Ескерту. Бұйрықтың тақырыбы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
"Жол жүрісі туралы" 2014 жылғы 17 сәуірдегі Қазақстан Республикасының Заңы 11-бабының 5-3) тармақшасына сәйкес БҰЙЫРАМЫН:
1. Бекітілсін:
1) осы бұйрыққа 1-қосымшаға сәйкес Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруді ұйымдастыру және жүргізу қағидалары;
2) осы бұйрыққа 2-қосымшаға сәйкес Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруден өткізу кезеңділігі.
Ескерту. 1-тармақ жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):
1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін, күнтізбелік он күн ішінде оның көшірмесін мерзімді баспа басылымдарына және "Әділет" ақпараттық-құқықтық жүйесіне ресми жариялауға жіберуді;
3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;
4) осы бұйрық Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шаралар туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасы Инвестициялар және даму министрінің міндетін атқарушы |
Ж. Қасымбек |
"КЕЛІСІЛГЕН"
Қазақстан Республикасының
Ұлттық экономика министрі
________________ Е. Досаев
2015 жылғы 28 сәуір
"КЕЛІСІЛГЕН"
Қазақстан Республикасының
Ішкі істер министрі
________________ Қ. Қасымов
2015 жылғы 29 сәуір
Қазақстан Республикасы Инвестициялар және даму министрінің міндетін атқарушы 2015 жылғы 26 наурыз № 329 бұйрығына 1-қосымша |
Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруді ұйымдастыру және жүргізу қағидалары
Ескерту. Қағиданың тақырыбы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
1-тарау. Жалпы ережелер
Ескерту. 1-тараудың тақырыбы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
1. Осы Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруді ұйымдастыру және жүргізу қағидалары (бұдан әрі – Қағидалар) "Жол жүрісі туралы" 2014 жылғы 17 сәуірдегі Қазақстан Республикасының Заңы 11-бабының 5-3) тармақшасына сәйкес әзірленді.
Ескерту. 1-тармақ жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.2. Осы Қағидалар Қазақстан Республикасының аумағында жол жүрісіне қатысатын және жол жүрісі қауіпсіздігін қамтамасыз ету жөніндегі уәкілетті органда тіркелген Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруді ұйымдастыру және жүргізу тәртібін айқындайды.
Ескерту. 2-тармақ жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.3. Осы Қағидаларда мынадай ұғымдар пайдаланылады:
1) бақылау-диагностикалық жабдық – механикалық көлік құралдарын және олардың тіркемелерінің техникалық жай-күйінің параметрлерін анықтау үшін қолданылатын сынау жабдығы және өлшеу құралдары;
2) жол жүрісі қауіпсіздігін қамтамасыз ету жөніндегі уәкілетті орган – жол жүрісі қауіпсіздігін қамтамасыз ету саласында басшылықты өз құзыреті шегінде және салааралық үйлестіруді жүзеге асыратын орталық атқарушы орган және оның астанадағы, республикалық және облыстық маңызы бар қалалардағы аумақтық бөлімшелері;
3) көліктік бақылау органы – көлік және коммуникация саласындағы уәкілетті органының аумақтық органдары;
4) көлік және коммуникация саласындағы уәкілетті орган – автомобиль көлігі саласында басшылықты, сондай-ақ Қазақстан Республикасының заңнамасында көзделген шектерде салааралық үйлестіруді жүзеге асыратын орталық атқарушы орган;
5) механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесінің операторы – Қазақстан Республикасы Үкіметінің шешімімен айқындалған және механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесін жүргізуді, дамытуды, интеграциялауды және қолдап отыруды жүзеге асыратын акционерлік қоғам (бұдан әрі – БАЖ Операторы);
6) механикалық көлік құралының және оның тіркемелерінің иесі – механикалық көлік құралының және оның тіркемелерінің меншік иесі, сондай-ақ механикалық көлік құралының және оның тіркемелерінің шаруашылық жүргізу құқығында немесе жедел басқару құқығында не өзге де заңды негізде (жалдау құқығы, тиісті органның осы адамға механикалық көлік құралын және оның тіркемелерін беру туралы өкімі) иеленетін адам. Өзінің қызметтік немесе еңбек міндеттерін орындауына орай, оның ішінде көлік құралының меншік иесімен немесе өзге де иесімен жасалған еңбек немесе азаматтық-құқықтық шарт негізінде көлік құралын басқаратын адам механикалық көлік құралының және оның тіркемелерінің иесі болып табылмайды;
7) міндетті техникалық қарап-тексеруді жүргізу – міндетті техникалық қарап-тексеруге қатысушы ретінде осы Қағидаларда көзделген техникалық қарап-тексерудің операторлары жүзеге асыратын іс-қимылдар;
8) міндетті техникалық қарап-тексеруден өту – міндетті техникалық қарап-тексеруге қатысушы ретінде механикалық көлік құралдарының және олардың тіркемелерінің иесі жүзеге асыратын іс-қимылдар;
9) техникалық қарап-тексеру орталығының маманы – механикалық көлік құралдарын және олардың тіркемелерін міндетті техникалық қарап-тексеруді жүргізуді жүзеге асыратын техникалық қарап-тексеру операторының қызметкері;
10) техникалық қарап-тексерудің диагностикалық картасы – механикалық көлік құралы мен оның тіркемелерінің техникалық жай-күйі параметрлерінің тізбесі бар иесі және механикалық көлік құралы мен оның тіркемелері және міндетті техникалық қарап-тексеру нәтижелері туралы мәліметтерді қамтитын құжат.
Ескерту. 3-тармақ жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.4. Механикалық көлiк құралдарын және олардың тiркемелерiн (бұдан әрi - көлiк құралдары) мiндеттi техникалық қарап тексеруді жүргiзудiң негiзгi мiндеттерi:
1) жол қозғалысына қатысушы көлiк құралдарының техникалық жай-күйiнiң осы Қағидалардың 31-тармағында белгiленген талаптарға сәйкестiгiн бағалау;
2) көлiк құралдарының техникалық жай-күйiнiң осы Қағидалардың
32-тармағында белгiленген талаптарға сәйкессiздiгi салдарынан туындаған жол-көлiк оқиғаларының алдын алу;
3) көлiк құралдарын пайдалану қауiпсiздiгiн қамтамасыз ету және көлiк құралдарын пайдаланудың қоршаған ортаға зиянды әсерiн төмендету;
4) көлiк құралдарының бар болуы бойынша және техникалық жай-күйi бойынша статистикалық талдау болып табылады.
