Қазақстан Республикасының әл-Фараби атындағы ғылым мен техника саласындағы және әдебиет пен өнер саласындағы мемлекеттік сыйлықтары туралы

      РҚАО-ның ескертпесі!
      Осы Жарлық 2015 жылғы 1 қаңтардан бастап қолданысқа енгізіледі.

      Қазақстан Республикасының

      Президенті мен Үкіметі актілерінің

      жинағында және республикалық

      баспасөзде жариялануға тиіс

      Ғылым мен техника, әдебиет пен өнер саласындағы жетістіктері үшін мемлекеттік сыйлық беру жүйесін жетілдіру мақсатында ҚАУЛЫ ЕТЕМІН:

      1. Қазақстан Республикасының әл-Фараби атындағы ғылым мен техника саласындағы мемлекеттік сыйлығы және Қазақстан Республикасының әдебиет пен өнер саласындағы мемлекеттік сыйлығы тағайындалсын.

      2. Мыналар:

      1) Қазақстан Республикасының әл-Фараби атындағы ғылым мен техника саласындағы және әдебиет пен өнер саласындағы мемлекеттік сыйлықтары туралы ереже;

      2) Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру жөніндегі комиссия туралы ереже;

      3) Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссия туралы ереже;

      4) Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру жөніндегі комиссияның құрамы;

      5) Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссияның құрамы;

      6) Қазақстан Республикасының мемлекеттік сыйлығы лауреатының дипломы мен төсбелгісінің сипаттамасы бекітілсін.

      3. Қазақстан Республикасының Үкіметі бір ай мерзімде осы Жарлықты іске асыру жөнінде қажетті шаралар қабылдасын.

      4. Осы Жарлыққа қосымшаға сәйкес Қазақстан Республикасы Президентінің кейбір жарлықтарының күші жойылды деп танылсын.

      5. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

      6. Осы Жарлық 2015 жылғы 1 қаңтардан бастап қолданысқа енгізіледі және ресми жариялануға тиіс.

Қазақстан Республикасының әл-Фараби атындағы ғылым мен техника
саласындағы және әдебиет пен өнер саласындағы мемлекеттік
сыйлықтары туралы
ЕРЕЖЕ

      1. Қазақстан Республикасының әл-Фараби атындағы ғылым мен техника саласындағы мемлекеттік сыйлығы (бұдан әрі - Әл-Фараби атындағы ғылым мен техника саласындағы мемлекеттік сыйлық) және Қазақстан Республикасының әдебиет пен өнер саласындағы мемлекеттік сыйлығы (бұдан әрі - Әдебиет пен өнер саласындағы мемлекеттік сыйлық) ғылым, техника, әдебиет пен өнер қайраткерлерінің қоғам мен мемлекет алдындағы еңбегін жоғары тану болып табылады.

      2. Әл-Фараби атындағы ғылым мен техника саласындағы мемлекеттік сыйлық Қазақстан Республикасының азаматтарына:

      1) республиканың экономикалық және әлеуметтік дамуын айтарлықтай жеделдетуге, қазақстандық ғылым мен техниканың әлемдегі озық жетістіктер деңгейіне шығуына әкелетін іргелі және қолданбалы зерттеулер саласындағы аса үздік нәтижелер үшін;

      2) қоғамға кеңінен танылған бір саладағы ғылыми жаңалықтар, монографиялар мен ғылыми жұмыстар үшін;

      3) техниканың, материалдардың және технологиялардың әлемдік аналогтар деңгейіндегі немесе одан жоғары деңгейдегі жаңа түрлерін әзірлегені және өндіруді ұйымдастырғаны үшін;

      4) экономиканың түрлі салаларында мемлекеттік құпияларға жатқызылған мәліметтері бар мүлдем жаңа бұйымдар, технологиялық процестер әзірлегені және жасағаны үшін;

      5) мүлдем жаңа өнімдер мен технологияларды жасау және оларды экономиканың әртүрлі салаларына енгізу бойынша экономикалық және (немесе) әлеуметтік әсерді қамтамасыз ететін ғылыми-технологиялық қызметтің танылған нәтижелері;

      6) басым әлеуметтік-экономикалық міндеттерді шешуді және ішкі және сыртқы нарықта Қазақстан Республикасының бәсекеге қабілеттілігінің өсуін қамтамасыз ететін технологияларды өндіріске енгізу бойынша расталған инновациялық қызметтің нәтижелері үшін беріледі.

      Әдебиет пен өнер саласындағы мемлекеттік сыйлық Қазақстан Республикасының азаматтарына және шетелдіктерге Қазақстан мәдениетінің дамуына ерекше бағалы үлес деп танылған әдебиет пен өнер саласындағы аса үздік шығармалары үшін беріледі.

      3. Әл-Фараби атындағы ғылым мен техника саласындағы мемлекеттік сыйлықты және Әдебиет пен өнер саласындағы мемлекеттік сыйлықты Қазақстан Республикасының Президенті Тәуелсіздік күніне береді.

      Әдебиет пен өнер саласындағы мемлекеттік сыйлық 2008 жылдан бастап беріледі.

      Әл-Фараби атындағы ғылым мен техника саласындағы мемлекеттік сыйлық 2015 жылдан бастап беріледі.

      Екі жылда бір рет әл-Фараби атындағы ғылым мен техника саласындағы жеті мемлекеттік сыйлық және әдебиет пен өнер саласындағы үш мемлекеттік сыйлық беріледі.

      4. Әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлықты алуға ұсынылған жұмыстарды Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру жөніндегі комиссия және Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссия (бұдан әрі - комиссиялар) қарайды.

      Комиссиялардың құрамы мен олар туралы ережелер Қазақстан Республикасы Президентінің Жарлығымен бекітіледі.

      Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру жөніндегі комиссияның қызметін қамтамасыз етуді - Қазақстан Республикасының Білім және ғылым министрлігі, Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссияның қызметін қамтамасыз етуді Қазақстан Республикасының Мәдениет және спорт министрлігі жүзеге асырады.

      5. Әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық ақшалай сыйақыдан, Қазақстан Республикасының мемлекеттік сыйлығы лауреатының дипломынан және төсбелгісінен тұрады. Қазақстан Республикасының мемлекеттік сыйлығы лауреаты дипломының және төсбелгісінің сипаттамасы Қазақстан Республикасы Президентінің актісімен бекітіледі.

      Комиссиялар Қазақстан Республикасының мемлекеттік сыйлығы лауреатының ақшалай сыйақы мөлшерлерін олар берілетін жылы тиісті қаржы жылына арналған республикалық бюджетте көзделген сомалар шегінде айқындайды.

      Қазақстан Республикасының мемлекеттік сыйлығы лауреатының дипломдары мен төсбелгілерін дайындауға, сараптама жүргізуге байланысты шығыстар Қазақстан Республикасының Білім және ғылым министрлігі мен Қазақстан Республикасының Мәдениет және спорт министрлігінің қаражаты есебінен қаржыландырылады.

      6. Әл-Фараби атындағы ғылым мен техника саласындағы мемлекеттік сыйлықты алуға ұсынылатын ғылыми еңбектер жариялануы, ал техниканың жаңа түрлері, материалдар мен технологиялар әл-Фараби атындағы ғылым мен техника саласындағы мемлекеттік сыйлықты алуға ұсынылған кезге қарай кемінде екі жыл бойы өндірісте игерілуі тиіс.

      Әдебиет пен өнер саласындағы мемлекеттік сыйлықты алуға жұмыстарды қабылдау аяқталғанға дейін бес жылдан әрі емес және кемінде бір жыл бұрын көпшілік айналым үшін орындалған бір автордың немесе авторлар ұжымының жұмыстары ұсыныла алады.

      Жұмыс әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық алуға бір рет ұсынылады.

      Бұрын Қазақстан Республикасы сыйлықтарына ие болған жұмыстар әл-Фараби атындағы ғылым мен техника саласындағы мемлекеттік сыйлықты, Әдебиет пен өнер саласындағы мемлекеттік сыйлықты алу конкурсына қатысуға жіберілмейді.

      Қазақстан Республикасы мемлекеттік сыйлығы лауреатының жаңа жетістіктері болған кезде бұл сыйлық оған қайтадан, бірақ көрсетілген сыйлық осының алдында берілгеннен кемінде бес жылдан кейін берілуі мүмкін.

      Бір автор немесе авторлар ұжымы мемлекеттік сыйлыққа қатарынан екі рет ұсыныла алмайды.

      7. Әл-Фараби атындағы ғылым мен техника саласындағы мемлекеттік сыйлыққа ұсынылатын ізденушілер ұжымы 8 адамнан аспауға тиіс.

      Әдебиет пен өнер саласындағы мемлекеттік сыйлығына ұсынылатын ізденушілер ұжымы 5 адамнан аспауға тиіс.

      Бір ізденушінің кандидатурасы әл-Фараби атындағы ғылым мен техника саласындағы мемлекеттік сыйлыққа және Әдебиет пен өнер саласындағы мемлекеттік сыйлыққа екі және одан да көп жұмыстар бойынша ұсыныла алмайды.

      7-1. Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссия жұмыстарды Әдебиет пен өнер саласындағы мемлекеттік сыйлықты беруге түпкілікті іріктеу қорытындылары бойынша ерекше жағдайларда оны авторлармен қатар шығармашылық ұжымға беруді ұсынуы мүмкін.

      8. Жұмыстарды әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық алуға ұсынуды мемлекеттік органдарының алқалары, ғылыми, оқу ұйымдарының ғылыми, ғылыми-техникалық, ғалымдар кеңестері мен басқа да алқалы органдары, шығармашылық одақтар мен ұжымдар жүргізеді.

      9. Әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық алуға жұмыстарды қабылдау туралы хабарландырулар және оларды ресімдеу жөніндегі талаптар бұқаралық ақпарат құралдарында орналастырылады.

      10. Әл-Фараби атындағы ғылым мен техника саласындағы мемлекеттік сыйлық алуға ұсынылған жұмыстар бойынша мемлекеттік ғылыми-техникалық сараптама жүргізіледі.

      11. Қазақстан Республикасы Білім және ғылым министрлігі мен Қазақстан Республикасы Мәдениет және спорт министрлігі:

      1) Әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық алуға ұсынылған жұмыстарды сыйлық берілетін жылдың 1 наурызына дейін қабылдайды;

      2) Әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық алуға ұсынылған, келіп түскен жұмыстарды комиссиялардың қарауына ұсынады.

      12. Қазақстан Республикасының Үкіметі әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық беру туралы Қазақстан Республикасының Президенті актісінің жобасын қарайды және олар берілетін жылдың 1 қарашасына дейін Қазақстан Республикасы Президентінің Әкімшілігіне енгізеді.

      13. Әл-Фараби атындағы ғылым мен техника саласындағы мемлекеттік сыйлықты, Әдебиет пен өнер саласындағы мемлекеттік сыйлықты Қазақстан Республикасының Президенті салтанатты жағдайда тапсырады.

      14. Әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық авторлар ұжымына берілген кезде оның ақшалай сыйақысы авторлары арасында теңдей бөлінеді.

      Әдебиет пен өнер саласындағы мемлекеттік сыйлық авторлармен қатар шығармашылық ұжымға берілген жағдайда, оның ақшалай сыйақысы шығармашылық ұжымға қатысушылардың, оның ішінде авторлардың арасында тең бөлінеді.

      15. Адам мемлекеттік сыйлықтар алуға ұсынылғаннан кейін қайтыс болған жағдайды қоспағанда, әл-Фараби атындағы ғылым мен техника саласындағы мемлекеттік сыйлық, Әдебиет пен өнер саласындағы мемлекеттік сыйлық қайтыс болғаннан кейін берілмейді.

      Бұл жағдайда қайтыс болған лауреаттың дипломы, төсбелгісі мен ақшалай сыйақысы Қазақстан Республикасының заңнамасында белгіленген тәртіппен мұра бойынша беріледі.

Қазақстан Республикасының әл-Фараби атындағы ғылым мен техника
саласындағы мемлекеттік сыйлығын беру жөніндегі комиссия туралы
ЕРЕЖЕ
1. Жалпы ережелер

      1. Қазақстан Республикасының әл-Фараби атындағы ғылым мен техника саласындағы мемлекеттік сыйлығын беру жөніндегі комиссия (бұдан әрі - Комиссия) Қазақстан Республикасы Президентінің жанындағы консультациялық-кеңесші орган болып табылады және Қазақстан Республикасының әл-Фараби атындағы ғылым мен техника саласындағы мемлекеттік сыйлығын (бұдан әрі - Мемлекеттік сыйлық) алуға ұсынылатын жұмыстарды қарау және іріктеу мақсатында құрылады.

      2. Комиссия өз қызметінде Қазақстан Республикасының Конституциясын, Қазақстан Республикасы Президентінің актілерін, Қазақстан Республикасының өзге де нормативтік құқықтық актілерін және осы ережені басшылыққа алады.

      3. Комиссияның құрамын Қазақстан Республикасының Президенті бекітеді. Комиссияны Қазақстан Республикасының Мемлекеттік хатшысы басқарады.

      4. Қазақстан Республикасы Білім және ғылым министрлігі Комиссияның жұмыс органы болып табылады.

      Жұмыс органы мемлекеттік сыйлық алуға ұсынылған жұмыстарға сараптамалық-талдамалық бағалау жүргізу үшін ғылым бағыттары бойынша секциялар құрады.

2. Комиссия қызметінің тәртібі және оны ұйымдастыру

      5. Комиссияның төрағасы Қазақстан Республикасының заңнамасына және осы ережеге сәйкес оның жұмысын ұйымдастырады және Комиссия мүшелерінің қызметін үйлестіруді қамтамасыз етеді.

      6. Комиссияның төрағасы болмаған жағдайда, оның функцияларын төрағаның орынбасары жүзеге асырады.

      7. Комиссияның хатшысы жұмыс органы дайындаған құжаттар мен материалдарды Комиссияның қарауына ұсынады.

