"Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 7-бабы 1-тармағының 122) тармақшасына сәйкес БҰЙЫРАМЫН:
1. Қоса беріліп отырған Дәрілік заттарды, медициналық мақсаттағы бұйымдарды мемлекеттік тіркеу және олардың қауіпсіздігі мен сапасын бағалау кезінде сараптаманы жүзеге асыру үшін тауарлар мен көрсетілетін қызметтерді сатып алу қағидалары бекітілсін.
2. Қазақстан Республикасы Денсаулық сақтау және әлеуметтік даму министрлігінің Медициналық және фармацевтикалық қызметті бақылау комитеті:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде мерзімді баспасөз басылымдарында және Қазақстан Республикасы нормативтік құқықтық актілерінің "Әділет" ақпараттық-құқықтық жүйесінде ресми жариялауға жіберуді;
3) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсына орналастыруды қамтамасыз етсін;
4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау және әлеуметтік даму министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметті ұсынуды қамтамасыз етсін.
3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі А.В. Цойға жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының | |
Денсаулық сақтау және | |
әлеуметтік даму Министрі | Т. Дүйсенова |
| Қазақстан Республикасы Денсаулық сақтау және әлеуметтік даму Министрінің 2015 жылғы 26 маусымдағы № 525 бұйрығымен бекітілген |
Дәрілік заттарды, медициналық мақсаттағы бұйымдарды мемлекеттік
тіркеу және олардың қауіпсіздігі мен сапасын бағалау кезінде
сараптаманы жүзеге асыру үшін тауарлар мен көрсетілетін
қызметтерді сатып алу қағидалары
1. Жалпы ережелер
1. Осы Дәрілік заттарды, медициналық мақсаттағы бұйымдарды мемлекеттік тіркеу және олардың қауіпсіздігі мен сапасын бағалау кезінде сараптаманы жүзеге асыру үшін тауарлар мен көрсетілетін қызметтерді сатып алу қағидалары (бұдан ары – Қағидалар) "Халық денсаулығы және денсаулық сақтау жүйесі туралы" Қазақстан Республикасының 2009 жылғы 18 қыркүйектегі Кодексінің 7-бабы 1-тармағының 122) тармақшасына сәйкес әзірленді.
2. Осы Қағидаларда қолданылатын негізгі ұғымдар:
1) дәрілік заттарға, медициналық мақсаттағы бұйымдар мен медициналық техникаға сараптама - дәрілік заттарға, медициналық мақсаттағы бұйымдар мен медициналық техникаға физикалық-химиялық, биологиялық, клиникаға дейінгі (клиникалық емес) сынақтар, клиникалық зерттеулер жүргізу, олардың биоэквиваленттігін айқындау, сондай-ақ уәкілетті орган белгілеген тәртіппен дәрілік затты, медициналық мақсаттағы бұйымдар мен медициналық техниканы тіркеуге табыс етілген тіркеу дерекнамасының құжаттарын, стандарттау жөніндегі нормативтік құжаттарды зерделеу арқылы олардың қауіпсіздігі, тиімділігі мен сапасы тұрғысынан зерттеу немесе сынау;
2) конкурстық құжаттама – конкурс тәсiлiмен сатып алуды өткізудiң шарттары мен тәртiбi қамтылатын, конкурсқа қатысуға арналған өтiнiмді әзiрлеу үшiн әлеуетті өнім берушіге табыс етiлетiн құжаттама;
3) көрсетілетін қызмет – ұйымдастырушының (тапсырыс берушінің) қажеттерiн қанағаттандыруға бағытталған заттық нәтижесi жоқ қызмет;
4) Қазақстан Республикасында тіркелген дәрілік заттар мен медициналық мақсаттағы бұйымдардың қауіпсіздігі мен сапасын бағалау дәрілік заттардың, медициналық мақсаттағы бұйымдардың қауіпсіздігі мен сапасының оларды Қазақстан Республикасында тіркеуге негіз болған тіркеу дерекнамасының, стандарттау жөніндегі нормативтік құжаттардың деректеріне сәйкестігін айқындау арқылы жүргізіледі;
5) тауар – нәрселер (заттар), оның iшiнде жартылай фабрикаттар немесе қатты, сұйық немесе газ тәрiздес күйдегi шикiзат, шығармашылық зияткерлiк қызметтiң объектiленген нәтижелерi, заттық құқықтар, құрал-жабдықтар (бөлек, кешенді немесе жүйелі қолданылатын аппараттар, приборлар мен құрал-жабдықтар);
6) ұйымдастырушы (тапсырыс беруші) – дәрілік заттарды, медициналық мақсаттағы бұйымдарды және медициналық техниканы қолдану саласындағы мемлекеттік сараптау ұйымы немесе оның филиалы;
7) үздік техникалық сипаттамалар – өзінің сипаттамасы бойынша ұйымдастырушымен (тапсырыс берушімен) берілген техникалық және сапалы сипаттамалардан асып түсетін ұйымдастырушыға (тапсырыс берушіге) қажетті сатып алынатын тауарлар (қызметтер) сипаттамасы көрсетілген техникалық сипаттамалар.
3. Осы Қағидалар жеткізумен айналысатын әлеуетті жеткізушілерге қолданылады және тауарлар мен көрсетілетін қызметтерді сатып алуды қарастырады.
2. Тауарлар мен көрсетілетін қызметтерді сатып алуды жоспарлау
4. Сатып алуды жүзеге асыру туралы шешімді ұйымдастырушы (тапсырыс беруші) сатып алудың бекітілген немесе нақтыланған жылдық жоспарының негізінде ғана қабылдайды.
5. Ұйымдастырушы (тапсырыс беруші) даму жоспары негізінде жылдық сатып алу жоспарын әзірлейді және бекітеді.
6. Сатып алудың жылдық жоспары даму жоспары бекітілген күннен бастап он жұмыс күні ішінде ұйымдастырушымен (тапсырыс берушімен) бекітіледі.
7. Ұйымдастырушы (тапсырыс беруші) сатып алу жылдық жоспары бекітілген күннен бастап бес жұмыс күні ішінде оны веб-ресурста орналастырады.
Сатып алудың жылдық жоспарына ұйымдастырушының (тапсырыс берушінің) бірінші басшысы немесе оны ауыстыратын тұлға қол қояды.
8. Ұйымдастырушы (тапсырыс беруші) сатып алудың жылдық жоспарына өзгерістер және (немесе) толықтырулар енгізу туралы шешім қабылданған күнінен бастап бес жұмыс күні ішінде енгізілген өзгерістер және (немесе) толықтыруларды веб-ресурста орналастырады.
Аталған шешімге ұйымдастырушының (тапсырыс берушінің) бірінші басшысы немесе оны ауыстыратын тұлға қол қояды.
3. Дәрілік заттарды, медициналық мақсаттағы бұйымдарды
мемлекеттік тіркеу және олардың қауіпсіздігі мен сапасын
бағалау кезінде сараптаманы жүзеге асыру үшін тауарлар мен
көрсетілетін қызметтерді сатып алуды жүзеге асыру тәсілдері
9. Сатып алу келесі тәсілдермен жүзеге асырылады:
1) біліктілік талаптары және техникалық сипаттамалары бойынша өнім берушіні іріктеу жөніндегі конкурс;
2) баға ұсыныстарын сұрату;
3) бір көзден сатып алу;
4) Қағидалар нормаларын қолданусыз.
4. Біліктілік талаптары және техникалық сипаттамалары бойынша
өнім берушіні іріктеу жөніндегі конкурс тәсілімен сатып алу
10. Тауарлар мен көрсетілетін қызметтерді сатып алуды жүргізу рәсімдерін орындау үшін сатып алуды ұйымдастырушы (тапсырыс беруші) әр сатып алу жүргізуге жеке конкурстық комиссия құрады және конкурстық комиссия хатшысын айқындайды.
Конкурстық комиссия құру және конкурстық комиссияның хатшысын анықтау туралы шешімді ұйымдастырушының (тапсырыс берушінің) бірінші басшысы не оның міндетін атқаратын тұлға қабылдайды және бұйрық түрінде ресімдейді.
Конкурстық комиссияның мүшелері конкурстық комиссияның төрағасы, төрағасының орынбасары және мүшелерi болып табылады. Төраға болмаған уақытта оның функцияларын орынбасары орындайды. Конкурстық комиссия мүшелерiнiң жалпы саны тақ санды құрауға және кемiнде бес адам болуы тиiс.
Конкурстық комиссияның төрағасы ұйымдастырушының (тапсырыс берушінің) бірінші басшысымен анықталады.
11. Конкурстық комиссияның төрағасы:
1) конкурстық комиссияның жұмысын жоспарлайды және қызметіне басшылық жасайды;
2) конкурстық комиссияның отырыстарында төрағалық етеді;
3) осы Қағидаларда көзделген өзге функцияларды жүзеге асырады.
12. Комиссия оны құру туралы шешім күшіне енген күннен бастап әрекет етеді және тауарлар мен көрсетілетін қызметтерді сатып алу туралы шарт жасасқан күннен бастап өз қызметін тоқтатады.
13. Конкурстық комиссияның отырысы конкурстық комиссия мүшелерiнiң жалпы санының жай көпшiлiгiнің қатысуы шартымен өткізіледі және конкурстық комиссияның қатысып отырған мүшелерi және конкурстық комиссияның хатшысы қол қоятын хаттамамен ресiмделедi. Конкурстық комиссияның қандай да бiр мүшесi болмаған жағдайда конкурстық комиссия отырысының хаттамасында аталған фактіні растайтын құжатты қоса бере отырып, оның болмау себебi көрсетiледi.
14. Конкурстық комиссияның шешімі ашық дауыс берумен қабылданады және оған конкурстық комиссияның отырысына қатысып отырған мүшелерінің жалпы санының көпшілік дауысы берілген болса, қабылданған болып саналады. Дауыстар тең болған жағдайда, конкурстық комиссияның төрағасы немесе ол болмаған жағдайда төрағаның орынбасары дауыс берген шешім қабылданған болып саналады. Конкурстық комиссияның шешімімен келіспеген жағдайда осы конкурстық комиссияның кез келген мүшесі ерекше пікір білдіруге құқығы бар, ол жазбаша түрде айтылуы және конкурстық комиссия отырысының хаттамасына қоса берілуге тиіс.
15. Конкурстық комиссияның ұйымдастыру қызметін конкурстық комиссияның хатшысы қамтамасыз етеді. Конкурстық комиссияның хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беруге құқығы жоқ.
Конкурстық комиссияның хатшысы сатып алуды ұйымдастыру мен өткізуге жауапты сатып алуды ұйымдастырушының (тапсырыс берушінің) құрылымдық бөлімшесі лауазымды адамдарының қатарынан белгіленеді.
Конкурстық комиссияның хатшысы:
1) конкурстық комиссия отырысының күн тәртібін жасайды, конкурстық комиссияны қажетті құжаттармен қамтамасыз етеді, конкурстық комиссияның отырысын өткізуді ұйымдастырады;
2) конкурсқа қатысуға өтінімдер салынған конверттерді ашу хаттамасын, конкурсқа қатысуға жіберілгені туралы хаттаманы, сатып алу бойынша конкурс нәтижелері туралы хаттаманы, сондай-ақ конкурстық комиссия отырысының басқа да хаттамаларын ресімдейді және оларға қол қояды;
3) сатып алуды ұйымдастырушыға (тапсырыс берушіге) конкурстық комиссия қол қойған отырыс хаттамаларын жібереді;
4) конкурстық өтінімдерді ашқан сәттен бастап тауарларды, көрсетілетін қызметтерді сатып алу құжаттарының және материалдардың сақталуын қамтамасыз етеді;
5) журналда әлеуетті өнім берушілерді тіркеуді жүзеге асырады.
