Ескерту. Бұйрықтың күші жойылды - ҚР Ішкі істер министрінің 2011.11.28 № 631 (5-тармақты қараңыз) бұйрығымен.

      Қазақстан Республикасы Үкіметінің 2000 жылғы 12 шілдедегі № 1063 «Қазақстан Республикасының халқын құжаттандыру және тіркеу ережесін бекіту туралы», 2008 жылғы 24 желтоқсандағы № 1235 және 2009 жылғы 27 тамыздағы № 1260 «Қазақстан Республикасының халқын құжаттандырудың кейбір мәселелері туралы» қаулыларын орындау үшін, Қазақстан Республикасы азаматтарын құжаттандыру және тіркеу мәселелері бойынша әділет органдарының қызметін жетілдіру мақсатында БҰЙЫРАМЫН:
      1.Осы бұйрықтың 1-қосымшасына сәйкес Қазақстан Республикасының азаматтарына паспорттар мен жеке куәліктер беру және ресімдеу жөніндегі Нұсқаулық бекітілсін.
      2. Осы бұйрықтың 2-қосымшасына сәйкес Қазақстан Республикасының тіркелген және тіркеу есебінен шыққан азаматтарын есепке алу Ережесі бекітілсін.
      3. Осы бұйрықтың 3-қосымшасына сәйкес Қазақстан Республикасы Әділет министрлігі бұйрықтарының күші жойылған деп танылсын.
      4. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және құқықтық көмек көрсету комитетінің төрағасына жүктелсін.
      5. Осы бұйрық алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.

      Министр                                       Р. Түсіпбеков

      «КЕЛІСІЛДІ»

      Қазақстан Республикасының
      Ішкі Істер министрі
      ________ С. Баймағанбетов
      «__»_____________ 201_ ж.

      «КЕЛІСІЛДІ»

      Қазақстан Республикасы
      Сыртқы істер министрлігінің
      Жауапты хатшысы
      _____________ Р.Жошыбаев
      «__»_____________ 201_ ж.

Қазақстан Республикасы 
Әділет министрінің   
2010 жылғы 31 желтоқсандағы
№ 352 бұйрығына    
1-қосымша      

Қазақстан Республикасының азаматтарына паспорттар мен жеке
куәліктер беру және ресімдеу жөніндегі Нұсқаулық

1. Жеке басты куәландыратын құжаттарды беру

      1. Әдiлет органдары Қазақстан Республикасының азаматтарына жеке басын куәландыратын мынадай құжаттар бередi:
      Қазақстан Республикасы азаматының паспорты;
      Қазақстан Республикасы азаматының жеке куәлігі.
      Жеке басты куәландыратын құжаттар иесiнiң қалауы бойынша мемлекеттiк немесе орыс тiлiнде, ал Қазақстан Республикасы азаматының паспорты сонымен қатар ағылшын тiлiнде толтырылады. Паспортта ұлты туралы жазба азаматтың қалауы бойынша көрсетіледі.
      2. Қазақстан Республикасы азаматының паспорты олардың қалауы бойынша жасына қарамастан жарамдылығы он жыл мерзiмге берiледi. Азаматтың өтiнiш жасау орны бойынша паспорттың жарамдылық мерзiмiн облыстық, Астана және Алматы қалаларының Әдiлет департаменттерi (бұдан әрі - Әділет департаменттері) паспорттың бос бетiне тиiстi жазбасы бар 1-қосымшадағы нысанға сәйкес мөртаңба қою арқылы азаматтың өтініш жасау орны бойынша тағы бiр жылға ұзартады, ол паспортты елтаңбалы мөрмен бекiтiледi және Әдiлет департаментiнің халықты құжаттандыру және тiркеу жұмысын ұйымдастыру бөлімінің бастығы немесе оның міндетін атқарушы тұлғаның қолымен куәландырылады. Қазақстан Республикасының елден шалғай жерлерде тұрып жатқан азаматтарына ҚР азаматы паспортының жарамдылық мерзiмiн Қазақстан Республикасының шет елдердегi мекемелерi ұзартады.
      3. Қазақстан Республикасы азаматының жеке куәлігі азаматтарға 16 жастан бастап беріледі және Республика аумағында жарамды.
      Қазақстан Республикасы азаматының жеке куәлігі қолдану мерзімі он жылға беріледі.
      4. Қазақстан Республикасы азаматтары жеке куәлік жоғалған жағдайда, оның одан әрі пайдалану үшін жарамсыздығына байланысты және жеке басын куәландыратын құжаттары жоқтарға, олардың өтініші бойынша жеке басын куәландыратын жаңа құжаттар алғанға дейін жарамдылық мерзімі 3 айға дейінгі уақытқа 2-қосымшадағы нысанға сәйкес уақытша жеке куәлік беріледі.
      Уақытша жеке куәлік халықты құжаттандыру және тіркеу уәкілетті қызметкерінің қолымен түсінікті етіп, азаматтың қалауы бойынша - мемлекеттік немесе орыс тілдерінде толтырылады. Уақытша жеке куәлікке азамат туралы мынадай мәліметтер енгізіледі: тегі, аты, әкесінің аты, туған жері және күні, ұлты, тұрғылықты жерінің мекенжайы, берген орган және берілген кезі, қолданылу мерзімі, азаматтың қолы.
      "Туған жері" деген бағанда облысы (қаласы), Қазақстан Республикасынан тыс жерлерде туғандар үшін - елі, ал "тұрғылықты жері" деген бағанда облысы, ауданы және елді мекені көрсетіледі.
      "Туған күні", "берілген күні", "дейін жарамды" деген бағандарда күні, айы, жылы араб цифрларымен көрсетіледі. Уақытша жеке куәлік беру халықты құжаттандыру және тіркеу бөлімі бастығының қолымен және паспортты елтаңбалы мөрмен расталады.
      "Берген орган" деген бағанда тиісінше құжатты берген әділет органының бөлімшесі көрсетіледі.
      Уақытша жеке куәлікке көлемі 3,5 х 4,5 сантиметр (бұдан әрі - см) иесінің фотосуреті жапсырылады, ол әділет органының елтаңбалы мөрімен бекітіледі.
      Қазақстан Республикасының азаматтарына берілген уақытша куәлік 3-қосымшадағы нысанға сәйкес уақытша жеке куәліктерді есепке алу журналында тіркеледі.
      Уақытша жеке куәлік Қазақстан Республикасының аумағында жарамды және қысқа уақытқа қолданылатын құжат болып табылады.
      5. Жеке басты куәландыратын құжаттарды, сондай-ақ уақытша жеке куәліктер берген үшін «Салық және бюджетке төленетін басқа да міндетті төлемдер туралы (бұдан әрі - Салық кодексі)» Қазақстан Республикасының Кодексінде белгіленген мөлшерде мемлекеттік баж алынады.

2. Қазақстан Республикасы азаматының жеке басын
куәландыратын құжаттарды дайындау үшін формулярларды ресімдеу.

      6. Қазақстан Республикасы азаматының паспортын және жеке куәлігін дайындау үшін халықты құжаттандыру және тіркеу уәкілетті қызметкері 4-қосымшадағы нысанға сәйкес формуляр толтырылады. Бұл ретте азаматтың оны тұлғасымен сәйкестендіру және қолын қою үшін жеке өзінің болуы міндетті.
      Қазақстан Республикасының аумағында тұрақты тұратын азаматтарға формуляр олардың тұрақты тіркелген жері бойынша Қазақстан Республикасы әділет органдарының халықты құжаттандыру және тіркеу бөлімшелерінде толтырылады.
      Формуляр мынадай жағдайда толтырылады:
      Бас бостандығынан айрылған орындарда жазасын өтеп жатқан тұлғаларға және тергеу қамауындағыларға;
      Мүгедектер, әрекетке қабілетсіздер және сырқат адамдарға;
      1974 жылғы үлгідегі бұрынғы КСРО паспортын ауыстыруға және олардың жоғалуы бойынша қалпына келтіруге өтініш білдірген азаматтарға, сондай-ақ туу туралы куәліктің негізінде Қазақстан Республикасы азаматының жеке басын куәландыратын құжаттар алуға алғаш рет өтініш білдіргендерге;
      «Халықты құжаттандыру және тіркеу» Тіркеу орны» жоқ болған жағдайда (бұдан әрі - ХҚТ ТО);
      ХҚТ ТО байланысында іркіліс немесе оның құрылғылары сынып қалған жағдайында.
      Қазақстан Республикасының шет елдердегі мекемелері арқылы Қазақстан Республикасының мына азаматтарына формулярлар:
      Қазақстан Республикасынан тыс жерлерде тұрақты тұрып жатқандарға;
      шет мемлекеттердің аумағында орналасқан оқу орындарында күндізгі оқу нысанында білім алушыларға;
      шет мемлекеттерде кемінде бір жыл мерзімге жасалған еңбек шарты бойынша бойынша жұмыс істеп жатқандарға;
      көрсетілген адамдардың олармен бірге тұратын отбасы мүшелеріне;
      шетелде дипломатиялық қызметтің персоналымен бірге тұратын және Қазақстан Республикасының Заңына сәйкес дипломатиялық қызметтің персоналымен бірге тұратын және Қазақстан Республикасының Заңына сәйкес дипломатиялық немесе қызметтік паспортты алуға құқығы жоқ дипломатиялық қызмет персоналының туысқандарына толтырылады.
      Жеке басын куәландыратын құжаттар жоғалған, жарамсыз болған, қолдану мерзімі біткен кезде формулярларды толтыру және дайын құжаттарды беру, сондай-ақ паспорттың жарамдылық мерзімін ұзартуды Қазақстан Республикасы Әділет министрлігінің Тіркеу қызметі және құқықтық көмек көрсету комитеті (бұдан әрі - ҚР ӘМ ТҚжҚККК):
      Қазақстан Республикасынан тыс жерде тұрақты тұратын және уақытша оның аумағында тұратын;
      қызметтік міндеттерін орындау тұрақты тіркеу орнынан тыс ұзақ уақытқа байланысты болған азаматтарға жүргізеді.
      Жеке басын тексеру және Қазақстан Республикасының азаматтығына қатыстылығын анықтауға қосымша тексеруді қажет ететін және мынадай себептермен келген: 1974 жылғы үлгідегі (КСРО) паспортты ауыстыру немесе оны жоғалтқан бойынша қалпына келтіру; туу туралы куәліктің негізінде алғаш рет Қазақстан Республикасы азаматының жеке басын куәландыратын құжатын алу үшін дер кезінде өтініш бермеген азаматтарға формулярларды әділет органдарының халықты құжаттандыру және халықты тіркеу бөлімшелерінің қызметкерлері толтырады.
      Тұрақты тұратын жері болмаған жағдайда Қазақстан Республикасы азаматына жеке басты куәландыратын құжаттарды әділет органдары растаған уақытша тұратын жері (белгілі тұратын жері жоқ адамдар үшін оңалту және бейімдеу орталығы, еңбекпен түзеу мекемесі) бойынша, ал заңнамада көзделген тәртіппен ішкі істер органдары растайтын нақты тұратын жері (белгілі тұратын жері және құжаты жоқ адамдар үшін уақытша ұстау, қабылдау-бөлу изоляторы) бойынша беріледі.
      7. Формуляр нөмірі мен штрих коды бар қатаң есептегі баспаханалық бланк, бірыңғай ақпаратты деректер базасына енгізілетін ақпарат тасушы болып табылады және одан әрі жеке тұлғаның берген құжаттарының мекенжай-анықтамалық жұмысымен сәйкес келуі мақсатында пайдаланылады.
      8. Формуляр бланкілері реттік нөмірлері бойынша паспорттарды, жеке куәліктерді дайындау үшін формулярлардың есебі № 2-н кітаптарында 5-қосымшадағы нысанға сәйкес есепке алынады (бұдан әрі - 2-н кітап).
      9. Формуляр қара, қара көк немесе күлгін түсті сиялы шарикті қаламмен толтырылады. Формулярдағы деректерді түзету жөнінде формулярдың сыртқы бетіндегі бос орынға «№..... жолдағы түзетілгенге сену» жазбасы жазыла отырып, халықты құжаттандыру және тіркеу уәкілетті қызметкерінің қолымен және паспортты елтаңбалы мөрмен куәландырады.
      10. Паспортты, жеке куәлікті алуға арналған түбіртек формуляр бланкісі толтырылғаннан кейін одан бөліп алынады және азаматқа беріледі.
      11. Тұлғаны сәйкестендіру мүмкін болмағанда, тозған, бүлінуге байланысты одан әрі қолдануға жарамайтын құжаттарды қоспағанда, жаңа паспорттар мен жеке куәліктер алғанға дейін бұрынғы құжаттары алынбайды.
      Азаматтың өтініші бойынша шет мемлекеттің қолданыстағы визасы бар ауыстырылуға тиіс паспорт алынбайды. Бұл ретте жарамсыз паспорт (паспорттың бір жақ шетін тескішпен тесу арқылы) өтелуге тиіс, паспорт иесіне паспортты кейіннен тіркелген жері бойынша әділет органына тапсыру қажеттігі туралы хабарланады. Формулярдың сыртқы бетіне «паспорт тапсырған жоқ» деген белгі қойылады.
      12. Жоғалған паспорттар мен жеке куәліктер, заңсыз берілгендер, өзге мемлекеттің азаматтығын қабылдағаны туралы ақпарат болған жағдайда - алынып қоймаған, жаңа құжаттарға ауыстыруда және азаматтың қайтыс болуына байланысты тапсырмаған құжаттар туралы мәліметтер он күн сайын Әділет департаменттерінде жинақталады және одан әрі 6-қосымшадағы нысанға сәйкес, Қазақстан Республикасының деректердің ақпараттық бірыңғай базасына түзету енгізу үшін ҚР ӘМ ТҚжҚККК-ге және Қазақстан Республикасының Ұлттық қауіпсіздік Комитетінің Шекара қызметіне жолданады.
      13. Формулярды толтырудың негізділігі мен дұрыстығы формулярды толтырған Халықты құжаттандыру және тіркеу уәкілетті қызметкерінің қолымен, оған берілген дербес коды көрсетіліп, куәландырады. Халықты құжаттандыру және тіркеу уәкілетті қызметкерлерінің дербес кодтары бес таңбалы әріп-санды индекстерден тұрады, ондағы 1-ші белгі (латын әрпі)- облыс коды, 2-ші белгі (латын әрпі)- ауданның коды, 3-ші, 4-ші және 5-ші белгі - өңір ішінде формулярларын толтыруға жіберілген Халықты құжаттандыру және тіркеу уәкілетті қызметкерлерінің тіркеу ретті нөміріне сәйкес келетін 00 ден - 999 дейінгі араб сандары.
      Формулярды толтыратын Халықты құжаттандыру және тіркеу уәкілетті қызметкерлері ауысқан кезде, олардың дербес кодтары жарамсыз деп есептеледі, ал қайта тағайындалғандарға жаңа дербес кодтар беріледі. Бұл ретте оларға кодтың алғашқы екі белгісін өзгеріссіз қалдырып, осы бөлімшедегі пайдаланылмаған бос реттік нөмірлердің ішінен келесі код белгісі беріледі. Халықты құжаттандыру және тіркеу уәкілетті қызметкерлеріне берілген кодтар туралы мәлімет ҚР ӘМ ТҚжҚККК-ге жолданады.
      Дербес кодтардың әріптік индекстерін ҚР ӘМ ТҚжҚККК береді, ал сандық индекстерді Әділет департаменттерінің халықты құжаттандыру және тіркеу бөлімдері жаңартады және Департаменттердің бастықтары бекітеді.
      14. Формулярларды толтыру туралы шешім қабылдау үшін Қазақстан Республикасының азаматтары тұрғылықты тұратын жерінде тіркелгенін растайтын азаматтарды тіркеу кітабын (мекенжай анықтамасы), құжат үшін мемлекеттік бажды төлегені туралы түбіртекті, фотосуреттерді және төменде аталған құжаттардың бірін ұсыну қажет:
      туу туралы куәлік;
      Қазақстан Республикасы азаматының паспорты;
      Қазақстан Республикасы азаматының жеке куәлігі;
      1974 жылғы үлгідегі бұрынғы КСРО паспорты;
      бұрынғы КСРО жалпы азаматтық шетел паспорты;
      қайтуға берілген куәлігі;
      Қазақстан Республикасы Ішкі істер министрлігінің 2002 жылғы 23 тамыздағы № 556 бұйрығымен (№ 2045 нормативтік-құқықтық актілер мемлекеттік тіркеу Тізілімінде тіркелген) бекітілген нысандағы Қазақстан Республикасы азаматтығын қабылдау туралы анықтама (бұдан әрі - азаматтықты қабылдау туралы анықтама);
      15. Формулярларды толтыру кезінде азаматтардан көлемі 3,5 х 4,5 см. түрлі-түсті екi фотосурет талап етіледі. Фотосурет азаматтың құжат ресiмдеу кезiндегi жасына сәйкес, қатаң түрде жарық жерде алдынан түсiрiлген болу керек, бұл ретте адамның бетi фотосуреттiң жалпы көлемiнiң 75 % жуығын алуы тиiс. Фотосуреттер фотобаспа әдiсiмен бiр негативтен қалың фотоқағазда басылуы қажет. Компьютерлiк сканерлеу және модельдеу немесе ксерокөшiрме әдiсiмен дайындалған суреттерді пайдалануға жол берілмейді. Діни нанымдарға байланысты ғана бас киіммен суретке түсуге рұқсат етіледі.
      Бұл ретте иегінің төменгі бөлігінен маңдайына дейінгі бет әлпеті және бетінің екі жағы анық көрінуі тиіс.
      Фотосурет:
      формулярдың алдыңғы бетiнде арнайы бөлiнген орынға;
      формулярдың сыртқы бетiнде елтаңбалы мөрмен куәландырылған 18 жолдың қатарына жапсырылады. Мөр бедерi анық, еркiн оқылатын болуы керек, бұл ретте мөр нөмiрi фотосуретке емес бланкiге қойылу керек;
      16. Формулярда азаматтың қолы өз қолымен қара, көк немесе күлгін түсті сиялы шарикті қаламмен қойылады. Сия және капилляр (гельді) қаламдарды пайдалануға жол берілмейді.
      Формулярларды толтыру кезінде:
      16 жасқа дейінгі балаларға;
      әрекетке қабілетсіз, сауатсыз, мүгедектігі бойынша;
      ерекше жағдайларда, қол қоюдан бас тартқандарға (тергеу-қамауға алынғандар, тергеудегi адамдар) формулярға қол қоймауларына болады.
      Көрсетілген жағдайларда қол қоюға арналған баған бос қалдырылады, дәлелдейтін құжаттың көшірмесі (зейнеткердің мүгедектігі жөніндегі куәлігі, денсаулығы туралы анықтама, құқық қорғау органының хаттамасы) алынады, формулярдың келесі бетіндегі бос орынға қол қойылмау себебін көрсету қажет.
      Жеке куәліктерді дайындауда қойылатын қолдың орнына толтыру тілінде арнайы белгі «не может подписать», «мүмкіндігі жоқ», паспортта ағылшын тілінде «unable to sign» енгізіледі.
      17. Формулярды толтыру кезінде:
      тегі, аты, әкесінің аты және басқа да деректері;
      елді мекеннің атауы;
      құжаттарды берген орган формулярды толтыру үшін негіз болып табылатын құжаттардағы жазбаларға сәйкес жазылады; бұл ретте Қазақстан Республикасының аумағында орналасқан елді мекендердің атауы қолданыстағы әкімшілік-аумақтық бөлініске сәйкес жазылады.
      Барлық кодтар, сондай-ақ тiркелген жерiнiң мекенжайы және оларда қабылданған қысқартулар кодтар мен қысқартулардың анықтамалықтарына 7-қосымшадағы нысанға сәйкес көрсетiледi. Кодтар анықтамалықтары мен қысқартулар өзгерген жағдайда орталықтандырылған түрде жеке нұсқаухатпен жіберіледі.
      6, 10, 13, 14, 15, 16, 17, 18, 19-жолдардағы күндер сандармен мынадай ретпен қойылады: жылы, айы, күнi.
      18. Формулярды толтыру кезінде мынаны басшылыққа алу қажет.
      "ПАСПОРТ, ЖЕКЕ КУӘЛІК БЕРІЛЕДІ" деген нөмірсіз жол тапсырыс берілетін құжаттың түріне сәйкес жеке куәлік және паспорт үшін латынша "N" бас әрпін қою арқылы толтырылады. Егер азамат тек жеке куәлік немесе тек паспорт алса, екінші жол толтырылмайды.
      "ПАСПОРТ, ЖЕКЕ КУӘЛІК БЕРІЛЕДІ" деген 1-жолда формулярды толтырудың бір немесе бірнеше себептерінің (7 кодқа дейін) коды көрсетіледі, мысалы тегін өзгертуі "04" жеке куәліктің жоғалуы "09", заңды мекенжайын ауыстыру "10" және т. б.
      1-ақпараттық жолдағы кодтар мынадай тәртiпте көрсетiледi:
      "00" коды формулярды 16 жасқа дейінгі балаларға паспортты беруге толтыру кезінде көрсетіледі, бұл ретте 9, 10, 11-жолдарда туу туралы куәлігінің деректері жазылады, формулярдың сыртқы бетіндегі бос орынға бар болса жеке сәйкестендіру нөмірі (бұдан әрі - ЖСН) көрсетіледі. Балалардың тұлғаларына сәйкестендіру өткізу үшін жеке өздерінің болуы міндетті.
      "01" коды 16 жасқа толған азаматтар үшін көрсетіледі, бұл ретте 9, 10, 11-жолдарда туу туралы куәлігінің деректері жазылады, формулярдың сыртқы бетіндегі бос орынға бар болса ЖСН көрсетіледі.
      Егер азамат 16 жасқа толғанға дейін паспорт алған болса, 16 жасқа толғанда формулярды толтыру кезінде 9, 10, 11-жолдарда оның паспортының деректері көрсетіледі, ал формулярдың сыртқы бетіндегі бос орынға елтаңбалы мөрмен куәландырылған туу туралы куәлігінің деректері жазылады.
      Туу туралы куәлiктiң негiзiнде 16 жасқа толған азаматтарға жеке басын куәландыратын құжаттар ресiмдеу кезiнде ата-анасының бiрiнiң жеке куәлiгi және ата-анасының тұрғылықты тұратын жерi бойынша тiркелгенiн растайтын азаматтарды тiркеу кiтабы ұсынылады.
      Республикадан тыс жерлерде туған тұлғаларға туу туралы куәліктің негізінде формулярды толтыру Қазақстан Республикасының шет елдік мекемелерінде берілген туу туралы куәліктен басқа халықаралық шарттар нормаларына жауап беретін құжаттар бойынша жүргізіледі.
      "04" коды азамат тегiн, атын, әкесiнiң атын өзгерткен кезде көрсетiледi, бұл ретте 9, 10, 11-жолдарда бұрынғы жеке куәлiгiнiң деректерi, ал 5-жолда бұрынғы тегi, ал 3 және 4 жолдарда азаматтың әкесiнiң аты жазылады. Азаматтық хал актiлерiне өзгерiстер (бұдан әрі - АХАЖ) енгiзе отырып азаматтың тегi, аты, әкесiнiң аты өзгерген жағдайда қайталама туу туралы және анықтамалық деректерді өзгерту туралы куәліктің деректері формулярдың сыртқы жағындағы бос орында көрсетiледi және паспорттық елтаңбалық мөрмен куәландырылады.
      "05" коды азаматтың туған күнiн өзгерткен кезде көрсетiледi, бұл ретте 9, 10, 11-жолдарда бұрынғы жеке куәлiгiнiң деректерi жазылады. Формулярдың сыртқы бетiндегi бос орында паспорттық елтаңбалық мөрмен куәландырылған туған күнiн өзгертуi туралы куәлiктiң және қайталама туу туралы куәліктің деректерi көрсетiледi. Анықтамалық деректерiн өзгерту негiзiнде ("04", "05" коды) жеке куәлiк, паспорт алуға формулярды толтыру некеге тұру, некені бұзуға байланысты, сондай-ақ ұлты қазақ адамдардың ұлттық дәстүрге сәйкес тегін өзгертуден басқа, анықтамалық деректерді өзгерту жөніндегі қорытынды шығарылғаннан кейін 8-қосымшадағы нысанға (бұдан әрі - анықтамалық деректерді өзгерту) сәйкес жүргiзiледi.
      Халықты құжаттандыру және тіркеу уәкілетті қызметкерлері анықтамалық деректерді өзгерту дұрыстығын анықтау үшін тексеру материалын құрастыруға мынандай құжаттар енгізіледі:
      азаматтың анықтамалық деректерін өзгерту туралы еркін нысандағы өтініші;
      азаматтарды тіркеу кітабының көшірмесі;
      анықтамалық деректерін өзгерту туралы куәлігі;
      қайталама туу туралы куәлігі;
      туу туралы акті жазбасының көшірмесі;
      ауыстырылуға жататын құжат (паспорт, жеке куәлік).
      Халықты құжаттандыру және тіркеу уәкілетті қызметкерлері екі жұмыс күннің ішінде Әділет басқармасының бастығы немесе оның орынбасары бекіткен анықтамалық деректерді ауыстыру бойынша қорытынды шығарылады.
      Қорытындыны тіркеу анықтамалық деректерді, ұлтын, туған жерін өзгерту, жеке басты куәландыратын құжаттар беру және тұлғаны тексеру жөніндегі, 1974 ж. үлгідегі паспортты жоғалту туралы 9-қосымшадағы нысан бойынша қорытындыны тіркеу журналында жүргізіледі (бұдан әрі - қорытындыны тіркеу журналы).
      "06" коды жеке басын куәландыратын құжаттарда жiберiлген қателер табылған жағдайда көрсетiледi. Бұл ретте 9, 10, 11-жолдарда қате табылған жеке куәлiктiң немесе паспортының, егер ол жеке куәлiктен бөлек ресiмделсе, деректерi жазылады. Дайындалған жеке басын куәландыратын құжаттарда өндiрiстiк ақауға жол берiлген жағдайда жаңадан ресiмделген формулярмен бiрге бұрынғы формулярды және жiберiлген қатесi бар құжатты ҚР ӘМ ТҚжҚККК-ге жiберген жөн. Бұл ретте олар жалпы тiзiмге енгiзiлмей, жеке тiзiлiммен жiберiледi, ал жеке басты куәландыратын құжаттарды қайталап дайындау Қазақстан Республикасы Әділет министрлігі Тіркеу қызметі және құқықтық көмек комитетінің «Ақпараттық-өндірістік орталығы» республикалық мемлекеттік кәсіпорынның есебінен жүргізіледі (бұдан әрі - «АӨО» РМК). Жаңа құжат дайындалғаннан кейiн бұрынғы (қатесi бар) құжат өндiрiстiк ақау ретiнде "АӨО" РМК жойылады, ал екi формуляр дайындалған құжатпен бiрге ресiмделген жерi бойынша қайтарылады. Егер қателерге халықты құжаттандыру және тiркеу уәкілетті қызметкерлерінің немесе формулярды толтырған қызметкерлерiнiң кiнәсiнен жол берiлген болса, онда ҚР ӘМ ТҚжҚККК-ге қате табылған жол көрсетiле отырып, нақты еместiгi туралы сыртқы бетiне жазба жазылып, растайтын құжаттың қосымшасы көшірмесімен паспорттық елтаңбалы мөрімен куәландырылған формуляр жiберiледi. Қатесi бар құжат әдiлет органында Қазақстан Республикасы азаматтарына паспорттар мен жеке куәліктер беру және ресімдеу жөніндегі Нұсқаулықтың (бұдан әрі - Нұсқаулық) 49-тармағында белгіленген тәртіппен жойылады.
      Азаматтың "АӨО" РМК-ның бірыңғай ақпараттық базасындағы фотосуретi оның жеке басты куәландыратын құжатындағы фотосуретiмен сәйкес келмейтiндiгi анықталған кезде, Халықты құжаттандыру және тiркеу уәкілетті қызметкерлері 10-қосымшадағы нысанға (бұдан әрі - жеке басты растау анықтамасы) сәйкес жеке басты растау анықтамасын жасай отырып, құжатталушының жеке басы мен құжаттағы фотосуретiнiң сәйкессiздiк себептерiне мiндеттi тексеру жүргiзедi, содан кейiн екі жұмыс күн ішінде қорытынды шығарады және формулярды, 11-қосымшадағы нысанға (бұдан әрі-жою жөніндегі акті) сәйкес құрылған жарамсыз паспорттарды, жеке куәліктерді, 1974 жылғы үлгідегі паспорттар, уақытша жеке куәліктер, шекара аймағы тұрғынының куәлігі, толтыру кезінде бүлінген формулярлар бланкілерін жою туралы актiмен бiрге ҚР ӘМ ТҚжҚККК-ге жіберіледі. Қорытындыны тіркеу қорытындыны тіркеу журналында жүргізіледі.
      "07" коды құжат пайдалануға жарамсыз болған жағдайда (бүліну, ескiру, паспорттың барлық беттерін пайдалану) көрсетіледі, бұл ретте 9, 10, 11-жолдарда жарамсыз құжаттың деректері жазылады. Бүлінген, ескірген, адамды сәйкестендіру мүмкін болмаған, пайдалануға жарамсыз болған жағдайда формулярды толтыру кезінде құжат алынып қойылады, бұл ретте, уақытша жеке куәлік беріледі.
      "08" коды азамат өзiнiң ұлтын өзгерткенде көрсетiледi. Паспортта және жеке куәлікте ұлты туралы жазба ата-аналарының ұлтына сәйкес жүргізіледі. Ата-аналары әртүрлі ұлттан болған жағдайда, Қазақстан Республикасының азаматы әкесінің немесе анасының ұлты бойынша еркін таңдау құқығы бар.
      Ата-анасының ұлты белгісіз жағдайда, оны құжат иесі Қазақстан Республикасы Конституциясының 19-бабына сәйкес анықтайды.
      Қазақстан Республикасының азаматтары жеке куәліктерде және паспорттарда ұлты туралы жазбаны өзгерту мәселесi бойынша әділет органдарына жүгiнген жағдайларда ауыстырылуға жататын құжаттар туралы мәлімет және қалауы бойынша ұлтын көрсете отырып өтініш береді. Өтінішке ауыстырылуға жататын құжаттар және туу туралы куәлігі қоса беріледі.
      Бұл ретте 9, 10, 11-жолдарда бұрынғы жеке куәліктің (немесе паспорттың шетелде тұратындар үшiн) деректерi жазылады, ал формулярдың артқы бетiнде бос орында елтаңбалы мөрмен расталған туу туралы куәліктің нөмiрi мен күнi қойылады. 8-жолда азаматтың жаңа ұлты, ал 8-жолдың астына бұрынғы ұлты жазылады. Сондай-ақ "08" коды азамат жеке басын куәландыратын құжаттарда ұлтын көрсеткiсi келмеуiне байланысты, оларды ауыстырғанда формулярды толтыру кезiнде көрсетiледi. Бұл жағдайда 8-жол толтырылмайды, онда "999" коды қойылады.
      Егер бұрынғы паспорты және жеке куәлігі әділет органының басқа халықты құжаттандыру және тіркеу бөлімшелерінде берілсе, формулярға мәлімет енгізу үшін ұлты туралы жазбаны өзгертумен берілген жаңа паспорт және жеке куәлік туралы жазбаша хабарлама жолданады.
      Азаматтардың жеке куәліктерінде, паспорттарында ұлты туралы жазбаны өзгерту туралы таластар Қазақстан Республикасының заңнамасына сәйкес сот тәртібінде шешіледі.
      "09" коды азамат жеке куәлiгiн жоғалту себебi бойынша формулярды толтыру кезінде көрсетiледi.
      Жеке куәлігін жоғалтқан азаматтар тіркелген орны бойынша әділет органдарына құжаттың қашан және қандай жағдайда жоғалтқаны туралы 12-қосымшадағы нысанға сәйкес жазбаша өтініш және тұрақты тіркеуін растайтын азаматтарды тіркеу кітабын (мекенжай анықтамасы) береді.
      Егер азамат бұрын әділет органының осы бөлімшесінен құжаттандырылған болса, жеке басын растауды тексеру және жоғалған жеке куәлік туралы мәліметтер беруді, картотека бойынша халықты құжаттандыру және тіркеу уәкілетті қызметкерлері үш жұмыс күн мерзіміне дейін жүргізеді.
      Егер жоғалған жеке куәлік азаматтың тіркелген орнынан алынбаған болса, сондай-ақ картотекада формулярдың түпнұсқасы болмаған жағдайда, ҚР ӘМ ТҚжҚККК-ге жоғалған жеке куәлік туралы мәлімет алу үшін азаматтың тегі, аты, әкесінің аты, туған күні, жері көрсетілген сұрау салу жолданады.
      Жоғалған жеке куәлікке байланысты сұрау салулар электронды байланыс арқылы азаматтардан өтініш келіп түскен күннің ертеңіне ҚР ӘМ ТҚжҚККК-ге кешіктірмей жолданады, жауабы сұрау салған бастамашыларға үш жұмыс күннің ішінде жолданады.
      ҚР ӘМ ТҚжҚККК-ге жауап келіп түскеннен кейін жеке тұлғаны растау және жоғалған жеке куәлікті беруді халықты құжаттандыру және тіркеу уәкілетті қызметкерлері бірыңғай ақпараттық деректер базасында жүргізеді.
      Формулярдың 9, 10, 11-жолдарында жоғалған жеке куәлiгiнiң деректерi жазылады. Паспорты бар болса, 9, 10, 11-жолдарда қолындағы паспортының деректерi көрсетiледi. Формулярдың сыртқы бетіне жоғалған құжатты қалпына келтiру жөніндегі азаматтың өтінішінің нөмiрi және күнi жазылады.
      Азаматтың қолында жеке басын куәландыратын құжаттың біреуі болған жағдайда (жеке куәлік және паспорт) жеке тұлғаны сәйкестендіру ақпараттық деректер базасында қолындағы бар құжатпен жүргізіледі.
      Азаматтар жеке куәлігін жаңа тұрғылықты орынға көшу кезінде жоғалтқан жағдайда, жоғалған жеке куәлікті қалпына келтіруді әділет органдары жаңа тіркелген орны бойынша жүргізеді. Мұнымен жеке куәлікті ресімдеген әділет органына формулярға белгі енгізу үшін хабарлама жолданады.
      Әділет органдарына келіп түскен, табылған және түскен күнінен бастап бір жыл ішінде иелері талап етпеген жеке куәліктер осы Нұсқаулықтың 49-тармағында белгіленген тәртіппен табылған, бірақ талап етілмеген ретінде жойылады.
      Жеке басты куәландыратын құжаттың жоғалғаны туралы хабарлаған азаматтың арызы бойынша оған тұрғылықты жері бойынша тiркелетін уақытша жеке куәлiк берiледi.
      Жеке куәліктерді тұрғылықты емес жерінде жоғалтқан жағдайда әділет органдары азаматтардың арызы бойынша қандай да болсын фотосуреті бар құжатымен (қызметтік куәлігі, әскери билет, жүргізуші куәлігі) оның тұлғасын растағаннан кейін оларға тұрғылықты жерлеріне оралу үшін уақытша жеке куәлік беріледі.
      "10" коды азамат заңды мекенжайын ауыстырған кезде көрсетiледi.
      9, 10, 11-жолдарда азаматтың жеке куәлiгiнiң деректерi жазылады. Бұл ретте 14-жол (бұрынғы тұрғылықты жерi) мiндеттi түрде толтырылады.
      "11" коды жеке куәлiк пен паспортты алғаш ресiмдеген жағдайда: 1974 жылғы үлгiдегi бұрынғы КСРО паспортын немесе оны жоғалтуына байланысты қалпына келтiруде, бұрынғы КСРО-ның жалпыазаматтық шетелдiк паспортын, азаматтығы жоқ адамның куәлiгiн (Қазақстан Республикасы азаматтығына қатыстылығын растайтын Нормативтік-құқықтық актілердің 2002 жылғы 15 қарашадағы № 2045 Тізілімінде тіркелген Қазақстан Республикасы Ішкі істер министрлігінің 2002 жылғы 23 тамыздағы № 556 бұйрығымен бекітілген ішкі істер органдары берген нысанды анықтаманың болуымен) (бұдан әрі – Қазақстан Республикасының азаматтығына қатыстылығы туралы анықтама), туу туралы куәлік ұсынған 18 жастан асқан тұлғаларға көрсетiледi.
      1974 жылғы үлгiдегi бұрынғы КСРО паспорты бойынша құжаттандыру үшін азаматтардан: жеке басты куәландыратын құжаттарды уақытында алмау себептерi көрсетілген еркін нысандағы өтініш, барлық тұрған жері, оқу, жұмыс орындары көрсетілген толық өмірбаян, 1974 жылғы үлгідегі бұрынғы КСРО паспорты, азаматтарды тіркеу кітабы (мекенжай анықтамасы), әскери міндеттілер үшін әскери билет алынады. Халықты құжаттандыру және тіркеудің уәкілетті қызметкерлерімен осы Нұсқаулықтың 20-тармағында белгіленген тәртіпте куәландырылған көшірмелер тексеру материалына тігіледі.
      Паспортта қойылған тіркеу мөрінің түпнұсқалығына күмән туындаған немесе болмаған жағдайда азаматтығын анықтау үшін халықты құжаттандыру және тіркеу уәкілетті қызметкерлері азаматтығын растау үшін Қазақстан Республикасы аумағында тіркелу заңдылығына азаматты тексеруді жүргізеді. Тіркеу туралы мәліметтер облыс орталықтарының мекенжай-анықтама бюроларынан немесе аумақтық әдiлет органдарының картотекаларынан, селолық, ауылдық округтердегi шаруашылық кiтаптарынан сұратылады. Тіркелу фактісін анықтау үшін бұрынғы тұрған жерлері бойынша сұрау салулар жіберіледі.
      Аталған тұлғаға паспорттың берiлгендiгiн және фотосуреттердiң ұқсастығын растау, сондай-ақ ерекше белгiлерiнiң болу мәнiне тексеру жүргiзу үшiн (шетел мемлекетінің азаматтығы туралы, ауыстыруы, паспортты жоғалтуы, құзыреттi органдардың сұрау салулары туралы) осы паспортты берген органға азаматтың фотосуретi және 2-н кітаптан 1974 жылғы үлгідегі паспорттың есебін бергенін растайтын 13, 14-қосымшаға (бұдан әрі - сұрау салу) сәйкес нысан бойынша бар 1-н көшiрмесiн (бұдан әрі - 1-н) халықты құжаттандыру және тіркеу уәкілетті қызметкерлері мiндеттi түрде сұрау салу жолдайды.
      Егер 1-н көшiрмесiнiң қызметтiк белгiлер деген бағанында құзыреттi органдардан бұрын келiп түскен хабарламалар туралы жазба болса, онда осы мекенжайлар бойынша адам туралы қосымша ақпарат алуға сұрау салу жiберiледi. Белгіленген тәртіпте куәландырылған 1-н көшiрмесi және 2-н кітабынан алынған мәліметтер паспортты елтаңбалы мөрмен куәландырып, тексеру материалдарына тiгiледi.
      Қазақстан Республикасы азаматтығынан шығу немесе оны жоғалту, республикадан тысқары тұрақты тұруға кету, шетелдік ретінде республика аумағына тіркелу есебі бойынша азаматтарды тексеру үшін Халықты құжаттандыру және тіркеу уәкілетті қызметкерлері аумақтық ішкі істер органдарына сұрау салу жібереді, жауабы тексеру материалдарына тiгiледi.
      Халықты құжаттандыру және тіркеу уәкілетті қызметкерлері азаматтың жақын туыстарын, не оны кемінде 15 жыл білетін (екі немесе одан да көп адам) адамдарды тарту арқылы азаматтың жеке басын растау анықтамасын жасайды.
      Азаматтың жеке басын анықтау және Қазақстан Республикасы азаматығына қатыстылығы расталған жағдайда, халықты құжаттандыру және тіркеу қызметкерлері 15-қосымшадағы нысанға сәйкес (бұдан әрі - жеке басын тексеру және жеке басын куәландыратын құжаттар беру) жеке басын куәландыратын құжаттарды беру және жеке басын тексеру нәтижесі бойынша қорытындыларды тіркеу журналына тіркелетін қорытынды шығарады. 1974 жылғы үлгідегі бұрынғы КСРО паспорты осы Нұсқаулықтың 49-тармағында белгіленген тәртіппен жойылады, ал оның деректері формулярдың 9, 10, 11-жолдарына жазылады.
      Қазақстан Республикасы аумағында тұрақты тіркеуін оның ішінде 1992 жылғы 1 наурызға немесе оның 3 айдан аса үзіліп кетуін растайтын құжаттары, сондай-ақ, Қазақстан Республикасының азаматтығы жоқ жағдайда, азаматтар Қазақстан Республикасы азаматтығына қатыстылығы туралы анықтама алу үшін аумақтық ішкі істер органдарына өтініш береді.
      1974 жылғы үлгiдегi бұрынғы КСРО паспортын жоғалту кезінде құжаттандырылу үшін азаматтардан:
      жеке басын куәландыратын құжаттарды дер кезiнде алмау және жоғалту себептерi көрсетілген еркін нысандағы өтініш,
      туған жері, тұрған жері, оқыған, жұмыс істеген орны көрсетілген толық өмірбаян,
      азаматтарды тіркеу кітабы (мекенжай анықтамасы),
      әскери міндеттілер үшін әскери билет алынады.
      Халықты құжаттандыру және тіркеу уәкілетті қызметкерлері осы Нұсқаулықтың 20-тармағында белгіленген тәртіпте куәландырылған көшірмелерді тексеру материалына тігеді.
      Халықты құжаттандыру және тіркеу қызметкерлері аталған тұлғаға паспорттың берілгендігін және фотосуреттердің ұқсастығын растауға, азаматтарды және Қазақстан Республикасының азаматтығын растау үшін Қазақстан Республикасы аумағында тіркеу заңдылығына, сондай-ақ ҚР азаматтығынан шығу мәніне ішкі істер органдарының есебі бойынша немесе оны жоғалту, республикадан тысқары жерге тұрақты тұруға кетуге, республика аумағында шетел азаматы ретінде тіркелуіне тексеру жүргізеді.
      Азамат фотосуретінің ұқсастығы фотосуреті бар қосымша талап етілетін құжаттары (әскери билет, қызметтік куәлік, ерекше жағдайларда жүргізушінің куәлігі) бойынша қайтадан тексерілуі мүмкін. Халықты құжаттандыру және тіркеу уәкілетті қызметкерлері азаматтың жақын туыстарын, не оны кемінде 15 жыл білетін (екі немесе одан да көп адам) адамдарды тарту арқылы азаматтың жеке басын растау анықтамасын жасайды.
      Азаматтардың 1974 жылғы үлгідегі бұрынғы КСРО паспортын жоғалту туралы өтініші негізінде жоғалғаны туралы іс жүргізіледі. Істерге нөмірлер беріледі: алымы - өтініш берушіні тіркеу нөмірі, бөлімі - 16-қосымшадағы нысанға сәйкес осы жылғы істердің реттік нөмірі. 1974 жылғы үлгідегі КСРО паспортын жоғалту туралы істер 17-қосымшадағы нысанға сәйкес 1974 жылғы үлгідегі КСРО паспортын жоғалту туралы журналда тіркеледі.
      Азаматтың жеке басы анықталған және Қазақстан Республикасы азаматтығына қатыстылығы расталған жағдайда, Халықты құжаттандыру және тіркеу уәкілетті қызметкерлері екі жұмыс күні ішінде жеке басын куәландыратын құжаттарды беру және жеке басын тексеру нәтижесі бойынша шығарылған қорытындыны тіркеу журналына жазады.
      Формулярдағы 9, 10, 11-жолдарда жоғалған 1974 жылғы үлгідегі бұрынғы КСРО паспортының деректері жазылады, формулярдың сыртқы бетіндегі бос орынға паспортты елтаңбалық мөрмен куәландырылған жоғалту туралы істің нөмірі мен күні жазылады.
      Қазақстан Республикасы аумағында тұрақты тіркеуін оның ішінде 1992 жылғы 1 наурызға немесе оның 3 айдан аса үзіліп кетуін растайтын құжаттары, сондай-ақ Қазақстан Республикасының азаматтығы жоқ жағдайда, азаматтар Қазақстан Республикасы азаматтығына қатыстылығы туралы анықтама алу үшін аумақтық ішкі істер органдарына өтініш білдіреді.
      Азаматтар Қазақстан Республикасы азаматтығына қатыстылығы туралы анықтаманы ұсынғаннан кейін Халықты құжаттандыру және тіркеу уәкілетті қызметкерлері:
      жеке басын куәландыратын құжаттарды дер кезiнде алмау себептерi көрсетілген еркін нысандағы өтініш;
      азаматтарды тіркеу кітабын (мекенжай анықтамасы) қабылдайды.
      Халықты құжаттандыру және тіркеу уәкілетті қызметкері осы паспортты берген органға фотосуретімен 1-н арызының көшірмесі және оның берілгенін растайтын 2-н кітабындағы жазбаларды ұсыну туралы сұрау салу жолдайды. 1-н көшірмесі және 2-н кітабынан алынған жазбалар тексеру материалына тігіледі. Екі жұмыс күні ішінде Халықты құжаттандыру және тіркеу уәкілетті қызметкері Әділет басқармасының бастығы немесе оның орынбасары бекіткен және одан кейін қорытынды тіркелетін журналға тіркейтін жеке басын тексеру, жеке басын куәландыратын құжаттарды беру нәтижесі бойынша қорытынды шығарады.
      Жеке басты куәландыратын құжаттар алу үшін қолдаухатпен алғаш рет өтініш білдірген және туу туралы куәлігін ұсынған 18 жастан асқан адамдарға формулярды ресімдеу туралы шешім олардың жеке басын тексеріп, Қазақстан Республикасы азаматтығына қатыстылығын анықтағаннан кейін қабылданады. Халықты құжаттандыру және тіркеу уәкілетті қызметкері жеке басын куәландыратын құжаттар алу мәселесі бойынша өтініш беруші тұлғадан:
      уақытында жеке басты куәландыратын құжатын алмау себебi көрсетілген еркін нысандағы өтініш,
      барлық тұрған жері, оқуы, жұмысы толық көрсетілген өмiрбаян,
      азаматтарды тіркеу кітабын (мекенжай анықтамасы),
      туу туралы куәлiгiн,
      әскери міндеттілер үшін әскери билетi немесе әскерге шақырту куәлiгiнiң,
      ата-анасының біреуінің жеке басын куәландыратын құжаттарын қабылдайды.
      Халықты құжаттандыру және тіркеу уәкілетті қызметкерлері осы Нұсқаулықтың 20-тармағында белгіленген тәртіпте куәландырылған көшірмелерді тексеру материалына тігеді.
      Өтініш берушінің ұсынған қайталама туу туралы куәлiгiн растау үшiн Халықты құжаттандыру және тіркеу уәкілетті қызметкерлері АХАЖ органынан туу туралы акт жазбасының көшiрмесiн сұратады.
      Халықты құжаттандыру және тіркеу уәкілетті қызметкерлері жақын туыстарын (бiр немесе одан да көп), олар болмаған жағдайда, оны 5 жылдан кем бiлмейтiн (екi адамнан кем емес) адамдарды тарту арқылы оның жеке басын растау анықтамасын толтырады, екі жұмыс күні ішінде Әділет басқармасының бастығы немесе оның орынбасары бекіткен және одан кейін қорытынды тіркелетін журналға тіркейтін жеке басын тексеру, жеке басын куәландыратын құжаттарды беру нәтижесі бойынша қорытынды шығарады.
      Формулярдағы 9, 10, 11-жолдарда туу туралы куәліктің деректері жазылады, сыртқы бетіндегі бос орынға паспортты елтаңбалық мөрмен куәландырылған жеке басын тексеру және жеке басын куәландыратын құжаттар беру жөнінде қорытындының нөмірі мен күні жазылады.
      Қазақстан Республикасы азаматының жеке басты куәландыратын құжаттары және олардың Қазақстан Республикасы аумағында кәмелеттік жасқа дейін тұрақты тiркеуде жоқ 18 жастан асқан тұлғалар, Қазақстан Республикасы азаматтығына қатыстылығын анықтау туралы анықтама алу үшін аумақтық iшкi iстер органдарының көш-қон полиция бөлiмшелерiне өтiнiш бiлдiредi.
      Халықты құжаттандыру және тіркеу уәкілетті қызметкерлері жеке басты куәландыратын құжаттар алу мәселесі бойынша алғаш рет Қазақстан Республикасы азаматтығына қатыстылығын анықтау туралы анықтаманы, туу туралы куәлік ұсынған өтініш беруші:
      жеке басты куәландыратын құжаттарды дер кезiнде алмау себептерi көрсетілген өтініш,
      туу туралы куәлік,
      әскери билетi немесе әскерге шақырту куәлiгi,
      азаматтарды тіркеу кітабын (мекенжай анықтамасы) ұсынады.
      Өтініш берушінің ұсынған қайталама туу туралы куәлiгiн растау үшiн Халықты құжаттандыру және тіркеу уәкілетті қызметкерлері АХАЖ органынан тексеру материалдарына қосу үшін туу туралы акт жазбасының көшірмесін сұратады.
      Екі жұмыс күні ішінде Халықты құжаттандыру және тіркеу уәкілетті қызметкері Әділет басқармасының бастығы немесе оның орынбасары бекіткен және одан кейін қорытынды тіркелетін журналға тіркейтін жеке басын тексеру, жеке басын куәландыратын құжаттарды беру нәтижесі бойынша қорытынды шығарады.
      «12» коды Қазақстан Республикасы азаматтығын қабылдаған тұлғаларға формуляр толтыру кезінде көрсетiледi. Бұл ретте 9, 10, 11-жолдарда Қазақстан Республикасы азаматтығын қабылдағаны туралы аталған анықтама, 15-жолда бұрынғы азаматтығы (азаматтығы жоқ тұлғалар үшін – АЖТ «990» коды) сондай-ақ, Қазақстан Республикасы азаматтығын қабылдаған күні жазылады. Қазақстан Республикасы азаматтығын қабылдау туралы Қазақстан Республикасы Президенті Жарлығының (бұдан әрі - Жарлық) нөмірі сондай-ақ Қазақстан Республикасында шетелдікке қоныстану ыхтиярхатының (оны алған жағдайда) берілген күні және нөмірі формулярдың сыртқы бетіндегі бос орынға көрсетіледі және паспорттық елтаңбалық мөрмен куәландырады.
      «13» коды тек паспорт жоғалтқан азаматтарға формуляр толтыру кезінде көрсетiледi. Бұл ретте формулярдағы 9, 10, 11-жолдарда жеке куәліктің деректері жазылады, сыртқы бетіндегі бос орынға азаматтың паспортты қалпына келтіру туралы өтінішінің паспортты елтаңбалық мөрмен куәландырылған нөмірі мен күні жазылады.
      16 жасқа дейін балаға дайындалған паспорт жоғалған жағдайда, құжатын қалпына келтіру туралы өтінішті оның ата-анасының біреуі немесе заңды өкілі жазады.
      «14» коды формулярды елдi мекен атауының өзгеру себебi бойынша ресiмдеу кезiнде көрсетiледi. 14-жол толтырылмайды, ал 9, 10, 11-жолдарда қолындағы жеке куәлігінің деректері жазылады.
      «15» коды формулярды Қазақстан Республикасында тұрақты тұру үшiн шетелден қайтып оралған Қазақстан Республикасының азаматтарына жеке куәлiк ресiмдеу кезiнде көрсетiледi. Бұл ретте 14-жол (бұрынғы тұрғылықты жерi) толтырылады, ал 9, 10, 11-жолдарда арызданушының қолындағы Қазақстан Республикасы паспортының деректерi жазылады.
      «16» коды құжаттарды дайындаудың жаңа технологиясына сәйкес олардың түрлерiнiң өзгеруiне байланысты иесiнiң қалауы бойынша формулярды жеке куәлiкке және паспортқа ресімдеу кезінде көрсетіледі.
      «17» коды жеке куәлік немесе паспорттың негізінде алғаш рет құжат алуға формуляр толтыру кезінде көрсетіледі. Бұл ретте 9, 10, 11-жолдарда қолындағы жеке куәлігінің немесе паспортының деректерi жазылады.
      «18» коды жеке басын куәландыратын құжаттың қолдану мерзімі аяқталуына байланысты формуляр толтыру кезінде көрсетіледі, ал 9, 10, 11-жолдарда арызданушының қолындағы жеке куәлігінің деректерi жазылады.
      Жеке басты куәландыратын құжаттың қолдану мерзімінің аяқталуына 1 ай қалғанда формулярды толтыруға рұқсат етіледі.
      19. Тегiн, атын, әкесiнiң атын, жерiн, туған күнiн ауыстыруға байланысты формулярды толтырған кезде Қазақстан Республикасы Бас прокурорының 2004 жылғы 29 сәуiрдегi № 23 бұйрығымен бекiтiлген (Нормативтiк құқықтық кесiмдердi мемлекеттiк тiркеу тiзiлiмiнде № 2843 болып тiркелген) арнайы есептердiң жекелеген түрлерiн жүргiзу және пайдалану ережесiнiң (бұдан әрi - арнайы есептердi жүргiзу ережесi) 27-тармағына сәйкес Қазақстан Республикасы Бас прокуратурасы Құқықтық статистика және арнайы есепке алу жөнiндегi комитетiнiң (бұдан әрi - ҚСжАЕК) аумақтық басқармасына анықтау деректерiн (тегiн, атын, әкесiнiң атын, ұлтын, туған күнi және жерiн) өзгертуге байланысты аудандық және қалалық әдiлет органдарына жеке басты куәландыратын құжаттарды ауыстыру мәселесi бойынша өтiнiш бiлдiрген азаматтар туралы мәлiметтер әр айдың 15 және 30 күнi жоғарыда аталған бұйрықпен белгiленген нысанда жолданады.
      20. Құжаттарды қабылдаған Халықты құжаттандыру және тіркеу уәкілетті қызметкерлері тексеру материалдарына тігілген барлық анықтамалар және құжаттардың көшірмелерін құжаттың түпнұсқасымен міндетті түрде салыстыра отырып тексереді, одан кейін құжаттың көшірмелеріне «Көшірме дұрыс» жазбасы паспортты елтаңбалы мөрмен куәландырылады, салыстыра тексеруді жүргізген қызметкердің аты-жөні, әкесінің аты, қызметі көрсетіліп, қолы қойылады.
      21. Құжаттандыру мәселесі бойынша өтініш білдірген азаматтардың өтініштері әділет органы бойынша жалпы тәртіппен тіркеледі, жеке басын анықтау, анықтамалық деректерін ауыстыру жөніндегі қорытынды, қорытынды тіркелетін журналға жазылады.
      22. Құжаттандыру мәселесi бойынша азаматтар ұсынған құжаттың түпнұсқалығына немесе Қазақстан Республикасы азаматтығына қатыстылығы күмән тудырса, сондай-ақ формулярды халықты құжаттандыру және тіркеу уәкілетті қызметкерінің негiзсiз ресiмдегені анықталған кезде, құжатталатын адамның жеке басын қосымша тексеру бір айға дейін жүргізіледі. Қарау мерзімі Қазақстан Республикасының 2007 жылғы 12 қаңтардағы № 221 «Заңды және жеке тұлғалардың өтініштерін қарау тәртібі туралы» Заңына сәйкес ұзартылады, ол жөнінде қарау мерзімі ұзартылған сәттен бастап үш күнтізбелік күн ішінде азаматқа жазбаша хабарланады.
      Жоғарыда көрсетілген санаттағы азаматтарды тексеруді аяқтағаннан кейін Халықты құжаттандыру және тіркеу уәкілетті қызметкері екі жұмыс күні ішінде Әділет басқармасының бастығы немесе оның орынбасары бекіткен және одан кейін қорытынды тіркелетін журналға тіркейтін жеке басын тексеру, жеке басын куәландыратын құжаттарды беру нәтижесі бойынша қорытынды шығарады, одан кейін құжаттар беруге формулярларды толтыру жүргізіледі.
      23. Формулярдағы 2, 3, 4, 5, 6, 7, 8, 12-жолдарды толтыру үшін негiз болған құжатына сәйкес толтырылады. Формулярдағы тегi, аты, әкесiнiң аты және паспорттар, жеке куәлiктер алуға төлеген түбiртектегі жазба бiрдей болуы керек. 7-жолда ерлерге-1, әйелдерге-2 саны қойылады.
      Формулярдағы 9, 10, 11-жолдарға кодтарды бiрге қоя отырып, оны ресiмдеу үшiн негiз болған құжатқа сәйкес толтырылады:
      "01" туу туралы куәлiк;
      "02" 1974 жылғы үлгiдегi бұрынғы КСРО паспорты;
      "03" Қазақстан Республикасы азаматының жеке куәлiгi;
      "08" Қазақстан Республикасының азаматтығын қабылдау туралы белгіленген нысандағы анықтама;
      "10" уақытша жеке куәлік (тек құжаттары жоқ азаматтар үшін 1 жолда "11" коды қою кезінде);
      "12" Қазақстан Республикасы азаматының паспорты;
      "13" шет мемлекетте уәкілетті органдар берген азаматтығы жоқ адамның куәлiгi (адамды Қазақстан Республикасының азаматы деп таныған жағдайларда).
      "15" Қазақстан Республикасында уәкілетті органдар берген азаматтығы жоқ адамның куәлiгi (адамды Қазақстан Республикасының азаматы деп таныған жағдайларда).
      11-жол қысқартусыз толтырылады, құжатты берген қалалық, аудандық органның атауы, сондай-ақ облыстың атауы, Астана, Алматы қалалары толық көрсетiледi.
      Формулярдың 12-жолында Қазақстан Республикасының аумағында туған азаматтар үшiн көрсеткен құжатына сәйкес тиiстi жолдарда - облыс, Астана, Алматы қалалары, аудан және оларға тиiстi кодтар, елдi мекен жазылады.
      Шетелде туған азаматтарға тиiстi жолдарда елдiң, облыстың (өлкенiң) ауданның, елдi мекеннiң атауы жазылады, бұл ретте тек елдiң коды көрсетiледi, басқа кодтар қойылмайды.
      Формулярдың 13,14-жолдары тиiстi жолдарда азаматтың қазiргi және бұрынғы тiркелген тұрғылықты жерiнiң мекенжайы көрсетiле отырып, толтырылады.
      14-жол тiркелген жерiн өзгерткен және Қазақстан Республикасына тұрақты тұру үшiн қайтып оралған кезде толтырылады.
      Формулярдың 15-жолы Қазақстан Республикасының азаматтығын қабылдаған адамдарды толтыру кезiнде толтырылады. Тиiстi жолдарда бұрын азаматы болған ел және Қазақстан Республикасының азаматтығын қабылдаған күнi Қазақстан Республикасы Президентінің Жарлығына сәйкес немесе ішкі істер органының қорытындысы көрсетiледi
      Формулярдың 16-жолы азаматтың отбасы жағдайына сәйкес бір, екі, үш, төрт кодтарын қою арқылы толтырылады. 2 кодын қою кезiнде жұбайының тегi, аты, әкесiнiң аты, некенiң тiркелген күнi және некені тiркеген орган, жұбайлардың некеге тұрғанға дейiнгi, бұрынғы тегi жазылады.
      Формулярдағы 17-жолының тиiстi жолдарға 16 жасқа дейiнгi балалардың тегi, аты, әкесiнiң аты жазылады. Егер азаматтың 16 жасқа дейiнгi балалары үштен көп болса, олар туралы мәлiмет формулярға жапсырылатын "17-жолға қосымша" деген жазба енгiзiлген бөлек парақта жазылады.
      Формулярдың 18, 19-жолдарында ата-анасының тегi, аты, әкесiнiң аты және олардың туған күнi жазылады. Азаматта ата-анасы туралы қандай да бiр мәлiмет болмаған жағдайда осы мәлiметтерге тиiстi жолдар толтырылмайды. Ата-анасының бiрi немесе екеуi туралы мәлiметтер мүлде болмаған жағдайда тиiстi жолда "МӘЛIМЕТТЕР ЖОҚ" деген жазба жазылады.
      Формулярдың 20-жолында құжатты беретiн қызметкер паспорттың, жеке куәліктің нөмiрiн және дайындалған күнiн, иесiнiң құжаттарды алған күнiн, оның қолын, қызметкердiң тегi мен қолын көрсетедi.
      24. Құжаттарға төленген мемлекеттік баж төлемі туралы түбiртектерде формулярдың нөмiрлерi жазылады. Түбiртектер құжаттарды дайындауға жіберілетін формуляр тізілімдемесінің бір данасымен салық органдары тексерiс жүргізгенге дейiн формулярдың толтырылған жерi бойынша әдiлет органдарында сақталуы тиiс. Тексеріс жүргізілгеннен кейін бір жылдан соң қатаң есептегi бланкiлердiң тексеріс актiсiнде құжаттардың жалпы сомасын көрсете отырып, әділет органының ішкі тексеру комиссиясымен түбіртектер жойылады.
      25. Жеке басты куәландыратын құжаттар формулярды құжаттар алуға толтырған күннен бастап екі ай мерзiм ішінде берiледi.
      Азаматтардың қалауы бойынша, жеке басты куәландыратын құжаттарды неғұрлым қысқа мерзiмде алу үшiн, құжаттарды ақылы негiзде жеделдетiп әзiрлеу қолданылады.
      26. Формулярларды аудандық (қалалық) Халықты құжаттандыру және тіркеу бөлімдері толтырғаннан кейін, бұрын азаматтарға жеке басты куәландыратын құжаттар берілген формулярының бар екендігіне, сондай-ақ қызметтік белгілерге картотека бойынша тексеру жүргізеді. Бұл ретте формулярда көрсетілген барлық деректер мен фотосуреттің ұқсастығын салыстырады.
      Бір және екі санатты жеделдік бойынша толтырылған формулярлар үшін тексеру мерзімі бір жұмыс күнін (формулярды толтырған күн саналмайды) үшінші санатты жеделдік - екі жұмыс күнін, қарапайым тәртіппен толтырылған формулярлар үшін толтырылған күннен бастап бес жұмыс күнін құрайды.
      Аудандық (қалалық) Халықты құжаттандыру және тіркеу бөлімдері тексеруді жүзеге асырғаннан кейін аудандық (қалалық) әділет органдарында (бұдан әрі - тізілімдеме) ресімделген формулярларды жөнелтуге 18-қосымшадағы нысанға сәйкес, тізілімдемеге енгізілетін формулярлардың нөмірі, азаматтың тегі, аты, әкесінің аты, формуляр саны, толтыру себебі, мерзімі төрт данада жазылып, тізілімдеме жасалады. Бұл ретте тізілімдемелер толтыру себебінің кодтары бойынша ресімделген формулярларға бөлек құрастырылады:
      "01"
      "00", "07", "10", "13", "14", "15", "16", "17"; "18";
      "04", "05", "08";
      "06";
      "09";
      "11";
      "12";
      "жетілдіру";
      "ЖСН";
      "тергеу-қамауындағылар";
      "сотталғандар".
      Тiзiлiмнiң үш данасы формулярлармен бiрге Әдiлет департаментiне жолданады.
      27. Толтыру негізділігіне және дұрыстығына формулярларды, сондай-ақ Қазақстан Республикасының азаматтығын қабылдауға байланысты ресімделген тұлғаларды және оңайлатылған тәртіпте Қазақстан Республикасы азаматтығын қабылдаған тұлғалар бойынша ішкі істер органының көші-қон полиция басқармасының тізімдерімен және Жарлықпен салыстыра тексергеннен кейін Әдiлет департаменттерi аудандық, қалалық бөлiмшелерiнен алған тiзiлiмдер мен формулярлардың негізінде ҚР ӘМ ТҚжҚККК формулярларды жөнелту үшін аудандық, қалалық Халықты құжаттандыру және тiркеу бөлiмшесiнiң атауын, аудандық, қалалық тiзiлiмдердiң шығыс нөмiрлерiн және толтырылған күнiн, олардағы формулярлардың санын көрсете отырып, 19-қосымшадағы нысанға сәйкес, үш данада тiзiлiмдер жинағын толтырады.
      Бірінші және екінші санатты жеделдік бойынша толтырылған формулярлар үшін Әділет департаменттерінде тексеру мерзімі түскен күнінен бастап бір жұмыс күнін, үшінші санатты жеделдік - екі жұмыс күнін, қарапайым тәртіппен толтырылған формулярлар үшін, толтырылған күннен бастап бес жұмыс күнін құрайды.
      Тiзiлiмдер жинағының екi данасына аудандық, қалалық бөлiмшелерiнiң тiзiлiмiнiң екiншi данасын қоса бере отырып, Әдiлет департаментi Халықты құжаттандыру және тіркеу бөлiмiнiң бастығы қол қояды және ол ҚР ӘМ ТҚжҚККК-не жiберiледi, тізілімдер жинағының бір данасы және аудандық (қалалық) бөлімшенің тізілімінің бір данасы Әділет Департаментінің жеке номенклатуралық iсiне тiгiледi.
      Әдiлет департаменттерiн тексерген кезде анықталған формулярлар пысықтау үшiн қайтарылуы тиiс, аудандық, қалалық бөлiмшелердiң тiзiлiмдерiнен алу себебіне міндетті көрсете отырып, алынады және тiзiлiмдер жинағын құрастырған кезде есепке алынбайды.
      28. ҚР ӘМ ТҚжҚККК-сi формулярларды тексерудi автоматтандырылған режимде Қазақстан Республикасы Ішкі істер министрлігі (бұдан әрі - ҚР ІІМ) іздестірілетін тұлғаларды автоматты «Іздестіру» базасы бойынша жүзеге асырады, сондай-ақ деректер базасындағы адам туралы мәлiметтердiң сәйкес келмеуiне байланысты "АӨО" РМК-дан формулярларды қайтару кезiнде негiзсiз құжаттандыру фактiлерiн анықтау жөнiндегi жұмысты жүргiзедi.
      Формулярларды аудандық, қалалық бөлiмшенiң тiзiлiмiмен және Әдiлет департаментi бөлiмiнiң тiзiлiмдер жинағымен бiрге ҚР ӘМ ТҚжҚККК-нен құжаттарды дайындау үшiн "АӨО" РМК-ның өндiрiсiне жолданады, формулярлар құжаттармен бiрге Әдiлет департаменттерiне жiберу үшiн қайтарылады.
      29. Жеке куәлiктер мен паспорттарды "АӨО" РМК-да дайындау мерзімі формулярдың өндiрiске келiп түскен күнiнен бастап бірінші санатты жеделдік бойынша толтырылған формулярлар үшін - бір жұмыс күнін, екінші санатты жеделдік бойынша толтырылған формулярлар үшін – үш жұмыс күнін, үшінші санатты жеделдік – бес жұмыс күнін, жалпы тәртіппен толтырылған формулярлар үшін – формуляр өндіріске келіп түскен күннен бастап он бес жұмыс күнін құрайды.
      30. Жiберiлген қателерi үшiн ҚР ӘМ ТҚжҚККК-сi және Әділет департаменттері жетілдіруге аумақтық әділет органдарына қайтарылған формулярлар аудандық, қалалық құжаттандыру және тіркеу бөлімшелеріне түскен күннен бастап кемiнде он күн мерзiмде жетілдіреді, мұнан кейiн олар құжаттарды дайындауға жеке тiзiлiмдермен қайта жiберiледi. Бұл ретте iлеспе хатта жетілдіруге қайтарылған осы формулярлар тiзiлiмдерiнiң бұрынғы шығыс нөмiрлерi мiндеттi түрде көрсетiледi (әрбiр формуляр бойынша шығыс нөмірі жеке көрсетiлу қажет). Жетілдіруге қайтарылған формулярлар тiркеу журналында 20-қосымшадағы нысанға сәйкес есепке алынады.
      Жазбалардың дәлсiздiгi және жетілдіруден кейiнгі формулярлар бойынша құжаттар "АӨО" РМК-да өндіріске түскен күннен бастап, бес күнде дайындалуға жатады.
      31. Дайындалған жеке куәлiктер мен паспорттарды Әдiлет департаментiне жiберу кезiнде ҚР ӘМ ТҚжҚККК 21-қосымшадағы нысанға сәйкес екі данада дайын болған құжаттарды, формулярларды Әділет департаменттеріне жолдау үшін тiзiлiм құрастырады (бұдан әрі - дайын құжаттарды жолдау тізілімі). Бiр данасы ҚР ӘМ ТҚжҚККК-да қалады, ал тiзiлiмнiң екiншi данасы тiзiлiмге енгiзiлген басылып шыққан қосымшасымен ("АӨО" РМК диспатчы) формулярлармен және дайындалған құжаттармен бiрге Әдiлет департаменттерiне жiберiледi.
      32. Әдiлет департаменттерiне келiп түскен дайындалған құжаттардың және формулярлардың тiзiлiмi әділет органдары бойынша жалпы тәртіппен тiркеледi, аудандық, қалалық бөлiмшелерге бөлiнедi және Облыстық, Астана, Алматы қалаларының Әдiлет департаменттерiнен дайындалған құжаттарды қалалық (аудандық) әділет органдарына жөнелтуге тізілім бойынша оларға жолданады.
      33. Жетілдіру бойынша құжаттарды дайындауға жіберілген формулярлар, «АӨО» РМК диспатчамен бірге құжаттарды дайындауға жіберілген тізілімдер Әділет департаменттерінің аудандық, қалалық бөлімшелерінде сақталады, ҚР ӘМ ТҚжҚККК жеке номенклатуралық iсте сақталады.
      34. Берiлген жеке куәлiктер, паспорттарға арналған формулярлар әдiлет органдарында арнайы картотекаларда сақталады.
      Картотека оларды толтыру және азаматтардың тiркелу жерi бойынша әдiлет органдарының өрт-күзеттiк сигнализациямен жабдықталған, терезелерi торланған, темiр есiкпен қапталған жеке оқшауланған үй-жайларда орналасуы қажет. Дайындалған құжаттарға арналған формулярларды жоғалтпас үшiн картотекамен жұмыс iстеу үшiн оның сақталуына жауап беретiн функционалды мiндеттер жүктелетiн қызметкерлер бөлiнедi. Функционалдық мiндеттерiне осы жұмыстар жатпайтын қызметкерлердiң картотекаға кiруiне үзiлдi-кесiлдi тыйым салынады.
      Формулярды картотекаға орналастыру құжаттарды иелерiне беру фактiсi тексерiлгеннен кейiн және 2-н журналмен салыстырып тексерiлгеннен кейiн жүргiзiледi.
      Формулярларды картотекаға орналастыру қатаң түрде әлiпби ретiмен жүргiзiледi. Тегi бiрдей әрiптен басталатын адамдардың 1-н арызы терiлiп алынады және тегiнiң екiншi әрпi бойынша, одан кейiн үшiншi т.с.с. әліпби ретiмен орналастырылады.
      Мысалы: Абдықалықов, Авдеев, Ағыбергенов;
      Базаров, Баитов, Бақтұрсынов және т.б.
      Тегi бiрдей адамдардың формулярларды картотекаға аты мен әкесiнiң аты бойынша әлiпби ретiн сақтай отырып орналастырылады.
      Мысалы. Азаров Алексей Антонович, Азаров Алексей Артемович, Азаров Алексей Васильевич және т.б.
      Формулярда тегi, аты, әкесiнiң аты бiрдей болған жағдайда туған жылы бойынша өсуi ретiмен, одан кейiн туған жерiнiң қала, аудан, елдi мекендерi бойынша әлiпби ретiмен орналастырылады.
      Мысалы: Баринов Аркадий Исаевич, 1963 ж. т., туған жерi Алматы,
      Баринов Аркадий Исаевич, 1963 ж. т., туған жерi Балқаш,
      Баринов Аркадий Исаевич, 1966 ж. т.
      Сол сияқты мемлекеттiк тiлде толтырылған 1-н арыздар мынадай тәртiппен алфавит бойынша орналастырылады:
      Ә әрпi А әрпiне орналастырылады, бұдан әрi сәйкесiнше:
      Ғ-Г; I-И; Қ-К; Ң-Н; Ө-О; Ү-Ұ-У; Һ-Х.
      Формулярларды анықтама алу, көшiрмесiн түсiрiп алу, қызметтiк белгiлер қою үшiн картотекадан алуға 1 жұмыс күннен артық мерзiмге алуға жол берiлмейдi. Уақытша алынған формуляр жұмыс күнiнiң соңында картотекаға қайтарылуы керек. Формулярды картотекадан уақытша алған кезде алынған формулярдың орнына формулярдың алу себебi және күнi, 1-н арыз уақытша қолында болатын адамның тегi мен лауазымы жазылған қызметкердiң қолымен куәландырылған формулярдың көшiрмесi салынады. Формулярды басқа мемлекеттiк органдардың қызметкерлеріне және өзге тұлғаларға беруге тыйым салынады.
      Формулярдың көшірмесі тек сұрау салу бойынша Қазақстан Республикасының Әділет министрлігіне, Қазақстан Республикасының Сыртқы істер министрлігіне, Қазақстан Республикасының Ішкі істер министрлігіне, Қазақстан Республикасының Қорғаныс министрлігіне, Ұлттық қауіпсіздік комитетіне, қаржы полиция органдарына, кеден бақылауына, прокуратураға, соттарға, адвокатураға, сондай-ақ өзге мемлекеттердегі паспорт қызметтерінің сұрау салуы бойынша беріледі (жіберіледі). Азаматтарға формулярдың көшірмесі берілмейді.
      Мемлекеттік органдардан хабарламалар түскен кезде картотеканың сақталуына жауапкершілік функционалдық қызметіне кіретін халықты құжаттандыру және тіркеу уәкілетті қызметкерi тиiстi белгiлер енгiзу үшiн формулярлардың картотекалары бойынша тексерiс жүргiзедi.
      35. Қазақ халқының қалыптасқан дәстүрлерiне сәйкес тегiн, атын, әкесiнiң атын жазу Қазақстан Республикасы Президентiнiң "Ұлты қазақ азаматтардың тегi мен әкесiнiң атын жазуға байланысты мәселелердi шешу тәртiбi туралы" 1996 жылғы 2 сәуірдегі N 2923 Жарлығының талаптарына сәйкес жүргізіледі.
      Ұлты қазақ адамдар тегiн, атын, әкесiнiң атын өзгерту туралы әдiлет органдарына жүгiнген кезде азаматтар мемлекеттiк немесе орыс тiлдерiнде өздерi қалайтын тегiн, атын, әкесiнiң атын, ауыстырылуы тиiс құжаттары туралы мәлiметтердi көрсете отырып, еркін нысанда өтiнiш бередi.
      Өтінішке мына құжаттардың біреуі қоса беріледі:
      туу туралы куәлік (бірінші рет жеке куәлік алатын кезде);
      ауыстыруға жататын жеке куәлік, паспорт;
      Қазақстан Республикасының азаматтығын қабылдағаны туралы анықтама.
      Қазақ халқының дәстүрiне сәйкес тегiнiң, әкесiнiң атының жазылуын өзгертуге ниет бiлдiрген Қазақстан Республикасы азаматтарына формуляр толтыруға мынадай талап қойылады.
      Формулярдың 1 - жолында паспорт, жеке куәлiк беру себебi - "04" коды (тегiнiң, әкесiнiң атының жазылуын өзгерту) көрсетiледi.
      Өтiнiш берушiнiң қалауы бойынша 2 жолда мемлекеттiк және орыс тiлдерiнде тегi жазылады, 3 жолда - аты, ал 4 жолда - қазақ тiлiне тән емес қосымшаларын (-ов, -ев, -ова, -ева, -ин, -ина, -н, -на, -ович, -овна, -евна) алып тастай отырып, алайда тегi мен әкесiнiң атының түбiр негiздерi сақтала отырып жазылады. Бұл ретте әкесiнiң атын жазғанда әкесiнiң есiмiне адамның жынысына қарай "улы, ұлы; кызы, қызы" қосымшалары жалғанады, мысалы, Наурызбаев Булат Керимович, Наурызбаев Болат Керимулы болып немесе Наурызбай Болат Керiмұлы болып жазылады.
      Бұдан басқа, қазақ тiлiне тән емес тегiндегi, атындағы, әкесiнiң атындағы әрiп тiркестерi алып тасталады, мысалы, Джандосов Джумабай Джандосович болып жазылған болса, ол Жандосов Жумабай Жандосович болып, Чоканов Рыскали Джумабаевич, ол Шоканов Ырыскали Жумабаевич болып жазылады.
      Ұсынған құжаттарда азаматтың тегі болмаған жағдайда, оның әкесінің аты фамилия ретінде жазылады, мысалы - Болат Керимулы, 2 жолда «тегі/фамилия» - Керимулы (немесе Керімұлы), 3 жолда «аты/имя» - Болат. Тегі және әкесінің аты болмаған жағдайда тегі ретінде аты көрсетіледі.
      Тегіне «тегі» (фамилия), «ұрпағы» (поколение), «немересі» (внук), «шөбересі» (правнук) және тағы да сол секілді сөздер жалғауға рұқсат етілмейді.
      Ұлты қазақ адамдардың тегін, жеке аттарын, әкесінің атын жазуда жеке аттарда сөздердің санына қарамай-ақ, бөлек жазылымдарға рұқсат етілмейді: Әбілқасым (Әбіл-Қасым емес), Гүлсара (Гүл-сара емес).
      2, 3, 4 жолдардан төмен енгiзiлген өзгерiстердiң астынан өтiнiш берушiнiң тегiнiң, атының, әкесiнiң атының бұрынғы жазылуы көрсетiледi.
      Халықты құжаттандыру және тіркеудің уәкілетті қызметкерлерi азаматқа жаңа құжат бергеннен кейiн жаңа және бұрынғы тегiн, атын, әкесiнiң атын көрсете отырып, 22-қосымшадағы нысанға сәйкес екi данада мекенжайға келу парағын толтырады. Бұл ретте жаңа тегi, аты, әкесiнiң аты бiрiншi болып жазылады, ал бұрынғысы оған қатар жақшада жазылады. Келу парағының бiр данасы аумақтық әдiлет органының мекенжай-анықтама картотекасына тiркеледi, ал екiншiсi мекенжай бюросына жолданады.
      Егер, бұрын азаматқа жеке куәлiк, паспорт әділет органының басқа халықты құжаттандыру және тіркеу бөлімшелерінде берілген болса, онда ол органға формулярға тиісті белгі енгiзу үшiн азаматтың тегiнiң, атының, әкесiнiң атының жазылуы өзгерген жаңа құжат ресiмделгенi туралы хабарлама жiберiледi.
      36. Тегiнiң, атының, әкесiнiң атының өзгеруiне байланысты барлық өзге мәселелер АХАЖ немесе сот органдарымен шешiледi.
      37. ҚСжАЕК (Құқықтық статистика және арнайы есептер комитетiнiң) аумақтық басқармасына Арнайы есептi жүргiзу ережесiнiң 27-тармағына сәйкес, әр айдың 15 және 30-да азаматтың тегiнiң, атының, әкесiнiң атының өзгергенi туралы мәлімет жолданады.
      38. Жоғарыда аталған құжаттарға сәйкес (шақыру, неке туралы куәлiк, ғылыми еңбектер, монограммалар), паспорттарды ресiмдеген кезде өтiнiш берушiнiң тегi мен аты қажеттi ағылшынша жазылымында басылуы мүмкiн. Азамат Әдiлет органына тегi мен атын ағылшын тiлiнде жазылуын көрсете отырып, еркін нысанда жазбаша өтiнiш бередi.
      Аумақтық әділет органы басшысының рұқсаты бар өтініш - «транскрипция» формулярдың сыртқы бетiне жапсырылады және құжаттарды дайындау үшiн ҚР ӘМ ТҚжҚККК-не жiберiледi.
      Бұл ретте қалауы бойынша транскрипцияда көрсетілген азаматтың тегі және аты формулярдағы 2, 3-жолдарда көрсетіледі. Азаматтың өтінішінің тіркеу нөмірі мен мерзімі формулярдың сыртқы бетiнде көрсетіледі және паспортты елтаңбалық мөрмен куәландырады.

3. Бас бостандығынан айыру орындарында жазасын өтеп жүрген
адамдарға және жеке басын куәландыратын құжаттары жоқ
өздеріне қатысты бұлтартпау шарасы ретінде қамауға алу таңдап
алынған айыпталушыларға құжаттар беру

      39. Бас бостандығынан айыру орындарында жазасын өтеп жүрген және қандай да бiр себептермен жеке басын куәландыратын құжаттары жоқ Қазақстан Республикасының азаматтарын әдiлет органдары бұрынғы тұрғылықты жерiнен мiндеттi түрде тiркеуден шығара отырып, түзеу мекемелерiнiң орналасқан жерi бойынша құжаттандырады. Бұл ретте бас бостандығынан айыруға сотталған адамдарды тiркеуден шығару үшiн қамауда ұстау орындарының әкiмшiлiгi 23-қосымшадағы нысанға сәйкес үш данада кету парағын (бұдан әрі - кету парағы) толтырады; бiрiншi кету парағы тұрақты тiркелген жерi бойынша әдiлет органына, екiншiсi мекенжай бюросына жiберiледi, үшiншiсi сотталған адамның жеке iсiне тiгiледi.
      Жеке куәлiктердегi "тұрғылықты жерi" деген бағанда сотталушы жазасын өтеп жатқан мекеме көрсетiледi.
      Дайындалған жеке куәлiктер сотталғандардың жеке iстерiнде сақталады. Бас бостандығынан айыру орындарында жазасын өтеп жүрген адамдарға бас бостандығынан айыру орындарынан босатылған кезде жеке куәлік беріледі. Электронды ақпарат ұстағышы жоқ жеке куәлiк азаматтың тұрғылықты жері бойынша ауыстырылуға жатады.
      40. Тергеу қамауындағы, сондай-ақ жазасын өтеп жүрген адамдар жеке басын куәландыратын құжаттарын жоғалтқан кезде қылмыстық қудалау органдары мен қылмыстық-атқару жүйесiнiң мекемесi аумақтық әдiлет органы басшысының атына жоғалту себебі көрсетілген жазбаша өтiнiш қабылдайды. Олар бұрын жоғалған құжат ресiмделген әдiлет органынан елтаңбалы мөрмен және лауазымды адамның қолымен куәландырылған жоғалған құжатқа формулярдың көшiрмесiн сұрайды. Қылмыстық қудалау органдары және қылмыстық-атқару жүйесінің мекемесі тергеу-қамауындағы, сондай-ақ, жазасын өтеп жүрген адамдарды құжаттандыру туралы қолдаухатымен көрсетілген құжаттар мемлекеттiк бажды төлеу туралы түбiртек және екi фотомен бiрге құжатты дайындау үшiн тиiстi азаматтарды құжаттандыру және тiркеу бөлiмшесiне оны қалпына келтiру үшiн жiберiледi.
      Жеке басын куәландыратын құжаттарды жоғалтқаны туралы iс екі күн мерзiм iшiнде аяқталуы тиiс, ал арнайы тексерiс жүргiзу қажет жағдайда қосымша материалдарды талап ету және басқа да шаралар жүргiзу мерзiмi бір айға дейін жүргiзiледi.
      Жоғарыда аталған санаттағы адамдарға жеке басын куәландыратын құжатты беруге формулярды олардың тiкелей тұратын жерi бойынша құжаттандыру және тіркеудің уәкілетті қызметкерi толтырады.
      Бұл ретте "тұрғылықты жерi" деген жолда осы адамдар ұсталатын алдын алу изоляторы органының орналасқан жерi (облыс, қала, аудан, елдi мекен, тергеу изоляторлары, уақытша ұстау изоляторы) көрсетiледi.
      Формуляр жеке басты куәландыратын құжаттарды дайындауға оны толтырған күннің ертеңіне жолданады. «АӨО» РМК-да тергеу-қамауындағыларға құжаттар дайындау мерзімі өндіріске келіп түскен күннен бастап бір жұмыс күнін құрайды.
      Құжаттар дайын болғаннан кейiн формуляр оларды ресiмдеген әдiлет органдарының картотекасына тiркеледi.
      Тергеу қамауындағы адамдардың жаңа құжаттарды алу фактiлерi туралы олардың бұрынғы тұрғылықты жерi бойынша тиiстi әдiлет органдарының құжаттандыру және тiркеу бөлiмшелерiне хабарлама жiберiледi. Тергеу қамауындағы адамдар қамаудан босатылған немесе оған қатысты қылмыстық қудалау аяқталған жағдайда құжат иесiне қайтарылады.

4. Жеке басын куәландыратын құжаттарды алып қою,
сақтау, жою

      41. Уәкілетті әділет органдары жеке басты куәландыратын құжаттарды егер:
      жеке басы ұқсас болып, айыру мүмкiн болмағанда;
      оған заңсыз өзгерiстер енгiзiлгенде немесе жеке басының бiрдей болуына байланысты өзгерiстер енгiзу қажет болғанда;
      онда Қазақстан Республикасы Үкіметінің 2000 жылғы 12 шілдедегі № 1063 қаулысымен бекітілген Қазақстан Республикасы халқын құжаттандыру және тіркеу Ережесінде көзделген арнайы жазулар болмаған немесе мұндай жазулар сәйкес келмегенде;
      қызмет мерзiмi өткенде;
      оларды жарамсыз деп тану жөнінде енгізілген қорытындыға сәйкес болғанда;
      иесiнiң құқықтық мәртебесiне сәйкес келмеген жағдайларда алынып қойылады.
      42. Жарамсыз жеке куәліктер мен паспорттар алынып қойылады және осы Нұсқаулықтың 49-тармағында белгiленген тәртiпте жойылады.
      43. Азаматта бiрнеше бiртиптi құжаттар болғанда жарамдысынан басқасының бәрi алынып қойылады.
      44. Қазақстан Республикасынан тыс жерлерге тұрақты тұруға шығатын Қазақстан Республикасының азаматтары жеке куәлiктерiн тiркеуден шығарған кезде әдiлет органдарына тапсырады.
      45. 24-қосымшадағы формаға сәйкес АХАЖ органдары жолдаған құжаттар тізіліміне АХАЖ органдарына тапсырылған қайтыс болған адамдардың жеке куәлiктерi, паспорттары енгiзiледi және айына кемiнде бір рет әдiлет органдарының халықты құжаттандыру және тіркеу бөлімшелеріне жiберiледi. Халықты құжаттандыру және тіркеудің уәкілетті қызметкерлерi формулярға иелерiнiң қайтыс болған, оларды тiркеуден шығарған туралы белгi қояды және деректер базасына түзетулер енгізу үшін ҚР ӘМ ТҚжҚККК ақпарат жібереді.
      Тiзiмдемелерге сондай-ақ жеке куәлiктерi мен паспорттары тапсырылмаған қайтыс болған адамдар туралы мәлiметтер де енгiзiледi. Формулярда иелерiнiң қайтыс болғаны туралы және жеке куәлiктер мен паспорттардың алынбағаны туралы белгi қойылады. Мұндай формулярлар картотекаға қосылады, ал мәлiметтер ҚР ӘМ ТҚжҚККК-ге жiберiледi. Егер жеке куәлiктердi, паспорттарды басқа әдiлет органдары берген болса, онда сол жерге жеке куәлiктердiң, паспорттардың иелерiнiң қайтыс болғаны туралы, сондай-ақ олардың алынбағаны туралы мәлiмет жiберiледi.
      46. Шетелге тұрақты тұруға шыққан азаматтардың жеке куәлiктерi, тегi, аты, әкесiнiң атының өзгеруiне байланысты ауыстырылған және Қазақстан Республикасының азаматтығынан шыққан басқа да себептер бойынша немесе ішкі істер органдарының қорытындысы бойынша Қазақстан Республикасының азаматтығын жоғалтқандар, орнына жаңа құжат берiлген, табылған, қайтыс болған, сондай-ақ дайындалған күнінен бастап бір жылғы дейін талап етілмеген азаматтардың паспорттары, куәлiктерi өтеледi және жарамсыз деп танылады, сонан соң осы Нұсқаулықтың 49-тармағымен белгiленген тәртiпте жойылады.
      47. "АӨО" РМК азаматтарға жаңа құжаттарды дайындау кезiнде автоматты түрде бұрын алынған барлық құжаттарды жарамсыз деп тану туралы мәлiметтер деректер базасына енгiзiледi.
      48. Жарамсыз құжаттарды жою туралы актілер ай сайын ҚР ӘМ ТҚжҚККК жолданады. «АӨО» РМК-сы жарамсыз құжаттарды жою актілері түскен күннен бастап 15 күн мерзімге дейін деректер базасына түзетулер енгізеді.
      49. Жойылуға тиiс жеке куәлiктер мен паспорттар әдiлет органдарында сақталады.
      Электронды ақпарат ұстағышы жоқ жеке басты куәландыратын құжаттарды жою аумақтық әділет органының ішкі тексеру комиссиясымен айына кемінде бір рет жүргізіледі. Бұл ретте 25-қосымшадағы нысанға сәйкес Қазақстан Республикасы азаматының жеке басын куәландыратын жарамсыз құжаттарды жою тізіліміне сәйкес жою себебі және иесі туралы мәлімет, құжат түрі көрсетіліп, жойылатын құжаттардан кесіп алынған жою туралы акт жасалынады.
      Орталықтанған тәртіпте жою үшін, жарамсыз құжаттарды жою себебі және нөмірі, азаматтың анықтамалық деректері көрсетілген ілеспе тізіліммен электрондық ақпарат ұстағышы бар жарамсыз жеке куәліктер мен паспорттар айына кемінде бір рет ҚР ӘМ ТҚжҚККК жолданады.
      Құжаттарды жою туралы актілер бөлек номенклатуралық істе құралады.
      Жарамсыз құжаттарды жоюды әділет органының ішкі тексеру комиссиясы «АӨО» РМК-да жойылатын құжатты одан әрі пайдаланудың мүмкін болмауын қамтамасыз ететін арнайы құралдарда өртеу жолымен жүргізеді.
      Формулярларда құжаттарды жою актiсiнiң нөмiрi, жойылған күнi және себебi көрсетiледi. Егер құжаттарды басқа әдiлет органы берген болса, онда сол жерге жойылатын құжаттар туралы 26-қосымшадағы нысанға сәйкес хабарламалар жiберiледi, олардың негiзiнде формулярларда құжаттарды жою актiсiнiң нөмiрi, қашан және кiм жойғаны, сондай-ақ оларды жою себептерi көрсетiледi.

5. Қазақстан Республикасының азаматтарына шекара аймағы
тұрғынының куәлігін беру.

      50. Шекара аймақтарында тұрақты тұратын азаматтарға олар тiркелген жердегi әдiлет органдары жеке басты куәландыратын құжаттарымен бiрге бес жылға, алайда жеке куәлiгiнiң қолданылу мерзiмiнен аспайтын мерзiмге қолданылатын шекара аймағы тұрғынының куәлiгi 27-қосымшадағы нысанға сәйкес берiледi. Шекара аймағы тұрғынының куәлiгiнiң қолдану мерзiмi қажет болған кезде тағы да сондай мерзiмге ұзартылады. Ұзарту аумақтық әдiлет органының халықты құжаттандыру және тіркеудің уәкiлеттi қызметкерiнiң қолымен және паспорттық елтаңбалық мөрмен куәландырылады.
      51. Әрбір шекаралық облыстарда куәліктерге арнайы серия нөмірі бекітілген:
      Алматы облысы – «АЛ»;
      Шығыс Қазақстан облысы - "ШҚ".
      Шекаралық аймақ тұрғынының куәлiктерiн беру 28-қосымшадағы нысанға сәйкес, журналда тiркеледi. Әрбiр ресiмделген куәлiкке осы Нұсқаулықта көрсетiлген Қазақстан Республикасының қалалары мен аудандарының стандарттық кодттарына сәйкес аудандардың (қалалардың) үш санды кодынан тұратын нөмiр және таяқша арқылы - тiркеу журналы бойынша реттiк нөмiрi берiледi, мысалы:
      ШҚ № 246/00012 (мұнда - Шығыс Қазақстан облысы Тарбағатай ауданы, № 12 куәлiк дегендi бiлдiредi).
      Шекара аймағының тұрғынының куәлiгiн алу үшiн азаматтар:
      - тегiн, атын, әкесiнiң атын, тiркелген жерiн көрсете отырып, тиiстi әдiлет органының басшысына еркiн нысанда өтiнiш;
      - Қазақстан Республикасы азаматының жеке куәлiгiн (он алтыға толмаған балалар - туу туралы куәлiктерiн);
      Бір 3,5 x 4,5 см фотосурет ұсынады.
      Шекара аймағы тұрғынының куәлiгiнде ұсынған құжаттарының негiзiнде өтiнiш берушiнiң тегi, аты, әкесiнiң аты, туған күнi туралы мәлiметтер жазылады. Фотосуреті әдiлет органының паспорттық елтаңбалық мөрiмен куәландырылады, тұратын жерi бойынша тiркелген мекенжайы толық көрсетiледi. "Берген орган" деген бағанда әдiлет органының атауы көрсетiледi.
      Өтiнiш берушi Қазақстан Республикасы азаматының жеке куәлiгiн ауыстырған кезде, сондай-ақ өтiнiш берушiнiң шекара аймағы шегiндегi тiркелген жерi өзгерген кезде шекара аймағы тұрғынының куәлiгi де тиiсiнше ауыстырылуы тиiс.
      Шекара аймағынан тысқары кетуiне байланысты тiркелген жерiн ауыстырған кезде шекара аймағы тұрғынының куәлiгi алынады. Шекара аймағы тұрғынының куәлiгiн беру жөнiндегi материалдар жеке номенклатуралық iсте құралады.

6. «Халықты құжаттандыру және тіркеу» Тіркеу орны» ақпараттық
жүйесі арқылы Қазақстан Республикасы азаматтарының жеке басын
куәландыратын құжаттар дайындау үшін формулярлар толтыру
ерекшелігі

      52. «Халықты құжаттандыру және тіркеу» Тіркеу орны» (бұдан әрі - ХҚТ ТО» ақпараттық жүйесі арқылы толтырылған Қазақстан Республикасы азаматының жеке басын куәландыратын құжаттарды дайындауға арналған электрондық формуляр нөмірі мен штрих-коды бар қатаң есептілік құжат болып табылады. Электрондық формулярдың нөмірін автоматтандырылған режимде бірыңғай ақпараттық жүйемен қалыптастырады.
      53. Электрондық формулярдың дұрыс толтырылғаны және негізділігі халықты құжаттандыру және тіркеудің уәкілетті қызметкерінің электрондық-цифрлік қолтаңбасымен (бұдан әрі - ЭЦҚ) расталады.
      ЭЦҚ электрондық цифрлік қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлік нышандар жиыны және электрондық өтінімді орталық торапқа құжаттандыруға және тіркеуге (тіркеу есебінен шығаруға) жіберу кезеңінде қолданылады.
      ЭЦҚ тұлғаның өз қолымен қойылған қолтаңбасына тең және электрондық формулярға қол қою үшін бірдей заңды жауаптылықты жүктейді.
      ЭЦҚ оған заңды негізде иелік ететін адамдардың меншігі болып табылады. ЭЦҚ Қазақстан Республикасы заңнамасында көзделген жағдайларды қоспағанда, қолдану үшін басқа тұлғаларға берілмеуі тиіс.
      54. ЭЦҚ алу үшін Әділет департаменттері өтінім беруге, аумақтық бөлімшелердің халықты құжаттандыру және тіркеудің уәкілетті қызметкерлерін сәйкестендіру процесіне және тіркеу куәліктерін алуға жауапты болатын уәкілетті қызметкерді тағайындайды.
      55. ЭЦҚ-ның әрекет ету мерзімі тіркеу куәлігі шығарылған сәттен бастап бір жылды құрайды. Қайталама ЭЦҚ алу үшін мерзімі өтпестен он күн бұрын жаңа өтінім беру қажет. ХҚТ ТО жұмысты жүзеге асыратын уәкілетті қызметкер ауысқан кезде, ЭЦҚ алынып-салынатын ұстағышпен бірге Әділет департаментіне өткізіледі. Әділет департаментінің уәкілетті қызметкері тіркеу куәлігін кері шақыртуға өтінім береді.
      56. Электронды формулярды толтыру үшін Қазақстан Республикасының азаматтары тұрақты тіркелген мекен-жайын растайтын азаматтарды тіркеу кітабын, жеке басты куәландыратын құжат үшін мемлекеттік баж төленгені туралы түбіртекті, және төменде санамаланған құжаттардың бірін:
      туу туралы куәлік;
      Қазақстан Республикасы азаматының жеке куәлігі;
      Қазақстан Республикасы азаматының паспорты;
      Қазақстан Республикасы азаматтығын қабылдағаны туралы анықтама;
      ХҚТ ТО азаматты фотосуретке түсіру төлемсіз жүргізіледі. Азаматтың қалауы бойынша оларға 3,5х4,5см фотосурет ұсынылады.
      57. ХҚТ ТО ақпараттық жүйесіне кіру үшін пайдаланушының аты және парольды енгізу қажет. Атын немесе парольды қате енгізген жағдайда жүйе тиісті қатесін шығарады.
      ХҚТ ТО ақпараттық жүйесінде есептік жазба жазу үшін уәкілетті қызметкер тегі, аты, әкесінің аты, лауазымы және талап етілген қол жетімділік құқығы көрсетілген өтінімді тіркеуге алады.
      Пайдаланушыны белсендіру үшін ХҚТ ТО коды және ХҚТ ТО генерирленген жүйесінде нөмірі көрсетілген ҚР ӘМ ТҚжҚККК хат жолданады.
      58. Азаматтар ұсынған жеке сәйкестендіру нөмірі (бұдан әрі - ЖСН) бар жеке куәлік, паспорттар немесе туу туралы куәлікпен бірыңғай ақпараттық деректер базасында жеке басты сәйкестендіру жүргізіледі. Бұл ретте халықты құжаттандыру және тіркеудің уәкілетті қызметкерлермен бірыңғай ақпараттық деректер базасында азаматтардың өздері ұсынған құжаттармен салыстыра тексеру жүргізіледі. Бірыңғай ақпараттық деректер базасында азаматтар туралы мәліметтерде дәл еместік байқалған жағдайда, электронды формулярға азаматтың жеке куәлігінің деректері енгізіледі. Бұл ретте жүргізілген өзгеріс халықты құжаттандыру және тіркеудің уәкілетті қызметкерлерінің «қосымша ақпарат» жолындағы жазбасымен расталады.
      59. Құжаттандыру туралы шешім шыққанан кейін ХҚТ ТО өтінім тіркеледі. Өтінімде:
      тапсырыс берілетін құжат түрі;
      құжат алу себебі;
      құжат толтыру тілі;
      паспортта азаматтың ұлтын жазу туралы белгі;
      электронды формуляр толтыру үшін негіз болып табылатын құжат көрсетіледі.
      60. Өтінім тіркелгеннен кейін халықты құжаттандыру және тіркеу уәкілетті қызметкерлері электронды формулярды толтыру, сондай-ақ суретке түсіру, қол қою, дайын құжаттарды алу үшін азаматтарға берілетін өтінімді тіркеу талонын басып шығарады.
      61. Электронды формулярға азаматтың фотобейнесі - суретке түсіру жолымен, азаматтың қол қоюы – скандау арқылы қол қоюмен енгізіледі. Азамат фотосурет берген жағдайда, оның фотосуреті және қағаз ұстағыштағы қолы, азаматтың қалауы бойынша скандау жолымен енгізіледі.
      62. ХҚТ ТО электронды формулярларды толтыру мына кодтар бойынша жүргізіледі:
      «00» 16 жасқа дейiнгi балаларға паспорт беру;
      «01» 16 жасқа толған азаматтар үшiн;
      «04» тегiн, атын, әкесiнiң атын өзгерту;
      «05» туған күнiн өзгерту;
      «06» жазбаның дәлсіздігі;
      «07» құжаттардың одан әрі қолдануға жарамсыздығы;
      «08» азамат өзiнiң ұлтын өзгерту;
      «09» азаматтың жеке куәлiк пен паспорт жоғалтуы;
      «10» заңды мекенжайын ауыстыру;
      «12» Қазақстан Республикасының азаматтығын қабылдау;
      «13» азаматтың паспорт жоғалтуы;
      «14» қолданыстағы әкімшілік-аумақтық бөлінуге байланысты елдi мекен атауының өзгеру себебi бойынша;
      «15» Қазақстан Республикасына тұрақты тұруға қайтумен байланысты жеке куәлік алу;
      «16» иесiнiң қалауы бойынша жаңа технологияға сәйкес олардың түрлерiнiң өзгеруiне байланысты;
      «17» қолда бар жеке куәлік немесе паспорттың негізінде алғашқы рет жеке басты куәландыратын құжаттар алу;
      «18» құжаттың қолдану мерзімінің аяқталуы (паспорт, жеке куәлік).
      63. Электронды формулярды толтыру кезінде құжат алу себебінің бір немесе бірнеше коды (жеті кодқа дейін) көрсетіледі, бұл ретте электронды формулярларды толтыруға сәйкес, осы Нұсқаулықтың 18 тармағын басшылыққа алу қажет.
      64. Электронды формулярларды кодтар бойынша толтыру кезінде:
      «00», «01»- ЖСН бар туу туралы куәлік көрсету бойынша, бірыңғай ақпараттық деректер базасында ЖСН бойынша тұлғаны сәйкестендіру жүргізіледі. Туу туралы куәлігінде ЖСН жоқ болған жағдайда тұлғаны сәйкестендіру жүргізілмейді, ал мәліметтерді электронды формулярға халықты құжаттандыру және тіркеу уәкілетті қызметкерлері туу туралы куәлікке сәйкес енгізеді.
      Егер азамат 16 жасқа дейін паспорт алған жағдайда, онда 16 жасқа толу жөнінде электронды формуляр толтыру паспорттың негізінде көрсетіледі, «қосымша негіздеме» жолына туу туралы куәліктің деректері енгізіледі.
      Туу туралы куәлік негізінде толтырылған электронды формулярға ата-анасының біреуінің жеке куәлігінің нөмірі, берілген күні және берген орган туралы мәліметтер «қосымша ақпарат» жолына енгізіледі.
      «04» - неке қию, бұзу туралы анықтама деректерін ауыстыру, қайталама туу туралы куәлік берген орган, мерзімі, нөмірі, әділет органының анықтамалық деректерін өзгерту туралы қорытынды мерзімі және нөмірі электронды формулярдың «қосымша негіздеме» жолына Халықты құжаттандыру және тіркеу уәкілетті қызметкерлері енгізеді;
      «05» - анықтамалық деректерін ауыстыру қайталама туу туралы куәліктердің нөмірі, берген орган, күні және туған күнін ауыстыру туралы әділет органының қорытындысының мерзімі және нөмірі «қосымша негіздеме» жолына Халықты құжаттандыру және тіркеу уәкілетті қызметкерлері енгізеді;
      «06» - анықтамалық деректерінде, туған жеріндегі мәліметтерде алшақтық байқалған жағдайда, тексеру аяқталғаннан кейін «қосымша негіздеме» жолында электронды формулярға өзгерту енгізілгенін растайтын құжаттар деректері енгізіледі. Құжаттандырылған халықтың деректер базасында фотосурет сәйкес келмесе «қосымша негіздеме» жолында тұлғасын анықтау жөніндегі қорытындының күні мен нөмірі жазылады;
      «08» - электронды формулярдың «қосымша негіздеме» жолына туу туралы куәліктің күні және нөмірі енгізіледі;
      «09» - Тіркеу нөмірі және азаматтың өтінішінің күні немесе жеке басты куәландыратын жоғалған құжаттарды қалпына келтіру туралы ісі «қосымша негіздеме» жолына енгізіледі;
      «10» - егер қала немесе облыс ішінде заңды мекенжай ауыстырған жағдайда азаматтың жеке куәлігіндегі «заңды мекенжай» бағанында оның тек тұратын қаласы немесе облысы көрсетілсе, жеке куәлікті ауыстыру жүргізілмейді.
      Егер жеке куәлікте тіркеудің жаңа мекенжайына сәйкес келмейтін толық заңды мекенжай көрсетілсе (қала, аудан, көше, үй, пәтер), онда тіркеусіз ХҚТ ТО ақпараттық жүйе арқылы жеке куәлікті ауыстыру талап етіледі. Электронды формулярды ресімдеуге дейін тіркеу мөртабаны азаматтарды тіркеу кітабына қойылады, екі данада келу парағы толтырылады, біреуі мекенжай бюросына, екіншісі аумақтық әділет органының мекенжай картотекасына және статистикалық органға жолдау үшін келу парағына статистикалық талон жолданады.
      «12» - Электронды формулярды толтыруға Қазақстан Республикасының азаматтығын қабылдау туралы анықтама негіз болады. Егер азамат бұрын Қазақстан Республикасында тұрақты тұратын шетел азаматының қоныстану ыхтиярхатын алған болса, «қосымша негіздеме» жолында оның берілген күні мен нөмірі көрсетіледі. Қазақстан Республикасы Президенті Жарлығының нөмірі немесе Қазақстан Республикасы азаматтығын қабылдағаны туралы ішкі істер органының қорытындысы «қосымша негіздеме» жолына көрсетіледі, ал «қосымша ақпарат» жолында азаматтың бұрынғы азаматтығы көрсетіледі.
      «13» - «Қосымша негіздеме» жолына азаматтың жоғалған паспортты қалпына келтіру өтінішінің күні және тіркеу нөмірі енгізіледі.
      «15» - «Қосымша негіздеме» жолына бұрынғы тұрғылықты жерінің күні мен мекенжайы көрсетіледі.
      65. Қазақстан Республикасы азаматтары паспорттар алуға толтырылған электронды формулярлар жаңа тұрғылықты жер бойынша ХҚТ ТО арқылы тіркеу шараларынан кейін жүргізіледі.
      66. Азаматтың анықтамалық деректерін ағылшын тіліне транскрипциялау ХҚТ ТО автоматты түрде жүргізіледі. ХҚТ ТО транскрипция қажеттілігі болған жағдайда азаматтың еркін нысанда жазған өтініші бойынша Халықты құжаттандыру және тіркеу уәкілетті қызметкерлері өзгертуі мүмкін. Бұл ретте «қосымша ақпарат» жолында азаматтың өтінішінің күні және тіркеу нөмірі енгізіледі.
      67. Электронды формулярды толтырғаннан кейін азаматтарға енгізілген мәліметтердің дұрыстығын тексеру және жеке қолтаңбасын растау үшін ақпараттық парақ басылып шығарылады.
      Ақпараттық парақ әділет органдарының құжаттандыру және тіркеу бөлімшелерінде азаматтар дайын құжатты алғанға дейін сақталады.
      68. Қазақстан Республикасы азаматының жеке басын куәландыратын құжаттарды беруге төленетін мемлекеттік төлем туралы түбіртекке ХҚТ ТО коды, өтінімді тіркеу талонының нөмірі және толтырылған күні жазылады.
      69. Электронды формулярлар құжаттандырылған халқының бірыңғай ақпараттық деректер базасы бойынша толтыруды аяқтау жөнінде және қызметтік белгілер деген жазба болса аумақтық әділет органының картотекасы бойынша халықты құжаттандыру және тіркеудің уәкілетті қызметкерлері тексеру жүргізу үшін локалды деректер базасында сақталады.
      Қате байқалған немесе өзге де ауытқушылықтар байқалған жағдайда халықты құжаттандыру және тіркеу уәкілетті қызметкерлері түзету енгізеді және ол қол қоятын қайталама ақпараттық парақ басылып шығарады. Бірінші және екінші санатты жеделдік бойынша толтырылған электронды формулярлар үшін тексеру мерзімі бір жұмыс күнін, үшінші санатты жеделдік үшін екі жұмыс күнін, жалпы тәртіппен толтырылған электронды формулярлар толтырылған күннен бастап 3 жұмыс күнін құрайды.
      70. Электронды формулярдың толтыру дұрыстығы мен негізділігі тексеруден кейін халықты құжаттандыру және тіркеудің уәкілетті қызметкерлерінің ЭЦҚ куәландырады, содан кейін электронды формуляр ХҚТ ТО орталық торабына жөнелтіледі.
      71. ҚР ӘМ ТҚжҚККК-сi формулярларды тексерудi автоматтандырылған режимде ҚР ІІМ іздестірілетін тұлғаларды автоматты «Іздестіру» базасы бойынша жүзеге асырады, сондай-ақ деректер базасындағы тұлға туралы мәлiметтердiң сәйкес келмеуiне байланысты «АӨО» РМК-дан формулярларды қайтару кезiнде негiзсiз құжаттандыру фактiлерiн анықтау жөнiндегi жұмысты жүргiзедi.
      72. Бірыңғай ақпараттық деректер базасында мәліметтердің сәйкессіздігі, толтыру ережесі сақталмауы, кескіндемелік ақпарат сапасыздығы жағдайда, электронды формулярлар ҚР ӘМ ТҚжҚККК-ден ХҚТ ТО қайта ресімдеуге дейін орындаусыз қайтарылады.
      73. Электронды формулярлар қате кеткен немесе сәйкес келмеуіне байланысты ресімдеуге дейін қайтарылғандар аумақтық әділет органдарына келіп түскен күннен бастап бес жұмыс күні мерзіміне дейін өңделуі қажет, одан кейін олар құжаттар дайындауға қайта жолданады.
      74. Тексеріліп болғаннан кейін анықтамалық деректерінің мәліметтерінде және туған жерінде алшақтық байқалған жағдайда, «қосымша негіздеме» жолында электронды формулярға өзгерту енгізуді растайтын құжаттың деректері енгізіледі. Қажет болған жағдайда қосымша, паспортта және жеке куәлікте жазбаның дұрыс еместігі – «06» коды қойылады.
      75. Бірыңғай ақпараттық деректер базасындағы фотосуретпен азаматтың фотосуреті сәйкес келмеген жағдайда, тексеру аяқталғаннан соң «қосымша ақпарат» жолында қорытындының күні, нөмірі енгізіледі.
      76. Егер бұрын дайындалған құжаттар мына себептермен жарамсыз құжаттар қатарына енгізілсе: «заңсыз берілген», «қайтыс болуына байланысты», «азаматтықтан шығу», «Қазақстан Республикасынан тысқары жерге тұрақты кеткен», «жоғалған» және тиісті тексеру жүргізу кезінде анықталмаған құжаттың жарамсыздығы жөнінде түзету енгізу бірыңғай ақпараттық деректер базасына Әділет департаментінің жазбаша негіздемесімен енгізу қажет. Бірыңғай ақпараттық деректер базасына түзету енгізілгеннен кейін электронды формуляр құжаттарды дайындауға жолданады.
      77. Тексеруден өткен электронды формуляр бойынша «АӨО» РМК паспорттар мен жеке куәліктерді өндіріске түскен күннен бастап мына мерзімде дайындайды:
      1-ші санатты жеделдік бойынша бір жұмыс күні;
      2-ші санатты жеделдік бойынша үш жұмыс күні;
      3-ші санатты жеделдік бойынша бес жұмыс күні;
      Жалпы тәртіппен түскендер - он бес күн.
      78. «АӨО» РМК- дан ҚР ӘМ ТҚжҚККК-ге Әділет департаменттеріне дайын болған жеке куәліктер мен паспорттарды тапсыру және жөнелту осы Нұсқаулықтың 26, 27, 28, 29, 30, 31, 32-тармақтарында бекітілген тәртіппен жүргізіледі.
      79. Дайын құжаттарды беру ХҚТ ТО халықты құжаттандыру және тіркеудің уәкілетті қызметкерлері электронды формулярды толтыру орны бойынша жүзеге асырады. Дайын болған жеке куәлік пен паспортты алу үшін азамат алынып қоюға жататын тіркеу өтінімінің талонын және құжаттарды ұсынады.
      80. Халықты құжаттандыру және тіркеу уәкілетті қызметкерлері ХҚТ ТО жүйесіне дайын құжаттардың бар болуы және азамат туралы ақпарат алу үшін тіркеу өтінімі талонының нөмірін енгізеді. Азамат тіркеу өтінімі талонын жоғалтқан жағдайда, оның нөмірі ақпараттық парақтан оқылады.
      81. ХҚТ ТО жүйесінде жеке басын куәландыратын құжаттарды беру фактісін тіркеуге машинамен оқылатын аймақты оқу үшін электронды құрылғы қолданылады.
      Сонымен бірге дайын құжаттарды беру мерзімінің фиксациямен бір мезгілде, алдыңғылары жаңа құжаттар шығуына байланысты автоматты түрде жарамсыздар қатарына аударылады.
      Түрлі-түсті принтерде құжатты берген халықты құжаттандыру және тіркеу уәкілетті қызметкерінің және азаматтың қолы қойылатын электронды формуляр басылып шығарылады, одан кейін ақпараттық парақ жойылады.
      82. 29-қосымшадағы нысанға сәйкес паспорттар, жеке куәліктер дайындауға электронды формулярларды есепке алу № 2 нысанды кітабындағы нөмірлер бойынша есепке алынады және осы Нұсқаулықтың 34-тармағында қаралған тәртіпте картотекаға салынады.
      83. Қазақстан Республикасы азаматының паспорты жоқ 16 жасқа дейінгі балаларға ЖСН генерациясы ХҚТ ТО ақпараттық жүйесі арқылы жүргізіледі.
      84. ЖСН генерациясы үшін балалардың ата-аналарының немесе заңды өкілдерінің біреуімен тұрғылықты жері бойынша тіркеуін растайтын азаматтарды тіркеу кітабы, туу туралы куәлігі және ата-анасының немесе заңды өкілдерінің біреуінің жеке куәлігі ұсынылады.
      85. Балалардың анықтамалық деректері туу туралы куәлікке сәйкес жазылады, берген күні, нөмірі және орган көрсетіледі.
      86. ХҚТ ТО өтінім берген күннен бастап бес жұмыс күнге дейін ЖСН генерациялау жүргізіледі.
      87. Бірыңғай ақпараттық деректер базасында ЖСН қайталандырмауды болдырмау мақсатында, «АӨО» РМК орталық торапқа өтінім түскен күннен бастап екі жұмыс күн аралығында аталған азаматқа қатысты мәлімет бар екендігіне салыстырмалы тексеру жүргізеді.
      88. Генерирленген ЖСН нөмірі туу туралы куәлігінің қосымша бет парағында 30-қосымшадағы нысанға сәйкес иеленген ЖСН-мен көрсетіледі, халықты құжаттандыру және тіркеу бөлімінің бастығының қолы қойылады және паспорттық елтаңбалық мөрмен куәландырылады.

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
1 қосымша            

нысан

Қазақстан Республикасы азаматы
паспортының қолдану мерзімін ұзарту мөртаңбасы

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
2 қосымша            

нысан

Қазақстан Республикасы азаматының уақытша жеке
куәлігінің үлгісі

(көлемі 80 х 110)
ішкі беті

Сыртқы беті

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
3 қосымша            

нысан

Қазақстан Республикасы азаматтарына берілген уақытша жеке
куәліктерді (УК) есепке алу журналы

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
4 қосымша            

нысан

      Формуляр үлгісі

|||123456789|||
ПАСПОРТ |_|   ЖЕКЕ КУӘЛIК |_|   АЛУҒА АРНАЛҒАН ӨТIНIШ
||||||||||||||||

1 ПАСПОРТ, ЖЕКЕ КУӘЛIГI БЕРIЛЕДI |_||_||_||_||_||_||_|  * 145650824 *

2|___________________| 3|____________________| 4|___________________|
         ТЕГI                     АТЫ                ӘКЕСIНIҢ АТЫ

5|___________________|6|_||_|_|_|  |7 жынысы _   8|_______________|_|
|ТҰРМЫСҚА ШЫҚҚАНҒА   |ТУҒАН КҮНI,  |ер-1    |_|   |ҰЛТЫ
|ДЕЙIНГI /БҰРЫНҒЫ/   |АЙЫ, ЖЫЛЫ    |әйел-2  |_|
|ТЕГI

9 ПАСПОРТ (ЖЕКЕ КУӘЛIГI) БЕРIЛГЕН НЕГIЗI
|_|____________________|  10|_|_|_|_|   11|_________________________|
                          БЕРIЛГЕН КҮНI
____________________________________________________________________
12 ТУҒАН ЖЕРI _  |13 ТҰРҒЫЛЫҚТЫ ЖЕРI _  |14 БҰРЫНҒЫ ТҰРҒАН ЖЕРI _
|____________|_| |__________________|_| |______________________|_|
|ЕЛ           _  |ЕЛ                 _  |ҚАЙ ЕЛДЕН КЕЛДI        _
|____________|_| |__________________|_| |______________________|_|
|АВТОНОМИЯЛЫ     |ОБЛЫС                 |АВТОНОМИЯЛЫ                Б
|РЕСПУБЛИКА,                            |РЕСПУБЛИКА ӨЛКЕ, ОБЛЫС     А
|ӨЛКЕ, ОБЛЫС     _                  _                           _   С
|_______________|_| |______________|_| |_______________________|_|  П
|АУДАН              |АУДАН             |АУДАН                       А
|___________________| |________________| |_______________________|  С
|ЕЛДI МЕКЕН           |ЕЛДI МЕКЕН        |ЕЛДI МЕКЕН                Ө
|___________________| |________________| |_______________________|  З

15 БҰРЫН ҚАЙ ЕЛДIҢ         ЕЛДIҢ ОРНАЛАСҚАН     ЕЛДIҢ ОРНАЛАСҚАН    Ә
   АЗАМАТТЫҒЫНДА ТҰРҒАН    МЕКЕНI               МЕКЕНI              Р
|____________________| |__________________| |____________________|  І
|ҚАЗАҚСТАН РЕСПУБЛИ-   |КӨШЕ                |КӨШЕ                   П
|КАСЫНЫҢ АЗАМАТТЫҒЫН                                                І
|ҚАБЫЛДАҒАН КҮНI                                                    М
|_|_|_|_|_|_|_|_|_|_|_|_|  |_|_|_|_|_|_|_|_|_|_|_|  |_|_|_|_|_|_|   Е
|ҮЙ КОРПУС ПӘТЕР           |ҮЙ КОРПУС ПӘТЕР         |ТЕЛЕФОН        Н
|_|_|_|_|_|_|_|_|       |_|_|_|_|_|_|_|_|
|КЕЛУ МЕРЗIМI           |КЕТУ МЕРЗIМI                               Т
________________                                                    О
|     |  |________________                                          Л
|     |  |   |                                                      Т
|     |  |   |СУРЕТ                                                 Ы
| СУРЕТ  |   |ҚАЛТАСЫ                                               Р
|     |  |________________|                                         Ы
|     |  |АЗАМАТТЫҢ ҚОЛЫ                                            Л
|     |                                                             А
|     |                  123456789                                  Д
|_______________| |_   _|                                           Ы

Х------------------------------------------------------------------

ПАСПОРТ, ЖЕКЕ КУӘЛIГIН АЛУҒА АРНАЛҒАН ТҮБIРТЕК:          ӨТIНIШ
                       N 14565082

      ПАСПОРТ |_| ЖЕКЕ КУӘЛIК |_|
АЗАМАТ
|____________________| |____________________| |____________________|
ТЕГI                    АТЫ                    ӘКЕСIНIҢ АТЫ
ПАСПОРТ, ЖЕКЕ КУӘЛIГIН АЛУҒА АРНАЛҒАН |____________| ТЕҢГЕ
ӨТIНIШ ҚАБЫЛДАНДЫ ЖӘНЕ ТЕҢГЕ АЛЫНДЫ СОМАСЫ

ӨТIНIШ ҚАБЫЛДАНҒАН КҮН |_|_|_|_|_|_|_|_|
|__________________________________________________________________|
      ӨЗ ҚОЛЫ                 ҚЫЗМЕТКЕРДIҢ ТЕГI

      (1-НЫСАНДАҒЫ АРЫЗДЫҢ СЫРТҚЫ БЕТI)

16 ОТБАСЫ |_|1-ҮЙЛЕНБЕГЕН      /2-ҮЙЛЕНГЕН      /3-ТҰЛ /4-АЖЫРАСҚАН
ЖАҒДАЙЫ      ТҰРМЫСҚА ШЫҚПАҒАН /ТҰРМЫСҚА ШЫҚҚАН /ЖЕСIР

|____________________| |___________________| |______________________|
ЗАЙЫБЫНЫҢ ТЕГI          АТЫ                   ӘКЕСIНIҢ АТЫ
|____________________| |_______________________| |_|_|_|_|_|_|_|_|_|
ТҰРМЫСҚА ШЫҚҚАНҒА       АХАЖ МЕКЕМЕСI             НЕКЕ ТIРКЕЛГЕН КҮНI
ДЕЙIНГI БҰРЫНҒЫ ТЕГI

17 16 ЖАСҚА ТОЛМАҒАН БАЛАЛАР
|___________________| ||___________________| ||_____________________|
ТЕГI                  || ТЕГI                 | ТЕГI
|___________________| ||___________________| ||_____________________|
АТЫ                   || АТЫ                  | АТЫ
|___________________| ||___________________| ||_____________________|
ӘКЕСIНIҢ АТЫ          ||ӘКЕСIНIҢ АТЫ          | ӘКЕСIНIҢ АТЫ
|_|_|_|_|_|_|_|_|      |_|_|_|_|_|_|_|_|      |_|_|_|_|_|_|_|_|
ТУҒАН КҮНI, АЙЫ, ЖЫЛЫ| ТУҒАН КҮНI, АЙЫ, ЖЫЛЫ| |ТУҒАН КҮНI, АЙЫ, ЖЫЛЫ
___________________| |______________________| |______________________
ҚОСЫМША МӘЛIМЕТТЕР | |     18 ӘКЕСI           |      19 АНАСЫ
ҮШIН                ||______________________|||_____________________|
                     | ТЕГI                   | ТЕГI
                    ||______________________|||_____________________|
                     | АТЫ                    | АТЫ
                    ||______________________|||_____________________|
                     | ӘКЕСIНIҢ АТЫ           | ӘКЕСIНIҢ АТЫ
                    ||_|_|_|_|_|_|_|_|        |_|_|_|_|_|_|_|_|
                     |ТУҒАН КҮНI, АЙЫ, ЖЫЛЫ   |ТУҒАН КҮНI, АЙЫ, ЖЫЛЫ

______________________ ______________________ ______________________
ҚЫЗМЕТКЕРДIҢ            ҚЫЗМЕТКЕРДIҢ          ҚЫЗМЕТКЕРДIҢ
КОДЫ                    ӨЗ ҚОЛЫ               ТЕГI

КӨШI-ҚОН ПОЛИЦИЯСЫНЫҢ БАСТЫҒЫ _______________________________________
                              ҚОЛЫ            ТЕГI

20    "__"___________ 200_ж ДАЙЫНДАЛҒАН N |___________| ПАСПОРТТЫ
      "__"___________ 200_ж ДАЙЫНДАЛҒАН N |___________| ЖЕКЕ КУӘЛIК
      "__"___________ 200_ж АЛДЫМ __________________________________
                                               ӨЗ ҚОЛЫ

БЕРIЛДI _____________________________________________________________
        ЛАУАЗЫМЫ               ТЕГI                  ӨЗ ҚОЛЫ

Х--------------------------------------------------------------------

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
5 қосымша            

нысан 

Жеке куәліктерді, төлқұжаттарды дайындауға формулярларды
есепке алу № 2 НЫСАНДАҒЫ КІТАП

БАРЛЫҒЫ: формулярлар ______________________________
         соның ішінде жеке куәлікке _______________
         төлқұжатқа _______________________________
         жеке куәлік пен төлқұжатқа _______________
         жеңілдікпен _______________________

      Ескертпе: банкноттық фабриканың орауын ашу кезінде, 2-нысанды кітапқа ораудың ішіндегі барлық формулярлардың нөмірлері енгізіледі.

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
6 қосымша            

нысан

Жоғалған, заңсыз берілген паспорттар және жеке куәліктер, өзге
мемлекеттің азаматтығын қабылдағаны туралы ақпарат болу
кезінде–алынып қойылмаған, жаңа құжат ауыстыру кезінде және
азаматтың қайтыс болуына байланысты тапсырылмаған құжаттар
туралы мәліметтер

Қазақстан Республикасының азаматтарына
паспорттар мен жеке куәліктер беру 
және ресімдеу жөніндегі Нұсқаулыққа
7 қосымша            

нысан

Кодтар мен қысқартулардың
АНЫҚТАМАЛЫҒЫ

1. Әкiмшiлiк-аумақтық объектiлер атауларының қысқартуы;
2. Әлем елдерi және азаматтық кодтарының анықтамалығы;
3. Ұлттар кодтарының анықтамалығы;
4. Қазақстан Республикасының облыстары, аудандары кодтарының анықтамалығы.

Тұратын мекенжайын қысқарту анықтамалығы

      Барлық мекенжайлар әкiмшiлiк-аумақтық бөлуге сәйкес толтырылады жүргiзiледi.
      Уақытша немесе қызметтiк мәндегi объектiлер (қыстау, жазық дала, сондай-ақ орманшы үйлерi, жол мастерлерi, метеостанция) елдi мекен болып саналмайды, бiрақ әкiмшiлiк территориялық аймаққа қатысты жазылады.
      Елдi мекендер үшiн мынадай қысқартулар қолданылады:
- с - село;
- пос. - кент;
- қтк - қала типтес кент;
- жк - жұмыс кентi;
- т.ж.ст. - темiржол стансасы;
- разъезд - қыстартусыз жазылады;
- ауыл - қысқартусыз жазылады.

      Қалалар атауы сөзiндегi "қала" қысқартылып "қ." немесе "қал." қысқартылып жазылмайды, тиісті жолда оның атауы жазылады.
      Көше атауындағы "көше" сөзi "к." деп жазылуына болмайды, тиісті жолда оның атауы жазылады.
      Даңғыл, тұйық, алаң т.б. келесi қысқартулар (немесе жоқ) қолданылады:
- д - даңғыл;
- т - тұйық
- ша - шағын аудан;
- проезд - қысқартусыз;
- шоссе - қысқартусыз;
- буль. - бульвар;
- қалашық - қысқартусыз;
- алаң - алаң
- к. - кент (қала құрамына енгiзiлген);
- разъезд - қысқартусыз;
-ст. – станция;
- жол - жол;
- тракт - қысқартусыз;
- саябақ - қысқартусыз;
- түа - тұрғын үй алабы;
- сквер - қысқартусыз;
-әскери бөлім - ә/б.

      Осы тiзiмге енбеген атаулар қысқартусыз жазылады.

      ЕЛДЕР АНЫҚТАМАЛЫҒЫ
      (азаматтығының)

      ҰЛТТАР АНЫҚТАМАЛЫҒЫ

      ОБЛЫСТАР АУДАНДАРЫНЫҢ АНЫҚТАМАЛЫҒЫ