Персоналды басқару тиімділігін бағалау әдістемесін бекіту туралы

      Қазақстан Республикасы Президентінің 2010 жылғы 19 наурыздағы № 954 Жарлығымен бекітілген Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жүйесінің 45-тармағын орындау үшін БҰЙЫРАМЫН:
      1. Қоса беріліп отырған Персоналды басқару тиімділігін бағалау әдістемесі бекітілсін.
      2. Қазақстан Республикасы Мемлекеттік қызмет істері агенттігінің (бұдан әрі – Агенттік) Мемлекеттік қызметті кадрлық қамтамасыз ету департаменті (М.Ы. Өтешев):
      1) осы бұйрықты орталық мемлекеттік және жергілікті атқарушы органдардың назарына жеткізсін;
      2) осы бұйрықты Агенттіктің интернет-ресурсына орналастыруды қамтамасыз етсін.
      3. Осы бұйрықтың орындалуын бақылау Агенттік Төрағасының орынбасары Ә.А. Көмекбаевқа жүктелсін.
      4. Осы бұйрық Қазақстан Республикасының Әділет министрлігінде мемлекеттік тіркелген күннен бастап қолданысқа енгізіледі және ресми жариялауға жатады.

      Төраға                                     А. Байменов

Қазақстан Республикасы 
Мемлекеттік қызмет істері
агенттігі Төрағасының 
2012 жылғы 16 қаңтардағы
№ 02-01-02/9 бұйрығымен
бекітілген      

Персоналды басқару тиімділігін бағалау әдістемесі

      Ескерту. Әдістеме жаңа редакцияда - ҚР Мемлекеттік қызмет істері агенттігі төрағасының 25.12.2013 № 06-7/187 бұйрығымен (ресми жарияланған күнінен кейін он күнтізбелік күн өткен соң қолданысқа енгізіледі).

1. Жалпы ережелер

      1. Персоналды басқару тиімділігін бағалау әдістемесі (бұдан әрі – Әдістеме) Қазақстан Республикасы Президентінің 2010 жылғы 19 наурыздағы № 954 Жарлығымен бекітілген Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жүйесін (бұдан әрі – Жүйе) іске асыру мақсатында әзірленген.
      2. Әдістеме орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдарында персоналды басқару жөніндегі шаралардың тиімділігін анықтауға арналған.
      3. Персоналды басқару тиімділігін бағалауды Қазақстан Республикасы Мемлекеттік қызмет істері агенттігі (бұдан әрі – Агенттік) жүзеге асырады.
      Орталық мемлекеттік органдар мен олардың ведомстволары, орталық мемлекеттік органдардың және олардың ведомстволарының аудандық бөлімшелерін қоспағанда, облыстар, Астана және Алматы қалаларындағы аумақтық бөлімшелері, сондай-ақ облыстардың, Астана мен Алматы қалаларының жергілікті атқарушы органдары персоналды басқару тиімділігін бағалау объектісі болып табылады.
      Агенттікке қатысты персоналды басқару тиімділігін бағалауды Қазақстан Республикасы Президентінің Әкімшілігі (бұдан әрі – Президент Әкімшілігі) іске асырады.
      4. Персоналды басқару тиімділігін бағалауды өткізу үшін Агенттікте орталық мемлекеттік және облыстардың, республикалық маңызы бар қаланың, астананың жергілікті атқарушы органдар қызметінің тиімділігін жыл сайынғы бағалау жөніндегі Сараптамалық комиссияның кіші тобы болып табылатын жұмыс тобы (бұдан әрі – Жұмыс тобы) құрылады. Жұмыс тобының құрамы Агенттіктің бұйрығымен бекітіледі.
      5. Персоналды басқару тиімділігін бағалау есепті (күнтізбелік) жылдың қорытындылары бойынша жыл сайын Қазақстан Республикасы Президенті Әкімшілігі бекіткен Кестеге (бұдан әрі – Кесте) сәйкес жүзеге асырылады.
      6. Персоналды басқару тиімділігін бағалауды өткізу үшін ақпаратты Агенттікке орталық мемлекеттік органның аппараты, облыстардың, Астана және Алматы қалалары әкімдерінің аппараттары Кестесіне сәйкес қағаз және электрондық жеткізгіштерде ұсынады.
      7. Персоналды басқару тиімділігін бағалау нәтижелері туралы қорытынды Агенттікпен Әдістемеге 1-қосымшаға сәйкес нысан бойынша әзірленеді.
      Орталық мемлекеттік және облыстардың, республикалық маңызы бар қалалардың, астананың жергілікті атқарушы органдарда персоналды басқару тиімділігін бағалау нәтижелері туралы қорытындылар мемлекеттік жоспарлау жөніндегі уәкілетті органға және бағаланушы мемлекеттік органдарға ұсынылады.
      Президент Әкімшілігі дайындаған Агенттікте персоналды басқару тиімділігін бағалау нәтижелері туралы қорытынды мемлекеттік жоспарлау жөніндегі уәкілетті органға ұсынылады.
      8. Персоналды басқару тиімділігін бағалау Агенттікке осы Әдістемеге 3-10 қосымшаларға сәйкес мемлекеттік органдар жолдаған ақпаратты талдау, мемлекеттік қызметшілердің арасында сауалнама жүргізу арқылы жүргізіледі.
      9. Мыналар персоналды басқару тиімділігін бағалау үшін ақпарат көздері болып табылады:
      1) мемлекеттік органдардың статистикалық деректері және автоматтандырылған электрондық өткізу жүйесінің мәліметтері;
      2) осы Әдістеменің өлшемдеріне сәйкес келетін бағыттар бойынша уәкілетті органдар жүргізген тексерістердің барысында алынған мәліметтер;
      3) мемлекеттік қызметшілерге жүргізілген сауалнамалардың нәтижелері;
      4) Қазақстан Республикасы Бас прокуратурасы Құқықтық статистика және арнайы есеп комитетінің ақпараты.
      10. Жүйенің 51-тармағына сәйкес Агенттік бағаланатын мемлекеттік органдардың есептік ақпараттарындағы мәліметтерге қайта тексеру жүргізеді.
      11. Мемлекеттік органның персоналды басқару тиімділігін бағалау мынадай өлшемдер бойынша іске асырылады:
      1) адам ресурстарын пайдаланудың тиімділігі;
      2) мемлекеттік қызметшілерді кәсібилендіру деңгейі;
      3) мемлекеттік органдардағы сыбайлас жемқорлық деңгейі;
      4) мемлекеттік қызметшілердің қанағаттану деңгейі;
      5) персоналды басқару қызметтерінің (кадр қызметтерінің) жұмыс тиімділігі.
      12. Персоналды басқару тиімділігін бағалау үшін өлшемдер мен көрсеткіштер бойынша баллдар Әдістемеге 2-қосымшаға сәйкес беріледі.

2. «Адам ресурстарын пайдаланудың тиімділігі» өлшемі

      13. Осы өлшем бойынша бағалау орталық мемлекеттік органдар осы Әдістемеге 3, 4, 5-қосымшаларға сәйкес нысан бойынша ұсынатын ақпарат негізінде жүргізіледі.
      14. «Кадрлардың ауысушылығы деңгейі» көрсеткіші бойынша бағалау жүргізу барысында мемлекеттік органдар есепті кезеңнен кейінгі жылдың 1 қаңтары жағдайы бойынша Агенттікке тоқсан сайын ұсынатын кадрлар есеп деректері ескеріледі.
      15. Баға мына формуламен есептеледі:

      К1 – осы өлшем бойынша мемлекеттік органның бағасы;
      Р1 – «кадрлардың ауысушылығы деңгейі» көрсеткіші;
      Р2 – «мемлекеттік орган штатының жасақталуы» көрсеткіші;
      Р3 – «мемлекеттік органның қызметкерлерін жоғарылату» көрсеткіші;
      Р4 – «мемлекеттік органдағы жұмыс уақытының нақты ұзақтығы» көрсеткіші.
      Осы өлшем бойынша ең жоғарғы мәні 34 балл болып саналады.
      16. «Кадрлардың ауысушылығы деңгейі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (14-ке тең);
      a – есепті кезеңде жұмыстан шығарылған мемлекеттік қызметшілердің саны;
      b – мемлекеттік органның штат кестесіне сәйкес мемлекеттік әкімшілік лауазымдардың орташа саны;
      5 – қатаңдық көрсеткіші.
      Мемлекеттік әкімшілік лауазымдардың орташа саны мемлекеттік органның бірінші тоқсаннан бастап төртінші тоқсанға дейінгі қоса есептелетін мемлекеттік әкімшілік лауазымдардың орташа саны сомасының орташа мәні ретінде анықталады.
      Ауысу бойынша бағалауды есептеген кезде төмендегідей жағдайда жұмыстан шығарылған мемлекеттік қызметшілер есептелмейді:
      зейнетке шығуына байланысты;
      мемлекеттік органның қайта құрылуы немесе штаттың қысқартылуына байланысты;
      ауруға, қайтыс болуына байланысты;
      саяси қызметке тағайындалуына байланысты;
      негізгі қызметкердің жұмысқа шығуына байланысты (бала күтіміне байланысты демалыстан, мемлекеттік тапсырыс немесе шетелде кадрлар даярлау бойынша Республикалық комиссия бекіткен басым мамандықтар бойынша шетелдік жоғары оқу орындарында мемлекеттік қызметшілерді даярлау және қайта даярлау мемлекеттік бағдарламалары бойынша оқу оқуына байланысты еңбекақысы сақталмайтын демалыстан);
      бұрынғы лауазымына қарағанда мемлекеттік қызмет өтілі бойынша жоғары немесе тең талаптар белгіленетін лауазымға, оның ішінде «А» корпусының әкімшілік мемлекеттік лауазымына ауысуға байланысты.
      Сонымен бірге, бір орталық мемлекеттік орган жүйесінде жұмыстан босатылған қызметкерлер де есептелмейді.
      Егер мемлекеттік органнан саяси мемлекеттік қызметшілер (министр, агенттік төрағасы, министр орынбасарлары, агенттік төрағасының орынбасарлары, облыс, астана, республикалық деңгейдегі қалалар әкімдері (әрі қарай – әкім), әкім орынбасарлары, әкім аппаратының басшылары), сондай-ақ «А» корпусының кейбір әкімшілік қызметшілері (жауапты хатшылар, аппарат басшылары) ауысқаннан кейін өз еркімен жұмыстан шыққан басшылық қызметтегі қызметкерлер (комитеттер төрағалары, олардың орынбасарлары, департамент директорлары мен олардың орынбасарлары, басқармалар басшылары, әкім аппараты басшысының орынбасарлары, бөлім меңгерушілері мен әкім аппаратының бас инспекторлары, облыстық жергілікті атқарушы органдар басшылары мен олардың орынбасарлары) саны 3%-дан жоғары болса (тоқсан қорытындысы бойынша), онда 3 балл алынып тасталады.
      Егер алынған нәтиже минус белгісімен болса, мемлекеттік органға осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 14 балл болып саналады.
      17. «Мемлекеттік орган штатының жасақталуы» көрсеткіші бойынша баға мына формуламен есептеледі:
      S>5 болған жағдайда 1) формула қолданады:

      k – алынған нәтижелерді өлшем мәніне келтіруге арналған коэффициент (8-ге тең);
      a – бос лауазым орындарынан пайда болған, оның ішінде қызметкерлердің ұзақ мерзімді оқуға немесе бала күтімі демалысына кету себептері бойынша (Агенттікке сұраным жолданғаннан кейін осы бос лауазымға орналасу үшін конкурс өткізуге жұмсалған 45 жұмыс күні, сондай-ақ Агенттікке сұрату жіберілгеннен кейін осы бос лауазымға ауысу тәртібімен немесе кадр резервінен орналасуға жұмсалған 11 жұмыс күні қоспағанда) адамға арналған күндердің саны;
      b – мемлекетік қызметшілердің науқас болуы себебімен лауазымдар бос болған күндердің саны (жүкті болған мерзімі 20 аптадан астам аяғы ауыр әйелдердің уақытша еңбекке жарамсыздығына байланысты жұмыста болмау себебімен, өндірістік жарақаттануына байланысты уақытша еңбекке жарамсыздығы, қызметкерлердің онкологиялық аурумен науқастануына орай уақытша еңбекке жарамсыздығына, сондай-ақ «Екі айдан астам еңбекке уақытша жарамсыздық мерзімі белгіленуі мүмкін ауру түрлерінің тізбесін бекіту туралы» Қазақстан Республикасы Үкіметінің 2007 жылғы 4 желтоқсандағы № 1171 Қаулысына сәйкес, жеке тізіммен анықталған өзге де аурулар) және басқа себептермен (жалақы сақталмайтын демалыс, жұмыстан шеттету). Қазақстан Республикасының Еңбек кодексінде көрсетілген негізде қызметкелердің жыл сайынғы ақылы еңбек демалысында, іссапарда, жүктілікке және босануға байланысты демалыста, жалақысы сақталмайтын демалыста болуы бес күнтізбелік күнге дейін бұл күндердің санына кірмейді;
      c – адамға арналған күндердің жалпы саны;
      10 – бағалау қатаңдығы көрсеткіші.
      Адамға арналған күндердің жалпы саны мына формула арқылы анықталады:

      m – мемлекеттік органның орташа штат саны;
      n – жыл ішіндегі жұмыс күндерінің саны.
      Орташа штат саны мемлекеттік органның бірінші тоқсаннан бастап төртінші тоқсанға дейінгі қоса есептелетін штат саны сомасының орташа мәні ретінде анықталады (мәтін бойынша бұдан әрі – орташа штат саны).
      S<немесе=5 болған жағдайда, мынадай формула қолданады:

      S коэффициентін есептеуге мына формула қолданады:

      S коэффициенті арқылы орташа әр қызметкерге келетін науқаспен және басқа себептермен байланысты бос күндер саны есептеледі. Бұл коэффициент үшін шекті өлшем 5 жұмыс күнге тең.
      Егер алынған нәтиже минус белгісімен болса, мемлекеттік органға осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 8 балл болып саналады.
      18. «Мемлекеттік органның қызметкерлерін жоғарылату» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (6-ға тең);
      a – осы мемлекеттік органның қызметкерлері ішінен осы мемлекеттік органда жоғары лауазымға тағайындалған мемлекеттік қызметшілердің саны;
      b – осы мемлекеттік органда конкурс бойынша және кадр резервінен тағайындалған мемлекеттік қызметшілердің жалпы саны (С-5, С-О-6, D-5, D-O-5 санаттарын қоспағанда).
      Егер бос жоғары лауазымдардың болмауына байланысты мемлекеттік органда жоғары лауазымға тағайындау жүргізілмесе, мемлекеттік органға осы көрсеткіш бойынша 3 балл қойылады.
      Осы көрсеткіш бойынша ең жоғарғы мәні 6 балл болып саналады.
      19. «Мемлекеттік органдағы жұмыс уақытының нақты ұзақтығы» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (6-ға тең);
      a – мемлекеттік органда орташа адам-сағат саны;
      b – еңбек заңнамасымен белгіленген жұмыс уақытының ұзақтығы (аптасына 40 сағат).
      Орташа адам-сағат мына формуламен есептеледі:

      m – есептік кезеңде мемлекеттік қызметшілердің жұмыс істеген жалпы адам-сағаты, оның ішінде мерзiмiнен тыс, мереке және демалыс күндердегi жұмыс (мемлекеттік органның бірінші басшысының, оның орынбасарларының, сондай-ақ жауапты хатшының (әкімдікте – аппарат басшысының) жазбаша өкiмi бойынша мемлекеттік қызметшілердің жұмыс істеген адам-сағаттарын қоспағанда, егер «Мемлекеттік қызмет туралы» Заңның 17-бабы 2-тармағына сәйкес өкімдерді растайтын жазбаша құжаттар болса, сондай-ақ артық жұмыс үшін өтемақы төлемдері төленсе);
      n – мемлекеттік органның орташа штат саны.
      Есептік кезеңде мемлекеттік қызметшілердің жұмыс істеген жалпы адам-сағаты автоматтандырылған электрондық өткізу жүйесінің мәліметтері арқылы есептелетін болады.
      Осы көрсеткіш бойынша жергілікті атқарушы органдар 2015 жылдан бастап бағаланатын болады.
      Автоматтандырылған электрондық өткізу жүйесі болмаған жағдайда, мемлекеттік органға осы көрсеткіш бойынша 0 мәні қойылады.
      Егер алынған нәтиже минус белгісімен болса, осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 6 балл болып саналады.

3. «Мемлекеттік қызметшілерді кәсібилендіру деңгейі» өлшемі

      20. Осы өлшем бойынша бағалау орталық мемлекеттік және жергілікті атқарушы органдардың осы Әдістемеге 6-қосымшаға сәйкес нысан бойынша ұсынатын ақпарат негізінде жүргізіледі.
      21. Бағалау мына формула бойынша есептеледі:

      К2 – мемлекеттік органның осы өлшем бойынша бағасы;
      Р1 – «мемлекеттік қызметшілердің біліктілікті арттырудан өтуі» көрсеткіші;
      Р2 – «мемлекеттік қызметшілердің қайта даярлаудан өтуі» көрсеткіші.
      Осы өлшем бойынша ең жоғарғы мәні 10 балл болып саналады.
      22. «Мемлекеттік қызметшілердің біліктілікті арттырудан өтуі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (5-ке тең);
      a – есепті кезеңде өтуге тиістілер ішінен тақырыптары мемлекеттік органның алдына қойылған мақсаттар мен міндеттерге, сондай-ақ қызмет бағытына сәйкес келетін біліктілікті арттырудан өткен мемлекеттік қызметшілердің саны;
      b – «Қазақстан Республикасының мемлекеттік қызметшiлерiн даярлау, қайта даярлау және олардың біліктiлігін арттыру қағидаларын бекiту туралы» Қазақстан Республикасы Президентінің 2004 жылғы 11 қазандағы № 1457 Жарлығына сәйкес, есепті кезеңде біліктілікті арттыру семинарларынан өтуге тиісті мемлекеттік қызметшілердің саны.
      Біліктілікті арттыруға тиісті мемлекеттік қызметшілер болмаған жағдайда, мемлекеттік органға осы көрсеткіш бойынша ең жоғарғы мән қойылады.
      Осы көрсеткіш бойынша ең жоғарғы мәні 5 балл болып саналады.
      23. «Мемлекеттік қызметшілердің қайта даярлаудан өтуі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффицент (5-ке тең);
      a – есепті кезеңнің белгіленген мерзімінде өтуге тиістілер қатарынан қайта даярлау курстарынан өткен мемлекеттік қызметшілердің саны;
      b – тиісті есепті кезеңге Қазақстан Республикасы Президентінің жанындағы Мемлекеттік басқару академиясы қалыптастыратын оқытылатындардың контингентіне сәйкес қайта даярлаудан өтуге жататын мемлекеттік қызметшілердің саны.
      Қайта даярлау курстарынан өтуге тиісті мемлекеттік қызметшілер болмаған жағдайда, мемлекеттік органға осы көрсеткіш бойынша ең жоғарғы мән қойылады.
      Осы көрсеткіш бойынша ең жоғарғы мәні 5 балл болып саналады.

4. «Мемлекеттік органдардағы сыбайлас жемқорлық деңгейі» өлшемі

      24. Осы өлшем бойынша бағалау Қазақстан Республикасы Бас прокуратурасы Құқықтық статистика және арнайы есеп комитетінің ақпараты негізінде жүргізіледі.
      25. Бағалау мына формула бойынша есептеледі:

      К3 – аталған өлшем бойынша мемлекеттік органның бағасы;
      Р1 – «сыбайлас жемқорлық қылмыс жасағаны үшін сотталған мемлекеттік қызметшілердің, оның ішінде қылмыс жасаған уақытта осы мемлекеттік органның мемлекеттік қызметшісі болғандар саны» көрсеткіші;
      Р2 – «сыбайлас жемқорлық құқықбұзушылық жасағаны үшін әкімшілік жауаптылыққа тартылған мемлекеттік қызметшілердің, оның ішінде құқықбұзушылық жасаған уақытта осы мемлекеттік органның мемлекеттік қызметшісі болғандар саны» көрсеткіші;
      Р3 – «сыбайлас жемқорлық құқықбұзушылық жасағаны үшін тәртіптік жауаптылыққа тартылған мемлекеттік қызметшілердің саны» көрсеткіші.
      Осы өлшем бойынша ең жоғарғы мәні 18 балл болып саналады.
      26. «Сыбайлас жемқорлық қылмыс жасағаны үшін сотталған мемлекеттік қызметшілердің, оның ішінде қылмыс жасаған уақытта осы мемлекеттік органның мемлекеттік қызметшісі болғандар саны» көрсеткіші бойынша баға мына формуламен есептеледі:

      a – сыбайлас жемқорлық қылмыс жасағаны үшін сотталған, оның ішінде қылмыс жасаған уақытта осы мемлекеттік органның мемлекеттік қызметшісі болған мемлекеттік қызметшілердің саны;
      0,4 – бағалау қатаңдығы көрсеткіші.
      Егер алынған нәтиже минус белгісімен болса, мемлекеттік органға осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 6 балл болып саналады.
      27. «Сыбайлас жемқорлық құқықбұзушылық жасағаны үшін әкімшілік жауаптылыққа тартылған мемлекеттік қызметшілердің, оның ішінде құқықбұзушылық жасаған уақытта осы мемлекеттік органның мемлекеттік қызметшісі болғандар саны» көрсеткіші бойынша баға мына формуламен есептеледі:

      а – сыбайлас жемқорлық құқықбұзушылық жасағаны үшін әкімшілік жауаптылыққа тартылған қызметшілердің, оның ішінде құқықбұзушылық жасаған уақытта осы мемлекеттік органның мемлекеттік қызметшісі болған мемлекеттік қызметшілердің саны;
      0,3 – бағалау қатаңдығы көрсеткіші.
      Егер алынған нәтиже минус белгісімен болса, мемлекеттік органға осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 6 балл болып саналады.
      28. «Сыбайлас жемқорлық құқықбұзушылық жасағаны үшін тәртіптік жауаптылыққа тартылған мемлекеттік қызметшілердің саны» көрсеткіші бойынша баға мына формуламен есептеледі:

      а – сыбайлас жемқорлық құқықбұзушылық жасағаны үшін тәртіптік жауаптылыққа тартылған мемлекеттік қызметшілердің саны;
      0,2 – бағалау қатаңдығы көрсеткіші.
      Егер алынған нәтиже минус белгісімен болса, мемлекеттік органға осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 6 балл болып саналады.

5. «Мемлекеттік қызметшілердің қанағаттану деңгейі» өлшемі

      29. Осы өлшем бойынша бағалау Агенттіктің және оның аумақтық бөлімшелерінің орталық мемлекеттік және жергілікті атқарушы органдардың мемлекеттік қызметшілеріне жүргізген сауалнама нәтижелері бойынша анықталады.
      30. Сауалнама анонимдік сұрау жүргізу түрінде жүзеге асырылады. Мемлекеттік қызметшілер осы Әдістемеге 7-қосымшаға сәйкес сауалнама нысанын толтырады.
      Персоналды басқару қызметтері (кадр қызметтері) мемлекеттік қызметшілердің сауалнамаға қатысуын қамтамасыз етеді.
      31. Осы өлшем бойынша баға мына формуламен есептеледі:

      К4 – осы өлшемі бойынша мемлекеттік органның бағасы;
      Р1 – «қызметкерлердің мемлекеттік орган қызметіне қатысу дәрежесі» көрсеткіші;
      Р2 – «көтермелеу жүйесімен қанағаттану дәрежесі» көрсеткіші;
      Р3 – «мансаптық өсу мүмкіндіктерімен қанағаттану дәрежесі» көрсеткіші;
      Р4 – «еңбектің ұйымдастырылуымен қанағаттану дәрежесі» көрсеткіші;
      Р5 – «персоналды іріктеу тәртібімен қанағаттану дәрежесі» көрсеткіші.
      Осы өлшем бойынша ең жоғарғы мәні 20 балл болып саналады.
      32. «Қызметкерлердің мемлекеттік орган қызметіне қатысу дәрежесі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (4-ке тең);
      k1 – алынған нәтижелерді өлшем мәніне келтіруге арналған коэффициент (5-ке тең);
      a – сауалнаманың 1-сұрағына «иә» деп жауап берген қызметкерлердің саны;
      b – сауалнаманың 2-сұрағына «иә» деп жауап берген қызметкерлердің саны;
      d – сауалнаманың 3-сұрағына «иә» деп жауап берген қызметкерлердің саны;
      e – сауалнаманың 4-сұрағына «иә» деп жауап берген қызметкерлердің саны;
      f – сауалнаманың 5-сұрағына «иә» деп жауап берген қызметкерлердің саны;
      с – сұралған мемлекеттік қызметшілердің саны.
      Осы көрсеткіш бойынша ең жоғарғы мәні 4 балл болып саналады.
      33. «Көтермелеу жүйесімен қанағаттану дәрежесі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (4-ке тең);
      k1 – алынған нәтижелерді өлшем мәніне келтіруге арналған коэффициент (6-ға тең);
      а – сауалнаманың 6-сұрағына «иә» деп жауап берген қызметкерлердің саны;
      b – сауалнаманың 7-сұрағына «иә» деп жауап берген қызметкерлердің саны;
      d – сауалнаманың 8-сұрағына «иә» деп жауап берген қызметкерлердің саны;
      e – сауалнаманың 9-сұрағына «иә» деп жауап берген қызметкерлердің саны;
      f – сауалнаманың 10-сұрағына «иә» деп жауап берген қызметкерлердің саны;
      g – сауалнаманың 11-сұрағына «иә» деп жауап берген қызметкерлердің саны;
      с – сұралған мемлекеттік қызметшілердің саны.
      Осы көрсеткіш бойынша ең жоғарғы мәні 4 балл болып саналады.
      34. «Мансаптық өсу мүмкіндіктерімен қанағаттану дәрежесі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (4-ке тең);
      k1 – алынған нәтижелерді өлшем мәніне келтіруге арналған коэффициент (6-ға тең);
      а – сауалнаманың 12-сұрағына «иә» деп жауап берген қызметкерлердің саны;
      b – сауалнаманың 13-сұрағына «иә» деп жауап берген қызметкерлердің саны;
      d – сауалнаманың 14-сұрағына «иә» деп жауап берген қызметкерлердің саны;
      e – сауалнаманың 15-сұрағына «иә» деп жауап берген қызметкерлердің саны;
      f – сауалнаманың 16-сұрағына «иә» деп жауап берген қызметкерлердің саны;
      g – сауалнаманың 17-сұрағына «иә» деп жауап берген қызметкерлердің саны;
      с – сұралған мемлекеттік қызметшілердің саны.
      Осы көрсеткіш бойынша ең жоғарғы мәні 4 балл болып саналады.
      35. «Еңбектің ұйымдастырылуымен қанағаттану дәрежесі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (4-ке тең);
      k1 – алынған нәтижелерді өлшем мәніне келтіруге арналған коэффициент (4-ке тең);
      а – сауалнаманың 18-сұрағына «иә» деп жауап берген қызметкерлердің саны;
      b – сауалнаманың 19-сұрағына «жоқ» деп жауап берген қызметкерлердің саны;
      d – сауалнаманың 20-сұрағына «иә» деп жауап берген қызметкерлердің саны;
      e – сауалнаманың 21-сұрағына «жоқ» деп жауап берген қызметкерлердің саны;
      с – сұралған мемлекеттік қызметшілердің саны.
      Осы көрсеткіш бойынша ең жоғарғы мәні 4 балл болып саналады.
      36. «Персоналды іріктеу тәртібімен қанағаттану дәрежесі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (4-ке тең);
      k1 – алынған нәтижелерді өлшем мәніне келтіруге арналған коэффициент (5-ке тең);
      а – сауалнаманың 22-сұрағына «иә» деп жауап берген қызметкерлердің саны;
      b – сауалнаманың 23-сұрағына «иә» деп жауап берген қызметкерлердің саны;
      d – сауалнаманың 24-сұрағына «иә» деп жауап берген қызметкерлердің саны;
      e – сауалнаманың 25-сұрағына «иә» деп жауап берген қызметкерлердің саны;
      f – сауалнаманың 26-сұрағына «иә» деп жауап берген қызметкерлердің саны;
      с – сұралған мемлекеттік қызметшілердің саны.
      Осы көрсеткіш бойынша ең жоғарғы мәні 4 балл болып саналады.

6. «Персоналды басқару қызметтерінің (кадр қызметтерінің) жұмыс
тиімділігі» өлшемі

      37. Осы өлшем бойынша бағалау орталық мемлекеттік және жергілікті атқарушы органдардың осы Әдістемеге 8, 9, 10-қосымшаларға сәйкес нысан бойынша ұсынатын ақпарат негізінде жүргізіледі.
      38. Бағалау мына формула бойынша есептеледі:

      К5 – аталған өлшем бойынша Ұлттық Банктің бағасы;
      Р1 – «персоналды басқару қызметінің (кадр қызметінің) қызметкерлерінің кәсіби деңгейі» көрсеткіші;
      Р2 – «еңбек демалысын уақытылы беру» көрсеткіші;
      Р3 – «бос орындар жөніндегі ақпараттың қолжетімділігі» көрсеткіші.
      Осы өлшем бойынша ең жоғарғы мәні 18 балл болып саналады.
      39. «Персоналды басқару қызметінің (кадр қызметінің) қызметкерлерінің кәсіби деңгейі» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффицент (6-ға тең);
      a – персоналды басқару бағыты бойынша біліктілікті арттырудан өткен мемлекеттік органның персоналды басқару қызметінің (кадр қызметінің) қызметкерлерінің саны;
      b – мемлекеттік органның персоналды басқару қызметінің (кадр қызметінің) қызметкерлерінің жалпы саны;
      c – персоналды басқару қызметінің (кадр қызметінің) қызметкерлерінің кадр саласында орташа қызмет өтілі;
      10 – бастапқы мәні.
      Осы көрсеткіш бойынша ең жоғарғы мәні 6 балл болып саналады.
      40. «Еңбек демалысын өз уақытында беру» көрсеткіші бойынша баға мына формуламен есептеледі:

      k – алынған нәтижелерді өлшем мәніне келтіруге арналған коэффициент (6-ға тең);
      a – есептік кезеңде мемлекеттік органдағы жыл сайынғы ақы төленетін еңбек демалысы күнінің орташа саны;
      b – есептік кезеңде жыл сайынғы ақы төленетін еңбек демалысы берілген мемлекеттік қызметшілердің үлесі;
      30 – бастапқы мәні;
      90 – бастапқы мәні.
      Егер жыл сайынғы ақылы еңбек демалыстан шақыртып алынған мемлекеттік қызметшіге оның келісімі бойынша демалыстың пайдаланылмаған бөлігін басқа уақытта берудің орнына еңбек заңнамасына сәйкес оған жыл сайынғы ақылы еңбек демалысының пайдаланылмаған бөлігінің күндері үшін өтемақы төлемі жүргізілсе, демалыс толық пайдаланған болып саналады.
      Егер алынған нәтиже минус белгісімен болса, осы көрсеткіш бойынша 0 мәні қойылады.
      Осы көрсеткіш бойынша ең жоғарғы мәні 6 балл болып саналады.
      41. «Бос орындар жөніндегі ақпараттың қолжетімділігі» көрсеткіші бойынша баға мына формуламен есептеледі:

      k – алынған нәтижені өлшемді мәнге келтіруге арналған коэффициент (6-ға тең);
      а – мемлекеттік органның интернет-ресурсында орналастырылған бос орындар саны;
      b – есептік кезең бойынша бос лауазымдар саны.
      Осы көрсеткіш бойынша ең жоғарғы мәні 6 балл болып саналады.

7. Персоналды басқару тиімділігі бойынша қорытынды бағасы

      42. Мемлекеттік органдардың қорытынды бағасы барлық өлшемдер бойынша алынған есептердің нәтижелерін қосу жолымен анықталады:

      О – орталық мемлекеттік және жергілікті атқарушы органдардың персоналды басқару бойынша қорытынды бағасы.
      43. Персоналды басқару бойынша бағалау нәтижелері туралы қорытынды:
      бағаланатын мемлекеттік органның атауын;
      барлық өлшемдер бойынша бағалау кестесін;
      мемлекеттік органдар қызметінің тиімділігін өлшемдер бойынша талдауды;
      тұжырымдар мен ұсынымдарды қамтуы тиіс.
      44. Алынған нәтижеге сәйкес мемлекеттік органның қызмет тиімділігі анықталады. Мемлекеттік орган қызметі тиімділігінің жоғарғы дәрежесі бағалаудың 90-100 балына, орташа дәрежесі – 70-89,99 балға, төменгі дәрежесі 50-69,99 балға сәйкес келеді. Бағалау нәтижесі бойынша 49,99-ден төмен балл алған мемлекеттік органның қызметі тиімсіз деп саналады.

8. Қайта құрылған және таратылған мемлекеттік
органдарды бағалау

      45. Есепті кезеңдегі жылдың бірінші жартыжылдығында қайта құрылған немесе таратылған мемлекеттік органдарды бағалау жағдайда, құқықты мирасқор-мемлекеттік органды бағалау, осы мемлекеттік органды бағалау шеңберінде жүзеге асырылады және құқықты мирасқор-мемлекеттік органды бағалаудың қорытынды балын есептеген кезінде ескеріледі.
      46. Есепті кезеңнен кейінгі екінші жартыжылдықта қайта құрылған немесе таратылған мемлекеттік органдарды бағалау жағдайында, осы органды бағалау жүзеге асырылмайды.
      47. Есепті кезеңнен кейінгі екінші жартыжылдықта қайта құрылған немесе таратылған мемлекеттік органдардың қызметін талдау, құқықты мирасқор-мемлекеттік органды бағалау шеңберінде ескеріліп, ұсынымдар есебінде қолданылады.
      48. Есепті кезеңнен кейінгі екінші жартыжылдықта қайта құрылған немесе таратылған мемлекеттік органдарды бағалау, құқықты мирасқор-мемлекеттік органның қорытынды балына қосылмайды.

9. Бағалау нәтижелерін қайта тексеру

      49. Қайта тексеру шаралары (дәлелдейтін құжаттарды жинау, талдау) Қазақстан Республикасы Президенті Әкімшілігінің тапсырмасы бойынша немесе бағаланатын мемлекеттік органдардың дәлелдейтін құжаттармен бірге қарсылықтары түскен жағдайда жүзеге асырылуы мүмкін.
      Қарсылықтары түскен күннен бастап, он бес күнтізбелік күн ішінде Агенттік қайта тексеру нәтижесі бойынша қарсылықтары қабылдау немесе қабылдамау туралы негізделген қорытындыларды Қазақстан Республикасы Президентінің Әкімшілігіне және бағаланатын мемлекеттік органдарға жолдайды. Қарсылықтар қабылданған жағдайда бағалау нәтижелері туралы қорытындыларға тиісті түзетулер енгізіледі.
      50. Бағалаудың объективтілігін және ашықтылығын қамтамасыз ету мақсатында Агенттік мемлекеттік органдардың бағалау нәтижелерін қайта тексеру үшін арнайы комиссия құрылады, осы комиссия құрамына мемлекеттік органдардың бағалауына қатысқан қызметкерлер кіре алмайды.
      51. Есеп мәліметтерді қайта зерттеу және растайтын құжаттамалармен танысу қажетті мемлекеттік органдардың тізімі және қайта тексеру мерзімдері жұмыс тобымен анықталады.

10. Мемлекеттік органдардың толық емес және сапасыз
ақпараттар ұсынуы

      52. Бағаланатын мемлекеттік орган толық және анық есепті ақпаратты Әдістеменің 1-12-қосымшасына сәйкес, Кестемен бекітілген мерзімде Агенттікке ұсынады.
      Толық немесе анық есепті ақпарат уақтылы ұсынылмаған жағдайда, сөгістің әрбір түрі үшін мемлекеттік органның осы бағыттағы қорытынды бағасынан айыппұл баллдары шегеріледі.
      53. Агенттікке Кестемен қарастырылған мерзімнен кейін ұсынылған Есепті ақпарат уақтылы ұсынылмаған деп танылады.
      Уақтылы ұсынылмаған есепті ақпаратты ұсынған мемлекеттік органнан 1,5 айыппұл баллдарын шегеру қарастырылған.
      54. Әдістеменің қосымшаларында қарастырылып бекітілген есепті ақпараттың құрылымдық талаптарына сәйкес элементтер (қосымшалар, тараулар, бөлімдер, кестелер, көрсеткіш мәндері және т.с.с.) болмаса есепті ақпарат толық емес деп танылады.
      Толық емес есепті ақпаратты ұсынған мемлекеттік органнан 2 айыппұл баллдарын шегеру қарастырылады.
      55. Қайта тексеру барысында шындыққа сай келмейтін фактілер анықталған жағдайда есепті ақпарат анық емес деп танылады.
      Бағаланатын мемлекеттік органдардың есепті ақпараттарында, мәліметтерді қайта тексерудің қорытындысымен жасалған, көрсетілген фактілер тексеру актісінде Әдістеменің 11-қосымшаға сәйкес бекітеді.
      Анық емес есепті ақпаратты ұсынған мемлекеттік органнан әр белгіленген дерек үшін 0,2 айыппұл баллдарын шегеру қарастырылады.
      Анық емес есепті ақпаратты ұсынған үшін шегерілген баллдардың сомасы 5 баллдан жоғары артып кетпеу тиіс.
      Мемлекеттік орган қызметінің тиімділігін бағалау нәтижелері туралы қорытынды «Тұжырымдар мен ұсыныстар» тарауында анықталған фактілер туралы ақпарат қамтылады.

11. Бағалау нәтижелері бойынша мемлекеттік органдардың
қарсылықтарын ұсыну

      56. Бағаланатын мемлекеттік орган тексеру нәтижелеріне келіспеушіліктер болған жағдайда, бағалау нәтижелерін алған күннен бастап, бес жұмыс күні ішінде Агенттікке растаушы құжаттарымен қарсылықтарын жолдайды. Белгіленген мерзімін өтуінен кейін бағаланатын мемлекеттік органдардың қарсылықтары қабылданбайды.
      57. Бағаланатын мемлекеттік орган тексеру нәтижелеріне келіспеушіліктері болмаған жағдайда, бес жұмыс күнінде Агенттікке тиісті хабарлама ұсынылады.
      58. Шағымдану тәртібін жүргізу үшін, құрамына қарсылықты ұсынған мемлекеттік органды бағалауға қатысқан қызметкерлер кіре алмайтын, қарсылықтарды қарастыру бойынша бағалауға уәкілетті мемлекеттік органда арнайы Комиссия (бұдан әрі – Комиссия) құрылады. Комиссия құрамы мен саны Агенттікпен, құрамы бес адамнан кем емес дербес анықталады.
      59. Бағаланатын мемлекеттік органдардан қарсылықтар түскен күннен бастап, Әдістеменің 12-қосымшасына сәйкес қайшылық кестесі Агенттікпен құрылады және Комиссия қарауына бес жұмыс күнінде енгізіледі.
      60. Қарсылықтар ұсынған бағаланатын мемлекеттік органдардан өкілдер шақырылып, Комиссия қарсылықтарды қарастыратын және бағалау нәтижелерінің объективтілігін анықтайтын мәжіліс өткізеді.
      61. Комиссия мәжілісінің нәтижелері бойынша және қарсылықты қарау жөнінде қайшылық Кестесіне қорытынды қабылданған алқалық шешім, Комиссия Төрағасымен және бағаланатын мемлекеттік орган өкілімен пысықталады және қол қойылады.
      62. Растаушы құжаттармен бағаланатын мемлекеттік органдардан қарсылықтар түскен күннен бастап, он бес жұмыс күнінде Комиссия қайта тексеру нәтижелерін бағалауға уәкілетті мемлекеттік органның Сараптама комиссиясының жұмыс органына және бағаланатын мемлекеттік органға қарсылықты қабылдау немесе қабылдамау туралы негізделген қорытындыны жолдайды. Қарсылық қабылданған жағдайда, бағалау нәтижелері туралы түзету енгізілген қорытынды бірге жолданады.

12. Мемлекеттік органдарды бағалау нәтижелері бойынша
Сараптамалық комиссияның ұсынымдарын іске асыру жөніндегі
іс-шараларды кейінгі аудит

      63. Кейінгі аудит – өткен бағалау нәтежелері бойынша берілген тапсырмалар мен ұсынымдарды іске асырудың толықтығын айқындау жөніндегі шаралар кешені.
      64. Агенттік өткен жылды бағалаудың қорытындылары бойынша берілген ұсынымдар іске асыру мақсатында жауапты орындаушылар мен орындау мерзімдерді көрсететін персоналды басқару бойынша қызметтің тиімділігі көрсеткіштерін жақсарту жөніндегі іс-шаралар жоспарын (бұдан әрі - Жоспар) әзірлейді.
      65. Мемлекеттік органдар Агенттікке Жоспарды іске асыру жөнінде есепті кезеңнен кейінгі айдың 5-ші күніне дейін ұсынады.
      66. Агенттік ұсынған есептің негізінде есепті кезеңнен кейінгі айдың 20-ші күніне дейін Қазақстан Республикасы Президент Әкімшілігіне Жоспарды іске асыру жөнінде жинақталған есепті ұсынады.
      67. Пост-аудит нәтижелері бағалау нәтижелерінің қорытындыларында «пост-аудит нәтижелері» бөлімінде көрсетіледі.

Персоналды басқару тиімділігін
бағалау әдістемесіне 1-қосымша

нысан

Персоналды басқаруды бағалау нәтижелері бойынша қорытынды
_____________________________________________________________________
(орталық мемлекеттік/жергілікті атқарушы орган атауы)

________________
(есепті кезең)

Орталық мемлекеттік/жергілікті атқарушы орган қызметінің тиімділігін бағалау өлшемдері бойынша талдау:

Қорытындылар мен ұсынымдар:

Агенттік Төрағасының орынбасары/
Қазақстан Республикасы Президенті
Әкімшілігінің тиісті бөлімі   _________ _____________________________
                               (қолы)    (қолтаңбаның толық жазылуы)

Агентіктің/Қазақстан Республикасы
Президенті Әкімшілігінің тиісті
құрылымдық бөлімшесінің басшысы _________ ___________________________
                                 (қолы)   (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 2-қосымша

Персоналды басқару бағалау үшін өлшемдер мен көрсеткіштер

Персоналды басқару тиімділігін
бағалау әдістемесіне 3-қосымша

нысан

Бос лауазым орындарынан пайда болған, оның ішінде мемлекеттік
қызметшілердің ұзақ мерзімді оқуға немесе бала күтімі
демалысына кету себептері бойынша адамға арналған күндердің
саны туралы ақпарат

      Мемлекеттік қызметшілердің науқас болуы себебімен лауазымдар бос болған күндердің саны (жүкті болған мерзімі 20 аптадан астам аяғы ауыр әйелдердің уақытша еңбекке жарамсыздығына байланысты жұмыста болмау себебімен, өндірістік жарақаттануына байланысты уақытша еңбекке жарамсыздығы, қызметкерлердің онкологиялық аурумен науқастануына орай уақытша еңбекке жарамсыздығына, сондай-ақ «Екі айдан астам еңбекке уақытша жарамсыздық мерзімі белгіленуі мүмкін ауру түрлерінің тізбесін бекіту туралы» Қазақстан Республикасы Үкіметінің 2007 жылғы 4 желтоқсандағы № 1171 Қаулысына сәйкес, жеке тізіммен анықталған өзге де аурулар) және басқа себептермен (жалақы сақталмайтын демалыс, жұмыстан шеттету) адамға арналған күндердің саны

Персоналды басқару қызметінде (кадр қызметінде) бос лауазым
орындарынан пайда болған, оның ішінде мемлекеттік қызметшілердің ұзақ
мерзімді оқуға немесе бала күтімі демалысына кету себептері бойынша
адамға арналған күндердің саны туралы ақпарат

Персоналды басқару қызметінде (кадр қызметінде) мемлекеттік
қызметшілердің науқас болуы себебімен лауазымдар бос болған күндердің
саны (жүкті болған мерзімі 20 аптадан астам аяғы ауыр әйелдердің
уақытша еңбекке жарамсыздығына байланысты жұмыста болмау себебімен,
өндірістік жарақаттануына байланысты уақытша еңбекке жарамсыздығы,
қызметкерлердің онкологиялық аурумен науқастануына орай уақытша
еңбекке жарамсыздығына, сондай-ақ «Екі айдан астам еңбекке уақытша
жарамсыздық мерзімі белгіленуі мүмкін ауру түрлерінің тізбесін бекіту
туралы» Қазақстан Республикасы Үкіметінің 2007 жылғы 4 желтоқсандағы
№ 1171 Қаулысына сәйкес, жеке тізіммен анықталған өзге де аурулар)
және басқа себептермен (жалақы сақталмайтын демалыс, жұмыстан
шеттету) адамға арналған күндердің саны

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 4-қосымша

нысан

Мемлекеттік орган қызметшілерін жоғарылату туралы ақпарат

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 5-қосымша

нысан

Мемлекеттік қызметшілердің жұмыс істеген жалпы адам-сағаты
туралы ақпарат

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 6-қосымша

нысан

Біліктілігін арттыруға тиіс және біліктілікті арттырудан өткен
қызметшілер туралы ақпарат

Қайта даярлаудан өтуге тиіс және қайта даярлаудан өткен мемлекеттік
қызметшілер туралы ақпарат

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

Персоналды басқару тиімділігін
бағалау әдістемесіне 7-қосымша

нысан

Қазақстан Республикасы Мемлекеттік қызмет істері агенттігі
Сіз жұмыс істейтін мемлекеттік органда персоналды көтермелеу
бойынша қабылданатын шаралардың тиімділігін анықтау мақсатында
сауалнама жүргізеді.
Сауалнама анонимді болып табылады

Еңбекті ұйымдастыруға қатысты қосымша сұрақтар
(бұл бөлімнің жауаптары тек талдау үшін қолданылады)

Толтырушы туралы мәліметтер

      Жынысыңыз
      Ер                
      Әйел              
      Лауазымыңыз
      Басқарушы (басқарма/бөлім бастығы және жоғары)   
      Атқарушы (сарапшы, бас сарапшы, маман және т.б.) 

Персоналды басқару тиімділігін
бағалау әдістемесіне 8-қосымша

нысан

Персоналды басқару қызметі (кадр қызметі) қызметшілерінің
кәсіби деңгейі

(күні көрсетіледі) ахуал бойынша персоналды басқару қызметі (кадр қызметі) қызметшілерінің кадр саласында еңбек өтілі бойынша ақпарат

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

Персоналды басқару тиімділігін
бағалау әдістемесіне 9-қосымша

нысан

Жыл сайынғы ақы төленетін еңбек демалысын өз уақытында беру
туралы ақпарат

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 10-қосымша

нысан

Орындар жөніндегі ақпараттың қолжетімділігі туралы ақпарат

Мемлекеттік органның
басшысы                 ________ __________________________
                         (қолы)  (қолтаңбаның толық жазылуы)

Мемлекеттік органның
тиісті құрылымдық
бөлімшесінің басшысы  ________ _____________________________
                       (қолы)  (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 11-қосымша

нысан

ұсынылған деректі салыстырып тексеру актісі
________________________________________________________________
(орталық аппарат және ведомстволар немесе өкілдіктер)
20 __ жылы қорытындылары бойынша персоналды басқару бағалау үшін

Салыстырмалып тексеруді
атқарған МҚІА қызметкері         ________ ___________________________
                                  (қолы)  (қолтаңбаның толық жазылуы)

Мемлекеттік органның басшысы    ________ ____________________________
                                 (қолы)  (қолтаңбаның толық жазылуы)

Мемлекеттік органның тиісті
құрылымдық бөлімшесінің басшысы   ______ ____________________________
                                  (қолы)  (қолтаңбаның толық жазылуы)

«____» ______________ 20___ж.

Персоналды басқару тиімділігін
бағалау әдістемесіне 12-қосымша

нысан

Келіспеушілік кестесі
________________________________________________________________
(мемлекеттік органның атауы)

________________
(есепті кезең)

Шағым қорытындыларын ескере отырып, жалпы бал ___ құрды.

Комиссияның Төрағасы,
оның лауазымы          ________ ____________________________
                         (қолы)   (қолтаңбаның толық жазылуы)

Шағым қорытындыларымен
таныстым, қарсы емеспін  ________ ____________________________
                         (қолы)   (қолтаңбаның толық жазылуы)

Мемлекеттік органның
өкілі, оның лауазымы    ________ ____________________________
                         (қолы)   (қолтаңбаның толық жазылуы)

«____» ______________ 20___ж.