Рус | Қаз | Eng

Екінші деңгейдегі банктердің, "Қазақстанның Даму Банкі" акционерлік қоғамының және банк операцияларының жекелеген түрлерін жүзеге асыратын ұйымдардың қарыздар мен шартты міндеттемелер бойынша есептілікті беру қағидаларын бекіту туралы

Қазақстан Республикасы Ұлттық Банкі Басқармасының 2012 жылғы 28 сәуірдегі № 174 Қаулысы. Қазақстан Республикасының Әділет министрлігінде 2012 жылы 12 маусымда № 7739 тіркелді

Жаңартылған

      «Қазақстан Республикасындағы банктер және банк қызметі туралы» Қазақстан Республикасы Заңының 54-бабына сәйкес Қазақстан Республикасы Ұлттық Банкінің (бұдан әрі – Ұлттық Банк) Басқармасы ҚАУЛЫ ЕТЕДІ:
      1. Қоса беріліп отырған Екінші деңгейдегі банктердің, «Қазақстанның Даму банкі» акционерлік қоғамының және банк операцияларының жекелеген түрлерін жүзеге асыратын ұйымдардың қарыздар мен шартты міндеттемелер бойынша есептілікті беру қағидалары бекітілсін.
      2. Осы қаулының қосымшасына сәйкес Қазақстан Республикасының нормативтік құқықтық актілерінің күші жойылды деп танылсын.
      3. Осы қаулы 2012 жылғы 1 шілдеден бастап қолданысқа енгізіледі және ресми жариялануы тиіс.

      Ұлттық Банк
      Төрағасы                                          Г. Марченко

Қазақстан Республикасының
Ұлттық Банкі Басқармасының
2012 жылғы 28 сәуірдегі 
№ 174 қаулысына    
қосымша           

Күші жойылды деп танылатын нормативтік құқықтық актілердің тізбесі

      1. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Екінші деңгейдегі банктердің және банк операцияларының жекелеген түрлерін жүзеге асыратын ұйымдардың кредиттік тізілімді қалыптастыру үшін есеп беру ережесін бекіту туралы» 2004 жылғы 27 қарашадағы № 333 қаулысы (Нормативтік құқықтық актілерді мемлекеттік тіркеу тізілімінде № 3350 тіркелген);
      2. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Екінші деңгейдегі банктердің және банк операцияларының жекелеген түрлерін жүзеге асыратын ұйымдардың кредиттік тізілімді қалыптастыру үшін есеп беру ережесін бекіту туралы» 2004 жылғы 27 қарашадағы № 333 қаулысына өзгерістер мен толықтырулар енгізу туралы» 2005 жылғы 28 мамырдағы № 160 қаулысы (Нормативтік құқықтық актілерді мемлекеттік тіркеу тізілімінде № 3709 тіркелген);
      3. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Қазақстан Республикасының кейбір нормативтік құқықтық актілеріне сәйкестендіру нөмірлері бойынша өзгерістер мен толықтырулар енгізу туралы» 2007 жылғы 28 мамырдағы № 155 қаулысына (Нормативтік құқықтық актілерді мемлекеттік тіркеу тізілімінде № 4803 тіркелген) қосымшаның 9-тармағы;
      4. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Қазақстан Республикасының кейбiр нормативтiк құқықтық актiлерiне қаржы нарығын және қаржы ұйымдарын реттеу мен қадағалау бойынша өзгерiстер мен толықтырулар енгiзу туралы» 2010 жылғы 3 қыркүйектегі № 131 қаулысына (Нормативтік құқықтық актілерді мемлекеттік тіркеу тізілімінде № 6554 тіркелген) қосымшаның 10-тармағы.

Қазақстан Республикасының
Ұлттық Банкі Басқармасының
2012 жылғы 28 сәуірдегі 
№ 174 қаулысымен    
бекітілді        

Екінші деңгейдегі банктердің, «Қазақстанның Даму Банкі»
акционерлік қоғамының және банк операцияларының жекелеген
түрлерін жүзеге асыратын ұйымдардың қарыздар мен шартты
міндеттемелер бойынша есептілікті беру қағидалары

