"Халық денсаулығы және денсаулық сақтау жүйесі туралы" 2009 жылғы 18 қыркүйектегі Қазақстан Республикасы кодексінің 32-бабының 3-тармағының 2) тармақшасына сәйкес БҰЙЫРАМЫН:
1. Қоса беріліп отырған Денсаулық сақтау қызметкерлері лауазымдарының номенклатурасы бекітілсін.
2. Қазақстан Республикасы Денсаулық сақтау министрлігінің Ғылым және адами ресурстар департаменті (Н.Қ. Хамзина) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркеуден өткізуді қамтамасыз етсін.
3. Қазақстан Республикасы Денсаулық сақтау министрлігінің Әкімшілік-құқықтық жұмыс департаменті (Ф.Б. Бисмильдин) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін заңнамада белгіленген тәртіппен бұқаралық ақпарат құралдарында ресми жариялануын қамтамасыз етсін.
4. Осы бұйрықтың орындалуын бақылау Қазақстан Республикасының Денсаулық сақтау вице-министрі Е.А. Біртановқа жүктелсін.
5. Осы бұйрық алғаш ресми жарияланған күнінен кейін он күнтізбелік күн өткеннен соң қолданысқа енгізіледі.
Министр Ж. Досқалиев
Қазақстан Республикасы
Денсаулық сақтау министрінің
2009 жылғы 24 қарашадағы
N 775 бұйрығымен бекітілген
Денсаулық сақтау қызметкерлері лауазымдарының номенклатурасы Медициналық ұйымдар
1. Басшылардың лауазымдары:
1) республикалық маңызы бар денсаулық сақтау ұйымының басшысы;
2) республикалық маңызы бар денсаулық сақтау ұйымы басшысының орынбасары (медицина бөлімі жөніндегі, медициналық қызметтердің сапасын бақылау жөніндегі, экономика жұмысы жөніндегі, әкімшілік-шаруашылық бөлімі жөніндегі);
3) облыстық (республикалық маңызы бар қаланың, астананың) маңызы бар денсаулық сақтау ұйымының басшысы;
4) облыстық маңызы бар денсаулық сақтау ұйымы басшысының орынбасары (республикалық маңызы бар қаланың, астананың) (медицина бөлімі жөніндегі, медициналық қызметтің сапасын бақылау жөніндегі, экономикалық жұмыс жөніндегі, әкімшілік-шаруашылық бөлім жөніндегі);
5) аудандық және қалалық маңызы бар денсаулық сақтау ұйымының басшысы;
6) аудандық және қалалық маңызы бар денсаулық сақтау ұйымы басшысының орынбасары (медицина бөлімі жөніндегі, медициналық қызметтің сапасын бақылау жөніндегі, экономикалық жұмыс бойынша, әкімшілік-шаруашылық бөлімі жөніндегі);
7) денсаулық сақтау ұйымының құрылымдық бөлімшесінің басшысы (бас дәрігер, директор, аға дәрігер, меңгеруші, бастық);
8) бас мейірбике (басшының мейірбике ісі жөніндегі орынбасары);
9) клиникалық бөлімшенің меңгерушісі;
10) параклиникалық бөлімшенің меңгерушісі;
11) санитариялық-эпидемиологиялық қызмет ұйымы зертханасының меңгерушісі;
12) санитариялық-эпидемиологиялық қызмет ұйымы виварийінің меңгерушісі.
2. Жоғары медициналық білімі бар мамандардың лауазымы:
1) учаскелік дәрігер/Жалпы практика дәрігері;
2) ординатор-дәрігер (профильдік маман);
3) санитарлық-эпидемиологиялық қызмет дәрігері (немесе маманы);
4) қоғамдық денсаулық сақтау дәрігері (немесе маманы) (валеолог, эпидемиолог, статистик, әдіскер);
5) денсаулық сақтау менеджері (медициналық қызмет сапасы бойынша, медициналық қызметтің стратегиясы мен маркетингі бойынша, медициналық қызмет көрсетуді ұйымдастыру мен әдістемесі бойынша);
6) денсаулық сақтау саласындағы персоналмен жұмыс істеу менеджері;
7) сарапшы-дәрігер;
8) дәрігер – сот-медициналық сарапшы (жалпы сараптамалық, сот-биологиялық, химия-токсикологиялық, сот-гистологиялық, медицина-криминалистік, молекулярлық-генетикалық зерттеулердің).
Ескерту. 2-тармақ жаңа редакцияда - ҚР Денсаулық сақтау министрінің 2012.08.24 № 587 (алғашқы ресми жарияланған күннен кейін күнтізбелік он күн өткен соң қолданысқа енгізіледі) Бұйрығымен.
3. Жоғары медициналық емес білімі бар мамандардың лауазымдары:
1) психолог маман;
2) денсаулық сақтаудағы сарапшы маман;
3) зертхана маманы;
4) санитариялық-эпидемиологиялық қызмет маманы (биолог, зоолог/эпизоотолог, энтомолог);
5) қоғамдық денсаулық сақтау маманы (эпидемиолог, статистик, әдіскер, валеолог);
6) денсаулық сақтау саласындағы әлеуметтік жұмыс жөніндегі маман;
7) инженер-медициналық физик;
8) сәулелік жабдыққа қызмет көрсету бойынша инженер;
9) радиомеханик инженер.
Ескерту. 3-тармақ жаңа редакцияда - ҚР Денсаулық сақтау министрінің м.а. 19.03.2014 № 147 бұйрығымен (алғашқы ресми жарияланған күннен кейін күнтізбелік он күн өткен соң қолданысқа енгізіледі).
4. Техникалық және кәсіптік білімі бар мамандардың лауазымы:
1) аға мейіргер (аға фельдшер, аға акушер);
2) фельдшер;
3) зертханашы;
4) санитариялық фельдшер (гигиенист және эпидемиолог, паразитолог дәрігерлерінің көмекшісі, фельдшер-зертханашы, зертханашы);
5) учаскелік мейіргер/жалпы практика мейіргері;
6) мейіргер (мамандандырылған);
7) акушер;
8) емдәм мейіргері;
9) ңұсқаушы-дезинфектор;
10) оптик және оптикометрист;
11) тіс дәрігері (дантист);
12) стоматолог-дәрігердің көмекшісі (стоматологтың ассистенті);
13) стоматологиялық гигиенист;
14) рентген зертханашысы;
15) тіс технигі (тіс протездеу бөлімінің, кабинетінің зертханашысы);
16) емдік дене шынықтыру жөніндегі нұсқаушы;
17) медициналық тіркеуші;
18) кіші мейіргер (мейіргердің көмекшісі);
19) денсаулық сақтау саласындағы әлеуметтік қызметкер;
20) техник-дозиметрист.
Ескерту. 4-тармақ жаңа редакцияда - ҚР Денсаулық сақтау министрінің м.а. 19.03.2014 № 147 бұйрығымен (алғашқы ресми жарияланған күннен кейін күнтізбелік он күн өткен соң қолданысқа енгізіледі).
5. Кіші қызметкерлердің лауазымдары санитар.
Дәрілік заттар, медициналық мақсаттағы бұйымдар мен медициналық техниканың айналысы саласындағы объектілер
1. Басшылардың лауазымдары:
1) дәрілік заттар, медициналық мақсаттағы бұйымдар мен медициналық техника айналысы саласындағы объектінің басшысы (менеджер);
2) дәрілік заттар, медициналық мақсаттағы бұйымдар мен медициналық техника айналысы саласындағы объекті басшысының орынбасары;
3) дәрілік заттар, медициналық мақсаттағы бұйымдар мен медициналық техника айналысы саласындағы объекті бөлімінің басшысы.
2. Фармацевтикалық жоғары білімі бар мамандардың лауазымдары:
1) провизор (фармацевт);
2) дәрілік заттарды, медициналық мақсаттағы бұйымдар мен медициналық техниканы өндіру жөніндегі инженер-технолог.
3. Техникалық және кәсіптік білімі бар мамандардың лауазымдары фармацевт (фармацевт ассистенті)