Нотариаттық іс жүргізу жөніндегі ережені бекіту туралы

      "Нотариат туралы" 1997 жылғы 14 шілдедегі Қазақстан Республикасы Заңының 32-бабының 3) тармақшасына сәйкес, БҰЙЫРАМЫН:

      1. Қоса беріліп отырған нотариаттық іс жүргізу жөніндегі ереже бекiтілсін.

      2. "Нотариаттық іс жүргізу жөніндегі нұсқаулықты бекіту туралы" Қазақстан Республикасы Әділет министрінің 2011 жылғы 23 тамыздағы № 294 бұйрығының күші жойылды деп танылсын (Нормативтік құқықтық актілерді мемлекеттік тіркеу тізілімінде № 7182 болып тіркелген).

      3. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және құқықтық көмек көрсету комитетінің төрағасына жүктелсін.

      4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Мәдениет және ақпарат министрі

      ______________________ Д. Мыңбай

      1 ақпан 2012 жыл

Нотариаттық іс жүргізу жөніндегі ереже

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Осы нотариаттық іс жүргізу жөніндегі ереже (бұдан әрі - Ереже) "Нотариат туралы" Қазақстан Республикасы Заңының (бұдан әрі - Заң) 4-бабына сәйкес әзірленді.

      Ереже жеке практикамен айналысатын нотариус (бұдан әрі-жекеше нотариус);

      мемлекеттік нотариаттық кеңсесінің мемлекеттік нотариустарының (бұдан әрі-мемлекеттік нотариус) нотариаттық іс жүргізудің бірыңғай тәртібін белгілейді.

      2. Нотариаттық іс жүргізу "Қазақстан Республикасындағы тіл туралы" Қазақстан Республикасының Заңына және Заңның 5-бабына сәйкес жүргізіледі.

      3. Ереже:

      1) құжаттарды қабылдау, тіркеу және жіберу;

      2) істер номенклатурасын жасау;

      3) істерді қалыптастыру;

      4) істерді ресімдеу, істер тізімдемесін жасау;

      5) құжаттарды сақтау;

      6) істерді жекеше нотариаттық немесе мемлекеттік мұрағатқа беру, мұрағаттық құжаттардың сақталуын қамтамасыз ету;

      7) істерді жою;

      8) консультация беруді тіркеу;

      9) шетелде іс-әрекеттер жасауға арналған құжаттарды ресімдеу;

      10) мөрді, мөртабандарды және электрондық цифрлық қолтаңбаны пайдалану;

      11) мұрагерлік істерді қалыптастыру және ресімдеу тәртібін анықтайды.

      4. Іс жүргізуді ұйымдастыру және дұрыс жүргізу, мұрағаттық құжаттарды сақтау және есебін жүргізу, пайдалану, сондай-ақ нотариаттық құжаттарды тиісті мұрағатқа тұрақты сақтауға тапсыруды:

      жекеше нотариус;

      мемлекеттік нотариус қамтамасыз етеді.

      5. Мемлекеттік нотариус жұмыстан босатылған немесе ауысқан кезде іс жүргізуді ұйымдастыру және дұрыс жүргізу, нотариаттық мұрағаттық құжаттарды сақтау, есебін жүргізу және пайдалану аумақтық әділет органының бұйрығымен басқа мемлекеттік нотариусқа жүктеледі.

      Жекеше нотариустың лицензиясының қолданысы тоқтатыла тұрған жағдайда аумақтық әділет органы мен аумақтық нотариаттық палата осы Ережеде көзделген тәртіппен, нотариустың іс жүргізуіндегі құжаттарды басқа нотариусқа беру бойынша шаралар қолданады.

      Жеке практикамен айналысатын нотариустың лицензиясының күші тоқтатылған кезде нотариустың лицензиясының күшін тоқтату туралы бұйрыққа қол қойған күннен бастап отыз күн ішінде аумақтық әділет органы мен нотариаттық палата құжаттарды басқа нотариусқа немесе жекеше нотариаттық мұрағатқа беру бойынша шаралар қолданады.

      Аумақтық нотариаттық палата мүшелігінен шыққанда, нотариустың нотариаттық палата мүшелігінен шығу туралы өтініші келіп түскен күннен бастап отыз күн ішінде, аумақтық әділет органы нотариаттық палатамен бірлесе аяқталған және ресімделген істерді жекеше нотариаттық мұрағатқа қабылдау-тапсыруды жүзеге асырады.

      Аумақтық нотариаттық палата мүшелігінен шығарылған кезде аумақтық нотариаттық палата нотариаттық палатадан шығару туралы тәртіптік комиссияның шешімі күшіне енген күннен бастап отыз күн ішінде аяқталған және ресімделген істерді жекеше нотариаттық архивке қабылдау-тапсыруды жүзеге асырады.

      Нотариустың лицензиясының қолданысы тоқтатыла тұрған, нотариустың лицензиясының қолданысы тоқтатылған, нотариустың нотариаттық палата мүшелігінен шыққан немесе шығарылған жағдайда нотариустың бірыңғай нотариаттық ақпараттық жүйе (бұдан әрі-БНАЖ) кабинеті аумақтық нотариаттық палатаның шешімі бойынша басқа жекеше нотариусқа, сондай-ақ жекеше нотариаттық мұрағатқа беріледі.

      10. Жекеше және мемлекеттік нотариустар жасайтын және алатын құжаттарды есепке алу, істердегі құжаттарды топтастыру, оларды сақтау мерзімдерін айқындау істер номенклатурасымен реттеледі.

      Істер номенклатурасы – оларды сақтау мерзімі көрсетілген істер атауларының (тақырыптарының) жүйеге келтірілген тізбесі.

      11. Құжаттар Қазақстан Республикасы Үкіметінің 2018 жылғы 31 қазандағы № 703 қаулысымен бекітілген Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларына сәйкес ресімделеді.

2-тарау. Құжаттарды қабылдау, тіркеу және жіберу

      Ескерту. 2-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      12. Келіп түскен барлық құжаттар тіркеуден өтуі тиіс.

      13. Құжаттарды есепке алу және олардың орындалуын бақылау үшін:

      осы Ереженің 1-қосымшасына сәйкес нысан бойынша БНАЖ-да кіріс құжаттарын тіркеу журналы;

      осы Ереженің 2-қосымшасына сәйкес нысан бойынша БНАЖ-да шығыс құжаттарды тіркеу журналы жүргізіледі.

      14. Кіріс құжаттарының бірінші бетінің төмен оң жақ шетінде кіріс құжаттарын тіркеу журналы бойынша тіркеу нөмірі және оларды тіркеген күні қойылады.

      15. Шығыс құжаттарында осы Ереженің 4-қосымшаға сәйкес үлгі бойынша тіркеу мөртабаны қойылады.

      16. Құжаттар адресаттарға пошта арқылы (белгілі электрондық адреске көшірмесін жолдай отырып) немесе қолма-қол жіберіледі.

3-тарау. Істер номенклатурасын жасау

      Ескерту. 3-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      17. Істер номенклатурасы (ағымдағы жылдың 10 желтоқсанынан кешіктірмей) үш данада жасалады және келесі күнтізбелік жылдың 1 қаңтарынан бастап қолданысқа енгізіледі.

      Мемлекеттік нотариаттық кеңсенің істер номенклатурасын аумақтық әділет органының басшысы бекітеді және мемлекеттік мұрағатпен келіседі.

      Жекеше нотариус істер номенклатурасын жекеше нотариаттық мұрағатпен келісім бойынша бекітеді.

