"Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі" мемлекеттік ақпараттық жүйесі арқылы жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидаларын бекіту туралы

      БАСПАСӨЗ РЕЛИЗІ

      «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңы 16-бабының 54) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» мемлекеттік ақпараттық жүйесі арқылы жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді сатып алу қағидалары бекітілсін.
      2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                     С. Ахметов

Қазақстан Республикасы
Үкіметінің      
2013 жылғы 14 ақпандағы
№ 133 қаулысымен   
бекітілген      

«Жер қойнауын пайдалану жөніндегі операцияларды жүргізу кезінде
пайдаланылатын тауарлардың, жұмыстар мен қызметтердің және
оларды өндірушілердің тізілімі» мемлекеттік ақпараттық жүйесі
арқылы жер қойнауын пайдалану жөніндегі операцияларды жүргізу
кезінде тауарларды, жұмыстар мен қызметтерді сатып алу
қағидалары

1. Жалпы ережелер

      1. Осы «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен қызметтердің және оларды өндірушілердің тізілімі» мемлекеттік ақпараттық жүйесі арқылы жер қойнауын пайдалану жөніндегі операцияларды жүргізу кезінде тауарларды, жұмыстар мен қызметтерді сатып алу қағидалары (бұдан әрi – Қағидалар) «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңына (бұдан әрi – Заң) сәйкес әзiрлендi және «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен қызметтердің және оларды өндірушілердің тізілімі» мемлекеттік ақпараттық жүйесі арқылы тауарларды, жұмыстар мен қызметтерді (бұдан әрі – ТЖҚ) сатып алудың жылдық және (немесе) орта мерзімді және (немесе) ұзақ мерзімді бағдарламаларында көзделген, жер қойнауын пайдалану жөнiндегi операцияларды жүргiзу кезiнде жер қойнауын пайдаланушылар мен олардың уәкiлеттi тұлғаларының, сондай-ақ жер қойнауын пайдаланушылармен немесе жер қойнауын пайдаланушылардың уәкілетті тұлғаларымен жасалған шарттарды орындау шеңберiндегi қызметтi жүзеге асыратын олардың мердігерлерінің ТЖҚ сатып алу тәртiбiн айқындайды.
      2. Осы Қағидалардың қолданысы:
      1) кең таралған пайдалы қазбаларды барлау немесе өндіру бойынша операцияларды жүзеге асыратын жер қойнауын пайдаланушыларға;
      2) мемлекеттiк сатып алу туралы Қазақстан Республикасының заңнамасына сәйкес ТЖҚ-ны сатып алатын жер қойнауын пайдаланушыларға;
      3) дауыс беретін акцияларының (қатысу үлестерінің) елу және одан да көп пайызын тікелей немесе жанама түрде ұлттық басқарушы холдинг иеленетін жер қойнауын пайдалану құқығына ие заңды тұлғаларға қолданылмайды.
      3. Осы Қағидаларда Заңда белгiленген ұғымдар мен анықтамалар, сондай-ақ мынадай ұғымдар пайдаланылады:
      1) тапсырыс берушi – осы Қағидаларға сәйкес ТЖҚ-ны сатып алуды жүзеге асыратын жер қойнауын пайдаланушы, мердігер, жер қойнауын пайдаланушының уәкілетті тұлғасы;
      2) сатып алу – келiсiмшарттық мiндеттемелердi орындау үшiн қажеттi және осы Қағидаларда белгiленген тәртiппен және тәсiлдермен жүзеге асырылатын, келiсiмшартта ілеспе ретiнде көзделген қызметтермен жер қойнауын пайдалану жөнiндегi операцияларды жүргiзу кезiнде ТЖҚ-ны меншікті қаражат есебінен сатып алу;
      3) әлеуетті жеткізушінің аффилирленген тұлғасы – шешімдерді айқындау және (немесе) осы әлеуетті жеткізуші қабылдайтын шешімдерге, оның ішінде жазбаша нысанда жасалған мәміленің күшіне әсер етуге құқылы кез келген жеке немесе заңды тұлға, сондай-ақ оған қатысты осы әлеуетті жеткізуші осындай құқыққа ие кез келген жеке немесе заңды тұлға;
      4) сатып алу коды – осы Қағидалардың 6-тармағының 1), 3),  4) тармақшаларында көрсетілген тәсілдермен ТЖҚ-ны сатып алуды жүргізу туралы хабарландыруларды қалыптастыру кезінде немесе осы Қағидалардың 6-тармағының 2) тармақшасында көрсетілген тәсілдермен ТЖҚ-ны сатып алу қорытындысын шығару хаттамасын қалыптастыру кезінде тізілім қалыптастырған код;
      5) шарттың маңызды талаптары – бұл шарттың мәні, тауарларды жеткізу, жұмыстарды орындау, қызметтерді көрсету мерзімдері мен орындары, төлеу тәртібі, шарттың қолдану мерзімі туралы талаптар;
      6) конкурстық құжаттама – ашық конкурс өткiзудiң шарттарды қамтитын конкурстық өтiнiмдi және конкурстық баға ұсынысын дайындау үшiн әлеуеттi жеткiзушiге ұсынылатын, тапсырыс берушi бекiткен құжаттама;
      7) конкурстық комиссия – қатты пайдалы қазбаларға арналған келісімшарттар бойынша жер қойнауын пайдаланушылар үшін осы Қағидалардың 6-тармағының 1), 2), 3) тармақшаларында және көмірсутек шикізатына арналған келісімшарттар бойынша жер қойнауын пайдаланушылар үшін осы Қағидалардың 6-тармағының 1), 4) тармақшаларында белгіленген тәртіппен және тәсілдермен тауарларға, жұмыстар мен қызметтерге сатып алу жүргізудің рәсімдерін орындау үшін тапсырыс беруші құратын алқалы орган;
      8) қатты пайдалы қазбалар – көмірсутек шикізатын, кең таралған пайдалы қазбаларды, жерасты су мен емдік балшықты қоспағанда, пайдалы қазбалар;
      9) бiртектi ТЖҚ – бірдей болып табылмайтын, ұқсас сипаттамалары бар және бір функцияны орындауға және өзара алмасымды болуға мүмкiндiк беретiн ұқсас компоненттерден тұратын ТЖҚ;
      10) әлеуеттi жеткiзушi – жер қойнауын пайдалану жөнiндегi операцияларды жүргiзу кезiнде пайдаланылатын ТЖҚ-ны сатып алу үдерісіне қатысушы жеке тұлға, заңды тұлға, заңды тұлғалардың уақытша бiрлестiгi (консорциум);
      11) мердiгер – жер қойнауын пайдалану жөнiндегi операцияларды жүргізу кезінде жұмыстардың жекелеген түрлерiн орындау үшiн жер қойнауын пайдаланушы немесе оның уәкілетті тұлғасы тартатын жеке немесе заңды тұлға;
      12) жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен қызметтердің және оларды өндірушілердің тізілімі (бұдан әрi – тізілім) – жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алуды және олардың өндірушілерін бақылау және мониторингілеу, сондай-ақ электрондық сатып алу жүргізу мен жер қойнауын пайдалану жөніндегі операцияларды жүргізу кезінде пайдаланылатын ТЖҚ тізбесін қалыптастыруға арналған мемлекеттік ақпараттық жүйе;
      13) электрондық сатып алу жүйесі – жұмысы тізілім жұмысымен үйлестірілген, Қазақстан Республикасының Үкіметі бекітетін жер қойнауын пайдалану жөніндегі операцияларды жүргізу кезінде тауарларды, жұмыстар мен қызметтерді сатып алу тәртібіне сәйкес құрылатын және пайдаланылатын тауарларды, жұмыстар мен қызметтерді сатып алу үшін тапсырыс беруші пайдаланатын Интернет желісінің қазақстандық сегментінде орналасқан электрондық ақпарат жүйесі;
      14) тізілім әкімшісі – индустриялық саясат саласындағы уәкілетті орган;
      15) жанама қызмет – жер қойнауын пайдалану жөніндегі операцияларды жүргізумен байланысты емес және лицензиялық келісімшарт талаптарын орындауға бағытталған, шығыстарын құзыретті орган жер қойнауын пайдаланушының келісімшарттық міндеттемелерін орындауы ретінде есепке алатын қызмет;
      16) жер қойнауын пайдаланушының уәкiлеттi тұлғасы – осы Қағидаларға сәйкес жер қойнауын пайдалану жөнiндегi операцияларды жүргiзу кезiнде ТЖҚ-ны сатып алуды жүзеге асыруға жер қойнауын пайдаланушы уәкiлеттiк берген жеке немесе заңды тұлға;
      17) Қазақстан Республикасының Ұлттық куәландырушы орталығы - «электрондық үкiмет», мемлекеттiк және мемлекеттiк емес ақпараттық жүйелерінің қатысушыларына қызмет көрсететін куәландырушы орталық;
      18) шартты баға – ашық конкурс шеңберінде сатып алынатын тауарлардың қазақстандық өндірушісі немесе жұмыстар мен қызметтердің қазақстандық өндірушісі болып табылатын, ашық конкурсқа қатысушының конкурстық өтінім бағасының жиырма пайызға шартты түрде азайтылуы ескеріле отырып есептелген және тек ашық конкурс жеңімпазын анықтау мақсатында конкурстық баға ұсыныстарын бағалау және салыстыру кезінде пайдаланылатын баға;
      19) электрондық цифрлық қолтаңба – бұл электрондық цифрлық қолтаңба құралдарымен құрылған және электрондық құжаттың дәйектілігін, оның тиесілілігін және мазмұнының өзгермегендігін растайтын электрондық цифрлық символдардың жиынтығы.
      Тапсырыс берушілердің жер қойнауын пайдалану жөніндегі операцияларды жүргізу кезіндегі ТЖҚ-ны сатып алумен байланысты сатып алуды жүзеге асыру рәсімдері Қазақстан Республикасының аумағында жүргізіледі.
      4. Сатып алу рәсiмдерiн жүргiзу және сатып алу бойынша барлық құжаттама мемлекеттік тілде және орыс тiлінде жүзеге асырылып, конкурстық құжаттамада көзделген жағдайларда басқа тілдердегі аудармасы қоса беріледі.
      5. Бағалау рәсімдерін жеңілдету және сатып алуға қатысатын әлеуетті жеткізушілер ұсынған, әртүрлі валюталармен көрсетілген бағаларды салыстыру үшін қолданылатын валюта, бағаларды бағалау және салыстыру күні Қазақстан Республикасының Ұлттық Банкі белгілеген ресми бағам бойынша Қазақстан Республикасының валютасы – теңге болып табылады.
      6. Жер қойнауын пайдалану жөніндегі операцияларды жүргізу кезінде ТЖҚ-ны сатып алуды тапсырыс беруші тізілімді пайдалана отырып мына тәсiлдердiң бiрiмен жүзеге асырады:
      1) ашық конкурс;
      2) бiр көзден;
      3) баға ұсыныстарын сұрату;
      4) электрондық сатып алу жүйесi арқылы.
      Тауар биржалары тәсілі арқылы тауарларды сатып алу Қазақстан Республикасының тауар биржалары туралы заңнамасына сәйкес жүзеге асырылады.
      7. Тапсырыс беруші өзінің шешімімен тапсырыс берушінің атынан ақпаратты қалыптастыру және тізілімге орналастыру бойынша осы Қағидаларда көзделген әрекетті жасайтын уәкілетті тұлғаны айқындайды.
      8. Әлеуетті жеткізушіге ашық конкурс тәсілімен ТЖҚ-ны сатып алуды жүргізу кезінде мынадай біліктілік талаптары қойылады:
      1) құқықтық қабілеттілікке (заңды тұлғалар үшін), азаматтық іс-әрекет қабілеттілігіне (жеке тұлғалар үшін) ие болу;
      2) төлемге қабілетті болу (конкурстық құжаттамада тиісті талаптар болған кезде);
      3) тарату немесе банкроттық рәсімдеріне жатпау (әлеуетті жеткізуші кепілдік хат ұсынады).
      Көрсетілген талаптарға сәйкестікті растау үшін әлеуетті жеткізуші осы Қағидалардың 40-тармағының 2), 3) тармақшаларында және 216-тармағының 2), 3) тармақшаларында көрсетілген құжаттарды ұсынады.
      9. Жер қойнауын пайдалану жөніндегі операцияларды жүргізу кезінде пайдаланылатын ТЖҚ-ны сатып алу мыналарды:
      1) сатып алу үдерісінің жариялылығы мен ашықтығын;
      2) әлеуетті жеткізушілердің арасындағы адал бәсекелестікті;
      3) қазақстандық ТЖҚ-ны өндірушілерді қолдауды есепке ала отырып жүзеге асырылады.
      10. Сатып алу үдерісі өзіне мыналарды қамтиды:
      1) сатып алуды жоспарлау;
      2) жеткізушіні таңдау және онымен сатып алу туралы шарт жасасу;
      3) сатып алу туралы шартты орындау.
      11. Егер:
      1) осы әлеуетті жеткізушінің басшысының және (немесе) аталған әлеуетті жеткізушінің уәкілетті өкілінің жақын туысқандары, жұбайы (зайыбы) немесе жегжаттары жеткізушіні таңдау туралы шешім қабылдауға құқылы болса немесе тапсырыс берушінің жұмысшысы болып табылса;
      2) әлеуетті жеткізуші және (немесе) оның жұмысшысы тапсырыс берушіге өткізілетін сатып алуға дайындық бойынша консультациялық және (немесе) өзге қызметтер көрсетсе, бас жобалаушы немесе қосалқы жобалаушы ретінде техникалық-экономикалық негіздемелерді әзірлеушінің жобалық (жобалық-сметалық) құжаттаманы әзірлеу бойынша сатып алуға қатысуын қоспағанда, өткізілетін сатып алудың мәні болып табылатын объектінің құрылысына техникалық-экономикалық негіздемелерді және (немесе) жобалық (жобалық-сметалық) құжаттаманы әзірлеуге қатысса;
      3) әлеуетті жеткізушінің және (немесе) ол тартқан мердігердің (бірлесіп орындаушының) қаржы-шаруашылық қызметі Қазақстан Республикасының банкроттық туралы заңнамасына не Қазақстан Республикасының резиденті емес әлеуетті жеткізуші мемлекетінің заңнамасына сәйкес тоқтатылса, өткізілетін сатып алуға әлеуетті жеткізушінің қатысуына рұқсат етілмейді.
      12. Өткізілетін сатып алуға әлеуетті жеткізушінің және оның аффилирленген тұлғасының заңды тұлғалардың уақытша бірлестігі (консорциум) ретінде қатысуын қоспағанда, мұндай тұлғалардың бір ашық конкурсқа (лотқа) қатысуына рұқсат берілмейді.
      13. ТЖҚ-ны сатып алуға заңды тұлғалардың уақытша бірлестіктерінің (консорциумдар) қатысуына рұқсат етіледі. Сатып алуға осындай заңды тұлғалардың уақытша бірлестіктері қатысқан жағдайда, оның қатысушылары осы Қағидалардың 40 және 216-тармақтарында көзделген өздерінің біліктілік талаптарын растайтын құжаттардан басқа:
      1) бірлестікке (консорциумға) кіретін заңды тұлғалардың уәкілетті өкілдері қол қойған және осы заңды тұлғалардың фирмалық мөрлерімен бекітілген бірлескен шаруашылық қызметі туралы шарттың сканерленген көшірмесін;
      2) егер әлеуетті жеткізушінің осындай қызметі Қазақстан Республикасының лицензиялау туралы қолданыстағы заңнамасына сәйкес лицензиялауға жатқан жағдайда, онда консорциумның бір немесе бірнеше қатысушы (лар) ының бірлескен шаруашылық қызметі туралы шартта көзделген қызмет бөлігінде тауарларды сату, жұмыстарды орындау, қызметтерді көрсету құқығына тиісті лицензияларының сканерленген көшірмелерін ұсынады.
      14. Тізілім арқылы жер қойнауын пайдалану жөніндегі операцияларды жүргізу кезінде ТЖҚ-ны сатып алуға қатысу үшін Қазақстан Республикасы Ұлттық куәландырушы орталығында электрондық цифрлық қолтаңба алу, тіркеу куәліктерін тіркелімге енгізу, заңды және (немесе) жеке тұлғаны тізілімге сатып алудың қатысушысы (тапсырыс беруші және (немесе) жеткізуші) ретінде тіркеу, сондай-ақ тізілімде ақпаратты қалыптастыруға және орналастыруға уәкілетті тұлғаларды тізілімде тіркеу қажет.
      Тапсырыс беруші белгіленген мерзімде ашқан сәтке дейін ашық конкурсқа қатысушылар және (немесе) тізілім арқылы әлеуетті жеткізушілердің ұсынған конкурстық баға ұсыныстарын, баға ұсыныстарын, электрондық сатып алу жүйесі арқылы сатып алу бойынша баға ұсыныстарын тізілім әкімшісінің қарауына жол берілмейді.

2. Сатып алуды жоспарлау

      15. ТЖҚ-ны сатып алудың жылдық, орта мерзімді, ұзақ мерзімді бағдарламалары жер қойнауын пайдаланушының бекітілген жұмыс бағдарламасы және тиісті бюджеттері негізінде әзірленеді.
      Жұмыс бағдарламасы болмаған жағдайда ТЖҚ-ны сатып алудың жылдық, орта мерзімді, ұзақ мерзімді бағдарламалары жер қойнауын пайдаланушының бекітілген бюджеттері негізінде әзірленеді.
      ТЖҚ-ны сатып алудың жылдық, орта мерзімді, ұзақ мерзімді бағдарламаларында жер қойнауын пайдалану жөніндегі операцияларды жүргізу кезінде тікелей қолдану үшін және ілеспе ретінде келісімшартта көзделген қызметтер үшін сатып алынатын барлық ТЖҚ көрсетіледі.
      16. Жер қойнауын пайдалану жөніндегі операцияларды жүргізу кезінде жер қойнауын пайдаланушының немесе уәкілетті тұлғаның ТЖҚ-ны сатып алу рәсімі ТЖҚ-ны сатып алудың жылдық бағдарламасына сәйкес жүзеге асырылады. Жер қойнауын пайдалану жөніндегі операцияларды жүргізу кезінде жер қойнауын пайдаланушының немесе уәкілетті тұлғаның ТЖҚ-ны сатып алу рәсімі осы Қағидалардың 192 және 341-тармақтарында көзделген жағдайларда сатып алудың орта мерзімді немесе ұзақ мерзімді бағдарламасына сәйкес жүзеге асырылады.
      17. Осындай сома тиісті тауарды немесе жұмысты немесе қызметті жоспарланған сатып алудың жалпы жылдық сомасының он пайызынан аспаған жағдайда, жұмыс бағдарламасында көзделген алдағы жылға арналған бюджетті және ТЖҚ-ны сатып алудың жылдық бағдарламасын бекіткенге дейін ТЖҚ-ны сатып алу рәсімін жүзеге асыруға рұқсат етіледі және жылдық бюджетте қарастырылатын әрі ТЖҚ-ны сатып алудың жылдық, орта мерзімді және ұзақ мерзімді бағдарламаларына енгізілетін болады.
      18. Тапсырыс беруші жер қойнауын пайдаланушының ТЖҚ-ны сатып алудың бекітілген жылдық, орта мерзімді, ұзақ мерзімді бағдарламаларында көзделген ТЖҚ-ны сатып алуға арналған шығыстарды қысқартқан жағдайда сатып алуды жүзеге асырудан бас тартуға рұқсат етіледі.

3. Қатты пайдалы қазбаларға арналған келісімшарттар бойынша жер
қойнауын пайдалану жөніндегі операцияларды жүргізу кезінде
ТЖҚ-ны сатып алу тәртібі

Жер қойнауын пайдалану жөніндегі операцияларды жүргізу кезінде
ашық конкурс тәсiлiмен тауарларды, жұмыстар мен қызметтердi
сатып алуды жүзеге асыру тәртібі

      19. Ашық конкурс тәсiлiмен бiртектi болып табылмайтын ТЖҚ-ны сатып алуды жүзеге асыру кезiнде тапсырыс берушiнiң конкурстық құжаттамада мұндай ТЖҚ-ны лоттарға мiндеттi түрде бөле отырып, көрсетiлген тәсiлмен бiрыңғай сатып алуды ұйымдастыруына және жүргiзуiне рұқсат етiледi.
      Ашық конкурс тәсiлiмен бiрнеше бiртектi ТЖҚ-ны сатып алу ТЖҚ-ны лоттарға бөлу арқылы жүзеге асырылады.
      Уәкілетті тұлға бірнеше жер қойнауын пайдаланушылардың мүддесінде біртекті тауарларды сатып алуды жүргізген жағдайда жер қойнауын пайдаланушылардың лоттарын бір лотқа біріктіруге рұқсат етіледі.
      Ашық конкурс алты кезеңде өткізіледі:
      1) тізілім мен аптасына кемінде үш рет және қазақ және орыс тілдерінде Қазақстан Республикасының аумағына таралатын мерзімді баспа басылымдарында ашық конкурс өткізу туралы хабарландыру орналастыру;
      2) конкурстық өтінімдерді жинау;
      3) конкурстық комиссияның конкурстық өтінімдерді ашу хаттамасын жасай отырып, конкурстық өтінімдерді ашуы;
      4) конкурстық комиссияның ашық конкурсқа қатысуға рұқсат берілген әлеуетті жеткізушінің «қазақстандық тауарларды өндіруші» (егер әлеуетті жеткізуші ашық конкурстың сатып алу мәні болып табылатын тауарларды өндірген жағдайда) немесе «қазақстандық жұмыстарды, қызметтерді өндіруші» (егер әлеуетті жеткізуші ашық конкурстың сатып алу мәні болып табылатын жұмыстарды орындаған немесе қызметтерді көрсеткен жағдайда) мәртебесіне сәйкестігін немесе сәйкес келмейтіндігін міндетті түрде көрсете отырып, ашық конкурсқа қатысуға рұқсат беру хаттамасын жасап конкурстық құжаттама талаптарына сәйкестігіне арналған конкурстық өтінімдерді қарауы;
      5) ашық конкурсқа қатысуға рұқсат берілген әлеуетті жеткізушілердің әрбір лот бойынша конкурстық баға ұсыныстарын ұсынуы, конкурстық баға ұсыныстарын қарау және қорытындылау хаттамаларын жасай отырып, ашық конкурстың жеңімпазын айқындау;
      6) ашық конкурстың жеңімпазымен шарт жасасу.
      Осы тармақта көзделген жағдайларда әлеуетті жеткізушілердің конкурстық өтінімдерін қарау, ашық конкурсқа қатысушылардың конкурстық баға ұсыныстарын бағалау және салыстыру, сондай-ақ ашық конкурстың жеңiмпазын анықтау конкурстық құжаттамада көзделген әрбiр лот бойынша жүзеге асырылады.

Конкурстық комиссия

      20. Тапсырыс берушінің жеке ашық конкурсқа да, тұрақты негізде де, бірақ бір қаржы жылынан аспайтын мерзімге конкурстық комиссия құруына рұқсат етіледі. Тапсырыс берушіге әлеуетті жеткізушілердің конкурстық құжаттаманың талаптарына сәйкестігі туралы мәселелерді шешу үшін қосымша мамандар тартуға рұқсат етіледі.
      21. Конкурстық комиссияның құрамына төраға, төрағаның орынбасары және конкурстық комиссияның мүшелерi кіреді. Комиссия мүшелерiнiң жалпы саны тақ саннан құралуы тиіс. Конкурстық комиссияның құрамында кемінде үш адам болуы тиіс. Конкурстық комиссияның хатшысы конкурстық комиссияның мүшесi болып табылмайды және конкурстық комиссияның шешiм қабылдауы кезiнде дауыс беру құқығы жоқ.
      22. Конкурстық комиссияның отырыстары конкурстық комиссия мүшелерінің жалпы санының қарапайым көпшілігі қатысқан жағдайда өткізіледі және оған қатысқан конкурстық комиссия мүшелері, оның төрағасы, оның орынбасары мен конкурстық комиссияның хатшысы қол қоятын хаттамамен ресімделеді. Конкурстық комиссияның қандай да бір мүшесі болмаған жағдайда конкурстық комиссия отырысының хаттамасында оның болмау себебі көрсетіледі.
      23. Конкурстық комиссияның шешімі ашық дауыс беруімен қабылданады және егер оған конкурстық комиссияның отырысқа қатысқан мүшелерінің жалпы санының көпшілігі дауыс берген жағдайда қабылданды деп есептеледі. Дауыстар тең болған жағдайда конкурс комиссиясының төрағасы немесе ол жоқ болған жағдайда төрағаның орынбасары дауыс берген шешім қабылданған болып есептеледі. Конкурстық комиссияның шешімімен келіспеген жағдайда конкурстық комиссияның кез келген мүшесі айрықша пікір құқығына ие болады, ол жазбаша түрде жазылуы тиіс және конкурстық комиссия отырысының хаттамасына қоса беріледі.
      24. Конкурстық комиссияның төрағасы оның жұмысына басшылық жасайды, комиссия отырыстарына төрағалық етеді.
      25. Конкурстық комиссияның хатшысы ТЖҚ-ны сатып алу бойынша ашық конкурстың рәсiмдерiн өткiзудi ұйымдастырады. Конкурстық комиссияның хатшысы әлеуетті жеткізушілердің конкурстық өтінімдерін, ашық конкурсқа қатысушылардың конкурстық баға ұсыныстарын тіркеу журналын жүргiзедi, конкурстық комиссия отырысының күн тәртiбi бойынша ұсыныстар дайындайды, конкурстық комиссияны қажеттi құжаттармен қамтамасыз етедi, конкурстық комиссия отырысын өткiзудi ұйымдастырады, тізілімде автоматты түрде қалыптастырылған ашық конкурсқа қатысуға арналған өтiнiмдер салынған конверттердi ашу хаттамасын, ашық конкурстың нәтижелерiн шығару хаттамасын, конкурстық комиссия отырыстарының басқа да хаттамаларын ресiмдейдi және қол қояды, ТЖҚ-ны сатып алу бойынша ашық конкурстың құжаттары мен материалдарының сақталуын қамтамасыз етедi.