      Осы Екінші деңгейдегі банктердің, «Қазақстанның Даму Банкі» акционерлік қоғамының және банк операцияларының жекелеген түрлерін жүзеге асыратын ұйымдардың қарыздар мен шартты міндеттемелер бойынша есептілікті беру қағидалары (бұдан әрі – Қағидалар) 1995 жылғы 31 тамыздағы «Қазақстан Республикасындағы банктер және банк қызметі туралы», 2003 жылғы 4 шілдедегі «Қаржы рыногы мен қаржылық ұйымдарды мемлекеттiк реттеу және қадағалау туралы» Қазақстан Республикасының Заңдарына сәйкес әзірленді және екінші деңгейдегі банктердің (бұдан әрі – банктер) «Қазақстанның Даму Банкі» акционерлік қоғамының және банк операцияларын жекелеген түрлерін жүзеге асыратын ұйымдардың қарыздар мен шарттық міндеттемелер бойынша есептілікті (бұдан әрі – есептілік) беру тізбесін, мерзімдерін және тәртібін белгілейді.
      1. Қағидалардың мақсаттары үшін мынадай ұғымдар пайдаланылады:
      1) банк операцияларының жекелеген түрлерін жүзеге асыратын ұйым – қаржы нарығын және қаржы ұйымдарын мемлекеттік реттеу мен қадағалауды жүзеге асыратын уәкілетті органының банктік қарыз беру операцияларын жүзеге асыруға лицензиясы бар агроөнеркәсіп кешені саласында ұлттық басқарушы холдингінің ипотекалық ұйымдары және еншілес ұйымдары;
      2) басшы – құрылтай құжаттарына сәйкес заңды тұлғаны басқаруды жүзеге асыратын немесе дара кәсіпкер болып табылатын жеке тұлға;
      3) «Кредиттік тіркелім» ААШЖ – «Кредиттік тіркелім» автоматтандырылған ақпараттық шағын жүйе;
      4) кредиттік тіркелім – жоғарыда көрсетілген ұйымдардың кредиттік қызметіне байланысты тәуекелдердің мониторингі мақсатында, сондай-ақ ақша-кредиттік статистиканы және сыртқы сектордың статистикасын қалыптастыру мақсатында қалыптастырылатын, банк, «Қазақстанның Даму Банкі» акционерлік қоғамы, банк операцияларының жекелеген түрлерін жүзеге асыратын ұйым Қағидалардың талаптарына сәйкес уәкілетті органға ұсынған ақпаратты қамтитын электрондық деректер базасы;
      5) қарыз алушы – қарыз (кредит) алу шартына қол қоятын, қарызды (кредитті) алған және өзіне алған ақшаны қайтаруға және алған қарызды (кредитті), оның ішінде сыйақыны және кредит бойынша басқа да төлемдерді толық өтеуге міндеттеме қабылдайтын тұлға;
      6) принципал – кепілдік немесе кепілгерлік шартына сәйкес міндеттемеде негізгі борышкер болып табылатын тұлға;
      7) уәкілетті орган – Қазақстан Республикасы Ұлттық Банкінің Қаржы нарығын және қаржы ұйымдарын бақылау мен қадағалау комитеті;
      8) шартты міндеттеме – болашақта белгісіз бір немесе бірнеше оқиға басталған (басталмаған) кезде ғана танылуы мүмкін, банк, Қазақстанның Даму Банкі» акционерлік қоғамы, банк операцияларының жекелеген түрлерін жүзеге асыратын ұйым клиент үшін үшінші тұлғалардың пайдасына қабылдайтын, және клиенттің шарт талаптарынан туындайтын тәуекелдерін көтеретін міндеттеме.
      Кредиттік тарих субъектісі болып осы тармақтың 5) және 6) тармақшаларында көрсетілген тұлғалар танылады.
      Ескерту. 1-тармақ жаңа редакцияда - ҚР Ұлттық Банкі Басқармасының 2012 жылғы 29 қазандағы № 318 (2012.12.10 бастап қолданысқа енгізіледі) Қаулысымен.
      2. 2013 жылғы 1 наурыздан бастап есептілік уәкілетті органға электрондық форматта, мынадай кезеңділікпен:
      1) банктер, ипотекалық ұйымдар, «Қазақстанның Даму Банкі» акционерлік қоғамы – ай сайын мынадай мерзімдерде:
      филиалдары жоқ банктер, ипотекалық ұйымдар, есепті айдан кейінгі екінші айдың он бесінші күнінен кешіктірмей;
      бірден бастап онға дейін филиалы бар банктер есепті айдан кейінгі екінші айдың жиырмасыншы күнінен кешіктірмей;
      оннан бастап жиырмаға дейін филиалы бар банктер есепті айдан кейінгі екінші айдың жиырма бесінші күнінен кешіктірмей;
      жиырма филиалдардан астам банктер, «Қазақстанның Даму Банкі» акционерлік қоғамы есепті айдан кейінгі екінші айдың отызыншы күнінен кешіктірмей;
      2) қаржы нарығы мен қаржы ұйымдарын мемлекеттік реттеу, бақылау және қадағалауды жүзеге асыратын уәкілетті органының банктік қарыз беру операцияларын жүзеге асыруға лицензиясы бар агроөнеркәсіп кешені саласында ұлттық басқарушы холдингінің еншілес ұйымдары – тоқсан сайын есепті тоқсаннан кейінгі екінші айдың он бесінші күнінен кешіктірмей беріледі.
      Ескерту. 2-тармақ жаңа редакцияда - ҚР Ұлттық Банкі Басқармасының 2012 жылғы 29 қазандағы № 318 (2012.12.10 бастап қолданысқа енгізіледі) Қаулысымен.
      3. Қарыздар мен шартты міндеттемелер бойынша хабарлама уәкілетті органға Қағидалардың 1-қосымшасына сәйкес нысанда беріледі.
      4. Қарыздар мен шартты міндеттемелер бойынша есептілік уәкілетті органға электрондық түрде Қағидалардың 2-қосымшасына сәйкес нысан бойынша беріледі.
      Ескерту. 4-тармақ жаңа редакцияда - ҚР Ұлттық Банкі Басқармасының 2012 жылғы 29 қазандағы № 318 (2012.12.10 бастап қолданысқа енгізіледі) Қаулысымен.
      5. Есептілік барлық берілген және өтелмеген қарыздар (оның ішінде баланстан шығарылғандар), шартты міндеттемелер бойынша беріледі. Ақпарат қарыз алушының және (немесе) тең қарыз алушының міндеттемелері тоқтаған күніне дейін беріледі.
      6. Есептерді жасаған кезде пайдаланылатын өлшем бірлігі бүтін санмен белгіленеді және өзгеше белгіленбесе, теңгеде көрсетіледі. 0,5 кем сома нөлге дейін домалақтанады, ал 0,5 және одан жоғары сома бірлікке дейін домалақтанады. Коэффициенттер үтірден кейін екі белгімен көрсетіледі.
      7. Ақпарат болмаған жағдайда банк, «Қазақстанның Даму Банкі» акционерлік қоғамы, банк операцияларының жекелеген түрлерін жүзеге асыратын ұйым уәкілетті органға Қағидалардың 3-қосымшасына сәйкес нысанда қағаз тасымалдағышта тиісті хат жібереді.
      8. Есептілікке өзгерістер және (немесе) толықтырулар енгізу қажет болса, банк, «Қазақстанның Даму Банкі» акционерлік қоғамы және банк операцияларының жекелеген түрлерін жүзеге асыратын ұйым есептілікті уәкілетті органға берген күнінен бастап үш жұмыс күн ішінде есептілікке өзгерістер және (немесе) толықтырулар енгізу қажеттілігінің себептерін түсіндіре отырып, жазбаша өтініш жібереді.
      Берілген есептілікте толық емес және (немесе) дәйексіз ақпаратты анықтаған жағдайда уәкілетті орган ол туралы банкке, «Қазақстанның Даму Банкі» акционерлік қоғамына, банк операцияларының жекелеген түрлерін жүзеге асыратын ұйымға хабарлайды.
      Банк, «Қазақстанның Даму Банкі» акционерлік қоғамы, банк операцияларының жекелеген түрлерін жүзеге асыратын ұйым хабарламаны алған күнінен бастап екі күннен кешіктірмей уәкілетті органның ескертулерін ескере отырып пысықталған есептілікті ұсынады.

