Ескерту. Бұйрықтың күші жойылды - ҚР Ішкі істер министрінің 11.06.2015 № 520 бұйрығымен.

      "Қазақстан Республикасының халқын құжаттандыру және тіркеу ережесін бекіту туралы" Қазақстан Республикасы Үкіметінің 2000 жылғы 12 шілдедегі № 1063, "Қазақстан Республикасының халқын құжаттандырудың кейбір мәселелері туралы" 2008 жылғы 24 желтоқсандағы № 1235 және 2009 жылғы 27 тамыздағы № 1260 қаулыларын орындау үшін Қазақстан Республикасының азаматтарын құжаттандыру және тіркеу мәселелері бойынша ішкі істер органдарының қызметін жетілдіру мақсатында БҰЙЫРАМЫН:
      1. Мыналар:
      1) Осы бұйрықтың 1-қосымшасына сәйкес Қазақстан Республикасының халқын құжаттандыру және тіркеу қағидаларын қолдану туралы нұсқаулық;
      2) Осы бұйрықтың 2-қосымшасына сәйкес Қазақстан Республикасының тіркелген және тіркеу есебінен шыққан азаматтарын есепке алу ережесі бекітілсін.
      2. "Қазақстан Республикасының азаматтарын құжаттандыру және тіркеудің кейбір мәселелері туралы" Қазақстан Республикасы Әділет министрінің 2010 жылғы 31 желтоқсандағы № 352 бұйрығының (2011 жылғы 1 маусымдағы № 74-75 "Заң газеті" газетінде № 6758 басылып шыққан Нормативтік құқықтық актілерді мемлекеттік тіркеу реестрінде тіркелген) күші жойылды деп танылсын.
      3. Қазақстан Республикасы Ішкі істер министрлігінің Көші-қон полициясы комитеті (П.К. Нокин) осы бұйрықты Қазақстан Республикасының Әділет министрлігіне мемлекеттік тіркеуге жолдасын және мемлекеттік тіркелгеннен кейін оны ресми басылып шығуын қамтамасыз етсін.
      4. Осы бұйрықтың орындалуын бақылау Ішкі істер министрінің орынбасары Қ.С. Тыныбековке және Қазақстан Республикасы Ішкі істер министрлігі Көші-қон полициясы комитетіне (П.К. Нокин) жүктелсін.
      5. Осы бұйрық алғаш ресми жарияланған күннен бастап қолданысқа енгізіледі және 1 желтоқсаннан туындайтын құқықтық қатынастар қолданылады.

      Қазақстан Республикасының                        Қ. Қасымов
      Ішкі істер министрі

      "КЕЛІСІЛДІ"
      Қазақстан Республикасының
      Сыртқы істер министрі
      ___________ Е.Қазыханов
      2011 жылғы "__"_________

      "КЕЛІСІЛДІ"
      Қазақстан Республикасының
      Әділет министрі
      _________Р. Түсіпбеков
      2011 жылғы "__"________

Қазақстан Республикасы
Ішкі істер министрінің
2011 жылғы 28 қарашадағы
№ 631 бұйрығына
1-қосымша

Қазақстан Республикасының халқын құжаттандыру және тіркеу қағидаларын қолдану туралы нұсқаулық

1. Жеке басты куәландыратын құжаттарды беру

      Қазақстан Республикасының халқын құжаттандыру және тіркеу қағидаларын қолдану туралы нұсқаулық (бұдан әрі - Нұсқаулық) Қазақстан Республикасының Конституциясына, "Қазақстан Республикасының азаматтығы туралы", "Халықтың көші-қоны туралы", "Тұрғын үй қатынастары туралы", "Жеке және заңды тұлғалардың өтініштерін қарау тәртібі туралы" "Сәйкестендіру нөмірлерінің ұлттық тізілімдері туралы" Қазақстан Республикасының заңдарына, "Қазақстан Республикасының халқын құжаттандыру және тіркеу қағидасын бекіту туралы" Қазақстан Республикасының халқын құжаттандыру және тіркеу қағидасын бекіту туралы" Қазақстан Республикасы Үкіметінің 2000 жылғы 12 шілдедегі № 1063 қаулысына, Қазақстан Республикасының басқа нормативтік құқықтық актілеріне сәйкес әзірленді және Қазақстан Республикасының азаматтарын құжаттандыру және тіркеу мәселелерін реттейді.
      1. Ішкі істер органдары Қазақстан Республикасының азаматтарына жеке басын куәландыратын мынадай құжаттар:
      Қазақстан Республикасы азаматының паспортын;
      Қазақстан Республикасы азаматының жеке куәлігін береді.
      Жеке басты куәландыратын құжаттар иесінің қалауы бойынша мемлекеттік тілде немесе орыс тілдерінде, ал Қазақстан Республикасы азаматының паспорты, сонымен қатар ағылшын тілінде толтырылады. Паспортта ұлты туралы жазба азаматтың қалауы бойынша көрсетіледі.
      2. Қазақстан Республикасы азаматының паспорты азаматтардың қалауы бойынша, жасына қарамастан, жарамдылық мерзімі он жылға беріледі. Азаматтың өтініші бойынша паспорттың жарамдылық мерзімін облыстардың, Астана, Алматы қалаларының ішкі істер департаменттері (бұдан әрі - ішкі істер департаменттері) паспорттың бос бетіне тиісті жазба жазыла отырып, 1-қосымшаға сәйкес мөртабан үлгісіне сәйкес Қазақстан Республикасының азаматы паспортының жарамдылық мерзімін ұзарту туралы мөртабан қою арқылы азаматтың өтініш білдірген жері бойынша тағы бір жылға ұзартады, ол паспорттық елтаңбалы мөрмен бекітіледі және Ішкі істер департаментінің халықты құжаттандыру және тіркеу бөлімі бастығының немесе оның міндетін атқаратын адамның қолымен расталады. Елден тыс жерлерде тұратын азаматтарға Қазақстан Республикасы азаматы паспортының жарамдылық мерзімін Қазақстан Республикасының шетелдік мекемелері ұзартады.
      3. Қазақстан Республикасы азаматының жеке куәлігі азаматтарға 16 жастан бастап беріледі және Қазақстан Республикасының аумағында жарамды болып табылады.
      Қазақстан Республикасы азаматының жеке куәлігі жарамдылық мерзімі он жылға беріледі.
      4. Қазақстан Республикасының азаматтарына жеке куәлігін жоғалтқан, одан әрі пайдалануға жарамсыз болған кезде және жеке басын куәландыратын құжаттары адамдарға олардың өтініші бойынша жеке басын куәландыратын жаңа құжаттар алғанға дейін 2-қосымшаға сәйкес үлгі бойынша уақытша жеке куәлік жарамдылық мерзімі 3 айға дейін беріледі.
      Уақытша жеке куәлік халықты құжаттандырудың және тіркеудің уәкілетті қызметкерінің қолымен түсінікті етіп, азаматтың қалауы бойынша - мемлекеттік немесе орыс тілдерінде толтырылады. Уақытша жеке куәлікке азамат туралы мынадай мәліметтер: тегі, аты, әкесінің аты, туған жері және күні, ұлты (қалауы бойынша), тұрғылықты жерінің мекенжайы, берген орган және берілген күні, жарамдылық мерзімі, азаматтың қолы енгізіледі.
      "Туған жері" деген жолда облыс (қала), Қазақстан Республикасынан тыс жерлерде туғандар үшін - ел, ал "тұрғылықты" жері деген бағанда облыс, аудан және елді мекені көрсетіледі.
      "Туған күні", "берілген күні", "дейін жарамды" деген жолдарда күні, айы, жылы араб цифрларымен көрсетіледі. Уақытша жеке куәлікті беру халықты құжаттандыру және тіркеу бөлімі жауапты қызметкерінің қолымен және паспортты елтаңбалы мөрмен расталады.
      "Берген орган" деген жолда тиісінше құжатты берген ішкі істер органының бөлінісі көрсетіледі.
      Уақытша жеке куәлікке көлемі 3,5 х 4,5 сантиметр (бұдан әрі - см) иесінің фотосуреті жапсырылады, ол паспортты елтаңбалы мөрмен бекітіледі.
      Уақытша куәлікті беру 3-қосымшаға сәйкес нысан бойынша Қазақстан Республикасының азаматтарына берілген уақытша куәліктерді есепке алу журналында тіркеледі.
      5. Жеке басты куәландыратын құжаттарды, сондай-ақ уақытша жеке куәліктерді бергені үшін Қазақстан Республикасының "Салық және бюджетке төленетін басқа да міндетті төлемдер туралы" кодексінде (бұдан әрі - Салық кодексі) белгіленген мөлшерде мемлекеттік баж алынады.

2. Қазақстан Республикасы азаматының жеке басын куәландыратын құжаттарды дайындау үшін формулярларды ресімдеу

