Автомобиль көлігімен жолаушылар мен багажды тасымалдау қағидаларын бекіту туралы

      "Автомобиль көлігі туралы" Қазақстан Республикасының Заңы 13-бабының 23-8) тармақшасына сәйкес БҰЙЫРАМЫН:

      1. Қоса беріліп отырған Автомобиль көлігімен жолаушылар мен багажды тасымалдау қағидалары бекітілсін.

      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

      1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында және "Әділет" ақпараттық-құқықтық жүйесіне ресми жариялауға жіберуді;

      3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында қарастырылған іс-шаралардың орындалуы туралы мәліметтерді бес жұмыс күні ішінде ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күннен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Денсаулық сақтау және әлеуметтік

      даму министрі

      ___________________ Т. Дүйсенова

      2015 жылғы 19 мамыр

      "КЕЛІСІЛДІ"

      Қазақстан Республикасының

      Қаржы министрі

      ________________ Б. Сұлтанов

      2015 жылғы 27 мамыр

      "КЕЛІСІЛДІ"

      Қазақстан Республикасының

      Ұлттық экономика министрі

      _______________ Е. Досаев

      2015 жылғы 29 мамыр

      "КЕЛІСІЛДІ"

      Қазақстан Республикасының

      Ішкі істер министрі

      ______________ Қ. Қасымов

      2015 жылғы 21 сәуір

Автомобиль көлігімен жолаушылар мен багажды тасымалдау қағидалары

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      1. Осы Автомобиль көлігімен жолаушылар мен багажды тасымалдау қағидалары (бұдан әрі – Қағидалар) "Автомобиль көлігі туралы" Қазақстан Республикасының Заңының 13-бабының 23-8) тармақшасына сәйкес әзірленді және жолаушылар мен багажды автомобиль көлігімен тасымалдауды ұйымдастыру және жүзеге асыру тәртібін айқындайды.

      2. Қағидалар Қазақстан Республикасының бүкіл аумағында қолданылады және барлық жеке және заңды тұлғалар үшiн меншiк нысандарына қарамастан мiндеттi болып табылады.

      3. Осы Қағидаларда қолданылатын негізгі ұғымдар:

      1) автомобильмен тасымалдаушы (бұдан әрі – тасымалдаушы) – жеңіл автокөлік құралдарын қоспағанда, меншік құқығында немесе өзге де заңды негіздерде автокөлік құралдарына иелік ететін, жолаушыларды, багажды, жүктерді және пошта жөнелтілімдерін тасымалдау бойынша кәсіпкерлік қызметті жүзеге асыратын жеке немесе заңды тұлға;

      1-1) автоматтандырылған жүйелер – қан қысымын, жүректің жиырылу жиілігін (пульсті), температураны өлшеу процесін, сондай-ақ алкогольдік және есірткілік мас күйін тексеруді автоматтандыруға мүмкіндік беретін, қан қысымын өлшейтін құралды, жүрек соғу жиілігін өлшейтін құралды және алкотестерді қамтитын, жүргізушілерді рейс алдындағы және рейстен кейінгі медициналық куәландыруды жүргізу жөніндегі қызметті жүзеге асыратын тиісті ұйымымен ұсынылатын, "Дәрілік затты немесе медициналық бұйымды мемлекеттік тіркеу, қайта тіркеу, дәрілік заттың немесе медициналық бұйымның тіркеу дерекнамасына өзгерістер енгізу қағидаларын бекіту туралы" Қазақстан Республикасы Денсаулық сақтау министрінің 2021 жылғы 9 ақпандағы № ҚР ДСМ-16 бұйрығының (Нормативтік құқықтық актілерді мемлекеттік тіркеу тізілімінде № 22175 болып тіркелген) талаптарына сәйкес сертификатталған және Электрондық өнеркәсіп пен бағдарламалық қамтылымның сенім білдірілген өнімінің тізіліміне енгізілген медициналық кешен;

      2) ақпараттық-диспетчерлік такси қызметі – клиенттердің тапсырыстарын өңдеуге және оларды таксимен тасымалдаушының орындауына, оның ішінде аппараттық-бағдарламалық кешенді және (немесе) таксиге тапсырыс берудің мобильдік қосымшасын қолдана отырып беруге арналған, Қазақстан Республикасының дара кәсіпкері немесе заңды тұлғасы болып табылатын тасымалдаушы немесе өзге де тұлға құратын қызмет;

      3) багаж түбіртегі – багажды автомобильмен тасымалдау шартының жасалғанын, сондай-ақ тасымалдаушының багажды сақтауға немесе тасымалдау үшін қабылдағанын растайтын құжат;

      4) багажды автомобиль – жолаушылар мен жүкті тұрақты автомобильмен тасымалдау маршруттарында жолаушылардың багаждарын (жүктерін) тасымалдауға арналған жүк автомобилі;

      5) борт журналы – осы Қағидаларға 1-қосымшаға сәйкес нысан бойынша нөмірленген және тігілген, тасымалдаушының мөрімен бекітілген жолаушылар мен багажды тұрақты емес тасымалдауды жүзеге асыру кезінде автокөлік құралында болатын журнал, оған автокөлік құралының рейс алдындағы техникалық тексеруден және жүргізушінің рейс алдындағы (ауысым алдындағы) медициналық куәландырудан өткені туралы белгілер қойылады;

      6) диспетчерлік жүйе – жолаушылар мен багажды тасымалдауды жүзеге асыратын автокөлік құралдарының қозғалысы туралы нақты уақыт режимінде үздіксіз ақпарат алуға мүмкіндік беретін жүйе;

      7) диспетчерлік жүйе операторы – диспетчерлік жүйені ұйымдастыру және жұмыс істеуін қамтамасыз ететін жеке немесе заңды тұлғалар;

      8) жолаушыларды отырғызу және түсіру пункттері (аялдау пункті) – осы Қағидалардың талаптарына сәйкес жайластырылған, жолаушыларды отырғызу және түсіру мақсатында автокөлік құралдарының аялдауына арналған жол бойындағы белдеу учаскесі;

      9) жол жүру құжаты (билет) – ресімдеу жолымен жолаушыны тасымалдау шарты жасалатын қағаз немесе электрондық нысандағы құжат;

      10) көлік құжаттарын басқарудың бірыңғай жүйесі-автомобиль көлігі саласындағы тасымалдау қызметіне байланысты құжаттарды тіркеуді, өңдеуді, сақтауды, есепке алуды және тиісті уәкілетті мемлекеттік органдарға және тасымалдау процесіне қатысушыларға осындай құжаттар туралы ақпаратты беруді қамтамасыз ететін зияткерлік көлік жүйесінің компоненті;

      11) қауіпті учаскелер – автомобиль жолдарының жүріп өткенде жол-көлік оқиғасы болуының жоғары қаупі туындайтын немесе қозғалыс режимінің елеулі өзгерістеріне байланысты учаскелері;

      12) қозғалыс кестесі – жолаушылар мен багажды автомобильмен тұрақты тасымалдау маршрутының әрбір аялдама пункті бойынша автобустардың, шағын автобустардың, троллейбустардың қозғалыс орны мен уақыты туралы мәліметтерді қамтитын құжат (кесте, графикалық бейне);

      13) қолмен жуу – автокөлік құралдарын су берудің жоғары қысымды аппараттарын, су жеткізу жүйелерін және (немесе) ыдыстардағы суды пайдалану арқылы қолмен жуу;

      14) маршрут – автобустың, шағын автобустың, троллейбустың белгіленген бастапқы, аралық және соңғы аялдама пункттері арасында белгіленген жүретін жолы;

      15) маршрут схемасы – аялдау пункттері, олардың ара қашықтықтары, сондай-ақ оларға тән бағдарлар (жол айрықтары, қиылыстар, теміржол өтпелері, көпірлер және тоннельдер) көрсетілген маршруттың графикалық шартты бейнеленуі;

      16) механикаландырылған жуу – жуу құрамы және суды жеткізу үшін құрылғылармен, айналатын және (немесе) қозғалатын щеткалармен, сондай-ақ желдеткіш құрылғысымен жарақтандырылған арка үлгісіндегі ауыстырылатын тетіктерден тұратын автокөлік құралдарын автоматты жуу;

      17) рейс – бастапқы жөнелту пунктінен соңғы межелі пунктіне дейінгі автокөлік құралының жолы;

      17-1) рейс алдындағы және рейстен кейінгі медициналық куәландырудың жеке форматы – жүргізушілердің рейс алдындағы және рейстен кейінгі медициналық куәландыруды тікелей медицина қызметкерімен және (немесе) медициналық ұйымымен жүргізу;

      17-2) рейс алдындағы және рейстен кейінгі медициналық куәландырудың онлайн форматы – медициналық қызметкерлердің және (немесе) медициналық ұйымның тікелей қатысуынсыз осы Қағидалардың талаптарына сай келетін автоматтандырылған жүйелер арқылы жүргізушілердің рейс алдындағы және рейстен кейінгі медициналық куәландыруды жүргізу;

      18) спутниктік навигация аппаратурасы – көлік құралына жаһандық навигациялық спутниктік жүйелердің сигналдары бойынша оның ағымдағы орналасқан жерін, жүру бағыты мен жылдамдығын айқындау, қосымша борт жабдығымен деректер алмасу үшін, сондай-ақ жылжымалы радиотелефон байланысы желілері бойынша ақпарат алмасу үшін орнатылатын аппараттық-бағдарламалық құрылғы;

      19) такси тасымалы – жеке кәсіпкердің немесе меншік құқығында немесе басқа заңды негіздерде автомобильге иелік ететін заңды тұлғаның жолаушылар мен багажды ақылы немесе жалға тасымалдау үшін көрсететін қызметі;

      20) таксимен тасымалдаушы – жолаушылар мен багажды таксимен тасымалдау жөніндегі қызметтерді көрсететін дара кәсіпкер немесе заңды тұлға;

      21) таксиге тапсырыс берудің мобильдік қосымшасы – ұялы байланыстың абоненттік құрылғысында пайдаланылатын және таксиге тапсырыс беруге және көлік құралын экипажымен қоса жалға алуға ұялы байланыс қызметтері немесе Интернет арқылы қолжетімділік берілетін бағдарламалық өнім;

      22) таксометр – жолаушылар мен багажды таксимен тасымалдау құнын (бағасын) есептеуге арналған құрылғы;

      23) техникалық аялдама – автобустар мен шағын автобустардың жолаушыларды маршруттан түсіруді және маршрутқа отырғызуды көздемейтін аялдамасы;

      24) үшінші жақ - жолаушылар мен багажды тұрақты автомобильмен тасымалдауды ұйымдастыру туралы келісім жасасқан тасымалдаушыны, ал жолаушылар мен багажды тұрақты халықаралық автомобильмен тасымалдау кезінде маршрутқа қызмет көрсетуге рұқсат алған тұлғаны қоспағандағы тұлға.

      4. Ұйымдастыру сипаты бойынша жолаушылар мен багажды автомобильмен тасымалдау тұрақты, тұрақты емес және таксимен тасымалдау болып бөлінеді.

      4-1. Жолаушылар мен багажды республикаішілік тасымалдау әкімшілік-аумақтық белгілеріне қарай мынадай түрлерге бөлінеді:

      1) қалалық (ауылдық) – елді мекеннің белгіленген шекарасының шегіндегі тасымалдау;

      2) қала маңындағы – елді мекеннің белгіленген шекарасынан бастап есептелетін, ұзақтығы елу километрге дейінгі қала маңындағы аймақтағы елді мекенмен жалғастыратын маршруттар бойынша тасымалдау;

      3) ауданішілік – бір аудан шегіндегі елді мекендердің арасындағы тасымалдау;

      4) ауданаралық (облысішілік қалааралық) – бір облыс шегіндегі, әртүрлі аудандардағы елді мекендер арасында жүзеге асырылатын немесе облыстық маңызы бар қалалармен елді мекендерді жалғастыратын тасымалдау;

      5) облысаралық қалааралық – әртүрлі облыстардағы елді мекендердің арасында жүзеге асырылатын немесе республикалық маңызы бар қалалармен, астанамен елді мекендерді жалғастыратын тасымалдау.

      5. Жолаушылар мен багажды автомобильмен тұрақты тасымалдау – тасымалдаушылар автобустарды, шағын автобустарды, троллейбустарды пайдалана отырып, алдын ала келісілген жүру маршруттары, белгіленген бастапқы және соңғы пункттері, жолаушыларды отырғызу және түсіру пункттері бар қозғалыс кестелері бойынша жүзеге асыратын тасымалдаулар.

      Жолаушылар мен багажды автомобильмен тұрақты тасымалдауды ұйымдастыру кезінде тасымалдауды жүзеге асыру үшін пайдаланылатын көлік құралдары (автобустар, шағын автобустар немесе троллейбустар) алдын ала айқындалады.

      6. Жолаушылар мен багажды автомобильмен тасымалдауды жүзеге асыру кезінде тасымалдаушы осы Қағидаларға 2-қосымшаға сәйкес нысан бойынша жолдама парағын қағаз немесе электрондық-цифрлық құжат түрінде ресімдейді.

      Жолдама парағын қағаз тасығышта ресімдеу кезінде тасымалдаушы оның Көлік құжаттарын басқарудың бірыңғай жүйесінде тіркелуін қамтамасыз етеді.

      7. Жолаушыларды автобустармен, шағын автобустармен тұрақты емес тасымалдау, сондай-ақ жолаушыларды халықаралық қатынастағы автобустармен, шағын автобустармен тұрақты тасымалдау лицензиарға берілген лицензияға қосымшада көрсетілген автобустармен, шағын автобустармен жүзеге асырылады.

      Осы тармақтың бірінші бөлігінде көрсетілген жолаушылар тасымалы жүзеге асырылатын автобустардың, шағын автобустардың жылжымалы құрамының бірлігі өзгерген жағдайда, лицензияға қосымша қайта ресімдеуге жатады.

      Лицензияны және (немесе) лицензияға қосымшаны қайта ресімдеу "Рұқсаттар және хабарламалар туралы" Қазақстан Республикасы Заңының 33-бабының 3-8-тармақтарына сәйкес жүзеге асырылады.

      8. Тұрақты емес тасымалдау жеке және заңды тұлғалардың бір жолғы тапсырысы (өтінімі) бойынша жүзеге асырылады. Мұндай тасымалдауға: туристік, экскурсиялық, іс-шараларға қызмет көрсету жатады.

      Бір жолғы тасымалдау белгілі бір кезең ішінде шарттық негізде жүзеге асырылуы мүмкін.

      8-3. Жалпыға ортақ пайдаланылатын көлік мүгедектігі бар жолаушыларды отырғызуға және түсіруге арналған құрылғылармен жабдықталады.

      Осы тармақтың талабы "Құқықтық актілер туралы" Қазақстан Республикасының Заңы 43-бабының 3-тармағына сәйкес қолданылады.

      8-4. Республикалық және облыстық маңызы бар қалаларда, астанада жолаушылар мен багажды тұрақты қалалық тасымалдауды жүзеге асыру үшін сатып алынатын автокөлік құралдары жасаушы зауытпен халықтың жүріп-тұруы шектеулі топтарын тасымалдау үшін ыңғайластырылған.

      8-5. Он алты жасқа толмаған, ата-анасы және (немесе) өзінің заңды өкілі ертіп жүрмеген адамды қоғамдық көліктен мәжбүрлеп түсіріп кетуге жол берілмейді.

2-тарау. Жолаушылар мен багажды автомобильмен тұрақты тасымалдауды ұйымдастыру және жүзеге асыру, жолаушылар мен багажды автомобильмен тұрақты тасымалдау маршруттарының ашылу және жабылу тәртібі

      Ескерту. 2-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-параграф. Маршруттарды ашу және тiзiлiмiн жүргiзу тәртібі

      9. Автомобиль көлігі саласындағы уәкілетті орган, жергiлiктi атқарушы органдар, жеке және заңды тұлғалар жолаушылар мен багажды автомобильмен тұрақты тасымалдау маршруттарын ашу бастамашылары бола алады.

      10. Жолаушылар мен багажды автомобильмен тұрақты тасымалдау маршруттарын ашу жөнiндегi мәселелердi шешу үшiн бастамашы маршрут схемасы мен ол бойынша қозғалыс кестесiн әзiрлейдi және оларды тасымалдауды ұйымдастырушыларға:

      тұрақты халықаралық маршруттар бойынша – автомобиль көлігі саласындағы уәкілетті органға;

      жолаушылар мен багажды автомобильмен қалааралық облысаралық, ауданаралық (қалааралық облысішілік) және республикалық маңызы бар қалаларда, астанада қалалық және қала маңындағы тұрақты тасымалдау маршруттары бойынша – облыстың, республикалық маңызы бар қалалардың, астананың жергiлiктi атқарушы органдарына;

      жолаушылар мен багажды автомобильмен қалалық (ауылдық), қала маңындағы және ауданішілік тұрақты тасымалдау маршруттары бойынша – аудандардың, республикалық маңызы бар қалалардың жергiлiктi атқарушы органдарына жібереді.

      Жолаушылар мен багажды қалалық (ауылдық), қала маңындағы және ауданішілік, ауданаралық, қалааралық облысаралық автомобильмен тұрақты тасымалдауға арналған автобустардың қозғалыс кестесі осы Қағидаларға 2-1-қосымшаға сәйкес қалыптасады.

      12. Жолаушылар мен багажды автомобиль көлiгiмен тұрақты тасымалдаудың маршруттық желiсiн қалыптастырған кезде, жергiлiктi атқарушы органдар кенттермен, селолармен аудан орталықтары арасындағы және аудан орталықтары мен облыс орталықтары және облыстық маңызы бар өзге де жақын қалалар арасындағы байланыс басымдылығын басшылыққа алады.

      13. Қалыптастырылатын маршруттар желiсi (халықаралық, қалалық және қала маңындағы маршруттардан басқа) мынадай шарттарға сәйкес келеді:

      1) қосарланған маршруттар автобустары арасында жоспарланған жүру интервалы бойынша:

      150 км дейінгі қосарлану ұзақтығы кезінде 1 сағаттан артық;

      350 км дейiнгi қосарлану ұзақтығы кезінде 2 сағаттан артық;

      500 км дейiнгi қосарлану ұзақтығы кезінде 3 сағаттан артық;

      500 км артық қосарлану ұзақтығы кезінде 4 сағаттан артық болуы тиiс;

      2) жетпiс бес пайыздан артық қосарлану учаскесiнде автобустардың орташа сыйымдылығын пайдалану кезiнде уақыт бойынша айырмашылығы:

      150 км дейiнгi қосарлану ұзақтығында 10 минутқа дейiн;

      350 км дейiнгi қосарлану ұзақтығында 15 минутқа дейiн;

      350 км артық қосарлану ұзақтығында 20 минутқа дейiн қысқартылады.

      14. Жолаушылар мен багажды тұрақты тасымалдау маршруттарында (халықаралық қатынастардан басқа) барлық маршруттардың ұзақтығында автобустардың орташа жылдық толтырылуы жетпiс бес пайыздан артық болған кезде тасымалдауды ұйымдастырушы тасымалдаушылардың немесе жолаушылардың өтiнiшi бойынша қосымша қозғалыс кестесiн енгiзу туралы шешiм қабылдайды. Жолаушылар мен багажды тасымалдаудың қосымша қозғалыс кестесі "Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 4-тармағына және 14-бабының 2-тармағының 2) тармақшасына сәйес құзіретті органдармен бекітіледі.

      Қосымша қозғалыс кестесi бойынша жолаушылар мен багажды тасымалдау, осы маршрутқа қызмет көрсететін тасымалдаушымен жүзеге асырылады.

      Тасымалдаушы қосымша қозғалыс кестесiне қызмет көрсетуден бас тартқан немесе маршрутқа екі және одан көп тасымалдаушы қызмет көрсеткен (бір тараптан) жағдайда, жергiлiктi атқарушы органдар осы қозғалыс кестесiн конкурстық негiзде осы маршрутқа қызмет көрсету жөнiндегi шарттың қолданылу мерзiмiне бөледi.

      15. Ұзақтығы 300 км-ге дейінгі тұрақты қалааралық облысаралық маршруттарда автомобиль көлігі саласындағы уәкілетті орган тиісті облыстардың, республикалық маңызы бар қаланың, астананың жергілікті атқарушы органдарымен келісу бойынша автобустардың, шағын автобустардың еркін қозғалысы бойынша жолаушыларды және багажды тасымалдауды жүзеге асырудың тұрақты кезеңін көрсете отырып, қозғалыс кестесін бекітеді. Автобустардың, шағын автобустардың еркін қозғалысы бойынша жолаушылар мен багажды тасымалдау, осы маршрутқа қызмет көрсететін тасымалдаушымен жүзеге асырылады.

      16. Жаңа республикаішілік маршруттарды ашу кезiнде келiсу мынадай сатыға сәйкес жүзеге асырылады:

      қалааралық облысаралық;

      ауданаралық (қалааралық облысішілік);

      қала маңындағы және ауданішілік.

      16-1. Екі және одан да көп тасымалдаушылармен жаңа халықаралық маршруттарды ашуға бір уақытта өтінім беру кезінде, автобустың қозғалыс кестесінің айырмашылығы бойынша бастапқы және аралық пункттері ұзақтығы 250 км дейін 15 минуттан аз және 250 км асатын 1 сағаттан аз уақытты құраса, басымдылық осы қатынас түрінде көп тәжірибесі бар тасымалдаушыға беріледі.

      17. Жолаушылар мен багажды автомобильмен республикаішілік тұрақты тасымалдау осы Қағидалардың 3-қосымшасыдағы нысанға сәйкес жолаушылар мен багажды автомобильмен республикаішілік тұрақты тасымалдау маршруттарына қызмет көрсету құқығына арналған куәлiк (бұдан әрі – Куәлік) негізінде жүзеге асырылады.

      18. Жергілікті атқарушы органдар трафиктің көлемін зерттеу үшін жаңа қалалық, қала маңындағы, ауданішілік және ауданаралық (қалааралық облысішілік) маршруттар ашқан кезде тұрақты маршруттардың сәйкес типінде қызмет көрсететін тасымалдаушыны анықтайды, бұл маршрут екі ай бойы қызмет етеді.

      Зерделеу нәтижесі бойынша 10 жұмыс күн ішінде маршрутты ашу немесе ашпай туралы шешім қабылданады.

      Ашылған жағдайда осы Қағидаға 154-тармаққа сәйкес мерзімде, осы маршрутқа қызмет көрсету құқығына тиісті конкурс өткізу туралы жұмыс жүргізіледі.

      19. Халықаралық және қалааралық облысаралық қатынаста жолаушылар мен багажды тұрақты тасымалдау маршруттары тасымалдаушының маршрутты ұйымдастырушыға, тасымалдауды тоқтатуды жобалау уақытына дейін 2 айдан кем емес жазбаша үндеуі бойынша жабылады.

      Халықаралық және қалааралық облысаралық қатынаста жолаушылар мен багажды тұрақты тасымалдау маршруттары тасымалдаушының маршрутты ұйымдастырушыға, тасымалдауды тоқтатуды жобалау уақытына дейін 3 айдан кемемес жазбаша үндеуі бойынша жабылады.

      Қалалық (селолық), қала маңындағы, ауданішілік, ауданаралық (қалааралық облысішілік) жолаушылар мен багажды тұрақты тасымалдау маршруттары олар бойынша жүруге тұрғындардың мұқтаждығы болмаған жағдайда маршрутты ұйымдастырушылармен жабылады.

      20. Облыстың жергiлiктi атқарушы органдарымен жолаушылар мен багажды автомобильмен ауданаралық (қалааралық облысiшiлiк) және қала маңындағы тұрақты тасымалдаудың маршруттары бойынша қозғалыс кестесi келiсiлген кезде маршрут бойынша деректер осы Қағидалардың

      21-тармағына сәйкес тиiстi тiзiлiмге енгiзiледi.

      21. Маршруттарды ұйымдастыру мен есепке алуды жоспарлау мақсатында:

      1) автомобиль көлігі саласындағы уәкілетті орган – жолаушылар мен багажды автомобильмен халықаралық және қалааралық облысаралық тұрақты тасымалдау маршруттарының;

      2) облыстардың, республикалық маңызы бар қалалардың, астананың жергiлiктi атқарушы органдары – жолаушылар мен багажды автомобильмен ауданаралық (қалааралық облысішілік), республикалық маңызы бар қалаларда, астанада – қалалық және қала маңындағы тұрақты тасымалдау маршруттарының;

      3) аудандардың, облыстық маңызы бар қалалардың жергiлiктi атқарушы органдары – жолаушылар мен багажды автомобильмен қалалық (ауылдық), қала маңындағы және ауданішілік тұрақты тасымалдау маршруттарының тiзiлiмiн жүргiзудi жүзеге асырады.

      22. Тiзiлiмдер маршруттардың мынадай негiзгi сипаттамаларын:

      1) халықаралық маршруттар үшін:

      тікелей және кері қайту бағыттарындағы қатынас және шығу уақытын көрсетумен маршруттың атауын;

      Қазақстан Республикасы аумағы бойынша тікелей бағыт және шет мемлекеттің аумағы бойынша кері бағыттағы уақытын көрсетумен аралық пункттердің атауын;

      тасымалдаушы туралы мәліметтерді (атауы, мекенжайы, тегi, аты, әкесiнiң аты (егер болған жағдайда), тасымалдауды ұйымдастырудағы жауапты басшының немесе адамның телефондары);

      берiлген рұқсат құжаттарының берілген күні және қолданудың аяқталу мерзімін;

      маршрутқа қызмет көрсету кезеңін (жыл бойы, маусымдық);

      мемлекеттік тіркеу нөмерлері, маркасы және шығу жолын көрсетумен, сондай-ақ негізгі және резервке бөлумен жылжымалы құрам туралы мәліметті;

      2) республикаішілік маршруттар үшін:

      Бастапқы және соңғы пункттерінен шығу уақытын көрсетіп маршруттың нөмiрiн (қалалық (ауылдық) және қала маңындағы) және атауын;

      тiкелей және керi қайту бағыттарындағы маршруттағы пункттер бойының санын және атауын;

      тiкелей және керi қайту бағыттарындағы маршрут ұзақтығын;

      маршрутқа қызмет көрсету кезеңдерiн: жыл бойы, қосымша (белгiлi бiр күндерде немесе тәулiктiң кезеңдерiнде қолданылатын (қалалық маршруттар үшін демалыс, мереке күндері немесе "қауырт" сағаттар), маусымдық (алдын ала белгiленген уақыт аралығы iшiнде қолданылатын (саяжай кезеңiнде, демалыс аймақтары, жолаушылар ағыны жоғарылаған кезеңде жұмыс iстеген кезде);

      жолаушылар және жалпы отыруға арналған орындар бойынша автобустардың маршруттағы автобустардың, шағын автобустардың класы және паспорттық сыйымдылығын (қалааралық облысаралықтан басқа, жинақтау алаңшасының сыйымдылығын ескере отырып);

      тасымалдаушы туралы мәліметтерді (атауы, мекенжайы, тегi, аты, әкесiнiң аты (егер болған жағдайда), тасымалдауды ұйымдастырудағы жауапты адамның және басшының телефондары) және оған берiлген рұқсат құжаттарының қолдану кезеңiн қамтиды.

2-параграф. Жолаушылар мен багажды автомобильмен қалалық (ауылдық) және қала маңындағы тұрақты тасымалдау

      23. Жолаушылар мен багажды тұрақты қалалық (ауылдық) және қала маңындағы автомобильмен тасымалдау жергілікті атқарушы органдар бекіткен маршруттық желі бойынша жүзеге асырылады, ол азаматтардың, ұйымдардың ұсыныстары бойынша жолаушылар көлігін дамытудың және жолаушылар ағынын талдаудың бекітілген кешенді схемасы негізінде қалыптастырылады.

      24. Жолаушылар мен багажды автомобильмен қалалық (ауылдық) тұрақты тасымалдаудың маршрутында шағын автобустарды пайдалану анықтамасы төменгi жолаушылар легiмен негiзделедi, бұл ретте шағын автобустар пайдаланылатын маршруттардың ұзақтығы жолаушылар мен багажды автомобильмен қалалық (ауылдық) тұрақты тасымалдаудың маршрут желiсiнiң жалпы ұзақтығының отыз пайызынан аспауы тиiс.

3-параграф. Жолаушылар мен багажды автомобильмен қалалық (ауылдық) және қала маңындағы тұрақты тасымалдаудың қызмет көрсету режимдерi

      25. Жолаушылар мен багажды автомобильмен қалалық (ауылдық) және қала маңындағы тұрақты тасымалдаудың маршруттарына мынадай режимдердiң бiрiнде қызмет көрсетiледi:

      1) кемiнде екi жолаушы есiгi бар қалалық автобустармен, шағын автобустармен, сондай-ақ қалааралық автобустармен тұрақты қала маңындағы автомобильмен тасымалдаудың маршруттарында, маршруттың схемасында көрсетiлген аялдама пункттерiне тоқтау арқылы жүзеге асырылатын әдеттегi, қала шегiнде олардың арасындағы қашықтық 400-ден 800 метірге дейiн болуы тиiс;

      2) кемiнде екi жолаушы есiгi бар қалалық автобустармен және қалааралық автобустармен маршруттың схемасында көрсетiлген аялдама пункттерiне тоқтау арқылы жүзеге асырылатын жедел (қалалық тасымалдау үшiн ғана), олардың арасындағы қашықтық 1,5-ден 3,0 км дейiн болуы мүмкiн.

      26. Халыққа қызмет көрсету ерекшелiгiне сәйкес жолаушылар мен багажды автомобильмен қалалық (ауылдық) және қала маңындағы тұрақты тасымалдауы мынадай сипатта болуы мүмкiн:

      1) тәулiктiң барлық белгiленген кезеңi және аптаның барлық күндерi iшiнде қолданылатын тұрақты;

      2) белгiлi бiр күндерде немесе тәулiктiң кезеңдерiнде қолданылатын (демалыс, мерекелiк күндер немесе "қауырт" сағаттар) қосымша;

      3) алдын ала белгiленген уақыт аралығы iшiнде қолданылатын (саяжай кезеңiнде, демалыс аймақтары, спорттық-сауықтыру кешендерi жұмыс iстеген кезде) маусымдық;

      4) қысқа уақытқа қолданылатын (әдеттегi режимде қызмет көрсетуге кедергi жасайтын жол желiсiнде күтпеген жағдайлар туындаған жағдайда) уақытша.

      26-1. Диспетчерлік қызмет мынадай функцияларды орындайды:

      1) маршруттар бойынша автобустардың, шағын автобустардың және троллейбустардың үздіксіз және тұрақты қозғалысын қамтамасыз ету үшін кестенің сақталуын қадағалау және жедел реттеу;

      2) автобустарды, шағын автобустарды және троллейбустарды тиісті санитариялық жағдайда қамтамасыз ету;

      3) жүргізушілерге маршруттағы, оның ішінде жолдағы ауа-райы-климаттық немесе басқа жағдайларға байланысты қозғалыс ерекшеліктері туралы нұсқау беру;

      4) жүргізушілердің рейс алдындағы (ауысым алдындағы) және рейстен кейінгі (ауысымнан кейінгі) медициналық куәландырудан және автобустарды, шағын автобустарды, троллейбустарды техникалық қарап-тексеруден өтуін қадағалау;

      5) нақты маршрут бойынша жолаушыларды тасымалдауды жүзеге асыру үшін жүргізушілерде рұқсат құжаттарының болуын қадағалау.

      26-2. Автобустардың, шағын автобустардың, троллейбустардың қозғалысы кестеден ауытқыған жағдайларда олардың қозғалысын жедел реттеу жүзеге асырылады. Жедел реттеу мынадай іс-қимылдарды қамтиды:

      1) автобус, шағын автобус және троллейбус кешіккен кезде:

      кешіккен автобустың, шағын автобустың, троллейбустың тұрақ уақыты кесте бойынша тұрақ уақытының үштен бірінен аспайды (тұрақ бес минутқа дейін қысқармайды). Автобус жолаушыларының тұрақ уақытын қысқарту туралы ескерту;

      егер автобустың, шағын автобустың, троллейбустың кешігуі осы маршрутта белгіленген қозғалыс ұзақтығының кемінде он - он бес пайызын құраған жағдайда, қозғалыс жылдамдығын, бірақ жол жүрісі қағидаларында және маршрут бойынша тиісті жол белгілерінде белгіленген жылдамдықтан артық емес ұлғайту. Бұл ретте жылдамдықты арттыру қозғалыс қауіпсіздігін төмендетпеуге тиіс және маршруттарда, ауа-райы-климаттық немесе жолдағы басқа жағдайларға байланысты маршрут бойынша қозғалыс күрделіленген жағдайларда жол берілмейді;

      2) автобус, шағын автобус, троллейбус кестесінен озған кезде кестеде көрсетілген жөнелту уақытына дейін кідіртіледі;

      3) рейс бұзылған кезде автобусты, шағын автобусты, троллейбусты тасымалдаушының резервтік автобусымен, шағын автобусымен, троллейбусымен ауыстыруды қамтамасыз етуге міндетті.

      26-3. Диспетчерлік қызмет рейс алдындағы (ауысым алдындағы) техникалық қарап-тексеруден өтпеген автобустарды, шағын автобустарды, троллейбустарды сондай-ақ рейс алдындағы және рейстен кейінгі медициналық куәландырудан өтпеген немесе Қазақстан Республикасы Инвестициялар және даму министрінің міндетін атқарушының 2015 жылғы 31 желтоқсандағы № 1288 бұйрығымен бекітілген (Нормативтік құқықтық актілерді мемлекеттік тіркеу тізілімінде № 14095 болып тіркелген) Жүргізушілердің еңбегі мен тынығуын ұйымдастыру, сондай-ақ тахографтарды қолдану қағидаларында (бұдан әрі – Жүргізушілердің еңбегі мен тынығуын ұйымдастыру қағидалары) белгіленген еңбек және тынығу режимін сақтамайтын жүргізушілерді рейске жібермейді.

      26-4. Диспетчерлік қызмет жедел ден қою және маршрутта автобустың, шағын автобустың, троллейбустың кедергісіз жұмысын қамтамасыз ету мақсатында жолдарда туындаған жағдайлар бойынша автобус, шағын автобус, троллейбус жүргізушілерін хабардар ету үшін жергілікті жедел ден қою қызметтерімен (Қазақстан Республикасы Ішкі істер министрлігінің Әкімшілік полиция комитеті (бұдан әрі – ӘПК), төтенше жағдайлар органдары, жедел жәрдем, коммуналдық қызметтер) өзара іс-қимыл жасайды.

4-параграф. Жолаушылар мен багажды автомобильмен қалалық (ауылдық) және қала маңындағы тұрақты тасымалдауды жүзеге асыру тәртiбi

      27. Алып тасталды – ҚР Индустрия және инфрақұрылымдық даму министрінің 30.12.2022 № 760 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.
      28. Алып тасталды - ҚР Индустрия және инфрақұрылымдық даму министрінің 30.01.2023 № 58 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.
      29. Алып тасталды - ҚР Индустрия және инфрақұрылымдық даму министрінің 30.01.2023 № 58 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      30. Жолаушылар мен багажды автомобильмен қалалық (ауылдық) тұрақты тасымалдау маршрутында "сұрау бойынша" аялдама пункттерi болған кезде, жолаушылар жүргiзушiге (кондукторға) көрсетiлген аялдама пунктiнде тоқтау қажеттiгi туралы алдын ала хабарлауы керек. Осындай аялдама пунктiнде жолаушылар тұрған кезде, жүргiзушi оларды отырғызу үшiн аялдама жасауы тиiс.

      31. Жолаушылар мен багажды автомобильмен қалалық (ауылдық) және қала маңындағы тұрақты тасымалдаудың маршруттары бойынша жолаушылар жол жүргенде:

      1) автобустан, шағын автобустан ол толық тоқтағанға дейiн немесе қозғалыс кезiнде шығуға және кiруге;

      2) автобустың есiктерiнiң ашылуы мен жабылуына кедергi жасауға;

      3) жүргiзушiнi автокөлiк құралының қозғалысы кезiнде әңгiмемен алаңдатуға;

      4) автобустың, шағын автобустың салонының iшкi жабдығы мен жарағын бүлдiруге;

      5) темекi тартуға, қоқсытуға, спирт iшiмдiктерiн iшуге;

      6) от қауiптi, жарылғыш, улағыш, жеңiл тұтанатын, улы, өткiр және күлiмсi иiстi заттарды, құндағы және iлеспе құжаттары жоқ дәрiмен атылатын қаруды тасымалдауға жол берiлмеуi тиiс.

      32. Жолаушылар мен багажды автомобильмен қалалық (ауылдық) және қала маңындағы тұрақты тасымалдаудың маршруттарында:

      1) "Тұрақты және тұрақты емес жолаушылар тасымалы үшін автокөлік қызметі" ҚР СТ 2273-2012 Қазақстан Республикасының ұлттық стандартына сәйкес автобустарда тұратын және отыратын орындар, олардың толық паспорттық сыйымдылығынан аспайтын мөлшерде;

      2) шағын автобустарда тұратын және отыратын орындар оның паспорттық сыйымдылығынан аспайтын мөлшерде.

5-параграф. Қол жүгi мен багажды алып жүру

      33. Жолаушылар мен багажды автомобильмен қалалық (ауылдық) және қала маңындағы тұрақты тасымалдау маршруттарында өлшемі 60х40х20 см дейінгі және салмағы 20 кг аспайтын қол жүгін, сондай-ақ қабы бар бір жұп шаңғыны, бала арбасын немесе шанасын (автобустарда ғана) өзімен бірге тегін алып жүруге рұқсат етіледі.

      34. Осы Қағидалардың 33-тармағында көрсетілген көлем және салмақ өлшемдерінен асатын қол жүгі багажға жатады және автобустың, шағын автобустың багаж бөлімшесінде немесе автобусқа, шағын автобусқа ілесіп жүретін багаж автомобилінде, сондай-ақ тасымалдаушымен қосымша келісім негізінде таксимен тасымалдануға тиіс.

      35. Қол жүгiнiң орамасы мен тасымалдануы басқа жолаушыларға және автобус, шағын автобус салонының жарағына қандай да болмасын залал келтiру (ластау немесе зақымдау) мүмкiндiгiн толық болдырмауы тиiс.

      36. Жолаушылар мен багажды автомобильмен қалалық (ауылдық) және қала маңындағы тұрақты тасымалдау маршруттарында жабық торларға немесе сумкаларға салынған ұсақ жануарлар мен құстарды тегiн тасымалдауға рұқсат етiледi.

      37. Иттер автобустарда топталу алаңшаларында ғана тұмылдырықпен және қарғы баумен тегін тасымалданады.

      38. Жолаушылар мен багажды автомобильмен қала маңындағы тұрақты тасымалдауын, сондай-ақ жедел режимдегi жолаушылар мен багажды автомобильмен қалалық (ауылдық) тұрақты тасымалдауын жүзеге асыру кезiнде пайдаланылатын және багаж бөлiмшесi бар автобустарда жолаушыларға өзiмен бiрге багаж бөлiмшесiнде әрбiр орынның өлшемi 120х60х40 см аспайтын багажды белгiленген тарифке сәйкес қосымша ақы үшiн алып жүруге рұқсат етiледi.

      39. Жолаушыға тасымалдауға қабылданған багажына қалалық (ауылдық) қатынаста – бiр жолғы бақылау билетi, қала маңындағы қатынаста багаж түбiртегi берiледi.

      40. Багажды тасымалдауға тапсыру кезiнде жолаушы белгiленген алымды төлеу арқылы оның бағасын көрсетуi мүмкiн. Бұл ретте багаж түбiртегiне тиiстi жазу жазылады.

6-параграф. Қалалық (ауылдық) және қала маңындағы қатынастағы жол жүру және багажды алып жүру төлемі, тіркеуі

      Ескерту. 6-параграфтың тақырыбы жаңа редакцияда – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      41. Жолаушылар мен багажды автомобильмен тұрақты тасымалдаудың маршруттарында жол жүру, багаж алып жүру төлемін жолаушы Интернет желісі және ұялы байланыс құрылғылары арқылы сатуды қоса алғанда, қолма-қол ақшамен кондукторға (жүргізушіге) беру немесе жүру үшін электрондық төлеу жүйесі арқылы жасайды.

      42. Қалалық (ауылдық) қатынастағы қолма-қол ақшаға жол жүру, сондай-ақ багажды алып жүру төлемінің фактісі жолаушыға жол жүру құжатын (билетін) берумен белгіленеді.

      42-1. Жол жүру үшін электрондық төлеу жүйесі пайдаланылатын жолаушылар мен багажды тасымалдау үшін тұрақты маршруттар бойынша жол жүруді тіркеу жолаушымен жол жүру үшін төлемнің жасалғаны туралы қағаз жол жүру құжатын (билетін) берусіз немесе электрондық төлем жүйесі, оның ішінде интернет және құрылғылар арқылы, жолаушының өзіне-өзі қызмет көрсететін тиісті электрондық көлік терминалының санау құрылғысының жұмыс бетіне электрондық жол жүру құжатын тақау жолымен жүзеге асырылады.

      43. Қолма-қол ақшамен төлем жасалған жағдайда, қағаз нысанындағы жол жүру құжаты (билеті) бір жолғы бақылау билеті бір маршруттағы, жолаушы жүріп өткен қашықтыққа қарамастан бір бағыттағы бір маршрут бойынша сапар кезінде ғана жарамды.

      44. Техникалық себептер бойынша автобус, шағын автобус маршрут бойынша қозғалысты жалғастыруы мүмкiн емес жағдайлар туындаған жағдайда, жолаушыларға берiлген қағаз нысанындағы бiр жолғы бақылау билеттерi және жол жүрудің расталған бір жолғы бөлек тіркеулері, электрондық жол жүру құжаты арқылы жол жүру төлемі жасалған болса – осы маршруттың басқа автобусында, шағын автобусында жол жүру үшiн жарамды болып табылады.

      45. Қалалық (ауылдық) және қала маңын қоспағанда, жолаушылар мен багажды автомобильмен республикаішілік тұрақты тасымалдау маршруттарында жол жүру және багажды алып жүру төлемін жолаушы маршруттың бастапқы пунктінен сапарды жүзеге асыру кезінде автовокзалдың, автостанцияның, жолаушыларға қызмет көрсету пунктінің кассасына, оның ішінде Интернет жүйесін қоса алғанда, электрондық сату арқылы немесе маршруттың аралық пунктінде отырғызу кезінде кондукторға (жүргізушіге) тарифке сәйкес төлейді.

      45-1. Тасымалдаушылар электрондық диспетчерлеу жүйесін және электрондық төлеу жүйесін ұстау және қолдану талабын сақтауға тиіс.

      46. Қала маңындағы қатынаста қолма-қол ақшамен жол жүру төлемiнiң растамасы жолаушыға қағаз нысанындағы жол жүру құжатын (билетін) берумен белгiленедi.

      46-1. Жол жүру үшiн электрондық төлеу жүйесi пайдаланылатын қала маңындағы қатынастағы жол жүруді тіркеу жолаушымен жол жүру үшін төлемнің жасалғаны туралы қағаз жол жүру құжатын (билетін) берусіз, жолаушының өзіне-өзі қызмет көрсететін тиісті электрондық көлік терминалының санау құрылғысының жұмыс бетіне электрондық жол жүру құжатын тақау жолымен жүзеге асырылады.

      47. Багажды алып жүру төлемiнiң айғағы, жолаушыға багаж түбiртегiн берумен белгiленедi.

      48. Белгілі күнтізбелік мерзімге қағаз, сондай-ақ және электрондық нысандағы ұзақ пайдаланудағы жол жүру билеттерін сату алдын ала, жергiлiктi атқарушы орган белгілеген сату орындарында, сондай-ақ тасымалдаушылар-кондукторлар немесе жүргізушілер арқылы жүргiзіледi.

      49. Қалалық (ауылдық) қатынастағы сапарларға арналған қағаз, сондай-ақ және электрондық нысандағы ұзақ пайдаланудағы жол жүру билеттерi жолаушылар мен багажды автомобильмен қала маңы тұрақты тасымалдаудың маршруттарында жарамсыз.

      50. Қағаз және электрондық нысандағы ұзақ пайдаланудағы жол жүру билеттерiнiң қолданылуы белгiленген нормадан артық қол жүгiн және багажды алып жүруге қолданылмайды.

      51. Қағаз нысанындағы ұзақ пайдаланудағы жол жүру билетi бар жолаушы оны кондукторға, бақылаушыға (жүргiзушiге) автобусқа, шағын автобусқа мiнген кезде көрсетедi. Электрондық нысандағы ұзақ пайдаланудағы жол жүру билетi бар жолаушы автобусқа, шағын автобусқа мінген кезде жолаушының өзіне-өзі қызмет көрсететін тиісті электрондық көлік терминалының санау құрылғысының жұмыс бетіне электрондық жол жүру құжатын тақау жолымен жол жүруді тіркеуді өз бетінше жүзеге асырады.

      52. Егер жолаушы қағаз нысанындағы немесе электрондық нысандағы жеңiлдiктi ұзақ пайдаланудағы жол жүру билетiн пайдаланса, дербестендірілген жеңiлдiктi ұзақ пайдаланудағы электрондық жол жүру билетiн пайдаланатын жолаушыларды қоспағанда, онда сондай-ақ ол жеңiлдiкке құқығын растайтын құжатты ұсынады.

7-параграф. Жолаушылар мен багажды автомобильмен ауданаралық (қалааралық облысiшiлiк) тұрақты тасымалдау

      53. Жолаушылар мен багажды автомобильмен ауданішілік (қалааралық облысішілік) тұрақты тасымалдау жергілікті атқарушы органдар бекіткен маршрут желісі бойынша жүзеге асырылады, ол жолаушылар легін талдау, шалғай ауылдық елді мекендердің тұрғындарына көлік жеңілдігін қамтамасыз ету негізінде, сондай-ақ азаматтар мен ұйымдардың ұсыныстары бойынша жасалады.

      54. Жолаушылар мен багажды автомобильмен ауданішілік (қалааралық облысішілік) тұрақты тасымалдаудың маршруттық желілерін салу мынадай қағидаттардың негізінде жүзеге асырылады:

      1) халықтың тасымалдауға мұқтаждығын қамтамасыз ету;

      2) маршруттың жүру жолындағы барлық жақын жатқан елді мекендерді қамтудың барынша мүмкіндігі;

      3) тасымалдаудың сапасы мен қауіпсіздігін арттыру, сондай-ақ экологиялық зиянды қалдықтардың мөлшерін төмендету мақсатында маршруттарда жұмыс істеу үшін автобустардың, шағын автобустардың оңтайлы саны мен үлгісін (класын) пайдалану.

      55. Маршрут бойынша 400 километрден астам тоқтаусыз жүрген жағдайда тасымалдаушы жолаушылардың демалуы және қажеттiлiктерiн қамтамасыз ету үшiн кемiнде он минут технологиялық аялдаулар көздеу тиiс. Технологиялық аялдауларда қосымша жолаушыларды отырғызу жүзеге асырылмайды.

8-параграф. Жолаушылар мен багажды автомобильмен ауданаралық (қалааралық облысішілік) тұрақты тасымалдаудың маршруттарын жайғастыруға қойылатын талаптар

      56. Жолаушылар мен тұрақты тасымалдаудың маршруттары ең төменi V санаты бар республикалық және жергiлiктi маңызы бар автомобиль жолдары бойынша жасалады.

      58. Жолаушылар мен багажды автомобильмен ауданаралық (қалааралық облысiшiлiк), ауданiшiлiк тұрақты тасымалдау маршруттарының қалаларда және iрi ауылдық елдi мекендерде орналасқан аралық аялдау пункттерi автовокзалдарда, автостанцияларда, жолаушыларға қызмет көрсету пункттерінде болуы тиiс.

9-параграф. Жолаушылар мен багажды автомобильмен ауданаралық (қалааралық облысішілік) тұрақты тасымалдауды жүзеге асыру тәртібі

      60. Автобусқа, шағын автобусқа, троллейбусқа отырғызу кезiнде жолаушының жол жүру құжатының (билетiнiң) болуы тексерiледi. Автовокзалдарда, автостанцияларда тексеруді отырғызу бойынша кезекшi, ал жолаушыларға қызмет көрсету пункттерінде және осындай кезекшiлер жоқ аялдама пункттерiнде – жүргiзушiлер немесе кондукторлар жүзеге асырады.

      Егер жолаушы электрондық жол жүру құжатын (билетті) сатып алса, онда электрондық жол жүру құжаты (билет) немесе жеке басты куәландыратын құжат түпнұсқасында не цифрлық құжаттар сервисін қолдана отырып, электрондық құжат нысанында сапарды қолдану құқығы үшін жеткілікті негіздеме болып табылады, бұл ретте қағаз нысанындағы жол жүру құжаты (билет) берілмейді.

      61. Жолаушылар мен багажды автомобильмен ауданаралық (қалааралық облысішілік) тасымалдау маршруты бойынша жол жүру билеттерi, оларда көрсетiлген күн мен рейстiң нөмiрiне ғана жарамды болып табылады.

      62. Жолаушылар электрондық жол жүру құжаттарынан (билеттерінен) басқа жол жүру құжаттарын (билеттерiн) бүкіл сапар уақыты бойы сақтайды.

      63. Жолаушы билетте көрсетiлген нөмiрге сәйкес автобуста орын алады. Тасымалдау кезiнде жолаушыларды, автобустың отыратын орындар санынан асатын мөлшерде тасымалдауға жол берiлмейдi.

      64. Жолаушымен 7 жасқа дейiнгi бiрнеше бала жүрген жағдайда, олардың әрқайсысына жеке орын берiледi.

      65. Жолаушылар мен багажды автомобильмен ауданаралық (қалааралық облысішілік) тасымалдаудың маршруттарында сапарды жүзеге асыру кезiнде:

      1) жол жүру құжаттарына қандай да болмасын түзетулер енгiзуге;

      2) автобустың, шағын автобустың салонында багаж алып жүруге;

      3) темекi тартуға, қоқсытуға, спирт iшiмдiктерiн iшуге;

      4) жүргiзушiнi әңгiмемен алаңдатуға, сондай-ақ автобустың қозғалысы кезiнде салон iшiнде жүруге;

      5) от қауiптi, жарылғыш, улағыш, жеңiл тұтанатын, улы, уытты және күлiмсi иiстi заттарды, құндағы және дәрiмен атылатын iлеспе құжаттары жоқ қаруды, сондай-ақ жолаушыларға, не автобус салонының жабдығына немесе жарағына залал (ластау немесе зақымдау) келтiруi мүмкiн заттар мен бұйымдарды тасымалдауға жол берiлмейдi.

10-параграф. Багаж автомобильдерiмен багажды тасымалдау

      66. Жолаушылар мен багажды автомобильмен халықаралық, қалааралық облысаралық, ауданаралық (қалааралық облысішілік) тұрақты тасымалдау маршруттарында тасымалдаушы багаж автомобильдерiнiң қозғалысын ұйымдастырған жерлерде жолаушылар багажды (жүкті) багаж автомобилiнде тасымалдау үшiн тапсыруы мүмкiн.

      Егер Қазақстан Республикасының автомобиль көлігі саласындағы халықаралық шарттарында сондай қарастырылса, халықаралық жолаушылар мен багажды автомобильмен тасымалдау кезінде багажды автомобиль тиісті рұқсат құжат алады.

      Аралық аялдама пункттерiнде багажды багаж автомобилiнде тасымалдауға қабылдау жолаушы тиiстi маршрут бойынша жол жүру құжаттарын (билеттерiн) көрсету кезiнде жүргiзiледi.

      67. Тасымалдауға тапсырылатын багаж өзiнiң сипаты мен орамасы бойынша багаж автомобилiне тиеудi және орналастыруды қиындатпауы, сондай-ақ басқа жолаушылардың багажына зиян келтiрмеуi тиiс. Ыдыс пен орама барлық тасымал бойы багаждың бүтiндiгi мен сақталуын қамтамасыз етуi тиiс.

      68. Багажды багаж автомобилiмен жiберуге тiлек бiлдiрген жолаушы оны тапсыруға алдын ала - автобус жөнелтiлгенге дейiн 10 минуттан кешiктiрмей ұсынады.

      69. Багаж автомобилiнде тасымалдауға жарамсыз орамадағы багаж қабылданбайды. Орамасының, багаждың жоғалу немесе бүлiну қаупiн туғызбайтын осындай кемшiлiктерi бар багаж, багаж түбiртегiндегi осы кемшiлiктер туралы белгi арқылы тасымалдауға қабылдануы мүмкiн.

      70. Багаж автомобилiнде тасымалдауға багажды қабылдау кезiнде жолаушыға багаж түбiртегi берiледi.

      71. Багаж автомобилiнде тасымалданатын багаж бару пунктiнде багаж түбiртегiн көрсетушiге берiледi.

      72. Багаж автомобилiмен тасымалдауға қабылданған багаж бару пунктiне, жолаушының осы пунктке кесте бойынша келген күнiнен кешiктiрмей жеткiзiледі.

      73. Бару пунктiнде жолаушы талап етпеген багаж жауапты сақталу үшiн тасымалдаушыға берiледi, ол үшiн багаждың иесiнен тиiстi ақы талап етiледi. Багажды сақтау орны тасымалдаушының қарауы бойынша таңдалады.

      74. Багажды тасымалдауға қабылдаған тасымалдаушы, багажды тасымалдауға қабылдаған сәттен бастап және оны жолаушыға (багажды алуға уәкiлеттi адамға) бергенге дейiн немесе багаж талап етiлмеген жағдайда, оны сақтау камерасына тапсырғанға дейiн сақталуын қамтамасыз етедi.

      75. Багаж автомобилiмен тасымалдауға қабылданған багаждың жоғалуын, жетiспеуiн және зақымдануын (бүлiнуiн) анықтау осы Қағидалардың 143-тармағына сәйкес белгiленедi және тасымалдаушының залалды өтеуі Қазақстан Республикасының азаматтық заңнамасымен белгіленген тәртіпте шешіледі.

11-параграф. Жолаушылар мен багажды автомобильмен халықаралық, қалааралық облысаралық, ауданаралық (қалааралық облысішілік) тұрақты тасымалдаудың маршруттарында жол жүру және багажды алып жүру төлемi, тіркеуі

      Ескерту. 11-параграфтың тақырыбы жаңа редакцияда – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      76. Жолаушылар мен багажды автомобильмен халықаралық, қалааралық облысаралық, ауданаралық (қалааралық облысiшiлiк) тасымалдаудың маршруттары бойынша жол жүру және багажды алып жүру төлемін, тіркеуін жолаушылар автовокзалдың, автостанцияның, жолаушыларға қызмет көрсету пунктінің кассасына, ал маршруттардың аралық аялдама пункттерінде кондукторға (жүргiзушiге) тікелей автобусқа отырғызу кезінде, ол аялдама пунктінен жөнелтілгенге дейін, немесе жол жүру үшін электрондық төлем жүйесі арқылы төлейді.

      Халықаралық, қалааралық облысаралық, ауданаралық (қалааралық облысішілік), қала маңындағы қатынастарда маршруттары бойынша жол жүруге төлем жолаушылар агенттігі немесе жол жүру үшін электрондық төлем жүйесі арқылы жүргізілуі мүмкін.

      Жолаушылар мен багажды автомобильмен халықаралық, қалааралық облысаралық, ауданаралық (қалааралық облысішілік) тасымалдау маршруттары бойынша жол жүру және багажды алып жүру төлемін, автовокзалдар, автостанциялар, жолаушыларға қызмет көрсету пункттері, сондай-ақ агенттік немесе электрондық билеттерді сататын ақпарат жүйесімен қабылданады және жолаушының жеке басын растайтын құжаттар түпнұсқасында не цифрлық құжаттар сервисін қолдана отырып, электрондық құжат нысаны негізінде жүзеге асырады. Жолаушыларды отырғызу жолаушының жеке басын куәландыратын құжатпен түпнұсқасында не цифрлық құжаттар сервисін қолдана отырып, электрондық құжат нысанында билетте көрсетілген тегі, аты, әкесінің атын тексеру арқылы жүзеге асырылады.

      77. Егер жолаушы жол жүру құжатын (билетті) қағаз жеткізгіште сатып алса, онда жол жүру төлемiнiң фактiсi жолаушыға мынадай ақпаратты қамтитын жүру құжатын (билетті) берумен белгiленедi:

      1) билеттiң сериясы мен нөмiрi;

      2) жөнелту және бару пункттерi;

      3) комиссиялық және сақтандыру алымдары көрсетiлген төленген жол жүру құны;

      4) билеттiң берiлген күнi;

      5) бастапқы пункттен автобустың жөнелтiлген күнi мен уақыты;

      6) рейстiң нөмiрi;

      7) жолаушының отыру орнының нөмiрi.

      78. Электрондық жол жүру құжатын (билетін) сатып алу кезінде жол жүру үшін электрондық төлем жүйесінде ақпараттың болуы – жол жүру төлемінің растамасы болып табылады.

      79. Багажды алып жүру төлемінің фактісі жолаушыға багаж түбіртегін берумен белгіленеді.

      80. Егер қағаз түріндегі билетті жолаушы жүру жолында маршруттың автовокзалдан, автостанциядан, жолаушыларға қызмет көрсету пунктінен тыс орналасқан аралық аялдама пункттерiнде сатып алса, онда кондуктор (жүргiзушi) билетке рейстiң нөмiрiн, жолаушының бастапқы және соңғы жүру пункттерiн, төленген жол жүру құнын, отыратын орнының нөмiрiн, жөнелтілу күнi мен уақытын қояды, сондай-ақ билет-есепке алу парағында тиiстi жазу жазады.

12-параграф. Жолаушылар мен багажды автомобильмен қалааралық облысаралық
(астана мен республикалық маңызы бар қаланы қоса алғанда) тұрақты тасымалдауы

      81. Жолаушылар мен багажды автомобильмен облысаралық (астана мен республикалық маңызы бар қаланы қоса алғанда) тұрақты тасымалдау автомобиль көлігі саласындағы уәкілетті органның бастамасы бойынша жергілікті атқарушы органдармен ұйымдастырылады.

      82. Жолаушылар мен багажды автомобильмен қалааралық облысаралық (астана мен республикалық маңызы бар қаланы қоса алғанда) тұрақты тасымалдауы көрсетілген жолаушылар мен багажды тасымалдау маршруттарына қызмет көрсету құқығы конкурсында жеңген және тиісті жергілікті атқарушы органдар мен тасымалдаушылар арасында жасалған шарттар негізінде Куәлік алған тасымалдаушылар жүзеге асырады.

      83. Куәліктердегі жылжымалы құрам бойынша өзгерістер енгізуге тасымалдаушы өтiнiш бергенде және:

      1) ауыстырылатын жылжымалы құрамның класы және шығу жылы ұқсас (немесе одан жоғары);

      2) куәліктің негізгі құрамына толықтырылатын жылжымалы құрам негізгі құрам ретінде көрсетілген жылжымалы құрамның класы және шығарылған жылынан төмен емес;

      3) куәліктің резервті құрамына толықтырылатын жылжымалы құрам резервті құрам ретінде көрсетілген жылжымалы құрамның класы және шығарылған жылынан төмен емес болып табылған жағдайда осы куәлiктi берген орган рұқсат бередi.

      84. Жолаушылар мен багажды автомобильмен қалааралық облысаралық тұрақты тасымалдаудың маршруттарындағы жол жүру, қол жүгі мен багажды алып жүру, сондай-ақ олардың төлемі осы Қағидалардың 2-тарауының 5, 11 және 12-параграфінде белгіленген тәртіппен жүзеге асырылады.

13-параграф. Жолаушылар мен багажды автомобильмен қалааралық облысаралық қатынасындағы тұрақты тасымалдаудың маршруттары бойынша қозғалыс кестелерін келісу тәртiбi

      85. Қалааралық облысаралық маршруттарды зерттеу нәтижелері бойынша автомобиль көлігі саласындағы уәкілетті орган олар бойынша ұсынылатын маршрут схемалары мен қозғалыс кестелерін жасайды және аумағы бойынша маршрут өтетін облыстың (астананың және республикалық маңызы бар қаланың) жергiлiктi атқарушы органдарына келісуге жiбередi.

      86. Облыстардың (республикалық маңызды қалалардың, астананың) жергiлiктi атқарушы органдардың қалааралық облысаралық маршруттар бойынша қозғалыс кестелерiн келiсу мерзiмi, осы материалдар оларға келiп түскен сәттен бастап кемiнде 5 жұмыс күнiн құрайды.

      Қозғалыс кестелерiн келiсу осы Қағидалардың 13-16 тармақтарындағы шарттарды ескере отырып жүзеге асырылады.

      87. Жергiлiктi атқарушы органдар қозғалыс маршрутының схемасы мен олар бойынша қозғалыстар кестелерi бойынша өзара айырмашылығы бар ескертулер берген жағдайда, автомобиль көлігі саласындағы уәкілетті орган тиiстi маршрут бойынша ымыралы шешiм шығарады және осы маршрутты бекітеді.

      88. Бекітілген маршрут нәтижелері бойынша автомобиль көлігі саласындағы уәкілетті орган оны қалааралық облысаралық маршруттардың тiзiлiмiне енгiзедi.

14-параграф. Жолаушылар мен багажды автомобильмен халықаралық тұрақты тасымалдау

      89. Жолаушылар мен багажды автомобильмен халықаралық тұрақты тасымалдаудың маршруттары бойынша жол жүру тәртiбi Қазақстан Республикасы ратификациялаған халықаралық шарттармен реттелмеген бөлiгiнде осы Қағидаларда регламенттеледі.

      90. Жолаушылар мен багажды халықаралық қатынаста тұрақты тасымалдауды жүзеге асыру кезінде, Қазақстан Республикасы облыстарының шет мемлекетке шығу немесе шет мемлекеттен кіру жүзеге асырылатын елді мекендері арасында отандық тасымалдаушылардың жолаушылар мен багажды тасымалдауын қоспағанда, Қазақстан Республикасының аумағындағы пункттер арасында жолаушылар тасымалдауға тыйым салынады.

      90-1. Қазақстан Республикасының аумағына уақытша әкелінген автокөлік құралдарымен тасымалдауды қоспағанда, Қазақстан Республикасының аумағында орналасқан пункттер арасында шет мемлекеттің аумағында тіркелген автокөлік құралдарымен жолаушыларды, жүктерді тасымалдау жөніндегі кәсіпкерлік қызмет жүзеге асырылмайды.

15-параграф. Жолаушылар мен багажды автомобильмен тұрақты халықаралық тасымалдауды ұйымдастыру тәртiбi

      91. Жолаушылар мен багажды автомобильмен халықаралық тасымалдауды ұйымдастыру үшiн тасымалдаушы халықаралық қатынаста жолаушылар мен багажды автомобильмен тұрақты тасымалдауды жүзеге асыру шешiмiн тасымалдауды жүзеге асыру болжанып отырған басқа мемлекеттегi әрiптесiмен келiседi және онымен тиiстi шарт жасасады.

      92. Автомобиль көлігі саласындағы уәкілетті органнан маршрут бойынша келісілген қозғалыс схемалары мен маршрут бойынша қозғалыс кестелерін, жолаушылар мен багажды тасымалдауға арналған тарифтерді, осы Қағидаларға 4-қосымшаға сәйкес нысан бойынша жолаушылар мен багажды автомобильмен халықаралық тұрақты тасымалдауды жүзеге асыруға арналған рұқсатты (бұдан әрі - Рұқсат) (бұдан әрі - халықаралық тасымалдауға арналған рұқсат құжаттары) алу үшін, сондай-ақ олардың қолданылу мерзімін ұзарту үшін тасымалдаушы автомобиль көлігі саласындағы уәкілетті органға электрондық нысанда "Электрондық жолданымдар" ақпараттық-талдау жүйесі арқылы немесе қағаз нысанда автомобиль көлігі саласындағы уәкілетті органның кеңсесіне мынадай құжаттарды қоса бере отырып, еркін нысандағы өтінімді тігілген, нөмірленген және өтініш берушінің жауапты тұлғасы қол қойған, сондай-ақ осы тармақтың 4), 5) және 6) тармақшаларында көрсетілген құжаттарды қоспағанда мөрмен (болған жағдайда) расталған жеке папкаға ресімделген мына құжаттарды:

      1) жолаушыларды халықаралық қатынаста автобустармен, шағын автобустармен тұрақты тасымалдау жөніндегі қызметпен айналысу құқығына лицензиясы және лицензияға қосымшасы бар тасымалдаушының шетелдік тасымалдаушымен бірлескен қызметі туралы шартты;

      2) көлік құралдарын тіркеу туралы куәліктердің көшірмелерін қоса бере отырып, маршрутта пайдалануға көзделетін жылжымалы құрам туралы мәліметтерді (негізгі және резервтік болып бөлінген автобустардың саны мен типі (класы), автокөлік құралдарын жалға алған кезде - автокөлік құралдарын жалға алу шарттарының көшірмелерін;

      3) Қазақстан Республикасы Инвестициялар және даму министрінің 2015 жылғы 30 сәуірдегі № 547 бұйрығымен бекітілген (Нормативтік құқықтық актілерді мемлекеттік тіркеу тізілімінде № 12221 болып тіркелген) Автомобиль көлігі құралдарын техникалық пайдалану қағидаларының (бұдан әрі – Автомобиль көлігі құралдарын техникалық пайдалану қағидалары) 7-тармағының 3) және 4) тармақшаларында көзделген жылжымалы құрамға техникалық қызмет көрсету бойынша жұмыстарды жүргізу үшін елді мекенде немесе қала маңындағы аймақта, бірақ маршруттың бастапқы пунктінен 50 километрден аспайтын радиуста орналасқан өндірістік-техникалық базаға (жеке немесе жалға алған) құжаттардың көшірмелерін және профилактикалық медициналық куәландыруды жүзеге асыруға медициналық ұйыммен немесе медициналық қызметкермен жасасқан шарттың көшірмелерін;

      4) маршрут бойынша автобустардың орны және жөнелтілу, келу және тұру уақыттары, сондай-ақ барлық аялдама пункттері мен мемлекеттердің шекаралары арқылы өткізу пункттері, автобустар қозғалысының жылдамдық режимі бойынша қашықтықтар көрсетілген қозғалыс кестелерін;

      5) автовокзалдардың, автостанциялардың, жолаушыларға қызмет көрсету пункттерінің мекенжайлары, сондай-ақ мемлекеттік шекара арқылы автомобиль өткізу пункттерінің атаулары көрсетілген маршруттың схемаларын;

      6) "Автомобиль көлігі туралы" Қазақстан Республикасы Заңының 20-бабы 1-тармағының 5) тармақшасында көзделген жеңілдетілген тарифті көрсете отырып, осы маршрутқа қызмет көрсететін тасымалдаушылар тіркелген мемлекеттердің ұлттық валютасындағы халықаралық тұрақты маршруттың аялдама пункттері бойынша жолаушыларды және багажды тасымалдауға ұсынылатын тарифтерді ұсынады.

      Осы тармақтың 4), 5) және 6) тармақшаларында көрсетілген құжаттар тұрақты маршрутқа қызмет көрсету туралы шарт жасасқан қазақстандық және шетелдік тасымалдаушылар қол қойған және олардың мөрлермен (болған жағдайда) расталған құжаттар төрт данада ұсынылады.

      Маршрут бойынша қозғалыс схемасы және қозғалыс кестесі, сондай-ақ жолаушылар мен багажды тасымалдауға тарифтерді автомобиль көлігі саласында уәкілетті органың жауапты тұлғасының қолымен және мөрімен (рамка қалыңдығы 1 миллиметрлі төртбұрыш формалы мөр, жоғары бөлігінде автомобиль көлігі саласында уәкілетті орган атауы, ортасында "Автобус бағыты бойынша қозғалысқа рұқсат берілді" деген сөз бар және астында растау мерзімі және "_________қолы" ) растайды.

      93. Осы Қағидалардың 92-тармағының 4), 5) және 6) тармақшаларында көрсетілген құжаттарды қоса бере отырып, халықаралық тасымалдарға рұқсат беру құжаттарының қолданылу мерзiмiн ұзартуға арналған өтiнiм автомобиль көлігі саласындағы уәкілетті органға халықаралық тасымалдарға рұқсат беру құжаттарының белгiленген қолданылу мерзiмi аяқталғанға дейiн ұсынылады.

      94. Автомобиль көлігі саласындағы уәкілетті орган өтінім тіркелген күннен бастап 15 жұмыс күні ішінде, автомобиль көлігі саласындағы уәкілетті органның кеңсесіне қағаз нысанда ұсынылған құжаттар топтамасы осы Қағидалардың 92 және 101-тармақтарының талаптарына сәйкес келген кезде, тасымалдаушыға және аумағы бойынша маршрут өтетін мемлекеттердің құзыретті органдарына, егер Қазақстан Республикасы ратификациялаған халықаралық шарттарда өзгеше көзделмесе, осы Қағидалардың 92-тармағының 4), 5) және 6) тармақшаларында көрсетілген құжаттарды қоса бере отырып, маршрутты ашуға Рұқсат алу туралы өтінішхат жібереді.

      94-1. "Электрондық жолданымдар" ақпараттық-талдау жүйесі арқылы электрондық нысанда ұсынылған құжаттар топтамасы осы Қағидалардың 92 және 101-тармақтарының талаптарына сәйкес келген кезде, автомобиль көлігі саласындағы уәкілетті орган өтінім тіркелген күннен бастап 15 жұмыс күні ішінде тасымалдаушыға осы Қағидалардың 92-тармағының 4), 5) және 6) тармақшаларында көрсетілген құжаттарды ұсыну үшін хабарлама жібереді.

      Тасымалдаушы осы Қағидалардың 92-тармағының 4), 5) және 6) тармақшаларында көрсетілген құжаттарды ұсынғаннан кейін, автомобиль көлігі саласындағы уәкілетті орган тасымалдаушыға және аумағы бойынша маршрут өтетін мемлекеттердің құзыретті органдарына, егер Қазақстан Республикасы ратификациялаған халықаралық шарттарда өзгеше көзделмесе, осы Қағидалардың 92-тармағының 4), 5) және 6) тармақшаларында көрсетілген құжаттарды қоса бере отырып, маршрутты ашуға Рұқсат алу туралы өтінішхат жібереді.

      94-2. Қағаз немесе электрондық нысанда ұсынылған құжаттар топтамасы осы Қағидалардың 92 және 101-тармақтарының талаптарына сәйкес келмеген жағдайда, автомобиль көлігі саласындағы уәкілетті орган өтініш тіркелген күннен бастап 15 жұмыс күні ішінде тасымалдаушыға анықталған ескертулерді көрсете отырып хабарлама жібереді.

      95. Аумағы бойынша маршрут өтетiн шетел мемлекеттерінің құзыреттi органдарынан тиiстi рұқсаттарды алғаннан кейiн тасымалдаушыға халықаралық тасымалдауды жүзеге асыруға арналған рұқсат құжаттары берiледi.

      Рұқсат автобустардың, шағын автобустардың әрбір жүру кестесіне екі данадан ресімделеді.

      96. Осы Қағидалардың 92-тармағының 4), 5) және 6) тармақшаларында көзделген құжаттардың көшірмелері бір данада тізілімді жүргізу үшін автомобиль көлігі саласындағы уәкілетті органға беріледі.

      97. Рұқсат берiлген күннен бастап күнтiзбелiк 30 күн iшiнде тасымалдаушы автомобиль көлiгi саласындағы уәкiлеттi органға тасымалдаушылар мен автовокзалдардың, автостанциялардың, жолаушыларға қызмет көрсету пункттерінің әкiмшiлiгi осы Қағидаларға сәйкес жасасатын шарттардың көшiрмелерiн ұсынады.

      98. Тасымалдаушылар маршруттағы әрбір автобуста осы Қағидалардың 92-тармағының 2) тармақшасына сәйкес құжаттарда көрсетілген жылжымалы құрамға автомобиль көлігі саласындағы уәкілетті орган берген халықаралық тасымалдарға рұқсат беру құжаттарының түпнұсқаларының немесе нотариат куәландырған көшірмелерінің болуын қамтамасыз етеді.

      98-1. Рұқсатқа жылжымалы құрам бойынша өзгерістер және (немесе) толықтырулар енгізу қажет болған кезде, осы маршрутқа қызмет көрсететін тасымалдаушы Рұқсаттың түпнұсқасы мен осы Қағидалардың 92-тармағының 2) тармақшасында көрсетілген құжаттарын қоса бере отырып, еркін нысанда автомобиль көлігі саласындағы уәкілетті органға өтінім береді.

      99. Маршрутты, аялдама пункттерiн, қозғалыс кестесiн өзгертудi, сондай-ақ маршрутты жабуды автомобиль көлігі саласындағы уәкілетті орган тасымалдаушының немесе жергiлiктi атқарушы органдардың өтiнiшiнiң негiзiнде аумағы бойынша маршрут өтетiн шет мемлекеттердiң құзыреттi органдарымен алдын ала келiсiм бойынша жүргiзедi.

      100. Автобустардың қозғалыс кестесіне өзгерістерді енгізгенде осы маршрутқа қызмет көрсететін тасымалдаушы автомобиль көлігі саласындағы уәкілетті органға осы Қағидалардың 92-тармағының 4), 5) және 6) тармақшаларында көрсетілген құжаттарды қоса отырып еркін нысандағы өтінімді ұсынады.

      Автобустардың қосымша қозғалыс кестесін келісуге ұсынған кезде осы бағытқа қызмет көрсететін тасымалдаушы осы Қағидалардың 92-тармағының 2) және 4) тармақшаларында көрсетілген құжаттарды қоса бере отырып, автомобиль көлігі саласындағы уәкілетті органға еркін нысандағы өтініш береді.

      101. Тасымалдаушыға халықаралық тасымалдауға рұқсат құжаттарын беру мынадай жағдайларда бас тартылады:

      1) осы Қағидалардың 92-тармағына сәйкес өтiнiмге қоса берiлген құжаттар толық көлемде емес немесе жалған мәлiметтер болса;

      2) өтiнiш берiлген қозғалыс кестесi бойынша жолаушылар мен багажды автомобильмен тұрақты халықаралық тасымалдау маршруты қызмет етілсе;

      3) ашылып жатқан бастапқы және аралық пункттері және қолданыстағы ұзақтығы 250 км асатын тұрақты халықаралық маршруттар бойынша қозғалыс кестесінің айырмашылығы 1 сағаттан аз уақытты құраса;

      4) тасымалдауды жүзеге асыруы болжанып отырған жылжымалы құрамның Қазақстан Республикасының заңнамасында белгiленген талаптарға сәйкес келмеуі, сондай-ақ автобустарды рейс алдындағы (ауысым алдындағы) техникалық тексерудi, сондай-ақ жүргiзушiлердi рейс алдындағы және рейстен кейінгі медициналық куәландыруды жүргiзу мүмкiндiгiнің болмауы;

      5) аумағы арқылы өтiнiш берiлген маршрут өтетiн мемлекеттiң құзыреттi органының келiсiмi алынбаса;

      6) ашылып жатқан бастапқы және аралық пункттері және қолданыстағы ұзақтығы 250 км дейінгі халықаралық тұрақты маршруттар бойынша қозғалыс кестесінің айырмашылығы 15 минуттан аз уақытты құраса, бас тартылады.

      102. Дәлелдi бас тарту жазбаша нысанда тасымалдаушыға жiберiледi.

      103. Тасымалдаушыға халықаралық тасымалдауға берілген рұқсат құжаттарының әрекеті алты айға дейінгі мерзімге тоқтата тұруы мүмкін мына жағдайда:

      1) тасымалдаушы автомобиль көлігі саласындағы уәкілетті органға тасымалдауды болжамды тоқтату күнiне дейiн 1 айдан кешiктiрмей жазбаша өтiнiш берген;

      2) жергiлiктi атқарушы органдар жазбаша дәлелдi өтiнiш берген;

      3) осы Қағидалардың талаптарын бұзу немесе сақтамау фактілері байқалған;

      4) егер тасымалдаушы аумағы бойынша маршрут өтетiн шет мемлекеттердiң құзыреттi органдары белгiлеген тұрақты маршруттарды пайдалану шарттарын қамтамасыз етпесе;

      4-1) тасымалдаушылар мен автовокзалдардың, автостанциялардың, жолаушыларға қызмет көрсету пункттерінің әкiмшiлiгi жасасатын шарттардың көшiрмелерiн осы Қағидалардың 97-тармағында белгiленген мерзiмде ұсынбаған;

      5) аумақтары бойынша тұрақты маршрут өтетiн шет мемлекеттердiң құзыреттi органдарының жазбаша өтiнiшi бойынша алты айға дейiнгi мерзiмге тоқтата тұруы мүмкiн.

      104. Тасымалдаушыға берiлген рұқсат құжатының қолданылуы:

      1) тасымалдаушы тасымалдауды болжамды тоқтату күнiне дейiн 3 айдан кешiктiрмей жазбаша өтiнiш берген;

      2) тасымалдаушы өз еркiмен, автомобиль көлігі саласындағы уәкілетті органның келiсiмiнсiз маршрут бойынша автобустардың қозғалыс кестесi мен схемасына өзгерiстер енгiзген;

      3) аумақтары бойынша тұрақты маршрут өтетiн шет мемлекеттердiң құзыреттi органдарының жазбаша өтiнiшi бойынша;

      4) егер тасымалдаушы рұқсат құжаттарын алған күннен бастап айлық мерзiм өткен бойда маршрутта жолаушылар тасымалдауды орындамаса;

      5) егер маршрутта жолаушылар тасымалдауды тасымалдаушы рұқсат құжаттарының қолданылу кезеңiнде күнтiзбелiк 15 күн бойы орындамаған жағдайда;

      6) егер тасымалдаушы "Қазақстан Республикасының халықаралық қатынастағы автомобильмен тасымалдауларында рұқсат беру жүйесін қолдану қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 27 наурыздағы № 353 бұйрығымен бекітілген (Нормативтік құқықтық актілердің мемлекеттік тіркеу тізілімінде № 11704 болып тіркелген) Қазақстан Республикасының халықаралық қатынастағы автомобильмен тасымалдауларында рұқсат беру жүйесін қолдану қағидаларының 26-тармағына сәйкес күнтізбелік бір жыл қолдану мерзімдегі уақыты бар тасымалдаушы шетелдік рұқсатты алуға өтінім бермеген жағдайда тоқтатылады.

      104-1. Рұқсат құжаттардың қолданылуын уақытша тоқтатқанда немесе тоқтатқанда тасымалдаушыға рұқсат құжаттардың қолданылуын уақытша тоқтатқан немесе тоқтатқан күннен бастап бес жұмыс күн ішінде дәлелді жауап жіберіледі.

16-параграф. Халықаралық қатынаста жол жүру және багажды алып жүру төлемi

      105. Халықаралық қатынаста жол жүру үшін жол жүру құжаттарын (билеттерін) сатып алу тәртібі осы Қағидаларда белгіленген қалааралық облысаралық қатынаста билеттерді сатып алу тәртібіне сәйкес келуге тиіс.

      Бұл ретте халықаралық қатынаста жол жүру құжаттарын (билеттерін) өткізу билетте жолаушының тегі, аты және әкесінің аты (бар болса) көрсетіле отырып жүзеге асырылады.

      Жолаушыны рейске отырғызу жеке басын куәландыратын құжаттың негізінде, түпнұсқада не цифрлық құжаттар сервисі арқылы электрондық құжат нысанында, билетте көрсетілген тегін, атын және әкесінің атын (бар болса) салыстыра отырып жүзеге асырылады.

      106. Халықаралық қатынаста жол жүру және багажды алып жүру төлемi, жол жүру құжаттары (билеттерi) сатып алынған мемлекеттiң валютасымен жүргiзiледi.

3-тарау. Жолаушыларды және багажды автомобильмен тұрақты және тұрақты емес тасымалдау маршруттарында жүргізушілерді рейс алдында және рейстен кейін медициналық қарап тексеруді ұйымдастыру және одан өткізу тәртібі

      Ескерту. 3-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      107. Тасымалдаушы жүргізушілердің медициналық қызметкердің және (немесе) медициналық ұйымның жеке форматта немесе автоматтандырылған жүйелер арқылы онлайн форматта рейс алдындағы және рейстен кейінгі медициналық куәландырудан өтуін қамтамасыз етеді.

      108. Жүргізуші рейс алдындағы және рейстен кейінгі медициналық куәландырудан рейске (ауысымға) шыққанға дейін немесе таксидегі жұмыс басталғанға дейін отыз минут бұрын және рейсті аяқтағаннан кейін және жұмыстан кейін отыз минуттан кем емес уақытта:

      жол қағазын немесе борт журналын, сондай-ақ жеке басын куәландыратын құжатты түпнұсқасында не цифрлық құжаттар сервисін қолдана отырып, электрондық құжат нысанында көрсету бойынша жеке форматта;

      электрондық түрде жол парағы болған жағдайда, автоматтандырылған жүйелер арқылы биометриялық және (немесе) басқа да сәйкестендіруден өткеннен кейін онлайн форматта өтеді.

      109. Бір күн ішінде бірнеше рейсті орындау кезінде рейс алдындағы медициналық куәландыру бірінші рейстің алдында бір рет, ал рейстен кейінгі медициналық куәландыру соңғы рейс аяқталғаннан кейін бір рет жүргізіледі.

      110. Жүргізушілерді рейс алдындағы және рейстен кейінгі жеке форматтағы медициналық куәландыруына:

      1) сауалнама, тексерiлетiннiң сыртқы түрiн, жүрiсiн, тұрысын, мiнез-құлқы мен көңiл-күй әрекеттерiнiң барабарлығын, сөзiнiң байланыстылығы мен нақтылығын, iс-қимылын, санасын, терi жабыны мен көрiнетiн сiлекейлi жабыны, көз шелiнiң түсiн, көз жанарының мөлшерiн, тыныс алу ерекшелiктерiн қарап-тексеру және бағалау;

      2) айтылған шағымдарды, рейсаралық (ауысымаралық) тынығу мен ұйқы ұзақтығын айқындау және қарау;

      3) артериялық қысымды, пульстiң жиілiгi мен сапалық сипаттамаларын өлшеу және бағалау, дене температурасын өлшеу, тамақты тексеру, лимфа түйiндерiн, iштi қарау, Ромберг тұрысындағы орнықтылықты, саусақ-мұрын және басқа да координациялық сынамаларды орындау дәлдiгiн шағым немесе көрсетілім болған кезде анықтау кiредi. Жүргiзушi ауруының анамнезiнде артериялық гипертония болған кезде, рейс алдындағы және рейстен кейінгі медициналық куәландырудың жеке картасында жүргiзушiнiң негiзгi функционалдық көрсеткiштерiнiң рұқсат етiлген параметрлерi белгiленедi.

      Автоматтандырылған жүйелер арқылы жүргізушілерді онлайн форматта рейс алдындағы және рейстен кейінгі медициналық куәландыруды жүргізу мынадай тәртіппен жүзеге асырылады:

      1) жүргізушінің биометриялық және (немесе) басқа сәйкестендіруі;

      2) шағымдардың болуына онлайн сауалнама;

      3) көз қарашығының жарық тітіркендіргішіне реакциясының өзгертуіне арналған тест;

      4) алкогольдік масаң күйіне тест;

      5) дене температурасын өлшеу;

      6) қан қысымын мен пульсті өлшеу.

      Автоматтандырылған жүйе нәтижелердің бұрмалануын болдырмау мақсатында медициналық куәландыру процесінің фото және (немесе) бейнежазбасын жүзеге асырады.

      111. Шағымдары, аурудың нақты белгiлерi мен ағзаның жұмыс iстеу жай-күйiнiң бұзылуы болмаған кезде, тексерiлушi көлiк құралдарын басқаруға жiберiледi.

      Жеке формат кезінде медициналық қызметкер жүргiзушiлер жолаушылар мен багажды тұрақты емес тасымалдауын жүзеге асырған кезде – борт журналының, жолаушылар мен багажды тұрақты тасымалдауды, сондай-ақ таксимен тасымалдауды жүзеге асырған кезде – жол қағазының тиiстi бағаналарына мөртабан қояды. Мөртабанда тексеруден өткен күн, уақыт және медициналық қызметкердiң қолы қойылады.

      Онлайн формат кезінде автоматтандырылған жүйе жүргізушінің медициналық куәландырудан өту нәтижелерін тіркеп, оларға сәйкес жүргізушіні көлік құралын басқаруға жіберу туралы шешім қабылдайды. Медициналық куәландыру нәтижелері, оның ішінде фото және (немесе) бейнежазбалар автоматтандырылған жүйенің тізілімінде сақталады және түзетуге жатпайды.

      Жүргізушіні көлік құралын басқаруға жіберу туралы ақпарат онлайн тексеру қорытындысы бойынша автоматтандырылған жүйемен тиісті электрондық жол парағына жолданылады.

      112. Алькогольдік, нашақорлық, токсикомандық күйде (ауыздан алкоголь иiсiнiң шығуы, тұру орнықсыздығы, сөздiң бұзылуы, саусақтардың нақты дiрiлi, терi беттерi түсiнiң өзгеруi) екенiне жеткiлiктi негiз бар адамдар көлiк құралдарын басқаруға жiберiлмейдi.

      Осы қорытындымен келiспеген жағдайда, бұл адамдар психоактивтi затты қолдану фактісін және масаң жай-күйін белгілеу үшiн медициналық куәландыруды жүргiзуге уәкiлеттi жақын арадағы медициналық ұйымға жiберiледi.

      113. Жарақат табылған және қатты ауыру немесе ескi аурудың күшеюi белгiлерi - қан қысымының қалыпты немесе жеке рұқсат етiлген параметрлерден сынап бағанасының 20 мм-ге жоғары немесе төмен болуы, брадикардия минутына 55 соғудан кем, тахикардия минутына 85 соғудан артық (жүргiзушi пульсiнiң жеке рұқсат етiлген параметрлерiн қоспағанда), артериялық гипертония, қатты инфекциялық ауру белгiлерi, ауыру синдромы, естен тану және денсаулық жай-күйiнiң басқа бұзушылықтары байқалған кезде, жүргiзушiлер емдеу және уақытша еңбекке жарамсыздықты сараптау үшiн маманға қабылдауға жiберiледi. Қажет болған кезде жедел медициналық жәрдем шақыру қамтамасыз етiледi.

      Уақытша еңбекке жарамсыздық белгiлерi амбулаториялық-емханалық ұйымдар жұмыс iстемейтiн уақытта анықталған жағдайда, науқасқа қажеттi медициналық көмек көрсетiледi және тексеру күнiн, уақытын, болжанған диагнозды және көрсетiлген медициналық көмектiң мөлшерiн мiндеттi түрде көрсетiп, маманға жолдама ресiмделедi, ол дәрiгердiң еңбекке жарамсыздық парағын беру үшiн негiз болып табылады.

      114. Жеке формат кезінде медициналық қызметкер рейс алдындағы және рейстен кейінгі медициналық куәландыру жүргiзу сәтiне жүргiзушiнің көлiк құралдарын басқаруға жарамдылығы туралы қорытынды бередi.

      Онлайн формат кезінде жүргізушінің рейс алдындағы және рейстен кейінгі медициналық куәландыру жүргізу сәтіне көлік құралдарын басқаруға жарамдылығы туралы қорытынды бір минут ішінде автоматтандырылған жүйелер арқылы электрондық нысанда қалыптастырылады және сұрау салу бойынша жүргізушіге беріледі.

      115. Медициналық қызметкер тасымалдаушыны жүргізуші қарап-тексеруден бас тартқан жағдайлар туралы, ауру, жарақат, психоактивті затты қолдану белгілері анықталған кезде жүргізушіні көлік құралдарын басқарудан шеттету туралы дереу хабардар етеді.

      Жүргізушінің алкогольді және басқа да психоактивті, оның ішінде есірткі заттарды қолданғанын растаған кезде жұмыс беруші осы мәселе бойынша осы жүргізушіге әкімшілік шараларды қолдану үшін ӘПК аумақтық бөлімшесіне хабарлама жібереді.

4-тарау. Жол жүру құжаттарының (билеттердің) және багаж түбіртектерінің нысаны, сатылу тәртібі, сондай-ақ жол жүру құжаттарын (билеттерді) алдын ала және электронды сатуды ұйымдастыру және жүзеге асыру тәртібі

      Ескерту. 4-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      116. Осы Қағидаларға 5-қосымшаға сәйкес қағаз нысанында багаж түбіртектерін және жол жүру құжаттарын (билеттерді) сату:

      1) автовокзалдардың, автостанциялардың, жолаушыларға қызмет көрсету пункттерінің билет кассалары және кассалық пункттер арқылы;

      2) маршруттың аралық аялдама пункттерiнде билет кассалары болмаған жағдайда автобуста, шағын автобуста отыратын бос орындар болса, сондай-ақ жолаушылар мен багажды 50 км артық қашықтықта тасымалдауды жүзеге асыру кезiнде автобустар мен шағын автобустардың толу нормасына дейiн жүргiзушi немесе кондуктор;

      3) оның ішінде байланыс құралдарын пайдалана отырып, жолаушылар агенттіктері жүзеге асырады.

      117. Автовокзалдар, автостанциялар, жолаушыларға қызмет көрсету пункттері және кассалық пункттердiң жолаушыларды тұрақты емес тасымалдауға жол жүру құжаттарын (билеттерді) сатуы жүзеге асырылмайды.

      Автовокзалдар, автостанциялар мен кассалық пункттердiң жолаушылардың тұрақты емес тасымалдауына билеттер сатуына рұқсат етiлмейдi.

      118. Автовокзалдар, автостанциялар және жолаушыларға қызмет көрсету пункттері Қазақстан Республикасының аумағында орналасқан елді мекендер арасында жол жүруге жолаушылар мен багажды автомобильмен тұрақты халықаралық тасымалдауларды жүзеге асыратын автобустар мен шағын автобустарға жол жүру құжаттарын (билеттерін) сатуды жүзеге асырмайды.

      119. Жол жүру құжаттарын (билеттерін) ағымдағы сатумен қатар алдын ала сату, сондай-ақ байланыс құралдарын пайдалану және үйге жеткізіп беру арқылы жол жүру құжаттарын (билеттерін) сату жүзеге асырылады.

      Жол жүру құжаттарын (билеттерiн) алдын ала сату, сондай-ақ байланыс құралдарын пайдалану арқылы сатылған жол жүру құжаттарын (билеттерiн) үйге жеткiзiп бергенi үшiн қызмет көрсеткенi үшiн ақы алынуы мүмкін.

      120. Жол жүру құжаттарын (билеттерін) алдын ала сату, соның ішінде билет алуға тапсырысты ресімдеу автобус, шағын автобус жөнелтілгенге дейін күнтiзбелiк 30 күн бұрын басталады және автобус, шағын автобус жөнелтілгенге дейін 24 сағат бұрын аяқталады.

      121. Жол жүру құжаттарын (билеттерін) ағымдағы сату автобус, шағын автобус жөнелтілгенге дейін 5 минут бұрын аяқталады.

5-тарау. Жол жүру құжаттарын (билеттерін) және олардың құнын қайтару, сондай-ақ қолданылу мерзімі тәртібі мен шарттары

      Ескерту. 5-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      122. Жол жүру құжаты (билетi) жоғалған және жолаушы автобус, шағын автобус жөнелтiлгенге дейiн жол жүру құжатын (билетiн) сатқан адамға немесе тасымалдаушыға барған және жолаушының жол жүру құжатын (билетiн) сатып алғаны расталған жағдайда, билет ақы алмай қалпына келтiрiлуi тиiс.

      123. Жолаушы алынған жол жүру құжатын (билетiн) кассаға автобус немесе шағын автобус жөнелтiлгенге дейiн қайтарған кезде, оған жол жүру құжатын (билетiн) сатқан адам қайтарылған жол жүру құжатының (билетінің) құнынан 3 пайыздан асырмай шегерiлген жол жүру құжатының (билеттiң) төленген құнын қайтарады.

      Егер сатып алынған билетті қайтаруды оны сатпаған касса жүзеге асырса, онда касса қайтарылған жол жүру құжатының (билет) құнының 5 пайызын асырмай қайтарғаны үшін комиссия алады.

      124. Автобусқа және шағын автобусқа кешiккен кезде жол жүру құжаттары (билеттерi) 3 күннен кешiктiрілмей қайтарылады, бұл ретте жол жүру құжаты (билеті) құнының 70 %-ына тең сома өтеледi.

      125. Қалааралық облысаралық және халықаралық қатынастағы маршруттар бойынша жүретiн автобусты және шағын автобусты жөнелту кешiктiрiлген жағдайда, кiдiру немесе кешiгу еңсерілмейтін күштiң салдарынан орын алған жағдайларды қоспағанда, тасымалдаушы жолаушыға кассалар арқылы автобус пен шағын автобусты жөнелтудiң әрбiр кешiктiрiлген сағаты үшiн жол жүру құнының үш пайызы мөлшерiнде айыппұл төлейдi. Бұл ретте айыппұлдың сомасы жолаушы сатып алған билет құнынан аспайды. Егер автобусты немесе шағын автобусты жөнелту автовокзалдың, автостанцияның немесе жолаушыларға қызмет көрсету пунктінің кінәсінен кешіктірілген жағдайда, жолаушылар алдында автовокзал, автостанция немесе жолаушыларға қызмет көрсету пункттері жауапты болады.

      126. Автобусты, шағын автобусты жөнелту кешiктiрiлгендiктен жолаушы сапардан бас тартқан жағдайда, жөнелту пунктiнде оған төленген жол жүру құны толық мөлшерде қайтарылады.

      127. Жолаушыны бару пунктiне жол, климаттық немесе тасымалдаушыға байланысты емес өзге де себептер бойынша жеткiзу мүмкiн болмаған жағдайда, тасымалдаушы жолаушының талабы бойынша сапар тоқтаған пункттен бару пунктiне дейiнгi жол жүру құны қайтарылады. Автобусты, шағын автобусты жөнелту пунктiне қайтарған кезде жолаушыға жол жүру мен багажды алып жүрудiң толық құны өтеледi.

      128. Техникалық себептерге байланысты маршрут автобустың, шағын автобустың және троллейбустың қозғалысы мүмкiн болмаған жағдайда, жолаушыларға сатылған билеттер жарамсыз автобусты, шағын автобусты, троллейбусты ауыстыру үшін тасымалдаушы ұсынған автобуста, шағын автобуста, троллейбуста немесе осы маршруттың басқа автобусында, шағын автобусында және троллейбусында сапарды жүзеге асыру үшiн жарамды болады.

      129. Тасымалдаушы билетте көрсетiлген автобус пен шағын автобустың орнына жол жүру құны қымбаттау тұратын басқа автобус пен шағын автобусты ұсынған кезде сапар алынған жол жүру құжаттары (билеттерi) бойынша қосымша ақысыз жүзеге асырылады.

      130. Осы Қағидалардың 122-129-тармақтарының шартын орындамаған немесе бұзған жағдайда жол жүру құнын өтеу бойынша даулар Қазақстан Республикасының азаматтық заңнамасымен белгіленген тәртіпте шешіледі.

      131. Жолаушылар мен багажды автомобильмен халықаралық, қалааралық облысаралық және қалааралық облысiшiлiк маршруттар бойынша тасымалдаудың жол жүру құжаттары (билеттер) автобус пен шағын автобустың отыруға арналған орындарының санына тең мөлшерде сатылады.

6-тарау. Багажды қабылдау, сақтау және беру тәртібі

      Ескерту. 6-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      132. Сақтау камерасының жұмыс уақыты автовокзалдың автостанцияның жұмыс режимiне, автобустардың, шағын автобустардың қозғалыс кестесiне және жергiлiктi жағдайға байланысты белгiленедi. Автоматты емес сақтау камерасындағы қоймашылардың түскi үзiлiстерi қалааралық автобустардың жиiлiгi ең төменгi жөнелтiлу сағаттарына, кезектi автобус жөнелтiлгенге дейiн 15 минуттан кешiктiрмей сақтау камерасын мiндеттi түрде ашуды ескере отырып белгiленедi.

      133. Багаж сақтауға кез келген орамада, оның сыртқы пішініне қарамастан (чемодан, арқа қоржын, түйіншек, шыны ыдыс) қабылданады. Жеке заттар (шаңғы, арбалар, спорт бұйымдары және оған ұқсас) сақтауға орамасыз қабылдануы мүмкiн. Орама бұйымдардың, оларды тасу және сөрелерде сақтау кезiнде сақталуын қамтамасыз етуi тиiс.

      Багажды сақтауға қабылдау кезiнде ораманың берiктiгi тексерiледi және ол жарамсыз болған жағдайда, жолаушыға ақаулықты жою ұсынылады.

      Талап етілмеген багаж сақтау камерасында алты ай ішінде сақталады. Көрсетілген мерзім өткенде талап етілмеген багаж құртылады.

      Өздерiне тән қасиеттерi бойынша басқа жолаушылардың бұйымдарын ластауы немесе зақымдауы мүмкiн бұйымдарды, сондай-ақ өртену қаупi бар, жарылғыш, улағыш, улы, өткiр және күлiмсi иiстi заттар сақтауға қабылданбайды.

      134. Сақтау камерасы сақтауға тапсырылған азық-түлiктiң өздiгiнен бұзылғаны үшiн жауапты болмайды.

      135. Багажды автоматты емес камераға тапсыру кезiнде оның иесiне:

      1) сақтау камерасының деректемелерi;

      2) күнi;

      3) багаж иесiнiң тегi, аты және әкесiнiң аты;

      4) сақтауға қабылданған багаж орындарының саны;

      5) сақталу мерзiмi;

      6) багаждың көрсетiлген құны (иесi қалаған кезде);

      7) багажды сақтау ақысының сомасы;

      8) багаж орамасының ақаулықтары (болған кезде) көрсетiлген түбiртек жазып берiледi.

      136. Егер багажды сақтау камерасына қабылдау кезiнде ораманың ақаулықтары байқалса, онда иесi оларды не жоюға, не ақаулықтардың барын түбiртектiң түбiрiнде өз қолымен растауға мiндеттi.

      137. Багаж түбiртегi мен көшiру қағазы арқылы жазып берiлетiн оның көшiрмесi тазартуларсыз және түзетулерсiз анық толтырылады. Түбiртектiң көшiрмесi сақтауға тапсырылған бұйымдарға бекiтiледi, ал түпнұсқасы жолаушыға берiледi.

      138. Сақтауға қабылданған багажды жолаушыға берудi сақтау камерасының қызметкерi түбiртек бойынша жүргiзедi. Беру кезiнде иесi көрсеткен түбiртек пен оның көшiрмесi салыстырылады, сақтау мерзiмi тексерiледi және багаждың иесiмен соңғы есеп айырысу жүргiзiледi.

      139. Багаж түбіртегі жоғалған кезде, сақтауға қабылданған багаж иесіне, оның жазбаша арызы бойынша багаждың оған тиістілігі туралы дәлелдер келтіру арқылы беріледі. Бұл жағдайда багажды беру оның иесінің жеке басын растайтын құжаттарына сәйкес түпнұсқасында не цифрлық құжаттар сервисін қолдана отырып, электрондық құжат нысанында тегі, аты, әкесінің аты көрсетілген қолхат бойынша жүргізіледі.

      140. Сақтау үшiн ақы әрбiр күнтiзбелiк күн үшiн сақтауға қабылданған күн мен сақтау камерасынан берiлетiн күндi қоса алғанда, багаждың әрбiр заты (орны) үшiн алынады. Сақтауға бiрге байланған бiрнеше зат тапсырылған болса, ақы әрбiр зат (орын) үшiн жеке алынады.

      141. Бару пунктiне багаж автомобилiнде келген багажды сақтау үшiн ақы багаж келген келесi күннiң нөл сағатынан бастап және сақтау камерасынан берiлген күндi қоса алғанда, багаждың әрбiр заты (орны) үшiн күнтiзбелiк әрбiр күнге алынады. Сақтауға бiрге байланған бiрнеше зат тапсырылған болса, ақы әрбiр зат (орын) үшiн жеке алынады.

      142. Багажды сақтауға тапсырған кезде жолаушы оның бағасын белгiленген комиссиялық алым төлеп көрсетуi мүмкiн.

      Сақтауға бiрнеше затты (орынды) тапсырған кезде жолаушы әрбiр өзi тапсырған заттың (орынның) немесе олардың жалпы бағасын көрсетуi мүмкiн. Көрсетiлген бағаның сомасы багаж түбiртегiнде көрсетiледi.

      143. Багаждың жетiспеуi немесе зақымдалуы байқалған кезде, багаж иесiнiң, тасымалдаушы өкiлiнiң немесе сақтау камерасы қызметкерiнiң, автовокзал (автостанция) қызметкерiнiң және құқық қорғау органдары қызметкерiнiң қатысуымен екi данада актi жасалады.

      Актiде багаж иесiнiң тегi, аты, әкесiнiң аты және мекенжайы, қабылданған және берiлген орындардың саны, жоғалған заттың атауы немесе оның зақымдалу сипаты, егер ол құжат жүзiнде ресiмделсе, көрсетiлген бағаның сомасы көрсетiледi.

      Актiнiң бiр данасы багаж иесiне тапсырылады.

      144. Сақтау камерасына тапсырылған бұйымдардың жоғалуы, жетiспеуi немесе зақымдалуы салдарынан болған жолаушының шығындарын, тапсырған кездегi оларды бағалау сомасының шегiнде, оларды өтеу туралы талап етiлген сәттен бастап жиырма төрт сағат iшiнде сақтаушы өтейді.

7-тарау. Жолаушылар мен багажды автомобильмен республикаішілік тұрақты тасымалдау маршруттарына қызмет көрсету құқығына конкурстар ұйымдастыру және өткізу тәртібі

      Ескерту. 7-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-параграф. Жалпы ережелер

      145. Жолаушылар мен багажды тұрақты автомобильмен тасымалдау, халықаралықты қоспағанда жолаушылар мен багажды көрсетілген маршруттарға қызмет көрсету құқығына арналған конкурста (бұдан әрі - Конкурс) жеңген және тасымалдаушылар мен жергiлiктi атқарушы органдардың немесе уәкілетті ұйымның арасында жасалған шарттың негізінде оларға қызмет көрсетуге құқығы бар куәлік алған тасымалдаушылар жүзеге асырады.

      146. Конкурсқа меншік құқығымен автобустарға, шағын автобустарға иелiк ететін, осы Қағидалардың талаптарына сәйкес осы тасымалдау түрін ұйымдастыратын және "Автомобиль көлігі туралы" 2003 жылғы 4 шілдедегі Қазақстан Республикасының Заңы 13-бабының 23-10)-тармақшасына сәйкес автомобиль көлігі саласында басшылықты жүзеге асыратын уәкілетті органмен бекітілетін Автокөлік құралдарын техникалық пайдалану ережесіне сәйкес автобустарға, шағын автобустарға техникалық қызмет көрсету мен жөндеудi қамтамасыз ете алатын жеке және заңды тұлғалар қатыса алады.

      147. Жолаушылар мен багажды автомобильмен республикаішілік тұрақты тасымалдаудың маршруттары тасымалдаушылардың арасында конкурс негiзiнде бөлінеді. Конкурсқа жеке маршрут та, бiрнеше маршрут та бiр лотпен шығарылуы мүмкiн. Лотты қалыптастыру кезінде маршруттардың маңыздылығы мен рентабельдiлiгi ескерiледi. Лотқа едәуiр рентабельдiлермен қатар рентабельдiлiгi төмендеу, бiрақ әлеуметтік маңызы бар маршруттар кiредi.

      148. Конкурстың ұйымдастырушылары:

      1) жолаушылар мен багажды автомобильмен қалааралық облысаралық, ауданаралық (қалааралық облысішілік), республикалық маңызы бар қалалардың, астананың қалалық қала маңындағы тұрақты тасымалдаудың маршруттарына қызмет көрсету құқығына – облыстың, республикалық маңызы бар қалалардың, астананың жергiлiктi атқарушы органдары болып табылады;

      Жолаушылар мен багажды автомобильмен қалааралық облысаралық тасымалдауды ұйымдастыру үшін автомобиль көлігі саласындағы уәкілетті орган облыстардың, республикалық маңызы бар қаланың, астананың тиісті жергілікті атқарушы органдарына маршруттардың негізгі сипаттамалары бойынша мынадай ақпаратпен қоса бекітілген және келісілген жол жүру кестесін береді:

      бастапқы және соңғы жүру пункті бойынша маршруттың нөмірі және атауы;

      паритеттік қызмет көрсету тәртібін көрсете отырып, маршрутқа қызмет көрсету кезеңі;

      маршруттағы аралық пунктердің атаулары мен санын және тікелей және кері бағыттағы қозғалыс жылдамдығын орташа пайдалануын көрсете отырып, маршрут бойынша қозғалыс кестесі;

      жолаушылар орындықтарына арналған орындар бойынша паспорттық сыйымдылығын көрсете отырып, маршрутқа қызмет көрсету үшін қажетті автобус класстарын, сондай-ақ жылжымалы резервтік құрамды есепке алғанда қажетті автобустар санын;

      Жолаушылар мен багажды автомобильмен қалааралық облысаралық тасымалдауға конкурс бекітілген жүру кестесін алғаннан кейін 30 жұмыс күннен кешіктірмей жергілікті атқарушы органдары ұйымдастырады.

      2) жолаушылар мен багажды автомобильмен тұрақты қалалық (ауылдық), қала маңындағы және ауданішілік тасымалдау маршруттарына қызмет көрсету құқығына – ауданның, облыстық маңызы бар қаланың жергілікті атқарушы органдары болып табылады.

      149. Нақты маршрутқа (маршруттарға) қызмет көрсету құқығына арналған Конкурстың жеңiмпазы болып жолаушыларға сапалы қызмет көрсетудi және осы маршрутта (маршруттарда) тасымалдау қауiпсiздiгiн қамтамасыз етудi ескере отырып, тасымалдаудың ең жақсы шарттарын ұсынған және осы Қағидалардың 6-қосымшасындағы нысанға сәйкес тиісті Конкурстық ұсыныстарды бағалау шкаласы бойынша есептелген ең жоғарғы балл алған қатысушы танылады.

      150. Егер екi және одан да көп қатысушы бiрдей барынша жиынтық балл алса, онда отандық өндірісті автобустары және шағын автобустары бар, ең төменгi жол жүру тарифiн ұсынған тасымалдаушыға жоғары баға берiледi, осыған сәйкес тасымалдау жүргiзiлетiн болады.

      151. Жергiлiктi атқарушы органдар жолаушылар мен багажды автомобильмен ауданаралық (қалааралық облысішілік), қалалық (ауылдық), қала маңындағы және ауданішілік тұрақты тасымалдаудың маршруттары бойынша конкурсқа қатысушылар ұсынғаннан төмендеу тарифтерді белгiлеуi мүмкiн.

      152. Жергiлiктi атқарушы органдар белгiлеген тарифтер осы тармақта көрсетiлген тасымалдаудың шығындарын жаппаған жағдайда, жергiлiктi атқарушы органдар тасымалдаушыға белгiленген тариф пен тасымалдаудың нақты шығындарының арасындағы айырманы тиiстi бюджет қаражатының есебiнен өтейдi.

      153. Жолаушылар мен багажды автомобильмен ауданаралық (қалааралық облысішілік), қалалық (ауылдық), қала маңындағы және ауданішілік тасымалдаудың маршруттары бойынша жол жүруге арналған белгiленген тарифтер өзгерген жағдайда, жергiлiктi атқарушы органдар көрсетiлген өзгерiстер туралы халыққа бұқаралық ақпарат құралдары арқылы жаңа тарифтер бойынша тасымалдауды жүзеге асыру басталғанға дейiн он күнтізбелік күннен кешiктiрмей хабарлайды.

      154. Конкурс, оны жариялаған күннен бастап және конкурстың нәтижелерi туралы хаттамаға қол қойылған күнге дейін, кемiнде күнтізбелік 30 және ең көбi 45 күндi қамтиды.

2-параграф. Конкурстық комиссия

      155. Конкурстық ұсыныстарды қарау, оларды бағалау және Конкурс жеңiмпаздарын анықтау үшiн жергiлiктi атқарушы орган конкурстық комиссия (бұдан әрi - Комиссия) құрайды.

      Комиссияның құрамы "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңы 37-бабының 3-тармағына сәйкес жергілікті атқарушы орган әкiмiнiң өкiмiмен айқындалады.

      Комиссияның өкілеттік мерзімі бес жылды құрайды. Комиссияның өкілеттігі аяқталғаннан кейін жергілікті атқарушы орган Комиссия құрамына өзгерістер және (немесе) толықтырулар енгізеді және оны жергілікті атқарушы орган әкімінің өкімімен бекітеді.

      156. Комиссияға:

      1) жергiлiктi атқарушы органдардың;

      2) көлiктiк бақылаудың аумақтық органдарының;

      3) ӘПК-нің;

      4) конкурсқа шығарылатын маршруттарға тартылған жолаушылар автобус тасымалдаушыларының барлық қоғамдық бiрлестiктерiнiң;

      5) жолаушылар мен багажды автомобильмен тасымалдау саласындағы өзін-өзі реттейтін ұйымдар (конкурс өткізілетін елді мекенде болған жағдайда);

      6) өңірлік кәсіпкерлер палатасының өкілдері кіреді.

      157. Комиссия құрамында конкурстық ұсыныстарды бағалау құқығы жоқ Комиссия жұмысын ұйымдастыру функциясы жүктелетiн Комиссия хатшысы көзделуi керек.

      158. Комиссия кемінде бес адамнан тұрады: комиссия төрағасы мен мүшелері.

3-параграф. Конкурстық құжаттаманың жиынтығы

      159. Конкурсты өткiзу алдында жергiлiктi атқарушы орган Комиссиямен келiсiлген лоттарды құрайды және конкурстық құжаттаманың жиынтығын дайындайды.

      Бұл ретте құрылған лоттарды келiсу жөнiнде шешiм қабылдауды, мәжiлiс хаттамасында шешiмдi бекiтумен, Комиссия жүзеге асырады.

      160. Конкурстық құжаттаманың жиынтығы:

      1) конкурсқа шығарылатын жолаушылар мен багажды автомобильмен республикаішілік тасымалдау маршруттарының негiзгi сипаттамаларын, маршруттардың схемаларының қосымшасымен, қозғалыстар кестелері, сондай-ақ жолақысын электрондық төлеу жүйесін пайдаланған кезде қалалық (ауылдық) немесе қала маңы қатынастарында жолаушыларды тұрақты тасымалдауды жүзеге асыру үшін маршруттың (км.) жалпы ұзындығы осы Қағидалардың 7-қосымшасындағы нысан бойынша қоса берiледi;

      2) Комиссия мүшелерi санына осы Қағидаларға 8-қосымшасына сәйкес конкурсқа шығарылатын жолаушылар мен багажды автомобильмен республикаішілік тұрақты тасымалдаудың маршруттарына қызмет көрсетуге конкурстық ұсыныстарды (бұдан әрi - Конкурстық ұсыныстар) толтыру үшін нысандар;

      3) жолаушылар мен багажды автомобильмен тұрақты республикаiшiлiк тасымалдауды ұйымдастыру шартының жобасы;

      4) осы Қағидаларға 9-қосымшасына сәйкес нысан бойынша жолаушылар мен багажды автомобильмен республикаішілік тұрақты тасымалдау маршруттарына қызмет көрсету құқығына арналған конкурсқа қатысушы туралы ақпараты;

      5) бағалау шкаласын;

      6) конкурстық ұсыныстарды беру үшiн бiр үлкен конверттi (егер конкурсқа маршруттардың бiр лоттан артық шығарылса, онда әрбiр лотқа жеке конверттер болуы тиiс) қамтиды.

      161. Қатынас түрлері бойынша конкурсқа бөлек лоттармен қалалық (ауылдық), қала маңындағы, ауданішілік, ауданаралық (қалааралық облысішілік), қалааралық облысаралық маршруттар қойылады.

4-параграф. Конкурстық ұсыныстардың мазмұны

      162. Конкурстық ұсыныстар Комиссия конкурс қорытындылары бойынша қатысушыларды бағалауды жүргiзетiн өлшемшарттардың мынадай жиынтығын қамтиды:

      1) ұсынылатын жылжымалы құрам, оның ішінде отандық өндіріс (автобустардың, шағын автобустардың маркасы мен саны, меншiктiң түрi, пайдалану мерзiмi, паспорттық сыйымдылығы);

      2) тасымалдаушының жолаушылар мен багажды автомобильмен республикаішілік тұрақты тасымалдау саласындағы жұмыс тәжірибесі (конкурс өткізілетін маршрут түрі бойынша);

      3) Автомобиль көлігі құралдарын техникалық пайдалану қағидаларының 7-тармағының 3) және 4) тармақшаларында көзделген жылжымалы құрамға техникалық қызмет көрсету жөніндегі жұмыстарды жүргізу үшін маршрут өтетін елді мекеннің аумағында орналасқан жылжымалы құрамды (шарт бойынша меншікті, жалға алынған немесе қызмет көрсететін) сақтауға, техникалық қызмет көрсетуге және жөндеуге арналған өндірістік-техникалық базаның болуы;

      4) автобустарды, шағын автобустарды маршрут бойынша қозғалыс кезiнде оларда ақаулық пайда болған кезде ауыстыру бойынша ұсынылатын шаралар жүйесi;

      5) жолаушыларды тасымалдауды жүзеге асыру бойынша қосымша ұсыныстар.

      163. Жылжымалы құрам (резервтегіден басқа) мен жүргiзушi персоналды осы маршрутты қамтитын лот бойынша конкурс аяқталғанға дейiн конкурстық ұсыныстарда бiр маршруттан артық қайталап көрсетпейді.

      Қатысушылар жылжымалы құрам (резервтегіден басқа) мен жүргiзушi персоналды осы маршрутты қамтитын лот бойынша конкурс аяқталғанға дейiн конкурстық ұсыныстарда бiр маршруттан артық көрсету фактiлері анықталған жағдайда неғұрлым кеш тапсырылған конкурстық ұсыныстар жарамсыз болып есептеледi.

      164. Қатысушы Конкурстық ұсыныстар бойынша толық және сенiмдi ақпаратты ұсынуы тиiс.

5-параграф. Конкурстарды ұйымдастыру және өткiзу

      165. Осы Қағидалардың 10-қосымшасындағы нысанға сәйкес жергілікті атқарушы орган бұқаралық ақпарат құралдары арқылы немесе интернет ресурстарында Конкурс өткізілгенге дейін күнтізбелік 30 күннен кешіктірмей:

      жолаушылар мен багажды автомобильмен қалалық (ауылдық), қаламаңы, ауданішілік, ауданаралық (қалааралық облысішілік) тұрақты тасымалдау маршруттарына қызмет көрсету құқығына тиісті облыстардың және республикалық маңыз бар қалалардың және астананың аумағына тарайтын;

      жолаушылар мен багажды автомобильмен облысаралық қалааралық (республикалық маңызы бар қалаларды және астананы қоса алғанда) тұрақты тасымалдау маршруттарына қызмет көрсету құқығына Қазақстан Республикасының барлық аумағына тарайтын баспасы басылымдары арқылы конкурсты өткізу туралы хабарландыру жариялайды.

      166. Конкурс өткiзу туралы хабарландыру жарияланған күннен бастап 5 жұмыс күн iшiнде Комиссия конкурс алдындағы Конкурс өткiзу мәселелерi бойынша конференция өткiзедi.

      167. Комиссия төрағасы Конкурсқа қатысушылар ұсынған мәлiметтердiң растығын сол жерге шығып тексерудi ұйымдастыру үшiн (бұдан әрi – Тексеру) Комиссия құрамына кiрмейтiн жергiлiктi атқарушы органдардың, көлiктiк бақылау органдардың және ӘПК-нің өкiлдерiнен конкурс алдындағы комиссия құрады.

      168. Конкурсқа қатысуға тiлек бiлдiрушiлер конкурстық құжаттаманың жиынтығын алуға өтiнiмді жазбаша нысанда немесе хабарландыруда көрсетілген электрондық пошта бойынша ұсынады. Конкурстың ұйымдастырушысы конкурстық өтінімді, өтінімді тіркеген күннен бастап үш жұмыс күнінен аспайтын мерзімде сұрау салған адамға, ұсынады.

      169. Конкурсқа қатысушылар үшiн дайындалған конкурстық құжаттама жиынтығының осы Қағидалардың 160-тармағының 1) және

      4) тармақшаларында көрсетiлген құжаттары жергiлiктi атқарушы органның мөрiмен расталады.

      Конкурсқа қатысушыларды тіркеу Конкурс туралы хабарландыру жарияланған күнінен кейінгі күні басталады және оның басталу күнінің алдындағы күнге дейінгі он жұмыс күн ерте аяқталады.

      170. Конкурсқа қатысушы ретінде тіркелу үшін Комиссияға конкурстық құжаттамаға қоса берілген конвертке салынған мынадай құжаттарды қоса бере отырып, тиісті лот бойынша конкурсқа қатысуға өтінімді (бұдан әрі – өтінім) ұсыну қажет:

      1) қатысушы туралы толтырылған ақпарат бланкі;

      2) заңды тұлғаны мемлекеттік тіркеу (қайта тіркеу) туралы анықтама – заңды тұлға үшін немесе жеке басын куәландыратын құжаттың көшірмесі – жеке тұлға үшін;

      3) жылжымалы құрамның әрбір бірлігіне ағымдағы кезеңге жарамды техникалық байқаудан өткені туралы техникалық паспорттардың және диагностикалық картаның көшірмелері. Бұл ретте жолаушылар мен багажды негізгі ретінде автомобильмен тұрақты тасымалдаудың басқа маршруттарына тартылған жылжымалы құрамды резервтік, ал резервтік құрамды негізгі ретінде ұсынуға жол беріледі. Негізгі жылжымалы құрам ретінде жолаушылар мен багажды тасымалдаудың басқа тұрақты автомобиль маршруттарына тартылған жылжымалы құрамды негізгі құрам ретінде ұсынуға жол берілмейді;

      4) жүргізуші құрамы туралы мәліметтер (әрбір жүргізуші бойынша еңбек шарттары мен жүргізуші куәліктерінің көшірмелерімен қоса);

      5) барлық маршрут бойында диспетчерлік сүйемелдеудің және телефон немесе басқа байланыстың болуы туралы, сондай-ақ техникалық себептер бойынша (облысаралық қалааралық маршруттар бойынша) маршрутта олардың қозғалысы тоқтатылған жағдайда автобустарды ауыстыру мүмкіндігінің болуы туралы мәліметтер;

      6) Автокөлік құралдарын техникалық пайдалану қағидаларында белгіленген талаптарға сәйкес жылжымалы құрамды техникалық жарамды күйде ұстау бойынша қажетті жұмыстар кешенін жүргізу мүмкіндігін растайтын құжаттардың көшірмелері, оның ішінде маршрут өтетін елді мекен аумағында орналасқан өндірістік-техникалық базаға құқық белгілейтін және құқық куәландыратын құжаттар, жоғары немесе орта медициналық білімі туралы дипломның көшірмесін қоса бере отырып, профилактикалық медициналық куәландыруды жүзеге асыруға медицина қызметкерімен жасалған шарттың көшірмелері;

      7) маршруттың аялдама пункттері бойынша, оның ішінде маршруттағы екінші аялдама пункттері арасында (қалалық және қала маңындағы маршруттардан басқа) жолаушылар мен багажды тасымалдауға ұсынылатын тарифтер;

      8) автобус жүргізушілерінің ауысу уақыты мен орны (қалааралық облысаралық маршруттар бойынша) көрсетілген барлық тұрақты маршрут бойы жүргізушілердің еңбек және демалыс режимінің кестесі;

      9) конкурстық құжаттама жиынтығына салынған нысандар санына тең мөлшерде толтырылған және қатысушының қолымен және мөрімен (бар болса) куәландырылған конкурстық ұсыныстар;

      10) тасымалдаушының жолаушылар мен багажды автомобильмен республикаішілік тұрақты тасымалдау саласындағы жұмыс тәжірибесін (конкурс өткізілетін маршрут түрі бойынша) (бар болса) растайтын жолаушылар мен багажды автомобильмен тұрақты тасымалдауды ұйымдастыру шарттың көшірмесі және (немесе) жергілікті атқарушы органдардың анықтамасы.

      Конкурстық ұсыныстар ақ стандартты парақтарда біркелкі, түзетулер мен түзетулерсіз ресімделеді.

      Өтінім қоса берілген құжаттармен нөмірленеді, тігіледі және Конкурсқа қатысушының қолымен, мөрімен (бар болса) бекітіледі.

      171. Комиссияның хатшысы Конкурс туралы жарияда көрсетілген мерзiмiнде берiлген өтiнiмдердi қабылдайды да, қатысушыға құжаттардың қабылданғаны туралы хабарлама (анықтама) берiледi, содан кейiн конкурстық ұсыныстарға өзгерiстер мен толықтырулар енгiзбейді.

      Конкурс өткiзу туралы хабарландыруда көрсетiлген мерзiмдерi бұзылып берiлген өтiнiмдер мен оларға қоса берiлетiн құжаттарды комиссия хатшысы қабылдамайды және комиссия қарамайды.

      172. Өтінімдерді қабылдау осы Қағидалардың 170-тармағында көзделген өтінімге тіркелген қосымша толық құжаттар пакеті болған кезде жүргізіледі. Өтінім және оған қоса берілетін құжаттар осы Қағидалардың 170-тармағына сәйкес келмеген кезде комиссия хатшысы беру күні мен уақытынан бастап 7 жұмыс сағатының ішінде сәйкессіздіктерді көрсете отырып, құжаттарды берген тұлғаны жазбаша хабарландырады.

      173. Қабылданған өтiнiмдермен қатар конкурс алдындағы комиссия немесе Комиссия хатшысы Тексеру кестесiн жасайды және үш жұмыс күннен кешiктiрмей әрбiр қатысушыны Тексеру уақыты туралы жазбаша түрде хабардар етедi. Қатысушы тексеру күнi конкурс алдындағы комиссияға барлық қажеттi материалдарды ұсынады және оларды талап етiлетiн объектiлермен таныстыру мүмкiндiгiн қамтамасыз етедi.

      174. Конкурс алдындағы комиссияның мүшелері конкурстық құжаттамаға қоса берілетін құжаттардың көшірмелерінің дұрыстығын, конкурстық қосымшаларда көрсетілген автокөлік құралдары кластарының, моделдерінің және мемлекеттік тіркеу нөмірлік белгілерінің сәйкестігін (сәйкессіздігін), сондай-ақ конкурстық ұсыныстарда көрсетілген өндірістік-техникалық базада жылжымалы құрамды сақтау, техникалық қызмет көрсету және жөндеу мүмкіндігін, оның ішінде фото-және (немесе) бейне түсірілімдерді пайдалана отырып тексереді.

      Тексеру нәтижелерi бойынша конкурс алдындағы комиссия конкурстық ұсыныстарда ұсынылған мәлiметтердiң дұрыстығы туралы, қатысушы туралы толтырылған ақпарат бланкiсiне белгi қояды және осы Қағидаларға 13-қосымшасына сәйкес нысан бойынша қатысушының конкурстық ұсыныстарында көрсетiлген автокөлiк құралдарының және өндірістік-техникалық базаның осы Қағидалардың 13-тармағында көрсетiлген талаптарға сәйкестiгi туралы анықтаманы (бұдан әрi – Анықтама), сондай-ақ конкурстық ұсыныстарда ұсынылған автокөлік құралдары мен өндірістік-техникалық базаның фото- және (немесе) бейне түсірілімдердің нәтижелерін қоса бередi.

      Уақытты оңтайландыру үшін конкурстық ұсыныстарда ұсынылған мәлiметтердiң дұрыстығы туралы пiкiрлер қалыптастыру және анықтамаға қол қою мақсатында тексеру объектілері мен түрлерi бойынша конкурс алдындағы комиссия мүшелерiн бөлуге жол беріледі.

      Көрсетiлген құжаттар өтiнiммен және қатысушы ұсынған құжаттармен бірге тиiстi конвертке мөрленеді.

      175. Конкурс өткiзiлетiн күнi Комиссия мүшелерi қатысушылардың өтiнiмдерi мен қоса берiлген құжаттары бар конверттердi кезекпен ашады да, конкурстық ұсыныстарды қатысушыларды тiркеу тiзiмiне сәйкес қарайды.

      Комиссия мүшелерi бағалау шкаласына сәйкес осы Қағидалардың

      11-қосымшасындағы нысанға сәйкес конкурсқа шығарылатын жолаушылар мен багажды автмобильмен республикаішілік тұрақты тасымалдау маршруттарына қызмет көрсету бойынша конкурстық ұсыныстарды бағалау парағына баллдарды қояды.

      Конкурстық комиссия қатысушылардың өтiнiмдерi мен қоса берiлген құжаттарын қарау кезінде конкурста қатысу үшін өтінімдердегі мәліметтерді нақтылау мақсатында жазбаша түрде қажетті ақпаратты тиісті мемлекеттік органдардан, жеке және заңды тұлғалардан сұратады.

      175-1. Комиссия отырыстары аудио және (немесе) бейнежазба құралдарын пайдалана отырып, Комиссия төрағасы мен мүшелерінің қатысуымен офлайн немесе онлайн трансляция режимінде қашықтықтан (қашықтан) форматта өткізіледі.

      Мүдделер қақтығысы туындаған кезде Комиссия төрағасы мен мүшелері "Сыбайлас жемқорлыққа қарсы іс-қимыл туралы" Қазақстан Республикасының Заңына сәйкес шаралар қабылдайды.

      176. Тасымалдаушыға өтінішті қараудан мынадай жағдайларда бас тартылады:

      1) ұсынылған құжаттардың осы Қағидалардың 170-тармағына сәйкес келмеуі және (немесе) толық еместігі;

      2) ұсынылған құжаттарда көрсетілген мәліметтерінің нақты еместігі;

      3) осы Қағидалардың талаптарына жылжымалы құрамының сәйкес еместігі;

      4) жылжымалы құрамды техникалық жарамды күйде ұстау бойынша қажеттi жұмыстар кешенiн өткiзуге және автобустарды рейс алдындағы (ауысым алдындағы) техникалық тексеруге, сондай-ақ жүргiзушiлердi рейс алдындағы және рейстен кейінгі медициналық куәландыруға мүмкiндiгi болмаса;

      5) Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 348 бұйрығымен бекітілген Жолаушылар мен багажды автомобильмен тұрақты тасымалдауды ұйымдастырудың үлгі шартының 8-тармағында көрсетілген (Нормативтік құқықтық актілерді мемлекеттік тіркеу тізілімінде № 11002 болып тіркелген) (бұдан әрі - Шарт) шарттың елеулі шарттарын орындамау себебі бойынша тасымалдаушы соңғы алты ай ішінде осы маршрут бойынша мерзімнен бұрын шарттарды бұзса.

      177. Қатысушылардың нақты лотқа құжаттары бар барлық конверттер қаралғаннан және бағаланғаннан кейiн Комиссия хатшысы тиiстi қатысушылар бойынша конкурстық ұсыныстарды бағалау парақтарының қорытынды балдарын қосады және жалпы жиынтық балды анықтайды, ол хаттамаға тiркеледi.

      178. Жалпы жиынтық баллдардың нәтижелерi бойынша Комиссия мүшелерi барынша жиынтық балл алған қатысушының құжаттарын, оның iшiнде Анықтамасын қарайды.

      Қатысушының конкурстық ұсыныстарында көрсетiлген автокөлiк құралдарының осы Қағидалардың 13-тармағында көрсетiлген талаптарға сәйкестiгi туралы конкурс алдындағы комиссияның оң бағасы болған жағдайда, осы қатысушы тиiстi лот бойынша Конкурстың жеңiмпазы деп танылады.

      Конкурс алдындағы комиссия терiс қорытынды шығарған жағдайда, Комиссия мүшелерi жоғарылығы бойынша келесi жалпы жиынтық балл алған қатысушының құжаттарын қарауға көшедi.

      179. Егер бір қатысушының өтініші ұсынылғанда, жолаушылардың және багаждың маршрутқа қызмет көрсету құқығына Конкурс өтпеген деп танылады. Егер конкурсты қайта өткізген кезде бұл маршрутқа бір қатысушының өтініші ұсынылғанда, онда онымен конкурс талаптарына сәйкес болған жағдайда шарт жасалады.

      Егер қандай да болмасын лот бойынша бiр де бiр қатысушы тiркелмесе, Конкурс өтпеген деп танылады және Конкурсты ұйымдастырушы осы лот бойынша негiзгi талаптарды өзгертеді немесе басқа лот жасайды және келесi Конкурсқа шығарады.

      Егер паритеттік жақтан қалааралық облысаралық маршруттарға қызмет көрсету құқығына өтініштер түспеген жағдайда, жергілікті атқарушы орган екінші паритеттік тасымалдаушыға барлық маршрутқа қызмет көрсету құқығын ұсынады.

      180. Өткiзiлген Конкурстың нәтижелерi хаттамамен ресiмделедi, оған Комиссия мүшелерi қол қояды және Комиссия төрағасы бекiтедi. Комиссияның әрбiр мүшесi өзiнiң айрықша пiкiрiн жазбаша баяндайды және оны хаттамаға қоса береді.

      Комиссияның шешiмi, егер оның отырысына кемiнде 2/3 мүше қатысса, заңды деп танылады.

      Комиссия отырысының хаттамасы "Ақпаратқа қол жеткізу туралы" Қазақстан Республикасының Заңына сәйкес оған қол қойылғаннан кейін үш жұмыс күні ішінде жергілікті атқарушы органның интернет-ресурсында жарияланады.

      180-1. Өткізілген Конкурс нәтижелері бойынша Конкурсқа қатысушылардың балдарының жиынтық саны тең болған жағдайда, жеке меншіктегі жылжымалы құрамның саны бойынша басқа қатысушылардан артықшылығы бар қатысушы Конкурс жеңімпазы болып танылады.

      Конкурсқа қатысушылардың жеке меншігіндегі жылжымалы құрамның саны тең болған кезде, жолаушылар мен багажды тұрақты тасымалдау саласындағы жұмыс тәжірибесі бойынша басқа қатысушылардан артықшылығы бар қатысушы Конкурс жеңімпазы болып танылады.

      Жолаушылар мен багажды тұрақты тасымалдау саласындағы Конкурсқа қатысушылардың жұмыс тәжірибесі тең болған жағдайда, жеке меншігінде өндірістік-техникалық базаның болуы бойынша басқа қатысушылардан артықшылығы бар қатысушы Конкурс жеңімпазы болып танылады.

      181. Конкурсты ұйымдастырушы Конкурс қорытындысын өткізгеннен кейін күнтiзбелiк 10 күн iшiнде өздерi ұсынған конкурстық ұсыныстарды бағалау нәтижелерiн барлық қатысушыларға жазбаша жiбередi.

      182. Конкурс нәтижелерi сот тәртiбiмен шағымдалуы мүмкiн.

      183. Жекелеген лоттар бойынша Конкурс нәтижелерін сот жарамсыз деп таныған жағдайда, сот шешімі заңды күшіне енген күннен бастап 7 жұмыс күнінен кешіктірмей, Комиссия отырысы соттың күшін жойған лоттар бойынша бұрын берілген өтінімдер шеңберінде ғана өткізіледі.

      Комиссия отырысының нәтижелері хаттамамен ресімделеді, оған Комиссия барлық мүшелері қол қояды және оны Төраға бекітеді.

      Егер комиссия мүшелерінің ерекше пікірі болса, ол жазбаша турде баяндалып, хаттамаға қоса беріледі.

      183-1. Егер Конкурс өтпеді деп танылған жағдайда, қайта Конкурс ол өтпеді деп танылған күннен бастап 30 жұмыс күннен кешіктірілмей өткізіледі.

8-тарау. Маршрутқа қызмет көрсету құқығына куәлік беру, тоқтата тұру және кері қайтарып алу тәртібі мен шарттары, оны беруден бас тарту шарттары мен негіздері, сондай-ақ нысаны

      Ескерту. 8-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      184. Хаттаманың негiзiнде жергiлiктi атқарушы органдар күнтiзбелiк 10 күннен кешiктiрмей Конкурстың жеңiмпазымен Шарт жасасады. Шарт кемiнде үш жыл мерзiмге жасалады (қолданылып жүрген маршруттар бойынша қосымша қозғалыс кестелерiне қызмет көрсету құқығы жөнiндегi шарттарды қоспағанда).

      185. Шарт жасасқан Конкурс жеңiмпазына маршрутта жұмыс iстеу құқығын растайтын Куәлiк берiледi (Шартты қолданудың барлық мерзiмiне). Көрсетiлген тасымалдауды Куәлiксiз жүзеге асыруға рұқсат етiлмейдi.

      186. Шартты жасасқан және Куәлікті бергеннен кейін жергілікті атқарушы органдар 5 жұмыс күннен кешіктірмей автомобиль көлігі саласындағы уәкілетті органға Куәліктің және тасымалдаушы мен тиісті жергілікті атқарушы орган арасында жолаушылар мен багажды қалааралық облысаралық автомобильмен тұрақты тасымалдауды ұйымдастыруға жасасылған Шарттың көшірмелерін береді.

      187. Куәлікті облыстың (қаланың, ауданның) жергілікті атқарушы органдары типографиялық тәсiлмен дайындайды, ол кемiнде үш қорғаныш дәрежесi бар және қатаң есептiлiк бланкі болып табылады.

      188. Куәлiктер тасымалдаушыға, маршрутта пайдаланылатын автокөлiк құралдарының тиiстi санына сәйкес келетін мөлшерде берiледi және тасымалдауды жүзеге асыру кезiнде автобустардың, шағын автобустардың жүргiзушiлерiнде болады.

      Егер куәлiктiң түпнұсқасын автомобиль көлiгi саласындағы уәкiлеттi орган берген болса, тасымалдаушы (жүргiзушi) маршрутта осы орган растаған куәлiктің көшiрмесiн қолдана алады.

      189. Маршрутта (маршруттарда) жұмыс iстеу құқығы үшiншi тарапқа берілмейді.

      190. Осы маршрутта паритетті тасымалдаушы (тасымалдаушылар) бар кезінде жергілікті атқарушы орган анықтаған тасымалдаушылар барлық тасымалдаушылар арасында бірлескен қызмет туралы шарт жасайды.

      Рұқсат құжаттары берiлген күннен бастап күнтiзбелiк 30 күн iшiнде тасымалдаушы жергiлiктi атқарушы органға осы Қағидаларға сәйкес (қалалықтан (ауылдықтан) басқа) тасымалдаушы мен автовокзалдардың, автостанциялардың әкiмшiлiгi, жолаушыларға қызмет көрсету пункті жасаған шарттардың көшiрмелерiн ұсынады.

      191. Егер автомобиль көлігі саласындағы заңнамада өзгеше көзделмесе, жолаушылар мен багажды автомобильмен тасымалдаудың республикаiшiлiк ұйымдастыру шарты қолданысы тоқтатылғанға дейiн күнтiзбелiк 60 күннен кешiктiрмей жергiлiктi атқарушы орган осы шарт бойынша қызмет көрсетiлетiн маршруттарға конкурс жариялайды. Бұл ретте конкурс жеңiмпазымен жолаушылар мен багажды автомобильмен республикаiшiлiк тасымалдауды ұйымдастыру шарты жасалады, ол осы маршрутқа қолданылатын шарт аяқталған күннен бастап күшiне енеді.

      Тасымалдаушы жергілікті атқарушы органға осы шарт бойынша қолданысын тоқтатқан куәліктерді береді.

      192. Тасымалдаушының бастамасы бойынша бiр жақты тәртiппен жолаушылар мен багажды автомобильмен республикаішілік тасымалдауды ұйымдастыру шарты бұзылған жағдайда, соңғысы жергiлiктi атқарушы органдарды күнтiзбелiк 45 күннен кешiктiрмей ол туралы хабардар етедi.

      193. Шартты мерзiмнен бұрын бұзған жағдайда конкурстардың ұйымдастырушысы осы Қағидаларда белгiленген мерзiмдерде және шарттар бойынша жаңа конкурс өткiзгенге дейiн маршруттарға үздiксiз қызмет көрсетудi қамтамасыз ету үшiн 80% артық тасымалдауды орындау жиiлiгiмен басқа маршруттарда тасымалдау тәжiрибесi оң болған басқа тасымалдаушыны белгiлеуге құқылы.

      194. Тасымалдаушы осы Қағидалардың 191-тармағында көрсетілген мерзімдерде белгіленбеген кезде тасымалдаушы айқындалғанға дейін маршрутқа қызмет көрсетуді маршрутты ұйымдастырушы оның келісімімен бұрын осы маршрутқа қызмет көрсеткен тасымалдаушыға береді.

      Осы маршрутқа бұрын қызмет көрсеткен тасымалдаушы бас тартқан кезде маршрутты ұйымдастырушы осы Қағидаларда белгіленген мерзімдерде және шарттар бойынша жаңа конкурс өткізілгенге дейін маршруттарға қызмет көрсетудің үздіксіздігін қамтамасыз ету үшін тасымалдарды орындаудың тұрақтылығы 80%-дан асатын басқа маршруттарда тасымалдаудың оң тәжірибесі бар басқа тасымалдаушыны (оның келісімімен) тағайындайды.

      196. Автомобиль көлігі саласындағы уәкілетті орган және жергілікті атқарушы органдар берген Куәліктердің қолданылуын осы орган:

      1) тасымалдаушының жазбаша өтініш беруі;

      2) тасымалдаушының автомобиль көлігі саласындағы уәкілетті органның және жергілікті атқарушы органның келісімінсіз маршруттардағы автобустардың қозғалыс кестесі мен схемасына өзгерістер енгізуі;

      3) тасымалдаушының Куәліктің қолданылу кезеңінде күнтізбелік 15 күн ішінде маршрутта жолаушыларды тасымалдауды орындамауы;

      4) осы Қағидалардың 196-1-тармағында көзделген жағдайларды қоспағанда, маршрут тұрақтылығының төмендігі (отыз күнтізбелік күнде жетпіс пайыздан кем);

      5) "Автомобиль көлігі туралы" Қазақстан Республикасы Заңының 22-бабы 2-тармағының 2) тармақшасында көзделген міндетті орындамауына байланысты тасымалдаушының кінәсінен адам құрбандарымен болған жол-көлік оқиғаларының (бұдан әрі – ЖКО) болуы;

      6) осы Қағидаларға 3-қосымшаның ескертпесінде көзделген жағдайларды қоспағанда, маршрутта автомобиль көлігі саласындағы уәкілетті орган мен жергілікті атқарушы органдар берген Куәліктерде көзделмеген автобустар мен шағын автобустарды пайдалану;

      7) маршрутқа (маршруттарға) қызмет істеу құқықтарын үшінші тарапқа беру кезінде тоқтатады.

      196-1. Әлеуметтік маңызы бар маршрутты субсидиялау көлемі айына осы маршрутты субсидиялау қажеттілігінің жалпы көлемінің жетпіс пайызынан астамы болған кезде, маршруттың күнтізбелік отыз күн ішінде тұрақтылығы осы маршрутты субсидиялау қажеттілігінің жалпы көлемінің айына субсидиялаудың нақты пайызына тең болады.

      Әлеуметтік маңызы бар маршрутқа қызмет көрсететін тасымалдаушы осы тармақтың бірінші бөлігінің және (немесе) осы Қағидалардың 196-тармағы 4) тармақшасының талаптарын орындамаған кезде, Куәліктің қолданысы сот тәртібінде тоқтатылады.

      196-2. Төтенше жағдайдың немесе карантиннің енгізілуіне байланысты Куәлікте көрсетілген жылжымалы құрамның мәжбүрлі тоқтап тұруы кезеңінде Куәліктің әрекеті тоқтатылады.

9-тарау. Жолаушыларды және багажды автомобильмен тұрақты емес тасымалдауды ұйымдастыру және жүзеге асыру тәртібі

      Ескерту. 9-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-параграф. Жалпы ережелер

      197. Жолаушылар мен багажды автомобильмен тұрақты емес автомобиль тасымалдау жол желiсi және тиiстi автокөлiк құралдары үшiн рұқсат етiлген жол құрылыстары бойынша ғана жүзеге асырылуы мүмкiн. Тасымалдауды жүзеге асыру алдында тасымалдаушы болжанып отырған тасымалдау маршрутындағы жолдар мен жол құрылыстардың жай-күйiн, оның iшiнде жол органдары мен ӘПК-ге сұрау салу түрiнде алдын ала зерттеудi жүргiзедi.

      198. Жолаушылар мен багажды автомобильмен тұрақты емес тасымалдауды ұйымдастыру кезiнде тасымалдаушы автокөлiк құралында жүргiзушiнiң рейс алдындағы және рейстен кейінгі медициналық куәландырудан және автокөлiк құралының рейс алдындағы техникалық тексеруден өткенi туралы белгiлер бар борт журналының болуын қамтамасыз етедi.

      199. Жолаушыларды және багажды тұрақты емес тасымалдау, осы Қағидалардың талаптарына сәйкес келетiн автокөлiк құралдарымен жүзеге асырылады.

      200. Жолаушылар мен багажды автомобильмен тұрақты емес тасымалдауды жүзеге асыру кезiнде аялдама пункттерi жолаушылардың қауiпсiз отырғызылуы мен түсiрiлуiн қамтамасыз етуi және жолаушылар мен багажды автомобильмен тұрақты тасымалдау маршруттарының аялдама пункттерiмен сәйкес келмеуi тиiс.

      Жолаушылар мен багажды автомобильмен тұрақты емес тасымалдауды жүзеге асыру кезiнде пайдаланылатын автобустардың, шағын автобустардың жолаушылар мен багажды автомобильмен тұрақты тасымалдау маршруттарының аялдама пункттерiнде аялдама жасау, сондай-ақ оларда жолаушыларды отырғызу және түсiру жүзеге асырылмайды.

      201. Жолаушыларды және багажды автомобильмен тұрақты емес тасымалдауды жүзеге асыратын тасымалдаушылар автовокзалдар (автостанциялар, жолаушыларға қызмет көрсету пункіттер) аумағынан және жолаушылар мен багажды автомобильмен тұрақты тасымалдау маршруттары бойынша жолаушыларды отырғызбайды.

      202. Халықаралық қатынаста жолаушылар мен багажды автомобильмен тұрақты емес тасымалдауды "Автомобиль көлігі туралы" 2003 жылғы

      4 шілдедегі Қазақстан Республикасының Заңы 1-бабының 13-тармағына сәйкес жолаушыларды облысаралық қалааралық, ауданаралық (облысішiлiк қалааралық) және халықаралық қатынастарда автобустармен, шағын автобустармен тұрақты емес тасымалдау жөніндегі қызметпен айналысу құқығына лицензиясы бар тасымалдаушылар жүзеге асырады.

      203. Жолаушылар мен багажды автомобильмен тұрақты тасымалдау кезiнде жолаушыларды автобустағы отыратын орындардың санынан асатын мөлшерде тасымалдауға және өлшемi 60х40х20 см және салмағы 35 кг артық қол жүгiн тасымалдауға жол берiлмейдi.

      Өлшемi осы тармақта көрсетiлген өлшемдерден асатын жолаушылардың мүлiгi автокөлiк құралдарының багаж бөлiмшесiнде немесе автобусқа, шағын автобусқа ерiп жүретiн багаж автомобилiнде тасымалданады.

      204. Жолаушылар мен багажды автомобильмен тұрақты емес тасымалдау кезiнде жол жүру және багажды алып жүру төлемiн жолаушылар тасымалдаушыға (жүргiзушiге) шарттың талаптарына сәйкес төлейдi.

      204-1. Жолаушылар мен багажды автомобильмен тұрақты емес сапарды жүзеге асыру кезінде:

      1) жол жүру құжаттарына қандай да болмасын түзетулер енгізуге;

      2) автобустың, шағын автобустың салонында багаж алып жүруге;

      3) темекі тартуға, қоқсытуға, спирт ішімдіктерін ішуге;

      4) жүргізушіні әңгімемен алаңдатуға, сондай-ақ автобустың қозғалысы кезінде салон ішінде жүруге;

      5) от қауіпті, жарылғыш, улағыш, жеңіл тұтанатын, улы, уытты және күлімсі иісті заттарды, құндағы және дәрімен атылатын ілеспе құжаттары жоқ қаруды, сондай-ақ жолаушыларға не автобус салонының жабдығына немесе жарағына залал (ластау немесе зақымдау) келтіруі мүмкін заттар мен бұйымдарды тасымалдауға жол берілмейді.

2-параграф. Жолаушылар мен багажды бiр жолғы сипаты бар тасымалдауды ұйымдастыру және жүзеге асыру тәртiбi

      205. Жолаушылар мен багажды бiр жолғы сипаты бар тасымалдауды әдетте, бiр ғана жолаушылар тобын тасымалдың бастапқы пунктiнен соңғы пунктiне жеткiзу және осы пункттердiң арасында не көрсетiлген бағыттардың бiрiнде жолаушыларды отырғызбай және түсiрмей керi әкету мақсатында жүзеге асырылады.

10-тарау. Тапсырыс берілген автобустармен, шағын автобустармен жолаушыларды және багажды тасымалдауды ұйымдастыру және жүзеге асыру тәртібі

      Ескерту. 10-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      207. Жолаушылар мен багажды тапсырыс берілген автобустармен, шағын автобустармен тасымалдаудың жүйелік сипаты бар және азаматтарды жұмыс, оқу орындарына жеткізу мақсатында, сондай-ақ туристік және экскурсиялық тасымалдауды жүзеге асыру үшін жүзеге асырылады.

      209. Тәрбиелеу және бiлiм беру мекемелерiнiң өтiнiмдерi бойынша балаларды тапсырыс бойынша тасымалдауды жүзеге асыру тәртiбi осы Қағидалардың 12-тармағында көзделген тәртiпте жүзеге асырылады.

      210. Жолаушыларды және багажды тапсырыс берiлген автобустармен және шағын автобустармен тасымалдау қызметтерге тапсырыс берушi мен тасымалдаушының арасындағы жазбаша шарттың талаптарына сәйкес жүзеге асырылады, оның көшiрмесi автокөлiк құралында болуға тиiс.

11-тарау. Жолаушыларды және багажды таксилермен тасымалдауды ұйымдастыру және жүзеге асыру тәртібі

      Ескерту. 11-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-параграф. Жалпы ережелер

      ЗҚАИ-ның ескертпесі!
      211-тармақ жаңа редакцияда көзделген - ҚР Индустрия және инфрақұрылымдық даму министрінің 25.08.2023 № 602 (01.01.2025 бастап қолданысқа енгізіледі) бұйрығымен.

      211. Қызметті көрсетуді бастағанға дейін дара кәсіпкер немесе заңды тұлға Қазақстан Республикасы Ұлттық экономика министрінің 2015 жылғы 6 қаңтардағы № 4 бұйрығымен бекітілген Хабарламаларды қабылдау қағидаларына сәйкес (Қазақстан Республикасының нормативтік құқықтық актілер тізілімінде № 10194 болып тіркелген) аудандық, облыстық маңызы бар қалалардың, республикалық маңызы бар қалалардың, астананың жергілікті атқарушы органына такси тасымалдаушысы ретінде қызметтің басталғаны туралы хабарлама береді.

      Таксимен жолаушылар мен багажды тасымалдауды ұйымдастыру кезінде қызметті хабарландыру тәртібінің талаптарын сақтамай жүзеге асыруға жол берілмейді.

      Аудандардың, облыстық маңызы бар қалалардың, республикалық маңызы бар қалалардың, астананың жергілікті атқарушы органы такси тасымалдаушысы ретінде қызметті жүзеге асыруды бастау туралы хабарлама берген дара кәсіпкерлер мен заңды тұлғалардың тізілімін жүргізеді.

      Таксимен тасымалдаушы тізілімнен шығару өтініш берушінің өтініші, соттың қызметіне тыйым салу туралы шешімі немесе такси тасымалдаушысымен осы Қағидаларда көзделген талаптарды орындамауы бойынша жүргізеді.

      212. Такси тасымалдауды жүзеге асыру үшiн кемiнде төрт бүйір есiгi бар, сериялы шығарылатын жеңiл автомобильдер қолданылады.

      Арнаулы басқаруы бар автокөлiк құралдарын такси тасымалдауы үшiн қолдану, соның iшiнде барлығы қолмен, сондай-ақ басқару рулi оң жақтағы рұқсат етiлмейдi.

      213. Жолаушыларды таксиге отырғызу және одан түсiру арнайы жабдықталған такси тұрақтарында немесе автомобильдердiң тоқтауына жол қозғалысы ережелерiнде рұқсат етiлген жол желiсiнiң учаскелерiнде жүргiзiледi.

      214. Жолаушылар мен багажды тасымалдауды ұйымдастыру кезінде таксимен тасымалдаушы:

      1) жолаушылар мен багажды тасымалдау үшін түсі біркелкі және осы Қағидалардың 341-тармағына сәйкес айырым белгілері бар таксилерді пайдалануды;

      2) автокөлік құралдарының рейс алдында техникалық қарап тексеруден, сондай-ақ медициналық қарап тексеруді жүзеге асыруға шарт жасасқан, жоғары немесе орта медициналық білім туралы дипломы бар адамның немесе автоматтандырылған жүйелер арқылы такси жүргізушілерін рейс алдында және рейстен кейін медициналық қарап тексеруден өтуін;

      3) таксидің ақауы болған жағдайда оны уақтылы ауыстыруды;

      4) жолаушының такси көрсететін қызмет құны (бағасы) туралы хабардар болуын;

      5) он және одан көп такси болған кезде әрбір он таксиге шаққанда арнайы жүріп-тұру құралдарын пайдаланатын мүгедектігі бар адамдарды тасымалдау үшін ыңғайластырылған кемінде бір таксиінің болуын;

      6) такси жүргізушілерінің еңбек және демалыс режимін сақтауды;

      7) жол құжаттарын ресімдеуді қамтамасыз етеді.

      214-1. Жолаушылар мен багажды таксимен тасымалдауды ұйымдастыру кезінде тасымалдаушының:

      1) такси тұрағы, жолаушыларды отырғызу және түсіру үшін арнайы жабдықталған такси тұрақтарын пайдалануға;

      2) жол жүрісі қағидаларының талаптарын сақтай отырып, жол желісінің кез келген учаскелерінде жолаушыларды отырғызуды және түсіруді жүргізуге;

      3) ақпараттық-диспетчерлік қызметтің немесе ақпараттық-диспетчерлік қызмет көрсету жөніндегі шарттың болуын қамтамасыз етуге;

      4) автокөлік құралын таксометрмен жабдықтауға;

      5) жергілікті атқарушы органдарға арнайы жабдықталған такси тұрақтарын ұйымдастыру жөнінде ұсынымдар беруге құқығы бар.

      215. Жабдықталған такси тұрақтарында жолаушылар таксиге отыруды кезекті тәртіппен жүзеге асырады. Таксиге кезектен тыс отыру құқығын мүгедектігі бар адамдар, зейнеткерлер, жүкті әйелдер, мектеп жасына дейінгі балалары бар жолаушылар пайдаланады.

      217. Жолаушы бос таксиге отыру кезiнде жүргiзушiге жүру маршрутын көрсетедi. Егер жолаушы өз бетiмен оңтайлы жүру маршрутын анықтай алмай, тек қана сапардың соңғы пунктiн атайтын болса, онда жүргiзушi жолаушыны барынша қысқа жолмен баратын орнына жеткiзеді.

      218. Жолаушының таксиге отыруы және одан түсуі толық тоқтағаннан кейiн жүзеге асырылады. Жолда тоқтау кезінде отырғызу және түсіру автокөліктің оң жағынан жүзеге асырылады.

      219. Жолаушы тасымалдау шартын бұзбай таксиден түсіп кеткен жағдайда жүргізуші таксидің жолаушыны күтіп тұрып қалған алдын ала келісілген бүкіл кезеңіне ақшалай кепілдік талап етеді.

      Егер жолаушы оны күтiп тұрған такси-автомобильге алдын ала келiсiлген уақыт iшiнде қайтып келмесе, тасымалдау шарты тоқтатылды деп есептеледi.

2-параграф. Таксимен жол жүру төлемi

      220. Такси жіберуге тапсырыстың құнын жолаушы сапар аяқталған соң төлейдi. Таксимен жол жүру төлемiн жолаушы таксометр көрсеткіштеріне сәйкес өзi жүрiп өткен қашықтық үшiн алдын ала келіскен тарифке сәйкес немесе кассалық бақылау машинаны қолданумен сапарды ұйымдастыру туралы ауызша шарттың негізінде сапар аяқталған және багаж түсiрiлген соң төлейдi. Аяқталған сапар үшiн төлем туралы түбiртектер мен анықтамалар жолаушылардың талабы бойынша беріледі.

      221. Егер таксимен тасымалдау процесiнде, оның қозғалысын жалғастыру жүргiзушiге қатыссыз жағдайлар бойынша мүмкiн болмайтын жағдай туындаса, онда тасымалдау шарты мерзiмiнен бұрын бұзылған деп есептеледi және жолаушы жүрiлген қашықтықты төлейді.

3-параграф. Қол жүгiн, ұсақ жануарларды және багажды таксимен тасымалдау

      222. Жалпы салмағы автомобильдiң техникалық құжатында көзделгеннен аспайтын багажды таксидiң багаж бөлiмшесiнде және тек багаж бөлiмшесiнiң қақпағы жабық жағдайда ғана тасымалдауға рұқсат етiледi.

      223. Багажды тиеу мен түсiрудi таксидiң жүргiзушiсi жүзеге асырады.

      224. Таксидiң салонында есiк ойықтары арқылы еркiн өтетiн, салонның қаптамасы мен жабдығын бүлдiрмейтiн және ластамайтын, жүргiзушiге автомобильдi басқаруға кедергi болмайтын және артқы жақты көру айнасымен байқауды шектемейтiн түрлi заттар мен бұйымдарды тасымалдауға рұқсат етiледi.

      225. Таксиде ұсақ жануарлар мен құстарды себеттермен, торлармен немесе түбi тұтас сумкалармен тасымалдауға рұқсат етiледi.

      Таксиде иттердi тасымалдауға тек мұндай тасымалға жүргiзушi мен басқа жолаушылар келiсетiн болса ғана рұқсат етiледi.

12-тарау. Ұйымдастырылған балалар топтарын тасымалдау

      Ескерту. 12-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-параграф. Жалпы ережелер

      226. Осы тараудың ережелерi оқу, демалу, туристiк-экскурсиялық

      iс-шаралар, спорттық, мәдени-ағартушылық және басқа да iс-шаралар орындарына балаларды жеткiзу үшiн (бұдан әрi – балаларды тасымалдау) бөлiнген автобустармен үлкендерсiз (осы Қағидалардың талаптарына сәйкес тағайындалған ерiп жүретiн адамдардан басқасы) сегiз және одан артық балалардың топтарын арнайы тасымалдауды ұйымдастыру мен жүзеге асыруды регламенттейдi.

      227. Көлiк лектерiндегi қозғалыспен ұйымдастырылған, бір-екі және одан көп автобустардың топтары жүзеге асыратын балаларды тасымалдау балаларды жаппай тасымалдау болып танылады.

      228. Балаларды тасымалдау осы Қағидалардың талаптарына сәйкес жабдықталған автобустармен, шағын автобустармен және әрбiр балаға отыратын жеке орын берiле отырып жүзеге асырылады.

      229. Балаларды тасымалдау бойынша қызмет көрсетуге тапсырыс берушi (бұдан әрi – тапсырыс берушi) балаларды арнайы тасымалдауды ұйымдастыруға жауапты заңды немесе жеке тұлғалар болуы мүмкiн.

      230. Тапсырыс берушi оларға ұқсас қызмет көрсету мүмкiндiгi ұсынылған жағдайда тасымалдаушының функцияларын дербес орындауы мүмкiн.

      Бұл жағдайда тапсырыс берушi осы Қағидалардың тасымалдаушыларға қатысты талаптарын орындайды.

      231. Балалардың ұйымдасқан топтарын тасымалдауды қамтамасыз ететін тасымалдаушы жүргізушілердің жұмысын Жүргізушілердің еңбегі мен тынығуын ұйымдастыру қағидаларына сәйкес және мынадай жағдайларды ескере отырып ұйымдастырады:

      бір жүргізушімен ұзақтығы 12 сағатқа дейінгі, екі жүргізушімен 12 сағаттан асатын маршруттар бойынша;

      жүргізушілер мен жолаушылардың кемінде 8 сағат (қонақ үйлерде, кемпингтерде) толыққанды демалуына жағдай жасауды ескере отырып, ұзақтығы 16 сағаттан асатын маршруттар бойынша.

      232. Автомобиль көлiгiмен балаларды тасымалдау (экскурсиялық және туристiктен басқа) жолда 4 сағаттан артық болған кезiнде және басқа көлiк түрiмен балаларды жеткiзудi ұйымдастыру мүмкiн болмаған жағдайда ғана жүзеге асырылады.

      233. Мектепке дейiнгi жастағы балаларды егер жолда 4 сағаттан артық болған кезiнде автомобиль көлiгiмен тасымалдады жүзеге асырмайды.

      234. Балаларды жаппай тасымалдауды және балаларды алыс қашықтықтарға тасымалдауды тасымалдаушы, балаларды оқытушылар немесе арнайы тағайындалған ересек адамдар (15 балаға бiр ересек адам) алып барған жағдайда ғана орындауы мүмкiн.

      235. Балалардың ұйымдастырылған топтарын тасымалдауларына жетi жастан кiшi емес балалар рұқсат етiледi.

      Жетi жасқа толмаған балалар бiлiм беру мекемесi жұмысшыларының, сондай-ақ ата-анасымен және оларды ауыстыратын адамдармен жеке алып жүруi кезiнде ғана жол жүруге рұқсат етiлуi мүмкiн.

      236. Балаларды жаппай тасымалдау кезiнде тасымалдаушы ӘПК-ні, маршруттағы қозғалысты қадағалауды күшейту және екi және одан артық автобустардың лектерiне жол-патрульдік полициясының арнайы автокөлiк құралдарының ерiп жүруi туралы мәселенi шешу бойынша шаралар қабылдау үшiн хабардар етедi.

      237. Автобустарда жол жүруге мынадай балаларға және ересек ерiп жүрушiлерге рұқсат етiлмейдi:

      1) қауiпсiздiк шараларын бұзуға әкеп соғатын, толқыған жай-күйiнде;

      2) алкоголь, есiрткi, психотропты және улағыш заттардың әсерi болғанда.

2-параграф. Балалардың тасымалдауына тапсырыс берушiнiң әрекетi

      238. Автобустармен балаларды тасымалдауды балаларды тасымалдау бойынша қызмет көрсетуге тапсырыс берушiнiң жазбаша өтiнiмдерi негiзiнде тасымалдаушылар жүзеге асырады.

      239. Өтiнiмде балаларды тасымалдау күнi (күндерi), уақыты, олардың саны мен жасы, жол жүру маршруты (бастапқы, соңғы және аралық пунктiлер), отырғызу және түсiру орындары, тегi, аты, әкесiнiң аты және балалардың тасымалдауын ұйымдастыруға жауаптының лауазымы және әрбiр автобус бойынша ерiп жүретiн ересек көрсетiледi.

      Тапсырыс берушi меншiктi көлiгiн тапсырылған автобустарға қосымша бөлу жағдайында тасымалдауға арналған көлiк бiрлiгiнiң бөлiнетiн саны көрсетiледi.

      Өтiнiмге тапсырыс берушi ұйымның бастығы немесе оның орынбасары қол қояды.

      240. Тапсырыс берушi тасымалдауды орындау алдында бұйрықпен балалардың тасымалдауын ұйымдастыру туралы шешiмдi ресiмдейдi, онда лауазымды адамдардың, топтар бастықтарының, бiрге ерiп жүрушiлердiң мiндеттерi, маршруты, мезгiлдерi, дайындау және жол жүрудi өткiзу тәртiбi, балалардың қауiпсiздiгiн қамтамасыз ету жөнiндегi iс-шаралар регламенттелiнедi.

      241. Балаларды жаппай тасымалдауды жүзеге асыруға арналған өтiнiмдер тасымалдаудың басталуына дейiн 3 тәулiктен кешiктiрiлмей берiледi.

      242. Балаларды жаппай тасымалдауды орындау алдында тапсырыс берушi үш тәулiктен кешiктiрмей тасымалдаудың бастапқы белгiленген мерзiмiне дейiн ӘПК-ге жол қозғалысы қауiпсiздiгiн қамтамасыз етуге және мынадай көрсеткiштердi көрсете отырып, ӘПК-ге арнайы автомобильдерiмен автобустардың ерiп жүруi туралы мәселелердi шешу үшiн ресми өтiнiм ұсынады:

      1) күндері және қозғалыс маршруты;

      2) "Көлік құралдарына және жолаушыларға қызмет көрсету жөніндегі объектілерге қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Денсаулық сақтау министрінің 2021 жылғы 23 қыркүйектегі № ҚР ДСМ-98 бұйрығымен бекітілген "Көлік құралдарына және жолаушыларға қызмет көрсету жөніндегі объектілерге қойылатын санитариялық-эпидемиологиялық талаптар" санитариялық қағидаларының 103-тармағының 3) тармақшасына (Нормативтiк құқықтық актiлердi мемлекеттiк тiркеу тiзiлiмiнде № 24530 болып тіркелген) сәйкес жабдықталған маршруттың бақылау пункттерiнен өту уақытын, аялдама және демалу орындарын анықтауды қамтитын жүргiзушiлердiң еңбек және демалыс режимiнiң талаптарына жауап беретiн қозғалыс кестесi;

      3) медициналық көмек көрсету, ауруханалар пункттердiң көрсетiлуiмен қозғалыс жолының схемасы;

      4) белгiленген жағдайда медициналық ерiп жүрудi растау;

      5) автобустың (автобустардың) маркалары және мемлекеттік тіркеу нөмірлік белгілерін, бiлiм беру аумақтық органдарымен бекiтiлген балалардың және оларға ерiп жүретiн адамдардың тiзiмiн қоса бере отырып, балалардың тасымалдауын орындайтын жүргiзушiлердiң аты-жөндерi.

      243. Балаларды жаппай тасымалдауды орындау алдында қосымша тапсырыс берушi:

      1) автомобиль көлiгiмен балаларды тасымалдау кезiнде қауiпсiздiк шаралары, ауырған және зақымданған кезде алғашқы дәрiгерлiк көмек көрсету әдiстерi бойынша арнайы нұсқаулықпен – топтардың және ерiп жүрушiлердiң жетекшiлерiн дайындауды ұйымдастырады;

      2) мүмкiндiк бойынша топтардың және ерiп жүрушiлердiң жетекшiлерiн ұялы телефонмен қамтамасыз ету шараларын қабылдайды, тапсырыс берушiнiң әкiмшiлiк өкiлдерiмен байланыс, жол жүру және жол жүруде туындаған ойда болмаған мәселелердi келiсу барысы туралы баяндамалар мерзiмдерiнiң тәртiбiн белгiлейдi;

      3) топтардың және ерiп жүрушiлердiң жетекшiлерiн маршрут жүретiн аудандардың "жедел көмек көрсету", құтқару қызметтерiнiң, ӘПК-нің және полиция бөлiмдерiнiң телефон нөмiрлерiмен қамтамасыз етедi және балаларға және олардың қауiпсiздiгiн қамтамасыз ету үшiн көмек көрсету қажет болған жағдайда оларға жүгiну тәртiбiн анықтау;

      4) балаларды қоса алғанда, барлық жол жүру қатысушыларының ұялы телефондарының нөмiрлерi тiзiмiн құрайды және осы тiзiммен барлық ересек ерiп жүрушiлердi қамтамасыз етедi;

      5) жол жүруге тiлек бiлдiрушi балалардың iрiктеуiн және олардың ата-аналарынан жазбаша түрде келiсiмiн алуын қамтамасыз етедi;

      6) жол жүруге жiберiлгендер санынан денсаулық жағдайы бойынша жақпайтын балаларды табу және алып тастау бойынша балалардың медициналық тексеруiн ұйымдастырады;

      7) "Жол жүрісі қағидаларын, Көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы" Қазақстан Республикасы Ішкі істер министрінің 2023 жылғы 30 маусымдағы № 534 бұйрығымен (Нормативтік құқықтық актілерді мемлекеттік тіркеу тізілімінде № 33003 болып тіркелген) бекiтiлген жол қозғалысы ережесiнiң "3. Жаяу жүргiншiлердiң мiндеттерi" және "4. Жолаушылардың мiндеттерi" деген тарауларын, сондай-ақ қауiпсiздiк және автокөлiкпен жол жүру кезiндегi ереженiң шараларын балаларға оқытуды қамтамасыз ету;

      8) жол жүруге дайындық кезiнде балалар және олардың ата-аналары тиiстi климаттық және жол киiмi жағдайларына, аяқ киiмiне, жеке гигиена құралдарына назар аударады;

      9) балалардың тобына созылмалы ауруы бар балалар енгiзiлген жағдайда ескерiп, жол жүру уақытында дәрiгер белгiлеген қажеттi дәрiлердiң, дәрiлiк құралдардың және тану материалдарының қажеттi жиынтығымен дәрi қобдишасының әрбiр автобуста бар болуын қамтамасыз етедi;

      10) мүдделi адамдардың қатысуымен жол жүрудiң ұзақтығы үш сағаттан артық кезiнде балаларды сынбайтын ыдыстармен және тамақ өнiмдерiнiң жиынтығымен (жолда тамақтық сапаларын кепiлдi сақтайтын, тамақтық улануды болдырмайтын құрғақ жарналармен) қамтамасыз етудi ұйымдастырады;

      11) ұзақтығы бiр күннен артық жол жүру кезiнде қоғамдық тамақтану мекемелерiнде (асханаларда, кафелерде) ыстық тамақты күн сайын үш мезгiл қабылдауды, сондай-ақ мамандандырылған мекемелерде (қонақ үйлерде, кемпингiлерде) қонуды қамтамасыз етедi;

      12) қалааралық тасымалдау кезiнде маршруттан ауытқуын болдырмайтын және қозғалыс басы 6.00-ден ерте емес және соңғысы немесе қону аялдамасы 22.00-ден кешiктiрмей көздейтiн тасымалдаушымен бiрлесiп тасымалдау кестесiн жасайды;

      13) маршрутты немесе қозғалыс кестесін өзгерту мүмкiндiгiн, ал қажет болған жағдайда және метеорологиялық және жолдардың жағдайлары нашарлаған кезде, балалардың тасымалдауын алып тастау үшiн егер бұл жағдайлар тасымалдау қауiпсiздiгiне қатер туғызатын болса маршрутты қысқартуды көздейдi (көз көрерлiк, тұман, қар басу, жаңбыр, тайғақ, сондай-ақ дауыл және басқа апат жағдайлары кезiнде);

      14) жол жүрудiң алдында балаларға маршрутты, аралық және соңғы пункттердiң атауын, тамақтану, демалу, түнеу үшiн аралық аялдамалардың шамамен алған уақытын хабарлайды, қауiпсiздiк шаралары және мiнез-құлық ережелерi, өздерiнiң ұялы телефондарының нөмiрлерi және топтан қалып қойған кезде iс-қимыл тәртiбi туралы хабарлайды.

3-параграф. Балаларды тасымалдауды жүзеге асыруға автобустарды дайындау

      244. Балаларды тасымалдау үшiн бөлiнген автобустардың техникалық жай-күйi, техникалық қызмет көрсету өткiзудiң көлемдерi мен мерзiмдерi, жабдықтары "Автомобиль көлігі туралы" 2003 жылғы 4 шілдедегі Қазақстан Республикасының Заңы 13-бабының 23-10)-тармақшасына сәйкес автомобиль көлігі саласында басшылықты жүзеге асыратын уәкілетті органмен бекітілетін Автокөлік құралдарын техникалық пайдалану ережесімен белгiленген талаптарға жауап беруi тиiс.сәйкес.

      245. Балаларды тасымалдауға арналған автобустардың кемiнде екi есiгi болады және "Жолаушылар мен жүктерді тасымалдауға арналған көлік құралдарына қойылатын санитариялық-эпидемиологиялық талаптар" санитариялық қағидаларын бекіту туралы" Қазақстан Республикасы Денсаулық сақтау министрінің 2021 жылғы 11 қаңтардағы № ҚР ДСМ-5 бұйрығымен бекітілген, "Жолаушылар мен жүктерді тасымалдауға арналған көлік құралдарына қойылатын санитариялық-эпидемиологиялық талаптар" санитариялық қағидаларының 25-қосымшаның 1-тармағына (Нормативтiк құқықтық актiлердi мемлекеттiк тiркеу тiзiлiмiнде № 22066 болып тіркелген) сәйкес келеді, сондай-ақ мыналармен:

      1) автобустың алдында және артында орнатылатын "Балаларды тасымалдау" деген төрт бұрыш айыратын белгiмен;

      2) сары түстi жылтыр шағын маягымен;

      3) әрқайсысының сыйымдылығы кемiнде екi литр болатын оңай алынатын өрт сөндiргiштермен (бiреуi - жүргiзушiнiң кабинасында, басқасы – автобустың жолаушылар салонында);

      4) "Автомобильдегі алғашқы медициналық көмек қобдишасының дәрілік заттары мен медициналық мақсаттағы бұйымдарының тізбесін бекіту туралы" Қазақстан Республикасы Денсаулық сақтау министрінің 2014 жылғы 2 шілдедегі № 368 бұйрығымен бекітілген (Нормативтік құқықтық актілерді мемлекеттік тіркеу тізілімінде № 9649 болып тіркелген) автомобильдегі алғашқы медициналық көмек қобдишасының дәрілік заттары мен медициналық мақсаттағы бұйымдарының тізбесіне сәйкес дәрілік заттармен және медициналық мақсаттағы бұйымдары бар екі алғашқы көмек дәрі қобдишаларымен (автомобильді);

      5) екi жылжуға қарсы тiректермен;

      6) авариялық тоқтау белгiсiмен;

      7) колоннада жол жүргенде – автобустың алдыңғы терезесiнде қозғалыс бағытымен оң жағында орнатылатын, автобустың колоннадағы орны көрсетiлген ақпараттық кестемен жабдықталады.

      246. Автобуспен тасымалданатын балалар мен ересектердiң жалпы саны осы көлiк құралы үшiн белгiленген және отыру үшiн жабдықталған орындардың санынан аспайды.

      247. Балаларды тасымалдауды бастамастан бұрын осы талаптарға сәйкес болуын тасымалдаушы пайдаланатын көлiк құралдарының техникалық жай-күйi үшiн жауапкершiлiк жүктелген лауазымды адам тексеруi тиiс (бас инженер, техникалық бақылау бөлiмiнiң бастығы, өзге де жауапты адамдар).

      Соның iшiнде, автобустан авариялық шығулардың және оларды қимылға келтiретiн құрылғылардың, есiктердi басқару сымдарының, төбедегi желдетпе люктердiң қақпақтарын ашу тетiктерiнiң, салонды желдету және жылыту жүйелерiнiң, есiктер жұмысының сигнал берулерi мен аялдаманы талап ету сигналының, дыбыс сигналының дұрыстығы; орындықтардың, тұтқалардың, iлме басқыштардың, желдеткiштердiң жай-күй мен бекiтiлуi, өрт сөндiргiштердiң бар болуы және бекiтiлуi, дәрiгерлiк дәрi қобдишасының жабдықталуы тексерiлуi тиiс.

      Террорлық актiлердiң алдын алу мақсатында бөтен заттардың бар болуына автобустарды мұқият тексеру жүргiзiледi.

      Тексерудi жүзеге асыратын лауазымды адам автобустың техникалық жарамдылығы және балаларды тасымалдауға дайындығы жөнiнде жолпарақта немесе өзге ресми құжатта белгi қояды.

      248. Балаларды жаппай тасымалдау үшiн екi және одан көп автобустар бөлiнген жағдайда тексеру ӘПК-і қызметкерлерiнiң қатысуымен жүзеге асырылады.

      Тiкелей рейс алдында автобустардың техникалық жай-күйiн бақылау және оның нәтижелерiн тiркеу белгiленген тәртiппен қатаң сәйкестiкте жүзеге асырылады.

      249. Балаларды тасымалдауға бөлiнген автобустарда орындықтардың орналасуы жол жүрген кезде оларды алып жүретiн ересектерге өздерiнiң орындарынан балалардың мiнез-құлқын бақылауға мүмкiндiк беруi тиiс.

4-параграф. Балаларды тасымалдауды ұйымдастыру

      250. Егер балалар тасымалдау кезiнде бiрнеше тасымалдаушыға тиесiлi автобустар пайдаланылатын болса, онда қозғалыс қауiпсiздiгi және көлiк құралдарын пайдалану үшiн жауапты адамдар тасымалдаушылардың тасымалдауды ұйымдастыру мен жүзеге асырудың барлық кезеңдерiндегi өзара iс-қимыл тәртiбiн белгiлейдi.

      251. Балалардың топтарын көрiнiм жеткiлiксiз жағдайда (тұман, қар жауған, жаңбыр және басқалар), сондай-ақ 22.00-ден бастап 06.00 сағатқа дейiн автобустармен тасымалдауға жол берілмейді. Тәулiктiң 22.00 сағатынан бастап 06.00 сағатына дейiн темiржол вокзалдарына және әуежайларға және олардан, сондай-ақ жақын арадағы демалыс орнына (қонатын жерге) дейiн жолда кiдiрiп қалған кезде балаларды тасымалдауға рұқсат етiледi.

      Тасымалдау қауiпсiздiгiне қатер төндiретiн жол және метеорологиялық жағдайлардың қолайсыз өзгеруi кезiнде, автобустардың қозғалысын уақытша тоқтату туралы қолданыстағы нормативтiк құжаттарда көзделген жағдайда тасымалдаушы рейстi алып тастауға және бұл туралы тапсырыс берушiге дереу хабарлауға тиiс.

      252. Тәулiктiң жарық мезгiлiнде балаларды автобуспен тасымалдау фаралардың жақын қосылған жарығымен жүзеге асырылады.

      253. Оқу орындарына тасымалдауды ұйымдастыру кезiнде тасымалдаушы жергiлiктi атқарушы органдармен және оқу орындарының әкiмшiлiгiмен бiрлесiп маршруттарды және балаларды отырғызудың және түсiрудiң ұтымды орындарын белгiлейдi.

      254. Автобусты күтiп тұрған балаларға арналған алаңшалар, олардың жүрiс бөлiгiне шығуын болдырмайтындай жеткiлiктi үлкен болуы тиiс.

      Алаңдарда жайластырылған өту жолдары болуы және жолаушыларды және багажды автомобильмен тұрақты тасымалдау маршруттарының аялдама пункттерiнен бөлек орналасуы тиiс.

      Егер балаларды тасымалдау тәулiктiң қараңғы мезгiлiнде жүзеге асырылса, онда алаңшалардың жасанды жарығы болуы тиiс. Күзгi-қысқы кезеңде алаңдар қардан, мұздан, кiрден тазартылуы тиiс.

      255. Балаларды оқу орындарына тасымалдауға Тапсырыс берушi балаларды отырғызу және түсiру орындарының жай-күйiн тұрақты түрде (айына кемiнде бiр рет) тексередi.

      256. Автобустардың қозғалыс кестесiн тасымалдаушы мен тапсырыс берушi келiседi.

      Жол жағдайларының қолайсыз өзгеруi кезiнде, басқа жағдайлар кезiнде (қозғалысқа шек қою, уақытша кедергiлердiң көрiнуi, бұл жағдайда жүргiзушi кестеге сәйкес жылдамдықты жоғарылатпай жүре алмайды), кесте жылдамдықты төмендету жағына (қозғалыс уақыттарының артуына) түзетiлген болуы тиiс. Кестенiң өзгеруi туралы тасымалдаушы тапсырыс берушiге хабарлауы тиiс, ол балаларды дер кезiнде хабарландыру бойынша шаралар қабылдайды.

      257. Балаларды тапсырыспен тасымалдауды ұйымдастыру кезiнде елдi мекендердi жалғастыратын маршруттар бойынша тасымалдаушы:

      автомобиль жолдарының, балаларды отырғызу және түсiру пункттерiнiң жағдайын комиссиялық тексеру үшiн облыстың жергiлiктi атқарушы органдарына жүгiнедi;

      балалардың тасымалдауын жүзеге асыратын автобустардың өту уақытын көрсете отырып, арнайы аялдау орындарын маршруттарда белгiлейдi.

      258. Балаларды темiржол өткелдерi арқылы өтетiн тапсырыспен тасымалдауды ұйымдастыру оларды кешендi тексерудi және қарамағында темiр жол өткелдерi бар ұйымдардың бастықтарымен маршрут қозғалысын келiсудi қамтуы тиiс.

      259. Реттелмеген темiржол өткелдерi арқылы балалардың тапсырыстық тасымалдауды ұйымдастыру жүзеге асырылмайды.

      260. Балаларды жаппай тасымалдауды жүзеге асыру кезiнде тасымалдаушы тапсырыс берушiден патрульдiк автомобильдi лектерге iлесiп жүруге бөлу туралы ӘПК-нің мiндеттi белгiлеу бар жазбаша өтiнiмдi ұсынады. Аталған белгiсiнсiз автобустар тапсырыс берушiге ұсынылмайды. Өз кезегiнде тасымалдаушы балаларды жаппай тасымалдауды жүзеге асыру кезiнде, сондай-ақ маршруттың қозғалысын бақылауды күшейту бойынша шаралар қолдану үшiн ӘПК-ні хабардар етедi.

      261. Балаларды жаппай тасымалдауға және алыс жерлерге балаларды тасымалдауға дайындық кезiнде тасымалдаушы тапсырыс берушiмен бiрлесiп балалардың жиналу пунктiнде және келу пунктiнде автобустардың аялдауы үшiн алаңшалардың болуын; отырғызу алаңшаларының болуын тексередi. Отырғызу және түсiру орындары автобус тұрағынан кемiнде 30 м қашықтықта орналасуы тиiс.

      262. Балаларды жаппай тасымалдау үшiн автобустарды бөлу кезiнде тасымалдаушы лектердiң үлкенiн тағайындауға (үш және одан да көп автобус кезiнде көлiк құралдарының қозғалыс қауiпсiздiгiне немесе пайдалануға жауапты адамдардың санынан, ал екi автобус кезiнде – осы автобустардың жүргiзушiлерiнiң санынан; үлкенi болып тағайындалған жүргiзушiнiң автобустарда кемiнде 5 жыл жұмыс өтiлi болуы тиiс) тиiс.

      263. Балаларды тасымалдау маршрутының рұқсат етiлген ұзақтығы жүргiзушiнiң жұмыс ауысымы ұзақтығының нормативтерiн сақтауын, қозғалыстың қауiпсiз жылдамдық режимiн сақтауын негiзге ала отырып, сондай-ақ тәулiктiң күндiзгi уақытында балаларды тасымалдауды жүзеге асыру талаптарын ескере отырып белгiленедi.

      264. Автобустың салонында багаж орналаспайды. Автобуста багаж бөлiмдерi болмаған кезде багажды тасымалдау жүк немесе басқа қосымша көлiк құралдарының көмегiмен қамтамасыз етiледi.

5-параграф. Балаларды алып жүруге және балалармен сабақ өткiзуге жауапты адамды дайындау

      265. Тапсырыс берушi балаларды тасымалдайтын әрбiр автобусқа балалармен оларды жеткiзу орнына дейiн алып жүретiн, тапсырыс берушi-ұйым қызметкерлерiнiң немесе ата-аналарының iшiнен жауаптыларды белгiлейдi (мектепке, өзге бiлiм беру ұйымдарына балаларды тұрақты тасымалдауды жүзеге асырған кезде жауапты ретiнде ерiп жүрушiлер үшiн арнайы нұсқама алған жоғары сынып оқушыларын белгiлеуге жол берiледi).

      266. Бiр мекенжайға екi және одан көп автобустар бөлiнген жағдайда тапсырыс берушi әрбiр автобусқа ерiп жүрушiлерден басқа бүкiл балаларды тасымалдауды ұйымдастыруға жауаптыны белгiлейдi.

      267. Бір-екі және одан көп автобустан тұратын лектермен балаларды қалааралық тасымалдау кезінде тапсырыс берушi лектермен медициналық қызметкердiң бірге жүруiн қамтамасыз етедi.

      268. Балаларды алып жүруi үшiн тапсырыс берушi белгiлеген адамдар балаларды автобуспен тасымалдау қауiпсiздiгiн қамтамасыз ету бойынша арнайы нұсқама алады.

      269. Нұсқаманы жол қозғалысы қауiпсiздiгiн қамтамасыз етуге немесе тасымалдаушыға тиесiлi көлiк құралдарын пайдалануға жауапты адам жүргiзедi.

      Нұсқаманың өткiзiлуi туралы белгi және нұсқама алған тұлғаның қолы нұсқаманы есепке алу туралы арнайы журналға қойылады. Iлесiп жүрушiлер нұсқаманы өтпесе, автобустар тапсырыс берушiге ұсынылмайды.

      270. Нұсқаманы өту кезiнде мынадай тәртiп егжей-тегжейлi жазылады:

      1) автобустардың отырғызу орындарына берiлуi, балаларды отырғызу және түсiру ережелерi;

      2) автобуста қол жүгiн орналастыру және багажды тасымалдау;

      3) автобус салонында болғанда, балалардың жиналу, отырғызу және түсiру орындарында өздерiн ұстауы;

      4) iлесiп жүрушiлердiң жүргiзушiмен өзара iс-қимылы;

      5) салондағы жабдықтарды: желдеткiш люктердi, аялдауды талап ету сигналдарын, желдеткiштердi пайдалану;

      6) автобустың аялдауы кезiнде балаларды бақылау.

      271. Нұсқаманы өткiзу кезiнде төтенше жағдайлармен байланысты мәселелер қосымша көрiнiс табады (мәжбүрлi аялдау, автобустың сынуы, ЖКО, терроршылардың автобусты басып алуы), соның iшiнде:

      1) жолаушыларды эвакуациялау тәртiбi;

      2) автобустан апаттық шығуларды пайдалану және құрылғыларды қолдану, оларды iске келтiру тәртiбi;

      3) өрт сөндiргiштердi, алғашқы көмек көрсету дәрi қобдишасын пайдалану ережелерi.

      272. Балаларды жаппай тасымалдау кезiнде тапсырыс берушi iлесiп жүрушiлерге алғашқы медициналық көмек көрсету мәселелерi бойынша нұсқаманы медициналық қызметкердiң жүргiзуiн қамтамасыз етедi.

6-параграф. Балалардың тасымалдауын жүзеге асыратын жүргiзушiлерге, олардың еңбектерiн ұйымдастыруға қойылатын талаптар

      273. Балаларды тасымалдау үшiн мынадай жүргiзушiлерге рұқсат етiледi:

      1) жасы жиырма бес жастан кем емес, тиiстi санаттағы жүргiзушi куәлiгi және жүргiзушiнiң бес жылдан кем емес жұмыс өтiлi бар;

      2) автобустың жүргiзушiсi ретiндегi кемiнде соңғы үш жыл үздiксiз жұмыс өтiлi бар;

      3) соңғы жылдары еңбек тәртiбiн және қозғалысы ережесiн өрескел бұзбаған.

      Балаларды тасымалдауға жiберген ұйымдағы жүргiзушiнiң жұмыс өтiлi үш жылдан кем болмауы тиiс.

      Сыйымдылығы 41 орынды автобустармен балаларды тасымалдауға тағайындалған, сондай-ақ қалааралық қатынастағы балаларды басқа да тасымалдаудағы жүргiзушiлердiң автобустардағы жұмыс өтiлi кемiнде 5 жыл болуы тиiс.

      274. Балаларды тасымалдауды жүзеге асыратын ұйымдарда балаларды тасымалдауға рұқсат етiлуi тиiс өзiндiк кәсiби сипаттамалары бойынша жүргiзушiлердiң тiзiмi құрылуы тиiс, көрсетiлген тiзiм жыл сайын жаңартылады және тиiстi бұйрықпен бекiтiледi.

      275. Тасымалдаушы рейс алдындағы медициналық куәландырудан өтпеген жүргiзушiні жол жүруге жібермейді.

      276. Балаларды кез келген тасымалдаумен айналысатын жүргiзушiлердiң жұмыс ауысымының ұзақтығы 12 сағаттан аспауы тиiс.

      Балалар тасымалын жүзеге асыру алдындағы жүргiзушiнiң ауысым арасындағы демалу ұзақтығы демалу алдындағы жұмыс күнiнiң (ауысым) жұмыс уақытынан кемiнде екi есе ұзақтау болуы тиiс.

      Егер қозғалыс режимі жүргізушінің 12 сағаттан асатын жұмыс уақытының ұзақтығын көздесе, рейске екі жүргізуші жіберіледі.

      277. Балаларды тұрақты және маусымдық тасымалдау алдында, сондай-ақ бiр реттiк тасымалдауды жүзеге асыру алдында жол жүру қауiпсiздiгiне немесе көлiк құралдарын пайдалануға жауапты лауазымды адамдар (тасымалдау жөнiндегi директордың орынбасары, қозғалыс қауiпсiздiгi жөнiндегi директордың орынбасары, автолектiң бастығы, өзге де жауапты адамдар), жүргiзушiлермен маршруттағы қозғалыс және жұмыс тәртiбi, шарттары және ерекшелiктерi туралы арнайы нұсқама жүргiзедi. Тұрақты тасымалдауды жүзеге асыру процесiнде, егер оларды бiр және сол ғана маршрут бойынша бiр және сол жүргiзушi жүргiзсе (соның iшiнде және жалпы қолданыстағы автобустардың қозғалыс кестесiне қосымша бөлiнетiн арнайы мектеп рейстерiн жүзеге асыру кезiнде), жол-көлiк оқиғаларының болғаны, жол-климаттық жағдайлардың және маршрутта қозғалыс режимдерiнiң өзгеруi және басқалар туралы ақпарат алған жағдайда, айына бiр рет арнайы нұсқама жүргiзiледi.

      278. Арнайы нұсқамаға мынадай деректер кiруi тиiс:

      1) осы ұсынымдарға сәйкес балаларды автобустармен тасымалдау тәртiбi туралы;

      2) маршруттағы жол жағдайының жай-күйi, қозғалыстың ерекшелiктерi және жылдамдық режимдерi туралы;

      3) маршруттағы жол-көлiк оқиғаларының қауiптi учаскелерi және шоғырлану орындары, маршрутта орналасқан қауiптiлiгi жоғары орындардан жүрiп өту тәртiбi туралы (темiржол өткелдерi, жолөткелдерi, көпiрлер), соның iшiнде жүргiзушiге берiлген маршруттың сұлбасын пайдалана отырып, нақты жағымсыз жол-климаттық жағдайларда қауiпсiздiгi жоғары сипатталған қозғалыс учаскелерi туралы;

      4) лектiң үлкенiмен өзара iс-қимыл тәртiбi және лектегi қозғалыс тәртiбi туралы (жаппай тасымалдау кезiнде);

      5) балаларды тасымалдауды орындау кезiнде автобус бойынша жүргiзушiлердiң және ерiп жүрушiлердiң өзара әрекеттесуi және жауапкершiлiк аясын бөлу тәртiбi туралы;

      6) туристерге және экскурсанттарға қызмет көрсету ережелерi туралы (туристiк-экскурсиялық тасымалдау кезiнде);

      7) қауiптi жол жағдайлары туындаған кездегi, маршрутта жол-климаттық жағдайлар кенеттен нашарлаған кездегi, автобустың техникалық бұзылуы туындаған кездегi, жолда жүргiзушiнiң және жолаушылардың денсаулық жағдайы нашарлаған кездегi, қылмыстық элементтер автобусты басып алуға әрекет жасаған немесе басып алған кездегi iс-әрекеттер;

      8) ЖКО қаупi немесе туындаған кезiнде жүргiзушiнiң iс-әрекетi туралы (соның iшiнде автобустан жолаушыларды шұғыл эвакуациялау тәртiбi, зардап шеккендерге бiрiншi көмек көрсету);

      9) желiдегi жұмыс кезiнде қауiпсiздiк техникасы мен өрт қауiпсiздiгi ережелерiн сақтау және автобуста өрт туындаған кездегi iс-әрекеттер туралы;

      10) жол қозғалыс ережелерiн бұзғаны, жолаушылардың өмiрi және денсаулығы үшiн жүргiзушiнiң жауапкершiлiгi туралы.

      Арнайы нұсқаманы жүргiзгенi және нұсқаманы өткен жүргiзушiнiң қолы туралы белгi нұсқаманы есепке алу журналында тiркеледi. Жүргiзушi бiр жолғы тасымалдауды жүзеге асырған кезде жүргiзушiнiң нұсқаманы өткенi туралы белгi арнайы журналдан басқа жол жүру парағында да жасалады.

      279. Балаларды тасымалдау кезiнде автобустың жүргiзушiсiне рұқсат етілмейді:

      1) сағатына 60 км артық жылдамдықпен жүруге;

      2) жүру маршрутын өзгертуге;

      3) балалар бар автобус салонында қол жүгi мен балалардың жеке заттарынан басқа кез келген жүктi, багажды немесе мүкәммалды тасымалдауға;

      4) автобуста балалар болған кезiнде, соның iшiнде балаларды отырғызу және түсiру кезiнде автобус салонынан шығуға;

      5) автомобиль легiнде жүру кезiнде алда жүрген автобусты басып озуға;

      6) автобуспен артқа қарай қозғалысты жүзеге асыруға;

      7) егер ол көлiк құралының өздiгiнен қозғалуын немесе оны жүргiзушi жоқ болғанда пайдалануын болдырмау шараларын қолданбаса, өз орнын тастап кетуге немесе көлiк құралын қалдыруға.

7-параграф. Аялдама және отырғызу орнына автобустарды беру

      280. Жиналу орнына келген бойдан жүргiзушi тапсырыс берушiнiң осы Қағидалардың 244 және 245-тармақтарында көрсетiлген тасымалдау шарттарын нақты қамтамасыз етуiн тексередi. Егер автобус бойынша ерiп жүрушiлер жоқ болса немесе ерiп жүрушiлер мен балалардың нақты саны автобустағы отырғызу орны санынан асып кетсе, балаларды тасымалдау жүзеге асырылмайды.

      281. Бiр мекенжайға екi және одан артық автобустар бөлiнген жағдайда лектердiң аға жетекшiсi автобустардың олардың тұрақтауы үшiн бөлiнген алаңшада орналасуын қамтамасыз етеді.

      Автобустардың тұрақтау орындарында және отырғызу (түсiру) орындарында автобустарды беру кезiнде балаларды тасымалдауға қатысы жоқ көлiк құралдары, сондай-ақ шығарып салушылар (күтiп алушылар) және бөтен адамдар болмайды.

      282. Тұрақтау және отырғызу (түсiру) орындарында тұрған автобустар қол тежегiшiмен тоқтатылған, ауыстыруы қосылған және қозғалтқышы iстемей тұруы тиiс.

      283. Автобустар тұрақтау орындарында тұрған кезде жүргiзушiлерге олардан алыстап кетуге тыйым салынады.

      284. Балаларды тасымалдауды жүзеге асыратын жүргiзушiлер балаларды отырғызу (түсiру) және бағыт бойынша қозғалу кезiнде автобус бойынша ерiп жүрушiлердiң нұсқауларын орындайды, егер олар Жол қозғалысы ережелерiне, осы Қағидалар талаптарына, жол қозғалысы қауiпсiздiгiнiң өзге де талаптарына қайшы келмесе және егер осы нұсқаулар ерiп жүрушiлердiң құзыретi аясына кiретiн болса (балалардың тәртiбi, олардың денсаулығы және қауiпсiздiгi).

      285. Ерiп жүрушiлер автобусқа отырғызу және одан түсiру, автобус қозғалысы кезiнде, аялдау уақытында балалар арасында тиiстi тәртiптi қамтамасыз етеді.

      286. Ерiп жүрушiлер балаларды автобусқа отырғызуға дейiн:

      1) балалардың қауiпсiз орынға жиналуын қамтамасыз етуi тиiс. Жиналу орны отырғызу орнынан 15 метрден аз емес қашықтықта орналасуы;

      2) келген балаларды қолда бар тiзiм бойынша салыстыруы және iс-жүзiнде келген балаларды тiзiмде белгiлеуi;

      3) балалардың қол жүгi мен багажының өлшемi, буып-түйiлуi және құрамы автобустарды пайдалану ережелерiнiң және автобустармен жолаушыларды және жүктердi тасымалдау ережелерiнiң талаптарына сәйкес келуiн тексеруi;

      4) багаждың автобустың багаж бөлiгiне немесе балалардың багажын тасымалдауға арналған арнайы көлiк құралына тиелуiн ұйымдастыруы;

      5) автобусқа отырғызу және автобустан түсiру тәртiбi туралы, сондай-ақ автобустың қозғалуы және аялдауы (тоқтауы) уақытындағы тәртiп ережелерi туралы, хал-жағдайы нашарлаған жағдайдағы, сапар барысында қауiптi және төтенше жағдай пайда болған кездегi тәртiп ережелерi туралы мәселелердi мiндеттi түрде қоса отырып балаларға нұсқама жүргiзудi (бiр жолғы және маусымдық тасымалдау кезiнде) өткізіледі.

      287. Отырғызу платформасында (аялдамада) балалар бiр жерде топпен орналасады және мына мінез-құлық нормаларын сақтайды:

      1) топ басшысының, ересек ерiп жүрушiнiң рұқсатынсыз кетуге, жаяу жолдың, жолдың жағасы, отырғызу платформасы бойынша жан-жаққа тарап кетуге;

      2) отырғызу платформасында (аялдамада) тұрған басқа адамдарға кедергi және ыңғайсыздық жасауға;

      3) жүгiруге, бiрiн-бiрi итеруге, қимыл ойындарын, соның iшiнде доптармен және басқа да заттармен ойнауға тыйым салынады;

      4) жақындап келе жатқан көлiк құралы толық аялдағанға дейiн отырғызу платформасының, жаяу жолдың, жолдың жағасының шетiне жақын келуге;

      5) үрленген және басқа жеңiл ойыншықтарды, доптарды және өзге де жеңiл заттарды қолда алып жүруге (ұстауға), қағаз ақшаларды санауға, құжаттарды және желдiң әсерiнен жолға ұшып кетуi мүмкiн және балалардың кенеттен жолдың жүру бөлiгiне шығып кетуiне әкеп соқтыруы мүмкiн басқа жеңiл заттарды алып шығаруға және қарауға.

      288. Колонаның аға жетекшiсi отырғызу алаңшасына автобустардың берiлуiн ұйымдастырады. Автобустар отырғызу (түсiру) орнына бiр-бiрлеп берiледi. Автобустың жүргiзушiсi отырғызу (түсiру) орындарына қозғалысты тек қана осы орыннан жолаушыларды отырғызу (түсiру) аяқталған кезектi автобусты жөнелткеннен кейiн ғана бастауы тиiс.

      289. Жүргiзушiге балаларды отырғызу (түсiру) уақытында автобустың кабинасынан шығуға болмайды.

      290. Балаларды автобусқа отырғызу ерiп жүрушiнiң басшылығымен және жүргiзушiнiң бақылауымен (жаппай тасымалдаған кезде одан басқа тасымалдауды ұйымдастыруға жауаптының байқауымен) автобус толық тоқтағаннан кейiн отырғызу алаңында жүргiзiледi.

      Көлiк құралы жақындаған кезде ерiп жүрушiлер балалардың оның алдынан жүгiрiп шығуына, жүру бөлiгiнiң шетiнде топтануына жол бермейдi.

      291. Ерiп жүрушiлер балаларды отырғызу орнына ұйымдасқан тәртiпте (кiшi балаларды – екi-екiден сапқа тұрғызып) жеткiзедi. Отырғызу автобустың алдыңғы есiгi арқылы жүргiзiледi.

      Отырғызған кезде жеке заттар баланың бiр қолына сыйуы тиiс, басқа қолымен ол баспалдақпен салонға көтерiлген кезде тұтқадан ұстауы тиiс.

      292. Отырғызған кезде ерiп жүрушiлер балалардың:

      1) жолдың жүру бөлiгiне шығуына;

      2) итерiсуiне, төбелесуiне;

      3) салонға иықтарындағы рюкзактармен және сумкалармен кiруiне (тепе-теңдiктi жоғалту, өзге жолаушылардың беттерi мен көздерiн жарақаттану қаупiн болдырмау үшiн оларды отырғызудың алдында шешу қажет);

      4) өту жолдары мен шығатын есiктердi жеке заттармен бөгеуге;

      5) жоғарғы сөрелерге ауыр және орнықсыз заттарды қоюға жол бермейдi.

      293. Ерiп жүрушi автобусқа кезекпен кiретiн балаларды қолжүгiнiң қауiпсiз орналасуына көңiл бөле отырып отырғызады.

      294. Қол жүгi автобуста жолаушылардың қауiпсiздiгiне қауiп-қатер төндiрмейтiндей және жүргiзушiнiң қарау ауқымын шектемейтiндей болып орналастырылады.

      Қол жүгi автобустың салонында орналастырылған кезде мынадай тәртіп сақталады:

      1) егер автобуста сөрелер болса, онда оларда тек жеңiл (салмағы 1 кг аспайтын), сынбайтын, үшкiр дөңестерi жоқ және ұзындығы 60 см аспайтын бұйымдар мен заттар ғана орналастырылады;

      2) заттар сөрелерде автобустың қозғалысы, күрт бұрылғанда, тежегенде және т.с.с. кезiнде олардың құлауын болдырмайтындай етiп орналастырылуы (бекiтiлуi) тиiс.

      295. Барлық балаларды және қол жүгiн автобуста орналастырғаннан кейiн ерiп жүрушiлер осы Қағидалардың талаптарына сәйкес:

      1) балаларды санап шығуы;

      2) олардың барлығы отыруға арналған орындарда орналасқанын және жеке заттарын қауiпсiздiк шараларын сақтай отырып орналастырғандығын тексеруi;

      3) жүргiзушiден медициналық дәрi қобдишасының, өрт сөндiргiштiң орналасқан жерiн және оларды, авариялық люктердi қолдану тәртiбi мен оларды ашу әдiсiн, есiктердi авариялық ашу батырмаларын және оларды пайдалану тәртiбiн, көлiк құралының ерекшелiктерiмен анықталатын өзге де қауiпсiздiк шараларын нақтылауы, және де балаларға нұсқау беруi;

      4) жүргiзушiнi отырғызу аяқталғаны туралы хабардар етуi және автобуста оларға арналған орындарды алуы тиiс.

      Ерiп жүрушi отырғызу (түсiру) аяқталғаны туралы хабар бергеннен және автобус есiктерi толық жабылғаннан кейiн жүргiзушiге отырғызу (түсiру) орнынан автобус қозғалысын бастауға рұқсат етiледi.

8-параграф. Автобустардың маршруттағы қозғалыс және аялдау (тұрақтау) тәртiбi

      296. Балаларды тәулiктiң қараңғы мезгiлiнде тасымалдаған жағдайда фаралардың жақын немесе алыс жарығымен қоса тұманға қарсы фаралар пайдаланылуы мүмкiн.

      297. Лекпен қозғалған кезде автобустар олардың арасында қауiпсiз интервалды сақтай отырып, қатаң белгiленген тәртiпте қозғалуы тиiс (Жол жүру ережесiнiң 9-тарауының 10-тармағына сәйкес).

      298. Лектiң аға жетекшiсi әрбiр жүргiзушiнiң Жол жүру ережесiнiң және осы Қағидалардың талаптарын сақтай отырып, лектiң қозғалуын қамтамасыз етуге тиiс. Балаларды екi автобуспен тасымалдаған кезде лектiң аға жетекшiсi бiрiншi автобуста, балаларды үш және одан көп автобустармен тасымалдаған кезде – соңғы автобуста орналасады.

      299. Балаларды тасымалдаған кезде қозғалыс жылдамдығын жүргiзушi жол, метеорология және өзге де жағдайларға байланысты таңдайды (Жол жүру ережесiнiң 10-тарауының 1-тармағына сәйкес), бұл ретте автобус қозғалысының жылдамдығы барлық жағдайда 60 км/сағ аспауы тиiс.

      Балаларды лекпен тасымалдайтын автобустардың қозғалысы кезiнде қозғалыс жылдамдығын лекке ерiп жүретiн жол-патрульдік полициясының қызметкерi таңдайды, бiрақ барлық жағдайда ол 40 км/сағ аспауы тиiс.

      Автобусты басқару кезiнде жүргiзушi күрт тежеуге жол бермей автобус жүрiсiнiң бiрқалыптылығына ерекше көңiл бөлуi тиiс.

      Автобустар легiнiң темiр жол өткелiнен өту қауiпсiздiгiн оған ерiп жүретiн ӘПК-нің қызметкерлерi қамтамасыз етедi.

      300. Балаларды тасымалдаған кезде жүргiзушi:

      1) автобус қозғалысының белгiленген маршрутынан ауытқымайды және белгiленген жылдамдық режимдерiн бұзбайды;

      2) қозғалыс барысында автобусты басқаруда алаңдамайды (сөйлеспейді, тамақ iшпейді, кабинада қатты музыка қоймайды);

      3) тасуға тыйым салынған нәрселердi, заттарды және материалдарды автобуста алып жүрмейді;

      4) топырақ жолдарға шығып кетпейді және олармен жүрмейді (балаларды ауылшаруашылық жұмыстарына және демалыс орындарына, сондай-ақ жолды жөндеу және қайта жаңғырту жұмыстарын жүргiзу кезiнде тасымалдаған жағдайдан басқа).

      301. Автобустың қозғалысы барысында ерiп жүрушiлер автобустың әрбiр есiгiнiң жанында орналасуы тиiс. Егер автобуста бiр ерiп жүрушi болса, ол автобустың алдыңғы есiгiнiң жанында орналасуы тиiс.

      Медицина қызметкерлерi және балалар тасымалын ұйымдастыруға жауаптылар (жаппай тасымалдау кезiнде) соңғы автобуста орналасады.

      302. Сапар кезiнде ерiп жүрушiлер балалардың:

      1) салонда тұруына және жүруiне;

      2) есiктер мен терезелерге жантаюына;

      3) жоғарғы сөрелерге ауыр және орнықсыз заттарды қоюына;

      4) қол жүгiн өту жолдарына және кiреберiстегi (шыға берiстегi) алаңдарда орналастыруына;

      5) терезе ойықтарынан бастарын шығаруына;

      6) терезеден қоқысты және қандай болса да өзге заттарды тастауға;

      7) жазатайым жағдайдың алдын алуға бағытталған жолаушылардың денсаулығы мен өмiрiне қауiп төндiретiн ахуал туралы хабарламалардан басқа жүргiзушiнi көлiк құралын басқарудан алаңдатуына;

      8) жолаушылардың денсаулығы мен өмiрiне қауiп төндiрмейтiн жағдайларда авариялық жабдықтарды пайдалануына;

      9) есiктердi ашуына;

      10) төбелесуiне, итерiсуiне, қимыл ойындарын ойнауға;

      11) шылым шегуге, сiрiңке, оттық жағуға;

      12) спирттiк iшiмдiктердi iшуiне, есiрткi, психотропты және улы заттарды қабылдауына жол бермейдi.

      303. Ерiп жүрушiлер мыналарды қамтамасыз етедi:

      1) барлық оқушылардың қозғалыс, аялдау, тамақтану, түнеу кезiнде жеке гигиена ережелерiн сақтау;

      2) әрбiр топта дәрiгерге дейiнгi көмек көрсетуге қажеттi дәрiгерлiк және тану құралдарының жиынтығымен жабдықталған медициналық дәрi қобдишасы болуын;

      3) балалардың хал-жағдайын әрдайым қадағалауын, қажет болған жағдайда ауырғандар мен жарақаттанғандарға дәрiгерге дейiнгi көмек көрсетуiн;

      4) сапардың ұзақтығы бiр тәулiктен асқан кезде аялдамаларда мамандандырылған қоғамдық тамақтану мекемелерiнде (асханаларда, дәмханаларда) балалардың толыққанды үш мезгiл ыстық тағаммен тамақтануын;

      5) түнеу пункттеріне келген кезде мамандандырылған мекемелерде (қонақ үйлерде, кемпингтерде) балаларға берiлген орындарды тексереді;

      6) оқушылардың сегiз сағаттан кем емес күн сайынғы толыққанды түнгi демалуын (ұйықтауын).

      304. Бүкiл маршрут бойы балалар автобусқа алғашқы отырғызу кезiнде оларға бөлiнген орындарды алады. Автобустың қозғалыс барысында және аялдамадан (тұрақтан) кейiн ерiп жүрушiнiң рұқсатынсыз орыннан орынға отырғызуға тыйым салынады.

      305. Автобус салонындағы терезелер (желдеткiштер) жабық болады. Салонды желдету қажет болған жағдайда және тек ерiп жүрушiнiң рұқсатымен ғана төбедегi желдету люктерi ашылады.

      306. Қалааралық және қала маңы балалар тасымалдауын (соның iшiнде туристiк-экскурсиялық) жүзеге асыратын автобустардың кестесінде (кестесiнде) әрбiр 1,5-2 сағат жүрген сайын ұзақтығы 10 минут және әрбiр 4 сағат жүрген сайын ұзақтығы 30 минут тұрақтаулар көзделуi тиiс (соңғысын жүргiзушiнiң түскi асымен сәйкес келтiруге рұқсат берiледi).

      307. Тасымалданатын балалардың қалыпты жағдайы мен денсаулығын қамтамасыз етуге байланысты қажеттiлiк болған кезде автобустың жүргiзушiсi ерiп жүрушiнiң нұсқауымен жол жүру барысында жоспарланбаған аялдамалар жасайды.

      Аялдама және тұрақ орындарын таңдағанда жүргiзушi Жол жүру ережесiнiң 12-тарауының 1-7-тармақтарының талаптарын басшылыққа алуы тиiс. Автобустың аялдауы (тұрақтауы) кезiнде балаларды отырғызу және түсiру орындары, мүмкiндiгiнше, қарқынды қозғалысы бар жол учаскелерiнде орналаспауы тиiс. Аталған талапты орындау мүмкiн болмаған жағдайда балаларды автобусқа отырғызу және одан түсiру кезiнде авариялық сигнал беру iске қосылады.

      Тәулiктiң қараңғы мезгiлiнде, сондай-ақ жеткiлiксiз көру жағдайында аялдама (тұрақтау) жасаған кезде Жол жүру ережесiнiң 19-тарауының 3-тармағына сәйкес сыртқы жарық құралдарын пайдаланған жөн.

      308. Ерiп жүрушiлер қауiпсiздiк шараларын сақтау қажеттiгi, топтың артында қалып қоюына жол берiлмейтiндiгi және егер бала қалып қойған жағдайда iс-қимыл тәртiбi туралы балаларға ескерте отырып, әрбiр аялдаманың алдында тұрақтау уақытын хабарлайды.

      309. Тұрақтау (аялдау) кезiнде балаларды автобустан шығару алдыңғы есiктер арқылы жүзеге асырылады. Автобустан бiрiншi болып ерiп жүрушiлер шығады. Тұрақтау (аялдау) кезiнде ерiп жүрушiлер: бiреуi – автобустың алдыңғы бөлiгiнде, екiншiсi – автобустың артында тұруы және балалардың түсуiн және содан кейiн балалардың жолдың жүру бөлiгiне жүгiрiп шықпауын бақылау қажет.

      Балалар автобусқа оралғаннан кейiн ерiп жүрушiлер балалардың өз орындарында орналасқандығына көз жеткiзедi, содан кейiн ғана жүргiзушiге сапарды жалғастыру мүмкiндiгi туралы хабарлайды.

      310. Маршрут бойынша автобустың қозғалысы мына жағдайларда тоқтатылады:

      1) автобуста Жол жүру ережесiне сәйкес қозғалыс немесе оларды пайдалану тыйым салынған техникалық ақаулар пайда болғанда;

      2) жол-метеорологиялық жағдайлар өзгергенде тасымалдаудың қауiпсiздiгiне қауiп төндiретiн өзге де жағдайларда (көк тайғақ, тұман, жолдардың бұзылуы, жүретiн жолдың маңында авариялар болу);

      3) жол жүргенде бала жарақат алғанда, кенеттен ауырғанда, қан кеткенде, талғанда;

      4) жүргiзушiнiң хал-жағдайы нашарлағанда.

      311. Техникалық ақауға байланысты автобусты мәжбүрлi тоқтатқан кезде жүргiзушi:

      өзге көлiк құралдарына кедергi жасамайтындай етiп автобусты тоқтатуға, авариялық сигнал берудi қосуға және елдi мекенде автобустан 15 метрден және елдi мекеннiң сыртында – 30 метрден кем емес қашықтықта автобустың артында авариялық аялдау белгiсiн қоюға;

      осы Ереженiң барлық талаптарын сақтай отырып, қозғалысты одан әрi жалғастыруға мүмкiндiгi туғанға дейiн балаларды автобустан шығаруға, ерiп жүрушiлердiң бақылауында оларды қауiпсiз жерге апаруға тиiс.

      312. Бала құсқан кезде ерiп жүрушi жүргiзушiге автобусты тоқтату жөнiнде белгi беру, мүмкiндiгiнше себебiн анықтап (тербелу немесе тамақтан улану), алғашқы дәрiгерге дейiнгi көмек көрсету қажет. Тамақтан уланғанда – асқазанды шаю, тербелгенде – жалбыз қосқан дәрі беру, салонның алдыңғы бөлiгiндегi орындыққа отырғызу, құсықты жинау үшiн полиэтилен пакетпен қамтамасыз ету қажет. Егер баланың хал-жағдайы жақсармаса, науқасқа дәрiгерлiк көмек көрсету үшiн дәрiгерлiк мекеме бар ең жақын аялдама пунктiне жеткiзу керек.

      313. Жол жүргенде бала жарақат алғанда, кенеттен ауырғанда, қан кеткенде, талған жағдайда автобустың жүргiзушiсі, топ жетекшiсi және ерiп жүрушiлер балаға бiлiктi дәрiгерлiк көмек көрсету үшiн оны жақын орналасқан дәрiгерлiк пунктiге (мекемеге, ауруханаға) дереу жеткiзу шараларын қабылдау қажет.

      314. Жолда қозғалысты мәжбүрлi тоқтатудың барлық жағдайларында тасымалдаушыға қозғалысты мәжбүрлi тоқтату туралы ақпарат берiледi, ол тасымалдауды одан әрi жүзеге асыру бойынша оған байланысты барлық шаралар қабылдауға (автобусты ауыстыру немесе жөндеу, жүргiзушiнi ауыстыру), ал жол-метеорологиялық жағдайлар бойынша қозғалысты тоқтатқан жағдайда – жолаушылар үшiн күтудiң қолайлы және қауiпсiз жағдайларын қамтамасыз етуге тиiс.

      315. Жол-көлiк оқиғасы болған жағдайда жүргiзушi және ерiп жүрушiлер көлiк құралынан балаларды олардың жеке заттарын шығармай жедел эвакуациялау қажет.

      316. Көлiк құралында өрт пайда болған жағдайда ерiп жүрушiлер:

      1) өрт жөнiнде жүргiзушiге белгi беруге;

      2) көлiк құралы тоқтағанға дейiн балаларды өрт көзiнен мүмкiндiгiнше алысырақ апаруға және оны салонда бар өрт сөндiргiшпен және қол астындағы заттармен сөндiруге кiрiсуге;

      3) тоқтағаннан кейiн балаларды және барлық жолаушыларды көлiк құралы жарылған кезде жарақаттарды болғызбайтын қауiпсiз қашықтыққа жеке заттарсыз жедел шығаруға тиiс.

      317. Жол-көлiк оқиғасы және өрт кезiнде балаларды көлiк құралынан эвакуациялағаннан кейiн ерiп жүрушiлер және жүргiзушi:

      1) зардап шеккендерге алғашқы дәрiгерлiк көмек көрсетуге және оларды жақын орналасқан дәрiгерлiк мекемеге жеткiзуге;

      2) жол-көлiк оқиғасы немесе өрт орнына ӘПК-нің және егер қажет болса "жедел көмек" қызметкерлерiн, құтқарушыларды, өртке қарсы қызметтiң мамандарын шақыру шараларын қабылдауға;

      3) зардап шекпеген балаларды олардың қауiпсiздiгiне қауiп төнбейтiн орынға жинап, оларды тыныштандыруға, қажет болған жағдайда денсаулығы әлсiреген, жүрек-тамыр және асқынуы стреске әкеп соғуы мүмкiн өзге де аурулары бар балалардың дәрiгер белгiленген дәрiлердi қабылдауын қамтамасыз етуге;

      4) өрттi сөндiрудi аяқтағаннан кейiн, сондай-ақ жол-көлiк оқиғасы орнында қауiп болмаған кезде ӘПК-нің қызметкерлерiнiң келiсiмi бойынша топ жетекшiлерiнiң және ересек ерiп жүрушiлердiң күшiмен мүмкiндiгiнше балаларды тартпай жеке заттарды жинап, оларды балаларға беруге;

      5) балаларды онан әрi тасымалдау мүмкiндiктерiн және маршрутын анықтауға;

      6) қажет болғанда орынға келiп жеткен ӘПК-нің қызметкерлерiне балаларды тасымалдауды ұйымдастыруға көмек көрсету туралы өтiнiш жасауға;

      7) телефон арқылы оқиға және балалардың хал-жағдайы туралы тапсырыс берушiнiң әкiмшiлiгiне хабарлауға, оның көмегiмен медициналық мекемелерге жiберiлген балалардың заңды өкiлдерiне олардың орналасқан жерi және хал-жағдайы туралы, сондай-ақ зардап шекпеген балалардың заңды өкiлдерiне олардың орналасқан жерi және топтың онан әрi жүру маршруты туралы жедел хабарлауын қамтамасыз етуге тиiс.

9-параграф. Маршруттың соңғы пунктiне келу және балаларды түсiру

      318. Маршруттың соңғы пунктiне келгенде автобустар тұрақтау үшiн бөлiнген орындарға қойылады, ол жерден түсiру орнына бiр-бiрден келедi.

      319. Түсiрген кезде ерiп жүрушiлер балалардың:

      1) есiкке қарай қозғалғанда төбелесуiне, итерiсуiне;

      2) баспалдақтардан секiруiне;

      3) көлiк құралын жолдың жүргiншi бөлiгiнен айналып өтуiне, оған шығуына;

      4) жүргiншi бөлiктiң маңында қимыл ойындар ойнауына жол бермейдi.

      Автобустан шыққанда әрбiр бала жеке заттарын (сөмкелерiн, пакеттерiн) бiр қолымен көтерiп, ал екiншi қолымен баспалдақтардан түскенде тұтқадан ұстауы тиiс. Тепе-теңдiктi жоғалтпау және өзге жолаушыларды жарақаттандырмау үшiн иықпен көтерiп жүретiн рюкзактар мен сөмкелердi оқушылар иықтан шешiп, қолдарына алулары тиiс.

      320. Түсiргеннен кейiн ерiп жүрушiлер:

      1) жеткiзу орнына келген балаларды санап шығуға;

      2) ұйымдасқан түрде оларды түсiру орнынан және автобустардың тұрақтау алаңшаларынан ерiп жүру;

      3) түсiру орнынан жаяу жүрген кезде олардың Жол жүру ережесiмен жаяу жүргiншiлерге қойылатын талаптардың сақталуын қамтамасыз етедi.

      321. Балалардың қалааралық және қала маңы тасымалдауын орындаған кезде автобустың жүргiзушiсi (немесе лектiң аға жетекшiсi) маршруттың соңғы пунктiне келген бойдан ол туралы тасымалдаушыға хабарлауға тиiс.

      Маршруттың соңғы пунктiне келу үшiн жүру кестесі белгiлеген уақыттан кейiн бiр сағат iшiнде мұндай хабарлама болмаған жағдайда тасымалдаушы автобустың (автобустардың) орналасқан жерiн анықтау бойынша шаралар қабылдайды.

      322. Жол қозғалысын ұйымдастыру бойынша, автомобиль жолдарының, көшелердiң, темiр жол өткелдерiнiң, паромдық өткелдердiң, олардың жайластыру жөнiнде жол қозғалысының қауiпсiздiгiне қауiп төндiретiн қандайда бiр ескертулер (кемшiлiктер) болған кезде жүргiзушi тасымалдаушының диспетчерiне хабарлайды.

10-параграф. Балаларды маршруттық көлiкпен тасымалдау

      323. Маршруттық автокөлiкпен ұйымдастырылған балалар топтарының сапары кезiнде жоғарыда атап көрсетiлген қауiпсiздiк шараларымен қатар ерiп жүрушiлер бiрқатар қосымша талаптардың сақталуын қамтамасыз етедi:

      1) адамдарды тасымалдауға арналған тек арнайы маршруттық автобустарды, троллейбустарды, шағын автобустарды (маршруттық таксилердi) пайдаланады, адамдарды тасымалдауға рұқсат қағаздарды жоқ маршруттыққа кiрмейтiн жолай немесе жүргiзушiлерi мұндай тасымалдауға рұқсат алмаған көлiк құралдарын пайдаланбау;

      2) сапардың алдында балаларға оның маршрутын хабарлау, топ жүретiн көлiк құралдары маршруттарының нөмiрлерiн, егер жүру кезiнде қайта отырғызу жоспарланған болса аялдамалардың (автобус станцияларының) және соңғы пунктiнiң атауларын көрсету;

      3) балалармен ұялы телефондарының нөмiрлерiмен алмасу және негiзгi топтан қалып қойған оқушылардың iс-қимыл тәртiбiн белгiлеу;

      4) Жол жүру ережесiмен белгiленген жаяу жүргiншiлер мен жолаушылардың мiндеттерi, аялдамаларда (автобус станцияларында) автокөлiк құралдарын күту, отырғызу, өту және түсiру кезiнде қауiпсiздiк шаралары туралы ескерту;

      5) маршруттық автокөлiкке отырғызу алдында балалар одан түсетiн жолаушыларға кедергi жасамауын қамтамасыз ету;

      6) маршруттық көлiк құралына отырғызу кезiнде балалардың салонда қауiпсiз орналасуын, олардың қауiпсiздiк шаралары мен тәртiп ережелерiн сақтауын қамтамасыз ету;

      7) қалааралық маршруттық автобусқа багажы бар балаларды отырғызу алдында салонды бөгеуi мүмкiн ортақ және жеке iрi көлемдi, басқа да заттарды багаж бөлiмшесiне өткiзудi ұйымдастырады;

      8) балалар салоннан шыға алатын, сондай-ақ топты түсiру қажет аялдамаларға (автобус станцияларына) жақындағаны жөнiнде балаларға алдын ала ескерту;

      9) балалар салоннан шыққан аялдамалардан кейiн, сондай-ақ қайта отырғызу үшiн автокөлiк құралынан шыққаннан кейiн балалардың ешқайсысы қалып қоймағанына көз жеткiзе отырып, топтың құрамын тексеру.

