу кезінде осы Қағиданың 75-тармағының талаптарын сақтай отырып, басқа мемлекеттік қаржылық бақылау органының бақылаумен қамтитын мақсаты, мәні, кезеңі бойынша Есеп комитетінің жоспарланған бақылауына сәйкес келетін бақылау жүргізу мәселелері қаралады.
      Ескерту. 40-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулыларымен.
      41. Қолдағы бар және бақылау объектісін алдын ала зерделеу барысында алынған деректерге жүргізілген зерделеу мен талдауға сәйкес:
      1) бақылаудың үлгісі, түрі мен объектілері нақтыланады;
      2) бақылау объектілері – бақылаушылар арасында, кешенді, бірлескен және қосарлас бақылауды жүргізген жағдайда, мемлекеттік органдар мен қаржылық бақылау органдары арасында бөлінеді;
      3) үстеме бақылаудың объектілері айқындалады;
      4) бақылау жүргізуге тартылатын мемлекеттік органдардың мамандары, сарапшылар мен аудиторлық компаниялар және бақылаудың соларға тапсырылуы жоспарланған нақты мәселелері айқындалады;
      5) режимдік объектілерде бақылау жүргізген жағдайда, рұқсат алу мәселелері пысықталады;
      6) бақылау объектісі басшысының міндеттерін атқару жөніндегі талапқа қосу мақсатында, бақылауды жүзеге асыру үшін құжаттардың және басқа да ақпараттың тізбесі жасалады;
      7) бақылау тобының жетекшісі бақылау объектілерін алдын ала зерделеудің нәтижелері туралы ақпаратты осы Қағидаға 6-қосымшаға сай нысан бойынша жасайды.
      42. Бақылау объектілерінде бақылауды жүзеге асырудың орынсыздығы (елеулі тәуекелдердің болмауы, басқа мемлекеттік қаржылық бақылау органының бақылау жүргізгені, құқық қорғау органдарының құқық белгілеуші және өзге де бастапқы құжаттарды алып қойғаны) немесе бақылаудың үлгілері мен түрлері, бақылаумен қамтылатын қаражаттың және (немесе) активтердің көлемі бойынша өзгерістер енгізудің қажеттілігі анықталған жағдайда, Есеп комитетінің бақылауға жауапты мүшесі бақылаудың үлгісі мен түрін, сондай-ақ бақылау объектілерінің тізбесін өзгертуді негіздей отырып немесе бақылау мерзімін ауыстыру не жылдық жоспардан аталған бақылау іс-шарасын алып тастау туралы қызметтік жазбаны Есеп комитетінің Төрағасына енгізеді.
      Қызметтік жазбаны қараудың қорытындысы бойынша Есеп комитетінің Төрағасы өзгерістер және (немесе) толықтырулар енгізу және (немесе) жылдық жоспардан бақылау іс-шарасын алып тастау туралы шешім қабылдайды.
      Ескерту. 42-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

3-параграф. Бақылау жоспарын, Бақылау бағдарламасын,
Жұмыс жоспарын және Тапсырмаларды жасау

      43. Бақылау объектісін алдын ала зерделеудің негізінде Бақылау жоспары, Бақылау бағдарламасы, Жұмыс жоспарлары жасалады.
      44. Бақылау жоспары, Бақылау бағдарламасы, Жұмыс жоспарлары және Тапсырмалар Есеп комитетінің интеграцияланған ақпараттық жүйесінің (бұдан әрі – ЕК ИАЖ) базасында және (немесе) ЭҚАБЖ арқылы қалыптастырылады.
      Ескерту. 44-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      45. Бақылауға шыққанға дейін екі жұмыс күнінен кешіктірмей:
      1) Бақылау тобының жетекшісі жасап, оған бақылауды, жоспарлауды, сапаны бақылауды жүргізуге жауапты құрылымдық бөлімшелердің басшылары бұрыштама қойған және Есеп комитетінің бақылауға жауапты мүшесі қол қойған Бақылау жоспарының жобасы Есеп комитетінің Төрағасына бекітуге енгізіледі;
      2) Есеп комитетінің бақылауға жауапты мүшесі бақылау тобының қатысушылары бақылау объектілері бойынша жасап, бақылау тобының жетекшісі және бақылау жүргізуге жауапты құрылымдық бөлімшенің басшысы жинақтаған және қол қойған, сапаны бақылауға жауапты құрылымдық бөлімшенің басшысы бұрыштама қойған Бақылау бағдарламасының жобасын бекітеді;
      3) Есеп комитетінің бақылауға жауапты мүшесі бақылау тобының әрбір қатысушысына жеке-жеке жасалып, бақылаушы, бақылау тобының жетекшісі, бақылау жүргізуге жауапты құрылымдық бөлімше басшысының орынбасары қол қойған Жұмыс жоспарларын бекітеді;
      4) Есеп комитетінің бақылауға жауапты мүшесі бақылау тобының қатысушылары жасап, оларға бақылау тобының жетекшісі, бақылау жүргізуге, құқықтық қамтамасыз етуге жауапты бөлімшелердің басшылары бұрыштама қойған Тапсырмаларға қол қояды;
      5) кадр қызметі ішкі келісу рәсімдерінен өткеннен кейін іссапарға жіберу туралы бұйрықтарды Есеп комитетінің Төрағасына қол қоюға енгізеді.
      Ескерту. 45-тармаққа өзгеріс енгізілді - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      46. Осы Қағиданың 45-тармағында көрсетілген құжаттарға қол қойылғаннан кейін бақылауды жүргізуге жауапты құрылымдық бөлімше Бақылау жоспарын, Бақылау бағдарламасын, Жұмыс жоспарларын және Тапсырмаларды ЭҚАБЖ-да бір тіркеу нөмірімен тіркейді.
      Күнтізбелік жылдың бас кезінен мынадай мәндері көрсетіле отырып, тіркеу нөмірлері беріледі:
      N-ААЗ – алдын ала зерделеу жүргізуге тапсырма;
      N-ҚТ – қайта тексеруге тапсырма;
      N-ПБ – постбақылауға тапсырма;
      N-Ж – жоспар;
      N-Б – бағдарлама;
      N-ЖЖ – жұмыс жоспарлары. Бір бақылау іс-шарасының жұмыс жоспарларына ортақ нөмір беріледі;
      N-П-Т – тапсырма, мұнда N – бақылау іс-шараларының жылдық жоспарына сәйкес, бақылау іс-шарасының реттік нөмірі, П – тапсырманың реттік нөмірі.
      Екінші және кейінгі тапсырмаларды бір бақылау іс-шарасының шеңберінде тіркеу көрсетілген мәнге дефис арқылы реттік нөмір бере отырып (-1Т, -2-Т және т.б.), сол реттік нөмірмен (N) жүзеге асырылады.
      Тіркелген тапсырмаларға өзгерістер және (немесе) толықтырулар енгізу қажет болған жағдайда, бақылау объектісіне, құқықтық статистика және арнайы есепке алу саласындағы уәкілетті органға бір мезгілде хабар беріле отырып, жаңа тапсырма қабылданады.
      Үстеме бақылау жүргізуге берілген тапсырмаға негізгі бақылау объектісінде Бақылау жүргізуге тапсырманың нөміріне бөлшек қою арқылы реттік нөмір беріледі (N-1/1-Т, N-2/1-Т және т.б.).
      Ескерту. 46-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      47. Есеп комитетінің бақылауға жауапты мүшесі мен бақылау жүргізуге жауапты құрылымдық бөлімшенің басшысы бақылауға шыққанға дейін бақылау тобының қатысушыларына техникалық сабақ (нұсқама) өткізеді.
      Ескерту. 47-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      48. Есеп комитетінің бақылауға жауапты мүшесі бақылау жүргізу кезінде (үстеме бақылауды қоспағанда) ол басталғанға дейін екі жұмыс күнінен кешіктірмей, бақылау объектісіне осы Қағидаға 7-1-қосымшаға сай нысан бойынша бақылау жүргізу туралы хабарлама жібереді.
      Ескерту. 48-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      49. Бақылау жоспары осы Қағидаға 8-қосымшада келтірілген нысан бойынша жасалады.
      50. Бақылаудың мақсаты жылдық жоспарда көзделген, жүргізілетін бақылаудың тақырыбы (бақылау, бақылау-талдамалық және (немесе) талдамалық іс-шараның атауы) мен үлгілерін негізге ала отырып айқындалады.
      Жоспарланған бақылаудың тақырыбына (бақылау, бақылау-талдамалық және (немесе) талдамалық іс-шараның атауы) мен үлгісіне қарай:
      1) республикалық бюджеттің атқарылуын;
      2) мемлекеттік (салалық) және бюджеттік бағдарламалардың іске асырылу тиімділігін;
      3) мемлекеттік органдардың стратегиялық жоспарларының іске асырылуын;
      4) квазимемлекеттік сектор субъектілеріне бөлінген республикалық бюджет қаражатын олардың пайдалануының қаржылық-экономикалық негіздемеге сәйкестігін;
      5) акциялары (қатысу үлестері) мемлекетке тиесілі квазимемлекеттік сектор субъектілерінің иелігіндегі активтерді басқарудың тиімділігін;
      6) бюджеттік инвестициялардың тиімділігін;
      7) республикалық бюджетке түсетін түсімдердің толықтығы мен уақтылылығын, республикалық бюджеттен түсетін түсімдер сомаларының қайтарылуын, салықтық және кедендік әкімшілік етудің тиімділігін;
      8) республикалық бюджет қаражатын, соның ішінде:
      нысаналы трансферттер мен кредиттерді;
      байланысты гранттарды;
      мемлекеттік және мемлекет кепілдік берген қарыздарды;
      бюджеттік инвестицияларды;
      концессиялық жобаларды бюджеттен қоса қаржыландыруды пайдаланудың Қазақстан Республикасының заңнамасына сәйкестігін;
      9) мемлекеттің кепілгерліктері мен активтерін пайдаланудың Қазақстан Республикасының заңнамасына сәйкестігін;
      10) төтенше мемлекеттік бюджеттің атқарылуын;
      11) республикалық бюджет қаражатын және мемлекет активтерін пайдалану кезінде Қазақстан Республикасының мемлекеттік сатып алу туралы заңнамасының сақталуын;
      12) Қазақстан Республикасы Ұлттық қоры қаражатының пайдаланылуын;
      13) Қазақстан Республикасы Ұлттық Банкі активтерін пайдаланудың Қазақстан Республикасының заңнамасына сәйкестігін;
      14) бақылау объектілерінің есепке алу мен есептілікті жүргізуінің анықтығы мен дұрыстығын;
      15) мемлекеттік қаржылық бақылау стандарттарының сақталуын;
      16) Қазақстан Республикасының Үкіметіне, мемлекеттік органдарға және бақылау объектілеріне жіберілген ұсынымдар мен тапсырмалардың орындалуын;
      17) Есеп комитеті шешімдерінің орындалуын (постбақылау) бақылау және (немесе) бағалау көрсетіледі.
      Ескерту. 50-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      51. Бақылау жүргізудің мерзімі Есеп комитетінің жұмыс жоспарында айқындалады және алдағы жұмыстардың көлемі, бақылаудың үлгілері, түрлері, бақылаумен қамтылатын қаражаттың және (немесе) активтердің көлемі, бақылау объектілерінің саны нақтыланған жағдайларда, бақылау іс-шарасына дайындық кезеңінде қайта қаралады.
      Ескерту. 51-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      52. Бақылау бағдарламасы Бақылау жоспарын дамыту үшін жасалып, оны іс жүзінде іске асыруға қажетті іс-шаралардың егжей-тегжейлі сипаттамасын білдіреді және осы Қағидаға 9-қосымшада келтірілген нысан бойынша ресімделеді.
      53. Бақылау бағдарламасы қисынды, түсінікті, сондай-ақ бақылаудың қойылған мақсаттарына қол жеткізуге бағытталған болуы тиіс.
      54. Бақылаудың мақсатына қарай Бақылау бағдарламасының мәні:
      1) республикалық бюджетке түсетін түсімдердің толықтығы мен уақтылылығы, республикалық бюджеттен түсетін түсімдер сомаларының қайтарылуы, салықтық және кедендік әкімшілік ету;
      2) мемлекеттік, салалық және бюджеттік бағдарламалар;
      3) орталық мемлекеттік органдардың стратегиялық жоспарлары;
      4) Қазақстан Республикасы Ұлттық қорының қаражаты және Қазақстан Республикасы Ұлттық Банкінің активтері (Қазақстан Республикасы Президентінің келісімімен немесе тапсырмасы бойынша);
      5) бюджет қаражаты мен активтер;
      6) акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқаруы;
      7) қаржылық-экономикалық негіздемеге сәйкес квазимемлекеттік сектор субъектілеріне бөлінген республикалық бюджет қаражаты;
      8) бюджеттік инвестициялар, байланысты гранттар, мемлекет активтері, мемлекеттік және мемлекет кепілдік берген қарыздар, кепілгерліктер;
      9) қаржы активтерінің сатып алынуы, оларды сатудан бюджетке түскен қаражат түсімдері;
      10) есеп пен есептілік;
      11) мемлекеттік сатып алуды жүргізудің рәсімдері;
      12) Стандарттардың сақталуы;
      13) Есеп комитетінің бұрын қабылданған қаулыларының (ұсынымдарының) орындалуы болып табылады.
      Ескерту. 54-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      55. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      56. Бақылау бағдарламасының мәселелерін қалыптастыру үшін бақылаудың үлгісі мен түріне қарай негізгі бағыттары:
      1) мемлекеттік органдардың стратегиялық жоспарларында көзделген тікелей және түпкілікті нәтижелерге қол жеткізуі, мемлекеттік, салалық бағдарламаларды және бюджеттік бағдарламаларды, көрсетілетін мемлекеттік қызметтерді іске асыруы;
      2) бақылау объектісінің есепке алу мен есептілікті жүргізуінің анықтығы мен дұрыстығы;
      3) бюджет қаражатының пайдаланылуы, мемлекеттік органға жүктелген функциялар мен міндеттердің орындалуы процесінің нормативтік құқықтық актілермен және әдіснамалық құжаттармен тиісінше реттелуі;
      4) республикалық бюджет қаражатын, оның ішінде жоғары тұрған бюджеттен төмен тұрған бюджетке бөлінген нысаналы трансферттер мен кредиттерді, байланысты гранттарды, мемлекеттік және мемлекет кепілдік берген қарыздарды, мемлекеттік концессиялық міндеттемелердің орындалуын қаржыландыруды, сондай-ақ мемлекеттің кепілгерліктері мен активтерін пайдаланудың заңнама нормаларына, соның ішінде оларды жоспарлауға, қалыптастыруға, бөлуге және пайдалануға байланысты сәйкестігі;
      5) квазимемлекеттік сектор субъектілерінің оларға бөлінген республикалық бюджет қаражатын пайдалануының қаржы-экономикалық негіздемеге сәйкестігі, сондай-ақ акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқару тиімділігі, бюджеттік инвестициялардың тиімділігін бағалау;
      6) республикалық бюджетке түсетін түсімдердің толықтығы мен уақтылылығы, сондай-ақ түсімдер сомаларының қайтарылуы, салықтық және кедендік әкімшілік етудің тиімділігі;
      7) бақылау объектілерінің республикалық бюджет қаражатын және мемлекет активтерін пайдалану кезінде мемлекеттік сатып алу туралы заңнаманы сақтауы;
      8) квазимемлекеттік сектор субъектілерінің мемлекет активтерін және оларға мемлекеттік, салалық және бюджеттік бағдарламаларда көзделген мақсаттар мен іс-шараларға бөлінген бюджет қаражатын пайдалануы;
      9) мемлекеттік қаржылық бақылау органдарының Стандарттарды сақтауы;
      10) бақылаудың қорытындылары бойынша Есеп комитетінің қабылдаған шешімдерін бақылау объектілерінің орындауының толықтығы мен уақтылылығы болып табылады.
      Ескерту. 56-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      57. Сәйкестікке бақылау жасау кезінде Бақылау бағдарламасында бюджет, салық және кеден заңнамасы нормаларының, бақылау объектісінің қызметін реттейтін және регламенттейтін нормативтік құқықтық актілер ережелерінің, қаржылық есептілікті ұйымдастырудың, жасаудың және ұсынудың белгіленген тәртібінің сақталуы, сондай-ақ мемлекеттік органдардың стратегиялық жоспарларының, квазимемлекеттік сектор субъектілерінің даму жоспарларының іске асырылу мәселелері қамтылады.
      58. Қаржылық есептілікті бақылаудың бағдарламасын жасау кезінде оған бақылау объектілерінің республикалық бюджетті атқаруының қаржылық есептілігін нормативтік құқықтық актілерге, бухгалтерлік стандарттарға сәйкес жасауының толықтығы мен анықтығы мәселелерін енгізген жөн, оларды бұзу қаржылық есепте мәлімделген сомаларға немесе қаражатты пайдаланудың дұрыстығы нәтижелеріне тікелей және елеулі әсер етеді.
      59. Тиімділікті бақылау бағдарламасы соның ішінде бақылаудың алдыңғы екі үлгісіне – сәйкестікке бақылау жасауға және қаржылық есептілікті бақылауға негізделеді. Тиімділікті бақылау бағдарламасының мәселелері оның бюджет қаражатын және мемлекет активтерін пайдаланудан алынған түпкілікті әлеуметтік-экономикалық нәтижені айқындауға арналған бағытын ескереді.
      Тиімділікті бақылау бірнеше бақылау объектісінде жүргізілген жағдайда, бақылаудың үлгісі аталған обьектідегі бақылау мақсатына қарай, әрбір бақылау объектісі бойынша көрсетіледі.
      Ескерту. 59-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      60. Тиімділікті бақылаудың бағдарламасында критерийлер – қол жеткізілетін көрсеткіштер айқындалады, солар бойынша:
      1) бақылау объектісі қызметінің нақты нәтижелеріне қол жеткізуге жұмсалған бюджет қаражатын пайдаланудың үнемділігі;
      2) бақылау объектісінің өндірістік және өзге де қызметі процесінде еңбек, қаржы және басқа да ресурстарды пайдаланудың, сондай-ақ ақпараттық жүйелер мен технологияларды пайдаланудың тиімділігі;
      3) бақылау объектісінің қойылған міндеттерді орындауы, осыған бөлінген ресурстардың көлемі ескеріле отырып, жоспарлы көрсеткіштермен салыстырғанда нақты нәтижелерге қол жеткізу жөніндегі қызметінің нәтижелілігі бағаланады.
      Критерийлер сапалы нәтижелердің, сандық қорытындылардың, іске асырылып отырған мемлекеттік саясаттың нәтижелілігі мен тиімділігінің сандық тұрғыдан айқындауға болатын көрсеткіштері болып табылады.
      Мемлекеттік (салалық) бағдарламаларды, орталық мемлекеттік органдардың стратегиялық жоспарларын бағалаудың критерийлерін айқындау кезінде «Мемлекеттік және салалық бағдарламаларға, орталық мемлекеттік органдардың стратегиялық жоспарларына және аумақтарды дамыту бағдарламаларына бағалау жүргізу қағидаларын бекіту туралы» Есеп комитетінің 2010 жылғы 1 шілдедегі № 17-қ қаулысын (Нормативтік құқықтық актілерді мемлекеттік тіркеу тізілімінде № 6371 тіркелген) басшылыққа алған жөн.
      Ескерту. 60-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      61. Жұмыс жоспары осы Қағидаға 10-қосымшада келтірілген нысан бойынша ресімделеді.
      62. Жұмыс жоспарында нақты бағдарламалық мәселелер, оларды әрбір бақылау объектісінде қараудың мерзімдері көрсетіледі.
      Ескерту. 62-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      63. Тапсырма осы Қағидаға 11, 11-1, 11-2, 11-3-қосымшаларға сай нысан бойынша тиісінше бақылау жүргізуге, алдын ала зерделеуге, қайта тексеруге, постбақылауға құқық беретін ресми құжат болып табылады. Тапсырма қатаң есептілік бланкісінде ресімделеді және № 67 бұйрыққа сәйкес, құқықтық статистика және арнайы есепке алу саласындағы уәкілетті органда тіркеуге жатады.
      Ескерту. 63-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      64. Ескерту. 64-тармақ алынып тасталды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

4. Бақылау жүргізу

1-параграф. Бақылау іс-шарасын жүргізудің ұйымдастырушылық негіздері

      65. Бюджет кодексінің 141-бабының және Есеп комитетінің жұмыс жоспарының негізінде Есеп комитетінің бақылауға жауапты мүшесі қол қойған Тапсырманың болуы бақылау жүргізу үшін негіздеме болып табылады.
      66. Әрбір бақылау объектісіне жеке Тапсырма ресімделеді.
      67. Бақылау жүргізердің алдында бақылау объектісінің басшысына:
      1) Тапсырма;
      2) бақылауды жүзеге асыруға уәкілетті адамдардың қызметтік куәліктері;
      3) Қазақстан Республикасында құпиялылық режимін қамтамасыз ету жөніндегі заңнамада белгіленген жағдайда, құзыретті органның режимді объектіде болуға арналған рұқсаты көрсетіледі.
      68. Бақылауды Тапсырмада көрсетілген адамдар ғана жүзеге асырады.
      69. Бақылау жүргізудің басталған кезі бақылау объектісінің лауазымды адамына (адамдарына) Тапсырманың көрсетілген күні болып табылады.
      Ескерту. 69-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      70. Бақылау объектісінің басшысына немесе келісімімен бақылау жүзеге асырылып жатқан лауазымды адамға Тапсырма көрсетілген күннен бастап екінші күннен кешіктірілмей, бақылау тобының жетекшісі немесе бақылаушы қол қойған, осы Қағидаға 13-қосымшаға сай нысан бойынша бақылау объектісі басшысының (келісімімен бақылау жүзеге асырылып жатқан лауазымды адамның) міндеттерін атқару жөніндегі талап (бұдан әрі – Талап) табыс етіледі. Талапқа бөлшек арқылы тапсырманың нөмірі беріліп, Талаптың табыс етілген күні көрсетіледі.
      Талаптың бірінші данасы осы Қағидаға 18-қосымшаға сай нысан бойынша бақылау актісінің бланкісінде ресімделеді және бақылау объектісінің басшысына немесе келісімімен бақылау жүзеге асырылып жатқан лауазымды адамға қол қою арқылы табыс етіледі. Оны қабылдамаған жағдайда, бақылау тобының жетекшісі (бақылаушы) Талапты бақылау объектісінің кеңсесі арқылы жібереді.
      Талаптың А4 форматының парағында жасалған, қабылданғаны туралы белгісі бар екінші данасы бақылаушыда қалады және бақылау актісіне қоса тіркеледі.
      Бақылау жүргізу барысында қосымша құжаттар, материалдар, ақпарат алуға қажеттілік болған және оларды ұсынуға кедергі келтірілген жағдайда, бақылау объектісіне Қағиданың осы тармағына сәйкес ресімделетін Талап жіберіледі.
      Үстеме бақылау жүргізу кезінде бақылау объектісі бақылау жүргізуге кедергі келтірген жағдайда, оған Талап көрсетіледі.
      Ескерту. 70-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      71. Бақылау объектісінің лауазымды адамдары бақылау объектісіне кіргізуден бас тартқан жағдайда, бақылаушылар осы Қағидаға 14-қосымшаға сай нысан бойынша бақылау объектісіне кіргізуден бас тарту фактісі бойынша акті және Қазақстан Республикасының 2014 жылғы 5 шілдедегі Әкімшілік құқық бұзушылық туралы кодексінің (бұдан әрі – ӘҚтК) негізінде және онда көзделген тәртіппен әкімшілік құқық бұзушылық туралы хаттама жасайды.
      Бақылау объектісінің лауазымды адамдары бақылаушыны бақылау объектісіне кіргізуден бас тартқан жағдайда және бақылау жүргізуге кедергі келтірген кезде бақылау тобының жетекшісі аталған фактілер туралы жазбаша, электрондық пошта/факс, пошта байланысы арқылы және (немесе) қолма-қол Есеп комитетінің бақылауға жауапты мүшесіне хабарлайды, ол осыларды жою жөнінде шаралар қабылдайды. Бақылау объектісі бақылау жүргізуге кедергі келтіретін мән-жайларды жоймаған жағдайда, Есеп комитетінің бақылауға жауапты мүшесі бақылау жүргізуге кедергі келтіретін себептер толық жойылғанға дейін бақылау іс-шарасын тоқтата тұру туралы Есеп комитетінің Төрағасына ұсынымхат дайындайды. Бақылау іс-шарасын тоқтата тұру, ұзарту туралы шешім бақылау объектісін, құқықтық статистика және арнайы есепке алу саласындағы уәкілетті органды бір мезгілде хабардар ете отырып, Есеп комитеті Төрағасының бұйрығы түрінде шығарылады. Бақылау қайта басталған кезде жаңа тапсырма жазылып беріледі.
      Ескерту. 71-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      72. Бақылау жүргізу бақылау объектісінің қызметіне кедергі келтірмеуі тиіс.
      73. Бақылау жүргізу бақылау объектісінің жұмыс режиміне және күн тәртібіне сәйкес жүзеге асырылады.
      74. Бақылаушылар бақылау объектісінің ақпараттық стендінде Есеп комитеті қызметкерлерінің объектіде бақылау жүргізіп жатқаны туралы ақпарат іледі.
      75. Егер бақылау объектісінде басқа мемлекеттік қаржылық бақылау органының мақсаты, мәні және бақылаумен қамтылатын кезеңі бойынша Есеп комитетінің бақылауымен сай келетін бақылау жүргізу фактісі анықталған болса, бақылаушылар бақылау тобының жетекшісіне және Есеп комитетінің бақылауға жауапты мүшесіне хабарлай отырып, мұндай бақылау актілерінің «Дәлелдер» және «Есептілік» стандарттарына сәйкестігіне бағалау жүргізеді.
      Басқа мемлекеттік қаржылық бақылау органының бақылау актісінің Стандарттарға сәйкестігін бағалаудың қорытындысы бойынша бақылаушылар негізінде бұзушылықтардың болуы не болмауы туралы бақылау нәтижелері қалыптастырылған деректердің объективсіздігі, жеткіліксіздігі, жиналған дәлелдердің бақылаудың мақсаттары мен міндеттеріне сәйкестігінің, анықталған бұзушылықтар мен кемшіліктерді сипаттаудың анық еместігінің, бақылау актісінде нормативтік құқықтық актілердің бұзылған нормаларына нормативтік құқықтық актінің күні, нөмірі, толық атауы көрсетілген сілтемелердің жоқтығының анықталған фактілерін баяндай отырып, басқа мемлекеттік қаржылық бақылау органының бақылау актісінің «Дәлелдер», «Есептілік» стандарттарына сәйкестігі/сәйкессіздігі жөнінде Есеп комитеті мүшесінің атына қызметтік жазба дайындайды.
      Есеп комитетінің бақылауға жауапты мүшесі баяндалған фактілердің негізінде бақылау нәтижелерін тану немесе танымау туралы шешім шешім қабылдайды. Басқа мемлекеттік қаржылық бақылау органының жүргізген бақылау нәтижелері танылмаған жағдайда, аталған объектілерде бақылаушылардың Бақылау бағдарламасына және Жұмыс жоспарларына сәйкес бақылау жүргізіледі, сәйкес болған жағдайда, басқа мемлекеттік қаржылық бақылау органының нәтижелері танылады және Есеп комитетінің жылдық (тоқсандық) жұмыс жоспарына, Бақылау жоспарына, Бақылау бағдарламасына, бақылаушылардың Жұмыс жоспарларына тиісті өзгерістер енгізіле отырып, бақылау жүргізілмейді.
      75-1. Құқық қорғау органдары бақылау объектісіндегі құжаттарды алып қойғанда, мемлекеттік органдардың, аудиторлық ұйымдардың мамандары және сарапшылар бақылау жүргізуден бас тартқанда, басқа мемлекеттік қаржылық бақылау органдарының бұрын жүргізген бақылау нәтижелері танылғанда, Есеп комитетінің бақылау жүргізуге жауапты мүшесі немесе Тапсырмаға қол қойған лауазымды адам тіркелген Тапсырманың күшін жоюға келісім берген бақылау тобы жетекшісінің, бақылауды жүргізуге, құқықтық қамтамасыз етуге жауапты бөлімше басшыларының қолы болған жағдайда, оның оң жақ жоғарғы бұрышына қойылатын «Тапсырманың күші жойылды» деген мәтіні бар мөртабанға өзінің қолын қойып, растай отырып Тапсырманың күшін жояды. Тапсырманың артқы бетінде (мөртабанның бедері деңгейінде) оның күшін жоюдың себептері және осындай шешімнің қабылданған күні көрсетіледі.
      Ескерту. 75-1-тармақпен толықтырылды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      76. Бақылау барысында Бақылау бағдарламасымен қамтылмаған, бірақ бақылау мәнін толық зерделеуге қажетті мәселелер туындаған жағдайда, бақылаушы жазбаша түрде Есеп комитетінің бақылауға жауапты мүшесіне және бақылау тобының жетекшісіне хабарлайды. Бақылау бағдарламасында қамтылмаған мәселелер бойынша бақылау жүргізудің орындылығы танылған жағдайда, Есеп комитетінің бақылауға жауапты мүшесі бақылаушының Жұмыс жоспарына толықтырулар енгізе отырып, бақылаушыға тиісті тапсырма береді. Бақылау объектісі Бақылау бағдарламасында қамтылмаған мәселелер бойынша материалдарды бақылауды жүзеге асырып отырған бақылаушының сұрауы негізінде ұсынады.
      77. Бақылау іс-шарасын жүргізу барысында Бақылау жоспарына, Бақылау бағдарламасына және Жұмыс жоспарларына өзгерістер және (немесе) толықтырулар енгізу:
      Бақылау жоспарына – Есеп комитетінің бақылауға жауапты мүшесінің өзгерістер және (немесе) толықтырулар енгізудің негіздемелерін көрсете отырып, бақылау жүргізуге және жоспарлауға жауапты құрылымдық бөлімшелер басшыларының бұрыштамасы алынған, Есеп комитеті Төрағасының атына қызметтік жазбасының негізінде;
      Бақылау бағдарламасына – бақылау тобы жетекшісінің өзгерістер және (немесе) толықтырулар енгізудің негіздемелерін көрсете отырып, бақылау жүргізуге жауапты құрылымдық бөлімше басшысының келісімі бойынша Есеп комитетінің бақылауға жауапты мүшесінің атына қызметтік жазбасының негізінде;
      Жұмыс жоспарына – бақылаушының бақылау тобының жетекшісімен келісілген, Есеп комитеті мүшесінің атына қызметтік жазбасының негізінде немесе Бақылау жоспары мен бағдарламасына өзгерістер және (немесе) толықтырулар енгізілген жағдайда жүргізіледі.
      Бұл ретте Бақылау жоспарын – Есеп комитетінің жылдық (тоқсандық) жұмыс жоспарына (қажет болғанда) бір мезгілде өзгерістер және (немесе) толықтырулар енгізе отырып Есеп комитетінің Төрағасы, Бақылау бағдарламасын және Жұмыс жоспарын – енгізілген өзгерістер және (немесе) толықтыруларды ескеріп, бақылау жүргізу мерзімін өзгертіп немесе өзгеріссіз қалдырып, келісу рәсімдерін сақтай отырып Есеп комитетінің бақылауға жауапты мүшесі қайта бекітеді.
      Ескерту. 77-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      78. Бақылау жүргізу кезінде бақылаудың қойылған мақсатына, мәніне және мәселелеріне сәйкес дәлелдер қалыптастыруға қажетті нақты деректерді жинау, талдау жүргізіледі.
      Нақты деректерді жинау мынадай тәсілдермен:
      1) бір мезгілде;
      2) үздіксіз процесс жолымен, белгілі бір уақыт аралығында;
      3) ол жүргізілетін бүкіл мерзімі ішінде жүзеге асырылады.
      79. Бақылау жүргізу барысында жиналған дәлелдер заңдар мен өзге де нормативтік құқықтық актілердің бақылау объектісінде анықталған бұзушылықтарын негіздеуі тиіс. Жиналған дәлелдердің негізінде бақылау іс-шарасының нәтижелері бойынша қорытындыда тұжырымдар мен ұсынымдар қалыптастырылады.
      80. Бақылау іс-шарасын жүргізу барысында осы Қағиданың 71-тармағында көзделген жағдайда, Есеп комитетінің бақылауға жауапты мүшесінің қызметтік жазбасының негізінде Есеп комитетінің Төрағасы бақылау іс-шарасын жүргізуді күнтізбелік отыз күннен аспайтын мерзімге ұзартады.
      Ескерту. 80-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      81. Бақылаушылар іс жүзінде тауарларды жеткізу, қызметтерді көрсету және белгілі бір жұмыс түрлерін (көлемін) орындау мәнінің анықтығын растау және (немесе) осыған байланысты дәлелдер жинау үшін бақылау объектісінің басшысы уәкілеттік берген адаммен бірге бақылау өлшемін, тексеріп қарауды (бұдан әрі – бақылау өлшемі (тексеріп қарау)) жүргізеді.
      Қажет болған жағдайда, бақылау объектісінің басшылығы тапсырыс берушінің және (немесе) өнім берушінің (мердігердің) өкілдерінің және басқа да қатысы бар адамдардың толыққанды бақылау өлшемін (тексеріп қарауды) жүргізуге қажетті бақылау-өлшеу аспаптарымен қатысуын қамтамасыз ету қажеттілігі туралы хабардар етіледі.
      Ескерту. 81-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      82. Бақылау өлшемінің (тексеріп қараудың) қорытындысы бойынша жүргізілген күні, орны, мақсаты, нәтижелері және оны жүргізуге қатысып, аяқталған күні қол қойған адамдар көрсетіле отырып, осы Қағидаға 21-қосымшаға сай нысан бойынша бақылау өлшемі (тексеріп қарау) актісі екі данада ресімделеді. Қол қойылған актінің бір данасы бақылаушыда қалдырылады, ал екінші данасы бақылау объектісіне табыс етіледі. Бақылау өлшемінің (тексеріп қараудың) нәтижелерін бақылаушы негізгі бақылау объектісінде жасалатын бақылау актісінде міндетті түрде көрсетеді.
      83. Бақылау объектісінің (тапсырыс берушінің) өкілдері тарапынан актіге қол қоюдан бас тартылған жағдайда, қол қоюдан бас тартылғаны жөнінде белгі қойылады. Жүргізілген бақылау өлшемінің нәтижелерін растайтын тиісті негіздер (дәлелдер) болған жағдайда, бақылау объектісі (тапсырыс беруші) тарапынан актіге қол қоюдан бас тарту өлшем нәтижелерін бақылау актісіне енгізуден бас тартуға негіз бола алмайды.
      84. Бақылаушылар бақылау тобы жетекшісінің алдында күн сайын ауызша есеп беріп отырады, апта сайын соңғы жұмыс күнінің алдындағы күні қорғалған байланыс арналары арқылы осы Қағидаға 16-қосымшаға сай нысан бойынша жұмыс жоспарларының орындалу барысы туралы есепті күнге толтырылған (жасалған) бақылаушының апта сайынғы есебін жіберіп отырады. Көрсетілген есеп осындай тәртіппен мәлімет үшін Есеп комитетінің бақылауға жауапты мүшесіне ұсынылады.
      Ескерту. 84-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      85. Бақылау тобының жетекшісі бақылаушылардың жұмысын үйлестіреді, бақылау мәселелерінің толық қамтылуына мониторинг жүргізеді, бақылаудың жекелеген бағыттарын түзетеді, бақылаушылар арасында туындайтын проблемалық мәселелерді шешеді, апта сайын аптаның соңғы жұмыс күні сағат 15-00-ге дейін қорғалған байланыс арналары арқылы бақылау жүргізуге жауапты бөлімшенің басшысына және Есеп комитетінің бақылауға жауапты мүшесіне осы Қағидаға 16-қосымшаға сай нысан бойынша Бақылау бағдарламасының орындалу барысы туралы есепті күнге толтырылған (жасалған) бақылау тобы жетекшісінің жиынтық апта сайынғы есебін ұсынып отырады.
      Ескерту. 85-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      86. Бақылау тобының жетекшісі бақылау жүргізуге жауапты бөлімшенің басшысын және Есеп комитетінің бақылауға жауапты мүшесін бақылауға қатысқан бақылаушылардың, мемлекеттік органдардың, аудиторлық ұйымдардың мамандарының және сарапшылардың бақылау жүргізу барысында қызметтік міндеттерін орындамау оқиғалары және атқарушылық тәртіпті, еңбек тәртібін бұзу, мемлекеттік қызметшілердің қызмет этикасын сақтамау фактілері туралы жазбаша түрде хабардар етеді. Өз кезегінде, бақылау жүргізуге жауапты бөлімшенің басшысы Есеп комитетінің бақылауға жауапты мүшесімен бірге тәртіптік сипаттағы шаралар қабылдау үшін көрсетілген фактілер туралы жазбаша түрде Есеп комитетінің Төрағасына хабарлайды.
      Ескерту. 86-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      87. Режимдік мекемелерде бақылау жүргізуге байланысты құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады.

2-параграф. Мемлекеттік органдардың, аудиторлық ұйымдардың
мамандарын және сарапшыларды бақылау жүргізуге тарту

      88. Есеп комитеті өз өкілеттігі шегінде өзіне жүктелген міндеттерді орындау мақсатында:
      1) бақылау тобының құрамына жекелеген мамандарды, сарапшыларды енгізу;
      2) аудиторлық ұйымдарға, сарапшыларға Бақылау бағдарламасына сәйкес қызметтер көрсетуге жеке тапсырма беру жолымен мемлекеттік органдардың, аудиторлық ұйымдардың мамандарын және сарапшыларды тартады.
      89. Мемлекеттік органдардың, аудиторлық ұйымдардың мамандарын және сарапшыларды тартудың мақсаты бақылаудың арнайы білімдерді талап ететін мәселелері бойынша сапалы бақылауды қамтамасыз ету және бақылаудың нәтижелерін тәуелсіз сараптаманың қорытындыларымен растау болып табылады.
      Мемлекеттік органдардың мамандарын бақылау іс-шарасына қатысуға жіберу мүмкіндік болмаса не оларды жіберуден бас тартылған болса, Есеп комитетінің мүшесі қажет болған жағдайда сынақтардың, бақылау өлшемдерінің (тексерулердің) нәтижелерін қажетті қорытындыларды алу мақсатында уәкілетті органдар мен ұйымдарға жолдайды.
      Уәкілетті органдар мен ұйымдардың қорытындыларының нәтижелері Қорытындыға және Жиынтық тізілімге енгізіледі.
      Ескерту. 89-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      90. Мемлекеттік органдардың, аудиторлық ұйымдардың мамандарын және сарапшыларды тартудың қажеттілігі Есеп комитетінің жылдық жоспарын жасау кезінде айқындалады.
      91. Мемлекеттік органдардың мамандары Есеп комитетінің жоспарланған бақылаудың мәнін, мамандардың саны мен біліктілігін, бақылаудың немесе сараптаманың жүргізілу мерзімі мен кезеңін көрсете отырып, мемлекеттік орган мен мекеменің басшысының атына хатының негізінде бақылауға тартылады.
      92. Аудиторлық ұйымдардың және сарапшылардың көрсететін қызметтерін тиісті шарттар жасай отырып сатып алу Қазақстан Республикасының азаматтық заңнамасы мен мемлекеттік сатып алу туралы заңнамасының талаптарына сәйкес жүргізеді.

3-параграф. Әкімшілік құқық бұзушылық туралы хаттаманы толтыру,сондай-ақ әкімшілік және қылмыстық құқық бұзушылықтар белгілерін қамтитын анықталып отырған фактілер бойынша дәлелдер жинау

      Ескерту. Тақырып жаңа редакцияда - Республикалық бюджеттің атқарылуын бақылау жөніндегі есеп комитетінің 10.12.2014 № 5-НҚ (алғашқы ресми жарияланған күнiнен кейінгі күні қолданысқа енгiзiледi) нормативтік қаулысымен.

      93. Егер бақылау объектісінің басшысы Бақылау объектісі басшысының міндеттерін атқару жөніндегі талапта көрсетілген мерзім аяқталған соң да Бюджет кодексінің 146-бабында көзделген міндеттерін орындамаса, бақылаушы – анықталған күні, ал әкімшілік құқық бұзушылықтың мән-жайларын және жеке тұлғаның жеке басын қосымша анықтау қажет болған жағдайда, көрсетілген деректер анықталған күннен бастап үш жұмыс күні ішінде ӘҚтК негізінде және онда көзделген тәртіппен әкімшілік құқық бұзушылық туралы хаттама толтырады, оның жобасы ӘҚтК-де белгіленген мерзім шегінде ол ұсынылған күннен бастап бір жұмыс күні ішінде құқықтық қамтамасыз етуге жауапты құрылымдық бөлімшемен келісіледі.
      Ескерту. 93-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 10.12.2014 № 5-НҚ (алғашқы ресми жарияланған күнiнен кейінгі күні қолданысқа енгiзiледi) нормативтік қаулысымен.
      94. Осы Қағиданың 93-тармағында көзделген жағдайларды қоспағанда, бюджет қаражатын пайдалану саласында бақылау жүргізу барысында анықталған әкімшілік құқық бұзушылықтар бойынша әкімшілік құқық бұзушылық жасау фактісін тапқан лауазымды адам (құрылымдық бөлімше) тиісті тексеру аяқталғаннан кейін дереу әкімшілік құқық бұзушылық туралы хаттама жасайды. Хаттама жобасы оны ұсынған күннен бастап, үш жұмыс күні ішінде ӘҚтК-де белгіленген мерзімдер шегінде құқықтық қамтамасыз етуге жауапты құрылымдық бөлімшемен келісіледі. Сараптама жүргізу қажет болған жағдайда, сараптаманың қорытындысы алынған күннен бастап, екі тәулік ішінде әкімшілік құқық бұзушылық туралы хаттама жасалады.
      Ескерту. 94-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      95. Әкімшілік құқық бұзушылық туралы хаттама толтырылған кезде өзіне қатысты іс қозғалған лауазымды адамға, сондай-ақ іс бойынша іс жүргізудің басқа да қатысушыларына ӘҚтК-де көзделген олардың құқықтары мен міндеттері түсіндіріледі, бұл туралы хаттамаға белгі қойылады.
      Әкімшілік құқық бұзушылық туралы хаттамаға оны толтырған адам және әкімшілік құқық бұзушылықты жасаған адам қол қояды. Куәлар болған кезде, сондай-ақ куәгерлер қатысқан жағдайда, хаттамаға осы адамдар да қол қояды.
      Өзіне қатысты іс қозғалған лауазымды адамға әкімшілік құқық бұзушылық туралы хаттамамен танысуға мүмкіндік беріледі. Көрсетілген адам хаттаманың мазмұны бойынша түсініктемелер мен ескертулер береді, сондай-ақ оған қол қоюдан бас тартуының себептерін баяндайды, олар осы хаттамаға қоса тіркеледі. Аталған адамдар әкімшілік құқық бұзушылық туралы хаттамаға қол қоюдан бас тартқан жағдайда, онда тиісті жазба жасалады.
      Әкімшілік құқық бұзушылық туралы хаттаманың көшірмесі өзіне қатысты әкімшілік құқық бұзушылық туралы іс қозғалған адамға қолхатпен табыс етіледі.
      Тиісінше хабардар етілген әкімшілік құқық бұзушылық жасаған адам болмаған немесе келмеген жағдайда, әкімшілік құқық бұзушылық туралы хаттамаға оны толтырған адам қол қойып, оған әкімшілік құқық бұзушылық жасаған адамның болмағаны немесе келмегені жөнінде белгі қояды.
      Тиісінше хабардар етілген әкімшілік құқық бұзушылық жасаған адам болмаған немесе келмеген жағдайда, әкімшілік құқық бұзушылық туралы хаттама өзіне қатысты іс қозғалған адамды хабардар ете отырып, тапсырысты хатпен почта арқылы жолданады.
      Ескерту. 95-тармаққа өзгеріс енгізілді - Республикалық бюджеттің атқарылуын бақылау жөніндегі есеп комитетінің 10.12.2014 № 5-НҚ (алғашқы ресми жарияланған күнiнен кейінгі күні қолданысқа енгiзiледi) нормативтік қаулысымен.
      96. Әкімшілік құқық бұзушылық туралы хаттаманың көшірмесін қолхатпен алудан бас тартылған жағдайда, оны толтырған адам хаттамада тиісті жазба жасайды және әкімшілік құқық бұзушылық туралы хаттаманың көшірмесін өзіне қатысты әкімшілік құқық бұзушылық туралы іс қозғалған адамды хабардар ете отырып, тапсырысты хатпен почта арқылы тұратын мекенжайына немесе жұмыс орнына жолдайды.
      97. Хаттамаға мынадай құжаттар қоса беріледі:
      1) құқық бұзушының жеке басын куәландыратын құжат (көшірмесі);
      2) функционалдық және лауазымдық міндеттерін негізге ала отырып, адамдардың жазбаша түсініктемелері (не түсініктеме беруден бас тарту туралы акт);
      3) анықталған құқық бұзушылықтың белгілерін растайтын, лауазымды адамдардың қолымен, ұйымның мөрімен немесе мөртабанымен расталған құжаттардың түпнұсқалары немесе төлнұсқаның көшірмелері:
      соның ішінде, әкімшілік құқық бұзушылықтың түріне қарай:
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және аудиторлық ұйымдардың қорытындылары (жүргізілген жағдайда);
      операция немесе әрекет фактісін қамтитын құжаттар немесе олардың көшірмелері, соның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      ақы төлеу фактісін растайтын құжаттар:
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар немесе олардың көшірмелері:
      анықтамалар, кестелер, диаграммалар;
      есептеулер;
      бұзушылық фактілерін көрсететін және бақылау актісінің ажырамас бөлігі болып табылатын фотоматериалдар.
      Заң сараптамасын жүргізу кезінде орны толмайтын, ұсынылған құжаттардың толық болмауы хаттаманы жасаушының кемшіліктерді жою үшін материалдарды қайтаруына әкеп соқтырады.
      Лауазымды адам хаттаманың және басқа да материалдардың кемшіліктерін оларды алған кезден бастап екі тәулік ішінде жояды.
      Әкімшілік құқық бұзушылық туралы хаттама мен әкімшілік құқық бұзушылық туралы істің басқа да материалдары жасалған кезінен бастап, үш тәуліктің ішінде тиісті әкімшілік-аумақтық бөліністің аумағында орналасқан сотқа жіберіледі.
      Ескерту. 97-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      98. Алып тасталды - Республикалық бюджеттің атқарылуын бақылау жөніндегі есеп комитетінің 10.12.2014 № 5-НҚ (алғашқы ресми жарияланған күнiнен кейінгі күні қолданысқа енгiзiледi) нормативтік қаулысымен.
      99. Бақылау объектісінің лауазымды адамдарының іс-әрекетінде Қазақстан Республикасының 2014 жылғы 3 шілдедегі Қылмыстық кодексінің баптарымен көзделген қылмыстық құқық бұзушылықтар белгілері және олар бойынша қарау мен процестік шешім қабылдау әкімшілік құқық бұзушылықтар туралы істерді қарауға уәкілетті органдардың (лауазымды адамдардың) құзыретіне жататын әкімшілік құқық бұзушылық белгілері анықталған жағдайда, бақылаушылар кейіннен құқық қорғау органдарына және әкімшілік құқық бұзушылықтар туралы істерді қарайтын уәкілетті органдарға (лауазымды адамдарға) беру үшін құқық бұзушылыққа жол берген адамнан жазбаша түсініктемелер және анықталған құқық бұзушылықтың белгілерін растайтын, лауазымды адамдардың қолымен, ұйымның мөрімен немесе мөртабанымен расталған құжаттардың түпнұсқаларының көшірмелерін (бұдан әрі – құжаттар тізбесі) жасауды талап етеді:
      1) бұзушылық фактісін тікелей растайтын құжаттар:
      бұзушылық фактілерін көрсететін және бақылау актісінің ажырамас бөлігі болып табылатын фотоматериалдар;
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және аудиторлық ұйымдардың қорытындылары (жүргізілген жағдайда);
      функционалдық және лауазымдық міндеттерін негізге ала отырып, адамдардың жазбаша түсініктемелері (не түсініктеме беруден бас тарту туралы акт);
      2) операция немесе әрекет фактісін қамтитын құжаттар немесе олардың көшірмелері, соның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      3) ақы төлеу фактісін растайтын құжаттар немесе олардың көшірмелері:
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттар немесе олардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар:
      анықтамалар, кестелер, диаграммалар;
      есептеулер.
      Ескерту. 99-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      99-1. Әрбір әкімшілік құқық бұзушылық бойынша материалдар тиісті уәкілетті органдарға жеке ілеспе хатпен жіберіледі.
      Ескерту. 99-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

4-параграф. Тақырыптық бақылауды жүзеге асыру

      100. Тақырыптық бақылау түрі бойынша жүргізілетін бақылау іс-шаралары осы Қағиданың 2-тарауында белгіленген тәртіпке сәйкес Есеп комитетінің кезекті жылға арналған бақылау жұмысы жоспарының жобасын қалыптастыру кезеңінде көзделеді.
      101. Бақылаудың тақырыптық түрі жеке, сондай-ақ кешенді, қосарлас, бірлескен бақылау іс-шараларын жүргізу шеңберінде жүзеге асырылады.

4-1-параграф. Бақылау-талдамалық және (немесе) талдамалық іс-шараларды жүзеге асыру

      Ескерту. 4-1-параграфпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      101-1. Бақылау-талдамалық және (немесе) талдамалық іс-шаралар осы Қағиданың 2-тарауында белгіленген тәртіпке сәйкес, кезекті жылға арналған бақылау жұмысы жоспарының жобасын қалыптастыру кезеңінде көзделеді.
      101-2. Бақылау-талдамалық және (немесе) талдамалық іс-шараларды жүргізуді Есеп комитеті дербес не мемлекеттік қаржылық бақылаудың басқа да органдарының қатысуымен және (немесе) шет елдердің қаржылық бақылау органдарымен бірлесіп, ортақ тақырып, бақылау бағдарламасы бойынша және келісілген мерзімдерде екіжақты немесе көпжақты негізде жүзеге асырады.
      101-3. Талдамалық іс-шара бақылау объектісіне шықпай, бақылау объектісінен алынған материалдарға және тексеру тақырыбы бойынша өзге де ақпаратқа талдау, талдамалық зерттеу, мониторинг, бағалау мен сараптама жүргізу арқылы жүзеге асырылады.
      101-4. Бақылау-талдамалық және (немесе) талдамалық іс-шараларды дайындау мен жүргізу Есеп комитетінің жылдық (тоқсандық) жоспарында көзделген мерзімдерде және осы Қағидада белгіленген тәртіппен жүзеге асырылады.

5-параграф. Үстеме бақылауды жүзеге асыру

      102. Бақылаудың негізгі объектілерінің қызметін алдын ала зерделеу барысында үстеме бақылаудың ықтималды объектілері айқындалып, олар Бақылау жоспары мен бағдарламасына енгізіледі. Егер бақылау іс-шараларын жүргізу барысында үстеме бақылау жүргізуге негіз туындаса, онда Бақылау жоспары мен бағдарламасына өзгерістер енгізілместен, Жұмыс жоспарларына тиісті толықтырулар енгізіледі.
      103. Үстеме бақылау жүргізу үшін әрбір бақылау объектісіне бақылау үлгісі көрсетілместен жеке Тапсырма ресімделеді.
      Ескерту. 103-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      104. Егер бақылау іс-шарасы барысында бақылау объектісінің үшінші тұлғалармен жасасқан азаматтық-құқықтық мәмілелерінің, есеп айырысулары мен қаржы операцияларының анықтығын, іс жүзінде тауарлардың жеткізілгенін, жұмыстардың орындалғанын және қызметтердің көрсетілгенін, сондай-ақ Қазақстан Республикасының, оның ішінде мемлекеттік сатып алу туралы заңнама талаптарының сақталуын бақылау мүмкін болмағанда, үстеме бақылау жүргізіледі.
      105. Үстеме бақылау нәтижелерін ресімдеу кезінде осы Қағиданың 18-қосымшасында келтірілген бақылау актісінің нысанынан мынадай бөлімдер: бақылау үлгісі, бұрынғы бақылау нәтижелері туралы мәліметтер алынып тасталады.
      106. Бақылау объектісінің басшылығы жүргізілген бақылаудың нәтижелерімен танысуға бақылау актісі ұсынылған күннен бастап, күнтізбелік үш күн ішінде үстеме бақылау актісімен танысады және оған қол қояды. Бақылаушы және бақылау объектісінің лауазымды адамы бақылау актісінің екінші парағынан бастап барлық беттеріне қол қояды.
      Ескерту. 106-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      107. Үстеме бақылау жүргізілген жағдайда, бақылаушы оның нәтижелерін негізгі бақылау объектісінде жасалатын бақылау актісінде міндетті түрде көрсетеді.

6-параграф. Кешенді бақылауды жүзеге асыру

      108. Кешенді бақылау іс-шаралары осы Қағиданың 2-тарауында белгіленген тәртіпке сәйкес кезекті жылға арналған бақылау жұмысы жоспарының жобасын қалыптастыру кезеңінде көзделеді.
      109. Кешенді бақылауды жүргізуді Есеп комитеті жеке немесе басқа мемлекеттік органдардың қатысуымен бір мезгілде келісілген мерзімде жүзеге асырады. Кешенді бақылау жалпы алғанда тиімділікті бақылау үлгісі бойынша жүргізіледі. Кешенді бақылау шеңберінде бақылаудың нақты объектілері бойынша бақылаудың басқа да үлгілері қолданылуы мүмкін.
      110. Кешенді бақылауды жүргізуге дайындалу Есеп комитетінің жылдық (тоқсандық) бақылау жұмысы жоспарында көзделген мерзімге сәйкес жүргізіледі.
      111. Кешенді бақылауға қойылған міндеттерді іске асыруға тартылған басқа да бақылау объектілерін қамти отырып, бақылау объектілерінің нақты кезеңдегі барлық мәселелер бойынша қызметі жатады, оның нәтижелері бойынша мемлекеттің барлық ресурстарының, қаржы және өзге активтерінің пайдаланылуына, олардың стратегиялық жоспарларында көзделген тікелей және түпкі нәтижелерге қол жеткізуіне, мемлекеттік, салалық және бюджеттік бағдарламаларды, қойылған әлеуметтік-экономикалық мақсаттар мен міндеттерді іске асыру бойынша басқа мемлекеттік органдар – бірлесіп орындаушылармен үйлестіруге және өзара іс-қимылдарына, мемлекеттік функциялардың орындалуына және мемлекеттік қызметтердің көрсетілуіне, республикалық бюджетке түсетін түсімдердің толықтығы мен уақтылылығына, республикалық бюджеттен түсімдер сомаларының қайтарылуына, салықтық және кедендік әкімшілік етудің тиімділігіне баға беріледі.
      112. Есеп комитеті жеке жүргізетін кешенді бақылаудың Жоспары, Бағдарламасы және Жұмыс жоспарлары осы Қағиданың 3-тарауында белгіленген тәртіппен жасалып бекітіледі.
      113. Есеп комитеті басқа мемлекеттік органдармен немесе мемлекеттік қаржылық бақылау органдарымен бірге жүргізетін кешенді бақылау бірлескен және (немесе) қосарлас бақылау арқылы жүзеге асырылады.

7-параграф. Қосарлас бақылауды жүзеге асыру

      114. Қосарлас бақылаудың іс-шаралары осы Қағиданың 2-тарауында белгіленген тәртіпке сәйкес Есеп комитетінің кезекті жылға арналған бақылау жұмысы жоспарының жобасын қалыптастыру кезеңінде көзделеді.
      115. Қосарлас бақылауды жүргізуді Есеп комитеті кезекті жылға (тоқсанға) арналған тиісті бекітілген бақылау жұмысы жоспарларының негізінде бақылаудың жеке түрі ретінде не жүргізіліп отырған кешенді бақылау шеңберінде бір мезгілде не келісілген мерзімде жүзеге асырады.
      116. Қосарлас бақылауды жүргізуге дайындалу Есеп комитетінің жылдық (тоқсандық) бақылау жұмысы жоспарында көзделген мерзімге сәйкес жүргізіледі.
      117. Бақылау тобының жетекшісі және бақылау тобының қатысушылары Есеп комитетінің қосарлас бақылауға жауапты мүшесімен бірлесіп ақпарат жинауды жүргізеді және алдын ала зерделеудің мерзімі басталғаннан бастап екі жұмыс күні ішінде жетіспейтін ақпаратты ұсыну жөнінде бақылау объектілеріне сұрау жолдайды.
      118. Алдын ала зерделеудің қорытындысы бойынша Есеп комитетінің мүшесі бақылау тобының жетекшісімен және қатысушыларымен бірлесіп, Жоспардың, Бағдарламаның және Жұмыс жоспарларының жобаларын жасап, бақылау басталғанға дейін кемінде жеті жұмыс күні бұрын қосарлас бақылауды жүргізуге қатысатын мемлекеттік қаржылық бақылау органдарына тексерілетін мәселелер мен бақылау объектілерінің тізбесін және олардың мемлекеттік қаржылық бақылау органдары бойынша бөлінісін жолдайды.
      119. Қосарлас бақылауды жүргізуге қатысатын мемлекеттік қаржылық бақылау органдары мәселелердің, бақылау объектілерінің тізбесі туралы Есеп комитетінен алған ақпараттың негізінде қосарлас бақылау жүргізудің Жоспары мен Бағдарламасының жобаларын әзірлейді, бұл ретте бақылауға қатысты өздерінің қосымша мәселелерін енгізе отырып, негізгі тексерілетін мәселелер тізбесін кеңейтуге жол беріледі. Бақылау жоспары мен бағдарламасының жобалары бақылау іс-шаралары басталғанға дейін кемінде бес жұмыс күні бұрын келісу үшін электрондық почта арқылы Есеп комитетіне жолданады.
      120. Есеп комитеті мемлекеттік қаржылық бақылау органдарының Бақылау жоспары мен бағдарламасының жобаларын Есеп комитетіне жолданған күнінен бастап үш жұмыс күні ішінде келіседі, қажет болған жағдайда, өзінің Бақылау жоспарына, бағдарламасына және Жұмыс жоспарларына түзетулер енгізіп, оларды сапаны бақылауға жауапты құрылымдық бөлімшеге табыс етеді. Есеп комитеті тарапынан жазбаша ескертпелер болмаған жағдайда, мемлекеттік қаржылық бақылау органдарының Бақылау жоспары мен бағдарламасының жобалары келісілген деп есептеледі.
      Ескерту. 120-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      121. Қосарлас бақылаудың жоспарын, бағдарламасын және Жұмыс жоспарларын әрбір тарап қосарлас бақылау іс-шарасы басталғанға дейін екі жұмыс күні бұрын (бақылау объектілерінің атауын, бюджеттік бағдарламаларды, бақылау мәселелерін көрсете отырып) жеке бекітеді.
      122. Бақылауды жүргізуге негіз болып табылатын құжаттарды (Бақылау жүргізуге тапсырманы, Бақылауды тағайындау туралы бұйрықтарды) әрбір мемлекеттік қаржылық бақылау органы жеке ресімдейді.
      123. Қосарлас бақылауды әрбір тарап оны жүргізудің мерзімін келісе отырып, жеке бақылау тобын құру арқылы жүргізеді.
      124. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік қаржылық бақылау органы жеке жүргізеді.
      125. Бақылауға жауапты лауазымды адамдар, қосарлас бақылау топтарының қатысушылары:
      1) қосарлас бақылауды жүргізу барысында туындайтын мәселелерді талқылай отырып жұмыс кеңестерін;
      2) консультацияларды;
      3) әдістемелік және талдамалық құжаттармен алмасуды жүргізеді.
      126. Бақылау топтарының жетекшілері бақылауды жүргізудің барысы (бақылау мәселелерін қамтудың толықтығы, туындаған мәселелер және басқалар) және бақылаудың алдын ала нәтижелері туралы ақпарат алмасады.
      127. Қосарлас бақылауды жүргізу кезінде әрбір тарап бақылау актілерін олардың нысаны мен мазмұнына қойылатын мемлекеттік қаржылық бақылау органдарының бекітілген талаптарына сәйкес жеке ресімдейді.
      128. Есеп комитеті қосарлас бақылаудың нәтижелері бойынша қорытындыны дайындауды бақылау актілерінің сапасын бақылаудың сараптамалық қорытындысын алғаннан кейін және қарсылықтың (егер болса) әрбір тармағы бойынша қабылданған және қабылданбаған дәлелдер көрсетілген, бақылау объектісіне дәлелді жауапты ескере отырып он жұмыс күні ішінде жүзеге асырады. Қорытындыға ҚБК, тексеру комиссиясы жүргізген қосарлас бақылаудың нәтижелері талдау үшін енгізіледі. Қорытынды және Жиынтық тізілім сапаны бақылаудан өткеннен кейін осы Қағиданың 200-тармағында көрсетілген тәртіпке сәйкес бақылау объектісіне жолданады.
      129. ҚБК бұзушылықтардың анықталған жалпы сомасын және бақылау объектілері бөлінісіндегілерін көрсете отырып, жүргізілген қосарлас бақылаудың нәтижелері мен бақылау жүргізу барысында бақылау объектілерінің қабылдаған шаралары туралы жинақталған ақпаратты, сондай-ақ Ұсынымдардың бірер көшірмесін оларға қол қойылған күннен бастап екі жұмыс күні ішінде Есеп комитетіне ұсынады.
      130. Есеп комитетінің отырысында жүргізілген қосарлас бақылаудың материалдары талқыланып, жүргізілген қосарлас бақылаудың қорытындылары туралы Қаулы қаралып қабылданады.
      131. Есеп комитетінің қосарлас бақылаудың қорытындыларын қарау жөніндегі отырысына бақылауға жауапты адамдар, бақылау объектілерінің лауазымды адамдары, сондай-ақ Есеп комитетінің Төрағасы айқындаған өзге де адамдар шақырылады.
      Ескерту. 131-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      132. Есеп комитеті қосарлас бақылаудың қорытындылары туралы қабылданған Қаулыға қол қойылғаннан кейін оның көшірмесін екі жұмыс күні ішінде ҚБК-ға жолдайды.
      133. Есеп комитетінің және тексеру комиссияларының қосарлас бақылауды жүргізуге жауапты мүшелері жүргізілген қосарлас бақылаудың нәтижелері бойынша жеке Қорытынды жасайды.
      134. Тексеру комиссиялары жүргізілген қосарлас бақылаудың нәтижелері туралы талдамалық ақпаратты ол аяқталған күннен бастап он жұмыс күні ішінде Есеп комитетіне ұсынады.
      135. Есеп комитетінің және тексеру комиссияларының отырыстарында жүргізілген қосарлас бақылаудың нәтижелері туралы Қаулылар жеке қаралып қабылданады.
      136. Есеп комитеті және тексеру комиссиялары қосарлас бақылаудың нәтижелері туралы қабылдаған Қаулыларына қол қойылған күннен бастап екі жұмыс күні ішінде олардың көшірмелерімен алмасады.
      137. Есеп комитеті қосарлас бақылаудың нәтижелері бойынша Қаулының орындалуын бақылауды осы Қағиданың 6-тарауында белгіленген тәртіпке сәйкес жүзеге асырады.
      138. Мемлекеттік қаржылық бақылау органдары қосарлас бақылаудың нәтижелері бойынша Қаулылар (Ұсынымдар) тармақтарының іске асырылу барысы жөнінде тиісті ақпаратты ЭҚАБЖ және почтамен қағаз түрінде жолдау арқылы бір-біріне хабарлап отырады.
      139. Есеп комитеті ҚБК-мен, тексеру комиссияларымен бірге жүргізген қосарлас бақылаудың нәтижелері бойынша Қазақстан Республикасының Президентіне ұсынылатын тоқсандық ақпаратқа және Қазақстан Республикасының Парламентіне ұсынылатын жылдық есепке енгізу үшін талдамалық ақпарат дайындайды.

8-параграф. Бірлескен бақылауды жүзеге асыру

      140. Бірлескен бақылаудың іс-шаралары осы Қағиданың 2-тарауында белгіленген тәртіпке сәйкес Есеп комитетінің кезекті жылға арналған бақылау жұмысы жоспарының жобасын қалыптастыру кезеңінде көзделеді.
      141. Бiрлескен бақылауды жүргізуді Есеп комитеті кезекті жылға (тоқсанға) арналған бекітілген бақылау жұмысы жоспарлары негізінде бақылаудың жеке түрі ретінде не жүргізіліп отырған кешенді бақылау шеңберінде келісілген мерзімде басқа мемлекеттік қаржылық бақылау органдарымен бір мезгілде жүзеге асырады.
      142. Бiрлескен бақылауды жүргізуге дайындалу Есеп комитетінің жылдық (тоқсандық) бақылау жоспарында көзделген мерзімге сәйкес жүргізіледі.
      143. Бақылау тобының жетекшісі және бақылау тобының қатысушылары Есеп комитетінің бiрлескен бақылауды жүргізуге жауапты мүшесімен бірлесіп, ақпарат жинауды жүргізеді және алдын ала зерделеудің мерзімі басталғаннан бастап екі жұмыс күні ішінде жетіспейтін ақпаратты ұсыну жөнінде бақылау объектілеріне сұрау жолдайды.
      144. Алдын ала зерделеудің қорытындысы бойынша Есеп комитетінің мүшесі бақылау тобының жетекшісімен бірге бірлескен бақылаудың Жоспарының, Бағдарламасының және Жұмыс жоспарларының жобаларын жасап, бірлескен бақылау Бағдарламасының әзірленген жобасын бірлескен бақылауды жүргізуге қатысатын мемлекеттік органдарға жолдайды. Бірлескен бақылауды жүргізуге қатысатын мемлекеттік орган бақылау іс-шарасы басталғанға дейін кемінде бес жұмыс күні бұрын бірлескен бақылаудың Бағдарламасын келіседі.
      145. Есеп комитетінің мүшесі бақылау тобының жетекшісімен бірге үш жұмыс күні ішінде мемлекеттік органның ұсыныстарын пысықтайды, және қажет болған жағдайда, Бақылау жоспарына, бірлескен Бақылау бағдарламасына, Жұмыс жоспарларына түзетулер енгізіп, оларды сапаны бақылауға жауапты құрылымдық бөлімшеге ұсынады.
      146. Бірлескен бақылау бағдарламасында бақылау объектілері бойынша: бақылау объектісінің атауы, бақылаудың мәні, бақылаудың үлгісі мен түрі, бақылаумен қамтылатын кезең, бақылау жүргізудің мерзімі, бірлескен бақылау тобының құрамы, бақылаумен қамтылатын қаражат көлемі, бақылау мәселелері және оларды қараудың дәйектілігі көрсетіледі.
      Бірлескен бақылау бағдарламасы бірлескен бақылауға қатысушы мемлекеттік органның жауапты лауазымды адамымен келісіледі (электрондық немесе жазбаша хат алмасу жолымен) және Есеп комитетінің мүшесі бірлескен бақылау басталғанға дейін кемінде екі жұмыс күні бұрын Бақылау бағдарламасының үлгі нысанына сәйкес оны бекітеді.
      147. Бірлескен бақылауды жүргізу үшін Есеп комитетінің және басқа да мемлекеттік органдардың өкілдерінен ортақ бірлескен немесе тараптардың әрқайсысының жеке бақылау тобы құрылады, тараптардың келісімімен олардың қатысушыларын бақылау объектілері және бюджет деңгейлері бойынша бөлу Есеп комитеті мүшесінің басшылығымен жүзеге асырылады.
      148. Бақылауды жүргізуге негіз болып табылатын құжаттарды әрбір мемлекеттік орган жеке ресімдейді.
      149. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік орган жеке жүргізеді.
      150. Бірлескен бақылауды сапалы жүргізу мақсатында мемлекеттік органдардың бақылауға жауапты лауазымды адамдары, бірлескен бақылау тобының қатысушылары бір-бірімен:
      1) бірлескен бақылауды жүзеге асыру барысында туындайтын мәселелерді талқылай отырып жұмыс кеңестері;
      2) консультациялар;
      3) әдістемелік және талдамалық құжаттармен, ақпаратпен алмасу түріндегі өзара іс-қимылды жүзеге асырады.
      151. Бірлескен бақылауды жүзеге асыратын Есеп комитетінің бақылаушылары мен мемлекеттік органның қызметкерлері бақылау объектілерінде бірлескен бақылауды жүргізудің қорытындылары бойынша бақылау актісін жасап, оған қол қояды.
      152. Бақылау объектісінде бірлескен бақылауды ортақ бақылау тобы жүргізген кезде бақылау актісі Есеп комитетінің бланкісінде үш данада ресімделіп, бірінші данасы – Есеп комитетіне, екінші данасы – бірлескен бақылауға қатысушы мемлекеттік органға, үшінші данасы бақылау объектісіне беріледі. Бірлескен бақылауды жеке топ жүргізген кезде бақылау актісін тараптардың әрқайсысы жеке ресімдеп, кейіннен нәтижелерімен алмасады. Бақылау актісіне бақылауды жүргізген қызметкерлер қол қойған Тізілім қоса беріледі (Бақылау актісіне бақылаудың нәтижелері бойынша анықталған бұзушылықтар мен кемшіліктер тізілімінің нысаны бойынша ресімделеді).
      153. Бақылау актісіне жазбаша қарсылықтарды бірлескен бақылауды жүргізуге жауапты Есеп комитетінің мүшесі мен мемлекеттік органның лауазымды адамы бақылауды жүзеге асырған қызметкерлермен бірлесіп қарайды. Бақылау объектісіне жауапты өзінің атына жазбаша қарсылықтар келіп түскен мемлекеттік орган бес жұмыс күні ішінде жолдайды.
      154. Есеп комитеті бірлескен бақылау барысында жасалған актілер негізінде бірлескен бақылаудың нәтижелері бойынша Қорытынды жасайды. Қорытындының жобасы Есеп комитеті мүшесінің басшылығымен жасалып, бірлескен бақылауға жауапты мемлекеттік органның лауазымды адамымен келісіледі.
      155. Есеп комитеті бірлескен бақылаудың нәтижелері бойынша қорытындыны дайындауды бақылау актілерінің сапасын бақылаудың сараптамалық қорытындысын алғаннан кейін және қарсылықтың (егер болса) әрбір тармағы бойынша қабылданған және қабылданбаған дәлелдер көрсетілген, бақылау объектісіне дәлелді жауапты ескере отырып, он жұмыс күні ішінде жүзеге асырады. Қорытынды және Жиынтық тізілім сапаны бақылаудан өткеннен кейін осы Қағиданың 200-тармағында көрсетілген тәртіпке сәйкес бақылау объектісіне жолданады.
      156. Қорытындыға Есеп комитетінің мүшесі қол қояды және бірлескен бақылауды жүргізуге жауапты мемлекеттік органның лауазымды адамымен келісіп, қаулының жобасымен бірге Есеп комитетінің отырысына қарауға шығарады.
      157. Бірлескен бақылаудың қатысушысы – мемлекеттік органның басшылығының қатысуымен өтетін Есеп комитетінің отырысында жүргізілген бірлескен бақылаудың материалдары талқыланып, бірлескен бақылаудың нәтижелері бойынша Қаулы қаралып қабылданады.
      158. Бірлескен отырысқа бақылау объектісінің лауазымды адамдары шақырылады.
      159. Бірлескен бақылаудың нәтижелері бойынша Қаулының орындалуын бақылауды Есеп комитетінің бірлескен бақылауды жүргізуге жауапты мүшесі осы Қағиданың 6-тарауында белгіленген тәртіпке сәйкес жүзеге асырады.
      160. Есеп комитеті жүргізілген бірлескен бақылаудың нәтижелері бойынша Қазақстан Республикасының Президентіне ұсынылатын тоқсандық ақпаратқа және Қазақстан Республикасының Парламентіне ұсынылатын жылдық есепке енгізу үшін талдамалық ақпарат дайындайды.

9-параграф. Есеп комитеті шет елдердің мемлекеттік қаржылық
бақылау органдарымен жүргізетін бірлескен және қосарлас бақылауды жүзеге асыру

      161. Есеп комитетінің шет елдердің мемлекеттік қаржылық бақылау органдарымен бірлескен немесе қосарлас бақылау іс-шараларына қатысуының құқықтық негізі Бақылаудың басшы принциптерінің Лима декларациясы, Халықаралық жоғары қаржы бақылау органдары ұйымының (ИНТОСАИ), Еуропа жоғары қаржы бақылау органдары ұйымының (ЕВРОСАИ), Азия жоғары қаржы бақылау органдары ұйымының (АЗОСАИ), Экономикалық ынтымақтастық елдерінің жоғары қаржы бақылау органдары ұйымының (ЭКОСАИ), Тәуелсіз мемлекеттер достастығына қатысушы мемлекеттердің жоғары қаржы бақылау органдары басшылары кеңесінің шеңберінде қабылданған шешімдер, Есеп комитетінің шет елдердің мемлекеттік қаржылық бақылау органдарымен Ынтымақтастық туралы келісімдері, Бюджет кодексі және осы Қағида болып табылады.
      162. Шет елдердің мемлекеттік қаржылық бақылау органдарымен бірлескен және қосарлас бақылау іс-шаралары Есеп комитетінің кезекті жылға арналған жұмыс жоспарының жобасын қалыптастыру кезеңінде көзделеді.
      163. Есеп комитеті бірлескен бақылауды шет елдердің мемлекеттік қаржылық бақылау органдарымен бақылаудың ортақ тақырыбы мен бағдарламасы бойынша және келісілген мерзімде екіжақты немесе көпжақты негізде жүргізеді.
      164. Есеп комитеті қосарлас бақылауды шет елдердің мемлекеттік қаржылық бақылау органдарымен өзара келісім бойынша, кейіннен нәтижелерімен алмаса отырып, келісілген мәселелер мен жүргізу мерзімі бойынша жеке жүргізеді.
      165. Шет елдердің мемлекеттік қаржылық бақылау органдарымен бірлескен немесе қосарлас бақылау республикалық бюджет қаражатының, қатысушы мемлекеттердің аумағында орналасқан жекелеген объектілерді бірлескен үлестік қаржыландыруға бағытталатын бюджеттік инвестициялардың және бюджеттердің пайдаланылуын бақылау кезінде, және Қазақстан Республикасының мемлекетаралық шарттары мен келісімдерінде көзделген жағдайларда жүргізіледі.
      166. Бірлескен немесе қосарлас бақылауды жүргізу үшін Есеп комитетінің жауапты мүшесі сыртқы байланыстарды үйлестіруге жауапты құрылымдық бөлімшемен бірге бақылау жүргізу басталғанға дейін екі ай бұрын шет елдердің мемлекеттік қаржылық бақылауының бір немесе бірнеше органымен ақпарат алмасу жөнінде жұмыстар жүргізеді, онда:
      1) бақылаудың мақсаты, міндеттері мен мәселелері;
      2) бақылау объектілері;
      3) бақылау жүргізу мерзімі;
      4) бақылау жүргізуге жауапты адамдар;
      5) ұлттық заңнамада, ынтымақтастық туралы келісімдерде айқындалған функциялары мен бақылау өкілеттіктеріне қарай әрбір мемлекеттік қаржылық бақылау органының қатысу шарттары мен мәселелері;
      6) мемлекеттік қаржылық бақылау органдарының бақылау жүргізуге байланысты жұмыстарды қаржыландыру бөлігіндегі міндеттемелері;
      7) ақпарат алмасу және бақылау нәтижелерін ресімдеу тәртібі, соның ішінде қорытынды құжаттың нысаны;
      8) бақылау іс-шараларының нәтижелері бойынша шешімдерді дайындау мен қабылдаудың тәртібі;
      9) бақылау іс-шараларының нәтижелері бойынша қабылданған шешімдердің орындалуын бақылау тәртібі айқындалады.
      167. Есеп комитетінің мүшесі ынтымақтасып отырған елдің мемлекеттік қаржылық бақылау (аудит) органымен ақпарат алмасқаннан кейін бақылау жүргізуге, сыртқы байланыстарды үйлестіруге жауапты құрылымдық бөлімшелермен бірлесіп, бірлескен (қосарлас) бақылауды жүргізу туралы келісімнің (бұдан әрі - Келісім) және бақылау бағдарламасының жобаларын дайындау жөнінде жұмыстар жүргізеді. Қосарлас бақылауды жүргізу кезінде Есеп комитетінің жауапты мүшесі және бақылау тобының жетекшісі Келісімнің, бақылау жоспарының жобаларын қоспағанда, қажет болған жағдайда, осы Қағиданың 3-тарауында белгіленген тәртіпке сәйкес бақылау жоспарының және жұмыс жоспарларының жобаларын дайындайды.
      Ескерту. 167-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      168. Бақылау бағдарламасының, Бақылау жоспарының және Жұмыс жоспарларының жобалары (қосарлас бақылауды жүргізу кезінде) сапаны бақылауды өткеннен кейін Есеп комитетінің жауапты мүшесі сыртқы байланыстарды үйлестіруге жауапты құрылымдық бөлімшемен бірлесіп, Келісімнің және Бақылау бағдарламасының жобаларын, бақылау жүргізу басталғанға дейін жиырма жұмыс күнінен кешіктірмей, ынтымақтасып отырған елдің мемлекеттік қаржылық бақылау органына келісуге жолдайды. Келісу барысында Келісімге және Бақылау бағдарламасына, қажет болған жағдайда, түзетулер енгізіледі.
      169. Ынтымақтасып отырған елдің мемлекеттік қаржылық бақылау органымен келісілген Келісім жобасына Есеп комитетінің жауапты мүшесі, бақылауды жүргізуге, құқықтық қамтамасыз етуге, сапаны бақылауға, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, оны Есеп комитетінің Төрағасына қол қоюға енгізеді.
      Бақылау бағдарламасының келісілген жобасына бақылауды жүргізуге, құқықтық қамтамасыз етуге, сапаны бақылауға, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, Есеп комитетінің жауапты мүшесі қол қояды.
      Келісім және бірлескен Бақылаудың бағдарламасы бақылау басталғанға дейін жеті жұмыс күнінен кешіктірілмей, ынтымақтасып отырған елдің мемлекеттік қаржылық бақылау органына бекіту үшін жолданады.
      170. Бірлескен бақылау тобының құрамына кіретін Есеп комитетінің қызметкерлері өздері болған елдің аумағында бақылау жүргізу кезінде, болған елінің заңнамасын, мемлекеттік бақылау жүргізу қағидасын, сондай-ақ бекітілген Келісімді және бірлескен Бақылау бағдарламасын басшылыққа алуға міндетті.
      171. Бірлескен (қосарлас) бақылауды сапалы жүргізу мақсатында Есеп комитетінің бақылауды жүргізуге жауапты мүшесі Есеп комитетінің ынтымақтасып отырған елдің мемлекеттік қаржылық бақылау органымен өзара іс-қимылын:
      1) бірлескен (қосарлас) бақылауды жүзеге асыру барысында туындайтын мәселелерді талқылай отырып кеңестер;
      2) консультациялар;
      3) әдістемелік және талдамалық құжаттармен, ақпаратпен алмасу түрінде ұйымдастырады.
      172. Бірлескен бақылау Қазақстан Республикасының аумағында жүргізілген кезде бақылау актісі Есеп комитетінің бланкісінде бақылау объектісі үшін бір данасын ескере отырып, бірлескен бақылауға (аудитке) қатысып отырған шет елдердің мемлекеттік қаржылық бақылау (аудит) органдарының санына тең даналарының саны бойынша ресімделеді.
      Бақылау актісіне бақылауды жүргізген қызметкерлер қол қойған және Бақылау нәтижелері бойынша анықталған бұзушылықтар мен кемшіліктер тізілімінің үлгі нысаны бойынша ресімделген Тізілім қоса беріледі.
      Ескерту. 172-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      173. Қосарлас бақылауды жүргізу кезінде бақылау актілері қосарлас бақылауға қатысушы мемлекеттік қаржылық бақылау органдарының ұлттық заңнамасында белгіленген тәртіппен жасалады.
      174. Қосарлас немесе бірлескен бақылаудың нәтижелері бойынша Есеп комитетінің бақылауды жүргізуге жауапты мүшесі осы Қағидада белгіленген тәртіпке сәйкес қорытынды жасайды.
      175. Есеп комитетінің қосарлас немесе бірлескен бақылаудың нәтижелері туралы қаулысы, егер Келісімде өзгеше көзделмесе, осы Қағиданың 6-тарауында белгіленген тәртіпке сәйкес Есеп комитетінің отырысында қаралып қабылданады.
      176. Қосарлас бақылауға қатысушы мемлекеттік қаржылық бақылау органдары оның нәтижелері бойынша қабылданған, бекітілген есептердің көшірмелерімен алмасады.
      177. Бірлескен (қосарлас) бақылауды жүргізу туралы келісімде жүргізілген бірлескен (қосарлас) бақылаудың нәтижелері бойынша бірлескен қорытынды құжатты дайындау көзделуі мүмкін.
      Келісімді іске асыру үшін, қажет болған жағдайда, мемлекеттік қаржылық бақылау органдарының жүргізген бірлескен (қосарлас) бақылауының нәтижелері бойынша бірлескен отырыстар өткізу, бірлескен шешімдер қабылдау қарастырылады.

