Қазақстан Республикасының 2021 жылғы 2 қаңтардағы Экология кодексінің 89-бабының 1-тармағына сәйкес БҰЙЫРАМЫН:

      1. Мемлекеттік экологиялық сараптама жүргізу қағидалары осы бұйрыққа 1-қосымшаға сәйкес бекітілсін.

      2. Қазақстан Республикасы Энергетика министрінің осы бұйрыққа 2-қосымшаға сәйкес кейбір бұйрықтарының күші жойылды деп танылсын.

      3. Қазақстан Республикасы Экология, геология және табиғи ресурстар министрлігінің Экологиялық реттеу және бақылау комитеті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оның Қазақстан Республикасы Экология, геология және табиғи ресурстар министрлігінің интернет-ресурсында орналастырылуын;

      3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтердің Қазақстан Республикасы Экология, геология және табиғи ресурстар министрлігінің Заң қызметі департаментіне ұсынылуын қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Экология, геология және табиғи ресурстар вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Индустрия және инфрақұрылымдық

      даму министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі

Мемлекеттік экологиялық сараптама жүргізу қағидалары

1-тарау. Жалпы ережелер

      1. Осы Мемлекеттік экологиялық сараптама жүргізу қағидалары (бұдан әрі – Қағидалар) Қазақстан Республикасы Экология кодексінің (бұдан әрі – Кодекс) 89-бабының 1-тармағына сәйкес және "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Заң) 10-бабының 1) тармақшасына сәйкес әзірленді және мемлекеттік экологиялық сараптама жүргізу мен "Қоршаған ортаны қорғау саласындағы уәкілетті органмен іске асырылатын мемлекеттік экологиялық сараптама қорытындысын беру" мемлекеттік қызмет көрсету тәртібін және "Жергілікті атқарушы органдар іске асыратын мемлекеттік экологиялық сараптама қорытындысын беру" мемлекеттік қызметін айқындайды.

      2. Мемлекеттік экологиялық сараптаманы жүзеге асыратын органдар:

      Мемлекеттік экологиялық сараптама қоршаған ортаны қорғау саласындағы уәкілетті орган осы Қағидалардың 3-тармағының 3) - 8) тармақшаларында көрсетілген объектілерге қатысты ұйымдастырады және жүргізеді.

      Басқа жағдайларда мемлекеттік экологиялық сараптаманы Кодекстің 88-бабының 2-тармағына сәйкес облыстардың, республикалық маңызы бар қалалардың, астананың жергілікті атқарушы органдары ұйымдастырады және жүргізеді.

      3. Кодекстің 87-бабына және 418-бабының 2-тармағына сәйкес келесі объектілер міндетті мемлекеттік экологиялық сараптамаға жатады:

      1) I және II санаттағы объектілерді салуға және (немесе) пайдалануға арналған жобалық құжаттама және экологиялық рұқсат алу үшін Кодексте көзделген басқа да жобалық құжаттар;

      2) ІІІ санаттағы объектілерді салуға және (немесе) пайдалануға арналған жобалық құжаттама және қоршаған ортаға әсері туралы декларация дайындау үшін қажетті Кодексте көзделген басқа да жобалық құжаттар;

      3) іске асырылуы қоршаған ортаға теріс әсерін тигізуі мүмкін, орталық мемлекеттік органдар мен жергілікті өзін-өзі басқару органдары әзірлеген Қазақстан Республикасының нормативтік құқықтық актілерінің жобалары;

      3-1) 2021 жылғы 1 шілдеге дейін берілген кешенді экологиялық рұқсаттың негізінде пайдаланылатын I санаттағы объектінің эмиссиялар нормативтерінің жобалары, қалдықтарды басқару бағдарламасының жобалары

      4) "Ерекше қорғалатын табиғи аумақтар туралы" Қазақстан Республикасының Заңына сәйкес әзірленетін ерекше қорғалатын табиғи аумақтарды құру және кеңейту, олардың функционалдық аймақтарға бөлінуін және инфрақұрылымды дамытудың бас жоспарларын қоса алғанда, ерекше қорғалатын табиғи аумақтардың жерін босалқы жерге ауыстыру, республикалық және жергілікті маңызы бар мемлекеттік табиғи қаумалдар мен Республикалық маңызы бар мемлекеттік қорық аймақтарының аумақтарын, табиғат қорғау ұйымын басқару жоспарларын тарату немесе азайту жөніндегі жаратылыстану-ғылыми және техникалық-экономикалық негіздемелердің жобалары;

      5) осы аумақтарды экологиялық апат немесе экологиялық төтенше жағдай аймағына жатқызуды негіздейтін аумақтарды зерттеу материалдары;

      6) Қазақстан Республикасының халықаралық шарттарында айқындалған көршілес мемлекеттердің қоршаған ортасына әсер етуі мүмкін немесе оларды іске асыру үшін көршілес мемлекеттермен ортақ табиғи объектілерді пайдалану қажет болатын немесе көрші мемлекеттердің, оның ішінде "Байқоңыр" кешенінің мүдделеріне әсер ететін шаруашылық қызмет жобалары.

      Тасымалдағыш зымырандардың бөлінетін бөліктері құлайтын аудандарда қоршаған ортаға әсер етуге бағалау жүргізудің тәртібі мен механизмі "Тасымалдағыш зымырандардың бөлінетін бөліктері құлайтын аудандарда қоршаған ортаға әсерді бағалау әдістемесін бекіту туралы" Қазақстан Республикасы Экология және табиғи ресурстар министрінің 2023 жылғы 15 қарашадағы № 321 бұйрығымен (Нормативтік құқықтық актілерді мемлекеттік тіркеу тізілімінде № 33645 болып тіркелген) бекітілген Тасымалдағыш зымырандардың бөлінетін бөліктері құлайтын аудандарда қоршаған ортаға әсерді бағалау әдістемесі бойынша айқындалады;

      7) бұрын ядролық қару сынақ жүргізілген, сондай-ақ әскери полигондардың әсеріне ұшыраған жерлерді кешенді экологиялық зерттеу материалдары;

      8) мемлекеттік орман иеленудің және орман орналастырудың орман орналастыру жобаларын және (немесе) мемлекеттік орман қорын санаттарға жатқызу, бір санаттан екінші санатқа ауыстыру, сондай-ақ орман пайдалануға тыйым салынатын немесе шектеу қойылатын ерекше қорғаныс учаскелерін бөлу;

      9) экологиялық рұқсатты қажет етпейтін, оларға Қазақстан Республикасының заңдарында мемлекеттік экологиялық сараптаманың оң қорытындысының міндетті түрде бар болуын көздейтін қызмет түрлеріне арналған жобалық құжаттар.

      Осы тармақтың 1) тармақшасында көрсетілген мемлекеттік экологиялық сараптама объектілері бойынша мемлекеттік экологиялық сараптама экологиялық рұқсаттарды беру процедуралары шеңберінде жүргізіледі және мемлекеттік экологиялық сараптаманың жеке қорытындысы берілмейді.

      4. Мемлекеттік экологиялық сараптаманы іске асыратын органдардың қарауына ұсынылған құжаттамада жоспарланған қызметтің сипаттамасына байланысты шешімдер көрсетіледі:

      1) тиімді материалдарды, энергияны үнемдейтін, аз және қалдықсыз технологиялық процестерді енгізу немесе қолдану;

      2) табиғи ресурстарды ұтымды пайдалану мен ұдайы өндіру, өндіріс пен тұтыну қалдықтарын кешенді өңдеу және кәдеге жарату;

      3) ағынды суларды тиімді тазартуды қамтамасыз ету, оларды техникалық қажеттіліктерге пайдалану, тазартылмаған суды табиғи ағындар мен су қоймаларына, жергілікті жердің бедеріне жіберуден бас тарту сияқты тазартудың басым бағыттары;

      4) атмосфералық ауаны ластанудан қорғауға қатысты негіздейтін шаралардың пәрменділігі мен кепілділігі;

      5) топырақты, өсімдіктер мен жануарлар дүниесін сақтау мен қалпына келтіру, табиғи қорық қоры объектілерінің мәртебесін сақтау;

      6) халықты және қоршаған ортаны антропогендік физикалық, химиялық және биологиялық факторлардың зиянды әсерінен қорғауды қамтамасыз ету.

      5. Мемлекеттік экологиялық сараптамаға құжаттарды:

      1) жоспарланған қызметтің тапсырыс берушісі/бастамашысы;

      2) мемлекеттік экологиялық сараптамаға жататын нормативтік құқықтық актілердің жобаларын әзірлейтін мемлекеттік органның басшысы ұсынады.

      6. Мемлекеттік экологиялық сараптама жүргізу кезінде мемлекеттік экологиялық сараптаманы жүзеге асыратын органдар:

      1) Кодекстің 91-бабы 1-тармағының 4) тармақшасына сәйкес жобаның тапсырыс берушілерінен немесе мемлекеттік органдардан мемлекеттік экологиялық сараптаманың объектісін жан-жақты және объективті бағалау үшін маңызды қосымша қажетті материалдарды сұратады және алады;

      2) Кодекстің 93-бабының 1-тармағына сәйкес, егер мемлекеттік экологиялық сараптама жүргізу процесінде экологиялық сараптаманы жүзеге асыратын, мемлекеттік экологиялық сараптаманың сарапшыларында жоқ арнайы білім талап етілсе, сыртқы сарапшылардың сарапшылық қорытындысы алу үшін басқа мемлекеттік органдар мен ұйымдарға, сондай -ақ тиісті білімі мен тәжірибесі бар жекелеген ұлттық және халықаралық сарапшыларға жүгінуге құқығы бар;

      Сыртқы сарапшылардың қорытындысы ұсынымдық сипатқа ие.

      Сыртқы сарапшыларды тарту "Мемлекеттік сатып алу туралы" Қазақстан Республикасының Заңына сәйкес жүзеге асырылады.

      3) Кодекстің 94-бабының 4-тармағына сәйкес мемлекеттік экологиялық сараптаманы жүргізу кезінде экологиялық қауіпсіздікті қамтамасыз ету проблемаларын, қоршаған ортаны қорғау мәселелерін, табиғи ресурстарды пайдалану мен өсімін молайтуды қамтамасыз ету мәселелерін талқылау мақсатында мемлекеттік экологиялық сараптаманың Сараптамалық кеңестерінде, олардың ережелеріне сәйкес қаралады;

      4) оларды жою мақсатында дәлелді ескертпелер береді.

      7. Қоғамдық тыңдаулар "Қоғамдық тыңдаулар өткізу қағидаларын бекіту туралы" Қазақстан Республикасы Экология, геология және табиғи ресурстар министрінің міндетін атқарушының 2021 жылғы 3 тамыздағы № 286 бұйрығымен (Нормативтік құқықтық актілерді мемлекеттік тіркеу тізілімінде № 23901 болып тіркелген) бекітілген Қоғамдық тыңдауларды өткізу қағидаларына сәйкес жүргізіледі.

      8. Уәкілетті орган жүзеге асыратын мемлекеттік экологиялық сараптама ескертулер мен ұсыныстар ескеріле отырып немесе оның аумақтық бөлімшелері мамандарының қатысуымен (объектінің орналасқан жері бойынша) жүргізіледі және мынадай түрде іске асырылады:

      1) жобалау материалдары көзделіп отырған шаруашылық қызметті іске асырудың қажеттілігі, орындылығы және мүмкіндігі бөлігінде, сондай-ақ келісім бойынша ұсыныстарды әзірлей отырып, жобаны тұтастай бағалау бағаланады және талданады;

      2) аумақтық бөлімшелердің өкілдері қажет болған жағдайда, жағдайды алдын ала талдауды ұсына отырып, мемлекеттік экологиялық сараптама процесін жүргізуге қатысады. Бұл жағдайда аумақтық бөлімшелердің ескертулер мен ұсыныстарды бере отырып, материалдарды қарау мерзімі бес жұмыс күнін құрайды.

      3) ұсыныстар немесе ескертулер қалыптастырылады және жазбаша нысанда ұсынылады;

      9. Мемлекеттік экологиялық сараптаманы жүзеге асырудың оң нәтижесі осы Қағидаларға 3 және 8-қосымшаларға сәйкес нысан бойынша мемлекеттік экологиялық сараптама қорытындысын, осы Қағидаларға 4-қосымшаға сәйкес нысан бойынша III санаттағы объектілер үшін мемлекеттік экологиялық сараптама қорытындысын беру болып табылады. Қорытындыда "келіседі" деген тұжырым көрсетіледі.

      9-1. Мемлекеттік экологиялық сараптамаға ұсынылған құжаттама Қазақстан Республикасы экологиялық заңнамасының талаптарына сәйкес келмеген, дәлелді ескертулер жойылмаған жағдайда, сондай-ақ Қағидаларға 5 және 6-қосымшалардың 9-тармағында көрсетілген негіздер бойынша мемлекеттік экологиялық сараптаманың теріс қорытындысы шығарылады. Мемлекеттік экологиялық сараптаманы жүзеге асырудың нәтижесі "мемлекеттік қызмет көрсетуден бас тартады" деген тұжырыммен мемлекеттік қызмет көрсетуден дәлелді бас тарту болып табылады.

      10. Мемлекеттік экологиялық сараптаманың қорытындысына қоршаған ортаны қорғау саласындағы уәкілетті орган ведомствосының, тиісті аумақтағы уәкілетті органның оның аумақтық бөлімшелерінің немесе өз құзыреті шегінде облыстардың, республикалық маңызы бар қаланың, астананың жергілікті атқарушы органдарының сараптама бөлімшелерінің басшылары қол қояды.

2-тарау. "Қоршаған ортаны қорғау саласындағы уәкілетті орган жүзеге асыратын мемлекеттік экологиялық сараптама қорытындыларын беру" мемлекеттік қызметті көрсету тәртібі

      11. Мемлекеттік қызметті Қазақстан Республикасы Экология және табиғи ресурстар министрлігінің Экологиялық реттеу және бақылау комитеті және оның аумақтық бөлімшелері (бұдан әрі – 1- қызметті беруші 1) көрсетеді.

      12. Қызмет жеке және (немесе) заңды тұлғаларға (бұдан әрі – көрсетілетін қызметті алушы) көрсетіледі.

      13. Мемлекеттік көрсетілетін қызметті алу үшін көрсетілетін қызметті алушы 1 көрсетілетін қызметті берушіге "электрондық үкімет" веб-порталы www.egov.kz (бұдан әрі - портал) арқылы "Қоршаған ортаны қорғау саласындағы уәкілетті орган жүзеге асыратын мемлекеттік экологиялық сараптаманың қорытындысын беру" мемлекеттік қызмет көрсетуге қойылатын негізгі талаптар тізбесінің 8-тармағында көрсетілген қажетті құжаттарды қоса бере отырып, осы Қағидалардың 1-қосымшасына сәйкес нысан бойынша мемлекеттік экологиялық сараптама жүргізуге өтінім жібереді.

      осы Қағидалардың 5-қосымшасына сәйкес "Қоршаған ортаны қорғау саласындағы уәкілетті орган жүзеге асыратын мемлекеттік экологиялық сараптаманың қорытындысын беру" мемлекеттік қызмет көрсетуге қойылатын негізгі талаптар тізбесінде, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі жазылған.

      14. 1-көрсетілетін қызметті берушінің кеңсе қызметкері өтінішті қоса берілген құжаттармен бірге ол келіп түскен күні тіркейді және 1-көрсетілетін қызметті берушінің орындаушысына жолдайды.

      Жеке басты куәландыратын құжаттар, заңды тұлғаны, жеке кәсіпкерді мемлекеттік тіркеу (қайта тіркеу) туралы, қоршаған ортаға әсерді бағалау жөніндегі бөліммен және эмиссиялар нормативтерімен бірге көзделіп отырған қызмет жобаларына мемлекеттік экологиялық сараптаманың рұқсаттары, қорытындылары туралы мәліметтерді 1-көрсетілетін қызметті берушінің орындаушысы "электрондық үкімет" шлюзі арқылы тиісті мемлекеттік ақпараттық жүйелерден алады.

      Орындаушы өтініш тіркелген сәттен бастап 5 (бес) жұмыс күні ішінде ұсынылған құжаттардың толықтығын тексереді;

      ұсынылған құжаттардың толық еместігі анықталған жағдайда және (немесе) Қағидаларға 5-қосымшаның 9-тармағында көрсетілген негіздер бойынша 1-көрсетілетін қызметті берушінің орындаушысы "қабылдаудан бас тартады" деген тұжырыммен дәлелді ескертулерді көрсете отырып, өтінішті қабылдаудан дәлелді бас тартуды дайындайды, ол 1-көрсетілетін қызметті беруші басшысының электрондық цифрлық қолтаңбасы (бұдан әрі – ЭЦҚ) қойылған электрондық құжат нысанында көрсетілетін қызметті алушының порталдағы "жеке кабинетіне" жіберіледі;

      ұсынылған құжаттардың толықтығы анықталған жағдайда, 1- көрсетілетін қызметті берушінің орындаушысы қажет болған жағдайда жобалық құжаттарға ұсыныстар мен ескертулер ұсыну үшін аумақтық бөлімшеге (объектінің орналасқан жері бойынша) сұрау жолдайды;

      1–көрсетілетін қызметті берушінің аумақтық бөлімшесінің қызметкері 5 (бес) жұмыс күні ішінде жобалық құжаттарға өз ұсыныстары мен ескертулерін ұсынады;

      ұсыныстар мен ескертулерді алғаннан кейін 1-көрсетілетін қызметті берушінің орындаушысы:

      1) ұсынылған құжаттардың экологиялық заңнама талаптарына сәйкестігін қарайды;

      2) Материалдарды бағалайды және талдайды, көзделіп отырған не жүзеге асырылатын қызметтің экологиялық қауіптілік дәрежесін, сараптама объектілерін іске асыру негіздемелерінің жеткіліктілігі мен дұрыстығын анықтайды;

      3) жекелеген сараптамалық бағалауларды және мемлекеттік экологиялық сараптаманың нәтижелерін қорытады;

      "Келісіледі" деген тұжырыммен мемлекеттік экологиялық сараптама қорытындысын дайындау және беру өтініш тіркелген кезден бастап 45 (қырық бес) жұмыс күні ішінде жүзеге асырылады;

      көрсетілетін қызметті алушы 1-көрсетілетін қызметті берушінің басшысының ЭЦҚ-мен қол қойылған "келісіледі" деген тұжырыммен мемлекеттік экологиялық сараптама қорытындысын порталдағы жеке кабинетте электрондық құжат нысанында алады;

      ұсынылған құжаттардың мазмұны бойынша дәлелді ескертулер болған жағдайда, 1-көрсетілетін қызметті беруші өтініш тіркелген сәттен бастап 25 (жиырма бес) жұмыс күні ішінде оларды портал арқылы көрсетілетін қызметті алушыға пысықтау үшін жолдайды;

      көрсетілетін қызметті алушы 10 (он) жұмыс күні ішінде 1-көрсетілетін қызметті берушіге дәлелді ескертулерді алған күннен бастап пысықталған құжаттарды ұсынады;

      Көрсетілетін қызметті алушы жойған жағдайда, 1-көрсетілетін қызметті берушінің орындаушысы 10 (он) жұмыс күні ішінде "келісіледі" деген тұжырыммен мемлекеттік экологиялық сараптаманың қорытындысын дайындайды;

      Мемлекеттік қызметті көрсету нәтижесі көрсетілетін қызметті алушының порталдағы "жеке кабинетіне" 1-көрсетілетін қызметті беруші басшысының ЭЦҚ-мен қол қойылған электрондық құжат нысанында жіберіледі.

      1-көрсетілетін қызметті беруші өтініш тіркелген сәттен бастап 25 (жиырма бес) жұмыс күні ішінде көрсетілетін қызметті алушыға портал арқылы мынадай құжаттарды жібереді:

      ескертулер болмаған жағдайда, "келісіледі" деген тұжырыммен мемлекеттік экологиялық сараптаманың қорытындысы;

      ұсынылған құжаттардың мазмұны бойынша дәлелді ескертулер болған жағдайда, пысықтау үшін жолданады.

      Көрсетілетін қызметті алушы дәлелді ескертулерді алған күннен бастап 10 (он) жұмыс күні ішінде 1-көрсетілетін қызметті берушіге пысықталған құжаттарды ұсынады.

      Көрсетілетін қызметті алушы дәлелді ескертулерді жойған жағдайда, 1-көрсетілетін қызметті берушінің орындаушысы 10 (он) жұмыс күні ішінде "келісіледі" деген тұжырыммен мемлекеттік экологиялық сараптаманың қорытындысын дайындайды;

      15. 1-көрсетілетін қызметті беруші Заңның 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызмет көрсету сатысы туралы мемлекеттік қызметтер көрсету мониторингінің ақпараттық жүйесіне деректерді енгізуді қамтамасыз етеді.

3-тарау. "Жергілікті атқарушы органдар жүзеге асыратын мемлекеттік экологиялық сараптама қорытындыларын беру" мемлекеттік көрсетілетін қызметті көрсету тәртібі

      16. Мемлекеттік қызметті облыстардың, Астана, Алматы және Шымкент қалаларының жергілікті атқарушы органдары (бұдан әрі – 2 - қызметті беруші) көрсетеді.

      17. Қызмет жеке және (немесе) заңды тұлғаларға көрсетіледі.

      18. Мемлекеттік көрсетілетін қызметті алу үшін көрсетілетін қызметті алушы 2-көрсетілетін қызметті берушіге портал арқылы "Жергілікті атқарушы органдар жүзеге асыратын мемлекеттік экологиялық сараптама қорытындысын беру" мемлекеттік қызмет көрсетуге қойылатын негізгі талаптар тізбесінің 8-тармағында көрсетілген қажетті құжаттарды қоса бере отырып, осы Қағидалардың 2-қосымшасына сәйкес нысан бойынша мемлекеттік экологиялық сараптама жүргізуге өтінім жібереді.

      Мемлекеттік қызмет көрсету ерекшеліктері ескеріле отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Қағидалардың 6-қосымшасына сәйкес "Жергілікті атқарушы органдар жүзеге асыратын мемлекеттік экологиялық сараптаманың қорытындыларын беру" мемлекеттік қызмет көрсетуге қойылатын негізгі талаптар тізбесінде жазылған.

      19. III санаттағы объектілерді салу және (немесе) пайдалану жөніндегі жобалау құжаттамасына және қоршаған ортаға әсер ету туралы декларацияны дайындау кезінде қажетті өзге де жобалау құжаттарына мемлекеттік экологиялық сараптаманың қорытындысын алу үшін:

      2-көрсетілетін қызметті берушінің кеңсе қызметкері өтінішті қоса берілген құжаттармен бірге ол келіп түскен күні тіркейді және 2-көрсетілетін қызметті берушінің орындаушысына жолдайды.

      Жеке басты куәландыратын құжаттар, заңды тұлғаны, жеке кәсіпкерді мемлекеттік тіркеу (қайта тіркеу) туралы, қоршаған ортаға әсерді бағалау жөніндегі бөліммен және эмиссиялар нормативтерімен бірге көзделіп отырған қызмет жобаларына мемлекеттік экологиялық сараптаманың рұқсаттары, қорытындылары туралы мәліметтерді 2-көрсетілетін қызметті берушінің орындаушысы "электрондық үкімет" шлюзі арқылы тиісті мемлекеттік ақпараттық жүйелерден алады.

      Орындаушы өтініш тіркелген сәттен бастап 3 (үш) жұмыс күні ішінде ұсынылған құжаттардың толықтығын тексереді;

      ұсынылған құжаттардың толық еместігі анықталған жағдайда және (немесе) Қағидаларға 6-қосымшаның 9-тармағында көрсетілген негіздер бойынша, 2-көрсетілетін қызметті берушінің орындаушысы "қабылдаудан бас тартады" деген тұжырыммен дәлелді ескертулерді көрсете отырып, өтінішті қабылдаудан дәлелді бас тартуды дайындайды;

      2-көрсетілетін қызметті беруші қол қойғаннан кейін көрсетілетін қызметті алушы 2-көрсетілетін қызметті беруші басшысының ЭЦҚ қойылған өтінішті қабылдаудан дәлелді бас тартуды порталдағы жеке кабинетте электрондық құжат нысанында алады;

      ұсынылған құжаттардың толықтығын анықтаған жағдайда 2-көрсетілетін қызметті берушінің орындаушысы:

      1) ұсынылған құжаттардың экологиялық заңнама талаптарына сәйкестігін қарайды;

      2) материалдарды бағалайды және талдайды, көзделіп отырған не жүзеге асырылатын қызметтің экологиялық қауіптілік дәрежесін, сараптама объектілерін іске асыру негіздемелерінің жеткіліктілігі мен дұрыстығын анықтайды;

      3) жекелеген сараптамалық бағалауларды және мемлекеттік экологиялық сараптаманың нәтижелерін қорытады;

      ұсынылған құжаттардың мазмұны бойынша дәлелді ескертулер болмаған жағдайда, 2-көрсетілетін қызметті берушінің орындаушысы өтініш тіркелген сәттен бастап 15 (он бес) жұмыс күні ішінде "келісіледі" деген тұжырыммен мемлекеттік экологиялық сараптаманың қорытындысын дайындайды;

      2-көрсетілетін қызметті беруші қол қойғаннан кейін көрсетілетін қызметті алушы 2-көрсетілетін қызметті беруші басшысының ЭЦҚ-мен қол қойылған "келісіледі" деген тұжырыммен мемлекеттік экологиялық сараптама қорытындысын порталдағы жеке кабинетте электрондық құжат нысанында алады;

      ұсынылған құжаттардың мазмұны бойынша дәлелді ескертулер болған жағдайда, 2-көрсетілетін қызметті берушінің орындаушысы оларды портал арқылы көрсетілетін қызметті алушыға өтініш тіркелген сәттен бастап 7 (жеті) жұмыс күні ішінде пысықтау үшін жолдайды;

      көрсетілетін қызметті алушы 3 (үш) жұмыс күні ішінде 2-көрсетілетін қызметті берушіге дәлелді ескертулерді алған күннен бастап пысықталған құжаттарды ұсынады;

      көрсетілетін қызметті алушы жойған жағдайда 2-көрсетілетін қызметті берушінің орындаушысы 5 (бес) жұмыс күні ішінде "келісіледі" деген тұжырыммен мемлекеттік экологиялық сараптаманың қорытындысын дайындайды;

      Мемлекеттік қызметті көрсету нәтижесі көрсетілетін қызметті алушының "жеке кабинетіне" электрондық құжат нысанында, көрсетілетін қызметті беруші басшысының ЭЦҚ-мен жіберіледі.

      Көрсетілетін қызметті алушы дәлелді ескертулерді жоймаған жағдайда, 2-көрсетілетін қызметті берушінің орындаушысы ҚР ӘРПК 73-бабына сәйкес 2 (екі) жұмыс күні ішінде мемлекеттік қызметті көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша ұстанымын білдіру үшін тыңдау өткізілетін уақыт пен орын туралы хабарлама жібереді.

      Алдын ала шешім бойынша көрсетілетін қызметті алушының қарсылығын 2-көрсетілетін қызметті беруші оны алған күннен бастап 2 (екі) жұмыс күні ішінде қабылдайды.

      Тыңдау нәтижелері бойынша 2-көрсетілетін қызметті беруші "келісіледі" деген тұжырыммен мемлекеттік экологиялық сараптама қорытындысын дайындау туралы шешім қабылдайды немесе мемлекеттік қызмет көрсетуден дәлелді бас тартуды қалыптастырады;

      мемлекеттік қызметті көрсету нәтижесін дайындау 3 (үш) жұмыс күні ішінде жүзеге асырылады;

      мемлекеттік қызметті көрсету нәтижесі көрсетілетін қызметті алушының порталдағы "жеке кабинетіне" 2-көрсетілетін қызметті беруші басшысының ЭЦҚ қойылған электрондық құжат нысанында жіберіледі.

      20. Қазақстан Республикасының заңдарында мемлекеттік экологиялық сараптаманың оң қорытындысының міндетті болуы көзделген, экологиялық рұқсатты талап етпейтін қызмет түрлері үшін жобалық құжаттарға мемлекеттік экологиялық сараптаманың қорытындысын алу үшін:

      2-көрсетілетін қызметті берушінің кеңсе қызметкері ол келіп түскен күні қоса берілген құжаттармен бірге өтінішті тіркейді және 2-көрсетілетін қызметті берушінің орындаушысына жолдайды.

      Жеке басты куәландыратын құжаттар, заңды тұлғаны, жеке кәсіпкерді мемлекеттік тіркеу (қайта тіркеу) туралы, қоршаған ортаға әсерді бағалау жөніндегі бөліммен және эмиссиялар нормативтерімен бірге көзделіп отырған қызмет жобаларына мемлекеттік экологиялық сараптаманың рұқсаттары, қорытындылары туралы мәліметтерді 2-көрсетілетін қызметті берушінің орындаушысы "электрондық үкімет" шлюзі арқылы тиісті мемлекеттік ақпараттық жүйелерден алады.

      орындаушы өтініш тіркелген сәттен бастап 3 (үш) жұмыс күні ішінде ұсынылған құжаттардың толықтығын тексереді;

      ұсынылған құжаттардың толық еместігі анықталған жағдайда және (немесе) Қағидаларға 6-қосымшаның 9-тармағында көрсетілген негіздер бойынша, 2-көрсетілетін қызметті берушінің орындаушысы "қабылдаудан бас тартады" деген тұжырыммен дәлелді ескертулерді көрсете отырып, өтінішті қабылдаудан дәлелді бас тартуды дайындайды;

      2-көрсетілетін қызметті беруші қол қойғаннан кейін көрсетілетін қызметті алушы 2-көрсетілетін қызметті беруші басшысының ЭЦҚ қойылған өтінішті қабылдаудан дәлелді бас тартуды порталдағы жеке кабинетте электрондық құжат нысанында алады;

      ұсынылған құжаттардың толықтығын анықтаған жағдайда 2-көрсетілетін қызметті берушінің орындаушысы:

      1) ұсынылған құжаттардың экологиялық заңнама талаптарына сәйкестігін қарайды;

      2) материалдарды бағалайды және талдайды, көзделіп отырған не жүзеге асырылатын қызметтің экологиялық қауіптілік дәрежесін, сараптама объектілерін іске асыру негіздемелерінің жеткіліктілігі мен дұрыстығын анықтайды;

      3) жекелеген сараптамалық бағалауларды және мемлекеттік экологиялық сараптаманың нәтижелерін қорытады;

      ұсынылған құжаттардың мазмұны бойынша дәлелді ескертулер болмаған жағдайда, 2-көрсетілетін қызметті берушінің орындаушысы өтініш тіркелген сәттен бастап 30 (отыз) жұмыс күні ішінде "келісіледі" деген тұжырыммен мемлекеттік экологиялық сараптаманың қорытындысын дайындайды;

      қол қойылғаннан кейін 2-көрсетілетін қызметті беруші-көрсетілетін қызметті алушының "жеке кабинетіне" көрсетілетін қызметті беруші басшысының ЭЦҚ қойылған электрондық құжат нысанында "келісіледі" деген тұжырыммен мемлекеттік экологиялық сараптама қорытындысын жібереді;

      ұсынылған құжаттардың мазмұны бойынша дәлелді ескертулер болған жағдайда, 2-көрсетілетін қызметті берушінің орындаушысы оларды портал арқылы көрсетілетін қызметті алушыға өтініш тіркелген сәттен бастап 15 (он бес) жұмыс күні ішінде пысықтау үшін жолдайды;

      көрсетілетін қызметті алушы 5 (бес) жұмыс күні ішінде 2-көрсетілетін қызметті берушіге дәлелді ескертулерді алған күннен бастап пысықталған құжаттарды ұсынады;

      көрсетілетін қызметті алушы жойған жағдайда көрсетілетін қызметті берушінің орындаушысы 10 (он) жұмыс күні ішінде "келісіледі" деген тұжырыммен мемлекеттік экологиялық сараптаманың қорытындысын қалыптастырады;

      Мемлекеттік қызметті көрсету нәтижесі көрсетілетін қызметті алушының "жеке кабинетіне" электрондық құжат нысанында, 2-көрсетілетін қызметті беруші басшысының ЭЦҚ-мен жіберіледі.

      Көрсетілетін қызметті алушы дәлелді ескертулерді жоймаған жағдайда, 2-көрсетілетін қызметті берушінің орындаушысы ҚР ӘРПК 73-бабына сәйкес 7 (жеті) жұмыс күні ішінде көрсетілетін қызметті алушыға мемлекеттік қызметті көрсетуден бас тарту туралы алдын ала шешім, сондай-ақ алдын ала шешім бойынша көрсетілетін қызметті алушыға ұстанымын білдіру үшін тыңдау өткізілетін уақыт пен орын туралы хабарлама жібереді.

      Тыңдау нәтижелері бойынша 2-көрсетілетін қызметті беруші "келісіледі" деген тұжырыммен мемлекеттік экологиялық сараптама қорытындысын дайындау туралы шешім қабылдайды немесе мемлекеттік қызмет көрсетуден дәлелді бас тартуды қалыптастырады;

      мемлекеттік қызмет көрсету нәтижесін дайындау 3 (үш) жұмыс күні ішінде жүзеге асырылады;

      мемлекеттік қызметті көрсету нәтижесі көрсетілетін қызметті алушының порталдағы "жеке кабинетіне" 2-көрсетілетін қызметті беруші басшысының ЭЦҚ қойылған электрондық құжат нысанында жіберіледі.

      21. 2-көрсетілетін қызметті беруші Заңның 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызмет көрсету сатысы туралы мемлекеттік қызметтер көрсету мониторингінің ақпараттық жүйесіне деректерді енгізуді қамтамасыз етеді.

4-тарау. Көрсетілетін қызметті берушілердің және (немесе) олардың лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне(әрекетсіздігіне) шағымдану тәртібі

      22. Көрсетілетін қызметті берушінің және (немесе) оның лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану үшін шағым көрсетілетін қызметті алушының әкімшілік актіні қабылдағаны немесе әрекеттерді (әрекетсіздіктерді) жасағаны туралы белгілі болған күннен бастап 3 (үш) айдан кешіктірілмей беріледі:

      шағымды қарайтын органға (жоғары тұрған әкімшілік органға және (немесе) лауазымды адамға);

      мемлекеттік қызметтер көрсету сапасын бағалау және бақылау жөніндегі уәкілетті органға;

      осы Қағидалардың 5 және 6-қосымшаларының 7-тармағында көрсетілген мекенжай бойынша мемлекеттік қызметті тікелей көрсететін көрсетілетін қызметті беруші басшылығының атына.

      Көрсетілетін қызметті алушының шағымы Заңның 25-бабының 2-тармағына сәйкес қаралуға жатады:

      мемлекеттік қызметті тікелей көрсететін көрсетілетін қызметті беруші оны тіркеген күннен бастап 5 (бес) жұмыс күні ішінде;

      мемлекеттік қызметтерді көрсету сапасын бағалау және бақылау жөніндегі уәкілетті орган оны тіркеген күннен бастап 15 (он бес) жұмыс күні ішінде.

      Заңның 25-бабының 4-тармағына сәйкес көрсетілетін қызметті берушінің, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі қажет болған жағдайларда 10 (он) жұмыс күнінен аспайтын мерзімге ұзартылады:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу.

      Шағымды қарау мерзімі ұзартылған жағдайда, шағымдарды қарау бойынша өкілеттіктер берілген лауазымды тұлға шағымды қарау мерзімі ұзартылған кезден бастап 3 (үш) жұмыс күні ішінде шағым берген өтініш иесіне ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз нұсқасында берілген кезде) немесе электрондық нысанда (шағым электрондық түрде берілген кезде) хабарлайды.

      Шағым ҚР ӘРПК 91-бабының 4-тармағына сәйкес келіп түскен жағдайда көрсетілетін қызметті беруші шағымды қарайтын органға ол келіп түскен күннен бастап 3 (үш) жұмыс күні ішінде жібереді. Көрсетілетін қызметті беруші қолайлы акт қабылданған, шағымда көрсетілген талаптарды толық қанағаттандыратын әкімшілік іс-әрекет жасалған жағдайда, шағымды қарайтын органға шағымды жібермейді.

      Шағымды қарайтын органның шағымды қарау мерзімі шағым түскен күннен бастап 20 (жиырма) жұмыс күнін құрайды.

      23. Шағымды қарайтын органның шешімімен келіспеген жағдайда, көрсетілетін қызметті алушы шағымды қарайтын басқа органға немесе ҚР ӘРПК 100-бабының 6-тармағына сәйкес сотқа жүгінеді.

      Егер Қазақстан Республикасының заңдарында өзгеше көзделмесе ҚР ӘРПК 91-бабының 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

Мемлекеттік экологиялық сараптама жүргізуге Өтінім

Жобаға мемлекеттік экологиялық сараптама жүргізуді сұраймын

      __________________________________________________________________

      __________________________________________________________________

      (жобаның толық атауын көрсету)

      қоса берілген құжаттардың тізбесі

      __________________________________________________________________

      __________________________________________________________________

      Материалдарда құпия ақпарат жоқ.

      _______________________

      (қолы)

      _____________________________________________________________

      (лауазым, тегі, аты, әкесінің аты (бар болған жағдайда)

      "___" ____________ 20___ж.

III санаттағы объектілер үшін мемлекеттік экологиялық сараптама жүргізуге Өтінім

Жобаға мемлекеттік экологиялық сараптама жүргізуді сұраймын

      __________________________________________________________________

      __________________________________________________________________

                        (жобаның толық атауын көрсету)

      қоса берілген құжаттардың тізбесі

      __________________________________________________________________

      __________________________________________________________________

      Материалдарда құпия ақпарат жоқ.

      Өндірістік объектінің қоршаған ортаны ластайтын көздері бар өнеркәсіптік алаңдарының орналасқан жері туралы деректер:

      1-кесте. Өнеркәсіптік алаңдардың орналасқан жері туралы деректер

      Ластаушы заттар мен қалдықтар шығарындылары мөлшерінің жылдар бойынша декларацияланатын лимиттері:

      2-кесте. Атмосфералық ауаға ластаушы заттар шығарындыларының декларацияланатын мөлшері (г/сек, т/жыл)

      3-кесте. Қауіпті қалдықтардың декларацияланатын саны (т/жыл)

      4-кесте. Қауіпсіз қалдықтардың декларацияланатын саны

      _______________________

      (қолы)

      _____________________________________________________________

      (лауазым, тегі, аты, әкесінің аты (бар болған жағдайда)

      "___" ____________ 20___ж.

      Ескерту. 3-қосымша жаңа редакцияда - ҚР Экология және табиғи ресурстар министрінің м.а. 30.05.2025 № 142 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Мемлекеттік экологиялық сараптаманың қорытындысы

Мемлекеттік экологиялық сараптаманың қорытындысы

      _____________________________________________________________

      (жобалау құжаттамасының атауы)

      Материалдар әзірленді_______________________________________________

                              (әзірлеуші-жобалау ұйымының толық атауы)

      Жоба материалдарының тапсырыс берушісі____________________________

                              (тапсырыс беруші-ұйымның толық атауы)

      Мемлекеттік экологиялық сараптаманың қарауына мыналар ұсынылды:

      _________________________________________________________________

      (жобалау құжаттамасының атауы, ұсынылған материалдардың, басқа

      құжаттардың жиынтықтылығын аудару)

      Материалдар қарауға келіп түсті "___" ___ 20__ жылы № __________

      (Кірісті тіркеу күні, нөмірі)

      Қоғамдық тыңдаулар туралы ақпарат ____________________________

      Жалпы мәліметтер:

      Сараптама объектісі орналасқан ауданның физикалық-географиялық жағдайларының, қоршаған ортаның фондық жай-күйінің, негізгі техникалық, технологиялық шешімдердің қысқаша сипаттамасы, оның ішінде қоршаған ортаға теріс әсер ететін технологиялық процестің сипаттамасы, қазіргі заманғы технологиялардың үздік аналогтарымен салыстырғанда балама нұсқаларды қарау.

      Ескерту: нормативтік құқықтық актілерге қатысты мемлекеттік экологиялық сараптама жүргізу кезінде "Жалпы мәліметтер" бөлімінің ережелері аталған сараптама объектісі түріне қолданылмайтындығына байланысты толтырылмайды.

      Тұжырым. Мемлекеттік экологиялық сараптама (жобалау құжаттамасының атауы) келіседі".

      _______________________

      (қолы)

      ____________________________________________________________

      (лауазымы, тегі, аты, әкесінің аты (бар болса)

III санаттағы объектілер үшін мемлекеттік экологиялық сараптаманың қорытындысы

Мемлекеттік экологиялық сараптаманың қорытындысы

      _______________________________________________________________

      (жобалау құжаттамасының атауы)

      Материалдар әзірленді ____________________________________________

      (әзірлеуші-жобалау ұйымының толық атауы)

      Жоба материалдарының тапсырыс берушісі ____________________________________

      (Тапсырыс беруші-ұйымның толық атауы)

      Мемлекеттік экологиялық сараптаманың қарауына мыналар ұсынылды:

      __________________________________________________________________

      (жобалау құжаттамасының атауы, ұсынылған материалдардың, басқа құжаттардың

      жиынтықтылығын аудару)

      Материалдар қарауға келіп түсті _______________________ 20__ жылы

      (Кірісті тіркеу күні, нөмірі)

      Жалпы мәліметтер:

      Сараптама объектісі орналасқан ауданның физикалық-географиялық жағдайларының, қоршаған ортаның фондық жай-күйінің, негізгі техникалық, технологиялық шешімдердің қысқаша сипаттамасы, оның ішінде қоршаған ортаға теріс әсер ететін технологиялық процестің сипаттамасы, қазіргі заманғы технологиялардың үздік аналогтарымен салыстырғанда балама нұсқаларды қарау. Ластаушы заттар мен қалдықтар шығарындылары мөлшерінің жылдар бойынша декларацияланатын лимиттері:

      1-кесте. Атмосфералық ауаға ластаушы заттар шығарындыларының декларацияланатын мөлшері (г/сек, т/жыл)

      2-кесте. Қауіпті қалдықтардың декларацияланатын саны

      3-кесте. Қауіпсіз қалдықтардың декларацияланатын саны

      Қорытынды

      Мемлекеттік экологиялық сараптаманы жүзеге асыру нәтижесі "келісіледі/келісілмейді" деген тұжырымы бар қорытынды болып табылады.

      _______________________

      (қолы)

      _____________________________________________________________

      (лауазым, тегі, аты, әкесінің аты (бар болған жағдайда)

      Ескерту. 5-қосымша жаңа редакцияда - ҚР Экология және табиғи ресурстар министрінің м.а. 30.05.2025 № 142 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту. 6-қосымша жаңа редакцияда - ҚР Экология және табиғи ресурстар министрінің м.а. 30.05.2025 № 142 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту. Бұйрық 7-қосымшамен толықтырылды - ҚР Экология және табиғи ресурстар министрінің м.а. 30.05.2025 № 142 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

2021 жылғы 1 шілдеге дейін берілген кешенді экологиялық рұқсат негізінде пайдаланылатын I санаттағы объектінің эмиссиялар нормативтерінің жобаларына, қалдықтарды басқару бағдарламасының жобаларына мемлекеттік экологиялық сараптама жүргізуге арналған өтінімге түсіндірме жазба

Түсіндірме жазба

      __________________________________________________________________

      __________________________________________________________________

      (жобаның толық атауын көрсету)

      Қоса беріліп отырған құжаттардың тізбесі:

      __________________________________________________________________

      __________________________________________________________________

      Материалдарда құпия ақпарат жоқ.

      Объект туралы жалпы мәліметтер.

      1-кесте. Объекттің сипаттамасы

      Ескертпе:

      3-жол – Қазақстан Республикасының Экология кодексінің 2-қосымшасының 1-бөліміне сәйкес объект көрсетіледі. Кәсіпорында I санаттағы басқа объектілер болған жағдайда объект қызметтің негізгі түріне сәйкес көрсетіледі.

      4-жол – өтініштің қажетті түрі "X" белгісімен белгіленеді.

      7-жол – басқа елдің қоршаған ортасына елеулі теріс әсерді есепке алу қажеттігі көрсетіледі.

      8-жол – 2021 жылдың 1 шілдесіне дейін кешенді экологиялық рұқсат берілген объектінің және оның негізгі технологиялық бөліктерін және меншік құқығы немесе өзге де заңды негізде пайдаланылатын бір өнеркәсіптік алаңда немесе іргелес учаскелерде орналасқан онымен байланысты қызмет түрлерін қоса алғанда, тұтастай алғанда өндірістік процестің қысқаша сипаттамасы беріледі.

      9-жол – объект бойынша жоспарланған өзгерістер, эмиссиялардың жалпы нормативтерін және қалдықтарды көму лимиттерін түзету және өзгерту себептері көрсетіледі.

      10-жол – ең үздік қолжетімді технологияларға көшу бағдарламасының орындалған іс-шаралары бойынша, сондай-ақ себептерін көрсете отырып, орындалмаған іс-шаралар бойынша ақпарат беріледі.

Өндірістік объектінің қоршаған ортасын ластау көздері орналасқан өнеркәсіптік алаңдардың орналасқан жері туралы деректер:

      2-кесте. Өнеркәсіптік алаңдардың орналасқан жері туралы деректер

      Сұратылатын эмиссиялар және экологиялық әсер:

      3-кесте. Ластағыш заттар шығарындыларының нормативтері

      Ескертпе аббревиатуралардың толық жазылуы: г/сек - секундына грамм; т/жыл – жылына тонна.

      4-кесте. Ластағыш заттарды төгу нормативтері

      Ескертпе: аббревиатуралардың толық жазылуы: м³/с – сағатына текше метр; м³/жыл – жылына текше метр; мг/дм³- текше дециметрге миллиграмм; г/с – сағатына грамм; т/жыл – тонна жылына.

      5-кесте. Қалдықтарды жинақтау лимиттері

      Ескертпе: аббревиатуралардың толық жазылуы: т/жыл –тонна жылына.

      6-кесте. Қалдықтарды көму лимиттері

      Ескертпе: аббревиатуралардың толық жазылуы: т/жыл – тонна жылына.

      _______________________

      (қолы)

      _____________________________________________________________

      (лауазымы, тегі, аты, әкесінің аты (бар болса)

      "___" ____________ 20___ж.

      Ескерту. Бұйрық 8-қосымшамен толықтырылды - ҚР Экология және табиғи ресурстар министрінің м.а. 30.05.2025 № 142 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

2021 жылғы 1 шілдеге дейін берілген кешенді экологиялық рұқсат негізінде пайдаланылатын эмиссиялар нормативтерінің жобаларына, I санаттағы объектінің қалдықтарды басқару бағдарламасының жобаларына мемлекеттік экологиялық сараптаманың қорытындысы

Мемлекеттік экологиялық сараптаманың қорытындысы

      _____________________________________________________________

      (жобалық құжаттаманың атауы)

      Әзірлеуші _____________________________________________________

      (әзірлеуші жобалау ұйымының толық атауы)

      Жоба материалдарының тапсырыс берушісі_______________________________

                                          (тапсырыс беруші-ұйымның толық атауы)

      Мемлекеттік экологиялық сараптаманың қарауына мыналар ұсынылды:

      _________________________________________________________________

      (жобалау құжаттамасының атауы, ұсынылған материалдардың, басқа құжаттардың

      жиынтықтылығын аудару)

      Материалдар қарауға келіп түсті _______________________ 20__ жылы

      № __________

      (Кірісті тіркеу күні, нөмірі)

      Қоғамдық тыңдаулар туралы ақпарат ____________________________

      Жалпы мәліметтер:

      Сараптама объектісі орналасқан ауданның физикалық-географиялық жағдайларының, қоршаған ортаның фондық жай-күйінің, негізгі техникалық, технологиялық шешімдердің қысқаша сипаттамасы, оның ішінде қоршаған ортаға теріс әсер ететін технологиялық процестің сипаттамасы, қазіргі заманғы технологиялардың үздік аналогтарымен салыстырғанда балама нұсқаларды қарау.

      Жылдар бойынша қоршаған ортаға эмиссиялар нормативтері:

      1-кесте. Атмосфералық ауаға ластаушы заттардың жол берілетін шығарындыларының нормативтері

      Ескертпе: аббревиатуралардың толық жазылуы: г/сек – секундына грамм; т/жыл – тонна жылына; мг/м³- текше метрге миллиграмм.

      2-кесте. Ластағыш заттарды төгу нормативтері

      Ескертпе: аббревиатуралардың толық жазылуы: м³/сағ – сағатына текше метр; м³/жыл – жылына текше метр; мг/дм³- текше дециметрге миллиграмм; г/с – сағатына грамм; т/жыл – тонна жылына.

      3-кесте. Қалдықтарды жинақтау лимиттері

      Ескертпе: аббревиатуралардың толық жазылуы: т/жыл – тонна жылына.

      4-кесте. Қалдықтарды көму лимиттері

      Ескертпе: аббревиатуралардың толық жазылуы: т/жыл – тонна жылына.

      Тұжырым. Мемлекеттік экологиялық сараптама (жобалық құжаттаманың атауы) келіседі.

      _______________________

      (қолы)

      _____________________________________________________________

      (лауазымы, тегі, аты, әкесінің аты (бар болса)

      20___жылғы "___" ____________

Қазақстан Республикасы Энергетика министрінің күші жойылған кейбір бұйрықтарының тізбесі

      1. "Мемлекеттік экологиялық сараптама жүргізу қағидаларын бекіту туралы" Қазақстан Республикасы Энергетика министрінің 2015 жылғы 16 ақпандағы № 100 бұйрығы (Нормативтік құқықтық актілерді мемлекеттік тіркеу тізілімінде № 11021 болып тіркелген);

      2. "Мемлекеттік экологиялық сараптама жүргізу қағидаларын бекіту туралы" Қазақстан Республикасы Энергетика министрінің 2015 жылғы 16 ақпандағы № 100 бұйрығына өзгерістер енгізу туралы" Қазақстан Республикасы Энергетика министрінің 2017 жылғы 28 ақпандағы № 145 бұйрығы (Нормативтік құқықтық актілерді мемлекеттік тіркеу тізілімінде № 15189 болып тіркелген);

      3. "Мемлекеттік экологиялық сараптама жүргізу қағидаларын бекіту туралы" Қазақстан Республикасы Энергетика министрінің 2015 жылғы 16 ақпандағы № 100 бұйрығына өзгерістер мен толықтырулар енгізу туралы" Қазақстан Республикасы Энергетика министрінің 2018 жылғы 13 шілдедегі № 270 бұйрығы (Нормативтік құқықтық актілерді мемлекеттік тіркеу тізілімінде № 17285 болып тіркелген).