Қазақстан Республикасы Индустрия және жаңа технологиялар министрлігінің және Қазақстан Республикасы Инвестициялар және даму министрлігінің кейбір бұйрықтарына мемлекеттік қызметтерді көрсету мәселелері бойынша өзгерістер мен толықтырулар енгізу туралы

      ЗҚАИ-ның ескертпесі!
      Бұйрыққа өзгеріс енгізу көзделген – ҚР Сауда және интеграция министрінің 14.09.2020 № 197-НҚ (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      "Құқықтық актілер туралы" 2016 жылғы 6 сәуірдегі Қазақстан Республикасының Заңы 50-бабының 2-тармағына сәйкес БҰЙЫРАМЫН:

      1. Қоса беріліп отырған Қазақстан Республикасы Индустрия және жаңа технологиялар министрлігінің және Қазақстан Республикасы Инвестициялар және даму министрлігінің мемлекеттік қызметтерді көрсету мәселелері бойынша өзгерістер мен толықтырулар енгізілетін кейбір бұйрықтарының тізбесі бекітілсін.

      2. Қазақстан Республикасы Инвестициялар және даму министрлігінің Құжаттау және бақылау департаменті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;

      4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасы Инвестициялар және даму министрлігінің жауапты хатшысына жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Ақпарат және коммуникациялар министрі

      ________________ Д. Абаев

      2017 жылғы 11 қыркүйек

      "КЕЛІСІЛГЕН"

      Қазақстан Республикасының

      Ұлттық экономика министрі

      ________________ Т. Сүлейменов

      2017 жылғы 17 тамыз

      "КЕЛІСІЛГЕН"

      Қазақстан Республикасының

      Энергетика министрі

      ________________ Қ. Бозымбаев

      2017 жылғы 18 тамыз

Қазақстан Республикасы Индустрия және жаңа технологиялар министрлігінің және Қазақстан Республикасы Инвестициялар және даму министрлігінің мемлекеттік қызметтерді көрсету мәселелері бойынша өзгерістер мен толықтырулар енгізілетін кейбір бұйрықтарының тізбесі

      1. Күші жойылды – ҚР Инвестициялар және даму министрінің 12.12.2018 № 870 (11.04.2019 бастап қолданысқа енгізіледі) бұйрығымен.

      2. "Өнеркәсіп саласындағы қызметті жүзеге асыру үшін қойылатын біліктілік талаптарын және оларға сәйкестікті растайтын құжаттар тізбесін бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 23 қаңтардағы № 45 бұйрығында (Нормативтік құқықтық актілерді мемлекеттік тіркеу тізілімінде № 10427 болып тіркелген, "Әділет" ақпараттық-құқықтық жүйесінде 2015 жылғы 27 наурызда жарияланған):

      көрсетілген бұйрықпен бекітілген Өнеркәсіп саласындағы қызметті жүзеге асыру үшін біліктілік талаптары және оларға сәйкестікті растайтын құжаттар тізбесі осы тізбеге тізбесі сәйкес редакцияда жазылсын.

      3. "Кемені, оның ішінде шағын көлемді кемені және оған құқықтарды мемлекеттік тіркеу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 23 қаңтардағы № 51 бұйрығында (Нормативтік құқықтық актілерді мемлекеттік тіркеу тізілімінде № 10400 болып тіркелген, "Әділет" ақпараттық-құқықтық жүйесінде 2015 жылғы 17 наурызда жарияланған):

      көрсетілген бұйрықпен бекітілген Кемені, оның ішінде шағын көлемді кемені және оған құқықтарды мемлекеттік тіркеу қағидаларында:

      мынадай мазмұндағы 10-1-тармақпен толықтырылсын:

      "10-1. Кемелерді жеке тұлғалардың атына мемлекеттік тіркеу жеке тұлғаның тіркелген орны бойынша жүзеге асырылады.

      Кемелерді заңды тұлғалардың атына мемлекеттік тіркеу заңды тұлғаның не оның филиалының немесе өкілдігінің орналасқан жері бойынша жүзеге асырылады.";

      14-тармақ мынадай редакцияда жазылсын:

      "14. Ұсынылған өтінішті қарау мерзімі оның келіп түскен сәтінен бастап 7 (жеті) жұмыс күнін құрайды, оның қорытындысы бойынша Қазақстан Республикасының Мемлекеттік туын көтеріп жүзуге құқығын уақытша беруге рұқсат немесе жазбаша дәлелді бас тарту беріледі.

      Уәкілетті орган Қазақстан Республикасының Мемлекеттік туын көтеріп жүзу құқығын уақытша беруден мынадай негіздемелер бойынша бас тартады:

      1) кеме иесінің ұсынған құжаттардың және (немесе) олардағы деректердің (мәліметтердің) анық еместігін анықтау;

      2) кеме иесінің және (немесе) Қазақстан Республикасының Мемлекеттік туын көтеріп жүзу құқығын уақытша беруге рұқсат беру үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі Қазақстан Республикасының Мемлекеттік туын көтеріп жүзу құқығын уақытша беруге рұқсат алумен байланысты арнаулы құқығынан айырылатын, кеме иесіне қатысты соттың заңды күшіне енген шешімінің болуы.";

      19 және 20-тармақтар мынадай редакцияда жазылсын:

      "19. Кемені және оған құқықтарды мемлекеттік тіркеу мерзімі 7 (жеті) жұмыс күнін құрайды. Кеме куәлігінің телнұсқасын беру мерзімі өтініш берген күннен бастап 2 (екі) жұмыс күнін құрайды.

      20. Аумақтық бөлімше кемені және оған құқықтарды мемлекеттік тіркеуден, сондай-ақ Кеме куәлігінің телнұсқасын беруден мынадай негіздемелер бойынша бас тартады:

      1) кеме иесінің ұсынған құжаттардың және (немесе) олардағы деректердің (мәліметтердің) анық еместігін анықтау;

      2) кеме иесінің және (немесе) куәлікті беру үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі куәлікті алуға байланысты арнайы құқығынан айырылатын, кеме иесіне қатысты соттың заңды күшіне енген шешімінің болуы.";

      21, 22 және 23-тармақтар алып тасталсын;

      26-тармақ мынадай редакцияда жазылсын:

      "26. жаңа Кеме куәлігін бере отырып, кемелерді мемлекеттік қайта тіркеу өтініш берілген күннен бастап 7 (жеті) жұмыс күні мерзімінде жүзеге асырылады.

