Қазақстан Республикасының Жоғары аудиторлық палатасы (бұдан әрі – Жоғары аудиторлық палата) "Мемлекеттік аудит және қаржылық бақылау туралы" Қазақстан Республикасы Заңының 39-бабының 5-тармағына және "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес ҚАУЛЫ ЕТЕДІ:

      1. Қоса беріліп отырған Мемлекеттік аудитор біліктілігін иеленуге үміткер адамдарды сертификаттау қағидалары бекітілсін.

      2. Заң бөлімі заңнамада белгіленген тәртіппен:

      1) осы нормативтік қаулының Қазақстан Республикасының Әділет министрлігінде мемлекеттік тіркелуін;

      2) осы нормативтік қаулы Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында және "Әділет" ақпараттық-құқықтық жүйесінде ресми жариялануға жіберілуін;

      3) осы нормативтік қаулы Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде Қазақстан Республикасының нормативтік құқықтық актілерінің эталондық бақылау банкіне енгізу үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      4) осы нормативтік қаулының Есеп комитетінің интернет-ресурсына орналастырылуын қамтамасыз етсін.

      3. Нормативтік қаулының орындалуын бақылау Есеп комитетінің аппарат басшысына жүктелсін.

      4. Осы нормативтік қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрі

      _______________ Б. Сұлтанов

      2015 жылғы 15 желтоқсан

Мемлекеттік аудитор біліктілігін иеленуге үміткер адамдарды сертификаттау қағидалары

      Ескерту. Қағидалар жаңа редакцияда - Республикалық бюджеттің атқарылуын бақылау жөніндегі есеп комитетінің 04.06.2021 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

1-тарау. Жалпы ережелер

      1. Осы Мемлекеттік аудитор біліктілігін иеленуге үміткер адамдарды сертификаттау қағидалары (бұдан әрі – Қағидалар) "Мемлекеттік аудит және қаржылық бақылау туралы" Қазақстан Республикасы Заңының (бұдан әрі – Заң) 39-бабының 5-тармағына және "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес әзірленді және мемлекеттік аудитор біліктілігін иеленуге үміткер адамдарды сертификаттау тәртібін айқындайды.

      2. Осы Қағидаларда мынадай ұғымдар пайдаланылады:

      1) апелляция – кандидаттың біліктілік емтиханының қорытындысы бойынша білімді растау жөніндегі ұйым қабылдаған шешімді қайта қарау туралы жазбаша өтініші;

      2) апелляциялық комиссия – кандидаттардың апелляцияларын қарау үшін білімді растау жөніндегі ұйым құратын комиссия;

      3) біліктілік емтиханы – кандидаттың сертификаттау пәндері бойынша емтихан модулін орындау рәсімі;

      4) білімді растау жөніндегі ұйым – тиісті деңгейдегі мемлекеттік аудитор біліктілігін иеленуге үміткер кандидаттар үшін білімін растау рәсімін өткізетін ұйым;

      5) емтихан модулі – тест сұрақтарынан және кешенді ахуалдық тапсырмалардан тұратын тапсырмалар көлемі;

      6) емтихан комиссиясы – біліктілік емтиханының нәтижелерін тексеру мен бағалауды жүзеге асыру үшін білімді растау жөніндегі ұйым құратын комиссия;

      7) кандидат – тиісті деңгейдегі мемлекеттік аудитор біліктілігін иеленуге үміткер Қазақстан Республикасының азаматы;

      8) кандидаттың білімін растауы – біліктілік емтиханын тапсыру арқылы кандидаттың білім деңгейін бағалау;

      9) қадағалаушылар – біліктілік емтиханын өткізу процесін қадағалауды жүзеге асыратын адамдар;

      10) Мемлекеттік аудитор біліктілігін иеленуге үміткер адамдарды сертификаттау жөніндегі ұлттық комиссия (бұдан әрі – Ұлттық комиссия) – тиісті деңгейдегі мемлекеттік аудитор біліктілігін иеленуге үміткер адамдардың кәсіби, іскерлік қасиеттерін айқындайтын консультативтік-кеңесші орган;

      11) мемлекеттік аудитор біліктілігін иеленуге үміткер адамдарды сертификаттау (бұдан әрі – сертификаттау) – білімін растау және Ұлттық комиссияда әңгімелесу арқылы кандидатқа тиісті деңгейдегі мемлекеттік аудитор біліктілігін беру рәсімі;

      12) мемлекеттік аудитор сертификаты – Қағидалардың 8-қосымшасына сәйкес кандидатқа тиісті деңгейдегі мемлекеттік аудитор біліктілігін беруді растайтын, арнайы қорғау дәрежесі бар, Ұлттық комиссия беретін белгіленген үлгідегі құжат;

      13) Ұлттық комиссияның жұмыс органы – қызметі Республикалық бюджеттің атқарылуын бақылау жөніндегі есеп комитетінің 2015 жылғы 21 желтоқсандағы № 23-НҚ нормативтік қаулысымен (Нормативтік құқықтық актілерді мемлекеттік тіркеу тізілімінде № 12680 болып тіркелген) бекітілген Мемлекеттік аудитор біліктілігін иеленуге үміткер адамдарды сертификаттау жөніндегі ұлттық комиссия туралы ережемен (бұдан әрі – Ұлттық комиссия туралы ереже) айқындалатын Қазақстан Республикасының Жоғары аудиторлық палатасы (бұдан әрі – Жоғары аудиторлық палата).

2-тарау. Тиісті деңгейдегі мемлекеттік аудитор біліктілігін иеленуге үміткер адамдарды сертификаттау тәртібі

      3. Сертификаттау мынадай:

      1) тиісті саладағы ішкі мемлекеттік аудитор;

      2) мемлекеттік аудитор;

      3) жоғары санатты мемлекеттік аудитор деңгейлері бойынша жүзеге асырылады.

      4. Сертификаттау:

      1) кандидаттың білімін растау;

      2) кандидаттың Ұлттық комиссияда әңгімелесуі кезеңдерін қамтиды.

      4-1. "Мемлекеттік аудитор біліктілігін иеленуге үміткер адамдарды сертификаттау" мемлекеттік қызметті (бұдан әрі – мемлекеттік қызмет) Жоғары аудиторлық палата көрсетеді.

      "Мемлекеттік аудитор біліктілігін иеленуге үміткер адамдарды сертификаттау" мемлекеттік қызметті көрсетуге қойылатын негізгі талаптардың тізбесі (бұдан әрі – Тізбе) осы Қағидаларға 6-1-қосымшада келтірілген.

1-параграф. Кандидаттың білімін растау

      5. Білімді растауды "Мемлекеттiк сатып алу туралы" Қазақстан Республикасының Заңына сәйкес айқындалған ұйым (бұдан әрі – білімді растау жөніндегі ұйым) жүргізеді.

      "Мемлекеттік сатып алу туралы" Қазақстан Республикасының Заңына сәйкес білімді растау жөніндегі ұйым айқындалмаған жағдайда, білімді растауды Заңның 12-бабы 4-тармағының 8) тармақшасына және 14-бабының 6) тармақшасына сәйкес:

      сыртқы мемлекеттік аудитті жүзеге асыратын кандидаттар үшін – Жоғары аудиторлық палата;

      ішкі мемлекеттік аудитті жүзеге асыратын кандидаттар үшін – ішкі мемлекеттік аудит жөніндегі уәкілетті орган (бұдан әрі – уәкілетті орган) ұйымдастырады.

      Білімді растау компьютерлік техниканы пайдалана отырып, біліктілік емтихандарын тапсыру жолымен жүргізіледі, қажет болған жағдайда қашықтық форматында жүргізіледі.

      6. Біліктілік емтиханы тест сұрақтарынан және кешенді ахуалдық тапсырмадан тұрады.

      Біліктілік емтиханы кандидаттың қалауы бойынша қазақ немесе орыс тілдерінде өтеді.

      7. Пәндер бойынша біліктілік емтихандарын өткізудің күнтізбелік жылға арналған кестесін:

      сыртқы мемлекеттік аудитті жүзеге асыратын кандидаттар үшін – Жоғары аудиторлық палатаның;

      ішкі мемлекеттік аудитті жүзеге асыратын кандидаттар үшін – уәкілетті органның келісімі бойынша білімді растау жөніндегі ұйым айқындайды.

      8. Кандидат білімін растауға қатысу үшін білімді растау жөніндегі ұйымға мынадай құжаттарды:

      1) осы Қағидаларға 1-қосымшаға сәйкес нысан бойынша кандидат тапсыруға үміт білдірген біліктілік емтиханы көрсетілген өтініш;

      2) жеке басын куәландыратын құжаттың көшірмесін ұсынады.

      9. Өтініш және жеке басын куәландыратын құжаттың көшірмесі құжат тігілетін папкаға бекітіледі, оның беткі жағында: №__ жеке іс, кандидаттың аты және әкесінің аты (ол болған кезде), тегі, ресімделу күні көрсетіледі.

      Кандидаттардың жеке істері білімді растау жөніндегі ұйымда бес жыл бойы сақталады.

      10. Өтініш кіріс хат-хабарлар журналында тіркеледі.

      Кіріс хат-хабарының реттік нөміріне сәйкес келетін тіркеу күні мен нөмірі кандидаттың өтінішіне қойылады.

      11. Тиісті саладағы ішкі мемлекеттік аудитор біліктілігін иеленуге кандидат аудит типіне қарай біліктілік емтиханын тапсырады.

      Қаржылық есептілік аудиті саласындағы ішкі мемлекеттік аудитор біліктілігін иеленуге кандидат мынадай:

      1) қоғамдық сектор үшін халықаралық қаржылық есептілік стандарттарына сәйкес мемлекеттік мекемелерде бухгалтерлік есепті жүргізу және қаржылық есептілікті жасау;

      2) халықаралық қаржылық есептілік стандарттарына сәйкес квазимемлекеттік секторда бухгалтерлік есепті жүргізу және қаржылық есептілікті жасау;

      3) қаржылық есептілік аудиті пәндері бойынша біліктілік емтиханын тапсырады.

      Сәйкестік аудиті саласындағы ішкі мемлекеттік аудитор біліктілігін иеленуге кандидат мынадай:

      1) қоғамдық сектор үшін халықаралық қаржылық есептілік стандарттарына сәйкес мемлекеттік мекемелерде бухгалтерлік есепті жүргізу және қаржылық есептілікті жасау;

      2) халықаралық қаржылық есептілік стандарттарына сәйкес квазимемлекеттік секторда бухгалтерлік есепті жүргізу және қаржылық есептілікті жасау;

      3) сәйкестік аудиті пәндері бойынша біліктілік емтиханын тапсырады.

      Тиімділік аудиті саласындағы ішкі мемлекеттік аудитор біліктілігін иеленуге кандидат мынадай:

      1) қоғамдық сектор үшін халықаралық қаржылық есептілік стандарттарына сәйкес мемлекеттік мекемелерде бухгалтерлік есепті жүргізу және қаржылық есептілікті жасау;

      2) халықаралық қаржылық есептілік стандарттарына сәйкес квазимемлекеттік секторда бухгалтерлік есепті жүргізу және қаржылық есептілікті жасау;

      3) тиімділік аудиті пәндері бойынша біліктілік емтиханын тапсырады.

      Үш саланың: қаржылық есептілік аудиті, тиімділік аудиті және сәйкестік аудиті салаларының бірінен ішкі мемлекеттік аудитор сертификаты бар кандидат бастапқы біліктілікті иеленген сәттен бастап Ұлттық комиссияның жұмыс органына тиісті саладағы ішкі мемлекеттік аудитор біліктілігін иелену үшін осы Қағидалардың 43-тармағында көрсетілген құжаттарды ұсынады.

      Кандидат бір мезгілде барлық үш сала бойынша ішкі мемлекеттік аудитор біліктілігіне үміткер бола алады.

      Барлық үш салада: қаржылық есептілік аудиті, тиімділік аудиті және сәйкестік аудиті салаларында ішкі мемлекеттік аудитор сертификаты бар адамдарға Ұлттық комиссияның шешімі бойынша осы Қағидаларда көзделген тәртіппен мемлекеттік аудитор біліктілігі беріледі.

      12. Мемлекеттік аудитор біліктілігін иеленуге кандидат мынадай:

      1) қоғамдық сектор үшін халықаралық қаржылық есептілік стандарттарына сәйкес мемлекеттік мекемелерде бухгалтерлік есепті жүргізу және қаржылық есептілікті жасау;

      2) халықаралық қаржылық есептілік стандарттарына сәйкес квазимемлекеттік секторда бухгалтерлік есепті жүргізу және қаржылық есептілікті жасау;

      3) сәйкестік аудиті;

      4) тиімділік аудиті;

      5) қаржылық есептілік аудиті пәндері бойынша біліктілік емтиханын тапсырады.

      13. Үлгілік тест сұрақтарының тізбесін және үлгілік кешенді ахуалдық тапсырмалардың мазмұнын білімді растау жөніндегі ұйым әзірлейді және интернет-ресурсқа орналастырады.

      14. Бухгалтерлік есеп және аудит саласында ұлттық және (немесе) халықаралық кәсіби біліктілігі бар кандидаттар Ұлттық комиссияның жұмыс органының (бұдан әрі – Жұмыс органы) шешімі бойынша сертификаттау пәндері бойынша жекелеген емтихандарды тапсырудан мынадай тәртіппен босатылады:

      1) мынадай: "аудитор", ACCA (Association of Chartered Certified Accountants) (Сертификатталған алқа бухгалтерлер қауымдастығы), АСА (Associated Chartered Accountant) (Қауымдастырылған дипломды бухгалтер) біліктіліктерінің біріне ие кандидаттар "Халықаралық қаржылық есептілік стандарттарына сәйкес квазимемлекеттік секторда бухгалтерлік есепті жүргізу және қаржылық есептілікті жасау" және "Қаржылық есептілік аудиті" пәндері бойынша емтихандар тапсырудан босатылады;

      2) мынадай: "кәсіби бухгалтер", DipIFR (Diploma in International Financial Reporting) (Халықаралық қаржылық есептілік бойынша диплом) біліктіліктерінің біріне ие кандидаттар "Халықаралық қаржылық есептілік стандарттарына сәйкес квазимемлекеттік секторда бухгалтерлік есепті жүргізу және қаржылық есептілікті жасау" пәні бойынша емтихан тапсырудан босатылады;

      3) CIPFA (The Chartered Institute of Public Finance and Accountancy) (Мемлекеттік секторға арналған халықаралық қаржылық есептілік стандарттары бойынша диплом), CIPFA DipIPSAS-пен (Diploma in international public sector accounting standards) (Мемлекеттік сектордағы бухгалтерлік есептің халықаралық стандарттары бойынша диплом) бірге CIPFA public auditor (Chartered Institute of Public Finance and Accountancy Public Auditor) (Дипломды мемлекеттік қаржы және бухгалтерлік есеп институты мемлекеттік аудитор) біліктілігіне ие кандидаттар "Қоғамдық сектор үшін халықаралық қаржылық есептілік стандарттарына сәйкес мемлекеттік мекемелерде бухгалтерлік есепті жүргізу және қаржылық есептілікті жасау" және "Қаржылық есептілік аудиті" пәндері бойынша емтихандар тапсырудан босатылады;

      4) IPSAS АССА (Certificate in International Public Sector Accounting Standards) (Мемлекеттік сектордағы бухгалтерлік есептің халықаралық стандарттары бойынша сертификат) біліктілігіне ие кандидаттар "Қоғамдық сектор үшін халықаралық қаржылық есептілік стандарттарына сәйкес мемлекеттік мекемелерде бухгалтерлік есепті жүргізу және қаржылық есептілікті жасау" пәні бойынша емтихан тапсырудан босатылады.

      15. "Мемлекеттік сатып алу туралы" Қазақстан Республикасының Заңына сәйкес айқындалған білімді растау жөніндегі ұйым:

      сыртқы мемлекеттік аудитті жүзеге асыратын кандидаттар үшін – Жоғары аудиторлық палатамен;

      ішкі мемлекеттік аудитті жүзеге асыратын кандидаттар үшін – уәкілетті органмен келісілген емтихан модульдері бойынша біліктілік емтиханын өткізу арқылы біліктілік емтиханын ұйымдастырады.

      Емтихан модульдері қолданыстағы заңнама мен мемлекеттік аудиттің халықаралық стандарттары ескеріле отырып, қазақ және орыс тілдерінде әзірленеді және жыл сайын жаңартылуға жатады. Емтихан модульдерінде пәндерге байланысты тест сұрақтары мен кешенді ахуалдық тапсырмалар қамтылады.

      16. Емтихан модульдері таратылуы шектелген қызметтік ақпаратқа жатады.

      17. Біліктілік емтиханын өткізуге арналған үй-жай емтихан процесінің барысын тіркеуді қамтамасыз ететін аудио, бейнежазба құралдарымен жабдықталады. Аудио, бейнежазба деректерін сақтау мерзімі біліктілік емтиханын өткізген күннен бастап кемінде бір жылды құрайды.

      18. Біліктілік емтиханынан өту кезінде кандидатқа басқа адамдармен сөйлесуіне, материалдармен алмасуына, қабылдайтын-беретін электрондық құрылғыларды (соның ішінде дербес қалта компьютерлері мен өзге де электрондық жабдықтарды), сондай-ақ қағаз және электрондық жеткізгіштердегі ақпаратты пайдалануына, білімді растау жөніндегі ұйым өкілінің ілесіп жүруінсіз үй-жайдан шығуына жол берілмейді.

      Кандидат осы тармақтың талаптарын бұзған кезде кандидаттың емтихан процесі тоқтатылып, ол үй-жайдан шығарылады, ал біліктілік емтиханының қолда бар аралық нәтижелерінің күші жойылады. Қадағалаушылар осы Қағидаларға 2-қосымшаға сәйкес нысан бойынша біліктілік емтиханы рәсімдерінің бұзылғаны туралы акт жасайды.

      19. Өзіне қатысты біліктілік емтиханы рәсімінің бұзылғаны туралы акт жасалған кандидат білімді растау жөніндегі ұйымның тиісті күнтізбелік жылға бекіткен Біліктілік емтихандарының кестесіне сәйкес бұзушылық анықталған күннен бастап алты ай өткеннен кейін оны қайта өтеді.

      20. Білімді растау жөніндегі ұйым біліктілік емтихан өткізген кезде тиісті мемлекеттік органның:

      сыртқы мемлекеттік аудитті жүзеге асыратын кандидаттар үшін – Жоғары аудиторлық палатаның;

      ішкі мемлекеттік аудитті жүзеге асыратын кандидаттар үшін – уәкілетті органның өкілі қатысады.

      Жоғары аудиторлық палатаның өкілі білімді растау жөніндегі ұйымды алдын ала хабардар ете отырып, ішкі мемлекеттік аудитті жүзеге асыратын кандидаттар үшін өткізілетін біліктілік емтиханының кез келген кезеңіне қатысады.

      21. Білімді растау жөніндегі ұйым біліктілік емтиханын өткізудің ашықтығы мен объективтілігін қамтамасыз ету мақсатында мемлекеттік аудит және қаржылық бақылау органдарының, жоғары оқу орындарының, мемлекеттік емес ұйымдардың өкілдері қатарынан құрамы үш адамнан аспайтын қадағалаушылардың қатысуын қамтамасыз етеді.

      22. Сертификаттаудың әр пәні бойынша біліктілік емтиханының ұзақтығы үш сағатттан (180 минут) аспайды, оның ішінде:

      тестілеуден өтуге – 60 минуттан аспайтын, кешенді ахуалдық тапсырманы шешуге – 120 минуттан аспайтын уақыт беріледі.

      23. Тестілеуден өтуге бөлінген уақыт өткеннен кейін бағдарлама автоматты түрде жабылады. Тестілеуден өту қорытындысы бойынша дұрыс жауаптарды есептеу компьютерлік бағдарламаның көмегімен автоматты түрде жүргізіледі.

      24. Егер дұрыс жауаптардың саны (жалпы жиынтық мәнде және сертификаттау пәні бөлінісінде) мүмкін болатын жүз (100) пайыздың кемінде жетпіс (70) пайызын құраса, кандидат біліктілік емтиханынан өткен болып есептеледі.

      25. Тестілеу нәтижелері және кешенді ахуалдық тапсырмалардың шешімі ведомоспен ресімделеді және оған бір жұмыс күні ішінде біліктілік емтиханын өткізуді ұйымдастыруға жауапты білімді растау жөніндегі ұйымның өкілдері, қадағалаушылар мен кандидат қол қояды.

      26. Білімді растау жөніндегі ұйым емтихан комиссиясын:

      сыртқы мемлекеттік аудитті жүзеге асыратын кандидаттар үшін – Жоғары аудиторлық палатамен;

      ішкі мемлекеттік аудитті жүзеге асыратын кандидаттар үшін – уәкілетті органмен келісе отырып, адамдардың тақ санынан (кемінде бесеу) қалыптастырады.

      Емтихан комиссиясының құрамына: білімді растау жөніндегі ұйымның үш өкілі, сыртқы мемлекеттік аудитті жүзеге асыратын кандидаттар үшін Жоғары аудиторлық палатаның бір өкілі, ішкі мемлекеттік аудитті жүзеге асыратын кандидаттар үшін уәкілетті органның бір өкілі, үкіметтік емес ұйымның бір өкілі кіреді.

      27. Біліктілік емтиханын тапсыру қорытындысы бойынша оң нәтиже алған кандидатқа білімді растау жөніндегі ұйым ведомосқа қол қойылған күннен бастап он жұмыс күні ішінде осы Қағидаларға 3 және 4-қосымшаларға сәйкес нысандар бойынша тиісті деңгейдегі мемлекеттік аудитор біліктілігіне білімін растау туралы құжат береді.

      Білімді растау туралы құжаттың көшірмесі кандидаттың жеке ісіне тігіледі.

      Біліктілік емтиханын тапсыру қорытындысы бойынша білімін растаған адамдардың тізімі ведомосқа қол қойылған күннен бастап он жұмыс күні ішінде білімді растау жөніндегі ұйымның интернет-ресурсына орналастырылады.

      28. Кандидаттың мемлекеттік аудитор біліктілігіне алған білімін растау туралы құжаты оның білімін растау туралы құжат берілген күннен бастап әңгімелесуге жіберу туралы өтініш берген күнге дейін екі жыл ішінде Ұлттық комиссияда одан әрі әңгімелесуден өтуі үшін негіз болып табылады.

      29. Біліктілік емтиханын тапсыра алмаған кандидат оны біліктілік емтиханын тапсыра алмаған күнінен бастап күнтізбелік 15 (он бес) күннен ерте емес, бірақ сертификаттаудың белгілі бір пәнінен біліктілік емтиханын тапсырма алмаған күнінен бастап 1 (бір) жылдан кешіктірмей қайта тапсырады.

      Кандидат осы Қағидаларда белгіленген мерзімдерде біліктілік емтиханын тапсырмаған жағдайда, бұрын тапсырылған біліктілік емтихандарының оң нәтижелері жойылады, содан кейін кандидат сертификаттаудың барлық пәнін ақылы негізде қайта тапсырады.

      Осы кезең ішінде Қазақстан Республикасы Денсаулық сақтау және әлеуметтік даму министрінің 2015 жылғы 28 желтоқсандағы № 1033 бұйрығымен (Нормативтік құқықтық актілерді мемлекеттік тіркеу тізілімінде № 12733 болып тіркелген) бекітілген Екі айдан астам еңбекке уақытша жарамсыздық мерзімі белгіленген аурулар тізбесіне кіретін ауруға, 6 (алты) айдан астам іссапарда болуына, мемлекеттік тапсырыс немесе тағылымдама шеңберінде оқуына, мерзімді әскери қызметке шақырылуына байланысты біліктілік емтиханын тапсыра алмаған кандидат бұрын тапсырылмаған сертификаттау пәнінен біліктілік емтиханын қайта тапсырады.

