Мемлекеттік мүлікті есепке алу саласында мемлекеттік көрсетілетін қызметтердің стандарттарын бекіту туралы

      «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңының 10-бабының 1-ші тармағына сәйкес БҰЙЫРАМЫН:
      1. Қоса беріліп отырған:
      1) осы бұйрыққа 1-қосымшаға сәйкес «Мемлекеттік мүлік тізілімінен ақпарат беру (мемлекет бақылайтын акционерлік қоғамдар мен жауапкершілігі шектеулі серіктестіктердің, сондай-ақ мемлекеттік заңды тұлғалардың тізбесі; Мемлекеттік меншік объектілерін сауда-саттыққа қою кестесіне енгізілген мемлекеттік мүлік туралы ақпарат пен материалдар)» мемлекеттік көрсетілетін қызмет стандарты;
      2) осы бұйрыққа 2-қосымшаға сәйкес «Мемлекеттік мүлікті жалға алушылармен (сенімгерлік басқарушылармен) жасалған жалдау (сенімгерлік басқару) шарттары бойынша оларға Мемлекеттік мүлік тізілімінен шарт бойынша есептеулер, өсімпұл мен мемлекеттік бюджетке түскен төлемдер туралы мәліметтерді қамтитын анықтама беру» мемлекеттік көрсетілетін қызмет стандарты;
      3) осы бұйрыққа 3-қосымшаға сәйкес «Қазақстан Республикасының Үкіметі айқындайтын тәртіппен сыйға тарту шарты бойынша мемлекеттік емес заңды тұлғалардың және жеке тұлғалардың мүлік құқықтарын Қазақстан Республикасының қабылдауы» мемлекеттік көрсетілетін қызмет стандарты бекітілсін.
      2. Қазақстан Республикасы Қаржы министрлігінің Мемлекеттік мүлік және жекешелендіру комитеті (Э.К. Өтепов) заңнамада белгіленген тәртіппен:
      1) осы бұйрықты Қазақстан Республикасы Әділет министрлігінде мемлекеттік тіркеуді;
      2) күнтізбелік он күн ішінде оны мерзімдік баспа басылымдарында және «Әділет» ақпараттық-құқықтық жүйесінде ресми жариялауға жолдауды;
      3) осы бұйрықты Қазақстан Республикасы Қаржы министрлігінің интернет-ресурсында орналастыруды қамтамасыз етсін.
      3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасы
      Қаржы министрі                             Б. Сұлтанов

      «КЕЛІСІЛДІ»
      Қазақстан Республикасының
      Инвестициялар және даму министрі
      ____________________ Ә. Исекешев
      2015 жылғы 25 сәуір

      «КЕЛІСІЛДІ»
      Қазақстан Республикасы
      Ұлттық экономика министрі
      __________________ Е. Досаев
      2015 жылғы 26 сәуір

Қазақстан Республикасы
Қаржы министрінің 
2015 жылғы 27 сәуірдегі
№ 285 бұйрығына 1-қосымша

«Мемлекеттiк мүлік тізілімінен ақпарат беру (мемлекет бақылайтын акционерлік қоғамдар мен жауапкершілігі шектеулі серіктестіктердің, сондай-ақ мемлекеттік заңды тұлғалардың тізбесі; мемлекеттік меншік объектілерін сауда-саттыққа қою кестесіне енгізілген мемлекеттік мүлік туралы ақпарат пен материалдар)» мемлекеттік көрсетілетін қызмет стандарты

1. Жалпы ережелер

      1. «Мемлекеттiк мүлік тізілімінен ақпарат беру (мемлекет бақылайтын акционерлік қоғамдар мен жауапкершілігі шектеулі серіктестіктердің, сондай-ақ мемлекеттік заңды тұлғалардың тізбесі; мемлекеттік меншік объектілерін сауда-саттыққа қою кестесіне енгізілген мемлекеттік мүлік туралы ақпарат пен материалдар)» мемлекеттік көрсетілетін қызметі (бұдан әрі – мемлекеттік көрсетілетін қызмет).
      2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі – Министрлік) әзірледі.
      3. Мемлекеттік қызметті Қазақстан Республикасы Қаржы министрлігінің Мемлекеттік мүлік және жекешелендіру комитеті (бұдан әрі – көрсетілетін қызметті беруші) көрсетеді.
      Өтініштерді қабылдау және мемлекеттік қызметті көрсету нәтижелерін беру www.e.gov.kz «электрондық үкімет» веб-порталы (бұдан әрі – портал) арқылы жүзеге асырылады.

2. Мемлекеттік қызметті көрсету тәртібі

      4. Көрсетілетін қызметті алушы порталға сұрауды ұсынған сәттен бастап мемлекеттік қызметті көрсету мерзімдері – 10 (он) минут.
      5. Мемлекеттік қызметті көрсету нысаны – электрондық (толығымен автоматтандырылған).
      6. Мемлекеттік қызметті көрсету нәтижесі – осы мемлекеттік көрсетілетін қызмет стандартына 1-қосымшаға сәйкес мемлекет бақылайтын акционерлік қоғамдар мен жауапкершілігі шектеулі серіктестіктердің, сондай-ақ мемлекеттік заңды тұлғалардың тізбесі; осы мемлекеттік көрсетілетін қызмет стандартына 2-қосымшаға сәйкес мемлекеттік меншік объектілерін сауда-саттыққа қою кестесіне енгізілген мемлекеттік мүлік туралы ақпарат пен материалдар.
      7. Мемлекеттік қызмет жеке және заңды тұлғаларға тегін көрсетіледі.
      8. Порталдың жұмыс кестесі – тәулік бойы (жөндеу жұмыстарының жүргізілуіне байланысты техникалық үзілістерді қоспағанда).
      9. Көрсетілетін қызметті алушы порталға жүгінген кезде мемлекеттік қызмет көрсету үшін қажетті құжаттардың тізбесі:
      осы мемлекеттік көрсетілетін қызмет стандартына 3-қосымшаға сәйкес мемлекет бақылайтын акционерлік қоғамдар мен жауапкершілігі шектеулі серіктестіктердің, сондай-ақ мемлекеттік заңды тұлғалардың тізбесі бойынша;
      осы мемлекеттік көрсетілетін қызмет стандартына 4-қосымшаға сәйкес мемлекеттік меншік объектілерін сауда-саттыққа қою кестесіне енгізілген мемлекеттік мүлік туралы ақпарат пен материалдар бойынша.

3. Мемлекеттік қызметтер көрсету мәселелері бойынша
көрсетілетін қызметті берушінің және (немесе) оның лауазымды
адамдарының шешімдеріне, әрекетіне (әрекетсіздігіне) шағымдану
тәртібі

      10. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану: шағым осы мемлекеттік көрсетілетін қызмет стандартының 12-тармағында көрсетілген мекенжай бойынша көрсетілетін қызметті беруші басшысының атына беріледі.
      Шағым пошта арқылы жазбаша түрде не көрсетілетін қызметті берушінің кеңсесі арқылы қолма қол беріледі.
      Көрсетілетін қызметті берушінің, Министрліктің кеңсесінде күні мен уақытын, шағымды қабылдаған лауазымды адамның тегі мен аты-жөні, берілген шағымға жауап алудың мерзімі мен орны көрсетіле отырып, шағымды тіркеу (мөртабан, кіріс нөмірі және күні) оның қабылданғанын растау болып табылады.
      Көрсетілетін қызметті алушының мемлекеттік қызмет көрсету мәселелері бойынша көрсетілетін қызметті берушінің, Министрліктің атына келіп түскен шағымы тіркелген күнінен бастап бес жұмыс күні ішінде қаралуға жатады. Шағымды қараудың, нәтижелері туралы дәлелді жауап көрсетілген қызметті алушыға пошта арқылы жолданады не көрсетілетін қызметті берушінің, Министрліктің кеңсесінде қолма қол беріледі.
      Портал арқылы өтініш білдірген кезде шағымдану тәртібі туралы ақпаратты мемлекеттік қызметтер көрсету мәселелері жөніндегі бірыңғай байланыс орталығы: 8-800-080-7777 немесе 1414 телефоны бойынша алуға болады.
      Портал арқылы шағымды жіберген кезде көрсетілетін қызметті алушыға «жеке кабинеттен» көрсетілетін қызметті берушінің өтініштерді өңдеу барысында (жеткізілу, тіркелу, орындалу туралы белгілер, қарау немесе қараудан бас тарту туралы жауап) жаңартылып отыратын өтініш туралы ақпарат қолжетімді болады.
      Көрсетілетін қызметті алушы көрсетілген мемлекеттік қызметтің нәтижелерімен келіспеген жағдайда, мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады.
      Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен шағымы тіркелген күнінен бастап он бес жұмыс күні ішінде қаралуға жатады.
      11. Көрсетілген мемлекеттік қызметтің нәтижелерімен келіспеген жағдайда, көрсетілетін қызметті алушының Қазақстан Республикасының заңнамасында белгіленген тәртіппен сотқа жүгінуге құқығы бар.

4. Мемлекеттік көрсетілетін қызметті, оның ішінде электрондық нысанда көрсету ерекшеліктері ескеріле отырып қойылатын өзге де талаптар

      12. Мемлекеттік қызметті көрсету орындарының мекенжайлары:
      1) Министрліктің www.minfin.gov.kz интернет-ресурсында;
      2) порталда орналастырылған.
      13. Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты қашықтықтан қол жеткізу режимінде порталдың «жеке кабинеті», сондай-ақ мемлекеттік қызметтер көрсету мәселелері жөніндегі бірыңғай байланыс орталығы арқылы алу мүмкіндігі бар.
      14. Мемлекеттік қызметтер көрсету мәселелері жөніндегі анықтама қызметтерінің байланыс телефондары Министрліктің www.minfin.gov.kz интернет-ресурсында орналастырылған, мемлекеттік қызметтер көрсету мәселелері жөніндегі бірыңғай байланыс орталығы: 8-800-080-7777, 1414.

«Мемлекеттiк мүлік тізілімінен ақпарат беру
(мемлекет бақылайтын акционерлік қоғамдар мен
жауапкершілігі шектеулі серіктестіктердің,
сондай-ақ мемлекеттік заңды тұлғалардың тізбесі;
мемлекеттік меншік объектілерін сауда-саттыққа
қою кестесіне енгізілген мемлекеттік мүлік туралы
ақпарат пен материалдар)» мемлекеттік көрсетілетін
қызмет стандартына 1-қосымша       

Мемлекет бақылайтын акционерлік қоғамдар мен жауапкершілігі
шектеулі серіктестіктердің, сондай-ақ мемлекеттік заңды
тұлғалардың тізбесі

      Ескертпе:
      БСН – бизнес-сәйкестендіру нөмірі;
      МНК – меншік нысанының коды.

«Мемлекеттiк мүлік тізілімінен ақпарат беру
(мемлекет бақылайтын акционерлік қоғамдар мен
жауапкершілігі шектеулі серіктестіктердің,
сондай-ақ мемлекеттік заңды тұлғалардың тізбесі;
мемлекеттік меншік объектілерін сауда-саттыққа
қою кестесіне енгізілген мемлекеттік мүлік туралы
ақпарат пен материалдар)» мемлекеттік көрсетілетін
қызмет стандартына 2-қосымша       

Мемлекеттік меншік объектілерін сауда-саттыққа қою кестесіне
енгізілген мемлекеттік мүлік туралы ақпарат пен материалдар

     1. Жекешелендіру объектісін қарап шығу кезінде
      1. Объекті бойынша мынадай ақпарат көрсетіледі:
      1) объектінің ID нөмірі:
      2) жекешелендіру объектісінің түрі:
      акциялар (АҚ);
      үлес (ЖШС);
      мүліктік кешен;
      машиналар мен жабдық;
      жылжымайтын мүлік;
      жылжымайтын мүлік (аяқталмаған құрылыс);
      өзгелер;
      көлік;
      3) сатушы;
      4) жекешелендіру объектісін сату кезеңі;
      5) объектінің мәртебесі:
      жекешелендірілуде;
      белсенді емес;
      жекешелендірілген;
      сауда-саттықтан алынған;
      6) объектіні бұғаттау:
      еркін;
      алып тастауға жатады;
      7) меншік нысанының коды (МНК):
      республикалық;
      коммуналдық облыстық (республикалық маңызы бар қаланың, астананың);
      коммуналдық аудандық (облыстық маңызы бар қаланың);
      8) қосымша деректер (жекешелендіру объектісінің түріне қарай).
      2. Объектіні бағалау туралы ақпарат көрсетіледі:
      1) бағалаушының атауы;
      2) есептің нөмірі;
      3) есептің күні;
      4) бағалау құны, теңге;
      5) бағалау күні.
      3. Объекті бойынша құжаттар беттерге таратылған, «объектініңэлектрондық деректеріне» енгізілген, сканерленген түрде көрсетіледі:
      1) объектінің құжаттары;
      2) жер бойынша құжаттар;
      3) фотоальбом.
     2. Мерзімді баспа басылымдарында (бұдан әрі – МББ) жарияланған, жекешелендіру объектісін сату бойынша сауда-саттық өткізу туралы хабарламалар жөніндегі ақпаратты қарап шығу кезінде
      1. МББ-ның атауы.
      2. Жарияланымның нөмірі мен күні.
      3. Сауда-саттық өткізудің уақыты мен күні.
      4. Сауда-саттық нысаны.
      5. Сауда-саттық түрі.
      6. Кепілдік жарна.
      7. МББ-да жарияланған хабарландырудың мәтіні:
      1) мемлекеттік тілде;
      2) орыс тілінде.
     3. Сауда-саттық туралы деректерді қарап шығу кезінде
      1. Сауда-саттық нысаны:
      1) аукцион (ағылшын немесе голландиялық);
      2) тікелей атаулы сатылым;
      3) тендер (инвестициялық немесе коммерциялық);
      4) қор биржасы.
      2. Сауда-саттықтың әдісі.
      3. Қосымша шарттар.
      4. Сауда-саттықтың күні мен уақыты.
      5. Алғашқы баға, теңге.
      6. Кепілдік жарна, теңге.
      7. Өсу/төмендеу коэффициенті.
      8. Бастапқы баға, теңге.
      9. Ең төменгі баға, теңге.
      10. Сауда-саттық мәртебесі:
      1) өткізілген жоқ;
      2) болмайды;
      3) өткізілді;
      4) сауда-саттық күтілуде.

      Ескертпе:
      ID – сәйкестендіру нөмірі;
      АҚ – акционерлік қоғамдар;
      ЖШС – жауапкершілігі шектеулі серіктестіктер.

«Мемлекеттiк мүлік тізілімінен ақпарат беру
(мемлекет бақылайтын акционерлік қоғамдар мен
жауапкершілігі шектеулі серіктестіктердің,
сондай-ақ мемлекеттік заңды тұлғалардың тізбесі;
мемлекеттік меншік объектілерін сауда-саттыққа
қою кестесіне енгізілген мемлекеттік мүлік туралы
ақпарат пен материалдар)» мемлекеттік көрсетілетін
қызмет стандартына 3-қосымша     

Мемлекет бақылайтын акционерлік қоғамдар мен жауапкершілігі шектеулі серіктестіктердің, сондай-ақ мемлекеттік заңды тұлғалардың тізбесін алуға арналған нысан

     1. БСН өлшемі бойынша іздеу үшін анықтамалықтан сұрау шарты таңдалады:
      Тең;
      Тең емес;
      Қамтиды;
      Басталады;
      Аяқталады.
және «Берілмеген» жиегінде іздеу мәнін енгіземіз.
      2. СТН өлшемі бойынша іздеу үшін анықтамалықтан сұрау шарты таңдалады:
      Тең;
      Тең емес;
      Қамтиды;
      Басталады;
      Аяқталады.
және «Берілмеген» жиегінде іздеу мәнін енгіземіз.
      3. «Атауы (орыс тіл.)» өлшемі бойынша іздеу үшін анықтамалықтан сұрау шарты таңдалады:
      Тең;
      Тең емес;
      Қамтиды;
      Басталады;
      Аяқталады;
      Сөздерді қамтиды.
және «Берілмеген» жиегінде іздеу мәнін енгіземіз.
      4. «ҰҚН (Ұйымдық-құқықтық нысан)» өлшемі бойынша іздеу үшін анықтамалықтан сұрау шарты таңдалады:
      Кіреді;
      Кірмейді.
және «Берілмеген» жиегінде бір немесе бірнеше қажетті мәндерді таңдаймыз:
      акционерлік қоғам;
      жабық акционерлік қоғам;
      ашық акционерлік қоғам;
      мемлекеттік мекеме;
      жедел басқару құқығындағы(қазыналық) мемлекеттік кәсіпорын;
      шаруашылық жүргізу құқығындағы мемлекеттік кәсіпорын;
      еншілес кәсіпорын;
      басқа да коммерциялық ұйымдар;
      басқа да коммерциялық емес ұйымдар;
      өкілдік;
      жауапкершілігі шектеулі серіктестік;
      филиал.
      5. «МНК (Меншік нысанының коды)» өлшемі бойынша іздеу үшін анықтамалықтан сұрау шарты таңдалады:
      Кіреді;
      Кірмейді.
      және «Берілмеген» жиегінде бір немесе бірнеше қажетті мәндерді таңдаймыз:
      коммуналдық облыстық (республикалық маңызы бар қала, астана);
      коммуналдық аудандық (облыстық маңызы бар қала);
      аудандық коммуналдық (басқаруға берілген);
      республикалық меншік;
      мемлекеттік холдингтердің меншігі.
      6. «Бұғаттау» өлшемі бойынша іздеу үшін анықтамалықтан сұрау шарты таңдалады:
      Кіреді;
      Кірмейді.
және «Берілмеген» жиегінде бір немесе бірнеше қажетті мәндерді таңдаймыз:
      1) белсенді;
      2) қатықтағы.

«Мемлекеттiк мүлік тізілімінен ақпарат беру
(мемлекет бақылайтын акционерлік қоғамдар мен
жауапкершілігі шектеулі серіктестіктердің,
сондай-ақ мемлекеттік заңды тұлғалардың тізбесі;
мемлекеттік меншік объектілерін сауда-саттыққа
қою кестесіне енгізілген мемлекеттік мүлік туралы
ақпарат пен материалдар)» мемлекеттік көрсетілетін
қызмет стандартына 4-қосымша      

Мемлекеттік меншік объектілерін сауда-саттыққа қою кестесіне
енгізілген, мемлекеттік мүлік туралы ақпарат пен материалдарды
алуға арналған нысан

      1. «Жекешелендіру объектісінің түрі» өлшемі бойынша іздеу үшін анықтамалықтан сұрау шарты таңдалады:
      Кіреді;
      Кірмейді.
және «Берілмеген» жиегінде бір немесе бірнеше қажетті мәндерді таңдаймыз:
      1) акциялар (АҚ);
      2) үлес (ЖШС);
      3) мүліктік кешен;
      4) машиналар мен жабдық;
      5) жылжымайтын мүлік;
      6) жылжымайтын мүлік (аяқталмаған құрылыс);
      7) өзгелер;
      8) көлік.
      2. «Бұғаттау» өлшемі бойынша іздеу үшін анықтамалықтан сұрау шарты таңдалады:
      Кіреді;
      Кірмейді.
және сұрау жиегінде бір немесе бірнеше қажетті мәндерді таңдаймыз:
      1) жекешелендірілуде;
      2) жекешелендірілген;
      3) алынып тасталған.
      3. «МНК (Меншік нысанының коды)» өлшемі бойынша іздеу үшін анықтамалықтан сұрау шарты таңдалады:
      Кіреді;
      Кірмейді.
және «Берілмеген» жиегінде бір немесе бірнеше қажетті мәндерді
таңдаймыз:
      1) республикалық меншік;
      2) коммуналдық облыстық (республикалық маңызы бар қала, астана);
      3) коммуналдық аудандық (облыстық маңызы бар қала);
      4) Қазарнаулы эксперт.

Қазақстан Республикасы
Қаржы министрінің
2015 жылғы 27 сәуірдегі
№ 285 бұйрығына 
2-қосымша   

«Мемлекеттік мүлікті жалға алушылармен (сенімгерлік басқарушылармен) жасалған жалдау (сенімгерлік басқару) шарттары бойынша оларға мемлекеттік мүлік тізілімінен шарт бойынша есептеулер, өсімпұл мен мемлекеттік бюджетке түскен төлемдер туралы мәліметтерді қамтитын анықтама беру» мемлекеттік көрсетілетін қызмет стандарты

1. Жалпы ережелер

      1. «Мемлекеттік мүлікті жалға алушылармен (сенімгерлік басқарушылармен) жасалған жалдау (сенімгерлік басқару) шарттары бойынша оларға мемлекеттік мүлік тізілімінен шарт бойынша есептеулер, өсімпұл мен мемлекеттік бюджетке түскен төлемдер туралы мәліметтерді қамтитын анықтама беру» мемлекеттік көрсетілетін қызметі (бұдан әрі – мемлекеттік көрсетілетін қызмет).
      2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі – Министрлік) әзірледі.
      3. Мемлекеттік қызметті Қазақстан Республикасы Қаржы министрлігінің Мемлекеттік мүлік және жекешелендіру комитеті (бұдан әрі – көрсетілетін қызметті беруші) көрсетеді.
      Өтініштерді қабылдау және мемлекеттік қызметті көрсету нәтижелерін беру:
      1) көрсетілетін қызметті алушының таңдауы бойынша Қазақстан Республикасы Инвестициялар және даму министрлігінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі – орталық) арқылы;
      2) www.e.gov.kz «электрондық үкімет» веб-порталы (бұдан әрі – портал) арқылы жүзеге асырылады.

2. Мемлекеттік қызметті көрсету тәртібі

      4. Мемлекеттік қызметті көрсету мерзімдері:
      1) орталыққа жүгінген кезде:
      құжаттарды тапсырған сәттен бастап – 20 (жиырма) минут;
      электрондық кезек талонын алған сәттен бастап күтудің рұқсат берілетін ең ұзақ уақыты – 15 (он бес) минут;
      орталық қызметкерімен ресімдеудің рұқсат берілетін ең ұзақ уақыты – 15 (он бес) минут;
      2) порталға жүгінген кезде – 10 (он) минут;
      құжаттарды тапсырған сәттен бастап – 2 (екі) сағат.
      5. Мемлекеттік қызметті көрсету нысаны – электрондық (толығымен автоматтандырылған).
      6. Мемлекеттік қызметті көрсету нәтижесі – осы мемлекеттік көрсетілетін қызмет стандартына 1-қосымшаға сәйкес мемлекеттік мүлікті жалға (сенімгерлік басқаруға) беру туралы шарт бойынша анықтама.
      Мемлекеттік көрсетілетін қызметті портал арқылы алған кезде мемлекеттік қызметті көрсету нәтижесі көрсетілетін қызметті берушінің уәкілетті адамының электрондық цифрлық қолтаңбасымен (бұдан әрі – ЭЦҚ) куәландырылған электрондық құжат нысанында көрсетілетін қызметті алушының «жеке кабинетіне» жіберіледі.
      7. Мемлекеттік қызмет жеке және заңды тұлғаларға тегін көрсетіледі.
      8. Жұмыс кестесі:
      1) орталық – Қазақстан Республикасының еңбек заңнамасына сәйкес  демалыс және мереке күндеріненбасқа, дүйсенбі–сенбі аралығында, көрсетілетін қызметті берушінің белгіленген жұмыс кестесіне сәйкес үзіліссіз сағат 9.00-ден 20.00-ге дейін.
      Қабылдау «электрондық» кезек тәртібінде жеделдетілген қызмет көрсетусіз жүзеге асырылады, электрондық кезекті портал арқылы брондауға болады.
      2) портал – тәулік бойы (жөндеу жұмыстарын жүргізуге байланысты техникалық үзілістерді қоспағанда).
      9. Көрсетілетін қызметті алушы (не сенімхат бойынша заңды тұлғаның, нотариалды куәландырылған сенімхат бойынша жеке тұлғаның уәкілетті өкілі) жүгінген кезде мемлекеттік қызметті көрсету үшін қажетті құжаттардың тізбесі:
      1) орталыққа:
      осы мемлекеттік көрсетілетін қызмет стандартына 2-қосымшаға сәйкес белгіленген нысандағы өтініш;
      жеке басты куәландыратын құжат (көрсетілетін қызметті алушының не сенімхат бойынша уәкілетті өкілдің жеке басын сәйкестендіру үшін);
      Орталықтың қызметкері орталықтың ақпараттық жүйесіндегі деректерді көрсетілетін қызметті алушы құжаттарының түпнұсқаларымен салыстырады және көрсетілетін қызметті алушыға берілген құжаттардың түпнұсқаларын қайтарады
      2) порталға:
      осы мемлекеттік көрсетілетін қызмет стандартына 3-қосымшаға сәйкес олармен жасалған мемлекеттік мүлікті жалға (сенімгерлік басқаруға) беру туралы шарттың нөмірін және көрсетілетін қызметті алушының ЭЦҚ-мен куәландырылған, жеке тұлғалар үшін – жеке сәйкестендіру нөмірін, заңды тұлғалар үшін – бизнес сәйкестендіру нөмірін көрсете отырып электрондық құжат нысанындағы сұрау салу.
      Жеке басты куәландыратын құжаттар туралы, заңды тұлғаны мемлекеттік тіркеу (қайта тіркеу) туралы мәліметтерді көрсетілетін қызметті беруші мен орталықтың қызметкері «электрондық үкімет» шлюзі арқылы тиісті мемлекеттік ақпараттық жүйелерден алады.
      10. Көрсетілетін қызметті алушы осы мемлекеттік көрсетілетін қызмет стандартының 9-тармағында көзделген тізбеге сәйкес құжаттар топтамасын толық ұсынбаған жағдайда, орталық қызметкері өтінішті қабылдаудан бас тартады және осы мемлекеттік көрсетілетін қызмет стандартына 4-қосымшаға сәйкес нысан бойынша құжаттар қабылдаудан бас тарту туралы қолхат береді.

3. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының, халыққа қызмет көрсету орталықтарының және (немесе) олардың қызметкерлерінің шешімдеріне, әрекетіне (әрекетсіздігіне) шағымдану тәртібі

      11. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану: шағым осы мемлекеттік көрсетілетін қызмет стандартының 13-тармағында көрсетілген мекенжай бойынша көрсетілетін қызметті беруші басшысының, Министрліктің атына беріледі.
      Орталық қызметкерінің әрекетіне (әрекетсіздігіне) шағым осы мемлекеттік көрсетілетін қызмет стандартының 13-тармағында көрсетілген мекенжай бойынша орталықтың филиал, бөлім басшысының атына жіберіледі.
      Шағым пошта арқылы жазбаша нысанда не көрсетілетін қызметті берушінің кеңсесі арқылы қолма қол беріледі.
      Көрсетілетін қызметті берушінің, Министрліктің, орталықтың кеңсесінде күні мен уақыты, шағымды қабылдаған лауазымды адамның тегі мен аты-жөні, берілген шағымға жауап алудың мерзімі мен орны көрсетіле отырып, шағымды тіркеу (мөртабан, кіріс нөмірі және күні) оның қабылданғанын растау болып табылады.
      Көрсетілетін қызметті алушының мемлекеттік қызмет көрсету мәселелері бойынша көрсетілетін қызметті берушінің, Министрліктің, орталықтың атына келіп түскен шағымы тіркелген күнінен бастап бес жұмыс күні ішінде қаралуға жатады.
      Портал арқылы жүгінген кезде шағымдану тәртібі туралы ақпаратты мемлекеттік қызметтер көрсету мәселелері жөніндегі бірыңғай байланыс орталығының: 8-800-080-7777 немесе 1414 телефоны бойынша алуға болады.
      Портал арқылы шағымды жіберген кезде көрсетілетін қызметті алушыға «жеке кабинеттен» көрсетілетін қызметті берушінің өтініштерді өңдеу барысында (жеткізілу, тіркелу, орындалу туралы белгілер, қарау немесе қараудан бас тарту туралы жауап) жаңартылып өтініш туралы ақпарат қолжетімді болады.
      Көрсетілетін қызметті алушы көрсетілген мемлекеттік қызметтің нәтижелерімен келіспеген жағдайда, мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады.
      Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен шағымы тіркелген күнінен бастап он бес жұмыс күні ішінде қаралуға жатады.
      12. Көрсетілген мемлекеттік қызметтің нәтижелерімен келіспеген жағдайда, көрсетілетін қызметті алушының Қазақстан Республикасының заңнамасында белгіленген тәртіппен сотқа жүгінуге құқығы бар.

4. Мемлекеттік көрсетілетін қызметті, оның ішінде электрондық нысанда және халыққа қызмет көрсету орталықтары арқылы көрсету ерекшеліктері ескеріле отырып қойылатын өзге де талаптар

      13. Өзін-өзі қарап күту, өздігінен жүріп-тұру, бағдарлай алу қабілетінен немесе мүмкіндігінен толық немесе ішінара көрсетілетін қызметті алушыларға мемлекеттік қызметті көрсету үшін құжаттарды қабылдауды орталық қызметкері 1414 бірыңғай байланыс орталығы арқылы тұрғылықты жеріне барып отырып жүргізеді.
      14. Мемлекеттік қызмет көрсету орындарының мекенжайлары:
      1) Министрліктің www.minfin.gov.kz интернет-ресурсында;
      2) орталықтың www.con.gov.kz интернет-ресурсында;
      3) порталда орналастырылған.
      15. Көрсетілетін қызметті алушының ЭЦҚ болған жағдайда портал арқылы электрондық нысанда мемлекеттік көрсетілетін қызметті алуға мүмкіндігі бар.
      16.Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты қашықтықтан қол жеткізу режимінде порталдың «жеке кабинеті», сондай-ақ мемлекеттік қызметтер көрсету мәселелері жөніндегі бірыңғай байланыс орталығы арқылы алу мүмкіндігі бар.
      17. Мемлекеттік қызметтер көрсету мәселелері жөніндегі анықтама қызметтерінің байланыс телефондары Министрліктің www.minfin.gov.kz интернет-ресурсында орналастырылған, мемлекеттік қызметтер көрсету мәселелері жөніндегі бірыңғай байланыс орталығы: 8-800-080-7777, 1414.

«Мемлекеттік мүлікті жалға алушылармен
(сенімгерлік басқарушылармен) жасалған
жалдау (сенімгерлік басқару) шарттары
бойынша оларға мемлекеттік мүлік 
тізілімінен шарт бойынша есептеулер,
өсімпұл мен мемлекеттік бюджетке түскен
төлемдер туралы мәліметтерді қамтитын
анықтама беру» мемлекеттік көрсетілетін
қызмет стандартына 1-қосымша   
нысан              

Мәліметтер болған жағдайда

Мемлекеттік мүлікті жалға (сенімгерлік басқаруға) беру туралы
шарт бойынша анықтама

      Құжат мемлекеттік мүлік тізілімімен қалыптастырылған
      Бірегей нөмірі:
      Сұрау салынған күні мен уақыты:
      Анықтаманы алатын күні мен уақыты:

Құрметті www.gosreestr.kz веб-порталының мемлекеттік көрсетілетін қызметін тұтынушы!

      Сіз тапсырған іздестіру критерийлері бойынша: шарттың № – ____ және БСН/ЖСН – _______, мемлекеттік мүлік тізілімінің дерекқорында мыналар тіркелген:
       1) шарт және мемлекеттік мүлік бойынша мәліметтер: 

      2) шарт бойынша есептеулер, өсімпұл және мемлекеттік бюджетке түсімдер:

      Барлығы есептелді:
      жалға алу төлемі, теңге: _________
      өсімпұл, теңге: _________
      Мемлекеттік бюджетке түсті, теңге: _________
      Жиыны төлемге, теңге: _________

      Осы құжат «Электрондық құжат және электрондық цифрлық қолтаңба туралы» 2003 жылғы 7 қаңтардағы Қазақстан Республикасының Заңы 7-бабының 1-тармағына сәйкес қағаз жеткізгіштегі құжатпен бірдей.
 

      штрих-кодта Қазақстан Республикасы Үкіметінің 2011 жылғы 15 шілдедегі № 802 қаулысымен мемлекеттік мүлікті есепке алу саласындағы бірыңғай оператор болып айқындалған «Ақпараттық-есептеу орталығы» акционерлік қоғамының электрондық цифрлық қолтаңбасы қойылған деректер қамтылған.

Мәліметтер болмаған кезде Мемлекеттік мүлікті жалға (сенімгерлік басқаруға) беру туралы
шарт бойынша анықтама

      Құжат мемлекеттік мүлік тізілімімен қалыптастырылған
      Бірегей нөмірі:
      Сұрау салынған күні мен уақыты:
      Анықтаманы алатын күні мен уақыты:

Құрметті www.gosreestr.kz веб-порталының мемлекеттік көрсетілетін қызметін тұтынушы!

      Сіз тапсырған іздестіру критерийлері бойынша: шарттың № – ____ және БСН/ЖСН – _______, мемлекеттік мүлік тізілімінің дерекқорында мәліметтер табылған жоқ.
      Осы құжат «Электрондық құжат және электрондық цифрлық қолтаңба туралы» 2003 жылғы 7 қаңтардағы Қазақстан Республикасының Заңы 7-бабының 1-тармағына сәйкес қағаз жеткізгіштегі құжатпен бірдей.
 

      штрих-кодта Қазақстан Республикасы Үкіметінің 2011 жылғы 15 шілдедегі № 802 қаулысымен мемлекеттік мүлікті есепке алу саласындағы бірыңғай оператор болып айқындалған «Ақпараттық-есептеу орталығы» акционерлік қоғамының электрондық цифрлық қолтаңбасы қойылған деректер қамтылған.

      Ескертпе:
      БСН – бизнес-сәйкестендіру нөмірі;
      ЖСН – жеке сәйкестендіру нөмірі.

«Мемлекеттік мүлікті жалға алушылармен
(сенімгерлік басқарушылармен) жасалған
жалдау (сенімгерлік басқару) шарттары
бойынша оларға мемлекеттік мүлік 
тізілімінен шарт бойынша есептеулер,
өсімпұл мен мемлекеттік бюджетке түскен
төлемдер туралы мәліметтерді қамтитын
анықтама беру» мемлекеттік көрсетілетін
қызмет стандартына 2-қосымша   

Басшыға                          
__________________________________
(көрсетілетін қызметті берушінің атауы)
__________________________________
__________________________________
__________________________________
__________________________________
(Т.А.Ж., жеке тұлғаның ЖСН және
атауы, заңды тұлғаның БСН)

Өтініш

      Мемлекеттік мүлікті жалға (сенімгерлік басқаруға) беру туралы ___ жылғы № ___ шарт бойынша анықтама беруіңізді сұраймын.

      Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін.

      ___________ «___» ______20__ж.
      (қолтаңба)

«Мемлекеттік мүлікті жалға алушылармен
(сенімгерлік басқарушылармен) жасалған
жалдау (сенімгерлік басқару) шарттары
бойынша оларға мемлекеттік мүлік
тізілімінен шарт бойынша есептеулер,
өсімпұл мен мемлекеттік бюджетке түскен
төлемдер туралы мәліметтерді қамтитын
анықтама беру» мемлекеттік көрсетілетін
қызмет стандартына 3-қосымша   

Нысан

Ұйымдарды іздеу өлшемдері

      1-қадам. Деректерді толтыру:
      1) жалдаушының БСН-і/ЖСН-і;
      2) шарттың нөмірі.
      2-қадам. ЭЦҚ-мен қол қою:
      1) ЭЦҚ-мен қол қою.
      3-қадам. Сұрау салудың нәтижесі (экранға шығару):
      1) жалдаушының БСН-і/ЖСН-і;
      2) сұрау салу нөмірі;
      3) қызметтің түрі;
      4) сұрау салудың мәртебесі.
      Нәтижесінде көрсетілетін қызметті алушыға жасасылған жалға алу (сенімгерлік басқару) шарттары бойынша, өсімпұл және мемлекеттік бюджетке түскен төлемдер туралы мәліметтерді қамтитын анықтама беріледі. Қажет болған кезде көрсетілетін қызметті алушы анықтаманы PDF форматында көшіре алады.

«Мемлекеттік мүлікті жалға алушылармен
(сенімгерлік басқарушылармен) жасалған
жалдау (сенімгерлік басқару) шарттары
бойынша оларға мемлекеттік мүлік 
тізілімінен шарт бойынша есептеулер,
өсімпұл мен мемлекеттік бюджетке түскен
төлемдер туралы мәліметтерді қамтитын
анықтама беру» мемлекеттік көрсетілетін
қызмет стандартына 4-қосымша   

Нысан

(көрсетілетін қызметті алушының
тегі, аты, бар болса әкесінің аты
(бұдан әрі – Т.А.Ә.) не ұйымының атауы)
____________________________________________
(көрсетілетін қызметті алушының мекенжайы)

Құжаттарды қабылдаудан бас тарту туралы қолхат

      «Мемлекеттік көрсетілетін қызметтер туралы» 2013 жылғы 15 cәуірдегі Қазақстан Республикасының Заңы 20-бабының 2-тармағын басшылыққа ала отырып, «Халыққа қызмет көрсету орталығы» РМК филиалының №__ бөлімі (мекенжайы көрсетілсін) мемлекеттік қызмет көрсетуге (мемлекеттік көрсетілетін қызметтің атауы мемлекеттік көрсетілетін қызмет стандартына сәйкес көрсетілсін) құжаттарды қабылдаудан Сіздің мемлекеттік көрсетілетін қызмет стандартында көзделген тізбеге сәйкес құжаттардың толық топтамасын, атап айтқанда:

      Жоқ құжаттардың атауы:
      1) ______________________________;
      2) _______________________________;
      3) ______________________ ұсынбауыңызға байланысты бас тартады.
      Осы қолхат әр тарапқа бір-бірден екі данада жасалды.

      Т.А.Ә. (орталық қызметкері)         (қолы)

      Орындаушы:                       Т.А.Ә. _____________
      Телефон                                 _____________
      Алдым: Т.А.Ә./ көрсетілетін қызметті алушының қолы
      20__жылғы «__» _________

Қазақстан Республикасы
Қаржы министрінің 
2015 жылғы 27 сәуірдегі
№ 285 бұйрығына 
3-қосымша      

«Қазақстан Республикасының Үкіметі айқындайтын тәртіппен сыйға
тарту шарты бойынша мемлекеттік емес заңды тұлғалардың және
жеке тұлғалардың мүлік құқықтарын Қазақстан Республикасының
қабылдауы» мемлекеттік көрсетілетін қызмет стандарты

1. Жалпы ережелер

      1. «Қазақстан Республикасының Үкіметі айқындайтын тәртіппен сыйға тарту шарты бойынша мемлекеттік емес заңды тұлғалардың және жеке тұлғалардың мүлік құқықтарын Қазақстан Республикасының қабылдауы» мемлекеттік көрсетілетін қызметі (бұдан әрі – мемлекеттік көрсетілетін қызмет).
      2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі – Министрлік) әзірледі.
      3. Мемлекеттік қызметті Қазақстан Республикасы Қаржы министрлігінің Мемлекеттік мүлік және жекешелендіру комитеті (бұдан әрі – Комитет), Комитеттің аумақтық бөлімшелері, облыстардың, Астана және Алматы қалаларының жергілікті атқарушы органдары (бұдан әрі – ЖАО) (бұдан әрі – көрсетілетін қызметті беруші) көрсетеді.
      Өтініштерді қабылдау және мемлекеттік қызметті көрсету нәтижелерін беру:
      1) республикалық мүлікті қабылдау бөлігінде – Комитет, Комитеттің аумақтық бөлімшелері арқылы;
      2) коммуналдық мүлікті қабылдау бөлігінде–коммуналдық мүлікті есепке алу саласында функцияны жүзеге асыратын тиісті ЖАО-лардың құрылымдық бөлімшелері арқылы жүзеге асырылады.

2. Мемлекеттік қызметті көрсету тәртібі

      4. Мемлекеттік қызметті көрсету мерзімдері:
      1) көрсетілетін қызметті алушының көрсетілетін қызметті берушіге құжаттар топтамасын тапсырған сәттен бастап – 3 (үш) ай;
      мүліктің құны айлық есептік көрсеткіштің 30000 еселенген мөлшерінен асқан кезде – 5 (бес) ай;
      болашақта сыйға тарту шартына қол қою үшін – 2 (екі) ай;
      мүліктің құны айлық есептік көрсеткіштің 30000 еселенген мөлшерінен асқан кезде, болашақта сыйға тарту шартына қол қою үшін – 4 (төрт) ай;
      болашақта мүліктің қабылдау-беру актісіне қол қою үшін – 2 (екі) ай;
      2) кезекте күтудің рұқсат берілетін ең ұзақ уақыты – 15 (он бес) минут;
      3) қызмет көрсетудің рұқсат берілетін ең ұзақ уақыты – 15 (он бес) минут.
      5. Мемлекеттік қызметті көрсету нысаны – қағаз түрінде.
      6. Мемлекеттік қызметті көрсету нәтижесі – осы мемлекеттік көрсетілетін қызмет стандартына қосымшаға сәйкес сыйға тарту шарты және мүліктің қабылдау-беру актісі (табыстау актісі).
      7. Мемлекеттік қызмет жеке және заңды тұлғаларға тегін көрсетіледі.
      8. Көрсетілетін қызметті берушінің жұмыс кестесі – Қазақстан Республикасының еңбек заңнамасына сәйкес демалыс және мереке күндерінен басқа, дүйсенбі– жұма аралығында, көрсетілетін қызметті берушінің белгіленген жұмыс кестесіне сәйкес сағат 13.00-ден 14.30-ға дейінгі түскі асқа үзіліспен сағат 9.00-ден 18.30-ға дейін.
      Көрсетілетін қызметті берушінің өтініштерді қабылдау және мемлекеттік қызметтерді көрсету нәтижиелерін беру кестесі – Қазақстан Республикасының еңбек заңнамасына сәйкес демалыс және мереке күндерінен басқа, дүйсенбі – жұма аралығында, көрсетілетін қызметті берушінің белгіленген жұмыс кестесіне сәйкес сағат 13.00-ден 14.30-ға дейінгі түскі асқа үзіліспен сағат 9.00-ден 17.30-ға дейін.
      9. Көрсетілетін қызметті алушы жүгінген кезде мемлекеттік қызмет көрсету үшін қажетті құжаттардың тізбесі:
      сыйға тарту шарты бойынша мүлік құқықтарын мемлекетке беру туралы ұсыныс;
      құқық белгілейтін құжаттардың көшірмелері (жер пайдалану құқығы актісі (жалдау, меншік шарттарында), техникалық паспорт (жылжымайтын мүлік, автомашиналар), меншік құқығын тіркеу туралы деректер);
      берілетін мүлікке құны туралы деректер (теңгерімнен үзінді немесе бағалау туралы есеп);
      мемлекеттік емес заңды тұлғалар:
      құзыретіне Жарғыға сәйкес мүлікті иеліктен шығару, оның ішінде оны мемлекеттік меншікке беру мәселелері жататын мемлекеттік емес заңды тұлға органының шешімі.