      8. Комиссияның отырыстары оның төраға бекітетін жұмыс жоспарына сәйкес өткізіледі. Жоспардан тыс отырыстар Комиссия төрағасының шешімі мүшелерінің жалпы санының үштен екісі болған жағдайда заңды болады. Комиссияның шешімдері хаттамамен ресімделеді.

      9. Комиссияның шешімі отырысқа қатысқан Комиссия мүшелері санының қарапайым көпшілік жасырын дауыс беруімен қабылданады. "Құпия" деген белгісі бар жұмыстарды қарауда және олар бойынша шешім қабылдауда құпия жұмыстар мен мәліметтерге тиісті нысандағы рұқсаты бар Комиссия мүшелері ғана қатысады.

      Мемлекеттік сыйлық отырысқа қатысып отырған Комиссия мүшелерінің дауысы санынан кемінде 50% дауыс алған жұмысқа беріледі.

      Комиссия мүшелері жетеуден аспайтын жұмыс бойынша мемлекеттік сыйлық беру туралы оң шешім қабылдайды.

      Егер жасырын дауыс берудің қорытындылары бойынша жетеуден артық жұмыс отырысқа қатысып отырған Комиссия мүшелері дауысы санының кемінде 50%-ын жинаса, онда мемлекеттік сыйлықтар ең көп дауыс санын алған жеті жұмысқа беріледі.

      Қажет болған жағдайда бірдей дауыс санын жинаған, бірақ отырысқа қатысып отырған Комиссия мүшелерінің дауысы санынан кемінде 50% дауыс алған жұмыстар бойынша қайта дауыс беруге рұқсат беріледі. Бұл ретте төрағаның дауысы шешуші болып табылады.

      10. Мемлекеттік сыйлық алуға Комиссия мүшелерінің жұмыстары ұсынылған жағдайда олар Комиссияның жұмысына қатыспайды.

      11. Комиссияның жұмыс органы мынадай функцияларды жүзеге асырады:

      1) Мемлекеттік сыйлық алуға ұсынылатын жұмыстарды ресімдеуге қойылатын жалпы талаптарды белгілейді;

      2) Мемлекеттік сыйлық берілетін жылы мемлекеттік сыйлық алуға жұмыстарды қабылдау туралы хабарландыруды және оларды ресімдеу жөніндегі талаптарды Комиссия атынан бұқаралық ақпарат құралдарында жариялайды;

      3) Мемлекеттік сыйлық алуға үміткерлерден жұмыстарды қабылдауды және тіркеуді жүзеге асырады;

      4) Мемлекеттік сыйлық алуға ұсынылған жұмыстар бойынша мемлекеттік ғылыми-техникалық сараптама жүргізуді ұйымдастырады;

      5) Мемлекеттік ғылыми-техникалық сараптаманың екі теріс қорытындысын алған жұмыстарды одан әрі қарауға ұсынбайды;

      6) Мемлекеттік сыйлық алуға ұсынылған жұмыстарды сараптамалық-талдамалық бағалау жүргізу үшін ғылымның бағыттары бойынша секцияларға енгізеді;

      7) мемлекеттік ғылыми-техникалық сараптаманың қорытындысын ескере отырып, өзінің нақты шығармашылық үлесі бойынша ізденушінің мәлімделген авторлыққа (тең авторлыққа) сәйкестігін анықтай отырып, Мемлекеттік сыйлықты алуға ұсынылған жұмыстарды алдын ала іріктеуді жүзеге асырады;

      8) мемлекеттік құпияларға жатқызылған мәліметтері бар жұмыстардан басқа, алдын ала іріктеуден өткен жұмыстардың тізімін авторлары мен осы жұмыстарды ұсынған ұйымдарды көрсете отырып, кеңінен талқылау мақсатында бұқаралық ақпарат құралдарында жариялайды;

      9) Мемлекеттік сыйлық алуға ұсынылған жұмыстарға келіп түскен пікірлерге талдау жүргізеді;

      10) жұмыс және ізденушілер туралы мәліметтері, мемлекеттік ғылыми-техникалық сараптаманың және секцияның қорытындылары, пікірлер туралы ақпараты бар жиынтық анықтама дайындайды;

      11) Комиссияның отырысынан 10 күн бұрын алдын ала іріктеуден өткен жұмыстарды, мемлекеттік ғылыми-техникалық сараптаманың және секцияның қорытындыларын оның қарауына енгізеді, Комиссия мүшелеріне материалдарды жібереді;

      12) Комиссияның ұсынылған жұмыстарды қарауының қорытындылары бойынша белгіленген тәртіппен Мемлекеттік сыйлық беру туралы Қазақстан Республикасы Президенті актісінің тиісті жобасын әзірлейді;

      13) Мемлекеттік сыйлық лауреаттарының дипломдарын ресімдеуді және төсбелгілерін дайындауды, лауреаттарға Мемлекеттік сыйлықтың ақшалай сыйақысын төлеуді қамтамасыз етеді.

      12. Комиссияның қызметін тоқтату туралы шешімді Қазақстан Республикасының Президенті қабылдайды.

Қазақстан Республикасының әдебиет пен өнер саласындағы
мемлекеттік сыйлығын беру жөніндегі комиссия туралы
ЕРЕЖЕ
1. Жалпы ережелер

      1. Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссия (бұдан әрі - Комиссия) Қазақстан Республикасы Президентінің жанындағы консультациялық-кеңесші орган болып табылады және Қазақстан Республикасының әдебиет пен өнер саласындағы мемлекеттік сыйлығын (бұдан әрі - Мемлекеттік сыйлық) алуға ұсынылатын жұмыстарды қарау және іріктеу мақсатында құрылады.

      2. Комиссия өз қызметінде Қазақстан Республикасының Конституциясын, Қазақстан Республикасы Президентінің актілерін, өзге де нормативтік құқықтық актілерді және осы ережені басшылыққа алады.

      3. Секциялардан тұратын Комиссияның құрамын Қазақстан Республикасының Президенті бекітеді. Комиссияны Қазақстан Республикасының Мемлекеттік хатшысы басқарады.

      4. Қазақстан Республикасы Мәдениет және спорт министрлігі Комиссияның жұмыс органы болып табылады.

2. Комиссия қызметінің тәртібі және оны ұйымдастыру

      5. Комиссияның төрағасы Қазақстан Республикасының заңнамасына және осы ережеге сәйкес Комиссияның жұмысын ұйымдастырады және оның мүшелерінің қызметін үйлестіруді қамтамасыз етеді.

      6. Комиссияның төрағасы болмаған жағдайда, оның функцияларын төрағаның орынбасары жүзеге асырады.

      7. Комиссияның хатшысы жұмыс органы дайындаған құжаттар мен материалдарды Комиссияның қарауына ұсынады.

      8. Комиссияның отырыстары Комиссияның төрағасы бекітетін жұмыс жоспарына сәйкес өткізіледі. Жоспардан тыс отырыстар Комиссия төрағасының шешімі бойынша қажеттілігіне қарай өткізіледі.

      Комиссия мен оның секцияларының отырыстары олардың мүшелерінің жалпы санының үштен екісі болған кезде заңды болып табылады. Комиссияның шешімдері хаттамамен ресімделеді.

      9. Әрбір номинация бойынша Комиссияның шешімдері қарапайым көпшілік дауыспен:

      1) алдын ала іріктеу кезінде ашық дауыс берумен;

      2) түпкілікті іріктеу кезінде жасырын дауыс беруімен қабылданады.

      Егер жасырын дауыс беру қорытындылары бойынша біреуден артық жұмыс бірдей дауыс санын алатын болса, төрағаның дауысы шешуші болып табылады.

      10. Мемлекеттік сыйлық алуға Комиссия мүшелерінің жұмыстары ұсынылған жағдайда, олар Комиссияның және оның секциясының жұмысына қатыспайды.

      11. Комиссия мынадай функцияларды жүзеге асырады:

      1) Мемлекеттік сыйлық алуға ұсынылатын жұмыстарды алдын ала және түпкілікті іріктеуді жүргізеді;

      2) Мемлекеттік сыйлық алуға ұсынылатын жұмыстарды рецензиялауға әдебиет пен өнер саласындағы мамандарды тартады;

      3) Комиссия мүшелерін Мемлекеттік сыйлық алуға ұсынылатын жұмыстармен танысу үшін олардың орналасқан жеріне жібереді.

      12. Комиссияның жұмыс органы мынадай функцияларды жүзеге асырады:

      1) Мемлекеттік сыйлық алуға ұсынылатын жұмыстарды ресімдеуге қойылатын жалпы талаптарды әзірлейді;

      2) Мемлекеттік сыйлық берілетін жылы Комиссияның атынан мемлекеттік сыйлық алуға жұмыстарды қабылдау туралы хабарландыруды, оларды ресімдеу жөніндегі талаптарды бұқаралық ақпарат құралдарында жариялайды;

      3) Мемлекеттік сыйлық алуға үміткерлердің жұмыстарын қабылдауды және тіркеуді жүзеге асырады;

      4) алдын ала іріктеуден өткен жұмыстарды ұсынған авторлар мен ұйымдарды көрсете отырып, осы жұмыстардың тізімін кеңінен талқылау мақсатында бұқаралық ақпарат құралдарында жариялайды;

      5) Мемлекеттік сыйлық алуға ұсынылған жұмыстарға келіп түскен пікірлерге талдау жүргізеді және нәтижелерін Комиссияға ұсынады;

      6) ұсынылған жұмыстарды Комиссияның қарауының қорытындылары бойынша Мемлекеттік сыйлық беру туралы Қазақстан Республикасы Президенті актісінің жобасын белгіленген тәртіппен әзірлейді;

      7) Мемлекеттік сыйлық лауреаттарының дипломдары мен төсбелгілерін дайындауды, лауреаттарға Мемлекеттік сыйлықтың ақшалай сыйақысын төлеуді қамтамасыз етеді.

      13. Комиссияның қызметін тоқтату туралы шешімді Қазақстан Республикасының Президенті қабылдайды.

Қазақстан Республикасының әл-Фараби атындағы ғылым мен техника
саласындағы мемлекеттік сыйлығын беру жөніндегі комиссияның
ҚҰРАМЫ

      Ескерту. Құрамға өзгерістер енгізілді - ҚР Президентінің 14.03.2017 № 446; 20.10.2017 № 568; 21.02.2018 № 642; 26.02.2019 № 862 Жарлықтарымен.

      Қазақстан Республикасының - төраға

      Мемлекеттік хатшысы

      Қазақстан Республикасының - төрағаның орынбасары

      Білім және ғылым министрі

      Қазақстан Республикасының - хатшы

      Білім және ғылым вице-министрі

Комиссия мүшелері:

      "Самұрық-Қазына" ұлттық әл-ауқат қоры" акционерлік қоғамының басқарма төрағасы (келісім бойынша)

      Қазақстан Республикасы Президентінің экономикалық мәселелер жөніндегі көмекшісі

      Қазақстан Республикасының Ауыл шаруашылығы министрі

      Қазақстан Республикасының Денсаулық сақтау министрі

      Қазақстан Республикасының Индустрия және инфрақұрылымдық даму министрі

      Қазақстан Республикасы Парламенті Сенатының Әлеуметтік-мәдени даму және ғылым комитетінің төрағасы (келісім бойынша)

      Қазақстан Республикасы Парламенті Мәжілісінің Әлеуметтік-мәдени даму комитетінің мүшесі (келісім бойынша)

      Қазақстан Республикасы Президентінің Әкімшілігі Ішкі саясат бөлімінің меңгерушісі

      Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі

      "Назарбаев Университеті" дербес білім беру ұйымының президенті (келісім бойынша)

      "Қазақстан Республикасы Ұлттық ғылым академиясы" республикалық қоғамдық бірлестігінің президенті (келісім бойынша)

      Қазақстан Республикасының Ұлттық инженерлік академиясы" республикалық қоғамдық бірлестігінің президенті (келісім бойынша)

      "Атамекен" Қазақстан Республикасының Ұлттық кәсіпкерлер палатасы басқармасының төрағасы (келісім бойынша)

      Ақшолақов - "Республикалық нейрохирургия ғылыми

      Серік Қуандықұлы орталығы" акционерлік қоғамының басқарма

      төрағасы, медицина ғылымдарының докторы,

      профессор (келісім бойынша)

      Аяған - Қазақстан Республикасы Білім және ғылым

      Бүркітбай Ғелманұлы министрлігі Ғылым комитетінің "Мемлекет

      тарихы институты" мемлекеттік

      мекемесінің директоры, тарих

      ғылымдарының докторы, профессор (келісім

      бойынша)

      Әдекенов - "Фитохимия" халықаралық ғылыми-

      Серғазы Мыңжасарұлы өндірістік холдингі" акционерлік

      қоғамының президенті, Қазақстан

      Республикасы Ұлттық ғылым академиясының

      академигі, химия ғылымдарының докторы,

      профессор (келісім бойынша)

      Қалменов - Қазақстан Республикасы Ұлттық ғылым
Тынысбек Шәріпұлы академиясының академигі, физика-математика
ғылымдарының докторы, профессор
(келісім бойынша)

      Медеу - "География институты" жауапкершілігі

      Ахметқал шектеулі серіктестігінің директоры,

      Рахметоллаұлы география ғылымдарының докторы,

      профессор (келісім бойынша)

      Молдабеков - Қазақстан Республикасының Қорғаныс және

      Мейірбек Молдабекұлы аэроғарыш өнеркәсібі министрінің

      кеңесшісі, Қазақстан Республикасы Ұлттық

      ғылым академиясының академигі, техника

      ғылымдарының докторы, профессор

      (келісім бойынша)

      Мұтанов - Қазақстан Республикасы Білім және ғылым

      Ғалымқайыр Мұтанұлы министрлігінің "Әл-Фараби атындағы Қазақ

      ұлттық университеті" шаруашылық жүргізу

      құқығындағы республикалық мемлекеттік

      кәсіпорнының ректоры (келісім бойынша)

      Сағадиев - Қазақстан Республикасы Ұлттық ғылым

      Кенжеғали Әбенұлы академиясының академигі, экономика

      ғылымдарының докторы,

      профессор (келісім бойынша)

      Саданов - биология ғылымдарының докторы, профессор

      Аманкелді Құрбанұлы (келісім бойынша)

      Сұлтанов - Қазақстан Республикасы Парламенті

      Қуаныш Сұлтанұлы Мәжілісінің депутаты, Қазақстан

      Республикасы Президентінің жанындағы

      Мемлекеттік басқару академиясының

      профессоры, саяси ғылымдар докторы,

      (келісім бойынша)

      Сыдықов - Қазақстан Республикасы Білім және

      Ерлан Батташұлы ғылым министрлігінің "Л.Н.Гумилев

      атындағы Еуразия ұлттық университеті"

      шаруашылық жүргізу құқығындағы

      республикалық мемлекеттік кәсіпорнының

      ректоры, тарих ғылымдарының докторы,

      профессор (келісім бойынша)

Қазақстан Республикасының әдебиет пен өнер саласындағы
Мемлекеттік сыйлығын беру жөніндегі комиссияның
ҚҰРАМЫ

      Ескерту. Құрамға өзгерістер енгізілді - ҚР Президентінің 09.06.2016 N 275; 10.10.2016 N 357; 14.03.2017 № 446; 20.10.2017 № 568; 21.02.2018 № 642; 13.06.2018 № 701; 30.10.2018 № 782 Жарлықтарымен.

      Қазақстан Республикасының - төраға

      Мемлекеттік хатшысы

      Қазақстан Республикасының - төрағаның орынбасары

      Мәдениет және спорт министрі

      Қазақстан Республикасының - хатшы

      Мәдениет және спорт вице-министрі

      Қазақстан Республикасы Президенті Әкімшілігі Ішкі саясат бөлімінің меңгерушісі

әдебиет секциясы:

      Асқаров - жазушы, Қазақстанның еңбек сіңірген

      Әлібек Асылбайұлы қайраткері, Қазақстан Республикасы

      Мемлекеттік сыйлығының лауреаты

      (келісім бойынша)

      Абдрахманов - филология ғылымдарының докторы,

      Сауытбек Абдрахманұлы Қазақстан Республикасы Парламенті

      Мәжілісінің депутаты (келісім

      бойынша)

      Әбдікұлы - жазушы, Қазақстан Республикасы

      Төлен Мемлекеттік сыйлығының лауреаты

      (келісім бойынша)

      Есдәулетов                        - Қазақстан жазушылар одағы басқармасының

      Ұлықбек Оразбайұлы            төрағасы, ақын, Қазақстан

      Республикасы Мемлекеттік сыйлығының

      лауреаты, секция төрағасы (келісім

      бойынша)

      Жолдасбеков - әдебиеттанушы, филология ғылымдарының

      Мырзатай докторы, профессор (келісім бойынша)

      Исабеков - жазушы, драматург, Қазақстан

      Дулат Республикасы Мемлекеттік сыйлығының

      лауреаты (келісім бойынша)

      Қанапиянов - ақын, жазушы, аудармашы, кинодраматург,

      Бақытжан Мұсаханұлы Қазақстан жазушылар одағы басқармасының

      мүшесі, Қазақстан Кинематографистер

      одағының мүшесі, Еуропалық әдебиетшілер

      конгресі басқармасының мүшесі, Қырым

      әдеби академиясының академигі, Шәкәрім

      атындағы Семей мемлекеттік

      университетінің құрметті профессоры,

      Қазақстанның еңбек сіңірген қайраткері

      (келісім бойынша)

      Салғараұлы - жазушы, тарихшы-этнограф, Қазақстан

      Қойшығара Республикасы Мемлекеттік сыйлығының

      лауреаты, Күлтегін сыйлығының лауреаты,

      Қазақстанның еңбек сіңірген қайраткері,

      Л.Н. Гумилев атындағы Еуразия ұлттық

      университетінің профессоры, Қазақстан

      Республикасы Үкіметінің жанындағы

      ономастикалық комиссияның мүшесі

      (келісім бойынша)

      Ерғалиев                        - журналист, публицист, жазушы-драматург,

      Жабал Ерғалиұлы            Қазақстан Жазушылар одағының мүшесі,\

      Жамбыл атындағы халықаралық сыйлықтың және

      Қазақстан Жазушылар одағы сыйлығының

      Лауреаты (келісім бойынша)

      Ананьева                        - әдебиет сыншысы, филология ғылымдарының

      Светлана Викторовна            кандидаты, Қазақстан Жазушылар      одағының

      мүшесі (келісім бойынша),

      Ахетов                        - жазушы, Қазақстан Жазушылар одағының мүшесі,

      Амантай Қойшыбайұлы            Қазақстан Журналисттер одағы сыйлығының

      Лауреаты (келісім бойынша),

      Елгезек                        - ақын, Қазақстан Жазушылар одағының мүшесі,

      Ақберен                        Мемлекеттік "Дарын" жастар сыйлығының

      Лауреаты (келісім бойынша),

      Қыдырәлі                        - ғалым, публицист, тарих ғылымдарының

      Дархан Қуандықұлы                  докторы, Шыңғыс Айтматов атындағы

      Халықаралық ғылым академиясының академигі,

      Халықаралық ПЕН-клубының мүшесі, "Дарын"

      Мемлекеттік жастар сыйлығының және

      "Күлтегін" сыйлығының лауреаты,

      Халықаралық Түркі академиясының

      президенті (келісім бойынша),

      Мұханбетқалиұлы      - жазушы, Қазақстанның еңбек сіңірген қайраткері

      Қажығали                        Қазақстан Республикасы Мемлекеттік

      Сыйлығының лауреаты (келісім бойынша)

      Негимов                        - ғалым, Л.Н.Гумилев атындағы Еуразия ұлттық

      Серік Негимұлы                  университетінің профессоры, филология

      Ғылымдарының докторы (келісім бойынша)

      Шашкова                        - ақын, аудармашы, Қазақстан Жазушылар одағының

      Любовь                        мүшесі, "Простор" журналы редакторының

      Константиновна орынбасары (келісім бойынша)

музыка, театр және кино секциясы:

      Аравин - музыкатанушы, Қазақстанның еңбек

      Юрий Петрович сіңірген қайраткері (келісім бойынша)

      Ахмадиев - Қазақстанның халық әртісі, "Астана

      Мұрат Абдуреимович Опера" Мемлекеттік опера және балет

      театры" коммерциялық емес акционерлік

      қоғамы директорының шығармашылық

      ұжымдар жөніндегі орынбасары (келісім

      бойынша)

      Әшімов                        - Қазақстанның Еңбек Ері, КСРО және Қазақ КСР-інің

      Асанәлі                        халық әртісі, КСРО және Қазақ КСР

      Мемлекеттік сыйлықтарының лауреаты

      (келісім бойынша)

      Қыдырбек - "Қазақстан композиторлар қауымдастығы"

      Балнұр Балғабекқызы қоғамдық бірлестігінің төрайымы,

      композитор, Қазақстан Республикасы

      Мемлекеттік сыйлығының лауреаты

      (келісім бойынша)

      Мұсақожаева            - "Қазақ ұлттық өнер университеті" республикалық

      Айман Қожабекқызы            мемлекеттік мекемесінің ректоры,

      профессор, Қазақ КСР-інің халық әртісі,

      Қазақстан Республикасы       Мемлекеттік

      сыйлығының лауреаты, Қазақстанның

      Еңбек Ері, секция төрайымы (келісім

      бойынша)

      Нарымбетов - кинорежиссер, Қазақстанның еңбек

      Сатыбалды Жәлелұлы сіңірген қайраткері, Қазақстан

      Республикасы Мемлекеттік сыйлығының

      лауреаты (келісім бойынша)

      Тілеухан - Қазақстан Республикасы Парламенті

      Бекболат Қанайұлы Мәжілісінің депутаты, Қазақстан

      Республикасының еңбек сіңірген әртісі,

      Қазақстан Республикасы Мемлекеттік

      сыйлығының лауреаты (келісім бойынша)

      Тұтқыбаева - балетмейстер, Қазақстанның халық әртісі

      Гүлжан Ұсамбекқызы (келісім бойынша)

      Үсенбаева - Қазақстанның халық әртісі, Қазақстан

      Нұржамал Пернебекқызы Республикасы Мемлекеттік сыйлығының

      лауреаты (келісім бойынша)

      Әлпиев                        - театр режиссері, Қазақстанның еңбек сіңірген

      Төлеубек Нығметұлы            қайраткері, "Астана Опера" Мемлекеттік опера

      және балет театры" коммерциялық емес

      акционерлік қоғамы директорының бірінші

      орынбасары (келісім бойынша),

      Ахмедьяров - "Астана Опера" Мемлекеттік опера және балет театры"

      Ғалым Алғиұлы коммерциялық емес акционерлік қоғамының директоры,

      Қазақстанның еңбек сіңірген қайраткері, "Дарын"

      мемлекеттік жастар сыйлығының лауреаты"

      (келісім бойынша)

      Жолжақсынов                  - театр және кино актері, продюсер, сценарист,

      Досхан Қалиұлы                  Қазақстан Республикасының халық әртісі,

      Қырғызстанның еңбек сіңірген әртісі,

      Қазақстан Ленин комсомолы сыйлығының

      лауреаты, Қазақстан       Республикасы

      Мемлекеттік сыйлығының лауреаты (келісім

      бойынша)

      Ибраев                        - продюсер, кинорежиссер, Қазақстан

      Ахат Әділұлы                  кинематографистер одағының мүшесі

      (келісім бойынша)

      Маемиров                        - театр режиссері, Қазақстанның еңбек сіңірген

      Асхат Максимович                  қайраткері, Қазақстан театрлары

      Қауымдастығының вице-президенті, философия

      докторы (PhD) (келісім бойынша)

      Сатаев                              - кино режиссері, актер, продюсер, сценарист

      Ахан Қарғамбайұлы      (келісім бойынша)

      Ермек Кәрімжанұлы "Қазақстан кинематографистер одағы" қоғамдық

      бірлестігінің төрағасы (келісім бойынша)

бейнелеу өнері және сәулет секциясы:

      Рүстембеков - "Қазақстан сәулетшілер одағы"

      Ақмырза Исаұлы республикалық қоғамдық бірлестігінің

      президенті, Қазақстанның еңбек сіңірген

      қайраткері, Қазақстанның құрметті

      сәулетшісі, секция төрағасы

      (келісім бойынша)

      Амандос Әтібекұлы академиясының мүшесі, ЮНЕСКО жанындағы

      Халықаралық сыншылар және өнертанушылар

      қауымдастығының мүшесі, Қазақстан

      Республикасы Мемлекеттік сыйлығының

      лауреаты (келісім бойынша)

      Дүзелханов - кескіндемеші, Қазақстанның еңбек

      Ағымсалы сіңірген қайраткері, Қазақстан

      Республикасы Мемлекеттік сыйлығының

      лауреаты (келісім бойынша)

      Ерғалиева - Қазақстан Республикасы Білім және

      Райхан Әбдешқызы ғылым министрлігі Ғылым комитетінің

      "М.О.Әуезов атындағы әдебиет және өнер

      институты" республикалық мемлекеттік

      қазыналық кәсіпорны бейнелеу өнері

      бөлімінің меңгерушісі, өнертану докторы,

      ЮНЕСКО жанындағы Халықаралық көркемдік

      сыншылар қауымдастығының мүшесі (келісім

      бойынша)

      Зәуірбекова - суретші-гобеленші, Ш.Уәлиханов атындағы

      Бәтима Есмұратқызы Қазақ КСР Мемлекеттік сыйлығының

      лауреаты (келісім бойынша)

      Тәтіғұлов - "КАZGOR" жобалау академиясы"

      Әбдісағит жауапкершілігі шектеулі серіктестігі

      Шаймұханбетұлы директорлар кеңесінің төрағасы,

      Қазақстан Республикасы Мемлекеттік

      сыйлығының лауреаты (келісім бойынша)

      Твердохлебов - суретші-монументші, Қазақстанның

      Владимир Сергеевич еңбек сінірген қайраткері, Қазақстан

      Республикасы Суретшілер одағының мүшесі

      (келісім бойынша)

      Төлепбай - суретші, Қазақ КСР-інің еңбек сіңірген

      Ерболат Тоғысбайұлы өнер қайраткері, Қазақстан Республикасы

      Мемлекеттік сыйлығының лауреаты (келісім

      бойынша)

      Бәйділда                        - суретші, профессор, Қазақстан Республикасының

      Бауыржан Нұрбекұлы            еңбек сіңірген қайраткері, Қазақстан

      Республикасы Суретшілер одағының мүшесі,

      Еуразиялық дизайнерлер одағының мүшесі

      (келісім бойынша),

      Муллашев                        - суретші, Татарстанның халық суретшісі, Қазақстан

      Камиль                        Республикасы Мемлекеттік сыйлығының лауреаты

      (келісім бойынша),

      Шалабаев                        - профессор, доцент, Қазақстанның еңбек сіңірген

      Сейітқали                        қайраткері, білім беру саласының құрметті

      қызметкері, "О.Таңсықбаев атындағы Алматы

      сәндік-қолданбалы өнер колледжі" Республикалық

      мемлекеттік қазыналық кәсіпорнының директоры

      (келісім бойынша)

Қазақстан Республикасының мемлекеттік сыйлығы лауреатының дипломы мен төсбелгісінің СИПАТТАМАСЫ

      Ескерту. Сипаттама жаңа редакцияда – ҚР Президентінің 08.08.2017 № 528 (алғашқы ресми жарияланған күнінен бастап қолданысқа енгізіледі) Жарлығымен.

      1. Қазақстан Республикасының әл-Фараби атындағы ғылым мен техника саласындағы және әдебиет пен өнер саласындағы мемлекеттік сыйлықтары лауреатының дипломы:

      1) көлемі 330 х 115 мм қатты мұқабадан;

      2) көлемі 320 х 110 мм жапсырма беттен тұрады.

      Дипломның мұқабасы Қазақстан Республикасының Мемлекеттік Туы түстес былғарыдан жасалады.

      Дипломның мұқабасында алтын түспен бедерленіп салынған:

      1) үстіңгі жағында – Қазақстан Республикасының Мемлекеттік Елтаңбасы;

      2) Мемлекеттік Елтаңбаның төменгі жағында – мемлекеттік тілде:

      Қазақстан Республикасының әл-Фараби атындағы ғылым мен техника саласындағы мемлекеттік сыйлығы үшін:

      "Қазақстан Республикасының әл-Фараби атындағы
ғылым мен техника саласындағы мемлекеттік сыйлығы лауреатының
ДИПЛОМЫ" (1-қосымша);

      Қазақстан Республикасының әдебиет пен өнер саласындағы мемлекеттік сыйлығы үшін:

      "Қазақстан Республикасының
әдебиет пен өнер саласындағы
мемлекеттік сыйлығы лауреатының
ДИПЛОМЫ" (2-қосымша)

      деген жазу орналасады.

      2. Жапсырма бет баспаханалық әдіспен арнайы, қорғау дәрежелері бар, көк түсті қағазда басылып шығарылады.

      Жапсырма беттің беткі жағында:

      1) үстіңгі жағында – Қазақстан Республикасының Мемлекеттік Елтаңбасы;

      2) Мемлекеттік Елтаңбаның төменгі жағында – мемлекеттік тілде:

      Қазақстан Республикасының әл-Фараби атындағы ғылым мен техника саласындағы мемлекеттік сыйлығы үшін:

      "Қазақстан Республикасының әл-Фараби атындағы
ғылым мен техника саласындағы
мемлекеттік сыйлығы лауреатының
ДИПЛОМЫ" (3-қосымша);

      Қазақстан Республикасының әдебиет пен өнер саласындағы мемлекеттік сыйлығы үшін:

      "Қазақстан Республикасының

      әдебиет пен өнер саласындағы

      мемлекеттік сыйлығы лауреатының

      ДИПЛОМЫ" (4-қосымша)

      деген жазу орналасады.

      Жапсырма беттің ішкі екі жағының ортасында Қазақстан Республикасы Мемлекеттік Елтаңбасының бейнесі фонмен түсірілген.

      Қазақстан Республикасының әл-Фараби атындағы ғылым мен техника саласындағы және әдебиет пен өнер саласындағы мемлекеттік сыйлықтары лауреаты дипломының жапсырма бетінің ішкі сол жағында мемлекеттік тілде:

      Қазақстан Республикасының әл-Фараби атындағы ғылым мен техника саласындағы мемлекеттік сыйлығы үшін:

      "Қазақстан Республикасы Президентінің
жылғы № Жарлығымен
"жұмыстың атауы"
жұмысы үшін
ғылыми дәрежесі
ТЕГІ, АТЫ, ӘКЕСІНІҢ АТЫ
ҚАЗАҚСТАН РЕСПУБЛИКАСЫНЫҢ ӘЛ-ФАРАБИ
АТЫНДАҒЫ ҒЫЛЫМ МЕН ТЕХНИКА
САЛАСЫНДАҒЫ____ ЖЫЛҒЫ
МЕМЛЕКЕТТІК СЫЙЛЫҒЫ БЕРІЛДІ";

      Қазақстан Республикасының әдебиет пен өнер саласындағы мемлекеттік сыйлығы үшін:

      "Қазақстан Республикасы Президентінің
жылғы № Жарлығымен
"жұмыстың атауы"
жұмысы үшін
ТЕГІ, АТЫ, ӘКЕСІНІҢ АТЫ
ҚАЗАҚСТАН РЕСПУБЛИКАСЫНЫҢ
ӘДЕБИЕТ ПЕН ӨНЕР САЛАСЫНДАҒЫ _____ЖЫЛҒЫ
МЕМЛЕКЕТТІК СЫЙЛЫҒЫ БЕРІЛДІ"

      деген мәтін орналасады.

      Төменде:

      "Қазақстан Республикасының
Президенті            Н.Назарбаев"

      деген сөздер орналасады.

      Оның төменгі сол жағында дипломның нөмірі көрсетілген.

      Қазақстан Республикасының әл-Фараби атындағы ғылым мен техника саласындағы және әдебиет пен өнер саласындағы мемлекеттік сыйлығы лауреаты дипломының жапсырма бетінің ішкі оң жағында орыс тілінде:

      Қазақстан Республикасының әл-Фараби атындағы ғылым мен техника саласындағы мемлекеттік сыйлығы үшін:

      "Указом Президента Республики Казахстан
от года №
ПРИСУЖДЕНА
ГОСУДАРСТВЕННАЯ ПРЕМИЯ РЕСПУБЛИКИ КАЗАХСТАН
В ОБЛАСТИ НАУКИ И ТЕХНИКИ ИМЕНИ АЛЬ-ФАРАБИ
______ ГОДА
за работу "наименование работы"
ФАМИЛИЯ, ИМЯ, ОТЧЕСТВО
ученая степень";

      Қазақстан Республикасының әдебиет пен өнер саласындағы мемлекеттік сыйлығы үшін:

      "Указом Президента Республики Казахстан
от года №
ПРИСУЖДЕНА
ГОСУДАРСТВЕННАЯ ПРЕМИЯ РЕСПУБЛИКИ КАЗАХСТАН
В ОБЛАСТИ ЛИТЕРАТУРЫ И ИСКУССТВА
______ ГОДА
за работу "наименование работы"
ФАМИЛИЯ, ИМЯ, ОТЧЕСТВО"

      деген мәтін орналасады.

      3. Қазақстан Республикасының мемлекеттік сыйлығы лауреатының төсбелгісі төртбұрышты планкаға ілмешекпен бекітілген, диаметрі 25 мм, қалыңдығы 2 мм шеңбер түрінде алтын жалатылған жезден жасалған.

      25 мм х 15 мм көлеміндегі планкаға Қазақстан Республикасының Мемлекеттік Туы түстес қатқыл лента, планканың сыртқы жағында – визорлы бекіткіші бар түйреуіш бекітілген.

      Төсбелгінің жылтыр бетінің беткі жағында:

      Қазақстан Республикасының әл-Фараби атындағы ғылым мен техника саласындағы мемлекеттік сыйлығы үшін ортасында – әл-Фарабидің бюсті, төменде – ӘЛ-ФАРАБИ деген бедерлі жазу бар;

      Қазақстан Республикасының әдебиет пен өнер саласындағы мемлекеттік сыйлығы үшін төменде – қалықтаған қыран, ортасында – күн шапағы аясындағы "Алтын адам" бейнеленген шығыңқы бедері бар.

      Төсбелгінің сыртқы жағында:

      Қазақстан Республикасының әл-Фараби атындағы ғылым мен техника саласындағы мемлекеттік сыйлығы үшін:

      "ҚАЗАҚСТАН РЕСПУБЛИКАСЫНЫҢ ӘЛ-ФАРАБИ АТЫНДАҒЫ ҒЫЛЫМ МЕН ТЕХНИКА САЛАСЫНДАҒЫ МЕМЛЕКЕТТІК СЫЙЛЫҒЫНЫҢ ЛАУРЕАТЫ" деген бедерлі жазу және нөмір орналасқан (5-қосымша);

      Қазақстан Республикасының әдебиет пен өнер саласындағы мемлекеттік сыйлығы үшін:

      "ҚАЗАҚСТАН РЕСПУБЛИКАСЫНЫҢ ӘДЕБИЕТ ПЕН ӨНЕР САЛАСЫНДАҒЫ МЕМЛЕКЕТТІК СЫЙЛЫҒЫНЫҢ ЛАУРЕАТЫ" деген бедерлі жазу және нөмір орналасқан (6-қосымша).

Қазақстан Республикасының әл-Фараби атындағы ғылым мен техника
саласындағы мемлекеттік сыйлығы лауреаты дипломының
БЕЙНЕСІ
(қатты мұқаба)

Қазақстан Республикасының әдебиет пен өнер саласындағы мемлекеттік
сыйлығы лауреаты дипломының
БЕЙНЕСІ
(қатты мұқаба)

Қазақстан Республикасының әл-Фараби атындағы ғылым мен техника
саласындағы мемлекеттік сыйлығы лауреаты дипломының
БЕЙНЕСІ
(жапсырманың беткі жағы)

Қазақстан Республикасының әл-Фараби атындағы ғылым мен техника саласындағы
мемлекеттік сыйлығы лауреаты дипломының
БЕЙНЕСІ
(жапсырма бетінің ішкі жағы)

Қазақстан Республикасының әдебиет пен өнер саласындағы мемлекеттік
сыйлығы лауреаты дипломының
БЕЙНЕСІ
(жапсырманың беткі жағы)

Қазақстан Республикасының әдебиет пен өнер саласындағы
мемлекеттік сыйлығы лауреаты дипломының
БЕЙНЕСІ
(жапсырма бетінің ішкі жағы)

Қазақстан Республикасының әл-Фараби атындағы ғылым мен техника саласындағы
мемлекеттік сыйлығының лауреаты төсбелгісінің
ГРАФИКАЛЫҚ БЕЙНЕСІ 

Қазақстан Республикасының әдебиет пен өнер саласындағы
мемлекеттік сыйлығының лауреаты төсбелгісінің
ГРАФИКАЛЫҚ БЕЙНЕСІ

Қазақстан Республикасы Президентінің күші жойылған кейбір жарлықтарының
ТІЗБЕСІ

      1. "Ғылым мен техника, әдебиет пен өнер саласындағы Қазақстан Республикасының мемлекеттік сыйлықтары туралы" Қазақстан Республикасы Президентінің 2007 жылғы 13 тамыздағы № 381 Жарлығы (Қазақстан Республикасының ПҮАЖ-ы, 2007 ж., № 27, 310-құжат).

      2. "Қазақстан Республикасы Президентінің кейбір актілеріне өзгерістер енгізу туралы" Қазақстан Республикасы Президентінің 2008 жылғы 12 қарашадағы № 689 Жарлығының 1-тармағының 13) тармақшасы (Қазақстан Республикасының ПҮАЖ-ы, 2008 ж., № 42, 465-құжат).

      3. "Қазақстан Республикасы Президентінің кейбір актілеріне өзгерістер енгізу туралы" Қазақстан Республикасы Президентінің 2009 жылғы 22 мамырдағы № 815 Жарлығының 1-тармағының 7) тармақшасы (Қазақстан Республикасының ПҮАЖ-ы, 2009 ж., № 27-28, 234-құжат).

      4. "Ғылым мен техника, әдебиет пен өнер саласындағы Қазақстан Республикасының мемлекеттік сыйлықтары туралы" Қазақстан Республикасы Президентінің 2007 жылғы 13 тамыздағы № 381 Жарлығына өзгерістер мен толықтырулар енгізу туралы" Қазақстан Республикасы Президентінің 2011 жылғы 28 желтоқсандағы № 211 Жарлығы (Қазақстан Республикасының ПҮАЖ-ы, 2012 ж., № 12, 224-құжат).

      5. "Қазақстан Республикасы Президентінің кейбір актілеріне өзгерістер мен толықтырулар енгізу туралы" Қазақстан Республикасы Президентінің 2012 жылғы 13 наурыздағы № 284 Жарлығымен бекітілген Қазақстан Республикасы Президентінің кейбір актілеріне енгізілетін өзгерістер мен толықтырулардың 16-тармағы (Қазақстан Республикасының ПҮАЖ-ы, 2012 ж., № 36, 476-құжат).

      6. "Қазақстан Республикасы Президентінің кейбір актілеріне өзгерістер енгізу туралы" Қазақстан Республикасы Президентінің 2013 жылғы 27 наурыздағы № 533 Жарлығымен бекітілген Қазақстан Республикасы Президентінің кейбір актілеріне енгізілетін өзгерістердің 11-тармағы (Қазақстан Республикасының ПҮАЖ-ы, 2013 ж., № 22, 351-құжат).

      7. "Қазақстан Республикасының Президенті жанындағы консультативтік-кеңесші және өзге де органдардың қызметін ұйымдастыру мәселелері жөніндегі Қазақстан Республикасы Президентінің кейбір актілеріне өзгерістер мен толықтырулар енгізу туралы" Қазақстан Республикасы Президентінің 2014 жылғы 12 ақпандағы № 750 Жарлығымен бекітілген Қазақстан Республикасы Президентінің кейбір актілеріне енгізілетін өзгерістер мен толықтырулардың 7-тармағы (Қазақстан Республикасының ПҮАЖ-ы, 2014 ж., № 4, 29-құжат).

      8. "Қазақстан Республикасының Президенті жанындағы консультативтік-кеңесші және өзге де органдардың қызметін ұйымдастыру мәселелері жөніндегі Қазақстан Республикасы Президентінің кейбір актілеріне өзгерістер мен толықтырулар енгізу туралы" Қазақстан Республикасы Президентінің 2014 жылғы 11 сәуірдегі № 795 Жарлығымен бекітілген Қазақстан Республикасы Президентінің кейбір актілеріне енгізілетін өзгерістер мен толықтырулардың 7-тармағы (Қазақстан Республикасының ПҮАЖ-ы, 2014 ж., № 28, 227-құжат).

      9. "Қазақстан Республикасы Президентінің кейбір актілеріне өзгерістер мен толықтырулар енгізу және Қазақстан Республикасы Президентінің кейбір өкімдерінің күші жойылды деп тану туралы" Қазақстан Республикасы Президентінің 2014 жылғы 17 қыркүйектегі № 911 Жарлығымен бекітілген Қазақстан Республикасы Президентінің кейбір актілеріне енгізілетін өзгерістер мен толықтырулардың 11-тармағы (Қазақстан Республикасының ПҮАЖ-ы, 2014 ж., № 55-56, 538-құжат).