      6. Қазақстан Республикасы азаматының паспортын және жеке куәлігін дайындау үшін халықты құжаттандыруға және тіркеуге уәкілетті қызметкер 4-қосымшаға сәйкес нысан бойынша формуляр толтырылады. Бұл ретте оны жеке басын сәйкестендіру және қолын қою үшін азаматтың жеке өзінің болуы міндетті.
      Қазақстан Республикасының аумағында тұрақты тұратын азаматтарға формуляр олардың тіркелген жері бойынша Қазақстан Республикасы ішкі істер органдарының көші-қон полициясы бөліністерінде, ал осы тармақтың төртінші, бесінші абзацтарында көрсетілген жағдайларда - азаматтың жүрген жері бойынша толтырылады.
      Формуляр мынадай:
      тергеу қамауындағыларға және бас бостандығынан айыру орындарда жазасын өтеп жатқан адамдарға;
      мүгедектерге, әрекетке қабілетсіз және науқас адамдарға;
      1974 жылғы үлгідегі бұрынғы КСРО паспортын ауыстыруға және олардың жоғалуы бойынша қалпына келтіруге өтініш білдірген азаматтарға, сондай-ақ туу туралы куәліктің негізінде Қазақстан Республикасы азаматының жеке басын куәландыратын құжаттар алуға алғаш рет өтініш білдірген адамдарға;
      "Халықты құжаттандыру және тіркеу" тіркеу пункттері (бұдан әрі - ХҚТ ТП) болмаған жағдайда;
      ХҚТ ТП-мен байланыс арналары бұзылған немесе оның құрал-жабдықтары сынып қалған жағдайлар толтырылады.
      Қазақстан Республикасының шетелдік мекемелері Қазақстан Республикасының мынадай азаматтарына:
      Қазақстан Республикасынан тыс жерлерде тұрақты тұратындарға;
      шет мемлекеттердің аумағында орналасқан оқу орындарында күндізгі оқу нысанында білім алатындарға;
      көрсетілген адамдардың олармен бірге тұратын отбасы мүшелеріне;
      шетелде дипломатиялық қызметтің персоналымен бірге тұратын дипломатиялық немесе қызметтік паспортты алуға құқығы жоқ дипломатиялық қызмет персоналының туысқандарына формулярлар толтырады.
      Азаматтар құжаттандыру мәселелері бойынша Қазақстан Республикасы Ішкі істер министрлігінің Көші-қон полициясы комитетіне (бұдан әрі - Қазақстан Республикасы ІІМ ККДК) өтініш білдірген кезде формулярларды толтыруды, дайын құжаттарды беруді, паспорттың жарамдылық мерзімін ұзартуды ІІМ КҚПК жүргізеді.
      Тұрақты тұратын жері болмаған жағдайда жеке басты куәландыратын құжаттар Қазақстан Республикасының азаматына ішкі істер органдары растаған уақытша тұратын жері (белгілі тұрғылықты жері жоқ адамдарға арналған оңалту және бейімдеу орталығы, еңбекпен түзеу мекемелері) бойынша және ішкі істер органдары растайтын нақты жүрген жері (уақытша ұстау изоляторлары, белгілі тұрғылықты жері жоқ адамдарға арналған қабылдау-тарату орындары) бойынша беріледі.
      7. Формулярдың нөмірі мен штрихкоды бар, қатаң есептегі баспаханалық бланк, ол Қазақстан Республикасының құжаттандырылған халқының орталықтандырылған ақпараттық деректер базасына (бұдан әрі - деректер базасы) енгізілетін ақпаратты тасымалдағыш болып табылады және ол кейіннен берілген құжаттармен жеке тұлғаны сәйкестендіру және мекенжай-анықтамалық жұмыс мақсатында пайдаланылады.
      8. Формулярлардың бланкілері реттік нөмірлері бойынша № 2 нысанды жеке куәліктерді, паспорттарды дайындауға арналған формулярларды есепке алу кітаптарында 5-қосымшаға сәйкес (бұдан әрі - 2-нысанды кітап) есепке алынады.
      9. Формуляр қара, қара көк немесе күлгін түсті сиялы шарикті қаламмен толтырылады. Формулярдағы деректерді түзету туралы формулярдың сыртқы бетіндегі бос орынға "№ жолдағы түзету дұрыс (дұрыс деректерді көрсете отырып)" деген жазба жазыла отырып, халықты құжаттандырудың және тіркеудің уәкілетті қызметкерінің қолымен және паспортты елтаңбалы мөрмен расталады.
      10. Паспортты, жеке куәлікті алуға арналған түбіртек формуляр бланкісі толтырылғаннан кейін одан бөліп алынып, азаматқа беріледі.
      11. Бүлінуіне, тозуына, жеке тұлғаны сәйкестендіру мүмкін емес болуына байланысты одан әрі пайдалануға жарамсыз құжаттарды қоспағанда, жаңа паспорттар мен жеке куәліктер берілгенге дейін азаматтың бұрынғы құжаттары алынбайды.
      Азаматтың өтініші бойынша ауыстырылуға жататын, бірақ шет мемлекеттің қолданыстағы визасы бар паспорт алынбайды. Бұл ретте жарамсыз паспорт жоюға (паспорттың бір жақ шетін тескішпен тесу арқылы) жатады, паспорт иесі қажеттілік мерзімі аяқталған соң паспортты тіркелген жері бойынша ішкі істер органына тапсыру қажеттігі туралы ескертіледі. Формулярдың сыртқы бетіне "паспорт тапсырылған жоқ" деген белгі қойылады.
      12. Жоғалған, заңсыз берілген, басқа мемлекеттің азаматтығын алғандығы туралы ақпарат бола тұра алынбаған, жаңа құжаттарға ауыстырылған кезде және азаматтардың қайтыс болуына байланысты алынбаған паспорттар мен жеке куәліктер, заңсыз берілгендер, өзге мемлекеттің азаматтығын қабылдағаны туралы деректер он күн сайын ішкі істер департаменттерінде жинақталады және одан әрі 6-қосымшаға сәйкес нысан бойынша деректер базасына түзетулер енгізу үшін Қазақстан Республикасы ІІМ КҚПК-ге және Қазақстан Республикасы Ұлттық қауіпсіздік комитетінің Шекара қызметіне жіберіледі.
      13. Формулярды толтыру негізділігі мен дұрыстығы формулярды толтырған халықты құжаттандыруға және тіркеуге уәкілетті қызметкердің қолымен, оған берілген дербес коды көрсетіле отырып расталады. Халықты құжаттандыруға және тіркеуге уәкілетті қызметкерлердің дербес кодтары бес таңбалы әріп-санды индекстерден тұрады, ондағы 1-ші белгі (латын әрпі) - облыстың коды, 2-ші белгі (орыс тілі алфавитінің әрпі) - ауданның коды, 3-ші, 4-ші және 5-ші белгілер - өңір ішінде формулярлар толтыруға рұқсаты бар халықты құжаттандыруға және тіркеуге уәкілетті қызметкерлердің реттік тіркеу нөміріне сәйкес келетін 00 ден - 999 дейінгі араб сандары. Формулярларды толтыратын халықты құжаттандыруға және тіркеуге уәкілетті қызметкерлер ауысқан кезде олардың дербес кодтары жарамсыз деп есептеледі, ал жаңадан тағайындалғандарға жаңа дербес кодтар беріледі. Бұл ретте оларға кодтың алғашқы екі белгісін өзгеріссіз қалдырып, осы бөліністегі пайдаланылмаған бос реттік нөмірлердің ішінен келесі код белгісі беріледі. Халықты құжаттандыруға және тіркеуге уәкілетті қызметкерлерге берілген, сондай-ақ жойылған кодтар туралы мәліметтер Қазақстан Республикасы ІІМ КҚПК-ге жолданады.
      Дербес кодтардың әріптік индекстерін Қазақстан Республикасы ІІМ КҚПК береді, сандық индекстерді ішкі істер департаменттерінің халықты құжаттандыру және тіркеу бөліністері жаңартады және олар департамент бастықтарының бұйрықтарымен бекітіледі.
      14. Формулярларды толтыру туралы шешім қабылдау үшін Қазақстан Республикасының азаматтары 7-қосымшаға сәйкес нысан бойынша азаматтарды тіркеу кітабын немесе 8-қосымшаға сәйкес нысан бойынша тұрақты тұратын жері бойынша тіркелгенін растайтын мекенжай анықтамасын, жеке басын куәландыратын құжат үшін мемлекеттік бажды төлегені туралы түбіртекті, фотосуреттерді және басын куәландыратын құжаттарды ресімдеу себебіне сәйкес төменде санамаланған мынадай құжаттардың бірін ұсыну қажет:
      _{туу туралы} куәлік_;
      Қазақстан Республикасы азаматының паспорты;
      Қазақстан Республикасы азаматының жеке куәлігі;
      1974 жылғы үлгідегі бұрынғы КСРО паспорты;
      бұрынғы КСРО жалпы азаматтық шетелдік паспорты;
      қайтуға берілген куәлігі;
      Қазақстан Республикасы Ішкі істер министрінің 2002 жылғы 23 тамыздағы № 556 бұйрығымен бекітілген "Қазақстан Республикасының азаматтығына байланысты мәселелерді Қазақстан Республикасы ішкі істер органдарының қарауы жөніндегі нұсқаулыққа" (Нормативтік құқықтық актілерді мемлекеттік тіркеу тізілімінде № 2045 болып тіркелген, 6-қосымшаға сәйкес нысан бойынша Қазақстан Республикасы азаматтығын қабылдау туралы анықтама (бұдан әрі - № 6 нысанды анықтама).
      15. Формулярларды толтырған кезде азаматтардан көлемі 3,5 x 4,5 см. түрлі-түсті екі фотосурет талап етіледі. Фотосурет азаматтың құжат ресімдеу кезіндегі жасына сәйкес, қатаң түрде жарық жерде алдынан түсірілген болуы тиіс, бұл ретте адамның беті фотосуреттің жалпы көлемінің 75% жуығын алуы тиіс. Компьютерлік сканерлеу және модельдеу немесе ксерокөшірме әдісімен дайындалған суреттерді пайдалануға жол берілмейді. Діни нанымдарға байланысты суретке бас киіммен түсуге рұқсат етіледі. Бұл ретте иегінің төменгі бөлігінен маңдайына дейінгі бет элпеті және бетінің екі жағы анық көрінуі тиіс.
      Фотосурет:
      формулярдың алдыңғы бетінде арнайы бөлінген орынға;
      формулярдың артқы бетінде 18 жолдың қатарына жапсырылып, паспорттық елтаңбалы мөрмен куәландырылады. Мөр бедері анық, еркін оқылатын болу керек, бұл ретте мөр нөмірі фотосуретке емес бланкіге қойылуға тиіс;
      16. Формулярда азаматтың қолы өз қолымен қара, көк немесе күлгін түсті сиялы шарикті қаламсаппен қойылады. Сия және капилляр (гельді) қаламдарды пайдалануға жол берілмейді.
      Формулярларды толтыру кезінде:
      16 жасқа дейінгі балаларға;
      әрекетке қабілетсіз, сауатсыз, мүгедектігі бойынша;
      ерекше жағдайларда, жеке қолын қоюдан бас тартқандарға (тергеу-қамауға алынғандар, тергеудегі адамдар) формулярға қол қоймауларына болады.
      Көрсетілген жағдайларда қол қоюға арналған баған бос қалдырылады, растайтын құжаттың көшірмесі (зейнеткердің мүгедектігі туралы куәлігі, денсаулық жағдайы туралы анықтама, құқық қорғау органының хаттамасы) алынады, формулярдың келесі бетіндегі бос орынға қол қойылмау себебін көрсету қажет. Жеке куәліктерді дайындауда қойылатын қолдың орнына толтыру тілінде арнайы белгі "не может подписать", "мүмкіндігі жоқ", паспортта ағылшын тілінде "unable to sign" деген белгі қойылады.
      17. Формулярды толтыру кезінде:
      тегі, аты, әкесінің аты (бұдан әрі - Т.А.Ә.) (болған жағдайда) және басқа да деректері;
      жергілікті жердің атауы;
      құжаттарды берген орган аты формулярды толтыру үшін негіз болып табылатын құжаттардағы жазбаларға сәйкес жазылады, бұл ретте Қазақстан Республикасының аумағында орналасқан елді мекендердің атауы қолданыстағы әкімшілік-аумақтық бөлініске сәйкес жазылады.
      Барлық кодтар, сондай-ақ тіркелген жерінің мекенжайлары және олар бойынша қабылданған қысқартулар кодтар мен қысқартулардың анықтамалықтарына сәйкес 9-қосымшадағы нысан бойынша көрсетіледі.
      6, 10, 13, 14, 15, 16, 17, 18, 19-жолдардағы мерзім сандармен мынадай ретпен қойылады: жылы, айы, күні.
      18. Формулярды толтыру кезiнде мынаны басшылыққа алу қажет.
      «ПАСПОРТ, ЖЕКЕ КУӘЛIК БЕРIЛЕДI» деген нөмiрсiз жол тапсырыс берiлетiн құжаттың түрiне сәйкес жеке куәлiк және паспорт үшiн латынша «N» бас әрпiн қою арқылы толтырылады. Егер азамат тек жеке куәлiк немесе тек паспорт алса, екiншi жолда сызықша қойылады.
      «ПАСПОРТ, ЖЕКЕ КУӘЛIК БЕРIЛЕДI» деген 1-жолда формулярды толтырудың бiр немесе бiрнеше себептердiң (7 кодқа дейiн) коды көрсетiледi, мысалы тегiн өзгертуi «04 жеке куәлiктiң жоғалуы «09», заңды мекенжайын ауыстыру «10» және т.б.
      1-ақпараттық жолдағы кодтар мынадай тәртiпте көрсетiледi:
      «00» коды формулярды 16 жасқа дейiнгi балаларға паспортты беруге толтыру кезiнде көрсетiледi, бұл ретте 9, 10, 11-жолдарда туу туралы куәлiгiнiң деректерi жазылады, формулярдың сыртқы бетiндегi бос орынға бар болса жеке сәйкестендiру нөмiрi (бұдан әрi – ЖСН) көрсетiледi. Балалардың жеке басын тексерiп, сәйкестендiрудi жүргiзу үшiн жеке өздерiнiң болуы мiндеттi.
      Формулярды ресімдеу үшін ата-аналарының бірінің жеке куәлігі, тұрақты тұрғылықты жері бойынша баланың тіркелгенін растайтын мекенжай анықтамасы ұсынылады. Формулярдың сыртқы бетіндегі бос орынға ата-аналарының бірінің жеке басын куәландыратын құжаттың нөмірі, күні және берген орган, сондай-ақ егер бар болса, жеке сәйкестендіру нөмірі көрсетіледі және паспорттық елтаңбалық мөрімен расталады.
      «01» коды 16 жасқа толған азаматтар үшiн көрсетiледi, бұл ретте 9, 10, 11-жолдарда туу туралы куәлiгiнiң деректерi жазылады.
      Егер азамат 16 жасқа толғанға дейiн паспорт алған болса, 16 жасқа толғанда формулярды толтыру кезiнде 9, 10, 11-жолдарда оның паспортының деректерi көрсетiледi, ал формулярдың сыртқы бетiндегi бос орынға паспортты елтаңбалы мөрмен растап, туу туралы куәлiгiнiң деректерi жазылады.
      Туу туралы куәлiктiң негiзiнде 16 жасқа толған азаматтарға жеке басын куәландыратын құжаттар ресiмдеу кезiнде ата-анасының бiрiнiң жеке куәлiгi және ата-анасының тұрғылықты тұратын жерi бойынша тiркелгенiн растайтын азаматтарды тiркеу кiтабы ұсынылады.
      Республикадан тыс жерлерде туған адамдарға туу туралы куәлiктiң негiзiнде формулярды толтыру Қазақстан Республикасының шетелдiк мекемелерiнде берiлген туу туралы куәлiктi қоспағанда, халықаралық шарттардың нормаларына жауап беретiн құжаттар бойынша жүргiзiледi.
      «04» коды азамат Т.А.Ә. өзгерткен кезде көрсетiледi, бұл ретте 9, 10, 11-жолдарда бұрынғы жеке куәлiгiнiң деректерi, ал 5-жолда бұрынғы тегi, ал 3 және 4-жолдарда азаматтың аты, әкесiнiң аты жазылады. Азаматтық хал актiсiне жазба енгiзе отырып, азаматтың Т.А.Ә. өзгерген жағдайда, анықтамалық деректердің өзгергені туралы куәліктің, неке қию туралы куәліктің деректері формулярдың сыртқы жағындағы бос орында көрсетiледi және паспорттық елтаңбалық мөрмен расталады».
      Мемлекеттік тіркеу күннен бастап неке қиюды (бұзуды) азамат бір ай мерзімде жеке басын куәландыратын құжатты ауыстыруға міндетті.
      «05» коды азамат туған күнiн өзгерткен кезде көрсетiледi, бұл ретте 9, 10, 11-жолдарда бұрынғы жеке куәлiгiнiң деректерi жазылады. Формулярдың сыртқы бетiндегi бос орында паспорттық елтаңбалық мөрмен расталатын, туған күнiн өзгерткені туралы куәлiктiң деректерi көрсетiледi. Анықтамалық деректерiн өзгерту негiзiнде («04», «05» коды) жеке куәлiк, паспорт алуға формулярды толтыру некеге тұруды, некенi бұзуға байланысты, сондай-ақ ұлты қазақ адамдардың ұлттық дәстүрге сәйкес тегiн өзгертудi қоспағанда, 10-қосымшаға сәйкес нысан бойынша анықтамалық деректердi өзгерту туралы қорытынды (бұдан әрi – анықтамалық деректердi өзгерту туралы қорытынды) шығарылғаннан кейiн жүргiзiледi.
      «Анықтамалық деректерді ауыстырудың шынайылығын анықтау үшін халықты құжаттандыруға және тіркеуге уәкілетті қызметкер тексеру материалын қалыптастырады, оған мынадай құжаттар:
      азаматтың анықтамалық деректерін өзгерту туралы еркін нысандағы өтініші;
      анықтамалық деректерін өзгерткені туралы куәлігі;
      туу туралы акт жазбасының көшірмесі;
      ауыстыруға жататын құжат (жеке куәлік, паспорт) жатады.
      Анықтамалық деректердi ауыстыру туралы өтiнiштiң негiздiлiгiн растау кезiнде халықты құжаттандыруға және тiркеуге уәкiлеттi қызметкерi екi жұмыс күн мерзiмiнде анықтамалық деректердi ауыстыру бойынша қорытынды шығарады, оны Iшкi iстер басқармасының (бөлiмнiң) бастығы немесе оның орынбасарымен бекiтедi. Қорытындыны тiркеу анықтамалық деректерiн, ұлтын, туған жерiн ауыстыру, жеке басын тексеру бойынша және жеке басын куәландыратын құжаттарды беру, 1974 жылғы үлгiдегi паспортты жоғалту туралы 11-қосымшаға сәйкес нысан бойынша (бұдан әрi – қорытындыларды тiркеу журналы) тiркеу журналында тiркеледi. Тексеру материалы жеке номенклатуралық iске қалыптастырылады.
      «06» коды жеке басын куәландыратын құжаттарда жiберiлген қателер табылған жағдайда көрсетiледi. Бұл ретте 9, 10, 11-жолдарда қате табылған жеке куәлiктiң немесе паспорттың, егер ол жеке куәлiктен бөлек ресiмделсе, деректерi жазылады. Егер дайындалған жеке басын куәландыратын құжаттарда өндiрiстiк ақауға жол берiлсе, жаңадан ресiмделген формулярмен бiрге бұрынғы формулярды және жiберiлген қатесi бар құжатты Қазақстан Республикасы IIМ КҚПК-ге жiберген жөн. Бұл ретте олар жалпы тiзiмге енгiзiлмей, жеке тiзiлiммен жiберiледi, ал жеке басты куәландыратын құжаттарды қайталап дайындау Қазақстан Республикасы Iшкi iстер министрлiгi «Ақпараттық-өндiрiстiк орталығы» Республикалық мемлекеттiк кәсiпорынның (бұдан әрi – «АӨО» РМК) есебiнен жүргiзiледi. Жаңа құжат дайындалғаннан кейiн бұрынғы (қатесi бар) құжат өндiрiстiк ақау ретiнде «АӨО» РМК жойылады, ал екi формуляр дайындалған құжатпен бiрге ресiмделген жерi бойынша қайтарылады. Егер қателерге халықты құжаттандыру және тiркеу уәкiлеттi қызметкерлерiнiң немесе формулярды толтырған қызметкерлерiнiң кiнәсiнен жол берiлген болса, онда Қазақстан Республикасы IIМ КҚПК-ге қате табылған жол көрсетiле отырып, нақты еместiгi туралы сыртқы бетiне жазба жазылып, растайтын құжаттың қосымшасы көшiрмесiмен паспорттық елтаңбалы мөрiмен расталған формуляр жiберiледi. Қатесi бар құжат iшкi iстер органында Қазақстан Республикасы азаматтарына паспорттар мен жеке куәлiктер беру және ресiмдеу жөнiндегi нұсқаулықтың (бұдан әрi – Нұсқаулық) 49-тармағында белгiленген тәртiппен жойылады.
      Азаматтың фотосуретi деректер базасындағы жеке басын куәландыратын құжаттағы фотобейнемен сәйкес келмеуi анықталған кезде халықты құжаттандыруға және тiркеуге уәкiлеттi қызметкер құжаттандырылатын адамның жеке басын және құжаттардағы сәйкессiздiктiң себебiн мiндеттi түрде тексередi. Тексерiс нәтижелерi бойынша 12-қосымшаға сәйкес нысан бойынша азаматтың жеке басын тану хаттамасы (бұдан әрi – азаматтың жеке басын тану хаттамасы) толтырылады. Азаматтың жеке басын тану хаттамасы оның фотосуретi мен бiруақытта ұсынылған танылатын адамның сыртқы келбетiмен мүмкiндiгiнше ұқсас келетiн басқа адамдардың кемiнде үш фотосуретi бойынша, жақын туыстарын немесе азаматты 10 жылдан артық уақыт бiлетiн адамдарды (екi немесе одан да көп адам) тарта отырып толтырылады, осыдан кейiн екi жұмыс күн iшiнде қорытынды шығарылып, формулярмен бiрге, жарамсыз паспорттарды, жеке куәлiктердi, 1974 жылғы үлгiдегi паспорттарды, уақытша жеке куәлiктердi, шекара аймағындағы тұрғындардың куәлiктерi, 13-қосымшаға сәйкес нысан бойынша жасалған формулярлардың бланкiлерiн толтыру кезiнде бүлiнген бланкiлердi жою туралы актiнi (бұдан әрi - жою туралы актi) Қазақстан Республикасы IIМ КҚПК-ге жолданады. Қорытынды тiркеу қорытындыларды тiркеу журналында жүргiзiледi.
      «07» коды құжат пайдалануға жарамсыз болған жағдайда (бүлiну, ескiру, техникалық ақаулар, паспорттың барлық беттерiн пайдалану, жеке басын куәландыратын құжатта ЖСН болмауы) көрсетiледi. Бұл ретте 9, 10, 11-жолдарында жарамсыз құжаттың деректерi жазылады, ал формулярдың екiншi бетiнiң бос орнында құжаттың жарамсыздығының нақты себебi көрсетiледi. Бүлiнуiне, ескiруiне, адамды сәйкестендiру мүмкiн болмауына байланысты пайдалануға жарамсыз құжат формулярды толтыру кезiнде алынады, бұл ретте азаматтың қалауы бойынша уақытша жеке куәлiк берiледi.
      Сондай-ақ «07» коды формулярды ресімдеген кезде «қажет етілмеген» себебі бойынша деректер базасында жарамсыздар қатарына енгізілген құжаттың негізінде көрсетіледі.
      «08» коды азамат өзiнiң ұлтын өзгерткен кезде көрсетiледi. Паспортта және жеке куәлiкте ұлты туралы жазба ата-аналарының ұлтына сәйкес жүргiзiледi. Ата-аналары әр түрлi ұлттан болған жағдайда, Қазақстан Республикасының азаматы әкесiнiң немесе анасының ұлты бойынша еркiн таңдау құқығы бар.
      Ата-анасының ұлты белгiсiз болған жағдайда, оны құжат иесi Қазақстан Республикасы Конституциясының 19-бабына сәйкес айқындайды.
      Азаматтардың жеке куәлiктерiнде және паспорттарында ұлты туралы жазбаны өзгертудi олардың жазбаша өтiнiштерi бойынша iшкi iстер органдары туу туралы куәлiктiң және қолдаухаттың негiздiлiгiн растайтын өзге де құжаттар негiзiнде бiр рет жүргiзiледi.
      Ұлтын өзгерту туралы өтiнiштiң негiздiлiгi расталған кезде халықты құжаттандыруға және тiркеуге уәкiлеттi қызметкер екi жұмыс күн мерзiмiнде ұлтын өзгерту бойынша қорытынды шығарады, оны Iшкi iстер басқармасының (бөлiмнiң) бастығы немесе оның орынбасары бекiтедi және қорытындыларды тiркеу журналында тiркеледi. Тексеру материалдары бөлек номенклатуралық iсте қалыптастырылады.
      Бұл ретте 9, 10, 11-жолдарда бұрынғы жеке куәлiктiң (немесе паспорттың шетелде тұратындар үшiн) деректерi жазылады, ал формулярдың артқы бетiнде бос орында елтаңбалы мөрмен расталған ұлтты өзгерту туралы қорытынды нөмiрi мен күнi қойылады. 8-жолда азаматтың жаңа ұлты, ал 8-жолдың астына бұрынғы ұлты жазылады.
      Бiр уақытта халықты құжаттандыруға және тiркеуге уәкiлеттi қызметкер азаматқа ұлты туралы жазбаның өзгертiлгенi туралы анықтама бередi, ол тиiстi азаматтық хал актiлерiндегi жазбаларда ұлты туралы мәлiметтерге өзгерiстер енгiзу үшiн өзiнiң тұрақты тұрғылықты жерi бойынша азаматтық хал актiлерi жазбалары (бұдан әрi - АХАЖ) органдарына ұсынылады.
      Сондай-ақ «08» коды азамат жеке басын куәландыратын құжаттарда ұлтын көрсеткiсi келмеуiне байланысты, оларды ауыстырғанда формулярды толтыру кезiнде көрсетiледi. Бұл жағдайда 8-жол толтырылмайды, онда «999» коды қойылады.
      Азаматтардың паспорттарында, жеке куәлiктерiнде ұлты туралы жазбаны өзгерту туралы даулар сот тәртiбiмен шешiледi.
      Ерекше жағдайда Қазақстан Республикасының аумағына қуғын-сүргін кезінде күштеп жер аударылған Қазақстан Республикасы азаматтарының паспорттарындағы, жеке куәліктеріндегі ұлты туралы жазбаны өзгертуге рұқсат беріледі. Ұлтын өзгерту «Жаппай саяси қуғын-сүргін құрбандарын ақтау туралы» Қазақстан Республикасының 1994 жылғы 20 мамырдағы № 1612 Заңына сәйкес берілетін ақтау туралы анықтамалардың негізінде жүргізіледі.
      «09» коды азамат жеке куәлiгiн жоғалту себебi бойынша формулярды толтыру кезiнде көрсетiледi.
      Картотекада формулярдың түпнұсқасы болмаған жағдайда формулярдың түпнұсқасы жоғалғаны туралы акт жасалады.
      Жеке басын және жоғалған жеке куәлiктер туралы мәлiметтердi растау үшiн Қазақстан Республикасы IIМ КҚПК деректер базасынан IIМ КҚПК паспортты елтаңбалық мөрiмен расталған фотосуретi бар ақпарат сұратады.
      Жоғалған жеке куәлiктерiн басқа өңiрлерден алған азаматтар өтiнiш бiлдiрген жағдайда, ХТҚ ТП жоқ көшi-қон полициясы бөлiнiстерi куәлiк иесiнiң сәйкестiгiн растау және жоғалған құжат туралы мәлiметтер беру үшiн 15-қосымшаға сәйкес нысан бойынша фотосуреттерi бар (1-нысанды формулярлардың 1974 жылғы үлгiдегi паспорттар үшiн) көшiрмелерiн ұсыну туралы сұрау салу жiбередi.
      Формулярдың (1-нысанды) көшiрмесiн ұсыну туралы сұрау салуға жауап азаматтан өтiнiш келiп түскен келесi күннен кешiктiрмей 16-қосымшаға сәйкес нысан бойынша жолданады.
      Жеке басты куәландыратын құжаттарды жоғалтумен байланысты сұрау салулар азаматтардың өтініштері келіп түскен күннен кейінгі келесі жұмыс күнінен кешіктірмей жолданады, ал жауаптар олар келіп түскеннен кейін 48 сағаттан кешіктірмей сұрау салу бастамашысына жіберіледі.
      Формулярдың 9, 10, 11-жолдарында жоғалған жеке куәлiктiң деректерi жазылады. Паспорты бар болса, 9, 10, 11-жолдарда қолындағы паспортының деректерi көрсетiледi. Формулярдың сыртқы бетiне жоғалған құжатты қалпына келтiру туралы азамат өтiнiшiнiң нөмiрi және күнi жазылады.
      Азаматтың қолында жеке басын куәландыратын құжаттың бiреуi болған жағдайда (жеке куәлiк және паспорт) жеке тұлғаны сәйкестендiру қолында бар құжатпен деректер базасында жүргiзiледi.
      Азаматтар жеке куәлiгiн жаңа тұрғылықты жерге көшу кезiнде жоғалтқан жағдайда, жоғалған жеке куәлiктi қалпына келтiрудi iшкi iстер органдары жаңа тiркелген орны бойынша жүргiзедi.
      Iшкi iстер органдарына келiп түскен, табылған және келiп түскен күннен бастап бiр жыл iшiнде иелерi талап етпеген жеке куәлiктер осы Нұсқаулықтың 49-тармағында белгiленген тәртiппен табылған, бiрақ талап етiлмеген ретiнде жойылады.
      Жеке басты куәландыратын құжаттың жоғалғаны туралы хабарлаған азаматтың өтiнiшi бойынша оған тұрғылықты жерi бойынша тiркелетiн уақытша жеке куәлiк берiледi.
      Жеке куәлiктердi тұрғылықты емес жерiнде жоғалтқан жағдайда iшкi iстер органдары азаматтардың арызы бойынша оларға тұрғылықты жерлерiне оралу үшiн уақытша жеке куәлiк бередi, жоғалтқан жеке куәлiктi беру және жеке басын растайтынын тексеруi халықты құжаттандыруға және тiркеуге уәкiлеттi қызметкерлер деректер базасы бойынша iске асырады.
      «10» коды азамат заңды мекенжайын ауыстырған кезде көрсетiледi.
      Егер қала немесе облыс iшiнде заңды мекенжайы өзгерген кезде азаматтың жеке куәлiгiнiң "заңды мекенжайы" деген бағанында тек ол тұратын қала немесе облыс көрсетiлген болса, жеке куәлiгi ауыстырылмайды.
      Егер жеке куәлiгiнде тiркелген жаңа мекенжайына сәйкес келмейтiн толық заңды мекенжайы (қала, аудан, көше, үй, пәтер) көрсетiлген болса, жеке куәлiктi ауыстыру қажет етiледi.
      9, 10, 11-жолдарда азаматтың жеке куәлiгiнiң деректерi жазылады. Бұл ретте 14-жол (бұрынғы тұрғылықты жерi) мiндеттi түрде толтырылады.
      «11» коды жеке куәлiк пен паспорт төмендегi жағдайларда алғаш ресiмдеген кезде: 1974 жылғы үлгiдегi бұрынғы КСРО паспортын ұсынған немесе оны жоғалтуына байланысты қалпына келтiрген, азаматтығы жоқ адам куәлiгiн ұсынған кезде Қазақстан Республикасы Iшкi iстер министрiнiң 2002 жылғы 23 тамыздағы № 556 бұйрығымен бекiтiлген «Қазақстан Республикасының азаматтығына байланысты мәселелердi Қазақстан Республикасы iшкi iстер органдарының қарауы жөнiндегi нұсқаулыққа» (Нормативтiк құқықтық актiлердi мемлекеттiк тiркеу тiзiлiмiнде № 2045 тiркелген) 5-қосымшаға сәйкес нысан бойынша Қазақстан Республикасының азаматтығын алғаны туралы анықтама (бұдан әрi – 5 нысанды анықтама) қоса тапсырылса көрсетiледi.
      1974 жылғы үлгiдегi бұрынғы КСРО паспорты бойынша құжаттандыру үшiн азаматтардан: жеке басты куәландыратын құжаттарды уақтылы алмау себептерi көрсетiлген еркiн нысандағы өтiнiш, барлық тұрған жерiн, оқу, жұмыс орындарын көрсете отырып, толық өмiрбаян, 1974 жылғы үлгiдегi бұрынғы КСРО паспорты, азаматтарды тiркеу кiтабы (мекенжай анықтамасы), әскери мiндеттiлер үшiн әскери билет (немесе әскери тiркеу туралы мәлiметтi растайтын құжат) қабылданады. Халықты құжаттандыруға және тiркеуге уәкiлеттi қызметкерлер осы Нұсқаулықтың 20-тармағында белгiленген тәртiппен куәландырылған 1974 жылғы үлгiдегi бұрынғы КСРО паспортының, азаматтарды тiркеу кiтабының, әскери билеттiң, (немесе әскери тiркеу туралы мәлiметтi растайтын құжаттың) көшiрмелерi тексеру материалына тiгiледi.
      Паспорттардағы тіркеу мөртаңбасының шынайылығы күмән тудырған немесе болмаған кезде халықты құжаттандыруға және тіркеуге уәкілетті қызметкер азаматты оның азаматтығын растау үшін Қазақстан Республикасының аумағында тіркелу заңдылығына тексеру жүргізеді. Тіркеу туралы мәліметтер аумақтық ішкі істер органдарының картотекалары, ауылдық, ауылдық округтердің шаруашылық кiтаптары бойынша тексеріледі. Тіркелу фактісін анықтау үшін бұрынғы тұрған жерлері бойынша сұрау салулар жіберіледі.
      Аталған адамға паспорттың берiлгенiн және фотосуреттердiң ұқсастығын растау, сондай-ақ ерекше белгiлерiнiң (шетел мемлекетiнiң азаматтығы туралы, ауыстыру, паспортты жоғалту, құзыреттi органдардың сұрау салулары туралы) болуына тексеру жүргiзу үшiн халықты құжаттандыруға және тiркеуге уәкiлеттi қызметкерлер мiндеттi түрде 15-қосымшаға сәйкес суретi бар формулярдың көшiрмесiн (1-нысанды) және оның берiлгенiн растайтын, 1974 жылғы үлгiдегi паспорттарды есепке алу бойынша 2-нысанды кiтаптан (бұдан әрi – 2-нысанды кiтап) жазбаларды ұсыну туралы сұрау салу жолдайды.
      Паспортты елтаңбалы мөрмен расталған 1-н көшiрмесi және 2-н кiтабынан алынған мәлiметтер тексеру материалдарына тiгiледi.
      Сондай-ақ, халықты құжаттандыруға және тiркеуге уәкiлеттi қызметкер азаматты Қазақстан Республикасының азаматтығынан шығуы немесе оны жоғалтуы, республикадан тыс жерге тұрақты тұруға кетуi, шетелдiк ретiнде республика аумағына тiркелуi жөнiнде тиiстi есептер бойынша тексередi. Тексеру бойынша мәлiметтер тексеру материалдарына тiгiледi.
      Жеке басын анықтау үшiн халықты құжаттандыруға және тiркеуге уәкiлеттi қызметкер азаматтың фотосуретi мен онымен бiрге ұсынылған танылатын адамның сыртқы келбетiмен мүмкiндiгiнше ұқсас келетiн басқа адамдардың кемiнде үш фотосуретi бойынша жақын туыстарын немесе азаматты 15 жылдан артық уақыт бiлетiн адамдарды (екi немесе одан да көп адам) тарта отырып, адамның жеке басын тану хаттамасын толтырады.
      Азаматтың жеке басын анықтау және Қазақстан Республикасының азаматтығына тиесiлiгi расталған жағдайда, халықты құжаттандыруға және тiркеуге уәкiлеттi қызметкерлер 17-қосымшаға сәйкес нысан бойынша қорытынды (бұдан әрi - жеке басын тексеру және жеке басын куәландыратын құжаттар беру қорытындысы) шығарып, ол жеке басын куәландыратын құжаттарды беру және жеке басын тексеру нәтижесi бойынша қорытындыларды тiркеу журналына тiркеледi, оның нөмiрi мен күнi формулярдың екiншi бетiнде көрсетiлiп, паспорттық-елтаңбалық мөрмен бекiтiледi. 1974 жылғы үлгiдегi бұрынғы КСРО паспорты берілгенін растайтын 5-нысандағы анықтама мен 1-нысан көшірмесі болған жағдайда, тексеру материалын қалыптастыру жүргізілмейді, бұл ретте 1-нысандағы көшірмені 5-нысандағы анықтаманың көшірмесімен бірге азаматтық және иммиграция бөлімі береді.
      Қазақстан Республикасының аумағында тұрақты тiркелгенiн растайтын құжаттар болмаған кезде, оның iшiнде 1992 жылғы 1 наурызға немесе азаматтар Қазақстан Республикасының тiркеу есебiнен шығарылған және тоғыз ай iшiнде Қазақстан Республикасының аумағында жаңа келген орны бойынша тiркелмеген болса, халықты құжаттандыруға және тiркеуге уәкiлеттi қызметкер азаматтың азаматтығын анықтауға тексеру жүргiзедi, тексеру аяқталғаннан кейiн оған 5-нысанды анықтама берiлiп, ол Қазақстан Республикасы азаматының паспортымен және жеке куәлiгiмен құжаттандыру үшiн негiз болып табылады. 5-нысандағы анықтама болған жағдайда қосымша тексеру материалдары қалыптастырылмайды. Формулярды ресiмдеу кезiнде Қазақстан Республикасының азаматтығына тиесiлiгi туралы анықтаманың нөмiрi мен күнi формулярдың екiншi бетiндегi бос орында көрсетiледi және паспорттық-елтаңбалық мөрмен расталады.
      1974 жылғы үлгiдегi бұрынғы КСРО паспортын жоғалтқан кезде құжаттандырылу үшiн азаматтардан:
      жеке басын куәландыратын құжаттарды уақтылы алмау және жоғалту себептерi көрсетiлген еркiн нысандағы өтiнiш;
      барлық тұрған, оқыған, жұмыс iстеген жерлерi көрсетiлген толық өмiрбаян;
      азаматтарды тiркеу кiтабы (мекенжай анықтамасы);
      әскери мiндеттiлер үшiн әскери билет (немесе әскери тiркеу туралы мәлiметтердi растайтын құжат) қабылданады.
      Халықты құжаттандыруға және тiркеуге уәкiлеттi қызметкерлер осы Нұсқаулықтың 20-тармағында белгiленген тәртiпте куәландырылған азаматтарды тiркеу кiтабының, әскери билеттiң (немесе әскери тiркеу туралы растайтын мәлiметтiң) көшiрмелердi тексеру материалына тiгедi.
      Халықты құжаттандыруға және тiркеуге уәкiлеттi қызметкерлер аталған адамға паспорттың берiлгенiн және фотосуреттердiң ұқсастығын растауға, азаматтарды және Қазақстан Республикасының азаматтығын растау үшiн Қазақстан Республикасы аумағында тiркелу заңдылығына, сондай-ақ Қазақстан Республикасының азаматтығынан шығу мәнiне iшкi iстер органдарының есебi бойынша немесе оны жоғалту, республикадан тыс жерлерге тұрақты тұруға кетуге, республика аумағында шетел азаматы ретiнде тiркелуiне тексеру жүргiзедi. Тексеру бойынша мәлiметтер тексеру материалдарына тiгiледi.
      Халықты құжаттандыруға және тiркеуге уәкiлеттi қызметкер азаматтың фотосуретi мен бiруақытта ұсынылған танылатын адамның сыртқы келбетiмен мүмкiндiгiнше ұқсас келетiн басқа адамдардың кемiнде үш фотосурет бойынша, жақын туыстарын немесе азаматты 15 жылдан артық уақыт бiлетiн адамдарды (екi немесе одан да көп адам) тарта отырып, адамның жеке басын тану хаттамасын толтырады.
      Азаматтардың 1974 жылғы үлгiдегi бұрынғы КСРО паспорттарын жоғалту туралы өтiнiштерiнiң негiзiнде 18-қосымшаға сәйкес нысан бойынша 1974 жылғы үлгiдегi паспортты жоғалтқаны туралы iс басталады. Осы iске тiркеу нөмiрi берiледi: алымы - өтiнiштердiң тiркеу нөмiрi, бөлiмi - ағымдағы жылдағы iстердiң реттiк нөмiрi. 1974 жылғы үлгiдегi КСРО паспорттарын жоғалту туралы iстер 19-қосымшаға сәйкес нысан бойынша 1974 жылғы үлгiдегi КСРО паспорттарын жоғалту туралы iстердi тiркеу журналында тiркеледi.
      Азаматтың жеке басы анықталған және Қазақстан Республикасы азаматтығына тиесiлiгi расталған жағдайда, халықты құжаттандыруға және тiркеуге уәкiлеттi қызметкерлер екi жұмыс күнi iшiнде жеке басын тексеру нәтижелерi және жеке басын куәландыратын құжаттарды беру бойынша қорытынды шығарады, оны Iшкi iстер басқармасының (бөлiмiнiң) бастығы не болмаса оның орынбасары бекiтедi және қорытындыларды тiркеу журналында тiркеледi.
      Формулярдағы 9, 10, 11-жолдарда жоғалған 1974 жылғы үлгiдегi бұрынғы КСРО паспортының деректерi жазылады, формулярдың сыртқы бетiндегi бос орынға паспортты елтаңбалық мөрмен куәландырылған жоғалту туралы iстiң нөмiрi мен күнi жазылады.
      Қазақстан Республикасының аумағында тұрақты тiркелгенiн растайтын құжаттар болмаған кезде, оның iшiнде 1992 жылғы 1 наурызға немесе азаматтар Қазақстан Республикасының тiркеу есебiнен алынған болса және тоғыз ай iшiнде Қазақстан Республикасының аумағында жаңа келген орны бойынша тiркелмеген болса, халықты құжаттандыруға және тiркеуге уәкiлеттi қызметкер азаматтың азаматтығын анықтауға тексерiс жүргiзедi, аяқталғаннан кейiн Қазақстан Республикасы азаматының паспортымен және жеке куәлiгiмен құжаттандыру үшiн негiз болып табылатын Қазақстан Республикасының азаматтығына тиесiлiгi туралы анықтама берiледi.
      5-нысандағы анықтама болған жағдайда қосымша тексеру материалдары жинақталмайды формулярды ресiмдеген кезде Қазақстан Республикасының азаматтығына тиесiлiгi туралы анықтаманың нөмiрi мен күнi формулярдың екiншi бетiндегi бос орында көрсетiледi және паспорттық елтаңбалық мөрмен расталады.
      Жеке басты куәландыратын құжаттар алу үшiн қолдаухатпен алғаш рет өтiнiш бiлдiрген және туу туралы куәлiгiн ұсынған 18 жастан асқан адамдарға формулярды ресiмдеу туралы шешiм олардың жеке басын тексерiп, Қазақстан Республикасы азаматтығына тиесiлiгiн анықтағаннан кейiн қабылданады. Халықты құжаттандыруға және тiркеуге уәкiлеттi қызметкер жеке басын куәландыратын құжаттар алу мәселесi бойынша өтiнiш берушi адамнан:
      жеке басты куәландыратын құжатты уақтылы алмау себебi көрсетiлген еркiн нысандағы өтiнiш;
      барлық тұрған жерi, оқу, жұмыс орындары толық көрсетiлген өмiрбаян;
      азаматтарды тiркеу кiтабын (мекенжай анықтамасы);
      туу туралы куәлiгiн;
      әскери мiндеттiлер үшiн әскери билет (немесе әскери тiркеу туралы мәлiметтердi растайтын құжат);
      ата-анасының бiреуiнiң жеке басын куәландыратын құжаттарын қабылдайды.
      Халықты құжаттандыруға және тiркеуге уәкiлеттi қызметкерлер осы Нұсқаулықтың 20-тармағында белгiленген тәртiппен растаған туу туралы куәлiктiң, азаматтарды тiркеу кiтабының, шақыру билетiнiң не болмаса әскери билеттiң және ата-анасының бiреуiнiң жеке басын куәландыратын құжаттарының көшiрмелерiн тексеру материалына тiгедi.
      Ұсынылған туу туралы куәлiктi растау үшiн халықты құжаттандыруға және тiркеуге уәкiлеттi қызметкерлер АХАЖ органдарынан туу туралы акт жазбасының көшiрмесiн сұратады.
      Халықты құжаттандыруға және тiркеуге уәкiлеттi қызметкерлер жақын туыстарын (бiр немесе одан да көп), олар болмаған жағдайда, оны 5 жылдан кем бiлмейтiн (екi адамнан кем емес) адамдарды тарта отырып, оның жеке басын растау анықтамасын толтырады.
      Екi жұмыс күнi iшiнде жеке басын тексеру және жеке басын куәландыратын құжаттарды беру нәтижелерi бойынша қорытынды шығарылады, оған iшкi iстер басқармасының (бөлiмiнiң) бастығы немесе оның орынбасары бекiтедi, содан кейiн ол қорытындыларды тiркеу журналында тiркеледi.
      Формулярдағы 9, 10, 11-жолдарда туу туралы куәлiктiң деректерi жазылады, сыртқы бетiндегi бос орынға паспортты елтаңбалық мөрмен куәландырылған жеке басын тексеру және жеке басын куәландыратын құжаттар беру туралы қорытындының нөмiрi мен күнi, 5-нысан берiлетiн анықтаманың нөмiрi мен күнi (оның болған жағдайда) жазылады.
      Қазақстан Республикасы азаматының жеке басын куәландыратын құжаттары және Қазақстан Республикасы аумағында кәмелеттiк жасқа дейiн тұрақты тiркеуде жоқ 18 жастан асқан адамдар, Қазақстан Республикасы азаматтығына тиесiлi анықтау үшiн халықты құжаттандыруға және тiркеуге уәкiлеттi қызметкер тексерiс жүргiзедi, аяқталғаннан кейiн оларға Қазақстан Республикасы азаматының жеке куәлiгiмен және паспортымен құжаттандыру үшiн негiз болатын Қазақстан Республикасының азаматтылығына тиесiлiгi туралы анықтама берiледi.
      5-нысандағы анықтама болған жағдайда тексеру материалдары жинақталмайды.
      Формулярды ресiмдеу кезде 5-нысан анықтаманы беру күнi мен нөмiрi формулярдың екiншi бетiндегi бос орында көрсетiледi және паспорттық елтаңбалық мөрмен расталады.
      Бұл ретте жоғалған 1974 жылғы үлгiдегi бұрынғы КСРО паспортының сериясы, нөмірі, күні мен оны берген орган 5-нысандағы анықтаманың сыртқы бетіне жазылады және елтаңбалық мөрмен расталады.
      1974 жылғы үлгiдегi бұрынғы КСРО паспорты берілгенін растайтын 5-нысандағы анықтама мен 1-нысан көшірмесі болған жағдайда, тексеру материалын қалыптастыру жүргізілмейді, бұл ретте 1-нысандағы көшірмені 5-нысандағы анықтаманың көшірмесімен бірге азаматтық және иммиграция бөлімі береді.
      «Азаматтар Қазақстан Республикасының азаматтығына тиесілігі туралы 5-нысандағы анықтаманы оларды бергеннен кейін кемінде бір жыл өткен соң ұсынса, олар 5-нысандағы анықтаманы қайта алуға жіберіледі.
      5-нысандағы анықтамалар (немесе олардың телнұсқалары) аумақтық бөліністерде ұдайы сақталуы тиіс).
      «12» коды Қазақстан Республикасының азаматтығын қабылдаған адамдарға формуляр толтыру кезінде көрсетiледi. Бұл ретте 9, 10, 11-жолдарда Қазақстан Республикасының азаматтығын қабылдағаны туралы анықтама деректері Қазақстан Республикасы Ішкі істер министрінің 2002 жылғы 23 тамыздағы № 556 бұйрығымен бекітілген (Нормативтік құқықтық актілерді мемлекеттік тіркеу тізілімінде № 2045 болып тіркелген) Қазақстан Республикасы ішкі істер органдарының Қазақстан Республикасының азаматтығымен байланысты мәселелерді қарауы жөніндегі нұсқаулыққа 6-қосымшаға сәйкес нысан бойынша (бұдан әрі – 6-нысандағы анықтама) жазылады. 15-жолда бұрынғы азаматтығы (азаматтығы жоқ адамдар үшін – АЖТ «990» коды), сондай-ақ Қазақстан Республикасының азаматтығын қабылдаған күні жазылады.
      Қазақстан Республикасының азаматтығын қабылдау туралы Қазақстан Республикасы Президенті Жарлығының (бұдан әрі – Жарлық) нөмірі немесе Қазақстан Республикасының азаматтығын оңайлатылған тәртіппен қабылдау туралы ішкі істер органдарының қорытындысы формулярдың сыртқы бетіндегі бос орында көрсетіледі және паспорттық елтаңбалық мөрмен расталады.
      Бұрын ата-аналарымен бірге Қазақстан Республикасының азаматтығына қабылданған балаларға Қазақстан Республикасы азаматының жеке куәлігін немесе паспортын ресімдеуді олардың ата-аналарын Қазақстан Республикасының азаматтығына қабылдау туралы анықтамалардың немесе анықтама телнұсқаларының негізінде жүзеге асыру қажет. Формулярдың сыртқы бетіндегі бос орында туу туралы куәліктің нөмірі, күні және берген орган, сондай-ақ Жарлықтың нөмірі не болмаса Қазақстан Республикасының азаматтығына қабылдау туралы ішкі істер органдарының қорытындылары көрсетіледі.
      Ата-аналарын Қазақстан Республикасының азаматтығына қабылдау туралы анықтамада балалары болмаған жағдайда, балаларды ресімдеу «Қазақстан Республикасының азаматтығы туралы» Қазақстан Республикасы Заңының 22-бабына сәйкес туу туралы куәліктің негізінде жүзеге асырылады.
      Заңдастырылмауына немесе апостиль қойылмауына байланысты туу туралы куәліктер формуляр ресімдеу үшін негіз бола алмаған жағдайларда, балаларды ресімдеу балалардың анықтамалық деректерін көрсете отырып, олардың ата-аналарына ішкі істер органдары беретін 6-нысандағы анықтаманың ұсынылған телнұсқалары бойынша жүзеге асырылады. Формулярдың сыртқы бетіндегі бос орында 6-нысандағы анықтаманың телнұсқасы оның атына берілген ата-анасының жеке куәлігінің нөмірі, күні және берген орган, сондай-ақ Қазақстан Республикасының азаматтығына қабылдаған Жарлықтың нөмірі міндетті түрде көрсетіледі.
      Бұрын ата-аналарымен бірге Қазақстан Республикасының азаматтығына қабылданған, бірақ Қазақстан Республикасы азаматының жеке басын куәландыратын құжаттарды уақтылы алмаған 18 жастан асқан адамдарды ресімдеу ішкі істер органдары қайта беретін Қазақстан Республикасының азаматтығына қабылдау туралы 6-нысандағы анықтаманың негізінде жүзеге асырылады.
      6-нысандағы анықтамалар (немесе олардың телнұсқалары) аумақтық бөліністерде ұдайы сақталуы тиіс.
      «13» коды тек паспорт жоғалтқан азаматтарға формуляр толтыру кезiнде көрсетiледi. Бұл ретте формулярдағы 9, 10, 11-жолдарда жеке куәлiктiң деректерi жазылады, сыртқы бетiндегi бос орынға азаматтың паспортты қалпына келтiру туралы өтiнiшiнiң паспортты елтаңбалық мөрмен куәландырылған нөмiрi мен күнi жазылады.
      16 жасқа дейiн балаға дайындалған паспорт жоғалған жағдайда, құжатын қалпына келтiру туралы өтiнiштi оның ата-анасының бiреуi немесе заңды өкiлi жазады.
      «14» коды формулярды елдi мекен атауының өзгеруiне байланысты ресiмдеу кезiнде көрсетiледi. 14-жол толтырылмайды, ал 9, 10, 11-жолдарда қолындағы жеке куәлiгiнiң деректерi жазылады.
      «15» коды формулярды Қазақстан Республикасында тұрақты тұру үшiн шетелден қайтып оралған Қазақстан Республикасының азаматтарына жеке куәлiк ресiмдеу кезiнде көрсетiледi. Бұл ретте 14-жол (бұрынғы тұрғылықты жерi) толтырылады, ал 9, 10, 11-жолдарда арызданушының қолындағы Қазақстан Республикасы паспортының деректерi жазылады.
      «16» коды құжаттарды дайындаудың жаңа технологиясына сәйкес олардың түрлерiнiң өзгеруiне байланысты иесiнiң қалауы бойынша формулярды жеке куәлiкке және паспортқа ресiмдеу кезiнде көрсетiледi.
      «17» коды жеке куәлiк немесе паспорттың негiзiнде алғаш рет құжат алуға формуляр толтыру кезiнде көрсетiледi. Бұл ретте 9, 10, 11-жолдарда қолындағы жеке куәлiгiнiң немесе паспортының деректерi жазылады.
      «18» коды жеке басын куәландыратын құжаттың жарамдылық мерзiмi өтуiне байланысты формуляр толтыру кезiнде көрсетiледi, ал 9, 10, 11-жолдарда өтiнiш иесiнiң қолындағы жеке куәлiгiнiң деректерi жазылады. Формулярды толтыруға жеке басты куәландыратын құжаттың жарамдылық мерзiмiнiң өтуiне бiр ай қалғанда рұқсат етiледi.
      Ескерту. 18-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      19. Т.А.Ә., жерін, туған күнін ауыстыруға байланысты формулярды толтырған кезде анықтамалық деректерін (Т.А.Ә., ұлтын, туған күні және жерін) өзгертуге байланысты аудандық және қалалық ішкі істер органдарына жеке басты куәландыратын құжаттарды ауыстыру мәселесі бойынша өтініш білдірген азаматтар туралы мәліметтер әр айдың 15 және 30 күніне Қазақстан Республикасы Бас прокуратурасы Құқықтық статистика және арнайы есепке алу комитетінің (бұдан әрі - ҚСжАЕАК) аумақтық басқармасына жолданады.
      20. Құжаттарды қабылдаған халықты құжаттандыруға және тіркеуге уәкілетті қызметкерлер тексеру материалдарына тігілген барлық анықтамалар және құжаттардың көшірмелерін құжаттың түпнұсқасымен міндетті түрде салыстыра отырып тексереді, содан кейін құжаттың көшірмелеріне "Көшірмесі дұрыс" жазбасы паспортты елтаңбалы мөрмен растайды, салыстыра тексеруді жүргізген қызметкердің Т.А.Ә., қызметі көрсетіліп, қолы қойылады.
      21. Құжаттандыру мәселелері бойынша өтініш білдірген азаматтардың өтініштері ішкі істер органы бойынша жалпы тәртіппен тіркеледі, жеке басын анықтау, анықтамалық деректерін ауыстыру туралы қорытынды қорытындыларды тіркеу журналына тіркеледі.
      22. Құжаттандыру мәселелері бойынша азаматтар ұсынған құжаттың түпнұсқалығына немесе Қазақстан Республикасының азаматтығына тиесілігі күмән тудырса, сондай-ақ халықты құжаттандыруға және тіркеуге уәкілетті қызметкер формулярды негiзсiз ресiмдегені анықталған кезде құжаттандырылатын адамның жеке басын қосымша тексеру жүргізіледі.
      Жоғарыда көрсетiлген санаттағы азаматтарды тексеру аяқтағаннан кейiн халықты құжаттандыруға және тiркеуге уәкiлеттi қызметкер екi жұмыс күнi iшiнде олардың жеке басын анықтау және жеке басын куәландыратын құжаттарды беру бойынша қорытынды шығарады, оны iшкi iстер басқармасының (бөлiмiнiң) бастығы немесе оның орынбасары бекiтедi, содан кейiн қорытындыларды тiркеу журналына тiркейдi.
      Ескерту. 22-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      23. Формулярдағы 2, 3, 4, 5, 6, 7, 8, 12-жолдар оны толтыру үшін негіз болған құжатқа сәйкес толтырылады. Формулярдағы Т.А.Ә. және паспорттар, жеке куәліктер алуға төлеген түбіртектегі жазба бірдей болуы тиіс. 7-жолда ерлерге-1, әйелдерге-2 саны қойылады.
      Формулярдағы 9, 10, 11-жолдар кодтарды бірге қоя отырып, оны ресімдеу үшін негіз болған құжатқа сәйкес толтырылады:
      "01" туу туралы куәлік;
      "02" 1974 жылғы үлгідегі бұрынғы КСРО паспорты;
      "03" Қазақстан Республикасы азаматының жеке куәлігі;
      "08" Қазақстан Республикасының азаматтығын қабылдау туралы белгіленген нысандағы анықтама;
      "10" уақытша жеке куәлік (тек құжаттары жоқ азаматтар үшін 1 жолда "11" коды қою кезінде);
      "12" Қазақстан Республикасы азаматының паспорты;
      "13" шет мемлекетте уәкілетті органдар берген азаматтығы жоқ адамның куәлігі (адамды Қазақстан Республикасының азаматы деп таныған жағдайларда).
      "15" Қазақстан Республикасында уәкілетті органдар берген азаматтығы жоқ адамның куәлігі (адамды Қазақстан Республикасының азаматы деп таныған жағдайларда).
      11-жол қысқартусыз толтырылады, құжатты берген қалалық, аудандық органның атауы, сондай-ақ облыстың атауы, Астана, Алматы қалалары толық көрсетіледі.
      Формулярдың 12-жолында Қазақстан Республикасының аумағында туған азаматтар үшін көрсеткен құжатына сәйкес тиісті жолдарда - облыс, Астана, Алматы қалалары, аудан және оларға тиісті кодтар, елді мекен жазылады.
      Шетелде туған азаматтарға тиісті жолдарда елдің, облыстың (өлкенің) ауданның, елді мекеннің атауы жазылады, бұл ретте тек елдің коды көрсетіледі, басқа кодтар қойылмайды.
      Формулярдың 13, 14-жолдары тиісті жолдарда азаматтың қазіргі және бұрынғы тіркелген тұрғылықты жерінің мекенжайы көрсетіле отырып, толтырылады.
      14-жол тіркелген жерін өзгерткен және Қазақстан Республикасына тұрақты тұру үшін қайтып оралған кезде толтырылады.
      Формулярдың 15-жолы Қазақстан Республикасының азаматтығын қабылдаған адамдарды толтыру кезінде толтырылады. Тиісті жолдарда бұрын азаматы болған ел және Қазақстан Республикасының азаматтығын қабылдаған күні Қазақстан Республикасы Президентінің Жарлығына сәйкес немесе ішкі істер органының қорытындысы көрсетіледі Формулярдың 16-жолы азаматтың отбасы жағдайына сәйкес бір, екі, үш, төрт кодтарын қою арқылы толтырылады. 2 кодын қою кезінде жұбайының Т.А.Ә., некенің тіркелген күні және некені тіркеген орган, жұбайлардың некеге тұрғанға дейінгі, бұрынғы тегі жазылады.
      Формулярдағы 17-жолының тиісті жолдарға 16 жасқа дейінгі балалардың Т.А.Ә. жазылады. Егер азаматтың 16 жасқа дейінгі балалары үштен көп болса, олар туралы мәлімет формулярға жапсырылатын "17-жолға қосымша" деген жазба енгізілген бөлек парақта жазылады.
      Формулярдың 18, 19-жолдарында ата-анасының Т.А.Ә. және олардың туған күні жазылады. Азаматта ата-анасы туралы қандай да бір мәлімет болмаған жағдайда осы мәліметтерге тиісті жолдар толтырылмайды.
      Ата-анасының бірі немесе екеуі туралы мәліметтер мүлде болмаған жағдайда тиісті жолда "МӘЛІМЕТТЕР ЖОҚ" деген жазба жазылады.
      Формулярдың 20-жолында құжатты беретін қызметкер паспорттың, жеке куәліктің нөмірін және дайындалған күнін, иесінің құжаттарды алған күнін, оның қолын, қызметкердің тегі мен қолын көрсетеді.
      Азамат ішкі істер органдарына қайтарылуға жатанын құжатты жоғалтқан жағдайда азаматтан қолымен жазылған түрде, құжатты жоғалту жағдайын көрсетумен өтініш алынады, оның тіркеу нөмірі формулярдың екінші бетіндегі бос орында көрсетіледі.
      24. Жеке басын куәландыратын құжаттарды бергені үшін мемлекеттік баж төлегені туралы түбіртектерде формулярдың нөмірлері жазылады. Құжаттарды дайындауға жіберілетін формуляр тізілімдемесінің бір данасы бар түбіртектер салық органы ревизия жүргізгенге дейін формулярдың толтырылған жері бойынша ішкі істер органдарында сақталуы тиіс. Ревизия жүргізілгеннен кейін бір жылдан соң түбіртектерді қатаң есептегі бланкілердің тексеріс актілерінде құжаттардың жалпы сомасын көрсете отырып, ішкі істер органының ішкі тексеру комиссиясы жояды.
      25. Жеке басты куәландыратын құжаттар Қазақстан Республикасы Үкіметінің 2009 жылғы 15 желтоқсандағы № 2121 қаулысымен бекітілген "Қазақстан Республикасының азаматтарына паспорттар, жеке куәліктер беру" мемлекеттік қызметіне сәйкес құжаттар алуға формулярды толтырған күннен бастап бір ай ішінде беріледі.
      Азаматтардың қалауы бойынша, жеке басты куәландыратын құжаттарды неғұрлым қысқа мерзімде алу үшін құжаттарды ақылы негізде жеделдетіп әзірлеу қолданылады. Жеделдетілген режимдегі мемлекеттік қызмет 1 санатты жеделдік бойынша - ресімдеген күннен бастап 7 жұмыс күні, 2 санатты жеделдік бойынша - 10 жұмыс күні, 3 санатты жеделдік бойынша - 15 жұмыс күні ішінде көрсетіледі.
      26. Формулярларды аудандық (қалалық) көші-қон полиция бөлімдері толтырғаннан кейін бұрын азаматтарға жеке басты куәландыратын құжаттар берілген формулярының бар-жоғына, сондай-ақ қызметтік белгілерге Қазақстан Республикасының құжаттандырылатын халқының орталықтандырылған ақпараттық деректер базасы немесе картотека бойынша тексеру жүргізеді. Бұл ретте формулярда көрсетілген барлық деректер мен фотосуреттің ұқсастығын салыстырады.
      Бір және екі санатты жеделдік бойынша толтырылған формулярлар үшін тексеру мерзімі бір жұмыс күнін (формулярды толтырған күн саналмайды) үшінші санатты жеделдік-екі жұмыс күнін, қарапайым тәртіппен толтырылған формулярлар үшін толтырылған күннен бастап бес жұмыс күнін құрайды.
      Тексерісті жүзеге асырғаннан кейін аудандық (қалалық) көші-қон полициясы бөліністері 20-қосымшаға нысан бойынша аудандық (қалалық) ішкі істер органдарында ресімделген формулярларды жөнелтуге арналған тізілімдеме (бұдан әрі - тізілімдеме) толтырады, оған формулярлардың нөмірлері, азаматтың тегі, аты, әкесінің аты, толтыру күні, енгізілетін формулярлардың саны көрсетіледі. Бұл ретте тізілімдемелер толтыру себебінің кодтары бойынша ресімделген формулярларға бөлек құрастырылады:
      "01"
      "00", "07", "10", "13", "14", "15", "16", "17"; "18";
      "04", "05", "08";
      "06";
      "09";
      "11";
      "12";
      "пысықтау";
      "тергеу-қамауындағылар";
      "сотталғандар".
      Тізілімнің үш данасы формулярлармен бірге Ішкі істер департаментіне жолданады.
      27. Толтыру негiздiлiгiне және дұрыстығына формулярларды, сондай-ақ Қазақстан Республикасының азаматтығын қабылдауға байланысты ресiмделген адамдарды және оңайлатылған тәртiпте Қазақстан Республикасы азаматтығын қабылдаған адамдар бойынша iшкi iстер органының тiзiмдерiмен және Жарлықпен салыстыра тексергеннен кейiн iшкi iстер департаменттерi аудандық, қалалық бөлiнiстерден алған тiзiлiмдер мен формулярлардың негiзiнде IIМ КҚПК формулярларды жөнелту үшiн аудандық, қалалық көшi-қон полициясы бөлiнiсiнiң атауын, аудандық, қалалық тiзiлiмдердiң шығыс нөмiрлерiн және толтырылған күнiн, олардағы формулярлардың санын көрсете отырып, 21-қосымшаға сәйкес нысан бойынша үш данада жиынтық тiзiлiмiн (бұдан әрi – жиынтық тiзiлiм) толтырады.
      Бiрiншi және екiншi санатты жеделдiк бойынша толтырылған формулярлар үшiн iшкi iстер департаменттерiнде тексеру мерзiмi келiп түскен күннен бастап бiр жұмыс күнiн, үшiншi санатты жеделдiк – екi жұмыс күнiн, қарапайым тәртiппен толтырылған формулярлар үшiн, толтырылған күннен бастап бес жұмыс күнiне дейiн құрайды.
      Жиынтық тiзiлiмдеріне Ішкі істер департаментi халықты құжаттандыру және тіркеу бөлiмiнiң бастығы қол қояды және аудандық (қалалық) бөлiністер тiзiлiмдерiнiң екiншi данасын қоса отырып, ІІМ КҚПК-ға жiберiледi, жиынтық тізілімнің бір данасы мен аудандық (қалалық) бөлініс тізілімінің бір данасы Ішкі істер департаментінің жеке номенклатуралық iсiнде қалады.
      Iшкi iстер департаменттерiн тексерген кезде пысықтауға жататын анықталған формулярлар алу себебiн мiндеттi көрсете отырып, аудандық, қалалық бөлiнiстер тiзiлiмдерiнен алынады және жиынтық тiзiлiмдердi құрастырған кезде есепке алынбайды.
      Ескерту. 27-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі) .
      28. ІІМ КҚПК деректер базасындағы адам туралы мәлiметтердiң сәйкес келмеуiне байланысты «АӨО» РМК-дан формулярларды қайтару кезiнде негiзсiз құжаттандыру фактiлерiн анықтау бойынша жұмыс жүргiзедi.
      Аудандық, қалалық бөлiністердің тiзiлiмдері мен Ішкі істер департаментi бөлiмiнiң тiзiлiмдері бар формулярлар құжаттар дайындау үшiн ІІМ КҚПК-ден «АӨО» РМК-ның өндiрiсiне жолданады, содан кейін оларды одан әрі ішкі істер департаменттерiне жiберу үшiн формулярлармен және дайын құжаттармен бiрге қайтарылады.
      «Іздестіру» белгісі бар дайын құжаттар «АӨО» РМК-дан келіп түскен кезде оларды жеке тізіліммен іздестірудегі ресімделіп жатқан орны бойынша Ішкі істер департаментінің Көші-қон полициясы басқармасына жібереді.
      Ескерту. 28-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      29. Жеке куәліктер мен паспорттарды "АӨО" РМК-да дайындау мерзімі формулярдың өндіріске келіп түскен күнінен бастап бірінші санатты жеделдік бойынша толтырылған формулярлар үшін - бір жұмыс күнін, екінші санатты жеделдік бойынша толтырылған формулярлар үшін - үш жұмыс күніне дейін, үшінші санатты жеделдік - бес жұмыс күнін, жалпы тәртіппен толтырылған формулярлар үшін - формуляр өндіріске келіп түскен күннен бастап он бес жұмыс күніне дейін құрайды.
      30. Жіберілген қателері үшін ІІМ КҚПК және ішкі істер департаменттері аумақтық ішкі істер органдарына пысықтауға қайтарған формулярлар аудандық, қалалық көші-қон полициясы бөліністеріне келіп түскен күннен бастап кемінде он күн мерзімде пысықталады, содан кейін олар құжаттарды дайындауға жеке тізілімдермен қайта жіберіледі. Бұл ретте ілеспе хатта пысықтауға қайтарылған осы формулярлар тізілімдерінің бұрынғы шығыс нөмірлері міндетті түрде көрсетіледі (әрбір формуляр бойынша шығыс нөмірі жеке көрсетілу қажет). Ішкі істер департаменттері мен ІІМ КҚПК-дан пысықтауға 22-қосымшаға сәйкес нысан бойынша пысықтауға қайтарылған формулярларды тіркеу журналында есепке алынады.
      Формуляр бойынша құжаттар жазбадағы дәлсіздік бойынша түзетілгеннен кейін "АӨО" РМК-да: құжаттарды жедел әзірлеуге ресімделгендер - бір жұмыс күнде, жалпы тәртіпте ресімделгені - өндіріске түскен күннен бастап екі жұмыс күнге дейін дайындалуға жатады.
      31. Дайындалған жеке куәліктер мен паспорттарды Ішкі істер департаментіне жіберу кезінде ІІМ КҚПК 23-қосымшаға сәйкес нысан бойынша екі данада дайын болған құжаттарды, формулярларды ішкі істер департаменттеріне жолдау үшін тізілім (бұдан әрі - дайын құжаттарды жөнелтуге арналған тізілімі) құрастырады. Бір данасы ІІМ КҚДК-де қалады, ал тізілімнің екінші данасы тізілімге енгізілген құжаттарды дайындау және формулярларды жөнелтуге "АӨО" РМК ілеспе хатымен Ішкі істер департаментіне жіберіледі.
      32. Ішкі істер департаменттеріне келіп түскен дайындалған құжаттардың және формулярлардың тізілімі ішкі істер органдары бойынша жалпы тәртіппен тіркеледі, аудандық, қалалық бөліністерге бөлінеді және облыстардың, Астана, Алматы қалаларының ішкі істер департаменттерінен дайындалған құжаттарды қалалық (аудандық) ішкі істер органдарына жөнелтуге арналған тізілім бойынша оларға жолданады.
      33. Пысықтау бойынша құжаттарды дайындауға арналған формулярларды жөнелту тізілімі, дайындалған құжаттарды жөнелтуге арналған тізілім формулярлар мен дайын құжаттарды жөнелтуге "АӨО" РМК-нің ілеспе хатымен бірге ішкі істер департаменттерінің аудандық, қалалық бөліністерінде, ішкі істер департаменттерінде, ІІМ КҚПК-да жеке номенклатуралық істе сақталады.
      34. Берiлген жеке куәлiктер, паспорттарға арналған формулярлар iшкi iстер органдарында арнайы картотекаларда сақталады. Бұл ретте бiр азаматтың анық деректерiне түрлi себептер бойынша ресiмделген формулярлар бекiтiледi және бiрге сақталады. Азаматтың тегiн ауыстыруы бойынша ресiмделген формуляр картотекада әлiпбиге сәйкес басқалардан бөлек қойылады, бұл ретте соңғы формулярда анықтамалық деректерiн өзгерткенi туралы белгi қойылады, формулярдың нөмiрi мен азаматтың жаңа анықтамалық деректерi көрсетiледi.
      Картотека оларды толтыру және азаматтардың тiркелу жерi бойынша iшкi iстер органдарының өрт-күзет сигнализациямен жабдықталған, терезелерi торланған, темiр есiкпен қапталған жеке оқшауланған үй-жайларда орналасуы қажет.
      Дайындалған құжаттарға арналған формулярларды жоғалтпас үшiн картотекамен жұмыс iстеу үшiн оның сақталуына жауап беретiн функциялық мiндеттер жүктелетiн қызметкерлер бөлiнедi. Функционалдық мiндеттерiне осы жұмыстар жатпайтын қызметкерлердiң картотекаға кiруiне үзiлдi-кесiлдi тыйым салынады.
      Формулярды картотекаға орналастыру құжаттарды иелерiне негiздi беру фактiсi iшкi комиссия тексергеннен кейiн және 2-н журналмен салыстыра тексерiлгеннен кейiн жүргiзiледi.
      Формулярларды картотекаға орналастыру қатаң түрде әлiпби ретiмен жүргiзiледi. Тегi бiрдей әрiптен басталатын адамдардың 1-н арызы терiлiп алынады және тегiнiң екiншi әрпi бойынша, одан кейiн үшiншi т.с.с. әлiпби ретiмен орналастырылады.
      Мысалы: Абдыхалықов, Авдеев, Ағыбергенов;
      Базаров, Байытов, Бақтұрсынов және т.б.
      Тегi бiрдей адамдардың формулярларды картотекаға аты мен әкесiнiң аты бойынша әлiпби ретiн сақтай отырып орналастырылады.
      Мысалы: Азаров Алексей Антонович, Азаров Алексей Артемович, Азаров Алексей Васильевич және т.б.
      Формулярда тегi, аты, әкесiнiң аты бiрдей болған жағдайда туған жылы бойынша өсу ретiмен, одан кейiн туған жерiнiң қала, аудан, елдi мекендерi бойынша әлiпби ретiмен орналастырылады.
      Мысалы: Баринов Аркадий Исаевич, 1963 ж.т., туған жерi Алматы, Баринов Аркадий Исаевич, 1963 ж. туған жерi Балқаш, Баринов Аркадий Исаевич, 1966 ж.т.
      Сол сияқты мемлекеттiк тiлде толтырылған формулялар мынадай тәртiппен әлiпби бойынша орналастырылады:
      Ә әрпi А әрпiне орналастырылады, бұдан әрi сәйкесiнше:
      Ғ-Г; I-И; Қ-К; Ң-Н; Ө-О; Ү,Ұ-У; Һ-Х.
      IIМ КҚПК деректер базасындағы фотосуреттердi қалпына келтiру үшiн, сондай-ақ iшкi iстер департаменттерiнiң заңсыз құжаттандыру фактiсi бойынша қызметтiк тексерiс жүргiзу үшiн сұрататын сауалдарды қоспағанда, формулярларды анықтама алу, көшiрмесiн түсiру, қызметтiк белгiлер қою үшiн картотекадан 1 жұмыс күннен артық мерзiмге алуға жол берiлмейдi. Уақытша алынған формуляр жұмыс күнiнiң соңында картотекаға қайтарылуы тиiс. Формулярды картотекадан уақытша алған кезде алынған формулярдың орнына формулярдың алу себебi және күнi, формуляр уақытша қолында болатын адамның тегi мен лауазымы жазылған қызметкердiң қолымен куәландырылған формулярдың көшiрмесi салынады. Формулярды басқа мемлекеттiк органдардың қызметкерлерiне және өзге де адамдарға беруге тыйым салынады.
      Негiзiнде деректер базасы қалыптастырылатын формулярлардың көшiрмелерiн сұрау салу бастамашысына «Сәйкестендiру нөмiрлерiнiң ұлттық тiзiлiмдерi туралы» Қазақстан Республикасы Заңының 11-бабына сәйкес берiледi (жiберiледi). Азаматтарға формулярдың көшiрмесi берiлмейдi.
      Мемлекеттiк органдардан паспорт пен жеке басын куәландыратын құжаттар заңсыз берiлгенi, Қазақстан Республикасының азаматтығынан заңсыз шыққаны, республикадан тыс жерге заңсыз тұрақты тұруға шыққаны не болмаса оның иелерi қайтыс болғаны туралы хабарламалар келiп түскен кезде картотеканың сақталуына жауап беру функционалдық мiндеттерiне кiретiн халықты құжаттандыруға және тiркеуге уәкiлеттi қызметкер тиiстi белгiлер енгiзу үшiн формулярлардың картотекалары бойынша тексерiс жүргiзедi.
      Картотекаға енгiзу үшiн Қазақстан Республикасы IIМ-нiң КҚПК-дан деректер базасынан Қазақстан Республикасы IIМ КҚПК-нiң паспорттық елтаңбалы мөрiмен расталған фотосуретi бар ақпаратқа сұрау салынады.
      Картотекада формулярдың түпнұсқасы болмаған жағдайда формуляр түпнұсқасының жоғалуы туралы акт жасалады.
      Картотекаға енгізу үшін Қазақстан Республикасы ІІМ-нің КҚПК-дан деректер базасынан Қазақстан Республикасы ІІМ КҚПК-ның паспорттық елтаңбалық мөрімен расталған фотосуреті бар ақпарат сұратылады.
      Ескерту. 34-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      35. Қазақ халқының қалыптасқан дәстүрлерiне сәйкес ұлты қазақ адамдардың тегiн және әкесiнiң атын жазу «Ұлты қазақ азаматтардың тегi мен әкесiнiң атын жазуға байланысты мәселелердi шешу тәртiбi туралы» Қазақстан Республикасының Президентi Жарлығының талаптарына сәйкес жүргізіледі.
      Ұлты қазақ адамдар тегiн және әкесiнiң атын жазуды өзгерту туралы өтінішпен ішкі істер органдарына жүгінген кезде азаматтар қалаған тегін, әкесінің атын мемлекеттік және орыс тілдерінде көрсете отырып, ауыстыруға жататын құжаттар туралы мәліметтермен бірге ерікті нысанда жазылған өтініш береді.
      Өтінішке мынадай құжаттардың бірі:
      туу туралы куәлік (жеке басты куәландыратын құжатты алғаш алатын кезде);
      ауыстыруға жататын жеке куәлік, паспорт;
      6-нысандағы куәлік қоса беріледі.
      Қазақ халқының дәстүрiне сәйкес тегiнiң, әкесiнiң атының жазылуын өзгертуге ниет бiлдiрген Қазақстан Республикасының азаматтарына формулярлар толтыруға мынадай талаптар қойылады.
      Формулярдың 1-жолында паспорт, жеке куәлiк беру себебi – «04» коды (тегiнiң, әкесiнiң атының жазылуын өзгерту) көрсетiледi.
      Өтiнiш берушiнiң қалауы бойынша 2-жолда мемлекеттiк және орыс тiлдерiнде тегi, 3 жолда – аты, ал 4 жолда - әкесінің аты жазылады. Тегінің жазылуында қазақ тiлiне тән емес қосымшалар алынып тасталып, түбiр негiздерi сақталады, әкесiнiң атын жазған кезде қазақ тіліне тән емес қосымшалардың орнына әкесiнiң есiмiне адамның жынысына қарай «улы, ұлы; кызы, қызы» қосымшалары қосып жазылады. Мысалы, Наурызбаев Булат Керимович Наурызбаев Болат Керимулы немесе Наурызбай Болат Керiмұлы болып, Кадырова Рысты Мадиевна Кадыр Рысты Мадикызы немесе Қадыр Рысты Мәдиқызы болып жазылады.
      Сонымен қатар Т.А.Ә. кездесетін қазақ тiлiне тән емес әрiп тiркестерi алынып тасталады, мысалы, Джандосов Джумабай Джандосович Жандос Жұмабай Жандосулы (ұлы) болып, Чоканов Рыскали Джумабаевич Шоқан Ырысқали Жұмабайулы (ұлы) болып жазылады.
      Енгiзiлген өзгерiстердiң астынан 2, 3, 4-жолдардан азаматтың Т.А.Ә. бұрынғы жазылуы көрсетiледi.
      Бұл ретте қазақ халқының қалыптасқан салтына сәйкес тегі мен әкесінің аты өзгертілген ұлты қазақ адам өтініш білдірген кезде, паспорт пен жеке куәлікті олар ұсынған туу туралы куәліктерге сәйкес олардың тегі мен әкесінің атын бұрынғыша жазып ресімдеуге болады.
      Ескерту. 35-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      36. ҚСжАЕК аумақтық басқармасына әр айдың 15 және 30-да азаматтың Т.А.Ә. өзгергені туралы мәліметтер жолданады.
      37. Азамат ұсынған құжаттар бойынша (шақыру-анықтама, неке туралы куәлік, ғылыми еңбектер, монограммалар) паспорттарды ресімдеген кезде өтініш берушінің тегі мен аты қажетті ағылшын тілінде жазылуы мүмкін. Азамат жоғарыда аталған құжаттарға сәйкес ішкі істер органына тегі мен атын ағылшын тілінде жазылуын көрсете отырып, еркін нысанда жазбаша өтініш береді. Аумақтық ішкі істер органы басшысының рұқсаты бар өтініш - "транскрипция" формулярдың сыртқы бетіне жапсырылады және құжаттарды дайындау үшін ІІМ КҚПК-ге жіберіледі.
      Бұл ретте қалауы бойынша транскрипцияда көрсетілген азаматтың тегі және аты формулярдағы 2, 3-жолдарда көрсетіледі. Азаматтың өтінішінің тіркеу нөмірі мен мерзімі формулярдың сыртқы бетінде көрсетіледі және паспортты елтаңбалық мөрмен куәландырады.