2-тарау. Міндетті техникалық қарап-тексеруді ұйымдастыру тәртібі
Ескерту. 2-тараудың тақырыбы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
5. Мiндеттi техникалық қарап тексеру операторымен көлік құралының тіркелген орны мен көлік құралы иесінің тұратын орнына қарамастан, техникалық қарап тексерудің стационарлық және (немесе) ұтқыр желiлерiн пайдалана отырып жүргізіледі.
6. Көлiк құралдарын мiндеттi техникалық қарап тексеруді жүргізуді техникалық қарап тексеру операторлары "Рұқсаттар және хабарламалар туралы" 2014 жылғы 16 мамырдағы Қазақстан Республикасы Заңының 46-бабымен белгіленген тәртіппен көлiк және коммуникация саласындағы уәкiлеттi органға хабарламаны берген күннен бастап жүзеге асырады.
Ескерту. 6-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.7. Техникалық қарап тексеру операторлары жария шарт негiзiнде еркін нысанында қызмет көрсетедi.
8. Көлiк құралдарының иелерi:
1) көлiк құралының тiркелген жерiне және өзiнiң тұрғылықты жерiне (тұрғылықты орнына) қарамастан, мiндеттi техникалық қарап тексеруден өту үшiн техникалық қарап тексеру орталығын дербес таңдайды;
2) механикалық көлiк құралдарын және олардың тiркемелерiн мiндеттi техникалық қарап тексеруден өткiзудiң кезеңдiлiгiмен бекiтiлген мiндеттi техникалық қарап тексеруді өткiзу мерзiмiнiң шегiнде мiндеттi техникалық қарап тексеруден өту уақытын дербес анықтайды;
3) Қазақстан Республикасының заңнамасына сәйкес мiндеттi техникалық қарап тексеруден өтудi жеке немесе өздерiнiң өкiлдерi арқылы жүзеге асырады;
4) техникалық қарап тексеру операторларына техникалық қарап тексеру операторлары белгiлеген тариф шегiнде мiндеттi техникалық қарап тексеру өткiзу қызметтерi үшiн төлем жүргiзедi.
9. Мiндеттi техникалық қарап тексеруден өту үшiн көлiк құралының иесi техникалық қарап тексеру операторына көлік құралын және көлiк құралын мемлекеттiк тiркеу туралы куәлiгін ұсынады.
10. Көлiк құралдары иелерiнiң құжаттарын қабылдауға арналған үй-жай мыналар көрсетiлген ақпараттық стендiлерi бар көлiк құралдары иелерi үшiн қолжетiмдi жерде жабдықталады:
1) техникалық қарап тексеру операторының жұмыс режимi;
2) техникалық қарап тексеру операторының қызмет өңiрi;
3) қызмет өңiрiнде мiндеттi техникалық қарап тексеруден өткiзу кестесi;
4) көрсетілетін қызметтердің түрлері мен ерекшеліктері;
5) көлiктiк бақылау органының байланыс телефондары;
6) техникалық қарап тексеру операторының тарифтерi;
7) техникалық қарап тексеру операторының байланыс телефондары.
Ескерту. 10-тармаққа өзгеріс енгізілді - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.11. Техникалық қарап тексеру операторы көлiк құралдары иесiнiң өтiнiшi бойынша көлiк құралдарын мiндеттi техникалық қарап тексеруден өткiзу кезiнде орындалатын жұмыстарға қатысты мәлiметтердi хабарлайды.
12. Техникалық қарап тексеру операторы:
1) мiндеттi техникалық қарап-тексеруді өткiзу жөнiндегi жұмыстарды орындау процесiнде осы Қағидаларда және Қазақстан Республикасының өзге де нормативтiк құқықтық актiлерiнде белгiленген талаптарды сақтайды;
2) техникалық қарап тексеру орталықтарының өндірістік үй-жайлары мен аумағын 1811-2011 "Автомотокөлік құралдары. Міндетті техникалық қарап тексеру. Бақылау әдістері" ҚР СТ мемлекеттік стандарт талаптарына сәйкес сәйкестігін қамтамасыз етеді;
3) мiндеттi техникалық қарап тексеруді өткiзу құны және мерзiмi туралы көлiктiк бақылау органына мәлiмет ұсынады;
4) механикалық көлік құралдарын және олардың тіркемелерін міндетті техникалық қарап тексерудің бірыңғай ақпараттық жүйесіне міндетті техникалық қарап тексеруді жүргізу нәтижелері бойынша мәліметтерді нақты уақыт режимінде міндетті техникалық қарап тексерудің бірыңғай ақпараттық жүйесімен өзара әрекетті қамтамасыз ететін арнайы бағдарламалық қамтамасыз ету арқылы ұсынады;
5) көлік құралын мемлекеттік тіркеу туралы куәліктің деректеріне сәйкес келмейтін нөмірлік агрегаттарды (шасси, шанақ) ауыстыру, мемлекеттік тіркеу нөмірі белгілері жоқ не көлік құралын мемлекеттік тіркеу туралы куәлікте көрсетілгендерге сәйкес келмейтін белгілері бар, сондай-ақ оның конструкциясына, оның ішінде оның құрамдас бөліктерінің конструкциясына, жол жүрісінің қауіпсіздігін қамтамасыз етуге әсер ететін қосымша жабдықтау заттарына, қосалқы бөлшектер мен керек-жарақтарға енгізілген өзгерістері бар көлік құралдарын техникалық қарап тексеруге ұсыну фактілері туралы ішкі істер органдарына жазбаша түрде шұғыл хабарлайды.
Ескерту. 12-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.13. Техникалық қарап тексеру операторларына:
1) көлік құралын мемлекеттік тіркеу туралы куәліктің деректеріне сәйкес келмейтін, уәкілетті органмен келісілмей ауыстырылған нөмірлік агрегаттары (шасси, шанақ) бар, сондай-ақ нормативтік құқықтық актілермен белгіленген талаптар бұзыла отырып, мемлекеттік тіркеу нөмірі белгілері жоқ, сонымен қатар автокөлік құралдарының қауіпсіздігі саласындағы талаптарын бұзып қайта жабдықталған көлік құралдарын міндетті техникалық қарап тексеруден өткізуге;
2) міндетті техникалық қарап тексеруді өткізуден негізсіз бас тартуға;
3) мiндеттi техникалық қарап тексеруден өткiзу мерзiмiнiң бұзылуына байланысты мiндеттi техникалық қарап тексеруді өткiзу шарттарын өзгертуiне;
4) көлiк құралының иесiнен мiндеттi техникалық қарап тексеруді өткiзуге байланысты қосымша сыйақыны талап етуiне жол берiлмейдi.
14. Көлiк құралдарын мiндеттi техникалық қарап тексеруден өткiзу уақыты 30 минуттан аспайды.
