Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгілік ережелерін бекіту туралы

      "Білім туралы" Қазақстан Республикасының 2007 жылғы 27 шілдедегі Заңының  5-бабы  11-тармақшасына сәйкес  БҰЙЫРАМЫН:
      1. Қоса беріліп отырған жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгілік ережелері бекітілсін.

      2. Жоғары және жоғары оқу орнынан кейінгі білім департаменті (С. Өмірбаев) осы бұйрықты белгіленген тәртіппен Қазақстан Республикасы Әділет министрлігіне мемлекеттік тіркеуге ұсынсын.

      3. Қоса беріліп отырған тізбеге сәйкес кейбір  бұйрықтардың  күші жойылды деп танылсын.

      4. Осы бұйрық алғаш ресми жарияланған күнінен кейін он күнтізбелік күн өткен соң қолданысқа енгізіледі.

      5. Осы бұйрықтың орындалуын бақылау вице-министр К.Н. Шәмшидиноваға жүктелсін.

      Министр

      "КЕЛІСІЛДІ"
       Қазақстан Республикасы 
      Денсаулық сақтау министрі
      2007 жылғы 25 желтоқсан

Қазақстан Республикасы   
Білім және ғылым министрінің
2007 жылғы 19»желтоқсандағы
N 638 бұйрығымен бекітілген

Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың
үлгі ережесі

1. Жалпы ережелер

      1. Жоғары білім берудің кәсіптік оқу бағдарламаларын іске асыратын Қазақстан Республикасының білім беру ұйымдарына (бұдан әрі - жоғары оқу орындары) жалпы орта, кәсіптік бастауыш (техникалық және кәсіптік), кәсіптік орта (орта білімнен кейінгі) және жоғары білімі бар Қазақстан Республикасының азаматтары, шетел азаматтары және азаматтығы жоқ тұлғалар қабылданады.

      2. Жоғары оқу орындарында студенттер контингентiн қалыптастыру бюджеттiк қаржыландыру мамандар даярлауға мемлекеттiк тапсырысты (бiлiм беру гранты) орналастыру, сондай-ақ азаматтардың өз қаражаты мен басқа қаражат көздерi есебінен оқуға төлеу арқылы жүзеге асырылады.
      Бiлiм беру гранты Қазақстан Республикасының азаматымен бiрдей басқа мемлекет азаматы болып табылатын қазақ ұлтының өкiлдерiне, Қазақстан Республикасында тұрғылықты тұратын шетел азаматтарына және азаматтығы жоқ тұлғаларға, сондай-ақ Ресей Федерациясының, Беларусь Республикасының, Тәжiкстан Республикасының және Қырғыз Республикасының азаматтарына берiледi.
      Басқа шетелдік азаматтар және азаматтығы жоқ тұлғалар жоғары оқу орындарына (бұдан әрі - ЖОО) Қазақстан Республикасының заңнамаларында белгіленген, сондай-ақ Қазақстан Республикасында бекітілген халықаралық шарттарға сәйкес қабылданады.
       Ескерту. 2-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      3. Жоғары оқу орындарына азаматтарды қабылдау ұлттық бiрыңғай тестiлеудiң (бұдан әрi - ҰБТ) немесе Қазақстан Республикасы Бiлiм және ғылым министрлiгiнiң Бiлiм беру мен тестiлеудiң мемлекеттiк стандарттарының ұлттық орталығы (бұдан әрi - БТМСҰО) әзiрлеген технология бойынша өткiзiлетiн кешендi тестiлеудiң нәтижесi бойынша берiлген сертификаттағы балдарға сәйкес конкурстық негізде азаматтардың өтініштері бойынша жүзеге асырылады.

      4. ҰБТ ағымдағы жылғы жалпы орта білім беретін ұйымдардың бітірушілері үшін өткізіледі.
      Кешендi тестiлеу өткен жылдардағы жалпы орта білім беретін ұйымдардың бітірушілері, бастауыш және кәсiптiк орта оқу орындарын бiтiрушiлер (техникалық және кәсіптік, орта білімнен кейінгі), ҰБТ-ға қатыспаған халықаралық оқушылармен алмасу желiсi бойынша шетелде оқыған жалпы бiлiм беретiн мектепті бiтiрушiлер, өзбек, ұйғыр және тәжiк тілдерiнде оқытатын жалпы орта білім беретін мектептi бiтiрушiлер, республикалық музыка мектеп-интернаттарының бітірушілері, сондай-ақ оқу орындарын шетелде бiтiрген азаматтар үшін өткізіледі.
       Ескерту. 4-тармақ жаңа редакцияда - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      5. Азаматтарды ақылы негізде оқуға қабылдауды жоғары оқу орындары жүзеге асырады.

      6. Азаматтарды Қазақстан Республикасының Ұлттық қауiпсiздiк комитетiне, Қазақстан Республикасы Қорғаныс министрлiгiне, Қазақстан Республикасы Ішкi iстер министрлiгiне, Қазақстан Республикасы Әділет министрлігі Қылмыстық-атқару жүйесінің комитетіне, Қазақстан Республикасы Экономикалық қылмысқа және сыбайлас жемқорлыққа қарсы күрес агенттiгiне, Қазақстан Республикасы Төтенше жағдайлар министрлігіне ведомстволық бағынысты жоғары оқу орындарына қабылдау  1-қосымшаға  сәйкес кешендi тестiлеудiң немесе ҰБТ сертификатындағы балдарға сәйкес жүргізіледі.
       Ескерту. 6-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      7. Техникалық және кәсіптік, орта білімнен кейінгі білімі бар азаматтарды жоғары оқу орындарына медициналық мамандықтардан басқа ақылы негiзде қысқартылған бiлiм беру бағдарламалары бойынша ұқсас мамандықтарға қабылдауды жоғары оқу орындарының қабылдау комиссиялары жүзеге асырады.
      Ұқсас мамандықтарға қабылдау бекітілген тізбеге сәйкес өткізіледі.
      Кәсiптiк жоғары бiлiмi бар (жоғары) азаматтарды жоғары оқу орындарына ақылы негiзде қысқартылған мерзiмде оқуға қабылдауды жоғары оқу орындарының қабылдау комиссиялары жүзеге асырады.

      8. Екi немесе одан көп елдер арасында мемлекетаралық келiсiмдер бойынша құрылған халықаралық жоғары оқу орындарына мемлекеттiк тапсырыс негiзiнде белгiленген квота бойынша шетел азаматтарын қабылдауды жоғары оқу орындары дербес түрде жүзеге асырады.

      9. Оқу орындарына оқуға қабылдау кезінде "Техникалық және кәсіптік, орта оқу орнынан кейінгі және жоғары білім берудің кәсіптік оқу бағдарламаларын іске асыратын білім беру ұйымдарына оқуға түсу кезінде қабылдау квотасын белгілеу туралы" Қазақстан Республикасы Үкіметінің 2008 жылғы 28 наурыздағы N 296  қаулысымен  бекітілген қабылдау квотасы белгіленеді.
      Ауылдық білім беру ұйымдарын бітірген азаматтар үшін Қазақстан Республикасының жоғары оқу орындарына қабылдау квотасы белгіленген бакалавр және жоғары арнайы білім мамандықтарының тізбесі осы Қабылдаудың үлгі ережесінің  2-қосымшасына  сәйкес белгіленеді.
       Ескерту. 9-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      10. Мемлекеттiк бiлiм беру тапсырысы бойынша мемлекеттiк құпиялармен жұмыс iстеудi талап ететiн жоғары бiлiм берудiң жекелеген мамандықтары бойынша оқуға қабылдауды ұлттық қауіпсіздік органдарының рұқсаты бар білім беру ұйымдары жүзеге асырады.

      11. Азаматтарды арнаулы немесе шығармашылық дайындықты (бұдан былай - шығармашылық мамандықтары) қажет ететін мамандықтарға қабылдау арнаулы немесе шығармашылық емтихандар (бұдан былай - шығармашылық емтихандар) нәтижелерін ескере отырып жүзеге асырылады.
       Ескерту. 11-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      12. Кешенді тестілеуге қатысуға өтініштерді қабылдауды 20 маусым мен 9 шілде аралығында жоғары оқу орындарының қабылдау комиссиялары жүргізеді.
      Шығармашылық мамандықтарға өтініштерді қабылдауды 20 маусым мен 1 шілде аралығында ЖОО қабылдау комиссиялары жүзеге асырады.
      Шығармашылық мамандықтарға түсетін азаматтар тек қана бір шығармашылық мамандықты көрсетеді.
      6-тармақта көрсетiлген мемлекеттiк органдарға ведомстволық бағынысты жоғары оқу орындарына өтiнiштердi қабылдау мерзiмiн тиiстi мемлекеттiк органдар белгiлейдi.

      13. Шығармашылық мамандықтарға түсетін азаматтар өздері таңдаған ЖОО-ның қабылдау комиссиялары өткізетін шығармашылық емтихан тапсырады. Шығармашылық емтихандар саны - екеу.
      Шығармашылық емтихан 2-7 шілде аралығында өткізіледі.
      Шығармашылық емтихан бойынша ең жоғарғы балл саны - 25.
      Шығармашылық емтихан бойынша 10 балдан төмен алған немесе емтиханға келмеген талапкерлер осы мамандыққа түсу үшін кешенді тестілеуге жіберілмейді.
      Шығармашылық емтиханды қайта тапсыруға рұқсат берілмейді.
       Ескерту. 13-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      14. Шығармашылық мамандықтарға, сондай-ақ Ұлттық қауiпсiздiк комитетiне ведомстволық бағынысты жоғары оқу орындарынан басқа 6-тармақта көрсетiлген мемлекеттiк органдарға ведомстволық бағынысты жоғары оқу орындарына түсу кезiнде өтiнiштер ЖОО орналасқан жерде қабылданады.

  2. Кешенді тестілеуді өткізу

      15. Кешенді тестілеу білім беру саласындағы уәкілетті органның бұйрығымен бекітілген тізбеге сәйкес тестілеу өткізу пункттерінің базасында (базалы ЖОО) өткізіледі.
      Шығармашылық мамандықтарға түсетін, сондай-ақ 6-тармақта көрсетілген мемлекеттік органдарға ведомстволық бағынысты жоғары оқу орындарына түсетін азаматтарға кешенді тестілеу азаматтың таңдаған ЖОО-ға бекітілген базалы ЖОО-да өтеді.

      16. Жергілiктi жерде ұйымдастыру және ақпараттық-түсiндiру жұмыстарын жүргiзу үшiн талапкерлердiң кешенді тестілеуін ұйымдастыру мен өткізу жөнiнде мемлекеттік комиссиялар құрылады (бұдан әрi - мемлекеттік комиссия).
      Мемлекеттік комиссия тестілеу кезінде тыйым салынған заттарды қолданған (ақпараттық материалдар, электронды жазба кітапшалары, калькулятор, ұялы телефон, пейджер және басқа да байланыс құралдары) талапкерлердің тестілеу нәтижелерін жою туралы шешім қабылдайды.

      17. Кешенді тестілеуге қатысу үшін азамат жоғары оқу орнының қабылдау комиссиясына белгіленген үлгідегі бланкіде өтiнiшін, кәсіптік бастауыш (техникалық және кәсіптік) немесе кәсіптік орта (ортадан кейінгі) оқу қажеттi ақыны төлегенi туралы түбiртекті (квитанция), 3х4 көлемiндегi екi фотосуретті, 086-У нысанындағы медициналық анықтаманы, сондай-ақ жеке басын куәландыратын құжаттың көшірмесiн тапсырады.

      18. Кешенді тестілеу 17-23 шілде аралығында өткізіледі.

      19. Кешендi тестiлеуге келген талапкер куәлiгiн (төлқұжат) және емтиханға рұқсат қағазын көрсетуi тиiс.

      20. Кешенді тестілеу азаматтардың қалауы бойынша қазақ немесе орыс тілдерінде орта білім берудің оқу бағдарламалары көлемінде төрт пән: қазақ немесе орыс тілі (оқу тілі), Қазақстан тарихы, математика және 3-қосымшаға сәйкес талапкердің таңдаған мамандығына байланысты пән бойынша өткізіледі.
       Ескерту. 20-тармақ жаңа редакцияда - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      21. Әрбір пән бойынша тест тапсырмаларының саны 25. Әрбір тест тапсырмасының дұрыс жауабы бір балмен бағаланады.
      Шығармашылық мамандыққа түсуші азаматтар үшін кешенді тестілеудің екі пәні бойынша балдары есептеледі: қазақ немесе орыс тілі және дүниежүзі тарихы.
       Ескерту. 21-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      22. Кешенді тестілеуге 2 сағат 30 минут бөлінеді. Тестілеуді қайта тапсыру рұқсат етілмейді.
       Ескерту. 22-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      23. Кешенді тестілеу нәтижелерін өңдеу кешенді тестілеу жүзеге асырылған жоғары оқу орнында өткізіледі.

      24. Тестiлеуден кейiн өткiзiлетiн жауап парақтарын сканерлеу аяқталғаннан кейiн бiрден дұрыс жауаптар коды iлiнедi.

      25. Сертификаттарды алу үшiн өткiзiлген тест нәтижелерiн мемлекеттік комиссия тест сынағы өткiзiлген күнi жариялайды.

      26 .  Кешенді тестілеу нәтижелері бойынша әр қатысушыға белгiленген үлгідегі сертификат толтырылады, оны мемлекеттік комиссия тест сынағы өткеннен кейiнгi үш күнтізбелік iшiнде бередi.

      27. Тест сынағының нәтижесiмен келiспеген азаматтың апелляцияға өтініш беруге құқы бар.
      Апелляциялық комиссия әрбір базалы ЖОО-да құрылады.
      Тест тапсырмаларының мазмұны бойынша талас тудыратын сұрақтарды республикалық аппеляциялық комиссия қарайды.

  3. Білім беру грантын тағайындау тәртібі

      28. Бiлiм беру грантын тағайындау конкурстық негiзде белгіленген мемлекеттiк тапсырыс шегінде нақты мамандықтар және тiл бөлiмдерi бойынша жүргiзедi.
      Тағайындауды білім саласындағы уәкілетті органның конкурстық комиссиясы жүзеге асырады.

      29. Білім грантын бөлу конкурсына қатысу үшін азамат жоғары оқу орнының қабылдау комиссиясына белгіленген үлгідегі бланкіде өтiнiш, білімі туралы құжат (түпнұсқа), кешенді тестілеудің немесе ҰБТ сертификаты, 3х4 көлемiндегi екi фотосурет, 086-У нысанындағы медициналық анықтама, сондай-ақ жеке басын куәландыратын құжаттың көшірмесiн өткiзедi.
      Білім беру грантын алу конкурсына қатысу үшін азамат өтініште өзі таңдаған ЖОО мен мамандықтарды көрсетеді.
      Таңдау пәндері сәйкес келген жағдайда азамат төрт мамандықты көрсете алады.
       Ескерту. 29-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      30. Білім беру грантын алу үшін басым құқыққа ие азаматтар жоғары оқу орнының қабылдау комиссиясына құқықты растайтын құжат тапсырады.

      31. Шет тілінде берілген құжаттардың қазақ немесе орыс тілдеріне нотариалды расталған аудармасы болуы тиіс.
      Шетелдік білім беру ұйымдарымен берілген білімі туралы құжаттар белгіленген тәртіпте нострификаттанылуы тиіс.

      32. Бiрiншi және екiншi топтағы мүгедектер, бала кезден мүгедектер, мүгедек балалар таңдаған мамандығы бойынша оқу үшін теріс көрсеткіштің жоқтығы туралы медициналық-әлеуметтік сараптама (МӘС) қорытындысын ұсынады.

      33. Білім беру грантын бөлу конкурсына қатысу үшін өтініштер 23-31 шілде аралығында қабылданады.

      34. Білім беру грантын алуға арналған конкурсқа қатысушы азаматтар үшін белгіленген қабылдау квоталары (жетім балалар мен ата-ананың қамқорлығынсыз қалған балалар, I, II топ мүгедектер, бала кезінен мүгедектер, соғысқа қатысушылар мен соғыс мүгедектеріне жеңілдіктер мен кепілдіктер бойынша теңестірілген тұлғалар, бала кезінен мүгедек, мүгедек балалар, Қазақстан Республикасының азаматтары болып табылмайтын ұлты қазақ тұлғалар үшін) барлық мамандықтар бойынша бөлінеді.

      35. Шығармашылық мамандықтарын таңдаған талапкерлер, оның ішінде "Алтын белгі" белгісінің иегерлері білім беру грантын алу конкурсына бір мамандық бойынша қатысады және тек шығармашылық емтихан тапсырған жоғары оқу орнын ғана көрсетеді.

      36. Білім беру грантын алуға арналған конкурста қазақ немесе орыс тілі (оқу тілі), Қазақстан тарихы, математика және таңдау пәні бойынша жинаған балдар ескеріледі.
      Конкурсқа қатысу үшін төменгі балл деңгейі 50 балды құрайды, оның ішінде кемінде 7 балл бейіндік пәннен, (әрбір шығармашылық емтихан бойынша кемінде 10) ал қалған пәндерден кемінде 3 балл болуы қажет.
       Ескерту. 36-тармақ жаңа редакцияда - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      37. Білім беру гранттарын алуға ҰБТ немесе кешенді тестілеу сертификаттары балдарына сәйкес конкурс өткізілген кезде:
      1) "Алтын белгі" белгісімен марапатталған оқушылардың;
      2) жалпы білім беретін пәндер бойынша халықаралық олимпиадалар мен ғылыми жарыстардың (I, II және III дәрежелі дипломдармен марапатталған), республикалық және халықаралық орындаушылар конкурстары мен спорттық жарыстардың (I, II және III дәрежелі дипломдармен марапатталған) соңғы үш жылдағы жеңімпаздарының, жалпы білім беретін пәндер бойынша республикалық олимпиадалар мен ғылыми жарыстардың ағымдағы жылғы жеңімпаздарының, сондай-ақ өздері таңдаған мамандығының олар жеңімпазы болып табылатын олимпиаданың, конкурстың немесе спорттық жарыстың пәніне сәйкес келген жағдайда басым құқығы болады.
      Халықаралық және республикалық олимпиадаларды, ғылыми жарыстарды, орындаушылар конкурстары мен спорттық жарыстарды дайындау мамандықтары мен пәндері бекітілген тізбеге сәйкес болу қажет.
       Ескерту. 37-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      38. Білім беру гранттары бірінші кезекте осы үлгі ереженің 37-тармағына сәйкес ЖОО-ға түсуге басым құқығы бар азаматтарға тағайындалады.

      39. Бұдан әрі білім беру гранттарын тағайындау талапкерлер өтініш білдірген тіл бөлімдері, жоғары оқу орындары және мамандықтардың реті бойынша ҰБТ немесе кешенді тестілеудегі кешенді тестілеудегі сертификаттар балдарына сәйкес конкурстық негізде жүзеге асырылады.
       Ескерту. 39-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      40. Тiл бөлiмдерiнiң бiрiнде босаған орындар мамандықтар iшiнде конкурстық негiзiнде тағайындау үшiн берiледi.
      Бiлiм гранттарын конкурстық тағайындаудан кейiн қалған бос орындар мәлiмделген оқыту нысанына және тiл бөлiмiне қарамастан, жоғары өту балымен мамандықтарға дайындау бағыттарының iшiнде қайта бөлiнедi.

      41. ҰБТ немесе кешенді тестілеу сертификаттары балдарының көрсеткiштерi бiрдей болған жағдайда бiлiм гранттарын тағайындау, сондай-ақ бюджеттiк қаржыландыру арқылы тегiн мемлекеттiк бiлiм алудың басым құқығы жетiм балалар мен ата-аналарының қамқорлығынсыз қалған балаларға; бірінші және екінші топтағы мүгедек балаларға; соғысқа қатысушылар мен соғыс мүгедектеріне кепілдіктер мен жеңілдіктер бойынша теңестірілген тұлғаларға, бала кезден мүгедектерге; медициналық-әлеуметтік сараптама (МӘС) қорытындысына сәйкес тиiстi бiлiм беру ұйымдарында оқуға тиым салынбаған мүгедек балаларға, үздік білімі туралы құжаттары (аттестаттары, куәліктері, дипломдары) бар, содан соң аттестаты немесе дипломының ең жоғарғы орта баллы бар азаматтарға беріледі.
       Ескерту. 41-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      42. Бiлiм беру грантын алған азаматтарға білім беру саласындағы уәкілетті орган белгiленген үлгiдегi куәлiкті бередi.
      Аталған куәлiк иелерiнiң тiзiмi бұқаралық ақпарат құралдарында жарияланады.

      43. Талапкерлерге кешенді тестілеуді ұйымдастыру мен өткізу жөніндегі Мемлекеттік комиссия бiлiм гранттарын  иеленген азаматтарды тиiстi куәлiк алу керектiгi туралы хабардар етедi.
      Бiлiм беру грантын тағайындау туралы куәлiк азаматтарға қабылдау комиссиясына тапсырылған құжаттарымен бірге 15 тамызға дейiн беріледi. 

  4. Жоғары оқу орындарына қабылдау

      44. Жоғары оқу орындарының қабылдау комиссиялары студенттер қатарына қабылдауды 10-25 тамыз аралығында өткiзедi.
      Азаматтар жоғары оқу орындарының қабылдау комиссиясына қабылдау туралы өтінішпен бірге жалпы орта (жалпы орта білім), кәсіптік бастауыш (техникалық және кәсіптік), кәсіптік орта (орта білімнен кейінгі) немесе жоғары білімі (түпнұсқа) туралы құжатын, 3х4 көлеміндегі 6 суретін, 086-У нысанындағы медициналық анықтаманы, ҰБТ немесе кешенді тестілеу сертификаттарын, сондай-ақ білім беру гранты тағайындалғаны туралы куәлігін (ол болған жағдайда) қоса береді.
       Ескерту. 44-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      45. Мемлекеттiк бiлiм беру грантын алу құқығына ие болғаны туралы куәлiк алған азаматтар, куәлiкте көрсетiлген ЖОО-ға қабылдау туралы өтiнiш бередi және ЖОО ректорының бұйрығымен студенттер қатарына қабылданады.
      Шығармашылық мамандық бойынша мемлекеттiк бiлiм беру гранттарын тағайындау туралы куәлiгi барлар өздерi арнайы (шығармашылық) емтихан тапсырған ЖОО-ға қабылданады.

      46. Ақылы оқуға ағымдағы жылғы ҰБТ-дан өткен, жалпы орта білім беру ұйымын бітірушілер, тестілеу нәтижелері бойынша 50 балл келесі пәндерден: қазақ немесе орыс тілінен (оқу тілі), Қазақстан тарихы, математика және таңдау пәнінен, оның ішінде, бейіндік пәннен 7 балдан кем емес (әрбір шығармашылық емтиханнан 10 балдан кем емес), ал қалған пәндерден ең төмені 3 балдан жинаған кешенді тестілеуге қатысушылар қабылданады.
      Оқуға қабылдау мамандықтар бойынша және тілдік бөлімдерге жеке жүргізіледі.
      Шығармашылық емтихандар белгіленген мамандықтарға қабылдау осы емтихандар бойынша алынған балдары есепке алына отырып жүргізіледі.
       Ескерту. 46-тармаққа өзгерту енгізілді - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

      47. 6-тармақта көрсетiлген мемлекеттiк органдарға ведомстволық бағынысты жоғары оқу орындарына студент қатарына қабылдауды талапкерлердің медициналық, тәндік және психофизиологиялық көрсеткiштерiн ескере отырып осы жоғары оқу орнының мандат комиссиясының сертификат балдарына сәйкес қабылдаған шешімімен жүргізіледі.

      48. Меншiк нысанына қарамастан жоғары оқу орындары білім беру саласындағы уәкілетті органға белгiленген нысанда және белгіленген мерзiмде ақпаратты ұсынады, қабылдау өткізгеннен кейiн 10 күннiң iшiнде қабылдауды ұйымдастыру мен өткiзу жөніндегі қорытынды есепті, студенттерді қабылдау туралы бұйрықтың көшірмесін, сондай-ақ одан бас тартқан білім беру гранты иегерлері куәліктерінің түпнұсқасын және жоғары оқу орнына келмеген тұлғалардың мәліметтерін (А.Т.Ә, мамандығы) бередi.

      49. Осы Үлгі ережеде регламенттелмеген мәселелердi ЖОО-ның қабылдау комиссиялары дербес түрде шешеді.

                                     Білім және ғылым министрінің
                                      2007 жылғы 19 желтоқсандағы
                                      N 638 бұйрығымен бекітілген
                                     Жоғары білім берудің кәсіптік
                                        оқу бағдарламаларын іске
                                     асыратын білім беру ұйымдарына
                                    оқуға қабылдаудың үлгі ережесіне
                                                1-қосымша

Күштік және өзге құрылымдарға ведомстволық бағынысты
жоғары оқу орындарының тізбесі

N	Жоғары оқу орнының атауы	Орналасқан жері
1.	Қазақстан Республикасы Ішкі істер министрлі- гінің академиясы	Алматы қ.
2.	Қазақстан Республикасы Ішкі істер министрлігі Қарағанды заң институты	Қарағанды қ.
3.	Қазақстан Республикасы Әділет министрлігі Қылмыстық-атқару жүйесінің Комитеті Қостанай заң институты	Қостанай қ.
4.	Қазақстан Республикасы Қорғаныс министрлігі- нің  Құрлықтағы әскерлердің әскери институты	Алматы қ.
5.	Қазақстан Республикасы Қорғаныс министрлігі- нің "Кеңес Одағының екі мәрте батыры Т. Я. Бегелдинов атындағы" Әуе қорғаныс күштерінің әскери институты	Ақтөбе қ.
6.	Қазақстан Республикасы Экономикалық қылмысқа және сыбайлас жемқорлыққа қарсы күрес жөнін- дегі агенттігінің Қаржы полициясы академиясы	Ақмола облысы
7.	Қазақстан Республикасы Төтенше жағдайлар жөніндегі министрлігі Көкшетау техникалық институты	Көкшетау қ.
8.	Қазақстан Республикасы Қорғаныс министрлігі- нің Шет тілдерінің әскери институты	Алматы қ.
9.	Қазақстан Республикасы Ішкі істер министрлігі Петропавл жоғары әскери училищесі	Петропавл қ.
10.	Қазақстан Республикасы Қорғаныс министрлігі- нің Әскери-теңіз институты	Ақтау қ.
11.	Қазақстан Республикасы Қорғаныс министрлігі- нің Ұлттық университеті	Көкшетау қ.
12.	Қазақстан Республикасы Ұлттық қауіпсіздік комитетінің Академиясы	Алматы қ.
13.	Қазақстан Республикасы Ұлттық қауіпсіздік комитетінің Әскери институты	Алматы қ.
14.	Қазақстан Республикасы Қорғаныс министрлігі- нің Радиоэлектроника мен байланыс әскери- инженерлік институты	Алматы қ.

                                     Білім және ғылым министрінің
                                      2007 жылғы 19 желтоқсандағы
                                      N 638 бұйрығымен бекітілген
                                     Жоғары білім берудің кәсіптік
                                        оқу бағдарламаларын іске
                                     асыратын білім беру ұйымдарына
                                    оқуға қабылдаудың үлгі ережесіне
                                                2-қосымша

     Ауылдық бiлiм беру ұйымдарын бiтiрген азаматтар
үшiн арналған Қазақстан Республикасы жоғары оқу орындарына қабылдау квотасының жоғары арнайы бiлiм және бакалавриат мамандықтарының тiзбесi

Код	Мамандықтар топтары және мамандықтардың атауы
Бакалавриат мамандығы 1. Бiлiм беру
050101 Мектепке дейiнгi оқыту және тәрбиелеу    050102 Бастапқы оқытудың педагогикасы мен әдiстемесi              050103 Педагогика және психология                                 050104 Бастапқы әскери дайындық                                   050105 Дефектология                                               050106 Музыкалық бiлiм                                            050107 Бейнелеу өнерi және сызу                                   050108 Дене шынықтыру және спорт                                  050109 Математика                                                 050110 Физика                                                     050111 Информатика                                                050112 Химия                                                      050113 Биология                                                   050114 Тарих                                                      050115 Құқық және экономика негіздері                             050116 География                                                  050117 Қазақ тiлi мен әдебиетi                                    050118 Орыс тiлi мен әдебиетi                                     050119 Шет тілі: екі тіл                                         050120 Кәсіптік оқыту              050121 Қазақ тілінде оқытпайтын мектептердегі қазақ тілі мен        әдебиеті   050122 Орыс тілінде оқытпайтын мектептердегі орыс тілі мен        әдебиеті
2. Гуманитарлық ғылымдар
050203 Тарих                                                      050204 Мәдениеттану                                               050206 Дінтану                                                    050208 Археология және этнология
3. Өнер
050404 Дәстүрлі музыка өнері                                      050418 Кiтапханатану және библиография                            050419 Мұражай ісі және ескерткіштер қорғау
4. Әлеуметтік ғылымдар және бизнес
050504 Журналистика                                               050505 Аймақтану 050506 Экономика                                                  050507 Менеджмент                                                 050508 Есеп және аудит                                            050510 Мемлекеттік және жергілікті басқару                        050511 Маркетинг
5. Жаратылыстану ғылымдары
050601 Математика                                                 050602 Информатика                                                050604 Физика                                                     050606 Химия                                                      050607 Биология                                                   050608 Экология                                                   050609 География                                                  050610 Гидрометеорология
6. Техникалық ғылымдар және технологиялар
050701 Биотехнология                                              050703 Ақпараттық жүйелер                                         050706 Геология және пайдалы қазбалар көздерiн барлау             050708 Мұнай-газ iсi                                              050711 Геодезия және картография                                  050713 Көлiк, көлiк техникасы және технологиясы                   050715 Теңiз техникасы мен технологиясы                           050717 Жылу энергетикасы                                          050718 Электр энергетикасы                                        050719 Радиотехника, электроника және телекоммуникациялар         050724 Техникалық машиналар және жабдықтар                        050725 Ағаш өңдеу технологиясы                                    050726 Жеңiл және тоқыма өнеркәсiбi тауарлары мен заттары        технологиясы                                               050727 Тағамдық заттар технологиясы                               050728 Өңдеу өндiрiстер технологиясы                              050729 Құрылыс                                                    050731 Қоршаған ортаны қорғау және өмiр сүру қауiпсiздiгi         050732 Стандарттау, сертификаттау және метрология
7. Ауыл шаруашылық ғылымдары
050801 Агрономия                                                  050802 Зоотехния 050803 Аң өндiру және аң аулау                                    050804 Балық шаруашылығы                                          050805 Суды қолдану және су ресурстары                            050806 Агроинженерия 050807 Орман шаруашылық iсi                                       050808 Топырақтану және агрохимия     050809 Жеміс-көкөніс шаруашылығы                        050810 Мелиорация, жерді баптау және қорғау
8. Қызмет көрсету
050901 Көлiктi пайдалану және жүк қозғалысы мен тасымалдауды        ұйымдастыру                                                050903 Жерге орналастыру                              050904 Тұрмыстық қызмет көрсету және сервис                       050905 Әлеуметтiк жұмыс                                           050906 Мәдени түрде дем алу жұмысы
9. Әскери iс және қауiпсiздiк
051001 Өрт қауiпсiздiгi
10. Денсаулық сақтау және әлеуметтiк қамтамасыз ету (медицина)
051101 Мейіркештік ісі                          051102 Қоғамдық денсаулық сақтау 051103 Фармация
Жоғары арнайы бiлiм мамандықтары 2. Денсаулық сақтау және әлеуметтiк қамтамасыз ету (медицина)
051301 Жалпы медицина 051302 Стоматология
3. Ветеринария
051201 Ветеринарлық медицина                                      051202 Ветеринарлық санитария

                                          Қазақстан Республикасы
                                       Білім және ғылым министрінің
                                        2008 жылғы 19 желтоқсандағы
                                        N 638 бұйрығымен бекітілген
                                      Жоғары білім берудің кәсіптік
                                         оқу бағдарламаларын іске
                                            асыратын білім беру
                                              ұйымдарына оқуға
                                           қабылдаудың үлгілік
                                          ережелеріне 3-қосымша

       Ескерту. 3-қосымша жаңа редакцияда - Қазақстан Республикасы Білім және Ғылым министрінің 2008.04.18  N 213  (қолданысқа енгізілу тәртібін  3-тармақтан  қараңыз) Бұйрығымен.

         ҰБТ және кешенді тестілеу жүргізілетін пәндер
               көрсетілген мамандықтар тізбесі

Код	Мамандықтар топтары мен мамандықтар атауы	Таңдау бойынша пәндер	Бейіндік пән
Бакалавриат мамандықтары
1. Білім
050101	Мектепке дейінгі оқыту және тәрбиелеу	Биология	Математика
050102	Бастапқы оқытудың педагогикасы мен әдістемесі	Биология	Математика
050103	Педагогика және психология	Биология	Биология
050104	Бастапқы әскери дайындық	2-шығармашы- лық емтихан	1-ші шығарма- шылық емтихан
050105	Дефектология	Биология	Биология
050106	Музыкалық білім	2-шығармашы- лық емтихан	1-ші шығарма- шылық емтихан
050107	Бейнелеу өнері және сызу	2-шығармашы- лық емтихан	1-ші шығарма- шылық емтихан
050108	Дене шынықтыру және спорт	2-шығармашы- лық емтихан	1-ші шығарма- шылық емтихан
050109	Математика	Физика	Математика
050110	Физика	Физика	Физика
50111	Информатика	Физика	Математика
050112	Химия	Химия	Химия
050113	Биология	Биология	Биология
050114	Тарих	Дүниежүзі тарихы	Дүниежүзі тарихы
050115	Құқық және экономика негіздері	Дүниежүзі тарихы	Дүниежүзі тарихы
050116	География	География	География
050117	Қазақ тілі мен әдебиеті	Қазақ әдебиеті	Қазақ тілі
050118	Орыс тілі мен әдебиеті	Орыс әдебиеті	Орыс тілі
050119	Шет тілі: екі шет тілі	Шет тілі	Шет тілі
050120	Кәсіптік білім	Физика	Математика
050121	Қазақ тілінде оқытпайтын мектептер- дегі қазақ тілі мен әдебиеті	Қазақ әдебиеті	Қазақ тілі
050122	Орыс тілінде оқытпай- тын мектептердегі орыс тілі мен әдебиеті	Орыс әдебиеті	Орыс тілі
2. Гуманитарлық ғылымдар
050201	Философия	Дүниежүзі тарихы	Дүниежүзі тарихы
050202	Халықаралық қатынастар	Шет тілі	Шет тілі
050203	Тарих	Жалпы әлем тарихы	Дүниежүзі тарихы
50204	Мәдениеттану	Дүниежүзі тарихы	Қазақстан тарихы
050205	Филология	Әдебиет	Ана тілі
050206	Дінтану	Дүниежүзі тарихы	Дүниежүзі тарихы
050207	Аударма ісі	Шет тілі	Шет тілі
050208	Археология және этнология	Дүниежүзі тарихы	Қазақстан тарихы
050209	Шығыстану	Шет тілі	Шет тілі
050210	Шетел филологиясы	Шет тілі	Шет тілі
050211	Теология	Дүниежүзі тарихы	Қазақстан тарихы
3. Құқық
050301	Құқықтану	Дүниежүзі тарихы	Дүниежүзі тарихы
050302	Халықаралық құқық	Шет тілі	Шет тілі
050303	Құқық қорғау қызметі	Дүниежүзі тарихы	Дүниежүзі тарихы
050304	Кеден ісі	Дүниежүзі тарихы	Дүниежүзі тарихы
4. Өнер
050401	Музыкатану	2-шығармашы- лық емтихан	1-ші шығарма- шылық емтихан
050402	Аспаптық орындау	2-шығармашы- лық емтихан	1-ші шығарма- шылық емтихан
050403	Вокалдық өнер	2-шығармашы- лық емтихан	1-ші шығарма- шылық емтихан
050404	Дәстүрлі музыка өнері	2-шығармашы- лық емтихан	1-ші шығарма- шылық емтихан
050405	Дирижирлеу	2-шығармашы- лық емтихан	1-ші шығарма- шылық емтихан
050406	Режиссура	2-шығармашы- лық емтихан	1-ші шығарма- шылық емтихан
050407	Актерлық өнер	2-шығармашы- лық емтихан	1-ші шығарма- шылық емтихан
050408	Эстрадалық өнер	2-шығармашы- лық емтихан	1-ші шығарма- шылық емтихан
050409	Хореография	2-шығармашы- лық емтихан	1-ші шығарма- шылық емтихан
050410	Сценография	2-шығармашы- лық емтихан	1-ші шығарма- шылық емтихан
050411	Композиция	2-шығармашы- лық емтихан	1-ші шығарма- шылық емтихан
050412	Операторлық өнер	2-шығармашы- лық емтихан	1-ші шығарма- шылық емтихан
050413	Кескіндеме	2-шығармашы- лық емтихан	1-ші шығарма- шылық емтихан
050414	Графика	2-шығармашы- лық емтихан	1-ші шығарма- шылық емтихан
050415	Мүсін	2-шығармашы- лық емтихан	1-ші шығарма- шылық емтихан
050416	Өнертану	2-шығармашы- лық емтихан	1-ші шығарма- шылық емтихан
050417	Сәндік өнер	2-шығармашы- лық емтихан	1-ші шығарма- шылық емтихан
050418	Кітапханатану және библиография	Әдебиет	Әдебиет
500419	Мұражай ісі және ескерткіштерді қорғау	Дүниежүзі тарихы	Қазақстан тарихы
050420	Сәулет	2-шығармашы- лық емтихан	1-ші шығарма- шылық емтихан
050421	Дизайн	2-шығармашы- лық емтихан	1-ші шығарма- шылық емтихан
050422	Баспа ісі	Әдебиет	Әдебиет
5. Әлеуметтік ғылымдар және бизнес
050501	Социология	Дүниежүзі тарихы	Қазақстан тарихы
050502	Политология	Дүниежүзі тарихы	Қазақстан тарихы
050503	Психология	Биология	Биология
050504	Журналистика	2-шығармашы- лық емтихан	1-ші шығарма- шылық емтихан
050505	Аймақтану	Шет тілі	Шет тілі
050506	Экономика	География	Математика
050507	Менеджмент	География	Математика
050508	Есеп және аудит	География	Математика
050509	Қаржы	География	Математика
050510	Мемлекеттік және жергілікті басқару	География	Математика
050511	Маркетинг	География	Математика
6. Жаратылыстану ғылымдары
050601	Математика	Физика	Математика
050602	Информатика	Физика	Математика
050603	Механика	Физика	Математика
050604	Физика	Физика	Физика
050605	Ядролық физика	Физика	Физика
050606	Химия	Химия	Химия
050607	Биология	Биология	Биология
050608	Экология	Биология	Биология
050609	География	География	География
050610	Гидрометеорология	География	География
050611	Астрономия	Физика	Физика
7. Техникалық ғылымдар және технологиялар
050701	Биотехнология	Биология	Биология
050702	Автоматтандыру және басқару	Физика	Математика
050703	Ақпараттық жүйелер	Физика	Математика
050704	Есептеу техникасы және бағдарламалық қамтамасыз ету	Физика	Математика
050705	Математикалық және компьютерлік моделдеу	Физика	Математика
050706	Геология және пайдалы қазбалар кең орындарын барлау	Физика	Математика
050707	Тау-кен ісі	Физика	Математика
050708	Мұнай-газ ісі	Физика	Математика
050709	Металлургия	Физика	Математика
050710	Материалтану және жаңа материалдар технологиясы	Физика	Физика
050711	Геодезия және картография	География	Математика
050712	Машина жасау	Физика	Математика
050713	Көлік, көлік техникасы және технологиясы	Физика	Математика
050714	Авиациалық техника және технологиялары	Физика	Физика
050715	Теңіз техникасы және технологиялары	Физика	Математика
050716	Приборлар жасау	Физика	Математика
050717	Жылу энергетикасы	Физика	Математика
050718	Электр энергетикасы	Физика	Математика
050719	Радиотехника, электроника және телекоммуникациялар	Физика	Математика
050720	Бейорганикалық заттардың химиялық технологиясы	Химия	Химия
50721	Органикалық заттардың химиялық технологиясы	Химия	Химия
050722	Полиграфия	Физика	Физика
050723	Техникалық физика	Физика	Физика
050724	Техникалық машиналар және жабдықтар	Физика	Физика
050725	Ағаш өңдеу технологиясы	Физика	Математика
050726	Жеңіл өнеркәсіп бұйымдарының технологиясы және конструкциялау	Физика	Физика
050727	Азық-түлік тағамдары технологиясы	Химия	Химия
050728	Өңдеу өндірістерінің технологиясы	Химия	Химия
0729	Құрылыс	Физика	Математика
050730	Құрылыс материалдарын, бұйымдарын және конструкцияларын өндіру	Физика	Математика
050731	Қоршаған ортаны қорғау және өмір тіршілігінің қауіпсіздігі	Физика	Математика
050732	Стандарттау, метрология және сертификаттау	Физика	Математика
050733	Тоқыма материалдарының технологиясы және жобалануы	Физика	Математика
8. Ауылшаруашылық ғылымдары
050801	Агрономия	Биология	Биология
050802	Зоотехния	Биология	Биология
050803	Аң өсіру және аңшылық	Биология	Биология
050804	Балық шаруашылығы	Биология	Биология
050805	Су ресурстары және суды қолдану	География	География
050806	Агроинженерия	Физика	Математика
050807	Орман шаруашылық ісі	Физика	Математика
050808	Топырақтану және агрохимия	Биология	Биология
050809	Жеміс-көкөніс шаруашылығы	Биология	Биология
050810	Мелиорация, рекультивация және жерді қорғау	Биология	Математика
9. Қызмет көрсету
050901	Көлікті пайдалану және жүк қозғалысы мен тасымалдауды ұйымдастыру	Физика	Математика
050902	Туризм	География	География
050903	Жерге орналастыру	География	Математика
050904	Тұрмыстық қызмет көрсету және сервис	География	География
050905	Әлеуметтік жұмыс	География	География
050906	Мәдени-тынығу жұмысы	2 шығармашы- лық емтихан	1-ші шығарма- шылық емтихан
050907	Кадастр	География	География
050908	Бағалау	География	Математика
10. Әскери іс және қауіпсіздік
051001	Өрт қауіпсіздігі	Физика	Математика
051002	Ақпараттық қауіпсіз- дендіру жүйесі	Физика	Математика
11. Денсаулық сақтау және әлеуметтік қамтамасыз ету (медицина)
051101	Мейірбике ісі	Биология	Биология
051102	Қоғамдық денсаулық сақтау	Биология	Биология
051103	Фармация	Химия	Химия
Жоғары арнайы білім мамандықтары
2. Денсаулық сақтау және әлеуметтік қамтамасыз ету (медицина)
051301	Жалпы медицина	Биология	Биология
051302	Стоматология	Биология	Биология
3. Ветеринария
051201	Ветеринарлық медицина	Биология	Биология
051202	Ветеринарлық санитария	Биология	Биология

 Қазақстан Республикасы    
Білім және ғылым министрінің 
2007 жылғы 19 желтоқсандағы 
N 638 бұйрығымен бекітілген 

Күші жойылды деп танылған нормативтік құқықтық
актілер тізбесі

      1) Қазақстан Республикасы Білім және ғылым министрінің 2000 жылғы 25 наурыздағы  N 247  "Қазақстан Республикасының жоғары оқу орындарына қабылдаудың үлгі ережелерін бекіту туралы", Қазақстан Республикасының нормативтік құқықтық актілерін мемлекеттік тіркеу тізілімінде N 1118 тіркелген, Қазақстан Республикасының орталық атқарушы және басқа да мемлекеттік органдарының нормативтік құқықтық актілері 2000 жылғы N 6 бюллетенінде жарияланған бұйрығының;
      2) Қазақстан Республикасы Білім және ғылым министрінің 2001 жылғы 18 мамырдағы  N 366  "Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", нормативтік құқықтық актілерін мемлекеттік тіркеу тізілімінде N 1514 тіркелген бұйрығының;
      3) Қазақстан Республикасы Білім және ғылым министрінің 2002 жылғы 17 мамырдағы  N 394  "Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер енгізу туралы", нормативтік құқықтық актілерін мемлекеттік тіркеу тізілімінде N 1859 тіркелген, Қазақстан Республикасының орталық атқарушы және басқа да мемлекеттік органдарының нормативтік құқықтық актілері 2002 жылғы N 30 бюллетенінде жарияланған бұйрығының;
      4) Қазақстан Республикасы Білім және ғылым министрі міндетін атқарушысының 2003 жылғы 22 ақпандағы  N 116-1  "Қазақстан Республикасы Әділет министрлігінде N 1118 тіркелген Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", нормативтік құқықтық актілерін мемлекеттік тіркеу тізілімінде N 2211 тіркелген бұйрығының;
      5) Қазақстан Республикасы Білім және ғылым министрінің 2004 жылғы 23 наурыздағы  N 241  "Қазақстан Республикасы Әділет министрлігінде N 1118 тіркелген Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", нормативтік құқықтық актілерін мемлекеттік тіркеу тізілімінде N 2808 тіркелген бұйрығының;
      6) Қазақстан Республикасы Білім және ғылым министрінің 2005 жылғы 11 наурыздағы  N 149  "Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", Қазақстан Республикасы нормативтік құқықтық актілерін мемлекеттік тіркеу тізілімінде N 3559 тіркелген, 2005 жылғы 22 қыркүйектегі N 174»"Юридическая газета" газетінде жарияланған бұйрығының;
      7) Қазақстан Республикасы Білім және ғылым министрінің 2005 жылғы 7 маусымдағы  N 353  "Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", нормативтік құқықтық актілерін мемлекеттік тіркеу тізілімінде N 3681 тіркелген, Қазақстан Республикасының орталық атқарушы және басқа да мемлекеттік органдарының нормативтік құқықтық актілері 2005 жылғы қыркүйек N 18 бюллетенінде жарияланған бұйрығының;
      8) Қазақстан Республикасы Білім және ғылым министрінің 2006 жылғы 1 наурыздағы  N 95» "Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", нормативтік құқықтық актілерін мемлекеттік тіркеу тізілімінде N 4133 тіркелген, 2006 жылғы 16 маусымдағы«"Юридическая газета" газеті N 109-110 жарияланған бұйрығының;
      9) Қазақстан Республикасы Білім және ғылым министрінің 2007 жылғы 2 сәуірдегі  N 150» "Қазақстан Республикасының жоғары оқу орындарына қабылдаудың үлгі ережелерін бекіту туралы" Қазақстан Республикасы Білім және ғылым министрінің 2000 жылғы 25 наурыздағы N 247 бұйрығына өзгерістер мен толықтырулар енгізу туралы", нормативтік құқықтық актілерін мемлекеттік тіркеу тізілімінде N 4638 тіркелген, 2007 жылғы 15 маусымдағы»"Юридическая газета" газеті N 90 жарияланған бұйрығының күші жойылды деп танылсын.