Сертификаттау және үлгі сертификатын беру қағидаларын бекіту туралы

      "Қазақстан Республикасының әуе кеңістігін пайдалану және авиация қызметі туралы" Қазақстан Республикасы Заңының 14-бабы 1-тармағының 41-20) тармақшасына және "Мемлекеттік көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Сертификаттау және үлгі сертификатын беру қағидалары бекітілсін.

      2. Қазақстан Республикасы Инвестициялар және даму министрлігінің Азаматтық авиация комитеті (Б.К. Сейдахметов):

      1) осы бұйрықты Қазақстан Республикасы Әділет министрлігінде мемлекеттік тіркелуін;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесіне ресми жариялауға оның көшірмелерін жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;

      4) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шараларды орындау туралы мәліметті ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық оның алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ұлттық экономика министрі

      Е.А. Досаев __________________

      2015 жылғы 3 желтоқсан

Сертификаттау және үлгі сертификатын беру қағидалары

      Ескерту. Қағида жаңа редакцияда – ҚР Индустрия және инфрақұрылымдық даму министрінің 31.07.2019 № 600 (01.08.2019 бастап қолданысқа енгізіледі) бұйрығымен.

1-тарау. Жалпы ережелер

      1. Осы Сертификаттау және үлгі сертификатын беру қағидалары (бұдан әрі – Қағидалар) "Қазақстан Республикасының әуе кеңістігін пайдалану және авиация қызметі туралы" Қазақстан Республикасы Заңының (бұдан әрі – Заң) 14-бабы 1-тармағының 41-20) тармақшасына және "Мемлекеттік көрсетілетін қызметтер туралы" Қазақстан Республикасының Заңы (бұдан әрі – Мемлекеттік көрсетілетін қызметтер туралы заң) 10-бабының 1) тармақшасына сәйкес әзірленді және сертификаттау және үлгі сертификатын беру және "Азаматтық әуе кемесінің, қозғалтқыштың және әуе винтінің үлгі сертификатын беру" мемлекеттік қызметтерді көрсету тәртібін айқындайды.

      2. Осы Қағидаларда пайдаланатын терминдер мен анықтамалар:

      1) әзірлеуші – үлгі конструкцияға жауапты жеке немесе заңды тұлға;

      2) зауыттық сынақтар – әуе кемесінің, қозғалтқыштың және әуе винтінің үлгісін, оның сипаттамаларын және пайдалану құжаттамасын сертификаттау базисінің талаптарына сәйкестігіне дейін жеткізу;

      3) мемлекеттік сынақтар – азаматтық әуе кемесінің, қозғалтқыштың және әуе винтінің үлгісінің ұшуға жарамдылық нормаларына сәйкестігін көрсету;

      4) модификация – әуе кемесінің, қозғалтқыштың және әуе винтінің үлгілік конструкциясын өзгеруі;

      5) орындаушы (дайындаушы) – әуе кемесін, қозғалтқышты және әуе винтін түпкілікті құрастыруға жауапты ұйым;

      6) өтінім – өтініш берушінің уәкілетті ұйымға азаматтық әуе кемесінің, қозғалтқыштың және әуе винтінің үлгісіне үлгі сертификатын алу үшін өтініші;

      7) пайдаланушы – азаматтық әуе кемелерін пайдаланумен айналысатын немесе осы салада өз қызметтерін ұсынатын жеке немесе заңды тұлға;

      8) пайдалану құжаттамасы – әуе кемесінің, қозғалтқыштың және әуе винтінің техникалық қызмет көрсетуді қоса алғанда, ұшу және техникалық пайдаланылуын регламенттейтін және пайдалану шектеулерінен, рәсімдері мен ұсынымдарынан тұратын құжаттама;

      9) пайдалану сынақтары – жерде және әртүрлі климатикалық (физикалық) жағдайларда әуеде пайдалану процесінде кезіндегі әуе кемесінің, қозғалтқыштың және әуе винтінің үлгісін сынақ үлгісі;

      10) уәкілетті ұйым – Қазақстан Республикасының азаматтық авиация саласының тұрақты дамуын, ұшу қауіпсіздігі мен авиациялық қауіпсіздікті қамтамасыз етуге бағытталған қызметті жүзеге асыратын, жарғылық капиталына мемлекет жүз пайыз қатысатын акционерлік қоғам;

      11) ұсақ жөндеу – ірі болып табылмайтын кез келген жөндеу;

      12) ұсақ модификация – ірі болып табылмайтын кез келген модификация;

      13) үлгідегі конструкция – ұшуға жарамдылығын белгілеу мақсатында әуе кемесінің, қозғалтқыштың және әуе винтінің түрін айқындау үшін қажетті деректер мен ақпарат жиынтығы;

      14) үлгідегі сертификат – конструкцияның ұшуға жарамдылық нормаларына сәйкестігін растайтын және азаматтық әуе кемесінің, қозғалтқыштың және әуе винтінің үлгідегі конструкциясын айқындайтын шет мемлекеттің немесе әуе кемелерінің, қозғалтқыштың және әуе винтінің сертификаттауды жүзеге асыратын азаматтық авиация саласындағы халықаралық ұйыммен, уәкілетті ұйыммен берілген құжат;

      15) үлгі сертификатын ұстаушы – азаматтық авиация саласындағы уәкілетті ұйымнан әуе кемесінің, қозғалтқыштың және әуе винтінің үлгісіне үлгі сертификатын алған әзірлеуші;

      16) ірі жөндеу – қоршаған ортаға байланысты сипаттамаларға немесе пайдалану сипаттамаларына және ұшу жарамдылығының басқа қасиеттеріне, қозғалтқыштың жұмысына, ұшу сипаттамаларына, конструкцияның беріктігіне айтарлықтай әсер етуі мүмкін әуе кемесін, қозғалтқышты және әуе винтін жөндеуі;

      17) ірі модификация – бұл қоршаған ортаға байланысты сипаттамаларға немесе ұшу жарамдылығына, басқа өнімнің сапасына немесе пайдалану сипаттамаларына, сенімділікке, ұшу сипаттамаларына, күш қондырғысының жұмысына, констукция беріктігіне, масса мен орталықтандыру шектеулеріне елеулі немесе басқаша, үлгідегі сертификат берілген әуе кемесіне, қозғалтқышқа және әуе винтіне әсер ететін өзгерістер.

      3. Азаматтық әуе кемесінің, қозғалтқыштың және әуе винтінің үлгісін сертификаттау үшін "Салық және бюджетке төленетін басқа да міндетті төлемдер туралы" Қазақстан Республикасының кодексінде (Салық кодексі) айқындалатын тәртіппен және мөлшерде алым алынады. Үлгіні сертификаттау көрсетілген алым мемлекеттік бюджетке төленгеннен кейін жүзеге асырылады.

      4. Сериялық шығару процесінде Үлгі сертификатын ұстаушы жұмыс бабындағы конструкторлық құжаттама кешендерін сақтауды ұйымдастырады және сериялы шығаруды, материалдар қасиетінің, технологиялық процестердің тұрақтылығын, сертификатталған үлгінің сериялы дайындалатын даналары үшін бөлшектер мен тораптар сипаттамаларының тұрақтылығын сақтауды ұйымдастырады.

      5. Азаматтық әуе кемесінің, қозғалтқыштың және әуе винтінің үлгісін зауыттық сынауды жургізу басталғанға дейін әзірлеуші мен жасап шығарушы аталған дананың жұмыс бабындағы конструкторлық куәландыратын формуляр, паспорт немесе оларға балама құжатты ресімдейді. Азаматтық әуе кемесінің, қозғалтқыштың және әуе винтінің мемлекеттік сынақтары көрсетілген құжаттар болған жағдайда ғана басталады.

      6. Азаматтық әуе кемесінің, қозғалтқыштың және әуе винтінің үлгісін зауыттық сынақтар әуе кемесі данасының, оның компоненттері мен жүйелерінің сынақ жүргізуге дайындығы бойынша жүргізіледі.

      7. Әзірлеуші уәкілетті ұйымға әуе кемесінің, қозғалтқыштың және әуе винтінің үлгісінің зауыттық сынақтар жүргізуге дайындығы туралы ақпаратты, метрологиялық қамтамасыз ету туралы есептерді және техникалық құжаттаманы жібереді.

      8. Зауыттық сынақтар:

      1) азаматтық әуе кемесінің, қозғалтқыштың және әуе винтінің үлгісінің, оның сипаттамаларын және пайдалану құжаттамасын күтілетін пайдалану жағдайындағы ұшуға жарамдылығы нормаларына сәйкестікке жеткізу;

      2) азаматтық әуе кемесінің, қозғалтқыштың және әуе винтінің ұшуға жарамдылығына әсер ететін айрықша жауапты функционалдық жүйелерінің (планер, шасси, басқару жүйесі, аэродинамикалық сипаттамалар, тежегіш, гидравликалық және басқа да жүйелер) үлгі конструкциясын белгілеу;

      3) мемлекеттік сынақтарды жүргізу үшін азаматтық әуе кемесін, қозғалтқышты және әуе винтін әкелу мүмкіндігін белгілеу мақсатында жүргізіледі.

      9. Зертханалық, стендтік, жер үстіндегі, ұшудағы және арнайы сынауды қоса алғанда, зауыттық сынаудың бағдарламасын әзірлеуші әзірлейді және ол тіркелген сәттен бастап күнтізбелік 15 (он бес) күн ішінде азаматтық авиация саласындағы уәкілетті органмен келісіледі.

      10. Егер азаматтық әуе кемесінің, қозғалтқыштың және әуе винтінің үлгісінің анықталған сәйкессіздіктері мен кемшіліктері кезінде зауыттық сынақтарды одан әрі жүргізу тәуекелмен байланысты екендігі белгіленсе, азаматтық авиация саласындағы уәкілетті ұйым сынақтарды тоқтата тұру туралы шешім қабылдайды. Зауыттық сынақтар әзірлеуші анықталған сәйкессіздіктерді жойып, растау құжаттарын ұсынғаннан кейін қайта жаңартылады.

      11. Азаматтық әуе кемесінің, қозғалтқыштың және әуе винтінің үлгісін мемлекеттік сынау уәкілетті ұйымның қатысуымен әзірлеуші бекіткен жоспарға сәйкес жүргізіледі. Мемлекеттік сынақтар жүргізілетін мерзімдер туралы әзірлеуші сынақтар басталғанға дейін күнтізбелік 5 (бес) күн бұрын уәкілетті ұйымды хабардар етеді. Мемлекеттік сынақтардың нәтижесі бойынша уәкілетті ұйым мен әзірлеуші еркін нысанда бірлескен қорытынды дайындайды.

      Азаматтық әуе кемесінің, қозғалтқыштың және әуе винтінің үлгісін пайдаланып сынақтарды әзірлеуші әзірлеген және бекіткен кестеге сәйкес әзірлеуші әртүрлі климаттық (физикалық) жағдайларда өткізеді.

      12. Зауыттық, мемлекеттік және пайдалану сынақтары аяқталғаннан кейін әзірлеуші уәкілетті ұйымға мынадай құжаттарды:

      1) азаматтық әуе кемесінің, қозғалтқыштың және әуе винтінің үлгісінің әзірлеуші бекіткен ұшуға жарамдылық нормаларына сәйкестігінің зауыттық және пайдалану сынақтарының нәтижелері бойынша түзетілген кестесін;

      2) зауыттық, мемлекеттік және пайдалану сынақтарының нәтижелерi бойынша нақтыланған пайдалану құжаттамасының жиынтығын;

      3) әуе кемесі, қозғалтқыш және әуе винтінің үлгiсiнiң жұмыс бабындағы конструкторлық құжаттамасының бақылау және ағымдағы жиынтықтары (жиынтықтардың нөмiрлерi көрсетiледi) зауыттық және пайдалану сынақтары жұмыстарының нәтижелерi бойынша түзетiлгенi, әуе кемесi, қозғалтқыштың және әуе винтінің үлгiсiнiң үлгiдегі конструкциясын көрсететiнi, осы үлгiдегi әуе кемесiнің, қозғалтқыштың және әуе винтінің үлгiсiн сериялық шығару үшiн жарамды екенi, бекiтiлгенi және өтiнiш берушi мен әзірлеушіде сақталатыны туралы хабарламаны жібереді.

      13. Пайдаланушы конструкцияға және пайдалану құжаттамасына қандай да бір өзгерістерді осы өзгерістерді тек Үлгі сертификатын ұстаушымен келісім бойынша ғана енгізеді.

      14. Азаматтық әуе кемелеріне, қозғалтқыштарға және әуе винттеріне Халықаралық азаматтық авиация туралы конвенцияның (Чикаго, 1944 ж.) (бұдан әрі – Конвенция) 16-қосымшасында белгіленген қоршаған ортаны қорғауға қойылатын талаптар қолданылады.

      15. Қоршаған ортаны қорғауға қойылатын талаптар азаматтық әуе кемесін, қозғалтқышты және әуе винтін сертификаттау нормаларына дербес бөлімдер ретінде енгізіледі.

      16. Азаматтық әуе кемесі, қозғалтқыш және әуе винті үлгісінің қоршаған ортаны қорғауға қойылатын талаптарға сәйкестігі Жергілікті жердегі шуыл бойынша әуе кемесінің үлгі сертификатымен куәландырылады. Әзірлеуші мемлекетпен берілген Азаматтық авиация саласындағы уәкілетті ұйым, қозғалтқыш эмиссиялары жөніндегі сондай-ақ басқа мемлекеттің уәкілетті сертификаттайтын ұйымы берген эмиссиялары жөніндегі сертификатты оған сәйкес сертификация жүргізілген талаптар Конвенцияға 16-қосымшаның 2-томында жазылған ережеге қарағанда қатаң емес болып табылатын жағдайда сертификаттарды таниды.

2-тарау. Сертификаттау және үлгі сертификатын беру тәртібі 1-параграф. Сертификаттауды жүргізу

      17. Сериялы шығаруға арналған жаңа конструкциядағы (жаңа үлгiдегi) азаматтық әуе кемесінің, қозғалтқыштың және әуе винтінің Қазақстан Республикасында қолданылып жүрген ұшуға жарамдылығының нормаларына сәйкестiгiн уәкілетті ұйым сертификаттауға тиіс және ол зауыттық, мемлекеттік және пайдалану сынақтарынан өткеннен кейiн оның уәкілетті ұйым берген үлгiдегі сертификаты болуға тиіс.

      18. Сертификаттау жұмыстары және үлгі сертификатын беру (Doc. 9760) "Ұшу жарамдылығы бойынша нұсқау" ИКАО құжатының талаптарына сәйкес жүргізіледі.

      Үлгі сертификатын алу үшін әзірлеуші азаматтық авиация саласындағы уәкілетті ұйымға (бұдан әрі – уәкілетті ұйым) "электрондық үкіметтің" www.egov.kz веб-порталы арқылы (бұдан әрі – портал) осы Қағидаларға 1-қосымшаға сәйкес өтінімді және осы Қағидаларға 1-1-қосымшаға сәйкес "Азаматтық әуе кемесінің, қозғалтқыштың және әуе винтінің үлгі сертификатын беру" мемлекеттік қызметін көрсетуге қойылатын негізгі талаптар тізбесінің (бұдан әрі – Азаматтық әуе кемесінің, қозғалтқыштың және әуе винтінің үлгі сертификатын беру бойынша мемлекеттік қызмет көрсетуге қойылатын негізгі талаптардың тізбесі) 8-тармағында көзделген тізбе бойынша құжаттар топтамасын жолдайды.

      Мемлекеттік қызметті көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін сондай-ақ өзге де мәліметтерді қамтитын Азаматтық әуе кемесінің, қозғалтқыштың және әуе винтінің үлгі сертификатын беру бойынша мемлекеттік қызмет көрсетуге қойылатын негізгі талаптардың тізбесінде келтірілген.

      Портал арқылы жүгінген кезде, әзірлеушінің "жеке кабинетіне" мемлекеттік қызметті көрсету нәтижесін алу күні көрсетіле отырып, мемлекеттік қызметті көрсету үшін сұрау салудың қабылданғаны туралы мәртебе жіберіледі.

      Әзірлеуші жұмыс уақыты аяқталғаннан кейін Қазақстан Республикасының еңбек заңнамасына сәйкес демалыс және мереке күндері жүгінген жағдайда, мемлекеттік қызметті көрсету жөніндегі өтінімді тіркеу келесі жұмыс күні жүзеге асырылады.

      Жеке басты куәландыратын құжаттар туралы, заңды тұлғаны мемлекеттік тіркеу (қайта тіркеу) туралы, дара кәсіпкер ретінде мемлекеттік тіркеу туралы, азаматтық әуе кемесін мемлекеттік тіркеу туралы мәліметтер пайдаланушы сертификаты, авиациялық жұмыстарды орындау құқығына куәлікті, ұшуларды орындау құқығына куәлікті, азаматтық әуе кемесінің, қозғалтқыштың және әуе винтінің үлгі сертификаттау үшін бюджетке алымның төленгенің растауды уәкілетті ұйым "электрондық үкіметтің" шлюзі арқылы әзірлеуші тиісті мемлекеттік ақпараттық жүйелерден алады.

      Ақпараттық жүйелерден алынатын құжаттарды әзірлеушіден талап етуге жол берілмейді.

      18-1. Уәкілетті ұйым құжаттар келіп түскен күні оларды қабылдауды және тіркеуді жүзеге асырады.

      18-2. Құжаттарды қарау және мемлекеттік қызмет көрсету нәтижесін беру мерзімі 15 (он бес) жұмыс күнін құрайды.

      18-3. Әзірлеуші порталға Азаматтық әуе кемесінің, қозғалтқыштың және әуе винтинің үлгі сертификаты беру бойынша мемлекеттік қызмет көрсетуге қойылатын негізгі талаптардың тізбесінде және (немесе) қолданылу мерзімі өткен құжаттарды көзделген құжаттар топтамасы толық ұсынбаған жағдайларда уәкілетті ұйым өтінішті қабылдаудан бас тартады.

      Әзірлеуші Азаматтық әуе кемесінің, қозғалтқыштың және әуе винтинің үлгі сертификатын беру бойынша мемлекеттік қызмет көрсетуге қойылатын негізгі талаптардың тізбесінде көзделген құжаттардың толық топтамасын ұсынған жағдайда, уәкілетті ұйым әзірлеушінің және ұсынылған материалдардың, мемлекеттік қызметті көрсету үшін қажетті деректер мен мәліметтердің сәйкестігін тексереді және осы Қағидалардың 2-тарауының 3-параграфына сәйкес сертификаттық тексеруді жүзеге асырады.

2-параграф. Шет мемлекетімен берілген үлгі сертификатты тану

      19. Әуе кемесін, қозғалтқышты және әуе винтін сертификаттауды жүзеге асыратын азаматтық авиация саласындағы халықаралық ұйыммен, шет мемлекет берген үлгі сертификаты азаматтық авиация саласындағы уәкілетті ұйым, оған сәйкес үлгі сертификаты берілген талаптар Халықаралық азаматтық авиация ұйымының (бұдан әрі – ИКАО) талаптары мен стандарттарына және Қазақстан Республикасында белгіленген ұшу жарамдылығы нормаларына сәйкес болған жағдайда танылады.

3-параграф. Азаматтық әуе кемесінің, қозғалтқыштың және әуе винтінің сертификаттық тексеру және үлгі сертификатын беру (беруден бас тарту)

      Ескерту. 3-параграфтың тақырыбы жаңа редакцияда – ҚР Индустрия және инфрақұрылымдық даму министрінің 17.03.2023 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      20. Авиациялық инспекторлар үшін азаматтық авиация саласындағы уәкілетті ұйым әзірлеген нұсқамалық материалды пайдалана отырып сертификаттық зерттеу жүргізіледі.

      21. Сертификаттық зерттеуді жүргізу кезінде мыналар жүзеге асырылады:

      1) әуе кемесінің, қозғалтқыштың және әуе винтінің үлгілік конструкциясы;

      2) жабдықтың, бекітілетін тораптар және тағы басқалар;

      3) ушу-техникалық сипаттамасы;

      4) ұшуды сынау құжаттамасы;

      5) пайдалану шектеулері;

      6) жабдықтың және өнімнің кескіндерінің сызбалары мен ерекшеліктері.

      22. Тексеру Қазақстан Республикасы Инвестициялар және даму министрі міндетін атқарушысының 2015 жылғы 27 наурыздағы № 367 бұйрығымен бекітілген Қазақстан Республикасының азаматтық әуе кемелерінің ұшу жарамдылығы нормаларының талаптарына конструкциялардың сәйкестігін айқындау мақсатында жүргізіледі. (Нормативтік құқықтық актілерді мемлекеттік тіркеу тізілімінде № 12038 болып тіркелген, 2015 жылғы 8 қазанда "Әділет" ақпараттық-құқықтық жүйесінде жарияланған)

      23. Сертификаттық тексеру жүргізу басталғанға дейін кемінде 2 (екі) жұмыс күні бұрын әзірлеушіге сертификаттау рәсімінің басталу күні, ықтимал өзгерістер мен толықтырулар, сондай-ақ Қазақстан Республикасының нормативтік құқықтық актілерінің және оларға сәйкес сертификаттық тексеру жүзеге асырылатын халықаралық ұйымдар құжаттарының тізбесі туралы ақпаратты қамтитын еркін нысандағы хабарлама әзірлеушінің "жеке кабинетіне" портал арқылы жіберіледі.

      24. Сертификаттық зерттеп-қарау нәтижелері бойынша осы Қағидаларға 1-2-қосымшаға сәйкес нысан бойынша әуе кемесінің, қозғалтқыштың және әуе винтінің үлгісінің ұшуға жарамдылық нормаларына сәйкестігі (сәйкес еместігі) туралы актіге (бұдан әрі – акт) әуе кемесінің, қозғалтқыштың және әуе винтінің үлгісінің нақты жай-күйін, тұжырымдарды, ұсынымдарды және үлгі сертификатын беру мүмкіндігі (мүмкін еместігі) туралы қорытындыны көрсете отырып, екі данада қол қойылады, актінің бір данасы әзірлеушіге уәкілетті ұйымның кеңсесі немесе әзірлеушінің порталдағы "жеке кабинетіне" жіберіледі.

      Уәкілетті ұйым әуе кемесінің, қозғалтқыштың және әуе винтінің үлгісінің үлгі конструкциясының ұшуға жарамдылық нормаларына сәйкестігін белгілейтін зауыттық, мемлекеттік және пайдалану сынақтарының оң нәтижелері және үлгі сертификатын беру мүмкіндігі туралы қорытынды негізінде осы Қағидаларға 3-қосымшаға сәйкес нысан бойынша деректер картасын қоса бере отырып, осы Қағидаларға 2-қосымшаға сәйкес үлгі сертификатын ресімдейді немесе үлгі сертификатын беру мүмкін еместігі туралы қорытынды негізінде үлгі сертификатын беру бойынша мемлекеттік қызмет көрсетуге қойылатын Азаматтық әуе кемесінің, қозғалтқыштың және әуе винтинің негізгі талаптардың тізбесінде 9-тармағында көрсетілген негіздер бойынша мемлекеттік қызметті көрсетуден бас тарту туралы дәлелді жауапты ресімдейді.

      Үлгі сертификаты шектеусіз мерзімге беріледі.

      Мемлекеттік қызметті көрсетуден бас тарту үшін негіздер анықталған жағдайда, уәкілетті ұйым өтініш берушіге мемлекеттік қызмет көрсетуден бас тарту туралы алдын ала шешім туралы, сондай-ақ өтініш берушіге алдын ала шешім бойынша ұстанымын білдіру мүмкіндігі үшін тыңдауды өткізу уақыты, күні және орны (тәсілі) туралы хабарлайды.

      Тыңдау туралы хабарлама Қазақстан Республикасының Әкімшілік рәсімдік-процестік кодексінің (бұдан әрі – ҚР ӘРПК) 73-бабына сәйкес мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі.

      Тыңдау қорытындылары бойынша мемлекеттік қызмет көрсету нәтижесі немесе мемлекеттік қызмет көрсетуден дәлелді бас тарту қалыптастырылады.

      Мемлекеттік көрсетілетін қызмет нәтижесі уәкілетті ұйымның кеңсесі арқылы не әзірлеушінің порталдағы "жеке кабинетіне" уәкілетті ұйымның уәкілетті тұлғасының ЭЦҚ қойылған электрондық құжат нысанында жіберіледі.

      26. Қызметті жүзеге асыруға кедергі келтірмейтін сертификаттау талаптарына сәйкессіздік анықталған жағдайда, әзірлеуші оны жою шартымен актіге қол қойылған күннен бастап 15 (он бес) жұмыс күні ішінде осы Қағидаларға 4-қосымшаға сәйкес нысан бойынша оларды жою жөніндегі түзету іс-қимылдарының жоспарын ұсынады.

      Әзірлеушінің анықталған сәйкессіздіктерді жою бойынша әзірлеуші ұсынған шаралары негізінде 2 (екі) жұмыс күні ішінде түзету іс-қимылдарының жоспары бекітіледі не оның себептерін негіздей отырып, пысықтауға қайтарылады.

      Уәкілетті ұйым түзету іс-қимылдары жоспарында көрсетілген мерзімді әзірлеуші оны өзгерту қажеттілігі туралы негіздеме ұсынған шарттарды ұзартады.

      27. Уәкілетті ұйым әзірлеушінің түзету іс-қимылдарының жоспарын ұсынуын және (немесе) түзету іс-қимылдарын жоспарда белгіленген мерзімде орындауын бақылайды.

      Егер әзірлеуші түзету іс-қимылдарының қолайлы жоспарын осы Қағидалардың 26-тармағында көрсетілген мерзімде ұсынбаса немесе түзету іс-қимылдарын жоспарда белгіленген мерзімде орындамаса, уәкілетті ұйым үлгі сертификатын беруден бас тартады.

      Анықталған сәйкессіздіктерді жойғаннан кейін әзірлеуші уәкілетті ұйымның тексеру үшін растаушы құжаттаманы қоса бере отырып, жоспарда белгіленген мерзімде түзету іс-қимылдарын орындау туралы еркін нысандағы анықтаманы ұсынады.

      Тексерудің оң немесе теріс қорытындысының нәтижелері бойынша осы Қағидалардың 24-тармағының екінші бөлігіне сәйкес мемлекеттік қызметті көрсету нәтижесі ресімделеді және осы Қағидалардың 24-тармағының төртінші бөлігінде көрсетілген тәсілмен әзірлеушіге жіберіледі.

      28. Әуе кемесінің, қозғалтқыштың және әуе винтінің үлгісін пайдаланудан алған жағдайда, азаматтық авиация саласындағы уәкілетті ұйым шешімімен осы үлгіге Үлгі сертификатының күші жойылады.

      29. Азаматтық әуе кемесі, қозғалтқыш және әуе винті үлгісінің бекітілген конструкциясы (үлгілік конструкциясы) немесе пайдалану-техникалық құжаттамасы өзгеріп, ол ұшуға жарамдылығына әсер еткен кезде әуе кемесінің, қозғалтқыштың және әуе винтінің бұл түрін үлгі сертификатын қосымша алу үшін азаматтық авиация саласындағы уәкілетті ұйым қосымша сертификаттауға жатады.

      30. Бастапқы әзірлеуші болып табылмайтын ӘК модификациясын әзірлеушілер үшін әуе кемесінің, қозғалтқыштың және әуе винтінің үлгілік конструкциясындағы басты өзгерістерге қосымша үлгі сертификатын (ҚҮС) беру үшін ҚҮС берудің (немесе танудың) қажетті шарты әуе кемесін, қозғалтқышты және әуе винтін әзірлеуші мен өтінім беруші арасында ҚҮС-на авторлық сүйемелдеу үшін жауапкершілікті бөлу туралы келісімнің болуы қажет.

      30-1. Сервистік бюллетень немесе үлгі сертификатты ұстаушы шығарған баламалы құжат шығарумен қамтылатын үлгідегі конструкцияның өзгерістері уәкілетті ұйым таныған деп есептеледі:

      1) үлгінің конструкциясын өзгертуді әзірлеуші мемлекет әуе кемесіне, қозғалтқышына және әуе винтіне арналған үлгі сертификатты тану туралы шешімде көрсетілген үлгідегі қолданыстағы сертификаттау стандарттарына сәйкес бекітеді;

      2) қолданыстағы үлгідегі конструкциямен және әуе кемесінің, қозғалтқыштың және әуе винтінің жөндеу жай-күйімен үйлесімділіктің техникалық дәлелдемелері бар;

      3) үлгідегі конструкцияны өзгерту және жөндеу үшін ұшуға жарамдылығын сақтау жөніндегі нұсқаулық қол жетімді және тиісті техникалық қызмет көрсету бағдарламасына енгізілген.

      30-2. Әуе кемесі Қазақстан Республикасының азаматтық әуе кемелерінің мемлекеттік тізіліміне енгізілген кезде әуе кемесінің, қозғалтқыштың және әуе винтінің үлгі конструкциясының бұрын орындалған барлық өзгерістері осы әуе кемесі үшін:

      1) үлгідегі конструкцияның өзгеруі әуе кемесінің ұшуға жарамдылығын қолдау жөніндегі есепке алу жүйесінде ұшуға жарамдылық сертификатын бастапқы беру сәтінде тіркелген;

      2) үлгідегі конструкцияның өзгеруі ұшуға жарамдылықтың қолданылатын нормаларына сәйкес келетіндігін растау бар;

      3) ұшуға жарамдылықтың экспорттық сертификаты әуе кемесінде, қозғалтқышта және әуе винтінде белгіленген үлгідегі конструкцияның барлық осындай өзгерістерін қамтыған шаттрада, "Қазақстан Республикасының азаматтық әуе кемесін сертификаттау және ұшуға жарамдылық сертификатын беру қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 198 бұйрығының талаптарына сәйкес (Нормативтік құқықтық актілерді мемлекеттік тіркеу тізілімінде № 12073 болып тіркелген) ұшуға жарамдылық сертификатын беру жолымен танылған болып есептеледі.

      30-3. Уәкілетті ұйым азаматтық авиация саласындағы шетелдік ұйым әзірлеген ірі модификацияны немесе ірі жөндеуді модификациялау немесе жөндеу шартымен таниды:

      1) үлгі сертификатын берген және оның негізінде әуе кемесінің ұшуға жарамдылығы сертификаты берілген үлгі сертификатты тану туралы шешімде көрсетілген әзірлеуші мемлекет бекіткен;

      2) негізінде әуе кемесінің ұшуға жарамдылығы сертификаты берілген үлгі сертификатын тану туралы шешімде көрсетілген үлгідегі сертификатты беретін мемлекет болып табылмайтын әзірлеуші мемлекет бекіткен және ол әуе кемесінің, қозғалтқыштың және әуе винтінің үлгі сертификатын тиісті деп тану туралы шешімде көрсетілген, қолданыстағы үлгі сертификатының стандарттарына сәйкес келетіні жарияланған ұйым немесе жеке тұлға сертификаттаған;

      3) екі жақты келісімге сәйкес әзірлеуші мемлекет бекіткен, оның негізінде әуе кемесінің ұшуға жарамдылығы сертификаты берілген үлгідегі Сертификатты тану туралы шешімде көрсетілген үлгі сертификаты берілген.

      31. Уәкілетті ұйым "Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректер енгізу қағидаларын бекіту туралы" Қазақстан Республикасы Көлік және коммуникация Министрінің 2013 жылғы 14 маусымдағы № 452 (Нормативтік құқықтық актілерді мемлекеттік тіркеу тізілімінде № 8555 болып тіркелген) бұйрығының талаптарына сәйкес "Азаматтық әуе кемесінің, қозғалтқыштың және әуе винтінің үлгі сертификатын беру" мемлекеттік қызмет көрсету сатысы туралы мемлекеттік қызметтер көрсету мониторингінің ақпараттық жүйесіне деректерді енгізуді қамтамасыз етеді.

      Уәкілетті орган осы бұйрық мемлекеттік тіркелгеннен кейін күнтізбелік үш күн ішінде мемлекеттік қызмет көрсету тәртібін айқындайтын осы Қағидаларға енгізілген өзгерістер және (немесе) толықтырулар туралы ақпаратты "электрондық үкіметтің" ақпараттық-коммуникациялық инфрақұрылымының операторына, көрсетілетін қызметті берушіге және Бірыңғай байланыс орталығына жібереді.

      31-1. Уәкілетті ұйымның әкімшілік актіні әкімшілік (сотқа дейінгі) тәртіппен қабылдауға байланысты әкімшілік әрекетіне (әрекетсіздігіне) шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган Қазақстан Республикасының заңнамасына сәйкес жүргізеді.

      Әзірлеушінің шағымы Мемлекеттік көрсетілетін қызметтер туралы Заңның 25-бабының 2-тармағына сәйкес: 

      уәкілетті ұйымның – оны тіркеген күннен бастап 5 (бес) жұмыс күні ішінде; 

      азаматтық авиация саласындағы уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның оны тіркеген күннен бастап 15 (он бес) жұмыс күні ішінде қарауына жатады.

      Шағым уәкілетті ұйымға және (немесе) азаматтық авиация саласындағы уәкілетті органға және (немесе) шешіміне, әрекетіне (әрекетсіздігіне) шағым жасалып отырған лауазымды тұлғаға беріледі.

      Уәкілетті ұйым, азаматтық авиация саласындағы уәкілетті орган, шешіміне, әрекетіне (әрекетсіздігіне) шағым жасалып отырған лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте, егер 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылданса, уәкілетті ұйым, азаматтық авиация саласындағы уәкілетті орган, лауазымды адам, шешімге, әрекетке (әрекетсіздікке) шағым жасайды, шағымды қарайтын органға шағым жібермейді.

      31-2. Уәкілетті ұйымның, азаматтық авиация саласындағы уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Мемлекеттік көрсетілетін қызметтер туралы заңның 25-бабының 4-тармағына сәйкес:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу қажет болған жағдайларда 10 (он) жұмыс күнінен аспайтын мерзімге ұзартылады.

      Шағымды қарау мерзімі ұзартылған жағдайда шағымдарды қарау жөніндегі өкілеттіктер берілген лауазымды адам шағымды қарау мерзімі ұзартылған кезден бастап 3 (үш) жұмыс күні ішінде шағым берген әзірлеушіге ұзарту себептерін көрсете отырып, шағымды қарау мерзімін ұзарту туралы жазбаша түрде (шағым қағаз жеткізгіште берілген кезде) немесе электрондық нысанда (шағым электрондық нысанда берілген кезде) хабарлайды.

      Егер Қазақстан Республикасының заңдарында өзгеше көзделмесе, сотқа жүгінуге ҚР ӘРПК-нің 91-бабының 5-тармағына сәйкес сотқа дейінгі тәртіппен шағым жасалғаннан кейін жол беріледі.

5-параграф. Үлгі сертификатының қолданысын тоқтата тұру

      33. Ұшу қауіпсіздігіне қауіп төндіретін кемшіліктер табылған жағдайда азаматтық авиация саласындағы уәкілетті ұйым үлгі сертификатының қолданысын тоқтата тұрады.

      Азаматтық авиация саласындағы уәкілетті ұйым ұшу қауіпсіздігіне қауіп төнген кемшіліктерді анықтаған жағдайында, аталған кемшіліктерді жойғанға дейін Үлгі сертификатының күші тоқтата тұрады.

      34. Үлгі сертификатының қолданысы тоқтатыла тұрған жағдайда, азаматтық авиация саласындағы уәкілетті ұйым қабылданған шешім туралы әуе кемесінің, қозғалтқыштың және әуе винтінің осы үлгісін пайдаланатын әзірлеуші мен пайдаланушы, сондай-ақ аэронавигациялық ақпарат қызметіне дереу хабарлайды.

      35. Әзiрлеушi анықталған кемшiлiктердi жойып, әуе кемесінің, қозғалтқыштың және әуе винтінің үлгісінiң ұшуға жарамдылық нормаларының талаптарына сәйкестiгiн растайтын зауыттық, мемлекеттік және пайдаланып сынақтар өткiзілгеннен кейiн ғана Үлгi сертификатының қолданысын қалпына келтiрудi азаматтық авиация саласындағы уәкiлеттi ұйым жүзеге асырады.

Өтініш

      Ескерту. 1-қосымша жаңа редакцияда – ҚР Индустрия және инфрақұрылымдық даму министрінің 17.03.2023 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Сертификаттауды жүргізуді және үлгі сертификат беруді сұраймын

      Түрі ________________________________________________________________

      Мақсаты ____________________________________________________________

      Шығарылған күні _____________________________________________________

      Дайындаушының атауы _______________________________________________

      2. Өтініш беруші туралы мәліметтер (заңды тұлға/ жеке тұлға):

      БСН/ЖСН____________________________________________________________

      Мекенжайы __________________________________________________________

      Телефон ___________________________ Факс: ____________________________

      Электрондық пошта мекенжайы (бар болса) ______________________________

      Егер әуе кемесінің, қозғалтқыштың және әуе винтін әзірлеуші жеке тұлға болса:

      Тегі, Аты, Әкесінің аты (бар болса) _______________________________________

      Егер Әуе кемесінің, қозғалтқыштың және әуе винтін әзірлеуші заңды тұлға болса:

      Ұйымның толық атауы _________________________________________________

      Басшының тегі, аты, әкесінің аты (бар болса) ______________________________

      Өзара іс-қимылды қамтамасыз етуге жауапты қызметкердің тегі, аты, әкесінің аты

      (бар болса), телефоны___________________________________________________

      3. ӘК, қозғалтқыштың және әуе винтінің данасының орналасқан жері__________

      4. Салмағы, кг _____________. Туралау, % CAX______________________________

"Азаматтық әуе кемесінің, қозғалтқыштың және әуе винтінің үлгі сертификатын беру" мемлекеттік қызметін көрсетуге қойылатын негізгі талаптар тізбесі

      Ескерту. 1-1-қосымша толықтырылды – ҚР Индустрия және инфрақұрылымдық даму министрінің 15.04.2020 № 206 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - ҚР Индустрия және инфрақұрылымдық даму министрінің 17.03.2023 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

Әуе кемесінің, қозғалтқыштың, әуе винтінің ұшу жарамдылығы нормаларына үлгінің сәйкестігі (сәйкессіздігі) туралы акт

      Ескерту. 1-2-қосымша толықтырылды – ҚР Индустрия және инфрақұрылымдық даму министрінің 15.04.2020 № 206 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - ҚР Индустрия және инфрақұрылымдық даму министрінің 17.03.2023 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

      Бұйрыққа сәйкес _____________________________________________________

                              (уәкілетті ұйымның атауы)

      "___" ________ 20 __ құрамындағы комиссия:

      Төраға:_______________________________________________________________

      (Тегі, Аты, Әкесінің аты (бар болса), лауазымы)

      Комиссия мүшелері:

      _____________________________________________________________________

      _____________________________________________________________________

      (Тегі, Аты, Әкесінің аты (бар болса), лауазымы)

      _____________________________________________________________________

      _____________________________________________________________________

      (Тегі, Аты, Әкесінің аты (бар болса), лауазымы)

      Әуе кемесінің, қозғалтқыштың және әуе винтінің үлгісінің пайдалану құжаттамасын

      сараптау және ұшуға жарамдылығын бағалау нәтижелері бойынша құжаттамасын

      сараптау және ұшу құжаттамасын бағалау нәтижелері бойынша

      _____________________________________________________________________

      Қорытынды мәтіні:

      _____________________________________________________________________

      Төраға: ______________________________________________________________

      (Тегі, Аты, Әкесінің аты (бар болса), лауазымы)

      Комиссия мүшелері:

      _____________________________________________________________________

      _____________________________________________________________________

      (Тегі, Аты, Әкесінің аты (бар болса), лауазымы)

      _____________________________________________________________________

      Актімен таныстым:

      Ұйым басшысы ________________________________________________________

                        (Тегі, Аты, Әкесінің аты (бар болса), лауазымы)

Рәміз Уәкілетті ұйымның атауы Уәкілетті ұйымның мекенжайы _________________________________________________________________ (Азаматтық авиация саласындағы уәкілетті ұйымның атауы) ҮЛГІ СЕРТИФИКАТЫ № ______

      Осы сертификат_________________________________________ берілді

      (ұйымның/заңды тұлғаның атауы)

      _________________________________________ үлгілік конструкциясы

      (әуе кемесі үлгісінің атауы)

      азаматтық әуе кемелерінің ұшуға жарамдылығы нормаларына сәйкестігін куәландырады.

      Үлгінің негізгі пайдалану шектеулері мен сипаттамаларын ол осы сертификаттың

      ажырамас бөлігі болып табылатын деректер картасында қамтылады.

      МО

      Азаматтық авиация саласындағы уәкілетті

      ұйымның қызметкері ____________________________________________

      (тегі, аты, әкесінің аты (бар болса), лауазымы)

      Берілген күні: 20__ж. "__" _______

Деректер картасы Жалпы мәліметтер

      Ескерту. 3-қосымша жаңа редакцияда – ҚР Индустрия және инфрақұрылымдық даму министрінің 17.03.2023 № 169 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Әуе кемесінің, қозғалтқыштың және әуе винтінің үлгісі______________

      2. Әуе кемесінің, қозғалтқыштың және әуе винтінің моделі______________

      3. Дайындаушы__________________________________________________

      4. Дайындау орны_______________________________________________

      5. Дайындаудың ерекшеліктері___________________________________

      6. Экипаждың ең аз құрамы______________________________________

      7. Жолаушылардың ең көп саны___________________________________

      8. Багаждың ең көп саны________________________________________

      9. Жүктің ең көп саны__________________________________________

      Геометриялық деректер

      1. Қанаттың құлашы, м _________________________________________

      2. Қанаттың алаңы, шаршы м ____________________________________

      3. ОАХ, м _____________________________________________________

      4. Қанаттың тарылуы____________________________________________

      5. Қанат қондырғысының бұрышы, градус__________________________

      6. Көлденең V қанатының бұрышы, градус ________________________

      7. Қатаң бейінінің үлгісі және салыстырмалы қалыңдығы, % ____________

      8. Элерондардың алаңы, шаршы м ________элерондардың құлашы, м_____

      9. Жалғасқанатшалардың алаңы, шаршы м _________________________

      Жалғасқанатшалардың құлашы, ___________________________________

      10. Келденең қанаттанудың құлашы, м ___________________________

      11. Көлденең қанаттанудың алаңы, шаршы м ______________________

      12. Көлденең қанаттанудың иығы, м _____________________________

      13. Тұрақтандырғыш орнату бұрышы, градус ______________________

      14. Жоғары руль алаңы, шаршы м ________________________________

      15. Жоғары рульдің ауытқу бұрышы, градус: жоғары ________ төмен_______

      16. Тігінен қанаттану алаңы, шаршы м __________________________

      17. Тігінен қанаттану иығы, м _________________________________

      18. Бағыттау рулінің алаңы, шаршы м ___________________________

      19. Бағыттау рулінің ауытқу бұрышы, градус: солға ________ оңға_______

      20. Фюзеляждың ұзындығы, м ____________________________________

      21. Фюзеляждың ұшқыш кабинеті бойынша ені/биіктігі, м__________

      22. Шассидің колеясы/базасы, м ________________________________

      23. Дөңгелектердің мөлшері, мм: негізгі ________ басындағы (ұшындағы)______

      Салмақ деректері

      1. Бос әуе кемесінің салмағы, кг ______________________________

      2. Бос тепе-теңдікте, % ОАХ ___________________________________

      3. Ең көп ұшу салмағы, кг _____________________________________

      4. Қону салмағы, кг ___________________________________________

      5. Ұшу тепе-теңдіктеларының диапазоны, % ОАХ __________________

      6. Отын құю, кг _______________________________________________

      7. Май құю ____________________________________________________

      8. Пайдалы жүктеме, кг ________________________________________

      Күш қондырғысы

      1. Қозғалтқыштың үлгісі мен моделі _______________________________

      2. Ең жоғары қуаты, а.к. _________________________________________

      3. Қозғалтқыштың айналымы, айн./мин.___________________________

      4. Әуе бұрандасының диаметрі, м ________________________________

      5. Қалақ қондырғысының бұрышы, градус _________________________

      6. Бұранданың статикалық тартуы, кг _____________________________

      7. Күш қондырғысының ерекшеліктері (редуктордың, қозғалтқышты

      пысықтаудың және т.б. болуы)___________________________________

      Ұшу сипаттамалары

      1. Штильдің екпіннің ұзындығы, м ______________________________

      2. Көлденең ұшудың ең жоғары жылдамдығы, км/сағ._______________

      3. Крейсер жылдамдығы, км/сағ._________________________________

      4. Жерден көтерілу жеделдігі, м/с _____________________________

      5. Құлау жылдамдығы, км/сағ.___________________________________

      6. Ұшу кезінде жерден алшақтау жылдамдығы, км/сағ._____________

      7. Қону жылдамдығы, км/сағ._____________

Түзету іс-қимылдарының жоспары