Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидаларын бекіту туралы

      Ескерту. Бұйрықтың тақырыбы жаңа редакцияда – ҚР Ауыл шаруашылығы министрінің 22.06.2020 № 205 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      РҚАО-ның ескертпесі!
      Осы бұйрық 01.01.2019 бастап қолданысқа енгізіледі.

      "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 41) тармақшасына, "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына және "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

      1. Қоса беріліп отырған Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидалары бекітілсін.

      2. Мыналардың:

      1) "Кредиттер және технологиялық жабдықтың, ауыл шаруашылығы малын сатып алудың лизингі, сондай-ақ ауыл шаруашылығы техникасының лизингі бойынша сыйақы мөлшерлемелерін субсидиялау қағидаларын бекіту туралы" Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2017 жылғы 1 ақпандағы № 50 бұйрығының (Нормативтік құқықтық актілерді мемлекеттік тіркеу тізілімінде № 14815 болып тіркелген, 2017 жылғы 2 наурызда Қазақстан Республикасы Нормативтік құқықтық актілерінің эталондық бақылау банкінде жарияланған);

      2) "Кредиттер және технологиялық жабдықтың, ауыл шаруашылығы малын сатып алудың лизингі, сондай-ақ ауыл шаруашылығы техникасының лизингі бойынша сыйақы мөлшерлемелерін субсидиялау қағидаларын бекіту туралы" Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2017 жылғы 1 ақпандағы № 50 бұйрығына өзгеріс енгізу туралы" Қазақстан Республикасы Премьер-Министрінің орынбасары - Қазақстан Республикасы Ауыл шаруашылығы министрінің 2018 жылғы 1 маусымдағы № 233 бұйрығының (Нормативтік құқықтық актілерді мемлекеттік тіркеу тізілімінде № 17205 болып тіркелген, 2018 жылғы 1 тамызда Қазақстан Республикасы Нормативтік құқықтық актілерінің эталондық бақылау банкінде жарияланған) күші жойылды деп танылсын.

      3. Қазақстан Республикасы Ауыл шаруашылығы министрлігінің Инвестициялық саясат департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық мемлекеттік тіркелген күннен бастап күнтізбелік он күн ішінде оның ресми жариялау және Қазақстан Республикасы Нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына ресми жариялауға жіберілуін;

      4) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын;

      5) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Ауыл шаруашылығы министрлігінің Заң қызметі департаментіне осы тармақтың 1), 2), 3) және 4) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      5. Осы бұйрық 2019 жылғы 1 қаңтардан бастап қолданысқа енгізіледі.

      "КЕЛІСІЛДІ"

      Қазақстан Республикасы

      Ақпарат және коммуникациялар

      министрлігі

      "КЕЛІСІЛДІ"

      Қазақстан Республикасы

      Қаржы министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігі

Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидалары

      Ескерту. Қағида жаңа редакцияда – ҚР Ауыл шаруашылығы министрінің 22.06.2020 № 205 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 41) тармақшасына, "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабы 1) тармақшасына және "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес әзірленді және агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін тиісті қаржы жылына арналған бюджетте көзделген қаражат есебінен және шегінде субсидиялау тәртібін айқындайды.

      Өткен жылдардың төленбеген міндеттемелері бюджетте міндеттемелерден бос қаражат болған жағдайда, ағымдағы жылдың қаражаты есебінен төленеді.

      2. Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялаудың негізгі мақсаты агроөнеркәсіптік кешен (бұдан әрі – АӨК) субъектілері үшін қаржылық көрсетілетін қызметтердің қолжетімділігін арттыру болып табылады.

      3. Осы Қағидаларда мынадай негізгі ұғымдар пайдаланылады:

      1) агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау шарты (бұдан әрі – субсидиялау шарты) – субсидияларды аударудың тәртібі мен шарттарын, тараптардың жауапкершілігін көздейтін, электрондық түрде немесе қағаз түрінде қарыз алушы, субсидиялар қаражатын бөлу жөніндегі жұмыс органы (көрсетілетін қызметті беруші) мен қаржы институты арасында жасалатын жазбаша келісім;

      2) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету үшін, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға;

      3) ауыл шаруашылығы жануарлары (бұдан әрі – жануарлар) – адам өсіретін, ауыл шаруашылығы өндірісіне тікелей қатысы бар жануарлардың, құстардың, балықтар мен баларалардың барлық түрі;

      4) жеке кабинет – пайдаланушының (қарыз алушының (көрсетілетін қызметті алушының), қаржы институтының, субсидиялар қаражатын бөлу жөніндегі жұмыс органының (көрсетілетін қызметті берушінің)) субсидиялауға арналған өтінімдердің электрондық тізіліміндегі дербес веб-парақшасы;

      5) жеке шот – субсидиялауға арналған өтінімдердің электрондық тізілімінде қамтылған, субсидиялауға арналған өтінімдерді тіркеу және олар бойынша операцияларды есепке алу мақсатында тіркелген тұлғаны сәйкестендіруге мүмкіндік беретін жазбалар жиынтығы;

      7) қаржы институттары – Қазақстанның даму банкі, екінші деңгейдегі банктер, банктік операцияларды қазақстандық қаржы институттары арқылы жүргізетін шетелдік және халықаралық қаржы институттары, банктік операцияларды жүзеге асыру құқығына лицензиялары бар кредиттік ұйымдар, сондай-ақ агроөнеркәсіптік кешен саласындағы лизингтік компаниялар мен кредиттік серіктестіктер;

      8) қарыз алушы (көрсетілетін қызметті алушы) – қаржы институтымен қарыз шартын жасасқан және қызметін осы Қағидаларға 1-қосымшаға сәйкес ауыл шаруашылығы өнімін өндіру және (немесе) өңдеу саласындағы басым жобалар бойынша кредит және қаржылық лизинг берілетін тауарлар тізбесіне сәйкес, сондай-ақ "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігіне (бұдан әрі – Басым жобаларға кредит беру және қаржылық лизинг тетігі) 2-қосымшаға сәйкес агроөнеркәсіптік кешендегі және өңдеу өнеркәсібіндегі қайта өңдеу және өндіру жөніндегі экономика салалары тізбесінің 1, 3 және 4-тармақтарына (1107 экономикалық қызмет түрлерінің жалпы сыныптауышы бойынша коды) сәйкес және Басым жобаларға кредит беру және қаржылық лизинг тетігіне 4-қосымшаға сәйкес экономиканың негізгі (басым) секторлары тізбесінің 1, 2, 3, 4, 5, 6 және 7-тармақтарына сәйкес жүзеге асыратын жеке немесе заңды тұлға, дара кәсіпкер (оның ішінде шаруа (фермер) қожалығы).

      9) қарыз шарты – талаптары бойынша қаржы институты кредит/лизинг беретін қаржы институты мен қарыз алушы (көрсетілетін қызметті алушы) арасында жасалған шарт, сондай-ақ исламдық қаржыландыру қағидаттарында жасалған шарт;

      10) субсидиялар қаражатын бөлу жөніндегі жұмыс органы (бұдан әрі – жұмыс органы (көрсетілетін қызметті беруші)) – облыстардың, республикалық маңызы бар қалалардың және астананың жергілікті атқарушы органының ауыл шаруашылығы саласындағы функцияларды іске асыратын құрылымдық бөлімшесі;

      11) субсидиялауға арналған өтінім – қарыз алушының (көрсетілетін қызметті алушының) қарыз шарты бойынша сыйақы мөлшерлемесінің субсидияланатын бөлігін төлеуге арналған қағаз немесе электрондық өтінімі;

      12) субсидиялауға арналған өтінімдердің электрондық тізілімі – субсидиялауға арналған өтінімдер туралы, сондай-ақ қарыз алушылар (көрсетілетін қызметті алушылар), қаржы институттары туралы мәліметтер жиынтығы және субсидиялаудың мемлекеттік ақпараттық жүйесінде көрсетілген өзге де мәліметтер;

      13) субсидиялаудың мемлекеттік ақпараттық жүйесі (бұдан әрі – СМАЖ) – "электрондық үкіметтің" веб-порталымен өзара іс-қимыл жасау, субсидия алуға арналған өтінімді тіркеу, сондай-ақ өтінімді субсидиялау шарттарына сәйкестігін автоматты түрде тексеру арқылы оны өңдеу мүмкіндігін беретін, субсидиялау процестерін орындау бойынша қызметтер көрсетуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып ретке келтірілген жиынтығы;

      14) субсидиялаудың мемлекеттік ақпараттық жүйесінің веб-порталы (бұдан әрі – веб-портал) – Интернет желісінде орналасқан, субсидиялаудың мемлекеттік ақпараттық жүйесіне қолжетімділік беретін интернет-ресурс;

      15) сыйақы мөлшерлемесі – қарызды пайдаланғаны үшін қаржы институтына тиесілі пайыздық мәндегі төлем, оның ішінде исламдық қаржыландыру қағидаттарында жасалған қарыз шарты бойынша қарыз алушы (көрсетілетін қызметті алушы) төлейтін кірістілік мөлшерлемесі;

      16) технологиялық жабдықтар – тікелей және қосалқы мақсаттағы жабдықтардан тұратын, олар қолданылмаса толық технологиялық цикл қамтамасыз етілмейтін ауыл шаруашылығы өнімдерін өндіру мен өңдеу жөніндегі жабдықтар;

      17) ұсыныс – қарыз алушы мен қаржы институтының субсидиялау шартын жасасуға арналған, осы Қағидаларға 1-1-қосымшаға сәйкес нысан бойынша қағаз тасығышта қол қойылған не электрондық түрде электрондық цифрлық қолтаңба қойылған бірлескен ұсынысы;

      18) "электрондық үкімет" веб-порталы – нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтер мен өзге де қызметтерге қол жеткізудің бірыңғай терезесі болатын ақпараттық жүйе;

      19) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен құрылған және электрондық құжаттың дұрыстығын, оның тиесілілігін және мазмұнының өзгермейтінін растайтын электрондық цифрлық нышан жинағы.

      4. Субсидиялау мынадай қарыз шарттары бойынша жүзеге асырылады:

      1) ауыл шаруашылығы техникасын, оның ішінде аспалы және тіркемелі жабдықтарды сатып алуға, сондай-ақ ауыл шаруашылығы жануарларын сатып алуға, инвестициялық мақсаттарға (жеңіл автомобиль көлігі мен жолаушылар көлігін қоспағанда), құрылыс салуға (ұн, минералдық сулар және алкогольсіз сусындар өндіруге арналған негізгі құралдарды сатып алуға арналған қарыздарды қоспағанда) арналған;

      2) өндірістік процестің технологиялық циклі үшін қажетті айналым қаражатын толықтыруға арналған;

      3) көктемгі дала және егін жинау жұмыстарын жүргізуге арналған.

      Осы тармақтың бірінші бөлігіндегі 1), 2) және 3) тармақшаларда көрсетілген қарыз шарттары бойынша субсидиялау Қазақстан Республикасы Ұлттық Банкінің базалық мөлшерлемесі мен жылдық 7,5 (жеті бүтін оннан бес) пайыздың (бұдан әрі – %) теңгемен жиынтық көрінісі ретінде есептелген номиналды сыйақы мөлшерлемесінен аспайтын мөлшерлемеде жүзеге асырылады.

      Ұсынысты қарастыру кезінде қарыз шарты жасалып жатқан сәтте қолданыста болған Қазақстан Республикасы Ұлттық Банкінің базалық мөлшерлемесі қолданылады.

      Осы тармақтың бірінші бөлігіндегі 1), 2) және 3) тармақшаларда көрсетілген және 2022 жылғы 25 қаңтардан бастап жасалған қарыз шарттары бойынша қарыз алушы номиналды сыйақы мөлшерлемесінің 6%-ын төлейді, мемлекеттік бюджеттен Қазақстан Республикасы Ұлттық Банкінің базалық мөлшерлемесі мен жылдық 7,5 (жеті бүтін оннан бес) % және қарыз алушының теңгемен төлеген 6 (алты) % сомасы арасындағы айырманың нәтижесінде алынған номиналды сыйақы мөлшерлемесінің қалған бөлігі субсидияланады.

      Осы тармақтың 1), 2) және 3) тармақшаларында көрсетілген және 2022 жылғы 25 қаңтарға дейін жасалған, номиналды сыйақы мөлшерлемесі теңгемен жылдық 17 (он жеті) %-дан аспайтын қарыз шарттары бойынша сыйақы мөлшерлемелерін төмендету көзделеді:

      1) ауыл шаруашылығы техникасын, оның ішінде аспалы және тіркемелі жабдықтарды сатып алуға, сондай-ақ ауыл шаруашылығы жануарларын сатып алуға, инвестициялық мақсаттарға (жеңіл автомобиль көлігі мен жолаушылар көлігін қоспағанда), құрылыс салуға (ұн, минералдық сулар және алкогольсіз сусындар өндіруге арналған негізгі құралдарды сатып алуға арналған қарыздарды қоспағанда) арналған сыйақы мөлшерлемелерін төмендетуді көздейтін мынадай нормативтер бойынша:

      теңгемен жылдық 10 (он) пайызға (бұдан әрі – %);

      2) өндірістік процестің технологиялық циклі үшін қажетті айналым қаражатын толықтыруға сыйақы мөлшерлемелерін төмендету көзделеді:

      теңгемен жылдық 7 (жеті) %-ға;

      3) көктемгі дала және егін жинау жұмыстарын жүргізуге арналған қарыздар бойынша сыйақы мөлшерлемелерін төмендету көзделеді:

      теңгемен жылдық 9 (тоғыз) %-ға.

      2021 жылғы 4 желтоқсанға дейін жасалған қолданыстағы субсидиялау шарттары бойынша ресей рублімен және өзге валютамен берілген қарыз шарттары шеңберінде сыйақы мөлшерлемелерін ресей рублімен жылдық 4 (төрт) %-дан, өзге валютамен жылдық 3 (үш) %-дан төмендетуге жол берілмейді.

      5. 2022 жылғы 26 шілдеге дейін жасалған және Басым жобаларға кредит беру және қаржылық лизинг тетігі шеңберінде қаржы институттары берген қарыз шарттары бойынша сыйақы мөлшерлемелерін субсидиялау мыналарға жүзеге асырылады:

      1) сыйақы мөлшерлемелерін теңгемен жылдық 10 (он) %-ға төмендете отырып, инвестициялық мақсаттарға, бұл ретте субсидиялау мерзімі ұзарту құқығынсыз 10 (он) жылдан аспайды;

      2) сыйақы мөлшерлемелерін теңгемен жылдық 9 (тоғыз) %-ға төмендете отырып, айналым қаражатын толықтыруға, бұл ретте субсидиялау мерзімі ұзарту құқығынсыз 3 (үш) жылдан аспайды;

      3) сыйақы мөлшерлемелерін теңгемен жылдық 9 (тоғыз) %-ға төмендете отырып, көктемгі дала және (немесе) егін жинау жұмыстарын жүргізуге, бұл ретте субсидиялау мерзімі ұзарту құқығынсыз 1 (бір) жылдан аспайды.

      Осы тармақтың 2) тармақшасы 2019 жылғы 1 қаңтардан бастап туындаған қатынастарға қолданылады.

      Осы тармақтың шеңберінде Басым жобаларға кредит беру және қаржылық лизинг тетігіне 2-қосымшаға сәйкес агроөнеркәсіптік кешенде және өңдеу өнеркәсібінде қайта өңдеу және өндіру жөніндегі экономика салалары тізбесінің 1, 3 және 4-тармақтарына (1107 экономикалық қызмет түрлерінің жалпы сыныптауышы бойынша коды) сәйкес және Басым жобаларға кредит беру және қаржылық лизинг тетігіне 4-қосымшаға сәйкес экономиканың негізгі (басым) секторлары тізбесінің 1, 2, 3, 4, 5, 6 және 7-тармақтарына сәйкес қаржы институттары берген қолданыстағы қарыз шарттары субсидиялануға тиіс.

      Осы тармақтың шеңберінде сыйақы мөлшерлемелерін субсидиялауға екінші деңгейдегі банктер және (немесе) Қазақстанның Даму банкінің синдикатталған кредиттері жатады.

      5-1. Жұмыспен қамтудың 2020-2021 жылдарға арналған жол картасы шеңберінде қаржы институттары берген қарыз шарттары бойынша сыйақы мөлшерлемелерін субсидиялау жүзеге асырылады:

      1) Қазақстанның Даму банкі мыналарға берген қарыздар бойынша:

      сыйақы мөлшерлемелерін теңгемен жылдық 5 (бес) %-ға төмендете отырып, инвестициялық мақсаттарға арналған, бұл ретте субсидиялау мерзімі ұзарту құқығынсыз 10 (он) жылдан аспайды;

      сыйақы мөлшерлемесін теңгемен жылдық 5 (бес) %-ға төмендете отырып, айналым қаражатын толықтыруға арналған, бұл ретте субсидиялау мерзімі ұзарту құқығынсыз 3 (үш) жылдан аспайды;

      2) "Аграрлық несие корпорациясы" акционерлік қоғамының мыналарға берген қарыздары бойынша:

      сыйақы мөлшерлемесін теңгемен жылдық 5,5 (бес бүтін оннан бес) %-ға төмендете отырып, инвестициялық мақсаттарға арналған, бұл ретте субсидиялау мерзімі ұзарту құқығынсыз 10 (он) жылдан аспайды;

      сыйақы мөлшерлемесін теңгемен жылдық 5,5 (бес бүтін оннан бес) %-ға төмендете отырып, айналым қаражатын толықтыруға, бұл ретте субсидиялау мерзімі ұзарту құқығынсыз 3 (үш) жылдан аспайды.

      Бұл ретте, осы тармақтың бірінші бөлігіндегі 1) және 2) тармақшаларда көрсетілген қарыз шарттары бойынша сыйақы мөлшерлемесін жылдық 6 (алты) %-дан төмен төмендетуге жол берілмейді.

      5-2. 2022 жылғы 26 шілдеден кейін жасалған және Басым жобаларға кредит беру және қаржылық лизинг тетігі шеңберінде қаржы институттары берген қарыз шарттары бойынша сыйақы мөлшерлемесін субсидиялау:

      1) ұзарту құқығынсыз 5 (бес) жылдан аспайтын субсидиялау мерзімімен инвестициялық мақсаттарға;

      2) ұзарту құқығынсыз 3 (үш) жылдан аспайтын субсидиялау мерзімімен айналым қаражатын толықтыруға жүзеге асырылады.

      Бұл ретте, осы тармақтың бірінші бөлігіндегі 1) және 2) тармақшаларда көрсетілген қарыз шарттары бойынша сыйақы мөлшерлемесін субсидиялау Қазақстан Республикасы Ұлттық Банкінің базалық мөлшерлемесі мен жылдық 4,5 (төрт бүтін оннан бес) % теңгемен жиынтық көрінісі ретінде есептелген номиналды сыйақы мөлшерлемесінен аспайтын мөлшерлемеде жүзеге асырылады, оның 13,25 (он үш бүтін жүзден жиырма бес) %-ын мемлекет субсидиялайды, ал айырмасын қарыз алушы (көрсетілетін қызметті алушы) төлейді, (жоғарыда көрсетілген сыйақы мөлшерлемесі бекітілгенге дейін мақұлданған жобалар қарыз алушы (көрсетілетін қызметті алушы) олар бойынша өз міндеттемелерін толық орындағанға дейін жұмыс органы бұрын мақұлдаған шарттарда қолданылады.

      Осы тармақтың шеңберінде Басым жобаларға кредит беру және қаржылық лизинг тетігіне 2-қосымшаға сәйкес агроөнеркәсіптік кешенде және өңдеу өнеркәсібінде қайта өңдеу және өндіру жөніндегі экономика салалары тізбесінің 1, 3 және 4-тармақтарына (1107 экономикалық қызмет түрлерінің жалпы сыныптауышы бойынша коды) сәйкес және Басым жобаларға кредит беру және қаржылық лизинг тетігіне 4-қосымшаға сәйкес экономиканың негізгі (басым) секторлары тізбесінің 1, 2, 3, 4, 5, 6 және 7-тармақтарына сәйкес қаржы институттары берген қолданыстағы қарыз шарттары субсидиялануға тиіс.

      Басым жобаларға кредит беру және қаржылық лизинг тетігіне 4-қосымшаға сәйкес экономиканың негізгі (басым) секторлары тізбесінің 1, 2, 3, 4, 5, 6 және 7-тармақтары бойынша инвестицияларға бағытталған жобаларды субсидиялау мерзімі осы тармақтың бірінші бөлігінің 1) және 2) тармақшаларында көзделген жобаларды қоспағанда, 7 (жеті) жылдан аспайды.

      Басым жобаларға кредит беру және қаржылық лизинг тетігіне 4-қосымшаға сәйкес экономиканың негізгі (басым) секторлары тізбесінің 1, 2, 3, 4, 5, 6 және 7-тармақтары бойынша жобаларды субсидиялау Қазақстан Республикасының Ұлттық Банкі белгілеген және жылдық 4,5 (төрт бүтін оннан бес) пайызға ұлғайтылған базалық мөлшерлемеден аспайтын, оның номиналды сыйақы мөлшерлемесімен 13,25 (он үш бүтін жүзден жиырма бес) %-ын мемлекет субсидиялайтын, ал айырмасын қарыз алушы төлейтін кредиттер/лизингтік мәмілелер қарыз шарттары бойынша жүзеге асырылады (жоғарыда көрсетілген сыйақы мөлшерлемесі бекітілгенге дейін мақұлданған жобалар қарыз алушы (көрсетілетін қызметті алушы) олар бойынша өз міндеттемелерін толық орындағанға дейін жұмыс органы бұрын мақұлдаған шарттарда қолданылады.

      Осы тармақ аясында Қазақстан Республикасының Ұлттық Банкі 2022 жылғы 6 желтоқсанға белгілеген базалық мөлшерлеме азайған жағдайда, мемлекет субсидиялайтын сыйақы мөлшерлемесінің бір бөлігі Қазақстан Республикасы Ұлттық Банкі базалық мөлшерлемесінің азаятын мәніне тең мәнге азаяды.

      Осы тармақ шеңберінде сыйақы мөлшерлемелерін субсидиялауға екінші деңгейдегі банктер және (немесе) Қазақстанның Даму банкінің синдикатталған кредиттері жатады.

      Осы тармақ шеңберінде санкциялар қолданылатын қаржы институттары бұрын мақұлдаған/берген және Басым жобаларға кредит беру және қаржылық лизинг тетігінде көрсетілген талаптарға сәйкес келетін кредиттерді/қаржылық лизинг шарттарын қайта қаржыландыруға бағытталған бұрын субсидияланған қарыз шарттары да субсидиялануға тиіс.

      Бұл ретте қайта қаржыландыру қаржы инстититуттарының меншікті қаражаты есебінен ғана жүзеге асырылады.

      5-3. Қаржы институттары бұрын осы Қағидалардың 4-тармағының бірінші бөлігінде көзделген мақсаттарға берген кредитті/лизингті бұрын субсидияланған қайта қаржыландыруға бағытталған қарыз шарттары қарыз шарты жасалған күннен бастап субсидиялауға ұсыныс бергенге дейінгі мерзімді шектеусіз субсидиялауға жатады.

      Жұмыс органының (көрсетілетін қызметті берушінің) мақұлдауын алған қарыз шарттары қайта қаржыландыру жүзеге асырылған қаржы институты қол қойылған субсидиялау шартында көрсетілген субсидиялау мерзімін ұзартпай және субсидиялардың бұрын мақұлданған сомасын ұлғайтпай, басқа қаржы институттарында бұрын мақұлданған субсидиялау талаптарымен қайта қаржыландырылуы мүмкін.

      6. Субсидиялау осы Қағидаларға 2-қосымшаға сәйкес көрсетілген қарыз шартына қойылатын талаптарға сәйкес келетін қарыз шарты бойынша жүзеге асырылады.

      7. Осы Қағидалар күшіне енгенге дейін жасалған субсидиялау шарты осы Қағидалардың 5-тармағының екінші бөлігінде, 9-тармағының төртінші бөлігінде және 12-тармағының үшінші бөлігінде көзделген жағдайларды қоспағанда, субсидиялау шартында көрсетілген шарттарда субсидиялауды жалғастыра береді.

      Қағаз түріндегі субсидиялау шарттарын электрондық форматқа ауыстыруды және оларды СМАЖ-да тіркеуді қаржы институты жүзеге асырады.

      8. Ұсыныс берілген күні қолданыста болатын және ұсыныс берілгенге дейін 4 (төрт) жылдан аспайтын уақыт бұрын жасалған қарыз шарттары субсидиялануға тиіс.

      Субсидиялануын тоқтату туралы шешім қабылданған қарыз шарты бағдарламаға 1 (бір) реттен асырмай қайта қатысуға жіберіледі.

      Бағдарламаға қайта қатысатын қарыз шарттары бойынша субсидиялау осы Қағидалардың 5-тармағының екінші бөлігінде, 9-тармағының төртінші бөлігінде және 12-тармағының үшінші бөлігінде көзделген жағдайларды қоспағанда қарыз алушы ұсыныс берген күннен басталған кезең үшін бұрын мақұлданған субсидиялар сомасын ұлғайтпай, 4 (төрт) жыл мерзім бойынша талапты қоспай, субсидиялау нормативтері, мерзімдері бөлігінде бұрын жойылған субсидиялау шартында көрсетілген бұрынғы талаптармен қарыз алушы қайта қатысуға ұсынысты берген күннен бастап қалпына келтіріледі.

      9. Қарыз шарты бойынша субсидиялау оның бүкіл қолданылу мерзіміне жүзеге асырылады.

      Ұсыныс берілген күні қолданыстағы және ұсыныс берілгенге дейін 4 (төрт) жылдан аспайтын уақыт бұрын жасалған қарыз шарттары бойынша субсидияны есептеу ұсыныс берілген жылдың 1 қаңтарынан бастап жүзеге асырылады.

      Субсидиялауға ұсыныс берілген жылы жасалған қарыз шарттары бойынша субсидияны есептеу кредит берілген немесе лизинг нысанасы берілген кезден бастап жүзеге асырылады.

      2019 жылы жұмыс органы (көрсетілетін қызметті беруші) мақұлдаған қарыз шарттары бойынша, сондай-ақ 2019 жылы жасалған және 2020 жылы жұмыс органы (көрсетілетін қызметті беруші) мақұлдаған қарыз шарттары бойынша қаржы институттары және жұмыс органы (көрсетілетін қызметті беруші) 2019 жылғы 1 қаңтардан бастап субсидиялар көлемдерін қайта есептеуді жүзеге асырады.

      Тиісті жылы 2019 жылғы 1 қаңтардан бастап субсидиялар көлемдерін қайта есептеуді жүзеге асыру нәтижесінде туындаған міндеттемелер субсидиялау шартына қосымша келісім жасасу арқылы жүзеге асырылады және тиісті жылдың міндеттемелеріне жатады.

      2021 жылы жұмыс органы (көрсетілетін қызметті беруші) мақұлдаған қарыз шарттары бойынша қаржы институттары және жұмыс органы (көрсетілетін қызметті беруші) 2021 жылғы 1 қаңтардан бастап немесе кредит берілген немесе лизинг нысанасын берген кезден бастап субсидияларды есептеу бөлігінде субсидиялар көлемдерін қайта есептеуді жүзеге асырады.

      Тиісті жылы 2021 жылғы 1 қаңтардан бастап субсидия есептеу бөлігінде субсидиялар көлемдерін қайта есептеуді жүзеге асыру нәтижесінде туындаған міндеттемелер субсидиялау шартына қосымша келісім жасасу арқылы жүзеге асырылады және тиісті жылдың міндеттемелеріне жатады.

      Өтеу графигі бар қарыз шартының көшірмесін қоса бере отырып, субсидиялар есептеу бөлігінде осы Қағидаларға 2-1-қосымшаға сәйкес нысан бойынша субсидиялар көлемдерін қайта есептеу туралы хабарламаны қаржы институты береді.

      Жұмыс органы (көрсетілетін қызметті беруші) субсидияны есептеу бөлігінде субсидиялар көлемдерін қайта есептеу туралы шешімді қаржы институтынан субсидия есептеу бөлігінде субсидиялар көлемдерін қайта есептеу туралы хабарламаны алғаннан кейін 3 (үш) жұмыс күні ішінде қабылдайды.

      10. Қаржы институты шетелдік валютамен берген қарыз шарттары бойынша субсидиялау қарыз алушының (көрсетілетін қызметті алушының) сыйақы мөлшерлемесін төлеген күніне Қазақстан Республикасының Ұлттық Банкі белгілеген бағам бойынша теңгемен жүзеге асырылады.

      11. Оң бағамдық айырмашылық пайда болған жағдайда, оны болашақ субсидиялар есебіне қосып есептейді, ал теріс бағамдық айырмашылық жағдайында, оны қарыз алушы (көрсетілетін қызметті алушы) төлейді.

      12. Қарыз шартының талаптары өзгерген жағдайда, (осы Қағидалардың 5-тармағының екінші бөлігінде, 9-тармағының төртінші бөлігінде және 12-тармағының үшінші бөлігінде көзделген жағдайларды қоспағанда) бұрын мақұлданған және есептелген субсидиялар сомасы ұлғайтылмайды, субсидиялау мерзімі ұзартылмайды.

      Қаржы институттары қарыз алушы (көрсетілетін қызметті алушы) үшін жағдайды нашарлататын мән-жайлардың туындауына байланысты, оның ішінде Қазақстан Республикасы Президентінің және (немесе) Қазақстан Республикасы Үкіметінің шешімдеріне және (немесе) уәкілетті органдардың құжаттарына сәйкес төтенше жағдайды енгізу нәтижесінде сыйақы мөлшерлемелерін төлеу және (немесе) негізгі борышты өтеу мерзімін 10 (он) айдан аспайтын мерзімге кейінге қалдыруды ұсынған жағдайда аталған шектеу қарыз шарттарына қолданылмайды.

      Бұл ретте сыйақы мөлшерлемесін төлеу және (немесе) негізгі борышты өтеу мерзімін 10 (он) айдан аспайтын мерзімге кейінге қалдыруға байланысты сыйақы сомасы ұлғайған жағдайда, субсидиялар сомасын ұлғаю жағына қарай қайта есептеу жүргізіледі, сондай-ақ қолданыстағы субсидиялау шартын ұзартуға жол беріледі.

      13. Сыйақы сомасы азайған жағдайда субсидиялар сомасын азайту жағына қарай әрбір жыл бойынша жеке қайта есептеу жүргізіледі.

      14. Жұмыс органының жауапты орындаушысы (көрсетілетін қызметті беруші) сыйақы мөлшерлемелерін субсидиялау жөніндегі жеке ай сайынғы қаржыландыру жоспарын (бұдан әрі – Қаржыландыру жоспары) бекіткеннен кейін 3 (үш) жұмыс күні ішінде оны веб-порталда орналастырады.

2-тарау. Субсидия алу шарттары

      15. Субсидиялар мынадай шарттар сақталған кезде төленеді:

      1) қаржы институтының осы Қағидаларға 3-қосымшаға сәйкес нысан бойынша субсидиялауға өтінім беруі.

      Субсидиялау шарты электрондық түрде жасалған жағдайда, қаржы институты субсидиялауға арналған өтінімді электрондық түрде береді.

      Егер субсидиялау шарты қағаз түрінде жасалған және электрондық форматқа көшірілмеген жағдайда, қаржы институты субсидиялауға арналған өтінімді қағаз түрінде береді;

      Қағаз жеткізгіште жасалған және электрондық форматқа көшірілмеген субсидиялау шарттары бойынша өткен жылдардағы төленбеген субсидиялар қағаз жеткізгіштегі субсидиялау шарттарында көрсетілген төлемдер графигіне сәйкес қағаз түрінде берілген қаржы институтының өтінімі бойынша төленеді.

      2) берілген өтінім бойынша осы Қағидаларға 4-қосымшаға сәйкес нысан бойынша жасалған нақты (бұзылмаған және тоқтатылмаған) сыйақы мөлшерлемелерін субсидиялау шартының (төлемге өтінім берген сәтте) болуы;

      3) қарыз алушыда (көрсетілетін қызметті алушыда) субсидияланатын қарыз шарты бойынша негізгі борыш және (немесе) сыйақы бойынша мерзімі өткен (төлемге өтінім берген сәтте) міндеттемелердің болмауы.

      "Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау" мемлекеттік қызметті көрсетуге қойылатын негізгі талаптардың тізбесі осы Қағидаларға 5-қосымшада жазылған.

      Мемлекеттік қызметті көрсету нәтижесі осы Қағидаларға 6-қосымшаға сәйкес нысан бойынша субсидияны аудару туралы хабарлама не осы Қағидаларға 7-қосымшаға сәйкес нысан бойынша Мемлекеттік қызметті көрсетуден бас тарту туралы хабарлама болып табылады.

      Мемлекетік қызметті көрсету нәтижесі қарыз алушының (көрсетілетін қызметті алушының) СМАЖ-да тіркелген кезде көрсеткен электрондық почтасының мекенжайына, сондай-ақ СМАЖ-дағы жеке кабинетіне жіберіледі.

      Мемлекеттік көрсетілетін қызметті қағаз нысанында көрсеткен кезде нәтиже Мемлекеттік корпорация арқылы беріледі.

      15-1. Тыңдау рәсімі Қазақстан Республикасының Әкімшілік рәсімдік-процестік кодексінің 73-бабына сәйкес жүргізіледі.

3-тарау. Субсидияларды төлеу тәртібі

      16. Субсидиялау мынадай процестерді қамтиды:

      1) ұсыныстарды қабылдау;

      2) субсидиялау шартын жасасу;

      3) субсидиялауға өтінім беру;

      4) субсидия төлеу;

      5) субсидиялау шартын өзгерту;

      6) субсидиялау шартын тоқтату.

      17. Ұсыныстарды қабылдау қарыз алушының (көрсетілетін қызметті алушының) орналасқан жері (заңды мекенжайы) бойынша тиісті жылдың 10 қаңтарынан бастап "электрондық үкіметтің" веб-порталы арқылы электрондық түрде немесе Мемлекеттік корпорация арқылы қағаз түрінде жүзеге асырылады.

      Ұсыныстарды жұмыс органы (көрсетілетін қызметті беруші) ұсыныстың келіп түскен күні мен уақытына сәйкес кезектілік тәртібімен қарайды.

      19. Ұсынысты қарыз алушы (көрсетілетін қызметті алушы) өтеу кестесімен қарыз шартының көшірмесін қоса бере отырып, береді және оны қаржыландырған қаржы институты растайды.

      20. Жұмыс органының (көрсетілетін қызметті берушінің) ұсыныс бойынша шешімі мыналарды қамтиды:

      1) қаржы институтының атауы және орналасқан жері;

      2) субсидиялау шартын жасасу/жасасудан бас тарту туралы шешім қабылданған ұсынысы бойынша қарыз алушының (көрсетілетін қызметті алушының) атауы және орналасқан жері (заңды мекенжайы) және бас тартқан жағдайда, мұндай бас тарту себептерінің тізбесі;

      3) кредит/лизинг сомасы;

      4) әрбір қарыз шартының қолданылу мерзімі;

      5) субсидиялау мерзімі;

      6) субсидиялау нормативі;

      7) қарыз шарты бойынша субсидиялардың жалпы сомасы (жылдар бойынша бөлінген).

      20-1. Жұмыс органы (көрсетілетін қызметті беруші) мақұлдаған ұсыныстар резервке (күту парағына) келіп түседі.

      Жұмыс органы (көрсетілетін қызметті беруші) ұсыныс бойынша оң шешім қабылданғаннан кейін 1 (бір) жұмыс күні ішінде резервке (күту парағына) енгізу үшін өтеу графигімен қарыз шартының көшірмесін қоса бере отырып, ұсыныстан алынған мәліметтерді қағаз нысанында СМАЖ-ға енгізеді.

      Жұмыс органы (көрсетілетін қызметті беруші) ұсыныстардың келіп түскен күні мен уақытына сәйкес ұсыныстарды кезектілік бойынша резервке (күту парағына) енгізеді. Ұсыныстың резервке (күту парағына) енгізілгені туралы ақпарат СМАЖ-да көрсетіледі.

      Резервке (күту парағына) келіп түскен ұсыныстар бойынша субсидиялар төлеу ағымдағы қаржы жылында қосымша бюджет қаражаты бөлінген кезде ұсыныстың резервке (күту парағына) келіп түскен күні мен уақытына сәйкес кезектілік бойынша жүзеге асырылады. Ағымдағы қаржы жылында қосымша бюджет қаражаты болмаған жағдайда, резервке (күту парағына) келіп түскен ұсыныстар бойынша субсидиялар төлеу келесі қаржы жылында жүзеге асырылады.

      Субсидиялау шартын жасасу сәтінде қарыз шартының қолданылу мерзімі аяқталған, резервке (күту парағына) келіп түскен ұсыныстар бойынша субсидиялау шарттарына қол қойылады және субсидиялар осы Қағидалардың талаптарына және жұмыс органының (көрсетілетін қызметті берушінің) қаржыландыру жоспарларына сәйкес төленеді.

      Ұсыныс бойынша оң шешім қабылданғаннан кейін 1 (бір) жұмыс күні ішінде осы Қағидаларға 7-1-қосымшаға сәйкес нысан бойынша ұсынысты резервке (күту парағына) енгізу туралы хабарламаны жұмыс органы (көрсетілетін қызметті беруші) қаржы институтына және қарыз алушыға (көрсетілетін қызметті алушыға) жібереді.

      21. Міндеттемелерден бос бюджет қаражаты болған кезде жұмыс органы (көрсетілетін қызметті беруші) қарыз алушыға (көрсетілетін қызметті алушыға) және қаржы институтына резервке (күту парағына) келіп түскен ұсыныстардың кезектілік тәртібін сақтай отырып, субсидиялау шартын жасасу туралы хабарлама жібереді.

      22. Жұмыс органы (көрсетілетін қызметті беруші) субсидиялау шартын біржақты бұзуды мынадай жағдайларда жүзеге асырады:

      1) шартта қарыз алушы (көрсетілетін қызметті алушы) негізгі борышты және (немесе) сыйақыны өтеу бойынша күнтізбелік 90 (тоқсан) күннен астам орындамаған міндеттемелердің болуы;

      2) қарыз шарты бойынша қаражатты мақсатсыз пайдалану;

      3) заңды күшіне енген сот шешімі бойынша қарыз алушының (көрсетілетін қызметті алушының) шоттарына тыйым салу;

      4) қарыз алушының (көрсетілетін қызметті алушының) субсидиялар алудан бас тарту туралы еркін нысандағы жазбаша өтініші;

      5) қарыз алушының (көрсетілетін қызметті алушының) қарыз шарты бойынша қаржы институты алдындағы міндеттемелерін толық өтеуі;

      6) осы Қағидалардың 20-1-тармағының бесінші бөлігінде көрсетілген жағдайды қоспағанда, қарыз шартының бұзылуы немесе тоқтатылуы.

      22-1. Қаржы институты қарыз алушының (көрсетілетін қызметті алушының) кредит беруге арналған қарыз шартының талаптарын сақтауын, оның ішінде қарыз шарты бойынша қаражатты толық игеру және нысаналы пайдалану бойынша тексеруді қамтамасыз етеді.

      Қарыз алушы (көрсетілетін қызметті алушы) қаржы институтына кредит беруге арналған қарыз шарты бойынша қаражатты пайдалану (оның ішінде нысаналы пайдалану) туралы ақпарат береді.

      Қаржы институты жұмыс органына (көрсетілетін қызметті берушіге) кредит беруге арналған қарыз шарты бойынша қаражатты пайдалану туралы (оның ішінде нысаналы пайдалану туралы) ақпаратты қаражатты пайдалану туралы актіге қол қойылған күннен бастап үш ай ішінде ұсынады.

      Кредит беруге арналған қарыз шарты бойынша қаражат толық немесе нысаналы пайдаланылмаған кезде қарыз алушы (көрсетілетін қызметті алушы) төленген субсидияларды қарыз шарты бойынша қаражатты толық емес немесе нысаналы пайдаланылмаған сомасына барабар қайтарады.

      23. Қаржы институты субсидиялау шартына қол қойылған күннен бастап 3 (үш) жұмыс күні ішінде және/немесе төлем басталғанға дейін бір ай бұрын жұмыс органына (көрсетілетін қызметті берушіге) осы Қағидалардың 30-тармағында көзделген талаптарды орындау үшін осы Қағидаларға 3-қосымшаға сәйкес нысан бойынша субсидиялауға арналған өтінімді жібереді.

      24. Субсидиялар көлемі Қаржыландыру жоспарында тиісті айға көзделген бюджет қаражатының көлемінен көлемінен асатын субсидиялауға арналған өтінімдер бойынша субсидияларды төлеу өтінім берілген сәттен бастап кезектілік тәртібімен келесі айда жүзеге асырылады.

      Бұл ретте мемлекеттік қызметті көрсету мерзімі ағымдағы айда тоқтатылады және жұмыс органының (көрсетілетін қызметті берушінің) есеп шотына бюджет қаражаты түскен сәттен бастап жаңартылады.

      25. Егер жұмыс органы (көрсетілетін қызметті беруші) субсидияны төлеуге арналған төлем шотын қалыптастырған сәтке дейін тіркелген өтінімде деректердің сәйкессіздігі анықталған жағдайда, қаржы институты кері қайтарып алу себептерін көрсете отырып, өтінімді кері қайтарып алады.

      26. Қаржы институты жасалған субсидиялау шарттары бойынша субсидиялар сомаларын жұмыс органының (көрсетілетін қызметті берушінің) аударуы үшін арнайы банктік шот ашады, ал мұндай мүмкіндік болмаған жағдайда, қызмет көрсетуші банкте арнайы шот ашады.

      27. Қаржы институты арнайы банктік шоттағы қаражатты тек қарыз алушының (көрсетілетін қызметті алушының) қарыз шарты бойынша сыйақы мөлшерлемесінің субсидияланатын бөлігін төлеуге пайдаланады.

      28. Қаржы институты қарыз алушыдан (көрсетілетін қызметті алушыдан) сыйақы мөлшерлемесінің субсидияланбайтын бөлігін алған кезде қарыз шартына өтеу кестесіне сәйкес сыйақы мөлшерлемесінің субсидияланатын бөлігін арнайы шоттан есептен шығаруды жүзеге асырады.

      29. Қарыз шарты бойынша төлем күні келген және қаржы институтының арнайы банктік шотында сыйақы мөлшерлемесінің субсидияланатын бөлігін төлеу үшін қаражат болмаған жағдайда, қарыз алушы (көрсетілетін қызметті алушы) сыйақының толық мөлшерлемесін төлеуді өз қаражаты есебінен жүзеге асырады. Қаржы институты төлем күні болғанға дейін кемінде 5 (бес) жұмыс күні бұрын қарыз алушыны (көрсетілетін қызметті алушыны) толық сыйақы мөлшерлемесін өз қаражаты есебінен төлеу қажеттілігі туралы хабардар етеді. Жұмыс органы (көрсетілетін қызметті беруші) сыйақы мөлшерлемесінің субсидияланатын бөлігін қаржы институтының арнайы банктік шотына қаражат аудару арқылы өтейді. Мұндай жағдайда қаржы институты жұмыс органынан (көрсетілетін қызметті берушіден) қаржы институтының арнайы банктік шотына қаражат келіп түскен сәттен бастап 10 (он) жұмыс күні ішінде қарыз алушының (көрсетілетін қызметті алушының) есептік шотына сыйақының субсидияланатын мөлшерлемесін аудару арқылы қарыз алушыға (көрсетілетін қызметті алушыға) бұрын төленген сыйақы мөлшерлемесінің субсидияланатын бөлігін өтеуді жүзеге асырады.

      30. Жұмыс органы (көрсетілетін қызметті беруші) субсидиялауға арналған өтінімге сәйкес ай сайын аванстық төлеммен, субсидияларды кезекті төлеу жүргізілетін алдыңғы айға қаржы институтының арнайы банктік шотына сыйақы мөлшерлемесінің субсидияланатын бөлігін аударады.

      31. Арнайы шотта пайдаланылмаған қаражат қалдығы пайда болған жағдайда, оларды:

      1) қарыз алушы (көрсетілетін қызметті алушы) бағдарламадан алынып тасталған кезде, қаржы институты жұмыс органы (көрсетілетін қызметті беруші) шешім қабылдағаннан кейін 1 (бір) ай ішінде;

      2) қолданыстағы қарыз шартының талаптары өзгерген, сондай-ақ негізгі борышы мерзімінен бұрын өтелген жағдайда, қаржы институты тоқсан сайынғы есептілік ұсынылғаннан кейін 1 (бір) ай ішінде;

      3) қарыз алушы (көрсетілетін қызметті алушы) қатарынан күнтізбелік 90 (тоқсан) күннен астам мерзімде негізгі борыштың және/немесе сыйақының жоспарлы төлемін өтеу жөніндегі міндеттемелерді орындамаған кезде қарыз алушыны (көрсетілетін қызметті алушыны) субсидиялауды тоқтату туралы жұмыс органынан (көрсетілетін қызметті берушіден) ақпаратты алған күннен бастап 1 (бір) ай ішінде қайтару қамтамасыз етіледі.

      Бұл ретте ағымдағы қаржы жылында жүргізілген төлемдерді қайтару орындалмаған міндеттемелер сомасын ұлғайту және "Қазақстан Республикасының Бірыңғай бюджеттік сыныптамасының кейбір мәселелері туралы" Қазақстан Республикасы Қаржы министрінің 2014 жылғы 18 қыркүйектегі № 403 бұйрығына (Нормативтік құқықтық актілерді мемлекеттік тіркеу тізілімінде № 9756 болып тіркелген) сәйкес шығыстардың бюджеттік сыныптамасының тиісті кодтары бойынша кассалық шығыстарды азайту жолымен жұмыс органының (көрсетілетін қызметті берушінің) кассалық шығыстарын қалпына келтіру арқылы жүзеге асырылады.

      Өткен жылдардың төлемдерін қайтарған жағдайда, қайтарылатын сома төлемдер жүргізілген тиісті бюджеттің кірісіне есептеледі.

      32. Қолданыстағы қарыз шартының талаптары (Қазақстан Республикасының Бюджет кодексінің 180-бабының 2-тармағына сәйкес Қазақстан Республикасы Үкіметінің қаулысында айқындалатын агроөнеркәсіптік кешен субъектілерін көктемгі егіс және егін жинау жұмыстарын жүргізуге қолдау көрсету жөніндегі іс-шараларға бюджеттік кредит берудің негізгі шарттарына сәйкес меншікті немесе тартылған қаражатты бюджеттік қаражатқа ауыстыру кезіндегі мөлшерлемені өзгертуді қоса алғанда, сыйақы мөлшерлемесі, сыйақыны төлеу мерзімдері, негізгі борышты және (немесе) сыйақыны төлеу мерзімін кейінге қалдыруды ұсыну, қарыз шарттары бойынша сомаларды ұлғайту немесе азайту) өзгерген жағдайда, қаржы институты 10 (он жұмыс күні) ішінде қаржыландыру талаптарын өзгерту бойынша қабылданған шешімнің көшірмесін, негізгі борышты, сыйақыны өтеудің жаңартылған графигін және субсидиялар көлемін қоса бере отырып, бұл туралы жұмыс органын (көрсетілетін қызметті берушіні) хабардар етеді.

      Егер субсидиялау шарты қағаз түрінде жасалған және электрондық форматқа көшірілмеген болса, онда қаржы институты тиісті хабарламаны қағаз түрінде береді.

      32-1. Ауыл шаруашылығы кооперативінің және (немесе) ауыл шаруашылығы кооперативі мүшелерінің қарыз шарттарының сыйақы мөлшерлемелерін субсидиялау кезінде жұмыс органы (көрсетілетін қызметті беруші) ұсынысты мақұлдау туралы шешім қабылдаған күннен басталған кезеңге бұрын мақұлданған субсидиялар сомасын ұлғайтпай бұрынғы талаптармен субсидиялау шарттары мынадай жағдайларда сақталады:

      1) ауыл шаруашылығы кооперативі мүшелерінің қарыз шарттары бойынша борышын осы мүшелер тұратын ауыл шаруашылығы кооперативіне ауыстыру кезінде;

      2) ауыл шаруашылығы кооперативінің қарыз шарттары бойынша борышын өз мүшелеріне ауыстыру кезінде;

      3) ауыл шаруашылығы кооперативі мүшесінің қарыз шарттары бойынша борышын осы ауыл шаруашылығы кооперативінің басқа мүшесіне берген кезде.

      32-2. Қарыз алушының (көрсетілетін қызметті алушының) қарыз шарты бойынша борышын агроөнеркәсіптік кешеннің құқық мирасқоры-субъектісіне ауыстыру кезінде субсидиялау шарттары жұмыс органы (көрсетілетін қызметті беруші) ұсынысты мақұлдау туралы шешім қабылдаған күннен бастап кезең үшін бұрын мақұлданған субсидиялар сомасын ұлғайтпай бұрынғы шарттарда сақталады.

      32-3. Дара кәсіпкер ретінде қызметтің басталғаны туралы хабарламада көрсетілген деректер өзгерген жағдайда, қарыз алушы (көрсетілетін қызметті алушы) бұл туралы қаржы институтын дара кәсіпкер ретінде қызметтің басталғаны туралы хабарламаның көшірмесін ұсына отырып, 5 (бес) жұмыс күні ішінде хабардар етеді. Қарыз алушыдан (көрсетілетін қызметті алушыдан) хабарлама алғаннан кейін қаржы институты 10 (он) жұмыс күні ішінде қарыз алушының (көрсетілетін қызметті алушының) ЖСН және субсидиялауға берілген өтінімдер бар субсидиялау графигі бойынша соңғы күнді көрсете отырып, жұмыс органына (көрсетілетін қызметті берушіге) хабарлама қалыптастырады.

      Қаржы институтынан алынған хабарлама негізінде жұмыс органы (көрсетілетін қызметті беруші) 2 (екі) жұмыс күні ішінде қарыз алушының (көрсетілетін қызметті алушының) деректерін түзету бөлігінде субсидиялау шартына қосымша келісім қалыптастырады, оған жұмыс органы (көрсетілетін қызметті беруші), қаржы институты және қарыз алушы (көрсетілетін қызметті алушы) қол қояды.

      Қосымша келісім субсидиялауды қайта бастау үшін негіз болып табылады.

      Субсидиялау қайта басталған кезде жұмыс органы (көрсетілетін қызметті беруші) субсидияларды төлеуді субсидиялау тоқтатыла тұрған сәтке дейінгі сыйақыны нақты есептеу кезеңін қоса алғанда, тоқтата тұру кезеңі үшін жүргізеді.

      Қаржы институты қайта ұйымдастырылған жағдайда, бұрын жасалған субсидиялау шарттары бойынша субсидиялар осы Қағидаларда белгіленген талаптарда субсидиялау шарттарына қосымша келісімдерге қол қойылған кезде көрсетілген қарыз шарттарының құқық мирасқорына төленеді.

      33. Жұмыс органы (көрсетілетін қызметті беруші) қаржы институтынан қолданыстағы қарыз шартының талаптарын өзгерту туралы хабарлама алған күннен бастап 3 (үш) жұмыс күні ішінде:

      1) қарыз шартының өзгертілген талаптарының осы Қағидаларда белгіленген субсидиялау шарттарына сәйкестігін тексеруді жүзеге асырады;

      2) ұсынылатын өзгерістер осы Қағидалардың талаптарына сәйкес келген жағдайда субсидиялау шартына өзгерістер енгізу жөнінде шешім қабылдайды және ресімдейді және бұл туралы қаржы институтын хабардар етеді.

      34. Қарыз алушыны (көрсетілетін қызметті алушыны) субсидиялаудың жаңартылған кестесі бар субсидиялау шартына қосымша келісім жұмыс органының (көрсетілетін қызметті берушінің) шешімі негізінде субсидиялау шартына өзгерістер енгізу жөніндегі оң шешім туралы жұмыс органының (көрсетілетін қызметті берушінің) хабарламасын қаржы институты алған күннен бастап 5 (бес) жұмыс күні ішінде қарыз алушы (көрсетілетін қызметті алушы), қаржы институты мен жұмыс органы (көрсетілетін қызметті беруші) арасында жасалады.

      Бұл ретте субсидиялау шартына өзгеріс тиісті қарыз шартын өзгертуді қарыз алушымен (көрсетілетін қызметті алушымен) келісім бойынша қаржы институты жүргізген (біржақты тәртіппен емес) жағдайда жол беріледі.

      35. Қаржы институтына субсидиялау шартын жұмыс органының (көрсетілетін қызметті берушінің) біржақты бұзуы үшін негіз болып табылатын оқиғаның басталғаны туралы белгілі болған күннен бастап 5 (бес) жұмыс күні ішінде осындай оқиға туралы жұмыс органына (көрсетілетін қызметті берушіге) хабарлайды.

      Жұмыс органы (көрсетілетін қызметті беруші) қағаз түрінде жасалған және электрондық форматқа ауыстырылмаған субсидиялау шартын біржақты бұзу үшін негіз болып табылатын оқиға басталған жағдайда, тиісті хабарламаны қаржы институты қағаз түрінде береді.

      Жұмыс органы (көрсетілетін қызметті беруші) қаржы институтынан хабарлама алған күннен бастап 5 (бес) жұмыс күні ішінде субсидиялау шартын тоқтатуға шешім қабылдайды және ресімдейді және бұл туралы қаржы институтын хабардар етеді.

      Жұмыс органы (көрсетілетін қызметті беруші) біржақты бұзуы үшін негіз болып табылатын оқиғаның басталғаны туралы белгілі болған күннен бастап 5 (бес) жұмыс күні ішінде субсидиялау шартын тоқтатуға шешім қабылдайды және ресімдейді және бұл туралы қаржы институтын хабардар етеді.

      Қарыз алушы (көрсетілетін қызметті алушы), қаржы институты жұмыс органының (көрсетілетін қызметті берушінің) тиісті шешімі туралы хабарламаны алған күннен бастап субсидиялау шарты бұзылды деп танылады.

      36. Қарыз алушыға (көрсетілетін қызметті алушыға) субсидия беруден бас тарту Мемлекеттік көрсетілетін қызметтер туралы Заңының 19-1-бабы 2-тармағында көзделген негіздер бойынша жүзеге асырылады.

      37. Көрсетілетін қызметті беруші Мемлекеттік көрсетілетін қызметтер туралы Заңының 5-бабы 2-тармағының 11) тармақшасына сәйкес ақпараттандыру саласындағы уәкілетті орган белгілеген тәртіппен мемлекеттік қызмет көрсетуді мониторингтеудің ақпараттық жүйесіне мемлекеттік қызметті көрсету сатысы туралы деректердің енгізілуін қамтамасыз етеді.

      38. Осы тараудың, сондай-ақ 1, 2-тараулардың ережелері 4 және 5-тарауларда көзделген қатынастарға қолданылады.

4-тарау. Ұсыныстарды электрондық түрде қарау тәртібі

      39. Жұмыс органы (көрсетілетін қызметті беруші) ұсынысты алған күннен бастап 3 (үш) жұмыс күні ішінде:

      1) ұсынысты СМАЖ-да тіркеуді;

      2) ұсыныстың осы Қағидаларда белгіленген субсидиялау талаптарына сәйкестігін тексеруді, оның ішінде қарыз шартының осы Қағидаларға 2-қосымшада белгіленген қарыз шартына қойылатын талаптарға сәйкестігін тексеруді;

      3) ұсыныс бойынша шешімді қабылдауды және ресімдеуді және бұл туралы қарыз алушыны (көрсетілетін қызметті алушы) мен қаржы институтын хабардар етуді жүзеге асырады.

      40. Жұмыс органының (көрсетілетін қызметті берушінің) шешіміне жұмыс органының (көрсетілетін қызметті берушінің) бірінші басшысының немесе оны алмастыратын адамның ЭЦҚ-сы қойылады.

      41. Қаржы институты субсидиялауға арналған өтінімді "электрондық үкіметтің" веб-порталы арқылы береді.

      "Электрондық үкіметтің" веб-порталы мен СМАЖ-дың ақпараттық өзара іс-қимылы "Ақпараттандыру туралы" Қазақстан Республикасы Заңының 43-бабына сәйкес жүзеге асырылады.

