Емдеуге жатқызу бюросы порталы арқылы тегін медициналық көмектің кепілдік берілген көлемі шеңберінде стационарға жоспарлы емдеуге жатқызуды ұйымдастыру жөніндегі нұсқаулықты бекіту туралы

      «Азаматтардың тегін медициналық көмектің кепілдік берілген көлемін алуын қамтамасыз ету туралы ережені бекіту туралы» Қазақстан Республикасы Үкіметінің 2009 жылғы 19 қарашадағы № 1887 қаулысының 3-тармағының 3) тармақшасын іске асыру мақсатында БҰЙЫРАМЫН:
      1. Қоса беріліп отырған Емделуге жатқызу бюросы порталы арқылы тегін медициналық көмектің кепілдік берілген көлемі шеңберінде стационарға жоспарлы емдеуге жатқызуды ұйымдастыру жөніндегі нұсқаулық (бұдан әрі - Нұсқаулық) бекітілсін.
      Ескерту. 1-тармаққа өзгеріс енгізілді - ҚР Денсаулық сақтау министрінің 2011.03.31 N 166 (алғаш ресми жарияланған күнінен бастап он күнтізбелік күн өткеннен кейін қолданысқа енгізіледі) Бұйрығымен.
      1-1. Амбулаториялық-емханалық көмек көрсететін, стационарлық көмек көрсететін (оның ішінде ғылыми ұйымдар (ғылыми-зерттеу институттары, ғылыми орталықтар), жоғары медициналық білім беру ұйымдары және ғылыми қызметпен айналысатын өзге ұйымдар), қалпына келтіру емі және медициналық оңалту ұйымдарының басшылары осы бұйрық талаптарын орындауды қамтамасыз етсін (міндетті түрде - жойылсын).
      Ескерту. 1-1-тармақпен толықтырылды - ҚР Денсаулық сақтау министрінің 2011.03.31 N 166 (алғаш ресми жарияланған күнінен бастап он күнтізбелік күн өткеннен кейін қолданысқа енгізіледі) Бұйрығымен.
      1-2. Облыстардың, республикалық маңызы бар қаланың және астананың денсаулық сақтауды мемлекеттік басқарудың жергілікті органдарының (бұдан әрі – денсаулық сақтау басқармалары) басшылары (келісім бойынша):
      1) өңірдегі Емдеуге жатқызу бюросы порталы арқылы стационарларға жоспарлы емдеуге жатқызу үдерісіне мониторинг жүргізу және бағалау жүйесін қамтамасыз етсін;
      2) амбулаториялық-емханалық деңгейде пациенттің стационарлық көмек көрсететін медициналық ұйымды еркін таңдау құқығын ескере отырып, оған жоспарлы емдеуге жатқызылуға уақытылы және негізді жолдама беруді, емдеуге жатқызу үдерісінің аяқталуын бақылауды қамтамасыз етсін;
      3) амбулаториялық-емханалық деңгейде стационарлық көмекті, бос төсектер, жоспарлы емдеуге жатқызудың жоспарланған және нақты күндері немесе емдеуге жатқызылмау себептері туралы уақтылы хабардар етуді қамтамасыз етсін;
      4) жоспарлы емдеуге жатқызуды күтудің ұзақ мерзімін азайтуға арналған шаралар қабылдасын;
      5) қолданыстағы төсектерді қысқарту және (немесе) ең көп сұрауы бар бейіндерге қайта бейіндеу қажеттілігін уақытылы қарастырсын;
      6) бастапқы медициналық-санитариялық көмек тарифіне қосымша компонентті төлеу кезінде жоспарлы емдеуге жатқызу үдерісіне жүргізілген мониторинг және бағалау нәтижелерін ескерсін.
      Ескерту. 1-2-тармақпен толықтырылды - ҚР Денсаулық сақтау министрінің 2011.03.31 N 166 (алғаш ресми жарияланған күнінен бастап он күнтізбелік күн өткеннен кейін қолданысқа енгізіледі) Бұйрығымен.
      2. Қазақстан Республикасы Денсаулық сақтау министрлігінің Медициналық қызметке ақы төлеу комитеті (Ермекбаев Қ.Қ.) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
      3. Қазақстан Республикасы Денсаулық сақтау министрлігінің Әкімшілік-құқықтық жұмыс департаменті (Бисмильдин Ф.Б.) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін оның бұқаралық ақпарат құралдарында ресми жариялануын қамтамасыз етсін.
      4. «Тегін медициналық көмектің кепілдік берілген көлемінің шеңберінде стационарға жоспарлы емдеуге жатқызуды ұйымдастыру жөніндегі нұсқаулықты бекіту туралы» Қазақстан Республикасы Денсаулық сақтау министрінің 2009 жылғы 21 желтоқсандағы № 860 бұйрығының
(Қазақстан Республикасының Нормативтік құқықтық актілерді мемлекеттік тіркеу тізілімінде № 5978 тіркелген, Қазақстан Республикасының орталық атқару және өзге де мемлекеттік органдардың актілер жинағында жарияланған, 2010 жылғы 30 сәуірдегі № 9 том) күші жойылды деп танылсын.
      5. Осы бұйрықтың орындалуын бақылау Қазақстан Республикасының Денсаулық сақтаудың вице-министрі А.Д. Құрманғалиеваға жүктелсін.
      6. Осы бұйрық оны алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.

      Министр                                    Ж. Досқалиев

Қазақстан Республикасы   
Денсаулық сақтау министрінің
2010 жылғы 3 шілдедегі   
№ 492 бұйрығымен      
бекітілген         

Емдеуге жатқызу бюросы порталы арқылы тегін медициналық көмектің кепілдік берілген көлемі шеңберінде стационарға жоспарлы емдеуге жатқызуды ұйымдастыру жөніндегі нұсқаулық

1. Жалпы ережелер

      1. Тегін медициналық көмектің кепілдік берілген көлемі шеңберінде Емдеуге жатқызу бюросы порталы арқылы тегін медициналық көмектің кепілдік берілген көлемі шеңберінде стационарға жоспарлы емдеуге жатқызуды ұйымдастыру жөніндегі осы Нұсқаулық (бұдан әрі – Нұсқаулық) білікті, мамандандырылған, жоғары мамандандырылған және медициналық-әлеуметтік стационарлық көмек алуға жоспарлы тәртіпте науқастарды емдеуге жатқызуды ұйымдастыруға бірыңғай талаптарды реттейді.
      Жоғары мамандандырылған көмек (бұдан әрі - ЖММК) стационарлық және стационарды алмастыратын, сондай-ақ консультациялық-диагностикалық нысанда көмек түрінде республикалық деңгейде көрсетіледі.
      Ескерту. 1-тармаққа өзгерту енгізілді - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      2. Емдеуге жатқызу Порталы (бұдан әрі - Портал) пациенттердің жоспарлы емделуге жатқызу жолдамасын тегін медициналық көмектің кепілдік берілген көлемі шеңберінде (бұдан әрі – ТМККК) емдеуге жатқызуды бірыңғай электронды жүйеде тіркеу, есепке алу, өңдеу және сақтау мәселелерін ұйымдастырады.
      3. Осы Нұсқаулықта баяндалған талаптар медицина ұйымын өз еркімен таңдау, қолжетімділігі, ТМККК емдеуге жатқызу үдерісінің ашықтығын қамтамасыз ету бөлігінде пациенттердің құқығын қорғауға, сондай-ақ жоспарлы емдеуге жатқызу үдерісі қатысушылары арасында өзара іс-қимылды қамтамасыз ету мақсатына бағытталған.
      4. Стационарлық көмек көрсететін денсаулық сақтау ұйымына жоспарланған емделуге жатқызу (бұдан әрі – стационар) ТМККК шеңберінде медицина ұйымын еркін таңдауға пациенттің құқығын және емделуге жатқызу жағдайларының жоспарланған санын ескере отырып жүзеге асырылады.
      5. Нысан бойынша Стационар нысандары күн сайын бейіндер бойынша бос төсектер туралы мәліметтерді қалыптастырады және осы нұсқаулыққа 1-қосымшаға сәйкес сағат 9.30 сағатқа дейін Порталда орналасқан бос төсектерді есепке алу парағына енгізеді.
      6. Амбулаториялық-емханалық көмек көрсететін медициналық ұйымның статистикалық қызмет бөлімінің маманы бос төсектер туралы ақпаратты қағаз түрінде амбулаториялық-емханалық көмек көрсететін ұйымның барлық бейін мамандарына ұсынады.
      7. Емдеуші дәрігер бөлімше меңгерушісімен бірлесіп, немесе пациентті стационарлық емдеу үшін медициналық айғақтарын есепке ала отырып, бас дәрігердің емдеу ісі жөніндегі орынбасарымен бірлесіп, емделуге жатқызу қажеттігі туралы шешім шығарады, ол амбулаториялық науқастың медициналық картасына белгіленеді.
      8. Амбулаториялық-емханалық көмек көрсететін медициналық ұйымның емдеуші дәрігері пациенттің медициналық ұйымды еркін таңдауын ескере отырып, бейінді төсекті көрсете отырып, осы Нұсқаулыққа 2-қосымшаға сәйкес нысан бойынша жолдама жазып береді.
      9. Амбулаториялық-емханалық көмек көрсететін медициналық ұйымның маманы жолдаманың электронды үлгісіне тиісті жолдарды толтыру арқылы Порталға жолдаманы тіркейді.
      10. Стационарлардың мамандары күн сайын сағат 11.00 сағат, 13.00. және 17.00 сағатта осы стационарға жоспарланған емдеуге жатқызуға бағытталған пациенттердің тізімін қарайды және емхана белгілеген жоспарланған емдеуге жатқызу күнін қояды, пациенттерді емдеуге жатқызу жүргізілмеген жағдайда емдеуге жатқызу жүргізілмеген күн мен себептері ұсынылады.
      Стационардың маманы белгілеген жоспарлы емдеуге жатқызу күні осы Нұсқаулыққа 3-қосымшаға сәйкес нысан бойынша амбулаториялық-емханалық көмек көрсететін медициналық ұйым пациентке берілетін Жоспарлы емдеуге жатқызу талонына автоматты түрде енгізіледі.
      Жоспарлы емдеуге жатқызу талоны стационар қойған жоспарлы емдеуге жатқызу күнінен, автоматты туындатылған Жоспарлы емдеуге жатқызу коды мен пациент туралы мәліметтерден тұрады.
      Жоспарлы емдеуге жатқызу фактілерін Порталға тіркеу кезінде стационардың маманы емдеуге жатқызу үлгісін көрсетеді: осы Нұсқаулыққа 4-қосымшаға сәйкес нысан бойынша емдеуге жатқызудан шеттетілген және науқастарды есепке алу журналына тіркеледі.
      Ескерту. 10-тармаққа өзгерту енгізілді - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      11. Күн сайын сағат 12.00-де, 15.00-де және 17.30-да амбулаториялық-емханалық көмек көрсететін медициналық ұйымның мамандары медициналық ұйымдарда ЖММК және біліктілікті, мамандандырылған медициналық-әлеуметтік көмек көрсету үшін, нысан бойынша Күту парағын осы Нұсқаулықтың 5-қосымшасына сәйкес қарап  шығады және стационар белгілеген жоспарланған емдеуге жатқызу күнін бақылайды.
      Ескерту. 11-тармаққа өзгерту енгізілді - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      12. Білікті, мамандандырылған, медициналық-әлеуметтік және медициналық мекмелерде ЖММК көрсету үшін жолдаманы тіркеген кезде бос төсектер болмаса, амбулаториялық-емханалық көмек көрсететін медициналық ұйымның маманы Күту парағында пациенттердің кезегін талдайды және емделуге жатқызудың мүмкін болатын күнін хабарлайды.
      Ескерту. 12-тармаққа өзгерту енгізілді - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      13. Егер пациент білікті, мамандандырылған, медициналық-әлеуметтік және медициналық мекемелерде ЖММК көрсету үшін медициналық ұйымды бастапқы таңдаудан бас тартса, амбулаториялық-емханалық көмек көрсететін медициналық ұйымның маманы пациентке бос төсектері бар басқа медициналық ұйымды таңдауды ұсынады немесе барынша ерте емделуге жатқызу мүмкіндігін қарастырады.
      Пациент медициналық мекемелерде ЖММК көрсету үшін медициналық ұйымды бастапқы таңдаудан бас тартқан жағдайда амбулаториялық-емханалық көмек көрсететін медициналық ұйымның маманы пациентке бос төсектері бар болса басқа медициналық ұйымды таңдауды ұсынады немесе барынша ерте емделуге жатқызу мүмкіндігін қарастырады.
      Ескерту. 13-тармақ жаңа редакцияда жазылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      14. Егер пациент білікті, мамандандырылған, медициналық-әлеуметтік және медициналық мекемелерде ЖММК көрсету үшін медициналық ұйымды бастапқы таңдауды өзгертсе, амбулаториялық-емханалық көмек көрсететін медициналық ұйымның маманы бос төсектерді есепке алу парағындағы өзекті деректерді талдауды ескере отырып пациенттің нақты таңдауына сәйкес келетін медициналық ұйымның атауын енгізеді.
      Егер пациент білікті, мамандандырылған, медициналық-әлеуметтік және өңірлік медициналық ұйымдарда ЖММК көрсету үшін медициналық ұйымды бастапқы таңдауды өзгертсе, амбулаториялық-емханалық көмек көрсететін медициналық ұйымның маманы бос төсектерді есепке алу парағындағы өзекті деректерді талдауды ескере отырып пациенттің нақты таңдауына сәйкес келетін медициналық ұйымның атауын енгізеді.
      Ескерту. 14-тармақ жаңа редакцияда жазылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      15. Емдеуге жатқызуға дейінгі кезеңдегі медициналық мекемеге жатпастан бұрын қайтыс болған жағдайда, пациент жазбаша түрде емделуден бас тартқан жағдайда амбулаториялық-емханалық көмек көрсететін медициналық ұйым маманы Порталдағы Күту парағына тиісті себеп бойынша бас тартуды тіркеу үшін стационарға бұл туралы ақпарат енгізу мақсатында хабарлайды.
      16. Пациент жоспарланған емдеуге жатқызудың белгіленген мерзіміне сәйкес Жоспарлы емдеуге жатқызу талонында көрсетілген медициналық ұйымға емдеуге жатқызылады.
      17. Пациентті стационарға емделуге жатқызған кезде маман Порталға емдеуге жатқызудың нақты күнін қояды, пациентті емдеуге жатқызған стационардың бөлімшесі және ауру тарихының нөмірі көрсетеді.
      18. Пациент емдеуге жатқызылмаған жағдайда стационардың маманы Порталдағы Күту парағына емдеуге жатқызудан бас тартқан күні мен себебін көрсетеді.
      18-1. Осы Нұсқаулықтың 18-2-тармағына сәйкес ЖММК көрсететін медициналық мекемелерде ЖММК көрсету үшін жоспарлы емдеуге ТМККК шеңберінде медициналық ұйымды еркін таңдауға пациенттің құқықтарын және емдеуге жатқызу жағдайларының жоспарланған санын ескере отырып жүзеге асырылады.
      Ескерту. 18-1-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-2. Амбулаториялық-емханалық көмек көрсететін медициналық ұйымның маманы медициналық мекемелерде ЖММК көрсету үшін жолдаманың электронды үлгісіне тиісті жолдарды толтыру арқылы Порталға жолдаманы тіркейді және автоматты қалыптасқан емдеуге жатқызу кодымен басылып шыққан жолдаманы пациентке береді.
      Ескерту. 18-2-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-3. Республикалық медициналық ұйымда пациентке мамандандырылған немесе ЖММК көрсету үшін айғақтары болған жағдайда амбулаториялық-емханалық көмек көрсететін медициналық ұйымның маманы бөлімше меңгерушісімен немесе амбулаториялық-емханалық көмек көрсететін медициналық ұйымның бас дәрігерінің емдеу жөніндегі орынбасарымен бірлесіп, Қазақстан Республикасы Денсаулық сақтау министрінің 2010 жылғы 20 желтоқсандағы № 986 бұйрығымен (Нормативтік құқықтық актілерді мемлекеттік тіркеу тіркелімінде № 6711 тіркелген) бекітілген Мамандандырылған және жоғары мамандандырылған медициналық көмек көрсету ережесіне (бұдан әрі – ЖММК ережесі) сәйкес пациенттің құжаттар пакетін облыстардың, республикалық маңызы бар қалалар мен астананың денсаулық сақтауды жергілікті басқару органдарының ЖММК бойынша комиссиясының (бұдан әрі – ЖММК комиссиясы) қарауына ұсынады.
      Ескерту. 18-3-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-4. Жергілікті медициналық мекемелерде көрсетіле алмайтын көмек мамандырылған немесе ЖММК көмек көрсететін республикалық медициналық ұйымға емдеуге жатқызу, өңірлік комиссияның шешімімен және емдеуге жатқызудың жобаланған санымен жүзеге асырылады.
      Ескерту. 18-4-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-5. Стационардың емдеуші дәрігері бөлімшесінің меңгерушісімен немесе бас дәрігерінің емдеу ісі жөніндегі орынбасарымен бірлесіп пациентке республикалық медициналық ұйымдарда мамандандырылған немесе ЖММК көрсету үшін медициналық айғақтары болса пациенттің тұратын жері бойынша ЖММК комиссияның қарауына стационарлық науқастың медициналық картасынан көшірмені факсимальдық байланыс арқылы жібереді.
      Ескерту. 18-5-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-6. Осы Нұсқаулыққа 2-қосымшасына сәйкес ЖММК комиссиясы мамандандырылған немесе ЖММК көрсету туралы оң шешім қабылдау кезінде жолдаманы Порталда тіркейді және жіберген амбулаториялық-емханалық ұйымға автоматты қалыптасқан емдеуге жатқызу кодымен басылып шыққан жолдаманы жібереді.
      Ескерту. 18-6-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-7. Өңірлік медициналық ұйымның стационарындағы пациент мамандандырылған және ЖММК көрсету туралы оң шешім қабылдаған жағдайды ЖММК комиссияның жолдаманы Порталда тіркейді және пациент жатқан стационарға емдеуге жатқызудың автоматты қалыптастырылған кодымен ЖММК үшін емдеуге жатқызуға арналған жолдаманы факсимальдық байланыс арқылы береді.
      Ескерту. 18-7-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-8. Өңірлік деңгейде ЖММК көрсету мүмкіндігі болмаған жағдайда амбулаториялық-емханалық көмек көрсететін медициналық ұйымның маманы пациенті республикалық медициналық ұйымға емдеуге жатқызу мәселесін шешу үшін ЖММК комиссияның қарауына құжаттардың пакетін жібереді.
      Ескерту. 18-8-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-9. ЖММК көрсету кезінде ЖММК көрсететін медициналық ұйымда стационарлық деңгейде диагностика мен емдеудің барлық бар әдістері пайдаланылған емдеуде пациентке оң әсері болмаған жағдайда, ал республикалық медициналық ұйымда диагностика мен емдеудің жоғары технологиялық әдістер қолданылады, амбулаториялық-емханалық көмек көрсететін медициналық ұйымның маманы факсимальдық байланыс арқылы стационарлық науқастың медициналық картасынан көшірмені ЖММК комиссияның қарауына жібереді.
      Ескерту. 18-9-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-10. Пациентке ЖММК көрсетуден бас тарту туралы шешім қабылдаған жағдайда ЖММК комиссия бас тартуды Порталда тіркейді және уәждемеленген бас тартумен қоса құжаттардың пакетін жіберген медициналық ұйымға қайтарады.
      Ескерту. 18-10-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-11. Мамандандырылған және ЖММК көрсететін республикалық медициналық ұйым денсаулық сақтау саласындағы уәкілетті орган бекіткен мамандандырылған және жоғары мамандандырылған медициналық көрсету тәртібіне сәйкес пациентті өз бетінше емдеуге жатқызуға құқылы.
      Ескерту. 18-11-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-12. Республикалық медициналық ұйым мамандандырылған және ЖММК көрсету үшін емдеуге жатқызу туралы өз бетінше шешім қабылдау кезінде республикалық медициналық ұйым жолдаманы осы Нұсқаулыққа 2-қосымшаға сәйкес нысан бойынша Порталда тіркейді, емдеуге жатқызудың автоматты қалыптастырылған кодымен жолдаманы басып шығарады және оны пациенттің медициналық картасына қосады.
      Ескерту. 18-12-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.
      18-13. Консультациялық-диагностикалық көмек нысанында жоғары мамандандырылған медициналық көмек көрсету үшін айғақтары болған жағдайда амбулаториялық-емханалық көмек көрсететін медициналық ұйымның маманы пациенттің құжаттар пакетін денсаулық сақтау саласындағы уәкілетті орган бекіткен жоғары мамандандырылған медициналық көмек көрсету тәртібіне сәйкес республикалық медициналық ұйымға жіберу мәселесін шешу үшін ЖММК комиссияның қарауына жібереді.
      Республикалық медициналық ұйымда Пациентке консультациялық-диагностикалық көмек нысанында ЖММК туралы оң шешім қабылданған жағдайда ЖММК комиссия жолдаманы Порталда тіркейді және құжаттардың пакетін автоматты қалыптастырылған кодымен осы Нұсқаулыққа бекітілген нысанға сәйкес нысан бойынша басылып шыққан жолдамамен жіберген амбулаториялық-емханалық ұйымға беріледі.
      Пациентке консультациялық-диагностикалық көмек нысанында жоғары мамандандырылған көмек көрсетуден бас тартқан жағдайда денсаулық сақтау саласындағы уәкілетті орган бекіткен жоғары мамандандырылған медициналық көмек көрсету тәртібіне сәйкес ЖММК комиссия жолдаманы Емдеуге жатқызу порталына тіркейді және уәждемеленген бас тартумен қоса құжаттардың пакетін жіберген медициналық ұйымға қайтарады.
      Ескерту. 18-13-тармақпен толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.

2. Емдеуге жатқызу бюросының Порталы арқылы жоспарланған емдеуге жатқызуды жүзеге асыратын денсаулық сақтау ұйымдарының мамандарына қойылатын талаптар

      19. Амбулаториялық-емханалық көмек көрсететін денсаулық сақтау ұйымдарының мамандары:
      1) Порталға жолдаманы тіркеген кезде енгізілетін деректердің толықтығы мен сапасын қамтамасыз етеді;
      2) Порталға жолдаманы тіркеген сәтте пациентке берілген ақпараттың дұрыстығына жауапкершілікті қамтамасыз етеді;
      3) жоспарлы емдеуге жатқызу күні туралы пациентті уақтылы ақпараттандыруды және қажет болған жағдайда Жоспарлы емдеуге жатқызу талонын беруді жүзеге асырады;
      4) бос төсектерді есепке алу парағын қарайды;
      5) күту парағын қарайды;
      6) деректерді электрондық түрде тіркейді және Порталға енгізеді.
      20. Емдеуге жатқызу бюросының маманы күнде:
      1) Күту парағында мыналарды берудің уақтылы мониторингін қамтамасыз етеді:
      стационар белгілеген жоспарлы емдеуге жатқызу күнін;
      нақты емдеуге жатқызу немесе емдеуге жатқызудан бас тарту күнін;
      осы Нұсқаулықтың 23-тармағының 5-тармақшасында сипатталған емдеуге жатқызу бюросы белгілеген жоспарлы емдеуге жатқызу күнін қамтамасыз етеді;
      2) Күту парағында жоспарлы емдеуге жатқызу деңгейіне және мерзімдеріне мониторинг жүргізеді;
      3) www.riacmz.kz сайтына орналастыру үшін уақтылы ақпарат ұсынуды қамтамасыз етеді;
      4) жоспарлы емдеуге жатқызу мәселесі бойынша ақпаратқа қолжетімділікті қамтамасыз етеді.
      21. Стационар мамандары:
      1) бос төсектер туралы ұсынылған ақпараттың дұрыстығы мен уақтылығын қамтамасыз етеді;
      2) емдеуге жатқызу фактісін тіркегенде Порталға енгізілген деректердің толықтығы мен сапасын қамтамасыз етеді;
      3) емдеуге жатқызудың жоспарланған нақты күнін ұсынады;
      4) Күту парағында бос төсектер туралы деректерді қосады немесе редакциялайды;
      5) емдеуге жатқызудың нақты күнін тіркейді;
      6) емдеуге жатқызудан бас тартқан күндері мен себептерін тіркейді;
      7) жоспарланған емделуге жатқызу күнін белгілейді;
      8) Күту парағында нақты емдеуге жатқызу күні бойынша жіберілген пациентті емдеуге жатқызуды бақылайды.
      22. Жоспарланған емдеуге жатқызу үдерісіндегі циклділік пен пациенттердің стационар белгілеген жоспарланған емделуге жатқызу күні ұзақ күтуін болдырмау мақсатында бір рет қойылады және редакциялау үшін мүмкіндік жоқ.

3. Маманның күту парағын толтыру талабы

      Ескерту. 3-бөлімнің атауына өзгеріс енгізілді - ҚР Денсаулық сақтау министрінің 2011.03.31 N 166 (алғаш ресми жарияланған күнінен бастап он күнтізбелік күн өткеннен кейін қолданысқа енгізіледі) Бұйрығымен.

      23. Күту парағында жатқызу күндерін белгілеу үшін 5 жол бар:
      1) амбулаториялық-емханалық көмек көрсететін медициналық ұйымы белгілеген жоспарлы емдеуге жатқызу күнін амбулаториялық-емханалық көмек көрсететін медициналық ұйымның маманы стационарлардағы бос орындар туралы өзекті мәліметтер мен пациенттің таңдауы негізінде қояды;
      2) стационар белгілеген жоспарлы емдеуге жатқызу күнін амбулаториялық-емханалық көмек көрсететін медициналық ұйым белгілеген жоспарлы емдеуге жатқызу күніне барынша жақындата отырып, стационар маманы қояды;
      3) пациентті емдеуге жатқызу фактісін тіркеу кезінде стационар маманы емдеуге жатқызудың нақты күнін қояды;
      4) стационардың маманы емдеуге жатқызудан бас тартқан күні мен емделуге жатқызылмаған жағдайда емделуге жатқызылмаған жағдайда себептерін тіркейді;
      5) емдеуге жатқызу бюросы белгілеген жоспарлы емдеуге жатқызу күнін мына жағдайларда емделуге жатқызу бюросының маманы белгілейді:
      пациенттерден шағым түскен кезде;
      Порталда жолдаманы тіркеген сәттен бастап екі күннің ішінде стационар белгілеген жоспарлы емдеуге жатқызу күні болмағанда;
      стационар белгілеген жоспарлы емдеуге жатқызу күні болған жағдайда үш күннен артық нақты емдеуге жатқызу күні болмағанда.
      ЖММК көрсету жөніндегі ЖММК комиссиясының шешімі бойынша емдеуге жатқызу жолдамасын тіркегенде, медициналық ұйым белгілеген емдеуге жатқызудың жоспарланған күнін стационарлардағы бос төсектер туралы өзекті деректердің негізінде ЖММК комиссия ұсынады.
      Ескерту. 23-тармаққа өзгерту енгізілді - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.

4. Штаттан тыс жағдайлар туындаған кездегі өзара іс-қимыл тәртібі

      Ескерту. 4-бөліммен толықтырылды - ҚР Денсаулық сақтау министрінің 2011.03.31 N 166 (алғаш ресми жарияланған күнінен бастап он күнтізбелік күн өткеннен кейін қолданысқа енгізіледі) Бұйрығымен.

      24. Емдеуге жатқызудың жүргізілмеуі, Порталдағы деректердің дұрыс және уақытылы өзекті етпеу, динамикада жоспарлы емдеуге жатқызуды күту мерзімі 10 күнтізбелік күннен асқан пациенттер санының артуы, сондай-ақ, Портал арқылы жоспарлы емдеуге жатқызу деңгейіне теріс әсер ететін және мониторинг жүргізуді қажет ететін жағдайлар штаттан тыс жағдайларға жатады.
      25. Емдеуге жатқызудың жүргізілмеуіне жататын жағдайлар:
      1) емдеуге жатқызуға жолдама беру кезінде пациентте тексерудің ең аз көлемінің болмауы;
      2) стационарға жоспарлы емдеуге жатқызуға медициналық айғақтардың болмауы;
      3) стационарға емдеуге жатқызу кезінде қарсы медициналық айғақтардың болуы;
      4) Порталға пациент деректерін дұрыс енгізбеу.
      26. Порталдағы деректерді дұрыс және уақытылы өзекті етпеуге жататын жағдайлар:
      1) стационардың бос төсектер туралы ақпаратты уақытылы берілмеуі;
      2) стационардың емдеуге жатқызу күндерін уақытылы қоймауы.
      27. Портал арқылы жоспарлы емдеуге жатқызу деңгейіне теріс әсер ететін және мониторинг жүргізуді қажет ететін жағдайларға:
      1) пациенттің емдеуге жатқызудан жазбаша түрде бас тартуы;
      2) пациенттің емдеуге жатқызуға келмеуі;
      3) пациенттің емдеуге жатқызуға дейінгі кезеңде қайтыс болуын тіркеу;
      4) емдеуге жатқызу процедураларына байланысты емес жағдайлар жатады.
      28. Республикалық және өңірлік емдеуге жатқызу бюросы – азаматтардың медициналық ұйымды еркін таңдауға құқықтарын іске асыруды, ТМККК шеңберінде жоспарлы емдеуге жатқызудың және емдеуге жатқызу жағдайының жоспарланған санының қолжетімділігі мен ашықтығын қамтамасыз ететін денсаулық сақтау саласындағы уәкілетті органның ведомстволық бағыныстағы ұйымының жанынан құрылған бюро.
      Өңірлік емдеуге жатқызу бюросы:
      1) жоспарлы емдеуге жатқызу үдерісінің жағдайларын штаттан тыс болуына күн сайын мониторинг жүргізуды;
      2) штаттан тыс жағдайлар тіркелген стационарлар мен амбулаториялық-емханалық көмек көрсететін медициналық ұйымдарды іріктеуді;
      3) пациенттің емдеуге жатқызуға дейінгі кезеңде Порталда тіркелген күннің ертеңінде қайтыс болуын тіркеу, бос төсектер туралы уақытылы ақпараттың болмауы және Порталда тіркелгеннен кейінгі екінші күні емдеуге жатқызу күндерінің қойылмауы сияқты штаттан тыс жағдайлар туындаған стационарлар мен амбулаториялық-емханалық көмек көрсететін медициналық ұйымдардың басшыларына жинақтық ақпаратты күн сайын жолдауды;
      4) стационарлар мен амбулаториялық-емханалық көмек көрсететін медициналық ұйымдардан кері ақпарат алған жағдайда, штаттан тыс жағдайларды жою және пациенттің емдеуге жатқызуға дейінгі кезеңде қайтыс болуы тіркелген жағдайда емдеуге жатқызудың жүргізілмеуі бойынша қабылданған шараларды үш күнтізбелік күн ішінде мониторинг жүргізуді;
      5) облыстардың, республикалық маңызы бар қаланың және астананың денсаулық сақтауды мемлекеттік басқарудың жергілікті органдарына (бұдан әрі – денсаулық сақтау басқармасы) және Қазақстан Республикасы Денсаулық сақтау министрлігінің Медициналық қызметке ақы төлеу комитетінің аумақтық департаментінің бөлімшелеріне (бұдан әрі – ҚР ДСМ МҚАК АБ) тиісті өңірде:
      штаттан тыс жағдайлардың туындауы бойынша мониторинг нәтижелерін қамтитын ақпаратты стационарлар және амбулаториялық-емханалық көмек көрсететін медициналық ұйымдар бөлігінде он күн сайын жолдауды;
      пациенттің емдеуге жатқызуға дейінгі кезеңде қайтыс болуы тіркелген және бос төсектер туралы уақытылы ақпарат болмаған және емдеуге жатқызу күндері қойылмаған жүйелі (он күнде үш және одан да көп рет) жағдайда емдеуге жатқызудың жүргізілмеуі бойынша талдау нәтижелерін қамтитын ақпаратты күн сайын жолдауды;
      6) штаттан тыс жағдайлар бойынша есепті он күн сайын республикалық емдеуге жатқызу бюросына жолдауды;
      7) штаттан тыс жағдайлардың пайда болуын және стационарлар мен амбулаториялық-емханалық көмек көрсететін медициналық ұйымдардың шара қабылдамауы туралы республикалық емдеуге жатқызу бюросын, тиісті өңірдің денсаулық сақтау басқармасын және ҚР ДСМ МҚАК АБ күн сайын хабардар ету.
      29. Республикалық емдеуге жатқызу бюросы:
      1) өңірлік емдеуге жатқызу бюролары ұсынған есеп бойынша жоспарлы емдеуге жатқызу үдерісінің өңірлер бөлігінде мониторинг жүргізуді;
      2) штаттан тыс жағдайлар жөніндегі ақпаратты өңірлердің денсаулық сақтау басқармасы қабылдаған шараларды көрсете отырып, Қазақстан Республикасы Денсаулық сақтау министрлігінің Медициналық қызметке ақы төлеу комитетіне (бұдан әрі – ҚР ДСМ МҚАК) ай сайын жолдауды;
      3) штаттан тыс жағдайлар санының артуы және денсаулық сақтау басқармаларының шара қабылдамауы кезінде ҚР ДСМ МҚАК бір сағаттың ішінде хабардар етуді жүзеге асырады.
      30. Амбулаториялық-емханалық көмек көрсететін медициналық ұйымдар:
      1) штаттан тыс жағдайларды іріктей отырып, жоспарлы емдеуге жатқызу үдерісін күн сайын мониторинг жүргізуді;
      2) Портал арқылы жоспарлы емдеуге жатқызу кезінде туындаған әрбір штаттан тыс жағдайды талдауды және оларды азайту бойынша шаралар қабылдауды;
      3) пациенттің емдеуге жатқызудан жазбаша түрде бас тартуын амбулаториялық науқастың медициналық картасына Портал арқылы тіркеуді;
      4) стационардан ақпарат алған жағдайда пациенттің емдеуге жатқызуға келмеу себептерін талдау. Объективті себептер болған жағдайда, емдеуге жатқызу мерзімі стационар анықтаған күннен тәуліктен артық емес уақытқа ауыстырылады, ал пациент емдеуге жатқызудан бас тартқан жағдайда Күту парағынан алуды;
      5) штаттан тыс жағдайлар бойынша кері ақпаратты оларды жою бойынша қабылданған шараларды көрсете отырып, өңірлік емдеуге жатқызу бюроларына он күн сайын жолдауды;
      6) қайтыс болу туралы дәрігерлік куәліктің көшірмесі қоса берілмейтін сот-медициналық сараптамаға жататын жағдайларды қоспағанда, оны Порталда тіркегеннен кейін пациенттің емдеуге жатқызуға дейінгі кезеңде қайтыс болуы тіркелген жағдайда «Денсаулық сақтау ұйымының бастапқы медициналық құжаттарының нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 тіркелген) бекітілген 106/е-07 нысанды қайтыс болу туралы дәрігерлік куәліктің көшірмесін қоса бере отырып, өңірлік емдеуге жатқызу бюроларына үш күн ішінде ақпаратты ұсынуды жүзеге асырады.
      31. Стационар:
      1) штаттан тыс жағдайларды іріктей отырып, жоспарлы емдеуге жатқызу үдерісін күн сайын мониторинг жүргізуді;
      2) бос төсектер туралы уақытылы ақпарат және емдеуге жатқызу күндерінің қойылуы жүйелі түрде болмаған әрбір жағдайларды оларды жою жөніндегі шараларды Қазақстан Республикасының заңнамасына сәйкес қабылдай отырып, талдауды;
      3) күн сайын сағат 15.00 қарай тиісті амбулаториялық-емханалық көмек көрсететін медициналық ұйымдарды белгіленген мерзімде емдеуге жатқызуға келмеген пациенттер жағдайлары бойынша хабардар ету;
      4) амбулаториялық-емханалық көмек көрсететін медициналық ұйымдардан ақпарат алған және объективті себептер болған жағдайда емдеуге жатқызуды стационар анықтаған күннен бастап тәуліктен аспайтын мерзімге ауызша түрде ауыстыруды және Порталда тіркеуді;
      5) тексерудің ең аз көлемінің, жоспарлы емдеуге жатқызуға айғақтардың болмауына, стационарға емдеуге жатқызу кезінде қарсы айғақтардың болуына байланысты Порталдағы емдеуге жатқызудың жүргізілмеу жағдайларын тіркеуді;
      6) бос төсектер туралы ақпаратты уақытылы бермеудің және емдеуге жатқызу күндерін қоймаудың жүйелі (он күнде үш және одан да көп рет) жағдайлары жөніндегі кері ақпаратты қабылданған шараларды көрсете отырып, өңірлік емдеуге жатқызу бюроларына он күн сайын беруді жүзеге асырады.
      32. Денсаулық сақтау басқармасы:
      1) өңірдегі жоспарлы емдеуге жатқызу үдерісі мониторинг жүргізу;
      2) аппарат жиналыстарында штаттан тыс жағдайларды олардың себептерін талдай отырып, стационарлар мен амбулаториялық-емханалық көмек көрсететін медициналық ұйымдар бөлігінде қарастыруды;
      3) штаттан тыс жағдайларды төмендетуге арналған басқару шараларын қабылдауды;
      4) штаттан тыс жағдайларды төмендету бойынша қабылданған шаралар туралы ақпаратты ай сайын өңірлік емдеуге жатқызу бюросына және ҚР ДСМ МҚАК АБ ұсынуды жүзеге асырады.
      33. ҚР ДСМ МҚАК АБ:
      1) өңірдегі штаттан тыс жағдайларға олардың себептері мен оларды төмендету бойынша қабылданған шараларды талдай отырып, мониторинг жүргізуді;
      2) мониторинг нәтижелерін ҚР ДСМ МҚАК ай сайын ұсынуды;
      3) ТМККК шеңберінде медициналық көмек көрсетуге арналған шарт талаптарын бұзғаны үшін штаттан тыс жағдайларға жол берген стационарлар мен амбулаториялық-емханалық көмек көрсететін медициналық ұйымдарға шара қабылдауды;
      4) штаттан тыс жағдайлар және денсаулық сақтау басқармасы шара қабылдамаған жағдайлар туралы ҚР ДСМ МҚАК күн сайын хабардар ету.
      34. ҚР ДСМ МҚАК АБ:
      1) штаттан тыс жағдайларға олардың себептері мен оларды төмендету бойынша қабылданған шараларды талдай отырып, мониторинг жүргізуді;
      2) мониторинг нәтижелерін Қазақстан Республикасы Денсаулық сақтау министрлігіне (бұдан әрі – ҚР ДСМ) ай сайын ұсынуды;
      3) штаттан тыс жағдайлар және денсаулық сақтау басқармасы шара қабылдамаған жағдайлар туралы ҚР ДСМ күн сайын хабардар ету.      

Емдеуге жатқызу бюросы порталы арқылы
тегін медициналық көмектің кепілдік
берілген көлемі шеңберінде стационарға
жоспарлы емдеуге жатқызуды ұйымдастыру
жөніндегі нұсқаулыққа 1-қосымша  

нысан

Бос төсектерді тіркеу парағы
Лист учета свободных коек

Облыс/Қала ___________________        Күні ____________________
Область/Город ________________        Дата ____________________

кестенің жалғасы

Емдеуге жатқызу бюросы порталы арқылы
тегін медициналық көмектің кепілдік
берілген көлемі шеңберінде стационарға
жоспарлы емдеуге жатқызуды ұйымдастыру
жөніндегі нұсқаулыққа 2-қосымша  

      Ескерту. 2-қосымша жаңа редакцияда жазылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.

нысан

ЖОЛДАМА
НАПРАВЛЕНИЕ

Код_____________________________________________

Жіберуші медициналық ұйымының атауы (наименование направляющей медицинской организации*)

Жіберілді (Направляется в)___________________________________________
                    МҰ, бөлiмшенiң атауы (наименование МО, отделение)
Азамат (Гр-н (ка))___________________________________________________
                    (тегi, аты, әкесiнiң аты /фамилия имя отчество)
Туған күнi (Дата рождения)___________________________________________

Амбулатория науқастың медициналық картасының №/
Стационарлық науқастың медициналық картасыны №_______________________
№ медицинской карты амбулаторного пациента
или № медицинской карты стационарного больного)______________________
Мекен-жайы (Домашний адрес)__________________________________________
Жұмыс немесе оқу орны (Место работы или учебы)_______________________
_____________________________________________________________________

Диагноз______________________________________________________________

ХАЖ коды (код по МКБ)________________________________________________

                                      Дата планируемой госпитализации
Тіркеу күні (Дата регистрации)________(Жоспарлы емдеуге жатқызу күні) _______________

Дәрiгер (Врач)_________________ Т.А.Ә., дәрiгердiң коды (Ф.И.О., код
               қолы (подпись)
врача) врача)___________________

* Стационарға науқасты жоспарлы емделуге жатқызуға медициналық ұйымдардың өз бетінше жіберуге құқығы бар (на плановую госпитализацию больных в стационар имеют право направлять самостоятельные медицинские организации)

«Стационарды таңдаумен келісемін»
«С выбором стационара согласен»

Науқастын қолы                            Подпись больного

Емдеуге жатқызу бюросы порталы арқылы
тегін медициналық көмектің кепілдік
берілген көлемі шеңберінде стационарға
жоспарлы емдеуге жатқызуды ұйымдастыру
жөніндегі нұсқаулыққа 3-қосымша  

нысан

ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІ

МИНИСТЕРСТВО ЗДРАВООХРАНЕНИЯ РЕСПУБЛИКИ КАЗАХСТАН

ЖОСПАРЛЫ ЕМДЕУГЕ ЖАТҚЫЗУ ТАЛОНЫ

ТАЛОН ПЛАНОВОЙ ГОСПИТАЛИЗАЦИИ

№ ______________________________

                                    ________________________________
Құжат қалыптастырылған күн  |                          |
Дата формирования документа |__________________________|

                                     ________________________________
Құжат қалыптастырылған уақыт |                         |
Время формирования документа |_________________________|

                 ______________________________________________
ТАӘ (толық)     |                                              |
ФИО (полностью) |______________________________________________|

               ______________            __________________
Туған жылы    |              |   Жынысы |                  |
Дата рождения |______________|   Пол    |__________________|

                ____________________________________________________
Жіберіледі     |                                                    |
Направляется в |____________________________________________________|

                ____________________________________________________
Төсек бағыты   |                                                    |
Профиль койки  |____________________________________________________|

                                ___________________________________
Емхана айқындаған жоспарлы     |                                   |
емдеуге жатқызу күні           |                                   |
Дата планируемой               |                                   |
госпитализации определенная    |                                   |
поликлиникой                   |___________________________________|

                                ___________________________________
Стационар айқындаған жоспарлы  |                                   |
емдеуге жатқызу күні           |                                   |
Дата планируемой               |                                   |
госпитализации определенная    |                                   |
стационаром                    |___________________________________|

Емдеуге жатқызу бюросы порталы арқылы
тегін медициналық көмектің кепілдік 
берілген көлемі шеңберінде стационарға
жоспарлы емдеуге жатқызуды ұйымдастыру
жөніндегі нұсқаулыққа 4-қосымша   

нысан

Емдеуге жатқызудан шеттетілген және науқастарды есепке алу
ЖУРНАЛЫ
ЖУРНАЛ
учета приема больных и отказов в госпитализации

Емдеуге жатқызу бюросы порталы арқылы
тегін медициналық көмектің кепілдік 
берілген көлемі шеңберінде стационарға
жоспарлы емдеуге жатқызуды ұйымдастыру
жөніндегі нұсқаулыққа 5-қосымша  

нысан

Күту парағы Лист ожидания

Облыс/Қала ___________________        Күні ____________________
Область/Город ________________        Дата ____________________

Кестенің жалғасы

Емдеуге жатқызу бюросы порталы арқылы
тегін медициналық көмектің кепілдік 
берілген көлемі шеңберінде стационарға
жоспарлы емдеуге жатқызуды ұйымдастыру
жөніндегі нұсқаулыққа 6-қосымша  

      Ескерту. 6-қосымшаман толықтырылды - ҚР Денсаулық сақтау министрінің 2010.12.20 № 983 (қолданысқа енгізілу тәртібін 5-тармақтан қараңыз) бұйрығымен.

нысан

Республикалық деңгейде жоғары мамандандырылған консультациялық-диагностикалық көмек алуға
ЖОЛДАМА
НАПРАВЛЕНИЕ
на получение высокоспециализированной консультативно-диагностической помощи на республиканском уровне

      Жолдама нөмірі/Номер направления |_|_|_|_|_|_|_|_|_|_| жылы(год) |_|_|_|_|

Жіберген медициналық ұйымның атауы/Наименование направляющей медицинской организации _____________________________________________
_____________________________________________________________________

Пациент туралы деректер/Данные о пациенте

Тегі/Фамилия ______________________ Аты/Имя _______________ Әкесінің аты/Отчество ______________________

Туған жылы/Год рождения |_|_|_|_| Күні/Дата |_|_| Айы/Месяц |_|_| Жынысы/Пол |_е/м_|_ә/ж_|
Тұрғылықты жері/Место жительства_____________________________________
Жұмыс, үй телефоны/Рабочий, домашний телефон_________________________
Жұмыс немесе оқу орны/Место работы или учебы_________________________

Жіберген кездегі диагнозы/Диагноз при направлении

Негізгі/Основной_____________________/ ХАЖ-10 диагноз коды/код диагноза МКБ 10_______
Қосалқы/Сопутствующий _______________________/ ХАЖ-10 диагноз коды/код диагноза МКБ 10______
Күні/Дата ____________________
Республикалық деңгейде көрсетілетін консультациялық-диагностикалық көмектің өңірлік комиссия төрағасы/Председатель региональной комиссии  консультативно-диагностической помощи, оказываемой на республиканском уровне ____________________/____________________________________/
         (қолы)/ (подпись)          (Т.А.Ә.)/(Ф.И.О.)

Мөр орны/Место печати

Сыртқы жағы/Оборотная сторона

      Республикалық деңгейде жоғары мамандандырылған консультациялық-диагностикалық көмек көрсететін медициналық ұйым толтырады/Заполняется медицинской организацией, оказывающей высокоспециализированную консультативно-диагностическую помощь на республиканском уровне

1) Мамандар консультациясы/Консультации специалистов _____________________________________________________________________
_____________________________________________________________________
2) Зерттеу(зерттеу түрі көрсетілсін)/Исследования (указать вид исследования)________________________________________________________ _____________________________________________________________________
_____________________________________________________________________
_____________________________________________________________________

Қорытынды диагноз/Окончательный диагноз

Негізгі/Основной ________________________________/ ХАЖ-10 диагноз коды/код диагноза МКБ 10_____

Қосалқы /Сопутствующий _________________________/ ХАЖ-10 диагноз коды/ код диагноза МКБ 10____

Күні/Дата ____________________

Республикалық деңгейде жоғары
мамандандырылған консультациялық-диагностикалық
көмек көрсететін медициналық ұйымның басшысы/
Руководитель медицинской организации,
оказывающей высокоспециализированную
консультативно-диагностическую помощь
на республиканском уровне
____________________/_____________________________________________
 (қолы)/ (подпись)              (Т.А.Ә.)/(Ф.И.О.)

Мөр орны
Место печати