3. Бас бостандығынан айыру орындарында жазасын өтеп жүрген адамдарға және жеке басын куәландыратын құжаттары жоқ, өздеріне қатысты бұлтартпау шарасы ретінде қамауға алу таңдап алынған айыпталушыларға құжаттар беру

      38. Бас бостандығынан айыру орындарында жазасын өтеп жүрген және қандай да бір себептер бойынша Қазақстан Республикасы азаматының жеке басын куәландыратын құжаттары жоқ Қазақстан Республикасының азаматтары мен тергеу қамауындағыларды ішкі істер органдары жалпы тәртіппен түзеу мекемелерінің немесе алдын ала оқшаулау органдарының орналасқан жері бойынша құжаттандырады.
      Егер жеке куәлік 1974 жылғы үлгідегі бұрынғы КСРО паспортын көрсеткен немесе жоғалтқаны бойынша оны қалпына келтірген, сондай-ақ жеке басты куәландыратын құжаттар беру туралы алғаш рет өтініш білдірген және туу туралы куәлік ұсынған 18 жастан асқан адамдарға алғаш рет ресімделіп жатса, олардың азаматтығын, жеке басын анықтау, құжаттың берілгенін және фотосуреттің сәйкестігін растау үшін тексеру материалдарын қалыптастыруды қылмыстық қудалау органдары немесе қылмыстық-атқару жүйесі мекемесі жүзеге асырады.
      Формулярда «тұрғылықты жері» деген жолда сотталған жазасын өтеп жатқан мекеме көрсетіледі.
      Дайындалған жеке куәлiктер сотталғандардың жеке iстерiнде сақталады.
      Бас бостандығынан айыру орындарында жазасын өтеп жүрген адамдарға бас бостандығынан айыру орындарынан босатылған кезде жеке куәлiк берiледi. Электронды ақпарат ұстағышы жоқ жеке куәлiк азаматтың тұрғылықты жерi бойынша ауыстырылуға жатады.
      Бас бостандығынан айыру орындарынан мерзімінен бұрын шартты түрде не болмаса мерзімін өтегеннен кейін босаған, оған қатысты әкімшілік қадағалау белгіленген сотталғанды тұрғылықты жері бойынша тіркеген кезде профилактикалық есепке қойылғаны туралы қоғамдық қауіпсіздік бөлінісінің белгісі бар босатылу туралы анықтама талап етіледі. Босатылғаны туралы анықтаманы жоғалтқан жағдайда, бас бостандығынан айыру орындарынан босатылған адам профилактикалық есепке қойылғаны туралы қоғамдық қауіпсіздік бөлінісінің анықтамасын ұсынады.
      Ескерту. 38-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      39. Тергеу қамауындағы, сондай-ақ жазасын өтеп жүрген адамдар жеке басын куәландыратын құжаттарын жоғалтқан кезде қылмыстық қудалау органдары мен қылмыстық-атқару жүйесінің мекемесі аумақтық ішкі істер органы басшысының атына жоғалту себебі көрсетілген жазбаша өтініш қабылдайды.
      Халықты құжаттандыру және тіркеудің уәкілетті қызметкерлері жеке басын куәландыратын құжаттарды жоғалтқаны туралы тексеріс картотека, немесе Қазақстан Республикасының құжаттандырылатын халқының орталықтандырылған ақпараттық деректер базасы арқылы екі күн мерзім ішінде жүргізіледі.
      Егер деректер базасы арқылы жеке басын куәландыратын құжаттарын жоғалтқан туралы және жеке басын анықтайтын тексеріс жүргізу мүмкін емес екені анықталса, қылмыстық қудалау органдары мен қылмыстық-атқару жүйесі мекемесі бұрын жоғалған құжат ресімделген ішкі істер органынан лауазымды адамның қолымен және елтаңбалы мөрмен куәландырылған формулярдың көшірмесін сұратады.
      Қылмыстық қудалау органдары және қылмыстық-атқару жүйесі мекемесінің тергеу-қамауындағы, сондай-ақ, жазасын өтеп жүрген адамдарды құжаттандыру туралы қолдаухатымен көрсетілген құжаттар мемлекеттік бажды төлеу туралы түбіртек және екі фотосуретімен бірге құжатты дайындау үшін тиісті азаматтарды құжаттандыру және тіркеу бөлінісіне оны қалпына келтіру үшін жіберіледі.
      Жоғарыда көрсетілген санаттағы адамдарға жеке басын куәландыратын құжатты беруге формулярды олардың тікелей тұратын жері бойынша халықты құжаттандыруға және тіркеуге уәкілетті қызметкерлер толтырады.
      Бұл ретте "Тұрғылықты жері" деген жолда осы адамдар ұсталатын алдын алу изоляторы органының орналасқан жері (облыс, қала, аудан, елді мекен, тергеу изоляторлары, уақытша ұстау изоляторы) көрсетіледі.
      Формуляр жеке басты куәландыратын құжаттарды дайындауға оны толтырған күннің ертеніне жолданады. "АӨО" РМК-да тергеу-қамауындағыларға құжаттар дайындау мерзімі өндіріске келіп түскен күннен бастап екі жұмыс күніне дейін жасалады.
      Құжаттар дайын болғаннан кейін формуляр оларды ресімдеген ішкі істер органдарының картотекасына тіркеледі.
      Тергеу қамауындағы адамдар қамаудан босатылған немесе оған қатысты қылмыстық қудалау аяқталған жағдайда құжат иесіне қайтарылады.

4. Жеке басын куәландыратын құжаттарды алып қою, сақтау, жою

      40. Уәкілетті ішкі істер органдары жеке басты куәландыратын құжаттарды егер:
      жеке басты сәйкестендіру мүмкін болмағанда;
      оған заңсыз өзгерістер енгізілгенде немесе жеке басын сәйкестендіруге байланысты өзгерістер енгізу қажет болғанда;
      онда "Қазақстан Республикасының халқын құжаттандыру және тіркеу  қағидасын бекіту туралы" Қазақстан Республикасы Үкіметінің 2000 жылғы 12 шілдедегі № 1063 қаулысымен бекітілген Қазақстан Республикасының халқын құжаттандыру және тіркеу қағидаларында көзделген арнайы жазулар болмаған немесе мұндай жазулар сәйкес келмегенде;
      жарамдылық мерзімі өткенде;
      оларды жарамсыз деп тану туралы енгізілген қорытындыға сәйкес болғанда;
      иесінің құқықтық мәртебесіне сәйкес келмеген жағдайларда алынып қойылады.
      41. Жарамсыз жеке куәліктер мен паспорттар алынып қойылады және осы Нұсқаулықтың 48-тармағында белгіленген тәртіпте жойылады.
      42. Азаматта бірнеше біртипті құжаттар болғанда жарамдысынан басқасының бәрі алынып қойылады.
      43. Қазақстан Республикасынан тыс жерлерге тұрақты тұруға шығатын Қазақстан Республикасының азаматтары жеке куәліктерін тіркеуден шығарған кезде ішкі істер органдарына тапсырады.
      44. 25-қосымшаға сәйкес нысан бойынша АХАЖ органдары жолдаған құжаттар тізіліміне АХАЖ органдарына тапсырылған қайтыс болған адамдардың жеке куәліктері, паспорттары енгізіледі және айына кемінде бір рет ішкі істер органдарының көші-қон полициясы бөліністеріне жіберіледі. Халықты құжаттандыруға және тіркеуге уәкілетті қызметкерлер формулярға иелерінің қайтыс болған, оларды тіркеуден шығарған туралы белгі қояды және деректер базасына түзетулер енгізу үшін ІІМ КҚПК-ге ақпарат жібереді.
      Тізімдемелерге сондай-ақ жеке куәліктері мен паспорттары тапсырылмаған қайтыс болған адамдар туралы мәліметтер де енгізіледі. Формулярда иелерінің қайтыс болғаны туралы және жеке куәліктер мен паспорттардың алынбағаны туралы белгі қойылады. Мұндай формулярлар картотекаға қосылады, ал мәліметтер ІІМ КҚПК-ге жіберіледі. Егер жеке куәліктерді, паспорттарды басқа ішкі істер органдары берген болса, онда сол жерге жеке куәліктердің, паспорттардың иелерінің қайтыс болғаны туралы, сондай-ақ олардың алынбағаны туралы мәлімет жіберіледі.
      45. Шетелге тұрақты тұруға шыққан азаматтардың жеке куәліктері, тегі, аты, әкесінің атының өзгеруіне байланысты ауыстырылған және Қазақстан Республикасының азаматтығынан шыққан басқа да себептер бойынша немесе ішкі істер органдарының қорытындысы бойынша Қазақстан Республикасының азаматтығын жоғалтқандар, орнына жаңа құжат берілген, табылған, қайтыс болған, сондай-ақ дайындалғаннан күнінен бастап бір жылғы дейін талап етілмеген азаматтардың паспорттары, куәліктері өтеледі және жарамсыз деп танылады, сонан соң осы Нұсқаулықтың 48-тармағымен белгіленген тәртіпте жойылады.
      46. "АӨО" РМК азаматтарға жаңа құжаттарды дайындау кезінде автоматты түрде бұрын алынған барлық құжаттарды жарамсыз деп тану туралы мәліметтер деректер базасына енгізіледі. Паспорттың және жеке басын куәландыратын құжаттың иесінің қайтыс болғаны туралы мәліметтер "АӨО" РМК бірыңғай ақпараттық жүйесіне АХАЖ бірыңғай ақпараттық жүйесінен автоматты түрде енгізеді.
      47. Жарамсыз құжаттарды жою туралы актілер ай сайын ІІМ КҚПК-ге жолданады. "АӨО" РМКы жарамсыз құжаттарды жою актілері түскен күннен бастап 10 күн мерзімге дейін деректер базасына түзетулер енгізеді.
      48. Жойылуға тиіс жеке куәліктер мен паспорттар ішкі істер органдарында сақталады.
      Электронды ақпарат тасымалдағышы жоқ жеке басты куәландыратын құжаттарды жоюды аумақтық ішкі істер органының ішкі тексеру комиссиясы айына кемінде бір рет жүргізеді. Бұл ретте 26-қосымшаға сәйкес нысан бойынша Қазақстан Республикасы азаматының жеке басын куәландыратын жарамсыз құжаттарды жою тізіліміне сәйкес жою себебі және иесі туралы мәлімет, құжат түрі көрсетіліп, жойылатын құжаттардан кесіп алынған жою туралы акт толтырылады.
      Орталықтанған тәртіпте жою үшін жарамсыз құжаттарды жою себебі және нөмірі, азаматтың анықтамалық деректері көрсетілген ілеспе тізіліммен электрондық ақпарат тасымалдағышы бар жарамсыз жеке куәліктер мен паспорттар айына кемінде бір рет ІІМ КҚПК-ге жолданады.
      Құжаттарды жою туралы актілер бөлек номенклатуралық істе құралады.
      Жарамсыз құжаттарды жоюды ішкі істер органының ішкі тексеру комиссиясы "АӨО" РМК-да жойылатын құжатты одан әрі пайдаланудың мүмкін болмауын қамтамасыз ететін арнайы құралдарда өртеу жолымен жүргізеді.
      Егер паспорт пен жеке басын куәландыратын құжат заңсыз, Қазақстан Республикасының азаматтығынан шыққан, республикадан тыс жерге тұрақты тұруға шығып кеткен жағдайда немесе оның иелері қайтыс болғанда берілсе, формулярларда актінің нөмірі және күні, аталған құжаттардың жою себептерінің бірі көрсетіледі.
      Егер құжаттарды басқа ішкі істер органы берген болса, онда ішкі істер органына заңсыз берілген, Қазақстан Республикасының азаматтығынан шыққан, республикадан тыс жерге тұрақты тұруға шығып кеткен жағдайда немесе оның иелері қайтыс болғанда, жойылатын құжаттар туралы мәліметтер 27-қосымшаға сәйкес нысан бойынша хабарламалар жіберіледі, олардың негізінде формулярларда құжаттарды жою актісінің нөмірі, қашан және кім жойғаны, сондай-ақ оларды жою себептері көрсетіледі.

5. Қазақстан Республикасының азаматтарына шекара аймағы тұрғынының куәліктерін беру

      49. Шекара аймақтарында тұрақты тұратын азаматтарға ішкі істер органдары көрсетілген адамдарды тіркеу орындары бойынша жеке басын куәландыратын құжаттармен бірге 28-қосымшаға сәйкес жарамдылығы бес жылға дейін, бірақ жеке куәлігінің жарамдылығы мерзімінен аспайтын мерзімге шекара аймағы тұрғынының куәлігін береді. Шекара аймағы тұрғынының куәлігінің жарамдылық мерзімі осындай мерзімге дейін ұзартылады. Ұзарту аумақтық ішкі істер органының халықты құжаттандыру және тіркеудің уәкілетті қызметкерінің қолымен және паспорттық елтаңбалық мөрмен расталады.
      50. Әрбір шекаралық облыстарда мынадай арнайы сериясы бар куәліктер бекітілген:
      Алматы облысы - "АЛ";
      Шығыс Қазақстан облысы - "ШҚ".
      Шекара аймағы тұрғыны куәліктерінің берілуі 29-қосымшаға сәйкес нысан бойынша тіркеу журналында тіркеледі. Әрбір ресімделген куәлікке осы Нұсқаулықта көрсетілген Қазақстан Республикасының қалалары мен аудандарының стандарттық кодтарына сәйкес аудандардың (қалалардың) үш санды кодынан тұратын нөмір және таяқша арқылы - тіркеу журналы бойынша реттік нөмірі беріледі, мысалы:
      ШҚ № 246/00012 (мұнда - Шығыс Қазақстан облысы Тарбағатай ауданы, № 12 куәлік дегенді білдіреді).
      Шекара аймағы тұрғынының куәлігін алу үшін азаматтар мыналарды:
      Т.А.Ә., әкесінің атын, тіркелген орнын көрсете отырып, тиісті ішкі істер органы басшысының атына еркін нысандағы арызды;
      Қазақстан Республикасы азаматының жеке куәлігін (он алты жасқа дейінгі балалар - туу туралы куәлікті);
      3,5 х 4,5 см көлеміндегі 1 фотосуретті ұсынады.
      Шекара аймағы тұрғынының куәлігінде ұсынылған құжаттардың негізінде азаматтың Т.А.Ә., туған күні туралы мәліметтер жазылады. Фотосуреті ішкі істер органының паспорттық елтаңбалық мөрімен расталады, тұратын жері бойынша тіркелген мекенжайы толық көрсетіледі. "Берген орган" деген бағанда ішкі істер органының атауы көрсетіледі.
      Азамат жеке куәлігін ауыстырған немесе шекара аймағы шегінде тіркеу орнын ауыстырған кезде шекара аймағы тұрғынының куәлігі тиісінше ауыстырылуы тиіс.
      Шекара аймағынан тыс кетуіне байланысты тіркелген жерін ауыстырған кезде шекара аймағы тұрғынының куәлігі тапсырылады. Шекара аймағы тұрғынының куәлігін беру жөніндегі материалдар жеке номенклатуралық істе қалыптасады.

6. "Халықты құжаттандыру және тіркеу" Тіркеу орны" ақпараттық жүйе арқылы Қазақстан Республикасы азаматтарының жеке басын куәландыратын құжаттар дайындау үшін формулярларды толтыру ерекшелігі

      51. "Халықты құжаттандыру және тіркеу" Тіркеу орны" (бұдан әрі - ХҚТ ТО" ақпараттық жүйе арқылы толтырылған Электрондық формуляр Қазақстан Республикасы азаматының жеке басын куәландыратын құжаттарды дайындауға арналған электрондық формуляр нөмір мен штрих-коды бар қатаң есептегі құжат болып табылады. Электрондық формулярдың нөмірін автоматтандырылған режимде бірыңғай ақпараттық жүйемен қалыптастырады.
      52. Электрондық формулярдың негізділігі мен дұрыс толтырылуы халықты құжаттандыру және тіркеудің уәкілетті қызметкерінің электрондық-цифрлік қолымен (бұдан әрі - ЭЦҚ) расталады.
      ЭЦҚ электрондық цифрлік қолдың құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлік нышандар жиыны болып табылады және электрондық өтінімді орталық торапқа құжаттандыруға және тіркеуге (тіркеу есебінен шығаруға) жіберу кезеңінде қолданылады.
      ЭЦҚ тұлғаның өз қолымен қойылған қолына теңестрілген және электрондық формулярға қол қою үшін бірдей заңды жауапкершілікті жүктейді.
      ЭЦҚ оған заңды негізде ие болған адамдардың меншігі болып табылады және басқа адамдарға оны қолдану үшін берілмейді.
      53. ЭЦҚ алу үшін Ішкі істер департаменттері уәкілетті қызметкерлерді тағайындайды, олар өтінім беру, аумақтық бөліністердің халықты құжаттандыру және тіркеудің уәкілетті қызметкерлерінің сәйкестендіру процесін өткізу және тіркеу куәліктерін алу үшін жауаптылықта болады.
      54. ЭЦҚ-ның жарамдылық мерзімі тіркеу куәлігі шығарылған сәттен бастап бір жылды құрайды. ЭЦҚ қайтадан алу үшін мерзімі өткенгенге дейін он күн бұрын жаңа өтінім беру қажет. ХҚТ ТО-да жұмысты жүзеге асыратын уәкілетті қызметкерлері ауысқан кезде, ЭЦҚ алынатын тасымалдағышпен бірге Ішкі істер департаментіне тапсырылады. Ішкі істер департаментінің уәкілетті қызметкері тіркеу куәлігін шақыртып алуға өтінім береді.
      55. Электрондық формулярды толтыру үшін Қазақстан Республикасының азаматтары тұрақты тіркелген мекенжайын растайтын азаматтарды тіркеу кітабын, жеке басын куәландыратын құжат үшін мемлекеттік баж төленгені туралы түбіртекті және жеке басын куәландыратын құжаттарды толтыру себебіне байланысты төменде санамаланған мынадай құжаттардың бірін:
      туу туралы куәлікті;
      Қазақстан Республикасы азаматының жеке куәлігін;
      Қазақстан Республикасы азаматының паспортын;
      Қазақстан Республикасы азаматтығын қабылдағаны туралы 6-нысандағы анықтаманы;
      ХҚТ ТО-да азаматты фотоға түсірудің халықаралық стандарттардың талаптарына сәйкес және төлемсіз жүргізіледі. Азаматтың қалауы бойынша оларға 3,5 х 4,5 см фотосуреті ұсынылады.
      56. Уәкілетті қызметкерлер ХҚТ ТО-ның ақпараттық жүйесінде деректер базасында сақталатын тіркелген атпен жұмыс істейді және өзінің ХҚТ ТО жүйесіндегі өзінің әрекеттеріне дербес жауапкершілікте болады.
      57. Азаматтар ұсынған жеке сәйкестендіру нөмірі (бұдан әрі - ЖСН) бар жеке куәлік, паспорт немесе ЖСН беріліп тіркелген туу туралы куәлік бойынша деректер базасында жеке басын сәйкестендіру жүргізіледі. Бұл ретте халықты құжаттандыру және тіркеудің уәкілетті қызметкері деректер базасындағы азаматтардың деректері олар ұсынған құжаттармен салыстыра тексеруді жүргізеді. Деректер базасында азаматтар туралы мәліметтердің дұрыс емес екені анықталған жағдайда, электрондық формулярға азамат куәландырған деректер енгізіледі. Бұл ретте жүргізілген өзгерістер халықты құжаттандыру және тіркеудің уәкілетті қызметкерінің "қосымша ақпарат" жолындағы жазбасымен расталады.
      58. Құжаттандыру туралы шешім қабылдағаннан кейін ХҚТ ТО-ға өтінім тіркеледі. Өтінімде:
      тапсырыс берген құжаттың түрі;
      құжатты алу себебі;
      құжатты толтыру тілі;
      паспортта азаматтың ұлтын жазу туралы белгі;
      электрондық формуляр толтыру үшін негіз болып табылатын құжат;
      шұғылдық санаты көрсетіледі.
      59. Өтінім тіркелгеннен кейін халықты құжаттандыру және тіркеудің уәкілетті қызметкері өтінімді тіркеу талонын, ол электронды формулярды толтыру, сондай-ақ суретке түсіру, қол қою, дайын құжаттарды алу үшін азаматтарға берілетін өтінімді тіркеу талонын басып шығарады.
      60. Азаматтың фотобейнесі суретке түсіру арқылы, азаматтың қол қоюы сканерлеу арқылы электронды формулярға енгізіледі. Азаматтың қалауы бойынша ол ұсынған фотосурет пен қағаз тасымалдағышынан алынған қол сканерлеу арқылы енгізіледі.
      61. ХҚТ ТО-да электронды формулярларды толтыру мына кодтар бойынша жүргізіледі:
      "00" 16 жасқа дейінгі балаларға паспорт беру;
      "01" 16 жасқа толу;
      "04" тегін, атын, әкесінің атын өзгерту;
      "05" туған күнін өзгерту;
      "06" жазбаның дұрыс еместігі;
      "07" құжатты одан әрі қолдануға жарамсыздығы;
      "08" азаматтың өзінің ұлтын өзгерту;
      "09" азаматтың жеке куәлігі мен паспортының жоғалуы;
      "10" заңды мекенжайын ауыстыру;
      "12" Қазақстан Республикасының азаматтығын қабылдау
      "13" азаматтың паспортты жоғалтуы;
      "14" қолданыстағы әкімшілік-аумақтық бөлінуіне байланысты елдімекендер атауының өзгеруі;
      "15" Қазақстан Республикасына тұрақты тұру үшін қайта оралуына байланысты жеке куәлік алуы;
      "16" иесінің қалауы бойынша жаңа технологияға сәйкес құжат түрлерінің өзгеруіне байланысты;
      "17" қолда бар жеке куәліктің немесе паспорттың негізінде алғаш рет жеке басын куәландыратын құжаттар алу;
      "18" құжаттың жарамдылық мерзімінің аяқталуы (паспорт, жеке куәлік).
      62. Электрондық формулярды толтыру кезінде құжатты алу себептерінің бір немесе бірнеше коды (жеті кодқа дейін) көрсетіледі, бұл ретте электрондық формулярларды толтыру кодына сәйкес осы Нұсқаулықтың 18 тармағын басшылыққа алу қажет.
      63. Электронды формулярларды кодтар бойынша толтыру кезiнде:
      «00», «01» - ЖСН бар туу туралы көрсетiлген куәлiк бойынша немесе ЖСН берiлiп тiркелген туу туралы куәлiк бойынша деректер базасындағы ЖСН бойынша сәйкестендiру жүргiзiледi. Туу туралы куәлiгiнде ЖСН болмаған жағдайда адамды сәйкестендiру жүргiзiлмейдi, ал мәлiметтердi электронды формулярға халықты құжаттандыру және тiркеу уәкiлеттi қызметкерлерi туу туралы куәлiкке сәйкес енгiзедi.
      Егер азамат 16 жасқа дейiн паспорт алған жағдайда, онда ол 16 жасқа толған соң, электрондық формулярды толтыру кезiнде паспорттың деректерi де көрсетiледi, ал «қосымша негiздеме» жолына туу туралы куәлiктiң деректерi енгiзiледi.
      Туу туралы куәлiктiң негiзiнде толтырылған электрондық формулярға ата-анасының бiреуiнiң жеке куәлiгiнiң нөмiрi, берiлген күнi және оны берген орган туралы мәлiметтер «қосымша негiздеме» жолына енгiзiледi.
      «04» - неке қию, бұзу, анықтау деректерiн ауыстыру туралы, туу туралы куәлiктi қайтадан алуы туралы куәлiктiң нөмiрi, күнi және оны берген органның атауы көрсетiледi. Анықтау деректерiн өзгерту туралы iшкi iстер органы қорытындысының нөмiрi мен күнiн халықты құжаттандыру және тiркеу органының уәкiлеттi қызметкерi электрондық формулярдың «қосымша негiздеме» жолына енгiзедi;
      «05» - анықтау деректерiн ауыстыру, туу туралы куәлiктi қайтадан алу туралы куәлiктiң нөмiрi, күнi және берген органның атауы, туған күнiн ауыстыру туралы iшкi iстер органы қорытындысының нөмiрi мен күнiн халықты құжаттандыру және тiркеу органының уәкiлеттi қызметкерi «қосымша негiздеме» жолына енгiзедi;
      «06» - анықтау деректерiнде, туған жерiндегi мәлiметтерде қайшылықтар анықталған жағдайда, тексерiс аяқталғаннан кейiн «қосымша негiздеме» жолында электронды формулярға өзгерiстер енгiзiлгенiн растайтын құжаттардың деректерi енгiзiледi.
      Деректер базасындағы азаматтың фотосуретiнiң жеке басын куәландыратын құжаттағы фотобейнесiмен сәйкес келмейтiнi анықталған кезде халықты құжаттандыру және тiркеу органының уәкiлеттi қызметкерi құжаттандырылушының жеке басы және құжаттардағы сәйкес келмеу себептерi мiндеттi түрде тексерiледi. Тексерiс нәтижелерi бойынша мүмкiндiгiне қарай танылушы адаммен сыртқы түрi ұқсас, кемiнде үш басқа адамның фотокарточкаларымен бiрге бiр уақытта ұсынылған оның фотокарточкасы бойынша жақын туыстарының не азаматты кемiнде 10 жыл бiлетiн адамдарды (екi және одан көп адамды) тарта отырып, 12-қосымшадағы нысан бойынша азаматтың жеке басын тану хаттамасы жасалады, содан кейiн екi жұмыс күнi iшiнде қорытынды шығарылады және формулярмен және жою туралы актiмен бiрге Қазақстан Республикасы IIМ-нiң КҚПК-ға жiберiледi. Қорытындыны тiркеу қорытындыларды тiркеу журналында жүргiзiледi. «Қосымша негiздеме» жолында жеке басын анықтау жөнiндегi қорытындының нөмiрi мен күнi көрсетiледi, ал «қосымша ақпарат» жолында фотосуреттердiң сәйкес келмеуi себептерi көрсетiледi.
      Азаматтың фотосуреттерiнiң сәйкестiгi расталған жағдайда «қосымша ақпарат» жолында «№ жеке куәлiктегi (паспорттағы) және № электрондық өтiнiмдегi азамат(ша) Т.А.Ә. фотосуреттерiнiң сәйкестiгi Iшкi iстер басқармасының (бөлiмiнiң) (хаттама жасалған күнi) жеке басын тану хаттамасымен расталады» деп көрсетiледi, ал «қосымша негiздеме» жолында жеке басын анықтау жөнiндегi қорытындының нөмiрi мен күнi көрсетiледi;
      «07» - коды құжат пайдалануға жарамсыз болған (бүлiнуi, ескiруi, техникалық ақаулар, паспорттың барлық беттерiнiң пайдаланылуы, жеке басын куәландыратын құжатта ЖСК-ның болмауы) жағдайларда көрсетiледi. Бұл ретте электрондық формулярды ресiмдеу негiздемесi ретiнде жарамсыз құжаттың деректерi жазылады, ал «қосымша ақпарат» жолында құжат жарамсыз болуының нақты себебi көрсетiледi.
      Бүлiнуiне, ескiруiне, жеке адамды сәйкестендiруi мүмкiн болмауына байланысты пайдалануға жарамсыз құжат формулярды толтыру кезiнде алынады, бұл ретте азаматтың қалауы бойынша уақытша жеке куәлiк берiледi.
      «08» - ұлтын өзгерту туралы қорытындының нөмiрi мен күнi электронды формулярдың "қосымша негiздеме" жолына енгiзiледi;
      «09» - азаматтың өтiнiшiнiң тiркеу нөмiрi мен күнi «қосымша негiздеме» жолына енгiзiледi;
      «10» - егер қала немесе облыс iшiнде заңды мекенжайы ауыстырылған жағдайда азаматтың жеке куәлiгiндегi «заңды мекенжай» бағанында оның тек тұратын қаласы немесе облысы көрсетiлген жағдайда жеке куәлiк ауыстырылмайды.
      Егер жеке куәлікте тіркеудің жаңа мекенжайына сәйкес келмейтін толық заңды мекенжайы көрсетілсе (қала, аудан, көше, үй, пәтер), онда тіркеусіз ХҚТ ТП-ның ақпараттық жүйесі арқылы жеке куәлікті ауыстыру талап етіледі. Бұл ретте аумақтық ішкі істер органының мекенжай картотекасына қосу үшін мекенжайға келу парағы мен статистикалық органға жолдау үшін келу парағына статистикалық талон толтырылады.
      «12» - электронды формулярды толтыруға Қазақстан Республикасының азаматтығына қабылдау туралы анықтама негiз болады. Жарлық нөмiрi немесе Қазақстан Республикасы азаматтығына қабылдағаны туралы iшкi iстер органының қорытындысы «қосымша негiздеме» жолына көрсетiледi, ал "қосымша ақпарат" жолында азаматтың бұрынғы азаматтығы көрсетiледi.
      «13» - «қосымша негiздеме» жолына азаматтың жоғалған паспортын қайта қалпына келтiру туралы арызының тiркеу нөмiрi мен күнi енгiзiледi.
      Ескерту. 63-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      64. Азаматтардың электрондық ақпарат тасымалдағышы бар жеке куәлікті ұсынған кезде жаңа тұрғылықты орны бойынша Қазақстан Республикасының паспортын алу үшін электрондық формулярды толтыруы микросхемаға (чип) мекенжай ақпаратын қайта жазу рәсімінен кейін жүргізіледі.
      65. Азаматтың анықтамалық деректерін ағылшын тіліне транскрипциялау ХҚТ ТО-да автоматты түрде жүргізіледі. Қажеттілік болған жағдайда транскрипция осы нұсқаудың 37-тармағында белгіленген тәртіппен жүргізіледі және оны ХҚТ ТО-да халықты құжаттандыру және тіркеудің уәкілетті қызметкері өзгертеді. Бұл ретте "қосымша ақпарат" жолында азаматтың өтінішінің тіркеу нөмірі және күні енгізіледі.
      66. Электрондық формулярды толтырғаннан кейін азаматтарға енгізілген мәліметтердің дұрыстығын тексеру және жеке қолын растау үшін ақпараттық парақ басылып шығарылады.
      Ақпараттық парақ ішкі істер органдарының құжаттандыру және тіркеу бөліністерінде азаматтар дайын құжатты алғанға дейін сақталады және актіні толтырусыз жойылады.
      67. Қазақстан Республикасы азаматының жеке басын куәландыратын құжаттарды бергені үшін мемлекеттік бажды төлегені туралы түбіртекте өтінімді тіркеу талонының нөмірі жазылады.
      68. Толтыру аяқталғаннан кейін электрондық формулярлар халықты құжаттандыру және тіркеудің уәкілетті қызметкерлері тексеру жүргізу үшін жергілікті деректер базасында сақталады. Қателер анықталған жағдайда немесе өзге де айырмашылық болған жағдайда халықты құжаттандыру және тіркеудің уәкілетті қызметкері түзету енгізеді және қайтадан ол қол қоятын ақпараттық парақты басып шығарады. Бірінші және екінші санаттағы жеделдік бойынша толтырылған электрондық формулярларды тексеру үшін мерзімі бір жұмыс күнін, үшінші санатты жеделдік үшін екі жұмыс күнін, жалпы тәртіппен толтырылған электронды формулярлар үшін оларды толтыру күнінен бастап 3 жұмыс күнін құрайды.
      69. Электрондық формулярдың негізділігі мен толтыру дұрыстығы тексеруден кейін халықты құжаттандыру және тіркеудің уәкілетті қызметкерлерінің ЭЦҚ-мен расталады, содан кейін электронды формуляр ХҚТ ТО-ның орталық торабына жөнелтіледі.
      70. ҚР ІІМ КҚПК формулярларды тексеруді ҚР ІІМ-нің "Іздестіру" іздестіруде жүрген адамдардың автоматтандырылған базасы бойынша жүзеге асырады, сондай-ақ деректер базасындағы адамның мәліметтері сәйкес болмауына байланысты "АӨО" РМК-дан негізсіз құжаттандыруға байланысты формулярларды қайтару фактілерін анықтау бойынша жұмыс жүргізеді.
      71. Деректер базасындағы электрондық формулярларындағы мәліметтердің сәйкес келмеуі анықталған, толтыру ережесі сақталмаған, графикалық ақпарат сапасыз жасалған жағдайда ІІМ КҚПК қайтару себебін көрсете отырып, ХҚТ ТО-ға қайта ресімдеу үшін оны орындамай қайтарады.
      72. Жол берілген қателер үшін немесе сәйкес келмеуіне байланысты қайта ресімдеуге жіберілген электронды формулярлар олар аумақтық ішкі істер органдарына келіп түскен күннен бастап бес жұмыс күні мерзіміне дейін өңделуі қажет, содан кейін олар құжаттарды дайындау үшін қайта жолданады.
      73. Тексеріс аяқталғаннан кейін анықтау деректеріндегі мәліметтерде және туған жерінде айырмашылық анықталған жағдайда, "қосымша негіздеме" жолында электронды формулярға өзгеріс енгізілгенін растайтын құжаттың деректері енгізіледі. Қажет болған жағдайда паспортта және жеке куәлікте жазбаның дұрыс еместігі - "06" коды қосымша қойылады.
      74. Егер бұрын дайындалған құжаттар мынадай себептермен: "заңсыз берілген", "қайтыс болуына байланысты", "азаматтықтан шығу", "Қазақстан Республикасынан тыс жерге тұрақты кеткен", "жоғалған" жарамсыз құжаттар қатарына енгізілсе және бұл ретте тиісті тексеріс жүргізу кезінде құжаттың жарамсыздығы туралы деректер расталмаса, түзетулер енгізу қажет.
      Қалалық, аудандық ішкі істер органы тексеріс аяқталғаннан кейін екі жұмыс күні ішінде тексеру материалдарын қоса отырып, түзету қажеттілігі туралы Ішкі істер департаментіне жазбаша хабарлама жібереді. Ішкі істер департаменті тексеріс материалдарының көшірмелерін қоса отырып, түзету қажеттілігі туралы жазбаша негіздемені аумақтық ішкі істер органынан келіп түскен сәттен бастап екі жұмыс күніне дейінгі мерзімде Қазақстан Республикасы ІІМ-нің КҚПК-ға жібереді.
      Деректер базасына түзету енгізілгеннен кейін электрондық формуляр құжатты дайындау үшін жіберіледі.
      Бұл ретте деректер базасына түзетулерді енгізу мерзімі "АӨО" РМК үшін Қазақстан Республикасы ІІМ-нің КҚПК-дан хабарламалар келіп түскен сәттен бастап бір жұмыс күнін құрайды.
      Егер дайындалған құжаттар "талап етілмеген" себебі бойынша жарамсыз қатарына енгізілген жағдайда, электрондық формулярды ресімдеу талап етілмеген құжатты ресімдеу себебі көрсетіле отырып, алдыңғы (оның ішінде жоғалған) құжаттың негізінде жүргізіледі. Егер жалғыз құжат "талап етілмеген" себебі бойынша жарамсыз қатарына енгізілсе, электрондық формулярды ресімдеу "07" ресімдеу себебі көрсетіле отырып, осы құжаттың негізінде жүргізіледі.
      75. Тексерістен өткен электрондық формуляр бойынша "АӨО" РМК паспорттар мен жеке куәліктерді олар өндіріске келіп түскен күннен бастап мына мерзімде дайындайды:
      1-ші санаттағы жеделдік бойынша 1 жұмыс күні;
      2-ші санаттағы жеделдік бойынша 3 жұмыс күніне дейін;
      3-ші санаттағы жеделдік бойынша 5 жұмыс күніне дейін;
      жалпы тәртіппен келіп түскендер - 10 жұмыс күніне дейін.
      76. "АӨО" РМК-дан ҚР ІІМ КҚПК-ге және Ішкі істер департаменттеріне дайын болған жеке куәліктер мен паспорттарды тапсыру және жөнелту осы Нұсқаулықтың 26, 27, 28, 29, 30, 31, 32-тармақтарында белгіленген тәртіппен жүргізіледі.
      77. Дайын құжаттарды беру ХҚТ ТО-ның халықты құжаттандыру және тіркеудің уәкілетті қызметкері электронды формулярды толтыру орны бойынша жүзеге асырады. Дайын болған жеке куәлік пен паспортты алу үшін азамат өтінімді тіркеу талонын және алуға жататын құжаттарды, жаңа жеке куәлікті алуына байланысты қайта тіркеу үшін азаматтарды тіркеу кітабын ұсынады.
      Егер азамат ішкі істер органдарына қайтарылуға жататын құжаттарды жоғалтқан жағдайда азаматтан оны жоғалту жағдайын көрсете отырып, өз қолымен жазған құжат алынады, оның тіркеу нөмірі электрондық формулярдың "жарамсыз құжаттар" жолында көрсетіледі.
      78. Халықты құжаттандыру және тіркеу уәкілетті қызметкері ХҚТ ТО-ның жүйесіне азамат туралы және дайын құжаттардың бар болуы туралы ақпарат алу үшін тіркеу өтінімі талонының нөмірін енгізеді. Азамат тіркеу өтінімі талоның жоғалтқан жағдайда, оның нөмірі ақпараттық парақтан оқылады.
      79. Жеке басын куәландыратын құжаттарды беру фактісін тіркеу үшін ХҚТ ТО жүйесінде машинамен оқылатын аймақты оқу үшін электрондық құрылғы қолданылады.
      Сонымен бірге дайын құжаттарды беру мерзімі белгіленген соң, жаңа құжаттардың шығарылуына байланысты алдыңғылары автоматты түрде жарамсыздар қатарына аударылады.
      Принтерде құжатты берген халықты құжаттандыру және тіркеу уәкілетті қызметкерінің және азаматтың қолы қойылатын электронды формуляр басылып шығарылады, одан кейін ақпараттық парақ акт жасалмай жойылады.
      80. Дайындалған құжаттарды азаматқа бергеннен кейін осы Нұсқаулықтың 34 тармағында көзделген тәртіппен электронды формулярлар картотекаға салынады.
      81. Қазақстан Республикасы азаматының паспорты жоқ 16 жасқа дейінгі, алғаш рет жеке куәлік алу үшін ресімделетін 16 жасқа дейінгі балаларға ЖСН генерациясы паспорт немесе жеке куәлік дайындау кезінде тікелей жүргізіледі.
      Туу туралы куәлігінде ЖСН көрсетілмеген Қазақстан Республикасы азаматының паспорты жоқ 16 жасқа дейінгі балаларға ЖСН-ды генерациялау ХҚТ ТО-ның ақпараттық жүйесі арқылы жүргізіледі.
      82. Балаларға ЖСН генерациялау үшін ата-аналарының бірі (заңды өкілі) балалардың тұрғылықты жері бойынша тіркелгенін растайтын азаматтарды тіркеу кітабын, не болмаса мекенжай анықтамасын, туу туралы куәлік пен ата-анасының (заңды өкілінің) бірінің жеке куәлігін ұсынады.
      Ескерту. 82-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      83. Балалардың анықтамалық деректерi туу туралы куәлiгiне сәйкес жазылады, онда берген күнi, нөмiрi және оны берген орган атауы көрсетiледi.
      ЖСН генерациялау үшін электрондық өтінім ресімдеген кезде баланың туу туралы куәлігі міндетті түрде сканерленеді және электрондық өтініммен бірге орталық торапқа жолданады.
      Туу туралы куәлікте ата-аналары немесе олардың біреуі туралы қандай да бір мәліметтер болмаса, электрондық өтінімдегі тиісті жолдар толтырылмайды.
      Ескерту. 83-тармақ жаңа редакцияда - ҚР Ішкі істер министрінің 20.11.2012 № 618 Бұйрығымен (алғаш ресми жарияланған күннен бастап қолданысқа енгізіледі).
      84. ЖСН генерациялау ХҚТ ТО-ға өтінім берілген күннен бастап бес жұмыс күнге дейінгі мерзімде жүргізіледі.
      85. ЖСН-ның деректер базасында қайталанбауын болдырмау мақсатында, "АӨО" РМК орталық торапқа өтінім келіп түскен күннен бастап екі жұмыс күні ішінде аталған азаматқа қатысты мәліметтер бар екендігіне салыстырмалы тексеру жүргізеді. Мәліметтер болмаған жағдайда, генерирленген ЖСН ХҚТ ТО-ға жолданады.
      86. Генерацияланған ЖСН нөмірі туу туралы куәлігінің қосымша парақта 30-қосымшадағы нысанға сәйкес берілген ЖСН-мен бірге көрсетіледі, оған халықты құжаттандыру және тіркеудің уәкілетті органының қызметкері қол қояды және паспорттық елтаңбалық мөрмен расталады.

Қазақстан Республикасының халқын
құжаттандыру және тіркеу 
қағидаларын қолдану туралы
нұсқаулыққа 1 қосымша  

нысан

Қазақстан Республикасы азаматы паспортының қолдану мерзімін ұзарту мөртаңбасының үлгісі

Қазақстан Республикасының халқын
құжаттандыру және тіркеу        
қағидаларын қолдану туралы      
нұсқаулыққа                     
2 қосымша                       

нысан

Қазақстан Республикасы азаматының уақытша жеке куәлігінің үлгісі

      (көлемі 80 х 110)
      ішкі беті

Сыртқы беті

Қазақстан Республикасының халқын
құжаттандыру және тіркеу   
қағидаларын қолдану туралы  
нұсқаулыққа 3 қосымша    

нысан

Қазақстан Республикасы азаматтарына берілген уақытша жеке
куәліктерді (УК) есепке алу журналы

Қазақстан Республикасының халқын  
құжаттандыру және тіркеу қағидаларын
қолдану туралы нұсқаулыққа     
4 қосымша             

нысан

Формуляр

Қазақстан Республикасының халқын
құжаттандыру және тіркеу қағидаларын
қолдану туралы нұсқаулыққа
5 қосымша

нысан

Жеке куәліктерді, төлқұжаттарды дайындауға формулярларды есепке алу № 2 НЫСАНДАҒЫ КІТАП

БАРЛЫҒЫ: формулярлар ______________________________
         соның ішінде жеке куәлікке________________
         төлқұжатқа________________________________
         жеке куәлік пен төлқұжатқа________________
         жеңілдікпен_______________________________

Ескертпе: банкноттық фабриканың орауын ашу кезінде, 2-нысанды кітапқа ораудың ішіндегі барлық формулярлардың нөмірлері енгізіледі.

Қазақстан Республикасының халқын
құжаттандыру және тіркеу қағидаларын
қолдану туралы нұсқаулыққа
6 қосымша    

нысан

Жоғалған, заңсыз берілген паспорттар және жеке куәліктер, өзге
мемлекеттің азаматтығын қабылдағаны туралы ақпарат болу кезінде
– алынып қойылмаған, жаңа құжат ауыстыру кезінде және азаматтың
қайтыс болуына байланысты тапсырылмаған құжаттар туралы
«____» _______20____ж. мерзіміндегi мәліметтер

      Ескерту. 83-тармақ жаңа редакцияда - ҚР Ішкі істер министрінің 20.11.2012 № 618  Бұйрығымен (алғаш ресми жарияланған күннен бастап қолданысқа енгізіледі).

Ішкі iстер органның басшысы  ______________          _____________
                                (қолы)                  (А.Ә.Т.)

Қазақстан Республикасының халқын
құжаттандыру және тіркеу қағидаларын
қолдану туралы нұсқаулыққа
7 қосымша

нысан

____________________________________________________________
елді мекен/населенный пункт
____________________________________________________________
облысы, ауданы/область, район

АЗАМАТТАРДЫ ТІРКЕУ КІТАБЫ
КНИГА РЕГИСТРАЦИИ ГРАЖДАН

№ 0000001

______________________________________________________ көшесі
N_______________________ үйде тіркелген
____________________________________________________________
____________________________________________________________
Ішкі істер органының атауы/наименование органа внутренних дел

Басталды
Начата ________________________20__г.

Аяқталды
Окончена ________________________20_г.

Келесі парақ

ҮЙ ИЕЛЕРІ ТУРАЛЫ МӘЛІМЕТТЕР СВЕДЕНИЯ О ВЛАДЕЛЬЦАХ ЖИЛИЩА

Келесі парақ

ТІРКЕУ ТУРАЛЫ МӘЛІМЕТТЕР СВЕДЕНИЯ О РЕГИСТРАЦИИ

Қазақстан Республикасының халқын
құжаттандыру және тіркеу қағидаларын
қолдану туралы нұсқаулыққа
8 қосымша

нысан

Осы құжат "Электрондық құжат және электрондық цифрлық қолтаңба туралы" ҚРЗ 7 бабы 1 тармағына сәйкес қағаз жеткiзгiштегi құжатпен бiрдей. Данный документ согласно пункту 1 статьи 7 ЗРК "Об электронном документе и электронной цифровой подписи" равнозначен документу на бумажном носителе.

      
      
штрих-кодта "ЖТ" МДБ ("Жеке тұлға" мемлекеттік деректер базасынан) алынған және электронды-сандық қол қоюлармен: Қазақстан Республикасының Әділет министрлігі, Қазақстан Республикасының Ішкі істер министрлігі қол қойылған деректер жазылады.
штрих-код содержит данные, полученные из ГБД ФЛ и подписанные электронно- цифровыми подписями: Министерства юстиции Республики Казахстан, Министерства внутренних дел Республики Казахстан.

Қазақстан Республикасының халқын
құжаттандыру және тіркеу қағидаларын
қолдану туралы нұсқаулыққа
9 қосымша

нысан

Кодтар мен қысқартулардың
АНЫҚТАМАЛЫҒЫ

      1. Әкiмшiлiк-аумақтық объектiлер атауларының қысқартуы;
      2. Әлем елдерi және азаматтық кодтарының анықтамалығы;
      3. Ұлттар кодтарының анықтамалығы;
      4. Қазақстан Республикасының облыстары, аудандары кодтарының анықтамалығы.

Тұратын мекенжайын қысқарту анықтамалығы

      Барлық мекенжайлар әкiмшiлiк-аумақтық бөлуге сәйкес толтырылады жүргiзiледi.
      Уақытша немесе қызметтiк мәндегi объектiлер (қыстау, жазық дала, сондай-ақ орманшы үйлерi, жол мастерлерi, метеостанция) елдi мекен болып саналмайды, бiрақ әкiмшiлiк территориялық аймаққа қатысты жазылады.
      Елдi мекендер үшiн мынадай қысқартулар қолданылады:
      - с        - село;
      - пос.     - кент;
      - қтк      - қала типтес кент;
      - жк       - жұмыс кентi;
      - т.ж.ст.  - темiржол стансасы;
      - разъезд  - қыстартусыз жазылады;
      - ауыл     - қысқартусыз жазылады.

      Қалалар атауы сөзiндегi "қала" қысқартылып "қ." немесе "қал." қысқартылып жазылмайды, тиісті жолда оның атауы жазылады.
      Көше атауындағы "көше" сөзi "к." деп жазылуына болмайды, тиісті жолда оның атауы жазылады.

      Даңғыл, тұйық, алаң т.б. келесi қысқартулар (немесе жоқ) қолданылады:

      - д            - даңғыл;
      - т            - тұйық
      - ша           - шағын аудан;
      - проезд       - қысқартусыз;
      - шоссе        - қысқартусыз;
      - буль.        - бульвар;
      - қалашық      - қысқартусыз;
      - алаң         - алаң
      - к.           - кент (қала құрамына енгiзiлген);
      - разъезд      - қысқартусыз;
      - ст.          – станция;
      - жол          - жол;
      - тракт        - қысқартусыз;
      - саябақ       - қысқартусыз;
      - түа          - тұрғын үй алабы;
      - сквер        - қысқартусыз;
      - әскери бөлім - ә/б.

      Осы тiзiмге енбеген атаулар қысқартусыз жазылады.

ЕЛДЕР АНЫҚТАМАЛЫҒЫ
(азаматтығының)

ҰЛТТАР АНЫҚТАМАЛЫҒЫ