Ескерту. Бұйрықтың тақырыбы жаңа редакцияда – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Қазақстан Республикасы Бюджет кодексінің 151-бабының 14-тармағына, 152-бабының 6-тармағына, 153-бабының 5 және 21-тармақтарына, 154-бабының 13-тармағына, 157-бабының 10 және 11-тармақтарына, 159-бабының 3 және 4-тармақтарына, 187-бабының 1) және 2) тармақшаларына сәйкес БҰЙЫРАМЫН:

      1. Қоса беріліп отырған Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудiң орындылығын айқындау қағидалары бекітілсін.

      2. Бюджеттік инвестициялар және мемлекеттік-жекешелік әріптестікті дамыту департаменті (Н. А. Аязбаев):

      1) осы бұйрықтың Қазақстан Республикасы Әдiлет министрлiгiнде мемлекеттiк тiркелуiн;

      2) осы бұйрық Қазақстан Республикасының Әділет министрлігінде мемлекеттік тіркелгеннен кейін күнтізбелік он күннің ішінде оны мерзімдік басылымдар мен "Әділет" ақпараттық-құқықтық жүйесінде ресми жариялауға жіберуді;

      3) осы бұйрықтың Қазақстан Республикасы Ұлттық экономика министрлігінің ресми интернет-ресурсында жариялануын қамтамасыз етсін.

      3. Осы бұйрық мемлекеттік тіркелген күнінен бастап қолданысқа енгізіледі.

      Қағидалардың 53-тармақтың бірінші бөлігінің төртінші абзацы, 114-тармақтың оңыншы бөлігі, 115-тармақтың тоғызыншы бөлігі, 138-тармақтың тоғызыншы бөлігі 2015 жылғы 31 желтоқсанға дейін қолданылады.

      "КЕЛІСІЛДІ"

      Қазақстан Республикасының

      Қаржы министрі

      ____________ Б. Сұлтанов

      2014 жылғы 5 желтоқсан

Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудiң орындылығын айқындау қағидалары

      Ескерту. Қағиданың тақырыбы жаңа редакцияда – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Осы Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамалар жүргізу, сондай-ақ бюджеттік инвестицияларды жоспарлау, іріктеу, іске асырылуын мониторингілеу және бағалау және бюджеттік кредиттеудiң орындылығын айқындау қағидалары (бұдан әрі – Қағидалар) Қазақстан Республикасы Бюджет кодексінің 151-бабының 14 және 16-тармақтарына, 152-бабының 6-тармағына, 153-бабының 5 және 21-тармақтарына, 154-бабының 13-тармағына, 157-бабының 10 және 11-тармақтарына, 159-бабының 3 және 4-тармақтарына, 187-бабының 1) және 2) тармақшаларына сәйкес әзірленді және барлау және қарсы барлау қызметін жүзеге асыратын арнаулы мемлекеттік органдардың бюджеттік инвестицияларын жоспарлау және іске асыру тәртібін, білім беру саласындағы пилоттық ұлттық жоба шеңберінде бюджеттік инвестицияларын жоспарлау және іске асыру тәртібін қоспағанда, мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамалар жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингтеу және бағалау және бюджеттік кредиттеудiң орындылығын айқындау тәртібін белгілейді.

      2. Осы Қағидаларда мынадай ұғымдар пайдаланылады:

      1) бағалау (экономикалық сараптама жүргізу барысында) – бюджеттік инвестициялық жобаның техникалық-экономикалық негіздемесінде не бюджеттік инвестициялардың қаржы-экономикалық негіздемесінде ұсынылған ақпаратты сипаттайтын тұжырымдар;

      2) бюджеттік бағдарламалар әкімшісі (бұдан әрі – ББӘ) – бюджеттік бағдарламаларды жоспарлауға, негіздеуге, іске асыруға және нәтижелерге қол жеткізуге жауапты мемлекеттік орган;

      3) бюджеттік инвестициялар – әлеуметтік-экономикалық тұрақтылықты қамтамасыз ету үшін жедел шаралар қабылдауға бағытталған активтерді қоспағанда, бюджеттік инвестициялық жобаларды іске асыру жолымен мемлекет активтерін құруға және (немесе) дамытуға, сондай-ақ заңды тұлғалардың жарғылық капиталдарын қалыптастыруға және (немесе) ұлғайтуға бағытталған республикалық немесе жергілікті бюджеттен қаржыландыру;

      4) бюджеттік инвестициялар бойынша қаржыландыру көздері – республикалық және/немесе жергілікті бюджеттердің қаражаты, оның ішінде бюджеттік инвестицияларды іске асыруға бағытталған қарыз қаражаты;

      5) бюджеттік инвестицияларды іске асырудан болатын экономикалық тиімділік – бюджеттік инвестицияларды іске асырудан күтілетін, экономикалық тиімділік көрсеткіштерінің есептемесінде көрсетілген тікелей және жанама экономикалық тиімділік көрсеткіштері;

      6) бюджеттік инвестициялардың нәтижелілігі – заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестициялардың экономикалық және қаржылық тиімділігінің, сондай-ақ нәтижелер көрсеткіштеріне қол жеткізу мүмкіндігінің есептемелерімен расталған дәлелдемелердің, тиімділік пен сапа көрсеткіштерінің болуы.

      Қызметін әлеуметтік салада жүзеге асыратын және негізгі кіріс көзі республикалық және (немесе) жергілікті бюджет болып табылатын коммерциялық емес акционерлік қоғамдар, мемлекеттік кәсіпорындар нысанындағы заңды тұлғалардың жарғылық капиталына мемлекеттің қатысуы арқылы іске асырылуы жоспарланатын бюджеттік инвестициялар бойынша экономикалық және қаржылық тиімділік дәлелдемелерінің болуы талап етілмейді;

      7) бюджеттік инвестициялардың орындылығы – заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестицияларды жүзеге асырудың және бюджеттік инвестициялық жобаларды іске асырудың экономикалық орындылығының, олардың ел экономикасына ықпалының негіздемесі және жобаның Мемлекеттік жоспарлау жүйесі құжаттарының ережелеріне, Қазақстан Республикасы Президентінің Қазақстан халқына жыл сайынғы жолдауларына және Қазақстан Республикасы Президентінің тапсырмаларына сәйкес келуі;

      8) Бюджеттік инвестициялық жоба (бұдан әрі – БИЖ) – Қазақстан Республикасы Президентінің қызметін қамтамасыз етуге бағытталған міндеттерді іске асыруға арналған ақпараттандыру объектілерін қоспағанда, Жаңа объектілерді құруға (салуға) не қолда бар объектілерді реконструкциялауға, сондай-ақ ақпараттандыру объектілерін құруға және дамытуға бағытталған іс-шаралар жиынтығы, сондай-ақ белгілі бір уақыт кезеңі ішінде бюджеттік бағдарламаның әкімшісі тікелей бюджет қаражаты есебінен іске асыратын және аяқталған сипаты бар арнаулы мемлекеттік органдардың ақпараттандыру объектілерін, белгілі бір уақыт кезеңі ішінде білім беру саласындағы пилоттық ұлттық жобаны іске асыру жөніндегі дирекция;

      9) бюджеттік инвестициялық жоба бойынша экономикалық қорытынды – бюджеттік инвестициялық жобаның техникалық-экономикалық негіздемесіне экономикалық сараптаманың қорытындысы негізінде дайындалған мемлекеттік жоспарлау жөніндегі орталық немесе жергілікті уәкілетті органның бюджеттік инвестициялық жобаны іске асырудың экономикалық орындылығы, оның ел экономикасына әсері және Мемлекеттік жоспарлау жүйесінің құжаттарына сәйкестігі тұрғысынан қорытындысы;

      10) бюджеттік инвестициялық жобаларды мониторингілеу – бюджет қаражаты бөлінген кезден бастап пайдалануға берілген кезге дейін жаңа объектілер құру (салу), бұрыннан бар объектілерді реконструкциялау, сондай-ақ ақпараттандыру объектілерін құру және дамыту барысы туралы тұрақты және жүйелі түрде ақпарат жинау мен талдау жөніндегі іс-шаралар жиынтығы;

      11) бюджеттік инвестициялық жобалардың іске асырылуын бағалау – объектіні пайдалануға берген кезден бастап жобаның мақсаттарына қол жеткізу дәрежесін және нақты алынған нәтижелердің жоспарланған нәтижелерге сәйкестігін айқындау жөніндегі шаралар жиынтығы;

      12) бюджеттік инвестициялық жобаны әзірлеуге немесе түзетуге арналған техникалық тапсырма – бюджеттік инвестициялық жобаның техникалық-экономикалық негіздемесіне қойылатын талаптарды, оның әлеуетті әзірлеушісіне қойылатын біліктілік талаптарын айқындайтын, сондай-ақ бюджеттік инвестициялық жобаның техникалық-экономикалық негіздемесін әзірлеу немесе түзету жөніндегі жұмыстардың мерзімдері мен көлемін регламенттейтін құжат;

      13) бюджеттік инвестициялық жобаның жүзеге асырыла алатындығы – жоба нәтижелері көрсеткіштеріне қолжетімділік;

      14) бюджеттік инвестициялық жобаның ресурстық және инфрақұрылымдық қамтамасыз етілуі – жобаның ресурстық және инфрақұрылымдық қамтамасыз етілу қажеттілігінің жоспарланған және қол жеткізілген деңгейін сипаттайтын көрсеткіштер;

      15) бюджеттік инвестициялық жобаның техникалық-экономикалық негіздемесінің экономикалық сараптамасы – салалық сараптама қорытындысының және Қазақстан Республикасының заңнамасына сәйкес талап етілетін басқа да сараптамалардың қорытындылары негізінде жүргізілетін жобаның жүзеге асырыла алатындығы мен тиімділігін айқындау тұрғысынан техникалық-экономикалық негіздемеде берілген ақпаратты кешенді бағалау;

      16) бюджеттік инвестициялық жобаның тиімділігі – бюджет қаражатының сұралатын көлемін пайдалана отырып, ең үздік тікелей нәтижеге қол жеткізу немесе бюджет қаражатының ең аз көлемін пайдалана отырып, жобаның мақсаттарына қол жеткізу немесе жобаны іске асырудан оң экономикалық нәтиже алу;

      17) бюджеттік кредиттеу – бюджеттік кредитті беру, пайдалану, оған қызмет көрсету және оны өтеу туралы шешім қабылдау рәсімдерін қамтитын процесс;

      18) бюджеттік кредит есебінен іске асырылатын іс-шаралардың өзін-өзі ақтауы – бюджеттік кредит қайтарымдылығы мен жобаның қаржылық тиімділігінің есептемелерімен расталған дәлелдемелердің болуы;

      19) кешенді ведомстводан тыс сараптама – Қазақстан Республикасындағы сәулет, қала құрылысы және құрылыс қызметі туралы Қазақстан Республикасының заңнамасына сәйкес ғимараттар мен құрылысжайларды, олардың кешендерін, инженерлік және көліктік коммуникацияларын салуға арналған техникалық-экономикалық негіздемелер және жобалау-сметалық құжаттама бойынша "бір терезе" қағидатымен жүргізілетін, объектілер құрылысы жобаларының (салалық және ведомстволық сараптамаларды қамтитын) сараптамасы;

      20) іс-шараларды бюджеттік кредиттеу арқылы іске асырудың экономикалық және әлеуметтік тиімділігі – бюджеттік кредиттеу арқылы іске асыруға жоспарланатын жобадан әлеуметтік және экономикалық пайдалардың болуының есептемелермен расталған дәлелдемелерінің болуы;

      21) Гант диаграммасы – жобаның жоспары мен уақыт бойынша жұмыс графигінің дәйектілігі мен ұзақтығын графикалық көрсетуді бейнелеу үшін бюджеттік инвестициялардың электрондық порталында пайдаланылатын диаграмма;

      22) заңды тұлғалардың жарғылық капиталына мемлекеттің қатысуы арқылы бюджеттік инвестицияларды мониторингілеу – көрсетілген іс-шаралар түпкілікті іске асырылған кезге дейін заңды тұлғалардың бастапқы жарғылық капиталын қалыптастыру, акциялар пакетін (қатысу үлестерін) сатып алу арқылы республикалық немесе жергілікті бюджеттен тартылған заңды тұлғалардың жарғылық капиталына мемлекеттің қатысуы арқылы бюджеттік инвестициялардың іске асырылуына тұрақты және жүйелі түрде ақпарат жинау, есепке алу мен талдау бойынша іс-шаралар жиынтығы;

      23) заңды тұлғалардың жарғылық капиталына мемлекеттің қатысуы арқылы бюджеттік инвестицияларды бағалау – іс-шаралар түпкілікті іске асырылған кезден бастап мақсаттарға қол жеткізу дәрежесі мен іс жүзінде алынған нәтижелердің жоспарланған нәтижелерге сәйкестігін айқындау жөніндегі шаралар жиынтығы;

      24) заңды тұлғалардың жарғылық капиталына мемлекеттің қатысуы арқылы бюджеттік инвестициялардың қаржылық-экономикалық негіздемесінің экономикалық сараптамасы – салалық сараптама қорытындысының және Қазақстан Республикасының бюджет заңнамасына сәйкес талап етілетін басқа да сараптамалардың қорытындылары негізінде жүргізілетін, іс-шаралардың негізділік пен нәтижелілік өлшемшарттарына сәйкес келуі тұрғысынан қаржылық-экономикалық негіздемеде берілген ақпаратты кешенді бағалау;

      25) заңды тұлғалардың жарғылық капиталына мемлекеттің қатысуы арқылы бюджеттік инвестициялар бойынша экономикалық қорытынды – заңды тұлғалардың жарғылық капиталына мемлекеттің қатысуы арқылы бюджеттік инвестициялардың қаржылық-экономикалық негіздемесіне экономикалық сараптаманың қорытындысы негізінде дайындалған мемлекеттік жоспарлау жөніндегі орталық немесе жергілікті уәкілетті органның бюджеттік инвестицияларды жүзеге асырудың экономикалық орындылығы, олардың ел экономикасына әсері және Мемлекеттік жоспарлау жүйесінің құжаттарына сәйкестігі тұрғысынан қорытындысы;

      26) заңды тұлғалардың қызметін жоспарлау құжаттары – ұлттық басқарушы холдингтердің, ұлттық холдингтердің, жарғылық капиталына мемлекет қатысатын ұлттық компаниялардың, мемлекет бақылайтын акционерлік қоғамдардың және жауапкершілігі шектеулі серіктестіктердің, мемлекеттік кәсіпорындардың 10 жылға арналған даму стратегиялары мен 5 жылға арналған даму жоспарларын әзірлеу және бекіту жөніндегі Қазақстан Республикасының заңнамасында белгіленген тәртіппен бекітілген ұлттық басқарушы холдингтердің, ұлттық холдингтердің, жарғылық капиталына мемлекет қатысатын ұлттық компаниялардың 10 жылға арналған даму стратегиялары мен 5 жылға арналған даму жоспарлары, сондай-ақ мемлекет бақылайтын акционерлік қоғамдардың және жауапкершілігі шектеулі серіктестердің, мемлекеттік кәсіпорындардың даму жоспарлары;

      27) заңды тұлғаның даму мақсаты – шаруашылық қызметінің ағымдағы шығындарын жабуды және ағымдағы шығыстарды қаржыландыруды көздемейтін, саланы дамытуға, саладағы әлеуметтік-экономикалық жағдайды жақсартуға бағытталған іс-шараларды іске асыру;

      28) заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестициялар (бұдан әрі – Инвестициялар) – заңды тұлғаның жарғылық капиталын республикалық немесе жергілікті бюджеттен қалыптастыру және (немесе) ұлғайту арқылы оны дамытуға бағытталған іс-шараларды іске асыру;

      29) заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестицияларды алушы (бұдан әрі – Алушы) – жарғылық капиталды ұлғайту немесе қалыптастыру үшін қаражаттың түпкілікті алушысы болып табылатын, іс-шараларды бюджеттік инвестициялар есебінен іске асыратын заңды тұлға;

      30) заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестициялардың негізділігі – іс-шараларды іске асыруға арналған қаржыландыру көлемінің, сондай-ақ іс-шараларды меншікті және қарыз қаражаты есебінен қаржыландырудың мүмкін болмауының құжаттармен және есептемелермен расталған дәлелдемелерінің болуы;

      31) инвестициялық ұсыныс – Мемлекеттік жоспарлау жүйесінің құжаттарын, Қазақстан Республикасы Президентінің Қазақстан халқына жыл сайынғы жолдауларын және Қазақстан Республикасы Президентінің тапсырмаларын іске асыру шеңберінде мемлекеттік инвестициялық жобаларды іске асырудың орындылығын негіздейтін, тиісті іс-шаралар жиынтығын қоса алғанда, инвестициялау мақсатын, оған қол жеткізу жолдары мен ықтимал қаржыландыру тәсілдерін көрсететін, бюджеттік бағдарламалардың әкімшілері әзірлейтін тұжырымдамалық ұсыныс;

      32) мемлекеттік-жекешелік әріптестіктің институционалдық жобасы – мемлекеттік-жекешелік әріптестік шартына сәйкес мемлекеттік-жекешелік әріптестік компаниясына мемлекеттің қатысуы арқылы іске асырылуы жоспарланып отырған жоба;

      33) инвестициялық ұсыныстың ақпараттық парағы – мемлекеттік инвестициялық жоба бойынша негізгі ақпаратты қамтитын, оны іске асырудың орындылығын ашып көрсететін құжат;

      34) инвестициялық ұсыныстың экономикалық қорытындысы – салалық сараптама қорытындысының және Қазақстан Республикасының бюджет заңнамасына сәйкес талап етілетін басқа да сараптамалар қорытындыларының негізінде жүргізілетін, пайдалар мен шығындардың талдауын пайдалана отырып, инвестициялық ұсыныста берілген ақпаратты кешенді бағалау;

      35) квазимемлекеттік сектор субъектілері – мемлекеттік кәсіпорындар, жауапкершілігі шектеулі серіктестіктер, акционерлік қоғамдар, оның ішінде қатысушысы немесе акционері мемлекет болып табылатын ұлттық басқарушы холдингтер, ұлттық холдингтер, ұлттық компаниялар, сондай-ақ еншілес, тәуелді және Қазақстан Республикасының заңнамалық актілеріне сәйкес акционерлік қоғамдармен үлестес болып табылатын өзге де заңды тұлғалар;

      36) концессиялық жоба – Қазақстан Республикасының бюджет заңнамасына және "Концессиялар туралы" Қазақстан Республикасының Заңына сәйкес шектеулі уақыт кезеңі ішінде іске асырылатын және аяқталған сипаттағы концессияны жүзеге асыру жөніндегі іс-шаралар жиынтығы;

      37) кредитор – Қазақстан Республикасының бюджет және азаматтық заңнамасына сәйкес бюджеттік кредит беретін кредит шартының тарапы;

      38) Қазақстан Республикасының Үкіметі немесе жергілікті атқарушы органдар айқындайтын заңды тұлға – "Концессия мәселелері жөнінде мамандандырылған ұйым құру туралы" Қазақстан Республикасы Үкіметінің 2008 жылғы 17 шілдедегі №693 қаулысына сәйкес "Қазақстандық мемлекеттік-жеке меншік әріптестік орталығы" АҚ немесе жергілікті атқарушы органның шешімімен айқындалатын заңды тұлға;

      39) қаржы агенттіктерінің мемлекеттік инвестициялық саясатты іске асыруын және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияның ауыл шаруашылығы өнімдерін сатып алуын бюджеттік кредиттеудің қаржылық-экономикалық негіздемесіне Қазақстан Республикасының Үкіметі не жергілікті атқарушы органдар айқындайтын заңды тұлғаның экономикалық сараптамасы – іс-шаралардың "іс-шараларды бюджеттік кредиттеу арқылы іске асырудың экономикалық және әлеуметтік тиімділігі" және "бюджеттік кредит есебінен іске асырылатын іс-шаралардың өзін-өзі ақтауы" өлшемшарттарына сәйкестігі тұрғысынан қаржылық-экономикалық негіздемеде ұсынылған ақпаратты кешенді бағалау;

      40) қаржылық-экономикалық негіздеме (бұдан әрі – ҚЭН) – заңды тұлғалардың жарғылық капиталына бюджет қаражатын салудың орындылығы, негізділігі жөніндегі мәліметтерді және оның нәтижесін бағалауды қамтитын құжат;

      41) қаржы агенттігі – Қазақстан Республикасының заңнамасына сәйкес экономиканың белгілі бір салаларында мемлекеттік инвестициялық саясатты іске асыруға уәкілеттік берілген және осы мақсаттарда Қазақстан Республикасының қаржы нарығында және (немесе) халықаралық қаржы нарығында қарыз алуды жүзеге асыратын ұлттық басқарушы холдинг және акцияларының жүз пайызы ұлттық басқарушы холдингке тиесілі заңды тұлғалар, сондай-ақ банк немесе мемлекет жүз пайыз қатысатын, банк операцияларының жекелеген түрлерін жүзеге асыратын ұйым;

      42) қаржы агенттіктерінің мемлекеттік инвестициялық саясатты іске асыруын және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияның ауыл шаруашылығы өнімдерін сатып алуын бюджеттік кредиттеудің қаржылық-экономикалық негіздемесі (бұдан әрі – бюджеттік кредиттің ҚЭН-і) – маркетингтік, әлеуметтік-экономикалық талдаудың, сондай-ақ іс-шараларды бюджеттік кредиттеу арқылы іске асырудың өзін-өзі ақтауы мен экономикалық және әлеуметтік тиімділігін негіздейтін қаржылық есептемелердің нәтижелерін қамтитын құжаттама;

      43) қаржылық схемаға қатысушылар – квазимемлекеттік сектордың субъектілері болып табылмайтын түпкілікті қарыз алушыларды қоспағанда, бюджеттік кредитті алуға және бөлуге қатысатын ұйымдар;

      44) түзету – іс-шараларды, техникалық-технологиялық шешімдерді толықтыруға және (немесе) өзгертуге, бекітілген іс-шараларға көзделген шығыстарды ұлғайтуға алып келетін, заңды тұлғалардың жарғылық капиталына мемлекеттің қатысуы арқылы бюджеттік инвестициялардың белгіленген қаржы-экономикалық параметрлерінің өзгеруі;

      45) қарыз алушы – негізгі борышты өтеу және сыйақы, сондай-ақ кредиттік шартқа сәйкес басқа да төлемдерді төлеу жөніндегі міндеттеме жүктелген, бюджеттік кредитті алатын, кредиттік шарттың тарапы;

      46) қатысушылар (бұдан әрі – Қатысушылар) – заңды тұлғаның жарғылық капиталын қалыптастыру және (немесе) ұлғайту арқылы бюджеттік инвестицияларды алуға және бөлуге қатысатын ұйымдар;

      47) құрамдауыш – іс-шараның аяқталған сипаты бар құрамдас бөлігі;

      48) маркетингтік орта – нысаналы клиенттермен табысты ынтымақтастық қатынас орнату және қолдау мүмкіндіктеріне ықпал ететін белсенді субъектілер мен іс-шараларды бюджеттік инвестициялар есебінен іске асыратын, жарғылық капиталды ұлғайту немесе қалыптастыру үшін қаражаттың түпкілікті алушысы болып табылатын заңды тұлғаның қызметі жүзеге асырылатын жағдайлар жиынтығы;

      49) мемлекеттік инвестициялық жоба (бұдан әрі – МИЖ) – Бюджеттік инвестицияларды жүзеге асыру және МЖӘ жобаларын, оның ішінде концессиялық жобаларды іске асыру жолымен мемлекеттің стратегиялық мақсаттарына қол жеткізуге бағытталған іс-шаралар кешені;

      50) мультипликативтік әсер – тиісті салаға бюджеттік инвестицияларды жүзеге асыру кезінде экономиканың дамуына ықпал ету;

      51) нәтижелердің көрсеткіштері – мемлекеттік органның даму жоспарын, облыстың, республикалық маңызы бар қаланың, астананың даму жоспарларын және (немесе) бюджеттік бағдарламаларды іске асыру бойынша мемлекеттік органның қызметін сипаттайтын нысаналы индикаторлардың, тікелей және түпкілікті нәтижелердің жиынтығы;

      52) өнім – материалдық-заттай (материалдық өнім) немесе материалдық емес (зияткерлік өнім) нысанда не жұмыстар және (немесе) көрсетілетін қызметтер, оның ішінде қаржылық көрсетілетін қызметтер түрінде берілген шаруашылық қызметінің нәтижесі;

      53) пилоттық жоба – Мемлекеттік жоспарлау жүйесінің құжаттарында көзделген Астана қаласында, Жамбыл және Солтүстік Қазақстан облыстарында денсаулық сақтау, білім беру, тұрғын үй құрылысы салаларындағы объектілерді салу бойынша Қазақстан Республикасы Президентінің тапсырмасы шеңберінде іске асыру жоспарланып отырған инвестициялық жоба;

      54) салалық сараптаманың қорытындысы – мемлекеттік инвестициялық жобаның инвестициялық ұсынысын немесе бюджеттік инвестициялық жобаның техникалық-экономикалық негіздемесін немесе бюджеттік инвестициялардың қаржылық-экономикалық негіздемесін саланы дамыту басымдықтарына сәйкес келуі тұрғысынан бағалау;

      55) құрылыстың сметалық құны (бұдан әрі – сметалық құн) – сомасы жобалық материалдардың және сметалық-нормативтік базаның негізінде айқындалатын объект құрылысын жүзеге асыруға қажетті ақша;

      56) техникалық-экономикалық негіздеме (бұдан әрі – ТЭН) – негізгі техникалық, технологиялық және өзге шешімдер туралы мәліметтерді, сондай-ақ негізгі техникалық-экономикалық параметрлерді айқындай отырып, пайдалар мен шығындарды экономикалық талдаудың негізінде жүргізілетін, бюджеттік инвестициялық жобаның жүзеге асырыла алатындығын және тиімділігін зерделеу нәтижелерін қамтитын құжат;

      57) техникалық-экономикалық негіздемені түзету – техникалық шешімдердің өзгеруіне және қосымша шығыстарға алып келетін бюджеттік инвестициялық жобаның белгіленген техникалық-экономикалық параметрлерінің өзгеруі;

      58) техникалық-экономикалық параметрлер – техникалық-экономикалық негіздемеде не ақпараттандыру объектілерін құруға және дамытуға бағытталған БИЖ-дің инвестициялық ұсынысында көзделген негізгі көрсеткіштер;

      59) түпкілікті қарыз алушы-кредитор немесе Қаржы агенттігі айқындаған шарттарда оған мамандандырылған ұйым немесе жергілікті атқарушы орган тұлғасында қарыз алушы беретін бюджеттік кредиттің түпкілікті алушысы;

      60) түпкілікті нәтиже – мемлекеттік орган қызметінің тікелей нәтижелерге қол жеткізуіне негізделген, мемлекеттік органның даму жоспарының, облыстың, республикалық маңызы бар қаланың, астананың даму жоспарының және (немесе) бюджеттік бағдарламаның мақсатына қол жеткізуді санмен өлшейтін бюджеттік бағдарлама көрсеткіші;

      61) тікелей нәтиже – қол жеткізілуі осы функцияларды, өкілеттіктерді жүзеге асыратын немесе қызметтер көрсететін ұйымның қызметіне толықтай тәуелді болатын, көзделген бюджет қаражаты шегінде орындалатын мемлекеттік функциялардың, өкілеттіктер мен көрсетілетін мемлекеттік қызметтер көлемінің сандық сипаттамасы;

      62) іс-шара – бюджеттік инвестицияларды жүзеге асыру шеңберінде орындалатын міндеттерді орындауға бағытталған өзара байланысты құрамдауыш(тар) кешені.

2-тарау. Мемлекеттік инвестициялық жобаның инвестициялық ұсынысын әзірлеу немесе түзету, қажетті сараптамаларды жүргізу тәртібі

      Ескерту. 2-тараудың тақырыбы жаңа редакцияда – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-параграф. Мемлекеттік инвестициялық жобаның инвестициялық ұсынысын әзірлеу немесе түзету тәртібі

      3. МИЖ инвестициялық ұсыныстарын әзірлеу, түзету және қарау процесі мынадай негізгі кезеңдерді:

      1) ББӘ-нің мемлекеттік жоспарлау жөніндегі уәкілетті орталық немесе жергілікті органға инвестициялық ұсыныстарды ұсынуын;

      2) инвестициялық ұсынысқа экономикалық қорытындыны мемлекеттік жоспарлау жөніндегі уәкілетті орталық немесе жергілікті органның қарауын және әзірлеуін қамтитын іс-шаралар кешенін білдіреді.

      4. МИЖ инвестициялық ұсыныстарын әзірлеуді ББӘ жүзеге асырады.

      Біртекті (біртипті) МИЖ бойынша ББӘ-ге бір инвестициялық ұсынысты әзірлеуге рұқсат етіледі.

      Егер "Қазақстан Республикасының кейбiр заңнамалық актiлерiне бюджет заңнамасын жетiлдiру мәселелері бойынша өзгерiстер мен толықтырулар енгiзу туралы" Қазақстан Республикасының Заңы қолданысқа енгізілгенге дейін БИЖ-дің инвестициялық ұсынысына, БИЖ-дің ТЭН-іне, Инвестициялардың ҚЭН-іне, концессиялық жобалардың концессиялық ұсынысына экономикалық сараптама қорытындысы, сараптама қорытындысы немесе экономикалық қорытынды берілген болса, сондай-ақ МИЖ тиісті бюджетте көзделсе (қаржыландыру түрі мен әдісі айқындалған болса), онда ББӘ-ге МИЖ-дің инвестициялық ұсынысын әзірлеу талап етілмейді, бұдан басқа мемлекеттік жоспарлау жөніндегі уәкілетті орган БИЖ-дің инвестициялық ұсынысына, БИЖ-дің ТЭН-іне, Инвестициялардың ҚЭН-іне, концессиялық жобалардың концессиялық ұсынысына бұрын берілген экономикалық қорытындыға қосымша экономикалық қорытынды бере алады.

      4-1. Пилоттық жоба бойынша инвестициялық ұсыныс әзірлеу талап етілмейді.

      5. МИЖ мынадай түрлерге бөлінеді:

      1) мыналарға:

      техникалық жағынан күрделі және (немесе) бірегей, техникалық жағынан жеңіл және (немесе) үлгілік болуы мүмкін объектілерді құруға (салуға) және реконструкциялауға, сондай-ақ ақпараттандыру объектілерін құруға және дамытуға;

      квазимемлекеттік сектор субъектілерінің жарғылық капиталын қалыптастыру немесе ұлғайту арқылы саланың (салалардың) институционалдық дамуына бағытталуы мүмкін бюджеттік инвестициялар;

      2) мемлекеттік-жекешелік әріптестік (бұдан әрі - МЖӘ) жобалары, оның ішінде концессиялық жобалар.

      6. МИЖ-дің инвестициялық ұсыныстары мынадай құжаттарды қамтиды:

      1) осы Қағидаларға 1-қосымшаға сәйкес нысан бойынша инвестициялық ұсыныстың ақпараттық парағы;

      2) инвестициялық ұсыныстың салалық сараптамасының қорытындысы;

      3) МИЖ қаржыландырудың ықтимал түрлері мен тәсілдері бойынша есептеулер (бюджеттік инвестициялық жоба, заңды тұлғалардың жарғылық капиталына мемлекеттің қатысуы арқылы бюджеттік инвестициялар, мемлекеттік-жекешелік әріптестік жобасы, оның ішінде концессиялық жоба, бюджеттік кредит, жеке инвестициялар);

      4) құрылыс нормативтеріне не "Ақпараттандыру туралы" Қазақстан Республикасы Заңының 7-бабының 23) тармақшасына сәйкес бекітілетін есептеу әдістемесіне және мемлекеттік органдардың ақпараттандыру объектілерін құруға, дамытуға және сүйемелдеуге арналған шығындар нормативтеріне сәйкес (бұдан әрі – Әдістеме) МИЖ құнының есептемелері мен негіздемелері;

      5) егер инвестициялық жоба ТЭН әзірлеуді талап етпеген жағдайда, инвестициялық ұсынысқа жобалауға арналған техникалық тапсырма не "электрондық үкіметтің" ақпараттандыру объектісін құруға және дамытуға арналған техникалық тапсырма қосымша ұсынылады;

      6) БИЖ ТЭН-і, Инвестициялар ҚЭН-і, бюджеттік кредиттеудің ТЭН-і не ҚЭН-і түзетілген жағдайда:

      БИЖ ТЭН не Инвестициялардың ҚЭН бойынша техникалық шешімдердің және (немесе) қосымша шығыстардың болжамды өзгерістері көрсетілген салыстырма кесте, сондай-ақ бекітілген БИЖ ТЭН не Инвестициялардың ҚЭН (жаңа объектiлердi құруға (салуға) не бұрыннан бар объектiлердi реконструкциялауға бағытталған Инвестицияларды жүзеге асыру кезінде бекітілген Инвестициялар ҚЭН-інің құрамында бекітілген ТЭН (осы Қағидаларға сәйкес әзірленген) немесе бекітілген жобалау-сметалық құжаттама (бұдан әрі - ЖСҚ);

      құрамдауыштар және оларды әзірлеу мерзімдері бөлінісінде БИЖ ТЭН-ін не Инвестициялар ҚЭН-ін, бюджеттік кредиттеудің ТЭН-ін не ҚЭН-ін түзету, сондай-ақ қажетті сараптамалар жүргізу құнының есеп-негіздемесі;

      егер МИЖ шет мемлекеттердің аумағында іске асырылатын болса, аумағында осы жоба іске асырылатын мемлекеттің құрылыс саласындағы заңнамасында белгіленген тәртіппен бекітілген МИЖ-дің бастапқы және түзетуге ұсынылатын құнын растайтын тиісті құжаттар көрсетілген заңнаманың мәтіні қоса беріле отырып және қазақ және (немесе) орыс тілдеріне аудармасы қамтамасыз етіліп ұсынылады;

      бюджеттік инвестициялардың бұрын бекітілген ТЭН-нің және (немесе) ЖСҚ-ның жобалық шешімдеріне енгізілетін болжамды өзгерістердің орындылығы туралы ведомстводан тыс кешенді сараптаманың хаты;

      бекітілген БИЖ-дің ТЭН-інде не Инвестициялардың ҚЭН-інде көрсетілген көрсеткіштерге қол жеткізу не қол жеткізбеу туралы ақпаратты қамтитын, оның ішінде бөлінген бюджет қаражатын толық игерген кезде қол жеткізбеу себептері көрсетілген түсіндірме жазба;

      7) квазимемлекеттік сектор субъектілері заңды тұлғалардың активтерін, атап айтқанда жарғылық капиталының үлестерін сатып алған жағдайда:

      егер активтердің құны ағымдағы бағамен 1300000 (бір миллион үш жүз мың) айлық есептік көрсеткіштен аспайтын болса, тәуелсіз бағалау компаниялары;

      егер активтердің құны ағымдағы бағамен 1300000 (бір миллион үш жүз мың) айлық есептік көрсеткіштен асатын болса, халықаралық кәсіптік бағалаушылар ұйымдары дайындаған осы активтердің құнын бағалаудың қорытындысын ұсыну қажет;

      8) егер ББӘ МИЖ-ді заңды тұлғаның жарғылық капиталын ұлғайту арқылы іске асыруды ұсынған жағдайда, сондай-ақ осы Қағидаларға 1-1-қосымшаға сәйкес нысан бойынша электрондық жеткізгіште ұсынылатын бес жылдық кезеңге арналған іске асырылған, іске асырылып жатқан және іске асырылуы жоспарланған инвестициялық жобалар бойынша квазимемлекеттік сектор субъектісінің инвестициялық картасы қосымша ұсынылады;

      9) акциялардың (жарғылық капиталдағы қатысу үлестері) 50%-нан астамы тікелей немесе жанама түрде мемлекетке тиесілі заңды тұлғаның жарғылық капиталын қалыптастырған жағдайда, Қазақстан Республикасы Кәсіпкерлік кодексінің нормаларына сәйкес монополияға қарсы органның шешімі қосымша ұсынылады;

      10) заңды тұлға жоспарланатын кезең алдындағы кезеңдерде шығынды болған жағдайда заңды тұлғаның атқарушы органы бекіткен заңды тұлғаны қаржылық-экономикалық сауықтыру жоспары ұсынылады;

      11) аяқталмаған құрылыс объектісін аяқтауға бағытталған бюджеттік инвестицияларды іске асырған жағдайда техникалық зерттеп-қараумен және техникалық қадағалау қорытындысымен расталған аяқталмаған құрылыстың жай-күйі туралы мәліметтер қосымша ұсынылады.

      7. Инвестициялық ұсыныстың ақпараттық парағында Мемлекеттік жоспарлау жүйесінің құжаттарында, Қазақстан Республикасы Президенттің Қазақстан халқына жыл сайынғы жолдауларында, Қазақстан Республикасы Президентінің тапсырмаларында белгіленген экономика саласының (аясының) даму басымдықтары бойынша ақпаратты, инвестициялық жобалар (жоба) және олардың (оның) негізгі көрсеткіштерін қоса алғанда, іс-шаралар бойынша жалпы ақпаратты қамтиды.

      8. Инвестициялық ұсыныстың ақпараттық парағы мыналарды қамтиды:

      1) ББӘ туралы және іске асыруға болжанған МИЖ бойынша деректер;

      2) ретроспектива (МИЖ бойынша бұрын бөлінген және игерілген қаражат туралы, оның ішінде ағымдағы бағдарламалар бойынша ақпарат);

      3) саланың маркетингтік талдауы;

      4) іске асыруға болжанған МИЖ-дің жалпы сипаты;

      5) МИЖ институционалдық басқару схемасы;

      6) әлеуметтік-экологиялық әсер.

      7) МИЖ-ді іске асырудың мүмкін түрлері мен тәсілдерінің балама нұсқалары.

      9. Инвестициялық ұсыныстың салалық сараптамасының қорытындысы:

      1) саланың одан әрі дамуына ықпал ететін оның ағымдағы жай-күйінің проблемаларын, сондай-ақ қолданыстағы көрсетілетін және ұсынылатын қызметтерді салыстырмалы талдауды;

      2) МИЖ-ді іске асырудан экономиканың сабақтас салаларына (аяларына) болжамды мультипликативтік әсерін, оның ішінде бюджеттің кіріс бөлігін толықтыруға, жаңа жұмыс орындарын құруға ықпалын;

      3) проблеманы шешу нұсқасын таңдау кезінде қаралған, шетелдік тәжірибені ескере отырып, оны шешудің оңтайлы жолы ретінде МИЖ-ді таңдаудың негіздемесі бар балама нұсқаларды;

      4) МИЖ басқарудың болжанатын институционалдық схемасының негізділігін (негізгі қатысушылар, олардың өзара іс-қимылының схемасы, баланс ұстаушылардың пайдалары мен шығындарын бөлу, инвестициялық және инвестициялаудан кейінгі кезеңдерде БИЖ-ді басқару схемасы);

      5) жоба бойынша болжанатын тәуекелдерді (қаржылық, операциялық, техникалық, кредиттік, нормативтік-құқықтық, технологиялық, маркетингтік, нарықтық, коммерциялық, экологиялық және әлеуметтік тәуекелдер) және оларды азайту жөніндегі іс-шараларды;

      6) МИЖ-дің Мемлекеттік жоспарлау жүйесінің құжаттарына, Қазақстан Республикасы Президентінің Қазақстан халқына жыл сайынғы жолдауларына және Қазақстан Республикасы Президентінің тапсырмаларына сәйкестігін;

      7) МИЖ көлемінің негізділігін бағалауды қамтиды.

      ББӘ ақпараттандыру саласындағы мемлекеттік инвестициялық жобаның инвестициялық ұсынысын ақпараттандыру және ақпараттық қауіпсіздік салаларында қорытындылар алу үшін уәкілетті органға және ақпараттық қауіпсіздікті қамтамасыз ету саласындағы уәкілетті органға енгізеді.

      Инвестициялық ұсыныстарды ақпараттандыру саласындағы сараптама "Ақпараттандыру туралы" Қазақстан Республикасы Заңының 57-бабының 1-тармағына сәйкес бекітілетін инвестициялық ұсыныстарды, бюджеттік инвестициялардың қаржылық-экономикалық негіздемелерін ақпараттандыру саласында сараптама жүргізу қағидаларына сәйкес жүзеге асырылады.

      Ақпараттандыру объектілерін құруға және дамытуға бағытталған бюджеттік инвестициялық жоба шығыстары есеп-қисабының негізділігі, жүзеге асырылуын және тиімділігін айқындау тұрғысынан бағалауды ақпараттандыру саласындағы уәкілетті орган "Ақпараттандыру туралы" Қазақстан Республикасы Заңының 57-бабының 2-тармағына сәйкес жүзеге асырады және ол ақпараттандыру саласындағы қорытындыда көрсетіледі.

      8) мемлекеттік инвестициялардың қажеттілігіне байланысты МИЖ-ді іске асыру тетігін басымдықпен таңдау негізділігін бағалауды қамтиды.

      МИЖ инвестициялық ұсынысына салалық қорытындыны ББӘ осы Қағидалардың 6-тармағында көрсетілген құжаттарды квазимемлекеттік сектор субъектілері енгізген сәттен бастап 30 жұмыс күні ішінде ұсынады.

      Техникалық-экономикалық негіздемені әзірлеуді талап етпейтін, ақпараттық жүйелерді дамытуға бағытталған бюджеттік инвестициялық жобалар бойынша ақпараттандыру саласындағы орталық уәкілетті органның салалық қорытындысы ақпараттық жүйелерді дамытуға арналған шығындардың нормативтеріне сәйкес келетін есептемелер мен негіздемелерді қамтиды.

      Техникалық-экономикалық негіздемені әзірлеуді талап етпейтін ақпараттық жүйелерді дамытуға бағытталған бюджеттік инвестициялық жобалардың құны ақпараттандыру саласындағы уәкілетті органның салалық қорытындысының құрамында ұсынылған есептемелер мен негіздемелер негізінде расталады.

      10. Егер МИЖ-ді республикалық бюджет қаражаты есебінен іске асыру ұсынылған жағдайда, инвестициялық ұсыныстың салалық сараптама қорытындысын тиісті саладағы орталық уәкілетті орган ұсынады, МИЖ қандай да бір салаға жатқызу мүмкін болмаса, салалық қорытындыны ББӘ өзі ұсынады.

      Егер республикалық бюджет қаражаты есебінен іске асыру болжанатын МИЖ бірнеше салалық орталық мемлекеттік органдардың жауапкершілік аясын қозғаса, көрсетілген салалық орталық органдар МИЖ салалық сараптамасының сәйкес қорытындыларын қосымша ұсынады.

      Бұл ретте, салалық сараптамалардың қосымша қорытындыларын тиісті салалық орталық мемлекеттік органдар бірінші басшының не оны алмастыратын тұлғаның не мемлекеттік органның бірінші басшысы әрбір МИЖ бойынша жеке уәкілеттік берген тұлға қол қойған МИЖ-дің іске асырылуының жетекшілік ететін салаға ықпалын бағалау және саланың басымдықтарына сәйкестігі бөлігінде ғана ұсынады.

      11. Егер МИЖ-ді жергілікті бюджет қаражаты есебінен немесе жоғары тұрған бюджеттен берілетін нысаналы даму трансферттері мен кредиттер есебінен іске асыру ұсынылған жағдайда, инвестициялық ұсыныстың салалық сараптамасының қорытындысын жергілікті бюджеттен қаржыландырылатын салалық жергілікті атқарушы орган ұсынады, ББӘ қандай да бір салаға жатпаса, ББӘ салалық қорытындыны өздері ұсынады.

      Егер жергілікті бюджет қаражаты есебінен немесе жоғары тұрған бюджеттен берілетін нысаналы даму трансферттері мен кредиттер есебінен іске асыру болжанатын МИЖ басқа бірнеше салалық жергілікті органдардың жауапкершілік аясын қозғаса, көрсетілген салалық мемлекеттік жергілікті органдар қосымша МИЖ салалық сараптамаларын ұсынады.

      12. Қаржылық-экономикалық модельдің базалық параметрлері мен жобаны іске асырудан экономикалық әсер көрсеткіштерінің есептемесін қамтитын МИЖ қаржыландырудың ықтимал түрлері мен тәсілдерінің есептемелері, осы Қағидаларға 2-қосымшаға сәйкес нысандар бойынша ұсынылады.

      13. Ақпараттандыру саласындағы МИЖ құнының есептемелері мен негіздемелері Әдістемеге сәйкес келеді.

      14. МИЖ инвестициялық ұсынысы, оның ішінде осы Қағидалардың 6-тармағында көрсетілген құжаттар Ресми құжаттар үшін Қазақстан Республикасының заңнамасында белгіленген тәртіппен ресімделеді.

      15. ББӘ осы Қағидалардың 6-тармағында көрсетілген құжаттарды қамтитын МИЖ инвестициялық ұсыныстарын қалыптастырады және мемлекеттік жоспарлау жөніндегі орталық немесе жергілікті уәкілетті органға ұсынады.

      Электрондық құжат айналымының бірыңғай жүйесі үшін құжаттар электрондық-цифрлық қолтаңба арқылы беріледі.

      Электрондық құжат айналымының бірыңғай жүйесі болмаған жағдайда, инвестициялық ұсыныс қағаз жеткізгіште енгізіледі. Инвестициялық ұсыныстың әр парағына қол қойылады не тігіледі, нөмірленеді және инвестициялық ұсынысты әзірлеуге жауапты ББӘ құрылымдық бөлімшесі басшысының қолымен расталады.

      16. Экономикалық қорытынды дайындау үшін осы Қағидалардың 6-тармағына сәйкес қажет құжаттардың толық топтамасы болмаған жағдайда, мемлекеттік жоспарлау жөніндегі орталық немесе жергілікті уәкілетті орган МИЖ инвестициялық ұсынысын ББӘ-ге қайтарады.

      17. Бюджеттік инвестицияларды түзетуге арналған инвестициялық ұсыныс:

      1) БИЖ ТЭН-і түзетілген;

      2) Инвестициялар ҚЭН-і түзетілген;

      3) бюджеттік кредиттеу ТЭН-ні не ҚЭН-ні түзетілген;

      4) егер БИЖ ТЭН, Инвестициялар ҚЭН-ін, бюджеттік кредиттің ТЭН-ін не ҚЭН-ін қарау қорытындылары бойынша мемлекеттік жоспарлау жөніндегі орталық немесе жергілікті уәкілетті органның қорытындысында МИЖ іске асырудың басқа түрлері мен тәсілдері ұсынылған жағдайларда ғана әзірленеді.

      Ақпараттандыру объектілерін құруға және дамытуға бағытталған БИЖ бойынша инвестициялық ұсынысты түзету техникалық шешімдердің өзгеруіне және қосымша шығыстарға әкеп соғатын белгіленген техникалық-экономикалық параметрлер өзгерген жағдайда жүзеге асырылады.

      Бюджеттік инвестицияларды түзетуге арналған инвестициялық ұсыныс бұрын енгізілген оң экономикалық қорытындысы бар біртекті (біртипті) МИЖ бойынша инвестициялық ұсыныстан техникалық-экономикалық параметрлерін өзгерту болжанатын жоба бойынша ұсынылады.

      Техникалық-экономикалық параметрлерін өзгерту болжанбайтын жобалар бойынша осы Қағидаларда көзделген сараптамаларды жүргізу үшін түзетілген инвестициялық ұсыныс енгізу талап етілмейді.

2-параграф. Мемлекеттік инвестициялық жобаның инвестициялық ұсынысының қажетті сараптамаларын жүргізу тәртібі

      18. МИЖ инвестициялық ұсынысының қажетті сараптамаларын жүргізу осы Қағидалардың 6-тармағында көрсетілген құжаттарды қарау және ББӘ-нің инвестициялық ұсыныстарына мемлекеттік жоспарлау жөніндегі орталық немесе жергілікті уәкілетті органның экономикалық қорытынды әзірлеуі болып табылады.

      Мемлекеттік жоспарлау жөніндегі орталық немесе жергілікті уәкілетті орган ББӘ-нің инвестициялық ұсыныстарын экономикалық орындылығы, жоба мақсаттарының Мемлекеттік жоспарлау жүйесінің құжаттарында, Қазақстан Республикасы Президентінің Қазақстан халқына жыл сайынғы жолдауларында және Қазақстан Республикасы Президентінің тапсырмаларында белгіленген экономика саласын (аясын) дамыту басымдықтарына сәйкестігі тұрғысынан 20 (жиырма) жұмыс күнінен аспайтын мерзімде қарайды және олар бойынша экономикалық қорытындыны ББӘ-ге жібереді.

      Егер, ББӘ МИЖ-ді МЖӘ жобасын, оның ішінде концессиялық жобаны іске асыру арқылы ұсынса және МЖӘ жобасы, оның ішінде концессиялық жоба бойынша бюджеттен төленетін төлемдердің жалпы сомасы жергілікті атқарушы органның МЖӘ жобалары бойынша мемлекеттік міндеттемелерінің ағымдағы жылға арналған лимитінің 2 (екі) пайызынан асатын болса мемлекеттік жоспарлау жөніндегі жергілікті уәкілетті орган 1 (бір) жұмыс күнінен аспайтын мерзімде осы Қағидалардың 6-тармағында көрсетілген құжаттарды ББӘ инвестициялық ұсыныстарына ұсыным тұжырымдау мақсатында Қазақстан Республикасының Үкіметі айқындаған заңды тұлғаға жібереді.

      Қазақстан Республикасының Үкіметі айқындаған заңды тұлға ұсынылған деректерді бағалау негізінде 15 (он бес) жұмыс күнінен аспайтын мерзімде ББӘ инвестициялық ұсынысына МИЖ-ды МЖӘ жобасын, оның ішінде концессиялық жобаны іске асыру арқылы іске асырудың негізділігі (МЖӘ қағмдаттарына және белгілеріне сәйкестігі) тұрғысынан ұсыным әзірлеп, олар бойынша ұсынымдарды осы Қағидаларға 50-қосымшаға сәйкес құрылым бойынша мемлекеттік жоспарлау жөніндегі жергілікті уәкілетті органға жібереді.

      Мемлекеттік жоспарлау жөніндегі жергілікті уәкілетті орган Қазақстан Республикасының Үкіметі айқындайтын заңды тұлғаның ұсынымын (бар болған жағдайда) ескере отырып, экономикалық қорытынды дайындайды.

      19. Инвестициялық ұсынысқа сараптама пайдалар мен шығындар талдауын қолдана отырып жүргізіледі және осы Қағидаларға 3-1-қосымшаға сәйкес МИЖ-ді іріктеу әдістемесіне сәйкес жүзеге асырылады.

      Пайдалар мен шығындар талдауы мынадай көрсеткіштерді бағалаумен сипатталады:

      1) бюджеттік тиімділік – алынған бюджет нәтижесінің шығындарға қатынасы ретінде айқындалатын инвестицияларды жүзеге асыру нәтижесінде бюджет үшін тиімділіктің салыстырмалы көрсеткіші;

      2) МИЖ-дің өзін-өзі ақтауы – МИЖ-дің инвестициялық ұсыныстарында көзделген ақша ағындарын генерациялау мүмкіндігі;

      3) МИЖ басымдылығы – әлеуметтік, стратегиялық, саяси, экологиялық және басқа да факторлармен негізделген МИЖ іске асырудың мүмкіндігі.

      20. Мемлекеттік жоспарлау жөніндегі орталық немесе жергілікті уәкілетті органның экономикалық қорытындысының нәтижесі МИЖ-ді бюджеттен қаржыландырудың ықтимал түрі мен тәсілдерін айқындау болып табылады.

      22. МИЖ бойынша инвестициялық ұсынысқа экономикалық қорытындыны осы Қағидаларға 3-қосымшаға сәйкес нысан бойынша мемлекеттік жоспарлау жөніндегі орталық немесе жергілікті уәкілетті орган дайындайды.

      22-1. ББӘ МИЖ бойынша инвестициялық ұсынысқа оң экономикалық қорытынды алғаннан кейін 90 (тоқсан) жұмыс күнінен кешіктірмей, мемлекеттік жоспарлау жөніндегі орталық немесе жергілікті уәкілетті органға әзірленген ҚЭН енгізеді.

      Егер экономикалық сараптаманы қоспағанда, БИЖ ТЭН-ін қаржыландыру және оларға сараптамалар жүргізу мемлекеттік жоспарлау жөніндегі орталық немесе жергілікті уәкілетті органның бөлінетін бюджеттік бағдарламасының қаражаты есебінен жүзеге асырылатын жағдайда, ББӘ БИЖ–дің ТЭН әзірленгеннен кейін, сондай-ақ әзірленген БИЖ ТЭН-іне ведомстводан тыс сараптаманың оң қорытындысын алғаннан кейін 15 (он бес) жұмыс күнінен кешіктірмей, әзірленген БИЖ ТЭН-ін мемлекеттік жоспарлау жөніндегі орталық немесе жергілікті уәкілетті органға енгізеді.

      Қаржыландырудың түрі мен тәсілдері айқындалғаннан кейін үш жыл ішінде ТЭН, ЖСҚ, ҚЭН, мемлекеттік-жекешелік әріптестік жобасының конкурстық құжаттамаларын әзірлеу, сондай-ақ ақпараттандыру объектісін құруға және дамытуға бағытталған БИЖ-ді іске асыру басталмаған (әзірленбеген) МИЖ, оның ішінде түзетілген МИЖ бойынша инвестициялық ұсынысқа экономикалық қорытынды ескірген болып есептеледі.

3-тарау. Бюджеттік инвестицияларды жоспарлау, қарау және іріктеу тәртібі

      Ескерту. 3-тараудың тақырыбы жаңа редакцияда – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1-параграф. Бюджеттік инвестицияларды жоспарлау тәртібі

      23. БИЖ-ді жоспарлау мынадай үш кезеңде жүзеге асырылады:

      1) Пилоттық жобаны қоспағанда, инвестициялық ұсыныстарды әзірлеу және оларға сараптамалар жүргізу;

      2) ТЭН-ді әзірлеуді талап етпейтін жобаларды қоспағанда, БИЖ ТЭН-ін әзірлеу немесе түзету, сондай-ақ оларға қажетті сараптамалар жүргізу;

      3) бюджетті әзірлеу сатысында бюджеттік инвестициялық жобаларды іріктеу.