      6 (алты) айдан астам іссапарда, мемлекеттік тапсырыс немесе тағылымдама шеңберінде оқуда, сондай-ақ әскерге шақыру бойынша мерзімді әскери қызметте болған кандидат бұрын тапсырылмаған сертификаттау пәні бойынша біліктілік емтиханын оны аяқтаған күнінен бастап 1 (бір) жыл ішінде қайта тапсырады.

      Біліктілік емтиханын қайта тапсыру күні білімді растау жөніндегі үйымның тиісті күнтізбелік жылға арналған Біліктілік емтихандарының бекітілген кестесіне сәйкес белгіленеді.

2-параграф. Апелляциялық комиссия

      30. Білімді растау жөніндегі ұйым апелляциялық комиссияны біліктілік емтиханының қорытындыларымен келіспеген кандидаттардың өтініштерін қарау үшін құрады.

      31. Білімді растау жөніндегі ұйым апелляциялық комиссияны:

      сыртқы мемлекеттік аудитті жүзеге асыратын кандидаттар үшін – Жоғары аудиторлық палатамен;

      ішкі мемлекеттік аудитті жүзеге асыратын кандидаттар үшін – уәкілетті органмен келісе отырып, сертификаттау бойынша маманданудың (пәннің) тиісті салаларында сарапшылар болып табылатын және емтихан комиссиясының құрамына кірмейтін кемінде үш мүшеден тұратын құрамда қалыптастырады және бекітеді.

      32. Кандидат біліктілік емтиханының қорытындыларымен келіспеген жағдайда, апелляциялық комиссияға біліктілік емтиханының қорытындылары туралы хабарланған күннен кейінгі үш жұмыс күнінен кешіктірмей, өзінің негізделген келіспеушілігін (нақты сұрақтардың қисынсыздығы, техникалық ақаулықтарға сілтеме жасай отырып, тестілеу нәтижелері, тестілеудің қалыпты барысына кедергі болған жағдайларға сілтеме жасай отырып, тестілеу нәтижелері) көрсете отырып, жазбаша нысанда немесе электрондық түрде жүгінеді.

      33. Апелляцияға берілген өтініш білімді растау жөніндегі ұйымның кіріс хат-хабарлар журналында тіркеледі. Кіріс хат-хабарының реттік нөміріне сәйкес келетін тіркеу күні мен нөмірі кандидаттың өтінішіне қойылады.

      34. Апелляциялық комиссия апелляцияға берілген өтінішті қарау нәтижелері бойынша өтініш келіп түскен күннен бастап үш жұмыс күні ішінде мынадай:

      1) апелляцияға берілген өтінішті қанағаттандырусыз қалдыру;

      2) кандидаттың апелляциясын қанағаттандыру және оны біліктілік емтиханын қайта тапсыруға жіберу туралы екі шешімнің бірін қабылдайды.

      35. Апелляцияға өтініш берген кандидат біліктілік емтиханының қорытындысымен танысады, өзінің апелляцияға берген өтінішін қарау кезінде қатысады.

      Апелляциялық комиссияның шешімі апелляцияға берген кандидатқа беріледі және шешім қабылданған күннен бастап үш жұмыс күні ішінде білімді растау жөніндегі ұйымның интернет-ресурсына орналастырылады.

      36. Апелляцияға қайта берілген өтініш қаралмайды.

      37. Кандидат апелляциялық комиссияның шешіміне сот тәртібімен шағымдануы мүмкін.

      38. Тиісті саладағы ішкі мемлекеттік аудитор, мемлекеттік аудитор, жоғары санатты мемлекеттік аудитор біліктілігін иелену үшін сертификаттауға: экономика және бизнес (экономика немесе әлемдік экономика немесе қаржы немесе есеп және аудит немесе менеджмент немесе мемлекеттік және жергілікті басқару немесе мемлекеттік аудит) немесе құқық (құқықтану немесе халықаралық құқық) жоғары білімі және (немесе) жоғары оқу орнынан кейінгі білімі бар кандидат жіберіледі.

      39. Тиісті саладағы ішкі мемлекеттік аудитор біліктілігі мемлекеттік аудит және қаржылық бақылау органдарының жүйесінде және (немесе) функционалдық міндеттеріне сәйкес келетін экономика, қаржы, құқық салаларында және (немесе) аудит саласындағы халықаралық ұйымдарда және (немесе) квазимемлекеттік сектор субъектілерінде кемінде екі жыл жұмыс өтілі бар кандидатқа беріледі.

      40. Мемлекеттік аудитор біліктілігі мемлекеттік аудит және қаржылық бақылау органдарының жүйесінде аудит жүргізумен байланысты бағыттар бойынша (талдамалық, әдіснамалық, сапаны бақылау, заң тұрғысынан сүйемелдеу) және (немесе) тиісті функционалдық міндеттеріне сәйкес келетін экономика, қаржы, құқық салаларында және (немесе) аудит саласындағы халықаралық ұйымдарда кемінде үш жыл және (немесе) ішкі мемлекеттік аудитордың немесе мемлекеттік аудитор ассистентінің кемінде екі жыл жұмыс өтілі бар кандидатқа беріледі.

      41. Ұлттық комиссияда әңгімелесу үшін жоғары санатты мемлекеттік аудитор біліктілігін иеленуге мемлекеттік аудит және қаржылық бақылау органдарында мемлекеттік аудитор болып соңғы 5 (бес) жыл бойы жұмыс істейтін және:

      1) мемлекеттік аудитор сертификаты;

      2) мына халықаралық кәсіби ұйымдардың бірі: ICAEW (Institute of Chartered Accountants in England and Wales) (Англия мен Уэльстің алқа бухгалтерлер институты), АССА (Association of Chartered Certified Accountants) (Сертификатталған алқа бухгалтерлер қауымдастығы), CIPFA (Chartered Institute of Public Finance and Accountancy) (Мемлекеттік секторға арналған халықаралық қаржылық есептілік стандарттары бойынша диплом), IIA (Institute of Internal Auditors) (Ішкі аудиторлар институты) берген мына кәсіби біліктіліктердің бірі: ACA (Associated Chartered Accountant) (Қауымдастырылған дипломы бар бухгалтер), ACCA (Association of Chartered Certified Accountants) (Сертификатталған алқа бухгалтерлер қауымдастығы), CIPFA (Chartered Institute of Public Finance and Accountancy) (Мемлекеттік секторға арналған халықаралық қаржылық есептілік стандарттары бойынша диплом), CIPFA DipIPSAS-пен (Diploma in international public sector accounting standards) (Мемлекеттік сектордағы бухгалтерлік есептің халықаралық стандарттары бойынша диплом) бірге CIPFA public auditor (Chartered Institute of Public Finance and Accountancy Public Auditor) (Дипломды мемлекеттік қаржы және бухгалтерлік есеп институты мемлекеттік аудитор), CIA (Certified Internal Auditor) (Дипломы бар ішкі аудитор), АССА F8 (Audit and Assurance) не АССА F8-пен (Аудит және анықтықты растау) бірге IPSAS АССА (Certificate in International Public Sector Accounting Standards) (Мемлекеттік сектордағы бухгалтерлік есептің халықаралық стандарттары бойынша сертификат) (орыс тілінде) бар екенін растайтын құжаты;

      3) Қазақстан Республикасының Қаржы министрлігі (бұдан әрі – Министрлік) Дүниежүзілік банкпен бірлесіп әзірлеген, ішкі мемлекет аудит және қаржылық бақылау органдары үшін қолданылатын сертификатпен (Public Audit and Assurance) (Мемлекеттік аудит және анықтықты растау) IPSAS АССА (Certificate in International Public Sector Accounting Standards) (Мемлекеттік сектордағы бухгалтерлік есептің халықаралық стандарттары бойынша сертификат) кәсіби біліктілігінің бар екенін растайтын құжаты;

      4) мемлекеттік аудит және қаржылық бақылау органдарының жүйесінде соңғы екі жыл ішінде мемлекеттік аудиторлар қызметінің тиімділігін бағалаудың оң нәтижесі бар;

      5) алынбаған тәртіптік жазалары жоқ кандидат жіберіледі.

