Қазақстан Республикасы Yкiметiнiң Регламентi туралы

      Қазақстан Республикасының Үкiметi қаулы етеді:

      1. Қоса берiлiп отырған Қазақстан Республикасы Үкiметiнiң Регламентi бекiтiлсiн.

      2. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзілсін:

      1) "Үкімет пен Премьер-Министрдiң нормативтiк құқықтық актiлерінiң жобаларын дайындаудың және келiсудiң тәртiптерi мен оларды ресiмдеудiң ережелерi (заңдық техникасы) туралы нұсқаулықты бекiту туралы" Қазақстан Республикасы Үкiметiнiң 1998 жылғы 22 шілдедегi N 678 қаулысында (Қазақстан Республикасының ПҮКЖ-ы, 1998 ж., N 23, 199-құжат):

      қазақ тiлiндегi мәтiннің тақырыбы мынадай мазмұндағы жаңа редакцияда жазылсын:

      "Қазақстан Республикасы Үкiметiнiң қаулылары мен Премьер-Министр өкiмдерiнің жобаларын ресiмдеу жөнiндегi нұсқаулықты (заңдық техникасы) бекiту туралы";

      көрсетiлген қаулымен бекiтiлген Үкiметтiң қаулылары мен Премьер-Министр өкімдерінің жобаларын дайындаудың және келiсудiң тәртiптерi мен оларды ресiмдеудiң ережелерi (заңдық техникасы) туралы нұсқаулықта:

      қазақ тiлiндегi мәтiннiң тақырыбы мынадай мазмұндағы жаңа редакцияда жазылсын:

      "Қазақстан Республикасы Үкiметiнiң қаулылары мен Премьер-Министр өкiмдерiнің жобаларын ресiмдеу жөнiндегi нұсқаулық (заңдық техникасы)";

      "1. Жалпы ережелер" және "2. Үкiмет пен Премьер-Министр актiлерiнiң жобаларын дайындаудың және олардың келiсуден өтуiнiң тәртiбi" деген бөлiмдер алынып тасталсын;

      36-тармақ мынадай мазмұндағы абзацпен толықтырылсын:

      "Тараулардың, бөлiмдердiң, параграфтар мен бөлiмшелердiң тақырыптары алдыңғы мәтіннен - екi жол аралық интервалмен, ал келесi мәтiннен - бiр интервалмен ажыратылады.";

      42-тармақта "тақырыптан" деген сөзден кейiн ", тараулардың, бөлiмдердiң, параграфтар мен бөлiмшелердiң атауларынан" деген сөздермен толықтырылсын;

      2) "Қазақстан Республикасы Үкiметiнiң заң жобалау қызметiн жетiлдiру жөнiндегi шаралар туралы" Қазақстан Республикасы Үкiметiнiң 2000 жылғы 11 қыркүйектегi N 1376 қаулысында (Қазақстан Республикасының ПҮКЖ-ы, 2000 ж., N 40, 455-құжат):

      6-тармақта "40-1-тармағының" деген сөздер "69-тармағының" деген сөздермен ауыстырылсын;

      көрсетiлген қаулымен бекiтiлген Заң жобалау қызметi мәселелерi жөнiндегi ведомствоаралық комиссия туралы ережеде:

      4-тармақтың сегiзiншi абзацында "бiр айлық" деген сөздер "15 күндiк" деген сөздермен ауыстырылсын;

      көрсетiлген қаулымен бекiтiлген Қазақстан Республикасының уәкiлеттi органдарында заң жобалау жұмысын ұйымдастыру ережесiнде:

      8-тармақ мынадай редакцияда жазылсын:

      "8. Үкiмет Парламенттiң қарауына енгiзетін заң жобалары бойынша "Норма шығармашылығы қызметiн жетiлдiру жөнiндегi шаралар туралы" Үкiметтiң 2002 жылғы 30 мамырдағы N 598 қаулысымен бекiтiлген Заң жобаларына ғылыми сараптама жүргiзу ережесiне сәйкес заң жобасында реттелетiн құқықтық қатынастарға қарай тиiстi ғылыми сараптама (құқықтық, экономикалық, экологиялық, қаржылық және басқа) жүргiзу мiндеттi. Бұл ретте қабылдануынан туындайтын болжамды салдарлар экологиялық, соның iшiнде радиациялық қауiпсiздiкке, қоршаған ортаны қорғауға қауiп төндiруi мүмкiн заңнамалық кесiмдердiң жобалары мiндеттi түрде экологиялық сараптама жасауға жатады. Заң жобасын әзiрлеушi оны мүдделi мемлекеттiк органдармен келiскенге дейiн жобаның тиiстi сараптамасы жүргiзiлуiн қамтамасыз етедi, оның нәтижелерi бойынша қорытынды заң жобасына басқа да материалдармен бiрге мемлекеттiк және орыс тілдерiнде ұсынылады.";

      9 және 10-тармақтар алынып тасталсын;

      11-тармақ мынадай редакцияда жазылсын:

      "11. Заң жобасын мемлекеттiк органдармен келiсу Қазақстан Республикасы Үкiметiнiң Регламентiнде белгiленген тәртiппен және мерзiмдерде жүзеге асырылады.";

      3) "Кейбiр нұсқаулықтарды бекiту туралы" Қазақстан Республикасы Үкiметiнiң 2001 жылғы 31 қаңтардағы N 168 қаулысында:

      мынадай мазмұндағы 1-1-тармақпен толықтырылсын:

      "1-1. Көрсетiлген нұсқаулықтардың талаптары оларға қатысты бөлiгiнде барлық мемлекеттiк органдар үшiн мiндеттi деп белгiленсiн.";

      көрсетiлген қаулымен бекiтiлген Қазақстан Республикасы Премьер-Министрiнiң Кеңсесiнде iс жүргiзу жөнiндегi нұсқаулықта:

      12-тармақтың екiншi абзацы мынадай редакцияда жазылсын:

      "Кеңсеге енгiзiлетiн Үкiмет қаулыларының және Премьер-Министр өкімдерінің жобаларына, сондай-ақ оларға қосымшалардың әрбiр парағына жобаны әзiрлеушi мемлекеттiк органның бiрiншi басшысы не оның мiндетiн атқарушы адам алдын ала қол қоюға тиiс.";

      17-тармақта "Қаржы министрлiгiн, Экономика министрлiгiн" деген сөздер "Экономика және бюджеттiк жоспарлау министрлiгiн" деген сөздермен ауыстырылсын;

      22-тармақ мынадай редакцияда жазылсын:

      "22. Кеңседе Yкiмет қаулыларының және Премьер-Министр өкiмдерiнiң жобалары бойынша сараптама жүргiзу (соның iшiнде қорытындылар дайындау) мерзiмдерi Үкiметтiң Регламентiнде белгiленген.

      Сараптаманы қоса алғанда Кеңседе жобалардың өту мерзiмдерi (жобаның тiркелген күнiнен бастап қол қойылған құжатты шығаруға тапсырғанға дейiн): Yкiмет қаулыларының жобалары мен заң жобалары үшiн - 15 жұмыс күнiнен, Премьер-Министр өкiмдерiнiң жобалары үшiн - 10 жұмыс күнiнен аспауға тиiс. Жобалар мәтiнiнiң көлемi үлкен және күрделi болуына байланысты өту мерзiмдерiн Кеңсе Басшысы не оның мiндетiн атқарушы адам ұзартуы мүмкiн.";

      89-тармақтың бiрiншi абзацындағы "Yкімет пен Премьер-Министрдiң нормативтiк құқықтық кесiмдерi жобаларын дайындау және келiсу тәртiбiне, оларды ресiмдеу (заңи техника) ережесi туралы нұсқаулықтың" деген сөздер "Қазақстан Республикасы Үкiметiнiң қаулылары мен Премьер-Министр өкiмдерiнiң жобаларын ресiмдеу жөнiндегi нұсқаулықтың (заңдық техникасы)" деген сөздермен ауыстырылсын;

      90-тармақтың екiншi сөйлемi алынып тасталсын;

      104-тармақтың үшiншi абзацындағы "министрлiктер мен ведомстволарға" деген сөздер алынып тасталсын;

      137, 140-тармақтардағы және Қазақстан Республикасы Премьер-Министрiнiң Кеңсесiнде iс жүргiзу жөнiндегi нұсқаулыққа 12-қосымшаның 1-тармағындағы "РМК" деген аббревиатура "РМҚК" деген аббревиатурамен ауыстырылсын;

      көрсетiлген қаулымен бекiтiлген Қазақстан Республикасы Премьер-Министрiнiң Кеңсесiнде есептеу техникасы құралдарын қолдану арқылы іс жүргiзу жөнiндегi нұсқаулықта:

      17-тармақтың 2) тармақшасында "республикалық мемлекеттiк" деген сөздерден кейiн "қазыналық" деген сөзбен толықтырылсын;

      көрсетiлген қаулымен бекiтiлген Қазақстан Республикасы Премьер-Министрiнiң Кеңсесiнде, орталық және жергiлiктi атқарушы органдарда құжаттардың орындалуын бақылауды ұйымдастыру жөнiндегi нұсқаулықта:

      1-тармақта "сауал салуларының" деген сөздерден кейiн депутаттар бастамашылық жасаған заң жобаларына Үкiметтiң қорытындысын беру туралы өтiнiшпен Парламент Палаталары хаттарының" деген сөздермен толықтырылсын, "(бұдан әрi - бақылаудағы құжаттар)" деген сөздер алынып тасталсын;

      2-тармақта "орындалу мерзiмiн" деген сөздер "орындалуын" деген сөзбен ауыстырылсын;

      3-тармақ мынадай редакцияда жазылсын:

      "3. Қазақстан Республикасы Премьер-Министрiнiң Кеңсесiнде (бұдан әрi - Кеңсе) бақылау жұмысын үйлестiрудi Бақылау және құжаттамалық қамтамасыз ету бөлiмi жүзеге асырады, ол мынадай құжаттарды (бұдан әрi - бақылаудағы құжаттар) бақылауға алады:

      1) Қазақстан Республикасы Президентiнiң Үкiметке немесе оның басшылығына тапсырма беретiн кесiмдерiн;

      2) мемлекеттiк органдар мен ұйымдарға тапсырмалары бар Үкiметтiң қаулыларын, Үкiмет мәжiлiстерiнiң хаттамаларын, Премьер-Министрдiң өкiмдерiн;

      3) Президенттiң Үкiметке немесе оның басшылығына, Премьер-Министрдiң, оның орынбасарларының, Президент Әкiмшiлiгi басшылығының және Кеңсе Басшысының не оны алмастыратын адамның орындалу мерзiмдерi көрсетiлген немесе бақылауға алу туралы нұсқаулары, "шұғыл", "баяндалсын", "ұсыныстар енгiзiлсiн" деген белгiлерi бар тапсырмалары (соның ішінде мәжілiстер хаттамалары мен iс-шаралар жоспарларында қамтылған), сондай-ақ мазмұнынан оларды бақылауға қою қажеттiгi туындайтын тапсырмаларды;

      4) Қазақстан Республикасының Парламентi депутаттарының сауалдары, депутаттар бастамашылық жасаған заң жобаларына Үкiметтiң қорытындысын беру өтiнiшiмен Парламент Палаталарының хаттарын.";

      8-тармақ мынадай мазмұндағы сөйлеммен толықтырылсын:

      "Құрылымдық бөлiмшелер - тапсырмаларды бiрге орындаушылар жинақтауды жүзеге асыратын бөлiмшеге өз ұсыныстарын тапсырманың белгіленген орындалу мерзiмi өткенге дейiн бiр күннен кешiктiрмей енгiзедi.";

      12-тармақтың бiрiншi абзацында:

      "Сараптама жүргiзудiң" деген сөздер "Жауаптардың (есептердiң) сараптамасын жүргізудiң" деген сөздермен ауыстырылсын;

      "Кеңседе тiркелген күнiнен бастап" деген сөздер және ", ал заң жобалары үшін - он күннен" деген сөздер алынып тасталсын;

      21-тармақ мынадай редакцияда жазылсын:

      "21. Бақылаудағы құжаттарды бақылаудан алу, орындалу мерзiмдерiн ұзарту мен орындалуы туралы жауаптарды (есептердi) ұсыну Қазақстан Республикасы Yкiметiнiң Регламентiне сәйкес жүзеге асырылады.";

      22, 23, 24 және 25-тармақтар алынып тасталсын;

      көрсетілген қаулымен бекітілген Азаматтардың өтiнiштерiн қарау және олардың орындалуын бақылау тәртiбi туралы нұсқаулықта:

      мынадай мазмұндағы 16-1-тармақпен толықтырылсын:

      "16-1. Азаматтардың хаттары мен өтiнiштерiн қарау және оларға Басшылық тапсырмаларының орындалуы мерзiмдерiн бақылауды Кеңсенің Бақылау және құжаттамалық қамтамасыз ету бөлiмi жүзеге асырады.";

      17, 18, 19, 20, 22 және 23-тармақтар алынып тасталсын;

      21-тармақ мынадай редакцияда жазылсын:

      "21. "Қазақстан Республикасының орталық және жергiлiктi атқарушы органдарының азаматтарды қабылдауын ұйымдастыру туралы" Қазақстан Республикасы Yкiметiнiң 2002 жылғы 4 қыркүйектегi N 974 қаулысына сәйкес орталық және жергiлiктi атқарушы органдардың басшылары мен олардың орынбасарлары азаматтарды жеке қабылдауды тiкелей өздерi басқаратын органдарда жүргiзедi".

      3. Қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

      4. Осы қаулы 2003 жылғы 1 қаңтардан бастап күшіне енеді.

Қазақстан Республикасы Yкiметiнiң
РЕГЛАМEHTI

      Ескерту. Регламент жаңа редакцияда - ҚР Үкіметінің 2005.03.01. N 190 қаулысымен.

1. Жалпы ережелер

      1. Қазақстан Республикасының Yкiметi (бұдан әрi - Yкiмет) Қазақстан Республикасының атқарушы билiгiн жүзеге асырады, атқарушы органдардың жүйесiн басқарады және олардың қызметiне басшылық етедi.

      2. Yкiметтiң қызметi Қазақстан Республикасының Конституциясымен , "Қазақстан Республикасының Үкiметi туралы" Қазақстан Республикасының Конституциялық заңымен , Қазақстан Республикасының өзге де нормативтiк құқықтық кесiмдерiмен және осы Регламентпен реттеледi.

      3. Қазақстан Республикасының Премьер-Министрi (бұдан әрi - Премьер-Министр) мен Үкiметтің қызметiн ақпараттық-талдамалық, ұйымдастырушылық-құқықтық, құжаттамалық және өзге де қамтамасыз етудi Қазақстан Республикасы Премьер-Министрінің Кеңсесi (бұдан әрi - Кеңсе) жүзеге асырады.

      4. Құпия және құпия емес iс қағаздарын ұйымдастыруды және жүргiзудi, Үкiметке немесе оның басшылығына арналған хат-хабарларды, соның iшiнде әртүрлi байланыс және деректер беру арналары бойынша келiп түсетiн хабарларды қабылдауды, өңдеу мен таратуды Кеңсе Үкiмет белгiлеген тәртiппен жүзеге асырады.

      5. Соттарда Премьер-Министрдiң, оның орынбасарларының немесе Кеңсе Басшысының тапсырмасы бойынша Yкiмет пен Премьер-Министрдiң мүдделерiн бiлдiрудi және қорғауды, сондай-ақ Премьер-Министрдiң тапсырмасы бойынша конституциялық iс жүргiзуге қатысуды талқылау мәнi болған мәселелер құзыретiне енетiн мемлекеттiк орган жүзеге асырады. Әдiлет министрлігі тиісті мемлекеттiк органға құқықтық және консультациялық көмек көрсетедi.

      6. Үкiметтің нормативтiк құқықтық кесiмдерiне ресми түсiнiктеме берудi Үкіметтің немесе Премьер-Министрдiң тапсырмасы бойынша Әділет министрлiгi жүзеге асырады.

      7. Үкiметтің құзыретiне енетiн кадр мәселелерiн шешу Қазақстан Республикасының заңнамасына сәйкес жүзеге асырылады.

2. Кiрiс хат-хабарларын қарау

      8. Үкіметке немесе оның басшылығына жолданған хат-хабарларды Кеңсе алдын ала қарайды.

      Орталық және жергілiкті атқарушы немесе өзге де мемлекеттік органдардың құзыретіне жататын және олар бойынша Yкiметтiң немесе Премьер-Министрдiң шешiмдер қабылдауын талап етпейтiн мәселелер бойынша Үкiметке немесе оның басшылығына жолданған заңды және жеке тұлғалардың хаттары мен өтiнiштерiн Кеңсе кейiннен авторына хабарлай отырып, мәселенің мән-жайы бойынша қарау үшiн тиiстi органға жiбередi.