      24. Инвестицияларды жоспарлау мынадай үш кезеңмен жүзеге асырылады:

      1) инвестициялық ұсыныстарды немесе МЖӘ жобасының бизнес жоспарын әзірлеу және оларға сараптамалар жүргізу;

      2) ҚЭН әзірлеу немесе түзету, сондай-ақ қажетті сараптамалар жүргізу;

      3) бюджетті әзірлеу сатысында Инвестицияларды іріктеу.

      2-параграф. Бюджеттік инвестициялық жобалардың техникалық-экономикалық негіздемелерін әзірлеуді немесе түзетуді, сондай-ақ оған қажетті сараптамалар жүргізуді қаржыландыруға қаражат бөлу тәртібі

      25. ББӘ МИЖ инвестициялық ұсыныстарына оң экономикалық қорытынды негізінде мемлекеттік жоспарлау жөніндегі орталық немесе жергілікті уәкілетті органға БИЖ ТЭН-ін әзірлеуге немесе түзетуге,

      сондай-ақ қажетті сараптамаларын жүргізуге оң экономикалық қорытынды алынған ағымдағы жылы не келесі жоспарланатын қаржы жылы бөлінетін бюджеттік бағдарлама бойынша қаражат бөлу қажеттігі туралы өтінімді (бұдан әрі – БИЖ ТЭН-ін әзірлеуді қаржыландыруға арналған өтінім) және техникалық тапсырманы ұсынады.

      26. БИЖ ТЭН-ін әзірлеуге немесе түзетуге арналған техникалық тапсырма егер Қазақстан Республикасының заңнамасында өзгесі айтылмаса, осы Қағидаларда айқындалатын БИЖ ТЭН-ін әзірлеуге немесе түзетуге, сондай-ақ қажетті сараптамаларын жүргізуге қойылатын талаптар негізінде жасалады.

      Техникалық тапсырма жобасында:

      1) мемлекеттік сатып алу туралы заңнамаға сәйкес БИЖ ТЭН-ін әлеуетті әзірлеушіге қойылатын біліктілік талаптары;

      2) мемлекеттік сатып алу туралы заңнамаға сәйкес әзірлеушінің міндеттерін қолдану және шектеу саласы;

      3) БИЖ ТЭН-ін әзірлеудің немесе түзетудің, сондай-ақ қажетті сараптамаларын жүргізудің болжамды мерзімдері де көрсетіледі.

      26-1. Қазақстан Республикасының заңнамасында белгiленген жағдайларда, экономикалық сараптаманы қоспағанда, БИЖ ТЭН-ін әзірлеу немесе түзету шеңберінде тиісті қажетті сараптамалар жүргізуге қаржы бөлінеді.

      Қаржыландыру және БИЖ ТЭН-іне сараптамалар жүргізу мемлекеттік жоспарлау жөніндегі орталық қаржы жылы ішінде немесе жергілікті уәкілетті органның бөлінетін бюджеттік бағдарламасы қаражатының есебінен жүзеге асырылады.

      Бөлінетін бюджеттік бағдарлама қаражаты қаржы жылы ішінде ТЭН әзірлеу немесе түзету, сондай-ақ қажетті сараптамаларын жүргізу мемлекеттік жоспарлау жөніндегі орталық немесе жергілікті уәкілетті органның бөлінетін бюджеттік бағдарламасының қаражаты есебінен жүзеге асырылатын мемлекеттік жоспарлау жөніндегі орталық уәкілетті органның бұйрығымен немесе жергілікті атқарушы органның актісімен бекітілген БИЖ тізбесінің негізінде әртүрлі ББӘ арасында бөлуге жатады.

      Егер жергілікті БИЖ-ді қаржыландыру нысаналы даму трансферттерінің республикалық бюджеттен жергілікті бюджетке бөлінетін қаражаты есебінен жүзеге асырылатын болса, ТЭН әзірлеуді қаржыландыру мемлекеттік жоспарлау жөніндегі жергілікті уәкілетті органның бөлінетін бюджеттік бағдарламасының есебінен жүзеге асырылады.

      26-2. Бөлінетін бюджеттік бағдарламалар қаражаты есебінен БИЖ ТЭН-ін әзірлеуді немесе түзетуді, сондай-ақ қажетті сараптамалар жүргізуді қаржыландыру процесі мынадай негізгі кезеңдерді:

      1) ББӘ-нің БИЖ ТЭН-ін әзірлеуді немесе түзетуді, сондай-ақ қажетті сараптамалар жүргізуді қаржыландыруға өтінімдер беруін;

      2) тиісті бөлінетін бюджеттік бағдарламалар қаражаты есебінен БИЖ ТЭН-ін әзірлеуді немесе түзетуді, сондай-ақ қажетті сараптамалар жүргізуді қаржыландырудың тізбелерін қалыптастыруды және бекітуді;

      3) БИЖ ТЭН қажетті сараптамаларын жүргізу, сондай-ақ әзірлеу немесе түзетудің қаржыландыруы.

      26-3. ББӘ мемлекеттiк жоспарлау жөнiндегi орталық немесе жергілікті уәкiлеттi органға БИЖ ТЭН-ін әзірлеуді немесе түзетуді, сондай-ақ қажеттi сараптамалар жүргiзудi қаржыландыруға өтiнiмдер бередi.

      26-4. БИЖ ТЭН-ін әзірлеуді немесе түзетуді, сондай-ақ қажетті сараптамалар жүргізуді қаржыландыруға арналған өтінімінде қаражатты игеру мерзімі бір жылдан астам уақытты құрауы мүмкін, бірақ тиісті бюджет комиссиясының ұсынысында айқындалған мерзімнен аспайды және Қазақстан Республикасының бюджет заңнамасына сәйкес ұсынылады.

      26-5. БИЖ ТЭН-ін әзірлеуді немесе түзетуді, сондай-ақ қажетті сараптамаларын жүргізуді қаржыландыруға арналған өтінімге БИЖ ТЭН-ін әзірлеудің немесе түзетудің мәлімделген құнын растайтын есептемелер қоса беріледі ("Құрылыстағы баға белгілеу жөніндегі нормативтік құжаттарды бекіту туралы" Қазақстан Республикасы Инвестициялар және даму министрлігінің Құрылыс және тұрғын үй-коммуналдық шаруашылық істері комитеті төрағасының 2017 жылғы 14 қарашадағы № 249-нқ бұйрығына (Нормативтік құқықтық актілерді мемлекеттік тіркеу тізілімінде № 16073 болып тіркелген) және әлеуетті өнім берушілердің коммерциялық ұсыныстарына сәйкес).

      27. Мемлекеттiк жоспарлау жөнiндегi орталық уәкiлеттi орган БИЖ ТЭН-ін әзірлеуге немесе түзетуге, сондай-ақ қажетті сараптамалар жүргізуге берілген оң экономикалық қорытындының, ББӘ қаржыландыру жөніндегі хаттың, техникалық тапсырманың негізінде БИЖ инвестициялық ұсыныстары бойынша қорытындылар қалыптастырады және республикалық бюджет комиссиясының (бұдан әрі – РБК) қарауына енгізеді.

      Мемлекеттiк жоспарлау жөнiндегi жергілікті уәкiлеттi орган инвестициялық ұсыныстарды қарау қорытындылары бойынша БИЖ ТЭН-ін әзірлеуге немесе түзетуге, сондай-ақ қажетті сараптамалар жүргізуге берілген оң экономикалық қорытындының, ББӘ қаржыландыру жөніндегі хаттың, техникалық тапсырманың негізінде қорытындылар қалыптастырады және оларды бюджет комиссиясының қарауына жібереді.

      28. Тиісті бюджет комиссиясының қарауына шығарылатын инвестициялық ұсыныстар бойынша қорытынды мынадай негізгі мәліметтерді қамтиды:

      1) БИЖ атауы;

      2) ББӘ қаржыландыруға ұсынатын БИЖ ТЭН-ін әзірлеу немесе түзету, сондай-ақ қажетті сараптамаларын жүргізу құны;

      3) мемлекеттік жоспарлау жөніндегі уәкілетті орган қаржыландыруға ұсынатын БИЖ ТЭН-ін әзірлеу немесе түзету, сондай-ақ қажетті сараптамаларын жүргізу құны;

      4) БИЖ-дің Мемлекеттік жоспарлау жүйесінің құжаттарында, Қазақстан Республикасы Президентінің Қазақстан халқына жыл сайынғы жолдауларында және Қазақстан Республикасы Президентінің тапсырмаларында айқындалған бағыттарға, мақсаттарға, міндеттерге және ережелерге сәйкестігі;

      5) міндеттерді орындаудың күтілетін нәтижесі.

      29. Бюджет комиссиялары мақұлдаған, БИЖ ТЭН-ін әзірлеу немесе түзету, сондай-ақ қажетті сараптамаларын жүргізу мемлекеттік жоспарлау жөніндегі орталық немесе жергілікті уәкілетті органның тиісті бөлінетін бюджеттік бағдарламасының қаражаты есебінен жүзеге асырылатын инвестициялық ұсыныстардағы БИЖ бойынша мемлекеттік жоспарлау жөніндегі орталық немесе жергілікті уәкілетті орган тізбе қалыптастырады.

      Әрбір жоба бойынша атауын және қаржыландыру сомасын қамтитын тізбе, БИЖ ТЭН-ін әзірлеу немесе түзету, сондай-ақ қажетті сараптамаларын жүргізу мемлекеттік жоспарлау жөніндегі орталық уәкілетті органның бұйрығымен немесе жергілікті атқарушы органның актісімен бекітіледі, оларды дайындауды мемлекеттік жоспарлау жөніндегі орталық немесе жергілікті уәкілетті орган жүзеге асырады.

      29-1. Тиісті бөлiнетiн бюджеттiк бағдарламалар қаражатының қалған сомасына арналған тiзбелерге толықтырулар мен өзгерістерді қалыптастыру, тиiстi бюджет комиссиясының қарауына енгiзу және бекiту осы Қағидаларда белгiленген тәртiппен жүзеге асырылады.

      Тиісті бөлінетін бюджеттік бағдарламалар бойынша БИЖ ТЭН-ін әзірлеуді немесе түзетуді, сондай-ақ қажеттi сараптамаларын жүргізуді қаржыландыруға бөлінген бюджет қаражаты қаржы жылы ішінде пайдаланылмаған немесе ішінара пайдаланылған жағдайларда, ББӘ тиісті бюджетті соңғы нақтылауға дейін бөлінген бюджет қаражатының пайдаланылмаған бөлігін қайтаруды қамтамасыз етеді.

      Бюджет шығыстарының секвестрін жүргізген кездегі бюджеттік бағдарламаларды қысқартуды қоспағанда ББӘ үнемдеу нәтижелері бойынша қалыптасқан бюджет қаражатын қайтару, бюджет комиссиясының тиісті шешімінсіз, мемлекеттік жоспарлау жөніндегі орталық уәкілетті органның осы Қағидаларымен бекітілген тәртіппен әзірленген және қабылданған бұйрығының немесе мемлекеттік жоспарлау жөніндегі орталық уәкілетті органның бұйрығына немесе төлемдер бойынша түсімдер мен қаржыландырулардың жиынтық жоспарына, міндеттемелер бойынша қаржыландырудың жиынтық жоспарына кейіннен өзгерістер енгізе отырып, тиісті бөлінетін бюджеттік бағдарламаларды бөлу туралы жергілікті атқарушы органның нормативтік құқықтық актісіне өзгерістер енгізу туралы жергілікті атқарушы органның нормативтік құқықтық актісі негізінде мемлекеттік жоспарлау жөніндегі орталық немесе жергілікті уәкілетті органның тиісті бюджеттік бағдарламаларын қалпына келтіру арқылы жүзеге асырылады.

      Бюджет шығыстарына секвестрлеу жүргізу кезінде бюджеттік бағдарламалар қаражатын қысқарту бөлінетін бюджеттік бағдарлама есебінен қаражат алған ББӘ бюджеттік бағдарламасы бойынша жүзеге асырылады.

      Қалған жағдайларда пайдаланылмаған бюджет қаражатын қайтару, бюджет комиссиясының оң шешімі және мемлекеттік жоспарлау жөніндегі орталық уәкілетті органның бекітілген тәртіппен әзірленген және қабылданған бұйрығының немесе мемлекеттік жоспарлау жөніндегі орталық уәкілетті органның бұйрығына немесе төлемдер бойынша түсімдер мен қаржыландырулардың жиынтық жоспарына, міндеттемелер бойынша қаржыландырудың жиынтық жоспарына кейіннен өзгерістер енгізе отырып, тиісті бөлінетін бюджеттік бағдарламаларды бөлу туралы жергілікті атқарушы органның нормативтік құқықтық актісіне өзгерістер енгізу туралы жергілікті атқарушы органның нормативтік құқықтық актісі негізінде мемлекеттік жоспарлау жөніндегі орталық немесе жергілікті уәкілетті органның тиісті бюджеттік бағдарламаларын қалпына келтіру арқылы жүзеге асырылады.

      БИЖ ТЭН-ін әзірлеуді немесе түзетуді, сондай-ақ қажеттi сараптамалар жүргізуді қаржыландыруға тиісті бөлінетін бюджеттік бағдарламалар бойынша бөлінген бюджет қаражаты қаржы жылы ішінде пайдаланылмаған немесе ішінара пайдаланылған жағдайларда, ББӘ екінші жартыжылдықта республикалық бюджет нақтыланғаннан кейін тиісті мемлекеттік жоспарлау жөніндегі уәкілетті органға бөлінген бюджет қаражатының пайдаланылмаған бөлігін, оның ішінде үнемдеу нәтижелері бойынша қалыптасқан қаражатты қайтаруына жол берілмейді.

      БИЖ ТЭН-ін әзірлеуді немесе түзетуді, сондай-ақ қажеттi сараптамалар жүргізуді қаржыландыруға тиісті бөлінетін бюджеттік бағдарламалар бойынша бөлінген бюджет қаражатын пайдаланбағаны не ішінара пайдаланғаны үшін осы қаражатты алған ББӘ бірінші басшысы жауапты болады.

      29-2. ББӘ Тізбелер негізінде БИЖ ТЭН-ін әзірлеуді немесе түзетуді, сондай-ақ қажеттi сараптамаларын жүргізуді қамтамасыз етеді.

      29-3. БИЖ ТЭН-ін әзірлеуді немесе түзетуді, сондай-ақ қажеттi сараптамалар жүргізуді қаржыландыру Қазақстан Республикасының бюджет заңнамасында белгіленген тәртіппен жүзеге асырылады.

      29-4. БИЖ ТЭН-ін әзірлеуге немесе түзетуге, сондай-ақ қажеттi сараптамаларын жүргізуге арналған шарт бойынша өнім берушінің міндеттемелерінде тиісті сараптамалар жүргізудің нәтижесінде ескертулер мен ұсыныстар туындаған, оның ішінде жобаға экономикалық сараптама жүргізу кезінде жоба пысықтауға қайтарылған жағдайда шарттың жалпы құны шегінде өнім берушінің БИЖ ТЭН-ін міндетті пысықтауы туралы талапты қамтуы тиіс.

2-1. Параграф Бюджеттік инвестициялық жобаның техникалық-экономикалық негіздемесін әзірлеу тәртібі

      Ескерту. 2-1-параграфпен толықтырылды - ҚР Ұлттық экономика министрінің м.а. 25.11.2015 № 721 бұйрығымен.

      30. БИЖ ТЭН-ін әзірлеу немесе түзету Қазақстан Республиксының тиісті заңнамаларында көзделген ерекшеліктер ескеріле отырып, осы Қағидалардың 3-тарауында айқындалған тәртіппен жүзеге асырылады.

      31. Егер жобаны іске асыру Мемлекеттік жоспарлау жүйесінің құжаттарында, Қазақстан Республикасы Президентінің Қазақстан халқына жыл сайынғы жолдауларында және Қазақстан Республикасы Президентінің тапсырмаларында айқындалған бағыттарда, мақсаттарда, міндеттерде және ережелерде көзделген жағдайда, БИЖ ТЭН-ін әзірлеу жүзеге асырылады.

      32. Сыртқы үкіметтік қарыздар қаражатынан қаржыландыру және республикалық бюджет қаражатынан сыртқы қарыздарды қоса қаржыландыру болжанатын БИЖ құнына, қажет болған жағдайда, техникалық көмекке, тауарларға, оқытуға, жоба құрылысын басқару, сүйемелдеу, институционалдық дамыту, қадағалау жөніндегі консультациялық көрсетілетін қызметтерге арналған шығыстар қосылады.

      33. Қазақстан Республикасында іске асыруда аналогтары жоқ жобалар бойынша халықаралық тәжірибені ескере отырып деректер қолданылады.

      34. БИЖ ТЭН мынадай құрылымға сәйкес келеді:

      1) БИЖ ТЭН-нің түйіндемесі;

      2) "Маркетингтік" бөлім;

      3) "Техникалық-технологиялық" бөлім;

      4) "Экологиялық бөлім" (қоршаған ортаға әсерді бағалау);

      5) "Институционалдық" бөлім;

      6) "Қаржылық-экономикалық" бөлім;

      7) "Әлеуметтік" бөлім;

      8) "Тәуекелдерді талдау" бөлімі;

      9) жалпы тұжырымдар;

      10) осы Қағидаларға 4-14-қосымшаларда көрсетілген нысандарға сәйкес БИЖ ТЭН-іне қосымшалар, сондай-ақ осы Қағидаларға сәйкес жобаның ерекшелігіне қарай ұсынылатын БИЖ ТЭН-ін әзірлеуге арналған бастапқы құжаттар.

      БИЖ ТЭН-іне жобаның ерекшелігіне байланысты қосымша бөлімдер мен қосымшаларды қосуға жол беріледі.

      35. БИЖ ТЭН түйіндемесінде:

      1) осы Қағидаларға 4-қосымшаға сәйкес нысан бойынша БИЖ-дің қысқаша сипаттамасы көрсетіледі;

      2) жобаның қолданыстағы саяси (хаттамалық және өзге де тапсырмаларды, нормативтік құқықтық актілерді көрсете отырып), әлеуметтік-экономикалық және басқа да шарттары сипатталады;

      3) жобаның мақсатына және, оның ішінде инвестициялық ұсыныс сатысында қаралған нәтиже көрсеткіштеріне қол жеткізудің ықтимал нұсқалары көрсетіледі;

      4) қолданыстағы материалдар мен зерттеулер негізінде техникалық-экономикалық бағалаулардың, сондай-ақ оны әзірлеу тапсырмасында баяндалған талаптар мен шарттардың нәтижелері көрсетіледі.

      36. БИЖ ТЭН-інің "Маркетингтік" бөлімінде қаралатын өңірдегі жобада болжанатын өнімдерге (тауарлар, жұмыстар, көрсетілетін қызметтер) қолданыстағы және перспективадағы сұраныстын талдауды не жобаның әлеуметтік-экономикалық қажеттілігі көрсетіледі.

      Аталған бөлім:

      1) өндірілетін және жобаны іске асыруда есепке алмай жүргізілетін немесе жобаны іске асыру, сондай-ақ төлемге қабілетті сұраныстың сандық параметрлерінің нәтижесінде өндіру болжанатын өнімдердің (тауарлар, жұмыстар, көрсетілетін қызметтер) көлемін, түрлерін және бағаларын бағалау мен негіздеуді қоса алғанда, сұраныстың талдауын;

      2) құқықтық негізін көрсете отырып, жобаның әлеуметтік-экономикалық қажеттігін талдауды;

      3) жобаны іске асыру шеңберінде (инвестициялық кезеңде) сатып алынатын тауарлардың, жұмыстардың, көрсетілетін қызметтердің көлемін, түрлері мен бағаларын, сондай-ақ тиісті прайс-парақтарды, баға ұсыныстарын және басқа да растаушы құжаттарды қоса бере отырып, жобаның қажеттіліктерін қанағаттандыру мүмкіндігін бағалауды және негіздеуді қоса алғандағы талдауды;

      4) пайдалану кезеңінде (инвестициялаудан кейінгі кезеңде) сатып алынатын тауарлардың, жұмыстардың, көрсетілетін қызметтердің көлемін, түрлері мен бағаларын, сондай-ақ тиісті прайс-парақтарды, баға ұсыныстарын және басқа да растаушы құжаттарды қоса бере отырып, жобаның қажеттіліктерін қанағаттандыру мүмкіндігін бағалауды және негіздеуді қоса алғандағы талдауды;

      5) пайдаланылатын ақпарат көздері мен маркетингтік зерттеулер жүргізу әдістемелерін қамтиды;

      6) прайс-парақтар мен баға ұсыныстарын тауарлардың, жұмыстардың, көрсетілетін қызметтердің кемінде екі өнім берушісі ұсынады (ұқсас тауарлар, жұмыстар және қызметтер бойынша прайс-парақтар және баға ұсыныстары жоқ болған жағдайда кемінде екі тәуелсіз бағалау қорытындысы беріледі).

      Бағаларды талдау:

      сатып алынуы техникалық-технологиялық талдауда көрсетілген талаптарға негізделген;

      сипаттамалары техникалық-технологиялық талдауда көрсетілген талаптарға сәйкес келетін тауарларды қамтиды;

      консалтингтік көрсетілетін қызметтер құны (бағдарламалық қамтамасыз етуді әзірлеу, жобаны басқару, аттестаттау) ресурстар құнының есептеулерімен және бағаларымен расталады.

      36-1. Егер БИЖ шет мемлекеттердің аумағында іске асырылатын жағдайда, БИЖ-дің құнын растайтын, аумағында осы жоба іске асырылатын мемлекеттің құрылыс саласындағы заңнамасында белгіленген тәртіппен бекітілген тиісті құжаттар аталған заңнаманың мәтінін қоса бере отырып және қазақша және (немесе) орыс тілдеріне аудармасын қамтамасыз ете отырып ұсынылады.

      37. БИЖ ТЭН-інің "Техникалық-технологиялық" бөлімі жобаны іске асырудың әртүрлі техникалық-технологиялық шешімдерінің талдауын, олардың артықшылықтары мен кемшіліктерін, маркетингтік бөлімде ұсынылған талдауды ескере отырып, таңдалған нұсқаның негіздемесін қамтиды.

      Аталған бөлім мыналарды қамтиды:

      1) объектіні орналастыру орындарының ықтимал нұсқаларын талдау, шикізат көздері мен өнім берушілеріне, нысаналы топтар мен негізгі пайда алушыларға қатысты орналасқан жері туралы, сондай-ақ жобаның орналасқан жерінің баламалы нұсқалары туралы ақпаратты бере отырып, жобаның орналасқан жерін таңдаудың негіздемесі. Қорғаныс саласындағы жобалар бойынша жобаның орналасқан жерінің баламалы нұсқалары туралы ақпаратты беру міндетті емес. Үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын ақпараттандыру объектілері бойынша мемлекеттік органдардың ұлттық серверлік орталығын, облыстық деректерді өңдеу орталықтарын, жеке ұйымдардың серверлік үй-жайларын немесе қажет болған жағдайда меншікті серверлік үй-жайды қоса алғанда, жобаның серверлік жабдығын орналастырудың ықтимал нұсқаларына талдау келтіріледі;

      2) жоба ауқымының сипаттамасы және жоба қуатын, жоба қуатының игерілу серпінін есептеу негіздемесі;

      3) технологиялар мен жабдықтарды таңдау негіздемесі, қазірдің өзінде пайдаланылатын жабдықтармен технологиялық үйлесімділігі, оңтайлы баға-сапа арақатынасы, технологиялар мен жабдықтарды таңдаудың баламалы нұсқалары, инновациялық жабдықтарды қолдану, жобада сапа стандарттарының қолданылуы туралы ақпарат;

      4) таңдалған шешімдер (энергия үнемдеу, жылумен, сумен жабдықтау, кәріз) мен схемаларды негіздей отырып, жобаның қажетті инженерлік, көліктік және телекоммуникациялық инфрақұрылыммен қамтамасыз етілуі туралы ақпарат, сондай-ақ қажет болған жағдайда, іске қосу-баптау жұмыстары туралы ақпарат;

      5) осы Қағидаларға 5-қосымшаға сәйкес нысан бойынша жобаның құрамдауыштары бойынша қаржыландыруды бөле отырып, жобаны іске асыру кестесі (оның ішінде технологиялық кезеңдер бойынша);

      6) пайдаланылатын ақпарат көздері.

      Құрылыс саласындағы жобалар бойынша БИЖ ТЭН-інің "Техникалық-технологиялық" бөлімі мыналарды қамтиды:

      мыналарды қамтитын негізгі сәулет-құрылыс шешімдері:

      қағидаттық сәулеттік, көлемдік-жоспарлау және конструктивтік шешімдер, оның ішінде: жоспарлау шешімдерінің негізділігі, жер учаскелерін ұтымды пайдалану, ғимараттарды тиімді бұғаттау, құрылыс ауданында табиғи қауіпті құбылыстардың (сейсмика, шөгу, карсттар, көшкіндер) болуына ерекше назар аударылады, қағидаттық сәулеттік-композициялық шешімдердің қоршаған құрылыстың қала құрылыстық жағдайларына сәйкестігі. Техникалық жағынан неғұрлым күрделі ғимараттар мен құрылыстардың негізгі параметрлері көлемдік-жоспарлау және конструктивтік (құрылыстық) шешімдерді және олардың конструктивтік ерекшеліктерін қамтиды. Құрылыс өнімдері мен материалдарына қажеттілік;

      көлік схемасының нұсқаларын, алаңішілік жолдар мен автожолдарды, ғимараттар мен құрылыстардың, оның ішінде өнеркәсіптік және басқа да мақсаттағы ғимараттар арасында талап етілетін өртке қарсы және санитариялық-эпидемиологиялық арақашықтықтардың сақталуын бағалай отырып таңдау негіздемесі;

      технологиялық процестердің (схемалардың) ықтимал нұсқаларын талдау негізінде таңдалған технологияның қысқаша сипаттамасы мен негіздемесі, құрамы және өндірістік құрылымы;

      БИЖ ТЭН-інің техникалық-технологиялық бөлімінде салыстырма талдау жүргізілетін және таңдалған нұсқаның негіздемесі берілетін жобаның мақсатқа қол жеткізу мен нәтижелер көрсеткіштерінің кемінде екі ықтимал нұсқасы көрсетіледі.

      Жобалық шешімдерді таңдау кезінде қоршаған ортаға әсерге жүргізілген бағалаудың нәтижелерін ескеру және қоршаған орта мен адам денсаулығына ең аз зиян келтіретін нұсқаның қабылдануын қамтамасыз ету қажет.

      Үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын ақпараттандыру объектілері бойынша БИЖ ТЭН-інің "Техникалық-технологиялық" бөлімі сондай-ақ мыналарды қамтиды:

      автоматтандырылған функциялар, процестер және олардың тұтынушыларының тізбесі (use-case схемасы);

      ақпараттандыру объектісі архитектурасының ықтимал нұсқаларын талдау (орталықтандырылған, орталықтандырылмаған, корпоративтік);

      ақпараттандыру объектісін іске асыру нұсқаларын талдау (дайын шешімдерді интеграциялау және енгізу, өзіндік әзірлеу, дайын және меншікті шешімдерді қолдану);

      тораптар схемасы (есептеу құралдары) және ақпараттандыру объектісінің бағдарламалық құрамдауыштарын орналастыру;

      телекоммуникация схемасы және байланыс арналарына қойылатын талаптар;

      жобаның ауқымы мен қуатының сандық көрсеткіштеріне, тораптар схемасына негізделген есептеу қуатына және сақтау көлеміне және есептеу құралдарының санына қойылатын талаптардың негіздемесі;

      жүйе архитектурасының жалпы сипаттамасы;

      жүйе құрамдауыштарының және олардың өзара байланысының сипаттамасы;

      осы жобаны іске асыруды қозғайтын ведомстволық және ведомствоаралық ақпараттық жүйелердің, сондай-ақ жобаны іске асыруды қозғайтын тараптардың тиісті жазбаша хабарламаларын қоса бере отырып, жобаны табысты іске асыру үшін осы жүйелер жағында жүргізілуі қажет іс-шаралардың сипаттамасы;

      жобаны іске асыру нәтижесінде өзекті болмауы мүмкін ақпараттандыру объектілері мен олардың құрамдауыштарының сипаттамасы;

      жобаның "электрондық үкіметтің" базалық құрамдауыштарымен, ведомствоаралық ақпараттық жүйелермен және деректер базаларымен, ведомстволық ақпараттық жүйелермен және деректер базаларымен болжамды өзара іс-қимылы мен интеграциясының сипаттамасы, оның ішінде:

      ақпараттық өзара іс-қимыл объектілерінің сипаттамасы;

      қолданылатын деректер алмасу стандарттарының сипаттамасы;

      құрылатын ақпараттық жүйелер шеңберінде электрондық мемлекеттік көрсетілетін қызметтердің сипаттамасы, оның ішінде:

      іске асырылатын электрондық мемлекеттік көрсетілетін қызметтерді алушылар тобының сипаттамасы (жеке тұлғалар, заңды тұлғалар);

      жоба шеңберінде Қазақстан Республикасының ауқымында іске асырылатын электрондық мемлекеттік көрсетілетін қызметтер қажеттілігінің ағымдағы және тарихи көрсеткіштері;

      мемлекеттік көрсетілетін қызметтердің тиімділік көрсеткіштерінің электрондық түрге ауыстырылғанға дейінгі және одан кейінгі сипаттамасы, оның ішінде талап етілетін құжаттар саны, құжаттарды тапсыру үшін күту уақыты, қызмет көрсету мерзімі;

      электрондық мемлекеттік көрсетілетін қызметтерді ұсынудың ағымдағы және жоспарланған бизнес-процесінің сипаттамасы;

      іске асырылатын электрондық мемлекеттік көрсетілетін қызметтердің типі (ақпараттық, интерактивтік, транзакциялық);

      алушылар (жеке тұлғалар, заңды тұлғалар) бөлінісінде іске асырылатын электрондық мемлекеттік көрсетілетін қызметтерді ұсыну арналары;

      ақпараттық қауіпсіздік талаптарының сипаттамасы.

      38. БИЖ ТЭН-інің "Экологиялық" бөлімі (қоршаған ортаға әсерді бағалау) жобаны іске асырудан келетін экологиялық залалды бағалауды қоса алғанда, сандық және құндық мәнде қабылданған жобалық шешімдердің қоршаған ортаға әсері туралы, сондай-ақ жобалық шешімдердің бекітілген экологиялық нормативтерге сәйкестігі және жобаны іске асырудан келетін теріс әсерді азайту жөніндегі болжанатын іс-шаралар туралы ақпаратты қамтиды.

      Жобалық шешімдерді таңдау кезінде экологиялық нормативтерге сәйкес келетін шешімдер ғана таңдалады.

      39. БИЖ ТЭН-інің "Институционалдық" бөлімі жобаның институционалдық схемасын, оның ішінде:

      1) осы Қағидаларға 6-қосымшаға сәйкес нысан бойынша жобаның институционалдық сызбасын;

      2) құқықтық негізін көрсете отырып, жобаны басқару схемасын қамтиды.

      Қажет болған жағдайда, жобаға қатысушылар бойынша толық заңды атауы, шыққан елі, ұйымдық-құқықтық нысаны, жарғылық капиталы, құрылтайшылар және олардың қатысу үлестері, құрылған жылы, негізгі қызмет түрлері, осы саладағы жобаларды іске асыру тәжірибесі және басқа да ақпарат көрсетіледі.

      40. БИЖ ТЭН-інің "Қаржы-экономикалық" бөлімі мыналарды қамтиды:

      1) инвестициялық шығасылардың есептемесі, жобаның кезеңдері, құрамдауыштары мен қаржыландыру көздері бойынша қаржыландыру қажеттіліктерін бөлу, қажет болған жағдайда, объектілерді пайдалануға беру шығыстары (іске қосу-баптау жұмыстары);

      2) пайдалану шығасыларының есептемесі;

      3) баламалы нұсқаларды талдау негізінде қаржыландыру көздерін (республикалық/жергілікті бюджет, қарыз қаражаты), шарттары мен көлемін (оның ішінде қаржыландыруды жылдарға бөле отырып) көрсете отырып, қаржыландыру схемасының негіздемесі;

      4) жобаға қатысушылардың ағымдағы қаржылық жағдайы (қажет болған жағдайда);

      5) жобаның мыналарды қамтитын қаржылық талдауы:

      өнімдердің (тауарлардың, жұмыстардың, көрсетілетін қызметтердің) өзіндік құнының, тарифтерінің, жіберу бағасының есептемесі;

      сатудан түскен кірістердің және таза пайданың есептемесі;

      ақша қаражаты ағынының жиынтық есептемесі;

      таза дисконтталған кірістің (Net present value – NPV), ішкі пайдалылық нормасының (Internal rate of return – IRR), өзін-өзі ақтаудың дисконтталған және қарапайым мерзімдерінің есептемесі;

      таза дисконтталған кірістің (NPV) және ішкі пайдалылық нормасының (IRR) негізгі параметрлер бойынша (өткізу көлемі, өткізу бағасы, инвестициялық және пайдалану шығасылары) сезімталдығын талдау, жобаның шығынсыздық нүктесінің есептемесі;

      6) жобаның мыналарды қамтитын экономикалық талдауы:

      жоба іске асырылмаған жағдайда, бюджет қаражатының есебінен болжамды шығындардың есептемесін қамтитын, жобасы бар және жобасыз әлеуметтік-экономикалық жағдайды талдау;

      ең аз шығындарды талдау немесе шығындар тиімділігін талдау немесе жобаның экономикалық тиімділік көрсеткіштерінің есептемесі, оның ішінде экономикалық пайдалар мен шығындарды бағалау, экономикалық таза дисконтталған кірістің (Economic net present value – ENPV) және экономикалық ішкі кірістілік нормасының (Economic internal rate of return – EIRR) есептемесі;

      экономикалық таза дисконтталған кірістің (ENPV) және экономикалық ішкі кірістілік нормасының (EIRR) негізгі параметрлер (өткізу көлемі, инвестициялық және пайдалану шығындары) бойынша сезімталдығын талдау (осы көрсеткіштер бар болған жағдайда);

      7) пайдаланылатын ақпарат көздері.

      Тауарларды, жұмыстарды және көрсетілетін қызметтерді өткізуден тікелей ақша ағындарын алу болжанбайтын жобалар бойынша жобаға қаржылық талдау жүргізу талап етілмейді.

      Жобаның қаржылық және экономикалық тиімділік көрсеткіштерін есептеген жағдайда, осы Қағидаларға 7-қосымшаға сәйкес нысан бойынша жобаның қаржылық-экономикалық моделінің базалық параметрлері бойынша ақпарат БИЖ ТЭН-іне қоса беріледі.

      Жобаның қаржылық тиімділік көрсеткіштерінің есептемесі осы Қағидаларға 8-қосымшаға сәйкес нысан бойынша беріледі.

      Жобаның таза дисконтталған кірісінің (NPV) және ішкі пайдалылық нормасының (IRR) сезімталдығын талдау нәтижелері осы Қағидаларға 9-қосымшаға сәйкес нысан бойынша беріледі.

      Жобаның ең аз шығындарын талдау көрсеткіштері осы Қағидаларға 10-қосымшаға сәйкес нысан бойынша беріледі.

      Жоба шығындарының тиімділігін талдауға арналған көрсеткіштер осы Қағидаларға 11-қосымшаға сәйкес нысан бойынша беріледі.

      Жобаның экономикалық тиімділік көрсеткіштерінің есептемесі осы Қағидаларға 12-қосымшаға сәйкес нысан бойынша беріледі.

      Жобаның экономикалық таза дисконтталған кірісінің (ENPV) және экономикалық ішкі кірістілік нормасының (EIRR) сезімталдығын талдау нәтижелері осы Қағидаларға 13-қосымшаға сәйкес нысан бойынша беріледі.

      Қосымшалардағы көрсеткіштер мен есептемелер БИЖ ТЭН-інде негізделген болуға тиіс.

      Үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын ақпараттандыру объектілері бойынша жобаның экономикалық тиімділік көрсеткіштерінің есептемесін, оның ішінде экономикалық пайдалар мен шығындарды бағалауды, экономикалық таза дисконтталған кірісті (ENPV) және экономикалық ішкі кірістілік нормасын (EIRR) есептеуді жүргізу қажет.

      41. БИЖ ТЭН-нің "Әлеуметтік" бөлімі жобаның білікті мамандармен қамтамасыз етілуін талдауды қамтиды, оның ішінде:

      1) жобаның инвестициялық және инвестициялықтан кейінгі кезеңдерінде білікті мамандардың болуы туралы ақпаратты;

      2) жұмысшылар мен мамандарды (қажет болған жағдайда) оқыту және қайта даярлау қажеттігі туралы ақпаратты;

      3) еңбекті қорғау және қауіпсіздік техникасының нормалары туралы ақпаратты;

      4) жобаның халықтың әлеуметтік-мәдени және демографиялық сипаттамалары тұрғысынан негізделуін;

      5) пайдаланылатын ақпарат көздерін қамтиды.

      42. БИЖ ТЭН-нің "Тәуекелдерді талдау" бөлімі:

      1) тәуекелдерді сәйкестендіру мен бағалаудың пайдаланылған әдістері туралы ақпаратты;

      2) тәуекелдердің басталу ықтималдығын және тәуекелдердің басталуынан келетін залалды айқындау нәтижелерін, сондай-ақ тәуекелдерді азайту бойынша болжанатын іс-шараларды ұсына отырып, жобаның инвестициялық және инвестициялықтан кейінгі кезеңдерінде басталуы ықтимал сәйкестендірілген тәуекелдердің (коммерциялық, техникалық-технологиялық, экологиялық, институционалдық, қаржылық, әлеуметтік және өзге) тізбесін қамтиды. Жобаның тәуекелдері бойынша ақпарат осы Қағидаларға 14-қосымшаға сәйкес нысан бойынша беріледі.

      43. БИЖ ТЭН-нің жалпы тұжырымдары:

      1) жобаны іске асырудың неғұрлым оңтайлы нұсқасын таңдаудың негіздемесін;

      2) жобаны іске асырудың таңдалған нұсқасының негізгі кемшіліктері мен артықшылықтарын;

      3) таңдалған нұсқа бойынша негізгі техникалық-экономикалық параметрлерді (көрсеткіштерді):

      жобаның іске асырылатын орнын;

      нәтиже (тікелей және түпкілікті) көрсеткіштерін;

      жобаның құрамдауыштарын;

      қаржыландырылуы жылдарға және құрамдауыштар бойынша бөлінген жобаның жалпы құнын қамтиды.

      44. БИЖ ТЭН-ге қосымшалар осы Қағидаларға 4–14-қосымшаларда көрсетілген нысандарға сәйкес келуі тиіс, сондай-ақ қосымша ақпаратты: диаграммаларды, суреттерді, жергілікті жердің карталарын және БИЖ ТЭН-де келтірілген ақпаратты растайтын және ашатын басқа да материалдар мен құжаттарды қамтуы мүмкін.

      45. Құрылыс саласындағы жобалар бойынша БИЖ ТЭН-іне қосымшалар картографиялық және басқа да графикалық материалдарды, оның ішінде құрылыс объектісін орналастыратын және оның инженерлік желілер мен коммуникацияларға жалғасатын жерін, жер учаскесінің көлемдерін негіздейтін объектінің бас жоспарының схемасын, сондай-ақ тиісті технологиялық, сәулеттік және көлемдік-жоспарлау шешімдерінің схемаларын, сызбаларын (эскиздік жобаларды) көрсете отырып, ахуалдық жоспар схемасын да қамтиды.

      46. Іске асырылуы сыртқы қарыз есебінен болжанатын жобалар бойынша ТЭН қарыз алудың мынадай құрамдауыштарының: жобаны басқару, құрылысты қадағалау, институционалдық дамыту бойынша көрсетілетін консультациялық қызметтердің құны мен қажеттігін негіздейтін қосымшаны қамтиды.

      Аталған қосымша:

      1) жобаны басқару мен құрылысты қадағалау бойынша жергілікті (отандық) және халықаралық (шетелдік) консультанттардың нарығын салыстырып талдауды, тиісті халықаралық сертификаттар мен жұмыс тәжірибесінің болуын;

      2) жұмыстардың көлемі мен күтілетін нәтижелерді, мерзімдерді, көрсетілетін қызметтер үшін ақы төлеу мөлшерлемелері мен қаржыландыру көздерінің талдауын;

      3) консультанттардың қажетті саны (егер жоба жеке консультанттарды жалдауды талап етсе) мен олардың талап етілетін мамандандырылуының негіздемесін;

      4) консультанттарды тарту бойынша техникалық тапсырманың жобасын;

      5) пайдаланылатын ақпарат көздерін қамтиды:

      Іске асырылуы сыртқы қарыз есебінен болжанатын БИЖ ТЭН-ін әзірлеу бойынша есептеулер халықаралық қаржы ұйымдары ұсынатын ақпараттың негізінде жүзеге асырылады.

      3-параграф. Бюджеттік инвестициялық жобаның техникалық-экономикалық негіздемесінің қажетті сараптамаларын жүргізу тәртібі

      47. Белгіленген техникалық-экономикалық параметрлерді растау үшін БИЖ ТЭН Қазақстан Республикасының заңнамасында көзделген экономикалық және басқа да сараптамалардан өтуі тиіс.

      49. Құрамында сәулет, қала құрылысы және құрылыс шешімдері бар БИЖ ТЭН-інің сараптамасы Қазақстан Республикасының сәулет, қала құрылысы және құрылыс қызметі туралы заңнамасына және мемлекеттік нормативтерге сәйкес жүргізіледі.

      50. Республикалық БИЖ ТЭН-інің экономикалық сараптамасын БИЖ ТЭН-інің экономикалық сараптамасын жүзеге асыруға Қазақстан Республикасының Үкіметі айқындаған заңды тұлға жүзеге асырады.

      51. Жергілікті БИЖ ТЭН-інің, сондай-ақ нысаналы даму трансферттері мен республикалық бюджеттен берілетін кредиттер есебінен қаржыландырылуы жоспарланатын жобалардың ТЭН-іне экономикалық сараптаманы БИЖ ТЭН-інің экономикалық сараптамасын жүзеге асыруға жергілікті атқарушы органдар айқындайтын заңды тұлғалар жүзеге асырады.

      52. БИЖ ТЭН-інің экономикалық сараптамасы ұсынылған БИЖ ТЭН-інің, мемлекеттік жоспарлау жөніндегі орталық немесе жергілікті уәкілетті органның инвестициялық ұсынысқа арналған экономикалық қорытындысының және жобаның ерекшелігіне қарай талап етілетін БИЖ ТЭН-і сараптамаларының тиісті оң қорытындыларының, атап айтқанда:

      1) ведомстводан тыс кешенді сараптама қорытындысының;

      2) салалық сараптама қорытындысының;

      3) үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын БИЖ ТЭН-іне ақпараттандыру және ақпараттық қауіпсіздікті қамтамасыз ету салаларындағы қорытындының негізінде жүргізіледі.

      52-1. Үкіметтік сыртқы қарыздар және республикалық бюджет қаражатынан сыртқы қарыздарды бірлесіп қаржыландыру есебінен ақпараттық жүйелерді құруға және дамытуға бағытталған бюджеттік инвестициялық жобалардың құны, оның ішінде жобаны басқару, сүйемелдеу, институционалдық дамыту жөніндегі консультациялық көрсетілетін қызметтерге арналған шығыстар БИЖ ТЭН-іне ақпараттандыру және ақпараттық қауіпсіздікті қамтамасыз ету салаларындағы қорытынды құрамында ұсынылған есептемелер мен негіздемелер негізінде расталады.

      53. Жобаның ерекшелігіне байланысты БИЖ бойынша мынадай бастапқы құжаттар талап етіледі:

      1) құрылыс қызметін болжайтын жобалар бойынша БИЖ ТЭН-іне салалық, ведомстводан тыс кешенді сараптамалардың қорытындылары, сондай-ақ БИЖ ТЭН-ін әзірлеу тапсырмасына қоса берілетін құжаттардың көшірмелері, оның ішінде техникалық шарттар, жергілікті атқарушы органдардың жаңа объектілердің құрылысын болжайтын жобалар бойынша жер учаскелерін бөлу туралы шешімдері (қажет болған жағдайда, жер учаскелерінің меншік иелері мен жерді пайдаланушылар шығындарының, алып қойылатын алқаптардың түріне қарай ауыл шаруашылығы мен орман шаруашылығы өндірісі ысыраптарының есептерін қоса бере отырып) және қолданыстағы объектілерді реконструкциялауды болжайтын жобалар бойынша жылжымайтын мүлікке құқық белгілейтін тиісті құжаттардың көшірмелері талап етіледі;

      2) объектіні пайдалануға беру шығындары болған жағдайда, ведомстволық нормативтерге сәйкес объектіні пайдалануға беру шығындары (іске қосу-баптау жұмыстары) бойынша уәкілетті мемлекеттік органның салалық сараптамасының және ведомстводан тыс кешенді сараптаманың қорытындылары талап етіледі.

      Әлеуметтік-экономикалық тұрақтылыққа қауіп төнуіне байланысты кідіртпей пайдалануға беруді талап ететін ірі бірыңғай энергетикалық жүйе объектілері мен техникалық күрделі атомдық және жылу энергетикалық кешен объектілері үшін іске қосу-баптау жұмыстары бойынша шығындар елдің әлеуметтік-экономикалық тұрақтылығына қауіп төнуі туралы растауы бар уәкілетті мемлекеттік органның салалық сараптама қорытындысында көрсетілген есептемелерге сәйкес жүзеге асырылады;

      3) инновациялық және/немесе ғарыш қызметін болжайтын жобалар бойынша салалық және мемлекеттік ғылыми-техникалық сараптамалардың қорытындылары талап етіледі;

      4) үкіметтік сыртқы қарыздар қаражаты және республикалық бюджет қаражатынан сыртқы қарыздарды бірлесіп қаржыландыру есебінен ақпараттандыру объектілерін құруды және дамытуды көздейтін жобалар бойынша ақпараттандыру және ақпараттық қауіпсіздікті қамтамасыз ету салаларында БИЖ ТЭН-іне қорытынды талап етіледі.

      Осы тармақта көрсетілген қорытындыларға қойылатын талаптар Қазақстан Республикасының заңнамасында белгіленеді.

      54. Салалық сараптама қорытындысы:

      1) БИЖ ТЭН-інің БИЖ ТЭН-ін әзірлеуге арналған техникалық тапсырмаға сәйкестігін;

      2) саланың одан әрі дамуына ықпал ететін оның ағымдағы жай-күйінің проблемаларын;

      3) БИЖ-ді іске асыру болжанатын қазіргі саяси, әлеуметтік-экономикалық, құқықтық және басқа да жағдайларды;

      4) өнімдерге/көрсетілетін қызметке қазіргі және болжанатын сұраныстың (БИЖ өмірлік циклінің кезеңіне) немесе осы өңірде бар бәсекелестікті ескере отырып, әлеуметтік-экономикалық қажеттіктің көрсеткіштерін;

      5) БИЖ-ді іске асырудан болатын пайдалар мен шығындарды бөлуді;

      6) БИЖ ТЭН-інде қабылданған технологиялық, техникалық шешімдерді, оның ішінде БИЖ-ді іске асыру кестесін бағалауды көздейді. Үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын ақпараттандыру объектілері бойынша бағалау Қазақстан Республикасының ақпараттандыру саласындағы заңнамасына сәйкес жүргізіледі;

      7) баға шешімдерін, оның ішінде БИЖ ТЭН-інде келтірілген инвестициялық және пайдалану шығындарының барлық құрамдауыштары бойынша баға-сапа арақатынасының оңтайлылығын, тауарларға, жұмыстар мен көрсетілетін қызметтерге жоспарланып отырған бағаларды тиісті нарықтық бағалармен салыстыруды;

      8) БИЖ таңдаудың негіздемесімен қоса, проблеманы шешу нұсқасын таңдау кезінде оны шешудің оңтайлы жолы ретінде қаралған баламалы нұсқаларды;

      9) БИЖ іске асырылған және іске асырылмаған жағдайдағы экономика салаларына (аяларына) болжамды мультипликативтік әсерді, оның ішінде бюджеттің кіріс бөлігін толықтыруға, жаңа жұмыс орындарын құруға ықпалын;

      10) салалық уәкілетті мемлекеттік органдардың ведомстволық нормативтеріне сәйкес объектіні пайдалануға беру шығындарының негізділігін;

      11) БИЖ іске асырылған жағдайдағы ықтимал тәуекелдерді және оларды барынша азайту жөніндегі іс-шараларды бағалауды көздейді.

      55. Егер БИЖ-ді республикалық бюджет қаражаты есебінен іске асыру ұсынылған жағдайда, БИЖ салалық сараптама қорытындысын тиісті саладағы орталық уәкілетті орган ұсынады, БИЖ-ді белгілі бір салаға жатқызу мүмкін болмаған жағдайда сомалық қорытындыны ББӘ-нің өзі ұсынады.

      Егер республикалық бюджет қаражаты есебінен іске асыру болжанатын БИЖ-ді іске асыру бірнеше салалық орталық мемлекеттік органдардың жауапкершілік аясын қозғаған жағдайда, көрсетілген салалық орталық мемлекеттік органдар қосымша БИЖ тиісті салалық сараптамалардың қорытындыларын ұсынады.

      Бұл ретте, мемлекеттік органның бірінші басшысы не оны алмастыратын тұлға, не мемлекеттік органның бірінші басшысы әрбір БИЖ бойынша жеке уәкілеттік берген тұлға қол қойған қосымша салалық сараптамалық қорытындыларын тиісті салалық орталық мемлекеттік органдар БИЖ-дің іске асырылуының жетекшілік ететін салаға ықпалын бағалау және саланың басымдықтарына сәйкестігі бөлігінде ғана ұсынады.

      56. Егер БИЖ-ді жергілікті бюджет қаражаты немесе жоғары тұрған бюджеттен берілетін нысаналы даму трансферттері мен кредиттер есебінен іске асыру ұсынылған жағдайда, БИЖ салалық сараптамасының қорытындысын жергілікті бюджеттен қаржыландырылатын салалық жергілікті атқарушы орган ұсынады, БИЖ-ді қандай да бір сомаға жатқызу мүмкін болмаған жағдайда салалық қорытындыны ББӘ өзі ұсынады.

      Егер жергілікті бюджет қаражаты немесе жоғары тұрған бюджеттен берілетін нысаналы даму трансферттері мен кредиттер есебінен іске асыру болжанатын БИЖ бірнеше салалық жергілікті органның жауапкершілік аясын қозғайтын болса, көрсетілген салалық жергілікті мемлекеттік органдар БИЖ салалық сараптамасының тиісті қорытындысын ұсынады.

      57. Салалық сараптаманың қорытындысына ББӘ – мемлекеттік органның бірінші басшысы не оны алмастыратын тұлға, не ББӘ – мемлекеттік органның бірінші басшысы әрбір МИЖ бойынша жеке уәкілеттік берген тұлға қол қояды және Қазақстан Республикасының заңнамасында ресми құжаттар үшін белгіленген тәртіппен ресімделеді.

      58. БИЖ ТЭН-іне экономикалық сараптама жүргізу кезінде БИЖ-дің ерекшелігіне байланысты жүргізілген сараптамаларда қамтылмаған мәселелер бойынша қосымша сараптамалар талап етілуі мүмкін.

      Жүргізілген сараптамаларда қамтылмаған немесе толық қамтылмаған мәселелер бойынша қосымша сараптамалар жүргізуді ББӘ қамтамасыз етеді.

      Қосымша сараптамаларға мыналар:

      1) ведомстводан тыс кешенді сараптама;

      2) уәкілетті мемлекеттік органның салалық сараптамасының қорытындысы;

      3) үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын БИЖ ТЭН-іне ақпараттандыру және ақпараттық қауіпсіздікті қамтамасыз ету салаларындағы қорытынды жатады.

      59. Қажетті/пысықталған ақпаратты ұсыну және/немесе жүргізілген сараптамалармен қамтылмаған немесе толық қамтылмаған мәселелер бойынша қосымша сараптамаларды жүргізу бойынша сұрау салу тиісті ББӘ-ге, сұрау салудың көшірмесі осы Қағидалардың 52 – 56, 58-тармақтарында көрсетілген құжаттардың толық топтамасы түскен күннен бастап 10 (он) жұмыс күні ішінде мемлекеттік жоспарлау жөніндегі орталық немесе жергілікті уәкілетті органға жіберіледі.

      Бұл ретте олардың сканерленген көшірмелері БИЖ қысқаша сипаттамасында көрсетілген ББӘ өкілінің электрондық пошта мекенжайына жіберіледі.

      60. ББӘ хаттардың сканерленген көшірмелері түрінде сұрау салу түскен сәттен бастап 30 (отыз) жұмыс күні ішінде Қазақстан Республикасының Үкіметі не жергілікті атқарушы органдар БИЖ ТЭН-інің экономикалық сараптамасын жүзеге асыру үшін айқындаған заңды тұлғаға қажетті ақпаратты ұсынады.

      Қазақстан Республикасының Үкіметі не жергілікті атқарушы органдар БИЖ ТЭН-інің экономикалық сараптамасын жүзеге асыру үшін айқындаған заңды тұлға экономикалық сараптама жүргізу мерзімін ұзартқан жағдайда, мемлекеттік жоспарлау жөніндегі орталық немесе жергілікті уәкілетті органды экономикалық сараптама жүргізуді ұзарту туралы ББӘ хатын қоса бере отырып хабардар етеді.

      Сұрау салу жіберілген күннен бастап және қажетті ақпарат ұсынылғанға дейін экономикалық сараптама жүргізу мерзімі тоқтатыла тұрады.

      61. Басқа мемлекеттердің аумағында іске асыру жоспарланып отырған, сондай-ақ құрылыс қызметін көздемейтін БИЖ ТЭН-інің экономикалық сараптамасы БИЖ ТЭН-і және салалық сараптаманың қорытындысы негізінде жүргізіледі.

      Сондай-ақ БИЖ ТЭН-інің экономикалық сараптамасына аумағында БИЖ-ді іске асыру болжанатын мемлекеттердің заңнамасына сәйкес талап етілетін сараптамалар және осы қызметті реттейтін тиісті нормативтік құқықтық актілер ұсынылады. Қажет болған жағдайда, тиісті сараптамалар мен талап етілетін нормативтік құқықтық актілердің аудармасын қамтамасыз етуді ББӘ жүзеге асырады.

