Күші жойылды - Қазақстан Республикасының Ішкі істер министрінің 2010.02.22 N 82 Бұйрығымен.

      "Әкімшілік рәсімдер туралы" Қазақстан Республикасы Заңының  9-1-бабын іске асыру мақсатында  БҰЙЫРАМЫН:

      1. Қоса беріліп отырған мемлекеттік қызмет көрсетудің стандарттары бекітілсін:
      1) "Ауыл шаруашылығы министрлігі беретіндерді қоспағанда, азаматтарға жүргізуші куәліктерін беру";
      2) "Қазақстан Республикасында тұрақты тұратын шетел азаматтарының тұруына ыхтиярхат және азаматтығы жоқ адамдарға куәлік беру";
      3) "Тұрғылықты жерінен мекен-жайлық анықтама беру";
      4) "Қазақстан Республикасына уақытша келетін шетел азаматтарымен азаматтығы жоқ адамдарды тіркеу";
      5) "Қазақстан Республикасында тұрақты тұруға шетел азаматтарымен азаматтығы жоқ адамдарды тіркеу және оларға рұқсат беру";
      6) "Қазақстан Республикасының азаматтығын алу және одан шығу";
      7) "Заңды және жеке тұлғалардың азаматтық, қызметтік қаруларының әр бірлігін тіркеу";
      8) "Ауыл шаруашылығы министрлігі тіркейтін куәлік құралдарын қоспағанда, автокөлік құралдарын тіркеу, қайта тіркеу және тіркелген нөмірлік белгілерді беру";
      9) "Ауыл шаруашылығы министрлігі жүзеге асыратын тіркеуді қоспағанда, сенімхат бойынша куәлік құралдарын басқаратын адамдарды тіркеу".

      2. Жол полициясы және Әкімшілік полиция комитеттері, Техникалық қызмет департаменті, Алматы, Астана қалаларының, облыстардың және көліктегі ішкі істер департаменттерінің бастықтары осы бұйрықты тиісті қызметтер қызметкерлерінің зерделеуін ұйымдастырсын және оның мүлтіксіз орындалуын қамтамасыз етсін.

      3. Қазақстан Республикасы Ішкі істер министрлігінің Заң департаменті осы бұйрықты Қазақстан Республикасы Әділет министрлігіне мемлекеттік тіркеуге жіберсін және мемлекеттік тіркеуден өткеннен кейін оның ресми жариялануын қамтамасыз етсін.

      4. Осы бұйрықтың орындалуын бақылау Қазақстан Республикасының Ішкі істер вице-министрі полиция генерал-майоры А.Ж. Шпекбаевқа, Қазақстан Республикасы Ішкі істер министрлігінің Жол полициясы комитетіне (Ө.Т. Түсімов), Әкімшілік полиция комитетіне (Ғ.А. Алпысбаев) және Техникалық қызмет департаментіне (М.Б. Тимохович) жүктелсін.

      5. Осы бұйрық ресми жарияланған күнінен бастап қолданысқа енгізіледі.

       Министр

Қазақстан Республикасы Ішкі
істер министрінің    
2007 жылғы 4 қыркүйектегі 
N 362 бұйрығымен бекітілген

Мемлекеттік қызмет көрсетудің
СТАНДАРТЫ "Ауыл шаруашылығы министрлігі беретіндерді қоспағанда,
азаматтарға жүргізуші куәліктерін беру" 1. Жалпы ережелер

      1. Осы стандарт, Ауыл шаруашылығы министрлігі беретін куәліктерді қоспағанда, азаматтарға жүргізуші куәліктерін беруде мемлекеттік қызмет көрсету тәртібін белгілейді (бұдан әрі - мемлекеттік қызмет).

      2. Мемлекеттік қызмет көрсету нысаны: автоматтандырылған.

      3. Мемлекеттік қызмет көрсету, "Жол жүрісі қауіпсіздігі туралы" Қазақстан Республикасының Заңының 15-бабының, "Қазақстан Республикасы ішкі істер органдары туралы" Қазақстан Республикасы Заңының 10-бабының, "Көлік құралдарын басқаруға рұқсат алу, емтихан қабылдау, азаматтарға жүргізуші куәлігін беру тәртібінің ережелерін бекіту туралы" Қазақстан Республикасы Ішкі істер министрінің 1998 жылдың 12 қазандағы N 343 бұйрығының негізінде жүргізіледі.

      4. Мемлекеттік қызметті Ішкі істер министрлігінің Жол полициясы комитеті, облыстар, Астана және Алматы қалалары ішкі істер департаменттері, қалалық, аудандық ішкі істер органдары жол полициясының тіркеу-емтихан қабылдау бөлімдері (бұдан әрі - ЖП ТЕҚБ) көрсетеді.  (Қосымша 1)

      5. Мемлекеттік қызмет көрсетуді аяқтау нысаны жүргізуші куәлігін беру болып табылады.

      6. Мемлекеттік қызмет Қазақстан Республикасының азаматтарына, шетел азаматтарына, және азаматтығы жоқ тұлғаларға көрсетіледі (бұдан әрі өтінішін беру).

      7. Мемлекеттік қызмет мынадай мерзімдерде көрсетіледі:
      1) Өтініш беруші тиісті құжаттарды тапсырған сәттен бастап, мемлекеттік қызмет көрсету мерзімі: 6 сағаттан аспауы тиіс;
      2) Құжаттарды тапсыру үшін, кезек күту уақыты ең көп дегенде: 40 минуттан аспауы тиіс;
      3) құжаттарды қайта алу үшін кезекте күту уақыты ең көп дегенде: 30 минуттан аспауы тиіс.
      Ескерту: Жүргізуші куәлігін жұмыс күні ішінде екі мезгіл жүргізіледі (сағат 12.00-ден 13.00-ге дейін және 18.00-ден 19.00-ге дейін).

      8. Мемлекеттік қызмет көрсетілгені үшін "Салық және басқада бюджетке міндетті төлемдер" Қазақстан Республикасының Кодексіне сәйкес, мемлекеттік баж төленген күнге белгіленген ең төменгі есептік көрсеткіштің 125 пайызын құрайтын мемлекеттік баж төленеді.
      Мемлекеттік баж, Қазақстан Республикасы банк мекемелері арқылы төленіп, олар баждың төленген күні мен көлемі туралы түбіртек береді.

      9. Мемлекеттік қызмет көрсету тәртібі, қажетті құжаттар, олардың үлгілері және оларды толтыру туралы толық ақпарат, электрондық үкіметтің қолданыстағы порталында (http://www.e.gov.kz/citizenru/trav/vehicles), Қазақстан Республикасы Ішкі істер министрлігінің (бұдан әрі - ІІМ), облыстар, Астана және Алматы қалалары ішкі істер департаменттерінің (бұдан әрі - ІІД) веб-сайттарында, ресми ақпараттық дерек көздерінде және ЖП ТЕҚБ-да орналасқан стендтерде, ақпараттық тақталарда орналастырылады.

      10. Мемлекеттік қызмет аптасына бес күн көрсетіледі, сонымен бірге демалыс күндерінің бірінде түскі ас үзілісін есептемегенде, қабылдау, алдын-ала жазылусыз және тездетілген қызмет көрсетусіз, кезек тәртібімен іске асырылады.

      11. ЖП ТЕҚБ бөлмелері, әдетте ғимараттардың бірінші қабатында орналасады. Ішкі істер органдарының басқа бөлімдерінен бөлек кіру есігі, күту залы, қажетті құжаттар тізімі және оларды толтыру үлгілері ілінген стендтермен жабдықталған құжаттар толтыратын орындары болады.

  2. Мемлекеттік қызмет көрсету тәртібі

      12. Мемлекеттік қызмет көрсетілу үшін өтініш беру мыналарды:
      1) ЖП ТЕҚБ қабылдау жүргізетін қызметкерімен берілген бланкіні толтырған өтінішін;
      2) өтініш берушінің жеке басын куәландыратын құжатын;
      3) жүргізушілерді дайындауды іске асыратын оқу мекемелері берген жүргізушілер дайындау курсын аяқтағандығы туралы куәлігін және оның көшірмесін;
      4) өтініш беру мекенжайы бойынша денсаулық сақтау мекемелері беретін медициналық анықтамасын;
      5) жүргізушілерді дайындауды іске асыратын оқу мекемелері беретін жүргізушінің жеке карточкасын;
      6) мемлекеттік бажды төлегенін дәлелдейтін түбіртегін тапсырады.

      13. ЖП ТЕҚБ қызметкерлері беретін бланкілер ІІМ-нің және ІІД-нің веб-сайттарында көрсетілген.

      14. Осы тәртіптің 12-і тармағында көрсетілген құжаттар тікелей ЖП ТЕҚБ емтихан қабылдау комиссиясына тапсырылады.

      15. Құжаттарын және теориялық емтихандарды тапсырған өтініш берушіге, емтихан нәтижелері қойылған емтихан парағы беріледі.

      16. Жүргізуші куәлігі, иелеріне, олардың жеке қолдары жүргізуші куәлігін беретін тізілімге қойылып, паспорты немесе оны ауыстыратын басқа құжаты көрсетілгеннен кейін беріледі.

      17. Мемлекеттік қызмет көрсетуден бас тартуға мынадай негізі болып табылады:
      1) өтініш берушінің, осы стандарттың 12-тармағында көрсетілген құжаттарды тапсырмауы;
      2) жүргізушінің денсаулығы нашарлап, көлік құралын қауіпсіз басқаруға кедергі болып және ол туралы расталған медициналық шешімнің болуы;
      3) көлік құралдарын басқару құқығынан айырылуы;
      4) көлік құралдарын басқару құқығына сот арқылы шектеу қойылуы;
      5) егер өтініш беруші:
      16 жасқа толмаған болса ("А" санатты көлік құралдарын басқару құқығын беру кезінде);
      18 жасқа толмаған болса ("В", "С" санатты көлік құралдарын басқару құқығын беру кезінде);
      20 жасқа толмаған болса ("Д", "С" санатты көлік құралдарын басқару құқығын беру кезінде);
      көлік құралдарын басқару өтілінің он екі айдан кем еместігін растайтын құжаттардың тапсырылмауы ("Е" санатты көлік құралдарын басқару құқығын беру кезінде).

  3. Жұмыс қағидаттары

      18. ЖП ТЕҚБ қызметкерлерінің қызметі адамның конституциялық құқығын, қызметтік міндетін орындауда заңдылықты, ішкі істер органдары қызметкерлерінің ар-намыс Кодексін сақтауға негізделеді және сыпайылық, толық ақпараттар ұсынуды, олардың сақталуын және қорғалуын қамтамасыз ету қағидаттарына негізделеді.

