Қазақстан Республикасының мемлекеттiк органдарына көлiк қызметiн көрсету үшiн қызметтiк автомобильдердi пайдалануды ретке келтiру туралы

      Ескерту. Тақырыбына және кіріспеге өзгеріс енгізілді - ҚР Үкіметінің 2008.07.31. N 725 Қаулысымен.

      Мемлекеттiк қаражаттарды үнемдеу режимiн күшейту және қызметтік автомобильдердi пайдалануды ретке келтiру мақсатында Қазақстан Республикасының Үкiметi қаулы етеді:

      1. Қоса беріліп отырған Қазақстан Республикасының мемлекеттік органдарына көлiк қызметін көрсету үшін қызметтік автомобильдердiң тиiстiлiк және көлiк құралдарын пайдалануға жұмсалатын шығыстар нормаларының нормативi (бұдан әрi Норматив) бекiтiлсiн.

      2. Мыналарға:
      1) Қазақстан Республикасы Президентiнiң Iс Басқармасына "Қазақстан Республикасы Президентi Iс Басқармасының Автошаруашылығы республикалық мемлекеттік кәсiпорнының балансындағы мемлекеттік органдарға бекiтiлген қызметтiк автомобильдердi олардың балансына беру;
      2) Қазақстан Республикасы Президентiне тiкелей бағынысты және есеп беретiн мемлекеттiк органдарға, сондай-ақ орталық атқарушы органдар болып табылмайтын өзге мемлекеттiк органдарға:
      "Қазақстан Республикасы Президентi Iс Басқармасының Автошаруашылығы" республикалық мемлекеттік кәсiпорнының балансындағы оларға бекiтiлген қызметтiк автомобильдердi балансқа қабылдау;
      2010 жылға дейiн қызметтік жеңіл автомобильдер паркiн жаңартпау.
      Ескерту. 2-тармақтың 2) тармақшасының үшінші абзацын қоспағанда, мәтінге өзгеріс енгізілді - ҚР Үкіметінің 2008.07.31. N 725 , 2009.03.24. N 388 Қаулыларыымен.

      3. Министрлiктер, агенттiктер және комитеттер:
      1) "Қазақстан Республикасы Президенті Iс Басқармасының Автошаруашылығы" республикалық мемлекеттік кәсіпорнының балансындағы оларға бекiтілген қызметтiк автомобильдердi балансқа қабылдасын;
      2) 2010 жылға дейiн қызметтiк жеңiл автомобильдер паркiн жаңартпасын;
      3) (Алынып тасталды - ҚР Үкіметінің 2009.03.24. N 388 Қаулысымен).
      Ескерту. 3-тармақтың 2) тармақшасын қоспағанда, мәтінге өзгеріс енгізілді - ҚР Үкіметінің 2008.07.31. N 725 , 2009.03.24. N 388 Қаулыларымен.

      4. Қазақстан Республикасының Қаржы министрлiгi мемлекеттiк органдарды қаржыландыруды қызметтік автомобильдердi пайдалануға арналған шығыстар лимитiнiң шегiнде көлiк қызметiн көрсету шарттарымен қатаң сәйкестендiрiп жүзеге асырсын.

      5. Қазақстан Республикасының мемлекеттік органдарына көлік қызметін көрсету үшін қызметтік автомобильдердің бекітілген тиістілік нормасын іске асыру тиісті кезеңге арналған республикалық және жергілікті бюджетте көзделген қаражат шегінде жүзеге асырылсын.
      Ескерту. 5-тармақ жаңа редакцияда - ҚР Үкіметінің 2011.03.31 № 335 Қаулысымен.

      6. Қазақстан Республикасының Қаржы министрлiгi Қазақстан Республикасының Әдiлет министрлiгiмен бiрлесiп, заңдарда белгіленген тәртiппен Қазақстан Республикасы Үкiметiнiң бұрын қабылданған шешiмдерiн осы қаулыға сәйкес келтiру туралы ұсыныс енгiзсiн.

      7. Осы қаулы 1999 жылғы 1 шiлдеден бастап күшiне енедi.    

      Қазақстан Республикасының
      Премьер-Министрі

Қазақстан Республикасы       
Үкіметінің              
1999 жылғы 27 мамырдағы       
N 663 қаулысымен бекітілген      

Қазақстан Республикасының мемлекеттік органдарына көлік
қызметін көрсету үшін қызметтік автомобильдердің
тиістілік нормативі

       Ескерту. Тиістілік нормативі жаңа редакцияда - ҚР Үкіметінің
06.08.2009 N 1189 Қаулысымен; өзгерістер енгізілді - ҚР Үкіметінің 31.03.2011 № 335; 07.10.2011 N 1148; 04.06.2012 N 739; 02.11.2012 N 1396; 19.11.2012 N 1458; 22.02.2013 N 165; 03.09.2013 N 915; 18.07.2014 № 795 қаулыларымен.

Ескертпе:

* Қазақстан Республикасы Сыртқы істер министрлігі үшін сыртқы саяси органның ерекшелігін ескере отырып, саны 5 бірлік, Қазақстан Республикасы Президентінің Әкімшілігі үшін 7 бірлік қызметтік автомобильдердің тиістілік нормативі белгіленсін

** бұл норматив мемлекеттік органдардың облыстардағы филиалдарына, Байқоңыр қаласындағы мемлекеттік органдардың аумақтық бөлімшелеріне де қолданылады

*** мемлекеттік органдар көлік қызметін көрсететін автомобильдер үшін жүру лимиттерін дербес, бірақ бір айда көліктің 1 бірлігіне 2600 км-ден асырмай белгілейді

**** жергілікті атқарушы органдар үшін жүру лимиті облыс, республикалық маңызы бар қала, астана әкімінің шешімімен айқындалады

***** жергілікті бюджеттерден қаржыландырылатын жергілікті атқарушы органдар бөлінісінде автокөлікті бөлу, сондай-ақ олар бойынша жүру лимитін айқындау облыс, республикалық маңызы бар қала, астана әкімінің шешімімен айқындалады

****** хаттамалық іс-шараларды дайындауға байланысты қызметтің ерекшелігін ескере отырып, Қазақстан Республикасы Президентінің Іс басқармасы, Қазақстан Республикасының Парламенті палаталарының аппараттары үшін саны 3 бірліктен кезекші автомобильдердің тиістілік нормативі белгіленсін

******* облыстардың, республикалық маңызы бар қалалардың, астананың тексеру комиссиялары үшін жүру лимиті облыс, республикалық маңызы бар қала, астана әкімінің шешімі бойынша анықталады

******** осы норматив «Назарбаев орталығы» көпфункционалды ғылыми-талдамалық және гуманитарлық-ағартушылық мемлекеттік мекемесінің және Қазақстан Республикасының Президенті жанындағы «Орталық коммуникациялар қызметі» республикалық мемлекеттік мекемесінің басшылары мен олардың орынбасарларына да қолданылады

********* Қазақстан Республикасы Президенті Әкімшілігінің «Қазақстан Республикасы Президентінің Мұражайы» үшін - 2 бiрлiк, Қазақстан Республикасы Президенті Әкімшілігінің «Қазақстан Республикасының Тұңғыш Президентінің Мұрағаты» мемлекеттік мекемелері үшін - 2 бiрлiк

********** Есеп комитетінің төрағасы, Бас прокурор, Қаржы және Ауыл шаруашылығы министрлеріне көлік қызметін көрсететін автомобильдер үшін көліктің 1 бірлігіне айына 3100 км-ден аспайтын жүру лимиттері белгіленсін.

*********** Қазақстан Республикасы Қаржы министрлігі Қаржылық бақылау комитетінің Ақтөбе облысы бойынша Қаржылық бақылау инспекциясына және Қазақстан Республикасы Қаржы министрлігі Қазынашылық комитетінің Ақтөбе облысы бойынша Қазынашылық департаментінің аудандық қазынашылық басқармаларына көлік қызметін көрсету үшін көзделген автомобильдер Қазақстан Республикасы Қаржы министрлігінің Мемлекеттік мүлік және жекешелендіру комитеті Ақтөбе мемлекеттік мүлік және жекешелендіру департаментінің теңгерімінде.

      Осы тиістілік нормалары Қазақстан Республикасы Қорғаныс министрлігіне, Қазақстан Республикасы Ұлттық қауіпсіздік комитетіне, Қазақстан Республикасы «Сырбар» сыртқы барлау қызметіне, Қазақстан Республикасы Президентінің Күзет қызметіне, Қазақстан Республикасы Республикалық ұланына және төтенше жағдайлар саласындағы уәкілетті органның азаматтық қорғаныс бөлімдеріне қолданылмайды