Екінші деңгейдегі банктердің,
«Қазақстанның Даму Банкі»  
акционерлік қоғамының және банк
операцияларының жекелеген   
түрлерін жүзеге асыратын   
ұйымдардың қарыздар мен шартты
міндеттемелер бойынша    
есептілікті беру қағидаларына
1-қосымша         

Нысан

___________________________________________________ Төрағасы
(уәкілетті органның атауы)
___________________________________________________
(тегі, аты, бар болса - әкесінің аты)

      Осымен, __________________________________________________
      (банктің, «Қазақстанның Даму Банкі» акционерлік қоғамы және
банк операцияларының жекелеген түрлерін жүзеге асыратын ұйымның атауы)
      20____жылғы 1 __________ жағдай бойынша «Кредиттік тіркелім»
ААШЖ арқылы қарыздар мен шартты міндеттемелер бойынша есептілікті
бергені жөнінде хабарлайды және оның дәйектілігін растайды.

      Бірінші басшы (ол болмаған кезде – оның орнындағы тұлға)
___________________________________________________    ________
           (тегі, аты, бар болса - әкесінің аты)        (қолы)

      Бас бухгалтер
__________________________________________________    __________
           (тегі, аты, бар болса - әкесінің аты)        (қолы)
      Орындаушы: ___________________________ ______  _______________
                  (лауазымы, тегі және аты)  (қолы)  (телефон нөмірі)
      Есепке қол қою күні 20___ жылғы «__» __________.
      Мөр орны

      Ескерту: Қарыздар мен шартты міндеттемелер бойынша тиісті ақпарат болған кезде толтырылады.

Екінші деңгейдегі банктердің,  
«Қазақстанның Даму Банкі»     
акционерлік қоғамының және банк 
операцияларының жекелеген түрлерін
жүзеге асыратын ұйымдардың қарыздар
мен шартты міндеттемелер бойынша
есептілікті беру қағидаларына 
2-қосымша           

Нысан

«Кредиттік тіркелім» ААШЖ көрсеткіштерінің тізбесі

      Ескерту. 2-қосымша жаңа редакцияда - ҚР Ұлттық Банкі Басқармасының 2012 жылғы 29 қазандағы № 318 (2012.12.10 бастап қолданысқа енгізіледі) Қаулысымен.

№

Көрсеткіштердің атауы

1

Кредиттік тарих субъектісі туралы ақпаратта кредиттік тарих субъектісі туралы сәйкестендіру мәліметтері қамтылған:

1.1.

Заңды тұлғалар және дара кәсіпкерлер бойынша:

1.1.1.

Кредиттік тарих субъектісінің түрі (рөлі);

1.1.2.

Заңды тұлғаның және (немесе) дара кәсіпкердің толық атауы:

1.1.3.

Ұйымдастырушылық-құқықтық нысаны;

1.1.4.

Субъектінің құжаттары:

1.1.4.1.

сәйкестендіру құжаттарының түрі;

1.1.4.2.

құжаттың нөмірі;

1.1.5.

почталық мекенжайы және (немесе) орналасу орны:

1.1.5.1.

мекенжайының (тіркелуінің (нақты)) типі;

1.1.5.2.

облысы;

1.1.5.3.

мекенжайы (қала (елді жері), көше (ықшам ауданы), үйдің (пәтердің) нөмірі;

1.1.5.4.

байланыс түрі;

1.1.5.5.

телефон нөмірі;

1.1.6.

Кредиттік тарих субъектісінің елі;

1.1.7.

Оффшорлық аймақ;

1.1.8.

Экономикалық қызмет түрі;

1.1.9.

Банкпен, банк операцияларының жекелеген түрлерін жүзеге асыратын ұйыммен ерекше қатынаспен байланыста болуының белгісі;

1.1.10.

Заңды тұлғаның басшысы:

1.1.10.1.

тегі, аты (бар болса әкесінің аты);

1.1.10.2.

сәйкестендіру құжаттарының түрі;

1.1.10.3.

құжаттың нөмірі;

1.1.11.

Жеке кәсіпкерлік субъектісінің коды;

1.2.

Жеке тұлғалар бойынша:

1.2.1.

Кредиттік тарих субъектісінің түрі (рөлі);

1.2.2.

Тегі, аты (бар болса әкесінің аты);

1.2.3.

Субъектінің құжаттары:

1.2.3.1.

сәйкестендіру құжаттарының түрі;

1.2.3.2.

құжаттың нөмірі;

1.2.4.

почталық мекенжайы және (немесе) орналасу орны:

1.2.4.1.

мекенжай (тіркеу (нақты)) типі;

1.2.4.2.

облысы;

1.2.4.3.

мекенжайы (қаласы (елді жері), көшесі (ықшам ауданы), үйдің (пәтердің) нөмірі;

1.2.4.4.

байланыс түрі;

1.2.4.5.

телефон нөмірі;

1.2.5.

Кредиттік тарих субъектісінің елі;

1.2.6.

Оффшорлық аумақ;

1.2.7.

Банкпен, банк операцияларының жекелеген түрлерін жүзеге асыратын ұйыммен ерекше қатынаспен байланыста болуының белгісі;

2

Шарт туралы ақпарат:

2.1.

Кредиттік тарих субъектісі туралы мәліметтер және кредитормен келісімді қатынастар туралы мәліметтер:

2.1.1.

Қарыздың, шартты міндеттемелердің түрі;

2.1.2.

Шарттың нөмірі;

2.1.3.

Шарттың күні;

2.1.4.

Қосымша келісімнің нөмірі;

2.1.5.

Қосымша келісімнің күні;

2.1.6.

Берудің нақты күні;

2.1.7.

Шарт талаптары бойынша өтеу күні;

2.1.8.

Шарт бойынша валюта түрі;

2.1.9.

Шарт валютасындағы қарыз (шартты міндеттеме) сомасы;

2.1.10.

Шарт бойынша жылдық сыйақы мөлшерлемесі (пайызбен):

2.1.10.1.

өзгермелі мөлшерлеменің белгіленген мөлшерлемесі (белгіленген спрэды);

2.1.11.

Кредиттеу мақсаты;

2.1.12.

Кредиттеу объектісі;

2.1.13.

Қарызды берген банктің, «Қазақстанның Даму Банкі» акционерлік қоғамының, банк операцияларының жекелеген түрлерін жүзеге асыратын ұйымның қаржыландыру көзі;

2.1.14.

Қарыз алушыда валюталық түсімнің болуы және (немесе) қарыз алушыда хеджирлеу құралдары болуы;

2.1.15.

Қарызды, шартты міндеттемені берген банк филиалының коды/ банктің БСК;

2.1.16.

Қамтамасыз етуі:

2.1.16.1.

кепіл шартының нөмірі;

2.1.16.2.

қамтамасыз ету түрі;

2.1.16.3.

кепіл сомасы;

2.1.17.

Бірыңғай портфельдің атауы:

2.1.17.1.

уәкілетті органның талабы бойынша;

2.1.17.2.

халықаралық қаржылық есептілік стандарттарының талаптары бойынша;

3.

Қарызды (шартты міндеттемелерді) қамтамасыз ету жөніндегі ақпарат:

3.1.

Есепті кезеңдегі қарыз алушының ағымдағы міндеттемелері мен ақша қозғалысы туралы ақпарат:

3.1.1.

Есепті кезеңде есептелді:

3.1.1.1.

сыйақылар (теңгемен, шарт валютасында);

3.1.2.

Есепті кезеңде берілді (теңгемен, шарт валютасында);

3.1.3.

Негізгі борыштың қалдығы (теңгемен, шарт валютасында):

3.1.3.1.

мерзімі өтпеген берешек;

3.1.3.2.

мерзімі өткен берешек;

3.1.3.3.

баланстан шығарылған берешек;

3.1.4.

Есептелген сыйақының қалдығы (теңгемен, шарт валютасында):

3.1.4.1.

өтелмеген;

3.1.4.2.

мерзімін өткен;

3.1.4.3.

баланстан шығарылған;

3.1.5.

Кредиттік карта, овердрафт лимитінің қалдығы (шарттың теңгеде, валютада)

3.1.6.

Кредиттік карта/овердрафт лимитінің қалдығы бойынша баланстық шотының нөмірі

3.1.7.

Негізгі борыш бойынша баланстық шоттың нөмірі:

3.1.7.1.

мерзімі өтпеген берешек;

3.1.7.2.

мерзімі өткен берешек;

3.1.7.3.

баланстан шығарылған берешек;

3.1.8.

Сыйақы бойынша баланстық шоттың нөмірі:

3.1.8.1.

мерзімі өтпеген берешек;

3.1.8.2.

мерзімі өткен берешек;

3.1.9.

Халықаралық қаржылық есептілік стандарттары мен уәкілетті органның бірыңғай емес кредиттер бойынша талаптары бойынша қалыптастырылған резервтер (провизиялар) бойынша айырмасы көрсетілген баланстық шоттың нөмірі;

3.1.10.

Халықаралық қаржылық есептілік стандарттарының бірыңғай емес кредиттер бойынша талаптарымен қалыптастырылған резервтер (провизиялар) бойынша баланстық шоттың нөмірі;

3.1.11.

Оң (теріс) түзету бойынша баланстық шоттың нөмірі;

3.1.12.

Дисконт (сыйақы) бойынша баланстық шоттың нөмірі;

3.1.13.

Мерзімі өткен берешекті шотқа енгізу күні:

3.1.13.1.

негізгі борыш бойынша;

3.1.13.2.

сыйақы бойынша;

3.1.14.

Мерзімі өткен берешекті өтеу күні:

3.1.14.1.

негізгі борыш бойынша;

3.1.14.2.

сыйақы бойынша;

3.1.15.

Баланстан шығару күні:

3.1.15.1.

негізгі борыш бойынша;

3.1.15.2.

сыйақы бойынша;

3.1.16.

Нақты өтеу күні;

3.1.17.

Қарыздың (шартты міндеттемелердің) мерзімін ұзартуды аяқтау күні;

3.1.18.

Жіктеу санаты;

3.1.19.

Бірыңғай кредиттер бойынша резервтердің (провизиялардың) нақты қалыптастырылған сомасы:

3.1.19.1.

уәкілетті органның талаптары бойынша;

3.1.19.2.

халықаралық қаржылық есептілік стандарттарының талаптары бойынша;

3.1.20.

Келешектегі ақша ағыны дисконтының құны/бірыңғай кредиттер бойынша алынуға күтілетін құны;

3.1.21.

Оң (теріс) түзету (теңгемен, шарт валютасында);

3.1.32.

Дисконт (сыйақы) (теңгемен, шарт валютасында);

3.1.23.

Есептік күні;

3.2.

Портфельдік негізде халықаралық қаржылық есептілік стандарттарының талаптары бойынша қалыптастырылған резервтер (провизиялар) туралы ақпарат:

3.2.1.

Халықаралық қаржылық есептілік стандарттарының талаптары бойынша біріңғай портфельдің атауы;

3.2.2.

Портфельдік негізде қалыптастырылған халықаралық қаржылық есептілік стандарттарының талаптары бойынша резервтердің (провизиялардың) нақты қалыптастырылған сомасы;

3.2.3.

Портфельдік негізде халықаралық қаржылық есептілік стандарттарының талаптары бойынша қалыптастырылған резервтер (провизиялар) бойынша баланстық шоттың нөмірі;

3.2.4.

Портфельдік негізде алуға күтілетін құны/келешектегі ақша ағынының дисконтты құны;

3.3.

Уәкілетті органның бірыңғай кредиттер жөніндегі талаптары бойынша қалыптастырылған резервтер (провизиялар) туралы ақпарат:

3.3.1.

Уәкілетті органның талаптары бойынша бірыңғай портфельдің атауы;

3.3.2.

Уәкілетті органның бірыңғай кредиттер жөніндегі талаптары бойынша резервтердің (провизиялардың) нақты қалыптастырылған сомасы;

3.3.3.

Халықаралық қаржылық есептілік стандарттарының талаптары мен уәкілетті органның бірыңғай кредиттер жөніндегі талаптары бойынша қалыптастырылған резервтер (провизиялар) бойынша айырмасы көрсетілген баланстық шоттың нөмірі;

Ескерту:
      1. «Қазақстанның Даму Банкі» акционерлік қоғамы реттік нөмірлері 2.1.17.1., 3.1.9., 3.1.18., 3.1.19.1., 3.3. - жолдарды, «Кредиттік тіркелім» ААШЖ көрсеткіштері тізбесінің нысандарын толтырмайды.

Екінші деңгейдегі банктердің,
«Қазақстанның Даму Банкі»  
акционерлік қоғамының және банк
операцияларының жекелеген   
түрлерін жүзеге асыратын   
ұйымдардың қарыздар мен шартты
міндеттемелер бойынша    
есептілікті беру қағидаларына
3-қосымша         

Нысан

_____________________________________________ Төрағасы
(уәкілетті органның атауы)
________________________________________________________
(тегі, аты, бар болса - әкесінің аты)

      Осымен, __________________________________________________
      (банктің, «Қазақстанның Даму Банкі» акционерлік қоғамы және
банк операцияларының жекелеген түрлерін жүзеге асыратын ұйымның атауы)
      20____жылғы 1 __________ жағдай бойынша қарыздар мен шартты
міндеттемелер жөніндегі ақпараттың жоқтығы туралы хабарлайды.

Бірінші басшы (ол болмаған кезде – оның орнындағы тұлға)
_____________________________________________________  ________
        (тегі, аты, бар болса - әкесінің аты)           (қолы)
Бас бухгалтер _______________________________________  ________
               (тегі, аты, бар болса - әкесінің аты)    (қолы)
Орындаушы:
_____________________________________________________  _______
              (тегі, аты, бар болса - әкесінің аты)    (қолы)

      Есепке қол қою күні 20___ жылғы «_____» __________.
      Мөр орны

      Ескерту: Қарыздар мен шартты міндеттемелер бойынша тиісті ақпарат болған кезде толтырылады.