3. Мемлекеттік қызметтер көрсету мәселелері бойынша орталық мемлекеттік органдардың, облыстардың, республикалық маңызы бар қалалардың, астананың, облыстық, маңызы бар аудандардың, қалалардың жергілікті атқарушы органдардың, қаладағы аудандардың аудандық маңызы бар қалалардың, кенттердің, ауылдардың, ауылдық округтердің әкімдердің, сондай-ақ көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану тәртібі

      10. Мемлекеттік қызметтер көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, тиісті жергілікті атқарушы органның (бұдан әрі - әкімдік) басшысының әрекетіне (әрекетсіздігіне) шағымдану: осы мемлекеттік көрсетілетін қызмет стандартының 12-тармағында көрсетілген мекенжай бойынша көрсетілетін қызметті берушінің басшысының атына беріледі.
      Шағым пошта арқылы жазбаша нысанда некөрсетілетін қызметті берушінің, әкімдіктің кеңсесі арқылы қолма қол беріледі.
      Көрсетілетін қызметті берушінің, министрліктің, әкімдіктің кеңсесінде күні мен уақытын, шағымды қабылдаған адамның тегі мен аты-жөні, берілген шағымға жауап алудың мерзімі мен орны көрсетіле отырып, шағымды тіркеу (мөртабан, кіріс нөмірі және күні) оның қабылданғанын растау болып табылады.
      Көрсетілетін қызметті алушының мемлекеттік қызмет көрсету мәселелері бойынша көрсетілетін қызметті берушінің, министрліктің, әкімдіктің атына келіп түскен шағымы тіркелген күнінен бастап бес жұмыс күні ішінде қаралуға жатады.
      Көрсетілетін қызметті алушы көрсетілген мемлекеттік қызметтің нәтижелерімен келіспеген жағдайда, мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады.
      Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен шағымы тіркелген күнінен бастап он бес жұмыс күні ішінде қаралуға жатады.
      11. Көрсетілген мемлекеттік қызметтің нәтижелерімен келіспеген жағдайда көрсетілетін қызметті алушының Қазақстан Республикасының заңнамасында белгіленген тәртіппен сотқа жүгінуге құқығы бар.

4. Мемлекеттік көрсетілетін қызметті, оның ішінде электрондық нысанда көрсету ерекшеліктері ескеріле отырып қойылатын өзге де талаптар

      12. Мемлекеттік қызмет көрсету орындарының мекенжайлары:
      1) Министрліктің www.minfin.gov.kz интернет-ресурсында;
      2) облыстардың, Астана және Алматы қалаларының тиісті жергілікті атқарушы органдарының интернет-ресурсында орналастырылған.
      13.Көрсетілетін қызмет алушының мемлекеттік қызмет көрсету тәртібі мен мәртебесі туралы ақпаратты мемлекеттік қызметтер көрсету мәселелері жөніндегі бірыңғай байланыс орталығы арқылы алу мүмкіндігі бар.
      14. Мемлекеттік қызмет көрсету мәселелері жөніндегі анықтама қызметтерінің байланыс телефондары Министрліктің www.minfin.gov.kz интернет-ресурсында орналастырылған, мемлекеттік қызметтер көрсету мәселелері жөніндегі бірыңғай байланыс орталығы: 8-800-080-7777, 1414.

«Қазақстан Республикасының Үкіметі
айқындайтын тәртіппен сыйға тарту шарты
бойынша мемлекеттік емес заңды тұлғалардың
және жеке тұлғалардың мүлік құқықтарын
Қазақстан Республикасының қабылдауы»
мемлекеттік көрсетілетін қызмет
стандартына қосымша     
1-нысан              

Сыйға тартудың үлгі шарты

________қ.            «___»___________           201__ ж. № _________

_____________________________________________________________________
(заңды тұлғаның атауы, мемлекеттік тіркеу туралы куәлік, күні және
нөмірі,
_____________________________________________________________________
___________________________________________________________________
кім тіркеді, ЖСН; жеке тұлғаның Т.А.Ә., жеке куәлігінің нөмірі және
_____________________________________________________________________
_____________________________________________________________________
күні, тұрғылықты жері, ЖСН)
бұдан әрі «сыйға тартушы» деп аталатын ________________________атынан
______________________________________________негізінде әрекет ететін
(«___»_________ 201__ж. жарғының, ереженің, сенімхаттың №____ )
_______________________________________________________________
          (шартқа қол қоятын адамның Т.А.Ә., лауазымы)
және бұдан әрі «сыйды алушы» деп аталатын ______________________________________________________________ атынан
(ҚР Қаржыминінің Мемлекеттік мүлік және жекешелендіру комитеті немесе
Комитеттің тиісті аумақтық бөлімшелері және облыстардың,
республикалық маңызы бар қалалардың, астананың жергілікті атқарушы
органдары)
____________________________________________________________________
(«___»_________ ___ ж. №____ ереже) негізінде әрекет ететін
____________________________________________________________________
(шартқа қол қоятын адамның Т.А.Ә., лауазымы) көрсетілетін қызметті
берушінің «___»_________ 201__ж. №____ бұйрығына сәйкес төмендегілер
туралы осы шартты жасасты.

1. Шарттың нысанасы

1. Сыйға тартушы ______________________________________________
                             (мүліктің атауы)
(бұдан әрі – мүлік) мемлекеттік республикалық меншікке өтеусіз беруге
міндеттенеді.

2. Тараптардың құқықтары мен міндеттері

      1. Сыйға тартушы осы шартқа қол қойылған сәттен бастап он бес жұмыс күні ішінде сыйды алушыға қабылдау-беру актісі бойынша мүлікті беруге міндеттенеді.
      2. Сыйды алушы мүлікті мемлекеттік меншікке бергенге дейін сыйға тартушыға тиісті жазбаша хабарлама жібере отырып, одан кез келген уақытта бас тартуға құқылы. Мұндай жағдайда сыйға тарту шарты бұзылған болып есептеледі.
      Сыйға тарту шарты тіркелген жағдайда, сыйды қабылдаудан бас тарту да мемлекеттік тіркеуге жатады.
      3. Егер шартты жасасқаннан кейін сыйға тартушының мүліктік немесе отбасылық жағдайы не денсаулығының жай-күйі өзгергені соншалықты, тіпті жаңа жағдайларда шартты орындау оның өмір сүру деңгейінің елеулі төмендеуіне әкеп соқтырса, сыйға тартушы осы шартты орындаудан бас тартуға құқылы.
      4. Сыйды алушы сыйға тартылған затқа сыйға тартушы үшін үлкен мүліктік емес құндылықты білдіретін оны қайтарымсыз жоғалту қаупін тудырса, сыйға тартушы сот тәртібінде сыйға тартуды жоюды талап етуге құқылы.

3. Өзге де шарттар

      1. Осы шарт оған тараптар қол қойған сәтінен бастап күшіне енеді және оның тиісінше орындалуы бойынша тоқтатылады.
      2. Осы шарт заңдық күші бірдей қазақ және орыс тілдерінде төрт түпнұсқалық данада, сыйға тарту шарты тарапының әрқайсысы үшін екі данада жасалған.
      3. Осы шартқа барлық өзгерістер мен толықтырулар тараптар қол қоятын және осы шарттың ажырамас бөлігі болып табылатын қосымша келісімдер жасасу арқылы енгізіледі.
      4. Осы шартқа тараптар қол қойғаннан кейін он бес жұмыс күні ішінде мүліктің қабылдау-беру актісіне (табыстау актісіне) қол қойылады.
      5. Осы шартпен реттелмеген бөлігінде тараптар Қазақстан Республикасының заңнамасын басшалыққа алады.

4. Тараптардың заңды мекенжайлары және банктік деректемелері 

2-нысан

Болашақта сыйға тартудың үлгі шарты

________қ.            «___»___________            201__ ж. № ______

___________________________________________________________________
(заңды тұлғаның атауы, мемлекеттік тіркеу туралы куәлік, күні және                                      нөмірі,
_____________________________________________________________________
___________________________________________________________________
кім тіркеді, ЖСН; жеке тұлғаның Т.А.Ә., жеке куәлігінің нөмірі және
_____________________________________________________________________
_____________________________________________________________________
                    күні, тұрғылықты жері, ЖСН)
бұдан әрі «сыйға тартушы» деп аталатын
______________________________________________________________ атынан
____________________________________________ негізінде әрекет ететін
(«___»_________ 201__ж. жарғының, ереженің, сенімхаттың №____ )
_______________________________________________________________
          (шартқа қол қоятын адамның Т.А.Ә., лауазымы)

      және бұдан әрі «сыйды алушы» деп аталатын ______________________________________________________________ атынан

(ҚР Қаржыминінің Мемлекеттік мүлік және жекешелендіру комитеті немесе Комитеттің тиісті аумақтық бөлімшелері және облыстардың, республикалық маңызы бар қалалардың, астананың жергілікті атқарушы органдары)
____________________________________________________________________
(«___»_________ ___ ж. №____ ереже) негізінде әрекет ететін
____________________________________________________________________
  (шартқа қол қоятын адамның Т.А.Ә., лауазымы) көрсетілетін қызметті
берушінің «___»_________ 201__ж. №____ бұйрығына сәйкес төмендегілер
туралы осы шартты жасасты.

1. Шарттың нысанасы

      1. Сыйға тартушы_______________________________________________
                                 (мүліктің атауы)
(бұдан әрі – мүлік) болашақта мемлекеттік меншікке өтеусіз беруге
міндеттенеді.

2. Тараптардың құқықтары мен міндеттері

      1. Сыйды алушы мүлікті мемлекеттік меншікке бергенге дейін сыйға тартушыға тиісті жазбаша хабарлама жібере отырып, одан кез келген уақытта бас тартуға құқылы. Мұндай жағдайда сыйға тарту шарты бұзылған болып есептеледі.
      Сыйға тарту шарты тіркелген жағдайда, сыйды қабылдаудан бас тарту да мемлекеттік тіркеуге жатады.
      2. Егер шартты жасасқаннан кейін сыйға тартушының мүліктік немесе отбасылық жағдайы не денсаулығының жай-күйі өзгергені соншалықты, тіпті жаңа жағдайларда шартты орындау оның өмір сүру деңгейінің елеулі төмендеуіне әкеп соқтырса, сыйға тартушы осы шартты орындаудан бас тартуға құқылы.
      3. Сыйды алушы сыйға тартылған затқа сыйға тартушы үшін үлкен мүліктік емес құндылықты білдіретін оны қайтарымсыз жоғалту қаупін тудырса, сыйға тартушы сот тәртібінде сыйға тартуды жоюды талап етуге құқылы.

3. Өзге де шарттар

      1. Осы шарт оған тараптар қол қойған сәтінен бастап күшіне енеді және оның тиісінше орындалуы бойынша тоқтатылады.
      2. Осы шарт заңдық күші бірдей қазақ және орыс тілдерінде төрт түпнұсқалық данада, сыйға тарту шарты тараптарының әрқайсысы үшін екі данада жасалған.
      3. Осы шартқа барлық өзгерістер мен толықтырулар тараптар қол қоятын және осы шарттың ажырамас бөлігі болып табылатын қосымша келісімдер жасасу арқылы енгізіледі.
      4. Сыйға тартушы мемлекеттік меншікке мүлікке құқықтарын нақты бергеннен кейін тараптар он бес жұмыс күні ішінде мүліктің қабылдау-беру актісіне (табыстау актісіне) қол қояды.
      5. Осы шартпен реттелмеген бөлігінде тараптар Қазақстан Республикасының заңнамасын басшалыққа алады.

4. Тараптардың заңды мекенжайлары және банктік деректемелері

3-нысан

Үлгілік қабылдау-беру актісі

БЕКІТЕМІН:               
_________________________________
(ҚР Қаржыминінің Мемлекеттік мүлік 
және жекешелендіру комитеті немесе
оның аумақтық бөлімшелері)    
__________________________________
___________________________________
«___» _____________ 201 _ жыл
М.О.                        

Қабылдау-беру актісі

«___»_____201_ жыл                                    ________ қаласы

      Біз, төменде қол қойғандар,____________________________________
_____________________________________________________________________
          (мемлекеттік емес заңды немесе жеке адамның атауы)
атынан ________________________________________________ бір тараптан
      (қабылдау-беру актісіне қол қоюшы тұлғаның Т.А.Ә.)
және_________________________________________________________________
               (мемлекеттік мекеменің атауы) атынан
_____________________________________________________________________
(қабылдау-беру актісіне қол қоюшы адамның Т.А.Ә.) екінші тараптан, №___ «___»_______201 _ жылғы сыйға тарту шарты негізінде мемлекеттік меншікке
_____________________________________________________________________
_____________________________________________________________________
____________________________________________________________________.
қабылдау-беру жүргізілгендігі туралы осы актіні жасадық.
Акт заңдық күші бірдей 4 (төрт) данада қазақ және орыс тілдерінде, тараптардың әрқайсысы үшін екі данада жасалды.
Тараптар осы актіге қол қою арқылы бір-біріне кінәрат-талаптардың жоқ екендігін растайды.

қолдар: