Күші жойылды - ҚР Мемлекеттік хатшысы - Сыртқы істер министрінің 2011.01.19 № 08-1-1-1/13 (мемлекеттiк тiркелу күнiнен бастап күшiне енедi) бұйрығымен.
Ескерту: Бұйрықтың тақырыбына және кіріспе бөліміне өзгертулер енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
"Қазақстан Республикасының азаматтығы туралы" Қазақстан Республикасының заңына және Қазақстан Республикасы Президентiнiң 1996 жылғы 27 қыркүйектегi N 3120 Жарлығымен бекiтiлген Қазақстан Республикасының азаматтығына байланысты мәселелердi қарау ережелеріне сәйкес бұйырамын: см. U060198
1. Қоса берiлiп отырған Қазақстан Республикасының шетелдегі мекемелерінің Қазақстан Республикасының азаматтығы мәселелерiне қатысты құжаттарды ресiмдеу жөнiндегi нұсқаулығы бекiтiлсiн.
Ескерту: 1-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
2. Қазақстан Республикасының Әдiлет министрлiгiнде 1997 жылғы 17 ақпанда N 262 болып тiркелген, 1996 жылғы 18 желтоқсандағы Қазақстан Республикасының дипломатиялық өкілдiктерiнiң, консулдық мекемелерiнiң және өкiлеттi өкiлдiктерiнiң Қазақстан Республикасының азаматтығы мәселелерiне қатысты құжаттарды ресiмдеу жөнiндегi нұсқаулығының күшi жойылған деп танылсын.
3. Осы бұйрық Қазақстан Республикасының Әдiлет министрлiгiнде мемлекеттiк тiркелу күнiнен бастап күшiне енедi.
Министр
Қазақстан Республикасы
Сыртқы iстер Министрiнiң
2000 жылғы 21 қарашадағы
N 263 бұйрығымен бекiтiлген
Қазақстан Республикасының азаматтығы мәселелеріне
қатысты құжаттарды Қазақстан Республикасының
шетелдегі мекемелерінің ресiмдеуi жөнiндегi
нұсқаулық
Ескерту: Нұсқаулықтың тақырыбына өзгерту енгізілді;
"дипломатиялық өкілдіктерімен және консулдық мекемелерімен", "дипломатиялық өкілдіктер және консулдық мекемелер", "консулдық мекемемен", "консулдық мекемелер", "консулдық мекеменің", "консулдық мекемеде", "консулдық мекеме", "консулдық мекемелермен" деген сөздер тиісінше "шетелдегі мекемелерімен", "шетелдегі мекемелері", "шетелдегі мекемемен", "шетелдегі мекемелері", "шетелдегі мекеменің", "шетелдегі мекемеде", "шетелдегі мекеме", "шетелдегі мекемелермен" деген сөздермен ауыстырылды;
"Ережемен", "Ереже" деген сөздер "Ережелермен", "Ереже" деген сөздермен ауыстырылды - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
1. Жалпы ережелер
1. Осы Нұсқаулық Қазақстан Республикасының Конституциясына , "Қазақстан Республикасының азаматтығы туралы" Қазақстан Республикасының Заңына және Қазақстан Республикасы Президентiнiң 1996 жылғы 27 қыркүйектегi N 3120 Жарлығымен бекiтiлген, Қазақстан Республикасының азаматтығына байланысты мәселелердi қарау ережелерге (бұдан әрi - Ереже) сәйкес әзiрлендi және Қазақстан Республикасы шетелдегі мекемелерінiң қызметiнде пайдалануға арналған. см. U060198
Ескерту: 1-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
2. "Қазақстан Республикасының азаматтығы туралы" Қазақстан Республикасының Заңы мен Ережелерiне сәйкес шетелдiк мемлекеттердiң азаматтарын және азаматтығы жоқ адамдарды Қазақстан Республикасының азаматтығын қалпына келтіру және Қазақстан Республикасының азаматтарын Қазақстан Республикасының азаматтығынан шығару адамдардың өтiнiшiнiң (арызының) негiзiнде шешіледi.
Ескерту: 2-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
3. "Қазақстан Республикасының азаматтығы туралы" Қазақстан Республикасы Заңының 31-бабына сәйкес Қазақстан Республикасының шет елдегі мекемелері:
Қазақстан Республикасынан тыс жерлерде тұрақты тұратын адамдардан Қазақстан Республикасының азаматтығы мәселелері бойынша өтініштер қабылдайды және оларды қажетті құжаттармен бірге кейінірек Қазақстан Республикасы Президентінің қарауына жіберу үшін Қазақстан Республикасының Сыртқы істер министрлігіне жолдайды;
Қазақстан Республикасынан тыс жерлерде тұрақты тұратын адамдардың Қазақстан Республикасы азаматтығын жоғалтқандығын тіркейді;
Қазақстан Республикасынан тыс жерлерде тұрақты тұратын Қазақстан Республикасы азаматтарының есебін жүргізеді.
Шет мемлекеттерде Қазақстан Республикасының шетелдегі мекемелері болмаған жағдайда, олардың міндеттерін Қазақстан Республикасының халықаралық шарттары негізінде шет мемлекеттердің дипломатиялық өкілдіктері мен консулдық мекемелері орындай алады.
Ескерту: 3-тармақ жаңа редакцияда жазылды - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
2. Қазақстан Республикасының азаматтығына қабылдау
туралы құжаттарды ресiмдеу
Ескерту: 2-тарау (4-9-тармақтар) алынып тасталды - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
3. Қазақстан Республикасының азаматтығынан шығу туралы
құжаттарды ресiмдеу
10. Ереженiң 14 тармағына сәйкес Қазақстан Республикасының азаматтығынан шығу туралы өтiнiшке (арызға) мынадай құжаттар қоса тiркеледi: см. U060198
1) осы Нұсқаулықтың 2-ші қосымшасына сәйкес нысан бойынша екі дана сауалнама-өтініш;
2) өз бетiнше жасалған нысандағы екi түпнұсқа өмiрбаян;
3) 4х5 см. көлемiндегi үш сурет;
4) тууы мен некелесуi туралы куәлiктердiң көшiрмелерi;
5) консулдық алымды төлегендiгi туралы құжат.
Ескерту: 10-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
11. Ереженiң 7, 15 тармақтарына сәйкес сауалнама өтiнiштердiң және өмiрбаяндардың барлық даналарына өтiнiш берушi жасалған күнiн көрсете отырып, қол қоюы тиiс. Егер өтiнiш берушi сауатсыздығына немесе кемтарлығына байланысты өтiнiшке қол қоя алмайтын болса, онда оның өтiнiшi бойынша өтiнiшке басқа адам қол қояды, ол туралы Қазақстан Республикасының шетелдегі мекемесі өтiнiште тиiстi жазба жасайды.
12. Ереженiң 16 тармағына сәйкес өтiнiш берушiнiң Қазақстан Республикасында зайыбы (жұбайы) немесе оның асырауында адамдар болған жағдайда, ол осы адамдардың өзiне материалдық және өзге де талаптары жоқ екендiгi туралы нотариалды сипатта куәландырылған осы адамдардың өтiнiшiн ұсынады.
13. 18 жасқа толмаған, сондай-ақ белгіленген тәртiппен iс-әрекетке қабiлетсiз деп танылған адамдардың Қазақстан Республикасының азаматтығынан шығуы туралы өтiнiшi (арызы) Ереженің 6-тармағында көрсетiлген тәртiппен берiледi.
Қажеттi жағдайларда некенi бұзу, ата-аналарының бiрiнiң қайтыс болғаны, бала асырап алғаны, қорғаншылық пен қамқоршылық, ата-ана құқығынан айыру, алименттер төлеу туралы құжаттардың көшiрмелерi тапсырылады, оларды осы құжаттардың көшiрмелерiн қабылдаған шетелдегі мекеме куәландырады.
Ескерту: 13-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
14. Ереженiң 17 тармағына сәйкес егер екi ата-ана да Қазақстан Республикасының азаматтары болып табылса және олардың бiрi бiр мезгілде кәмелетке толмаған баланың да азаматтықтан шығуы туралы өтiнiш берiп, Қазақстан Республикасының азаматтығынан шығатын болса, онда Қазақстан Республикасының азаматтығынан баланың шығуына қатысты өзiнiң көзқарасын бiлдiруi тиiс екiншi ата-ананың өтiнiшi де табыс етiледi. Мұндай өтiнiштi шетелдегі мекеме куәландырады. см. U060198
15. 14 пен 18-ге дейiнгi жастағы балаларға қатысты өтiнiш (арыз) олардың жазбаша келiсiмi болған жағдайда қабылданады, аталған жазбаша келiсiмдi құжаттарды қабылдаған шетелдегі мекеме куәландырады.
Шетелдiктер асырап алған, Қазақстан Республикасының азаматы болып табылатын бала Қазақстан Республикасының азаматтығын өзi кәмелетке толғанға дейiн сақтайды.
Қазақстан Республикасы азаматтары асырап алған бала, асырап алушылардың екеуi де немесе асырап алушылардың бiреуi Қазақстан Республикасының азаматтығынан шыққан жағдайда Қазақстан Республикасының азаматтығын өзi кәмелетке толғанға дейiн сақтайды.
Осы тармақтағы аталған баланың Қазақстан Республикасының азаматтығынан шығуына ол кәмелетке толғаннан кейiн және оның тiлегi бойынша ғана жол берiледi.
Ескерту: 15-тармақ өзгертілді - ҚР Сыртқы істер министрінің 2002 жылғы 2 қазандағы N 08-1/47 бұйрығымен .
16. Ереженiң 34 тармағына сәйкес азаматтық мәселелер жөнiнде өтiнiштердi ресiмдеудi жүзеге асыратын шетелдегі мекеме осы Нұсқаулықта көрсетілген құжаттар мен материалдардан басқа өтiнiш берушiден iске қатысы бар басқа да құжаттарды талап етуге құқылы. Ұсынылған құжаттарда толық емес немесе дәл емес мәлiметтер байқалған жағдайда, құжаттар толықтырулар, өзгерiстер немесе түсiнiктемелер енгiзу үшiн өтiнiш берушiге қайтарылады.
Ескерту: 16-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
17. Барлық құжаттар мемлекеттiк не орыс тiлiнде жазылуы немесе мемлекеттiк не орыс тілiнде тиiстi түрде куәландырылған көшiрмесiмен жабдықталуы тиiс.
18. Сауалнама - өтiнiштердiң бланкiлерi өтiнiш берушiлерге олар барлық талап етілетiн құжаттарды ұсынған жағдайда ғана берiледi.
19. Қазақстан Республикасының азаматтығынан шығу туралы сауалнама - өтiнiштi берген кезде, өтiнiш берушiлерге Қазақстан Республикасының азаматтығын жоғалтудың құқықтық және өзге де салдарлары түсiндiрiледi, сондай-ақ "Қазақстан Республикасының азаматтығы туралы" Қазақстан Республикасы Заңының 3-бабының ережесi түсiндiрiледi, оған сәйкес Қазақстан Республикасының азаматы болса, шетел мемлекетiнiң азаматтығы танылмайды, ол туралы сауалнама - өтiнiште белгi жасалады.
4. Қазақстан Республикасының азаматтығын
жоғалтқаны туралы құжаттарды ресiмдеу
20. Ереженiң 30 тармағына сәйкес шетелдегі мекемелер Қазақстан Республикасының азаматтығын жоғалтқаны туралы мынадай жағдайларда тiркеу жүргiзедi: см. U060198
1) Қазақстан Республикасының халықаралық шарттарында көрсетiлген жағдайларды қоспағанда, Қазақстан Республикасының азаматына қатысты, оның басқа мемлекеттiң әскери қызметіне, қауiпсiздiк, полиция, әділет органдарына немесе мемлекеттiк билiк пен басқарудың басқа да органдарына қызметке тұрғандығын растайтын құжаттар не басқа да сенiмдi мәлiметтер бар болса. Бұл орайда, жұмысшы кәсiптерi бойынша (жүргiзушi, слесарь, сыпырушы, электрик және тағы басқа) мiндеттердi орындауға аталған органдармен еңбек шарттар жасасқан адамдар Қазақстан Республикасының азаматтығын жоғалтпайды;
2) егер адам шетелде тұрақты тұрған үш жылы iшiнде дәлелдi себептерсiз консулдық есепке тұрмаса. Үшжылдық мерзiм туралы ереже 16 жасқа толмаған адамдарға қолданылмайды. Уақытысында консулдық есепке тұрмаған Қазақстан Республикасы азаматының себептерi дәлелдi ме, жоқ па, оны шетелдегі мекеменің басшысы жағдайларға байланысты дербес түрде бағалайды;
3) егер Қазақстан Республикасының азаматтығын қасақана өтiрiк мәлiметтер немесе жалған құжаттар ұсынудың нәтижесiнде алғандығы анықталатын болса;
4) егер адам басқа мемлекеттің азаматтығын алған болса.
Ескерту: 20-тармақ өзгертулер енгізілді - ҚР Сыртқы істер министрінің 2002 жылғы 2 қазандағы N 08-1/47 бұйрығымен , 2003 жылғы 17 шілдедегі N 08-1/90 бұйрығымен , 2006 жылғы 23 қаңтардағы N 08-1/16 бұйрығымен .
21. Қазақстан Республикасының "Қазақстан Республикасының азаматтығы туралы" Заңының 37-бабына сәйкес Қазақстан Республикасының азаматтығы оны жоғалтқандығын тіркеген күннен бастап тоқтатылады.
Ереженің 31-бабына сәйкес Қазақстан Республикасының азаматтығын жоғалтуды тіркеу Қазақстан Республикасының азаматтығын жоғалтқандығы туралы шешім қабылдаудың себептері мен негіздері туралы адамдар хабарландырылғаннан кейін ғана жүзеге асырылады. Бұл ретте, адамға мұндай шешімге шағым айту тәртібі түсіндірілуі тиіс.
Ескерту: 21-тармақ жаңа редакцияда жазылды - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
22. Тiркеу Қазақстан Республикасының азаматтығын жоғалтқандығы туралы қорытынды жасау жолымен жүзеге асырылады, оған шетелдегі мекеменің басшысы қол қояды немесе оны бекiтедi.
Қорытындыда азаматтығын жоғалтқан адамның аты (тегi, аты және әкесiнiң аты) туған күнi мен жерi, оның Қазақстан Республикасында тұрған-тұрмағандығы, Қазақстан Республикасынан қашан, қай жерден және қандай құжат бойынша сыртқа кеткендiгi көрсетiлуi, сондай-ақ олардың азаматтығын жоғалту негiздерi мен қорытындының жасалған күнi көрсетiлуi тиiс. Қорытынды шетелдегі мекеменің ресми бланкiсiнде ресiмделедi.
23. Консулдық есепте тұрған және Қазақстан Республикасының азаматтығын жоғалтқан адамдар есептен шығарылады, ал олардың паспорттары жойылады. Осындай адамдардың тілектерi бойынша оларға тиiстi анықтама берілуi мүмкін.
Азаматтығын жоғалтқандығын тiркеу үшiн негiз қызметiн атқарған құжаттармен бiрге қорытынды Қазақстан Республикасының Президентi Әкiмшілiгiнiң Құқық қорғау мен сот жүйелері мәселелері бөліміне тапсырылуы үшiн Қазақстан Республикасының Сыртқы iстер министрлiгiне жiберіледi.
Қорытындының көшiрмесi және азаматтығын жоғалтқандығын тiркеу үшiн негiз қызметiн атқаратын құжаттардың көшiрмелерi шетелдегі мекемеде 1 (бiр) жыл бойы сақталады.
Ескерту: 23-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
5. Қазақстан Республикасының азаматтығын
қалпына келтiру туралы құжаттарды ресiмдеу
24. Қазақстан Республикасының азаматтығын қалпына келтiру туралы құжаттарды ресiмдеу Қазақстан Республикасының азаматтығына қабылдау туралы өтiнiштердi қарау үшiн белгiленген тәртiппен жүзеге асырылады. Бұл орайда осы нұсқаулықтың 4-тармағында көзделген құжаттармен қатар, Қазақстан Республикасының азаматтығын қалпына келтiру туралы өтiнiшке (арызға) өтiнiш берушiнiң Қазақстан Республикасының азаматтығына бұрынғы қатыстылығын куәландыратын және оның республика аумағында тұрақты тұрғандығын растайтын (тууы туралы куәлiк және тағы басқа) құжаттар қоса тiркеледi.
Ескерту: 24-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
6. Қазақстан Республикасының азаматтығына
қатыстылығын анықтау
25. Қазақстан Республикасының азаматтығына қатыстылығын анықтау үшiн өтiнiш берушi адам шетелдегі мекемеге мынадай құжаттарды тапсырады:
1) Қазақстан Республикасының азаматтығына қатыстылығы туралы еркiн нысанда жазылған өтiнiш;
2) осы Нұсқаулықтың 1-қосымшасына сәйкес нысан бойынша екі дана сауалнама-өтініш;
3) 4х5 см. үш суретi.
Өтiнiш берушiде оның Қазақстан Республикасының азаматтығына қатыстылығын байланыстыратын мән-жайларды даусыз айғақтайтын құжаттар болған жағдайда, осы мәселе бойынша шетелдегі мекеменің басшысы дербес түрде шешiм қабылдайды.
Өтiнiш берушiде тиiстi құжаттар болмаған жағдайда, шетелдегі мекеме Қазақстан Республикасының Сыртқы iстер министрлiгiне екi түпнұсқа данада сұрау салу жолдайды.
Сұрау салуда өтiнiш берушi хабарлаған мәлiметтердiң негiзiнде iстiң мәнiсi, Қазақстан Республикасының азаматтығына қатыстылығы анықталып жатқан адам туралы егжей-тегжейлi деректер, оның өтiнiш берген кезiндегi азаматтығы, отбасылық жағдайы, бiлiмi, Қазақстан Республикасында туыстарының бар екендiгi және олардың тұратын жерi жазылады. Сұрау салуда, сондай-ақ өтiнiш берушiнiң бұрын Қазақстан Республикасында тұрғаны не тұрмағандығы, Қазақстан Республикасынан сыртқа кеткенге дейiн қай жерде және кiм болып жұмыс iстегендiгi, қашан, қай жерден және қандай құжат бойынша шетелге кеткендiгi, Қазақстан Республикасының азаматтығы туралы мәселе бойынша бұрын өтiнiш бергенi не бермегендiгi және оның өтiнiшi бойынша қандай шешiм қабылданғандығы, оның жеке басын куәландыратын Қазақстан Республикасының құжаты бұрын болғаны не болмағандығы, қазiргi уақытта оның жеке басы қандай құжатпен куәландырылатындығы көрсетiледi. Шетелдегі мекеменің сұрау салуына өтiнiш берушiнiң сауалнама-өтiнiшi қоса тiркеледi.
Ескерту: 25-тармаққа өзгерту енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
26. Қазақстан Республикасының Сыртқы iстер министрлiгi тиiстi мемлекеттiк органдар немесе басқа да ұйымдар арқылы өтiнiш берушiнiң Қазақстан Республикасының азаматтығына қатыстылығын тексерудi жүзеге асырады және қабылданған шешiм туралы шетелдегі мекемеге хабарлайды.
Өтiнiш берушiнiң Қазақстан Республикасының азаматтығына қатыстылығы расталған жағдайда, шетелдегі мекеме оған Қазақстан Республикасы азаматының паспортын бередi және консулдық есепке алады.
Ескерту: 26-тармақ өзгертілді - ҚР Сыртқы істер министрінің 2003 жылғы 17 шілдедегі N 08-1/90 бұйрығымен .
7. Қорытынды ережелер
27. Өтiнiш берушiнiң материалдары бойынша шетелдегі мекеме қорытынды жасайды, онда өтiнiш берушiлердiң тегi, аты және әкесiнiң аты, олардың туыстық қарым-қатынастары; өтiнiш берушiлер қолдау көрсетудi сұрап отырған балаларының тегi, аты, туған күнi мен жерi көрсетiледi; iстiң мән-жайы, өтiнiштiң мазмұны мен себептерi, сондай-ақ өтiнiш берушiнiң арызының мәнi бойынша шетелдегі мекеменің дәлелдемесi келтiрiлген пiкiр жазылады. Бiр отбасының мүшелерiне ортақ қорытынды жасалады.
Қазақстан Республикасының азаматтығына қабылдау туралы өтiнiш бойынша қорытындыда, сондай-ақ өтiнiш берушiнiң Қазақстан Республикасына тұрақты тұруға қоныс аударуға тiлегi және оның қай жерде тұру ниетi барлығы көрсетiледi.
Қазақстан Республикасының азаматтығына қабылдау не оның азаматтығынан шығу туралы материалдар бойынша шетелдегі мекемелердің қорытындыларында өтiнiштi қанағаттандыру немесе оны қабылдамаудың орындылығын танудың себептерi егжей-тегжейлi жазылады.
28. Қорытындыны шетелдегі мекеменің басшысы немесе оның орынбасарлары бекiтедi.
29. Шетелдегі мекеме ресiмделген материалдарды және екi данадағы өзiнiң қорытындысын Қазақстан Республикасының Сыртқы iстер министрлiгiне жiбередi.
Өтiнiштер бойынша қабылданған шешiмдi түпкiлiктi орындағанға дейiн өтiнiштер мен қорытынды материалдардың көшiрмелерi шетелдегі мекемеде сақталуы қажет.
30. Кеңселiк атрибуттарды (шығасы нөмiрi, күнi мен белгiсi) тiкелей қорытындыда көрсету қажет.
31. Азаматтық мәселелер жөнiндегi материалдарды шетелдегі мекеме ресiмдеу мерзiмi өтiнiш берілген күнiнен бастап 1 (бiр) айдан аспауы тиiс.
32. Қазақстан Республикасының Сыртқы iстер министрлiгi азаматтық мәселелер жөнiндегi шешiмдердi алғаннан кейiн олар туралы екi апталық мерзiмде материалдарды берген шетелдегі мекемелерге хабарлайды.
Азаматтық мәселелер жөнiнде материалдар ұсынған шетелдегі мекемелер аталған шешiмдердi алғаннан кейiн екi апталық мерзiмде өтiнiштi қараудың нәтижелерi туралы өтiнiш берушiлердi құлақтандырады.
33. Қазақстан Республикасының азаматтығына қабылданған адамдар консулдық есепке алынады. Оларға Қазақстан Республикасы азаматының паспорттары берiледi.
Егер өтiнiш берушi басқа елде тұруға жол жүрiп кетсе, шетелдегі мекеме бұл туралы Қазақстан Республикасының Сыртқы iстер министрлiгiне хабарлайды, соңғысы шешiмдi орындауға қатысты шаралар қабылдайды.
34. Қазақстан Республикасының азаматтығына қабылдау немесе оның азаматтығынан шығу туралы өтiнiш керi қайтарылған жағдайда, азаматтық мәселелер бойынша материалдар берген шетелдегі мекемелер өтiнiш берушiге анықтама бередi, онда кiм, қашан және қандай шешiм қабылданғандығы көрсетiледi. Анықтаманың екiншi данасы өтiнiш материалдарына тiгіледi.
35. Ереженiң 33 тармағына сәйкес азаматтық мәселелер бойынша қайталама өтiнiштi шетелдегі мекеме осы мәселелер жөнiндегi бұрынғы шешiмнен кейiн бiр жыл өтiсiмен қарауға қабылдауы мүмкiн.
36. Әрбiр жартыжылдықтың қорытындылары бойынша шетелдегі мекемелер Қазақстан Республикасының азаматтығы мәселелерi бойынша Қазақстан Республикасы Президентiнiң шешiмдерiнiң орындалуы туралы Қазақстан Республикасының Сыртқы iстер министрлiгiне ақпарат жiбердi.
Ақпаратта шетелдегі мекеменің атауы, шешiмнiң нөмiрi мен күнi, оны кiм қабылдағаны, өтiнiш берушiлердiң толық аты-жөнi, шешiм туралы олардың құлақтандырылған күнi көрсетіледi.
37. Азаматтық мәселелер жөнiндегi материалдарды ресiмдеу кезiнде консулдық алымдарды өндiрiп алу тәртiбi Қазақстан Республикасының салық заңнамасымен реттеледi.
Ескерту: 37-тармақ өзгертілді - ҚР Сыртқы істер министрінің 2002 жылғы 2 қазандағы N 08-1/47 бұйрығымен .
Қазақстан Республикасының
азаматтығы мәселелері бойынша құжаттарды
Қазақстан Республикасының шет елдегі
мекемелерінің ресімдеуі жөніндегі
нұсқаулыққа
1-қосымша
Ескерту: Ескерту: 1-қосымшаның жоғары оң жақтағы бұрыштағы "1-қосымша" деген сөз "Қазақстан Республикасының азаматтығы мәселелері бойынша құжаттарды Қазақстан Республикасының шет елдегі мекемелерінің ресімдеуі жөніндегі нұсқаулыққа 1-қосымша" деген сөздермен ауыстырылды;
қосымшаға өзгертулер енгізілді - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
СУРЕТ
Анкета - Өтiнiш
Менің Қазақстан Республикасының азаматтығымды қалпына келтіруді өтінемін.
| СҰРАҚТАР | ЖАУАПТАР |
|---|
1. Тегi, аты, әкесiнiң аты
2. Сiз бұрын өзiңiз аталып келген
барлық тегiңiздi, атыңызды және
әкеңiздiң атын санап шығыңыз, оларды
қашан, қай жерде және қандай себеп
бойынша өзгерттiңiз
3. Туған күнiңiз, айыңыз, жылыңыз
және жерiңiз: (село, қала, аудан,
облыс, егер шетелде туылсаңыз,
сол елдi атаңыз)
4. Азаматтығыңыз
5. Ұлтыңыз
6. Отбасылық жағдайыңыз (некеде
тұрамын, ажырасқанмын, жесiрмiн)
7. Бұрын Қазақстан Республикасының
азаматы болған уақытта, Қазақстан
Республикасының қай жерінен және
қандай құжатпен кеттіңіз
8. Қазақстан Республикасының
азаматтығын қалпына келтіруіңізді
туралы бұрын өтiнiш бердiңiз бе,
егер солай болса, онда кiм,
қашан және қандай шешiм қабылдады
9. Бiлiмiңiз және білiмiңiз бойынша
мамандығыңыз (қай жерде, қашан және
қандай оқу орнын аяқтадыңыз)
10. Жұмыс және оқу орныңыз
11. Сот тәртiбiмен қылмыстық немесе
азаматтық жауапкершiлiкке
тартылдыңыз ба. Егер тартылсаңыз
онда қашан, кiм және не үшiн тартты
12. Сiз Қарулы Күштерде қызмет
атқардыңыз ба, қашан және қандай
әскерлерде қызмет еттiңiз. Егер Сiз
шетел армиясында қызмет iстесеңiз,
оның қандай мемлекет екенiн атаңыз
13. Қазақстан Республикасының
азаматтығынан айрылғанға дейін
Қазақстан Республикасында тұрақты
тұрған мекен-жайыңызды көрсетіңіз
14. Еңбек жолыңыздың басынан бастап
атқарған қызметiңiз (жоғары және
орта оқу орындарындағы оқуды, әскери
қызметтi қоса алғанда
Ескертпе: Осы тармақты толтырған
кезде мекеме, ұйым және кәсiпорын
Сiз жұмыс iстеген кезiңiзде қалай
аталса, солай көрсету қажет. Әскери
қызметiңiздi лауазымыңызды және
атағыңызды көрсете отырып жазыңыз.
Шартты атауы бар кәсiпорынды (пошта
жәшiгi және сол сияқтылар) осындай
шартты атауымен көрсетiңiз. Әскери
қызметтi өткергендiгi әскери
билеттегi жазбаларға сәйкес
көрсетiледi.
------------------------------------------------------------------
Айы мен жылы ! Мекемесi, ұйымы, ! Мекеменiң, ұйымның,
! кәсiпорны көрсетiлген ! кәсiпорынның
! қызметi ! тұрғылықты орны
! !
Кiрген Кеткен ! !
уақыты уақыты ! !
-------------------------------------------------------------------
___________________________________________________________________
___________________________________________________________________
___________________________________________________________________
___________________________________________________________________
15. Сiздiң жақын туыстарыңыз (күйеуiңiз, әйелiңiз, ата-анаңыз,
бауырларыңыз, апа-қарындастарыңыз (сiңiлiлерiңiз)
Ескертпе: Осы тармақты толтырған кезде Қазақстан Республикасында
тұратын, сондай-ақ шетелде тұратын барлық туыстары көрсетiледi. Егер
әйелi күйеуiнiң тегiн алған болса, онда оның неке қиғанға дейiнгi
тегi де көрсетiледi.
--------------------------------------------------------------------
Туыстық ! Тегi, аты, ! Туған жылы! Жұмыс орны,! Орналасқан
деңгейi ! әкесінің аты ! мен жері ! қызметі ! елі,
! ! ! ! тұрғылықты
! ! ! ! мекен-жайы
--------------------------------------------------------------------
____________________________________________________________________
____________________________________________________________________
____________________________________________________________________
____________________________________________________________________
16. Менiмен бiрге бiр мезгiлде кәмелетке толмаған балаларымды да
(балаларымның да) Қазақстан Республикасының азаматтығын қалпына
келтіруді сұраймын
--------------------------------------------------------------------
N ! Тегi, аты, әкесiнiң аты ! Туған күнi, жылы ! Туған жері
р/с! ! және айы !
--------------------------------------------------------------------
1.
____________________________________________________________________
2.
____________________________________________________________________
3.
____________________________________________________________________
4.
____________________________________________________________________
5.
____________________________________________________________________
6.
____________________________________________________________________
17. Тегi, аты, әкесiнiң аты ________________________________________
жұбайы 2000 жылғы "___"____________ Қазақстан Республикасының
азаматтығын қалпына келтіруге арналған
18. Сiздiң мекен-жайыңыз, телефон нөмiрiңiз _______________________
--------------------------------------------------------------------
Қазақстан Республикасының азаматтығын қалпына келтірудің құқықтық салдары маған түсіндірілді.
Өтініш берушінің қолы __________________
20___ жылғы "___"____________
Қазақстан Республикасының
азаматтығы мәселелері бойынша құжаттарды
Қазақстан Республикасының шет елдегі
мекемелерінің ресімдеуі жөніндегі
нұсқаулыққа
2-ші-қосымша
Ескерту: 2-қосымшаның жоғары оң жақтағы бұрыштағы "2-ші қосымша" деген сөз "Қазақстан Республикасының азаматтығы мәселелері бойынша құжаттарды Қазақстан Республикасының шет елдегі мекемелерінің ресімдеуі жөніндегі нұсқаулыққа 2-ші қосымша" деген сөздермен ауыстырылды - ҚР Сыртқы істер министрінің 2006 жылғы 23 қаңтардағы N 08-1/16 бұйрығымен .
СУРЕТ Анкета - Өтiнiш
Қазақстан Республикасының азаматтығынан шығуға рұқсат
беруiңiздi сұраймын.
-------------------------------------------------------------------
СҰРАҚТАР ! ЖАУАПТАР
--------------------------------------------------------------------
1. Тегi, аты, әкесiнiң аты
2. Сiз бұрын өзiңiз аталып келген барлық
тегiңiздi, атыңызды және әкеңiздiң атын
санап шығыңыз, оларды қашан, қай жерде
және қандай себеп бойынша өзгерттiңiз
3. Туған күнiңiз, айыңыз, жылыңыз және
жерiңiз: (село, қала, аудан, облыс, егер
шетелде туылсаңыз, сол елдi атаңыз)
4. Ұлтыңыз
5. Отбасылық жағдайыңыз (некеде тұрамын,
ажырасқанмын, жесiрмiн)
6. Шетелге шығудың тікелей алдында
тұрған мекен-жайыңыз
7. Тiркелген соңғы орныңыз
8. Соңғы жұмыс, оқу орныңыз
9. Бiлiмiңiз және бiлiмiңiз бойынша
мамандығыңыз (қай жерде, қашан
және қандай оқу орнын аяқтадыңыз)
10. Егер бұрын басқа мемлекеттердiң
азаматтығында (бодандығында) болсаңыз,
қай жерде, қашан және қандай негiзде
Қазақстан Республикасының азаматтығын
алғаныңызды егжей-тегжейлi көрсетiңiз
11. Сот тәртiбiмен қылмыстық немесе
азаматтық жауапкершiлiкке тартылдыңыз
ба. Егер тартылсаңыз онда қашан, кiм
және не үшiн тартты
12. Мемлекеттiң немесе заңды және
жеке тұлғалардың алдында
орындалмаған мiндеттемелерiңiз бар ма
13. Еңбек жолыңыздың басынан бастап
атқарған қызметiңiз (жоғары және орта
оқу орындарындағы оқуды, әскери
қызметтi қоса алғанда)
Ескертпе : Осы тармақты толтырған
кезде мекеме, ұйым және кәсiпорын
Сiз жұмыс iстеген кезiңiзде қалай
аталса, солай көрсету қажет. Әскери
қызметiңiздi лауазымыңызды және
атағыңызды көрсете отырып жазыңыз.
Шартты атауы бар кәсiпорынды
(пошта жәшiгi және сол сияқтылар)
осындай шартты атауымен көрсетiңiз.
Әскери қызметтi өткергендiгi
әскери билеттегi жазбаларға сәйкес
көрсетiледi.
--------------------------------------------------------------------
Айы мен жылы ! Мекемесi, ұйымы, ! Мекеменiң, ұйымның,
! кәсiпорны көрсетiлген ! кәсiпорынның
! қызметi ! тұрғылықты орны
! !
Кiрген Кеткен ! !
уақыты уақыты ! !
--------------------------------------------------------------------
____________________________________________________________________
____________________________________________________________________
____________________________________________________________________
____________________________________________________________________
14. Сiздiң жақын туыстарыңыз (күйеуiңiз, әйелiңiз, ата-анаңыз,
бауырларыңыз, апа-қарындастарыңыз (сiңiлiлерiңiз)
Ескертпе : Осы тармақты толтырған кезде Қазақстан Республикасында
тұратын, сондай-ақ шетелде тұратын барлық туыстары көрсетiледi. Егер
әйелi күйеуiнiң тегiн алған болса, онда оның неке қиғанға дейiнгi
тегi де көрсетiледi.
--------------------------------------------------------------------
Туыстық ! Тегi, аты, ! Туған жылы ! Жұмыс орны, ! Орналасқан
деңгейi ! әкесінің аты ! мен жері ! қызметі ! елі,
! ! ! !тұрғылықты
! ! ! ! мекен-жайы
--------------------------------------------------------------------
____________________________________________________________________
____________________________________________________________________
____________________________________________________________________
____________________________________________________________________
15. Менiмен бiрге бiр мезгiлде кәмелетке толмаған балаларымды да
Қазақстан Республикасының азаматтығынан шығаруға рұқсат беруіңізді
сұраймын
--------------------------------------------------------------------
N ! Тегi, аты, әкесiнiң аты ! Туған күнi, жылы ! Туған жері
р/с! ! және айы !
--------------------------------------------------------------------
1.
____________________________________________________________________
2.
____________________________________________________________________
3.
____________________________________________________________________
4.
____________________________________________________________________
5.
____________________________________________________________________
6.
____________________________________________________________________
16. Тегi, аты, әкесiнiң аты ________________________________________
жұбайы 2000 жылғы "___"____________ Қазақстан Республикасының
азаматтығына (-ын) қабылдауға (қалпына келтiруге) арналған
құжаттарды ресiмдедi /Иә/Жоқ/ (қажет емесiн сызып тастаңыз).
17. Егер жұбайыңыз Қазақстан Республикасының азаматы(-шасы) болып
табылмаса, онда оның азаматтығын көрсетiңiз _______________________
18. Қазақстаннан шыққан кезiңiзде әскери билет тапсырылған мекеменiң
атауы
19. Сiздiң мекен-жайыңыз, телефон нөмiрiңiз _______________________
--------------------------------------------------------------------
Қазақстан Республикасының азаматтығынан шығудың құқықтық салдары
маған түсіндірілді.
Өтініш берушінің қолы __________________
20___ жылғы "___"____________