15. Техникалық қарап тексеру операторлары қызмет өңiрi шегiнде көлiк құралдарын мiндеттi техникалық қарап тексеруден өткiзудi қамтамасыз етедi.
16. Астанада, республикалық және облыстық маңызы бар қалаларда міндетті техникалық қарап тексеру техникалық қарап тексерудің тек стационарлық желілерімен жүзеге асады.
17. Техникалық қарап тексеру операторы жергiлiктi атқарушы органдармен келiсу бойынша қызмет өңiрi шегiнде көлiк құралдарының мiндеттi техникалық қарап тексеруді өткiзу үшін шығу кестесiн Қазақстан Республикасы Инвестициялар және даму министрінің 2015 жылғы 27 ақпандағы № 248 бұйрығына (Қазақстан Республикасының нормативтік құқықтық актілерді тіркеудің мемлекеттік тізілімінде № 9658 болып тіркелген) сәйкес әзiрлейдi.
18. Техникалық қарап тексеру операторының міндетті техникалық қарап тексеруді өткізуден бас тартуына:
1) көлік құралы иесінің көлік құралын мемлекеттік тіркеу туралы куәлікті ұсынбауы;
2) иесінің көлік құралын ұсынбауы;
3) көлік құралын мемлекеттік тіркеу туралы куәліктің деректеріне сәйкес келмейтін, нөмірлік агрегаттары (шасси, шанақ) уәкілетті органмен келісілмей ауыстырылған көлік құралын міндетті техникалық қарап тексеруге ұсыну;
4) мемлекеттік тіркеу нөмірі белгілері жоқ көлік құралдарын міндетті техникалық қарап тексеруге ұсыну негіздер болып табылады.
19. Осы Қағидалардың 18-тармағында көрсетілген мiндеттi техникалық қарап тексеруді өткізуден бас тарту негіздері анықталған жағдайда, техникалық қарап тексеру операторы ол туралы 15 минуттың ішінде көлiк құралы иесіне жазбаша түрде хабарлайды.
Ескерту. 19-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.3-тарау. Міндетті техникалық қарап-тексеруді өткізу тәртібі
Ескерту. 3-тараудың тақырыбы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
20. Көлiк құралдарының мiндеттi техникалық қарап тексеруы техникалық қарап тексеру операторларының стационарлық және (немесе) ұтқыр желiлерiнде жүзеге асырылады.
21. Мiндеттi техникалық қарап тексеруді жүзеге асыру кезiнде Қазақстан Республикасының 2004 жылғы 9 қарашадағы "Техникалық реттеу туралы" және 2000 жылғы 7 маусымдағы "Өлшем бірлігін қамтамасыз ету туралы" Заңдарына сәйкес бақылау-диагностикалық жабдық қолданылады.
22. Арнайы бағдарламалық қамтамасыз ету арқылы бақылау-диагностикалық жабдықтан алынған көлік құралын міндетті техникалық қарап тексеруді жүргізу нәтижелері жалғаспалы арна бойынша өлшенген деректердi автоматтандырылған түрде берудi қамтамасыз ететiн бiрыңғай цифрлы хаттама жөнiнде техникалық қарап тексеру желiлерiн басқару жүйесiнде қалыптасады.
Ескерту. 22-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.23. Бақылау-диагностикалық жабдықтың құрамына мынадай жабдықтар кiредi:
1) роликтiк тежеуiш стендiсi;
2) люфтомер;
3) газ анализатор және түтiн өлшегiш;
4) жарық фарын тексерудiң электрондық аспабы;
5) рульмен басқару және iлгiштiң детальдарында люфтiлердi тексеру тестiлерi.
24. Көлiк құралдарының санатына байланысты көлiк құралдарының тежеуiштiк басқаруын тексеру мынадай роликтiк тежеуiш стендiлерiнде жүргiзiледi:
1) N3 және О4 санаттары үшiн - оське түсетiн барынша жүктемесi 16 тоннадан кем емес;
2) М2, М3, N2, О3 санаттары үшiн - оське түсетiн барынша жүктемесi 10 тоннадан кем емес;
3) M1, N1, 02 санаттары үшiн - оське түсетiн барынша жүктемесi
2 тоннадан кем емес;
4) L1, L2, L3, L4, L5, L6, L7 санаттары үшiн - 1 доңғалаққа түсетiн барынша салмақ 0,6 тонна;
5) көлік құралдарының барлық санаттары үшiн - оське түсетiн барынша жүктемесi 16 тоннадан кем емес әмбебап роликтiк тежеуiш стендісінде пайдалану кезінде.
Ескерту. 24-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.25. Барлық тежеуiш стендiлерiнiң санаттарына мыналар кiредi:
1) орнатылған өлшеу жүйесi;
2) тежеуiш жүйесiнiң тиiмдiлiгiн тексеру мүмкiндiгi;
3) автомобильдiң барлық түрлерi үшiн педальды күшейту өлшегiш датчигi;
4) көлiк құралдарының тежеуiш жүйесiндегi қысымның түсуiн пневматикалық жетекпен өлшеу мүмкiндiгi;
5) автомобиль тежеуiш жүйесiнiң iске қосылған уақытын тежеуiш жүйесiнiң пневматикалық жетегiмен өлшеу мүмкiндiгi.
26. Газ анализатор және түтiн өлшегiштер мыналарды қамтиды:
1) СО және СН газ анализатор;
2) Lambda коэффициентiн өлшеу;
3) дизельдi қозғалтқыштың түтiн деңгейiн өлшеу.
27. Жарық фарын тексерудiң электрондық аспабы мыналарды қамтиды:
1) фарлардың барлық түрiн тексеру;
2) жарық күшiн тексеру.
28. Ақаулы және (немесе) белгiленген мерзiмде тексеруден өтпеген бақылау-диагностикалық жабдықты пайдалануға жол берiлмейдi.
29. Техникалық қарап тексеру операторлары көлiк құралдарының мiндеттi техникалық қарап тексеруден өткiзудi көлiк құралдарын мiндеттi техникалық қарап тексеруден өткiзудiң технологиялық процестерiне сәйкес жүзеге асырады.
Көлiк құралдарын мiндеттi техникалық қарап тексеруді жүргізудiң технологиялық процесi әрбiр стационарлық және ұтқыр техникалық қарап тексеру желiлерi үшiн анықталған әдiстерді және көлiк құралдары мен олардың құрамдас бөлiктерiнiң техникалық жай-күйiнiң Қазақстан Республикасының техникалық реттеу саласындағы заңнамасында белгiленген қауіпсіздік талаптарына сәйкестiгiн тексеру бірізділігін қамтиды.
Ескерту. 29-тармаққа өзгеріс енгізілді - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.30. Мiндеттi техникалық қарап тексеру өткiзу екi кезеңдi қамтиды: дайындық және негiзгi.
31. Мiндеттi техникалық қарап тексеруді өткiзудiң дайындығы кезеңiнде:
1) көлiк құралының маркасы, моделi және модификациясы анықталады;
2) көлiк құралының түсi анықталады;
3) тiркеу белгiлерiнiң бар болуы тексерiледi;
4) көлiк құралының конструкциясына енгiзiлген өзгерiстердiң болуы анықталады;
5) алынған қорытындылар көлiк құралының мемлекеттiк тiркеу туралы куәлiгінің деректерiмен салыстырылады (салғастырылады).
32. Мiндеттi техникалық қарап тексерудің негiзгi кезеңi жиынтыққа қатысты тексеруден, пайдалану қауiпсiздiгiнiң жекелеген қасиеттерiн сипаттайтын параметрлердiң шектi мәндерiн, жекелеген құрамдас бөлiктердiң тозығын (ақауларын) пайдалануда рұқсат етiлген шектеулердi, жұмыс қабiлеттiлiгi көрсеткiштерiнiң шектi ықтимал нашарлауын, автокөлiк құралдарының конструкцияларын өзгертудiң рұқсат етiлген шегiн шектеудi сипаттайтын нормаларды, оның iшiнде:
1) тежеуiштi басқаруды:
тежеуiш жүйесiнiң жұмыс iстеу тиiмдiлiгiн;
тұрақта тұру тежеуiш жүйесiнiң жұмыс iстеу тиiмдiлiгiн;
блоктауға қарсы тежеуiш жүйелерi сигнализаторларының жұмыс iстеуi (көлiк құралының конструкциясымен көзделген жағдайда);
тежеуiш жүйелерiнiң элементтерiнiң жай-күйi және тежеуiш жетегiнiң тұмшалануы;
2) рульдi басқаруды:
руль тетiгiнiң және оны бекiтетiн картердiң, руль жетегiнiң, руль дөңгелегiнiң және руль колонкасының механикалық жай-күйi мен жұмыс iстеуi;
жалпы люфтi;
3) көру:
көру өрісі;
әйнектердiң жай-күйi;
артқы көру айнасының жай-күйi және бекiтiлуi;
әйнек тазалағыштар;
әйнек жуғыштар;
4) көру бұрыштарының саны, орналасуы, түсі, сыртқы жарық аспаптарының, шағылдандырғыштардың және электр жабдығының жай-күйі, жұмыс істеуі және сипаттамасы:
алыс және жақын жарық фарлар;
алдыңғы және артқы габариттік (бүйір) оттар, бүйір сигнал беру шамдары;
тежеуіш сигналдар;
бұрылу көрсеткіштері;
алдыңғы және артқы тұманға қарсы фаралар;
артқы жүру шамдары;
артқы нөмірлік белгіні жарықтандыру лампасы;
авариялық сигнал беру (егер көлік құралының конструкциясында көзделсе);
оптикалық элементтер, оның ішінде түссіз немесе боялған бөлшектер мен пленкалар;";
5) дөңгелектер, шиналар мен аспалар:
шиналар бұжыртабанының тозуы және зақымдалуы;
аспа элементтерiнiң және оларды бекiткiштердiң (рессорлар, амортизаторлар, аспа иiнтiрегiшiнiң, шарнир элементтерiнiң) механикалық жай-күйi;
доңғалақтардың дискiлерi мен құрсауларының жай-күйi, олар бекiтiлетiн элементтердiң бар болуы;
6) шасси мен шассиге агрегаттар мен тораптарды бекiту элементтерiнiң ахуалы мен қызмет атқаруы:
түтiн түтiктерi мен тұншықтырғыштардың;
тiркеу құрылғыларының;
еденнiң (тек автобустарға, шағын автобустарға және таксиге қатысты);
жүргiзушi мен жолаушылар орындықтарының, жылыту, кондиционерлеу және желдетпе жүйесінің еңбекке қабілеттілігі, (тек автобустарға, шағын автобустарға және таксиге қатысты);
бамперлердiң, шашыраудан қорғауға арналған құрылғылардың жай-күйi мен жұмыс iстеуi;
7) өзге де жабдықтың:
балаларға арналған ұстау құрылғылары мен оларды бекiту орындары олардың болған кезінде, дыбыстық сигналдың, спидометрдiң жай-күйiн мен жұмыс iстеуi;
мыналардың болуы: қауiпсiздiк белдiктерiнiң,
өрт сөндiру құралдарының;
авариялық тоқтау белгiлерiнiң;
алғашқы медициналық көмек көрсетуге арналған дәрi-дәрмек қобдишасының;
8) қоршаған ортаға әсер ететiн факторлар:
пайдаланылған газдар;
жанармайдың және пайдаланылатын сұйықтықтардың ағуы (моторлық және трансмиссиялық май, тежеуiш, гидравликалық және суытатын сұйықтық);
9) арнайы және мамандандырылған көлік құралдарының "Кеден одағынының "Дөңгелек көлік құралдарының қауіпсіздігі туралы" техникалық регламентін қабылдау туралы" Еуразиялық экономикалық комиссиясының 2011 жылғы 9 желтоқсандағы № 877 шешімімен бекітілген "Дөңгелек көлік құралдарының қауіпсіздігі туралы" Кеден одағының 018/2011 КО ТР техникалық реламентінде белгіленген қосымша талаптарға сәйкестігі;
10) раманың, шанақтың жай-күйі:
қосымша жабдықтың және түс-графикалық бейнелердің болуы;
дөңгелек базасының, габариттік және сызықтық өлшемдердің өндіруші кәсіпорынның конструктивті параметрлерінің өлшемдеріне сәйкес келуі;
кабинаның, раманың, рама жақтауының жай-күйі.
Ескерту. 32-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.33. Мiндеттi техникалық қарап тексеруді өткiзудiң негiзгi кезеңiнде көлiк құралының бөлiктерін ажыратусыз және алып тастаусыз орындалады.
34. Тiркемелер мен жартылай тiркемелердiң техникалық жай-күйi автопоезд құрамында да, ағытылған жай-күйiнде де (тартым-тiркеме құрылғысы мен тежегiш блоктауының жарамдылығын бақылау үшiн) тексерiледi.
35. Мiндеттi техникалық қарап тексеруді жүргiзу нәтижелерi бойынша техникалық қарап тексеру операторы осы Қағидаларға қосымшаға сәйкес нысан бойынша техникалық қарап тексерудің диагностикалық картасын (бұдан әрi - диагностикалық карта) жасайды.
Көлiк құралын мiндеттi техникалық қарап тексеруден өткiзу нәтижелерi бiрыңғай диагностикалық картаға қалыптастырылады.
36. Диагностикалық картаға техникалық қарап тексеру операторының басшысы немесе осыған уәкiлеттiк берiлген тұлға қол қояды, техникалық қарап тексеру операторының мөрімен бекітіледі және көлiк құралының иесiне берiледi.
37. Диагностикалық картаны толтыруды техникалық қарап тексеру операторы мiндеттi техникалық қарап тексерудің бiрыңғай ақпараттық жүйесiмен өзара iс-әрекетiн жүзеге асыратын мамандандырылған бағдарламалық жасақтамада электрондық түрде жүргiзедi.
38. Стационарлық және ұтқыр техникалық қарап тексеру желiлерi мiндеттi техникалық қарап тексеруді жүргiзу нәтижелерi туралы ақпаратты қалыптастыру, сақтау және беру үшiн мiндеттi техникалық қарап тексерудің бiрыңғай ақпараттық жүйесiмен өзара iс-әрекетiн жүзеге асыратын мамандандырылған бағдарламалық қамтамасыз ететiн бағдарламалық-аппараттық кешенмен жабдықтанады.
39. Мiндеттi техникалық қарап тексерудің бiрыңғай басқару жүйесi орталықтандырылған, сондай-ақ бiрыңғай цифрлық хаттама бойынша бiрiктiрiлген және мынадай талаптарға сәйкес келедi:
1) бақылаулық-диагностикалық жабдықты басқару үшiн белгiленген бағдарламалық жасақтаманың болуы;
2) цифрлық хаттама негiзiнде жұмыс iстейді;
3) ресми және (немесе) мемлекеттiк тiлдердегi интерфейсi болады.
40. Бағдарламалық-аппараттық кешен компьютерлiк жабдық пен көлiк құралының бекiту құралын қамтиды.
Көлiк құралының тежеуiш жүйесiн тексеру фото тіркелген роликтiк тежеуiш стендiнде қамтамасыз етiледi. Фототіркеу құралы роликтiк тежеуiш стендiсiнде тұрған мемлекеттiк тiркеу нөмiрлiк белгiсiн және автомобильдiң алдыңғы осі немесе тіркеменің (жартылай тіркеменің) артқы осін бiр мезгiлде шолумен қамтамасыз етілетін орынға орналастырылады.
Мiндеттi техникалық қарап тексеруді өткiзудің процесі көлік құралын мемлекеттік тіркеу нөмірлік белгісі бойынша сәйкестендіруді қамтамасыз ететін фото және бейне тіркеу құралымен тiркеледi. Бейне тіркеу құралы барлық техникалық қарап тексеру желiсi шолуды қамтамасыз ететін орынға орналастырылады.
Техникалық қарап тексеру операторы көлiк құралдарының міндетті техникалық қарап тексерудің және фототіркеудің барлық рәсiмiн күн сайынғы бейне файлы жазбасының мұрағаттық сақталуын міндетті техникалық қарап тексеру жүргізінген сәттен бастап 1 жыл iшiнде қамтамасыз етедi.
Ескерту. 40-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.41. Мiндеттi техникалық қарап тексеруді жүргiзу нәтижелерi бойынша мамандандырылған бағдарламалық қамтамасыз ету арқылы мiндеттi техникалық қарап тексерудің бiрыңғай ақпараттық жүйесiне көлiк құралының иесi, көлiк құралы, мiндеттi техникалық қарап тексеруді жүргiзу нәтижелерi, берілген диагностикалық карталар туралы ақпарат берiледi.
42. Егер көлік құралын міндетті техникалық қарап тексеруден өткізу нәтижелері бойынша ақаулар және көлік құралы мен оның тіркемелерін пайдалануға жол берілмейтін жағдайлар анықталмаса, міндетті техникалық қарап тексеру өткізілді деп саналады.
Бұл жағдайда көлік құралы иесіне міндетті техникалық қарап тексеруден өтудің белгіленген мерзімділігіне сәйкес келесі міндетті техникалық қарап тексеруден өту мерзімі көрсетіле отырып, техникалық қарап тексерудің диагностикалық картасы беріледі.
43. Егер мiндеттi техникалық қарап тексеруден өткiзу нәтижелерi бойынша ақаулар және көлiк құралдары мен олардың тiркемелерiн пайдалануға жол берілмейтін жағдайлар анықталса, мiндеттi техникалық қарап тексеру өткiзiлмеді деп танылады.
Бұл жағдайда көлiк құралының иесiне ақаулары көрсетiле отырып диагностикалық карта беріледі және көлiк құралы иесiнің талабы бойынша өлшеу құралдарын тексеру нәтижелері бойынша алынған хаттама берiледi.
Ескерту. 43-тармаққа өзгеріс енгізілді - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.44. Көлiк құралын пайдалануға жол берілмейтін анықталған ақаулар мен шарттар жойылғаннан кейiн көлiк құралының иесi оны мiндеттi техникалық қарап тексеруді қайта жүргiзу үшiн ұсынады.
45. Көлiк құралын қайта мiндеттi техникалық қарап тексеру бiрiншi мiндеттi техникалық қарап тексеру жүргiзiлген техникалық қарап тексеру орталығында не өзге техникалық қарап тексеру орталығында жүргiзiледi.
46. Механикалық көлiк құралын және оның тіркемелерін алғашқы мiндеттi техникалық қарап тексеру өткізілген техникалық қарап тексеру орталығында қайта техникалық қарап тексеруден өткiзу кезінде техникалық қарап тексеру белгiленген критерийлерге сай болмаған және техникалық қарап тексерудің диагностикалық картасында немесе хаттамада көрсетiлген позициялар бойынша ғана жүргiзiледi.
Бұл жағдайда төлем қайтадан тексерiлетiн позицияларды тексергені үшiн ғана алынады.
Егер міндетті техникалық қарап тексеруден қайта өткізілген тексерудің нәтижесі бойынша көлік құралдарын пайдалануға жол берілмейтін жағдайда жай-күйі және ақаулық анықталмаса, міндетті техникалық қарап тексеруден өтті деп есептелінеді.
Бұл жағдайда көлік құралының иесіне міндетті техникалық қарап тексеруден өткізу кезеңділік мерзімі бекітілген ережеге сәйкес міндетті техникалық қарап тексерудің келесі өту мерзімі көрсетілген диагностикалық карта беріледі.
Ескерту. 46-тармаққа өзгеріс енгізілді - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.47. Техникалық қарап тексеру операторларына көлiк құралының иесiне қайта мiндеттi техникалық қарап тексеруді жүргiзуден бас тартуға рұқсат етiлмейдi.
48. Көлiк құралы иесiнiң мiндеттi техникалық қарап тексеруді жүргiзу кезiнде ақауларды анықтағаннан кейiн қайта мiндеттi техникалық қарап тексеруге ұсынуының ең ұзақ мерзiмi бірінші міндетті техникалық қарап тексеру өткізілген күннен бастап күнтiзбелiк он күндi құрайды.
Күнтiзбелiк он күн өткеннен кейiн көлiк құралының жай-күйiн осы Қағидада белгiленген талаптарға сәйкестiгiне тексеру жалпы негiздерде жүзеге асырылады.
49. Егер қайта мiндеттi техникалық қарап тексеру жүргiзу кезiнде бұрын анықталған және диагностикалық картада көрсетiлген, көлiк құралын пайдалануға жол берілмейтін ақаулар мен шарттар жойылмағаны белгiленсе, диагностикалық карта жасалады, онда қайта мiндеттi техникалық қарап тексеру нәтижелерi көрсетiледi.
Жол жүрісі қауіпсіздігін қамтамасыз ету саласындағы мемлекеттік бақылауды жүзеге асыратын лауазымды адамдар көлік құралдарын пайдалануға тыйым салатын ақаулар орын алып, жол-көлік оқиғасы болған жағдайда, көлік құралдарын міндетті техникалық қарап тексеруге қайта жібереді.
Ескерту. 49-тармақ жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.50. Белгіленген міндетті техникалық қарап тексеруден өту кезеңділігіне сәйкес келесі міндетті техникалық қарап тексеруден өту мерзімі көрсетілген диагностикалық карта жоғалған немесе бүлінген кезде көлік құралының иесі жоғалған немесе бүлінген диагностикалық картаның орнына диагностикалық картаны беру туралы өтінішпен техникалық қарап тексеру операторына жүгінеді.
Техникалық қарап тексеру операторы 15 минуттың ішінде көлік құралын міндетті техникалық қарап тексеруден өткізбей бұзылған немесе жоғалған диагностикалық картаның орнына диагностикалық карта беруді жүзеге асырады.
Бұзылған немесе жоғалған диагностикалық картаның орнына диагностикалық карта бұзылған немесе жоғалған диагностикалық картаның жарамдылық мерзіміне беріледі.
Көлiк құралының меншiк иесi және (немесе) мемлекеттiк тiркеу нөмiрлiк белгiсi өзгерген жағдайда көлiк құралын тiркеу орны бойынша жол жүрісі қауіпсіздігін қамтамасыз ету жөніндегі уәкілетті органның аумақтық бөлімшелері көлiк құралын мемлекеттiк тiркеу туралы жаңа куәлікті және (немесе) мемлекеттiк тiркеу нөмiрлiк белгiсiн беру кезiнде диагностикалық картаға және мiндеттi техникалық қарап тексерудің бiрыңғай ақпараттық жүйесi тиiстi өзгерiстердi енгiзудi жүргiзедi.
Ескерту. 50-тармаққа өзгеріс енгізілді - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.51. Техникалық қарап тексеру операторының техникалық қарап тексерудің стационарлық желiлерiнiң көлiк құралдарын мiндеттi техникалық қарап тексеруді жүргiзуi бойынша ақпараты мiндеттi техникалық қарап тексерудің бiрыңғай ақпараттық жүйесiне мынадай мерзімділікпен берiледі:
1) техникалық қарап тексерудің стационарлық желісі үшін - күн сайын нақті уақыт тәртібінде;
2) техникалық қарап тексерудің ұтқыр желісі үшін – күнтізбелік екі күн ішінде бір рет.
4-тарау. Механикалық көлік құралдарын және олардың тіркемелерін міндетті техникалық қарап-тексерудің бірыңғай ақпараттық жүйесінің жұмыс істеу тәртібі
Ескерту. Қағида 4-тараумен толықтырылды – ҚР Индустрия және инфрақұрылымдық даму министрінің 05.08.2019 № 614 (01.10.2019 бастап қолданысқа қолданысқа енгізіледі) бұйрығымен.
52. Механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесі мәліметтерінің анықтығын қамтамасыз ету үшін БАЖ Операторы мамандандырылған бағдарламалық қамтылымдарына:
1) "Жол жүрісі туралы" 2014 жылғы 17 сәуірдегі Қазақстан Республикасы Заңының 11-бабының 5-5) тармағына сәйкес бекітілген белгіленген талаптарға сәйкестігіне (бұдан әрі - Талаптар) және белгіленген Талаптармен тыйым салынған, оның ішінде деректерді қолмен енгізуге мүмкіндік беретін тәсілмен мамандандырылған бағдарламалық қамтылымдарды пайдалануды қамтамасыз ететін бағдарламалық белгілердің болмауына;
2) бастапқы кодтың компиляциялау мен құрастыру дайындығына тексеру жүргізеді.
53. Механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесі мәліметтерінің анықтығын қамтамасыз ету мақсатында БАЖ Операторына мамандандырылған бағдарламалық қамтылымдардан белгіленген Талаптарға сәйкес келмейтін мәліметтерді қабылдауға және модульдерден, бақылаушылардан, датчиктерден бақылау-диагностикалық жабдықтардан жіберілетін деректерді бұрмалайтын мәліметтерді қабылдауға (деректерді) жол берілмейді.
54. Осы Қағидалардың 52-тармағымен көзделген талаптарды сақтаған кезде БАЖ Операторы мамандандырылған бағдарламалық қамтылымдардың берілген нұсқасы үшін механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесіне қосу үшін сәйкестендіру кілтін жасайды.
55. Сәйкестендіру кілті жасалғаннан кейін және оны мамандандырылған бағдарламалық қамтылымдардың бастапқы кодына шифрланған түрде енгізгеннен кейін БАЖ Операторы техникалық қарап-тексеру орталықтарының жұмыс станцияларында орындауға арналған орындалатын және өзге де файлдар жиынтығына мамандандырылған бағдарламалық қамтылымдардың бастапқы кодын түпкілікті компиляциялау мен құрастыруды жүргізеді.
56. Соңғы мамандандырылған бағдарламалық қамтылымдарды шифрланған түрде сәйкестендіру кілтімен біріктіріп компиляциялағаннан және құрастырғаннан кейін, мамандандырылған бағдарламалық қамтылымдардың орындалатын файлдарынан (оның ішінде DLL кітапханалары) хеш-сома алынады, ол кейінгі тексерулер жүргізу және диагностикалық картаның қызметтік алаңдарында пайдалану үшін мамандандырылған бағдарламалық қамтылымдарда орындалатын файлдарының нұсқасы мен жай-күйін бірдей сәйкестендіреді.
57. БАЖ Операторы түрлендіргіштің тікелей мәнін белгілейді, ол хеш-функцияларды парольмен бірге береді және түрлі-түсті кестелерін пайдалана отырып, сөздік бойынша іріктеулерден және шабуылдардан қорғау, сондай-ақ бірдей парольдерді жасыру үшін пайдаланылады.
Түрлендіргіштің тікелей мәнін БАЖ Операторы белгілейді және беруге жатпайды.
58. Мамандандырылған бағдарламалық қамтылымдарда белгіленген Талаптарға сәйкессіздігі анықталған кезде БАЖ Операторы деректерді осы мамандандырылған бағдарламалық қамтылымдар механикалық көлік құралдары мен олардың тіркемелерін міндетті техникалық қарап-тексерудің бірыңғай ақпараттық жүйесіне беруді тоқтады.
59. БАЖ Операторы көлік және коммуникация саласындағы уәкілетті органды мамандандырылған бағдарламалық қамтылымдарды белгіленген Талаптарға сәйкестігі немесе сәйкес еместігі туралы хабардар етеді.
Ескерту. Қосымшаның оң жақ жоғарғы бұрышы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
№ ___ техникалық қарап-тексерудің диагностикалық картасы
Certificate of periodic technical inspection
Ескерту. Қосымша жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
Беткі жағы
Техникалық қарап-тексеру операторы (оператордың атауы мен мекенжайы): | ||
Бастапқы тексеру | Қайталап тексеру | Диагностикаланатын көлік құралының фотосуреті |
Мемлекеттік тіркеу нөмірінің белгісі: | ||
Көлік құралының иесі | ||
Сәйкестендіру нөмірі (VIN): | ||
Маркасы, моделі: | ||
Шығарылған жылы: | ||
Көлік құралын тіркеу туралы куәлігі (сериясы, нөмірі): | ||
Шанақ нөмірі: | ||
Рама нөмірі: | ||
Қозғалтқыш нөмірі: | ||
Көлік құралының санаты: |
№ | Тексерілетін параметрлері және қойылатын талаптар | № | Тексерілетін параметрлері және қойылатын талаптар | № | Тексерілетін параметрлері және қойылатын талаптар | ||||||
I. Тежегіш жүйелері | 15 | Жүргізуші жағынан әйнек тазалағышпен әйнектің жартысын тазалау аймағында желқағар әйнекте жарықшақтың болмауы | 29 | Отын ағуының және пайдалану сұйықтықтарының тамшылауының болмауы | |||||||
1 | Жұмыс тежегіш жүйесі іс-қимылының тиімділігі көрсеткіштерінің сәйкестігі | 16 | Белгіленген талаптарға сәйкес артқы көрініс айнасының болуы және жай-күйі | 30 | Газбен жұмыс істейтін көлік құралдарының тұтқырлық жүйесінің бұзылуларының болмауы. Газ баллондарының белгіленген талаптарға сәйкестігі | ||||||
2 | Тежегіш күштер айырмашылықтарының белгіленген талаптарға сәйкестігі | IV. Сыртқы жарықтық аспаптары | VII. Конструкцияның басқа элементтері | ||||||||
3 | Тұрудағы тежегіш жүйесі іс-қимылдарының тиімділігі көрсеткіштерінің сәйкестігі | 17 | Конструкцияда көзделген орындарда фарлардың, сигнал фонарларының болуы және орналасуы | 31 | Дыбыстық сигнал беру аспабының жұмыс істеу қабілеттілігінің болуы | ||||||
4 | Бұғаттауға қарсы тежегіш жүйелері сигнал бергішінің жұмыс істеуі | 18 | Фарлардың және сигналдық фонарлардың жай-күйі, жұмыс істеу қабілеттілігі және жұмыс режимі | 32 | Бір осьтік тіркемелерде (тарқатуды қоспағанда) және жұмыс тежегіш жүйелермен жабдықталмаған тіркемелерде жұмыс істеуге қабілетті сақтандырғыш керек-шарақтардыңардың болуы | ||||||
5 | Тежегіш жетегі тұтқырлығының бұзылуының, қысым түскен тежегіш шлангтердің ісінуінің, жарықшақтардың, ысқыланған жерлердің, тұтқырлығының жоғалуына немесе қирау қаупін төндіретін тотығудың болмауы | 19 | Реттеу бұрыштары мен фарлар жарығы күшінің қойылатын талаптарға сәйкестігі | 33 | Автоматты құлыптың, ершікті-ілініс құрылғысының қолдық және автоматтық бұғаттауының жұмыс істеу қабілеттілігі. Ілініс құрылғысының жарықшақтарының және көрінетін бұзылуының болмауы | ||||||
6 | Тежегіш сұйықтықтарының ағуының болмауы | 20 | Жарық аспаптары шашыратқыштарының, оптикалық элементтер, оның ішінде түссіз немесе боялған бөлшектер мен пленкалар бұзылулары мен жарықшақтарының болмауы | 34 | Көлік құралын жарамды қауіпсіздік белбеулермен жарақтау | ||||||
II. Рулдік басқару | V. Шиналар, доңғалақтар және аспалар | 35 | Тұншықтырғыштардың және түтін түтіктерінің болуы | ||||||||
7 | Рулдік басқаруда шекті мәндерден жиынтық люфтың артуының болмауы | 21 | Шина бұжыртабандары суретінің биіктігінің белгіленген талаптарға сәйкестігі | 36 | Спидометрдің жұмыс істеу қабілеттілігі | ||||||
8 | Рулдік басқару күшейткіші бар рулдік доңғалақтың бейтарап жағдайдан өздігінен бұрылуының болмауы | 22 | Кордты жалаңаштайтын бұжыртабанның жергілікті ажырауының және шинаның жергілікті зақымдануларының (тесілуі, кесілуі, жыртылуы) болмауы | 37 | Бамперларының және доңғалақ үстінің ластанудан қорғау құрылғыларының болуы және жай-күйі | ||||||
9 | Рулдік бағанның және рулдік механизм картерінің бекіту бөлшектерінің зақымдануының болмауы және толық жиынтығы | 23 | Доңғалақ дискілері мен құрсаулары бекітпесінің барлық бұрандамалары мен сомындарынның болуы | 38 | Салон еденінде жарықшақтардың болмауы, орындықтардың сенімді бекітілуі, автобустарда, шағын автобустарда және таксиде орындықтарды, жылыту, желдетпе жүйесін реттеу механизмдерінің және бекітпелерінің жұмыс істеуге қабілеттілігі | ||||||
10 | Қалдық түрлену іздерінің, рулдік механизмде және рулдік жетекте жарықшақтар мен басқа да ақаулардың болмауы | 24 | Доңғалақ дискілері мен құрсауларында жарықшақтың болмауы | 39 | Балаларға арналған ұстау құрылғылары мен оларды бекiту орындарының жай-күйi мен жұмыс iстеуi. Белгіленген талаптарға сәйкес келетін авариялық аялдау белгісінің, өртсөндіргіштердің және медициналық қобдишаның болуы | ||||||
III. Көрініс | 25 | Белгіленген талаптарға сәйкес көлік құралына шиналарды орнату | 40 | Мамандандырылған және арнайы көлік құралдарының "Дөңгелек көлік құралдарының қауіпсіздігі туралы" Кеден одағынның техникалық регламентін қабылдау туралы" Еуразиялық экономикалық комиссиясының 2011 жылңы 9 желтоқсандағы № 877 шешімімен бекітілген "Дөңгелек көлік құралдарының қауіпсіздігі туралы" Кеден одағының 018/2011 КО ТР техникалық реламентте белгіленген қосымша талаптарға сәйкестігі | |||||||
11 | Желқағар әйнектің әйнек тазалағыштарының болуы және жұмыс істеу қабілеттілігі | 26 | Аспа түйіндері мен бөлшектерінің жай-күйі, сондай-ақ олар бекітілетін орындарда қозғалыстың (конструкциямен көзделмеген) және лифтердің болмауы | ХIII. Рама, шанақ жай-күйі | |||||||
12 | Желқағар әйнектің әйнек жуғыштары форсункаларының болуы және әйнек жуғыштың әйнек жуу аймағына сұйықтық беруді қамтамасыз етуі | VI. Қозғалтқыш және оның жүйелері | 41 | Қосымша жабдық және түс-графикалық бейнелердің болуы | |||||||
13 | Жүргізуші орнынан көріністі шектейтін қосымша заттардың немесе жамылғылардың болмауы. Желқағар әйнектің жоғарғы бөлігіндегі пленка жолағының белгіленген талаптарға сәйкестігі | 27 | Көлік құралдарының пайдаланылған газдарындағы ластандырғыш заттардың белгіленген талаптарға сәйкестігі | 42 | Доңғалақ базасының, габариттік және ұзындық өлшемдерінің өндіруші кәсіпорынның конструктивті параметрлерінің өлшемдеріне сәйкес келуі | ||||||
14 | Желқағар әйнектің, алдыңғы бүйірлік әйнектің және алдыңғы есіктер әйнегінің жарық өткізу нормасына сәйкестігі | 28 | Пайдаланылған газдардың түтіндегіштігінің шекті рұқсат етілген деңгейінің белгіленген талаптарға сәйкестігі | 43 | Кабинаның, раманың, рама жақтауының жай-күйі |
Екінші жағы
Диагностикалау нәтижелері | |||||
Сәйкессіздік анықталған параметрлерді тексеру | Диагностикалық карта тармағы | ||||
Төменгі шекара | Тексеру нәтижесі | Жоғарғы шекара | Параметр атауы | ||
Сәйкессіздік анықталған параметрлерді көзбен шолып тексеру | |||||
Тексеру заттары (торап, бөлшек, агрегат) | Талаптарға сәйкессіздік мазмұны | ||||
Көлік құралының деректері | ||
Жүктемесіз масса: | Рұқсат етілген ең көп масса: | |
Отын түрі: | Жүрісі: | |
Жол қауіпсіздігі талаптарына сәйкестілік /сәйкессіздік туралы қорытынды (қажет емесі сызып тасталсын) | сәйкес келеді matches | сәйкес келмейді does not match |
Қайталап тексеруді талап ететін диагностикалық карта тармақтары: | ||
Диагностикалық картаның берілген күні: 20___ ж. "____" _________ | Техникалық сарапшының Т.А.Ә. (ол болған жағдайда): | Қолы: |
Келесі міндетті техникалық қарап тексеруден өту мерзімі: 20___ ж. "____" _________ |
Көлік құралы иесінің және (немесе) мемлекеттік тіркеу нөмірлік белгісінің өзгеруі | Көлік құралының иесі: | МО_________________ Күні_______________ |
Мемлекеттік тіркеу нөмірлік белгісі: |
Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 329 бұйрығына 2-қосымша |
Қарулы Күштердің, басқа да әскерлер мен әскери құралымдардың механикалық көлік құралдары мен олардың тіркемелерін қоспағанда, механикалық көлік құралдары мен олардың тіркемелерін міндетті техникалық қарап-тексеруден өткізу кезеңділігі
Ескерту. 2-қосымшаның тақырыбы жаңа редакцияда – ҚР Индустрия және инфрақұрылымдық даму министрінің 05.08.2019 № 614 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
Ескерту. 2-қосымша жаңа редакцияда - ҚР Инвестициялар және даму министрінің 31.05.2016 № 452 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
1. Жол жүрісі қауіпсіздігін қамтамасыз ету жөніндегі уәкілетті органда тіркелген механикалық көлік құралдары мен олардың тіркемелерін міндетті техникалық қарап-тексеру техникалық қарап-тексеру орталықтарында мынадай кезеңділікпен жүргізіледі:
1) әрбір 12 ай сайын – шығарылған жылын қоса алғанда, жасы 7 жылдан асатын, автомобиль көлігі саласындағы кәсіпкерлік қызметте пайдаланылмайтын М1 санаттағы, N1-3, O1-4, L1-7, G, сондай-ақ қауіпті жүктерді тасымалдауға арналған және жабдықталған арнайы және мамандандырылған көлік құралдары;
2) әрбір алты ай сайын – автомобиль көлігі саласындағы кәсіпкерлік қызметте пайдаланылатын М1 санаттағы, адамдарды тасымалдау үшін жабдықталған М2, М3, N, сондай-ақ қауіпті жүктерді тасымалдауға арналған және жабдықталған M1, N1-3, и O1-4 санаттағы.
2. Механикалық көлік құралдары мен олардың тіркемелерінің бұдан кейінгі міндетті техникалық қарап-тексеруден өту мерзімі белгіленген кезеңділікке сәйкес бастапқы міндетті техникалық қарап-тексеруден өту күнінен бастап есептеледі.
3. М1 санатындағы көлік құралдары, егер бір жолаушы шартты массасына (75 кг) жолаушылар саны конструкциясында көзделген көбейтіндісі жолаушылармен бір мезгілде тасымалданатын жүктің есептік массасынан аспаса, N санатына белгіленген кезеңділікке сәйкес міндетті техникалық қарап-тексеруден өтеді.