      Сондай-ақ Кеңсенiң қарауынсыз:

      тиiстi атқарушы органдарға мемлекеттік органдардың, облыстар мен Астана және Алматы қалалары әкiмдерiнiң немесе жекелеген шаруашылық жүргiзушi субъектілердiң Үкiмет немесе Премьер-Министр шешiмдерiнiң қабылдануын талап ететiн, оның iшiнде республикалық бюджеттен және Үкiметтiң резервiнен қаражат бөлу туралы, бiрақ өтiнiштерде көтерілетiн мәселелер құзыретіне енетiн орталық атқарушы органдарда пысықталмаған өтініштері;

      облыстар мен Астана және Алматы қалаларының әкiмдерiне тиiсiнше аудандар мен облыстық маңызы бар қалалар әкiмдерiнiң, Астана және Алматы қалаларының аудандары әкiмдерiнiң, аудандық маңызы бар қалалар аудандары әкiмдерінің, кенттер, ауылдар (селолар), ауылдық (селолық) округтер әкімдерінің олармен және тиiстi мемлекеттiк органдармен келiсілмеген өтініштерi жiберiледi.

      Кеңсе Үкiметке, Үкiметтiң және Кеңсенiң басшылығына арналған мемлекеттік органның (ұйымның) бiрiншi басшысы немесе бiрiншi басшының мiндетiн атқару ресми түрде жүктелген тұлға не Үкiметке, Yкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға қол қойған құжаттарды қабылдайды. Өзге жолданған және басқа лауазымды тұлғалар қол қойған құжаттар қабылданбайды.

      Кеңсе жабық конверттердегі хат-хабарларды (құпия, кадр мәселелерi бойынша және басқа қаладан келгендердi қоспағанда), сондай-ақ осы Регламенттің және "Кейбiр нұсқаулықтарды бекіту туралы" Қазақстан Республикасы Үкiметiнiң 2001 жылғы 31 қаңтардағы N 168 қаулысымен бекiтілген Қазақстан Республикасы Премьер-Министрiнiң Кеңсесiнде iс жүргiзу жөнiндегi нұсқаулықтың талаптарын бұза отырып дайындалған құжаттарды қабылдамайды.

      9. Орталық атқарушы органдар мен олардың ведомстволары өздерiне келiп түсетiн хаттарды, өтiнiштердi және өзге де құжаттарды қарайды әрi өздерiнiң ережелерiне және өзге де нормативтiк құқықтық кесiмдерге сәйкес олардың құзыретiне енетiн барлық мәселелер бойынша өз бетiнше шешiмдер қабылдайды.

      Орталық атқарушы органдар олардың бiрлескен құзыретiне енетiн мәселелердi шешу үшiн қажет болған кезде белгіленген тәртiппен олардың басшылары қол қойған бiрлескен бұйрықтар түрiнде шешiмдер қабылдайды.

      Орталық атқарушы органдардың өздерi дербес шешуi тиiс мәселелер бойынша Үкiметтiң қаулылары мен Премьер-Министрдiң өкiмдерi қабылданбайды.

      Орталық атқарушы органдардың аумақтық органдары нормативтік құқықтық кесiмдер шығаруға құқылы емес.

      10. Ведомстволар тиісті мемлекеттiк органның бiрiншi басшысының немесе бiрiншi басшының мiндетiн атқару ресми түрде жүктелген тұлғаның келiсiмi (ведомствоның хатында бұрыштамасы) болған кезде ғана, сондай-ақ Үкiмет немесе Кеңсе Басшылығының оларға берген тiкелей тапсырмаларына жауап жiберген кезде өз бетiнше Үкiметтiң атына өтінiш білдiре алады. Мемлекеттік органдардың құрылымдық бөлiмшелерi Үкiметтiң атына өз бетiнше өтiнiш бiлдiруге құқылы емес.

      11. Тиiстi шешiм қабылдау үшiн Үкiметтiң немесе оның басшылығының атына бастамашылық тәртiппен жiберiлетiн қызметтік хат-хабарды мемлекеттік органдар мынадай жағдайларда енгiзедi:

      1) егер мәселенi шешу Үкiметтiң тiкелей құзыретiне енсе, енгiзіп отырған мемлекеттік орган оны өзiнiң өтiнiшiнде көрсетедi;

      2) орталық атқарушы органдардың арасында қағидатты және еңсерiлмес келiспеушілiктер болған кезде;

      3) егер мәселенi шешу ведомствоаралық үйлестiрудi талап етсе. Мұндай жағдайларда Үкiметтiң атына жолданған хат-хабар, әдетте, шешiм қабылдау үшiн мәселенiң мазмұнына қарай және Премьер-Министр, оның орынбасарлары және Кеңсе Басшысы арасында мiндеттердi бөлуге сәйкес Премьер-Министрдiң тиiстi орынбасарына жiберілуi тиiс.

3. Үкiмет мәжiлiстерiн жоспарлау

      12. Үкiмет мәжілiстерiнде қарауға арналған мәселелер заңнамада белгіленген Yкiмет өкілеттiктерiн ескере отырып анықталады.

      13. Үкiмет мәжiлiстерiнде қарауға арналған мәселелердің тоқсан сайынғы тiзбесiн кезектi тоқсан басталғанға дейiн Yкiмет мүшелерiнің, агенттіктер төрағаларының, облыстар мен Астана және Алматы қалалары әкiмдерiнiң, Кеңсенiң құрылымдық бөлiмшелерi басшыларының ұсыныстары бойынша Кеңсе жасайды. Үкiмет мәжілiстерiнде қарау жоспарланып отырған мәселелердiң тiзбесi Премьер-Министрдiң өкiмiмен бекiтіледi.

      Жоспарланған мәселелердiң бекiтілген тiзбесi Үкiмет мүшелерiне, агенттіктердiң төрағаларына, облыстар мен Астана және Алматы қалаларының әкiмдеріне, Кеңсенің құрылымдық бөлiмшелерiнiң басшыларына және қажет болған кезде Кеңсе Басшысының нұсқауы бойынша басқа да мемлекеттiк органдардың және өзге де ұйымдардың басшыларына жөнелтіледi.

      Жоспарланған мәселенi қараудан алу немесе оны қарауды басқа мерзiмге ауыстыру туралы шешiмдi мәселенi дайындауға жауапты мемлекеттік органның немесе өзге де мүдделi органның (ұйымның) бiрiншi басшысы (бiрiншi басшының мiндетiн атқару ресми түрде жүктелген тұлға не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға) қол қойған жазбаша өтiнiш не Кеңсенiң тиiстi құрылымдық бөлiмшесiнiң басшысы қол қойған қызметтік жазба негiзiнде Премьер-Министр не онымен келiсiм бойынша Кеңсе Басшысы қабылдайды. Көрсетілген шешiм туралы өзiнiң құзыретiне орай мүдделi мемлекеттік органдар хабардар етіледi.

4. Yкiмет мәжiлiстерiн дайындау және өткiзу тәртiбi

      14. Үкiмет мәжiлiстерi Yкiмет мәжілiстерiнде қарауға арналған мәселелердiң тоқсан сайынғы тiзбесiне сәйкес немесе қажет болған кезде, бiрақ кемiнде айына бiр рет өткiзіледi және оны Премьер-Министр не Қазақстан Республикасының Президентi (бұдан әрi - Президент) шақырады.

      15. Үкiмет мәжілiстерiнде Премьер-Министр, ал ол болмаған кезде Премьер-Министр белгілеген мiндеттердi бөлуге сәйкес Премьер-Министрдi алмастыратын не Премьер-Министр белгілеген тәртiппен Премьер-Министрдiң мiндетiн атқарушы Премьер-Министрдiң орынбасары төрағалық етедi.

      Мәжілiстерге Президент қатысқан кезде Президент немесе оның тапсырмасы бойынша Премьер-Министр төрағалық етедi.

      Үкiмет мәжiлiстерi ашық болып табылады әрi мемлекеттік және орыс тілдерiнде жүргiзіледi. Президенттің не Премьер-Министрдiң бастамасы бойынша Үкiметтің жабық мәжілiстерi өткiзілуi мүмкiн.

      16. Мәжілiс, егер оған Үкiмет мүшелерiнiң кемiнде үштен екiсi қатысса, заңды болып саналады. Үкiмет мүшелерi мәжілiстерге алмастыру құқығынсыз қатысады.

      Мәселенің Үкiмет мәжілiсiнде қаралу нәтижелерi бойынша қатысушы Үкiмет мүшелерінің көпшілiк дауысымен хаттамалық шешiм қабылданады, ал дауыстар тең болған кезде мәжілiсте төрағалық етушiнiң дауысы шешушi болып табылады.

      17. Үкiмет мәжілiстерiне, әдетте, Премьер-Министрмен келiсілген тiзбе бойынша агенттіктердiң төрағалары, Кеңсенiң құрылымдық бөлiмшелерiнiң басшылары қатысады.

      Үкiмет мәжiлiстерiне Мемлекет басшысының кесiмдерiмен осындай құқық берiлген лауазымды тұлғалар да қатыса алады.

      Кеңсенiң шақыруы бойынша Үкiмет мәжілiстерiне Парламент Сенаты мен Мәжілiсiнiң депутаттары, облыстардың, Астана және Алматы қалаларының әкiмдерi, өзге де мемлекеттік органдар мен ұйымдардың басшылары, Кеңсенің қызметкерлерi мен басқа да адамдар қатыса алады.

      Үкiмет мәжілiстерiне шақырылғандардың тiзiмiн анықтау немесе нақтылау жөнiндегi ұсынысты мәселенi дайындауға жауапты мемлекеттік орган талқыланатын мәселелерге қарай Кеңсемен келiсiм бойынша мәжілiске дейiн кемiнде екi жұмыс күнi бұрын енгiзедi.

      Үкiмет мәжілiсiне шақырылғандардың тiзiмiне Кеңсе Басшысы қол қояды. Шақырылғандардың Yкiмет мәжілiсiне қатысуын Кеңсе қамтамасыз eтeдi.

      18. Мемлекеттiк органдар Үкiмет мәжілiсiнде қарауға арналған мәселенi дайындау кезiнде мынадай талаптарды сақтайды:

      1) Үкiмет мәжілiстерiнде қаралатын мәселелер бойынша хаттамалық шешiмдердiң жобаларына, анықтамаларға, ақпараттық (талдамалық) материалдарға мемлекеттiк органның бiрiншi басшысы немесе бiрiншi басшының мiндетiн атқару ресми түрде жүктелген тұлға не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға әр парағына алдын ала қол қояды және ол қол қойған ілеспе хатпен енгiзiледi;

      2) әрбiр мәселе бойынша хаттамалық шешiм жобасының, анықтаманың, өзге де қажетті материалдардың тақырыбы бiрдей болуы және мәселенiң мәнiн толық көрсетуi тиiс. Әдетте, олардың көлемi 5 бет мәтiннен аспауы тиiс (мемлекеттiк және орыс тілдерiндегi мәтiндер үшiн N 14 мөлшерлi "TimesNewRoman" қарпi қолданылады);

      3) Үкiмет мәжілiсiнде бейнелi ақпарат көрсету туралы мәселе мәселенi дайындауға жауапты мемлекеттiк органның бiрiншi басшысымен (бiрiншi басшының мiндетiн атқару ресми түрде жүктелген тұлғамен не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлғамен), Кеңсе Басшысымен алдын ала келісілуi тиiс;

      4) Үкiмет мәжiлiсiне құпия материалдар Кеңсеге Үкiметтің қаулысымен бекiтілген Қазақстан Республикасында құпиялылық режимiн қамтамасыз ету жөнiндегi нұсқаулықтың талаптарына сәйкес енгізіледi.

      Yкiмет мәжілiстерiне материалдар дайындаған кезде орталық атқарушы органдардың ведомстволары осы Регламенттің 10-тармағының талаптарын сақтауы тиiс.

      19. Үкiмет мәжілісінде қарауға дайындалған материалдар мемлекеттік және орыс тiлдерiнде мәжiлiске дейiнгi 5 күнтізбелік күннен кешіктірмей Кеңсеге енгiзіледі. Кеңсе Премьер-Министрмен не оны алмастыратын тұлғамен келiсiм бойынша Кеңсе Басшысы бекiтетiн мәжілiстiң күн тәртiбiнiң жобасын жасайды, күн тәртiбiн тиiстi материалдармен бiрге Yкiмет мүшелерiне және Кеңсе Басшысы қол қойған мәжіліске шақырылғандардың тізіміне және онымен келісілген жөнелтім көрсеткішіне сәйкес басқа да лауазымды тұлғаларға дереу жолдайды.

      Мемлекеттiк органдар Yкiмет мәжiлiсiне материалдарды уақтылы ұсынбаған жағдайда Кеңсе Басшысы бұл туралы Премьер-Министрге немесе оның міндетін атқарушы тұлғаға баяндайды. Үкiмет мәжілістерiне материалдардың уақтылы ұсынылмағандығы үшiн жауапкершілiк осы органдардың бiрiншi басшыларына жүктеледi.

      Премьер-Министрдiң тапсырмасы бойынша Үкiмет мәжiлiсi шұғыл түрде өткiзілетін айрықша жағдайларда материалдар Кеңсеге ол өткiзiлетiн күнi енгiзiлуi мүмкiн және Үкiмет мәжілiсiне қатысушыларға мәжiлiсте тiкелей жеткізіледi.

      20. Мәжiлiске қатысып отырғандар олардың атына немесе олар білдiрiп отырған органдардың (ұйымдардың) атына тапсырмалар мен олардың орындалу мерзiмiнiң деректер жазбасын жүргiзуi тиiс.

      Үкiмет мәжiлiсiнiң хаттамасын дайындау мақсатында, әдетте, Кеңсенiң тиiстi бөлiмшесiнiң мәжілiске қатысып отырған қызметкерi хаттамалық жазбалар жүргiзедi, онда талқыланып отырған мәселелердiң атауы мен мәнi, баяндамашылар және талқылау кезiнде сөз сөйлеушiлер, олардың сөйлеген сөздерінің, ескертулердiң негiзгi мазмұны және Үкiмет мүшелерi қабылдаған шешiмдер тiркеледi.

      Әдетте, кейiннен фонограммалары толығымен жазылып және оларды басып шығарып, Yкiмет мәжілiстерiнiң дыбыстық жазбасы жүргiзiледi. Қажет болған кезде Кеңсе Басшысының нұсқауы бойынша мәжілiстiң бейне жазбасы жүргізілуі мүмкін.

      Үкiмет мәжiлiсiнiң хаттамасын құзыретiне мәжілiсте қаралған мәселелер жататын Кеңсенің құрылымдық бөлiмшелерi дайындаған хаттамалық тапсырмалардың тұжырымдамалары негізiнде Кеңсенiң құжаттамалық қамтамасыз етуге жауапты бөлiмшесi мәжіліс аяқталған күнiнен бастап үш күн мерзiмде елтаңбалық бланкiге жасайды. Бұдан кейiн хаттамаға Кеңсенiң құрылымдық бөлiмшелерінің басшылары (өздерiнiң құзыретiне жататын мәселелер бойынша), мәжiлiске қатысқан Премьер-Министрдiң орынбасарлары, Кеңсе Басшысы немесе оның мiндетiн атқарушы тұлға бұрыштама соғады және мәжiлiске төрағалық етушi қол қояды.

      Президенттің төрағалық етуiмен өткiзілетiн Үкiмет мәжілiстерiнiң хаттамалары Президент Әкiмшілiгiмен келiсіледi.

      21. Үкiмет мәжілістерiнiң әрбiр хаттамасына кезегiмен күнтiзбелiк жылдың басынан бастап реттiк нөмiр беріледi. Хаттамалар немесе олардың үзiндi көшiрмелерi оларға қол қойылған күнi Үкiмет мүшелерiне, ал қажет болған кезде мәжілiстерде тиiстi тапсырмалар берiлген басқа да мемлекеттік органдар мен лауазымды тұлғаларға жөнелтiледi. Хаттамалар (үзiндi көшiрмелер) жөнелтiмінің көрсеткiшi Кеңсе Басшысымен келiсіледi.

      Үкiмет мәжілiстерi хаттамаларының түпнұсқалары, оларға қоса берілетiн құжаттар, фонограммалардың басылып шыққандары, ауызекi ақпаратты магниттi жеткiзгіштер және бейне материалдар тұрақты сақтаудағы құжаттар тiзiмдемесiне енгiзіледi және Кеңсе мұрағатында сақталады.

5. Мемлекеттік органдардың Үкiмет қаулылары мен
Премьер-Министр өкiмдерiнiң жобаларын дайындау
және ресiмдеу тәртiбi

      22. Мемлекеттiк органдар Үкiмет қаулыларының жобаларын (бұдан әрi - қаулылардың жобалары) дайындауды Қазақстан Республикасы Конституциясының , заңдарының, Президент кесiмдерінің және өзге де нормативтiк құқықтық кесiмдердің негiзiнде және оларды орындау үшiн жүзеге асырады. Қаулылардың жобаларын уәкілетті органдар өз бастамалары бойынша немесе егер заңнамада өзгеше белгіленбесе, жоғары тұрған мемлекеттік органдардың тапсырмалары бойынша әзiрлейдi.

      Премьер-Министр өкiмдерiнiң жобаларын (бұдан әрi - өкiмдердiң жобалары) дайындау әкiмшілiк-өкiмдiк, жедел және жеке сипаттағы мәселелердi шешу үшiн жүзеге асырылады.

      Орталық атқарушы органдар арасында қағидатты және еңсерілмес келiспеушiлiктер болған кезде келiсілген шешiмдер қабылдауды, сондай-ақ ведомствоаралық үйлестірудi талап ететiн мәселелер Үкiмет мәжілістерiнде не Премьер-Министрде, оның орынбасарларында немесе Кеңсе Басшысында өтетiн кеңестерде қаралуы мүмкiн.

      23. Қаулылар мен өкiмдердiң жобаларын дайындауды мемлекеттік органдар Қазақстан Республикасының " Нормативтiк құқықтық актілер туралы ", " Қазақстан Республикасындағы тіл туралы " Заңдарының, Қазақстан Республикасы Үкiметiнiң 2001 жылғы 31 қаңтардағы N 168 қаулысымен бекiтілген Қазақстан Республикасы Премьер-Министрiнiң Кеңсесiнде iс жүргiзу жөнiндегi нұсқаулықтың, Қазақстан Республикасы Үкiметiнiң 1998 жылғы 22 шiлдедегi N 678 қаулысымен бекiтілген Қазақстан Республикасы Үкiметiнiң қаулылары мен Премьер-Министр өкiмдерінің жобаларын ресiмдеу жөнiндегі нұсқаулықтың (заңдық техникасы) және осы Регламенттiң талаптарын сақтай отырып, мемлекеттік және орыс тілдерiнде жүзеге асырады.

      Қаулының (өкiмнің) жобасын әзiрлеудi жүзеге асыратын мемлекеттiк органның бiрiншi басшысы (немесе бiрiншi басшысының мiндетiн атқару ресми түрде жүктелген тұлға) оның Қазақстанның 2030 жылға дейiнгi Даму стратегиясына және Үкiмет Бағдарламасына сәйкес келуi, жобаның уақтылы, сапалы әзiрленуi және белгiлеген мерзiмдерде Үкiметке ұсынылуы, жобаның мемлекеттік және орыс тілдерiндегi, оның iшiнде магнитті жеткiзгiштердегi мәтiндерінің дәлме-дәл болуы, осы Регламент талаптарының сақталуы үшiн дербес жауап бередi.

      24. Экспорттық бақылауға жататын өнiмнiң экспорты, импорты және транзитi мәселелерi бойынша қаулылардың жобаларын дайындауды Қазақстан Республикасы Экспорттық бақылау мәселелерi жөнiндегi мемлекеттiк комиссиясының жұмыс органы жүзеге асырады. Көрсетілген қаулылар жобаларын келiсу мен енгізу мәселелерi осы Мемлекеттiк комиссия туралы Ережемен айқындалады.

      "Байқоңыр" ғарыш айлағынан ғарыш аппараттарын ұшыру мен зымырандарды сынақтық ұшырудың жоспарлары жөнiндегi қаулылардың жобаларын келiсу және енгiзу мәселелерi Үкiмет бекiтетiн тиiстi нұсқаулықпен айқындалады.

      Кадр мәселелерi бойынша қаулылардың жобаларын дайындауды Кеңсе жүзеге асырады.

      25. Қаулының (өкiмнің) жобасын әзiрлеушi, егер оны қабылдағаннан кейiн мұндай қажеттiлiк туындаса, жобада бiр мезгілде Yкiметтің және/немесе Премьер-Министрдiң бұрын қабылданған шешiмдерiн қаулының (өкiмнiң) жобасына сәйкес келтiру жөнiндегi нормаларды көздейдi.

      26. Әзiрлеушi қаулының (өкiмінің) жобасына мынадай негізгі мәлiметтердi қамтуы тиiс Кеңсе Басшысы белгілеген нысан бойынша түсiндiрме жазбаны мiндетті түрде қоса бередi:

      1) тиісті нормативтік құқықтық кесiмдерге жасалған сiлтеме бар жобаны қабылдауға негiздеме және/немесе оны қабылдау қажеттігінiң басқа да негiздемелерi;

      2) жоба бойынша қаржылық шығындардың қажеттiгі және оның қаржылық қамтамасыз етілуi;

      3) жоба қабылданған жағдайдағы болжамды салдарлар;

      4) нақты мақсаттар мен күтілетiн нәтижелердiң мерзiмдерi;

      5) жобада қаралатын мәселелер және оларды iске асыру нәтижелерi бойынша бұрын қабылданған Президенттің және/немесе Үкiметтің кесiмдерi туралы мәлiметтер;

      6) енгiзілетiн жоба қабылданған жағдайда қолданыстағы заңнаманы оған сәйкес келтiру қажеттігі (басқа нормативтiк құқықтық кесiмдер қабылдау немесе қолданыстағы кесiмдерге өзгерiстер және/немесе толықтырулар енгiзу талап етілетіндігі көрсету) не мұндай қажеттіктiң болмауы;

      7) жобада көрсетілген мәселелер құзыретiне енетiн мүдделi мемлекеттiк орган басшысы бұрыштамасының болмау себебi (мұндай факт болған кезде).

      Қаулы (өкiм) жобаларының және оларға қосымшалардың әр парағына әзiрлеушi мемлекеттiк органның бiрiншi басшысы немесе бiрiншi басшының мiндетін атқару ресми түрде жүктелген тұлға не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға алдын ала қол қояды, ал iлеспе хаттарға қол қояды.

      Қаулы жобасында халықаралық шарттарға немесе өзге де құжаттарға (заңнамалық кесiмдерден, Президент, Үкiмет және Премьер-Министр кесiмдерiнен басқа) сiлтемелер болған кезде әзiрлеушi тиiсiнше Сыртқы iстер министрлiгi немесе жобаны әзiрлеушi куәландырған мемлекеттiк, орыс және өзге қол қойылған (әр түрлi оқылған кезде басымдықты болатын) тілдердегі осы құжаттардың көшiрмелерiн мiндеттi түрде жобаға қоса бередi.

      27. Қаулылар мен өкiмдердiң жобалары олардың құзыретiне орай мүдделi мемлекеттiк органдармен мiндеттi түрде келiсіледi, бұл ретте жобаны келiсудегi мұндай мүдделілiк жобада қаралатын мәселелердiң мәнi негiзге алына отырып белгiленедi.

      Кадрлық және ұйымдастырушылық сипаттағыны қоспағанда, қаулылардың жобалары мiндеттi түрде:

      1) экономикалық орындылығы және жобаның мемлекеттік әлеуметтiк-экономикалық саясаттың негiзгi бағыттарына сәйкес келуiн қамтамасыз ету мәселелерi бойынша, сондай-ақ бюджеттік жоспарлау шеңберiнде - жобаның қаржылық қамтамасыз етілуi, мемлекеттік кiрiстердiң ықтимал қысқартылуы және мемлекеттік шығыстардың арттырылуы мәселелерi бойынша - Экономика және бюджеттік жоспарлау министрлiгiмен;

      2) жобаның Үкiметтiң құзыретiне сәйкестігi тұрғысында заңды сараптама жүргiзу және оның Қазақстан Республикасының Конституциясына, заңнамалық кесiмдерiне, Президентiнiң, Үкiмет пен Премьер-Министрдiң кесiмдерiне сәйкестiгiн қамтамасыз ету мақсатында Әдiлет министрлігімен келiсiлуге тиiс.

      Келiсушi мемлекеттiк органдарға оларда осы органдардың тiкелей құзыретiне жатпайтын немесе жобалардың мәтiндерiне ескертулер болған кезде қаулылардың (өкiмдердiң) жобаларын "ескертулермен" келiсуге (бұрыштама соғуға) тыйым салынады.

      Оларды қабылдау экологиялық, соның iшiнде радиациялық қауiпсiздiкке, қоршаған ортаны қорғауға қауiп төндiруi мүмкiн зардаптар болжанып отырған қаулылардың жобалары мiндеттi түрде мемлекеттік экологиялық сараптама жасауға жатады. Жобаны әзiрлеушi жобаны заңнамада белгіленген тәртiппен экологиялық сараптама жүргiзудi қамтамасыз етедi, оның нәтижелерi жобаға қоса берiледi.

      28. Халықаралық ұйымдарға кiру және олардан шығу, халықаралық шарттарға қосылу мәселелерi жөнiндегi, сондай-ақ заңнамаға сәйкес Әдiлет министрлiгiнде құқықтық сараптама жасауға жататын Қазақстан Республикасының халықаралық шарттарын жасасу, орындау және күшiн жою мәселелерi жөнiндегі қаулылардың жобалары мүдделi мемлекеттiк органдармен алдын ала келiсілуге тиiс, ал құқықтық сараптама жүргiзiлгендерi Сыртқы iстер министрлiгiнде келiсуге жатады.

      Көрсетілген жобаларға:

      1) тиісті шет мемлекетпен (мемлекеттермен) немесе халықаралық ұйыммен келісілген әзiрлеуші органның бірінші басшысы (бірінші басшының міндетін атқару pecми түрде жүктелген тұлға не Yкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға) алдын ала қол қойған халықаралық шарттың жобасы не Сыртқы істер министрлiгi куәландырған оған сәйкес Қазақстан Республикасының халықаралық ұйымға кiруi немесе одан шығуы не Қазақстан Республикасының шартқа қосылуы жоспарланып отырған көп жақты халықаралық шарттың мемлекеттiк, орыс және қол қойылған өзге тiлдердегi мәтiнi (әр түрлi оқылған жағдайды басымдығы бар);

      2) Сыртқы iстер министрлiгi куәландырған халықаралық шарттардың көшiрмелерi және оларға жобада сiлтемелер бар жобаны әзiрлеушi куәландырған халықаралық сипаттағы өзге де құжаттар қоса берiледi.

      Қол қойылған халықаралық шарттардың және халықаралық сипаттағы өзге де құжаттардың мемлекеттiк және орыс тілдерiндегi мәтiндерiнiң дәлме-дәлдігін тиiсiнше Сыртқы iстер министрлiгi және әзiрлеушi оларды Кеңсеге енгiзгенге дейiн қамтамасыз етедi.

      29. Премьер-Министр не оның тапсырмасы бойынша Кеңсе Басшысы Үкiметтiң резервiнен қаражат бөлу және басқа да жедел мәселелердi шешу жөнінде қаулылардың (өкiмдердiң) жобаларын келiсудiң өзге де рәсiмiн айқындай алады.

      30. Жобаны әзiрлеушi мемлекеттiк орган сонымен бiр мезгілде осы Регламенттiң 27-тармағына сәйкес тиiстi мемлекеттiк органдарға қаулы (өкiм) жобасының, оған түсiндiрме жазбаның және басқа да қажетті құжаттардың көшiрмелерін келiсуге жiбередi.

      Қаулы (өкiм) жобасының көшiрмесiн келiсуге алған кезде мемлекеттік органдар оған басқа да мемлекеттік органдардың алдын ала бұрыштама соғуын талап етпеуi және желеу және өзге де негiзсiз себептер бойынша жобаны келiсуден бас тартпауы тиiс.

      31. Қаулылардың (өкiмдердiң) жобаларын мемлекеттiк органдарда келiсу олар түскен күнiнен бастап мынадай мерзiмнен аспауы тиiс:

      1) осы Регламенттің 64 және 65-тармақтарында көзделген жағдайларды қоспағанда, қаулылардың жобалары, соның iшiнде Қазақстан Республикасы Президентінің және Парламентінің қарауына енгiзу туралы тиiсiнше Президент кесiмдерінің жобалары мен заң жобалары - 10 жұмыс күнi;

      2) Премьер-Министр өкiмдерiнiң жобалары - 5 жұмыс күнi.

      Премьер-Министрдiң оның орынбасарларының немесе Кеңсе Басшысының тапсырмалары бойынша Yкiметтiң қаулыларын немесе Премьер-Министрдің өкiмдер жедел қабылдау қажет болған кезде нақты жобаларды мемлекеттiк органдарда келiсудiң неғұрлым қысқа мерзiмдерi белгіленуi мүмкiн. Мұндай жағдайда қаулының (өкiмнiң) жобасына мемлекеттік органның бiрiншi басшысы немесе бiрiншi басшының мiндетiн атқару ресми түрде жүктелген тұлға не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға Yкiмет басшылығында болған кеңесте немесе Үкiмет мәжілiсiнде бұрыштама соғуы мүмкін.

      32. Қаулының (өкiмнiң) жобасын келiсушi мемлекеттік органда қарау және келiсу (бұрыштама соғу) осы Регламентте белгiленген мерзiмде және осы мемлекеттік органның құзыретi шеңберiнде жүзеге асырылуы тиiс.

      Қаулының (өкiмнiң) жобасын қарау қорытындылары бойынша келiсушi мемлекеттік орган әзiрлеушiге жауаптың мынадай нұсқаларының бiрiн ұсынуға тиiс:

      1) жоба ескертулерсiз келiсiлдi (бiрiншi басшының немесе бiрiншi басшының мiндетiн атқару ресми түрде жүктелген тұлғаның не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкiлеттік берген тұлғаның жобадағы бұрыштамасы);

      2) жоба ескертулермен келiсiлдi (бiрiншi басшының немесе бiрiншi басшының мiндетiн атқару ресми түрде жүктелген тұлғаның не Үкiметтiң және Кеңсенің басшылығына арналған құжаттарға қол қоюға бiрiншi басшы ресми түрде өкілеттік берген тұлғаның жобадағы "ескертулермен" деген бұрыштамасы), бұл ретте ескертулер жобаға қоса берілетiн бiрiншi басшы (бiрiншi басшының мiндетiн атқару ресми түрде жүктелген тұлға не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға) қол қойған хатта баяндалады, онда оларды жою жөнiндегi ұсыныстар мiндеттi түрде қамтылуы тиiс. Келiсу барысында жобаларды жұмыс тәртiбiмен пысықтауға жол беріледi;

      3) жобаны келiсуден бас тартылды (жобаға бұрыштама соғылған жоқ), бұл ретте келiсуден бас тартуға уәждемесi бар бiрiншi басшы (бiрiншi басшының мiндетiн атқару ресми түрде жүктелген тұлға не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкiлеттік берген тұлға) қол қойған хат қоса беріледi.

      33. Егер қаулының (өкiмнiң) жобасы бойынша ескертулермен келiсiлген жағдайда, әзiрлеушi мемлекеттік орган өзi келiскен ескертулердi түзетедi, жобаның соңғы түпкiлiктi нұсқасын дайындайды және оны қайта келiсуге жiбередi. Қайта келiсу осы Регламенттiң 31-тармағында белгiленгендерге ұқсас мерзiмде жүзеге асырылады.

      Әзiрлеушi келiспейтiн ескертулер бойынша ол мен келiсушi орган арасында келiспеушілiктер хаттамасы жасалады. Бұл ретте қаулының (өкiмнiң) жобасын әзiрлеушi бағандарында келiспеушілік туғызған жоба тармақтарының әзiрлеушi мен келiсушi орган ұсынатын редакциялары және олардың негіздемелерi қамтылуы тиiс кесте түрiндегi келiспеушілiктер хаттамасын дайындайды. Әзiрлеушi органның бiрiнші басшысы (бiрiншi басшының мiндетiн атқару ресми түрде жүктелген тұлға не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға) қол қойған келiспеушіліктер хаттамасы жобаның түпкілікті нұсқасымен бiрге келiсушi органға жiберіледi және оның бiрiншi басшысы (бiрiншi басшының мiндетiн атқару ресми түрде жүктелген тұлға не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға) қайтадан келiсу үшiн белгіленген мерзімде қол қоюы тиiс.

      Келiспеушілiктер хаттамасы оны Кеңсеге енгізу кезiнде мiндеттi түрде қаулының (өкiмнiң) жобасына қоса тiркеледi.

      34. Үкiметтiң қаулысы оның ұжымдық заңды пiкiрiн білдiруi тиiстiлiгiне байланысты қаулылардың жобалары, сондай-ақ заңдардың, Мемлекет басшысы кесiмдерінiң және Парламент депутаттары бастамашылық жасаған заң жобаларына Үкiметтің қорытындыларының жобалары бойынша Үкiмет мүшелерінiң дауыс беруi жүргiзіледi.

      Дауыс берудi өткiзу мақсатында қаулы жобасының (заң, Мемлекет басшысы кесiмi, Үкiмет қорытындысы жобасының) түпкiлiктi нұсқасын Кеңсеге енгiзер алдында әзiрлеушi оның қағаз және/немесе магнитті ақпарат жеткiзгіштердегi мәтiнiнiң көшiрмелерiн не электрондық көшiрмесiн (құпия сипаттағы және кадр мәселелерi бойынша жобалардан басқа) электрондық почта арқылы Үкiмет мүшелерiнiң барлығына (Премьер-Министрдi, оның орынбасарларын және әзiрлеушi жобаны келiсудi жүргізген Yкiмет мүшелерiн қоспағанда) жiбередi. Жобаға қосымшалар Үкiмет мүшелерiне, тек оларға қатысты бөлігінде жіберiлуi мүмкiн.

      Егер қаулының жобасы Кеңседе елеулi пысықтауға ұшыраған жағдайда, сондай-ақ пысықталған заң жобасы, Мемлекет басшысы кесiмiнiң жобасы немесе Парламент депутаттары бастамашылық жасаған, Кеңседе сараптама жүргiзiлген заң жобасына Үкiметтiң қорытындысы бойынша шұғыл дауыс берудi жүргiзу қажет болған кезде осындай жобалар бойынша дауыс берудi Кеңсе оның Басшысының нұсқауы бойынша ұйымдастырады, ол жобалардың (заң жобаларының, Мемлекет басшысының кесiмдерi, Үкiмет қорытындылары жобаларының) электронды көшiрмелерi бар хабарламаларды электронды почта арқылы не олардың қағаз жеткiзгiштердегі көшiрмелерiн фельдъегерлiк қызмет арқылы Үкiмет мүшелерiне жiбередi.

      Үкiмет мүшелерiнің қаулылардың жобалары бойынша дауыс беру мерзiмi жобалар көшiрмелерi (электронды көшiрмелерi бар хабарламалар) жiберілген күнiнен бастап 3 жұмыс күнiнен аспауға тиiс. Дауыс беру мерзiмi аяқталғанға дейiн Үкiмет мүшелерi әзiрлеушiге жобалар бойынша өз пiкiрiн білдiрген жазбаша жауаптар жiбередi. Көрсетілген мерзiмде жазбаша жауап берiлмеген жағдайда, Үкiмет мүшесi жобаны ескертулерсiз қабылдауға дауыс бердi деп саналады. Қаулылардың жобалары бойынша дауыс берудi Yкiмет мүшелерi алмастыру құқығынсыз жүзеге асырады. Егер жоба бойынша Yкiмет мүшелерінiң кемiнде үштен екiсi дауыс берiп, олардың көпшілiгi жобаны қабылдауға пікір бiлдiрсе дауыс беру өткiзiлдi деп саналады. Олай болмаған жағдайда дауыс беру өткiзілмедi деп саналады және Кеңсе енгiзілген жобаны қабылдамайды.

      Қаулының жобасы бойынша дауыс беру нәтижелерiн әзiрлеушi жобамен және Кеңсе белгілеген нысан бойынша оған басқа да материалдармен бiрге бiр мезгілде ұсынады.

      35. Ол бойынша Үкiмет мүшелерiнiң дауыс беруi өткiзілген қаулылардың және өкiмдердiң A4 форматындағы қағаздың жай парақтарындағы (мемлекеттiк және орыс тілдерiндегі мәтiндер үшiн N 14 мөлшерлi "TimesNewRoman" қарпi қолданылады, символдарды кодтау стандарты ҚP СТ 1048-2002 стандартына сәйкес) және ақпаратты магнитті жеткiзгiштегi мәтiндiк файлдар түрiндегi (бұдан әрi - магниттік жеткізгіш) жобаларын, сондай-ақ оған қажетті материалдарды әзiрлеушi мемлекеттiк органдардың өкiлдерi өз қолымен Кеңсеге енгiзедi. Бұл ретте қаулылардың (өкiмдердiң) жобаларына ілеспе хаттарда тапсырманың нөмiрi мен берiлген күнi көрсетiле отырып, олардың не Yкімет немесе Кеңсе Басшысының тапсырмасы бойынша немесе Президент, Үкiмет немесе Премьер-Министр кесiмiнiң нақты тармағын орындау үшiн не бастамашылық жасау тәртiбiмен енгізілгендiгi көрсетiлуге тиiс. Почта арқылы келiп түскен жобаларды Кеңсе әзiрлеушiге қарамай және тiркемей қайтарады.

      Кеңседе тiркелер алдында жобалар Кеңседе iс жүргiзу жөнiндегi нұсқаулықтың және осы Регламенттiң талаптарына сәйкестігiне, сондай-ақ iрiктемелi түрде дәлме-дәлдiгіне тексеріледi. Жоба мәтiндерi осы талаптарға сәйкес келмеген немесе олардың мемлекеттiк және орыс тiлдерiнде дәлме-дәл еместігі анықталған жағдайда жоба тiркелместен (құпия сипаттағы жобаларды қоспағанда) анықталған кемшiлiктердi жою үшін әзiрлеушінің өкiлiне қайтарылады.

      Кеңсеге келiп түсетiн "Aca маңызды", "Өте құпия" және "Құпия" деген құпиялық белгiсi бар қаулылардың (өкiмдердiң) жобалары белгіленген тәртiппен тiркеледi және Кеңсе Басшысына баяндалады. Көрсетілген талаптарға сәйкес келмеген жағдайда бұл жобалар Кеңсе Басшысының тапсырмасы бойынша әзiрлеушiге қайтарылады.

      36. Кеңсеге мемлекеттік органның бiрiнші басшысының мiндетiн атқарушы тұлға (Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға) бұрыштама соққан қаулының (өкiмнiң) жобасы не ол қол қойған iлеспе және өзге де хаттар енгiзілген кезде жобаға оған бiрiншi басшының мiндетін атқару жүктелгенi туралы (оған Үкiметтiң және Кеңсенiң басшылығына арналған құжаттарға қол қоюға бiрiншi басшы өкілеттік бергендігі туралы) кесiмнің көшiрмесi қоса беріледi.

      37. Кеңседе қаулының (өкiмнiң) жобасы тiркелгеннен кейiн жобаның Кеңседе тiркелген күнiнен бастап есептелетiн, осы Регламенттiң 31-тармағында көрсетілгенге ұқсас мерзiмде оның қаржы-экономикалық, құқықтық және өзге де аспектілерiне сараптама (бұдан әрi - сараптама) жүргізіледi.

      Сараптама қаулы (өкiм) жобасының дайындалу сапасын, негізділiгін, уақтылылығын бағалау, ықтимал терiс салдарларды айқындау үшiн, сондай-ақ жобаның жоғары деңгейдегi, Үкiмет пен Премьер-Министрдiң нормативтiк құқықтық кесiмдерiне сәйкестiгi және жобаның мемлекеттік және орыс тілдерiндегi мәтiндерiнiң дәлме-дәлдігі мәнiне жүргiзіледi. Жобалар сараптамасының нәтижелерi Премьер-Министр мен оның орынбасарлары, Кеңсе Басшысы үшiн олар тиiстi жобаларға қол қою немесе келiсу туралы шешімдер қабылдаған кезде ақпараттық-ұсынымдық сипатқа ие болады.

      Кеңсенiң тиiстi жобаның өтуiне жауапты құрылымдық бөлiмшесi жүргiзілген сараптаманың нәтижелерi бойынша жобаға қорытынды дайындайды. Қорытынды мынадай ақпаратты қамтуға тиiс: жобаны қабылдау қажеттілігi неге негiзделдi, оны дайындау кезiнде осы Регламенттің талаптары сақталды ма, келiсушi мемлекеттік органдардың қандай қарсылықтары бар, жоба бойынша Үкiмет мүшелерiнiң дауыс беру қорытындылары, жоба сараптамасының нәтижелерi, оның iшiнде құқықтық сипаттағы және заңи техника бойынша ескертулер, жобаны пысықтау туралы мәлiметтер (ондай факт болған кезде), жоба бойынша өзге де қажетті мәлiметтер, жобаны қабылдау немесе қабылдамау мүмкiндiгi туралы ұсынымдар.

      38. Кеңсе сараптама жүргiзу барысында немесе оның нәтижелерi бойынша жобаны мемлекеттiк органға мынадай негiздер бойынша:

      1) оның жоғары деңгейдегi нормативтiк құқықтық кесiмдерге сәйкес келмеуi анықталғанда;

      2) жобаның мемлекеттiк және орыс тілдерiндегі мәтiндерiнiң дәлме-дәл еместiгi анықталғанда;

      3) Үкiмет бекiткен Кеңседе iс жүргiзу жөнiндегi нұсқаулықтың, Қазақстан Республикасы Үкiметiнiң қаулылары мен Премьер-Министрi өкiмдерiнiң жобаларын ресiмдеу (заңды техника) жөнiндегі нұсқаулықтың және осы Регламенттің талаптарының бұзылғаны анықталғанда пысықтауға қайтаруға құқылы.

      Кеңсенiң құрылымдық бөлiмшелерiнiң өзге де аспектiлер бойынша терiс сараптамалық қорытындысы да Үкiмет басшылығының немесе Кеңсе Басшысының жобаны қайтаруы үшiн себеп болуы мүмкiн.

      39. Жоба пысықтауға мынадай түрде қайтарылуы мүмкiн:

      1) мемлекеттік органдар бiрiншi басшыларының не олар өкілеттік берген тұлғалардың қатысуымен өткен Yкiмет мәжілiсiнiң немесе Үкiмет басшылығында немесе Кеңсе Басшысында өткен кеңестiң хаттамасы негiзiнде;

      2) Кеңсенiң құрылымдық бөлiмшелерiнiң жоба сараптамасының нәтижелерi бойынша қорытындысы негiзiнде Премьер-Министрдiң жобада қаралатын мәселелер құзыретiне жататын орынбасарының немесе Кеңсе Басшысының не оның мiндетін атқарушы тұлғаның жазбаша тапсырмасы бойынша;

      3) жобаны әзiрлеушi орган не оның өкілi (өкілетті тұлғасы) Кеңсенiң құрылымдық бөлiмшелерiнiң ескертулерiмен келiскен кезде Кеңсе Басшысының рұқсатымен әзiрлеушi өкіл (өкілетті тұлға) жобаның келiсу парағына қол қойып жұмыс тәртiбiмен. Әзiрлеушiнiң жобаны жұмыс тәртiбiмен пысықтау мерзiмi 7 жұмыс күнiнен аспауға тиiс.

      Егер қайтарылатын жобаларға тапсырмаларда өзге мерзiм көрсетілмесе, жобаларды пысықтауды, қайтадан дауыс беру өткiзудi және енгiзудi әзiрлеушiлер қайтарылған күнiнен бастап бiр айдан аспайтын мерзiмде жүзеге асырады (жұмыс тәртiбiмен пысықталатын жағдайларды қоспағанда). Пысықтау мерзiмi аяқталғаннан кейiн әзiрлеушi Кеңсеге пысықталған жоба мен ол бойынша дауыс беру нәтижелерiн (Кеңсе белгiлеген нысан бойынша) не жобаны қараудан алу туралы жазбаша өтiнiштi ұсынуы тиiс.

      Жоба пысықталғаннан кейiн Кеңсеге қайта енгiзілген кезде оған сараптама жүргiзудiң және қорытынды дайындаудың жаңа мерзiмi белгіленедi.

      40. Ведомстволардың санын, министрлiктердiң, агенттіктердiң және ведомстволардың штат санын, олардың басшы лауазымды тұлғаларын өзгертудi (ұлғайтуды немесе қысқартуды) көздейтiн қаулылардың жобалары бойынша Үкiмет мұндай өзгерiске Мемлекет басшысының немесе оның уәкілеттігi бойынша Президент Әкiмшілiгiнiң жазбаша келiсiмiн алуы тиiс.

      41. Кеңседе сараптама жүргізiлгеннен, жоба пысықталғаннан (осындай факт болған кезде) және қорытынды дайындалғаннан кейiн жоба Кеңседе iс жүргiзу жөнiндегi нұсқаулыққа сәйкес тиiстi қорғалған елтаңбалық бланкiге көшiріледi, оған: орындаушы мен жобаның өтуiне жауапты құрылымдық бөлiмшенiң басшысы; жобаға сараптама жүргiзген құрылымдық бөлiмшелердiң басшылары; жоба мәтiндерiнiң дәлме-дәлдiгiн және олардың мемлекеттiк және орыс тілдерiнiң ережелерiне сәйкестiгiн тексерудi жүзеге асырған қызметкерлер бұрыштама соғады. Егер жоба және/немесе оған қосымшалар Кеңседе пысықтауға ұшыраса, онда пысықталған жобаға және/немесе оған қосымшаларға не олардың өзгертілген бөлiктерiне әзiрлеушi органның бiрiншi басшысы немесе бiрiншi басшының мiндетiн атқару ресми түрде жүктелген тұлға не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға әр парағына алдын ала қол қоюға тиiс.

      42. Қаулылардың жобаларын Премьер-Министрдiң орынбасарларында келiсу Премьер-Министр, оның орынбасарлары мен Кеңсе Басшысы арасында мiндеттердi бөлуге сәйкес жүзеге асырылады. Премьер-Министрдiң орынбасарларында қаулылардың жобалары бойынша ескертулер мен ұсыныстар болған кезде олар кеңестер өткiзуi мүмкiн. Кеңестерде қабылданған шешiмдер кеңестердiң хаттамалары түрiнде ресiмделедi.

      Мемлекеттік органдардың арасында қаулы жобасын келiсу процесiнде түзетiлмеген қағидатты келiспеушіліктер болған кезде, Премьер-Министрдiң орынбасарлары, Кеңсе Басшысы жоба бойынша келiспеушілiктердi реттеу мақсатында нәтижелерi хаттамалар түрiнде ресiмделетiн кеңестер өткiзуi мүмкiн. Егер талқыланып отырған мәселе бойынша өзара қолайлы шешiмге қол жеткiзiлмеген жағдайда, кеңесті өткiзуші Премьер-Министрдiң орынбасары немесе Кеңсе Басшысы бұл туралы түпкілiктi шешім қабылдау үшiн Премьер-Министрге хабардар етедi.

      Қаулының жобасы бойынша Үкiмет мүшелерiнiң көпшiлiгiнiң ескертулерi және/немесе қарсылықтары болған кезде Премьер-Министр, Премьер-Министрдiң орынбасарлары және Кеңсе Басшысы Үкiмет мүшелерiнiң көпшілiгiмен келiсiлген шешiм шығару үшін кеңес өткiзуi мүмкiн. Келiсiлген ұстанымға қол жеткiзiлмеген кезде Үкiметтiң қаулысы қабылданбайды, ол кеңес хаттамасында тiркелуi тиiс.

      Қажет болған кезде Премьер-Министрдiң орынбасарлары, Кеңсе Басшысы жобаны тиiстi мемлекеттік органдар мен ұйымдарға қосымша келiсуге жiберуi мүмкiн.

      Өкiмдердiң жобалары Премьер-Министрдiң орынбасарларымен Премьер-Министр, оның орынбасарлары мен Кеңсе Басшысы арасында мiндеттердi бөлумен айқындалатын құзыретке сәйкес олардың мүдделілiгi анықталған жағдайда келiсіледi.

      43. Премьер-Министрдiң тиiстi орынбасарларының келiсiмiнен (бұрыштама соғуынан) кейiн қаулының (өкiмнiң) жобасына Кеңсе Басшысы бұрыштама соғады және оны жоба бойынша шешiм қабылдау үшiн Премьер-Министрге не Премьер-Министрдiң мiндетiн атқарушы тұлғаға баяндайды.

      Премьер-Министр қаулының (өкiмнiң) жобасын қажет болған кезде пысықтау және/немесе қосымша келiсу үшiн тиiстi мемлекеттiк органға жiберуi мүмкін.

      44. Үкiметтің қаулылары мен Премьер-Министрдiң өкiмдерiне Премьер-Министр қол қояды. Премьер-Министр болмаған кезде Үкiметтiң қаулылары мен Премьер-Министрдiң өкiмдерiне Премьер-Министр белгілеген тәртiппен Премьер-Министрдiң мiндетiн атқаратын оның орынбасарларының бiрi қол қоя алады.

      Қаулының (өкiмнiң) түпнұсқасына оған қол қойылғаннан кейiн түзетулер енгiзуге тыйым салынады.

      45. Үкiметтің қаулылары мен Премьер-Министрдiң өкiмдерiн тiркеу және есепке алу Кеңсе белгілеген тәртiппен жүзеге асырылады.

      Қол қойылған Үкiметтің қаулылары мен Премьер-Министрдiң өкiмдерiне Кеңсенiң тиiстi бөлiмшесi:

      1) құпия емес қаулылар үшiн - күнтiзбелiк жылдың басынан бастап есепке алу реттiк нөмiрiнен, өкiмдер үшін - дефис арқылы "ө" әрпін қойып, күнтiзбелiк жылдың басынан бастап есепке алу реттік нөмiрiнен;

      2) "Қызмет бабында пайдалану үшін" деген белгісi бар таралуы шектеулi қаулылар мен өкiмдер үшiн - құпия емес қаулылар (өкiмдер) үшiн кезектi peттік нөмiрден және "қбү" кiшi әрiптерiнен;

      3) аса маңызды, өте құпия және құпия қаулылар мен өкiмдер үшiн - құпия қаулының (өкiмнiң) кезектi есепке алу нөмiрiн сызықша арқылы берілген құпиялық белгісiне сәйкес "аса м" - "Аса маңызды", "өқ" - "Өте құпия", "қ" - "Құпия" кiшi әрiптерiмен бiрге қойып, құпия емес қаулыларға (өкiмдерге) арналған кезекті реттік нөмiрден;

      4) бекiтілген бюджеттiк бағдарламалардың паспорттарына өзгерiстер және/немесе толықтырулар енгiзу көзделетiн қаулылар үшiн - әлiпбилiк тәртiппен берілетiн әрiптiк литерi (литерлерi) бар бастапқы қаулының реттiк нөмiрiнен тұратын тiркеу нөмiрлерiн бередi.

      Кеңсе Басшысының нұсқауы бойынша қаулыларға (өкiмдерге) жоғарыда көрсетілген тәртiппен құпия емес қаулыларға (өкiмдерге) арналған кезектi реттік нөмiрден кейiн дефис арқылы қойылатын сандық литерi бар тiркеу нөмiрлерi берілуi мүмкiн.

      46. Үкiмет қаулыларының және Премьер-Министр өкiмдерінің түпнұсқалары тұрақты сақталатын құжаттарға жатады және Кеңседе кемiнде 15 жыл сақталады, осы мерзiм өткеннен кейiн олар Қазақстан Республикасының Орталық мемлекеттiк мұрағатына мемлекеттiк сақтауға берiледi.

      47. Үкiмет қаулыларының және Премьер-Министр өкiмдерінің куәландырылған көшiрмелерiн уақтылы шығаруды және таратуды Кеңсе жүзеге асырады. Қажет болған кезде қаулылардың (өкiмдердiң) қосымша даналары Кеңсе Басшысының рұқсатымен ғана беріледi. Құпия сипаттағы қаулылар мен өкімдердің куәландырылған көшiрмелерi немесе олардың үзiндi көшiрмелерi белгiленген тәртiппен адресаттардың шектеулi санына жiберiледi.

      Оларда техникалық қателер анықталған кезде Үкiметтiң құпия емес қаулылары мен Премьер-Министр өкiмдерiнiң бұрын жiберілген даналарын ауыстыру Кеңсе Басшысының рұқсатымен жүргiзіледi. Бұл ретте бастапқы жiберiлген даналарды алғандарға "Бұрынғы жiберілгеннiң орнына" ("Взамен ранее разосланного") мөртаңбасы басылып, қаулылардың (өкiмдердiң) түзетілген нұсқалары жiберіледi. Адресаттар көрсетілген мөртаңбасы бар түзетілген нұсқаны алғаннан кейiн олар қаулылардың (өкiмдердiң) бұрын жiберілген даналарын Кеңсеге дереу қайтаруға тиiс.

      Қаулыларды (өкiмдердi) қайтарып алу Кеңсе Басшысының нұсқауы бойынша жүзеге асырылады.

      Аса маңызды, өте құпия және құпия қаулылар (өкiмдер) Кеңсе Басшысының хатымен ресми түрде қайтарылып алынады.

      48. Жобалары осы Регламенттің талаптарын бұзып енгiзілген Yкiметтің және Премьер-Министрдiң қабылданған шешiмдерiндегi қателерге жобаны әзiрлеушi жауапты болады.

      49. Үкiметтiң нормативтiк қаулысы қабылданғаннан кейiн министрлiктер мен олардың ведомстволары, агенттіктер, сондай-ақ жергiлiктi атқарушы органдар бiр ай мерзiмде өздерiнің кесiмдерiн Yкiмет қабылдаған қаулыға сәйкес келтiруге және қажет болған кезде оны iске асыру мақсатында тиісті кесiмдер шығаруға мiндеттi.

      Осы тармақтың орындалуын бақылауды Әдiлет министрлігі жүзеге асырады.

      50. Нормативтiк құқықтық кесiмдердi қабылдаған орган таратылған, қайта ұйымдастырылған немесе қайта құрылған жағдайда, оның кесiмдерiнiң күші жойылды деп тану, оларға өзгерiстер мен толықтырулар енгізу туралы мәселелердi оның құқықтық мирасқоры немесе жоғары тұрған орган шешедi.

6. Yкiмет енгізетiн Президент
кесiмдерiнiң жобаларын дайындау

      51. Үкiмет енгiзетiн Президент кесiмдерiнiң жобаларын дайындауды қолданыстағы заңнамаға және осы Регламентке сәйкес тиiстi орган жүзеге асырады.

      Президент кесiмдерiнiң жобалары Үкiмет қаулыларымен не Премьер-Министрдiң немесе оны алмастыратын (оның мiндетiн атқарушы) тұлғаның хаттарымен Президент Әкiмшілiгiне енгiзіледi. Бұл ретте, әдетте, хаттармен Президент Әкiмшілiгi бұрын пысықтау үшiн қайтарған жобалар қайта енгізіледi.

      Президент кесiмдерiнiң жобаларын келiсу кесiм жобасы мәтiнiнiң түпнұсқаларына (мемлекеттiк және орыс тілдерiндегi) қол қойып (бұрыштама соғып) бекiтуден және/немесе оның келiсу парағына бұрыштама соғудан көрiнедi.

      52. Үкiмет Президент Әкiмшiлiгiне енгiзетiн мемлекеттiк және орыс тілдерiнде дайындалған Президент кесiмдерiнiң жобалары мыналарды қамтуға тиiс:

      1) Президент кесiмiнiң жобасын енгiзу туралы Үкiмет қаулысының белгiленген тәртiппен Yкiмет мөрiмен куәландырылған көшiрмесi немесе Премьер-Министрдiң не оны алмастыратын (оның мiндетiн атқарушы) тұлғаның Президентке жолданған хатының түпнұсқасы;

      2) Премьер-Министр немесе оны алмастыратын (оның мiндетiн атқарушы) тұлға, Кеңсе Басшысы, жобаны әзiрлеушi мемлекеттiк органның және Әділет министрлiгiнiң бiрiншi басшылары (бiрiншi басшының мiндетiн атқару ресми түрде жүктелген тұлғалар не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлғалар) бұрыштама соққан тиiстi бланкiдегi Президент кесiмiнiң жобасы. Жобаны әзiрлеушi мемлекеттік органның бiрiншi басшысы не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға Президент кесiмiнiң жобасы мен оған қосымшаның әр парағына алдын ала қол қоюы тиiс. Басқа да келiсушi органдардың бiрiншi басшылары (бiрiншi басшының мiндетiн атқару ресми түрде жүктелген тұлғалар не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлғалар) жобаға келiсу парағына бұрыштама соғады. Премьер-Министр немесе оны алмастыратын (оның мiндетiн атқарушы) тұлға және Кеңсе Басшысы (оның мiндетiн атқарушы тұлға) бұрыштама соққан тиiстi бланкiдегi Президент кесiмiнiң жобасына әзiрлеушi орган және Әділет министрлiгі бiрiншi басшыларының (бiрiншi басшының мiндетiн атқару ресми түрде жүктелген тұлғалардың не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлғалардың) бұрыштамасы бар жай қағаздың парақтарында ұсынылған, Үкiметке енгiзілген Президент кесiмiнiң жобасын қоса тiркеуге рұқсат етіледi;

      3) Премьер-Министр немесе оны алмастыратын (оның мiндетiн атқарушы) тұлға қол қойған көлемi 3 парақтан, ал күрделi мәселелер бойынша 5 парақтан аспайтын түсiндiрме жазба, онда мәселенiң мәнiсi мен Президент кесiмiн қабылдау қажеттілігінің, оның iшiнде қаржы-экономикалық негiздемесi, осы мәселе бойынша Президент кесiмдерiнiң бұрын қабылданған тiзбесi және олардың орындалуы туралы ақпарат, осы жобаны қабылдаудан күтілетiн салдарлардың болжамы жазылады;

      4) егер Президент кесiмiнiң енгiзілетiн жобасымен Президенттiң қолданыстағы кесiмдерiне өзгерiстер және/немесе толықтырулар енгiзу көзделетiн болса, әзiрлеушi мемлекеттік орган бiрiншi басшысының немесе бiрiншi басшының мiндеттерiн атқару ресми түрде жүктелген тұлғаның не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлғаның әр парағына алдын ала қолы қойылған және қолы қойылған Президент кесiмiнiң бұрынғы және жаңа редакциясының салыстырма кестесi;

      5) Президент Әкiмшілiгi белгілеген нысан бойынша жасалған Президент кесiмi жобасының келiсу парағы;

      6) өзге де қажетті материалдар.

      53. Премьер-Министр немесе оны алмастыратын (оның мiндетін атқарушы) тұлға не Кеңсе Басшысы (оның мiндетiн атқарушы тұлға) Үкiметке тапсырмасы бар Президент кесiмi күшiне енген күнiнен бастап 3 жұмыс күнiнен кешiктiрмейтін мерзiмде осы тапсырмалардың орындалуы үшiн жауапкершiлiк жүктелетiн лауазымды тұлғалар мен мемлекеттiк органдарды айқындайды.

7. Yкiметтің заң шығару қызметi

      54. Үкiметтің заң шығару қызметi Үкiметтiң заң жобалау жұмыстарының жоспарына (бұдан әрi - Жоспар) сәйкес жүзеге асырылады.

      55. Үкiметтің заң жобалау жұмыстарының ағымдағы және перспективалық жоспарларын қалыптастыру Президенттiң тапсырмалары, Үкiметтiң Бағдарламасы, мемлекеттік бағдарламалар мен Үкiмет бекiтетiн бағдарламалар, мемлекеттік бағдарламаларды iске асыру жөнiндегi iс-шаралар жоспары, сондай-ақ Премьер-Министрдiң шешiмдерi ескеріле отырып жүзеге асырылады.

      Жоспар заң жобаларының, оның iшiнде заң жобаларын әзiрлеушi мемлекеттік органдарды, нақты заң жобаларын Әдiлет министрлiгiне, Үкiметке және Қазақстан Республикасының Парламентiне (бұдан әрi - Парламент) енгізу мерзiмдерi, сондай-ақ заң жобаларын әзiрлеу мен енгiзу үшiн жауапты лауазымды тұлғалар көрсетіле отырып, қолданыстағы заңнамалық кесiмдерге өзгерiстер және/немесе толықтырулар енгізудi көздейтiн заң жобаларының тiзбесiн бiлдiредi.

      56. Алдағы жылға арналған Жоспардың жобасын Әділет министрлiгi мемлекеттік органдар мен Қазақстан Республикасы Үкiметiнiң жанындағы Заң жобалау қызметi мәселелерi жөнiндегi ведомствоаралық комиссия (бұдан әрi - Ведомствоаралық комиссия) ұсыныстарының негiзiнде жасайды және жыл сайын 1 қарашаға дейiн Үкiмет қаулыларының жобаларын енгiзу үшiн белгіленген тәртiппен Үкiметке ұсынады. Бұл ретте Әділет министрлiгi Жоспардың жобасына енгізілген әрбiр заң жобасын әзiрлеу қажеттiлiгiнiң негіздемесiн қамтитын анықтаманы қоса тiркейдi.

      Ведомствоаралық комиссияның оң қорытындысы Жоспарға сол немесе өзге заң жобасын енгізу үшiн мiндетті шарт болып табылады.

      57. Жоспарды Президентпен келiсу Қазақстан Республикасы Президентiнiң "Қазақстан Республикасы Үкiметiнiң заң жобалары жұмыстарының жоспарларын Қазақстан Республикасының Президентiмен және Қазақстан Республикасы Парламентiнiң Мәжілiсiне Үкiмет енгiзетiн заң жобаларын Қазақстан Республикасы Президентiнiң Әкiмшiлiгiмен келiсу ережелерiн бекiту туралы" 2002 жылғы 17 мамырдағы N 873 Жарлығына сәйкес жүзеге асырылады.

      58. Жоспарда көзделген заң жобаларын ұсыну мерзiмдерiн ауыстыру туралы, сондай-ақ заң жобаларын ағымдағы жылдың Жоспарынан алып тастау немесе оған толықтырулар енгiзу туралы мәселелер заң жобасын әзiрлеушi мемлекеттiк органның өтiнiшi бойынша Ведомствоаралық комиссияның отырысында алдын ала қаралады. Мемлекеттік орган Жоспарға өзгерiстер мен толықтырулар енгiзу туралы Үкiмет қаулысының жобасын енгiзген кезде түсiндiрме жазбада мiндеттi түрде Ведомствоаралық комиссияның осы мәселе бойынша негіздемесi мен шешiмi көрсетіледi.

      Мемлекеттiк және өзге де бағдарламалар, тұжырымдамалар, Yкiметтiң iс-шаралары жобаларының нормалары (ережелерi) заң жобаларын қамтамасыз ету бөлiгiнде Ведомствоаралық комиссиямен келiсiледi.

      Мемлекеттік және өзге де бағдарламаларға қоғамдық қатынастарды заңнамалық реттеудiң жаңа тетiктерiн енгiзу перспективалық Жоспарға өзгерiстер мен толықтырулар енгiзумен қатар жүргiзілуге тиiс.

      Заң жобалау жұмыстарының қабылданған жоспарларына енгiзiлетiн өзгерiстер және (немесе) толықтырулар Мемлекет басшысымен не оның тапсырмасы бойынша Қазақстан Республикасы Президентiнiң Әкiмшiлiгiмен мiндеттi түрде келiсілуге жатады.

      59. Перспективалық және ағымдағы жоспарлардың орындалуын жалпы бақылауды Әділет министрлiгi жүзеге асырады.

      Әдiлет министрлiгi ай сайын Yкiметтiң заң жобалау қызметiнiң барысын қорытады және есептіден кейiнгi айдың 1-күніне ағымдағы Жоспардың орындалу барысы туралы есепті, оның iшiнде жоспарланған заң жобаларының мемлекеттiк органдар мен Парламентте өтуi туралы ақпаратты ұсынады.

      Жоспарланған заң жобаларын әзiрлеу мерзiмi бұзылған кезде Кеңсе Әдiлет министрлiгi ақпаратының негiзiнде Премьер-Министрге заң жобаларын әзiрлеу мерзiмiнiң бұзылуына кiнәлi лауазымды тұлғаларды жауапкершілiкке тарту туралы ұсыныстар енгiзе алады.

      60. Халықаралық шарттарды бекiту мен күшiн жою және оларға қосылу туралы заң жобаларынан басқа, жоспардан тыс заң жобалары Ведомствоаралық комиссиямен алдын ала келiсiлуге жатады, оның оң қорытындысы заң жобаларын белгiленген тәртiппен Үкiметке енгiзу үшiн негiздеме болады.

      61. Заң жобаларын әзiрлеудің және ұсынудың сапасы, уақтылылығы үшiн Жоспарда көрсетiлген лауазымды тұлғалар жеке жауапкершілiкте болады.

      62. Жоспардың негiзiнде заң жобаларын әзiрлеушi мемлекеттiк органдар белгiленген мерзiмде заң жобаларын Кеңсеге осы заң жобаларын Парламенттiң Мәжілiсiне енгiзу туралы Үкiмет қаулыларының жобаларымен бiрге енгiзедi.

      Көрсетілген жобаларды дайындау, ресiмдеу, келiсу, оларға дауыс беру және енгізу, сондай-ақ олар бойынша келiспеушілiктердi қарау тәртiбi "Нормативтiк құқықтық актілер туралы" Қазақстан Республикасының Заңында , Қазақстан Республикасының Парламентi Мәжiлiсiнiң Регламентiнде және осы Регламентте көзделген ерекшелiктермен бiрге Үкiмет қаулыларының жобаларын енгiзу үшiн белгіленген тәртiпке ұқсас.

      Парламенттің қарауына Yкiмет енгiзетiн заң жобалары (халықаралық шарттарды бекiту мен күшiн жою және оларға қосылу туралы заң жобаларын қоспағанда) бойынша "Норма шығармашылығы қызметiн жетiлдiру жөнiндегi шаралар туралы" Қазақстан Республикасы Үкiметiнiң 2002 жылғы 30 мамырдағы N 698 қаулысымен бекiтілген Заң жобаларына ғылыми сараптама жүргiзу ережесiне сәйкес заң жобасымен реттелетiн құқықтық қатынастарға қарай тиiстi ғылыми сараптама (құқықтық, экономикалық, экологиялық, қаржы және басқа) жүргiзу мiндетті. Бұл ретте оларды қабылдаудан экологиялық, оның iшiнде радиациялық қауіпсiздiкке, қоршаған ортаны қорғауға қатер туғызуы мүмкiн зардаптарды болжайтын заңнамалық кесімдердiң жобалары мiндеттi экологиялық сараптама жүргiзуге жатады.

      Заң жобасын әзiрлеушi жобаға тиiстi ғылыми сараптама жүргiзудi қамтамасыз етедi, оның нәтижелерi бойынша қорытынды ұсынымдық сипатқа ие болады (барлық заңды және жеке тұлғалар орындау үшін мiндеттi мемлекеттiк экологиялық сараптаманың қорытындысын қоспағанда). Әзiрлеушi көрсетілген қорытындыларды мiндеттi түрде заң жобасының басқа материалдарымен бiрге мемлекеттiк және орыс тілдерiнде Кеңсеге енгізедi. Ғылыми сараптаманың терiс қорытындысы кезінде (мемлекеттік экологиялық сараптаманы, оның нәтижелерi бойынша заң жобасында мiндеттi түрде жойылуы тиiс ескертулердi қоспағанда) заң жобасын әзiрлеушi мемлекеттiк орган сараптамалық қорытындының ұсыныстарына сәйкес заң жобасын пысықтау, сондай-ақ қайтадан немесе қосымша сараптама жүргiзу туралы өз бетiмен шешiм қабылдайды. Заң жобасы бойынша сараптамалық қорытындыдағы ұсынымдар қабылданбаған жағдайда, әзiрлеушi заң жобасына ілеспе хатта қабылдамау себептерiнiң дәлелдi негiздемесiн келтiруi тиiс.

      63. Парламент Мәжілiсiне Үкiмет енгiзетiн заң жобаларын Президент Әкiмшiлiгiмен келiсу Қазақстан Республикасы Президентiнiң "Қазақстан Республикасы Үкiметiнiң заң жобалау жұмыстарының жоспарларын Қазақстан Республикасының Президентiмен және Қазақстан Республикасы Парламентiнiң Мәжілiсiне Yкiмет енгiзетiн заң жобаларын Қазақстан Республикасы Президентiнiң Әкiмшілiгiмен келiсу ережелерiн бекiту туралы" 2002 жылғы 17 мамырдағы N 873 Жарлығына сәйкес жүзеге асырылады.

      Президент Әкiмшілiгiмен:

      1) Парламентте қаралуы Президент атынан шұғыл немесе басымдықты деп жариялау жоспарланатын заң жобалары. Президенттiң заң жобаларын шұғыл немесе басымдықты деп, оның iшiнде Үкiметтiң бастамасы бойынша жариялауы Қазақстан Республикасы Президентiнiң 2003 жылғы 29 сәуiрдегi N 1074 Жарлығымен бекiтілген Заңдар жобаларын қараудың басымдығын белгілеу, сондай-ақ заң жобасының қаралуын шұғыл деп жариялау ережесiне сәйкес жүзеге асырылады;

      2) Президенттің тапсырмасы бойынша Үкiмет әзiрлеген және Парламент Мәжілiсiне енгiзуi тиiс заң жобалары;

      3) конституциялық заңдардың, кодекстердің жобалары, сондай-ақ қолданыстағы конституциялық заңдар мен кодекстердi өзгертуге және толықтыруға бағытталған заң жобалары;

      4) жергілiктi мемлекеттiк басқаруды және жергілiкті өзiн-өзi басқаруды, елдiң саяси және сайлау жүйелерiн жетілдiруге бағытталған заң жобалары;

      5) қорғаныс және ұлттық қауiпсiздiк саласындағы құқықтық қатынастарды регламенттейтiн заң жобалары мiндеттi түрде алдын ала келiсілуге тиiс.

      Президент Әкiмшілiгiнiң онымен келiсілетiн заң жобалары бойынша ескертулерi толық ескерілмейтiн жағдайда, Кеңсе бұл туралы Президент Әкiмшілiгiне хабардар етедi.

      64. Қазақстан Республикасы Президентiнiң арнайы жолдауымен басымдықты деп айқындалған заң жобаларын (бұдан әрi - басымдықты заң жобалары) әзiрлеушi мемлекеттiк органдар осы Регламентке сәйкес келiсiлген заң жобаларын Кеңсеге заң жобасы басымдықты деп айқындалған күнiнен бастап 20 күнтiзбелiк күннен кешiктiрмей енгiзуi тиiс. Бұл ретте басымдықты заң жобаларын мемлекеттiк органдардың келiсу мерзiмi олар түскен күнiнен бастап 5 күнтiзбелiк күннен аспауы тиiс.

      Қазақстан Республикасы Президентiнiң Әкiмшiлiгiмен келiсілгеннен кейiн Үкiмет басымдықты заң жобаларын 10 күнтiзбелiк күннен кешiктiрмейтiн мерзiмде Парламент Мәжілiсiнiң қарауына енгiзедi.

      65. Шұғыл деп жариялау жоспарланған заң жобаларын әзiрлеушi мемлекеттік органдар осы Регламентке сәйкес келiсiлген заң жобаларын Кеңсеге Қазақстан Республикасы Президентiнiң 2003 жылғы 29 сәуiрдегi N 1074 Жарлығымен бекiтiлген Заңдар жобаларын қараудың басымдығын белгiлеу, сондай-ақ заң жобасының қаралуын шұғыл деп жариялау ережесiнiң 1-тармағына сәйкес Үкiметке немесе тиiстi мемлекеттік органға хабарлама келіп түскеннен кейiн 10 күнтiзбелiк күннен кешiктірмей енгiзуi тиiс. Бұл ретте шұғыл деп жариялау жоспарланған заң жобаларын мемлекеттік органдармен келiсу мерзiмi олар келiп түскен күнiнен бастап 3 күнтiзбелiк күннен аспауы тиiс.

      Қазақстан Республикасы Президентiнің Әкiмшiлiгiмен келiсiлгеннен кейiн шұғыл деп жариялау жоспарланған заң жобасын Үкiмет 7 күнтiзбелік күннен кешiктiрмейтін мерзiмде Парламент Мәжiлiсiнiң қарауына енгiзедi.

      66. Қазақстан Республикасының Президентi шұғыл деп жариялаған заң жобасы Қазақстан Республикасы Президентiнiң арнайы жолдауы Парламентте жария етілгеннен немесе осы жолдау Парламентке жолданғаннан кейiнгi келесi күннен кешiктiрмей Парламент Мәжілiсiнiң қарауына енгiзіледi.

      67. Кеңседе өту мерзiмi 10 күнтiзбелiк күннен аспауы тиiс (жобаның тiркелген күнiнен бастап қол қойылған құжатты шығаруға тапсырғанға дейiн) басымдықты заң жобалары мен шұғыл деп жариялау жоспарланып отырған заң жобаларынан басқа, заң жобаларына сараптама және Кеңседе олар бойынша қорытындылар дайындау Кеңседе тiркелген күнiнен бастап 10 жұмыс күннен аспайтын мерзiмде жүзеге асырылады. Осы Регламентте көзделген негiздемелер бойынша заң жобаларын Кеңсе заң жобасын әзiрлеушi мемлекеттiк органға пысықтауға, оның iшiнде қажет болған кезде қосымша ғылыми сараптама жүргiзу үшiн қайтаруы мүмкiн.

      68. Кеңсеге заң жобасы бойынша енгiзілетiн материалдар мемлекеттiк және орыс тiлдерiнде дайындалған:

      1) заң жобасын, ал қажет болған кезде қолданыстағы заңнамалық кесiмдерге өзгерiстер және/немесе толықтырулар енгiзу туралы не негiзгi жобаның қабылдануына байланысты заңнамалық кесiмдердiң күшi жойылды деп тану туралы заң жобаларын да (оның iшiнде магнитті жеткiзгiштердегi) және заң жобасын әзiрлеушi мемлекеттік органның бiрiншi басшысы (бiрiншi басшының мiндетiн атқару ресми түрде жүктелген тұлға не Үкiметтің және Кеңсенің басшылығына арналған құжаттарға қол қоюға бiрiншi басшы ресми түрде өкілеттiк берген тұлға) әр парағына алдын ала қол қойған, Үкiмет қаулылары үшiн осы Регламенттiң 27-тармағында белгіленген тәртiппен келiсiлген (бұрыштама соғылған) осы заң жобасын (заң жобаларын) Парламент Мәжілiсiне енгiзу туралы Үкiмет қаулысының жобасын;

      2) осы Регламенттiң 26-тармағының талаптарына сәйкес дайындалған Үкiмет қаулысының жобасына түсiндiрме жазбаны;

      3) заң жобасы мақсаттарының, мiндеттерi мен негiзгi ережелерiнiң жан-жақты сипаттамасымен бiрге жобаны қабылдау қажеттігінiң негіздемесi, жобаны қабылдаудың ықтимал салдарының болжамы бар, қажет болған кезде заң жобасын әзiрлеушi мемлекеттік органның бiрiншi басшысы немесе бiрiншi басшының мiндетiн атқару ресми түрде жүктелген тұлға (бiрiншi басшының мiндетiн атқару ресми түрде жүктелген тұлға не Үкiметтің және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға) әр парағына алдын ала қол қойған қаржы-экономикалық есептер мен статистикалық деректер қоса берiлген заң жобасына (заң жобаларына) түсiндiрме жазбаның (жазбалардың) жобасын, оның iшiнде магниттi жеткiзгiштегiнi;

      4) заң жобасын (заң жобаларын) мүдделi мемлекеттiк органдармен келiсу парағын (парақтарын);

      5) заң жобасының (заң жобаларының) ғылыми сараптамасының нәтижелерi бойынша қорытындыны (қорытындыларды);

      6) заң жобасын (заң жобаларын) әзiрлеушi мемлекеттiк органның бiрiншi басшысы немесе бiрiншi басшының мiндетiн атқару ресми түрде жүктелген тұлға не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлға қол қойған iлеспе хатты, бұл ретте Үкiмет қаулысының әрбiр жобасы жеке ілеспе хатпен енгізіледi;

      7) қолданыстағы заңнамалық кесiмдерге өзгерiстер және/немесе толықтырулар енгiзудi көздейтiн заң жобасына заң жобасын әзiрлеушi мемлекеттiк органның бiрiншi басшысы (бiрiншi басшының мiндетiн атқару ресми түрде жүктелген тұлға не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттік берген тұлға) әр парағына алдын ала қол қойған және қол қойған қолданыстағы заңнамалық кесiмнiң бұрынғы және жаңа редакциядағы салыстырма кестесi қоса тiркеледi;

      8) Қазақстан Республикасы қатысушысы болып табылатын халықаралық шарттарды бекiтуге Парламентке енгізу туралы заң жобасына Сыртқы iстер министрлiгi куәландырған, мемлекеттік, орыс және әртүрлi оқылуы кезiнде басымдығы болатын оларға қол қойылған өзге де тілдердегi бекітуге енгiзiлетiн құжаттардың көшiрмелерi қоса тiркеледi;

      9) белгіленген нысандағы анықтама парақты қамтуға тиiс.

      Кеңсеге енгізілген, олар бойынша мемлекеттiк органдардың ескертулерi бар заң жобалары Премьер-Министрдiң осы мәселелерге жетекшілiк ететiн орынбасарында өтетiн кеңесте мiндеттi түрде қаралады, оның нәтижелерi хаттамамен ресiмделедi. Кеңестерде талқыланатын мәселе бойынша келiсiмге қол жеткiзілмеген кезде Премьер-Министрдiң орынбасары заң жобасы бойынша түпкілiкті шешiм қабылдау үшiн бұл туралы Премьер-Министрге хабардар етедi.

      69. Заң жобаларын әзiрлеушi мемлекеттiк органдар оларды Үкiметке енгiзу кезiнде нақты заң жобасын басымдықты деп қарауды айқындау немесе оны қарауды шұғыл деп жариялау туралы бiр уақытта ұсыныс енгiзуге құқылы. Бұл ретте заң жобасына түсiндiрме жазба, оның iшiнде оны басымдықты деп айқындау немесе шұғыл деп жариялау қажеттілiгiнiң негiздемесiн қамтуы тиiс.

      Үкiмет өзi әзiрлейтiн заң жобаларына қатысты Президентке нақты заң жобасын басымдықты деп қарауды айқындау немесе оны қарауды шұғыл деп жариялау туралы ұсыныс енгiзедi. Бұл ретте Үкiметтің ұсынысына тиісті заң жобасы және заң жобасын Парламенттің басымдықты деп қарауды айқындауы немесе оны қарауды шұғыл деп жариялауы қажеттілiгiнiң негiздемесiн қамтитын және заң жобасының нақты мақсаттарын ашатын түсiндiрме жазба және ол шешетiн мiндеттер қоса берілуi тиiс.

      70. Кеңседе заң жобасы бойынша сараптама жүргiзілгеннен және қорытынды дайындалғаннан, сондай-ақ ол Премьер-Министрiнiң тиiстi орынбасарларында келiсiлгеннен кейiн заң жобасы Үкiметтiң кезектi мәжілiсiнiң қарауына енгізiлуi мүмкiн. Қажет болған кезде заң жобасын Кеңсе осы Регламенттiң 34-тармағында көзделген тәртiппен Үкiмет мүшелерiне дауыс беруге жiберуi мүмкiн.

      71. Үкiметтiң бастамашылығы бойынша Парламент Мәжiлiсiнiң қарауына енгізiлетiн заң жобаларының түпнұсқаларына мiндетті түрде: заң жобасын әзiрлеушi мемлекеттік органның және Әдiлет министрлiгінiң бiрiншi басшылары (бiрiншi басшының мiндетiн атқару ресми түрде жүктелген тұлғалар не Үкiметтiң және Кеңсенiң басшылығына арналған құжаттарға қол қоюға бiрiншi басшы ресми түрде өкілеттiк берген тұлғалар), Кеңсе Басшысы не Кеңсе Басшысы белгілеген тәртiппен Кеңсе Басшысының мiндетiн атқарушы оның орынбасарларының бiрi, Премьер-Министр, оның орынбасарлары және Кеңсе Басшысы арасында мiндеттердi бөлуге сәйкес заң жобасында қаралатын мәселелерге жауап беретiн Премьер-Министрдiң тиiстi орынбасары және Премьер-Министр не Премьер-Министр белгілеген тәртiппен Премьер-Министрдiң мiндетiн атқарушы оның орынбасарларының бiрi бұрыштама соғуы тиiс. Үкiмет бланкiсiне шығарылған заң жобасына түсiндiрме жазбаға Кеңсе Басшысы бұрыштама соғады және Премьер-Министр не оның мiндетiн атқарушы тұлға қол қояды. Заң жобаларының түпнұсқаларымен бiрге Парламент Мәжiлiсiне олардың магниттi жеткiзгiштердегi көшiрмелерi енгiзіледi.

      72. Үкiмет енгiзген заң жобасын Парламент Мәжiлiсiнiң Аппараты тiркемей қайтарған жағдайда осы заң жобасы мен оны қайтару негiздемесi Кеңсе Басшысына баяндалады, ол Парламент Мәжiлiсi Аппаратының уәждемесiн қарайды және тиiстi шешiм қабылдайды.

      Егер Кеңсе Басшысы заң жобасын пысықтау қажеттілігi туралы шешiм қабылдаған жағдайда, заң жобасы Парламент Мәжілiсiнiң Аппараты анықтаған кемшілiктердi жою үшiн әзiрлеушi мемлекеттiк органға жiберіледi. Бұл peттe әзiрлеушінің заң жобасын пысықтау мерзiмi қайтарылған заң жобасы Кеңседе тiркелген күнiнен бастап 15 күннен аспауы тиiс.

      Егер Кеңсе Басшысы Парламент Мәжiлiсi Аппаратының заң жобасын қайтаруға себеп болған уәждемесiн негiзсiз деп таныған жағдайда, заң жобасын Кеңсе тiркемейдi және оны заңнамада белгiленген тәртiппен парламент депутаттарының қарауы үшiн Парламент Мәжiлiсiнiң Аппаратына қайтарады.

      73. Парламент депутаттары бастамашылық жасаған, оның iшiнде мемлекеттiк кiрiстердi қысқартуды немесе мемлекеттiк шығыстарды арттыруды көздейтiн заң жобалары бойынша Үкiмет Парламентке мемлекеттiк және орыс тілдерiнде қорытынды ұсынады.

      Парламент депутаттары бастамашылық жасаған, Үкiметке келiп түскен заңнамалық кесiмдердiң жобалары Ведомствоаралық комиссияның отырысында қаралуға тиiс. Ведомствоаралық комиссия заң жобасы Кеңседе тiркелген күнiнен бастап 15 күн мерзiмде не Премьер-Министрдiң немесе оның орынбасарының тапсырмасында белгіленген неғұрлым қысқа мерзiмде депутаттар бастамашылық жасаған заң жобасын оң не өзгеше бағалау жөнiнде ұсыныстар әзiрлейдi.

      Үкiмет қорытындысының жобасын Ведомствоаралық комиссияның ұсыныстарын ескере отырып, заң жобасында реттелетiн қатынастар құзыретiне енетiн мемлекеттiк орган әзiрлейдi. Қорытындының жобасы мемлекеттiк және орыс тілдерiнде форматы A4 жай парақта дайындалады және мiндеттi түрде Әділет, Экономика және бюджеттiк жоспарлау министрлiктерiмен келiсіледi (олардың басшылары бұрыштама соғады). Қажет болған кезде қорытындының жобасына әзiрлеушi мемлекеттік кiрiстердi қысқарту немесе мемлекеттiк шығыстарды арттыру бөлiгiндегі қаржы-экономикалық есептердi қоса тiркейдi. Қорытындының дайындалуына жауапты мемлекеттiк орган осы Регламенттiң 34-тармағында белгіленген тәртiппен қорытындының жобасы бойынша Yкiмет мүшелерiнiң дауыс беруiн жүргiзуге және, егер Премьер-Министрдiң немесе оның орынбасарының тапсырмасында өзге неғұрлым қысқа мерзiм белгiленбесе, Парламент депутаттары бастамашылық жасаған заң жобасы Кеңседе тiркелген күнiнен бастап 20 күн мерзiмнен кешiктiрмей Кеңсеге оның келiсілген жобасын, оның iшiнде магнитті жеткiзгiшпен енгізуге тиiс.

      Егер Премьер-Министрдiң немесе оның орынбасарының тапсырмасында қоса орындаушы мемлекеттік органдар көрсетілген жағдайда, осы органдар Парламент депутаттары бастамашылық жасаған заң жобасы Кеңседе тiркелген күнiнен бастап 15 күн мерзiмнен кешiктiрмей қорытындының дайындалуына жауапты мемлекеттiк органға өздерiнің ұсыныстарын беруге мiндеттi.

      74. Үкiмет қорытындысының жобасына Кеңседе сараптама жүргiзiлгеннен кейiн оның түпкiлiктi нұсқасын Кеңсе Премьер-Министрдiң немесе оның мiндетiн атқарушы тұлғаның қолымен Үкiмет бланкiсiне шығарып ресiмдейдi. Үкiмет қорытындысы Үкiмет қаулысымен немесе Yкiмет мәжілісiнің хаттамасымен мақұлдануы да мүмкiн.

      75. Үкiмет енгiзген заң жобаларын Парламентте ұсынушы өкілетті тұлғаларға оларды Парламент қараған кезде заңның тұжырымдамасына немесе оның құқықтық мазмұнын өзгертуге байланысты, сондай-ақ мемлекеттiк кiрiстердi қысқартуды немесе мемлекеттік шығыстарды арттыруды көздейтiн өзгерiстер мен толықтырулар енгiзуге Үкiметтің рұқсатынсыз келiсiм білдiруге тыйым салынады. Бұл ретте Парламентте тиісті заң жобаларын ұсынушы мемлекеттік органдардың бiрiншi басшылары Кеңсеге көрсетілген өзгерiстер мен толықтырулар туралы дереу жазбаша хабарлауға мiндеттi.

      Парламентте тиiстi заң жобаларын ұсынушы мемлекеттiк органдардың бiрiншi басшылары Үкiметтің келiсуiнсiз көрсетілген өзгерiстер мен толықтыруларды енгiзуге келiскенi үшiн жауапты болады.

      Парламент депутаттары Үкiметпен келiсілмеген көрсетiлген өзгерiстер мен толықтыруларды дауысқа салған жағдайда заң жобаларын ұсынушы тұлғалар мәжілістің стенограммасында өздерiнiң қарсылықтарын тiркеудi талап етуге және Кеңсеге осы өзгерiстер немесе толықтырулар туралы дереу хабарлауға мiндетті. Үкiмет бастамашылық жасаған заң жобасына Парламент енгiзген тұжырымдамалық өзгерiстер мен толықтыруларды заң жобасын әзiрлеушi салыстырмалы кесте түрiнде қысқаша түйiнiмен Кеңсеге жiбередi, оларды Кеңсе осы өзгерiстер мен толықтырулар бойынша Үкiмет бiрыңғай ұстанымды анықтау үшiн Әдiлет, Экономика және бюджеттік жоспарлау министрлiктерiне, сондай-ақ басқа да мүдделi мемлекеттiк органдарға жiбередi.

      76. Үкiмет енгiзген заң жобаларын Парламентте ұсынушы өкілеттi тұлғаны (заң жобасы бойынша баяндамашыны) ауыстыру қажет болған кезде Парламентке Премьер-Министрдiң не қаралып отырған заң жобасы құзыретiне жататын оның орынбасарының қолымен тиiстi хат жiберіледi. Бұл ретте осындай хаттардың жобаларын заң жобасын әзiрлеушi мемлекеттiк орган дайындайды және заң жобасы Парламенттің тиiстi Палатасының жалпы отырысында қаралғанға дейiн үш жұмыс күнiнен кешiктiрмей Кеңсеге енгiзiледi.

      77. Парламентте Үкiметтің шешiм жасауына бақылауды Парламенттің тиiстi палаталарындағы Үкiметтiң өкiлдiктерi (бұдан әрi - өкiлдiктер) жүзеге асырады.

      Өкілдiктер Премьер-Министрдi, оның орынбасарларын және Кеңсе Басшысын Үкiмет енгiзген заң жобаларының өтуi және Парламент қарайтын әрi Yкiметтің қызметiне қатысы бар басқа да мәселелер туралы үнемi хабардар етiп отырады.

      78. Үкiметтiң Парламенттен заң жобасын қайтарып алуы Үкiметтің қаулысымен жүзеге асырылады, оның жобасын осы Регламентте белгіленген тәртiппен заң жобасын әзiрлеушi енгiзедi.

      79. Парламент қабылдаған және Премьер-Министрге қолын қойып бекiтуге жiберілетiн барлық заңдар бойынша заң жобасын әзiрлеушi мемлекеттік орган (немесе оның құзыретiне орай) Әділет, Экономика және бюджеттік жоспарлау министрлiктерiмен келiсiм бойынша заң қабылданған күнiнен бастап үш күн мерзiмде қорытынды дайындайды және Кеңсеге жiбередi, онда мынадай:

      1) Үкiмет бастамашылық жасаған заң жобасын Парламентте қарау кезiнде депутаттар енгiзген өзгерiстер мен толықтырулар туралы;

      2) қабылданған заңда Қазақстан Республикасының Конституциясына, қолданыстағы заңнамалық кесiмдерге қарама-қайшылықтардың бар екендiгi туралы және оған байланысты қосымша қаржы шығыстары, экономикалық және құқықтық салдарлар туралы;

      3) заңды Премьер-Министрдің қолымен бекiтудiң мүмкiндiгі туралы ақпарат айтылады. Осы тармақта көзделген рәсiмдердiң орындалуын бақылауды Кеңсе жүзеге асырады.

      80. Жобаны әзiрлеушi мемлекеттiк орган (немесе оның құзыретiне орай) заңнамалық кесiм күшiне енген күнiнен бастап 15 жұмыс күннен аспайтын мерзiмде Кеңсеге белгіленген тәртiппен келiсілген мыналарды:

      1) мемлекеттік органды (мемлекеттік органдарды) қабылдануы осы заңнамалық кесiмге негiзделген нормативтiк құқықтық кесiмдердiң жобаларын әзiрлеу жөнiндегi жауапты орындаушы (жауапты орындаушылар) етiп белгілеудi;

      2) заңнамалық кесiм күшiне енген күнiнен бастап екi айдан аспауы тиiс нормативтiк құқықтық кесiмдердi әзiрлеу мен енгiзудiң нақты мерзiмдерiн және өкiмнiң жобасында қамтылатын өзге де тапсырмалардың орындалуын;

      3) заңға тәуелдi кесiмдердi қабылдау және/немесе қабылданған заңнамалық кесiмге сәйкес келтiру туралы тапсырманы көздейтiн Премьер-Министр өкiмiнiң жобасын енгiзедi.

      81. Заңнамалық кесiммен реттелiп қойылған қатынастар бойынша заң жобаларын әзiрлеу туралы ұсыныстар кейiннен Yкiметтің мәжiлiсiнде қаралатын болып Ведомствоаралық комиссияның мәжілiсiнде алдын ала қаралады.

8. Прокурорлық ден қою актiлерiн қарау кезiнде орталық
атқарушы органдардың өзара iс-қимыл жасау тәртiбi

      82. Премьер-Министрдiң немесе оның орынбасарының тапсырмасы бойынша Үкiметтiң атына жiберілген прокурорлық ден қою актілерiн қарауды прокурорлық ден қою актiсiнің мәнi болған мәселелер құзыретiне енетiн мемлекеттік орган жүзеге асырады. Әдiлет министрлiгi тиiстi мемлекеттік органға құқықтық және консультациялық көмек көрсетедi.

      83. Прокурорлық ден қою актісiн қарау тапсырылған мемлекеттiк орган Қазақстан Республикасы Бас прокуратурасына (бұдан әрi - Бас прокуратура) Үкiмет жауабының жобасын және қажет болған жағдайда Yкiмет шешiмдерiнiң жобаларын дайындайды, прокурорлық ден қою актiсiнен туындайтын өзге де шараларды қабылдайды.

      Yкiметтің Бас прокуратураға жауабының жобасын жобаны әзiрлеушi мемлекеттiк орган мiндеттi түрде Әділет министрлігімен, сондай-ақ прокурорлық ден қою актiсiн қарау туралы тапсырмада көрсетілген өзге де мемлекеттік органдармен келiседi.

      Үкiмет жауабының жобасын келiсу оған тиiстi мемлекеттiк орган басшысының бұрыштама соғуы не ескертулер мен ұсыныстардың жоқтығы туралы хат жiберу жолымен жүзеге асырылады.

      84. Прокурорлық ден қою актілерiне Үкiметтiң келісілген жауаптарының жобалары "Прокуратура туралы" Қазақстан Республикасының Заңымен белгiленген көрсетілген актілерге жауап беру мерзiмi аяқталғанға дейiн 5 күннен кешіктiрмей Кеңсеге ұсынылады.

9. Үкiметтiң кесiмдерiн жариялау тәртiбi

      85. Азаматтардың құқықтарына, бостандықтары мен мiндеттерiне қатысты Үкiметтiң кесiмдерi мiндетті түрде ресми жариялануға тиiс.

      86. Мемлекеттік құпияларды және өзге де заңмен қорғалатын құпияны құрайтын мәлiметтерi бар Үкiметтiң кесiмдерi жариялануға жатпайды.

      87. Үкiметтiң қаулылары Қазақстан Республикасының Президентi мен Қазақстан Республикасының Үкiметi кесiмдерiнiң жинағында, сондай-ақ Қазақстан Республикасының бүкіл аумағында таратылатын және заңнамада белгіленген тәртiппен Yкiметтің қаулыларын ресми жариялауды жүзеге асыру құқығын алған мерзімдi баспа басылымдарында жарияланады және теледидар мен радио бойынша халыққа жеткiзiлуi мүмкiн.

      Үкiметтiң Web-сайтын ақпараттық қамтамасыз ету және Үкiмет қабылдайтын шешiмдер туралы ақпаратты тарату мақсатында Internet (Интернет) жаһандық желiсiн пайдалану жекелеген ережелермен регламенттеледi.

10. Орындалуын бақылау тәртiбi

      88. Президент, Үкiмет, Премьер-Министр кесiмдерiнiң, сондай-ақ Президенттiң, Премьер-Министрдiң, оның орынбасарларының және Президент Әкiмшiлiгi мен Кеңсе басшыларының тапсырмалары бар құжаттардың орындалуын бақылауды ұйымдастыру "Қазақстан Республикасының Үкiметi туралы" Қазақстан Республикасының Конституциялық заңына , "Әкiмшілiк рәсiмдер туралы" Қазақстан Республикасының Заңына , "Қазақстан Республикасы Президентiнiң актілерiн дайындау, келiсу, қол қоюға ұсыну және Республика Президентiнiң актілерi мен тапсырмаларының орындалуын бақылау тәртiбi туралы ереженi бекiту туралы" Қазақстан Республикасы Президентiнiң 1998 жылғы 2 қазандағы N 4097 Жарлығына , "Кейбiр нұсқаулықтарды бекiту туралы" Қазақстан Республикасы Yкiметінің 2001 жылғы 31 қаңтардағы N 168 қаулысымен бекiтілген Қазақстан Республикасы Премьер-Министрiнiң Кеңсесiнде, орталық және жергiлiктi атқарушы органдарда құжаттардың орындалуын бақылауды ұйымдастыру жөнiндегi нұсқаулыққа, Қазақстан Республикасының өзге де заңнамасына және осы Регламентке сәйкес жүзеге асырылады.

      Көрсетілген құжаттардың орындалуын бақылауды олардың орындалу барысы туралы Премьер-Министрге жүйелi түрде хабардар ететін Кеңсе жүзеге асырады.

      89. Бақылау мынадай жолмен жүзеге асырылады:

      1) қажетті ақпаратты талап ету;

      2) орындалуы туралы есептер мен баяндамаларды тыңдау және талқылау;

      3) тексеру және құжаттамалық тексерiстiң өзге де нысандары;

      4) жергілікті жерге барып тексеру;

      5) заңнамаға қайшы келмейтiн басқа да тәсiлдермен.

      Бақылау:

      1) мемлекеттік органдар мен лауазымды тұлғалар қызметiнiң олардың алдына қойылған мiндеттерге сәйкестігi;

      2) орындаудың уақтылығы мен толықтығы;

      3) орындау кезiнде заңнама талаптарының сақталуы тұрғысында жүргiзiледi.

      90. Мынадай, оның iшiнде құпия құжаттар бақылауға алынады (бұдан әрi - бақылаудағы құжаттар):

      1) Үкiметке немесе оның басшылығына тапсырмалар берiлген Президенттің кесiмдерi;

      2) мемлекеттiк органдар мен ұйымдарға тапсырмалар бар Үкiметтің қаулылары, Үкiмет мәжілiстерiнiң хаттамалары, Премьер-Министрдiң өкiмдерi;

      3) орындалу мерзiмi көрсетілген немесе бақылауға алу туралы нұсқаулар, "шұғыл", "баяндалсын", "ұсыныстар енгiзілсiн" деген белгілер бар Президенттің Үкiметке немесе оның басшылығына, Премьер-Министрдiң, оның орынбасарларының, Президент Әкiмшiлiгi басшылығының Кеңсенiң, Кеңсе Басшысының немесе оны алмастыратын (оның мiндетiн атқарушы) тұлғаның атына тапсырмалары (оның iшінде мәжілiстердiң хаттамаларында және iс-шаралардың жоспарларында қамтылатындар), сондай-ақ мазмұнынан оларды бақылауға қою қажеттігi туындайтын тапсырмалар. Премьер-Министрдiң, оның орынбасарларының, Кеңсе Басшысының және оның орынбасарларының хаттамалық және өзге де тапсырмаларының нормативтiк-құқықтық сипаты болмайды;

      4) Парламент депутаттарының сауалдары, депутаттар бастамашылық жасаған заң жобаларына Үкiметтiң қорытындысын беру жөнiндегi өтiнiшi бар Парламент палаталарының арнау хаттары.

      91. Қазақстан Республикасы қатысушысы болып табылатын халықаралық шарттардың орындалуын бақылауды Сыртқы iстер министрлігі жүзеге асырады.

      92. Бақылаудағы құжаттардың уақтылы және сапалы орындалуы үшiн жауапкершілiк олар орындалуға жiберiлген мемлекеттік органдардың бiрiншi басшыларына (бiріншi басшылардың мiндетiн атқару ресми түрде жүктелген тұлғаларға) жүктеледi.

      93. Президент кесiмдерiнiң орындалуына жауапты мемлекеттік органдар үш күн мерзiмде оларды iске асыру жөнiндегі ұйымдастыру iс-шараларының жоспарын жасайды.

      94. Үкiмет пен Премьер-Министр кесiмдерінің орындалу мерзiмiн Премьер-Министр не нақты кесiмнiң орындалуын бақылау жүктелген оның орынбасары және Кеңсе Басшысы мемлекеттiк органның бiрiншi басшысының не бiрiншi басшының мiндетiн атқару ресми түрде жүктелген тұлғаның белгiленген тәртiппен енгiзілген жазбаша өтiнiшi негiзiнде ұзартуы мүмкiн. Орындалу мерзiмiн екi реттен асырмай ұзартуға жол беріледi.

      Үкiмет пен Премьер-Министрдiң кесiмдерiн және тапсырмаларын бiрге орындаушы мемлекеттiк органдар, егер тиiстi тапсырмада өзгеше белгіленбесе, оған белгiленген орындалу мерзiмi аяқталғанға дейiн 3 күннен кешiктірмей, ал орындалу мерзiмi 5 күннен аз тапсырмалар бойынша - тапсырма келiп түскен күнiнен бастап бiр жұмыс күнi iшiнде ұсыныстарды жинақтауды жүзеге асыратын мемлекеттік органға өз ұсыныстарын енгiзуге мiндеттi.

      95. Бақылаудағы құжатты оған қол қойған немесе орындалуын бақылауды талап ететiн тапсырма берген лауазымды тұлға не оның мiндетiн атқарушы тұлға не оның тапсырмасы бойынша өзге тұлға бақылаудан алады.

      Үкiметке және/немесе Кеңсеге тапсырмалары бар Президент кесiмдерiн бақылаудан алу және олардың орындалу мерзiмдерiн ұзарту мәселелерiн Президент Әкiмшiлiгi қарайды.

      96. Президенттiң жеке тапсырмаларын барлық мемлекеттік органдар мен лауазымды тұлғалар, егер Президент өзгеше белгілемесе, тапсырма берiлген күнiнен бастап екi аптадан аспайтын мерзiмде орындауы тиiс.

      97. Президенттің және Президент Әкiмшілігі басшылығының бақылаудағы тапсырмаларын оларға Премьер-Министрдің, оның орынбасарларының және Кеңсе Басшысының қарарларымен бiрге орталық және жергілiктi атқарушы органдар, егер тапсырмаларда өзге мерзiм белгіленбесе, Президент және/немесе Президент Әкiмшілігінiң басшылығы тапсырған күнiнен бастап 25 күн мерзiмнен кешiктiрмей орындайды.

      98. Үкiмет мәжілiстерiнiң хаттамаларында және Президентте, Yкiмет пен Кеңсе басшылығында өткен кеңестердiң хаттамаларында қамтылатын хаттамалық тапсырмалардың орындалу мерзiмi мәжiлiс (кеңес) өткен күнiнен бастап есептеледi. Егер мәжiлiсте (кеңесте) нақты тапсырманың орындалу мерзiмi аталған жағдайда, атына тапсырма берiлген және өкілдерi мәжiлiске (кеңеске) қатысқан тиiстi мемлекеттiк органдар мәжілістен (кеңестен) кейiн бiрден, оларға мәжiлiс (кеңес) хаттамасының түсуiн күтпестен, тапсырмаларды орындауға кiрiсуге мiндеттi.

      Премьер-Министрдiң, оның орынбасарларының және Кеңсе Басшысының тапсырмалары, егер тапсырмаларда өзге мерзiм белгіленбесе, тапсырма берiлген күнiнен бастап бiр ай мерзiмнен кешiктiрмей, ал "шұғыл" немесе "жеделдетiңiз" деген белгі болған кезде 10 күн мерзiмде орындалады.

      Премьер-Министрдiң немесе оның орынбасарларының Парламент депутаттарының сауалдарына жауап және Парламент депутаттары бастамашылық жасаған заң жобаларына қорытындылардың жобаларын дайындау туралы тапсырмалары, егер тапсырмаларда өзге неғұрлым қысқа мерзiм белгіленбесе, сауал (заң жобасы) Кеңседе тiркелген күнiнен бастап 25 күн (20 күн) мерзiмнен кешiктiрмей орындалады.

      Егер Yкiметтің, Премьер-Министрдiң, оның орынбасарларының және Кеңсе Басшысының хаттамалық тапсырмаларында және Үкiмет пен Премьер-Министрдiң кесiмдерінде, сондай-ақ iс-шаралар жоспарларында нақты орындалу мерзiмi көрсетiлмеген және олардың мазмұнынан олардың орындалуы ұзақ уақытты (тұрақты, бiр жыл iшiнде және т.с.с.) талап ететiнi туындаған не олардың мазмұнынан орындалу мерзiмi туралы бiр мәндi қорытынды жасау қиын болған жағдайда, сондай-ақ даулы жағдайларда, осындай тапсырмаларды бақылауға алу қажеттігi, оларды орындаудың нақты мерзiмiн белгiлеудi Кеңсе айқындайды және орындалуына жауапты мемлекеттік органдарға дереу жеткiзіледi.

      Егер тапсырманың белгiленген мерзiмде орындалуы мүмкiн болмаса, онда тапсырманың орындалуына жауапты мемлекеттік органның бiрiншi басшысы (бiрiншi басшының міндетiн атқару ресми түрде жүктелген тұлға) кешiктірiлуiнiң себептерi туралы хабарлауға және белгіленген тәртiппен оның орындалу мерзiмiн ұзарту туралы өтiнiш жасауға тиiс. Тапсырманың орындалу мерзiмiн ұзартуға екi реттен артық жол берілмейдi. Белгiленген орындалу мерзiмiн ауыстыру туралы ұсыныстар қайтадан енгiзілген кезде мемлекеттік органдардың басшылары бiр уақытта жазалау туралы бұйрықтың көшiрмесiн қоса бере отырып, орындаудың ұзартылған мерзiмiн бұзуға жол берген лауазымды тұлғаларға қолданылған тәртiптiк жауапкершілiк шаралары туралы ақпарат ұсынуға тиiс.

      Бақылаудағы құжаттарды орындаудың белгіленген мерзiмiн бұзу және оларды сапасыз орындау тәртiптiк терiс қылық болып табылады. Бақылаудағы құжаттарды орындаудың мерзiмiн бұзу және/немесе сапасыз орындау фактілерi бойынша орындалуына жауапты мемлекеттiк органдардың бiрiншi басшыларының бұйрықтарымен Қазақстан Республикасы Президентінiң "Қазақстан Республикасының мемлекеттік әкiмшiлiк қызметшiлерiне тәртiптiк жаза қолдану ережесiн бекiту туралы" 1999 жылғы 31 желтоқсандағы N 321 Жарлығымен белгіленген тәртіппен кiнәлi лауазымды тұлғалар тәртiптiк жауапкершілiкке тартылады.

      99. Бақылаудағы, оның iшiнде құпия құжаттардың орындалуына жауапты мемлекеттік органдар Кеңсеге:

      1) бақылаудағы құжаттарды орындаудың белгiленген мерзiмi аяқталғаннан кейiн әрбiр бақылаудағы құжаттың не оның нақты тармақтарының орындалуы туралы есептi;

      2) eceпті тоқсаннан кейiнгi айдың 5-күнiне атқарушылық тәртiптiң жай-күйi және жазалау туралы бұйрықтың көшірмесiн қоса бере отырып, бақылаудағы құжаттарды орындау мерзімінің бұзылуына кiнәлi нақты лауазымды тұлғаларды жауапкершілiкке тарту жөнiнде қабылданған шаралар немесе олардың сапасыз орындалуы туралы ақпаратты ұсынады.

      100. Мыналарды бақылаудан алу не орындалу мерзiмiн өзгерту туралы шешiм қабылдау:

      1) Президенттің тапсырмалары, оның iшiнде Президенттiң кесiмдерiнде, оның қатысуымен өткен кеңестердiң (мәжілістердің) хаттамаларында және Президент немесе Президент Әкiмшілігінің Басшысы бекiткен iс-шаралар жоспарларында қамтылатын тапсырмалар тиiсiнше Президенттің немесе Президент Әкiмшiлiгi Басшысының не оның мiндетiн атқарушы тұлғаның қарары бойынша;

      2) Президент Әкiмшілiгi басшылығының тапсырмалары, оның iшiнде Президент Әкiмшілігінің басшылығында өткен кеңестердiң хаттамаларында және ол бекiткен iс-шаралар жоспарларында қамтылатын тапсырмалар Әкiмшілiк Басшысының немесе тапсырма берген тұлғаның қарары бойынша;

      3) тапсырмалар, оның iшiнде Үкiмет пен Премьер-Министрдiң кесiмдерiнде, Yкiмет мәжілiстерiнiң және Премьер-Министрде өткен кеңестердiң хаттамаларында қамтылатын тапсырмалар - Премьер-Министрдiң немесе Кеңсе Басшысының не оның мiндетiн атқарушы тұлғаның қарары бойынша;

      4) Премьер-Министр орынбасарларының тапсырмалары, оның ішінде олар өткiзген кеңестердiң хаттамаларында және олар бекiткен iс-шаралар жоспарларында қамтылатын тапсырмалар - Премьер-Министрдiң тиiстi орынбасарының қарары бойынша;

      5) Кеңсе Басшысының тапсырмалары, оның iшiнде Кеңсе Басшысында өткен кеңестердiң хаттамаларында және ол бекiткен iс-шаралар жоспарларында қамтылатын тапсырмалар - Кеңсе Басшысының не оның мiндетiн атқарушы тұлғаның қарары бойынша;

      6) Кеңсе Басшысы орынбасарларының тапсырмалары - Кеңсе Басшысының тиiстi орынбасарының қарары бойынша жүзеге асырылады.

      101. Бақылаудағы, оның iшiнде құпия сипаттағы тапсырмалардың орындалуына жауапты мемлекеттiк органдар Кеңсеге жiберетiн олардың орындалуы туралы есептерде белгіленген орындалу мерзiмiне сәйкес мiндетті түрде мыналар қамтылуы тиiс:

      1) егер объективтi себептермен тапсырманың белгiленген мерзiмде орындалуы мүмкiн болмаса, жаңа нақты мерзiмiн көрсете отырып не орындау мерзiмiн ұзарту туралы өтiнiш;

      2) егер тапсырма толық көлемде орындалған болса, не бақылаудан алу туралы өтiніш;

      3) егер тиiстi кесiммен немесе тапсырмамен мерзiмдi ақпарат ұсыну көзделген болса, не құжаттың ақпарат беру тәртiбiмен енгiзілiп отырғаны туралы жазба.

      102. Премьер-Министрдiң, оның орынбасарларының және Кеңсе Басшысының iс-шаралар жоспарлары мен тапсырмаларының, оның iшiнде Үкiмет қаулыларының және Премьер-Министр өкiмдерінің жобаларын енгізуді көздейтін хаттамалық тапсырмаларының нақты тармақтарын бақылаудан алу үшiн тиісті қаулы немесе өкiм қабылдау негiз болып табылады.

      103. Премьер-Министрдiң орынбасарлары және Кеңсе Басшысы осы Регламенттің талаптарын, оның iшiнде бақылаудағы құжаттарды орындау тәртiбiн өрескел бұзу фактілерi бойынша Премьер-Министрге кiнәлi лауазымды тұлғаларды тәртiптiк жауапкершілiкке тарту жөнiнде ұсыныстар енгiзуi мүмкiн.

11. Қорытынды ережелер

      104. Премьер-Министрдiң орынбасарлары, Кеңсе Басшысы және оның орынбасарлары осы Регламент талаптарының қатаң сақталуын қамтамасыз етеді.

      Қазақстан Республикасы Yкiметiнiң күшi жойылған

      кейбiр шешiмдерінiң

      ТІЗБЕСІ

      1. "Қазақстан Республикасы Үкiметiнiң Регламентi туралы" Қазақстан Республикасы Үкiметiнiң 1999 жылғы 23 ақпандағы N 156 қаулысы (Қазақстан Республикасының ПҮКЖ-ы, 1998 ж., N 6, 40-құжат).

      2. "Қару-жарақтың, әскери өнiмнiң және екi ұдай мақсаттағы өнiмнiң экспорты-импорты жөнiндегi жекелеген мәселелер туралы" Қазақстан Республикасы Үкiметiнiң 1999 жылғы 19 наурыздағы N 278 қаулысының 7-тармағы.

      3. "Экспорттық бақылауға жататын өнiмдер транзитiнiң кейбiр мәселелерi" туралы Қазақстан Республикасы Үкiметiнiң 1999 жылғы 11 тамыздағы N 1143 қаулысы 2-тармағының 1) тармақшасы.

      4. "Қазақстан Республикасы Үкiметiнiң 1999 жылғы 23 ақпандағы N 156 қаулысына өзгерiстер мен толықтырулар енгiзу туралы" Қазақстан Республикасы Үкiметiнiң 1999 жылғы 21 қыркүйектегi N 1426 қаулысы (Қазақстан Республикасының ПҮКЖ-ы, 1999 ж., N 47, 435-құжат).

      5. "Қазақстан Республикасындағы экспорттық бақылау жүйесiн жетiлдiру туралы" Қазақстан Республикасы Үкiметiнiң 1999 жылғы 14 желтоқсандағы N 1917 қаулысының 5-тармағы.

      6. "Қазақстан Республикасы Үкiметiнiң 1999 жылғы 23 ақпандағы N 156 қаулысына өзгерiстер мен толықтырулар енгiзу туралы" Қазақстан Республикасы Үкiметiнiң 2000 жылғы 22 қаңтардағы N 116 қаулысы (Қазақстан Республикасының ПҮКЖ-ы, 2000 ж., N 3, 42-құжат).

      7. "Қазақстан Республикасы Үкiметiнің 1999 жылғы 23 ақпандағы N 156 қаулысына толықтыру енгiзу туралы" Қазақстан Республикасы Үкiметiнiң 2000 жылғы 13 наурыздағы N 386 қаулысы (Қазақстан Республикасының ПҮКЖ-ы, 2000 ж., N 15, 149-құжат).

      8. "Қазақстан Республикасы Үкiметiнiң 1999 жылғы 23 ақпандағы N 156 қаулысына өзгерiс енгiзу туралы" Қазақстан Республикасы Үкiметiнiң 2000 жылғы 20 сәуiрдегi N 611 қаулысы (Қазақстан Республикасының ПҮКЖ-ы, 2000 ж., N 20, 224-құжат).

      9. "Қазақстан Республикасы Үкiметiнiң 1999 жылғы 23 ақпандағы N 156 қаулысына өзгерiстер мен толықтырулар енгiзу туралы" Қазақстан Республикасы Үкiметiнiң 2000 жылғы 13 шiлдедегi N 1068 қаулысы (Қазақстан Республикасының ПҮКЖ-ы, 2000 ж., N 29, 361-құжат).

      10. "Қазақстан Республикасы Үкiметiнің 1999 жылғы 23 ақпандағы N 156 қаулысына өзгерiстер мен толықтырулар енгiзу туралы" Қазақстан Республикасы Үкiметiнiң 2001 жылғы 25 маусымдағы N 856 қаулысы .

      11. "Қазақстан Республикасы Үкiметiнің 1999 жылғы 23 ақпандағы N 156 қаулысына толықтыру енгiзу туралы" Қазақстан Республикасы Үкiметiнiң 2002 жылғы 12 наурыздағы N 298 қаулысы (Қазақстан Республикасының ПҮКЖ-ы, 2002 ж., N 9, 74-құжат).

      12. "Қазақстан Республикасы Үкiметiнiң 1999 жылғы 23 ақпандағы N 156 қаулысына өзгерiстер енгiзу туралы" Қазақстан Республикасы Үкiметiнiң 2002 жылғы 26 қыркүйектегi N 1055 қаулысы (Қазақстан Республикасының ПҮКЖ-ы, 2002 ж., N 32, 343-құжат).