Конкурстық құжаттама

      26. Конкурстық құжаттама ТЖҚ-ны сатып алудың талаптары мен шарттары туралы әлеуеттi жеткізушілердi хабардар етуге арналған. Конкурстық құжаттаманы тапсырыс берушi әзiрлейдi және бекiтедi.
      27. Конкурстық құжаттамада мынадай шарттар көрсетiледi:
      1) өнімдерді үлгілік статистикалық жіктеуішке сәйкес ашық конкурс тәсілімен сатып алу мәнi (егер ашық конкурс мәнiне бiрнеше лоттар кiрген жағдайда лоттардың атаулары мен нөмірлері);
      2) әлеуеттi жеткізуші конкурстық өтінімнің конкурстық құжаттаманың шарттарына сәйкестiгiн растауға ұсынатын осы Қағидалардың 40-тармағының 2) және 3) тармақшаларында көрсетiлген құжаттардың тiзбесi;
      3) әкімшілік-аумақтық объектілердің жіктеуішіне сәйкес тапсырыс берушінің атауы (заңды тұлғалар үшін), тегі, аты, әкесінің аты (жеке тұлғалар үшін) және орналасқан жерi;
      4) төлем шарттары;
      5) осы Қағидалардың 4-қосымшасында келтірілген үлгі нысанға сәйкес конкурстық баға ұсыныстарын қалыптастыру тәртiбi және ұсыну нысаны, оның iшiнде сатып алынатын ТЖҚ бағасынан басқа, оларды тасымалдауға, сақтандыруға арналған шығыстарды, кедендiк баждарды, салықтар мен алымдарды төлеу, сондай-ақ қосылған құн салығын (бұдан әрі – ҚҚС) есепке алмағанда тауарларды жеткiзу, жұмыстарды орындау, қызметтердi көрсету шығыстарын көрсету шарттарында көзделген өзге де шығыстар;
      6) әрбір лот бойынша сатып алынатын тауардың саны, орындалатын жұмыстар мен көрсетiлетiн қызметтердiң көлемi;
      7) әрбір лот бойынша міндеттемелерді орындау орны;
      8) әрбір лот бойынша тауарларды жеткiзудiң, жұмыстарды орындаудың немесе қызметтердi көрсетудiң мерзiмдерi;
      9) конкурстық өтінімдерді ұсыну тәсілі, орны мен түпкілікті мерзімі, олардың қолданылу мерзімі;
      10) конкурстық өтінімдер салынған конверттерді ашу орны, күні мен уақыты;
      11) маңызды талаптар, оның iшiнде шарттың қолданылу мерзiмi көрсетілген шарттың жобасы;
      12) Заңның 78-бабының 2-тармағында көзделген өлшемдерге сәйкес келетін әлеуетті жеткізушінің конкурстық өтінімдерінің шартты бағасын есептеу үшін осы Қағидалардың 42-тармағына сәйкес құжаттар;
      13) конкурстық өтiнiмнiң мазмұнына және ресiмдеуге қойылатын талаптар;
      14) оның көмегімен әлеуетті жеткізушілер конкурстық құжаттама бойынша түсініктеме сұрауы мүмкін тәсілдер;
      15) әлеуетті жеткізушілердің жүгінуіне арналған электрондық почтаның мекенжайы мен телефондардың нөмірлері;
      16) конкурстық өтiнiмдi қамтамасыз ету түрлерi, көлемi мен енгiзу тәсiлi және/немесе сатып алу туралы шарттың орындалуы (егер конкурстық құжаттамада конкурстық өтiнiмдi қамтамасыз ету және/немесе сатып алу туралы шарттың орындалуын қамтамасыз ету көзделген жағдайда);
      17) әрбір лот бойынша ашық конкурстың мәнi болып табылатын ТЖҚ-ны сатып алуға бөлiнген сома туралы мәлiметтер;
      18) осы Қағидалардың 36-тармағына сәйкес тапсырыс берушінің ТЖҚ-ны сатып алу бойынша ашық конкурсты өткiзуден бас тартуының мерзiмдерi мен тәртiбi туралы мәлiметтер;
      19) жұмыстарды орындауға арналған шартты орындау кезінде осы Қағидаларды сақтау туралы жер қойнауын пайдаланушының мердігерге қоятын міндетті талабы;
      20) қажеттігіне қарай техникалық ерекшелiктердi, жоспарларды, сызбалар мен нобайларды қоса алғанда, тауарлардың функционалдық, техникалық, сапалық және пайдалану сипаттамалары, сатып алынатын ТЖҚ-ның сапалық сипаттамалары, сондай-ақ ТЖҚ-ның осы талаптарға сәйкестiгiн растайтын құжаттардың тiзбесi;
      21) сатып алынған тауарлардағы немесе жұмыстардағы, немесе қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша талаптар.
      Тапсырыс берушіге конкурстық құжаттамада сатып алынатын ТЖҚ-ны өндірушілер немесе өндірушілердің ресми өкілдерін қоспағанда, ашық конкурсқа қатысу туралы қосымша талаптарды көздеуге жол беріледі.
      28. Конкурстық құжаттамада жер қойнауын пайдалану жөнiндегi операцияларды жүргiзу кезiнде сатып алуды жүзеге асырудың төмендегi жағдайларын қоспағанда, тауар белгiлеріне, қызмет көрсету белгiлерiне, фирмалық атауларға, патенттерге, пайдалы үлгiлерге, өнеркәсiптiк үлгiлерге, тауардың шығу орнының атауы мен өндiрушiнiң атауына, сондай-ақ сатып алынатын тауардың, жұмыстардың, қызметтердің жеке әлеуеттi жеткізушіге және (немесе) сатып алынған тауарларды өндірушіге тиесiлiгiн анықтайтын өзге де сипаттамалардың мазмұнын көрсетуге рұқсат етiлмейдi:
      1) бірыңғай технологиялық циклда пайдаланылатын негiзгi (орнатылған) жабдықты жете жинақтау, жаңғырту, жөндеу және жете жарақтандыру үшiн;
      2) тауарды лизингке беру бойынша қызметтердi берушiнi анықтау үшiн және лизинг мәнiн толық сипаттау қажеттiгi туындағанда.
      29. Бекітілген, электрондық қолтаңбамен қол қойылған конкурстық құжаттама тізілімде орналастырылады.
      Конкурстық құжаттаманың көшірмесін беру фактісі тізілімде автоматты түрде тіркеледі.
      30. Конкурстық құжаттаманы ашық конкурс өткізу туралы хабарландыру мәтіні жарияланғанға дейін ұсынуға рұқсат етілмейді.
      31. Әлеуетті жеткізушінің конкурстық құжаттаманың ережелерiн түсiндiру туралы сұрау салумен, бiрақ конкурстық өтiнiмдердi берудiң соңғы мерзiмi бiткенге дейiн күнтiзбелiк он күннен кешiктiрiлмей тапсырыс берушiге жүгінуіне рұқсат етiледi. Тапсырыс берушi сұрауды тiркеген сәттен бастап үш жұмыс күні ішінде оған жауап бередi және сұрау кiмнен түскенiн көрсетпестен, түсiніктемені тізілімде орналастыру арқылы конкурстық құжаттаманы алған барлық әлеуеттi жеткізушілерге жiбередi.
      32. Осы Қағидалардың 27-тармағының 1) тармақшасында көзделген мәліметтерді қоспағанда, тапсырыс берушiге конкурстық құжаттамаға тиiстi өзгерiстер және/немесе толықтырулар енгiзуге рұқсат етiледi. Конкурстық құжаттамаға өзгерiстер және/немесе толықтыруларды конкурстық өтінімді ұсынудың түпкілікті мерзімі аяқталғанға дейін бес күнтізбелік күннен кешіктірмейтін мерзімде енгізуге рұқсат беріледі. Өзгерiстерді және (немесе) толықтыруларды енгiзген кезде енгізілген өзгерістерді және (немесе) толықтыруларды тапсырыс берушi бекiтуi тиіс және конкурстық өтінімдерді ұсынудың түпкілікті мерзімін тапсырыс беруші әлеуетті жеткізушілердің бұл өзгерістерді және (немесе) толықтыруларды конкурстық өтінімдерде ескеруі үшін кемінде күнтізбелік он күнге ұзартады.
      Тапсырыс беруші енгізілген өзгерістерді және (немесе) толықтыруларды есепке ала отырып конкурстық құжаттаманы өзгерістер және (немесе) толықтырулар енгізілген күннен бастап күнтізбелік бір күннен кешіктірмей тізілімге орналастырады және конкурстық құжаттаманы алған әлеуетті жеткізушілерді конкурстық құжаттамаға енгізілген өзгерістер және (немесе) толықтырулар туралы тізілім арқылы хабардар етеді.
      Конкурстық құжаттамаға өзгерістер және (немесе) толықтырулар енгізу конкурстық өтінімдерді ұсынудың түпкілікті мерзімін ұзарту үшін жалғыз негіздеме болып табылады.

Ашық конкурсты ақпараттық қамтамасыз ету

      33. Ашық конкурсты өткiзу кезiнде ашық конкурсты өткiзу туралы хабарландыру тізілімге орналастырылады және тапсырыс берушінің ақпаратты қалыптастыруға және оны тізілімге орналастыруға уәкілетті тұлғасы электрондық цифрлық қолтаңба қояды және жер қойнауын пайдаланушы немесе оның уәкілетті тұлғасы үшін конкурстық өтiнiмдердi берудiң түпкiлiктi мерзiмi бiткенге дейiн кемінде күнтiзбелiк жиырма күн бұрын, ал мердігер үшін кемінде күнтізбелік он бес күн бұрын аптасына кемінде үш рет жарияланатын және Қазақстан Республикасының аумағында мемлекеттiк және орыс тiлдерiнде таралатын мерзiмдi баспа басылымдарында жарияланады.
      Қайтадан ашық конкурс өткiзген жағдайда жер қойнауын пайдаланушы немесе оның уәкілетті тұлғасы тиiстi хабарландыруды осы тармақта көрсетiлген хабардар ету тәсiлдерiн қолдана отырып, конкурстық өтiнiмдердi берудiң түпкiлiктi мерзiмi өткенге дейiн кемінде күнтiзбелiк он бес күн бұрын, ал мердігер кемінде жеті жұмыс күні бұрын жариялауды қамтамасыз етедi.
      34. Тізілімде орналастырылатын ашық конкурс өткiзу туралы хабарландыруда мынадай мәліметтер көрсетіледі:
      1) өнімнің үлгілік статистикалық жіктеуішіне сәйкес ашық конкурс мәні (егер ашық конкурс мәніне бірнеше лоттар кірген жағдайда, лоттардың атаулары мен нөмірлері);
      2) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан жерi;
      3) өлшем бірліктері мен есептеудің мемлекетаралық жіктеуішіне сәйкес сипаттамасы, өлшем бірліктері, әрбір лот бойынша сатып алынатын тауарлардың саны, орындалатын жұмыстар мен көрсетілетін қызметтердің көлемi;
      4) әрбір лот бойынша міндеттемелерді орындау мерзімі және орны;
      5) конкурстық өтiнiмдер ұсынылатын орын мен соңғы мерзiмi, сондай-ақ конкурстық өтiнiмдер салынған конверттер ашылатын орын, күнi мен уақыты;
      6) ҚҚС-ны есепке алмағанда, әрбір лот бойынша тауарларды сатып алуға, жұмыстарды орындауға, қызметтерді көрсетуге бөлінген сома;
      7) әлеуетті жеткізушілердің жүгінуіне арналған электрондық почтаның мекенжайы мен телефон нөмірлері;
      8) сатып алынған тауарлардағы немесе жұмыстардағы немесе қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша талаптар;
      9) сатып алу коды мен тізілімнің интернет-ресурсының мекенжайы;
      10) шеңберінде сатып алу жүзеге асырылатын жер қойнауын пайдалануға арналған келісімшарттардың нөмірлері;
      11) әлеуетті жеткізушінің конкурстық баға ұсынысына сатып алынатын тауарлардың, жұмыстар мен қызметтердің бағасынан бөлек, ҚҚС-ны есептемегенде, тауарларды жеткізу, жұмыстарды орындау, қызметтерді көрсету талаптарында көзделген өзге де шығыстарды қосу қажеттілігі туралы талап;
      12) конкурстық құжаттама;
      13) ашық конкурстың қорытындыларын шығарған күннен бастап әрбір лот бойынша сатып алу туралы шарт жасасудың талап етілетін мерзімі.
      35. Мерзімді баспа басылымдарында жарияланатын ашық конкурс өткізу туралы хабарландыруда мынадай мәліметтер көрсетіледі:
      1) өнімнің үлгілік статистикалық жіктеуішіне сәйкес ашық конкурс мәні;
      2) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      3) конкурстық өтінімдерді ұсыну орны мен түпкілікті мерзімі;
      4) сатып алу коды мен тізілімнің интернет-ресурсының мекенжайы.
      36. Тапсырыс берушінің тізілімде ашық конкурс тәсілімен сатып алу жүргізуден бас тарту туралы хабарлау арқылы конкурстық өтінімді ұсынудың түпкілікті мерзімі өткенге дейін бір жұмыс күнінен кешіктірмей ТЖҚ-ны сатып алу бойынша ашық конкурс (лот) өткізуден бас тартуына рұқсат етіледі.
      ТЖҚ-ны сатып алу жөніндегі ашық конкурсты (лотты) өткізуден бас тартылған жағдайда, тапсырыс беруші ашық конкурс өткізуден бас тартылған күннен бастап үш жұмыс күнінен кешіктірмей оларды ашпастан келіп түскен конкурстық өтінімдер салынған конверттерді және ашық конкурсқа қатысуға арналған өтінімдерді қамтамасыз ету ретінде тапсырыс берушінің есебіне енгізілген кепілдік ақша жарнасын қайтарады.
      37. Тапсырыс беруші ашық конкурстың қорытындылары туралы хаттамаға қол қойылған күннен бастап бес жұмыс күнінен кешіктірмей оның қорытындысы туралы хабарландыруды осы Қағидалардың 91-тармағының 1), 2), 4), 10) тармақшаларында көрсетілген, сатып алу кодын, тізілімнің интернет-ресурсын қамтитын ақпаратты аптасына кемінде үш рет жарияланатын және Қазақстан Республикасының аумағында мемлекеттiк және орыс тiлдерiнде таралатын мерзiмдi баспа басылымдарында орналастырады.

Конкурстық өтінімнің мазмұны және оны ұсыну

      38. Конкурстық өтінім ашық конкурсқа қатысуға үміткер әлеуетті жеткізушінің, ол ашық конкурстың жеңімпазы болып танылған жағдайда, конкурстық құжаттаманың талаптары мен шарттарына сәйкес тауарларды жеткізуді, жұмысты орындауды немесе қызметтерді көрсетуді жүзеге асыруға келісімін білдіру болып табылады.
      39. Ашық конкурсқа қатысуға келісім білдірген әлеуетті жеткізуші тапсырыс берушіге конкурстық құжаттамаға сәйкес белгіленген мерзімде және конвертке салынып жапсырылған конкурстық өтінімді береді.
      Конкурстық өтінім салынған конвертті не конкурстық өтінімнің құрамдас бөлігі болып табылатын құжаттарды және (немесе) материалдарды конкурстық құжаттамада көрсетілген оларды берудің соңғы мерзімі өткеннен кейін беруге жол берілмейді.
      40. Әлеуетті жеткізушінің конкурстық өтінімінде мыналар қамтылады:
      1) әлеуетті жеткізушінің бірінші басшысы немесе әлеуетті жеткізушінің уәкілетті тұлғасы қол қойған қолданылу мерзімі көрсетілген ашық конкурсқа қатысуға арналған өтінім;
      2) құқықтық қабілетін (заңды тұлғалар үшін), азаматтық іс-әрекетке қабілеттілігін (жеке тұлғалар үшін) растайтын нотариалды куәландырылған құжаттардың көшірмелері немесе салыстыру үшін құжаттың түпнұсқасы болған кезде осы құжаттардың көшірмелері:
      жеке тұлға жеке немесе бизнес-сәйкестендіру нөмірін (бұдан әрі – БСН) көрсете отырып, кәсіпкерлік субъектісі ретінде тіркелгені туралы құжатты, жеке сәйкестендіру нөмірін (бұдан әрі – ЖСН) көрсете отырып, жеке басын куәландыратын құжатын ұсынады. Қазақстан Республикасының резидент еместері жеке басын куәландыратын құжат ұсынады;
      заңды тұлға мынадай құжаттарды ұсынады:
      жарғы;
      сатып алынатын тауарларды өндіруге, қайта өңдеуге, жеткізуге және өткізуге, жұмыстарды орындауға және қызметтерді көрсетуге арналған әлеуетті жеткізушінің құқығын растайтын құжаттар (лицензия, патент, куәлік);
      егер сатып алу мәні стандарттың міндетті талаптарына немесе Қазақстан Республикасының сертификаттау туралы заңнамасына сәйкес адамдардың өмірі, денсаулығы, азаматтардың мүлкі және қоршаған орта үшін олардың қауіпсіздігін қамтамасыз ететін өзге де нормативтік құжатқа сәйкес сертификаттауға жататын болса, сертификаттар;
      БСН-ді көрсете отырып, заңды тұлғаны мемлекеттік тіркеу (қайта тіркеу) туралы куәлік* немесе анықтама. Егер заңды тұлға Қазақстан Республикасының азаматтық заңнамасында белгіленген тәртіппен бекітілген Үлгі жарғының негізінде қызметін жүзеге асырған жағдайда, онда мемлекеттік тіркеу туралы өтініш беріледі;
      Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады;
      құрылтайшы немесе құрылтайшылардың құрамы туралы мәліметтерді қамтитын құрылтай құжаттарынан (жарғыда құрылтайшылар немесе құрылтайшылардың құрамы туралы мәліметтер қамтылмаған жағдайда) не конкурстық өтінімдер салынған конверттерді ашу күнінің алдындағы бір айдан бұрын емес мерзімде берілген акцияларды ұстаушылар тізілімінен үзінді;
      3) төлем қабілеттілігін растайтын құжаттар:
      Қазақстан Республикасы Ұлттық Банкінің Басқармасы бекiткен екiншi деңгейдегi банктерде және ипотекалық ұйымдардағы бухгалтерлiк есеп шоттарының үлгi жоспарына сәйкес банктiң немесе банк филиалының алдындағы мiндеттемелерiнiң барлық түрлерi бойынша анықтама берiлген күннiң алдындағы үш айдан астам созылған мерзiмi өткен берешектiң жоқтығы туралы әлеуетті жеткізушіге қызмет көрсететін банктiң немесе банк филиалының қолы қойылған және мөрi соғылған анықтаманың түпнұсқасы (егер әлеуеттi жеткізуші екiншi деңгейдегi бiрнеше банктiң немесе филиалдарының, сондай-ақ шетелдiк банктiң клиентi болып табылса, осы анықтама осындай банктердiң әрқайсысынан ұсынылады). Анықтама конкурстық өтiнiмдер салынған конверттер ашылатын күннiң алдындағы бiр айдан бұрын емес мерзімде берілуге тиiс. Анықтамаға қол қойған лауазымды тұлғаның өкiлеттiгiн растайтын құжаттың болмауы, мұндай әлеуеттi жеткізушінi бiлiктiлiк талаптарына сәйкес емес деп тану үшiн негiздеме болып табылмайды;
      бiрiншi басшы немесе оны алмастыратын тұлға қол қойған және заңды тұлғаның мөрімен бекітілген соңғы қаржы жылындағы бухгалтерлiк теңгерiмнiң түпнұсқасы немесе нотариалды куәландырылған көшiрмесi. Егер конверттердi ашу ағымдағы жылдың 30 сәуiрiне дейiнгi мерзiмде жүргiзiлсе, онда әлеуеттi жеткізушіге бірінші басшы немесе оны алмастыратын тұлға қол қойған және заңды тұлғаның мөрімен бекітілген соңғы қаржы жылының алдындағы қаржы жылындағы бухгалтерлiк теңгерiмнiң түпнұсқасын немесе нотариалды куәландырылған көшiрмесiн ұсынуға рұқсат етiледi;
      конкурстық өтінімдер салынған конверттерді ашу күнінің алдындағы бір айдың ішінде берілген үш айдан астам (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлеу мерзімі кейінге қалдырылған жағдайларды қоспағанда) салық берешегінің және міндетті зейнетақы жарналары, міндетті кәсіптік зейнетақы жарналары бойынша берешегінің жоқ екені туралы не салық берешегінің және міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегінің бар екені туралы тиісті салық органының белгіленген нысандағы анықтамасының түпнұсқасы;
      ҚҚС бойынша төлеушiнi есепке қою туралы куәлiктiң нотариалды куәландырылған көшiрмесi (болған жағдайда);
      4) ТЖҚ-ның функционалдық, техникалық, сапалық және пайдалану сипаттамалары бар техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі (конкурстық құжаттамада тиісті талаптар болған жағдайда);
      5) конкурстық өтінімдерді қамтамасыз етуді әрбір лот бойынша жеке енгізуді растайтын құжат (конкурстық құжаттамада тиісті талаптар болған кезде);
      6) әлеуетті жеткізушінің бірінші басшысын қоспағанда, әлеуетті жеткізушінің мүддесін білдіретін тұлғаға (тұлғаларға) сенімхат;
      7) ұсынылған тауарлардың немесе жұмыстардың немесе қызметтердің әрбір лот бойынша пайызбен көрсетілген (0-дан 100-ге дейін) жергілікті қамту бойынша міндеттемесі;
      8) жер қойнауын пайдалану жөніндегі операцияларды жүргізумен байланысты жұмыстардың жекелеген түрлерін орындауға арналған шартты орындау кезінде осы Қағидаларды сақтау туралы мердігердің міндеттемесі.
      Ескерту. 40-тармаққа өзгерістер енгізілді - ҚР Үкіметінің 10.07.2013 № 706 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі) қаулыларымен.
      41. Егер әлеуетті жеткізуші – Қазақстан Республикасының резиденті болмаса, өзінің конкурстық құжаттама талаптарына сәйкестігін растау үшін Қазақстан Республикасының резиденттері ұсынатын құжаттарды, не нотариус куәландырған конкурстық құжаттама тіліне аудармасы бар әлеуетті жеткізуші - Қазақстан Республикасының резиденті еместігі туралы ұқсас мәліметтерді қамтитын құжаттарды ұсынады.
      42. Әлеуетті жеткізушілер шартты бағаны есептеу үшін осы Қағидалардың 40-тармағында көзделген құжаттардан басқа:
      1) егер әлеуетті жеткізуші қазақстандық тауарлардың өндірушісі болып табылған жағдайда Қазақстан Республикасының аумағында жасалғанын растайтын, ішкі айналым үшін тауардың шыққан жері туралы сертификаттың көшірмесі, өткізілетін ашық конкурстың тиісті номенклатурасын;
      2) егер әлеуетті жеткізуші жұмыстар мен қызметтердің қазақстандық өндірушісі болып табылған жағдайда әлеуетті жеткізушінің бірінші басшысы немесе өзге уәкілетті тұлғасы қол қойған және әлеуетті жеткізушінің мөрімен куәландырылған, осы Қағидаларға 1-қосымшаға сәйкес нысан бойынша қызметкерлердің саны туралы мәліметтерді ұсынады.
      43. Конкурстық өтiнiм тiгiлген түрде, беттерi немесе парақтары нөмiрленіп берiледi, соңғы бетi ашық конкурсқа қатысушының – жеке тұлғаның қолымен, ал заңды тұлға үшiн – бiрiншi басшының немесе өзге уәкiлеттi тұлғаның қолымен және мөрмен куәландырылады.
      44. Конкурстық өтiнiм салынған мөрленген конверт:
      1) конкурстық құжаттамада көрсетiлген деректемелер бойынша тапсырыс берушiге жiберiледi;
      2) «________ сатып алу бойынша ашық конкурс _____________ лот» (ашық конкурстың атауы және лоттың атауы мен нөмірі) және «________________ дейiн ашуға болмайды» деген сөздердi қамтиды (конверттердi ашу күнi мен уақыты);
      3) әлеуеттi жеткізушінiң атауы мен нақты тұрғылықты жерiнің мекенжайын (заңды тұлғалар үшін) немесе тегін, атын, әкесінің атын және тұрғылықты жерін (жеке тұлғалар үшін) қамтиды.
      45. Конкурстық өтiнiмдi әлеуеттi жеткізуші конкурстық құжаттамада көрсетiлген оларды ұсынудың соңғы мерзiмi аяқталғанға дейiн ұсынады.
      46. Әлеуетті жеткізуші конкурстық өтінімдерді ұсыну мерзiмiнiң аяқталуынан кешiктiрмей:
      1) конкурстық өтінімді өзгертуге және (немесе) толықтыруға;
      2) өздері енгізген конкурстық өтінімдерді қамтамасыз етуді қайтаруға құқығын жоғалтпай, өзінің конкурстық өтінімін қайтарып алуға құқылы.
      47. Мыналарға:
      1) бір лотқа бір конкурстық өтінімнен артық енгізуге;
      2) конкурстық өтінімдерді ұсынудың түпкілікті мерзімі аяқталғаннан кейін өзгерістерді және (немесе) толықтыруларды енгізуге және конкурстық өтінімді қайтарып алуға жол берілмейді.
      48. Әлеуетті жеткізуші ашық конкурс тәсілімен сатып алудың бірнеше лоттарына қатысқан жағдайда, осы Қағидалардың 40-тармағының 1), 4), 5), 7), 8), 9), 10) тармақшаларында көзделген құжаттар ашық конкурс тәсілімен сатып алудың әрбір лоты үшін жеке беріледі.
      Тапсырыс берушi конкурстық өтiнiмнiң қолданылу мерзiмi өткенге дейiн әлеуеттi жеткiзушiлерге мерзiмдi қосымша уақыт кезеңiне ұзарту туралы сұрау жiбере алады. Әлеуеттi жеткiзушi сұраудан бас тартқан жағдайда, оның конкурстық өтiнiмiнiң қолданылу мерзiмi ұзартылмаған қолданылу мерзiмi бiткен соң аяқталады.

Конкурстық өтінімді қамтамасыз ету

      49. Тапсырыс берушіге аталған ТЖҚ-ны сатып алу үшін конкурстық құжаттамада көзделген сомадан бір пайыздан астам конкурстық өтінімдерді қамтамасыз ету мөлшерін белгілеуге жол берілмейді.
      50. Әлеуетті жеткізушіге мынадай түрлердің бірін конкурстық өтінімді қамтамасыз етуге енгізуге жол беріледі:
      1) тапсырыс берушінің банктік шотына енгізілетін кепілдікті ақша жарнасы;
      2) Қазақстан Республикасының бір немесе бірнеше екінші деңгейдегі банктерінің банк кепілдігі.
      51. Жеткiзушiге шарт бойынша мiндеттемелерді толық орындағанға дейiн үшiншi тұлғаларда енгiзiлген кепiлдiкті ақшалай жарнаға толық не бiр бөлiгiнде талап ету құқығының туындауына әкелетін әрекет жасауына жол берiлмейдi.
      52. Жеткізуші енгiзген кепiлдiкті ақшалай жарнаны тапсырыс берушіге шарт бойынша мiндеттемелер толық орындалғанға дейiн пайдалануына жол берiлмейдi.
      53. Конкурстық өтiнiмдi қамтамасыз етудi енгiзу туралы талап мүгедектердің қоғамдық ұйымдарына қолданылмайды.
      54. Тапсырыс берушi конкурстық өтiнiмдi қамтамасыз етудi мынадай жағдайлардың бiрi туындаған кезде:
      1) әлеуеттi жеткiзушi конкурстық өтiнiмдердi ұсынудың түпкілікті мерзiмi өткеннен кейiн конкурстық өтiнiмдi керi қайтарып алса не өзгертсе және (немесе) толықтырса;
      2) ашық конкурстың жеңiмпазы деп айқындалған әлеуеттi жеткiзушi сатып алу туралы шарт жасасудан жалтарса;
      3) ашық конкурстың жеңiмпазы сатып алу туралы шарт жасасып, сатып алу туралы шарттың орындалуын қамтамасыз етудi енгiзу туралы, егер оны енгiзу конкурстық құжаттамада көзделген жағдайда, конкурстық құжаттамада белгiленген талаптарды орындамаса, қайтармайды.
      55. Осы Қағидалардың 54-тармағында көзделген жағдайлардың бірі туындаған кезде конкурстық өтінімді қамтамасыз ету сомасы тапсырыс берушінің кірісіне есептеледі.
      56. Тапсырыс беруші өзі енгізген конкурстық өтінімді қамтамасыз етуді мынадай жағдайлардың бірі туындаған күннен бастап үш жұмыс күні ішінде әлеуетті жеткізушіге қайтарады:
      1) осы әлеуеттi жеткiзушi өзінің конкурстық өтiнiмін конкурстық өтiнiмдердi ұсынудың түпкілікті мерзiмi өткенге дейiн керi қайтарып алса;
      2) ашық конкурсқа қатысуға рұқсаттама хаттамасына қол қойылса. Аталған тармақша ашық конкурстың қатысушылары болып танылған әлеуетті жеткізушілерге қолданылмайды;
      3) ашық конкурс тәсiлiмен сатып алудың қорытындыларын шығару хаттамасына қол қойылса. Аталған тармақша ашық конкурс жеңiмпазы деп айқындалған ашық конкурсқа қатысушыға қолданылмайды;
      4) сатып алу туралы шарт күшiне енген және ашық конкурс жеңiмпазы, егер оның енгiзiлуi конкурстық құжаттамада көзделсе, сатып алу туралы шарттың орындалуын қамтамасыз етудi енгiзсе;
      5) әлеуеттi жеткiзушiнiң конкурстық өтiнiмiнiң қолданылу мерзiмi өтсе.

