Нотариаттық іс жүргізу жөніндегі ережені бекіту туралы

      «Нотариат туралы» Қазақстан Республикасы Заңының 32-бабы 3) тармақшасына сәйкес БҰЙЫРАМЫН:
      1. Қоса беріліп отырған нотариаттық іс жүргізу жөніндегі ереже бекiтілсін.
      2. «Нотариаттық іс жүргізу жөніндегі нұсқаулықты бекіту туралы» Қазақстан Республикасы Әділет министрінің 2011 жылғы 23 тамыздағы № 294 бұйрығының күші жойылды деп танылсын (Нормативтік құқықтық актілерді мемлекеттік тіркеу тізілімінде № 7182 болып тіркелген).
      3. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және құқықтық көмек көрсету комитетінің төрағасына жүктелсін.
      4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Министр                                    Б. Имашев

      «КЕЛІСІЛГЕН»
      Қазақстан Республикасының
      Мәдениет және ақпарат министрі
      ______________________ Д. Мыңбай
      1 ақпан 2012 жыл

Қазақстан Республикасы
Әділет министрінің 
2012 жылғы 31 қаңтардағы
№ 32 бұйрығына   
1-қосымша       

Нотариаттық іс жүргізу жөніндегі ереже

1. Жалпы ереже

      1. Осы нотариаттық іс жүргізу жөніндегі ереже (бұдан әрі - Ереже) «Нотариат туралы» Қазақстан Республикасы Заңының (бұдан әрі - Заң) 4-бабына сәйкес әзірленді.
      Ереже жеке практикамен айналысатын нотариустың (бұдан әрі – жекеше нотариустың);
      мемлекеттік нотариаттық кеңсенің мемлекеттік нотариусының (бұдан әрі – мемлекеттік нотариус) нотариаттық іс өндірісін, Бірыңғай нотариаттық ақпараттық жүйедегі электрондық тізілімді (бұдан әрі - БНАЖ электрондық тізілімі) жүргізу тәртібін белгілейді.
      2. Нотариаттық іс жүргізу "Қазақстан Республикасындағы тіл туралы" Қазақстан Республикасының Заңына және Заңның 5-бабына сәйкес жүргізіледі.
      3. Ереже:
      1) құжаттарды қабылдау, тіркеу және жіберу;
      2) істер номенклатурасын жасау;
      3) істерді қалыптастыру;
      4) істерді ресімдеу, істердің тізбесін жасау;
      5) істерді сақтау;
      6) істерді жекеше нотариаттық немесе мемлекеттік мұрағатқа беру, мұрағаттық құжаттардың сақталуын қамтамасыз ету;
      7) істерді жою;
      8) нотариаттық іс-әрекеттерді тіркеу тізілімін, нотариаттық іс-әрекеттерді тіркеуді жүргізу;
      9) шетелде іс-әрекет етуге арналған құжаттарды ресімдеу;
      10) нотариустың мөрі, мөртабаны және бланкісін пайдалану;
      11) мұрагерлік істерді қалыптастыру және ресімдеу. Өсиетхаттарды есепке алу тәртібін айқындайды.
      4. Іс жүргізуді ұйымдастыру және дұрыс жүргізу, мұрағаттық құжаттарды сақтау және есебін жүргізу, пайдалану, сондай-ақ нотариаттық құжаттарды тиісті мұрағатқа тұрақты сақтауға тапсыруды:
      жекеше нотариус;
      мемлекеттік нотариус қамтамасыз етеді.
      5. Мемлекеттік нотариус жұмыстан босатылған немесе ауысқан кезде іс жүргізуді ұйымдастыру және дұрыс жүргізу, нотариаттық мұрағаттық құжаттарды сақтау және есебін жүргізу, пайдалану аумақтық әділет органының бұйрығымен басқа мемлекеттік нотариусқа жүктеледі.
      Жекеше нотариустың лицензиясының қолданысы тоқтатыла тұрған жағдайда аумақтық әділет органы мен нотариаттық палата осы Ережеде көзделген тәртіппен құжаттарды басқа нотариусқа беру жөнінде шара қабылдайды.
      Жеке практикамен айналысатын нотариустың лицензиясының қолданысы тоқтатылған кезде аумақтық әділет органы мен нотариаттық палата құжаттарды жекеше нотариаттық мұрағатқа беру жөнінде шара қабылдайды.
      6. Жекеше нотариустың лицензиясының қолданысы тоқтатылған кезде БНАЖ электрондық тізіліміндегі деректерге қол жеткізу құқығы жекеше нотариаттық мұрағатқа беріледі.
      7. Жекеше нотариустың лицензиясының қолданысы тоқтатылған немесе тоқтатыла тұрған кезде және мемлекеттік нотариус жұмыстан босатылған немесе демалыста болған кезде Қазақстан Республикасының Әділет министрлігі бұйрық (бұйрықтың күні, нөмірі, тоқтата тұру мерзімі мен негіздемесі немесе жұмыстан босату, демалыста болуы) туралы деректерді енгізу арқылы нотариаттық іс-әрекетті БНАЖ электрондық тізіліміне тіркеу мүмкіндігін жабады.
      Лицензияның қолданысы қалпына келтірілген кезде Қазақстан Республикасының Әділет министрлігі оның жолын ашады.
      8. БНАЖ жұмысы тоқтап қалған жағдайда жекеше нотариус осы Ережеге 1-қосымшаға сәйкес нысан бойынша БНАЖ жұмысының мүмкін еместігі туралы акті жасайды.
      Жекеше нотариус БНАЖ жұмысының тоқтап қалу себептері жойылған соң нотариаттық іс-әрекеттерді тіркеу тізілімінде жасалған жазбаны БНАЖ жұмысы қалпына келтірілген сәттен бастап жиырма төрт сағаттан кешіктірмей БНАЖ электрондық тізіліміне ауыстырады.
      9. Жекеше немесе мемлекеттік нотариустың БНАЖ арқылы мемлекеттік электрондық ақпараттық ресурстардан мәліметтерді жеке мақсаты үшін пайдалануына жол берілмейді.
      10. Жекеше және мемлекеттік нотариустар жасайтын және алатын құжаттарды есепке алу, істердегі құжаттарды топтастыру, оларды сақтау мерзімдерін айқындау істер номенклатурасымен реттеледі.
      Істер номенклатурасы – оларды сақтау мерзімі көрсетілген істер атауларының (тақырыптарының) жүйеге келтірілген тізбесі.
      11. Құжаттар Қазақстан Республикасы Үкіметінің 2011 жылғы 21 желтоқсандағы № 1570 қаулысымен бекітілген Мемлекеттік және мемлекеттік емес ұйымдардағы құжаттандыру және құжаттаманы басқарудың үлгілік ережесіне сәйкес ресімделеді.
      Құжаттардың сақталуын қамтамасыз ету жағдайы Құжаттар Қазақстан Республикасы Үкіметінің 2011 жылғы 22 желтоқсандағы № 1583 қаулысымен бекітілген Ұлттық мұрағат қорының құжаттарын және басқа да мұрағат құжаттарын ведомстволық және жеке мұрағаттардың қабылдауы, сақтауы, есепке алуы мен пайдалануы қағидаларына сәйкес жүзеге асырылады.

2. Құжаттарды қабылдау, тіркеу және жіберу

      12. Келіп түскен барлық құжаттар тіркеуден өтуі тиіс.
      13. Құжаттарды есепке алу үшін және оның орындалуын бақылау үшін мынадай:
      осы Ереженің 2-қосымшасына сәйкес нысан бойынша кіріс құжаттарын тіркеу журналын;
      осы Ереженің 3-қосымшасына сәйкес нысан бойынша шығыс құжаттарын тіркеу журналын жүргізіледі.
      14. Кіріс құжаттарының бірінші бетінің төмен оң жақ шетінде кіріс құжаттарын тіркеу журналы бойынша тіркеу нөмірі және оларды тіркеген күні қойылады.
      15. Шығыс құжаттарында осы Ереженің 4-қосымшаға сәйкес үлгі бойынша тіркеу мөртабаны қойылады.
      16. Құжаттар мекенжайларға пошта арқылы немесе қолмен апару арқылы жіберілді.

3. Істер номенклатурасын жасау

      17. Істер номенклатурасы (ағымдағы жылдың 10 желтоқсанынан кешіктірмей) үш данада жасалады және келесі күнтізбелік жылдың 1 қаңтарынан бастап қолданысқа енгізіледі.
      Мемлекеттік нотариаттық кеңсенің істер номенклатурасын аумақтық әділет органының басшысы бекітеді және мемлекеттік мұрағатпен келіседі.
      Жекеше нотариус істер номенклатурасын жекеше нотариаттық мұрағатпен келісім бойынша бекітеді.
      18. Істер номенклатурасына барлық құжатталатын қызметтерді қамтитын істердің атаулары (тақырыптары), оның ішінде - тізілімдер, кітаптар, журналдар енгізіледі.
      Істер номенклатурасы осы Ережеге 5-қосымшаға сәйкес Мысал істер номенклатурасының негізінде жасалады.
      Мысал істер номенклатурасы істер номенклатурасын дайындаған кезде, оларды мұрағатқа өткізу немесе жоюға беру үшін іріктеген жағдайда сақтау мерзімін айқындаған кезде негізгі құжат ретінде пайдалануға арналған.
      Істер номенклатурасын жасаған кезде Мысал істер номенклатурасында белгіленген сақтау мерзімін кемітуге жол берілмейді.
      Номенклатураның әрбір бөлімінде істер номенклатурасында көзделмеген, алайда күнтізбелік жыл ішінде қалыптастырылған істер тақырыбына енгізу үшін резервтік индекс қарастырылады.
      19. Жылдың соңында осы Ережеге 6-қосымшаға сәйкес нысан бойынша жүргізілген істер немесе томдардың саны және санаты туралы қорытынды жазба енгізіледі.
      20. Істер номенклатурасының данасы жедел сақтаудағы істер үшін есептік құжат ретінде мемлекеттік нотариаттық кеңсенің немесе жекеше нотариустың мұрағатында қалады.

4. Істерді қалыптастыру

      21. Мемлекеттік нотариаттық кеңседе және жеке нотариустағы барлық құжаттар орындалған соң істер номенклатурасына сәйкес топтастырылады және істердің ішінде жүйелестіріледі.
      22. Істерге бір жылдың құжаттары топтастырылады.
      23. Істерге оларға қатысы жоқ құжаттарды, сондай-ақ құжаттардың сызбалары мен жобаларын енгізуге жол берілмейді.
      24. Істер белгілі бір мәселеге немесе нотариаттық іс-әрекетке жататын құжаттардың жеке папкасына топтастырылады.
      25. Істер ауқымы бойынша 180 парақтан аспауы тиіс. Парақтар саны 180-нен асатын қосымшалар жеке томға бөлінеді, ол туралы құжатта белгі қойылады.
      Істе бірнеше том (бөліктер) болатын болса, істің нөмірі (индексі) мен тақырыбы істің әрбір томға том нөмірін қосылып қойылады, соңғы томға (бөлігіне) «соңғы» («соңғысы») деген сөз қосылады.
      26. Нотариустың мұрагерлік істерді ресімдеуге байланысты қаулыларының көшірмелері мұрагерлік істерге орналастырылады.
      Нотариаттық іс-әрекеттерді кейінге қалдыру туралы қаулылардың даналары кейінге қалдырылған нотариаттық іс-әрекеттерге байланысты құжаттармен топтастырылады.

5. Істерді ресімдеу. Істердің тізбесін жасау

      27. Істерді ресімдеу істерді сақтауға дайындау жөнінде кешенді жүргізілетін жұмыстардан тұрады, ол мұқабадағы, брошюродағы сипаттаманы, парақтардың нөмірленуін, куәландыратын жазбаны және ішкі сипаттаманы қамтиды.
      28. Істер осы Ережеге 16-қосымшаға сәйкес нысан бойынша істер мұқабасына орналастырылады.
      29. Істер аяқталған соң іс жүргізуде істер номенклатурасына сәйкес белгіленетін оның сақталу мерзіміне сәйкес толық немесе жартылай ресімдеу жүргізіледі.
      30. Тұрақты және уақытша (10 жылдан артық) сақтау мерзімдері істері мыналарды көздейді:
      істегі парақтарды нөмірлеу;
      істегі куәландыру парағын жасау;
      істегі құжаттың ішкі тізбесін жасау;
      істі қатты мұқабаға брошюралау (тігу);
      істердің мұқабасына барлық деректерді осы Ереженің 36-тармағына сәйкес толтыру.
      31. Істің соңында осы Ережеге 8-қосымшаға сәйкес нысан бойынша куәландырушы парақ тігіледі.
      Істің куәландырушы парағына нотариус мөрін қоя отырып, қызметін және куәландырушы жазбаны жасаған күнін көрсетіп қол қояды.
      32. Тұрақты және уақытша сақтау (10 жылдан астам) мерзіміндегі істерде осы Ереженің 18-қосымшасына сәйкес нысан бойынша ішкі жазба жасалады.
      Ішкі жазба жеке парақта жасалынады. Әрбір құжат дербес реттік нөмірмен ішкі тізбеге енгізіледі, 2 бағанда - істер номенклатурасына сәйкес құжаттың индексі, 3 бағанда - құжаттың күні, 4 бағанда - нотариаттық іс-әрекеттің атауы, 5 бағанда парақтардың нөмірі көрсетіледі.
      Іс құжаттарының ішкі жазбасына жекеше нотариус немесе мемлекеттік нотариус қол қояды және істің басына тігіледі.
      33. Уақытша сақтаудағы істерді (10 жылға дейінгіні қоса алғанда) тігу папкаларында сақтауға жол беріледі, істегі құжаттарды қайтадан жүйелендіру жасалынбайды, істің парақтары нөмірленбейді, куәландырушы жазбалар жасалынбайды.
      34. Күнтізбелік жыл аяқталған соң іс жүргізуде аяқталған тұрақты және уақытша (10 жылдан жоғары) сақтау істеріне осы Ережеге10-қосымшаға сәйкес нысан бойынша тұрақты сақтаудағы істердің тізбесі жеке жасалынады. Тізбе істердің күндері мен парақтарын көрсете отырып, істер тақырыбының тізбесін көрсетеді.
      Уақытша сақтаудағы (10 жылға дейін) істерге тізбе жасалынбайды.
      35. Жекеше нотариустың немесе мемлекеттік нотариаттық кеңсенің істерінде сақталатын құжаттар Заңның 3-бабының 6-тармағында көзделген тұлғаларға беріледі.
      Істерден құжаттарды алу Қазақстан Республикасының заңнамасына сәйкес жүргізіледі, бұл ретте іске құжаттың көшірмесі мен түпнұсқасын алу туралы акті (хаттама) тігіледі.
      36. Оның құжаттарынан бұрын алынған құжат қайтарылған жағдайда олар бұрын көшірмесі алынған іске қайта тігіледі, өз кезегінде олардың көшірмелері алып тасталады.
      37. Нотариус жүргізген тізілімдер, кітаптар, журналдар оған бірінші жазба енгізгенге дейін тігіледі, парақтары нөмірленеді. Нөмірленген және тігілген парақтардың саны кітаптың соңғы парағының беткі жағына көрсетіледі. Жеке практикамен айналысатын нотариус жүргізетін кітаптар үшін нөмірленген және тігілген парақтардың саны туралы жазба нотариаттық палатаның лауазымды тұлғасының қолымен және мөрімен расталады. Мемлекеттік нотариаттық палатада жұмыс істейтін мемлекеттік нотариус жүргізетін кітаптар үшін нөмірленген және тігілген парақтардың саны туралы жазба аумақтық әділет органының лауазымды тұлғасының қолымен және мөрімен расталады.

6. Құжаттарды сақтау

      38. Іс жүргізудегі құжаттар аяқталған соң он жыл ішінде олар қалыптастырылған жері бойынша сақталады, сосын жекеше нотариаттық мұрағатқа немесе мемлекеттік нотариаттық кеңсенің мұрағатына жіберіледі.
      39. Жекеше нотариус, мемлекеттік нотариус құжаттар мен істердің құжаттарды сақтау мерзіміне сақталуын қамтамасыз етеді.
      40. Істер ұйымның бекітілген істен номенклатурасына сәйкес орналастырылады, мұқабаларының түбіртектерінде олардың индекстері көрсетіледі.

7. Істерді жекеше немесе мемлекеттік мұрағатқа тапсыру.

Мұрағаттық құжаттардың сақталуын қамтамасыз ету

      41. Жекеше нотариус, құжаттардың сақталу мерзімі өткен соң 10 жылдағы аяқталған және ресімделген істерді жекеше нотариаттық мұрағатқа сақтауға тапсырады.
      42. Істерді табыстау тұрақты сақтау істері тізбесі және істер номенклатурасы бойынша жүзеге асырылады.
      43. Жекеше нотариус тұрақты сақтаудағы және 75 жыл сақтау мерзіміндегі аяқталған және ресімделген істерді жекеше нотариаттық мұрағаттарға тапсырады:
      жер учаскелерін иеліктен айыру шарттарын;
      тұрғын үйлерді, пәтерлерді (негізінде олар куәландырылған құжаттар) иеліктен айыру туралы шарттар;
      нотариаттық куәландырылған өсиетхаттар;
      мұрагерлік істер;
      ерлі-зайыптылардың ортақ мүлікке үлесіне меншік құқығы туралы куәліктерді (егер ондай куәлік нотариаттық кеңседегі мұрагерлік ісінде жасалуына байланысты тірі зайыбының біріне берілген болса, ол мұрагерлік істерге тігіледі);
      нотариаттық іс-әрекеттерді тіркеу тізілімдері.
      44. Лицензиясының қолданысы тоқтатыла тұрған нотариустың нотариаттық іс-әрекеттерді жасау өкілеттігі, ағымдағы іс жүргізуі, сондай-ақ жекеше нотариустың сақтауында тұрған істер аумақтық әділет органдарының аумақтық нотариаттық палатамен келісілген бұйрығының негізінде оны алмастырушыға табыс етіледі.
      Құжаттарды табыстау туралы осы Ереженің 11-қосымшасына сәйкес нысан бойынша құжаттарды қабылдау табыстау актісі жасалады.
      45. Заңның 29-1-бабына сәйкес нотариаттық құжаттарды орталықтандырып сақтау және сақтауды қамтамасыз ету үшін жекеше нотариаттық мұрағаттар жұмыс істейді.
      Жекеше нотариаттық мұрағаттар аумақтық нотариаттық палаталардың филиалдары болып табылады.
      Жекеше нотариаттық мұрағатқа мынадай нотариаттық құжаттарды тапсырады:
      10 жыл өткен соң жұмыс істеп жатқан жекеше нотариустар;
      өзінің нотариаттық қызметін Заңның 12-бабына сәйкес тоқтатқан жекеше нотариус;
      нотариаттық палатаның мүшелігінен шыққан және басқа нотариаттық палатаға енуіне немесе бір аумақтық қызметтен басқасына ауысуына (бір нотариаттық округтың шеңберінде) байланысты есептік тіркеуден шығарылған жекеше нотариус.
      46. Мемлекеттік нотариаттық палата таратылған жағдайда аяқталған және ресімделген істерді аумақтық әділет органы мемлекеттік мұрағатқа береді.

8. Істерді жою

      47. Сақтау мерзімі өткен істер тұрақты сақтаудағы істер тізбесі мен тиісті кезеңдегі құжаттар мен істерді жоюға бөлу туралы акті бекітілген соң жоюға бөлінеді.
      48. Жоюға іріктелген істер осы Ереженің 12-қосымшасына сәйкес нысан бойынша жоюға бөлінген құжаттар мен істер туралы актімен ресімделеді.
      49. Актіге:
      жекеше нотариус;
      іс жүргізуді ұйымдастыру және жүргізу жүктелген мемлекеттік нотариус қол қояды.
      50. Акті сараптамалық тексеру комиссиясының (бұдан әрі - СТК) мақұлдауына беріледі, оның құрамын:
      аумақтық нотариаттық палата;
      аумақтық әділет органы (мемлекеттік нотариаттық кеңсенің істерін жойған кезде) айқындалады.
      СТК мақұлдаған акті аумақтық нотариаттық палатаға немесе аумақтық әділет органына бекітуге ұсынылады.

9. Нотариаттық іс-әрекеттерді тіркеу тізілімін жүргізу.

Нотариаттық іс-әрекеттерді тіркеу

      51. Заңның 49-бабына сәйкес барлық нотариаттық іс-әрекеттер нотариаттық іс-әрекеттерді тіркеу тізілімінде және БНАЖ электрондық тізілімінде (бұдан әрі - Тізілімдер) тіркеледі.
      52. Нотариаттық іс-әрекеттерді тіркеу тізілімі бауланады, парақтары нөмірленеді және мөрмен бекітіледі:
      мемлекеттік нотариаттық кеңселерде - аумақтық әділет органының;
      жекеше нотариуста - аумақтық нотариаттық палата қызметкері жүзеге асырады.
      53. Жекеше және мемлекеттік нотариустың нотариаттық іс-әрекеттерді тіркеуге арналған бір тізілімі болады. Бір мезгілде бірнеше тізілімді жүргізуге жол берілмейді.
      Әрбір нотариаттық іс-әрекетке реттік нөмір берілді. Нөмірлер қайталанбайды, және таяқша арқылы жазылмайды.
      54. Куәландырылған жазбаға немесе берілетін құжатқа жекеше немесе мемлекеттік нотариус қол қойғаннан кейін нотариаттық іс-әрекеттер тізілімде тіркеледі.
      55. Нотариаттық іс-әрекеттерді тіркеу тізілімінде өшіруге жол берілмейді. Түзетулер, ескертулер, түзетулер жекеше немесе мемлекеттік нотариустың қолтаңбасы мен мөрімен бекітіледі. Нотариаттық іс-әрекеттерді тіркеу тізілімінде жазбаларды қарандашпен жазуға жол берілмейді.
      Нотариаттық іс-әрекеттерді нөмірлеген кезде нотариаттық іс-әрекеттерді қателіктер белгілі болған жағдайда анықталған түзетулер, толықтырулар, ескертулер анықталғаны туралы нотариаттық іс-әрекеттерді тіркеу тізілімінде жекеше немесе мемлекеттік нотариустың қолы қойылған анықтама жасалады және осы Ережеге 13-қосымшаға сәйкес нысан бойынша нотариаттық іс-қимылдарды тіркеу тізілімінің аяғына тігіледі.
      БНАЖ электрондық тізілімінде түзетулер мен қателер "Ескертпе" деген бағанда ескертіледі.
      56. Тізілімдерде жекеше немесе мемлекеттік нотариустар жасаған барлық іс-әрекеттер жазылады.
      57. Нотариаттық іс-әрекеттерді тіркеу тізілімі осы Ережеге 14-қосымшаға сәйкес нысан бойынша 7 бағаннан тұрады.
      58. БНАЖ электрондық тізілімі осы Ереженің 15-қосымшасына сәйкес нысан бойынша 9 бағаннан тұрады.
      59. Жекеше және мемлекеттік нотариустардың мүлік кепілі шарты негізінде салынған тыйым салулар нотариаттық іс-әрекеттерді тіркеу тізілімінде және БНАЖ электрондық тізілімінде тіркеледі, сондай-ақ осы Ереженің 16-қосымшасына сәйкес нысан бойынша БНАЖ-дағы жылжымайтын мүліктердің тыйым салуларын және қамаудан алып тасталынған есепке алу алфавиттік кітабы енгізіледі.

10. Шетелде іс-әрекет етуге арналған құжаттарды ресімдеу

      60. Шетелде іс-әрекет етуге арналған құжаттарға қол қойған кезде нотариаттық іс-әрекет жасау үшін келген тұлға құжатта тегін, атын, әкесінің аты оның жеке басын куәландыратын құжатында көрсетілген кезектілікпен жазады.
      61. Куәландыратын жазбаны толтырған кезде:
      жекеше немесе мемлекеттік нотариустың тегі, аты, әкесінің аты;
      мемлекеттік нотариаттық кеңсесінің атауы;
      лицензияның нөмірі, берген күні мөрдің бедеріне сәйкес толығымен көрсетіледі.
      Нотариаттық іс-әрекеттің жасалынған күні сөздермен жазылады.
      Құжатқа қол қойған тұлғаның тегі, аты, әкесінің аты оның жеке басын куәландыратын құжатындағы кезектілікпен көрсетіледі.
      62. Мөр бос орынға куәландыратын мәтіннің астынан, мәтінге және жекеше және мемлекеттік нотариустың қолтаңбасына жеткізбей қойылады.
      Куәландыру жазбасының мәтіні (оның ішінде нотариаттық іс-әрекеттерді тіркеу тізілімінің нөмірі, өндіріп алынған сома немесе нотариусқа нотариаттық іс-әрекет жасағаны үшін төленген сома) техникалық құралдармен басып шығарылады.
      63. Құжаттар бүктелмейді, аяғына дейін толтырылмаған жолдары, бос орындары сызылмайды, бекіту мөртабанын қоюға жол берілмейді.
      Құжаттар жіппен немесе қызыл немесе ақ түсті жолақпен үш жерден тесіліп тігіледі.

11. Нотариустың мөрі, мөртабаны және бланкісі

      64. Жекеше және мемлекеттік нотариустың мөрі «Нотариат туралы» Заңның 22-бабының және "Қазақстан Республикасындағы тіл туралы" Қазақстан Республикасы Заңының 21-бабының талаптарына сәйкес дайындалады.
      65. Жекеше нотариустың мөрі осы Ережелерге 16-1-қосымшаға сәйкес нысан бойынша жекеше нотариус мөрінің эскизіне сәйкес дайындалады.
      Ескерту. 65-тармақ жаңа редакцияда - ҚР Әділет министрінің 2012.08.31 № 309 (оның ресми жарияланған күнінен бастап күнтізбелік он күн өткен соң қолданысқа енгізіледі) Бұйрығымен.
      66. Жекеше және мемлекеттік нотариустың тегі, аты, әкесінің аты мөрдің мәтінінде оның жеке басын куәландыратын құжаты бойынша жасалынады.
      67. Аумақтық әділет органы жекеше және мемлекеттік нотариустың мөрін дайындауға тапсырыс беруді жүзеге асырады және мөрді осы Ереженің 17-қосымшасына сәйкес нысан бойынша мөрді беру журналында қол қою арқылы береді.
      68. Мөрді жекеше және мемлекеттік нотариус нотариаттық расталған немесе куәландырылған құжатты беру кезінде нотариустың қызметіне байланысты куәландырылған жазбаның мәтінін, қаулыда, тапсырмада (сұрау салуда) және құжаттарда өзінің қолтаңбасын бекіту үшін пайдаланады.
      69. Мөрдің жоғалғаны немесе ұрланғаны туралы жекеше нотариус ол белгілі болған күннен бастап бір күні ішінде аумақтық әділет органына және нотариаттық палатаға хабарлайды.
      Мөрдің жоғалғаны немесе ұрланғаны туралы мемлекеттік нотариус ол белгілі болған күннен бастап бір күні ішінде аумақтық әділет органына хабарлайды.
      70. Мөр:
      мемлекеттік нотариус қызметінен босатылған;
      жекеше нотариустың лицензиясының қолданысы тоқтатылған жағдайларда жойылады.
      71. Мөр:
      жекеше нотариус лицензиясының қолданысы тоқтатылған кезеңде оның лицензиясының қолданысын тоқтата тұру туралы бұйрықпен танысқан сәттен бастап;
      мемлекеттік нотариус демалыста (оның ішінде бала бағу демалысында) жүрген кезеңде бұйрықпен танысқан сәттен бастап бір жұмыс күні ішінде аумақтық әділет органына сақтауға тапсырылады.
      72. Мөрді пайдаланған кезде көк немесе сия көк бояғыштар қолданылады, қара, көп түсті бояғыштар қолдануға жол берілмейді.
      73. Аумақтық әділет органы мөрді жоғалтқан немесе жойған жағдайда ақпаратты Қазақстан Республикасы Әділет министрлігінің интернет-ресурсына жариялайды.
      74. Жекеше нотариус пен мемлекеттік нотариустың "Электрондық құжат және электрондық цифрлық қолтаңба туралы" Қазақстан Республикасының Заңына сәйкес электрондық цифрлық қолтаңбасы болады.
      75. Нотариаттық іс-әрекеттерді жасаған кезде жекеше және мемлекеттік нотариустар бланкілерді пайдаланады.
      76. Бланкілерді аумақтық әділет органның немесе аумақтық нотариаттық палатаның тапсырыстары бойынша қызметтің осы түріне уәкілеттігі бар баспасөз кәсіпорыны дайындайды.
      77. Бланкі екі рет жазылған "Қазақстан" деген сөзі мен ағылшын тілінде қысқартылған (KAZ) сөзі арасында қазақ өрнегі бар оптикалық ағартусыз құжаттамалық қорғалған су белгісі бар қағазда дайындалады.
      А-4 парағының бланкісі төменгі оң жақ шеті кезектілікпен нөмірленген түсі ақ формат.
      78. Бланкілерді беруді аумақтық әділет органдары немесе аумақтық нотариаттық палата осы Ереженің 18-қосымшасына сәйкес нысан бойынша бланкілерді беру журналына қол қою арқылы жүргізеді.
      79. Бланкілер Қазақстан Республикасының аумағында қолдану үшін жасауға арналған нотариаттық іс-әрекеттерді жасаған кезде ғана пайдаланылады.
      Шетелде іс-әрекеттер жасауға арналған шарттардың даналары, сондай-ақ жекеше нотариустың немесе мемлекеттік нотариустың істерінде қалатын, пайдаланылған бланкінің нөмірі көрсетілетін құжаттың даналары бланкіде ресімдеуге жатпайды және жай қағазда жасалады (жеке нотариустың ісінде қалатын құжаттың данасына нотариаттық іс-әрекет жасауға жүгінген тұлғаға берілген құжаттың данасын ресімдеу үшін пайдланылған бланкінің нөмірі жазылады).
      80. Аумақтық әділет органы мен аумақтық нотариаттық палата дайындаушыдан алынған, жекеше нотариусқа берілген, қайтарылған, пайдаланылмаған, бүлінген, техникалық ақауы бар, бірдей нөмірлі бланкілердің есебін жүргізеді, сондай-ақ лицензиясының қолданысы тоқтатылған немесе тоқтата тұрған жағдайларда да жүргізеді.
      81. Бланкілер жоғалған, ұрланған жағдайда жеке нотариус немесе аумақтық нотариаттық палата ол жоғалған немесе ұрланған сәттен бастап бір жұмыс күні ішінде ол туралы ішкі істер органдары мен аумақтық әділет органына хабарлайды.
      82. Жекеше нотариустың нотариаттық іс-әрекетпен айналысу құқығына лицензиясының күші тоқтатылған, тоқтата тұрған кезде немесе мемлекеттік нотариус қызметінен босатылған кезде пайдаланылмаған бланкілер осы Ережеге 19-қосымшаға сәйкес нысан бойынша бланкілерді табыстау актісі бойынша аумақтық әділет органына немесе аумақтық нотариаттық палатаға тапсырылады.
      83. Нотариаттық іс-әрекет жасау барысында бланкі бүлінген жағдайда жекеше нотариус немесе мемлекеттік нотариус бланкінің өзінде көлбеу сызықпен қара немесе сия көк түспен баспасөз бас әріптермен "БҮЛІНГЕН" деген сөз жазылады.
      84. Аумақтық әділет органы мен аумақтық нотариаттық палата осы Ережеге 20-қосымшаға сәйкес нысан бойынша бүлінген бланкілерді жояды және бүлінген бланкілерді жою туралы акті жасайды.
      85. Құжаттарды ресімдеген кезде бекіту төртабаны пайдаланылады. Бекіту төртабанының бедері көк немесе сия көк түсті штемпелді бояумен орындалады.
      Куәландырылған жазбаны орындаған кезде бекіту мөртабанын пайдалану барысында техникалық құралдарды қолдану арқылы немесе көк немесе сия көк бояуларды қолдана отырып, төртабанның толтырылмаған жерін толықтырып жазуға болады. Көк немесе сия көк бояуларды қолдан қолдана отырып нотариаттық іс-әрекеттің тіркеу нөмірін және техникалық құралдарды қолдана отырып куәландырылған жазбаларды орындаған кезде өндіріп алынған мемлекеттік баждың (нотариаттық тарифтің) сомасын қоюға болады. Куәландыратын жазбаны қолдан жазған кезде де көк немесе сия көк бояу пайдаланылды.
      86. Мөрлер, жеке бланкілер, куәландырылған жазбалар жекеше нотариустың немесе мемлекеттік нотариаттық кеңсенің үй-жайындағы сейфтерде немесе мөр басылатын жанбайтын металл шкафтарда сақталады.
      87. Мөрлерді, жеке бланкілерді, куәландыратын жазбалардың мөртабандарын пайдалануды, сақтауды және есебін жүргізуді жекеше және мемлекеттік нотариустар жүргізеді.

12. Мұрагерлік істерді қалыптастыру және ресімдеу.

Өсиетхаттарды есепке алу

      88. Жекеше нотариустың не мемлекеттік нотариаттық кеңсеге түскен мұрагерліктің ашылғаны туралы куәландыратын бірінші құжатты алуы мұрагерлік іс бойынша іс жүргізуді бастауға негіздеме болады. Ондай құжаттар мұраны қабылдағаны туралы өтініш, мұраға құқығы туралы куәлік беру, мұрадан бас тарту туралы, мұрагерлік мүлікті сақтауға шара қабылдау, ерлі-зайыптылардың ортақ мүлікке үлесіне меншік құқығы туралы куәлік беру туралы көзі тірі жұбайының мұрагерлік мүлікті басқару туралы өтініші, өсиетхат орындаушысы болуға келісімі болып табылады.
      89. Мұрагерлік іске жататын құжаттар жекеше нотариусқа немесе мемлекеттік нотариусқа өзі әкелу және пошта арқылы да беріледі.
      90. Мұрагерлік ісі бойынша іс жүргізудің басталуы үшін негіздеме болатын құжат осы Ережеге 21-қосымшаға сәйкес нысан бойынша Мұрагерлік істерді есепке алу кітабына түскен күні тіркеледі.
      91. Мұрагерлік істердің нөмірі араб цифрларымен белгіленеді және Мұрагерлік істерді есепке алу кітабында тіркелуіне сәйкес берілген мұрагерлік істің реттік нөмірінен және мұрагерлік іс жүргізілген жылынан тұрады. "20/2011, мұнда 20 - мұрагерлік іске келіп түскен және мұрагерлік істі қалыптастыруға негіздеме болған алғашқы құжаттың Мұрагерлік істерін есепке алу кітабында тіркелуіне сәйкес мұрагерлік істің реттік нөмірі, 2011 - мұрагерлік істі жүргізген жылы".
      Мұрагерлік істерді есепке алу кітабының 1 бағанында көрсетілген нөмір мұрагерлік істің реттік нөмірі болып табылады.
      92. Мұрагерлік іске реттік нөмір берілген соң іс осы Ереженің 22-қосымшасына сәйкес нысан бойынша Мұрагерлік істерді есепке алудың алфавиттік кітабында тіркеледі.
      93. Мұраны қабылдағаны туралы, мұраға құқығы туралы куәлікті беру туралы, мұрагерлік мүліктің есебінен шығыстарды төлеу туралы, осы шаралар қабылданған мұрагерлік мүлікті қорғауға шаралар қабылдау туралы өтініш, сондай-ақ кредиторлардың кінәраттары тиісті істер номенклатурасының (нарядтар) әрқайсысы индекс алатын жеке мұрагерлік істе қалыптастырылады.
      Мұрагерлік іске көрсетілген өтініш бойынша мұрагерлік ресімделуіне байланысты барлық құжаттар тігіледі.
      Қалыптастырылған мұрагерлік іс жеке номенклатуралық іс болып табылады. Істің мұқабасында номенклатуралық индекске таяқша арқылы мұрагерлік істің нөмірі қойылады (Іс № 1-15/27/2011).
      Егер мұрагерлік іс ағымдағы жылдың іс жүргізуінде аяқталмаған болса, ол келесі жылға сол нөмірмен өтеді және қайтадан тіркелуі тиіс емес.
      94. Жекеше немесе мемлекеттік нотариустың мұрагерлік істі тиесілігі бойынша басқа нотариусқа беруі мынадай тәртіппен жүргізіледі:
      мұрагерлік істегі құжаттар тігіледі;
      құжаттардың ішкі тізбесі жасалады;
      мұқабаның көшірмесін қоса алғанда мұрагерлік істің көшірмесі алынады.
      Мұрагерлік істің түпнұсқасы ілеспе хатпен бірге тапсырыс бандеролімен (тапсырыс хатымен) немесе курьер арқылы тиісті нотариусқа жіберіледі.
      95. Мұрагерлік іс бойынша іс жүргізуді бастауға негіздеме болатын құжаттан басқа, Мұрагерлік істерді есепке алу кітабында мұрагерлік іс бойынша келіп түскен барлық өтініштер тіркеледі. Тіркеу ісіне тіркеу нөмірі беріліп өзге де өтініштер түскен кезде олар Мұрагерлік істерді есепке алу кітабында тіркеледі. Бұл ретте, Мұрагерлік істерді есепке алу кітабының 8 бағанында өтініш (құжат) келіп түскен мұрагерлік істің нөмірі қойылады.
      96. Тиесілігі бойынша мұрагерлік іс берілген жекеше немесе мемлекеттік нотариустың істерінде ілеспе хатымен бірге мұрагерлік істің көшірмесі мен пошта байланысы операторының хабарламасы, ал мұрагерлік істі курьер жеткізген жағдайда - тапсырыс бандеролін (тапсырыс хатын) тапсырғаны туралы мұра ашылған жердегі нотариустың немесе аумақтық әділет органының белгісі сақталады.
      97. Оған тиесілігі бойынша жіберілген мұра ісін қабылдаған жекеше немесе мемлекеттік нотариус мұрагерлік істі тіркеу үшін көзделген тәртіп бойынша істі тіркейді.
      98. Аумақтық нотариаттық палатада өсиетхаттарды есепке алудың алфавиттік кітабы жүргізіледі, онда куәландырылған өсиетхаттар туралы, осы Ереженің 23-қосымшасына сәйкес нысан бойынша нотариаттық куәландырылғанға теңестірілген, өсиетхаттарды куәландыруға уәкілеттік берілген лауазымды тұлғалардан алынған өсиетхаттар туралы мәліметтер енгізіледі.
      Куәландырылған өсиетхаттар туралы мәліметтер БНАЖ электрондық тізіліміне енгізілген соң БНАЖ өсиетхатарының алфавиттік кітабына түседі.
      99. Мұраға құқығы туралы негізгі куәлікті берген нотариус мұраға құқығы туралы қосымша куәлікті береді.
      100. Аяқталған мұрагерлік істі сақтауға дайындаған кезде құжаттар осы Ереженің 39-тармағындағы ережелер бойынша мынадай тәртіппен тігіледі:
      мұраға құқығы туралы куәлік;
      мұраны қабылдағаны туралы, мұраға құқығы туралы куәлікті бергені туралы, немесе мұрадан бас тарту туралы өтініштері;
      мұра берушінің қайтыс болғаны туралы куәліктің көшірмесі;
      азаматтарды тіркеу кітабының көшірмесі немесе мұра берушінің тіркелген жері белгіленген мекенжай анықтамасы;
      мұрагерлер мен мұра берушінің туысқандық қатынастарын растайтын құжаттарының көшірмелері, мұра берудің негіздемесі (өсиетхат, туысқандық деңгейі туралы құжаттар, бала асырап алу туралы, мұра берушінің асырауында тұрғаны туралы);
      нотариустың мұрагерлер аясын белгілеу үшін жасаған сұрау салулары және олардың жауаптары;
      мұрагерлік ісінің бар-жоқ екендігі туралы ақпараттық анықтама;
      мұраның мұра берушіге тиістілігін растайтын құжаттары (құқығын белгілеуші құжаттары);
      мұрагерлік іске қоса берілген өзге де құжаттар.

Нотариаттық іс жүргізу
жөніндегі ережеге 
1-қосымша     

Нысан

БНАЖ жұмысының мүмкін еместігі туралы акті

_____________________________________________________________________
      мемлекеттік нотариустың аты-жөні, нотариаттық кеңсенің атауы,
      жекеше нотариустың аты-жөні, лицензияның күні мен нөмірі

Күні ___________________ ___________________________________________
                                      (жасалған күні)
Мен, (жекеше немесе мемлекеттік) нотариус (аты-жөні),
________________________________________________ себебі бойынша БНАЖ
жұмысының мүмкін еместігі туралы осы актіні жасадым.
(БНАЖ жұмысының мүмкін еместігі себебін көрсету)

БНАЖ жұмысының тоқтаған уақыты 20 __ ж. «___» ________ уақыты сағат «__» ____ минут»

БНАЖ жұмысының басталуы 20 __ ж. «___» ____уақыты сағат «__» __ минут»

Жасаған
Нотариус: _________________________________________________________
           (аты-жөні, жекеше немесе мемлекеттік нотариустың қолы)

Нотариаттық іс жүргізу
жөніндегі ережеге 
2-қосымша     

Нысан

Кіріс құжаттарын тіркеу журналы

Нотариаттық іс жүргізу
жөніндегі ережеге 
3-қосымша     

Нысан

Шығыс құжаттарын тіркеу журналы

Нотариаттық іс жүргізу
жөніндегі ережеге 
4-қосымша     

Нысан

Тіркеу мөртабаны (үлгі)

Нотариаттық іс жүргізу
жөніндегі ережеге 
5-қосымша     

«Бекітемін»
(облыстың немесе қаланың атауы)
Әділет департаментінің бастығы
немесе нотариустың аты-жөні,
лицензияны берген күні, нөмірі,
_____________ тегі, аты-жөні
қолы                
20__ жылғы «__» ___________

___________ № _____________
   (күні)       (индексі)
__ __   _               _
|   |  |  _____ жылға    |
-- --

Мысал істер номенклатурасы

      Ескертпе:
      2-20 - 2-23 тармақшаларда көрсетілген кітаптар баулануы тиіс.
      Парақтардың саны аумақтық әділет органының немесе аумақтық нотариаттық палата қызметкерінің қолтаңбасымен куәландырылады.

Басшы қызметінің
атауы ________________ нотариус қолтаңбасының таратып жазылуы
күні

Келісілді                            Келісілді
(облыс немесе қала атауы)            Жекеше ұлттық мұрағаттың
Әділет департаменті                  СТК хаттамасымен
СКО (СК) хаттамасымен                (хаттаманың күні мен
(хаттаманың күні мен нөмірі)         нөмірі)

Нотариаттық іс жүргізу
жөніндегі ережеге 
6-қосымша     

Нысан

_________ жылы жасалынған істердің санаты мен саны туралы
қорытынды жазба

Жекеше немесе мемлекеттік нотариустың аты-жөні, қолы
Күні

Ұйымның мұрағатына қорытынды мәліметтер беріледі.
Мәліметті берген қызметкердің аты-жөні, атауы.

Нотариаттық іс жүргізу
жөніндегі ережеге 
7-қосымша     

Нысан

Істің мұқабасы

      Қор ____________________ №_________
      Тізбе ____________________ №________
      Іс ____________________ №_________

__________________________________________________________________
      (мемлекеттік нотариаттық кеңсенің атауы, жекеше нотариустың
аты-жөні, оның лицензиясының күні мен нөмірі)
________________________ том № ___________________________________

Істің № индексі __________________________________________________
                              (істің тақырыбы)

      20 __ жыл «___» __
      ______________________ парақта
      Сақтау мерзімі ___________ жыл.
      Қор _____________________ №
      Тізбе _____________________ №
      Іс _____________________ №

Нотариаттық іс жүргізу
жөніндегі ережеге 
8-қосымша     

Нысан

ІСТІҢ КУӘЛАНДЫРУ-ПАРАҒЫ

№ _____ қор № __________________ тізімдеме № ____________________ іс
Істе _________________ парақ (тар) нөмірленіп тігіледі, оның ішінде:
жіберілген №№_______________________________________________ парақ
таза парақтар нөмірленді __________________________________________
ішкі тізімдеме парақтары __________________________________________
нөмірленуге жатпайтын, қосымша және салынған түріндегі құжаттар есепке алынды _____________________________________________________
                 (құжаттардың алуан түрлілігі және олардың саны)

      Істің куәландыру-парағын толтырған
      адамның аты-жөні ____________ қолы
                         (өз қолы)

күні

Мемлекеттік немесе жекеше нотариустың аты-жөні қолы

Нотариаттық іс жүргізу
жөніндегі ережеге 
9-қосымша     

Нысан

Іс құжаттарының

№ ІШКІ ТІЗІМДЕМЕСІ

Барлығы ____________________________________________ парақ құжат
                    (цифрпен және жазумен)

Ішкі тізбенің парақтар саны ____________________________________
                                  (цифрлармен және жазумен)

Барлығы ___________________________________________________ құжат
                    (саны цифрмен және жазумен)
Жекеше немесе мемлекеттік нотариустың аты-жөні
қолы

Нотариаттық іс жүргізу
жөніндегі ережеге 
10-қосымша     

Нысан

Тұрақты сақтаудағы істердің тізімдемесі
(тізімдеменің беткі парағы)

__________________________________________________________ жылдардағы
_____________________________________________________________________
Мемлекеттік нотариаттық кеңсенің атауы немесе жекеше нотариустың
аты-жөні, оның лицензиясының күні мен нөмірі
№ _______________________________________________________________ қор
        (мемлекеттік мұрағатқа толтырылады)

      «Бекітілді»
      СТК хаттамасымен ______________________________________________
                                (мұрағаттық мекеменің атауы)
      __________________________ № __________________________________
                (күні)
___________________________________________________________________
мемлекеттік нотариаттық кеңсенің атауы, жекеше нотариустың лицензиясының күні мен нөмірі
№ _________________________ тізімдеме
___________________________ жылғы тұрақты сақтаудағы істер

Бұл бөлімге_______________________________________________ істер
                                   (цифрмен)
_______________ бастап №___________ бойынша енгізілген.
_____________________________________________________________________
                (құраушының қызметі, тегі, аты-жөні)
___ жылғы тізімдеменің бөліміне қорытынды жазбаны куәландырамын:
      Қолы___________________________________________________________
               (іс жүргізуге жауаптының қызметі, аты-жөні)
                  «Келісілді»
      Сараптау комиссиясының төрағасы ________ (қолы, күні)

Нотариаттық іс жүргізу
жөніндегі ережеге 
11-қосымша     

Нысан

Құжаттарды қабылдау-тапсыру актілері

Біз, төменде қол қояғандар, ______________________________ мыналардың
(әділет органы мен нотариаттық палата қызметкерлерінің аты-жөні, қызметі)
қатысуымен, осы жекеше нотариус______________________________________
             (құжаттарын беріп жатқан жекеше нотариустың аты-жөні)
құжаттарын беру туралы актісін,
жекеше нотариус _____________________________________________________
            (құжаттарды қабылдап жатқан жекеше нотариустың аты-жөні)
құжаттарды қабылдау актісін жасадық.

1. ____________________________________________________
2. ____________________________________________________

Барлығы ________________________________ құжат.
          (саны цифрмен және жазумен)

Тапсырдым:
Жекеше нотариустың аты-жөні
қолы

Қабылдадым:
Жекеше нотариустың аты-жөні
қолы

Аумақтық әділет органы
қызметкерінің аты-жөні,
қолы
Аумақтық нотариаттық палатаның
қызметкерінің аты-жөні,
қолы

Нотариаттық іс жүргізу
жөніндегі ережеге 
12-қосымша     

Нысан

«БЕКІТЕМІН»
(облыстың немесе қаланың атауы)
Әділет департаментінің бастығы
(тегі, аты-жөні) қолы немесе
Нотариустың аты-жөні,
лицензиясының күні, нөмірі
20__ жылғы «__» __________

Құжаттар мен істерді жоюға бөлу туралы акті

Күні ___________________________ Индексі ___________________________
____________________________________________________________________
                          (жасалған жері)
Құжаттар мен істерді жоюға бөлу туралы
Негіздеме: _________________ (күнгі) бұйрықтың №____________________
Құраған: сараптама комиссиясы
Комиссияның төрағасы:_______________________________________________
                                   (қызметі, аты-жөні)
Комиссия мүшелері:__________________________________________________
                               (қызметі, аты-жөні)
Қатысқандар:________________________________________________________
                               (қызметі, аты-жөні)
Комиссия, ____________________________ тізімдемесін басшылыққа алып,
              (қызметі, аты-жөні)

Мына құжаттар мен істер ғылыми тарихи құндылығы жоқ және іс жүзінде мәнін жойды деп танылып, жоюға іріктеді.
_________________________________________________________________
(нотариаттық кеңсенің атауы, әрі қарай сақтауға жатпайтын құжаттар
қызметіне қалдырылған жекеше нотариустың аты-жөні)

Барлық істер ___________________________ (цифрмен және жазумен)
Сараптама комиссиясының төрағасы _________ (аты-жөні) ________ қолы
Мүшелері: қолдары ______________________________________ (аты-жөні)

Құжаттар ұсақталды және жағу арқылы жойылды.
Сараптама комиссиясының төрағасы _______________
                                  (қолы, күні)

Күні

Мына құрамдағы:
комиссия мүшесі      Қолы      қолының таратылып жазылуы
комиссия мүшесі      Қолы      қолының таратылып жазылуы

сараптама комиссиясымен мақұлданды
Күні

Жекеше нотариус немесе мемлекеттік нотариус _________________________
                                                  (аты-жөні, қолы)

Нотариаттық іс жүргізу
жөніндегі ережеге 
13-қосымша     

Нысан

Нотариаттық іс-әрекеттерді тіркеу тізілімінде анықталған
түзетулер, жөндеулер, ескертпелер туралы анықтама

      Мен, жекеше (мемлекеттік) нотариус (аты-жөні), №__ нотариаттық іс-әрекеттерді тіркеу тізілімінде (анықталған түзетулер, жөндеулер, ескертпелер) бойынша осы анықтаманы жасадым, ол мынадай сипатта:
      1. Жасалынған нотариаттық іс-әрекеттің тізілім нөмірі, күні
көрсетіледі (анықталған түзетулер, жөндеулер, ескертпелер). 
      2.___________________________________________________________
___________________________________________________________________

Жекеше немесе мемлекеттік нотариустың аты-жөні
қолы

Нотариаттық іс жүргізу
жөніндегі ережеге 
14-қосымша     

Нысан

Нотариус______________________
______________________________ жылғы
нотариаттық іс-әрекеттерін тіркеуінің №___________ тізімдеме

Нотариаттық іс жүргізу
жөніндегі ережеге 
15-қосымша     

Нысан

БНАЖ электрондық тізілімі

      Ескертпе. Жекеше немесе мемлекеттік нотариус: 2-бағанда нотариустың нотариаттық іс-әрекетті тіркеу тізіліміне сәйкес нотариаттық іс-әрекеттерді тіркеген күнін көрсетеді;
      3-бағанда БНАЖ электрондық тізілімін толтырған күнін көрсетеді.

Нотариаттық іс жүргізу
жөніндегі ережеге 
16-қосымша    

Нысан

БНАЖ-дағы жылжымайтын мүліктердің тыйым салуларын және
қамаудан алып тасталынған есепке алу алфавиттік кітабы _____________________________________________________________

                     А
      _______________Б
      _______________В

Нотариаттық іс жүргізу
жөніндегі ережеге 
16-1 қосымша    

Жекеше нотариустың мөрінің эскизі

      Ескерту. Ереже 16-1-қосымшамен толықтырылды - ҚР Әділет министрінің 2012.08.31 № 309 (оның ресми жарияланған күнінен бастап күнтізбелік он күн өткен соң қолданысқа енгізіледі) Бұйрығымен.

Жекеше нотариустың жеке мөрінің сипаттамасы

      1. Жекеше нотариустың мөрі (бұдан әрі – мөр) арнайы құралда дайындалады, оны дайындауға қойылатын барлық талаптарға сәйкес келуі және жоғары сапалы дайындалуымен, жасандылықтан қорғалуымен, ұзақ мерзімділігімен және бояғыштарға төзімділігімен сипатталуы тиіс.
      2. Мөрдің диаметрі 44 миллиметр болуы тиіс (бұдан әрі - мм).
      3. Жекеше нотариустың мөрінің мәтіні «жекеше нотариус», нотариустың тегі, аты, әкесінің аты, сондай-ақ лицензияның нөмірі мен берген күні деген сөздерден тұрады. Жекеше нотариустың мөріндегі барлық жазбалардың мазмұны мемлекеттік және орыс тілдерінде жазылады.
      4. Мөрдің мәтінінде үш жиек және Қазақстан Республикасы Мемлекеттік Елтаңбасы бейнеленуі тиіс.
      5. Бірінші жиек 3 мм қалыңдықпен шеңберлі шағын қаріптермен жасалады және «Қазақстан Республикасы» деген сөздерден тұрады.
      6. Екінші жиек желісінің қалыңдығы 5 мм-ді құрайды. Екінші жиектің ішінде мынадай мазмұндағы мәтін орналасуы тиіс: "№ 0000 Лицензияны ________ жылы Қазақстан Республикасының Әділет министрлігі берген".
      7. Үшінші жиектің қалыңдығы 2,5 мм құрайды, үшінші жиектің ішіндегі мәтін «жекеше нотариус», сондай-ақ жекеше нотариустың тегі, аты, әкесінің аты деген сөздер тұруы тиіс.
      8. «Қазақстан Республикасы» жазуының беті қара бояумен толтырылуы тиіс.
      9. Бояу нүктелерінің нысаны әртүрлі: шеңбер, эллипс, шаршы және т.б. түрде болуы мүмкін.
      10. Мөрдің ортасында диаметрі 24 мм Қазақстан Республикасы Мемлекеттік Елтаңбасының айналы бейнесі орналасады.

Нотариаттық іс жүргізу
жөніндегі ережеге 
17-қосымша    

Нысан

Мөрді беру журналы

Нотариаттық іс жүргізу
жөніндегі ережеге 
18-қосымша    

Нысан

Бланкілерді беру журналы

Нотариаттық іс жүргізу
жөніндегі ережеге 
19-қосымша    

Нысан

Бланкілерді тапсыру туралы акті

      Біз, төменде қол қойғандар, жекеше (мемлекеттік) нотариустың бланкілерді тапсырғаны туралы актіні жасадық:
      Бланкілердің № ______, атына бланкілер берілген жекеше (мемлекеттік) нотариустың аты-жөні.
      Барлығы _____________________________________________ бланкі.
                     (саны цифрлармен және жазумен)
Қолы: _____________________________________________________________
           (бланкілерді қабылдаған адамның қолы, қызметі)

Жекеше (мемлекеттік) нотариустың аты-жөні
қолы

Аумақтық әділет органы қызметкерінің аты-жөні
қолы
немесе аумақтық нотариаттық палата
қызметкерінің аты-жөні
қолы

Нотариаттық іс жүргізу
жөніндегі ережеге 
20-қосымша    

Нысан

«БЕКІТЕМІН»
(облыстың немесе қаланың атауы)
Әділет департаментінің бастығы немесе
________________ облыстың (қаланың)
аумақтық нотариаттық палатасының
Төрағасы тегі, аты-жөні қолы

20__ ж. «__» _____

Жекеше нотариустың тегі және аты-жөні
немесе нотариаттық кеңсенің атауы

Бүлінген бланкілерді жою туралы АКТІ

      Бланкілердің бүлінуіне байланысты оларды іс жүзінде маңызын жоғалтқан ретінде жою:
Негіздеме: әділет департаменті басшысының «... тексеру туралы» (күнгі) № ____ бұйрығы (немесе өзге де құжаты: жұмыс жоспары, жоғары тұрған органның тапсырмасы және т.б.).
Мына құрамда комиссия жасады:
Комиссияның төрағасы _______________________________________________
                                  аты-жөні, қызметі
Комиссия мүшелері:
1. _________________________________________________________________
                          аты-жөні, қызметі
2. _________________________________________________________________
                          аты-жөні, қызметі
____________________________________________________________________

Қорғауға жататын баспалық бланкілік өнімдердің мына түрлерінің бүлінген даналары жоюға іріктелді:

Қорғауға жататын бүлінген баспалық бланкілік өнімдердің даналарының
санының барлығы _________________________ данада (лар) жасалынды:

1-нші данасы: № істе

2-нші данасы: (мекенжай)

      Комиссияның төрағасы _____________ қолының таратылып жазылуы
                               (қолы)
      Комиссия мүшелері ______________ қолының таратылып жазылуы
                            (қолы)

Нотариаттық іс жүргізу
жөніндегі ережеге 
21-қосымша    

Нысан

Мұрагерлік істерді есепке алу кітабы

Нотариаттық іс жүргізу
жөніндегі ережеге 
22-қосымша    

Нысан

Мұрагерлік істердің алфавиттік есепке алу кітабы

                  А
      ____________ Б
      ____________ В

Нотариаттық іс жүргізу
жөніндегі ережеге 
23-қосымша    

Нысан

Өсиеттерді алфавиттік есепке алу кітабы

                  А
      ____________ Б
      ____________ В