5. Бақылаудың қорытындылары бойынша есептерді ресімдеу 1-параграф. Бақылау актілерін жасау және ресімдеу

      178. Бақылау жүргізілген әрбір объекті бойынша бақылаудың нәтижелері осы Қағидаға 18-қосымшаға сәйкес нысан бойынша қатаң есептілік бланкісінде бақылау актісімен ресімделеді. Бақылау актісі осы Қағидаға 19-қосымшаға сай нысан бойынша жасалады.
      179. Бақылау актісінің құрылымы Бақылау бағдарламасындағы барлық мәселелердің толық көрсетілуін, онда баяндалған мәліметтердің анықтығын, объективтілігін қамтамасыз етуі тиіс.
      180. Бақылау актісі Бақылау бағдарламасындағы және Жұмыс жоспарларындағы мәселелердің тізбесіне қатаң сәйкестікте жасалады. Анықталған бұзушылықтар бақылау актісіндегі жазбалардың анықтығын растайтын құжаттардың түпнұсқаларының деректемелеріне, сондай-ақ ережелері бұзылған нормативтік құқықтық актілердің баптарына, тармақтары мен тармақшаларына қажетті сілтемелер көрсетіле отырып, объективті және дәл сипатталады. Егер, талдамалық сипаттағы мәселелерді қоспағанда, бақылау мәселесі бойынша бұзушылықтар мен кемшіліктер анықталмаса, бақылаушы:
      1) бақылау актісінде анықталған кемшіліктер мен бұзушылықтардың болмағандығын көрсете отырып, тексерілетін мәселе бойынша қысқаша ақпарат береді;
      2) тексеру жүргізілген құжаттардың деректемелерін көрсете отырып, олардың тізбесін бақылау актісіне қоса береді.
      Ескерту. 180-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      181. Бұзушылықтың әрбір фактісі, сондай-ақ заңнаманың анықталған кемшіліктері мен олқылықтары бұзушылықтың сипаты мен түрін, оның ішінде Мемлекеттік қаржылық бақылау объектілерінде айқындалған бұзушылықтар сыныптауышында (бұдан әрі – Бұзушылықтар сыныптауышы) көзделген заңнаманың анықталған кемшіліктері мен олқылықтарын сипаттай отырып, реттік тәртібімен нөмірленеді және жеке тармақта (1-тармақ, 2-тармақ және тағы басқалар) тіркеледі. Бұзушылықтардың сипаттамасында бұзушылықтарды расстайтын құжаттарға сілтеме жасалады.
      Ескерту. 181-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      182. Бақылаушы бақылау актісінде баяндалған бұзушылық пен кемшілік фактілерін олардың негізділігі бөлігінде бақылау объектісінің лауазымды адамдарымен бірге алдын ала пысықтайды.
      183. Бақылау актісіне оның ажырамас бөлігі болып табылатын мынадай материалдар:
      1) бақылау объектісі басшысының міндеттерін атқару жөніндегі талап;
      2) бақылаушылар қол қойған және осы Қағидаға 20-қосымшаға сай нысан бойынша жасалған бақылаудың нәтижелері бойынша анықталған бұзушылықтар мен кемшіліктердің тізілімі (бұдан әрі – Тізілім);
      3) құжаттардың, кестелердің түпнұсқалары немесе белгіленген тәртіппен расталған көшірмелері, сондай-ақ қажет болғанда бұзушылық фактілерін көрсететін анықтамалар, фотосуреттер;
      4) функционалдық және лауазымдық міндеттерін негізге ала отырып, жол берілген бұзушылықтарға қатысы бар адамдардың жазбаша түсініктемелері;
      5) осы Қағидаға 21-қосымшаға сай нысан бойынша толтырылған бақылау өлшемдері (тексеріп қараулар) актілері (олар жасалған жағдайда);
      6) зерттеулердің (сынақтардың), сараптамалардың қорытындылары, хаттамалардың көшірмелері, бақылау нәтижелеріне байланысты басқа да құжаттар немесе олардың көшірмелері (олар жасалған жағдайда);
      7) мемлекеттік органдар және мекемелер мамандарының, сарапшылардың (тартылған жағдайда) сараптамалық қорытындылары;
      8) мемлекеттік қызметтерді алушылардың қанағаттануы тұрғысынан халық арасында сауалнама жүргізу нәтижелері (оны жүргізген жағдайда);
      9) ақы төлеу фактісін (бақылау барысында қаражат өтелген (қалпына келтірілген) жағдайда) растайтын құжаттар (көшірмелері):
      төлем тапсырмалары (төлеуге арналған шоттар, түбіртектер, чектер және (немесе) басқалары);
      ведомостар, ордерлер, нарядтар;
      10) бақылау актісінің танысып, қол қоюға жіберілген күнін растайтын құжат (көшірмесі) (актіні танысуға және қол қоюға қабылдағаны туралы бақылау объектісінің мөртабаны болмаған жағдайда);
      11) талдамалық материалдар және бақылау объектісінің қызметіндегі бұзушылықтар мен олқылықтар фактісін растайтын материалдар қоса беріледі.
      Бақылау актісіне қоса берілетін құжаттардың көшірмелері белгіленген тәртіппен уәкілетті лауазымды адамдардың қолымен, бақылау объектісінің мөрімен және мөртабанымен (болған жағдайда) расталады. Бақылау актісінде қосымшаларының реттік нөмірі, парақ саны көрсетіле отырып, оларға сілтеме жасалады.
      Ескерту. 183-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      184. Бақылау актісіне тиісті құжаттармен расталмаған бұзушылық фактілерін енгізуге жол берілмейді.
      Ескерту. 184-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      185. Бақылау актісінде баяндалып, бақылау актісінде соларға сілтеме жасалған бұзушылықтарды растайтын құжаттардың болмауы Стандарттарды бұзу болып табылады. Мұндай фактілер Қорытындыға енгізілмейді.
      186. Бақылау объектісінің тауарларға, жұмыстарға немесе көрсетілген қызметтерге ақы төлеуінің негізділігін растайтын құжаттар бақылау объектісінде болмаған жағдайда, сондай-ақ бақылау объектісінің лауазымды адамдары Қазақстан Республикасының заңнамасында көзделген талаптарды, міндеттерін орындамағанда немесе тиісінше орындамағанда, Есеп комитетінің қызметкерлеріне олардың сұрауы бойынша тиісті жазбаша түсініктемелер береді.
      Ескерту. 186-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      187. Бақылау актісі (осы Қағиданың 152, 172, 192-тармақтарында көрсетілген жағдайларды қоспағанда) екі данада жасалып, оған бақылауды жүзеге асырған Есеп комитетінің қызметкерлері, мемлекеттік органдардың, аудиторлық ұйымдардың мамандары және сарапшылар қол қояды және:
      1) бақылау жүргізу мерзімі алты жұмыс күніне дейін қоса алғандағы бақылау іс-шаралары бойынша, оны бақылау объектісінің кіріс хат-хабарларын есепке алу жүйесінде тіркеп не почтамен хабарлай отырып, бақылау объектісінде Тапсырмада көрсетілген бақылаудың аяқталатын күніне дейін (үстеме бақылауды, бақылау өлшемін (тексеріп қарауды) қоспағанда) бір жұмыс күнінен кешіктірмей;
      2) мерзімі алты жұмыс күнінен асатын бақылау жүргізілген жағдайда, осы Қағиданың 187-тармағының 1) тармақшасында көрсетілген рәсімдерді сақтай отырып, бақылау объектісінде бақылаудың аяқталатын күніне дейін күнтізбелік үш күннен кешіктірмей бақылау объектісінің лауазымды адамына танысып, қол қою үшін табыс етіледі.
      Ескерту. 187-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      188. Бақылау объектісінің басшылығы жүргізілген бақылаудың нәтижелерімен танысуға (өлшем (тексеріп қарау) актісін қоспағанда) бақылау актісі берілген күннен бастап күнтізбелік үш күн ішінде бақылау актісімен танысады және оған қол қояды. Бақылаушылар және бақылау объектісінің лауазымды адамы бақылау актісінің екінші парағынан бастап, барлық беттеріне қолдарын қояды.
      Ескерту. 188-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      189. Бақылаудың нәтижелерімен келіспеген жағдайда, бақылау объектісінің басшылығы бақылау актісіне қарсылықтарының бар екені туралы ескертіп қол қояды. Бақылау актісіне жазбаша қарсылықтар бақылау актісінің танысуға алынған күнінен бастап, күнтізбелік он күн ішінде Есеп комитетіне ұсынылады. Бақылау объектісінің бақылау актісіне қол қойылғаннан кейін бірден ұсынған жазбаша қарсылықтарын бақылаушы бақылау актісіне қоса тіркейді. Көрсетілген мерзім өткен соң келіп түскен бақылау актісіне қарсылықтар немесе қарсылықсыз қол қойылған бақылау актісіне келіп түскен, сондай-ақ бақылау объектісі лауазымды адамының бас тартуы салдарынан қол қойылмаған бақылау актісіне келіп түскен қарсылықтар қаралмайды.
      Ескерту. 189-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      190. Есеп комитетіне келіп түскен бақылау актісіне қарсылықтарды Есеп комитетінің бақылауға жауапты мүшесі бақылаушылармен, бақылауды жүргізуге жауапты құрылымдық бөлімшенің басшысымен, құқықтық қамтамасыз етуге жауапты құрылымдық бөлімшенің қызметкерлерімен, бақылауды жүзеге асыруға тартылған сарапшылармен, мемлекеттік органдардың мамандарымен, аудиторлық ұйымдардың қызметкерлерімен бірге барлық бақылау іс-шарасын жүргізу аяқталғаннан кейін бес жұмыс күні ішінде қарайды, содан кейін қарсылықтың әрбір тармағы бойынша қабылданған және қабылданбаған дәлелдерді көрсете отырып, бақылау объектісіне дәлелді жауап береді. Бақылау объектісінің бақылау актісіне ұсынған түсініктемелері оған жауап дайындалмастан назарға алынады.
      Ескерту. 190-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      190-1. Есеп комитетіне келіп түскен бақылау актісіне қарсылықтар және оларға дәлелді жауаптар Есеп комитетінің отырысынан кейін міндетті түрде бақылау материалдарына және олардың ЕК ИАЖ-дағы электронды нұсқаларына қоса тіркеледі.
      Ескерту. 190-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      191. Бақылау объектісінің басшылығы бақылау актісіне қол қоюдан бас тартқан жағдайда, бақылаушы бақылау объектісінің лауазымды адамының қол қоюдан бас тартқаны туралы бақылау актісінде тиісті жазба жасайды.
      192. Бақылау объектісі бақылау актісінің қол қоюға берілген бұрынғы даналарына қол қоюдан бас тартып, оларды кайтармаған жағдайда, бақылаушы бақылау актісінің үшінші данасын толтырып, онда бақылау актісінің бұрынғы даналарына қол қоюдан бас тартылғаны және олардың қайтарылмағаны жөнінде тиісті жазба жасайды.
      193. Бақылау тобының жетекшісі (бақылаушы) бақылау объектісі актіге қол қойғаннан кейін келесі жұмыс күнінен кешіктірмей, бақылау актілерін, Тізілімдерді, кестелерді және басқа да қосымшаларды (болған жағдайда) мынадай қолайлы тәсілдердің бірі арқылы:
      1) бақылаушының өзі қолма-қол;
      2) сканерден өткізілгендерін – қорғалған байланыс арналары бойынша;
      3) бақылау актісінің тұпнұсқасын (құпия актіні қоспағанда) – фельдъегерлік байланыс не хабарламасы бар тапсырыс хатпен пошта арқылы;
      4) құпия сипаты бар бақылау актілерін – Қазақстан Республикасының мемлекеттік құпияларын қорғау жөніндегі заңнамада белгіленген талаптарды сақтай отырып, Есеп комитетіне жібереді және (немесе) ұсынады.
      Бақылау актісінің бір данасы (№ 2 дана) анықталған бұзушылықтарды жою жөнінде шаралар қабылдау және басқа да іс-әрекеттер жасау үшін бақылау объектісінің басшысында қалдырылады.
      Ескерту. 193-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      194. Қол қоюдан бас тартылғаны не бақылау актісінің алдыңғы даналарының қайтарылмағаны туралы белгісі бар бақылау актілері әкімшілік хаттаманың көшірмелерімен, Тізіліммен, кестелермен және басқа да қосымшалармен бірге (болған жағдайда) әкімшілік хаттама жасалғаннан кейін келесі күні осы Қағиданың 193-тармағына сәйкес Есеп комитетіне жіберіледі және (немесе) ұсынылады.
      Ескерту. 194-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      195. Бақылаушылар іссапардан келген күннен бастап бір жұмыс күні ішінде құжаттардың атауы мен парақ санын, оларды қалған бақылау материалдарын жасақтағанға дейін жинақтау папкасында қалыптастырылатын тізімдемеде көрсете отырып, бақылау актісінің (№ 1 дана не № 3 дана), Тізілімнің және бақылау актісіне басқа да қосымшалардың түпнұсқаларын, бақылау объектілерінің қарсылықтарын (болған жағдайда) құжат айналымына жауапты құрылымдық бөлімшеге тапсырады.
      Құжат айналымына жауапты құрылымдық бөлімше бақылау актісінің, Тізілімнің және бақылау актісіне басқа да қосымшалардың түпнұсқаларын, бақылау объектілерінің қарсылықтарын олар Есеп комитетіне түскен күннен бастап, екі жұмыс күні ішінде сканерлейді, ЭҚАБЖ-да және ЕК ИАЖ-да тіркеу үшін сапаны бақылауға жауапты құрылымдық бөлімшеге табыс етеді.
      Объективті себептер туындаған жағдайда (іссапардан жұмыс күні аяқталған соң (демалыс күндері) келгенде, сырқаттанып қалғанда), бақылау актісінің, Тізілімнің және басқа да қосымшалардың түпнұсқалары келесі жұмыс күнінен кешіктірілмей тапсырылады.
      Ескерту. 195-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      196. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      197. Барлық бақылау актілері және бақылау актілеріне қоса берілген Тізілімдер бойынша олар ЭҚАБЖ-да тіркелген күннен бастап сапаны бақылау жүргізіледі.
      197-1. Бақылаудың нәтижелері бойынша анықталған бұзушылықтар мен кемшіліктердің тізілімдерінің, Жиынтық тізілімдердің, бақылау қорытындысы бойынша Қаулылардың (Ұсынымдардың) жобаларына заң сараптамасы жүзеге асырылады.
      Егер, бақылау материалдарына заң қорытындысын дайындау кезінде бақылаушылар бастапқыда қоса берілмеген құжаттарды ұсынса, мұндай құжаттар міндетті түрде бақылау материалдарына, соның ішінде оның электронды нұсқасына қоса тіркеледі.
      Ескерту. 197-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      198. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

2-параграф. Шешімдерді (Қаулыларды (Ұсынымдарды)) жасау және ресімдеу

      199. Жүргізілген бақылау іс-шарасының нәтижелері бойынша Есеп комитетінің оны жүргізуге жауапты мүшесі бақылау тобы жетекшісінің, бақылаушылардың және (немесе) бақылауды жүзеге асыруға тартылған сарапшылардың, мемлекеттік органдар мамандарының және аудиторлық ұйымдар қызметкерлерінің қатысуымен бақылау актілеріне сапаны бақылаудың сараптамалық қорытындысын және бақылау орнына бару арқылы қайта бақылау (қайта тексеру, ол жүргізілген жағдайда) нәтижелерін алғаннан кейін он жұмыс күні ішінде, 15 және одан көп бақылау объектілері қамтылған жағдайда, он бес жұмыс күні ішінде Қорытындының, бақылау нәтижелері бойынша анықталған бұзушылықтар мен кемшіліктердің жиынтық тізілімінің (бұдан әрі – Жиынтық тізілім) және Қаулының (Ұсынымның) жобаларын дайындайды.
      Мемлекеттік және салалық бағдарламаларды, орталық мемлекеттік органдардың стратегиялық жоспарларын бағалаудың қорытындылары туралы есепті дайындау кезінде Есеп комитетінің Төрағасы бекіткен Есеп комитетінің мемлекеттік бағдарламаларға және орталық мемлекеттік органдардың стратегиялық жоспарларына жүргізген бағалауының қорытындылары туралы ақпаратты дайындау мен ұсыну стандартын басшылыққа алған жөн.
      Ескерту. 199-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      200. Қорытындының, Жиынтық тізілімнің және Қаулының (Ұсынымның) жобалары сапаны бақылауға және құқықтық қамтамасыз етуге жауапты құрылымдық бөлімшелерге бір мезгілде жіберіледі.
      Жиынтық тізілімнің және Қаулының (Ұсынымның) жобалары бойынша Заң сараптамасы үш жұмыс күні ішінде өткізіледі, содан кейін заң сараптамасының қорытындысы сапаны бақылауға жауапты құрылымдық бөлімшеге жіберіледі.
      Заң сараптамасының қорытындысы түскен күннен бастап бір жұмыс күні ішінде Қорытындының, Жиынтық тізілімнің және Қаулының (Ұсынымның) жобалары бойынша сапаны бақылау жүргізіледі.
      Ескерту. 200-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      201. Қорытындының, Жиынтық тізілімнің және Қаулының (Ұсынымның) жобаларына Есеп комитетінің бақылауға жауапты мүшесі, бақылауды жүргізуге, сапаны бақылауға, құқықтық қамтамасыз етуге жауапты құрылымдық бөлімшелердің басшылары қолдарын қояды және бұрыштама қояды (соның ішінде ЭҚАБЖ-да) және басқа да бақылау материалдарымен, соның ішінде негізгі бақылау объектісі өкілінің баяндамасының (сөйлейтін сөзінің) тезистерінің жобаларымен бірге Есеп комитетінің отырысы өткізілгенге дейін төрт жұмыс күні бұрын Есеп комитетінің Төрағасына ілеспе хатпен ұсынылады.
      Ескерту. 201-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      202. Сапаны бақылаудың сараптамалық қорытындысында жасалған бақылау актілерінің Стандарттарға сәйкессіздігін растайтын фактілер көрсетілген жағдайда, Есеп комитетінің бақылауға жауапты мүшесі бақылау материалдарын Есеп комитетінің отырысына шығарып, тиісті шешім қабылдаудың орындылығы туралы Есеп комитеті аппарат басшысының келісімі бойынша Есеп комитеті Төрағасының атына қызметтік жазба енгізеді.
      203. Қорытынды кіріспе, негізгі (талдамалық), қорытынды бөліктерден тұрады және осы Қағидаға 23-қосымшада келтірілген нысан бойынша ресімделеді.
      204. Жиынтық тізілім осы Қағидаға 24-қосымшаға сай нысан бойынша жасалады.
      205. Қорытындыда бақылау іс-шарасының негізгі нәтижелері, бақылау актісінде (аудиторлық есепте) көрсетілген бұзушылықтардың, кемшіліктердің анықталған, құжаттармен және сапаны бақылаумен расталған фактілері, сондай-ақ уәкілетті органның және ұйымдардың қорытындыларының нәтижелері (болған жағдайда) жинақталады, жүйеленеді және қысқаша нысанда көрсетіледі. Жинақталған бір текті (бір үлгідегі) бұзушылықтар, кемшіліктер оларды жою және бақылау объектілерінің қызметін регламенттейтін және экономиканы немесе жеке алғанда экономика саласын, әлеуметтік саланы, мемлекеттік басқарудың басқа да салаларын дамытуға бағытталған нормативтік құқықтық актілерді жетілдіру жөніндегі ұсыныстармен бірге бақылау объектілері бойынша жеке тармақта баяндалады.
      Қорытындыға бақылау объектілері қалпына келтірген және өтеген қаражат (жұмыстар, тауарлар, көрсетілген қызметтер) туралы ақпарат осы Қағидаға 24-1-қосымшаға сай нысан бойынша қоса беріледі.
      Ескерту. 205-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      206. Қорытындыға бақылау объектісінің осы Қағидада белгіленген тәртіппен қаралмаған қарсылықтары бар бұзушылық фактілерін енгізуге жол берілмейді.
      207. Бақылаудың нәтижелері бақылау бағыттарының ерекшеліктерін ескере отырып, бақылаудың үлгісіне, түріне және объектісіне сәйкес жүйеге келтіріліп, мына бағыттар:
      1) мемлекеттік, салалық, бюджеттік бағдарламалардың, мемлекеттік органдардың стратегиялық жоспарларының іске асырылуын нормативтік әдістемелік қамтамасыз ету;
      2) Қазақстан Республикасы мемлекеттік органының мемлекеттік, салалық және бюджеттік бағдарламаларды іске асыруға немесе жекелеген әлеуметтік және экономикалық міндеттерді шешуге, сондай-ақ бақылау объектісінің стратегиялық жоспарының мақсаттары мен индикаторларына қол жеткізуге бағытталған қызметі;
      3) бюджет қаражатын, оның ішінде трансферттерді, кредиттерді байланысты гранттарды, мемлекеттік және мемлекет кепілдік берген қарыздарды, бюджеттік инвестицияларды және кепілгерліктерді игеру нәтижелілігінің, бюджеттік бағдарламалар бойынша түпкі мақсаттар мен нәтижелерге қол жеткізудің, мемлекет активтерін пайдаланудың және акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқаруының, сондай-ақ квазимемлекеттік сектор субъектілерінің экономиканы немесе жеке алғанда экономиканың саласын, әлеуметтік саланы, мемлекеттік басқарудың басқа да салаларын дамытуға тигізген қызметінің әсерінің дәрежесі;
      4) бюджетке түсетін түсімдердің толықтығы мен уақтылылығын, сондай-ақ бюджеттен түсетін түсімдер сомаларының қайтарылуын, салықтық және кедендік әкімшілік ету тиімділігін бақылаудың нәтижелері;
      5) қаржы активтерін сатып алу, оларды сатудан бюджетке түскен қаражат түсімдері бойынша бақылау нәтижелері;
      6) Есеп комитеті шешімдерінің орындалу сапасын постбақылаудың нәтижелері бойынша көрсетіледі.
      208. Қорытынды Есеп комитеті қаулысының (ұсынымының) жобаларын дайындау үшін негіз болып табылады.
      209. Есеп комитетінің қаулысы әкімшілік рәсімдер туралы заңнамада белгіленген деректемелерді қамтиды.
      210. Есеп комитетінің отырысында жүргізілген бақылау іс-шараларының қорытындылары қаралады. Қорытынды, Қаулы (Ұсыным) бақылауға жауапты лауазымды адамның және бақылау объектілері өкілдерінің ақпаратын тыңдаудың қорытындысы бойынша қабылданады.
      Ескерту. 210-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      210-1. Егер, бақылау іс-шараларының қорытындылары бойынша Есеп комитетінің отырысы барысында бақылау объектісі Есеп комитетінің Қаулысы (Ұсынымы) жобасының тапсырмалық тармақтарын орындау мерзімдерін ауыстыруға не жобаны өзге де түзетуге бастама жасаса, отырыс хаттамасында бастамашы, негіздеме және қабылданған шешім көрсетіледі.
      Есеп комитетінің Қаулысына (Ұсынымына) қол қойылған кезде оған Есеп комитетінің бақылау іс-шарасын жүргізуге жауапты мүшесінің баяндамалары (соның ішінде ЭҚАБЖ-да) қоса беріледі.
      Құпия сипаттағы бақылау іс-шаралары бойынша отырыстар Қазақстан Республикасының мемлекеттік құпияларын қорғау жөніндегі заңнамада белгіленген талаптарды сақтай отырып өткізіледі.
      Ескерту. 210-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      211. Басқа бақылау-қадағалау органдарымен жүргізілген бірлескен бақылаудың қорытындысы бойынша қаулы Есеп комитетінің отырысында осы органның өкілдерінің қатысуымен ақпаратты талқылағаннан кейін қабылданады.
      212. Қаулы айқындаушы және қаулы шығарушы бөліктерден тұрады және осы Қағидаға 25-қосымшада келтірілген нысанға сәйкес ресімделеді.
      213. Қаулының айқындаушы бөлігінде бақылау іс-шарасының нәтижелері туралы жалпы тұжырым көрсетіледі.
      Ескерту. 213-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      214. Қаулының қаулы шығарушы бөлігі жүргізілген бақылау іс-шарасының нәтижесі бойынша дайындалған Қорытындыны бекіту туралы шешімді, Қазақстан Республикасының Үкіметіне, консультативтік-кеңесші және уәкілетті органдарға нормативтік құқықтық актілерді жетілдіру жөніндегі ұсынымдарды, бақылау объектілері және басқа да мемлекеттік органдар орындауға міндетті шешімдерді (қаражатты бюджетке қайтару қажет болған жағдайда, бюджетке түсетін түсімдердің коды көрсетіледі), құқық қорғау және басқа да уәкілетті органдарға тапсырмалық тармақтарды, сондай-ақ Ұсынымды жолдау туралы шешімді қамтиды.
      Ескерту. 214-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      215. Есеп комитетінің жауапты мүшесінің Қорытындысы немесе Қорытындысынан алынған үзінді қоса беріліп, мемлекеттік органдар мен ұйымдардың басшыларына жолданған Қаулылар оларда көрсетілген мерзімде қаралуы тиіс.
      Ескерту. 215-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      216. Бақылау объектілеріне жұмыстағы бұзушылықтар мен кемшіліктерді оларға қатысты бөлігінде жою үшін Ұсынымдар жолданады, олар ондағы көрсетілген мерзімде қаралады.
      217. Бақылау объектілеріне және басқа да мүдделі адамдарға өздеріне қатысты анықталған бұзушылықтарды және жұмыстағы кемшіліктерді жою үшін Ұсыным осы Қағидаға 26-қосымшаға сай нысан бойынша ресімделеді.
      218. Есеп комитетінің жауапты мүшесінің Қорытындысы қоса берілген Қаулылар толық көлемінде Қазақстан Республикасы Президентінің Әкімшілігіне, Қазақстан Республикасының Үкіметіне және құқық қорғау органдарына да жолдануы мүмкін.
      218-1. Қазақстан Республикасы Бюджет кодексінің 140-бабына сәйкес, Есеп комитеті Қаулы (Ұсыным) қабылдағаннан кейін үш жұмыс күні ішінде құқықтық статистика және арнайы есепке алу саласындағы уәкілетті органға электрондық ақпараттық есепке алу құжатын – талон-хабарламаны ұсынады.
      Ескерту. 218-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

5-1. Сапаны бақылауды жүзеге асыру

      Ескерту. 5-1-тараумен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

1-параграф. Жалпы ережелер

      218-2. Сапаны бақылау – бақылауға дайындықтан бастап, Есеп комитеті шешімдерінің (Қаулыларының (Ұсынымдарының)) орындалуын жүзеге асыруға дейінгі бақылау іс-шараларының материалдарын тексеруді білдіреді.
       218-3. Сапаны бақылаудың мақсаты – бақылау іс-шараларын жоспарлау, жүргізу және іске асыру кезінде Есеп комитеті қызметінің Стандарттарға сәйкестігін қамтамасыз ету және сыртқы мемлекеттік қаржылық бақылау саласындағы заңнама талаптарын сақтау болып табылады.
      218-4. Сапаны бақылауды жүргізу принциптері:
      1) тәуелсіздік – қызметкерлер сапаны бақылауды жүзеге асырған кезде олардың қызметіне араласуға жол бермеу;
      2) объективтілік – сапаны бақылауды Қазақстан Республикасының заңнамасына қатаң сәйкестікте жүргізу, сапаны бақылауды жүргізу және сапаны бақылаудың қорытындыларын ресімдеу кезінде бірыңғай тәсілді құжаттамалық негізделген әрі расталған тұжырымдармен қамтамасыз ету, мүдделер қақтығысын болдырмау;
      3) айқындық – сапаны бақылаудың нәтижелерiн баяндаудың айқындығы, сапаны бақылау нәтижелерінің барлық мүдделі тараптар үшін түсінікті және қолжетімді болуын қамтамасыз ететін, оны жүргізудің әдістері мен критерийлерін қолдану;
      4) құзыреттілік – сапаны бақылауды жүзеге асыру үшін қызметкерлердің қажетті кәсіби білімдері мен дағдыларының жиынтығы;
      5) анықтық – сапаны бақылау нәтижелерін құжаттардың түпнұсқаларымен немесе олардың сканерленген нұсқаларымен, сондай-ақ ережелері бұзылған нормативтік құқықтық актілерге жасалған сілтемелермен растау.

2-параграф. Сапаны бақылауды жүзеге асырудың тәртібі

      218-5. Сапаны бақылаудың мәні – бақылау жүргізу жоспарлары мен бағдарламаларының жобалары, барлық қосымшаларымен бірге бақылау актілері, соның ішінде бақылау актілеріне бұзушылықтар тізілімдері, қорытындылар мен қаулылардың (ұсынымдардың) жобалары, бұзушылықтардың жиынтық тізілімдері, сондай-ақ Есеп комитетінің қаулыларының (ұсынымдарының) тармақтарын іске асыру және орындау туралы ақпарат болып табылады.
      218-6. Сапаны бақылауды құқықтық қамтамасыз ету үшін жауапты құрылымдық бөлімшенің қатысуымен сапаны бақылауды жүргізуге жауапты құрылымдық бөлімше жүзеге асырады.
      218-7. Сапаны бақылау осы Қағидаға 27-қосымшаға сай Бақылау іс-шаралары материалдарының сапасына бақылау жүргізу әдістемесінің (бұдан әрі – Әдістеме) негізінде жүргізіледі.
      218-8. Сапаны бақылаудың қорытындысы бойынша бақылау актісінің Стандарттарға сәйкес еместігі анықталған жағдайда, Есеп комитеті Төрағасының шешімімен бақылау объектісін қайта тексеру тағайындалады.
      218-9. Есеп комитетінің мүшелері мен Есеп комитеті аппаратының қызметкерлері сапаны бақылауды жүзеге асыру процесінде қажетті ақпаратты уақтылы және толық ұсыну арқылы сапаны бақылауға және құқықтық қамтамасыз етуге жауапты құрылымдық бөлімшелерге жәрдемдеседі.
      218-10. Сапаны бақылауды жүзеге асыру барысында оны жүргізуге қатысты кедергілер туындаған, соның ішінде құжаттар және өзге де ақпарат ұсынылмаған кезде сапаны бақылауды және құқықтық қамтамасыз етуді жүргізуге жауапты құрылымдық бөлімшелердің басшылары бұл туралы Есеп комитетінің Төрағасына хабарлайды.
      218-11. Бақылау іс-шараларының сапасын бақылаудың нәтижелері бойынша бақылау іс-шараларына (алдын ала, постбақылау және қорытынды) бағалау жүргізіледі, ол Стандарттардың сақталуының қажетті шарты болып табылады.
      218-12. Бақылау іс-шараларын бағалауды Әдістемеге сай сапаны бақылауды жүргізуге жауапты құрылымдық бөлімше жүзеге асырады.

6. Есеп комитеті шешімдерінің (Қаулыларының (Ұсынымдарының))
орындалуын мониторингілеу мен бақылауды жүзеге асыру 1-параграф. Шешімдердің орындалуын мониторингілеу мен бақылау

      219. Қаулылардың (Ұсынымдардың) орындалуын бақылауды Есеп комитетінің жауапты мүшесі тұрақты негізде жүзеге асырады.
      220. Құжат айналымына жауапты құрылымдық бөлімше Есеп комитеті Қаулыларының (Ұсынымдарының) тапсырмалық тармақтарын қол қойылған күннен бастап бір жұмыс күні ішінде бақылауға қоюды жүзеге асырады, қаулының (ұсынымның) орындалу мерзіміне дейін үш жұмыс күні бұрын олардың орындалу мерзімі туралы Есеп комитетінің бақылауға жауапты мүшесінің есіне салады.
      221. Құқықтық қамтамасыз етуге жауапты құрылымдық бөлімше жартыжылдықта бір рет бірлескен бұйрықта көзделген тәртіппен құқық қорғау органдарымен бірге салыстырып тексеру жолымен оларға жіберілген бақылау материалдарын қараудың нәтижелеріне мониторинг жүргізіп, оларды жоспарлауға жауапты құрылымдық бөлімшеге береді.
      222. Жоспарлауға жауапты құрылымдық бөлімше Есеп комитеті Қаулыларының (Ұсынымдарының) іске асырылу барысына мониторинг жүргізіп, оның нәтижесі жөнінде Есеп комитетінің мүшесіне хабарлайды, мониторинг нәтижелері Қазақстан Республикасының Президентіне ақпарат және Қазақстан Республикасының Парламентіне есеп қалыптастыру, бұзушылықтарды болдырмау мақсатында оларды жүйеге келтіру үшін пайдаланылады.
      223. Есеп комитетінің мүшесі бақылау объектісінен ақпаратты (растаушы құжаттарды) алған күннен бастап, бес жұмыс күні ішінде бақылау объектісінің Қаулылардың (Ұсынымдардың) шешімдерін орындауына талдау жүргізіп, соның негізінде қызметтік жазба дайындайды.
      Бақылау объектісі Қаулыны (Ұсынымды) орындаған жағдайда, Есеп комитетінің жауапты мүшесі Есеп комитеті Төрағасының қарауына Есеп комитеті Қаулысының (Ұсынымының) орындалуын бақылаудың нәтижелері туралы қызметтік жазба енгізеді.
      Есеп комитеті Төрағасының тапсырмасы бойынша сапаны бақылауды жүргізуге жауапты құрылымдық бөлімше Қаулының (Ұсынымның) орындалу толықтығы мәніне талдау жүргізу үшін қызметтік жазбаны қарайды.
      Ескерту. 223-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      223-1. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      224. Есеп комитеті мен тексеру комиссиясының бірлескен Қаулысы шешімдерінің орындалуын мониторингілеу кезінде Есеп комитетінің мүшесі бірлескен Қаулының орындалу толықтығы мен сапасы туралы тексеру комиссиясынан алынған ақпарат пен басқа да құжаттамалардың (растаушы құжаттардың көшірмелері, фотосуреттер, тексеру комиссиясы жүргізген постбақылаудың материалдары) негізінде тексеру комиссиясынан ақпарат алған күннен бастап екі жұмыс күні ішінде бірлескен Қаулының орындалған тапсырмалық тармақтарын бақылаудан алып тастау не орындалмаған немесе тиісінше орындалмаған тапсырмалар бойынша шаралар қабылдау (әкімшілік жауапкершілік) туралы мәселені қарап, Есеп комитетінің Төрағасына шешім қабылдау үшін енгізеді.
      225. Бақылау объектісі Есеп комитеті Қаулыларының (Ұсынымдарының) шешімдерін орындау жөніндегі ақпаратты тиісті мерзімде ұсынбаған жағдайда, Есеп комитетінің мүшесі бақылау объектісіне кемінде екі жұмыс күнінен кешіктірмей ЭҚАБЖ (болған жағдайда) арқылы және қағаз түрінде почтамен әкімшілік жауапкершілік туралы ескерту жолдайды.
      Ескерту. 225-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 10.12.2014 № 5-НҚ (алғашқы ресми жарияланған күнiнен кейінгі күні қолданысқа енгiзiледi) нормативтік қаулысымен.
      226. Бақылау объектісі тапсырмалық тармақты белгіленген мерзімде орындамаған жағдайда, Есеп комитетінің мүшесі Қаулыда (Ұсынымда) көрсетілген мерзім аяқталған күннен бастап бір жұмыс күні ішінде Есеп комитеті Төрағасының атына бақылау объектісіне әкімшілік ықпал ету шарасын қолдану туралы қызметтік жазба дайындап, сараптама жүргізу үшін құқықтық қамтамасыз етуге жауапты құрылымдық бөлімшеге жібереді.
      227. Бақылау объектісі Қаулылардың (Ұсынымдардың) шешімдерін тиісінше орындамаған жағдайда, Есеп комитетінің мүшесі осы Қағиданың 223-тармағында көрсетілген мерзім аяқталғаннан кейін бір жұмыс күні ішінде Есеп комитеті Төрағасының атына бақылау объектісіне әкімшілік ықпал ету шарасын қолдану туралы қызметтік жазба жасап, сараптама жүргізу үшін құқықтық қамтамасыз етуге жауапты құрылымдық бөлімшеге жібереді.
      228. Құқықтық қамтамасыз етуге жауапты құрылымдық бөлімше Есеп комитеті мүшесінің қызметтік жазбасын алған күннен бастап бір жұмыс күні ішінде осы Қағиданың 97-тармағында көзделген растаушы құжаттар болғанда, әкімшілік іс жүргізуді қозғаудың орындылығы туралы сараптамалық қорытынды жасайды, орындылығы танылған жағдайда, әкімшілік құқық бұзушылық туралы хаттама ресімдейді.
      229. Әкімшілік құқық бұзушылық туралы хаттама толтырылған кезден бастап үш тәулік ішінде Есеп комитетінің мүшесі әкімшілік іс материалдарын тиісті сотқа жолдайды.
      Ескерту. 229-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.
      230. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      230-1. Сапаны бақылауды жүргізуге жауапты құрылымдық бөлімше жартыжылдықтың қорытындылары бойынша есепті кезеңнен кейінгі екінші айдың 20-күнінен кешіктірмей, Есеп комитетінің Төрағасына бақылау іс-шаралары материалдарының сапасын бақылаудың нәтижелері туралы, сондай-ақ бақылау қорытындылары бойынша Есеп комитетінің шешімдерін орындаудың сапасы бойынша жинақталған ақпаратты ұсынады.
      Ескерту. 230-1-тармақпен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      231. Есеп комитеті Төрағасының шешімі қабылданған күннен бастап үш жұмыс күні ішінде Есеп комитетінің мүшесі бақылау объектісін Есеп комитетінің шешімін бақылаудан алып тастау не оның орындалуын жалғастыру туралы хабардар етеді, құжат айналымына жауапты құрылымдық бөлімше Есеп комитеті мүшесінің Есеп комитеті Төрағасының бұрыштамасы қойылған қызметтік жазбасын және бақылау объектілерінің Есеп комитеті шешімдерінің орындалғаны жөніндегі ақпаратын ЕК ААЖ базасына енгізуді жүзеге асырады.
      232. Есеп комитеті Төрағасының Есеп комитетінің шешімін бақылаудан алып тастау туралы немесе оның орындалуын жалғастыру туралы бұрыштамасы қабылданған күннен бастап бір жұмыс күні ішінде жоспарлауға жауапты құрылымдық бөлімше Есеп комитеті шешімдерінің орындалуын мониторингілеуді жүзеге асырады.
      233. Қажет болған жағдайда, Қаулының (Ұсынымның) орындалу барысы туралы мәселені талқылау Есеп комитетінің отырысына шығарылады, оны қараудың қорытындысы бойынша тиісті шешім қабылданады.
      Ескерту. 233-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

2-параграф. Шешімдердің орындалуын постбақылау

      234. Есеп комитетінің мүшесі бақылау объектісінен Қаулының (Ұсынымның) толық орындалуы туралы қорытынды ақпаратты алған күннен кейін бір жұмыс күні ішінде, Қаулының (Ұсынымның) қандай да бір тармақтары орындалмаған және (немесе) ұсынылған қорытынды ақпарат анық болмаған жағдайда, Есеп комитеті Төрағасының атына өткізілетін уақытын келісе отырып, Есеп комитеті шешімдерінің орындалуына бақылау жүргізу (бұдан әрі – постбақылау) туралы қызметтік жазба дайындайды.
      235. Постбақылау жүргізу туралы шешімді Есеп комитетінің Төрағасы қабылдайды.
      236. Постбақылау мынадай тәсілдердің бірі:
      1) Қаулылар (Ұсынымдар) шешімдерінің орындалу толықтығы мен анықтығына постбақылау объектісіне бару арқылы тексеру жүргізу;
      2) постбақылау жүргізу мәселелерін постбақылау объектісі бақылау объектісі болып табылатын бақылау іс-шарасының бағдарламасына енгізу бойынша жүзеге асырылуы мүмкін.
      237. Постбақылауды жүргізу Есеп комитетінің жүргізілген бақылауға жауапты мүшесінің Тапсырмасы негізінде жүзеге асырылады, оның қорытындылары бақылау актісімен ресімделеді.
      238. Постбақылау іс-шарасын жүргізудің, Есеп комитетінің Қаулысын (Ұсынымын) орындамағаны немесе тиісінше орындамағаны үшін постбақылау объектісінің лауазымды адамдарына шара қолдану туралы әкімшілік хаттаманың жобасымен бірге (қажет болған жағдайда) Есеп комитеті шешімдерінің орындалуы туралы қорытындыны дайындаудың және оны сапаны бақылауға жауапты құрылымдық бөлімшеге сараптамаға жіберудің мерзімі он жұмыс күнінен аспауы тиіс.
      239. Сапаны бақылауға жауапты құрылымдық бөлімше Есеп комитеті шешімдерінің орындалуы туралы қорытындының бұрыштамасы жобасымен бірге сараптамалық қорытындыны дайындап, Есеп комитетінің Төрағасына жіберуді екі жұмыс күні ішінде жүргізеді.
      240. Есеп комитетінің Төрағасы сапаны бақылауға жауапты құрылымдық бөлімше дайындаған сараптамалық қорытындының негізінде Есеп комитетінің шешімдерін бақылаудан толық алып тастау не оның жекелеген тармақтарының орындалуын жалғастыру туралы шешім қабылдайды.
      241. Есеп комитеті Төрағасының бақылаудан алып тастау не оның орындалу барысын бақылауды жалғастыру туралы қарары қабылданғаннан кейін бір жұмыс күні ішінде Есеп комитеті мүшесінің және жоспарлауға жауапты құрылымдық бөлімшенің назарына жеткізіледі.
      242. Есеп комитетінің мүшесі Есеп комитеті Төрағасының қарарын алғаннан кейін үш жұмыс күні ішінде бақылау объектісіне Есеп комитеті шешімінің бақылаудан толық алынып тасталғаны немесе оның орындалуының жалғастырылғаны туралы хабарлама жолдайды.
      243. Жүргізілген постбақылаудың нәтижелері бойынша Есеп комитеті Төрағасының бұрыштамасы алынған қорытынды, сондай-ақ бақылау объектісінің ақпараты ЕК ИАЖ-ға енгізіледі.
      Ескерту. 243-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

7. Қорытынды ережелер 1-параграф. Бақылау іс-шараларының қорытындыларын бұқаралық
ақпарат құралдарында жария ету

      244. Есеп комитетінің бақылауға жауапты мүшесі бақылау тобының жетекшісімен бірлесіп, жұртшылықпен байланыстарға жауапты құрылымдық бөлімше дайындаған бақылау іс-шарасы қорытындыларының баспасөз релизі жобасын Есеп комитетінің отырысы өткізілген күнге дейін бес жұмыс күні ішінде пысықтайды.
      245. Жұртшылықпен байланыстарға жауапты құрылымдық бөлімше Есеп комитетінің бақылау іс-шарасының қорытындыларын қарау жөніндегі отырысына дейін бір жұмыс күнінен кешіктірмей, Есеп комитетінің интернет-ресурсына отырыс туралы анонстарды орналастырады.
      246. Есеп комитетінің бақылау іс-шарасының қорытындыларын қарау жөніндегі отырысы өткізілген соң жұртшылықпен байланыстарға жауапты құрылымдық бөлімше тиісті Қаулыға қол қойылған күннен бастап үш күннен кешіктірмей, Есеп комитетінің интернет-ресурсына тиісті баспасөз релизін орналастырады және (немесе) Есеп комитетінің Төрағасымен келісе отырып, бұқаралық ақпарат құралдарының өкілдері алдында Есеп комитетінің ресми өкілінің сөз сөйлеуін ұйымдастырады.
      247. Есеп комитетінің жауапты мүшесінің мемлекеттік және қызметтік құпияны қамтымайтын қорытындысымен қоса, сондай-ақ шектеулі таралымды қызметтік ақпарат (қызмет бабында пайдалану үшін) толығымен немесе одан алынған үзінділер түрінде Есеп комитетінің бюллетенінде жарияланады. Қажет болған жағдайда, қаулылар Есеп комитетінің интернет-ресурсына орналастырылады.

2-параграф. Бақылау материалдарын есепке алу

      248. Есеп комитетінің қаулысына қол қойылғаннан кейін бес жұмыс күні ішінде Есеп комитетінің бақылауға жауапты мүшесі және бақылау тобының жетекшісі бақылау материалдарын (бақылау жоспарының, бағдарламасының, жұмыс жоспарларының, тапсырмалардың түпнұсқаларын, сараптамалық қорытындыны, жүргізілген бақылаудың нәтижелері бойынша Есеп комитетінің бақылауға жауапты мүшесі қол қойған қорытындыны, Жиынтық тізілімді, Есеп комитетінің Төрағасы қол қойған Есеп комитетінің қаулысын, отырыстың хаттамасын) құжат айналымына жауапты құрылымдық бөлімшеге бақылау материалдары бар жинақ папканы толықтырып, кейіннен мұрағатқа өткізу үшін тапсырады, бақылау материалдарының электрондық нұсқалары ЕК ИАЖ-ның электрондық мұрағатына енгізіледі.
      Ескерту. 248-тармақ жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.
      249. Мемлекеттік құпияларды қамтитын бақылау материалдары ескеріліп, Қазақстан Республикасында құпиялылық режимін қамтамасыз ету жөніндегі заңнамамен бекітілген талаптарға сәйкес сақталады.
      250. Әкімшілік құқық бұзушылықтар туралы істерді қарайтын уәкілетті органдарға іс жүргізу шешімін қабылдау үшін жолданған әкімшілк материалдардың көшірмелері құқықтық қамтамасыз етуге жауапты құрылымдық бөлімшеде сақталып, жеке журналда тіркеледі. Сақтауға өткізілген әкімшілік материалдардың көшірмелері Есеп комитетінің жалпы хат-хабарларынан бөлек сақталады.

Есеп комитетінің      
сыртқы мемлекеттік қаржылық
бақылауды жүргізу қағидасына
1-қосымша        

нысан

      Ескерту. 1-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау объектілерінің республика бойынша бірыңғай ақпараттық деректер базасы
(республикалық бюджеттік бағдарламалар әкімшілері бойынша ақпарат)

Кестенің жалғасы:

Бақылау объектілерінің республика бойынша бірыңғай ақпараттық
деректер базасы
(бағдарламалық құжаттардың іске асырылуы бойынша ақпарат)

                                                        млн. теңгемен

      * – мемлекеттік органдардың стратегиялық жоспарлары бойынша толтырылмайды.

Есеп комитетінің     
сыртқы мемлекеттік қаржылық
бақылауды жүргізу қағидасына
1-1-қосымша      

нысан

      Ескерту. 1-1-қосымшамен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

20__ жылы республикалық бюджеттен бөлінген қаражаттың (нысаналы
трансферттердің, кредиттердің) жұмсалуы туралы мәлімет

                                                            мың теңге

    Есеп комитетінің    
сыртқы мемлекеттік қаржылық
бақылауды жүргізу қағидасына
2-қосымша       

нысан

      Ескерту. 2-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау іс-шарасын жүргізуге өтінім

Негіздеме:___________________________________________________________

Аталған бағыт бойынша алдыңғы тексеру туралы мәлімет:________________
_____________________________________________________________________

Есеп комитетінің    
сыртқы мемлекеттік қаржылық
бақылауды жүргізу қағидасына
2-1-қосымша      

Бақылау іс-шараларын жүргізу мерзімдерін нормалау жөніндегі
әдістемелік ұсынымдар

      Ескерту. 2-1-қосымшамен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

1. Жалпы ережелер

      1. Бақылау іс-шараларын жүргізу мерзімдерін нормалау жөніндегі әдістемелік ұсынымдар (бұдан әрі – Әдістемелік ұсынымдар) Республикалық бюджеттің атқарылуын бақылау жөніндегі есеп комитеті (бұдан әрі – Есеп комитеті) бақылаушыларының мыналарды:
      бақылау-талдамалық және талдамалық іс-шараларды;
      шет елдердің мемлекеттік қаржылық бақылау органдарымен жүргізілетін бірлескен немесе қосарлас іс-шараларды;
      басқа мемлекеттік органдармен бірлесіп жүргізілетін бақылау іс-шараларын;
      бір бақылау объектісі бойынша бақылау іс-шараларын қоспағанда, жұмыс уақытын тиімді пайдалану үшін қажетті еңбек шығындарының нормативін айқындау мақсатында қолданылады.
      2. Осы Әдістемелік ұсынымдарда мынадай анықтамалар мен ұғымдар пайдаланылады:
      1) бақылаушы-күн – бақылаушылар санын бақылау іс-шарасын жүргізу күндерінің санына көбейту арқылы есептелетін, бір бақылаушы үшін бір күн ішінде бақылау іс-шарасын жүргізуге жұмсалатын уақыттың өлшем бірлігі;
      2) мәлімделген норматив – Есеп комитеті мүшесінің бақылау іс-шарасын жүргізуге арналған өтінімінде (бұдан әрі – өтінім) айқындалған бақылау іс-шарасын жүргізу үшін қажетті бақылаушылар-күндер саны;
      3) есептік норматив – осы Әдістемелік ұсынымдарда есептеу негізінде айқындалған, бақылау іс-шарасын жүргізу үшін қажетті бақылаушылар-күндер саны.

2. Бақылау іс-шараларын жүргізу мерзімдерін нормалаудың
әдістемелік негіздері

      3. Әдістемелік ұсынымдар тәжірибелік-статистикалық әдістің негізінде әзірленді, ол өткен кезеңдердің серпінді қатарларын ескере отырып, жалпы алғанда түпкілікті өнімнің бірлігіне жұмсалатын жұмыс уақытының шығындарын айқындайды.
      Осы әдіс алдыңғы кезеңдердегі бақылау іс-шараларын жүргізуге арналған еңбек шығындары туралы нақты деректерді тәжірибелік-статистикалық талдау негізінде бақылау іс-шараларын жүргізу мерзімдерінің нормативін белгілейді.
      4. Әдістемелік ұсынымдарда тарихи деректер негізінде болжаудың тәжірибелік-статистикалық әдісінің негізгі құралдарының бірі болып табылатын регрессиялық талдау қолданылды.
      Бақылау іс-шараларын жүргізу мерзімдерінің есептік нормативін айқындау мақсатында көптік регрессия қолданылды, ол бір ғана тәуелді айнымалы мен бірнеше тәуелсіз айнымалы арасындағы байланысқа талдау жасауды қамтиды.
      Көптік регрессия теңдеуінің жалпы формуласы мынадай:

y₀ = a₁x₁+a₂x₂…+ a_nx_n+a₀,, мұнда: (1)

      y0 – бақылаушылар-күндерге шаққандағы есептік норматив (тәуелді айнымалы);
      a₁, a₂, a₃, …, a_n - регрессияның коэффициенттері;
      x₁, x₂, x₃, …, x_n – тәуелсіз айнымалылар;
      a₀ – егер барлық тәуелсіз айнымалылар (х) нөлге тең болса, тәуелді айнымалының (у) шамасын көрсететін регрессия константасы.
      Осы теңдеу тәуелсіз айнымалыларды оны өлшеудің бір бірлігіне өзгерткен жағдайда (x₁, x₂, x₃, …, xn) алынған нәтиженің (у) орташа мәнін көрсетеді. Регрессия коэффициенттері (a₁, a₂, a₃, …, an) тәуелсіз айнымалылар (х) бір бірлікке өзгерген жағдайда, алынған нәтиженің (у) мәні орта есеппен қанша бірлікке өзгеретінін көрсетеді.
      5. Регрессиялық талдаудың негізгі міндеттері:
      х және у айнымалылары үшін қолда бар статистикалық деректер бойынша a₁, a₂, a₃, …, an регрессиясының белгісіз ең жақсы коэффициенттерін табу;
      статистикалық гипотезаларды және модельдердің барабарлығын тексеру болып табылады.
      6. Көптік регрессия құрылысының негізгі кезеңдері – тарихи шығыс деректердің жинақталуы, тәуелді айнымалыға және регрессия коэффициенттерін есептеуге ықпал ететін анағұрлым елеулі тәуелсіз айнымалыларды (факторларды) іріктеу болып табылады.
      7. Бақылау іс-шарасы мерзімінің есептік нормативі үстеме бақылау объектілерінің саны ескеріле отырып түзетіледі және мынадай формула бойынша есептеледі:

y₁ = y₀ + (үстеме бақылау объектілерінің саны*5) ⁽¹⁾, мұнда: (2)

      y₁ – үстеме бақылау объектілерінің саны ескеріле отырып, бақылаушылар/күндерге шаққандағы түзетілген норматив;
      ⁽¹⁾ – үстеме бақылаудың 100 актісін мониторингтеу нәтижелері бойынша бір бақылау объектісінде үстеме бақылау жүргізудің «5» бақылаушы-күнге тең келетін орташа ұзақтығы белгіленді.
      8. Бақылау іс-шарасы мерзімінің есептік нормативі облыс орталықтарынан, Астана, Алматы қалаларынан тыс жерлерде орналасқан бақылау объектілеріне дейінгі жолға жұмсалған уақытты ескере отырып түзетілуі мүмкін және мынадай формула бойынша есептеледі:

y₂ = y₁ + (бақылау объектілеріне дейін жол жүруге қажетті күндер саны *бақылаушылар саны), мұнда: (3)

      y₂ – бақылау объектілеріне дейін жол жүруге жұмсалған уақытты ескере отырып, бақылаушылар-күндерге шаққандағы түзетілген норматив.
      9. Бақылаушылар-күндерге шаққандағы бақылау іс-шарасы мерзімінің нормативі (y₂) қорытынды мән болып табылады.
      10. Бақылау іс-шарасын жүргізу мерзімі бақылау іс-шарасына тартылатын бақылаушылардың санына қарай мынадай формула бойынша түзетілуі мүмкін:

бақылау іс-шарасын жүргізу мерзімі = y₂ / бақылаушылар саны. (4)

      11. Бақылау іс-шарасы мерзімі нормативінен ауытқу бақылаушылар-күндерге (y₂) шаққандағы түзетілген норматив пен мәлімделген нормативтің айырмасы негізге алына отырып айқындалады, бұл ретте шамалардың мынадай:
      «Мемлекеттік органдарды бақылау» деген 1-санат үшін – 7%-дан аспайтын;
      «Бағдарламалық құжаттарды және өңірлерді бақылау» деген 2-санат үшін - 12%-дан аспайтын;
      «Квазимемлекеттік сектор субъектілерін бақылау» деген 3-санат үшін – 15%-дан аспайтын ауытқуларына жол беріледі.

3. Бақылау іс-шарасын жүргізу мерзімінің нормативін есептеу

      12. Регрессиялық талдау 2009 – 2015 жылдары жүргізілген 175 бақылау іс-шарасы бойынша жинақталған тарихи шығыс деректердің негізінде жасалды.
      Корреляциялық талдаудың көмегімен бақылау іс-шараларын жүргізу кезінде жұмыстар көлеміне елеулі ықпал ететін көрсеткіштер айқындалды: x₁ – бақылау үлгісі, x₂ – бюджеттік бағдарламалар саны, x₃ – бақылаумен қамтылатын сома, x₄ – бақылау объектілерінің саны.
      13. Сапалы деректер алу үшін ұйымдастырушылық және мазмұндық ерекшеліктерді ескере отырып, бақылау іс-шаралары мынадай:
      1) мемлекеттік органдарды бақылау;
      2) бағдарламалық құжаттарды және өңірлерді бақылау;
      3) квазимемлекеттік сектор субъектілерін бақылау санаттарына бөлінген.
      14. Әр санат бойынша қажетті тәуелсіз айнымалылар үшін а_0–4 регрессия коэффициенттері (бақылау үлгісі, бюджеттік бағдарламалар саны, бақылаумен қамтылған сома және бақылау объектілерінің саны) есептелді.
      15. х_0–4 тәуелсіз айнымалылары Есеп комитеті мүшелерінің бақылау іс-шараларын жүргізуге арналған өтінімдерінің негізінде айқындалады.

1-параграф. Мемлекеттік органдарды бақылау

      16. «Мемлекеттік орган» санаты бойынша бақылау іс-шарасы мерзімінің нормативін есептеу үшін (1) формула қолданылады, мұнда:
      y₀ – бақылаушылар-күндерге шаққандағы есептік норматив (тәуелді айнымалы);
      x₁ – бақылау үлгісі (егер тиімділікті бақылау болса – «1», сәйкестікке бақылау жасау болса – «0»);
      x₂ – бюджеттік бағдарламалар саны;
      x₃ – бақылаумен қамтылуы жоспарланатын сома (млн. теңгемен);
      x₄ – бақылау объектілерінің саны.
      Жүргізілген регрессиялық талдау нәтижесінде аталған санат бойынша көптік регрессияның мынадай коэффициенттері алынды:
      регрессия константасы (а₀) – 39,5346686;
      бақылау үлгісі үшін (a₁) – 81,49105794;
      бюджеттік бағдарламалар саны үшін (a₂) – 9,083999718;
      бақылаумен қамтылуы жоспарланатын сома үшін (a₃) – 0,000379523;
      бақылау объектілерінің саны үшін (a₄) – 12,47686023.
      Регрессия коэффициенттері мен тәуелсіз айнымалыларды ескере отырып, (1) формула мынадай түрге өзгереді:

y₀ = 81,49105794 * x₁ + 9,083999718 * x₂ + 0,000379523 * x₃ + 12,47686023 * x₄ + +39,5346686.

2-параграф. Бағдарламалық құжаттарды және өңірлерді бақылау

      17. «Бағдарламалық құжаттар және өңірлер» санаты бойынша бақылау іс-шарасы мерзімінің нормативін есептеу үшін (1) формула қолданылады, мұнда:
      y₀ – бақылаушылар-күндерге шаққандағы есептік норматив (тәуелді айнымалы);
      x₁ – бақылау үлгісі (егер тиімділікті бақылау болса – «1», сәйкестікке бақылау жасау болса – «0»);
      x₂ – бақылаумен қамтылуы жоспарланатын сома (млн. теңгемен);
      x₃ – бақылау объектілерінің саны.
      Жүргізілген регрессиялық талдау нәтижесінде аталған санат бойынша көптік регрессияның мынадай коэффициенттері алынды:
      регрессия константасы (а₀) – 237,628189;
      бақылау үлгісі үшін (a₁) – 49,02809199;
      бақылаумен қамтылуы жоспарланатын сома үшін (a₂) – 0,000790617;
      бақылау объектілерінің саны үшін (a₃) – 6,04196228;
      Регрессия коэффициенттерін және тәуелсіз айнымалыларды ескере отырып, (1) формула мынадай түрге өзгереді:

y₀ = 49,02809199 * x₁ + 0,000790617 * x₂ + 6,04196228 * x₃ + 237,628189.

      18. Аталған санаттың бақылаумен қамтылуы жоспарланатын 150 млрд.-тан астам теңге көлеміндегі қаражаты бар бақылау іс-шаралары бойынша мерзімнің нормативін есептеу үшін (а₂) коэффициенті – 0,001027802 қолданылады.

3-параграф. Квазимемлекеттік сектор субъектілерін бақылау

      19. «Квазимемлекеттік сектор субъектілерін бақылау» санаты бойынша бақылау іс-шарасы мерзімінің нормативін есептеу үшін (1) формула қолданылады, мұнда:
      y₀ – бақылаушылар-күндерге шаққандағы есептік норматив (тәуелді айнымады);
      x₁ – бақылау үлгісі (егер тиімділікті бақылау болса – «1», сәйкестікке бақылау жасау болса – «0»);
      x₂ – бақылаумен қамтылуы жоспарланатын сома (млн.теңгемен);
      x₃ – бақылау объектілерінің саны.
      Жүргізілген регрессиялық талдау нәтижесінде аталған санат бойынша көптік регрессияның мынадай коэффициенттері алынды:
      регрессия константасы (а₀) – 83,86584;
      бақылау үлгісі үшін (a₁) – 48,49393;
      бақылаумен қамтылуы жоспарланатын сома үшін (a₂) – 0,0001127;
      бақылау объектілерінің саны үшін (a₃) – 7,25511;
      Регрессия коэффициенттерін және тәуелсіз айнымалыларды ескере отырып, (1) формула мынадай түрге өзгереді:

y₀ = 48,49393 * x₁ + 0,0001127 * x₂ + 7,25511 * x₃ + 83,86584.

4. Бақылау іс-шарасы мерзімінің нормативін қолдану

      20. Бақылау іс-шарасы мерзімінің нормативін есептеуді жоспарлауға жауапты құрылымдық бөлімше осы Әдістемелік ұсынымдардың 7-11-тармақтарына сай, Есеп комитеті мүшелері бақылау іс-шарасын жүргізуге арналған өтінімдерді (бұдан әрі – өтінім) ЭҚАБЖ бойынша ұсынған күнінен бастап екі жұмыс күні ішінде жүзеге асырады.
      21. Бақылау іс-шарасын жүргізу мерзімінің нормативін есептеудің қорытындысы бойынша мәлімделген нормативтен есептік норматив ауытқыған жағдайда, жоспарлауға жауапты құрылымдық бөлімше екі жұмыс күні ішінде бақылау жүргізуге жауапты Есеп комитетінің мүшесімен және құрылымдық бөлімшемен бірлесіп, бақылау іс-шарасы мерзімдерін есептік нормативке сәйкес келтіру бойынша жұмыстар жүргізеді.
      22. Есептік нормативтен рұқсат берілетін ауытқудан асып кеткен мәлімделген нормативтің мерзімдері бар бақылау іс-шаралары оларды жүргізу мерзімдерінен ауытқудың дәлелденген негіздемелері көрсетіле отырып, Есеп комитеті мүшелерінің қызметтік жазбаларының негізінде Есеп комитеті Төрағасының шешімі бойынша жүргізіледі.
      23. Есеп комитетінің Төрағасы мақұлдаған Есеп комитеті мүшелерінің қызметтік жазбалары өтініммен бірге бақылау іс-шаралары жоспарына қосу үшін жоспарлауға жауапты құрылымдық бөлімшеге жіберіледі.
      24. Есеп комитетінің Төрағасы Есеп комитеті мүшелерінің негіздемелерін қабылдамаған жағдайда, бақылау іс-шараларын жүргізу мерзімдері бақылау іс-шаралары жоспарына рұқсат берілетін ауытқулар ескеріле отырып, есептік норматив шегінде енгізіледі.
      25. Алдын ала зерделеу қорытындысы бойынша және бақылау іс-шарасын жүргізу барысында осы Әдістемелік ұсынымдардың 12-тармағында айқындалған бақылау көрсеткіштері өзгерген жағдайда, бақылау іс-шараларының мерзімдері осы Әдістемелік ұсынымдардың 20-24-тармақтарына сай, есептік нормативке сәйкестігіне қайта қарауға жатады.

Есеп комитетінің сыртқы мемлекеттік
қаржылық бақылау жүргізу қағидасына
3-қосымша                         

нысан

Кезекті жылға арналған бақылау жұмысының жоспары 

Есеп комитетінің     
сыртқы мемлекеттік қаржылық
бақылауды жүргізу қағидасына
3-1-қосымша       

нысан

      Ескерту. 3-1-қосымшамен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

______ жылы бақылау жүргізілуі жоспарланған бақылау
объектілерінің және бюджеттік бағдарламалардың тізбесі

кестенің жалғасы

      Ескертпе:
      «Іс-шаралардың атауы» деген 2-бағанда жоспарланатын бақылау іс-шарасының атауы көрсетіледі;
      «Бақылау үлгісі» деген 3-бағанда бақылаудың тиісті үлгісі: сәйкестікке бақылау жасау, қаржылық есептілікті бақылау, тиімділікті бақылау көрсетіледі;
      «Бақылау түрі» деген 4-бағанда бақылаудың тиісті түрі: кешенді бақылау, тақырыптық бақылау, үстеме бақылау, бірлескен бақылау, қосарлас бақылау көрсетіледі;
      «Бақылау объектілерінің атауы» деген 5-бағанда бақылаумен қамтылуы жоспарланатын бақылау объектілері көрсетіледі;
      «Бақылау объектілерін бақылаумен қамту кезеңі» деген 6-бағанда бақылау объектілерін бақылаумен қамтудың жоспарланатын кезеңі көрсетіледі (басталу күні – аяқталу күні);
      «Бюджет деңгейі» деген 7-бағанда есебінен бақылау объектісін, оның ішінде квазимемлекеттік сектор субъектілерін қаржыландыру жүргізілетін бюджет деңгейі (республикалық, жергілікті) көрсетіледі;
      «Бақылау іс-шарасына қатысатын басқа да мемлекеттік қаржылық бақылау органдары» деген 8-бағанда айқындалған бақылау объектісіне бірлескен немесе қосарлас бақылау жүргізу кезінде қатысуы жоспарланған мемлекеттік қаржылық органдары көрсетіледі;
      «Бюджеттік бағдарламаның, мемлекет активтерінің атауы мен нөмірі» деген 9-бағанда бюджеттік бағдарламаның, мемлекет активтерінің атауы мен нөмірі көрсетіледі;
      10, 11, 12-бағандарда 9-бағанда айқындалған бюджеттік бағдарламалар бөлінісінде жылдар бойынша бақылаумен қамтылуы жоспарланатын сома, мемлекет активтерінің құны көрсетіледі;
      «Барлығы» деген 13-бағанда жиынтық сома көрсетіледі.

Есеп комитетінің     
сыртқы мемлекеттік қаржылық
бақылауды жүргізу қағидасына
4-қосымша        

Бақылау объектісінің қызметін алдын ала зерделеу барысында
зерделенетін мәселелердің үлгі тізбесі*

      Ескерту. 4-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Ескертпе:
      * Осы тізбе толыққанды болып табылмайды. Бақылау барысында қосымша құжаттар және (немесе) ақпарат сұратылуы мүмкін.
      ** «Сәйкестікке бақылау жасау» үлгісі бойынша алдын ала зерделеу кезінде жалпы мәселелер және осы үлгіге жататын бақылаудың тиісті мақсаты бойынша қосымша мәселелер зерделенеді.
      *** «Тиімділікті бақылау» үлгісі бойынша алдын ала зерделеу кезінде жалпы мәселелер және осы үлгіге жататын бақылаудың тиісті мақсаты бойынша қосымша мәселелер зерделенеді.

Есеп комитетінің    
сыртқы мемлекеттік қаржылық
бақылауды жүргізу қағидасына
5-қосымша       

нысан

      Ескерту. 5-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау объектісін алдын ала зерделеу үшін құжаттар мен ақпарат
сұрату

_____________________________________________________________________
мемлекеттік органның немесе ұйымның атауы

      Есеп комитетінің 20__ жылғы ____-тоқсанға арналған жұмыс
жоспарына сәйкес,____________________________________________________
(бақылау объектісінің атауы, бақылаудың мақсаты мен мәні көрсетіледі)
_________ ________________ аралығында бақылау жүргізу көзделген.
(бақылаудың ұзақтығы көрсетіледі)
      Осыған байланысты, Қазақстан Республикасы Бюджет кодексінің
146-бабының 2-тармағына сәйкес_______________________________________
                             (мәселелердің үлгі тізбесіне сай қажетті
__________________________________________ туралы ақпаратты растайтын
мәліметтер мен құжаттама тізбесі көрсетіледі)
құжаттарымен бірге ұсынуларыңызды сұраймыз.
      Сұратылған ақпарат пен құжаттардың көшірмелерін
___________________________________ дейін қағаз түрінде немесе
(құжаттаманы ұсыну күні көрсетіледі)
электрондық почта арқылы ұсыну қажет.

      Есеп комитетінің мүшесі                  ______________________
                                               (қолы, аты-жөні, тегі)

      Орындаушының аты-жөні, тегі
      (телефоны, электрондық почтасының мекенжайы)

      *Ескертпе: Бақылау объектілерін алдын ала зерделеу үшін
құжаттар мен ақпарат сұрату Есеп комитетінің ресми бланкісінде
ресімделеді.

Есеп комитетінің    
сыртқы мемлекеттік қаржылық
бақылауды жүргізу қағидасына
6-қосымша       

нысан

Республикалық бюджеттің    
атқарылуын бақылау жөніндегі
есеп комитетінің мүшесі    

______________________________
Аты-жөні, тегі       

      Ескерту. 6-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау объектілерін алдын ала зерделеу нәтижелері туралы
ақпарат

      1. Бақылау объектілерін алдын ала зерделеу барысында___________
                                                          (бақылау
_____________________________________________________________________
                        объектілерінің атауы)
_____________________________________________________________________
                    (бақылаудың мақсаты көрсетіледі)
жүргізуге маңызы бар мынадай құжаттар зерделенді:
      1) ____________________________________________________________
      (зерделенген құжаттардың, есептердің, алдыңғы бақылау
актілерінің және басқа да ақпараттың, соның ішінде қаржыландырудың
бекітілген сомаларының тиісті бюджеттік бағдарлама бойынша бөлінуі
мен игерілуін жылдар бөлінісінде көрсете отырып, бақылау объектісінен
алынғандарының тізбесі көрсетіледі)
      2)_____________________________________________________________
      3)_____________________________________________________________
      ...____________________________________________________________
      _______________________________________________________________
      (мемлекеттік (салалық) бағдарламаға, стратегиялық жоспарға
бағалау жүргізген жағдайда, мемлекеттік (салалық) бағдарламаны іске
асыруға арналған жоспарлы шығыстар – қаржыландыру көздері
бөлінісінде, бекітілген сомалар – Бағдарламаны іске асыру жөніндегі
іс-шаралар жоспарына сай, нақты бөлінген және игерілген сомалар –
жылдар бөлінісінде, стратегиялық жоспармен бекітілген бюджеттік
бағдарламалар – қаржыландыру көлемі, нақтыланған, түзетілген және
игерілген сомалары көрсетіле отырып, жылдар бөлінісінде көрсетіледі)

      2. Бақылау объектісін алдын ала зерделеудің және жүргізілген
талдаудың қорытындысы бойынша мыналарды ұсынамыз:
      2.1. Бақылау бағдарламасына:
      1) бақылаумен қамтылатын бюджет қаражаты мен активтердің
көлемі_______________________________________________________________
      (бақылаумен қамтылатын қаражат пен активтер көлемі тексерілетін
жылдар және
____________________________________________________________________;
бюджеттік бағдарламалар бөлінісінде көрсетіледі)
      2) бақылау объектілері және оларды бақылаушылар арасында бөлу,
кешенді, қосарлас және бірлескен бақылау жүргізілген жағдайда,
мемлекеттік органдар мен мемлекеттік қаржылық бақылау органдарының
арасында бөлу:
____________________________________________________________________;
      3) зерделенген бақылау объектілеріне қатысты қолданылатын
бақылау түрі мен үлгісі:___________________________________________;
      4) бақылау мәселелері:_______________________________________.
      (болған жағдайда бақылаудың ықтимал мәселелерінің тізбесі,
соның ішінде тиімділікті бақылауды жүргізу кезінде критерийлер
көрсетіледі)
енгізілсін.

      2.2. Бақылау іс-шарасынан мынадай негіздер ____________________
                                          (тиісті негіздерді көрсету)
бойынша __________________________________________ бақылау объектісі
                (бақылау объектісінің атауы)
алынып тасталсын (енгізілсін).
      2.3. Бақылау іс-шараларын жүргізу мерзімі мынадай негіздер ____
______________________________________________ бойынша қайта қаралсын
(ұлғайтылсын/ қысқартылсын).

      Бақылау тобының жетекшісі             _________________________
                                             (қолы, аты-жөні, тегі)
      Бақылау тобының қатысушылары         __________________________
                                             (қолы, аты-жөні, тегі)

      Ескертпе: қажет болған жағдайда, 2.1,2.2, 2.3-тармақтар толтырылады.

Есеп комитетінің           
сыртқы мемлекеттік қаржылық
бақылауды жүргізу қағидасына
7-қосымша                  

Алдын ала зерделеу жүргізу туралы хабарлама

      Ескерту. Алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Есеп комитетінің     
сыртқы мемлекеттік қаржылық
бақылауды жүргізу қағидасына
7-1-қосымша      

нысан

_________________________________
мемлекеттік органның      
немесе ұйымның атауы      

      Ескерту. 7-1-қосымшамен толықтырылды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулыларымен.

Бақылау жүргізу туралы хабарлама

      Есеп комитетінің 20_ жылғы ____-тоқсанға арналған жұмыс
жоспарына сәйкес, ___________________________ аралығында ____________
(бақылаудың ұзақтығы көрсетіледі) (бақылаудың мақсаты мен
___________________________________ бақылау жүргізілетін болады.
         мәні көрсетіледі)
      Бақылау жүргізуге және жауапты лауазымды адамдарды белгілеуге
жәрдем көрсетулеріңізді, бақылау жүргізуге кедергі
келтірмеулеріңізді, қажетті жағдай жасауларыңызды, дайындық
жұмыстарын жүзеге асыруларыңызды, қызметкерлерді жұмыс орындарымен
және барлық сұратылған ақпаратпен қамтамасыз етулеріңізді сұраймыз.

      Есеп комитетінің мүшесі                 _______________________
                                               (қолы, аты-жөні, тегі)

      Ескертпе: Бақылау жүргізу туралы хабарлама Есеп комитетінің
ресми бланкісінде ресімделеді.

Есеп комитетінің     
сыртқы мемлекеттік қаржылық
бақылауды жүргізу қағидасына
8-қосымша        

нысан

Бекітемін                  
Республикалық бюджеттің    
атқарылуын бақылау жөніндегі
есеп комитетінің Төрағасы  
_____________ ______________
20___ жылғы «___»___________

      Ескерту. 8-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау жүргізу
жоспары

      Бақылау негізі: _______________________________________________
      Бақылау мақсаты: ______________________________________________
      Бақылау үлгісі: _______________________________________________
      Бақылау түрі:__________________________________________________
      Бақылау объектілері және жүру бағдарлары:

Бақылаумен қамтылатын қаражат және (немесе) активтер көлемі: ________
Бақылаумен қамтылатын кезең: ________________________________________
Бақылау жүргізу мерзімі: ____________________________________ аралығы
Қажетті ресурстар: __________________________________________________

Есеп комитетінің мүшесі                       _______________________
                                              (қолы, аты-жөні, тегі)

      Ескертпе: бақылау жүргізу жоспарын жасау (бұдан әрі – Бақылау
жоспары).

      Бақылау жоспарында негізгі ұйымдастырушылық мәселелер, бақылау
жүргізудің негізі, бақылау мақсаты, бақылау үлгісі мен түрі, бақылау
объектілері, жүру бағдарлары (іссапарлар), бақылаумен қамтылатын
қаражат көлемі мен кезеңі, жолда жүру уақыты ескеріле отырып, бақылау
жүргізу мерзімі, сондай-ақ оны жүргізуге қажетті ресурстар көрсетіледі:
      1. Бақылау негізі.
      Есеп комитетінің тиісті жылдың тиісті тоқсанына арналған Жұмыс
жоспарына сілтеме жасалады.
      2. Бақылау мақсаты.
      Жоспарланған бақылаудың тақырыбына (бақылау, бақылау-талдамалық
және (немесе) талдамалық іс-шараның атауы) және үлгісіне қарай:
      1) республикалық бюджеттің атқарылуын;
      2) мемлекеттік (салалық) және бюджеттік бағдарламалардың іске
асырылу тиімділігін;
      3) мемлекеттік органдардың стратегиялық жоспарларының іске
асырылуын;
      4) квазимемлекеттік сектор субъектілерінің оларға бөлінген
республикалық бюджет қаражатын пайдалануының қаржы-экономикалық
негіздемеге сәйкестігін;
      5) акциялары (қатысу үлестерi) мемлекетке тиесiлi
квазимемлекеттiк сектор субъектiлерiнiң иелігіндегі активтердi
басқаруының тиiмдiлiгiн;
      6) бюджеттік инвестициялардың тиімділігін;
      7) республикалық бюджетке түсетін түсімдердің толықтығы мен
уақтылылығын, республикалық бюджеттен түсетін түсімдер сомаларының
қайтарылуын, салықтық және кедендік әкімшілік етудің тиімділігін;
      8) республикалық бюджет қаражатын, соның ішінде:
      нысаналы трансферттер мен кредиттерді;
      байланысты гранттарды;
      мемлекеттік және мемлекет кепілдік берген қарыздарды;
      бюджеттік инвестицияларды;
      концессиялық жобаларды бюджеттен қоса қаржыландыруды
пайдаланудың Қазақстан Республикасының заңнамасына сәйкестігін;
      9) мемлекеттің кепілгерліктері мен активтерін пайдаланудың
Қазақстан Республикасының заңнамасына сәйкестігін;
      10) төтенше мемлекеттік бюджеттің атқарылуын;
      11) республикалық бюджет қаражаты мен мемлекет активтерін
пайдалану кезінде Қазақстан Республикасының мемлекеттік сатып алу
туралы заңнамасының сақталуын;
      12) Қазақстан Республикасы Ұлттық қоры қаражатының пайдаланылуын;
      13) Қазақстан Республикасы Ұлттық Банкі активтерін пайдаланудың
Қазақстан Республикасының заңнамасына сәйкестігін;
      14) бақылау объектілерінің есепке алу мен есептілікті
жүргізуінің анықтығы мен дұрыстығын;
      15) мемлекеттік қаржылық бақылау стандарттарының сақталуын;
      16) Қазақстан Республикасының Үкіметіне, мемлекеттік органдарға
және бақылау объектілеріне жіберілген ұсынымдар мен тапсырмалардың
орындалуын;
      17) Есеп комитеті шешімдерінің орындалуын (постбақылау);
      18) басқаларды бақылау және (немесе) бағалау көрсетіледі.
      3. Бақылау үлгісі.
      Жүргізілетін бақылаудың тиісті үлгісі көрсетіледі: сәйкестікке
бақылау жасау, қаржылық есептілікті бақылау, тиімділікті бақылау.
      4. Бақылау түрі.
      Жүргізілетін бақылаудың тиісті түрі көрсетіледі: кешенді,
тақырыптық, үстеме, бірлескен, қосарлас.
      5. Бақылау объектілері және жүру бағдарлары.
      Көрсетілген кестеде:
      1-бағанда – рет саны нөмірі;
      2-бағанда – барлық бақылау объектілерінің, соның ішінде
өңірлердегі бақылау объектілерінің толық атауы;
      3-бағанда – облысты, қаланы көрсете отырып, бақылау
объектісінің орналасқан жері;
      4-бағанда – бақылау объектілері бөлінісінде тексеру мерзімдері;
      5-бағанда – бағдары;
      6-бағанда – бақылау тобына қатысушылардың аты-жөні, тегі,
лауазымы толтырылады.
      6. Бақылаумен қамтылатын қаражат және (немесе) активтер көлемі*.
      Жүргізілетін бақылау іс-шарасы шеңберінде бақылаумен қамтуға
жататын республикалық бюджет қаражатының және (немесе) активтердің
жалпы көлемі көрсетіледі.
      *Осы бөлім республикалық бюджетке түсетiн түсiмдердiң толықтығы
мен уақтылылығына, республикалық бюджеттен түсетiн түсiмдер
сомаларының қайтарылуына, салықтық және кедендiк әкiмшiлiк етудің
тиiмдiлiгiне бақылау жүргізу, талдамалық іс-шара жүргізу кезінде
толтырылмайды.
      7. Бақылаумен қамтылатын кезең.
      Бақылау объектілері қызметінің бақылаумен қамтылатын кезеңі
(күндері, айлары, жылдары) көрсетіледі.
      8. Бақылау жүргізу мерзімі.
      Бақылау жүргізудің басталған және аяқталған күндері көрсетіледі.
      9. Қажетті ресурстар.
      Есеп комитетінің бақылау жүргізуге тартылған қызметкерлерінің
саны көрсетіледі. Мемлекеттік органдардың мамандары, аудиторлық
ұйымдардың қызметкерлері мен сарапшылар тартылған жағдайда, бақылауға
тартылған қызметкерлердің саны және мемлекеттік органның, аудиторлық
ұйымның атауы көрсетіледі.

Есеп комитетінің    
сыртқы мемлекеттік қаржылық
бақылауды жүргізу қағидасына
9-қосымша        

нысан

Бекітемін:                 
Республикалық бюджеттің    
атқарылуын бақылау жөніндегі
есеп комитетінің мүшесі    
_____________ ______________
20___ жылғы «___»___________

      Ескерту. 9-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау жүргізу
бағдарламасы

1. _____________________________________________
(бақылау объектісінің атауы)

Бақылау мақсаты: ____________________________________________________
Бақылау мәні: _______________________________________________________
Бақылау үлгісі: _____________________________________________________
Бақылау түрі: _______________________________________________________
Бақылаумен қамтылатын кезең: ________________________________________
Бақылау жүргізу мерзімі: ____________ ______________________ аралығы
Бақылау тобының құрамы (бақылаушы): _________________________________
Бақылаумен қамтылатын қаражат және (немесе) активтер көлемі:

Бақылау мәселелері: _________________________________________________

2. _____________________________________________
(бақылау объектісінің атауы)

Бақылау мақсаты: ____________________________________________________
Бақылау мәні: _______________________________________________________
Бақылау үлгісі: _____________________________________________________
Бақылау түрі: _______________________________________________________
Бақылаумен қамтылатын кезең: ________________________________________
Бақылау жүргізу мерзімі: ____________ _______________________ аралығы
Бақылау тобының құрамы (бақылаушы): _________________________________
Бақылаумен қамтылатын қаражат және (немесе) активтер көлемі:

      Бақылау мәселелері: ___________________________________________

3. _____________________________________________
(бақылау объектісінің атауы)

Бақылау мақсаты: ____________________________________________________
Бақылау мәні: _______________________________________________________
Бақылау үлгісі: _____________________________________________________
Бақылау түрі: _______________________________________________________
Бақылаумен қамтылатын кезең: ________________________________________
Бақылау жүргізу мерзімі: ____________ ______________________ аралығы
Бақылау тобының құрамы (бақылаушы): _________________________________
Бақылаумен қамтылатын қаражат және (немесе) активтер көлемі:

Бақылау мәселелері: _____________________________________________

...

Бақылау тобының жетекшісі               ________________________
                                         (қолы, аты-жөні, тегі)

Бақылауды жүргізуге жауапты
құрылымдық бөлімшенің
басшысы                                 ______________________
                                         (қолы, аты-жөні, тегі)

      Ескертпе: бақылау жүргізу бағдарламасын (бұдан әрі – Бақылау
бағдарламасы) жасау.
      Бақылау бағдарламасында бақылау объектілері бойынша: бақылау
объектісінің атауы, бақылау мәні, бақылау үлгісі мен түрі, бақылаумен
қамтылатын кезең, бақылау жүргізу мерзімдері, бақылау тобының құрамы
(бақылаушы), бақылаумен қамтылатын қаражат және (немесе) активтер
көлемі, бақылау мәселелері көрсетіледі. Тиімділікті бақылау
жүргізілген жағдайда, Бақылау бағдарламасына тиімділікті бақылау
жүргізілетін бақылау объектілеріне қатысты оны бағалау критерийлері
енгізіледі. Бақылау бағдарламасында бақылау барысында пайдаланылатын
Қазақстан Республикасы нормативтік құқықтық актілерінің, Есеп
комитетінің әдіснамалық құжаттарының тізбесі келтіріледі.
      1. Бақылау объектісінің атауы.
      Реттік нөмірі, бақылау объектісінің атауы көрсетіледі.
      2. Бақылау мақсаты.
      Жоспарланған бақылаудың тақырыбына (бақылау, бақылау-талдамалық
және (немесе) талдамалық іс-шаралар атауы) және үлгісіне қарай, әр
объекті бойынша жеке түрде, осы Қағиданың 50-тармағына сәйкес көрсетіледі.
      3. Бақылау мәні.
      Бақылауға тартылатын бақылау объектісі қызметінің бағыттары осы
Қағиданың 54-тармағына сәйкес көрсетіледі.
      4. Бақылау үлгісі.
      Осы бақылау объектісінде жүргізілетін бақылаудың тиісті үлгісі
көрсетіледі: сәйкестікке бақылау жасау, қаржылық есептілікті бақылау,
тиімділікті бақылау.
      5. Бақылау түрі.
      Осы бақылау объектісінде жүргізілетін бақылаудың тиісті түрі
көрсетіледі: кешенді, тақырыптық, үстеме, бірлескен, қосарлас.
      6. Бақылаумен қамтылатын кезең.
      Бақылау объектісі қызметінің бақылаумен қамтылатын кезеңі
(күндері, айлары, жылдары) көрсетіледі.
      7. Бақылау жүргізу мерзімі.
      Бақылау жүргізудің басталған және аяқталған күндері көрсетіледі.
      8. Бақылау тобының құрамы (бақылаушы).
      Осы бақылау объектісінде бақылауды жүзеге асырып жатқан Есеп
комитеті қызметкер(лер)інің, мемлекеттік органдар мамандарының,
сарапшылардың (олар тартылған жағдайда) аты-жөндері, тектері,
лауазымдары көрсетіледі.
      9. Бақылаумен қамтылатын қаражат көлемі*.
      Көрсетілген кесте бюджеттік бағдарламалар бөлінісінде:
      1-бағанда – рет саны нөмірі;
      2-бағанда – осы бақылау объектісінде бақылауға жататын
бюджеттік бағдарламаның нөмірі мен атауы;
      3-бағанда – бақылау жүргізілетін тиісті жыл, жартыжылдық,
айлардың саны;
      4-бағанда – бақылаумен қамтылатын кезең ескеріле отырып, осы
бюджеттік бағдарлама бойынша бақылауға жататын республикалық бюджет
қаражатының көлемі толтырылады.
      4-бағанның соңында осы бақылау объектісінде бақылауға жататын
республикалық бюджет қаражаты көлемінің жиынтық сомасы көрсетіледі.
      Осы бақылау объектісіне мемлекеттік органдардың мамандары,
аудиторлық ұйымдардың қызметкерлері және сарапшылар тартылған
жағдайда, олардың аты-жөндері, тектері, лауазымдары, мемлекеттік
органның, аудиторлық ұйымның атауы көрсетіледі.
      *Осы бөлім республикалық бюджетке түсетiн түсiмдердiң толықтығы
мен уақтылылығына, республикалық бюджеттен түсетiн түсiмдер
сомаларының қайтарылуына, салықтық және кедендiк әкiмшiлiк етудің
тиiмдiлiгiне бақылау жүргізу, талдамалық іс-шара жүргізу кезінде
толтырылмайды.
      10. Бақылау мәселелері.
      Осы бақылау объектісінде жүргізілетін бақылау мәселелері осы
Қағиданың 56-59-тармақтарына сәйкес көрсетіледі. Тиімділікті бақылау
жүзеге асырылған жағдайда, осы Қағиданың 60-тармағына сәйкес, оны
жүргізудің критерийлері енгізіледі.
      Келесі бақылау объектілері бойынша мәліметтер осындай тәртіппен
толтырылады.
      11. Бақылауды нормативтік құқықтық және әдіснамалық қамтамасыз ету.
      Бақылау барысында пайдаланылатын Қазақстан Республикасы
нормативтік құқықтық актілерінің, Есеп комитетінің әдіснамалық
құжаттарының тізбесі көрсетіле отырып толтырылады (жүргізілетін
бақылау бойынша жалпы бір кесте толтырылады).

Есеп комитетінің    
сыртқы мемлекеттік қаржылық
бақылауды жүргізу қағидасына
10-қосымша       

нысан

Бекітемін:                 
Республикалық бюджеттің    
атқарылуын бақылау жөніндегі
есеп комитетінің мүшесі    
_____________ ______________
20___ жылғы «___»___________

      Ескерту. 10-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау жүргізудің жұмыс жоспары

Есеп комитетінің қызметкері (бақылауға тартылған маман, аудитор)
___________________________________
(аты-жөні, тегі, лауазымы)

Бақылаудың атауы:
_____________________________________________________________________
Бақылау жүргізудің жалпы мерзімі: _______ күн

Бақылауды жүргізуге жауапты құрылымдық бөлімше басшысының
жетекшілік ететін орынбасары ________________________
                              (қолы, аты-жөні, тегі)

Бақылау тобының жетекшісі ________________________
                           (қолы, аты-жөні, тегі)

Есеп комитетінің қызметкері (бақылауға тартылған маман, аудитор)
______________________
(қолы, аты-жөні, тегі)

      Ескертпе: Бақылау жүргізудің жұмыс жоспарын (бұдан әрі – Жұмыс
жоспары) жасау.
      Жұмыс жоспарының жоғарғы бөлігінде «Бақылаудың атауы» деген
жолда бақылау жоспарына сай жүргізілетін бақылаудың атауы көрсетіледі.
      «Бақылау жүргізудің жалпы мерзімі» деген жолда барлық бақылау
объектілерінде бақылау жүргізуге қажетті күнтізбелік күндердің жалпы
саны көрсетіледі.
      Көрсетілген кесте бақылау объектілерінің бөлінісінде:
      1-бағанда – рет саны нөмірі;
      2-бағанда – бақылау объектісінің атауы (Бақылау бағдарламасында
бекітілген деректерге сәйкес келеді);
      3-бағанда – Есеп комитетінің тиісті қызметкері бақылаумен
қамтитын бақылау объектісі қызметінің кезеңі;
      4-баған – Есеп комитетінің қызметкері бақылау объектісінің
орналасқан жеріне іссапарға жіберілген жағдайда, Есеп комитеті
қызметкерінің іссапар мерзімі мен бағдары көрсетіле отырып
толтырылады (Бақылау жүргізу жоспарында бекітілген деректерге сәйкес келеді);
      5-бағанда – осы бақылау объектісінде бақылау жүргізу барысында
Есеп комитетінің қызметкері қамтуы тиіс мәселелер және оларды
қараудың реті көрсетіледі (Бақылау бағдарламасында бекітілген
деректерге сәйкес келеді);
      6-бағанда – бақылау жүргізетін қызметкердің бақылау актісіне
қосу үшін материалдарды беретін күні көрсетіледі. Бақылау объектісіне
бір бақылаушыдан артық шыққан кезде толтырылады.
      7-бағанда бақылау актісін тапсырған күн көрсетіледі.

Есеп комитетінің     
сыртқы мемлекеттік қаржылық
бақылауды жүргізу қағидасына
11-қосымша       

нысан

      Ескерту. 11-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау жүргізуге тапсырма

      Қазақстан Республикасы Бюджет кодексінің 141-бабына және
Республикалық бюджеттің атқарылуын бақылау жөніндегі есеп комитетінің
20__ жылғы __-тоқсанға арналған жұмыс жоспарына сәйкес, _____________
_____________________________________________________________________
(Есеп комитетінің бақылау жүргізу тапсырылған қызметкер(лер)інің
А.Ә.Т. мен лауазымы, бақылау жүргізуге тартылған мемлекеттік органдар
мамандарының, аудиторлық ұйымдар қызметкерлерінің және (немесе)
сарапшылардың А.Ә.Т. көрсетіледі)
_____________________________________________________________________
    (бақылау объектісінің ұйымдық-құқықтық нысаны, толық атауы,
_____________________________________________________________________
оның орналасқан жері, БСН, ЖСН, басшысының А.Ә.Т. көрсетіледі)
____________________________________________________ мәселесі бойынша
(бақылау мәні көрсетіледі)
бақылау жүргізу тапсырылады.

Бақылау мақсаты _______________________________
Бақылау үлгісі ________________________________*
Бақылау түрі __________________________________
Бақылаумен қамтылатын кезең ___________________
Бақылау жүргізу мерзімі ____________________________ аралығы
Есеп комитетінің мүшесі ______________________
                          (қолы, аты-жөні, тегі)
Бақылау мерзімі ____ жылғы «__»_____бастап, ____ жылғы «__»______
дейін ұзартылды.*
Есеп комитетінің Төрағасы _______________________*
                          (қолы, аты-жөні, тегі)
      *Үстеме бақылау жүргізілген кезде көрсетілмейді.

      Ескертпе: Бақылау жүргізуге тапсырма (бұдан әрі – Тапсырма)
жасау.
      Тапсырма мынадай деректерді:
      1) нөмірі мен берілген күнін;
      2) бақылау жүргізудің құқықтық негіздерін;
      3) бақылау (соның ішінде үстеме бақылау) жүргізу тапсырылған
Есеп комитеті қызметкер(лер)інің атын, әкесінің атын (болған
жағдайда), тегін және лауазымын, бақылау жүргізуге тартылған
мемлекеттік органдар мамандарының, аудиторлық ұйымдар
қызметкерлерінің және (немесе) сарапшылардың атын, әкесінің атын
(болған жағдайда), тегін);
      4) бақылау объектісінің ұйымдық-құқықтық нысанын (оның
филиалдары мен өкілдіктерін қоса алғанда), толық атауын, орналасқан
жерін, бизнес-сәйкестендіру нөмірін (бұдан әрі – БСН), жеке
сәйкестендіру нөмірін (бұдан әрі – ЖСН), басшысының атын, әкесінің
атын (болған жағдайда), тегін;
      5) мақсатын (Бақылаудың жоспары мен бағдарламасына сәйкес келеді);
      6) бақылаудың үлгісі мен түрін (Бақылаудың бағдарламасына
сәйкес келеді);
      7) бақылау объектісінде бақылау жүргізудің жоспарланып отырған
мерзімдерін (Бақылаудың бағдарламасына сәйкес келеді);
      8) бақылаумен қамтылатын кезеңді (Бақылаудың бағдарламасына
сәйкес келеді);
      9) Есеп комитетінің бақылау жүргізуге жауапты мүшесінің
аты-жөні мен тегін, оның қолын, не оның міндетін атқарушы адамның
деректерін, сондай-ақ Есеп комитетінің мөрін;
      10) бастапқыда белгіленген бақылау мерзімі асып кеткен
жағдайда, күнін көрсете отырып, бақылау мерзімінің ұзартылғаны туралы
мәліметтерді қамтиды.

Есеп комитетінің     
сыртқы мемлекеттік қаржылық
бақылауды жүргізу қағидасына
11-1-қосымша     

нысан

      Ескерту. 11-1-қосымшамен толықтырылды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулыларымен.

Алдын ала зерделеу жүргізуге тапсырма

      Қазақстан Республикасы Бюджет кодексінің 141-бабына және
Республикалық бюджеттің атқарылуын бақылау жөніндегі есеп комитетінің
20__ жылғы __-тоқсанға арналған жұмыс жоспарына сәйкес, _____________
_____________________________________________________________________
(алдын ала зерделеу жүргізу тапсырылған Есеп комитеті
қызметкер(лер)інің А.Ә.Т. мен лауазымы көрсетіледі)
_____________________________________________________________________
      (бақылау объектісінің ұйымдық-құқықтық нысаны, толық атауы,
_____________________________________________________________________
      оның орналасқан жері, БСН, ЖСН, басшысының А.Ә.Т. көрсетіледі)
_______________________________ алдын ала зерделеу тапсырылады.
(алдын ала зерделеу мәні көрсетіледі)

Алдын ала зерделеу мақсаты __________________________________________
Алдын ала зерделеу кезеңі ___________________________________________
Алдын ала зерделеу мерзімі __________________________________ аралығы
Есеп комитетінің мүшесі _____________________________________________
                                  (қолы, аты-жөні, тегі)

      Ескертпе: Алдын ала зерделеу жүргізуге тапсырма (бұдан әрі –
Тапсырма) жасау.
      Тапсырма мынадай деректерді:
      1) нөмірі мен берілген күнін;
      2) алдын ала зерделеу жүргізудің құқықтық негіздерін;
      3) алдын ала зерделеу жүргізу тапсырылған Есеп комитеті
қызметкер(лер)інің атын, әкесінің атын (болған жағдайда), тегін және
лауазымын;
      4) бақылау объектісінің ұйымдық-құқықтық нысанын (оның
филиалдары мен өкілдіктерін қоса алғанда), толық атауын, орналасқан
жерін, бизнес-сәйкестендіру нөмірін (бұдан әрі – БСН), жеке
сәйкестендіру нөмірін (бұдан әрі – ЖСН), басшысының атын, әкесінің
атын (болған жағдайда), тегін;
      5) алдын ала зерделеу мақсатын;
      6) алдын ала зерделеумен қамтылатын кезеңді;
      7) бақылау объектісінде алдын ала зерделеу жүргізудің
жоспарланып отырған мерзімдерін;
      8) Есеп комитетінің алдын ала зерделеу жүргізуге жауапты
мүшесінің аты-жөні мен тегін, оның қолын, не оның міндетін атқарушы
адамның деректерін, сондай-ақ Есеп комитетінің мөрін қамтиды.

Есеп комитетінің    
сыртқы мемлекеттік қаржылық
бақылауды жүргізу қағидасына
11-2-қосымша     

нысан

      Ескерту. 11-2-қосымшамен толықтырылды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулыларымен.

Қайта тексеру жүргізуге тапсырма

      Қазақстан Республикасы Президентінің 2009 жылғы 7 сәуірдегі №
788 Жарлығымен бекітілген Мемлекеттік қаржылық бақылау
стандарттарының 89-тармағына, Есеп комитетінің 2013 жылғы 16
сәуірдегі № 3-НП нормативтік қаулысымен бекітілген Сыртқы мемлекеттік
қаржылық бақылауды жүргізу қағидасының 218-7-тармағына сәйкес және
Есеп комитеті Төрағасының 20__ жылғы «___»_________ №_______
шешімімен
_____________________________________________________________________
(қайта тексеруді жүргізу тапсырылған Есеп комитеті қызметкер(лер)інің
А.Ә.Т. мен лауазымы көрсетіледі)
_____________________________________________________________________
(бақылау объектісінің ұйымдық-құқықтық нысаны, толық атауы, оның
орналасқан
_____________________________________________________________________
жері, БСН, ЖСН, басшысының А.Ә.Т. көрсетіледі)
_____________________________ мәселеcі бойынша қайта тексеру жүргізу
(қайта тексеру мәні көрсетіледі)
тапсырылады.

Қайта тексеру мақсаты _______________________________________________
Қайта тексерумен қамтылатын кезең ___________________________________
Қайта тексеру жүргізу мерзімі_________________________________аралығы
Есеп комитетінің Төрағасы ___________________________________________
                                    (қолы, аты-жөні, тегі)

      Ескертпе: Қайта тексеру жүргізуге тапсырма (бұдан әрі –
Тапсырма) жасау.
      Тапсырма мынадай деректерді:
      1) нөмірі мен берілген күнін;
      2) қайта тексеруді жүргізудің құқықтық негіздерін;
      3) қайта тексеруді жүргізу тапсырылған Есеп комитеті
қызметкері(лер)інің атын, әкесінің атын (болған жағдайда), тегін және
лауазымын;
      4) бақылау объектісінің ұйымдық-құқықтық нысанын (оның
филиалдары мен өкілдіктерін қоса алғанда), толық атауын, орналасқан
жерін, бизнес-сәйкестендіру нөмірін (БСН), жеке сәйкестендіру нөмірін
(ЖСН), басшысының атын, әкесінің атын (болған жағдайда), тегін;
      5) қайта тексерудің мақсаты мен мәнін (Қайта тексерудің жоспары
мен бағдарламасына сәйкес келеді);
      6) бақылау объектісінде қайта тексеруді жүргізудің жоспарланып
отырған мерзімдерін (Қайта тексеру жүргізудің бағдарламасына сәйкес
келеді);
      7) қайта тексерумен қамтылатын кезеңді (Қайта тексеруді жүргізу
бағдарламасына сәйкес келеді);
      8) Есеп комитеті Төрағасының аты-жөні мен тегін, оның қолын,
сондай-ақ Есеп комитетінің мөрін қамтиды.

Есеп комитетінің    
сыртқы мемлекеттік қаржылық
бақылауды жүргізу қағидасына
11-3-қосымша     

нысан

      Ескерту. 11-3-қосымшамен толықтырылды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Постбақылау жүргізуге тапсырма

      Қазақстан Республикасы Бюджет кодексінің 141-бабының
22) тармақшасына, Есеп комитетінің 2013 жылғы 16 сәуірдегі № 3-НП
нормативтік қаулысымен бекітілген Сыртқы мемлекеттік қаржылық
бақылауды жүргізу қағидасының 234-тармағына сәйкес және Есеп комитеті
Төрағасының 20__ жылғы «___»_________ №___ шешімімен
_____________________________________________________________________
(постбақылау жүргізу тапсырылған Есеп комитеті қызметкер(лер)інің
А.Ә.Т. мен лауазымы көрсетіледі)
_____________________________________________________________________
(бақылау объектісінің ұйымдық-құқықтық нысаны, толық атауы, оның
орналасқан
_____________________________________________________________________
жері, БСН, ЖСН, басшысының А.Ә.Т. көрсетіледі)
_______________________________ мәселеcі бойынша постбақылау жүргізу
(постбақылау мәні көрсетіледі)
тапсырылады.

Постбақылау мақсаты ____________________
Постбақылаумен қамтылатын кезең ___________
Постбақылау жүргізу мерзімі_______________________________аралығы
Есеп комитетінің мүшесі ___________________________
                           (қолы, аты-жөні, тегі)

      Ескертпе: Постбақылау жүргізуге тапсырма (бұдан әрі – Тапсырма) жасау.
      Тапсырма мынадай деректерді:
      1) нөмірі мен берілген күнін;
      2) постбақылау жүргізудің құқықтық негіздерін;
      3) постбақылау жүргізу тапсырылған Есеп комитеті
қызметкер(лер)інің атын, әкесінің атын (болған жағдайда), тегін және
лауазымын;
      4) постбақылау объектісінің ұйымдық-құқықтық нысанын (оның
филиалдары мен өкілдіктерін қоса алғанда), толық атауын, орналасқан
жерін, бизнес-сәйкестендіру нөмірін (БСН), жеке сәйкестендіру нөмірін
(ЖСН), басшысының атын, әкесінің атын (болған жағдайда), тегін;
      5) постбақылаудың мақсаты мен мәнін (Постбақылау жоспары мен
бағдарламасына сәйкес келеді);
      6) бақылау объектісінде постбақылау жүргізудің жоспарланып
отырған мерзімдерін (Постбақылау бағдарламасына сәйкес келеді);
      7) постбақылаумен қамтылатын кезеңді (Постбақылау
бағдарламасына сәйкес келеді);
      8) Есеп комитетінің постбақылау жүргізуге жауапты мүшесінің
аты-жөні мен тегін, оның қолын, не оның міндетін атқарушы адамның деректерін, сондай-ақ Есеп комитетінің мөрін қамтиды.

Есеп комитетінің сыртқы мемлекеттік
қаржылық бақылау жүргізу қағидасына
12-қосымша                        

      Ескерту. 12-қосымша алынып тасталды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

Есеп комитетінің    
сыртқы мемлекеттік қаржылық
бақылауды жүргізу қағидасына
13-қосымша       

нысан

      Ескерту. 13-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

күні, айы, жылы

Бақылау объектісінің басшысы      
(Министрліктің, агенттіктің жауапты
хатшысы) ___________________________
(аты-жөні, тегі)      

Бақылау объектісі басшысының (келісімімен бақылау жүзеге
асырылып жатқан лауазымды адамның) міндеттерін атқару жөніндегі
талап

      1. Қазақстан Республикасы Бюджет кодексінің (бұдан әрі – Бюджет кодексі) 146-бабының 2-тармағына сәйкес, бақылау объектісінің басшысы:
      1) мемлекеттiк қаржылық бақылау органының қызметкерлерiн жұмыс орындарымен қамтамасыз етуге;
      2) мемлекеттiк қаржылық бақылау органының қызметкерлерiн бақылауды жүзеге асыру үшiн сұратылып отырған барлық қажеттi
ақпаратпен __________
          (басшысының
_____________________________________________________________________
немесе бас бухгалтерінің қолы қойылған қажетті құжаттар мен
ақпараттың тізбесі көрсетіледі)
____________________ дейін қамтамасыз етуге;
(күні көрсетіледі)
      3) мемлекеттiк қаржылық бақылау органы қызметкерлерiнiң
ақпараттық және есептік жүйелерге, соның ішінде ЭҚАБЖ-ға кіруін
қамтамасыз етуге;
      4) мемлекеттiк қаржылық бақылау органы қызметкерлерiнiң
iс-әрекеттерiне араласпауға, бақылауды жүргiзуге кедергi келтiрмеуге
және оның ауқымын шектемеуге;
      5) бақылау актiсiн жүргiзiлген бақылау нәтижелерiмен танысуға
берген күннен бастап, үш күн мерзiмде белгiленген тәртiппен бақылау
актiсiне қол қоюға міндетті. Нәтижелермен келiспеген жағдайда,
бақылау актiсiне қарсылықтың болғаны туралы ескертпемен қол қойылады.
Қарсылықтар бақылау актісіне қоса беріледі немесе бақылау актісі
танысуға алынған күннен бастап, күнтізбелік он күн ішінде ұсынылады.
      2. Бюджет кодексінің 149-бабы 2-тармағының негізінде
мемлекеттiк қаржылық бақылау органдарының лауазымды адамдарына
олардың өз құзыреттерiне сәйкес қызметтiк мiндеттерiн орындауда
бақылау жүргiзуге жiберуден бас тарту, қажеттi құжаттарды,
материалдарды, қызмет туралы ақпаратты және өзге де мәлiметтердi
беруден бас тарту, анық емес ақпарат беру түрiндегi кедергi келтiру,
бақылауды жүзеге асыруға өзге де кедергi жасау әкімшілік жауаптылыққа
әкеп соқтырады.

Есеп комитетінің қызметкері __________________________________
                            (лауазымы, аты-жөні, тегі, қолы)

      Ескертпе: Талаптың бірінші данасы бақылау актісінің бланкісінде
ресімделеді.

Есеп комитетінің          
сыртқы мемлекеттік қаржылық
бақылау жүргізу қағидасына
14-қосымша                

нысан

Бақылау объектісіне жіберуден бас тарту фактісі бойынша
АКТ

______қаласы                               20__жылғы «__» _________

      Қазақстан Республикасы Бюджет кодексінің 141-бабына және Есеп
комитетінің 20__жылғы___тоқсанға арналған жұмыс жоспарының ___-
тармағына сәйкес __________________________________________________
                 (тексерілетін органның, мекеменің, ұйымның атауы)
________________________________ бақылау іс-шаралары жүргізіледі.
(бақылау іс-шарасының атауы)
Тексерілетін объектінің лауазымды адамы __________________________
__________________________________________________________________
                 (лауазымы, аты-жөні және тегі)
оларға бақылау жүргізуге Тапсырманың көрсетілгеніне қарамастан,
тексерілетін объектіге ___________________________________________
                (тексерілетін органның, мекеменің, ұйымның атауы)
__________________________________________________________________
     (Есеп комитеті қызметкерінің лауазымы, аты-жөні және тегі)
жіберуден бас тартты.

      Бұл Қазақстан Республикасы Бюджет кодексінің 146-бабының
2-тармағын және 149-бабының 2-тармағын бұзу болып табылады және
Қазақстан Республикасының заңнамасына сәйкес лауазымды адамдардың
жауапты болуына әкеп соғады.

      Осы акт екі данада жасалды, оның бірі_______________________
                                  (органның немесе ұйымның атауы)
басшысы (лауазымды адамы)_____________________________ тапсырылды.
                        (лауазымы, аты-жөні және тегі)

      Қолдары:

      Республикалық бюджеттің атқарылуын бақылау жөніндегі есеп
комитеті атынан __________________________________________________
                      (лауазымы, аты-жөні және тегі, қолы)
Актінің бір данасын алдым ________________________________________
(лауазымы, аты-жөні және тегі, қолы, қол қоюдан бас тарқан кезде –
алудан бас тартты деп көрсетіледі)

Есеп комитетінің сыртқы мемлекеттік
қаржылық бақылау жүргізу қағидасына
15-қосымша                        

      Ескерту. 15-қосымша алынып тасталды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

Есеп комитетінің    
сыртқы мемлекеттік қаржылық
бақылауды жүргізу қағидасына
16-қосымша       

нысан

      Ескерту. 16-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау бағдарламасының орындалуы барысы туралы бақылау тобы
жетекшісінің жиынтық апта сайынғы есебі
(жұмыс жоспарының орындалу барысы туралы бақылаушының апта
сайынғы есебі)

Бақылау іс-шарасы:«_________________________________________________»
Жалпы жүргізу мерзімі: басталған және аяқталған күні

Бақылау тобы жетекшісінің (бақылаушының) аты-жөні және тегі _________
                                                              (қолы)

Есеп комитетінің          
сыртқы мемлекеттік қаржылық
бақылау жүргізу қағидасына
17-қосымша                

      Ескерту. 17-қосымша алынып тасталды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

Есеп комитетінің          
сыртқы мемлекеттік қаржылық
бақылау жүргізу қағидасына
18-қосымша                

нысан

                        Бақылау актісінің бланкісі      

20__ жылғы «__»________                         «__»_______ 20__ года

      Ескертпе: бақылау актісі бланкісінің сипаттамасы
      1. Бақылау актісінің бірінші парағы А4 форматындағы қатаң есептілік бланкісінде ресімделеді.
      2. Есеп комитетінің ресми атауы мемлекеттік және орыс тілдерінде көк түспен көрсетіледі. Деректеме бланкінің жоғары жағында, Есеп комитеті логотипінің түрлі-түсті бейнесінің жоғарғы нүктесі мен ортасының аралығындағы деңгейде орналасады. Осы деректеме ортаға орнату тәсілімен бейнеленеді.
      3. Бланкінің төменгі оң жағында оның реттік нөмірі көрсетіледі.
      4. Бақылау актісін ресімдеген кезде бланкінің сол жағында, парақтың тігінен алғанда ортасында «Көшірме жасауға тыйым салынады. Снятие копий запрещается» деген сөздер орналастырылады.
      5. Бақылау актісінің қалған парақтары су белгісі түрінде орындалған «Есеп комитеті» «1(2) дана» деген сөздермен парақтың диагоналі бойынша А4 форматындағы парақтарда толтырылады.

Есеп комитетінің    
сыртқы мемлекеттік қаржылық
бақылауды жүргізу қағидасына
19-қосымша       

нысан

      Ескерту. 19-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау актісі

_________________                   20___жылғы «____» ___________
(жасалған орны)

№_______

Бақылау объектісінің атауы __________________________________________
Бақылау үлгісі ______________________________________________________
Бақылау түрі ________________________________________________________
Бақылау жүргізуге тапсырма __________________________________________
Бақылауды __________________________________________________ жүргізді
Бақылау мақсаты _____________________________________________________
Бақылау мәні ________________________________________________________
Бақылаумен қамтылған кезең __________________________________________
Бақылау жүргізу мерзімі_____________ ________________________ аралығы
Бақылау объектісінің лауазымды адамдары _____________________________
Алдыңғы бақылаудың нәтижелері _______________________________________
Жүргізіліп отырған бақылау нәтижелері туралы мәліметтер _____________
Бақылау жүргізудегі кедергілер ______________________________________
Бақылау барысында қабылданған шаралар _______________________________

Қосымшалар:

Есеп комитетінің қызметкер(лер)і:
_____________________                   _____________________________
(лауазымы)                                  (қолы, аты-жөні, тегі)

Мемлекеттік органдардың мамандары, сарапшылар
_____________________                   _____________________________
(лауазымы)                                   (қолы, аты-жөні, тегі)

Бақылау объектісінің лауазымды адамдары:
_____________________                   _____________________________
(лауазымы)                                  (қолы, аты-жөні, тегі)
_____________________                   _____________________________
(лауазымы)                                  (қолы, аты-жөні, тегі)

Бақылау актісі екі (үш) данада жасалды:
_____________________________________________________________

      Ескертпе: бақылау актісін жасау.
      Бақылау актісінің жоғары бөлігінде оның жасалған орны (қаланың,
басқа да елді мекеннің (ауыл, кент және тағы басқаларының) атауы),
бақылау актісінің жасалған күні, бақылау актісі данасының нөмірі
көрсетіледі (№ 1 дана – Есеп комитеті үшін, № 2 дана – бақылау
объектісі үшін жасалады. Бірлескен бақылау кезінде № 1 дана – Есеп
комитеті үшін, № 2 дана – бірлескен бақылауға қатысушы мемлекеттік
орган үшін, № 3 дана – бақылау объектісі үшін жасалады).
      Бақылау актісінде мынадай деректер көрсетіледі:
      1. Бақылау объектісі.
      Бақылау объектісінің толық атауы, мемлекеттік тіркеу туралы
деректері, банктік және салықтық деректемелері, БСН (ЖСН) көрсетіледі.
      2. Бақылау үлгісі.
      Бақылау бағдарламасына сәйкес, бақылау үлгісі (сәйкестікке
бақылау жасау, қаржылық есептілікті, тиімділікті бақылау) көрсетіледі.
      3. Бақылау түрі.
      Бақылау бағдарламасына сәйкес, бақылау түрі (кешенді,
тақырыптық, үстеме, бірлескен, қосарлас) көрсетіледі.
      4. Бақылау жүргізуге тапсырма.
      Тапсырманың күні мен нөмірі, Тапсырмаға қол қойған лауазымды
адамның аты-жөні, тегі, лауазымы көрсетіледі.
      5. Бақылауды жүргізді.
      Бақылауды жүргізген Есеп комитеті қызметкерінің, бақылау
жүргізуге тартылған мемлекеттік органдар, аудиторлық ұйымдар
мамандарының және сарапшылардың аты-жөні, тегі, лауазымы көрсетіледі.
      6. Бақылау мақсаты.
      Бақылау бағдарламасына сәйкес, бақылау мақсаты көрсетіледі.
      7. Бақылау мәні.
      Бақылау бағдарламасына сәйкес, бақылау мәні көрсетіледі.
      8. Бақылаумен қамтылған кезең.
      Бақылау объектісі қызметінің тексерілген кезеңі көрсетіледі
(Бақылау бағдарламасына сәйкес келеді).
      9. Бақылау жүргізу мерзімі.
      Осы бақылау объектісінде бақылау жүргізудің басталған және
аяқталған күні көрсетіледі (Бақылау бағдарламасына сәйкес келеді).
      10. Бақылау объектісінің лауазымды адамдары.
      Бақылау объектісінің келісімімен бақылау жүзеге асырылған
лауазымды адамдарының аты-жөні, тегі, сондай-ақ бақылау объектісінің
бақылаумен қамтылған кезеңде жұмыс істеген және құжаттарға қол қою
құқығы болған лауазымды адамдарының аты-жөні, тегі көрсетіледі.
      11. Алдыңғы бақылау нәтижелері.
      Басқа мемлекеттік қаржылық бақылау органдары мен құқық қорғау
органдарының бұрын қамтыған, тек тексеру мәні Есеп комитеті жүргізген
бақылау мәнімен сәйкес келетін мәселелер бойынша қысқаша мәліметтер,
бақылау объектісінің анықталған бұзушылықтарды жою жөнінде қабылдаған
шаралары көрсетіледі. Есеп комитетінің бақылауда тұрған Қаулылары
(Ұсынымдары) бойынша орындалу мерзімі өткен тапсырмалық тармақтар
бойынша шаралар көрсетіледі.
      12. Жүргізіліп отырған бақылау нәтижелері туралы мәліметтер.
      Бақылау актісінің осы бөлімінде жүргізілген бақылаудың
нәтижелері туралы бақылау мақсатына қол жеткізілгенін растауға
жеткілікті мәліметтер көрсетіледі. Бақылау бағдарламасының
сұрақтарына жауаптар тіркеледі, бұл ретте Бақылау бағдарламасының
әрбір мәселесінің атауы көрсетіледі.
      Бақылау бағдарламасының сұрақтарына жауаптар толық, дәл,
объективті және қысқаша жазылады.
      Бақылау актісіне қосымшаларда егжей-тегжейлі ақпарат көрсетіле
отырып, тексерілетін мәселелер бойынша бақылау объектісі қызметінің
нәтижелері бақылау актісінде жинақталған түрде тіркеледі.
      Бақылау актісінде жүргізілген үстеме бақылаудың, бақылау
өлшемдерінің (тексеріп қараулардың) нәтижелері көрсетіледі, сондай-ақ
бұзушылық фактілері, соның ішінде бақылау объектісі болып табылмайтын
басқа да мемлекеттік органдардың бөлінетін бюджеттік бағдарлама
қаражатын пайдалану кезінде жасағандары баяндалады.
      Бақылау мәселелері бойынша бұзушылықтар анықталған жағдайда,
бұзушылықтың әрбір фактісі жалғаспалы тәртіппен нөмірленеді және
ережелері бұзылған нормативтік құқықтық актілердің және құқықтық
актілердің баптарына, тармақтарына және тармақшаларына сілтеме жасала
отырып, бұзушылықтың сипаттамасы мен түрін сипаттау арқылы жеке
тармақта (1-тармақ, 2-тармақ және тағы басқа) тіркеледі және тиісті
бұзушылыққа дәлел болатын құжаттар көрсетіледі.
      Егер, талдамалық сипаттағы мәселелерді қоспағанда, Бақылау
бағдарламасы мәселесі бойынша бұзушылықтар анықталмаса, қысқаша
ақпарат беріледі және «Бағдарлама мәселесі (атауы) тексерілді.
Бұзушылықтар анықталмады.» деген жазба жасалады. Бақылау актісіне
тексеру жүргізілген құжаттардың деректемелері көрсетіле отырып,
олардың тізбесі қоса беріледі.
      Бақылауды жүзеге асыратын қызметкерлер жүргізілетін бақылаудың
мәніне қарай бақылау актісіне қосымшалар ретінде ресімделетін мынадай
кестелерді толтырады:
      1) 1-кесте. Әкімшілердің бақылаумен қамтылған бюджеттік
бағдарламаларды (кіші бағдарламаларды) орындауы туралы ақпарат;
      2) 2-кесте. Құрылыс жұмыстарының орындалған (қабылданған)
көлемі және құрылыс объектілерін пайдалануға берудің уақтылылығы
туралы ақпарат;
      3) 3-кесте. ____ жылы объектілерді салу және реконструкциялау
құнының қымбаттағаны туралы мәлімет (қымбаттаған жағдайда);
      4) 4-кесте. Квазимемлекеттік сектор субъектілеріне жарғылық
капиталын толықтыруға бөлінген бюджет қаражатының пайдаланылуы туралы
мәлімет.
      Бақылауды жүзеге асырып жатқан қызметкерлер бақылау актісіне
қосымша болып табылатын өзге де қажетті кестелер жасауы мүмкін.
Бақылау актісінде көрсетілген қосымшаларға сілтеме жасау міндетті.
      13. Бақылау жүргізудегі кедергілер.
      Бақылау объектісі лауазымды адамдарының Есеп комитеті
қызметкерлерінің бақылау жүргізуіне кедергі келтіру фактілері туралы
мәліметтер көрсетіледі.
      Есеп комитетінің қызметкері әкімшілік құқық бұзушылықтың
жасалғаны туралы хаттама жасаған жағдайда, оның нөмірі және күні
көрсетіледі (хаттама бақылау объектісінің лауазымды адамдары бақылау
объектісіне жіберуден бас тартқан кезде, бақылау жүргізу үшін қажетті
құжаттарды ұсынбаған немесе анық емес, объективті емес және (немесе)
толық емес ақпаратты, материалдарды және өзге де мәліметтерді ұсынған
кезде, бақылау актісіне қол қоюдан бас тартқан немесе қол қойылған
бақылау актісін бермеген кезде жасалады).
      14. Бақылау барысында қабылданған шаралар.
      Бақылау барысында анықталған бұзушылықтарды жою жөнінде бақылау
объектісінің қабылдаған шаралары туралы мәліметтер көрсетіледі
(салықтарды, айыппұлдарды, өсімпұлдарды қосымша есептеу, негізсіз
пайдаланылған қаражатты бюджетке өтеу, бухгалтерлік есеп пен қаржылық
есептілік бойынша қаражатты қалпына келтіру, тауарлар, жұмыстар мен
көрсетілетін қызметтер бойынша өнім берушілердің шарттық
міндеттемелерін орындауы, бақылау объектісінің лауазымды адамдарына
қатысты қабылданған тәртіптік жазалау шаралары және басқалар).
      15. Қосымшалар:
      1) бақылау объектісі басшысының міндеттерін атқару жөніндегі
талап;
      2) бақылаудың нәтижелері бойынша анықталған бұзушылықтар мен
кемшіліктердің тізілімі (міндетті түрде);
      3) құжаттардың түпнұсқалары немесе тиісті түрде расталған
көшірмелері, анықтамалар, кестелер, бұзушылық фактілерін бейнелейтін
фотосуреттер;
      4) функционалдық және лауазымдық міндеттерін негізге ала
отырып, жол берілген бұзушылықтарға қатысы бар адамдардың жазбаша
түсініктемелері (қажет болғанда);
      5) бақылау өлшемдері мен тексеріп қараулардың актілері (олар
жасалған жағдайда);
      6) зерттеулердің (сынақтардың және тағы басқаларының),
сараптамалардың қорытындылары, хаттамалардың көшірмелері, бақылау
нәтижелеріне байланысты басқа да құжаттар немесе олардың көшірмелері
(олар жасалған жағдайда);
      7) мемлекеттік органдар мамандарының, сарапшылардың (тартылған
жағдайда) сараптамалық қорытындылары;
      8) мемлекеттік қызметтерді алушылардың қанағаттануы тұрғысынан
халық арасында сауалнама жүргізу нәтижелері (қажет болғанда);
      9) ақы төлеу фактісін растайтын құжаттар (бақылау барысында
қаражат өтелген (қалпына келтірілген) жағдайда):
      төлем тапсырмалары (төлеуге арналған шоттар, түбіртектер,
чектер және (немесе) басқалары);
      ведомостар, ордерлер, нарядтар;
      10) бақылау актісінің танысуға және қол қоюға жіберілген күнін
растайтын құжат (көшірмесі) (актінің танысуға және қол қоюға
қабылданғаны туралы бақылау объектісінің мөртабаны болмаған жағдайда).
      16. Бақылауды жүргізген Есеп комитеті қызметкерлерінің (бақылау
жүргізуге тартылған мемлекеттік органдар мамандарының, сарапшылардың)
және бақылау объектілерінің лауазымды адамдарының қолдары.
      Бақылау актісінің соңғы бетінде адресатты және бланк нөмірін
көрсете отырып, бақылау актісінің екі (үш) данада (бақылау актісінің
№ 1 данасы – Есеп комитетіне, бақылау актісі бланкісінің №__; № 2
дана – бақылау объектісіне, бланк № __) жасалғаны туралы жазба
жасалады.
      Бақылауды жүргізген бақылаушылар және бақылау объектісінің
лауазымды адамдары екінші парағынан бастап, бақылау актісінің барлық
беттеріне қол қояды.
      Бақылау объектісінде бірыңғай топ бірлескен бақылау жүргізген
кезде бақылау актісі Есеп комитетінің бланкісінде үш данада
ресімделеді, оның бірінші данасы – Есеп комитетіне, екінші данасы –
бірлескен бақылауға қатысушы мемлекеттік органға, үшінші данасы –
бақылау объектісіне беріледі.

20___ жылғы «____» _________
Бақылау актісіне №__ қосымша

1-кесте. Әкімшілердің бақылаумен қамтылған бюджеттік бағдарламаларды
(кіші бағдарламаларды) орындауы туралы ақпарат

                                                          (мың теңге)

Ескертпе:
      3-баған – жыл басына бюджеттік бағдарламалар (кіші
бағдарламалар) бөлінісінде қаржыландыру жоспарында көзделген қаражат;
      5-баған – жыл соңына бюджеттік бағдарламалар (кіші
бағдарламалар) бөлінісінде қаржыландыру жоспарында көзделген қаражат;
      6-баған – баланс деректері (№ 2 нысан);
      7-баған – баланс деректері (№ 2 нысан).

20___ жылғы «____» _________
Бақылау актісіне №__ қосымша

2-кесте. Құрылыс жұмыстарының көлемін орындау және құрылыс
объектілерін пайдалануға берудің уақтылылығы туралы ақпарат

      Ескертпе:
      1-баған – реттік нөмірі;
      2-баған – шегінде объектінің құрылысын қаржыландыру
жүргізілетін бюджеттік бағдарламаның атауы;
      3-баған – Мемлекеттік сараптаманың қорытындысы бойынша
құрылыстың сметалық құны;
      4-баған – Мемлекеттік сараптаманың қорытындысы бойынша
құрылысты іске асырудың нормативтік мерзімі;
      5-баған – жасалған шарт талаптары бойынша құрылыстың көзделген
кезеңі;
      6-баған – шарт талаптары бойынша объект құрылысының көзделген
құны;
      7-баған – құрылыстың бас кезінен бастап, қабылданған актілерге
сай іс жүзінде орындалған құрылыс жұмыстарының құны;
      8-баған – мердігердің қабылдаған міндеттемелерінің талаптары
бойынша объектіні тапсыруды аяқтаудың көзделген мерзімі;
      9-баған – Мемлекеттік қабылдау комиссиясының актісіне сай,
объектіні пайдалануға қабылдау мерзімі;
      10-баған – құрылыс объектісі пайдалануға уақтылы тапсырылмаған
жағдайда, себептері.

20___ жылғы «____» _________
Бақылау актісіне №__ қосымша

3-кесте. ___ жылы құрылыс объектілерін салу және реконструкциялау
құнының қымбаттағаны туралы мәліметтер

      Ескертпе:
      1-баған – реттік нөмірі;
      2-баған – шегінде объектіні салу немесе реконструкциялау
құнының қымбаттауына қаржыландыру жүргізілетін бюджеттік
бағдарламаның атауы;
      4-баған – Мемлекеттік сараптаманың қорытындысы бойынша
объектіні салудың немесе реконструкциялаудың бастапқы құны;
      5-баған – объектіні салу немесе реконструкциялаудың жобаны
түзеткеннен кейінгі (қымбаттау) құны;
      6-баған – қымбаттау (түзету) құны;
      7-баған – объектіні салудың және реконструкциялаудың
қымбаттауына әсер еткен себептер.

20___ жылғы «____» _________
Бақылау актісіне №__ қосымша

4-кесте. Квазимемлекеттік сектор субъектілеріне жарғылық капиталын
толықтыруға бөлінген бюджет қаражатының пайдаланылуы туралы
мәліметтер

      Ескертпе:
      2-баған – заңды тұлғалардың жарғылық капиталына бюджет
қаражатын салудың негізділігі, орындылығы және оның нәтижесін
бағалау;
      3-баған – заңды тұлғаның жарғылық капиталын бюджет қаражаты
есебінен ұлғайтуға оның қызметін дамыту немесе кеңейту мақсатында жол
беріледі;
      4-баған – қаражатты қандай іс-шараларға пайдалану жоспарланған;
      5-баған – жоспарланған қаражат сомасы;
      6-баған – қаражат іс жүзінде қандай іс-шараларға пайдаланылды;
      7-баған – іс жүзіндегі шығыстар сомасы;
      8-баған – қаржы-экономикалық негіздемеде көзделген мақсаттарға
қол жеткізілді ме, бөлінген бюджет қаражатын басқа мақсатқа жұмсау фактілері бар ма.

Есеп комитетінің     
сыртқы мемлекеттік қаржылық
бақылауды жүргізу қағидасына
20-қосымша       

нысан

      Ескерту. 20-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау нәтижелері бойынша анықталған бұзушылықтар мен
кемшіліктер  тізілімі

      1) қаражат бюджетке түскен кезде (мың теңге)

кестенің жалғасы

      2) бюджет қаражаты мен мемлекет активтерін пайдалану кезінде
(мың теңге)

кестенің жалғасы

кестенің жалғасы

кестенің жалғасы

      3) бақылау объектісі қызметіндегі өзге де заңнама бұзушылықтары, сондай-ақ оның міндеттері мен функцияларын іске асыруға байланысты заңнамадағы кемшіліктер мен олқылықтар

Есеп комитетінің бақылау жүргізген қызметкерлері_____________________
                                               (қолы, аты-жөні, тегі)

Есеп комитетінің сыртқы мемлекеттік
қаржылық бақылау жүргізу қағидасына
21-қосымша                        

нысан

Бақылау өлшемі (тексеріп қарау)
АКТІСІ

_________________                           _______________________
 (жасалған орны)                                (жасалған күні)

      Есеп комитеті мүшесінің 20__жылғы __________ Тапсырмасына
сәйкес жүргізілген ________________________________________________
                                (бақылаудың атауы)
бақылау барысында _________________________________________________
                           (бақылау объектiсінiң атауы)
объектісінде Есеп комитетінің қызметкерi (қызметкерлері) (сарапшы,
маман)_____________________________________________________________
            (бақылаушының және бақылауға тартылған сарапшылардың,
___________________________________________________________________
мамандардың аты-жөндерi, тектері, лауазымдары және көрсетіледі)
өкiлдердің қатысуымен _____________________________________________
        (бақылау объектісінің, тапсырыс берушінің, мердігердің және
___________________________________________________________________
тағы басқа өкілдерінің аты-жөндері, тектері, лауазымдары көрсетіледі)
___________________________________________________________________
(бақылау объектісі және бақылау өлшемі (тексеріп қарау) мәні көрсетіледі)
анықтығын растау мақсатында бақылау өлшемі (тексеріп қарау) жүзеге
асырылып, нәтижесінде _____________________________________________
     (бақылау өлшемінің (тексеріп қараудың) нәтижелері көрсетіледі)
анықталды.

Актіге қосымша ____________________________________________________
(тексеріп қарауға байланысты түсініктеме, фото және басқа да материалдар)
Есеп комитетінің қызметкері (лері)
(бақылауға тартылған сарапшы, маман):
_______________________________      ________________________
       (лауазымы)                     (қолы, аты-жөнi, тегі)

Бақылау объектісінің, тапсырыс берушінің
мердігердің және тағы басқаның өкілдері:
_______________________       ______________________________
        (лауазымы)                  (қолы, аты-жөнi, тегі)
_______________________       ______________________________
       (лауазымы)                  (қолы, аты-жөнi, тегі)

Актінің жасалған даналарының саны: ______________________
                                   (адресат көрсетіледі)

Есеп комитетінің          
сыртқы мемлекеттік қаржылық
бақылау жүргізу қағидасына
22-қосымша                

      нысан

      Ескерту. 22-қосымша алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Есеп комитетінің    
сыртқы мемлекеттік қаржылық
бақылауды жүргізу қағидасына
23-қосымша      

нысан

Республикалық бюджеттің    
атқарылуын бақылау жөніндегі
есеп комитетінің Төрағасы  
____________________________
   (аты-жөні, тегі)         

      Ескерту. 23-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау нәтижесі бойынша қорытынды

Бақылау мақсаты _____________________________________________________
Бақылау объектілері _________________________________________________
Бақылау мәні ________________________________________________________
Бақылауды __________________________________________________ жүргізді
Бақылаумен қамтылған кезең __________________________________________
Негізгі (талдамалық) бөлік __________________________________________
Қабылданған шаралар _________________________________________________
Бақылаудың қорытындысы бойынша тұжырымдар ___________________________
Бақылаудың қорытындысы бойынша ұсыныстар_____________________________
Қосымша (__ парақ) __________________________________________________
Есеп комитетінің мүшесі _____________________________________________
                                 (қолы, аты-жөні, тегі)

      Ескертпе: бақылау нәтижесі бойынша қорытынды (бұдан әрі – Қорытынды) жасау.

      Қорытындының кіріспе бөлігі бақылаудың мақсатын, мәнін және объектілерін қамтиды.
      Қорытындының кіріспе бөлігінде мынадай деректер көрсетіледі:
      1. Бақылау мақсаты.
      Бекітілген Бақылау жоспарына сәйкес бақылаудың мақсаты көрсетіледі.
      2. Бақылау объектілері.
      Бақылау объектілерінің атауы, соның ішінде үстеме бақылау объектілері көрсетіледі.
      3. Бақылау мәні.
      Бекітілген Бақылау бағдарламасына сәйкес, бақылау жүргізуге жатқызылған бақылау объектілері қызметінің бағыттары көрсетіледі.
      4. Қорытындының негізгі (талдамалық) бөлігі бақылау іс-шараларының жинақталған түрдегі нақты нәтижелерін, соның ішінде:
      1) бақылаумен қамтылған жалпы соманы, оның ішінде анықталған бұзушылықтардың, соның ішінде бюджет кірістері мен шығыстары бойынша, мемлекет активтерін пайдалану кезіндегі сомаларды;
      2) тиімсіз пайдаланылған қаражат сомасын;
      3) рәсімдік сипаттағы бұзушылықтар сомасын;
      4) бақылау барысында қалыпна келтірілген (өтелген) соманы қамтиды.
      Бұл ретте Есеп комитетінің мүшесі бақылау қорытындысы бойынша өткізілген отырысты ескере отырып, Қорытындыда көрсетілген деректердің бақылау материалдарына сәйкестігін қамтамасыз етеді.
      Сондай-ақ осы бөлімде бақылаудың қойған мақсаты және белгілі бір түрі мен үлгісі шегінде уәкілетті органның және ұйымдардың (болған жағдайда) қорытындыларының нәтижелері, бақылау объектісінің қызметіне жасалған талдаудың қорытындылары келтіріледі. Тиімділікті бақылау кезінде негізінде бағалау жүзеге асырылған критерийлер көрсетіледі.
      Қорытындының жиынтық бөлігі мынадай бөлімдерді қамтиды:
      5. Бақылау барысында қабылданған шаралар.
      Аталған бөлімде есептелген (толық есептелген) салықтар, айыппұлдар, өсімпұлдар туралы, бюджетке түсімдер енгізудің қамтамасыз етілгені және негізсіз пайдаланылған қаражаттың өтелгені, тауарларды, жұмыстар мен көрсетілетін қызметтерді берушілердің шарттық міндеттемелерін орындағаны, бақылау объектісінің бұзушылықтарға жол берген лауазымды адамдарына қолданылған тәртіптік жазалау шаралары туралы, бақылауды жүзеге асыру процесінде және бақылаудың қорытындысы бойынша отырыс өткізілгенге дейін бақылау объектісінің бұзушылықтарды жоюына қатысты басқа да ақпарат, сондай-ақ бақылау материалдарын әкімшілік құқық бұзушылықтар туралы істерді қарауға уәкілетті органдарға беру туралы мәліметтер мен оларды қараудың нәтижелері (болған жағдайда) көрсетіледі.
      6. Бақылаудың қорытындысы бойынша тұжырымдар.
      Жүргізілген бақылаудың мәселелері бойынша бақылау объектісі қызметінің нәтижелерін жалпы бағалау және анықталған бұзушылықтардың жалпы сомасы көрсетіледі.
      Бақылау бағытының ерекшеліктерін ескере отырып, бақылаудың үлгісіне, түріне және объектісіне қарай бюджеттің атқарылуын, мемлекеттік органдардың стратегиялық жоспарларының іске асырылуын, мемлекеттік, салалық және бюджеттік бағдарламалардың іске асырылу тиімділігін, мемлекеттік органдардың (бюджеттік бағдарламалар әкімшілерінің) республикалық бюджетке түсетін түсімдердің толықтығы мен уақтылылығын, республикалық бюджеттен түсімдер сомаларының қайтарылуын қамтамасыз ету, сондай-ақ бюджет қаражаты мен мемлекет активтерінің, байланысты гранттардың, мемлекеттік және мемлекет кепілдік берген қарыздардың, бюджеттік инвестициялардың, мемлекет кепілгерліктерінің тиімді пайдаланылуын, акциялары (қатысу үлестері) мемлекетке тиесілі квазимемлекеттік сектор субъектілері активтерінің басқарылуын қамтамасыз ету жөніндегі қызметін бағалау қамтылады.
      7. Бақылаудың қорытындысы бойынша ұсыныстар.
      Есеп комитетінің бақылауды жүргізуге жауапты мүшесінің тұжырымдармен негізделген және анықталған бұзушылықтар мен кемшіліктердің себептерін жоюға бағытталған ұсыныстары, сондай-ақ Есеп комитетінің отырысында бақылау іс-шарасының қорытындыларын қарау туралы оның пікірі көрсетіледі.
      Бөлімде:
      1) Қазақстан Республикасының Үкіметіне, уәкілетті мемлекеттік органдарға, жергілікті атқарушы органдарға, басқа да консультативтік-кеңесші органдарға нормативтік құқықтық актілерді жетілдіру жөніндегі ұсынымдар;
      4) нормативтік құқықтық актілерді жетілдіру, Қазақстан Республикасының заңнамасы талаптарының сақталуын қамтамасыз ету, анықталған бұзушылықтарды жою, негізсіз пайдаланылған бюджет қаражатын қалпына келтіру не оларды есепке алу бойынша қалпына келтіру, бюджет қаражатының атаулылық және нысаналы сипаты принципін бұза отырып пайдаланылғандарын, соның ішінде нысаналы трансферттер мен бюджеттік кредиттерді қайтару, өнім берушілердің шарттық міндеттемелерін орындауы, сондай-ақ бюджет және өзге де заңнаманың талаптарын бұзуға жол берген лауазымды адамдарды жауаптылыққа тарту жөнінде бақылау объектілері орындауға міндетті Есеп комитетінің шешімдері;
      3) бақылау объектілерінің лауазымды және өзге де адамдарының іс-әрекеттерінде қылмыс белгілерін қамтитын анықталған фактілер бойынша бақылау материалдарын процестік шаралар қабылдау үшін құқық қорғау органдарына жіберу туралы шешімдер;
      4) егер бақылау материалдары Қорытынды дайындалғанға дейін берілмесе, бақылау объектілерінің лауазымды және өзге де адамдарының іс-әрекеттерінде әкімшілік құқық бұзушылықтар белгілерін қамтитын анықталған фактілер бойынша бақылау материалдарын әкімшілік құқық бұзушылықтар туралы істерді қарауға уәкілетті органдарға жіберу туралы шешімдер;
      5) бақылау объектісі басшылығының бюджет пен өзге де заңнама талаптарының бұрын жол берген бұзушылықтарының салдарларын барынша азайтуға бағытталған, бақылау іс-шарасы барысында және отырыс өткізілгенге дейін жасаған іс-әрекеттерін назарға алу туралы ұсыныстар көрсетіледі.
      Ұсыныстар нақты, ақылға қонымды мерзімде және Қазақстан Республикасының қолданыстағы заңнамасы шеңберінде орындалатын, анықталған бұзушылықтар мен кемшіліктерді жою жөнінде нақты шаралар қабылдауға бағытталатын болуы тиіс;
      6) егер бақылау объектісіне қаражатты бюджетке қайтаруды қамтамасыз ету тапсырылған болса, Қорытындыда Қазақстан Республикасы Қаржы министрінің 2014 жылғы 18 қыркүйектегі № 403 бұйрығымен бекітілген Қазақстан Республикасының Бірыңғай бюджеттік сыныптамасына сай бюджет түсімдерінің (алдын ала қазынашылық органдарымен пысықталған) коды көрсетіледі.
      8. Қосымшалар.
      Қорытындыға бақылау нәтижелері бойынша анықталған бұзушылықтар мен кемшіліктердің жиынтық тізілімі, сондай-ақ бақылау объектілері қалпына келтірген және өтеген қаражат (жұмыстар, тауарлар, қызметтер) жөніндегі ақпарат міндетті түрде қоса беріледі.
      Жекелеген бұзушылықтарды неғұрлым толығырақ ашу үшін негізгі (талдамалық) бөлік қосымшалармен (кестелер, есептеулер, таратып жазулар) толықтырылады. Қосымшалар Қорытындының негізгі мәтінімен бірге біртұтас бүтінді құрайды.

Есеп комитетінің сыртқы  
мемлекеттік қаржылық   
бақылауды жүргізу қағидасына
23-1-қосымша       

      Ескерту. 23-1-қосымшамен толықтырылды - Республикалық бюджеттің атқарылуын бақылау жөніндегі есеп комитетінің Төрағасының 14.08.2014 № 3-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі); алып тасталды - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулыларымен.

Есеп комитетінің     
сыртқы мемлекеттік қаржылық
бақылауды жүргізу қағидасына
24-қосымша        

нысан

      Ескерту. 24-қосымша жаңа редакцияда - Республикалық бюджеттік атқарылуын бақылау жөніндегі есеп комитеті төрағасының 03.07.2015 № 5-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Бақылау нәтижелері бойынша анықталған бұзушылықтар мен
кемшіліктердің жиынтық тізілімі

1) қаражат бюджетке түскен кезде (мың теңге)