13-тарау. Автобустардың, троллейбустардың, шағын автобустардың санитариялық жай-күйіне, сыртқы безендірілуіне және жабдықталуына қойылатын талаптар

      Ескерту. 13-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      324. Жолаушылар мен багажды автомобильмен тасымалдау кезінде пайдаланылатын автобустар мен шағын автобустар ұлттық стандарттарға сәйкес келуі тиіс, бұл ретте:

      1) қалалық және қала маңындағы тұрақты автомобильмен тасымалдау маршруттарында кемінде екі жолаушы есігі бар қалалық автобустарды (І класты), шағын автобустарды, сондай-ақ қала маңындағы автомобильмен тұрақты тасымалдау маршруттарында қалааралық автобустарды (ІІ класты) пайдалануға рұқсат етіледі;

      2) қалааралық облысаралық және халықаралық автомобильмен тұрақты тасымалдау маршруттарында қалааралық автобустар (ІІ класты) немесе алысқа жүретін автобустар (ІІІ класты) пайдаланылуы тиіс. Республикалық маңызы бар жолдар бойынша осы маршруттардың ұзақтығы 300 км-ге дейін болса, шағын автобустарды пайдалануға рұқсат етіледі;

      3) жолаушылар мен багажды автомобильмен тасымалдаудың маршруттарында қолданылатын автобустар мен шағын автобустар халықаралық және аймақаралық тасымалдауды жүзеге асыруда- диспетчерлік жүйеге автокөлік құралының ағымдағы орналасқан жері туралы нақты уақыт режимінде ақпарат бере отырып, спутниктік навигация аппаратурасымен жабдықталады.

      324-1. Жолаушылар мен багажды тұрақты және тұрақты емес тасымалдау осы Қағидалардың 324-тармағы 3) тармақшасының талаптары сақталған кезде жүзеге асырылады.

      325. Республикалық маңызы бар жолдар арқылы ұзақтығы 300 км астам қатынастарда жолаушылар мен багажды автомобильмен қалааралық және халықаралық тұрақты және тұрақты емес тасымалдау үшiн пайдаланылатын автобустар мен шағын автобустардың шалқаятын арқашалары бар жұмсақ орындықтары болуы тиiс.

      Осы талап маршруты ирелеңдері, бұрылыстардың кіші радиустары немесе паромдық өткелі бар таулы жерлерден өтетін ауданаралық (қалааралық облысішілік) тасымалдауға қолданылмайды.

      326. Маршруттың ұзақтығы 500 км асатын болса, оған бөлек орын ұсынумен автобус салонында ауыстырушы жүргізушінің болуы қажет.

      327. Таулы маршруттарда пайдаланылатын автобустар тұманға қарсы алдыңғы фаралармен және артқы жүрiстiң қосалқы фараларымен жабдықталуы тиiс, ал шиналар бұжыртабаны суретiнiң биiктiгi кемiнде 3,0 мм болуы тиiс.

      328. Автобустар, шағын автобустар, троллейбустар:

      1) дәрiлер мен медициналық құралдардың қажеттi жинағы бар медициналық қобдишамен (автокөлiктiк);

      2) авариялық аялдау белгiсiмен;

      3) ақаусыз өрт сөндiру құралдарымен;

      4) жол-көлiк оқиғасы жағдайында шыныларды сындыру және есіктерді, терезелерді, авариялық люктердi жедел ашудың тиiстi құрал-саймандарымен және оларға ақпараттық тақтайшалармен;

      5) дөңгелеуге қарсы құрылғылармен жинақталады.

      329. Жолаушылар мен багажды автомобильмен тасымалдау кезінде пайдаланылатын автобустарда, шағын автобустарда, троллейбустарда мыналар болуы тиіс:

      1) ешқандай кедергісіз ашылып, жабылатын жолаушылар салонының есіктері мен авариялық люктер. Есіктерде өткір немесе олардың бетінен алыс тұрған шығыңқы жерлер болмауы тиіс;

      2) жабық жай-күйде жүргізушінің кабинасы мен жолаушы салонына жауын-шашынның түсуін толық болдырмайтын төбе, авариялық люктер және терезелер;

      3) берік бекітілген тұтқалар және отырғыштар;

      4) жолаушыларға арналған креслолардың отырғыштары мен арқалықтарының таза және жыртықсыз тыстары;

      5) тегіс, шығыңқы жерлері немесе бекітілмеген бөлшектері жоқ баспалдақтары мен салонның едені.

      Салон еденінің жамылғысы жыртықсыз материалдан жасалуы тиіс;

      6) шаңнан, кірден, бояудан және олар арқылы көруді төмендететін өзге де заттардан тазартылған терезелердің мөлдір шынылары;

      7) жылдың суық мезгілінде жылытылатын және ыстық мезгілінде желдетілетін, құрал-сайман және қосалқы бөлшектер тиелмеген жолаушылар салоны.

      330. Жолаушылар мен багажды автомобильмен тұрақты тасымалдау кезiнде пайдаланылатын автобустардың, шағын автобустар мен троллейбустардың салондарын ылғалды жинау ауысымда кемiнде бiр рет және ластануына байланысты жуу және дезинфекциялау құралдарын қолдана отырып жүргізіледі.

      Сыртқы кузовты жуу ауысымнан кейін өткізіледі.

      331. Жолаушылар мен багажды автомобильмен қалааралық облысаралық және халықаралық тасымалдау маршруттарында пайдаланылатын автобустар мен шағын автобустардың багаж бөлiмшелерi автобус салонынан тыс болуы тиiс.

      332. Тахографтармен:

      1) жолаушылар мен багажды автомобильмен халықаралық тасымалдауды;

      2) жолаушылар мен багажды автомобильмен тұрақты қалааралық облысаралық тасымалдауды;

      3) жолаушылар мен багажды автомобильмен тұрақты емес қалааралық облысаралық, ауданаралық (қалааралық облысішілік) тасымалдауды жүзеге асыру кезiнде пайдаланылатын автобустар жабдықталуы тиiс.

      333. Автобустардың, шағын автобустардың және троллейбустардың салонында жүргiзушi кабинасының (орнының) жанында мыналарды қамтитын ақпарат орналасады:

      1) тасымалдаушының толық атауы;

      2) тасымалдаушының, тасымалдауды ұйымдастырушының байланыс телефондарының нөмiрлерi;

      3) ӘПК-нің, аумақтық көлiктiк бақылау және медициналық қызмет органдары телефондарының нөмiрлерi;

      4) маршрут схемасының көшiрмелерi;

      5) жол жүру құны туралы мәлiмет.

      Тұрақты маршруттар үшiн (қалалық маршруттарды қоспағанда) сапар қашықтығына байланысты жол жүру мен багажды алып жүру құнының кестесi ұсынылады;

      6) ақы төлемей жол жүргенi және/немесе багаж алып жүргенi үшiн айыппұлдың мөлшерi;

      7) жолаушылардың құқықтары мен мiндеттерi.

      Жолаушылар мен багажды автомобильмен қалалық (ауылдық) тұрақты тасымалдауда пайдаланылатын автобустар, шағын автобустар және троллейбустар дауыс зорайтқыш қондырғылармен, ал басқарудың автоматтандырылған жүйесi (бұдан әрi – БАЖ) жұмыс iстеген жағдайда желiдегi жұмысты бақылау құрылғысымен жабдықталуы тиіс.

      Жолаушылар мен багажды автомобильмен тұрақты емес тасымалдау үшiн осы тармақтың 4), 5) және 6) тармақшаларының қолданысы тарамайды.

      334. Жолаушылар мен багажды автомобильмен қалалық және қала маңындағы тұрақты тасымалдау кезiнде пайдаланылатын автобустардың, шағын автобустардың алдыңғы және артқы жақтарында маршрут нөмiрi көрсетiлген трафареттер қойылады.

      Маршруттың нөмiрi ашық сары түстi реңде шрифттiң биiктiгi кемінде 120 мм қара түспен ресімделеді. Жедел тасымалдауды жүзеге асырған жағдайда трафаретте маршрут нөмiрiнiң астында шрифттiң биiктiгi кемінде 60 мм қызыл түстi "Жедел" деген жазу ресімделеді.

      335. Жолаушылар мен багажды автомобильмен қалалық (ауылдық) тұрақты тасымалдауда пайдаланылатын автобустар, шағын автобустар және троллейбустардың оң жағында, салонның жолаушылар есiктерi бiрiнің жанында маршруттың нөмiрi мен мемлекеттiк және орыс тiлдерiндегi қысқа сипаттамасы (аралық және соңғы аялдамалардың, маршрут өтетiн негiзгi көшелердiң, қоғамдық мәнi бар орындардың атауы) бар трафарет орнатылады.

      336. Қалааралық облысаралық және халықаралық маршруттардағы автобустар мен шағын автобустарда жол жүрудiң бастапқы, соңғы және iрi аралық пункттерi көрсетiлген алдыңғы және бүйiрлiк (оң жағында) трафареттерi мемлекеттiк және орыс тiлдерiнде, ал қажет болған жағдайда басқа тiлдерде ресiмделедi.

      337. Алдыңғы және артқы трафареттерде тәулiктiң қараңғы мезгiлiнде жарықтандыру болады.

      338. Жолаушылар мен багажды тапсырыс берiлген автобустармен, шағын автобустармен және жеңiл автомобильдермен тасымалдау кезiнде пайдаланылатын автокөлiк құралдарының алдыңғы және артқы жақтарында "Тапсырыспен" деген жазуы бар трафареттер орнатылады.

      Жазу шрифт биiктiгi кемiнде 120 мм қара түспен ресімделеді және тiк төртбұрышты қоршамаға салынады.

      339. Жолаушылар мен багажды автомобильмен тұрақты тасымалдауда пайдаланылатын автобустар және троллейбустар салонының алдыңғы жағында мүгедектігі бар адамдарға, зейнеткерлерге, жүкті әйелдерге және мектеп жасына дейінгі балалары бар жолаушыларға арналған орындар көзделеді. Көрсетілген орындардың жанына олардың пайдаланылу мақсатын көрсететін ақпараттық тақта орнатылады.

      340. Такси төбесiнде орналасқан және 500 метрге дейiнгi қашықтықтан жақсы ажыратылатын айырым белгiлерімен жабдықталады. Айырым белгiде "Т" (такси) деген жазу және/немесе өзіне тән шашкалық белдеуi болуы және тәулiктiң қараңғы мезгiлiнде жарықтандырылуы тиiс.

      341. Такси кузовтың түсін тасымалдаушы өзі анықтайтын сыртынан жеңіл автомобиль барлық бүйір жағынан, биіктігі 10 сантиметрден кем емес және 14 сантиметрден көп емес шахматтық тәртіпте орналасқан қара және (немесе) сары шаршылардан тұратын белдеу салуды қарастыратын бірыңғай түстік гаммада ресімделеді.

      343. Таксидің салонында жолаушылар көретіндей жерде жүргізушінің фотосуреті бар, тегі, аты, әкесінің аты (егер болған жағдайда) көрсетілген визит карточкасы, тасымалдаушының ресми атауы, оның мекенжайы және телефон нөмірі көрсетілген ақпараттық тақта орнатылады.

14-тарау. Автовокзалдарға, автостанцияларға, жолаушыларға қызмет көрсету пункттеріне қойылатын талаптар, сондай-ақ олардың жұмыс істеу тәртібі

      Ескерту. 14-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-параграф. Жалпы ережелер

      344. Облыстардың (республикалық маңызы бар қаланың, астананың) жергілікті атқарушы органдары автовокзалдар, автостанциялар және жолаушыларға қызмет көрсету пункттері қызметін бастау немесе тоқтату туралы хабарламаны қабылдауды жүзеге асырады.

      Заңды немесе жеке тұлғалар автовокзалдар, автостанциялар және жолаушыларға қызмет көрсету пункттері қызметін бастау немесе тоқтату туралы хабарламаны электрондық немесе қағаз нысанда "Хабарламалар нысандарын және Мемлекеттік органдардың хабарламаларды қабылдау қағидаларын бекіту туралы, сондай-ақ хабарламаларды қабылдауды жүзеге асыратын мемлекеттік органдарды айқындау туралы" Қазақстан Республикасы Ұлттық экономика министрінің 2015 жылғы 6 қаңтардағы № 4 бұйрығына (Нормативтік құқықтық актілерді мемлекеттік тіркеу тізілімінде № 10194 болып тіркелген) сәйкес береді.

      345. Автовокзалдардың, автостанциялардың және жолаушыларға қызмет көрсету пункттерінің жұмыс режимi жолаушылар мен багажды автомобильмен тұрақты тасымалдауды жүзеге асыратын тасымалдаушылармен шарттық қатынастарды ескере отырып, облыстың (республикалық маңызы бар қаланың, астананың) жергiлiктi атқарушы органдарының келiсiмi бойынша айқындалады.

      346. Автовокзалдар кемінде бес мың шаршы метр аумақта орналасады.

      347. Автостанциялар кемінде екі жарым мың шаршы метр аумақта орналасады.

      348. Автовокзалдар мен автостанциялар мынадай негiзгi функцияларды орындайды:

      1) жол жүру құжаттарын (билеттердi) сатуды ұйымдастыру;

      2) маршруттар бойынша автобустардың, шағын автобустардың қозғалыс кестесiн сақтауын ұйымдастыру;

      3) жолаушылардың қауiпсiз мiнуi мен түсуiн, багажды тиеу мен түсiрудi ұйымдастыру;

      4) егер тасымалдаушылардың осы функцияларды орындауы мүмкiн болмаса, жолаушыларды тасымалдау қауiпсiздiгiн сақтау, жүргiзушiлердi рейс алдында және рейстен кейінгі медициналық куәландыруды және автобустардың, шағын автобустардың техникалық жай-күйiн бақылауды жүргiзу бойынша шараларды қамтамасыз ету;

      5) жолаушыларды ақпараттық қамтамасыз ету;

      6) багаж бен қол жүгiн сақтауды ұйымдастыру;

      7) жолаушыларды сапардың басталуын күту үшiн жағдаймен қамтамасыз ету;

      8) қолданылып жүрген маршрут желiсiндегi автовокзалдарды (автостанцияларды) автобустардағы (шағын автобустардағы) бос немесе босайтын орындардың бар екені туралы, сондай-ақ қозғалыс кестесiндегi өзгерiстер немесе автобустардың кестеден озу (кейiн қалу) уақыты, кестеде көзделмеген қосымша рейстердi алып тастау немесе енгiзу, қосымша автобустарды жiберу туралы хабардар ету;

      9) жолаушылар мен багажды автомобильмен тұрақты тасымалдауды жүзеге асыратын тасымалдаушылардың қызмет көрсету тәртiбi және қозғалыс кестелерiн (графиктерiн) бұзулары туралы, сондай-ақ осы Қағидаларға 13-қосымшаға сәйкес нысан бойынша тұрақты халықаралық, облысаралық маршруттар бойынша рейстерді орындау туралы анықтамаға сәйкес жөнелтілген қосымша рейстердің саны туралы ақпаратты маршруттар бойынша талдауды жүргізу үшін маршруттарды ұйымдастырушыларға (рұқсат құжаттарын немесе куәлікті берген) ай сайын, келесi айдың 5-күнiнен кешiктiрмей хабардар ету.

      349. Жолаушыларға қызмет көрсету пункттерінің әкімшілігі мынадай негізгі функцияларды атқарады:

      1) жол жүру құжаттарын (билеттерін) сатуды ұйымдастыру;

      2) жолаушыларды қауіпсіз отырғызуды және түсіруді, багажды тиеу мен түсіруді ұйымдастыру;

      3) жолаушыларды ақпараттық қамтамасыз ету;

      4) жолаушыларға жол жүрудің басталуын күту үшін жағдайларды қамтамасыз ету.

      350. Автовокзалдар мен автостанциялардың өз құрамында:

      1) ақпараттық қамтамасыз ету;

      2) автобустар мен шағын автобустар тұратын алаң;

      3) жолаушыларға арналған күту залы (залдары);

      4) жол жүру құжаттарын (билеттерiн), оның iшiнде алдын ала сатуға арналған касса (кассалар);

      5) багажды сақтау камерасы (камералары);

      6) диспетчерлiк пункттер;

      7) персонал мен жолаушылар үшін санитариялық-тұрмыстық үй-жайлар;

      8) жүргiзушiлер демалатын қызметтiк үй-жайлар бар.

      Автовокзалдар үшін қосымша талаптар:

      1) анықтама бюросы;

      2) қоғамдық тамақтану пунктi;

      3) ана мен бала бөлмесi;

      4) автобустар мен шағын автобустарды тексеруге арналған бекеттер;

      5) қоғамдық тәртiптi қорғау пунктi;

      6) медициналық көмек пунктi және дәрiхана дүңгiршегi;

      7) Интернет желісіне сымсыз қол жеткізу нүктелері;

      8) жолаушыларды отырғызу және түсiру пункттерiнде, жолаушыларға арналған күту залында, автобустар мен шағын автобустардың тұрағына арналған алаңдарда бейнебақылау;

      9) діни рәсімдер жасау үшін бөлме болады.

      Автовокзалдар үшін қосымша талаптар Қазақстан Республикасы Индустрия және инфрақұрылымдық даму министрінің міндетін атқарушының 2022 жылғы 18 сәуірдегі № 213 бұйрығымен бекітілген (Нормативтік құқықтық актілердің мемлекеттік тіркеу тізілімінде № 27649 болып тіркелген) Жете тексеру жүргізілетін көлік инфрақұрылымы объектілерінің тізбесінде көрсетілген:

      1) стационарлық металл тапқыш (металл детекторлар);

      2) портативтік (қол) аспаптар;

      3) рентген-телевизиялық қондырғы;

      4) жарылғыш, есірткі және қауіпті химиялық заттарды табуға арналған аппаратура.

      351. Автовокзалдар мен автостанцияларда:

      1) ғимараттарды, ғимаратқа кірер жолдарды, баспалдақтарды, ғимарат ішіндегі қозғалу жолдарын мүгедектігі бар адамдарға арналған кресло-арбалармен жүріп-тұратын адамдардың қозғалуы үшін ыңғайластыру;

      2) есту мен көру қабілеті бойынша мүгедектігі бар адамдарға арналған қолжетімді ақпараттық сигнал беру құрылғыларымен және байланыс құралдарымен жабдықтау;

      3) тірек-қозғалыс аппараты бұзылған мүгедектігі бар адамдарға және халықтың баяу қимылдайтын басқа да топтарына қызмет көрсету үшін мүгедектерге арналған кезекші кресло-арбаның болуы;

      4) жалпы күту залдарында мүгедектерге арналған кресло-арбалармен жүріп-тұратын адамдар үшін орындар жабдықталу;

      5) қоғамдық дәретханаларды мүгедектігі бар адамдарға арналған кресло-арбалармен жүріп-тұратын адамдарға арналған кабиналармен жабдықтау;

      6) мүгедектігі бар адамдарға арналған кресло-арбалармен жүріп-тұратын адамдарға қызмет көрсету үшін арнайы бейімделген билет кассаларымен жабдықтау;

      7) мүгедектігі бар адамдарға арналған кресло-арбалармен жүріп-тұратын адамдар үшін мамандандырылған таксофондар (телефондар) орнату;

      8) өзге автокөлік құралдары қойылмайтын мүгедектігі бар адамдардың автокөлік құралдарын қоюға арналған арнайы жол белгілері орнатылған тегін тұрақ орындарын бөлу қамтамасыз етіледі.

      Тұрақ орындарының саны:

      онға дейін қоса алғанда болса – мүгедектігі бар адамның арнайы автокөлік құралын қою үшін бір орын;

      оннан астам болса мүгедектігі бар адамның арнайы автокөлік құралын қою үшін тұрақ орындарының жалпы санының кемінде он пайызы бөлінеді.

      Тұрақ орындарының саны 0,5-тен бастап және жоғары бөлшек мәнді құраса, мұндай мән бүтін бірліктерге дейін дөңгелетіледі.

      351-1. Жолаушыларға қызмет көрсету пункттерінде осы Келісімнің 351-тармағының 2) тармақшасы талабы қамтамасыз етіледі.

      351-2. Автовокзалдар мен автостанцияларда эпидемиялық маңызы бар объектілерді пайдалану "Халық денсаулығы және денсаулық сақтау жүйесі туралы" 2020 жылғы 7 шілдедегі Қазақстан Республикасы Кодексінің 19, 20 және 24-баптарына сәйкес санитарлық-эпидемиологиялық қорытындысы болғанда немесе қызметті бастау туралы хабарлама бергенде рұқсат етіледі.

      352. Жолаушыларға қызмет көрсету пункттерінің құрамында:

      1) жолаушыларды қауіпсіз отырғызу мен түсіру, багажды тиеу мен түсіруге арналған алаң;

      2) автобустарды қоюға арналған алаң;

      3) жол жүру құжаттарын (билеттерін) және багаж түбіртектерін сатуға арналған орын;

      4) жолаушыларды әртүрлі ауа райы жағдайларынан қорғауға арналған ғимарат бар.

      353. Сақтау камерасының жұмысын ұйымдастыру кезiнде мынадай талаптар сақталады:

      1) автоматты емес сақтау камерасына багажды тапсыруға және алуға кететiн уақыт шығыны барынша төмен болуы тиiс;

      2) сақтауға тапсырылған багаждың сақталуын, сақтау камерасы үй-жайының құрғақ және таза күйде күтiп ұсталуын, жеткiлiктi табиғи немесе жасанды ауа тарту желдеткiшi болса, онда тұрақты бөлме температурасын ұстап тұруды қамтамасыз етуi тиiс;

      3) ол арқылы багажды қабылдау және беру жүзеге асырылатын автоматты емес сақтау камерасы, операциялық терезесiнiң төменгi жағы еденнен 70 см биiк емес, терезенiң сыртқы жағынан багажды тапсыруға дайындау үшiн үстел қойылып орналасуы тиiс;

      4) операциялық терезенiң жанында сақтау камерасының жұмыс режимi, багажды сақтауға қабылдау тәртiбi мен шарттары, сақтау мерзiмдерi мен құны бар тақтайша iлiнедi;

      5) багаж жол жүру құжаттарының болуына қарамастан сақтауға қабылданады.

      354. Автовокзалдарда жолаушылар мен багажды автомобильмен қалааралық облысаралық тұрақты тасымалдау бағыттарында жұмыс iстейтiн автобустардың, шағын автобустардың жүргiзушiлерiне еңбек және демалыс режимiнiң шарттары бойынша оларға тұрақты тұратын жерiнен басқа жерде демалуға тура келген жағдайда, демалуға (ұйқыға) арналған арнайы жабдықталған үй-жайлар берiледі.

      355. Жүргiзушiлердiң демалыс бөлмелерiнде суық және ыстық суы бар душ бөлмесi, күндiзгi уақытта демалысты қамтамасыз етуге арналған қараңғылаушы перделер болуы тиiс. Бөлмелерде жүргiзушiлердегi құнды заттарды, сатылған билеттердiң ақшасын, сондай-ақ жол жүру құжаттарының (билеттердiң) бланкiлерi мен багаж түбiртектерiн сақтау мүмкiндiгi қамтамасыз етiлуi тиiс.

      356. Автовокзалдарда 5 жасқа дейінгі баласы бар жолаушыларға, жүкті әйелдерге және кресло-арба пайдаланатын мүгедектігі бар адамдарға қызмет көрсетуге арналған ана мен бала бөлмесінің жұмысы ұйымдастырылады. Үй-жайлардың көлемі мен құрамы, сондай-ақ қызмет көрсететін персоналдың саны автовокзал жұмысының көлеміне сәйкес келуі тиіс.

      357. Жолаушылар ағыны тәулiгiне 1000 адамнан артық автовокзалдарда ана мен балаға арналған бөлменiң құрамына:

      1) балалардың және оларды алып жүретiн ересектердiң демалуға арналған кереуеттерi, балаларды құндақтауға арналған орны, киiмдер мен заттарды сақтауға арналған шкафы бар бөлмесi;

      2) тоңазытқышы мен электр шәйнегi бар тамақ дайындауға және қабылдауға арналған бөлмесi;

      3) қолжуғышы және жинау керек-жарағын сақтауға арналған орны, қолға арналған электр кептiргiшi немесе бiр реттiк сүлгiсi және бала киiмiн кептiруге арналған шкафы бар дәретхана бөлмесi кiредi.

      358. Ана мен балаға арналған бөлмеге балалы жолаушылар мен жүктi әйелдер қысқа уақытқа да – тамақтандыру, қайта құндақтау, автобустың жөнелтiлуiн күту үшiн қысқа демалыс үшiн де, сондай-ақ ұйықтау үшiн төсектердi пайдалана отырып қабылданады.

      359. Балалы жолаушылар мен жүктi әйелдерге жол жүру құжаттарын (билеттердi) ана мен бала бөлмесiнің кезекшiсі арқылы, осы қызметтер үшiн ақы төлемей сатып алу мүмкiндiгi берiледi.

      360. Автовокзалдар, автостанциялар және жолаушыларға қызмет көрсету пункттері жолаушылар мен багажды автомобильмен халықаралық, қалааралық облысаралық, ауданаралық, ауданiшiлiк және қала маңындағы тұрақты тасымалдауды жүзеге асыратын тасымалдаушыларға, тасымалдаушылар мен автовокзалдардың, автостанциялардың және жолаушыларға қызмет көрсету пункттерінің әкiмшiлiгi арасында "Автомобиль көлігі туралы" Қазақстан Республикасының Заңының 21-бабының 4) тармағына сәйкес жасалатын шарттардың негiзiнде қызмет көрсетедi.

      Жолаушылар мен багажды автомобильмен тұрақты тасымалдауды жүзеге асыратын тасымалдаушыларға қызмет көрсету, олар тиiстi маршрутта жұмыс iстеуге арналған рұқсатты және куәлікті, маршрут бойынша қозғалыс схемасын және ол бойынша қозғалыс кестесін, жолаушылар мен багажды тасымалдауға тарифтерді, ағымдағы кезеңіне жарамды техникалық байқаудың диагностикалық карталарын, автокөлік құралдары иелерінің азаматтық-құқықтық жауапкершілігін міндетті сақтандыру шарттарын, тасымалдаушының жолаушылар алдындағы азаматтық-құқықтық жауапкершілігін міндетті сақтандыру шарттарын ұсынған кезде ғана рұқсат етiледi.

      Автовокзалдар, автостанциялар және жолаушыларға қызмет көрсету пункттері осы Қағидаларға сәйкес аталған қызмет түрiне жіберілген жолаушылар мен багажды тасымалдаушылармен шарттар жасасады.

      Шарт тасымалдаушылар автовокзалға, автостанцияға және жолаушыларға қызмет көрсету пунктіне осы тармақтың үшінші бөлігінде көрсетілген рұқсат құжаттарын берген күннен бастап он күнтізбелік күн ішінде рұқсат құжаттардың қолданыста болатын уақыт аралығына жасалады.

      361. Тасымалдаушыдан рұқсат құжаттарын кері қайтарып алу автовокзалдармен, автостанциялармен және жолаушыларға қызмет көрсету пункттерімен шартты бұзу үшiн негiз болып табылады.

      362. Автовокзалдар мен автостанциялар белгiлi бiр тұрақты маршруттарда тасымалдау көлемi артқан жағдайда, аталған маршруттың адынғы уақыты бойынша қызмет көрсеткен тасымалдаушының қосымша автобустары мен шағын автобустарының шығуын ұйымдастырады.

      Осы тасымалдаушы жазбаша бас тартқан жағдайда автовокзалдың немесе автостанцияның әкімшілігі мынадай критерийлер бойынша басқа тасымалдаушылардың автобустарын, шағын автобустарын тартады:

      1) тұрақты жолаушылар автобус маршруттарында жұмыс істейтін;

      2) осы маршрутқа қызмет көрсететін тасымалдаушының автобустары мен шағын автобустарының класынан төмен емес автобустар мен шағын автобустары бар.

      Басқа тасымалдаушылардың қосымша автобустары мен шағын автобустарын жөнелту кезінде жол парағында қосымша рейсті орындау туралы автовокзалдың немесе автостанцияның мөрімен бекітілген белгі қосымша рейсті орындауға арналған рұқсат болып табылады.

      Тасымалдау көлемi мерзімді (маусымдық, кешкi және басқалар) артқан жағдайларда автовокзалдар, автостанциялар және жолаушыларға қызмет көрсету пункттері мен тасымалдаушылар облыстың жергiлiктi атқарушы органдарына тұрақты маршруттарды ұйымдастыру туралы ұсыныстар енгiзедi.

      363. Автовокзалдар мен автостанциялардың үй-жайларын ылғалды жинау күнiне кемiнде екi рет және ластануына байланысты жуу және дезинфекциялау құралдарын қолдана отырып жүргiзiледi.

      364. Жолаушыларға қызмет көрсету пункттерінің үй-жайларын ылғалды жинау тәулігіне кемінде бір рет және ластануына байланысты жуу және дезинфекциялау құралдарын қолдана отырып жүргізіледі.

      365. Автовокзалдары, автостанциялары және жолаушыларға қызмет көрсету пункттері жоқ, тұрғындарының саны 50 адамнан аз шаруа қоныстарында және өзге де елді мекендерде халықаралық, облысаралық, облысiшiлiк және қала маңы қатынастарға жолаушылар мен багажды тұрақты маршруттарда тасымалдау бойынша жол жүруге жол жүру құжаттары (билеттер) мен багаж түбiртектерiн сататын кассалық пункттердi ашуға рұқсат етiледi.

      366. Автовокзалдар, автостанциялар және жолаушыларға қызмет көрсету пункттері жергілікті атқарушы органның шешімі бойынша өз қызметін тоқтатады:

      олар осы Қағидалардың 350, 351 және 352-тармақтарының талаптарына сәйкес келмеген кезде;

      осы Қағидалардың 348 және 349-тармақтарында көзделген негізгі функцияларды тиісінше орындамаған кезде;

      олардың қызметтері ҚР СТ 2271-2020 "Автовокзалдар, автостанциялар және жолаушыларға қызмет көрсету пункттерінің қызметтері" ұлттық стандарттың талаптарына сәйкес келмеген кезде.

2-параграф. Жолаушыларды ақпараттық қамтамасыз ету

      367. Автовокзалдарда, автостанцияларда және жолаушыларға қызмет көрсету пункттерінде жолаушыларға автобустардың қозғалысы, жол жүру мен багажды алып жүру шарттары және көрсетiлетiн қызметтер мәселелерi жөнiндегi анық, толық және уақтылы ақпаратпен қамтамасыз етуге арналған анықтамалық-ақпараттық қызметтiң жұмысы ұйымдастырылады.

      368. Жолаушыларды ақпараттық қамтамасыз ету көрiнетiн анықтаманың, дауыстап айту байланысының және ауызша анықтаманың көмегiмен жүзеге асырылады.

      369. Көрiнетiн ақпарат:

      1) тәулiктiң кез келген уақытында жақсы көрiнуi;

      2) барынша анық және толық болады.

      Бұл ретте егер автовокзал, автостанция, жолаушыларға қызмет көрсету пункті немесе кассалық пункт тәулiк бойы жұмыс iстемесе, сыртында мынадай ақпарат орналастырылады:

      1) осы автовокзал, автостанция, кассалық пункт арқылы өтетiн маршруттар бойынша автобустардың, шағын автобустардың қозғалыс кестесi;

      2) автовокзалдың, автостанцияның, жолаушыларға қызмет көрсету пунктінің, кассалық пункттiң жұмыс уақыты.

      370. Автобустардың қозғалыс кестесiнде мынадай мәлiметтер болады:

      1) маршруттың нөмiрi;

      2) маршруттардың атауы;

      3) автобустың, шағын автобустың жөнелтiлу уақыты;

      4) соңғы пунктке келу уақыты;

      5) осы автовокзалға, автостанцияға, жолаушыларға қызмет көрсету пунктіне келу уақыты және тұру уақыты (транзиттiк рейстер үшiн).

      371. Кассалардың көрiнетiн ақпаратында мыналар болады:

      1) кассаның нөмiрi;

      2) кассаның мамандануы;

      3) жұмыс режимi;

      4) билеттi кезектен тыс сатып алатын жолаушылар санаттарының тiзбесi;

      5) жолаушылардың жеке санаттарының жеңiлдетiлген жол жүру шарттары;

      6) кассирдiң тегi.

      372. Жолаушыларды дауыс зорайтқыш байланысының көмегiмен ақпараттандыру автовокзалдың, автостанцияның хабарлау желiсi арқылы ұйымдастырылады.

      373. Дауыс зорайтқыш байланысының көмегiмен берiлетiн ақпараттың мiндеттi тiзбесi өзiне мынадай ақпаратты қамтиды:

      1) автобустардың, шағын автобустардың келу уақыты;

      2) автобусқа мiнудiң басталатын уақыты (жөнелтуге дейiн 15 минут бұрын) және автобустың жөнелтiлетiн уақыты (жөнелтуге дейiн 5 минут бұрын);

      3) қосымша рейстердi енгiзу және оларға жол жүру құжаттарын (билеттерiн) сату;

      4) транзитпен жүретiн автобустардың, шағын автобустардың тұратын уақытының қысқартылуы (ұлғайтылуы) туралы;

      5) багажды қабылдау, сақтау және беру тәртiбi;

      6) жолаушыларға ұсынылатын негiзгi қызметтердiң тiзбесi.

      Жолаушыларға көрсетiлетiн негiзгi қызметтердiң тiзбесi туралы ақпарат автобустардың келуi мен жөнелтiлуi туралы хабарландырулардың арасындағы аралықтарда берiледi. Әрбiр хабарландыру мемлекеттiк және орыс тiлдерiнде қайталанады.

      374. Жолаушыларға ауызша анықтамалардың берiлуiн анықтама бюросының ақпаратшысы жүзеге асырады. Анықтама бюросы:

      1) жұмыс уақыты мен ақпарат берушiнiң тегi көрсетiлген, мемлекеттiк және орыс тiлдерiндегi, айқын көрiнетiн "Анықтама бюросы" деген маңдайша жазумен;

      2) автобустардың осы автовокзалдан (автостанциядан) жөнелтiлу, соңғы пунктке келу уақыты және барлық автобустардың, шағын автобустардың осы автовокзалға (автостанцияға) келу уақыты көрсетiлген автобустардың, шағын автобустардың қозғалыс кестесiмен;

      3) осы автовокзалдың (автостанцияның) тура автобус қатынасы бар басқа облыстардың автовокзалдары мен автостанциялары бойынша автобустардың қозғалыс кестелерiмен;

      4) осы автовокзал (автостанция) қызмет көрсететiн барлық маршруттар бойынша жол жүру мен багажды алып жүру құнының кестесiмен қамтамасыз етіледі.

      375. Автовокзал мен автостанция ұсынатын ақпараттың міндетті тізбесі мыналарды қамтиды:

      1) осы автовокзал (автостанция) бойынша автобустардың, шағын автобустардың жөнелтiлу және келу уақытын;

      2) осы автовокзалдан жөнелтiлетiн барлық автобустардың, шағын автобустардың маршруттың барлық аялдау пункттерiне келу және тұру уақытын (автовокзал үшiн ғана);

      3) кесте бойынша рейске жөнелтiлетiн автобустардың, шағын автобустардың үлгiлерi мен маркаларын;

      4) облыс маршруттары бойынша, сондай-ақ осы автовокзалмен тура автобус қатынасы бар басқа облыстардың автовокзалдары мен автостанцияларының маршруттары бойынша автобустардың, шағын автобустардың қозғалыс кестесiн;

      5) жол жүру және багажды алып жүру құнын;

      6) жол жүру құжаттарын (билеттерiн) басқа рейске қайта ресiмдеу тәртібін, сондай-ақ сапар iске аспаған жағдайларда жол жүру мен багажды алып жүру құнын қайтару тәртiбiн;

      376. Қалааралық облысаралық және халықаралық қатынастарда автобустың немесе шағын автобустың бастапқы жөнелтілуі алдында жолаушылар салонда ауызша немесе дыбыс немесе бейнежазба арқылы мемлекеттік және орыс тілдерінде:

      1) тасымалдаушы;

      2) маршруттың атауы;

      3) сапардың километрдегі ұзақтығы;

      4) жолда жүру уақыты;

      5) аралық аялдамалар;

      6) автобустың немесе шағын автобустың қозғалысы кезіндегі шектеулер;

      7) шұғыл жағдайлар кезіндегі жүріс-тұрыс туралы;

      8) қосымша сервис туралы хабардар етілуі тиіс.

3-параграф. Автобустардың қозғалысына диспетчерлiк басшылық ету

      377. Диспетчерлiк басшылық ету қозғалысты басқару, кестенiң сақталуын үздiксiз бақылау және маршруттар бойынша автобустардың, шағын автобустардың және троллейбустардың үздiксiз және тұрақты қозғалысын қамтамасыз ету үшiн жедел реттеу, сондай-ақ технологиялық процестегi көлiктiң барлық түрлерiмен жолаушылар тасымалдауды үйлестiру болып табылады.

      378. Диспетчерлiк басшылық етудi диспетчерлiк қызметтер жүзеге асырады.

      379. Диспетчерлік қызметтің негізгі функциялары:

      1) автобустардың, шағын автобустардың жөнелтілуін және автовокзалға (автостанцияға) уақтылы келуін қадағалау;

      2) маршруттар бойынша автобустардың, шағын автобустардың қозғалысын қадағалау және реттеу;

      3) тасымалдаушыларды, жолаушыларды және басқа автовокзалдардың диспетчерлік қызметтерін маршрут бойынша жүрудің күрделілігіне, соның ішінде ауа райы-климаттық немесе жолдағы басқа жағдайларға байланысты қозғалысты шектеулер немесе тыйым салулар туралы хабардар ету;

      4) маршруттағы, соның ішінде ауа райы-климаттық немесе жолдағы басқа жағдайларға байланысты қозғалыстың ерекшеліктері туралы жүргізушілерге нұсқау беру;

      5) маршрут бойынша ауа райы-климаттық немесе жолдағы басқа жағдайларға байланысты қозғалысты шектеулер немесе тыйым салулар кезінде жолаушыларды орналастыру;

      6) жол органдарын, ӘПК-ні, төтенше жағдайлар жөніндегі органдарды маршрут бойынша жүрудің күрделілігі, оның ішінде ауа райы-климаттық немесе жолдағы басқа жағдайларға байланысты қозғалыстың шектеулері немесе мүмкін еместігі және осыған байланысты автобустар мен шағын автобустардың уақтылы келмеуі туралы хабардар ету;

      7) жолаушыларды отырғызу және багажды тиеу үшін автобустардың, шағын автобустардың кестеде белгіленген уақытта және тиісті санитарлық жай-күйде уақтылы берілуін қадағалау;

      8) жүргізушілердің рейс алдындағы және рейстен кейінгі медициналық куәландырудан және автобустардың, шағын автобустардың рейс алдындағы техникалық тексеруден өтуін қадағалау (автовокзалдың, автостанцияның немесе тасымалдаушының тиісті қызметтерінің оларды өткізгені туралы құжаттық растаудың болуы;

      9) басқа автовокзалдардың, автостанциялардың диспетчерлік қызметтерін автобустарда, шағын автобустарда бос немесе босаған орындардың болуы туралы, сондай-ақ қозғалыс кестесіндегі өзгерістер немесе автобустар мен шағын автобустардың кестеден озып кету (қалып қою уақыты), қосымша рейстерді алып тастау немесе кестеде көзделмеген рейстер енгізу, қосымша автобустың жөнелтілуі туралы хабардар ету;

      10) автобустардың немесе шағын автобустардың жөнелтілу уақыты туралы белгісі бар автовокзалдың және автостанцияның мөрімен бектілген жол құжаттамасын ресімдеу, сондай-ақ диспетчерлік журнал жүргізу;

      11) халықаралық қатынаста жүргізушіге автовокзал мен автостанцияның мөрімен бекітілген жолаушылар тізімін беру;

      12) жүргізушілерде нақты маршрут бойынша жолаушыларды тасымалдауды жүзеге асыруға арналған рұқсат құжаттарының (куәліктің, маршрут схемасының, жол қағазының) болуын қадағалау;

      13) жолдама парағына Көлік құжаттарын басқарудың бірыңғай жүйесінде осы Қағидалардың 200-тармағының екінші бөлігімен көзделген талаптарды сақтау туралы белгі енгізу.

      380. Автобустардың, шағын автобустардың қозғалысы кестеден ауытқыған жағдайларда олардың қозғалысын жедел реттеу жүзеге асырылады. Жедел реттеу өзіне мынадай iс-қимылдарды қамтиды:

      1) автобус, шағын автобус кешiккен кезде:

      кешiккен автобустың, шағын автобустың тұру уақыты, кесте бойынша тұру уақытының үштен бiр бөлiгiнен асырылмай қысқартылады (бес минутқа дейiн тұру қысқартылмайды). Автобустың жолаушылары тұру уақытының қысқартылғаны туралы ескертiледі;

      автобус, шағын автобус маршруттың соңғы пунктiне едәуiр кешiккен кезде оның нәтижесiнде жолаушыларды уақтылы жеткiзудi және автобусты, шағын автобусты керi рейске жөнелтудi қамтамасыз ету мүмкiн болмаса, ол резервтегi автобуспен, шағын автобуспен ауыстырылады;

      егер автобустың, шағын автобустың кешiгуi осы маршруттағы қозғалыстың кестеде белгiленген ұзақтығының кемінде он-он бес пайызын құраған жағдайларда қозғалыс жылдамдығы ұлғайтылады, бiрақ жол қозғалысы ережелерiнде және маршрут жөнiндегi тиiстi жол белгiлерiнде белгiленген жылдамдықтан артық емес. Бұл ретте жылдамдықтың ұлғаюы қозғалыс қауiпсiздiгiн төмендетпеуi тиiс және таулы санына жатқызылатын маршруттарда және ауа райы-климаттық немесе жолдағы басқа жағдайларға байланысты маршрут бойынша қозғалыс күрделiленген жағдайларда рұқсат етiлмейдi;

      2) автобус, шағын автобус графиктен озған кезде, кестеде көрсетiлген жөнелту уақытына дейiн автовокзалда (автостанцияда) кiдiртедi;

      3) рейс бұзылған кезде:

      келмеген автобус, шағын автобус тасымалдаушының резервтегi автобусына ауыстырылады;

      салондағы барлық жолаушыларды орындармен қамтамасыз ету шартымен бiрдей маршруттың екi рейсi бiр рейске бiрiктiрiледi;

      бiрдей маршруттың автобусы, шағын автобусы ерте графикке (келмеген немесе техникалық ақаулық бойынша маршруттан шыққан), кейiннен резервтегi автобусты, шағын автобусты енгiзу арқылы оның рейсаралық тұру уақытын қысқарту есебiнен ауыстыру.

      381. Автобус, шағын автобустың жөнелтілуі жиырма минуттан артық кешiгетiн болса, диспетчер бұл туралы жүру маршруты бойынша келесi диспетчерлiк пунктке, ал автобус, шағын автобус болмайтын болса, маршруттың барлық пункттерi бойынша хабарлауы тиiс.

      Диспетчер маршруттың соңғы және аралық пункттерiне рейстiң алынып тасталғаны, кестеде көзделмеген автобус пен шағын автобустың жөнелтiлгенi туралы немесе жөнелтудiң нақты уақытын және болжанып отырған келу уақытын көрсете отырып, алда қосымша рейстiң жiберiлетiнi туралы хабарлайды.

      382. Автобус пен шағын автобус рейске жөнелтiлген кезде диспетчер жүргiзушiнiң рейс алдындағы және рейстен кейінгі медициналық куәландырудан өтуiн, сондай-ақ автобус пен шағын автобустың рейс алдындағы техникалық тексеруден өтуiн (автовокзалдың, автостанцияның немесе тасымалдаушының тиiстi қызметтерiнiң оларды өткiзгенi туралы құжаттық растаудың болуы) бақылайды, ол туралы жол парағында тиiстi белгi жасалады.

      383. Рейс алдындағы (ауысым алдындағы) техникалық тексеруден өтпеген автобустар, шағын автобустар, сондай-ақ рейс алдындағы және рейстен кейінгі медициналық куәландырудан өтпеген немесе Жүргiзушiлердiң еңбегi мен тынығуын ұйымдастыру қағидаларымен белгiленген еңбек және демалыс режимiн сақтамаған жүргiзушілер рейске жiберілмейді.

      384. Маршрутта күрделi метеорологиялық жағдай қалыптасқан кезеңде автобус пен шағын автобус кесте бойынша келмеген жағдайда, диспетчер автобустың, шағын автобустың кiдiру себептерiн анықтау бойынша шаралар қабылдайды және бұл туралы автобус пен шағын автобусқа техникалық көмек көрсету және жолаушыларды межелі пунктiне жеткiзу үшiн диспетчерлiк қызметтiң орталық пунктi мен осы маршрутқа қызмет көрсететiн тасымалдаушыға хабарлайды.

      385. Уағдаластық бойынша автостанциялар мен автовокзалдардың, тасымалдаушылардың диспетчерлік қызметтері автобустар мен шағын автобустар қозғалысының процесі бойынша нақты режимде байланыс арналары арқылы диспетчерлік жүйенің операторларынан ақпарат алады.

4-параграф. Диспетчерлiк пункттердiң жұмысын ұйымдастыру

      386. Автовокзалдардың, автостанциялардың диспетчерлiк пунктiнiң үй-жайы операциялық (кассалық) залдан оқшаулануы, жолаушыларды отырғызу және түсiру пункттерiне қызметтiк шығатын жері болуы тиiс.

      387. Диспетчердiң жұмыс орны отырғызу алаңдарын, автобустар мен шағын автобустардың келуi мен жөнелтiлуiн бақылай алатындай орналасады және ақпараттық көрсеткiштерді арнайы басқару пультiмен және дауыс зорайтқыш байланыс қондырғысымен, сондай-ақ автовокзалдың, автостанцияның әкiмшiлiгiмен, билет кассаларымен, анықтама бюросымен және диспетчерлiк қызметтiң орталық пунктiмен iшкi технологиялық байланыспен жабдықталады.

      388. Диспетчердiң жұмыс орны, сонымен қатар қызмет көрсетiлетiн маршрут желiсiндегi басқа диспетчерлiк қызметтермен телефон немесе өзге де электрондық байланыспен (радиобайланыспен) жабдықталады.

15-тарау. Халықаралық және республикаішілік тұрақты тасымалдау маршруттарында жолаушыларды отырғызу және түсіру пункттерін, сондай-ақ таксимен тасымалдау кезінде жолаушыларды отырғызу және түсіру пункттерін безендіру мен күтіп-ұстауға қойылатын талаптар

      Ескерту. 15-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-паранраф. Жолаушыларды отырғызу және түсiру пункттерiн безендiру мен күтiп-ұстауға қойылатын талаптар

      389. Жолаушыларды отырғызу және түсіру пункттері:

      1) қалқалармен;

      2) тәуліктің қараңғы мезгілінде автобустарға қалыпты отыру және олардан түсуді, багажды тапсыру мен алуды, деректемелерді оқуды қамтамасыз ететін жарықпен;

      3) отырғызу алаңының нөмірі белгіленген автобустарға отырғызу орындарының көрсеткіштерімен;

      4) жолаушыларды хабарландыруға арналған дыбыс колонкаларымен;

      5) отырғызу алаңдарын жүру бөлігінен қоршау;

      6) мүгедектігі бар жолаушылардың отырғызу мен түсіру орындарына баруына арналған пандустармен;

      7) қоқыс ыдыстарымен жабдықталады.

      390. Жолаушыларды отырғызу және түсiру пункттерi жиектемелермен белгiленеді және жүру бөлiгi төсемiнiң деңгейiнен кемiнде 22 см асады.

      391. Автовокзал (автостанция) аумағы бойынша автобустар, шағын автобустар қозғалысының схемасын әзiрлеген кезде:

      1) кiру және шығу кезiнде оң бұрылыстарды ғана қолдану;

      2) жақын жатқан көшелерде автобустардың айналу пунктiн жабдықтау;

      3) жолаушыларды отырғызу мен түсiруге арналған отырғызу алаңына автобус пен шағын автобусты оң жағымен ғана қоюды;

      4) автобус пен шағын автобусты отырғызуға қойған кезде барынша аз маневрлеудi;

      5) автобустар мен шағын автобустар қозғалысы бағытының жолаушылар қозғалысы бағытымен қиылысуын болдырмау көзделедi.

      392. Автобустар, шағын автобустар автовокзал мен автостанция аумағы бойынша маневр жасаған кезде қауiпсiздiк шараларын қамтамасыз ету үшiн тәулiктiң қараңғы мезгiлiнде жолаушыларды отырғызу және түсiру пункттерi ғана емес, автовокзалдың, автостанцияның барлық аумағы жарықтандырылады, сондай-ақ тротуарлар мен жолаушыларды отырғызу және түсiру пункттерiн жүру бөлiгiнен бөлетiн қоршаулармен жабдықталады.

      393. Жолаушыларды отырғызу үшін автобус пен шағын автобусты әкелу уақыты автобустар мен шағын автобустардың жөнелтiлу жиiлiгiне және отырғызу пункттерінің болуына байланысты және автовокзал мен автостанция жұмысының технологиялық процесiмен, ол кесте бойынша рейске автобус пен шағын автобус жөнелтiлгенге дейiн қалааралық қатынастағы автобустар мен шағын автобустар үшiн 15 минуттан және қала маңындағы қатынастың автобустары үшiн 10 минуттан кем болмай белгiленедi.

2-параграф. Такси тұрақтары

      394. Аудандық, облыстық маңызы бар қалалардың, республикалық маңызы бар қалалардың және астананың жергілікті атқарушы органдары әуежайларда, вокзалдарда, 1 және 2-санатты стационарлық сауда объектілерінде, сауда базарларында, театрларда, цирктерде, кинотеатрларда, мәдени-демалыс ұйымдарында (мәдениет және демалыс парктері), сондай-ақ алаңдарда, даңғылдарда, көшелерде, орамдарда такси тұрақтарын ұйымдастыруды және жабдықтауды қамтамасыз етеді.

      395. Такси тұрақтары басқа автомобильдердің тұрақтарынан арнайы шектеу сызықтарымен немесе қоршаумен бөлінеді және жергілікті атқарушы органдардың ӘПК-мен келісімі бойынша "Жеңіл такси тұрағының орны" 5-14 жол белгісімен белгіленеді.

      396. Такси тұрақтары тәулiктiң қараңғы мезгiлiнде жарықтандырылады.

      397. Такси тұрағына бөтен автомобильдердi қоюға рұқсат етiлмейдi.

16-тарау. Ақпараттық-диспетчерлік такси қызметтеріне қойылатын талаптар

      Ескерту. 16-тараудың тақырыбы жаңа редакцияда – ҚР Индустрия және инфрақұрылымдық даму министрінің м.а. 30.12.2020 № 694 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      398. Таксидің ақпараттық-диспетчерлік қызметі тапсырыста көрсетiлген уақытқа қарай таксидi ұсыну бойынша тапсырыстардың орындалуына үздiксiз бақылауды, сондай-ақ таксимен тасымалдаудың технологиялық процесiн үйлестiрудi жүзеге асырады.

      400. Такси тасымалдаушысы құратын ақпараттық-диспетчерлік қызметтің негiзгi функциялары:

      1) жеке және заңды тұлғалардың такси қызметіне тапсырыстарын қолжетімді байланыс құралдары арқылы қабылдау және тапсырыстарды такси жүргізушілерінің арасында бөлу;

      2) таксиге тапсырыс берген жолаушыға жіберілген таксидің нөмірін, тапсырыстың бағасын және келетін уақытын хабарлау;

      3) тапсырыс бойынша таксидің кетуін және уақтылы келуін қадағалау;

      401. Таксимен тасымалдаушы болып табылмайтын өзге де тұлға құратын ақпараттық-диспетчерлік такси қызметі таксимен тасымалдаушы ретінде қызметті бастағаны туралы хабарлама берген дара кәсіпкерлер мен заңды тұлғалардың тізіліміне енгізілген, оның ішінде таксиге тапсырыс берудің мобильдік қосымшасы арқылы жасалған автокөлік құралын экипажымен қоса жалға алу шарты бойынша таксимен тасымалдауды жүзеге асыратын таксимен тасымалдаушылармен ақпараттық-диспетчерлік қызмет көрсету жөнінде шарт жасасады және таксимен тасымалдауды жүзеге асыру кезінде таксимен тасымалдаушы осы Қағидалардың 214-тармақтың 3) және 6) тармақшаларының талаптарын орындаған жағдайда, өз қызметтерін көрсетеді.

      Таксимен тасымалдаушы ретінде қызметті бастағаны туралы хабарлама берген дара кәсіпкерлер мен заңды тұлғалар туралы мәліметтер рұқсаттар мен хабарламалардың мемлекеттік электрондық тізілімінде орналастырылады.

      402. Таксимен тасымалдаушы болып табылмайтын өзге де тұлға құрған ақпараттық-диспетчерлік такси қызметі клиенттерінің тапсырысының және оларды такси жүргізушісіне берудің есебін қағаз немесе электрондық нысанда жүргізеді.

      Нысан

Борт журналы

      Автокөлiк құралын тiркеу № ______________________

      Жолаушылар орындарының саны _____________________

      Тасымалдаушының аты және тегi

      немесе тасымалдаушының атауы

Жолдама парақ

      Ескерту. 2-қосымша жаңа редакцияда – ҚР Индустрия және инфрақұрылымдық даму министрінің 27.04.2021 № 198 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Ескертпе:

      1. Жолдама парағының 19-тармағында көлік құжаттарын басқарудың Бірыңғай жүйесінде автовокзал белгі қояды.

      Облыс орталығында, Республикалық маңызы бар қалада немесе астанада біреуден артық автовокзал болған жағдайда жолдама парағының 19-тармағында "Автомобиль көлігі туралы" 2003 жылғы 4 шілдедегі Қазақстан Республикасы Заңының 21-1-бабы 2-тармағының талаптарына сәйкес келетін автовокзалдың диспетчерлік қызметтері белгі қояды.

      Егер көрсетілген талаптарға сәйкес келетін екі немесе одан көп автовокзал болса, белгіні осы қызметте ең үлкен тәжірибесі бар автовокзал қояды:

      1) стационарлық металл іздегіш (металл детектор);

      2) портативті (қол) аспаптар;

      3) рентгендік-телевизиялық құрылғы.

      2. Жолаушылар мен багажды автомобильмен тұрақты емес тасымалдауды жүзеге асыратын тасымалдаушы тасымалдау басталғанға дейін екі сағат бұрын көлік құжаттарының Бірыңғай жүйесінде жол парағын жасайды.

Жолаушылар тізімі

      Ескерту. Қағидалар 2-1-қосымшамен толықтырылды – ҚР Индустрия және инфрақұрылымдық даму министрінің 30.12.2022 № 760 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); жаңа редакцияда - ҚР Көлік министрінің м.а. 15.05.2024 № 166 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрықтарымен.

Жолаушылар мен багажды қалалық (ауылдық), қала маңындағы және ауданішілік, ауданаралық, қалааралық облысаралық автомобильмен тұрақты тасымалдауға арналған автобустардың қозғалыс кестесі

      Парақтың сырт жағы Маршрут № ____ ____________________

      Қолы, күні

      Мөр орны (болған жағдайда)

      Кестенің жалғасы

      Парақтың сырт жағы Маршрут № ______ ________________

      Қолы, күні

      Мөр орны (болған жағдайда)

      Кестенің жалғасы

      Парақтың сырт жағы Маршрут № ______ ___________________

      Қолы, күні

      Мөр орны (болған жағдайда)

      Кестенің жалғасы

      Парақтың сырт жағы Маршрут№ ____ ________________________

      Қолы, күні

      Мөр орны (болған жағдайда)

      Бір жылдағы маршруттың маусымдылығы ______________________

      (жыл бойы немесе маусымнан бастап _____ дейін _____)

      Маршруттың аптадағы жұмыс режимі _________________ (апта күндері)

      Жалпы жол жүрген уақыты ____________________________(сағат/минут)

      Орташа техникалық жылдамдық ____________________ (километр/сағат)

      Автобус класы ________________________(екінші немесе үшінші сынып)

Жолаушылар мен багажды автомобильмен республикаішілік тұрақты тасымалдау маршруттарына қызмет көрсету құқығына арналған куәлiк

      Ескерту. 3-қосымша жаңа редакцияда - ҚР Көлік министрінің м.а. 15.05.2024 № 166 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Сериясы ХХХ № 000000

      Жолаушылар мен багажды автомобильмен қалааралық облысаралық (астана және республикалық маңызы бар қаланы қоса алғанда) тұрақты тасымалдау маршруттарына қызмет көрсету құқығына арналған

      __________________________________________________________________ берiлдi

                  (мемлекеттiк органның атауы)

      _________________________________________________________________________

      (куәлiк берген тұлғаның тегi, аты, әкесiнiң аты (болған жағдайда), қолы және лауазымы)

      мөр орны (болған жағдайда)

      сыртқы жағы

      1. Куәлікке автомобиль көлігі саласындағы уәкілетті орган бекіткен қозғалыс кестесі, қозғалыс маршрутының схемасы (түпнұсқалар) қоса беріледі.

      2. Осы куәлiк тасымалдаушыны Жолаушылар мен багажды автомобиль көлiгiмен тасымалдау қағидаларын және жол қозғалысы қауiпсiздiгiнiң талаптарын орындау бойынша мiндеттерден босатпайды.

      3. Осы куәлiктi үшiншi тұлғаға беруге рұқсат етiлмейдi.

      Жолаушылар мен багажды автомобильмен республикаішілік тұрақты тасымалдау маршруттарына қызмет көрсету құқығына арналған куәлiк

      Сериясы ХХХ № 000000

      Жолаушылар мен багажды автомобильмен қалалық (ауылдық), қала маңылық, ауданішілік, ауданаралық (облысішілік қаларалық) тұрақты тасымалдау маршруттарына қызмет көрсету құқығына арналған

      ____________________________________________________________________ берiлдi

                  (мемлекеттiк органның атауы)

      __________________________________________________________________________

      (куәлiк берген тұлғаның тегi, аты, әкесiнiң аты (болған жағдайда), қолы және лауазымы)

      мөр орны (болған жағдайда)

      Тасымалдаушылар қызмет көрсететiн маршруттар:

      Маршруттарға осы куәлiктiң қосымшасында көрсетiлген автобустар (шағын автобустар) қызмет көрсетедi.

      1. Облыстардың, республикалық маңызы бар қаланың, астананың жергілікті атқарушы органдары бекіткен қозғалыс кестелерi, қозғалыс маршруттарының схемалары, сондай-ақ тариф кестелері (түпнұсқалары) куәлiкке қоса беріледі.

      2. Осы куәлiк тасымалдаушыны Жолаушылар мен багажды автомобиль көлiгiмен тасымалдау қағидаларын және жол қозғалысы қауiпсiздiгiнiң талаптарын орындау бойынша мiндеттерден босатпайды.

      3. Осы куәлiктi үшiншi тұлғаға беруге рұқсат етiлмейдi.

      Жолаушылар мен багажды автомобильмен қалалық (ауылдық), қаламаңылық, ауданішілік, ауданаралық (облысішілік қаларалық) тұрақты тасымалдау маршруттарына қызмет көрсету құқығына арналған.

      Сериясы ХХХ № 000000

      ____________________________________________________________________ берiлді

                        (мемлекеттiк органның атауы)

      __________________________________________________________________________

      (куәлiк берген тұлғаның тегi, аты, әкесiнiң аты (болған жағдайда), қолы және лауазымы)

      мөр орны (болған жағдайда)

      (__ парақтың __ парағы)

      Ескертпе: Куәлікте көрсетілген автобустар немесе шағын автобустардың орнына маршрутқа қызмет көрсететін тасымалдаушының меншігіндегі немесе лизингке алынған автобустардың немесе шағын автобустардың ұқсас үлгісі мен класын (не одан жоғары) маршрутта қолдануға рұқсат беріледі.

      Нысан

Жолаушылар мен багажды автомобильмен халықаралық тұрақты тасымалдауды жүзеге асыруға арналған рұқсат қағазы
Сериясы ХХХ N 000000

      ____________________________________________________________ берiлдi

      (мемлекеттiк органның атауы)

      ___________________________________________________________________

      (куәлiк берген тұлғаның Т.А.Ә. және лауазымы)

      М.О.

      сыртқы жағы

      1. Автомобиль көлігі саласындағы уәкiлеттi орган келіскен қозғалыс кестелерi, қозғалыс маршруттарының схемалары, тариф кестелері (түпнұсқалары) рұқсат қағазына қоса берiледі.

      2. Осы рұқсат қағазы тасымалдаушыны Жолаушылар мен багажды автомобиль көлiгiмен тасымалдау қағидаларын және жол қозғалысы қауiпсiздiгiнiң талаптарын орындау бойынша мiндеттерден босатпайды.

      3. Осы рұқсат қағазды үшiншi тұлғаға беруге рұқсат етiлмейдi.

Жол жүру құжаттары (билеттер) және багаж түбiртектерi

      Ескерту. 5-қосымша жаңа редакцияда – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      1. Қалалық қатынаста жол жүруге арналған жол жүру құжаттарының (билеттерiнiң) нысандары:

      1) жолаушылардың жол жүруіне арналған бiр реттiк бақылау билетi – билеттiң жазулары көк түспен ресімделеді:

      кемінде 35 мм

      2) балалардың жол жүруіне арналған бiр реттiк бақылау билетi – билеттiң жазулары қызыл түспен ресімделеді:

      кемінде 35 мм

      3) белгiленген нормадан тыс қол жүгiн және багажды алып жүруге арналған билет – билеттiң жазулары жасыл түспен ресімделеді:

      кемiнде 35 мм

      2. Жолаушылардың қала маңындағы қатынаста жол жүруіне арналған жол жүру құжаттарының (билеттерiнiң) нысаны:

      1) жолаушылардың жол жүруiне арналған билет – ашық түстi ұсақ торкөздi арнайы билет қағазында қара түстi жазулармен ресiмделедi (пішімін және торкөз түсiн автовокзалдар, автостанциялар, жолаушыларға қызмет көрсету пункттері белгiлейдi):

      кемінде 45 мм

      2) кондуктор (жүргiзушi) маршруттың аралық пунктiнде отырғызу кезiнде беретiн тарифтер кестесіне сәйкес сомаға қосымша түбiршектерi бар жолаушылардың жол жүруіне арналған билет – билеттiң жазулары қара түспен ресімделеді:

      кемінде 35 мм

      Жолаушылардың қала маңындағы қатынаста жол жүруіне арналған билеттерге қосымша түбiршектер 1, 5, 10, 50 теңге сомасына ресiмделедi.

      3. Жолаушылардың қалааралық облысiшiлiк және қалааралық облысаралық қатынастарда жол жүруіне арналған жол жүру құжаттарының (билеттерiнiң) нысаны:

      1) жолаушылардың жол жүруiне арналған билет – ашық түстi ұсақ торкөздi арнайы билет қағазында қара түстi жазулармен ресiмделедi (торкөздің пішімін және түсiн автовокзалдар, автостанциялар, жолаушыларға қызмет көрсету пункттері белгiлейдi):

      кемінде 45 мм

      2) кондуктор (жүргiзушi) маршруттың аралық пунктiнде отырғызу кезiнде беретін жолаушылардың жол жүруіне арналған билет – жазулары қара түспен ресімделеді: 

      Жол жүру құнын кондуктор (жүргiзушi) жолаушы үшiн тарифтер кестесіне сәйкес сомаға кеседi.

      3) Қала маңы, қалааралық облысiшiлiк, қалааралық облысаралық және халықаралық қатынастардағы багаж түбiртектерiнiң нысаны - ашық түстi ұсақ торкөздi арнайы билет қағазында қара түстi жазулармен ресiмделедi (көлемiн және торкөз түсiн автовокзалдар мен автостанциялар белгiлейдi):

      кемінде 45 мм

      4. Жолаушылардың халықаралық қатынастарда жол жүруіне арналған жол жүру құжаттарының (билеттерiнiң) нысаны:

      1) жолаушылардың жол жүруіне арналған билет – ашық түстi ұсақ торкөздi арнайы билет қағазында қара түстi жазулармен ресiмделедi (көлемiн және торкөз түсiн автовокзалдар мен автостанциялар белгiлейдi):

      кемінде 45 мм

      2) Кондуктор (жүргiзушi) маршруттың аралық пунктiнде отырғызу кезiнде беретін жолаушылардың жол жүруіне арналған билет - жазулары қара түспен ресімделеді:

      Жол жүру құнын кондуктор (жүргiзушi) жолаушы үшiн тарифтер кестесіне сәйкес сомаға кеседi.

      3) Қала маңы, қалааралық облысiшiлiк, қалааралық облысаралық және халықаралық қатынастардағы багаж түбiртектерiнiң нысаны - ашық түстi ұсақ торкөздi арнайы билет қағазында қара түстi жазулармен ресiмделедi (көлемiн және торкөз түсiн автовокзалдар мен автостанциялар белгiлейдi):

      кемінде 45 мм

      5. Байланыс құралдарын пайдалана отырып, сатып алынған билеттер үшін ашық түсті ұсақ торкөзді арнайы билет қағазын, жазу бояуларын,
сондай-ақ өлшемдерін пайдалануға қатысты талаптар қолданылмайды.

      6. Жол жүру үшін электрондық төлеу жүйесі болған жағдайда жергілікті атқарушы органдар жол жүру құжаттар (билеттер) және жүк түбіртектер нысандарына қосымша ақпаратты (немесе) талапты айқындайды алады.

Конкурстық ұсыныстарды бағалау шкаласы

      Ескерту. 6-қосымша жаңа редакцияда - ҚР Көлік министрінің м.а. 15.05.2024 № 166 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Жолаушылар мен багажды автомобильмен республикаішілік тұрақты тасымалдау маршруттарына қызмет көрсетуге конкурстық ұсыныстарды бағалау шкаласы

      Жолаушылар мен багажды автомобильмен тасымалдаудың тұрақты қалалық маршруттарына қызмет көрсетуге конкурстық ұсыныстарды бағалау шкаласы

      *Орташа балл пайдалану мерзімі бойынша әр автобусты (шағын автобусты) бағалау жолымен (резервті есептемегенде) шығарылады, олар бойынша балдар қосылады және автобустардың (шағын автобустардың) санына бөлінеді.

      Нысан

20___ жылғы "____" ___________ конкурсқа
шығарылатын жолаушылар мен багажды автомобильмен республикаішілік тұрақты тасымалдау маршруттарының негiзгi сипаттамалары

      Ескерту:

      * - Автобустардың, шағын автобустардың қажеттi саны маршруттағы жолаушылар легiн және автобустардың, шағын автобустардың паспорттық сыйымдылығын ескере отырып есептеледi.

      Автомобиль көлiгiмен
жолаушылар мен багажды
тасымалдау қағидаларына
8-қосымша

      Ескерту. 8-қосымша жаңа редакцияда – ҚР Көлік министрінің м.а. 15.05.2024 № 166 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      20 ___ жылғы "___"__________ конкурсқа шығарылатын жолаушылар мен багажды автомобильмен республикаішілік тұрақты тасымалдау маршруттарына қызмет көрсетуге конкурстық ұсыныстарды толтыруға арналған нысан.

      1. Маршрутта (маршруттарда) жұмыс iстеу үшін қатысушы ұсынатын жылжымалы құрам:

      2. Тасымалдаушының жолаушылар мен багажды автомобильмен республикаішілік тұрақты тасымалдау саласындағы жұмыс тәжірибесі (конкурс өткізілетін маршрут түрі бойынша).

      3. Жылжымалы құрамды (меншікті, жалға алынған немесе қызмет көрсету шарт бойынша жүргізілетін болады) сақтауға, техникалық қызмет көрсетуге және жөндеуге арналған маршрут өтетін елді мекеннің аумағында орналасқан өндірістік-техникалық базаның болуы, оның ішінде техникалық қызмет көрсету және ағымдағы жөндеу кешендері бар өндірістік корпустардың, қойма үй-жайларының, автотұрақтардың, жинау-жуу кешендерінің, бақылау-техникалық пункттерінің, әкімшілік ғимараттардың және тұрмыстық корпустардың болуы туралы мәліметтер.

      4. Автобустарды, шағын автобустарды маршрут бойынша қозғалыс кезiнде оларда ақаулықтар туындаған жағдайда ауыстыру бойынша шаралардың жүйесi (пайдаланылатын немесе ұсынылатын).

      5. Жолаушылар тасымалдау жағдайын жақсартатын қосымша ұсыныстар.

Жолаушылар мен багажды автомобильмен республикаішілік тұрақты тасымалдау
маршруттарына қызмет көрсету құқығына арналған конкурсқа қатысушы туралы ақпарат

      Ескерту. 9-қосымша жаңа редакцияда – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      1. Қатысушының көлiк компаниясының атауы, заңды мекенжайы:

      ____________________________________________________________________

      ____________________________________________________________________

      2. Қызмет көрсететiн банктiң есеп шоты мен мекенжайы:

      ____________________________________________________________________

      ____________________________________________________________________

      3. Ұсынылатын тариф _________________________________________________

      ____________________________________________________________________

      4. Қалалық (ауылдық) немесе қала маңы қатынастарында жолақыны электрондық төлеу жүйесін пайдаланған жағдайда ұсынылатын маршруттың құны

      ____________________________________________________________________

      Тегi, аты, әкесiнiң аты (егер болған жағдайда)_____________________________

      Лауазымы ___________________________________________________________

      Толтырылған күні 20__ жылғы "____" ___________________________________

      Конкурстық ұсыныстардағы ұсынылған мағлұматтар шын, жалған (қажет емесін сызып тастау) __________________________________________________

      ____________________________________________________________________

      (тексеру жүргiзген конкурс алдындағы комиссия мүшелерiнiң қолдары)

      Нысан

Жолаушылар мен багажды автомобильмен республикаiшiлiк тұрақты тасымалдау маршруттарына қызмет көрсету құқығына арналған конкурсты өткiзу туралы хабарландыру

      1. __________________ қаласы (облысы, ауданы) әкiмiнiң аппараты

      20____ жылғы "____" _____________ ________________________ мекенжайы бойынша жолаушылар мен багажды автомобильмен республикаiшiлiк тасымалдау маршруттарына қызмет көрсету құқығына арналған конкурсты өткiзу туралы хабарлайды.

      2. Конкурсқа мынадай маршруттардың пакеттерi (маршруттар) шығарылады:

      ____________________________________________________________________

      ____________________________________________________________________

      ____________________________________________________________________

      3. Конкурсқа меншiк нысанына қарамастан, меншiк құқығында немесе өзге де заңды негiздерде автокөлiк құралдары бар кез келген

      жеке және заңды тұлғалар қатысады.

      4. Конкурсқа қатысуға тiлек бiлдiрушiлер қала (облыс, аудан) әкiмiнiң аппаратына конкурстық құжаттардың жиынтығын алуға жазбаша өтiнiмдi ____________________________ мекенжайы бойынша ұсынуы тиiс.

      5. Конкурстық құжаттарды алуға өтiнiмдердi қабылдаудың және Конкурсқа қатысуға өтiнiмдердi қабылдаудың соңғы мерзiмi: 20 ___ жылғы "___" ________________.

      6. 20____ жылғы "____" ___________ конкурстық Комиссия конкурсты өткiзу мәселелерi жөнiндегi конкурс алдындағы конференцияны өткiзедi.

      7. Анықтама алу үшiн телефондар: ____________________________.

      Нысан

20____ жылғы "____"____________ конкурсқа шығарылатын жолаушылар мен багажды автмобильмен республикаішілік тұрақты тасымалдау маршруттарына қызмет көрсету бойынша конкурстық ұсыныстарды бағалау парағы

      № _______________ маршруттардың (маршруттың) пакетi

      Конкурстық комиссия мүшесiнiң Т.А.Ә.____________________

      Күнi 20__ жылғы "___"_____________ Қолы_________________

      Нысан

Жол парағы № ___________

      Ескерту. 12-қосымша алып тасталды – ҚР Индустрия және инфрақұрылымдық даму министрінің 27.04.2021 № 198 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Нысан

Тұрақты халықаралық, облысаралық маршруттар бойынша рейстерді орындау туралы анықтама

      Ақпарат ___________________________

      (тасымалдаушының атауы)

      * айдың саны көрсетіледі;

      ** рейсті орындау кезінде "+", рейсті орындамау кезінде "-" көрсетіледі.

      Маршруттың төмен тұрақтылығы (айына жетпіс пайыздан кем) тұрақты халықаралық, облысаралық маршруттар автобустарының немесе шағын автобустарының рейстер кестесінде көрсетілген айдағы нақты орындалған рейстерден шығарылып есептелінеді.

Тұрақты халықаралық, облысаралық маршруттарда қосымша жіберілген рейстердің саны туралы ақпарат

      * айдың саны көрсетіледі;

      ** қосымша рейсті орындау кезінде "+" көрсетіледі.

Қатысушының конкурстық ұсыныстарында көрсетiлген автокөлiк құралдары мен өндірістік-техникалық базаның осы Қағидалардың 13-тарауында көрсетiлген талаптарға сәйкестiгi туралы анықтама

      Ескерту. Қағидалар 13-қосымшамен толықтырылды - ҚР Көлік министрінің м.а. 15.05.2024 № 166 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.