  4. Жұмыс нәтижелері

      19. ЖП ТЕБ жұмыстарының нәтижесі сапа және қолжетімділік көрсеткіштерімен бағаланады.

  5. Шағымдану тәртібі

      20. Мемлекеттік қызмет көрсету сапасына наразылық туған жағдайда, ЖП ТЕБ қызметкерлерінің әрекетіне, деген шағым аудандық, қалалық ішкі істер басқармалары (бөлімдерінің), облыстық, Астана және Алматы қалалары ішкі істер департаменттері бастықтарының, ІІМ жол полициясы Комитеті Төрағасының, ІІМ басшыларының аттарына жіберіледі.
      Талас туғызған мәселелер азаматтық сот арқылы шешіледі.

      21. Шағымдар жазбаша түрде пошта арқылы, электрондық пошта арқылы немесе ішкі істер органдарының кеңселері арқылы жұмыс күндері қолма-қол қабылданады.

      22. Қабылданған шағым ішкі істер органдарының ақпараттарды есепке алу журналында тіркелген күннен бастап 1 ай мерзім ішінде қаралады.
      Шағымның қаралу нәтижесі туралы, арыз иесіне жазбаша түрде пошта арқылы немесе электронды пошта арқылы хабарланады.

  6. Байланыс ақпараты

      23. Мемлекеттік қызмет көрсетуге жауапты ЖП ТЕБ басшыларының мекенжайы ІІД кезекші бөлімдерінде болады.

      24. ІІМ Жол полициясы комитетінің мекенжайы: 010000, Астана қ., Ш. Айманов көшесі, 4, веб-сайт: www.mvd.kz, қабылдау бөлмесінің телефоны (7172) 71 58 00, сенім телефоны (7172) 71 58 25.

Қазақстан Республикасы Ішкі істер  
министрінің 2007 жылғы 4 қыркүйектегі
N 362 бұйрығымен бекітілген "Ауыл  
шаруашылығы министрлігімен беретіндерді
қоспағанда, азаматтарға жүргізуші  
куәліктерін беру" мемлекеттік қызмет
көрсету стандартына 1-қосымша   

Астана қаласы

Астана қаласы ІІД ЖПБ ЕТБ, Алматы ауданы, Промзона көшесі 35, тел. 35-29-46, 28-05-24, 28-05-94

Астана қаласы ТБ, Алматы ауданы, Манас көшесі 18, тел. 37-59-46

Астана қаласы ТБ, Сарыарқа ауданы, Тілендиев даңғылы 3, тел. 72-71-38

Астана қаласы ЕБ, Манас көшесі 4, тел. 71-51-06

Алматы қаласы

Алматы қаласы ІІД ЖПБ ЕТБ, Бостандық ауданы, Байтұрсынов көшесі 185, тел. 8(727) 254-45-44, 293-54-61, 254-43-22

АЕТБ-1 Жетісу ауданы, Жансүгіров көшесі 176А, тел. 238-05-77, 238-02-77, 238-29-95

АЕТБ-2 Түрксіб ауданы, Сүйінбай көшесі 2, тел. 270-59-11, 270-59-15, 270-59-12

АЕТБ-3 Әуезов ауданы, Алматы-Бішкек тас жолы, 13 км., тел. 226-34-67, 226-34-69, 226-34-70

АЕТБ-4 Медеу ауданы, Амангелді көшесі 1, тел. 233-86-76, 279-59-26, 279-56-23

ТБ-1 Жетісу ауданы, Жансүгіров көшесі 176А, тел. 297-43-95, 238-27-58, 238-27-58

ТБ-2 Бостандық ауданы, Байтұрсынов көшесі 185Б, тел. 254-45-42, 292-90-04, 250-79-61

ТБ-3 Алмалы ауданы, Абай көшесі, Саин қиылысы, 380-23-00, 380-02-29, 380-02-32

Ақмола облысы

Ақмола облысы ІІД ЖПБ ЕТБ, Көкшетау қаласы, Уәлиханов көшесі 179, тел. 8(7162) 77-04-75, 77-49-27, 77-49-28, 77-44-77

Ақмола облысы ІІД ЖПБ АЕТБ, Астана қаласы, Циолковский көшесі 18/1, тел. 8(7162) 37-03-83

Ақкөл АІІБ ЖП АЕТБ, Ақкөл қаласы, Парк көшесі 2, тел. 8(71638) 2-16-38

Атбасар АІІБ ЖП АЕТБ, Атбасар қаласы, Урицкий көшесі 38, тел. 8(71643) 4-29-43, 4-06-69

Жарқайың АІІБ ЖП ТБ, Державинск қаласы, Захаров көшесі 33, тел. 8(71648)9-15-64

Есіл АІІБ ЖП АЕТБ, Есіл қаласы, Жеңіс көшесі 58, тел. 8(71647) 2-10-46

Степногорск ҚІІБ ЖП АЕТБ, Степногорск қаласы, 5 ш/а, тел. 8(71645) 5-91-22

Шучинск АІІБ ЖП АЕТБ, Шучинск қаласы, Абылайхан көшесі 1а, тел. 8(71636) 4-25-35, 4-25-22

Алматы облысы

Алматы облысы ІІД ЖПБ ЕТБ, Талдықорған қаласы, 7 ш/а. ІІД ЖПБ ғимараты, тел. 8(7282) 27-05-72, 21-18-24

Талғар ауданы ЖП АЕТБ, Гүлдала елді мекені, Құлжа жолы 5 км көшесі, тел. 8(7272) 57-43-06, 57-33-80

Іле ауданы ЖП АЕТБ, Қапшағай қаласы, Индустриалық көшесі 4, тел. 8(72772) 4-24-88

Еңбекшіқазақ ауданы ЖП АЕТБ, Шелек елді мекені, Сыздықов қиылысы 93, тел. 8(72776) 2-08-64

Алматы қаласы ЖП АЕТБ, Майлин қөшесі 79, тел. 8(727) 251-25-69

Сарқанд ауданы ЖП, Сарқанд қаласы, Ленин көшесі 156, тел. 8(7283) 92-15-84

Панфилов ауданы ЖП АЕТБ, Жаркент қаласы, Купаев көшесі 309, тел. 8(7283) 15-28-27

Ұйғыр ауданы ЖП АЕТБ, Шонжы ауылы, Ісләмов көшесі 40, тел. 8(7277) 82-36-53

Барыс-3 ТБ, Қарасай ауданы, Қаскелен қаласы, 13 км. Алматы-Бішкек тас жолы. Барыс-3 базары, тел. 8(7272) 98-55-04

"Жақсылық" ТБ, Іле ауданы, Первомайка, Қапшағай көшесі 8, тел. 8(7272) 51-12-65

Есік ауданы ЖП, Есік қаласы, Алтын адам саяжолы көшесі 163, тел. 8(72775) 4-00-90

Атырау облысы

Атырау облысы ІІД ЖПБ ЕТБ, Атырау қаласы, Гогичашвили көшесі 25, тел. 8(7122)-30-10-20, 30-02-29, 30-10-21, 30-02-68

Жылыой ауданы АЕТБ, Құлсары қаласы, Бисенқұлов, 64, тел. 8(7237)-5-1921

Құрманғазы ауданы ТЕБ, Ганюшкино кенті, Абай көшесі 37, тел. 8(712233)-2-14-79

Ақтөбе облысы

Ақтөбе облысы ІІД ЖПБ ЕТБ, Ақтөбе қаласы, Ә.Молдағұлова даңғылы 56, тел. 8(7132)51-84-24,51-28-26

Хромтау АІІБ ЖП АЕТТ, Хромтау қаласы, Абай даңғылы 11, тел. 8(71336)21-6-98

Мұғалжар АІІБ ЖП АЕТТ, Қандыағаш қаласы, Жамбыл көшесі 74а, тел. 8(71333)3-64-48

Шалқар АІІБ ЖП АЕТБ, Шалқар қаласы, Есет батыр көшесі 88, тел. 8(71335) 2-33-80, 2-20-09

Темір АІІБ ЖП АЕТБ, Шұбарқұдық кенті, Желтоқсан көшесі 6, тел. 8(71346)2-23-72

ШҚО

ШҚО ІІД ЖПБ ЕТБ, Өскемен қаласы, Егемендік даңғылы 73/1, тел. 8(7232) 42-46-86, 42-46-79, 42-69-88

Семей қаласы ІІБ ЕТБ, Морозов көшесі 5, тел. 8(72251) 2-12-87

Жарма АІІБ ЕТБ, Жарма ауданы, Георгиевка ауылы, Бабатайұлы көшесі 38, тел. 8(72347) 6-57-59

Аягөз АІІБ ЕТБ, Аягөз ауданы, Аягөз қаласы, Тәңірбергенов көшесі 68, тел. 8(872837)3-34-41

Көкпекті АІІБ ЕТБ, Көкпекті ауданы, Көкпекті ауылы, Ленин көшесі 33, тел. 8(72348)2-72-11

Зайсан АІІБ ЕТБ, Зайсан ауданы, Зайсан қаласы, Ленин көшесі 12, тел. 8(72340) 2-52-50

Риддер ҚАІІБ ЕТБ, Риддер қаласы, Безголосов көшесі 11, тел. 8(72336) 2-24-74

Зырянов ҚАІІБ ЕТБ, Зырянов ауданы, Зыряновск қаласы, Киров көшесі 2а, тел. 8(72335) 6-04-02

Үржар АІІБ ЕТБ, Үржар ауданы, Абылайхан көшесі 237, тел. 8(72330) 2-19-37 Шемонайха АІІБ ЕТБ, Шемонайха ауданы, Шемонайха қаласы, М.Горький көшесі 97, тел. 8(72332) 3-09-07

Жамбыл облысы

Жамбыл облысы IIД ЖПБ ЕТБ, Тараз қаласы, Сүлейманов көшесі 98, тел. 34-37-34

Шу АІІБ АЕТБ, Шу қаласы, Сәтпаев көшесі 36, тел. 2-20-51, 2-18-61

Мерке АІІБ ЕТБ, Мерке ауылы, Сарымолдаев көшесі 11, тел. 2-26-32

Қордай АІІБ ЕТБ, Қордай ауылы, Кенесары көшесі 10, тел. 2-18-80

Сарысу АІІБ ЕТБ, Жаңатас қаласы, 1 ш/а 37, тел. 34-10-28, 6-10-28

Талас АІІБ ЕТБ, Қаратау қаласы 

Т.Рысқұлов АІІБ ЕТБ, Құлан ауылы, Жібек жолы көшесі 57, тел. 2-12-70

Батыс Қазақстан облысы

БҚО ІІД ЖПБ ЕТБ, Орал қаласы, Гагарин көшесі 2/5, тел. 8(7112) 24-92-25, 24-04-08