Конкурстық өтінімдері бар конверттерді ашу

      57. Конкурстық комиссияның хатшысы әлеуетті жеткізушілердің конкурстық өтінімдері бар конверттерді қабылдайды және әлеуетті жеткізушілердің конкурстық өтінімдерін тіркеу журналына төмендегі мәліметтерді көрсете отырып, хронологиялық тәртіппен тіркейді:
      1) өнімнің үлгілік статистикалық жіктегішіне сәйкес ашық конкурстың мәні (егер ашық конкурстың мәніне бірнеше лоттар кірген жағдайда, лоттардың атауы мен нөмірлері);
      2) әлеуетті жеткізушінің атауы мен орналасқан мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) әлеуетті жеткізушінің конкурстық өтінімі бар конвертті ұсыну тәсілі;
      4) әлеуетті жеткізушінің өтінімі бар конвертті ұсыну күні және уақыты;
      5) әлеуетті жеткізушінің конкурстық өтінімі бар конвертті қайтарып алған күні мен уақыты.
      Әлеуетті жеткізушілердің конкурстық өтінімдерін тіркеу журналы тігіледі, беттері нөмірленеді, әлеуетті жеткізушілердің конкурстық өтінімдерін тіркеу журналының соңғы беті тапсырыс берушінің мөрімен бекітіледі. Бір қаржы жылы ішінде ашық конкурс тәсілімен ТЖҚ-ның барлық сатып алуы бойынша әлеуетті жеткізушілердің конкурстық өтінімдерін тіркеудің бірыңғай журналын жүргізуге жол беріледі.
      58. Осы Қағидалардың 39, 44-тармақтарының талаптары бұзылып ресімделген конкурстық өтінім бар конверт ашылмайды және конкурстық өтінім бар конвертті алған күннен бастап бір жұмыс күнінен кешіктірмей әлеуетті жеткізушіге қайтарылады.
      59. Конкурстық комиссия конкурстық өтінімдер бар конверттерді ашуды конкурстық өтінімдер бар конверттерді ашу орны, күні және уақыты туралы конкурстық құжаттаманың ережелеріне сәйкес жүргізеді.
      60. Конкурстық өтінімдер бар конверттерді ашқан кезде конкурстық өтінімдер бар конвертті ұсынған әлеуетті жеткізушінің және (немесе) оның уәкілетті өкілінің аудиожазба жүргізу құқығымен қатысуына жол беріледі.
      61. Конкурстық комиссияның отырыстарына қатысушы тұлғалардың конкурстық комиссияның қызметіне араласуына жол берілмейді.
      62. Тізілімде қалыптасқан конкурстық өтінімдер бар конверттерді ашу хаттамасы конкурстық комиссияның мүшелері өтінімдер бар конверттерді ашу рәсімі кезінде қатысқан төраға, хатшы және барлық қатысушылар қол қояды.
      Тізілімде қалыптасқан конкурстық өтінімдер бар конверттерді ашу хаттамасына электронды цифрлық қолтаңба қойылады және оларды ашу күнінен кейінгі үш жұмыс күнінен кешіктірмей тізілімге ақпаратты қалыптастыруға және орналастыруға өкілетті тапсырыс берушінің тұлғасы осы Қағидаларға 2-қосымшаға сәйкес нысан бойынша тізілімге орналастырылады.
      63. Конкурстық өтінімдер бар конверттерді ашу хаттамасында мынадай мәліметтер көрсетіледі:
      1) әкімшілік-аумақтық объектілердің жіктегішіне сәйкес тапсырыс берушінің атауы мен орналасқан орны;
      2) отырыс өтетін күн, уақыт және орын;
      3) конкурстық комиссияның құрамы;
      4) өнімнің үлгілік статистикалық жіктегішіне сәйкес ашық конкурстың мәні (егер ашық конкурс мәніне бірнеше лоттар кірген жағдайда, лоттардың атауы мен нөмірлері);
      5) конкурстық құжаттаманы алған әлеуетті жеткізушілердің әкімшілік-аумақтық объектілерінің жіктегішіне сәйкес атауы мен орналасқан орнының мекенжайы (заңды тұлғалар үшін) немесе әкімшілік-аумақтық объектілерінің жіктегішіне сәйкес тегі, аты, әкесінің аты және орналасқан орны (жеке тұлғалар үшін);
      6) мемлекетаралық өлшем бірліктері мен шотты жіктегішке сәйкес, әр лот бойынша тиісті сипаттама, өлшем бірлігі сатып алынатын тауарлардың саны немесе орындалатын жұмыстардың көлеміне немесе көрсетілетін қызметтердің көлемі;
      7) конкурстық құжаттаманың өзгерістері және (немесе) түсіндірудің қысқаша сипаттамасы (егер мұндай болған жағдайда);
      8) конкурстық өтінімдерді ұсынған күні мен уақытын көрсете отырып, конкурстық өтінімдерді ұсынған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) осы Қағидалардың 46-тармағының 2) тармақшасына сәйкес өзінің конкурстық өтінімін қайтарып алған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      10) әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін), оларды осы Қағидалардың 39, 44-тармақтарының талаптарын бұза отырып, ұсынғандықтан ашылмай қайтарылған конкурстық өтінімдер бар конверттер;
      11) әлеуетті жеткізушілердің конкурстық өтінімдерін өзгерту және (немесе) толықтыру туралы мәліметтер;
      12) әлеуетті жеткізушілердің ашылған конкурстық өтінімдерінің мазмұны туралы ақпарат әр лот бойынша жеке;
      13) конкурстық өтінімдер бар конверттерді ашу рәсіміне қатысқан әлеуетті жеткізушілердің өкілдері туралы мәліметтер;
      14) сатып алу коды және тізілімнің интернет-ресурсының мекенжайы;
      15) конкурстық өтінімдерді қарау және ашық конкурсқа қатысуға рұқсат бойынша отырыс өткізу күні мен уақыты;
      16) олардың шеңберінде сатып алу жүзеге асырылатын жер қойнауын пайдалануға арналған келісімшарттардың нөмірлері.

Конкурстық өтiнiмдердi қарау рәсімi және ашық конкурсқа
қатысуға рұқсат беру

      64. Конкурстық комиссия конкурстық өтінімдерді қарайды және егер конкурстық құжаттамада өзгеше көзделмесе, конкурстық өтінімдер бар конверттерді ашқан күннен бастап күнтізбелік он күн ішінде әр лот бойынша жеке әлеуетті жеткізушілердің ашық конкурсқа қатысуына рұқсат беру туралы шешім қабылдайды.
      65. Конкурстық өтінімдерді қарау кезінде:
      1) конкурстық өтінімдерді қарауды жеңілдету үшін конкурстық комиссияға ашық конкурстың әлеуетті жеткізушілерінен олардың конкурстық өтінімдеріне байланысты олардың мазмұнын өзгертусіз түсініктеме сұрауға жол беріледі;
      2) тапсырыс берушіге әлеуетті жеткізушінің конкурстық өтініміне қандай да бір өзгеріс енгізуге жол берілмейді.
      66. Конкурстық комиссия, егер:
      1) әлеуетті жеткізушінің конкурстық өтінімі төмендегі негіздемелер бойынша конкурстық құжаттаманың талаптарына жауап бермесе:
      техникалық ерекшелікті бермесе (конкурстық құжаттамада тиісті талаптар болған кезде);
      әлеуетті жеткізуші конкурстық құжаттаманың техникалық ерекшелігінде белгіленген талаптарға сәйкес келмейтін техникалық ерекшелікті ұсынса;
      конкурстық құжаттаманың талаптарына сәйкес конкурстық өтінімді қамтамасыз етуді ұсынбаса;
      әлеуетті жеткізушінің мүддесін білдіретін тұлғаның (тұлғалардың) сенімхаты (әлеуетті жеткізушінің бірінші басшысы болып табылмайтын тұлға ашық конкурсқа қатысуға арналған өтінімге қол қойған жағдайда), сондай-ақ бірінші басшының тағайындалғанын растайтын құжаттың көшірмесі болмаса;
      конкурстық құжаттаманың талаптарына сәйкес конкурстық өтінімнің құрамына кіретін құжаттама конкурстық құжаттама тіліне нотариус куәландырған аудармасыз конкурстық құжаттама тілінен өзге тілде ұсынылса;
      әлеуетті жеткізуші бірінші басшының немесе қол қою құқығы бар тұлғаның қол қоюынсыз және бірінші басшының қол қоюынсыз (жеке тұлғалар үшін) заңды тұлғаның мөрін (заңды тұлғалар үшін) техникалық ерекшеліктерді ұсынса;
      2) конкурстық құжаттаманың талаптары мен шарттарына сәйкес ұсынылатын өзге мәліметтер мен конкурстық құжаттаманың шарттары бойынша анық емес ақпаратты ұсыну фактісі анықталса;
      3) осы Қағидалардың 40-тармағының 2) және 3) тармақшаларында көрсетілген құжаттарды ұсынбаса немесе олар көрсетілген тармақтың талаптарына сәйкес келмесе;
      4) конкурстық өтінім осы Қағидалардың 43-тармағында көзделген талаптарды бұза отырып ресімделсе;
      5) ұсынылатын тауарларда немесе жұмыстарда немесе қызметтерде жергілікті қамту бойынша міндеттемелерді ұсынбаса және (немесе) сатып алынатын тауарларда немесе жұмыстарда немесе қызметтерде жергілікті қамту бойынша конкурстық құжаттаманың талаптарына сәйкес келмесе;
      6) мердігердің жұмыстарды орындауға арналған шартты пайдаланған кезінде осы Қағидаларды сақтау туралы міндеттемені ұсынбаса, конкурстық өтінімді қабылдамайды және әлеуетті жеткізушіге ашық конкурсқа қатысуға рұқсат берілмейді.
      67. Конкурстық комиссия әлеуетті жеткізушілердің конкурстық өтінімдерін қарау кезінде әлеуетті жеткізушінің Заңның 78-бабының 2-тармағында көзделген өлшемге сәйкестігін айқындау үшін әлеуетті жеткізуші ұсынған мәліметтерді әр лот бойынша бөлек ескереді.
      Әлеуетті жеткізуші өзінің конкурстық өтінім бағасына әсер ететін өлшемге сәйкестігін растайтын құжаттарды ұсынбаған жағдайда, онда конкурстық комиссия конкурстық баға ұсынысына осындай әлеуетті жеткізушінің шартты бағасының төмендеуін қолданбайды.
      68. Әлеуетті жеткізушінің конкурстық өтінімінен бас тартуға оның төлем қабілеттілігін растайтын құжаттардың қолданылу мерзімінің өтуі себебі бойынша тапсырыс берушінің конкурстық өтінімді ұсынудың түпкілікті мерзімін ұзартуына байланысты жол берілмейді.
      69. Егер неғұрлым жақсы функционалдық және басқа сипаттамалары бар тауарлар мен қызметтер ұсынылса, сондай-ақ егер анағұрлым жақсы технологиялық шешімдер және (немесе) ең жақсы материалдардан жасалған жұмыстарды орындау ұсынылса, конкурстық құжаттамада көрсетілген техникалық ерекшелікке әлеуетті жеткізушінің техникалық ерекшелігінің сәйкессіздігіне жол беріледі.
      70. Тізілімде қалыптасқан ашық конкурсқа қатысуға рұқсат беру хаттамасына төраға, хатшы және ашық конкурсқа қатысуға рұқсат беру рәсімі кезінде қатысқан барлық конкурстық комиссияның мүшелері қол қояды.
      71. Тізілімде қалыптасқан ашық конкурсқа қатысуға рұқсат беру хаттамасына электронды цифрлық қолтаңба қойылады және ашық конкурсқа қатысуға рұқсат беру шешімін қабылдау күнінен кейінгі үш жұмыс күнінен кешіктірмей тізілімге ақпаратты қалыптастыруға және орналастыруға өкілетті тапсырыс берушінің тұлғасы осы Қағидаларға 3-қосымшаға сәйкес нысан бойынша тізілімге орналастырылады.
      Әлеуетті жеткізушінің тиісті жазбаша сұрауы бойынша ашық конкурсқа қатысуға рұқсат беру хаттамасының көшірмесі үш жұмыс күні ішінде жіберіледі.
      72. Ашық конкурсқа қатысуға рұқсат беру хаттамасы мыналарды қамтиды:
      1) әкімшілік-аумақтық объектілердің жіктегішіне сәйкес тапсырыс берушiнiң атауы мен орналасқан орны;
      2) отырысты өткiзу күнi, уақыты және орны;
      3) конкурстық комиссияның құрамы;
      4) өнімнің үлгі статистикалық жіктегішіне сәйкес ашық конкурстың мәнi (егер ашық конкурс мәнiне бiрнеше лоттар кiрген жағдайда лоттардың атауы);
      5) өлшем бірліктерінің халықаралық жіктегіші мен шотқа, сатып алынатын тауарлардың санына немесе орындалатын жұмыстардың немесе көрсетілетін қызметтердің көлеміне сәйкес өлшем бірлігінің сипаттамасы;
      6) әлеуетті жеткізушілер ұсынған құжаттар ережелерінің түсініктемелерін жалпылай баяндау (конкурстық комиссияның талабы бойынша түсініктеме берген жағдайда хаттамаға енгізіледі);
      7) конкурстық өтінімдер бар конверттері ашылған және қаралған әлеуетті жеткізушілердің әкімшілік-аумақтық объектілердің жіктегішіне сәйкес атауы және орналасқан орны (заңды тұлғалар үшін) немесе әкімшілік-аумақтық объектілердің жіктегішіне сәйкес тегі, аты және әкесінің аты, нақты орналасқан орны (жеке тұлғалар үшін);
      8) конкурстық өтінімдері қабылданбаған, олардың қабылданбау себептері көрсетілген әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) Заңның 78-бабының 2-тармағында көзделген бағаны шартты қолдануды және ұсынылатын тауарлардағы немесе жұмыстардағы немесе қызметтердегі пайызбен көрсетілген (0-ден 100-ге дейін) жергілікті қамту бойынша міндеттемелерді көрсете отырып, ашық конкурстың (лот) қатысушысы деп танылған әлеуетті жеткізушінің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      10) тізілімге конкурстық баға ұсыныстарын ұсыну күні мен аяқталу уақыты;
      11) сатып алу коды және тізілімнің интернет-ресурсының мекенжайы;
      12) олардың шеңберінде сатып алу жүзеге асырылатын жер қойнауын пайдалануға арналған келісімшарттардың нөмірлері.
      73. Конкурстық комиссия ашық конкурсқа қатысуға рұқсат беру нәтижелері туралы мүдделі тұлғаларды хабардар еткен күннен бастап кемінде он жұмыс күнінен бұрынғы күнге конкурстық баға ұсынысын қабылдаудың және конкурстық баға ұсыныстарын ашу жөніндегі отырыстың түпкілікті мерзімін белгілейді.
      74. Әлеуетті жеткізушілерге қайтарылмаған конкурстық өтінімдер бар конверттер болмаған жағдайда, конкурстық комиссия ашық конкурс өтпеді деп тану туралы шешім қабылдайды және осы Қағидалардың 90, 91-тармақтарында келтірілген тәртіппен және нысан бойынша қорытындыны хаттама түрінде ресімдейді.

Конкурстық баға ұсыныстарының мазмұны және ұсыну

      75. Ашық конкурсқа қатысушының конкурстық баға ұсынысы осы Қағидаларға 4-қосымшада келтірілген нысанға сәйкес конкурстық баға ұсынысының әр лоты бойынша жеке, оның ішінде сатып алынатын тауарларды, жұмыстар мен қызметтерді басқа, оларды тасымалдауға және сақтандыруға, кедендік баждарды, салықтар мен алымдарды төлеуге кететін шығындарды, сондай-ақ ҚҚС-ны есепке алмағанда тауарларды жеткізу, жұмыстарды орындау және қызметтерді көрсету шарттарында көзделген өзге де шығындарды енгізуді есепке ала отырып, желімделген конвертте ұсынылады.
      76. Конкурстық баға ұсыныстары бар желімделген конверт:
      1) конкурстық құжаттамада көрсетілген деректемелер бойынша тапсырыс берушіге жөнелтіледі;
      2) «__________ сатып алу бойынша ашық конкурс ___ лот» (ашық конкурстың атауы, лоттардың атаулары мен нөмірлері) және __________ дейін ашуға болмайды» (конверттерді ашу күні және уақыты) деген сөздерді қамтиды;
      3) ашық конкурсқа қатысушының атауы мен орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орнын (жеке тұлғалар үшін) қамтиды;
      4) ашық конкурсқа қатысуға рұқсат беру хаттамасында көрсетілген жерге жіберіледі.
      77. Ашық конкурсқа қатысушылар конкурстық баға ұсыныстарын ашық конкурсқа қатысуға рұқсат беру хаттамасында көрсетілген мерзімнен кешіктірмей ұсынады.
      Ашық конкурсқа қатысушыға бір лотқа бір конкурстық баға ұсынысынан көп ұсынуға жол берілмейді.
      78. Әлеуетті жеткізушіге конкурстық баға ұсыныстарын ұсыну мерзімі аяқталмай:
      1) өзінің конкурстық баға ұсынысын өзгертуге;
      2) өзі енгізген конкурстық өтінімді қамтамасыз етуді қайтару құқықтарын жоғалтпай, өзінің конкурстық баға ұсынысын қайтарып алуына жол беріледі.

Конкурстық баға ұсыныстарын бағалау және салыстыру және ашық
конкурс жеңімпазын айқындау рәсімдері

      79. Конкурстық комиссия ашық конкурсқа қатысуға рұқсат беру хаттамасында көрсетілген конкурстық баға ұсыныстарын ұсыну мерзімі өткеннен кейін ұсынылған ашық конкурсқа қатысушылардың конкурстық баға ұсыныстарын қарамайды.
      80. Конкурстық комиссияның хатшы ашық конкурсқа қатысуға рұқсат беру хаттамасында белгіленген мерзім өткенге дейін ұсынылған ашық конкурсқа қатысушылардың конкурстық баға ұсыныстары бар конверттерді қабылдау кезінде:
      1) осы Қағидалардың 76-тармағында көзделген мәліметтердің конкурстық баға ұсыныстары бар конвертте болуын тексереді. Осы Қағидалардың көрсетілген тармағының талаптарын бұза отырып, ресімделген конкурстық баға ұсыныстары бар конверттер, оларды алған күннен бастап бір жұмыс күнінен кешіктірілмей ашық конкурсқа қатысушыға қайтарады;
      2) конкурстық баға ұсыныстары бар конверттерді қабылдайды және осы Қағидалардың 81-тармағында көзделген мәліметтерді конкурстық баға ұсыныстарын тіркеу журналына енгізеді;
      3) осы Қағидалардың 81-тармағында көзделген құрамда желімделген конверттердегі конкурстық баға ұсыныстарын ұсынған ашық конкурсқа қатысушылар туралы мәліметтерді тізілімге енгізеді.
      81. Конкурстық баға ұсыныстарын тіркеу журналында мынадай мәліметтер көрсетіледі:
      1) өнімнің үлгілік статистикалық жіктегішіне сәйкес ашық конкурстың мәні (егер ашық конкурстың мәніне бірнеше лот кірген жағдайда лоттардың атаулары және нөмірлері);
      2) ашық конкурсқа қатысушының атауы мен орналасқан орнының мекенжайы (заңды тұлғалар үшін) немесе тегі, аты, әкесінің аты және мекенжайы (жеке тұлғалар үшін);
      3) ашық конкурсқа қатысушының конкурстық баға ұсынысын ұсыну күні мен уақыты.
      Ашық конкурсқа қатысушылардың конкурстық баға ұсыныстарын тіркеу журналы тігіледі, беттері нөмірленеді, ашық конкурсқа қатысушылардың конкурстық баға ұсыныстарын тіркеу журналының соңғы беті мөрмен бекітіледі. Бір қаржы жылы ішінде ашық конкурс тәсілімен тауарлардың, жұмыстардың, қызметтердің барлық сатып алуы бойынша ашық конкурсқа қатысушылардың конкурстық баға ұсыныстарын тіркеудің бірыңғай журналын жүргізуге жол беріледі.
      82. Ашық конкурсқа қатысуға рұқсат беру хаттамасында белгіленген күні және уақытта, орнында конкурстық комиссия ұсынылған конкурстық баға ұсыныстарын бағалау және салыстыру бойынша отырыс өткізеді.
      83. Ашық конкурсқа қатысушыларға және (немесе) олардың уәкілетті өкілдеріне аудиожазба жүргізу құқығы бар конкурстық баға ұсыныстарын бағалау және салыстыру кезінде қатысуға рұқсат етіледі.
      Конкурстық комиссияның отырыстарына қатысушы тұлғалардың конкурстық комиссияның қызметіне араласуына рұқсат етілмейді.
      84. Конкурстық комиссия конкурстық баға ұсыныстары бар конверттерді ашады. Ашық конкурсқа қатысушылар және (немесе) олардың өкілдері ашу рәсіміне қатысқан жағдайда, тапсырыс беруші оларға әрбір конкурстық баға ұсынысының бағасын хабарлайды.
      85. Конкурстық комиссия, егер:
      1) ашық конкурсқа қатысушысының конкурстық баға ұсынысының бағасы ашық конкурс (лот) мәні болып табылатын ТЖҚ-ны сатып алуға бөлінген сомадан асса;
      2) конкурстық баға ұсынысы осы Қағидаларға 4-қосымшада келтірілген нысанға сәйкес келмесе;
      3) конкурстық баға ұсынысы бар конверт осы Қағидалардың 75, 76-тармақтарында келтірілген талаптарды бұза отырып ресімделсе;
      4) ашық конкурсқа қатысушы бір лотқа бірден артық конкурстық баға ұсынысын ұсынса, конкурстық баға ұсыныстарын қабылдамайды.
      86. Тапсырыс берушінің ақпаратты қалыптастыруға және тізілімге орналастыруға өкілеттік берген тұлғасы ұсынылған конверттерде конкурстық баға ұсыныстарының бағасын тізілімге енгізеді.
      87. Конкурстық комиссия осы Қағидалардың 85-тармағында келтірілген шарттар бойынша бас тартылмаған конкурстық баға ұсыныстарын бағалайды және салыстырады, және Заңның 78-бабының 2-тармағында көзделген бағаны шартты төмендету бойынша өлшемдерді ескере отырып, конкурстық баға ұсынысының ең төмен бағасының негізінде ашық конкурстың (лоттар бойынша) жеңімпазын айқындайды.
      88. Ашық конкурстың жеңімпазын анықтау кезінде Заңның 78-бабының 2-тармағында көзделген бағаны шартты төмендету бойынша өлшемдерді қолдануды ескере отырып, ашық конкурсқа қатысушылардың конкурстық баға ұсыныстарының бағасы тең болған жағдайда, басымдық қазақстандық тауарларды, жұмыстар мен қызметтерді өндірушіге беріледі.
      Егер:
      1) Заңның 78-бабының 2-тармағында көзделген бағаны шартты төмендету бойынша өлшемдерді қолдануды ескере отырып, қазақстандық тауарларды, жұмыстар мен қызметтерді өндірушілер болып табылатын, ашық конкурсқа қатысушылардың конкурстық баға ұсыныстарының бағасы тең болған;
      2) қазақстандық тауарларды, жұмыстар мен қызметтерді өндірушілер болып табылмайтын ашық конкурсқа қатысушылардың конкурстық баға ұсыныстарының бағасы тең болған жағдайларда, ашық конкурстың мәні болып табылатын сатып алынатын ТЖҚ-да жергілікті қамту бойынша ең көп пайыз ұсынған ашық конкурсқа қатысушы жеңімпаз болып танылады.
      Егер:
      1) Заңның 78-бабының 2-тармағында көзделген бағаны шартты төмендету бойынша өлшемдерді қолдануды ескере отырып, конкурстық баға ұсыныстары және қазақстандық тауарларды, жұмыстар мен қызметтерді өндірушілер болып табылатын ашық конкурсқа қатысушылар ұсынған ашық конкурстың мәні болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрінісі тең болған;
      2) конкурстық баға ұсыныстары және қазақстандық тауарларды, жұмыстар мен қызметтерді өндірушілер болып табылмайтын ашық конкурсқа қатысушылар ұсынған ашық конкурстың мәні болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрінісі тең болған жағдайда, конкурстық баға ұсынысы басқа ашық конкурсқа қатысушылардың конкурстық баға ұсыныстарынан бұрын түскен ашық конкурсқа қатысушы жеңімпаз болып танылады.
      89. Жалпы немесе жеке лот бойынша конкурстық баға ұсынысын бағалау және салыстыру кезінде конкурстық комиссия мына шешімдердің бірін қабылдайды:
      1) ашық конкурс жеңімпазын жариялау туралы;
      2) әлеуетті жеткізушілерге қайтарылмаған конкурстық өтінімдер бар конверттердің болмауына байланысты ашық конкурсты өтпеді деп тану туралы;
      3) ашық конкурсты, оған конкурстық баға өтінімі конкурстық құжаттаманың талаптарына сәйкес келмеуі ретінде бас тартылмаған бір әлеуетті жеткізушінің қатысуына байланысты өтпеді деп тану туралы;
      4) ашық конкурсқа немесе қайтадан өткізілген ашық конкурсқа қатысушылар ұсынған конкурстық баға ұсыныстарының болмауына байланысты ашық конкурсты немесе қайтадан өткізілген ашық конкурсты өтпеді деп тану туралы;
      5) ашық конкурсты, оған конкурстық баға өтінімі ашық конкурстың немесе қайтадан өткізілген ашық конкурстың шарттарына сәйкес келмеуі ретінде бас тартылмаған ашық конкурсқа немесе қайтадан өткізілген ашық конкурсқа бір қатысушының қатысуына байланысты өтпеді деп тану туралы.
      90. Тізілімде қалыптасқан ашық конкурстың қорытындысын шығару хаттамасына төраға, хатшы және ашық конкурстың қорытындысын шығару рәсімі кезінде қатысқан барлық конкурстық комиссияның мүшелері қол қояды.
      Тізілімде қалыптасқан ашық конкурстың қорытындысын шығару хаттамаға электрондық цифрлық қолтаңба қойылады және оны ашық конкурстың қорытындысын шығару күнінен кейінгі үш жұмыс күнінен кешіктірмей тапсырыс берушінің тізілімге ақпаратты қалыптастыруға және орналастыруға өкілеттік берген тұлғасы осы Қағидаларға 5-қосымшаға сәйкес нысан бойынша тізілімге орналастырады.
      Әлеуетті жеткізушінің тиісті жазбаша сұрауы бойынша ашық конкурстың қорытындысын шығару хаттамасының көшірмесі үш жұмыс күнінен кешіктірілмей жіберіледі.
      91. Ашық конкурстың қорытындысын шығару хаттамасы мыналарды қамтиды:
      1) әкімшілік-аумақтық объектілерінің жіктегішіне сәйкес тапсырыс берушiнiң атауы мен орналасқан орны;
      2) ашық конкурстың қорытындысын шығару күнi, уақыты;
      3) конкурстық комиссияның құрамы;
      4) өнімнің үлгілік статистикалық жіктегішіне сәйкес ашық конкурстың мәнi (егер ашық конкурс мәнiне бiрнеше лоттар кiрген жағдайда лоттардың атаулары және нөмірлері);
      5) конкурстық баға ұсыныстарын ұсыну тәсілдерін көрсете отырып, ашық конкурсқа қатысуға рұқсат хаттамасында көрсетілген түпкілікті мерзім өткенге дейін конкурстық баға ұсынысын ұсынған ашық конкурсқа қатысушылардың атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      6) өлшем бірліктерінің мемлекетаралық жіктегішіне және шотқа, әр лот бойынша сатып алынатын тауарлардың санына немесе орындалатын жұмыстардың немесе көрсетілетін қызметтердің көлеміне сәйкес өлшем бірлігінің сипаттамасы;
      7) конкурстық баға ұсыныстары осы Қағидалардың 78-тармағының 2) тармақшасына сәйкес кері қайтарылған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      8) конкурстық баға ұсыныстары ашық конкурсқа қатысушының конкурстық баға ұсынысының бағасы конкурстық баға ұсынысының бағасын көрсете отырып, ашық конкурстың (лоттың) мәні болып табылатын, ТЖҚ-ны сатып алуға бөлінген сомадан асып түсуіне байланысты қабылданбаған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) ашық конкурсқа қатысушылардың Заңның 78-бабының 2-тармағында көзделген (лоттар бойынша) бағаны шартты төмендету өлшемін қолдануды ескере отырып, қайтарылмаған конкурстық баға ұсыныстарының бағасы;
      10) әкімшілік-аумақтық объектілердің жіктегішіне сәйкес атауы және орналасқан орнының мекенжайы (заңды тұлғалар үшін) немесе әкімшілік-аумақтық объектілердің жіктегішіне сәйкес тегі, аты, әкесінің аты және орналасқан орны (жеке тұлғалар үшін) және, егер ашық конкурс нәтижесінде жеңімпаз (лоттар бойынша) айқындалмаса, жеңімпаздың ұсынысынан кейін анағұрлым басым болып табылатын немесе себептерін көрсетіп, ашық конкурс қатысушысының ашық конкурс жеңімпазының (лоттар бойынша) конкурстық баға ұсынысының бағасы;
      11) конкурстық баға ұсынысы әр лот бойынша пайызбен көрсетілген (0-ден 100-ге дейін) ұсынылатын тауарлардағы немесе жұмыстардағы немесе қызметтердегі жергілікті қамту бойынша жеңімпаздың ұсынысынан кейін (лоттар бойынша) неғұрлым артық болып табылатын ашық конкурс жеңімпазының (лоттар бойынша), ашық конкурсқа қатысушының міндеттемесі;
      12) сатып алу коды және тізілімнің интернет-ресурсының мекенжайы;
      13) олардың шеңберінде сатып алу жүзеге асырылатын жер қойнауын пайдалануға арналған келісімшарттардың нөмірлері.
      92. Ашық конкурстың қорытындыларын шығару хаттамасында белгіленген мерзімде ашық конкурстың жеңімпазымен ашық конкурс жеңімпазының конкурстық өтінімінің талаптарына сәйкес келетін жағдайда шарт жасалады.
      93. Егер өткізілген ашық конкурстың нәтижелері бойынша ашық конкурстың жеңімпазы ашық конкурстың қорытындыларын шығару хаттамасына сәйкес белгіленген мерзімде шартқа қол қоймаса және тапсырыс берушіге ұсынбаған жағдайда, ұсынысы ашық конкурстың қорытындысын шығару хаттамасына сәйкес жеңімпаздың ұсынысынан кейін неғұрлым басым болса, ашық конкурстың басқа қатысушысымен шарт жасасуға рұқсат беріледі.
      94. Егер ашық конкурс осы Қағидалардың 89-тармағының 2), 3), 4) тармақшаларында көзделген себептер бойынша өткізілмеді деп танылса, онда тапсырыс берушіге конкурстық құжаттамаға өзгерістер мен толықтырулар енгізуге жол беріледі және осы Қағидалардың 27-тармағының 1) тармақшасында көзделген мәліметтерді қоспағанда, конкурстық құжаттамаға өзгерістер мен толықтырулар енгізуге рұқсат етіледі, және тапсырыс беруші осы Қағидалардың 33-тармағында көрсетілген хабарландыру тәсілдерін қолдана отырып қайтадан ашық конкурс өткізеді.
      Егер ашық конкурс осы Қағидалардың 89-тармағының 3) тармақшасында көзделген себептер бойынша өткізілмеді деп танылса, және әлеуетті жеткізушілердің тауарлардағы немесе жұмыстардағы немесе қызметтердегі жергілікті қамту бойынша міндеттемелері конкурстық құжаттамадағы талаптарға сәйкес келмегендіктен кері қайтарылған болса, тапсырыс беруші қайтадан ашық конкурс өткізу кезінде тауарлардағы немесе жұмыстардағы немесе қызметтердегі жергілікті қамту бойынша талаптарын азайту жағына өзгертеді.
      Егер ашық конкурс немесе қайтадан өткізілген ашық конкурс осы Қағидалардың 89-тармағының 5) тармақшасында көзделген себептер бойынша өткізілмеді деп танылса, тапсырыс беруші конкурстық баға ұсынысы ашық конкурстың немесе қайтадан өткізілген ашық конкурстың шарттарына сәйкес келмегендіктен бас тартылмаған ашық конкурсқа немесе қайтадан өткізілген ашық конкурсқа қатысушыдан аталған ашық конкурстың немесе қайтадан өткізілген ашық конкурстың конкурстық құжаттамасында көзделген шарттарға сәйкес бір көзден сатып алу тәсілімен сатып алуды өткізе алады.
      95. Егер өтінімдері ашық конкурстың талаптарына сәйкес келмейтіні ретінде қабылданбаған барлық жеткізушілер сатып алу туралы шарт жасасудан жалтарған жағдайда тапсырыс беруші осы Қағидалардың 33-тармағында көрсетілген ақпараттандыру тәсілдерін қолдана отырып, қайтадан ашық конкурс өткізеді.

Баға ұсыныстарын сұрату тәсілімен тауарларды, жұмыстарды және
қызметтерді сатып алу

      96. Баға ұсыныстарын сұрату тәсілімен ТЖҚ-ны сатып алу сапалық сипаттамалары тапсырыс беруші үшін елеулі мәні жоқ ТЖҚ-ға жүргізіледі, бұл ретте шешуші шарт баға болып табылады.
      97. Баға ұсыныстарын сұрату тәсілі, егер белгілі бір тауарды не белгілі бір жұмысты, қызметті сатып алудың жылдық көлемі құндық көрінісінде тиісті қаржы жылына белгіленген айлық есептік көрсеткіштің он төрт мың есе мөлшерінен аспаған жағдайда қолданылады.
      98. Баға ұсыныстарын сұрату тәсілін қолдану мақсатында қаржы жылының ішінде нақты ТЖҚ-ны сатып алудың жылдық көлемін олардың бірінің көлемі осы Қағидалардың 97-тармағында көзделгеннен аз болғанда бөлшектеуге рұқсат етілмейді.
      99. Баға ұсыныстарын сұрату тәсілімен біртекті болып табылмайтын ТЖҚ–ны сатып алуды жүзеге асыру кезінде тапсырыс берушінің лоттарды сатып алу туралы хабарландыруда осындай ТЖҚ міндетті түрде бөлу арқылы көрсетілген тәсілмен бірыңғай сатып алуды ұйымдастыруына және жүргізуге рұқсат етіледі.
      Баға ұсыныстарын сұрату тәсілімен біртекті ТЖҚ-ның бірнеше түрлерін сатып алу ТЖҚ-ны олардың біртекті түрлері бойынша лоттарға бөлу арқылы жүзеге асырылады.
      Осы тармақта көзделген жағдайларда баға ұсыныстарын қарау, бағалау және салыстыру, сондай-ақ жеңімпазды анықтау сатып алу туралы хабарландыруда көзделген әр лот бойынша жүзеге асырылады.
      100. Баға ұсыныстарын сұрату тәсілімен сатып алу өткізу туралы хабарландыру тапсырыс беруші баға ұсыныстарын беру мерзімі аяқталғанға дейін он жұмыс күнінен кешіктірмей тізілімде ақпаратты қалыптастыруға және орналастыруға өкілетті тапсырыс берушінің уәкілетті тұлғасымен тізілімде орналастырылады және электрондық цифрлық қол қойылады және аптасына кемінде үш рет жарияланатын және мемлекеттік және орыс тілдерінде Қазақстан Республикасының бүкіл аумағына таралатын мерзімді баспа басылымдарында жарияланады.
      Баға ұсыныстарын сұрату тәсілімен сатып алу өткізу туралы хабарландыруда жер қойнауын пайдалану жөнiндегi операцияларды жүргiзу кезiнде сатып алуды жүзеге асырудың төмендегi жағдайларын қоспағанда, тауар белгiлеріне, қызмет көрсету белгiлерiне, фирмалық атауларына, патенттерге, пайдалы үлгiлерге, өнеркәсiптiк үлгiлерге, тауардың шығу орнының атауы мен өндiрушiнiң атауына, сондай-ақ сатып алынатын тауардың, жұмыс пен қызметтiң жеке әлеуеттi жеткiзушiге және (немесе) сатып алынған тауарларды өндірушісіне тиесiлiгiн анықтайтын өзге де сипаттамалардың мазмұнын көрсетуге рұқсат етiлмейдi:
      1) бірыңғай технологиялық топтамасында пайдаланылатын негiзгi (орнатылған) жабдықты жете жинақтау, жаңғырту, жөндеу және жете жарақтандыру үшiн;
      2) тауарды лизингке ұсыну бойынша қызметтердi жеткiзушiнi анықтау үшiн және лизинг мәнiн толық сипаттау қажеттiлігi туындағанда.
      101. Тізілімде орналастырылатын баға ұсынысын сұрату тәсілімен ТЖҚ-ны сатып алуды өткізу туралы хабарландыру мынадай ақпаратты қамтиды:
      1) әкімшілік-аумақтық объектілері жіктеуішіне сәйкес тапсырыс берушiнiң атауы мен орналасқан орны;
      2) өнімнің үлгілік статистикалық жіктеуішіне сәйкес баға ұсыныстарын сұрату тәсілімен сатып алу мәнi (егер баға ұсыныстарын сұрату тәсілімен сатып алу мәнiне бiрнеше лоттар кiрген жағдайда лоттардың атауы);
      3) әрбір лот бойынша өлшем бірлігі мен санының мемлекетаралық жіктеуішіне сәйкес сатып алынатын тауарлардың сипаттамасы, өлшем бірлігі, саны, орындалатын жұмыстардың және көрсетілетін қызметтердің көлемі;
      4) әрбір лот бойынша міндеттемелерді орындаудың мерзімі мен орны;
      5) баға ұсыныстарын қабылдауды бастау және аяқтау мерзімі;
      6) баға ұсыныстарын ашу және баға ұсыныстарын сұрату тәсілімен сатып алу қорытындыларын жүргізу күні мен уақыты;
      7) ҚҚС-ны есепке алмағанда, әрбір лот бойынша тауарларды сатып алу, жұмыстарды орындауға, қызметтерді көрсетуге бөлінген сома;
      8) ҚҚС-ны есепке алмағанда, әлеуетті жеткізушінің тауарларды жеткізумен, жұмыстарды орындаумен, қызметтерді көрсетумен байланысты барлық шығынды баға ұсынысына қосу қажеттілігі туралы талап;
      9) әлеуетті жеткізушілердің жүгінуі үшін электрондық почтаның мекенжайы және телефон нөмірлері;
      10) сатып алу туралы шартқа қол қоюдың талап етілетін мерзімі;
      11) осы Қағидалардың 103-тармағына сәйкес баға ұсыныстарын сұрату тәсілімен ТЖҚ-ны сатып алу және одан бас тарту тәртібі туралы мәлімет;
      12) әрбір лот бойынша пайызбен көрсетілген (0-ден 100-ге дейін) сатып алынатын тауарлардың немесе жұмыстардың немесе қызметтердің жергілікті қамту бойынша талаптары);
      13) маңызды жағдайларды көрсетумен сатып алу туралы шарттың жобасын. Тізілімде баға ұсыныстарын сұрату тәсілімен ТЖҚ-ны сатып алу өткізу туралы хабарландыруды орналастырылғаннан кейін сатып алу туралы шарт жобасының елеулі шарттарына өзгерістер және (немесе) толықтырулар енгізуге жол берілмейді;
      14) оның (олардың) шеңберінде сатып алу жүзеге асырылатын жер қойнауын пайдалануға арналған келісімшарт (-тардың) нөмірі (-лері).
      102. Аптасына кемінде үш рет жарияланатын және мемлекеттік және орыс тілдерінде Қазақстан Республикасының аумағына таралатын мерзімді баспа басылымдарында орналастырылған баға ұсыныстарын сұрату тәсілімен ТЖҚ-ны сатып алу өткізу туралы хабарландыруда осы Қағидалардың 101-тармағының 1), 2), 5) тармақшаларында көрсетілген ақпаратты, сондай-ақ сатып алу туралы шарт жобасын алу орны туралы ақпаратты қамтиды.
      103. Тапсырыс берушінің тізілімде баға ұсыныстарын сұрату тәсілімен сатып алу өткізуден бас тарту туралы хабарлау арқылы баға ұсыныстарын қабылдаудың түпкілікті мерзімі өткенге дейін бір жұмыс күнінен кешіктірмей ТЖҚ-ны сатып алуды жүзеге асырудан бас тартуына рұқсат етіледі.
      104. Әлеуетті жеткізуші баға ұсынысын берудің түпкілікті мерзімінен кешіктірмей:
      1) баға ұсынысын өзгертуге және (немесе) толықтыруға;
      2) өзінің баға ұсынысын қайтарып алуға құқылы.
      105. Мыналарға:
      1) бір лотқа бірден астам баға ұсынысын енгізуге;
      2) баға ұсыныстарын берудің түпкілікті мерзімі өткеннен кейін баға ұсынысына өзгерістер енгізуге және (немесе) толықтыруға және қайтарып алуға жол берілмейді.
      106. Әлеуетті жеткізушінің баға ұсыныстарын ұсыну сатып алу туралы шарт жобасында көзделген елеулі талаптарды қадағалай отырып, тауарларды жеткізуді, қызметтерді көрсетуді жүзеге асыруға оның келісімін білдірген нысан болып табылады.
      107. Әлеуетті жеткізушінің баға ұсыныстары мыналарды қамтиды:
      1) Әлеуеттi жеткiзушiнiң атауы, нақты орналасқан орнының мекенжайы, БСН (заңды тұлғалар үшiн), тегi, аты, орналасқан орны, ЖСН (жеке тұлғалар үшiн) және банк реквизиттерi;
      2) өнімнің үлгілік статистикалық жіктеуішіне сәйкес баға ұсыныстарын сұрату тәсiлiмен сатып алу мәні (егер баға ұсыныстарын сұрату тәсiлiмен сатып алу мәніне бiрнеше лот кiрген жағдайда, лоттардың атауы және нөмірлері);
      3) мемлекетаралық жіктегішке сәйкес өлшем бірлігінің сипаттамасы және әрбір лот бойынша ұсынылатын тауарлардың, орындалатын жұмыстар мен көрсетілетін қызметтердің көлемі санының есебі;
      4) әрбір лот бойынша міндеттемелерді орындау мерзімі мен орны;
      5) әлеуетті жеткізушінің лотқа ұсынған бағасы;
      6) әрбір лот бойынша пайызбен көрсетілген (0-ден 100-ге дейін) ұсынып отырған тауарлардың немесе жұмыстардың немесе қызметтердің жергілікті қамту бойынша міндеттемесі.
      108. Тауарларды жеткізу, жұмыстарды орындау, қызметтерді көрсету шарттары тапсырыс беруші орналастырған баға ұсыныстарын сұрату тәсілімен ТЖҚ-ны сатып алуды өткізу туралы хабарландыруда қамтылатын шарттарға сәйкес баға ұсыныстарында көрсетіледі.
      109. Бірінші басшы немесе әлеуетті жеткізушінің уәкілетті тұлғасы қол қойған және әлеуетті жеткізушінің мөрімен бекітілген баға ұсыныстары конвертке желімделеді және баға ұсыныстарын сұрату тәсілімен ТЖҚ-ны сатып алуды өткізу туралы хабарландыруда белгіленген орын мен мерзімде жеткізіледі.
      Уәкілетті тұлға баға ұсыныстарына қол қойған жағдайда, баға ұсыныстары бар конверт оның өкілетін растайтын сенімхатты қамтиды.
      110. Әлеуетті жеткізуші баға ұсыныстары бар жапсырылған конверттің беткі жағында мынадай мәліметтерді көрсетеді:
      1) тапсырыс берушінің атауы мен орналасқан орны;
      2) әлеуетті жеткізушінің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) баға ұсыныстарын сұрату тәсілімен сатып алу мәні (егер баға ұсыныстары сатып алу мәніне бірнеше лот кірген жағдайда оған қатысу үшін әлеуетті жеткізушінің баға ұсыныстары көрсетілген лоттардың атауы мен нөмірі).
      111. Конкурстық комиссияның хатшысы әлеуетті жеткізушілер ұсынған баға ұсыныстары бар конвертті алған кезде:
      1) осы Қағидалардың 110-тармағында көзделген мәліметтердің баға ұсыныстары бар конвертте бар болуын тексереді. Осы Қағидалардың көрсетілген тармағының талаптары бұзылуымен ресімделген баға ұсыныстары бар конверттер оларды алған күннен бастап бір жұмыс күнінен кешіктірілмей әлеуетті жеткізушіге қайтарылады;
      2) баға ұсыныстары бар конвертті алады және осы Қағидалардың 112-тармағында көзделген мәліметтерді баға ұсыныстарын тіркеу журналына енгізеді.
      112. Баға ұсыныстарын тіркеу журналында мынадай мәліметтер көрсетіледі:
      1) баға ұсыныстарын сұрату тәсілімен сатып алу мәні (егер баға ұсыныстары сатып алу мәніне бірнеше лот кірген жағдайда лоттардың атауы мен нөмірі);
      2) әлеуетті жеткізушінің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) баға ұсыныстарын ұсыну тәсілі;
      4) әлеуетті жеткізушінің баға ұсынысын ұсыну күні және уақыты.
      Баға ұсыныстарын тіркеу журналы тігіледі, беттері нөмірленеді және баға ұсыныстарын тіркеу журналының соңғы беті тапсырыс берушінің мөрімен бекітіледі. Бір қаржы жылы ішінде баға ұсыныстарын сұрату тәсілімен ТЖҚ-ны барлық сатып алуы бойынша әлеуетті баға ұсыныстарын тіркеудің бірыңғай журналын жүргізуге рұқсат етіледі.
      113. Баға ұсыныстарын ұсыну мерзімі өткеннен кейін немесе осы Қағидалардың 110-тармағының талаптарын бұза отырып, алынған баға ұсыныстары бар конверт қарастырылмайды, бірақ баға ұсыныстарын тіркеу журналында тіркеледі және осы Қағидалардың 111-тармағының 1) тармақшасында көзделген тәртіппен және мерзімде қайтарылады.
      114. Баға ұсыныстарын сұрату тәсілімен ТЖҚ-ны сатып алуды өткізу туралы хабарламада белгіленген мерзімде конкурстық комиссияның хатшысы баға ұсыныстары бар конвертті ашады.
      115. Баға ұсыныстары бар конвертті ұсынған әлеуетті жеткізушінің, және (немесе) оның уәкілетті өкілдерінің аудиожазба жүргізу құқығымен баға ұсыныстары бар конвертті ашу кезінде қатысуына рұқсат етіледі.
      Баға ұсыныстары бар конвертті ашуға қатысушы тұлғалардың ашу рәсімдеріне араласуына рұқсат етілмейді.
      116. Әлеуетті жеткізушілердің баға ұсыныстары бар конверттерін ашу хаттамасы мынадай мәліметтерді қамтиды:
      1) әкімшілік-аумақтық объектілердің жіктегішіне сәйкес тапсырыс берушінің атауы мен орналасқан орны;
      2) баға ұсыныстары бар конвертті ашу рәсімін өткізу күні, уақыты және орны;
      3) өнімнің үлгілік статистикалық жіктегішіне сәйкес баға ұсыныстарын сұрату тәсілімен сатып алу мәні (егер баға ұсыныстарын сұрату тәсілімен сатып алу мәніне бірнеше лоттар кірген жағдайда, лоттардың атауы мен нөмірлері);
      4) әкімшілік-аумақтық объектілерінің жіктегішіне сәйкес баға ұсыныстары бар конвертті ұсынған әлеуетті жеткізушілердің атауы мен орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      5) баға ұсыныстары бар конвертті қайтарып алған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      6) баға ұсыныстары бар конверттер қайтарылған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      7) әлеуетті жеткізушілердің ашылған баға ұсыныстарының бағасы (лот бойынша);
      8) баға ұсыныстары бар конвертті ашу рәсіміне қатысушы әлеуетті жеткізушілердің өкілдері туралы мәлімет;
      9) әрбір лот бойынша пайызда көрсетілген (0-ден 100-ге дейін) ұсынып отырған тауарлардың немесе жұмыстардың немесе қызметтердің жергілікті қамту бойынша міндеттемесі.
      117. Тізілімде қалыптасқан баға ұсыныстары бар конвертті ашу хаттамасына төраға, хатшы және баға ұсыныстары бар конвертті ашу рәсімі кезінде қатысқан барлық конкурстық комиссияның мүшелері қол қояды.
      Тізілімде қалыптасқан баға ұсыныстары бар конвертті ашу хаттамасы электрондық цифрлық қолтаңба қойылады және баға ұсыныстары бар конвертті ашу күнінен кейінгі үш жұмыс күнінен кешіктірмей тізілімде ақпаратты қалыптастыруға және орналастыруға өкілетті тапсырыс берушінің тұлғасы осы Қағидаларға 6-қосымшаға сәйкес нысан бойынша тізілімде орналастырады.
      Әлеуетті жеткізушінің тиісті жазбаша сұрауы бойынша үш жұмыс күні ішінде баға ұсыныстары бар конверттерді ашу хаттамасының көшірмесін жібереді.
      118. Баға ұсыныстары бар конверттерді ашу хаттамасына қол қойғаннан кейін үш жұмыс күні ішінде конкурстық комиссия баға ұсыныстарын сұрату тәсілімен сатып алу қорытындысын шығарады.
      119. Әлеуетті жеткізуші, егер:
      1) ол осы ТЖҚ-ны сатып алу үшін лотқа бөлінген сомадан асса;
      2) әлеуетті жеткізуші келіспесе не сатып алу туралы шарт жобасының бар талаптарын өзгертуді және (немесе) толықтыруды ұсынса;
      3) баға ұсыныстары бар конверт баға ұсыныстарын сұрату тәсілімен сатып алу өткізу туралы хабарландыруда көрсетілген баға ұсыныстарын ұсыну мерзімі өткеннен кейін ұсынылса;
      4) әлеуетті жеткізуші лотқа бірден астам баға ұсынысын ұсынса;
      5) баға ұсынысы осы Қағидалардың 107-тармағында келтірілген талаптарды бұза отырып, ресімделсе, ұсынған баға ұсыныстарынан бас тартады.
      Баға ұсыныстарынан өзге де негіздер бойынша бас тартуға жол берілмейді.
      120. Баға ұсыныстарын сұрату тәртібімен сатып алу жеңімпазы ең аз баға ұсынысы негізінде айқындалады.
      121. Егер ең төмен баға ұсынысын бірнеше әлеуетті жеткізуші ұсынса, баға ұсынысы басқа әлеуетті жеткізушілердің баға ұсыныстарынан бұрын келіп түскен әлеуетті жеткізуші жеңімпаз болып танылады.
      122. Баға ұсыныстарын сұрату тәсілімен сатып алу қорытындыларын шығару хаттамасы мынадай ақпаратты қамтиды:
      1) әкімшілік-аумақтық объектілердің жіктеуішіне сәйкес тапсырыс берушінің атауы және орналасқан орны;
      2) баға ұсыныстарын сұрату тәсілімен сатып алу қорытындыларын шығару рәсімін өткізу күні, уақыты және орны;
      3) өнімнің үлгілік статистикалық жіктегішіне сәйкес баға ұсыныстарын сұрату тәсілімен сатып алу мәні (егер баға ұсыныстарын сұрату тәсілімен сатып алу мәніне бірнеше лоттар кірген жағдайда, лоттардың атауы мен нөмірлері);
      4) баға ұсыныстары бар конвертті қайтарып алған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      5) олардан бас тарту себептерін көрсете отырып, баға ұсыныстарынан бас тартқан әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      6) әлеуетті жеткізушілердің бас тартпаған баға ұсыныстарының бағасы (лот бойынша);
      7) баға ұсыныстарын сұрату тәсiлiмен сатып алу жеңiмпазының атауы, нақты орналасқан орнының мекенжайы (заңды тұлғалар үшін) немесе тегі, аты, заңды мекенжайы (жеке тұлғалар үшін), баға ұсыныстарының бағасы (лоттар бойынша) және (немесе) егер баға ұсыныстарын сұрату тәсiлiмен сатып алу нәтижесінде осы Қағидалардың 119-тармағына сәйкес жеңімпаз (лоттар бойынша) анықталмаса, себептерiн көрсету;
      8) әрбір лот бойынша пайызда көрсетілген (0-ден 100-ге дейін) ұсынып отырған тауарлардың немесе жұмыстардың немесе қызметтердің жергілікті қамту бойынша міндеттемесі;
      9) сатып алу шеңберінде жүзеге асырылатын жер қойнауын пайдалануға арналған келісімшарттардың нөмірлері.
      123. Тізілімде қалыптасқан баға ұсыныстарын сұрату тәсілімен сатып алу қорытындыларын шығару хаттамасына төраға, төрағаның орынбасары, хатшы және баға ұсыныстарын сұрату тәсілімен сатып алу қорытындыларын шығару рәсімі кезінде қатысқан барлық конкурстық комиссияның мүшелері қол қояды.
      Тізілімде қалыптасқан баға ұсыныстарын сұрату тәсілімен сатып алу қорытындыларын шығару хаттамасы электрондық цифрлық қолтаңба қойылады және баға ұсыныстарын сұрату тәсілімен сатып алу қорытындыларын шығару күнінен кейінгі үш жұмыс күнінен кешіктірмей тізілімде ақпаратты қалыптастыруға және орналастыруға өкілетті тапсырыс берушінің тұлғасы осы Қағидаларға 7-қосымшаға сәйкес нысан бойынша тізілімде орналастырылады.
      124. Әлеуетті жеткізушінің тиісті жазбаша сұрауы бойынша үш жұмыс күні ішінде баға ұсыныстарын сұрату тәсілімен сатып алу қорытындыларын шығару хаттамасының көшірмесін жібереді.
      Баға ұсыныстары болмаған не баға ұсыныстарын қабылдау мерзімі ішінде жалғыз ұсыным болған жағдайда, тапсырыс беруші тізілімде хабарлау арқылы баға ұсыныстарын қабылдау мерзімі біткен күннен бастап бес жұмыс күніне дейінгі мерзімге баға ұсыныстарын қабылдауды ұзартады.
      125. Осы Қағидалардың 119-тармағына сәйкес бас тартылмаған баға ұсынысы болмаған, не баға ұсыныстарын сұрату тәсілімен сатып алудың жалғыз ұсынымы болған жағдайда, өткізілмеді деп танылады.
      126. Егер баға ұсыныстарын сұрату тәсiлiмен сатып алу өтпеді деп танылса, тапсырыс берушінің баға ұсыныстарын сұрату тәсілімен ТЖҚ-ны қайта сатып алуды өткізуге немесе осы Қағидаларда белгіленген тәртіппен және мерзімде бір көзден сатып алу тәсілімен сатып алуды жүзеге асыруға рұқсат етіледі.
      127. Баға ұсыныстарын сұрату тәсілімен сатып алудың жеңімпазы шарт жасасудан бас тартқан жағдайда, тапсырыс беруші баға ұсыныстарын сұрату тәсілімен ТЖҚ-ны қайтадан сатып алуды өткізуге немесе осы Қағидаларда белгіленген тәртіппен және мерзімде бір көзден сатып алу тәсілімен сатып алуды жүзеге асыруға рұқсат етіледі.
      128. Тапсырыс беруші баға ұсыныстарын сұрату тәсілімен сатып алу қорытындыларын шығарған күннен бастап бес жұмыс күнінен кешiктiрмей баға ұсыныстарын сұрату тәсілімен сатып алу қорытындылары туралы хабарландыруды аптасына кемінде үш рет жарияланатын және Қазақстан Республикасының бүкіл аумағында мемлекеттік және орыс тілдерінде таралатын, осы Қағидалардың 122-тармағының 1), 2), 3), 7), 9) тармақшаларында көрсетілген ақпаратты қамтитын, мерзімді баспа басылымдарында орналастырылады.

Бір көзден алу тәсілімен тауарларды, жұмыстар мен қызметтерді
сатып алу

      129. Бір көзден алу тәсілімен ТЖҚ-ны сатып алу мынадай жағдайларда жүргізіледі, егер:
      1) конкурстық өтінімдері бар конверттердің қайтарылмауына байланысты ашық конкурс немесе қайта ашық конкурс өтпеді деп танылса;
      2) оған конкурстық өтінімнен бас тартпаған бір әлеуетті жеткізушінің қатысуына байланысты ашық конкурс немесе қайта ашық конкурс өтпеді деп танылса;
      3) қайта ашық конкурс қатысушылары ұсынған баға ұсыныстарының болмауына байланысты қайта ашық конкурс өтпеді деп танылса;
      4) ашық конкурс немесе қайталама ашық конкурс конкурстық баға ұсынысынан ашық конкурстың шарттарына сәйкес келмейтін ретінде бас тартылған ашық конкурстың қатысушысында осы ашық конкурсқа арналған конкурстық құжаттамада көзделген шарттарға сәйкес ашық конкурстың шарттарына сәйкес келмейтін ретінде конкурстық баға ұсынысынан бас тартылған бір ғана қатысушының қатысуына байланысты өтпеді деп танылса;
      5) баға ұсыныстарын сұрату тәсілімен сатып алу немесе қайта сатып алу өтпеді деп танылса;
      6) электрондық сатып алу жүйесі арқылы сатып алу немесе электрондық сатып алу арқылы қайта сатып алу өтпеді деп танылса;
      7) қандай да бір жеткізушіден ТЖҚ-ны сатып алған тапсырыс берушіде қолда бар ТЖҚ-ны үйлесімдік бірыңғайлау, стандарттау немесе қамтамасыз ету мақсатында сол жеткізушіден ТЖҚ-ны сатып алу қажеттілігі туындаса;
      8) қызметкерлерді даярлау, қайта даярлау және біліктілігін арттыру бойынша қызметтерді сатып алу;
      9) дереу қалпына келтіруді талап ететін тетіктердің, агрегаттардың, сапар жолында сынуы пайда болған, істен шыққан кезде ТