ЗҚАИ-ның ескертпесі!
      Осы қаулының қолданысқа енгізілу тәртібін 6 т. қараңыз

      "Қазақстан Республикасындағы кредиттік бюролар және кредиттік тарихты қалыптастыру туралы" 2004 жылғы 6 шілдедегі, "Мемлекеттік көрсетілетін қызметтер туралы" 2013 жылғы 15 сәуірдегі және "Рұқсаттар және хабарламалар туралы" 2014 жылғы 16 мамырдағы Қазақстан Республикасының заңдарына сәйкес Қазақстан Республикасының Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:

      1. Қоса беріліп отырған Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру қағидалары бекітілсін.

      2. Мыналардың:

      1) "Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 28 қазандағы № 263 қаулысының (Нормативтік құқықтық актілерді мемлекеттік тіркеу тізілімінде № 14840 болып тіркелген, 2017 жылғы 29 наурызда Қазақстан Республикасы нормативтік құқықтық актілерінің эталондық бақылау банкінде жарияланған).

      2) "Қазақстан Республикасының кейбір нормативтік құқықтық актілеріне қаржы нарығын реттеу мәселелері бойынша өзгерістер енгізу туралы" Қазақстан Республикасы Ұлттық Банкі Басқармасының 2018 жылғы 3 шілдедегі № 157 қаулысымен бекітілген Қазақстан Республикасының қаржы нарығын реттеу мәселелері бойынша өзгерістер енгізілетін нормативтік құқықтық актілерінің тізбесі 8-тармағының (Нормативтік құқықтық актілерді мемлекеттік тіркеу тізілімінде № 17559 болып тіркелген, 2018 жылғы 22 қазанда Қазақстан Республикасы нормативтік құқықтық актілерінің эталондық бақылау банкінде жарияланған) күші жойылды деп танылсын.

      3. Банктерді реттеу департаменті Қазақстан Республикасының заңнамасында белгіленген тәртіппен:

      1) Заң департаментімен бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулы ресми жарияланғаннан кейін оны Қазақстан Республикасының Қаржы нарығын реттеу және дамыту агенттігінің ресми интернет-ресурсына орналастыруды қамтамасыз етсін;

      3) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2) тармақшасында және 4-тармағында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Халықаралық қатынастар және сыртқы коммуникациялар басқармасы осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

      5. Осы қаулының орындалуын бақылау Қазақстан Республикасының Қаржы нарығын реттеу және дамыту агенттігі Төрағасының жетекшілік ететін орынбасарына жүктелсін.

      6. Осы қаулы алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Ұлттық экономика министрлігі

      __________________________

      2020 жылғы "___" __________

      "КЕЛІСІЛДІ"

      Қазақстан Республикасының

      Цифрлық даму, инновациялар

      және аэроғарыш өнеркәсібі

      министрлігі

      _________________________

      2020 жылғы "___" _________

Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру қағидалары

1-тарау. Жалпы ережелер

      1. Осы Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру қағидалары (бұдан әрі – Қағидалар) "Қазақстан Республикасындағы кредиттік бюролар және кредиттік тарихты қалыптастыру туралы" 2004 жылғы 6 шілдедегі (бұдан әрі – Кредиттік бюро туралы заң), "Мемлекеттік көрсетілетін қызметтер туралы" 2013 жылғы 15 сәуірдегі (бұдан әрі – Мемлекеттік көрсетілетін қызметтер туралы заң) және "Рұқсаттар және хабарламалар туралы" 2014 жылғы 16 мамырдағы Қазақстан Республикасының заңдарына сәйкес әзірленді.

      2. Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беруді (бұдан әрі – рұқсат, мемлекеттік көрсетілетін қызмет) қаржы нарығын және қаржы ұйымдарын реттеу, бақылау және қадағалау жөніндегі уәкілетті орган (бұдан әрі – уәкілетті орган, көрсетілетін қызметті беруші) жүзеге асырады.

      Қағидаларда пайдаланылатын ұғымдар Кредиттік бюро туралы заңда, Мемлекеттік көрсетілетін қызметтер туралы заңда және "Ақпараттандыру туралы" 2015 жылғы 24 қарашадағы Қазақстан Республикасының заңында көрсетілген мәндермен қолданылады.

2-тарау. Рұқсат беру тәртібі

      3. Заңды тұлға (бұдан әрі – өтініш беруші, көрсетілетін қызметті алушы) осы Қағидаларға 1-қосымшаға сәйкес нысан бойынша берілген рұқсатты алу үшін уәкілетті органға Қағидаларға 2-қосымшаға сәйкес нысан бойынша берілген рұқсатты беру туралы өтінішті "Электрондық үкіметтің" www.egov.kz, www.elicense.kz веб-порталы (бұдан әрі – портал) арқылы жібереді.

      Мемлекеттік қызмет көрсетуге қажетті құжаттар тізбесі, мемлекеттік қызмет көрсетуден бас тарту себептері, көрсету процесін, нысанын, мазмұны мен нәтижесін қамтитын мемлекеттік қызмет көрсетуге негізгі талаптар тізбесі, сондай-ақ мемлекеттік қызмет көрсету ерекшеліктерін ескере отырып, өзге де мәліметтер және мемлекеттік қызмет көрсету мерзімі осы Қағидаларға 3-қосымшаға сәйкес "Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру" мемлекеттік көрсетілетін қызмет стандартында (бұдан әрі - Стандарт) келтірілген.

      4. Көрсетілетін қызметті берушінің хат-хабарды қабылдауға және тіркеуге уәкілетті қызметкері өтініш түскен күні оны қабылдау мен тіркеуді және мемлекеттік қызмет көрсетуге жауапты бөлімшеге (бұдан әрі – жауапты бөлімше) жіберуді жүзеге асырады. Көрсетілетін қызметті алушы жұмыс уақыты аяқталғаннан кейін, демалыс және мереке күндері өтініш жасаған кезде 2015 жылғы 23 қарашадағы Қазақстан Республикасының Еңбек кодексіне сәйкес өтініштерді қабылдау келесі жұмыс күні жүзеге асырылады.

      Өтініш беруші портал арқылы өтініш жіберген кезде "жеке кабинетте" нәтижені алу күні мен уақытын көрсете отырып, мемлекеттік қызмет көрсетуге сұратуды қабылдау туралы мәртебе автоматты түрде көрсетіледі.

      5. Жауапты бөлімшенің қызметкері құжаттар келіп түскеннен кейін 1 (бір) жұмыс күні ішінде ұсынылған құжаттардың толықтығын тексереді.

      Ұсынылған құжаттардың толық болмау фактісі анықталған жағдайда жауапты бөлімшенің қызметкері өтінішті одан әрі қараудан жазбаша дәлелді бас тартуды көрсетілген мерзімде дайындап, көрсетілетін қызметті берушіге жібереді. Көрсетілетін қызметті беруші Қазақстан Республикасының резидент заңды тұлғасын мемлекеттік тіркеу (қайта тіркеу) туралы құжаттарда көрсетілген мәліметтерді "электрондық үкіметтің" төлем шлюзі арқылы тиісті мемлекеттік ақпараттық жүйелерден алады.

      Ұсынылған құжаттардың толық болу фактісі анықталған жағдайда жауапты бөлімшенің қызметкері 2 (екі) жұмыс күні ішінде құжаттардың Қазақстан Республикасындағы кредиттік бюролар және кредиттік тарихты қалыптастыру туралы заңнаманың талаптарына сәйкестігіне қарайды және осы Қағидаларға 4-қосымшаға сәйкес нысан бойынша көрсетілетін қызметті алушының кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні (бұдан әрі – сәйкестік туралы акт) алу үшін ұсынған құжаттарын уәкілетті органның комиссиясына (бұдан әрі – Комиссия) жібереді.

      6. Комиссия 10 (он) жұмыс күні ішінде өтініш берушіні тексеруді, сәйкестік туралы актіні дайындау мен қол қоюды жүргізеді.

      Сәйкестік туралы актіні уәкілетті органның комиссиясы жасайды және тексерілетін кредиттік бюроның өкіліне қол қоюға жіберіледі. Егер комиссия мүшесі қабылданған шешіммен келіспесе және сәйкестігі туралы актіге қол қоймаса, онда ол өзінің бас тарту себептері туралы ақпаратты комиссияға жазбаша нысанда ұсынады, ол сәйкестік туралы актіге қоса беріледі.

      Сәйкестік туралы акті Комиссия мүшелерінің үштен екісінің қолы болған жағдайда жасалған болып саналады.

      Комиссия және оның құрамы туралы ереже, сондай-ақ тексеру жүргізу регламенті уәкілетті органның бұйрығымен бекітіледі.

      7. Жауапты бөлімшенің қызметкері Комиссия сәйкестік туралы актіні ұсынғаннан кейін 5 (бес) жұмыс күні ішінде оны қарайды.

      Мемлекеттік қызметті көрсетуден бас тарту үшін негіздер анықталған кезде уәкілетті орган көрсетілетін қызметті алушыға мемлекеттік қызметті көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігін беру үшін тыңдауды өткізу уақыты мен орны (тәсілі) туралы хабарлайды.

      Тыңдау туралы хабарлама мемлекеттік қызмет көрсетуден бас тарту туралы шешім қабылданғанға дейін кемінде 3 (үш) жұмыс күні бұрын жіберіледі. Тыңдау көрсетілетін қызметті алушы мемлекеттік қызмет көрсетуден бас тарту туралы алдын ала шешім туралы хабарламаны алған күннен бастап 2 (екі) жұмыс күнінен кешіктірілмей жүргізіледі.

      Көрсетілетін қызметті алушы ұсынған құжаттарды қарау, тыңдау нәтижелері бойынша жауапты бөлімше рұқсат жобасын және рұқсат беруден бас тартуды дайындайды, көрсетілетін қызметті берушінің уәкілетті тұлғасына қарауға жібереді. Көрсетілетін қызметті берушінің уәкілетті тұлғасы рұқсат жобасына не рұқсат беруден бас тартуға қол қояды.

      Жауапты бөлімшенің қызметкері көрсетілетін қызметті берушінің уәкілетті тұлғасы рұқсат жобасына не рұқсат беруден бас тартуға қол қойғаннан кейін 1 (бір) жұмыс күні ішінде көрсетілетін қызметті алушының "жеке кабинетіне" сәйкестік туралы актімен қоса рұқсатты не рұқсат беруден бас тарту туралы хабарламаны жібереді.

      Көрсетілетін қызметті алушы Стандарттың 8-тармағында көрсетілген рұқсатты алуға арналған құжаттарды ұсынған жағдайда және кредиттік бюро Кредиттік бюро туралы заңның 8-бабында белгіленген талаптарға сәйкес келген жағдайда, көрсетілетін қызметті алушыға осы Қағидаларға 1-қосымшаға сәйкес нысан бойынша рұқсат және осы Қағидаларға 4-қосымшаға сәйкес нысан бойынша сәйкестік туралы акті көрсетілетін қызметті берушінің уәкілетті тұлғасының электрондық цифрлық қолтаңбасымен (бұдан әрі − ЭЦҚ) қол қойылған құжаттардың электрондық көшірмелері нысанында беріледі.

      Порталда мемлекеттік көрсетілетін қызмет нәтижесі көрсетілетін қызметті алушының "жеке кабинетіне" көрсетілетін қызметті берушінің уәкілетті тұлғасының ЭЦҚ-мен куәландырылған электрондық құжат нысанында жіберіледі.

      Мемлекеттік қызметті көрсетуден бас тартуға негіздер болған кезде өтінішті қарау мерзімі көрсетілетін қызметті беруші басшысының немесе оның орынбасарының дәлелді шешімімен тиімді мерзімге, бірақ өтінішті дұрыс қарау үшін маңызы бар нақты мән-жайларды анықтау қажеттілігіне байланысты 2 (екі) айдан аспайтын мерзімге ұзартылуы мүмкін, бұл туралы Қазақстан Республикасы Әкімшілік рәсімдік-процестік кодексінің 76-бабының 3-тармағына сәйкес мерзім ұзартылған күннен бастап 3 (үш) жұмыс күні ішінде көрсетілетін қызметті алушыға хабарланады.

      8. Рұқсат және сәйкестік туралы актіні уәкілетті орган шектеусіз мерзімге береді.

      9. Мемлекеттік қызмет көрсету кезеңі туралы ақпарат мемлекеттік қызмет көрсету мониторингінің ақпараттық жүйесінде автоматты режимде жаңартылады.

3-тарау. Көрсетілетін қызметті берушінің және (немесе) оның лауазымды тұлғаларының мемлекеттік қызмет көрсету мәселелері бойынша шешімдеріне, іс-әрекеттеріне (әрекетсіздігіне) шағымдану тәртібі

      10. Көрсетілетін қызметті берушінің және (немесе) оның лауазымды тұлғаларының мемлекеттік қызмет көрсету мәселелері бойынша шешімдеріне шағымдану жазбаша түрде жүргізіледі.

      Мемлекеттік қызмет көрсету мәселелері бойынша шағымды қарауды көрсетілетін қызметті берушінің жоғары тұрған лауазымды адамы, мемлекеттік қызметтер көрсету сапасын бағалау және бақылау жөніндегі уәкілетті орган жүргізеді.

      Шағымды қабылдаған адамның аты-жөні, берілген шағымға жауап алу мерзімі мен орны көрсетіле отырып көрсетілетін қызметті берушінің кеңсесінде тіркеу (мөртаңба, кіріс нөмірі мен күні) шағымның қабылданғанын растау болып табылады.

      Портал арқылы жүгінген кезде шағымдану тәртібі туралы ақпаратты: 8-800-080-7777 немесе 1414 телефоны бойынша Бірыңғай байланыс орталығына хабарласу арқылы алуға болады.

      Шағымды портал арқылы көрсетілетін қызметті алушыға "жеке кабинеттен" жіберген кезде, көрсетілетін қызметті беруші өтінішті өңдеу кезінде жаңартылатын өтініш туралы ақпаратқа (жеткізілім, тіркеу, орындау туралы жазбалар, қарауға жауап немесе қараудан бас тарту туралы жауап) қол жеткізуге болады.

      Көрсетілетін қызметті алушының мемлекеттік қызмет көрсету туралы көрсетілетін қызметті берушіге келіп түскен шағымы ол тіркелген күнінен бастап 5 (бес) жұмыс күні ішінде қаралады.

      Көрсетілетін қызметті алушының мемлекеттік қызмет көрсету сапасын бағалау және бақылау жөніндегі уәкілетті органның атына келіп түскен шағымы ол тіркелген күнінен бастап 15 (он бес) жұмыс күні ішінде қаралады.

      11. Шағымда:

      1) көрсетілетін қызметті алушының тегі, аты, әкесінің аты (бар болса), пошталық мекенжайы, бизнес-сәйкестендіру нөмірі;

      2) көрсетілетін қызметті берушінің атауы және (немесе) шешіміне, әрекетіне (әрекетсіздігіне) шағым жасалып отырған лауазымды адамның тегі, аты, әкесінің аты (бар болса);

      3) шағым беруші тұлға өзінің талаптары мен дәлелдемелерін негіздейтін жағдайлар;

      4) шағымның шығыс нөмірі және берілген күні;

      5) шағымға қоса берілетін құжаттардың тізбесі көрсетіледі.

      Шағымға көрсетілетін қызметті алушы не оның өкілі болып табылатын тұлға қол қояды.

      12. Егер заңда өзгеше көзделмесе, сотқа дейінгі тәртіппен шағым жасалғаннан кейін сотқа жүгінуге жол беріледі.

Қазақстан Республикасының елтаңбасы

      Уәкілетті органның толық атауы

Кредиттік бюро қызметін жүзеге асыру құқығына рұқсат

      _________________________________________________________________

      (кредиттік бюроның толық атауы)

      Төраға (Төрағаның орынбасары)

      Мөр орны

      Алматы қаласы

_________________________________________________________________________ -ға (уәкілетті органның толық атауы) ________________________________________________________________________ -дан (өтініш берушінің/ көрсетілетін қызметті алушының толық атауы) Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру туралы өтініш

      Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беруді сұраймын.

      Өтініш беруші туралы мәліметтер:

      1. Өтініш берушінің орналасқан жері (нақты мекенжайы)

      __________________________________________________________________________

      __________________________________________________________________________

      (индексі, облысы, қаласы, ауданы, көшесі, үйдің нөмірі, бизнес-сәйкестендіру нөмірі,

      телефоны нөмірі, факсы)

      2. Кредиттік бюроның бірінші басшысы және бас бухгалтері туралы мәліметтер

      _________________________________________________________________________

      _________________________________________________________________________

      (тегі, аты, әкесінің аты (ол бар болса), туылған жылы және күні, байланыс

      телефондарының нөмірлері, жеке сәйкестендіру нөмірі (бар болса)

      3. Кредиттік бюроның акционерлері (құрылтайшылары, қатысушылары) туралы мәліметтер:

      тегі, аты, әкесінің аты (ол бар болса), туылған жылы және күні, байланыс

      телефондарының нөмірлері, жеке сәйкестендіру нөмірі (бар болса)

      ________________________________________________________________________;

      заңды тұлғалар үшін: толық атауы, мемлекеттік тіркеу (қайта тіркеу) туралы

      мәліметтер, жарғылық капиталының мөлшері, бизнес-сәйкестендіру нөмірі

      (бар болса )

      ________________________________________________________________________.

      4. Толық төленгенін растайтын құжаттардың: төлем тапсырмаларының, кассалық кіріс ордерінің деректемелерін көрсете отырып жарғылық капиталдың мөлшері (акционерлік қоғам ұйымдық-құқықтық нысанындағы заңды тұлғаларды қоспағанда)

      ________________________________________________________________________.

      5. Жарияланған акциялардың шығарылымын мемлекеттік тіркеу туралы куәліктің нөмірі және күні (акционерлік қоғам ұйымдық-құқықтық нысанындағы заңды тұлғалар үшін)

      __________________________________________________________________________

      _________________________________________________________________________.

      6. Жіберілетін құжаттардың тізбесі, олардың әрқайсысы бойынша даналары мен парақтарының саны

      __________________________________________________________________________

      _________________________________________________________________________.

      Өтініш беруші өтінішке қоса берілетін құжаттардың (ақпараттың) дәйектілігін толығымен растайды.

      Өтініш беру үшін өтініш беруші уәкілеттік берген адамның тегі, аты, әкесінің аты

      (ол бар болса), лауазымы

      __________________________________________________________________________

      ________________

      (қолы)

      Ақпараттық жүйелерде қамтылатын, заңмен қорғалатын құпияны құрайтын мәліметтерді пайдалануға келісемін.

      20__ жылғы "___" _______________

"Кредиттік бюро қызметін жүзеге асыру құқығына рұқсат және кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні беру" мемлекеттік көрсетілетін қызмет стандарты

      ________________________________________

      (кредиттік бюроның атауы)

кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға сәйкестігі туралы

Акт

      Осы кредиттік тарихтардың деректер базасын, пайдаланылатын ақпараттық жүйелерді қорғау және олардың сақталуын қамтамасыз ету жөніндегі кредиттік бюроға және үй-жайларға қойылатын талаптарға кредиттік бюроның сәйкестігі туралы актіні мынадай құрамдағы комиссия жасады:

      уәкілетті органның өкілдері:

      __________________________________________________________________________

      _________________________________________________________________________.

      Комиссияның жұмысына кредиттік тарихтарды қалыптастыру және оларды пайдалану жүйесі қатысушысының өкілдері қатысады:

      __________________________________________________________________________

      _________________________________________________________________________.

      Комиссия тексерген объектілердің және зерделеген құжаттардың толық сипаты:

      __________________________________________________________________________

      _________________________________________________________________________.

      Кредиттік тарихтарды қалыптастыру және оларды пайдалану жүйесі қатысушысының өкілдері түсіндірмелерінің қысқаша мазмұны:

      __________________________________________________________________________

      _________________________________________________________________________.

      Комиссияның кредиттік бюроның техникалық және өзге құжаттарын тексеруінен, оның техникалық үй-жайларын, электрондық-компьютерлік жабдығын, байланыс жүйелері мен қорғаныш құрылғыларын және кредиттік тарихтарды қалыптастыру және оларды пайдалану жүйесіндегі жұмысқа арналған өзге объектілерді тексеруінен мыналар анықталды:

      __________________________________________________________________________

      _________________________________________________________________________.

      (қойылатын талаптарға сәйкес келуі (сәйкес келмеуі) және ұйымның ақпараттық қызметтер нарығындағы қызметін бастау (жалғастыру) үшін жеткілікті болуы (жеткіліксіз болуы).

      Кредиттік бюроға комиссияның актісіне қоса берілген мынадай техникалық құжаттама және өзге құжаттар ұсынылды:

      ____________________________________________________________________

      ____________________________________________________________________.

      Комиссия мүшелері:

      __________ _________________________________________________________

      (лауазымы)             (тегі, аты, әкесінің аты (ол бар болса))

      ______________________

      келісілді (келісілген жоқ)

      __________ _________________________________________________________

      (лауазымы)             (тегі, аты, әкесінің аты (ол бар болса))

      ______________________

      келісілді (келісілген жоқ)

      __________ _________________________________________________________

      (лауазымы)             (тегі, аты, әкесінің аты (ол бар болса))

      ______________________

      келісілді (келісілген жоқ)

      Комиссия жетекшісі:

      ____________________________________________________________________

                        (электрондық цифрлық қолтаңба)