      Мемлекеттік аудит және қаржылық бақылау органдары жүйесінде кемінде 5 (бес) жыл жұмыс өтілі бар Жоғары аудиторлық палатаның және тексеру комиссияларының төрағалары, мүшелері, аппарат басшылары, Министрліктің Ішкі мемлекеттік аудит комитетінің төрағасы мен орынбасарлары, Министрліктің Ішкі мемлекеттік аудит комитетінің аумақтық ішкі мемлекеттік аудит департаменттерінің басшылары мен орынбасарлары, орталық мемлекеттік және жергілікті атқарушы органдардың ішкі мемлекеттік аудит қызметтерінің басшылары мен орынбасарлары (болған жағдайда) Қағидалардың осы тармағының 1), 2), 3) және 5) тармақшаларының талаптарына сәйкес жоғары санатты мемлекеттік аудитор біліктілігін иеленуге Ұлттық комиссияға әңгімелесу үшін жіберіледі.

3-параграф. Мемлекеттік қызметті көрсету тәртібі

      Ескерту. 3-параграфтың тақырыбы жаңа редакцияда – ҚР Жоғары аудиторлық палатасының 13.02.2023 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      43. Тиісті деңгейдегі мемлекеттік аудитор біліктілігін иеленуге кандидат (бұдан әрі – көрсетілетін қызметті алушы) мемлекеттік қызметті алу үшін Жұмыс органына (бұдан әрі – көрсетілетін қызметті беруші) қағаз түрінде мынадай құжаттарды ұсынады:

      1) осы Қағидаларға 5-қосымшаға сәйкес нысан бойынша көрсетілетін қызметті алушы үміт білдірген тиісті деңгейдегі мемлекеттік аудитор біліктілігі көрсетілген өтініш;

      2) жеке басын куәландыратын құжаттың көшірмесі;

      3) жоғары білімінің болуын растайтын құжаттың қосымшаларымен бірге көшірмесі.

      Шетелдік білім беру ұйымдарында алған білімі туралы құжаттардың көшірмелеріне "Болашақ" халықаралық стипендиясын иеленушінің шетелдік жоғары және (немесе) жоғары оқу орнынан кейінгі білім беру ұйымдары, ғылыми орталықтары мен зертханалары берген, сондай-ақ өзара тану және баламалылығы туралы халықаралық шарттың (келісімнің) қолданылу аясына жататын білім туралы құжаттарды қоспағанда, білім беру саласындағы уәкілетті орган берген осы білім туралы құжаттарды тану немесе нострификациялау туралы куәліктердің көшірмелері қоса беріледі.

      Білімі туралы құжаттарға "Халықаралық бағдарламалар орталығы" акционерлік қоғамы берген "Болашақ" халықаралық стипендиясы стипендиантының мәртебесі туралы ақпарат қоса беріледі.

      Өзара тану және баламалылығы туралы халықаралық шарттың (келісімнің) қолданылу аясына жататын білім туралы құжаттардың көшірмелеріне білім беру саласындағы уәкілетті орган берген білім туралы осы құжаттарды тану туралы анықтамалардың көшірмелері қоса беріледі.

      Егер құжат (диплом/сертификат) және оған қосымшалар шет тілінде болса, белгіленген тәртіппен нотариат куәландырған қазақ және (немесе) орыс тіліндегі аудармасы ұсынылады.

      4) еңбек кітапшасының көшірмесі, бірыңғай жинақтаушы зейнетақы қорынан аударымдардың бүкіл кезеңіндегі аударылған міндетті зейнетақы жарналары туралы үзінді көшірмелер.

      Мемлекеттік қызметшілер үшін "Мемлекеттік қызметті өткерудің кейбір мәселелері туралы" Қазақстан Республикасының Мемлекеттік қызмет істері агенттігі Төрағасының 2021 жылғы 10 қыркүйектегі № 158 бұйрығына (Нормативтік құқықтық актілерді мемлекеттік тіркеу тізілімінде № 24350 болып тіркелген) сәйкес ресімделген қызметтік тізім.

      5) бухгалтерлік есеп, аудит және қаржы саласында ұлттық немесе халықаралық кәсіби біліктілік берілгені туралы құжаттың көшірмесі (болған жағдайда);

      6) осы Қағидаларға 3 және 4-қосымшаларға сәйкес нысан бойынша білімді растау жөніндегі ұйым берген ішкі мемлекеттік аудитор, мемлекеттік аудитор біліктілігін иеленуге үміткер адамдар үшін білімді растау жөніндегі құжаттардың көшірмесі;

      7) жеке деректердің (аты, әкесінің аты (болған жағдайда), тегі) өзгергенін растайтын құжаттың көшірмесі;

      8) 3x4 көлеміндегі 1 (бір) фотосурет (жеке іске);

      9) осы Қағидаларға 5-1-қосымшаға сәйкес нысан бойынша дербес деректерді жинауға және өңдеуге келісім беру туралы өтініш;

      10) жоғары санатты мемлекеттік аудитор біліктілігін иеленуге үміткер адамдар үшін мемлекеттік аудитор сертификатының көшірмесі;

      11) осы Қағидалардың 41-тармағының 3) және 4) тармақшаларында көрсетілген халықаралық кәсіби біліктіліктердің бірін иелену туралы құжаттың көшірмесі.

      Осы тармақтың 2), 3), 4), 5), 6), 7), 10) және 11) тармақшаларында көзделген құжаттар персоналды басқару қызметінің (кадр қызметі) қолымен және мөрімен (мөртабанымен) куәландырылған не нотариат куәландырған нысанда ұсынылады.

      Құжат тігілетін папкада барлық құжат бекітіледі, оның беткі жағында: осы Қағидаларға 6-қосымшаға сәйкес нысан бойынша №__ жеке іс, көрсетілетін қызметті алушының аты және әкесінің аты (болған жағдайда), тегі, ресімделу күні көрсетіледі.

      Көрсетілетін қызметті алушының өтініш берген кезде өтелмеген немесе заңнамада белгіленген тәртіппен алынбаған сотталғандығы, сондай-ақ сыбайлас жемқорлық құқық бұзушылық жасағаны туралы мәліметтерді көрсетілетін қызметті беруші тиісті мемлекеттік ақпараттық жүйелерден алады.

      44. Көрсетілетін қызметті алушының құжаттарын көрсетілетін қызметті берушінің кеңсесінің жұмыскері қабылдап, электрондық құжат айналымының ақпараттық жүйесінде (бұдан әрі – ақпараттық жүйе) құжаттар келіп түскен күні тіркейді.

      Құжаттар құрылымдық бөлімшенің жауапты қызметкеріне 2 (екі) жұмыс күні ішінде жіберіледі.

      45. Кандидаттың құжаттарын қарауды, өтуін, орындауды, есепке алуды және сақтауды Жұмыс органы тиісті құқықтық актімен және (немесе) Жұмыс органының Регламентімен бекітілген құжаттама жасау, құжаттаманы басқару және электрондық құжат айналымы жүйелерін пайдалану тәртібіне сәйкес жүзеге асырады.

      46. Көрсетілетін қызметті беруші ұсынылған құжаттардың толықтығын және кандидаттың осы Қағидалардың 38, 39, 40, 41 және 43-тармақтарында белгіленген талаптарға сәйкестігін тексеруді ұйымдастырады.

      Көрсетілетін қызметті алушы Қағидалардың 43-тармағына және Тізбенің 9-тармағында көзделген тізбеге сәйкес құжаттардың топтамасын толық ұсынбаған және (немесе) қолданылу мерзімі өтіп кеткен құжаттарды ұсынған жағдайларда, көрсетілетін қызметті беруші өтінішті қабылдаудан бас тартады.

      47. Тізбедегі 10-тармақта белгіленген мемлекеттік қызметті көрсетуден бас тарту үшін негіздер бар болған жағдайда, көрсетілетін қызметті беруші өтініштің тіркелген күнінен бастап 10 (он) жұмыс күні ішінде көрсетілетін қызметті алушыға әңгімелесуге жіберуден жазбаша түрде дәлелді бас тартуды жібереді.

      Осы тармақта көрсетілген негіздер бойынша мемлекеттік қызметті көрсетуден бас тарту көрсетілетін мемлекеттік қызметті алу үшін құжаттарды қайта беруге тыйым салуға әкеп соқпайды.

      48. Жұмыс органы кандидатты осы Қағидаларда көзделмеген талаптарға сәйкестігін тексеруге жол бермейді.

      51. Кандидат осы Қағидалардың 38, 39 және 40-тармақтарында белгіленген талаптарға сәйкес келген жағдайда, кандидат Ұлттық комиссияға әңгімелесуге жіберіледі және Жұмыс органы өтініштің тіркелген күнінен бастап он жұмыс күні ішінде кандидатқа Ұлттық комиссияға әңгімелесуге жіберу туралы хабарламаны телефон байланысы арқылы және (немесе) кандидаттың өтінішінде көрсетілген электрондық пошта мекенжайына хабарлама жолдау арқылы жібереді.

      52. Көрсетілетін қызметті алушылардың әңгімелесуден өтуге кезектілігі олардың құжаттарының ақпараттық жүйеде тіркелген күні мен нөміріне қарай айқындалады.

      Мемлекеттік аудит және қаржылық бақылау органдарының жүйесінде жұмыс істеп жүрген жұмыскер болып табылатын көрсетілетін қызметті алушы Ұлттық комиссияның Төрағасына мемлекеттік аудит және қаржылық бақылау органының басшысы енгізген уәжделген өтінішхат негізінде және оң шешім қабылданған жағдайда Ұлттық комиссияның кезекті әңгімелесуіне жіберіледі.

      Ұлттық комиссияның отырыстары Ұлттық комиссия туралы ережеге сәйкес тоқсанына кемінде 1 (бір) рет өткізіледі.

      53. Жұмыс органы әңгімелесу өткізілетін күнге дейін он жұмыс күнінен кешіктірмей әңгімелесу өткізілетін орынды, күнді және уақытты көрсете отырып, әңгімелесуге жіберілген адамдардың тізімін өзінің интернет-ресурсына орналастырады, кандидатқа телефон байланысы арқылы және (немесе) кандидаттың өтінішінде көрсетілген электрондық пошта мекенжайына хабарлама жіберу арқылы хабарлайды, сондай-ақ осы Қағидаларға 7-қосымшаға сәйкес нысан бойынша тиісті деңгейдегі мемлекеттік аудитор біліктілігін иеленуге үміткер әрбір кандидат бойынша қорытынды дайындайды.

      54. Әңгімелесуге қатысу мүмкін болмаған жағдайда кандидат әңгімелесу өткізу басталғанға дейін кемінде он жұмыс күні бұрын бұл жөнінде Жұмыс органына себептерін көрсете және растайтын құжаттарды ұсына отырып жазбаша немесе электрондық нысанда, сондай-ақ өзге де байланыс құралдары арқылы хабарлайды. Мұндай жағдайда онымен әңгімелесу Ұлттық комиссияның келесі отырысына ауыстырылады.

      Әңгімелесуге келмеген және келмейтіні туралы Жұмыс органына уақтылы хабардар етпеген тиісті деңгейдегі мемлекеттік аудитор біліктілігін иеленуге үміткер кандидаттардың өтініштері қараусыз қалдырылады және қайтарылуға жатады.

      55. Жұмыс органы кандидаттардың Ұлттық комиссияда әңгімелесуден өтуі үшін білуі қажет нормативтік құқықтық актілердің тізбесін қалыптастырады, ол Жұмыс органының интернет-ресурсына орналастырылуға жатады.

      56. Әрбір кандидатпен әңгімелесу барысы аудио, бейнежазба техникалық құралдарының көмегімен тіркеледі. Жазбалар әңгімелесу аяқталған күннен бастап кемінде бір жыл Жұмыс органында сақталады.

      57. Ұлттық комиссияның шешімдері ашық дауыс беру арқылы қабылданады және егер дауыс беруге қатысып отырған Ұлттық комиссия мүшелерінің жалпы санының басым көпшілігі оларға дауыс берсе, шешімдер қабылданған болып саналады.

      Дауыстар тең болған жағдайда Ұлттық комиссияның төрағасы дауыс берген шешім қабылданған болып есептеледі.

      58. Ұлттық комиссияның шешімі әңгімелесу аяқталған күннен бастап 7 (жеті) жұмыс күні ішінде хаттамамен ресімделеді және Ұлттық комиссия отырысының хаттамасына қол қойылған күннен бастап 3 (үш) жұмыс күні ішінде Жұмыс органының интернет-ресурсына орналастырылады.

      59. Кандидаттың білімін растауы мен Ұлттық комиссиядан әңгімелесуден табысты өтуінің нәтижелері бойынша Ұлттық комиссияның шешімімен кандидатқа тиісті деңгейдегі мемлекеттік аудитор біліктілігін иелену туралы сертификат беріледі.

      60. Мемлекеттік қызмет көрсетуден бас тартылған көрсетілетін қызметті алушы мемлекеттік қызмет көрсетуден бас тарту туралы шешім қабылданған күннен бастап 3 (үш) айдан кейін мемлекеттік қызметті алу үшін құжаттарын (бірақ жылына 2 (екі) реттен көп емес) қайта тапсырады.

      Көрсетілетін қызметті беруші "Мемлекеттік көрсетілетін қызметтер туралы" Заңның 5-бабы 2-тармағының 11) тармақшасына сәйкес мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      60-1. Тізбенің 10-тармағында белгіленген мемлекеттік қызметті көрсетуден бас тарту үшін негіздер бар болған жағдайда, көрсетілетін қызметті беруші Қазақстан Республикасы Әкімшілік рәсімдік-процестік кодексінің (бұдан әрі – Кодекс) 73-бабына сәйкес көрсетілетін қызметті алушыға мемлекеттік қызметті көрсетуден бас тарту туралы алдын ала шешім туралы, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдауды өткізу уақыты, күні мен орны (тәсілі) туралы хабарлайды.

      Тыңдау туралы хабарлама алдын ала, бірақ мемлекеттік қызмет көрсету мерзімі аяқталғанға дейін 3 (үш) жұмыс күнінен кешіктірмей жіберіледі. Тыңдау хабарлама жасалған күннен бастап 2 (екі) жұмыс күнінен кешіктірілмей жүргізіледі.

      Қарау нәтижелері бойынша сертификат беру туралы шешім қабылданады немесе мемлекеттік қызмет көрсетуден дәлелді бас тарту туралы шешім қалыптастырылады.

      60-2. Мемлекеттік қызметтерді көрсету мәселелері бойынша шағымды қарауды мемлекеттік қызметтерді көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым әкімшілік актісіне, әкімшілік әрекетіне (әрекетсіздігіне) шағым жасалып отырған әкімшілік органға, лауазымды адамға беріледі.

      Шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам, егер ол 3 (үш) жұмыс күні ішінде шағымда көрсетілген талаптарды толық қанағаттандыратын қолайлы шешім қабылдаса, әрекет жасаса, шағымды қарайтын органға шағымды жібермейді.

      60-3. Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Заңның 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға тиіс.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға тиіс.

      60-4. Егер Қазақстан Республикасының заңында өзгеше көзделмесе, Кодекстің 91-бабының 5-тармағына сәйкес әкімшілік (сотқа дейінгі) тәртіппен шағым жасалғаннан кейін сотқа шағым жасауға жол беріледі.

4-параграф. Тиісті деңгейдегі мемлекеттік аудитор сертификатын беру

      61. Жұмыс органы тиісті деңгейдегі мемлекеттік аудитор сертификатын Ұлттық комиссияның шешіміне қол қойылған күннен бастап Ұлттық комиссияда әңгімелесуден табысты өткен кандидаттарға он жұмыс күні ішінде береді.

      62. Тиісті деңгейдегі мемлекеттік аудитор сертификаты осы Қағидаларға 9-қосымшаға сәйкес нысан бойынша тиісті деңгейдегі мемлекеттік аудитор сертификаттарын беруді есепке алу журналы бойынша кандидаттың жеке өзіне не нотариат куәландырған сенімхат бойынша оның өкіліне беріледі.

      Тиісті деңгейдегі мемлекеттік аудитор сертификатының бланкісін үйлестіруді, сақтауды, есепке алуды және пайдалануды Жұмыс органының Ұлттық комиссия қызметін қамтамасыз етуге жауапты құрылымдық бөлімшесі жүзеге асырады.

      63. Тиісті деңгейдегі мемлекеттік аудитор сертификаты бар адамдарды есепке алу мақсатында Жұмыс органы жылдың қорытындысы бойынша есепті кезеңнен кейінгі айдың жиырмасыншы күнінен кешіктірмей тиісті деңгейдегі мемлекеттік аудитор сертификаты бар адамдардан алынған жұмыс орны және атқаратын лауазымы туралы өзекті ақпаратқа мониторинг және талдау жүргізеді.

5-параграф. Тиісті деңгейдегі мемлекеттік аудитор сертификатының телнұсқаларын беру

      64. Тиісті деңгейдегі мемлекеттік аудитор сертификаты жоғалған, бүлінген жағдайда мемлекеттік аудитор Жұмыс органына оның телнұсқасын алу туралы өтініш жолдайды.

      Мемлекеттік аудитордың жоғалған, бүлінген (зақымданған) сертификаттары мемлекеттік аудитор Жұмыс органына мемлекеттік аудитор біліктілігін иелену туралы бүлінген (зақымданған) сертификаттарды қоса бере отырып, тиісті жазбаша өтініш берген күннен бастап жарамсыз деп есептеледі.

      65. Тиісті деңгейдегі мемлекеттік аудитор сертификатының телнұсқасын беруді Жұмыс органы өтініш берушіге не нотариат куәландырған сенімхат бойынша оның өкіліне телнұсқа беру туралы өтінішті алған күннен бастап күнтізбелік он бес күн ішінде "телнұсқа" деген мөртаңба қоя отырып жүзеге асырады.

6-параграф. Тиісті деңгейдегі мемлекеттік аудитор сертификатын қайтарып алу

      66. Ұлттық комиссия Заңның 39-бабының 8-тармағында көзделген негіздер бойынша тиісті деңгейдегі мемлекеттік аудитор сертификатын қайтарып алуды жүзеге асырады.

      67. Мемлекеттік аудит және қаржылық бақылау органдары мемлекеттік аудиторға қатысты тиісті деңгейдегі мемлекеттік аудитор сертификатын қайтарып алу үшін негіздің болуы туралы шешім қабылданған күннен бастап он жұмыс күні ішінде мынадай құжаттарды:

      1) мемлекеттік аудит және қаржылық бақылау органының тиісті деңгейдегі мемлекеттік аудитор сертификатын қайтарып алуға негіздің болуы туралы хаттамасын;

      2) мемлекеттік аудит және қаржылық бақылаудың уәкілетті органы ұсынған мемлекеттік аудитордың кәсіби әдеп талаптарын сақтамағанын растайтын құжаттарды;

      3) тиісті деңгейдегі мемлекеттік аудитор сертификатын қайтарып алуға негіз болған, қаржылық бұзушылық фактілерінің көрсетілмеуі орын алған анық емес аудиторлық есепті және мемлекеттік аудит материалдарының сапасын бақылаумен расталмаған аудиторлық есепті;

      4) аудиторлық есептің сапа бақылауының нәтижелері бойынша қорытындыны;

      5) Заңның 19-бабының 2-тармағына сәйкес Жоғары аудиторлық палата жүргізген бақылау барысында мемлекеттік аудитор материалдарының танылмауына себеп болған мемлекеттік аудит және қаржылық бақылау стандарттарын бірнеше рет (бір жылда үш реттен көп) бұзғаны үшін мемлекеттік аудит нәтижелерін тану қорытындысы бойынша Жоғары аудиторлық палатаның қорытындысын қоса бере отырып, Жұмыс органына тиісті деңгейдегі мемлекеттік аудитор сертификатын қайтарып алу туралы ұсыныс жолдайды.

      Осы тармақтың 2) және 3) тармақшаларында көзделген бұзушылықтарға алғаш рет жол берген мемлекеттік аудиторларға ескерту жасалады.

      68. Ұсынылған құжаттардың толық болмау фактісі анықталған, сондай-ақ Заңның 39-бабының 8-тармағында көрсетілген негіздер болмаған жағдайда, Жұмыс органы мемлекеттік аудит және қаржылық бақылау органдары ұсынған құжаттарды (материалдарды) қайтарады.

      69. Ұсынылған құжаттар толық болған жағдайда, Жұмыс органы мемлекеттік аудит және қаржылық бақылау органының ұсынысын растайтын құжаттарымен бірге Ұлттық комиссияның қарауына енгізеді және мемлекеттік аудиторды (сот үкімімен сотталған адамдарды қоспағанда) Ұлттық комиссия отырыстарының кестесіне сәйкес Ұлттық комиссияның отырысына шақырады.

      Ұлттық комиссияның отырысында мемлекеттік аудитордың болмауы ұсынысты қарау үшін кедергі болып табылмайды.

      70. Жұмыс органы Ұлттық комиссияның шешімі қабылданған күннен бастап бес жұмыс күні ішінде тиісті деңгейдегі мемлекеттік аудитор сертификатын қайтарып алу туралы мәліметтерді жұмыс органының интернет-ресурсына орналастырады.

      71. Осы Қағидалардың 47-тармағында белгіленген адамдарды қоспағанда, Заңның 39-бабының 8-тармағында көзделген негіздер бойынша тиісті деңгейдегі мемлекеттік аудитор сертификаты қайтарып алынған адамдар әңгімелесуден өту үшін Ұлттық комиссия отырысының тиісті деңгейдегі мемлекеттік аудитор біліктілігін иелену туралы сертификатты қайтарып алу туралы хаттамасына қол қойылған күннен бастап үш жыл өткен соң Жұмыс органына осы Қағидалардың 43-тармағында көрсетілген құжаттарды қайта бере алады.

      72. Көрсетілетін қызметті беруші осы Қағидаларға өзгерістер мен (немесе) толықтырулар енгізу туралы нормативтік құқықтық акті бекітілген күннен бастап үш жұмыс күні ішінде енгізілген өзгерістер мен (немесе) толықтырулар туралы ақпаратты "электрондық үкіметтің" ақпараттық-коммуникациялық инфрақұрылымның операторына және Бірыңғай байланыс орталығына жібереді.

ӨТІНІШ

      __________________________________________________________________________

      (деңгейін (мемлекеттік аудитор/тиісті саладағы ішкі мемлекеттік аудитор) көрсету)

      ________________________________________________________________________________

      біліктілігіне білімді растау жөніндегі біліктілік емтиханын тапсыруға рұқсат беруіңізді сұраймын.

      Үйінің мекенжайы, жұмысының/үйінің және ұялы телефондарының нөмірі

      ________________________________________________________________________________

      ________________________________________________________________________________

      Электрондық поштасының мекенжайы: ________________________________________

      Осы өтінішке жеке куәлігімнің көшірмесін қоса беріп отырмын.

      Мемлекеттік аудитор біліктілігін иеленуге үміткер адамдарды сертификаттау қағидаларымен таныстым және олармен келісемін.

      Толтырылған күні: 20___жылғы "____" ________ ________________

      (қолы)

Біліктілік емтиханы рәсімдерінің бұзылғаны туралы акт

      20___жылғы "____" ______                        ___ сағат _____минут

      Қадағалаушы ______________________________________________________________

      (аты, әкесінің аты (болған жағдайда), тегі)

      кандидат________________________________________________________ жеке сәйкестендiру нөмiрі (бұдан әрі – ЖСН) ____________________________________________

      (аты, әкесінің аты (болған жағдайда), тегі)

      Мемлекеттік аудитор біліктілігін иеленуге үміткер адамдарды сертификаттау қағидаларының 18-тармағының бірінші бөлігін мынадай

      түрде:

      ________________________________________________________________________________

      (бұзушылықты қысқаша сипаттау)

      ________________________________________________________________________________

      ________________________________________________________________________________

      бұзу фактісін анықтады.

      Қадағалаушының қолы ______________________________________________________

      Актімен таныстым _________________________________________________________

      (бұзушылыққа жол берген кандидаттың қолы, аты, әкесінің аты (болған жағдайда), тегі)

      Көрсетілген бұзушылыққа жол берген кандидат осы актіге қол қоюдан бас тартқан жағдайда, тиісті жазба жасалады.

      ________________________________________________________________________________

      (көрсетілген бұзушылыққа жол берген кандидаттың осы актіге қол қоюдан бас тартуын растайтын басқа да адамның қолы, аты, әкесінің аты (болған жағдайда), тегі, ЖСН)

      _________________________________________________________

      (білімді растау жөніндегі ұйымның атауы)

Тиісті саладағы ішкі мемлекеттік аудитор біліктілігін иеленуге үміткер кандидаттың білімін растау туралы құжат

      Білімді растау жөніндегі ұйымның электрондық дерекқорында

      20___ жылғы "___" ________ № ____ болып тіркелген

      Осы құжат _______________________________________________________________

      __________________________________________________________________________

      (кандидаттың аты, әкесінің аты (болған жағдайда), тегі) (бұдан әрі – А.Ә.Т.)

      мынадай сертификаттау пәндері бойынша оң нәтиже алғандығын растайды:

      Құжаттың қолданылу мерзімі 20__ жылғы "_________" ____________________________

      Басшы                        ____________________________________

      (Білімді растау жөніндегі ұйым)      (А.Ә.( болған жағдайда), Т. (қолы)

      Мөрдің орны

      _________________________________________________________

      (білімді растау жөніндегі ұйымның атауы)

Мемлекеттік аудитор біліктілігін иеленуге үміткер кандидаттың білімін растау туралы құжат

      Білімді растау жөніндегі ұйымның электрондық дерекқорында

      20___ жылғы "___" ________ № ____ болып тіркелген

      Осы құжат______________________________________________________

      _______________________________________________________________

      (кандидаттың аты, әкесінің аты (болған жағдайда), тегі (бұдан әрі – А.Ә.Т.)

      мынадай сертификаттау пәндері бойынша оң нәтиже алғандығын растайды:

      Құжаттың қолданылу мерзімі 20__ жылғы "_____" ______________

      Басшы                              _______________________________

      (Білімді растау жөніндегі ұйым)            (А.Ә.(болған жағдайда), Т. (қолы)

      Мөрдің орны

      Нысан

ӨТІНІШ

      Ескерту. 5-қосымша жаңа редакцияда – ҚР Жоғары аудиторлық палатасының 13.02.2023 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      _______________________________________________________________

      (деңгейін (тиісті саладағы ішкі мемлекеттік аудитор/мемлекеттік аудитор/жоғары санатты мемлекеттік аудитор) көрсету)

      біліктілігі сертификатын беруіңізді сұраймын.

      Нақты тұратын мекенжайы, үйінің және ұялы телефондарының №_____________

      Электрондық поштасының мекенжайы: _________________________________

      Осы өтінішке мыналарды қоса беріп отырмын:

      ☑ ("белгімен" көрсету)

      Осымен:

      Мемлекеттік аудитор біліктілігін иеленуге үміткер адамдарды сертификаттау қағидаларымен танысқанымды және олармен келісетінімді;

      қоса берілген барлық құжаттың шындыққа сәйкес келетінін және жарамды екенін растаймын.

      Толтырылған күні: 20___жылғы "_____" _____________________ (қолы)

      Нысан

Дербес деректерді жинауға және өңдеуге келісім беру туралы өтініш

      Ескерту. 5-1-қосымшамен толықтырылды – ҚР Жоғары аудиторлық палатасының 13.02.2023 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Мен, _______________________________________________________________,
(аты, әкесінің аты (болған жағдайда), тегі – толығымен жазу қажет)

      жеке сәйкестендіру нөмірім (ЖСН) ________________________, жеке басты

      куәландыратын құжаттың деректері ____________________________________,

      № ________________________, берілген күні ____________________________,
(құжаттың атауы)

      Құжатты берген орган ______________________, нақты тұратын мекенжайым:

      __________________________________________________________________,
(нақты тұратын мекенжайы)

      "Дербес деректер және оларды қорғау туралы" Қазақстан Республикасының Заңын басшылыққа ала отырып, осымен Мемлекеттік аудитор біліктілігін иеленуге үміткер адамдарды сертификаттау жөніндегі ұлттық комиссияның жұмыс органына (бұдан әрі – Жұмыс органы) олардың электрондық, қағаз және (немесе) өзге де материалды тасығышта тіркелген кірістер мен мүлік туралы мәліметтерден тұратын менің дербес деректерімді жинауды және өңдеуді жүзеге асыруына сөзсіз келісім беремін.

      Осы арқылы Жұмыс органы қолданыстағы заңнаманың талаптарын сақтаған жағдайда, менің дербес деректерімді жинау және өңдеу жөніндегі оның қызметіне қатысты қандай да бір наразылықтардың бұдан әрі болмайтындығын растаймын.

      Осы келісім мемлекеттік қызмет көрсету нәтижесін алғанға дейін барлық кезең ішінде қолданылады.

      ________________ ______________________________________
(қолы) (аты, әкесінің аты (болған жағдайда), тегі)

      "____" ____________20 _ жыл.

"Мемлекеттік аудитор біліктілігін иеленуге үміткер адамдарды сертификаттау" мемлекеттік қызметті көрсетуге қойылатын негізгі талаптар тізбесі

      Ескерту. 6-1-қосымшамен толықтырылды – ҚР Жоғары аудиторлық палатасының 13.02.2023 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

Тиісті деңгейдегі мемлекеттік аудитор біліктілігін иеленуге үміткер кандидат туралы ҚОРЫТЫНДЫ

      1. Жалпы мәліметтер

      1) А.Ә.(болған жағдайда), Т.;

      2) лауазымы, жұмыс орны;

      3) мемлекеттік аудитор (ішкі мемлекеттік аудитор, мемлекеттік аудитор, жоғары санатты мемлекеттік аудитор) біліктілігі;

      4) туған күні (күні, айы, жылы);

      5) наградалары мен көтермелеулері;

      6) білімі туралы мәліметтер;

      7) жалпы өтілі (осы Қағидалардың 39, 40, 41-тармақтарында белгіленген);

      8) мемлекеттік аудит және қаржылық бақылау органдарындағы жалпы өтілі (болған жағдайда);

      9) лауазымдық ауысуы;

      10) тәртіптік жазалары туралы мәліметтер (болған жағдайда).

      2. Білімін растаудан өту нәтижелері туралы ақпарат.

      Дайындалған күні: __________

      Ұлттық комиссия хатшысының қолы: ____________________

      (А.Ә. (болған жағдайд), Т., қолы)

Мемлекеттік аудитор сертификаты

      Мемлекеттік аудитор біліктілігін иеленуге үміткер адамдарды сертификаттау жөніндегі ұлттық комиссияның 20___ жылғы "____"___________ № ____ шешімімен ______________________

      (А.Ә.(болған жағдайда),Т.)

      ____________________________________________________________________

      біліктілігі берілді.

      Ұлттық комиссияның

      Төрағасы:            ____________ _________________________________

      (қолы)                  (А.Ә.(болған жағдайда),Т.)

      М.О.

      Берілген күні: 20___ жылғы ____ _____________

      Тіркеу нөмірі № _______

Мемлекеттік аудитор сертификаттарын есепке алу және беру журналы