      Аумақтық бөлімше кемені қайта мемлекеттік тіркеуден мынадай негіздемелер бойынша бас тартады:

      1) кеме иесінің ұсынған құжаттардың және (немесе) олардағы деректердің (мәліметтердің) анық еместігін анықтау;

      2) кеме иесінің және (немесе) куәлікті беру үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі куәлікті алуға байланысты арнайы құқығынан айырылатын, кеме иесіне қатысты соттың заңды күшіне енген шешімінің болуы.";

      31-тармақ мынадай редакцияда жазылсын:

      "31. Кеменің ипотекасын мемлекеттік тіркеу Осы Қағидаларға 5-қосымшаға сәйкес нысан бойынша Кеменің ипотекасын мемлекеттік тіркеу туралы куәлікті берумен куәландырылады.

      Кеменің ипотекасын мемлекеттік тіркеу туралы куәлікті беру мерзімі өтінішті берген сәттен бастап 7 (жеті) жұмыс күнін құрайды.

      Аумақтық бөлімше кеменің ипотекасын мемлекеттік тіркеуден мынадай негіздемелер бойынша бас тартады:

      1) кеме иесінің ұсынған құжаттардың және (немесе) олардағы деректердің (мәліметтердің) анық еместігін анықтау;

      2) кеме иесінің және (немесе) куәлікті беру үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі куәлікті алуға байланысты арнайы құқығынан айырылатын, кеме иесіне қатысты соттың заңды күшіне енген шешімінің болуы.";

      35-тармақтың бірінші бөлігі мынадай редакцияда жазылсын:

      "35. Кеме ипотекасын мемлекеттік тіркеу туралы куәлікке қосымша парақты аумақтық бөлімше кепіл берушінің өтініші (еркін түрде) негізінде береді. Кеме ипотекасын мемлекеттік тіркеу туралы куәлікке қосымша парақты беру мерзімі өтініш берілген күннен бастап 7 (жеті) жұмыс күнін құрайды.";

      36-тармақтың бірінші бөлігі мынадай редакцияда жазылсын:

      "36. Кеменің кепіл берушісі кеме ипотекасын мемлекеттік тіркеу туралы куәлікті жоғалтқан жағдайда, аумақтық бөлімше осы Қағидаларға 4-қосымшаға сәйкес кепіл берушінің өтініші бойынша куәліктің телнұсқасын береді. Куәліктің телнұсқасын беру мерзімі 2 (екі) жұмыс күнін құрайды.";

      43-тармақ мынадай редакцияда жазылсын:

      "43. Қазақстан Республикасының Мемлекеттiк туын көтеріп жүзу құқығын тоқтата тұру күнi Қазақстан Республикасының Мемлекеттiк кеме тiзiлiмiне тиiстi белгi енгiзiлген күн болып есептеледi. Кеме куәлiгiне белгiлер енгiзу мерзімі өтiнiш берiлген күннен бастап 7 (жеті) жұмыс күнiн құрайды.";

      58-тармақтың екінші және үшінші бөліктері мынадай редакцияда жазылсын:

      "Қазақстан Республикасының тиісті уәкілетті органы шетелдік азаматқа немесе шетелдік заңды тұлғаға кемені мәжбүрлі түрде сатқан кезде Мемлекеттік кеме тізілімінен шығару мерзімі көрсетілген орган кеменің сатылғанын және сатып алушының өзіне қабылдап алғандарынан басқаларын қоспағанда, ешқандай ипотекалармен ауыртпалық салынбағанын куәландыратын құжаттарды ұсынған күннен бастап 7 (жеті) жұмыс күнін құрайды.

      Кеменің тіркелген ипотекасы болмаған жағдайда, бұл кемені Қазақстан Республикасының Мемлекеттік кеме тізілімінен шығару мерзімі өтініш берілген күннен бастап 7 (жеті) жұмыс күнін құрайды. Аумақтық бөлімше тиісті тізілімге шығарылғаны туралы жазбаны енгізеді және осы Қағидаларға 9-қосымшаға сәйкес Кемені мемлекеттік кеме тізілімінен шығару туралы анықтаманы береді.";

      мынадай мазмұндағы 61-1-тармақпен толықтырылсын:

      "61-1. Аумақтық бөлімше кемені тіркеуден шығарудан мынадай негіздемелер бойынша бас тартады:

      1) кеме иесінің ұсынған құжаттарының және (немесе) олардағы деректердің (мәліметтердің) дұрыс еместігін анықтау;

      2) кеме иесінің және (немесе) куәлікті беру үшін қажетті, ұсынылған материалдардың, объектілердің, деректердің және мәліметтердің осы қағидалармен белгіленген талаптарға сәйкес келмеуі;

      3) оның негізінде кеме иесі куәлікті алуға байланысты арнайы құқығынан айырылатын, кеме иесіне қатысты соттың заңды күшіне енген шешімінің болуы.";

      67-тармақ мынадай редакцияда жазылсын:

      "67. Шағын көлемді кемелерді жеке тұлғалардың атына мемлекеттік тіркеу жеке тұлғаның тіркелген орны бойынша жүзеге асырылады.

      Шағын көлемді кемелерді заңды тұлғалардың атына мемлекеттік тіркеу заңды тұлғаның, немесе оның филиалының немесе өкілдігінің орналасқан жері бойынша жүзеге асырылады.";

      70-тармақ мынадай редакцияда жазылсын:

      "70. Шағын көлемді кемені және оған құқықтарды мемлекеттiк тiркеу (қайта тіркеу) өтініші осы Қағидалардың 68-тармағында көрсетілген құжаттарды қоса бере отырып, осы Қағидалардың 12-қосымшасына сәйкес нысан бойынша ұсынылады. Шағын көлемді кемені мемлекеттік тіркеу (қайта тіркеу) мерзімі 7 (жеті) жұмыс күнін құрайды. Кеме билетінің телнұсқасын беру осы Қағидалардың 15-қосымшасына сәйкес нысан бойынша өтініш беру бойынша жүзеге асырылады. Кеме билетінің телнұсқасын беру мерзімі 2 (екі) жұмыс күнiн құрайды.";

      76-тармақ мынадай редакцияда жазылсын:

      "76. Аумақтық бөлімше шағын көлемді кемені және оларға құқықтарды мемлекеттік тіркеуден мынадай негіздемелер бойынша бас тартады:

      1) кеме иесінің ұсынған құжаттарының және (немесе) олардағы деректердің (мәліметтердің) дұрыс еместігін анықтау;

      2) кеме иесінің және (немесе) кеме билетін беру үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі кеме билетін алуға байланысты арнайы құқығынан айырылған кеме иесіне қатысты соттың заңды күшіне енген шешімінің болуы.";

      77, 78 және 79-тармақтар алып тасталсын;

      83-тармақ мынадай редакцияда жазылсын:

      "83. Жаңа кеме билетін беріп және жаңа тіркеу нөмірін бере отырып, шағын көлемді кемені мемлекеттік қайта тіркеу мерзімі өтініш берілген күннен бастап 7 (жеті) жұмыс күнiн құрайды.

      Аумақтық бөлімше шағын көлемді кемені және оларға құқықтарды мемлекеттік қайта тіркеуден мынадай негіздемелер бойынша бас тартады:

      1) кеме иесінің ұсынған құжаттарының және (немесе) олардағы деректердің (мәліметтердің) дұрыс еместігін анықтау;

      2) кеме иесінің және (немесе) кеме билетін беру үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі кеме билетін алуға байланысты арнайы құқығынан айырылған кеме иесіне қатысты соттың заңды күшіне енген шешімінің болуы.";

      85-тармақ мынадай мазмұндағы редакцияда жазылсын:

      "85. Кемелерді есептен шығару осы Қағидаларға 15-қосымшаға сәйкес нысан бойынша кеме иесінің жазбаша өтініші бойынша мынадай жағдайларда жүргізіледі: кеме иесінің ауысуы (сату, сыйлау, мұраға алу), иегердің басқа тұрақты тұратын орынға көшуі.

      Кемені мемлекеттік тіркеуден шығару мерзімі 5 (бес) жұмыс күнiн құрайды.";

      88-тармақ мынадай мазмұндағы редакцияда жазылсын:

      "88. Толық техникалық тозудың салдарынан кемені мемлекеттік тіркеуден шығару арнайы техникалық бақылау актісі бойынша, ал кемені оның қирауына байланысты мемлекеттік тіркеуден шығару кезінде кеме кітабында және тіркеу карточкасында тиісті жазбалар жасалады. Мұндай жағдайларда кеме билеті жойылады және аумақтық бөлімшеде сақталады.";

      мынадай мазмұндағы 88-1-тармақпен толықтырылсын:

      "88-1. Кеме билетін жоғалтқан жағдайда, кеме билетін жоғалту жағдайы осы Қағидаларға 15-қосымшаға сәйкес нысан бойынша өтініште көрсетіледі.

      Аумақтық бөлімше шағын көлемді кемені мемлекеттік тіркеуден шығарудан мынадай негіздемелер бойынша бас тартады:

      1) кеме иесінің ұсынған құжаттарының және (немесе) олардағы деректердің (мәліметтердің) дұрыс еместігін анықтау;

      2) кеме иесінің және (немесе) шағын көлемді кемені мемлекеттік тіркеуден шығару үшін қажетті, ұсынылған материалдардың, объектілердің, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде кеме иесі шағын көлемді кемені мемлекеттік тіркеуден алуға байланысты арнайы құқығынан айырылған кеме иесіне қатысты соттың заңды күшіне енген шешімінің болуы.";

      90-тармақтың бесінші бөлігі мынадай редакцияда жазылсын:

      "Шағын көлемдi кеменiң ипотекасын мемлекеттiк тiркеу мерзімі өтініш берілген күннен бастап 7 (жеті) жұмыс күнін құрайды және осы Қағидаларға 17-қосымшаға сәйкес шағын көлемдi кеменiң ипотекасын мемлекеттiк тiркеу туралы куәлiк берілуімен куәландырылады.";

      91-тармақтың төртінші бөлігі мынадай редакцияда жазылсын:

      "Шағын көлемді кеменің ипотекасын мемлекеттік тіркеу туралы куәлікке қосымша парағы аумақтық бөлімшемен кепіл берушінің өтініші (еркін нысанда) негізінде беріледі. Шағын көлемді кеменің ипотекасын мемлекеттік тіркеу туралы куәлікке қосымша парақтың беру мерзімі өтініш берген күннен бастап 7 (жеті) жұмыс күнiн құрайды.";

      92-тармақтың бірінші бөлігі мынадай редакцияда жазылсын:

      "92. Кеменің кепіл берушісі шағын көлемді кеме ипотекасын мемлекеттік тіркеу туралы куәлікті жоғалтқан жағдайда, аумақтық бөлімше осы Қағидаларға 16-қосымшаға сәйкес кепіл берушінің өтініші бойынша куәліктің телнұсқасын береді. Куәліктің телнұсқасын беру мерзімі 2 (екі) жұмыс күнiн құрайды.";

      мынадай мазмұндағы 94-тармақпен толықтырылсын:

      "94. Аумақтық бөлімше шағын көлемді кеме ипотекасын мемлекеттік тіркеуден мынадай негіздемелер бойынша бас тартады:

      1) кеме иесінің ұсынған құжаттарының және (немесе) олардағы деректердің (мәліметтердің) дұрыс еместігін анықтау;

      2) кеме иесінің және (немесе) шағын көлемді кеме ипотекасын мемлекеттік тіркеу туралы куәлік беру үшін қажетті, ұсынылған материалдардың, объектілердің, деректердің және мәліметтердің осы Қағидалармен белгіленген талаптарға сәйкес келмеуі;

      3) оның негізінде кеме иесі шағын көлемді кемені ипотекасының куәлігін берумен байланысты арнайы құқығынан айырылған кеме иесіне қатысты соттың заңды күшіне енген шешімінің болуы.";

      Осы Қағидаларға 12-қосымша осы тізбеге 2-қосымшаға сәйкес редакцияда жазылсын.

      4. "Әуеайлақтардың (тікұшақ айлақтарының) жарамдылығын сертификаттау және оларға сертификат беру қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 187 бұйрығында (Нормативтік құқықтық актілерді мемлекеттік тіркеу тізілімінде № 12052 болып тіркелген, "Әділет" ақпараттық-құқықтық жүйесінде 2015 жылғы 16 қазанда жарияланған):

      көрсетілген бұйрықпен бекітілген Әуеайлақтардың (тікұшақ айлақтарының) жарамдылығын сертификаттау және оларға сертификат беру қағидаларында:

      7-тармақта:

      2) тармақша мынадай редакцияда жазылсын:

      "2) осы Қағидаларға 4-қосымшаға сәйкес нысан бойынша уәкілетті органның әуеайлақтардың (тікұшақ айлақтарының) жарамдылығына сертификаттау жүргізуге арналған өтінімі бойынша алдын ала бағалау және шешім қабылдау;";

      10-тармақ алып тасталсын;

      11-тармақ мынадай редакцияда жазылсын:

      "11. Сертификаттаудың жалпы мерзімі өтініш берілген күннен бастап елу жұмыс күнін құрайды.";

      13, 14 және 15-тармақтар мынадай редакцияда жазылсын:

      "13. Уәкілетті орган өтініш пен ұсынылған құжаттарды оны алған күнінен бастап жиырма бір жұмыс күні ішінде қарастырады.

      14. Өтініш беруші осы Қағидалардың 8-тармағында көзделген тізбеге сәйкес құжаттардың толық топтамасын ұсынбаған және (немесе) қолданылу мерзімі өтіп кеткен құжаттарды ұсынған жағдайда, уәкілетті орган белгіленген мерзімде өтінішті одан әрі қараудан жазбаша уәждемелі бас тартады.

      Өтініш бойынша ескертулер болмаған кезде уәкiлетті орган өтiнiш берушіні оларға сәйкестікке әуеайлақ сертификатталатын сертификаттау рәсiмдерi, нормативтік талаптар туралы хабарлайды және осы Қағидаларға 4-қосымшаға сәйкес нысан бойынша әуеайлақтың (тікұшақ айлағының) жарамдылығына сертификаттау жүргізуге арналған өтінім бойынша шешім шығарады.

      15. Сертификаттық тексеруді жүргізу үшін комиссияның (бұдан әрі – Комиссия) құрамын уәкілетті органның басшысы немесе оны алмастырушы тұлға айқындайды.";

      17-тармақ мынадай редакцияда жазылсын:

      "17. Сертификаттық тексеру мерзiмi сертификаттық тексеру жүргізуге шешім қабылданған сәттен бастап жиырма бір жұмыс күнін құрайды.";

      21 және 22-тармақтар мынадай редакцияда жазылсын:

      "21. Сертификатты немесе сертификат беруден бас тарту туралы шешімді ресімдеу және беру мерзімі сертификаттық тексеру актiсi жасалғаннан кейiн сегіз жұмыс күнін құрайды.

      22. Сертификат беруден бас тарту үшін негіздемелер мыналар болып табылады:

      1) өтініш берушінің сертификат алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;

      2) өтініш берушінің және (немесе) сертификат алу үшін қажетті, ұсынылған материалдардың, объектілердің, деректердің және мәліметтердің Заңның 64-бабы 1-тармағында, Қазақстан Республикасы Инвестициялар және даму министрінің 2015 жылғы 31 нарыздағы № 381 бұйрығымен бекітілген (Нормативтік құқықтық актілерді мемлекеттік тіркеу тізілімінде № 12303 болып тіркелген), Азаматтық авиация әуеайлақтарының (тікұшақ айлақтарының) пайдалануға жарамдылығы нормаларында белгіленген талаптарға сәйкес келмеуі;

      3) оның негізінде өтініш беруші жарамдылық сертификатын алумен байланысты арнайы құқығынан айырылған өтініш берушіге қатысты соттың заңды күшіне енген шешімінің болуы.".

      5. "Жылжымалы құрамды және оның кепілін мемлекеттік тіркеу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 333 бұйрығында (Нормативтік құқықтық актілерді мемлекеттік тіркеу тізілімінде № 11119 болып тіркелген, "Әділет" ақпараттық-құқықтық жүйесінде 2015 жылғы 18 маусымында жарияланған):

      көрсетілген бұйрықпен бекітілген Жылжымалы құрамды және оның кепілін мемлекеттік тіркеу қағидаларында:

      10-тармақ мынадай редакцияда жазылсын:

      "10. Жылжымалы құрамды мемлекеттік тiркеу туралы өтiнiштi тіркеуші орган осы Қағидаларға 9-тармақта көрсетілген барлық қажеттi құжаттар бар өтініш берілген күннен бастап бес жұмыс күні мерзімінде қарастырады.".

      Тіркеуші орган құжаттарды алған сәттен бастап 2 (екі) жұмыс күні ішінде ұсынылған құжаттардың толықтығын тексереді.

      Ұсынылған құжаттардың толық еместігі және (немесе) қолданылу мерзімі өтіп кеткен құжаттарды ұсыну фактісі белгіленген жағдайда, тіркеуші орган көрсетілген мерзімдерде өтінішті одан әрі қарастырудан жазбаша дәлелді бас тартады.";

      14-тармақ мынадай редакцияда жазылсын:

      "14. Тіркеуші орган мынадай жағдайларда жылжымалы құрамды мемлекеттік тiркеуден бас тартады және бес жұмыс күнi мерзімінде дәлелді бас тартуды береді:

      1) өтініш беруші жылжымалы құрамды мемлекеттік туркеу туралы куәлікті алу үшін ұсынған құжаттардың және (немесе) оларда қамтылған деректердің (мәліметтердің) анық еместігін анықталған;

      2) өтініш берушінің және (немесе) жылжымалы құрамды мемлекеттік тіркеу үшін қажетті, ұсынылған материалдардың, деректердің және мәліметтердің осы Қағидаларда белгіленген талаптарға сәйкес келмеуі;

      3) оның негізінде өтініш беруші жылжымалы құрамды мемлекеттік тіркеу туралы куәлікті алумен байланысты арнайы құқығынан айырылған өтініш берушіге қатысты соттың заңды күшіне енген шешімінің болуы.".

      6. "Ішкi су жолдарымен кеме қатынасын жүзеге асыратын кемелер үшін кеме құжаттарын беру және жүргізу қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 27 наурыздағы № 357 бұйрығында (Нормативтік құқықтық актілерді мемлекеттік тіркеу тізілімінде № 11093 болып тіркелген, "Әділет" ақпараттық-құқықтық жүйесінде 2015 жылғы 18 маусымда жарияланған):

      көрсетілген бұйрықпен бекітілген Ішкi су жолдарымен кеме қатынасын жүзеге асыратын кемелер үшін кеме құжаттарын беру және жүргізу қағидаларында:

      87 және 88-тармақтар мынадай редакцияда жазылсын:

      "87. Кеме экипажының ең аз құрамы туралы куәлікті берудің мерзімі кеме иесі штаттық кестесі мен кеме иесі бекіткен кемені пайдалану режимі және экипаждың жұмысы туралы бұйрықты (немесе басқа құжат) қоса бере отырып, өтінішті ұсынғаннан кейін бес жұмыс күнін құрайды.

      88. Аумақтық бөлімше кеме экипажының ең аз құрамы туралы куәлікті беруден мынадай негіздермелер бойынша бас тартады:

      1) кеме иесі ұсынған құжаттардың және (немесе) олардағы деректердің (мәліметтердің) анық еместігін анықтау;

      2) кеме иесінің және (немесе) кеме экипажының ең аз құрамы туралы куәлікті алу үшін қажетті, ұсынылған материалдардың, объектілердің, деректердің және мәліметтердің Қазақстан Республикасы Инвестициялар және даму министрінің міндетін атқарушының 2015 жылғы 18 ақпандағы № 134 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10788 болып тіркелген) Кемелер экипаждарының ең аз құрамына қойылатын талаптарға сәйкес келмеуі.".

      7. "Кеме жүргізушілерін шағын көлемді кемені басқару құқығына аттестаттау қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 17 сәуірдегі № 457 бұйрығында (Нормативтік құқықтық актілерді мемлекеттік тіркеу тізілімінде № 11528 болып тіркелген, "Әділет" ақпараттық-құқықтық жүйесінде 2015 жылғы 10 шілдеде жарияланған):

      көрсетілген бұйрықпен бекітілген Кеме жүргізушілерін шағын көлемді кемені басқару құқығына аттестаттау қағидаларында:

      8-тармақ мынадай редакцияда жазылсын:

      "8. Құжаттарды Мемлекеттік корпорация арқылы берген кезде Мемлекеттік корпорация қызметкері адамды осы Қағидалардың 7-тармағында көзделген тізбеге сәйкес құжаттардың толық топтамасын ұсыну мәніне тексергеннен кейін Мемлекеттік корпорацияда өтініш қабылданған сәттен бастап бір сағат ішінде өтініш берушіні емтихан тапсыруға жібереді.

      Мемлекеттік корпорация қызметкері осы Қағидалардың 7-тармағында көзделген құжаттардың толық топтамасын ұсынбаған жағдайда, құжаттарды қабылдаудан бас тартады.

      Құжаттарды портал арқылы берген кезде жергілікті атқарушы органның қызметкері осы Қағидалардың 7-тармағында көзделген тізбеге сәйкес құжаттардың толық топтамасын алғаннан кейін порталда өтінішті қабылдаған сәттен бастап бір сағат ішінде өтініш берушінің жеке кабинетіне емтихан өткізу орны мен уақыты туралы хабарламаны жібереді. Бұл ретте емтихан өтініш берушінің жеке кабинетіне хабарламаны жіберген сәттен бастап бір жұмыс күні ішінде өткізіледі.";

      9-тармақ мынадай редакцияда жазылсын:

      "9. Шағын көлемді кемелерді басқару құқығына куәлікті алу үшін өтініш беруші мынадай талаптарды сақтауы тиіс:

      1) теріс нәтижесі бар соңғы емтихан тапсыру күнінен бастап жеті жұмыс күнінен кем емес – емтиханды қайта тапсыру уақыт интервалын;

      2) кеме жүргізуші курстарын қайталама және курстарды қайта аяқтау мерзімі он екі айдан аспау;

      3) он екi ай iшiнде емтихандарды үш реттен артық теріс нәтижемен тапсыру;

      4) жергілікті атқарушы органда есепте тұрған шағын көлемді кемелердің кеме жүргізушілерін даярлау жөніндегі курстарды бітіргені туралы куәлікті (анықтаманы)* ұсынуы.

      ескертпе: * "Қазақстан Республикасының кейбір заңнамалық актілеріне мемлекеттік басқару деңгейлері арасындағы өкілеттіктердің аражігін ажырату мәселелері бойынша өзгерістер мен толықтырулар енгізу туралы" 2014 жылғы 29 қыркүйектегі Қазақстан Республикасының Заңы қолданысқа енгізілгенге дейін уәкілетті органның аумақтық бөлімшелерінде есепте тұрған шағын көлемді кемелердің кеме жүргізушілерін даярлау жөніндегі курстарды ашқан ұйымдар берген шағын көлемді кемелердің кеме жүргізушілерін даярлау жөніндегі курстарды бітіргені туралы куәліктер (анықтамалар) шағын көлемді кемелердің кеме жүргізушілерін даярлау жөніндегі курстарды бітіргені туралы куәліктер (анықтамалар) қолданылу мерзімінің аяқталуына дейін жарамды болып табылады;

      5) құжаттарды тапсыру барысында он сегіз жасқа толуы.";

      мынадай мазмұндағы 9-1 тармақпен толықтырылсын:

      "9-1. Жергілікті атқарушы орган қызметкері өтініш берушіге мынадай жағдайда шағын көлемді кемелерді басқару құқығына куәлікті беруден бас тартады:

      1) өтініш берушімен шағын көлемді кемелерді басқару құқығына куәлікті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;

      2) өтініш берушінің және (немесе) шағын көлемді кемелерді басқару құқығына куәлікті алу үшін қажетті ұсынылған материалдардың, объектілердің, деректердің және мәліметтердің осы Қағидалардың 9-тармағымен белгіленген талаптарға сәйкес келмеуі;

      3) өтініш берушіге қатысты соттың заңды күшіне енген үкімінің болуы, оның негізінде өтініш берушінің шағын көлемді кемелерді басқару құқығына куәлікті алумен байланысты арнаулы құқығынан айырылуы.";

      10 және 11-тармақтар мынадай редакцияда жазылсын:

      "10. Емтихан тапсыруға жіберуден бас тартылған жағдайда онда бас тарту себептерін көрсете отырып, ұсынылған құжаттар өтініш берушіге қайтарылады. Ұсынылған құжаттарды қайтару мерзімі құжаттар келіп түскен күннен бастап бір жұмыс күнін құрайды.

      11. Өтініш берушінің емтихан тапсыруға жіберуден бас тарту жағдайларымен келіспегені туралы түскен шағымын жергілікті атқарушы органның, Мемлекеттік корпорация қызметкерлерінің қарастыру мерзімі ол келіп түскен күннен бастап бес жұмыс күнін құрайды.";

      29-тармақ мынадай редакцияда жазылсын:

      "29. Шағын көлемді кемелерді басқару құқығына куәлікті беру мерзімі емтиханды сәтті тапсырған күннен бастап он жұмыс күнін құрайды.".

      11. "Техникалық реттеу және метрология саласындағы мемлекеттік көрсетілетін қызметтер стандарттарын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 26 маусымдағы № 730 бұйрығында (Нормативтік құқықтық актілерді мемлекеттік тіркеу тізіліміне № 11764 болып тіркелген, "Егемен Қазақстан" газетінде 2013 жылы 12 қыркүйекте № 174 (28652) жарияланған):

      көрсетілген бұйрықпен бекітілген "Қазақстан Республикасы аумағында қолданылатын халықаралық, өңiрлiк стандарттарды және шет мемлекеттердің стандарттарын, шет мемлекеттердің ұйымдарының стандарттарын, техникалық-экономикалық ақпарат жiктеуiштерін стандарттау, сәйкестiктi растау және аккредиттеу жөніндегі қағидаларын, нормалары мен ұсынымдарын есепке алу" мемлекеттік көрсетілетін қызмет стандартында:

      4-тармақ мынадай редакцияда жазылсын:

      "4. Мемлекеттік қызметті көрсету мерзімі:

      1) көрсетілетін қызметті берушіге құжаттар топтамасы тапсырылған сәттен бастап – 8 (сегіз) жұмыс күні;

      2) құжаттар топтамасын тапсыру үшін рұқсат етілген күтудің ең ұзақ уақыты – 20 (жиырма) минут;

      3) қызмет көрсетудің рұқсат етілген ең ұзақ уақыты – 15 (он бес) минут.

      Көрсетілетін қызметті беруші көрсетілетін қызметті алушының құжаттарын алған кезден бастап 2 (екі) жұмыс күні ішінде ұсынылған құжаттардың толықтығын тексереді.

      Ұсынылған құжаттардың толық еместігі және (немесе) қолданылу мерзімі өтіп кеткен құжаттарды ұсыну фактісі анықталған жағдайда көрсетілетін қызметті беруші көрсетілген мерзімдерде өтінішті одан әрі қарастырудан жазбашща дәлелді бас тарту береді.";

      6-тармақ мынадай редакцияда жазылсын:

      "6. Мемлекеттік қызметті көрсету нәтижесі – Қазақстан Республикасы аумағында қолданылатын халықаралық, өңiрлiк стандарттарды және шет мемлекеттердің стандарттарын, шет мемлекеттердің ұйымдарының стандарттарын, техникалық-экономикалық ақпарат жiктеуiштерін стандарттау, сәйкестiктi растау және аккредиттеу жөніндегі қағидаларын, нормалары мен ұсынымдарын (бұдан әрі – халықаралық стандарттар және шетел мемлекеттерінің стандарттау жөніндегі нормативтік құжаттары) (олардың ресми аудармаларының) тіркеу нөмірін бере отырып есепке алу не осы мемлекеттік көрсетілетін қызмет стандартының 9-1-тармағында көзделген жағдайларда және негіздер бойынша мемлекеттік қызмет көрсетуден бас тарту туралы жазбаша дәлелді жауап.

      Мемлекеттік қызмет көрсету нәтижесін ұсыну нысаны: қағаз түрінде.";

      9-тармақ мынадай редакцияда жазылсын:

      "9. Көрсетілетін қызметті алушы (не сенімхат бойынша оның өкілі) көрсетілетін қызметті берушіге жүгінген кезде мемлекеттік қызмет көрсету үшін қажетті құжаттардың тізбесі:

      1) халықаралық стандарттар мен шетел мемлекеттерiнің стандарттау жөніндегі нормативтік құжаттарын есепке алу тіркелімін жүргізу туралы өтініш (еркін нысанда);

      2) халықаралық стандарттар мен шетел мемлекетінің стандарттау жөнiндегi нормативтiк құжаттарын және олардың мемлекеттiк және орыс тілдеріндегі теңтүпнұсқалық аудармасын екі көшірмесі. Шетел тілінен аударманы растауды уәкілетті орган жүзеге асырады;

      3) пайдаланушыны осы құжаттарға қабылданған барлық өзгерістермен қамтамасыз ету, сондай-ақ пайдаланушының құжаттарды үшінші тұлғаларға беру құқығын растау немесе жоққа шығару жөніндегі төлнұсқа ұстаушының (немесе оның ресми таратушысының) міндеттері қамтылған халықаралық стандарттардың және шетел мемлекетінің стандарттау жөніндегі нормативтік құжаттарының төлнұсқаларын ұстаушымен (немесе оның ресми таратушысымен) шарттың көшірмесі;

      4) халықаралық стандарттар және шетел мемлекеттерінің стандарттау жөніндегі нормативтік құжаттарына қатысты олардың құзыретіне кіретін мәселелер бойынша мемлекеттік органдардың қорытындысының көшірмесі.

      Ұсынылатын нормативтік құжаттардың әрбір данасы нөмірленеді, тігіледі және көрсетілетін қызметті алушының мөрімен бекітіледі.

      Көрсетілетін қызметті алушы барлық қажетті құжаттарды көрсетілетін қызметті берушінің кеңсесі арқылы тапсырған кезде қағаз тасығышта өтініштің қабылдағанын растау оның көшірмесінде құжаттар топтамасын қабылдаған күні мен уақытын көрсете отырып, тіркеу туралы белгі болып табылады.";

      мынадай мазмұндағы 9-1-тармақпен толықтырылсын:

      "9-1) Мемлекеттік қызмет көрсетуден бас тартудың негіздері:

      1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық емесітігін анықтау;

      2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректердің және мәліметтердің Қазақстан Республикасы Индустрия және жаңа технологиялар министрінің міндетін атқарушының 2012 жылғы 27 желтоқсандағы № 491 бұйрығымен бекітілген (Нормативтік құқықтық актілерді мемлекеттік тіркеу тізілімінде № 8302 болып тіркелген) Халықаралық, өңiрлiк стандарттарды және шет мемлекеттердiң стандарттарын, шет мемлекеттердің ұйымдарының стандарттарын, техникалық-экономикалық ақпарат жiктеуiштерін, стандарттау, сәйкестiктi растау және аккредиттеу жөніндегі қағидаларын, нормалары мен ұсынымдарын ұйымдардың стандарттарында қолдануды қоспағанда, оларды Қазақстан Республикасының аумағында есепке алу және қолдану қағидаларында белгіленген талаптарға сәйкес келмеуі;

      3) олардың құзыретіне кіретін уәкілетті мемлекеттік органның шет мемлекеттерді стандарттау бойынша халықаралық стандарттарды және нормативтік құжаттарды тіркеу үшін талап етілетін келісу туралы сұрау салуға берілген теріс жауап.";

      көрсетілген бұйрықпен бекітілген "Мемлекеттік басқару органдарының метрологиялық қызметтерінің, жеке және заңды тұлғалардың қызметті жүзеге асыру жөніндегі нормативтік құжаттарды келісу" мемлекеттік көрсетілетін қызмет стандартында:

      4-тармақ мынадай редакцияда жазылсын:

      "4. Мемлекеттік қызметті көрсету мерзімі:

      1) көрсетілетін қызметті берушіге құжаттар топтамасы тапсырылған сәттен бастап – 5 (бес) жұмыс күні;

      2) көрсетілетін қызметті берушіге құжаттар топтамасын тапсыру үшін рұқсат етілген ең ұзақ уақыты – 20 (жиырма) минут;

      3) қызмет көрсетудің рұқсат етілген ең ұзақ уақыты – 15 (он бес) минут.

      Көрсетілетін қызметті беруші көрсетілетін қызметті алушының құжаттарын алған кезден бастап 2 (екі) жұмыс күні ішінде ұсынылған құжаттардың толықтығын тексереді.