      Қарыз алушыда (көрсетілетін қызметті алушыда) және қаржы институтында СМАЖ-да жеке шоттардың болуы СМАЖ-дың "Заңды тұлғалар" немесе "Жеке тұлғалар" мемлекеттік дерекқорларымен ақпараттық өзара іс-қимылы нәтижесінде расталады.

      СМАЖ-да жеке шоттың болуы қарыз алушыға (көрсетілетін қызметті алушыға) және қаржы институтына өтінімді СМАЖ-да өздері тіркеуді жүзеге асыруға мүмкіндік береді, бұл жағдайда өтінім беру қажет етілмейді және ол осындай тіркелген кезден бастап берілген болып есептеледі.

      42. СМАЖ-да жеке шот ашу үшін:

      1) қарыз алушының (көрсетілетін қызметті алушы) мен қаржы институтының ЭЦҚ-сы болуы қажет;

      2) жұмыс органы (көрсетілетін қызметті беруші) жыл сайын Қазақстан Республикасы Ауыл шаруашылығы министрлігіне (бұдан әрі – Министрлік) ЭЦҚ-сы бар жұмыскерлердің өзектендірілген тізімін жолдайды.

      43. Тіркеу үшін жеке шоттарды ашу кезінде қарыз алушы (көрсетілетін қызметті алушы) және қаржы институты мынадай мәліметтерді көрсетеді:

      1) жеке тұлғалар үшін: ЖСН, аты және әкесінің аты (бар болса), тегі;

      2) заңды тұлғалар үшін: БСН, толық атауы; бірінші басшының аты және әкесінің аты (бар болса), тегі және ЖСН;

      3) дара кәсіпкерлер үшін, оның ішінде бірлескен кәсіпкерлік нысанында: ЖСН немесе БСН, аты және әкесінің аты (бар болса), тегі;

      4) байланыс деректері (почталық мекенжайы, телефоны, электрондық почтасының мекенжайы);

      5) екінші деңгейдегі банктің ағымдағы шотының деректемелері.

      Жоғарыда көрсетілген деректер өзгерген кезде қарыз алушы (көрсетілетін қызметті алушы) және қаржы институты 3 (үш) жұмыс күні ішінде "жеке кабинетке" енгізілген дербес шоттың деректерін өзгертеді.

      44. Жұмыс органының (көрсетілетін қызметті берушінің) жауапты орындаушысы субсидиялауға арналған өтінімді алған күннен бастап 2 (екі) жұмыс күні ішінде:

      1) ЭЦҚ-ны пайдалана отырып қол қою арқылы субсидиялауға арналған өтінімнің қабылданғанын растайды;

      2) субсидиялауға арналған өтінімді тіркеу нәтижелері бойынша субсидияларды қаржы институтының арнайы банктік шотына аудару үшін "Қазынашылық-Клиент" ақпараттық жүйесіне жүктелетін субсидияларды төлеуге арналған төлем шоттарын СМАЖ-да қалыптастырады.

      45. СМАЖ-ды пайдалануға аттестаттау шартымен және осындай жүйені ақпараттық қауіпсіздік талаптарына сәйкестігіне және онымен қамтамасыз етуге оң нәтиже берген жағдайда жол беріледі:

      1) "Заңды тұлғалар", "Жеке тұлғалар", "Жылжымайтын мүлік тіркелімі", "АХАЖ ИЖ" мемлекеттік дерекқорларымен және "электрондық үкіметтің" веб-порталымен ақпараттық өзара іс-қимыл;

      2) субсидиялар көлемдері бойынша лимиттердің мәртебесі туралы ақпараттың онлайн режимінде қолжетімділігі;

      3) субсидиялауға арналған өтінімдерді қабылдауды тоқтата тұру туралы хабарландыруды СМАЖ-да орналастыру;

      4) ЭЦҚ қойылған ұсыныстарды, субсидиялауға арналған өтінімдер мен хабарламаларды веб-портал арқылы беру;

      5) жұмыс органының (көрсетілетін қызметті берушінің) шешімдерін электрондық түрде қалыптастыру және оларға ЭЦҚ қою;

      6) СМАЖ-да субсидиялау шартын немесе субсидиялау шартына қосымша келісімді электрондық түрде жасасу және оларға ЭЦҚ қою.

      7) қарыз алушының (көрсетілетін қызметті алушының) банктік шотына субсидияларды аудару үшін қазынашылық органдарына субсидияларды төлеуге арналған төлем шоттарын қалыптастыру.

      46. Субсидия беру үшін қажетті мәліметтерді қамтитын СМАЖ-да іркіліс болған жағдайда жұмыс органы (көрсетілетін қызметті беруші) туындаған жағдай туралы Министрлікті дереу хабардар етеді, ол оны жоюға кіріседі.

      Бұл ретте, туындаған іркілісті жою бойынша жұмыстарды жүргізілгеннен кейін Министрлік 3 (үш) жұмыс күні ішінде техникалық проблемалар туралы хаттама жасайды және оны СМАЖ-ға орналастырады.

      47. Өтінімдерді электрондық түрде қарау кезінде осы Қағидалардың 16, 19, 21, 23, 25, 29, 30,31,32,33,34 және 35-тармақтарында көзделген іс-шаралар СМАЖ-да жүзеге асырылады.

5-тарау. Ұсыныстарды қағаз түрінде қарау тәртібі

      48. Субсидиялауды қағаз түрінде жүзеге асыру үшін қаржы институты немесе қарыз алушы (көрсетілетін қызметті алушы) жұмыс органына (көрсетілетін қызметті берушіге) беру мақсатында Мемлекеттік корпорацияға мынадай құжаттарды тапсырады:

      1) өтеу графигімен қарыз шартының көшірмесі қоса берілген ұсыныс;

      2) сыйақы мөлшерлемесінің субсидияланатын немесе субсидияланбайтын бөліктерінің есептемелері бар жаңартылған өтеу графигінің жобасы (мөлшерлеменің субсидияланатын немесе субсидияланбайтын бөліктерінің есептемелерімен бірге жұмыс органына (көрсетілетін қызметті берушіге) жолданады);

      3) қарыз алушының (көрсетілетін қызметті алушының) кредитті алғаны туралы несие шотынан үзінді-көшірме (екінші деңгейдегі банктер үшін) немесе қарыздың аударылғанын/ лизинг нысанасының берілгенін растайтын құжат;

      49. Жұмыс органы (көрсетілетін қызметті беруші) ұсынысты алған күннен бастап 3 (үш) жұмыс күні ішінде:

      1) ұсыныстың осы Қағидаларда белгіленген субсидиялау талаптарына сәйкестігін тексеруді, оның ішінде осы қарыз шартының осы Қағидаларға 2-қосымшаға сәйкес қарыз шарттарына қойылатын талаптарға сәйкестігін тексеруді;

      2) осы Қағидалардың талаптарына сәйкестігі немесе сәйкес еместігі туралы шешімді ресімдеуді және бұл туралы қарыз алушы (көрсетілетін қызметті алушы) мен қаржы институтын хабардар етуді жүзеге асырады.

      52. Жұмыс органының жауапты орындаушысы (көрсетілетін қызметті беруші) Мемлекеттік корпорация арқылы ұсынысты мақұлдаудан бас тарту туралы шешім шығарылған күннен бастап 2 (екі) жұмыс күні ішінде бұл туралы қаржы институтына немесе қарыз алушыға (көрсетілетін қызметті алушыға) жазбаша хабарлайды.

      53. Жұмыс органының жауапты орындаушысы (көрсетілетін қызметті беруші) қаржы институтының субсидиялауға арналған өтінімін алғаннан кейін 3 (үш) жұмыс күні ішінде аударуға арналған өтінім сомасының қарыз алушыларды (көрсетілетін қызметті алушыларды) субсидиялау кестесіне сәйкестігін тексеруді жүзеге асырады.

      54. Жұмыс органының жауапты орындаушысы (көрсетілетін қызметті беруші) субидиялауға арналған өтінімді тексергеннен кейін 1 (бір) жұмыс күні ішінде тиісті төлем шотын қазынашылық органдарына жібереді.

      55. Жұмыс органының жауапты орындаушысы (көрсетілетін қызметті беруші) өтінім бойынша шешім шығарған немесе қолданыстағы қарыз шартының талаптары (сыйақы мөлшерлемесі, сыйақы төлеу мерзімдері, негізгі борышты және (немесе) сыйақыны төлеу бойынша мерзімді кейінге қалдыруды ұсыну) өзгерген сәттен бастап 15 (он бес) жұмыс күні ішінде СМАЖ-ға қарыз алушының атауын, қарыз шартының нөмірі мен жасалған күнін, қарыз сомасын, қарыз шартының қолданылу мерзімін, субсидиялау мерзімін, қарыздың нысаналы мақсатын, субсидияланатын сыйақы мөлшерлемесінің пайызын, субсидияның жалпы сомасын, кредиттік шарттың бүкіл мерзіміне сыйақы сомасын (жалпы, субсидияланатын, қарыз алушы төлейтін) негізгі борыштың өзгеру серпінін көрсете отырып, "PDF (Portable Document Format)" электрондық форматында өз шешімінің, жұмыс органының (көрсетілетін қызметті берушінің) мөрімен расталған, қол қойылған субсидиялау шарты мен субсидиялау графиктерінің сканерленген көшірмелері қоса берілген өтінім туралы деректерді енгізеді.

      56. Өтінімді Мемлекеттік корпорация арқылы қарау кезінде осы Қағидалардың 16, 19, 21, 23, 25, 29 – 35-тармақтарында көзделген іс-шаралар қағаз түрінде жүзеге асырылады.

6-тарау. Қорытынды ережелер

      57. Қаржы институты ай сайын, есепті айдан кейінгі айдың 20-күнінен кешіктірмей "Даму" кәсіпкерлікті дамыту қоры" акционерлік қоғамына (бұдан әрі – "Даму" КДҚ" АҚ) осы Қағидаларға 8-қосымшаға сәйкес нысан бойынша Басым жобаларға кредит беру және қаржылық лизинг тетігі шеңберінде берілген қаражаттың игерілуі туралы есепті ұсынады.

      58. "Даму" КДҚ" АҚ тоқсан сайын, есепті айдан кейінгі екінші айдың 20-күнінен кешіктірмей Қазақстан Республикасы Ұлттық экономика министрлігіне (бұдан әрі – ҚР ҰЭМ) осы Қағидаларға 8-қосымшаға сәйкес нысан бойынша Басым жобаларға кредит беру және қаржылық лизинг тетігі шеңберінде берілген қаражаттың игерілуі туралы есепті ұсынады.

      60. Қаржы институты тоқсан сайын, есепті тоқсаннан кейінгі айдың 20-күніне дейін және жыл сайын (келесі жылдың 1 қаңтарындағы жай-күй бойынша ақпарат) есепті жылдан кейінгі күнтізбелік жылдың 25 қаңтарына дейін жұмыс органына (көрсетілетін қызметті берушіге) осы Қағидаларға 10-қосымшаға сәйкес нысан бойынша субсидиялардың нақты пайдаланылуы туралы есеп береді.

      61. Жұмыс органы (көрсетілетін қызметті беруші) тоқсан сайын, есепті тоқсаннан кейінгі айдың 30-күніне дейін және жыл сайын (келесі жылдың 1 қаңтарындағы жай-күй бойынша ақпарат) есепті жылдан кейінгі күнтізбелік жылдың 30 қаңтарына дейін Министрлікке осы Қағидаларға 10-қосымшаға сәйкес нысан бойынша субсидиялардың нақты пайдаланылуы туралы есеп береді.

7-тарау. Мемлекеттік қызмет көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, әрекеттеріне (әрекетсіздігіне) шағымдану тәртібі

      63. Мемлекеттік қызметтер көрсету мәселелері жөніндегі жұмыс органының (көрсетілетін қызметті берушінің) шешіміне, әрекетіне (әрекетсіздігіне) шағым облыстың, республикалық маңызы бар қаланың, астананың жергілікті атқарушы органы (бұдан әрі – жергілікті атқарушы орган) басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Қазақстан Республикасы Әкімшілік рәсімдік-процестік кодексінің (бұдан әрі – ҚР ӘРПК) 91-бабының 4-тармағына сәйкес шағым келіп түскен жағдайда, көрсетілетін қызметті беруші оны келіп түскен күнінен бастап 3 (үш) жұмыс күні ішінде шағымды қарайтын органға жібереді. Қолайлы акт қабылданған, шағымда көрсетілген талаптарды толық қанағаттандыратын әкімшілік іс-әрекет жасалған жағдайда, шағымды жұмыс органы (көрсетілетін қызметті беруші) шағымды қарайтын органға жібермейді.

      64. Мемлекеттік көрсетілетін қызметтер туралы заңның 25-бабы 2-тармағына сәйкес қарыз алушының (көрсетілетін қызметті алушының) шағымын:

      жергілікті атқарушы орган тіркелген күнінен бастап 5 (бес) жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде қарауы тиіс.

      Мемлекеттік көрсетілетін қызметтер туралы заңның 25-бабы 4-тармағына сәйкес жергілікті атқарушы органның, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу қажет болған жағдайларда, 10 (он) жұмыс күнінен аспайтын мерзімге ұзартылады.

      Шағымды қарау мерзімі ұзартылған жағдайда, шағымдарды қарау бойынша өкілеттіктер берілген лауазымды адам шағымды қарау мерзімі ұзартылған сәттен бастап 3 (үш) жұмыс күні ішінде шағым берген қарыз алушыға (көрсетілетін қызметті алушыға) ұзарту себебін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

      65. Мемлекеттік корпорация арқылы қызметті көрсету кезінде Мемлекеттік корпорация жұмыскерлерінің әрекетіне (әрекетсіздігіне) шағым Мемлекеттік корпорация басшысының атына немесе ақпараттандыру саласындағы уәкілетті органға беріледі.

      66. Егер заңда өзгеше көзделмесе, ҚР ӘРПК-нің 91-бабы 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

Ауыл шаруашылығы өнімін өндіру және (немесе) өңдеу саласындағы басым жобалар бойынша кредит және қаржылық лизинг берілетін тауарлар тізбесі

      Ескерту. 1-қосымша жаңа редакцияда - жаңа редакцияда - ҚР Ауыл шаруашылығы министрінің 29.11.2023 № 410 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      * өндірістік процестің технологиялық циклі үшін қажетті айналым қаражатын толықтыруға арналған қарыз шарттары бойынша сыйақы мөлшерлемесін субсидиялау.

Ұсыныс

      Ескерту. Қағидалар 1-1-қосымшамен толықтырылды - ҚР Ауыл шаруашылығы министрінің м.а. 28.02.2023 № 77 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Қаржы институты: __________________________________________________

      (қаржы институтының атауы)

      Қарыз алушы: ______________________________________________________

      __________________________________________________________________

      (жеке тұлғаның аты, әкесінің аты (бар болса), тегі немесе заңды тұлғаның толық атауы)

      Кімге: _____________________________________________________________

      ___________________________________________________________________

      (облыстың, республикалық маңызы бар қаланың, астананың жергілікті атқарушы органы)

1. Қатысушы туралы мәліметтер

2. Субсидиялануы тиіс кредиттік шарттар (бұдан әрі – КШ) туралы ақпарат

      Осымен:

      1) қарыз шартының Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 26 қазандағы № 436 бұйрығымен (Нормативтік құқықтық актілерді мемлекеттік тіркеу тізілімінде № 17741 болып тіркелген) бекітілген Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидаларына сәйкес белгіленген қарыз шарттарына қойылатын талаптарға сәйкес келетіндігі;

      2) нысаналы мақсаты ауыл шаруашылығы техникасын, оның ішінде аспалы және тіркемелі жабдықтарды сатып алуға, сондай-ақ ауыл шаруашылығы жануарларын сатып алуға, инвестициялық мақсаттарға (жеңіл автомобиль көлігі мен жолаушылар көлігін қоспағанда), құрылыс салуға (ұн, минералдық сулар және алкогольсіз сусындар өндіруге арналған негізгі құралдарды сатып алуға арналған қарыздарды қоспағанда), өндірістік процестің технологиялық циклі үшін қажетті айналым қаражатын толықтыру, көктемгі дала және егін жинау жұмыстарын жүргізу болып табылатындығы расталады.

      Нысаналы мақсаты инвестициялық мақсаттар, айналым қаражатын толықтыру және көктемгі дала және (немесе) егін жинау жұмыстарын жүргізу болып табылатын "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігі шеңберінде;

      3) қаржылық берешекті қайта құрылымдау және жеделдетілген оңалту рәсімі жағдайларын қоспағанда, қарыз алушы қызметінің ұйымдық-құқықтық нысанын өзгерту, тарату немесе банкроттық сатысында тұрмағаны және "Оңалту және банкроттық туралы" Қазақстан Республикасының Заңына сәйкес оның қызметінің тоқтатыла тұрмағаны;

      4) қарыз шартының республикалық бюджет және (немесе) Қазақстан Республикасы Ұлттық қорының қаражаты есебінен қаржыландырылмағаны;

      5) қарыз алушыда қарыз шарты бойынша қаражатты мақсатсыз пайдалану фактілерінің болмауы;

      6) қарыз алушыда қарыз шарты бойынша негізгі борышты және (немесе) сыйақыны өтеу бойынша мерзімі өткен міндеттемелердің болмауы;

      7) субсидиялауға арналған өтінімде көрсетілген қарыз шарты бойынша сыйақы мөлшерлемесінің басқа мемлекеттік және (немесе) бюджеттік бағдарламалар бойынша субсидияланбауы расталады.

      Қосымша: өтеу графигі бар қарыз шартының көшірмесі.

      Ұсыныс қағаз түрінде берілген кезде:

      Қарыз алушының аты, әкесінің аты (бар болса), тегі және қолы

      _____________________________________________________________

      Қаржы институты басшысының немесе уәкілетті адамның аты, әкесінің аты

      (бар болса), тегі және қолы ______________________________________________

      Қарыз алушының ұсынысқа қол қойған күні 20___ жылғы "___" _________.

      Қаржы институтының ұсынысқа қол қойған күні 20___ жылғы "___"_________.

      Ұсыныс электрондық түрде берілген кезде:

      Өтініш беруші 20___ жылғы "___" _________ сағат ___-де қол қойып, жіберді:

      Электрондық цифрлық қолтаңбадан алынған деректер (бұдан әрі – ЭЦҚ)

      Қаржы институты 20___ жылғы "___" _________ сағат_____ -де қол қойып, жіберді:

      ЭЦҚ-дан алынған деректер

      Ұсынысты қабылдау туралы хабарлама:

      Жұмыс органы 20___ жылғы "___" _________ сағат _________ қабылдады:

      ЭЦҚ-дан алынған деректер

Қарыз шартына қойылатын талаптар

      Ескерту. 2-қосымша жаңа редакцияда - ҚР Ауыл шаруашылығы министрінің м.а. 28.02.2023 № 77 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Қарыз шарты мынадай талаптарға сәйкес келеді:

      1) алынған кредиттің/лизингтің агроөнеркәсіптік кешен саласында пайдаланылған болуы;

      2) нысаналы мақсаты ауыл шаруашылығы техникасын, оның ішінде аспалы және тіркемелі жабдықтарды сатып алуға, сондай-ақ ауыл шаруашылығы жануарларын сатып алуға, инвестициялық мақсаттарға (жеңіл автомобиль көлігі мен жолаушылар көлігін қоспағанда), құрылыс салуға (ұн, минералдық сулар және алкогольсіз сусындар өндіруге арналған негізгі құралдарды сатып алуға арналған қарыздарды қоспағанда), өндірістік процестің технологиялық циклі үшін қажетті айналым қаражатын толықтыру, көктемгі дала және егін жинау жұмыстарын жүргізу болып табылатындығы.

      "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігі шеңберінде нысаналы мақсат инвестициялық мақсаттар, айналым қаражатын толықтыру және көктемгі дала және (немесе) егін жинау жұмыстарын жүргізу болып табылады;

      3) мемлекеттік бюджеттің немесе Қазақстан Республикасы Ұлттық қорының қаражаты қарызды қаржыландыру көзі болып табылмайтындығы;

      4) өтінім берген сәтте жарамды (бұзылмаған және тоқтатылмаған) болып табылатындығы;

      5) сыйақы мөлшерлемесінің Қазақстан Республикасының басқа да мемлекеттік және (немесе) бюджеттік бағдарламалары бойынша субсидияланбауы;

      6) ұйымдардың үлестерін, акцияларын, сондай-ақ кәсіпорындарды мүліктік кешен ретінде сатып алуға жол берілмейтіндігі.

      Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау шеңберінде "e-Agriculture" агроөнеркәсіптік кешен салаларын басқарудың бірыңғай автоматтандырылған жүйесі" ақпараттық жүйесінің "Ауыл шаруашылығы техникасын мемлекеттік тіркеу" кіші жүйесінде жаңа, бұрын пайдаланылмаған ауыл шаруашылығы техникасы мен жабдығы және тіркелген ауыл шаруашылығы техникасы субсидиялануы тиіс.

Субсидиялар көлемдерін субсидияларды есептеу бөлігінде қайта есептеу туралы хабарлама

      Ескерту. Қағида 2-1-қосымшамен толықтырылды – ҚР Ауыл шаруашылығы министрінің 19.11.2021 № 336 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Осымен ______________________________________________________

      (қаржы институтының атауы)

      Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 26 қазандағы № 436 бұйрығымен (Нормативтік құқықтық актілерді мемлекеттік тіркеу тізілімінде № 17741 болып тіркелген) бекітілген Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидаларының 9-тармағына сәйкес қарыз алушы

      __________________________________________________________________

      __________________________________________________________________

      (жеке тұлғаның тегі, аты, әкесінің аты (бар болса) немесе заңды тұлғаның толық атауы)

      бойынша 20__ жылғы 1 қаңтардан/______________________________ бастап

      (қарыз берілген күні)

20_____жылғы "____" ____________субсидиялау шарты жасалған күнге дейін субсидиялар есептеуді жүргізуді сұрайды.

      Хабарлама шешім қабылдау үшін қарауға жіберіледі.

      Ұсынылған ақпараттың дұрыстығын растаймын және дұрыс емес мәліметтер ұсынғаным үшін Қазақстан Республикасының заңнамасына сәйкес жауапкершілік туралы хабардармын, заңмен қорғалатын құпияны құрайтын мәліметтерді пайдалануға, сондай-ақ дербес деректерді жинауға, өңдеуге келісім беремін.

      Өтеу кестесі

      Валюта: ________

      Субсидиялар көлемдерін субсидияларды есептеу бөлігінде қайта есептеу туралы хабарламаны қағаз түрінде берген кезде:

      Қаржы институтының басшысы (сенімхат бойынша өкілі) немесе уәкілетті адам

      ____________________________________________________________

      _________________________________________________________________

      (қолы, аты, әкесінің аты (бар болса), тегі)

      Қаржы институтының хабарламаны жөнелткен күні: 20___ жылғы "___" __________.

      Субсидиялар көлемдерін субсидияларды есептеу бөлігінде қайта есептеу туралы хабарламаны электрондық түрде берген кезде:

      Қаржы институты 20___ жылғы "___" __________ _ сағат__-де қол қойып, жіберді.

      Электрондық цифрлық қолтаңбадан алынған деректер (бұдан әрі – ЭЦҚ)

      Хабарламаны қабылдау туралы хабарлама:

      Жұмыс органы 20___ жылғы "___" __________ сағат ______-де қабылдады.

      ЭЦҚ-дан алынған деректер

____________________________________________________________________ (облыстың, республикалық маңызы бар қаланың және астананың жергілікті атқарушы органы) Субсидиялауға арналған өтінім

      Ескерту. 3-қосымша жаңа редакцияда – ҚР Ауыл шаруашылығы министрінің 19.11.2021 № 336 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Осымен _______________________ қаржы институты төмендегі кестеде көрсетілген агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау шарттарына сәйкес қарыз алушыда алдыңғы айда мерзімі өткен міндеттемелердің жоқтығын, оның ішінде қарыз алушылардың қарыз шарттары бойынша сыйақы мөлшерлемелерін төлегенін растайды және төменде көрсетілген қарыз алушылар бойынша 20__ жылғы "__" ______ бастап 20__ жылғы "__" ________ дейінгі кезеңге _______________ теңге сомасында субсидия төлеуді сұрайды.

      Қаржы институтының басшысы (сенімхат бойынша өкілі)

      _____________________________________________________________________

                  (қолы, аты, әкесінің аты (бар болса), тегі)

      Субсидиялауға арналған өтінім қағаз түрінде берілген кезде:

      Қаржы институтының басшысы (сенімхат бойынша өкілі) немесе уәкілетті адам

      _______________________________________________________________

      _____________________________________________________________

      (қолы, аты, әкесінің аты (бар болса), тегі)

      Қаржы институтының өтінімге қол қойған күні: 20___ жылғы "___" __________.

      Субсидиялауға арналған өтінім электрондық түрде берілген кезде:

      Қаржы институты 20___ жылғы "___" __________ _ сағат__-де қол қойып, жіберді.

      Электрондық цифрлық қолтаңбадан алынған деректер (бұдан әрі – ЭЦҚ)

      Өтінімді қабылдау туралы хабарлама:

      Жұмыс органы 20___ жылғы "___" __________ сағат ______-де қабылдады.

      ЭЦҚ-дан алынған деректер

Сыйақы мөлшерлемелерін субсидиялау шарты

      Ескерту. 4-қосымша жаңа редакцияда - жаңа редакцияда - ҚР Ауыл шаруашылығы министрінің 29.11.2023 № 410 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      ___________ қаласы                                     20__ жылғы "___" __________

      Бұдан әрі "Жұмыс органы" деп аталатын _________________ облысының (қаласының) ауыл шаруашылығы басқармасы атынан 20__ жылғы _________________________ № ________ сенімхат негізінде әрекет ететін ________________________ бір тараптан, бұдан әрі "Қарыз алушы" деп аталатын ________________________ атынан _____________________________ негізінде әрекет ететін __________________ екінші тараптан және бұдан әрі "Қаржы институты" деп аталатын ______________________ атынан _____________________ негізінде әрекет ететін ____________ үшінші тараптан, бұдан әрі бірлесіп "Тараптар", ал жеке алғанда "Тарап" деп аталатындар, төмендегілер туралы осы сыйақы мөлшерлемелерін субсидиялау шартын (бұдан әрі – шарт) жасасты.

1-тарау. Терминдер мен анықтамалар

      1. Осы субсидиялау шартында Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 26 қазандағы № 436 бұйрығымен (Нормативтік құқықтық актілерді мемлекеттік тіркеу тізілімінде 17741 болып тіркелген) бекітілген Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидаларында (бұдан әрі – Субсидиялау қағидалар) көрсетілген ұғымдар пайдаланылады.

2-тарау. Шарттың мәні

      2. Осы субсидиялау шарты бойынша Жұмыс органы шартта айқындалған талаптарда Қаржы институтының қолдауымен осы шартқа қосымшаға сәйкес нысан бойынша Карыз алушыны субсидиялау графигіне (бұдан әрі – субсидиялау графигі) сәйкес тиісті бюджеттік бағдарлама бойынша бөлінген ақша сомасы шегінде Қарыз алушының қарыз шарты бойынша айқындалған сыйақы мөлшерлемесін төлеу жөніндегі шығындарын субсидиялауды жүзеге асыруға міндеттенеді.

3-тарау. Тараптардың құқықтары мен міндеттері

      3. Жұмыс органы:

      1) Қаржы институтынан субсидиялауға арналған өтінім келіп түскен күннен бастап 2 (екі) жұмыс күні ішінде қарауға:

      2) оның Субсидиялау қағидаларында көзделген субсидиялар алу шарттарына сәйкестігін тексеруді және субсидиялауға арналған өтінім сомасының субсидиялау шартына сәйкес Қарыз алушыларды субсидиялау графигіне сәйкестігін тексеруді жүзеге асыруға;

      3) субсидиялауға арналған өтінімге сәйкес сыйақы мөлшерлемесінің субсидияланатын бөлігін Қаржы институтының арнайы банктік шотына ай сайын аванстық төлеммен, субсидияларды кезекті төлеу жүргізілетін айдың алдындағы айында аударуға;

      4) субсидиялауға арналған өтінім Субсидиялау қағидаларының талаптарына сәйкес болған жағдайда, Қаржы институтының банктік шотына субсидияларды аудару үшін төлем шотын қалыптастыруға және қазынашылық органдарына жолдауға;

      5) субсидиялауға арналған өтінім сәйкес келмеген жағдайда субсидиялар беруден бас тарту туралы Қаржы институтын хабардар етуге міндеттенеді.

      4. Қаржы институты:

      1) ай сайын субсидиялауға арналған өтінімді қалыптастыруға және Жұмыс органына жолдауға;

      2) Қарыз алушы негізгі борышты және сыйақыны өтеу жөніндегі міндеттемелерінің мерзімін өткізіп алған жағдайда және Субсидиялау қағидаларында көрсетілген басқа да оқиғалар бойынша оқиғалар анықталған сәттен бастап 5 (бес) жұмыс күні ішінде ол туралы Жұмыс органын хабардар етуге;

      3) қолданыстағы қарыз шартының талаптары (Қазақстан Республикасы Бюджеттік кодексінің 180-бабының 2-тармағына сәйкес бюджеттік кредиттің негізгі талаптары бюджеттi атқару жөнiндегi орталық уәкілетті органның шешімінде белгіленген, "Аграрлық несие корпорациясы" акционерлік қоғамына бюджеттік кредит берудің негізгі шарттарына сәйкес меншікті немесе тартылған қаражатты бюджеттік қаражатқа ауыстыру кезіндегі мөлшерлемені өзгертуді, сыйақы төлеу мерзімдерін, негізгі борышты және (немесе) сыйақыны төлеу мерзімін кейінге қалдыруды ұсынуды қоса алғанда, сыйақы мөлшерлемесі) өзгерген жағдайда, Жұмыс органына қаржыландыру талаптарын өзгерту бойынша қабылданған шешімнің көшірмесін, негізгі борышты, сыйақыны өтеудің жаңартылған графигін және субсидиялар көлемін қоса бере отырып, хабарлама жолдауға;

      4) қаржы институтынан алынған қарыздың нысаналы пайдаланылуына (оның ішінде пайдаланудың толықтығы мәніне) тексеру жүргізуге;

      5) қарыз алушының қарыз шартының талаптарын сақтауына, оның ішінде қарыз шарты бойынша кредит қаражатын толық игеру және нысаналы пайдалану бойынша тексеру жүргізуге;

      6) қарыз алушы қарыз шартының талаптарын сақтамаған жағдайлар туралы жұмыс органын (көрсетілетін қызметті берушіні) хабардар етуге міндеттенеді.

      5. Қарыз алушы:

      1) Субсидиялау қағидаларында белгіленген субсидиялау шарттарын сақтауға;

      2) қарыз шарты бойынша сыйақы мөлшерлемесінің басқа мемлекеттік және бюджеттік бағдарламалар бойынша субсидиялануына жол бермеуге;

      3) қарыз шарты бойынша алынған кредиттік қаражатты қарыз шартының талаптарына сәйкес толық пайдалануға;

      4) қарыз шарты бойынша кредиттік қаражатты толық немесе мақсатсыз пайдаланған кезде төленген субсидияларды қарыз шарты бойынша толық емес немесе мақсатсыз кредиттік қаражаттың сомасына барабар қайтаруға міндеттенеді.

4-тарау. Тараптардың жауапкершілігі

      6. Тараптар осы шарт бойынша осы субсидиялау шартына және Қазақстан Республикасының заңдарына сәйкес осы шарттан туындайтын міндеттемелерді орындамағаны және/немесе тиісінше орындамағаны үшін жауапты болады.

5-тарау. Еңсерілмейтін күш мән-жайлары

      7. Егер орындаудың мүмкін еместігі еңсерілмейтін күш мән-жайларының салдары болып табылса, Тараптар осы cубсидиялау шарты бойынша міндеттемелерін орындамағаны не тиісінше орындамағаны үшін жауапкершіліктен босатылады.

      8. Еңсерілмейтін күш мән-жайлары басталған кезде, осы субсидиялау шарты бойынша өз міндеттемелерін орындауының мүмкін болмауы туындаған Тарап олар туындаған сәттен бастап 10 (он) жұмыс күні ішінде мұндай мән-жайлар туралы екінші Тарапты уақтылы хабардар етуі тиіс. Бұл ретте еңсерілмейтін күштің мән-жайларының сипаты, әрекет ету кезеңі, басталу фактісі уәкілетті мемлекеттік органдардың тиісті құжаттарымен расталуы тиіс.

      9. Уақтылы хабардар етілмеген жағдайда, Тарап екінші Тарапқа хабардар етпеуден немесе уақтылы хабардар етпеуден келтірілген зиянның орнын толтыруға міндетті.

      10. Еңсерілмейтін күш мән-жайларының басталуы осы шарттың орындалу мерзімін олардың әрекет ету кезеңіне ұлғайтуға алып келеді.

      11. Егер, мұндай мән-жайлар қатарынан 3 (үш) айдан артық жалғасатын болса, онда Тараптардың кез келгені осы субсидиялау шарты бойынша міндеттемелерін одан әрі орындаудан бас тартуға құқылы.

6-тарау. Қорытынды ережелер

      12. Хат-хабар тиісті түрде ресімделсе (хат-хабар бланкінде берілген немесе мөрмен (бар болса) бекемделген, басшының қолы қойылған және оның тіркеу нөмірі, күні болған жағдайда, ол тиісті түрде ресімделген болып саналады), қолма-қол табысталса, қатысушы Тараптың мекенжайына почта арқылы (хабарламасы бар тапсырыс хатпен) немесе курьерлік байланыс арқылы жеткізілсе, ол тиісті түрде ұсынылған немесе жолданған болып саналады.

      13. Жұмыс органы осы субсидиялау шартын мынадай жағдайларда біржақты бұзуды жүзеге асырады:

      1) шартта қарыз алушы негізгі борышты және (немесе) сыйақыны өтеу бойынша күнтізбелік 90 (тоқсан) күннен астам орындамаған міндеттемелердің болуы;

      2) қарыз шарты бойынша қаражатты мақсатсыз пайдалану;

      3) заңды күшіне енген сот шешімі бойынша қарыз алушының шоттарына тыйым салу;

      4) қарыз алушының субсидиялар алудан бас тарту туралы еркін нысандағы жазбаша өтініші;

      5) қарыз алушының қарыз шарты бойынша қаржы институты алдындағы міндеттемелерін толық өтеуі;

      6) Субсидиялау қағидаларының 20-1-тармағының бесінші бөлігінде көрсетілген жағдайды қоспағанда қарыз шартының бұзылуы немесе тоқтатылуы.

      14. Тараптар тікелей келіссөздер процесінде олардың арасында шарт бойынша немесе оған байланысты туындайтын барлық келіспеушіліктерді немесе дауларды шешуге барлық күш-жігерін салуға тиіс. Егер осындай келіссөздерден кейін Тараптар субсидиялау шарты бойынша дауды шеше алмаса, Тараптардың кез келгені осы мәселені Қазақстан Республикасының азаматтық процестік заңнамасында белгіленген сот тәртібімен шешуді талап ете алады.

      15. Осы субсидиялау шарты барлық Тараптардың уәкілетті өкілдері қолдарын қойған күннен бастап күшіне енеді және субсидиялау графигіне сәйкес қарыз шарттарының мерзімі аяқталғанға дейін қолданыста болады.

      16. Шартпен реттелмеген бөлікте, Тараптар дауды сот тәртібімен шешеді.

      17. Осы шарт заңды күші бірдей мемлекеттік және орыс тілдерінде 6 (алты) данада, Тараптардың әрқайсысы үшін мемлекеттік және орыс тілдерінде бір-бірден 2 (екі) данада жасалды.

      18. Осы субсидиялау шартына қосымша оның ажырамас бөлігі болып табылады.

      19. Тараптардың мекенжайлары, банктік деректемелері, қолтаңбалары:

Қарыз алушыны субсидиялау графигі (Жұмыс органының шешіміне сәйкес) 20___ жылғы " ___" _______ №___

      Қарыз алушының атауы: _________________________________________

      Нөмірі, жасалған күні:___________________________________________

      Кредиттің/ лизингтің нысаналы мақсаты:___________________________

      Кредит шартының сомасы, теңге: _________________________________

      Кредит шартының сомасы, валюта: теңге, KZT: _____________________

      Кредит шарты бойынша негізгі борышты қайтару мерзімі: ____________

      Сыйақы мөлшерлемесі, %

      Жалпы: _______________________________________________________

      Субсидияланатын: ______________________________________________

      Қарыз алушы төлейтін: __________________________________________

      Кредит шартының барлық мерзіміне сыйақы сомасы, теңге

      Жалпы: _______________________________________________________

      Субсидияланатын: ______________________________________________

      Қарыз алушы төлейтін: __________________________________________

      Жұмыс органы __________ ______________________________________

      қолы             (аты, әкесінің аты (бар болса), тегі)

      Қарыз алушы:____________ ______________________________________

      қолы             (аты, әкесінің аты (бар болса), тегі)

      Қаржы институты_________ ______________________________________

      қолы             (аты, әкесінің аты (бар болса), тегі)

"Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау" мемлекеттік қызметті көрсетуге қойылатын негізгі талаптар тізбесі

      Ескерту. 5-қосымша жаңа редакцияда - ҚР Ауыл шаруашылығы министрінің м.а. 23.12.2022 № 438 (01.01.2023 бастап қолданысқа енгiзiледi) бұйрығымен.

Субсидияны аудару туралы хабарлама

      Ескерту. 6-қосымша жаңа редакцияда – ҚР Ауыл шаруашылығы министрінің 19.11.2021 № 336 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Құрметті _______________________________________________________

      ____________________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

      Сізге _________________________________________________________ берген

                  (қаржы институтының атауы)

20____ жылғы "___" _____________ № ___________________ өтінім шеңберінде 20____ жылғы "___" ______________ № ___________ сыйақы мөлшерлемелерін субсидиялау шарты бойынша мемлекеттік қызмет көрсетілгені туралы хабарлаймыз.

      _________ теңге мөлшеріндегі субсидия сомасы қаржы институтының шотына аударылды.

Хабарлама

      Құрметті ____________________________________________________

      (қарыз алушының атауы)

      Сіздің 20___ "__" ________ № _______ өтініміңіз бойынша мемлекеттік қызмет көрсетуден ______________________ себепті бас тартылады.

Ұсынысты резервке (күту парағына) енгізу туралы хабарлама

      Ескерту. Қағидалар 7-1-қосымшамен толықтырылды – ҚР Ауыл шаруашылығы министрінің 19.11.2021 № 336 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Осымен _________________________________________________________

      (облыстың, республикалық маңызы бар қаланың, астананың жергілікті

      атқарушы органы)

      _____________________________________________________________________

      (заңды тұлға-қарыз алушының атауы немесе жеке тұлға-қарыз алушының аты,

      әкесінің аты (бар болса), тегі)

      және ____________________________________________ сіздің ұсынысыңыздың

                        (қаржы институтының атауы)

20____ жылғы "____" ______________ № _________ кезекке сәйкес резервке (күту парағына) енгізілгенін хабарлайды.

      Ұсыныс қағаз түрінде берілген кезде:

      Орындаушы ______________________________________________

      (аты, әкесінің аты (бар болса) және тегі, телефоны)

      ______________

      (қолы)

      Басшы немесе оның міндетін атқарушы адам

      _________________________________________________________

      (аты, әкесінің аты (бар болса) және тегі)

      ______________

      (қолы)

      Хабарламаның жіберілген күні: 20___ жылғы "___" __________

      Ұсыныс электрондық түрде берілген кезде:

      Электрондық цифрлық қолтаңбадан (бұдан әрі – ЭЦҚ) алынған деректер

      20___ жылғы "___" __________ сағат ____-де қол қойып, жіберді:

      ЭЦҚ-дан алынған деректер

Субсидиялауды уақытша тоқтата тұру туралы хабарлама

      Ескерту. Қағидалар 7-2-қосымшамен толықтырылды - ҚР Ауыл шаруашылығы министрінің м.а. 28.02.2023 № 77 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Осымен _______________________________________________________

      (қаржы институтының атауы)

      _________________________________________________________________

      субсидия қаражатын бөлу жөніндегі жұмыс органына хабарлайды және

      20___ жылғы "___"______________ № __________ субсидиялау шарты шеңберінде

      субсидия алушы болып табылатын қарыз алушының қайтыс болуына/қарыз

      алушының қайтыс болғанының хабарлануына байланысты

      _____________________________________________________________________

      мұрагер үшін мұрагерлік құқықтың күшіне енген сәтіне дейін субсидиялауды

      тоқтата тұруды сұрайды.

      Қолы/электрондық цифрлық қолтаңбасы

      Күні

Әкімшілік деректерді жинауға арналған нысан

      Ескерту. 8-қосымша жаңа редакцияда - ҚР Ауыл шаруашылығы министрінің 19.11.2021 № 336 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: "Даму" кәсіпкерлікті дамыту қоры" акционерлік қоғамына және Қазақстан Республикасы Ұлттық экономика министрлігіне

      Әкімшілік деректер нысаны www.gov.kz интернет-ресурсында орналастырылған.

Басым жобаларға кредит беру және қаржылық лизинг тетігі шеңберінде берілген қаражатты игеру туралы есеп

      Әкімшілік деректер нысанының индексі: №1-ҚИ бойынша нысан

      Кезеңділігі: ай сайын/тоқсан сайын

      Есепті кезең: 20__ жылғы __________ (ай/тоқсан)

      Ақпаратты ұсынатын тұлғалар тобы: қаржы институттары, "Даму" кәсіпкерлікті дамыту қоры" акционерлік қоғамы

      Әкімшілік деректер нысанын ұсыну мерзімі:

      "Даму" кәсіпкерлікті дамыту қоры" акционерлік қоғамына ай сайын, есепті айдан кейінгі айдың жиырмасынан кешіктірмей "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру және қаржылық лизинг тетігінің (бұдан әрі – Басым жобаларға кредит беру және қаржылық лизинг тетігі) қолданылу мерзімі ішінде;

      Қазақстан Республикасы Ұлттық экономика министрлігіне тоқсан сайын, есепті тоқсаннан кейінгі екінші айдың жиырмасынан кешіктірмей, Басым жобаларға кредит беру және қаржылық лизинг тетігінің қолданылу мерзімі ішінде.

      кестенің жалғасы

      кестенің жалғасы

      кестенің жалғасы

      Атауы _______________________________________________________________

      Мекенжайы __________________________________________________________

      Телефоны ___________________________________________________________

      Электрондық почтасының мекенжайы ___________________________________

      Орындаушы ______________________________________ ________________

      (аты, әкесінің аты (бар болса) және тегі, қолы)

      Басшы немесе оның міндетін атқарушы адам

      _________________________________________________________________

      (аты, әкесінің аты (бар болса) және тегі, қолы)

      Мөрге арналған орын (жеке кәсіпкерлік субъектілері болып табылатын тұлғаларды қоспағанда) ___________________________

      Есеп тапсырылған күн 20 ___ жылғы "___" __________

Әкімшілік деректерді жинауға арналған "Басым жобаларға кредит беру және қаржылық лизинг тетігі шеңберінде берілген қаражатты игеру туралы есеп" нысанын толтыру бойынша түсіндірме 1-тарау. Жалпы ережелер

      1. Осы түсіндірме әкімшілік деректерді жинауға арналған "Басым жобаларға кредит беру және қаржылық лизинг тетігі шеңберінде берілген қаражатты игеру туралы есеп" нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысанды қаржы институттары, "Даму" кәсіпкерлікті дамыту қоры" акционерлік қоғамы толтырады.

      3. Нысанға орындаушы және басшы не оның міндетін атқарушы адам қол қояды.

      4. Нысанды:

      қаржы институттары "Даму" кәсіпкерлікті дамыту қоры" акционерлік қоғамына ай сайын, есепті айдан кейінгі айдың жиырмасынан кешіктірмей, Басым жобаларға кредит беру және қаржылық лизинг тетігінің қолданылу мерзімі ішінде;

      "Даму" кәсіпкерлікті дамыту қоры" акционерлік қоғамы Қазақстан Республикасы Ұлттық экономика министрлігіне тоқсан сайын, есепті тоқсаннан кейінгі екінші айдың жиырмасынан кешіктірмей, басым жобаларға кредит беру және қаржылық лизинг тетігінің қолданылу мерзімі ішінде ұсынады.

      5. Нысан қазақ немесе орыс тілдерінде толтырылады.

2-тарау. Нысанды толтыру бойынша түсіндірме

      6. 1-бағанда реттік нөмірі көрсетіледі.

      7. 2-бағанда қаржы институтының атауы көрсетіледі.

      8. 3-бағанда облыс көрсетіледі.

      9. 4-бағанда Қазақстан Республикасының облыстары бөлінісінде қарыз алушының атауы көрсетіледі.

      10. 5-бағанда кәсіпкерлік субъектісі болып табылатын заңды тұлғалардың ұйымдық-құқықтық нысаны, ал кәсіпкерлік субъектісі болып табылатын жеке тұлғалар үшін – дара кәсіпкер/шаруа (фермер) қожалығы көрсетіледі.

      11. 6-бағанда кредиттің/қаржылық лизингтің берілген күні көрсетіледі.

      12. 7-бағанда кредиттің/қаржылық лизингтің мерзімі көрсетіледі.

      13. 8-бағанда кредиттің/қаржылық лизингтің сомасы көрсетіледі.

      14. 9 және 10-бағандарда қаржы институтының Басым жобаларға кредит беру және қаржылық лизинг тетігінің қаражаты есебінен мақұлданған кредит/қаржылық лизинг сомасы көрсетіледі.

      15. 11-бағанда нақты берілген қаражат сомасы көрсетіледі.

      16. 12 және 13-бағандарда қаржы институтының Басым жобаларға кредит беру және қаржылық лизинг тетігінің қаражаты есебінен іс жүзінде берілген сома көрсетіледі.

      17. 14 және 15-бағандарда негізгі борышты өтеу және сыйақы төлеу бойынша жеңілдікті кезең көрсетіледі.

      18. 16 және 17-бағандарда кредит/қаржылық лизинг бойынша сыйақы мөлшерлемесі және кредит/қаржылық лизинг бойынша тиімді мөлшерлеме көрсетіледі.

      19. 18-бағанда кредит беру/қаржылық лизинг объектісі көрсетіледі.

      20. 19-бағанда қарыз қаражатының нысаналы мақсаты (қарыз қаражатының әрбір бағытының атауы мен сомасын көрсете отырып) көрсетіледі.

      21. 20-бағанда өткізу орны (аудан, қала) көрсетіледі.

      22. 21-бағанда экономикалық қызмет түрлерінің жалпы жіктеуіші бойынша секция көрсетіледі.

      23. 22-бағанда экономикалық қызмет түрлерінің жалпы жіктеуіші бойынша төрт мәнді сынып көрсетіледі.

      24. 23-бағанда жобаны іске асыру есебінен құрылатын жаңа жұмыс орындарының саны көрсетіледі.

      25. 24 және 25-бағандарда қаржы институтының уәкілетті органы шешімінің нөмірі мен күні көрсетіледі.

      26. 26-бағанда жылына салық төлемдерінің жоспарлы сомасы (ең жоғары жобалық қуатқа шыққан кезде), миллион теңге (бизнес-жоспар негізінде) көрсетіледі.

      27. 27-бағанда жылдық түсімнің жоспарлы сомасы (ең жоғары жобалық қуатқа шыққан кезде), миллион теңге (бизнес-жоспар негізінде) көрсетіледі.

      28. 28 және 29-бағандарда қарыз шартының/кредиттік желіні ашу туралы келісімнің нөмірі мен күні көрсетіледі.

      29. 30-бағанда қарыз алушының жеке сәйкестендіру нөмірі/бизнес сәйкестендіру нөмірі көрсетіледі.

      30. 31-бағанда Қазақстан Республикасы Үкіметінің 2019 жылғы 24 желтоқсандағы № 968 қаулысымен бекітілген "Бизнестің жол картасы-2025" бизнесті қолдау мен дамытудың мемлекеттік бағдарламасына (бұдан әрі – "Бизнестің жол картасы-2025" бизнесті қолдау мен дамытудың мемлекеттік бағдарламасы) қатысу туралы ақпарат көрсетіледі.

      31. 32-бағанда Басым жобаларға кредит беру және қаржылық лизинг тетігі шеңберінде бағыты көрсетіледі.

      32. 33-бағанда кәсіпкерлік субъектісінің санаты (шағын кәсіпкерлік субъектісі/орта кәсіпкерлік субъектісі/ірі кәсіпкерлік субъектісі) көрсетіледі.

      33. 34-бағанда агроөнеркәсіптік кешен субъектісінің "Бизнестің жол картасы-2025" бизнесті қолдау мен дамытудың мемлекеттік бағдарламасының/Басым жобаларға кредит беру және қаржылық лизинг тетігінің шарттарына сәйкестігі/сәйкес еместігі көрсетіледі.

      34. 35-бағанда агроөнеркәсіптік кешен субъектісі жобасының "Бизнестің жол картасы-2025" бизнесті қолдау мен дамытудың мемлекеттік бағдарламасының/Басым жобаларға кредит беру және қаржылық лизинг тетігінің шарттарына сәйкестігі/сәйкес еместігі көрсетіледі.

Әкімшілік деректерді жинауға арналған нысан

      Ескерту. 9-қосымша алып тасталды - ҚР Ауыл шаруашылығы министрінің м.а. 28.02.2023 № 77 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Әкімшілік деректерді жинауға арналған нысан

      Ескерту. 10-қосымша жаңа редакцияда - жаңа редакцияда - ҚР Ауыл шаруашылығы министрінің 29.11.2023 № 410 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: облыстың, республикалық маңызы бар қаланың және астананың жергілікті атқарушы органының ауыл шаруашылығы саласындағы функцияларды іске асыратын құрылымдық бөлімшесіне және Қазақстан Республикасы Ауыл шаруашылығы министрлігіне

      Әкімшілік деректер нысаны www.gov.kz интернет-ресурсында орналастырылған

Субсидиялардың нақты пайдаланылуы туралы есеп

      Әкімшілік деректер нысанының индексі: № 3-СНП нысан

      Кезеңділігі: тоқсан сайын, жыл сайын

      Есепті кезең: 20__ жылғы ___________ тоқсан, 20__ жыл

      Ақпаратты ұсынатын тұлғалар тобы: қаржы институттары, облыстың, республикалық маңызы бар қаланың және астананың жергілікті атқарушы органының ауыл шаруашылығы саласындағы функцияларды іске асыратын құрылымдық бөлімшесі.

      Әкімшілік деректер нысанын ұсыну мерзімі:

      облыстың, республикалық маңызы бар қаланың және астананың жергілікті атқарушы органының ауыл шаруашылығы саласындағы функцияларды іске асыратын құрылымдық бөлімшесіне тоқсан сайын, есепті тоқсаннан кейінгі айдың жиырмасына дейін және жыл сайын, есепті жылдан кейінгі күнтізбелік жылдың жиырма бесінші қаңтарына дейін;

      Қазақстан Республикасы Ауыл шаруашылығы министрлігіне тоқсан сайын, есепті тоқсаннан кейінгі айдың отызыншы күніне дейін және жыл сайын, күнтізбелік жылдың отызыншы қаңтарына дейін.

      кестенің жалғасы:

      *Қарыз шартының нысаналы мақсаты Қазақстан Республикасы Премьер-Министрінің орынбасары – Қазақстан Республикасы Ауыл шаруашылығы министрінің 2018 жылғы 26 қазандағы № 436 бұйрығымен (Нормативтік құқықтық актілерді мемлекеттік тіркеу тізілімінде № 17741 болып тіркелген) бекітілген Агроөнеркәсіптік кешен субъектілеріне кредит беру, сондай-ақ ауыл шаруашылығы жануарларын, техникасы мен технологиялық жабдығын сатып алуға лизинг кезінде сыйақы мөлшерлемелерін субсидиялау қағидаларының 4- тармағына сәйкес көрсетіледі.

      Атауы __________________________________________________

      Мекенжайы _____________________________________________

      __________________________________________________________

      Телефоны _______________________________________________________

      Электрондық пошта мекенжайы ____________________________________

      Орындаушы ____________________________________________________

      (аты және әкесінің аты (бар болса), тегі, қолы)

      Басшы немесе оның міндетін атқарушы тұлға

      ________________________________________________________________

      (аты және әкесінің аты (бар болса), тегі, қолы)

      Мөрге арналған орын (жеке кәсіпкерлік субъектілері болып табылатын адамдарды қоспағанда)

Есептің тапсырылған күні 20 ___ жылғы "___" __________ Әкімшілік деректерді жинауға арналған "Субсидияларды нақты пайдалану туралы есеп" нысанын толтыру бойынша түсініктеме

1-тарау. Жалпы ережелер

      1. Осы түсініктеме Әкімшілік деректерін жинауға арналған "Субсидияларды нақты пайдалану туралы есеп" нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысанды қаржы институттары, облыстың, республикалық маңызы бар қаланың және астананың жергілікті атқарушы органының ауыл шаруашылығы саласындағы функцияларды іске асыратын құрылымдық бөлімшесі толтырады.

      3. Нысанға орындаушы мен басшы не оның міндетін атқарушы адам қол қояды.

      4. Нысаны ұсынады:

      қаржы институттары облыстың, республикалық маңызы бар қаланың және астананың жергілікті атқарушы органының ауыл шаруашылығы саласындағы функцияларды іске асыратын құрылымдық бөлімшесіне (бұдан әрі – жұмыс органы) тоқсан сайын, есепті тоқсаннан кейінгі айдың жиырмасына дейін және жыл сайын, есепті жылдан кейінгі күнтізбелік жылдың жиырма бесінші қаңтарына дейін;

      жұмыс органы Қазақстан Республикасы Ауыл шаруашылығы министрлігіне тоқсан сайын, есепті тоқсаннан кейінгі айдың отызыншы күніне дейін және жыл сайын, есепті жылдан кейінгі күнтізбелік жылдың отызыншы қаңтарына дейін ұсынады.

      5. Нысан қазақ немесе орыс тілдерінде толтырылады.

2-тарау. Нысанды толтыру бойынша түсініктеме

      6. 1-бағанда реттік нөмірі көрсетіледі.

      7. 2-бағанда қарыз алушының атауы көрсетіледі.

      8. 3-бағанда қарыз алушының жеке сәйкестендіру нөмірі/бизнес-сәйкестендіру нөмірі көрсетіледі.

      9. 4-бағанда қаржы институтының атауы көрсетіледі.

      10. 5-бағанда қарыз шартының нысаналы мақсаты көрсетіледі.

      11. 6-бағанда бағыт (Қарапайым заттар экономикасы, Жұмыспен қамтудың жол картасы, Агроөнеркәсіптік кешен) көрсетіледі.

      12. 7-бағанда Экономикалық қызмет түрлерінің жалпы жіктеуіші (ЭҚЖЖ) бойынша коды көрсетіледі.

      13. 8-бағанда қарыз шартының нөмірі мен күні көрсетіледі.

      14. 9-бағанда қарыз шартының сомасы көрсетіледі.

      15. 10-бағанда сыйақының жалпы мөлшерлемесі көрсетіледі.

      16. 11-бағанда субсидияланатын сыйақы мөлшерлемесі көрсетіледі.

      17. 12-бағанда қарыз шартының бүкіл қолданылу мерзімі үшін субсидиялар сомасы көрсетіледі.

      18. 13 және 14-бағандарда жұмыс органы қаржы институтына бүкіл кезеңде, оның ішінде есепті кезеңде аударған субсидиялар сомасы көрсетіледі.

      19. 15 және 16-бағандарда қаржы институты қарыз алушыға бүкіл кезеңде, оның ішінде есепті кезеңде аударған субсидиялар сомасы көрсетіледі.

      20. 17 және 18-бағандарда барлық кезеңдегі, оның ішінде есепті кезеңдегі ауытқулар (артық төлемдер, жетіспегендер) көрсетіледі.

      21. 19 және 20-бағандарда пайдаланылмаған субсидияларды жұмыс органына, оның ішінде есепті кезеңге қайтару сомасы көрсетіледі.

      22. 21-бағанда қаржы институтының арнайы шотындағы субсидиялар қаражатының қалдығы көрсетіледі.