16. Ұйымдастырушыда (тапсырыс берушіде) әлеуетті өнім берушілер ұсынатын тауарлардың, көрсетілетін қызметтердің ұйымдастырушының (тапсырыс берушінің) техникалық сипаттамаларының талаптарына сәйкестігін анықтау үшін тиісті бейіндегі мамандар болмаған жағдайда ұйымдастырушы (тапсырыс беруші) сарапшыны (-ларды) тараптардың уағдаластығы бойынша ақылы, сондай-ақ өтеусіз негізде тартады.
Сарапшы ретінде қандай да бір адамды тарту үшін сатып алу мәніне оның қызмет бейінінің сәйкестігі міндетті шарт болып табылады.
17. Бірнеше сарапшыны тартқан жағдайда сатып алуды ұйымдастырушы (тапсырыс беруші) тартылған сарапшылардың қатарынан сараптау комиссиясын құрады және ұйымдастырушының (тапсырыс берушінің) бұйрығымен олардың арасынан сараптау комиссиясының басшысын анықтайды.
18. Сарапшылар (сараптау комиссиясы) әлеуетті өнім берушілер ұсынатын тауарлардың, көрсетілетін қызметтердің ұйымдастырушының (тапсырыс берушінің) техникалық сипаттамаларының талаптарына сәйкестігі мәніне сараптамалық қорытынды береді және конкурстық комиссия шешім қабылдаған кезде дауыс беру құқығы жоқ. Сарапшылардың (сараптау комиссиясының) қорытындысын, егер ол техникалық сипаттамаларда көзделген талаптар шегінде жасалған болса ғана оны конкурстық комиссия міндетті түрде ескереді. Сараптамалық қорытынды жазбаша түрде ресімделеді, оған сарапшылар (сараптау комиссиясының мүшелері) қол қояды және конкурс қорытындылары туралы хаттамаға қоса беріледі.
Сарапшы сараптау комиссиясының қорытындысымен келіспеген жағдайда, аталған сарапшы жазбаша түрде ерекше пікір білдіреді, ол сараптау комиссиясының қорытындысына қоса беріледі және оның ажырамас бөлігі болып табылады.
19. Конкурстық құжаттамада сатып алудың атауы, мөрленген конверттердің берілген ақырғы күні мен уақыты, конверттерді ашу күні мен уақыты, тауарлар мен көрсетілетін қызметтердің атауы, қысқаша сипаттамасы, тауарлар мен көрсетілетін қызметтердің қосымша сипаттамасы, тауарлар мен көрсетілетін қызметтердің болжамды көлемі мен болжамды жеткізілу мерзімі көрсетіледі.
Конкурстық құжаттаманың мазмұнын осы Қағидалардың 35-тармағы 3) тармақшасына сәйкес әлеуетті өнім берушілердің біліктілік талаптарына сәйкестігін растайтын құжаттарды сұрату құрайды.
20. Тауарлар мен көрсетілетін қызметтерді әлеуетті өнім берушілер арасында іріктеуді жүзеге асырған кезде ұйымдастырушы (тапсырыс беруші) әлеуетті өнім берушілер конкурсқа қатысуға өтініш берген ақырғы күнге дейін кемінде күнтізбелік он күн бұрын:
1) ұйымдастырушының (тапсырыс берушінің) веб-ресурсында осы Қағидаларға 1-қосымшаға сәйкес нысанда конкурс өткізу туралы хабарландыруды және осы Қағидаларға сәйкес құрастырылған және ұйымдастырушымен (тапсырыс берушімен) бекітілген конкурстық құжаттаманы орналастырады;
2) веб-ресурста, сондай-ақ ұйымдастырушының (тапсырыс берушінің) тиісті журналында конкурстық құжаттаманы алған адам туралы орналасу орны, пошталық мекенжайы және электронды поштасы, сондай-ақ басқа да мәліметтер туралы деректерді көрсете отырып, конкурстық құжаттаманы беру фактісін хронологиялық тәртіпте тіркеуді қамтамасыз етеді.
21. Конкурсқа қатысу туралы әлеуетті өнім берушілердің өтінімдерін (бұдан ары – өтінім) қарау конкурстық өтінімдерді ашқан күннен бастап күнтізбелік он күн ішінде жүргізіледі.
22. Конкурсқа қатысуға арналған өтінімді әлеуетті өнім берушілердің уәкілетті өкілі қажетті құжаттарды қоса бере отырып, сондай-ақ өткізілетін конкурстың атауын (егер бір лоттан көп болса, лот нөмірін де), конкурстық құжаттамада көрсетілген конверттерді ашу күні мен уақытын, әлеуетті өнім берушінің толық атауын, оның заңды және пошталық мекенжайын, байланыс телефондарын көрсете отырып, мөрленген конвертте сатып алуды ұйымдастырушыға (тапсырыс берушіге) ұсынады.
Ұйымдастырушы (тапсырыс беруші) хронологиялық тәртіпте өтінімдерді тіркеу журналына конкурстық құжаттамада белгіленген мерзімге дейін қатысуға өтінімдері салынған конвертті ұсынған әлеуетті өнім берушілер туралы мәліметті енгізеді.
23. Әлеуетті өнім берушінің конкурсқа қатысуға берген өтінімі тігілген, беттері нөмірленген күйде беріледі және соңғы беті әлеуетті өнім берушінің уәкілетті тұлғасының қолымен және мөрімен куәландырылады (егер ондай болса, жеке тұлға үшін).
24. Осы Қағидалардың 22-тармағына сәйкес конверттерді ресімдеуге қойылатын талаптарды бұзушылықтары бар конкурсқа қатысуға өтінімдер салынған конверттер, сондай-ақ конкурстық құжаттамада көрсетілген мөрленген конверттерді, өтінімдерді беру мерзімі өткеннен кейін ұсынылған өтінімдері бар конверттер қабылдауға, тіркеуге және ашуға жатпайды.
25. Әлеуетті өнім берушілердің өтінімдері бар конверттерді ашу бойынша конкурстық комиссия отырысы өтінімдер салынған конверттерді қабылдау аяқталған уақыттан бастап үш сағаттан кешіктірмей басталуы тиіс.
26. Конкурстық комиссия отырысына әлеуетті өнім берушілердің немесе олардың уәкілетті өкілдерінің тіркеу журналында хатшының тіркеуінен алдын ала өткен аудио жазбалар және бейне түсірілімдер жүргізу құқығымен әлеуетті өнім берушінің немесе оның уәкілетті өкілінің қатысуына жол беріледі.
27. Конкурстық комиссия отырысының басталуына 30 (отыз) минут қалғанда конкурстық комиссия хатшысы конкурсқа қатысуға берілген өтінімдер салынған конверттерді ашу рәсімі жүзеге асырылған кезде әлеуетті өнім берушілердің мүддесін білдіруге әлеуетті өнім берушілердің өкілдерінің құжатпен ресімделген құзыреттерін тексереді және әлеуетті өнім берушілерді және олардың уәкілетті өкілдерін тіркеу журналына тиісті мәліметтер енгізеді. Әлеуетті өнім берушілердің өтінімі салынған конверттерді ашу осы Қағидаларға 2-қосымшаға сәйкес нысанда конкурсқа қатысуға өтінімдер салынған конверттерді ашу хаттамасымен ресімделеді.
28. Әлеуетті өнім берушілерді және олардың уәкілетті өкілдерін тіркеу журналында мүддесі ұсынылып отырған ұйымның атауы, уәкілетті тұлғаның сенімхатының күні мен нөмірі, тіркеу күні мен уақыты көрсетіледі.
29. Журналды сатып алуды ұйымдастырушы (тапсырыс беруші) нөмірлейді және тігеді.
30. Әлеуетті өнім берушілердің өтінімдерін конкурстық құжаттамада (техникалық сипаттамаларда) көрсетілген біліктілік талаптарға сәйкестігіне қатысты конкурстық комиссия қарайды.
31. Өтінімдерді қараған кезде, қажеттілік туындаған кезде, комиссия жазбаша түрде сұратады:
1) өтінімдерді қарауды жеңілдету мақсатында әлеуетті өнім берушілерде материалдар мен түсіндірмелерді;
2) тиісті мемлекеттік органда, жеке және заңды тұлғаларда мәліметтерді, қажетті ақпаратты нақтылау мақсатында.
Сұранымды жолдауға және өтінімде ұсынылған ресімделген құжаттарды тиісінше түрде сәйкестікке әкелуде, құжаттарды алмастыруда, өтінімді жетпей тұрған құжаттармен толықтыруға негізделген конкурстық құжаттама талаптарына сәйкес өтінімді келтірумен байланысты конкурстық комиссияның басқа да әрекеттеріне жол берілмейді.
32. Комиссия өтінімді егер онда ұсынылған өтінімнің мәнін бұзбай, түзетуге болатын грамматикалық немесе арифметикалық қателер болса, конкурстық құжаттама талаптарына сай деп қарайды.
33. Әлеуетті өнім беруші конкурсқа қатысуға өтінімді конкурстық құжаттамада көрсетілген оны ұсынудың ақырғы мерзімі өткенге дейін береді.
34. Конкурсқа қатысуға өтінім конкурсқа қатысуға ниет білдірген әлеуетті өнім берушінің конкурстық құжаттамада көзделген талаптар мен шарттарға сәйкес тауарды беруді (қызметтер көрсетуді) жүзеге асыруға келісімін білдіру нысаны болып табылады.
35. Жалпы біліктілік талаптарға және техникалық сипаттамалар талаптарына сәйкестігін растау үшін сатып алуды ұйымдастырушыға (тапсырыс берушіге) конкурсқа қатысуға ниет білдірген әлеуетті өнім берушінің конкурсқа қатысуға берген өтінімі мыналарды қамтуы тиіс:
1) конкурстық құжаттамаға 3 және 4-қосымшаларға сәйкес нысанда әлеуетті өнім берушінің конкурсқа қатысуға толтырған және қол қойылған өтінімді;
2) әлеуетті өнім беруші оның жалпы біліктілік талаптарына сәйкестігін растау ретінде ұсынатын құжаттардың тізбесін:
құқықтық қабілеттілігін (заңды тұлғалар үшін), азаматтық қабілеттілігін (жеке тұлғалар үшін) растайтын нотариалды куәландырылған құжаттарды;
лицензияның және/немесе патенттердiң, куәлiктердiң, сертификаттардың, дипломдардың, әлеуеттi өнiм берушiнiң сатып алынатын тауарлар мен көрсетілетін қызметтерді өндiруге, қайта өңдеуге, жеткізуге және өткiзуге құқығын растайтын басқа да құжаттардың нотариалды куәландырылған көшiрмелерiн;
заңды тұлға заңды тұлғаның мемлекеттік тіркеу (қайта тіркеу) туралы куәліктің нотариалды куәландырылған көшірмесін ұсынады. Егер заңды тұлға қызметін заңмен белгіленген тәртіпте бекітілген Типтік жарғы негізінде жүзеге асыратын болса, онда мемлекеттік тіркеу туралы өтініштің нотариалды куәландырылған көшірмесін ұсынуы тиіс;
әлеуетті өнім берушінің Нормативтiк құқықтық актілерді мемлекеттiк тiркеу тізілімінде № 57643 номерімен тіркелген Қазақстан Республикасы Ұлттық Банкі Басқармасының 2013 жылғы 25 ақпандағы № 63 қаулысымен бекітілген екінші деңгейдегі банктердегі және ипотекалық компаниялардағы бухгалтерлік есеп шоттарының Типтік жоспарына сәйкес банктің немесе банк филиалының алдындағы міндеттемелерінің барлық түрлері бойынша анықтама берілген күннің алдындағы үш айдан астам созылған мерзімі өткен берешектің жоқтығы туралы әлеуетті өнім берушіге қызмет көрсететін банктің немесе банк филиалының қолы мен мөрі бар анықтамасын (егер әлеуетті өнім беруші екінші деңгейдегі бірнеше банктің немесе филиалдарының, сондай-ақ шетелдік банктің клиенті болып табылса, осы анықтама осындай банктердің әрқайсысынан ұсынылады). Анықтама берілу күніне орай, конкурс өткізу туралы хабарланғаннан күннен ерте берілмеуі тиіс;
үш айдан көп уақыт бұрын әлеуметтік бөлінген қаражат және міндетті зейнетақы жарналары бойынша берешектер және салықтық берешегінің жоқтығы туралы (төлем мерзімі Қазақстан Республикасының заңнамасына сәйкес кейінге шегерілген жағдайларды қоспағанда) немесе конкурс өткізу туралы хабарланған күннен ерте берілмеген, бір теңгеден аз әлеуметтік бөлінген қаражат және міндетті зейнетақы жарналары бойынша берешектер және салықтық берешегінің болуы туралы нормативтiк құқықтық актілерді мемлекеттiк тiркеу тізілімінде № 5446 номерімен тіркелген Қазақстан Республикасы қаржы министрінің 2008 жылғы 29 желтоқсандағы № 622 бұйрығымен бекітілген салық органының нысанына сәйкес анықтамасын;
жеке тұлға тиісті мемлекеттік орган берген заңды тұлғаның қалыптасуынсыз кәсіпкерлік қызметті жүзеге асыруға құқық беретін құжаттың нотариалды куәландырылған көшірмесін және жеке куәлігінің (паспортының) нотариалды куәландырылған көшірмесін ұсынады;
3) жалпы біліктілік талаптарынан басқа, тауарларды және көрсетілетін қызметтерді әлеуетті жеткізуші осы Қағидаларға 5-қосымшаға сәйкес нысанда тауарларды жеткізу үшін әлеуетті өнім берушінің бiлiктiлiгi туралы мәлiметтерді және (немесе) осы Қағидаларға 6-қосымшаға сәйкес нысанда қызметтерді көрсету үшін әлеуетті өнім берушінің бiлiктiлiгi туралы мәлiметтерді ұсынады.
Егер әлеуетті өнім беруші көрсетілетін қызметті бірлесіп орындаушыларды тартуды көздеген жағдайда, әлеуетті өнім беруші ұйымдастырушыға (тапсырыс берушіге) тартылатын бірлесіп орындаушылардың жалпы және арнайы біліктілік талаптарына сәйкестігін растайтын құжаттарды ұсынуы тиіс.
Конкурстық құжаттамаға 7-қосымшаға сәйкес нысанда, өтінімде конкурста сатып алудың мәні болып табылатын қызметтерді бірлесіп орындаушылар туралы, сондай-ақ бірлесіп орындаушыларға берілетін қызметтердің түрлерін көрсететін мәліметтер қамтылады;
4) ұсынылатын тауарлардың атауын, орналасу орнын, шығарылу жылын, болса моделін көрсете отырып, сондай-ақ тауарлардың, көрсетiлетiн қызметтердiң, мерзімдердің функционалдық, техникалық, сапалық және пайдалану сипаттамаларын және (немесе) тауарларды беру, қызметтердi көрсету көлемдерiн, тауарға қызмет көрсетуге, тауарды пайдалануға арналған шығындарға, тауарды беру, қызмет көрсету талаптарына сапасына кепiлдiк беруді көрсете отырып, техникалық спецификациясын;
5) банктік кепілдік немесе сатып алуды ұйымдастырушының (тапсырыс берушінің) банктік шотында орналасқан кепілдік ақшалай жарнаны растайтын төлем құжаты түрінде осы Қағидалардың 42-тармағында белгіленген мөлшерде конкурсқа қатысуға арналған өтінімді қамтамасыз ету;
6) әлеуетті өнім берушінің мүдделерін білдіретін адамға (адамдарға) конкурсқа қатысуға өтінімге қол қою және конкурстық комиссияның отырыстарына қатысу құқығына берілетін сенімхат.
Кәсіпкерлік қызметті жүзеге асыратын әлеуетті өнім берушінің – жеке тұлғаның өтінімінде де тиісті мемлекеттік орган берген заңды тұлғаның қалыптасуынсыз кәсіпкерлік қызметті жүзеге асыруға құқық беретін құжаттың нотариалды куәландырылған көшірмесі болуы тиіс (сатып алу туралы шарт жасасу үшін азаматтық қабілеттілігінің болуын растау үшін).
36. Әлеуетті өнім беруші және оның бірлесіп орындаушысы, болған кезде, біліктілік талаптарына сәйкестігін растау үшін сатып алуды ұйымдастырушыға (тапсырыс берушіге) осы Қағидаларда көзделген тәртіппен және мерзімде тиісті құжаттарды ұсынады.
Қазақстан Республикасының резиденті болып табылмайтын әлеуетті өнім беруші осы мақалада белгіленген оның біліктілік талаптарына сәйкестігін растау үшін Қазақстан Республикасының резиденттері ұсынған құжаттарды немесе Қазақстан Республикасының резиденті болып табылмайтын әлеуетті өнім берушінің біліктілігі туралы осыған ұқсас мәліметтері бар құжаттарды береді.
Резидент мемлекеттің құзыретті органы берген резиденттілікті растайтын құжат немесе оның нотариалды куәландырылған көшірмесі. Бұл ретте осы тараудың мақсаты үшін резидент болып табылмайтын нысан резидент елде оның тіркеу деректері өзгерген жағдайда осы тарауда көзделген тәртіппен өзгертілген деректерді ескере отырып, резиденттілікті растайтын құжатты немесе оның нотариалды куәландырылған көшірмесін екінші қайтара беруі тиіс.
Конкурстық құжаттамада көрсетілген құжаттарды бермеген жағдайда және техникалық сипаттамаларға және конкурстық құжаттама талаптарына сай келмеген жағдайда әлеуетті өнім беруші конкурсқа қатыстырылмайды және біліктілік талаптарына сай емес деп танылады.
37. Конкурстық комиссия конкурсқа қатысуға енгізілген өтінімді қамтамасыз етуді мына жағдайларда конкурстық құжаттама талаптарына сәйкес емес деп таниды:
1) банктік кепілдік түрінде берілген конкурсқа қатысуға өтінімді қамтамасыз етудің қолданылу мерзімі жеткіліксіз болғанда;
2) конкурстық комиссияға төмендегілерді анықтауға мүмкіндік бермейтін мәліметтер болмағанда білдірілетін конкурсқа қатысуға өтінімді қамтамасыз етудің тиісінше ресімделмеуі:
конкурсқа қатысуға өтінімді қамтамасыз етуді берген тұлға;
өтінімді қамтамасыз етуге қол қойған лауазымды тұлғаның құзыретін растайтын құжаттың болмауы мұндай әлеуетті өнім берушіні конкурстық құжаттама талаптарына сәйкес келмейді деп тануға негіз бола алмайды;
қатысу үшін банктік кепілдік түрінде ұсынылған өтінімді қамтамасыз ету енгізілетін конкурс тәсілімен тауарларды, қызметтерді сатып алу атауы;
банктік кепілдік және (немесе) өтінімді қамтамасыз ету сомасы, сондай-ақ оны ұсыну шарттары түрінде ұсынылған конкурсқа қатысуға өтінімді қамтамасыз етудің қолданылу мерзімі;
конкурсқа қатысуға өтінімді қамтамасыз ету берілген тұлға;
соның пайдасына конкурсқа қатысуға өтінімді қамтамасыз ету енгізілетін тұлға;
3) конкурсқа (лот) бөлінген сомадан үш пайыздан кем мөлшерде конкурстық өтінімді қамтамасыз етуді енгізу.
Конкурсқа қатысуға берілген өтінімнің қолданылу мерзімі (конкурсқа қатысу үшін әлеуетті өнім берушінің ұсынған тауарларды, қызметтерді сатып алу жөніндегі конкурстық өтінімінің қолданылу мерзімі) конкурстық өтінімдерді ашу күнінен бастап кемінде 35 күнді құрайды. Конкурстық құжаттамада көрсетілгеннен барынша қысқа қолданылу мерзімі бар конкурстық өтінім қабылданбайды.
38. Конкурсқа қатысуға өтінімдерді қарау нәтижелері бойынша конкурстық комиссия:
1) біліктілік талаптарына және техникалық сипаттамалар талаптарына сәйкес келетін конкурсқа қатысуға жіберілетін (конкурсқа қатысушылар) әлеуетті өнім берушілерді айқындайды;
2) конкурсқа қатысуға рұқсат беру туралы хаттаманы ресімдейді және конкурсқа қатысуға жіберілген әлеуетті өнім берушілердің (конкурсқа қатысушылардың) сатып алуды ұйымдастырушыға (тапсырыс берушіге) конкурстық баға ұсыныстарын беру күнін, уақытын, орнын белгілейді.
39. конкурсқа қатысуға рұқсат беру туралы хаттамаға осы Қағидаларға 8-қосымшаға сәйкес нысанда төраға, отырысқа қатысушы конкурстық комиссия мүшелерінің барлығы, сондай-ақ конкурстық комиссияның хатшысы қол қояды.
40. Ұйымдастырушы (тапсырыс беруші) рұқсат беру туралы хаттамаға қол қойылған күннен кейін бір жұмыс күнінен кешіктірмей өтінім берген әлеуетті өнім берушілерге конкурстық комиссияның қабылдаған шешімі туралы мыналарды хабарлайды:
1) рұқсат беру туралы хаттама көшірмесін ұсыну немесе жолдау;
2) қол қойылған хаттама мәтінін ұйымдастырушының (тапсырыс берушінің) веб-ресурсында орналастыру.
41. Рұқсат берілгені туралы конкурстық комиссияның шешімі қолданыстағы заңнамамен белгіленген тәртіппен шағымдалуы мүмкін.
42. Конкурсқа қатысу өтінімдерді қамтамасыз етуді әлеуетті өнім беруші тауарларды, қызметтерді алу үшін конкурсқа (лотқа) бөлінген сомадан үш пайыз мөлшерінде енгізеді. Әлеуетті өнім беруші конкурстық өтінім берілетін лоттарға ғана конкурсқа қатысуға өтінімді қамтамасыз етуді енгізеді.
Конкурстың барлық лоттарына өтінім берілген кезде лоттардан тұратын конкурсқа бөлінген жалпы сомада конкурсқа қатысуға өтінімді қамтамасыз етуді енгізуге жол беріледі.
43. Әлеуетті өнім беруші конкурстық өтінімді қамтамасыз етуді кепілді ақшалай жарна түрінде ұйымдастырушының (тапсырыс берушінің) банктік есеп шотына немесе ұйымдастырушылар (тапсырыс берушілер) үшін Қазақстан Республикасы бюджеттік заңнамасында көзделген шотқа, немесе осы Қағидаларға 9-қосымшаға сәйкес нысанда банктік кепілдік енгізеді.
44. Банктік кепілдіктің қолданылу мерзімі конкурстық өтінімнің қолданылу мерзімімен сәйкес. Әлеуетті өнім беруші өтінімнің өзін ұзарту мерзіміне банктік кепілдіктің қолданылу мерзімін ұзарта алады.
45. Конкурстық өтінімі қамтамасыз етілмеген барлық конкурстық өтінімдер конкурстық құжаттама талаптарына сай келмейтін ретінде конкурстық комиссиямен қабылданбайды.
46. Конкурсқа қатысуға өтінімді қамтамасыз ету төмендегі жағдайлардың бірі орын алғанда сатып алуды ұйымдастырушы (тапсырыс беруші) қайтармайды:
1) әлеуетті өнім беруші конкурсқа қатысуға өтінім берген соңғы мерзім өткеннен кейін конкурсқа қатысуға өтінімді кері қайтарып алғанда немесе өзгерткенде және (немесе) толықтырғанда;
2) конкурсқа қатысушы ретінде танылған әлеуетті өнім беруші өзінің конкурстық құнды ұсынысын белгіленген мерзімде бермегенде немесе кері қайтарып алғанда;
3) конкурс жеңімпазы деп анықталған әлеуетті өнім беруші сатып алу туралы шарттан жалтарғанда;
4) конкурс жеңімпазы сатып алу туралы шартты жасасып алып, сатып алу туралы шарттың орындалуын қамтамасыз етуді енгізу және (немесе) енгізу мерзімі туралы конкурстық құжаттамада көзделген талаптарды орындамағанда немесе уақытында орындамағанда.
Осы тармақта көзделген жағдайлардың бірі орын алғанда конкурсқа қатысуға өтінімді қамтамасыз ету сомасы ұйымдастырушының (тапсырыс берушінің) кірісіне жатқызылады.
47. Конкурсқа қатысуға өтінімді қамтамасыз ету төмендегі жағдайлардың бірі орын алған күннен бастап үш жұмыс күні ішінде қайтарылады:
1) конкурсқа қатысуға өтінім берген соңғы мерзім өткенге дейін әлеуетті өнім берішінің конкурсқа қатысуға өз өтінімін кері қайтарып алған;
2) конкурсқа қатысуға рұқсат туралы хаттамаға қол қойған. Көрсетілген жағдай конкурсқа қатысушы деп танылған әлеуетті өнім берушілерге қолданылмайды;
3) конкурс тәсілімен сатып алу қорытындылары туралы хаттамаға қол қойған. Көрсетілген жағдай конкурс жеңімпазы деп танылған конкурсқа қатысушыға қолданылмайды;
4) конкурстық құжаттамада көзделген сатып алу туралы шарттың орындалуын қамтамасыз етуді конкурс жеңімпазының енгізуі және сатып алу туралы шарттың күшіне енуі;
5) әлеуетті өнім берушінің конкурсқа қатысуға өтінімінің қолданылу мерзімінің өтуі.
48. Конкурсқа қатысуға жіберілген әлеуетті өнім беруші (конкурсқа қатысушы) конкурсқа қатысуға жіберілгені туралы хаттамада көрсетілген мерзімнен кешіктірмей, сатып алуды ұйымдастырушыға (тапсырыс берушіге) конкурстық баға ұсыныстары бар конвертті береді.
49. Қатысуға жіберілгені туралы хаттамамен белгіленген мерзімде конкурстық комиссия конкурсқа қатысушылардың конкурстық баға ұсыныстарын бағалау және салыстыру бойынша отырыс өткізеді.
50. Конкурсқа қатысуға жіберілгені туралы хаттамамен белгіленген мерзім бойы конкурстық комиссия хатшысы:
1) конкурстық баға ұсыныстары бар конверттерді беру және конкурстық комиссия отырысына қатысу үшін конкурсқа қатысушылар өкілдерінің құзыретінің құжатпен расталуының болуына көз жеткізеді;
2) конкурстық баға ұсыныстарын тіркеу журналына конкурсқа қатысушылар немесе олардың уәкілетті өкілдері туралы мәліметтер енгізеді.
51. Конкурсқа қатысуға жіберілгені туралы хаттамада белгіленген уақыт өткеннен кейін берілген конкурстық баға ұсыныстары бар конверттер бағалау және салыстыруға қабылданбайды.
52. Конкурстық комиссия хатшысы конкурстық баға ұсыныстарын тіркеу журналында бас тарту себебін көрсете отырып, тіркеуден бас тартылған конкурсқа қатысушылардың тізімін көрсетеді.
53. Конкурстық комиссия отырысында:
1) конкурстық комиссия төрағасы немесе төрағаның конкурстық комиссия мүшелері арасынан тағайындаған тұлғасы:
хронологиялық тәртіппен тіркелген конкурсқа қатысушылардың конкурстық баға ұсыныстары бар конверттерді ашады;
хронологиялық тәртіппен тіркелген конкурстық баға ұсыныстарын ұсынған конкурсқа қатысушылардың конкурстық баға ұсыныстарын жариялайды;
конкурстық комиссия хатшысына конкурстық баға ұсыныстары бар ашылған конверттерді береді;
2) конкурстық комиссия:
конкурсқа қатысушылардың осы тауарларды, қызметтерді сатып алуды жүзеге асыру үшін бөлінген сомадан асатын конкурстық баға ұсыныстарын қабылдамайды;
конкурсқа қатысушылардың бағасын салыстырады және барынша төмен баға негізінде олардың арасынан конкурс жеңімпазын анықтайды;
конкурстық баға ұсыныстарындағы баға және конкурс нысаны болып табылатын сатып алынатын тауарлар, қызметтер нарығында жұмыс тәжірибесі тең болғанда конкурстық баға ұсынысын басқа әлеуетті өнім берушілердің баға ұсынысынан бұрын ұсынған әлеуетті өнім беруші жеңімпаз деп танылады.
54. Конкурсқа қатысушылардың конкурстық баға ұсыныстарын бағалау және салыстыру жөніндегі конкурстық комиссия отырысының нәтижелері бойынша:
1) конкурстық комиссия төрағасы, ол болмаған жағдайда оның орынбасары конкурстық баға ұсыныстарын бағалау және салыстыру жүргізілетін күні:
конкурстық комиссия отырысына қатысып отырған адамдарға жүргізілген тауарларды, қызметтерді сатып алу нәтижелерін жариялайды және қатысып отырғандарға конкурс жеңімпазын хабарлайды;
конкурс жеңімпазына конкурстық комиссия төрағасы немесе оның міндетін атқарушы қол қойған оны жеңімпаз деп тану туралы жазбаша хабарлама береді;
конкурсқа қатысушыларға немесе олардың уәкілетті өкілдеріне жүргізілген тауарларды, қызметтерді сатып алу нәтижелері туралы хаттама көшірмесінің беру күнін, уақытын және орнын хабарлайды;
2) конкурстық комиссия хатшысы:
конкурсқа қатысушылардың конкурстық баға ұсыныстарын бағалау және салыстыру жөніндегі конкурстық комиссия отырысы өткізілген күннен бастап екі жұмыс күнінен кешіктірмей осы Қағидаларға 10-қосымшаға сәйкес нысанда сатып алу бойынша конкурс нәтижелері туралы хаттама жасайды және оған отырысқа қатысқан конкурстық комиссия мүшелірінің барлығының, сондай-ақ конкурстық комиссия хатшысының қол қоюын қамтамасыз етеді;
мәліметтері конкурсқа қатысуға берілген өтінімдерді тіркеу журналына енгізілген конкурсқа қатысуға өтінім берген кез келген әлеуетті өнім берушінің талабы бойынша осындай жазбаша сұранымды алған күннен бастап бір жұмыс күні ішінде осындай әлеуетті өнім берушілердің уәкілетті өкілдеріне қайтарымсыз негізде жүргізілген тауарларды, қызметтерді сатып алу нәтижелері туралы хаттаманың көшірмесін жолдайды немесе ұсынады;
жүргізілген тауарларды, қызметтерді сатып алу нәтижелері туралы хаттамаға қол қойылған күннен бастап екі жұмыс күні ішінде ұйымдастырушыға (тапсырыс берушіге) көрсетілген хаттаманың көшірмесін беруді қамтамасыз етеді.
55. Ұйымдастырушы (тапсырыс беруші) тауарларды, қызметтерді сатып алу нәтижелері туралы хаттамаға қол қойылған күннен бастап екі жұмыс күні ішінде хаттама мәтінін ұйымдастырушының (тапсырыс берушінің) интернет-ресурсында орналастырады;
56. Сатып алу нәтижелері туралы хаттамадағы және ұйымдастырушының (тапсырыс берушінің) интернет-ресурсында орналастырылған мәліметтер төлем алусыз барлық мүдделі адамдарға танысу үшін қолжетімді болуы тиіс.
5. Баға ұсыныстарын сұрату тәсілімен сатып алу
57. Егер белгілі бір тауарды (-лардың) немесе белгілі бір қызметті сатып алу жылдық көлемі құндық тұрғыдан айтқанда тиісті қаржылық жылға республикалық бюджет туралы заңмен белгіленген айлық есептік көрсеткіштің жеті мың еселік өлшемінен аспаса, онда сатып алу баға ұсыныстарын сұрату тәсілімен жүргізіледі және төмендегі тәртіпте жүзеге асырылады:
1) ұйымдастырушы (тапсырыс беруші) баға ұсыныстарын ұсыну мерзімі аяқталғанға дейін бес жұмыс күнінен кешіктірмей кемінде екі әлеуетті өнім берушіге сатып алуды жүзеге асыру туралы жазбаша сұраным жолдайды. Сұранымда төмендегі мәліметтер болуы тиіс:
сатып алуға бөлінген соманы көрсете отырып, жүргізілетін сатып алу нысаны болып табылатын тауардың саны, көрсетілетін қызметтің көлемі туралы;
осы Қағидаларға 11-қосымшаға сәйкес нысанда сатып алатын тауарлардың, қызметтердің техникалық сипаттамалары;
тауарды жеткізу, қызметтерді көрсету орны;
тауарды жеткізу, қызметтерді көрсетудің талап етілетін мерзімдері;
әлеуетті өнім берушілердің баға ұсыныстарын ұсынудың басталу және аяқталу мерзімі туралы.
Біліктілік талаптарына сәйкестігін растайтын құжаттар әлеуетті өнім берушілерде сұратылмайды;
2) әлеуетті өнім берушінің баға ұсынысы әлеуетті өнім беруші ретінде баға ұсыныстарын сұрату тәсілімен сатып алуға қатысуға ниет білдіру және ұйымдастырушының (тапсырыс берушінің) сұранымында көзделген талаптар мен шарттарға сәйкес тауар жеткізуді, қызмет көрсетуді жүзеге асыруға келісім беру нысаны болып табылады;
3) ұйымдастырушының (тапсырыс берушінің) сұранымында көрсетілген мерзім аяқталғанға дейін ұсынылған баға ұсыныстары ұсыну шамасына қарай хронологиялық тәртіппен баға ұсыныстары бар конверттерді тіркеу журналына енгізуге жатқызылады;
4) баға ұсыныстары бар конверттерді ұсыну аяқталған күннен бастап бір жұмыс күнінен кешіктірмей ұйымдастырушы (тапсырыс беруші) әлеуетті өнім берушілердің баға ұсыныстары бар конверттерді ашады және жазбаша сұраным талаптарына сәйкес келетін әлеуетті өнім берушілерді анықтау үшін әлеуетті өнім берушілердің баға ұсынысын қарайды және баға ұсынысы жазбаша сұраным талаптарына сәйкес келген және барынша аз конкурстық баға ұсынысын ұсынған әлеуетті өнім берушіні жеңімпаз ретінде анықтайды.
Егер барынша төмен баға ұсынысын бірнеше әлеуетті өнім беруші ұсынса, баға ұсынысы басқа әлеуетті өнім берушілердің баға ұсынысынан бұрын түскен әлеуетті өнім беруші жеңімпаз болып саналады;
5) әлеуетті өнім берушінің баға ұсынысы қабылданбайды, егер:
ол аталған тауарларды, қызметтерді алуға бөлінген сомадан асып кетсе;
әлеуетті өнім беруші сатып алу туралы шарт жобасының елеулі талаптарымен келіспесе немесе өзгертуді және (немесе) толықтыруды ұсынса, әлеуетті өнім беруші біреуден артық баға ұсынысын берсе;
әлеуетті өнім беруші барынша үздік техникалық, сапалы және функционалдық сипаттамаларымен техникалық сипаттамаларды ұсыну жағдайларынан басқа, сұраным талаптарына сәйкес келмейтін техникалық сипаттамаларды ұсынса;
6) баға ұсыныстары тәсілімен сатып алу нәтижелері туралы шешім төмендегі мәліметтер көрсетіле отырып, жазбаша түрде ресімделеді:
тапсырыс берушінің сатып алуды ұйымдастырушының (тапсырыс берушінің) толық атауы, олардың пошталық мекенжайлары;
жүргізілген тауарларды, қызметтерді сатып алу атауы;
баға ұсыныстарын ұсынудың соңғы мерзімі өткенге дейін баға ұсыныстарын ұсынған әлеуетті өнім берушілердің толық атауы, олар мәлімдеген тауарлар, қызметтер бағалары;
қабылдамау себебін негіздей отырып қабылданбаған баға ұсыныстары туралы;
жеңімпаз туралы;
7) баға ұсыныстарын ұсынудың соңғы мерзімі аяқталғаннан кейін бес жұмыс күнінен кешіктірмей сатып алуды ұйымдастырушы (тапсырыс беруші) хабарлама жіберу арқылы баға ұсыныстарын ұсынған барлық әлеуетті өнім берушілерге сатып алу нәтижелері туралы хабарлайды.
6. Бір көзден алу тәсілімен сатып алу
58. Сатып алу мына жағдайларда шақырту жіберу немесе тікелей шарт жасасу арқылы бір көзден жүзеге асырылады:
1) екеуден аз білікті әлеуетті өнім беруші болғанда;
2) екеуден аз баға ұсыныстары болғанда;
3) растайтын құжаттары болғанда дереу қалпына келтіруді қажет ететін коммуникациялар, механизмдер, агрегаттар, қосалқы бөлшектер мен материалдар істен шыққанда, сынғанда тауарлар мен қызметтерді алу;
4) Қазақстан Республикасы аумағында өндірілмейтін және шетелден алынатын өндіріс үшін негізгі және (немесе) қосымша болып табылатын тауарларды алу;
5) Қазақстан Республикасының халықаралық шарттарына сәйкес, сондай-ақ Қазақстан Республикасы және (немесе) ұйымдастырушы (тапсырыс беруші) мүшесі болып табылатын халықаралық ұйымдар қаржыландырып отырған жобаларды іске асыру аясында жүзеге асырылған тауарларды, қызметтерді алу;
6) тестілік аккредитациялар желісін қоса, халықаралық аккредитациялауға және (немесе) сертификациялауға дайындық бойынша қызметтерді алу;
7) егер тауарлар мен қызметтерді қандай да бір өнім берушіден сатып алған ұйымдастырушыда (тапсырыс берушіде) қолда бар тауарлармен, жабдықтармен, технологиямен, қызметтермен үйлесімділігін қамтамасыз ету немесе стандарттау, алдын ала жиынтықталымдау, унификациялау мақсатында сол өнім берушіден басқа да сатып алуды жүзеге асыру қажеттілігі туындаса, тауарлар мен қызметтерді алу;
8) шетелден алынған тауарларды алған кездегі кедендік ресімдеу/ брокерлер қызметі.
59. Бір көзден сатып алуды жүргізуге нысан болып табылатын тауарды жеткізуге, қызметтерді көрсетуге ниет білдірген әлеуетті өнім беруші шақырту алған күннен бастап жеті жұмыс күнінен кешіктірмей ұйымдастырушыға (тапсырыс берушіге) өзінің жазбаша келісімін қосымшасымен бірге жолдайды:
1) ұсынылатын тауарлар мен қызметтердің техникалық сипаттамалар талаптарына сәйкестігін растайтын құжаттарды қоса, әлеуетті өнім беруші ұсынған тауарлар мен қызметтер сипаттамасы;
2) ұсынылатын тауарлар мен қызметтерге жазбаша баға негіздемесі;
3) лицензияның нотариалды куәландырылған көшірмесі (егер қызмет лицензиялауға жатқызылса);
Бағаны негіздеуге әлеуетті өнім берушінің тасымалдауға, сақтандыруға, кедендік жарнаны төлеуге, қосымша құн салығына және басқа да салықтарға, төлемдер мен жинақтарға, жиынтықтаушы бөлшектер мен міндетті қосалқы бөлшектер құнына, өлшем бірлікпен бастапқы пайдалану мерзімі ішінде қызмет көрсетуге жұмсалатын шығындарды, басқа да шығындарды қоса, жеткізуге ұсынылатын тауарлардың, қызметтердің құнын есептеу кіреді.
60. Бір көзден алу тәсілімен сатып алу мына жағдайларда жасалмаған болып саналады:
1) егер әлеуетті өнім беруші ұсынған тауарлар мен қызметтер бағасы осы сатып алуды жүзеге асыру үшін бөлінген сомадан асып кетсе;
2) егер әлеуетті өнім беруші шарт жасасудан жалтарса;
3) егер барынша үздік техникалық, сапалы және функционалдық сипаттамалары бар техникалық сипаттамаларды беру жағдайларын қоспағанда әлеуетті өнім беруші ұйымдастырушының (тапсырыс берушінің) техникалық сипаттамаларында белгіленген талаптарға сай емес техникалық сипаттамаларды ұсынса.
61. Сатып алу жасалмаған деп есептелген жағдайда ұйымдастырушы (тапсырыс беруші) көрсетілген тәсілмен екінші қайтара сатып алу жүргізу туралы шешім қабылдайды.
62. Сатып алуды ұйымдастырушы (тапсырыс беруші) бір көзден алу тәсілімен сатып алуды жүзеге асыру нәтижелері туралы хаттаманы осы Қағидаларға 12-қосымшаға сәйкес нысанда ресімдейді.
63. Ұйымдастырушы (тапсырыс беруші) бір көзден алу тәсілімен сатып алу нәтижелері туралы хаттамаға қол қойылған күннен бастап екі жұмыс күнінен кешіктірмей, хаттама мәтінін ұйымдастырушының (тапсырыс берушінің) интернет-ресурсында орналастырады.
7. Қағидалар нормаларын қолданусыз сатып алу
64. Егер белгілі бір тауардың, белгілі бір қызметтің жылдық көлемі республикалық бюджет туралы заңмен тиісті қаржылық жылға белгіленген айлық есептік көрсеткіштің мың еселік мөлшерінен аспаса, онда сатып алу тікелей шарт жасасу арқылы осы Қағидалардың нормаларын қолданусыз жүргізіледі.
8. Шарт жасасу және орындау
65. Ұйымдастырушы (тапсырыс беруші) сатып алу қорытындылары туралы хаттамаға қол қойылған күннен бастап бес жұмыс күнi iшiнде сатып алу туралы шарт жобасына қол қояды және әлеуетті өнім берушіге жолдайды.
66. Әлеуетті өнім беруші сатып алу туралы шарт жобасына қол қойылғаннан күннен бастап бес жұмыс күні ішінде ұйымдастырушыға (тапсырыс берушіге) қол қойылған сатып алу туралы шартты жеткізеді.
67. Өнім беруші сатып алу туралы шарт жасалған күннен бастап он жұмыс күні ішінде сатып алу туралы шарттың орындалуын қамтамасыз етуді енгізеді.
68. Сатып алу туралы шарттың орындалуын қамтамасыз етуді өнім беруші сатып алу туралы жасалған шарт бойынша өз міндеттерін уақтылы, толық және тиісінше орындағанына кепілдік ретінде енгізеді.
69. Шарттың орындалуын қамтамасыз ету мөлшерін ұйымдастырушы (тапсырыс беруші) сатып алу туралы шарттың жалпы сомасының үш пайызы мөлшерінде белгілейді.
Өнім беруші сатып алу туралы шарттың орындалуын қамтамасыз етудің төмендегі түрлерінің бірін таңдайды:
1) кепілді ақшалай жарна, ол ұйымдастырушының (тапсырыс берушінің) банктік шотына енгізіледі;
2) осы Қағидаларға 13-қосымшаға сәйкес нысанда банктік кепілдік.
70. Ұйымдастырушыға (тапсырыс берушіге) сатып алу шартында көзделмеген мақсаттарға өнім берушінің енгізген кепілді ақшалай жарнасын пайдалануға жол берілмейді.
71. Сатып алу туралы шарттың орындалуын қамтамасыз етуді енгізу туралы талап баға ұсыныстарын сұрату тәсілімен сатып алу қорытындылары бойынша анықталған өнім берушілерге қолданылмайды.
72. Ұйымдастыруша (тапсырыс беруші) енгізілген сатып алу туралы шарттың орындалуын қамтамасыз етуді өнім берушіге шартта көрсетілген мерзімде немесе өнім берушінің шарт бойынша міндеттерін толық және тиісінше орындаған сәттен бастап бес жұмыс күні ішінде қайтарады.
Өнім беруші сатып алу туралы шарт бойынша қабылданған міндеттерді тиісінше орындамаған жағдайда тапсырыс беруші енгізілген сатып алу туралы шарттың орындалуын қамтамасыз етуді ұйымдастырушының (тапсырыс берушінің) кірісіне тұрақсыздық айыппұлын төлеу фактісі белгіленген күннен бастап, бес жұмыс күні ішінде қайтарады.
73. Егер сатып алу туралы шарт тауарларды, қызметтерді жеткізушінің шарт міндеттерін орындамау салдарынан бұзылған болса, ұйымдастырушы (тапсырыс беруші) шарттың орындалуын қамтамасыз етуді қайтармайды.
74. Сатып алу туралы шартта Қазақстан Республикасының "Салық және бюджетке төленетін басқа да міндетті төлемдер туралы" кодексіне, Кедендік одақтың кедендік кодексіне және (немесе) Қазақстан Республикасының "Қазақстан Республикасындағы кеден ісі туралы" кодексіне сәйкес қосымша құн салығы және акциздер төлеу шарттары болуы тиіс.
75. Егер әлеуетті өнім беруші Қағидаларда белгіленген мерзімде сатып алу туралы шартты ұйымдастырушыға (тапсырыс берушіге) ұсынбаса, онда мұндай әлеуетті өнім беруші сатып алу туралы шартты жасасудан жалтарған болып саналады.
76. Әлеуетті өнім беруші сатып алу туралы шарт жасасудан жалтарған деп танылған жағдайда ұйымдастырушы (тапсырыс беруші) сатып алу туралы шарт жасасудан жалтару салдарынан келтірілген шығындарды өтеу туралы сотқа талап арыз түсіреді.
77. Сатып алу туралы шартты орындау Қазақстан Республикасының азаматтық заңнамасына, Қағидаларға және шарттарды дайындауды, жасауды және орындауды реттейтін ұйымдастырушының (тапсырыс берушінің) ішкі құжатына сәйкес жүзеге асырылады.
Нысан
Конкурс өткізу туралы хабарландыру
_______________________________________________________________
(сатып алуды ұйымдастырушының (тапсырыс берушінің) атауы,
пошталық және электрондық мекенжайлары)
мынадай тауарлар мен көрсетілетін қызметтерді сатып алу бойынша
конкурс өткізу туралы хабарлайды:____________________________________
Тауар _______________________ (тауарларды, көрсетілетін
қызметтерді беру орны және олардың көлемі көрсетіледі) жеткізілуі
(қызметтер көрсетілуі) тиіс. Сатып алуды ұйымдастырушы сатып алынатын
тауарлардың, көрсетілетін қызметтердің толық тізбесі, олардың саны
мен егжей-тегжейлі өзіндік ерекшелігі конкурстық құжаттамада
көрсетілгеніне сілтеме жасауға құқылы).
Тауарларды берудің (қызметтерді көрсетудің) талап етілетін
мерзімі_____________________________________________________________.
Конкурстық құжаттаманы www______________ / мекенжайын қоса
20____ жылғы "____"___________дейінгі мерзімде алуға болады
(конкурстық өтінімдер салынған конверттерді ашқанға дейін 24 сағат
бұрын уақыт пен күні көрсетілсін).
Конкурстық құжаттама тегін беріледі.
Конвертке желімделген конкурсқа қатысуға конкурстық өтінімдерді
әлеуетті өнім берушілер______________________________________________
(сатып алуды ұйымдастырушының (тапсырыс
берушінің) атауы көрсетілсін)
мына мекенжай бойынша________________________________________ береді.
(толық мекенжайы, бөлменің № көрсетілсін)
Конкурсқа қатысуға өтінімдерді берудің соңғы мерзімі_________________
(уақыты мен күні
______________дейін.
көрсетілсін)
Конкурсқа қатысуға өтінімдер салынған конверттер_______________
(уақыты мен күні көрсетілсін)
мына мекенжай бойынша______________________________________ ашылады.
(толық мекенжайы, бөлменің № көрсетілсін)
Конкурстық құжаттаманы алу фактісі туралы конкурстық құжаттаманы
алғаны жөніндегі хатты ұйымдастырушының (тапсырыс берушінің)
электронды поштасына (электронды поштасы көрсетілсін) жолдай отырып,
сатып алуды ұйымдастырушыға (тапсырыс берушіге) хабарлау қажет.
Қосымша ақпарат пен анықтаманы мына телефон арқылы алуға
болады:______________________________________________________________
(қаланың коды мен телефон нөмірі көрсетілсін)
Тауарларды, көрсетілетін қызметтерді сатып алуды
ұйымдастырушының (тапсырыс берушінің) уәкілетті өкілі________________
_____________________________________________________________________
(тегі, аты, әкесінің аты (егер бар болса), лауазымы және байланыс
телефоны көрсетіледі)
Нысан
Конкурсқа қатысуға өтінімдер бар конверттерді aшу хаттамасы
___________________________________________________
(конкурстың атауы)
__________________________ _______________________
(Ашу орны) (Уақыты мен күні)
1. Мынадай құрамдағы конкурстық комиссия: _____________________
(конкурстық комиссия төрағасының, оның орынбасарының, мүшелерінің
тегі, аты, әкесінің аты (егер бар болса), конкурсқа қатысуға
өтінімдерді ашу күні, уақыты мен орны көрсетіледі) конкурсқа қатысуға
өтінімдер бар конверттерді ашу рәсімін жүргізді.
2. Конкурстық құжаттаманың көшірмесі мынадай әлеуетті өнім
берушілерге берілді:
_____________________________________________________________________
(конкурстық құжаттаманың көшірмесі берілген барлық әлеуетті өнім
берушілердің атауы, мекенжайы)
3. Мынадай әлеуетті өнім берушілердің конкурсқа қатысуға
өтінімдері
_____________________________________________________________________
(конкурсқа қатысуға өтінімдерді берудің соңғы мерзімі өткеннен кейін
конкурсқа қатысуға өтінімдерді ұсынған барлық әлеуетті өнім
берушілердің атауы, мекенжайы көрсетіледі) __________________________
негізінде ашылмай қайтарылды.
4. Конкурсқа қатысуға өтінімдерді берудің соңғы мерзімі өткенге
дейін оларды белгіленген мерзімде ұсынған мынадай әлеуетті өнім
берушілердің конкурсқа қатысуға өтінімдері:__________________________
(конкурстық өтінімдерді берудің соңғы мерзімі өткенге дейін
конкурстық өтінімдер ұсынған барлық әлеуетті өнім берушілердің атауы,
мекенжайы, конкурсқа қатысуға өтінімдерді беру уақыты конкурсқа
қатысуға өтінімдерді тіркеу журналына сәйкес хронологиялық тәртіппен)
ашылды және конкурсқа қатысуға өтінімдерді ашу кезінде барлық
қатысушыларға таныстырылған мыналарды қамтиды:_______________________
(өтінімдегі құжаттардың тізбесі, конкурсқа қатысуға өтінімдерді кері
қайтарып алу және өзгерту туралы ақпарат, конкурстық өтінім
құжаттарының парақ саны көрсетіледі).
5. Конкурстық өтінімдерді ашқан кезде мынадай әлеуетті өнім
берушілер қатысты:
_____________________________________________________________________
(конкурсқа қатысуға өтінімдерді ашқан кезде қатысқан барлық әлеуетті
өнім берушілердің атауы, мекенжайы, олардың уәкілетті өкілдерінің
тегі, аты, әкесінің аты (егер бар болса))
Конкурстық комиссия төрағасының, мүшелерінің және хатшысының
тегі, аты, әкесінің аты, қолдары
Нысан
Конкурсқа қатысуға өтінім
(заңды тұлғалар үшін)
Кімге _________________________________________________________
(сатып алуды ұйымдастырушының (тапсырыс берушінің) атауы
көрсетіледі)
Кімнен ________________________________________________________
(әлеуетті өнім берушінің толық атауы көрсетіледі)
1. Конкурсқа қатысуға үміткер заңды тұлға (әлеуетті өнім беруші) туралы мәліметтер:
Әлеуетті өнім берушінің заңды, пошталық мекенжайы және байланыс телефондары | |
Заңды тұлғаның банктік деректемелері (БСН, БСК, ЖСК), сондай-ақ заңды тұлғаға қызмет көрсететін банктің немесе оның филиалының толық атауы мен мекенжайы | |
Заңды тұлғаның бірінші басшысының аты-жөні |
2. ________________ (заңды тұлғаның толық атауы көрсетіледі) осы өтініммен конкурс тәсілімен сатып алуға (конкурстың толық атауын көрсету қажет) әлеуетті өнім беруші ретінде қатысуға ниет білдіреді және конкурстық құжаттамада көзделген талаптар мен шарттарға сәйкес (тауарды (ларды) беруді, қызметтер көрсетуді - қажетін көрсету керек) жүзеге асыруға келісім білдіреді.
3. Әлеуетті өнім беруші конкурстық құжаттамамен танысқандығын және сатып алуды ұйымдастырушыға (тапсырыс берушіге) және конкурстық комиссияға өзінің құқықтық қабілеттілігі, біліктілігі, сапалық және өзге де сипаттамалары туралы (берілетін тауарды(ларды), көрсетілетін қызметтерді - қажетін көрсету керек) дұрыс емес ақпарат бергені үшін жауапкершілігі, олардың авторлық және сабақтас құқықтарды сақтауы, сондай-ақ Қазақстан Республикасының қолданыстағы заңнамасында көзделген өзге де шектеулерді сақтауы туралы хабардар етілгендігін растайды.
Әлеуетті өнім беруші осы конкурсқа қатысуға өтінімде және оған қоса берілетін құжаттарда мұндай дұрыс емес мәліметтерді бергені үшін өзіне толық жауапкершілікті қабылдайды.
4. Осы конкурстық өтінім___күн ішінде қолданылады.
5. Біздің конкурстық өтінім жеңді деп танылған жағдайда, біз сатып алу туралы шарттың атқарылуын қамтамасыз етуді шарттың жалпы сомасының үш пайызын құрайтын сомада енгіземіз (егер де конкурстық құжаттамада шарттың атқарылуын қамтамасыз етуді енгізу көзделген болса көрсетіледі).
6. Сатып алу туралы шартты жасасу сәтіне дейін конкурсқа қатысуға осы өтінім Сіздің оны жеңді деп тапқан хабарламаңызбен бірге біздің арамыздағы міндетті түрдегі шарт рөлін орындайтын болады.
_________________________________________________
_____________________________/__________________/
_________________________________________________
(Заңды тұлғаның - әлеуетті өнім берушінің бірінші басшысының немесе орынбасарының лауазымы, тегі, аты, әкесінің аты (егер бар болса) және қолы)
Толтырылған күні _________________________
Мөрдің орны (бар болғанда)
Нысан
Конкурсқа қатысуға өтінім
(жеке тұлға үшін)
Кімге _________________________________________________________
(сатып алуды ұйымдастырушының атауы көрсетіледі)
Кімнен ________________________________________________________
(әлеуетті өнім берушінің атауы толық көрсетіледі)
1. Конкурсқа қатысуға үміткер жеке тұлға (әлеуетті өнім беруші) туралы мәліметтер:
Жеке тұлғаның - әлеуетті өнім берушінің жеке басын куәландыратын құжатқа сәйкес тегі, аты, әкесінің аты (егер бар болса) | |
Жеке тұлғаның - әлеуетті өнім берушінің жеке басын куәландыратын құжат деректері | |
Жеке тұлғаның - әлеуетті өнім берушінің тіркелген мекен-жайы | |
Жеке тұлғаның - әлеуетті өнім берушінің іс жүзіндегі тұрғылықты мекен-жайы | |
Тіркеу туралы куәліктің, патенттің не Қазақстан Республикасының заңнамасына сәйкес конкурс мәніне сәйкес келетін кәсіпкерлік қызметпен айналысуға құқық беретін өзге де құжаттың нөмірі | |
Жеке тұлғаның - әлеуетті өнім берушінің банктік деректемелері (ЖСН, БСН, ЖСК), сондай-ақ жеке тұлғаға қызмет көрсететін банктің немесе оның филиалының толық атауы мен мекенжайы | |
Жеке тұлғаның - әлеуетті өнім берушінің байланыс телефондары, пошталық мекенжайы мен электронды поштасы (болса) |
2. ___________ (жеке тұлғаның тегі, аты, әкесінің аты (егер бар болса) көрсетіледі) осы өтініммен конкурс тәсілімен сатып алуға (конкурстың толық атауын көрсету) әлеуетті өнім беруші ретінде қатысуға ниет білдіреді және конкурстық құжаттамада көзделген талаптар мен шарттарға сәйкес (тауарды(ларды) жеткізуді, қызметтер көрсетуді - қажеттісін көрсету керек) жүзеге асыруға келісім білдіреді.
3. Әлеуетті өнім беруші конкурстық құжаттамамен танысқандығын және сатып алуды ұйымдастырушыға (тапсырыс берушіге) және конкурстық комиссияға өзінің құқығы, біліктілігі, сапалық және өзге де сипаттамалары туралы (берілетін тауарды(ларды), көрсетілетін қызметтерді - қажеттісін көрсету) дұрыс емес мәліметтер бергені үшін жауапкершілігі, олардың авторлық және сабақтас құқықтарды сақтауы, сондай-ақ Қазақстан Республикасының қолданыстағы заңнамасында көзделген өзге де шектеулерді сақтауы туралы хабардар етілгендігін растайды.
Әлеуетті өнім беруші осы конкурсқа қатысуға өтінімде және оған қоса берілетін құжаттарды мұндай дұрыс емес мәліметтер бергені үшін өзіне толық жауапкершілікті қабылдайды.
4. Осы конкурстық өтінім___күн ішінде қолданылады.
5. Біздің конкурстық өтінім жеңді деп танылған жағдайда, біз сатып алу туралы шарттың атқарылуын қамтамасыз етуді шарттың жалпы сомасының үш пайызын құрайтын сомада енгіземіз (егер де конкурстық құжаттамада шарттың атқарылуын қамтамасыз етуді енгізу көзделген болса көрсетіледі).
6. Сатып алу туралы шартты жасасу сәтіне дейін конкурсқа қатысуға осы өтінім Сіздің оны жеңді деп тапқан хабарламаңызбен бірге біздің арамыздағы міндетті түрдегі шарт рөлін орындайтын болады.
________________________________
____________________/__________/
(Жеке тұлғаның - әлеуетті өнім берушінің тегі, аты, әкесінің
аты (егер бар болса), және оның қолы)
Толтырылған күні _____________________________
Нысан
Тауарды беру үшін әлеуетті өнім берушінің
біліктілігі туралы мәліметтер
(әлеуетті өнім беруші тауарларды сатып алу кезінде толтырады)
1. Әлеуеттi өнiм берушiнiң атауы ______________________________
__________________________________________________________________
2. Әлеуеттi өнiм берушi соңғы он жыл iшiнде (болған кезде)
жеткізілген (өндiрілген), конкурста сатып алынатындарға ұқсас
тауарлардың көлемi, теңгемен _____________________________
Тауардың атауы | Тапсырыс берушiлердiң атауы, телефон нөмiрлерi | Тауарды беру орны мен күнi | Шарттың құны, теңге (көрсетiлмесе де болады) |
3. Қаржы ресурстарына қол жеткiзу туралы мәлiметтер (ақша
қаражаты: меншік, кредиттiк және тағы басқа). Төменде атап
көрсетілсін ________________________________________________________.
4. Бар болса, ұсынымдар туралы мәліметтер. Басқа заңды және
(немесе) жеке тұлғалардың ұсыным хаттары, пікірлері атап көрсетілсін
және қоса берілсін__________________________________________________.
Біліктілік туралы бүкіл мәліметтердің дұрыстығын растаймын.
Қолы____________________
Нысан
Қызметтерді көрсету үшін әлеуетті өнім берушінің
біліктілігі туралы мәліметтер
(әлеуетті өнім беруші көрсетілетін қызметтерді
сатып алу кезінде толтырады)
1. Әлеуетті өнiм берушiнiң атауы ______________________________
2. Соңғы он жыл ішінде әлеуеттi өнiм берушiнің көрсеткен қызметтері конкурсында дәл осындай сатып алынатын қызметтердің (олар болған кезде) көлемі, теңгемен______________
Көрсетiлген қызметтердiң атауы | Тапсырыс берушiлердiң атауы, телефон нөмiрлерi | Қызметтер көрсетiлген орны және жылы | Шарттың құны, теңге (көрсетiлмесе де болады) |
3. Расталатын құжаттардың көшірмесін тіркеп, қызметтер көрсету үшiн әлеуеттi өнiм берушiде мынадай жабдықтар (тетiктер, машиналар) бiрлiгiнiң болуының елеулi мәнi бар. Әлеуеттi өнiм берушi төмендегi кестеде атап көрсетілген барлық сұрақтарға жауап беруі тиiс:
Жабдықтардың (тетiктердiң, машиналардың) түрi | Қолда бар бiрлiктердiң саны | Жай-күйi (жаңа, жақсы, нашар) | Жекеменшiк, жалға алынған (кiмнен), сатып алынады (кiмнен) |
4. Қазақстан Республикасының азаматтарының еңбекақы төлеу қоры
Р/с № | Қызметкерлердiң тегі, аты, әкесінің аты (егер бар болса), (жеке куәлiк № және берiлген күнiн көрсету) | Лауазымы | Азаматтығы | Сатып алу туралы шартты орындау кезіндегі жалақысы |
Жалпы еңбекақы төлеу қоры. ҚР азаматтарының барлық еңбекақысы |
5. Қаржы ресурстарына (ақша қаражаты: меншік, кредиттiк және
тағы бақа) қол жеткізу туралы мәлімет. Төменде атап көрсетілсін
_______________________________________________________________
6. Бар болса, ұсынымдар туралы мәлімет. Ұсыным хаттарды, заңды
және/немесе жеке тұлғалардың басқа да пікірлері атап көрсетілген және
қоса берілген_______________________________________________________.
Ескертпе:* толтырмауға да болады.
Бiлiктiлiгi туралы барлық мәлiметтердiң дұрыстығын растаймын.
Қолы____________________
Нысан
Конкурста сатып алу мәні болып табылатын, қызметтер көрсету
кезіндегі қоса орындаушылар туралы мәліметтер, сондай-ақ
әлеуетті өнім беруші қоса орындаушыларға беретін қызметтердің
түрлері (конкурстың толық атауын көрсету қажет)
№ р\с | Қоса орындаушы - заңды тұлғаның атауы немесе жеке тұлға болып табылатын қоса орындаушының - тегі, аты, әкесінің аты (егер бар болса) | Толық заңды және пошталық мекенжайы, байланыс телефоны | Көрсетілетін қызметтердің атауы | Көрсетілетін қызметтердің көлемі | Көрсетілетін қызметтердің көлемі | ||
Осы қоса орындаушы бойынша барлығы | теңге | көлемінің % | |||||
Осы қоса орындаушы бойынша барлығы | теңге | көлемінің % | |||||
Барлық қоса орындаушылар бойынша жиыны | теңге | көлемінің % | |||||
Осы арқылы біліктілік таңдауына (конкурстың толық атауын көрсету) қатысуға өтінім беретін әлеуетті өнім берушінің қоса орындаушысы(лары) конкурс (конкурстың толық атауын көрсету) тәсілімен сатып алуға қатысудың шарттары туралы өзінің хабардар екендігін білдіреді және әлеуетті өнім берушінің қоса орындаушыларына қатысты Конкурстық құжаттамада көзделген талаптарды бұзғаны үшін жауапкершілікті өзіне қабылдайды.
Қоса орындаушының – заңды тұлғаның немесе жеке тұлға болып табылатын қоса орындаушының тегі, аты, әкесінің аты (егер бар болса) | Қоса орындаушының уәкілетті өкілінің тегі, аты, әкесінің аты (егер бар болса) | Қолы |
Әлеуетті өнім беруші қоса орындаушыға беретін жұмыстар мен қызметтердің көлемі көрсетілетін қызметтердің жалпы көлемінің үштен екісінен аспауы тиіс.
Нысан
Конкурсқа қатысуға рұқсат беру туралы хаттама
____________________________________сатып алу жөніндегі конкурс
(конкурстың атауы)
___________________________________ _________________________
(Орналасқан жері) (Уақыты мен күні)
1. Мынадай құрамдағы конкурстық комиссия:
_____________________________________________________________________
(Конкурстық комиссияның құрамын көрсету)
__________ сатып алу жөніндегі конкурсқа қатысуға өтінімдерді қарады.
2. Конкурсқа қатысуға өтінімдерде ұсынылған тауарлардың,
көрсетілетін қызметтердің техникалық сипаттамаларға сәйкестігі
жөнінде қорытындыларды берген сарапшыларды тарту туралы ақпарат.
3. Конкурсқа қатысуға өтінімдер берудің соңғы мерзімі өткенге
дейін белгіленген мерзімде өтінім берген мынадай әлеуетті өнім
берушілердің конкурсқа қатысуға өтінімі:
_____________________________________________________________________
(конкурсқа қатысуға өтінімдерді тіркеу журналына сәйкес конкурстық
өтінімдер берудің соңғы мерзімі өткенге дейін конкурстық өтінімдер
берген барлық әлеуетті өнім берушілердің атауы, мекенжайы, конкурсқа
қатысуға өтінім беру уақыты, өтінімде көрсетілген құжаттар тізбесі,
конкурстық құжаттамада көзделген қандай да бір құжаттың жоқтығы
туралы ақпарат, конкурсқа қатысуға өтінімдерді кері қайтарып алу және
оның өзгеруі туралы ақпарат және басқа ақпарат хронологиялық
тәртіппен көрсетіледі)
конкурстық комиссия отырысының барлық қатысушыларына жарияланған.
4. Конкурсқа қатысуға арналған мынадай конкурстық өтінімдер
конкурсқа қатысуға жіберілмейді:_____________________________________
(себебін көрсете отырып, конкурсқа қатысуға конкурстық өтінімдері
қабылданбаған әлеуетті өнім берушілер (оның деректемелері)
көрсетіледі: біліктілік талаптарына сәйкес келмейді; конкурстық
құжаттаманың талаптарына сәйкес келмейді, Қағидалардың талаптары
бұзылған).
5. Әлеуетті өнім берушілердің біліктілік талаптарына және
конкурстық құжаттаманың өзге де талаптарына сәйкес келетін конкурстық
өтінімдері __________________________________________________________
(әрбір лот бойынша әлеуетті өнім берушілердің тізбесі жеке
көрсетіледі).
Әрбір лот бойынша конкурсқа қатысушыларды көрсеткен кезде
конкурсқа қатысуға жіберу туралы жалпы хаттаманы ресімдеуге жол
беріледі.
Конкурстық комиссия конкурсқа қатысуға берілген өтінімдерді
қарау нәтижелері бойынша ашық дауыс беру жолымен былай деп ШЕШТІ:
1. Мынадай әлеуетті өнім берушілер конкурсқа қатысуға
жіберілсін: _________________________________________________________
(конкурсқа қатысуға жіберілген әлеуетті өнім берушілердің
тізбесін көрсету).
2. Мынадай әлеуетті өнім берушілер конкурсқа қатысуға
жіберілмесін: _______________________________________________________
(конкурсқа қатысуға жіберілмеген әлеуетті өнім
берушілердің тізбесін көрсету).
3. Конкурстық баға ұсыныстары бар конверттерді қабылдау орны,
күні, уақыты____________________________________________ белгіленсін.
4. Конкурстық баға ұсыныстарын бағалау және салыстыру жөніндегі
конкурстық комиссияның отырысы ________________________ белгіленсін.
(конкурстық баға ұсыныстарын бағалау және салыстыру жөніндегі
конкурстық комиссияның отырысының уақытын, күнін, орнын көрсету,
бірақ мүдделі адамдарға хабарлаған күннен бастап үш жұмыс күнінен
ерте емес).
5. Сатып алуды ұйымдастырушы (тапсырыс беруші) конкурсқа
қатысуға жіберу туралы осы хаттаманың көшірмелері ___________________
(олар туралы мәліметтер конкурсқа қатысуға өтінімдерді тіркеу
журналына енгізілген әлеуетті өнім берушілерді көрсету) берілсін
(жіберілсін) және осы хаттаманың мәтінін ұйымдастырушының (тапсырыс
берушінің) _____________ интернет-ресурсына орналастырсын.
Осы шешімге дауыс бергендер:
Жақтаушы дауыс________(конкурстық комиссия мүшелерінің тегі,
аты, әкесінің аты (егер бар болса))
Қарсы дауыс __________(конкурстық комиссия мүшелерінің тегі,
аты, әкесінің аты (егер бар болса))
Конкурстық комиссия төрағасының, мүшелерінің және хатшысының
Т.А.Ә. (егер бар болса), қолдары
Нысан
Банктік кепілдік
Банктің атауы:_______________________________________________________
(банктің атауы мен деректемелері)
Кімге:_______________________________________________________________
(сатып алуды ұйымдастырушының (тапсырыс берушінің) атауы мен
деректемелері)
№_________кепілдік міндеттеме
______________________________ "___"______________жыл.
(орналасқан жері)
Біз бұдан әрі "Өнім беруші" деп аталатын,_____________________,
(әлеуетті өнім берушінің атауы)
________________________________ұйымдастырған________________________
(сатып алуды ұйымдастырушының (тапсырыс берушінің) атауы)
сатып алу жөніндегі конкурсқа қатысатындығынан және _________________
_____________________________________________________________________
(тауарлардың, көрсетілетін қызметтердің конкурс (лот/-тар) бойынша
атауын беруді (қызметтерді көрсетуді) жүзеге асыруға дайындығынан
хабардармыз.
________жылы "___"______________ жоғарыда аталған конкурсты
өткізу жөніндегі конкурстық құжаттамада әлеуетті өнім берушілердің
банктік кепілдік түрінде конкурстық өтінімді қамтамасыз етуді енгізуі
көзделген.
Осыған байланысты біз__________________Сіздің төлемге берілген
(банктің атауы)
жазбаша талабыңызды, сондай-ақ Өнім берушінің:
конкурсқа қатысуға түпкілікті мерзім өткеннен кейін конкурсқа
қатысуға өтінімді кері қайтарып алғандығын не өзгерткендігін және
(немесе) толықтырғандығын;
конкурс қатысушысы деп танылған адамның өзінің конкурстық баға
ұсынысын белгіленген мерзімде тапсырмағандығын не кері қайтарып
алғандығын;
конкурстың жеңімпазы етіп анықталған қатысушы сатып алу туралы
шарт жасасудан жалтарғандығын;
сатып алу туралы шарт жасасып, конкурстық құжаттамада
белгіленген сатып алу туралы шартты орындауға қамтамасыз етуді енгізу
және (немесе) енгізу мерзімі туралы талаптарды орындамағандығын не
уақтылы орындамағандығын жазбаша растауыңызды алғаннан кейін
осымен өзімізге
Сіздің талап етуіңіз бойынша Сізге _______________________ тең соманы
(сома цифрмен және жазбаша)
төлеуге қайтарымсыз міндет жүктейміз.
Бұл кепілдік міндеттеме конкурстық өтінімдер бар конверттерді
ашқан күннен бастап күшіне енеді.
Бұл кепілдік міндеттеме Өнім берушінің конкурсқа қатысуға
конкурстық өтінімінің қолданылуының соңғы мерзіміне дейін қолданылады
және, егер Сіздің жазбаша талабыңызды біз________ аяғына дейін
алмасақ, осы құжат бізге қайтарылатындығына немесе
қайтарылмайтындығына қарамастан, толық және автоматты түрде күшін
жояды. Егер конкурстық өтінімнің мерзімі ұзартылған болса, онда бұл
кепілдік міндеттеме сондай мерзімге ұзартылады.
Осы кепілдік міндеттемеге байланысты туындайтын барлық құқықтар
мен міндеттемелер Қазақстан Республикасының заңнамасымен реттеледі.
Кепілгердің қолы мен мөрі (бар болса) Күні мен мекенжайы
Нысан
___________________________________________
(конкурстың атауы)
сатып алу бойынша конкурс қорытындылары туралы хаттама
___________________________ _______________________
(Орналасқан жері) (Уақыты мен күні)
1. Мынадай құрамдағы конкурстық комиссия:___________________
(конкурстық комиссияның құрамын көрсету) сатып алу жөніндегі (сатып
алынатын тауарларды, көрсетілетін қызметтерді қысқаша сипаттау)
конкурс екі кезеңді рәсімдерді пайдалана отырып).
2. Әрбір лот бойынша жеке сатып алу үшін теңгемен бөлінген сома
(соманы көрсету).
3. Мынадай өтінімдер конкурсқа қатысуға жіберілді:
_____________________________________________________________________
(рұқсат беру туралы хаттамаға сәйкес конкурсқа жіберілген әлеуетті
өнім берушілердің конкурсқа қатысуға өтінімдерін көрсету).
4. Конкурстық баға ұсыныстарын тіркеу үшін соңғы уақыт өткеннен
кейін берілуіне байланысты бағалауға және салыстыруға қабылданбаған
әлеуетті өнім берушілердің___________________________________________
(әлеуетті өнім берушілердің атаулары көрсетіледі) конкурстық
баға ұсыныстары бар конверттері.
5. Конкурстық комиссияның отырысына қатысуға конкурстық баға
ұсыныстарын тіркеу үшін соңғы уақыт өткенге дейін оларды берген
конкурсқа қатысушылардың конкурстық баға ұсыныстары:_________________
(конкурстық баға ұсыныстары бар конверттерді тіркеу журналына
сәйкес конкурсқа қатысушылардың не олардың уәкілетті өкілдерінің (бар
болса) Т.А.Ә. (егер бар болса) хронологиялық тәртіппен көрсетіледі)
ашылды және конкурсқа қатысушылардың конкурстық баға ұсыныстары бар
конверттерді ашу кезінде барлық қатысушыларға жарияланған мыналарды
қамтиды:_____________________________________________________________
(конкурстық баға ұсыныстары бар конверттерді тіркеу журналына
оларды тіркеудің хронологиялық тәртібімен конкурсқа қатысушылардың
конкурстық баға ұсыныстары көрсетіледі).
6. Мыналардың конкурстық баға ұсыныстары қабылданбады:
_____________________________________________________________________
(мынадай себептерді: конкурстық баға ұсынысы тауарларды, көрсетілетін
қызметтерді сатып алу үшін бөлінген сомадан асып түсуін, конкурстық
баға ұсыныстары қабылданбаған конкурсқа қатысушылардың не олардың
уәкілетті өкілдерінің Т.А.Ә. (егер бар болса) көрсетіледі).
7. Конкурсқа қатысушылардың шартты бағалары ________________
(неғұрлым сапалы тауарларды, көрсетілетін қызметтерді ұсынатын
конкурсқа қатысушыны айқындау мақсатында, конкурстық құжаттамада
белгіленген өлшемдердің пайыздық мәнін ескере отырып, конкурсқа
қатысушылардың шартты бағасы көрсетіледі).
Конкурстық комиссия бағалау және салыстыру нәтижелері бойынша
ашық дауыс беру жолымен былай деп ШЕШТІ:
1)_________________________________________________ конкурсқа
қатысушының (конкурсқа қатысушының атауы мен орналасқан жерін,
сондай-ақ ол жеңімпаз деп танылған шарттарды көрсету) конкурстық
өтінімі жеңімпаз деп танылсын немесе ________________________________
(конкурстың атауы)
сатып алу жөніндегі конкурс (екі кезеңді рәсімді пайдалана отырып)
өтпеді деп танылсын.
(Егер конкурсқа қатысушылардың конкурстық баға ұсыныстарын
қарау, бағалау және салыстыру кезінде конкурс жеңімпазы анықталмаса
немесе барлық конкурстық баға ұсыныстары қабылданбаса, тиісті себебін
көрсету)
2) Ұйымдастырушы (тапсырыс беруші) ____________________________
(әрбір ұйымдастырушының (тапсырыс берушінің) атауын және орналасқан
жерін көрсету) __________ жылға дейінгі мерзімде_____________________
(конкурс жеңімпазының атауын көрсету) -
мен сатып алу туралы шарт жасассын.
3) Сатып алуды ұйымдастырушы (тапсырыс беруші) ________________
_____________________________________________________________________
(сатып алуды ұйымдастырушының (тапсырыс берушінің) атауын көрсету)
тауарларды, көрсетілетін қызметтерді сатып алу жөніндегі конкурстың
қорытындылары туралы осы хаттаманың мәтінін Тапсырыс берушінің
интернет-ресурсына орналастырсын.
Осы шешімге дауыс бергендер:
Жақтаушы дауыс_______(конкурстық комиссия мүшелерінің т.а.ә
(егер бар болса))
Қарсы дауыс _________(конкурстық комиссия мүшелерінің т.а.ә
(егер бар болса))
Конкурстық комиссия төрағасының, мүшелерінің және хатшысының
қолдары
Нысан
Сатып алынатын тауарлардың, көрсетілетін
қызметтердің техникалық сипаттамалары
(әрбір лотқа жеке беріледі)
Конкурстың атауы __________________________________
Лоттың № __________________________________________
Лоттың атауы ______________________________________
Техникалық сипаттамаларда қажетті ерекшеліктерді, жоспарларды, сызбаларды, эскиздерді қоса алғанда, сатып алынатын тауарлардың, көрсетілетін қызметтердің толық сипаты және талап етілетін функционалдық, техникалық, сапалық сипаттамалары беріледі және жеткізілетін тауарлар (көрсетілетін қызметтер) сәйкес болуы тиіс халықаралық немесе ішкі стандарттар көрсетіледі.
Тауарларға берілетін техникалық сипаттамаларда функционалдық, техникалық, сапалық сипаттамаларын сипаттау функционалдық шектерді, техникалық сипаттама параметрлерін, үздік техникалық сипаттамаларды айқындау мақсатында тауардың мақсатын қамтитын тиісті бөлімдерге бөлінуге тиіс.
Қажет болған кезде, техникалық сипаттамаларда тауарларды жеткізу кезінде ұйымдастырушыға (тапсырыс берушіге) қажетті ілеспе қызметтер (монтаждау, ретке келтіру, оқыту, тауарларды тексеру және сынақтан өткізу және т.б.) мен олар қай жерде шығарылуы керек екендігі, тауардың шыққан жылы, кепілдік мерзімі көрсетілуі тиіс.
Көрсетілетін қызметтерге берілетін техникалық сипаттамаларда техникалық және сапалық сипаттамаларын сипаттау техникалық сипаттама параметрлерін және үздік техникалық сипаттамаларды айқындау мақсаттары үшін қызметтер көрсету мақсатын қамтитын тиісті бөлімдерге бөлінуі тиіс. Осындай қызметтерді тікелей көрсететін қызметкердің біліктілігіне байланысты көрсетілетін қызметтерді сатып алған жағдайда, техникалық сипаттамаларда қызметкерге жүктелетін міндеттерді орындау үшін қажетті оның деңгейі мен кәсіби даярлық бейінін, жұмыс өтілін айқындайтын талаптардың сипаты беріледі. Техникалық сипаттамаларда ұлттық стандарт немесе ол болған кезде Қазақстан Республикасы өндірушілерінің комммерциялық емес ұйымдары бекіткен үкіметтік емес стандарт көрсетілуі тиіс.
Нысан
Бір көзден алу тәсілімен мемлекеттік сатып алу
қорытындысы туралы хаттама
___________________________ ________________________
(Орналасқан жері) (Уақыты мен күні)
1. Ұйымдастырушы (тапсырыс беруші): ___________________________
(атауы, мекен-жайы)
_____________________________________________________________________
(сатып алынатын тауарларды және қызметтерді қысқаша сипаттау) бір
көзден алу тәсілімен сатып алуды жүргізді.
2. Сатып алуға бөлінген сома (сомасы көрсетілсін) теңге.
3. Осы тәсілді қолдануға негіздеме ___________________________
(ұйымдастырушының (тапсырыс берушінің) бір көзден сатып алуды
жүзеге асыру туралы шешімі, бұйрықтың нөмірі, күні қоса берілсін)
4. Өнім берушінің біліктілік талаптарына сәйкес келуі
_____________________________________________________________________
(талаптарға сәйкестігі немесе сәйкес келмеуі көрсетіледі)
5. Шарт жасалатын өнім берушінің атауы және орналасқан жері
және осындай шарттың бағасы: ________________________________________
_____________________________________________________________________
6. Сатып алуды ұйымдастырушы (тапсырыс беруші) бір көзден алу
тәсілімен сатып алу нәтижесі бойынша ШЕШТІ:
1) тауарлар (көрсетілетін қызметтер) __________________________
(өнім берушінің атауын және орналасқан жерін көрсету)
өнім берушіден сатып алынсын немесе бір көзден алу тәсілімен
сатып алу өтпеді деп танылсын________________________________________
(тиісті себебін көрсету)
2) Ұйымдастырушыға (тапсырыс берушіге) ________________________
(ұйымдастырушының (тапсырыс берушінің) атауы және орналасқан жері)
________________________________ жылға дейінгі мерзімде _____________
_____________________________________________________________________
(өнім берушінің атауын көрсету)
3) Сатып алуды ұйымдастырушы (тапсырыс беруші)
_____________________________________________________________________
(сатып алуды ұйымдастырушының (тапсырыс берушінің) атауын көрсету)
осы хаттаманың мәтінін ұйымдастырушының (тапсырыс берушінің)
интернет-ресурсына жіберсін.
Бірінші басшының
қолы
Нысан
Банктік кепілдік
(сатып алу туралы шарттың орындалуын қамтамасыз ету нысаны)
Банктің атауы:_________________________________________________
(банктің атауы және деректемелері)
Кімге:_________________________________________________________
(ұйымдастырушының (тапсырыс берушінің) атауы және
деректемелері)
№______ кепілдік міндеттеме
_____________________ ________жылы. "___" ______________
(орналасқан жері)
"Өнім беруші" _________________________________________________
(өнім берушінің атауы)
_____________________________________________________________________
(тауарлардың, көрсетілетін қызметтердің сипаттамасы) беруге
(көрсетуге) ________жылы № _____ сатып алу туралы шарт жасасқандығын
(жасасатындығын) және Сіз Шартта Өнім берушінің жалпы сомасы_________
теңгеге банктік кепілдік түрінде оның орындалуын қамтамасыз етуін
енгізуді көздегендігіңізді назарға ала отырып, осымен _______________
(банктің атауы)
жоғарыда көрсетілген Шарт бойынша кепілгер болып табылатындығымызды
және Сіздің талап етуіңіз бойынша Сіздің төлеуге жазбаша талап етуді,
сондай-ақ Өнім беруші Шарт бойынша өз міндеттемелерін
орындамағандығын немесе тиісінше орындамағандығын жазбаша растауды
алғаннан кейін Сізге
_____________________________________________________________________
(сомасы цифрлармен және жазумен)
тең соманы төлеуге өзімізге қайтарусыз міндеттеме аламыз.
Осы кепілдік міндеттемесі оған қол қойылған сәттен бастап
күшіне енеді және Өнім беруші Шарт бойынша өз міндеттемелерін толық
орындаған сәтке дейін әрекет етеді.
Осы кепілдік міндеттемесіне байланысты туындайтын барлық
құқықтар мен міндеттер Қазақстан Республикасының заңнамасымен
реттеледі.
Кепілгерлердің қолы мен мөрі
Күні және мекенжайы
(банктің (банк филиалының) бірінші басшысы немесе оның
орынбасары және банктің бас бухгалтері)