Медициналық-санитариялық алғашқы көмек көрсету қағидаларын және Медициналық-санитариялық алғашқы көмек ұйымдарына бекіту қағидаларын бекіту туралы

      Ескерту. Бұйрықтың тақырыбы жаңа редакцияда – ҚР Денсаулық сақтау министрінің 04.05.2019 № ҚР ДСМ-62 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Халық денсаулығы және денсаулық сақтау жүйесі туралы" 2009 жылғы 18 қыркүйектегі Қазақстан Республикасының Кодексінің 45-бабының 4-1-тармағына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес Медициналық-санитариялық алғашқы көмек көрсету қағидалары;

      2) осы бұйрыққа 2-қосымшаға сәйкес Медициналық-санитариялық алғашқы көмек ұйымдарына азаматтарды бекіту қағидалары бекітілсін.

      2. Қазақстан Республикасы Денсаулық сақтау және әлеуметтік даму министрлігінің Медициналық көмекті ұйымдастыру департаменті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін оны күнтізбелік он күннің ішінде мерзімді баспасөз басылымдарында және "Әділет" ақпараттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсында орналастыруды қамтамасыз етсін.

      3. Осы бұйрықты орындалуын бақылау Қазақстан Республикасының Денсаулық сақтау және әлеуметтік даму вице-министрі А.В. Цойға жүктелсін.

      4. Осы бұйрық алғашқы ресми жариялаған күнінен бастап қолданысқа енгізіледі.

Алғашқы медициналық-санитариялық көмек көрсету қағидалары

      Ескерту. Қағида жаңа редакцияда – ҚР Денсаулық сақтау министрінің 12.02.2019 № ҚР ДСМ-4 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Алғашқы медициналық-санитариялық көмек көрсету қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексі 45-бабының 4-1) тармағына сәйкес әзірленді және халыққа тегін медициналық көмектің кепілдік берілген көлемі шеңберінде және міндетті әлеуметтік сақтандыру жүйесінде алғашқы медициналық-санитариялық көмек көрсету тәртібін айқындайды.

      2. Осы Қағидаларда пайдаланылатын негізгі ұғымдар:

      1) алғашқы медициналық-санитариялық көмек (бұдан әрі – МСАК) – адам, отбасы және қоғам деңгейінде көрсетілетін, қолжетімді медициналық қызметтер көрсету кешенін қамтитын, тәулік бойы медициналық байқау болмайтын, дәрігерге дейінгі немесе білікті медициналық көмек;

      2) бейінді маман – жоғары медициналық білімді, белгілі бір мамандық бойынша сертификаты бар медицина қызметкері;

      3) білікті медициналық көмек – диагностиканың, емдеудің және медициналық оңалтудың мамандандырылған әдістерін талап етпейтін аурулар кезінде жоғары медициналық білімі бар медицина қызметкерлері көрсететін, оның ішінде телемедицина құралдарын пайдалана отырып көрсететін медициналық көмек;

      4) дәрігерге дейінгі медициналық көмек – аурулардың профилактикасы мақсатында, сондай-ақ диагностика, емдеу мен медициналық оңалту әдістерін дәрігердің қатысуымен пайдалануды талап етпейтін аурулар кезінде орта медициналық білімі бар медицина қызметкерлері көрсететін медициналық көмек;

      5) динамикалық байқау – халық денсаулығының жай-күйін жүйелі түрде байқау, сондай-ақ осы байқаудың нәтижелері бойынша қажетті медициналық көмек көрсету;

      6) клиникалық хаттама – белгілі бір ауру немесе клиникалық жағдай кезінде пациентке медициналық көмек көрсетуге қойылатын жалпы талаптарды белгілейтін құжат;

      7) мамандандырылған медициналық көмек – диагностиканың, емдеудің және медициналық оңалтудың мамандандырылған әдістерін талап ететін аурулар кезінде бейінді мамандар көрсететін, оның ішінде телемедицина құралдарын пайдалана отырып көрсететін медициналық көмек;

      8) тегін медициналық көмектің кепілдік берілген көлемі (бұдан әрі – ТМККК) – Қазақстан Республикасының азаматтарына, оралмандарға, сондай-ақ Қазақстан Республикасының аумағында тұрақты тұратын шетелдіктерге және азаматтығы жоқ адамдарға Қазақстан Республикасының Үкіметі айқындайтын тізбе бойынша бюджет қаражаты есебінен берілетін медициналық көмектің көлемі.

      3. Медициналық қызмет көрсету үшін Қазақстан Республикасы Денсаулық сақтау министрінің міндетін атқарушының 2011 жылғы 5 қаңтардағы № 7 бұйрығымен (Нормативтік құқықтық актілерді мемлекеттік тіркеу тізілімінде № 6774 болып тіркелген) бекітілген Амбулаториялық-емханалық көмек көрсететін денсаулық сақтау ұйымдарының қызметі туралы ережеге сәйкес МСАК ұйымы қажетті үй-жайлар жиынтығымен, сондай-ақ медициналық бұйымдармен қамтамасыз етіледі.

      4. МСАК ұйымы медициналық көмек көрсетуді "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 16-бабына сәйкес уәкілетті орган бекіткен медициналық көмек көрсетуді ұйымдастыру стандарттарына сәйкес қамтамасыз етеді.

      5. МСАК ұйымы "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрінің міндетін атқарушының 2010 жылғы 21 желтоқсандағы № 907 бұйрығына (Нормативтік құқықтық актілерді мемлекеттік тіркеу тізілімінде № 6697 болып тіркелген) (бұдан әрі – № 907 бұйрық) сәйкес медициналық құжаттарды, оның ішінде электрондық денсаулық сақтау жүйелерінде жүргізеді.

2-тарау. Алғашқы медициналық-санитариялық көмек көрсету тәртібі

      6. МСАК-ты учаскелік терапевттер, педиатрлар, жалпы практика дәрігерлері, фельдшерлер, акушерлер, денсаулық сақтау саласындағы әлеуметтік қызметкерлер мен медициналық мейіргерлер:

      1) МСАК көрсететін денсаулық сақтау ұйымында немесе оның бөлімшелерінде;

      2) орны бойынша шығу бойынша, оның ішінде үйдегі стационар жағдайында;

      3) медициналық ұйымнан едәуір алыста орналасқан және (немесе) климаттық-географиялық жағдайларды ескере отырып, көлік қолжетімділігі нашар елді мекендердегі жергілікті жерге шыға отырып, жылжымалы медициналық кешендерде, консультативтік-диагностикалық пойыздарда;

      4) білім беру ұйымдарында;

      5) ақпараттық-коммуникациялық технологияларды қолдана отырып дистанционды көрсетеді.

      7. МСАК ұйымының қызметі халыққа медициналық көмектің қолжетімділігін қамтамасыз ету мақсатында олардың тұрғылықты жері және (немесе) бекітілген жері бойынша МСАК ұйымын еркін таңдау құқығын ескере отырып, медициналық көмекке қолжетімділігін қамтамасыз ету үшін аумақтық қағидат бойынша құрылады.

      Аумақтық қағидаттың негізінде учаскеге мамандарды бекіте отырып, МСАК учаскесі құрылады.

      8. Бекітілген тұрғындар саны бір жалпы практика дәрігеріне 1700 адам аралас тұрғындар, учаскелік терапевт 2200 адам, учаскелік педиатр 6 жасқа дейін 500 бала, 14 жасқа дейін 900 баладан аспайды.

      9. МСАК:

      1) шұғыл тәртіпте – шұғыл медициналық көмек көрсеткен жағдайда бекіту фактісіне қарамастан;

      2) жоспарлы тәртіпте – алдын ала жазылуы немесе жүгінуі бойынша бекіту орны бойынша көрсетіледі.

      10. МСАК көмектің мынадай түрлерін:

      1) осы Қағидаларға 1-қосымшаға сәйкес МСАК-тың медицина қызметкерлері (фельдшер, акушер, орта және (немесе) жоғары медициналық білімі бар мейіргер) көрсететін медициналық қызметтердің тізбесі бойынша дәрігердің қатысуын талап етпейтін аурулар немесе жағдайлар кезінде арнайы диагностикалық әдістерді қолдану, емдеу және медициналық оңалту бойынша медицина қызметкерлері (учаскелік мейіргер (жалпы практика мейіргері), фельдшер, акушер) көрсететін дәрігерге дейінгі медициналық көмекті;

      2) осы Қағидаларға 2-қосымшаға сәйкес МСАК дәрігерлері (жалпы практика дәрігері, учаскелік терапевт дәрігер, учаскелік педиатр) көрсететін медициналық қызметтердің тізбесі бойынша жалпы практика дәрігері көрсететін білікті медициналық көмекті;

      3) осы Қағидаларға 3-қосымшаға сәйкес МСАК ұйымдарының әлеуметтік қызметкері және шақырылған психолог қызметінің тізбесі бойынша денсаулық сақтау саласындағы әлеуметтік қызметкері және шақырылған психолог көрсететін медициналық-әлеуметтік көмекті қамтиды.

      11. МСАК ұйымы:

      халықтың нысаналы (балалар, жасөспірімдер, ересектер) топтарын профилактикалық қарап-тексеруді;

      жүкті әйелдерді антенаталдық байқауды;

      экстрагениталдық патологиясы бар фертилдік жастағы әйелдерді динамикалық байқауды қоспағанда басқа денсаулық сақтау ұйымдарын аутсорсингке бермей, дәрігерге дейінгі, білікті медициналық көмекті қамтитын тіркелген халыққа МСАК қызметін көрсетуді жүзеге асырады.

      12. МСАК ұйымы көрсетілімдер бойынша қашықтықтан іс-қимыл жасау үшін телемедицина құралын пайдалана отырып және аутсорсингке жақын жатқан медициналық ұйымға немесе денсаулық сақтау субъектісіне беру арқылы мамандандырылған медициналық көмек көрсетуді қамтамасыз етеді.

      13. Осы Қағидаларға 10-тармаққа сәйкес МСАК мынадай қызметтерді көрсетеді: профилактика және сауықтыру, диагностика және емдеу, динамикалық байқау, медициналық оңалту және паллиативтік көмек қызметтері, еңбекке уақытша жарамсыздыққа сараптама.

      14. МСАК деңгейінде еңбекке уақытша жарамсыздыққа сараптама бойынша қызметтер Қазақстан Республикасы Денсаулық сақтау және әлеуметтік даму министрінің 2015 жылғы 31 наурыздағы № 183 бұйрығымен (Нормативтік құқықтық актілерді мемлекеттік тіркеу тізілімінде № 10964 болып тіркелген) бекітілген Еңбекке уақытша жарамсыздыққа сараптама жүргізу, еңбекке уақытша жарамсыздық парағын және анықтамасын беру қағидаларына сәйкес еңбекке уақытша жарамсыздыққа сараптама жүргізуді қамтиды.

      15. МСАК ұйымына бастапқы жүгіну кезінде тіркеу бөлімінде бастапқы есепке алу медициналық құжаттары болып табылатын амбулаториялық науқастың медициналық картасы немесе баланың даму тарихы немесе электрондық денсаулық паспорты ресімделеді және № 907 бұйрыққа сәйкес, оның ішінде электрондық денсаулық сақтау жүйелерінде жүргізіледі.

      МСАК ұйымы бастапқы есепке алу медициналық құжаттың, оның ішінде электрондық түрде сақталуын қамтамасыз етеді.

      16. Осы Қағидаларға 4-қосымшаға сәйкес адамдар МСАК ұйымына өтініштердің себептері бойынша жүгінеді.

      Пациент жіті ауруына (жай-күйі) немесе созылмалы ауруының асқынуына байланысты жүгінген жағдайда МСАК ұйымдарының мамандары клиникалық хаттамаларға сәйкес зерттеп-қарау мен тексеру әдістерін айқындайды.

      Амбулаториялық емді анықтаған және емдік шараларды тағайындаған жағдайда пациентке "Рецептілерді жазу, есепке алу және сақтау қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 22 мамырдағы № 373 бұйрығына сәйкес (Нормативтік құқықтық актілерді мемлекеттік тіркеу тізілімінде № 11465 болып тіркелген) дәрілік заттарға рецепт жазады және МСАК ұйымының емшара кабинетіне жолдама береді. Амбулаториялық емнің тиімділігін және оған түзету енгізуді емдеуге жолдама берген МСАК дәрігері жүргізеді.

      17. МСАК ұйымдарының мамандары пациентті шұғыл көрсетілімдер бойынша стационарға жібереді (жедел жәрдем бригадасын шақыртулар), үйдегі стационар ұйымдастырады, пациентті күндізгі стационарға немесе жоспарлы түрде Емдеуге жатқызу бюросы порталы арқылы қажетті зерттеп-қараулар жүргізгеннен кейін тәуліктік стационарға жіберуді жоспарлайды.

      18. Қазақстан Республикасы Денсаулық сақтау министрінің 2017 жылғы 8 тамыздағы № 450 бұйрығымен (Нормативтік құқықтық актілерді мемлекеттік тіркеу тізілімінде № 15473 болып тіркелген) бекітілген Қазақстан Республикасында шұғыл медициналық көмек көрсету ережелеріне сәйкес МСАК ұйымдарында да төртінші жеделділік санатындағы жедел медициналық көмек шақыртуларына қызмет көрсету ұйымдастырылады.

      19. Төртінші жеделділік санатындағы жедел медициналық көмекті бекітілген халыққа және МСАК-тың қызмет көрсету аумағындағы адамдарға шақыртулар немесе осы қызметті жедел және кезек күттірмейтін медициналық көмек көрсететін денсаулық сақтау субъектілеріндегі аутсорсингке беру немесе тіркелген халықтың саны кемінде 10 000 (он мың) адам болған кезде кезек күттірмейтін көмек бөлімшесін ұйымдастыру арқылы тәулік бойы медициналық қызмет көрсетіледі.

      20. МСАК ұйымында үйге бару арқылы мынадай қызметтер жүргізіледі:

      патронаж;

      пациентке белсенді бару;

      үйге шақырту;

      үй жағдайындағы стационар;

      3 деңгейдегі медициналық реабилитация;

      отбасын жоспарлау, жүктілікті қауіпсіз үзу, ұрпақты болу денсаулығын сақтау мәселелері бойынша қызметтер;

      салауатты өмір салты бойынша іс-шаралар;

      медициналық-әлеуметтік қолдау

      психологиялық қолдау;

      рецепт жазу;

      паллиативтік мобильді бригаданың шығуы.

      21. Патронаж:

      1) 5 жасқа дейінгі балаларға, оның ішінде жаңа туған нәрестелерге;

      2) жүкті және босанған әйелдерге;

      3) өміріне, денсаулығына және қауіпсіздігіне қауіп төндіретін медициналық немесе әлеуметтік сипаттағы қаупі анықталған 5 жасқа дейінгі балалар, жүкті немесе босанған әйелдері бар отбасыларды байқау кезінде;

      4) қозғалысы шектелген кезде асқынудан тыс созылмалы аурулары бар пациентке;

      5) паллиативтік көмекке мұқтаж пациенттерге жүргізіледі.

      22. 5 жасқа дейінге балалардың, оның ішінде жаңа туған нәрестелердің патронажы Қазақстан Республикасы Денсаулық сақтау министрінің 2017 жылғы 29 желтоқсандағы № 1027 бұйрығымен (Нормативтік құқықтық актілерді мемлекеттік тіркеу тізілімінде № 16279 болып тіркелген) бекітілген Қазақстан Республикасында педиатриялық көмек көрсетуді ұйымдастыру стандартына сәйкес әмбебап-прогрессивті модель негізінде жүргізіледі.

      23. Қазақстан Республикасы Денсаулық сақтау министрінің 2018 жылғы 16 сәуірдегі №173 бұйрығымен (Нормативтік құқықтық актілерді мемлекеттік тіркеу тізілімінде № 16854 болып тіркелген) бекітілген Қазақстан Республикасында акушерлік-гинекологиялық көмек көрсетуді ұйымдастыру стандартына (бұдан әрі – 173 бұйрық) сәйкес жүкті және босанған әйелдердің патронажы әмбебап-прогрессивті модель негізінде жүргізіледі.

      24. Патронаждың әмбебап-прогрессивті моделі кезінде міндетті жоспарлы келулермен (әмбебап тәсіл) қатар, баланың өмірі, денсаулығы немесе дамуы үшін медициналық немесе әлеуметтік тәуекелдердің болуына байланысты жүкті әйелдерге, жаңа туған нәрестелерге және ерекше қолдауды қажет ететін балаларға арналған жеке жоспар бойынша (прогрессивті тәсіл) қосымша белсенді бару енгізіледі.

      Әмбебап (міндетті) патронаждық бақылау барлық жүкті әйелдер мен 5 жасқа дейінгі балаларға ұсынылады және жүкті әйелге босанғанға дейінгі 2 патронаждан (12 апта және 32 апта жүктілік мерзімінде) және жүкті әйелдерді, жаңа туған нәрестелерді және 5 жасқа дейінгі балаларды қадағалаудың жалпы схемасы бойынша дәрігер/фельдшер және орта медицина қызметкері үйде және МСАК ұйымдарында қабылдауда 9 келуден тұрады.

      Прогрессивті тәсіл жүкті әйелдер мен 5 жасқа дейінгі балалар патронажының (орта медицина қызметкерінің үйде патронаждық баруы) әмбебап-прогрессивті моделі схемасы бойынша олардың өміріне, денсаулығына, дамуы мен қауіпсіздігіне қауіп төндіретін медициналық немесе әлеуметтік сипаттағы тәуекелдер анықталған жүкті әйелдер мен балаларды патронаждық бақылауды көздейді.

      25. Прогрессивті тәсілді немесе прогрессивті қызметтер пакетін алушы туралы мәліметтер (пациенттің немесе заңды өкілдің тегі, аты, әкесінің аты, тұрғылықты мекенжайы, телефондары) "Бірыңғай төлем жүйесі" электрондық денсаулық сақтаудың ақпараттық жүйесіне енгізіледі.

      26. Патронаждың нәтижелері № 116/е нысан бойынша учаскелік мейіргердің үйдегі жұмысын есепке алу журналына, № 112/е нысан бойынша баланың даму тарихына 907 бұйрықпен бекітілген 111/е нысан бойынша жүкті әйелдердің жеке картасына енгізіледі және осы Қағидаларға 5-қосымшаға сәйкес отбасымен, оның ішінде электрондық денсаулық сақтау жүйесі арқылы жеке жұмыс жоспарын қалыптастырады.

      27. Патронажды жүзеге асыру кезінде МСАК маманы: сантиметр лентасын, дене температурасын және бөлме температурасын өлшеуге арналған термометрлерді, фонендоскоп пен тонометрді, қолды өңдеуге арналған дезинфектант, медициналық алғашқы көмек көрсетуге арналған ең аз жиынтық, ақпараттық материалдарды пайдаланады. Ақпараттық жүйелерді, оның ішінде мобилдік қосымшаларды енгізген жағдайда МСАК маманы ұялы қосымшасы бар планшетті немесе смартфонды пайдалана алады.

      28. Патронаж ұйымдастыру мониторингін МСАК ұйымының аға мейірбикесі немесе ол болмаған кезде учаскелік дәрігер (жалпы практика дәрігері) жүргізеді.

      29. МСАК ұйымдары маманының пациенттің үйіне, оның ішінде аула (пәтер) аралау арқылы белсенді баруы:

      1) стационардан шығару немесе жедел медициналық көмек станциясынан активтерді берген ауыр жағдайдағы пациенттердің қозғалуы шектелген кезде;

      2) жүкті әйелдер белгіленген күннен кейін 3 күннің ішінде қабылдауға келмеген кезде;

      3) босанған әйел көрсетілген мерзімде қабылдауға келмегенде;

      4) босанған әйел бекіту мәртебесіне қарамастан акушерлік-гинекологиялық көмек көрсететін денсаулық сақтау ұйымдарынан келіп түскен мәліметтер бойынша қызмет көрсету аумағына келген жағдайда жүзеге асырылады.

      Пациенттің үйіне белсенді баруды учаскелік медициналық мейіргер немесе фельдшер басымдықпен жүзеге асырады.

      30. МСАК ұйымдарының медицина қызметкерлері үйге шақыртуға қызмет көрсетуді учаскелік (жалпы медициналық) қызметтің бөлім меңгерушісі, ол болмаған кезде учаскелік дәрігер (жалпы практика, терапевт (педиатр) дәрігер) үйлестіреді.

      31. Үйге шақыртуды қабылдау МСАК-тың тіркеу бөлімі және (немесе) учаскелік медициналық мейіргер немесе фельдшер телефон байланысы арқылы немесе электрондық түрде "www.egov.kz" электрондық үкімет веб-порталы арқылы, сондай-ақ, медициналық ақпараттық жүйе арқылы жүзеге асырады.

      Жұмыстың аяқталуына дейін 2 сағат бұрын шақыртуды қабылдаған жағдайда үйге шақыртуға қызмет көрсетуді учаскенің мамандары жұмыс уақытында жүзеге асырады.

      32. Адамдар үйге шақыруларға қызмет көрсетуге жүгінген учаскелік мейіргер өтініш түскен сәттен бастап 2 сағаттан кешіктірмей телефон арқылы адамдарға алдын ала консультация береді және адамдардың өмірі мен денсаулығына қауіп төнген жағдайда жедел медициналық жәрдем бригадасын дереу шақырады.

      33. Жеделділіктің төртінші санатындағы жедел медициналық көмекті шақыртуларды қоспағанда, қабылдауға денсаулығының жай-күйі мен аурудың сипаттамасы бойынша МСАК ұйымына келе алмайтын адамдардың МСАК ұйымдарына жүгінуі үйге шақыртуларға қызмет көрсету үшін көрсетілімдер болып табылады.

      Учаскелік мейіргердің немесе фельдшердің үйде шақыртуларға қызмет көрсетуі үшін мыналар көрсетілімдер болып табылады:

      1) шақырту кезінде дене қызуының 38°С болуы;

      2) жай-күйінің бұзылуынсыз артериялық қысымның артуы;

      3) медициналық көмекті және үйде консультацияны қажет ететін жай-күйі, ауруы, жарақаттары (есінен айырылмау, қан кету белгілерінсіз, жай-күйінің кенеттен нашарламауы).

      Учаскелік дәрігердің үйде шақыртуларға қызмет көрсетуі үшін мыналар көрсетілімдер болып табылады:

      1) айналасына қауіп төндірген жай-күй (инфекциялық науқастармен байланыста болуы, себепсіз денесінде бөртпенің пайда болуы, инкубациялық кезең аяқталғанға дейінгі инфекциялық аурулар);

      2) вакциналаудан кейінгі жағдайдың нашарлауы;

      3) шақыртуға қызмет көрсеткен учаскелік мейіргердің немесе фельдшердің шақыртуды қабылдауы кезінде МСАК-тың тіркеу бөлімі бағалаған дәрігердің үйде тексеріп-қарауын қажет ететін жай-күйі.

      5 жасқа дейінгі балаларға, жүкті әйелдерге және босанған әйелдерге денсаулық жай-күйінің кез-келген нашарлауы кезінде, жедел медициналық көмек шақыртуларын қоспағанда, үйде қызмет көрсетіледі. 65 жастан асқан, қозғалысы шектелген адамдарға үйде қызмет көрсетіледі.

      34. Белсенді бару нәтижелері № 025/е нысан бойынша амбулаториялық науқастың жеке медициналық картасына, № 112/е нысан бойынша баланың даму тарихына және 907 бұйрықпен бекітілген № 111/е нысан бойынша жүкті әйелдердің жеке картасына енгізіледі. МСАК ұйымында медициналық ақпараттық жүйе болған жағдайда белсенді бару нәтижелері осы ақпараттық жүйелерге енгізіледі.

      35. Қажет болған жағдайда ем-шаралар мен манипуляция және МСАК ұйымдарына қаралу мүмкіндігі болмаған жағдайда адамдарға үйде стационарлық қызметтер жүргізіледі.

      36. Пациенттерді үйдегі стационарда қадағалап-қарау Қазақстан Республикасы Денсаулық сақтау және әлеуметтік даму министрінің 2015 жылғы 17 тамыздағы № 669 бұйрығымен (Нормативтік құқықтық актілерді мемлекеттік тіркеу тізілімінде № 12106 болып тіркелген) (бұдан әрі - № 669 бұйрық) бекітілген Стационарды алмастыратын көмек көрсету қағидаларына сәйкес медициналық қызметкермен жүзеге асырылады.

      37. МСАК ұйымы № 669 бұйрыққа сәйкес күндізгі стационар жағдайында медициналық көмек көрсетеді.

      39. МСАК көрсеткен кезде учаскелік дәрігер (жалпы практика дәрігері) дәрілік заттарға рецептілер жазады. Дәрілік заттар тек рецептілік бланкілерде, оның ішінде электрондық денсаулық сақтау жүйесі арқылы жазылады.

      40. Осы қызмет түріне аттестатталған медициналық білімі бар мамандарды (дәріхана объектілері жоқ елді мекендердегі дәрігерлік амбулаторияларды, медициналық және фельдшерлік-акушерлік пункттерді) қоспағанда, МСАК ұйымдарының медицина қызметкерлерінің дәрілік заттар беруіне жол берілмейді.

      41. МСАК ұйымдарында бекітілген халықты дәрі-дәрмекпен қамтамасыз ету "Тегін медициналық көмектің кепілдік берілген көлемі шеңберінде, оның ішінде белгілі бір аурулары (жай-күйлері) бар азаматтардың жекелеген санаттарын амбулаториялық деңгейде тегін және (немесе) жеңілдікпен берілетін дәрілік заттармен және мамандандырылған емдік өнімдермен қамтамасыз етуге арналған дәрілік заттардың және медициналық мақсаттағы бұйымдардың тізбесін бекіту туралы" Қазақстан Республикасы Денсаулық сақтау министрінің 2017 жылғы 29 тамыздағы № 666 бұйрығына (Нормативтік құқықтық актілерді мемлекеттік тіркеу тізілімінде № 15724 болып тіркелген) сәйкес жүзеге асырылады.

      42. МСАК ұйымы Қазақстан Республикасы Денсаулық сақтау министрінің міндетін атқарушының 2009 жылғы 30 қазандағы № 630 бұйрығымен (Нормативтік құқықтық актілерді мемлекеттік тіркеу тізілімінде № 5917 болып тіркелген) бекітілген Денсаулық сақтау саласында арнаулы әлеуметтік қызметтер көрсету стандарттарына сәйкес арнаулы әлеуметтік қызметтер көрсетуді қамтамасыз етеді.

3-тарау. Алғашқы медициналық-санитариялық көмек ұйымдарында профилактикалық қызметтерді ұйымдастыру тәртібі

      43. МСАК ұйымында аурулардың аурулардың профилактикасы:

      1) халықтың нысаналы топтарын (балаларды, жасөспірімдерді, ересектерді) профилактикалық тексеруді;

      2) бекітілген халық ауруларының мінез-құлықтық қауіп факторларын ерте анықтау және мониторингілеу және анықталған қауіп факторларын төмендету дағдыларына үйрету;

      3) иммундау;

      4) салауатты өмір салтын қалыптастыру және насихаттау;

      5) ұрпақты болу денсаулығын сақтау іс-шаралары;

      6) жүкті және босанған әйелдерді антенаталдық бақылау және босанған әйелдерді кеш босанудан кейінгі кезеңде байқау;

      7) инфекциялық аурулардың эпидемиясы туындау қаупі жағдайында халықтың аулаларын аралау, инфекциялық аурулармен ауыратын науқастар анықталған кезде, олармен байланыста болған адамдарға және инфекциялық ауруларға күдікті адамдарға белсенді баруды қамтиды.

      44. Қазақстан Республикасы Денсаулық сақтау министрінің 2009 жылғы 10 қарашадағы № 685 бұйрығымен (Нормативтік құқықтық актілерді мемлекеттік тіркеу тізілімінде № 5918 болып тіркелген) бекітілген Халықтың нысаналы топтарын профилактикалық медициналық қарап-тексеруді өткізудің қағидалары мен кезеңділігіне сәйкес нысаналы топтарды (балаларды, жасөспірімдерді, ересектерді) профилактикалық қарап-тексеру және мінез-құлық қауіп факторларын ерте анықтау диагностикалық қызметтердің кезеңділігімен, жиілігімен және көлемімен жүргізіледі.

      45. Мінез-құлық тәуекел факторларымен алдын алу бойынша кеңес беру және жеке тұлғалар тобының мінез-құлқын қалай өзгерту керектігіне қатысты толық ұсыныс беру бойынша МСАК ұйымы анықталған қауіп факторларын төмендету дағдыларына оқытуды ("денсаулық мектебі") қамтамасыз етеді. Аталған оқу МСАК ұйымының мамандарымен профилактикалық кабинеттерде немесе арнайы бөлінген аймақта жүргізіледі.

      Жүргізілетін жұмыс туралы есеп 907 бұйрықпен бекітілген № 038-1/е нысан бойынша МСАК ұйымының ақпараттық-білім беру жұмысын тіркеу журналында, оның ішінде АХЖ 10 кодын көрсете отырып, электрондық денсаулық сақтау жүйесінде жүргізіледі.

      46. Халықтың ақпараттануы мен сауаттылығын арттыру, сондай-ақ МСАК мамандарына салауатты өмір салтын қалыптастыру, тамақтану мәселелері және денсаулықты сақтаудың басқа да өзекті мәселелері бойынша консультация беру жөніндегі іс-шараларды салауатты өмір салтын қалыптастыру құру, тиімді тамақтану саласындағы қызметті жүзеге асыратын денсаулық сақтау ұйымы жүргізеді.

      47. МСАК ұйымы ұрпақты болу денсаулығын сақтау бойынша қызметтер көрсетеді:

      1) жүкті әйелдерді босануға, оның ішінде серіктес босануға дайындау бойынша босанғанға дейінгі оқытуды жүргізу, жүкті әйелдерді мазасыздық белгілері туралы, тиімді перинаталдық технологиялар, ана болу қауіпсіздігі, емшекпен қоректендіру және перинаталдық күтім қағидаттары туралы хабардар ету;

      2) отбасын жоспарлау мәселелері бойынша консультация беру және қызметтер көрсету;

      3) бейінді мамандарға жіберу үшін жыныстық жолмен берілетін инфекциялардың профилактикасы және анықтау;

      4) қаламаған жүктілік пен қауіпсіз аборттың профилактикасы;

      5) репродуктивті ағзалар ісігінің профилактикасы (жатыр мойны мен сүт безі ісігі).

      48. Жастар денсаулық орталықтарына жастар өз бастамасы бойынша (өзін-өзі басқару) немесе учаскелік дәрігерлер мен мейіргерлердің жолдамасы бойынша жүгінеді.

      49. Жастар денсаулық орталықтарында жұмыс жеке консультация беру, жұпқа консультация беру немесе топта жұмыс істеу түрінде дәрістер мен тренингтер түрінде келесі тақырыптар бойынша жүргізіледі:

      жасөспірімдер кезеңіндегі жыныстық және психикалық-әлеуметтік даму;

      жүктілік диагностикасы;

      қаламаған жүктілікке байланысты консультация беру;

      қаламаған жүктілікті үзуге дейін және кейін консультация беру;

      контрацепция құралдарын таңдау мәселелері;

      жыныстық жолмен берілетін инфекциялардың профилактикасы, диагностикасы және емдеу, оның ішінде адамның иммун тапшылығы вирусы;

      қауіпті мінез-құлық факторларының профилактикасы және салауатты өмір салтын жүргізу дағдыларын қалыптастыру;

      психоәлеуметтік, әлеуметтік мәселелер және жұптағы, отбасындағы қарым-қатынастармен байланысты мәселелерді шешу, тұлғааралық қатынастар.

      50. МСАК ұйымы №173 бұйрыққа сәйкес жүкті әйелдерді антенаталдық бақылауды, босанған әйелдерді кеш босанғаннан кейінгі байқауды, экстрагениталдық патологиясы бар фертилдік жастағы әйелдерді динамикалық бақылауды қамтамасыз етеді.

      51. МСАК ұйымы мектепке дейінгі білім беру ұйымдарында балалардың, жалпы орта білім беру ұйымдары оқушыларының ауыз қуысына профилактикалық тексеру жүргізуді және балаларды тіс және ауыз қуысының сілемейлі қабығын күту бойынша санитариялық-гигиеналық дағдыларға оқытуды стоматологиялық қызметпен айналысатын ұйымдарға аутсорсингке беру жолымен қамтамасыз етеді.

      52. МСАК учаскесі деңгейінде инфекциялық аурулардың профилактикасына:

      дер кезінде сырқаттанғандарды анықтау;

      профилактикалық егулер жүргізу;

      инфекциялық аурулар ошақтарындағы санитариялық-эпидемияға қарсы және санитариялық-профилактикалық іс-шаралар жатады.

      Бекітілген халықтың арасында инфекциялық ауруларды белсенді анықтау МСАК ұйымдарының медицина қызметкері пациентке үйде белсенді бару жолымен, оның ішінде осы Қағидалардың 27-тармағына сәйкес аулаларды (пәтер бойынша) аралау жолымен инфекциялық аурудың өршуі туралы ресми хабарлама алған кезде жүзеге асырылады.

      53. МСАК ұйымы инфекциялық аурулардың профилактикасы мақсатында Қазақстан Республикасы Үкіметінің 2009 жылғы 30 желтоқсандағы № 2295 қаулысымен бекітілген Қарсы профилактикалық егу жүргізілетін аурулардың тізбесін және оларды жүргізу ережесі бойынша профилактикалық егулерді жүргізуді қамтамасыз етеді.

      54. МСАК ұйымы халыққа профилактикалық егуді Денсаулық сақтау министрінің міндетін атқарушының 2018 жылғы 13 маусымдағы № 361 бұйрығымен (Нормативтік құқықтық актілерді мемлекеттік тіркеу тізілімінде № 17206 болып тіркелген) бекітілген "Халыққа профилактикалық егуді жүргізу бойынша санитариялық-эпидемиологиялық талаптар" санитариялық қағидаларының талаптарына сәйкес жүргізеді.

      55. Профилактикалық егулерді есепке алу егу жүргізілетін орын бойынша денсаулық сақтау объектілерінде, мектепке дейінгі тәрбие және оқыту, білім беру объектілерінде, 907 бұйрықпен бекітілген 064/е нысаны бойынша профилактикалық егулерді есепке алу журналы, № 112/е нысаны бойынша баланың даму тарихы, № 063/е нысаны бойынша профилактикалық егулер картасы, № 026/е нысаны бойынша баланың медициналық картасы, № 025/е нысаны бойынша амбулаториялық пациенттің медициналық картасы сақталатын есепке алу нысаны бойынша, оның ішінде электрондық денсаулық сақтау жүйесіндегі тиісті жазбалармен жүзеге асырылады.

      56. МСАК ұйымының мамандары бекітілген халықтың арасында иммундық-профилактика мәселелері бойынша, соның ішінде вакцинациядан бас тартқан адамдармен түсіндіру жұмыстарын жүргізеді.

      57. МСАК ұйымы инфекциялық аурулардың ошақтарындағы жұмысты ұйымдастырады және Қазақстан Республикасы Денсаулық сақтау министрінің міндетін атқарушының 2018 жылғы 27 наурыздағы № 126 бұйрығымен (Нормативтік құқықтық актілерді мемлекеттік тіркеу тізілімінде № 16793 болып тіркелген) бекітілген "Инфекциялық аурулардың алдын алу бойынша санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар" санитариялық қағидаларына (бұдан әрі – санитариялық қағидалар) сәйкес санитариялық-эпидемияға қарсы және санитариялық-профилактикалық іс-шараларды жүзеге асырады.

      58. Қазақстан Республикасы Денсаулық сақтау және әлеуметтік даму министрінің 2015 жылғы 21 мамырдағы № 367 бұйрығымен (Нормативтік құқықтық актілерді мемлекеттік тіркеу тізілімінде № 11512 болып тіркелген) бекітілген Әлеуметтік мәні бар аурулардың және айналасындағылар үшін қауіп төндіретін аурулардың тізбесіне және Қазақстан Республикасы Денсаулық сақтау және әлеуметтік даму министрінің 2015 жылғы 1 сәуірдегі № 194 бұйрығымен (Нормативтік құқықтық актілерді мемлекеттік тіркеу тізілімінде № 11317 болып тіркелген) бекітілген Қазақстан Республикасының аумағына уақытша келген шетелдіктер мен азаматтығы жоқ адамдар ТМККК алуға құқылы болатын айналадағылар үшін қауіп төндіретін қатты аурулардың тізбесіне сәйкес қауіп төндіретін аурулар анықталған жағдайда МСАК мамандары санитариялық қағидаларға сәйкес іс-шараларды жүзеге асырады.

      59. МСАК ұйымы Қазақстан Республикасы Денсаулық сақтау министрінің 2017 жылғы 25 желтоқсандағы № 994 бұйрығымен (Нормативтік құқықтық актілерді мемлекеттік тіркеу тізілімінде №16381 болып тіркелген) (бұдан әрі – 994 бұйрық) бекітілген Туберкулез бойынша медициналық көмекті ұйымдастыру жөніндегі нұсқаулыққа сәйкес, оның ішінде электрондық денсаулық сақтау жүйесі арқылы туберкулездің алдын алу, белсенді ерте анықтау және диагностикалау бойынша іс-шаралар кешенін ұйымдастырады және жүргізеді.

      60. Қазақстан Республикасы Денсаулық сақтау және әлеуметтік даму министрінің 2015 жылғы 23 маусымдағы № 508 бұйрығымен (Нормативтік құқықтық актілерді мемлекеттік тіркеу тізілімінде № 11803 болып тіркелген) бекітілген Клиникалық және эпидемиологиялық көрсетілімдер бойынша адамдарды АИТВ инфекциясының болуына міндетті құпия медициналық зерттеп-қарау қағидаларына- сәйкес МСАК ұйымы АИТВ-инфекциясының бар-жоғына эпидемиологиялық айғақтар бойынша тексеруді ұйымдастырады және жүргізеді.

      61. МСАК ұйымы Қазақстан Республикасы Денсаулық сақтау министрінің 2013 жылғы 2 тамыздағы № 452 бұйрығымен (Нормативтік құқықтық актілерді мемлекеттік тіркеу тізілімінде № 8687 болып тіркелген) (бұдан әрі – 452 бұйрық) бекітілген онкологиялық көмек ұйымының стандартына сәйкес обыр алды және онкологиялық аурулардың профилактикасы және белсенді ерте анықтау жөніндегі іс-шаралар кешенін ұйымдастырады және жүргізеді.

      62. МСАК ұйымы Қазақстан Республикасы Денсаулық сақтау және әлеуметтік даму министрінің 2016 жылғы 8 ақпандағы № 95 бұйрығымен (Нормативтік құқықтық актілерді мемлекеттік тіркеу тізілімінде № 13404 болып тіркелген) бекітілген психикалық денсаулық саласында медициналық-әлеуметтік көмек көрсетуді ұйымдастыру стандартына сәйкес психикалық және мінез-құлықтық бұзылулармен ауыратын науқастардың профилактикасы және белсенді ерте анықтау бойынша іс-шаралар кешенін ұйымдастырады және жүргізеді.

4-тарау. Медициналық санитариялық алғашқы көмек ұйымдарында динамикалық бақылауды, оңалтуды және паллиативтік көмекті ұйымдастыру тәртібі

      63. МСАК ұйымының мамандары пациентті диспансерлік есепке уәкілетті орган бекіткен медициналық көмек көрсетуді ұйымдастырудың стандарттарына және клиникалық хаттамаларына сәйкес ресімдейді.

      Пациент үш құжаттың біреуінің негізінде бекітілген жері бойынша МСАК ұйымына динамикалық байқау үшін есепке қойылады:

      1) МСАК дәрігерінің қорытындысы, немесе

      2) бейінді маманның консультациялық қорытындысы, немесе

      3) стационарлық науқастың медициналық картасынан алынған үзінді.

      64. Алғаш рет диспансерлік есепке алынған пациентті рәсімдеу кезінде учаскелік мейіргер № 907 бұйрықпен бекітілген диспансерлік байқаудың бақылау картасын (№ 030/е нысаны), оның ішінде электрондық денсаулық сақтау жүйелерінде толтырады.

      65. Созылмалы аурулары бар адамдарды динамикалық байқауды МСАК ұйымдарының мамандары (жалпы практика дәрігері, учаскелік терапевт дәрігер/учаскелік педиатр), орта медицина қызметкерлері (учаскелік медициналық мейіргер немесе фельдшер) жүзеге асырады.

      Қажеттілік кезінде денсаулық сақтау саласындағы әлеуметтік қызметкерлер, психологтар және салауатты өмір салты кабинеттерінің мамандары тартылады.

      66. Осы Қағидаларға 6-қосымшаға сәйкес МСАК ұйымы учаскелік мейіргерлердің, МСАК дәрігерлерінің, бейінді мамандардың қарап-тексеру тізбесі, көлемдері, зертханалық және аспаптық зерттеулер, бақылау мерзімдері, есептен шығару өлшемшарттары МСАК ұйымдарында динамикалық байқауға жататын аурулардың тізбесі бойынша айқындалады.

      67. Динамикалық байқау кезінде мамандар ауруларды басқару бағдарламасына (бұдан әрі – АББ) қатысу үшін пациенттерді таңдауды жүргізеді.

      68. АББ өзіндік менеджментке пациенттерді тарту кезінде созылмалы аурулармен ауыратын пациенттерді динамикалық байқау бағдарламасын білдіреді.

      69. АББ үш созылмалы ауру бойынша жүргізіледі: артериялық гипертензия, 2 типті қант диабеті, жүрек функциясының созылмалы жетіспеушілігі.

      70. Динамикалық байқау кезінде МСАК учаскесінің мамандары пациенттерді АББ-ға қатысу үшін іріктейді және мыналарды қамтамасыз етеді:

      1) құрамында МСАК мамандары мен бейінді мамандары бар мультитәртіптік топтың болуы;

      2) АББ-ға қатысатын пациенттің жеке күнделігінде пациенттің денсаулығының жай-күйін, оның ішінде электрондық денсаулық сақтау жүйелерінде үздіксіз бағалауды қамтамасыз ету;

      3) пациенттің жеке күнделігінде тіркей отырып, өзіндік менеджментке/өз-өзіне көмек көрсетуге үйрету;

      4) пациентпен әңгімелесуді және науқасты қадағалау жоспарын түзетуді қамтитын пациенттен кері байланыс практикасын енгізу.

      71. Пациенттің АББ-ға қатысуға келісімі болған кезде учаскелік мейіргер Қазақстан Республикасының Азаматтық Кодексіне сәйкес келісім жасайды.

      Учаскелік мейіргер АББ-ға қатысу туралы шарттың электрондық нысанын "Бірыңғай төлеу жүйесі" электрондық денсаулық сақтаудың ақпараттық жүйесіне енгізуді қамтамасыз етеді.

      72. Бағдарламаның тиімділігін мониторингілеу нысаналы нысандарға қол жеткізудің негізінде бағаланады.

      73. АББ бойынша пациентті байқауды біліктілікті арттыру туралы куәлікке сәйкес келетін МСАК-тың мамандары жүзеге асырады. Учаскелік дәрігер (жалпы практика дәрігері, учаскелік терапевт (педиатр) дәрігері) МСАК ұйымы учаскесінің шегіндегі АББ үйлестірушісі болып табылады.

      74. Туберкулезді бастап өткерген науқастарды динамикалық байқау 994 бұйрыққа сәйкес жүргізіледі.

      Онкологиялық науқастарды динамикалық байқау 452 бұйрыққа сәйкес жүргізіледі.

      75. Созылмалы аурулары бар адамдарға көрсетілімдер болған жағдайда МСАК ұйымы қалпына келтіру емі мен медициналық оңалту, паллиативтік көмек және арнайы әлеуметтік-медициналық қызметтер көрсетумен мейіргерлік күтім қызметтерін көрсетеді.

      76. МСАК ұйымы Қазақстан Республикасы Денсаулық сақтау министрінің 2013 жылғы 27 желтоқсандағы № 759 бұйрығымен (Нормативтік құқықтық актілерді мемлекеттік тіркеу тізілімінде № 9108 болып тіркелген) бекітілген Қазақстан Республикасының халқына медициналық оңалту көрсетуді ұйымдастыру стандартына сәйкес медициналық оңалту және қалпына келтіру емі қызметтерін көрсетуді қамтамасыз етеді.

      77. МСАК ұйымы Қазақстан Республикасы Денсаулық сақтау министрінің 2013 жылғы 14 қарашадағы № 657 бұйрығымен (Нормативтік құқықтық актілерді мемлекеттік тіркеу тізілімінде № 8956 болып тіркелген) бекітілген Қазақстан Республикасының халқына паллиативтік көмек көрсетуді ұйымдастыру стандартына және Қазақстан Республикасы Денсаулық сақтау министрінің міндетін атқарушының 2014 жылғы 20 мамырдағы № 269 бұйрығымен (Нормативтік құқықтық актілерді мемлекеттік тіркеу тізілімінде № 9532 болып тіркелген) бекітілген Қазақстан Республикасының халқына мейіргерлік күтім көрсетуді ұйымдастыру стандартына сәйкес паллиативтік көмек және мейіргерлік күтім қызметтерін көрсетуді қамтамасыз етеді.

Медициналық-санитариялық алғашқы көмектің медицина қызметкерлері (фельдшер, акушер, орта және/немесе жоғары медициналық білімі бар мейіргер) көрсететін медициналық қызметтердің тізбесі

      Ескерту. 1-қосымша жаңа редакцияда – ҚР Денсаулық сақтау министрінің 29.08.2019 № ҚР ДСМ-122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Медициналық-санитариялық алғашқы көмек дәрігерлері (жалпы практика дәрігері, учаскелік терапевт / учаскелік педиатр дәрігер) көрсететін медициналық қызметтердің тізбесі

      Ескерту. 2-қосымша жаңа редакцияда – ҚР Денсаулық сақтау министрінің 29.08.2019 № ҚР ДСМ-122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Медициналық-санитариялық алғашқы көмек ұйымдарының әлеуметтік қызметкері және тартылған психолог қызметтерінің тізбесі

      Ескерту. 3-қосымша жаңа редакцияда – ҚР Денсаулық сақтау министрінің 29.08.2019 № ҚР ДСМ-122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Медициналық-санитариялық алғашқы көмек ұйымдарына жүгіну себептері

      Ескерту. 4-қосымша жаңа редакцияда – ҚР Денсаулық сақтау министрінің 29.08.2019 № ҚР ДСМ-122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Алғашқы медициналық-санитариялық ұйымдарда отбасы мен жеке жұмыс жоспары

Тегін медициналық көмектік кепілдік берілген көлемі шеңберінде медициналық-санитариялық алғашқы көмек ұйымдарында динамикалық байқауға жататын аурулардың тізбесі

      Ескерту. 6-қосымша жаңа редакцияда – ҚР Денсаулық сақтау министрінің 29.08.2019 № ҚР ДСМ-122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Медициналық-санитариялық алғашқы көмек ұйымдарына бекіту қағидалары

      Ескерту. Қағида жаңа редакцияда – ҚР Денсаулық сақтау министрінің 04.05.2019 № ҚР ДСМ-62 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-бөлім. Жалпы ережелер

      1. Осы Медициналық-санитариялық алғашқы көмек ұйымдарына бекіту қағидалары (бұдан әрі - Қағидалар) Қазақстан Республикасының 2009 жылғы 18 қыркүйектегі Кодексінің (бұдан әрі - Кодекс) 45-бабының 4-1-тармағына сәйкес әзірленді және Қазақстан Республикасының азаматтарына, оралмандарға, сондай-ақ Қазақстан Республикасының аумағында тұрақты тұратын шетелдіктерге және азаматтығы жоқ адамдарға (бұдан әрі - тұлға) медициналық-санитариялық алғашқы көмек ұйымдарына (бұдан әрі - МСАК) бекіту тәртібін айқындайды.

      2. Осы Қағидаларда пайдаланылатын негізгі ұғымдар:

      1) әкімшілік-аумақтық бірлік - ауыл, кент, ауылдық округ, қаладағы аудан, қала, аудан, облыс;

      2) әлеуметтік медициналық сақтандыру қоры (бұдан әрі - қор) - аударымдар мен жарналарды шоғырландыруды жүргізетін, сондай-ақ медициналық көмек көрсететін денсаулық сақтау субъектілерінің көрсетілетін қызметтерін медициналық көрсетілетін қызметтерді сатып алу шартында көзделген көлемдерде және талаптармен сатып алу мен оларға ақы төлеуді және Қазақстан Республикасының заңдарында айқындалған өзге де функцияларды жүзеге асыратын коммерциялық емес ұйым;

      3) бала (балалар) - он сегіз жасқа (кәмелетке) толмаған адам;

      4) баланың заңды өкiлдерi - Қазақстан Республикасының заңнамасына сәйкес балаға қамқорлық жасауды, бiлiм, тәрбие берудi, оның құқықтары мен мүдделерiн қорғауды жүзеге асыратын ата-аналар (ата-ана), бала асырап алушылар, қорғаншы немесе қамқоршы, баланы қабылдайтын ата-ана (баланы қабылдайтын ата-аналар), патронат тәрбиешi және оларды алмастырушы басқа да адамдар;

      5) денсаулық сақтау саласындағы уәкілетті орган (бұдан әрі - уәкілетті орган) - азаматтардың денсаулығын сақтау, медициналық және фармацевтикалық ғылым, медициналық және фармацевтикалық білім беру, дәрілік заттардың, медициналық мақсаттағы бұйымдар мен медициналық техниканың айналысы, медициналық қызметтер сапасын бақылау саласындағы басшылықты жүзеге асыратын орталық атқарушы орган;

      6) сақтандыру ұйымы – қаржы нарығын және қаржы ұйымдарын реттеу, бақылау және қадағалау бойынша уәкілетті органның тиісті лицензиясы негізінде медициналық сақтандыру шарттарын жасасу және орындау қызметін асыратын заңды тұлға.

      3. МСАК ұйымдарына бекіту МСАК көрсету үшін негіз болып табылады және:

      1) МСАК аумақтық қолжетімділігі;

      2) МСАК ұйымын еркін таңдау;

      3) МСАК маманын (жалпы практика дәрігері, учаскелік терапевт, учаскелік педиатр) еркін таңдау;

      4) отбасылық қызмет көрсету;

      5) меншік нысанына және ведомстволық тиістілігіне қарамастан МСАК ұйымдарының тең құқығы және адал бәсекелестігі қағидаттарымен жүзеге асырылады.

      4. Тұлғаларды:

      1) МСАК-тың бір ұйымына;

      2) жеке сәйкестендіру нөмірі бойынша;

      3) жаңадан пайдалануға берілетін денсаулық сақтау объектісі (бюджет қаражаты есебінен немесе "Мемлекеттік-жеке әріптестік туралы" Қазақстан Республикасының Заңына, "Концессиялар туралы" Қазақстан Республикасының Заңына сәйкес мемлекеттік-жеке әріптестік шеңберінде және "Қазақстан Республикасының денсаулық сақтау саласын дамытудың 2016 - 2019 жылдарға арналған "Денсаулық" мемлекеттік бағдарламасын бекіту және "Мемлекеттік бағдарламалар тізбесін бекіту туралы" Қазақстан Республикасы Президентінің 2010 жылғы 19 наурыздағы № 957 Жарлығына толықтыру енгізу туралы" Қазақстан Республикасы Президентінің 2016 жылғы 15 қаңтардағы № 176 Жарлығының 5.7.1-тармағын іске асыруда бекітілген денсаулық сақтау жүйесінің біртұтас инфрақұрылымын дамытудың перспективалық жоспарына сәйкес салынған және алған пайдалануға берілген объект) мен бекіту науқаны кезеңінде бекітуді қоспағанда, медициналық көрсетілетін қызметтерді сатып алу тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде қормен шартын жасасқан (бұдан әрі - медициналық көрсетілетін қызметтерді сатып алу шарты) МСАК ұйымына бекіту жүзеге асырылады.

      МСАК ұйымына бекіту кезінде алдыңғы МСАК ұйымынан бекітуден шығару автоматты түрде жүзеге асырылады.

      5. Балалар үйлерінде, интернаттарда, балаларға арналған мамандандырылған ұйымдарда тұрып жатқан балалар, сондай-ақ медициналық-әлеуметтік мекемелерде тұратын, соттың шешімі бойынша қылмыстық-атқару (пенитенциарлық) жүйесі мекемелерінде жазасын өтеп жүрген тұлғалар оларға облыстар, республикалық маңыздағы қалалар мен астананың бекітілген аумақтық қызмет көрсету аймақтарымен қорға жыл сайын 15 қарашадан кешіктірмей ұсынылған МСАК ұйымдарының тізімінен тұратын (бұдан әрі - бөлу туралы бұйрық), облыстар, республикалық маңыздағы қалалар мен астананың денсаулық сақтауды мемлекеттік басқарудың жергілікті органдарының (бұдан әрі - денсаулық сақтау басқармалары) шешімінің негізінде көрсетілген ұйымдар орналасқан аумақтық қызмет көрсету аймағында МСАК ұйымдарына бекітіледі.

      6. Бекіту науқаны кезеңінде МСАК ұйымына еркін таңдау құқығын пайдаланбаған тұлға алдыңғы жылы қызмет көрсетілген МСАК ұйымына бекітіледі.

      Бұрынғы МСАК ұйымында келесі жылға медициналық көрсетілетін қызметтерді сатып алуға жасасқан шарты болмаған жағдайда денсаулық сақтау басқармаларының қорға жыл сайын 20 қарашадан кешіктірмей ұсынылатын бөлу туралы бұйрықтың негізінде қабылданған өңірлік комиссияның шешімі бойынша медициналық көмектің аумақтық қолжетімділігін ескере отырып, МСАК ұйымына бекітіледі.

      Денсаулық сақтау субъектілерін таңдау және олардың арасында медициналық көрсетілетін қызметтердің көлемдерін орналастыру жөніндегі өңірлік комиссия (бұдан әрі - өңірлік комиссия) Қазақстан Республикасы Денсаулық сақтау министрінің 2017 жылғы 7 тамыздағы № 591 бұйрығымен бекітілген Тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде денсаулық сақтау субъектілерінен көрсетілетін қызметтерді сатып алу қағидаларымен (Нормативтік құқықтық актілерді мемлекеттік тіркеу тізілімінде № 15604 болып тіркелген) көзделген тәртіппен құрылады.

      7. Осы Қағидалардың 5 және 6-тармақтарында көрсетілген тұлғаларды бекітуді қордан өңірлік комиссияның шешімін алған күннен бастап бір жұмыс күні ішінде қолданыстағы заңнамаға сәйкес айқындалатын, денсаулық сақтау жүйесінің (электрондық денсаулық сақтаудың) ақпараттық инфрақұрылымы мен медициналық статистиканы жетілдіруге байланысты қызметті жүзеге асыратын және құқық қатынастарына түсетін ұйым (бұдан әрі - ақпараттандыру ұйымы) қамтамасыз етеді.

2-тарау. Медициналық-санитариялық алғашқы көмек ұйымдарына бекіту тәртібі

      8. МСАК ұйымына бекіту медициналық ұйымды еркін таңдау құқығы бойынша басқа әкімшілік-аумақтық бірліктегі басқа аумақта орналасқан жақын жердегі МСАК ұйымына бекітілетін шекаралас аумақтарда тұратын тұлғаларды қоспағанда, МСАК ұйымын еркін таңдау құқығын ескере отырып, тұрақты немесе уақытша тұратын жері бойынша бір әкімшілік-аумақтық бірлік шегінде (ауыл, кент, қала, облыстық маңызы бар қаладағы аудан, республикалық маңызы бар қала, астана) жүзеге асырылады.

      МСАК маманын еркін таңдауы учаскедегі бекітілген халықтың санын есепке ала отырып, бекітілген жері бойынша МСАК ұйымының шегінде жүзеге асырылады (МСАК маманына бекітілген медициналық-санитариялық алғашқы көмек субъектісімен халыққа қызмет көрсету бөлігінде).

      9. Бекіту "Денсаулық сақтау саласындағы мемлекеттік көрсетілетін қызметтер стандарттарын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен бекітілген "Медициналық-санитариялық алғашқы көмек көрсететін медициналық ұйымға бекіту" мемлекеттік көрсетілетін қызмет стандартына (Нормативтік құқықтық актілерді мемлекеттік тіркеу тізілімінде № 11304 болып тіркелген) сәйкес жүзеге асырылады.

      10. Бекіту негіздемелері:

      1) тұрақты немесе уақытша тұратын жерін бір әкімшілік-аумақтық бірлік шегінен тыс жерге бір айдан асатын мерзімге шыға отырып немесе бір әкімшілік-аумақтық бірліктің ішінде өзгерту;

      2) МСАК ұйымдарын бір әкімшілік-аумақтық бірлік шегінде (ауыл, кент, қала, облыстық маңызы бар қаладағы аудан, республикалық маңызы бар қала, астана) еркін таңдауын жүзеге асыру;

      3) қордың бір әкімшілік-аумақтық бірлік шегінде (ауыл, кент, қала, облыстық маңызы бар қаладағы аудан, республикалық маңызы бар қала, астана) 15 қыркүйектен бастап 15 қараша аралығында бекіту науқанын (бұдан әрі - бекіту науқанын) жүргізу;

      4) сақтандырушы мен сақтандыру ұйымының арасында жасалған ерікті медициналық сақтандыру шарты бойынша (бұдан әрі - ЕМС шарты), оның шеңберінде МСАК ұйымы сақтандырылған тұлғаға медициналық қызмет көрсетеді;

      5) өңірлік комиссия айқындаған бір әкімшілік-аумақтық бірлік шегінде (ауыл, кент, қала, облыстық маңызы бар қаладағы аудан, республикалық маңызы бар қала, астана) МСАК ұйымына келіспеу;

      6) МСАК ұйымының азаматтарға МСАК көрсетуден бас тарту, сондай-ақ қордың көрсетілетін қызметтерді сатып алу шартын бұзуға немесе өзгертуге әкеп соғатын оны қайта ұйымдастыру, тарату;

      7) медициналық қызметтерді көрсетуге үміткер МСАК ұйымдарына медициналық көрсетілетін қызметтердің көлемін орналастырмау;

      8) жаңадан пайдалануға берілетін денсаулық сақтау ұйымдарының пайда болуы;

      9) жекешелендіру арқылы мемлекеттік кәсіпорын болып табылатын МСАК ұйымын иеліктен шығару.

      11. Осы Қағидалардың 10-тармағының 1) - 5) тармақшаларымен көзделген негіздемелер бойынша МСАК ұйымдарына бекіту тұлғалардың бекітуге өтінішті беруі арқылы жүзеге асырылады.

      12. Бекіту науқаны кезінде МСАК ұйымына бекітілген тұлғалар қормен қызметтерді сатып алу шартын жасасқан жағдайда келесі жылғы 1 қаңтардан бастап МСАК алады.

      13. Осы Қағидалардың 10-тармағының 4) тармақшасына сәйкес бекітілген тұлға ЕМС шарты шеңберінде медициналық көмек көрсететін МСАК ұйымынан МСАК алады.

      14. МСАК ұйымдары тұратын жері бойынша бекітілген тұлғаларды МСАК көрсету тоқтатылғандығы туралы:

      1) көрсетілетін қызметтерді сатып алу шартын бұзған немесе өзгерткен күніне дейін кемінде күнтізбелік отыз күн бұрын;

      2) МСАК ұйымын қайта ұйымдастыру немесе тарату туралы белгілі болған күннен бастап күнтізбелік екі күннің ішінде;

      3) қордың медициналық көрсетілетін қызметтердің көлемдерін орналастырмайтындығы туралы белгілі болған күннен бастап күнтізбелік екі күннің ішінде жазбаша хабардар етеді.

      "Бекітілген халықты тіркеу" ақпараттық жүйесінде телефон нөмірі (электрондық поштаның мекенжайы) болған кезде, МСАК ұйымы халықты МСАК көрсету тоқтатылғандығы туралы хабарлама жолдау арқылы хабардар етеді.

      15. Осы Қағидалардың 10-тармағының 6)-9) тармақшаларымен көзделген негіздемелер бойынша МСАК ұйымдарына тұлғаларды бекітуді бөлу туралы бұйрықтың негізінде қабылдаған өңірлік комиссияның хаттамасын қордан алған күннен бастап бір жұмыс күні ішінде ақпараттандыру ұйымы жүзеге асырады.

      Бөлу туралы бұйрықты денсаулық сақтау басқармалары қорға жыл сайын 20 қарашаға дейін жібереді және қор мен денсаулық сақтау басқармаларының интернет-ресурстарында орналастырылады.

      Адамдарды өңірлік комиссия хаттамасының негізінде МСАК ұйымдарына бекіткеннен кейін МСАК ұйымдары бекітілген тұлғаларды олардың тұрғылықты жері бойынша жазбаша хабардар етеді. "Бекітілген халықты тіркеу" ақпараттық жүйесінде телефон нөмірі (электрондық поштаның мекенжайы) болған кезде, МСАК ұйымы тұлғаларды хабарлама жіберу арқылы хабардар етеді.

      Өңірлік комиссия айқындаған МСАК ұйымына келіспеген жағдайда, тұлға осы Қағидалардың 10-тармағының 5) тармақшасында көзделген негіздеме бойынша бекітуді өзгертуге өтініш береді.

      16. ТМККК шеңберінде және МӘМС жүйесінде МСАК көрсететін жекеше медициналық практикамен айналысатын жеке тұлғаларға бекіту осы Қағидаларға сәйкес жүзеге асырылады.