      Ұсынылған құжаттардың толық еместігі және (немесе) қолданылу мерзімі өтіп кеткен құжаттарды ұсыну фактісі анықталған жағдайда көрсетілетін қызметті беруші көрсетілген мерзімдерде өтінішті одан әрі қарастырудан жазбаша дәлелді бас тарту береді.";

      6-тармақ мынадай редакцияда жазылсын:

      "6. Мемлекеттік қызметті көрсету нәтижесі – мемлекеттік басқару органдарының, жеке және заңды тұлғалардың метрологиялық қызметтер жұмысын жүзеге асыруы жөніндегі нормативтік құжаттарды келісу туралы қорытынды беру не осы мемлекеттік көрсетілетін қызмет стандартының 9-1-тармағында көзделген жағдайда және негіздер бойынша мемлекеттік қызмет көрсетуден бас тарту туралы жазбаша дәлелді жауап.

      Мемлекеттік қызметті көрсету нәтижесін ұсыну нысаны: қағаз түрінде.";

      мынадай мазмұндағы 9-1-тармақпен толықтырылсын:

      "9-1. Мемлекеттік көрсетілетін қызметті көрсетуден бас тарту үшін негіз мемлекеттік көрсетілетін қызметті алу үшін көрсетілетін қызметтерді алушы ұсынған құжаттардың және (немесе) олардағы деректердің (мәліметтердің) анық емесітігін анықтау болып табылады.".

      12. "Әуеайлақтың (тікұшақ айлағының) жарамдылығы сертификатын беру" мемлекеттік көрсетілетін қызмет стандартын бекіту туралы" Қазақстан Республикасы Инвестициялар және даму министрінің 2015 жылғы 4 қарашадағы № 1038 бұйрығында (Нормативтік құқықтық актілерді мемлекеттік тіркеу тізілімінде № 12904 болып тіркелген, "Әділет" ақпараттық-құқықтық жүйесінде 2016 жылғы 30 наурызда жарияланған):

      бұйрықтың атауы мемлекеттік тілде өзгеріссіз қалады, орыс тіліндегі мәтіні өзгеретіледі.

      көрсетілген бұйрықпен бекітілген "Әуеайлақтың (тікұшақ айлағының) жарамдылығы сертификатын беру" мемлекеттік көрсетілетін қызмет стандартында:

      4-тармақ мынадай редакцияда жазылсын:

      "4. Мемлекеттік қызметті көрсету мерзімі:

      1) құжаттар топтамасын көрсетілетін қызметті берушіге тапсырған сәттен бастап, сондай-ақ порталға жүгінген кезде:

      әуеайлақтың (тікұшақ айлағының) жарамдылығы сертификатын беру – 50 (елу) жұмыс күні;

      2) көрсетілетін қызметті алушының құжаттар топтамасын тапсыру үшін күтудің рұқсат етілген ең ұзақ уақыты – 20 (жиырма) минут;

      3) көрсетілетін қызметті алушыға қызмет көрсетудің рұқсат етілген ең ұзақ уақыты – 30 (отыз) минут.

      Көрсетілетін қызметті беруші мемлекеттік көрсетілетін қызметті алушының құжаттарын алған кезден бастап 2 (екі) жұмыс күні ішінде ұсынылған құжаттардың толықтығын тексереді.

      Ұсынылған құжаттардың толық еместігі және (немесе) қолданылу мерзімі өтіп кеткен құжаттарды ұсыну фактісі анықталған жағдайда көрсетілетін қызметті беруші көрсетілген мерзімдерде өтінішті одан әрі қарастырудан жазбаша дәлелді бас тарту береді.";

      10-тармақ мынадай редакцияда жазылсын:

      "10. Мемлекеттік қызметті көрсетуден бас тарту үшін негіздері мыналар:

      1) көрсетілетін қызметті алушы мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) дұрыс еместігін анықтау;

      2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректер мен мәліметтердің "Қазақстан Республикасының әуе кеңістігін пайдалану және авиация қызметі туралы" Қазақстан Республикасының 2010 жылғы 15 шілдедегі Заңының 64-бабы 1-тармағында белгіленген талаптарға Қазақстан Республикасы Инвестициялар және даму министрінің 2015 жылғы 31 наурыздағы № 381 бұйрығымен бекітілген (Нормативтік құқықтық актілерді мемлекеттік тіркеу тізілімінде № 12303 болып тіркелген) Азаматтық авиация әуеайлақтарының (тікұшақ айлақтарының) пайдалануға жарамдылығы нормаларына сәйкес келмеуі;

      3) мемлекеттік көрсетілетін қызметті алушыға қатысты соттың заңды күшіне енген шешімінің болуы, оның негізінде мемлекеттік көрсетілетін қызметті алумен байланысты арнаулы құқығынан айырылуы болып табылады.".

Өнеркәсіп саласындағы қызметті жүзеге асыру үшін біліктілік талаптары және оларға сәйкестікті растайтын құжаттардың тізбесі

Өнеркәсіп саласындағы қызметті жүзеге асыру үшін біліктілік талаптарына және оларға сәйкестікті растайтын құжаттар тізбесіне мәліметтер нысаны

      1. Тау-кен және химия өндірістерін пайдалану бойынша қызмет үшін:

      1) Өндірістік база өтініш берілген кіші қызмет түрлеріне сәйкес жабдықталуға және мыналарды қамтитын, меншік құқығында немесе өзге де заңды негіздерде өндірістік база (ғимарат, үй-жайлар) туралы мәлімет:

      жылжымайтын мүліктің кадастрлық нөмірі (орналасқан жері)_____________________;

      өзге заңды негізде болған жағдайда шарттың нөмірі мен қол қойылған

      күні____________________________________________________________________________;

      шартты жасаған ұйымның атауы______________________________________________;

      2) тау-кен өндірісін пайдалану, қатты пайдалы қазбаларды (кең таралған пайдалы қазбаларды қоспағанда), өндіру; ашық және жер асты тәсілдерімен қатты пайдалы қазбалардың кен орындарын ашу және әзірлеу; кен орындарында технологиялық жұмыстарды жүргізу; кеніштер мен шахталарды жабу жөніндегі тарату жұмыстарын жүргізу үшін:

      Инженерлік құрылыстардың, машиналардың, тетіктердің, құралдардың, арнайы көліктердің, жабдықтардың, өлшеу жабдықтарының және бақыланатын технологиялық процестің болуы туралы ақпарат ____________________________________________________

      ________________________________________________________________________________

      ________________________________________________________________________________

      (инженерлік құрылыстарды, машиналарды, тетіктерді, құралдарды, арнайы көліктерді және

                              өзге жабдықтарды көрсету);

      3) пайдалы қазбаларды өндіру үшін жарылыс жұмыстарын жүргізуге:

      жарылғыш заттармен жұмыс жасауға арналған лицензияның нөмірі________________;

      шарттың нөмірі*___________________________________________________________;

      шарттың жасалған күні*_____________________________________________________;

      жарылғыш заттарды сақтауға лицензиясы бар мамандандырылған ұйымның

      атауы*_________________________________________________________________________;

      ұңғымаларды бұрғылауға арналған бұрғылау станогының болуы туралы

      ақпарат_________________________________________________________________________;

      ескертпе:*осы тармақшаның 2), 3) және 4) абзацтарындағы мәліметтер ұйымның жарылғыш заттармен жұмыс жасауға арналған лицензиясы бар болған жағдайда толтырылмайды;

      4) ұңғымаларды жер астында және күрделі жөндеу, жабдықтар мен агрегаттарды бөлшектеу, ұңғымалар көтергішін орнату үшін;

      ұңғымаларды жөндеуден кейін сынау; ұңғымаларды жуу, цементтеу, сынап көру және игеру үшін:

      тиісті технологиялық жабдықтардың болуы туралы ақпарат_______________________

      __________________________________________________________________________

                        (қолда бар жабдықты көрсету);

      5) химия өндірістерін пайдалану үшін:

      тетіктердің, технологиялық желілердің, шикізатты дайындау, қайта өңдеу қондырғыларының, шикізатты, дайын өнімдерді, жарылыс өрт қауіпті, улы күшті әсер ететін заттарды сақтау үшін арнайы жабдықталған қоймалардың, үй-жайлардың және сыйымдылықтардың, меншік құқығында немесе өзге де заңды негіздерде болуы туралы ақпарат _________________________________________________________________________

      ________________________________________________________________________________

            (қолда бар тетіктерді, қондырғыларды және басқа жабдықты көрсету);

      өнімнің стандарттарға, нормалар мен техникалық шарттарға сәйкестігін бақылау бойынша аккредиттелген зертхана аттестатының нөмірі және берілген күні____________________________________________________________________________;

      аккредиттелген зертханамен жасалған шарттың нөмірі*__________________________;

      аккредиттелген зертханамен шарттың жасалған күні*____________________________.

      Ескертпе: *осы тармақшаның 3) және 4) жолдарындағы мәліметтер меншікті зертханасы болмаған кезде толтырылады.

      Руководителю _____________________________

      _________________________________________

      (уәкілетті органның атауы) /

      (наименование уполномоченного органа)

      __________________________________басшысы

      __________________________________________

      (тегі, аты, әкесінің аты (болған жағдайда)

      (бұдан әрі – Т.А.Ә.)/фамилия, имя, отчество

      (при его наличии) (далее – Ф.И.О.)

      кімнен / от ________________________________

      __________________________________________

      (заңды тұлғаның атауы, орналасқан жері, телефоны

      немесе жеке тұлғаның Т.А.Ә. (болған жағдайда),

      туған жылы, тіркелген орны, телефоны /

      наименование юридического лица, место

      нахождения, телефон или Ф.И.О. (при его наличии)

      физического лица, дата рождения,

      место регистрации, телефон)

Шағын өлшемді кемені мемлекеттік тіркеуге (қайта тіркеуге) өтініш Заявление на государственную регистрацию (перерегистрацию) маломерного судна и прав на него

      ________________________________________________________________________________

      ________________________________________________________________________________

      Тиесілі шағын өлшемді кемені тіркеуге (қайта тіркеу) қабылдауды сұраймын/

      Прошу принять к регистрации (перерегистрации) маломерное судно и прав на него,

      принадлежащее __________________________________________________________________

      ________________________________________________________________________________

      Алғашқы мемлекеттік тіркеу кезінде жеке жасалған кемелер туралы мәліметтер/

      Сведения для судов индивидуальной постройки при первичной

      государственной регистрации______________________________________________________

      ________________________________________________________________________________

      ________________________________________________________________________________

      Заңды тұлғаның атауы, орналасқан жері, телефоны немесе жеке Т.А.Ә. (болған жағдайда),

      туған жылы, тіркелген орны, телефоны/ Наименование юридического лица, место

      нахождения, телефон или Ф.И.О. (при его наличии) физического лица, год рождения, место

      регистрации, телефон

      ________________________________________________________________________________

      ________________________________________________________________________________

      ________________________________________________________________________________

      Жеке сәйкестендіру нөмірі немесе бизнес-сәйкестендіру өмірі/Индивидуальный

      идентификационный номер или бизнес-идентификационный номер ______________________

      ________________________________________________________________________________

      Кеменің типі/Тип судна ___________________________________________________________

      Кеменің № Судна ________________________________________________________________

      Корпус материалы/Материал корпуса _______________________________________________

      Ұзындығы/Длина, м ________________ Ені/Ширина, м ________________________________

      Борт биіктігі/Высота борта, м ______________________________________________________

      Шөгуі/Осадка: бос/порожнем ______________________________________________________

      толық жүкте/в полном грузу _______________________________________________________

      Жасалған жылы мен орны/Год и место постройки _____________________________________

      Кеме массасы/Масса судна (кг) _____________________________________________________

      Жолаушылар сыйымдылығы (адам)/Пассажировместимость (чел.) _______________________

      Жүк көтерімділігі/Грузоподъемность ________________________________________________

      (жүксіз)/(без груза)

      Құтқару құралдары/Спасательные средства ___________________________________________

      Су итергіш құралдары/Водоотливные средства ________________________________________

      Сигналды құралдары/Сигнальные средства ___________________________________________

      Зәкірлік құрылғы/Якорное устройство _______________________________________________

      Өртке қарсы инвентарь/Противопожарный инвентарь __________________________________

      Қозғалтқыш маркасы/Марка двигателя ______________________________________________

      Қуаты/Мощность ____________________№ __________________________________________

      Жасалған жылы және орны/Год и место постройки _____________________________________

      Қозғаушы/Движитель: род ___________ Саны ________________________________________

      Жүзу ауданы/Район плавания ______________________________________________________

      Кеменің тұрақ орны/Место стоянки судна ____________________________________________

      Ақпараттық жүйелердегі заңмен қорғалатын құпияны құрайтын мәліметтерді пайдалануға

      келісім беремін / Согласен на использование сведений, составляющих охраняемую законом

      тайну, содержащихся в информационных системах.

      "____"__________20__ ж/г.

      _______________________

      (қолы /подпись)

      Ескерту. Күші жойылды – ҚР Индустрия және инфрақұрылымдық даму министрінің 05.10.2020 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту. Күші жойылды – ҚР Индустрия және инфрақұрылымдық даму министрінің 05.10.2020 № 515 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту. Күші жойылды – ҚР Индустрия және инфрақұрылымдық даму министрінің 08.09.2020 № 457 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.