Бөрлі ауданы ЕТБ, Ақсай қаласы, 2 ш/а 7, тел. 8(81133) 3-11-33

Қазталов ауданы АЕТБ, Қазталов кенті, Желтоқсан көшесі 20, тел. 8(71144) 3-12-50, 8(8112) 3-11-02

Қарағанды облысы

Қарағанды облысы ІІД ЖПБ ЕТБ, Қарағанды қаласы, Прогресс көшесі 1, тел. 8(7212) 41-53-90

Теміртау қаласы ІІБ ЖПБ ЕТБ, Мичурин көшесі 8, тел. 8(7213) 98-74-57

Абай ауданы ІІБ ЖП ЕТБ, Абай қаласы, Абай көшесі 36, тел. 8(72131) 4-37-67

Жезқазған қаласы ІІБ ЖПБ АЕТБ, Жезқазған қаласы, Сәтпаев көшесі 80, тел. 8(7102)72-42-62

Балқаш қаласы ІІБ ЖП АЕТБ, Балқаш қаласы, Язев көшесі 13, тел. 8(71036)4-06-43

Осакаров аудандық ІІБ ЖП ЕТБ, Осакаровка кенті, Литвиновская көшесі 93, тел. 8(72149)4-11-00

Қарқаралы АІІБ ЖП ЕТБ, Қарқаралы қаласы, Әуезов көшесі 40, тел. 8(72146)3-25-85

"Қамқор" ТБ, Қарағанды қаласы, Ермеков көшесі 108, тел. 8(7212) 44-17-55

"Қапа" ЕТБ, Қарағанды қаласы, Степной ш/а 11а, тел. 8(7212) 75-70-67

Қостанай облысы

Қостанай облысы ІІД ЖПБ ЕТБ, Қостанай қаласы, Полевая көшесі 7, тел.8(7142) 28-02-50, 28-02-39, 28-02-40, 28-69-01)

Арқалық қаласы ІІБ ЕТБ, Арқалық қаласы, Молодежная көшесі 10, тел. 8(71430) 7-08-18

Рудный ҚІІБ ЖПБ АЕТБ, Рудный қаласы, Кеншілер көшесі 5А, тел. 8(71431)4-62-46

Лисаковск ҚІІБ ЖПБ ЕТБ, Лисаковск қаласы, 1А-6, тел. 8(871433) 3-02-02

Жетіқара ҚІІБ АЕТБ, Жетіқара қаласы, 5В ш/а 18, тел. 8(71435) 2-09-11

Әулиекөл АІІБ ЖПБ АЕТБ, Әулиекөл кенті, Целинная көшесі 7, тел. 8(71453)2-10-41

Федоров АІІБ ЖПБ ЕТБ, Федоровка кенті, М.Әуезов көшесі, тел. 8(71442)2-24-61

Ұзынкөл АІІБ ЖПБ ЕТБ, Ұзынкөл кенті, Абылайхан көшесі 34, тел.8(71444) 2-41-78

Меңдіқара АІІБ ЖПБ ЕТБ, Меңдіқара кенті, Абай көшесі 95, тел. 8(71443)2-14-45

Қарабалық АІІБ ЖПБ ЕТБ, Қарабалық кенті, Ничепуренко көшесі 3, тел. 8(71441) 3-32-91

Қызылорда облысы

Қызылорда облысы ІІД ЖПБ ЕТБ, Қызылорда қаласы, Жібек жолы көшесі, тел. 8(7242) 23-20-66

Жаңақорған ауданы АЕТБ, Жаңақорған кенті, Қожанов көшесі 1, тел.8(72435)2-21-40

Шиелі ауданы АЕТБ, Шиелі кенті, Мұстафа Шоқай көшесі 7, тел. 8(72432) 4-22-50

Қазалы ауданы АЕТБ, Қазалы қаласы, Жанқожа батыр көшесі, тел. 8(72437)2-16-40

Арал ауданы ЕТБ, Арал қаласы, Бақтыбай батыр көшесі 85, тел. 8(72433) 2-45-34

Қармақшы ауданы ЕТБ, Қармақшы кенті, Көшербаев көшесі 38, тел. 8(72437)2-17-40

Маңғыстау облысы

Маңғыстау облысы ІІД ЖПБ ЕТБ, Ақтау қаласы, 23 ш/а. ІІБ ғимараты, тел. 8(7292) 60-53-86, 21-25-55, 21-21-29

Жаңаөзен ауданы АЕТТ, Жаңаөзен қаласы, 1 ш/а, ҚІІБ ғимараты, тел. 8(729231)3-28-35

Павлодар облысы

Павлодар облысы ІІД ЖПБ ЕТБ, Павлодар қаласы, Торговая көшесі 2, тел. 8(7182) 33-37-56, 33-37-59

Екібастұз қаласы АЕТБ, Ә.Марғұлан көшесі 10, тел. 8(71835) 4-03-85

Ертіс кенті АЕТБ, Ысқақов көшесі 95, тел. 8(7183) 2-19-52, 2-16-29

СҚО

СҚО ІІД ЖПБ ЕТБ, Петропавл қаласы, Володарский көшесі 18, тел. 8(7152) 46-30-95, 36-92-86, 49-43-53

Шал ақын ауданы ЕТТ, Сергеевка қаласы, Шал ақын көшесі 14, тел. 8(71534)2-06-76

Мамлютка ауданы ЕТТ, Мамлютка қаласы, Ленин көшесі 45, тел. 8(71542)2-19-96

Қызылжар ауданы ЕТТ, Бескөл қаласы, Гагарин көшесі 8, тел. 8(71538)2-00-75

Ғ.Мүсірепов ауданы ЕТТ, Новоишимск ауылы, Абылайхан көшесі 59, тел. 8(71535)21126

Айыртау ауданы АЕТБ, Саумалкөл қаласы, Уәлиханов көшесі 24, тел. 8(71533) 2-18-85, 2-19-76

Тайынша ауданы АЕТБ, Тайынша қаласы, Күншығыс көшесі 102, тел. 8(71536) 2-22-55

Уәлиханов ауданы АЕТБ, Кішкенекөл ауылы, Уәлиханов көшесі 88, тел. 8(71542)2-17-38

Есіл ауданы ЕТБ, Явленка ауылы, Ыбраев көшесі 13, 8(81543) 2-29-82

Жамбыл ауданы ЕТБ, Пресновка қаласы, Достық көшесі 17, тел. 8(71544)2-10-42

ОҚО

ОҚО ІІД ЖПБ ЕТБ, Шымкент қаласы, Абай ауданы, Қожанов көшесі нөмірсіз, тел. 8(7252) 21-20-19, 23-23-77, 23-20-61

ТБ-1 Шымкент қаласы, Әл Фараби ауданы, Ташкент көшесі 1 км нөмірсіз, тел. 50-55-46, 50-50-30

ТБ-2 Шымкент қаласы, Абай ауданы, Темірлан тас жолы 62, тел. 33-02-23

ТБ-3 Шымкент қаласы, Еңбекші ауданы, Сайрам көшесі 190, тел. 51-92-91

Сайрам ауданы АЕТБ, Ақсукент ауылы, Қарабұлақ тас жолы нөмірсіз, тел. 2-231-2-00-04, 2-25-32, 2-15-91

Бәйдібек ауданы АЕТБ, Екпінді ауылы, тел. 8-230-2-15-22, 2-22-21

Мақтаарал ауданы АЕТБ, Атакент кенті, Ташкент көшесі нөмірсіз, тел. 8-241-3-26-02

Сарыағаш ауданы АЕТБ, Сарыағаш қаласы, Шымкент-Жетісай тас жолы нөмірсіз, тел. 8-237-2-24-24, 2-12-62

Түркістан ауданы АЕТБ, Кентау қаласы, Сырғат батыр көшесі нөмірсіз, тел. 8-233-4-30-16

Қазақстан Республикасының 
Ішкі істер министрінің   
2007 жылғы 4 қыркүйектегі 
N 362 бұйрығымен бекітілген

Мемлекеттік қызмет көрсету
СТАНДАРТЫ "Қазақстан Республикасында тұрақты тұратын азаматтығы жоқ адамдарға куәлiктер және шетелдіктерге тұруға ыхтиярхаттар беру" 1. Жалпы ережелер

      1. Осы стандарт Қазақстан Республикасында тұрақты тұратын азаматтығы жоқ адамдарға куәлiктер және шетелдіктерге тұруға ыхтиярхаттар беру бойынша мемлекеттік қызмет (әрі қарай - мемлекеттік қызмет) көрсетудің тәртібін айқындайды.

      2. Мемлекеттік қызмет көрсетудің нысаны: автоматтандырылмаған.

      3. Мемлекеттік қызмет Қазақстан Республикасының "Халықтың көшi-қоны туралы ", "Шетелдiктердiң құқықтық жағдайы туралы" заңдарының, Қазақстан Республикасы Үкіметінің "Қазақстан Республикасында шетел азаматының тұру ықтиярхаты мен азаматтығы жоқ адамдардың куәлiгiнiң үлгiлерiн (сипаттамасын) бекiту туралы" 1996 жылғы 23 қаңтардағы  N 87, "Қазақстан Республикасының халқын құжаттандыру және тіркеу ережесін бекіту туралы" 2000 жылғы 12 шілдедегі  N 1063, "Шетел азаматтарының Қазақстан Республикасында болуын құқықтық реттеудiң жекелеген мәселелерi" 2000 жылғы 28 қаңтардағы  N 136 қаулыларының негізінде жүзеге асырылады. Қараныз P090001260

      4. Мемлекеттік қызметті осы стандарттың  1-қосымшасында көрсетілген Қазақстан Республикасы Ішкі істер министрлігі ішкі істер органдарының аумақтық көші-қон полициясы бөлімшелері (бұдан әрі - аумақтық көші-қон полициясы бөлімшелері) көрсетеді.

      5. Мемлекеттік қызметті аяқтау нысаны Қазақстан Республикасында тұруға шетел азаматына тұру ықтиярхатын не азаматтығы жоқ адамның куәлiк беру болып табылады.

      6. Мемлекеттік қызмет Қазақстан Республикасының аумағында тұрақты тұратын және 16 жасқа толған шетелдіктермен азаматтығы жоқ адамдарға көрсетіледі.
      Азаматтығы жоқ адамның куәлігі Қазақстан Республикасынан тыс жерлерге ата-анасыз (қорғаншысыз, қамқоршысыз) шығу кезінде 16 жасқа толмаған адамдарға берілуі мүмкін.

      7. Мемлекеттік қызмет мына мерзімдерде ұсынылады:
      1) өтініш беруші 1-Н өтініш түбіртегін алған сәттен бастап дайын тұруға ықтиярхатты, азаматтығы жоқ адамның куәлiгін бергенге дейін мемлекеттік қызмет көрсету мерзімі - кемінде екі ай.
      2) мемлекеттік қызметті ұсыну үшін қажетті құжаттарды тапсырған кезде кезекті күтуге рұқсат берілген ең ұзақ уақыт - 30 минут.
      3) Қазақстан Республикасында тұруға шетел азаматының дайын тұру ықтиярхатты не азаматтығы жоқ адамның куәлігін алу кезінде кезек күтуге рұқсат берілген ең ұзақ уақыт - 30 минут.

      8. Мемлекеттік қызмет көрсеткені үшін "Салық және бюджетке төленетін басқа да міндетті төлемдер туралы" Қазақстан Республикасының кодексіне (Салық кодексі) сәйкес алынатын мемлекеттік баж:
      Қазақстан Республикасында тұруға шетел азаматына тұру ықтиярхатын ресімдеуге мемлекеттік баж төлеген күні белгіленген айлық есептік көрсеткіш мөлшерінің 20 пайызын;
      азаматтығы жоқ адамның куәлiгін ресімдеуге мемлекеттік баж төлеген күні белгіленген айлық есептік көрсеткіш мөлшерінің 400 пайызын құрайды.
      Мемлекеттік баж төлем мөлшері мен күнін растайтын түбіртек беретін Қазақстан Республикасының банк мекемелері арқылы төленеді.

      9. Мемлекеттік қызмет көрсету тәртібі және қажетті құжаттар туралы толық ақпарат, сондай-ақ оларды толтыру үлгілері 3-қосымшаға сәйкес Қазақстан Республикасы Ішкі істер министрлігінің (бұдан әрі - ІІМ) және Астана, Алматы қалаларының және облыстардың Ішкі істер департаменттерінің (бұдан әрі - ІІД) веб-сайттарында сондай-ақ көші-қон полициясы бөлімшелеріндегі ресми ақпарат көздері мен стенділерде орналастырылады.

      10. Мемлекеттік қызмет аптаның бес күнінде, соның ішінде түскі үзіліспен жалпы қабылданған демалыс күндерінің бірінде ұсынылады. Қабылдау кезек, алдын ала жазылусыз және жылдам қызмет көрсету тәртібімен жүзеге асырылады.

      11. Осы мемлекеттік қызметті көрсететін көші-қон полициясы бөлімшелерінің үй-жайы әдетте ғимараттың бірінші қабатында орналасады, ішкі істер органдарының басқа бөлімшелерінен бөлек кіру есігі, күту залы, құжаттарды толтыруға арналған орындары бар, қажетті құжаттар тізбесі мен оларды толтыру үлгілері бар стенділермен жабдықталады.

  2. Мемлекеттік қызмет көрсетудің тәртібі

      12. Мемлекеттік қызметті алу үшін:
      шетелдіктер:
      1) жарамды ұлттық паспортын;
      2) осы әкімшілік-аумақтық бірлікте тұрақты тұратын жері бойынша тіркеу туралы белгісі бар азаматтарды тіркеу кітабын;
      3) мемлекеттік баж төлегені туралы түбіртек;
      4) көлемі 35 х 45 мм екі фотосурет ұсынады.
      азаматтығы жоқ адамдар:
      1) жеке басын куәландыратын құжат (қолданылу мерзімі өтіп кеткен ұлттық паспорт, азаматтығы жоқ адамның куәлігі, бұрынғы КСРО паспорты, бас бостандығынан айыру орындарынан босатылғаны туралы анықтама, Қазақстан Республикасының азаматтығынан шыққаны туралы анықтама, әскери билет);
      2) осы әкімшілік-аумақтық бірлікте тұрақты тұратын жері бойынша тіркеу туралы белгісі бар азаматтарды тіркеу кітабын;
      3) мемлекеттік баж төлегені туралы түбіртек;
      4) көлемі 35 х 45 мм екі фотосурет ұсынады.
      Ұсынылған фотосуреттерге мынадай талаптар қойылады:
      фотосурет өтініш берушінің құжатты ресімдеу сәтіндегі жасына сәйкес келуі және қатаң түрде жарық жерде алдынан түсірілген болуы керек, бұл ретте адамның беті фотосуреттің жалпы көлемінің 75% жуығын алуы тиіс;
      фотосурет фотобаспа әдісімен бір негативтен қалың фотоқағазда басылуы қажет. Компьютерлік сканерлеу және модельдеу немесе ксерокөшірме әдісімен дайындалған бейнелерді пайдалануға жол берілмейді;
      үнемі көзілдірік тағып жүретін адам суретке көзілдірікпен (қара емес) түсуі қажет.
      діни дәстүрлеріне байланысты бас киім киетін адамдарды қоспағанда, суретке бас киіммен түсуге жол берілмейді.

      13. Көші-қон полициясы бөлімшелерінің қызметкерлері беретін бланкілер, сондай-ақ ІІМ-нің және ІІД-нің веб-сайттарында орналасады.

      14. Осы стандарттың 12-тармағында көрсетілген толтырылған өтініштер мен бланкілер өтініш берушіні тіркеу жері бойынша көші-қон полициясы бөлімшелеріне тапсырылады.

      15. Қажетті құжаттардың барлығы тапсырылғаннан кейін ішкі істер органдары анықтама береді, онда ішкі істер органының атауы, өтінішті қабылдаған қызметкердің лауазымы, тегі және аты-жөні және өтінішті оның қабылданған күні мен уақыты көрсетіледі.

      16. Қазақстан Республикасында тұрақты тұратын азаматтығы жоқ адамның куәлігінің және шетел азаматына тұруға ықтиярхаттың дайындығы туралы көші-қон полициясы бөлімшесінің қызметкерлері өтініш берушіні телефон арқылы немесе жеке қабылдауда хабар етеді.

      17. Дайын құжаттар алғанда өтініш беруші 1-Н өтінішке қолын қояды және алған күнін көрсетеді.

      18. Мемлекеттік қызметті ұсынудан:
      1) егер өтініш берушінің атында азаматтығы жоқ адамның жарамды куәлігі, шетел азаматының Қазақстан Республикасында тұруға ықтиярхаты бар болса;
      2) шетелдіктің ұлттық паспортының қолданылу мерзімі өтіп кетсе немесе қолданылу мерзімінің аяқталуына кемінде 2 ай мерзім қалса, бас тартылуы мүмкін.

  3. Жұмыс қағидаттары

      19. Көші-қон полициясы бөлімшелерінің қызметі адамның конституциялық құқықтарын, қызметтік борышын орындау кезінде заңдылықты, ішкі істер органдары қызметкерлерінің Ар-ождан кодексін сақтауға негізделеді және сыпайылық, толық ақпарат беру, оның сақталуын, қорғалуын және құпиялығын қамтамасыз ету қағидаттарында жүзеге асырылады.

  4. Жұмыс нәтижелері

      20. Көші-қон полициясы бөлімшелері жұмысының нәтижелері сапа және қол жетімділік көрсеткіштерімен өлшенеді.

  5. Шағымдану тәртібі

      21. Көші-қон полициясы бөлімшелері қызметкерлерінің іс-әрекеттеріне мемлекеттік қызмет көрсетуді ұсыну сапасы бойынша наразылық болған жағдайда шағым қалалық, аудандық, қалалардағы аудандық ішкі істер басқармаларының (бөлімдерінің), Алматы, Астана қалаларының және облыстардың ішкі істер департаменттері бастықтарының, ІІМ-нің Әкімшілік полиция комитеті төрағасының, ІІМ басшылығының атына беріледі.
      Даулы мәселелер азаматтық сот өндірісі тәртібімен шешіледі.

      22. Шағымдар жұмыс күндері жазбаша түрде поштамен, электрондық пошта арқылы ішкі істер органдары кеңсесі арқылы қолма-қол қабылданады.

      23. Қабылданған шағым өтініштерді тіркеу журналында тіркеледі. Шағымдар заңнамамен белгіленген мерзімде қаралады, өтініш берушіге қорытынды туралы жазбаша түрде немесе электрондық пошта арқылы хабарланады.

  6. Байланыс ақпараты

      24. Ұсынылатын мемлекеттік қызметке жауапты көші-қон полициясы бөлімшелері басшыларының мекенжайлары 1-қосымшада көрсетілген.

      25. ІІМ Әкімшілік полиция комитетінің мекенжайы: 010000, Астана қ, Манас көшесі, 4, веб-сайт: www. mіd. kz., қабылдау бөлмесінің телефоны (7172) 71-40-75.
      ІІМ-нің Әкімшілік полиция комитеті Көші-қон полициясы басқармасының мекенжайы: 010000, Астана қ, Жеңіс даңғылы, 65 "а", қабылдау бөлмесінің телефоны (7172) 71-56-11.

                         "Қазақстан Республикасында тұрақты тұратын
                          азаматтығы жоқ адамдарға куәліктер және
                            шетелдіктердің тұруына ықтиярхаттар
                             беру" мемлекеттік қызмет көрсету
                                  стандартына 1-қосымша

Астана қаласы бойынша:

Алматы қаласы бойынша:

Ақмола облысы бойынша:

Ақтөбе облысы бойынша:

Алматы облысы бойынша:

Атырау облысы бойынша:

ШҚО бойынша:

Жамбыл облысы бойынша:

БҚО бойынша:

Қарағанды облысы бойынша:

Қызылорда облысы бойынша:

Қостанай облысы бойынша:

Маңғыстау облысы бойынша:

Павлодар облысы бойынша:

Солтүстік Қазақстан облысы бойынша:

Оңтүстік Қазақстан облысы бойынша:

                         "Қазақстан Республикасында тұрақты тұратын
                           азаматтығы жоқ адамдарға куәліктер және
                              шетелдіктердің тұруына ықтиярхаттар
                               беру" мемлекеттік қызмет көрсету
                                     стандартына 2-қосымша

облыстық ІІД Көші-қон полициясы басқармалары:

                       "Қазақстан Республикасында тұрақты тұратын
                         азаматтығы жоқ адамдарға куәліктер және
                          шетелдіктердің тұруына ықтиярхаттар
                           беру" мемлекеттік қызмет көрсету
                                 стандартына 3-қосымша

Кесте. Сапа және қол жетімділік көрсеткіштерінің мәні

Қазақстан Республикасы Ішкі
істер министрінің     
2007 жылғы 4 қыркүйектегі 
N 362 бұйрығымен бекітілген

Мемлекеттік қызмет көрсету
СТАНДАРТЫ
"Тұрғылықты жерінен мекенжай анықтамаларын беру" 1. Жалпы ережелер

      1. Бұл стандарт мүдделі мемлекеттік органдарға және өзге де инстанцияларға анықтамалар ұсыну үшін сұрау салынған адамдардың тұрақты тұрғылықты мекенжайы туралы мекенжай бюроларының анықтамалар беру тәртібін (бұдан әрі - мемлекеттік қызмет көрсету) айқындайды.

      2. Мемлекеттік қызмет көрсету нысаны ішінара автоматтандырылған. Қызмет автоматтандырылған ақпараттық жүйені де (бұдан әрі - ААЖ), алфавиттік-анықтамалық картотеканы да пайдалана отырып көрсетіледі.

      3. Мемлекеттік қызмет көрсету "Қазақстан Республикасының ішкі істер органдары туралы" Қазақстан Республикасының Заңына, Қазақстан Республикасы ІІМ-нің 1995 жылғы 10 шілдедегі N 169 бұйрығымен бекітілген Ішкі істер органдарының мекенжай-анықтама жұмысы жөніндегі нұсқаулығы негізінде жүзеге асырылады.

      4. Облыстардың, Алматы және Астана қалаларының ішкі істер департаменттерінің құрылымдық бөлімшелері-мекенжай бюролары (бұдан әрі - мекенжай бюросы) мемлекеттік қызмет көрсетеді.

      5. Мемлекеттік қызмет көрсетудің аяқталу нысаны мекенжай анықтамасын беру болып табылады.

      6. Қазақстан Республикасының азаматтарына, шетелдік және азаматтығы жоқ адамдарға, Қазақстан Республикасының және Тәуелсіз мемлекеттер достастығына қатысушы-елдердің құқық қорғау органдарына, мекемелерге, ұйымдарға, кәсіпорындарға (бұдан әрі - тұтынушылар) мемлекеттік қызмет көрсетіледі.

      7. Мемлекеттік қызмет көрсету кезінде уақыт бойынша шектеу мерзімі:
      1) ішкі істер, ұлттық қауіпсіздік, қорғаныс, қылмыстық - атқару жүйесі, қаржы полициясы, прокуратура, сот органдарының және байланыс кәсіпорындарының жазбаша сұрау салулары 48 сағатқа дейінгі мерзімде, басқа сұрау салулар және тұтынушылардың хаттары 5 тәулік мерзімге дейін;
      2) адамдардың тікелей өтінуі кезінде - 10 минуттың аралығында.

      8. Мемлекеттік қызмет көрсету тегін ұсынылады.

      9. Мемлекеттік қызмет көрсету тәртібі туралы толық ақпарат, тізбесі осы стандартқа қоса берілген  1-қосымшада көрсетілген Қазақстан Республикасы Ішкі істер министрлігінің (бұдан әрі - ІІМ) және облыстардың, Алматы және Астана қалаларының ішкі істер департаменттерінің (бұдан әрі - ІІД) веб-сайттарында, сондай-ақ ресми ақпарат көздерінде және мекенжай бюросының бөлмелерінде орналасқан стендтерде орналастырылады.

      10. Мемлекеттік қызмет көрсету түскі үзіліс пен демалыс күндерін қоспағанда, аптасына бес күн ұсынылады. Қабылдау алдын ала жазылусыз және тез қызмет көрсетусіз, кезекке тұру тәртібімен жүзеге асырылады.
      Ескертпе: жедел-іздестіру іс-шараларын жүргізу кезінде, демалыс және мейрам күндерінде мемлекеттік қызмет құқық қорғау органдарына тәулік бойғы режимде ұсынылады.

      11. Мекенжай бюроларының бөлмелерінде ішкі істер органдарының басқа бөлімшелерінен бөлек кіретін есігі, күту залы, құжаттар толтыру орны болады, ақпараттық стендтермен жабдықталады және әдетте ғимараттың бірінші қабатында орналасады.

  2. Мемлекеттік қызмет көрсету тәртібі

      12. Мемлекеттік қызмет көрсету алу үшін тұтынушылар:
      1) жеке тұлға - жеке басын куәландыратын құжатын;
      2) құқық қорғау органдарының қызметкерлері - қызмет құжатын;
      Ескертпе: бұл санаттың тұтынушылары үшін мемлекеттік қызмет көрсету тоқсанына бір рет жіберілетін және "Қызмет бабында пайдалану үшін" белгісі бар парольді пайдаланып телефон арқылы жүзеге асырылуы мүмкін. Пароль бір тәулікке және одан жоғары, бірақ үш тәуліктен жоғары болмай белгіленеді;
      3) заңды тұлғалар - сұрау салуды жіберуші бөлімше басшысының (қызметкерінің) қол қойылған және заңды тұлғаның кеңсесінде тіркелген жазбаша сұрау салуларын көрсетеді.

      13. Мемлекеттік қызмет көрсетуді алу үшін бланктер, арыздар толтыру талап етілмейді.

      14. Мемлекеттік қызмет көрсетуді алу үшін құжаттар мекенжай бюросының тіркеушісіне тапсырылады.

      15. Азаматтардың сұрау салулары мен хаттары хаттардың және сұрау салулардың есеп журналына тіркеледі және есепке алынады.

      16. Мекемелердің, ұйымдардың, кәсіпорындардың бір адамға сұрау салулары жөніндегі мекенжай анықтамалары қайтарылатын сұрау салудың артқы бетіне мөртабан қою және толтыру жолдарымен беріледі. Тізім келіп түскен кезде мекенжай анықтамалары тіркелгені немесе тіркеуден алынғаны туралы мекенжай бюросында мәліметі бар адамдарға ғана толтырылады, басқа аты-жөндерінің тұсына "жоқ" белгісі қойылады және тізім оған қоса берілген анықтамаларымен адресатқа қайтарылады.
      Тұтынушы берген мекенжай анықтамаларына жеке тұлғаның мекенжай бөлігін және сұрау салуды орындаған оператордың деректері көрсетіле отырып мөртабан қойылады.

      17. Тұтынушы осы стандарттың 12-тармағында көрсетілген құжаттарды ұсынбаған жағдайда мемлекеттік қызмет көрсетуді ұсынудан бас тартылуы мүмкін.

  3. Жұмыстың қағидаттары

      18. Мекенжай бюросының қызметі адамның конституциялық құқығын сақтауға, қызметтік борышын өтеу кезіндегі заңдылыққа негізделеді және әдептілік, толық ақпарат ұсыну, оның сақталуын, қорғалуын және жасырындылығын қамтамасыз ету қағидаттарында жүзеге асырылады.

  4. Жұмыс нәтижелері

      19. Мекенжай бюролары жұмысының нәтижелері осы стандартқа қоса беріліп отырған  2-қосымшаға сәйкес сапа мен қол жеткізу көрсеткіштерімен өлшенеді.

  5. Шағымдану тәртібі

      20. Мемлекеттік қызмет көрсетуді ұсыну сапасы бойынша наразылық болған жағдайда мекенжай бюросының, облыстардың, Астана және Алматы қалаларының ІІД бастықтарының, ІІМ-нің ақпараттық-техникалық қызметінің, ІІМ басшысының атына шағым беріледі.

      21. Шағымдар жазбаша түрде пошта не ішкі істер органдары мекенжай бюросының кеңсесі арқылы тікелей жұмыс күндері қабылданады.

      22. Қабылданған шағым ішкі мекенжай бюросының, істер органының ақпараттар есебі журналында тіркеледі және заңнамада белгіленген мерзімдерде қаралады.
      Шағымды қарау нәтижелері туралы шағым берушіге жазбаша түрде пошта арқылы хабарланады.

  6. Байланысу ақпараты

      23. Мекенжай бюросының жұмыс және бастығының қабылдау кестесі мекенжай бюросының жұмыс кестесіне сәйкес жүзеге асырылады.
      Мекенжай бюросының байланыс телефондары ІІД-нің кезекші бөлімдерінде болады.
      24. ІІМ-нің мекенжайы: 010000, Астана қаласы, Манас көшесі 4, веб-сайт: www.mvd.kz, қабылдау бөлмесінің телефоны (7172) 71-40-10.

                                       Мемлекеттік қызмет көрсету
                                        стандартына N 1 қосымша

                                       Мемлекеттік қызмет көрсету
                                        стандартына N 2 қосымша

       Кесте. Сапа және қол жетімділік көрсеткіштерінің мәні

Қазақстан Республикасы   
Ішкі істер министрінің   
2007 жылғы 4 қыркүйектегі  
N 362 бұйрығымен бекітілген 

Мемлекеттік қызмет көрсету
СТАНДАРТЫ "Қазақстан Республикасында уақытша болатын шетелдіктер
мен азаматтығы жоқ адамдарды тіркеу" 1. Жалпы ережелер

      1. Осы стандарт Қазақстан Республикасында уақытша болатын шетелдіктер мен азаматтығы жоқ адамдарды тіркеу бойынша мемлекеттік қызмет көрсету (бұдан әрі - мемлекеттік қызмет көрсету) тәртібін айқындайды.

      2. Мемлекеттік қызмет көрсету нысаны: автоматтандырылмаған.

      3. Мемлекеттік қызмет Қазақстан Республикасының "Халықтың көші-қоны туралы", " Шетелдіктердің құқықтық жағдайы туралы " заңдарына, "Шетелдіктердің Қазақстан Республикасында болуын құқықтық реттеудің жекелеген мәселелері" Қазақстан Республикасы Үкіметінің 2000 жылғы 28 қаңтардағы N 136 туралы қаулысының негізінде көрсетіледі.

      4. Мемлекеттік қызметті осы стандарттың 1-қосымшасында көрсетілген Қазақстан Республикасы ішкі істер органдарының көші-қон полициясы аумақтық бөлімшелері (бұдан әрі - көші-қон полициясы бөлімшелері) көрсетеді.

      5. Мемлекеттік қызметтің аяқталу нысаны көші-қон карточкасының "тіркеу" бағанын толтыру болып табылады.

      6. Мемлекеттік қызмет 16 жастан асқан Қазақстан Республикасында уақытша болатын шетелдіктер мен азаматтығы жоқ адамдарға көрсетіледі.
      Шетелдіктер мен азаматтығы жоқ адамдар Қазақстан Республикасының Мемлекеттік шекарасынан өткен күннен бастап бес күнтізбелік күн ішінде уақытша тұратын жері бойынша тіркелуге міндетті.

      7. Мемлекеттік қызмет құжаттарды берген күні көрсетіледі.
      Мемлекеттік қызмет көрсету үшін қажетті құжаттарды тапсырған кезде кезек күтуге рұқсат берілген ең ұзақ уақыт 30 минут.

      8. Мемлекеттік қызмет көрсету тегін болып табылады.

      9. Мемлекеттік қызмет көрсету тәртібі және қажетті құжаттар туралы толық ақпарат, сондай-ақ оларды толтыру үлгілері 2-қосымшаға сәйкес Қазақстан Республикасы Ішкі істер министрлігінің (бұдан әрі - ІІМ) және Астана, Алматы қалаларының, облыстардың Ішкі істер департаменттерінің (бұдан әрі - ІІД) веб-сайттарында, сондай-ақ көші-қон полициясы бөлімшелеріндегі ресми ақпарат көздері мен стенділерде орналастырылады.

      10. Мемлекеттік қызмет аптасына бес күн, соның ішінде түскі үзіліспен жалпы қабылданған демалыс күндерінің бірінде ұсынылады. Қабылдау кезекпен, алдын ала жазылусыз және жылдам қызмет көрсету тәртібімен жүзеге асырылады.

      11. Осы мемлекеттік қызмет көрсетілетін көші-қон полициясы бөлімшелерінің үй-жайлары, әдетте ғимараттың бірінші қабатында орналасады ішкі істер органдарының басқа бөлімшелерінен бөлек кіретін есігі, күту залы, құжаттарды толтыруға арналған орындары бар, қажетті құжаттардың тізбесі мен оларды толтыру үлгілері бар стенділерімен жарақталады.

  2. Мемлекеттік қызмет көрсету тәртібі

      12. Мемлекеттік қызметті алу үшін шетелдікті не азаматтығы жоқ адамды қабылдаушы жеке немесе заңды тұлғалар, сондай-ақ 3-қосымшада көрсетілген санаттардың біріне жататын шетелдіктер:
      1) Қазақстан Республикасына келуге және болуға визасы бар шетелдіктің не азаматтығы жоқ адамның жеке басын куәландыратын жарамды құжатын (4-қосымшада көрсетілген елдердің азаматтарына виза қажет етілмейді);
      2) мемлекеттік шекарадан өткізу пункттерінде Қазақстан Республикасы Ұлттық қауіпсіздік комитеті Шекара қызметінің лауазымды адамдары беретін шекарадан өткені туралы белгісі бар көші-қон карточкасын;
      3) көші-қон полициясы бөлімшелерінің қызметкерлері беретін тіркеу туралы өтініш бланкілерін (заңды тұлғалардың ресми бланкілерінде ресімделетін осы заңды тұлғаның өтініштерін қоспағанда) ұсынады.
      Қазақстан Республикасында уақытша болуы алты айдан астам мерзімді құрайтын шетелдіктер мен азаматтығы жоқ адамдар қосымша:
      1) екі толтырылған мекенжайға келу парағы, олардың бланкілері көші-қон полициясы бөлімшелерінде, әділет органдарының аумақтық бөлімшелерінде және халыққа қызмет көрсету орталықтарында бөлімшелерінде беріледі;
      2) келу парағына толтырылған статистикалық есепке алу, талоны, олардың бланкілері көші-қон полициясы бөлімшелерінде, әділет органдарының халыққа қызмет көрсету орталықтарында және аумақтық бөлімшелерінде беріледі;
      3) көлемі 35х45мм бір фотосурет ұсынады.

      13. Көші-қон полициясы бөлімшелерінің қызметкерлері беретін бланкілер сондай-ақ ІІМ-нің және ІІД-нің веб-сайттарында орналастырылады.

      14. Осы стандарттың 12-тармағында көрсетілген толтырылған өтініштер мен бланкілер өтініш иесінің келген жері бойынша көші-қон полициясы бөлімшесіне тапсырылады.

      15. Мемлекеттік қызмет көрсету үшін қажетті барлық құжаттарды тапсырғаннан кейін көші-қон полициясы бөлімшесінің қызметкері көші-қон карточкасына тиісті белгі қояды, ол ресімдеген қызметкердің қолымен және көші-қон полициясы бөлімшесінің мөрімен куәландырылады.
      Туристік топтарды тіркеу туралы мөртаңба визалық мөрмен және лауазымды адамның қолымен расталған ұжымдық тізімнің артқы жағына қойылады.

      16. Тіркеу туралы өтініште көрсетілген, бірақ шетелдіктің, азаматтығы жоқ адамның жеке басын куәландыратын құжаттың қолданылу мерзімінен аспайтын мерзімге тіркеу ресімделеді.
      Бірнеше мәрте визалары бар шетелдіктің, азаматтығы жоқ адамдардың паспорттары олардың Қазақстан Республикасында нақты болу мерзіміне тіркеледі.
      Қазақстан Республикасында визасыз тәртіппен болатын азаматтарды тіркеу тоқсан тәуліктен аспайтын мерзімге жүргізіледі және кейіннен дәл осындай мерзімге ұзартылуы мүмкін.
      Шетелдік жұмыс күшін тартуға заңнамада белгіленген тәртіппен рұқсат ресімделген шетелдіктерді, азаматтығы жоқ адамдарды тіркеу осы рұқсаттың қолданылу мерзіміне ресімделеді.
      Қазақстан Республикасының оқу орындарында оқитын шетелдіктерді, азаматтығы жоқ адамдарды тіркеу бір оқу жылына ресімделеді.

      17. Уақытша болатын жері бойынша тіркелу туралы белгісі бар көші-қон карточкасы мен жеке басын куәландыратын құжатты шетелдік, азаматтығы жоқ адам өзі өтініш білдірген жерінен алады. Тіркеу шетелдікті бірінші өтініш берген жері бойынша ғана ресімделеді.

      18. Осы стандарттың 12-тармағында көрсетілген құжаттарды толық көлемде тапсырса, шетелдікке, азаматтығы жоқ адамға мемлекеттік қызметті ұсынудан бас тартылуы мүмкін емес

  3. Жұмыс қағидаттары

      19. Көші-қон полициясы бөлімшелерінің қызметі адамның - конституциялық құқықтарын, қызметтік борышын орындау кезінде заңдылықты, ішкі істер органдары қызметкерлерінің Ар-ождан кодексін сақтауға негізделеді және сыпайылық, толық ақпарат беру, оның сақталуын, қорғалуын және құпиялығын қамтамасыз ету қағидаттарында жүзеге асырылады.

  4. Жұмыс нәтижелері

      20. Көші-қон полициясы бөлімшелері жұмысының нәтижелері осы стандарттың 5-қосымшасына сәйкес сапа және қол жетімділік көрсеткіштерімен өлшенеді.

  5. Шағымдану тәртібі

      21. Көші-қон полициясы бөлімшелері қызметкерлерінің іс-әрекеттеріне мемлекеттік қызмет көрсетуді ұсыну сапасы бойынша наразылық болған жағдайда шағым қалалық, аудандық, қалалардағы аудандық ішкі істер басқармаларының (бөлімдерінің), Алматы, Астана қалаларының және облыстардың ішкі істер департаменттері бастықтарының, ІІМ-нің Әкімшілік полиция комитеті төрағасының, ІІМ басшылығының атына беріледі.
      Даулы мәселелер азаматтық сот өндірісі тәртібімен шешіледі.

      22. Шағымдар жұмыс күндері жазбаша түрде поштамен, электрондық пошта не ішкі істер органдары кеңсесі арқылы қолма-қол қабылданады.

      23. Қабылданған шағым өтініштерді тіркеу журналында тіркеледі. Шағымдар заңнамамен белгіленген мерзімде қаралады, өтініш берушіге қорытынды туралы жазбаша түрде немесе электрондық пошта арқылы хабарланады.

  6. Байланыс ақпараты

      24. Ұсынылатын мемлекеттік қызметке жауапты көші-қон полициясы бөлімшелері басшыларының мекенжайлары 1-қосымшада көрсетілген.

      25. ІІМ Әкімшілік полиция комитетінің мекенжайы: 010000, Астана қ, Манас көшесі, 4, веб-сайт: www. mid.kz., қабылдау бөлмесінің телефоны (7172) 71-40-75.
      ІІМ-нің Әкімшілік полиция комитеті Көші-қон полициясы басқармасының мекенжайы: 010000, Астана қ, Жеңіс даңғылы, 65 "а", қабылдау бөлмесінің телефоны (7172) 71-56-11.

                                 "Қазақстан Республикасында уақытша
                                 болатын шетелдіктер мен азаматтығы
                                  жоқ адамдарды тіркеу" мемлекеттік
                                      қызмет көрсету стандартына
                                                1-қосымша

      Облыстардың, Астана және Алматы қалаларының IIД-ті
    көші-қон полициясы бөлімшелерінің пошталық мекенжайы

Астана қаласы бойынша:

Алматы қаласы бойынша:

Ақмола облысы бойынша:

Ақтөбе облысы бойынша:

Алматы облысы бойынша:

Атырау облысы бойынша:

ШҚО бойынша:

Жамбыл облысы бойынша:

БҚО бойынша:

Қарағанды облысы бойынша:

Қызылорда облысы бойынша:

Қостанай облысы бойынша:

Маңғыстау облысы бойынша:

Павлодар облысы бойынша:

Солтүстік Қазақстан облысы бойынша:

Оңтүстік Қазақстан облысы бойынша:

                               "Қазақстан Республикасында уақытша
                               болатын шетелдіктер мен азаматтығы
                                жоқ адамдарды тіркеу" мемлекеттік
                              қызмет көрсету стандартына 2-қосымша

      Облыстардың, Астана және Алматы қалаларының ІІД-ті
   көші-қон полициясы бөлімшелерінің электрондық мекенжайы

"Қазақстан Республикасында уақытша болатын  
шетелдіктер мен азаматтығы жоқ адамдарды  
тіркеу" мемлекеттік қызмет көрсету     
стандартына 3-қосымша           

Тіркеу жеке өтініші бойынша жасалатын шетелдіктер мен
азаматтығы жоқ адамдардың санаттары

      1. Австралия Одағы, Австрия Республикасы, Америка Құрама Штаттары, Бельгия Корольдігі, Германия Федеративтік Республикасы, Грек Республикасы, Дания Корольдігі, Жаңа Зеландия, Жапония, Корея Республикасы, Біріккен Араб Әмірліктерінің, Сауд Арабиясы Корольдігінің, Польша Республикасының, Венгрия Республикасының, Словак Республикасының, Ирландия Республикасы, Исландия Республикасы, Испания Корольдігі, Италия Республикасы, Канада, Лихтенштейн Князьдігі, Люксембург Ұлы Герцогтығы, Малайзия, Монако, Нидерланд Корольдігі, Норвегия Корольдігі, Португалия Республикасы, Сингапур Республикасы, Ұлыбритания және Солтүстік Ирландия Құрама Корольдігі, Финляндия Республикасы, Француз Республикасы, Швейцария Конфедерациясы, Швеция Корольдігінің азаматтары.
      2. "туристік" санаттағы виза иелері.
      3. Қазақстан Республикасы СІМ-нің келісімі бойынша бір айға дейінгі, бірақ бір жыл ішінде екі реттен артық емес мерзімге Қазақстан Республикасына шетел азаматтары болып табылатын - жұбайларымен, балаларымен немесе ата-аналарымен бірге келетін шетелдіктер (осы шектеу Қазақстан Республикасының азаматы болып табылатын ата-аналарымен бірге келетін кәмелетке толмаған шетел азаматтарына қолданылмайды).
      4. Қазақстан Республикасы СІМ-мен келісім бойынша үш айға дейінгі мерзімге туған жерлеріне, туысқандарының зираттарына болып қайту мақсатымен келетін Қазақстан Республикасынан қоныс аударған шетел азаматтары үшін Қазақстан Республикасы СІМ-нің шетелдегі мекемесіне олар жеке өтініш жасаған жағдайда Қазақстан Республикасымен байланыстығын растайтын құжаттардың (Қазақстан Республикасында туғандығы туралы ұлттық паспорттағы бағаны немесе куәлігі, Қазақстан Республикасында жақын туысқанының жерленгендігі туралы құжаттың, Қазақстан Республикасының азаматтығынан шыққандығы туралы анықтаманың көшірмесі) иелері.
      5. Қазақстан Республикасы СІМ-мен келісім бойынша үш айға дейінгі, бірақ бір жыл ішінде екі реттен аспайтын мерзімге қазақ диаспорасының өкілдері болып табылатын шетел азаматтары үшін Қазақстан Республикасында әлеуметтік-экономикалық жеңілдіктерге арналған куәлік иелері.

"Қазақстан Республикасында уақытша болатын  
шетелдіктер мен азаматтығы жоқ адамдарды  
тіркеу" мемлекеттік қызмет көрсету     
стандартына 4-қосымша           

Қазақстан Республикасына визасыз тәртіппен
кіретін шетелдіктер
Мемлекетінің тізімі

      1. Әзірбайжан Республикасы
      2. Армения Республикасы
      3. Беларусь Республикасы
      4. Грузия Республикасы - 90 тәулік дейінгі мерзімге
      5. Қырғыз Республикасы - 90 тәулік дейінгі мерзімге
      6. Молдова Республикасы
      7. Моңғолия - 90 тәулік дейінгі мерзімге
      8. Ресей Федерациясы
      9. Тәжікстан Республикасы
      10.Өзбекстан Республикасы
      11.Түркия - бір айлық мерзімге дейін
      12. Украина - 90 тәулік дейінгі мерзімге

                       "Қазақстан Республикасында уақытша болатын  
                        шетелдіктер мен азаматтығы жоқ адамдарды
                           тіркеу" мемлекеттік қызмет көрсету
                                    стандартына 5-қосымша           

     Кесте. Сапа және қол жетімділік көрсеткіштерінің мәні

   Қазақстан Республикасы    
Ішкі істер министрінің    
2007 жылғы 4 қыркүйектегі   
N 362 бұйрығымен бекітілген  

Мемлекеттік қызмет көрсету
СТАНДАРТЫ "Қазақстан Республикасында тұрақты тұруға шетелдіктер мен азаматтығы жоқ адамдарды тіркеу және оларға рұқсат беру" 1. Жалпы ережелер

      1. Осы стандарт Қазақстан Республикасында тұрақты тұруға шетелдіктер мен азаматтығы жоқ адамдарды тіркеу және оларға рұқсат беру бойынша мемлекеттік қызмет (бұдан әрі - мемлекеттік қызмет) көрсетудің тәртібін айқындайды.

      2. Көрсетілетін мемлекеттік қызметтің нысаны:
автоматтандырылмаған.

      3. Мемлекеттік қызмет көрсету Қазақстан Республикасының " Халықтың көшi-қоны туралы", " Шетелдiктердiң құқықтық жағдайы туралы" заңдарының, Қазақстан Республикасы Үкіметінің "Шетел азаматтарының Қазақстан Республикасына келуі мен болуын, сондай-ақ Қазақстан Республикасынан кету ережесін бекіту туралы" 2000 жылғы 28 қаңтардағы  N 136, "Қазақстан Республикасында тұрақты тұруға рұқсаттар алуға үмiткер шет ел азаматтарының және азаматтығы жоқ адамдардың Қазақстан Республикасында болу кезеңiнде өздерiнiң төлем жасау қабiлеттігін растау ережесiн бекiту туралы" 2003 жылғы 26 қарашадағы, "Қазақстан Республикасының халқын құжаттандыру және тіркеу ережесін бекіту туралы" 2000 жылғы 12 шілдедегі N 1063 "Шетел азаматтарының Қазақстан Республикасында болуын құқықтық реттеудiң жекелеген мәселелерi" 2000 жылғы 28 қаңтардағы N 136 қаулыларының негізінде жүзеге асырылады.

      4. Мемлекеттік қызметті осы стандарттың  1-қосымшасында көрсетілген Қазақстан Республикасы ішкі істер органдарының аумақтық көші-қон полициясы бөлімшелері (бұдан әрі - аумақтық көші-қон полициясы бөлімшелері) көрсетеді.

      5. Мемлекеттік қызметті аяқтау нысаны азаматтарды тіркеу кітабында сондай-ақ, азаматтығы жоқ адамдардың куәлiктеріне тіркеу туралы мөртаңба қою болып табылады.

      6. Мемлекеттік қызмет:
      1) "тұрақты тұруға" санатындағы визасы бар;
      2) Қазақстан Республикасына өзге заңды негізде уақытша келген шетелдіктер мен азаматтығы жоқ адамдарға көрсетіледі.

      7. Мемлекеттік қызмет мынадай мерзімде ұсынылады:
      1) мемлекеттік қызмет көрсету мерзімі өтініш берушінің өтініші қабылданғаны туралы талонды алған кезден бастап - 2 ай.
      2) мемлекеттік қызмет ұсыну үшін құжаттарды тапсыру кезінде кезек күтуге рұқсат етілетін ең ұзақ уақыт - 30 минут.
      3) тіркеуді жүзеге асыруда кезек күтуге кететін ең аз уақыт - 30 минут.

      8. Мемлекеттік қызмет көрсеткені үшін "Салық және бюджетке төленетін басқа да міндетті төлемдер туралы" Қазақстан Республикасының кодексіне (Салық кодексі) сәйкес алынатын мемлекеттік төлеген күні белгіленген айлық есептік көрсеткіш мөлшерінің 10 пайызын құрайды.
      Мемлекеттік баж төлем мөлшері мен күнін растайтын түбіртек беретін Қазақстан Республикасының банк мекемелері арқылы төленеді.

      9. Мемлекеттік қызмет көрсету тәртібі және қажетті құжаттар туралы толық ақпарат, сондай-ақ оларды толтыру үлгілері сәйкес Қазақстан Республикасы Ішкі істер министрлігінің (бұдан әрі - ІІМ) және Астана, Алматы қалаларының және облыстардың Ішкі істер департаменттерінің (бұдан әрі - ІІД) веб-сайттарында сондай-ақ көші-қон полициясы бөлімшелеріндегі ресми ақпарат көздері мен стенділерде орналастырылады.

      10. Мемлекеттік қызмет аптаның бес күнінде, соның ішінде түскі үзіліспен жалпы қабылданған демалыс күндерінің бірінде ұсынылады. Қабылдау кезек, алдын ала жазылусыз және жылдам қызмет көрсету тәртібімен жүзеге асырылады.

      11. Осы мемлекеттік қызметті көрсететін көші-қон полициясы бөлімшелерінің үй-жайы әдетте ғимараттың бірінші қабатында орналасады, ішкі істер органдарының басқа бөлімшелерінен бөлек кіру есігі, күту залы, құжаттарды толтыруға арналған орындары бар, қажетті құжаттар тізбесі мен оларды толтыру үлгілері бар стенділермен жабдықталады.

  2. Мемлекеттік қызмет көрсету тәртібі

      12. Мемлекеттік қызметті алу үшін шетелдіктер мен азаматтығы жоқ адамдар:
      1) "тұрақты тұруға" санатындағы визасы бар адамдар:
      а) бланкісін көші-қон полициясы бөлімшелерінің қызметкерлері беретін өтініш-сауалнама;
      б) Қазақстан Республикасы Сыртқы істер министрлігінің шетелдік мекемелері беретін "тұрақты тұруға" санатындағы визасы бар жеке басын куәландыратын (ұлттық паспорт, азаматтығы жоқ адамның, босқынның жол жүру құжаты) жарамды құжатты;
      в) бланкісін көші-қон полициясы бөлімшелерінің қызметкерлері беретін оған тиесілі тұрғын үйде тұрақты тұратын жері бойынша тіркеуге жеке немесе заңды тұлғаның келісімін;
      г) көлемі 35 х 45 мм екі фотосурет;
      2) Қазақстан Республикасына өзге заңды негізде келген адамдар:
      а) бланкісін көші-қон полициясы бөлімшелерінің қызметкерлері беретін өтініш-сауалнама;
      б) жеке басын куәландыратын (ұлттық паспорт, азаматтығы жоқ адамның, босқынның жол жүру құжаты) жарамды құжатын;
      в) Мемлекеттік шекара арқылы өту бекеттерінде Қазақстан Республикасының Ұлттық қауіпсіздік комитеті Шекара қызметінің лауазымды адамдары беретін Қазақстан Республикасына уақытша келген орны бойынша тіркелген белгісі бар көші-қон карточкасы;
      г) шетелдік азамат болып табылатын немесе азаматтығы жоқ адамның тұрақты тұратын мемлекетінің жазбаша келісімін, ол кету парағы, азаматтық немесе тұрақты тұру мемлекетінің құзыретті органының хаты, шетелге тұрақты тұруға шығуға рұқсат беру туралы ұлттық паспортындағы мөртаңба не шетелге тұрақты тұруға шығуға рұқсатты растайтынын басқа да құжат болуы мүмкін;
      д) өтініш берушінің еркін түрде жазған өмірбаяны;
      е) медициналық куәландыру туралы ресми анықтама;
      ж) тұрақты тұруға қалдыру туралы өтінімнің берілген күні берілген мың үш жүз жиырма есе ең төменгі көрсеткіш эквивалентіне тең немесе одан асатын сомада банк шотында (шоттарында) ақшасы бар екені туралы анықтаманы.
      з) банкі шотында (шоттарында) өтініш беруші тұруға ниеттенген елді мекенде отбасының бір мүшесіне 15 шаршы метр есебінен тұрғын үй сатып алуға жеткілікті сомада ақшасы бар екені туралы анықтама ұсынады. Өтініш берушіге жеке немесе заңды тұлға тұрғын үй беру туралы шарты бар болса, тұрғын үй сатып алуға ақшаның бар екені туралы банкі құжатын ұсыну қажет етілмейді.
      и) бланкісін көші-қон полициясы бөлімшелерінің қызметкерлері беретін оған тиесілі тұрғын үйде тұрақты тұратын жері бойынша тіркеуге жеке немесе заңды тұлғаның келісімін;
      к) көлемі 35х45 мм екі фотосурет ұсынады.
      Ескерту:
      Қазақстан Республикасында немесе Қазақ Кеңестік Социалистік Республикасында туған немесе бұрын азаматтығында болған адамдар мен олардың отбасы мүшелеріне тұрақты тұруға келген азаматтардың азаматтықты алуының жеңілдетілген тәртібі туралы Қазақстан Республикасының күшіне енген халықаралық келісімдері бар мемлекеттер азаматтарынан ж) және з) тармақшаларында көрсетілген құжаттарды ұсынуы қажет етілмейді.
      Оралмандарға г), ж) және з) тармақшаларында көрсетілген құжаттарды ұсынуы қажет етілмейді.

      13. Көші-қон полициясы бөлімшелерінің қызметкерлері беретін бланкілер, сондай-ақ ІІМ-нің және ІІД-нің веб-сайттарында орналасады.

      14. Осы стандарттың 12-тармағында көрсетілген толтырылған өтініштер мен бланкілер өтініш берушіні тіркеу жері бойынша көші-қон полициясы бөлімшелеріне тапсырылады.

      15. Қажетті құжаттардың барлығы тапсырылғаннан кейін ішкі істер органдары анықтама береді, онда ішкі істер органының атауы, өтінішті қабылдаған қызметкердің лауазымы, тегі және аты-жөні және өтінішті оның қабылданған күні мен уақыты көрсетіледі қабылдағаны туралы талон беріледі.

      16. Қазақстан Республикасында тұрақты тұруға тіркеу және рұқсат беру мәселесі бойынша қабылданған шешім туралы өтініш берушіге аумақтық көші-қон полициясы қызметкерлері телефон арқылы немесе жеке қабылдауда хабарлайды.

      17. Қазақстан Республикасында тұрақты тұруға тіркеу және рұқсат беру туралы оң шешім шығарылса, өтініш беруші көші-қон полициясы бөлімшесіне ұсынады:
      1) аумақтық Әділет органдары немесе Халыққа қызмет көрсету орталықтары беретін азаматтарды тіркеу кітабын;
      2) мемлекеттік баж төлегені туралы түбіртекті;
      3) өтініш берушіні тіркеуге келісім берген жеке немесе заңды тұлғаның тұрғын үйге меншік немесе иелік құқын растайтын құжаттардың түпнұсқасы мен көшірмесін (жылжымайтын мүлікті тіркеу құқығы туралы куәлік, жалдау (жалға беру) шарты, қосымша жалдау және т.б.);
      4) бланкісін көші-қон полициясы бөлімшелері, Халыққа қызмет көрсету орталықтары және аумақтық Әділет органдарының бөлімшелері беретін толтырылған мекенжайлық келу парағын;
      5) бланкісін көші-қон полициясы бөлімшелері, Халыққа қызмет көрсету орталықтары және аумақтық Әділет органдарының бөлімшелері беретін келу парағына толтырылған статистикалық есепке алу талонын;

      18. Қазақстан Республикасында тұрақты тұруға тіркеу және рұқсат беруде:
      1) заңсыз көрiнеу көшiп келушілерге, сондай-ақ қылмыс жасағаны үшiн өздерi шыққан елдердің заңнамасы бойынша қудалаудағы адамдарға;
      2) сотталғанға дейiн тұрақты тұратын жерi Қазақстан Республикасының шегiнен тыс болған, бас бостандығынан айыру орындарынан босатылған адамдарға;
      3) адамзатқа қарсы қылмыс жасаған адамдарға;
      4) оралмандарды, Қазақстан Республикасында немесе Қазақ Кеңестiк Социалистiк Республикасында туған немесе бұрын оның азаматтығында тұрған адамдарды қоспағанда, сондай-ақ тұрақты тұру үшін келетін адамдардың азаматтықты алуының жеңілдетілген тәртібі туралы Қазақстан Республикасының күшіне енген халықаралық келісімдері бар мемлекеттердің азаматтарына және олардың отбасы мүшелерiне өзiнiң төлем қабiлеттiлiгiн растауды табыс етпеген адамдарға;
      5) Қазақстан Республикасы денсаулық сақтау органдарының қорытындысына сәйкес Қазақстан Республикасының аумағындағы эпидемияға себепшi болуы мүмкiн сырқаты бар адамдарға;
      6) Қазақстан Республикасы уәкiлеттi органының және ұлттық қауiпсiздiк комитетiнiң iшкi iстер органдарының шешiмi негiзiнде шетелдiктердiң құқықтық жағдайы туралы заңнаманы бұзған адамдарға;
      7) мемлекетаралық, ұлтаралық және дiни араздықты тұтандыратын адамдарға;
      8) әрекетi конституциялық құрылысты күштеп өзгертуге бағытталған адамдарға;
      9) Қазақстан Республикасының егемендiгi мен тәуелсiздiгiне қарсы шыққан, оның аумағының бiрлігі мен тұтастығын бұзуға шақырған адамдарға;
      10) террористiк әрекетi, ауыр немесе аса ауыр қылмыс жасағаны үшiн сотталған адамдарға, бұл ретте қылмыстың ауырлығы, сотталғандығының болуы немесе болмауы Қазақстан Республикасының заңдарымен айқындалады;
      11) Қазақстан Республикасында тұрақты тұруға рұқсат алу туралы өтiнiшхат жолдаған кезде өзi туралы жалған мәлiметтер хабарлаған немесе Қазақстан Республикасының заңнамасында белгiленген мерзiмде қажеттi құжаттарды дәлелсiз себептермен тапсырмаған адамдарға;
      12) Қазақстан Республикасынан бұрын шығарып жiберiлген адамдарға;
      13) егер бұл Қазақстан Республикасы азаматтарының және басқа адамдардың құқықтары мен заңды мүдделерiн қорғау үшiн қажет болса, Қазақстан Республикасында тұрақты тұруға рұқсат беруден бас тартылуы мүмкiн.

  3. Жұмыс қағидаттары

      19. Көші-қон полициясы бөлімшелерінің қызметі адамның конституциялық құқықтарын, қызметтік борышын орындау кезінде заңдылықты, ішкі істер органдары қызметкерлерінің Ар-ождан кодексін сақтауға негізделеді және сыпайылық, толық ақпарат беру, оның сақталуын, қорғалуын және құпиялығын қамтамасыз ету қағидаттарында жүзеге асырылады.

  4. Жұмыс нәтижелері

      20. Көші-қон полициясы бөлімшелері жұмысының нәтижелері сапа және қол жетімділік көрсеткіштерімен өлшенеді.

  5. Шағымдану тәртібі

      21. Көші-қон полициясы бөлімшелері қызметкерлерінің іс-әрекеттеріне мемлекеттік қызмет көрсетуді ұсыну сапасы бойынша наразылық болған жағдайда шағым қалалық, аудандық, қалалардағы аудандық ішкі істер басқармаларының (бөлімдерінің), Алматы, Астана қалаларының және облыстардың ішкі істер департаменттері бастықтарының, ІІМ-нің Әкімшілік полиция комитеті төрағасының, ІІМ басшылығының атына беріледі.
      Даулы мәселелер азаматтық сот өндірісі тәртібімен шешіледі.

      22. Шағымдар жұмыс күндері жазбаша түрде поштамен, электрондық пошта арқылы ішкі істер органдары кеңсесі арқылы қолма-қол қабылданады.

      23. Қабылданған шағым өтініштерді тіркеу журналында тіркеледі. Шағымдар заңнамамен белгіленген мерзімде қаралады, өтініш берушіге қорытынды туралы жазбаша түрде немесе электрондық пошта арқылы хабарланады.

  6. Байланыс ақпараты

      24. Ұсынылатын мемлекеттік қызметке жауапты көші-қон полициясы бөлімшелері басшыларының мекенжайлары 1-қосымшада көрсетілген.

      25. ІІМ Әкімшілік полиция комитетінің мекенжайы: 010000, Астана қ, Манас көшесі, 4, веб-сайт: www. mіd. kz., қабылдау бөлмесінің телефоны (7172) 71-40-75.
      ІІМ-нің Әкімшілік полиция комитеті Көші-қон полициясы басқармасының мекенжайы: 010000, Астана қ, Жеңіс даңғылы, 65 "а", қабылдау бөлмесінің телефоны (7172) 71-56-11.

                        "Қазақстан Республикасында тұрақты тұруға
                         шетелдіктер мен азаматтығы жоқ адамдарды
                        тіркеу және оған рұқсат беру" мемлекеттік
                          қызмет көрсету стандартына 1-қосымша

Астана қаласы бойынша:

Алматы қаласы бойынша:

Ақмола облысы бойынша: