Дербес шоттарды жүргізу ережелерін бекіту туралы

       "Салық және бюджетке төленетін басқа да міндетті төлемдер туралы" Қазақстан Республикасының Кодексін (Салық кодексі) қолданысқа енгізу туралы" Қазақстан Республикасы Заңына сәйкес БҰЙЫРАМЫН:
      1. Дербес шоттарды жүргізу ережелері бекітілсін.
      2. Келесі қосымша бойынша көрсетілген нормативтік құқықтық актілердің күші жойылды деп танылсын.
       3. Қазақстан Республикасы Қаржы министрлігінің Салық комитеті (Д. Е. Ерғожин) осы бұйрықты заңнамада белгіленген тәртіппен Қазақстан Республикасы Әділет министрлігінде мемлекеттік тіркеуді қамтамасыз етсін .
       4. Осы бұйрық ресми жариялғанының бірінші күнінен бастап қолданысқа енгізіледі және 2009 жылғы 1 қаңтардан шығатын қатынастарға жаратылады.

      Министр                                         Б. Жәмішев

Қазақстан Республикасының  
Қаржы Министрінің      
2008 жылғы 29 желтоқсандағы 
N 622 бұйрығына қосымша   

Қазақстан Республикасының күшін жоғалтқан кейбір нормативтік
құқықтық актілердің тізімі

      1. "Дербес шоттарды жүргізу ережелерін бекіту туралы" Қазақстан Республикасы Қаржы министрлігі Салық комитеті Төрағасының 2003 жылғы 23 желтоқсандағы N 530 бұйрығына нормативтік құқықтық актілердің мемлекеттік тіркеу тізілімінде N 2672 болып тіркелген.
      2. Қазақстан Республикасы Қаржы министрлігінің Салық комитеті Төрағасының кейбір бұйрықтарына өзгерістер мен толықтырулар енгізу туралы, нормативтік құқықтық актілердің мемлекеттік тіркеу тізілімінде N 2714 болып тіркелген, Қазақстан Республикасы Қаржы министрлігінің Салық комитеті Төрағасының бұйрығына 2004 жылғы 27 қаңтар N 39 бұйрығымен.
      3. Қазақстан Республикасы Қаржы министрлігінің Салық комитеті Төрағасының кейбір бұйрықтарына өзгерістер мен толықтырулар енгізу туралы, 2003 жылғы 23 желтоқсандағы N 530 бұйрығына "Дербес шоттарды жүргізу ережелерін бекіту туралы тіркеу тізілімінде N 2672 " Қазақстан Республикасы Қаржы министрлігінің Салық комитеті Төрағасының 2004 жылғы 25 қарашадағы N 606 бұйрығы , нормативтік құқықтық актілердің мемлекеттік N 3288 болып тіркелген "Заң газеті" газетінде 2005 жылғы 23 қыркүйектегі N 175-176 жарияланған.
      4. Қазақстан Республикасы Қаржы министрлігінің Салық комитеті Төрағасының кейбір бұйрықтарына өзгерістер мен толықтырулар енгізу туралы, 2003 жылғы 23 желтоқсандағы N 530 бұйрығына "Дербес шоттарды жүргізу ережелерін бекіту туралы" Қазақстан Республикасы Қаржы министрлігінің Салық комитеті Төрағасының м.а. 2005 жылғы 29 шілдедегі N 346 бұйрығы, нормативтік құқықтық актілердің мемлекеттік тіркеу тізілімінде N 3801 болып тіркелген, "Заң газеті" газетінде 2005 жылғы 27 қыркүйектегі N 177, 2005 жылғы 28 қыркүйектегі N 178, 2005 жылғы 29 қыркүйектегі N 179, 2005 жылғы 30 қыркүйектегі N 180-181, 2005 жылғы 5 қазандағы N 183 жарияланған.
      5. Қазақстан Республикасы Қаржы министрлігінің Салық комитеті Төрағасының бұйрығына өзгерістер мен толықтырулар енгізу туралы, нормативтік құқықтық актілердің мемлекеттік тіркеу тізілімінде N 4253 болып тіркелген, "Заң газеті" газетінде 2006 жылғы 4 тамыздағы N 143, 2006 жылғы 11 тамыздағы N 147 жарияланған, Қазақстан Республикасы Қаржы министрлігінің Салық комитеті Төрағасының 2006 жылғы 31 мамырдағы N 283 бұйрығымен.
      6. Қазақстан Республикасы Қаржы министрлігінің Салық комитеті Төрағасының бұйрығына өзгерістер мен толықтырулар енгізу туралы, нормативтік құқықтық актілердің мемлекеттік тіркеу тізілімінде N 4529 болып тіркелген, "Қазақстан Республикасының орталық атқару және өзге де мемлекеттік органдардың нормативтік құқықтық актілерінің бюллетені" N 3 журналында 2007 жылғы наурыздағы 83-бапта жарияланған, Қазақстан Республикасы Қаржы министрлігінің Салық комитеті Төрағасының 2006 жылғы 28 желтоқсандағы N 664 бұйрығымен.
      7. Қазақстан Республикасы Қаржы министрлігінің Салық комитеті Төрағасының бұйрығына өзгерістер мен толықтырулар енгізу туралы, нормативтік құқықтық актілердің мемлекеттік тіркеу тізілімінде N 5014 болып тіркелген, "Заң газеті" газетінде 2007 жылғы 11 желтоқсандағы N 189 жарияланған Қазақстан Республикасы Қаржы министрінің 2007 жылғы 9 қарашадағы N 383 бұйрығы.

Қазақстан Республикасы 
Қаржы министрінің   
29 желтоқсан 2008 жылғы 
N 622 бұйрығымен бекітілген

Дербес шоттарды жүргізу ережелері 1-бөлім. Жалпы ережелер 1-тарау. Кіріспе

      1. Осы Ереже "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) сәйкес әзірленді және салық төлеушілердің, салық агенттерінің дербес шоттарын жүргізу мен салық органдарында салық және бюджетке төленетін басқа да міндетті төлемдерді, сондай-ақ жинақтаушы зейнетақы қорларына міндетті зейнетақы жарналарын (бұдан әрі - міндетті зейнетақы жарналары) және Мемлекеттік әлеуметтік сақтандыру қорына әлеуметтік аударымдар (бұдан әрі - әлеуметтік аударымдар) есепке алу тәртібін айқындайды.
      2. Салық төлеушінің (салық агентінің) дербес шоты осы Ереженің 1–5-қосымшаларына сәйкес нысан бойынша салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың, сондай-ақ өсімақылар мен айыппұлдардың есептелген, қоса есептелген, кемітілген және төленген, есепке жатқызылған, қайтарылған сомаларын есепке алуға арналған құжатты білдіреді.
      3. Салық төлеушілердің (салық агенттерінің) дербес шоттары ұлттық валютада жүргізіледі.
      4. Салық және бюджетке төленетін басқа да міндетті төлемдер түсімдерінің есебі бірыңғай бюджеттік сыныптамасына сәйкес жүргізіледі.
      5. Салық және бюджетке төленетін басқа да міндетті төлемдерді республикалық және жергілікті бюджет арасында бөлу Қазақстан Республикасының Бюджет кодексіне сәйкес жүргізіледі.
      6. Салық органдары әрбір салық төлеушіге (салық агентіне) осы Ережеге 6-қосымшаға сәйкес кірістерді бюджеттік жіктеуіштің тиісті кодтары, салық органдарында есеп жүргізілетін салық және басқа да міндетті төлемдер, міндетті зейнетақы жарналарының, әлеуметтік аударымдардың тізбесіне сәйкес міндетті зейнетақы жарналарының және әлеуметтік аударымдарының әрбір коды бойынша дербес шот ашады.

2-тарау. Осы Ережелерде қолданылатын
терминдер мен айқындамалар

      7. Осы Ережелерде пайдаланылатын салық заңнамасының ұғымдары мен терминдері Қазақстан Республикасының салық заңнамасында қалай жазылса, сол мәнде қолданылады.
      8. Осы Ережелерде мынадай ұғымдар пайдаланылады:
      1) салыстыру актісі - салық органының және салық төлеушінің (салық агентінің) дерегі бойынша айқындалған күнге салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың, сондай-ақ өсімақылар мен айыппұлдардың есептелген (қоса есептелген, кемітілген) және төленген (есепке жатқызылған, қайтарылған) сомалары жөніндегі құжат;
      2) есеп жүргізуге жауапты лауазымды тұлға – салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың, сондай-ақ дербес шоттардағы өсімақылар мен айыппұлдардың қоса есептелген (есептелген, кемітілген) және төленген (есепке жатқызылған, қайтарылған) сомаларының есебінің дұрыс жүргізілуіне бақылау және есептілікті дұрыс жасау функцияларын атқаратын тұлға;
      2-1) салық төлеушінің жанама салықтарды төлеу бойынша салық міндеттемелерін орындауына бақылауды жүзеге асыратын лауазымды тұлға – кеден одағына мүше мемлекеттердің аумақтарынан Қазақстан Республикасының аумағына тауарлар импорты кезінде салық төлеушінің жанама салықтарды төлеу бойынша салық міндеттемелерін орындауына бақылау функциясын орындайтын тұлға;
      3) салық есептілігі бойынша бақылауды жүзеге асыратын лауазымды тұлға - салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың қоса есептелген (есептелген, кемітілген) сомалары бойынша ақпаратты енгізу және (немесе) бақылау функцияларын орындаушы тұлға;
      4) міндеттемелердің орындалуына бақылау бойынша лауазымды тұлға – салық төлеушінің (салық агентінің) салық міндеттемелерін, міндетті зейнетақы жарналарын аудару және әлеуметтік аударымдарды төлеу бойынша міндеттемелерін орындауына бақылау бойынша лауазымды тұлға;
      5) салық тексеруін жүзеге асыратын лауазымды тұлға – салық қызметі органының салық тексеруін тағайындау (жүргізу) туралы актісімен белгіленген тұлға;
      6) салықтың және басқа да міндетті төлемнің коды – төлемнің Қазақстан Республикасының Бiрыңғай бюджеттiк сыныптамасы бойынша бюджет кірістерін жіктеу бойынша сандық белгіленуі;
      7) іріктеу – бұрын дербес шотта жүргізілген соманы нөлге келтіру мақсатында растайтын құжаттар негізінде дербес шоттың тиісті бағандарындағы ("Есептелді", "Кемітілді") қосымша есепке алу жазбасы.
      Ескерту. 8-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.

3-тарау. Салық және бюджетке төленетін басқа да
міндетті төлемдер, сондай-ақ міндетті зейнетақы
жарналары мен әлеуметтік аударымдардың есебі бойынша
жұмыстарды ұйымдастыру

      9. Салық органдарында салық және бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың, сондай-ақ өсімақылар мен айыппұлдардың есебі біріктірілген салық ақпараттық жүйесінде (бұдан әрі - БСАЖ) жүргізіледі.
      10. Дербес шоттарда бар ақпаратқа қол жеткізу мүмкіндігі салық қызметі органдарының лауазымды тұлғаларына беріледі. Ақпараттық жүйе ақпаратқа рұқсат етілмеген қол жеткізуден қорғауды және оның сақталуын қамтамасыз етеді.
      11. Салық органдарындағы салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың есебі есеп құжаттамасында қағаз және (немесе) электронды тасығыштарда жүргізіледі:
      тізілімдерде:
      осы Ережеге 7-қосымшаға сәйкес N 25 нысан бойынша түсімдері мен қайтарымдары;
      осы Ережеге 8-қосымшаға сәйкес ЖЗҚ - N 25 нысан бойынша міндетті зейнетақы жарналары бойынша түсімдері мен қайтарымдары;
      осы Ережеге 9-қосымшаға сәйкес ӘСҚ - N 25 нысан бойынша әлеуметтік аударымдар бойынша түсімдері мен қайтарымдары;
      осы Ережеге 10-қосымшаға сәйкес есептеулердің, кемітулер мен түсімдердің жиынтық қорытындыларының есеп кітабында;
      осы Ережеге 1-5-қосымшаға сәйкес дербес шоттарда;
      осы Ережеге 11-қосымшаға сәйкес бюджетке аударылған/резидент емес төлеген/жарғылық банктік салымдарда орналастырылған резидент еместерден (заңды және жеке тұлғалардан) түсетін табыс салығы сомасының есеп жаршысында;
      журналдарда:
      осы Ережеге 12-қосымшаға сәйкес қате есептелген, анықталмаған салық және бюджетке төленетін басқа да міндетті төлемдерді тіркеу;
      осы Ережеге 13-қосымшаға сәйкес салық және бюджетке төленетін басқа да міндетті төлемдердің, өсімақылар мен айыппұлдардың, есептелген салық сомасынан есепке жатқызылатын ҚҚС, Қазақстан Республикасында тіркелген дипломатиялық және оған теңестірілген өкілдіктерге грант қаражаты есебінен сатып алынған тауарлар (жұмыстар, қызметтер) бойынша төленген ҚҚС артық төленген сомасын есепке жатқызуға және қайтаруға төлем тапсырмаларын тіркеу;
      осы Ережеге 14-қосымшаға сәйкес салық органдарының инкассалық өкімдерін тіркеу;
      осы Ережеге 15-қосымшаға сәйкес дебиторлардың шотына салық органдарының инкассалық өкімдерін тіркеу.
      12. Есеп жүргізуге жауапты лауазымды тұлғалар есептелген, қоса есептелген, кемітілген есептің дұрыс жүргізілуін бақылайды және салық және бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың түскен, есепке жатқызылған, қайтарылған сомаларының, сондай-ақ салық төлеушілердің дербес шоттарындағы өсімақылар мен айыппұлдар сомасының есебін жүргізудің дұрыстығына және есептілік жасау дұрыстығына жауап береді.
      13. Салық органының басшысы салықтарды, бюджетке төленетін басқа да міндетті төлемдерді, міндетті зейнетақы жарналары мен әлеуметтік аударымдарды, сондай-ақ өсімақылар мен айыппұлдарды есепке алу жөніндегі жұмыстарға бақылауды жүзеге асырады және жасалатын есептерді тексереді, салықтарды, бюджетке төленетін басқа да міндетті төлемдерді, міндетті зейнетақы жарналары мен әлеуметтік аударымдарды, сондай-ақ өсімақылар мен айыппұлдарды есепке қою және жұмыс жағдайына жауап береді.
      14. Дербес шоттардағы барлық жазбалар осындай жазбалардың заңдылығын растайтын құжаттар негізінде жазба жүргізілген күнді көрсете отырып, хронологиялық тәртіпте уақтылы жүргізіледі.
      15. Қаржы жылының соңына қарай дербес шот электронды тасығыштарда мұрағаттауға және уәкілетті мемлекеттік орган бекітілген тәртіпте сақтауға жатады.
      16. Салықтарды, бюджетке төленетін басқа да міндетті төлемдерді, міндетті зейнетақы жарналары мен әлеуметтік аударымдарды, сондай-ақ өсімақылар мен айыппұлдарды есепке алу бойынша құжаттар іс номенклатурасымен айқындалған мерзім ішінде сақталады. Көрсетілген сақтау мерзімінің соңына қарай есеп жөніндегі құжаттар салық органының мұрағатына тапсырылады.

4-тарау. Салық және бюджетке төленетін басқа да
міндетті төлемдер, сондай-ақ міндетті зейнетақы
жарналары мен әлеуметтік аударымдарды есепке алу жөніндегі
құжаттама

      17. Салықтарды, бюджетке төленетін басқа да міндетті төлемдерді, міндетті зейнетақы жарналары мен әлеуметтік аударымдарды, сондай-ақ өсімақылар мен айыппұлдарды есепке алу жөніндегі құжаттама іс номенклатурасына сәйкес құжаттардың түрлері бойынша топтастырылады және қағаз және (немесе) электронды тасығыштарда жүргізіледі:
      1) уәкілетті органдардан алынған төлем құжаттары;
      2) салық және бюджетке төленетін басқа да міндетті төлемдердің, өсімақылар мен айыппұлдардың артық (қате) төленген сомаларын есепке жатқызу және қайтару жөніндегі құжаттар;
      3) қосылған құн салығын есепке жатқызу және қайтару жөніндегі құжаттар;
      4) дербес шоттарды беру және қабылдау жөніндегі құжаттар;
      5) салықтар, бюджетке төленетін басқа да міндетті төлемдер, міндетті зейнетақы жарналары мен әлеуметтік аударымдар, сондай-ақ өсімақылар мен айыппұлдар бойынша салыстыру актілері;
      6) салық берешегін, міндетті зейнетақы жарналары мен әлеуметтік аударымдар бойынша берешекті мәжбүрлеп өндіріп алу жөніндегі құжаттар;
      7) салықтарды төлеу бойынша салық міндеттемелерін орындау мерзімдерінің өзгеруі туралы құжаттар;
      8) банкрот деп танылған салық төлеушілердің салық берешегі жөніндегі құжаттары;
      9) салық міндеттемелерінің тоқтатылуы туралы құжаттары;
      10) таратылған заңды тұлғалардың салық міндеттемелерін орындауы жөніндегі құжаттар;
      11) заңды тұлғаның қайта ұйымдастырылуы кезіндегі салық міндеттемелерінің орындалуы жөніндегі құжаттар;
      12) бірыңғай бюджеттік сыныптамасы бойынша бюджет деңгейлерінің арасында кірістер сыныптамасының түсімдерін бөлуді бекіту туралы бұйрықтар.
      18. Салық берешегін өндіріп алу туралы салық органдарының инкассалық өкімдерінің есебі үшін осы Ережеге 36-қосымшаға сәйкес Салық органдарының инкассалық өкімдерін тіркеу журналы жүргізіледі.
      19. Салық төлеушінің (салық агентінің) өтініші бойынша салық органы осындай өтінішті алған күннен бастап екі жұмыс күнінен кешіктірмей осы Ережеге 16-қосымшаға сәйкес салық міндеттемелерін орындау бойынша бюджетпен есеп айырысу жағдайы туралы оның дербес шотынан көшірме жазба беріледі.
      20. Салық төлеушінің (салық агентінің) талабы бойынша бір жұмыс күні ішінде осы Ережеге 17-қосымшаға сәйкес салық және бюджетке төленетін басқа да міндетті төлемдер, міндетті зейнетақы жарналары және әлеуметтік аударымдар бойынша есептерді салыстыру актісін береді.
      21. Осы Ережеге 18-қосымшаға сәйкес Салық берешегінің, міндетті зейнетақы жарналары мен әлеуметтік аударымдар бойынша берешектерінің жоқ (бар) екендігі туралы анықтама (бұдан әрі – Берешектің жоқ (бар) екендігі туралы анықтама) және осы Ережеге 19-қосымшаға сәйкес Салық берешегінің, міндетті зейнетақы жарналары мен әлеуметтік аударымдар бойынша берешектерінің жоқ екендігі туралы анықтама (бұдан әрі - Берешектің жоқ екендігі туралы анықтама) салық төлеушінің салықтық өтініші бойынша Салық кодексінің 598-бабында белгіленген тәртіпте және мерзімдерде беріледі.
      Берешектерінің жоқ екендігі (бар болуы) туралы анықтама салық өтініштерін және берешектерінің жоқ екендігі туралы анықтаманы есепке алу үшін осы ережелерге 20-қосымшасына сәйкес салық өтініштері мен әлеуметтік аударымдар және міндетті зейнетақы жарнасы бойынша салық берешегін жоқтығы (бар болуы) туралы мәліметтерді тіркеу журналы жүргізіледі.
      22. Берешектің жоқ екендігі туралы анықтама және Берешектің жоқ (бар) екендігі туралы анықтама салық төлеушінің тіркеу орны бойынша салық органдарында ашылған дербес шоттардың деректері бойынша салықтық өтініш берілген күнге жасалады.
      Салық төлеушінің талабы бойынша салықтық өтініші негізінде осындай өтініш берілген күннен бастап екі жұмыс күні ішінде бұрын берілген Берешектің жоқ (бар) екендігі туралы анықтаманың көшірмесі беріледі.
      Ескерту. 22-тармақтың екінші абзацының мемлекеттік тілдегі  мәтіні өзгеріссіз қалдырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      23. Салық төлеуші Берешектің жоқ (бар) екендігі туралы анықтама беруге салықтық өтініш берген кезде салық есептілігі бойынша бақылауды жүзеге асыратын лауазымды тұлға дербес шоттарда ұсынылған есептер, декларациялар, сондай-ақ салық тексерулерінің актілері бойынша есептелген сомалардың бар екендігіне тексеру жүргізеді. Салық есептілігін табыс ету мерзімі ұзартылған жағдайларды қоспағанда, салық төлеуші және оның құрылымдық бөлімшелері өтінішті тапсыру күніне салық есептілігін тапсырмаған жағдайда, Берешектің жоқ (бар) екендігі туралы анықтама берілмейді.
      Ескерту. 23-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      24. Құрылымдық бөлімшелері бар заңды тұлғалар бойынша Берешектің жоқ екендігі туралы анықтама және Берешектің жоқ (бар) екендігі туралы анықтама заңды тұлғаның және оның құрылымдық бөлімшелерінің тіркеу есебінің орны бойынша салық органдарында ашылған заңды тұлғаның және оның құрылымдық бөлімшелерінің дербес шоттарының жағдайын есепке ала отырып заңды тұлғаның орналасқан орны бойынша жасалады.
      25. Құрылымдық бөлімшенің Берешектің жоқ екендігі туралы анықтамасында және Берешектің жоқ (бар) екендігі туралы анықтамасында осы құрылымдық бөлімшенің тіркеу есебінің орны бойынша салық органдарында ашылған құрылымдық бөлімшенің дербес шоттарының ақпараты көрсетіледі.
      26. Берешектің жоқ екендігі туралы анықтамада және Берешектің жоқ (бар) екендігі туралы анықтамада барлық салық органдарынан жиынтықталған дербес шоттардың жағдайы туралы ақпараты көрсетіледі. Берешектің жоқ (бар) екендігі туралы анықтаманың әрбір салық органы бойынша ақпарат көрсетілетін қосымшалары бар. Салық органында артық төлеу және (немесе) салық берешегі, міндетті зейнетақы жарналары мен әлеуметтік аударымдар бойынша берешегі болмаған жағдайда мұндай ақпарат қосымшаларда көрсетілмейді.
      27. Берешектің жоқ екендігі туралы анықтама және Берешектің жоқ (бар) екендігі туралы анықтама осы анықтама жасалған салық органы басшысының немесе оны ауыстыратын тұлғаның қолымен, және мөрімен куәландырылады.
      Берешектің жоқ екендігі туралы анықтамада және Берешектің жоқ (бар) екендігі туралы анықтамада барлық салық органдарынан дербес шоттар бойынша мәліметтер алынған уақыты мен күні көрсетіледі. Берешектің жоқ (бар) екендігі туралы анықтамада қосымшаларының саны көрсетіледі.
      28. Берешектің жоқ екендігі туралы анықтама алуға өтініш берген салық төлеушінің салық берешегі, міндетті зейнетақы жарналары мен әлеуметтік аударымдар бойынша берешегі болған жағдайда Берешектің жоқ екендігі туралы анықтама берілмейді.

2-бөлім. Дербес шоттарды жүргізу. Жеке тұлғалардан
салық жинау және олардың бюджетке түсуі бойынша
жергілікті атқарушы органдардың жұмыстарын бақылау 5-тарау. Дербес шоттарды ашу тәртібі

      29. Салық төлеушілердің (салық агенттерінің) салық және бюджетке төленетін басқа да міндетті төлемдер бойынша салық міндеттемелерін, міндетті зейнетақы жарналарын аудару және әлеуметтік аударымдарды, сондай-ақ өсімақылар мен айыппұлдар төлеу бойынша міндеттерін орындау есебін жүргізу үшін салық органдарында дербес шоттар ашылады.
      30. Дербес шотты ашу кезінде салық төлеушінің (салық агентінің) тіркеу деректері, болған жағдайда – сәйкестендіру нөмірі негіз қызметін атқарады.
      31. Дербес шоттар заңды тұлға, оның құрылымдық бөлімшелері, сондай-ақ резидент емес заңды тұлғаның құрылымдық бөлімшесі, жеке кәсіпкер, жеке нотариус, адвокат, жеке сот орындаушысы, Қазақстан Республикасында филиал, өкілдік ашпай тұрақты мекеме арқылы қызметін жүзеге асыратын резидент емес заңды тұлға, тәуелді агент арқылы қызметін жүзеге асыратын, сондай-ақ Салық кодексінде белгіленген тәртіпте салық агенті болып табылатын резидент емес тұлға үшін:
      - орналасқан орны бойынша;
      - салық салу объектісінің және (немесе) салық салуға байланысты объектісінің орналасқан орны бойынша.
      Жеке тұлға үшін дербес шоттар:
      - резиденттің тұрғылықты орны бойынша;
      - салық салу объектісінің және (немесе) салық салуға байланысты объектісінің орналасқан орны бойынша;
      - резидент еместің келу орны бойынша, банктін орналасқан жері бойынша;
      - салық салу объектісінің және (немесе) салық салуға байланысты объектісінің орналасқан орны бойынша.
      Ескерту. 31-тармақ жаңа редакцияда - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен.
      32. Салық салу объектісінің және (немесе) салық салуға байланысты объектісінің орналасқан орны бойынша жеке тұлғалар үшін дербес шоттар Салық салу объектісінің және (немесе) салық салуға байланысты объектілерді есепке алу және (немесе) тіркеуді жүзеге асыратын уәкілетті мемлекеттік органдар берген мәліметтер негізінде ашылады.
      33. Дербес шот бюджет кірістері жіктемесінің кодтары, осы Ережеге 6-қосымшаға сәйкес міндетті зейнетақы жарналары мен әлеуметтік аударымдар бойынша, сондай-ақ салық тексерулерін жүргізу кезінде қоса есептелген міндетті төлемдердің сомалары бойынша ашылады.
      34. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақылар, айыппұлдар бойынша есептердің сальдосы дербес шоттың "Сальдо" тиісті бағанында көрсетіледі: берешегі болған кезде "алу" (-) белгісімен, артқы төленген кезде "қосу" (+) белгісімен көрсетіледі.
      35. Төлеу мерзімі өзгертілген импортталатын тауарларға қосылған құн салығы бойынша дербес шот төлемнің белгіленген тиісті коды көрсетілген кезде импортталатын тауарлар бойынша қосылған құн салығының сомасын бюджетке төлеу сәтінен бастап немесе импортталатын тауарларға қосылған құн салығы бойынша салық міндеттемелерін орындау мерзімі келген салық кезеңі үшін Қосылған құн салығы бойынша декларация салық органына берілген сәттен бастап ашылады.
      36. Дербес шотта мынадай жазбалар жүргізіледі:
      "Төлеу мерзімі" 4-бағанында мынадай күндердің бірі көрсетіледі:
      1) импортталатын өнеркәсіптік қайта өңдеуге арналған тауарлар бойынша қосылған құн салығын өтеу үшін белгіленген төлеу күні;
      импортталатын су, газ, электр қуаты бойынша қосылған құн салығын өтеу үшін белгіленген төлеу күні;
      2) "Есептелді" 7-бағанында салық есептілігінің деректері бойынша төлеу мерзімі өзгертілген импортталатын тауарлар бойынша қосылған құн салығының сомасы көрсетіледі.
      37. Төлеу мерзімі өзгертілген импортталатын тауарлар бойынша қосылған құн салығының бюджетке төленген сомасы төлемнің белгіленген тиісті коды көрсетіле отырып дербес шоттың "Төленді" 9-бағанында көрсетіледі.
      38. Төлеу мерзімі өзгертілген импортталатын тауарлар бойынша қосылған құн салығының өтелмеген сомасына өсімақы салықты төлеудің өзгертілген мерзімі өткеннен кейінгі бірінші күннен бастап есептеледі.
      39. Заңды тұлғалардың дербес шоттарында мынадай деректемелер көрсетіледі:
      1) толық атауы;
      2) СТН (БСН (болған жағдайда);
      3) бюджет кірісінің жіктемесі бойынша салық (төлем) коды;
      4) ҚҚС бойынша дербес шотта – сериясын, нөмірін және қосылған құн салығы бойынша есепке қою күнін қамтитын қосылған құн салығы бойынша есепке қою туралы куәліктің деректемелері (ҚҚС бойынша дербес шот ашу кезінде);
      40. Жеке кәсіпкерлерді қоса алғанда, жеке тұлғалардың дербес шоттарында:
      1) СТН (ЖСН/БСН (болған жағдайда);
      2) тегі, аты, әкесінің аты;
      3) жеке кәсіпкердің атауы;
      4) бюджет кірісінің жіктемесі бойынша салық (төлем) коды көрсетіледі.
      41. Дербес шоттарды ашу, жүргізу, беру, жабу кезінде тіркеу деректерінен салық төлеушілер (салық агенттері) туралы қажетті ақпарат пайдаланылады.
      42. Заңды тұлғалардың құрылымдық бөлімшелерінің дербес шоттарын ашу кезінде, жоғарыда көрсетілген деректемелерден басқа қосымша заңды тұлғаның СТН (БСН (болған жағдайда) көрсетіледі.
      43. Арнаулы салық режимін қолданатын салық төлеушілердің дербес шоттарында арнаулы салық режимдерінің түрлері көрсетіледі.
      44. алынып тасталды - ҚР Қаржы министрінің 28.12.2012  № 578 бұйрығымен (01.01.2013 бастап қолданысқа енгізіледі).
      45. Дербес шоттарды ашу, жүргізу, жабу, беру кезінде, заңды тұлғаның таратылуы, қайта ұйымдастырылуы, салық төлеушіні банкрот деп тану, соттың жеке тұлғаны хабарсыз жоғалған деп тануы, жеке тұлғаны қайтыс болды деп жариялау туралы сот шешімінің күшіне енуі кезінде салық органдары:
      1) заңды тұлғаларды мемлекеттік тіркеуді, қайта тіркеуді және таратуды жүзеге асыратын;
      2) статистика;
      3) салық салу объектілерін есепке алу және (немесе) тіркеуді жүзеге асыратын;
      4) лицензия, куәлік немесе өзге де рұқсат беруші және тіркеу сипаттағы құжаттарды беретін;
      5) Қазақстан Республикасында олардың тұрғылықты орны бойынша жеке тұлғаларды тіркеуді жүзеге асыратын;
      6) азаматтық хал актілерін тіркеуді жүзеге асыратын;
      7) нотариалдық әрекеттерді жасауды жүзеге асыратын;
      8) қамқорлық және қамқоршылық;
      9) сот органдарымен тиісті уәкілетті мемлекеттік органдар берген құжаттарды басшылыққа алады.
      Алынған құжаттардың мазмұнына байланысты міндеттемелердің орындалуына бақылау бойынша лауазымды тұлға Салық кодексіне сәйкес шешім қабылдайды және есеп жүргізуге жауапты лауазымды тұлғаға салық төлеушінің дербес шотындағы тиісті операцияларды жүргізу үшін ақпаратты береді.

6-тарау. Дербес шоттарды жүргізу тәртібі

      46. Дербес шоттар теңгеде және тиында жүргізіледі.
      47. Дербес шоттарда салық және бюджетке төленетін басқа да міндетті төлемдерді, міндетті зейнетақы жарналарын, әлеуметтік аударымдарды, өсімақыларды және айыппұлдарды есептеу, қоса есептеу, кеміту, төлеу, есепке жатқызу, қайтару бойынша жазбалар мыналардың:
      осы Ережеге 21-қосымшаға сәйкес Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар мен өсімақылар сомаларын қоса есептеуге (кемітуге) тізілімнің;
      осы Ережеге 22-қосымшаға сәйкес салық тексерулерінің нәтижелері мен әкімшілік жазаларды қолдану туралы қаулылар бойынша Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақылар мен айыппұлдар сомаларын қоса есептеуге (кемітуге) тізілімнің;
      қоса берілген төлеуге төлем құжаттарымен бірге күнделікті түсімдер бойынша тізімдеменің ;
      осы Ережеге 23-қосымшаға сәйкес Салықтарды төлеу бойынша салық міндеттемесін орындау мерзімдерін өзгерту жөніндегі тізілімнің негізінде жүргізіледі .
      48. Дербес шотта әрбір операцияны өткізу кезінде: операция жазбасы жазылған күн, операция мазмұны және (немесе) негізінде жазба жүргізілген құжат.
      49. Операция жазбасы жазылған әрбір күні салық төлеушінің (салық агентінің) салық және бюджетке төленетін басқа да міндетті төлемдері, міндетті зейнетақы жарналары әлеуметтік аударымдар есептерінің сальдосы, өсімақылар, айыппұлдар сомасы айқындалады.
      50. Дербес шот бойынша ай сайын, тоқсан сайын есепті ай үшін, тоқсан үшін және өспелі жиынтықпен небәрі жыл үшін салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақылар мен айыппұлдардың есептелген, қоса есептелген, кемітілген, төленген, есепке жатқызылған, қайтарылған сомасы бойынша жалпы қорытынды есептеп шығарылады.
      51. Салық және басқа да міндетті төлемдер, міндетті зейнетақы жарналарын, әлеуметтік аударымдарды есептеу (қосып есептеу), кеміту, төлеу, қайтару бойынша барлық жазбалар "Есептелді", "Кемітілді", "Қайтарылды" деген бағандарға бөлінетін "Салық және басқа да міндетті төлемдер бойынша есептер" деген жалпы бағанда жүргізіледі.
      Дербес шоттың "Есептер сальдосы (Бересі (-), немесе (Артық төлеу (+)" деген бағаны мынадай арифметикалық әрекет негізінде есептеледі:
      "Есепті салық кезеңінің басына есептер сальдосы" деген баған алынған "Есептелді" бағаны қосылған "Кемітілді" бағаны қосылған "Төленді" бағаны алынған "Қайтарылды" бағаны қосылған "Өзгертілген салық міндеттемесін орындау мерзімі бойынша салық (төлем) сомасы" деген баған.
      52. Өсімақыларды есептеу, кеміту, төлеу, есепке жатқызу, қайтару бойынша барлық жазбалар "Өсімақылар есептелді", "Кезең", "Өсімақылар төленді (қайтарылды)", "Өсімақылар сальдосы"деген бағандарға бөлінетін "Өсімақыларды есептеу бойынша есептер" деген жалпы бағанда жүргізіледі.
      "Өсімақылар сальдосы (Бересі (-), немесе (Артық төлеу (+)" деген бағаны мынадай арифметикалық әрекет негізінде есептеледі:
      "Есепті салық кезеңнің басына өсімақылар сальдосы" деген баған алынған "Өсімақы есептелді" бағаны қосылған "Өсімақы кемітілді" бағаны қосылған "Өсімақы төленді" бағаны алынған "Өсімақы қайтарылды" бағаны қосылған "Өзгертілген салық міндеттемесін орындау мерзімі бойынша өсімақы сомасы" деген баған.
      53. Айыппұлдарды есептеу, кеміту, төлеу, қайтару бойынша барлық жазбалар "Айыппұл есептелді", "Айыппұл төленді (қайтарылды)", "Айыппұл сальдосы" деген бағандарға бөлінетін "Айыппұлды есептеу бойынша есептер" деген жалпы бағанда жүргізіледі.
      "Айыппұл сальдосы (Бересі (-), немесе (Артық төлеу (+)" деген бағаны мынадай арифметикалық әрекет негізінде есептеледі:
      "Есепті салық кезеңнің басына айыппұлдар сальдосы" деген баған алынған "Айыппұл есептелді" бағаны қосылған "Айыппұл кемітілді" бағаны қосылған "Айыппұл төленді" бағаны алынған "Айыппұл қайтарылды" бағаны қосылған "Өзгертілген салық міндеттемесін орындау мерзімі бойынша айыппұл сомасы" деген баған.
      54. "Қайтарымдарды шегерумен жылдың басынан бастап барлығы енгізілді" бағаны "Қайтарылды (-)" бағаны бойынша тиісінше қайтарымдар сомасын есепке ала отырып, салық жылының басынан өспелі жиынтықпен салық және бюджетке төленетін басқа да міндетті төлемдерді, міндетті зейнетақы жарналарын, әлеуметтік аударымдарды, өсімақылар мен айыппұлдарды төлеудің жиынтықтау көрсеткіші негізінде есептеледі.
      55. Дербес шоттың "Салық міндеттемесін орындау мерзімінің өзгерісі жөніндегі мәлімет" деген бағанында есеп жүргізуге жауапты лауазымды тұлғаға міндеттеменің орындалуына бақылау бойынша лауазымды тұлға беретін Салықтарды төлеу бойынша салық міндеттемесін орындау мерзімдерін өзгерту жөніндегі Тізілім негізінде салықты (төлемді) және өсімақы өтеу сомасы мен кестесі бөлек көрсетіледі.
      56. Салық төлеушілердің төлеу бойынша салық міндеттемесін орындауын есепке алу төлем құжаттарынан төлем белгілеу кодтары ескеріле отырып, жүргізіледі.

7-тарау. Салық және бюджетке төленетін басқа да
міндетті төлемдердің есептелген (қоса есептелген)
сомасының есебі

      57. Заңды тұлғалардың және жеке кәсіпкерлердің салық және бюджетке төленетін басқа да міндетті төлемдер бойынша салық міндеттемелерінің жазбасы дербес шоттың "Есептелді", "Кемітілді" бағанында бақылау үшін есеп жүргізуге жауапты лауазымды тұлғаға салық есептілігі бойынша бақылауды жүзеге асыратын лауазымды тұлға берген осы Ережеге 13-қосымшаға сәйкес Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар және өсімақылардың сомасын есептеуге (кемітуге) негізінде жүзеге асырылады.
      58. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар және өсімақылардың сомаларын есептеуге (кемітуге) тізілім салық есептілігі негізінде және қабылдаған күні салық есептілігі бойынша бақылауды жүзеге асыратын лауазымды тұлға мынадай:
      салық төлеуші (салық агенті) жасауға тиісті салық декларациялары, есептер;
      патент негізінде арнаулы салық режимін қолдануға өтініш;
      уәкілетті органдардан алынған мәліметтер;
      салық органының шешімі негізінде жасайды.
      Ескерту. 58-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      58-1. Салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдар мен өсімпұлдардың сомаларын есептеуге (кемітуге) тізілімді (бұдан әрі – Есептеуге тізілім) салық төлеушінің жанама салықтарды төлеу бойынша салық міндеттемелерін орындауына бақылауды жүзеге асыратын лауазымды тұлға:
      1) жанама салықтардың сомаларын есептеу туралы салық органының қорытындысы;
      2) кеден одағында уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттеме;
      3) кеден одағында уақытша әкелінген тауарларды, көлік құралдарын әкету бойынша міндеттеменің орындалуы туралы есеп;
      4) қайта өңдеу өнімдерін әкелу туралы міндеттеме;
      5) қайта өңдеу өнімдерін әкету туралы міндеттеме;
      6) қайта өңдеу өнімдерін әкету туралы міндеттеменің орындалуы туралы есеп;
      7) қайта өңдеу өнімдерін әкелу туралы міндеттеменің орындалуы туралы есеп;
      8) уақытша әкелінген тауарлар, оның ішінде көлік құралдары туралы мәліметтер;
      9) көрме-жәрмеңкелiк сауда өткізу туралы хабарлама;
      10) көрме-жәрмеңкелiк сауда өткізу туралы хабарлама бойынша есеп негізінде жасайды.
      Ескерту. Ережелер 58-1-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар және өсімақылардың сомасын есептеуге (кемітуге) тізілімде:
      1) салық төлеушінің атауы және СТН (БСН/ЖСН (болған жағдайда));
      2) салық (төлем) түрі және бюджет жіктемесінің коды;
      3) "Салық есептілігі бойынша есептеуге (кемітуге)" деген бағандарда – салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың қоса есептеуге немесе кемітуге сомасы;
      4) оның негізінде дербес шотқа жазба жүргізілетін құжаттың атауы, күні және нөмірі;
      5) төлеу кезеңі мен мерзімі;
      6) күні, тиісінше тізілімді тапсырған және қабылдаған қызметкердің тегі, аты, әкесінің аты және қолы көрсетілуі қажет.
      Ескерту. 59-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59-1. Кеден одағына мүше мемлекеттерге тауарлардың экспортын жүзеге асырған немесе алыс-беріс шикізатын қайта өңдеу бойынша жұмыстарын орындаған салық төлеуші Тауарларды әкелу және жанама салықтарды төлеу туралы өтінішті Салық кодексінің 276-21-бабы 1-тармағында белгіленген мерзімде тапсырмаған кезде жанама салықтардың есептелген сомалары бойынша дербес шотқа жазба Есептеуге тізілім негізінде жүргізіледі.
      Ескерту. Ережелер 59-1-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59-2. Есептеуге тізілімнің 9-бағанында оның негізінде дербес шотқа жазба жүргізілетін құжаттың атауы көрсетіледі – жанама салық сомаларын есептеу туралы туралы салық органының қорытындысы.
      Ескерту. Ережелер 59-2-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59-3. Есептеуге тізілімді оның жасалуына жауапты лауазымды тұлға жасайды және Салық кодексінің 276-21-бабы 1-тармағында көзделген өтінішті табыс ету мерзімі болғаннан кейін үш жұмыс күнінен кешіктірмей есептің жүргізілуіне жауапты лауазымды тұлғаға табыс етеді.
      Есептің жүргізілуіне жауапты лауазымды тұлға Есептеуге тізілімді алған күні оның негізінде дербес шотқа жазба жүргізілген құжат - жанама салық сомаларын есептеу туралы салық органының қорытындысы көрсетіле отырып, тиісті бюджет жіктеуішінің коды бойынша дербес шоттың «Есептелді» кестесіне есептелген салық сомасын таратып жазады.
      Ескерту. Ережелер 59-3-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59-4. Тауарларды әкелу және жанама салықтарды төлеу туралы өтініш Салық кодексінің 276-21-бабы 1-тармағында белгіленген мерзімнен кейін тапсырылған жағдайда салық төлеушінің жанама салықтарды төлеу бойынша салық міндеттемелерін орындауына бақылауды жүзеге асыратын лауазымды тұлға осындай Өтінішті салық төлеуші тапсырған күннен бастап үш жұмыс күні ішінде есептің жүргізілуіне жауапты лауазымды тұлғаға бұрын «кемітуге» есептелген салық сомасы көрсетілетін жанама салық сомаларын есептеу туралы салық органының қорытындысы негізінде жасалған Есептеуге тізілімді жібереді. Есептің жүргізілуіне жауапты лауазымды тұлға Есептеуге тізілімді алған күні тиісті бюджет жіктеуішінің коды бойынша дербес шоттың «Кемітілді» кестесіне салық сомасын таратып жазады.
      Бұл ретте салық төлеуші Тауарларды әкелу және жанама салықтарды төлеу туралы өтінішті Салық кодексінің 276-21-бабы 1-тармағында белгіленген мерзімде тапсырмаған кезде салық сомасына қоса есептелген өсімпұл дербес шоттан іріктеуге жатпайды.
      Ескерту. Ережелер 59-4-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59-5. Салық төлеуші орналасқан орны бойынша салық органына Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттемені және (немесе) Қайта өңдеу өнімдерін әкету туралы міндеттемені (Қайта өңдеу өнімдерін әкелу туралы міндеттемені) ұсынған кезде салық төлеушінің жанама салықтарды төлеу бойынша салық міндеттемелерін орындауын бақылауды жүзеге асыратын лауазымды тұлға оларды алған күннен бастап үш жұмыс күні ішінде осы міндеттемелердің негізінде бір уақытта:
      1) салық төлеу мерзімін көрсете отырып, Есептеуге тізілімді:
      тауарларды, көлік құралдарын кеден одағына мүше мемлекеттердің аумағынан Қазақстан Республикасының аумағына уақытша әкелген кезде - тауарларды, көлік құралдарын әкелу күні;
      кеден одағына мүше мемлекеттердің аумағынан Қазақстан Республикасының аумағына қайта өңдеу үшін алыс-беріс шикізатын әкелген кезде - алыс-беріс шикізатын әкелу күні;
      Қазақстан Республикасының аумағынан кеден одағына мүше мемлекеттердің аумағына қайта өңдеу үшін алыс-беріс шикізатын әкелген кезде - алыс-беріс шикізатын әкелу күні;
      2) Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша тізілімді жасайды.
      Бұл ретте салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша тізілімнің
7-бағанында:
      Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттемені тапсырған кезде:
      Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттемені орындағаны туралы есепті тапсыру үшін белгіленген мерзімге дейін тауарларды, көлік құралдарын уақытша әкелген күннен;
      Қайта өңдеу өнімдерін әкету туралы міндеттемені тапсырған кезде:
      Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін алыс-беріс шикізатын әкелген күннен салық міндеттемесінің орындалуын өзгерту мерзімі көрсетіледі. Кеден одағына мүше басқа мемлекеттің аумағынан қайта өңдеу үшін Қазақстан Республикасының аумағына бұрын әкелген алыс-беріс шикізатының қайта өңдеу өнімдерін кеден одағына мүше болып табылмайтын мемлекеттің аумағына одан әрі экспорттаған жағдайда, - Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін, бұл ретте Есепке кеден одағына мүше болып табылмайтын мемлекеттің аумағына тауарларды әкеткен кезде рәсімделген кедендік жүк декларациясының көшірмесі қоса беріледі;
      Қайта өңдеу өнімдерін әкелу туралы міндеттемені тапсырған кезде:
      Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін алыс-беріс шикізатын әкеткен күннен салық міндеттемесінің орындалуын өзгерту мерзімі көрсетіледі. Кеден одағына мүше басқа мемлекеттің аумағынан қайта өңдеу үшін Қазақстан Республикасының аумағына бұрын әкелген алыс-беріс шикізатының қайта өңдеу өнімдерін кеден одағына мүше мемлекеттің аумағында өткізген жағдайда, - тауарларды әкелу және жанама салықтарды төленгені туралы өтінішті тапсыру үшін белгіленген мерзімге дейін көрсетіледі. Кеден одағына мүше басқа мемлекеттің аумағынан қайта өңдеу үшін Қазақстан Республикасының аумағына бұрын әкелген алыс-беріс шикізатының қайта өңдеу өнімдерін кеден одағына мүше болып табылмайтын мемлекеттің аумағына одан әрі экспорттаған жағдайда, - Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін, бұл ретте салық органына тапсырылатын Есептің орнына кедендік жүк декларациясы табыс етіледі.
      Егер уақытша әкелінген тауарларды әкету мерзім біткенге дейін салық төлеуші бұрын табыс еткен Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттемені қайтарып алған және жаңа міндеттеме табыс еткен жағдайда, онда жанама салықтарды төлеу бойынша салық міндеттемелерін орындауына бақылауды жүзеге асыратын лауазымды тұлға оларды алған күннен бастап үш жұмыс күні ішінде осы міндеттемелердің негізінде бір уақытта:
      1) Есептеуге арналған тізілімді;
      2) Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша тізілімді жасайды.
      Есептеуге арналған тізілімде бұрын табыс еткен Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттеменің негізінде есептелген салықтың сомасы «кемітуге» алу белгісімен, сондай-ақ жаңа міндеттеменің негізінде есептелген салықтың сомасы көрсетіледі.
      Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша тізілімде уақытша әкелінген тауарларды, көлік құралдарын әкету күні түзетіледі және есептелген салықтың (жаңа міндеттемеде салықтың сомасын өзгерткен кезде) сомасы көрсетіледі.
      Есептеуге арналған тізілім мен Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша тізілімді жасаған күннен бір жұмыс күнінен кешіктірмей есепке алуды жүргізуге жауапты лауазымды тұлғаға жіберіледі.
      Ескерту. 59-5-тармақ жаңа редакцияда - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      59-6. Есепке алуды жүргізуге жауапты лауазымды тұлға осы Ереженің 59-5-тармағында көрсетілген Есептеуге арналған тізілім мен Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша тізілімді алған күні бір мезгілде «Есептелді» және «Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша мәліметтер» бағандарына есептелген салықтың сомаларын таратып жазады. Бұл ретте есептелген салықтың сомасы «Салықтарды, өсімпұлдарды төлеу бойынша салық міндеттемесінің орындалуын өзгерту (тоқтата тұру) бойынша мәліметтер» бағанында мынадай күндердің бірі басталғанға дейін көрсетіледі:
      Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттеме бойынша - Уақытша әкелінген тауарларды, көлік құралдарын Қазақстан Республикасының аумағынан кейіннен әкету туралы міндеттемені орындағаны туралы есепті тапсыру үшін белгіленген мерзімге дейін. Салық төлеуші өзге тұлғаға уақытша әкелінген тауарларды, көлік құралдарын өткізу және (немесе) беру кезінде Тауарлар әкелу және жанама салықтарды төлеу туралы өтінішті және бұрын берілген міндеттемені қайтару табыс еткен жағдайда, салық төлеушінің жанама салықтар төлеу жөніндегі міндеттемелерін орындауын бақылауды жүзеге асыратын лауазымды тұлға оны табыс еткен күннен бір жұмыс күні ішінде есепке алуды жүргізетін жауапты лауазымды тұлғаға есептеуге Тізілімді жібереді, онда кемітілуге есептелген салық сомасын көрсетеді;
      Қайта өңдеу өнімдерін әкету туралы міндеттеме бойынша:
      кеден одағына мүше мемлекеттердің аумағынан Қазақстан Республикасының аумағына қайта өңдеу өнімдерін әкелген кезде - Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін. Алыс-беріс шикізатының қайта өңдеу өнімдерін Қазақстан Республикасының аумағында сатқан жағдайда - тауарларды әкелу және жанама салықтарды төленгені туралы өтінішті тапсыру үшін белгіленген мерзімге дейін көрсетіледі. Кеден одағына мүше басқа мемлекеттің аумағынан қайта өңдеу үшін Қазақстан Республикасының аумағына бұрын әкелген алыс-беріс шикізатының қайта өңдеу өнімдерін кеден одағына мүше болып табылмайтын мемлекеттің аумағына одан әрі экспорттаған жағдайда - кедендік жүк декларациясының көшірмесін қоса бере отырып, Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін табыс етіледі;
      Қайта өңдеу өнімдерін әкелу туралы міндеттеме бойынша:
      алыс-беріс шикізатын Қазақстан Республикасының аумағынан Кеден одағына мүше басқа мемлекеттің аумағына әкеткен кезде - Қайта өңдеу өнімдерін әкету туралы міндеттемені орындағаны туралы есепті тапсыру үшін белгіленген мерзімге дейін. Қазақстан Республикасының аумағынан кеден одағына мүше басқа мемлекеттің аумағына қайта өңдеу үшін бұрын әкетілген алыс-беріс шикізатын қайта өңдеу өнімдерін кеден одағына мүше мемлекеттің аумағында сатқан жағдайда - тауарларды әкелу және жанама салықтарды төленгені туралы өтінішті тапсыру үшін белгіленген мерзімге дейін. Алыс-беріс шикізатының қайта өңдеу өнімдерін кеден одағына мүше болып табылмайтын мемлекеттің аумағына одан әрі экспорттаған жағдайда - Қайта өңдеу өнімдерін әкелу туралы міндеттемені орындағаны туралы есепті тапсыру үшін белгіленген мерзімге дейін.
      Ескерту. 59-6-тармақ жаңа редакцияда - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      59-7. Салық төлеуші уақытша әкелінген тауарларды (көлік құралдарын) әкету жөніндегі Міндеттемені орындау туралы есепті, қайта өңдеу өнімдерін әкету жөніндегі Міндеттемені орындау туралы есепті (Қайта өңдеу өнімдерін әкелу жөніндегі Міндеттемені орындау туралы есепті) табыс етпеген жағдайда, салық төлеушінің жанама салықтар жөнінде салық міндеттемелерін орындауына бақылауды жүзеге асыратынлауазымды тұлға оны табыс еткен күннен бір жұмыс күні ішінде есепке алуды жүргізетін жауапты лауазымды тұлғаға есептеуге Тізілімдікөрсетілген есептерді табыс ету үшін белгіленген күні төлеу мерзімімен жібереді, онда кемітілуге есептелген салықтардың сомасын көрсетеді. Салық төлеуші көрсетілген есептерді тауарларды әкету, қайта өңдеу өнімдерін әкету (әкелу) мерзімі аяқталғанға дейін табыс еткен кезде салық төлеушінің жанама салықтар жөнінде салық міндеттемелерін орындауына бақылауды жүзеге асыратын лауазымды тұлға есептеуге Тізіліммен бір уақытта салықтарды, өсімпұлдарды төлеу бойынша күнін түзетумен, салық міндеттемелерін орындауларын өзгерту (тоқтата тұру) жөнінде Тізілімді жібереді:
      уақытша әкелiнген тауарларды (көлiк құралдарын) әкеткен кезде - уақытша әкелiнген тауарларды, көлiк құралдарын Қазақстан Республикасының аумағынан кейiннен әкету туралы Мiндеттеменi орындау туралы есептi табыс ету үшін белгіленген күн;
      қайта өңдеу өнiмдерiн әкеткен кезде - қайта өңдеу өнiмдерiн әкету туралы Мiндеттеменi орындау туралы есептi табыс ету үшін белгіленген күн;
      қайта өңдеу өнiмдерiн әкелген кезде - қайта өңдеу өнiмдерiн әкелу туралы Мiндеттеменi орындау туралы есептi табыс ету үшін белгіленген күн.
      Есепке алуды жүргізетін жауапты лауазымды тұлғаға есептеуге Тізілімді, салықтарды, өсімпұлдарды төлеу бойынша салық міндеттемелерін орындауларын өзгерту (тоқтата тұру) жөнінде Тізілімді алған күні қосылған құн салығы бойынша дербес шоттың «Кемітілді» бағанына, сондай-ақ «Төлеу (өтеу кестесі) бойынша салық міндеттемелерін орындауларын өзгерту (тоқтата тұру) жөнінде мәліметтер» бағанына салықтың есептелген сомаларын таратып жазуды жүргізеді.
      Ескерту. Ережелер 59-7-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады), 2011.02.25 № 98 (ресми жарияланған күннен бастап қолданысқа енгізіледі) Бұйрықтарымен.
      59-8. Көрме-жәрмеңкелік сауданы ұйымдастырушы Көрме-жәрмеңкелік сауданы өткізгені туралы хабарлама бойынша есепті табыс еткен кезде және көрме-жәрмеңкелік саудасына қатысушымен келісімнің (шарттың) болмаған жағдайда – кеден одағына қатысушы мемлекеттердің салық төлеуші (төлеуші) жанама салықтар жөнінде салық міндеттемелерін орындауына бақылауды жүзеге асыратын лауазымды тұлға оны алған күннен үш жұмыс күні ішінде есепке алуды жүргізетін жауапты лауазымды тұлғаға осы есептің негізінде есептеуге Тізілімді жасайды.
      Есептеуге Тізілім оны жасаған күні есепке алуды жүргізетін жауапты лауазымды тұлғаға жіберіледі.
      Есепке алуды жүргізетін жауапты лауазымды тұлға есептеуге Тізілімді алған күні көрме-жәрмеңкелік саудада өткізілген тауарлар бойынша бюджеттік сыныптаманың тиісті коды бойынша көрме-жәрмеңкелік сауданы ұйымдастырушының дербес шотындағы «Есептелді» деген бағанда есептеуге салықтың есептелген сомаларын таратып жазуды жүргізеді.
      Көрме-жәрмеңкелік сауданы ұйымдастырушы көрме-жәрмеңкелік сауданы өткізгені туралы хабарлама негізінде көрме-жәрмеңкелік сауданы өткізгені туралы хабарлама бойынша есепті табыс еткен кезде, салық төлеушінің жанама салықтар жөнінде салық міндеттемелерін орындауына бақылауды жүзеге асыратын лауазымды тұлға есептеуге Тізілімді жасап және оны есепке алуды жүргізетін жауапты лауазымды тұлғаға береді. Осы Тізілімнің негізінде бюджеттік сыныптаманың тиісті коды бойынша көрме-жәрмеңкелік сауданы ұйымдастырушының дербес шотындағы «Есептелді» деген бағанына жазба жүргізіледі.
      Ескерту. Ережелер 59-8-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      59-9. Қызметін тұрақты мекеме арқылы жүзеге асыратын резидент емес заңды тұлғалар Уақытша әкелген тауарлар, оның ішінде көлік құралдары жөнінде мәліметтер салық төлеушінің жанама салықтар жөнінде салық міндеттемелерін орындауына бақылауды жүзеге асыратын лауазымды тұлға оларды табыс еткен күннен бір жұмыс күні ішінде есепке алуды жүргізетін жауапты лауазымды тұлғаға осы мәліметтердің негізінде есептеуге Тізілімді жасайды. Есептеуге Тізілім оны жасаған күні есепке алуды жүргізетін жауапты лауазымды тұлғаға жіберіледі.
      Есепке алуды жүргізетін жауапты лауазымды тұлғаға есептеуге Тізілімді алған күні бюджеттік сыныптаманың тиісті коды бойынша қызметін тұрақты мекеме арқылы жүзеге асыратын резидент емес заңды тұлғаның дербес шотының «Есептелді» бағанына кірісті алуға бағытталған қызметін жүзеге асыру мақсатында тауарларды уақытша әкелген кезде импортталатын тауарлардың есептелген қосылған құн салығының сомаларын таратып жазуды жүргізеді.
      Ескерту. Ережелер 59-9-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      60. Салық міндеттемелерінің шетелдік валютада орындалуын көздейтін жер қойнауын пайдалануға арналған келісім-шарттардың ережелеріне сәйкес салық төлеуші (салық агенті) шетелдік валютада салық есептілігін заңнамада белгіленген мерзімде, сондай-ақ мерзімінен бұрын табыс еткен жағдайларда және салық есептілігін уақтылы бермеген кезде, салық есептілігі деректерін ұлттық валютада дербес шотта көрсету үшін салық есептілігін берген күнге валюта айырбасының нарықтық бағамы қолданылады.
      61. Жер қойнауын пайдалануға арналған келісім-шарттарының ережелерінде салық міндеттемелерін шетелдік валютада орындауы көзделген жер қойнауын пайдаланушылар салық және бюджетке төленетін басқа да міндетті төлемдерді төлеген кезде бюджетке төленген салық және басқа да міндетті төлемдер сомасы туралы жазба салық төлеушінің дербес шотында төлем құжаттары мен бюджетті орындау бойынша уәкілетті орган берген есептер бойынша ұлттық валютада жүргізіледі.
      62. Салық есептілігін табыс еткен күнге және салық және басқа да міндетті төлемдерді төлеу күніне белгіленген валюта айырбасының нарықтық бағамының өзгеруінен салық төлеушінің дербес шотында туындаған валюта бағамындағы айырма сомасы дербес шоттың "Қоса есептелді" немесе "Кемітілді" бағандары бойынша тиісті жазба жүргізу арқылы түзетіледі.
      63. Есеп жүргізуге жауапты лауазымды тұлға дербес шотта тиісті жазбадан кейін күнді, есеп жүргізуге жауапты лауазымды тұлғаның тегі, аты, әкесінің аты көрсетіп және қол қоя отырып, дербес шотта жүргізілген жазба туралы Салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың және өсімақылардың сомаларын есептеуге (кемітуге) тізілімінде белгі жүргізеді.
      64. Салық төлеуші (салық агенті) салық төлеушінің (салық агентінің) дербес шоттарында көрсетілуге жататын тиісті ұяшықтарда деректері жоқ салық есептілігін берген кезде Салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың және өсімақылардың сомаларын есептеуге (кемітуге) тізілімде "Есептелді" бағанында нөл көрсетіледі, тиісінше дербес шоттың "Есептелді" және "Кемітілді" бағандарында да нөл көрсетіледі.

8-тарау. Жеке тұлғалардың дербес шоттарындағы
есептелген салықтар сомасының есебі

      65. Жеке тұлғалардан, соның ішінде резидент емес жеке тұлғалардан мүлік салығы және жер салығы сомасын есептеу уәкілетті мемлекеттік органдар берген мәліметтер негізінде, салық органдарында мемлекеттік тіркеуге қою немесе тіркеу есебі кезінде резидент емес жеке тұлғалардың берген деректері негізінде салық салу объектілері және (немесе) салық салуға байланысты объектілерді есепке алуды, тіркеуді жүзеге асыратын салық органдарымен жүргізіледі.
      Осы мәліметтер негізінде міндеттемелердің орындалуына бақылау бойынша лауазымды тұлға әрбір жеке тұлға салық төлеуші, соның ішінде резидент емес жеке тұлға бойынша мүлік салығы мен жер салығын есептеуді жүргізеді және салық төлеушіге кейіннен беру үшін түбіртек-хабарлама орналастырылып салық органы есептеген салықтардың сомасы туралы хабарлама жазып береді.
      Салық органы есептеген салықтар сомасы туралы хабарлама негізінде көрсетілген соманы дербес шотта көрсету үшін Салық және бюджетке төленетін басқа да міндетті төлемдердің, міндетті зейнетақы жарналардың, әлеуметтік аударымдардың және өсімақылардың сомасын есептеуге (кемітуге) тізілім толтырылады.
      Ескерту. 65-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      65-1. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақылар мен айыппұлдар сомаларын қоса есептеуге (кемітуге) тізілім көлік құралдарына салық сомаларын дербес шотта көрсету үшін салық төлеушілердің төлем құжаттарының негізінде толтырылады.
      Ескерту. Ережелер 65-1-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      66. Жергілікті атқарушы органдар салықтарды жинауды жүзеге асырған жағдайда, салық органдары ай сайын келесі айдың 5-і күнінен кешіктірмей олардың негізінде уәкілетті мемлекеттік орган белгілеген нысан бойынша қатаң есептілік құжаты болып табылатын түбіртек бойынша осы салықтарды жинауды жүзеге асыра алатын осы Ережеге 24-қосымшаға сәйкес салық төлеуші жеке тұлғалар төлейтін мүлік салығы және жер салығы жөніндегі Мәліметтерді жергілікті атқарушы органдарға береді.
      67. Көрсетілген мәліметтерде мынадай ақпараттар болуы қажет:
      1) салық төлеушінің тегі, аты, әкесінің аты;
      2) СТН (ЖСН (болған жағдайда));
      3) тұрғылықты мекен-жайы;
      4) өткен жылдар үшін бересі сомасы;
      5) ағымдағы жылға төленетін:
      мүлік салығының;
      жер салығының сомасы;
      6) қоса есептелген өсімақылар сомасы;
      7) салынған айыппұлдар сомасы;
      8) жеңілдіктер беру туралы мәлімет.

9-тарау. Салықтарды төлеу бойынша салық міндеттемесін
орындау мерзімдерін өзгерту кезіндегі есеп

      68. Осы тарауда белгіленген тәртіп өндірістік қайта өңдеуге арналған тауарларды импорттауға, сондай-ақ импортталатын су, газ, электр энергиясына қосылған құн салығын төлеу мерзімі өзгертілген кезде есепке алуға таралмайды.
      69. Республикалық бюджетке түсетін, сондай-ақ республикалық және жергілікті бюджеттер арасында бөлінетін салықтарды төлеу бойынша салық міндеттемелерін орындау мерзімін өзгерту үшін салық төлеуші уәкілетті органға, жергілікті бюджетке толық көлемде түсетін салықтар бойынша - салық төлеушінің тіркеу есебінің орны бойынша салық органына негізделген өтініш береді.
      Салық төлеушінің өтінішін қарағаннан және салықтарды төлеу бойынша салық міндеттемесін орындау мерзімдерін өзгерту туралы шешім шығаруға уәкілетті орган шешім шығарғаннан кейін міндеттемелердің орындалуын бақылау бойынша лауазымды тұлға:
      1) осы Ережеге 25-қосымшаға сәйкес Салықтарды төлеу бойынша салық міндеттемесін орындау мерзімдерінің өзгергенін тіркеу журналы;
      2) салықтарды төлеу бойынша салық міндеттемесін орындау мерзімдерінің өзгеруі бойынша тізілім жүргізеді.
      Салықтарды төлеу бойынша салық міндеттемесін орындау мерзімдерін өзгерту бойынша тізілімді дербес шотта көрсетілген салықтар сомасын көрсету үшін салықтарды төлеу бойынша салық міндеттемесін орындау мерзімдерінің өзгеруі туралы шешім қабылданған күні есеп жүргізуге жауапты лауазымды тұлғаға міндеттемелердің орындалуын бақылау бойынша лауазымды тұлға береді.
      70. Дербес шотта мынадай жазбалар жүргізіледі:
      "Төлеу мерзімі" бағанында бекітілген салық төлеу бойынша салық міндеттемесін орындау кестесіне сәйкес салықты төлеу күні көрсетіледі;
      "Салық (төлем) сомасы" бағанында салық төлеу мерзімі өзгертілген салықтың жалпы сомасы көрсетіледі;
      "Өтеу кестесі" бағанында Салықтарды төлеу бойынша салық міндеттемесін орындау мерзімдерін өзгерту бойынша тізілімде көрсетілген салықты төлеу бойынша салық міндеттемесін орындау кестесіне сәйкес төлеу мерзімі өзгертілген салық сомасы көрсетіледі.
      "Өтеу кестесі" бағанындағы төлеу мерзімі өзгертілген салық сомасының жиынтығы "Салық (төлем) сомасы" бағанындағы салықтың жалпы сомасына тең болуы тиіс.
      71. "Салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдар сомаларының түсімдері мен бересілері туралы" 1H нысанының есебінде салықты төлеу бойынша салық міндеттемесін орындаудың өзгертілген мерзімімен салықтың сомасы бересі сомасында көрсетілмейді.
      72. Төлеу мерзімі өзгертілген салықтың сомасы бюджетке түскен кезде дербес шоттың "Салық сомасы" деген бағанында дербес шоттың "Төленді" деген бағанында көрсетілетін сома көрсетіледі, бірақ "алу" белгісімен көрсетіледі.
      Төлеу мерзімдері өзгертілген салықтар сомасының өтелуіне қарай дербес шоттың "Салық (төлем) сомасы" бағаны бюджетке түскен бюджеттердің сомасына азайтылатын болады.
      Салық төлеуші төлеу мерзімі өзгертілген салық сомасын толық өтеген жағдайда дербес шоттың "Салық (төлем) сомасы" бағанының жиынтығы нөлге тең болады.
      73. Салықты төлеу бойынша салық міндеттемесін орындау мерзімдерін өзгерту салық төлеушіні бюджетке салық сомаларын уақтылы төлемегені үшін өсімақы төлеуден босатпайды. Төлеудің өзгертілген мерзімдері бойынша салық сомасына өсімақы есептеу осы Ереженің 3-бөлімінде көрсетілген тәртіпте жүргізіледі.
      74. Салық төлеуші шешімде белгіленген мерзім өткенге дейін салықтардың барлық сомасын төлеген немесе салықтарды төлеу бойынша салық міндеттемесін орындау мерзімдерін өзгерту шарттарын бұзған жағдайда, салықтарды төлеу бойынша салық міндеттемесін орындау мерзімдерін өзгерту туралы шешімнің күші мерзімінен бұрын тоқтатылады.
      75. Салықтарды төлеу бойынша салық міндеттемесін орындау мерзімдерін өзгерту шарттарын салық төлеуші бұзған жағдайда, көрсетілген сома "Салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдар сомаларының түсімдері мен бересілері туралы" 1H нысандағы есепте көрсетіледі.
      Дербес шотта "Салық (төлем) сомасы" бағанында төлеу мерзімі өзгертілген салықтың барлық сомасы жүргізіледі, бірақ "алу" белгісімен, соның нәтижесінде "Салық сомасы" бағанының жиынтығы төлеу мерзімі өзгертілген салықтың барлық сомасы өтелгеннен кейін не салық төлеуші салықтарды төлеу бойынша салық міндеттемесін орындау мерзімдерін өзгерту шарттарын бұзғанда нөлге тең болуы тиіс.
      Уәкілетті орган өтінішті қарағаннан және шешім қабылдағаннан кейін өтініш Салықтарды төлеу бойынша салық міндеттемесін орындаудың өзгерген мерзімдерін тіркеу журналына тіркеуге жатады. Уәкілетті органның шешімі негізінде міндеттемелердің орындалуына бақылау бойынша лауазымды тұлға Салықтарды төлеу бойынша салық міндеттемесін орындау мерзімдерін өзгерту жөніндегі тізілімді толтырады және есеп жүргізуге жауапты лауазымды тұлғаға береді.
      76. Өтеу үшін сот шешімі бойынша жарияланған акцияларды мәжбүрлеп шығару жүргізілген акционерлік қоғамдардың салық берешегі сомаларын төлеу бойынша салық міндеттемесінің орындалу мерзімдерін тоқтата тұруды есепке алу үшін міндеттемелердің орындалуына бақылау бойынша лауазымды тұлға:
      1) осы Ережеге 26-қосымшаға сәйкес Акционерлік қоғамдардың салық берешегінің сомаларын төлеу бойынша салық міндеттемесін орындау мерзімдерін тоқтата тұруды тіркеу журналы;
      2) осы Ережеге 27-қосымшаға сәйкес Өтеу үшін сот шешімі бойынша жарияланған акцияларды мәжбүрлеп шығару жүргізілген акционерлік қоғам салық берешегінің сомаларын төлеу бойынша салық міндеттемелерін орындау мерзімдерін тоқтата тұру жөніндегі тізілім жүргізеді.
      Өтеу үшін сот шешімі бойынша жарияланған акцияларды мәжбүрлеп шығару жүргізілген акционерлік қоғам салық берешегінің сомаларын төлеу бойынша салық міндеттемелерін орындау мерзімдерін тоқтата тұру жөніндегі тізілімді міндеттемелердің орындалуына бақылау бойынша лауазымды тұлға акционерлік қоғамдардың салық берешегі сомаларын төлеу бойынша салық міндеттемесінің орындалу мерзімдерін тоқтата тұру туралы сот шешімі алынған күні есеп жүргізуге жауапты лауазымды тұлғаға береді.
      Акционерлік қоғамның дербес шотында мынадай жазбалар жүргізіледі:
      1) "Операциялардың мазмұны" бағанында:
      жарияланған акцияларды мәжбүрлеп шығару туралы сот шешімі бойынша төлеу мерзімін тоқтата тұру;
      жарияланған акцияларды мәжбүрлеп шығару туралы сот шешімінің күшіне енген күні;
      жарияланған акцияларды орналастырудың (сатудың) аяқталу күні көрсетіледі;
      2) "Төлеу мерзімі" бағанында сотқа талап-арыз берілген күн және жарияланған акцияларды орналастырудың (сатудың) аяқталу мерзімі көрсетіледі;
      3) "Салық берешегінің сомасы" бағанында өтеу үшін сот шешімі бойынша жарияланған акцияларды мәжбүрлеп шығару жүргізілген акционерлік қоғам салық берешегінің сомасы көрсетіледі.
      Жарияланған акцияларды мәжбүрлеп шығару туралы сот шешімінің күшіне ену күнінен бастап оларды орналастырудың (сатудың) аяқталу күніне дейін дербес шотта өсімақы есептелмейді.

10-тарау. Салық тексерулерінің актілері бойынша салық және
бюджетке төленетін басқа да міндетті төлемдер есебі

      77. Салық кодексінде белгіленген мерзімдердегі салық тексерулерінің және салық төлеушінің (салық агентінің) шағымдарын қарау нәтижелері бойынша салық төлеушіге (салық агентіне) мынадай хабарламалар жіберіледі:
      1) салық тексеруінің нәтижелері туралы;
      2) тарату салық есептілігін табыс еткен күннен бастап тарату салық тексеруі аяқталған күнге дейінгі кезең ішінде салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың есептелген сомалары туралы;
      3) салық төлеушінің (салық агентінің) салық тексеруінің нәтижелері туралы хабарламаға және (немесе) хабарламаға шағымды қарау нәтижелері бойынша шығарған жоғары тұрған салық қызметі органының шешіміне шағымын қарау қорытындылары туралы.
      78. Салық тексерулері нәтижелері және әкімшілік жаза қолдану туралы қаулылар бойынша салық және бюджетке төленетін басқа да міндетті төлемдердің, өсімақылардың есептелген сомасы осы Ережеге 14-қосымшаға сәйкес Салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың, өсімақылардың және айыппұлдардың сомаларын есептеуге (кемітуге) тізілімде (осы тараудың мақсатында бұдан әрі - Тізілім) көрсетіледі және салық төлеушіге хабарлама тапсырған күнге Тізілім деректерінен салық төлеушінің (салық агентінің) дербес шотында көрсетіледі.
      79. Тізілім ақпараттық жүйеде қалыптастырылады, хабарлама негізінде жасалады және оны салық тексеруін жүргізетін лауазымды тұлға есеп жүргізуге жауапты лауазымды тұлғаға береді.
      80. Тізілімде:
      1) салық төлеушінің (салық агентінің) атауы;
      2) СТН (резидент еместің СТН-і болған кезде көрсетіледі);
      3) БСН/ЖСН (болған жағдайда);
      4) салықтың (төлемнің) атауы;
      5) бюджет кірісі жіктемесінің коды;
      6) хабарлама нөмірі және күні;
      7) салық тексеруі аяқталған күн (салық тексеруінің актісі серверде өңделген күн);
      8) салықтың (төлемнің), өсімақылардың сомасы;
      9) салық тексеруі нәтижелері бойынша есептелген сомаларды төлеу мерзімін ұзарту туралы деректер;
      10) "Хабарлама бойынша есептеуге (кемітуге)" бағанында – осы Ереженің 77-тармағында көрсетілген хабарламалардың негізінде есептеуге немесе кемітуге салық және бюджетке төленетін басқа да міндетті төлемдердің, өсімақылардың, міндетті зейнетақы жарналарының, әлеуметтік аударымдардың сомасы;
      11) "Әкімшілік жаза қолдану туралы қаулы бойынша есептеуге" бағанында – қаулылар негізінде айыппұлдар сомасы көрсетіледі.
      81. Тізілім негізінде дербес шоттың "Есептелді" немесе "Кемітілді" бағандарында тиісінше:
      салық (төлем) сомасы;
      өсімақылар сомасы;
      айыппұлдар сомасы көрсетіледі.
      Бұл ретте есеп жүргізуге жауапты лауазымды тұлға дербес шоттарға таратылған сомалардың толықтығын және дұрыстығын тексереді.
      82. Осы Ереженің 77-тармағы 1) - 3) тармақшаларда көрсетілген хабарлама табыс етілген сәттен бастап отыз жұмыс күні ішінде салық және бюджетке төленетін басқа да міндетті төлемдердің және өсімақылардың қоса есептелген сомаларына мерзімінде орындалмаған салық міндеттемесінің орындалуын қамтамасыз ету тәсілдері мен салық берешегін мәжбүрлеп өндіріп алу шаралары қолданылмайды.
      Ескерту. 82-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      83. Осы Ереженің 77-тармағы 1) және 2) тармақшаларында көрсетілген хабарлама табыс етілген сәттен бастап және (немесе) хабарламаға жасалған шағымды қарау нәтижелері бойынша шығарылған жоғары тұрған салық қызметі органының шешімін алған сәттен бастап отыз жұмыс күні өткен соң салық төлеушінің шағымы болмаған жағдайда мерзімінде орындалмаған салық міндеттемесінің орындалуын қамтамасыз ету тәсілдері мен салық берешегін мәжбүрлеп өндіріп алу шаралары қолданылады. Бұл ретте өсімақы салық тексеруі аяқталған күннен бастап есептеледі.
      84. Салық және бюджетке төленетін басқа да міндетті төлемдердің қоса есептелген сомалары бойынша өсімақы салық тексеруі аяқталған күннен бастап қоса есептелген сома төленген күнге дейін есептеледі.
      85. Салық кодексінің 638-бабы 6-тармағына сәйкес салық тексерулерінің нәтижелері бойынша салық міндеттемесін, сондай-ақ өсімақыларды төлеу бойынша міндеттемелерді орындау мерзімдері салық төлеушінің өтініші бойынша алпыс жұмыс күніне ұзартылуы мүмкін.
      Бұл ретте салықтардың және басқа міндетті төлемдердің аталған сомасы бюджетке төлеу мерзімінің ұзартылған әрбір күні үшін айыпақы есептеумен төленуге жатады және осы кезеңнің әрбір он бес жұмыс күні сайын тең үлестермен төленеді.
      86. Салық тексеруінің нәтижелері бойынша есептелген сомалар төлеу мерзімін ұзарту кезінде салық төлеушінің дербес шотында "Салық міндеттемесін орындау мерзімін өзгерту бойынша мәліметтер" бағанында көрсетіледі.
      87. Салық төлеуші осы Ереженің 77-тармағы 1) және 2) тармақшаларында көрсетілген хабарламаға және (немесе) жоғары тұрған салық қызметі органының шешіміне шағым берген жағдайда Салық кодексінде белгіленген мерзім ішінде осы шағым бойынша шешім шыққанға дейін салық төлеуші шағым жасаған хабарлама бойынша есептелген сома салық төлеушінің дербес шотында "Салық міндеттемесін орындау мерзімін өзгерту бойынша мәліметтер" бағанында көрсетіледі. Бұл сомаларға мерзімінде орындалмаған салық міндеттемесінің орындалуын қамтамасыз ету тәсілдері мен салық берешегін мәжбүрлеп өндіріп алу шаралары қолданылмайды.
      88. Салық төлеуші осы Ереженің 77-тармағы 1) және 2) тармақшаларында көрсетілген хабарламаға және (немесе) жоғары тұрған салық қызметі органының шешіміне салықтардың, бюджетке төленетін басқа да міндетті төлемдердің және өсімақылардың барлық сомасына шағым жасамаған жағдайда салық төлеуші даулаған хабарлама бойынша соманың бөлігі салық төлеушінің дербес шотында "Салық міндеттемесін орындау мерзімін өзгерту бойынша мәліметтер" бағанында көрсетіледі. Хабарлама бойынша қоса есептелген салықтардың, бюджетке төленетін басқа да міндетті төлемдер және өсімақылар сомаларының даулы болып отырған бөлігіне осы шағым бойынша шешім шыққанға дейін мерзімінде орындалмаған салық міндеттемесінің орындалуын қамтамасыз ету тәсілдері мен салық берешегін мәжбүрлеп өндіріп алу шаралары қолданылмайды.
      89. Салық төлеуші (салық агенті) шағымданбаған салықтардың, бюджетке төленетін басқа да міндетті төлемдердің және өсімақылардың қоса есептелген сомаларының бөлігін төлеу салық төлеушіге хабарлама ұсынған күннен кейінгі күннен бастап отыз жұмыс күні ішінде жүргізіледі.
      90. Шағымды қарау нәтижелері бойынша шағымдалған хабарламаның толық немесе бір бөлігінде күшін жою туралы шешім шығарылған жағдайда, ол бойынша осындай шешім шығарылған хабарлама бойынша қоса есептелген сомалар дербес шоттарда тиісінше толық немесе бөлігінде іріктеледі. Бұл ретте салық тексеруін жүзеге асыратын лауазымды тұлға есеп жүргізуге жауапты лауазымды тұлғаға бақылау салық қызметi органының немесе соттың шығарған шешімінде көрсетілген "азайтуға" салықтардың, бюджетке төленетін басқа да міндетті төлемдердің және өсімақылардың сомалары көрсетілген Тізілім береді. Дербес шотта салық және бюджетке төленетін басқа да міндетті төлемдердің осы сомасына хабарлама бойынша есептелген өсімақы сомалары іріктеледі.
      Ескерту. 90-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      91. Шағымды қарау нәтижелері бойынша салық қызметі органының немесе сот салық төлеушінің (салық агентінің) шағымын қанағаттандырусыз қалдырса, осы сомалар уақтылы төленбеген кезде салық берешегін мәжбүрлеп өндіріп алу шараларын қолдана отырып, өндіріп алуға жатады. Дербес шотта салық тексеруі аяқталған күннен кейінгі күннен бастап салық берешегін орындауды кейінге қалдырудың әр күні үшін өсімпұл есептеледі.
      Ескерту. 91-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      92. Салық қызметі органына немесе сотта шағымдалған салықтардың сомасы салық төлеушінің дербес шотында және тиісінше салыстыру актісінде көрсетіледі. Берешектің жоқ екендігі туралы анықтамада және Берешектің жоқ (бар) екендігі туралы анықтамада бұл сомалар "шағым беру және шағымдалғандар сатысында тұрған салық тексерулерінің нәтижелері бойынша есептелген сомалар" деген белгімен көрсетіледі.
      Ескерту. 92-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      93. 1Н "Салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың келіп түскен және бересі сомалары туралы" нысанның есебінде салық төлеуші шағым жасаған хабарлама бойынша есептелген салықтардың, салықтардың, басқа да міндетті төлемдердің сомалары көрсетілмейді.
      94. Әкімшілік айыппұл сомасы салық төлеушіге (салық агентіне) әкімшілік құқық бұзушылық туралы іс бойынша қаулының көшірмесі табыс етілген күні Тізілімде көрсетіледі және сәйкесінше салық төлеушінің (салық агентінің) дербес шотында көрсетіледі.
      95. Салық төлеуші (салық агенті) келіскен және белгіленген мерзімде әкімшілік құқық бұзушылық туралы іс бойынша қаулыны жоғары тұрған органға (жоғары тұрған лауазымды тұлғаға) немесе сотқа шағым жасамаған жағдайда әкімшілік айыппұл салынған сомаға Қазақстан Республикасының әкімшілік құқық бұзушылықтар туралы заңнамаға және салық заңнамасына сәйкес мәжбүрлеп өндіріп алу шаралары қолданылады. Бұл ретте мәжбүрлеп өндіріп алу шаралары қаулы заңды күшіне енгеннен кейін және ерікті орындау үшін берілген қаулының мерзімі өткеннен кейін қолданылады.
      96. Салық төлеуші әкімшілік құқық бұзушылық туралы іс бойынша қаулыға шағымды жоғары тұрған органға (жоғары тұрған лауазымды тұлғаға) немесе сотқа белгіленген мерзімдерде берген жағдайда, қаулы бойынша салынған әкімшілік айыппұл сомасын өндіріп алу жоғары тұрған орган (жоғары тұрған лауазымды тұлға) немесе сот шешім шығарғанға дейін тоқтатыла тұрады.
      97. Жоғары тұрған органында немесе сотта шағымдалған әкімшілік айыппұл сомасы салық төлеушінің дербес шотында және тиісінше салыстыру актісінде көрсетіледі. Берешектің жоқ (бар) екендігі туралы анықтамада бұл сомалар " шағым беру және шағымдалғандар сатысында тұрған салық тексерулерінің нәтижелері бойынша есептелген сомалар " жолында көрсетіледі.
      98. Шағымды қарау қорытындысы бойынша жоғары тұрған салық қызметі органы (жоғары тұрған лауазымды тұлға) не сот қаулыны өзгеріссіз, ал шағым (қарсылық) қанағаттандырмай қалдыру туралы шешім шығарған жағдайда бұл сомалар Қазақстан Республикасының әкімшілік құқық бұзушылықтар туралы заңнамасы мен салық заңнамасына сәйкес мәжбүрлеп өндіріп алу шараларын қолдана отырып, өндіріп алуға жатады.
      99. Шағымды қарау қорытындысы бойынша жоғары тұрған салық қызметі органы (жоғары тұрған лауазымды тұлға) не сот әкімшілік құқық бұзушылық туралы іс жөніндегі қаулының күшін жою туралы шешім шығарған жағдайда салық төлеушінің (салық агентінің) дербес шотында көрсетілген сомалар азайтуға жатады.
      100. Шағымды қарау қорытындысы бойынша жоғары тұрған салық қызметі органы (жоғары тұрған лауазымды тұлға) не сот қаулыны өзгерту және жаңа қаулы шығару туралы жаңа шешім шығарған жағдайда, салық тексеруінің нәтижелеріне жауапты лауазымды тұлға есеп жүргізуге жауапты лауазымды тұлғаға бақылау үшін жоғары тұрған салық қызметі органының (жоғары тұрған лауазымды тұлғаның) не соттың қабылдаған шешімінде көрсетілген әкімшілік айыппұл сомасына сәйкес Тізілім береді.

11-тарау. Салық есептілігіне өзгерістер
мен толықтырулар енгізу кезіндегі есеп

      101. Салық төлеуші (салық агенті) қосымша салық есептілігін бір кезеңге берген жағдайда талап қою мерзімі ішінде салық есептілігі табыс етілген күні дербес шоттың "Есептелді" немесе "Кемітілді" деген бағанында анықталған айырма сомасы көрсетіледі.
      102. Салық тексеруі басталғанға дейін салық төлеуші (салық агенті) анықтаған салық және бюджетке төленетін басқа да міндетті төлемдер сомаларының төлеу мерзімі осы өзгерістер мен толықтырулардың деректері жататын салық кезеңі үшін төлеу мерзімі болып табылады.

12-тарау. Салық және бюджетке төленетін басқа
да міндетті төлемдер түсімдерінің есебі

      103. Дербес шоттарда салық және бюджетке төленетін басқа да міндетті төлемдердің түскен сомасының есебі бюджетті орындау бойынша уәкілетті орган берген төлем құжаттары негізінде жүргізіледі:
      1) салық және бюджетке төленетін басқа да міндетті төлемдер түсімі туралы, соның ішінде республикалық және жергілікті бюджеттерге түсімдер бойынша құжаттар;
      2) салық төлеушілердің (салық агенттерінің) төлем тапсырмалары;
      3) артық немесе қате есептелген салық және бюджетке төленетін басқа да міндетті төлемдерді, өсімақылар мен айыппұлдарды есепке жатқызуға және қайтаруға салық органдарының төлем тапсырмалары;
      4) қосылған құн салығының жүргізілген есепке жатқызулар, қайтарулар бойынша салық органдарының төлем тапсырмалары;
      5) салық берешегін өндіріп алу туралы инкассалық өкімдер.
      104. Салық және бюджетке төленетін басқа да міндетті төлемдердің түскен сомалары салық төлеушінің СТН (БСН/ЖСН (болған жағдайда)) белгісі бойынша бюджет кірісі жіктемесінің кодтары бойынша дербес шоттарда:
      1) жазба жүргізу күндері;
      2) төлем құжатының нөмірі және күні;
      3) салық төлеушінің (салық агентінің, төлемдерді банкомат және өзге де электронды құрылғылар арқылы енгізу күні және жүзеге асыру күні) банктік шотынан салық және басқа да міндетті төлемдерді есептен шығарған күн;
      4) салық және бюджетке төленетін басқа да міндетті төлемдерді есептеу күні;
      5) салық (төлем), өсімақы, айыппұл сомалары;
      6) есепке жатқызу кезінде - есепке жатқызу жүзеге асырылатын бюджет кірістері жіктемесінің коды көрсетіле отырып, автоматты түрде көрсетіледі.
      105. Салық және бюджетке төленетін басқа да міндетті төлемдердің түскен сомалары туралы дербес шоттарда жазба бюджетті орындау бойынша уәкілетті органнан төлем құжаттарын алған күні жүргізіледі.
      106. Салық төлеуші үшін дербес шотта көрсетілген салық міндеттемесін орындау күні деп:
      1) қолма-қол ақшасыз төлемді жүзеге асыру кезінде банктердің және банк операцияларының жекелеген түрлерін жүзеге асыратын ұйымдардың салық және бюджетке төленетін басқа да міндетті төлемдерді төлеуге төлем тапсырмасы акцептін жүзеге асыру күні;
      2) бюджетке қолма-қол ақшамен төлеген жағдайда - банктерге немесе банктік операциялардың жекелеген түрлерін жүзеге асыратын ұйымдарға, уәкілетті органдарға салық төлеуші (салық агенті) ақша енгізген күн;
      3) төлемдерді банкомат және өзге де электронды құрылғылар арқылы жүзеге асыру күні;
      4) есепке жатқызуды жүргізу күні есептеледі.
      Бұдан басқа, салық төлеушінің (салық агентінің) дербес шотында барлық жоғарыда көрсетілген салық міндеттемесін орындау жағдайларында бюджетті орындау бойынша уәкілетті органның күнделікті есептерімен расталатын бюджетке төленетін төлемдерді есептеу күні қосымша көрсетіледі.
      107. Қазақстан Республикасының заң актілеріне және жер қойнауын пайдалануға келісім-шарттар ережелеріне сәйкес салық және бюджетке төленетін төлемдерді төлеу шетелдік валютада жүргізілген жағдайда, дербес шотта шетелдік валютаны ұлттық валютаға хатталғаннан кейін бюджетті орындау бойынша уәкілетті органның есептерімен расталатын ұлттық валютада бюджетке түскен сома көрсетіледі.
      108. Есеп жүргізуге жауапты лауазымды тұлға бюджетті орындау бойынша уәкілетті органнан төлем құжаттарын алған кезде:
      1) төлем құжаттарындағы сомалардың бюджетті орындау бойынша уәкілетті органның құжаттарында көрсетілген сомалармен сәйкестігін;
      2) бюджет кірісі жіктемесінің тиісті кодына салық және басқа да міндетті төлемдерді есептеу және салықтардың (төлемдердің), өсімақылардың және айыппұлдардың төленген сомаларын бөлудің дұрыстығын тексеруі қажет.
      109. Алшақтықтар мен қателіктер фактісі анықталған жағдайда салыстырып тексеру аяқталғаннан кейін есеп жүргізуге жауапты лауазымды тұлға Ереженің осы тармағында белгіленген тәртіпте қате төленген салықтың, бюджетке төленетін басқа да міндетті төлемнің сомаларының туындау себептері туралы хаттама (бұдан әрі – қателер бойынша хаттама) жасайды.
      Қателер бойынша хаттамада төлем құжатының күні мен нөмірі, сома, сома есепке жатқызылған бюджет жіктемесінің коды, қателердің себебі, көрсетілген сома жатқызылуы тиіс болған бюджет жіктемесінің коды көрсетіле отырып, негіздеме құжат немесе Қазақстан Республикасының заңнамасына сілтеме көрсетіледі.
      Қателер бойынша хаттаманы есеп жүргізуді жүзеге асыратын құрылымдық бөлімшенің басшысы бекітеді.
      Қате төленген салықтың, бюджетке төленетін басқа да міндетті төлемнің, айыппұлдардың, өсімақылардың сомаларын есепке жатқызу, қайтару қателер бойынша хаттама негізінде қате төлеу фактісі табылған күннен бастап отыз күнтізбелік күннен кешіктірмей жүргізіледі.

13-тарау. Тұрақты мекемені құруға алып келмейтін
Қазақстан Республикасындағы қызметтен түсетін резидент
еместің кірісінен табыс салығын төлеу тәртібі

      110. Қосарлама салық салуды болдырмау туралы халықаралық шарт ережелеріне сәйкес тұрақты мекемені құруға алып келмейтін Қазақстан Республикасындағы қызметтен резидент еместің кірісінен табыс салығын төлеу егер Салық Кодексінде өзгеше көзделмесе, шартты банк салымына жүргізілуі мүмкін.
      111. Табыс салығын төлеудің көрсетілген әдісін таңдау кезінде кірісті алушы резидент емес, салық агенті және салық агенті айқындаған резидент банк Салық кодексінің 216-бабының 2-тармағына сәйкес шартты банк салымы туралы шарт жасасады.
      112. Табыс салығын төлем көзінен төлеу күні шартты банк салымы туралы шарт және Салық кодексінің 216-бабының ережелерін қолдану болмаған жағдайларда салық агенті Салық кодексінің 216-бабының 1-тармағына сәйкес төлем көзінен табыс салығын мемлекеттік бюджетке жалпыға бірдей тәртіппен аударады.
      113. Салық агенті Салық кодексінің 216-бабы 5-тармағының 1) тармақшасына сәйкес шартты банк салымы туралы шартқа қол қою күнінен бастап он күнтізбелік күн ішінде резидент емеске орналасқан орны бойынша салық органына көрсетілген шартты береді.
      114. Салық кодексінің 216-бабының 7-тармағына сәйкес резидент емес пен салық агентінің шартты банк салымына орналастырылған табыс салығының сомасына салық органы қандай да бір шешім шығарғанға дейін билік етуге құқығы жоқ.
      Міндеттемелердің орындалуын бақылау бойынша лауазымды тұлға шартты банк салымын ашу туралы шартты берген сәттен бастап екі күнтізбелік күн ішінде осы Ережеге 28-қосымшаға сәйкес Шартты банк салымы туралы шарттарды тіркеу журналына көрсетілген шартты тіркейді.
      Шартты банк салымы туралы шартты тіркеу кезінде Міндеттемелердің орындалуын бақылау бойынша лауазымды тұлға шартты банк салымы туралы шарт ережесі Қазақстан Республикасының салық заңнамаларының ережелеріне қайшы келмей ме, соны тексереді.
      115. Шартты банк салымы орналастырылған банктер Салық кодексінің 216-бабының 4-тармағына сәйкес есепті тоқсаннан кейінгі екінші айдың 15 күнінен кешіктірмей салық агентінің орналасқан орны бойынша салық органына есепті тоқсан ішінде ақша қозғалысы болған кезде есепті тоқсан ішіндегі ақша қозғалысы туралы есеп береді.
      116. Көрсетілген есептің деректері негізінде есеп жүргізуге жауапты лауазымды тұлға шартты банк салымдарына орналастырылған/резидент еместерге төленген/бюджетке аударылған резидент еместерден алынатын табыс салығының сомасын есепке алу ведомосін жүргізеді.
      117. Резидент еместің кірісінен төлем көзінен ұсталған және бюджетке аударылған және (немесе) шартты банк салымына аударылған табыс салығының сомасын есепке алу үшін есеп жүргізуге жауапты лауазымды тұлға осы Ережеге 3-қосымшаға сәйкес N 3 нысан бойынша салық агентіне дербес шот ашады.
      118. Төлем көзінен есептелген және ұсталған табыс салығының сомасы салық агентінің дербес шотындағы жазба есептеуге (азайтуға) салықтар және бюджетке басқа да міндетті төлемдер сомасы, міндетті зейнетақы жарналары, әлеуметтік аударымдар және өсімақылар тізілімінің негізінде "Есептелді" бағанында жүргізіледі.
      119. Төлем көзінен бюджетке аударылған табыс салығының сомалары бойынша салық агентінің дербес шотына жазба Шартты банк салымдарына орналастырылған/резидент еместерге төленген/бюджетке аударылған резидент еместерден алынатын табыс салығының сомасын есепке алу ведомосі негізінде "Төленді" бағанында жүргізіледі.
      120. Дербес шоттың "Төлеу мерзімі" бағанында Салық Кодексінде белгіленген төлем көзінен табыс салығын төлеу мерзімі көрсетіледі.
      121. Дербес шоттың "Шартты банк салымына есептеу күні" бағанында банк есебіне сәйкес резидент еместің пайдасына шартты банк салымына ұсталған салық сомасын салық агентінің есептеу күні көрсетіледі.
      122. Дербес шоттың "Шартты банк салымына есептелді" бағанында банк есебінің негізінде шартты банк салымында орналастырылған резидент еместің кірісінен табыс салығының сомасы көрсетіледі.
      123. Табыс салығын шартты банк салымына шетел валютасында орналастырылған жағдайда салық агентінің дербес шотында Шартты банк салымдарына орналастырылған/резидент еместерге төленген/бюджетке аударылған резидент еместерден алынатын табыс салығының сомасын есепке алу ведомосі негізінде салықты шартты банк салымына орналастырған (аударған) күнге валюта айырбасының нарықтық бағамы бойынша қайта есептелген ұлттық валютадағы салық сомасы көрсетіледі.
      124. Егер салық агентінің дербес шотында резидент еместің пайдасына шартты банк салымына аудару және табыс салығын есептеу сомасы көрсетілген жағдайда, көрсетілген сома өсімпұл ретінде қаралмайды және "Салықтардың, бюджетке төленетін басқа да міндетті төлемдердің, міндетті зейнетақы жарналары мен әлеуметтік аударымдардың сомаларының түсуі және бересісі туралы" 1-Н нысанының есебінде, салық берешегі, міндетті зейнетақы жарналары мен әлеуметтік аударымдар бойынша берешегі жоқ және (немесе) бар екендігі туралы мәліметтерде көрсетілмейді, сондай-ақ шартты банк салымына есептеу күнінен бастап көрсетілген сомаға өсім есептелмейді.
      125. Бұрын ұсталған табыс салығын қайтару үшін және бюджетке немесе шартты банк салымына резидент еместің кірістерінен табыс салығы аударылған жағдайда резидент емес Салық кодексінің 217-бабының 1-тармағына сәйкес салық органына халықаралық шарт негізінде бюджеттен немесе шартты банк салымынан төленген табыс салығын қайтаруға салықтық өтініш береді (осы тараудың мақсатында бұдан әрі - өтініш).
      126. Өтінішті қарағаннан кейін салық органы өтініш бойынша тиісті шешім қабылдайды және есеп жүргізуге жауапты лауазымды тұлғаға резидент еместің өтінішінің көшірмесін қоса осы Ережеге 29-қосымшаға сәйкес Инкассалық өкім бойынша өндіріп алуға немесе резидент емеске төлеуге жататын шартты банк салымында орналасқан табыс салығы сомасының тізілімін жібереді.
      127. Бюджеттен табыс салығының сомаларын қайтару осы Ереженің 16-тарауында белгіленген тәртіпте қорытынды мен төлем тапсырмасының, ал шетел валютасында қайтару кезінде - сондай-ақ бюджетті орындау бойынша уәкілетті органның аумақтық органына ұсынылатын шетел валютасын сатып алуға және аударуға өтініштің негізінде резидент еместің өтінішінде көрсетілген резидент еместің банктік шотына жүргізіледі.
      128. Салық органы шартты банк салымында орналастырылған табыс салығының сомасын бюджетке өндіріп алу туралы шешім қабылдаған кезде тізілімді алғаннан кейінгі келесі күннен кешіктірмей міндеттемелердің орындалуына бақылау бойынша лауазымды тұлға Салық кодексінің   218-бабы 1-тармағына сәйкес банкке өтініште көрсетілген және шартты банк салымына орналастырылған табыс салығының сомасын бюджетке аудару туралы инкассалық өкімді жібереді.
      129. Шетел валютасында шартты банк салымын ашу жағдайында шартты банк салымында орналастырылған табыс салығының сомасын өндіріп алуға инкассалық өкім инкассалық өкімді қою күніне валюта айырбасының нарықтық бағамы бойынша ұлттық валютада қойылады. Бұл ретте, төлемді тағайындауда инкассалық өкімде шетел валютасындағы табыс салығының сомасы және ұлттық валютада сома есеп айырысуы жүргізілген валюта айырбасының нарықтық бағамы көрсетіледі.
      130. Бұл ретте аударылатын табыс салығының төлем сомасын тағайындауды көрсете отырып бюджетке салықты төлеу (аудару) сәтіне валюта айырбасының нарықтық бағамы бойынша қайта есептелген ұлттық валютадағы табыс салығының сомасы бюджетке аударылады.
      131. Инкассалық өкіммен бір уақытта міндеттемелердің орындалуына бақылау бойынша лауазымды тұлға банкке осы Ережеге 30-қосымшаға сәйкес бюджетке оны аударғанға дейін шартты банк салымында резидент еместің кірісінен табыс салығын орналастыру сәтінен бастап есептелген банктік сыйақылар сомалары туралы сұрау салуды жібереді.
      132. Банктік сыйақылар шетелдік валютада есептелген жағдайда банктік сыйақылар оларды аудару күніне валюта айырбасының нарықтық бағамы бойынша есептелген ұлттық валютада бюджетке аударуға жатады.
      133. Банк салық органының инкассалық өкімін алған күннен кейінгі бір операциялық күннен кешіктірмей Салық кодексінің 218-бабы 6-тармағына сәйкес бюджетке шартты банк салымында орналастырылған табыс салығының сомасын аударады және сұрау салуды алған күннен бастап екі күнтізбелік күн ішінде салық органына уәкілетті орган белгілеген нысан бойынша Бюджетке аударғанға дейін шартты банк салымына резидент еместердің кірістерінен табыс салығын орналастыру сәтінен бастап есептелген банктік сыйақылар сомалары туралы мәліметті жібереді.
      134. Есептелген банктік сыйақылар сомалары туралы мәліметті банктен алғаннан кейін екі күнтізбелік күн ішінде міндеттемелердің орындалуына бақылау бойынша лауазымды тұлға Салық кодексінің   218-бабы 5-тармағына сәйкес банкке бюджетке банктік сыйақы сомаларын өндіріп алуға инкассалық өкімді жібереді.
      135. Салық кодексінің 218-бабының 6-тармағына сәйкес банк салық органынан инкассалық өкімді алған күннен кейінгі бір операциялық күннен кешіктірмей бюджетке банктік сыйақылар сомасын аударады.
      136. Бюджетті орындау бойынша уәкілетті органнан төлем құжаттарын алғаннан кейін есеп жүргізуге жауапты лауазымды тұлға келесі жұмыс күнінен кешіктірмей салық агентінің дербес шотына "Төленді" бағанына және банктік сыйақылар сомасын "Өсімақы төленді (қайтарылды)" бағанына төленген табыс салығы сомасы бойынша есепке алу жазбасын жүргізеді. Сонымен бір уақытта "Өсімақы есептелді (азайтылды)" бағанында банк салық органына жіберген Бюджетке аударғанға дейін шартты банк салымына резидент еместердің кірістерінен табыс салығын орналастыру сәтінен бастап есептелген банктік сыйақылар сомалары туралы мәлімет негізінде бюджетке аударылған банктік сыйақылар сомасы көрсетіледі.
      137. Шартты банк салымында табыс салығын шетел валютасында орналастырған кезде және табыс салығын аудару күніне және оны шартты банк салымында орналастырған күнге белгіленген валюта айырбасының нарықтық бағамы арасында бағамдық айырма туындаған кезде салық агентінің дербес шотында есептелген табыс салығының сомасы осы Ереженің 138-139-тармақтарын да белгіленген тәртіпте бюджетке табыс салығын төлеу (аудару) күніне белгіленген валюта айырбасының нарықтық бағамы бойынша түзетіледі.
      138. Оң бағамдық айырма туындаған кезде есеп жүргізуге жауапты лауазымды тұлға дербес шоттың "Есептелді" бағанында бағамдық айырманың сомасын көрсетеді.
      139. Теріс бағамдық айырма туындаған кезде есеп жүргізуге жауапты лауазымды тұлға дербес шоттың "Азайтылды" бағанында бағамдық айырманың сомасын көрсетеді.

14-тарау. Қате есептелген, анықталмаған
салықтар мен бюджетке төленетін басқа да
міндетті төлемдерді есепке алу

      140. Бюджетті орындау бойынша уәкілетті органынан алынған төлем құжаттары бойынша қате түсімдерді есепке алу қате есептелген, анықталмаған салықтарды және бюджетке төленетін басқа да міндетті төлемдерді тіркеу журналында жүргізіледі.
      141. Есеп жүргізуге жауапты лауазымды тұлға күн сайын қате төлем құжаттарының тиістілігін анықтау бойынша жұмыс жүргізеді, содан кейін дербес шотқа есепке алу жазбасын жүргізеді немесе салық төлеуші (салық агенті) тіркелген сол немесе басқа салық органына қате есептелген салықтар мен басқа да міндетті төлемдерді қайтаруды немесе есепке жатқызуды жүзеге асырады, ол туралы Қате есептелген, анықталмаған салықтарды және бюджетке төленетін басқа да міндетті төлемдерді тіркеу журналында тиісті жазба жасалады.
      142. Қате төленген сомалар анықталған және салық төлеуші қате төленген сомаларды есепке жатқызуға және (немесе) қайтаруға өтініш бермеген жағдайда есеп жүргізуге жауапты лауазымды тұлға салықтың, бюджетке төленетін басқа да міндетті төлемдердің қате төленген сомаларының туындау себептері туралы хаттама жасайды, соның негізінде қате төленген сомаларды есепке жатқызу және (немесе) қайтару жүргізіледі.
      143. Қате түсімдерді есепке жатқызу және (немесе) қайтару белгіленген тәртіпте Салық кодексінің 601-бабы 2-тармағында белгіленген мерзімдерде, осы Ережеге 31-қосымшаға сәйкес қорытынды мен төлем тапсырмасының негізінде бюджетті орындау бойынша уәкілетті органның аумақтық органы арқылы жүргізіледі.
      144. Қате есептелген кедендік төлемдер мен салықтарды, өсімақыларды есепке жатқызу және (немесе) қайтару кедендік төлемдер мен салықтарды, өсімақыларды төлеу орны бойынша кеден органы берген бюджетке кедендік баждардың, салықтардың, кедендік алымдар мен өсімақылардың артық (қате) төленген сомасы бар екендігін растау негізінде жүргізіледі.
      Ескерту. 144-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      145. Қате есептелген салық және бюджетке төленетін басқа да міндетті төлемдерді есепке жатқызу бір бюджет кірісі сыныптамасының кодынан басқасына және/немесе бір салық органынан басқасына жүргізіледі.
      146. Алып тасталды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      147. Үш банк күнінің ішінде есеп жүргізуге жауапты лауазымды тұлға бюджет кірістерінің жіктемесіне сәйкес салықтар мен бюджетке міндетті басқа да төлемдерді одан әрі есептеу үшін келіп түскен салықтар мен бюджетке міндетті басқа да төлемдердің тиістілігін анықтауды жүзеге асырады.
      148. Банктер немесе банк операцияларын жекелеген түрлерін жүзеге асыратын ұйымдар қате қосарлама аударған жағдайларда бюджеттен салық және басқа да міндетті төлемдерді қайтару егер көрсетілген сомалар бір төлем құжатымен расталса, (сол салық кезеңі үшін салықтың (төлемнің) сол түрі бойынша сол сомада) салық органдары мынадай тәртіпте жүргізеді.
      Банктер немесе банк операцияларын жекелеген түрлерін жүзеге асыратын ұйымдар салық органына мынадай деректемелерді көрсете отырып, негізделген салық және басқа да міндетті төлемдерді қайтаруға өтініш береді:
      1) қате аударым күні;
      2) төлем құжатының нөмірі, күні;
      3) салық төлеушінің атауы, СТН-ы (БСН/ЖСН (болған жағдайда));
      4) бюджет кірістері жіктемесінің коды;
      5) бенефициар;
      6) бенефициардың СТН-ы (БСН (болған жағдайда)), ЖСК, бенефициар банкінің БСК;
      7) салық (төлем) сомасы.
      149. Банктер немесе банк операцияларын жекелеген түрлерін жүзеге асыратын ұйымдар берген құжаттардың негізінде салық органы салық төлеушілердің банк шоттарынан және/немесе банктердің немесе банк операцияларын жекелеген түрлерін жүзеге асыратын ұйымдардың шоттарынан салық бюджетке төленетін басқа да міндетті төлемдердің сомаларының қосарлама аударылуын растауды жүргізеді.
      150. Бюджетке салықтар мен басқа да міндетті төлемдердің қосарлама аударылуы расталған жағдайда өтініш және қосарлама аударуды растау негізінде банктерге немесе банк операцияларын жекелеген түрлерін жүзеге асыратын ұйымдарға қайтаруды жүргізу қажет.
      151. Салық төлеушілердің (салық агенттерінің) дербес шоттарындағы бюджеттен көрсетілген соманы қайтару туралы бюджетті орындау бойынша уәкілетті органның аумақтық органдарынан есептер мен төлем құжаттарын алғаннан кейін "Қайтарылды" бағанында тиісті жазба жүргізіледі.

15-тарау. Салық органдарының инкассалық өкімдері
бойынша өндіріліп алынған салық берешегін есепке алу

      152. Инкассалық өкім осы Ережеге 32-қосымшаға сәйкес Инкассалық өкімдерді тіркеу журналында қалыптастырылады, тіркеледі және салық берешегі бар салық төлеушілердің (салық агенттерінің) банк шоттарына қою үшін банктерге немесе банк операцияларын жекелеген түрлерін жүзеге асыратын ұйымдарға беріледі. Банкке немесе банк операцияларын жекелеген түрлерін жүзеге асыратын ұйымға біреуден астам инкассалық өкімді беру кезінде салық органдары мыналар көрсетілетін инкассалық өкімнің тізілімін жасайды:
      1) салық төлеушінің атауы;
      2) салық төлеушінің СТН-ы;
      3) БСН/ЖСН (болған жағдайда);
      4) салық төлеушінің банк шоты;
      5) салық (төлем) сомасы;
      6) кірістердің бюджеттік жіктемесінің коды;
      7) инкассалық өкімнің күні мен нөмірі;
      8) төлем белгілеу коды.
      153. Дербес шоттағы салық органының инкассалық өкімі бойынша салық төлеуші (салық агенті) салық берешегін бюджетке толық төлеген кезде төлем тапсырмалары бойынша дербес шотта төленген сомаларды көрсету тәртібіне ұқсас барлық деректемелер бойынша жазба жүргізіледі, ал Инкассалық өкімдерді тіркеу журналында тиісті бағандар бойынша көрсетілген инкассалық өкімнің орындалуы туралы белгі қойылады.
      154. Инкассалық өкім ішінара орындалған кезде салық органына ішінара орындалғаны туралы белгісі бар электронды төлем тапсырмасы жіберіледі.
      Инкассалық өкімді тіркеу журналында ақшаны есептен шығару жүргізілген банк шотының нөмірін көрсете отырып осы өкім бойынша қаражатты ішінара есептен шығару туралы белгі қойылады.
      155. Дербес шотта өндіріп алынған сомаларды көрсеткен кезде мынадай деректер ескеріледі:
      1) инкассалық өкімнің нөмірі;
      2) салық төлеушінің (салық агентінің) банк шотынан соманы есептен шығару күні;
      3) салықтың немесе басқа міндетті төлемнің төленген сомасы;
      4) бюджетке есептеу күні.

16-тарау. Салық және бюджетке төленетін басқа да міндетті
төлемдердің, өсімақылардың артық төленген сомаларын есепке
жатқызуларды және қайтаруларды есепке алу

      156. Салық және бюджетке төленетін басқа да міндетті төлемдердің, өсімақылардың артық төленген сомаларын есепке жатқызу және қайтару жүргізу үшін дербес шоттарды жүргізу орны бойынша салық органына қағаз және/немесе электронды тасығыштарда Салық кодексінің 599-бабында көзделген салықтық өтініш беріледі.
      Салық өтініштерін есепке алу және қайтару үшін С алық және бюджетке төленетін басқа да міндетті төлемдердің, өсімақылардың артық төленген сомаларын есепке жатқызу және қайтару жүргізудің салық өтініштерін есепке алу Журналы осы ережелерге 33-қосымшасына сәйкес грант қаржысы есебінен алынатын тауарлар (жұмыстар, қызметтер) есептелген сомасынан есепке жатқызылған ҚҚС асып кетуі жүргізіледі.
      Ескерту. 156-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      157. Салық кодексі 599-бабына сәйкес артық төленген салық және төлемақы сомасы салық төлеушінің өтінішінсіз салықтың және төлемақының осы түрі бойынша өсімақылар мен айыппұлдарды өтеу есебіне есепке жатқызылуы тиіс.
      158. Артық төленген өсімақылар сомасы салық төлеушінің өтінішінсіз салықтың және төлемақының осы түрі бойынша бересілер мен айыппұлдарды өтеу есебіне есепке жатқызылуы тиіс.
      159. Заңды тұлғаның, жеке кәсіпкер салықтық өтінішінде мынадай мәліметтер көрсетілуі тиіс:
      1) өтініш берушінің атауы не тегі, аты, әкесінің аты;
      2) СТН (резидент емес болған жағдайда көрсетеді);
      3) БСН/ЖСН (болған жағдайда);
      4) өтініш берушінің мекен-жайы;
      5) артық төленген сомасы пайда болған салықтың немесе басқа міндетті төлемнің түрі;
      6) есепке жатқызуға немесе қайтаруға жататын сома;
      7) артық төленген сома есептелетін салықтың, төлемақының коды мен түрі;
      8) банк шотына қайтарылған жағдайда - салық төлеушінің (салық агентінің) банктік шотының нөмірі және банк және банк операцияларының жекелеген түрлерін жүзеге асыратын ұйымның атауы, сондай-ақ олардың деректемелері.
      160. Жеке кәсіпкер болып табылмайтын жеке тұлғаның осыған ұқсас салықтық өтінішінде мыналар көрсетілуі тиіс:
      1) өтініш берушінің тегі, аты, әкесінің аты;
      2) СТН (резидент емес болған жағдайда көрсетеді);
      3) БСН/ЖСН (болған жағдайда);
      4) өтініш берушінің мекен-жайы;
      5) жеке куәлік, төлқұжат немесе оны ауыстыратын құжаттың нөмірі және кім бергені;
      6) артық төленген сома пайда болған салықтың немесе басқа міндетті төлемнің атауы;
      7) нақты енгізілген сома;
      8) есепке жатқызуға, қайтаруға жататын сома;
      9) артық төленген сома есептелетін салықтың түрі мен коды;
      10) жеке тұлғаның артық төленген салық сомасын қайтаруды жүргізу қажет банктік шотының нөмірі және банк және банк операцияларының жекелеген түрлерін жүзеге асыратын ұйымның атауы.
      161. Артық төленген салық сомасын немесе басқа да міндетті төлемді, өсімақыларды қайтару кезінде салық төлеуші (салық агенті) салықтық өтінішке, егер міндеттілік міндетті төлемдердің жекелеген түрлерінің сомасын есептеу бойынша қайтару үшін негіздеме болып табылатын уәкілетті мемлекеттік органның құжатын уәкілетті мемлекеттік органға жүктеген жағдайда және салықты немесе басқа міндетті төлемді, өсімақыларды төлеу туралы төлем құжатының түпнұсқасы немесе көшірмесі қоса берілуі тиіс.
      162. Салықтар мен бюджетке төленетін басқа да міндетті төлемдер, өсімақылар туралы төлем құжатының түпнұсқасын немесе көшірмесін жоғалтқан кезде артық төленген салық немесе басқа да міндетті төлемнің, өсімақылардың сомасын қайтару Бюджетті орындау бойынша уәкілетті орган берген төлем құжаттары негізінде артық төленген сома фактісін растаған кезде жүзеге асырылады.
      163. Артық төленген табыс салығының сомасын қайтару кезінде резидент емес - салық төлеуші сома көрсетілетін қосарлама салық салуды болдырмау туралы халықаралық шарт ережелеріне сәйкес Қазақстан Республикасындағы көздерден алынған кірістерден төленген табыс салығының сомасын қайтаруға салықтық өтінішті береді, онда мыналар көрсетілуі тиіс:
      ұсталған салықтың сомасы;
      халықаралық шарт бойынша ұсталуға жататын салық сомасы;
      бюджеттен немесе шартты банк салымынан қайтарылуға тиіс салықтың жалпы сомасы.
      164. Кеден төлемдері мен салықтардың, өсімақылардың артық төленген сомасын есепке жатқызу немесе қайтару үшін төлеуші кеден төлемдері мен салықтарды төлеу орны бойынша Бюджетке кедендік баждардың, салықтардың, кедендік алымдар мен өсімақылардың артық (қате) төленген сомасы бар екендігін растауды алу үшін өтініш жолдайды.
      Ескерту. 164-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      165. Бюджетке кедендік баждардың, салықтардың, кедендік алымдар мен өсімақылардың артық (қате) төленген сомасы бар екендігін растауды алғаннан кейін төлеуші кеден органының тіркеу есебінің орны бойынша салық органына салықтарды, басқа да міндетті төлемдерді, өсімақылар мен айыппұлдарды есепке жатқызуға және қайтаруға салықтық өтініш береді. Өтінішке мына құжаттар қоса беріледі:
      1) кеден төлемдерін, салықтарды және өсімақыларды төлегені туралы төлем құжаттарының көшірмелері;
      2) кеден төлемдерін, салықтарды және өсімақыларды төлеген орын бойынша кеден органы берген бюджетке кедендік баждардың, салықтардың, кедендік алымдар мен өсімақылардың артық (қате) төленген сомасы бар екендігін растау.
      Ескерту. 165-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      166. Кеден органының тіркеу есебінің орны бойынша салық органы артық төленген кеден төлемдерінің, салықтардың және өсімақылардың сомаларын есепке жатқызуды немесе қайтаруды жүзеге асыру үшін салық төлеушінің тіркеу есебінің орны бойынша салық органдарында салық берешегінің бар не жоқ екендігіне тексеру жүргізеді.
      167. Салық және бюджетке төленетін басқа да міндетті төлемдер, өсімақылар бойынша салық берешегі бар болған кезде кеден төлемдерінің, салықтардың, өсімақылардың артық төленген сомаларын есепке жатқызу салықтық өтініш негізінде салық төлеушінің тіркеу есебінің орны бойынша салық органында жүргізіледі.
      168. Салық және бюджетке төленетін басқа да міндетті төлемдер, өсімақылар бойынша салық берешек жоқ болған кезде кеден органының тіркелген жері бойынша салық органы кеден төлемдері мен салықтардың, өсімақылардың артық төленген сомаларын салықтық өтініш негізінде төлеушінің банктік шотына қайтару жүргізеді.
      169. Бюджетке салықтың, төлемақының артық сомасын есептеу фактісі расталған және салық төлеушінің дербес шотында осы салық, төлемақы түрі бойынша өсімақылар мен айыппұлдардың төленбеген сомалары болған жағдайда бюджетке артық төленген салық және төлем сомасы Салық кодексінің 599-бабына сәйкес осы салық, төлемақы түрі бойынша өсімақылар мен айыппұлдарды өтеу есебіне міндетті түрде есепке алуға жатады. Бұл ретте осы есепке жатқызу салық төлеушінің өтінішінсіз дербес шотта артық төленген салық, төлемақы сомасы пайда болған күннен бастап он жұмыс күні ішінде жүргізіледі.
      170. Салық төлеуші бюджетке артық төленген салық, төлемақы сомасын салықтардың, төлемақылардың басқа түрлері бойынша салық берешегін өтеу есебіне есепке жатқызуға салықтық өтініш берген жағдайда осы Ереженің 169-тармағында көзделген есепке жатқызу жүргізілгеннен кейін салық органына осындай өтініш берген күннен бастап он жұмыс күні ішінде мынадай тәртіппен жүргізіледі:
      1) салық төлеуші есепке жатқызуға салықтық өтінішінде көрсеткен салық, төлемақы түрі бойынша бересілерді;
      салық төлеуші есепке жатқызуға салықтық өтінішінде көрсеткен салық, төлемақы түрі бойынша өсімақыларды;
      салық төлеуші есепке жатқызуға салықтық өтінішінде көрсеткен салық, төлемақы түрі бойынша айыппұлдарды өтеу есебіне;
      2) салықтардың және (немесе) төлемдердің осы және басқа түрлері бойынша алдағы төлемдер есебіне есепке алуға жатады.
      Бұл ретте бюджетке артық төленген салықтың, төлемақының сомасын есепке жатқызу салық төлеуші тіркеу есебінде тұрған осы және басқа салық органдарында бар салық берешектерін өтеу есебіне жүргізіледі.
      171. Егер есепке жатқызуға салықтық өтініш берген салық төлеуші құрылымдық бөлімшесі (құрылымдық бөлімшелері) бар заңды тұлға болып табылған жағдайда, онда осы Ереженің 169-тармағында және 170-тармағының 1) тармақшасында көзделген есепке жатқызу жүргізілгеннен кейін бюджетке артық төленген салықтың, төлемақының сомасы есепке жатқызуға берілген салықтық өтінішінде көрсетілген құрылымдық бөлімшесінің (құрылымдық бөлімшелерінің) осы және басқа салық органдарында бар салық берешегін өтеу есебіне мынадай тәртіпте есепке жатқызылады:
      1) осы салық, төлемақы түрі бойынша бересілерді;
      2) осы салық, төлемақы түрі бойынша өсімақыларды;
      3) осы салық, төлемақы түрі бойынша айыппұлдарды;
      4) салық төлеуші есепке жатқызуға салықтық өтінішінде көрсеткен салық, төлемақы түрі бойынша бересілерді;
      5) салық төлеуші есепке жатқызуға салықтық өтінішінде көрсеткен салық, төлемақы түрі бойынша өсімақыларды;
      6) салық төлеуші есепке жатқызуға салықтық өтінішінде көрсеткен салық, төлемақы түрі бойынша айыппұлдарды өтеу есебіне есебіне есепке алуға жатады.
      Заңды тұлғаның және құрылымдық бөлімшесінің (құрылымдық бөлімшелерінің) салық берешектері өтелгеннен кейін заңды тұлғаның артық төленген салық, төлемақы сомалары заңды тұлғаның салықтарының және (немесе) төлемдерінің осы және басқа түрлері бойынша алдағы төлемдер есебіне есепке алуға жатады
      172. Заңды тұлғаның құрылымдық бөлімшесі есепке жатқызуға салықтық өтініш берген кезде артық төленген салықтың, төлемақының сомасын есепке жатқызу осы Ереженің 169–170-тармақтарында белгіленген тәртіпте жүргізіледі.
      Заңды тұлғада салық берешегі болған жағдайда құрылымдық бөлімшенің бюджетке артық төленген салықтың, төлемақының сомасы осы Ереженің 171-тармақтарында белгіленген тәртіпте заңды тұлғаның салық берешегін өтеу есебіне есепке жатқызуға жатады.
      173. Салық төлеушінің дербес шотында бюджетке артық төленген өсімақылар сомасы және сонымен бір уақытта салықтың, төлемақының осы түрі бойынша бересілер мен айыппұлдар болған жағдайда салық органы дербес шотта артық төленген өсімақылар сомасы пайда болған күннен бастап он жұмыс күні ішінде салық төлеушінің өтінішінсіз салықтың, төлемақының осы түрі бойынша бересілер мен айыппұлдарды өтеу есебіне есепке жатқызу жүргізеді.
      174. Салық төлеуші бюджетке артық төленген салықтың, төлемақының сомасын басқа салықтардың, төлемақылардың түрлері бойынша салық берешегін өтеу есебіне есепке жатқызуға салықтық өтініш берген жағдайда есепке жатқызу осы Ереженің 173-тармағында көзделген есепке жатқызу жүргізілгеннен кейін салық органына осындай өтініш берілген күннен бастап он жұмыс күні ішінде мынадай тәртіпте жүргізіледі:
      1) өтеу есебіне :
      салық төлеуші есепке жатқызуға салықтық өтінішінде көрсеткен салық, төлемақы түрі бойынша бересілерді;
      салық төлеуші есепке жатқызуға салықтық өтінішінде көрсеткен салық, төлемақы түрі бойынша өсімақыларды;
      салық төлеуші есепке жатқызуға салықтық өтінішінде көрсеткен салық, төлемақы түрі бойынша айыппұлдарды;
      2) салықтардың және (немесе) төлемдердің осы және басқа түрлері бойынша алдағы төлемдер есебіне есепке алуға жатады.
      Бұл ретте артық төленген өсімақының сомасын есепке жатқызу салық төлеуші тіркеу есебінде тұрған осы және басқа салық органдарында бар салық берешектерін өтеу есебіне жүргізіледі.
      175. Егер есепке жатқызуға салықтық өтініш берген салық төлеуші құрылымдық бөлімшесі (құрылымдық бөлімшелері) бар заңды тұлға болып табылған жағдайда, онда осы Ереженің 173-тармағында және 174-тармағының 1) тармақшасында көзделген есепке жатқызу жүргізілгеннен кейін бюджетке артық төленген өсімақының сомасы есепке жатқызуға берілген салықтық өтінішінде көрсетілген құрылымдық бөлімшесінің (құрылымдық бөлімшелерінің) осы және басқа салық органдарында бар салық берешегін өтеу есебіне мынадай тәртіпте есепке жатқызылады:
      1) осы салық, төлемақы түрі бойынша бересілерді;
      2) осы салық, төлемақы түрі бойынша өсімақыларды;
      3) осы салық, төлемақы түрі бойынша айыппұлдарды;
      4) салық төлеуші есепке жатқызуға салықтық өтінішінде көрсеткен салық, төлемақы түрі бойынша бересілерді;
      5) салық төлеуші есепке жатқызуға салықтық өтінішінде көрсеткен салық, төлемақы түрі бойынша өсімақыларды;
      6) салық төлеуші есепке жатқызуға салықтық өтінішінде көрсеткен салық, төлемақы түрі бойынша айыппұлдарды өтеу есебіне есебіне есепке алуға жатады.
      Заңды тұлғаның және құрылымдық бөлімшесінің (құрылымдық бөлімшелерінің) салық берешектері өтелгеннен кейін заңды тұлғаның артық төленген өсімақы сомалары заңды тұлғаның салықтарының және (немесе) төлемдерінің осы және басқа түрлері бойынша алдағы төлемдер есебіне есепке алуға жатады
      176. Заңды тұлғаның құрылымдық бөлімшесі есепке жатқызуға салықтық өтініш берген кезде артық төленген өсімақылардың сомасын есепке жатқызу осы Ереженің 173–174-тармақтарында белгіленген тәртіпте жүргізіледі.
      Заңды тұлғада салық берешегі болған жағдайда құрылымдық бөлімшенің артық төленген өсімақылардың сомасы осы Ереженің 175-тармақтарында белгіленген тәртіпте заңды тұлғаның салық берешегін өтеу есебіне есепке жатқызуға жатады.
      177. Осы тарауда көрсетілген есепке жатқызу тәртібі мынадай төлемақыларға қолданылады:
      1) жер телімдерін пайдаланғаны үшін төлемақы;
      2) жер үсті көздерінің су ресурстарын пайдаланғаны үшін төлемақы;
      3) қоршаған ортаға эмиссия үшін төлемақы;
      4) радиожиілік спектрін пайдаланғаны үшін төлемақы;
      5) Қалааралық және (немесе) халықаралық телефон байланысын, сондай-ақ ұялы байланысын бергені үшін төлемақы.
      178. Артық төленген салық немесе төлемақы сомасын есепке жатқызуды салық төлеушінің дербес шоты бойынша артық төленген сома есептелген салық органы жүргізеді.
      179. Салықтардың басқа түрлері бойынша берешекті өтеу есебіне бюджетке артық төленген салық, төлемақы сомасын аудару үшін есеп жүргізуге жауапты лауазымды тұлға екі данада қорытындыны, сондай-ақ төлем тапсырмасының екі данасын толтырады және бюджетті орындау бойынша уәкілетті органның аумақтық органдарына береді.
      180. Төлем тапсырмалары осы Ережеге 32-қосымшаға сәйкес Салық және бюджетке төленетін басқа да міндетті төлемдер, өсімақылар мен айыппұлдар, есепке жатқызылуы тиіс ҚҚС-тың есептелген салық сомасынан арту, Қазақстан Республикасында тіркелген дипломатиялық және оларға теңестірілген өкілдіктерге грант қаражаттары есебiнен сатып алынатын тауарлар (жұмыстар, қызмет көрсетулер) бойынша төленген ҚҚС сомаларын есепке жатқызуға және қайтаруға төлем тапсырмаларын тіркеу журналында тіркеледі.
      181. Салық органдары бюджетті орындау бойынша уәкілетті органның аумақтық органдарына беретін артық төленген салық және бюджетке төленетін басқа да міндетті төлемдерді есепке алу және қайтаруға арналған қорытындылардың нысандарын толтыру мынадай тәртіпте жүргізіледі:
      Оң жақ жоғарғы бұрышында салық органы басшысының қолы қойылады, ал ол болмаған жағдайда - үлгілерде көрсетілген тиісті қолдарға сәйкес келетін оны алмастырушы тұлғаның қолы қойылады.
      "Салық органының атауы, СТН, БСН (болған жағдайда)" жолында артық төленген салық және бюджетке төленетін басқа да міндетті төлемдерді қайтаруды жүргізген салық органы, оның СТН-і, БСН (болған жағдайда) көрсетіледі.
      "Өтініш бойынша" жолында артық төленген салық және бюджетке төленетін басқа да міндетті төлемдерді есепке алу және қайтаруға өтініш берген жеке тұлғаның тегі, аты, әкесінің аты немесе заңды тұлғаның, жеке кәсіпкердің атауы және олардың СТН-і, БСН (болған жағдайда) көрсетіледі. Артық төленген салық және бюджетке төленетін басқа да міндетті төлемдердің сомаларын есепке жатқызу және қайтару салық органының қатесін түзетумен байланысты жүргізілетін болса, салық органының атауы және оның СТН-і, БСН (болған жағдайда) көрсетіледі.
      "Есепке жатқызу/қайтару туралы" жолында мына жазбалардың бірі көрсетіледі:
      а) бюджетке артық төленген сома;
      б) бюджетке қате төленген сома;
      в) ҚҚС сомасын бюджеттен қайтару.
      "Сомасында" жолында есепке жатқызуға және қайтаруға жататын сома сандармен және жақшаның ішінде жазумен көрсетіледі.
      "Берілген материалдарды тексеру кезінде салық төлеушінің дербес шотында 200__ "____" ________________ күніне бюджетке артық (қате) төленген сома, салық (төлем) бойынша бюджеттен ҚҚС-ты қайтару" жолында артық (қате) есептелген салық және бюджетке төленетін басқа да міндетті төлем немесе бюджеттен ҚҚС-ты қайтару есептелетін (қажеттісін таңдап алу керек) күн көрсетіледі және салық және бюджетке төленетін өзге де міндетті төлемнің толық атауы көрсетіледі.
      "Аталған сома шотта қалыптасты" жолында салық (төлем) сомасы есептелген бюджеттің кіріс шоты және бюджет жіктемесінің коды және салық органының атауы көрсетіледі.
      Кеден төлемдерінің, өсімақылар мен салықтардың артық төленген сомаларын есепке жатқызуды немесе қайтаруды жүргізу кезінде "Кеден төлемдерінің, өсімақылар мен бюджетке төленетін салықтардың артық төленген сомаларының бар екендігі туралы кеден органының растауы" жолында кеден органының атауы, Растауды беру күні мен нөмірі көрсетіледі.
      Салықтарды есепке жатқызуды жүзеге асыру кезінде "Аударылуға жатады" жолында салық есептелетін мемлекеттік бюджеттің кіріс шоты және бюджет жіктемесінің коды және БЖК толық атауы, салық органының атауы, СТН (БСН/ЖСН (болған жағдайда)) көрсетіледі; салық және бюджетке төленетін басқа да міндетті төлемдер, өсімақылар сомаларын қайтаруды жүзеге асыру кезінде салық төлеушінің қайтару жүргізілетін банк шоты, СТН (БСН/ЖСН (болған жағдайда)) салық төлеушінің атауы көрсетіледі, ал егер құрылымдық бөлімшелердің салық берешегін өтеу есебіне есепке жатқызу жүргізілетін болса СТН-і (БСН/ЖСН (болған жағдайда)) және құрылымдық бөлімшенің атауы көрсетіледі; артық (қате) төленген сомаларды жеке тұлғаларға қайтаруды жүзеге асыру кезінде банктің ЖСК-ы, банктің атауы, банктің СТН-і (БСН (болған жағдайда)) жеке тұлғаның тегі, аты, әкесінің аты, оның СТН-і (ЖСН (болған жағдайда)) және шотының нөмірі көрсетіледі.
      "СТК" жолында төлем белгілеудің коды және оның толық атауы көрсетіледі.
      "бенефициар-банктің/бюджетті орындау бойынша уәкілетті органның атауы көрсетіледі.
      "БСК, Бек" жолында салық және бюджетке төленетін басқа да міндетті төлемдер, өсімақы сомаларын банктік шотқа қайтару кезінде - салық төлеушіге қызмет көрсететін бенефициар-банктің атауы көрсетіледі, мұндағы бірінші сан салық төлеушінің резиденттік белгісін, ал екіншісі - салық төлеуші экономикасының секторын білдіреді; салықтар сомаларын салықтардың басқа түрлері бойынша берешекті өтеу есебіне есепке жатқызған ретте бюджетті орындау бойынша уәкілетті органның банктік сәйкестендіру коды және Бек коды көрсетіледі, мұнда, бірінші сан салық төлеушінің резиденттік белгісін, ал екіншісі - салық төлеуші экономикасының секторын білдіреді.
      Қорытындыға есеп жүргізуге жауапты лауазымды тұлғалары қол қояды. Қорытындыны ресімдегеннен кейін төлем тапсырмасы толтырылады. Төлем тапсырмасының барлық деректемелері қорытындыда көрсетілген деректемелерге сәйкес келуі тиіс.
      182. Салық органдары бюджетті орындау бойынша уәкілетті органның аумақтық органдарына беретін артық төленген салық және бюджетке төленетін басқа да міндетті төлемдердің, өсімақылардың сомаларын есепке жатқызуды және қайтаруды жүргізуге арналған төлем тапсырмасын толтыру мынадай тәртіппен жүргізіледі:
      "Күні" жолында төлем тапсырмасын қалыптастыру күні көрсетіледі.
      "Ақшаны жіберуші" жолында артық төленген салық және бюджетке төленетін басқа да міндетті төлемдерді есепке жатқызуды және қайтаруды жүргізетін салық органының атауы көрсетіледі.
      "ЖСК" жолында салық және бюджетке төленетін басқа да міндетті төлем есептелген бюджеттің кіріс шоты көрсетіледі.
      "Коды" жолында ақшаны жіберушінің (салық органының) коды көрсетіледі, мұндағы бірінші сан салық органы резиденттік белгісін, ал екіншісі - салық органы экономикасының секторын білдіреді. Салық органының коды - 11.
      "СТН" жолында ақшаны жіберуші салық органының СТН-і көрсетіледі.
      "БСК" жолында бюджетті орындау бойынша уәкілетті органның банктік сәйкестендіру коды көрсетіледі.
      "Алушы – банк" жолында бюджетті орындау бойынша уәкілетті органның атауы көрсетіледі;
      "Бенефициар" жолында артық төленген салық сомаларын есепке алуды жүргізген кезде оның есебіне салық сомасы есептелетін салық органының атауы көрсетіледі; салық және бюджетке төленетін басқа да міндетті төлемдерді қайтаруды жүргізген кезде артық төленген салық және бюджетке төленетін басқа да міндетті төлемдерді қайтаруды жүргізуге өтініш берген салық төлеушінің атауы көрсетіледі.
      "ЖСК" жолында салықты есепке алуды жүзеге асыру салық сомасы есепке алынатын бюджеттің кіріс коды көрсетіледі; артық төленген салық және бюджетке төленетін басқа да міндетті төлемдерді қайтаруды жүзеге асыру кезінде салық төлеушінің қайтару жүргізілетін банктік шоты көрсетіледі; артық (қате) төленген сомаларды жеке тұлғаларға қайтаруды жүзеге асырған кезде бенефициар банктің шоты көрсетіледі.
      "Бек" жолында салықтар сомаларын басқа салықтар бойынша берешектерді өтеу есебіне жатқызу кезінде Бек коды көрсетіледі, мұндағы бірінші сан салық органы резиденттік белгісін, ал екіншісі - салық органы экономикасының секторын білдіреді; салық және бюджетке төленетін басқа да міндетті төлемдерді банктік шотқа қайтару кезінде бенефициардың Бек коды көрсетіледі, мұндағы бірінші сан салық төлеушінің резиденттік белгісін, ал екіншісі - салық төлеуші экономикасының секторын білдіреді.
      Артық төленген салық сомаларын қайтаруды жүргізу кезінде "СТН" жолында ақшаны алушы салық органының СТН-і көрсетіледі; ал салық және бюджетке төленетін басқа да міндетті төлемдерді қайтару кезінде - ақшаны алушы салық төлеушінің СТН-і көрсетіледі.
      "Бенефициар банк" жолында артық төленген салық сомаларын қайтаруды жүргізу кезінде бюджетті орындау бойынша уәкілетті органның атауы көрсетіледі; ал салық және бюджетке төленетін басқа да міндетті төлемдерді банк шотына қайтаруды жүргізу кезінде қайтару жүргізілетін салық төлеушіге (өтініште көрсетілген) қызмет көрсететін банк атауы көрсетіледі.
      "БСК" жолында салықтардың сомаларын салықтардың басқа да түрлері бойынша берешекті өтеу есебіне жатқызған кезде - бюджетті орындау бойынша уәкілетті органның банктік сәйкестендіру коды; салық және басқа да міндетті төлемдердің, өсімақыларды сомаларын банк шотына қайтарған кезде салық төлеушіге қызмет көрсететін банк-бенефициардың банктік сәйкестендіру коды көрсетіледі.
      "Делдал – банк" жолы мен "БСК" жолы салық және бюджетке төленетін міндетті төлемдердің артық төленген сомаларын есепке жатқызу және қайтару жүргізілген кезде толтырылмайды.
      "Сомасы жазбаша" жолында салықтың басқа да түрлері бойынша салық берешегін өтеу есебіне есепке жатқызуға немесе банктік шотқа қайтаруға жататын сома жазбаша көрсетіледі, ол "Сомасы" жолында көрсетілген сомаға сәйкес болуы тиіс.
      "Тауарды (қызмет көрсетуді, жұмыс орындауды) алынған күні" жолында салық және бюджетке төленетін міндетті төлемдердің, өсімақылардың артық төленген сомаларын есепке жатқызу және қайтару жүргізілген кезде толтырылмайды.
      "Төлем тағайындау" жолында оның негізінде бюджетке артық (қате) төленген сомаларды есепке жатқызу немесе қайтару жүргізілетін немесе бюджеттен ҚҚС-н өтеу жүзеге асырылатын құжаттың атауы, нөмірі мен күні; артық төленген сомаларды есепке жатқызу немесе қайтару жүргізуге өтініш берген салық төлеушінің СТН-і (БСН/ЖСН (болған жағдайда)) және атауы немесе жеке тұлғаның тегі, аты, әкесінің аты; есепке жатқызу немесе қайтару жүргізілетін бюджет сыныптамасының коды көрсетіледі. Жеке тұлғаға артық төленген сомаларды қайтару кезінде қосымша оның шотының нөмірі көрсетіледі. Егер құрылымдық бөлімшелердің салық берешегін өтеу есебіне есепке жатқызу жүргізілетін болса, құрылымдық бөлімшенің СТН-і (БСН/ЖСН) және атауы көрсетіледі.
      "Төлем белгілеудің коды" жолында төлем белгілеу кодтарының ішінен біреуі көрсетіледі.
      "Бюджет жіктемесінің коды" жолы басқа да салықтар бойынша берешекті өтеу есебіне артық төленген салық сомаларын есепке жатқызу жүргізілген кезде толтырылады және салық сомасы есепке жатқызылатын бюджет жіктеушісінің коды көрсетіледі; салық төлеушінің банктік шотына салық және бюджетке төленетін міндетті төлемдердің, өсімақылардың артық төленген сомаларын қайтаруды жүзеге асырған кезде толтырылмайды.
      "Валюталау күні" жолы салық және бюджетке төленетін міндетті төлемдердің, өсімақылардың артық төленген сомаларын есепке жатқызу мен қайтару жүргізілген кезде толтырылмайды.
      Төлем тапсырмасына салық органының басшысы, ал ол болмаған жағдайда - оны ауыстыратын тұлға және есеп жүргізуге жауапты лауазымды тұлға қол қояды және салық салық органының мөрімен куәландырылады.
      Төлем тапсырмасының барлық деректемелері қорытынды нысанында көрсетілген деректемелерге сәйкес болуы тиіс.
      Ескерту. 182-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      183. Резидент емес салық төлеушілерге артық төленген сомаларды шетел валютасында ашық банк шоттарына қайтару салық органдары бюджетті орындау бойынша уәкілетті органның аумақтық органдарына беретін қорытындысы, төлем тапсырмасы негізінде ұлттық валютада жүргізіледі. Бұл ретте қорытындыда "Аударуға жатады" деген жолда резидент емес тұлғаның атауы көрсетіледі.
      184. Әрбір салық төлеушіге (салық агентіне) дербес шоттар жүргізілмейтін салық және бюджетке төленетін басқа да міндетті төлемдер бойынша салық төлеуші басқа міндетті төлемдердің артық төленген сомасын растайтын уәкілетті мемлекеттік органдардан қосымша құжаттар беруі тиіс.
      185. Салық органына басқа міндетті төлемдерді қайтару үшін дәлелді себептері көрсетілетін көрсетілген соманы қайтаруға уәкілетті мемлекеттік органдардың жазбаша шешімі (қорытындысы) беріледі.
      186. Артық төленген салық сомасы берешекті өтеудің белгіленген тәртібін жүргізуден кейін салық төлеушінің (салық агентінің) банк шотына қайтаруға жатады.
      187. Банк шотына артық төленген салықтар мен басқа да міндетті төлемдер, өсімақылар сомасын салық төлеушіге (салық агентіне) қайтару кезінде толтыру және осы Ережелердің 181 және 182- тармақтарында жазылған төлем тапсырмасы мен бюджетті орындау бойынша уәкілетті органның аумақтық органдарына қорытындыны беру тәртібі сақталады.
      188. Артық төленген салық және бюджетке төленетін басқа да міндетті төлемдерді, өсімақыларды қайтару егер Салық кодексінде өзгеше көзделмесе, қайтару туралы өтініш берілген күннен бастап он бес жұмыс күні ішінде салықты және басқа да міндетті төлемді төлеу орны бойынша жүргізіледі.
      189. Егер қайтару немесе есепке жатқызу сомасы айлық есептік көрсеткіштің 100 еселенген мөлшерінен асқан жағдайда, міндеттемелердің орындалуына бақылау бойынша лауазымды тұлға осы қайтарудың немесе есепке жатқызудың негізділігін растайтын жазбаша қорытынды береді.
      190. Дербес шоттардағы жүргізілген есепке жатқызулар мен қайтарулар туралы жазбалар бюджетті орындау бойынша уәкілетті органның есептері, салық органдарының төлем тапсырмалары, сондай-ақ салық органының қорытындысы негізінде жүргізіледі.
      Салық берешегін өтеудің есебіне артық төленген сомаларының өткізілген есепке жатқызулары бойынша резидент емес қосылған құн салығы бойынша салықты, резидент емес осы ережелерге 34-қосымшаға сәйкес қосылған құнға жататын төлеуді, салық төлеушіге есепке жатқызуды өткізуден кейін жүргізіледі.
      191. Қате төленгендерді қоспағанда, төленген басқа да міндетті төлемдердің мынадай түрлері бюджеттен қайтаруға жатпайды:
      1) Қазақстан Республикасының аумағы бойынша автокөлік құралдарының жүріп өткені үшін алым;
      2) жануарлар әлемін пайдаланғаны үшін төлемақы;
      3) ерекше қорғалатын табиғи аумақтарды пайдаланғаны үшін төлемақы;
      4) кеме жүретін су жолдарын пайдаланғаны үшін төлемақы;
      5) сыртқы (көрнекі) жарнаманы орналастырғаны үшін төлемақы;
      6) консулдық алымдар.
      192. Алым төлеген адам тиісті құжаттарды бергенге дейін тіркеуден (есепке қоюдан) не лицензиарға тиісті құжаттарды бергенге дейін лицензия алудан бас тартқан алымдарды бюджеттен алымдарды бюджеттен қайтару үшін қайтаруға өтінішті қоспағанда төлеу орны бойынша салық органына көрсетілген төлемді қайтару қажеттілігі туралы шешіммен қоса тиісті тіркеуші орган берген құжат беріледі.
      193. Төлеу орны бойынша салық органына мемлекеттік бажды бюджеттен қайтару үшін мыналар беріледі:
      1) қайтаруға өтініш;
      2) мемлекеттік бажды қайтару үшін негіздеме болып табылатын тиісті мемлекеттік органның құжаты;
      3) бюджетке мемлекеттік бажды төлеуді растайтын құжат.
      Ескерту. 183-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      194. Оның пайдасына іс бойынша бір тарап болып табылатын мемлекеттік мекемеден мемлекеттік бажды өндіріп алу туралы сот шешімі шыққан төлеушіге мемлекеттік баж сомасын қайтаруды салық органы мыналардың негізінде жүргізеді:
      1) салық төлеушінің немесе мемлекеттік мекеменің үшінші тұлғаның мүддесін қорғайтын жағдайларды қоспағанда мемлекеттік мекеменің салықтық өтініші;
      2) бюджетке мемлекеттік баж төлеу туралы төлем құжаты немесе сот органының шешімі.
      Бюджетке төленген мемлекеттік баж сомасын қайтаруды салық органдары мемлекеттік баж сомасы есепке жатқызылған тиісті бюджет жіктемесінің кодынан жүргізеді.
      Салық қызметі органы мемлекеттік баж сомасын қайтаруды жүзеге асырғаннан кейін салық төлеушіге және (немесе) сот шешімін орындау туралы хабарлама жібереді.
      195. Мемлекеттік баж сомасын қайтаруға құжаттар мемлекеттік баж сомасының бюджетке есепке жатқызылған күннен бастап үш жылдық мерзім өткенге дейін салық қызметі органына берілуі тиіс.
      196. Бюджетке артық төленген салықты, төлемақыны есепке жатқызу және қайтару мерзімі бұзылған кезде Салық кодексінде белгіленген тәртіпте есепке жатқызу және қайтару мерзімі бұзылған әр күні үшін Қазақстан Республикасының Ұлттық Банкі белгілеген қайта қаржыландырудың ресми ставкасының 2,5 еселенген мөлшерінде өсімақы есептеле отырып, жүргізіледі.
      197. Бюджет кірістерінің жіктемесінің кодтары арасында есепке жатқызу немесе салық төлеушінің (салық агентінің) банктік шотына қайтару жүзеге асырылғаннан кейін оның негізінде осындай есепке жатқызу және (немесе) қайтару жүргізілген төлем құжатына сәйкес дербес шоттарда мынадай операциялар көрсетіледі:
      1) бюджет кірістерінің жіктемесінің басқа кодына есепке жатқызу жүргізілген тиісті код бойынша дербес шотта, сондай-ақ салық төлеушінің (салық агентінің) банк шотына қайтару кезінде есепке жатқызу немесе қайтару сомасы "Қайтарылды" бағанында көрсетіледі;
      2) сома есепке жатқызылған тиісті код бойынша дербес шотта "Төленді" бағанында көрсетіледі.
      198. Төлем көзінен ұсталатын салықтарды есептеу, ұстап қалу және аудару бойынша міндет жүктелген салық агенті жеке табыс салығын артық ұстап қалған жағдайда артық ұсталған салықты қайтару үшін салық төлеуші салық агентіне өтінішпен жүгінеді. Жеке табыс салығын артық ұстап қалу фактісі расталған кезде және салық агенті салық төлеушіге салықты қайтарған кезде қосымша салық есептілігі табыс етіледі.

17-тарау. Есепке жатқызылуы тиіс қосылған құн салығының
есептелген салық сомасынан артығын қайтару

      199. Салық тексеруі актісіне қол қойылғаннан кейін не бюджеттен қайтаруға жататын есептелген ҚҚС сомасынан есепке жатқызылуы тиіс ҚҚС артық сомасының дұрыстығын растау бойынша актіге қорытынды шығарылғаннан кейін салық тексеруінің нәтижелеріне не болмаса Салық кодексінің 274-бабы 2-тармағында көзделген, салық міндеттемесін орындауы жауапты алғаннан кейін жауапты лауазымды тұлға есеп жүргізуге жауапты лауазымды тұлғаға ҚҚС төлеушілерінің тізімін береді, олар бойынша салық төлеушінің салық берешегі жоқ және (немесе) бар екендігі туралы құжат (бұдан әрі – берешектің жоқ екендігі туралы құжат) жасау қажет.
      Ескерту. 199-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      200. Егер ҚҚС төлеуші құрылымдық бөлімшесі бар заңды тұлға болып табылған жағдайда берешектің жоқ екендігі туралы құжат құрылымдық бөлімшелерінің салық берешектері ескеріле отырып, ҚҚС төлеушілер тізімі берілген күннен бастап бес жұмыс күні ішінде жасалады.
      Құрылымдық бөлімшелері жоқ заңды тұлғалар мен жеке кәсіпкерлер бойынша берешектің жоқ екендігі туралы құжат үш жұмыс күні ішінде жасалады.
      Берешектің жоқ екендігі туралы құжат ҚҚС төлеушілердің тізімін берген күнге жасалады.
      201. Берешектің жоқ екендігі туралы құжат салық төлеушінің тіркеу есебінің орны бойынша;
      орналасқан орны бойынша;
      салық салу объектісінің және (немесе) салық салуға байланысты объектінің орналасқан орны бойынша;
      салық төлеушінің құрылымдық бөлімшелерінің орналасқан орны бойынша салық органдарында ашық дербес шоттардың деректері бойынша жасалады.
      202. Берешектің жоқ екендігі туралы құжат жасалған күні есеп жүргізуге жауапты лауазымды тұлға қайтару бойынша шешім қабылдау үшін берешектің жоқ екендігі туралы құжатты салық тексеруінің нәтижелеріне жауапты лауазымды тұлғаға береді. Берешектің жоқ екендігі туралы құжатқа есеп жүргізуге жауапты лауазымды тұлға қол қояды.
      203. Есеп жүргізуге жауапты лауазымды тұлғадан берешектің жоқ екендігі туралы құжатты алған күннен бастап бір жұмыс күнінен кешіктірмей және есепке жатқызуға өтініштің негізінде салық тексеруін жүргізетін лауазымды тұлға екі данада осы Ережеге 35-қосымшаға сәйкес Есепке жатқызылуы тиіс қосылған құн салығының есептелген салық сомасынан артығын қайтаруға өкім (бұдан әрі - өкім) жасайды.
      ҚҚС төлеушілердің әрқайсысына бөлек өкім жасалады.
      204. Өкімге салық тексеруін жүргізетін лауазымды тұлға қол қояды және ҚҚС артығын нақты есепке жатқызу (қайтару) жүргізу үшін есеп жүргізуге жауапты лауазымды тұлғаға береді.
      205. Өкім негізінде оны алғаннан кейін екі жұмыс күнінен кешіктірмей есеп жүргізуге жауапты лауазымды тұлға салық берешегі болған кезде қорытынды және жасаған күнгі жағдай бойынша қалыптасқан заңды тұлғаның және/немесе құрылымдық бөлімшелердің салық берешегін өтеу есебіне есепке жатқызу жүргізуге төлем тапсырмасын жасайды. Сонымен бір уақытта ҚҚС төлеушінің банк шотына ҚҚС артық сомасының қалдығын қайтаруға төлем тапсырмасы жасалады.
      206. Қорытынды мен төлем тапсырмасын есеп жүргізуге жауапты лауазымды тұлға оны бекітуге берген күні салық органының басшысы немесе оны ауыстыратын тұлға бекітеді.
      207. Есеп жүргізуге жауапты лауазымды тұлға ресімдеген қорытынды мен төлем тапсырмасы қол қойылғаннан кейін бір жұмыс күнінен кешіктірілмей ҚҚС арту сомасын есепке жатқызуға (қайтаруға) өкім деректемелерін төлем белгілеуінде көрсете отырып, бюджетті орындау бойынша уәкілетті органның аумақтық органына жіберіледі.
      208. ҚҚС артығын есепке жатқызғаннан (қайтарғаннан) кейін есеп жүргізуге жауапты лауазымды тұлға өкімнің екінші данасын орындалғаны туралы белгі қоя отырып, салық тексеруінің нәтижелеріне жауапты лауазымды тұлғаға қайтарады. Өкімнің бірінші данасы есеп жүргізуге жауапты лауазымды тұлғада қалады.
      Қосылған құн салығы резидент емес төлеуге жататын салық төлеушіге есепке алу қосылған құн салығын қайтаруды өткізуден кейін растау жолымен есепке жатқызу қосылған құнға салықтың асып кетуін қайтару осы ережелерге 36-қосымшасына сәйкес салық берешегін өтеудің есебіне резидент еместегі қосылған құнға салығы бойынша сәйкес есептелінеді.

18-тарау. Өзге де негіздер бойынша қосылған
құн салығын қайтару

      209. Осы тараудың күші грант алушыларға немесе грант алушы тағайындаған орындаушыларға (бұдан әрі - грант алушы) грант есебінен сатып алынған тауарлар, жұмыстар, қызмет көрсетулер бойынша жеткізушілерге төленген қосылған құн салығы бойынша, сондай-ақ Қазақстан Республикасында тіркелген дипломатиялық және оларға теңестірілген өкілдіктерге (бұдан әрі - өкілдіктер) шетелдiк дипломатиялық және оларға теңестiрiлген өкiлдiктердің ресми пайдалануына, сондай-ақ осы өкiлдiктердiң дипломатиялық және әкiмшiлiк-техникалық қызметкерлерiне, олармен бiрге тұратын отбасыларының мүшелерiн (бұдан әрі - персонал) қоса алғанда, жеке пайдалануға арналған тауарларды жұмыстар, қызмет көрсетулердi жеткізушілерге төленген қосылған құн салығы бойынша таралады.
      210. Қосылған құн салығын грант алушыларға және өкілдіктерге қайтару Салық кодексінің 604-бабына сәйкес жүргізіледі.
      211. Қосылған құн салығының сомасын қайтаруды (есепке жатқызуды) салық төлеушінің орналасқан жері бойынша салық органы жүргізеді.
      212. Қосылған құн салығын грант алушыларға қайтару грант қаражаты есебінен сатып алынған тауарлар, жұмыстар, қызмет көрсетулер бойынша төленген қосылған құн салығын қайтару туралы салықтық өтініш берілген күннен бастап отыз жұмыс күні ішінде жүргізіледі.
      213. Грант алушының грант қаражаты есебінен қосылған құн салығын төлегені расталғаннан кейін бір жұмыс күні ішінде салық тексеруін жүзеге асыратын лауазымды тұлға грант алушыға есепке жатқызуға салықтық өтініш беру қажеттігін хабарлайды.
      Есепке жатқызуға салықтық өтініш осы Ереженің 212-тармағында белгіленген мерзімдер аяқталғанға дейін он жұмыс күні ішінде салық органына беріледі.
      Бұл ретте салық төлеушінің талабы бойынша салыстыру актісі жасалады.
      214. Сонымен бір мезгілде салық тексеруін жүзеге асыратын лауазымды тұлға есеп жүргізуге жауапты лауазымды тұлғаға грант алушылар тізімін береді, олар бойынша салық төлеушінің берешегінің бар және (немесе) жоқ екендігі туралы құжат (бұдан әрі – берешектің жоқ екендігі туралы құжат) жасауы тиіс.
      215. Тізім берілген күннен бастап бес жұмыс күні ішінде есеп жүргізуге жауапты лауазымды тұлға тізім берілген күнге берешектің жоқ екендігі туралы құжат жасайды.
      Егер грант алушы құрылымдық бөлімшелері бар заңды тұлға болып табылған жағдайда берешектің жоқ екендігі туралы құжат құрылымдық бөлімшелерінің салық берешектері ескеріле отырып, жасалады. Құрылымдық бөлімшесі жоқ заңды тұлғаларға және дара кәсіпкерлерге берешегі жоқ туралы құжатты, тізілімді берген күннен бастап, үш жұмыс күнінен кешіктірілмей беріледі.
      216. Салық төлеушінің орналасқан жері бойынша салық берешегі жоқ болған кезде салықтардың және төлемақылардың басқа түрлері бойынша бар салық берешегін өтеу есебіне есепке жатқызу былайша жүргізіледі:
      салық салынатын объектілердің және салық салумен байланысты объектілердің орналасқан жері бойынша;
      салық төлеушінің құрылымдық бөлімшелерінің орналасқан жері бойынша.
      217. Бюджеттен қайтарылуы тиіс қосылған құн салығының сомасы Салық кодексінің 599-бабы 13 және 15-тармақтарында белгіленген жағдайларды қоспағанда басқа салық төлеушінің салық берешегін өтеу есебіне қайтаруға (есепке жатқызуға) жатпайды.
      Берешектің жоқ екендігі туралы құжат салық төлеушінің тіркеу есебінің орны бойынша;
      орналасқан орны бойынша;
      салық салу объектісінің және (немесе) салық салуға байланысты объектінің орналасқан орны бойынша;
      салық төлеушінің құрылымдық бөлімшелерінің орналасқан орны бойынша салық органдарында ашық дербес шоттардың деректері бойынша жасалады.
      Берешектің жоқ екендігі туралы құжат жасалған күні есеп жүргізуге жауапты лауазымды тұлға қайтару бойынша шешім қабылдау үшін берешектің жоқ екендігі туралы құжатты салық тексеруінің нәтижелеріне жауапты лауазымды тұлғаға береді. Берешектің жоқ екендігі туралы құжатқа есеп жүргізуге жауапты лауазымды тұлға қол қояды.
      218. ҚҚС қайтаруды (есепке жатқызуды) салық органдары қайтаруға салықтық өтініште көрсетілген сома шегінде жүргізеді.
      219. Есепке жатқызуға салықтық өтінішке тауарлар импорты кезінде төленуі тиіс ҚҚС төлеу есебіне ҚҚС есепке жатқызу кезінде тауарлар импорты кезінде төленуі тиіс ҚҚС сомасы көрсетіле отырып, кеден органының растауы қоса беріледі.
      220. Егер бес жұмыс күні ішінде есепке жатқызуға салықтық өтініш берілмеген жағдайда ҚҚС есепке жатқызу (қайтару) жүргізілмейді.
      221. Егер грант алушының салық берешегі болған жағдайда және есепке жатқызуға салықтық өтініш берген кезде есепке жатқызуға салықтық өтініште көрсетілген салық берешегі берешектің жоқ екендігі туралы құжаттың деректеріне сәйкес келмеген жағдайда ҚҚС қайтару (есепке жатқызу) берешектің жоқ екендігі туралы құжат негізінде жүргізіледі.
      222. Есепке жатқызуға салықтық өтінішті алған күннен бастап бір жұмыс күнінен кешіктірмей салық тексеруін жүргізуге жауапты лауазымды тұлға екі данада осы Ережеге 37-қосымшаға сәйкес Грант қаражаты есебінен сатып алынған тауарлар, жұмыстар, қызметтер бойынша төленген ҚҚС сомаларын қайтаруға өкім (бұдан әрі - өкім).
      Әр грант алушыға бөлек өкім жасалады.
      223. Өкімге салық тексеруінің нәтижелеріне жауапты лауазымды тұлға қол қояды және нақты ҚҚС есепке жатқызу (қайтару) жүргізу үшін есеп жүргізуге жауапты лауазымды тұлғаға жіберіледі.
      224. Өкім негізінде оны алғаннан кейін екі жұмыс күнінен кешіктірмей есеп жүргізуге жауапты лауазымды тұлға салық берешегі болған кезде қорытынды және жасаған күнгі жағдай бойынша қалыптасқан заңды тұлғаның және/немесе құрылымдық бөлімшелердің салық берешегін өтеу есебіне есепке жатқызу жүргізуге төлем тапсырмасын жасайды. Сонымен бір уақытта ҚҚС төлеушінің банк шотына ҚҚС артық сомасының қалдығын қайтаруға төлем тапсырмасы жасалады.
      225. Қорытынды мен төлем тапсырмасын салық органының басшысы немесе оны ауыстырушы тұлға оны есеп жүргізуге жауапты лауазымды тұлға бекітуге берген күні бекітеді.
      226. Есеп жүргізуге жауапты лауазымды тұлға ресімдеген қорытынды мен төлем тапсырмасы қол қойылғаннан кейін бір жұмыс күнінен кешіктірілмей ҚҚС сомасын есепке жатқызуға (қайтаруға) өкім деректемелерін төлем белгілеуінде көрсете отырып, бюджетті орындау бойынша уәкілетті органның аумақтық органына жіберіледі.
      227. Грант алушыға ҚҚС есепке жатқызу (қайтару) жүргізілгеннен кейін есеп жүргізуге жауапты лауазымды тұлға өкімнің екінші данасын орындалғаны туралы белгі қоя отырып, салық тексеруінің нәтижелеріне жауапты лауазымды тұлғаға қайтарады. Өкімнің бірінші данасы есеп жүргізуге жауапты лауазымды тұлғада қалады.
      227-1. Салық кодексінің 241-бабына сәйкес төлеуге жататын қосылған құн салығы есебіне жатқызу жолымен қайтаруды өткізуден кейін салық төлеушіге осы Ереженің 34-1-қосымшасына сәйкес грант қаражаты есебінен сатып алынған тауарлар, жұмыстар, қызмет көрсетулер бойынша төленген, қосылған құн салығы есебіне жатқызуды өткізгені туралы растама беріледі.
      Ескерту. 227-1-тармақпен толықтырылды - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      228. Өкілдіктерге қосылған құн салығын қайтару Сыртқы істер министрлігінен жиынтық ведомостер (тізілімдер) мен қосылған құн салығын төлегенін растайтын құжаттарды алғаннан кейін отыз жұмыс күні ішінде жүргізіледі.
      229. Өкілдік қосылған құн салығын төлегенін растағаннан кейін бір жұмыс күні ішінде салық тексеруінің нәтижелеріне жауапты лауазымды тұлға екі данада осы Ережеге 38-қосымшаға сәйкес Қазақстан Республикасында тіркелген дипломатиялық және оларға теңестірілген өкілдіктерге ҚҚС сомаларын қайтаруға өкім (бұдан әрі - өкім) жасайды.
      230. Өкім негізінде оны алғаннан кейін екі жұмыс күнінен кешіктірмей есеп жүргізуге жауапты лауазымды тұлға қорытынды және өкілдіктің және (немесе) өкілдік персоналының банктік шотына ҚҚС қайтаруға төлем тапсырмасын жасайды.
      231. Өкілдікке және (немесе) өкілдік персоналына ҚҚС қайтару жүргізілгеннен кейін есеп жүргізуге жауапты лауазымды тұлға өкімнің екінші данасын орындалғаны туралы белгі қоя отырып, салық тексеруінің нәтижелеріне жауапты лауазымды тұлғаға қайтарады. Өкімнің бірінші данасы есеп жүргізуге жауапты лауазымды тұлғада қалады.

19-тарау. Заңды тұлғаны қайта ұйымдастыру кезінде
дербес шоттарды есепке алу және беру

      232. Салық органына заңды тұлғаны қайта ұйымдастыру туралы құжаттарды берген жағдайда Салық кодексінің 39-бабының 6-тармағына сәйкес салық органы оның құқық мирасқорына (құқық мирасқорларына) қайта ұйымдастырылған заңды тұлғаның салық міндеттемелерін беруге міндетті.
      233. Құқық мирасқорына (құқық мирасқорларына) қайта ұйымдастырылған заңды тұлғаның салық міндеттемелерін бергенге дейін осы Ережелердің 169-176-тармақтарында жазылған тәртіпте қайта ұйымдастырылған заңды тұлғаның салық берешегін өтеу есебіне бюджетке артық төленген салық төлемақылар, өсімақылар сомасын есепке жатқызу жүргізіледі.
      234. Егер құқық мирасқоры (құқық мирасқорлары) басқа салық органында тіркеу есебінде тұрған жағдайда бюджетке төлемдер бойынша дербес шоттардың көшірмелері қайта ұйымдастырылған заңды тұлға құқық мирасқорының (құқық мирасқорларының) салықтар мен бюджетке басқа да міндетті төлемдерді төлеу жөніндегі салық міндеттемелерін қабылдайтын салық органына жіберіледі.
      235. Көрсетілген құжаттар дербес шоттардың көшірмелері жіберілетін, салықтар мен бюджетке басқа да міндетті төлемдер түрлерінің тізбесі келтірілетін ілеспе хатпен жіберіледі, дербес шотпен басылған күн көрсетіледі, басшының қолы, беретін салық органының мөрі қойылады.
      236. Дербес шоттарда "Операцияның және оның негізінде жазба жүргізілетін құжат мәні" бағанында қорытындыны шығарғаннан кейін беретін салық органының дербес шоттарында мынадай мазмұндағы жазба жүргізіледі: "______________ (ауданы, қаласы, облысы) бойынша салық органына дербес шоттардың көшірмелері берілді", күні, қолы, салық органының мөрі.
      237. Құқық мирасқорының дербес шотына алынған құжаттардың негізінде қайта ұйымдастырылған заңды тұлғаның салық міндеттемелерін қабылдайтын салық органы қайта ұйымдастырылған заңды тұлғаның сальдосын ғана енгізеді.
      Қайта ұйымдастырылған заңды тұлғаның салық міндеттемелерін қабылдау кезінде қабылдаушы салық органы қайта ұйымдастырылған заңды тұлғаның құжаттарын қабылдаған күннен бастап он жұмыс күні ішінде берген салық органын оларды қабылдағаны туралы хабарландыруға міндетті.
      238. Қайта ұйымдастырылған заңды тұлғада бірнеше құқық мирасқоры болған жағдайда дербес шоттың сальдосы қайта ұйымдастыру кезінде құқық мирасқоры алған мүліктегі үлесі бойынша таратылады.
      239. Салық кодексінің 39-бабы 2-тармағына сәйкес заңды тұлғаны қайта құру құқық мирасқорының (құқық мирасқорларының) салықтар мен бюджетке төленетін басқа да міндетті төлемдерін бюджетке төлеу жөніндегі оның салық міндеттемелерінің орындау мерзімдерін өзгертуге негіз болып табылмайды.

20-тарау. Салық төлеушінің (салық агентінің)
орналасқан орнының өзгеруі кезінде дербес шоттарды
есепке алу және беру

      240. Заңды тұлғаның, филиалдың және өкілдіктің орналасқан жері өзгерген кезде бір салық органынан басқа салық органына салық төлеушінің (салық агентінің) дербес шоттарын беру Салық кодексінің 595-бабында көзделген негіздер бойынша жүргізіледі.
      241. Бұл ретте міндеттемелердің орындалуына бақылау бойынша лауазымды тұлға есеп жүргізуге жауапты лауазымды тұлғаға мыналар көрсетілетін тізімді береді, онда:
      1) салық төлеушінің (салық агентінің) атауы;
      2) СТН-і (БСН/ЖСН (болған жағдайда));
      3) тіркеу есебінен шығару күні;
      4) салық төлеуші (салық агенті) көшетін салық органының атауы.
      242. Егер салық төлеушінің бюджетке төленген салықтың, төлемақылардың, өсімақылардың артық сомалары болған жағдайда дербес шоттарды бергенге дейін бюджетке артық төленген салық, төлемақылар, өсімақылар сомаларын салық төлеушінің салықтық өтініші бойынша егер Салық кодексінде белгіленген талап қою мерзімі өтпеген кезде салық берешегін өтеу есебіне есепке жатқызу жүргізіледі.
      Аталған есепке жатқызу жүргізілгеннен кейін артық төленген салықтың, төлемақылардың, өсімақылардың қалған сомалары салық төлеушінің салықтық өтініші бойынша банктік шотына аударылуға жатады.
      243. Салық төлеуші тіркеу деректеріне өзгерістер енгізілген күннен бастап бес жұмыс күні ішінде артық төленген салықтың, төлемақылардың, өсімақылардың сомаларын есепке жатқызу және қайтару жүргізуге салықтық өтініш бермеген жағдайда салық төлеушінің дербес шоттарының жабылуы және осы тараумен белгіленген тәртіпте берілуі тиіс.
      244. Артық төленген салықтың, төлемақылардың, өсімақылардың сомаларын есепке жатқызу және қайтару жүргізілгеннен кейін салық төлеушінің дербес шоттарында тиісті бағандар бойынша қорытынды шығарылады.
      245. Беретін салық органының дербес шоттарында "Дербес шот жабылды,____________дербес шоттар көшірмелері _____________ (облысы, қаласы) __________ (ауданы, қаласы) бойынша салық органына жіберілді" жазбасы жүргізіледі.
      246. <*>
      Ескерту. 246-тармақ алынып тасталды - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен.
      247. Салық төлеушінің дербес шотын түгендеу кезінде салық органы салық төлеушінің салық есептілігін табыс етпеуі бөлігінде бұзушылықты анықтаған жағдай туындаған кезде салық төлеушінің жаңа орналасқан жері бойынша салық органының атына жіберілген ілеспе хатта міндетті тәртіпте салық кезеңі (салық кезеңдері) көрсетіле отырып, салық төлеуші табыс етпеген салық есептілігі нысандарының тізбесі көрсетіледі.
      248. Салық органына жіберілген ілеспе хатта берілетін құжаттар тізбесі көрсетіледі. Дербес шоттар электронды тасығыштарда беріледі.
      Ескерту. 248-тармақ жаңа редакцияда - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен. 
      249. <*>
      Ескерту. 249-тармақ алынып тасталды - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен.
      250. Салық төлеушінің (салық агентінің) дербес шоты берілгеннен кейін он жұмыс күні ішінде салық төлеушінің (салық агентінің) барлық құжаттары оның жаңа орналасқан жері бойынша салық органына берілуі тиіс.
      251. Құжаттарды алу кезінде салық төлеушінің жаңа орналасқан орны бойынша салық органы көрсетілген құжаттарды алу туралы беретін салық органын оларды алған күннен бастап он жұмыс күні ішінде хабарлауға міндетті.
      252. Салық төлеушінің (салық агентінің) қызметті жүзеге асыру орны, жаңа орналасқан орны бойынша салық органы дербес шоттарды жүргізудің бұрынғы орны бойынша салық органынан алынған кіретін "сальдоны" ескере отырып жаңа дербес шоттарды ашады.
      253. Салық органы Салық кодексімен белгіленген тәртіпте салық міндеттемелері бойынша салық берешегі болған кезде салық төлеушінің жаңа орналасқан жері, қызметті жүзеге асыру орны (салық агентінің) бойынша инкассалық өкім шығарады және бұрынғы орны бойынша салық органына инкассалық өкім шығарылғаны туралы хабарлайды.
      Салық төлеушінің бұрынғы орналасқан жері бойынша салық органы хабарландыруды алған кезде бұрын шығарылған инкассалық өкімді кері қайтарады.

21-тарау. Таратылатын заңды тұлғаның немесе жеке
кәсіпкердің салық міндеттемелерінің орындалуын есепке алу

      254. Салық тексеруін жүзеге асыратын лауазымды тұлға, сондай-ақ міндеттемелердің орындалуына бақылау бойынша лауазымды тұлға есеп жүргізуге жауапты лауазымды тұлғаға таратылатын заңды тұлғалардың, жеке кәсіпкерлердің тізімін береді.
      Таратылатын заңды тұлғаның құрылымдық бөлімшелері болған кезде атауы, СТН (БСН/ЖСН (болған жағдайда)), орналасқан орны көрсетіле отырып, олардың тізбесі беріледі.
      255. Таратылатын заңды тұлғаның, жеке кәсіпкердің талабы бойынша бюджет кірістері жіктемесінің барлық кодтары бойынша екі данада салықтар және бюджетке төленетін басқа да міндетті төлемдер бойынша салыстыра тексеру актісі жасалады.
      Құрылымдық бөлімшесі бар заңды тұлғаны тарату кезінде осы және басқа салық органдарында тіркеу есебінде бар заңды тұлға мен оның құрылымдық бөлімшелері бойынша салыстыра тексеру актісі жасалады.
      256. Таратылатын заңды тұлғада құрылымдық бөлімшелер болған жағдайда бюджеттің кірістерін жіктеу кодтары және барлық құрылымдық бөлімшелер бойынша үш данада салықтар және бюджетке төленетін басқа да міндетті төлемдер бойынша салыстыра тексеру актісі жасалады.
      257. Салыстыра тексеру актісінің бір данасы заңды тұлғаға тапсырылады, екінші данасы салық органында қалдырылады.
      258. Тарату кезеңінде салық міндеттемелері туындаған жағдайда оларды орындау Салық Кодексінде белгіленген мерзімде және тәртіпте олардың туындауына қарай жүргізіледі.
      259. Егер таратылатын заңды тұлғаның немесе жеке кәсіпкердің бюджетке артық төленген салықтардың, төлемақылар және өсімақылар сомасы болса, онда көрсетілген сома осы Ереженің 169-176-тармақтарында белгіленген тәртіпте таратылатын заңды тұлғаның немесе жеке кәсіпкердің салық берешегін өтеу есебіне есепке жатқызуға жатады.
      260. Таратылатын заңды тұлғада немесе жеке кәсіпкерде салық берешегі болмаған жағдайда бюджетке артық төленген салық, басқа да міндетті төлемдердің және өсімақылардың сомалары салық тексеруі немесе Салық кодексінің 43-бабы 7-тармағына сәйкес жүргізілген камералдық бақылауы жүргізілгеннен кейін осы заңды тұлғаға немесе жеке кәсіпкерге қайтаруға жатады.
      Артық төленген салық, басқа да міндетті төлемдер мен өсімақылар сомасын қайтаруға өтініш болмаған кезде салық тексеруін жүзеге асыратын лауазымды тұлға заңды тұлғаның немесе жеке кәсіпкердің дербес шотында есептеуге жататын артық төлеу сомасы, ал салық берешегі сомасын заңды тұлғаны салық төлеушілердің мемлекеттік дерекқорларынан және жеке тұлғаны жеке кәсіпкер ретінде тіркеу есебінен алып тастағаннан кейін азайтуға жататын артық төлеу көрсетілетін салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар мен өсімақылардың сомаларын есептеуге (кемітуге) тізілім жасайды.
      Дербес шоттарда көрсетілген операциялар жүргізілгеннен кейін дербес шоттың жабылуы жүргізіледі.
      Ескерту. 260-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      261. <*>
      Ескерту. 261-тармақ алынып тасталды - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен.
      262. Салық кодексінің 38-бабы 6-тармағында көрсетілген құжаттарды алғаннан кейін құрылымдық бөлімшенің тіркеу есебінің орны бойынша салық органы қызметін тоқтатқан құрылымдық бөлімшенің дербес шоттарын электронды тәсілмен заңды тұлғаның тіркеу есебінің орны бойынша салық органына береді.
      Ескерту. 262-тармақ жаңа редакцияда - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен.
      263. Құжаттарды беруді жүзеге асыратын салық органының дербес шоттарында дербес шоттың тиісті бағандарында қорытынды жасалғаннан кейін дербес шоттың "Операцияның мазмұны және соның негізінде жазба жүргізілетін құжат" 2-бағанында мынадай мазмұндағы жазба жүргізіледі: "Дербес шоттардың көшірмелері ______________ (ауданы, қаласы, облысы) бойынша салық органына берілді", күні, есеп жүргізуге жауапты лауазымды тұлғалардың қолдары, салық органының мөрі.
      264. Салық органы алынған құжаттардың негізінде заңды тұлғаның дербес шотына таратылған құрылымдық бөлімшенің "сальдосын" енгізеді.
      Таратылған заңды тұлғаның немесе жеке кәсіпкердің дербес шоттарында "Дербес шот жабық" жазбасы жүргізіледі.

22-тарау. Банкрот деп танылған заңды тұлғалардың, жеке кәсіпкерлердің және оңалту, сондай-ақ Қазақстан Республикасының Азаматтық кодексінде көзделген негіздер бойынша тарату рәсімін өтетін заңды тұлғалардың, жеке кәсіпкерлердің салық міндеттемелерін орындауын есепке алу

      265. Міндеттемелердің орындалуына бақылау бойынша лауазымды тұлға есеп жүргізуге жауапты лауазымды тұлғаға оларға сот шешімдерімен деректемелерін көрсете отырып (атауы, СТН (БСН/ЖСН (болған жағдайда)), орналасқан орны, банк шоттарының деректемелері, сот шешімінің күні мен нөмірі), банкроттық, оңалту, сондай-ақ Қазақстан Республикасы Азаматтық кодексінің 49-бабында көзделген негіздер бойынша тарату рәсімі қолданылған жеке кәсіпкерлердің, заңды тұлғалар мен олардың құрылымдық бөлімшелерінің тізбесін береді.
      266. Заңды тұлға немесе жеке кәсіпкер туралы мәліметке "банкрот деп жарияланды", "оңалту рәсімін өтуде", "тарату рәсімін өтуде" белгісі енгізіледі.
      267. Салық міндеттемелері тарату кезеңінде туындаған жағдайда орындау Салық кодексінде белгіленген мерзімде және тәртіпте олардың туындауына қарай жүргізіледі.
      268. Заңды тұлғаны салық төлеушілердің мемлекеттік дерекқорынан алып тастағаннан кейін және жеке кәсіпкерді тіркеу есебінен шығарғаннан кейін міндеттемелердің орындалуына бақылау бойынша лауазымды тұлға барлық қажетті құжаттар негізінде кемітуге есептен шығарылған міндетті зейнетақы жарналарын, әлеуметтік аударымдар мен өсімақылар, салық және бюджетке төленетін басқа да міндетті төлемдер сомасы, ал есептеуге есептелген артық төлеу сомалары көрсетілетін Салық және басқа да міндетті төлемдерді, міндетті зейнетақы жарналарын, әлеуметтік аударымдар мен өсімақыларды, сондай-ақ салық тексерулерінің нәтижелері мен әкімшілік жазаларды қолдану туралы қаулылар бойынша Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақылар мен айыппұлдар сомаларын қоса есептеуге (кемітуге) тізілімді есептеуге тізілім (осы тараудың мақсатында бұдан әрі - Тізілім) толтырады.
      Дербес шотта оның негізінде Тізілім толтырылатын құжаттың деректері көрсетіледі (құжаттың күні, нөмірі мен атауы).
      Дербес шотта көрсетілген операцияларды жүргізгеннен кейін күнін, есеп жүргізуге жауапты лауазымды тұлға ның тегі, аты, әкесінің аты көрсете отырып дербес шотты жабуды жүргізеді.
      Ескерту. 268-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.

23-тарау. Сот хабарсыз кеткен деп таныған
жеке тұлғаның салық міндеттемелерін есепке алу

      269. Соттың жеке тұлғаны хабарсыз кеткен деп тануы туралы шешім шыққанға дейін салық органы сот органдарының сұрау салулары бойынша берешегінің жоқ (бар) екендігі туралы құжатты береді.
      270. Хабарсыз кеткен жеке тұлғаның берешегінің жоқ (бар) екендігі туралы құжатты есеп жүргізуге жауапты лауазымды тұлға жасайды.
      271. Жеке тұлғаны соттың хабарсыз кетті деп тануы туралы шешім қабылданған күннен бастап келесі күннен кешіктірілмейтін мерзімде есеп жүргізуге жауапты лауазымды тұлғаға соттың жеке тұлғаны хабарсыз кетті деп танығаны туралы мәлімет беріледі:
      1) жеке тұлғаның тегі, аты, әкесінің аты;
      2) СТН (ЖСН (болған жағдайда));
      3) сот шешімінің күні мен нөмірі;
      4) хабарсыз кетті деп танылған жеке тұлғаның мүлкіне қамқор ету бойынша міндеттеме жүктелген және хабарсыз кеткен жеке тұлғаның салық міндеттемесін орындауға міндетті тұлғаның тегі, аты, әкесінің аты;
      5) хабарсыз кеткен деп танылған жеке тұлғаның мүлкі жетпеген кезде есептен шығаруға жататын салықтар, төлемақылар мен сома.
      272. Салық берешегі болған жағдайда есеп айырысулар сальдосы хабарсыз кетті деп танылған жеке тұлғаның мүлкіне қамқор ету бойынша міндеттеме жүктелген және хабарсыз кеткен жеке тұлғаның салық міндеттемесін орындауға міндетті тұлғаға ашылған дербес шотқа көшіріледі.
      Көрсетілген операцияларды жүргізгеннен кейін хабарсыз кеткен жеке тұлғаның дербес шоты жабылады.
      273. Салық органы Салық кодексінде белгіленген тәртіппен хабарсыз кеткен деп танылған жеке тұлғаның салық берешегін өтеу үшін шаралар қабылдайды.
      274. Хабарсыз кеткен деп танылған жеке тұлғаның мүлкі салық берешегін өтеу үшін жетпеген кезде есеп жүргізуге жауапты лауазымды тұлға хабарсыз кеткен деп танылған жеке тұлғаның дербес шотында мүліктің жетпейтіндігі туралы сот шешімі шыққан күннен бастап салық берешегін оны өтеу үшін жетпейтін сома шегінде сот шешіміне сәйкес есептен шығарады.
      Хабарсыз кеткен жеке тұлғаның салық берешегін есептен шығару дербес шотының "Азайтылды" бағанында көрсетілген сомасын өткізу жолымен жүргізіледі, "Операциялардың мазмұны" бағанында сот шешімінің нөмірі мен күні көрсетіледі.
      275. Салық органының бұрын есептен шығарылған салық берешегінің іс-әрекеті хабарсыз кеткен жеке тұлғаны тану туралы сот шешімін жою кезінде салық берешегінің осы сомасын дербес шотының "Есептелді" бағанына жазба жүргізу жолымен салық міндеттемесі жөніндегі қуыным мерзімінің белгіленген мерзіміне қарамастан сот тәртібінде жаңғыртылады.

24-тарау. Қайтыс болған жеке тұлғаның салық берешегі
мен артық төлеулерін есепке алу

      276. Жеке тұлғаның қайтыс болуы туралы міндеттемелердің орындалуына бақылау бойынша лауазымды тұлғадан ақпаратты алғаннан кейін есеп жүргізуге жауапты лауазымды тұлға міндеттемелердің орындалуына бақылау бойынша лауазымды тұлғаға қайтыс болу күніне немесе оны қайтыс болды деп жариялаған күнге салық міндеттемелерінің орындалуы жөніндегі бюджетпен есеп айырысуларының жағдайы туралы қайтыс болған жеке тұлғаның дербес шотынан көшірме жазбаны беруі тиіс.
      277. Міндеттемелердің орындалуына бақылау бойынша лауазымды тұлға қайтыс болған жеке тұлғаның салық берешегін өтеу үшін шаралар қабылдайды және есеп жүргізуге жауапты лауазымды тұлғаға мұрагерлерді айқындау жөніндегі ақпаратты; салықтар және төлемдер бойынша міндеттемелерді мұрагерлердің орындауына берілген соманы береді.
      278. Есеп жүргізуге жауапты лауазымды тұлға қайтыс болған күнге немесе қайтыс болды деп жарияланған күнге қайтыс болған жеке тұлғаға дербес шот ашады және салықтар мен төлемақылар бойынша берешек немесе артық төлеу болған кезде қайтыс болу күніне қайтыс болған жеке тұлғаның есеп айырысулар сальдосына көшірілетін мұрагерлердің жаңа дербес шотын ашады.
      279. Қайтыс болған күнге немесе қайтыс болды деп жарияланған күнге салықтар мен төлемақыларды төлеу жөніндегі қайтыс болған жеке тұлғаның салық міндеттемелері орындау мұрагерге (мұрагерлерге) жүктеледі.
      280. Мұрагерге үш жұмыс күні ішінде орындалмаған салық міндеттемелерінің сомалары туралы хабарлама жібереді.
      281. Мұрагер жоқ болған жағдайда оның қайтыс болу күніне қалыптасқан жеке тұлғаның салықтар мен төлемақылар бойынша берешегі Салық кодексінің 45-бабы 3-тармағының 2) тармақшасына сәйкес өтелді деп саналады.
      Берешекті есептен шығару "Азайтылды" немесе дербес шоттың "Есептелді" бағанында дербес шотының бағанында көрсетілген салық және төлемақы сомасын өткізу жолымен жүргізіледі.
      Жеке тұлғаны қайтыс болды деп жариялау туралы сот шешімінің күші жойылған кезде бұрын салық органы есептен шығарған салық берешегі Салық кодексінің 46-бабында белгіленген талап қою мерзіміне қарамастан сот тәртібінде дербес шоттың осы берешек сомасы "Есептелді" бағанында жазба жүргізу арқылы қайта жаңғыртылады.

25-тарау. Міндетті зейнетақы жарналары мен әлеуметтік аударымдарды есепке алу

      282. Жинақтаушы зейнетақы қорларына міндетті зейнетақы жарналарын есепке алу "Міндетті зейнетақы жарналарын есептеудің, ұстап қалудың (қоса есептеудiң) және жинақтаушы зейнетақы қорларына аударудың ережесін бекіту туралы" Қазақстан Республикасы Үкіметінің 1999 жылғы 15 наурыздағы N 245 қаулысының негізінде жүргізіледі.
      Әлеуметтік аударымдарды есепке алу "Әлеуметтік аударымдарды есептеу және аудару ережесiн бекiту туралы" Қазақстан Республикасы Үкіметінің 2004 жылғы 21 маусымдағы N 683 қаулысының негізінде жүргізіледі.
      283. Салық қызметі органдары жинақтаушы зейнетақы қорларына міндетті зейнетақы жарналарының және Мемлекеттік әлеуметтік сақтандыру қорына әлеуметтік аударымдардың толық және уақтылы аударылуына бақылауды жүзеге асырады.
      284. Қазақстан Республикасының Еңбек және халықты әлеуметтік қорғау министрлігі Зейнетақы төлеу мемлекеттік орталығы (бұдан әрі - Орталық) күн сайын өткен күнге уәкілетті органға "Облыстар қимасында Орталыққа зейнетақы жарналарының түсімдері туралы есепті" (Орталықтың 1-МЗЖ нысаны); "Облыстар қимасында Орталыққа әлеуметтік сақтандыру бойынша сомалардың түсімдері туралы есепті" (Орталықтың 2-ӘА нысаны) оған қоса оларға электрондық төлем құжаттарын табыс етеді.
      285. Уәкілетті орган Орталық табыс еткен электрондық төлем құжаттарының негізінде БСАЖ-не міндетті зейнетақы жарналары мен әлеуметтік аударымдарды қабылдайды.
      286. Электрондық төлем құжаттарын қабылдау нәтижелері бойынша республика бойынша, оның ішінде облыстар, Алматы және Астана қалалары бойынша жалпы сомада қабылданған электрондық төлем құжаттарымен бірге Орталықтың 1-МЗЖ нысаны мен Орталықтың 2-ӘА нысанының деректеріне салыстырып тексеру жүргізіледі.
      Бұл ретте Орталықтың 1-МЗЖ нысанынан міндетті зейнетақы жарналары сомаларының "010" және "019" төлемнің белгілеу кодтары бойынша жиынтығы аталған Орталықтың 1-МЗЖ нысанына қоса берілген төлем құжаттары бойынша сомалардың жиынтығына, ал "032" және "095" төлем белгілеу кодтары бойынша сомалардың жиынтығы аталған Орталықтың 1-МЗЖ нысанына қоса берілген төлем құжаттары бойынша сомалардың жиынтығына сәйкес келуі тиіс, мұнда төлем белгілеу кодтары:
      010 "Міндетті зейнетақы жарналары";
      019 "Міндетті зейнетақы жарналарының уақтылы аударылмағаны үшін өсімақы";
      032 "Жинақтаушы зейнетақы қорларының уақтылы аударылмағаны үшін қате есептелген сомаларды қайтаруы";
      095 "Жинақтаушы зейнетақы қорларының уақтылы аударылмағаны үшін қате есептелген өсімақы сомаларын қайтаруы".
      Бұл ретте Орталықтың 2-ӘА нысанынан әлеуметтік аударымдар сомаларының "012" және "017" төлем белгілеу кодтары бойынша жиынтығы аталған Орталықтың 2-ӘА нысанына қоса берілген төлем құжаттары бойынша сомалардың жиынтығына, ал "026" және "094" белгілеу кодтары бойынша сомалардың жиынтығы аталған Орталықтың 2-ӘА нысанына қоса берілген төлем құжаттары бойынша сомалардың жиынтығына сәйкес келуі тиіс, мұнда төлем белгілеу кодтары:
      012 "Міндетті әлеуметтік аударымдар";
      017 "Міндетті әлеуметтік аударымдардың уақтылы аударылмағаны үшін өсімақы";
      026 "Мемлекеттік әлеуметтік сақтандыру қоры" акционерлік қоғамының қате есептелген төлемдерді қайтаруы";
      094 "Мемлекеттік әлеуметтік сақтандыру қоры" акционерлік қоғамының қате есептелген міндетті әлеуметтік аударымдардың уақтылы аударылмағаны үшін өсімақыларды қайтаруы";
      287. Салыстырып тексеру нәтижелері бойынша осы Ережеге 39 және 40-қосымшаларына сәйкес Міндетті зейнетақы жарналары бойынша түсімдер мен қайтаруларды БСАЖ-не қабылдау хаттамасы, Әлеуметтік аударымдар бойынша түсімдер мен қайтаруларды БСАЖ-не қабылдау хаттамасы (бұдан әрі - Хаттама) қалыптастырылады.
      Міндетті зейнетақы жарналары мен әлеуметтік аударымдардың түсімдері мен қайтарулары бойынша ауытқулар анықталған Хаттаманы уәкілетті орган ауытқудың себебін анықтау және жою үшін Орталыққа жібереді.
      Орталық Хаттаманың негізінде көрсетілген күн үшін Орталықтың 1-МЗЖ нысанының есебін немесе Орталықтың 2-ӘА нысанының есебін және оған төлем құжаттарын қайта табыс етеді.
      288. Уәкілетті орган күн сайын республика бойынша әрбір күн үшін төлем құжаттарының негізінде міндетті зейнетақы жарналары мен әлеуметтік аударымдардың түсімдері мен қайтаруларының бірыңғай дерекқорын қалыптастырады, онда төлем құжаттарының барлық деректемелері көрсетіледі.
      289. Уәкілетті орган төлем құжатында көрсетілген СТН (БСН/ЖСН (болған жағдайда)) негізінде міндетті зейнетақы жарналары мен әлеуметтік аударымдарды төлеу бойынша агенттің орналасқан (тұрғылықты) орны бойынша салық төлеушінің тіркеу деректеріне сәйкес республиканың салық органдары бойынша төлем құжаттарын бөлуді жүргізеді.
      Салық органдары бойынша міндетті зейнетақы жарналарының сомаларын бөлу нәтижелері бойынша "Міндетті зейнетақы жарналарының алынған түсімдері мен қайтаруларын салық органдары бойынша бөлу бойынша есеп" (3-ҚР МЗЖ нысаны) қалыптасады.
      Салық органдары бойынша әлеуметтік аударымдардың сомаларын бөлу нәтижелері бойынша "Әлеуметтік аударымдардың алынған түсімдері мен қайтаруларын салық органдары бойынша бөлу бойынша есеп" (4-ҚР ӘА нысаны) қалыптасады.
      290. Уәкілетті орган күн сайын салық органдарына 3-ҚР МЗЖ нысаны мен 4-ҚР ӘА нысанын және төлем құжаттарын жібереді.
      291. Салық органдары төлем құжаттарын "Өңдеуге дайын" мәртебесімен бірыңғай ақпараттық жүйенің республика деңгейінен алынған міндетті зейнетақы жарналары мен әлеуметтік аударымдарды қабылдау режимінде қабылдайды.
      Төлем құжаттарын қабылдау режимін таңдаған кезде агенттің СТН (БСН/ЖСН (болған жағдайда)) бойынша дербес шоттарға жазба жүргізіледі.
      292. Салық органдарында міндетті зейнетақы жарналары мен әлеуметтік аударымдарды есепке алу Орталықтан келіп түскен және қайтарылған сомалар бойынша алынған төлем құжаттарының; салық төлеушілер тапсырған салық есептілігі; есептелген (кемітілген) сомалар бойынша - салық тексерулері нәтижелерінің негізінде жүргізіледі.
      293. Салық органдары әрбір күн үшін міндетті зейнетақы жарналары мен әлеуметтік аударымдардың түсімдері мен қайтарымдарының жалпы сомаларын есепке алуды N 25-ЖЗҚ нысанының Міндетті зейнетақы жарналарының түсімдері мен қайтарулары тізілімінде және N 25-ӘСҚ нысанының Әлеуметтік аударымдардың түсімдері мен қайтарулары тізілімінде жүргізеді.
      294. Салық органдары әрбір күн үшін міндетті зейнетақы жарналары мен әлеуметтік аударымдардың түсімдері мен қайтарымдарының жалпы сомаларын есепке алуды "Бастапқы таратуды қарау" және "Төлемдердің импортталған тізілімдерінің жай-күйін бақылау" режимдерінің көмегімен бірыңғай ақпараттық жүйеде жүргізіледі.
      295. Міндетті зейнетақы жарналары мен әлеуметтік аударымдарды есептеу салық есептілігінде көрсетіледі. Бұл ретте салық төлеуші нысандардың "Салық органының коды" торкөзін толтыруы тиіс.
      296. Міндетті зейнетақы жарналары мен әлеуметтік аударымдарды төлеу бойынша агенттердің дербес шоттары:
      1) заңды тұлғаларға, олардың құрылымдық бөлімшелеріне - орналасқан орны бойынша;
      2) жеке кәсіпкерлерге, жеке нотариустар мен адвокаттарға және жеке сот орындаушыларына - орналасқан (тұрғылықты) орны бойынша ашылады.
      Ескерту. 296-тармақ жаңа редакцияда - ҚР Қаржы министрінің 2012.03.29 № 177 (тіркелген күнінен бастап қолданысқа енгізіледі) Бұйрығымен.
      297. Дербес шоттарды ашқан, жүргізген және жапқан кезде; мiндеттi зейнетақы жарналары мен әлеуметтік аударымдардың, өсiмақылар мен айыппұлдардың есептелген, қоса есептелген, аударылған және түскен сомаларының есебін жүргізген кезде осы тарауда көзделген ерекшеліктер ескеріле отырып, осы Ережелердің 2 және 3-бөлімдерінде мазмұндалған тәртіп сақталады.
      298. Дербес шотта міндетті зейнетақы жарналары мен әлеуметтік аударымдардың келіп түскен және қате аударылғандар қайтарылған сомаларының есебі N 25-ЖЗҚ нысанының Міндетті зейнетақы жарналарының түсімдері мен қайтарулары тізілімінде және N 25-ӘСҚ нысанының Әлеуметтік аударымдардың түсімдері мен қайтарулары тізілімінде жүргізіледі.
      299. Міндетті зейнетақы жарналары бойынша берешектерді бұрынғы қызметкердің банктік шотына немесе карт-шотына аударған кезде зейнетақымен қамтамасыз ету туралы заңнамада белгіленген жағдайларда салық агенті өсімақы сомалары есепке алмағанда жоғарыда көрсетілген міндетті зейнетақы жарналарының сомасы ұсталған кезең үшін қосымша Жеке табыс салығы бойынша есеп береді.
      Есепке бұрынғы қызметкерге акцепт жүргізілгені туралы банктің белгісімен бірге, міндетті зейнетақы жарналары мен өсімақы сомаларын аудару фактісін растайтын төлем құжатының көшірмесі қоса беріледі.
      Бұрынғы қызметкерінің банктік шотына аударылған міндетті зейнетақы жарналары мен өсімақылар сомасына дербес шотта азайту жүргізіледі.
      300. Дербес шоттарда операцияларды жазу тиісті бағандар бойынша құжаттардың негізінде жүргізіледі:
      "Ағымдағы күнтізбелік күн" бағанында - операциялардың жазбасы күні көрсетіледі;
      "Операция жазбасы (енгізу) күні" бағанында ағымдағы операция күні жазбасының күні көрсетіледі.
      "Операцияның мазмұны" бағанында - мiндеттi зейнетақы жарналары мен әлеуметтік аударымдардың, өсiмақылардың есептелген, қоса есептелген, аударылған және түскен сомаларының есебін жүргізгенде операцияларды жазу күні көрсетіледі;
      "Төлеу мерзімі" бағанында – міндетті зейнетақы жарналары мен әлеуметтік аударымдарды төлеу бойынша агент тапсырған салық есептілігінің негізінде немесе салық тексеруін жүргізудің қорытындысы бойынша төлеу мерзімі заңға сәйкес төлеу мерзімі;
      "Банк шотынан есептен шығару" бағанында - төлем құжатында көрсетілген күн;
      "Есептеу күні" бағанында – міндетті зейнетақы жарналары мен әлеуметтік аударымдары бойынша ЗТМО-нан алынған тізілім күні көрсетіледі;
      "Есептелді" бағанында - төлеушінің салық есептілігінің және (немесе) салық тексеруі нәтижелерінің негізінде мiндеттi зейнетақы жарналары мен әлеуметтік аударымдардың есептелген және қоса есептелген сомасы;
      "Кемітілді" бағанында - төлеушінің салық есептілігінің және (немесе) салық тексеруі нәтижесінің негізінде азайтылуға жататын сома;
      "Төленді" бағанында - төлем құжаттары негізінде түсімдер сомалары;
      "Қайтарылды" бағанында – 3-ҚР ЖЗҚ нысаны мен 4-ҚР ӘА нысанының және оларға төлем құжаттарының есебі негізінде қате аударылған сомаларды қайтарулар сомасы;
      "Есеп айырысу сальдосы (Бересі) (-) немесе (Артық төлеу (+)" бағаны мынадай арифметикалық әрекет негізінде есептеледі:
      "Есептік кезеңнің басына есеп айырысу сальдосы" бағаны алу "Есептелді" бағаны қосу "Азайтылды" бағаны қосу "Төленді" бағаны алу "Қайтарылды" бағаны;
      "Өсімақы сомасы" бағанында - табыстың нақты төленуі шартында агенттердің жинақтаушы зейнетақы қорларына және Мемлекеттік әлеуметтік сақтандыру қорына уақтылы аудармаған міндетті зейнетақы жарналары мен әлеуметтік аударымдар сомасына есептелген тұрақсыздық сомалары;
      "Кезең ішінде" бағанында - өсімақыларды есептеу немесе азайту жүргізілген кезең;
      "Өсімақы төленді" бағанында міндетті зейнетақы жарналары мен әлеуметтік аударымдар түсімдері мен қайтарулары тізілімі және оларға төлем құжаттары негізінде өсімақы сомалары;
      "Өсімақы сальдосы" есептелген және төленген өсімақылар арасындағы айырма;
      "Қайтаруларды шегере отырып жыл басынан енгізілді" бағанында 3-ҚР МЗЖ нысаны мен 4-ҚР ӘА нысанының есебіне және төлем құжаттарына сәйкес қайтарылған міндетті зейнетақы жарналары әлеуметтік аударымдарды шегергендегі түскен сомалар.
      301. Төлеушімен төлем құжаттарында төлемнің мақсатты коды қате, төлемнің мақсатына сәйкес келмейтін көрсетілген кезде, соның салдарынан негізгі төлем мен өсімақы сомаларына төлемдерді дұрыс емес бөлу болғанда, төлеушімен дербес шотты жүргізу орны бойынша салық органына өтініш табыс етіледі. Табыс етілген өтініш негізінде төлеушімен салыстыру актісі жасалады, қате төленген сома расталған жағдайда дербес шотта тиісті қосымша бухгалтерлік хаттаулар жүргізіледі. Төлеушінің дербес шотында аталған аударым өтініш салық органына табыс етілген күннен бастап үш жұмыс күнінен кешіктірілмей жүзеге асырылады.
      302. Төлем құжаттарын алған кезде салық органы мынадай:
      1) төлеушінің СТН-ы (БСН/ЖСН (болған кезде)) дұрыс көрсетілмеуі;
      2) салық төлеушілердің мемлекеттік дерекқорында жоқ агент бойынша төлем құжатын алуы;
      3) салық төлеушілердің мемлекеттік дерекқорында тіркелген, бірақ орналасқан (тұрғылықты) жері бойынша бірде бір салық органында тіркелмеген агент бойынша төлем құжатын алуы;
      4) банк немесе банк операцияларының жекелеген түрлерін жүзеге асыратын ұйымның:
      электронды төлем құжатын дұрыс емес ресімделген;
      деректемелердің ақша жіберуші төлем құжатында көрсеткен деректемелерге сәйкес келмеген;
      міндетті зейнетақы жарналары мен әлеуметтік аударымдардың сомаларын қайта берілген;
      төлем құжаттары олардың тиесілілігі анықталғанға дейін агенттің дербес шотында көрсетілмеген кезде ақша аудару туралы қате нұсқауы себепті агентті анықтау мүмкін емес.
      Жоғарыда аталған төлемдер анықталмаған деп есептеледі және барлық салық органының қолы жететін және төлем құжатының атауы бойынша және басқа деректемелері бойынша міндетті зейнетақы жарналары мен әлеуметтік аударымдардың тиесілігін анықтау үшін шаралар қолдануды күнделікті талап ететін "Анықталмаған төлемдер" мәртебесіндегі ақпарат қалыптасады.
      Барлық салық органдарында күн сайын Орталықтан электронды төлем құжаттарын қабылдағаннан кейін міндетті тәртіпте жасалуы тиіс "анықталмаған төлемдер" базасын анықтау бойынша жұмыстар жүргізіледі.
      303. Салық органы міндетті зейнетақы жарналары мен әлеуметтік аударымдарды төлеу кезінде төлем тапсырмалары қате ресімделген жағдайда төлеушінің тіркеу деректері бойынша төлем құжатының тиесілігін анықтайды, салық органы "Анықталмаған төлемдер" базасында агенттің СТН (БСН/ЖСН (болған кезде)) түзету жүргізеді. Агенттің түзетілген СТН (БСН/ЖСН (болған кезде)) салық төлеушінің тіркеу деректерімен салыстырылады және алшақтықтар болмаған кезде міндетті зейнетақы жарналары мен әлеуметтік аударымдардың сомасы дербес шотта көрсетіледі. Бұл ретте "Анықталмаған төлемдер" базасында мынадай қосымша жазба жүргізіледі:
      түзетілген СТН (БСН/ЖСН (болған кезде));
      дербес шотқа енгізу күні;
      міндетті зейнетақы жарналары әлеуметтік аударымдар бойынша дербес шотына жазба жүргізген салық органының атауы.
      304. Түзетілген СТН (БСН/ЖСН (болған кезде)) ескеріле отырып бір төлем құжаты бойынша агенттің дербес шотында көрсетілгеннен кейін, басқа салық органдарынан осы төлем құжатына ақпарат келіп түсетін жағдайлар пайда болғанда, салық органдары сұрау салу бойынша төлем құжатының тиесілігін анықтайды. Төлем құжатының тиесілігі анықталғаннан кейін келіп түскен сұрау салу бойынша басқа салық комитетіне тиесілігін мойындаған салық органы аталған төлемнен бас тартады, ал дербес шотта "Төленді" бағаны бойынша "алу" белгісімен тиісті жазба көрсетіледі.
      Басқа салық органында есепте тұрған агенттерден төлем құжаттарын алған кезде, салық органы бұл туралы қажетті деректемелерді көрсете отырып, уәкілетті органға хабарлайды және төлем құжаттарын агент тіркеу есебінде тұрған салық органына мақсаты бойынша жібереді.
      305. Орналасқан (тұрғылықты) орны өзгерген кезде төлеушінің (агенттің) дербес шотын бір салық органынан басқа салық органына беру төлеушінің (агенттің) тапсырылған тіркеу есебінен шығару туралы өтініші негізінде жүргізіледі.
      Бұл ретте міндеттемелердің орындалуына бақылау бойынша лауазымды тұлға есеп жүргізуге жауапты лауазымды тұлғаға:
      1) салық төлеушінің толық атауы;
      2) СТН (БСН/ЖСН (болған жағдайда));
      3) есептен шығару күні;
      4) төлеуші көшіп баратын салық органының атауы көрсетілетін тізім береді.
      Егер төлеуші орналасқан орны бойынша жеке кәсіпкер ретінде бір салық органында тіркелген, ал өзі басқа ауданда тұратын болса, онда міндетті зейнетақы жарналары мен әлеуметтік аударымдар бойынша төлем құжаттары ол орналасқан (тұрғылықты) орны бойынша тіркелген салық органына жіберіледі, бұл жағдайда өсімақы төлеу күні ескеріле отырып, автоматты режимде қайта есептеледі.
      Салық төлеуші табыс еткен тіркеу есебінен шығару туралы өтініш негізінде бұрынғы орналасқан (тұрғылықты) жері бойынша салық органы өтініш берілген күннен бастап он жұмыс күні ішінде ағымдағы жылдан бастап дербес шоттарды беру жүргізілетін есептен шығарылған күнге дейінгі кезең үшін міндетті зейнетақы жарналары мен әлеуметтік аударымдар бойынша салыстырып тексеру актісін толтырады.
      Егер бастап салық төлеуші тіркеу есебінен шығару туралы өтініш берілген күннен бастап он жұмыс күні ішінде салыстыру актісін толтыру үшін салық органына келмеген жағдайда дербес шоттарды бір салық органынан басқа салық органына беру салыстыру актісі жасалмай жүргізіледі.
      306. 3-ҚР МЗЖ нысаны мен 4-ҚР ӘА нысанының есебі қате СТН (БСН/ЖСН (болған кезде)) бар республика бойынша міндетті зейнетақы жарналары мен әлеуметтік аударымдарының түсімдері туралы ақпараттан тұрады. Қате СТН (БСН/ЖСН (болған кезде)) бар міндетті зейнетақы жарналары мен әлеуметтік аударымдарының түсімдері туралы ақпаратқа төлем құжаттары қоса беріледі.
      307. Қате СТН (БСН/ЖСН (болған кезде)) бар міндетті зейнетақы жарналары мен әлеуметтік аударымдары бойынша салық органдары:
      1) төлем құжатының деректерінен жіберушінің атауы, төлемнің мәтіндік белгіленуі және басқа белгілері бойынша агентті анықтау;
      2) міндетті зейнетақы жарналары мен әлеуметтік аударымдардың тиесілігін анықтаған жағдайда аталған сомаларды агенттердің дербес шоттарына таратып жазуы қажет.
      Уәкілетті орган бір мезгілде салық органдарынан бір төлем тапсырмасы бойынша міндетті зейнетақы жарналары мен әлеуметтік аударымдары сомаларының тиесілілігі туралы бірнеше хабарлама алған жағдайда уәкілетті орган бұл туралы төлем құжатының тиесілілігін анықтау бойынша шаралар қабылдайтын тиісті салық органдарын хабарландырады.
      Төлем құжатының бұрын берілген хабарламаға тиесілілігі айқындалған жағдайда салық органы уәкілетті органға жазбаша бас тарту жібереді.
      308. Зейнетақы жарналарының қате есептелген сомасын қайтару зейнетақы заңнамасымен белгіленген тәртіпте жинақтаушы зейнетақы қорлары жүргізеді.
      Жинақтаушы зейнетақы қорлары қате есептелген міндетті зейнетақы жарналарының сомаларын "032", "095" төлем белгілеу кодтарын көрсете отырып, Орталықтың банктік шоты арқылы жеке тұлғалардың тізімін қоса төлем тапсырмаларымен қайтарады.
      Әлеуметтік аударымдарды қайтаруды Мемлекеттік әлеуметтік сақтандыру қоры төлем құжаттарында "026", "094" төлем белгілеу кодтарын көрсете отырып жүргізеді.
      Орталықтан алынған тізілімді қабылдау кезінде тізілім сомасы бастапқы төлем тапсырмаларына мынадай жағдайларда сәйкес келмейді:
      тізілім бойынша сома төлем құжатындағы сомадан аз болуы міндетті зейнетақы жарналары мен әлеуметтік аударымдарды аудару ол үшін төлем жүргізілетін бір немесе бірнеше жеке тұлғалар бойынша бастапқы төлем тапсырмасына қоса берілген тізілімде қате анықталған кезде Орталық ішінара қайтаруды ала отырып жүргізгенін білдіреді;
      тізілім бойынша сома нөл – Орталық төлем тапсырмасында көрсетілген барлық сомаларды қайтарғанын білдіреді.
      Міндетті зейнетақы жарналары мен әлеуметтік аударымдар бойынша қайтаруды салық органдары жүргізбейді.
      309. Міндетті зейнетақы жарналарын уақтылы төлемегені үшін дербес шоттарда бұрын өсімақы есептелген 3-ҚР МЗЖ нысаны мен 4-ҚР ӘА нысанының қосымша (нақтыланған) есебі және оған өткен кезең үшін төлем құжаттарын уәкілетті органнан салық органы алған жағдайда салық төлеушінің дербес шотындағы көрсетілген өсімақы сомасы түзетіледі. Дербес шоттағы осы операция 3-ҚР МЗЖ нысаны мен 4-ҚР ӘА нысанының есебі есебін алу күніне жүргізіледі, ал "Төлемдерді есептеу күні" бағанында міндетті зейнетақы қорларына міндетті зейнетақы жарналарын және Мемлекеттік әлеуметтік сақтандыру қорына әлеуметтік аударымдарды есептеу күні көрсетіледі.
      310. Анықталмаған міндетті зейнетақы жарналардың кімге тиесілі екендігі, сондай-ақ қате СТН (БСН/ЖСН (болған кезде)) бар төлем тапсырмасы анықталған жағдайда салық төлеушінің дербес шоттарында бұрын есептелген өсімақы түзетіледі, бірақ міндетті зейнетақы жарналары жинақтаушы зейнетақы қорларына және әлеуметтік аударымдар Мемлекеттік әлеуметтік сақтандыру қорына уақтылы төленген жағдайда.
      311. Орталықтан және салық төлеушінің осы дербес шоттардан алынған құжаттар негізінде салық органдарында және уәкілетті органдарда:
      жыл басынан бастап күн, ай үшін осы Ережеге 41 , 42-қосымшаларға сәйкес жинақтаушы зейнетақы қорларына міндетті зейнетақы жарналарының және Мемлекеттік әлеуметтік сақтандыру қорына әлеуметтік аударымдардың түсу сомасы туралы есеп;
      айлар бойынша ай сайын немесе тапсырылған есептік күнге осы Ережеге 43 , 44-қосымшаларға сәйкес міндетті зейнетақы жарналары мен әлеуметтік аударымдар сомасының түсу динамикасы;
      осы Ережеге 45-қосымшаға сәйкес міндетті зейнетақы жарналары бойынша бересі динамикасы;
      осы Ережеге 46-қосымшаға сәйкес міндетті зейнетақы жарналары бойынша түсімдер динамикасы;
      осы Ережеге 47-қосымшаға сәйкес қайтарулар ескеріле отырып, міндетті зейнетақы жарналары бойынша түсімдер;
      осы Ережеге 48-қосымшаға сәйкес қайтарулар шегеріле отырып, айлар бойынша міндетті зейнетақы жарналары бойынша түсімдер;
      осы Ережеге 49-қосымшаға сәйкес Орталықтан алынған деректер бойынша айлар бойынша міндетті зейнетақы жарналары қайтарылды;
      осы Ережеге 50-сымшаға сәйкес міндетті зейнетақы жарналарының түсімі, қайтарулар, аударулар қалыптастырылады.

26-тарау. Дербес шоттарда қорытындыны шығару

      312. Ай, тоқсан, жылдың аяқталуы бойынша дербес шотта ақша есептелген, қоса есептелген, кемітілген, төленген, қайтарылған салық және бюджетке төленетін басқа да міндетті төлемдер, өсімақылар және айыппұлдар сомасы бойынша қорытынды шығарылады.
      313. Операцияның жазбасының әрбір күніне салық, бюджетке төленетін басқа да міндетті төлемдер, міндетті зейнетақылық жарналар, әлеуметтік аударымдар сомалары; өсімақы сомасы; айыппұл сомасы бойынша "Бересі (-), Артық төлеу (+) есеп айырысуының сальдосы" анықталады.
      314. "Бересі (-), Артық төлеу (+) есеп айырысуының сальдосы", "Өсімақы сальдосы", "Айыппұл сальдосы" бағаналары бойынша қорытындыны шығару кезінде қорытынды соманы есептеу жүргізілмейді, ал қорытынды қатарда соңғы операцияны жазу кезінде енгізілген бересі (-) немесе артық төлеу (+) сомасы жазылады.
      315. Дербес шоттардағы қорытынды шығарғаннан кейін айдың соңына, тоқсанның соңына, жылдың соңына сәйкес есеп сальдосының дұрыс есептелуін тексеру мынадай тәртіпте:
      "Бересі (-), Артық төлеу (+) есепті кезең басындағы сальдосы" минус "Айға (жылға) есептелді" плюс "Айға (жылға) кемітілді" плюс "Айға (жылға) төленді" минус "Айға (жылға) қайтарылды" деп жүргізіледі.
      316. СТН (БСН/ЖСН (болған кезде)) бойынша бюджеттің кірістерін әр жіктеу коды бойынша салық және басқа да міндетті төлемдер сомасының дербес шоттардан іріктеме, дербес шоттың барлық бағандары бойынша: ақпарат күнге, өспелі қорытындымен айға, тоқсанға және жыл басынан жүргізіледі.

27-тарау. Дербес шоттарды тексеру

      317. Салық және бюджетке төленетін басқа да міндетті төлемдер, міндетті зейнетақылық жарналар, әлеуметтік аударымдар есебін жүргізу тәртібінің сақталуына бақылау мақсатында есеп жүргізуге жауапты лауазымды тұлға дербес шоттардағы операциялардың дұрыс көрсетілуіне бақылау тоқсанына бір реттен көп жүргізбейді.
      318. Дербес шоттарды тексеру кезінде:
      1) осы Ережеге 13-қосымшаға сәйкес Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар және өсімақылар сомасын есептеуге (азайтуға) тізілім негізінде есептелген немесе азайтылған салықтар мен төлемақылар сомасын төлеу мерзімдері бойынша дербес шоттардағы жазбаның уақтылығын, дұрыстығын, толықтығын;
      2) бюджетті орындау бойынша уәкілетті органның бастапқы төлем құжаттары мен құжаттарының негізінде дербес шоттарға түскен, қайтарылған салық және басқа да міндетті төлемдер сомасы жазбасының уақтылылығын, дұрыстығын, толықтылығын;
      3) Салық төлеушінің (салық агентінің) бюджетпенен (бересі немесе артық төлеу) есеп айырысуының сальдосын шығарылуының дұрыстығы;
      4) Салық есептілігіне толықтырулар мен өзгертулер енгізу нәтижесінде салықтар мен төлемақылар бойынша бұрын ұсынылған декларациялармен және есептермен салыстыру бойынша айырмашылықтардың дербес шоттарда дұрыс көрсетілуін;
      5) дербес шоттардың барлық бағандары бойынша дұрыс қорытынды шығаруға;
      6) өсімақы есептелуінің дұрыстығы;
      7) салық және төлемақыларды төлеу мерзімдерінің дұрыс көрсетілуі;
      8) салық және төлемақыларды банк шотынан шығарылуы мен бюджетке есепке алыну күнінің дұрыс көрсетілуін тексеру қажет.
      319. Дербес шоттарды қоса барлығы тексеруге жатады.
      320. Есеп жүргізуге жауапты лауазымды тұлға дербес шоттарда көрсетілген жыл басынан бюджетке түскен салық және төлемдер сомасын N 25 нысандағы салық және төлемдердің түсімі мен қайтарылуының Тізілімі және есеп күніндегі бюджеттің кірістерін жіктеуінің сәйкес кодтары бойынша бюджетті орындау бойынша уәкілетті органның деректерімен сәйкестігін тексеруі қажет.
      321. Бұл үшін бюджеттің кірісін жіктеудің сәйкес кодтары бойынша "жыл басынан қайтаруды шегерістен барлық түскені" бағанасы бойынша дербес шоттардың қорытынды деректерінен салық және төлемдер сомасының қорытынды есебі жүргізіледі. Есептелген қорытынды бақылау күніндегі "жыл басынан қайтаруды шегерістен барлық түскені" бағанасының N 25 нысандағы салық және төлемдердің түсімі мен қайтарылуының Тізілімі бойынша сомасымен салыстырылып тексеріледі.
      322. Төлем кірістері бойынша қорытынды жазбалардың дұрыстығын тексеру осы Ережеге 51-қосымшаға сәйкес бойынша кірістің бюджеттік жіктелуінің сәйкес коды бойынша салық және бюджетке төленетін басқа да міндетті төлемдер түсімі сомасын салыстыру жолымен жүргізіледі.
      323. Есеп күніндегі дербес шоттардың қорытынды сомасы және салық және басқаларының қайтарылуы мен тү сімдері тізілімінің деректерінде алшақтықтар болған жағдайда есеп жүргізуге жауапты лауазымды тұлға бұл алшақтықтардың себебін бастапқы төлем құжаттарын тексеру арқылы белгілеуге және сәйкес түзетулер енгізуге міндетті.
      324. Дербес шоттарды тексеруден кейін дербес шоттарда "Тексерілді, күні, қолтаңба" жазбасы жасалады.
      325. Жарты жылдықта бір рет есеп жүргізуге жауапты лауазымды тұлға ақша есептеу, кеміту туралы салық есептілігінің деректерінен дербес шоттардағы жазбалардың уақтылығына, толықтығы мен дұрыстығына, сондай-ақ бюджетке түсімдер, есепке жатқызу, қайтару туралы банк құжаттарына іріктеп тексеруді жүргізеді.
      326. Салық төлеушінің (салық агентінің) талабы бойынша салық және басқа да міндетті төлемдер бойынша бюджетпен есеп айырысуларға салыстырылып тексеру жүргізіледі. Салыстырып тексерудің нәтижелері бойынша салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар бойынша есеп айырысудың салыстырып тексеру актісі жасалады.
      327. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар бойынша есеп айырысудың салыстырып тексеру актісіндегі есеп айырысу жағдайының нәтижелері үйлеспеген жағдайда салық органы мен салық төлеушінің деректері арасындағы есеп айырысу сальдосы бойынша алшақтықтар себебін көрсету қажет. Үш жұмыс күні ішінде салық органы мен салық төлеушінің деректері арасындағы алшақтықтар жойылады.
      328. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар бойынша есеп айырысудың салыстырып тексеру актісі екі данада жасалады, бір жағынан есеп жүргізуге жауапты лауазымды тұлға, екінші жақтан салық төлеуші қол қояды.
      329. Салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар бойынша есеп айырысудың салыстырып тексеру актісінің бір данасы салық төлеушіге (салық агентіне) беріледі, екінші данасы салық органында қалдырылады.

28-тарау. Қаржы жылының аяқталуы бойынша
дербес шоттардың жабылуы

      330. Қаржы жылының аяқталуымен дербес шоттарда барлық операциялардың жазбасынан кейін желтоқсанның соңғы күнінде:
      салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақы және айыппұлдардың есептелген, қоса есептелген, кемітілген, төленген, есепке алынған және қайтарылған сомалары;
      салықты төлеу бойынша салық міндеттерін орындаудың өзгертілген мерзімімен салық сомасының жыл қорытындысы жасалады.
      331. "Есеп айырысу сальдосы" бағаны бойынша жыл қорытындысын шығару кезінде қорытынды сомасының есебі жүргізілмейді, ал қорытынды қатарда желтоқсанға 31-күнін қоса соңғы операциялардың жазбалары кезіндегі бересі мен артық төлеу сомасы (егер осындайлар орын алса) жазылады.
      332. Қаржы жылының соңына және дербес шоттардың жабылуы бойынша қорытынды деректер шығарылғаннан кейін салық және бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар, өсімақы мен айыппұлдар бойынша есеп айырысу сальдосы (бересі немесе артық төлеу) келесі жылға дербес шоттарға ауыстырылады.
      Қаржы жылының аяқталуы бойынша дербес шот жабылады.
      333. Дербес шоттар бойынша есептер сальдосы (берешек немесе артық төлеу) бар болған жағдайда сальдо жаңа қаржы жылына ашылған дербес шотқа көшіріледі.
      334. Қаржы жылы ақталуы бойынша дербес шоттар жабылғаннан кейін кез-келген операциялардың жазбасы дербес шоттарда жүргізілмейді.

29-тарау. Салық және басқа да міндетті төлемдер
түсімі мен қайтарылуының тізілімін жүргізу

      335. Бюджетке түсетін және бюджеттен есепке алынған, қайтарылған салық және басқа да міндетті төлемдердің жиынтық есебі үшін салық органдары N 25 нысанның Түсімдер мен қайтарылулар тізілімін жүргізеді.
      336. Түсімдер мен қайтарылулар тізілімі бюджет кірістерінің жіктеуіші кодтары бойынша жүргізіледі.
      337. Түсімдер мен қайтарылулар тізіліміндегі жазбалар күн сайын күннің жалпы қорытындыларымен осы күні нақты есептелген және қайтарылған сомалар туралы бюджетті орындау бойынша уәкілетті органның құжаттары негізінде жүргізіледі.
      338. Түсімдер мен қайтарылулар тізілімінің деректері негізінде салық төлеушінің дербес шоттары бойынша түсімдер туралы деректермен бюджетке түскен салық және төлемдердің сомасын салыстырып тексеру жүргізіледі.

30-тарау. Есептеулердің және түсімдердің
жиынтық қорытынды есебі кітабының жүргізілуі

      339. Жеке тұлғалардан жер салығы, жеке тұлғалардан мүлік салығы бойынша есептеулер, кемітулер, түсімдер, шегерімдер және қайтарулардың жиынтық қорытындысы есебі жергілікті атқарушы органдар, жекелеген телім бойынша N 26 нысандағы (бұдан әрі - N 26 н. кітап) есептеулер, кемітулер және түсімдердің жиынтық қорытынды есебінің кітабында жүргізіледі.
      340. N 26 н. кітапта есептеулер, кемітулер, түсімдер, есепке алулар және қайтарылымдардың күндізгі қорытындысы әрбір төлем бойынша бөлек жазылады. Түсімдер бойынша қорытынды деректер осы күнге телім бойынша жергілікті атқарушы органдар мен бөлімнің жауапты қызметкерлерімен ұсынылған есептіліктің қорытынды сомаларына сәйкес келуі керек.
      Салықтың әрбір түріне N 26 н. жеке кітап ашылады.

31-тарау. Жеке тұлғалардан салық жинау және
олардың бюджетке түсімдері бойынша жергілікті
атқарушы органдардың жұмыстарын бақылау

      341. Салық органдары банк операцияларының жекелеген түрлерiн жүзеге асыратын банктер мен ұйымдар арқылы бюджет кiрiсiне салықтарды қабылдау мен қабылданған сомаларды беру бойынша жергiлiктi атқарушы органдардың жұмысына бақылауды жүргiзедi.
      Ескерту. 341-тармақ жаңа редакцияда - ҚР Қаржы министрінің 28.12.2012 № 578 бұйрығымен (01.01.2013 бастап қолданысқа енгізіледі).
      342. Жергілікті атқарушы органдар салық төлеушілер заңды тұлғалардың N 1 ЖТ нысанының түбіртегі бойынша төленетін мүлік, көлік құралдары және жер салығын жинауды жүзеге асыра алады.
      N 1 ЖТ нысанындағы түбіртек қатаң есептілік құжаты болып табылады және уәкілетті мемлекеттік орган бекітеді.
      343. Бақылау:
      1) салық төлеушілерден жергілікті атқарушы органдар қабылдаған салықтар сомаларынан түскен бюджет кірістерінің ФЛ 1-нысанының түбіртектері бойынша), сондай-ақ бюджеттің атқарылуы жөніндегі уәкілетті органнан алынған төлем құжаттарына сәйкес салықтардың тапсырылған сомаларының сыныптама кодтарына сәйкестігін тексеру;
      2) қатаң есептілік бланктерін жеткізу, сақтау, есепке алу және беру ережелеріне сәйкес жергілікті атқарушы органдардың ЖТ 1-нысанының түбіртектерінің көшірмелерін және есептерін салыстыру.
      Ескерту. 343-тармақ жаңа редакцияда - ҚР Қаржы министрінің 285.12.2012 № 578 бұйрығымен (01.01.2013 бастап қолданысқа енгізіледі).
      344. Жекелеген банктік операцияларды, түбіртектерді сақтауды жүзеге асыратын банктер мен ұйымдар арқылы бюджет кірісіне қабылданған салық сомаларын беру, салықты қабылдау бойынша жұмыс жағдайын тексеру материалдарын салық органдары жергілікті атқарушы органдардың кассаларына мерзімдік тексеруді өткізу кезінде қолданады.
      345. Жергілікті атқарушы органдардың кассаларына мерзімдік тексеру жылына бір реттен кем емес өткізіледі.
      346. Жергілікті атқарушы органдардың кассасына әрбір кезекті тексеруді өткізу кезінде тексеруді өткізуші салық органының қызметкері тексерудің нәтижелері туралы анықтамада мынадай мәселелерді:
      1) өткен тексерулер өткізу барысында анықталған бұзушылықтар, кемшіліктер мен ескертулерді жою және оларды жою бойынша қабылданған шаралар;
      2) салықтың төленгені фактін растайтын түбіртекті жеке тұлғаға беру, сақтау, есептеу тәртібі және түбіртектерді дұрыс толтырылуы;
      3) жекелеген банк операцияларын жүргізетін банктер мен ұйымдарға салық сомасын толық және уақтылы берілуі, ал елді мекенде банк болмаған жағдайда олардың жергілікті бюджетке беру мерзімінің сақталуы;
      4) түбіртекті қолдану туралы есептіліктің, сондай-ақ банкке (жергілікті бюджетке) салық сомасының енгізілу есептілігінің дәлдігі және уақтылы ұсынылуы.
      Ескерту. 346-тармақ жаңа редакцияда - ҚР Қаржы министрінің 285.12.2012 № 578 бұйрығымен (01.01.2013 бастап қолданысқа енгізіледі).
      347. Тексерулер аралығы кезеңінде № 1 ЖТ түбіртектері жоғалған (жетпеушілік) немесе ұрланған жағдайда түбіртектің жоғалғаны (жетпеушілігі) немесе ұрланғаны туралы факт қашан және қайда анықталғаны көрсетілген акт жасалады. Актіні жергілікті атқарушы органның жауапты қызметкері жасайды және оның жетекшісі растайды. Актінің бір данасы сол күні-ақ ілеспе хатпен бірге аумақтық салық органына жіберіледі.
      Ескерту. 347-тармақ жаңа редакцияда - ҚР Қаржы министрінің 285.12.2012 № 578 бұйрығымен (01.01.2013 бастап қолданысқа енгізіледі).
      348. № 1 ЖТ нысандағы түбіртектер бойынша қабылданған салық сомасы бюджетке аударылған салық сомасына сәйкес келмеген жағдайда, сондай-ақ қабылданған салық сомасы бюджетке толық емес аударылғанда жергілікті атқарушы органдар кассаларын тексеру материалдары Қазақстан Республикасының заңнамасымен белгіленген тәртіпте құқық қорғау органдарына беріледі.
      Ескерту. 348-тармақ жаңа редакцияда - ҚР Қаржы министрінің 285.12.2012 № 578 бұйрығымен (01.01.2013 бастап қолданысқа енгізіледі).

3-бөлім. Дербес шоттардағы өсімақы есептеу
тәртібі және айыппұлдарды есептеу тәртібі 32-тарау. Дербес шоттардағы өсімақы есептеу тәртібі

      349. Дербес шоттардағы өсімақы салық міндеттерін белгіленген мерзімдерде атқармағаны үшін есептеледі.
      350. Салық кодексінің 610-бабының 3-тармағына с әйкес өсімақы салық міндетін атқарудың әрбір кешіктірілген күні үшін салықты және бюджетке төленетін басқа да міндетті төлемдерді төлеу мерзімі күнінен кейін және төлеу күнін қоса Қазақстан Республикасының Ұлттық Банкі белгілеген қайта қаржыландырудың 2,5 есе ресми ставкасы мөлшерінде есептеледі. Міндетті зейнетақы жарналарын жинақтаушы зейнетақы қорларына және әлеуметтік аударымдарды уақтылы аудармағаны үшін өсімақы әрбір кешіктірілген күнге міндетті зейнетақы жарналарын төлеу күні мерзімінен бастап, төлеу күнін қоса Қазақстан Республикасының Ұлттық Банкі белгілеген қайта қаржыландырудың 2,5 есе ресми ставкасы мөлшерінде әрбір мерзімі өткен күнге есептеледі.
      351. Дербес шоттарда өсімақы есептеу:
      1) мерзімі өткен бересі қалдығын өзгертетін әрбір есеп операцияларынан кейін;
      2) әрбір айдың соңында төлеу мерзімі аяқталған күннен кейінгі уақыттан бастап немесе соңғы өсімақы есептеу күнінен бастап;
      3) салыстырып тексеру актілерін беру кезінде жүргізіледі.
      352. Есептелген өсімақы сомасы дербес шоттың "Өсімақы сомасы" бағанасында көрсетіледі, ал "Кезең үшін" бағанасында уақыттың қай кезеңіне өсімақы есептелгені көрсетіледі.
      353. Дербес шоттың "Өсімақы төленді (қайтарылды)" бағанасында негізгі төлем төлеуге төленген немесе қайтарылған (есептелген) өсімақы сомасы көрсетіледі.
      354. Негізгі төлем төлеуіне бұрын аударылған немесе есептелген өсімақы сомасының кемуі "Өсімақы сомасы" бағанасында "-" белгісімен көрсетіледі.
      355. "Өсімақы сальдосы" бағанасында өсімақы сомасының төленбеген қалдығы көрсетіледі.
      355-1. Осы Ереженің мақсатында салық төлеушінің дербес шотында 0,50 теңгеден кем мөлшерде жинақталған өсімақы сомасы өсімақы бойынша берешек болып саналмайды.
      Ескерту. 355-1-тармақпен толықтырылды - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      356. Салық Кодексінің 47-бабына сәйкес салық төлеу бойынша салық міндеттерін атқару мерзімінің өзгертілуі салық төлеушіні бюджетке салықты уақтылы төлемегені үшін өсімақыны төлеуден босатпайды, осыған байланысты дербес шотта өсімақыны есептеу үшін салықты төлеу мерзімі Салық Кодексінде белгіленген жағдайларды қоспағанда, бұрынғысынша қалады.
      357. Салық Кодексіне сәйкес импортталатын тауарлар су, газ, электроэнергия болса және өндірістік өңдеуге арналған импортталатын тауарлардың құнының салық төлеу мерзімінің өзгертілуі кеден органының кеден жүк декларациясын қабылдаған күннен бастап үш айдан аспайтын мерзімге өсімақы есептелмей жүргізіледі. Өтелмеген қарыз сомасына өсімақы көрсетілген үш айлық кезең өткеннен кейінгі бірінші күннен бастап есептеледі.
      358. Салық Кодексінің 610-бабының 4-тармағына сәйкес өсімақы банк операцияларының жекелеген түрлерін жүзеге асыратын банктер мен ұйымдарға салық сомалары мен басқа да міндетті төлемдер, айыппұлдарды банк шотынан шығару кезегін сақтамағаны үшін, сондай-ақ салықтар мен басқа да міндетті төлемдер сомасын салық төлеушінің банк шотынан шығарылған аударуын кідірткені үшін, аударылған банк сыйақыларымен бірге шартты банк салымында орналасқан табыс салығының ұсталған сомасын уақтылы аудармағаны үшін Қазақстан Республикасының мемлекеттік бюджетіне Қазақстан Республикасының Ұлттық Банкі белгілеген қайта қаржыландырудың 2,5 есе мөлшердегі ресми ставкасы әрбір кешіктірілген күнге есептеледі.
      359. Дербес шоттардағы өсімақыны есептеу кезінде:
      1) салық және басқа да міндетті төлемдерді төлеуге банк шотынан ақшаны шығару күні;
      2) банкке немесе уәкілетті органға салық және басқа да міндетті төлемдерді төлеуге қолма қол ақша енгізу күні;
      3) банкоматтар және өзге де электронды құрылғылар арқылы төлемді жүзеге асыру күні;
      4) табыс салығының шартты банк салымына аудару күні ескеріледі.
      360. Дербес шоттағы өсімақыны төлеу кезінде салық және басқа да міндетті төлемдерді төлеуге ақшаны шығарылу күні салық төлеушінің (салық агентінің) банк шоттарынан қабылданады; банкке немесе уәкілетті органға салық және басқа да міндетті төлемдерді төлеуге қолма қол ақша енгізу күні және банкоматтар және өзге де электронды құрылғылар арқылы төлемді жүзеге асыру күні.
      361. Өсімақы есептеу кезінде салықтар мен төлемдердің басқа түрлеріне есепке жатқызу қорытындылары бойынша келіп түскен салық және басқа төлемдер бойынша дербес шотта қорытынды күні қабылданады.
      362. Салық тексерулері нәтижесінде банк операцияларының жекелеген түрлерін жүзеге асыратын банктер мен ұйымдарға есептелген өсімақы салық және бюджетке төленетін басқа да міндетті төлемдер, міндетті зейнетақы жарналарының, әлеуметтік аударымдардың, өсімақылардың және айыппұлдардың есептелген (кемітілген) сомалары туралы тізілім негізінде өткізіледі.
      Банк операцияларының жекелеген түрлерін жүзеге асыратын банктер мен ұйымдарға есептелген және төленген өсімақы сомасына салық тексерулері нәтижесінде бюджет кірістерін сыныптау кодтарына сәйкес дербес шоттар ашылады.
      "Операцияның мазмұны" бағанасында "Тексеру акті бойынша есептелді" тиісті жазба жүргізіледі.
      Дербес шоттың "Есептелген өсімақы" бағанасында бюджетке төленетін басқа да міндетті төлемдер, міндетті зейнетақы жарналары, әлеуметтік аударымдар және өсімақылар есептеудің (кемітудің) Тізілімінде көрсетілген өсімақы сомасы көрсетіледі.
      363. Салық Кодексінің 610-бабы 6-тармағына сәйкес салық және бюджетке төленетін басқа да міндетті төлемдер бойынша бересі сомасына сот шешімімен борышқорды банкрот деп тану қабылданған мезетінен кейін өсімақы есептеу жүргізілмейді.
      Ескерту. 363-тармаққа өзгерту енгізілді - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      364. Егер бересінің бір ғана себебі салық төлеушінің (салық агентінің) салық міндеттемелерін, міндетті зейнетақы жарналарын аудару және әлеуметтік аударымдарды төлеу бойынша міндеттемелерін орындауына бақылау функциясын орындайтын лауазымды тұлғаның есеп жүргізуге жауапты тұлғаға ұсынған таратылатын банктердің кредиторларының тізімі негізінде қызмет көрсетуші банктің таратылуы болып табылған жағдайда мәжбүри таратылатын банктердің кредиторларына бересі сомасына өсімақы есептелмейді.
      365. Тізімде:
      1) Салық төлеушінің атауы - таратылатын банктің кредиторы;
      2) СТН;
      3) өсімақы есептелмейтін бересі сомасы;
      4) банкті мәжбүрлеп жою туралы шешімнің күшіне ену күні көрсетілуі тиіс. Есеп бөлімі қызметкері көрсеткен күннен бастап дербес шоттағы өсімақы есептеу тоқтатылады.
      366. Сот шешімі бойынша бюджетке төленетін салық және басқа да міндетті төлемдерді өтеу үшін акциялардың қосымша эмиссиясы жүргізілетін бересі сомасына өсімақы Салық Кодексінің 610-бабы 8-тармағына сәйкес есептелмейді. Дербес шоттардағы өсімақы есептеуді тоқтату үшін жауапты бөлім есеп бөліміне көрсетілген салық төлеушілердің тізімін ұсынады.
      Тізімде:
      1) Салық төлеушінің атауы;
      2) СТН;
      3) өсімақы есептелмейтін бересі сомасы;
      4) жарияланған акцияларды мәжбүрлі түрде шығару туралы сот шешімінің күшіне ену күні;
      5) мәжбүрлі түрде шығарылған жарияланған акцияларды орналастырылудың аяқталу күні көрсетілуі тиіс.
      367. Жеке тұлғаға бересі сомасына жауапты бөлім есеп бөліміне ұсынған тізімдер негізінде оның із-түссіз жоқ деп тану туралы соттың шешімі күшіне енгеннен бастап жеке тұлғаның бересіне өсімақы есептелмейді.
      Тізімде:
      1) жеке тұлғаның аты, әкесінің аты, фамилиясы;
      2) СТН;
      3) өсімақы төленбейтін бересі сомасы;
      4) жеке тұлғаны із-түссіз жоқ деп тану туралы сот шешімінің күшіне енген күні;
      5) жеке тұлғаны із-түссіз жоқ деп тану туралы сот шешімі күшін жойған күні көрсетілуі тиіс.
      368. Жеке тұлғаны із-түссіз жоқ деп тану туралы сот шешімі күшін жойған жағдайда өсімақы аталған шешім күшін жойған күннен бастап өсімақы есептеледі.
       369. Салық кодексінің 366 және 367-баптарына сәйкес жауапты бөлімнің есеп бөліміне ұсынған тізімдеріне жауап бөлімінің жұмысшысы, бастығы қол қояды және салық органының жетекшісі бекітеді.
      370. Салық органының жұмысшысының кінәсінен негізсіз өсімақы төлеуге әкелген дербес шотта салық немесе басқа да міндетті төлемдер сомасы қате немесе дұрыс емес көрсетілсе, жауапты бөлімнің есеп бөліміне қателікті тапқан күні ұсынған қосымша тізілім негізінде сәйкес жазбалар жүргізіледі, ал заңсыз есептелген салық, төлем және өсімақы сомасы түзетіледі.
      Негізсіз есептелген салықтар, басқа да міндетті төлемдер мен өсімақыларды түзету жөніндегі жазбалар салық және бюджетке төленетін басқа да міндетті төлемдерді, міндетті зейнетақы жарналарын, әлеуметтік аударымдар мен өсімақыларды есептеуге арналған тізілімнің негізінде жүргізіледі.
      Ескерту. 370-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      371. Салық төлеушінің дербес шотында есепке жатқызуды жүргізу мерзімі бұзылған жағдайда, Салық кодексінің 610-бабының 13-тармағына сәйкес артық төленген салық сомасын растау кезінде салық төлеушінің есепке жатқызу туралы өтінішінде көрсетілген артық төленген салық сомасына пропорционал сомада бересі сомасына өсімпұл есептелмейді. Бұл ретте өсімпұл артық төленген салық сомасын есепке жатқызуды жүргізу үшін Салық кодексінде белгіленген мерзім басталған күннен бастап есептелмейді.
      372. Қосымша салық және есеп декларациясы бойынша соманы уақтылы төлемеген жағдайда дербес шоттағы өсімақыны есептеу белгіленген төлеу мерзімінен кейінгі күннен бастап жүргізіледі.
      373. Салық есептілігін табыс ету мерзімі ұзартылған кезде  Салық Кодексінде белгіленген дербес шоттағы  төлеу мерзімі өзгертілмейді. Осыған байланысты салық есептілігін табыс ету мерзімі ұзартылған кезде дербес шотта өсімақы осы Ереженің 350-тармағына сәйкес есептеледі.
      374. Өсімақыға және басқа да айыппұл санкцияларына өсімақы есептелмейді.
      375. Өсімақы есеп айырысуы мынадай формулада жүргізіледі:
      П = (H * P/ 100 * 2,5 * Д)/ 365, мұнда:
      П - есептелген өсімақы сомасы;
      Н - бересі сомасы;
      Р - қайта қаржыландыру ставкасы;
      Д - мерзімі өткен күндер саны.
      376. Есептелген өсімақы сомасы бюджет кірісінің жіктемесімен бекітілген салықтар мен басқа да міндетті төлемдердің тиісті кодтарына сәйкес есептеледі.

33-тарау. Айыппұлдарды есептеу тәртібі

      377. Салықтық және (немесе) әкімшілік құқық бұзушылықтар үшін әкімшілік айыппұлдарды есепке алу салық органдары құзыретіне жататын істерді қарау осы Ережелерге N 52 қосымшаға сәйкес жүргізіледі.
      378. Әкімшілік құқық бұзушылық туралы іс қозғаған лауазымды тұлғаның не оның басқармасы (бөлімі) басшысының дербес шотқа айыппұл сомаларын есептеуі үшін салық тексерулерінің нәтижелері мен әкімшілік жаза қолдану туралы қаулылар бойынша Салық және бюджетке төленетін басқа да міндетті төлемдердің, міндетті зейнетақы жарналарының, әлеуметтік аударымдардың, өсімақылар мен айыппұлдардың сомаларын қоса есептеуге (кемітуге) тізілім толтырылады және есеп жүргізуге жауапты лауазымды тұлғаға тапсырылады.
      379. Салық және бюджетке төленетін басқа да міндетті төлемдер, міндетті зейнеткерлік жарналар, әлеуметтік аударымдар және өсімақылар сомасын есептеуге (төмендетуге) Тізілім бюджетке төленетін айыппұл мерзімі, сомасы көрсетілген үстеме әкімшілік жаза туралы қаулыға сәйкес, сондай-ақ әкімшілік құқық бұзушылық туралы заңнамаға сәйкес шығарылған салық органының шешімі негізінде толтырылады.
      Ескерту. 379-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.
      380. Айыппұлдар сомасын есептеу туралы жазба бұзушылықтар жіберілген салық түрі мен басқа да міндетті төлемнің "Айыппұл (төмендетілді) төленді" бағанасында жүргізіледі.
      380-1. Қазақстан Республикасының салық салу саласындағы әкімшілік жазаларды қолдану туралы қаулылар бойынша, сондай-ақ Қазақстан Республикасында зейнетақымен қамсыздандыру, міндетті әлеуметтік қамсыздандыру туралы заңнамаларына сәйкес Қазақстан Республикасының заңнамасымен белгіленген, қаулыны орындау мерзімінің бітуінен орындау мүмкіндігі жоқтықтан, айыппұл сомасын есептен шығару әкімшілік құқық бұзушылық туралы заңнамасына сәйкес шығарылған, салық органының шешімі негізінде салық төлеушінің (салық агентінің) дербес шотынан жүргізіледі.
      Ескерту. Ережелер 380-1-тармақпен толықтырылды - ҚР Қаржы министрінің 2010.07.16 N 347 (ресми жарияланған күннен бастап қолданысқа енгізіледі және 2010.07.01 бастап туындайтын қатынастарға қолданылады) Бұйрығымен.
      380-2. Қаулыны орындау мерзімінің аяқталуына байланысты орындалуы мүмкін емес айыппұл сомасын есептен шығару жөніндегі жазба алу белгісімен осы Ереженің 378-тармағында көрсетілген Тізілімнің негізінде дербес шоттың «Айыппұл (төмендетілді) төленді» бағанында жүргізіледі.
      Ескерту. 380-2-тармақпен толықтырылды - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.

4-бөлім. Салық және бюджетке төленетін басқа
да міндетті төлемдер бойынша есептілік 34-Тарау. "Салық және бюджетке төленетін басқа да
міндетті төлемдердің және жинақтаушы зейнетақы қорларына
міндетті зейнетақы жарналары сомасының түсімдері және
бересілері туралы" 1H нысаны бойынша есеп

      381. Салық органдары ай сайын бірінші күннің жағдайы бойынша "Салық және бюджетке төленетін басқа да міндетті төлемдердің және жинақтаушы зейнетақы қорларына міндетті зейнетақы жарналары сомасының түсімдері және бересілері туралы" 1H нысаны бойынша (бұдан әрі осы тараудың мақсатында - 1H нысаны есептілігі) осы Ережелерге 53-қосымшаға сәйкес кеңейтілген есептілік жасайды.
      382. 1H нысаны есептілігі қаржы жылы басталғаннан өспелі қорытындымен кірісті бюджеттік жіктеме коды бойынша қорытындыны жасай отырып үш санатта жасалады:
      1) салық түсімдері (бірінші санат);
      2) салықтық емес түсімдер (екінші санат);
      3) салық және салық емес жиыны;
      4) капиталмен операциялардан кірістер (үшінші санат);
      5) кірістер жиыны.
      383. Есептілік күніне 1H нысаны есептілігін жасау кезінде есептіліктің тиісті бағандары бойынша:
      1) "Жоспар" - хабарлаған бекітілген болжамды көрсеткіш;
      2) "Нақты түсімдер" - бюджетті орындауға уәкілетті органдарының деректері бойынша жыл басынан бастап мемлекеттік бюджетке түсімдер;
      3) "Республикалық бюджетке нақты түсімдер" - бюджетті орындауға уәкілетті органдарының негізінде жыл басынан бастап республикалық бюджетке түсімдер;
      4) "Жергілікті бюджетке нақты түсімдер" - бюджетті орындауға уәкілетті органдары ведомстволарының негізінде жыл басынан бастап жергілікті бюджетке түсімдер;
      5) "Қазақстан Республикасының Ұлттық Қорымен барлық түсімдер" - бюджетті орындауға уәкілетті органдары ведомстволарының негізінде Қазақстан Республикасының Ұлттық Қорымен плюс мемлекеттік бюджетке түсімдер;
      6) "оның ішінде Қазақстан Республикасының Ұлттық Қорына түсетін түсімдер" - жыл басынан бюджетті орындауға уәкілетті органдары ведомстволарының деректері бойынша Қазақстан Республикасының Ұлттық Қорына түсетін түсімдер;
      7) "орындалу %" - сәйкес мемлекеттік, республикалық, жергілікті бюджетке кірістер бойынша есеп күніне болжамалы көрсеткіштің орындалу проценті;
      8) «Бересі» - «құқық қорғау органдарына берілген мәліметтер бойынша бересілерді» қоспағанда салық төлеушілер бересілері.
      Есепті мерзімдегі «Бересі» бағанына:
      салық және басқа да міндетті төлемдердің басқа да түрлері бойынша артық төленген соманың болуына қарамастан дербес шоттар бойынша (өсімақы мен айыппұлсыз) есептелген және мерзімінде төленбеген салық және бюджетке төленетін басқа да міндетті төлемдер;
      оңалту рәсімі басталған кезден бастап қалыптасқан бересі сомасы;
      салықты төлеу бойынша салық міндеттемесін орындаудың өзгертілген мерзімі өткен бойда төленуге жататын салық сомасы жатады.
      «Құқық қорғау органдарына берілген мәліметтер бойынша бересілер» - салық төлеушілердің, оның ішінде құқық қорғау органдары қаулыларының (құзіреті шегінде өзге де талаптардың) негізінде және де олар бойынша мәліметтер құқық қорғау органдарына берілген, салық тексерулерінің нәтижесі бойынша құралған бересі;
      Есепті мерзімдегі «құқық қорғау органдарына берілген мәліметтер бойынша бересілер» бағанына:
      олар бойынша мәліметтер құқық қорғау органдарына берілген салық тексерулерінің нәтижесі бойынша, салық және басқа да міндетті төлемдердің басқа да түрлері бойынша артық төленген соманың болуына қарамастан, дербес шоттар бойынша (өсімақы мен айыппұлсыз) есептелген және мерзімінде төленбеген салық және бюджетке төленетін басқа да міндетті төлемдер. Сонымен қатар бұл санатқа есептелген салық және бюджетке төленетін басқа да міндетті төлемдер келесі шарттар орындалған жағдайда кіреді:
      1) салық тексерулерінің құқық қорғау органдары қаулыларының (құзіреті шегінде өзге де талаптардың) негізінде жүргізілуі;
      2) салық төлеушілердің салық тексерулері кезінде анықталған жалған кәсіпкерлік белгілерінің болуы;
      3) тексерілген салық төлеушілердің шындығында активтерінің болмауы.
      1Н нысаны есептемесінің «Бересі» бағанында мыналар көрсетілмейді:
      салық төлеу бойынша салық міндеттемесінің орындау мерзімі өзгертілген салық сомасы;
      банкрот деп жарияланған (салық төлеушіні банкрот деп тапқан сот шешімі), сондай-ақ оңалту рәсімі қолданған мезеттегі құрылған (оңалту Жоспарына сәйкес) және мәжбүрлеп тарату туралы сот шешімі қабылданған салық төлеушілер бойынша бересі;
      Қазақстан Республикасының Азаматтық кодексінің 49-бабымен көзделген негіздер бойынша тарату рәсімдерін өткеріп жатқан салық төлеушілер бойынша бересі;
      өздеріне қатысты халықаралық шарттарға сәйкес өзара келісу рәсімдері жүргізіліп жатқан, сол рәсімдердің аяқталу мерзіміне дейін, резидент емес тұлғалар бойынша салық тексерулерінің нәтижесінен құралған бересі сомасы;
      сәйкесінше шешім шыққанға дейін халықаралық арбитражда (сотта) тексеруге қатысушы салық төлеушінің салық тексерулерінің нәтижесінен құралған бересі сомасы.
      Бересі бар екендігі туралы мәліметтерді:
      айдың 1-ші күніндегі жағдай бойынша әр айдың үшінші күнінен кешіктірмей, салық төлеушілердің (салық агенттерінің) дербес шоттары негізінде аудандық, қалалық және қала аудандарының, арнайы экономикалық аймақтардың салық органдары;
      әр айдың 5-нен кешіктірмей төмен тұрған салық органдарынан алынған есептеме, сондай-ақ көрсетілген салық органдарында тікелей жүргізілетін салық төлеушілердің (салық агентінің) дербес шоттары негізінде облыстар, Астана және Алматы қалалары бойынша салық органдары жасайды.
      9) «ҚҚС өтеу сомасы» - өткен салық кезеңдерінде қайтарылмаған сомаларды ескере отырып, бюджеттен қайтарылуға жататын ҚҚС сомасы;
      10) "ҚҚС өтеу сомасы, барлығы - ағымдағы жылдың басынан өтелген ҚҚС сомасы;
      11) "Нөлдік ставка бойынша салық салынатын айналымдарға ҚҚС-ты өтеудің сомасы арналған" - нөлдік ставка бойынша (сома, есепке алынған салық берешегін өтеудің есептеріне салықтар тағы басқа түрлердің мәліметі бойынша және (немесе) салық төлеушінің банк шоттарына қайтарылған) ағымдағы жылдың басынан бастап салық салынатын айналымдарға ҚҚС қайтарылған сома арналған;
      12) "2009 жылдың 1 қаңтарынан кейін алған туарлар, жұмыстар, қызметтер бойынша пайда болатын ҚҚС асып кетуін өтеу сомасы", - 2009 жылдың 1 қаңтарынан кейін алған тауарларға, жұмыстарға, қызметтер бойынша пайда болатын ҚҚС асып кетуінің қайтарылған сомасы;
      13) "Грант қаражатының есебінен сатып алынған тауарлар (жұмыстар, қызмет көрсетулер) бойынша төленген ҚҚС-н өтеу сомасы" - грант қаражатының есебінен сатып алынған тауарлар (жұмыстар, қызмет көрсетулер) бойынша төленген ҚҚС-ның өтелген сомасы;
      14) "Қазақстан Республикасында тіркелген дипломатиялық және соларға теңестірілген өкілдіктерге ҚҚС өтеу сомасы" - Қазақстан Республикасында тіркелген дипломатиялық және соларға теңестірілген өкілдіктерге ҚҚС-ның өтелген сомасы;
      15) "Келісім-шарт бойынша ҚҚС өтеу сомасы" - келісім-шарт бойынша өтелген ҚҚС сомасы.
      16) "Төленген өсімақының сомасы" - өсімақыны өтеу шотына ағымдағы жыл басынан түскен түсімдер;
      17) "Төленген айыппұл сомасы" - айыппұлды өтеу шотына ағымдағы жыл басынан түскен түсімдер;
      18) "Артық төлеу" - банкрот деп жарияланған, алайда олар бойынша конкурстық іс жүргізу аяқталмаған және сот оңалту рәсімін қолдану туралы ұйғарым қабылдаған салық төлеушілердің артық төлеулерін, бес жылдан артық саналған артық төлеулерді, Салық төлеушілердің мемлекеттік тізілімінен шартты шығарып тасталған салық төлеушілердің дербес шоттарында бар артық төлеу қоспағанда, есепті күндегі іс жүзінде дербес шотта құралған салық және басқа да міндетті төлемдердің түрлері бойынша артық төлеу сомасы;
      19) "Жинақтаушы зейнетақы қоры 10%" 901101 жолында мыналар толтырылады: "Нақты түсімдер" бағаны - ҚР ЕХӘҚМ уәкілетті органының деректері бойынша міндетті зейнетақы жарналардың түсімдері, "Бересі", "Артық төлеу" бағандары - банкрот деп жарияланған, алайда олар бойынша конкурстық іс жүргізу аяқталмаған және сот оңалту рәсімін қолдану туралы ұйғарым қабылдаған салық төлеушілердің бересілері мен артық төлеулерін қоспағанда, есеп күнінде дербес шоттарда қалыптасқан міндетті зейнетақы жарналары бойынша бересі немесе артық төленген сома;
      19-1) 902101 «Әлеуметтік аударымдар» жолы бойынша – жолында мыналар толтырылады: «Нақты түсімдер» бағаны - - әлеуметтік аударымдардың түсуі, «Бересі», «Артық төлеу» бағандары – тиісінше «Бересі», «Артық төлеу» бағандары - банкрот деп жарияланған, алайда олар бойынша конкурстық іс жүргізу аяқталмаған және сот оңалту рәсімін қолдану туралы ұйғарым қабылдаған салық төлеушілердің бересілері мен артық төлеулерін қоспағанда, есеп күнінде дербес шоттарда қалыптасқан міндетті зейнетақы жарналары бойынша бересі немесе артық төленген сома;
      20) "Иелігіндегі мүлікті шектеу" 906101 қатары бойынша қалдық құны бойынша өткен жылдар қалдығының өспелі жиынын есепке ала отырып, өткізілген және қайтарып алынған шегерімнен салық берешегінің есебіне иелігіндегі мүлікті шектеу сомасы;
      21) "Иелігіндегі мүлікті шектеу жүзеге асырылды" 908101 қатары бойынша - ағымдағы жыл басынан бастап салық берешегі есебіне салық төлеушінің иелігіндегі мүлікті өткізуден бюджетке есептелген сома.
      Ескерту. 383-тармаққа өзгеріс енгізілді - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі), 2012.03.29 № 177 (тіркелген күнінен бастап қолданысқа енгізіледі) Бұйрықтарымен.
      384. 1H нысаны есептілігін салық органдары бекітілген нысан бойынша бірыңғай бағдарламалық қамтамасыз етуді қолдана отырып қалыптастырады және уәкілетті мемлекеттік органдарға электронды почтамен жіберіледі.
      1H нысан есебі жоғарғы салық органдарына мынадай мерзімдерде береді (ай күні):
      Аудан және қалалар бойынша салық комитеттері айдың 3-ші күні;
      Облыстар және Алматы мен Астана қалалары бойынша салық комитеттері және аймақаралық салық комитеттері айдың 5-ші күні;
      Уәкілетті мемлекеттік орган айдың 6-шы күні.
      385. Қаржы жылының соңында салық органдары бюджетті орындауға уәкілетті органдар ведомстволарының негізінде қорытынды айналымды ескере отырып 1H нысан есебін жасайды.

35-тарау. Уәкілетті мемлекеттік орган бекіткен нысандар бойынша салық және бюджетке төленетін басқа да міндетті
төлемдер бойынша есептілік

      386. Салық және бюджетке төленетін басқа да міндетті төлемдер бойынша бересі, түсімдерді талдау мақсатында бюджетті орындауға уәкілетті органдарынан алынған құжаттар; дербес шоттардың деректерінен F1-H есептемесінің деректеріне сәйкес келуі тиіс аналитикалық есептілік қалыптасады.
      Есептілік күн, ай, тоқсан, жыл бұрын қалыптасады; тұтас алғанда, республика, аймақ бөлігі, аймақ бойынша; өткен кезеңдермен салыстырғанда өспелі қорытындысымен; бюджетке төленетін төлемдер санаттарымен салыстырғанда, салық және басқа да міндетті төлемдер түрлері бойынша, уәкілетті мемлекеттік органдардың құзыретіне кіретін салықтық немесе салықтық емес түсімдер бойынша, және салыстырудың басқа параметрлері негізгі нысандар бойынша:
      1) аймақтар қимасында мемлекеттік кірістер осы Ережелерге 54 , 55 , 56-қосымшаларға сәйкес;
      2) жылдық болжаумен жыл (ай) басынан салық және бюджетке төленетін басқа да міндетті төлемдер қимасында мемлекеттік кірістердің осы Ережелерге 57 , 58-қосымшаларға сәйкес;
      3) жылдық болжаумен жыл (ай) басынан салық және бюджетке төленетін басқа да міндетті төлемдер қимасында мемлекеттік кірістердің түсімі осы Ережелерге 59-қосымшаға сәйкес;
      4) салық және бюджетке төленетін басқа да міндетті төлемдердің түрлері бойынша бересілер туралы аналитикалық кесте осы Ережелерге 60-қосымшаға сәйкес;
      5) жыл (ай) басынан аймақтар қимасында кедендік салықтар мен төлемдер осы Ережелерге 61-қосымшаға сәйкес;
      6) жыл (ай) басынан аймақтар қимасында ҚР ҚМ құзырында кіретін салық (салық емес) түсімдер осы Ережелерге 62 , 63-қосымшаларға сәйкес;
      7) жыл басынан бюджет кірістері жіктемесінің кодтары бойынша шикізат секторы кәсіпорындарынан салық және бюджетке төленетін басқа да міндетті төлемдердің түсімі осы Ережелерге 64 , 65-қосымшаларға сәйкес;
      8) мемлекеттік табыстардың барлық түрлері бойынша аймақтар қимасында осы Ережелерге 66-қосымшаға сәйкес;
      9) салық және бюджетке төленетін басқа да міндетті төлемдердің түсімі туралы (Қазақстан Республикасы Ұлттық қорына түсімдерді қоспағанда) күнделікті есеп осы Ережелерге 67 , 68-қосымшаларға сәйкес;
      10) кәсіпорындар, ұйымдар және азаматтардан салық және бюджетке төленетін басқа да міндетті төлемдердің түсімінің сомалары туралы есеп осы Ережелерге 69-қосымшаға сәйкес;
      11) мемлекеттік табыстар бойынша жалпы республика бойынша 70 берешектер сомалары туралы салыстырмалы кесте осы Ережелерге 70-қосымшаға сәйкес;
      12) облыстар, қалалар, аудандар бойынша (жыл басынан, ай басынан) салыстырмалы кесте осы Ережелерге 71-қосымшаға сәйкес;
      13) орындалмаған салық және төлемдер туралы ақпарат осы Ережелерге 72-қосымшаға сәйкес;
      14) берешектер туралы салыстырмалы кесте осы Ережелерге 73-қосымшаға сәйкес;
      15) салық және бюджетке төленетін басқа да міндетті төлемдердің берешектері бойынша серпіні осы Ережелерге 74-қосымшаға сәйкес;
      16) салық және бюджетке төленетін басқа да міндетті төлемдердің түсімдері бойынша серпіні осы Ережелерге 75-қосымшаға сәйкес;
      17) ай басынан орташа күндік түсімдердің кестесі осы Ережелерге 76 , 77-қосымшаға сәйкес;
      18) орташа күндік түсімдердің салыстырмалы кестесі осы Ережелерге 78-қосымшаға сәйкес;
      19) кеден төлемдері және салықтар бойынша орташа күндік түсімдер осы Ережелерге 79-қосымшаға сәйкес;
      20) БСАЖ және уәкілетті органнан бюджеттің атқарылуы бойынша орташа күндік түсімдердің салыстырмалы кестесі осы Ережелерге 80-қосымшаға сәйкес;
      21) БСАЖ және уәкілетті органнан бюджеттің атқарылуы бойынша орташа күндік түсімдердің салыстырмалы серпіні осы Ережелерге 81-қосымшаға сәйкес.

36-тарау. Салық және бюджетке төленетін басқа
да міндетті төлемдер туралы есептілікті
Қазынашылық органдармен салыстырып тексеру

      387. Ай сайын, есепті тоқсаннан кейінгі айдың бірінші күнінің жағдайы бойынша, салық органдары бюджеттің кірістерін әр жіктеу коды бойынша салық және бюджетке төленетін басқа да міндетті төлемдердің есепті айға түсімдер мен қайтарылған сомасы бойынша Уәкілетті органдарымен салыстырып тексеруді жүргізеді.
      388. Салыстырып тексеру N 25 н. тізілім және мемлекеттік бюджеттің кассалық орындалуы бойынша Уәкілетті органының айлық есептілігі негізінде жүргізіледі.
      389. Аталған салыстырып тексеру Уәкілетті органдарынан мемлекеттік бюджеттің кассалық орындалуы бойынша айлық есептілікті алған күннен бастап екі күн мерзімде жүргізіледі.
      390. Деректерді салыстыруда анықталған алшақтылықтар бюджеттің кірістерін тиісті жіктеу кодына қате есептелген сомаларды аудару жолымен түзетілуі тиіс.
      391. Уәкілетті органымен жыл қорытындысы бойынша тексеру нәтижесі бюджеттің кірістері осы Ережелерге 82-қосымшаға сәйкес жіктеу коды бойынша салық және бюджетке төленетін басқа да міндетті төлемдердің, түскен сомалары туралы Уәкілетті органымен тексеру актісімен ресімделеді.                                          

                                          Дербес шоттарды жүргізу
                                           ережесіне 1-қосымша

      Ескерту. 1-қосымша жаңа редакцияда - ҚР Қаржы министрінің
2010.07.16 N 347 (ресми жарияланған күннен бастап қолданысқа
енгізіледі және 2010.07.01 бастап туындайтын қатынастарға
қолданылады) Бұйрығымен.

нысан 1   

Салық төлеушінің (салық агентінің) атауы _______________
СТН ___________   Заңды тұлғаның СТН-ы _________________
Салық режимінің түрі ___________________________________

кестенің жалғасы

кестенің жалғасы

кестенің жалғасы

                                          Дербес шоттарды жүргізу
                                           ережесіне 2-қосымша

      Ескерту. 2-қосымша жаңа редакцияда - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.

БСК _________________________________ бойынша

ҚОСЫЛҒАН ҚҰН САЛЫҒЫНА АРНАЛҒАН ДЕРБЕС ШОТ

Салық төлеушінің (салық агенті) аты-жөні ____________________________
СТН _______________ Заңды тұлғаның СТН-ы ____________________________
Салық режимінің түрі ______________________
ҚҚС төлеуші ретінде есепке қою туралы куәлік нөмірі _________________
ҚҚС төлеуші есебінен шығару күні: __________________

                                                             (теңге)

кестенің жалғасы:

кестенің жалғасы:

Дербес шоттарды жүргізу
ережелеріне 2-1-қосымша

      Ескерту. 2-1-қосымшамен толықтырылды - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі) бұйрығымен.

БСК _________________________________ бойынша

ҚҚС-ның сомасын қайтару бойынша ДЕРБЕС ШОТ

Салық төлеушінің (салық агенті) аты-жөні ____________________________
СТН _______________ Заңды тұлғаның СТН-ы ____________________________
Салық режимінің түрі ______________________
ҚҚС төлеуші ретінде есепке қою туралы куәлік нөмірі _________________
ҚҚС төлеуші есебінен шығару күні: _______________

кестенің жалғасы:

                                          Дербес шоттарды жүргізу
                                           ережелеріне 3-қосымша

                                                  3 нысан

Тұрақты мекеме құруға әкелмейтін Қазақстан Республикасындағы
қызметтен резидент еместің кірісінен табыс салығы бойынша
                          ДЕРБЕС ШОТ

Салық агентінің атауы _________________
СТН ___________________
Шартты банк салымының нөмірі _______________

                                                            (теңге)

кестенің жалғасы 

                                          Дербес шоттарды жүргізу
                                           ережелеріне 4-қосымша

                                                  4 нысан

                               ДЕРБЕС ШОТ
               міндетті зейнетақы жарналары бойынша

      Төлеушінің (салық агентінің) атауы ____________________
      СТН __________________    Заңды тұлғаның СТН-і ______________
      Салық режимінің түрі ___________________________________
                                                                теңге

кестенің жалғасы

                                          Дербес шоттарды жүргізу
                                           ережелеріне 5-қосымша

                                                  5 нысан

                               ДЕРБЕС ШОТ
                  Әлеуметтік аударымдар бойынша

      Төлеушінің (салық агентінің) атауы ____________________
      СТН __________________    Заңды тұлғаның СТН-і ______________
      Салық режимінің түрі ___________________________________
                                                                теңге

кестенің жалғасы

                                          Дербес шоттарды жүргізу
                                           ережелеріне 6 қосымша

     Ескерту. 6-қосымша жаңа редакцияда - ҚР Қаржы министрінің 2011.02.25 № 98 (ресми жарияланған күннен бастап қолданысқа енгізіледі), өзгерістер енгізілді - 2011.05.04 N 237 (ресми жарияланғаннан кейін он күнтізбелік күн өткен соң қолданысқа енгізіледі), 28.12.2012 № 578 (алғаш жарияланған күнінен бастап қолданысқа енгізіледі) бұйрықтарымен.

  Салық органдарында есеп жүргізілетін салық және бюджетке
төленетін басқа да міндетті төлемдер, міндетті зейнетақы
жарналарының, әлеуметтік аударымдардың
ТІЗБЕСІ

      Ескерту:
      1. Міндетті төлемдер бойынша салық тексеруін жүргізген кезде есептелген, тек қана № 25 нысандағы тізілім жүргізілетін міндетті төлемдер сомасына дербес шот ашу қажет.
      2. Салық органдарында есеп жүргізілетін салық және бюджетке төленетін басқа да міндетті төлемдер тізбесі жыл сайын Қазақстан Республикасының Экономика және бюджеттік жоспарлау министрлігі бекітетін бюджет кірісін жіктеуге тәуелділікте өзгеріп отырады.

                                    Дербес шоттарды жүргізу
                                     ережелеріне 7 қосымша

      ___________________________
       (салық органының атауы)

             200__ жыл үшін кірістерді жіктеу коды бойынша
            бюджетке _________ түсімдер мен қайтарымдар
                           ТІЗІЛІМІ

                                                              (теңге)

                                            Дербес шоттарды жүргізу
                                             ережелеріне 8 қосымша

      __________________________
       (салық органының атауы)

               200__ жыл үшін міндетті зейнетақы жарналары
                   бойынша түсімдер мен қайтарулар
                              ТІЗІЛІМІ

                                                            (теңге)

                                           Дербес шоттарды жүргізу
                                             ережелеріне 9 қосымша

      __________________________
       (салық органының атауы)

               200__ жыл үшін әлеуметтік аударымдар бойынша
                        түсімдер мен қайтарулар
                              ТІЗІЛІМІ

                                                            (теңге)

                                          Дербес шоттарды жүргізу
                                           ережелеріне 10 қосымша

      ___________________________________
     (жергілікті атқарушы органның атауы)

                        ____________ бойынша
                     (салықтың атауы мен коды)

         Есептеулердің, азаюлардың және түсімдердің жиынтық
                 қорытындысын есепке алу кітабы
                            КІТАБЫ

                                             Дербес шоттарды жүргізу
                                              ережелеріне 11 қосымша

      __________________________________ _
            (салық органының атауы)

    Мемлекеттік бюджетіне аударылған шартты банк салымдарында
      орналастырылған (резидент еместерге төленген) резидент
      еместерден (заңды және жеке тұлғалардан) табыс салығы
                    сомасын есепке алу ведомосы

кестенің жалғасы

Лауазымды тұлға _____________________   Қолы____________________

                                          Дербес шоттарды жүргізу
                                          ережелеріне 12 қосымша

      ____________________________
        (салық органының атауы)

   Қате есептелген, анықталмаған салық және бюджетке төленетін
          міндетті басқа да төлемдер түсімдерін тіркеу
                              ЖУРНАЛЫ

кестенің жалғасы

                                          Дербес шоттарды жүргізу
                                          ережелеріне 13 қосымша

      ______________________________
         (салық органының атауы)

                          ЖУРНАЛ

Қазақстан Республикасында тіркелген дипломатиялық және соларға
    теңестірілген өкілдіктерге қосылған құн салығы сомасын
    қайтаруға Грант қаражатының есебі арқылы сатып алынатын
   тауарлар (жұмыстар, қызмет көрсету) бойынша төленген ҚҚС
        сомасын салықтар мен басқа да міндетті төлемдер

кестенің жалғасы

                                          Дербес шоттарды жүргізу
                                          ережелеріне 14-қосымша

      _______________________________
          (салық органының атауы)

200_ ж. арналған салық органдарының инкассалық өкімдерін тіркеу
                             ЖУРНАЛЫ