      62. БИЖ ТЭН-інің экономикалық сараптамасының нәтижесі оң қорытынды не теріс қорытынды немесе пысықтауға қорытынды болып табылады.

      БИЖ ТЭН-інің экономикалық сараптамасының оң қорытындысы құрылымы мен мазмұны осы Қағидаларға сәйкес келетін, сондай-ақ жобаның жүзеге асатындығына және тиімділігіне алғышарттары бар БИЖ ТЭН-іне беріледі.

      БИЖ ТЭН-інің экономикалық сараптамасының теріс қорытындысы бағалау нәтижелері жобаның жүзеге аспайтындығын және/немесе тиімсіздігін көрсетсе немесе МИЖ жүзеге асырудың басқа түрлері мен тәсілдері анықталса БИЖ ТЭН-іне беріледі.

      Пысықтауға қорытынды мазмұны осы Қағидаларға сәйкес келмейтін және жобаның жүзеге асатындығына және/немесе тиімділігіне алғышарттардың болуын белгілеу мүмкін болмаған жағдайда, БИЖ ТЭН-іне беріледі.

      63. Сыртқы үкіметтік қарыздар қаражатынан қаржыландыру және республикалық бюджет қаражатынан сыртқы қарыздарды қоса қаржыландыру болжанатын БИЖ ТЭН-інің экономикалық сараптамасының қорытындысы техникалық көмекке, тауарларға, оқытуға, жоба құрылысын басқару, сүйемелдеу, институционалдық дамыту, қадағалау жөніндегі консультациялық көрсетілетін қызметтерге арналған шығыстарды бағалауды да қамтиды.

      64. БИЖ ТЭН-інің экономикалық сараптамасы Қазақстан Республикасының Үкіметі не жергілікті атқарушы органдар БИЖ ТЭН-інің экономикалық сараптамасын жүзеге асыру үшін айқындаған заңды тұлғаға толық құжаттар топтамасы келіп түскен күннен бастап 26 (жиырма алты) жұмыс күні ішінде жүргізіледі, оның қорытындылары бойынша тиісті қорытынды мемлекеттік жоспарлау жөніндегі орталық немесе жергілікті уәкілетті органға жіберіледі.

      65. БИЖ ТЭН-нің экономикалық сараптамасының қорытындысы:

      1) "Жобаның қысқаша сипаттамасы" бөлімін;

      2) "Жоба бойынша құжаттама құрамын бағалау" бөлімін;

      3) "Жобаның орындылығы туралы ақпарат" бөлімін;

      4) "Жобаның жүзеге асатындығына алғышарттардың болуын бағалау" бөлімін;

      5) "Жобаның тиімділігіне алғышарттардың болуын бағалау" бөлімін;

      6) "Жоба тәуекелдерін талдауды бағалау" бөлімін;

      7) "Жоба бойынша жалпы тұжырымдар" бөлімін қамтиды.

      66. "Жобаның қысқаша сипаттамасы" деген бөлімде БИЖ ТЭН-іне сәйкес мынадай ақпарат:

      1) жобаның атауы;

      2) ББӘ-нің атауы;

      3) жобаның іске асырылу кезеңі;

      4) жобаның мақсаты мен міндеттері;

      5) нәтиже (тікелей және түпкілікті) көрсеткіштері;

      6) жобаны іске асыру орны;

      7) жобаның ауқымы мен қуаты;

      8) нысаналы топтар, оның ішінде негізгі пайда алушылар;

      9) жобаның құрамдауыштары;

      10) қаржыландырылуы жылдарға бөлінген жобаның жалпы құны;

      11) жобаны қаржыландыру көздері және нысаны көрсетіледі.

      67. "Жоба бойынша құжаттама құрамын бағалау" деген бөлім мыналарды қамтиды:

      1) экономикалық сараптама жүргізу кезінде назарға алынған құжаттар мен материалдардың тізбесі:

      экономикалық сараптама жүргізу үшін қарауға ұсынылған құжаттар;

      нормативтік құқықтық актілер;

      2) ұсынылған құжаттардың құрамы мен мазмұнына ескертулер.

      68. "Жобаның орындылығы туралы ақпарат" деген бөлім мыналарды қамтиды:

      1) жобаның мемлекеттік жоспарлау жүйесінің құжаттарына сәйкестігі туралы ақпаратты (іске асыру кезеңі, қаржыландыру көздері бойынша сәйкестік);

      2) БИЖ ТЭН-інің мемлекеттік жоспарлау жөніндегі уәкілетті органның инвестициялық ұсынысқа арналған оң экономикалық қорытындысына сәйкестігі туралы ақпарат.

      69. "Жобаның жүзеге асатындығына алғышарттардың болуын бағалау" деген бөлім мыналарды қамтиды:

      1) сұраныстың талдауын немесе жобаның әлеуметтік-экономикалық қажеттілігін бағалау (тиісті сараптамалардың қорытындылары негізінде);

      2) жобаны іске асыру (инвестициялық кезеңде) және пайдалану кезеңі (инвестициялаудан кейінгі кезең) шеңберінде сатып алынатын тауарлардың, жұмыстардың, көрсетілетін қызметтердің нарығын талдауды бағалау (тиісті сараптамалар қорытындыларының, сондай-ақ берілген прайс-парақтардың, коммерциялық ұсыныстардың және басқа да растаушы құжаттардың негізінде);

      3) ТЭН-де келтірілген жобаны іске асырудың таңдап алынған техникалық-технологиялық шешімін бағалау (тиісті сараптамалардың қорытындылары негізінде);

      4) қабылданған жобалық шешімдердің қоршаған ортаға әсері туралы ақпаратты бағалау (тиісті сараптамалардың қорытындылары негізінде);

      5) жобаның институционалдық схемасын бағалау (тиісті сараптамалардың қорытындылары негізінде);

      6) қаржыландыру схемасын бағалау (тиісті сараптамалардың қорытындылары негізінде);

      7) жобаның білікті мамандармен қамтамасыз етілгендігін талдауды бағалау (тиісті сараптамалардың қорытындылары негізінде).

      ТЭН-де көрсетілген техникалық-экономикалық параметрлер мен жобалық шешімдердің мақұлданғанын, келісілгендігін және/немесе сараптамалардың тиісті қорытындыларымен оң бағаланғанын растау жобаның жүзеге асатынын айқындауды білдіреді.

      70. "Жобаның тиімділігіне алғышарттардың болуын бағалау" деген бөлім мыналарды қамтиды:

      1) инвестициялық шығасыларды есептеуді бағалау (тиісті сараптамалардың қорытындылары негізінде);

      2) пайдалану шығасыларын есептеуді бағалау (тиісті сараптамалардың қорытындылары негізінде);

      3) жобаның қаржылық талдауын бағалау (қажет болғанда);

      4) жобаның экономикалық талдауын бағалау.

      71. "Жоба тәуекелдерін талдауды бағалау" деген бөлім БИЖ ТЭН-де көрсетілген коммерциялық, техникалық-технологиялық, экологиялық, институционалдық, қаржылық, әлеуметтік және өзге де тәуекелдердің талдауын бағалауды қамтиды.

      72. "Жоба бойынша жалпы тұжырымдар" (экономикалық сараптаманың қортындылары бойынша) деген бөлімде:

      1) негізгі техникалық-экономикалық параметрлер:

      жобаны іске асыру орны;

      жобаның мақсаты;

      нәтиже (тікелей және түпкілікті) көрсеткіштері;

      жобаның құрамдауыштары;

      қаржыландырылуы жылдар және құрамдауыштар бойынша бөлінген жобаның жалпы құны;

      2) жоба бойынша негізгі тұжырымдар:

      тәуекелдерді талдауды бағалау;

      жобаның жүзеге асатындығына алғышарттардың болуын бағалау;

      жобаның тиімділігіне алғышарттардың болуын бағалау;

      3) жоба бойынша қорытынды (оң қорытынды немесе теріс қорытынды, немесе пысықтауға қорытынды) көрсетіледі.

      73. Экономикалық сараптаманың қорытындысы мынадай сапа өлшемдеріне сәйкес болуы тиіс:

      1) қорытынды құрылымының осы Қағидалардың 65-тармағында (қорытынды құрылымы) белгіленген ережелерге сәйкестігі;

      2) қорытынды мазмұнының осы Қағидалардың 66-72-тармақтарында (құрылым мазмұны) белгіленген ережелерге сәйкестігі.

      4-параграф. Бюджеттік инвестициялық жобаның техникалық-экономикалық негіздемесін түзету, сондай-ақ қажетті сараптамаларды жүргізу тәртібі

      74. Кейіннен қажетті сараптамалар жүргізе отырып, БИЖ ТЭН түзету техникалық шешімдерді өзгертуге және қосымша шығыстарға алып келетін бюджеттік инвестициялық жобаның белгіленген техникалық-экономикалық параметрлері өзгерген жағдайда жүргізіледі.

      Егер БИЖ бойынша қаржыландыру көзін сыртқы үкіметтік қарыз алуға өзгерту (толықтыру) жоспарланса, онда ТЭН кейіннен қажетті сараптамалар жүргізе отырып, жобаны басқару, сүйемелдеу, құрылысты қадағалау, институционалдық дамыту бойынша консультациялық көрестілетін қызметтер бойынша қосалқы қосымша қосу бөлігінде ғана түзетіледі.

      Бұл ретте, аталған қосымшада осы Қағидалардың 46-тармағында көрсетілген ақпарат қамтылады.

      Егер Тапсырыс берушінің шешімі бойынша Қазақстан Республикасы Ұлттық экономика министрінің 2015 жылғы 2 сәуірдегі № 304 бұйрығымен бекітілген, Нормативтік құқықтық актілерді мемлекеттік тіркеудің тізіліміне № 10632 болып тіркелген Бюджет қаражаты және мемлекеттік инвестициялардың өзге де нысандары есебінен объектілерді салуға арналған жобаларды (техникалық-экономикалық негіздемелерді және жобалау-сметалық құжаттаманы) бекіту қағидаларына сәйкес белгіленген тәртіппен бекітілген жобалық (жобалық-сметалық) құжаттаманы түзетудің негізделген қажеттілігі туындаған жағдайда, жоба алдындағы құжаттаманы түзету (бар болса) талап етілмейді.

      74-1. ТЭН-ді экономикалық сараптама жүргізбей және экономикалық қорытынды алмай түзету мынадай:

      1) осы Қағидалардың 116-тармағында көзделген;

      2) егер іс-шараларды техникалық шешімдерді өзгертпей және қосымша шығыстарсыз іске асыру дәйектілігі және (немесе) мерзімдері өзгерген жағдайларда жүргізіледі.

      Бюджет комиссиясының қарауынсыз және ұсынысынсыз түзетілген БИЖ ТЭН-ін бекітуге жол берілмейді.

      75. ТЭН-ді түзетуге және кейіннен республикалық БИЖ-ге қажетті сараптамалар жүргізуге байланысты шығыстар республикалық бюджет қаражаты есебінен жүзеге асырылады.

      Жергілікті бюджет есебінен іске асырылатын БИЖ ТЭН-ін, сондай-ақ жоғары тұрған бюджеттен нысаналы даму трансферттері есебінен қаржыландыруға жоспарланып отырған жергілікті БИЖ-ді түзетуге байланысты шығыстар және кейіннен қажетті сараптамалар жүргізу тиісті жергілікті бюджет қаражаты есебінен жүзеге асырылады.

      75-1. БИЖ ТЭН түзету мәселелерін қарау осы Қағидалардың 114-тармағында айқындалған тәртіппен жүзеге асырылады.

      76. Алып тасталды - ҚР Ұлттық экономика министрінің 12.10.2015 № 663 бұйрығымен.

      77. БИЖ ТЭН-ге түзету және түзетілген БИЖ ТЭН-не осы Қағидаларға сәйкес қажетті сараптамалар жүргізілгеннен кейін, ББӘ олардың түпнұсқаларын түзетілген БИЖ ТЭН-нің электрондық нұсқасын, оның ішінде жоба бойынша қаржылық-экономикалық модельді бере отырып, мемлекеттік жоспарлау жөніндегі орталық немесе жергілікті уәкілетті органға жолдайды.

      Электрондық құжат айналымының бірыңғай жүйесі үшін құжаттар редакцияланбайтын графикалық форматта беріледі.

      78. Осы Қағиданың 74-1 тармағында көзделген жағдайларды қоспағанда, түзетілген БИЖ ТЭН-ін қарау үшін ББӘ мемлекеттік жоспарлау жөніндегі орталық немесе жергілікті уәкілетті органға мынадай құжаттарды ұсынады:

      1) мемлекеттік органның бірінші басшысы-ББӘ не оның орнындағы адам не әрбір БИЖ бойынша жеке уәкілеттік берілген тұлға – ББӘ – нің электрондық цифрлық қолтаңбасы арқылы куәландырылған, техникалық шешімдерді өзгерту болжанып отырған және қосымша шығыстарды көрсете отырып, мемлекеттік органның бірінші басшысы – ББӘ не оның тұлғасы қол қойған тиісті салыстырмалы кестені қоса бере отырып, хабарлама-хат мемлекеттік органның бірінші басшысы – ББӘ әрбір БИЖ бойынша жеке-жеке уәкілеттік берген алмастырушы не тұлға;

      2) мемлекеттік органның бірінші басшысы не оны алмастыратын тұлға, не мемлекеттік органның бірінші басшысы әрбір БИЖ бойынша жеке уәкілеттік берген тұлға қол қойған және Қазақстан Республикасының заңнамасында ресми құжаттар үшін белгіленген тәртіппен ресімделген, техникалық шешімдерді өзгертудің және қосымша шығыстар көздеудің орындылығын растайтын, тиісті саланың уәкілетті органының салалық сараптамасының қорытындысы;

      3) ББӘ – мемлекеттік органның бірінші басшысы не оны алмастыратын тұлға, не ББӘ – мемлекеттік органның бірінші басшысы әрбір БИЖ бойынша жеке уәкілеттік берген тұлға қол қойған ресми хат нысанында ұсынылатын және техникалық шешімдерді өзгертудің болжанған параметрлерінің және қосымша шығыстарды көздеудің талап ететін негізділігі мен дұрыстығын растайтын жобаның ерекшелігіне байланысты тиісті уәкілетті мемлекеттік органның қосымша салалық сараптама қорытындысы;

      4) түзетілген БИЖ ТЭН-і;

      5) осы Қағидалардың 52 және 53-тармақтарына сәйкес БИЖ-дің ерекшелігіне байланысты түзетілген БИЖ ТЭН-ге сараптамалардың қорытындылары мен талап етілетін құжаттар;

      6) мемлекеттік жоспарлау жөніндегі орталық немесе жергілікті уәкілетті органның оң қорытындысын алған кезде (бекітілген бастапқы БИЖ ТЭН-і бойынша) бұрын қаралған БИЖ ТЭН бойынша сараптамалардың қорытындылары мен құжаттар;

      7) бюджет комиссиясының БИЖ ТЭН-ін түзету орындылығы бойынша тиісті ұсынысының көшірмесі;

      8) Қазақстан Республикасының Үкіметі уәкілеттік берген ішкі бақылау жөніндегі органның бюджет қаражатын нысаналы пайдалану мәніне, сондай-ақ егер жоба бойынша қаржыландыру басталған болса, құжаттарды ұсынған күннен бастап 6 (алты) айдан кешіктірілмейтін бұзушылықтардың болмауы туралы актісі;

      9) егер БИЖ шет мемлекеттердің аумағында іске асырылатын жағдайда, БИЖ-дің құнын растайтын, аумағында осы жоба іске асырылатын мемлекеттің құрылыс саласындағы заңнамасында белгіленген тәртіппен бекітілген тиісті құжаттар аталған заңнаманың мәтінін қоса бере отырып және қазақ және (немесе) орыс тілдеріне аудармасын қамтамасыз ете отырып ұсынылады.

      79. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен күннен бастап 2 (екі) жұмыс күні ішінде олардың жинақтылығын және түзетілген БИЖ ТЭН құрылымының осы Қағидаларға сәйкестігін тексереді және оларды ББӘ-ге мыналар:

      1) осы Қағидалардың 78-тармағына сәйкес болуы қажет құжаттар;

      2) осы Қағидаларға сәйкес болуы қажет бөлімдер БИЖ ТЭН-де болмаған кезде қайтарады.

      Құжаттар топтамасы осы Қағидалардың ережелеріне сәйкес келген жағдайда, мемлекеттік жоспарлау жөніндегі орталық немесе жергілікті уәкілетті орган осы тармақта белгіленген мерзімнен кешіктірмей, Қазақстан Республикасының Үкіметі не жергілікті атқарушы органдар БИЖ ТЭН-інің экономикалық сараптамасын жүзеге асыру үшін айқындаған тиісті заңды тұлғаға түзетілген БИЖ ТЭН-ін қарау үшін ББӘ ұсынған құжаттар топтамасын қоса бере отырып, түзетілген БИЖ ТЭН-інің экономикалық сараптамасын жүргізу қажеттігі туралы хат жолдайды.

      80. Бюджет заңнамасында белгіленген рәсімдер сақталмай бөлінген БИЖ түзету бойынша ТЭН әзірленген жағдайда, Қазақстан Республикасы Бюджет кодексінің 153-бабының 11-тармағына сәйкес осы Қағидалардың 78-тармағының 6) тармақшасында көрсетілген экономикалық сараптама жүргізу үшін құжаттаманы ұсыну талап етілмейді.

      81. Түзетілген БИЖ ТЭН-інің экономикалық сараптамасы Қазақстан Республикасының Үкіметі не жергілікті атқарушы органдар БИЖ ТЭН-інің экономикалық сараптамасын жүзеге асыру үшін айқындаған тиісті заңды тұлғаға осы Қағидалардың 77 және 78-тармақтарында көрсетілген құжаттардың толық топтамасы келіп түскен күннен бастап 26 (жиырма алты) жұмыс күні ішінде жүргізіледі.

      82. Түзетілген БИЖ ТЭН-нің экономикалық сараптамасы БИЖ ТЭН-інің экономикалық сараптамасы үшін осы Қағидаларда және Қазақстан Республикасының бюджет заңнамасында белгіленген тәртіппен жүргізіледі.

      83. Түзетілген БИЖ ТЭН-інің құрылымы мен мазмұны, БИЖ ТЭН-інің тиісті бөлімдерінде өзгертілуі болжанатын техникалық шешімдер мен қосымша шығыстар бойынша негіздемелер мен есептеулердің бұрын бекітілген БИЖ ТЭН-імен салыстырмасын келтіре отырып, осы Қағидалардың 2.1-кіші бөлімінің ережелеріне сәйкес келеді.

      84. Түзетілген БИЖ ТЭН-інің экономикалық сараптамасы қорытындысының құрылымы мен мазмұны осы Қағидалардың 2.2-кіші бөлімінің ережелеріне сәйкес келеді.

      5-параграф. Техникалық-экономикалық негіздемені талап ететін

      бюджеттік инвестициялық жобаларды қарау тәртібі

      85. БИЖ-ді қарауды осы Қағидаларға сәйкес әзірленген ТЭН-нің және БИЖ ТЭН экономикалық сараптамасы қорытындысының негізінде мемлекеттік жоспарлау жөніндегі орталық немесе жергілікті уәкілетті орган жүзеге асырады.

      86. БИЖ ТЭН-і әзірленгеннен кейін және Қазақстан Республикасының заңнамасына сәйкес талап етілетін сараптамалар жүргізілгеннен кейін ББӘ 15 (он бес) жұмыс күнінен кешіктірмей, БИЖ ТЭН-інің электрондық нұсқасын, БИЖ бойынша қаржылық-экономикалық модельді ұсына отырып, олардың түпнұсқалары мен көшірмелерін мемлекеттік жоспарлау жөніндегі орталық немесе жергілікті уәкілетті органға жібереді.

      87. БИЖ-ге экономикалық қорытынды осы Қағидаларға 15-қосымшаға сәйкес нысан бойынша ұсынылатын БИЖ-дің экономикалық талдауын кешенді бағалаудың нысаны болып табылады және осы Қағидалардың 52 – 56, 58, 85-тармақтарында көрсетілген құжаттардың толық топтамасы енгізілгеннен кейін 32 (отыз екі) жұмыс күні ішінде жүргізіледі, онда Қазақстан Республикасының Үкіметі не жергілікті атқарушы органдар айқындаған тиісті заңды тұлға жүзеге асыратын БИЖ ТЭН-інің экономикалық сараптамасына 26 (жиырма алты) жұмыс күні беріледі.

      88. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен сәттен бастап 2 (екі) жұмыс күні ішінде оларды ББӘ-ге мынадай:

      1) БИЖ ТЭН-інің экономикалық сараптамасын жүргізу үшін болуы қажет сараптамалар болмаған;

      2) БИЖ ТЭН-де осы Қағидаларға сәйкес болуы қажет бөлімдер болмаған жағдайларда қайтарады.

      89. Мемлекеттік жоспарлау жөніндегі орталық немесе жергілікті уәкілетті орган БИЖ-ді БИЖ ТЭН-інің экономикалық сараптамасы қорытындысының негізінде қарайды және олар бойынша экономикалық қорытындыны ББӘ-ге жолдайды.

      90. Мемлекеттік жоспарлау жөніндегі орталық немесе жергілікті уәкілетті орган БИЖ ТЭН-і бойынша құжаттардың толық топтамасы алынған күннен бастап 1 (бір) жұмыс күні ішінде Қазақстан Республикасының Үкіметі не жергілікті атқарушы органдар БИЖ ТЭН-інің экономикалық сараптамасын жүзеге асыру үшін айқындаған заңды тұлғаға ТЭН түпнұсқалары мен тиісті сараптамаларды қоса бере отырып, БИЖ ТЭН-інің экономикалық сараптамасын жүргізу қажеттілігі туралы хат жолдайды.

      91. БИЖ ТЭН-і экономикалық сараптамасының қорытындысын Қазақстан Республикасының Үкіметі не жергілікті атқарушы органдар айқындаған тиісті заңды тұлғалар БИЖ ТЭН-інің экономикалық сараптамасын жүзеге асыруға БИЖ ТЭН-і бойынша құжаттардың толық топтамасын алған күннен бастап 26 (жиырма алты) жұмыс күнінен кешіктірмей мемлекеттік жоспарлау жөніндегі орталық немесе жергілікті уәкілетті органға жібереді.

      92. Осы Қағидалардың 88-тармағында көзделген жағдайларда, сондай-ақ БИЖ ТЭН-ін пысықтау қажет болған жағдайда, ББӘ 30 (отыз) жұмыс күні ішінде осы Қағидалардың 52-56, 58-тармақтарында көзделген тәртіппен пысықталған құжаттарды қайта енгізеді.

      93. Тиісті сараптамалардың оң қорытындыларын алған ТЭН, оның ішінде түзетілген БИЖ ТЭН-і мен ЖСҚ-ны Қазақстан Республикасының сәулет, қала құрылысы және құрылыс қызметі туралы заңнамасына және Қазақстан Республикасының бюджет заңнамасына сәйкес мемлекеттік органның бірінші басшысы – ББӘ не оны алмастыратын тұлға, не мемлекеттік органның бірінші басшысы уәкілеттік берген тұлға бекітеді.

      93-1. ТЭН бекітілгеннен кейін үш жыл ішінде ЖСҚ әзірлеу немесе жобаны іске асыру басталмаған (әзірленбеген), оның ішінде түзетілген БИЖ ТЭН-ге арналған экономикалық қорытынды ескірген болып есептеледі.

6-параграф. Техникалық-экономикалық негіздемені талап ететін бюджеттік инвестициялық жобаларды іріктеу тәртібі

      94. БИЖ іріктеуді және тиісті бюджет комиссиясының қарауына шығаруды бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган ББӘ Қазақстан Республикасы Бюджет кодексінің 66-бабында көрсетілген құжаттарды ұсынған кезде жүзеге асырады.

      95. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган ББӘ БИЖ-ді олардың қаржы қаражатымен қамтамасыз етілуі, растайтын құжаттарының болуы тұрғысынан қарайды және олар бойынша қорытындыны Қазақстан Республикасының бюджет заңнамасына сәйкес МИЖ инвестициялық ұсынысының оң экономикалық қорытындысын, БИЖ бойынша экономикалық қорытындыны ескере отырып, бюджет комиссиясының қарауына енгізеді.

      Жергілікті атқарушы органдарға нысаналы даму трансферттері мен бюджеттік кредиттерді беруге бағытталған бюджеттік бағдарламаларға (кіші бағдарламалар) берілетін бюджеттік өтінімдер бойынша бюджеттік жоспарлау жөніндегі орталық уәкілетті органның қорытындылары өңірлік саясат мәселелері жөніндегі комиссияның ұсынымдары ескеріле отырып, мемлекеттік жоспарлау жөніндегі орталық уәкілетті органның ұсыныстары негізінде қалыптастырылады.

      96. Бекітілген БИЖ ТЭН-інің, БИЖ бойынша оң экономикалық қорытындының және тиісті бюджет комиссиясының оң шешімінің негізінде БИЖ тиісті бюджет жобасына енгізіледі.

      97. БИЖ олардың белгіленген тәртіппен бекітілген ТЭН-іне сәйкес іске асырылады.

      98. БИЖ іске асыру шеңберінде көзделетін құрылыс қызметі белгіленген тәртіппен бекітілген ЖСҚ негізінде жүзеге асырылады.

      6-1-параграф. Пилоттық жоба шеңберінде іске асырылатын бюджеттік инвестициялық жобаларды әзірлеу, қарау және іріктеу тәртібі

      98-1. Пилоттық жобаны әзірлеу, қарау және іріктеу процесі мынадай негізгі кезеңдерді қамтитын іс-шаралар кешенін білдіреді:

      1) кешенді ведомстводан тыс сараптаманы жүзеге асыратын мемлекеттік ұйымға құрылыс құнының есебін ББӘ-нің дайындауы және ұсынуы;

      2) құрылыс құны есебінің ведомстводан тыс кешенді сараптамасын қарау және жүргізу;

      3) бюджетті әзірлеу сатысында іріктеу және тиісті бюджет комиссиясының қарауына шығару.

      98-2. Пилоттық жоба шеңберінде іске асырылатын БИЖ мынадай құжаттарды қамтиды:

      1) "Құрылыстағы баға белгілеу бойынша нормативтік құжаттарды бекіту туралы" Қазақстан Республикасының Инвестициялар және даму министрлігі Құрылыс және тұрғын үй - коммуналдық шаруашылық істері комитеті төрағасының 2017 жылғы 14 қарашадағы № 249-нқ бұйрығына (Қазақстан Республикасының нормативтік құқықтық актілерінің мемлекеттік тізілімінде № 16073 болып тіркелген) 8-қосымшаға сәйкес айқындалатын құрылыс құнының есебі;

      2) Қазақстан Республикасы Ұлттық экономика министрінің 2015 жылғы 1 сәуірдегі № 299 бұйрығымен бекітілген (Қазақстан Республикасының нормативтік құқықтық актілерінің мемлекеттік тізілімінде № 10722 болып тіркелген) Қаржыландыру көздеріне қарамастан, жаңа үйлер мен ғимараттарды, олардың кешендерін, инженерлік және көлік коммуникацияларын салуға, сондай-ақ бұрыннан барын өзгертуге (реконструкциялауға, кеңейтуге, техникалық қайта жарақтандыруға, жаңғыртуға және күрделі жөндеуге) арналған техникалық-экономикалық негіздемелерге және жобалау-сметалық құжаттамаға ведомстводан тыс кешенді сараптама жүргізу қағидаларында көзделген объектінің сметалық құнының лимитін есептеу нәтижелері туралы келісу-хат.

      98-3. Ведомстводан тыс кешенді сараптамамен келісілген құрылыс құнының есебі ББӘ бұйрығымен бекітіледі және жоспарланатын кезеңге арналған лимиттің мөлшерін айқындау және ЖСҚ әзірлеуге қаражат бөлу үшін негіз болып табылады.

      98-4. Пилоттық жоба шеңберінде іске асырылатын БИЖ-ді іріктеуді және тиісті бюджет комиссиясының қарауына шығаруды бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган ББӘ осы Қағидалардың 98-2-тармағында көрсетілген құжаттарды және Қазақстан Республикасы Қаржы министрінің 2014 жылғы 24 қарашадағы № 511 бұйрығымен (Қазақстан Республикасының нормативтік құқықтық актілерінің мемлекеттік тізілімінде № 10007 болып тіркелген) бекітілген Бюджеттік өтінімді жасау және ұсыну қағидаларына сәйкес дайындалған бюджеттік өтінімді ұсынған кезде жүзеге асырады.

      98-5. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган пилоттық жоба шеңберінде іске асырылатын БИЖ-ді қаржы қаражатымен қамтамасыз етілу, құрылыс құнының растайтын есебінің, объектінің сметалық құнының лимитін есептеу нәтижелері туралы келісу хатының болуы тұрғысынан қарайды және олар бойынша қорытындыны тиісті бюджет комиссиясының қарауына енгізеді.

      98-6. Бекітілген есептің, объектінің сметалық құнының лимитін есептеу нәтижелері туралы келісу хаттың және пилоттық жоба шеңберінде іске асырылатын БИЖ-дің тиісті бюджет комиссиясының оң шешімінің негізінде тиісті бюджет жобасына енгізіледі.

      98-7. Пилоттық жоба шеңберінде іске асырылатын БИЖ-ді қаржыландыру жергілікті бюджет қаражаты және (немесе) республикалық бюджеттен жергілікті бюджетке берілетін нысаналы даму трансферттері есебінен жүзеге асырылады. Бірлесіп қаржыландыру көлемі ағымдағы жағдайды және тиісті бюджеттердің мүмкіндіктерін ескере отырып, айқындалады.

      98-8. Пилоттық жобаны іске асыру шеңберінде көзделетін құрылыс қызметі белгіленген тәртіппен бекітілген ЖСҚ-ға сәйкес жүзеге асырылады.

      98-9. Пилоттық жобаны жоспарлау және іске асыру үшін Қазақстан Республикасы Президентінің тапсырмасы, сондай-ақ пилоттық жобаның мемлекеттік бағдарламалар мен аумақтарды дамыту бағдарламаларында болуы негіз болып табылады.

7-параграф. Техникалық-экономикалық негіздеме әзірлеуді талап етпейтін бюджеттік инвестициялық жобаларды қарау және іріктеу тәртібі

      99. ТЭН әзірлеуді талап етпейтін БИЖ-ді қарауды осы Қағидалардың 2-тарауында айқындалған тәртіппен МИЖ инвестициялық ұсынысының негізінде мемлекеттік жоспарлау жөніндегі орталық немесе жергілікті уәкілетті орган жүзеге асырады.

      100. ТЭН әзірлеуді талап етпейтін БИЖ-ді іріктеуді және тиісті бюджет комиссиясының қарауына шығаруды бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган ББӘ Қазақстан Республикасы Бюджет кодексінің 66-бабында көрсетілген құжаттарды ұсынған кезде жүзеге асырады.

      101. ТЭН әзірлеуді талап етпейтін БИЖ тізбесін сәулет, қала құрылысы және құрылыс істері жөніндегі уәкілетті орган әзірлейді және оны Қазақстан Республикасы Бюджет кодексінің 153-бабының 4-тармағына сәйкес Қазақстан Республикасының Үкіметі бекітеді.

      Үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын жобаларды қоспағанда, ақпараттандыру объектілерін құруды және дамытуды көздейтін бюджеттік инвестициялық жобалар бойынша ТЭН әзірлеу талап етілмейді.

      102. Құрылыс қызметін болжайтын БИЖ-ге Қазақстан Республикасының арнаулы мемлекеттік органдары барлау және қарсы барлау салаларында іске асыру жоспарланып отырған жобаларды қоспағанда, жер учаскесіне құқық беру туралы жерге орналастыру жобасы (қажет болған жағдайда жер учаскелерінің меншік иелері мен жер пайдаланушылар шығындарының, алынып қойылатын алқаптардың түріне байланысты ауыл шаруашылығы мен орман шаруашылығы өндірісі шығындарының есептерін қоса бере отырып) қоса беріледі.

      103. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган ТЭН әзірлеуді талап етпейтін ББӘ БИЖ-ін олардың қаржы қаражатымен қамтамасыз етілуі, растайтын құжаттарының болуы тұрғысынан қарайды және олар бойынша қорытындыны Қазақстан Республикасының бюджет заңнамасына сәйкес МИЖ инвестициялық ұсынысының оң экономикалық қорытындысын ескере отырып, бюджет комиссиясының қарауына енгізеді.

      Жергілікті атқарушы органдарға нысаналы даму трансферттері мен бюджеттік кредиттерді беруге бағытталған бюджеттік бағдарламаларға берілетін бюджеттік өтінімдер бойынша бюджеттік жоспарлау жөніндегі орталық уәкілетті органның қорытындылары өңірлік саясат мәселелері жөніндегі комиссияның ұсынымдары ескеріле отырып, мемлекеттік жоспарлау жөніндегі орталық уәкілетті органның ұсыныстары негізінде қалыптастырылады.

      104. МИЖ-дің инвестициялық ұсынысына оң экономикалық қорытындының және тиісті бюджет комиссиясының оң шешімінің негізінде ТЭН әзірлеуді талап етпейтін БИЖ тиісті бюджет жобасына енгізіледі.

      105. Тиісті қаржы жылының бюджетіне енгізілген, ТЭН әзірлеуді талап етпейтін БИЖ бойынша ББӘ Қазақстан Республикасының сәулет, қала құрылысы және құрылыс қызметі туралы заңнамасында белгіленген талаптарға сәйкес ЖСҚ әзірлеуді қамтамасыз етеді.

      106. Бірыңғай техникалық параметрлері бар БИЖ бойынша Қазақстан Республикасының заңнамасына сәйкес үлгі жобаны әзірлеу жүзеге асырылады.

      107. БИЖ іске асыру кезінде үлгі жобаларды қолдану нақты құрылыс алаңына байланыстыру жолымен жүзеге асырылады.

8-параграф. Сметалық құнын ұлғайтуды болжайтын жобаларды қарау және іріктеу тәртібі

      108. ЖСҚ-ны түзетуге немесе оған бекітілген ТЭН-де немесе БИЖ үлгі жобасында көзделмеген бюджеттен қосымша шығыстарға алып келетін қосымша құрамдауыштар енгізуге байланысты республикалық БИЖ сметалық құнының ұлғаюына байланысты шығыстар республикалық бюджет қаражаты есебінен жүзеге асырылады.

      109. ЖСҚ-ны түзетуге немесе оған бекітілген ТЭН-де немесе БИЖ үлгі жобасында көзделмеген бюджеттен қосымша шығыстарға алып келетін қосымша құрамдауыштар енгізуге байланысты жоғары тұрған бюджеттен нысаналы даму трансферттері есебінен іске асырылатын жергілікті БИЖ сметалық құнының ұлғаюына байланысты шығыстар тиісті жергілікті бюджет қаражаты есебінен жүзеге асырылады

      Жергілікті бюджетте қаражат жеткіліксіз болған жағдайда, стратегиялық және (немесе) әлеуметтік маңызы бар, республикалық бюджеттен берілетін нысаналы даму трансферттері есебінен астанада іске асырылатын, ЖСҚ-ны түзетуге немесе оған бекітілген ТЭН-де немесе БИЖ-дің үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты, республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті БИЖ сметалық құнының ұлғаюы бойынша шығыстар республикалық бюджет қаражаты есебінен жүзеге асырылады.

      110. ЖСҚ-ны түзетуге немесе оған бекітілген ТЭН-де немесе БИЖ-дің үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты БИЖ-дің сметалық құнын бюджет комиссиясының қарауынсыз және ұсынысынсыз ұлғайтуға жол берілмейді.

      Қазақстан Республикасы ратификациялаған, Қазақстан Республикасының Үкіметі жасаған қарыз туралы шарт шеңберінде іске асырылып жатқан БИЖ бойынша бюджеттік инвестициялық жобалардың сметалық құнын ұлғайтуды, егер қарыз шартының талаптарына сәйкес мердігермен азаматтық-құқықтық шартта құнын ұлғайтуды қаржыландыру жөнінде өзге де талаптар белгіленген болса, азаматтық-құқықтық шартқа сәйкес ЖСҚ түзетпей қаржыландыруға болады.

      Осы тармақтың екінші бөлігінде көрсетілген БИЖ бойынша азаматтық-құқықтық шарттың талаптарына сәйкес жол учаскелерінің сметалық құнын ұлғайтуды РБК-ның қарауынсыз қаржыландыруға жол берілмейді.

      111. Республикалық немесе жергілікті бюджетке енгізілмеген БИЖ бойынша ЖСҚ әзірлеуге жол берілмейді.

      112. Сметалық құнын ұлғайтуды болжайтын республикалық БИЖ-ді және стратегиялық және (немесе) әлеуметтік маңызы бар, республикалық бюджеттен бөлінетін нысаналы даму трансферттері есебінен астанада іске асырылатын, сметалық құнын ұлғайту ЖСҚ-ны түзетуге немесе оған бекітілген ТЭН-де немесе БИЖ үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты және республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті БИЖ-ді қарау осы Қағидалардың 114 және 115-тармақтарында айқындалған тәртіппен жүзеге асырылады.

      113. Стратегиялық және (немесе) әлеуметтік маңызы бар, республикалық бюджеттен берілетін нысаналы даму трансферттері есебінен астанада іске асырылатын, сметалық құнын ұлғайту ЖСҚ-ны түзетуге немесе оған бекітілген ТЭН-де немесе БИЖ-дің үлгі жобасында көзделмеген, қосымша бюджет шығыстарына алып келетін қосымша құрамдауыштарды енгізуге байланысты, осы Қағидалардың 114 және 115-тармақтарында айқындалған тәртіппен республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті БИЖ-ді қоспағанда, жергілікті БИЖ-ді, сондай-ақ сметалық құнын ұлғайту болжанатын, нысаналы даму трансферттері мен жоғары тұрған бюджеттен бөлінетін кредиттер есебінен қаржыландыру жоспарланатын жергілікті БИЖ-ді қарауды мемлекеттік жоспарлау жөніндегі жергілікті уәкілетті орган жүзеге асырады.

      114. БИЖ ТЭН-ін түзету немесе ТЭН түзетуді талап ететін БИЖ-дің сметалық құнын ұлғайту мәселелерін шығару екі кезеңде жүзеге асырылады.

      Бірінші кезең бойынша:

      1) осы Қағидалардың 74-1-тармағында көзделген жағдайлардан басқа, ББӘ-нің БИЖ ТЭН-ді түзету бойынша инвестициялық ұсыныс әзірлеуі және мемлекеттік жоспарлау жөніндегі орталық немесе жергілікті уәкілетті органға ұсынуы;

      2) тиісті бюджет комиссиясының ББӘ ұсынатын құжаттардың және мемлекеттік жоспарлау жөніндегі орталық немесе жергілікті уәкілетті органның бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға БИЖ ТЭН-ін түзету бойынша инвестициялық ұсынысына оң экономикалық қорытындының негізінде БИЖ ТЭН-ін түзетудің және БИЖ ТЭН-ді түзетуді қаржыландырудың (қажет болған жағдайда) орындылығын айқындау бойынша шешімі. Егер осы Қағидалардың 74-1-тармағында көзделген жағдайда, БИЖ ТЭН-ін түзету бойынша инвестициялық ұсынысқа экономикалық қорытынды талап етілмейді.

      Бірінші кезеңде БИЖ ТЭН-ін түзету бойынша инвестициялық ұсыныстарды әзірлеу, қарау және іріктеу процесі осы Қағидалардың 2-тарауында айқындалған тәртіппен жүргізіледі.

      БИЖ ТЭН-ін түзетудің орындылығы мәселесін тиісті бюджет комиссиясының қарауына шығару үшін ББӘ бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға мына құжаттарды ұсынады:

      1) осы Қағидаларға 16 – қосымшаға сәйкес нысан бойынша салыстырмалы кестені қоса бере отырып, техникалық шешімдерді және қосымша шығыстарды өзгертуге болжамды көрсете отырып, мемлекеттік органның бірінші басшысының – ББӘ не оны алмастыратын адамның не мемлекеттік органның бірінші басшысы-ББӘ әрбір БИЖ бойынша жеке уәкілеттік берген адамның электрондық цифрлық қолтаңбасы арқылы куәландырылған хабарлама-хат;

      2) мемлекеттік органның бірінші басшысы не оны алмастыратын тұлға, не мемлекеттік органның бірінші басшысы әрбір БИЖ бойынша жеке уәкілеттік берген тұлға қол қойған және Қазақстан Республикасының заңнамасында ресми құжаттар үшін белгіленген тәртіппен ресімделген, техникалық шешімдерді өзгертудің және қосымша шығыстарды көздеудің орындылығын растайтын, тиісті саланың уәкілетті органының салалық сараптамасының қорытындысы;

      3) БИЖ-дің ерекшелігіне байланысты қажетті сараптамалардың қорытындылары;

      4) осы Қағидалардың 74-1-тармағында көзделген жағдайларды қоспағанда, БИЖ ТЭН-ін түзету бойынша инвестициялық ұсынысқа мемлекеттік жоспарлау жөніндегі орталық немесе жергілікті уәкілетті органның оң экономикалық қорытындысы;

      5) Қазақстан Республикасы Бюджет кодексінің 154-бабында белгіленген рәсімдер сақталмай тиісті бюджетте бекітілген жобаларды қоспағанда, мемлекеттік жоспарлау жөніндегі орталық немесе жергілікті уәкілетті органның оң қорытындысын алған кезде бұрын қаралған БИЖ ТЭН-інің сараптама қорытындысы мен құжаттары (бекітілген бастапқы БИЖ-дің ТЭН-і);

      6) Қазақстан Республикасының Үкіметі уәкілеттік берген ішкі бақылау жөніндегі органның бюджет қаражатын нысаналы пайдалану мәніне, сондай-ақ егер жоба бойынша қаржыландыру басталған болса, құжаттарды ұсынған күннен бастап 6 (алты) айдан кешіктірілмейтін бұзушылықтардың болмауы туралы актісі;

      7) бекітілген БИЖ-дің ТЭН-інде көрсетілген көрсеткіштерге қол жеткізу не жеткізбеу туралы ақпаратты қамтитын, қол жеткізбеудің себептері көрсетіле отырып, оның ішінде бөлінген бюджет қаражаты толық игерілген кезде, ББӘ – мемлекеттік органның бірінші басшысы не оны алмастыратын тұлға, не ББӘ – мемлекеттік органның бірінші басшысы әрбір БИЖ бойынша жеке уәкілеттік берген тұлға қол қойған түсіндірме жазба.

      Бірінші кезеңде осы Қағидалардың 112-тармағында көзделген, сметалық құнын ұлғайтуды республикалық бюджет қаражаты есебінен қаржыландыру болжанатын жергілікті БИЖ-дер бойынша жергілікті атқарушы орган қорытынды дайындайды және жергілікті БИЖ-дердің ТЭН-ін түзету мәселесін республикалық бюджет комиссиясының қарауына шығару үшін кейіннен бюджеттік жоспарлау жөніндегі орталық уәкілетті органға енгізу үшін осы тармақта көрсетілген құжаттармен қоса, БИЖ-ді республикалық бюджеттік бағдарламаның тиісті әкімшісіне енгізеді.

      ББӘ тиісті бюджет комиссиясының оң қорытындысын алған жағдайда, БИЖ ТЭН-іне тиісті түзетулерді енгізеді.

      Екінші кезең бойынша

      1) осы Қағидалардың 74-1-тармағында көзделген жағдайларды қоспағанда, ББӘ-нің түзетілген БИЖ ТЭН-ін мемлекеттік жоспарлау жөніндегі орталық немесе жергілікті уәкілетті органға ұсынуы;

      2) БИЖ-ді түзетілген ТЭН бойынша қаржыландырудың орындылығын айқындау жөніндегі тиісті бюджет комиссиясының шешімі.

      Екінші кезеңде БИЖ-дің түзетілген ТЭН-ін қарауы осы Қағидалардың 3-тарауынның 4-параграфында айқындалған тәртіппен мемлекеттік жоспарлау жөніндегі орталық немесе жергілікті уәкілетті органмен жүзеге асырылады

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган БИЖ түзетілген ТЭН-і бойынша қаржыландырудың орындылығы мәселесін бюджет комиссиясының қарауына ББӘ ұсынатын мына құжаттардың негізінде шығарады:

      1) БИЖ-дің ерекшелігіне байланысты қажетті сараптамалардың қорытындылары;

      2) осы Қағидалардың 74-1-тармағында көрсетілген жағдайларды қоспағанда, БИЖ-дің түзетілген ТЭН-іне экономикалық сараптаманың оң қорытындысы және экономикалық қорытындысы;

      3) Қазақстан Республикасының заңнамасында ресми құжаттар үшін белгіленген тәртіппен ресімделген, техникалық шешімдерді өзгертудің және қосымша шығыстарды көздеудің орындылығын растайтын, тиісті саланың уәкілетті мемлекеттік органының салалық сараптамасының қорытындысы;

      4) БИЖ-дің түзетілген ТЭН-і;

      5) Қазақстан Республикасының Үкіметі уәкілеттік берген ішкі бақылау жөніндегі органның бюджет қаражатын нысаналы пайдалану мәніне, сондай-ақ егер жоба бойынша қаржыландыру басталған болса, құжаттарды ұсынған күннен бастап 6 (алты) айдан кешіктірілмейтін бұзушылықтардың болмауы туралы актісі;

      6) БИЖ-дің түзетілген ТЭН-іне ведомстводан тыс кешенді сараптама қорытындысы;

      7) БИЖ сметалық құнының ұлғаюы себептерінің негіздемесімен ведомстволық нормативтерге сәйкес объектіні пайдалануға енгізу шығындарының түзетілген құнға ведомстводан тыс кешенді сараптама қорытындысы (бар болған жағдайда).

      Әлеуметтік-экономикалық тұрақтылыққа қауіп төнуіне байланысты, кідіртпей пайдалануға беруді талап ететін, ірі бірыңғай энергетикалық жүйе объектілері мен техникалық күрделі атомдық және жылу энергетикалық кешендері үшін, елдің әлеуметтік-экономикалық тұрақтылығына қауіп төнуі туралы растауы бар уәкілетті мемлекеттік органның салалық сараптама қорытындысында көрсетілген есептерге сәйкес іске қосу жұмыстарының шығындары жүзеге асырылады.

      Екінші кезеңде түзетілген ТЭН бойынша қаржыландырудың орындылығы:

      сметалық құнның ұлғаюын республикалық бюджет есебінен қаржыландыру болжанатын осы Қағидалардың 112-тармағында көзделген республикалық БИЖ және жергілікті БИЖ-дің түзетілген ТЭН-і бойынша қаржыландырудың орындылығын республикалық бюджет комиссиясы қарайды;

      сметалық құнның ұлғаюын жергілікті бюджет қаражаты есебінен қаржыландыру болжанатын жергілікті БИЖ-дің түзетілген ТЭН-і бойынша қаржыландырудың орындылығын тиісті жергілікті бюджет комиссиясы қарайды.

      Тиісті бюджет комиссиялары іріктеп алған сметалық құнының ұлғаюы болжанатын БИЖ бюджет заңнамасында белгіленген тәртіппен тиісті бюджетке енгізіледі.

      115. ТЭН әзірлеуді немесе түзетуді талап етпейтін БИЖ-дің құнын өзгеру мәселелерін шығару екі кезеңмен жүзеге асырылады.

      Бірінші кезең - ББӘ ұсынатын құжаттар негізінде бюджеттік жоспарлау жөніндегі орталық уәкілетті органның немесе мемлекеттік жоспарлау жөніндегі жергілікті уәкілетті органның қорытындысы негізінде ЖСҚ-ны түзетудің не ақпараттандыру объектілерін құруға және дамытуға бағытталған БИЖ бойынша инвестициялық ұсыныстың орындылығын айқындау бойынша тиісті бюджет комиссиясының шешімі.

      Екінші кезең - ТЭН әзірлеуді немесе түзетуді талап етпейтін БИЖ-дердің түзетілген ЖСҚ не ақпараттандыру объектілерін құруға және дамытуға бағытталған БИЖ бойынша инвестициялық ұсыныс бойынша ұлғайтылған құнды қаржыландыру туралы тиісті бюджет комиссиясының шешімі.

      Бірінші кезеңде ББӘ БИЖ-дің ерекшелігіне қарай бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға мыналарды ұсынады:

      1) бағаның болжамды сомасын көрсете отырып, мемлекеттік органның бірінші басшысының – ББӘ не оны алмастыратын адамның не мемлекеттік органның бірінші басшысының әрбір БИЖ бойынша жеке уәкілеттік берген адамның – ББӘ электрондық цифрлық қолтаңбасы арқылы куәландырылған хабарлама-хат;

      2) мемлекеттік органның бірінші басшысы – ББӘ не оны алмастыратын адам не әрбір БИЖ бойынша жеке уәкілеттік берілген тұлға – ББӘ қол қойған түсіндірме жазба, онда мынадай ақпарат қамтылады:

      БИЖ-ді іске асыруды аяқтау үшін талап етілетін болжамды қосымша бюджеттік шығыстардың негіздемесі;

      мемлекеттік сатып алу жүргізу нәтижесінде үнемделген соманы (егер үнемдеу болған жағдайда) көрсете отырып, БИЖ-ді іске асыру шеңберінде (ЖСҚ әзірлеу және басқалар) жасалған шарттар туралы ақпарат;

      Жобаны бюджеттен әрбір жыл үшін қаржыландыру (құрылыс үшін ЖСҚ әзірлеу басталғаннан бастап). Игерілмеген жағдайда оның себептері көрсетіле отырып, бұл ақпарат әрбір жылдағы жоспармен және фактімен сүйемелденеді;

      қымбаттауға алып келетін себептерді егжей-тегжейлі көрсету (ББӘ шартта көрсетілген бағаны (сметаны) ұлғайту қажеттігі туралы уақтылы ескертудің орындылығын растайтын мердігерлер хаттарының көшірмелерін қоса бере отырып);

      оның кінәсінен қымбаттау орын алған ұйым не жеке тұлға, сондай-ақ осы ұйымға не жеке тұлғаға қатысты қабылданған шаралар;

      техникалық зерттеп-қарау және техникалық қадағалау актісімен расталған аяқталмаған құрылыстың жай-күйі туралы мәліметтер;

      бекітілген ЖСҚ-да немесе ақпараттандыру объектілерін құруға және дамытуға бағытталған БИЖ бойынша инвестициялық ұсыныста көрсетілген көрсеткіштерге қол жеткізу не жеткізбеу туралы ақпарат, қол жеткізбеудің себептері көрсетіле отырып, оның ішінде бөлінген бюджет қаражаты толық игерілген кезде;

      3) мемлекеттік органның бірінші басшысы не оны алмастыратын тұлға, не мемлекеттік органның бірінші басшысы әрбір БИЖ бойынша жеке уәкілеттік берген тұлға қол қойған, мөрмен расталған, ресми хат нысанында ұсынылатын және ББӘ түсіндірмесін қоса бере отырып, жобаның сметалық құнын ұлғайтудың негізділігі мен дұрыстығын растайтын, БИЖ-дің ерекшелігіне байланысты тиісті уәкілетті мемлекеттік органның салалық сараптамасының қорытындысы;

      4) Ақпараттандыру объектілерін құруға және дамытуға бағытталған ЖСҚ-ның бастапқы құнына ведомстводан тыс кешенді сараптамасының қорытындысы немесе БИЖ бойынша ақпараттандыру және ақпараттық қауіпсіздік саласындағы уәкілетті органдардың қорытындылары;;

      5) сәулет, қала құрылысы және құрылыс саласындағы заңнамада көзделген жағдайларда бастапқы құнға бұйрық;

      6) Қазақстан Республикасының Үкіметі уәкілеттік берген бюджет қаражатын нысаналы пайдалану мәніне ішкі бақылау жөніндегі органның, сондай-ақ құжаттарды ұсынған күннен бастап 6 (алты) айдан кешіктірілмейтін БИЖ іске асыру шеңберінде (ЖСҚ әзірлеуден бастап құрылыс үшін) бөлінген барлық бюджет қаражатын қамтитын бұзушылықтардың болмауы туралы актісі;

      7) осы Қағидаларға 16 – қосымшаға сәйкес нысан бойынша бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға электрондық нысанда мемлекеттік органның бірінші басшысының-ББӘ не оны алмастыратын адамның не уәкілетті тұлғаның электрондық цифрлық қолтаңбасы арқылы куәландырылған құнды ұлғайтуды болжайтын жобалар бойынша салыстырмалы кестені және құжаттаманың тізбесін ұсынады әрбір БИЖ бойынша жеке мемлекеттік органның бірінші басшысы-ББӘ;

      8) құжаттарды ұсынған күнге дейін 1 (бір) ай бұрын түсірілген, объектінің іс жүзіндегі жай-күйі туралы толық көрініс беретін фото немесе бейне түсірілімдер материалдары;

      9) БИЖ бұрын бекітілген ЖСҚ-ның жобалық шешімдеріне енгізу болжанатын өзгерістердің орындылығы туралы ведомстводан тыс кешенді сараптама хаты.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган осы тармақта көрсетілген құжаттар топтамасын қарайды және олар бойынша қорытындыны тиісті бюджет комиссиясының қарауына енгізеді.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган осы тармақта көрсетілген құжаттар топтамасын қарайды және олар бойынша қорытындыны тиісті бюджет комиссиясының қарауына енгізеді.

      Бірінші кезеңнің қорытындысы бойынша сметалық құнының ұлғаюын республикалық бюджет қаражаты есебінен қаржыландыру болжанатын осы Қағидалардың 112-тармағында көзделген жергілікті БИЖ бойынша жергілікті атқарушы орган қорытынды дайындайды және БИЖ-ді республикалық бюджет комиссиясының қарауына шығару үшін кейіннен бюджеттік жоспарлау жөніндегі орталық уәкілетті органға енгізу үшін республикалық бюджеттік бағдарламаның тиісті әкімшісіне осы тармақта көрсетілген құжаттарды қоса бере отырып енгізеді.

      ББӘ тиісті бюджет комиссиясының оң қорытындысын алған кезде, ЖСҚ-ға немесе не ақпараттандыру объектілерін құруға және дамытуға бағытталған БИЖ бойынша инвестициялық ұсынысқа тиісті түзетулерді енгізеді.

      Екінші кезеңде ББӘ бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға түзетілген ЖСҚ не ақпараттандыру объектілерін құруға және дамытуға бағытталған БИЖ бойынша инвестициялық ұсыныс, сонымен қатар БИЖ-дің ерекшелігіне қарай:

      ЖСҚ-ға ведомстводан тыс кешенді сараптама қорытындысын;

      мемлекеттік салалық уәкілетті органның сараптама қорытындысын;

      ақпараттандыру объектілерін құруға және дамытуға бағытталған БИЖ бойынша ақпаратттандыру және ақпараттық қауіпсіздік саласындағы қорытындыларды;

      БИЖ сметалық құнының ұлғаюы себептерінің негіздемесі мен түзетілген құнға ведомстволық нормативтерге сәйкес объектіні пайдалануға енгізу шығыстары (бар болған жағдайда) бойынша ведомстводан тыс кешенді сараптама қорытындысын енгізеді.

      Әлеуметтік-экономикалық тұрақтылыққа қауіп төнуіне байланысты, кідіртпей пайдалануға беруді талап ететін, бірыңғай энергетикалық жүйенің ірі объектілері мен техникалық күрделі атомдық және жылу энергетикалық кешендері үшін іске қосу жұмыстары бойынша шығындар елдің әлеуметтік-экономикалық тұрақтылығына қауіп төнуін растауды қамтитын уәкілетті мемлекеттік органның салалық сараптама қорытындысында көрсетілген есептеулерге сәйкес жүзеге асырылады.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган БИЖ-дің ерекшелігіне қарай тиісті бюджеттік комиссияның қарауына осы тармақтың 1)-8) тармақшаларында көрсетілген ББӘ ұсынған құжаттардың, сондай-ақ БИЖ-дің түзетілген ЖСҚ-ға ведомстводан тыс кешенді сараптама қорытындысы, ақпараттандыру объектілерін құруға және дамытуға бағытталған БИЖ бойынша түзетілген инвестициялық ұсынысқа ақпараттандыру және ақпараттық қауіпсіздік салаларында қорытынды, БИЖ-ге түзетілген ЖСҚ не ақпараттандыру объектілерін құруға және дамытуға бағытталған БИЖ бойынша инвестициялық ұсыныс негізінде түзетілген ЖСҚ не ақпараттандыру объектілерін құруға және дамытуға бағытталған БИЖ бойынша инвестициялық ұсыныс бойынша БИЖ құнының ұлғаюын енгізеді.

      Екінші кезеңде құнның ұлғаюын қаржыландырудың орындылығы:

      құнының ұлғаюын республикалық бюджет есебінен қаржыландыру болжанатын осы Қағидалардың 112-тармағында көзделген республикалық БИЖ және жергілікті БИЖ құнының ұлғаюын қаржыландырудың орындылығын РБК қарайды;

      құнының ұлғаюын жергілікті бюджет қаражаты есебінен қаржыландыру болжанатын жергілікті БИЖ құнының ұлғаюын қаржыландырудың орындылығын тиісті бюджет комиссиясы қарайды.

      Тиісті бюджет комиссиялары іріктеп алған құнының ұлғаюы болжанатын БИЖ бюджет заңнамасында белгіленген тәртіппен тиісті бюджетке енгізіледі.

      115-1. Осы Қағидалардың 114 және 115-тармақтарының ережелері осы Қағидалардың 110-тармағының екінші және үшінші бөліктерінде көрсетілген БИЖ-ге қолданылмайды.

      Осы Қағидалардың 110-тармағының екінші және үшінші бөліктерінде көрсетілген БИЖ бойынша ББӘ бюджеттік жоспарлау жөніндегі орталық уәкілетті органға:

      1) бағаның болжамды сомасын көрсете отырып, мемлекеттік органның бірінші басшысының электрондық цифрлық қолтаңбасы арқылы куәландырылған хабарлама-хат;

      келесі ақпарат қамтылуы тиіс мемлекеттік органның бірінші басшысы қол қойған түсініктеме жазбаны:

      болжанатын қосымша бюджет шығыстарының негіздемесін;

      ЖСҚ әзірлеу басталғаннан бастап жобаны бюджеттен әрбір жыл үшін қаржыландыру туралы ақпаратты ұсынады. Игерілмеу не қаражат үнемдеу болған жағдайда, себептері көрсетіле отырып, бұл ақпарат әрбір жылдағы жоспармен және фактімен сүйемелденеді;

      қымбаттауға әкеліп соғатын себептердің нақты көрсетілуін қамтуы тиіс түсіндірме жазбаны;

      3) тиісті уәкілетті мемлекеттік органның бірінші басшысы қол қойған салалық қорытындыны;

      4) бірінші басшы қол қойған, мөрмен расталған осы Қағидаларға 16-1-қосымшаға сәйкес нысан бойынша салыстырмалы кестені;

      5) бірінші басшы қол қойған жалғастырылатын және аяқталған жобалар бойынша жеке-жеке төлеуға арналған фискалдық сертификатты (құндық деректерімен жұмыстардың көлемі бойынша ведомостарды және эскалация бойынша есептеулерді қоса бере отырып);

      6) бірінші басшы қол қойған сертификаттар тізілімін;

      7) жобаның қымбаттауы бойынша шығыстар сметаларын және тауарлар мен көрсетілетін қызметтердің құны қымбаттаған жағдайдағы бағалар бойынша статистикалық деректерді;

      8) құжаттар ұсынылған күннен бастап 6 (алты) айдан кешіктірмей белгіленген уәкілетті ішкі бақылау органының актісін ұсынады.

      Бюджеттік жоспарлау жөніндегі орталық уәкілетті орган осы тармақта көрсетілген құжаттар топтамасын қарайды және ол бойынша қорытындыны РБК-ның қарауына енгізеді.

      РБК-ның оң шешімін алған кезде, Қазақстан Республикасы ратификациялаған, Қазақстан Республикасы Үкіметінің жасалған қарыз шартының шеңберінде іске асырылатын МИЖ бойынша азаматтық-құқықтық шарттың талаптарына сәйкес жолдар учаскелерінің сметалық құнының ұлғаюын қаржыландыруға рұқсат етіледі.

      116. Ұлттық валютаның шетел валютасына қатысты бағамының елеулі өзгеруі себебінен, бірақ техникалық шешімдерді өзгертуге алып келмейтін, жаңа объектiлердi құруға (салуға) не бар объектiлердi реконструкциялауға бағытталған БИЖ-дің сметалық құны ұлғайған жағдайда, кейіннен ведомстводан тыс кешенді сараптама жүргізу арқылы ЖСҚ-ны түзету жүргізіледі.

      БИЖ-дің сметалық құны ұлғайтылған жағдайда ұлттық валютаның шетел валютасына бағамының елеулі өзгеруі себебінен ақпараттандыру объектілерін құруға және дамытуға бағытталған, бірақ техникалық шешімдердің өзгеруіне әкеп соқпайтын БИЖ құнына инвестициялық ұсынысты және/немесе БИЖ ТЭН түзету жүргізіледі, бұл ретте экономикалық сараптама мен қорытынды талап етілмейді.

      Ұлттық валютаның шетел валютасына қатысты бағамының елеулі өзгеруі себебінен, бірақ техникалық шешімдерді өзгертуге алып келмейтін, үкіметтік сыртқы қарыздар қаражатынан қаржыландыру және республикалық бюджет қаражатынан сыртқы қарыздарды бірлесіп қаржыландыру болжанатын ақпараттандыру объектілері бойынша БИЖ-дің сметалық құны ұлғайған жағдайда, ТЭН-ді түзету жүргізіледі, бұл ретте экономикалық сараптама мен қорытынды талап етілмейді.

      Ұлттық валютаның шетел валютасына қатысты бағамының елеулі өзгеруі себебінен, бірақ техникалық шешімдерді өзгертуге алып келмейтін, ЖСҚ әзірлеуді қажет етпейтін БИЖ-дің құны ұлғайған жағдайда, ТЭН-ді түзету жүргізіледі, бұл ретте экономикалық сараптама мен қорытынды талап етілмейді.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган аталған мәселені осы Қағидалардың 114 және 115-тармақтарында айқындалған тәртіппен тиісті бюджет комиссиясының қарауына шығарады.

      117. Егер БИЖ шет мемлекеттердің аумағында іске асырылатын жағдайда, аумағында аталған заңнама мәтінін қоса бере отырып және оның қазақ және/немесе орыс тілдеріне аударылуын қамтамасыз ете отырып, осы жоба іске асырылатын мемлекеттің құрылысы саласындағы заңнамада белгіленген тәртіппен бекітілген БИЖ-нің бастапқы және түзетуге ұсынылатын құнын растайтын тиісті құжаттар ұсынылады.

      118. Құжаттаманың толық топтамасы ұсынылмаған не қымбаттаудың пайда болуының айқын және негізді себептері берілмеген, сондай-ақ кінәлі адамдар немесе ұйымдар және оларға қолданылған шаралар (егер ондай болса) көрсетілмеген БИЖ сметалық құнының ұлғаюы тұрғысынан қаралмайды.

9-параграф. Заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялардың, институционалдық МЖӘ жобаларының қаржы-экономикалық негіздемесін әзірлеудің, сондай-ақ қажетті сараптамалар жүргізудің тәртібі мен мерзімдері

      Ескерту. 9-параграфтың тақырыбы жаңа редакцияда - ҚР Ұлттық экономика министрінің м.а. 25.11.2015 № 721 бұйрығымен.
      Ескерту. 9-параграф жаңа редакцияда - ҚР Ұлттық экономика министрінің 12.10.2015 № 663 бұйрығымен.

      119. Инвестициялар ҚЭН-і іс-шараларының толық инвестициялық кезеңiн ескере отырып, Инвестициялар ҚЭН-інде Инвестициялардың орындылығын растау, сондай-ақ жоспарланатын iс-шаралардың негiздiлiк және нәтижелiлiк өлшемдерiне сәйкестiгiн растау келтіріледі.

      Егер бiрнеше көздерден қаржыландыру болжанатын жағдайда, Инвестициялар ҚЭН-інде Инвестициялар сомасының негiздемесiн бөлiп көрсете отырып, барлық іс-шаралардың орындылығы және негiздiлiк пен нәтижелiлiк өлшемдерiне сәйкестігі ашылады.

      120. Алушы не Қатысушылар не ББӘ Инвестициялар ҚЭН-ін әзірлеуі немесе түзетуі мүмкін.

      Инвестициялар ҚЭН-інің мақсаттары мен міндеттері инвестициялық ұсынысқа сәйкес келеді.

      Егер Инвестициялар МЖӘ институционалдық жобалары бойынша заңды тұлғалардың жарғылық капиталын қалыптастыруға бағытталған болса, Инвестициялардың мақсаттары мен міндеттері МЖӘ жобасының тұжырымдамасына сәйкес келеді.

      121. Заңды тұлғаның даму мақсаттарына заңды тұлғаның жарғылық капиталын бюджет қаражаты есебінен ұлғайтуға жол беріледі.

      Заңды тұлғалар жарғылық капиталды қалыптастыруға немесе ұлғайтуға бюджет қаражатын бөлу, төлем үшін мемлекеттік меншік объектілерін беру арқылы мемлекеттің олардың жарғылық капиталына қатысуы нәтижесінде, сондай-ақ Қазақстан Республикасының заңдарында тікелей көзделген жағдайларда квазимемлекеттік сектор субъектілеріне жатады.

      Шығындарды жабу бойынша түпкілікті және тікелей нәтижелердің тиісті көрсеткіштерімен заңды тұлғаның шығындарын тікелей жабу мақсаттарына және ағымдағы шығыстарды қаржыландыруға бағытталған іс-шараларға заңды тұлғаның жарғылық капиталын ұлғайтуға жол берілмейді.

      122. Инвестициялар ҚЭН-і мынадай құрылымға сәйкес келедi:

      1) Инвестициялардың паспорты;

      2) "Ретроспектива" бөлiмі;

      3) "Институционалдық" бөлiмi;

      4) "Негiздiлiк" бөлiмi;

      5) "Нәтиже" бөлiмi;

      5-1) "Жобаны басқару" бөлімі (республикалық бюджеттен қаржыландырылатын жобаларды)

      6) қосымшалар.

      Мұндай толықтыру мақсаттарды, міндеттерді, басты көрсеткіштерді, қаржы-экономикалық қызметтің көрсеткіштерін және ұйым туралы басқа мәліметтерді ашу үшін орынды болғанда, инвестициялардың ҚЭН-і басқа бөлімдермен, тараулармен, параграфтармен және қосымшалармен толықтырылуы мүмкін. Инвестициялардың ҚЭН-і бөлімдермен, бөлімдер тараулармен, ал тараулар параграфтармен толықтырылған жағдайда, әрбір қосымша ұсынылатын бөлімнің және (немесе) тараудың және (немесе) параграфтың тиісті белгісі ("бөлім", "тарау", "параграф"), сондай-ақ атауы болуға тиіс.

      123. Инвестициялар паспорты осы Қағидаларға 17-қосымшаға сәйкес нысан бойынша ұсынылады.

      124. "Ретроспектива" бөлiмi мынадай құрылымға сәйкес келеді:

      1) "Қатысушылардың қаржылық жағдайын талдау" параграфы, онда қатысушылардың қаржылық жағдайы, оның ішінде бар талаптар мен міндеттемелердің сомасы және сапасы туралы ақпарат келтіріледі;

      Егер Инвестициялар МЖӘ институционалдық жобалары бойынша заңды тұлғалардың жарғылық капиталын қалыптастыруға бағытталған болса, бұл параграф ұсынылмайды;

      2) егер Инвестициялар алушы қаржы ұйымы болып табылған жағдайда, "Несие қоржыны" параграфы. Параграфта Инвестициялар ҚЭН-ін енгізудің алдындағы соңғы 3 (үш) жыл ішіндегі Инвестициялар ҚЭН-ін енгізудің алдындағы айдың соңындағы жағдай бойынша қаржыландыру көздері (бюджет қаражаты, меншікті қаражат, үшінші тараптардың қарыздары, Қазақстан Республикасы Ұлттық қорының қаражаты) бөлінісінде Инвестицияларды алушының несие қоржынының жай-күйі туралы тоқсан сайынғы ақпарат келтіріледі;

      3) "Макроэкономикалық ортаны талдау" параграфы, онда Инвестициялар ҚЭН іс-шараларының іске асырылуы әсер ететін, кемінде соңғы үш жылдағы негізгі макроэкономикалық (өңірлік, салалық) көрсеткіштер және даму серпіні көрсетіле отырып, Инвестициялар ҚЭН-інің іс-шараларын іске асыру болжанатын макроэкономикалық ортаны (ел, өңір немесе сала) талдау және оның сипаттамасы келтіріледі;

      4) "Маркетингтік ортаны талдау" параграфы, онда кемінде соңғы үш жылда, Инвестициялар ҚЭН-інің іс-шараларын іске асыру әсер ететін, негізгі көрсеткіштер мен даму серпіні көрсетіле отырып, Инвестициялар ҚЭН-інің іс-шараларын іске асыру болжанатын маркетингтік ортаны талдау келтіріледі.

      Маркетингтiк ортаны талдау ақпарат көзiн көрсете отырып, Инвестициялар алушы жұмыс істейтін нарықтың, сондай-ақ Инвестициялар есебiнен өндiрiлетiн өнiмдi өткiзу жоспарланып отырған нарықты талдауды, оның ішінде:

      есептеулердi негiздей және деректердi іріктеуді айқындай отырып, нарықтың сыйымдылығын;

      Инвестициялар алушының нарықтағы үлесiн;

      нарықтың өсу (қысқару) әлеуетiн және нарық сыйымдылығы өзгерген жағдайда ұйым өнiмінің үлесiн;

      бәсекелестердiң сипаттамасын, бәсекелестердiң нарықтағы үлесiн;

      төлем қабілеттілігін қоса алғанда, тұтынушылардың сипаттамасын қамтиды. Егер мемлекеттік мекемелер және (немесе) қатысушылар тұтынушылар болып табылса, олардың сатылатын өнімдегі үлесін көрсете отырып, осы ұйымдардың толық тізбесін келтіруі қажет.

      125. "Институционалдық" бөлiмi мынадай құрылымға сәйкес келедi:

      1) "Қатысушылар туралы ақпарат" тарауы;

      2) "Стратегиялық алғышарттар" тарауы.

      126. "Қатысушылар туралы ақпарат" тарауы осы Қағидаларға 18-қосымшаға сәйкес нысан бойынша әр қатысушы жөніндегі ақпаратты, сондай-ақ ақша ағындарының сомалары мен бағыттары көрсетілген іс-шараларды іске асырудың қаржылық схемасын қамтиды.

      127. "Стратегиялық алғышарттар" тарауы оларды іске асыру үшін Инвестициялар жоспарланатын стратегиялық құжаттар туралы ақпаратты (елдегі жағдай және Қазақстан Республикасының ішкі және сыртқы саясатының негізгі бағыттары туралы Қазақстан Республикасы Президентінің Қазақстан халқына жыл сайынғы Жолдауы, нормативтік құқықтық актілер, Қазақстан Республикасының Мемлекеттiк жоспарлау жүйесінің құжаттары, бюджеттік бағдарлама, Қазақстан Республикасы Президентінің тапсырмасы) қамтиды.

      128. "Негiздiлiк" бөлiмiнде iс-шараларды iске асыруға арналған Инвестициялар мөлшерiнiң және Инвестициялардың ҚЭН-інің iс-шараларын баламалы көздерден қаржыландырудың мүмкін болмауының негiздемесi келтiрiледi.

      "Негiздiлiк" бөлiмi мынадай тарауларды қамтиды:

      1) "Инвестициялар көлемi" тарауы;

      2) "Қаржыландырудың балама көздерi" тарауы;

      3) "Инвестициялар ҚЭН-інің мақсаттары мен міндеттерінің инвестициялық ұсынысқа сәйкестігі" тарауы;

      4) "Квазимемлекеттік сектор субъектілерінің салалық картасы" тарауы;

      5) "Болжанатын техникалық-технологиялық шешімдердің сипаттамасы мен негіздемесі" тарауы.

      Егер Инвестициялар Институционалдық МЖӘ жобасын іске асыруға бағытталған болса, "Қаржыландырудың балама көздерi" және "Квазимемлекеттік сектор субъектілерінің салалық картасы" тараулары ұсынылмайды.

      Егер Инвестициялар ақпараттандыру объектілерін құруды және дамытуды көздеген жағдайда "Болжанатын техникалық-технологиялық шешімдердің сипаттамасы мен негіздемесі" тарауы ұсынылуға тиіс.

      129. "Инвестициялар көлемi" тарауында әрбiр құрамдауыш бөлiнiсiнде Инвестициялар көлемiнiң құжатпен және есептеулермен расталған негiздемесi келтiрiледi.

      "Инвестициялар көлемi" тарауы мынадай параграфтарды қамтиды:

      1) "Өнiмдер" параграфы, онда осы Қағидалардың 124-тармағының 4) тармақшасында көрсетілген ақпаратты ескере отырып, сатып алынатын өнiмдер тізбесінің, саны мен сапасының негiздемесi келтiрiледi;

      2) "Бағалар негiздемесi" параграфы, онда Инвестициялар есебiнен сатып алынатын өнiмдер бағаларына талдау келтiрiледi. Инвестициялар есебiнен сатып алынатын өнiмдердiң бағалары осы Қағидалардың 138-тармағының 3) тармақшасында санамаланған құжаттармен бекiтiледi.

      Осы Қағидалардың 138-тармағының 3) тармақшасында көрсетiлген құжаттарды ұсыну мүмкiн болмаған жағдайда, ББӘ ақпарат көзiн көрсете отырып, сатып алу жоспарланатын өнiмдердiң қолданыстағы нарықтық бағалары туралы ақпаратты қоса бередi.

      Бағаларды талдау:

      соңғы екі жылдағы бағалардың серпіні туралы ақпаратты және ағымдағы бағалардың ықтимал өзгеруі мен осындай өзгеріске әкелуі мүмкін оқиғаларды;

      бағалардың ықтимал жеңілдіктерін, жеңілдіктер беру шарттарын (сатып алу көлемі, төлеу шарттары) қамтиды;

      3) "Айналым қаражатын толықтыру" параграфы, онда ақшаға қажеттігі ашып көрсетіледі, бірақ төменде келтірілген тізбемен шектелмейді:

      қаржылық өнiмдер бөлiнiсiнде клиенттердiң болжамды саны, қаржылық қызметтiң орташа сомасы көрсетiлген қаржылық қызметтер көрсету;

      пруденциялық нормативтердi сақтау;

      Инвестициялар алушының ағымдағы шығыстарын қаржыландыру;

      4) "Инвестициялар көлемi" параграфы, онда жоспарланатын Инвестициялардың мөлшерiн растайтын есептеулер келтiрiледi.

      Есептеулер әрбiр іс-шара бөлiнiсiнде келтiрiледi. Қажет болған жағдайда, объектіні іске қосу шығыстары (іске қосу-баптау жұмыстары) келтіріледі

      Егер Инвестициялар мемлекеттік кәсіпорын нысанындағы заңды тұлғалардың жарғылық капиталына мемлекеттің қатысуы арқылы іске асырылса, әзірлеуге қаражаттың болмауы бойынша негіздеме берілген жағдайда жоспарланатын Инвестициялардың мөлшеріне осы Қағидалардың 138, 139-тармақтарында көрсетілген растайтын құжаттарды қоса бере отырып, ЖСҚ әзірлеуге арналған шығыстар енгізіледі.

      Объектіні салудың түпкілікті құны ЖСҚ әзірлеу және ведомстводан тыс кешенді сараптама жүргізу қорытындылары бойынша айқындалады. Бұл ретте Инвестициялардың ҚЭН-ін ББӘ қайта бекітуге тиіс.

      Егер Инвестициялар қаржылық қызметтер көрсету үшін болжанатын болса, "Инвестициялар көлемі" тарауының құрылымдық элементтері мыналар болып табылады:

      "Айналым қаражатын толықтыру" параграфы;

      "Инвестициялар көлемі" параграфы.

      Егер Инвестициялар шет мемлекеттердің аумағында іске асырылатын жағдайда, аумағында аталған заңнама мәтінін қоса бере отырып және оның қазақ және (немесе) орыс тілдеріне аударылуын қамтамасыз ете отырып, осы жоба іске асырылатын мемлекеттің құрылысы саласындағы заңнамада белгіленген тәртіппен бекітілген инвестициялардың құнын растайтын тиісті құжаттар ұсынылады.

      Егер Инвестициялар институционалдық МЖӘ жобалары бойынша заңды тұлғалардың жарғылық капиталын қалыптастыруға бағытталған жағдайда "Өнімдер", "Бағаларды негіздеу", "Айналым қаражатын толықтыру" параграфтары ұсынылмайды. Инвестициялар көлемі мемлекеттік және жеке әріптестер арасындағы тиісті құжаттармен (келісімдер, шарттар, меморандумдар) расталады.

      130. "Қаржыландырудың балама көздерi" тарауы мынадай параграфтарды қамтиды:

      1) "Меншiкті қаражат" параграфы, онда iс-шараларды меншiкті қаражат есебiнен қаржыландыру мүмкiндiгiне талдау жасалады. Талдау бұрын бөлінген қаражатты заңды тұлғаның үлестес тұлғалары арасында қайта бөлу есебінен іс-шараларды қаржыландыру мүмкіндігін де қамтиды.

      2) "Қарыз алу" параграфы, онда қарыз капиталын тарту мүмкiндiгiне талдау жасалады. Талдау мыналарды қамтиды, бірақ олармен шектелмейді:

      сыйақы мөлшерлемесін, кредит беру мерзiмдерiн, мiндеттемелердi өтеу шарттарын, оның iшiнде жеңiлдiк кезеңiн беру мүмкiндiгiн, заңды тұлғаның қолданыстағы шарттары ковенанттарының талаптарын қамтамасыз ету мен сақтауға қойылатын талаптарды қоса алғанда, кредиттi алу шарттарына шолуды;

      тiкелей кредит берудi, қаржы лизингiн, факторингтi, облигациялық қарызды қоса алғанда, кредит беру құралдарына шолуды;

      бюджеттiк кредит беру мүмкiндiгiн қамтиды.

      131. "Инвестициялар ҚЭН-інің мақсаттары мен міндеттерінің инвестициялық ұсынысқа сәйкестігі" тарауы Инвестициялар ҚЭН-інің мақсаттары мен міндеттерінің инвестициялық ұсынысқа сәйкестігі немесе сәйкессіздігі тұрғысында талдауды қамтиды.

      131-1. "Квазимемлекеттік сектор субъектісінің салалық картасы" тарауында "квазимемлекеттік сектор субъектілерінің іске асырылған, іске асырылатын және іске асыруға жоспарланатын инвестициялық жобалары бойынша" квазимемлекеттік сектор субъектісінің салалық картасы" нысаны бойынша ақпарат қамтылады, ол осы Қағидаларға 18-1-қосымшаға сәйкес нысан бойынша мемлекеттік органның бірінші басшысының электрондық цифрлық қолтаңбасы арқылы куәландырылған электрондық нысанда ұсынылады.

      131-2. "Болжанатын техникалық-технологиялық шешімдердің сипаттамасы мен негіздемесі" тарауында мыналар қамтылады:

      1) жоба ауқымының сипаттамасы және жоба қуатының есептік негіздемесі, жоба қуатын игеру серпіні;

      2) технологиялар мен жабдықтарды таңдау негіздемесі, пайдаланылатын жабдықпен технологиялық үйлесімділік, баға-сапа оңтайлы арақатынасы, технологиялар мен жабдықтар таңдаудың балама нұсқалары, инновациялық жабдықты қолдану, жобада сапа стандарттарын пайдалану туралы ақпарат;

      3) жобаның құрамдауыштары бойынша қаржыландыруды бөле отырып, жобаны іске асыру кестесі (оның ішінде технологиялық кезеңдер бойынша);

      4) автоматтандырылған функциялар, процестер және оларды тұтынушылар тізбесі (use-case схемасы);

      5) телекоммуникация схемасы және байланыс арналарына қойылатын талаптар, жобаның ауқымы мен қуатының сандық көрсеткіштері негізінде есептеу қуаттары мен сақтау көлемдеріне және есептеу құралдарының санына қойылатын талаптардың негіздемесі;

      6) жүйе архитектурасының, жүйе құрамдауыштарының және олардың өзара байланысының жалпы сипаттамасы;

      7) жобаны іске асыру нәтижесінде өзекті болмауы мүмкін мемлекеттік ақпараттандыру объектілерін және олардың құрамдауыштарын көрсету;

      8) сыртқы ақпараттық жүйелермен интеграцияны көрсету;

      9) ақпараттық қауіпсіздік талаптарын көрсету.

      Инвестициялық ұсыныстың осы бөлімінде салыстырмалы талдау жүргізілетін және таңдап алынған нұсқаның негіздемесі ұсынылатын жобаның мақсатына және нәтиже көрсеткіштеріне қол жеткізудің кемінде екі ықтимал нұсқасы көрсетіледі.

      132. "Нәтиже" бөлімінде есептеулермен расталған тікелей және түпкілікті нәтижелерді алу мүмкіндігінің негіздемесі, сондай-ақ Инвестициялар алушының қаржы-шаруашылық қызметінің жоспарланған нәтижелері келтіріледі.

      "Нәтиже" бөлімі мынадай құрылымға сәйкес келеді:

      1) "Өндіріс және іске асыру" тарауы;

      2) "Ресурстар" тарауы;

      3) "Қаржы" тарауы;

      4) "Тәуекелдер" тарауы;

      5) "Қорытындылар" тарауы.

      133. "Өндiрiс және іске асыру" тарауында өнiмдi өндiру және сату жоспары келтiрiледi. "Өндiрiс және іске асыру" тарауы мынадай параграфтарды қамтиды:

      1) "Лицензиялар және патенттер" параграфы, онда төменде келтірілген тізбемен шектелмейтін мыналар:

      қызметтiң жекелеген түрлерiн жүзеге асыруға арналған лицензияның болуы, лицензияның берiлген күнi мен нөмiрi, кiм бергенi туралы;

      кешендi кәсiпкерлiк лицензияның бар-жоғы, кешендi кәсiпкерлiк лицензия шартын жасасу мәнi мен күнi, қолданылу мерзiмi, кешендi лицензиар туралы;

      лицензияны алу қажеттiлiгi, лицензияны алуға арналған шығыстар туралы;

      патенттердiң және алдын ала патенттердiң бар-жоғы, қашан және кiм бергенi, қолданыс мерзiмi туралы ақпарат келтіріледі.

      2) "Өндiрiс жоспары" параграфы, онда мынадай:

      нарық жағдайын, жасалған келісімшарттарды, тұтынушылармен алдын ала келісімдерді негізге ала отырып, өндірістік бағдарламаның (өнімдер бөлінісінде);

      бекітілген нормаларды негізге ала отырып, өндіріс жоспарын орындауға арналған шығындардың негіздемелері келтіріледі негiздемелер келтiрiледi;

      3) "Іске асыру жоспары" параграфы, онда:

      сатылатын, оның ішінде Инвестициялар есебiнен өндірілетін өнiмдердiң саны мен сапасы;

      негізгі, оның ішінде Инвестициялар есебiнен өндірілетін өнімдер бағаларының, мыналарды:

      бағаларды (тарифтердi) уәкiлеттi мемлекеттiк органдардың бекiтуi (белгiлеуi) немесе келiсуi бойынша Қазақстан Республикасы заңнамасының талаптары;

      табыстылығы: шығыстардың өтелімдiлiгi, орташа немесе барынша көп табыстылықты алу;

      нарықтағы конъюнктуралар: жаңа өнiмді ілгерілету, қолданыстағы сату көлемiн сақтау, дәстүрлi нарықтардан бәсекелестердi ығыстыру, бос сегменттi толтыру;

      өнiмнiң құндылығы: жаңалығы, сапасы, сатудан кейiнгi кепiлдiктер қоса алғандағы негiздемесi;

      3-3) нарық жағдайын, жасалған шарттарды, тұтынушылармен алдын ала келісімдерді негізге ала отырып, іске асыру бағдарламасының (өнімдер бөлінісінде) негіздемесі;

      3-4) жаңа сатып алушыларды тарту мақсатында жоспарланатын іс-шаралар (жарнама, бағалық саясат, сатып алудан кейiнгi қызмет көрсету).

      Егер Инвестициялар Алушының қызметi франшиза туралы шарт немесе лицензиялық шарт негiзiнде жүзеге асырылған жағдайда, франшиза немесе лицензия сатушысының құқықтары және Инвестициялар Алушының бағасына және бағалық саясатына зияткерлiк меншiгiне ықпал ету дәрежесi туралы ақпарат келтiрiледi.

      134. "Ресурстар" тарауында өндiрiс жоспары мен іске асыру жоспарын орындау үшiн қажеттi ресурстардың барлық түрлерiне сұраныстың негiздемелерi келтiрiледi. "Ресурстар" тарауында мынадай параграфтар болады:

      1) "Нормалар" параграфы, онда шикізат пен материалдар, жылу және электр энергиясы, еңбек, ақша шығындарының нормалары келтірілген, оның ішінде қашан және кім бекіткені туралы ақпарат келтіріледі;

      2) "Лимиттер" параграфы, онда әкiмшiлiк шығыстар бойынша лимиттер мөлшерлері туралы ақпарат келтiрiледi: лимиттер көлемi, оның iшiнде қашан және кiм бекiткені туралы ақпарат келтiрiледi;

      3) "Персонал" параграфы, онда төменде келтірілген тiзбемен шектелмейтін мыналар:

      Инвестициялармен байланысты персоналдың штат санын ұлғайту (қысқарту) бойынша жоспарлар;

      персоналдың бiлiктiлiк деңгейiн арттыру (қайта даярлау) бойынша жоспарланатын iс-шаралар және оның бiлiктiлiк деңгейiн (қайта дайындауын) арттырумен байланысты шығындар туралы ақпарат келтiрiледi.

      4) "Негiзгi құралдар" параграфы, онда (Инвестицияларды ескере отырып) мыналар:

      негiзгi құралдардың құрылымы (ғимараттар, құрылыстар, машиналар, жабдық, көлiк, компьютерлер және ақпаратты өңдеуге арналған жабдық, басқа негiзгi құралдар), оның iшiнде меншiктегі, қаржылық жалға алудағы (лизингте), операциялық жалдаудағы негiзгi құралдар туралы ақпаратты ашу;

      қызметтi жүзеге асыруға арналған негiзгi құралдар санының, өнiмдiлiгiнiң және техникалық жағдайының сәйкестiгi туралы ақпарат келтiрiледi;

      5) "Қорлар" параграфы, онда мыналар:

      қорлардың негiзгi түрлерiне қажеттіліктер (заттай өлшем бiрлiгiнде);

      қорлардың негiзгi түрлерiне бағалар;

      қорларды сатып алуға жоспарланатын шығындар туралы ақпарат келтiрiледi;

      6) "Коммуналдық қызметтер" параграфы, онда мыналар:

      жылу және электр энергиясына, сумен жабдықтау және кәрiз жүйесіне қажеттіліктер;

      жылу және электр энергиясының, сумен жабдықтау және кәрiз жүйесінің бағалары;

      жылу және электр энергиясын, сумен жабдықтау және кәрiз жүйесін сатып алуға арналған жоспарланатын шығыстар туралы ақпарат келтiрiледi;

      7) "Ақша" параграфы, онда мыналар:

      борышкерлердiң сипаттамасы; берешектi талап ету бойынша өткiзiлетiн iс-шаралар;

      кредиторлар; міндеттемелерді орындау бойынша жүргiзiлетiн iс-шаралар;

      ақшалай емес операциялар: мәмiлелер көлемi және контрагенттер;

      ақшаға қажеттілік, кассалық алшақтықтар, ақша тарту бойынша iс-шаралар;

      уақытша бос ақшаларды пайдалану жөнiндегi жоспарлар: салымдарға орналастыру, қаржы активтерiн сатып алу, кредиттер беру (уақытша қаржылық көмек көрсету), сомалар, табыстылығы, орналастыру мерзiмдерi туралы ақпарат келтiрiледi.

      Ақша тартумен байланысты iс-шаралар бойынша ақпаратты ашу кезiнде алынған көздер, оның iшiнде:

      акцияларды орналастыру (қатысу үлестерi) – шығару және орналастыру көлемi, орналастырудың жоспарланатын бағасы;

      облигациялар шығару – шығару көлемi, шығарылымдағы облигациялар саны, оларды шығару, орналастыру, қолдану, сыйақы төлеу, өтеу рәсiмi мен тәртiбi және басқа да елеулi ақпарат;

      қарыздар тарту – қарыз берушілер, қарыз мөлшері, тарту мерзімі, сыйақы пайызы, сыйақы төлеу шарттары, қарыздың негізгі сомасын өтеу шарттары көрсетiледi.

      135. "Қаржы" тарауында кірістер, шығыстар бойынша жоспарлар, салық және бюджетке төленетін басқа да міндетті төлемдер туралы ақпарат, дивидендтер туралы ақпарат келтіріледі. "Қаржы" тарауы мынадай параграфтардан тұрады:

      1) "Кірістер" параграфы, онда мынадай негіздемелер келтіріледі:

      өнiмдердi өткізуден түсетін жоспарланатын кiрiстердің, оның iшiнде олардың өсу немесе төмендеу негiздемесi (ақпаратты ашу әрбір өнiм бойынша жүзеге асырылады);

      қаржыландыру бойынша жоспарланатын кiрiстер;

      дивидендтер бойынша кiрiстер (ақпарат үлестік құнды қағаздары Инвестициялар Алушының меншiгiнде болып табылатын әрбір ұйым бойынша жеке берiледi);

      активтердің шығуынан алынатын жоспарланатын кірістер;

      мемлекеттiк бюджеттен берілетін жоспарланатын субсидиялар;

      операциялық жалға алудан жоспарланатын кiрiстер;

      үлестiк қатысу әдiсiмен ескерiлетiн инвестициялар бойынша жоспарланатын кiрiстер;

      өзге де жоспарланатын кiрiстер негiздемесi.

      Мемлекеттік тапсырманы, мемлекеттік тапсырысты орындау шеңберінде не мемлекеттік мекемелердің өнімдерді сатудан алынатын кірістер туралы ақпарат жеке ашылады;

      2) "Шығыстар" параграфы, онда мынадай негiздемелер келтiрiледi:

      өткізілетін өнiмнiң өзiндiк құнының негiздемесi, оның iшiнде оның өсу немесе төмендеу негiздемесi (ақпаратты ашу әр өнiм бойынша жүзеге асырылады);

      өнiмді өткізу бойынша жоспарланған шығыстар, оның iшiнде олардың өсу немесе азаю негiздемесi (ақпаратты ашу әрбiр кiшi топ бойынша жүзеге асырылады);

      жоспарланатын әкiмшiлiк шығыстар негiздемесi, оның iшiнде олардың өсу және азаю негiздемесi (ақпаратты ашу әрбiр кiшi топ бойынша жүзеге асырылады);

      маркетинг пен жарнама бойынша жоспарланатын шығыстар негiздемесi, оның iшiнде олардың өсу немесе азаю негiздемесi (ақпаратты ашу әрбiр кiшi топ бойынша жүзеге асырылады);

      сыйақылар бойынша жоспарланатын шығыстар;

      активтердi iстен шығаруға байланысты шығыстар;

      операциялық жалдауға байланысты шығыстар;

      үлестiк қатысу әдiсiмен ескерiлетiн инвестициялар жөнiндегi шығыстар;

      қызметтiң тоқтатылуына байланысты жоспарланатын шығыстар;

      басқа жоспарланатын шығыстар негiздемесi;

      3) "Салық және бюджетке төленетiн басқа да мiндеттi төлемдер" параграфы, онда салық және бюджетке төленетiн мiндеттi төлемдердiң әр түрi бойынша жоспарланатын төлемдер негiздемесi, оның iшiнде салық салу базаларының негiздемесi келтiрiледi;

      4) "Дивидендтер" параграфы, онда акцияға, оның iшiнде акциялардың мемлекеттiк пакетiне (қатысу үлесi) есептелуі жоспарланатын дивидендтер (қатысу үлесi), дивидендтердi есептеудiң жалпы сомасы, бюджетке аудару үшiн мемлекеттiк кәсiпорын жоспарлайтын таза кiрiс сомасы туралы ақпарат келтiрiледi.

      136. "Тәуекелдер" тарауында iс-шараларды орындауға және тұтастай алғанда Инвестициялар Алушының қызметiне байланысты тәуекелдердi бағалау (қолайсыз оқиғаның орын алу мүмкiндiгiн анықтау) және өлшеу (қолайсыз оқиғаның орын алуынан келетiн зиян) келтіріледі, сондай-ақ тәуекелдерді сәйкестендірудің және бағалаудың пайдаланылған әдістері туралы ақпарат қамтылған және осы тәуекелдердi басқару шаралары келтiрiлген. "Тәуекелдер" тарауы мынадай параграфтарды қамтиды:

      1) "Операциялық тәуекелдер" параграфы, онда төменде келтірілген тiзбемен шектелмейтін мыналар:

      персонал: Инвестициялар Алушының негiзгi менеджерлерi мен мамандарын жоғалту, қызметкерлерiнiң жеткіліксіз бiлiктiлiгi, қызметкерлердiң алаяқтығы;

      өндiрiс: техникалық iстен шығу қаупi, жабдықтардың сынуы, технологиялық процестiң бұзылуы;

      бизнес-процестер: ұйымдастырушылық құрылымның Инвестицияларды Алушының мiндеттерi мен қызметiнiң көлемiне барабарлығы, бизнес-процестердiң тиiмсiздiгi, Инвестициялар Алушының бизнес-процестерiнiң келiсілмегендігі талданады.

      2) "Қаржылық тәуекелдер" параграфы, онда төменде келтірілген тiзбемен шектелмейтін мыналар:

      төлем қабілеттілігін жоғалту: Инвестициялар Алушының міндеттемелерді, оның ішінде қаржылық, олардың мерзімінің басталуына қарай уақтылы орындау үшін ақшасының болмауы немесе жеткіліксіздігі;

      өтiмдiлiкті жоғалту: активтердi, олардың құнын елеулi төмендетусiз, жедел іске асырудың жетiспеушiлiгi немесе мүмкiн еместiгi талданады;

      3) "Нарықтық тәуекелдер" параграфы, онда төменде келтірілген тiзбемен шектелмейтін мыналар:

      пайыздық тәуекел: тартылған ресурстар бойынша пайыздық шығыстардың ұлғаюы;

      инфляциялық тәуекел: инфляциялық процестер нәтижесiнде активтер мен кiрiстердiң құнсыздануы;

      валюталық тәуекел: ұлттық валютаға қатысты шетел валютасының нарықтық айырбас бағамының өзгеруi талданады;

      4) "Кредиттiк тәуекел" параграфы, онда тұтынушылардың (борышкерлердің) төлем қабілетін жоғалту мүмкіндігі және олардың шарттардың талаптарына сәйкес өз міндеттемелерін орындауының мүмкін еместігі талданады;

      5) "Маркетингтiк тәуекелдер" параграфы, онда төменде келтірілген тiзбемен шектелмейтін мыналар:

      саланың даму серпiнiнiң нашарлауы;

      өнiм сапасына тұтынушылар талаптарының жоғарылауы;

      өнiмге сұраныстың азаюы;

      бәсекелестер позицияларының күшеюi;

      өнiмге арналған нарықтық бағаның төмендеуi;

      Қазақстан Республикасының заңнамасында белгiленген шектеулер талданады.

      136-1. "Жобаны басқару" бөлімінде ҚЭН-ді басқару жоспары көрсетіледі.

      Бұл бөлім республикалық бюджеттен қаржыландырылатын жобалар үшін ғана толтыруға міндетті.

      "Жобаны басқару" бөлімі мынадай құрылымға сәйкес келеді:

      1) "Мазмұнды басқару жоспары" тарауы;

      2) "Мүдделі тараптарды басқару жоспары" тарауы;

      3) "Мерзімдерді басқару жоспары" тарауы;

      4) "Құнды басқару жоспары" тарауы;

      5) "Сапаны басқару жоспары" тарауы;

      6) "Сатып алуды басқару жоспары" тарауы;

      7) "Коммуникацияларды басқару жоспары" тарауы;

      8) "Өзгерістерді басқару жоспары" бөлімі.

      136-2. "Мазмұнды басқару жоспары" тарауы жобаны аяқтау үшін қажетті жұмыстардың түпкілікті тізбесін айқындауды көздейді. "Мазмұнды басқару жоспары" тарауында мынадай параграфтар болады:

      1) "Жобаның мазмұны" параграфында жобаның және жоба өнімінің (тауарларының, жұмыстарының, қызметтерінің) егжей-тегжейлі сипаттамасын әзірлеу процесі келтіріледі, ол жобаға мүдделі адамдардың қоятын талаптарын пайдаланумен және өнімді (тауарларды, жұмыстарды, қызметтерді) талдаудың сараптамалық бағасы әдістерімен және баламаларды қалыптастырумен жүзеге асырылады;

      2) "ЖИҚ" параграфы, онда:

      Жоба нәтижелерін және жұмыстарын декомпозициялау әдісімен жоба жұмыстарының иерархиялық құрылымы (бұдан әрі – ЖИҚ) жасалады.

      ЖИҚ – ҚЭН жұмыстарын (нәтижелерін) шағын компоненттерге бөлу процесі, ол мемлекеттік органда дайындау сатысынан бастап ҚЭН-нің барлық жұмысын көрсетеді;

      3) "Операцияларды айқындау" параграфы, онда:

      Жоба операцияларының тізімін және бақылау оқиғаларын анықтау үшін орындауға қажетті нақты әрекеттерді сәйкестендіру операцияларын анықтау процесі, ол ЖИҚ-та берілген жұмыстарды декомпозициялау әдісімен жүзеге асырылады, сондай-ақ шоғырланған толқын әдісін қолдануға болады;

      операцияның ретін айқындау алдын алу диаграммасы, тәуелділіктерді анықтау әдістерімен, озу және кідіру әдістерімен жүзеге асырылатын кесте желісінің диаграммасын құру үшін орындауға қажетті операциялар арасындағы байланыстарды айқындау процесі;

      "Операцияларды айқындау" осы Қағидаларға 18-2-қосымшаға сәйкес "Жұмыстар топтамасының операциясы" нысаны бойынша ұсынылады.

      136-3. "Мүдделі тараптарды басқару жоспары" тарауы жобаның Мүдделі тараптары жобаға белсенді түрде тартылған немесе жобаны орындау нәтижесінде мүдделері қозғалуы мүмкін адамдар мен ұйымдар болып табылатынын айқындайды.

      Мүдделі тараптардың тізілімі осы адамдар мен ұйымдар тобын тіркейді және мынадай ақпаратты:

      адамның тегін, атын, әкесінің атын (болған жағдайда) (ұйымның атауын);

      адамның лауазымын;

      орналасқан орнын;

      жобадағы рөлін;

      байланыс ақпаратын;

      басты талаптарды;

      негізгі күтулерді;

      жобаға әлеуетті әсер ету деңгейін;

      жобаның мүдделі тарапының қызығушылығын тудыратын жобаның өмірлік циклының кезеңдерін (фазаларын);

      басқа да маңызды ақпараттарды қамтуы мүмкін.

      Мүдделі тараптар осы Қағидаларға 18-3-қосымшаға сәйкес "Жобаның мүдделі тараптары" нысаны бойынша ұсынылады.

      136-4. "Мерзімдерді басқару жоспары" тарауы кестені басқарудың негізгі жоспарын құру жолымен ҚЭН жобасының уақтылы орындалуын қамтамасыз ету процесін көздейді. "Мерзімдерді басқару жоспары" тарауы мынадай параграфтардан тұрады:

      1) "Операциялардың реттілігі және олардың ұзақтығы" параграфы, онда алдын алу диаграммасымен, тәуелділіктерді анықтау әдістерімен, озу және кідіру әдістерімен жүзеге асырылатын ҚЖН кестесі желісінің диаграммасын құру үшін орындалуы қажет ҚЖН операцияларының арасындағы байланысты айқындау процесі болады.

      Операциялардың ретті осы Қағидаларға 18-4-қосымшаға сәйкес "Операциялар тізімі" нысаны бойынша ұсынылады;

      2) "Кестені әзірлеу" параграфы, онда:

      операцияларды айқындау, операциялардың ретін айқындау, операцияларды орындау үшін ресурстарды бағалау, операциялардың ұзақтығын бағалау арқылы жасалатын жоба кестесі;

      Операцияларды айқындау – ЖИҚ-та көрсетілген жұмыстарды декомпозициялау әдісімен, сондай-ақ шоғырланған толқын әдісі де пайдаланылуы мүмкін, операциялар тізімін және жобаның бақылау оқиғаларын айқындау үшін орындалуы тиіс нақты әрекеттерді сәйкестендіру процесі;

      Операциялардың реттілігін айқындау – алдын алу диаграммасымен, тәуелділіктерді анықтау әдістерімен, озу және кідіру әдістерімен жүзеге асырылатын кесте желісінің диаграммасын құру үшін орындауға қажетті операциялар арасындағы байланыстарды айқындау процесі.

      Ресурстарды бағалау – баламалар әдісімен, "төменнен жоғарыға" бағасымен және басқаларымен жүзеге асырылатын операцияларды орындау үшін қажетті ресурстарды (адами, жабдықтар, материалдар) айқындау және бағалау процесі;

      Ресурстарды бағалау осы Қағидаларға 18-5-қосымшаға сәйкес "Операцияның ресурстары" нысаны бойынша ұсынылады.

      Операциялардың ұзақтылығын бағалау ұқсастықтар бойынша бағалау, үш нүкте бойынша бағалау әдісімен, резервтерді талдау әдісімен жүзеге асырылатын операцияларды аяқтау үшін қажетті жұмыс кезеңдерін айқындау және бағалау процесі.

      Жобаның кестесін әзірлеу кесте желісін, маңызды жолды, маңызды тізбекті, ресурстарды оңтайландыру, модельдеу, озу және кідіру, кестені ықшамдау әдістерімен жүзеге асырылатын операциялардың ретін, олардың ұзақтығын және ресурстарды қажет етуін талдау процесі.

      Кестені құрастыру үшін арнайы бағдарламалық қамтылым (кестені жасау құралдары) қолданылуы мүмкін.

      136-5. "Құнды басқару жоспары" тарауы, ол жобаның құнын құрылымдау және бақылау тәсілдері, сондай-ақ олармен байланысты құралдар мен әдістер көрсетілген құн бойынша жоспар негізінде жүзеге асырылатын жобаны жоспарлау, басқару, жұмсау және бақылау процесін көздейді. "Құнды басқару жоспары" тарауы мынадай параграфтарды қамтиды:

      1) "Құнды бағалау" параграфы, әрбір операцияны (өлшем бірлігі: жұмыс уақыты, адам-сағат, машина-сағат және т.б.) аяқтауға қажет шығыстар туралы құнды бағалау процесі келтіріледі;

      2) "Бюджетті әзірлеу" параграфы, онда жобаның бекітілген құнын белгілеу үшін жеке іс-шаралардың немесе жұмыстар кешенінің сметалық шығыстарын біріктіру процесі келтіріледі.

      136-6. "Сапаны басқару жоспары" тарауы жобаға қатысты қолданылатын белгіленген мақсаттардың, техникалық регламенттердің және стандарттардың сақталуын айқындау процесін көздейді.

      136-7. "Сатып алуды басқару жоспары" тарауы "Мемлекеттік сатып алу" Заңына және өзге НҚА-ға сәйкес сатып алуды жоспарлау процесін көздейді, бұл ретте қажетті сатып алу жоба мерзімін басқаруда дербес операция ретінде көрсетілуі тиіс.

      136-8. "Коммуникацияларды басқару жоспары" тарауы мүдделі тараптардың ақпараттық және коммуникациялық қажеттіліктерін көздейді.

      Коммуникацияларды басқару жоспары осы Қағидаларға 18-6-қосымшаға сәйкес "Коммуникацияларды басқару жоспары" нысаны бойынша ұсынылады.

      136-9. "Өзгерістерді басқару жоспары" тарауы барлық өзгерістер өзгерістер туралы сұрау салу негізінде ғана орындалуы мүмкін деп болжайды; барлық сұрау салуларды жобаның (команданың) басшысы олардың жобаның мақсатына сәйкестігіне талдауы тиіс; елеулі өзгерістерге сұрау салуларды жоба комитетінің басқарушысы қарайды; комитеттің басқарушысы мақұлданған сұрау салулар бойынша ғана жобаны және жоба құжаттарын басқару жоспарын жаңғырту орындалады.

      136-10. "Өзгерістерді басқару жоспары" тарауы мынадай параграфтарды қамтиды:

      1) "Өзгерістерді айқындау" параграфы осы Қағидаларға 18-7-қосымшаға сәйкес "Өзгерістерді бақылау процесі" нысаны бойынша беріледі;

      өзгерістерді бақылау процесі осы Қағидаларға 18-7-қосымшаға сәйкес "Өзгерістерді бақылау процестері" нысаны бойынша ұсынылады.

      2) "Өзгерістерді бақылау процестерінде қолданылған құжаттар" параграфы мынадай құжаттарды қамтиды:

      жобаны басқару жоспары;

      сатып алуды басқару жоспары;

      ауытқулардың талдауы;

      3) "Тәуекелдерді айқындау" параграфы, онда:

      Тәуекелдерді сәйкестендіру сараптамалық сұрау салулар негізінде орындалады. Тәуекелдерді бағалау (шама) жобаның бір немесе бірнеше мақсатына болжанатын ықпал етудің (әсер етудің) туындауы ықтималдығының пайда болуы ретінде айқындалады. Соңғы жағдайда болжанатын ықпалдар сараланған коэффиценттер көмегімен есепке алынады.

      Тәуекелдерді айқындау осы Қағидаларға 18-8-қосымшаға сәйкес "Тәуекелдердің мақсаттарға қол жеткізуге ықпалын айқындау" нысаны бойынша ұсынылады;

      4) "Тәуекелдер тізілімі" параграфы, онда:

      Жобаға тәуекелдердің ықпалын бағалауда ықпал ету дәрежесін бағалау және тәуекелдерді бағалау матрицасы көрстелітетін Excel ("жобаның тәуекел тізімі") электрондық кестесі пайдаланаылады. Тәуекелдердің әрқайсына тәуекелді бақылайтын және оның мәртебесіне жауап беретін, тәуекелге ден қоятын тәуекел иесі бекітіледі. Тәуекелдің мәртебесі өзгерген кезде жобаның ықтималдығы мен ықпал ету дәрежесіне қайта бағалау жүргізіледі.

      Тәуекелдер тізілімі осы Қағидаларға 18-9-қосымшаға сәйкес "Жобаның тәуекелдері, олардың жобаға ықпалы және тәуекелдерге ден қою" нысаны бойынша беріледі;

      5) "Тәуекелдерге ден қою стратегиясы" параграфы, онда:

      Тәуекелдердің тізілімі әр сәйкестендірілген тәуекелдердің сипаттарын құжаттандырады. Тізілім тұрақты түрде жоба барысында нақтыланады және қайта қаралады. Тізілім бастапқы тәуекелдерді, сол сияқты қайта қаралған тәуекелдер жайлы ақпараттарды қамтиды. Тізілімде тәуекелдер туралы мынадай мәліметтерді көрсету қажет:

      тәуекелдерді сәйкестендіргіш;

      тәуекелдің сипаттамасы;

      туындау ықтималдығы;

      жобаның мақсатына ықпал ету дәрежесі (салмақты коэффициенттерімен);

      тәуекелдің қорытынды шамасы (ықтималды ықпал ету дәрежесіне көбейтіндісі);

      ден қою стратегиясы;

      осы стратегия шеңберіндегі іс-қимылдар (қабылдау, жалтару, беру, төмендету, пайдалану, бірлесіп пайдалану, күшейту);

      тәуекелдің иесі туралы деректер (ден қою стратегиясын іске асыруға жауапты).

      Тәуекелдердің сипаттамасын қайта қараған жағдайда өзгертілген ақпарат тізілімнің тиісті бөлімінде белгіленеді.

      Тәуекелдерге ден қою стратегиясы осы Қағидаларға 18-10-қосымшаға сәйкес "Тәуекел туралы деректер" нысаны бойынша беріледі.;

      6) "Түзету" параграфы, онда:

      осы Қағидаларға 18-11-қосымшаға сәйкес "Жоба бойынша тікелей жұмыстар" нысаны бойынша беріледі;

      осы Қағидаларға сәйкес мониторингілеу бойынша ақпаратты, сондай-ақ мазмұнын, мерзімін, құнын, өзгерістерді басқару бойынша жоспарларды орындау процесін қамтитын мониторинг нәтижелері.

      Осы параграф бойынша ақпарат ҚЭН өзгерістер енгізген жағдайда беріледі.

      137. "Қорытындылар" тарауында Инвестициялар ҚЭН-і іс-шараларын іске асырудың саланың, мемлекет (өңір) экономикасының дамуына ықпалы ашылады. "Қорытындылар" тарауы мынадай параграфтарды қамтиды:

      1) "Тiкелей нәтижелер" параграфы, онда Инвестициялар ҚЭН іс-шараларының жоспарланған тiкелей нәтижелерiнiң есептеулермен расталған негiздемесi келтiрiледi;

      2) "Түпкілікті нәтижелер" параграфы, онда:

      Инвестициялар ҚЭН-і іс-шараларының жоспарланатын түпкілікті нәтижелерiнiң есептеулермен расталған негiздемесi;

      Инвестициялар ҚЭН-інің іс-шаралары іске асырылған жағдайда, саладағы және Қазақстан Республикасындағы (өңірдегі)

      әлеуметтік-экономикалық жағдайдың даму перспективаларының талдауы және олардың:

      негізгі әлеуметтік көрсеткіштерге (халық кірістерінің деңгейі, жұмыссыздық, жұмыспен қамтылу деңгейі);

      негізгі салалық (өңірлік) көрсеткіштерге (өнім (тауарлар/көрсетілетін қызметтер) өндіру көлемі, жалпы ішкі өнім құрылымындағы саланың (өңірдің) үлесі, салаға (өңірге) инвестициялардың көлемі және олардың жоспарланатын кезеңдегі үрдістері) әсері;

      нәтижелерді, салдары мен ықпалын, көбейтілген пайда мен шығындарды, тұтынушының қосымша пайдасын, орны толмайтын шығасыларды, сыртқы әсерлерді, халықаралық әсерлерді, жобаны іске асырудан түсетін жанама пайданы талдауды қамтитын Инвестициялар ҚЭН-інің іс-шаралары бойынша пайда мен шығындарды талдау;

      Инвестициялар ҚЭН-інің іс-шараларын іске асырудың шектес салалардың (көршілес өңірлердің) дамуына әсерін талдау;

      Инвестициялар ҚЭН-і іс-шараларының Қазақстан Республикасының экспорттық әлеуетінің өсуіне және импортты алмастыруға, инновациялардың дамуына (бар болса) әсерін талдау келтiрiледi;

      3) "Бюджеттік тиімділік" параграфы, онда Инвестициялар ҚЭН-інің іс-шараларын жүзеге асыру нәтижелерінің тиісті бюджеттердің кірістері мен шығыстарына әсерінің есептеулері келтіріледі.

      Бюджеттік тиімділікті бағалау кезінде ақша қаражатының келуінде мыналар:

      Инвестицияларды іске асыруға байланысты шығарылған (қалыптастырылған) мемлекетке тиесілі акциялар (қатысу үлестері) бойынша дивидендтер;

      республикалық және жергiлiктi бюджеттерге түсімдер (салық және бюджетке төленетiн басқа да мiндеттi төлемдер, сондай-ақ өзге де төлемдер) ескеріледі, бірақ онымен шектелмейді.

      Бюджеттік тиімділікті бағалау кезінде ақша қаражатының кетуінде мыналар:

      Инвестициялардың көлемі;

      Инвестициялар ҚЭН-інің іс-шараларын іске асыруға байланысты инвестициялардан кейінгі кезеңде жүргізілетін бюджет шығыстары;

      белгілі бір баға саясатын жүргізуге және белгілі бір әлеуметтік басымдықтарды сақтауды қамтамасыз етуге байланысты субсидиялар ескеріледі, бiрақ онымен шектелмейдi.

      138. Қосымшалар мынадай құжаттармен жиынтықталады:

      1) "Ретроспектива" бөлiмiне:

      Инвестициялардың ҚЭН-ін мемлекеттiк жоспарлау жөнiндегi орталық немесе жергілікті уәкілетті органға енгізудің алдындағы соңғы үш жылдағы мөр басылған және ББӘ – мемлекеттік органның бірінші басшысы не оны алмастыратын тұлға не ББӘ – мемлекеттік органның бірінші басшысы әрбір Инвестиция бойынша жеке уәкілеттік берген тұлға мен бас бухгалтердің қолы қойылған қатысушылардың қаржылық есептілігі (жеке және шоғырландырылған), сондай-ақ қаржылық есептілікке түсіндірме жазбалар;

      Қазақстан Республикасының аудит қызметі туралы заңнамасына сәйкес қаржылық есептілік аудиті міндетті болып табылатын қатысушылар үшін соңғы үш жылда жасалған аудиттен өткен қаржылық есептілік пен аудиттік есептер тапсырылады. Бұл ретте қатысушы қолданыстағы заңнамаға сәйкес объективті себептері болған кезде соңғы есепті кезеңдегі аудиттен өтпеген қаржылық есептілікті ұсына алады.

      Қаржылық есептілік қолданыстағы заңнама талаптарына сәйкес, оның ішінде басқа ұйымдарға қаржылық қатысуы туралы, баланс валютасында 10 % және одан астам үлес алатын баланс баптары егжей-тегжейлі толық ашылған ақпаратты қоса берумен ұсынылады.

      2) "Институционалдық" бөлiмiне:

      оларға сәйкес қатысушылар құрылған немесе құрылатын құжаттардың көшiрмесi;

      Инвестициялар Алушы жарғысының көшiрмесi (бар болса);

      Институционалдық МЖӘ жобалары бойынша заңды тұлғалардың жарғылық капиталын қалыптастыруға Инвестициялар жүзеге асырылған кезде мемлекеттік және жекеше әріптестер арасындағы жобаны іске асыру туралы құжаттардың көшірмелері беріледі;

      3) "Негiздiлiк" бөлiмiне:

      осы Қағидаларға 19-қосымшаға сәйкес нысан бойынша "Сатып алынатын (құрылатын) активтердiң құны мен сипаттамасы";

      осы Қағидалардың 129-тармағының 2) тармақшасында келтiрiлген ақпаратты растайтын ақпарат қамтылған прайс-парақтардың (ұқсас тауарлар, жұмыстар және көрсетілетін қызметтер бойынша прайс-парақтар болмаған жағдайда кемінде екі тәуелсіз бағалау қорытындысы беріледі), бағалау актiлерi мен басқа да құжаттардың көшiрмелерi беріледі. Бұл ретте, егер бұл құны ведомстводан тыс кешенді сараптама қорытындысында расталған технологиялық және инженерлік жабдық болса, онда қосымша растайтын құжаттар талап етілмейді.

      Инвестицияларды жүзеге асыру кезінде тиісті уәкілетті мемлекеттік органның салалық сараптамасының қорытындысы ұсынылады.

      Егер Инвестицияларды іске асыру бірнеше салалық мемлекеттік органның жауапкершілігі аясын қозғайтын болса, аталған салалық мемлекеттік органдар Инвестициялардың тиісті сараптамалары қорытындыларын ұсынады.

      Бұл ретте, қосымша салалық сараптамалар қорытындыларын тиісті салалық мемлекеттік органдар Инвестициялардың іске асырылуының жетекшілік ететін салаға әсерін бағалау және саланың басымдықтарына сәйкестігі бөлігінде ғана ұсынады.

      Салалық сараптаманың қорытындысы мыналарды:

      саладағы қазіргі жағдайдың талдауын бағалауды;

      Инвестициялардың ҚЭН-інде көрсетілген іс-шаралар іске асырылмаған жағдайда, саладағы жағдайдың талдауын бағалауды;

      Инвестициялар ҚЭН-інің іс-шараларын іске асырудың саланы дамытуға әсерін сандық және сапалық көрсеткіштерді келтіре отырып және мыналарды:

      Инвестициялардың ҚЭН-і іс-шараларының сала экономикасының құрылымындағы рөлі мен орнын;

      Инвестициялар ҚЭН-інің іс-шараларын іске асырудың орналасқан орнын таңдау мен ауқымының негізділігін;

      Инвестициялар ҚЭН-інің іс-шараларын іске асырудың мүмкіндігін;

      Инвестициялар ҚЭН-інің іс-шаралары бойынша техникалық шешімдердің жеткілікті болуын және олардың тиімділігінің бағасын көрсете отырып бағалауды;

      Инвестициялар ҚЭН-інің іс-шараларының халықаралық стандарттарға сәйкестігін бағалауды, оңтайлы жаңа технологияларды қолдануды;

      Инвестициялардың ҚЭН-і іс-шараларының мақсаттарына қол жеткізудің баламалы нұсқаларын бағалауды;

      бар болған жағдайда, салалық уәкілетті мемлекеттік орган бекітетін ведомстволық нормативтерге сәйкес объектіні пайдалануға енгізу шығындарының негізділігін қамтиды.

      Жаңа объектiлердi құруға (салуға) не бұрынан бар объектiлердi реконструкциялауға бағытталған Инвестицияларды жүзеге асыру кезінде Инвестициялар ҚЭН-інің құрамында ТЭН (осы Қағидаларға сәйкес әзірленген) немесе ЖСҚ, сондай-ақ ведомстводан тыс кешенді сараптама қорытындысы, жерге орналастыру жобасы немесе жер-кадастрлық жоспар (қажет болған кезде жер учаскелері иелерiнің және жер пайдаланушылардың шығындарын, алынатын алқаптардың түрлеріне байланысты ауыл шаруашылығы және орман шаруашылығы өндiрiсінің шығындарын есептеулерді қоса бере отырып), техникалық шарттар ұсынылады.

      Объектіні пайдалануға беру шығындары болған жағдайда, уәкілетті мемлекеттік органның салалық сараптамасының және ведомстволық нормативтерге сәйкес объектіні пайдалануға беру (іске-қосу-баптау жұмыстары) шығыстары бойынша ведомстводан тыс кешенді сараптама қорытындылары талап етіледі.

      Әлеуметтік-экономикалық тұрақтылыққа қауіпке байланысты кідіртпей пайдалануға беруді талап ететін бірыңғай энергетикалық жүйенің ірі объектілері мен техникалық жағынан күрделі атомдық және жылу энергетикалық кешендері үшін уәкілетті мемлекеттік органның, оның ішінде елдің әлеуметтік-экономикалық тұрақтылығына қауіп туралы растауды қамтыған салалық сараптама қорытындысында берілген есептемелерге сәйкес іске қосу жұмыстары бойынша шығындар жүзеге асырылады;

      Ақпараттандыру объектілерін құруға және дамытуға бағытталған Инвестицияларды жүзеге асыру кезінде Инвестициялар ҚЭН-інің құрамында Қазақстан Республикасының ақпараттандыру туралы заңнамасында көзделген қорытындылар ұсынылады.

      Инновациялық және (немесе) ғарыштық қызметтi болжайтын iс-шараларды іске асыруға бағытталған Инвестицияларды жүзеге асыру кезінде мемлекеттiк ғылыми-техникалық сараптаманың қорытындысы ұсынылады;

      4) "Нәтиже" бөлiмiне:

      "Өнім өндiру бағдарламасы" осы Қағидаларға 20-қосымшаға сәйкес нысанда;

      "Өнімді өткізу бағдарламасы" осы Қағидаларға 21-қосымшаға сәйкес нысанда;

      осы Қағидаларға 22-қосымшада көрсетілген "Қаржы моделіне қойылатын талаптар" нысанына сәйкес дайындалған қаржылық модель қоса беріледі.

      Қызметін әлеуметтік маңызды салада жүзеге асыратын және негізгі кіріс көзі республикалық және (немесе) жергілікті бюджет болып табылатын коммерциялық емес акционерлік қоғамдар, мемлекеттік кәсіпорындар нысанындағы заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялар бойынша қаржылық модельдің болуы талап етілмейді. Инвестициялардың әлеуметтік маңыздылығы салалық сараптаманың қорытындымен айқындалады;

      "Инвестициялар нәтижелерi" осы Қағидаларға 23-қосымшаға сәйкес нысанда;

      "ҚЭН іс-шараларының бюджеттік тиімділігі" осы Қағидаларға 24-қосымшаға сәйкес нысанда;

      Қазақстан Республикасы Қаржы министрінің 2017 жылғы 28 маусымдағы № 404 бұйрығымен бекітілген (Нормативтік құқықтық актілерді мемлекеттік тіркеудің тізіліміне № 15384 болып тіркелген) Жария мүдделі ұйымдардың (қаржылық ұйымдардан басқа) жариялауы үшін жылдық қаржылық есептіліктің тізбесі мен нысандарында айқындалған нысандарға сәйкес, Инвестициялар Алушының Инвестицияларды есепке алмағандағы қаржылық көрсеткіштерінің болжамы:

      "Бухгалтерлік теңгерім";

      "Пайдалар мен шығындар туралы есеп";

      "Ақша қаражатының қозғалысы туралы есеп (тікелей әдіс)" не "Ақша қаражатының қозғалысы туралы есеп (жанама әдіс)";

      "Капиталдағы өзгерістер туралы есеп";

      осы инвестициялық ұсынысқа мемлекеттік жоспарлау жөніндегі орталық немесе жергілікті уәкілетті органның экономикалық қорытындысы.

      139. Қажет болған жағдайда, Инвестициялардың экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған тиiстi заңды тұлғалар жүргiзiлген сараптамаларда және/немесе тәуелсiз сараптамада, сондай-ақ ұсынылған құжаттамада қамтылмаған немесе толық қамтылмаған мәселелер бойынша қосымша ақпаратты талап етуге және (немесе) қосымша сараптамалар жүргiзе алады.

      Қосымша ақпаратқа қатысушылардың мемлекеттiк жоспарлау жөнiндегi орталық және жергiлiктi уәкiлеттi органға Инвестициялар ҚЭН-ін енгiзудiң алдындағы айдың соңғы күнiне жасалған қаржылық есептiлiгi, сондай-ақ қаржылық есептiлiкке түсiндiрме жазбалар жатады.

      Қосымша сараптамаларға мыналар:

      1) Инвестицияларға банктік сараптама;

      2) ведомстводан тыс кешенді сараптама;

      3) мемлекеттік уәкiлеттi органның салалық сараптама қорытындысы жатады.

      140. Егер Инвестициялар еншiлес, тәуелдi немесе үлестес ұйымдар болып табылмайтын Инвестициялар Алушының жарғылық капиталын қалыптастыру үшiн жоспарланған жағдайда, "Ретроспектива" бөлiмiнде "Қатысушылардың қаржылық жай-күйін талдау" параграфы болмайды.

      141. Егер Инвестициялар Қазақстан Республикасының акционерлік қоғамдар туралы заңнамасында белгiленген барынша аз жарғылық капитал мөлшерi бар акционерлiк қоғам ұйымдық-құқықтық нысанындағы не жарғылық капиталы жиырма бес мың еселенген айлық есептiк көрсеткiштен аспайтын мөлшердегi жауапкершiлiгi шектеулi серiктестiк немесе шаруашылық жүргізу құқығындағы мемлекеттік кәсіпорын ұйымдық-құқықтық нысанындағы заңды тұлғалардың жарғылық капиталын қалыптастыруға бағытталған жағдайда, мыналар Инвестициялар ҚЭН-нiң құрылымдық элементтерi болып табылады:

      1) Инвестициялар паспорты;

      2) "Ретроспектива" бөлiмi. Егер Инвестициялар еншiлес, тәуелдi немесе үлестес ұйымдар болып табылмайтын Инвестициялар Алушының жарғылық капиталын қалыптастыру үшiн жоспарланған жағдайда, "Ретроспектива" бөлiмiнде "Қатысушылардың қаржылық жай-күйін талдау" параграфы болмайды;

      3) "Институционалдық" бөлiмi;

      4) "Негiздеме" бөлiмi, оның ішінде:

      "Инвестициялар көлемi" тарауы "Инвестициялар көлемi" және "Айналым қаражатын толтыру" параграфтарын қамтиды;

      "Қаржыландырудың баламалы көздерi" тарауы, егер Инвестициялар Алушы еншiлес және/немесе үлестес ұйым болып табылған жағдайда;

      5) "Нәтиже" бөлiмi;

      6) егер Инвестициялар Алушы еншiлес, тәуелдi және/немесе үлестес ұйым болып табылған жағдайда, осы Қағидалардың 138-тармағының 1) және 2) тармақшаларында көрсетiлген ҚЭН-ге қосымшалар;

      7) тиісті мемлекеттiк уәкiлеттi органның салалық сараптамасы, егер Инвестициялар оның жауапты саласын қозғаған жағдайда;

      8) "Өнім өндiру бағдарламасы" осы Қағидаларға 20-қосымшаға сәйкес нысанда;

      9) "Өнімді іске асыру бағдарламасы" осы Қағидаларға 21-қосымшаға сәйкес нысанда;

      10) қаржылық модель, осы Қағидаларға 22-қосымшада көрсетілген "Қаржы моделіне қойылатын талаптар" нысанына сәйкес дайындалады;

      11) "Инвестициялар нәтижелерi" осы Қағидаларға 23-қосымшаға сәйкес нысанда;

      12) "ҚЭН іс-шараларының бюджеттік тиімділігі" осы Қағидаларға

      24-қосымшаға сәйкес нысанда.

      142. Егер Инвестициялар ҚЭН-і Қазақстан Республикасының акционерлік қоғамдар туралы заңнамасында белгiленген барынша аз жарғылық капитал мөлшерi бар акционерлiк қоғам ұйымдық-құқықтық нысанындағы не жарғылық капиталы жиырма бес мың еселiк айлық есептiк көрсеткiштен аспайтын мөлшердегi жауапкершiлiгi шектеулi серiктестiк немесе шаруашылық жүргізу құқығындағы мемлекеттік кәсіпорын ұйымдық-құқықтық нысанындағы заңды тұлғалардың жарғылық капиталын қалыптастыруға бағытталған жағдайда, Инвестициялар ҚЭН-і осы Қағидаларда белгiленген жалпы тәртiпке сәйкес әзiрленедi.

      143. Инвестициялар ҚЭН-і ББӘ бюджеттік бағдарламасында (кіші бағдарламасында) көзделген нәтиже көрсеткіштеріне қол жеткiзуге бағытталған iс-шараларды қаржылық қамтамасыз ету мақсатында әзiрленедi.

      144. Инвестициялар ҚЭН-інің түпнұсқасын, сондай-ақ осы Қағидалардың 138, 162 және 163-тармақтарында айтылған қосымша материалдарды, ББӘ – мемлекеттік органның бірінші басшысы не оны алмастыратын тұлға, не ББӘ – мемлекеттік органның бірінші басшысы әрбір Инвестиция бойынша жеке уәкілеттік берген тұлға қол қойған титулдық бланкiдегі жеке iлеспе хатпен ББӘ бередi.

      Бір ББӘ-нің құзыретіне жатқызуға болмайтын, экономиканың әртүрлі салаларындағы жобаларды іске асыруды көздейтін, ұлттық холдингтер мен ұлттық басқарушы холдингтің, сондай-ақ Қазақстан Республикасының аумағында халықаралық мамандандырылған көрмені ұйымдастыру және өткізу жөніндегі қызметті жүзеге асыратын ұйымның жарғылық капиталына мемлекеттің қатысуы арқылы бюджеттік инвестициялар бойынша ҚЭН-нің түпнұсқасы, сондай-ақ ББӘ – мемлекеттік органның бірінші басшысының не оны алмастыратын тұлғаның, не ББӘ – мемлекеттік органның бірінші басшысы әрбір Инвестициялар бойынша жеке уәкілеттік берген тұлғаның қолы қойылып ұсынылатын салалық сараптама қорытындысын қоспағанда, осы Қағидалардың 138, 162 және 163-тармақтарында көрсетілген құжаттар осы ұлттық холдингтер, ұлттық басқарушы холдинг және ұйымның бірінші басшыларының не оларды алмастыратын тұлғалардың қолы қойылып ұсынылады.

      Электрондық құжат айналымының бірыңғай жүйесі үшін құжаттар редакцияланбайтын графикалық форматта ұсынылады.

      Iлеспе хатта Инвестициялар ҚЭН-інің атауы, мәлiмделетiн сома және Инвестицияларды жүзеге асыру жылы, қоса берiлетiн құжаттардың тiзбесi көрсетiледi.

      Инвестициялардың ҚЭН-ін, сондай-ақ қосымша материалдарды, оның ішінде теріске шығаруларды, қосымша дәлелдемелерді немесе инвестициялардың ҚЭН-не өзгерістер енгізу туралы ақпаратты электрондық нысанда және инвестициялардың ҚЭН-ін әзірлеуге жауапты ББӘ құрылымдық бөлімшесінің басшысы электрондық цифрлық қолтаңба арқылы куәландырады.

      Бюджеттік кредиттеу бағдарламаларын, бюджеттік инвестициялық бағдарламаларды, сондай-ақ олардың түзетулерін жоспарлау және іске асыру кезінде "Самұрық – Қазына" Ұлттық әл-ауқат қоры" акционерлік қоғамының (бұдан әрі – Қор) еншілес және тәуелді ұйымдары әзірлеген ҚЭН мен тэн мақұлдауды Қор басқармасы жанындағы тиісті Комитет жүзеге асырады.

      9-1-параграф. Заңды тұлғалардың жарғылық капиталына мемлекеттік қатысуы арқылы іске асыру жоспарланған бюджеттік инвестициялардың қаржы-экономикалық негіздемесін түзету, оның ішінде құнының ұлғайюы көзделетін, сондай-ақ қажетті сараптамалар жүргізу тәртібі

      145. Қазақстан Республикасының заңнамасына сәйкес кейіннен қажетті сараптамалар жүргізе отырып, Инвестициялардың ҚЭН түзету мынадай:

      1) іс-шараларды, техникалық-технологиялық шешiмдердi толықтыруға және (немесе) өзгертуге, бекiтiлген iс-шараларға көзделген шығыстарды ұлғайтуға әкеп соғатын, белгiленген қаржылық-экономикалық параметрлер өзгерген;

      2) бұрын бөлінген қаражатты, оның ішінде заңды тұлғаның аффиирленген тұлғалары арасында, заңды тұлғаның және (немесе) олардың аффиирленген тұлғаларының мақсаттары мен міндеттері, сондай-ақ іс-шараларының өзгеруіне байланысты қайта бөлу талап етілген;

      3) тікелей және түпкілікті нәтижелер төмендеген;

      4) бекітілген ҚЭН шеңберінде жаңа іс-шара (іс-шаралар) немесе құрамдауыштарын іске асыруға бюджет қаражатын үнемдеу түрінде олардың жарғылық капиталына мемлекеттің қатысуы арқылы бюджеттік инвестицияларды іске асыру қорытындылары бойынша қалыптасқан квазимемлекеттік сектор субъектілерінің қолма-қол ақшаны бақылау шоттарындағы, ағымдағы шоттарындағы пайдаланылмаған қалдықтарды бағыттаған жағдайда жүргізіледі.

      Бюджет комиссиясында қаралмай және оның ұсынысынсыз, қажетті сараптамалардан өткен Инвестициялардың түзетілген ҚЭН-ін бекітуге жол берілмейді.

      Ағымдағы қаржы жылының төртінші тоқсанында квазимемлекеттік сектор субъектісінің қаржылық-экономикалық негіздемеде айқындалған тікелей және түпкілікті нәтижелердің көрсеткіштерін төмендетуді көздейтін бюджеттік инвестициялардың қаржылық-экономикалық негіздемесіне түзету жүргізуіне жол берілмейді.

      Бұрын бекітілген Инвестициялар ҚЭН салыстыстыра отырып, Инвестицялар ҚЭН-нің тиісті бөлімдерінде болжанатын өзгерістер бойынша негіздемелер мен есептеулерді келтірумен Инвестициялардың түзетілген ҚЭН-інің құрылымы мен мазмұны осы Қағидалардың 3-тарауы 9-параграфының ережелеріне сәйкес келеді.

      145-1. Экономикалық сараптама жүргізусіз және экономикалық қорытындыны алусыз Инвестициялар ҚЭН түзету мынадай:

      1) осы Қағидалардың 149-тармағында көзделген;

      2) техникалық шешімдерді өзгертуге әкелмейтін, бір іс-шара ішіндегі құрамдауыштар арасында қаражатты қайта бөлген;

      3) техникалық шешімдердің өзгеруіне және нәтижелердің төмендеуіне әкеп соқпайтын ҚЭН-ді қаржыландыру және (немесе) іске асыру мерзімдері өзгерген жағдайда жүргізіледі.

      146. Сметалық құнды ұлғайтуды болжайтын республикалық Инвестициялар мен стратегиялық және (немесе) әлеуметтік маңызы бар, сметалық құнын ұлғайту ЖСҚ-ны түзетуге немесе оған бекітілген ТЭН-де немесе үлгілік жобада көзделмеген қосымша бюджет шығыстарына алып келетін қосымша құрамдауыштарды енгізуге байланысты республикалық бюджеттен берілетін астананы дамытуға арналған нысаналы трансферттер есебінен іске асырылатын және республикалық бюджет туралы заңда белгіленген айлық есептік көрсеткіштің 1000000 астам еселенген мөлшерін құрайтын жергілікті Инвестицияларды қарау осы Қағидалардың

      151-тармағымен айқындалған тәртіппен жүзеге асырылады.

      147. Стратегиялық және (немесе) әлеуметтік маңызы бар, республикалық бюджеттен берілетін нысаналы даму трансферттері есебінен астанада іске асырылатын, сметалық құнын ұлғайту ЖСҚ-ны түзетуге немесе оған бекітілген ТЭН-де немесе үлгілік жобада көзделмеген, қосымша бюджет шығыстарына алып келетін қосымша құрамдауыштарды енгізуге байланысты, республикалық бюджет туралы заңда белгіленген тәртіппен айлық есептік көрсеткіштің 1000000 астам еселенген мөлшерін құрайтын жергілікті Инвестицияларды қоспағанда, жергілікті Инвестицияларды, сондай-ақ сметалық құнын ұлғайту болжанатын, нысаналы даму трансферттері мен жоғары тұрған бюджеттен бөлінетін кредиттер есебінен қаржыландыру жоспарланатын жергілікті Инвестицияларды қарауды мемлекеттік жоспарлау жөніндегі жергілікті уәкілетті орган осы Қағидалардың 151-тармағында айқындалған тәртіппен жүзеге асырады.

      148. Бір квазимемлекеттік сектор субъектісінің бір және одан көп ҚЭН-ін іске асыру қорытындылары бойынша бюджет қаражатын үнемдеу түрінде қалыптасқан қолма-қол ақшаның бақылау шоттарындағы, ағымдағы шоттарындағы пайдаланылмаған қалдықтарды жаңа жобаны (ларды) іске асыруға бағыттаған жағдайда Қазақстан Республикасының бюджет заңнамасында белгіленген тәртіппен жаңа БИ ҚЭН әзірлеу талап етіледі.

      Олардың жарғылық капиталына мемлекеттің қатысуы арқылы бюджеттік инвестицияларды іске асыру қорытындылары бойынша бюджет қаражатын үнемдеу түрінде қалыптасқан қолма-қол ақшаны бақылау шоттарындағы пайдаланылмаған қалдықтар квазимемлекеттік сектор субъектісінің тиісті органының Қазақстан Республикасының заңнамасына сәйкес қабылданған шешім бойынша бюджетке қайтарылуы мүмкін.

      Квазимемлекеттік сектор субъектісі алдыңғы бюджеттік инвестициялар қорытындысы бойынша қолма-қол ақшаны бақылау шоттарындағы үнемдеу қаражатын пайдаланбаған және (немесе) үнемдеу қаражаты бюджетке қайтарылмаған жағдайда, жаңа мемлекеттік инвестициялық жобаларды іске асыруға бағытталған, заңды тұлғалардың жарғылық капиталына мемлекеттің қатысуы арқылы бюджеттік инвестицияларды жоспарлау қолма-қол ақшаны бақылау шоттарындағы үнемдеу сомалары ескеріле отырып жүзеге асырылады.

      Квазимемлекеттік сектор субъектілерінің қолма-қол ақшаны бақылау шоттарына есепке жатқызылған тұрақсыздық айыбын (айыппұлды, өсімпұлды) төлеуден түскен қаражат тиісті бюджет кірісіне аударуға жатады.

      148-1. Егер үнемдеу сомасы республикалық бюджет туралы заңда белгіленген айлық есептік көрсеткіштің 50000 еселенген мөлшерінен аспайтын болса, үнемделген қаражатты квазимемлекеттік сектор субъектісінің басқару органының (құрылтайшының) шешімі бойынша, даму мақсаттарына (жаңғыртуға, активтер сатып алуға) пайдаланған жағдайда ҚЭН-ді түзету талап етілмейді.

      Үнемдеуді одан әрі пайдалану Инвестиялардың ҚЭН аяқталған кезде, бюджет қаражатын бөлген бюджеттік бағдарлама әкімшісімен келісім бойынша Инвестиялар ҚЭН-ның аяқталуын растайтын құжаттарды ұсынған және нәтиже көрсеткіштеріне қол жеткізген, пайдалануға беру актілерін (болған жағдайға), қазынашылық органдарының квазимемлекеттік сектор субъектісінің қолма-қол ақшаны бақылау шоттарындағы, ағымдағы шоттарындағы үнемдеу сомасы және қалдықтар туралы үзінді көшірмелерін ұсынған кезде мүмкін болады.

      149. Ұлттық валюта бағамының шетел валюта бағамына қатысты елеулі өзгеруі себебінен, техникалық шешімдердің өзгеруіне алып келмейтін, Инвестициялардың құны ұлғайған жағдайда, ҚЭН-ге түзету жүргізіледі, оның ішінде, ТЭН-ге және (немесе) ЖСҚ-ға кейіннен ведомстводан тыс кешенді сараптама жүргізуімен бұл ретте экономикалық сараптама және қорытынды талап етілмейді.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган аталған мәселені осы Қағидалардың 151-тармағында айқындалған тәртіппен тиісті бюджет комиссиясының қарауына шығарады.

      150. Қазақстан Республикасы Бюджет кодексінің 154-бабының 7-тармағына сәйкес түзету бойынша рәсімдер жүргізу кезінде бюджет заңнамасында белгіленген рәсімдер сақталмай бөлінген Инвестицияларды түзету қажет болған жағдайда бекітілген Инвестициялар ҚЭН-ін ұсыну, сондай-ақ экономикалық сараптама жүргізу және экономикалық қорытынды ұсыну талап етілмейді.

      151. Инвестициялардың ҚЭН-ін түзету мәселелерін, оның ішінде бекітілген іс-шаралардың құнын ұлғайтуды көздейтін мәселелерді тиісті бюджет комиссиясының қарауына шығару тәртібі екі кезеңмен жүзеге асырылады.

      Бірінші кезең:

      1) осы Қағидалардың 145-1-тармағында көзделген жағдайдан басқа, ББӘ-нің Инвестициялар ҚЭН-ін түзету бойынша инвестициялық ұсыныс әзірлеуі және мемлекеттік жоспарлау жөніндегі орталық немесе жергілікті уәкілетті органға ұсынуы;

      2) ББӘ ұсынатын құжаттар мен бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға мемлекеттік жоспарлау жөніндегі орталық немесе жергілікті уәкілетті органның Инвестициялар ҚЭН-ін түзету жөніндегі инвестициялық ұсынысқа берілген оң экономикалық қорытындысының негізінде Инвестициялар ҚЭН-ін түзетудің орындылығын айқындау бойынша тиісті бюджет комиссиясының шешімі. Осы Қағидалардың 145-1-тармағында көзделген жағдайларда, Инвестициялар ҚЭН-ін түзету бойынша инвестициялық ұсынысқа экономикалық қорытындының болуы талап етілмейді.

      Бірінші кезеңде Инвестициялар ҚЭН-ін түзету жөніндегі инвестициялық ұсыныстарды әзірлеу, қарау және іріктеу процесі осы Қағидалардың 2-тарауында айқындалған тәртіппен өтеді.

      Бірінші кезеңде осы Қағидалардың 146-тармағында көзделген, сметалық құнын ұлғайтуды республикалық бюджет қаражаты есебінен қаржыландыру болжанатын жергілікті Инвестициялар бойынша жергілікті атқарушы орган қорытынды дайындайды және жергілікті Инвестициялардың ТЭН-ін түзету мәселесін РБК-ның қарауына шығару үшін кейіннен бюджеттік жоспарлау жөніндегі орталық уәкілетті органға енгізу үшін осы тармақта көрсетілген құжаттарды қоса бере отырып, Инвестицияларды республикалық бюджеттік бағдарламаның тиісті әкімшісіне енгізеді.

      Құжаттаманың толық топтамасы ұсынылмаған не қымбаттаудың орын алуының айқын және негізді себептері берілмеген, сондай-ақ кінәлі адамдар немесе ұйымдар және оларға қолданылған шаралар (егер ондай болса) көрсетілмеген Инвестициялардың ҚЭН-ін түзету жөніндегі инвестициялық ұсыныстар бойынша олар сметалық құнын ұлғайту тұрғысынан қаралмайды.

      Инвестициялардың ҚЭН-ін түзетудің орындылығы мәселесін тиісті бюджет комиссиясының қарауына шығару үшін ББӘ 30 жұмыс күні ішінде бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға ББӘ - мемлекеттік органның бірінші басшысы не оны алмастыратын тұлға, не ББӘ - мемлекеттік органның бірінші басшысы әрбір Инвестиция бойынша жеке уәкілеттік берген тұлға қол қойған мына құжаттарды ұсынады:

      осы Қағидалардың 16-қосымшасына сәйкес нысан бойынша салыстырмалы кестені қоса бере отырып, Бірінші басшының іс-шараларға болжамды толықтырулар және (немесе) өзгерістер, инвестициялардың ҚЭН-в техникалық-технологиялық шешімдер, бекітілген іс-шараларға көзделген шығыстардың ұлғаюы көрсетілген электрондық цифрлық қолтаңбасы арқылы куәландырылған хабарлама-хат;

      ҚЭН-інің бастапқы параметрлері қоса берілген, оң экономикалық қорытынды алған Инвестициялар ҚЭН-ін (бар болса) бекiту туралы ББӘ (ББӘ құзыретіне жатқызуға болмайтын жобалардың экономиканың әртүрлі салаларында іске асырылуын көздейтін ұлттық холдингтер мен ұлттық басқарушы холдингтер) бұйрығының көшірмесі;

      Қазақстан Республикасы Бюджет кодексінің 154-бабында белгіленген рәсімдерді сақтаусыз тиісті бюджетте бекітілген жобаларды қоспағанда, бұрын ұсынылған Инвестициялар ҚЭН-іне мемлекеттiк жоспарлау жөнiндегi орталық немесе жергілікті уәкiлеттi органның оң экономикалық қорытындысының көшірмесі;

      сараптамалар қорытындысы және бұрын мемлекеттiк жоспарлау жөнiндегi уәкiлеттi органның оң экономикалық қорытындысы алынған Инвестициялардың ҚЭН-і;

      осы Қағидалардың 145-1-тармағында көзделген жағдайларда қоспағанда, ҚЭН-ді түзету жөніндегі инвестициялық ұсынысқа берілген мемлекеттiк жоспарлау жөнiндегi орталық немесе жергілікті уәкiлеттi органның оң экономикалық қорытындысы;

      мемлекеттік сатып алуды жүргізудің нәтижесінде үнемделген сома (егер үнемдеу болған жағдайда) көрсетіле отырып, Инвестициялар ҚЭН-інің іс-шараларын, оның ішінде ЖСҚ-ны әзірлеуден бастап, құрылыс қызметін болжайтын жобалар бойынша іс-шараларды іске асыру шеңберінде жасалған шарттар туралы ақпарат;

      іске асыру басталғаннан бастап әрбір жыл үшін бюджеттен Инвестициялар ҚЭН-інің іс-шараларын қаржыландыру. Бұл ақпаратқа, игерілмеу жағдайлары болған жағдайда оның себептері көрсетіле отырып, әрбір жылдың жоспары мен фактісі қоса беріледі;

      қымбаттауға алып келетін себептерді (мердігерлердің ББӘ шартта көрсетілген бағаны (сметаны) өсіру қажеттігі туралы уақтылы ескерткендігін растайтын хаттарының көшірмелерін қоса бере отырып) егжей-тегжейлі көрсету;

      қымбаттау олардың кінәсінен болған ұйым не жеке тұлға, сондай-ақ осындай ұйымға не жеке тұлғаға қатысты қабылданған шаралар;

      тиісті уәкілетті мемлекеттік органның ББӘ түсіндірмелерін қоса бере отырып, жоба құнын ұлғайтудың негізділігі мен дұрыстығын растайтын салалық сараптамасының қорытындысы, сала болмаған жағдайда ББӘ ұсынады;

      "Мемлекеттік аудит және қаржылық бақылау туралы" Қазақстан Республикасының Заңына сәйкес ішкі мемлекеттік аудит жөніндегі уәкілетті органның бюджет қаражатының нысаналы пайдаланылуы тұрғысынан, сондай-ақ жоба бойынша құжаттар берілген күннен бастап 6 (алты) айдан кешіктірмей белгіленген қаржыландыру басталған болса, бұзушылықтардың болмауы туралы актісі;

      бекітілген Инвестициялардың ҚЭН-інде көрсетілген көрсеткіштерге қол жеткізу не қол жеткізбеу туралы ақпаратты қамтитын түсіндірме жазба, оның ішінде бөлінген бюджет қаражаты толық игерілген қол жеткізу не қол жеткізбеу туралы ақпаратты қамтитын түсіндірме жазба.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган құжаттар топтамасын қарайды және олар бойынша қорытындыны тиісті бюджет комиссиясының қарауына енгізеді.

      ББӘ бюджет комиссиясының оң шешімін алған жағдайда, кейіннен Қазақстан Республикасының заңнамасына сәйкес қажетті сараптамаларды жүргізе отырып, Инвестициялар ҚЭН-іне тиісті түзетулерді енгізеді.

      Екінші кезең:

      1) осы Қағидалардың 145-1-тармағында көзделген жағдайларды қоспағанда, ББӘ-нің мемлекеттік жоспарлау жөніндегі орталық немесе жергiлiктi уәкiлеттi органға түзетiлген Инвестициялар ҚЭН-ін ұсынуы;

      2) тиісті бюджет комиссиясының түзетілген ҚЭН бойынша Инвестицияларды қаржыландыру туралы шешімі.

      Екінші кезеңде түзетілген Инвестициялар ҚЭН-ін қарауды мемлекеттік жоспарлау жөніндегі орталық немесе жергiлiктi уәкiлеттi орган ББӘ – мемлекеттік органның бірінші басшысының не оны алмастыратын тұлғаның, не ББӘ – мемлекеттік органның бірінші басшысы әрбір Инвестиция бойынша жеке уәкілеттік берген тұлғаның қолы қойылып ұсынылатын мына құжаттардың негізінде жүзеге асырады:

      осы Қағидаларға 16-қосымшаға сәйкес нысан бойынша салыстырмалы кестені қоса бере отырып, Бірінші басшының электрондық цифрлық қолтаңбасы арқылы куәландырылған, іс-шаралардың болжамды толықтыруларын және (немесе) өзгерістерін, инвестициялардың ҚЭН техникалық-технологиялық шешімдерін, бекітілген іс-шараларға көзделген шығыстардың ұлғаюына әкеп соғатын мән-жайлар мен себептерді көрсете отырып, хабарлама-хат;

      Инвестициялар ҚЭН-інің бастапқы параметрлері қоса берілген, оң экономикалық қорытынды алған Инвестициялар ҚЭН-ін (бар болса) бекiту туралы ББӘ (бір ББӘ құзыретіне жатқызуға болмайтын жобалардың экономиканың әртүрлі салаларында іске асырылуын көздейтін ұлттық холдингтер мен ұлттық басқарушы холдингтер) бұйрығының көшірмесі;

      Қазақстан Республикасы Бюджет кодексінің 154-бабында белгіленген рәсімдер сақталмай, тиісті бюджетте бекітілген жобаларды қоспағанда, бұрын ұсынылған Инвестициялардың ҚЭН-іне берілген мемлекеттiк жоспарлау жөнiндегi орталық немесе жергілікті уәкiлеттi органның оң экономикалық қорытындысының көшірмесі;

      сараптамалар қорытындылары және құжаттар, оның ішінде бұрын мемлекеттiк жоспарлау жөнiндегi уәкiлеттi органның оң қорытындысы алынған Инвестициялар ҚЭН-і;

      түзетiлген Инвестициялар ҚЭН-і;

      Инвестициялар ҚЭН-інің іс-шараларын іске асыру шеңберінде, оның ішінде ЖСҚ-ны әзірлеуден бастап, мемлекеттік сатып алуды жүргізудің нәтижесінде үнемделген соманы (егер үнемдеу болған жағдайда) көрсете отырып, құрылыс қызметін болжайтын жобалар бойынша жасалған шарттар туралы ақпарат;

      іске асыру басталғаннан бастап әрбір жыл үшін бюджеттен Инвестициялар ҚЭН-інің іс-шараларын қаржыландыру. Бұл ақпарат әрбір жылдың жоспары және фактісі, игерілмеу болған жағдайда, оның себептері көрсетіле отырып беріледі;

      қымбаттауға алып келетін себептерді (мердігерлердің ББӘ шартта көрсетілген бағаны (сметаны) өсіру қажеттігі туралы уақтылы ескерткендігін растайтын хаттарының көшірмелерін қоса бере отырып) егжей-тегжейлі көрсету;

      қымбаттау олардың кінәсінен болған ұйым не жеке тұлға, сондай-ақ осындай ұйымға не жеке тұлғаға қатысты қабылданған шаралар;

      тиісті уәкілетті мемлекеттік органның ББӘ түсіндірмелерін қоса бере отырып, жоба құнын ұлғайтудың негізділігі мен дұрыстығын растайтын салалық сараптама қорытындысы, сала болмаған жағдайда ББӘ ұсынады;

      Инвестициялардың түзетілген ТЭН-іне және (немесе) ЖСҚ-ына ведомстводан тыс кешенді сараптама қорытындысы;

      Инвестициялардың ҚЭН-інде көрсетілген іс-шаралардың іске асырылуын аяқтау үшін талап етілетін болжанған қосымша бюджет шығыстарының негіздемесі;

      "Мемлекеттік аудит және қаржылық бақылау туралы" Қазақстан Республикасының Заңына сәйкес ішкі мемлекеттік аудит жөніндегі уәкілетті органның бюджет қаражатының нысаналы пайдаланылуы тұрғысынан, сондай-ақ ескіру мерзімі құжаттар берілген күннен бастап 6 (алты) айдан аспайтын Инвестицияларды іске асыру шеңберінде бөлінген барлық бюджеттен тыс қаражатты қамтитын бұзушылықтардың болмауы туралы актісі;

      Инвестициялардың ҚЭН-ін қайта түзету кезінде ішкі мемлекеттік аудит және қаржылық бақылау салаларында басшылықты жүзеге асыратын уәкілетті органның бюджет қаражатын нысаналы пайдалану мәніне, сондай-ақ егер жоба бойынша қаржыландыру басталған болса, құжаттар ұсынылған күннен бастап 6 (алты) айдан кешіктірілмей бұзушылықтардың болмауы туралы актісі ұсынылады;

      Инвестициялар ҚЭН-ін түзетудің орындылығы туралы тиісті бюджет комиссиясы шешімінің көшірмесі;

      бекітілген ҚЭН-де көрсетілген көрсеткіштерге қол жеткiзуге немесе жеткіліксіздігінің себептері туралы ақпарат, оның ішінде келмей қалу себептерiн көрсете отырып, бөлінген бюджет қаражатты толық игеруі;

      құжаттарды ұсынған күнге дейін 1 (бір) айдан аспайтын мерзім бұрын түсірілген, объектінің нақты жай-күйі туралы толық түсінік беретін фото немесе бейне түсірілімдер материалдары.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергiлiктi уәкiлеттi орган ББӘ – мемлекеттік органның бірінші басшысының не оны алмастыратын тұлғаның, не ББӘ – мемлекеттік органның бірінші басшысы әрбір Инвестиция бойынша жеке уәкілеттік берген тұлғаның қолы қойылып ұсынылатын мына құжаттардың негізінде тиісті бюджет комиссияларының қарауына түзетілген Инвестициялар ҚЭН-і бойынша қаржыландырудың орындылығы мәселесін шығарады:

      осы Қағидаларға 16-қосымшаға сәйкес нысан бойынша салыстырмалы кестені қоса бере отырып, Бірінші басшының электрондық цифрлық қолтаңбасы арқылы куәландырылған, іс-шаралардың болжамды толықтыруларын және (немесе) өзгерістерін, инвестициялардың ҚЭН-в техникалық-технологиялық шешімдерін, бекітілген іс-шараларға көзделген шығыстардың ұлғаюына әкеп соғатын мән-жайлар мен себептерді көрсете отырып, хабарлама-хат;

      Инвестициялар ҚЭН-інің бастапқы параметрлері қоса берілген, оң экономикалық қорытынды алған Инвестициялар ҚЭН-ін (бар болса) бекiту туралы ББӘ (бір ББӘ құзыретіне жатқызуға болмайтын жобаларды экономиканың түрлі салаларында іске асырылуын көздейтін ұлттық холдингтер мен ұлттық басқарушы холдингтер) бұйрығының көшірмесі;

      Қазақстан Республикасы Бюджет кодексінің 154-бабында белгіленген рәсімдерді сақтаусыз тиісті бюджетте бекітілген жобаларды қоспағанда, бұрын ұсынылған Инвестициялар ҚЭН-іне берілген мемлекеттiк жоспарлау жөнiндегi орталық немесе жергілікті уәкiлеттi органның оң экономикалық қорытындысының көшірмесі;

      сараптамалар қорытындылары және құжаттар, оның ішінде бұрын мемлекеттiк жоспарлау жөнiндегi уәкiлеттi органның оң қорытындысы алынған Инвестициялардың ҚЭН-і;

      түзетiлген Инвестициялар ҚЭН-і;

      осы Қағидалардың 145-1-тармағында көрсетілген жағдайды қоспағанда, түзетiлген Инвестициялар ҚЭН-іне оң экономикалық қорытынды;

      ҚЭН-ді іске асыру шеңберінде, оның ішінде ЖСҚ-ны әзірлеуден бастап, мемлекеттік сатып алуды жүргізудің нәтижесінде үнемделген соманы (егер үнемдеу болған жағдайда) көрсете отырып, құрылыс қызметін болжайтын жобалар бойынша жасалған шарттар туралы ақпарат;

      іске асыру басталғаннан бастап әрбір жыл үшін бюджеттен Инвестициялар ҚЭН-інің іс-шараларын қаржыландыру. Бұл ақпарат әрбір жылдың жоспары және фактісі, игерілмеу болған жағдайда, оның себептері көрсетіле отырып беріледі;

      қымбаттауға алып келетін себептерді (мердігерлердің ББӘ шартта көрсетілген бағаны (сметаны) өсіру қажеттігі туралы уақтылы ескерткендігін растайтын хаттарының көшірмелерін қоса бере отырып) егжей-тегжейлі көрсету;

      қымбаттау олардың кінәсінен болған ұйым не жеке тұлға, сондай-ақ осындай ұйымға не жеке тұлғаға қатысты қабылданған шаралар;

      тиісті уәкілетті мемлекеттік органның ББӘ түсіндірмелерін қоса бере отырып, жоба құнын ұлғайтудың негізділігі мен дұрыстығын растайтын салалық сараптамасының қорытындысы, сала болмаған жағдайда ББӘ ұсынады;

      Инвестициялардың түзетілген ТЭН-іне және (немесе) ЖСҚ-ына ведомстводан тыс кешенді сараптама қорытындысы;

      Инвестициялардың ҚЭН-інде көрсетілген іс-шаралардың іске асырылуын аяқтау үшін талап етілетін болжанған қосымша бюджет шығыстарының негіздемесі;

      "Мемлекеттік аудит және қаржылық бақылау туралы" Қазақстан Республикасының Заңына сәйкес ішкі мемлекеттік аудит жөніндегі уәкілетті органның бюджет қаражатының нысаналы пайдаланылуы тұрғысынан, сондай-ақ ескіру мерзімі құжаттар берілген күннен бастап 6 (алты) айдан аспайтын Инвестицияларды іске асыру шеңберінде бөлінген барлық бюджеттен тыс қаражатты қамтитын бұзушылықтардың болмауы туралы актісі;

      құжаттарды ұсынған күнге дейін 1 (бір) айдан аспайтын мерзім бұрын түсірілген, объектінің нақты жай-күйі туралы толық көрініс беретін фото немесе бейне түсірілімдер материалдары.

      Бір ББӘ-нің құзыретіне жатқызуға болмайтын, экономиканың әртүрлі салаларындағы жобаларды іске асыруды көздейтін, ұлттық холдингтер мен ұлттық басқарушы холдингтің, сондай-ақ Қазақстан Республикасының аумағында халықаралық мамандандырылған көрмені ұйымдастыру және өткізу жөніндегі қызметті жүзеге асыратын ұйымның жарғылық капиталына мемлекеттің қатысуы арқылы бюджеттік инвестициялар бойынша түзетілген ҚЭН-нің түпнұсқасы, сондай-ақ мемлекеттік органның бірінші басшысының не оны алмастыратын тұлғаның, не мемлекеттік органның бірінші басшысы әрбір Инвестициялар бойынша жеке уәкілеттік берген тұлғаның қолы қойылып ұсынылатын салалық сараптама қорытындысын қоспағанда, Қағидалардың осы тармағында көрсетілген құжаттар осы ұлттық холдингтер, ұлттық басқарушы холдинг және ұйымның бірінші басшыларының не оларды алмастыратын тұлғалардың қолы қойылып ұсынылады.

      152. Құжаттамасының толық топтамасы ұсынылмаған не қымбаттаудың орын алуының айқын және негізді себептері берілмеген, сондай-ақ кінәлі тұлғалар немесе ұйымдар және оларға қолданылған шаралар (егер ондай болса) көрсетілмеген ҚЭН сметалық құнын ұлғайту тұрғысынан қаралмайды.

      153. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган осы Қағидалардың 151-тармағында көрсетілген құжаттар топтамасын қарайды және түзетілген Инвестициялардың ҚЭН-і бойынша Инвестициялар құнын ұлғайту бойынша қорытындыны тиісті бюджет комиссиясының қарауына шығарады.

      154. Тиісті бюджет комиссиясы іріктеген, сметалық құнын ұлғайту болжанған Инвестициялар бюджет заңнамасында белгіленген тәртіппен тиісті бюджетке енгізіледі.

      10-параграф. Заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестицияларды іріктеу тәртібі

      155. Инвестициялардың экономикалық сараптамасы іс-шаралардың негiздiлiк және нәтижелiлiк критерийлеріне сәйкестiгiн айқындау мақсатында жүргiзiледi.

      Коммерциялық емес акционерлік қоғам, жедел басқару құқығындағы мемлекеттік қазыналық кәсіпорын нысандағы Инвестицияларға экономикалық сараптама жүргізген жағдайда қаржылық тиімділік бөлігінде осы қоғамның қызметі шығынсыз болған жағдайда нәтижелілік критерийлері талап етілмейді.

      156. Республикалық бюджет есебінен заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялардың экономикалық сараптамасын Инвестициялардың экономикалық сараптамасын жүзеге асыруға Қазақстан Республикасының Үкіметі айқындаған заңды тұлға жүзеге асырады.

      157. Жергілікті бюджет есебінен заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялардың экономикалық сараптамасын Инвестициялардың экономикалық сараптамасын жүзеге асыруға жергілікті атқарушы орган айқындаған заңды тұлға жүзеге асырады.

      158. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен сәттен бастап 2 (екі) жұмыс күні ішінде осы Қағидалардың 3-тарауының 9-параграфында көзделген құжаттар болмаған жағдайда оларды ББӘ-ге қайтарады.

      Осы Қағидалардың 3-тарауының 9-параграфында көзделген құжаттардың толық топтамасы болған жағдайда, 1 (бір) жұмыс күні ішінде Инвестицияларға экономикалық сараптама жүргізу үшін Инвестициялардың ҚЭН-ін немесе түзетілген Инвестициялар ҚЭН-ін:

      1) мемлекеттік жоспарлау жөніндегі орталық уәкілетті орган Инвестициялардың экономикалық сараптамасын жүзеге асыруға Қазақстан Республикасының Үкіметі айқындаған заңды тұлғаға;

      2) мемлекеттік жоспарлау жөніндегі жергілікті уәкілетті органдар Инвестициялардың экономикалық сараптамасын жүзеге асыруға жергілікті атқарушы органдар айқындайтын заңды тұлғаларға жібереді.

      159. Инвестициялардың экономикалық сараптамасының қорытындылары Инвестициялардың экономикалық сараптамасының қорытындысы (бұдан әрi – Қорытынды) түрiнде ресiмделедi.

      160. Қорытынды Инвестициялар ҚЭН-ін:

      1) мемлекеттік жоспарлау жөніндегі орталық уәкілетті орган Қазақстан Республикасының Үкіметі Инвестициялардың экономикалық сараптамасын жүзеге асыру үшін айқындаған заңды тұлғаға;

      2) мемлекеттік жоспарлау жөніндегі жергілікті уәкілетті органдар Инвестициялардың экономикалық сараптамасын жүзеге асыру үшін жергілікті атқарушы органдар айқындайтын заңды тұлғаларға ұсынғаннан кейін 26 (жиырма алты) жұмыс күні ішінде дайындалады.

      Жарғылық капиталды ең аз мөлшерде қалыптастыруға арналған Инвестициялар жағдайында қорытынды 20 (жиырма) жұмыс күні ішінде дайындалады.

      162. Осы Қағидалардың 122-тармағында көрсетілген құрылымға сәйкес келмеуі және (немесе) осы Қағидалардың 123-137-тармақтарында көрсетілген бөлімдердің, тараулардың және параграфтардың болмауы және (немесе) осы Қағидалардың 138, 140-142-тармақтарында көрсетілген құжаттардың болмауы анықталған жағдайда, Инвестициялардың экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған тиісті заңды тұлға 10 (он) жұмыс күні ішінде (жарғылық капиталын ең аз мөлшерде қалыптастыруға Инвестициялар берілген жағдайда 5 (бес) жұмыс күні ішінде) Инвестициялардың экономикалық сараптамасының нәтижелері бойынша қажетті/пысықталған ақпараттарды ұсыну және/немесе жүргізілген сараптамаларда қамтылмаған немесе толық қамтылмаған мәселелер бойынша қосымша сараптама жүргізу бойынша сұрату (бұдан әрі - Сұрату) дайындайды.

      Сұрату жіберілген күннен бастап және қажетті ақпарат ұсынылғанға дейін экономикалық сараптама жүргізу мерзімдері тоқтатыла тұрады.

      ББӘ қажетті ақпаратты хат пен сұрау салудың сканерленген көшірмелерін алған күннен бастап 30 (отыз) жұмыс күні ішінде ұсынады.

      Қосымша материалдар ұсынылған кезде олардың толық тізбесі көрсетіледі, оның ішінде Инвестициялар ҚЭН-і осы Қағидалардың 122-тармағында көрсетілген құрылымға сәйкес ұсынылған жағдайда, бұрын ұсынылған Инвестициялар ҚЭН-інің қайтарып алынуы туралы көрсетіледі.

      Белгіленген мерзімдерде қосымша материалдардың ұсынылмауы теріс Қорытындыны жасау үшін негіз болып табылады. Инвестициялар ҚЭН-і мемлекеттік жоспарлау жөніндегі орталық немесе жергілікті уәкілетті органға сканерленген көшірмелерді ұсынудың белгіленген мерзімі өткен күннен бастап 2 (екі) жұмыс күнінен кешіктірілмейтін мерзімде хатпен қайтарылады

      Осы Қағидалардың 122-138-тармақтарында көзделген құрылымға сәйкес келмеу және (немесе) бөлімдердің, тараулар мен параграфтардың және (немесе) құжаттардың болмауы қайта анықталған жағдайда, Инвестициялар ҚЭН-і қосымша материалдардың сканерленген көшірмелері алынған күннен бастап 3 (үш) жұмыс күні ішінде мемлекеттік жоспарлау жөніндегі орталық немесе жергілікті уәкілетті органға, Сұратуды қоса бере отырып, Қорытынды жасалмай хатпен қайтарылады.

      165. Қорытынды мынадай элементтердi қамтиды:

      1) тақырыбы;

      2) "Инвестициялар паспорты" бөлiмi;

      3) "Қорытынды" бөлiмi;

      4) қойылатын қолдар;

      5) күнi;

      6) мекенжайы.

      7) 1-қосымша "Құжаттар";

      8) 2-қосымша "Ретроперспектива";

      9) 3-қосымша "Негiздiлiк";

      10) 4-қосымша "Нәтижелiлiк".

      166. Қорытындының Инвестициялар атауы көрсетiлген тақырыбы, сондай-ақ Қорытындыны дайындаған ұйымның атауы болады.

      167. "Инвестициялар паспорты" бөлiмi осы Қағидаға 17-қосымшаға сәйкес нысанда ресiмделедi.

      168. "Тұжырымдар" деген бөлiм мынадай құрылымға сәйкес келедi:

      1) "Негiзділік" деген тарау, Инвестициялар көлемдерiн, оның ішінде жылдар бойынша растау немесе растамау туралы, сондай-ақ баламалы көздерден қаржыландыру мүмкiндiгi немесе мүмкін еместігі туралы ақпарат келтiрiледі;

      2) "Нәтижелілік" деген тарау, онда Инвестициялардың экономикалық, қаржылық тиімділігі, тiкелей және түпкiлiктi нәтижелерге қол жеткізу мүмкiндiгi немесе мүмкін еместігі туралы ақпарат келтіріледі.

      169. "Қорытындылар" деген бөлiмде Инвестициялардың, оның ішінде іс-шаралардың және инвестициялық кезеңнің жылдары бөлінісінде расталған көлемін көрсете отырып, іс-шаралардың өлшемшарттарына сәйкестiгіне қатысты пiкiр айтылады, бұл ретте:

      1) оң қорытынды, егер іс-шаралар өлшемшарттарға сәйкес келсе;

      2) іс-шаралар бір немесе екі өлшемшартқа сәйкес келмегенде теріс қорытынды не МИЖ іске асырудың басқа түрлері мен тәсілдері айқындалса;

      3) іс-шаралар өлшемшарттарға сәйкес келсе ескертпелері бар оң қорытынды, алайда экономикалық сараптама жүргізу барысында төменде келтірілген тiзбемен шектелмей, мынадай фактілер анықталғанда:

      бұрын жасалған Инвестицияларға байланысты тікелей және (немесе) түпкілікті нәтижелерге қол жеткізілмеген;

      Инвестициялар Алушы қызметiнiң үздiксiздігі мүмкiндiгiне күмән туындаған кезде.

      Төменде қатысушылар қызметiнiң үздiксiздiгiне жеке алғанда немесе жиынтығында күмән тудыруы мүмкiн оқиғалар мен жағдайлар мысалы келтiрiледi.

      Қаржылық оқиғалар немесе жағдайлар:

      ағымдағы мiндеттемелердiң ағымдағы активтерден артық болуы;

      өтеу мерзiмi жақындаған мiндеттемелердiң болуы, оларды өтеудiң немесе қарыз мерзiмiн ұзарту перспективасы нақты болмаған жағдайда;

      ағымдағы қарыздардың есебiнен ұзақ мерзiмдi активтердi қаржыландыру;

      борышкерлердiң өтеу мерзiмi өткен талаптарының елеулi сомасының болуы;

      қаржылық есептiлiкте берілген деректермен расталған операциялық қызмет бойынша терiс сальдо;

      қаржылық есептiлiкте берілген деректермен расталған жалпы пайданың терiс мәні және (немесе) шығындардың болуы;

      ақша түсімдерін алудың негізі ретінде қолданылатын активтер құнының едәуір төмендеуі;

      орындалу мерзімі өткен міндеттердің елеулі сомасының болуы;

      өнімдерді жеткізу бойынша шарттардың талаптарын сақтау қабілетсіздігі;

      Инвестициялар Алушының қаржылық жағдайының талдауы Инвестициялар Алушыда қосылған құн салығы (бұдан әрі - ҚҚС) бойынша шығыстарды дербес төлеу мүмкіндігі бар екендігін көрсеткен жағдайда, сатып алынатын тауарлар мен көрсетілетін қызметтер бойынша ҚҚС сомасының Инвестициялар көлемінен алып тасталуы;

      капиталдандырылатын болып табылмайтын шығыстардың Инвестициялар көлемінен алып тасталуы.

      Операциялық оқиғалар немесе шарттар:

      лайықты ауысымы жоқ негізгі басқарушылық персоналдың кетуi;

      негiзгi нарықты, франшизаны, лицензияларды, негiзгi өнім берушілерді немесе тұтынушыларды жоғалту;

      өнім бағаларының төмендеуі немесе өнім берушілердің өніміне бағаның арттуы.

      Басқа да оқиғалар немесе шарттар:

      пруденциялық нормативтердің орындалмауы;

      жасалған шарттарға, оның iшiнде қарыздарға сәйкес белгiленген ковенанттардың орындалмауы;

      қатысушылардың қаржы-шаруашылық қызметіне теріс ықпал етуі мүмкін Қазақстан Республикасы заңнамасының талаптары.

      Ескертпелері бар оң қорытындыда ескертпелері бар пiкiр білдіруге ықпал еткен факторлар сипатталады.

      Экономикалық қорытындының ескертпелері тиісті жобаны басқару жоспары шеңберінде Инвестицияларды іске асыру кезінде ескеріледі.

      170. Қорытындыны оны дайындаған ұйымның басшысы немесе оған уәкiлеттi тұлға бекiтедi және оған Қорытындыны дайындаған ұйымның орындаушысы қолы қояды.

      Қойылған қолдар Қорытындыны дайындаған ұйымның мөрiмен бекітіледі.

      171. Қорытындыға олардың негізінде Инвестициялар ҚЭН-і іс-шараларының критерийлерге сәйкестігi жөнінде пiкiр қалыптастырылған, жеткiлiктi және сенiмдi дәлелдер алынған күннен ерте емес күн қойылады.

      172. Қорытындыға "Құжаттар" деген 1-қосымшада мыналардың әрқайсысының:

      1) осы Қағидалардың 138-тармағында жазылған талаптарға сәйкес ұсынылған құжаттың, сондай-ақ қосымша ұсынылған әр құжаттың атауы;

      2) орындаушы сараптама жүргiзу барысында басшылыққа алған техникалық және технологиялық стандарттары бар нормативтiк құқықтық актi мен нормативтiк актiнiң, сондай-ақ пайдаланылған ақпараттық және статистикалық материалдар, шолулар мен басқа да құжаттар атауы көрсетiледi.

      173. Қорытындыға "Ретроперспектива" деген 2-қосымшада бұрын бөлінген және игерілген қаражат жөніндегі, оның ішінде ағымдағы бағдарламалар бойынша, ақпараттың егжей-тегжейлі сипаттамасы келтіріледі.

      174. Қорытындыға "Негiздiлiк" деген 3-қосымшада негiздiлiк критерийі бойынша пікір білдіруге ықпал еткен факторлардың егжей-тегжейлі сипаттамасы келтіріледі;

      175. Қорытындыға "Нәтижелiлiк" деген 4-қосымшада нәтижелілік критерийі бойынша пікір білдіруге ықпал еткен факторлардың егжей-тегжейлі сипаттамасы келтіріледі

      176. Түзетiлген Инвестициялар ҚЭН қорытындысының құрылымы және мазмұны осы Қағидалардың ережелерiне сәйкес болуы тиiс.

      177. Мемлекеттік жоспарлау жөніндегі орталық немесе жергілікті уәкілетті орган түзетілген Инвестициялардың ҚЭН-ін қарайды және осы Қағидаларға 25-қосымшаға сәйкес нысан бойынша экономикалық қорытынды дайындайды.

      Түзетілген Инвестициялар ҚЭН-іне экономикалық қорытынды Қазақстан Республикасының Үкіметі және жергілікті атқарушы органдар Инвестициялардың экономикалық сараптамасын жүзеге асыру үшін айқындайтын заңды тұлғалардың экономикалық сараптамалары негізінде Қорытынды алынған күннен бастап 5 (бес) жұмыс күні ішінде дайындалады.

      178. Мемлекеттік жоспарлау жөніндегі орталық немесе жергілікті уәкілетті орган ББӘ-нің Инвестицияларды жүзеге асыру туралы ұсыныстарын және олардың Инвестициялар ҚЭН-ін стратегиялық және (немесе) өздері әзірлеген даму құжаттарына, Қазақстан Республикасының заңнамасына сәйкестігі тұрғысынан қарайды және олар бойынша осы Қағидаларға 25-қосымшаға сәйкес нысан бойынша экономикалық қорытынды дайындайды.

      Инвестициялар бойынша экономикалық қорытынды Инвестицияларды жүзеге асырудың экономикалық орындылығы, олардың ел экономикасына әсері және стратегиялық және (немесе) өздері әзірлеген даму құжаттарына сәйкестігі тұрғысынан дайындалады.

      Республикалық және жергілікті бюджет қаражаты есебінен Инвестициялардың экономикалық қорытындысы Қорытынды алынған күннен бастап 5 (бес) жұмыс күні ішінде Қазақстан Республикасының Үкіметі және жергілікті атқарушы органдар Инвестициялардың экономикалық сараптамасын жүзеге асыру үшін айқындайтын заңды тұлғалардың экономикалық сараптамалары негізінде дайындалады.

      179. Инвестицияларды iрiктеуді және тиісті бюджет комиссиясының қарауына шығаруды бюджеттiк жоспарлау жөнiндегi орталық уәкілетті орган және мемлекеттік жоспарлау жөніндегі жергiлiктi уәкiлеттi органдар ББӘ Қазақстан Республикасы Бюджет кодексінің 66-бабында көрсетілген құжаттарды ұсынған жағдайда жүзеге асырады.

      180. Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган ББӘ-нің Инвестицияларды жүзеге асыру туралы ұсыныстарын және олардың ҚЭН-ін қаржы қаражатымен қамтамасыз етілу, растайтын құжаттарының болуы тұрғысынан қарайды және олар бойынша қорытындыны МИЖ-дің инвестициялық ұсынысына оң экономикалық қорытындыны, Инвестициялар бойынша экономикалық қорытындыны ескере отырып, Қазақстан Республикасының бюджет заңнамасына сәйкес бюджет комиссиясының қарауына енгізеді.

      Жергілікті атқарушы органдарға нысаналы даму трансферттері мен бюджеттік кредиттер беруге бағытталған бюджеттік бағдарламаларға берілетін бюджеттік өтінімдер бойынша бюджеттік жоспарлау жөніндегі орталық уәкілеттік органның қорытындылары мемлекеттік жоспарлау жөніндегі орталық уәкілетті органның қорытындысы есепке алынып қалыптастырылады.

      181. Инвестициялар бойынша оң экономикалық қорытынды мен тиiстi бюджет комиссиясының оң шешiмi негiзiнде Инвестициялар тиiстi бюджет жобасына қосылады.

      Инвестицияларды іске асыруға арналған шығыстар ҚЭН-де айқындалған бюджеттік инвестицияларды іске асыру мерзімдеріне сәйкес бюджет жобасына қосылады.

      Мемлекеттік кәсіпорын нысанындағы заңды тұлғалардың жарғылық капиталына мемлекеттің қатысуы арқылы іске асырылуы жоспарланатын бюджеттік инвестициялар бойынша ТЭН немесе ЖСҚ-ға ведомстводан тыс кешенді сараптаманың нәтижелері бойынша тиісті бюджет жобасына жобаларды іске асырудың жалпы құны қосылады.

      182. Инвестициялар ҚЭН-ін осы ұлттық холдингтер мен ұлттық басқарушы холдингтер бекітетін бір ББӘ құзыретіне жатқызуға болмайтын жобаларды экономиканың түрлі салаларында іске асырылуын көздейтін ұлттық холдингтер мен ұлттық басқарушы холдингтердің Инвестицияларын қоспағанда, оң экономикалық қорытынды және тиiстi бюджет комиссиясының оң шешiмiн алған Инвестициялар ҚЭН-і немесе түзетілген Инвеcтициялар ҚЭН-і Қазақстан Республикасының бюджет заңнамасына сәйкес ББӘ бекітуіне жатады. оң экономикалық қорытынды мен тиiстi бюджет комиссиясының оң шешiмiн алған Инвестициялар ҚЭН-ін немесе түзетілген Инвестициялар ҚЭН-ін Қазақстан Республикасының бюджет заңнамасына сәйкес ББӘ бекiтуі тиiс.

      182-1. ҚЭН бекітілгеннен кейін үш жыл ішінде жоба іске асырылуы басталмаған Инвестициялардың ҚЭН, оның ішінде түзетілген, бойынша экономикалық қорытынды ескірген болып есептеледі.

11-параграф. Қаржы агенттіктерінің мемлекеттік инвестициялық саясатты іске асыруын бюджеттік кредиттеудің қаржылық-экономикалық негіздемесін әзірлеу тәртібі

      Ескерту. 11-параграфпен алып тасталды – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

12-параграф. Қаржы агенттіктерінің мемлекеттің инвестициялық саясатын іске асыруын бюджеттік кредиттеудің қаржылық-экономикалық негіздемесін қарау тәртібі

      Ескерту. 12-параграфпен алып тасталды – ҚР Ұлттық экономика министрінің 05.09.2018 № 14 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

3-1-тарау. Төмен тұрған бюджеттердiң қолма-қол ақша тапшылығын жабуға бағытталатын бюджеттік кредиттерді қоспағанда, мемлекеттік бюджеттен бюджеттік кредит беру ретінде қаражат бөлудің орындылығын қарау мен айқындау тәртібі

      Ескерту. 3-1-тараумен толықтырылды – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1-параграф. Жалпы ережелер

      182-2. Бюджеттік кредиттер:

      1) ағымдағы қаржы жылына арналған бекітілген республикалық бюджетте;

      2) мәслихаттар шешімімен бекітілген ағымдағы қаржы жылына арналған жергілікті бюджеттердің тиісті бюджеттік бағдарламаларында көзделген мақсаттарға және сомалар шегінде беріледі.

      182-3. Бюджеттік кредиттер беру мынадай:

      1) бюджеттік кредитті кредит шартына сәйкес өтеу міндеттілігін көздейтін қайтарымдылық;

      2) міндеттемелердің орындалуын Қазақстан Республикасының заңнамасында белгіленген тәсілдермен қамтамасыз етудің болуын көздейтін қамтамасыз етілу;

      3) бюджеттік кредитті бергені үшін қарыз алушының сыйақы төлеуін көздейтін ақылылық;

      4) бюджеттік кредитті беру мерзімін белгілеуді көздейтін мерзімділік қағидаттарына сәйкес жүзеге асырылады.

      182-4. Қарыз алушылар, түпкілікті қарыз алушылар, сондай-ақ бюджеттік кредит беру шарттары Қазақстан Республикасының бюджет заңнамасына сәйкес айқындалады.

      182-5. Республикалық бюджеттен, облыстық және аудандық (облыстық маңызы бар қалалар) бюджеттерден берілетін бюджеттік кредиттер бюджеттік инвестициялық жобаларды іске асыруға, мемлекеттің әлеуметтік саясатының міндеттерін шешуге және қаржы жылы ішінде қолма-қол ақшаның болжамды тапшылығы жағдайында тиісінше облыстық бюджеттерге, республикалық маңызы бар қалалардың, астананың бюджеттеріне, аудандық (облыстық маңызы бар қалалар) бюджеттерге және аудандық маңызы бар қалалар, ауылдар, кенттер, ауылдық округтер бюджеттеріне берілуі мүмкін.

      182-6. Бюджеттік кредиттер Қазақстан Республикасының бюджет заңнамасында айқындалған шарттар мен өлшемшарттар сақталған кезде беріледі.

      182-7. Бюджеттік кредиттер заңды тұлғалардың жарғылық капиталына қатысу, қарыз алушылардың шаруашылық қызметі шығындарының орнын толтыру, сенім білдірілген өкілдердің (агенттердің) қызметтеріне ақы төлеу мақсаттарына берілмейді.

      Заңды тұлғаның шаруашылық қызметінің нәтижесінде пайда болған ақша нысанында көрсетілген шығын, материалдық және ақша ресурстарын азайтуға әкеп соқтыратын шығыстардың кірістерден асып түсуі шаруашылық қызметінің шығындары деп түсініледі.

      182-8. Мемлекеттік жоспарлау жөніндегі орталық немесе жергілікті уәкілетті орган ББӘ бюджеттік кредит беру арқылы іске асыруға ұсынып отырған бюджеттік бағдарламаларды олардың бюджеттік кредит беру өлшемшарттарына сәйкестігі тұрғысынан қарайды.

      182-9. Республикалық бюджет қаражаты есебінен бюджеттік кредит берудің орындылығын айқындауды төмен тұрған бюджеттердің қолма-қол ақша тапшылығының орнын толтыруға бағытталған бюджеттік кредиттерді қоспағанда, мемлекеттік жоспарлау жөнiндегi орталық уәкiлеттi орган жүзеге асырады.

      Жергілікті бюджет қаражаты есебінен бюджеттік кредит берудің орындылығын айқындауды төмен тұрған бюджеттердің қолма-қол ақша тапшылығының орнын толтыруға бағытталған бюджеттік кредиттерді қоспағанда, мемлекеттік жоспарлау жөнiндегi жергілікті уәкiлеттi орган жүзеге асырады.

      182-10. Бюджет комиссиясы бюджеттік кредиттер беруге бағытталған бюджеттік бағдарламаны тиісті бюджет жобасына енгізу бойынша ұсыныстар әзірлейді.

      2-параграф. Бюджеттік бағдарламалардың әкімшісі

      182-11. ББӘ бюджеттік кредиттеу кезінде кредиттік шарттың тарапы болып табылады және:

      1) қаржы агенттіктерін және тұрғын үй-коммуналдық шаруашылықты жаңғырту мен дамыту жөніндегі ұйымды және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияны қоспағанда, мамандандырылған ұйымдар мен сенім білдірілген өкілдерді (агенттерді) конкурстық негізде айқындауды;

      2) бюджеттік кредиттердің нысаналы және тиімді пайдаланылуын, өтелуі мен оларға қызмет көрсетілуін бақылауды және мониторингтеуді жүзеге асырады.

      182-12. ББӘ ағымдағы қаржы жылына арналған бюджеттік өтінімдерді жасайды және оларды бюджетті жоспарлау жөніндегі орталық уәкілетті органға немесе мемлекеттік жоспарлау жөніндегі тиісті жергілікті уәкілетті органға ұсынады.

      182-13. ББӘ немесе бюджеттің атқарылуы жөніндегі уәкілетті орган Қазақстан Республикасының мемлекеттік сатып алу туралы заңнамасына сәйкес тұрғын үй-коммуналдық шаруашылықты жаңғырту және дамыту жөніндегі қаржы агенттігін және ұйымдарды қоспағанда, сенім білдірілген өкілді (агентті) айқындайды.

      Тапсырма шартының негізінде кредитордың (сенімгердің) немесе ББӘ атынан және оның есебінен және оның нұсқауларына сәйкес бюджеттік кредит беруге байланысты белгілі бір тапсырмаларды жасайтын тұлға сенім білдірілген өкіл (агент) болып табылады.

      Банк, банк операцияларының жекелеген түрлерін жүзеге асыратын ұйым немесе акцияларының бақылау пакеті мемлекетке немесе Қазақстан Республикасының резиденттері болып табылатын ұлттық холдингке не ұлттық басқарушы холдингке тиесілі ұйым сенім білдірілген өкілдер (агенттер) бола алады.

      3-параграф. Бюджеттік кредит берудің орындылығын айқындау кезінде сыйақы мөлшерлемелерін белгілеу тәртібі

      182-14. Жергілікті атқарушы органдарға, қаржы агенттіктеріне, азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияға бюджеттік кредиттер бойынша, сондай-ақ қарыз алушылар ретінде жергілікті атқарушы органдар түпкілікті қарыз алушыларға мемлекеттің әлеуметтік саясатының міндеттерін шешуге беретін бюджеттік кредиттер бойынша сыйақы мөлшерлемелерін қоспағанда, бюджеттік кредиттер бойынша сыйақы мөлшерлемесі айналыс мерзімі бюджеттік кредиттің мерзіміне сәйкес келетін мемлекеттік бағалы қағаздар бойынша кірістіліктің орташа өлшемді мөлшерлемесінен төмен болмайтын шамада белгіленеді.

      182-15. Инвестициялық жобаларды іске асыру кезінде бюджеттік кредит бойынша сыйақы мөлшерлемесі мынадай реттілікпен айқындалады: түпкілікті қарыз алушылар үшін – қарыз алушылар үшін. ББӘ жобаны іске асыруға мүмкіндік беретін кірістілік мөлшерлемесі және қарыз алушылардың маржасына салынатын параметрлердің шамалары бойынша есептеулер мен негіздемелерді ұсынады.

      Инвестициялық жобаларды іске асыру кезінде түпкілікті қарыз алушы үшін сыйақы мөлшерлемесі жобаның қаржылық-экономикалық тиімділігіне байланысты есептеу жолымен белгіленеді және ішкі кірістілік нормасының мәніне тең болады.

      Бұл ретте агроөнеркәсіптік кешен субъектілеріне берілетін кредиттер бойынша сыйақы мөлшерлемесін қоспағанда, түпкілікті қарыз алушы үшін мамандандырылған ұйым белгілейтін сыйақы мөлшерлемесінің көлемі айналыс мерзімі бюджеттік кредит мерзіміне сәйкес келетін бюджеттің атқарылуы жөніндегі орталық уәкілетті орган эмитенттеген тиісті мемлекеттік эмиссиялық бағалы қағаздар бойынша өткен тоқсанда бағалы қағаздардың ұйымдасқан қайталама нарығындағы операциялардың нәтижелері бойынша қалыптасқан кірістің орташа өлшенген мөлшерлемесінен төмен емес деңгейде белгіленетін екі еселенген сыйақы мөлшерлемесінен аспайды.

      Мемлекеттің әлеуметтік саясатының міндеттерін шешуге және қаржы агенттіктерінің мемлекеттік инвестициялық саясатты іске асыруына бюджеттік кредит беру кезінде салымшыларға тұрғын үй жағдайларын жақсарту жөніндегі іс-шараларды жүргізуге аралық тұрғын үй қарыздарын және алдын ала тұрғын үй қарыздарын беру жөніндегі қызметті жүзеге асыратын қаржы агенттіктерін қоспағанда, Қарыз алушының маржасы инвестициялық жобаларды іске асыруға агроөнеркәсіптік кешен саласында кредит беру салынатын операциялық шығыстардың шамасынан, және жыл сайын бюджеттік кредит сомасының 0% - дан 1,5% - на дейін құрайды.

      Тұрғын үй жағдайларын жақсарту жөніндегі іс-шараларды жүргізуге аралық тұрғын үй және алдын ала тұрғын үй қарыздарын беру жөніндегі қызметті жүзеге асыратын қаржы агенттіктерінің түпкілікті қарыз алушысы үшін сыйақы мөлшерлемесінің мөлшері маржаны ескере отырып жылдық 9,5% - дан аспайды, инвестициялық жобаларды іске асыруға агроөнеркәсіптік кешен саласындағы кредит беру маржаны ескере отырып жылдық 6% - дан аспайды.

      182-16. Облыстардың, республикалық маңызы бар қалалардың, астананың жергілікті атқарушы органдарына бюджеттік кредиттер бойынша сыйақы мөлшерлемесі 182-14-тармақтың талаптарын ескере отырып, бірақ жоғары бюджет берген мөлшерлемеден төмен емес мөлшерде кредитордың шешімімен белгіленеді.

      182-17. Айналым қаражатын толықтыру мақсаты үшін бюджеттік кредит бойынша сыйақы мөлшерлемесі есептеулер мен негіздемелерді ұсынған кезде ББӘ ұсыныстары бойынша айқындалады.

      Бұл ретте банк операцияларының жекелеген түрлерін жүзеге асыратын ұйымдар бойынша қаржы нарығы мен қаржы ұйымдарын реттеу және қадағалау жөніндегі уәкілетті органның пруденциялық нормативтері сақталуы тиіс.

      4-параграф. Бюджеттік инвестициялық жобаларды іске асыру кезінде бюджеттік кредит берудің орындылығын айқындау тәртібі

      182-18. Бюджеттік инвестициялық жобаларды бюджеттік кредиттеудің орындылығын айқындау үшін жергілікті бюджеттік бағдарлама әкімшісі мемлекеттік жоспарлау жөніндегі жергілікті уәкілетті органға негіздейтін құжаттаманы ұсынады, онда мыналар қамтылуы тиіс:

      1) бюджеттік кредиттеу есебінен қаржыландыруға ұсынылатын шығыстар мен іс-шаралар түрлері бойынша есептеулер;

      2) жобаны іске асыру мақсатында бюджеттік кредиттеудің орындылығын айқындау үшін негіздейтін ақпарат:

      жобаны іске асыруға арналған шығындар көлемін растау;

      тиісті салада іске асырылатын, оның ішінде екінші деңгейдегі банктердің кредиттерін тарту есебінен жобаларды қаржыландыру көздерін талдау;

      кредиттеу шарттарын негіздеу (оның ішінде мерзімі, сыйақы мөлшерлемесі, кредит сомасы және оны өтеу кестесі);

      түпкілікті қарыз алушыларды кредиттеу шарттарын негіздеу (мұндай болған жағдайда);

      3) саланы дамыту басымдықтарына сәйкес келуі, сондай-ақ бюджеттік кредиттеу арқылы іс-шараларды іске асырудың оңтайлы нұсқасын таңдау тұрғысынан тиісті салалық сараптаманың түсіндірме жазбасы және қорытындысы. Объектіні пайдалануға беру шығындары болған жағдайда тиісті салалық сараптаманың қорытындысында ақпаратты көрсету қажет;

      4) техникалық-экономикалық негіздеме;

      5) құрылыс қызметін көздейтін іс-шаралар болған жағдайда, техникалық-экономикалық негіздемеге ведомстводан тыс кешенді сараптаманың қорытындысы, оның ішінде техникалық шарттар бойынша құжаттардың көшірмелері (қажет болған кезде жер учаскелерінің иелері мен жер пайдаланушылар шығындарының, алып қойылатын алқаптардың түріне байланысты ауыл шаруашылығы және орман шаруашылығы өндірісі шығындарының есептеулері қоса беріледі) және қазіргі объектілерді реконструкциялауды болжайтын жобалар бойынша жылжымайтын мүліктің тиісті құқық белгілейтін құжаттарының көшірмелері ұсынылады.

      182-19. Мемлекеттiк жоспарлау жөнiндегi орталық уәкiлеттi органның бюджеттік инвестициялық жобаларға, оның ішінде ТЭН әзірлеуді талап ететін бюджеттік инвестициялық жобаларға республикалық бюджет қаражаты есебінен бюджеттiк кредит берудің орындылығын айқындауы Қазақстан Республикасының Үкіметі айқындайтын заңды тұлғаның экономикалық сараптамасының қорытындысы негізінде жүзеге асырылады.

      Мемлекеттік жоспарлау жөніндегі жергілікті уәкілетті органдардың бюджеттік инвестициялық жобаларға, оның ішінде ТЭН әзірлеуді талап ететін бюджеттік инвестициялық жобаларға жергілікті бюджет қаражаты есебінен бюджеттiк кредит берудің орындылығын айқындауы жергілікті атқарушы органдар айқындайтын заңды тұлғалардың экономикалық сараптамасының қорытындысы ескеріле отырып, жүзеге асырылады.

      182-20. Тиісті салалық орталық мемлекеттік орган ұсынылған құжаттаманы қарайды және жоспарланатын бюджеттік инвестициялық жоба бойынша салалық қорытынды береді. Салалық қорытынды оң болған жағдайда республикалық бюджеттік бағдарлама әкімшісі осы Қағидалардың 182-18-тармағына сәйкес құжаттаманы бюджеттік кредит берудің орындылығы туралы экономикалық қорытындыны дайындау үшін мемлекеттік жоспарлау жөніндегі орталық уәкілетті органға енгізеді.

      Жергілікті бюджеттен бюджеттік кредит беру жолымен қаржыландыруға мәлімделген жергілікті бюджеттік инвестициялық жоба бойынша тиісті ББӘ осы Қағидалардың 182-18-тармағына сәйкес құжаттаманы мемлекеттік жоспарлау жөніндегі жергілікті уәкілетті органға жергілікті бюджеттен бюджеттік кредит берудің орындылығын айқындау үшін енгізеді.

      182-21. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен кезден бастап 2 (екі) жұмыс күні ішінде осы Қағидалардың 3-1-тарауының 4, 5, 6 және 7-параграфтарында көзделген құжаттар болмаған жағдайда оларды ББӘ-ге қайтарады.

      Осы Қағидалардың 3-1-тарауының 4, 5, 6 және 7-параграфтарында көзделген құжаттардың толық топтамасы ұсынылған жағдайда, бюджеттік кредиттің ҚЭН-іне экономикалық сараптама жүргізу үшін 1 (бір) жұмыс күні ішінде:

      1) мемлекеттік жоспарлау жөніндегі орталық уәкілетті орган Қазақстан Республикасының Үкіметі айқындаған заңды тұлғаға;

      2) мемлекеттік жоспарлау жөніндегі жергілікті уәкілетті органдар жергілікті атқарушы органдар айқындайтын заңды тұлғаларға экономикалық сараптамаға жібереді.

      182-22. Экономикалық сараптама құжаттар топтамасы ұсынылғаннан кейін 26 (жиырма алты) жұмыс күні ішінде жүргізіледі.

      182-23. ТЭН-нің экономикалық сараптамасының қорытындысын ТЭН-нің экономикалық сараптамасын жүзеге асыруға айқындалған тиісті заңды тұлғалар мемлекеттік жоспарлау жөніндегі орталық немесе жергілікті уәкілетті органға жібереді.

      182-24. ТЭН-нің экономикалық сараптамасының нәтижелері оң қорытынды немесе теріс қорытынды болып табылады.

      Экономикалық сараптама қорытындысын оны дайындаған ұйымның басшысы немесе оған уәкiлеттiк берілген тұлға бекiтедi, қорытындыны дайындаған ұйым орындаушысының қолы қойылады және мөрмен куәландырылады.

      182-25. Мемлекеттік жоспарлау жөніндегі орталық немесе жергілікті уәкілетті орган осы Қағидалардың 182-18-тармағына сәйкес ұсынылған құжаттар топтамасын экономикалық сараптаманың қорытындысын ескере отырып қарайды және олар бойынша экономикалық қорытындыны ББӘ-ге жібереді.

      Экономикалық қорытынды экономикалық сараптама қорытындысы алынған күннен бастап 5 (бес) жұмыс күні ішінде дайындалады.

5-параграф. Мемлекеттің сыртқы экономикалық қызметін жүзеге асыруға бюджеттік кредит берудің орындылығын айқындау тәртібі

      182-26. Мемлекеттің сыртқы экономикалық қызметін жүзеге асыруға бюджеттік кредит берудің берудің орындылығын айқындау ҚЭН талдауына негізделеді.

      182-27. Бюджеттік кредиттердің ҚЭН тиісті бюджеттік бағдарламаны іске асыруға бюджет қаражатын салудан алынған нәтижені бағалауды, негіздемені, орындылықты қамтитын құжатты білдіреді.

      182-28. Бұл ретте инвестициялық жобаларды іске асыру шеңберінде көзделетін шет мемлекеттердің аумағында құрылыс қызметін көздейтін іс-шаралар болған жағдайда аумағында осы жобаны іске асыру жоспарланған мемлекеттің заңнамасында белгіленген тәртіпте дайындалған техникалық-экономикалық негіздеме мен ол бойынша қорытындыны ұсыну қажет.

6-параграф. Қаржы агенттіктерінің мемлекеттік инвестициялық саясатты іске асыруын және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияның ауыл шаруашылығы өнімдерін сатып алуын бюджеттік кредиттеудің орындылығын айқындау тәртібі

      Ескерту. 6-параграфтың тақырыбы жаңа редакцияда – ҚР Ұлттық экономика министрінің 30.03.2022 № 27 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      182-29. Қаржы агенттіктерін бюджеттік кредиттеудің және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияның ауыл шаруашылығы өнімдерін сатып алуының орындылығын айқындау:

      1) бюджеттік кредиттер есебінен іске асырылатын инвестициялық жобалардың тиімділігін;

      2) қарыз алушыны (мамандандырылған ұйымдарды) талдауға негізделеді.

      Бұл ретте, айналым қаражатын толықтыру үшін бюджеттік кредиттеудің орындылығын айқындау кезінде мамандандырылған ұйымдарды ғана талдау жүзеге асырылады.

      182-30. Мемлекеттiк жоспарлау жөнiндегi орталық уәкiлеттi органның қаржы агенттіктерінің мемлекеттік инвестициялық саясатты іске асыруын және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияның ауыл шаруашылығы өнімдерін сатып алуын республикалық бюджет қаражаты есебінен бюджеттік кредиттеудің орындылығын айқындауы Қазақстан Республикасының Үкіметі айқындайтын заңды тұлғаның экономикалық сараптамасының қорытындысы негізінде жүзеге асырылады.

      182-31. Қаржы агенттіктерінің мемлекеттік инвестициялық саясатты іске асыруын және азық-түлік қауіпсіздігін қамтамасыз етуге қатысатын агроөнеркәсіптік кешен саласындағы ұлттық компанияның ауыл шаруашылығы өнімдерін сатып алуын бюджеттік кредиттеудің орындылығын айқындау үшін ББӘ мемлекеттік жоспарлау жөніндегі тиісті орталық немесе жергілікті уәкілетті органға бюджеттік кредиттің ҚЭН-ін ұсынады.

      182-32. Бюджеттік кредиттің ҚЭН-де бюджеттік кредит берудің орындылығын растау, сондай-ақ жоспарланып отырған iс-шаралардың бюджет заңнамасына сәйкес бюджеттік кредит берудің мынадай өлшемшарттарына сәйкестiгiн растау келтіріледі:

      іс-шараларды бюджеттік кредит беру арқылы іске асырудың экономикалық және әлеуметтік тиімділігі;

      бюджеттік кредит есебінен іске асырылатын іс-шаралардың өзін-өзі ақтауы;

      мемлекеттік жоспарлау жөнiндегi уәкiлеттi органмен келісу бойынша бюджеттің атқарылуы жөніндегі уәкiлеттi орган айқындайтын өлшемшарттарға сәйкес қарыз алушының кредит төлеу қабілеттілігі.

      182-33. Экономикалық сараптаманы жүзеге асыруға арналған Қазақстан Республикасының Үкіметі не жергілікті атқарушы органдар айқындаған заңды тұлғаның бюджеттік кредитінің ҚЭН-нің экономикалық сараптамасы бюджеттік кредиттің ҚЭН iс-шараларының бюджеттік кредит берудің өлшемшарттарына сәйкестiгi тұрғысынан жүргізіледі.

      182-34. Бюджеттік кредиттің ҚЭН әзірлеуді немесе түзетуді ББӘ не қаржылық схема қатысушыларының бірі жүзеге асырады.

      182-35. Бюджеттік кредиттің ҚЭН-нің мақсаттары мен міндеттері инвестициялық ұсынысқа сәйкес келуі тиіс.

      182-36. Бюджеттік кредиттің ҚЭН-і:

      жоба паспортының;

      институционалдық бөлімнің;

      маркетингтік бөлімнің;

      қаржылық бөлімнің;

      әлеуметтік-экономикалық бөлімнің;

      тәуекелдерді бағалау және бөлу;

      жоба бойынша тұжырымдардың;

      қосымшалар.

      Егер бюджеттік кредит шетел мемлекеттердің аумағында берілген жағдайда, жобалардың бастапқы және түзетуге ұсынылатын құнын растайтын, оның аумағында осы жоба іске асырылатын мемлекеттің құрылысы саласындағы заңнамасында белгіленген тәртіппен бекітілген тиісті құжаттар, көрсетілген заңнаманың мәтіні қоса беріле отырып және қазақ және/немесе орыс тілдеріне аудармасы қамтамасыз етіле отырып, ұсынылады.

      Жобаның ерекшелігіне байланысты бюджеттік кредиттің ҚЭН шеңберінде қабылданған шешімдерді егжей-тегжейлі ашуға және негіздеуге мүмкіндік беретін қосымша бөлімдер қосылады.

      Жобаның ерекшелігіне байланысты бюджеттік кредиттің ҚЭН шеңберінде қабылданған шешімдерді егжей-тегжейлі ашуға және негіздеуге мүмкіндік беретін қосымша бөлімдер енгізіледі.

      Бұл ретте қосымшалар мынадай құжаттармен жинақталады:

      қаржыландырудың ықтимал түрлері мен тәсілдерінің есептеулері, олар осы Қағидаларға 2-қосымшаға сәйкес нысандар бойынша ұсынылатын қаржылық-экономикалық модельдің базалық параметрлері мен экономикалық тиімділік көрсеткіштерінің есептеулері;

      осы Қағидаларға 18-қосымшаға сәйкес нысан бойынша ұсынылатын қатысушылар туралы ақпарат;

      осы Қағидаларға 22-қосымшаға сәйкес жасалған қаржы моделінің қағаз және электрондық нұсқасы;

      бюджеттің атқарылуы жөніндегі орталық уәкілетті органның бұйрығымен бекітілген нысандар бойынша жасалған бюджеттік кредитті есепке алмай, бюджеттік кредиттің қаржылық схемасына қатысушылардың қаржылық көрсеткіштерінің болжамы:

      "Бухгалтерлік баланс";

      "Пайдалар мен шығындар туралы есеп";

      "Ақша қаражаттарының қозғалысы туралы есеп (тікелей немесе жанама әдіс)";

      "Капиталдағы өзгерістер туралы есеп";

      осы Қағидаларға 47-қосымшаға сәйкес нысан бойынша ұсынылатын бюджеттік кредит есебінен іске асыру жоспарланатын инвестициялық жобаның тиімділігін талдау;

      осы Қағидаларға 48-қосымшаға сәйкес нысан бойынша ұсынылатын қарыз алушыны талдау;

      болжанып отырған кепілдік қамтамасыз етуге меншік құқығын және кепілзат мүлігіне өзге ауыртпалықтар жоқ екендігін растайтын құжат;

      салық берешегінің және бюджетке төленетін басқа да міндетті төлемдердің болмауы (болуы) туралы тиісті салық органы анықтамасының түпнұсқасы;

      бұрын берілген бюджеттік кредиттер бойынша мерзімі өткен берешектің болмауы туралы бюджеттің атқарылуы жөніндегі уәкілетті органның анықтамасы (хаты);

      Қазақстан Республикасындағы бағалау қызметі туралы заңнамаға сәйкес жасалған бюджеттік кредиттерді уақтылы қайтару бойынша қамтамасыз ету болып табылатын мүлікті бағалау туралы есеп;

      бюджеттік кредит беру кезінде түпкілікті қарыз алушыдан алынатын маржаны негіздейтін құжат;

      жаңа объектілердің құрылысын не қазіргі объектілерді реконструкциялауды болжайтын жобалар бойынша жылжымайтын мүлікке құқық белгілейтін тиісті құжаттардың көшірмелері;

      қаржылық схема қатысушыларының құрылтай құжаттарының көшірмелері;

      қаржылық схема қатысушыларының кредит саясаты туралы құжаттары;

      мамандандырылған ұйымның атқарушы органының:

      1) бюджеттік кредиттің сұрау салынған қаражат мөлшері мен шарттары;

      2) қаржылық-экономикалық модельге сәйкес жылдар бойынша тікелей және түпкілікті нәтижелер;

      3) экономикалық эффект;

      4) әлеуметтік-экономикалық тиімділік расталған мемлекеттік инвестициялық саясатты іске асыру шеңберінде жоспарланған жоба(лар)ға бюджеттік кредитті тартуды бекіту туралы оң шешімі;

      қаржы схемасына қатысушылардың қаржылық есептілігінің электрондық нұсқасы (Жеке және шоғырландырылған) электрондық нысанда ұсынылған және мемлекеттік органның бірінші басшысының – ББӘ не оның орнындағы адамның не мемлекеттік органның бірінші басшысы Әрбір бюджеттік кредит бойынша жеке уәкілеттік берген тұлғаның электрондық цифрлық қолтаңбасы арқылы куәландырылған – бюджеттік кредиттің ҚЭН-ін мемлекеттік жоспарлау жөніндегі орталық немесе жергілікті уәкілетті органға енгізудің алдындағы соңғы үш жылдағы ББӘ және бас бухгалтер, сондай-ақ қаржылық есептілікке түсіндірме жазбалар;

      Қазақстан Республикасының аудиторлық қызмет туралы заңнамасына сәйкес қаржылық есептілік аудиті міндетті болып табылатын қаржы схемасына қатысушылар үшін соңғы үш жылда жасалған аудиттелген қаржылық есептілік және аудиторлық есептер ұсынылады. Бұл ретте қаржы схемасына қатысушының қолданыстағы заңнамаға сәйкес объективті себептер болған кезде соңғы есепті кезең үшін аудиттелмеген қаржылық есептілікті ұсынуға құқығы бар;

      инвестициялық ұсыныстың және осы инвестициялық ұсынысқа мемлекеттік жоспарлау жөніндегі орталық немесе жергілікті уәкілетті органның экономикалық қорытындысының көшірмесі;

      ведомстводан тыс кешенді сараптаманың тиісті қорытындысы;

      тиісті саланың уәкілетті органының салалық сараптамасының қорытындысы;

      бюджеттік кредиттің ҚЭН-ін мемлекеттік жоспарлау жөніндегі орталық немесе жергілікті уәкілетті органға енгізудің алдындағы соңғы тоқсанда жасалған қаржы схемасына қатысушылардың электрондық қаржылық есептілігі, сондай-ақ қаржылық есептілікке түсіндірме жазбалар.

      Қаржылық есептілік қолданыстағы заңнаманың талаптарына сәйкес, оның ішінде басқа ұйымдарға қаржылық қатысу туралы ақпаратты қоса бере отырып, баланс валютасында 10% және одан да көп алатын баланс баптарының егжей-тегжейлі транскрипциясын қоса бере отырып ұсынылады.

      Тиісті саланың уәкілетті органының салалық сараптамасының қорытындысы оң бағаны қамтиды:

      1) мемлекеттік инвестициялық саясатты іске асыру шеңберінде жобаға сұрау салынған бюджеттік кредит мөлшері бойынша жоспарланған тауарлар, жұмыстар мен қызметтерге сұранысты мөлшерлік түрде негіздеумен саладағы қазіргі жағдайдың талдауын бағалауды;

      2) қаржылық-экономикалық модельге сәйкес жылдар бойынша сандық және сапалық нәтиже көрсеткіштерін келтіре отырып және жобаның сала экономикасының құрылымындағы рөлі мен орнын көрсете отырып, саланың дамуына жобаның іске асырылуының ықпалын, экономикалық эффект және әлеуметтік-экономикалық тиімділігін бағалауды;

      3) бюджеттік кредиттің мөлшеріне, оның іс-шаралар мен құрауыштар бойынша мақсатты қолданылуына баға бере отырып, жобаның іс-шаралары бойынша (құрылысты және/немесе жабдықтарды сатып алуды болжайтын жобалар бойынша) техникалық шешімдердің жеткілікті болуын және олардың тиімділігін;

      4) тиісті сараптама, оның ішінде кешенді ведомстводан тыс сараптама қорытындылары болмаған жағдайда, объектілерді салуды және (немесе) қайта құруды көздейтін объектілердің немесе олардың бөліктерінің техникалық шешімдері мен құнын айқындауды;

      5) бюджеттік кредит қаражатын алушыларды қаржыландыру бойынша операцияларды, сондай-ақ олардың маржасын оң бағалауды қамтиды.

      182-37. Жоба паспортында жоба туралы қысқаша ақпарат ашып көрсетіледі. Жоба паспорты мынадай ақпаратты қамтиды:

      бюджеттік бағдарлама әкімшісінің атауы;

      жобаның атауы;

      жобаны іске асыру орны (құрылыс болған жағдайда);

      жобаның мақсаты мен міндеттері, оның ішінде сандық мәнде;

      жобаның іске асырылу кезеңі, оның ішінде объект құрылысының кезеңі (құрылыс болған жағдайда);

      жобаның құрамдауыштары;

      бюджеттік кредиттің жоспарланатын көлемі;

      бюджеттік кредитті беру шарттары (кредитті берудің мақсаты, сыйақы мөлшерлемесі, қарыз алушының кредитті игеру кезеңі, негізгі борышты өтеу және ол бойынша сыйақы төлемдерін төлеу кезеңділігі, жеңілдік кезеңінің болуы, кредитті өтеу әдісі);

      жобаның іске асырылуынан негізгі пайда алушылар.

      182-38. Институционалдық бөлімде жобаны басқарудың ұсынылатын тиімді схемасы, олардың функциялары, олардың өзара іс-қимыл тәртібі сипатталады, бұл ретте схема кредиттік шарт жасасатын негізгі қатысушылар деңгейіне дейін сипатталады.

      Осы бөлім мыналарды:

      1) қаржы схемасының әрбір қатысушысы бойынша ақпаратты, сондай-ақ ақша ағындарының сомалары мен бағыттарын көрсете отырып, іс-шараларды іске асырудың қаржылық схемасын;

      2) бюджеттік кредиттің ҚЭН-і бойынша іс-шараларды іске асыру жоспарланатын жобаның стратегиялық алғышарттары туралы ақпарат (елдегі жағдай және Қазақстан Республикасының ішкі және сыртқы саясатының негізгі бағыттары туралы Қазақстан Республикасы Президентінің Қазақстан халқына жыл сайынғы Жолдауы, нормативтік құқықтық актілер, Қазақстан Республикасы Мемлекеттік жоспарлау жүйесінің құжаттары).

      182-39. Маркетингтік бөлім жобаны іске асырудың нәтижесінде пайда болатын өнімге (тауарларға/көрсетілетін қызметтерге) сұраныстың және өндірістің тұтыну факторлары ұсынысының қазіргі кездегі және болжамды (жобаны іске асыру кезеңіндегі) конъюнктурасын талдауды қамтиды.

      Осы бөлім мыналарды:

      1) саладағы (өңірдегі) және Қазақстан Республикасындағы қазіргі әлеуметтік-экономикалық жағдайды және жобаны есепке алмай, оның даму перспективаларын талдауды, оның ішінде:

      негізгі әлеуметтік көрсеткіштерді (халықтың кіріс деңгейі, жұмыссыздық, жұмыспен қамту, өлім-жітім, туу деңгейі және т.с.с.);

      негізгі салалық (өңірлік) көрсеткіштерді (өнімдерді (тауарларды/көрсетілетін қызметтерді) өндіру көлемі), жалпы ішкі өнім құрылымындағы саланың (өңірдің) үлесі, салаға (өңірге) инвестициялардың көлемі және олардың жоспарланатын кезеңдегі үрдістері);

      жобаны іске асыру арқылы шешу жоспарланып отырған саладағы бар проблемалардың сипаттамасын;

      2) жобаны іске асырған жағдайда саладағы (өңірдегі) және Қазақстан Республикасындағы әлеуметтік-экономикалық ахуалды дамыту перспективаларын талдауды, оның ішінде:

      негізгі әлеуметтік көрсеткіштерді (халықтың кіріс деңгейі, жұмыссыздық, жұмыспен қамту, өлім-жітім, туу деңгейі және басқалар);

      негізгі салалық (өңірлік) көрсеткіштерді (өнімдерді (тауарларды/көрсетілетін қызметтерді) өндіру көлемі), жалпы ішкі өнім құрылымындағы саланың (өңірдің) үлесі, салаға (өңірге) инвестициялардың көлемі және олардың жоспарланатын кезеңдегі үрдістері);

      уәкілетті органның функцияларына сәйкес салалық қорытындылармен расталған сұраныстың сандық параметрлерінің, оның үрдістерінің талдауын және негіздемесін немесе жоба шеңберінде өндіру жоспарланатын өнімге (тауарға/көрсетілетін қызметке) қажеттілікті бағалауды;

      тұтынушылардың санаттары бойынша саладағы (өңірдегі) ағымдағы жағдайды ескере отырып, жүргізілетін өнімнің (тауардың/көрсетілетін қызметтің) көлемін, түрлерін және бағаларын талдауды;

      3) тұтынушылардың санаты бойынша жобаны іске асырудың нәтижесінде жүргізілетін өнімнің (тауардың/көрсетілетін қызметтің) көлемдерін, түрлерін және бағаларын талдауды:

      жобаны іске асыру үшін қажетті шикізат, материалдар, жабдықтар нарықтарын талдау, оның ішінде өндірушілер мен жеткізушілер, бағалар, сапа және өнімді жеткізу шарттары бойынша салыстырмалы талдауды;

      инвестициялық, сол сиякты инвестициядан кейінгі кезеңде жобаның тиісті біліктілігі бар мамандармен қамтамасыз етілуін талдау, сондай-ақ қажет болған жағдайда, шетелдік мамандарды тарту негіздемесін қамтиды.

      182-40. Қаржы бөлімінде бюджеттік кредит көлемiнiң және кредит беру мақсатының негiздемесi, қаржы моделінің бастапқы деректерінің сипаттамасы мен негіздемесі, жобаның қаржылық тиімділігін талдау, бюджеттік кредитті беру шарттарының және оны уақтылы қайтару мүмкіндігінің негіздемесі, сондай-ақ қарыз алушы мен өзге де қаржылық схема қатысушыларының талдауы келтіріледі. Бұдан басқа, бюджеттік кредиттің ҚЭН шеңберінде қабылданған қаржылық шешімдер ашып көрсетіледі.

      Осы бөлім:

      1) бюджеттік кредит ҚЭН әрбiр іс-шарасы бөлiнiсiнде бюджеттік кредит көлемiнiң құжатпен және есептеулермен расталған негiздемесiн, оның ішінде:

      сатып алынатын өнiмдер тізбесінің, саны мен сапасының негiздемесiн (сатып алынған жағдайда);

      сатып алынған жағдайда бюджеттік кредит есебiнен сатып алынатын өнiмдер бағаларының талдауын (соңғы екі жылдағы бағалардың серпіні туралы ақпарат және осындай өзгеріске әкелуі мүмкін ағымдағы бағалар мен оқиғалардың ықтимал өзгеруі);

      2) мыналарды:

      бюджеттік кредит беру шарттары мен негіздемелерін (кредит беру мақсаты, сыйақы мөлшерлемесі, қарыз алушының кредитті игеру кезеңі, негізгі борышты өтеу және ол бойынша сыйақы төлеу кезеңділігі, жеңілдік кезеңінің болуы, кредитті өтеу тәсілі және басқалары) егжей-тегжейлі сипаттауды;

      жобаны іске асыру кезеңі ұзақтығының негіздемесін;

      қаржылық схема қатысушыларының ковенанттарды қамтамасыз етуіне және сақтауына қойылатын талаптардың болуы/болмауы туралы ақпаратты;

      қаржылық схема қатысушыларының кредиттік қоржынының құрылымы мен жоба іске асырылған жағдайда оның өзгерісін бағалауды;

      өткізілетін өнiмнiң (тауарлардың/көрсетілетін қызметтердің) өзiндiк құнының негiздемесi, оның iшiнде оның өсу немесе төмендеу негiздемесiн (ақпаратты ашып көрсету әрбір өнiм бойынша жүзеге асырылады);

      өнiмді өткізу бойынша жоспарланатын шығыстар негіздемесін, оның iшiнде олардың өсу немесе төмендеу негiздемесiн (ақпаратты ашып көрсету әрбiр кiшi топ бойынша жүзеге асырылады);

      жоспарланатын әкiмшiлiк шығыстар негiздемесi, оның iшiнде олардың өсу және төмендеу негiздемесiн (ақпаратты ашып көрсету әрбiр кiшi топ бойынша жүзеге асырылады);

      маркетинг пен жарнама бойынша жоспарланатын шығыстардың негiздемесiн, оның iшiнде олардың өсу немесе төмендеу негiздемесiн (ақпаратты ашып көрсету әрбiр кiшi топ бойынша жүзеге асырылады);

      сыйақылар бойынша жоспарланатын шығыстар негіздемесін;

      активтердiң кетуіне байланысты шығыстар негіздемесін;

      операциялық жалдауға байланысты шығыстар негіздемесін;

      үлестiк қатысу әдiсiмен ескерiлетiн инвестициялар бойынша шығыстар негіздемесін;

      тоқтатылатын қызметке байланысты жоспарланатын шығыстарды;

      өзге де жоспарланатын шығыстарды;

      сатудан және өзге көздерден түсетін кірістерді келтіре отырып, жобаның кіріс бөлігінің негіздемесін;

      қаржылық схемаға қатысушылар маржасының негіздемесін келтіре отырып, барлық қаржылық схемаға қатысушылар үшін қаржы моделін есептеуде қолданылатын барлық бастапқы деректердің негіздемесін қамтиды.

      Қаржылық модель осы Қағидаларға 22-қосымшаға сәйкес жасалады және Excel электрондық форматында ұсынылады;

      3) бюджеттік кредит есебінен іске асырылатын жобаның тиімділігін талдау.

      Осы тарауда мынадай көрсеткіштерді есептеу нәтижелерінің сипаттамасын ұсыну қажет:

      өтемділіктің қарапайым мерзімі (payback period, PP);

      өтемділіктің дисконтталған кезеңі (discounted payback period, DРP);

      таза дисконтталған кіріс (net present value, NPV);

      ішкі кірістілік нормасы (internal rate of return, IRR);

      кірістілік индексі (profitability index, PI).

      Көрсеткіштерді есептеу осы Қағидаларға 47-қосымшаға сәйкес жүргізіледі;

      Қаржылық агенттіктерді бюджеттік кредиттеу кезінде, егер қаржылық модельде дисконттау мөлшерлемесі түпкілікті қарыз алушының сыйақы мөлшерлемесінен жоғары деңгейде қолданылған жағдайда, таза дисконтталған кірістің нөлден аз мәніне (NPV <0) жол беріледі.

      Бұл ретте, мұндай дисконттау мөлшерлемесін қолдану негізделген болуы тиіс;

      4) қарыз алушыны және өзге де жобаның қаржылық схемасына қатысушыларды талдау. Ол үшін жобаның қаржылық схемасына қатысушылардың қаржылық есептілігін талдаудың мынадай түрлері:

      сатылас талдау (vertical analysis);

      деңгейлес талдау (horizontal analysis);

      коэффициенттік талдау (coefficient analysis) жүргізіледі.

      Көрсеткіштерді есептеу осы Қағидаларға 48-қосымшаға сәйкес жүргізіледі.

      182-41. Әлеуметтік-экономикалық бөлім жобаны іске асырудан түсетін экономикалық және әлеуметтік-экономикалық пайдалар мен шығындарды көрсетеді.

      Бұл бөлім:

      бюджеттік кредиттің қаржы-экономикалық негіздемесі іс-шараларының жоспарланған тікелей және түпкілікті нәтижелерінің есептеулермен расталған негіздемесін;

      тікелей және түпкілікті нәтижелерге қол жеткізуге негізделген бюджеттік кредиттің ҚЭН-ін іс-шараларының әлеуметтік-экономикалық, оның ішінде бюджеттік тиімділігі туралы ақпаратты;

      мамандандырылған ұйымның атқарушы органының бекітілген шешіміне сәйкес келетін ҚЭМ-де расталатын бюджеттік кредитті іске асырудан экономикалық эффекті және әлеуметтік-экономикалық тиімділікті есептеу;

      нәтижелерді, салдар мен ықпалдарды талдауды, өсірілген пайдалар мен шығындарды, тұтынушының қосымша пайдаларын, қайтымсыз шығасыларды, сыртқы әсерлерді, халықаралық әсерлерді, жобаны іске асырудан түсетін жанама пайдаларды қамтитын жоба бойынша пайда мен шығындарды талдауды;

      ағымдағы бағалар мен өткен жылдың салыстырылатын бағаларындағы тікелей, жанама және жиынтық макроэкономикалық әсердің есебін;

      таза қоғамдық пайдалардың, экономикалық таза келтірілген кірістің (economіc net present value, ENPV), экономикалық ішкі кірістілік нормасы (economіc іnternal rate of return, EІRR) көрсеткіштерінің есебін;

      жобаны іске асырудың сабақтас салалардың (көрші өңірлердің) дамуына әсерін талдауды;

      жобаның Қазақстан Республикасының экспорттық әлеуетінің өсуіне және импортты алмастыруға, инновациялардың дамуына әсерін талдауды;

      жоба бойынша қатысушылардың қызметін қолдау үшін көрсетілуі жоспарланған мемлекеттік қолдаудың түрлері мен мөлшерлерін, олардың есептері мен негіздемесін;

      жобаны іске асыру жылдары бойынша мемлекеттік бюджетке (республикалық немесе жергілікті) түсетін жүктеменің есебін;

      таза бюджеттік пайдалардың, бюджеттік таза келтірілген кірістің (мемлекеттік бюджеттің NPV), бюджеттік ішкі кірістілік нормасы (мемлекеттік бюджеттің ІRR) көрсеткіштерінің есебін;

      мемлекеттік бюджетке, оның ішінде бюджеттік кредиттің түпкілікті қарыз алушыларын ескере отырып, түсуі жоспарланған салықтық түсімдерді қамтиды.

      182-42. "Тәуекелдерді бағалау және бөлу" деген бөлімде жобаны іске асыру кезінде (оның ішінде құрылыс жағдайда, дайындық кезеңінде, объектіні салу/реконструкциялау және оны пайдалану кезеңінде) басталуы мүмкін тәуекелдер сипатталады.

      Бұл бөлім:

      коммерциялық тәуекелдерді бағалауды;

      әлеуметтік тәуекелдерді бағалауды;

      экономикалық тәуекелдерді бағалауды;

      техникалық тәуекелдерді бағалауды;

      қаржылық тәуекелдерді бағалауды;

      тәуекелдердің негізгі факторларын айқындайтын, жобаға қатысушылар үшін ерекше тәуекелдерді бағалауды, олардың өзгеруінің болжамды сипаты мен диапазонын;

      оларды төмендету бойынша болжанатын іс-шараларды;

      жобаның қаржылық схемасына қатысушылар арасында тәуекелдердің бөлінуін талдауды;

      белгісіздік жағдайындағы талдауды, оның ішінде негізгі параметрлер бойынша (өткізу көлемі, өткізу бағасы, тікелей шығасылар) сезімталдықты талдауды, оның ішінде параметрі өзгеруінің шекті рұқсат етілген мәндерін айқындауды қамтиды.

      Тәуекелдерді бағалау сандық және сапалық талдау әдісімен жүргізіледі.

      182-43. "Жоба бойынша тұжырымдар" деген бөлімде:

      жобаның негізгі артықшылықтары мен кемшіліктері;

      жобаның бюджеттік кредиттеу арқылы іске асыру қажеттігін негіздеу;

      Жоба паспортына сәйкес бюджеттік кредит беру шарттарын бағалау;

      жоба бойынша шекті тәуекелдер және оларды төмендету жөніндегі шаралар сипатталады.

      182-44. Бюджеттік кредиттеудің орындылығын айқындау үшін ББӘ мемлекеттік жоспарлау жөніндегі орталық немесе жергілікті уәкілетті органға осы Қағидалардың 182-36-тармағына сәйкес әзірленген бюджеттік кредиттің ҚЭН-і бойынша құжаттар топтамасын ұсынады.

      Бюджеттік кредиттің ҚЭН-і бойынша құжаттар топтамасын қарау мерзімі мемлекеттік жоспарлау жөніндегі орталық немесе жергілікті уәкілетті органға келіп түскен күнінен бастап 45 (қырық бес) жұмыс күнiн құрайды.

      182-45. Мемлекеттік жоспарлау жөніндегі орталық немесе жергілікті уәкілетті орган құжаттар топтамасы келіп түскен сәттен бастап 2 (екі) жұмыс күні ішінде осы Қағидалардың 3-1-тарауының 4, 5, 6 және 7-параграфтарында көзделген құжаттар болмаған жағдайда оларды ББӘ-ге қайтарады.

      Осы Қағидалардың 3-1-тарауының 4, 5, 6 және 7-параграфтарында көзделген құжаттардың толық топтамасы болған жағдайда, бюджеттік кредиттің ҚЭН-іне экономикалық сараптама жүргізу үшін 1 (бір) жұмыс күні ішінде экономикалық сараптамаға тиісінше:

      1) Қазақстан Республикасының Үкіметі бюджеттік кредит, оның ішінде түзетілген бюджеттік кредит ҚЭН-інің экономикалық сараптамасын жүзеге асыру үшін айқындаған заңды тұлғаға;

      2) Қазақстан Республикасының жергілікті атқарушы органдары бюджеттік кредит, оның ішінде түзетілген бюджеттік кредит ҚЭН-інің экономикалық сараптамасын жүзеге асыру үшін айқындайтын заңды тұлғаларға жіберіледі.

      182-46. Қазақстан Республикасының Үкіметі не жергілікті атқарушы органдар айқындайтын заңды тұлғаның бюджеттік кредит ҚЭН-нің, оның ішінде түзетілгенінің экономикалық сараптамасы бюджеттік кредиттің ҚЭН-і бойынша, оның ішінде түзетілгені бойынша құжаттар топтамасы ұсынылған күннен бастап 26 (жиырма алты) жұмыс күні ішінде жүргізіледі.

      Бюджеттік кредит ҚЭН-нің экономикалық сараптамасы ұсынылған бюджеттік кредит ҚЭН-нің, уәкілетті органдардың оң салалық қорытындыларының, мамандандырылған ұйымның атқарушы органының оң шешімінің және жобаның ерекшелігіне байланысты талап етілетін сараптамалардың тиісті оң қорытындыларының негізінде жүргізіледі.

      Экономикалық сараптама ҚЭН-нің, уәкілетті органдардың оң салалық қорытындыларының, мамандандырылған ұйымның атқарушы органының оң шешімінің негізінде мамандандырылған ұйымның жоба бойынша бюджеттік кредиттің сұрау салған сомасына ғана жүргізіледі.

      Жүргізілген сараптамаларда және/немесе тәуелсіз сараптамада, сондай-ақ берілген құжаттамада қамтылмаған немесе толық қамтылмаған мәселелер бойынша қосымша ақпарат ұсыну және (немесе) қосымша сараптама жүргізу қажет болған жағдайда, бюджеттік кредит ҚЭН-нің, оның ішінде түзетілген ҚЭН-нің экономикалық сараптамасын, жүзеге асыруға Қазақстан Республикасының Үкіметі не жергілікті атқарушы органдар айқындаған тиісті заңды тұлғалар тиісті

      Қосымша ақпаратқа қатысушылардың мемлекеттік жоспарлау жөніндегі орталық және жергілікті уәкілетті органға бюджеттік кредит ҚЭН-нің, оның ішінде түзетілгенін ҚЭН-ін енгізуі алдындағы айдың соңғы күніне жасалған қаржылық есептілігі, сондай-ақ қаржылық есептілікке түсіндірме жазбалар жатады.

      Қосымша сараптамаларға:

      1) кешенді ведомстводан тыс сараптама;

      2) уәкілетті мемлекеттік органның салалық сараптамасы жатады.

      Қажетті ақпаратты ұсыну және/немесе жүргізілген сараптамаларда қамтылмаған немесе толық қамтылмаған мәселелер бойынша қосымша сараптамалар жүргізу бойынша сұрау салулар тиісті бюджеттік бағдарлама әкімшілеріне, сұрау салудың көшірмесі - осы Қағидалардың 182-36-тармағында көрсетілген құжаттардың толық топтамасы түскен күннен бастап 10 (он) жұмыс күні ішінде мемлекеттік жоспарлау жөніндегі орталық немесе жергілікті уәкілетті органға жіберіледі.

      ББӘ ресми хат түрінде сұрау салу түскен сәттен бастап 30 (отыз) жұмыс күні ішінде қажетті ақпаратты бюджеттік кредит ҚЭН-нің, оның ішінде түзетілген ҚЭН-нің экономикалық сараптамасын жүзеге асыруға Қазақстан Республикасының Үкіметі немесе жергілікті атқарушы органдар айқындаған заңды тұлғаға ұсынады.

      Экономикалық сараптама жүргізу мерзімі ұзартылған жағдайда, бюджеттік кредит ҚЭН-нің, оның ішінде түзетілгенін ҚЭН-нің экономикалық сараптамасын жүзеге асыруға Қазақстан Республикасының Үкіметі не жергілікті атқарушы органдар айқындаған заңды тұлға ББӘ хатын қоса бере отырып, мемлекеттік жоспарлау жөніндегі орталық немесе жергілікті уәкілетті органға экономикалық сараптама жүргізудің ұзартылғаны туралы хабарлайды.

      Сұрау салу жіберілген күннен бастап және қажетті ақпарат ұсынылғанға дейін экономикалық сараптама жүргізу мерзімі тоқтатыла тұрады.

      Қосымша материалдарды ұсынған кезде олардың тізбесі көрсетіледі, бюджеттік кредиттің ҚЭН-і жаңа редакцияда енгізілген жағдайда, бұрын ұсынылған бюджеттік кредиттің ҚЭН-ін кері қайтарып алу туралы көрсетіледі.

      Белгіленген мерзімде қосымша материалдарды ұсынбау бюджеттік кредиттің ҚЭН-ін және оған құжаттарды Қорытынды жасамай қайтаруға негіз болып табылады.

      Бюджеттік кредиттің ҚЭН-і мемлекеттік жоспарлау жөніндегі орталық немесе жергілікті уәкілетті органға сұрау салуды қоса бере отырып, сұрау салынған материалдарды ұсынудың белгіленген мерзімдері өткен күннен бастап 2 (екі) жұмыс күнінен кешіктірілмейтін мерзімде қайтарылады.

      Бюджеттік кредит ҚЭН-нің, оның ішінде түзетілген ҚЭН-нің экономикалық сараптамасының нәтижесі оң қорытынды немесе теріс қорытынды немесе пысықтауға жіберілген қорытынды болып табылады.

      182-47. Бюджеттік кредит ҚЭН-нің экономикалық сараптамасының қорытындысы(бұдан әрі-Қорытынды):

      1) тақырыпты;

      2) "Жобаның қысқаша сипаттамасы" деген бөлімді;

      3) "Тұжырымдар" деген бөлімді;

      4) қойылған қолдарды;

      5) күнін;

      6) мекенжайды;

      7) Қорытындыға "Құжаттар" деген 1-қосымшаны.

      Қорытындыда жобаның атауы, сондай-ақ Қорытындыны дайындаған ұйымның атауы көрсетілген тақырыбы болады.

      "Жобаның қысқаша сипаттамасы" деген бөлімде бюджеттік кредиттің ҚЭН-не сәйкес мынадай ақпарат көрсетіледі:

      1) жобаның атауы;

      2) ББӘ-нің атауы;

      3) қаржылық схемаға қатысушылардың атаулары;

      4) бюджеттік кредит берудің мақсаты;

      5) қаржыландыру жылдары бойынша бөліп көрсетілген жобаның жалпы құны;

      6) жобаны қаржыландыру көздері мен нысаны;

      7) бюджеттік кредит беру шарттары.

      "Тұжырымдар" деген бөлім мынадай құрылымға сәйкес келеді:

      1) уәкілетті органдардың оң салалық қорытындыларының, мамандандырылған ұйымның атқарушы органының оң шешімінің және жобаның ерекшелігіне байланысты талап етілетін сараптамалардың тиісті оң қорытындыларының негізінде бюджеттік кредиттің мөлшері туралы ақпарат келтірілген "Негізділік" тарауы;

      2) Қазақстан Республикасы Қаржы министрінің 2014 жылғы 4 желтоқсандағы № 540 бұйрығымен бекітілген Бюджеттің атқарылуы және оған кассалық қызмет көрсету ережесімен (Нормативтік құқықтық актілерді мемлекеттік тіркеу тізілімінде № 9934 тіркелді) айқындалған өлшемдерге сәйкес мамандандырылған ұйымның кредит төлеу қабілеттілігіне талдау келтірілген "Кредит төлеу қабілеттілігі" тарауы.

      Қорытындыға "Құжаттар" деген 1-қосымша:

      1) экономикалық сараптама жүргізу кезінде назарға алынған құжаттар мен материалдар тізбесін:

      экономикалық сараптама жүргізу үшін қарауға ұсынылған құжаттарды;

      нормативтік құқықтық актілерді;

      2) ұсынылған құжаттардың құрамы мен мазмұнына ескертулерді қамтиды.

      182-48. Мемлекеттік жоспарлау жөніндегі орталық немесе жергілікті уәкілетті орган Қорытынды түскен күннен бастап 5 (бес) жұмыс күні ішінде Қорытындыны ескере отырып, бюджеттік кредиттің ҚЭН-і бойынша құжаттар топтамасын қарайды және олар бойынша экономикалық қорытынды дайындайды.

      Бюджеттік кредиттің ҚЭН-і бойынша экономикалық қорытындыны мемлекеттік жоспарлау жөніндегі орталық немесе жергілікті уәкілетті орган осы Қағидаларға 49-қосымшаға сәйкес нысан бойынша дайындайды.

      182-49. Мемлекеттік жоспарлау жөніндегі уәкілетті органның бюджеттік кредиттің орындылығы туралы экономикалық қорытындысын алу нәтижесі бойынша ББӘ бюджеттік жоспарлау жөніндегі тиісті орталық уәкілетті немесе мемлекеттік жоспарлау жөніндегі жергілікті уәкілетті органға заңнамада белгіленген тәртіппен республикалық бюджетті қалыптастыру (нақтылау) шеңберінде бюджеттік өтінім құрамында бюджеттік кредит бойынша экономикалық қорытындыны енгізеді.

      7-параграф. Бюджеттік кредиттеудің ТЭН-ін не ҚЭН-ін түзету тәртібі

      182-50. Бюджеттік кредиттеудің ТЭН-ін не ҚЭН-ін түзету техникалық шешімдерді өзгертуге және қосымша шығыстарға алып келетін бюджеттік инвестициялық жобаның белгіленген техникалық-экономикалық параметрлері өзгерген жағдайда жүргізіледі.

      182-51. Бюджеттік кредиттеудің ТЭН-ін не ҚЭН-ін түзету екі кезеңмен жүзеге асырылады.

      Бірінші кезең бойынша:

      1) ББӘ бюджеттік кредит берудің ТЭН-ін не ҚЭН-ін түзету бойынша инвестициялық ұсыныс әзірлеуі және мемлекеттік жоспарлау жөніндегі орталық немесе жергілікті уәкілетті органға ұсынуы;

      2) тиісті бюджет комиссиясының ББӘ бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға ұсынатын құжаттардың негізінде бюджеттік кредиттеудің ТЭН-ін не ҚЭН-ін түзетудің орындылығын айқындау жөніндегі шешімі.

      Бірінші кезеңде бюджеттік кредиттеудің ТЭН-ін не ҚЭН-ін түзету бойынша инвестициялық ұсыныстарды әзірлеу, қарау және іріктеу процесі осы Қағидалардың 2-тарауында айқындалған тәртіппен жүргізіледі.

      182-52. Бюджеттік кредиттеудің ТЭН-ін не ҚЭН-ін түзетудің орындылығы мәселесін тиісті бюджет комиссиясының қарауына шығару үшін ББӘ бюджеттік жоспарлау жөніндегі орталық уәкілетті органға немесе мемлекеттік жоспарлау жөніндегі жергілікті уәкілетті органға мына құжаттарды:

      1) мемлекеттік органның бірінші басшысының – ББӘ не оны алмастыратын адамның не мемлекеттік органның бірінші басшысы уәкілеттік берген тұлғаның – ББӘ электрондық цифрлық қолтаңбасы арқылы техникалық шешімдердің өзгеруі болжанып отырған және қосымша шығыстар көрсетіле отырып куәландырылған хабарлама-хат;

      2) мемлекеттік органның бірінші басшысы не оны ауыстыратын тұлға, не мемлекеттік органның бірінші басшысы уәкілеттік берген және Қазақстан Республикасының заңнамасында ресми құжаттар үшін белгіленген тәртіппен ресімделген, техникалық шешімдерді өзгертудің және қосымша шығыстарды көздеудің орындылығын растайтын, тиісті саланың уәкілетті органының салалық сараптамасының қорытындысын;

      3) жобаның ерекшелігіне байланысты қажетті сараптамалардың қорытындыларын;

      4) бюджеттік кредиттеудің ТЭН-ін не ҚЭН-ін түзету бойынша инвестициялық ұсынысқа мемлекеттік жоспарлау жөніндегі орталық немесе жергілікті уәкілетті органның оң экономикалық қорытындысын;

      5) Қазақстан Республикасының Үкіметі уәкілеттік берген ішкі бақылау жөніндегі органның бюджет қаражатының мақсатты пайдаланылуы тұрғысынан, сондай-ақ құжаттар берілген күннен бастап 6 (алты) айдан кешіктірмей тіркелген, жоба бойынша қаржыландыру басталған болса, бұзушылықтар жоқ екені туралы актіні;

      6) бюджеттік кредиттеудің бекітілген ТЭН-ін не ҚЭН-ін көрсетілген көрсеткіштерге қол жеткізу не қол жеткізбеу туралы ақпаратты қамтитын түсіндірме жазбаны ұсынады;

      ББӘ тиісті бюджет комиссиясының оң қорытындысын алған кезде, бюджеттік кредиттеудің техникалық-экономикалық негіздемесін немесе қаржы-экономикалық негіздемесіне тиісті түзетулер енгізеді.

      182-53. Екінші кезең бойынша:

      1) ББӘ мемлекеттік жоспарлау жөніндегі орталық немесе жергiлiктi уәкiлеттi органға түзетiлген бюджеттік кредиттеудің техникалық-экономикалық негіздемесін не қаржы-экономикалық негіздемесін ұсынуы;

      2) тиісті бюджет комиссиясының бюджеттік кредиттеудің түзетілген ТЭН-ні не ҚЭН-ні бойынша қаржыландыру туралы шешімі.

      Екінші кезеңде бюджеттік бағдарлама әкімшісі бюджеттік кредиттеудің түзетілген ТЭН-ін не ҚЭН-ін мемлекеттік жоспарлау жөніндегі орталық немесе жергілікті уәкілетті органға ұсынады.

      Бюджеттік жоспарлау жөніндегі орталық уәкілетті орган немесе мемлекеттік жоспарлау жөніндегі жергілікті уәкілетті орган түзетілген ТЭН не бюджеттік кредиттеудің ҚЭН бойынша қаржыландырудың орындылығы мәселесін ұсынылатын мынадай құжаттар негізінде тиісті бюджеттік комиссиялардың қарауына шығарады:

      1) мемлекеттік органның бірінші басшысының – ББӘ не оны алмастыратын адамның не мемлекеттік органның бірінші басшысы уәкілеттік берген тұлғаның – ББӘ электрондық цифрлық қолтаңбасы арқылы техникалық шешімдердің өзгеруі болжанып отырған және қосымша шығыстар көрсетіле отырып куәландырылған хабарлама-хат;

      2) мемлекеттік органның бірінші басшысының не оны алмастыратын адамның не мемлекеттік органның бірінші басшысы уәкілеттік берген адамның қолы қойылған және ресми құжаттар үшін Қазақстан Республикасының заңнамасында белгіленген тәртіппен ресімделген техникалық шешімдерді өзгертудің және қосымша шығыстарды көздеудің орындылығын растайтын тиісті саланың уәкілетті органының салалық сараптамасының қорытындылары;

      3) жобаның ерекшелігіне байланысты қажетті сараптамалардың қорытындылары;

      4) мемлекеттік жоспарлау жөніндегі орталық немесе жергілікті уәкілетті органның ТЭН не бюджеттік кредиттеудің ҚЭН ні түзету жөніндегі инвестициялық ұсынысқа оң экономикалық қорытындысын;

      5) түзетілген ТЭН не бюджеттік кредиттеудің ҚЭН;

      6) түзетілген ТЭН не бюджеттік кредиттеудің ҚЭН не оң экономикалық қорытынды;

      7) Қазақстан Республикасының Үкіметі уәкілеттік берген ішкі бақылау жөніндегі органның бюджет қаражатын нысаналы пайдалану мәніне, сондай-ақ егер жоба бойынша қаржыландыру басталған болса, құжаттарды ұсынған күннен бастап 6 (алты) айдан кешіктірілмейтін бұзушылықтардың болмауы туралы актісі;

      8) бекітілген ТЭН-де немесе бюджеттік кредиттеудің ҚЭН-де көрсетілген көрсеткіштерге қол жеткізу не қол жеткізбеу туралы ақпаратты қамтитын түсіндірме жазба.

      8-параграф. Мемлекеттің әлеуметтік саясатының міндеттерін шешу үшін бюджеттік кредиттеудің орындылығын айқындау тәртібі

      182-54. Мемлекеттің әлеуметтік саясатының міндеттерін шешуге бюджеттік кредиттеу бюджетаралық кредиттеу шеңберінде жүзеге асырылады.

      182-55. Мемлекеттің әлеуметтік саясат міндеттерін шешуге бюджеттік кредит берудің орындылығын айқындау Мемлекеттік жоспарлау жүйесінің тиісті құжатын келісу немесе бюджеттік кредит беру арқылы қаржыландыруға жоспарланған іс-шараларды көздейтін осы Мемлекеттік жоспарлау жүйесі құжатына өзгерістер мен толықтырулар енгізу арқылы, жергілікті атқарушы органдар ұсынатын мынадай құжаттардың негізінде жүзеге асырылады:

      1) бюджеттік кредит беру есебінен қаржыландыруға ұсынылатын шығыстар түрлері мен іс-шаралар бойынша есептеулердің;

      2) жобаны іске асыру мақсатында бюджеттік кредит берудің орындылығын айқындау үшін:

      жобаны жүзеге асыруға арналған шығындардың көлемін растау;

      тиісті салада, оның ішінде екінші деңгейдегі банктердің кредиттерін тарту есебінен іске асырылатын жобаларды қаржыландыру көздерін талдау;

      кредит беру шарттарын негіздеу (оның ішінде мерзімі, сыйақы мөлшерлемелері, кредит сомасы және оны өтеу кестесі);

      соңғы қарыз алушыларға кредит беру шарттарын негіздеу (мұндай болған жағдайда) негіздейтін ақпараттың;

      3) түсіндірме жазбаның және саланы дамыту басымдықтарына сәйкестігі, сондай-ақ бюджеттік кредит беру арқылы іс-шараларды іске асырудың оңтайлы нұсқасының таңдалуы тұрғысынан тиісті салалық сараптама қорытындысының негізінде жүзеге асырылады. Объектіні пайдалануға беруге жұмсалған шығындар болған жағдайда, тиісті салалық сараптаманың қорытындысында ақпаратты көрсету қажет;

      4) ТЭН-ін әзірлеуді талап ететін құрылыс қызметін көздейтін іс-шаралар болған жағдайда, техникалық-экономикалық негіздемеге ведомстводан тыс кешенді сараптаманың тиісті сараптама қорытындысы, оның ішінде техникалық шарттар бойынша құжаттардың көшірмелері (қажет болса, жер учаскелерінің меншік иелері мен жер пайдаланушылардың залалдарын алып қойылатын алқаптардың түріне байланысты ауыл шаруашылығы және орман шаруашылығы өндірісі шығындарының есептеулерін қоса) және жұмыс істеп тұрған объектілерді реконструкциялауды болжайтын жобалар бойынша жылжымайтын мүліктің тиісті құқық белгілейтін құжаттарының көшірмелерін қоса ТЭН-ні ұсынылады.

      182-56. Мемлекеттік жоспарлау жүйесі құжатының жобасы, сондай-ақ бюджеттік кредиттеу арқылы қаржыландыруға жоспарланған іс-шаралар көзделетін осы мемлекеттік жоспарлау жүйесі құжатына өзгерістер мен толықтырулар енгізілген жағдайда, бюджет комиссиясына шығарылуға тиіс.

      182-57. Осы Қағидалардың 182-3-тармағының қағидаттарына сәйкес келмейтін іс-шараларға бюджеттік кредиттер берілмейді.

4-тарау. Бюджеттік инвестициялардың іске асырылуын мониторингілеу және бағалау жүргізу тәртібі

      Ескерту. 4-тараудың тақырыбы жаңа редакцияда – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-параграф. Жоспарлау кезеңінде бюджеттік инвестициялық жобаларға мониторинг жүргізу тәртібі

      183. Республикалық бюджеттік бағдарламалар әкімшілері және жергілікті бюджеттік бағдарламалар әкімшілері тиісінше мемлекеттік жоспарлау жөніндегі орталық немесе жергілікті уәкілетті органға есепті тоқсаннан кейінгі айдың 10 (он) күніне дейін тоқсан сайын осы Қағидаларға 26-қосымшаға сәйкес нысан бойынша қағаз және электрондық жеткізгіште мынадай ақпаратты көрсете отырып, іріктелген инвестициялық ұсыныстардың тізбесін ұсынады:

      1) БИЖ-дің атауы;

      2) инвестициялық ұсынысты енгізген ББӘ атауы;

      3) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізуге қажетті (бөлінген) ақша қаражатының мөлшері;

      4) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізу кезінде игерілген ақша қаражатының мөлшері;

      5) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізу мерзімдері;

      6) БИЖ-дің ТЭН-ін әзірлеу немесе түзету, сондай-ақ оған қажетті сараптамалар жүргізу барысы туралы ақпарат.

2-параграф. Бюджеттік инвестициялық жобаларды іске асыруға мониторинг жүргізу тәртібі

      184. БИЖ-ді іске асыру мониторингі БИЖ-ны тиімді басқаруды қамтамасыз ету мақсатында ықтимал ауытқуларды уақтылы анықтау үшін экономикалық қорытындыға/инвестициялық ұсынысқа/БИЖ ТЭН/Инвестициялардың ҚЭН/ есепті күнге жоспарланған нәтижелермен нақты алынған нәтижелерді салыстыру жолымен жүргізіледі.

      185. БИЖ-ді іске асыруға мониторинг мыналарды көздейді:

      1) БИЖ-дің іске асырылу барысы туралы ақпаратты жинау;

      2) нақты қол жеткізілген сандық нәтижелерді экономикалық қорытындыда/инвестициялық ұсыныста /БИЖ ТЭН/ЖСҚ/ көрсетілген көрсеткіштермен салыстыру жолымен әрбір уақыт аралығындағы қол жеткізілген нәтижелер мен шығындарды талдау;

      3) БИЖ-ді мониторингілеу нәтижелері туралы есепті (бұдан әрі – мониторинг бойынша есеп) дайындау.

      Нақты көрсеткіштердің бұрын жоспарланғандардан (жоспар-кесте бойынша) ауытқуы анықталған БИЖ бойынша БИЖ-ді тиімді іске асыру жөнінде ұсынымдар мен шаралар қалыптастырылады.

      186. Республикалық бюджеттен берілетін нысаналы даму трансферттері мен кредиттер есебінен іске асырылатын республикалық БИЖ-ді және жергілікті БИЖ-ді іске асыру мониторингін республикалық бюджеттік бағдарламалар әкімшілері жүзеге асырады.

      Жергілікті БИЖ-ді іске асыру мониторингін мемлекеттік жоспарлау жөніндегі жергілікті уәкілетті орган жергілікті бюджеттік бағдарламалар әкімшілерінің есептері негізінде жүзеге асырады.

      187. БИЖ-ді дайындау мен іске асырудың жоспар-кестесі әрбір жоба бойынша есептік көрсеткіштерді айқындайтын құжат болып табылады және оны республикалық бюджеттік бағдарламалар әкімшілері мен жергілікті бюджеттік бағдарламалар әкімшілері осы Қағидаларға 27-қосымшаға сәйкес нысан бойынша дайындайды.

      188. Жоспар-кестеде есепті жылдың басталуына дейінгі кезеңге, ағымдағы жылға арналған нақты көлемдер және келесі үш жылға арналған болжамды көлемдер де көрсетіледі.

      Жоспар-кесте бекітілген БИЖ ТЭН-інің және мақұлданған бюджеттік өтінімнің негізінде қалыптастырылады, ал ТЭН әзірлеуді талап етпейтін жобалар бойынша ақпараттандыру объектілерін құруға және дамытуға бағытталған БИЖ бойынша инвестициялық ұсыныс не ЖСҚ, сондай-ақ мақұлданған бюджеттік өтінім жоспар-кестені дайындаудың негізі болып табылады.

      Жоспар-кестеде жобаны іске асыру кезеңі тиісті бюджет комиссиясы мақұлдаған бюджеттік өтінімге сәйкес көрсетіледі.

      Жоспар-кестеге, мониторинг бойынша есепке енгізілген жобалар тізбесі тиісті қаржы кезеңіне арналған республикалық бюджет туралы заңды іске асыру немесе жергілікті бюджет туралы мәслихаттың шешімін іске асыру туралы Қазақстан Республикасы Үкіметінің немесе жергілікті атқарушы органдардың қаулыларымен бекітілген жобалар тізбесіне сәйкес келеді.

      189. Республикалық және жергілікті бюджеттен қаржыландырылатын БИЖ-ді іске асыру мониторингі жөніндегі есепте орындалған жұмыстардың нақты және жоспарлы көлемі және БИЖ бойынша қаржы қаражатын игеру сомалары туралы ақпарат қамтылады және республикалық бюджеттік бағдарламалардың әкімшілері мен жергілікті бюджеттік бағдарламалардың әкімшілері тоқсан сайынғы негізде 28-қосымшаға сәйкес нысан бойынша есепті тоқсаннан кейінгі 10 (оныншы) күнге дейін дайындайды осы Қағидаларға

      Жергілікті бюджеттік бағдарламалар әкімшілері тоқсан сайынғы негізде есепті тоқсаннан кейінгі айдың 1 (бір) күніне дейін БИЖ-дің іске асырылуын мониторингілеу жөніндегі есепті мемлекеттік жоспарлау жөніндегі жергілікті уәкілетті органға ұсынады.

      Бұл ретте мониторинг бойынша есептің жоспарланған көрсеткіштері жоспар-кестенің көрсеткіштеріне сәйкес келеді.

      190. БИЖ-ді мониторингілеу бойынша жиынтық анықтама осы Қағидаларға 30-қосымшаға сәйкес нысан бойынша дайындалады.

      191. Қажетті ақпаратты республикалық бюджеттік бағдарламалар әкімшілері мен жергілікті бюджеттік бағдарламалар әкімшілері есепті тоқсаннан кейінгі айдың 10 (он) күніне дейін қазақ және орыс тілдерінде, қағаз және электрондық жеткізгіштерде тоқсан сайын дайындайды және мыналарды қамтиды:

      1) жоспар-кесте;

      2) мониторинг бойынша есеп пен мониторинг бойынша жиынтық анықтама;

      3) ішкі бақылау қызметі анықтаған бұзушылықтарды жою фактілері бойынша қолданылған шаралар туралы ақпарат;

      4) БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпараты;

      5) осы Қағидаларға 31-қосымшаға сәйкес нысан бойынша жобаның паспорты;

      6) осы Қағидаларға 32-қосымшаға сәйкес нысан бойынша ТЭН әзірлеуді талап етпейтін жобаның паспорты;

      7) осы Қағидаларға 33-қосымшаға сәйкес нысан бойынша Гант диаграммасын құру үшін ақпарат.

      192. Тоқсан қорытындылары бойынша облыстық бюджеттен, республикалық маңызы бар қалалардың, астана бюджеттерінен қаржыландырылатын орталық мемлекеттік органдардың және атқарушы органдардың ішкі бақылау қызметінің БИЖ-ді іске асыру сатысында ықтимал бұзушылықтарды анықтау мақсатында объектілерге бару құқығы бар.

      193. Жергілікті бюджеттік бағдарламалар әкімшілері республикалық бюджеттен берілетін нысаналы даму трансферттері мен кредиттер есебінен іске асырылатын жергілікті БИЖ-дер бойынша жылдық мониторингті қазақ және орыс тілдерінде жыл сайын есепті жылдан кейінгі жылдың 10 наурызынан кешіктірмей тиісті орталық мемлекеттік органға ұсынады.

      194. Республикалық бюджеттен берілетін нысаналы даму трансферттері мен кредиттер есебінен іске асырылатын республикалық БИЖ және жергілікті БИЖ бойынша жылдық мониторингті республикалық бюджеттік бағдарламалардың әкімшілері қазақ және орыс тілдерінде мемлекеттік жоспарлау жөніндегі орталық уәкілетті органға жыл сайын есепті жылдан кейінгі жылдың 10 сәуірінен кешіктірмей ұсынады.

      195. Жергілікті бюджет қаражаты есебінен жүзеге асырылатын БИЖ-ді іске асыру барысы туралы жылдық мониторингті мемлекеттік жоспарлау жөніндегі жергілікті уәкілетті орган қазақ және орыс тілдерінде дайындайды және облыстардың, республикалық маңызы бар қалалардың, астананың әкімдіктеріне жыл сайын есепті жылдан кейінгі жылдың 10 сәуірінен кешіктірмей ұсынады.

      Жергілікті бюджеттік бағдарламалардың әкімшілері БИЖ-ді іске асырылуының жылдық мониторингін мемлекеттік жоспарлау жөніндегі жергілікті уәкілетті органға есепті жылдан кейінгі жылдың 1 сәуіріне дейін ұсынады.

      Жиынтық ақпарат мыналарды:

      1) жергілікті бюджет қаражаты есебінен іске асырылатын БИЖ туралы ақпаратты;

      2) аяқталған және жалғастырылатын жобалар, әзірленетін ЖСҚ саны бойынша ақпаратты;

      3) ауданның (облыстық маңызы бар қаланың) бюджет қаражаты және облыстық бюджеттен берілетін нысаналы даму трансферттері мен кредиттер есебінен қаржыландырылатын БИЖ тізбесі, қаржыландыру жоспарының сомалары, іс жүзінде атқарылуы, аяқталған жобалардың саны, сомалары және игерілмеу себептері туралы ақпаратты қамтиды.

      196. Ішкі бақылау қызметінен анықталған бұзушылық фактілері туралы ақпаратты алған орталық атқарушы органдар мен жергілікті атқарушы органдар қабылданған шаралар және проблемаларды шешу тәсілдері туралы ақпаратты мемлекеттік қаржылық бақылау органдарына ұсынады.

      197. ББӘ БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізуді ескере отырып, республикалық БИЖ-ді, жергілікті БИЖ-ді сондай-ақ тиісті бюджетті жоспарлау (нақтылау) кезінде БИЖ-ді іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпаратын ескере отырып, республикалық бюджеттен берілетін нысаналы даму трансферттері мен кредиттер есебінен іске асырылатын жобаларды іске асыруды мониторингілеу нәтижелерін қолданады.

3-параграф. Бюджеттік инвестициялардың, оның ішінде бюджеттік инвестициялық жобалардың және заңды тұлғалардың жарғылық капиталына мемлекеттің қатысуы арқылы бюджеттік инвестициялардың іске асырылуын бағалау тәртібі

      Ескерту. 4-тараудың 3-параграфының тақырыбы жаңа редакцияда - ҚР Ұлттық экономика министрінің 10.02.2022 № 12 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      198. БИЖ-дің және Инвестициялардың іске асырылуын бағалау БИЖ мен Инвестицияларды тиімді басқаруды қамтамасыз ету мақсатында ықтимал ауытқуларды уақтылы анықтау үшін нақты алынатын нәтижелерді есепті күнге жоспарланғандармен салыстыру арқылы жүргізіледі.

      БИЖ-дің және Инвестициялардың іске асырылуын бағалауды мемлекеттік жоспарлау жөніндегі орталық және жергілікті уәкілетті орган республикалық бюджеттік бағдарламалар әкімшілері немесе жергілікті бюджеттік бағдарламалар әкімшілері мониторингінің қорытындылары бойынша жылдық есеп негізінде жүзеге асырады.

      199. БИЖ-дің және Инвестициялардың іске асырылуын бағалау объекті пайдалануға енгізілген және тиісінше ҚЭН-де көзделген іс-шаралар аяқталғаннан кейін жыл сайын жүргізіледі.

      Егер БИЖ белгіленген мерзімдерде пайдалануға енгізілмеген жағдайда республикалық бюджеттік бағдарламалар әкімшілері немесе жергілікті бюджеттік бағдарламалар әкімшілері БИЖ-дің іске асырылуын бағалау бойынша ақпаратты объекті пайдалануға енгізілгеннен кейінгі жылдары ұсынады.

      Егер ҚЭН-де көзделген іс-шаралар белгіленген мерзімде аяқталмаған жағдайда, республикалық бюджеттік бағдарламалардың әкімшілері немесе жергілікті бюджеттік бағдарламалардың әкімшілері ҚЭН-дегі экономикалық қорытындыда көзделген іс-шаралар аяқталғаннан кейін кейінгі жылдары инвестициялардың іске асырылуын бағалау жөніндегі ақпаратты ұсынады.

      Республикалық бюджеттік бағдарламалардың әкімшілері және жергілікті бюджеттік бағдарламалардың әкімшілері 36-қосымшада объектіні уақтылы пайдалануға бермеудің және би ҚЭН-де көзделген іс-шаралардың уақтылы аяқталмауының себептері туралы ақпарат көрсетіледі.

      200. БИЖ-дің және Инвестициялардың іске асырылуын бағалау мыналарды:

      1) ББӘ-ден осы Қағидаларға 36-қосымшаға сәйкес БИЖ және инвестицияларды іске асыру барысы туралы есепті қамтитын ақпарат жинау;

      2) мемлекеттік жоспарлау жүйесінің және/немесе БИЖ ТЭН мен инвестициялардың ҚЭН құжаттарында көзделген көрсеткіштермен салыстыру арқылы БИЖ мен инвестициялардың қол жеткізілген тікелей нәтижелерін талдау;

      3) БИЖ және инвестицияларды іске асыруды бағалау бойынша жиынтық есепті дайындау.

      Нақты көрсеткіштердің мемлекеттік жоспарлау жүйесінің құжаттарында және/немесе БИЖ ТЭН-інде және Инвестициялардың ҚЭН-інде бұрын жоспарланған көрсеткіштерден ауытқулары анықталған БИЖ және Инвестициялар бойынша БИЖ мен Инвестицияларды тиімді басқару мақсатында жүйелі және жедел шаралар бойынша ұсынымдар қалыптастырылады.

      201. БИЖ-дің іске асырылуына бағалау жүргізу үшін ақпарат қазақ және орыс тілдерінде мынадай есептілік құрамында ұсынылады:

      1) осы Қағидаларға 36-қосымшаға сәйкес БИЖ-дің және Инвестициялардың іске асырылу барысы туралы есеп;

      2) осы Қағидаларға 28-қосымшаға сәйкес республикалық бюджеттен берілетін нысаналы даму трансферттері және кредиттер есебінен іске асырылатын республикалық бюджеттік инвестициялық жобалар мен жобалардың іске асырылу мониторингі бойынша есептер;

      3) осы Қағидаларға 38-қосымшаға сәйкес заңды тұлғалардың жарғылық капиталына мемлекеттің қатысуы арқылы бюджеттік инвестициялар есебінен іске асырылатын іс-шараларды іске асыру мониторингі бойынша квазимемлекеттік сектор субъектісінің есептері;

      4) осы Қағидаларға 39-қосымшаға сәйкес заңды тұлғалардың жарғылық капиталына мемлекеттің қатысуы арқылы бюджеттік инвестициялар есебінен іске асырылатын іс-шараларды іске асыру мониторингі бойынша бюджеттік бағдарламалар әкімшісінің есептері.

      202. БИЖ және инвестицияларды іске асыру барысы туралы есеп тоқсан сайынғы мониторинг негізінде әзірленеді және БИЖ іске асырудан және инвестицияларды жүзеге асырудан есепті кезеңде ұзақ мерзімді экономикалық және әлеуметтік көрсеткіштерге қол жеткізуді ескере отырып, өнімнің (көрсетілетін қызметтердің) нақты және жоспарлы көлемі туралы ақпаратты қамтиды және орталық және жергілікті уәкілетті органдар бюджеттік бағдарламалардың әрекет етуші әкімшілері электрондық жеткізгіште мыналарға сәйкес нысан бойынша ұсынады осы Қағидаларға 36-қосымшаға мемлекеттік жоспарлау жөніндегі орталық және жергілікті уәкілетті органға.

      БИЖ және инвестицияларды іске асырудан түсетін экономикалық және әлеуметтік табыстың ұзақ мерзімді көрсеткіштеріне қол жеткізу жөніндегі ақпарат Инвестициялық ұсыныста және/немесе Қазақстан Республикасы Мемлекеттік органдары тиімділігінің түйінді көрсеткіштеріне байланыстырылған көрсеткіштер негізінде дайындалады.

      205. Республикалық бюджеттен берілетін нысаналы даму трансферттері есебінен іске асырылатын жергілікті БИЖ-дің және Инвестициялардың іске асырылуын бағалау жөніндегі ақпаратты жергілікті бюджеттік бағдарламалардың әкімшілері есепті жылдан кейінгі жылдың 1 мамырынан кешіктірмей тиісті орталық мемлекеттік органға қазақ және орыс тілдерінде ұсынады.

      206. Республикалық БИЖ-дің және Инвестициялардың және республикалық бюджеттен берілетін нысаналы даму трансферттері есебінен іске асырылатын жергілікті БИЖ-дің және Инвестициялардың іске асырылуын бағалау жөніндегі ақпаратты республикалық бюджеттік бағдарламалардың әкімшілері ретінде әрекет ететін тиісті орталық уәкілетті орган электрондық жеткізгіште жылына бір рет, жыл сайын есепті жылдан кейінгі жылдың 1 маусымынан кешіктірмей мемлекеттік жоспарлау жөніндегі орталық уәкілетті органға ұсынады.

      Жергілікті БИЖ-дің және Инвестициялардың іске асырылуын бағалау жөніндегі ақпаратты жергілікті бюджеттік бағдарламалардың әкімшісі ретінде әрекет ететін тиісті жергілікті уәкілетті атқарушы орган электрондық жеткізгіште жылына бір рет, жыл сайын есепті жылдан кейінгі жылдың 1 маусымынан кешіктірмей мемлекеттік жоспарлау жөніндегі жергілікті уәкілетті органға ұсынады.

      208. Республикалық БИЖ-дің және Инвестициялардың және республикалық бюджеттен берілетін нысаналы даму трансферттері есебінен іске асырылатын жергілікті БИЖ-дің және Инвестициялардың іске асырылуына бағалау жүргізу кезінде мемлекеттік жоспарлау жөніндегі орталық уәкілетті орган есепті жылдан кейінгі жылдың 5 маусымына дейінгі мерзімде "Мемлекеттiк сатып алу туралы" Қазақстан Республикасы Заңының 39-бабы 3-тармағының 36) тармақшасына сәйкес БИЖ-дің және Инвестициялардың іске асырылуына бағалау жүргізуге Қазақстан Республикасының Үкіметі айқындайтын заңды тұлғаны тартады.

      209. Қазақстан Республикасының Үкіметі айқындаған заңды тұлға БИЖ-дің және Инвестициялардың іске асырылуына бағалау жүргізеді және ақпаратты есепті жылдан кейінгі жылдың 10 шілдесіне дейін мемлекеттік жоспарлау жөніндегі орталық уәкілетті органға қазақ және орыс тілдерінде ұсынады.

      209-1. Мемлекеттік жоспарлау жөніндегі орталық уәкілетті орган осы Қағидалардың 206-тармағына сәйкес республикалық БИЖ-дің және Инвестициялардың және республикалық бюджеттен берілетін нысаналы даму трансферттері есебінен іске асырылатын жергілікті БИЖ-дің және Инвестициялардың іске асырылуын бағалау жөніндегі ақпаратты республикалық бюджеттік бағдарламалардың әкімшілері ретінде әрекет ететін тиісті орталық уәкілетті органдардан алғаннан кейін БИЖ-дің және Инвестициялардың іске асырылуына бағалау жүргізуге Қазақстан Республикасының Үкіметі айқындаған заңды тұлғаға есепті жылдан кейінгі жылдың 5 маусымынан кешіктірілмейтін мерзімде электрондық жеткізгіште ұсынады.

      210. БИЖ-дің іске асырылуына бағалау жүргізуге Қазақстан Республикасының Үкіметі айқындаған заңды тұлға республикалық бюджеттік бағдарламалар әкімшілерінен қажетті ақпаратты дербес сұратады және алады.

      БИЖ-дің және Инвестициялардың іске асырылуын бағалау жөніндегі есеп Қазақстан Республикасының Үкіметінен қайтарылған және/немесе оны пысықтау қажет болған жағдайда мемлекеттік жоспарлау жөніндегі орталық уәкілетті орган және БИЖ-дің және Инвестициялардың іске асырылуына бағалау жүргізуге Қазақстан Республикасының Үкіметі айқындаған заңды тұлға Қазақстан Республикасы Үкіметінің ұсыныстарын есепке ала отырып есепті жояды және пысықтайды.

      211. Республикалық БИЖ-дің және Инвестициялардың және республикалық бюджеттен берілетін нысаналы даму трансферттері есебінен іске асырылатын жергілікті БИЖ-дің және Инвестициялардың іске асырылуын бағалау жөніндегі жиынтық есепті мемлекеттік жоспарлау жөніндегі орталық уәкілетті орган жыл сайын Қазақстан Республикасының Үкіметіне есепті жылдан кейінгі жылдың 10 тамызына дейін ұсынады.

      Жергілікті БИЖ-дің және Инвестицияларды іске асырылуын бағалау жөніндегі жиынтық есепті мемлекеттік жоспарлау жөніндегі жергілікті уәкілетті орган жыл сайын облыстардың, республикалық маңызы бар қалалардың және астананың әкімдіктеріне есепті жылдан кейінгі жылдың 25 шілдесіне дейін ұсынады.

      212. БИЖ-дің және Инвестициялардың іске асырылуын бағалау деректерінің негізінде ағымдағы және болжанатын әлеуметтік-экономикалық және саяси ахуалды ескере отырып, мемлекеттік жоспарлау жөніндегі орталық уәкілетті орган Қазақстан Республикасының Үкіметіне және жергілікті атқарушы органдарға БИЖ-ді және Инвестицияларды тиімді жүзеге асыру шараларын іске асыру жөнінде ұсыныстар мен ұсынымдар енгізе алады.

4-параграф. Заңды тұлғалардың жарғылық капиталына мемлекеттің қатысуы арқылы бюджеттік инвестициялардың іске асырылуына мониторинг жүргізу тәртібі

      213. Инвестициялардың мониторингі тұрақты және жүйелi түрде ақпарат жинау, Инвестициялардың тиімділігін қадағалау мақсатында көрсетілген іс-шаралардың түпкілікті іске асырылу сәтіне дейін заңды тұлғалардың акциялар пакетін (қатысу үлесін) сатып алу, бастапқы жарғылық капиталды қалыптастыру жолымен республикалық немесе жергiлiктi бюджеттен тартылған Инвестицияларды есепке алу мен олардың іске асырылуын талдау болып табылады.

      214. Инвестициялар мониторингі мыналарды:

      1) республикалық немесе жергiлiктi бюджеттен тартылған Инвестициялар есебінен іске асырылатын іс-шаралардың барысы туралы ақпарат жинауды;

      2) инвестициялар есебінен заңды тұлға іске асыратын іс-шаралар нәтижелерінің нақты қол жеткізілген көрсеткіштерін және Инвестициялар ҚЭН-інде және (немесе) мемлекеттік органдардың даму жоспарларында және (немесе) заңды тұлғаларды стратегиялық даму құжаттарында жоспарланған тиісті нәтижелерді, сондай-ақ оларға қол жеткізбеу себептерін салыстыру арқылы әрбір кезеңде қол жеткізілген іске асыру көлемдері мен шығындарды талдау;

      3) есепті кезеңдегі орындалған жұмыстардың нақты және жоспарланған көлемдері мен қаржы қаражатын игеру сомалары туралы ақпаратты қамтитын Инвестициялардың іске асырылуын мониторингілеу нәтижелері туралы есепті дайындауды қамтиды.

      215. Инвестициялар есебінен іс-шараларды іске асыратын квазимемлекеттiк сектор субъектiсі бюджеттiк бағдарламалардың әкімшісіне есепті кезең үшін Инвестициялар есебінен іске асырылатын іс-шаралардың іске асырылуын мониторингілеу бойынша есепті (бұдан әрі – квазимемлекеттiк сектор субъектiсінің есебі) осы Қағидаларға 38-қосымшаға сәйкес нысан бойынша, сондай-ақ түсіндірме жазбаны (нақты көрсеткіштердің жоспардағыдан теріс бағытталған ауытқуы жағдайында ауытқуды егжей-тегжейлі негіздей отырып), бір мезгілде соңғы есепті кезең үшін қаржылық есептілікті, квазимемлекеттiк сектор субъектiсінің стратегиялық даму құжаттарының көшірмелерін ұсынады.

      Квазимемлекеттiк сектор субъектiсінің есебі ББӘ-ге тоқсан сайын, есепті тоқсаннан кейінгі айдың 10 (он) күніне дейін беріледі.

      Квазимемлекеттiк сектор субъектiсінің есебінде:

      1) бюджеттік бағдарламаның сипаттамасы;

      2) Бюджеттік инвестициялар есебінен іске асырылатын іс-шараның әрбір кезеңінің құны;

      3) жарғылық капиталға мемлекет қатысатын заңды тұлғалардың жарғылық капиталдарын ұлғайтуға және заңды тұлғалардың жарияланған акцияларының төлеміне олардың еншілес ұйымдарының жарғылық капиталын ұлғайтуға ақша аудару кезінде акционердің (қатысушының) және директорлар кеңесінің шешімдері бағалы қағаздар нарығын реттеу мен қадағалауды жүзеге асыратын мемлекеттік органның тиісті куәлігімен расталатын акциялар (бағалы қағаздар) шығарылымын мемлекеттік тіркеу мәліметтері;

      4) заңды тұлғаны мемлекеттік қайта тіркеу мәліметтері;

      5) Инвестициялар есебінен іске асырылатын іс-шараның әрбір кезеңін іске асыру кестесі;

      6) іске асырылуы үшін Инвестициялар жүзеге асырылған Мемлекеттік жоспарлау жүйесі құжаттарының деректемелері;

      7) Инвестициялар есебінен іске асырылатын іс-шараны қаржыландыру схемасы;

      8) нысаналы индикаторларға сәйкес Инвестициялардың ҚЭН-де қол жеткізілуі жоспарланған Инвестициялар есебінен іске асырылатын іс-шараның сандық-сапалық көрсеткіштері;

      9) квазимемлекеттік сектор субъектісінің жауапты орындаушысының деректемелері көрсетіледі.

      Квазимемлекеттік сектор субъектісі есебінің әрбір парағына Инвестициялардың мониторингі және олардың іске асырылуы туралы есепті дайындау үшін жауапты заңды тұлғаның құрылымдық бөлімшесінің басшысы, ондайлар болмаған жағдайда – заңды тұлғаның басшысы не оны алмастыратын тұлға қол қояды.

      Квазимемлекеттік сектор субъектісінің есебіне заңды тұлғаның басшысы не оны алмастыратын тұлға қол қояды. Бұл ретте жауапты орындаушы, құрылымдық бөлімшенің басшысы және заңды тұлғаның басшысы ұсынылатын ақпараттың толықтығына және дұрыстығына жауап береді.

      216. Есепті тоқсандағы Инвестициялар есебінен іске асырылатын іс-шаралардың іске асырылу мониторингі бойынша есепті (бұдан әрі – ББӘ есебі) осы Қағидаларға 39-қосымшаға сәйкес нысан бойынша, сондай-ақ түсіндірме жазбаны (нақты көрсеткіштердің жоспардағыдан теріс бағытталған ауытқуы жағдайында ауытқуды егжей-тегжейлі негіздей отырып) ұсынады, бір мезгілде соңғы есепті кезеңдегі квазимемлекеттік сектор субъектілерінің қаржылық есептіліктерін, заңды тұлғаларды дамытудың стратегиялық құжаттарының көшірмелерін ұсынады.

      217. Республикалық бюджеттен нысаналы даму трансферттері мен кредиттер есебінен іске асырылатын республикалық Инвестициялар мен Инвестициялар бойынша ББӘ есебін республикалық бюджеттік бағдарламалар әкімшілері жүргізеді.

      Жергілікті Инвестициялар бойынша ББӘ есебін жергілікті бюджеттік бағдарламалар әкімшілері жүргізеді.

      218. ББӘ есебінде:

      1) бюджеттік бағдарламаның (ішкі бағдарламаның) сипаттамасы;

      2) Инвестициялар есебінен іске асырылатын іс-шараның әрбір кезеңінің құны;

      3) жарғылық капиталға мемлекет қатысатын заңды тұлғалардың жарғылық капиталдарын ұлғайтуға және заңды тұлғалардың жарияланған акцияларының төлеміне олардың еншілес ұйымдарының жарғылық капиталын ұлғайтуға ақша аудару кезінде акционердің (қатысушының) және директорлар кеңесінің шешімі, бағалы қағаздар нарығын реттеу мен қадағалауды жүзеге асыратын мемлекеттік органның тиісті куәлігімен расталатын акциялар (бағалы қағаздар) шығарылымын мемлекеттік тіркеу мәліметтері;

      4) заңды тұлғаны мемлекеттік қайта тіркеу мәліметтері;

      5) Инвестициялар есебінен іске асырылатын іс-шараның әрбір кезеңін іске асыру кестесі;

      6) іске асырылуы үшін Инвестициялар жүзеге асырылған Мемлекеттік жоспарлау жүйесі құжаттарының деректемелері;

      7) ББӘ тиісті бюджеттік бағдарламасы (ішкі бағдарламасы) бойынша республикалық немесе жергілікті бюджеттен қаражат бөлу туралы ақпарат;

      8) Инвестициялар есебінен іске асырылатын іс-шараны қаржыландыру схемасы;

      9) ББӘ жауапты орындаушысының деректемелері;

      10) ішкі бақылау қызметімен анықталған бұзушылықтарды жою бойынша қабылданған шаралар туралы ақпарат;

      11) Инвестицияларды жүзеге асырудан экономикалық және әлеуметтік қайтарымдылықтың ұзақ мерзімді көрсеткіштерге қол жеткізудің ағымдағы жағдайы туралы ақпарат көрсетіледі.

      Инвестициялар арқылы іске асырылатын іс-шаралар бойынша есепті тоқсанның әрбір нысан бойынша заттай көрінісінде жоспарланған және нақты өнімдірілген жұмыс көлемі туралы ақпарат беріледі.

      219. Тоқсанның қорытындылары бойынша орталық мемлекеттік органдардың және облыстық бюджеттен, республикалық маңызы бар қалалардың, астананың бюджеттерінен қаржыландырылатын атқарушы органдардың ішкі бақылау қызметтері жобаларды іске асыру сатысында ықтимал бұзушылықтарды анықтау мақсатында объектілерге шығады.

      Ішкі бақылау қызметінің қорытындысы анықталған бұзушылық фактілері туралы ақпаратты, сондай-ақ проблемаларды шешу және жою бойынша ұсынымдар мен шараларды қамтиды.

      Анықталған бұзушылық фактілері туралы ақпаратты ішкі бақылау қызметі тиісті органның бірінші басшысына ұсынады.

      220. Жергілікті бюджеттік бағдарламалар әкімшілері республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылуы бойынша жылдық мониторингті қазақ және орыс тілдерінде, жыл сайын, есепті жылдан кейінгі жылдың 20 наурызынан кешіктірмей тиісті орталық мемлекеттік органға ұсынады.

      221. Республикалық Инвестициялар мен республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылуы бойынша жылдық мониторингті республикалық бюджеттік бағдарламалар әкімшілері мемлекеттік жоспарлау жөніндегі орталық уәкілетті органға қазақ және орыс тілдерінде жыл сайын есепті жылдан кейінгі жылдың 20 сәуірінен кешіктірмей ұсынады.

      222. Жергілікті бюджет қаражаты есебінен жүзеге асырылатын Инвестициялардың іске асырылу барысы туралы жылдық мониторингті мемлекеттік жоспарлау жөніндегі жергілікті уәкілетті орган қазақ және орыс тілдерінде дайындайды және облыстардың, республикалық маңызы бар қалалардың, астананың әкімдіктеріне жыл сайын есепті жылдан кейінгі жылдың 20 сәуірінен кешіктірмей ұсынады.

      223. Ішкі бақылау қызметінен анықталған бұзушылық фактілері туралы ақпарат алған орталық атқарушы органдар мен жергілікті атқарушы органдар мемлекеттік қаржылық бақылау органдарына проблемаларды шешу тәсілдері мен қабылданған шаралар туралы ақпарат ұсынады.

      224. ББӘ тиісті бюджетті жоспарлаған (нақтылаған) кезде Инвестицияларды іске асырудан экономикалық және әлеуметтік қайтарымдылықтың ұзақ мерзімді көрсеткіштеріне қол жеткізу бойынша ағымдағы жағдай ақпаратын ескере отырып, республикалық Инвестициялардың, жергілікті Инвестициялардың және республикалық бюджеттен нысаналы даму трансферттері мен кредиттер есебінен іске асырылатын Инвестициялардың іске асырылу мониторингінің нәтижелерін қолданады.

5-параграф. Заңды тұлғалардың жарғылық капиталына мемлекеттің қатысуы арқылы бюджеттік инвестициялардың іске асырылуына бағалау жүргізу тәртібі

      Ескерту. 4-тараудың 5-параграфы алып тасталды - ҚР Ұлттық экономика министрінің 10.02.2022 № 12 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

"Инвестициялық ұсыныстың ақпараттық парағы"

      Ескерту. 1-қосымша жаңа редакцияда – ҚР Ұлттық экономика министрінің 07.02.2023 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Бюджеттік бағдарлама әкімшісі және іске асыруға ұсынылатын мемлекеттік инвестициялық жоба (бұдан әрі – МИЖ) жөніндегі деректер

      Бюджеттік бағдарлама әкімшісі ______________________________________

      МИЖ атауы _______________________________________________________

      МИЖ іске асыру көзделген мемлекеттік жоспарлау жүйесі құжаттарының, Қазақстан Республикасы Президентінің Қазақстан халқына жыл сайынғы Жолдауларының, Қазақстан Республикасы Президентінің тапсырмаларының, Қазақстан Республикасы заңнамалық актілерінің орындаудың атауы (нақты тармақтарға сілтемелер).

      Инвестицияларды алушы (болған жағдайда) заңды тұлғаның атауы

      МИЖ іске асыру кезеңі (белгісіз болса, жобалап көрсетіңіз):

      Іске асырудың ұзақтығы: ____________ ай

      МИЖ іске асырудың басталуы: жыл: ________ ай: ________

      МИЖ іске асырудың болжамды аяқталуы: жыл: ______ ай: ______

      МИЖ-дің пайдаланылу (қызмет ету) кезеңі

      МИЖ-дің жалпы құны: ____ мың теңге, оның ішінде (қажет жағдайда толтырылады):

      Техникалық-экономикалық негіздеме (бұдан әрі – ТЭН) әзірлеу құны: __________ мың теңге

      ТЭН түзету құны: ___________ мың теңге

      Объектіні ұстауға арналған жыл сайынғы шығындар, сондай-ақ инвестициядан кейінгі кезең (қаржыландыру көзін көрсете отырып)

      МИЖ-ді іске асырылатын жері:

      (МИЖ-дің, оның негізгі құрамдауыштарының іске асырылатын жері мен МИЖ бойынша шығындардың өңірлерге бөлінуін көрсетіңіз)

      1) Елді мекен (ауыл, аудан, қала, облыс, ел)

      2) Баланс ұстаушы* (қажет жағдайда толтырылады)

      3) МИЖ үшін бөлінген жердің болуы* (қажет жағдайда толтырылады)

      иә (жер учаскесі мен сол орында тұрған жылжымайтын мүліктің берілгені жөніндегі шешімнің нөмірі мен күні көрсетіледі);

      жоқ (жер учаскесін сатып алу үшін қажетті сома көрсетіледі).

      4) инженерлік-көліктік инфрақұрылымның (теміржол магистральдары, автомобиль жолдары, құбырлар, электр-, жылу желілері, су құбырлары, газ құбырлары және басқа да инфрақұрылымның) болуы:

      иә (қандай екені көрсетіледі);

      жоқ (қосымша қанша шығын қажет екені көрсетіледі)

      Ескертпе:

      * жаңа объект құрылған (салынған) жағдайда, болашақ меншік иесі көрсетіледі, реконструкцияланған жағдайда қазіргі меншік иесі көрсетіледі

      2. Ретроспектива (МИЖ бойынша бұрын бөлінген және игерілген қаражат туралы, оның ішінде ағымдағы бағдарламалар бойынша ақпарат)

      3. Саланың маркетингтік талдауы

      1) объектілерді құру (салу) мен реконструкциялауды, сондай-ақ ақпараттандыру объектілерін құру мен дамытуды болжайтын МИЖ үшін қаралып отырған өңірде жобада (жобалар) болжанған өнімдерге (тауарларға, жұмыстарға, көрсетілетін қызметтерге) қазіргі кездегі және перспективадағы сұранысты не жобаның әлеуметтік-экономикалық қажеттілігін талдауды көрсетеді.

      2) квазимемлекеттік сектор субъектілерін жарғылық капиталын қалыптастыру немесе ұлғайту арқылы саланы (салаларды) институционалдық дамытуды болжайтын МИЖ үшін іс-шараларды іске асыру ықпал ететін негізгі көрсеткіштер мен даму серпінін көрсете отырып, іс-шараларды іске асыру болжанатын маркетингтік ортаны талдауды көрсетеді.

      4. Іске асырылуы болжанатын МИЖ-дің жалпы сипаттамасы (МИЖ-ді жалпы сипаттау басымдылық тәртібінде жеке (жоба бойынша) баяндалады.

      МИЖ-дің мақсаты мен міндеттері:

      1) мақсат (мақсат Қазақстан Республикасы Мемлекеттік жоспарлау жүйесінің құжаттарында белгіленген экономика саласын (аясын) дамытудың неғұрлым кең міндеттерін/басымдықтарын көрсетуге тиіс);

      2) сандық есептер (жобаның ауқымын анықтауға болатын жобаның сандық өлшенетін есептерін көрсетіңіз. Белгілі бір сандық көрсеткіштерді көрсетіңіз, мысалы, жобалық қуат және басқалар);

      3) тікелей және түпкілікті нәтижелер (жобаны іске асыру нәтижесінде оларды алушылар үшін өндірілетін өнімнің/көрсетілетін қызметтің әсері, сондай-ақ бизнес субъектілеріне (оның ішінде шағын және орта бизнеске) әсер ету, Қазақстан Республикасы Мемлекеттік органдары тиімділігінің түйінді көрсеткіштері негізінде жобаны іске асырудан экономикалық және әлеуметтік қайтарымның ұзақ мерзімді көрсеткіштеріне қол жеткізу).

      Жобаның негіздемесі: (осы жобаны іске асыру қажеттілігін негіздеу; жобаны іске асырған жағдайда осы саланың көрсеткіші қаншалықты көтерілетіндігін көрсету).

      Ақпараттандыру объектілерін құруға және дамытуға бағытталған бюджеттік инвестициялық жобалар үшін:

      инвестициялық және пайдалану кезеңдерінде іске асырудың әрбір нұсқасы құнының есептеулері мен негіздемелерін келтіре отырып, кемінде 2 іске асыру нұсқасын көрсетіңіз;

      осы Қағидаларға 10-қосымшаға сәйкес жобаны іске асыру нұсқасын оңтайлы таңдауды негіздеу үшін әрбір нұсқа бойынша ең аз шығындарға талдау жүргізу.

      МИЖ сипаттамасы:

      (1 және 2-кестеге сәйкес жобаның және оның барлық іс-шаралары мен құрамдауыштар мазмұнын сипаттаңыз)

      5. МИЖ-ді институционалдық басқару схемасы

      Негізгі қатысушыларды сипаттау, олардың өзара іс-қимыл схемасы, пайдалар мен шығындарды бөлу, инвестициялық және инвестициядан кейінгі кезеңдерде жобаны басқару схемасы, сондай-ақ пайда алушылар (жобаның іске асырылуынан пайда табатын нысаналы топтар мен адамдар санын көрсетіңіз);

      6. Әлеуметтік және экологиялық әсері:

      (жобаның қоршаған орта мен тұрғындарға әсер етуін қысқаша сипаттаңыз)

      Тұрғындардың жұмыспен қамтылуына әсері (жобаның іске асырылуына тікелей немесе жанама қатысатын адамдар санын бағалауды ұсыныңыз).

      7. МИЖ-ді қаржыландырудың ықтимал түрлері мен тәсілдері бойынша іске асырудың балама нұсқалары.

      Тиісті негізделген есептерді қоса бере отырып, қаржыландырудың мынадай түрлері мен тәсілдері бойынша МИЖ-ді іске асыру мүмкіндігін (мүмкін еместігін) жазыңыз:

      1) бюджеттік инвестициялық жоба (көзделген бюджет қаражаты шегінде орындалатын мемлекеттік функциялардың, өкілеттіктер мен көрсетілетін мемлекеттік қызметтер көлемінің сандық сипаттамасы, оларға қол жеткізу аталған функцияларды, өкілеттіктерді жүзеге асыратын немесе қызметтер көрсететін ұйымның қызметіне толық байланысты болады, теңгерім ұстаушысы тікелей бюджеттік бағдарлама әкімшісі болып табылатын әлеуметтік-экономикалық әсердің болуы);

      2) заңды тұлғалардың жарғылық капиталына мемлекеттің қатысуы арқылы іске асыру жоспарланатын бюджеттік инвестициялар (көзделген бюджет қаражаты шегінде орындалатын мемлекеттік функциялардың, өкілеттіктер мен көрсетілетін мемлекеттік қызметтер көлемінің сандық сипаттамасы, оларға қол жеткізу аталған функцияларды, өкілеттіктерді жүзеге асыратын немесе қызметтер көрсететін ұйымның қызметіне толық байланысты болады және/немесе Инвестицияларды алушының белгілі бір көлемде және сапада өнім өндіруі);

      3) бюджеттік кредит (ақпаратты бюджеттік кредиттеу қағидаттарына сәйкестігі тұрғысынан көрсету, оның ішінде:

      бюджеттік кредитті кредит шартына сәйкес өтеу міндеттілігін көздейтін қайтарымдылық;

      міндеттемелердің орындалуын Қазақстан Республикасының заңнамасында белгіленген тәсілдермен қамтамасыз етудің болуы көзделген қамтамасыз етілу;

      бюджеттік кредитті бергені үшін қарыз алушының сыйақы төлеуі көзделген ақылылық;

      бюджеттік кредитті беру мерзімін белгілеуді көздейтін мерзімділік);

      4) мемлекеттік жекешелік-әріптестік (бұдан әрі – МЖӘ) жобасы, оның ішінде концессиялық жоба (сәйкестікке қатысты ақпаратты көрсету):

      "Мемлекеттік-жекешелік әріптестік туралы" және "Концессиялар туралы" Қазақстан Республикасының Заңдарында белгіленген МЖӘ, оның ішінде концессия қағидаттарын сақтау;

      жобаны МЖӘ, оның ішінде концессия схемасы бойынша іске асырудың әлеуметтік тиімділігі;

      жобаны МЖӘ, оның ішінде концессия схемасы бойынша іске асырудың экономикалық тиімділігі;

      МЖӘ, оның ішінде концессия схемасы бойынша ұсынылатын шешімдердің негізделуі);

      5) жеке инвестициялар (ақпаратты МИЖ-дің жоғары өтімділігіне сәйкестігі тұрғысынан көрсету).

      8. Ақпараттандыру объектісін құруға және дамытуға бағытталған бюджеттік инвестициялық жоба үшін болжанатын техникалық-технологиялық шешімдердің сипаттамасы мен негіздемесі:

      1) жоба ауқымының сипаттамасы және жоба қуатының есептік негіздемесі, жоба қуатын игеру серпіні;

      2) технологиялар мен жабдықтарды таңдау негіздемесі, пайдаланылатын жабдықпен технологиялық үйлесімділік, баға-сапа оңтайлы арақатынасы, технологиялар мен жабдықтарды таңдаудың балама нұсқалары, инновациялық жабдықты қолдану, жобада сапа стандарттарын пайдалану туралы ақпарат;

      3) жобаның құрамдауыштары бойынша қаржыландыруды бөле отырып, жобаны іске асыру кестесі (оның ішінде технологиялық кезеңдер бойынша);

      4) автоматтандырылған функциялар, процестер және оларды тұтынушылар тізбесі (use-case схемасы);

      5) телекоммуникация схемасы және байланыс арналарына қойылатын талаптар, жобаның ауқымы мен қуатының сандық көрсеткіштері негізінде есептеу қуаттары мен сақтау көлемдеріне және есептеу құралдарының санына қойылатын талаптардың негіздемесі;

      6) жүйе архитектурасының, жүйе құрамдауыштарының және олардың өзара байланысының жалпы сипаттамасы;

      7) жобаны іске асыру нәтижесінде өзекті болмай қалуы мүмкін мемлекеттік ақпараттандыру объектілерін және олардың құрамдауыштарын көрсету;

      8) сыртқы ақпараттық жүйелермен интеграцияны көрсету;

      9) ақпараттық қауіпсіздік талаптарын көрсету.

      Инвестициялық ұсыныстың осы бөлімінде салыстырмалы талдау жүргізілетін және таңдап алынған нұсқаның негіздемесі ұсынылатын жобаның мақсатына және нәтиже көрсеткіштеріне қол жеткізудің кемінде екі ықтимал нұсқасы көрсетіледі.

      Байланысатын адамның деректемелері

      Тегі, аты, әкесінің аты

      (болған жағдайда):_________________________________________________________

      Лауазымы:________________________________________________________________

      Бөлімше/ұйым:_____________________________________________________________

      Мекенжайы:_______________________________________________________________

      Байланыс телефоны: ________________________________________________________

      Электрондық пошта: ________________________________________________________

      __________________ ___________

      Мөрдің орны (болған жағдайда)______________________

      Тегі, аты, әкесінің аты (болған жағдайда), лауазымы, қолы

      Нысан

____ жылғы " " ___________
Квазимемлекеттік сектор субъектілерінің инвестициялық картасы

      Ескерту. Қағида 1-1-қосымшамен толықтырылды - ҚР Ұлттық экономика министрінің м.а.15.08.2016 № 371 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Бюджеттік бағдарлама әкімшісі _____________________________

      (Атауы және код)

      Ескертпе:

      "Іс-шаралардың/компоненттердің атаулары" бағанасында жобаның іс-шаралар атаулары көрсетіледі. Тараулардың саны және атаулары қаржылық-кономикалық негіздемеде (республикалық немесе жергілікті бюджет, Қазақстан Республикасы Ұлттық фонд қаражаты қаржыландыру көздері болған жағдайда) немесе заңды тұлғалардың даму жоспарында (қарыз немесе меншікті қаражат қаржыландыру көзі болған жағдайда), көрсетілген және жобаның активтерін сатып алуды қарастыратын іс-шаралардың саны мен атауларына сәйкес болу керек.

      "Қатысушылардың (инвестицияны алушы) атаулары" бағанасында қаражат бөлінген/бөлініп отырған/бөлінетін квазимемлекеттік сектор субъектілерінің, сондай-ақ инвестициялардың соңғы алушыларының атаулары көрсетіледі.

      "Жобаның құны (мың теңге)" бағанасында барлық қаржыландыру көздерін есепке алып жобаның жалпы құны көрсетіледі.

      "Қаржыландыру көзі (мың тенге)" бағанасында қаражат бөлінген/бөлініп отырған/бөлінетін шенберінде тиісті қаржыландыру көзі бағанасында қаражат көрсетіледі.

      "Құрылыс (инвестициялық) кезең" бағанасында инвестициялық жобаны іске асыру/құру мерзімі көрсетіледі.

      "Қолданыс (постинвестициялық) кезең" бағанасында инвестициялық жобаны қолдану мерзімі көрсетіледі.

      1-кесте

"Жобаның қаржылық-экономикалық моделінің базалық параметрлері" нысаны

      Ескерту. 2-қосымша жаңа редакцияда – ҚР Ұлттық экономика министрінің 10.02.2022 № 12 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      4-жолда қаржылық және экономикалық тиімділік көрсеткіштері есептемелерінде қолданылатын Қазақстан Республикасы Ұлттық Банкінің базалық мөлшерлемесі көрсетіледі.

      5-жолда қаржылық және экономикалық тиімділік көрсеткіштері есептемелерінде қолданылатын Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес инфляция деңгейі көрсетіледі. Бұл ретте келесі инвестициялаудан кейінгі кезең ішінде Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес көрсетілген соңғы жылға арналған инфляция деңгейі қабылданады.

      6-жолда қаржылық және экономикалық тиімділік көрсеткіштері есептемелерінде пайдаланылатын қолданыстағы Қазақстан Республикасының Салық кодексіне сәйкес салық мөлшерлемелері көрсетіледі.

      7-жолда қаржылық және экономикалық тиімділік көрсеткіштері есептемелерінде қолданылатын Қазақстан Республикасының қолданыстағы заңнамасына сәйкес амортизациялау нормалары көрсетіледі.

      2-кесте

"Жобаның іске асырылуының экономикалық тиімділігі көрсеткіштерін есептеу" нысаны

      Ескертпе:

      Бұл нысан МИЖ қаржыландырудың әрбір тәсілі бойынша жеке толтырылады (бюджеттік инвестициялық жоба ретінде, заңды тұлғалардың жарғылық капиталына мемлекеттің қатысуы арқылы бюджеттік инвестициялар ретінде, мемлекеттік-жекешелік әріптестік жобасы ретінде, оның ішінде концессиялық жоба ретінде, бюджеттік кредит ретінде, жеке инвестициялар ретінде).

      1-тармақтың 1) тармақшасында инвестициялаудан кейінгі кезең ішінде жобаны іске асыруға байланысты барлық ақша түсімдері мен төлемдер көрсетіледі.

      1-тармақтың 2) тармақшасында жобаны іске асыруға байланысты барлық пайдалар, оның ішінде барлық инвестициялаудан кейінгі кезең үшін айқындалатын қосымша әлеуметтік-экономикалық, экономиканың сабақтас салаларындағы (аяларындағы) экологиялық әсерлер көрсетіледі. Барлық пайдалар ақшалай баламасында (мың теңге) келтіріледі.

      1-тармақта тікелей ақша ағынының және жанама экономикалық пайдалардың жиынтық құны көрсетілді.

      2-тармақтың 1) тармақшасында жобаның құны инвестициялық кезеңдегі барлық ақшалай салымдардың, оның ішінде жобалау-іздестіру жұмыстарының, жер учаскесін сатып алу немесе жалға алу, оның құрылысқа бөлінуі және игерілуінің құны, аумақты құрылысқа және құрылыс-монтаждау жұмыстарына дайындау бойынша жұмыстардың, жабдықтардың және басқалардың құны ескеріле отырып көрсетіледі.

      2-тармақтың 2) тармақшасында объекті пайдалануға енгізілген кезден бастап оны сүйемелдеуге және/немесе ұстауға бағытталған барлық ақшалай шығындар көрсетіледі.

      2-тармақтың 3) тармақшасында барлық болжанатын шығындар, оның ішінде пайдалану шығындарын қоспағанда, жобаның іске асырылуының салдарларымен байланысты әлеуметтік-экономикалық, экологиялық және, экономиканың сабақтас салаларындағы (аяларындағы) шығындар көрсетіледі. Барлық шығындар ақшалай баламасында (мың теңге) келтіріледі.

      2-тармақта жобаның инвестициялық және пайдалану шығындарының, жанама экономикалық шығындардың жиынтық құны көрсетіледі.

      3-тармақта экономикалық пайда мен шығындардың арасындағы айырмашылық көрсетіледі.

      4-тармақта таза экономикалық ағынды мына формула бойынша есептелетін:

      1 k = ------- (1+r)i

      коэффициентке көбейту жолымен алынған шамалар көрсетіледі.

      r - осы қосымшаның 1-кестесінде көрсетілген дисконттау мөлшерлемесі;

      i - жобаның іске асырылу жылының реттік нөмірі (1-ден n-ге дейін).

      5-тармақта 4-тармақта келтірілген таза дисконтталған экономикалық ағынды қосу арқылы алынған шама көрсетіледі.

      6-тармақта экономикалық таза дисконтталған кіріс нөлге тең болған кездегі дисконттау мөлшерлемесін табу жолымен алынған шама көрсетіледі.

      7-тармақта өзін-өзі ақтау мерзімі мына формула бойынша есептеледі:

      PP = min n, бұл ретте

      IC (Invest Capital) - жобадағы бастапқы инвестициялық шығындар;

      CFi (Cash Flow) - таза пайда мен амортизация сомасын білдіретін уақыттың i-кезеңінде жобадан түсетін ақша ағыны.

      Ақша ағынын есептеу үшін мына формулаларды қолдану қажет:

      CFi = NP + A,

      немесе

      CFᵢ = Кіріс – Операциялық шығасылар – Салық төлемдері мен қарыз капиталы бойынша төлемдер

      мұндағы:

      А (Amortization) - амортизация, шығындар болып табылмайтын ақша ағынының түрі;

      NP (Net Profit) - инвестициялық жобаның таза пайдасы.

      * Керектісін таңдау қажет

      2-кесте

"Жобаның экономикалық тиімділігінің көрсеткіштерін есептеу" нысаны

      Ескерту. 2-қосымшаның 2-кестесі жаңа редакцияда – ҚР Ұлттық экономика министрінің 05.09.2018 № 14 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      Бұл нысан МИЖ қаржыландырудың әрбір әдісі бойынша бөлек толтырылады (бюджеттік инвестициялық жоба, заңды тұлғалардың жарғылық капиталына мемлекеттің қатысуы арқылы бюджеттік инвестициялар, мемлекеттік-жекешелік әріптестік жобасы, оның ішінде концессиялық жоба, бюджеттік кредит, жеке инвестициялар).

      1-тармақтың 1) тармақшасында инвестициялықтан кейінгі кезең ішінде жобаны іске асыруға байланысты барлық ақша түсімдері мен төлемдер көрсетіледі.

      1-тармақтың 2) тармақшасында жобаны іске асыруға байланысты барлық пайдалар, оның ішінде барлық инвестициялықтан кейінгі кезеңге айқындалатын қосымша әлеуметтік-экономикалық, экономиканың сабақтас салаларындағы (аяларындағы) экологиялық әсерлер көрсетіледі. Барлық пайдалар ақшалай балама түрінде келтіріледі (мың теңге).

      1-тармақта тікелей ақша ағынының және жанама экономикалық пайдалардың жиынтық құны көрсетілді.

      2-тармақтың 1) тармақшасында инвестициялық кезеңдегі барлық ақшалай салымдардың, оның ішінде жобалау-іздестіру жұмыстарының, жер учаскесін сатып алу немесе жалға алу, оның құрылысқа бөлінуі және игерілуінің құны, аумақтарды құрылыс және құрылыс-монтаждау жұмыстарына дайындау бойынша жұмыстардың, жабдықтардың және басқалардың құны ескеріле отырып, жобаның құны көрсетіледі.

      2-тармақтың 2) тармақшасында объекті пайдалануға берілген кезден бастап оны сүйемелдеуге және/немесе ұстауға бағытталған барлық ақшалай шығындар көрсетіледі.

      2-тармақтың 3) тармақшасында барлық болжалды, оның ішінде жобаны іске асырудың салдарларына байланысты әлеуметтік-экономикалық, экологиялық және пайдалану шығындарын қоспағанда, экономиканың сабақтас салаларындағы (аяларындағы) шығындар көрсетіледі. Барлық шығындар ақшалай баламасында келтіріледі (мың теңге).

      2-тармақта жобаның инвестициялық және пайдалану шығындарының, жанама экономикалық шығындардың жиынтық құны көрсетіледі.

      3-тармақта экономикалық пайда мен шығындардың арасындағы айырмашылық көрсетіледі.

      4-тармақта таза экономикалық ағынды мына формула бойынша есептелетін:

      1 k = ------- (1+r)i

      коэффициентке көбейту жолымен алынған мәндер көрсетіледі.

      r - осы қосымшаның 1-кестесінде көрсетілген дисконттау мөлшерлемесі;

      i - жобаны іске асыру жылының реттік нөмірі (1-ден n-ге дейін).

      5-тармақта 4-тармақта келтірілген таза дисконтталған экономикалық ағынды қосу арқылы алынған мән көрсетіледі.

      6-тармақта экономикалық таза дисконтталған кіріс нөлге тең болған кездегі дисконттау мөлшерлемесін табу жолымен алынған мән көрсетіледі.

      7-тармақта өзін-өзі ақтау мерзімі мына формула бойынша есептеледі:

      IC (Invest Capital) - жобадағы алғашқы инвестициялық шығындар;

      CFi (Cash Flow) - таза пайда мен амортизация сомасын беретін уақыттың i-ші кезеңінде жобадан түсетін ақша ағыны.

      Ақша ағынынын есептеу үшін мынадай формулаларды қолдану қажет:

      немесе

      CFᵢ = Кіріс - Операциялық шығысылар - Салық төлемдері мен қарыздық капитал бойынша төлемдер

      мұнда:

      А (Amortization) - амортизация, шығындар болып табылмайтын ақша ағынының түрі;

      NP (Net Profit) - инвестициялық жобаның таза пайдасы.

      * Керектісін таңдау қажет

Инвестициялық ұсынысқа экономикалық қорытынды

      Ескерту. 3-қосымша жаңа редакцияда – ҚР Ұлттық экономика министрінің 24.09.2020 № 66 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Тұжырымдар (Қазақстан Республикасының Үкіметі айқындайтын заңды тұлғаның ұсынымын ескере отырып мемлекеттік инвестициялық жобаларды бюджеттен қаржыландырудың ықтимал түрі мен тәсілдерін, сондай-ақ мемлекеттік инвестициялық жобаны іске асырудың орындылығын айқындау).

Мемлекеттік инвестициялық жобаны іріктеу әдістемесі

      Ескерту. Қағида 3-1-қосымшамен толықтырылды – ҚР Ұлттық экономика министрінің м.а. 16.02.2018 № 61 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда – ҚР Ұлттық экономика министрінің 24.09.2020 № 66 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

      1. Мемлекеттік-жекешелік әріптестік (бұдан әрі – МЖӘ) жобаларын, оның ішінде концессиялық жобаларды іске асыру үшін басқалардың арасында мемлекет үшін негізгі алғышарттар (өлшемшарттар) мынадай факторлардың жиынтығы болып табылады:

      1) жоба халық үшін ұзақ мерзімді кезеңге құндылық жасау мақсатында жеке әріптестің (концессионердің) инвестициялар тартуына бағдарланады;

      2) жобаның мақсаты көрсетілетін қызметтердің сапасын арттыру болып табылады және жоба кәсіпкерлік субъектілері үшін тартымды болып табылады;

      3) әлеуметтік инфрақұрылым мен тіршілікті қамтамасыз етудің мемлекеттік-жекешелік әріптестік жобаларын қоспағанда, мемлекеттік-жекешелік әріптестік жобалары бойынша мемлекеттік міндеттемелер, оның ішінде мемлекеттік концессиялық міндеттемелер (олар қажет болғанда) көлемі жекеше әріптес (концессионер) жобаны іріктеу сатысында мемлекеттік-жекешелік әріптестік жобаға немесе концессиялық жобаға тартатын ақша қаражатының, оның ішінде жекеше әріптестің (концессионердің) меншікті немесе меншікті және қарыз ақша қаражатының сомасынан аспауға тиіс.

      Бұл ретте, жекеше әріптестің (концессионердің) меншікті немесе меншікті және қарыз ақша қаражатының қатысуы мемлекеттік-жекешелік әріптестік объектісі (концессия объектісі) құнының кемінде жиырма пайызын құрайды;

      4) жоба, республикалық мемлекеттік-жекешелік әріптестік жобаларын және концессиялық жобаларды қоспағанда, валюталық тәуекелдерді бюджет есебінен жабуды көздемейді.

      2. Бюджет кірістерін ұлғайту, бюджет шығыстарын қысқарту (ұлғайту емес) үшін салықтардың түсімін арттыру призмасы арқылы бюджет қаражатын тиімді басқару мемлекеттің МЖӘ жобаларына қатысуының негізгі өлшемшарттары, яғни, жобалардың бюджет тиімділігінің өлшемшарты, сондай-ақ МЖӘ тетіктері арқылы мемлекеттік инвестициялық жобаны (бұдан әрі – МИЖ) іске асырудың заңнамалық мүмкіндігі болып табылады.

      3. Жобаларды алғашқы іріктеу инвестициялар объектісін МЖӘ-ге беру бойынша шектеулердің болмауы, сондай-ақ бюджеттік инвестицияларға деген қажеттіліктің болу өлшемшарттары сияқты заң өлшемшарттары негізінде жүзеге асырылады.

      Егер инвестициялар объектісі Қазақстан Республикасы Үкіметінің 2017 жылғы 6 қарашадағы № 710 қаулысымен бекітілген Мемлекеттік-жекешелік әріптестікті іске асыру үшін, оның ішінде концессияға беруге жатпайтын объектілер тізбесіне енгізілсе, онда жобаның бюджеттік инвестициялар арқылы іске асырылуы қаралады.

      Мемлекеттік инвестициялардың қажеттілігіне байланысты мемлекеттік инвестициялық жобалар мынадай басымдықпен қаралады:

      1) МЖӘ жобасын іске асыру барысында өндірілетін тауарлардың, жұмыстар мен көрсетілетін қызметтердің белгілі бір көлемін мемлекеттің тұтыну кепілдігін көздейтін жобалардан басқа бюджет қаражаты есебінен ақшалай төлемді талап етпейтін жобаның МЖӘ арқылы іске асырылуы қаралады;

      2) бюджет қаражаты есебінен ақшалай төлемді талап ететін жобаның бюджеттік инвестициялар арқылы іске асырылуы қаралады;

      3) бюджет қаражаты есебінен ақшалай төлемді талап ететін жобаның МЖӘ арқылы іске асырылуы қаралады.

      4. Экономикалық сараптама мынадай екі деңгейден тұрады:

      экономикалық сараптаманың бірінші деңгейі МИЖ-дің Мемлекеттік жоспарлау жүйесінің құжаттарына сәйкестігін, сондай-ақ жобаны іске асыру жеделдігін бағалаудан тұратын "МИЖ-дің басымдығы" деген көрсеткішті бағалау тұрғысынан жүргізілетін болады. Жобаны іске асырудың жеделдігі болған жағдайда жобаны бюджеттік инвестициялар арқылы іске асыру қаралады.

      Ойын-сауық қызметтерін көрсетуге, ойын бизнесіне, шаштараз бен косметикалық көрсетілетін қызметтер салондарына, монша-сауықтыру кешендеріне, сауда-ойын-сауық орталықтарына бағытталған жобалар мемлекеттік инвестициялық жобаларды жүзеге асыру арқылы іске асырылмайды, қаржы агенттіктеріне бюджеттік кредит беру шеңберінде астананың және республикалық маңызы бар қалалардың аумағында іске асырылатын туристік ауданға немесе кешенге кіретін сауда-ойын-сауық орталықтарын салу жөніндегі жобаларды қоспағанда.

      Егер құжаттаманы әзірлеуге және оларға сараптама жасауға жұмсалатын шығындар жобаны іске асыру құнынан жоғары болса, онда МИЖ МЖӘ тетігі арқылы қаралмайды.

      екінші деңгей, шығындар мен пайданы талдау әдісімен мынадай формула бойынша бюджет тиімділігінің коэффициентін айқындайды:

      Кбэ – бюджет тиімділігінің коэффициенті;

      ДБбиj – j кезеңінде бюджеттік инвестициялық жоба не мемлекеттің жарғылық капиталға қатысуы арқылы жобаны іске асырудан мемлекеттік (республикалық, сондай-ақ жергілікті) бюджетке түскен түсімдер;

      РБбиj – j кезеңінде жобаны іске асыруға жұмсалатын қаражат (инвестициялау барысында, сондай-ақ пайдалану барысында);

      ДБгчпj – j кезеңінде МЖӘ арқылы жобаны іске асырудан мемлекеттік (республикалық, сондай-ақ жергілікті) бюджетке түскен түсімдер;

      РБгчпj – j кезеңінде МЖӘ жобасы бойынша мемлекеттік міндеттемелер;

      Ст – дисконттау мөлшерлемесі.

      Дисконттау мөлшерлемесінің мәнін инвестициялық ұсынысты әзірлеу күніне Қазақстан Республикасының Ұлттық Банкі базалық мөлшерлемесінің мәніне не Қазақстан Республикасының әлеуметтік-экономикалық даму болжамына сәйкес болжамды инфляцияның орташа мәніне тең таңдау ұсынылады.

      Егер Кбэ > 0 болса, онда МИЖ-ді бюджеттік инвестициялар ретінде іске асыру қаралады;

      Егер Кбэ ≤ 0 болса, онда МИЖ-ді ең алдымен МЖӘ жобасы ретінде іске асыру қаралады.

      Егер МИЖ-дің бюджет тиімділігі коэффициентінің теріс мәні болса және МЖӘ жобасы арқылы қарау қажеттілігі туындаса, жобаның өтімділік мерзімі мына формула бойынша есептеледі:

      PP = min n, бұл ретте

      CFi > IC, мұнда:

      ІC (Іnvest Capіtal) – жобадағы бастапқы инвестициялық шығындар;

      CFі (Cash Flow) – таза пайда мен амортизация сомасын білдіретін уақыттың і-кезеңінде жобадан түсетін ақша ағыны.

      Ақша ағынын есептеу үшін мына формулаларды қолдану қажет:

      CFi = NP + A,

      немесе

      CFі = Кіріс – Операциялық шығасылар – Салықтық төлемдер және қарыз капиталы бойынша төлемдер, мұнда:

      А (Amortіzatіon) – амортизация, шығын болып табылмайтын ақша ағынының түрі;

      NP (Net Profіt) – инвестициялық жобаның таза пайдасы.

      Пруденциялық нормативтер не ковенанттар бойынша шектеулер болмаған кезде жоба бюджеттік кредит арқылы қаржыландырылады.

      5. Егер МИЖ-ді МЖӘ жобасы ретінде іске асыру қаралмаса, онда қаржыландыру сызбасын айқындау мына алгоритм негізінде жүзеге асырылады:

      егер инвестициялар объектісі квазимемлекеттік сектор субъектісінің балансында болса, онда жоба заңды тұлғалардың жарғылық капиталына мемлекеттің қатысуы не бюджеттік кредиттеу арқылы бюджеттік инвестициялар ретінде іске асырылуы қаралады;

      егер инвестициялар объектісі мемлекеттік мекеменің балансында болса, онда жоба бюджеттік инвестициялық жоба ретінде іске асырылуы қаралады;

      тікелей қаржы кірісі болмаған кезде не егер негізгі пайда алушы мемлекеттік мекеме болып табылса, МИЖ БИЖ ретінде іске асырылады;

      егер жобаның инвестициядан кейінгі кезеңдегі (пайдалану) негізгі кірісі мемлекеттік бюджет есебінен қалыптастырылса, онда жоба заңды тұлғаның жарғылық капиталына мемлекеттің қатысуы (қатысу үлесінің ұлғаюы) арқылы іске асырылады;

      егер негізгі кіріс мемлекеттік бюджет есебінен қалыптастырылмаса, бірақ заңды тұлғаның мемлекеттік кәсіпорынның не коммерциялық емес акционерлік қоғамның ұйымдық-құқықтық нысаны болса, онда жоба заңды тұлғаның жарғылық капиталына мемлекеттің қатысуы (қатысу үлесінің ұлғаюы) арқылы іске асырылады;

      жоғарыда аталғандарға сәйкес келмеген жағдайларда заңды тұлғаның қаржылық көрсеткіштеріне қосымша тексеру жүргізіледі.

      Осылайша, егер заңды тұлғаның пруденциялық нормативтер не бұрын жүзеге асырылған, бірақ өтелмеген қарыздар ковенанттары бойынша шектеулері бар болса, онда жоба заңды тұлғаның жарғылық капиталына мемлекеттің қатысуы (қатысу үлесінің ұлғаюы) арқылы іске асырылады.

      Пруденциялық нормативтер не ковенанттар бойынша шектеулер болмаған кезде жоба бюджеттік кредит арқылы қаржыландырылады.

"Бюджеттік инвестициялық жобаның қысқаша сипаттамасы" нысаны

      Ескерту. 4-қосымша жаңа редакцияда - ҚР Ұлттық экономика министрінің м.а. 25.11.2015 № 721 бұйрығымен.

      Ескертпе: * Қорытындыны ресімдеу кезінде көрсетілген жолдар толтырылмайды.

"______________________ жобасының құрамдауыштары бойынша қаржыландыруды бөле отырып, жобаны іске асыру кестесі (оның ішінде технологиялық кезеңдер бойынша)" нысаны

"______________ жобасының институционалдық схемасы" нысаны

"_______________________жобасының қаржы-экономикалық моделінің базалық параметрлері"

      Ескерту. 7-қосымша жаңа редакцияда – ҚР Ұлттық экономика министрінің 07.02.2023 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      4-жолда қаржылық және экономикалық тиімділік көрсеткіштерін есептеуде қолданылатын ТЭН әзірлеу кезіндегі (бірақ 6 айдан аспайтын) Қазақстан Республикасы Ұлттық Банкінің қайта қаржыландырудың ресми мөлшерлемесі көрсетіледі.

      5-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес инфляция деңгейі көрсетіледі. Бұл ретте одан кейінгі инвестициялаудан кейінгі кезең ішінде Қазақстан Республикасының ақша-кредит саясаты көрсеткіштерінің/немесе макроэкономикалық көрсеткіштерінің орта мерзімді болжамына сәйкес көрсетілген соңғы жылғы инфляция деңгейі қабылданады.

      6-жолда қаржылық және экономикалық тиімділік көрсеткіштерін есептеуде қолданылатын ТЭН әзірлеу кезіндегі Қазақстан Республикасының қолданыстағы Салық кодексіне сәйкес салық мөлшерлемелері көрсетіледі.

      7-жолда қаржылық және экономикалық тиімділік көрсеткіштерін есептеуде қолданылатын ТЭН әзірлеу кезінде қолданылып жүрген Қазақстан Республикасының заңнамасына сәйкес амортизация нормалары көрсетіледі.

      8-жолда мынадай сипаттамаларға жауап беретін қаржылық және экономикалық тиімділік көрсеткіштерін есептеуде қолданылатын көрсеткіштер көрсетіледі:

      Ұлттық шоттар жүйесінде деректердің болуы;

      нысаналы мәндердің, Мемлекеттік жоспарлау жүйесі құжаттарының, оның ішінде мемлекеттік органның стратегиялық құжаттарының болуы.

      9-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының макроэкономикалық көрсеткіштерінің орта мерзімді болжамына сәйкес макроэкономикалық индикаторлардың мәндері көрсетіледі. Сондай-ақ экономиканың макроэкономикалық дамуының негізгі немесе интеграцияланған индикаторын (оны ұсыну мүмкін болған жағдайда) қолдануға болады. Мысалы, ауыл шаруашылығы жалпы өнімінің көлемі, өнеркәсіп өнімінің көлемі, мұнайдың әлемдік бағасы (Brent қоспасы) және басқалары.

      10-жолда қаржылық және экономикалық тиімділік көрсеткіштерін есептеуде қолданылатын басқа да көрсеткіштер (параметрлер) көрсетіледі.

"_______________ жобасының қаржылық тиімділігі көрсеткіштерін есептеу" нысаны

      Ескертпе:

      1-жолда инвестициялық кезеңнен кейінгі кезең ішінде жобаны іске асырумен байланысты барлық ақшалай түсімдер мен төлемдер көрсетіледі.

      2-жолда инвестициялық кезеңдегі барлық ақша салымдарын, оның ішінде жобалау-іздестіру жұмыстарының, жер учаскесін сатып алу немесе жалға алу, құрылыс салу үшін жерді бөлу және игеру құны, аумақты құрылысқа дайындау жөніндегі жұмыстардың және құрылыс-монтаж жұмыстарының, жабдықтардың және т.б. құнын ескере отырып, жобаның құны көрсетіледі.

      3-жолда объекті пайдалануға берілген кезден бастап, оны сүйемелдеуге және/немесе ұстауға бағытталған барлық ақшалай шығындар көрсетіледі.

      4-жолда 9-қосымшада келтірілген тәуекел құнының шамаларын қосу арқылы айқындалған ақша баламасындағы (мың теңге) жоба тәуекелдерінің жиынтық құны көрсетіледі.

      5-жолда тікелей ақша ағындары мен шығындары арасындағы айырмашылық көрсетіледі:

      5-жол = 1-жол – 4-жол.

      6-жолда мынадай формула бойынша есептелетін коэффициентке таза ақша ағынын көбейту жолымен алынған шамалар көрсетіледі:

      1

      k = -------

      (1+r)i

      r – 7-қосымшада келтірілген дисконттау мөлшерлемесі;

      i – жоба іске асырылатын жылдың (1-ден бастап n-ге дейін) реттік нөмірі.

      7-жолда 6-жолда келтірілген таза дисконтталған ақша ағынын жинақтау арқылы алынған шама көрсетіледі.

      8-жолда таза дисконтталған табыс (8-жол) нөлге тең болатын дисконттау мөлшерлемесін табу арқылы алынған шама көрсетіледі.

      9-жолда таза ақша ағынының есебінен инвестициялық шығындарды төлеу үшін талап етілетін уақыт кезеңін (жылдар, айлар) белгілеу арқылы алынған шама көрсетіледі.

      10-жолда таза дисконтталған ақша ағыны есебінен инвестициялық шығындарды жабу үшін талап етілетін уақыт кезеңін (жылдар, айлар) белгілеу арқылы алынған шама көрсетіледі.

"__________________ жобасының таза дисконтталған табыс (NPV) және кірістіліктің ішкі нормасы (IRR) сезімталдығын талдау нәтижелері" нысаны

      "Өткізу көлемі" көрсеткіші бойынша

      "Өткізу бағасы" көрсеткіші бойынша

      "Инвестициялық шығасылар көлемі" көрсеткіші бойынша

      "Пайдалану шығасыларының көлемі" көрсеткіші бойынша

"________________ жобасының ең аз шығындарын талдау көрсеткіштері" нысаны

"Жоба шығындарының тиімділігін талдауға арналған көрсеткіштер ______________________" нысаны

"_________________ жобасының экономикалық тиімділігінің көрсеткіштерін есептеу" нысаны

      Ескертпе:

      1-жолда инвестициялық кезеңнен кейінгі кезең ішінде жобаны іске асырумен байланысты ақшалай барлық келіп түскен түсімдер мен төлемдер көрсетіледі.

      2-жолда жобаны іске асырумен байланысты барлық табыстар, оның ішінде инвестициялық кезеңнен кейінгі барлық кезең үшін айқындалатын қосымша әлеуметтік-экономикалық, аралас салалардағы (аялардағы) экологиялық әсерлер көрсетіледі. Барлық пайдалар ақша баламасында (мың теңге) келтіріледі.

      3-жолда тікелей ақша ағындары мен жанама экономикалық пайдалардың жиынтық сомасы көрсетіледі.

      4-жолда инвестициялық кезеңдегі барлық ақша салымдарын, оның ішінде жобалау-іздестіру жұмыстарының, жер учаскесін сатып алу немесе жалға алу, құрылыс салу үшін жерді бөлу және игеру құны, аумақты құрылысқа дайындау жөніндегі жұмыстардың және құрылыс-монтаж жұмыстарының, жабдықтардың және т.б. құнын ескере отырып, жобаның құны көрсетіледі.

      5-жолда объекті пайдалануға берілген кезден бастап, оны сүйемелдеуге және/немесе ұстауға бағытталған барлық ақшалай шығындар көрсетіледі.

      6-жолда барлық болжанатын шығындар, оның ішінде әлеуметтік-экономикалық, экологиялық және пайдалану шығындарын қоспағанда, жобаны іске асырудың салдарына байланысты, экономиканың аралас салаларындағы (аяларындағы) шығындар көрсетіледі. Барлық шығындар ақша баламасында (мың теңге) келтіріледі.

      7-жолда 9-қосымшада келтірілген тәуекел құнының шамаларын қосу арқылы айқындалған ақша баламасындағы (мың теңге) жоба тәуекелдерінің жиынтық құны көрсетіледі.

      8-жолда инвестициялық және пайдалану шығындарының, жанама экономикалық шығындардың және жоба тәуекелдерінің жиынтық құны көрсетіледі.

      9-жолда экономикалық пайдалар мен шығындар арасындағы айырмашылық көрсетіледі.

      10-жолда мынадай формула бойынша есептелетін коэффициентке таза экономикалық ағынды көбейту жолымен алынған шамалар көрсетіледі:

      1

      k = -------

      (1+r)i

      r – 7-қосымшада келтірілген дисконттау мөлшерлемесі;

      i – жоба іске асырылатын жылдың реттік нөмірі (1-ден бастап n-ге дейін).

      11-жолда, 10-жолда келтірілген таза дисконтталған экономикалық ағынды жинақтау арқылы алынған шама көрсетіледі.

      12-жолда экономикалық таза дисконтталған табыс нөлге тең болатын дисконттау мөлшерлемесін табу арқылы алынған шама көрсетіледі.

"_______________________ жобасының экономикалық таза дисконтталған табыс (ENPV) және кірістіліктің экономикалық ішкі нормасы (EIRR) сезімталдығын талдау нәтижелері" нысаны

      "Өткізу көлемі" (сұраныс) көрсеткіші бойынша

      "Инвестициялық шығасылардың көлемі" көрсеткіші бойынша

      "Пайдалану шығасыларының көлемі" көрсеткіші бойынша

"_______________________ жобасының тәуекелдері" нысаны

      Ескертпе:

      1-бағанда әрбір тәуекел үшін 0-ден 1-ге дейінгі үлестерде тәуекелдің (қолайсыз оқиғаның) басталу ықтималдығы көрсетіледі. Ықтималдық мынадай әдістердің біреуі арқылы айқындалады:

      сараптамалық бағалаулар әдісі;

      нормативтік әдіс (негіздемелік нормативтік және әдістемелік құжаттар негізінде);

      ұқсастықтар әдісі (ұқсас инвестициялық жобаларды талдау);

      статистикалық әдіс;

      басқалары.

      2-бағанда тәуекелдің басталуынан болатын залалдың шамасы ақшалай баламада (теңге) көрсетіледі. Залалдың шамасы мынадай әдістердің біреуі арқылы айқындалады;

      сараптамалық бағалаулар әдісі);

      нормативтік әдіс (негіздемелік нормативтік және әдістемелік құжаттар негізінде);

      ұқсастықтар әдісі (ұқсас инвестициялық жобаларды талдау;

      басқалары.

      3-бағанда ақшалай баламадағы (теңге) тәуекелдің құны көрсетіледі. Әрбір тәуекелдің құны басталу ықтималдығын тәуекелдің басталуынан болатын залалға көбейту арқылы айқындалады.

      4-бағанда әрбір тәуекелді азайту жөніндегі болжанған іс-шаралар көрсетіледі.

      5-бағанда әрбір тәуекелді азайту жөніндегі іс-шараларды іске асырудың институционалдық схемасына сәйкес жобаның жауапты қатысушылары көрсетіледі.

      "Жиыны" деген жолда жоба тәуекелдерінің ақшалай баламадағы (теңге) жиынтық құны көрсетіледі. Жоба тәуекелдерінің жиынтық құны тәуекел құнының шамаларын қосу арқылы айқындалады.

"Бюджеттік инвестициялық жобаның экономикалық қорытындысы"

      Ескерту. 15-қосымша жаңа редакцияда – ҚР Ұлттық экономика министрінің 07.02.2023 № 18 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Қорытынды: (саланы дамытудың стратегиялық бағыттарын орындауға жобаның теріс немесе оң әсері көрсетіледі).

"Сметалық құнын ұлғайту болжанатын жоба бойынша
салыстырма кесте" нысаны

      Ескерту. 16-қосымша жаңа редакцияда - ҚР Ұлттық экономика министрінің 26.01.2016 № 28 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.