      18. Істер номенклатурасына барлық құжатталатын қызметті көрсететін істердің атаулары (тақырыптары) енгізіледі. Электрондық құжаттар мен дерекқорлар істер номенклатурасына жалпы негіздерде енгізіледі. Істер номенклатурасында құжаттың нысаны тіркеледі – ақпарат жеткізгіші көрсетілген электрондық немесе қағаз түрінде.

      Істер номенклатурасы осы бұйрықтың 3-қосымшасына сәйкес үлгілік істер номенклатурасы негізінде жасалады. Үлгілік істер номенклатурасы істер номенклатурасын дайындаған кезде, оларды мұрағатқа өткізу немесе жоюға беру үшін іріктеген жағдайда сақтау мерзімін айқындаған кезде негізгі құжат ретінде пайдалануға арналған.

      Істер номенклатурасын жасаған кезде үлгілік істер номенклатурасында белгіленген сақтау мерзімін кемітуге жол берілмейді.

      Номенклатураның әрбір бөлімінде істер номенклатурасында көзделмеген, алайда күнтізбелік жыл ішінде қалыптастырылған істер тақырыбына енгізу үшін резервтік индекс қарастырылады.

      19. Жылдың соңында осы Ережеге 6-қосымшаға сәйкес нысан бойынша жүргізілген істер немесе томдардың саны және санаты туралы қорытынды жазба енгізіледі.

      20. Істер номенклатурасының данасы жедел сақтаудағы істер үшін есептік құжат ретінде мемлекеттік нотариаттық кеңсенің немесе жекеше нотариустың мұрағатында қалады.

4-тарау. Істерді қалыптастыру

      Ескерту. 4-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      21. Мемлекеттік нотариаттық кеңседе және жеке нотариустағы барлық құжаттар орындалған соң істер номенклатурасына сәйкес топтастырылады және істердің ішінде жүйелестіріледі.

      22. Істерге бір жылдың құжаттары топтастырылады.

      23. Істерге оларға қатысы жоқ құжаттарды, сондай-ақ құжаттардың сызбалары мен жобаларын енгізуге жол берілмейді.

      24. Істер белгілі бір мәселеге немесе нотариаттық іс-әрекетке жататын құжаттардың жеке папкасына топтастырылады.

      25. Істер ауқымы бойынша 180 парақтан аспауы тиіс. Парақтар саны 180-нен асатын қосымшалар жеке томға бөлінеді, ол туралы құжатта белгі қойылады.

      Істе бірнеше том (бөліктер) болатын болса, істің нөмірі (индексі) мен тақырыбы істің әрбір томға том нөмірін қосылып қойылады, соңғы томға (бөлігіне) "соңғы" ("соңғысы") деген сөз қосылады.

      26. Нотариустың мұрагерлік істерді ресімдеуге байланысты қаулыларының көшірмелері мұрагерлік істерге орналастырылады.

      Нотариаттық іс-әрекеттерді кейінге қалдыру туралы қаулылардың даналары кейінге қалдырылған нотариаттық іс-әрекеттерге байланысты құжаттармен топтастырылады.

5. Істерді ресімдеу. Істердің тізбесін жасау

      Ескерту. 5-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      27. Істерді ресімдеу істерді сақтауға дайындау жөнінде кешенді жүргізілетін жұмыстардан тұрады, ол мұқабадағы, брошюродағы сипаттаманы, парақтардың нөмірленуін, куәландыратын жазбаны және ішкі сипаттаманы қамтиды.

      28. Істер осы Ережеге 16-қосымшаға сәйкес нысан бойынша істер мұқабасына орналастырылады.

      29. Істер аяқталған соң іс жүргізуде істер номенклатурасына сәйкес белгіленетін оның сақталу мерзіміне сәйкес толық немесе жартылай ресімдеу жүргізіледі.

      30. Тұрақты және уақытша (10 жылдан артық) сақтау мерзімдері істері мыналарды көздейді:

      істегі парақтарды нөмірлеу;

      істегі куәландыру парағын жасау;

      істегі құжаттың ішкі тізбесін жасау;

      істі қатты мұқабаға брошюралау (тігу);

      істердің мұқабасына барлық деректерді осы Ереженің 36-тармағына сәйкес толтыру.

      31. Істің соңында осы Ережеге 8-қосымшаға сәйкес нысан бойынша куәландырушы парақ тігіледі.

      Істің куәландырушы парағына нотариус мөрін қоя отырып, қызметін және куәландырушы жазбаны жасаған күнін көрсетіп қол қояды.

      32. Тұрақты және уақытша сақтау (10 жылдан астам) мерзіміндегі істерде осы Ереженің 9-қосымшасына сәйкес нысан бойынша ішкі жазба жасалады.

      Ішкі жазба жеке парақта жасалынады. Әрбір құжат дербес реттік нөмірмен ішкі тізбеге енгізіледі, 2 бағанда - істер номенклатурасына сәйкес құжаттың индексі, 3 бағанда - құжаттың күні, 4 бағанда - нотариаттық іс-әрекеттің атауы, 5 бағанда парақтардың нөмірі көрсетіледі.

      Іс құжаттарының ішкі жазбасына жекеше нотариус немесе мемлекеттік нотариус қол қояды және істің басына тігіледі.

      33. Уақытша сақтаудағы істерді (10 жылға дейінгіні қоса алғанда) тігу папкаларында сақтауға жол беріледі, істегі құжаттарды қайтадан жүйелендіру жасалынбайды, істің парақтары нөмірленбейді, куәландырушы жазбалар жасалынбайды.

      34. Күнтізбелік жыл аяқталған соң іс жүргізуде аяқталған тұрақты және уақытша (10 жылдан жоғары) сақтау істеріне осы Ережеге10-қосымшаға сәйкес нысан бойынша тұрақты сақтаудағы істердің тізбесі жеке жасалынады. Тізбе істердің күндері мен парақтарын көрсете отырып, істер тақырыбының тізбесін көрсетеді.

      Уақытша сақтаудағы (10 жылға дейін) істерге тізбе жасалынбайды.

      35. Жекеше нотариустың немесе мемлекеттік нотариаттық кеңсенің істерінде сақталатын құжаттар Заңның 3-бабының 6-тармағында көзделген тұлғаларға беріледі.

      Істерден құжаттарды алу Қазақстан Республикасының заңнамасына сәйкес жүргізіледі, бұл ретте іске құжаттың көшірмесі мен түпнұсқасын алу туралы акті (хаттама) тігіледі.

      36. Оның құжаттарынан бұрын алынған құжат қайтарылған жағдайда олар бұрын көшірмесі алынған іске қайта тігіледі, өз кезегінде олардың көшірмелері алып тасталады.

      37. Нотариус жүргізетін журналдар оларға бірінші жазба енгізілгенге дейін тігіледі, олардың парақтары нөмірленеді. Нөмірленген және тігілген парақтардың саны журналдың соңғы парағының сыртқы бетінде көрсетіледі.

6. Құжаттарды сақтау

      Ескерту. 6-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      38. Нотариаттық іс жүргізу құжаттары қалыптастырылған орны бойынша 10 жыл бойы нотариуста сақталады.

      Қазақстан Республикасы Әділет министрінің 2012 жылғы 31 қаңтардағы № 29 бұйрығымен бекітілген (Қазақстан Республикасының нормативтік құқықтық актілерді мемлекеттік тіркеу тізілімінде №7444 болып тіркелген) Нотариустың үй-жайына қойылатын талаптарда белгіленген нотариаттық іс жүргізу құжаттарын сақтау үшін жағдайлар болған кезде, нотариаттық іс жүргізу құжаттары нотариустың кәсіби қызметін жүзеге асырудың бүкіл кезеңінде олардың қалыптасқан орны бойынша сақталады.

      39. Жекеше нотариус, мемлекеттік нотариус құжаттар мен істердің құжаттарды сақтау мерзіміне сақталуын қамтамасыз етеді.

      40. Істер ұйымның бекітілген істен номенклатурасына сәйкес орналастырылады, мұқабаларының түбіртектерінде олардың индекстері көрсетіледі.

7. Істерді жекеше нотариаттық немесе мемлекеттік мұрағатқа тапсыру. Мұрағаттық құжаттардың сақталуын қамтамасыз ету

      Ескерту. 7-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      41. Жекеше нотариус он жыл сақтау мерзімі өткеннен кейін және сақтау үшін жағдай болмаған кезде сақтау кезеңінен кейінгі күнтізбелік жыл ішінде аяқталған және ресімделген істерді жеке нотариаттық мұрағатқа сақтауға береді.

      Заңының 12-бабына сәйкес өз қызметін тоқтатқан, сондай-ақ нотариаттық палата мүшелігінен шыққан жекеше нотариус бір ай мерзімде аяқталған және ресімделген істерді басқа жекеше нотариусқа немесе тиісті нотариаттық округтің жекеше нотариаттық мұрағатына сақтауға береді.

      Аяқталған және ресімделген істерді жекеше нотариаттық мұрағатқа сақтауға беру мерзімі екі айдан артық емес мерзімге ұзартылады.

      42. Істерді табыстау тұрақты және уақытша (он жылдан жоғары) сақтау істері тізбесі және істер номенклатурасы бойынша жүзеге асырылады.

      43. Жекеше нотариус тұрақты, уақытша (жетпіс бес жыл) сақтау мерзіміндегі аяқталған және ресімделген істерді:

      жер учаскелерін иеліктен шығару туралы шарттарды;

      тұрғын үйлерді, пәтерлерді иеліктен шығару туралы шарттарды (олардың негізінде куәландырылған құжаттар);

      аяқталған мұрагерлік істерді;

      ерлі-зайыптылардың ортақ мүлкіндегі үлеске меншік құқығы туралы куәліктерді (егер мұндай куәлік нотариаттық кеңседе жасалған мұрагерлік іске байланысты тірі зайыбына берілген болса, ол мұрагерлік іске тігіледі) жекеше нотариаттық мұрағатқа береді.

      Нотариаттық куәландырылған өсиет, оның ішінде құпия өсиеттер, сондай-ақ аяқталмаған мұрагерлік іс жекеше нотариаттық мұрағатқа тапсырылмайды.

      44. Жекеше нотариустың лицензиясының қолданылуы тоқтатылған, жекеше нотариус аумақтық нотариаттық палатаның мүшелерінен шыққан немесе шығарылған жағдайда, нотариаттық куәландырылған өсиеттер, оның ішінде құпия өсиеттер, сондай-ақ аяқталмаған мұрагерлік істер он жұмыс күні ішінде аумақтық әділет органы мен нотариаттық палатаның бірлескен шешімі бойынша басқа жекеше нотариусқа беріледі.

      Жекеше нотариустың лицензиясының қолданылуы тоқтатыла тұрған жағдайда нотариустың іс жүргізуіндегі құжаттар он жұмыс күні ішінде аумақтық әділет органы мен нотариаттық палатаның бірлескен шешімі бойынша басқа жекеше нотариусқа беріледі.

      Құжаттарды беру туралы осы Ережеге 11-қосымшаға сәйкес нысан бойынша құжаттарды қабылдау-тапсыру актісі жасалады.

      45. Заңының 29-1-бабына сәйкес нотариаттық құжаттарды сақтау және сақтауды қамтамасыз ету үшін жекеше нотариаттық мұрағаттар жұмыс істейді.

      Жекеше нотариаттық мұрағаттар аумақтық нотариаттық палаталардың филиалдары болып табылады.

      Жекеше нотариаттық мұрағатта осы Ереженің 43-тармағының 1-бөлігінде көрсетілген құжаттар сақталады.

      46. Мемлекеттік нотариаттық палата таратылған жағдайда аяқталған және ресімделген істерді аумақтық әділет органы мемлекеттік мұрағатқа береді.

      46-1. Нотариаттық іс-әрекеттер жасау туралы мәліметтер және Заңда көзделген өзге де мәліметтер нотариаттық электрондық репозиторийде уақытша сақтауға орналастырылуға тиіс және белгіленген мерзім өткеннен кейін нотариаттық электрондық архивке берілуге тиіс.

8-тарау. Істерді жою

      Ескерту. 8-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      47. Сақтау мерзімі өткен істер тұрақты сақтаудағы істер тізбесі мен тиісті кезеңдегі құжаттар мен істерді жоюға бөлу туралы акті бекітілген соң жоюға бөлінеді.

      48. Жоюға іріктелген істер осы Ереженің 12-қосымшасына сәйкес нысан бойынша жоюға бөлінген құжаттар мен істер туралы актімен ресімделеді.

      49. Актіге:

      жекеше нотариус;

      іс жүргізуді ұйымдастыру және жүргізу жүктелген мемлекеттік нотариус қол қояды.

      50. Акті сараптамалық тексеру комиссиясының (бұдан әрі - СТК) мақұлдауына беріледі, оның құрамын:

      аумақтық нотариаттық палата;

      аумақтық әділет органы (мемлекеттік нотариаттық кеңсенің істерін жойған кезде) айқындалады.

      СТК мақұлдаған акті аумақтық нотариаттық палатаға немесе аумақтық әділет органына бекітуге ұсынылады.

9-тарау. Нотариаттық іс-әрекеттерді тіркеу тізілімін жүргізу. Нотариаттық іс-әрекеттерді тіркеу

      Ескерту. 9-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      51. Заңның 49-бабына сәйкес барлық нотариаттық іс-әрекеттер нотариаттық іс-әрекеттерді тіркеу тізілімінде және БНАЖ электрондық тізілімінде (бұдан әрі - Тізілімдер) тіркеледі.

      52. Нотариаттық іс-әрекеттерді тіркеу тізілімі бауланады, парақтары нөмірленеді және мөрмен бекітіледі:

      мемлекеттік нотариаттық кеңселерде - аумақтық әділет органының;

      жекеше нотариуста - аумақтық нотариаттық палата қызметкері жүзеге асырады.

      53. Жекеше және мемлекеттік нотариустың нотариаттық іс-әрекеттерді тіркеуге арналған бір тізілімі болады. Бір мезгілде бірнеше тізілімді жүргізуге жол берілмейді.

      Әрбір нотариаттық іс-әрекетке реттік нөмір берілді. Нөмірлер қайталанбайды, және таяқша арқылы жазылмайды.

      54. Куәландырылған жазбаға немесе берілетін құжатқа жекеше немесе мемлекеттік нотариус қол қойғаннан кейін нотариаттық іс-әрекеттер тізілімде тіркеледі.

      55. Нотариаттық іс-әрекеттерді тіркеу тізілімінде өшіруге және қарындашпен жазуға жол берілмейді. Өзгертулер, ескертулер, түзетулер жекеше немесе мемлекеттік нотариустың қолымен және мөрімен бекітіліп, күні қойылады.

      Нотариаттық іс-әрекеттерді нөмірлеу кезінде қате табылған жағдайда, анықталған өзгертулер, түзетулер, ескертпелер туралы анықтама жасалады және осы Ереженің 13-қосымшасына сәйкес нысан бойынша нотариаттық іс-әрекеттерді тіркеу тізілімінің соңында тігіледі.

      БНАЖ электрондық тізіліміндегі өзгертулер мен қателіктер "Ескертпе" бағанында ескертіледі".

      56. Тізілімдерде жекеше немесе мемлекеттік нотариустар жасаған барлық іс-әрекеттер жазылады.

      57. Нотариаттық іс-әрекеттерді тіркеу тізілімі осы Ережеге 14-қосымшаға сәйкес нысан бойынша 7 бағаннан тұрады.

      58. БНАЖ электрондық тізілімі осы Ереженің 15-қосымшасына сәйкес нысан бойынша 9 бағаннан тұрады.

9-1 тарау. Консультация беруді есепке алу журналын жүргізу. Консультация беруді тіркеу

      Ескерту. 9-1-тараумен толықтырылды – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      59-1. Заңның 17-1-бабына сәйкес жүзеге асырылатын, нотариаттық іс-әрекеттер жасауға тікелей байланысты емес құқықтық сипаттағы ауызша және жазбаша консультациялар жүргізу нысанында нотариус ұсынатын консультация беру; Қазақстан Республикасы заңнамасының талаптарына сәйкес мәмілелер, өтініштер және басқа да құжаттар жобаларын жасау есепке алуға жатады.

      59-2. Консультацияны есепке алуды нотариус БНАЖ-дағы консультацияларды есепке алу журналында осы Ереженің 26-қосымшасына сәйкес нысан бойынша жүргізеді.

      59-3. Мәліметтер консультацияға жүгінген күні консультацияларды есепке алу тізіліміне енгізілуге жатады.";

10-тарау. Шетелде іс-әрекет етуге арналған құжаттарды ресімдеу

      Ескерту. 10-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      60. Шетелде іс-әрекет етуге арналған құжаттарға қол қойған кезде нотариаттық іс-әрекет жасау үшін келген тұлға құжаттағы тиісті жолға тегін, атын, әкесінің атын (бар болған жағдайда) жеке басын куәландыратын құжатында көрсетілгендей кезектілікпен жазып, содан кейін көрсетілген жеке мәліметтерінен кейін қолын қояды.

      61. Куәландыратын жазбаны толтырған кезде:

      жекеше немесе мемлекеттік нотариустың тегі, аты, әкесінің аты (бар болған жағдайда);

      мемлекеттік нотариаттық кеңсенің атауы;

      лицензияның нөмірі, берген күні мөрдің бедеріне сәйкес толығымен көрсетіледі.

      Нотариаттық іс-әрекеттің жасалынған күні сөздермен жазылады.

      Құжатқа қол қойған тұлғаның тегі, аты, әкесінің аты (бар болған жағдайда) оның жеке басын куәландыратын құжатындағы кезектілікпен көрсетіледі.

      62. Мөр құжаттың бос орнына куәландыру жазбасының астына оның мәтінін және жекеше немесе мемлекеттік нотариустың қолтаңбасына жеткізбей қойылады.

      Куәландыру жазбасының мәтіні (оның ішінде нотариаттық іс-әрекеттердің электрондық тізілімінің нөмірі, өндіріп алынған мемлекеттік баж сомасы немесе нотариусқа төленген сома) техникалық құралдармен (жазу машинкасымен, дербес компьютермен) басылады.

      63. Құжаттар бүктелмейді, аяғына дейін толтырылмаған жолдары, бос орындары сызылмайды, бекіту мөртабанын қоюға жол берілмейді.

      Құжаттар жіппен немесе қызыл немесе ақ түсті жолақпен үш жерден тесіліп тігіледі.

11-тарау. Нотариустың мөрі, мөртабандары және электрондық цифрлық қолтаңбасы

      Ескерту. 11-тараудың тақырыбы жаңа редакцияда – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      64. Жекеше және мемлекеттік нотариустың мөрі "Нотариат туралы" Заңның 22-бабының және "Қазақстан Республикасындағы тіл туралы" Қазақстан Республикасы Заңының 21-бабының талаптарына сәйкес дайындалады.

      65. Жекеше нотариустың мөрі осы Ережелерге 16-1-қосымшаға сәйкес нысан бойынша жекеше нотариус мөрінің эскизіне сәйкес дайындалады.

      66. Жекеше және мемлекеттік нотариустың тегі, аты, әкесінің аты (бар болған жағдайда) мөрдің мәтінінде оның жеке басын куәландыратын құжаты бойынша жазылады.

      67. Аумақтық әділет органы жекеше және мемлекеттік нотариустың мөрін дайындауға тапсырыс беруді жүзеге асырады және мөрді осы Ереженің 17-қосымшасына сәйкес нысан бойынша мөрді беру журналында қол қою арқылы береді.

      68. Мөрді жекеше және мемлекеттік нотариус нотариаттық расталған немесе куәландырылған құжатты беру кезінде нотариустың қызметіне байланысты куәландырылған жазбаның мәтінін, қаулыда, тапсырмада (сұрау салуда) және құжаттарда өзінің қолтаңбасын бекіту үшін пайдаланады.

      69. Мөрдің жоғалғаны немесе ұрланғаны туралы жекеше нотариус ол белгілі болған күннен бастап бір күні ішінде аумақтық әділет органына және нотариаттық палатаға хабарлайды.

      Мөрдің жоғалғаны немесе ұрланғаны туралы мемлекеттік нотариус ол белгілі болған күннен бастап бір күні ішінде аумақтық әділет органына хабарлайды.

      70. Мөр:

      мемлекеттік нотариус қызметінен босатылған;

      нотариаттық округтен тыс нотариус қызметінің аумағын өзгерткенде;

      жекеше нотариустың лицензиясының қолданысы тоқтатылған кезде;

      нотариустың жеке басын растайтын құжатының деректері өзгергенде;

      пайдалануға жарамсыз болған жағдайларда жойылады.

      71. Мөр:

      жекеше нотариуспен лицензиясының қолданысын тоқтата тұру туралы бұйрықпен танысқан кезден бастап оның лицензиясының күші тоқтатыла тұрған кезеңде;

      жекеше нотариус нотариаттық палатадан мүшеліктен шығарылған жағдайда;

      мемлекеттік нотариус бұйрықпен танысқан күннен бастап бір жұмыс күні ішінде демалыста (оның ішінде бала күтімі бойынша) болған кезеңде аумақтық әділет органына сақтауға тапсырылады.

      Мемлекеттік немесе жекеше нотариустың мөрі нотариустың қатысуымен конвертке салынады, нотариустың, лауазымды адамның қолдары қойылады және аумақтық әділет органының мөрімен бекітіледі.

      Мөрі бар конвертті ашу нотариустың қатысуымен жүргізіледі.

      72. Мөрді пайдаланған кезде көк немесе сия көк бояғыштар қолданылады, қара, көп түсті бояғыштар қолдануға жол берілмейді.

      73. Аумақтық әділет органы мөрді жоғалтқан немесе жойған жағдайда ақпаратты Қазақстан Республикасы Әділет министрлігінің интернет-ресурсына жариялайды.

      74. Жекеше нотариус пен мемлекеттік нотариустың "Электрондық құжат және электрондық цифрлық қолтаңба туралы" Қазақстан Республикасының Заңына сәйкес электрондық цифрлық қолтаңбасы болады.

      Нотариус электрондық құжаттармен нотариаттық іс-әрекеттер жасауды және БНАЖ-ға мәліметтер енгізуді электрондық цифрлық қолтаңба арқылы жүзеге асырады.

      79. Нотариаттық құжаттар А4 форматындағы қағаздың стандартты парақтарында жасалады.

      БНАЖ әрбір нотариаттық іс-әрекет бойынша бірегей нөмір береді, ал құжаттың қағаз нұсқасында көрсетіледі.

