Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы

      Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
      2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                           С. Ахметов.

Қазақстан Республикасы
Үкіметінің     
2012 жылғы 29 желтоқсандағы
№ 1772 қаулысымен   
бекітілген     

Қазақстан Республикасы Үкіметінің кейбір шешімдеріне
енгізілетін өзгерістер мен толықтырулар

      1. Күші жойылды - ҚР Үкіметінің 19.06.2013 № 636 қаулысымен (қолданысқа енгізілу тәртібін 6-тармақтан қараңыз).
      2. «Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 815 қаулысында (Қазақстан Республикасының ПҮАЖ-ы, 2011 ж., № 47, 639-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасы осы қаулыға 2-қосымшаға сәйкес жаңа редакцияда жазылсын.
      3. «Жұмыспен қамтуға жәрдемдесудің белсенді шараларына қатысатын адамдарға кәсіпкерлікті дамытуды мемлекеттік қолдауды ұйымдастыру және қаржыландыру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 816 қаулысында (Қазақстан Республикасының ПҮАЖ-ы, 2011 ж., № 47, 640-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдарға кәсіпкерлікті дамытуды мемлекеттік қолдауды ұйымдастыру және қаржыландыру қағидасы осы қаулыға 3-қосымшаға сәйкес жаңа редакцияда жазылсын.
      4. «Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 817 қаулысында (Қазақстан Республикасының ПҮАЖ-ы, 2011 ж., № 47, 641-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасы осы қаулыға 4-қосымшаға сәйкес жаңа редакцияда жазылсын.
      5. «Микрокредиттік ұйымдар мен кредиттік серіктестіктерге конкурстық негізде кредит беру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 819 қаулысында (Қазақстан Республикасының ПҮАЖ-ы, 2011 ж., № 47, 642-құжат):
      көрсетілген қаулымен бекітілген микрокредитті ұйымдарға және кредиттік серіктестерге конкурстық негізде кредит беру қағидасы осы қаулыға 5-қосымшаға сәйкес жаңа редакцияда жазылсын.
      6. «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңын iске асыру жөнiндегi шаралар туралы» Қазақстан Республикасы Үкіметінің 2001 жылғы 19 маусымдағы № 836 қаулысында (Қазақстан Республикасының ПҮАЖ-ы, 2001 ж., № 23, 288-құжат):
      көрсетілген қаулымен бекітілген Әлеуметтiк жұмыс орындарын ұйымдастыру және қаржыландыру қағидасында:
      6-тармақ мынадай редакцияда жазылсын:
      «6. Ауданның (облыстық, республикалық маңызы бар қаланың, астананың) уәкілетті органы жыл сайын тізбені алғаннан кейін 15 жұмыс күні ішінде өзінің шешімімен өңірлік еңбек нарығындағы қажеттілікке сәйкес әлеуметтік жұмыс орындарын ұйымдастыратын жұмыс берушілердің тізбесін бекітеді және қажеттігіне қарай оны жаңартып отырады.»;
      9-тармақ мынадай редакцияда жазылсын:
      «9. Азаматтарды ұйымдастырылған әлеуметтiк жұмыс орындарына орналасу үшiн жiберу кезiнде мыналар ескерiледi:
      1) жіберілетін азаматтар уәкілетті органда немесе халықты жұмыспен қамту орталығында «Халықты жұмыспен қамту туралы» 2001 жылғы 23 қаңтардағы Қазақстан Республикасының Заңына сәйкес жұмыссыз ретінде тіркелген және халықтың нысаналы топтарына жатуға тиіс, сондай-ақ еңбекпен оңалтуға мұқтаж ретінде мүгедектер қатарындағы азаматтар;
      2) жолдама беру сәтiнде жiберiлетiн азаматтар үшiн уәкiлеттi органда және/немесе халықты жұмыспен қамту орталығында лайықты тұрақты жұмыс болмаған болуы керек.»;
      көрсетілген қаулымен бекітілген Жастар практикасын ұйымдастыру және қаржыландыру қағидасында:
      6-тармақ мынадай редакцияда жазылсын:
      «6. Ауданның (облыстық, республикалық маңызы бар қаланың, астананың) уәкілетті органы жыл сайын тізбені алғаннан кейін 15 жұмыс күні ішінде өзінің шешімімен өңірлік еңбек нарығындағы қажеттілікке сәйкес жастар практикасынан өту үшін жұмыс орындарын ұйымдастыратын жұмыс берушілердің тізбесін бекітеді және қажеттігіне қарай оны жаңартып отырады.».

Қазақстан Республикасы
Үкiметiнiң     
2012 жылғы 29 желтоқсандағы
№ 1772 қаулысына   
1-қосымша     

Қазақстан Республикасы
Үкiметiнiң     
2011 жылғы 31 наурыздағы
№ 316 қаулысымен   
бекiтiлген     

Жұмыспен қамту 2020 бағдарламасы

1. Бағдарламаның паспорты

Бағдарламаның атауы        - Жұмыспен қамту 2020 бағдарламасы
Әзiрлеу үшiн негiздеме     - Қазақстан Республикасы Президентiнiң
                             2011 жылғы 28 қаңтардағы «Болашақтың
                             iргесiн бiрге қалаймыз!» атты Қазақстан
                             халқына Жолдауы Қазақстан Республикасы
                             Президентiнiң 2010 жылғы 1 ақпандағы №
                             922 Жарлығымен бекiтiлген Қазақстан
                             Республикасының 2020 жылға дейiнгi
                             Стратегиялық даму жоспары Қазақстан
                             Республикасы Президентiнiң 2010 жылғы 19
                             наурыздағы № 958 Жарлығымен бекiтiлген
                             Қазақстан Республикасын үдемелi
                             индустриялық-инновациялық дамыту
                             жөнiндегi 2010 – 2014 жылдарға арналған
                             мемлекеттiк бағдарлама
Әзiрлеуге және iске        - Қазақстан Республикасы Еңбек және
асыруға жауапты              халықты әлеуметтiк қорғау министрлiгi
мемлекеттiк орган
Мақсаттарға, нысаналы     - Қазақстан Республикасы Ауыл шаруашылығы
индикаторларға,             министрлiгi, Қазақстан Республикасы Бiлiм
мiндеттерге, нәтижелер      және ғылым министрлiгi, Қазақстан
көрсеткiштерiне қол         Республикасы Индустрия және жаңа
жеткiзуге жауапты           технологиялар министрлiгi, Қазақстан
мемлекеттiк және            Республикасы Экономикалық даму және сауда
өзге де органдар            министрлiгi, Қазақстан Республикасы Қаржы
                            министрлiгi, Қазақстан Республикасы
                            Құрылыс және тұрғын үй-коммуналдық
                            шаруашылық iстерi агенттiгi, облыстардың,
                            Астана және Алматы қалаларының әкiмдерi
Бағдарламаның мақсаты     - Жұмыспен тұрақты және нәтижелi қамтуға
                            жәрдемдесу
Бағдарламаның мiндеттерi  - Өз бетiнше жұмыспен айналысушыларды,
                            жұмыссыздарды және халықтың нысаналы
                            топтары арасынан адамдарды жұмыспен
                            нәтижелi қамтылуға тарту; Қазақстан
                            Республикасын үдемелi
                            индустриялық-инновациялық дамыту
                            жөнiндегi 2010 – 2014 жылдарға арналған
                            мемлекеттiк бағдарламаны iске асыру үшiн
                            кадр әлеуетiн дамыту; Әлеуметтiк көмек
                            көрсету жүйесiн жетiлдiру.
Бағдарламаны iске         - 1-кезең - 2011 (пилоттық)
асыру мерзiмi               2-кезең - 2012 – 2015 жылдар
және кезеңдерi              3-кезең - 2016 – 2020 жылдар
Нысаналы индикаторлар     - Жұмыспен қамту 2020 бағдарламасында
                            көзделген мiндеттердi iске асыру
                            барысында 2020 жылға қарай мынадай
                            нәтижелерге қол жеткiзу жоспарланып отыр:
                            Бағдарламамен 1,5 млн. дейiн адам
                            қамтылатын болады;
                            2016 жылға қарай:
                            кедейлiк деңгейi 8,2 %-дан 6 %-ға
                            төмендейдi;
                            жұмыссыздық деңгейi 5,5 % аспайтын
                            болады;
                            өз бетiнше жұмыспен айналысатын халықтың
                            жалпы санындағы нәтижелі жұмыспен
                            қамтылғандардың саны 2015 жылға қарай 56
                            %-ға дейін, 2020 жылға қарай – 75 %-ға
                            дейін ұлғаяды.
Қаржыландыру көздерi      - Жұмыспен қамту 2020 бағдарламасын iске
мен көлемi                  асыруға республикалық бюджетте:
                            2011 жылға – 37,4 млрд. теңге;
                            2012 жылға – 57,6 млрд. теңге;
                            2013 жылға – 94,7 млрд. теңге (оның
                            ішінде 20 млрд. теңге
                            шартты-қаржыландырылатын шығыстар);
                            2014 жылға – 100,6 млрд. теңге;
                            2015 жылға – 98,7 млрд. теңге көзделген.
                            Келесi жылдары Бағдарламаны қаржыландыру
                            көлемi Қазақстан Республикасының
                            заңнамасына сәйкес республикалық бюджеттi
                            тиiстi жоспарлы кезеңге қалыптастыру
                            кезiнде нақтыланатын болады.

2. Кiрiспе

      Мемлекет басшысы өзiнiң 2011 жылғы 28 қаңтардағы «Болашақтың iргесiн бiрге қалаймыз!» атты Қазақстан халқына жыл сайынғы Жолдауында еңбек нарығының тиiмдiлiгiн арттыру, аз қамтылған, жұмыссыз мен өз бетiнше жұмыспен айналысушы халықты жұмыспен нәтижелi қамтуға жәрдемдесудiң белсендi бағдарламаларына тарту мiндеттерiн қойды.
      Жұмыспен қамтудың белсендi саясатын жүргiзу Қазақстан Республикасының Үкiметi қызметiнiң негiзгi әлеуметтiк басымдықтарының бiрiне жатады. Жұмыспен лайықты қамтуды қамтамасыз ету - халықты әлеуметтiк қорғаудың негiзi, адами ресурстар әлеуетiн дамыту мен iске асырудың маңызды шарты, қоғамдық байлықтың артуы мен өмiр сүру сапасын жақсартудың басты құралы.
      Әлеуметтiк-экономикалық өзгеру барысында елде қарқынды дамушы еңбек нарығы құрылды, халықтың экономикалық белсендiлiгi мен жұмыспен қамтылу деңгейi тұрақты өсуде. Соңғы 10 жылда жұмыспен қамтылған халық саны 6698,8 мыңнан 8141,4 мың адамға артты, ал жұмыссыздық деңгейi 2001 жылғы 12,8 %-дан 2010 жылдың соңында 5,5 %-ға дейін төмендедi.
      Жол картасы шеңберiнде жұмыс орындарын сақтау және жұмыспен қамтуға жәрдемдесудiң арнайы шараларын әзiрлеу және iске асыру әлемдiк қаржы-экономикалық дағдарыстың әсерiне байланысты уақытша экономикалық қиындық жылдары да (2008 – 2010 жылдар) жұмыспен қамтудың жоғары деңгейiн сақтауға мүмкiндiк бердi.
      Қазiргi уақытта жүзеге асырылып жатқан үдемелi индустриялық-инновациялық дамуға көшу, бiр жағынан, жұмыспен қамтудың одан әрi өсу мүмкiндiктерiн кеңейтедi, екiншi жағынан - еңбек нарығына жұмыс күшiнiң iшкi резервiн тартудың, еңбек ресурстарының сапасы мен экономикалық белсендiлiгiн арттырудың жаңа тәсiлдерiн әзiрлеудi және iске асыруды талап етедi.

3. Ағымдағы жағдайды талдау

      Қазақстан Республикасында еңбек нарығын және жұмыспен қамту саласын реттеу 1991 жылдан бастап негiзiнен халықты жұмыспен қамтудың арнайы бағдарламалары форматында жүзеге асырылды: Қазақстан Республикасы Үкiметiнiң 2000 жылғы 3 маусымдағы № 833 қаулысымен бекiтiлген Кедейлiкпен және жұмыссыздықпен күрес жөнiндегi 2000 – 2002 жылдарға арналған бағдарлама, Қазақстан Республикасы Үкiметiнiң 2003 жылғы 26 наурыздағы № 296 қаулысымен бекiтiлген Қазақстан Республикасында кедейлiктi азайту жөнiндегi 2003 – 2005 жылдарға арналған бағдарлама және Қазақстан Республикасы Үкiметiнiң 2005 жылғы 27 қаңтардағы № 68 қаулысымен бекiтiлген Қазақстан Республикасының халқын жұмыспен қамтудың 2005 – 2007 жылдарға арналған бағдарламасы
      2008 – 2010 жылдарға жұмыссыздықтың өсуiнiң алдын алуға, жұмыспен нәтижелi қамтудың өсуіне жәрдемдесуге, жұмыс күшiнiң сапасын арттыруға және ұлттық еңбек нарығын қорғауға бағытталған Қазақстан Республикасының халықты жұмыспен қамту жүйесiн жетiлдiру жөнiндегi iс-шаралар жоспары әзiрленiп, Қазақстан Республикасы Үкiметiнiң 2007 жылғы 20 қарашадағы № 1114 қаулысымен бекiтiлген болатын.
      Алайда әлемдiк қаржы-экономикалық дағдарыстың әсерiмен 2008 жылғы күзден бастап Қазақстан Республикасында өндiрiс қарқыны төмендей бастады, инфляцияның өсуi байқалды, жұмыспен қамтудың төмендеуi және тиiсiнше халық табысының азаюы белең алды. 264 кәсiпорын өндiрiсiн толық немесе iшiнара тоқтатты. Қырық мыңнан астам қызметкер iшiнара жұмыспен қамту режимiне ауыстырылды не ақысы төленбейтiн демалыстарға жiберiлдi. Жұмыссыз халық саны 559,3 мың адам болды (немесе экономикалық белсендi халықтың 6,6%).
      Жұмыссыздықтың өсуi, қызметкерлердiң одан әрi босатылуы, әсiресе өндiрiстiң экспортқа бағытталған салаларында болжанды. Құрылыс, сауда, көлiк және байланыс салаларында да жұмыс орындарының қысқару қаупi күтілді.
      Осындай жағдайда Мемлекет басшысының тапсырмасы бойынша Қазақстан Республикасының Үкiметi жұмыспен қамтуға, жұмыссыздықтың айтарлықтай өсуiне жол бермеуге, жұмыс орындарын сақтауға және жаңаларын құруға бағытталған арнайы Жұмыспен қамту және кадрларды қайта даярлау стратегиясын (Жол картасын) әзiрледi.
      Жол картасы шеңберiнде жұмыспен қамтуға жәрдемдесудiң белсендi нысандарын (әлеуметтiк жұмыс орындары, жастар практикасы, қайта даярлау және бiлiктiлiктi арттыру) кеңiнен қолдану халықтың нысаналы топтары құрамындағы азаматтардың белсендiлiгiне ықпал еттi, ал жастар арасындағы жұмыссыздық деңгейi (4,7 %) алғаш рет елдегi жұмыссыздықтың жалпы деңгейiнен төмен көрсеткiште белгiлендi.
      Жол картасының негiзгi нәтижелерi: шамамен 9 мың жоба iске асырылды; 392 мың жұмыс орны құрылды; шамамен 150 мың адам даярлауға және қайта даярлауға жiберiлдi, олардың жартысына жуығы жұмысқа орналастырылды; 192 мыңнан астам адам әлеуметтiк жұмыс орындарына және жастар практикасы шеңберiндегi жұмыс орындарына орналастырылды.
      Дағдарыс жағдайында iске асырылған халықты жұмыспен қамтудың қысқа мерзiмдi стратегиясы – Жол картасы жұмыссыздық деңгейiнiң өсуiне жол бермеумен катар, оның деңгейiнiң 2009 жылғы екiншi тоқсандағы 6,9 %-дан 2010 жылғы желтоқсанда 5,5 %-ға дейін төмендеуiне қол жеткiзуге мүмкiндiк бердi.
      Жұмыспен қамтудың өсуi халық табысының артуы мен кедейлiк деңгейiнiң төмендеуiне негiз болды. Табысы ең төмен күнкөрiс деңгейiнен аз халық үлесi 2001 жылғы 46,7 %-дан 2006 жылғы 18,2 %-ға және 2010 жылғы 6,9 %-ға дейін азайды.
      Алайда оң өзгерiстерге қарамастан, ұлттық еңбек нарығы теңгерiмді емес. Жұмыссыздар бар болғанына қарамастан бос жұмыс орындарының толықтырылмауы сақталып отыр, экономика салаларының мамандарға деген қажеттiлiгiнiң объективтi болжамы жоқ. Еңбек ресурстары сапасының төмендiгiне және өндiрiс пен оқудың арасында нақты байланыстың болмауына байланысты жұмыс күшiнiң, бiрiншi кезекте бiлiктi кадрлардың, техникалық және қызмет көрсету еңбегi қызметкерлерiнiң тапшылығы байқалып отыр. Жұмыспен қамтылған халықтың шамамен үштен бiрiнiң кәсiптiк бiлiмi жоқ.
      Жұмыспен қамтылған халық құрылымында өз бетiнше жұмыспен айналысатындардың үлесi – 33,3 % немесе 2,7 млн. астам адамды құрайды. Өз бетiнше жұмыспен айналысушылардың негiзгi бөлiгi ауылдық жерлерде тұрады және жеке шаруашылығын жүргiзумен айналысады, одан түсетiн табыс тiршiлiк етуге жеткiлiктi деңгейде ғана болады. Өз бетiнше жұмыспен айналысушылардың басым бөлiгi әлеуметтiк қорғау және қолдау жүйесiмен қамтылмаған.
      Ауыл жастарының жағдайы ерекше алаңдаушылық тудырып отыр, кәсiптiк бiлiм алуға қолжетiмдiлiгi шектеулi болғандықтан, олар ресми еңбек нарығында iс жүзiнде бәсекеге қабiлетсiз болып табылады.
      Еңбек нарығында қалыптасқан мұндай ахуалдың тiкелей салдары кедейлiктiң сақталуы болып табылады, 2010 жылғы 1 қазандағы жағдай бойынша 1,1 млн. астам адамның табысы ең төмен күнкөрiс деңгейiнен аз.
      Аз қамтылған халықты әлеуметтiк қолдауда жұмыспен қамтуға және еңбектен табыс табуға жәрдемдесудiң белсендi шаралары жеткiлiктi қолданылмайды.
      Өткен ғасырдың 90 жылдарының соңында жұмыспен қамту қызметтерiне жүргiзiлген институционалдық қайта құрулар еңбек нарығын реттеу тиiмдiлiгiн төмендеттi.
      Осылайша қалыптасқан жағдай кедейлiктi төмендету қарқынын баяулатып қана қоймайды, сонымен қатар экономикалық өсудің жаңа кезеңiне өту жағдайында жұмыс күшiне деген сұраныстың артқанына қарамастан, елде бар еңбек ресурстарының толық пайдаланылмайтынын білдіреді.
      Әлемдiк практикада осы тектес проблемаларды шешу үшiн еңбек нарығындағы белсендi бағдарламалар (бұдан әрi – ЕНББ) қолданылады. ЕНББ еңбек ресурстарын дамыту (кәсiптiк даярлау және қайта даярлау), жұмыс күшiне деген сұранысты арттыру (жалақыны/жұмыспен қамтуды субсидиялау, қоғамдық жұмыстар), еңбек нарығын реттеудi жетiлдiру (жұмыспен қамту қызметтерiн құру, ақпараттық қолдау), еңбек күш-жiгерiн жандандыруды мемлекет жүзеге асыратын әлеуметтiк қолдау жүйесiмен үйлестiру («құқықтар мен мiндеттер» немесе «өзара мiндеттемелер» стратегиялары, бұл жағдайда мемлекет жұмыспен қамту және оқыту бойынша жоғары сапалы қызметтер көрсетуге мiндеттенедi, ал ЕНББ-ға қатысушы жұмысты қарқынды iздеудi жүзеге асыруға мiндеттенедi) арқылы жүзеге асырылады.
      ЕНББ экономикалық тұрғыдан – жұмыспен нәтижелi қамту ықтималдығының артуын, еңбек өнiмдiлiгi мен жалақының өсуiн, әлеуметтiк тұрғыдан - жұмыссыздықтың төмендеуiн, еңбек белсендiлiгiнiң артуы мен адам әлеуетiнiң дамуын болжайды.
      Бастапқыда мұндай бағдарламалар экономикалық күйзелiс кезінде және жұмыссыздық деңгейi жоғары кезде қолданылған, ал қазiргi уақытта –экономикасы өтпелі елдердегi өнеркәсiптiк қайта құрылымдаудың керi әсерiн жұмсарту және еңбек нарығынан барынша шалғай халықтың осал топтарын кiрiктiру үшiн қолданылады.
      Осының негiзiнде қол жеткiзiлетiн оң нәтижелер ЕНББ әзiрлеудiң және қазақстандық еңбек нарығында да қолданудың өзектiлiгiн арттырып отыр
      Жол картасын iске асыру барысында жинақталған еңбек нарығында туындайтын тәуекелдерді басқару тәжiрибесi бiздiң бұл тұрғыдағы мүмкiндiктерiмiздi арттыра түседi.

4. Бағдарламаның мақсаты, мiндеттерi және нысаналы
индикаторлары
4.1 Бағдарламаның мақсаты

      Жұмыспен тұрақты және нәтижелi қамтуға жәрдемдесу.

4.2 Бағдарламаның нысаналы индикаторлары

      2020 жылға қарай:
      Жұмыспен қамту 2020 бағдарламасымен (бұдан әрi – Бағдарлама) 1,5 млн. дейiн адам қамтылатын болады.
      2016 жылға қарай:
      Жұмыссыздық деңгейi 5,5 %-дан аспайтын болады, оның iшiнде:
      2012 жылы – 5,8 %, 2013 жылы – 5,7 % және 2014 жылы – 5,6 % және 2015 жылы – 5,5 %.
      Кедейлiк деңгейi 8,2 %-дан 6 %-ға төмендейдi, оның iшiнде:
      2012 жылы – 6,3 %, 2013 жылы – 6,2 % және 2014 жылы – 6,1 % және 2015 жылы 6,0 % құрайды.
      Өз бетiнше жұмыспен айналысатын халықтың жалпы санындағы нәтижелі жұмыспен қамтылғандардың үлесі 2015 жылға қарай 56 %-ға, 2020 жылға қарай – 75 %-ға дейін ұлғаяды.
      (Ескертпе: 2011 жылдың қорытындысы бойынша 50,6 % немесе 1,38 млн. адам, 2015 жылы – 56 % немесе 1,52 млн. адам, 146 мың адамға көбейеді, 2020 жылы – 75 % немесе 2,1 млн. адам, 2011 жылмен салыстырғанда 700 мың адамға ұлғаяды).
      Бағдарламаны iске асыру шеңберiнде қамтылғандардың үлес салмағы:
      өз бетiнше жұмыспен айналысушылар (өз бетiнше жұмыспен айналысушылардың жалпы санында) 2012 жылы – 0,9 %, 2013 жылы – 1,2 %, 2014 жылы – 1,5 % және 2015 жылы – 1,8 % болады;
      жұмыссыздар (жұмыссыздардың жалпы санында) 2012 жылы – 15,1 %, 2013 жылы – 20,0 %, 2014 жылы – 22,0 % және 2015 жылы – 25,0 % болады;
      күнкөрісі төмен отбасылардың еңбекке жарамды мүшелерi (тартылған) 2012 жылы – 17,0 %, 2013 жылы – 18,0 %, 2014 жылы – 19,0 % және 2015 жылы – 20,0 % болады.

4.3. Бағдарламаның мiндеттерi

      1. Өз бетiнше жұмыспен айналысушыларды, жұмыссыздарды және халықтың нысаналы топтарына кіретін адамдарды жұмыспен қамтудың белсендi бағдарламаларына тарту.
      2. Қазақстан Республикасын үдемелi индустриялық-инновациялық дамыту жөнiндегi 2010 – 2014 жылдарға арналған мемлекеттiк бағдарламаны (бұдан әрi – ҮИИДМБ) iске асыру үшiн кадр әлеуетiн дамыту.
      3. Атаулы әлеуметтiк көмек көрсету жүйесiн жетiлдiру.
      Бағдарламаны iске асыру бiрiншi кезекте, оқытуға, жұмысқа орналастыруға, өзiнiң жеке iсiн ашуға және кеңейтуге жәрдемдесуге, ал мұндай мүмкiндiктер болмаған жағдайда, жұмыспен нәтижелi қамтудың қолжетiмдiлiгiн кеңейту мақсатында өз еркiмен көшуiне жәрдемдесуге бағытталған.
      Осыған орай, Бағдарламаны iске асыру мынадай бағыттар бойынша жүзеге асырылады:
      1. Оқыту және жұмысқа орналасуда жәрдемдесу.
      2. Кәсiпкерлiктi дамытуға жәрдемдесу.
      3. Еңбек ресурстарының ұтқырлығын арттыру.
      4. Ауылдық елдi мекендердi дамыту.
      Бағдарламаны iске асыру үшiн:
      1) нормативтiк құқықтық базаны жетiлдiру жөнiндегi шаралар қабылданатын болады;
      2) жекелеген мамандықтар бөлінісінде ағымдағы бос жұмыс орындары және болжамды жұмыс орындарының жалпыұлттық дерекқоры (бұдан әрi - Дерекқор), кәсіптік білім беретін оқу орындарының дерекқоры қалыптастырылады және «Жастардың еңбек биржасы» бірыңғай веб-порталы құрылатын болады.
      Дерекқор мемлекеттік, салалық бағдарламалар мен аумақтарды дамыту бағдарламалары, сондай-ақ жеке сектордың бастамалары шеңберінде қалыптастырылатын болады.
      Жергiлiктi мемлекеттiк органдар мен мемлекеттік, салалық бағдарламалар, аумақтарды дамыту бағдарламалары шеңберінде жобаларды іске асыруға жауапты ұйымдар облыстардың, Астана және Алматы қалаларының жұмыспен қамту мәселелері жөніндегі уәкілетті органына мерзімді негізде белгіленген нысан бойынша өңiрлер мен жекелеген мамандықтар бөлiнiсiнде қызметкерлерге бар және болжамды қажеттілік жөнінде мәлімет жібереді.
      Дерекқор қалыптастыру тәртібі мен жергiлiктi мемлекеттiк органдар мен мемлекеттік, салалық бағдарламалар, аумақтарды дамыту бағдарламалары шеңберінде жобаларды іске асыруға жауапты ұйымдар ұсынатын кадрларға қажеттілік туралы ақпаратты ұсыну тәртібін Қазақстан Республикасы Еңбек және халықты әлеуметтік қорғау министрлігі (бұдан әрі – Бағдарлама операторы) бекітеді.
      Орталық мемлекеттік органдар жыл сайын, 15 ақпаннан кешіктірмей белгіленген нысан бойынша Бағдарлама операторына мемлекеттік және салалық бағдарламада көрсетілген жұмыс орындарын құру жөніндегі жоспарларға сәйкес үшжылдық кезеңге жетекшілік ететін салалардағы болжамды қажеттілік және өңірлер бөлінісінде өткен жылы нақты құрылған жұмыс орындары туралы мәліметтерді жібереді.
      Орталық мемлекеттік органдардың кадрларға қажеттілік туралы ақпарат беру тәртібі мен нысанын Бағдарлама операторы олармен келісу арқылы бекітеді.
      Бағдарламада көзделген iс-шараларды қаржылай қамтамасыз ету мақсатында мәлiмделген қажеттiлiкке сәйкес және республикалық бюджеттiң қаржылай мүмкiндiктерiн ескере отырып, облыстардың, республикалық маңызы бар қаланың, астананың әрқайсысы үшiн қаржыландыру лимитi айқындалады.
      Лимит бойынша берiлген қаражаттың мақсатты пайдаланылуын қамтамасыз ету және Бағдарламада көзделген нәтижелерге (нысаналы индикаторларға) қол жеткiзу үшін республикалық бюджеттiк бағдарламалардың әкiмшiлерi мен жергiлiктi атқарушы органдар арасында мынадай негiзгi параметрлер бойынша нәтижелер туралы келiсiмдер жасалады:
      жұмыссыздық деңгейі:
      өз бетінше жұмыспен айналысатын халықтың жалпы санында жұмыспен нәтижелі қамтылғандардың санын ұлғайту;
      халықтың құрылымында ең төмен күнкөрiс деңгейiнен төмен деңгейде өмiр сүрiп жатқан еңбекке қабілетті адамдар үлесін қысқарту;
      мемлекеттік қолдау шараларымен, оның ішінде кәсіптік оқумен, кәсіпкерліктің негіздеріне оқытумен қамтылған Бағдарламаға қатысушылардың, көшкендердің және жұмысқа орналастырылғандардың саны;
      тұрақты жұмыс орындарына, әлеуметтік жұмыс орындарына және жастар практикасына жұмысқа орналастырылған, оның ішінде кәсіптік оқудан өткен Бағдарламаға қатысушылар саны;
      басқа да көрсеткiштер.
      Бағдарламаның iске асырылуын басқаруды:
      республика деңгейiнде:
      Қазақстан Республикасы Үкiметiнiң жанындағы Жұмыспен қамту 2020 бағдарламасын iске асыру жөнiндегi ведомствоаралық комиссия (бұдан әрi – ВАК).
      Бағдарлама операторы;
      облыстық (астана, республикалық маңызы бар қала) деңгейде – Бағдарламаны iске асыру жөнiндегi өңiрлiк комиссия (бұдан әрi – өңiрлiк комиссиялар) және жұмыспен қамту мәселелерi жөнiндегi уәкiлеттi органдар;
      аудандық (қалалық) деңгейде – Бағдарламаны iске асыру жөнiндегi аудандық (қалалық) комиссия (бұдан әрi – аудандық (қалалық) комиссиялар), жұмыспен қамту мәселелері жөніндегі уәкілетті органдар және халықты жұмыспен қамту орталықтары;
      селолар мен ауылдар деңгейiнде – (селолар мен кенттердiң және селолық округтердiң әкiмдерi) осы әкiмшiлiк-аумақтық бiрлiктер әкiмдерiнiң аппараттары жүзеге асыратын болады.
      Тараптардың құқықтары мен міндеттерін айқындайтын әлеуметтiк келiсiмшарттар Бағдарламаның орындалуын ұйымдастырудың аса маңызды құралдары болып табылады.
      Өңірлік, аудандық (қалалық) комиссиялардың үлгi ережелерiн, әлеуметтiк келiсiмшарттың, жұмыс берушілер мен білім беру ұйымдарының әлеуметтік келісімшартқа қосылу туралы өтініштерінің (хабарламаларының) нысандарын Бағдарлама операторы бекітеді.
      Бағдарламаға қатысушыларды жұмысқа орналастыру мүмкіндіктерін кеңейту мақсатында Бағдарлама операторы, жұмыспен қамту мәселелері жөніндегі уәкілетті органдар мен халықты жұмыспен қамту орталықтары жеке жұмыспен қамту агенттіктерімен мынадай бағыттар бойынша ынтымақтастықты жүзеге асырады:
      бос жұмыс орындары мен Бағдарламаға қатысушылардың дерекқорына қолжетімділік беру;
      Бағдарламаға қатысуға үміткерлерге Бағдарлама шеңберінде ұсынылатын мемлекеттік қолдау шаралары туралы консультация беру;
      Бағдарламаға қатысушыларға жұмысқа орналасуда жәрдемдесу.

4.3.1. Бiрiншi бағыт:
оқыту және жұмысқа орналасуға жәрдемдесу

      Бiрiншi бағыт еңбек әлеуетін дамыту және жұмысқа орналасуға жәрдемдесу арқылы халықтың жұмыспен тұрақты және нәтижелi қамтылуын қамтамасыз етуге бағытталған.
      Қазақстан Республикасының мынадай азаматтары мен оралмандар осы бағыттың қатысушылары бола алады: ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; ағымдағы күнтізбелік жылы жалпы білім беретін мектептердің 11-сыныбын бітіргендер; еңбекке қабілеттілігін сақтаған мүгедектер; жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалар; белгіленген жасқа дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушы болып табылатын адамдар. Бағдарламаға қатысудың басым мүмкiндiктерi ауылдық жердегi жастар мен әйелдерге берiледi.
      Осы бағыт шеңберiнде Бағдарламаға қатысушыларға мемлекеттiк қолдаудың мынадай түрлерi көрсетiледi:
      кәсіптік оқу, жұмысқа орналасу мәселелерi бойынша консультациялар, сондай-ақ психологиялық бейiмдеу;
      тегiн бiлiктiлiктi арттыру, кәсiптiк даярлау және қайта даярлау курстарына (бұдан әрi – кәсiптiк оқыту) жіберу;
      кәсіптік оқуға материалдық көмек беру;
      лайықты бос жұмыс орындарын iздеу және жұмысқа, оның iшiнде әлеуметтiк жұмыс орындарына және жастар практикасына орналасуға жәрдемдесу;
      жұмыспен қамтуға жәрдемдесудiң белсендi шараларына қатысатын жеке тұлғалардың жалақысын iшiнара субсидиялау;
      жастар практикасына жiберiлген жеке тұлғаларға еңбекақы төлеу.
      Жастар практикасына қатысушылардың жалақысын субсидиялау 6 ай бойы жүзеге асырылады. Жастар практикасына жiберiлген Бағдарламаға қатысушылардың еңбекақысын субсидиялау мөлшерi айына 17,2 айлық есептiк көрсеткiштi (салықтарды, мiндеттi әлеуметтiк аударымдарды, пайдаланылмаған еңбек демалысына өтемақыны және банк қызметтерiн ескере отырып) құрайды. Азаматтардың жастар практикасына қатысу және оларға мемлекеттiк қолдау көрсету шарттары Қазақстан Республикасының Үкiметi бекiткен Жастар практикасын ұйымдастыру және қаржыландыру қағидасында көзделген.
      Әлеуметтiк жұмыс орындарына жұмысқа орналастырылған Бағдарламаға қатысушылардың жалақысын мемлекеттiң iшiнара субсидиялауы 12 ай бойы жүзеге асырылады.
      Бiр айдағы жалақыға берiлетiн субсидия мөлшерi салықтарды, мiндеттi әлеуметтiк аударымдарды және пайдаланылмаған еңбек демалысына өтемақыны ескере отырып, мынаны құрайды:
      1) алғашқы 6 айда жалақының 50 %-на дейiн, бiрақ 26 мың теңгеден аспайды;
      2) келесi 3 айда жалақының 30 %-на дейiн, бiрақ 15,6 мың теңгеден аспайды;
      3) соңғы 3 айда жалақының 15 %-на дейiн, бiрақ 7,8 мың теңгеден аспайды.
      Азаматтардың Бағдарламаға қатысу және оларға мемлекеттiк қолдау көрсету шарттары Жұмыспен қамтуға жәрдемдесудiң белсендi шараларына қатысатын адамдарды оқытуды, олардың жұмысқа орналасуына жәрдемдесудi және оларға мемлекеттiк қолдау шараларын көрсетудi ұйымдастыру және қаржыландыру қағидасында көзделген.
      Жалдамалы қызметкерлерді өндірістен қол үзіп немесе қол үзбей кәсіптік қайта даярлау және біліктілігін арттыру Бағдарламаға қатысушының жұмыс орнының сақталу шартымен жұмыс берушілердің өтінімі бойынша жүзеге асырылады.
      Iске асыру тетiгi:
      1) Бағдарламаға қатысуға үміткерлер тұрақты тұратын жерiнiң аудан, қала бойынша халықты жұмыспен қамту орталықтарына Бағдарламаға қатысуға өтiнiшпен жүгiнедi және Жұмыспен қамтуға жәрдемдесудiң белсендi шараларына қатысатын адамдарды оқытуды, олардың жұмысқа орналасуына жәрдемдесудi және оларға мемлекеттiк қолдау шараларын көрсетудi ұйымдастыру және қаржыландыру қағидасына сәйкес құжаттарды тапсырады;
      2) Халықты жұмыспен қамту орталықтары тапсырылған құжаттарды қарайды және тапсырылған құжаттардың Бағдарламаға қатысушыларға қойылатын талаптарға сәйкестігін салыстырып тексеру негізінде Бағдарламаға қатысушылардың құрамына қосу туралы (не бұдан бас тарту туралы) шешім қабылдайды;
      3) Бағдарламаға қатысушыларға халықты жұмыспен қамту орталықтары қолданыстағы Дерекқордағы бос жұмыс орындарына не жұмыс берушілердің өздері немесе жеке жұмыспен қамту агенттіктері арқылы мәлімдеген жұмыс орындарына, жалақысын ішінара субсидиялай отырып, әлеуметтік жұмыс орындарына, сондай-ақ жастар практикасынан өту үшін жұмыс орындарына жұмысқа орналасуға жәрдем көрсетеді;
      4) Қажетті кәсіптік даярлығы болмағандықтан, жұмысқа орналаса алмай жүрген Бағдарламаға қатысушылар Дерекқорға енгізілген кәсіптер (мамандықтар) бойынша кәсіптік оқуға, сондай-ақ жұмыс берушілердің өздері немесе жеке жұмыспен қамту агенттіктері арқылы мәлімдеген тиісті жұмыс орындарына жіберіледі;
      5) Дерекқордағы бар жұмыс орындарына, жеке жұмыспен қамту агенттіктері және жұмыс берушілер ұсынған жұмыс орындарына кәсіптік оқудан өтпестен жұмысқа орналасу жағдайларын қоспағанда, Бағдарламаға қатысушы мен халықты жұмыспен қамту орталығы арасында әлеуметтiк келiсiмшарт жасалады;
      6) Кәсiптiк оқуды аяқтағаннан кейiн Бағдарламаға қатысушыларға алған мамандығы (кәсібі) бойынша жұмысқа орналастыруға жәрдем көрсетіледі;
      7) Әлеуметтік келісімшарт талаптарының орындалуын Бағдарламаға қатысушылар тарапынан халықты жұмыспен қамту орталықтары, халықты жұмыспен қамту орталықтары тарапынан – ауданның (қаланың) жұмыспен қамту мәселелері жөніндегі уәкілетті органы бақылайды.

4.3.1.1. Бағдарламаның бірінші бағытын пилоттық режимде іске
асырудың қосымша шарттары

      2013 жылдан бастап Шығыс Қазақстан, Солтүстік Қазақстан облыстарында, сондай-ақ ВАК шешімімен айқындалған өңірлерде кәсіптік оқудан өту үшін үміткерлерді іріктеуді, мамандықтар (кәсіптер) және кәсіптік оқытуды жүзеге асыратын білім беру ұйымдарын таңдауды кәсіптік оқуды аяқтағаннан кейін іріктелген үміткерлерді жұмысқа орналастыруды қамтамасыз ететін жұмыс берушілер жүргізетін тәртіп енгізіледі.
      Іске асыру тетігі:
      1) Бағдарламаға қатысушыларды жұмысқа орналастыру үшін тұрақты жұмыс орындарын ұсынатын жұмыс берушілер:
      кәсіптік оқудан өткізуге үміткерлерді іріктейді;
      ағымдағы және перспективалық қажеттілікті ескере отырып, оқыту үшін мамандық (кәсіп) таңдайды;
      Қазақстан Республикасының аумағында кәсіптік оқытуды жүзеге асыратын білім беру ұйымын таңдайды;
      2) Бағдарламаға қатысуға үміткерлерді іріктеуді жұмыс берушілер:
      өз бетінше іздестіреді, оның ішінде жұмыспен қамту агенттіктері арқылы;
      Халықты жұмыспен қамту орталығы ұсынатын Бағдарламаға қатысушылар арасынан таңдайды;
      бос жұмыс орындары жәрмеңкелеріне қатысу арқылы жүргізеді.
      3) Кәсіптік оқытуды жүзеге асыратын ұйымды таңдауды жұмыс берушілер тізбесі Бағдарлама операторының, сондай-ақ білім саласындағы уәкілетті органның, Бағдарлама операторының жанындағы жеке кәсіпкерлік субъектілерінің аккредиттелген бірлестіктерінің, жұмыспен қамту мәселелері жөніндегі уәкілетті органдардың және жұмыспен қамту орталықтарының интернет-ресурсында орналастырылатын ұйымдардың арасынан жүргізеді.
      Бағдарлама шеңберінде кәсіптік оқытуды жүзеге асыратын ұйымдардың тізбесін (бұдан әрі – Тізбе) қалыптастыру, оған өзгерістер мен толықтырулар енгізу тәртібі Жұмыспен қамтуға жәрдемдесудiң белсендi шараларына қатысатын адамдарды оқытуды, олардың жұмысқа орналасуына жәрдемдесудi және оларға мемлекеттiк қолдау шараларын көрсетудi ұйымдастыру және қаржыландыру қағидасында айқындалады.
      4) Халықты жұмыспен қамту орталықтары кәсіптік оқыту үшін жұмыс берушілер іріктеген Бағдарламаға қатысушылармен білім беру ұйымы мен жұмыс беруші тараптары қатысатын әлеуметтік келісімшарт жасайды.
      Жұмыс беруші мен білім беру ұйымы әлеуметтік келісімшартқа қосылу туралы жауапты лауазымды адамның қолымен және мөрмен расталған жазбаша өтініш (хабарлама) беру арқылы әлеуметтік келісімшарт жасасуды растайды.
      Бағдарламаға қатысушыларды жұмысқа орналастыру үшін тұрақты жұмыс орындарын ұсынатын жұмыс берушілер өтініште (хабарламада) Бағдарламаға қатысушылардың деректерін, оларды оқытуды ұйымдастыру жоспарланып отырған мамандық (кәсіп), білім беру ұйымын, өндірістік практикадан өту орнын және оқу аяқталғаннан кейін жұмыс істеу кезеңін көрсетеді.
      Бағдарламаға қатысушыларды кәсіптік оқытуды жүзеге асыратын білім беру ұйымдары өтініште (хабарламада) мамандығы (кәсібі), оқытудың ұзақтығы мен құны, өндірістік практикадан өтетін ықтимал орны мен шарттары туралы ақпаратты көрсетеді.
      5) Әлеуметтік келісімшарт талаптарының орындалуын Бағдарламаға қатысушылар, жұмыс берушілер мен білім беру ұйымдары тарапынан халықты жұмыспен қамту орталықтары, халықты жұмыспен қамту орталықтары тарапынан – ауданның (қаланың) жұмыспен қамту мәселелері жөніндегі уәкілетті орган бақылайды.

4.3.1.2. Кәсіпорындардағы оқу орталықтарында кәсіптік оқыту

      Бағдарламаның бірінші бағыты шеңберінде кәсіптік оқытуды заңды тұлға болып табылатын және Қазақстан Республикасының заңнамасына сәйкес білім беру қызметін жүзеге асыруға құқығы бар оқу орталықтары (өндірістік кәсіпорындар мен ұйымдар жанындағы) жүзеге асыра алады.
      Кадрларды фирмаішілік (өндірісішілік) даярлауды, қайта даярлауды және біліктілігін арттыру жүйесін дамыту және жетілдіру мақсатында, сондай-ақ оқу орталықтарының (өндірістік кәсіпорындар мен ұйымдар жанындағы) Бағдарламаға қатысу мүмкіндігін жүзеге асыру үшін, базасында оқу орталықтары жұмыс істейтін жұмыс берушілер:
      оқу орталықтарының базасында оларға оқу ұйымы мәртебесін бере отырып, дербес заңды тұлғалар құруды;
      құрылған заңды тұлғалардың белгіленген тәртіппен білім беру қызметін жүзеге асыруға лицензия алуын;
      мемлекеттік тапсырыс бойынша техникалық және кәсіптік білім мамандарын даярлауға қатысуды қамтамасыз етеді.

4.3.2. Екiншi бағыт:
кәсiпкерлiктi дамытуға жәрдемдесу

      Бағдарлама шеңберінде кәсіпкерлікті дамытуға жәрдемдесу:
      ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; ағымдағы күнтізбелік жылы жалпы білім беретін мектептердің 11-сыныбын бітіргендер; еңбекке қабілеттілігін сақтаған мүгедектер; жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалар; белгіленген жасқа дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушы болып табылатын, әкiмшiлiк бағыныстылығына қарамастан, ауылдық елдi мекендерде, шағын қалаларда, заңнамаға сәйкес қалалық елдi мекендерге жататын кенттерде жеке ісін ұйымдастыруды немесе кеңейтуді қалайтын және оған мүмкіндігі бар адамдар қатарындағы адамдардың жеке iсiн ұйымдастыру немесе кеңейтуі арқылы кәсiпкерлiктi ынталандыруға және экономикалық белсендiлiкті арттыруға бағытталған.
      Екінші бағытты іске асыру үшін ауылдық тірек елді мекендер басым елді мекендер болып табылады.
      Жеке iсiн ұйымдастыруды немесе кеңейтудi қалайтын ауыл тұрғындарына, әйелдерге және мүгедектерге қатысудың басым құқығы берiледi.
      Осы бағыт шеңберiнде мемлекеттiк қолдаудың мынадай түрлерi көрсетiлетiн болады:
      сервистік қызметтер, оның ішінде консультациялық (бухгалтерлік, заңдық, маркетингтік) қызметтер көрсету, оқуға материалдық көмек ұсына отырып, кәсіпкерлік негіздеріне тегін оқыту, бизнес жоспарын дайындауға жәрдемдесу, 1 жылға дейінгі мерзімге жобаларды сүйемелдеу;
      микрокредиттер беру;
      жетiспейтiн инженерлік-коммуникациялық инфрақұрылым объектілерін дамыту және/немесе салу және/немесе инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін ілеспе технологиялық жабдықтар сатып алу.
      Бағдарламаның осы бағытына, оның ішінде қаржы агенттігі мәртебесіне ие ұйымдардың қатысуы, сондай-ақ Бағдарламаларға қатысушыларға мемлекеттiк қолдау көрсету шарттары Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуға мемлекеттiк қолдау көрсетудi ұйымдастыру және қаржыландыру қағидасында көзделген.
      Конкурсты ұйымдастыру және өткiзу тәртiбi, микроқаржы (микрокредиттiк) ұйымдары мен кредиттiк серiктестiктердi iрiктеу және кредит ресурстарын беру, оларға осы бағыт шеңберiнде бөлiнген кредит ресурстарының мақсатты пайдаланылуына мониторинг жүргiзу, қатысу тәртібі Микроқаржы (микрокредиттiк) ұйымдары мен кредиттiк серiктестiктерге конкурстық негiзде кредит беру қағидасында көзделген.
      Микрокредит беру шарттары:
      республикалық бюджеттен бюджеттiк кредит жергiлiктi атқарушы органға 0,01% жылдық сыйақы ставкасымен қайтарымдылық, жеделдiлiк және ақылылық қағидаттарында 5 жылға берiледi;
      бюджеттiк кредиттiң нысаналы мақсаты – жеке iсiн ұйымдастыру немесе кеңейту, айналым капиталын толықтыру;
      кредит тұтынушылық мақсаттарға, бұрынғы қарызды өтеуге және жылжымайтын тұрғын үй алуға берiлмейдi;
      кредит беру мерзiмi – 5 жылдан аспайды;
      кредиттiң ең жоғары сомасы 3 млн. теңгеден аспайды;
      соңғы қарыз алушыға, микроқаржы (микрокредиттiк) ұйымдарына және/немесе кредиттiк серiктестiктерге кредит бойынша негiзгi борышты өтеу бойынша кредит беру мерзімі ұзақтығының үштен бiрiнен аспайтын мерзiмге жеңiлдiктi кезең ұсынылуы мүмкiн;
      уәкiлеттi өңiрлiк ұйымның микроқаржы (микрокредиттiк) ұйымдар және/немесе кредиттiк серiктестiктер үшiн ұсынатын кредиттерi бойынша жылдық сыйақы ставкасын өңiрлiк комиссиямен келiсiм бойынша уәкiлеттi өңiрлiк ұйым үшiн белгiленген кредиттер бойынша сыйақы ставкасы және оның кредит берудi ұйымдастырумен байланысты жоспарланған шығыстары негізге алынып, уәкілетті ұйым белгілейді;
      соңғы қарыз алушы үшiн кредиттiк ресурстар бойынша жылдық ең жоғары тиiмдi ставканы өңiрлiк комиссиямен келiсе отырып, уәкiлеттi өңiрлiк ұйым белгiлейдi;
      қаржы агенттігі мәртебесіне ие уәкілетті өңірлік ұйым ұсынатын соңғы қарыз алушы үшін кредиттік ресурстар бойынша жылдық сыйақының ең жоғары тиімді ставкасы өңірлік комиссиямен келісе отырып белгіленеді;
      жобалау-сметалық құжаттама әзірлеу және жетiспейтiн инженерлік-коммуникациялық инфрақұрылым объектілерін дамытуға және/немесе салуға мемлекеттік сараптама жүргізу және ілеспе технологиялық жабдықтар сатып алу республикалық бюджеттен берілетін трансферттер есебінен жүзеге асырылады.
      Инженерлiк-коммуникациялық инфрақұрылымды дамыту Бағдарлама шеңберiнде қатысушылар iске асыратын жобалар үшiн қолданыстағы жүйелерге: жолдарға, кәрiзге, жылумен және сумен жабдықтауға, телефон және электр желiлерiне жетiспейтiн инфрақұрылым жүргізуді көздейді.
      Жетiспейтiн инженерлік-коммуникациялық инфрақұрылым объектілерін дамытуды және/немесе салуды және инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін ілеспе технологиялық жабдықтар сатып алуды жергілікті атқарушы органдар айқындалған техникалық шарттар немесе заңнамада белгіленген тәртіппен бекітілген жобалау-сметалық құжаттама және бизнес-ұсыныстар негізінде республикалық бюджеттен берілетін нысаналы трансферттер есебінен жүзеге асырады.
      Бұл ретте, инфрақұрылым объектілерін салу немесе реконструкциялау және инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін сатып алынатын ілеспе технологиялық жабдықтардың құны жобалау-сметалық құжаттаманың  құны мен мемлекеттік сараптама жүргізу құны есепке алынбай айқындалады және берілетін кредиттің сомасына қарамастан, Бағдарламаның бір қатысушысына 3 млн. теңгеден аспауға тиіс.
      Жетiспейтiн инфрақұрылым жүргізу елдi мекендi дамытудың бас жоспарына (ауылда – инженерлiк-коммуникациялық желiлердiң жергiлiктi схемаларына) сәйкес келуге тиiс және бiр немесе бiрнеше жобаны қамтамасыз етуге бағытталуы мүмкiн.
      Микроқаржы (микрокредиттік) ұйымдарына, кредиттік серіктестіктерге және қаржы агенттігі мәртебесіне ие ұйымдарға кредиттік ресурстар беру:
      1) Бағдарлама операторы жергiлiктi атқарушы органға бюджеттiк кредит бередi.
      2) аумақтарды дамыту бағдарламаларына сәйкес ауылдық округтер әкімдерінің қатысуымен аудандардың (қалалардың) жергілікті атқарушы органдары:
      жергілікті бюджет қаражаты есебінен Кәсіпкерлікті дамыту картасын әзірлеуді қамтамасыз етеді және оны облыстың кәсіпкерлікті дамыту жөніндегі уәкілетті органымен келісім бойынша бекітеді;
      Кәсіпкерлікті дамыту картасы бекітілгенге дейін Бағдарламаға қатысушыларға кредит беру белгілі бір өңірде кәсіпкерлікті дамытудың басым бағыттарына сәйкес жүзеге асырылады.
      3) Облыстардың жергілікті атқарушы органдары микрокредит беруді ұйымдастыру жөніндегі уәкілетті өңірлік ұйымды айқындайды.
      4) Уәкiлеттi өңiрлiк ұйым Микроқаржы (Микрокредиттiк) ұйымдары мен кредиттiк серiктестiктерге кредит берудiң белгiленген қағидасына сәйкес Бағдарламаға қатысу үшiн микроқаржы (микрокредиттiк) ұйымдарын және/немесе кредиттiк серiктестiктердi iрiктеу бойынша конкурс өткiзедi.
      Микроқаржы (микрокредиттiк) ұйымдары мен кредиттiк серiктестiктер арасында конкурс өткізбей соңғы қарыз алушыларға кредит беруді қаржы агенттігі мәртебесіне ие уәкілетті өңірлік ұйымның өзі жүзеге асыруы мүмкін.
      5) Уәкiлеттi өңiрлiк ұйым мен микроқаржы (микрокредиттiк) ұйымдарының және/немесе кредиттiк серiктестiктердiң арасында кредит беру туралы шарт жасалады.
      Уәкілетті өңірлік ұйымның қаржы агенттігі мәртебесі болған жағдайда кредиттік шарт тікелей уәкілетті өңірлік ұйым мен соңғы тұтынушы арасында жасалады.
      Жұмыспен қамтуға жәрдемдесудің белсенді шараларына қатысатын Бағдарламаға қатысушыларға кәсіпкерлікті дамыту бойынша мемлекеттік қолдау шараларын ұсыну:
      1) Бағдарламаның екiншi бағытына қатысуға ниет бiлдiрушiлер халықты жұмыспен қамту орталықтарына жүгінеді, онда оларға Бағдарлама шеңберінде микрокредит алудың ықтимал нұсқалары туралы консультация береді.
      Кредит қаражатын конкурстық негізде іріктелген микроқаржы (микрокредиттік) ұйымдары немесе қаржы агенттігі мәртебесіне ие уәкілетті өңірлік ұйым арқылы алуға ниет білдірген жағдайда қатысуға үміткерлер жұмыспен қамту орталықтарына өтініш және Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуға мемлекеттiк қолдау көрсетудi ұйымдастыру және қаржыландыру қағидасына сәйкес құжаттар береді.
      Егер үміткер микрокредитті кредиттік серіктестік арқылы алуға ниет білдірсе, ол қолданыстағы кредиттік серіктестікке қосыла алады немесе микроқаржы (микрокредиттік) ұйымдарына және кредиттік серіктестіктерге конкурстық негізде кредит беру қағидасына сәйкес уәкілетті өңірлік ұйым өткізетін кредиттік серіктестіктерді іріктеу жөніндегі конкурсқа қатысатын жаңа кредиттік серіктестік құра алады.
      2) Халықты жұмыспен қамту орталықтары ұсынылған өтініштерді қарайды, мемлекеттiк қолдау алу түрлерi бойынша үмiткерлердiң тiзiмi мен жетiспейтiн инженерлiк-коммуникациялық инфрақұрылымды дамыту мен жайластыруды және/немесе Кәсіпкерлікті дамыту картасына сәйкес ілеспе технологиялық жабдық сатып алуды талап ететiн жобалардың тiзбесiн қалыптастырады және:
      ауданның (қаланың) кәсіпкерлікті дамыту жөніндегі уәкілетті органына;
      болжамды кәсіпкерлік қызметті жүзеге асыру орны бойынша селолық округтің, кенттің әкіміне;
      конкурстық негізге іріктелген микроқаржы (микрокредиттік) ұйымдарға немесе қаржы агенті мәртебесіне ие уәкілетті өңірлік ұйымға немесе микроқаржы (микрокредиттік) ұйымдарына және кредиттік серіктестіктерге конкурстық негізде кредит беру қағидасына сәйкес уәкілетті өңірлік ұйым өткізетін кредиттік серіктестіктерді іріктеу жөніндегі конкурсқа қатысатын кредиттік серіктестіктерге;
      үміткер мәлімдеген жетіспейтін инженерлік-коммуникациялық объектілерді дамыту және/немесе салу және ілеспе технологиялық жабдық сатып алу қажет болған жағдайда инженерлік-коммуникациялық инфрақұрылымды дамыту және/немесе жайластыру жөніндегі уәкілетті органға (ауданның) жібереді.
      3) Сұрауды алған күннен бастап күнтізбелік 10 күн ішінде Жұмыспен қамту орталығына:
      ауданның (қаланың) кәсіпкерлікті дамыту жөніндегі уәкілетті органы – ұсынылған жобаның кәсіпкерлікті дамыту картасына немесе өңірде кәсіпкерлікті дамытудың басым бағыттарына сәйкестігі туралы қорытындыны;
      селолық округтың, кенттің әкімі – жобаны іске асырудың орындылығын келісу туралы қорытындыны не дәлелді түрде бас тартуды;
      конкурстық негізде іріктелген микроқаржы (микрокредиттік) ұйымдары, кредиттік серіктестіктер, қаржы агенттігі мәртебесіне ие уәкілетті өңірлік ұйым – үміткерлерге Бағдарламаның екінші бағытына қатысуға кредит беру мүмкіндігі туралы қорытындыны;
      инженерлік-коммуникациялық инфрақұрылымды дамыту және жайластыру жөніндегі (ауданның) уәкілетті орган – жетiспейтiн инженерлік-коммуникациялық инфрақұрылым объектілерін дамыту және/немесе салу және/немесе инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін ілеспе технологиялық жабдықтар сатып алу мүмкіндігі туралы қорытындыны жібереді;
      4) Халықты жұмыспен қамту орталығы жоғарыда көрсетілген құжаттарды алғаннан кейін үміткерлерді Бағдарламаның екінші бағытына қатысушылар құрамына қосу не одан бас тарту туралы шешiм қабылдайды және шешiм қабылдаған күннен бастап үш жұмыс күнi iшiнде оларды бұл туралы жазбаша хабардар етедi.
      5) Халықты жұмыспен қамту орталықтары Бағдарламаның екiншi бағытына енгізілген адамдармен әлеуметтiк келiсiмшарттар жасасады.
      6) Облыстың халықты жұмыспен қамту мәселелері жөніндегі уәкілетті органы мемлекеттік сатып алу заңнамасына сәйкес сервистік қызмет көрсету жөніндегі ұйымдарды іріктеуді жүзеге асырады.
      Кәсiпкерлiк негiздерiн оқыту бағдарламасы мен оны өткізу кестесі халықты жұмыспен қамту орталығымен келісіледі.
      7) Халықты жұмыспен қамту орталықтары Бағдарламаға қатысушыларды оқуға, бизнес жоспар дайындауға жәрдемдесуге материалдық көмек ұсына отырып, оларға оқыту мерзімі бір ай мерзімге дейін кәсіпкерлік негіздеріне тегін оқумен қамтамасыз ететін сервистік қызметтер көрсету ұйымдарына жібереді;
      8) Микрокредиттер беру:
      Бағдарламаға қатысушы сервистік қызметтер көрсету жөніндегі ұйымның жәрдем көрсетуімен бизнес-жоспар әзірлейді және Бағдарламаға қатысушыларға кредит беру құқығын алған қаржы агенттігі мәртебесіне ие уәкілетті өңірлік ұйымға не микроқаржы (микрокредиттік) ұйымына микрокредит алуға өтініммен жүгінеді;
      қаржы агенттігі мәртебесіне ие уәкілетті өңірлік ұйым не микроқаржы (микрокредиттік) ұйымы жобаға бағалау жүргізеді және микрокредит беру мүмкіндігі туралы (немесе мүмкін емес екендігі) туралы шешім қабылдайды;
      микрокредитті кредиттік серіктестік арқылы алған жағдайда Бағдарламаға қатысушы жобаның бизнес жоспарын әзірлейді және микроқаржы (микрокредиттік) ұйымдарына және кредиттік серіктестіктерге конкурстық негізде кредит беру қағидасына сәйкес уәкілетті өңірлік ұйым өткізетін кредиттік серіктестіктерді іріктеу жөніндегі конкурсқа қатысатын кредиттік серіктестікке жүгінеді.
      9) Бағдарламаға қатысушы кредит алуға оң қорытынды алғаннан немесе кредиттік серіктестік арқылы микрокредит алғаннан кейін сервистік қызмет көрсету жөніндегі ұйыммен бір жылға дейінгі мерзімге жобаны сүйемелдеу жөніндегі қосымша қызметтер (маркетингтік, заңдық, бухгалтерлік және басқа да қызмет түрлерін) ұсынуға шарт жасасуға құқылы.
      Сервистік қызметтер:
      жұмыс уақытында телекоммуникациялық байланыс пен интернет бойынша;
      жұмыс уақытында сервистік қызмет көрсету жөніндегі ұйымның орналасқан жері бойынша;
      екі айда кемінде бір рет Бағдарламаға қатысушының тұрғылықты жері бойынша консультациялар жүргізу арқылы көрсетеді.
      Бағдарламаға қатысушының тұрғылықты жері бойынша сервистік қызметтер көрсету кестесі халықты жұмыспен қамту орталығымен келісіледі.
      10) Инженерлік-коммуникациялық инфрақұрылымды дамыту:
      халықты жұмыспен қамту орталықтары қаржы агенттігі мәртебесіне ие уәкілетті өңірлік ұйымнан не микроқаржы (микрокредиттік) ұйымынан немесе кредиттік серіктестіктен оң қорытынды алған кезде инфрақұрылымды дамыту жөніндегі уәкілетті органға жобалары инженерлік-коммуникациялық инфрақұрылым объектілерін салуды немесе қайта жаңартуды немесе инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін ілеспе технологиялық жабдықтар сатып алуды талап ететін Бағдарламаға қатысушылардың тізімін жібереді;
      инфрақұрылымды дамыту жөніндегі уәкілетті орган инженерлік-коммуникациялық инфрақұрылым объектілерін қаржыландыру немесе инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін ілеспе технологиялық жабдықтар сатып алу мүмкіндігі (немесе мүмкін еместігі) және қаржыландыру көлемі туралы қорытынды дайындайды және халықты жұмыспен қамту орталығын хабардар етеді.
      11) Оң қорытынды алған жобалар бойынша Бағдарламаға қатысушы мен инфрақұрылымды дамыту жөнiндегi уәкiлеттi органның арасында тиiстi шарт жасалады.
      12) Инженерлiк-коммуникациялық инфрақұрылымды дамыту Қазақстан Республикасындағы сәулет, қала құрылысы және құрылыс қызметi туралы заңнамаға сәйкес жүзеге асырылады.
      13) Шартта көзделген инфрақұрылымдық жобаның iске асырылуына мониторинг жүргiзу инфрақұрылымды дамыту жөнiндегi уәкiлеттi органға жүктеледi.

4.3.3 Үшiншi бағыт:
еңбек ресурстарының ұтқырлығын арттыру

      Бұл бағыт Қазақстан Республикасы азаматтарының өз еркiмен көшуiне жәрдемдесу есебінен еңбек ресурстарының ұтқырлығын арттыру шараларын көздейдi.
      Бағдарламаның үшiншi бағытына ішінара жұмыспен қамтылғандар; жұмыссыздар; өз бетінше жұмыспен айналысушылар, табысы аз адамдар; жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалар; жастар, сондай-ақ оралмандардың көшiп келу квотасына енгiзiлгеннен және Қазақстан Республикасының азаматтығын алғаннан кейiн этникалық қазақтар қатарындағы жаңадан келген көшiп келушiлер (бұдан әрi – этникалық қазақтар қатарындағы көшiп келушiлер) арасынан Қазақстан Республикасының азаматтары қатысады.
      Бағдарламаның үшiншi бағытына қатысудың басым құқығын ауыл жастары иеленетiн болады.
      Көшкеннен кейін отбасы мүшелері бірінің жұмыспен нәтижелі қамтылуы, коммуналдық қызметтерді, жалдау ақысын төлеу және отбасының берілген тұрғын үйде тұру мүмкіндігі Бағдарламаға қатысудың міндетті шарты болып табылады.
      Бағдарламаға қатысушылардың әлеуметтiк-экономикалық даму әлеуетi төмен елді мекендерден әлеуметтік-экономикалық даму әлеуеті жоғары елдi мекендерге және экономикалық өсу орталықтарына көшуі:
      бiр ауданның iшiнде;
      бiр облыс шегiндегi бiр ауданнан (облыстық маңызы бар қаладан) басқа ауданға (облыстық маңызы бар қалаға);
      бір облыстан басқасына жүзеге асырылады.
      Әлеуметтiк-экономикалық даму әлеуетi төмен және жоғары елдi мекендердi айқындау өлшемдерiн экономикалық даму және сауда мәселелерi жөнiндегi орталық уәкiлеттi орган әзiрлейдi және бекiтедi.
      Әзiрленген өлшемдерге сәйкес жергiлiктi атқарушы органдар экономикалық даму және сауда мәселелерi жөнiндегi орталық уәкiлеттi органмен келiсе отырып, әлеуметтiк-экономикалық даму әлеуетi төмен және жоғары елдi мекендердiң тiзбесiн айқындайды және оны Бағдарлама операторына жiбередi.
      Жергiлiктi атқарушы органдар айқындаған және экономикалық даму және сауда мәселелерi жөнiндегi орталық уәкiлеттi органмен келiсiлген әлеуметтiк-экономикалық даму әлеуетi төмен және жоғары елдi мекендердiң тiзбесi ВАК-та бекiтiледi.
      Әлеуметтiк-экономикалық даму әлеуетi төмен елді мекендерден әлеуметтік-экономикалық даму әлеуеті жоғары елдi мекендерге және экономикалық өсу орталықтарына көшетін Бағдарламаның осы бағытына қатысушылар мынадай өлшемдерге сәйкес келуге:
      өз бетiнше жұмыспен айналысатын, жұмыссыз, еңбекке жарамды табысы аз халықтың санатына жатуға;
      жаңа тұрғылықты жері немесе өңiрлiк немесе ҮИИДМБ шеңберiнде iске асырылатын жобалардың бейiнi бойынша қолданыстағы Дерекқордағы жұмыс орындарына, сондай-ақ қабылдау өңiріндегі кәсiпорындардың еңбек ресурстарына сұранысына сәйкес келетін кәсіптік білімі болуға;
      соңғы үш жылда бекiтiлген тiзбеге сәйкес әлеуметтiк-экономикалық даму әлеуетi төмен елдi мекендерде тұрақты тұруға тиіс.
      Көрсетілген өлшемдер, көшіру мен жұмысқа орналастыруды жұмыс беруші өз бетінше жүзеге асырған этникалық қазақтар арасынан көшіп келушілерге, жиырма үш жасқа дейінгі балалар үйінің тәрбиеленушілеріне, жетім балалар және ата-анасының қамқорлығынсыз қалған балаларға, жастарға, Бағдарлама қатысушыларына, сондай-ақ басқа облыстарға көшетіндер болып табылатын Бағдарламаның осы бағытына қатысушыларға қолданылмайды.
      Жастарға арналған жатақханаларда тұруға үміткер адамдар мынадай өлшемдерге сәйкес келуге тиіс:
      29 жастан аспаған болуы;
      қолданыстағы еңбек шарты немесе әлеуметтік келісімшарты болуы;
      тұрғын үй құрылыс жинақтарының жүйесіне қатысуы керек.
      Қазақстан Республикасы азаматтарының басқа облысқа көшуі облыстардың, Астана және Алматы қалаларының жұмыспен қамту мәселелері жөніндегі уәкілетті органдары ұсынған жұмыс берушілер өтінімдерінің және өңірлік комиссиялардың ұсыныстарының негізінде Бағдарлама операторының шешімі бойынша жүзеге асырылады.
      Этникалық қазақтар қатарындағы көшiп келушiлерге және олардың отбасы мүшелерiне қоғамға бейiмдеу және кiрiктiру мақсатында оралмандарды бейiмдеу және кiрiктiру орталықтары арқылы қызметтер (ақпараттық, құқықтық, әлеуметтiк, медициналық және бiлiм беру) кешенi көрсетiледi.
      Бейiмдеу және кiрiктiру қызметтерi халықтың көшi-қоны мәселелерi жөнiндегi уәкiлеттi органға көзделген қаражат есебiнен көрсетiледi.
      Бағдарламаға қатысушыларды мемлекеттiк қолдау:
      көшуге субсидия берудi;
      жаңа тұрғылықты жерiнде кәсiптiк даярлау, қайта даярлау және бiлiктiлiгiн арттыру курстарында оқытуды, сондай-ақ жұмысқа орналасуына жәрдемдесудi;
      қызметтік тұрғын үй беруді;
      жастарға арналған жатақханалардан бөлме беруді;
      психологиялық бейімдеуді қамтиды.
      Көшумен байланысты субсидиялар көшу шығыстарының өтемiн қамтиды. Субсидияның мөлшерi:
      отбасылар бiр ауданның шегiнде көшкен жағдайда – отағасына он еселенген айлық есептiк көрсеткiштi, отбасының әрбiр мүшесiне бес еселенген айлық есептiк көрсеткiштi;
      отбасылар бiр облыс шегiндегi бiр ауданнан (облыстық маңызы бар қаладан) басқа ауданға (облыстық маңызы бар қалаға) көшкен жағдайда – отағасына жиырма бес еселенген айлық есептiк көрсеткiштi, отбасының әрбiр мүшесiне он бес еселенген айлық есептiк көрсеткiштi;
      отбасылар басқа облысқа көшкен жағдайда – отағасына елу еселенген айлық есептiк көрсеткiштi, отбасының әрбiр мүшесiне отыз бес еселенген айлық есептiк көрсеткiштi құрайды.
      Бағдарламаның осы бағытына қатысу және мемлекеттiк қолдау көрсету шарттарын Қазақстан Республикасының Үкiметi бекiтеді.
      Келген жерiнiң жергiлiктi атқарушы органдары аумақты дамыту бағдарламасына, елдi мекеннiң бас жоспарына, егжей-тегжейлi жоспарлау жобасына немесе құрылыс салу жобасына сәйкес:
      қызметтiк тұрғын үй салынатын учаскелердi айқындайды;
      Қазақстан Республикасының қолданыстағы заңнамасына сәйкес бекiтiлген үлгiлiк жобалар бойынша (аумақтардың сейсмикалық жағдайын ескере отырып) қызметтiк тұрғын үйлер салуды, сатып алуды, салып бітіруді, сондай-ақ жастарға арналған жатақханалар салуды және сатып алуды жүзеге асырады;
      тұрғын үй құрылысы аудандарында инженерлiк-коммуникациялық инфрақұрылымды дамытуды және (немесе) оны жеке құрылыс салушылардан сатып алуды жүзеге асырады.
      Жергiлiктi атқарушы органдар Бағдарламаға қатысушыларды отбасылық үлгiдегi жатақханалардан орын беру, тұрғын үйлердi сатып алу, құрылысы бұрын басталған объектiлердi салып бiтiру, жергiлiктi атқарушы органдардың коммуналдық меншiгiндегi бос тұрған көппәтерлi тұрғын үйлердi реконструкциялау есебiнен тұрғын үймен қамтамасыз ете алады.
      Көшуін және жұмысқа орналасуын жұмыс беруші өзі жүзеге асырған азаматтар басым тәртіппен тиісті мемлекеттік қолдауды ұсына отырып, Бағдарламаның бірінші бағытына қатысушылардың құрамына енгізіледі.
      Қазақстан Республикасының халықты жұмыспен қамту туралы заңнамасына сәйкес жұмыспен қамтуға жәрдемдесудiң белсендi шараларына қатысатын Қазақстан Республикасының азаматтарын қоныстандыру үшін жастарға арналған жатақханаларды, қызметтiк тұрғын үйдi беру және оны пайдалану тәртiбiн Қазақстан Республикасының Үкiметi бекiтедi.
      Жас адамдарға жатақханалардан бөлмелер, сондай-ақ этникалық қазақтар қатарындағы көшіп келушілерге; жиырма үш жасқа дейінгі балалар үйлерінің тәрбиеленушілеріне; жетім балаларға және ата-анасының қамқорлығынсыз қалған балаларға; көшуін және жұмысқа орналасуын жұмыс беруші өзі жүзеге асыратын Бағдарламаға қатысушыларға; сондай-ақ басқа облыстарға көшетіндерге қызметтік тұрғын үй беру олардың бұрынғы тұрған жеріне, оның ішінде облыс орталықтарында, республикалық маңызы бар қалада және астанада тұрғанына қарамастан жүзеге асырылады.
      Берiлетiн қызметтiк тұрғын үйлердiң ауданы отбасының құрамына байланысты, бiрге тұратын отбасы мүшесiнiң бiреуiне 18 шаршы метрден не отбасына 100 шаршы метрден аспауға және бiр бөлмелi пәтерден не отбасылық үлгiдегi жатақхананың бiр бөлмесiнен кем болмауға тиiс.
      Тұрғын үйдiң жалпы ауданының 1 шаршы метрiнiң құны жобалау-сметалық құжаттамада және Мемлекеттiк сараптамада айқындалатын болады.
      Құрылысын және (немесе) жеке құрылыс салушылардан сатып алуды республикалық бюджеттен қаржыландыру тұрғын үйдiң 1 шаршы метрi өңірлерде 80 мың теңгеден (инженерлік желілердің құны және өңірдің сейсмикалылығы есепке алынбағанда) аспауға тиіс және Астана және Алматы қалаларында 120 мың теңге шегінде (инженерлік желілердің құны және өңірдің сейсмикалығы есепке алынбағанда) болады. Тұрғын үйдің 1 шаршы метрінің құны бойынша талаптар 2013 жылғы 1 қаңтарға дейін құрылысына шарттар жасалған тұрғын үйлерге қолданылмайды.
      Бұл ретте көрсетiлген құннан асатын шығыстар жергiлiктi бюджет қаражаты және/немесе жұмыс берушілер есебiнен қаржыландырылуы мүмкiн.
      Іске асыру тетігі:
      1. Бағдарламаның үшінші бағытына қатысуға үміткерлер халықты жұмыспен қамту орталықтарына Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасында көзделген құжаттарды қоса бере отырып, көшуге өтініш береді.
      2. Халықты жұмыспен қамту орталығы құжаттардың Бағдарламаның үшiншi бағытына қатысуға iрiктеу өлшемдерiне сәйкестiгi тұрғысынан қарайды, өтiнiш берушiлермен көшудiң ықтимал жолдарын келiседi және көшетiн жерiне қарай құжаттарды өңiрлiк немесе аудандық (қалалық) комиссияға жолдайды.
      3. Бағдарламаға қатысуға өтiнiш берген адамдардың құжаттарын қарау қорытындысы бойынша:
      1) өңiрлiк комиссиялар:
      бiр ауданнан басқа ауданға, республикалық маңызы бар қаланың, астананың, облыс орталықтарының шегiнде көшетiн азаматтарға қатысты Бағдарламаға қатысушылар құрамына қосу (қосудан бас тарту) туралы ұсынымдар;
      басқа облысқа көшетiн азаматтарға қатысты Бағдарламаға қатысушылар құрамына қосу (қосудан бас тарту) туралы өтiнiмдер немесе ұсыныстар дайындайды;
      2) аудандық/қалалық комиссиялар бiр ауданның шегiнде көшетiн азаматтарға қатысты Бағдарламаға қатысушылар құрамына қосу (қосудан бас тарту) туралы ұсынымдар дайындайды.
      4. Бағдарлама операторының, өңiрлiк не аудандық/қалалық комиссия шешiмiнiң негiзiнде халықты жұмыспен қамту орталығы өтiнiш берушiлердi Бағдарламаға қатысушылардың құрамына қосу (қосудан бас тарту) туралы шешiм қабылдайды.
      5. Бағдарламаның үшiншi бағытына қатысушылар тiзiмiне енгiзiлген адамдар мен халықты жұмыспен қамту орталығы арасында (келген жерiнiң) әлеуметтiк келiсiмшартқа қол қойылады. Әлеуметтiк келiсiмшарт көшу бойынша әлеуметтiк қолдаумен қатар, жаңа жерде жұмысқа орналастыру бойынша iс-шараларды қамтиды.
      6. Құрылыс және тұрғын үй-коммуналдық шаруашылық iстерi жөнiндегi уәкiлеттi орган сейсмологиялық аймақтарды және оның сипатын ескере отырып, тұрғын үйдiң (жеке немесе көппәтерлi) үлгiлiк жобасын әзiрлейдi.
      7. Бағдарламаға қатысушылар тиiстi бiлiктiлiгi болған жағдайда, қызметтiк тұрғын үйдi салу және тиiстi инженерлiк-коммуникациялық инфрақұрылымды дамыту барысында құрылатын жұмыс орындарына орналасуға басым құқыққа ие болады.
      8. Әлеуметтiк келiсiмшарт талаптарының орындалуын халықты жұмыспен қамту орталығы бақылайды.

4.3.3.1 Үшінші бағытты пилоттық режимде іске асырудың қосымша
шарттары

      2013 жылдан бастап Шығыс Қазақстан, Солтүстік Қазақстан, Қызылорда және Павлодар облыстарында, сондай-ақ ВАК шешімімен айқындалған өңірлерде қызметтік тұрғын үйлер салу, сатып алу, салып бітіру және қоныстандыру жұмыс берушілердің қатысуымен жүзеге асырылады.
      Жұмыс беруші тарапынан қоса қаржыландырылған жағдайда құрылыс орнын, салу, сатып алу және салып бітіру үшін тұрғын үйдің ықтимал нұсқаларын таңдау оның қатысуымен жүзеге асырылады.
      Бұл ретте жұмыс беруші тарапынан қоса қаржыландыру салынатын, сатып алынатын және салынып бітірілетін тұрғын үйдің кемінде 10 %-ын құрауы және кемінде бір пәтер не жеке тұрғын үй салуды пайдалануға беруді не сатып алуды қамтамасыз етуге тиіс.
      Салынған және пайдалануға тапсырылған тұрғын үй мемлекет пен жұмыс беруші арасында осы тұрғын үйді салуға көзделген қаражатқа сәйкес бөлінеді.
      Бағдарламаға қатысушылар құрамына қосу қызметтік тұрғын үйлер салуға, сатып алуға, салып бітіруге және қоныстандыруға қатысатын жұмыс берушілердің жолдамасы бойынша жүзеге асырылады.
      Егер жұмыс беруші қызметкерлер үшін тұрғын үй салуды өз бетінше қамтамасыз еткен жағдайда, жергілікті атқарушы органдар заңнамаға сәйкес тұрғын үй салу үшін жер учаскелерін бөлуге, аумақтарды егжей-тегжейлі жоспарлау жоспарына немесе құрылыс салу жоспарына сәйкес инженерлік-коммуникациялық инфрақұрылымға қосылуға, сондай-ақ жүргізуге және қосылуға техникалық жағдай жасалуына жәрдем көрсетеді.
      Бағдарлама шеңберінде 2011 – 2012 жылдары енгізілген тұрғын үй әлеуметтік-экономикалық даму әлеуетіне қарамастан, елді мекендерден көшетін Бағдарламаға қатысушыларға жұмыс берушілер тұрақты жұмыс орнына жұмысқа орналастыруға қатысуы шартымен беріледі.

4.3.4. Төртiншi бағыт:
ауылдық елдi мекендердi дамыту

      Бұл бағыт әлеуметтiк-экономикалық даму әлеуетi орташа немесе жоғары ауылдық елдi мекендерде және шағын қалаларда инфрақұрылымдық жобаларды iске асыру арқылы халықты жұмыспен қамтуды қамтамасыз етуге бағытталған.
      Өз бетiнше жұмыспен айналысатын, жұмыссыз, халықтың нысаналы топтары қатарындағы Қазақстан Республикасының азаматтары мен оралмандар осы бағыттың қатысушылары болып табылады.
      Қажеттi кәсiптiк бiлiктiлiгi бар Бағдарламаға қатысушыларға инфрақұрылымдық жобаларды iске асыру кезiнде құрылатын жұмыс орындарына жұмысқа орналасуға жәрдем көрсетiледi.
      Iске асыру тетiгi:
      1) Облыстардың әкiмдерi бөлiнген жалпы қаржыландыру лимиттерiн негізге алып Бағдарлама шеңберiнде iске асыру үшiн инфрақұрылымдық жобаларды:
      облыстар бойынша бөлiнген жалпы қаржыландыру лимиттерiн;
      жергілікті бюджеттердің және әлеуметтік жауапты кәсіпкерлердің қоса қаржыландыруын;
      ауылдық елдi мекендердiң әлеуметтiк-экономикалық даму әлеуетiн (жоғары немесе орташа);
      мемлекеттiк сараптамадан өткен объектiлердi салуға, реконструкциялауға, күрделi жөндеуге жобалау-сметалық құжаттаманың болуын;
      инфрақұрылымдық жобалар шеңберiнде орташа және (немесе) ағымдағы жөндеудi жүзеге асыру жоспарланып отырған орындалатын жұмыс көлемiнiң ақаулар ведомосының, сметалық құжаттамасының, шығыстар сметасының болуын;
      құрылатын жұмыс орындарының санын, оларға Бағдарламаға қатысушылардың басым тәртiппен жұмысқа орналасуын және орташа айлық жалақысының мөлшерiн;
      мемлекеттiк сатып алуды жүргiзу мерзiмiн және тауарларды, жұмыстар мен қызметтердi отандық өндiрушiлерден сатып алу мүмкiндiгiн;
      оларды iске асыруды бастау және аяқтау мерзiмiн;
      ауылдық елдi мекеннiң әлеуметтiк және коммуналдық-тұрмыстық инфрақұрылыммен қамтамасыз етiлу дәрежесiн (тапшылық және/немесе әбден тозуы);
      өңiрдiң табиғи-климаттық жағдайын және оларды iске асыруға әсер ететiн басқа да ерекшелiктерiн ескере отырып, iрiктеудi жүзеге асырады.
      әлеуметтік жауапты кәсіпкер – кәсіпкерлік қызметті жүзеге асыратын және Бағдарламаның іс-шараларын қоса қаржыландыруға өз еркімен ниет білдірген жеке немесе мемлекеттік емес заңды тұлға.
      2) Инфрақұрылымдық жобалар:
      коммуналдық-инженерлiк инфрақұрылым объектiлерiн (су құбыры, кәрiз, газбен, жылумен, электрмен жабдықтау жүйелерi) реконструкциялауды, күрделi және ағымдағы жөндеудi;
      инженерлiк-көлiк инфрақұрылымын (кентiшiлiк және ауылiшiлiк жолдар, кiреберiс жолдар, аудандық маңызы бар жолдар, платиналар, бөгеттер мен көпiрлер) реконструкциялауды, күрделi, орташа және ағымдағы жөндеудi;
      әлеуметтiк инфрақұрылымды (бiлiм беру, денсаулық сақтау, әлеуметтiк қамсыздандыру, мәдениет, спорт, демалыс және ойын-сауық объектiлерi) реконструкциялауды, күрделi және ағымдағы жөндеудi;
      ауылдық елдi мекендерде орналасқан дәрiгерлiк амбулаториялар мен фельдшерлiк-акушерлiк пункттердi салуды;
      абаттандыруды (көшелердi жарықтандыру және көгалдандыру, иесi жоқ объектiлердi бұзу, қатты тұрмыс қалдықтары полигондарын, шағын сәулет нысандарын, қоршауларды, балалардың ойын алаңшаларын көрiктендiру) қамтиды.
      3) Облыс әкiмдерi iске асыру ұсынылатын инфрақұрылымдық жобаларды қолданыстағы заңнамаға сәйкес талап етілетін техникалық құжаттаманы және инфрақұрылымдық жобаларды таңдау негiздемесiн қоса отырып, республикалық бюджеттiк бағдарламаның әкiмшiсiне қарау үшiн ұсынады;
      2014 жылдан бастап инфрақұрылымдық жобаларды іске асыру жергілікті атқарушы органдар (кемінде 10 %) және әлеуметтік жауапты кәсіпкерлер (кемінде 10 %) тарапынан қоса қаржыландыру шартымен жүзеге асырылады.
      Әлеуметтік жауапты кәсіпкерлер қоса қаржыландырған жағдайда Инфрақұрылымдық жобалардың тізбесі олардың қатысуымен айқындалады.
      Әлеуметтік жауапты кәсіпкерлердің қатысуы ақшалай қоса қаржыландыру нысанында да және бекітілген жобалау-сметалық құжаттамаға сәйкес тауарлық-материалдық құндылық ұсыну нысанында да болуы мүмкін.
      4) Жобаларды қарау барысында республикалық бюджеттiк бағдарламаның әкiмшiсi жобалардың техникалық құжаттамада ұсынылған жұмыс түрлерiне сәйкестiгiн тексередi және жобаларды қарау нәтижесi бойынша тиiстi қорытындылар дайындайды.
      5) Республикалық және жергiлiктi бюджеттiк бағдарламалар әкiмшiлерiнiң iске асырылуы көзделген инфрақұрылымдық жобаларды қаржыландыруы бюджет заңнамасына сәйкес жүзеге асырылады.
      6) Жергілікті атқарушы органдар инфрақұрылымдық жобаларды iске асыру шеңберiнде инфрақұрылымдық жоба іске асырылып жатқан елді мекенде тұратын (халықты жұмыспен қамту орталықтарының жолдамалары бойынша) Бағдарламаға қатысушыларға құрылатын жұмыс орындарының елу пайызына дейiн ұсынуды қамтамасыз етеді. Еңбек нарығындағы ұсыныстарды пайдалана отырып, еңбек ресурстарын қосымша тартуға халықты жұмыспен қамту орталықтарымен жазбаша келiсім болған жағдайда жол беріледі.
      7) Инфрақұрылымдық жобаларды iске асыруға қатысуды қалайтын және оған мүмкiндiгi бар Бағдарламаның әлеуеттi қатысушылары халықты жұмыспен қамту орталықтарына Бағдарламаға қатысуға өтiнiшпен жүгінеді және қажеттi құжаттарды ұсынады.
      8) Халықты жұмыспен қамту орталығы Бағдарламаның әлеуеттi қатысушыларының кәсiптiк бiлiктiлiгiн және инфрақұрылым жобаларын iске асыратын жұмыс берушiлердiң кадрларға қажеттiлiгiн ескере отырып, өтiнiш берушiлердi Бағдарламаға қатысушылардың құрамына қосу не одан бас тарту туралы шешiм қабылдайды.
      9) Бағдарламаға қатысушы мен халықты жұмыспен қамту орталығы арасында әлеуметтiк келiсiмшарт жасалады.
      10) Халықты жұмыспен қамту орталығы Бағдарламаға қатысушыларды iске асырылып жатқан инфрақұрылымдық жобаларда құрылған жұмыс орындарына жұмысқа орналасу үшiн жiбередi.
      11) Әлеуметтiк келiсiмшарт талаптарының орындалуын халықты жұмыспен қамту орталығы бақылайды.
      Бағдарламаға қатысушылар мен Бағдарлама шеңберiнде инфрақұрылымдық жобаларды iске асыруға қатысатын жұмыс берушiлер туралы мәлiметтер әлеуметтiк-еңбек саласының бiрыңғай ақпараттық жүйесiнiң «Жұмыспен қамту» автоматтандырылған ақпараттық жүйесiнде орналастырылады.
      12) Республикалық бюджеттiк бағдарламаның әкiмшiсi Жұмыспен қамту 2020 бағдарламасы шеңберiнде iске асырылатын инфрақұрылымдық жобаларға мониторинг жүргiзедi.
      Осы бағыт шеңберiнде нысаналы даму трансферттерiн аудару тәртiбi Қазақстан Республикасы Үкiметiнiң 2009 жылғы 26 ақпандағы № 220 қаулысымен бекiтiлген Бюджеттiң атқарылуы және оған кассалық қызмет көрсету ережесiне сәйкес жүзеге асырылады.

5. Бағдарламаның іске асырылуын мониторингілеу

      Бағдарлама операторы облыстар, Астана және Алматы қалалары деңгейінде Бағдарламаның көрсеткіштері мен іс-шараларына мониторингті жүзеге асырады.
      Облыстардың, Астана және Алматы қалаларының жұмыспен қамту мәселелері жөніндегі уәкілетті органдары аудандар (қалалар) деңгейінде Бағдарламаның көрсеткіштері мен іс-шараларына мониторингті жүзеге асырады.
      Халықты жұмыспен қамту орталықтары мен аудандардың (қалалардың) жұмыспен қамту мәселелері жөніндегі уәкілетті органдары ауылдар мен селолар деңгейінде Бағдарламаның көрсеткіштері мен іс-шараларына мониторингті жүзеге асырады.
      Бағдарламаға қатысушылардың әлеуметтік келісімшартта айқындалған міндеттерінің орындалу мониторингі аудандардың (қалалардың) жұмыспен қамту мәселелері жөніндегі уәкілетті органдары мен халықты жұмыспен қамту орталықтары жүзеге асырады.
      2013 жылдан бері Шығыс Қазақстан, Солтүстік Қазақстан, Қызылорда, және Павлодар облыстарында, сондай-ақ ВАК шешімімен айқындалған өңірлерде:
      - жұмыс берушінің әлеуметтік келісімшартта айқындалған міндеттерінің орындалу мониторингін халықты жұмыспен қамту орталығы мен білім беру ұйымы жүзеге асырады;
      - білім беру ұйымдарының әлеуметтік келісімшартта айқындалған міндеттерінің орындалу мониторингін халықты жұмыспен қамту орталығы мен жұмыс беруші жүзеге асырады.
      Бағдарламаның іске асырылуына мониторинг жүргізу тәртібін Бағдарлама операторы бекітеді.

6. Әлеуметтiк көмек көрсету жүйесiн жетiлдiру

      Әлеуметтiк көмек көрсету жүйесiн жетiлдiру 2012 жылдан бастап жұмыспен қамту мен атаулы әлеуметтiк көмек (бұдан әрi - АӘК) көрсету арасында оңтайлы байланыс орнатуға бағытталған.
      Осы мақсатта әлеуметтiк көмек көрсетудiң мынадай тәртiбi мен шарттары ұсынылады.
      АӘК күнкөрісі төмен отбасылар арасындағы еңбекке жарамды жастағы адамдарға олар осы Бағдарламада көзделген iс-шараларға қатысқан жағдайда ғана тағайындалатын болады. Олар жұмыспен қамтуға жәрдемдесудiң белсендi шараларына қатысудан бас тартқан немесе келiсiмшарт бойынша мiндеттемелерiн орындамаған жағдайда, жергiлiктi атқарушы органдар оларға АӘК төлеудi тоқтата тұрады, бұл ретте отбасы АӘК алу құқығын сақтайды.
      Халықты жұмыспен қамту орталықтары азаматтардың әлеуметтiк келiсiмшарттың талаптарын орындауына бақылау жүргiзедi және ұсынылған көмектiң тиiмдiлiгiн бағалайтын болады.
      Құрамында еңбекке қабiлеттi мүшелерi жоқ (жалғызбасты, қарт адамдар) не отбасында мүмкiндiгi шектеулi мүшелерi (мүгедектер, әлеуметтiк мәнi бар аурулармен ауыратын адамдар) бар күнкөрісі төмен отбасыларға АӘК Қазақстан Республикасының қолданыстағы заңнамасына сәйкес берiлетiн болады.

7. Бағдарламаны институционалдық ұйымдастыру

      Бағдарламаның iске асырылуы жоғарыдан төмен басқару құрылымымен басқарылады, оның құрамына ВАК, Бағдарламаның операторы, Бағдарламаны жергiлiктi деңгейде iске асыру жөнiндегi өңiрлiк және аудандық (қалалық) комиссиялар, орталық және облыстық, аудандық және ауылдық маңызы бар жергiлiктi атқарушы органдар кiредi.
      ВАК мынадай негiзгi функцияларды жүзеге асырады:
      Бағдарламаны бағыттары бойынша өңiрлер бөлiнiсiнде қаржыландыру лимиттерiне келiсiм бередi;
      Бағдарламаның орындалуының негiзгi өлшемдерiн қарауды жүзеге асырады және орталық және жергiлiктi атқарушы органдардың Бағдарламаны iске асыру бойынша есептерiн тыңдайды;
      Қазақстан Республикасы Үкiметiнiң қарауына Бағдарламаны iске асыруға байланысты мәселелер бойынша ұсыныстар енгiзедi.
      Бағдарламаның операторы:
      Бағдарламаны нормативтiк құқықтық, әдiстемелiк және ақпараттық қолдауды;
      Бағдарлама бағыттары бойынша қаржыландыру лимиттерiн белгiлеу жөнiнде ұсыныстар дайындауды;
      жергiлiктi атқарушы органдар қол қойған Келiсiмдердiң негiзiнде Бағдарламаның iске асырылуына мониторингті;
      ағымдағы бос жұмыс орындары мен болжанатын жұмыс орындарының дерекқорын қалыптастыру тәртібін және жергілікті мемлекеттік органдар мен ұйымдар беретін кадрларға қажеттілік туралы ақпарат беру нысандарын әзірлеу және бекітуді;
      орталық мемлекеттік органдардың кадрларға қажеттілік туралы ақпарат беру тәртібі мен нысандарын әзірлеу және бекітуді;
      өңірлік, аудандық (қалалық) комиссиялардың үлгілік ережелерін, әлеуметтік келісімшарттың, жұмыс берушілер мен білім беру ұйымдарының әлеуметтік келісімшартқа қосылуы туралы өтініштерінің (хабарламаларының нысандарын) әзірлеу және бекітуді;
      Бағдарламаның іске асырылуына мониторинг жүргізу тәртібін әзірлеуді және бекітуді;
      жергілікті атқарушы органдар ұсыныстарының негізінде білім беру саласындағы уәкілетті органмен бірлесіп, Бағдарлама шеңберінде кәсіптік оқытуды жүзеге асыратын кәсіптік білім беретін оқу орындарының тізбесін қалыптастыруды қамтамасыз етедi.
      Өңiрлiк комиссиялар:
      Бағдарламаға қатысушылардың тiзiмiне келiсiм бередi;
      жеке кәсiпкерлiктi дамытудың басым бағыттарына келiсiм бередi;
      Бағдарламаны бағыттары бойынша өңiрлер мен қалалар бөлiнiсiнде қаржыландыру лимиттерiне келiсiм бередi;
      уәкiлеттi өңiрлiк ұйым микроқаржы (микрокредиттік) ұйымдарға және кредиттік серіктестіктерге беретін кредиттер бойынша жылдық сыйақы ставкасының мөлшерiне келiсiм бередi;
      соңғы қарыз алушы үшін микрокредиттер бойынша жылдық ең жоғары тиiмдi пайыздық ставканың мөлшерiне келiсiм бередi;
      жұмыс берушілердің өтінімдері мен басқа өңірлердегі өңірлік комиссиялардың ұсыныстарының негізінде Бағдарлама операторына Бағдарлама қатысушыларының басқа облысқа көшуі бойынша ұсыныс енгізеді;
      облыстық, қалалық және аудандық маңызы бар жергiлiктi атқарушы органдардың Бағдарламаның орындалуы туралы есептерiн тыңдайды.
      Аудандық (қалалық) комиссиялар:
      халықты жұмыспен қамту орталықтары ұсынатын ақпараттар мен құжаттар негiзiнде Бағдарламаның әлеуеттi қатысушыларына iрiктеу жүргiзедi және тиiстi ұсыныстарды қарау үшiн өңiрлiк комиссияларға жiбередi;
      жеке кәсiпкерлiктi дамытудың басым бағыттарына келiсiм бередi;
      Бағдарламаның үшінші бағытының шеңберінде көшетін азаматтар мен көшіп келушілерге қатысты Бағдарлама қатысушыларының құрамына енгізу туралы (одан бас тарту туралы) ұсынымдарды әзірлейді.
      Облыстық маңызы бар жергiлiктi атқарушы органдар:
      аудандар мен қалалардың әкiмдерi ұсынған жобаларға және Бағдарлама шеңберiнде iске асырылатын iс-шаралар жоспарларына келiсiм бередi;
      Бағдарламаның өңiрлiк құрамдас бөлiктерiн қаржыландыру лимиттерi жөнiндегi ұсыныстарды өңiрлiк комиссияның және Бағдарлама операторының қарауына енгiзедi;
      экономикалық даму және сауда мәселелерi жөнiндегi уәкiлеттi орталық органмен келiсiм бойынша әлеуметтiк-экономикалық даму әлеуетi төмен және жоғары елдi мекендердiң тiзбесiн айқындайды, Бағдарламаға қатысушылардың көшу жоспарын әзiрлейдi.
      Өнiмдi еңбекке ынталылықты және экономикалық белсендiлiктi күшейту жөнiнде халықпен жұмыс жүргiзу тиiмдiлiгiн арттыру үшiн аудандық (қалалық) маңызы бар жергiлiктi атқарушы органдардың жұмыспен қамту қызметi жаңғыртылатын болады.
      Барлық аудандарда (қалаларда) мемлекеттiк мекеме нысанында Халықты жұмыспен қамту орталықтары құрылды, олардың қызметкерлерi (азаматтық қызметшiлер) Бағдарламаны iске асыруды қамтамасыз етеді.
      Халықты жұмыспен қамту орталықтарының негiзгi мiндеттерi:
      1) жалпы рәсiмдердi жүргiзу: Бағдарламаға қатысу мәселесi бойынша азаматтарды хабардар ету және консультация беру қызметiн ұсыну, құжаттарды дайындауда көмек көрсету, үмiткерлердiң қажеттiлiктерiн зерттеу мақсатында олармен консультация жүргiзу және үмiткерлердiң әлеуметтiк қолдауға мұқтаждығына бағалау жүргiзу, Бағдарламаға қатысуға үмiткерлердiң құжаттарын қабылдау;
      2) Бағдарламаның әлеуеттi қатысушыларын, олардың мәртебесiне, еңбек нарығындағы әлеуеттi мүмкiндiгiне және әлеуметтiк қолдауға мұқтаждығын бағалауға байланысты санаттар бойынша iрiктеу және бөлу;
      3) Бағдарламаға қатысушылармен әлеуметтiк келiсiмшартқа жасасу, олардың орындауына мониторинг жүргiзу және оның талаптарын орындамаған жағдайда заңнамаға сәйкес санкция қолдану.
      Халықты жұмыспен қамту орталықтарының ауылдық округтерде Бағдарламаны iске асыру мәселелерiмен, жұмыс берушiлермен, бiлiм беру ұйымдарымен және жеке меншiк жұмыспен қамту агенттiктерiмен өзара iс-қимылды үйлестiрумен айналысатын өкiлдiктерi, бөлiмшелерi (немесе мамандары) болуы мүмкiн.
      Халықты жұмыспен қамту орталығының үлгi жарғысын Бағдарлама операторы әзiрлейдi және бекiтедi.

8. Бағдарламаны ақпараттық қамтамасыз ету

      Жұмыспен қамту бағдарламасын iске асыруды ақпараттық қамтамасыз ету енгiзiлетiн Әлеуметтiк-еңбек саласының бiрыңғай ақпараттық жүйесiнiң (бұдан әрi – ӘЕСБАЖ) базасында жүзеге асырылады.
      «Еңбек нарығы (Дерекқор), «Шетелдiк жұмыс күшi», «Еңбектi қорғау мен еңбек қауiпсiздiгi», «Әлеуметтiк көмек (АӘК, МБЖ)», «Е-собес», «Байланыс орталығы» автоматтандырылған ақпараттық жүйелерiн қамтитын ӘЕСБАЖ:
      нақты уақыт режимiнде Дерекқорды пайдалануға;
      Бағдарлама шеңберiнде орындалатын бизнес-процестердi автоматтандыруға;
      жұмыспен қамтуға жәрдемдесу және әлеуметтiк қолдау үшiн өтiнiш берген адамдарды, оның iшiнде Бағдарламаға қатысушыларды автоматты түрде есепке алуды жүргiзуге;
      АӘК тағайындау кезiнде Бағдарламаға қатысушылардың табысын анықтау үшiн «ЗТМО» РМҚК тиiстi дерекқорларын пайдалану, бұл бюджет қаражатының мақсатсыз пайдаланылуын болғызбайды.
      Бұған қоса, кәсіптік білім беретін оқу орындарының базасы қалыптастырылады және «Жастардың еңбек биржасы» бірыңғай веб-порталы құрылады.
      Бағдарлама шеңберінде сервистік қызметтер көрсету жөніндегі ұйымдарда көрсетілетін мемлекеттік қолдау шаралары, қызметтер және оқу орындарының тізбесі туралы ақпарат Бағдарлама операторының, білім беру саласындағы уәкілетті органның, Бағдарлама операторының жанындағы жеке кәсіпкерлік субъектілерінің аккредиттелген бірлестіктерінің, жұмыспен қамту мәселелері жөніндегі уәкілетті органдардың және халықты жұмыспен қамту орталықтарының интернет-ресурстарында орналастырылады.

9. Бағдарламаны iске асыру нәтижелерiнiң көрсеткiштерi

      Бағдарламаны iске асыру нәтижесiнде жұмыспен қамтуға жәрдемдесудiң белсендi шараларымен бiр жарым миллион адамға дейiн, оның iшiнде шамамен 800 мың ауыл тұрғынын қамту жоспарланып отыр.
      Жұмыспен тиiмсiз қамтудың үлес салмағы төмендейдi, жұмыссыздық азаяды, еңбек өнiмдiлiгi, сондай-ақ халықтың табысы артады.
      2020 жылға дейiнгi сандық индикаторлар Бағдарламаның екiншi кезеңiнің аяқталуына қарай тиiстi өзгерiстер енгiзу мүмкiндiгiмен айқындалатын болады.

10. Бағдарламаны iске асыру кезеңдерi

      Бағдарламаны iске асыру екi кезеңде жүзеге асырылады: бiрiншi кезең – 2011 жыл пилоттық жыл болады, екiншi кезең – 2012 – 2015 жылдар – Бағдарламаны енгiзу кезеңi, 2016 – 2020 жылдар Бағдарламаны толық ауқымда iске асыру кезеңi.
      Бiрiншi кезеңде (2011 жылдың 2-жартыжылдығы) Бағдарламаның бiрiншi және екiншi бағыттары барлық өңiрлерде пилоттық режимде енгiзiлетiн болады. Үшiншi бағыт (экономикалық өсу орталықтарына және әлеуметтiк-экономикалық даму әлеуетi жоғары елдi мекендерге көшу) жергiлiктi атқарушы органдардан келген ұсыныстарға сәйкес жүзеге асырылатын болады.
      Тиiстi нормативтiк құқықтық база жасалады, Бағдарламаға қатысушыларды экономикалық өсу орталықтарына және әлеуметтiк-экономикалық даму әлеуетi жоғары елдi мекендерге көшiру тетiгi пысықталады, Бағдарламаға қатысушыларды ҮИИДМБ жобаларын iске асыруға тарту бойынша шаралар қабылданатын болады.
      Сонымен қатар Бағдарламаны iске асырудың екiншi кезеңiне дайындалу үшiн облыстық және аудандық маңызы бар жергiлiктi атқарушы органдар:
      Бағдарлама шеңберiнде iске асырылатын жобалардың тiзбесiн, қатысушылардың санаттарын, олардың белсендiлiгiн арттыру шаралары мен тәсiлдерiн (Бағдарлама операторымен келiсiм бойынша) айқындайды;
      қызметтiк тұрғын үй құрылысына және (немесе) оны сатып алуға жергiлiктi бюджет қаражатынан қоса қаржыландыру үлесiн ескере отырып, Бағдарламаны iске асыруға бюджеттiк өтiнiм ұсынады.
      Жергiлiктi атқарушы органдардың бюджеттiк өтiнiмдерi Республикалық бюджет комиссиясында қаралатын болады, онда мемлекеттiң қаржы мүмкiндiктерi ескерiле отырып, Бағдарламаны қаржыландырудың 2012 – 2015 жылдарға арналған лимитi айқындалатын болады.
      Екiншi кезеңде: 2012 – 2015 жылдары – Бағдарламаның өңiрлiк құрамдас бөлiктерi әзiрленiп, келiсiлетiн болады және орындала бастайды, әлеуметтiк қолдау көрсету шарттары мен тәртiбiне өзгерiстер мен толықтырулар енгiзiлетiн болады.
      Үшiншi кезеңде (2016 – 2020 жылдары) еңбек нарығында туындайтын қатерлердi басқару және жұмыспен нәтижелi қамтуға жәрдемдесу Бағдарламада ұсынылған тетіктер мен құралдар негiзiнде жүзеге асырылатын болады.

11. Қажеттi ресурстар және оларды қаржыландыру көздерi

      Жұмыспен қамту 2020 бағдарламасын iске асыруға республикалық бюджетте:
      2011 жылға – 37,4 млрд. теңге, оның iшiнде:
      бiрiншi бағыт бойынша: оқытуға және жұмысқа орналасуға жәрдемдесуге – 14,3 млрд. теңге;
      екiншi бағыт бойынша: кәсiпкерлiктi дамытуға жәрдемдесуге – 4,8 млрд. теңге;
      үшiншi бағыт бойынша: еңбек ресурстарының ұтқырлығын арттыруға – 16,2 млрд. теңге;
      халықты жұмыспен қамту орталықтарын қамтамасыз етуге және ақпараттық сүйемелдеуге – 2,1 млрд. теңге;
      2012 жылға – 57,6 млрд. теңге, оның iшiнде:
      бiрiншi бағыт бойынша: өз бетiнше жұмыспен айналысатын, жұмыссыз және табысы аз халықты оқытуға және олардың жұмысқа орналасуына жәрдемдесуге – 22,1 млрд. теңге;
      екiншi бағыт бойынша: ауылда кәсiпкерлiктi дамытуға жәрдемдесуге – 13,4 млрд. теңге;
      үшiншi бағыт бойынша: еңбек ресурстарының ұтқырлығын арттыруға – 9,4 млрд. теңге;
      төртiншi бағыт бойынша: ауылдық елдi мекендердi дамытуға – 9,9 млрд. теңге;
      халықты жұмыспен қамту орталықтарын қамтамасыз етуге – 2,9 млрд. теңге;
      2013 жылға – 94,7 млрд. теңге (оның ішінде 20 млрд. теңге – шартты қаржыландыру шығыстары);
      2014 жылға – 100,6 млрд. теңге;
      2015 жылға – 98,7 млрд, теңге көзделген.
      Келесi жылдары республикалық бюджеттен қаржыландыру көлемi жоспарланатын кезеңге арналған тиiстi бюджеттердi қалыптастыру кезiнде нақтыланатын болады.

12. Бағдарламаны іске асыру жөніндегі іс-шаралар жоспары

      Ескертпе: аббревиатуралардың толық жазылуы:
      ҚТКШІА – Қазақстан Республикасы Құрылыс және тұрғын үй-коммуналдық шаруашылық істері агенттігі
      ЭДСМ – Қазақстан Республикасы Экономикалық даму және сауда министрлігі
      Қаржымині - Қазақстан Республикасы Қаржы министрлігі
      БҒМ – Қазақстан Республикасы Білім және ғылым министрлігі
      ИЖТМ – Қазақстан Республикасы Индустрия және жаңа технологиялар министрлігі
      МАМ – Қазақстан Республикасы Мәдениет және ақпарат министрлігі
      МГМ – Қазақстан Республикасы Мұнай және газ министрлігі
      ККМ – Қазақстан Республикасы Көлік және коммуникация министрлігі
      Еңбекмині – Қазақстан Республикасы Еңбек және халықты әлеуметтік қорғау министрлігі
      ДСМ – Қазақстан Республикасы Денсаулық сақтау министрлігі
      АШМ – Қазақстан Республикасы Ауыл шаруашылығы министрлігі

Қазақстан Республикасы
Үкіметінің     
2012 жылғы 29 желтоқсандағы
№ 1772 қаулысына   
2-қосымша     

Қазақстан Республикасы
Үкіметінің     
2011 жылғы 18 шілдедегі
№ 815 қаулысымен   
бекітілген     

Жұмыспен қамтуға жәрдемдесудің белсенді шараларына қатысатын
адамдарды оқытуды, олардың жұмысқа орналасуына жәрдемдесуді
және оларға мемлекеттік қолдау шараларын көрсетуді ұйымдастыру және қаржыландыру қағидалары

1. Жалпы ережелер

      1. Осы Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидалары (бұдан әрі – Қағидалар) Қазақстан Республикасы Үкіметінің 2011 жылғы 31 наурыздағы № 316 қаулысымен бекітілген Жұмыспен қамту 2020 бағдарламасының (бұдан әрі – Бағдарлама) бірінші бағыты шеңберінде ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; жалпы білім беретін мектептерді ағымдағы күнтізбелік жылы бітірген 11-сынып бітірушілері; еңбекке қабілетті мүгедектер; жиырма үш жасқа дейінгі балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар; жалпыға ортақ белгіленген зейнетақы жасына дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын адамдар қатарындағы Қазақстан Республикасы азаматтарын және оралмандарды оқыту, олардың жұмысқа орналасуына жәрдемдесуді ұйымдастыру және қаржыландыру тәртібін айқындайды.
      2. Оқыту және жұмысқа орналасуға жәрдемдесу:
      1) кәсіптік оқу және жұмысқа орналасу мәселелері бойынша консультацияларды, сондай-ақ психологиялық бейімдеуді;
      2) біліктігін арттырудың, кәсіптік даярлаудың және қайта даярлаудың (бұдан әрі – кәсіптік оқыту) тегін курстарына жолдауды;
      3) кәсіптік оқытуға материалдық көмек көрсетуді;
      4) лайықты бос жұмыс орындарын іздеуді және жұмысқа, оның ішінде әлеуметтік жұмыс орындарына және жастар практикасына орналасуға жәрдемдесуді;
      5) жұмыспен қамтуға жәрдемдесудің белсенді шараларына қатысатын жеке тұлғалардың жалақысын ішінара субсидиялауды;
      6) жастар практикасына жіберілген жеке тұлғалардың еңбегіне ақы төлеуді қамтиды.
      3. Осы Қағидаларда мынадай негізгі ұғымдар пайдаланылады:
      1) әлеуметтік келісімшарт – жұмыспен қамтуға жәрдемдесудің мемлекеттік шараларына қатысатын Бағдарламаға қатысушы мен халықты жұмыспен қамту орталығы арасындағы, тараптардың құқықтары мен міндеттерін айқындайтын келісім;
      2) Бағдарламаға қатысушылар – Бағдарламаға қатысуға халықты жұмыспен қамту орталығының оң шешімін алған, ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; жалпы білім беретін мектептерді ағымдағы күнтізбелік жылы бітірген 11-сынып бітірушілері; еңбекке қабілетті мүгедектер; балалар үйлерінің жиырма үш жасқа дейінгі тәрбиеленушілері, жетім балалар мен ата-анасының қамқорлығынсыз қалған балалар; жалпыға ортақ белгіленген зейнетақы жасына дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын адамдар қатарындағы Қазақстан Республикасының еңбекке жарамды жастағы азаматтары және оралмандар;
      3) Бағдарлама операторы – халықты жұмыспен қамту саласындағы мемлекеттік саясатты іске асыруды үйлестіруші орталық атқарушы орган;
      4) білім беру саласындағы жергілікті атқарушы орган – техникалық және кәсіптік, орта білімнен кейінгі білім саласында білім беру қызметтерін көрсетуді басқару функцияларын іске асыратын жергілікті атқарушы органдардың облыстық білім басқармалары;
      5) білім беру саласындағы уәкілетті орган – білім беру саласындағы басшылықты және салааралық үйлестіруді жүзеге асыратын Қазақстан Республикасының орталық атқарушы органы;
      6) жалпыұлттық дерекқор (бұдан әрі – дерекқор) – жекелеген мамандықтар (кәсіптер) бойынша ағымдағы бос жұмыс орындары мен болжамды жұмыс орындарының дерекқоры;
      7) жұмыспен қамтуға жәрдемдесудің белсенді шаралары – мемлекет Қазақстан Республикасының заңнамасында белгіленген тәртіппен жүзеге асыратын, өз бетінше жұмыспен айналысушылар, жұмыссыздар және табысы аз адамдар қатарындағы Қазақстан Республикасының азаматтарын және оралмандарды мемлекеттік қолдау шаралары;
      8) оралман – тарихи отанында тұрақты тұру мақсатында Қазақстан Республикасына келген және «Халықтың көші-қоны туралы» Қазақстан Республикасының Заңында белгіленген тәртіппен тиісті мәртебе алған, Қазақстан Республикасы егемендік алған кезде одан тысқары тұрақты тұрып жатқан этникалық қазақ және оның Қазақстан Республикасы егемендік алғаннан кейін одан тысқары жерде туған және тұрақты тұрып жатқан ұлты қазақ балалары;
      9) уәкілетті орган – өңірлік деңгейде халықтың жұмыспен қамтылуына жәрдемдесуді және жұмыссыздықтан әлеуметтік қорғауды қамтамасыз ететін жергілікті атқарушы органдардың құрылымдық бөлімшесі;
      10) халықты жұмыспен қамту орталығы – жұмыспен қамтуға жәрдемдесудің белсенді шараларын іске асыру мақсатында ауданның, облыстық және республикалық маңызы бар қалалардың, астананың жергілікті атқарушы органы құратын мемлекеттік мекеме;
      11) оқуға материалдық көмек – кәсіптік оқудан өтіп жатқан Бағдарлама қатысушысына тамақтану, жол жүру және тұруға арналған шығынды ішінара өтеуге төленетін ақшалай қаражат;
      12) жұмыспен ішінара қамтылған жалдамалы қызметкерлер – толық емес жұмыс уақыты немесе жұмыс уақытының қысқартылған ұзақтығы жағдайында, немесе қызметкерлер әлеуметтік демалыста немесе өндірістің тоқтатылуына байланысты еріксіз бос жүрген жағдайларда еңбек қызметін жүзеге асыратын қызметкерлер;
      13) әлеуметтік демалыс – ана болу, бала күтімі үшін, өндірістен қол үзбей білім алу және өзге де әлеуметтік мақсаттар үшін қолайлы жағдай жасау мақсатында қызметкерді белгілі бір кезеңге жұмыстан босату.
      14) аудандық/қалалық комиссия – ауданның (қаланың) жергілікті атқарушы органының жанындағы Бағдарламаны іске асыру мәселелері жөніндегі ведомствоаралық комиссия.

2. Жұмыспен қамтуға жәрдемдесудің белсенді шараларына қатысатын
адамдарды оқытуды, олардың жұмысқа орналасуына жәрдемдесуді
және оларға мемлекеттік қолдау шараларын көрсетуді ұйымдастыру
және қаржыландыру тәртібі

1. Оқытуды ұйымдастыру және жүргізу тәртібі

      4. Халықты жұмыспен қамту орталықтары Бағдарламаға қатысуға үміткерлерге мамандық (кәсіп) таңдаумен, кәсіптік оқумен және оны аяқтағаннан кейін дерекқорға енгізілген жұмыс орындарын, ашылуы болжанатын жұмыс орындарын, жұмыс берушілер өздері немесе жеке жұмыспен қамту агенттіктері арқылы мәлімдеген жұмыс орындарын ескере отырып, ықтимал жұмысқа орналасумен байланысты мәселелер бойынша консультация береді не үміткерлерге бос жұмыс орындар жәрмеңкесіне қатысуды (олардың кәсіптік құзыреті бар бос жұмыс орындардың біліктілік талаптарына сәйкес келмеген жағдайда) ұсынады.
      5. Бағдарламаға қатысуға үміткерлер тұрғылықты тұратын жеріндегі ауданның, қаланың халықты жұмыспен қамту орталықтарына осы Қағидаларға қосымшаға сәйкес нысан бойынша өтініш береді.
      6. Өтініш беру кезінде мынадай құжаттар ұсынылады және мыналар қоса беріледі:
      1) жеке басын куәландыратын құжаттың көшірмесі;
      2) тұрғылықты тұратын жері бойынша тіркелгенін растайтын құжаттың көшірмесі (мекенжай анықтамасы, селолық және/немесе ауылдық әкімдердің анықтамасы);
      3) еңбек кітапшасының көшірмесі (болған жағдайда) немесе еңбек қызметін растайтын өзге құжат (табысы аз азаматтар қатарындағы жұмыс істейтін адамдар және жұмыспен ішінара қамтылған жалдамалы қызметкерлер үшін);
      4) білімі туралы құжаттың (аттестат, куәлік, диплом), сондай-ақ оқу оқығанын растайтын басқа да құжаттардың (куәлік, сертификат) көшірмелері;
      5) денсаулық жағдайы туралы анықтаманың көшірмесі (денсаулық сақтау саласындағы уәкілетті орган бекіткен нысанға сәйкес, Бағдарламаға қатысушылар құрамына енгізу туралы шешім қабылданған кейін).
      Жұмыспен ішінара қамтылған жалдамалы қызметкерлер бұған қоса жұмыс берушінің толық емес жұмыс уақыты немесе қысқартылған ұзақтықтағы жұмыс уақыты режиміне ауыстыруы немесе әлеуметтік демалыс беру туралы немесе жұмысты мәжбүрлі тоқтату туралы актісін ұсынады.
      7. Халықты жұмыспен қамту орталығы өтініш тіркелген күннен бастап үш жұмыс күні ішінде ұсынылған құжаттардың Бағдарламаға қатысушыларға қойылатын талаптарға сәйкестігін тексеру нәтижелерінің негізінде Бағдарламаға қатысушылар құрамына енгізу (не одан бас тарту) туралы шешім қабылдайды.
      Шешім қабылдаған кезде білім деңгейі, мамандығының (кәсібінің) және біліктілігінің болуы, ал жалдамалы қызметкерлер үшін жұмыс берушілерден қайта даярлауға және біліктілікті арттыруға өтінімнің болуы ескеріледі.
      8. Халықты жұмыспен қамту орталығы шешім қабылданған күннен бастап бес жұмыс күні ішінде өтініш берушіні қабылданған шешім туралы жазбаша хабардар етеді.
      9. Бағдарламаға қатысушылардың саны тиісті қаржы жылына арналған қаржыландыру жоспарында оқытуға және жұмысқа орналасуға жәрдемдесуге көзделген қаражат көлемінің негізінде айқындалады.
      10. Халықты жұмыспен қамту орталығының шешіміне Қазақстан Республикасының заңнамасында белгіленген тәртіппен уәкілетті органға және (немесе) сотқа шағым жасалуы мүмкін.
      11. Халықты жұмыспен қамту орталығы Бағдарламаға қатысушылардың құрамына енгізілген адамдармен Бағдарлама операторы бекіткен нысан бойынша әлеуметтік келісімшарт жасасады.
      12. Халықты жұмыспен қамту орталықтары жоспарланған іс-шаралардың мониторингін жүзеге асырады және Бағдарламаға қатысушылардың әлеуметтік келісімшарт шеңберінде қабылдаған міндеттемелерін орындауын бақылайды.
      Бағдарламаға қатысушылар мен Бағдарламаны іске асыруға қатысуға ниет білдірген жұмыс берушілер туралы мәліметтер әлеуметтік-еңбек саласының бірыңғай ақпараттық жүйесінің «Жұмыспен қамту» автоматтандырылған ақпараттық жүйесінде орналастырылады.
      13. Қажетті кәсіптік біліктілігі болмауына байланысты жұмысқа орналаса алмайтын Бағдарламаға қатысушылар осы Қағидаларда көзделген шарттармен дерекқорға енгізілген мамандықтар (кәсіптер), сондай-ақ жұмыс берушілер өздері немесе жеке жұмыспен қамту агенттіктері арқылы мәлімдеген тиісті жұмыс орындары бойынша кәсіптік оқытуға жіберіледі.
      14. Ауылдық жерде тұратын жастар мен әйелдер қатарындағы Бағдарламаға қатысушылар кәсіптік оқудан өтудің басым құқығын иеленеді.
      Кәсіптік оқытуға ағымдағы күнтізбелік жылғы 9-сыныптардың түлектері қатарындағы адамдарды жіберуге жол берілмейді.
      15. Бағдарламаға қатысушыларды кәсіптік оқыту:
      1) кәсібі (мамандығы) жоқ, кәсіп (мамандық) игеруді және сол кәсібі (мамандығы) бойынша жұмыс істеуді қалайтын адамдарды; еңбек нарығында сұранысқа ие емес кәсібі (мамандығы) бар, жаңа кәсіп (мамандық) игеруді және сол кәсібі (мамандығы) бойынша жұмыс істеуді қалайтын адамдарды кәсіптік даярлауды;
      2) Бағдарламаға қатысушыларға мамандығы (кәсібі) бойынша лайықты жұмыс ұсыныла алмайтын болған немесе олардың белгілі бір мамандықтар (кәсіптер) бойынша жұмысты орындауға қабілеттілігі жойылған жағдайда, жаңа мамандықтар (кәсіптер) меңгеру мақсатында қайта даярлауды;
      3) кәсіби шеберлігін жетілдіру, анағұрлым жоғары разряд (сынып, санат) алу, өндірістік қажеттілікті ескере отырып, прогрессивті техника мен технологияны зерттеу және игеру мақсатында біліктілігін арттыруды қамтиды.
      Кәсіптік оқудың әртүрлі түрлері мен нысандарын ұйымдастырудың мақсаты, міндеттері мен ерекшеліктері «Халықты жұмыспен қамту туралы» 2001 жылғы 23 қаңтардағы, «Білім туралы» 2007 жылғы 27 шілдедегі Қазақстан Республикасының заңдарына және басқа да нормативтік құқықтық актілерге сәйкес айқындалады.
      16. Бағдарламаға қатысушыларды кәсіптік оқытудың ұзақтығы оқу бағдарламасының мазмұнына байланысты және мерзімі:
      1) кәсіптік даярлауды жүргізген кезінде – отыз алты айдан (техникалық және кәсіптік білім мамандықтары бойынша – мемлекеттік жалпыға міндетті білім берудің стандарттарында көрсетілген оқыту мерзімінен);
      2) қайта даярлау кезінде – алты айдан;
      3) біліктілігін арттыру кезінде – үш айдан аспауға тиіс.
      17. Бағдарламаға қатысушыларды кәсіптік оқыту халықты жұмыспен қамту орталығының жолдауы бойынша білім беру ұйымдарында не Қазақстан Республикасының заңнамасына сәйкес білім беру қызметіне құқығы бар кәсіпорындарда (бұдан әрі – ұйымдар) жүргізіледі.
      18. Кәсіптік оқытуды жүзеге асыру үшін ұйымдарды айқындау кезінде:
      1) ұйымдардың білім беру қызметінің мемлекеттік жалпыға міндетті стандарттардың талаптарына сәйкестігі;
      2) Бағдарламаға қатысушылардың өндірістік практикасын ұйымдастыруға міндетті түрде қатысуы ескеріледі.
      Бағдарламаға қатысушыларды кәсіптік оқыту шарттарын жасасқан кезде ұйым Бағдарламаға қатысушылар үшін өндірістік практиканы жүзеге асыру жоспарланатын жұмыс берушілердің тізбесін ұсынады.
      19. Ауданда (қалада) базасында кәсіптік оқытуды ұйымдастыруға болатын ұйым болмаған жағдайда, Бағдарламаға қатысушыларды ауданнан (қаладан) тыс жерде оқытуға жол беріледі.
      20. Базасында Бағдарламаға қатысушыларды кәсіптік оқыту жүзеге асырылатын ұйымдардың тізбесін білім беру саласындағы жергілікті атқарушы орган айқындайды, ол осы ұйымдармен тиісті екіжақты шарттар жасайды.
      21. Білім беру саласындағы жергілікті уәкілетті орган кәсіптер (мамандықтар) мен оқу ұзақтығын көрсете отырып, Бағдарламаға қатысушыларды кәсіптік оқыту шарттарын жасасқан ұйымдардың тізбесін уәкілетті органға ұсынады, ол оны тиісті өңірдің халықты жұмыспен қамту орталығының назарына жеткізеді.
      22. Бағдарламаға қатысушыларды қайта даярлау және біліктілігін арттыру жүзеге асырылатын ұйымдарды таңдауды аудандық/қалалық комиссия Бағдарлама операторының, сондай-ақ білім беру саласындағы уәкілетті органның, Бағдарлама операторы жанындағы жеке кәсіпкерлік субъектілерінің аккредиттелген бірлестіктерінің, жұмыспен қамту мәселелері жөніндегі уәкілетті органдардың және халықты жұмыспен қамту орталықтарының интернет-ресурстарында жарияланатын Кәсіптік даярлауды, қайта даярлауды және біліктілікті арттыруды жүзеге асыратын ұйымдардың тізбесінен (бұдан әрі – Тізбе) жүзеге асырады.
      Тізбені уәкілетті органдардың, білім беру саласындағы жергілікті атқарушы органдардың, білім беру саласындағы аумақтық бақылау департаменттердің және жұмыс берушілер өкілдерінің ұсыныстары негізінде, Бағдарлама операторы мен білім беру саласындағы уәкілетті орган және Бағдарлама операторы жанындағы жеке кәсіпкерлік субъектілерінің аккредиттелген бірлестіктері айқындаған өлшемдерге сәйкес барлық облыстардағы, Астана және Алматы қалаларындағы өңірлік комиссиялар бекітеді.
      Тізбе Бағдарлама шеңберінде кәсіптік оқытуды жүзеге асыратын білім беру ұйымдары, Бағдарлама операторы мен білім беру саласындағы уәкілетті орган айқындаған өлшемдерге сәйкес келген кезде, өңірлік комиссиялардың шешімдері негізінде өзгертілуі мүмкін.
      Өңірлік комиссиялар Тізбені бекіткеннен кейін, не Тізбеге өзгерістер енгізгеннен кейін уәкілетті органдар күнтізбелік 7 күн ішінде оны интернет-ресурсқа орналастыру үшін Бағдарлама операторына жібереді.
      23. Кәсіптік оқытуға жіберілетін Бағдарламаға қатысушылардың тізімін халықты жұмыспен қамту орталықтары ұйымдар мен кәсіптер (мамандықтар) бөлінісінде қалыптастырады және білім беру саласындағы жергілікті атқарушы органға және тиістілігі бойынша білім беру ұйымдарына жібереді.
      24. Шығыс Қазақстан және Солтүстік Қазақстан облыстары үшін, сондай-ақ ВАК шешімімен айқындалған өңірлерде Бағдарламаның бірінші бағытын іске асырудың қосымша шарттары 2013 жылдан бастап қолданылады:
      1) кәсіптік оқытуды аяқтағаннан кейін Бағдарламаға қатысушыларға жұмыс орындарын беруді қалайтын жұмыс берушілер:
      кәсіптік оқыту үшін үміткерлерді іріктейді;
      ағымдағы және перспективалық қажеттілікті ескере отырып, оқыту үшін мамандықты (кәсіпті) таңдайды;
      Қазақстан Республикасының аумағында кәсіптік оқытуды жүзеге асыратын ұйымды таңдайды.
      2) Бағдарламаға қатысуға үміткерлерді іріктеуді жұмыс беруші:
      дербес іздестіру, оның ішінде жеке жұмыспен қамту агенттіктері арқылы;
      халықты жұмыспен қамту орталықтары ұсынатын Бағдарламаға қатысушылар ішінен таңдау;
      бос жұмыс орындары жәрмеңкесіне қатысу арқылы жүргізеді.
      3) Бағдарламаға қатысушыларды кәсіптік оқытуды жұмыс беруші Бағдарлама операторының, сондай-ақ білім беру саласындағы уәкілетті органның, Бағдарлама операторы жанындағы жеке кәсіпкерлік субъектілерінің аккредиттелген бірлестіктерінің, жұмыспен қамту мәселелері жөніндегі уәкілетті органдардың және халықты жұмыспен қамту орталықтарының интернет-ресурстарында жарияланған Тізбеден таңдап алған білім беру ұйымдарында жүзеге асырады.
      Жұмыс беруші қызметін жүзеге асыратын өңірде (облыста, Алматы, Астана қалаларында) ол таңдаған мамандық (кәсіп) бойынша кәсіптік оқытуды жүзеге асыратын және Тізбеге кіретін білім беру ұйымдары болмаған кезде кәсіптік оқыту басқа өңірлерде орналасқан және Тізбеге кіретін білім беру ұйымдарында жүзеге асырылуы мүмкін.
      Жұмыс берушінің өзі іріктеп алған Бағдарламаға қатысушыларды кәсіптік оқыту үшін Тізбеге кірмейтін ұйымды таңдайды.
      Бұндай жағдайда кәсіптік оқытуды жүзеге асыратын ұйым өңірлік комиссия шешімінің негізінде Тізімге қосымша енгізіледі және Бағдарлама операторы мен білім беру саласындағы уәкілетті орган айқындаған өлшемдерге сәйкес келуге тиіс.
      4) Халықты жұмыспен қамту орталықтар жұмыс берушілер кәсіптік оқыту үшін іріктеген Бағдарламаға қатысушылармен Бағдарлама операторы бекіткен нысан бойынша әлеуметтік келісімшарт жасайды, олардың тараптары білім беру ұйымы мен жұмыс беруші болады.
      Жұмыс беруші мен білім беру саласындағы ұйымның жауапты лауазымдық тұлғаның қолымен және мөрмен куәландырылған әлеуметтік келісімшартқа қосылуы туралы жазбаша өтініш (хабарлама) беру жолымен әлеуметтік келісімшарт жасауды растайды.
      Әлеуметтік келісімшарт барлық тараптар оған қол қойған сәттен не халықты жұмыспен қамту орталығы мен Бағдарламаға қатысушылар қол қойған және жұмыс берушілер мен білім беру саласындағы ұйымдардан әлеуметтік келісімшартқа қосылуы туралы жазбаша өтініш (хабарлама) алған сәттен бастап күшіне енеді.
      Бағдарламаға қатысушыларға жұмысқа орналастыру үшін тұрақты жұмыс орындарын ұсынатын жұмыс берушілер өтініште (хабарламада) Бағдарламаға қатысушының деректерін, оларды оқытуды жоспарлап отырған мамандықты (кәсіпті), білім беру ұйымын, өндірістік практика өту орнын және оқу аяқталғаннан кейін жұмыспен өтеу кезеңін көрсетеді.
      Бағдарламаға қатысушыларды кәсіптік оқытуды жүзеге асыратын білім беру ұйымы өтініште (хабарламада) мамандықты (кәсіпті), оқытудың ұзақтығы мен құнын, ықтимал орны және өндірістік практика өту шарттары туралы ақпаратты көрсетеді.
      5) Жұмыс берушілер іріктеген білім беру ұйымдарында Бағдарламаға қатысушыларды кәсіби оқыту құнын төлеу осы білім беру ұйымында тиісті мамандық (кәсіп) бойынша қалыптасқан оқытудың нарықтық құны негізінде жүргізіледі;
      Білім беру ұйымдарындағы оқытудың нарықтық құнын халықты жұмыспен қамту орталықтары жұмыс берушілер іріктеген білім беру ұйымдарының тиісті мамандық (кәсіп) бойынша оқытуға арналған қолданыстағы кемінде бес шарт негізінде айқындайды
      6) Жұмыс берушінің әлеуметтік келісімшартта айқындалған міндеттерді орындауына мониторингті халықты жұмыспен қамту орталығы және білім беру ұйымы жүзеге асырады.
      Білім беру ұйымының әлеуметтік келісімшартта айқындалған міндеттерді орындауына мониторингті халықты жұмыспен қамту орталығы және жұмыс берушілер жүзеге асырады.
      Бағдарламаға қатысушының әлеуметтік келісімшартта айқындалған міндеттерді орындауына мониторингті халықты жұмыспен қамту орталығы, білім беру ұйымы және жұмыс беруші жүзеге асырады.
      25. Кәсіптік оқудан өту кезінде меңгерген білімі мен дағдысын аралық бағалаудан табысты өткен Бағдарламаға қатысушыға ай сайын оқуға арналған материалдық көмек төленеді. Тамақтану шығындарын ішінара өтеуге берілетін оқуға арналған материалдық көмек құрамындағы ақшалай қаражаттың сомасы техникалық және кәсіптік білім беру ұйымдарында мемлекеттік білім беру тапсырысы бойынша оқитын студенттер үшін заңнамада белгіленген стипендияның мөлшеріне тең.
      26. Ұйым Бағдарламаға қатысушының тұрғылықты тұратын жеріндегі облыс ішіндегі елді мекендерде орналасқан жағдайда, оларға оқуға арналған материалдық көмектің құрамында көлік шығыстарына қаражат төленеді:
      1) кәсіптік даярлаудан өтушілерге – оқу жылы ішінде төрт айлық есептік көрсеткіш (бұдан әрі – АЕК) мөлшерінде;
      2) қайта даярлаудан және біліктілігін арттырудан өтушілерге – оқу кезеңіне екі АЕК мөлшерінде.
      Білім беру ұйымы Бағдарламаға қатысушының тұрғылықты жеріндегі облыстан тыс елді мекендерде (Шығыс Қазақстан және Солтүстік Қазақстан облыстары үшін, сондай-ақ ВАК шешімімен айқындалған өңірлерде) орналасқан жағдайда, оларға оқуға арналған материалдық көмектің құрамында оқу орына дейін және кері бағытта жол жүруге қаражат төленеді:
      1) 1000 км дейін ара қашықтыққа – 8 АЕК,
      2) 1000 км артық ара қашықтыққа – 12 АЕК.
      Бағдарламаға қатысушыларға ай сайын Алматы, Астана қалаларын, Атырау және Маңғыстау облыстарын қоспағанда, барлық облыстарда тұруына он АЕК мөлшерінде;
      Алматы, Астана қалаларында, Атырау және Маңғыстау облыстарында тұруына он бес АЕК мөлшерінде қаражат бөлінеді.
      27. Бағдарламаға қатысушылардың оқу барысында меңгерген білімі мен дағдысын аралық және қорытынды бағалауды білім беру саласындағы жергілікті атқарушы органның, халықты жұмыспен қамту орталығының, жұмыс берушілер өкілдерінің қатысуымен білім беру ұйымы жүзеге асырады.
      28. Ұйым халықты жұмыспен қамту орталығымен келісім бойынша Бағдарламаға қатысушыларды:
      1) дәлелді себептерсіз қатарынан бес оқу күнінен артық сабақтарды босатқан;
      2) үлгерімі нашар болған немесе білімін аралық бақылау қанағаттанғысыз болған;
      3) ұйымның ішкі тәртібін бұзған жағдайларда оқудан шығарады.
      29. Бағдарламаға қатысушыны оқудан шығарған кезде:
      1) білім беру саласындағы жергілікті атқарушы орган ұйымдардың төлемі бойынша қайта есептеу жүргізеді, бұл ретте төлем кәсіптік даярлау бойынша нақты ұсынылған қызметтердің көлеміне пропорционал жүзеге асырылады;
      2) халықты жұмыспен қамту орталығы ұйымдардың төлемі бойынша қайта есептеу жүргізеді, бұл ретте төлеу қайта даярлау және біліктілігін арттыру бойынша нақты ұсынылған қызметтердің көлеміне пропорционал түрде жүзеге асырылады;
      3) Бағдарламаға қатысушы әлеуметтік келісімшарттың талаптарына сәйкес қызметтердің осы көлемінің құнын, оқуға арналған материалдық көмектің төленген сомасын бюджетке өтейді.
      30. Бағдарламаға қатысушы тұрақты жұмысқа орналасу, Қазақстан Республикасы Қарулы Күштерінің мерзімді әскери қызметіне шақырылу, қайтыс болу, сондай-ақ жиырма үш жасқа дейінгі балалар үйлерінің тәрбиеленушілері, жетім балалар мен ата-ананың қамқорлығынсыз қалған балалар қатарындағы Бағдарламаға қатысушылар кез келген себептер бойынша кәсіптік оқуын мерзімінен бұрын тоқтатқан жағдайда Бағдарламаға қатысушымен жасалған әлеуметтік келісімшарт көрсетілген білім беру қызметінің құнын, сондай-ақ оқуға төленген материалдық көмек сомасын бюджетке қайтару талаптарынсыз бұзылады.
      31. Кәсіптік оқуды табысты аяқтағаннан кейін халықты жұмыспен қамту орталықтары Бағдарламаға қатысушыларға жұмысқа орналасуға жәрдемдеседі.
      32. Қызметкерлерді жұмыспен ішінара қамтуды қолданатын жұмыс берушілер Бағдарлама шеңберінде жұмыспен ішінара қамтылған өз қызметкерлерін өндірістен қол үзбестен, сондай-ақ қол үзіп қайта даярлауды және/немесе біліктілігін арттыруды ұйымдастырады.
      33. Жұмыс берушілер халықты жұмыспен қамту орталығына қайта даярлауға және/немесе біліктілігін арттыруға жіберілетін қызметкерлердің санын, кәсіптердің (мамандықтардың) тізбесін және оқу (күндізгі немесе кешкі) нысанын көрсете отырып, өтінім береді. Өтінімге жұмыс берушінің құрылтай құжаттары, оның СТН-і (БСН) және банк деректемелері қоса беріледі.
      34. Халықты жұмыспен қамту орталығы өтінім берілген күннен бастап бес жұмыс күні ішінде аталған жұмыс берушінің қызметкерлерін қайта даярлауды және/немесе біліктілігін арттыруды ұйымдастыру туралы шешім қабылдайды. Мәселе оң шешілген жағдайда халықты жұмыспен қамту орталығы онымен тиісті шарт жасайды.
      35. Жұмыс берушінің жұмыспен ішінара қамтылған жалдамалы қызметкерлері Бағдарламаға қатысу үшін халықты жұмыспен қамту орталықтарына осы Қағидаларға қосымшаға сәйкес нысан бойынша өтініш береді және осы Қағидаларда көзделген негіздемелерде оның қатысушыларының құрамына ену рәсімінен өтеді.
      Жұмыс берушілердің өтінімдерін ескере отырып, халықты жұмыспен қамту орталығы мемлекеттік сатып алу туралы қолданыстағы заңнамаға сәйкес жұмыспен ішінара қамтылған жалдамалы қызметкерлерді қайта даярлау және/немесе біліктілігін арттыруды тікелей жүзеге асыратын ұйымды айқындайды және олармен тиісті екіжақты шарттар жасайды.
      36. Ұйымдар жұмыспен ішінара қамтылған жалдамалы қызметкерлерді қайта даярлау және біліктілігін арттыру бағдарламалары мен нысандарын, сондай-ақ оларды өткізу кестесін жұмыс берушілермен және халықты жұмыспен қамту орталықтарымен келіседі.
      37. Халықты жұмыспен қамту орталығы Бағдарламаға қатысушылардың құрамына енгізілген жұмыспен ішінара қамтылған жалдамалы қызметкерлерді ұйымға қайта даярлау немесе біліктілігін арттырудан өтуге жібереді.
      38. Қайта даярлау немесе біліктілігін арттырудан өту уақытына Бағдарламаға қатысушыға әлеуметтік демалыс беріледі.
      39. Қайта даярлау немесе біліктілігін арттырудан өту кезінде меңгерген білімі мен дағдысын аралық бағалаудан табысты өткен жұмыспен ішінара қамтылған жалдамалы қызметкерлер қатарындағы Бағдарламаға қатысушыға ай сайын оқуға арналған материалдық көмек төленеді.
      Тамақтану шығындарын ішінара өтеуге берілетін оқуға арналған материалдық көмек құрамындағы ақшалай қаражаттың сомасы техникалық және кәсіптік білім беру ұйымдарында мемлекеттік білім беру тапсырысы бойынша оқитын студенттер үшін заңнамада белгіленген стипендияның мөлшеріне тең.
      Ұйым жұмыспен ішінара қамтылған жалдамалы қызметкерлердің қатарындағы Бағдарламаға қатысушылардың өндірістен қол үзіп оқуы кезінде тұрақты тұратын жерінен басқа елді мекендерде болған жағдайда, оларға оқуға арналған материалдық көмек құрамында мынадай:
      1) жол жүруге – оқу кезеңінде екі АЕК мөлшерінде;
      2) тұруға – он АЕК мөлшерінде ай сайын қаражат төленеді.

2. Жұмысқа орналасуға жәрдемдесу тәртібі

      40. Халықты жұмыспен қамту орталықтары Бағдарламаға енгізу сәтінде кәсіптік білімі болған не кәсіптік оқуды аяқтаған Бағдарламаға қатысушыларды жұмысқа орналастыру үшін:
      1) дерекқорда бар бос жұмыс орындарына жұмысқа орналасуға жәрдемдеседі;
      жұмыс берушілермен жасасқан шарттар негізінде:
      2) жұмыс берушілер құрған әлеуметтік жұмыс орындарына мемлекеттің жалақыны он екі ай бойы:
      алғашқы алты айда – жалақының елу пайызынан асырмай;
      кейінгі үш айда – жалақының отыз пайызынан асырмай;
      соңғы үш айда – жалақының он бес пайызынан асырмай ішінара субсидиялау шартымен жібереді;
      3) жұмыс берушілер құрған жұмыс орындарына мемлекеттің жалақыны алты ай бойы толық субсидиялауы шартымен жастар практикасынан өту үшін жібереді.
      41. Әлеуметтік жұмыс орындарына орналастырылған Бағдарламаға қатысушылардың жалақысын ай сайын субсидиялаудың мөлшері салықтарды, әлеуметтік аударымдар мен пайдаланылмаған еңбек демалысы үшін өтемақыны ескергенде, алғашқы алты айда 26 мың теңгеден, кейінгі үш айда 15,6 мың теңгеден, соңғы үш айда 7,8 мың теңгеден аспауға тиіс болады.
      Бұл ретте жұмыс берушімен жасалған шарт қолданылған тұтас кезең бойы жалақының айлық мөлшерін азайтуға жол берілмейді.
      42. Жастар практикасынан өту үшін жұмыс орындарына орналастырылған Бағдарламаға қатысушылардың жалақысын ай сайын субсидиялаудың мөлшері салықтарды, міндетті әлеуметтік аударымдар мен пайдаланылмаған еңбек демалысы үшін өтемақыны және банк қызметтерін ескергенде, бүкіл жұмыс кезеңінің ішінде айына 17,2 айлық есептік көрсеткіштен аспауға тиіс болады.
      43. Тұрақты тұратын жерінде жұмысқа орналасу мүмкіндігі болмаған жағдайда кәсіптік оқу оқыған Бағдарламаға қатысушыларға Бағдарламаның екінші («Кәсіпкерлікті дамытуға жәрдемдесу») немесе үшінші («Еңбек ресурстарының ұтқырлығын арттыру») бағыттарына қатысу ұсынылады.

3. Оқытуды және жұмысқа орналасуға жәрдемдесуді қаржыландыру тәртібі

      44. Оқудың ақысын төлеу, жол жүрудің және тұрудың шығыстарын өтеу, жалақыны субсидиялау мақсатында Бағдарламаға қатысушыларға ұсынылатын мемлекеттік қолдауды қаржылай қамтамасыз ету үшін республикалық бюджеттен облыстық бюджеттерге, Астана және Алматы қалаларының бюджеттеріне нысаналы трансферттер бөлінеді.
      45. Қаржылық тәртіпті қамтамасыз ету және бюджет қаражатының мақсатты пайдаланылуына мониторинг жүргізу үшін нысаналы трансферттерді пайдаланудың нәтижесі туралы:
      1) білім беру саласындағы орталық уәкілетті орган мен облыстардың, Астана және Алматы қалаларының әкімдері арасында кәсіптік даярлау (оның ішінде бұрын 2010 жылы Өңірлік жұмыспен қамту және кадрларды қайта даярлау стратегиясы (Жол картасы) және Жұмыспен қамту 2020 бағдарламасы шеңберінде кәсіптік оқуға қабылданған адамдардың оқуын аяқтау);
      2) Бағдарлама операторы мен облыстардың, Астана және Алматы қалаларының әкімдері арасында қайта даярлау және біліктілігін арттыру бөлігінде жалақыны субсидиялау бойынша келісімдер жасалады.
      46. Білім беру саласындағы орталық уәкілетті орган, Бағдарлама операторы бюджет заңнамасына сәйкес тиісті республикалық бюджеттік бағдарламалар бойынша ағымдағы нысаналы трансферттерді облыстық бюджеттерге, Астана және Алматы қалаларының бюджеттеріне аударуды жүргізеді.
      47. Облыстық бюджеттерге, Астана және Алматы қалаларының бюджеттеріне кәсіптік даярлауға, қайта даярлауға және кадрлардың біліктілігін арттыруға, оның ішінде бұрын 2009 және 2010 жылдары Өңірлік жұмыспен қамту және кадрларды қайта даярлау стратегиясы (Жол картасы) шеңберінде кәсіптік оқуға қабылданған адамдардың оқуын аяқтауға бөлінген ағымдағы нысаналы трансферттерді пайдалану ұйымдармен жасасқан шарттар негізінде, ал жалақыны субсидиялау – жұмыс берушілермен жасасқан шарттар негізінде жүзеге асырылады.
      48. Бағдарламаға қатысушыларды, сондай-ақ бұрын 2009 және 2010 жылдары Өңірлік жұмыспен қамту және кадрларды қайта даярлау стратегиясы (Жол картасы) шеңберінде мемлекеттік білім беру тапсырысы бойынша кәсіптік лицейлер мен колледждерге кәсіптік оқуға қабылданған адамдарды кәсіптік даярлауды қаржыландыру техникалық және кәсіптік білім мамандықтары бойынша мемлекеттік жалпыға міндетті стандарттарға сәйкес оқуды толық аяқтау мерзіміне дейін жыл сайын жүзеге асырылады.
      49. Облыстардың, Астана және Алматы қалаларының әкімдері тоқсан сайын, есепті тоқсаннан кейінгі айдың 10-күніне қарай білім беру саласындағы орталық уәкілетті органға және Бағдарлама операторына келісімдерде көзделген нысан бойынша санаттар мен мамандықтар (кәсіптер) бөлінісінде кәсіптік даярлаудан өткен Бағдарламаға қатысушылардың саны туралы мәліметтерді қамтитын есептерді ұсынады.
      50. Облыстардың, Астана және Алматы қалаларының әкімдері тоқсан сайын, есепті тоқсаннан кейінгі айдың 10-күніне қарай Бағдарлама операторына келісімдерде көзделген нысан бойынша мынадай:
      1) санаттар мен кәсіптер (мамандықтар) бөлінісінде қайта даярлаудан және біліктілігін арттырудан өткен Бағдарламаға қатысушылардың саны туралы;
      2) кәсіптік даярлаудан, қайта даярлаудан және біліктілігін арттырудан өткен, жұмысқа орналастырылған, оның ішінде бар бос жұмыс орындарына; әлеуметтік жұмыс орындарына; жастар практикасынан өту үшін құрылған жұмыс орындарына орналастырылған Бағдарламаға қатысушылар саны туралы мәліметтерді қамтитын есептерді ұсынады.

Жұмыспен қамтуға жәрдемдесудің  
белсенді шараларына қатысатын   
адамдарды оқытуды, олардың жұмысқа
орналасуына жәрдемдесуді және   
оларға мемлекеттік қолдау     
шараларын көрсетуді ұйымдастыру  
және қаржыландыру қағидаларына  
қосымша              

________________________ ауданының
(қаласының) халықты жұмыспен
қамту орталығының директорына
__________________________________
__________________________________
__________________________________
________ мекенжайы бойынша тұратын
__________________________________

Өтініш

      Мені «Оқыту және жұмысқа орналасуға жәрдемдесу» бағыты бойынша Жұмыспен қамту 2020 бағдарламасына қатысушылар қатарына енгізуді сұраймын.
      Қосымша ___ парақта:
      жеке басын куәландыратын құжаттың көшірмесі;
      тұрақты тұрғылықты жері бойынша тіркелгенін растайтын құжаттың (мекенжай анықтамасы, селолық және/немесе ауылдық әкімдердің анықтамасы) көшірмесі;
      еңбек кітапшасының (болған жағдайда) көшірмесі немесе еңбек қызметін растайтын өзге құжат (табысы аз және жұмыспен ішінара қамтылған қызметкерлердің қатарындағы жұмыс істейтін адамдар үшін);
      білімі туралы құжаттың (аттестат, куәлік, диплом), сондай-ақ оқу оқығанын растайтын басқа да құжаттардың (куәлік, сертификат) көшірмелері;
      денсаулық жағдайы туралы анықтаманың (денсаулық сақтау саласындағы уәкілетті орган бекіткен нысанға сәйкес Бағдарламаға қатысушы құрамына енгізу туралы шешім қабылданғаннан кейін) көшірмесі;
      жұмыс берушінің жұмыс уақыты толық емес, немесе жұмыс уақытының ұзақтығы қысқартылған режимге ауысуы туралы немесе әлеуметтік демалыс беру туралы немесе жұмыстан мәжбүрлі тоқтату (жұмыспен ішінара қамтылған жалдамалы қызметкерлер үшін) туралы актісі.
      Күні                                    қолы
      _______________________________________________________________
азаматтың өтініші 20__ ж. «___»____________ қабылданды, № ___________ болып тіркелді
      Құжаттарды қабылдаған адамның Т.А.Ә., лауазымы және қолы:
_____________________________________________________________________
_____________________________________________________________________

*ұсынылған құжаттардың дұрыстығына өтініш беруші жауапты болады.

Қазақстан Республикасы
Үкіметінің     
2012 жылғы 29 желтоқсандағы
№ 1772 қаулысына   
3-қосымша     

Қазақстан Республикасы
Үкiметiнiң     
2011 жылғы 18 шiлдедегi
№ 816 қаулысымен   
бекiтiлген     

Жұмыспен қамтуға жәрдемдесудiң белсендi шараларына қатысатын
адамдарға кәсiпкерлiктi дамытуға мемлекеттiк қолдауды
ұйымдастыру және қаржыландыру қағидалары

1. Жалпы ережелер

      1. Осы Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуды мемлекеттiк қолдауды ұйымдастыру және қаржыландыру қағидалары (бұдан әрi – Қағидалар) ауыл кәсiпкерлерi және Қазақстан Республикасы Үкiметiнiң 2011 жылғы 31 наурыздағы № 316 қаулысымен бекiтiлген Жұмыспен қамту 2020 бағдарламасының (бұдан әрi – Бағдарлама) екiншi бағытына қатысатын адамдарға кәсіпкерлік негіздеріне оқыту және жобаларды сүйемелдеуді қоса алғанда, микрокредит беру, жетіспейтін инженерлік-коммуникациялық инфрақұрылым объектілерін дамыту және/немесе салу және/немесе инженерлік-коммуникациялық инфрақұрылым, оның ішінде жайылымдық мал шаруашылығын дамыту үшін ілеспе технологиялық жабдықтар сатып алу және сервистік қызмет көрсету тәртібін айқындайды.
      2. Осы бағыт шеңберiнде мемлекеттiк қолдаудың мынадай түрлерi көрсетiледi:
      1) сервистік қызмет, оның ішінде консультациялық (бухгалтерлік, заң, маркетингтік) қызметтер көрсету, оқуға материалдық көмек ұсына отырып кәсіпкерлік негіздеріне тегін оқыту, бизнес жоспарын дайындауға жәрдемдесу, 1 жылға дейінгі мерзімге жобаларды сүйемелдеу;
      2) микрокредит беру;
      3) жетiспейтiн инженерлiк-коммуникациялық инфрақұрылым объектілерін дамыту және/немесе салу, және/немесе инженерлік-коммуникациялық инфрақұрылымды (бұдан әрі – ИКИ дамыту), оның ішінде жайылымдық мал шаруашылығын дамыту үшін ілеспе технологиялық жабдықты сатып алу.
      3. Осы Қағидаларда мынадай негiзгi ұғымдар пайдаланылады:
      1) халықты жұмыспен қамту орталығы – жұмыспен қамтуға жәрдемдесудiң белсендi шараларын iске асыру мақсатында ауданның, облыстық және республикалық маңызы бар қалалардың, астананың жергiлiктi атқарушы органы құратын мемлекеттiк мекеме;
      2) әлеуметтiк келiсiмшарт – жұмыспен қамтуға жәрдемдесудiң мемлекеттiк шараларына қатысатын Бағдарламаға қатысушы мен халықты жұмыспен қамту орталығы арасында жасалатын тараптардың құқықтары мен мiндеттерiн айқындайтын келiсiм;
      3) өтiнiш берушi – Бағдарламаға қатысу үшiн халықты жұмыспен қамту орталығына жазбаша өтiнiш берген жеке тұлға;
      4) Бағдарламаға қатысушылар – Бағдарламаға қатысуға оң шешім алған ішінара жұмыспен қамтылғандар, жұмыссыздар, өз бетінше жұмыспен айналысушылар, табысы аз адамдар, жалпы білім беретін мектептерді ағымдағы күнтізбелік жылы бітірген 11-сынып бітірушілері, еңбекке қабілетті мүгедектер, жиырма үш жасқа дейінгі балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар, жалпыға ортақ белгіленген зейнетақы жасына дейін зейнеткерлікке шыққан зейнеткерлер, ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын адамдар қатарындағы Қазақстан Республикасының азаматтары және оралмандар;
      5) аудандық/қалалық комиссия (бұдан әрi – комиссия) – ауданның (қаланың) жергiлiктi атқарушы органының жанындағы Бағдарламаны iске асыру мәселелерi жөнiндегi ведомствоаралық комиссия;
      6) өңiрлiк комиссия – облыстың (республикалық маңызы бар қаланың, астананың) жергiлiктi атқарушы органының жанындағы Бағдарламаны iске асыру мәселелерi жөнiндегi ведомствоаралық комиссия;
      7) уәкiлеттi өңiрлiк ұйым – Қазақстан Республикасының заңнамасына сәйкес экономиканың белгiлi бiр салаларында мемлекеттiк инвестициялық саясатты iске асыруға уәкiлеттi ұлттық басқарушы холдинг және акцияларының жүз пайызы ұлттық басқарушы холдингке тиесiлi заңды тұлға, сондай-ақ банк немесе банк операцияларының жекелеген түрлерiн жүзеге асыратын, мемлекет жүз пайыз қатысатын ұйым және әлеуметтiк-кәсiпкерлiк корпорациялар;
      8) Бағдарлама операторы – халықты жұмыспен қамту саласындағы мемлекеттiк саясатты iске асыруды үйлестiрушi орталық атқарушы орган;
      9) кәсiпкерлiктi дамыту жөнiндегi уәкiлеттi орган – облыстың (республикалық маңызы бар қаланың, астананың) жергiлiктi атқарушы органының кәсiпкерлiктi дамытуға жәрдемдесудi қамтамасыз ететiн құрылымдық бөлiмшесi;
      10) инфрақұрылымды дамыту жөнiндегi уәкiлеттi орган – аудандық/қалалық маңызы бар жергiлiктi атқарушы органның инженерлік-коммуникациялық инфрақұрылымды дамыту және жайластыру мәселелерiне жауапты құрылымдық бөлiмшесi;
      11) кредиттік ұйымдар (бұдан әрі – КҰ) – қызметін Қазақстан Республикасының заңында белгiленген тәртіппен жүзеге асыратын микроқаржы (микрокредиттік) ұйымдары мен кредиттік серіктестіктер;
      12) микрокредиттiк ұйым (бұдан әрі – МКҰ) – микрокредит беру жөнiндегi қызметтi жүзеге асыратын заңды тұлға;
      13) микроқаржы ұйымы (бұдан әрі – МҚҰ) – коммерциялық ұйым болып табылатын, ресми мәртебесі әділет органдарында мемлекеттік тіркелумен және есептік тіркеуден өтумен айқындалатын, микрокредиттер беру жөніндегі қызметті, сондай-ақ Қазақстан Республикасының заңдарында рұқсат етілген қызметтің қосымша түрлерін жүзеге асыратын заңды тұлға;
      14) кредиттiк серiктестiк – жеке және (немесе) заңды тұлғалар оған қатысушылардың кредитке және басқа қаржыға, оның iшiнде банк қызметтерiне қажеттiлiктерiн олардың ақшаларын шоғырландыру арқылы және Қазақстан Республикасының заңнамасында тыйым салынбаған басқа көздердiң есебiнен қанағаттандыру үшiн құрған заңды тұлға;
      15) бюджеттi атқару жөнiндегi орталық уәкiлеттi орган – бюджеттi атқару, республикалық бюджеттiң және өз құзыретi шегiнде жергiлiктi бюджеттердiң, Қазақстан Республикасы Ұлттық Банкiнiң есебi негiзiнде Қазақстан Республикасының Ұлттық қорының атқарылуы бойынша бухгалтерлiк есепке алуды, бюджеттiк есепке алу мен бюджеттiк есептiлiктi жүргiзу саласында басшылықты және салааралық үйлестiрудi жүзеге асыратын орталық атқарушы орган;
      16) экономикалық даму мәселелерi жөнiндегi орталық уәкiлеттi орган – мемлекеттiк әлеуметтiк-экономикалық саясаттың негiзгi бағыттарын әзiрлеудi салааралық және өңiраралық үйлестiрудi жүзеге асыратын орталық уәкiлеттi орган;
      17) оқуға материалдық көмек – кәсiпкерлiк негiздерiне оқудан өтiп жатқан Бағдарлама қатысушысына жол жүру және тұруына жұмсалатын шығындарды iшiнара өтеуге төленетiн ақшалай қаражат;
      18) сервистік қызмет көрсететін ұйым – бұл кәсіпкерлікті қолдау жөніндегі қызметтер кешенін (консультациялық, маркетингтік, заңдық, бухгалтерлік, жобаны сүйемелдеу жөніндегі қызметтер және басқа да қызмет түрлері) көрсететін ұйым;
      19) кәсіпкерлікті дамыту картасы – аудандардың (қалалардың) жергілікті атқарушы органдары әзірлейтін және бекітетін және олардың қаржылық-экономикалық көрсеткіштерін, технологиялық циклдарын дамытуды, басқа да мемлекеттік, салалық бағдарламалармен және аумақтарды дамыту бағдарламаларымен байланысын қоса алғанда іске асыру жоспарланған бизнес жоспарлардың тізбесін қамтитын кәсіпкерлікті дамыту жөніндегі шаралар кешені.

2. Бағдарламаның екiншi бағытына қатысу талаптары мен шарттары

      4. Бағдарламаның екiншi бағытына қатысушылар ішінара жұмыспен қамтылғандар, жұмыссыздар, өз бетінше жұмыспен айналысушылар, табысы аз адамдар, жалпы білім беретін мектептерді ағымдағы күнтізбелік жылы бітірген 11-сынып бітірушілері, еңбекке қабілетті мүгедектер, жиырма үш жасқа дейінгі балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар, жалпыға ортақ белгіленген зейнетақы жасына дейін зейнеткерлікке шыққан зейнеткерлер, ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын, әкiмшiлiк бағыныстылығына қарамастан, ауылдық елдi мекендерде, шағын қалаларда, заңнамаға сәйкес қалалық елдi мекендерге жататын кенттерде жеке ісін ұйымдастыруды немесе кеңейтуді қалайтын және оған мүмкіндігі бар адамдар қатарындағы Қазақстан Республикасының азаматтары және оралмандар болып табылады.
      Екінші бағытты іске асыру үшін ауылдық тірек елді мекендер басымды елді мекендер болып табылады.
      Жеке iсiн ұйымдастыруды немесе кеңейтудi қалайтын ауыл тұрғындарына, әйелдерге және мүгедектерге қатысудың басым құқығы берiледi.
      5. Бағдарламаның екiншi бағытына қатысуға ниет бiлдiрушiлер халықты жұмыспен қамту орталықтарына жүгінеді, онда оларға Бағдарлама шеңберінде микрокредит алудың ықтимал нұсқалары туралы консультация береді.
      Бағдарламаға қатысуға үміткерлер жұмыспен қамту орталықтарына осы Қағидаларға 1-қосымшаға сәйкес нысан бойынша өтініш және мынадай құжаттарды ұсынады:
      1) жеке басын куәландыратын құжаттың көшiрмесi;
      2) тұрақты тұрғылықты жері бойынша тiркелгенiн растайтын құжаттың көшiрмесi (мекенжай анықтамасы, селолық және/немесе ауылдық әкiмдердiң анықтамасы);
      3) осы Қағидаларға 2-қосымшаға сәйкес нысан бойынша жеке iсiн ұйымдастыру немесе кеңейту бойынша бизнес-ұсыныс;
      4) жоба үшiн ИКИ-ді дамыту және жайластыруға осы Қағидаларға 3-қосымшаға сәйкес нысан бойынша өтiнiм (қажет болған жағдайда).
      Жеке iсiн кеңейтудi жоспарлайтын адамдар:
      1) салықтар мен бюджетке төленетiн басқа да мiндеттi төлемдер бойынша берешегiнiң жоқ екенiн;
      2) төлем қабiлеттiлiгiн (адамға қызмет көрсетiлетiн екiншi деңгейдегi банктiң немесе оның филиалының қол қойылған және мөр басылған адамның банктiң немесе оның филиалының алдындағы (адам бiрнеше екiншi деңгейдегі банктiң немесе олардың филиалдарының, сондай-ақ шетелдiк банктiң клиентi болған жағдайда, мұндай анықтама осы банктердiң әрқайсысынан берiледi) мiндеттемелерiнiң барлық түрлерi бойынша анықтама берген күннiң алдында үш айдан астам созылған мерзiмi өткен берешегi жоқ екенi туралы анықтамасының түпнұсқасы) растайтын құжаттарды қосымша ұсынады.

2.1. Микроқаржы (микрокредиттік) ұйымдары немесе қаржы агенттігі мәртебесіне ие уәкілетті өңірлік ұйым арқылы микрокредит алу шарттары

      6. Конкурстық негізде іріктелген микроқаржы (микрокредиттік) ұйымдары немесе қаржы агенттігі мәртебесіне ие уәкілетті өңірлік ұйым арқылы микрокредит алуға ниет білдірген жағдайда халықты жұмыспен қамту орталықтары ұсынылған өтініштерді және құжаттарды қарайды, мемлекеттiк қолдау алу түрлерi бойынша үмiткерлердiң тiзiмi мен Кәсіпкерлікті дамыту картасына сәйкес ИКИ-ді дамытуды талап ететін жобалардың тiзбесiн қалыптастырады және:
      ауданның (қаланың) кәсіпкерлікті дамыту жөніндегі уәкілетті органына;
      болжамды кәсіпкерлік қызметті жүзеге асыру орны бойынша селолық округтің, кенттің әкіміне;
      конкурстық негізде іріктелген микроқаржы (микрокредиттік) ұйымдарына немесе қаржы агенттігі мәртебесіне ие уәкілетті өңірлік ұйымға;
      үміткер мәлімдеген ИКИ-ді дамыту қажет болған жағдайда инженерлік-коммуникациялық инфрақұрылымды дамыту және жайластыру жөніндегі уәкілетті органға (ауданның) жібереді.
      7. Аталған ұйымдар сұрауды алған күннен бастап 10 жұмыс күні ішінде Жұмыспен қамту орталығына:
      ұсынылатын жобаның кәсіпкерлікті дамыту картасына немесе өңірде кәсіпкерлікті дамытудың басым бағыттарына сәйкестігі туралы қорытындыны (ауданның (қаланың) кәсіпкерлікті дамыту жөніндегі уәкілетті органы);
      жобаны іске асырудың орындылығын келісуді не дәлелді түрде бас тартуды (селолық округтың, кенттің әкімі);
      үміткерлерге Бағдарламаның екінші бағытына қатысуға кредит беру мүмкіндігі туралы қорытындыны (конкурстық негізде іріктелген микроқаржы (микрокредиттік) ұйымдары, қаржы агенттігі мәртебесіне ие уәкілетті өңірлік ұйым);
      ИКИ-ді дамыту мүмкіндігі туралы қорытындыны (инженерлік-коммуникациялық инфрақұрылымды дамыту және жайластыру жөніндегі уәкілетті орган (аудан) жібереді.
      8. Халықты жұмыспен қамту орталығы жоғарыда көрсетілген құжаттарды алғаннан кейін Бағдарламаның екінші бағытына қатысушылар құрамына қосу не одан бас тарту туралы шешiм қабылдайды және шешiм қабылдаған күннен бастап үш жұмыс күнi iшiнде оларды бұл туралы жазбаша хабардар етедi.
      9. Халықты жұмыспен қамту орталықтары Бағдарламаның екiншi бағытына қатысушылар құрамына енгізілген адамдармен әлеуметтiк келiсiмшарттар жасасады.
      10. Облыстың халықты жұмыспен қамту мәселелері жөніндегі уәкілетті органы мемлекеттік сатып алу туралы заңнамаға сәйкес сервистік қызмет көрсету жөніндегі ұйымдарды іріктеуді жүзеге асырады.
      Сервистік қызмет көрсету жөніндегі ұйымдарды іріктеу кезінде мынадай өлшемдер ескеріледі:
      кәсіпкерлік негіздеріне оқыту және сервистік қызмет көрсету жөніндегі қызметтерді мемлекеттік сатып алу туралы шарттардың шеңберінде жұмыс тәжірибесі;
      кәсіпкерлік негіздеріне оқыту және сервистік қызмет көрсету жөніндегі қызметтерді мемлекеттік сатып алу туралы шарттардың шеңберінде штатында тиісті бағыттар бойынша жұмыс тәжірибесі бар білікті мамандарының болуы;
      кәсіпкерлік негіздеріне оқыту жөнінде қызмет көрсететін әлеуетті өнім берушіде қызмет көрсету кестелерінің, оқу бағдарламаларының, оқуды жүргізу әдістерінің, әдістемелік құралдарының болуы;
      сервистік қызмет көрсететін әлеуетті өнім берушіде қызмет көрсету әдісін (орнында немесе барып) ескере отырып, олардың осыған ұқсас қызметтердің орташа нарықтық бағасына сәйкес келуге тиіс құны көрсетілген қызметтердің егжей-тегжейлі тізбесі болуы керек.
      Сервистік қызмет көрсету жөніндегі ұйымды таңдаумен қатар өңірлік комиссия тиісті шарттарда көрсетілуге тиіс қызмет көрсету мониторингінің индикаторларын, сондай-ақ құралдарын айқындауға тиіс.
      11. Халықты жұмыспен қамту орталықтары Бағдарламаға қатысушыларды сервистік компанияларға оқуға жібереді, онда бір айға дейінгі оқу мерзімімен оқуға материалдық көмекті ұсына отырып олардың тегін оқуы, бизнес жоспар дайындауға жәрдемдесу қамтамасыз етіледі.
      Оқу бағдарламасы және оны өткізу кестесі халықты жұмыспен қамту орталығымен келісіледі.
      Бұл ретте сервистік қызмет көрсету жөніндегі ұйым Бағдарламаға қатысушы жобасының бизнес жоспарының іске асырылуын экономикалық және қаржылық тұрғыдан негіздейтін қорытынды береді.
      12. Сервистік қызмет көрсету жөніндегі ұйым Бағдарламаға қатысушылардың тұрақты тұратын жерлерінен тысқары елді мекендерде орналасқан жағдайда кәсіпкерлік негіздеріне оқитын адамдарға ай сайын:
      1) жол жүруге екі айлық есептік көрсеткіш;
      2) тұруға он айлық есептік көрсеткіш мөлшерінде материалдық көмек көрсетіледі.
      13. Бағдарламаға қатысушы сервистік қызмет көрсету жөніндегі ұйымның жәрдемдесуімен жобаның бизнес жоспарын әзірлейді және бұрын конкурстық негізде іріктелген микроқаржы (микрокредиттік) ұйымдарына не қаржы агенттігі мәртебесіне ие уәкілетті өңірлік ұйымға микрокредит алуға өтініммен жүгінеді.
      14. Микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым 5 жұмыс күні ішінде жобаға бағалау жүргізеді және Бағдарламаға қатысушыға микрокредит беру мүмкіндігі туралы (немесе мүмкін емес еместігі) туралы шешім қабылдайды және қорытындыны халықты жұмыспен қамту орталықтарына жібереді.
      15. Бағдарламаға қатысушы кредит алуға оң қорытынды алғаннан кейін екі жұмыс күні ішінде сервистік қызмет көрсету жөніндегі ұйыммен бір жылға дейінгі мерзімге жобаны сүйемелдеу жөніндегі қосымша қызметтер (маркетингтік, заңдық, бухгалтерлік және басқа да қызмет түрлерін) ұсынуға шарт жасасады.
      16. Халықты жұмыспен қамту орталықтары микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым Бағдарламаға қатысушыға микрокредит беру мүмкіндігі туралы шешім қабылдағаннан кейін 5 жұмыс күні ішінде бұдан бұрын жасалған әлеуметтік келісімшарттарға тиісті өзгерістер енгізеді.
      17. Сервистік қызметтер:
      жұмыс уақытында телекоммуникациялық байланыс пен интернет бойынша;
      жұмыс уақытында сервистік компания орналасқан жері бойынша;
      екі айда кемінде бір рет Бағдарламаға қатысушының тұрғылықты жері бойынша консультациялар жүргізу арқылы көрсетеді.
      Бағдарламаға қатысушының тұрғылықты жері бойынша сервистік қызметтер көрсету кестесі халықты жұмыспен қамту орталығымен келісіледі.
      18. Бағдарлама қатысушысының жобасы табысты іске асырылған жағдайда сервистік қызмет көрсету жөніндегі ұйымның қызметтері (салық органдарында тіркелуі, заңнамада көзделген аударымдардың болуы, негізгі берешек және сыйақы сомасының уақытылы өтелуі) толық көлемде төленеді.
      Егер Бағдарламаға қатысушының жобасы іске аспаған жағдайда (салық органдарында тіркелмеуі, заңнамада көзделген аударымдардың болмауы, негізгі берешек пен сыйақылардың уақытылы өтелмеуі) сервистік қызмет көрсету жөніндегі ұйымның қызметтері әрбір Бағдарламаға қатысушыға белгіленген қызметтер құнының тоқсан пайызы мөлшерінде төленеді.

2.2. Кредиттік серіктестіктер арқылы микрокредит алу шарттары

      19. Егер үміткер кредитті кредиттік серіктестік арқылы алуға ниетті болса, оның жұмыс істеп тұрған кредиттік серіктестікке қосылуына немесе Микроқаржы (микрокредиттік) ұйымдарына және кредиттік серіктестерге конкурстық негізде кредит беру қағидаларына (бұдан әрі – Кредит беру қағидалары) сәйкес уәкілетті өңірлік ұйым жүргізетін кредиттік серіктестіктерді іріктеу жөніндегі конкурсқа қатысатын жаңа кредиттік серіктестік құруына болады.
      20. Халықты жұмыспен қамту орталығы өтінішті және құжаттарды алғаннан кейін Бағдарламаның екінші бағытына қатысушылардың құрамына енгізу не одан бас тарту туралы шешім қабылдайды және шешім қабылдаған күннен бастап үш жұмыс күні ішінде оларды бұл туралы жазбаша хабардар етеді.
      21. Жұмыспен қамту орталықтары Бағдарламаға қатысушыны осы Қағидалардың 11, 12 және 13-тармақтарында көзделген қызметтерді алу үшін сервистік қызмет көрсету жөніндегі ұйымға жібереді.
      22. Кредит беру қағидасына сәйкес уәкілетті өңірлік ұйым жүргізетін кредиттік серіктестіктерді іріктеу жөніндегі конкурс қорытындысы бойынша Бағдарламаға қатысушы мүшесі болып табылатын кредиттік серіктестікті іріктеген жағдайда сервистік қызметтер осы Қағидалардың 17, 18-тармақтарына сәйкес көрсетіледі.

3. Микрокредит берудi ұйымдастыру шарттары

      23. Облыстық маңызы бар (республикалық маңызы бар қаланың, астананың) жергiлiктi атқарушы органдарға республикалық бюджеттен бюджеттiк кредит қайтарымдылық, жеделдiлiк және ақылылық қағидаттары негiзiнде 0,01% жылдық сыйақы ставкасымен бес жылға берiледi.
      24. Облыстық маңызы бар (республикалық маңызы бар қаланың, астананың) жергiлiктi атқарушы орган уәкiлеттi өңiрлiк ұйымды белгiлейдi және 5 жылдан аспайтын мерзiмге кредит бередi.
      Мыналар үшiн:
      1) қаржы агенттiгi мәртебесi бар уәкiлеттi өңiрлiк ұйым үшiн жылдық сыйақы ставкасы 0,01 % мөлшерiнде белгiленедi;
      2) басқа заңды тұлғалар үшiн кредит бойынша жылдық сыйақы ставкасы бюджеттi атқару жөнiндегi орталық уәкiлеттi орган эмитенттеген, тиісті эмиссиялық бағалы қағаздар бойынша бағалы қағаздардың ұйымдасқан қайталама нарығындағы операциялардың нәтижелерi бойынша өткен тоқсанда қалыптасқан мемлекеттiк эмиссиялық бағалы қағаздар бойынша кiрiстiң орташа мөлшерлiк ставкасы деңгейiнде белгiленедi.
      25. Уәкiлеттi өңiрлiк ұйым Кредит берудің белгiленген қағидаларына сәйкес Бағдарламаға қатысу үшiн КҰ iрiктеу бойынша ашық конкурс өткiзедi.
      26. Бағдарламаға қатысу құқығын алған КҰ мен уәкiлеттi өңiрлiк ұйымның арасында кредит беру туралы шарт жасалады.
      27. КҰ үшiн уәкiлеттi өңiрлiк ұйым ұсынатын кредиттер бойынша жылдық сыйақы ставканы уәкілетті ұйым өңiрлiк комиссиямен келiсiм бойынша уәкiлеттi өңiрлiк ұйым үшiн белгiленген кредиттер бойынша сыйақы ставкасын және оның кредит берудi ұйымдастыруға байланысты жоспарланған шығыстарын негізге ала отырып белгілейді.
      28. Уәкілетті өңірлік ұйымның қаржы агенттігі мәртебесі болған жағдайда кредиттік шарт тікелей уәкілетті өңірлік ұйым мен соңғы қарыз алушы арасында жасалады.
      29. Соңғы қарыз алушы үшiн кредиттiк ресурстар бойынша жылдық ең жоғары тиiмдi ставканы өңiрлiк комиссиямен келiсе отырып, уәкiлеттi өңiрлiк ұйым белгiлейдi.
      Қаржы агенттігі мәртебесіне ие уәкілетті өңірлік ұйым ұсынатын соңғы қарыз алушы үшін кредиттік ресурстар бойынша жылдық сыйақының ең жоғары тиімді ставкасы өңірлік комиссиямен келісе отырып белгіленеді.
      Кредиттік ресурстар бойынша жылдық ең жоғары тиiмдi сыйақы ставкасының мәнi кәсiпкерлiк қызметтiң түрiне байланысты саралануы мүмкiн.
      30. Бағдарламаға қатысушыларға микрокредит беру шарттары мынадай:
      1) кредит микроқаржы (микрокредиттiк) ұйымдары үшiн кепiл ұсынылғанда немесе кредиттiк серiктестердiң барлық мүшелерi немесе қаржылық жағдайлары уәкiлеттi өңiрлiк ұйымның талаптарын қанағаттандыратын үшiншi тұлғалардың кепiлдiктерi болған жағдайда қайтарымдылық негiзiнде ұсынылады. Бұл ретте бюджеттiк кредиттi қайтаруды қамтамасыз ету құны сыйақы сомасын ескергенде, бюджеттiк кредиттiң мөлшерiнен аз болмауға тиiс;
      2) нысаналы сипатта болады – жеке iсiн ұйымдастыру немесе кеңейту, айналым капиталын толықтыру;
      3) тұтынушылық мақсаттарға, бұрынғы қарыздарын өтеуге және жылжымайтын тұрғын үй сатып алуға, сондай-ақ сауда саласындағы қызметтi жүзеге асыруға берiлмейдi;
      4) кредит беру мерзiмi – бес жылдан аспайды;
      5) кредиттiң ең жоғары сомасы – үш миллион теңгеден аспайды;
      6) соңғы қарыз алушыға, КҰ-ға және/немесе қаржы агенттігі мәртебесіне ие уәкілетті өңірлік ұйымға кредит бойынша негiзгi қарызды өтеу бойынша жеңiлдiктi кезең ұсынылуы мүмкiн, ол кредиттiң берiлген мерзiмi ұзақтығының үштен бiрiнен аспауға тиiс.
      31. Бағдарламаға қатысушылардың жобаларын қарау кезiнде қаржы агентінің мәртебесіне ие уәкілетті өңірлік ұйым не КҰ:
      1) өтiнiш берушiлердiң жеке iсiн ұйымдастыруға немесе кеңейтуге арналған бизнес-жоспарларын бағалауды жүзеге асырады;
      2) өтiнiш берушiлермен жеке әңгiмелесудi жүргiзедi және қажет болған жағдайда, төлем қабiлеттiлiгiн және/немесе кепiлдi қамтамасыз етудiң болуын айқындау үшiн өтiнiш берушiнiң табысы мен ресурстарына қосымша тексеру жүргiзедi.
      32. Оң шешiм қабылданған жағдайда қаржы агенттігі мәртебесіне ие уәкілетті өңірлік ұйым немесе КҰ-ның қорытындысы бес жұмыс күнi iшiнде халықты жұмыспен қамту орталықтарына жiберiледi. Шешiм терiс болған жағдайда КҰ бас тарту себептерiн көрсете отырып, бұл туралы өтiнiш берушiге хабарлайды, өтiнiш берушiге құжаттар пакетiн қайтарады және халықты жұмыспен қамту орталықтарына хабарлайды.
      33. Қаржы агенттігі мәртебесіне ие уәкілетті өңірлік ұйым немесе КҰ шарт жасау және микрокредит беру туралы ақпаратты шарт жасасқан күннен бастап бес жұмыс күнi iшiнде халықты жұмыспен қамту орталықтарына жiбередi.

4. Жетiспейтiн инженерлiк-коммуникациялық инфрақұрылымды
дамытуды және жайластыруды ұйымдастыру

      34. Инфрақұрылымды дамыту жөнiндегi уәкiлеттi органды жергiлiктi атқарушы орган өзi айқындайды.
      35. Инфрақұрылымды дамыту жөнiндегi уәкiлеттi орган 10 жұмыс күні ішінде халықты жұмыспен қамту орталықтары ұсынған ИКИ-ді дамыту туралы өтiнiмдерді қарайды, мәлімделген жобаларды iске асыру мүмкiндiгi (немесе мүмкiн емес екенi) және оларды қаржыландырудың қажеттi көлемi туралы қорытынды дайындайды және оны халықты жұмыспен қамту орталығына жібереді.
      36. Оң қорытынды алған жобалар бойынша Бағдарламаға қатысушы микрокредит алғаннан кейін Бағдарламаға қатысушы мен инфрақұрылымды дамыту жөнiндегi уәкiлеттi органның арасында ИКИ-ді дамытуға арналған шарт жасалады.
      37. Инфрақұрылымды дамыту жөніндегі уәкілетті орган әрбір жоба бойынша техникалық-экономикалық негіздеме немесе жобалау-сметалық құжаттама әзірлейді.
      Жобалау-сметалық құжаттама әзірлеу және жетіспейтін инженерлік-коммуникациялық инфрақұрылым объектілерін дамытуға және/немесе салуға және/немесе ілеспе технологиялық жабдықты сатып алуға мемлекеттік сараптама жүргізу республикалық бюджеттен берілетін трансферттер есебінен жүзеге асырылады.
      Техникалық-экономикалық негіздемені және/немесе жобалау-сметалық құжаттаманы әзірлеу, мемлекеттік сараптамадан өткізу, авторлық және техникалық қадағалауды жүргізу шығыстары ИКИ-ді дамытуға көзделген шығындардан жеке ескеріледі.
      38. Инфрақұрылым объектілерін салу немесе реконструкциялау және инженерлік-коммуникациялық инфрақұрылым үшін, оның ішінде жайылымдық мал шаруашылығын дамыту үшін сатып алынатын ілеспе технологиялық жабдықтардың құны жобалау-сметалық құжаттаманы әзірлеу құны мен мемлекеттік сараптама жүргізу құны есепке алынбай айқындалады және берілетін кредиттің сомасына қарамастан, Бағдарламаның бір қатысушысына 3 млн. теңгеден аспауға тиіс.

5. Кәсіпкерлікті дамыту картасын қалыптастыру

      39. Аумақтарды дамыту бағдарламаларына сәйкес аудандардың (қалалардың) жергілікті атқарушы органдары жергілікті бюджет қаражаты есебінен 3 жылға арналған Кәсіпкерлікті дамыту карталарын әзірлеуді қамтамасыз етеді және оны облыстың кәсіпкерлікті дамыту жөніндегі уәкілетті органымен келісім бойынша бекітеді.
      Кәсіпкерлікті дамыту картасы бекітілгенге дейін Бағдарламаға қатысушыларға микрокредит беру белгілі бір өңірде кәсіпкерлікті дамытудың басым бағыттарына сәйкес жүзеге асырылады.
      40. Кәсіпкерлікті дамыту карталарын әзірлеуге жауапты ұйымдарды іріктеуді Қазақстан Республикасының мемлекеттік сатып алу туралы заңнамасына сәйкес аудандардың (қалалардың) жергілікті атқарушы органдары жүзеге асырады.
      41. Кәсіпкерлікті дамыту карталарын әзірлеуге ауылдық (кент) округтерінің әкімдері, бизнес жобаларды олардың қаржылық-экономикалық көрсеткіштерін, технологиялық циклдарын дамыту, басқа да мемлекеттік, салалық бағдарламалармен және аумақтарды дамыту бағдарламаларымен байланысын қоса алғанда іске асыру болжанатын тізбесіне енгізу үшін ұсыныс енгізетін кәсіпкерлер мен кредиттік серіктестік өкілдерімен қоса, тұрғындар қатысады.
      42. Кәсіпкерлікті дамыту картасында мыналар көзделген болуға тиіс:
      нақты аумақ үшін Бағдарламаны іске асырудың нақты тиімділік көрсеткіштерінің (индикаторлары) тізбесі, Бағдарлама қатысушыларын заңдастыруды қосқанда күтілетін нәтижелер;
      Бағдарламаның әлеуетті қатысушыларының кәсіпкерлік белсенділігіне байланыстырыла отырып, нақты аумақ үшін қызметтің басым түрлері;
      басқа мемлекеттік, салалық бағдарламалармен және аумақтарды дамыту бағдарламаларымен байланысы;
      картаны іске асыруға болжанатын бюджет;
      қызметтің басым түрлерінің технологиялық тізбегін дамыту (кластерлік тәсіл);
      түпкілікті өнім және нарық сыйымдылығына бағаларды талдай отырып, қызметтің әрбір басым түрі бөлінісіндегі жалпы қаржылық-экономикалық көрсеткіштер.
      43. Кәсіпкерлікті дамыту жөніндегі ауданның (қаланың) уәкілетті органы ұсынылған Кәсіпкерлікті дамыту картасының жобасын ауданның кәсіпкерлікті дамытудың бекітілген бағыттарына сәйкестігін тексереді және оны облыстың кәсіпкерлікті дамыту жөніндегі уәкілетті органымен келіседі.
      44. Кәсіпкерлікті дамыту жөніндегі уәкілетті органмен келіскеннен кейін Кәсіпкерлікті дамыту карталарын аудандардың (қалалардың) жергілікті атқарушы органдары бекітеді.
      45. Кәсіпкерлікті дамыту картасында көзделген көрсеткіштердің негізінде Бағдарламаның екінші бағыты бойынша тиісті жылға бюджет өтінімі қалыптастырылады.
      46. Қалыптастырылған Кәсіпкерлік картасы халықты жұмыспен қамту орталығына, КҰ-ға, уәкілетті өңірлік ұйымға, сервистік қызмет көрсету жөніндегі ұйымдарға ұсынылады және аудандардың (қалалардың) жергілікті атқарушы органдарының және жұмыспен қамту мәселелері жөніндегі уәкілетті органдардың және халықты жұмыспен қамту орталықтарының интернет ресурстарына орналастырылады.

6. Инженерлiк-коммуникациялық инфрақұрылымды дамытуды және
кәсiпкерлiк негiздерiн оқыту және жобаларды сүйемелдеуді қоса
алғанда, сервистік қызмет көрсетуді қаржыландыру

      47. Қаржылық тәртiптi қамтамасыз ету және бюджет қаражатының мақсатты пайдаланылуына мониторинг жүргiзу үшiн нысаналы трансферттер бойынша нәтижелер туралы:
      1) Бағдарлама операторы мен облыстардың, Астана және Алматы қалаларының әкiмдерi арасында сервистік қызмет, оның ішінде консультациялық қызмет көрсету, кәсiпкерлiк негiздерiн оқыту бөлігінде;
      2) экономикалық даму жөнiндегi орталық уәкiлеттi орган мен облыстардың, Астана және Алматы қалаларының әкiмдерi арасында Бағдарлама шеңберiнде iске асырылатын жобалардың инженерлiк-коммуникациялық жүйелерiн тарту және қолданыстағыларына қосу мақсатында инженерлiк-коммуникациялық инфрақұрылымды дамыту бойынша келiсiмдер жасалады.
      48. Бағдарлама операторы мен экономикалық даму жөнiндегi орталық уәкiлеттi орган бюджет заңнамасына сәйкес тиiстi республикалық бюджеттiк бағдарламалар бойынша облыстық бюджеттерге, Астана және Алматы қалаларының бюджеттерiне ағымдағы нысаналы трансферттердi аударуды жүргiзедi.
      49. Нысаналы даму трансферттерi жергiлiктi атқарушы органдарға объектiлер бойынша бөлiнбей, бiр сомамен аударылады.
      Облыстардың, республикалық маңызы бар қаланың, астананың жергiлiктi атқарушы органдары тиiстi шешiмдер қабылданғаннан кейiн екi апта мерзiм iшiнде iске асырылуына қаражат бөлiнген жергiлiктi инвестициялық жобалар туралы объектiлер бөлiнiсiндегi жиынтық ақпаратты бюджеттiң атқарылуы жөніндегі және экономикалық даму жөнiндегi орталық уәкiлеттi органдарға жiбередi.
      50. Бюджеттiк кредиттiң мақсатты пайдаланылуына бақылауды жүзеге асыру үшiн бюджеттi атқару жөнiндегi орталық уәкiлеттi орган, Бағдарлама операторы мен облыстардың, Астана және Алматы қалаларының әкiмдерi арасында осы Қағидаларда ескертiлген шарттармен кредиттiк шарт жасалады.
      51. Бағдарлама операторы бюджет заңнамасына сәйкес бюджеттiк кредиттердi тиiстi республикалық бюджеттiк бағдарлама бойынша аударады.
      52. Облыстардың, Астана және Алматы қалаларының әкiмдерi ай сайын, есептi айдан кейiнгi айдың 5-күнiне қарай:
      1) Бағдарлама операторына – сервистік қызмет көрсетілген, кәсiпкерлiк негiздерiн оқудан өткен, микрокредит алған, жеке iсiн ұйымдастырған немесе кеңейткен Бағдарламаға қатысушылар саны, соңғы қарыз алушылардың микрокредиттерді мақсатты пайдалануы туралы;
      2) экономикалық даму мәселелері жөнiндегi орталық уәкiлеттi органға – салынған және реконструкцияланған және/немесе сатып алынған және инженерлiк-коммуникациялық инфрақұрылымға қосылған объектiлердің, сатып алынатын ілеспе, оның ішінде жайылымдық мал шаруашылығын дамыту үшін технологиялық жабдықтардың саны туралы есептердi ұсынады.
      53. Қаржы агенттігі мәртебесіне ие уәкілетті өңірлік ұйым не микроқаржы (микрокредиттік) ұйымдары немесе кредиттік серіктестіктер берілген микрокредиттің мақсатты пайдаланылуын және Бағдарламаға қатысушылардың шартқа сәйкес өздеріне алған міндеттемелерін орындауын сүйемелдеуді және бақылауды жүзеге асырады.
      Бағдарламаға қатысушының қаражатты мақсатты пайдалануы туралы есебі жұмыспен қамту орталықтарына жіберіледі.
      Микрокредит алған Бағдарламаға қатысушылар кредит беруші ұйымдарға оларға берілген микрокредиттің мақсатты пайдаланылуы туралы растаушы құжаттарды ұсынады.

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына 
1-қосымша           

______________________ ауданының (қаласының)
халықты жұмыспен қамту орталығының
директорына ________________________________
__________________________ мекенжайы бойынша
тұратын ____________________________________

Өтiнiш

      Менi «Кәсiпкерлiктi дамытуға жәрдемдесу» бағыты бойынша Жұмыспен қамту 2020 бағдарламасына қатысушылардың қатарына енгiзудi сұраймын.
      Қосымша ___ парақта:
      жеке басын куәландыратын құжаттың көшiрмесi;
      тұрғылықты тұратын жерi бойынша тiркелгенiн растайтын құжаттың көшiрмесiн (мекенжай анықтамасы не селолық және/немесе ауылдық әкiмдердiң анықтамасы);
      еңбек кiтапшасының көшiрмесi (болған жағдайда) немесе еңбек қызметiн растайтын өзге құжат (жұмыс iстейтiн адамдар үшiн);
      қажет болған жағдайда нысан бойынша жеке iсiн ұйымдастыру немесе кеңейту, сондай-ақ ілеспе, оның ішінде жайылымдық мал шаруашылығын дамыту үшін технологиялық жабдықты сатып алу бойынша бизнес-ұсыныс;
      қажет болған жағдайда нысан бойынша жетiспейтiн инженерлiк-коммуникациялық инфрақұрылымды дамытуға және/немесе жайластыруға және/немесе инженерлiк-коммуникациялық инфрақұрылым үшін, оның ішінде жайылымдық мал шаруашылығын дамыту үшін ілеспе технологиялық жабдықты сатып алуға өтiнiм.
      Жеке iсiн кеңейтудi жоспарлайтын адамдар:
      салықтар мен бюджетке төленетiн басқа да мiндеттi төлемдер бойынша берешегiнiң жоқ екенiн;
      төлем қабiлеттiлiгiн (адамға қызмет көрсетiлетiн екiншi деңгейдегi банктiң немесе оның филиалының қолы қойылған және мөрi басылған адамның банктiң немесе оның филиалының алдындағы (адам бiрнеше екiншi деңгейлi банктiң немесе филиалдарының, сондай-ақ шетелдiк банктiң клиентi болған жағдайда, мұндай анықтама осындай банктiң әрқайсысынан берiледi) мiндеттемелерiнiң барлық түрлерi бойынша анықтама берген күннiң алдында үш айдан астам созылған мерзiмi өткен берешегi жоқ екенi туралы анықтамасының түпнұсқасы) растайтын құжаттарды қосымша ұсынады.
      Оң шешiм қабылданған жағдайда жеке әлеуметтiк келiсiмшартқа қол қоюға мiндеттенемiн.
      Күнi                               қолы
      Азамат ________________________________________________ өтiнiшi 20__ж. «_____»____________ қабылданды, № _____ болып тiркелдi.
      Құжаттарды қабылдаған адамның Т.А.Ә., лауазымы және қолы: _____________________________________________________________________
_____________________________________________________________________

*- ұсынылған құжаттардың дұрыстығына өтiнiш берушi жауапты.

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына 
2-қосымша           

Бизнес-ұсыныс

      1. Жобаның атауы ______________________________________________
      2. Тегi, аты, әкесiнiң аты ____________________________________
      3. Бiлiктiлiгi (кәсiбi, мамандығы) ____________________________
_____________________________________________________________________
      4. Кәсiпкерлiк негiздерiн оқу туралы мәлiметтер (аяқтау күнi, ұйымның атауы, оқу бейiнi)___________________________________________
_____________________________________________________________________
      5. Жобаның сипаттамасы (мақсаты, ерекше белгiлерi, iске асыру кезеңдерi – тактикалық жоспар, мақсаттарға қол жеткiзу жолдары, қызметтердi немесе өндiрiлген өнiмдi тұтынатын болжамды тұтынушылар)
_____________________________________________________________________
_____________________________________________________________________
_____________________________________________________________________
_____________________________________________________________________
      6. Жобаның болжамды құны ____________________________мың теңге;
      7. Қажеттi кредит сомасы ___________________________ мың теңге;
      8. Кредиттiң жоспарлы мерзiмi__________________________________
      9. Кредиттi өтеу үшiн төлемдi шегеру қажеттiлiгi (бар, жоқ);
      10. Қолда бар мүлiктiң, техниканың және жобаны iске асыру үшiн қажеттi жабдықтың сипаты ____________________________________________
_____________________________________________________________________
      11. Жетiспейтiн инженерлiк-коммуникациялық инфрақұрылымды тарту қажеттiлiгi (жол, электр, сумен жабдықтау, кәрiз не септик, байланыс және оның болжамды құны ________________________ мың теңге).
      12. Ілеспе, оның ішінде жайылымдық мал шаруашылығын дамытуға арналған технологиялық жабдықты сатып алу қажеттігі
______________________болжамды құны _________мың теңге
      Күнi                                     қолы

Жұмыспен қамтуға жәрдемдесудiң
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына 
3-қосымша           

Жетiспейтiн инженерлiк-коммуникациялық инфрақұрылымды дамытуға
және/немесе жайластыруға және/немесе инженерлiк-коммуникациялық
инфрақұрылымды, оның ішінде отарлы мал шаруашылығын дамыту үшін
ілеспе техникалық жабдықты сатып алуға өтiнiм

      1. Жобаның атауы ______________________________________________
      Жобаның болжамды құны ______________________________ мың теңге;
      2. Тегi, аты, әкесiнiң аты ____________________________________
_____________________________________________________________________
      3. Жетiспейтiн инженерлiк-коммуникациялық инфрақұрылымның сипаты:
      а) жолдар (ұзындығы (км), жол төсемiнiң енi м, бетiнiң сипаттамасы (түрi), су өткiзгiш қондырғыларды орнату қажеттiлiгi)
_____________________________________________________________________
_____________________________________________________________________
_____________________________________________________________________
болжамды құны __________ мың теңге;
      б) электрмен жабдықтау (желiнiң ұзындығы (км), тiреулердiң, оның iшiнде қос тiреулердiң қажеттi саны, желiдегi қажеттi кернеу (вольт), төмендеткiш трансформатор сатып алу және орнату қажеттiлiгi)________________________________________ болжамды құны __________ мың теңге;
      в) сумен жабдықтау (желiнiң ұзындығы (км), өткiзу қабiлетi тәулiгiне текше м., байланыстырушы құбырдың диаметрi мм, өрт сөндiру жүйесiн, оның iшiнде өрт гидрантын жайластыру қажеттiлiгi) _________________________________ болжамды құны __________ мың теңге;
      г) кәрiз (су өткiзу) – қолданыстағы жүйеге қосу - ұзындығы км, өткiзу қабiлетi тәулiгiне текше м., байланыстырушы құбырдың диаметрi мм, қайта жiберу құдықтары құрылыстарының қажеттi саны, сорғы жабдықтарын сатып алу және орнату қажеттiлiгi) ______________________
_____________________________________________________________________
болжамды құны __________ мың теңге;
      д) септик жайластыру – қажеттi көлемi текше м. ________________
      4. Байланыс (желiнiң ұзындығы км, тiреулердiң қажеттi саны, абоненттiк нөмiрлердiң қажеттi саны)
_____________________________________________________________________
      4-1. Жетіспейтін ілеспе, оның ішінде жайылымдық мал шаруашылығын дамытуға арналған технологиялық жабдықтың сипаттамасы __________________________________ болжамды құны _________ мың теңге,
      5. Жетiспейтiн инженерлiк-коммуникациялық инфрақұрылымды дамыту, жайластыру және қосалқы технологиялық жабдықты сатып алудың жалпы құны ______________________________ мың теңгенi құрайды.
      Күнi                                     қолы

Қазақстан Республикасы
Үкіметінің     
2012 жылғы 29 желтоқсандағы
№ 1772 қаулысына   
4-қосымша     

Қазақстан Республикасы
Үкіметінің     
2011 жылғы 18 шілдедегі
№ 817 қаулысымен   
бекітілген     

Жұмыспен қамтуға жәрдемдесудiң белсендi шараларына қатысатын
адамдардың ұтқырлығын арттыруға жәрдемдесу және оларға
мемлекеттiк қолдау шараларын көрсету қағидалары

1. Жалпы ережелер

      1. Осы Жұмыспен қамтуға жәрдемдесудiң белсендi шараларына қатысатын адамдардың ұтқырлығын арттыруға жәрдемдесу және оларға мемлекеттiк қолдау шараларын көрсету қағидалары (бұдан әрi – Қағидалар) «Тұрғын үй қатынастары туралы» 1997 жылғы 16 сәуiрдегi,  «Халықтың көшi-қоны туралы» 1997 жылғы 13 желтоқсандағы және «Халықты жұмыспен қамту туралы» 2001 жылғы 23 қаңтардағы Қазақстан Республикасының заңдарына және «Жұмыспен қамту 2020 бағдарламасын бекiту туралы» Қазақстан Республикасы Үкiметiнiң 2011 жылғы 31 наурыздағы № 316 қаулысына сәйкес әзiрлендi.
      Қағидалар өз бетінше жұмыспен айналысушылар; жұмыссыздар; табысы аз адамдар, сондай-ақ жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалар; жастар қатарындағы Қазақстан Республикасы азаматтарының; оралмандардың көшiп келу квотасына қосылған және Қазақстан Республикасының азаматтығын алған жаңадан келген этникалық қазақтар қатарындағы көшiп келушiлердiң (бұдан әрi – этникалық қазақтар қатарындағы көшiп келушiлер) Жұмыспен қамту 2020 бағдарламасының (бұдан әрi – Бағдарлама) үшiншi бағытына қатысу, көшуiн ұйымдастыру, оларға мемлекеттiк қолдау шараларын көрсету және мемлекеттiк қолдау көрсетуге бөлiнген нысаналы трансферттердi пайдалану тәртiбiн айқындайды.
      2. Үшiншi бағытқа қатысушыларды мемлекеттiк қолдау:
      1) көшуге субсидия берудi;
      2) кәсіптік даярлау, қайта даярлау және біліктілігін арттыру курстарында оқу, сондай-ақ жаңа тұрғылықты жеріне жұмысқа орналасуына жәрдемдесу;
      3) қызметтiк тұрғын үй берудi;
      4) жастар үшін жатақханалардан бөлме беруді;
      5) психологиялық бейiмдеудi қамтиды.
      Этникалық қазақтар қатарындағы көшiп келушiлер мен олардың отбасы мүшелерiне бейiмдеу және қоғамға кiрiктiру мақсатында оралмандарды бейiмдеу және қоғамға кiрiктiру орталықтары арқылы қосымша қызметтер кешенi (ақпараттық, құқықтық, әлеуметтiк, медициналық және бiлiм беру) көрсетiледi.
      Бейiмдеу және кiрiктiру қызметтерi халықтың көшi-қоны мәселелерi жөнiндегi уәкiлеттi органға көзделген қаражат есебiнен көрсетiледi.
      3. Осы Қағидаларда мынадай негiзгi ұғымдар пайдаланылады:
      1) аудандық/қалалық комиссия – жергiлiктi атқарушы органның жанындағы Жұмыспен қамту 2020 бағдарламасын iске асыру мәселелерi жөнiндегi ведомствоаралық комиссия;
      2) әлеуметтiк келiсiмшарт – жұмыспен қамтуға жәрдемдесудiң мемлекеттiк шараларына қатысатын Бағдарламаға қатысушы мен халықты жұмыспен қамту орталығы арасында жасалатын тараптардың құқықтары мен мiндеттерiн айқындайтын келiсiм;
      3) Бағдарламаға қатысушылар – Бағдарламаға қатысуға оң шешiм алған өз бетінше жұмыспен айналысушылар, жұмыссыздар, табысы аз тұрғындар, жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалардың қатарындағы Қазақстан Республикасының азаматтары, этникалық қазақтар қатарындағы көшiп келушiлер;
      4) Бағдарлама операторы - халықты жұмыспен қамту саласындағы басшылықты, сондай-ақ Қазақстан Республикасының заңнамасында көзделген шекте салааралық үйлестiрудi жүзеге асыратын орталық атқарушы орган;
      5) жалпыұлттық дерекқор (бұдан әрі – дерекқор) – жекелеген мамандықтар (кәсіптер) бөлінісіндегі ағымдағы бос жұмыс орындары мен болжанатын жұмыс орындарының дерекқоры;
      6) беру жөнiндегi уәкiлеттi ұйым – екiншi деңгейдегi банктер немесе банк операцияларының жекелеген түрлерiн жүзеге асыратын ұйымдар;
      7) бюджеттi атқару жөнiндегi уәкiлеттi орган – бюджеттi атқару саласындағы басшылықты және салааралық үйлестiрудi жүзеге асыратын орталық мемлекеттiк орган;
      8) қызметтiк тұрғын үйдi жалға беру - қызметтiк тұрғын үйдi немесе оның бiр бөлiгiн жалға алушыға уақытша пайдалануға және ақысын төлетiп пайдалануға беру;
      9) құрылыс және тұрғын үй-коммуналдық шаруашылық iстерi жөнiндегi уәкiлеттi орган – құрылыс және тұрғын үй-коммуналдық шаруашылық iстерi жөнiндегi мемлекеттiк басқару саласындағы басшылықты жүзеге асыратын орталық мемлекеттiк орган;
      10) қызметтiк тұрғын үй – азаматтардың еңбек қатынастарының сипатына байланысты өз мiндеттерiн орындауы кезеңiнде, сондай-ақ Қазақстан Республикасының халықты жұмыспен қамту туралы заңнамасына сәйкес жұмыспен қамтуға жәрдемдесудiң белсендi шараларына қатысатын Қазақстан Республикасының азаматтарына мемлекеттiк мекеменiң тұрғын үй қорынан берiлетiн, оларды қоныстандыруға арналған айрықша құқықтық режимдегi тұрғын үй;
      11) өңiрлiк комиссия – облыстың (республикалық маңызы бар қаланың, астананың) жергiлiктi атқарушы органының жанындағы Жұмыспен қамту 2020 бағдарламасын iске асыру мәселелерi жөнiндегi ведомствоаралық комиссия;
      12) уәкiлеттi орган - өңiрлiк деңгейде халықты жұмыспен қамтуға жәрдемдесудi және жұмыссыздықтан әлеуметтiк қорғауды қамтамасыз ететiн жергiлiктi атқарушы органдардың құрылымдық бөлiмшесi;
      13) халықты жұмыспен қамту орталығы – жергiлiктi атқарушы орган жұмыспен қамтуға жәрдемдесудiң белсендi шараларын iске асыру мақсатында ауданда, облыстық және республикалық маңызы бар қалаларда, астанада құратын мемлекеттiк мекеме;
      14) экономикалық даму мәселелерi жөнiндегi уәкiлеттi орган – мемлекеттiк әлеуметтiк-экономикалық саясаттың негiзгi бағыттарын әзiрлеудi салааралық және өңiраралық үйлестiрудi жүзеге асыратын орталық мемлекеттiк орган;
      15) экономикалық өсу орталығы – соңғы 5-10 жыл бойы экономикалық көрсеткiштерiнiң тұрақты өсуiмен және жоғары демографиялық әлеуетiмен (көшi-қон сальдосы оң) сипатталатын елдi мекен.
      4. Әлеуметтік-экономикалық даму әлеуетi төмен және жоғары елдi мекендердi және экономикалық өсу орталықтарын айқындау өлшемдерiн экономикалық даму және сауда мәселелерi жөнiндегi уәкiлеттi орган әзiрлейді және бекiтеді.
      Облыстардың жергiлiктi атқарушы органдары белгiленген өлшемдер негiзiнде облыстағы әлеуметтік-экономикалық даму әлеуетi төмен және жоғары елдi мекендердiң және экономикалық өсу орталықтарының тiзбесiн айқындайды және оны экономикалық даму мәселелерi жөнiндегi уәкiлеттi органмен келiседi.
      Әлеуметтік-экономикалық даму әлеуетi төмен және жоғары елдi мекендердiң тiзбесiн Қазақстан Республикасы Үкiметiнiң жанындағы Жұмыспен қамту 2020 бағдарламасын iске асыру жөнiндегi ведомствоаралық комиссия (бұдан әрi – ВАК) бекiтедi.
      5. Халықты жұмыспен қамту орталықтары дерекқорды, сондай-ақ аумақтарды дамыту бағдарламасы мен Үдемелi индустриялық-инновациялық дамыту жөнiндегi мемлекеттiк бағдарлама (бұдан әрi – ҮИИМБ) шеңберiнде iске асырылатын жобаларды ескере отырып:
      1) әлеуметтік-экономикалық даму әлеуетi төмен елдi мекендерде тұратын, облыстың (ауданның/қаланың) әлеуметтік-экономикалық даму әлеуетi жоғары елдi мекендерiне және экономикалық өсу орталықтарына көшуге қатыса алатын өз бетiнше жұмыспен айналысушылардың, жұмыссыздар мен табысы аз адамдардың санын;
      2) көшуге қатыса алатын жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалар; жастар, сондай-ақ этникалық қазақтар қатарындағы көшiп келушiлердiң санын;
      3) әлеуметтік-экономикалық даму әлеуетi жоғары елдi мекендердегi және экономикалық өсу орталықтарындағы кәсiпорындар мен ұйымдардың еңбек ресурстарына қажеттiлiгiн, олардың жұмыс күшiне деген сұранысын қанағаттандыру үшiн қосымша еңбек ресурстарын тарту қажеттiлiгiн айқындайды;
      4) еңбек ресурстарына қажеттiлiктi аудандық/қалалық комиссиялармен келiседi және ақпаратты уәкiлеттi органға жiбередi.
      6. Уәкiлеттi орган ұсынылған ақпараттың негiзiнде:
      1) әлеуметтік-экономикалық даму әлеуетi төмен елдi мекендерде тұратын, облыстың әлеуметтік-экономикалық даму әлеуетi жоғары елдi мекендерiне және экономикалық өсу орталықтарына көшуге қатыса алатын өз бетiнше жұмыспен айналысушылардың, жұмыссыздар мен табысы аз адамдардың жалпы санын айқындайды;
      2) көшуге қатыса алатын жиырма үш жасқа дейінгі балалар үйінің тәрбиленушілерінің, жетім балалар мен ата-анасының қамқорлығынсыз қалған балалардың, жастар, сондай-ақ этникалық қазақтар қатарындағы көшiп келушiлердiң жалпы санын айқындайды;
      3) еңбек ресурстарына деген қажеттiлiк және азаматтардың көшу мүмкiндiгi туралы ақпаратты өңiрлiк комиссияға жолдайды.
      7. Өңiрлiк комиссия:
      1) шыққан және қабылданатын жерiн айқындай отырып облыс (аудан, қала) шегiнде көшетiн азаматтардың ықтимал санын келiседi және көшудi ұйымдастыру үшiн ұсынымды уәкiлеттi органға және (немесе) халықты жұмыспен қамту орталығына жiбередi;
      2) республика шегiнде көшетiн азаматтардың ықтимал санын келiседi және өтiнiмдi немесе ұсынысты Бағдарлама операторына жiбередi.
      8. Өңiрлiк және аудандық/қалалық комиссияның құрамына жергiлiктi өкiлдi және атқарушы органдардың, уәкiлеттi органның (халықты жұмыспен қамту органдарының), қызметкерлер мен жұмыс берушiлер бiрлестiктерiнiң, қоғамдық бiрлестiктердiң және өзге де мүдделi ұйымдардың өкiлдерi кiредi.

2. Азаматтардың Бағдарламаның үшiншi бағытына қатысу тәртiбi

      9. Бағдарламаға қатысу үшiн әлеуметтік-экономикалық даму әлеуетi төмен елдi мекенде тұратын өз бетiнше жұмыспен айналысушылардың, жұмыссыздар мен табысы аз адамдар; сондай-ақ жиырма үш жасқа дейінгі балалар үйінің тәрбиленушілері, жетім балалар мен ата-анасының қамқорлығынсыз қалған балалар; жастар қатарындағы Қазақстан Республикасының азаматтары, этникалық қазақтар қатарындағы көшiп келушiлер халықты жұмыспен қамту орталықтарына осы Қағидаларға 1-қосымшаға сәйкес нысан бойынша өтiнiш бередi.
      10. Өтiнiшке мынадай құжаттар қоса берiледi:
      1) жеке басын куәландыратын құжаттың көшiрмесi;
      2) отбасы құрамы туралы мәлiметтер;
      3) тұрғылықты тұратын жерi бойынша тiркелгенiн растайтын құжаттың көшiрмесi (мекенжай анықтамасы, селолық және/немесе ауылдық әкiмдердiң анықтамасы);
      4) еңбек кiтапшасының көшiрмесi (болған жағдайда) немесе еңбек қызметiн растайтын өзге құжат (жұмыс iстейтiн адамдар үшiн);
      5) бiлiмi туралы құжаттың (диплом, аттестат, куәлiк), сондай-ақ бiлiмi мен бiлiктiлiгiн растайтын басқа да құжаттардың көшiрмесi.
      11. Халықты жұмыспен қамту орталықтары он жұмыс күнi iшiнде басқа облысқа, республикалық маңызы бар қаланың, астананың және облыс орталығының шегiнде, сондай-ақ басқа ауданға көшуге ниет бiлдiрген адамдардың өтiнiштерi мен құжаттарын – уәкiлеттi органға, аудан iшiнде – аудандық/қалалық комиссияның қарауына жiбередi.
      Уәкiлеттi орган басқа облысқа, сондай-ақ басқа ауданға көшуге ниет бiлдiргендердiң өтiнiштерi мен құжаттары келiп түскен күнiнен бастап он жұмыс күнi iшiнде оларды өңiрлiк комиссияның қарауына жiбередi.
      12. Бағдарламаны iске асырудың үшiншi бағытына қатысудың басым құқығын ауыл жастары иеленедi.
      13. Әлеуметтік-экономикалық даму әлеуеті төмен елді мекендерде тұратын Қазақстан Республикасының өз бетінше жұмыспен айналысушы, жұмыссыз және табысы аз азаматтарының қатарындағы азаматтардың көшуi:
      1) бiр ауданның iшiнде;
      2) бiр облыс шегiнде бiр ауданнан (облыстық маңызы бар қаладан) басқа ауданға (облыстық маңызы бар қалаға);
      3) бір облыстан басқа облысқа жүзеге асырылады.
      14. Бағдарламаға қатысуға өтiнiш берушi адамдардың құжаттарын қарау нәтижесi бойынша:
      1) өңiрлiк комиссиялар:
      бiр ауданнан басқа ауданға, республикалық маңызы бар қаланың, астананың, облыс орталықтарының шегiнде көшетiн азаматтарға қатысты Бағдарламаға қатысушылар құрамына қосу (қосудан бас тарту) туралы ұсынымдар дайындайды және уәкiлеттi органға және (немесе) халықты жұмыспен қамту орталығына жiбередi;
      басқа облысқа көшетiн азаматтарға қатысты Бағдарламаға қатысушылардың құрамына қосу туралы (бас тарту туралы) өтiнiмдер немесе ұсыныстар дайындайды және Бағдарлама операторына жiбередi;
      2) аудандық/қалалық комиссиялар бiр ауданның шегiнде көшетiн азаматтарға қатысты Бағдарламаға қатысушылардың құрамына қосу (қосудан бас тарту) туралы ұсынымдар дайындайды және халықты жұмыспен қамту орталығына жiбередi.
      Өңiрлiк және аудандық/қалалық комиссияның отырысы Бағдарламаға қатысуға өтiнiштер мен құжаттардың түсуiне қарай өткiзiледi.
      Қазақстан Республикасы азаматтарының басқа облысқа көшуі облыстардың, Алматы және Астана қалаларының жұмыспен қамту мәселелері жөніндегі уәкілетті органдарының берген жұмыс берушілер өтінімдерінің және өңірлік комиссиялардың ұсыныстарының негізінде Бағдарлама операторының шешімі бойынша жүзеге асыралады.
      15. Әлеуметтік-экономикалық даму әлеуеті төмен елді мекендерден әлеуметтік-экономикалық даму әлеуеті жоғары елді мекендерге және экономикалық өсу орталықтарына көшетін Бағдарламаның осы бағытына қатысуға үміткерлер мынадай өлшемдерге сәйкес келуге тиіс:
      өз бетінше жұмыспен айналысатын, жұмыссыз және еңбекке жарамды табысы аз халықтың санатына жатуға;
      жаңа тұрғылықты жері немесе өңiрлiк немесе ҮИИДМБ шеңберiнде iске асырылатын жобалардың бейiнi бойынша қолданыстағы Дерекқордағы жұмыс орындарына, сондай-ақ қабылдау өңiріндегі кәсiпорындардың еңбек ресурстарына сұранысына сәйкес келетін кәсіптік білімі болуға;
      соңғы үш жылда бекiтiлген тiзбеге сәйкес әлеуметтiк-экономикалық даму әлеуетi төмен елдi мекендерде тұрақты тұруға тиіс;
      Көрсетілген өлшемдер, көшіру мен жұмысқа орналастыруды жұмыс беруші өз бетінше жүзеге асыратын этникалық қазақтар арасынан көшіп келушілерге; жиырма үш жасқа дейінгі балалар үйінің тәрбиеленушілеріне, жетім балалар және ата-анасының қамқорлығынсыз қалған балаларға; жастарға; Бағдарлама қатысушыларына; сондай-ақ басқа облыстарға көшетіндер болып табылатын Бағдарламаның осы бағытына қатысушыларға қолданылмайды.
      Бұл ретте отбасы мүшелерінің бірінің жұмыспен нәтижелі қамтылуы, коммуналдық қызметтерді, жалдау ақысын төлеуді қамтамасыз ету және отбасының бөлінген тұрғын үйде тұруы Бағдарламаға қатысудың міндетті шарты болып табылады.
      16. Тиісті қаржы жылына арналған қаржыландыру жоспарында көшуді және қызметтік тұрғын үйдi салуды, сатып алуды, салып бітіруді, сондай-ақ жастар үшін жатақханалар салу және сатып алуды субсидиялауға көзделген қаражат көлемi негізінде айқындалады.
      17. Халықты жұмыспен қамту орталығы Бағдарлама операторының, өңiрлiк не аудандық/қалалық комиссияның ұсынымын алған күннен бастап он бес жұмыс күнi iшiнде өтiнiш берушiлердi Бағдарламаға қатысушылар құрамына енгізу туралы (одан бас тарту туралы) шешiм қабылдайды.
      Көшуін және жұмысқа орналасуын жұмыс беруші өзі жүзеге асырған азаматтар басым тәртіппен тиісті мемлекеттік қолдауды ұсына отырып, Бағдарламаның бірінші қатысушыларының құрамына енгізіледі.
      2013 жылдан бастап Шығыс Қазақстан, Солтүстік Қазақстан, Қызылорда және Павлодар облыстарында, сондай-ақ ВАК шешімімен айқындалған өңірлерде Бағдарламаға қатысушылар құрамына енгізу қызметтік тұрғын үйлер салу, сатып алу, салып бітіру және қоныстандыруға қатысатын жұмыс берушілердің жолдамасы бойынша жүзеге асырылады.
      18. Бағдарламаға қатысуға үмiткер осы Қағидалардың 15-тармағында көрсетiлген шарттарға сәйкес келмеген жағдайларда Бағдарламаға қатысушылардың құрамына енгiзуден бас тартылады.
      19. Шыққан жерiнiң халықты жұмыспен қамту орталықтары шешiм қабылданған күннен бастап бес жұмыс күнi iшiнде өтiнiш берушiлерге жазбаша хабарлайды.
      20. Халықты жұмыспен қамту орталығының Бағдарламаға қатысушылардың құрамына енгiзу туралы шешiмiне Қазақстан Республикасының заңнамасында белгiленген тәртiппен сотқа шағым жасауға болады.
      21. Шыққан жерiнiң және келген жерiнiң халықты жұмыспен қамту орталықтары қабылданған шешiмдердiң негiзiнде Бағдарламаға қатысушылардың көшу тәртiбiн, мерзiмiн және оларды қабылдау шарттарын келiседi.
      22. Азаматтарды Бағдарламаға қатысушылар қатарына енгiзу туралы шешiмнiң және көшу шарттарын келген жерiнiң халықты жұмыспен қамту орталықтарымен келiсу негiзiнде шыққан жерiнiң халықты жұмыспен қамту орталықтары Бағдарламаға қатысушыларға қоныс аударуға осы Қағидаларға 2-қосымшаға сәйкес жолдама бередi.
      23. Шыққан жерiнiң халықты жұмыспен қамту орталығы берген жолдаманың негiзiнде келген жерiнiң халықты жұмыспен қамту орталығы Бағдарламаға қатысушымен Бағдарлама операторы әзiрлеген нысан бойынша әлеуметтiк келiсiмшарт жасады.
      Ауданның, республикалық маңызы бар қаланың, астананың және облыс орталықтарының iшiнде көшетiн Бағдарламаға қатысушылармен әлеуметтiк келiсiмшарт оларды халықты жұмыспен қамту орталығының Бағдарламаға қатысушылардың қатарына қосу туралы шешiмiнiң негiзiнде жасалады.

3. Көшуді ұйымдастыру, көшуге субсидия беру және қызметтiк
тұрғын үй беру тәртiбi

      24. Бағдарламаға қатысушылардың көшуi қызметтiк тұрғын үйдiң берiлуiмен, сондай-ақ көшуге субсидияның төленуiмен өз бетiнше жүзеге асырылады.
      Бұл ретте, жаңа тұрғылықты жерi бойынша меншiк құқығы берілген тұрғын үйi не тұрақты пайдалануында коммуналдық тұрғын үй қорынан берілген тұрғын үйi бар Бағдарламаға қатысушыларға қызметтiк тұрғын үй берiлмейдi.
      25. Қызметтiк тұрғын үй алу және көшуге субсидия тағайындау үшiн Бағдарламаға қатысушы отбасының құрамын және беру жөнiндегi уәкiлеттi ұйымда алдын ала ашылған жеке шотын көрсете отырып, келген жерiнiң халықты жұмыспен қамту орталығына осы Қағидаларға 3-қосымшаға сәйкес белгiленген нысан бойынша өтiнiш бередi.
      Өтiнiшке Бағдарламаға қатысушы мен оның көшiп келген отбасы мүшелерiнiң мынадай құжаттары қоса берiледi:
      1) (шыққан жерiнiң) халықты жұмыспен қамту орталығының жолдамасы;
      2) жеке басын куәландыратын құжаттың көшiрмесi;
      3) келген жерi бойынша тұрғын үйiнiң жоқ екенi туралы жергiлiктi атқарушы органның анықтамасы.
      26. Бағдарламаға қатысушыға және оның отбасы мүшелерiне көшуге берiлетiн субсидия олар жаңа тұрғылықты жерiне келгеннен кейiн және қызметтiк тұрғын үйдi жалға алу шартын жасағаннан кейiн не тұрғын үй мәселесiн өз бетiнше шешкен жағдайда келген жерi бойынша тiркелгенiн растайтын құжаттың көшiрмесi негiзiнде берiледi.
      Бағдарламаға қатысушының жаңа тұрғылықты жерiне келмеген отбасы мүшелерiне көшуге субсидия берiлмейдi.
      27. Келген жерiнiң халықты жұмыспен қамту орталығы Бағдарламаға қатысушымен қызметтiк тұрғын үйдi жалға алу туралы шарт жасасқан күннен бастап бес жұмыс күнi iшiнде не тұрғын үй мәселесiн өз бетiнше шешкен жағдайда келген жерi бойынша тiркелгенiн растайтын құжаттың көшiрмесi негiзiнде, осы Қағидалардың 26-тармағында көрсетiлген құжаттардың барлығы болған жағдайда, осы Қағидаларға 4-қосымшаға сәйкес көшуге берiлетiн субсидияны тағайындау туралы шешiм шығарады.
      Республикалық маңызы бар қаланың, астананың және облыс орталықтарының шегiнде көшетiн жиырма үш жасқа дейінгі балалар үйінің тәрбиленушілеріне, жетім балалар мен ата-анасының қамқорлығынсыз қалған балаларға; жастарға, сондай-ақ этникалық қазақтар арасындағы көшiп келушiлер қатарындағы, Бағдарламаға қатысушыларға көшуге берiлетiн субсидия төленбейдi.
      28. Көшуге берiлетiн субсидияны тағайындау туралы шешiмде Бағдарламаға қатысушының отбасы құрамы, оларға берiлетiн тиiстi төлемдердiң мөлшерi және беру жөнiндегi уәкiлеттi ұйымда ашылған жеке шотының нөмiрi көрсетiледi.
      29. Халықты жұмыспен қамту орталығы көшуге берiлетiн субсидияны тағайындау туралы шешiм шығарғаннан кейiн үш жұмыс күнiнен кешiктiрмей беру жөнiндегi уәкiлеттi ұйымдарға тиiстi төлемдердi аударады.
      30. Бағдарламаға қатысушыларға көшуге берiлетiн субсидиялар:
      1) бiр ауданның iшiнде қоныс аударушыларға – отағасына он еселенген айлық есептiк көрсеткiш мөлшерiнде, отбасы мүшелерiнiң әрқайсысына бес еселенген айлық есептiк көрсеткiш мөлшерiнде;
      2) бiр облыс шегiнде бiр ауданнан басқа ауданға қоныс аударушыларға – отағасына жиырма бес еселенген айлық есептiк көрсеткiш мөлшерiнде, отбасы мүшелерiнiң әрқайсысына он бес еселенген айлық есептiк көрсеткiш мөлшерiнде бөлiнедi;
      3) басқа облысқа көшетiн адамдарға – отағасына елу еселенген айлық есептiк көрсеткiш мөлшерiнде, отбасы мүшелерiнiң әрқайсысына отыз бес еселенген айлық есептiк көрсеткiш мөлшерiнде бөлiнедi.
      31. Әлеуметтiк келiсiмшарттың талаптарына сәйкес Бағдарламаға қатысушы (отбасымен бiрге) келген жерiнен алты айдың iшiнде кеткен жағдайда көшуге берiлетiн субсидияның сомасы бюджетке өтеледi.
      Бағдарламаға қатысушы отбасы мүшелерiнiң бiреуi келген жерiнен алты ай iшiнде кеткен жағдайда, отбасының кетiп қалған мүшесi алған көшуге берiлген субсидия сомасы бюджетке қайтарылады.
      32. Бағдарламаға қатысушыларға келген жерлерiнде олардың қалауы бойынша қызметтiк тұрғын үй берiледi.
      Қызметтiк тұрғын үй жергiлiктi атқарушы органның шешiмiмен халықты жұмыспен қамту орталығының теңгерiмiне берiледi.
      Берiлетiн қызметтiк тұрғын үйдiң ауданы отбасының құрамына қарай бiрге тұратын отбасы мүшесiнiң бiреуiне он сегiз шаршы метрден не отбасына жүз шаршы метрден аспауға және бiр бөлмелi пәтерден не отбасылық үлгiдегi жатақхананың бiр бөлмесiнен кем болмауға тиiс.
      Жаңа тұрғылықты жерi бойынша меншiк құқығында тұрғын үйi не тұрақты пайдалануында коммуналдық тұрғын үй қорынан берiлген тұрғын үйi бар Бағдарламаға қатысушыларға қызметтiк тұрғын үй берiлмейдi.
      33. Жастарға арналған жатақханадан бөлме, қызметтiк тұрғын үй халықты жұмыспен қамту орталығының тұрғын үй комиссиясы қабылдаған тұрғын үй беру туралы шешiмiнiң және халықты жұмыспен қамту орталығы мен Бағдарламаға қатысушы арасында жасалған қызметтiк тұрғын үйдi және жатақханадағы бөлмені жалға беру туралы шарт негiзiнде берiледi.
      Жастар қатарындағы адамдарға жатақханадан бөлмелер беру, сондай-ақ этникалық қазақтар арасынан көшіп келушілерге, жиырма үш жасқа дейінгі балалар үйінің тәрбиеленушілеріне, жетім балалар және ата-анасының қамқорлығынсыз қалған балаларға; көшіруін және жұмысқа орналасуын жұмыс беруші өз бетінше жүзеге асыратын Бағдарлама қатысушыларына, сондай-ақ басқа облыстарға көшетіндерге қызметтік тұрғын үй беру олардың бұрынғы тұрған жеріне, оның ішінде облыс орталықтарына, республикалық маңызы бар қалада және астанада тұрғанына қарамастан жүзеге асырылады.
      34. Жастарға, оның ішінде некеде тұрғандарға арналған жатақханалардан бөлмелер мынадай шарттармен беріледі:
      1) 29 жастан аспаған;
      2) қолданыстағы еңбек шарты немесе әлеуметтік келісімшарты болу;
      3) тұрғын үй құрылыс жинақтарының жүйесіне қатысу.
      35. Жастарға арналған жатақханалардан бөлмелер 5 жылға дейінгі мерзімге беріледі.
      36. Бағдарламаға қатысушыда не оның отбасы мүшесінде 2 айдан астам қолданылатын еңбек шарты болмаған жағдайда олармен жастарға арналған жатақханадан бөлмені жалға алу шарты бұзылады.
      37. Жастарға арналған жатақханадан бөлме берілгеннен кейін Бағдарламаға қатысушы жоғары, жоғарыдан кейінгі, техникалық және кәсіптік білім беру ұйымдарына кәсіптік оқудан өтуге жіберіледі.
      38. Тұрғын үй комиссиясының шешiмi екi дана жасалады, оның бiреуi қатаң есептегi құжат ретiнде халықты жұмыспен қамту орталығында сақталады, ал екiншiсi өтiнiш берушiге берiледi.
      39. Халықты жұмыспен қамту орталығы Бағдарламаға қатысушымен жастарға арналған жатақханадан бөлме, қызметтiк тұрғын үйдi жалға алу шартын халықты жұмыспен қамту орталығының тұрғын үй комиссиясы тиiстi шешiм қабылдағаннан кейiн бес жұмыс күнi iшiнде (келген жерiнiң) жасайды.
      Бағдарламаға қатысушы жастарға арналған жатақханадан бөлме, қызметтiк тұрғын үйдi жалға алу шартының тарапы болады. Жастарға арналған жатақханадан бөлме, қызметтiк тұрғын үйдi жалға алу шартына Бағдарламаға қатысушының сенiмдi адамының қол қоюына жол берiлмейдi.
      Жастарға арналған жатақханадан бөлмені, қызметтiк тұрғын үйдi жалға алу шарты үш данада жасалады. Жастарға арналған жатақханалардан бөлме, қызметтiк тұрғын үйдi жалға алу шартының бiр данасы халықты жұмыспен қамту орталығында сақталады, екiншiсi жергiлiктi атқарушы органға берiледi, ол қатаң есептiлiк құжаты ретiнде сақталады үшiншiсi өтiнiш берушiге берiледi және жастарға арналған жатақханадан бөлмеге, қызметтiк тұрғын үйге қоныстануға құқық беретiн бiрден-бiр құжат болып табылады.
      40. Егер шарт жасау туралы ұсыныс берген күннен бастап бес жұмыс күнi iшiнде Бағдарламаға қатысушы шарттың талаптарымен келiспеуiне байланысты жастарға арналған жатақханадан бөлмені, қызметтiк тұрғын үйдi жалға алу шартына қол қоймаса, халықты жұмыспен қамту орталығы жастарға арналған жатақханадан бөлмені, қызметтiк тұрғын үйдi Бағдарламаның басқа қатысушысына қайта бөледi.
      Бағдарламаның жаңа қатысушысымен шарт жасау осы Қағидалардың 36-тармағында белгiленген мерзiмде жүзеге асырылады.
      41. Жалға алу шарты күнтiзбелiк бiр жыл мерзiмге жасалады және жалға алу шартына сәйкес ол аяқталғанға дейiн күнтiзбелiк бiр ай бұрын шартты тоқтату туралы хабарлама жiберетiн жағдайларды қоспағанда, автоматты түрде ұзартылады.
      42. Бағдарламаға қатысушылар осы Қағидаларға сәйкес жастарға арналған жатақханадан бөлме, қызметтiк тұрғын үй алу құқығын бiр рет қана iске асырады.
      43. Жастарға арналған жатақханадан бөлмені, қызметтiк тұрғын үйдi жалға алудың ай сайынғы төлемiнiң мөлшерiн құрылыс және тұрғын үй-коммуналдық шаруашылық iстерi жөнiндегi уәкiлеттi орган бекiтетiн мемлекеттiк тұрғын үй қорынан тұрғын үйдi пайдаланғаны үшiн төлем мөлшерiн есептеу әдiстемесiне сәйкес Халықты жұмыспен қамту орталығы айқындайды.
      44. Коммуналдық және пайдалану қызметтерiнiң шығыстары жастарға арналған жатақханадан бөлме, қызметтiк тұрғын үйдi жалға алу төлемiнiң сомасына кiрмейдi және Бағдарламаға қатысушы оны өзi төлейдi.
      45. Жастарға арналған жатақханадан бөлме, қызметтiк тұрғын үй жалға берiлген кезде қосалқы жалға алуға жол берiлмейдi.
      46. Бағдарламаға қатысушының отбасы мүшесiнiң жастарға арналған жатақханадан жеке бөлме, қызметтiк тұрғын үй беру не Бағдарламаның басқа қатысушысының отбасы құрамында қызметтiк тұрғын үй беру туралы өтiнiшi қаралмайды.
      47. Жергiлiктi атқарушы органдар Бағдарламаға қатысушыларды тұрғын үймен отбасылық үлгiдегi жатақханалардан орын беру, тұрғын үйлердi сатып алу, құрылысы басталған объектiлердi салып бiтiру, осы Қағидалардың 33-тармағында көрсетiлген шарттарға сәйкес келетiн, жергiлiктi атқарушы органдардың коммуналдық меншiгiндегi бос тұрған көппәтерлi тұрғын үйлердi реконструкциялау есебiнен қамтамасыз ете алады.
      48. Бағдарламаға қатысушылар тиiстi бiлiктiлiгi болған жағдайда жастарға арналған жатақханаларды, қызметтiк тұрғын үйдi салу және тиiстi инженерлiк-коммуникациялық инфрақұрылымды дамыту барысында құрылатын жұмыс орындарына басым құқығы болады.
      49. Жұмыспен қамтуға жәрдемдесудiң белсендi шараларына қатысушылар ретiнде қызметтiк тұрғын үй берiлген Бағдарламаға қатысушылар қызметтiк тұрғын үйде кемiнде бес жыл тұрған жағдайда, өздерi тұратын қызметтiк тұрғын үйдi қалдық құны бойынша Қазақстан Республикасының халықты жұмыспен қамту туралы заңнамасына сәйкес жекешелендiре алады.

4. Үшiншi бағытқа қатысушыларды жұмыспен қамтуға жәрдемдесу

      50. Кәсiптiк даярлығы бар Бағдарламаға қатысушыларды жұмысқа орналастыру үшiн Жұмыспен қамтуға жәрдемдесудiң белсендi шараларына қатысатын адамдарды оқытуды ұйымдастыру және қаржыландыру, жұмысқа орналастыруға жәрдемдесу және оларға мемлекеттiк қолдау шараларын көрсету қағидаларында көзделген шарттарда бос жұмыс орындары, әлеуметтiк және уақытша жұмыс орындары пайдаланылады.
      Жұмыспен қамту жұмыс берушiлермен жаңа тұрғылықты жерiне келгенге дейiн және одан кейiн жасалған Келiсiмдер негiзiнде қамтамасыз етiледi.
      51. Жұмысқа орналасу мүмкiндiгi болмаған жағдайда Бағдарламаға қатысушыларға келген жерi бойынша Бағдарламаның бiрiншi бағытында көзделген шарттарда кейiннен жұмысқа орналастыра отырып оқуға немесе Бағдарламаның екiншi бағытында көзделген шарттарда жеке iсiн ұйымдастыруға мүмкiндiк берiледi.
      Көшуін және жұмысқа орналасуын жұмыс беруші өзі жүзеге асырған азаматтар басым тәртіппен тиісті мемлекеттік қолдауды ұсына отырып, Бағдарламаның бірінші қатысушыларының құрамына енгізіледі.
      52. Бағдарламаны iске асырудың барлық кезеңдерiнде, оған қатысушылар туралы ақпарат әлеуметтiк-еңбек саласының бiрыңғай ақпараттық жүйесiнiң «Жұмыспен қамту» автоматтандырылған ақпараттық жүйесiнде орналастырылады.
      Халықты жұмыспен қамту орталықтары әлеуметтiк келiсiмшартты сүйемелдеудi және мониторинг жүргiзудi жүзеге асырады және Бағдарламаға қатысушылардың өздерiне қабылдаған мiндеттемелерiн орындауын бақылайды.

5. Бағдарламаға қатысушыларды мемлекеттiк қолдау шараларын
қаржыландыру

      53. Қызметтiк тұрғын үй құрылысы және (немесе) оны сатып алу, Бағдарламаға қатысушыларға көшуге, инженерлiк-коммуникациялық инфрақұрылымды дамытуға субсидия беру үшiн облыстық бюджеттерге, Астана және Алматы қалаларының бюджеттерiне нысаналы трансферттер бөлiнедi.
      Нысаналы трансферттердi уақтылы аудару, бюджет қаражатының мақсатты пайдаланылуына және түпкiлiктi нәтижесiне мониторинг жүргiзу үшiн:
      1) Бағдарлама операторы мен облыстардың, Астана және Алматы қалаларының әкiмдерi арасында Бағдарламаға қатысушылардың көшу шығындарын өтеу бөлiгiнде;
      2) құрылыс және тұрғын үй-коммуналдық шаруашылық iстерi жөнiндегi уәкiлеттi орган мен облыстардың, Астана және Алматы қалаларының әкiмдерi арасында қызметтiк тұрғын үй салу және (немесе) сатып алу, инженерлiк-коммуникациялық инфрақұрылымды дамыту және (немесе) сатып алу бөлiгiнде нысаналы трансферттер бойынша нәтижелер туралы келiсiмдер жасалады.
      54. Бағдарлама операторы мен құрылыс және тұрғын үй-коммуналдық шаруашылық iстерi жөнiндегi уәкiлеттi орган бюджет заңнамасына сәйкес облыстық бюджеттерге, Астана және Алматы қалаларының бюджеттерiне тиiстi республикалық бюджеттiк бағдарламалар бойынша нысаналы трансферттердi аударады.
      55. Қызметтiк тұрғын үйдi салуға және (немесе) оны сатып алуға, инженерлiк-коммуникациялық инфрақұрылымды дамытуға және (немесе) сатып алуға арналған нысаналы трансферттер объектiлер бойынша бөлiнбей, бiр сомамен облыстық бюджеттерге, Астана және Алматы қалаларының бюджеттерiне аударылады.
      Облыстардың, республикалық маңызы бар қаланың, астананың жергiлiктi атқарушы органдары тиiстi шешiмдер қабылданғаннан кейiн екi апта мерзiмде iске асырылуына қаражат көзделген объектiлер бөлiнiсiнде жергiлiктi инвестициялық жобалар туралы жиынтық ақпаратты бюджеттi атқару жөнiндегi және құрылыс және тұрғын үй-коммуналдық шаруашылық iстерi жөнiндегi уәкiлеттi органдарға жiбередi.
      56. Облыстардың, Астана және Алматы қалаларының әкiмдерi:
      1) ай сайын, есептi айдан кейiнгi айдың 5-күнiне Келiсiмде бекiтiлген нысан бойынша Бағдарлама операторына – экономикалық әлеуетi жоғары елдi мекендерге және экономикалық өсу орталықтарына көшiп келген, оның iшiнде субсидия алған, тұрғын үй алған, жұмысқа орналастырылған (жұмыспен қамту түрлерi бөлiнiсiнде), оқуға жiберiлген және жеке iсiн ұйымдастырған бағдарламаға қатысушылардың саны туралы;
      2) жартыжылдық қорытындысы бойынша жылына екi рет құрылыс және тұрғын үй-коммуналдық шаруашылық iстерi жөнiндегi орталық уәкiлеттi органға – сатып алынған және (немесе) пайдалануға енгiзiлген қызметтiк тұрғын үйлердiң саны туралы есеп бередi.

Жұмыспен қамтуға жәрдемдесудiң    
белсендi шараларына қатысатын    
адамдардың ұтқырлығын арттыруға   
жәрдемдесу және оларға мемлекеттiк  
қолдау шараларын көрсету қағидаларына
1-қосымша             

____________ ауданының (қаласының)
Халықты жұмыспен қамту орталығының
директорына ______________________
мекенжайында тұратын _____________

ӨТIНIШ

      Менi Жұмыспен қамтуға жәрдемдесудiң белсендi шараларына қатысушылардың ұтқырлығын арттыруға жәрдемдесу бағыты бойынша Жұмыспен қамту 2020 бағдарламасына қатысушылар қатарына қосуыңызды сұраймын.
      Мына құжаттарды өтiнiшке қоса беремiн:
      1) жеке басын куәландыратын құжаттың көшiрмесi;
      2) отбасы құрамы туралы мәлiметтердi;
      3) тұрғылықты тұратын жерi бойынша тiркелгенiн растайтын құжаттың (мекенжай анықтамасын не селолық және/немесе ауылдық әкiмдердiң анықтамасын) көшірмесі;
      4) еңбек кiтапшасының көшiрмесi (болған жағдайда) немесе еңбек қызметiн растайтын өзге құжат (жұмыс iстейтiн адамдар үшiн);
      5) бiлiмi туралы құжаттың (диплом, аттестат, куәлiк), сондай-ақ бiлiмi мен бiлiктiлiгiн растайтын басқа да құжаттардың көшiрмесi.
      Барлығы ______ құжат _____ парақта.
      Көшу шартымен таныстым.
      Күнi                         қолы
      Азамат ________________________________________________ өтiнiшi
      20____ж.«___»____________қабылданды. № ___болып тiркелдi.
      Құжаттарды қабылдаған адамның Т.А. Ә., лауазымы және қолы:
      ______________________________________________________________
             Күнi                         Қолы

*ұсынылған құжаттардың дұрыстығына өтiнiш берушi жауапты болады.

Жұмыспен қамтуға жәрдемдесудiң    
белсендi шараларына қатысатын     
адамдардың ұтқырлығын арттыруға    
жәрдемдесу және оларға мемлекеттiк 
қолдау шараларын көрсету қағидаларына
2-қосымша               

Көшуге №____ жолдама

      Осы жолдама Халықты жұмыспен қамту орталығының 20__ ж. «___» ____________ шешiмiне сәйкес __________ мекенжайы бойынша тұратын ________________ берiлдi.
      Онымен бiрге отбасының мынадай мүшелерi көшеді:

Басшы                         Т.А.Ә. қолы
      Жолдама берiлген күн
      М.О.

Жұмыспен қамтуға жәрдемдесудiң    
белсендi шараларына қатысатын     
адамдардың ұтқырлығын арттыруға    
жәрдемдесу және оларға мемлекеттiк 
қолдау шараларын көрсету қағидаларына
3-қосымша               

________________________ ауданының (қаласының)
Халықты жұмыспен қамту орталығының директорына
кiмнен _______________________________________

Қызметтiк тұрғын үй (жатақханадан бөлме) беруге және көшуге
субсидия тағайындауға

ӨТІНІШ

      Сiзден ________________________________________________________
(көшу себебi көрсетiледi) байланысты маған және отбасымның мүшелерiне отбасының мынадай құрамын ескере отырып:
_____________________________________________________________________
_____________________________________________________________________
_____________________________________________________________________
_____________________________________________________________________
қызметтiк тұрғын үй (жатақханадан бөлме) берудi, қоныс аударуға субсидия тағайындауды және төлеудi сұраймын.
      Бiзге тиесiлi соманы
_____________________________________________________________________
(банктiң атауы, банктiң СТН, (ЖСН), банктiң БИК, алушының есеп
шотының нөмiрi көрсетiледi) аударуыңызды сұраймын.
      Мына құжаттарды өтiнiшке қоса беремiн:
_____________________________________________________________________
_____________________________________________________________________
_____________________________________________________________________
20__ жылғы «_____»             _____________________________
                              (Бағдарламаға қатысушының қолы)
*ұсынылған құжаттардың дұрыстығына өтiнiш берушi жауапты болады.

Жұмыспен қамтуға жәрдемдесудiң    
белсендi шараларына қатысатын     
адамдардың ұтқырлығын арттыруға    
жәрдемдесу және оларға мемлекеттiк 
қолдау шараларын көрсету қағидаларына
4-қосымша               

_________________________ ауданының (облыстық маңызы бар
қаланың, астананың, республикалық маңызы бар қаланың) Халықты
жұмыспен қамту орталығы
№ _____ бұйрық

Күнi      ауыл (қала)

      Жұмыспен қамтуға жәрдемдесудiң белсендi шараларына қатысатын адамдардың ұтқырлығын арттыруға жәрдемдесу және оларға мемлекеттiк қолдау шараларын көрсету қағидаларына 28-тармағына сәйкес Жұмыспен қамту 2020 бағдарламасының әлеуеттi қатысушылары ұсынған құжаттарды қарап БҰЙЫРАМЫН:
      1. ____________________ отбасына қоныс аударуға мынадай мөлшерде субсидия тағайындалсын:
      1) Бағдарламаға қатысушыға____________ теңге мөлшерiнде;
      2) отбасы мүшелерiне _____________ теңге мөлшерiнде.
      Барлығы ____________ теңге.
      2. Субсидия __________________________________ (банктiң атауы, банктiң СТН, (ЖСН), банктiң БИК, алушының есеп шотының немесе төлем карточкасының нөмiрi көрсетiледi) аударылсын.
      Басшы                         Т.А.Ә. қолы

Қазақстан Республикасы
Үкіметінің     
2012 жылғы 29 желтоқсандағы
№ 1772 қаулысына   
5-қосымша     

Қазақстан Республикасы
Үкіметінің     
2011 жылғы 18 шілдедегі
№ 819 қаулысымен   
бекітілген     

Микроқаржы (микрокредиттік) ұйымдарына және кредиттік
серіктестерге конкурстық негізде кредит беру қағидалары

1. Жалпы ережелер

      1. Осы Микроқаржы (микрокредиттік) ұйымдары мен кредиттік серіктестіктерге конкурстық негізде кредит беру қағидалары (бұдан әрі – Қағидалар) Қазақстан Республикасы Үкіметінің 2011 жылғы 31 наурыздағы № 316 қаулысымен бекітілген Жұмыспен қамту 2020 бағдарламасы (бұдан әрі – Бағдарлама) шеңберінде конкурсты ұйымдастыру және өткізу тәртібін, кредиттік ресурстарды іріктеу және микроқаржы (микрокредиттік) ұйымдары мен кредиттік серіктестіктерге беру, сондай-ақ олардың бөлінген кредиттік ресурстарды мақсатты пайдалануына мониторинг жүргізу шарттарын айқындайды.
      2. Осы Қағидаларда мынадай ұғымдар қолданылады:
      1) Бағдарлама операторы – халықты жұмыспен қамту саласындағы мемлекеттік саясатты іске асыруды үйлестіруші орталық атқарушы орган;
      2) уәкілетті өңірлік ұйым – Қазақстан Республикасының заңнамасына сәйкес экономиканың белгілі бір салаларында мемлекеттік инвестициялық саясатты іске асыруға уәкілетті ұлттық басқарушы холдинг және акцияларының жүз пайызы ұлттық басқарушы холдингке тиесілі заңды тұлға, сондай-ақ банк немесе банк операцияларының жекелеген түрлерін жүзеге асыратын, мемлекет жүз пайыз қатысатын ұйым және әлеуметтік-кәсіпкерлік корпорациялар;
      3) кредиттік ұйымдар (бұдан әрі – КҰ) – Қазақстан Республикасының заңдарында белгіленген тәртіппен қызметін жүзеге асыратын микроқаржы (микрокредиттік) ұйымдары және кредиттік серіктестіктер;
      4) микрокредиттік ұйым – (бұдан әрі – МКҰ) – микрокредит беру жөніндегі қызметті жүзеге асыратын заңды тұлға;
      5) микроқаржы ұйымы – (бұдан әрі – МҚҰ) – коммерциялық ұйым болып табылатын, ресми мәртебесі әділет органдарында мемлекеттік тіркелумен және есептік тіркеуден өтумен айқындалатын, микрокредиттер беру жөніндегі қызметті, сондай-ақ Қазақстан Республикасының заңдарымен рұқсат етілген қызметтің қосымша түрлерін жүзеге асыратын заңды тұлға;
      6) кредиттік серіктестік (бұдан әрі – КС) – жеке және (немесе) заңды тұлғалар оған қатысушылардың кредитке және басқа қаржыға, оның ішінде банк қызметтеріне қажеттіліктерін олардың ақшаларын шоғырландыру арқылы және Қазақстан Республикасының заңнамасында тыйым салынбаған басқа көздердің есебінен қанағаттандыру үшін құрған заңды тұлға;
      7) бюджетті атқару жөніндегі орталық уәкілетті орган – бюджетті атқару, республикалық бюджеттің және өз құзыреті шегінде жергілікті бюджеттердің, Қазақстан Республикасы Ұлттық Банкінің есебі негізінде Қазақстан Республикасының Ұлттық қорының атқарылуы бойынша бухгалтерлік есепке алуды, бюджеттік есепке алу мен бюджеттік есептілікті жүргізу саласында басшылықты және салааралық үйлестіруді жүзеге асыратын орталық атқарушы орган;
      8) өңірлік комиссия – облыстық (республикалық маңызы бар қаланың, астананың) маңызы бар жергілікті атқарушы органның жанындағы Бағдарламаны іске асыру мәселелері жөніндегі ведомствоаралық комиссия;
      9) бағалаушы – бағалау қызметін жүзеге асыруға лицензиясы бар және міндетті түрде бағалау палатасының бірінің мүшесі болып табылатын жеке немесе заңды тұлға;
      10) тіркеуші органдар – кепілдік мүлікке Кепіл шартын және/немесе құқық белгілейтін құжаттарды Қазақстан Республикасының қолданыстағы заңнамасына сәйкес тіркеуге уәкілетті органдар;
      11) кредиттік ресурстар – қамтамасыздық және мақсатты пайдалану шарттарында кредитті пайдаланғаны үшін қарыз алушының сыйақы төлеуімен, уәкілетті өңірлік ұйым кредиттік ұйымдарға белгілі бір кезеңге беретін ақшалай қаражат;
      12) кредит бойынша сыйақы ставкасы – берілген кредиттік ресурстарға кредит сомасында пайызбен көрсетіліп белгіленген төлем мөлшері;
      13) МҚҰ (МКҰ) үшін соңғы қарыз алушы – ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; жалпы білім беретін мектептерді ағымдағы күнтізбелік жылы бітірген 11-сынып бітірушілері; еңбекке қабілетті мүгедектер; жиырма үш жасқа дейінгі балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар; жалпыға бірдей белгіленген зейнетақы жасына дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын адамдар қатарындағы Қазақстан Республикасы азаматтары және оралмандар;
      14) КС үшін соңғы қарыз алушылар – ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; жалпы білім беретін мектептерді ағымдағы күнтізбелік жылы бітірген 11-сынып бітірушілері; еңбекке қабілетті мүгедектер; жиырма үш жасқа дейінгі балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар; жалпыға бірдей белгіленген зейнетақы жасына дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын адамдар қатарындағы Қазақстан Республикасы азаматтары және оралмандар болып табылатын КС мүшелері;
      15) қарыз алушы – Бағдарлама шеңберінде соңғы қарыз алушыларға микрокредит беру жөніндегі конкурста жеңген кредиттік ұйым;
      16) техникалық сарапшылар – кредиттік ұйымдар ұсынатын қызметтердің конкурс құжаттамасы талаптарына сәйкестігі туралы сараптау қорытындысын әзірлеуге қатысу үшін тартылатын мемлекеттік сатып алуды ұйымдастырушы болып белгіленген сараптау комиссиясы.
      3. Республикалық бюджеттен облыстық маңызы бар (республикалық маңызы бар қаланың, астананың) жергілікті атқарушы органдарға қайтарымдылық, жеделділік және ақылылық қағидаттарында 0,01% жылдық сыйақы ставкасымен бюджеттік кредит беріледі.
      4. Облыстық маңызы бар (республикалық маңызы бар қаланың, астананың) жергілікті атқарушы орган уәкілетті өңірлік ұйымды айқындайды және 5 жылдан аспайтын мерзімге кредит береді және осы Қағидаларға 1-қосымшаға сәйкес онымен келісім жасайды.
      Мыналар үшін:
      1) қаржы агенттігі мәртебесі бар уәкілетті өңірлік ұйым үшін жылдық сыйақы ставкасы 0,01% мөлшерінде белгіленеді;
      2) басқа заңды тұлғалар үшін кредит бойынша жылдық сыйақы ставкасы бюджетті атқару жөніндегі орталық уәкілетті орган эмитеттеген, тиісті мемлекеттік эмиссиялық бағалы қағаздар бойынша бағалы қағаздардың ұйымдасқан қайталама нарығындағы операциялардың нәтижелері бойынша өткен тоқсанда қалыптасқан мемлекеттік эмиссиялық бағалы қағаздар бойынша кірістің орташа мөлшерлік ставкасы деңгейінде белгіленеді.
      5. Уәкілетті өңірлік ұйым осы Қағидаларда белгіленген шарттарда КҰ-ға конкурстық негізде кредиттік ресурстар ұсынады.
      6. КҰ кредит беруді жүзеге асыру мақсатында уәкілетті өңірлік ұйым:
      1) конкурсқа қатысатын КҰ-ға қойылатын талаптарды, оларға кредиттік ресурстар беру және соңғы қарыз алушыларға кредит беру шарттарын айқындайды;
      2) өтініштерді бағалау және КҰ-ды іріктеу арқылы конкурс өткізеді;
      3) КҰ-ға кредиттік ресурстарды беруді қамтамасыз етеді;
      4) кредиттік ресурстардың мақсатты пайдаланылуына және олардың уақтылы өтелуіне мониторинг жүргізуді жүзеге асырады.
      7. КҰ ұйымдары арасында конкурс өткізбей соңғы қарыз алушыларға кредит беруді қаржы агенттігі мәртебесі бар уәкілетті өңірлік ұйымның өзі жүргізе алады.

2. Кредиттік ұйымдарға кредит беру шарттары

      8. КҰ-ға кредиттік ресурстар жеделділік, қайтарымдылық, ақылылық, қамтамасыздық және мақсатты пайдалану шарттарында ұсынылады.
      КҰ-ға кредит беру шарттары:
      1) кейіннен соңғы қарыз алушыларға кредит беру үшін КҰ-ның айналым қаражатын толықтыруды;
      2) кредиттік ресурстарды игеру мерзімі – бес айға дейін;
      3) кредит беру мерзімі – бес жылдан аспайды;
      4) уәкілетті өңірлік ұйымның ұсынатын кредиттері бойынша жылдық сыйақы ставкасын ол өңірлік комиссиямен келісім бойынша уәкілетті өңірлік ұйым үшін белгіленген кредиттер бойынша сыйақы ставкасына және оның кредит беруді ұйымдастырумен байланысты жоспарланған шығыстарына қарай белгілейді;
      5) негізгі берешекті бойынша кредит беру мерзімі ұзақтығының үштен бірінен аспайтын мерзімге жеңілдікті кезеңді;
      6) кредит және сыйақы бойынша қайтарылған қаражат сомасына пропорционал КҰ-ның кепілін алып тастауды;
      7) өңірлік комиссиялардың келісімі бойынша транш түрінде кредит қаражатын бөлу мүмкіндігін көздейді.
      9. Кредиттік ресурстар:
      1) кредиттік серіктестіктерге КС барлық мүшелерінің немесе қаржылық жай-күйі уәкілетті өңірлік ұйымның талаптарына жауап беретін үшінші тұлғалардың кепілдіктерінің негізінде кепілсіз;
      2) МҚҰ-ға (МКҰ-ға) міндетті кепілдік қамтамасыз ету негізінде беріледі. Бұл ретте, бюджеттік кредиттің қайтарылуын қамтамасыз ету құны сыйақы сомасын ескергенде, бюджеттік кредит мөлшерінен кем болмауға тиіс.
      МҚҰ-ны (МКҰ-ны) кепілдік қамтамасыз етуге қойылатын талаптар осы Қағидаларға 2-қосымшада көрсетілген.
      10. МҚҰ-ның (МКҰ-ның) кепілдікті қамтамасыз етілуін бағалауды уәкілетті өңірлік ұйым конкурстық негізде айқындаған бағалаушы «Қазақстан Республикасындағы бағалау қызметі туралы» 2000 жылғы 30 қарашадағы Қазақстан Республикасының Заңына сәйкес жүргізуге тиіс.
      Бюджеттік кредит бойынша міндеттемелердің орындалуын қамтамасыз етуді бағалау жөніндегі қызметтерге ақы төлеуді қарыз алушы жүргізеді.
      11. КҰ-ға қойылатын біліктілік талаптары осы Қағидаларға 3-қосымшада көзделген талаптарды қамтиды.
      12. КҰ-ға іріктеу мынадай өлшемдерге сәйкес жүзеге асырылады:
      1) МҚҰ (МКҰ) үшін:
      берілген микрокредиттердің саны;
      ұсынылған микрокредиттердің орташа мөлшері;
      меншікті капиталдың мөлшері;
      портфель қатері;
      соңғы қарыз алушыға арналған кредит бойынша сыйақы ставкасы;
      ауыл тұрғындарына микрокредит беру саласындағы жұмыс тәжірибесі және кредит беру нарығындағы кәсіби біліктілігі;
      2) КС үшін:
      меншікті капиталдың мөлшері;
      соңғы қарыз алушыға арналған кредит бойынша сыйақы ставкасы;
      микрокредит алуға үміткер қатысушыларда бизнес-жоспарлардың болуы;
      жеке немесе жалға алынған кеңселік үй-жайының болуы;
      кредиттік портфельдің көлемі;
      жұмыс істейтін кәсіпкерлер қатарындағы адамдардың КС құрамында болуы;
      КС төрағасы лауазымында тауарлар, жұмыстар, қызметтер нарығында жұмыс тәжірибесі, микрокредит алуға үміткер қатысушылардың тиісті бизнес-жоспарлары бар адамның болуы;
      Іріктеу өлшемдерін бағалау балдық жүйе бойынша жүзеге асырылады. МҚҰ іріктеу өлшемдерінің мәні осы Қағидаларға 4-қосымшада берілген.

3. Кредиттік ұйымдарды кейіннен кредит беру үшін іріктеу
жөнінде конкурс өткізу

      13. Уәкілетті өңірлік ұйым осы Қағидаларға 5, 6, 7, 8, 9, 10, 11, 12, 13-қосымшаларға сәйкес:
      1) лоттардың атауы мен саны көрсетілген қызметтердің тізбесін;
      2) техникалық ерекшелікті;
      3) конкурсқа қатысуға өтінім нысанын;
      4) біліктілік туралы мәліметтер нысанын;
      5) бағалар кестесінің нысанын;
      6) конкурстық өтінімді қамтамасыз ету нысанын (банк кепілдігі);
      7) кредит беру туралы шарттың жобасын;
      8) кепіл шартының жобасын;
      9) кредиттік портфельдің құрылымы туралы ақпараттың нысанын қамтитын конкурстық құжаттаманы әзірлейді және бекітеді.
      14. Уәкілетті өңірлік ұйым жергілікті өкілді және атқарушы органдардың, өңірлердегі Қазақстанның микроқаржы ұйымдары қауымдастығы өкілдерінің, уәкілетті өңірлік ұйымның және өзге де мүдделі мемлекеттік органдар мен ұйым қызметкерлерінің қатарынан конкурстық комиссияны қалыптастырады.
      15. Конкурстық комиссия конкурс комиссиясы мүшелерінің тақ санынан тұрады және кемінде бес адамды қамтуға тиіс.
      Конкурс комиссиясының құрамына төраға, төрағаның орынбасары және конкурс комиссиясының мүшелері кіреді. Төраға болмаған уақытта оның функциясын орынбасары орындайды.
      16. Конкурстық комиссияның төрағасы уәкілетті өңірлік ұйымның басшысы не оның қызметін басқаратын, комиссия отырыстарында төрағалық ететін, жұмысын жоспарлайтын және оның шешімдерінің іске асырылуына жалпы бақылауды жүзеге асыратын басшының орынбасарынан төмен емес адам болып табылады.
      17. Комиссияның әрбір мүшесі бір дауысқа ие болады. Комиссия мүшесінің өзінің дауысын комиссияның басқа мүшесіне беруіне болмайды. Комиссияның шешімдері ашық дауыс беру арқылы комиссия отырысына қатысып отырғандардың қарапайым көпшілік дауысымен қабылданады. Дауыстар тең болған жағдайда Комиссия төрағасының дауысы шешуші болып саналады.
      18. Конкурстық комиссияның хатшысы уәкілетті өңірлік ұйымның конкурсты ұйымдастыруға және жүргізуге жауапты қызметкері болып табылады. Конкурстық комиссияның хатшысы конкурстық комиссияның мүшесі болып табылмайды және конкурстық комиссия шешім қабылдаған кезде дауыс беру құқығына ие болмайды.
      19. Конкурстық комиссияның хатшысы КҰ-ға конкурстық құжаттаманы ұсынады, олардан конкурстық өтінімі бар конверттерді қабылдайды, конкурстық комиссияның конверттерін ашу бойынша конкурстық комиссия отырысының күн тәртібі жөнінде ұсыныстарды, қажетті құжаттарды, материалдарды дайындайды және оны өткізгеннен кейін отырыс хаттамаларын ресімдейді; келіп түскен конкурстық өтінімдерді және конкурстық өтінімдері бар конверттерді КҰ-ға беру уақыты мен күні және КҰ-ның уәкілетті өкілінің (конкурстық өтінімдері бар конверттерді ұсынған және конкурсқа қатысатын адамның) тегі, аты, әкесінің аты көрсетілген конверттерді ашу рәсіміне қатысуға ниет білдірген КҰ-ны тіркеу журналын жүргізеді.
      20. Уәкілетті өңірлік ұйым конкурстық құжаттама бекітілген күннен бастап үш жұмыс күнінен кешіктірмей, бірақ КҰ конкурсқа қатысу өтінімдерін беретін соңғы күнге дейін кемінде он бес күнтізбелік күн бұрын конкурс өткізу туралы хабарландырудың мәтінін бұқаралық ақпарат құралдарында және интернет-ресурстарда жариялауға міндетті.
      21. Қайталама конкурс жүзеге асырылған жағдайда уәкілетті өңірлік ұйым конкурстық құжаттама қайта бекітілген күннен кейін екі жұмыс күнінен кешіктірмей, осы Қағидалардың 20-тармағында көзделген талаптарды орындауға міндетті.
      Конкурс өткізу туралы хабарландыру мәтіні жарияланғанға дейін конкурстық құжаттаманы ұсынуға жол берілмейді.
      22. Конкурстық құжаттама уәкілетті өңірлік ұйым белгілеген, бірақ бір айлық есептік көрсеткіштен аспайтын төлемге ақылы негізде ұсынылады, және оны уәкілетті өңірлік ұйым конкурс өткенге дейін бір жұмыс күнінен кешіктірмей береді.
      23. КҰ конкурсқа қатысу үшін ұсынатын конкурстық өтінімнің жарамдылық мерзімі конкурстық өтінім салынған конвертті ашқан күннен бастап кемінде күнтізбелік алпыс күн болуға тиіс.
      24. Жарамдылық мерзімі конкурстық құжаттамада көрсетілген мерзімнен анағұрлым қысқа конкурстық өтінімнен бас тартылады.
      25. КҰ дайындаған конкурстық өтiнiм, сондай-ақ конкурстық өтiнiмге қатысты барлық хат-хабар мен құжаттар мемлекеттік немесе орыс тiлдерінде жасалып, ұсынылады. КҰ ұсынып отырған iлеспе құжаттама мен баспа әдебиет, оларға нақты, нотариат куәландырған мемлекеттік немесе орыс тілінде аудармасы қоса берілген жағдайда, басқа тiлде жасалуы мүмкiн және бұл жағдайда конкурстық өтiнiмдi дұрыс талдау мақсатында, мемлекеттiк немесе орыс тiлiнде жазылған құжаттар басымдыққа ие болады.
      26. Конкурстық өтiнiмдi КҰ тiгiлген түрде, беттерiн нөмiрлеп ұсынады және соңғы бетiне қолы қойылған болады және мөрмен куәландырылады. Банктiк кепiлдеменiң түпнұсқасы конкурстық өтiнiмге бөлек тiркеледi.
      27. Конкурстық өтiнiм басылуға немесе өшпейтiн сиямен жазылуға және оған КҰ басшысы қол қоюға тиiс.
      28. Уәкілетті өңірлік ұйым (оның жауапты тұлғасы) конкурстық өтінімдерді ұсынудың соңғы мерзімі өткеннен кейін келіп түскен конкурстық өтінімдердің ешқайсысын ашпайды және оларды табыс еткен әлеуетті қатысушыларға қайтарады.
      29. КҰ өзiнің конкурстық өтiнiмiн кепілдікті қамтамасыз етудi қайтарып алу құқығын жоғалтпай, конкурстық өтiнiмдердi ұсынудың соңғы мерзiмi өткенге дейiн өзiнiң конкурстық өтiнiмдерiн өзгертуге немесе керi қайтаруға құқығы бар.
      30. Кері қайтарып алу туралы хабарлама КҰ-ға жазбаша нысанда, бірақ конкурстық өтінімдерді ұсынудың соңғы мерзімінен кешіктірмей жіберілуге тиіс.
      31. Осы Қағидалардың 29-тармағында көзделген конкурстық өтінімді өзгертуді КҰ дайындауға, оған мөр басуға тиіс және ол конкурстық өтінім сияқты ұсынылуға тиіс.
      32. Конкурстық өтiнiмдердi ұсынудың соңғы мерзiмi өткеннен кейiн конкурстық өтiнiмдерге өзгерiс енгiзуге жол берілмейді.
      33. КҰ конкурстық құжаттама ережелеріне түсініктеме беру туралы жазбаша сұрау жіберуге құқылы, бірақ ол конкурстық өтінім ұсынудың соңғы мерзімі аяқталғанға дейінгі он жұмыс күнінен кешіктірілмеуі керек. Уәкілетті өңірлік ұйым сұрау тіркелген сәттен бастап үш жұмыс күні ішінде оған жауап береді және сұраудың кімнен келіп түскенін көрсетпей, мұндай түсініктемелерді конкурстық құжаттаманы берген барлық КҰ-ға хабарлайды.
      34. Уәкілетті өңірлік ұйым конкурстық өтінімдерді ұсынудың соңғы мерзімі өткенге дейін бес жұмыс күнінен кешіктірмей өзінің жеке бастамасымен немесе конкурстық құжаттаманы алған КҰ өкілдерінің сұрауына жауап ретінде хаттама ресімдеу арқылы конкурстық құжаттамаға өзгеріс енгізуге құқылы.
      35. Уәкілетті өңірлік ұйым конкурстық құжаттаманың ережелерiн түсiндiру үшiн конкурстық құжаттаманы алған КҰ өкілдерімен кездесу өткiзуге құқылы. Мұндай кездесудің хаттамасы тез арада конкурстық комиссияға және барлық әлеуетті қарыз алушыларға жiберiледi.
      36. Өтінімдерді қабылдау аяқталған соң келесі күні конкурсқа қатысушылардың тізімі бұқаралық ақпарат құралдарында және интернет-ресурстарда жарияланады.
      37. Конкурстық комиссияның отырысы конкурсқа қатысуға өтінімдерді қабылдау аяқталған күннен бастап бес жұмыс күнінен кешіктірілмей тағайындалуға тиіс. Әрбір лот бойынша барлық қажетті құжаттарымен екі КМҚҰ-дан кем өтінім берілген жағдайда конкурс өткізілмеген болып есептеледі.
      38. Егер конкурстық комиссия мүшелерiнiң қажеттi санының болмауы себебiнен конкурстық өтiнiмдер салынған конверттердi ашу жөнiндегi конкурстық комиссияның отырысы белгiленген күн мен уақытында өтпеген жағдайда, конкурстық комиссияның хатшысы конкурсқа ұсынылған конкурстық өтiнiмдер салынған конверттердiң сақталуын қамтамасыз етедi және жарияланған мерзiмнен 24 сағаттан кешiктiрмей, конверттердi ашуды өткізу күнi мен уақыты туралы жариялайды. Бұл ретте жаңадан берiлген өтiнiмдер қабылданбайды.
      39. Конкурстық комиссияның отырысы конкурстық комиссия мүшелерінің жалпы санының кемінде үштен екісі қатысқан жағдайда өткізіледі. Конкурстық комиссия конкурстық өтінімдері бар конверттерді барлық келген қатысушылардың немесе олардың уәкілетті өкілдерінің қатысуымен ашады.
      Конкурстық комиссия конкурстық өтінімдері бар конверттерді ашқан кезде қатысып отырған адамдарға конкурсқа қатысушы КҰ-ның атауы мен мекенжайын, соңғы қарыз алушы үшін сыйақы ставкасын көрсете отырып, олар сұратқан қарыз сомасын, егер олар құжат жүзінде көрсетсе, конкурстық өтінімнің кері қайтарып алынуын және өзгертілуін, осы Қағидаларға 14-қосымшаға сәйкес конкурстық өтiнiмдi құрайтын құжаттардың бар немесе жоқ екендігі туралы ақпаратты жариялайды.
      40. Конкурстық комиссия конкурстық өтінімдері бар конверттер ашылған күннен бастап жеті жұмыс күні ішінде конкурстың қорытындысын шығарады.
      41. Конкурстық комиссия конкурстық өтiнiмдердi олардың толық болуы тұрғысынан зерделейді, сондай-ақ жалпы конкурстық өтінімдердің дұрыс ресімделуін тексереді.
      42. Конкурстық комиссия осы Қағидалардың 40-тармағында айтылған сәйкессіздіктер анықталған жағдайларда конкурстық өтiнiмнен бас тартады.
      43. Конкурстық өтiнiм Конкурстық құжаттама талаптарына жауап бермейді деп белгiленiп, конкурстық комиссия одан бас тартқан жағдайда, кейiн оны белгіленген талаптарға сәйкес деп таныла алмайды.
      44. Конкурстық өтінім сәйкес келген жағдайда конкурстық комиссияның мүшелері балдық жүйе бойынша бағаланатын осы Қағидаларға 4-қосымшада көзделген өлшемдер негізінде КҰ-ны іріктеуді жүзеге асырады. Конкурстық комиссия балдарды есептеу арқылы МҚҰ, МКҰ мен КС қатарынан кредиттік ресурстарды алуға әлеуетті үміткерлердің тізімін айқындайды. Ең жоғары балл жинаған МҚҰ, МКҰ мен КС жеңген болып есептеледі.
      45. Конкурсқа қатысушылардың бiрнешеуiнің жинаған балы тең болған кезде, конкурс жеңімпазы конкурстық комиссия мүшелерiнiң қарапайым дауыс беруiмен анықталады.
      46. Мынадай жағдайларда:
      1) оған екі конкурсқа қатысушыдан кем қатысса;
      2) конкурс қатысушыларының ұсыныстары конкурс шарттарын қанағаттандырмайды деп танылса;
      3) ұсынылған конкурс өтінімдері конкурстық құжаттаманың талаптарына сәйкес келмеген жағдайларда конкурс өтпеді деп танылады.
      Бұл жағдайларда конкурс комиссиясының барлық мүшелері қол қоятын хаттама ресімделеді.
      47. Конкурс өтпеді деп танылған жағдайда, комиссия конкурсты қайта өткізу туралы шешім қабылдайды.
      48. Қайталама конкурс өтпеді деп танылған кезде, осы Қағидалардың 46-тармағында көрсетілген жағдайларда комиссияның шешімі бойынша соңғы қарыз алушыларға микрокредит беру үшін КҰ анықталады, ол туралы тиiстi хаттама жасалуға тиiс.
      49. Қажет болған жағдайда заңнамаға сәйкес уәкілетті өңірлік ұйым техникалық сарапшылардан тұратын сараптау комиссиясын құра алады.
      50. Техникалық сарапшылар (сараптау комиссиясы) үш жұмыс күні ішінде КҰ ұсынған қызметтердің конкурстық құжаттаманың талаптарына сәйкестiгi жөнiнде сараптамалық қорытынды бередi және конкурстық комиссия шешiм қабылдаған кезде олардың дауыс беруге құқығы болмайды.
      51. Техникалық сарапшылардың (сараптау комиссиясының) қорытындысы конкурсқа ұсынылған конкурстық өтiнiмдердi бағалау мен салыстыру және конкурс жеңiмпазын анықтау кезiнде, ол конкурстық құжаттамада көзделген талаптар шегiнде жасалған жағдайда ғана ескерiледi.
      52. Сараптамалық қорытынды жазбаша түрде ресiмделедi, оған техникалық сарапшылар (сараптау комиссиясының мүшелерi) қол қояды және ол конкурстық комиссия отырысының хаттамасына қоса берiледi.
      53. Конкурсқа қатысатын КҰ конкурстық өтінімдерін бағалау және салыстыру жөніндегі конкурстық комиссия отырысының нәтижелері бойынша:
      1) конкурстық комиссияның төрағасы, ал ол болмаған жағдайда төрағаның орынбасары конкурстық баға ұсыныстарын бағалауды және салыстыруды жүргізу күні:
      конкурстық комиссияның отырысына қатысып отырған адамдарға өткізілген конкурс нәтижесін жариялайды және қатысушыларға конкурс жеңімпазын хабарлайды;
      конкурс жеңімпазына конкурстық комиссияның төрағасы не оның міндетін атқарушы адам қол қойған жазбаша хабарламаны береді;
      конкурсқа қатысушыларға не оның уәкілетті өкілдеріне өткізілген конкурстың қорытындысы туралы хаттаманың көшірмесін ұсыну күні, уақыты және орны туралы ақпаратты береді;
      2) конкурстық комиссияның хатшысы:
      конкурсқа қатысушы КҰ-ның конкурстық өтінімдерін бағалау және салыстырып қарау жөніндегі конкурстық комиссия отырысы өткізілген күннен бастап екі жұмыс күнінен кешіктірмей конкурс қорытындысы туралы хаттама жобасын жасайды және оған отырысқа қатысқан конкурстық комиссияның барлық мүшелерінің, сондай-ақ конкурстық комиссия хатшысы өзінің қол қоюын және әрбір бетін дәйектеуін қамтамасыз етеді;
      конкурсқа қатысушы кез келген КҰ-ның талап етуі бойынша (ол туралы мәліметтер конкурсқа қатысуға өтінімдерді тіркеу журналына енгізілген) мұндай жазбаша сұрауды алған күннен бастап бір жұмыс күні ішінде уәкілетті өкілдерге өткізілген конкурс қорытындылары туралы хаттаманың көшірмесін өтеусіз негізде жіберуді не ұсынуды ұйымдастырады.
      Өткізілген конкурс қорытындысы туралы хаттамаға қол қойылған күннен бастап екі жұмыс күні ішінде облыстық маңызы бар (республикалық маңызы бар қаланың, астананың) жергілікті атқарушы органына көрсетілген хаттаманың көшірмесін жібереді.
      54. Конкурстық комиссияның шешімімен келіспеген жағдайда осы конкурстық комиссияның кез келген мүшесінің ерекше пікір айтуға құқығы бар, ол жазбаша жазылуға және конкурстық комиссияның отырысы хаттамасына қоса берілуге тиіс. Конкурстық комиссияның қандай да бір мүшесі өндірістік немесе басқа да себептер бойынша болмаған жағдайда конкурстық комиссияның хаттамасында оның болмауының себебі және осы фактіні растайтын қағаз құжатқа сілтеме көрсетіледі.
      55. Жеңімпаздарды бекіткеннен кейін екі жұмыс күні ішінде конкурстық комиссияның хатшысы бұқаралық ақпараттық құралдарына конкурс қорытындысын жариялау мәселесі жөнінде хабарландыру беруге бастамашы болады.
      56. Егер конкурс жеңімпазы үш жұмыс күні ішінде тиісті шарттарға қол қоймаса немесе берілген кепілдікті қамтамасыз ету жеткіліксіз болған жағдайда, онда уәкілетті өңірлік ұйым КҰ-мен (конкурсты жеңген) кепілдікті қамтамасыз ету құнына сәйкес тиісті кредиттік ресурстар беруге немесе жеңімпаздан кейінгі ең көп балл жинаған конкурстың басқа қатысушысымен шарт жасауға құқығы бар.
      57. Кредиттік серіктестікке кредиттік ресурстар төленген жарғы капиталының көлеміне байланысты (жарғы капиталының 1 бірлігіне кредиттің 10 бірлігінен асырмай) беріледі.

4. Кредиттік ұйымдарға кредит беру тәртібі

      58. КҰ-ға кредит беру жөніндегі өткізілген конкурс қорытындысы бойынша уәкілетті өңірлік ұйым мен МҚҰ (МКҰ) және/немесе КС (конкурсты жеңген) арасында:
      кредит ұсыну шарттары, соңғы қарыз алушыға микрокредит беру шарттары, тараптардың құқықтары, міндеттемелері мен жауапкершіліктері белгіленген кредит беру туралы шарт;
      кепіл беруші мен кепіл ұстаушының өтініштері мен кепілдіктері, кепіл заттан өндіріп алу және тараптардың жауапкершілігі көзделген кепіл шарты жасалады.
      59. Кредиттік ресурс беру ақша аудару арқылы ғана жүзеге асырылады.
      60. Төлемдерді өтеу кестесі кредиттік ресурстарды берген күні дайындалады және ресімделеді.
      61. Кепілмен қамтамасыз ету жөніндегі құжаттардың түпнұсқаларын қарыз алушы уәкілетті өңірлік ұйымға қабылдау-тапсыру актісі бойынша жібереді.
      62. Барлық құжаттар, хат алмасу, шоттардан үзінді-көшірмелер, төлем тапсырмалары, КҰ-мен келіссөздердің актілері олардың кредиттік досьесіне тігіледі.

5. Кредиттік ресурстардың мақсатты пайдаланылуына және олардың
уақтылы өтелуіне мониторинг жүргізу

      63. Кредиттік ресурстарды бергеннен кейін уәкілетті өңірлік ұйым кредиттік ресурстар беру шартына сәйкес мониторингтің жасалған актілерін міндетті түрде қоса отырып мониторинг жүргізуді жүзеге асырады. Кредиттік ресурстар мақсатсыз пайдаланылған жағдайда уәкілетті өңірлік ұйым кредит беру және кепіл туралы шарттарда көзделген қаржы санкциялары шараларын қолданады.
      64. Кредиттік ресурстар толық өтелген кезде уәкілетті өңірлік ұйым кепілдікті қамтамасыз ету бойынша ауыртпалықты алу туралы өкім дайындайды және уәкілетті тіркеуші органға басшының қолы қойылған хат жібереді.
      65. КҰ-ның өтініші бойынша уәкілетті өңірлік ұйым кредиттің өтелген сомасының бөлігіне мөлшерлес кепілдікті қамтамасыз ету бойынша ауыртпалықты алу туралы өкім дайындайды.
      Бұл ретте кепілдікті қамтамасыз етудің құны кредит бойынша сыйақы ставкасының сомасын ескергенде, кредит мөлшерінен аз болмауға тиіс.
      66. Уәкілетті өңірлік ұйым қабылдау - тапсыру актісінің негізінде қарыз алушыға құқық белгілейтін құжаттардың түпнұсқалары мен хат жібереді.

Микроқаржы (микрокредиттік)
ұйымдары мен кредиттік    
серіктестіктерге конкурстық
негізде кредит беру     
қағидаларына 1-қосымша    

Жұмыспен қамту 2020 бағдарламасының екінші бағыты шеңберіндегі
жобаларға кредит беру туралы келісім

      _________ қ.                         20___ж. «___» __________
      «_____________________» (толық атауы) мемлекеттік мекемесі 20__ ж. «___» ______ _________ сенімхат негізінде жұмыс істейтін бұдан әрі «ЖАО» деп аталатын «_____________________» ММ-нің (толық атауы) атынан бастығы ________________ (Т. А. Ә.), бұдан әрі «Уәкілетті өңірлік ұйым» деп аталатын екінші тараптан Жарғы негізінде жұмыс істейтін «______________________» АҚ (толық атауы) атынан басшысы ____________ (лауазымы) ___________________ (Т. А. Ә.) Жұмыспен қамту 2020 бағдарламасын (бұдан әрі – Бағдарлама) іске асыру мақсатында бірлесіп «Тараптар» деп, әрқайсысы жеке «Тарап», не жоғарыда көрсетілгендей аталатындар өңірлерде кәсіпкерлікті дамыту жөніндегі жобаларды қаржыландыру туралы осы келісімде төмендегілер туралы келісті.
      Осы Келісімде мынадай негізгі ұғымдар қолданылады:
      жергілікті жұмыспен қамту органдары – Бағдарлама аясында жұмыспен қамтуға жәрдемдесу функцияларын іске асырушы жергілікті атқарушы органдардың аудандық (қалалық) жұмыспен қамту орталықтары;
      Бағдарлама операторы – халықты жұмыспен қамту саласындағы мемлекеттік саясаттың іске асырылуын үйлестіретін орталық атқарушы орган;
      кредиттік ұйымдар (бұдан әрі – КҰ) – Қазақстан Республикасының заңдарында белгіленген тәртіппен қызметін жүзеге асыратын микроқаржы (микрокредиттік) ұйымдары және кредиттік серіктестіктер;
      микрокредиттік ұйым – (бұдан әрі – МКҰ) – микрокредит беру жөніндегі қызметті жүзеге асыратын заңды тұлға;
      микроқаржы ұйымы – (бұдан әрі – МҚҰ) – коммерциялық ұйым болып табылатын, ресми мәртебесі әділет органдарында мемлекеттік тіркелумен және есептік тіркеуден өтумен айқындалатын, микрокредиттер беру жөніндегі қызметті, сондай-ақ Қазақстан Республикасының заңдарымен рұқсат етілген қызметтің қосымша түрлерін жүзеге асыратын заңды тұлға;
      кредиттік серіктестік (бұдан әрі – КС) – жеке және (немесе) заңды тұлғалар оған қатысушылардың кредитке және басқа қаржыға, оның ішінде банк қызметтеріне қажеттіліктерін олардың ақшаларын шоғырландыру арқылы және Қазақстан Республикасының заңнамасында тыйым салынбаған басқа көздердің есебінен қанағаттандыру үшін құрған заңды тұлға;
      өңірлік комиссия – облыстық (республикалық маңызы бар қаланың, астананың) маңызы бар жергілікті атқарушы органның жанындағы Бағдарламаны іске асыру мәселелері жөніндегі ведомствоаралық комиссия;
      соңғы қарыз алушы – КҰ-мен кредит беру туралы шарт жасаған ішінара жұмыспен қамтылғандар; жұмыссыздар; өз бетінше жұмыспен айналысушылар; табысы аз адамдар; жалпы білім беретін мектептерді ағымдағы күнтізбелік жылы бітірген 11-сынып бітірушілері; еңбекке қабілетті мүгедектер; жиырма үш жасқа дейінгі балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар; жалпыға бірдей белгіленген зейнетақы жасына дейін зейнеткерлікке шыққан зейнеткерлер; ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушылар болып табылатын адамдар қатарындағы Қазақстан Республикасы азаматтары және оралмандар;
      өңір – облыс (республикалық маңызы бар қала, астана).

2. Келісім мәні

      1. Осы Келісім ЖАО мен уәкілетті өңірлік ұйым арасындағы өзара іс-әрекет тәртібін, осы Келісімнің 1-қосымшасына сәйкес ауылда кәсіпкерліктің басым бағыттарының тізбесін, Соңғы қарыз алушылар жобаларын іріктеу және бекіту тәртібін, сондай-ақ өңірде Бағдарламаны іске асыруға қатысты өзге де маңызды шарттарды бекітеді.
      2. Тараптардың келісімі бойынша Бағдарлама бойынша өңірге қаржыландыру көлемі мынадай мөлшерде белгіленді:
      1) ЖАО қаражатынан – ____ млн. теңге;
      2) уәкілетті өңірлік ұйымның қаражатынан (микрокредит беруге тиісті құқықтары болған жағдайда) – ____ млн. теңге;

3. Тараптардың құқықтары мен міндеттері

      1. Жергілікті атқарушы орган:
      1) соңғы қарыз алушыларға (Бағдарламаға қатысушыларға) кредит беру үшін жергілікті бюджеттен қаражат бөлуге;
      2) уәкілетті өңірлік ұйымды белгілеуге және онымен кредиттік ресурстар беру туралы шарт жасауға;
      3) осы Келісімнен туындайтын өзге де құқықтарға ие болуға құқылы.
      2. Жергілікті атқарушы орган:
      1) микрокредит алуға КҰ үміткерлерінің (соңғы қарыз алушының) тізімін ұсынуға;
      2) КҰ мен соңғы қарыз алушыларға кредиттік ресурстар беру шарттарын келісу үшін өңірлік комиссияға шығаруға;
      3) ішкі рәсімдерге және уәкілетті өңірлік ұйым мен КҰ кредиттік процесіне араласпау қағидатын сақтауға;
      4) кредиттік шартқа сәйкес уәкілетті өңірлік ұйымның кредиттік ресурстарын игеру және мақсатты пайдалану мониторингін жүргізуге;
      5) уәкілетті өңірлік ұйымның сұрауы бойынша осы Келісімнің орындалуымен байланысты ақпарат беруге;
      6) осы Келісімнен туындайтын өзге де міндеттемелерді мойнына алуға міндеттенеді.
      3. Уәкілетті өңірлік ұйым:
      1) өңірлік комиссияның келісімі бойынша КҰ мен соңғы қарыз алушыларға кредиттік ресурстар беру шарттарын белгілеуге;
      2) кредиттік ресурстар беру жөнінде конкурс өткізуге және КҰ-ны өз бетінше белгілеуге;
      3) ЖАО-ға кәсіпкерлік негіздеріне үйретуді талап ететін үміткерлердің тізімін жіберуге;
      4) ЖАО-дың сұрауы бойынша осы Келісімнің орындалуымен байланысты ақпаратты беруге;
      5) КҰ кредит беру механизмдерін және қағидасын жетілдіру жөнінде белгіленген тәртіппен ұсыныстар енгізуге;
      6) осы Келісімнен туындайтын өзге де құқықтарға ие болуға құқылы.
      4. Уәкілетті өңірлік ұйым:
      1) ЖАО-дан алынған кредиттік ресурстардың мақсатты пайдаланылуын қамтамасыз етуге;
      2) соңғы қарыз алушыларға, сондай-ақ кейіннен өңірде соңғы қарыз алушыларға кредит беру үшін конкурстық негізде КҰ-ға кредиттік ресурстар беруге;
      3) кредиттік шартқа сәйкес КҰ-ның кредиттік ресурстарды игеру және мақсатты пайдалануына мониторинг жүргізуге;
      4) осы Келісімнен туындайтын өзге де міндеттерді мойнына алуға міндеттенеді.

4. Тараптардың жауапкершілігі

      Осы Келісімде тараптардың әрқайсысы осы Келісімнен туындайтын міндеттемелерді орындамағаны және/немесе тиісті түрде орындамағаны үшін Қазақстан Республикасының заңнамасына сәйкес жауапкершілікте болады.

5. Құпиялылық

      1. Тараптар осы Келісім шарттарына қатысты ақпарат, қаржылық, коммерциялық және өзге де Келісім жасау және орындау барысында алынған ақпараттың құпия болып табылатыны және Келісімде және/немесе Қазақстан Республикасының заңнамасында тікелей көзделген жағдайларды қоспағанда, үшінші адамдарға жариялауға жатпайтынымен келіседі.
      2. Бағдарламаны іске асыру туралы осы Келісімнің 2-қосымшасына сәйкес есеп беру шеңберінде ЖАО уәкілетті өңірлік ұйымға, уәкілетті өңірлік ұйымның акционеріне және де өзге мемлекеттік органдарға осы Келісімді жасауға және орындауға қатысты ақпарат беруге құқық береді.

6. Дауларды шешу

      1. Келісімге байланысты және одан туындайтын барлық даулар мен келіспеушіліктері Тараптар арасындағы келіссөздер арқылы шешіледі. Реттелмеген даулар Қазақстан Республикасының заңнамасына сәйкес сот тәртібімен шешіледі.
      2. Осы Келісім Қазақстан Республикасының заңнамасына сәйкес түсіндіріледі және реттеледі.

7. Қорытынды ережелер

      1. Келісімнің ережелерін өзгертуге және/немесе толықтыруға болады. Келісімде көзделген жағдайларды қоспағанда, Тараптардың келісімі бойынша жазбаша нысанда жасалған және Тараптардың өкілетті өкілдері қол қойған өзгерістер мен толықтырулар ғана Тараптар үшін жарамды және міндетті болып танылады.
      2. Осы Келісім Тараптардың әрқайсысы үшін 1 (бір) данадан мемлекеттік және орыс тілдерінде бірдей 2 (екі) данада жасалды, олардың әрқайсысының тең заңдық күші бар.
      3. Осы Келісім қол қойылған күнінен бастап күшіне енеді және Тараптар Келісім бойынша өз міндеттемелерін толық орындағанға дейін қолданыста болады.
      4. Тараптар Келісімге қол қойылғаннан кейін барлық алдыңғы талқылаулар, ұсынымдар, сондай-ақ хаттар заңдық күшін жоғалтатынына және Келісім мәтініне ауыстырылатынына келіседі.
      5. Келісімде көзделмеген барлық өзге жағдайларда Тараптар Қазақстан Республикасының қолданыстағы заңнамасын басшылыққа алады.

8. Тараптардың мекенжайы, банк деректемелері және қолдары

Тараптардың қолдары

Жұмыспен қамту 2020    
бағдарламасының екінші бағыты
шеңберіндегі жобаларға кредит
беру туралы келісімге   
1-қосымша        

Экономика салалары бөлінісінде ауылдағы кәсіпкерлікті дамытудың
басым бағыттарының үлгілік тізбесі*¹

Тараптардың қолдары

______________________
¹«Жеке кәсіпкерлік туралы» Қазақстан Республикасы Заңының 6-бабының 4-тармағында белгіленген кәсіпкерлік қызмет түрлерін қоспағанда

Өңірдегі жобаларды
қаржыландыру туралы
келісімге 2-қосымша

________________ әкімдігіне

Соңғы қарыз алушыларға микрокредит беру туралы есеп

Кестенің жалғасы

      Лауазымды тұлға ____________________ Т.А.Ә. қолы, мөр
      Жауапты қызметкер __________________ Т.А.Ә. қолы

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 2-қосымша    

Кредиттік ұйымдардың кепілдікті қамтамасыз етуіне қойылатын
талаптар

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 3-қосымша    

Кредиттік ұйымдарға қойылатын бiлiктiлiк талаптары

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 4-қосымша    

1. МҚҰ (МКҰ) үшiн iрiктеу өлшемдерi және балл берудiң
ұсынылатын шәкiлi

2. КС үшiн iрiктеу өлшемдерi мен балл беру үшiн ұсынылатын
шәкiл

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 5-қосымша    

Кредиттік ұйымдарға кредит беру конкурсы жөнiндегi қызметтер
тiзбесi

Конкурсты ұйымдастырушының атауы -
_________________________________________________________________
(уәкiлеттi өңiрлiк ұйымның толық атауы)

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 6-қосымша    

Кредиттік ұйымдарға кредит беру конкурсы бойынша техникалық
ерекшелiк

      Конкурсты ұйымдастырушының атауы -_____________________________
                              (уәкiлеттi өңiрлiк ұйымның толық атауы)

      КҰ кредит беру шарттары:

КҰ соңғы қарыз алушыларға микрокредит беру шарттары

      Қолы ____________________
      м.о.
      Лауазымы ___________________________________________
                              ( Т.А.Ә.)

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 7-қосымша    

(Кiмнен) _______________________
(қатысушының атауы)
20__ж. «_____»________

Конкурсқа қатысуға өтiнiм

      Кредиттік ұйымдар арасында қарыз алу құқығына ашық конкурс өткiзу жөнiндегi конкурстық құжаттаманы қарап, конкурстық құжаттамаға сәйкес жалпы сомасы (санмен және жазумен) ____, (қатысушының атауы) мынадай лоттар бойынша әлеуеттi қарыз алушы ретiнде: (лот нөмiрiн және облыстың және ауданның атауын көрсету керек) қарастыруды сұраймыз.
      Бiз өзiмiздiң конкурстық өтiнiмiмiз ұтты деп танылған жағдайда, қарыз алған күннен бастап (бес айдан асырмай) ай iшiнде кредиттiк қаражатты игеруге және 100 % қайтаруды қамтамасыз етуге мiндеттенемiз.
      Бiз Сiздердiң конкурстық құжаттамада жазылған кредиттi ресiмдеу шарттарыңызбен келiсемiз. Мынадай баламалы шарттарды: (егер баламалы шарттар болатын болса, солар тiзбеленедi) немесе басқа да шарттарды ұсынамыз (көрсету керек:_____________________________________), бұл ретте ____ (пайыз түрiнде, жазумен көрсету керек) мөлшерде соңғы қарыз алушы үшiн сыйақы ставкасы бойынша жеңiлдiк беремiз.
      Осы конкурстық өтiнiм конкурстық өтiнiм салынған конверттердi ашқан күннен бастап ____(60 күннен кем емес) күн iшiнде жарамды болады. Кредиттiк тарих бойынша ақпаратты Кредиттiк бюроға беруге және кредиттiк есеп беруге келiсiмiмiздi растаймыз.
      ___________________ ____________________________
            Қолы             (Лауазымы, Т.А.Ә.)
            М. О.

      Ескертпе:
      Конкурстық өтiнiмде жолдар арасында ешқандай жазулар, сызулар немесе қосып жазулар болмауға тиiс.
      Конвертте әлеуеттi өнiм берушiнiң (конкурстық өтiнiм: қабылданбаған, жеңген болып есептелмесе немесе «кешiккен» болып жарияланған жағдайда, конкурстық өтiнiмдi қайтару мақсатында) атауы, мекенжайы және телефоны көрсетiлуге тиiс.

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 8-қосымша    

Бiлiктiлiгi туралы мәлiметтер

      1. Қатысушының атауы___________________________________________
      Тiркелген жерi: _______________________________________________
      Қызметiнiң мекенжайы және негiзгi орны:________________________
      2. Соңғы екi жыл iшiнде берiлген кредиттердiң жыл сайынғы көлемi, теңгемен: ___________________________________________________
      3. Сипаты бойынша ұқсас соңғы жыл iшiнде берiлген микрокредит, сомасы мың теңгемен көрсетiледi

      4. Қатысушы ұйымының негiзгi лауазымдағы қызметкерлерiнiң бiлiктiлiгi мен тәжiрибесi.

      *Қатысушы ұйымның штаттық кестесiне сәйкес лауазымын көрсетедi

      5. Соңғы екi жыл iшiнде жасалған шарттар бойынша қатысушының мiндеттемелердi орындамағаны немесе тиiстi түрде орындамағаны үшiн соттың жауапкершiлiкке тартуы туралы мәлiметтер.

      6. Ұсынымдар туралы мәлiметтер. Басқа да заңды және жеке тұлғалардың ұсыным хаттарын, пiкiрлерiн (бар болса) көрсетiп, қоса беру керек.
_____________________________________________________________________

      Бiлiктiлiгi туралы барлық мәлiметтердiң дұрыстығын және толықтығын растаймын.

      Қолы ____________________
      М.О.

      Лауазымы __________________ (Т. А. Ә.) ____________________

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 9-қосымша    

Қатысушының конкурстық өтінімінің бағалар кестесі
_________________________________________
(қатысушының атауы)
№ __ лот
(әрбiр лотқа жеке толтырылады)

      Қарыз шарттары: Бiз конкурстық құжаттамада көзделген базалық кредит шарттарымен келiсемiз. Мынадай балама шарттарды ұсынамыз:(егер болса шарттары көрсетiледi).
      Осы конкурстық өтiнiм конкурстық өтiнiм салынған конверттердi ашқан күннен бастап (60 күннен кем емес) күн iшiнде (толық жазу) жарамды.

      _____________ ________________________________________
          (Қолы)            (Лауазымы, тегi, А.Ә.)
          М. О.

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 10-қосымша    

Конкурстық өтiнiмдi қамтамасыз ету нысаны
(банк кепiлдiгi)

      Кепiл беруші:__________________________________________________
      Тұратын орны:
      Деректемелерi:
      Кiмге:_________________________________________________________
      Тұратын орны:
      Деректемелерi:

№______ кепiлдiк мiндеттеме

      _______________________ «____»__________ ж.
        (орналасқан жерi)

      Бiз       (қатысушының атауы) микроқаржы (микрокредиттiк) ұйымдары арасында ______________________________ ұйымдастырған кредиттiк ресурстар алуға конкурсқа қатысатындығынан және Жұмыспен қамту 2020 бағдарламасына қатысушыларға кейiннен микрокредиттер беру үшiн (лот атауы) жалпы сомасы (сома сандармен және жазумен) теңгеге кредит алуға дайын екендiгiнен хабардармыз. Жоғарыда аталған конкурсты өткiзу жөнiндегi конкурстық құжаттамада банк кепiлдiгi түрiнде конкурстық өтiнiмдi қамтамасыз етудi енгiзу көзделген.
      Осыған байланысты бiз (Банк атауы) Сiздiң ақы төлеуге жазбаша талабыңызды және Қатысушы:
      конкурстық өтiнiм берудiң соңғы мерзiмi өткеннен кейiн конкурстық өтiнiмд қайтарып алғандығын немесе өзгерткенiн;
      белгiленген мерзiмде шартқа қол қоймағаны туралы жазбаша растауыңызды алғаннан кейiн Сiзге Сiздiң талабыңыз бойынша (санмен және жазумен) теңгеге тең соманы қайтарып алусыз төлеу мiндеттемесiн өзiмiзге аламыз.
      Осы кепiлдiк мiндеттеме конкурс өтiнiмдерiн ашқан күннен бастап күшiне енедi.
      Осы кепiлдiк мiндеттеме конкурстық өтiнiмдерi бар конверттердi ашқан күннен бастап 60 (алпыс) күн iшiнде қолданылады және егер Сiздiң жазбаша талабыңызды бiз 20 ж. ____ аяғына дейiн алмасақ, осы құжат бiзге қайтарылатындығына немесе қайтарылмайтындығына қарамастан, толық және автоматты түрде күшiн жояды.
      Осы кепiлдiк мiндеттемеге байланысты туындайтын барлық құқықтар мен мiндеттемелер Қазақстан Республикасының заңнамасымен реттеледi.

      Кепiл берушінің қолы мен мөрi                Күнi мен мекенжайы

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 11-қосымша    

№_____ кредит беру туралы шарт
(конкурстық өтiнiм бойынша)
20_ ж. «___» _______

      Конкурс ұйымдастырушысы (бұдан әрi – Кредит берушi): Жарғы негiзiнде iс-әрекет жасайтын Уәкiлеттi өңiрлiк ұйым (толық атауы) атынан _______________________ бiр жағынан және Конкурс жеңiмпазы (бұдан әрi – Қарыз алушы): Жарғы негiзiнде iс-әрекет жасайтын «_________ (толық атауы)» «Микрокредиттiк ұйым (кредиттiк серiктестiк)» атынан ______________________ екiншi жағынан төмендегi туралы шарт жасасты:
      Осы Шартта қолданылатын негiзгi терминдер мен анықтамалар:

1. Шарттың мәнi

      1.1. Осы Шартқа сәйкес Кредитор Қарыз алушыға осы Шарттың 3.1-тармағында көзделген шарттарды сақтай отырып, соңғы қарыз алушыға микрокредит беру үшiн 20__ жылғы «___» _____ дейiнгi мерзiмге _________ (_________) теңге сомаға кредит бередi.
      1.2. Жылдық тиiмдi сыйақы ставкасы Шарт жасау күнiне жылдық _____ % -н құрайды.
      1.3. Кредит қайтарымдылық, қамтамасыздық, жеделдiлiк және мақсатты пайдалану шарттарында ұсынылады.
      1.4. Қарыз алушының осы Шарттағы мiндеттемелердi орындауын қамтамасыз ету:
      1. (қамтамасыз ету түрлерi көрсетiледi) болып табылады.
      Мүлiк құны ______ (________) теңге сомада белгiлендi.

2. Кредит беру шарттары

      2.1. Кепiл шартын жасағаннан және мемлекеттiк тiркегеннен кейiн, Кредитор Қарыз алушыға осы Шарттың 1.1-тармағында белгiленген мөлшерде оның шарттарына сәйкес кредиттiк ресурстар бередi.
      2.2. Сыйақы сомасы Қарыз алушының кредиттi пайдаланған нақты уақыты үшiн кредит бойынша негiзгi берешектiң қалдығына есептеледi. Сыйақы есептеу үшiн жылдағы 360 күн және айдағы 30 күн не толық емес айда өткен күндердiң нақты саны есепке алынады.
      2.3. Сыйақы төлемiн Қарыз алушы осы Шарттың ажырамас бөлiгi болып табылатын төлемдер кестесiне (төлем кестесi осы шартқа қоса берiлуге тиiс) сәйкес тоқсан сайын жүргiзедi. Сыйақының соңғы төлемi кредит мерзiмiнiң соңында негiзгi берешек сомасы өтелгенде бiр уақытта жүргiзiледi.
      2.4. Негiзгi берешектi өтеу күнi және оларға есептелген сыйақы күнi жұмыс күнiне тура келмесе (демалыс, ресми мерекелер), өтеу күнi келесi бiрiншi жұмыс күнiне ауыстырылады. Кредит беру және толық көлемде қайтару күнi бiр күн бұрын қабылданады, бұл ретте бiр жыл 360 күнге, бiр ай 30 күнге тең қабылданады.
      2.5. Қарыз алушы кредиттi, осы Шарттың талаптарын бұзғаны үшiн есептелген сыйақыны қайтару жөнiндегi берешектi және айып төлемiн (айыппұл, өсiмақы) өтеген кезде, Кредитор берешектi өтеуге ақшаны мынадай кезектiлiкте жiбередi:
      салықтар және бюджетке төленетiн басқа да мiндеттi төлемдер (мемлекеттiк баж);
      айыппұлдар;
      сыйақы және негiзгi қарыз бойынша мерзiмi өткен берешек үшiн есептелген өсiмақы;
      мерзiмi өткен сыйақы;
      мерзiмi өткен негiзгi қарыз;
      кредиттi пайдаланғаны үшiн сыйақы;
      негiзгi қарыз.
      2.6. Қарыз алушының кредиттi мерзiмiнен бұрын iшiнара өтеу туралы жазбаша хабарламасының негiзiнде, Кредит берушi мерзiмiнен бұрын iшiнара өтеудi жүзеге асырады, Қарыз берушiмен кредит бойынша кезектi төлемдi енгiзген күннен кешiктiрмей келешектегi төлемдер үшiн негiз болып табылатын төлемдердiң Жаңа кестесiн жасайды және қол қояды. Күнi кейiнiрек қойылған кесте төлемдер үшiн негiз болып табылады, осы Шартқа Қосымша ретiнде қосылады және жаңа кестеге қол қойылған күннен бастап күшiн жоятын алдыңғы кестенiң орнын басады.
      2.7. Осы Шарт бойынша кредиттi мерзiмiнен бұрын iшiнара немесе толық өтеуге Қарыз алушы Кредиторға үш банктiк күн бұрын жазбаша хабарлаған жағдайда жол берiледi, бұл ретте сыйақыны қайта есептеу негiзгi қарыз және ол бойынша сыйақы бiржолғы өтелген жағдайда осы Шартқа қоса берiлген Төлемдер кестесiне сәйкес кредит бойынша ай сайынғы/тоқсан сайынғы жарналардың кемiнде ________________ пайызы сомасында жүргiзiледi.
      2.8. Қарыз алушының кредиттi мерзiмiнен бұрын iшiнара өтеуi туралы жазбаша хабарламасының негiзiнде және Қарыз алушының ағымдағы шотында ақшалай қаражаттың берiлген сомасы жеткiлiктi болғанда, Кредитор мерзiмiнен бұрын өтеудi жүргiзедi, Қарыз алушымен кредит бойынша кезектi төлем енгiзген күннен кешiктiрмей, келешектегi төлемдер үшiн негiз болып табылатын жаңа Төлемдер кестесiн жасайды және қол қояды. Күнi кейiнiрек қойылған кесте төлемдер үшiн негiз болып табылады, осы Шартқа Қосымша ретiнде қосылады және жаңа кестеге қол қойылған күннен бастап күшiн жоятын алдыңғы кестенiң орнын басады.
      2.9. Тараптар мерзiмiнен бұрын iшiнара өтеу кезiнде осы Шартқа қосымша келiсiмдi ресiмдеу кредит берудiң бастапқы параметрлерi (қарызды пайдалану мерзiмi, сыйақы ставкасы, қарыз валютасы, қамсыздандыру түрi) сақталған жағдайда талап етiлмейтiндiгiмен келiседi.

3. Соңғы қарыз алушыларға микрокредит беру шарттары

      3.1. Соңғы қарыз алушыларға микрокредит беру мынадай шарттарда жүзеге асырылады:

4. Кредит беруден немесе алудан бас тарту

      4.1. Кредитор Қарыз алушыға берiлетiн сома мерзiмiнде қайтарылмайтыны туралы айқын куәландыратын мән-жайлар, сондай-ақ Қарыз алушы бюджет, екiншi деңгейдегi банктер, үшiншi тұлғалардың алдында мерзiмi өткен және кепiлдiк мiндеттемелерi және берiлген қаржылық есептiлiктiң және конкурс өтiнiмiн берген кезде өзге де мәлiметтердiң дұрыс еместiгi туралы фактiлер анықталған, сондай-ақ уәкiлеттi органда Кепiл шарттарын тiркемеген жағдайда Қарыз алушыға кредит беруден бас тартуға құқығы бар.
      4.2. Қарыз алушы Кредиторға жазбаша хабарлай отырып, кредит алудан толық немесе iшiнара бас тартуға құқығы бар.

5. Тараптардың құқықтары мен мiндеттерi

      5.1. Кредитор:
      5.1.1. Он күндiк мерзiмде Қарыз алушының мекенжайына Қазақстан Республикасының заңнамасындағы өзгерiстерге, сондай-ақ Қазақстан Республикасы Президентiнiң, Үкiметiнiң шешiмдерiне негiзделген өзгерiстерге байланысты бiржақты тәртiппен енгiзiлген осы Шарт талаптарының өзгеруi туралы ақпаратты жазбаша түрде жiберуге мiндеттенедi.
      5.2. Кредит берушi:
      5.2.1. Алдын-ала хабарламай-ақ Қарыз алушының ағымдағы қаржылық жағдайына тексерулер жүргiзуге және сол туралы қажеттi мәлiметтердi алуға;
      5.2.2. Қарыз алушыны ескертпей-ақ кредиттiң мақсатты пайдаланылуын тексеруге құқығы бар. Мақсатты пайдаланбаған жағдайда кредиттi және мақсатты пайдаланбау фактiсi анықталған сәттен бастап осы Шарттың 6.1-тармағына сәйкес айыппұл санкцияларын есептей отырып, пайдаланған нақты уақытта есептелген сыйақыны мерзiмiнен бұрын қайтаруға;
      5.2.3. Қазақстан Республикасының заңнамасы өзгерген кезде, сондай-ақ Қазақстан Республикасы Президентiнiң, Үкiметiнiң шешiмдерiне негiзделген өзгерiстермен байланысты Қарыз алушыға осы Шарттың 5.1.1-тармағында белгiленген мерзiмде хабарлама бере отырып, осы Шарттың талаптарын бiржақты тәртiппен өзгертуге;
      5.2.4. Осы Шарт бойынша мiндеттемелер орындалмаған жағдайда Қарыз алушының банктегi кез келген ағымдағы шотынан берешектi акцепсiз есептен шығаруға (шотты тiкелей дебеттеу);
      5.2.5. Бiржақты тәртiппен Қарыз алушы осы Шарт бойынша өз мiндеттемелерiн орындамаған жағдайда осы Шартты бұзуға құқылы.
      5.3. Қарыз алушы:
      5.3.1. Берiлген нысаналы мақсаттағы кредиттi осы Шарттың 1,1 және 3.1-тармақтарына сәйкес пайдалануға және 100% (жүз пайыздық) қайтарымдылықты қамтамасыз етуге мiндеттенедi. Кредит алған күннен бастап бес ай iшiнде кредиттiң мақсатты пайдаланылуын растайтын құжаттар беруге мiндеттенедi. Кредиттi мақсатты пайдалану жөнiнде растайтын құжаттарды Шартта көрсетiлген мерзiмде бермеген жағдайда, қарызды мақсатсыз пайдаланған болып есептеледi;
      5.3.2. Берiлген кредиттi оны алған күннен бастап бес ай iшiнде игеруге;
      5.3.3. Кредиторға осы Шарттың орындалу шеңберiнде ол жазбаша сұратқан кез келген ақпаратты беруге;
      5.3.4. Кредиттiң мақсатсыз пайдаланғаны анықталған жағдайда Кредитордың бiрiншi жазбаша талабы бойынша кредиттiң мақсатсыз пайдаланған сомасын және мақсатсыз пайдаланғаны үшiн есептелген айыппұл санкцияларын қайтаруды жүзеге асыруға;
      5.3.5. Кредиторға есептi тоқсаннан кейiнгi айдың 15-iнен кешiктiрмей шаруашылық-қаржылық қызмет туралы тоқсан сайын есеп беруге;
      5.3.6. Кредиторға оның ағымдағы шотына ақша аудару арқылы осы Шартта және төлемдер кестесiнде белгiленген мерзiмде негiзгi қарыз және олар бойынша сыйақы сомаларын уақытылы өтеуге;
      5.3.7. Кемiнде бiр ай бұрын кредиторды өзiнiң болатын немесе болжанатын таратылуы/қайта құрылуы, өз құрылтай құжаттарына енгiзiлетiн өзгерiстер мен толықтырулар енгiзу не мекенжайының, банк деректемелерiнiң, қосымша кредиттiк қаражат тарту, кепiлдiк мiндеттемелер беру және де басқа осы Шартқа сәйкес Кредит берушiнiң алдындағы қабылданған мiндеттемелердiң орындалуына ықпал ететiн өзгерiстер туралы хабардар етуге;
      5.3.8. Кредит берушiнiң уәкiлеттi өкiлдерiне кез келген уақытта шаруашылық-қаржылық қызметiне тексеру жүргiзуге кедергi жасамауға, барлық қажеттi құжаттарды беруге, кеңсе мен өндiрiстiк үй-жайға кiрудi қамтамасыз етуге мiндеттенедi.
      5.3.9. Қарыз алушы осы Шарттың талаптарын орындамаған немесе тиiстi түрде орындамаған жағдайда Қарыз алушы:
      Кредитордың алдында меншiк құқығында оған тиесiлi өзiнiң барлық мүлкiмен, шоттағы теңге және шетелдiк валютадағы ақшаларымен жауап бередi;
      Кредиторға екiншi деңгейде қызмет көрсететiн кез келген банктiң теңгемен және шетелдiк валютамен өз шоттарындағы ақшаларды акцепсiз шығару құқығын керi қайтарусыз және шартсыз беруге;
      Кредиторға екiншi деңгейдегi кез келген банктен ашылған банк шоттарын блоктау құқығын беруге;
      5.3.10. Соңғы қарыз берушiлерге конкурс құжаттамасы талаптарына сәйкес, жеңген лотқа қатаң сәйкестiкте, сондай-ақ осы Шарттың 3.1-тармағына сәйкес кредит берудi жүзеге асыруға мiндеттенедi.
      5.3.11. Осы Шарт бойынша қамтамасыз ететiн кепiлдiң туындауын, өзгертудi және тоқтатуды тiркеу жөнiндегi барлық шығыстарды Қарыз алушы көтередi.
      5.4. Қарыз алушы:
      5.4.1. Кредитордан осы Шартта жазылған сомада, мерзiмде және шарттарда кредит берудi талап етуге;
      5.4.2. Кредиторға мерзiмiнен бұрын:
      Кредиторға алдын-ала жазбаша хабарламадан кейiн үш банк күнi үшiн кредиттiң iшiнара сомасын;
      Кредиторға алдын-ала жазбаша хабарламадан кейiн үш банк күнi үшiн кредиттi пайдаланған кезеңге есептелген сыйақымен кредиттiң толық сомасын өтеуге құқылы.

6. Жауапкершiлiк

      6.1. Кредиттi мақсатсыз пайдаланған жағдайлар анықталған кезде, Қарыз алушы кредиттi мақсатсыз пайдаланған сомасының __% мөлшерiнде айыппұл төлейдi және Кредит берушi үш күндiк мерзiмде мақсатсыз пайдаланған сомасын мерзiмiнен бұрын қайтарады.
      6.2. Осы Шарт бойынша төлемдердiң мерзiмi өткен жағдайда (сыйақы және негiзгi қарыз) Қарыз алушы осы Шарттың 1.2-тармағында көзделген, оның iшiнде кепiлге берiлген мүлiктi сату уақытында екi еселенген сыйақы ставкасы бойынша төлейдi.
      6.3. Кредит қаражаты осы Шарттың 5.3.2-тармақшаларында көрсетiлген мерзiмде толық игерiлмеген жағдайда, Қарыз алушы игерiлмеген соманың __% (__ пайызы) мөлшерiнде айыппұл төлейдi және Кредиторға кредиттiң игерiлмеген сомасын қайтарады.
      6.4. Осы Шарттың 5.3.3., 5.3.5., 5.3.7., 5.3.8-т. уақытылы орындамаған жағдайда Қарыз алушы кредит сомасының ___ % (__ пайызы) мөлшерiнде айыппұл төлейдi.
      6.5. Кредитор осы Шарттың орындалу барысында алынған ақпараттың құпиялылығын сақтауға жауапты болады.
      6.6. Қарыз алушыға басқа да жауапкершiлiк шаралары Қазақстан Республикасының қолданыстағы заңнамасына сәйкес қолданылады.
      6.7. Кредитордың қалауы бойынша айыппұл санкцияларын төлеу Қарыз алушыны мiндеттемелерiн орындаудан және бұзушылықтарды жоюдан босатпайды.
      6.8. Айыппұл санкцияларын төлеу Қарыз алушы Кредитордың жазбаша талаптарын алған сәттен бастап екi күнтiзбелiк күн iшiнде жүргiзiледi.
      6.9. Кредитор өз таңдауы бойынша осы Шарттың кез келген мiндеттемелерiн Қарыз алушы бұзған жағдайда бiржақты тәртiппен осы Шартты бұзуға құқылы. Кредитор Қарыз алушыға осы Шартты бұзу туралы жазбаша хабарлама жiберген күнi Шарттың бұзылған күнi болып табылады.
      6.10. Қарыз алушы осы Шарттың талаптарына сәйкес мiндеттемелерiн орындамаған және/немесе тиiстi түрде орындамағаны үшiн Кредитордың алдында жауапты болады.

7. Микрокредиттi және микрокредит бойынша сыйақыларды
мерзiмiнен бұрын қайтару жағдайлары

      7.1. Кредитор Шарттан бiржақты бас тарту және кредит сомасын есептелген сыйақысымен және өзге де осы Шартқа сәйкес Қарыз алушыдан тиесiлi өзге де сомаларды толық көлемде өтеуге беру арқылы осы Шарттың қолданысын мерзiмiнен бұрын тоқтатуына, сондай-ақ Кредиторға кепiлге берiлген мүлiктi Қазақстан Республикасының заңнамасына сәйкес соттан тыс тәртiппен, сондай-ақ Кепiл туралы шартқа сәйкес мынадай жағдайларда:
      осы Шарттың және/немесе Кепiл туралы Шарттың талаптары бұзылған жағдайда;
      Қарыз алушы төлем кестесiн және 1.1., 1.2., 2.3-т-да жазылған шарттарды орындамаған не тиiстi түрде орындамаған жағдайда;
      Қарыз алушының кредит бойынша кезектi төлемдi өтеуi үшiн қаражаты болмаған және олардың түсуiне перспектива болмаған кезде;
      Қарыз берушiнiң/Кепiл берушiнiң мүлкiне және оның шотын пайдалануға тыйым салынғанда (немесе осындай нақты қауiп болса);
      егер Қарыз алушының осы Шарт бойынша мерзiмi өткен мiндеттемелерi болса;
      кепiлге берiлген мүлiктi мемлекеттiк қажеттiлiк үшiн алып қою (сатып алу) ұйғарылған болса;
      Қарыз алушының/Кепiл берушiлердiң мүлкiне және/немесе кез келген банктердегi банк шоттарына (банк операцияларының жекелеген түрлерiн жүзеге асыратын ұйымдарда және өзге де кредиттiк ұйымдарда) қолдануға тыйым салынған немесе өндiрiп алу жарияланған болса;
      кепiл туралы шарт бойынша кепiлге берiлген мүлiктiң құрамындағы кез келген өзгерiстер, мүлiк туралы, оның нашарлауы және/немесе жоғалту немесе ондай мүлiктiң нашарлауы және/немесе жоғалту қаупi туындаған кезде;
      егер сотта Қарыз алушының/Кепiл берушiнiң қатысуымен осы Шарттың және/немесе Кепiл туралы шарттың жарамдылығын дауласу туралы тексеру жүргiзiлiп жатса;
      Кредит берушiнiң негiзделген пiкiрi бойынша Қарыз алушының төлеу қабiлеттiлiгiне олар осы Шарт бойынша мiндеттемелерiн орындау мүмкiндiгiне терiс ықпал ететiн өзге де жағдайларда қайтаруына болады.

8. Форс-мажорлық мән-жайлар

      8.1. Тiкелей немесе жанама табиғи апаттардың туындауынан пайда болған еңсерiлмейтiн күш жағдайлары (су тасқыны, жер сiлкiнiсi, эпидемия), әскери қақтығыстар, әскери төңкерiстер, террористiк актiлер, азаматтық толқулар, ереуiлдер, ұйғарымдар, бұйрықтар немесе Қазақстан Республикасы Үкiметiнiң тарапынан әкiмшiлiк араласуы немесе осы Шарт бойынша Тараптардың мiндеттемелерiн орындауына ықпал ететiн әкiмшiлiк немесе үкiметтiк шектеулер, қандай да бiр басқа да қаулылар немесе өзге де тараптардың белгiлi бiр бақылауынан тыс мән-жайлар туындаған жағдайда, бұл мiндеттемелердiң орындалу мерзiмдерi, егер Шарттың барлық немесе басқа да еңсерiлмейтiн күш жағдайлары туындағаннан кейiн орындауға жататын оның бөлiгiнiң орындалуына елеулi түрде ықпал ететiн болса, бұл оқиғалар болып жатқан уақытқа шамалап шегерiледi.
      8.2. Аталған бөлiмде көзделген Шартты орындауға кедергiлер кез келген мемлекеттiк орган беруге тиiс Шартты орындауға қажеттi рұқсаттардың, лицензиялардың немесе болуға рұқсаттардың, немесе мақұлдаулардың болмауын қамтымайды.
      8.3. Екi Тарап та осы Шарт бойынша мiндеттелердiң орындалуына кедергi келтiретiн еңсерiлмейтiн күш жағдайларының басталуы және аяқталуы туралы бiр-бiрiне дереу жазбаша хабарлайды.
      8.4. Еңсерiлмейтiн күш жағдайларына сiлтеме жасайтын Тарап оларды растау үшiн құзыреттi мемлекеттiк органның құжатын беруге мiндеттi.

9. Шарт бойынша талаптар құқығын қайта табыстау

      9.1. Қарыз алушы кредитордың жазбаша келiсiмiнсiз осы Шарт бойынша өз құқықтары мен мiндеттемелерiн үшiншi адамдарға беруге құқығы жоқ.
      9.2. Осы Шарт бойынша Тараптардың құқықтарын иеленушi осы Шартта жазылған талаптар мен мiндеттемелердi, оның iшiнде ықтимал даулар мен келiспеушiлiктердi реттеумен байланысты талаптар мен мiндеттемелер құқығын да тiкелей өзiне қабылдайды.

10. Шарттың қолданылу мерзiмi мен шарттары

      10.1. Шарт оған Тараптар қол қойған сәттен бастап күшiне енедi және Қарыз алушы осы Шарт бойынша өзiне қабылдаған мiндеттемелердi толық орындағанға дейiн қолданылады.
      10.2. Осы Шартты орындау кезiнде Тараптар Шарт талаптарында өзгеше көзделмесе, Қазақстан Республикасының қолданыстағы заңнамасын басшылыққа алады.

11. Тараптардың келiспеушiлiктерi мен даулары

      11.1. Осы Шарттың талаптарын орындау процесiнде туындайтын келiспеушiлiктердi өзара тиiмдi шешiмдер қабылдау мақсатында Тараптар алдын-ала тәртiппен қарайды.
      11.2. Келiсiмге қол жеткiзiлмеген Тараптар арасындағы барлық даулар Қазақстан Республикасының қолданыстағы заңнамасына сәйкес сот тәртiбiмен шешiледi. Кредитор мен Қарыз алушының арасындағы даулар Кредитордың Шарт деректемелерiнде көрсетiлген тұратын жерi бойынша қаралуға тиiс.
      11.3. Кредитор Шартта Қарыз алушы көрсеткен нақты тұратын жерi/заңды мекенжайы бойынша жазбаша нысанда жiберген хабарламалар жеткiзiлген болып есептеледi.

12. Қосымша шарттар

      12.1. Қарыз алушы төлем кестесiн осы Шарттың 2.1, 2.3, және 5.3.4-т. жазылған шарттарды орындамаған не тиiстi түрде орындамаған жағдайда, кредит бойынша берешек және тиесiлi сыйақылар мерзiмiнен бұрын қайтарып алуға ұсынылатын болады.
      12.2. Осы Шарттың талаптарын осы Шартта көзделген жағдайларды қоспағанда, жазбаша қосымша келiсiмде ресiмделетiн Тараптардың өзара келiсiмi бойынша өзгертуге болады.
      12.3. Осы Шарт бiрдей заңды күшi бар үш данада: 2 данасы – Кредиторға, 1 данасы – Қарыз алушыға жасалды.

13. Тараптардың мекенжайлары мен деректемелерi

      Кредитор:                         Қарыз алушы:
      ___________________ Т. А. Ә.      ____________________Т. А. Ә.
                            М.О.                              М.О.

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 12-қосымша    

№ үлгiлiк кепiл шарты
(МҚҰ (МКҰ) үшін)

      ______________ 20___ ж. «____» ___________ ететін _____________ уәкiлеттi өңiрлiк ұйым (толық атауы), ___________________________ (заңды тұлғаның толық атауы) атынан бiр жағынан, бұдан әрi «Кепiл берушi» деп аталатын _________________ негiзiнде iс-әрекет ететін _______________________ екiншi жағынан төмендегi туралы шарт жасасты:
      Осы Шартта қолданылатын негiзгi терминдер мен анықтамалар:

Мәлiмдемелер мен кепiлдiктер:

      Кепiл берушi мыналарды мәлiмдейдi және кепiлдiк бередi:
      осы Шарт тиiстi түрде санкцияланған, олар оны орындайды және осы Шартта баяндалған шарттарға сәйкес орындалуға тиiс Кепiл берушiнiң жарамды және заңды күшi бар мiндеттемесiн бiлдiредi;
      осы Шарттың мазмұны және оның шарттарын тиiстi түрде орындау кез келген келiсiмде немесе Кепiл берушi қатысушы тарап болып табылатын, немесе солар бойынша, оның мiндеттемелерi бар немесе оған қатысты кез келген заңнамалық актiлер, нормативтiк құқықтық актiлер, қағидалар, сот шешiмдерiн қамтитын кез келген ереженi бұзуға себеп болмайды;
      осы Шартқа қол қою сәтiнде оның төленбеген жергiлiктi және жалпы мемлекеттiк салықтар бойынша мiндеттемелерi жоқ;
      осы Шарт бойынша кепiлге берiлетiн кепiл затының бұдан бұрын кепiл ұстаушылары болмаған.
      Кепiл ұстаушы мыналарды мәлiмдейдi және кепiлдiк бередi:
      ол Қазақстан Республикасының заңнамасы бойынша заңды тұлға бола отырып, өз атынан осы Шартты жасауға құқығы бар;
      осы Шарт тиiстi түрде санкцияланған, олар оны орындайды және осы Шартта баяндалған шарттарға сәйкес орындауға жататын Кепiл берушiнiң жарамды және заңды күшi бар мiндеттемесiн бiлдiредi.

1. Шарттың мәнi

      1.1. Қарыз шарты бойынша өз мiндеттемелерiн орындауды қамтамасыз ету үшiн Кепiл берушi Кепiл ұстаушыға осы Шартқа Қосымшаға сәйкес ресiмделген, бұдан әрi Кепiл заты деп аталатын Кепiл берушiге меншiк құқығында тиесiлi:________ (кепiлмен қамтамасыз ету түрлерi) кепiлге бердi. Осы Шартқа және оның талаптарына сәйкес Кепiл ұстаушы кепiлмен қамтамасыз етiлген мiндеттемелер орындалмаған немесе тиiстi түрде орындалмаған кезде, Кепiл затының құнынан қанағаттануға құқығы бар.
      1.2. Қарыз Шартының талаптары бойынша Кепiл ұстаушы Кепiл берушiге ___________сомада (_______________) (санмен, жазумен, теңге) өтеу мерзiмi 60 (алпыс) айға дейiн кредит бердi.
      Кепiл берушiнiң осы Шарт бойынша мiндеттемелерi Қарыз шарты бойынша сыйақының мөлшерi немесе есептеу тәртiбi өзгерген, сондай-ақ сонымен байланысты iс-қимылдар және өтеу мерзiмiнiң өзгеруiн қоса алғанда, төлем кестесi өзгерген кезде толық көлемде сақталады.
      1.3. «_____» ЖШС тәуелсiз бағалаушысының жылжымайтын мүлiктi бағалау актiсiне сәйкес Кепiл затының құны ___________ (санмен және жазумен) теңге сомада айқындалды. Өндiрiп алу сәтiне Кепiл затының құны осы Шарт тараптарының талабы бойынша тәуелсiз бағалаушы жүргiзген баға негiзiнде өзгертiлуi мүмкiн. Тәуелсiз бағалаушының қызметiне ақы төлеудi Кепiл берушi жүргiзедi.
      1.4. Кепiл заты Кепiл берушiнiң иелiгiнде және пайдалануында қалады, ол осы Шартта белгiленген шеңберде иелiк ету құқығынсыз тек оның мақсатына сәйкес пайдалануына болады.
      1.5. Кепiл берушiнiң меншiк құқығы мен Кепiл затының болуы мынадай құжаттармен расталады:__________ (куәландыратын құжаттардың тiзбесi).
      1.6. Кепiл берушi осы Шарт бойынша Кепiл ұстаушының алдындағы өз мiндеттемелерiн орындамаған немесе тиiстi түрде орындамаған жағдайда, Кепiл заты есебiнен оған нақты қанағаттандыру сәтiне қалай болса, сондай көлемде шығындар мен шығыстарды негiзгi қарыз, сыйақы, тұрақсыздық айыбын (айыппұл, өсімпұл), Кепiл затын сату бойынша қажеттi шығыс сомасын қоса өтеуге мiндеттенедi.

2. Тараптардың құқықтары мен мiндеттемелерi

      2.1. Кепiл ұстаушы:
      2.1.1. Кепiл берушiден Кепiл затын сақтауға қажеттi шараларды қабылдауды талап етуге;
      2.1.2. Кепiл берушiден, Кепiл затының жоғалуына немесе бүлiнуiне қауiп тудыратын Кепiл затына қол сұғуды тоқтату шараларын қабылдауды талап етуге;
      2.1.3. Кепiл берушiден осы Шарттың қолдану мерзiмiне Кепiл затына қатысты құжаттарды ұсыну және сақтауға жiберудi талап етуге;
      2.1.4. Кез келген уақытта құжаттарды және Кепiл затының нақты болуы, сақталуы, жағдайын тексеруге құқығы бар, ал Кепiл берушi оған жәрдемдесуге мiндеттi. Мұндай тексерулер бойынша шығыстарды Кепiл берушi көтередi. Кепiл затының бүлiну (бұзылу) қаупi туындаған кезде Кепiл ұстаушы Кепiл берушiден кредит беру туралы Шарт бойынша өз мiндеттемелерiн дереу орындауын талап етуге құқылы;
      2.1.5. Қарыз алушы Кредит беру туралы шарт бойынша мiндеттемелерiн мерзiмiнде орындамаған жағдайда, сондай-ақ осы Шартта белгiленген негiздемелер бойынша Кепiл затын шұғыл өндiрiп алу кезiнде оны дербес, соттан тыс сату арқылы Кепiл затының құнынан өз талаптарын қанағаттандыруға;
      2.1.6. үшiншi тұлғаларға Кепiл берушiге қойылатын талаптарды қайта табыстауға.
      2.1.7. Кепiл ұстаушының келiсiмiнсiз Кепiл затын қайта кепiлдеу не Кепiл затын қайта кепiлдеудi жүзеге асыру бөлiгiнде Кепiл берушiнiң терiс пиғылы байқалған жағдайда кредит беру туралы шарттың қолдану мерзiмiнiң аяқталуын күтпей-ақ, кез келген уақытта Кепiл затын қайтарып алуға.
      2.1.8. Кепiл ұстаушы кепiл заты құнының төмендеу фактiсiн анықтаған жағдайда Кепiл затын қайта бағалауды жүргiзуге құқығы бар Тәуелсiз бағалаушының қызметiн төлеудi кепiл берушi жүргiзедi.
      2.1.9. Осы Шарт бойынша Қарыз берушi/кепiл берушi мiндеттемелерiн орындамаған жағдайда, кез келген екiншi деңгейлi банктердегi Кепiл берушiнiң кез келген ағымдағы шотынан берешектi акцепсiз есептен шығаруды (шотты тiкелей дебеттеу) жүргiзуге құқығы бар.
      2.2. Кепiл ұстаушы:
      2.2.1. Кепiл заты құжаттарының түпнұсқаларын Кепiл берушi оның алдындағы барлық мiндеттемелерiн толық орындағанға дейiн Кепiл берушi сақтауға қандай түрде берген болса, сондай күйде сақтауға мiндеттi. Бұл ретте Кепiл ұстаушы жоғарыда аталған құжаттардың түпнұсқаларын сақтау кезiнде ешқандай жауапкершiлiкте болмайды және оларды сақтаудан басқа, ешқандай мiндеттеме қабылдамайды.
      2.3. Кепiл берушiнiң:
      2.3.1. Кепiл ұстаушының келiсiмiмен: Кепiл заты басқа тең бағалы мүлiкпен ауыстырылған жағдайда ғана Кепiл затын сатуға;
      2.3.2. Кепiл затының жалпы құны осы Шартта көрсетiлгеннен кемiмеген жағдайда және Кепiл ұстаушының жазбаша келiсiмiмен ғана оның санын өзгертуге құқығы бар.
      2.4. Кепiл берушi:
      2.4.1. Осы Шарт жасалған күннен бастап ________ (______) жұмыс күнiнен кешiктiрмей өз есебiнен тiркеу органында оны тiркеудi жүргiзуге мiндеттi. Бұл орайда, осы Шарт бойынша кепiл құқығын туындау, өзгерту және тоқтатуды тiркеу шығыстарын Кепiл берушi көтередi.
      2.4.2. Кепiл ұстаушының талабы бойынша Кепiл ұстаушыға Кепiл затына қатысты барлық құқық беретiн түпнұсқа құжаттарды, оның iшiнде осы Шартты қолданудың барлық мерзiмiне келешекте Кепiл затына қатысты түсетiн құжаттарды беруге және сақтауға беруге;
      2.4.3. Кепiл затының жай-күйiн айқындау үшiн Кепiл ұстаушының талабы бойынша Кепiл затын Кепiл ұстаушының байқауына ұсынуға мiндеттi. Кепiл затының жай-күйi Кепiл ұстаушы мен Кепiл берушi қол қоятын "Тексеру актiсiнде" сипатталады;
      2.4.4. Кепiл затын тиiстi түрде сақтау үшiн қажеттi барлық шараларды қабылдауға
      2.4.5. Кепiл затының сақталуына толық жауапкершiлiкте болады. Ол жоғалған, жойылған жағдайда Кепiл берушi Кепiл затын басқа тең бағалы мүлiкпен ауыстыруға мiндеттi. Аталған тармақ орындалмаған жағдайда, Кепiл ұстаушы Кепiл берушiнiң басқа мүлкiн алуға құқығы бар;
      2.4.6. Кепiл ұстаушыға Кепiл затының сапасы нашарлаған және құны кемiген жағдайда бастапқыда кепiлге берiлген Кепiл затының құнына балама мүлiкке қосымша кепiл құқығын беруге мiндеттi. Аталған мiндеттеменi орындау үшiн Кепiл ұстаушының нұсқауы бойынша жүргiзiлген Кепiл затын сараптамалық бағалау актiсi негiз болып табылады;
      2.4.7. Кепiл затының кездейсоқ жойылу қатерiн көтеруге;
      2.4.8. Кепiл затына немесе оның кез келген бөлiгiне қатысты кез келген төлемдердi төлеуге, барлық мiндеттемелердi орындауға және сақтауға және Кепiл ұстаушының бiрiншi талабы бойынша олардың орындалуы мен сақталуын растауды ұсынуға;
      2.4.9. Кепiл ұстаушыға кез келген өкiмдi, нұсқауды, ресми жазбаша талапты, рұқсат қағазды, хабарлама немесе Кепiл затына қатысты болатын немесе қозғауы мүмкiн болатын және Кепiл ұстаушыға қандай да бiр үшiншi тараптан берiлетiн кез келген құжатты дереу ұсынуға;
      2.4.10. кепiлмен қамтамасыз еткен мiндеттеме орындалмаған жағдайда Кепiл ұстаушының барлық талаптарын кез келген басқа мүлiктiң құнынан даусыз тәртiппен қанағаттандыруға;
      2.4.11. Кепiл ұстаушының Кепiл затына қол жетiмдiлiгiн және оның барлығын, сақталуын, жай-күйiн тексерудi жүргiзуге жәрдемдесуге;
      2.4.12. Кепiл затын келесi кепiлге қайта табыстамауға (қайта кепiлге беру), өтеулi және өтеусiз мүлiктi алмауға, оны басқа адамға жалға немесе өтеусiз пайдалануға бермеуге, оларды өзге де түрде Кепiл ұстаушының алдын ала жазбаша келiсiмiнсiз иелiк етпеуге;
      2.4.13. Кепiл ұстаушыны өзiнiң азаматтық хал-жағдайының (некеге тұру/ажырасу), азаматтығының, тұрақты тұратын немесе көбiнесе тұратын жерiнiң және де өзге деректемелерiнiң ықтимал өзгеруi туралы аталған iс-әрекеттер жасауға дейiн 10 (он) жұмыс күнiнен кешiктiрмей хабардар етуге;
      2.4.14. Кепiл ұстаушы белгiлеген сақтандыру жағдайларынан сақтандыру компаниясында жыл сайын мерзiмiн ұзарта отырып, бiр жылға Кепiл берушi Кепiл шарты бойынша мiндеттемелерiн толық орындағанға дейiн Кепiл ұстаушыны пайда алушы ретiнде көрсете отырып, Кепiл затын сақтандыруға.
      2.4.15. Осы Шарттың талаптарын Қарыз алушы/кепiл берушi орындамаған немесе тиiстi түрде орындамаған жағдайда Кепiл берушi:
      Кепiл ұстаушының алдында оған меншiк құқығында тиесiлi барлық мүлкiмен, есеп шоттарындағы теңгемен және шетелдiк валютамен жатқан ақшамен жауап бередi;
      Кепiл ұстаушыға кез келген қызмет көрсететiн екiншi деңгейдегi банктердегi өз шоттарынан теңгемен және шетелдiк валютамен жатқан ақшасын акцепсiз есептен шығару (шоттан тiкелей дебеттеу) құқығын керi қайтарусыз және шартсыз бередi;
      Кепiл ұстаушыға кез келген екiншi деңгейдегi банктен ашылған банктiк шоттарды блоктау құқығын бередi.

3. Кепiл затын өндiрiп алу

      3.1. Кепiл затын өндiрiп алу Кредит беру туралы шарттың талаптары бойынша төленуге тиiс және/немесе оған есептелген сыйақы сомаларын Қарыз алушы Қарыз шартында белгiленген мерзiмдер iшiнде өтелмеген жағдайда туындайды.
      3.2. Кепiл шарты есебiнен Кепiл ұстаушы Қарыз алушының негiзгi мiндеттемелерi, сыйақы, комиссия, Кепiл шартының шарттарын орындамағаны немесе тиiстi түрде орындамағаны үшiн келтiрiлген шығындар сомасын, сондай-ақ тұрақсыздық айыбын (өсiмақы, айыппұл) қосқанда, нақты қанағаттандыру сәтiне айқындалатын толық көлемде Қарыз шарты бойынша өз талаптарын қанағаттандыруға құқығы бар. Кепiл затын ұстау шығыстары мен Кепiл затын өндiрiп алу жөнiндегi шығыстар да өтелуге тиiс.
      Кепіл заты: Кепіл ұстаушының пошталық, көлік, іссапар шығыстары, Кепіл затына байланысты хабарландыруларды баспаға жариялау төлемдері және сот шығындары бойынша шығыстар.
      3.3. Кепiл ұстаушының Кепiл затын қолданыстағы заңнамаға сәйкес соттан тыс тәртiппен iске асыруға сот тәртібімен өз талаптарын қанағаттандыруға құқығы бар.
      3.4. Кепiл ұстаушы талаптарын толықтай қанағаттандыру үшiн Кепiл затының сомасы жеткiлiксiз болған жағдайда, ол жеткiлiксiз соманы заңнамаға сәйкес өндiрiп алуға болатын Кепiл берушiнiң кез келген мүлкiнен алуға құқығы бар.
      3.5. Кепiл берушi Кепiл ұстаушыға олар Кепiл затын өндiрiп алу шараларын қабылдау кезiнде кез келген нысанда қарсы әрекет етуге құқығы жоқ.
      3.6. Кепiлге берiлген құқықты сатудан түскен сома Кепiл ұстаушының талаптарын толық қанағаттандыру үшiн қажеттi сомадан асқан жағдайда, Кепiл ұстаушы талаптарын толық қанағаттандырғаннан кейiн қалған айырма Кепiл ұстаушыға төленуге тиiс.

4. Тараптардың жауапкершiлiгi

      4.1. Кепiл берушi осы Шарттың 2.4-тармағының шарттарын бұзған жағдайда ол Кепiл ұстаушыға Кепiл затының құнының_______(пайызын) _________мөлшерiнде айыппұл төлейдi, ал Кепiл ұстаушы берiлген кредиттi және сол бойынша есептелген сыйақы сомаларын мерзiмiнен бұрын қайтаруды және кепiлмен қамтамасыз етiлген мiндеттемелердiң орындалу мерзiмдерi туындағанға дейiн Кепiл затын өндiрiп алуды талап етуге құқылы.
      4.2. Берiлген Өтiнiш және Кепiлдiктерге сәйкес жалған ақпарат берген жағдайда, Кепiл берушi Кепiл ұстаушыға Кепiл заты құнының _______(пайызын) _________мөлшерiнде айыппұл төлейдi.
      4.3. Осы Шарт бойынша мiндеттемелер орындалмаған немесе тиiстi түрде орындалмаған жағдайда, Тараптар бiр-бiрiне келтiрiлген шығындарды, оның iшiнде жiберiп алған пайданы Қазақстан Республикасының қолданыстағы заңнамасына сәйкес өтейдi.

5. Шарттың қолданылу мерзiмi

      5.1. Осы Шарт Тараптардың уәкiлеттi өкiлдерi оған қол қойған сәттен бастап күшiне енедi.
      5.2. Кепiл затына Кепiл құқығы осы Шарт уәкiлеттi мемлекеттiк органда тiркелген сәттен бастап туындайды.
      5.3. Осы Шарттың күшi осы Шарттың 1.1-тармағына сәйкес кредит беру туралы Шарт бойынша Қарыз алушы барлық мiндеттемелерiн орындаған кезден бастап тоқтатылады.

6. Дауларды шешу тәртiбi

      6.1. Осы Шартты орындау процесiнде туындайтын барлық келiспеушiлiктер мен дауларды Тараптар өзара тиiмдi шешiмдердi әзiрлеу мақсатында қарайды.
      6.2. Өзара тиiмдi шешiмдерге қол жеткiзу мүмкiн болмаған жағдайда осы Шартқа байланысты және қатысты туындайтын барлық даулар (келiспеушiлiктер) Қазақстан Республикасының заңнамасына сәйкес сот тәртiбiмен қаралуға тиiс.

7. Қосымша шарттар

      7.1. Тараптар осы Шарт бойынша жекелеген құқықтар мен мiндеттемелердi үшiншi тұлғаларға беруге осы Шартта көзделген жағдайларды қоспағанда, осы Шарттың әрбiр Тарапының тек жазбаша келiсiмiмен ғана жол берiледi.
      7.2. Осы Шарттың барлық өзгерiстерi мен/немесе толықтырулары, жазбаша нысанда және Тараптардың уәкiлеттi өкiлдерi қол қойған жағдайда ғана жарамды.
      7.3. Осы Шартта жазылған жағдайларды қоспағанда, осы Шартты орындаудан бiр жақты бас тарту және осы Шартты бiр жақты өзгерту және/немесе толықтыруға жол берiлмейдi.
      7.4. Кепiл ұстаушыдан Кепiл затына меншiк құқығын үшiншi тұлғаларға өткiзуге Кепiл ұстаушының жазбаша келiсiмiмен ғана жол берiледi.
      7.5. Осы Шарт Қазақстан Республикасының қолданыстағы заңнамасына сәйкес уәкiлеттi органда мемлекеттiк тiркелуге тиiс.

8. Қорытынды ережелер

      8.1. Осы Шартта көзделмеген барлық қалған жағдайларда Тараптар Қазақстан Республикасының қолданыстағы заңнамасын басшылыққа алады.
      8.2. Келiсу хаттамасы мен осы Шартқа басқа да қосымшалар оның ажырамас бөлiгi болып табылады.
      8.3. Осы Шарт Кредит беру туралы шарттың ажырамас бөлiгi болып табылады.
      8.4. Осы Шарт бiрдей заңды күшi бар үш данада: 1 данасы – Кепiл ұстаушыға, 1 данасы – Кепiл берушiге, 1 данасы – уәкiлеттi тiркейтiн органға жасалды.

      Кепiл ұстаушы ____________________________ (Т.А.Ә.)
         М.О.
      Қарыз беруші ____________________________ (Т.А.Ә.)
        Қолы, М.О.

      № ____ 20___ж «____» ___________________________

       Кепiл шартына
қосымша   

20___жылғы ________________ № ____ кредит беру туралы шарт бойынша
мiндеттемелердi қамтамасыз етуге берiлетiн кепiлдiк мүлкi

Кепiл ұстаушы: _____________________________ (Т.А.Ә.)
М.О.
Қарыз берушi: _______________________________ (Т.А.Ә.)
Қолы, М.О.

Кепiл берушi: _______________________________ (Т.А.Ә.)
Қолы, М.О.

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 13-қосымша    

Кредиттiк портфельдiң құрылымы туралы ақпарат

(КҰ атауы) «______________________»
КҰ директоры «___________________»       ______________________
                                               (Т.А.Ә.)
Қолы____________
м.о.
Бас бухгалтер «___________________»      ______________________
                                               (Т.А.Ә.)
Қолы ______________________
м.о.

Микроқаржы (микрокредиттік)
ұйымдары мен кредиттік   
серіктестіктерге конкурстық
негізде кредит беру     
қағидаларына 14-қосымша    

КҰ-ның бiлiктiлiк талаптарына сәйкестiгiн растайтын құжаттардың
тiзбесi

      1) Конкурсқа қатысуға өтiнiм;
      2) техникалық ерекшелiк;
      3) бағалар кестесi;
      4) конкурстық өтiнiмдi қамтамасыз етудi енгiзудi растайтын құжаттың түпнұсқасы;
      5) бiлiктiлiк туралы мәлiметтер;
      6) кредиттiк портфель туралы ақпарат;
      7) аталған салық органының бiрiншi басшысының немесе қол қою құқығына ие адамның қолы қойылып, мөрi қойылған Қазақстан Республикасының заңнамасына сәйкес төлеу мерзiмi кешiктiрiлген жағдайларды қоспағанда, конкурстық өтiнiмдер салынған конверттердi ашу күнiнiң алдындағы үш айдан аспайтын мерзiмде берiлген салық берешегiнiң немесе жинақтаушы зейнетақы қорларына мiндеттi зейнетақы жарналары бойынша берешектiң болмауы немесе болуы туралы тиiстi салық органының белгiленген нысандағы анықтамасының түпнұсқасы;
      8) әлеуеттi қатысушы орындайтын қызмет түрлерiнiң тiзбесiмен жарғыдан нотариат куәландырған үзiндi көшiрме;
      9) жарғыдан немесе құрылтайшы немесе құрылтайшы құрамы туралы мәлiметтердi қамтитын құрылтай құжаттарынан нотариат куәландырған үзiндi көшiрме;
      10) қолтаңбалардың және мөртабанының үлгiлерi бар нотариалды куәландырылған карточка;
      11) заңды тұлғаның мемлекеттiк тiркелгенi туралы куәлiктiң нотариат куәландырған көшiрмесi;
      12) статистикалық карточканың нотариат куәландырған көшiрмесi;
      13) СТН нотариат куәландырған көшiрмесi;
      14) КҰ-ның банктiң (банктердiң) алдында мерзiмi асқан берешегiнiң жоқтығы туралы банктiң (банктердiң) бiрiншi басшысының немесе расталуы болғанда оны алмастыратын тұлғаның қолы қойылған банктiң (банктердiң) мөрi соғылған анықтамасының түпнұсқасы (егер КҰ екiншi деңгейдегi бiрнеше банктiң немесе филиалдардың, сондай-ақ шетелдiк банктiң клиентi болып табылған жағдайда, бұл анықтама осындай банктердiң әрқайсысынан ұсынылады). Егер банк анықтамасына оны берген банктiң бiрiншi басшысы қол қойған жағдайда, банк анықтамасына қол қойған адамның қол қою құқығын растайтын құжат (сенiмхат) қоса берiлуi қажет;
      15) бiрiншi басшының немесе оның орнын басатын адамның, бас бухгалтердiң (бухгалтердiң) қолымен бекiтiлген, қалыптасу күнi және сипаты көрсетiлген кредиторлық және дебиторлық берешектер таратылып жазылған қосымшамен соңғы есептiлiк күнiне (тоқсан) қаржылық есептiлiгiнiң түпнұсқасы;
      16) ауылды жерлерде микрокредит берудi жүзеге асыруды растайтын мәлiметтер (микрокредит беру туралы қол қойылған шарттың көшiрмесi);
      17) кредит тарихы (кредитордың атауы, кредит сомасы және өтеу мерзiмдерi көрсетiлген әлеуеттi қатысушының бұдан бұрын алған кредиттерi туралы ақпараттық анықтама);
      18) бiрiншi басшының немесе оның орнын басатын адамның қолымен және әлеуеттi қатысушының мөрiмен расталған Микрокредит беру қағидасының көшiрмесi;
      19) кредиттiк ресурстарды пайдалану және кепiлге соттан тыс сату құқығымен мүлiк беру туралы уәкiлеттi орган (құрылтайшы, құрылтайшылардың жалпы жиналысы) шешiмiнiң (хаттамасының) түпнұсқасы;
      20) адамның кредит және кепiл беру туралы шарттарға қол қою өкiлеттiктерiнiң жазбаша растамасының (құрылтайшының немесе мүлiк иесiнiң бұйрығы, сенiмхаты, шешiмi) түпнұсқасы;
      21) кепiлге берiлген кепiл мүлiгiне және кепiл мүлiгiн Қазақстан Республикасының заңнамасында белгiленген жағдайларда соттан тыс сатуға меншiк иесiнiң, ерiнiң (зайыбының) (неке туралы куәлiктiң көшiрмесi), /некеде тұрғаны және тұрмағаны туралы анықтама, барлық кәмелетке толған қосымша иегерлерiнiң (отбасы мүшелерiнiң, өзге де адамдардың) нотариалды куәландырылған келiсiмi;
      а) кепiл берушi заңды тұлға болған жағдайда құрылтайшылардың кепiл мүлкiн соттан тыс сату құқығымен беруге шешiмi хаттамасының түпнұсқасын не нотариалды куәландырылған көшiрмесiн, сондай-ақ жарғыдан немесе құрылтайшы немесе құрылтайшылардың құрамы туралы мәлiметтердi қамтитын құрылтай құжаттарының нотариалды куәландырылған үзiндi көшiрмесiн беру қажет;
      б) кепiл берушi жеке тұлға болып табылған жағдайда отбасы құрамы туралы анықтаманың түпнұсқасын немесе кепiл берушiнiң үй кiтапшасының нотариалды куәландырылған көшiрмесiн ұсыну қажет;
      в) мүлiктiң иегерi/қосымша иегерi кәмелетке толмаған бала болған жағдайда қамқоршылық пен қорғаншылық органдарының кепiлге және кепiлге ұсынылатын мүлiктi соттан тыс сатуға жазбаша рұқсаттың түпнұсқасын беру керек.
      22) кепiл берушiнiң жеке куәлiгiнiң нотариалды куәландырылған көшiрмесi және СТН;
      а) кепiл берушi заңды тұлға болып табылған жағдайда заңды тұлғаның құқық беретiн құжаттарының көшiрмелерiн және кредит пен кепiл беру туралы шарттарға қол қоюға уәкiлеттi адамның СТН-iн беру керек;
      23) кепiлдiк қамсыздандыруға ұсынылатын құжаттар:
      1. қамсыздандыруға ақша берiлген жағдайда нотариалды куәландырылған құжаттың көшiрмесi ұсынылады:
      банк шотының шарты;
      банкке ақшаны орналастыруды растайтын шарт;
      ақша кредит мерзiмiнен кем емес кезеңге шұғыл банк салымын ресiмдеген кезде жинақ шоттарына орналастырылған Қазақстан Республикасының ұлттық валютасында қабылданады. Мынадай қажеттi шарттар сақталған кезде:
      депозит шоттағы қалдықтарды жыл сайын растау;
      ақша орналастырылған банк Конкурс ұйымдастырушысының жазбаша рұқсатынсыз және келiсiмiнсiз ақша қалдықтары бойынша iс-әрекет жүргiзбеу туралы кепiлдi мiндеттемелер беруi.
      2. қамтамасыз етуге ғимарат, құрылыс, тұрғын үй-жай, пәтер және т. с. с. жылжымайтын мүлiк түрінде берiлген жағдайда меншiк құқығының туындауына қарай мынадай нотариалды куәландырылған құжаттардың:
      сату-сатып алу шартының, жекешелендiру шартының, айырбастау, сыйға тарту шарттарының, (ғимараттар мен құрылыстар) пайдалануға берудi қабылдау актiсiнiң, мұрагерлiк құқығы туралы куәлiгiнiң, сот шешiмiнiң, жылжымайтын мүлiкке және олармен мәмiлелерге құқықтарды мемлекеттiк тiркеу туралы куәлiгiнiң, ғимараттар мен құрылыстарға техникалық паспорттың (үй кiтапшасы), жер учаскесiне құжаттардың, ауыртпалықтардың жоқтығы туралы анықтаманың көшiрмелерi берiледi.
      3. қамтамасыз етуге жер учаскесiн немесе жердi пайдалану құқығын берген жағдайда меншiк құқығының туындауына орай нотариалды расталған құжаттардың:
      сату-сатып алу шартының, жер учаскесiн жалға беру шартының, сот органдары шешiмiнiң, жер учаскесiн беру туралы әкiмнiң шешiмiнiң, жер учаскесiне жеке меншiк құқығына актiнiң, тұрақты жердi пайдалану құқығына актiнiң немесе жердi уақытша (өтеусiз, ақылы) пайдалану құқығы актiсiнiң жер учаскесiне құқықты тiркеу туралы куәлiктiң, жер учаскесiнiң кадастрлық (бағалау) құны актiсiнiң немесе жердi пайдалану актiсiнiң жер учаскесi шекарасы жоспарының, жер учаскесi бонитетi балдары көрсетiлген тиiстi құжаттың ауыртпалықтардың жоқтығы туралы анықтаманың көшiрмелерi берiледi;
      аудандық әкiмдiктен (аудандық статистика басқармасы) соңғы 3 жылда жүргiзiлген ауыл шаруашылығы жұмыстары туралы анықтама;
      салық комитетiнен салық аударымдарын төлегенi туралы растау-анықтаманы;
      Қазақстан Республикасының бағалау саласында қолданыстағы заңнамасына сәйкес және конкурс өтiнiмдерi салынған конверттер ашылған күнге дейiн кемiнде күнтiзбелiк 90 күн бұрын жасалған бағалау актiсi.
      Кепiлге меншiк құқығындағы немесе уақытша ақылы жердi пайдалану/жердi тұрақты пайдалану құқығындағы Кепiл берушiге тиесiлi жер учаскелерi қабылданады. Жердi пайдалану мерзiмi кредит беру мерзiмiнен кемiнде 3 (үш) жыл артық болуы керек. Кепiлге дәндi дақылдар, көкөнiс және т.с.с. өсiру үшiн қолданылатын жер учаскелерi кепiл берушiлер келесi шарттарды орындаған кезде:
      1. соңғы 3 (үш) жылда агротехникалық iс-шаралардың сақталуы;
      2. берiлген жер учаскелер бойынша топырақ бонитетiнiң балдары:
      Ақмола, Солтүстiк Қазақстан, Қостанай және Шығыс Қазақстан облыстары үшiн кемiнде 25;
      Алматы, Жамбыл, Оңтүстiк Қазақстан, Қарағанды, Ақтөбе, Батыс Қазақстан және Павлодар облыстары үшiн кемiнде 20;
      Маңғыстау, Атырау және Қызылорда облыстары үшiн кемiнде 18 болуға тиiс.
      3. кепiл берушiнiң бюджет алдында берешегiнiң болмауы.
      4. қамтамасыз етуге жылжымалы мүлiктi (автокөлiк, ауыл шаруашылығы техникасы, автожол техникасы және т.б.) беру жағдайында мүлiктiң түрiне қарай нотариат куәландырған мынадай құжаттар:
      көлiк құралдарын тiркеу туралы куәлiгi, техникалық паспорт, мемтехқадағалау анықтамасы, ауыртпалықтардың болмауы туралы Жол полициясы департаментi анықтамасы; Қазақстан Республикасының бағалау саласындағы қолданыстағы заңнамасына сәйкес және конкурстық өтiнiмдер салынған конверттердi ашу күнiне дейiн кемiнде күнтiзбелiк 90 күн бұрын жасалған бағалау актiсiнiң көшiрмелерi ұсынылады.
      Кепiлге көлiк құралдары, ауыл шаруашылығы, құрылыс-жол және де басқа кестеде көрсетiлген талаптарды қанағаттандыратын арнайы техника қабылданады.

      5. қамсыздандыруға өсiмдiк (астық) өсiру өнiмдерiн берген жағдайда нотариат расталған құжаттардың көшiрмелерi:
      астық сатып алу туралы құжаттар (шот фактура, сатып алу-сату, айырбастау шарты, сауда-саттық хаттамасы және т.б.). Астық қолхатын ұстаушы дәндi өзi өндiрген болса, егiс алаңдарының болуын растайтын құжаттар, аталған егiс алаңдарының түсiмдiлiгi туралы статбасқармасының анықтамасы, элеватордың директоры және өндiрiстiк-техникалық зертхананың бастығы қол қойған Ф-47 дәндi талдау карточкасының түпнұсқасы, астыққа қолхаты, астық қолхатының куәлiгi, сәйкестiлiк (сапа) сертификаты, ХПП-мен астықты сақтау туралы шарт, астықты сақтау қызметiн төлеу туралы шарт қажет;
      қамтамасыз етуге ауыл шаруашылық малдарын (жылқы, түйе, ірі қара мал) берген жағдайда мынадай нотариалды расталған құжаттардың көшiрмелерi берiледi:
      ветеринарлық паспорт, ауыл шаруашылығы малдардың бар болу туралы ветеринарлық инспекцияның анықтамасы;
      Қазақстан Республикасының баға саласындағы қолданыстағы заңнамасына сәйкес бағалау актiсi және конкурстық өтiнiмдер салынған конверттердi ашу күнiне дейiн кемiнде күнтiзбелiк 90 күн бұрын жасалған бағалау актiсiнiң көшiрмелерi ұсынылады.
      Ауыл шаруашылығы малдары мынадай шарттармен қабылданады:
      малды мiндеттi сәйкестендiру;
      малды ұстау және өсiруге қажеттi шарттардың мiндеттi түрде болуы, азық базасы және азықпен қамтамасыз етiлу;
      белгiленген мерзiмдерде ұдайы ветеринариялық тексеруден өту және профилактикалық егудi жүзеге асыру.
      Қажеттiгiне қарай уәкiлеттi өңiрлiк ұйымның шешiмi бойынша кепiл заттарын мүлiктiк (малдың қырылуынан, ауруынан және т.б.) сақтандыруды жүзеге асыруға болады.
      24) кепiлдiк қамсыздандыруды (жылжымайтын мүлiк) тәуелсiз бағалау.

____________________
      * Жай-күйiн, күрделi жөндеу жүргiзудi бекiтудi есепке ала отырып;
      * аспалы жабдықтар қосалқы жабдығы болып табылатын ауыл шаруашылық техникасын кепiлге алған кезде ғана қабылданады.
      Ескертпе: көлiк құралдары мен басқа да техника сатуға меншiк құқығын сенiмхатпен растаған жағдайда кепiл заты бола алмайды.