      85. Құжаттарды ресімдеген кезде бекіту төртабаны пайдаланылады. Бекіту төртабанының бедері көк немесе сия көк түсті штемпелді бояумен орындалады.

      Куәландырылған жазбаны орындаған кезде бекіту мөртабанын пайдалану барысында техникалық құралдарды қолдану арқылы немесе көк немесе сия көк бояуларды қолдана отырып, төртабанның толтырылмаған жерін толықтырып жазуға болады. Көк немесе сия көк бояуларды қолдан қолдана отырып нотариаттық іс-әрекеттің тіркеу нөмірін және техникалық құралдарды қолдана отырып куәландырылған жазбаларды орындаған кезде өндіріп алынған мемлекеттік баждың (нотариаттық тарифтің) сомасын қоюға болады. Куәландыратын жазбаны қолдан жазған кезде де көк немесе сия көк бояу пайдаланылды.

      86. Мөрлер, куәландыру жазбаларының мөртабандары жекеше нотариустың үй-жайында немесе мемлекеттік нотариат кеңсесінде сейфтерде немесе мөрленетін жанбайтын металл шкафтарда сақталады.

      87. Мөрді, куәландыру жазбаларының мөртабандарын пайдалануды, сақтауды және есепке алуды жекеше және мемлекеттік нотариус жүргізеді.

      Мемлекеттік нотариаттық кеңседе аумақтық әділет органы басшысының бұйрығымен айқындалған мемлекеттік нотариустардың бірі.

12. Мұрагерлік істерді қалыптастыру және ресімдеу. Өсиетхаттарды есепке алу

      Ескерту. 12-тараудың тақырыбы жаңа редакцияда – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      88. Жекеше нотариус не мемлекеттік нотариаттық кеңсеге түскен мұраның ашылғаны туралы куәландыратын алғашқы құжатты нотариустың алуы мұрагерлік іс бойынша іс жүргізуді бастауға негіз болады. Мұндай арыздарға: мұраны қабылдау туралы өтініш, мұраға құқық туралы куәлік беру туралы өтініш, мұрадан бас тарту туралы өтініш, тірі зайыбының ерлі-зайыптылардың ортақ мүлкіндегі үлеске меншік құқығы туралы куәлік беру туралы өтініші жатады.

      89. Мұрагерлік іске жататын құжаттар жекеше нотариусқа немесе мемлекеттік нотариусқа өзі әкелу және пошта арқылы да беріледі.

      90. Мұрагерлік іс бойынша іс жүргізуді бастауға негіз болған құжат БНАЖ мұрагерлік істер тізілімінде тіркеледі.

      93. Мұрадан бас тарту немесе мұраны қабылдау туралы не мұраға құқығы туралы куәлікті беру туралы, шығындарды мұрагерлік мүлік есебінен төлеу туралы өтініштердің негізінде мұрагерлік іс жүргізіледі және реттік нөмір беріледі."

      Барлық өтініштерде олардың келіп түскен күні, бірінші келіп түскен өтінішке берілген мұрагерлік істің нөмірі көрсетіледі.

      Мұрагерлік іс жеке номенклатуралық іс болып табылады. Істің мұқабасында номенклатуралық индекске таяқша арқылы мұрагерлік істің нөмірі қойылады (№ 2-8/27/2021 іс).

      Мұрагерлік іске мұрагерлер ұсынған, олардың негізінде мұраға құқық туралы куәлік берілген барлық құжаттар тігіледі.

      Егер мұрагерлік іс ағымдағы жылдың іс жүргізуінде аяқталмаған болса, ол келесі жылға сол нөмірмен өтеді және қайта тіркелуге жатпайды.

      94. Жекеше немесе мемлекеттік нотариустың мұрагерлік істі тиесілігі бойынша басқа нотариусқа беруі мынадай тәртіппен жүргізіледі:

      мұрагерлік істегі құжаттар тігіледі;

      құжаттардың ішкі тізімдемесі жасалады;

      мұқабаның көшірмесімен қоса, мұрагерлік істің көшірмесі түсіріледі.

      Мұрагерлік істің түпнұсқасын ілеспе хатпен бірге нотариус не нотариустың көмекшісі тапсырыс хатпен (тапсырыс бандеролімен) не курьер арқылы тиесілігі бойынша басқа нотариусқа жібереді.

      96. Мұрагерлік істі тиесілігі бойынша берген жекеше немесе мемлекеттік нотариустың істерінде қабылдау - тапсыру актісі, ілеспе хатпен және почта байланысы операторының хабарламасы бар мұрагерлік істің көшірмесі, ал мұрагерлік істі курьер немесе нотариус не нотариустың көмекшісі жеткізген жағдайда нотариустың немесе аумақтық әділет органының оны алғаны туралы белгісі сақталады.

      Мұрагерлік істі немесе оның көшірмесін тиесілігі бойынша тапсыру мұрагерлік істі немесе оның көшірмесін тапсырып отырған нотариус оны тапсыруға негіздеме болған (мұрагердің өтініші, нотариустың сұрау хаты) құжатты алған соң жеті жұмыс күні ішінде жүргізеді.

      97. Оған тиесілігі бойынша жіберілген мұра ісін қабылдаған жекеше немесе мемлекеттік нотариус мұрагерлік істі тіркеу үшін көзделген тәртіп бойынша істі тіркейді.

      98. Аумақтық нотариаттық палатада өсиетхаттарды куәландыруға уәкілеттік берілген лауазымды тұлғалардан алынған, нотариаттық куәландырылғанға теңестірілген өсиетхаттарды есепке алу тізілімі Қазақстан Республмикасының 1997 жылғы 14 шілдедегі "Нотариат туралы" Заңының 4-2-бабының 2-тармағына сәйкес бекітілетін Бірыңғай нотариаттық ақпараттық жүйенің тізілімдерін жүргізу ережесіннің 4-қосымшасына сәйкес нысанда жүргізіледі.

      Куәландырылған өсиет туралы мәліметтер БНАЖ электрондық тізіліміне жазба енгізілгеннен кейін БНАЖ өсиеттерді есепке алу тізіліміне түседі.

      99. Аяқталған мұрагерлік іс мұраға құқығы туралы қосымша куәлік берілгенде немесе бұрын берілген мұраға құқығы туралы куәліктің күші жойылғанда мұраға құқығы туралы жаңа куәлік берілген жағдайда қайта басталады. Бұл ретте, Мұрагерлік істерді есепке алу тізілімінде мұрагерлік істің қайта басталуына негіздеме болған өтініш тіркеледі. Жаңа құжаттар мұрагерлік істің соңына орналастырылады, істің мұқабасына, ішкі тізімдемесіне, куәландырушы парағына тиісті өзгерістер енгізіледі.

      Мұраға құқығы туралы қосымша куәлікті бұрын мұраға құқығы туралы куәлікті берген нотариус береді.

      Нотариус лицензиясының күші тоқтатыла тұрған жағдайда мұраға құқығы туралы қосымша куәлікті құжаттар тапсырылған нотариус береді.

      Бұрын мұраға құқығы туралы куәлікті берген нотариустың лицезиясының күші тоқтатылғанда, нотариус нотариаттық палата мүшелігінен шыққан немесе шығарылған жағдайда және мұрағатқа істерді сақтауға тапсырылған кезде мұраға құқығы туралы қосымша куәлікті мүдделі тұлға жүгінген нотариус береді. Бұл ретте, нотариус мұрағаттан мұрагерлік істің көшірмесін сұратады және аталған құжаттардың негізінде мұраға құқығы туралы қосымша куәлікті береді.

      100. Аяқталған мұрагерлік істі сақтауға дайындаған кезде құжаттар осы Ереженің 39-тармағына сәйкес мынадай тәртіппен:

      мұраға құқығы туралы куәлік;

      мұраны қабылдау туралы, мұраға құқығы туралы куәлікті беру туралы немесе мұрадан бас тарту туралы өтініштер;

      мұра берушінің қайтыс болғаны туралы куәліктің көшірмесі не БНАЖ арқылы "АХАЖ тіркеу пункті" ақпараттық жүйесінде алынған қайтыс болуды мемлекеттік тіркеу туралы мәліметтер;

      БНАЖ арқылы "Жеке тұлғалар" мемлекеттік деректер қорынан мұра берушінің тіркелген орны туралы мәліметтер;

      мұрагерлер мен мұра берушінің туысқандық қатынастарын растайтын құжаттарының көшірмелері, мұраға негіздеме (өсиет, туысқандық деңгейі туралы, бала асырап алу туралы, мұра берушінің асырауында тұрғаны туралы құжаттар);

      мұрагерлердің шеңберін анықтау үшін жасалған нотариустың сұрау салулары және оларға жауаптар;

      БНАЖ-да мұрагерлік істің бар-жоқ екендігі туралы анықтама;

      мұраның мұра берушіге тиістілігін растайтын құжаттары (құқығын белгілеуші құжаттары);

      мұрагерлік іске қоса берілген өзге де құжаттар тігіледі.

      101. Барлық мұрагерлерге мұраға құқық туралы куәлік берілгеннен кейін мұрагерлік іс бойынша іс жүргізу аяқталды деп есептеледі және іс сақтау үшін ресімделеді.

      102. Егер құпия өсиет құпия өсиетті куәландырған нотариуста сақталса, онда нотариус мөрленген конвертте құпия өсиет салынған конверт, құпия өсиетті сақтауға қабылдау туралы куәліктің данасы, құпия өсиетті жою туралы өтініш, өсиет қалдырушы оны жойған жағдайда "құпия өсиетті сақтау конверттері" ісіне орналастырылады.

      Құпия өсиеттің тұтастығын қамтамасыз ету үшін олар (құжаттарды механикалық зақымдалмаған ұстауға мүмкіндік беретін арнайы құралдармен жабдықталған қатты материалдан жасалған қысқыштармен, мөлдір файлдармен және т.б.) папкаларға орналастырылады.

      Бір құпия өсиетке қатысты барлық құжаттар бірге топтастырылады және нөмірленеді, бірақ тігілмейді.

      Сақтау конвертінің өзінен басқа, іске құпия өсиетті сақтауға қабылдау туралы куәліктің данасы орналастырылады.

      Өсиет берушіге немесе өсиетті орындаушыға (өсиет жүктелген өкілге) сақтауға берілген құпия өсиеттің күші жойылған жағдайда, нотариустың істерінде құпия өсиетті сақтауға беру туралы куәлік және оның күшін жою туралы өтініш қалады.

      104. Егер құпия өсиет құпия өсиетті куәландырған нотариуста сақталса, онда құпия өсиет және оған қатысты құпия өсиетті сақтауға қабылдау туралы куәлік құпия өсиеттің конвертін ашқан кезде істен алынады, олардың орнына құжаттарды алып қою себебі мен күні туралы мәліметтерді қамтитын осы Ережеге 24-қосымшаға сәйкес нысан бойынша құжатты алып қою туралы анықтама орналастырылады.

      105. Құпия өсиеті бар конвертті ашу жөніндегі іс жүргізуді бастау үшін өсиет қалдырушының қайтыс болуы туралы куәлікті, сондай-ақ құпия өсиеті бар конвертті, ол өсиет қалдырушыда немесе өсиетті орындаушыда (өсиет алушы адамда) сақталған жағдайда, құпия өсиетті ашу және жария ету туралы өтінішті оның құпия өсиетін куәландырған немесе ол сақталатын нотариустың алуы негіз болып табылады.

      106. Нотариус "Құпия өсиет" жеке ісін қалыптастырады. "Құпия өсиет" жеке ісінің нөмірі араб сандарымен белгіленеді және БНАЖ нотариаттық іс-әрекеттерді тіркеудің электрондық тізілімінде құпия өсиетті ашу және жария ету хаттамасы тіркелген нөмірден және жеке іс жүргізілген жылдан тұрады: "20/2021, мұндағы 20 – құпия өсиетті ашу және жария ету хаттамасы БНАЖ электрондық тізілімінде тіркелген нөмір, 2021-жеке іс жүргізілген жыл.

      107. Құпия өсиетті жасаған тұлғаның заңды мұрагерлеріне, нотариус тұратын жерлері белгілі болса, тапсырыс хат арқылы құпия өсиетті ашу және жария ету күні, орны және уақыты туралы мәліметтерді көрсете отырып, осы Ереженің 25-қосымшасына сәйкес нысан бойынша хабарлама жібереді. Хабарламаны тапсыру туралы ескертпе нотариустың ісінде сақталады.

      108. Құпия өсиет ісіне, конвертті ашуға және нақты құпия өсиеттің мәтінін жария етуге қатысты, құпия өсиет орналастырылған конвертті, құпия өсиетті қабылдау туралы куәлікті, құпия өсиеттің түпнұсқасын (немесе өсиет қалдырушы нотариусқа берген конверттен алынған кез келген өзге де салым), құпия өсиетті ашу және жария ету хаттамасының түпнұсқасын, сақтау конвертін қоса алғандағы барлық құжаттар орналастырылады.

      109. Өсиет бойынша мұрагерлерге құпия өсиетті ашу және жария ету туралы хаттаманың көшірмесін бергеннен кейін нақты құпия өсиет бойынша іс жүргізу аяқталды деп есептеледі және тұрақты сақтау үшін дайындалады.

      110. Егер өсиет бойынша мұрагерлер құпия өсиетті ашу және жария ету туралы хаттаманың көшірмесін конвертті ашқан және құпия өсиет мәтінін жария еткен кезден бастап бір жыл ішінде алмаса, құпия өсиет ісі бойынша іс аяқталуы және уақытша сақтау үшін дайындалуы мүмкін.

      Нысан

БНАЖ жұмысының мүмкін еместігі туралы акті

      _____________________________________________________________________

      мемлекеттік нотариустың аты-жөні, нотариаттық кеңсенің атауы,

      жекеше нотариустың аты-жөні, лицензияның күні мен нөмірі

      Күні ___________________ ___________________________________________

      (жасалған күні)

      Мен, (жекеше немесе мемлекеттік) нотариус (аты-жөні),

      ________________________________________________ себебі бойынша БНАЖ

      жұмысының мүмкін еместігі туралы осы актіні жасадым.

      (БНАЖ жұмысының мүмкін еместігі себебін көрсету)

      БНАЖ жұмысының тоқтаған уақыты 20 __ ж. "___" ________ уақыты сағат "__" ____ минут"

      БНАЖ жұмысының басталуы 20 __ ж. "___" ____уақыты сағат "__" __ минут"

      Жасаған

      Нотариус: _________________________________________________________

      (аты-жөні, жекеше немесе мемлекеттік нотариустың қолы)

      Нысан

Кіріс құжаттарын тіркеу журналы

      Нысан

Шығыс құжаттарын тіркеу журналы

      Нысан

Тіркеу мөртабаны (үлгі)

Үлгілік істер номенклатурасы

      Ескерту. 5-қосымша жаңа редакцияда – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      Парақтардың саны аумақтық әділет органының немесе аумақтық нотариаттық палата қызметкерінің қолтаңбасымен куәландырылады.

      Басшы қызметінің атауы __________________________ Нотариус қолтаңбасының таратып жазылуы күні

      Нысан

_________ жылы жасалынған істердің санаты мен саны туралы
қорытынды жазба

      Жекеше немесе мемлекеттік нотариустың аты-жөні, қолы

      Күні

      Ұйымның мұрағатына қорытынды мәліметтер беріледі.

      Мәліметті берген қызметкердің аты-жөні, атауы.

      Нысан

Істің мұқабасы

      Қор ____________________ №_________

      Тізбе ____________________ №________

      Іс ____________________ №_________

      __________________________________________________________________

      (мемлекеттік нотариаттық кеңсенің атауы, жекеше нотариустың

      аты-жөні, оның лицензиясының күні мен нөмірі)

      ________________________ том № ___________________________________

      Істің № индексі __________________________________________________

      (істің тақырыбы)

      20 __ жыл "___" __

      ______________________ парақта

      Сақтау мерзімі ___________ жыл.

      Қор _____________________ №

      Тізбе _____________________ №

      Іс _____________________ №

      Нысан

ІСТІҢ КУӘЛАНДЫРУ-ПАРАҒЫ

      № _____ қор № __________________ тізімдеме № ____________________ іс

      Істе _________________ парақ (тар) нөмірленіп тігіледі, оның ішінде:

      жіберілген №№_______________________________________________ парақ

      таза парақтар нөмірленді __________________________________________

      ішкі тізімдеме парақтары __________________________________________

      нөмірленуге жатпайтын, қосымша және салынған түріндегі құжаттар есепке алынды _____________________________________________________

      (құжаттардың алуан түрлілігі және олардың саны)

      Істің куәландыру-парағын толтырған

      адамның аты-жөні ____________ қолы

      (өз қолы)

      күні

      Мемлекеттік немесе жекеше нотариустың аты-жөні қолы

      Нысан

Іс құжаттарының
№ ІШКІ ТІЗІМДЕМЕСІ

      Барлығы ____________________________________________ парақ құжат

      (цифрпен және жазумен)

      Ішкі тізбенің парақтар саны ____________________________________

      (цифрлармен және жазумен)

      Барлығы ___________________________________________________ құжат

      (саны цифрмен және жазумен)

      Жекеше немесе мемлекеттік нотариустың аты-жөні

      қолы

      Нысан

Тұрақты сақтаудағы істердің тізімдемесі
(тізімдеменің беткі парағы)

      __________________________________________________________ жылдардағы

      _____________________________________________________________________

      Мемлекеттік нотариаттық кеңсенің атауы немесе жекеше нотариустың

      аты-жөні, оның лицензиясының күні мен нөмірі

      № _______________________________________________________________ қор

      (мемлекеттік мұрағатқа толтырылады)

      "Бекітілді"

      СТК хаттамасымен ______________________________________________

      (мұрағаттық мекеменің атауы)

      __________________________ № __________________________________

      (күні)

      ___________________________________________________________________

      мемлекеттік нотариаттық кеңсенің атауы, жекеше нотариустың лицензиясының күні мен нөмірі

      № _________________________ тізімдеме

      ___________________________ жылғы тұрақты сақтаудағы істер

      Бұл бөлімге_______________________________________________ істер

      (цифрмен)

      _______________ бастап №___________ бойынша енгізілген.

      _____________________________________________________________________

      (құраушының қызметі, тегі, аты-жөні)

      ___ жылғы тізімдеменің бөліміне қорытынды жазбаны куәландырамын:

      Қолы___________________________________________________________

      (іс жүргізуге жауаптының қызметі, аты-жөні)

      "Келісілді"

      Сараптау комиссиясының төрағасы ________ (қолы, күні)

Құжаттарды қабылдау-тапсыру актілері

      Ескерту. 11-қосымша жаңа редакцияда – ҚР Әділет министрінің 12.12.2019 № 596 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Біз, төменде қол қояғандар, ______________________________ мыналардың

      (әділет органы мен нотариаттық палата қызметкерлерінің тегі, аты, әкесінің аты (бар болған жағдайда), қызметі)

      қатысуымен, осы жекеше нотариус______________________________________

      (құжаттарын беріп жатқан жекеше нотариустың тегі, аты, әкесінің аты (бар болған жағдайда)

      құжаттарын беру туралы актісін,

      жекеше нотариус _____________________________________________________

      (құжаттарды қабылдап жатқан жекеше нотариустың тегі, аты, әкесінің аты (бар болған жағдайда)

      құжаттарды қабылдау актісін жасадық.

      1. ____________________________________________________

      2. ____________________________________________________

      Барлығы ________________________________ құжат.

      (саны цифрмен және жазумен)

      Тапсырдым:

      Жекеше нотариустың тегі, аты, әкесінің аты (бар болған жағдайда)

      қолы

      Қабылдадым:

      Жекеше нотариустың тегі, аты, әкесінің аты (бар болған жағдайда)

      қолы

      Аумақтық әділет органы

      қызметкерінің тегі, аты, әкесінің аты (бар болған жағдайда),

      қолы

      Аумақтық нотариаттық палатаның

      қызметкерінің тегі, аты, әкесінің аты (бар болған жағдайда),

      қолы

      Нысан

      "БЕКІТЕМІН"

      (облыстың немесе қаланың атауы)

      Әділет департаментінің бастығы

      (тегі, аты-жөні) қолы немесе

      Нотариустың аты-жөні,

      лицензиясының күні, нөмірі

      20__ жылғы "__" __________

Құжаттар мен істерді жоюға бөлу туралы акті

      Күні ___________________________ Индексі ___________________________

      ____________________________________________________________________

      (жасалған жері)

      Құжаттар мен істерді жоюға бөлу туралы

      Негіздеме: _________________ (күнгі) бұйрықтың №____________________

      Құраған: сараптама комиссиясы

      Комиссияның төрағасы:_______________________________________________

      (қызметі, аты-жөні)

      Комиссия мүшелері:__________________________________________________

      (қызметі, аты-жөні)

      Қатысқандар:________________________________________________________

      (қызметі, аты-жөні)

      Комиссия, ____________________________ тізімдемесін басшылыққа алып,

      (қызметі, аты-жөні)

      Мына құжаттар мен істер ғылыми тарихи құндылығы жоқ және іс жүзінде мәнін жойды деп танылып, жоюға іріктеді.

      _________________________________________________________________

      (нотариаттық кеңсенің атауы, әрі қарай сақтауға жатпайтын құжаттар

      қызметіне қалдырылған жекеше нотариустың аты-жөні)

      Барлық істер ___________________________ (цифрмен және жазумен)

      Сараптама комиссиясының төрағасы _________ (аты-жөні) ________ қолы

      Мүшелері: қолдары ______________________________________ (аты-жөні)

      Құжаттар ұсақталды және жағу арқылы жойылды.

      Сараптама комиссиясының төрағасы _______________

      (қолы, күні)

      Күні

      Мына құрамдағы:

      комиссия мүшесі Қолы қолының таратылып жазылуы

      комиссия мүшесі Қолы қолының таратылып жазылуы

      сараптама комиссиясымен мақұлданды

      Күні

      Жекеше нотариус немесе мемлекеттік нотариус _________________________

      (аты-жөні, қолы)
Нотариаттық іс жүргізу
жөніндегі ережеге
13-қосымшаНысан

Нотариаттық іс-әрекеттерді тіркеу тізілімінде анықталған
түзетулер, жөндеулер, ескертпелер туралы анықтама

      Мен, жекеше (мемлекеттік) нотариус (аты-жөні), №__ нотариаттық іс-әрекеттерді тіркеу тізілімінде (анықталған түзетулер, жөндеулер, ескертпелер) бойынша осы анықтаманы жасадым, ол мынадай сипатта:

      1. Жасалынған нотариаттық іс-әрекеттің тізілім нөмірі, күні

      көрсетіледі (анықталған түзетулер, жөндеулер, ескертпелер).

      2.___________________________________________________________

      ___________________________________________________________________

      Жекеше немесе мемлекеттік нотариустың аты-жөні

      қолы

      Нысан

Нотариус______________________
______________________________ жылғы
нотариаттық іс-әрекеттерін тіркеуінің
№___________ тізімдеме

      Нысан

БНАЖ электрондық тізілімі

      Ескертпе. Жекеше немесе мемлекеттік нотариус: 2-бағанда нотариустың нотариаттық іс-әрекетті тіркеу тізіліміне сәйкес нотариаттық іс-әрекеттерді тіркеген күнін көрсетеді;

      3-бағанда БНАЖ электрондық тізілімін толтырған күнін көрсетеді.

БНАЖ-дағы жылжымайтын мүліктердің тыйым салуларын және
қамаудан алып тасталынған есепке алу алфавиттік кітабы

      Ескерту. 16-қосымша алып тасталды – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жекеше нотариустың мөрінің эскизі

      Ескерту. Ереже 16-1-қосымшамен толықтырылды - ҚР Әділет министрінің 2012.08.31 № 309 (оның ресми жарияланған күнінен бастап күнтізбелік он күн өткен соң қолданысқа енгізіледі) Бұйрығымен.
     

Жекеше нотариустың жеке мөрінің сипаттамасы

      1. Жекеше нотариустың мөрі (бұдан әрі – мөр) арнайы құралда дайындалады, оны дайындауға қойылатын барлық талаптарға сәйкес келуі және жоғары сапалы дайындалуымен, жасандылықтан қорғалуымен, ұзақ мерзімділігімен және бояғыштарға төзімділігімен сипатталуы тиіс.

      2. Мөрдің диаметрі 44 миллиметр болуы тиіс (бұдан әрі - мм).

      3. Жекеше нотариустың мөрінің мәтіні "жекеше нотариус", нотариустың тегі, аты, әкесінің аты, сондай-ақ лицензияның нөмірі мен берген күні деген сөздерден тұрады. Жекеше нотариустың мөріндегі барлық жазбалардың мазмұны мемлекеттік және орыс тілдерінде жазылады.

      4. Мөрдің мәтінінде үш жиек және Қазақстан Республикасы Мемлекеттік Елтаңбасы бейнеленуі тиіс.

      5. Бірінші жиек 3 мм қалыңдықпен шеңберлі шағын қаріптермен жасалады және "Қазақстан Республикасы" деген сөздерден тұрады.

      6. Екінші жиек желісінің қалыңдығы 5 мм-ді құрайды. Екінші жиектің ішінде мынадай мазмұндағы мәтін орналасуы тиіс: "№ 0000 Лицензияны ________ жылы Қазақстан Республикасының Әділет министрлігі берген".

      7. Үшінші жиектің қалыңдығы 2,5 мм құрайды, үшінші жиектің ішіндегі мәтін "жекеше нотариус", сондай-ақ жекеше нотариустың тегі, аты, әкесінің аты деген сөздер тұруы тиіс.

      8. "Қазақстан Республикасы" жазуының беті қара бояумен толтырылуы тиіс.

      9. Бояу нүктелерінің нысаны әртүрлі: шеңбер, эллипс, шаршы және т.б. түрде болуы мүмкін.

      10. Мөрдің ортасында диаметрі 24 мм Қазақстан Республикасы Мемлекеттік Елтаңбасының айналы бейнесі орналасады.

      Нысан

Мөрді беру журналы

Бланкілерді беру журналы

      Ескерту. 18-қосымша алып тасталды - ҚР Әділет министрінің 30.04.2021 № 358 (01.07.2021 бастап қолданысқа енгізіледі) бұйрығымен.

Бланкілерді тапсыру туралы акті

      Ескерту. 19-қосымша алып тасталды - ҚР Әділет министрінің 30.04.2021 № 358 (01.07.2021 бастап қолданысқа енгізіледі) бұйрығымен.

Бүлінген бланкілерді жою туралы акті

      Ескерту. 20-қосымша алып тасталды - ҚР Әділет министрінің 30.04.2021 № 358 (01.07.2021 бастап қолданысқа енгізіледі) бұйрығымен.

Мұрагерлік істерді есепке алу кітабы

      Ескерту. 21-қосымша алып тасталды – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
     

Мұрагерлік істерді алфавиттік есепке алу кітабы

      Ескерту. 22-қосымша алып тасталды - ҚР Әділет министрінің 30.04.2021 № 358 (01.07.2021 бастап қолданысқа енгізіледі) бұйрығымен.

Өсиеттерді алфавиттік есепке алу кітабы

      Ескерту. 23-қосымша алып тасталды - ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Құжатты алып қою туралы анықтама

      Ескерту. Ереже 24-қосымшамен толықтырылды – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      20__ жылы "__" __________ құпия өсиетті ашуды тағайындалуына байланысты

      ______________________________________________________________,

      (өсиет қалдырушының тегі, аты, әкесінің аты (бар болса) )

      "Құпия өсиеттер" істерінен мен, нотариус

      ______________________________________________________________,

      (нотариустың тегі, аты, әкесінің аты (болған жағдайда)

      іс парағы алынды.

      ______________________________________________________________.

      (алынған парақтардың нөмірі көрсетіледі)

      Күні                   Қолы

Құпия өсиетті ашу туралы хабарлама

      Ескерту. Ереже 25-қосымшамен толықтырылды – ҚР Әділет министрінің 29.03.2019 № 150 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда – ҚР Әділет министрінің 12.12.2019 № 596 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

      Мен,____________________________________________________________________

      (тегі, аты және әкесінің аты (бар болса)

      қайтыс болу туралы куәлігі ұсынылғанын хабарлаймын.

      Қазақстан Республикасы Азаматтық кодексінің 1051-бабының 4-1-тармағына сәйкес құпия өсиет жасаған адамның қайтыс болу туралы куәлік көрсеткен кезде, нотариус куәлікті ұсынылған күннен бастап он күннен кешіктірмей құпия өсиет конвертін ашады.

      20___ жылы "__" __________ ____сағат____ минутта мына мекенжайда

      __________________________________________________________________________

      құпия өсиетті жариялау және ашу

      __________________________________________________________________________

      құпия өсиет жасаған тұлғаның тегі, аты және әкесінің аты (бар болса) көрсетіледі

      жүргізілетінін Сізге хабарлаймын.

      Сізге заң бойынша мұрагер ретінде құпия өситетті ашуға және жариялауға келуді ұсынамын.

      Нотариусқа Сіз заң бойынша өсиет қалдырушының мұрагері екендігін растайтын және жеке басын анықтайтын құжат ұсыну міндетті болып табылады.

      Күні

      Қолы

Консультация беруді тіркеу журналы

      Ескерту. 26-қосымшамен толықтырылды – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      ______________________________________________________

      (нотариустың тегі, аты, әкесінің аты (бар болған жағдайда)

Кіріс құжаттарын тіркеу журналы

      Ескерту. 27-қосымшамен толықтырылды – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Шығыс құжаттарын тіркеу журналы

      Ескерту. 28-қосымшамен толықтырылды – ҚР Әділет министрінің 30.04.2021 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.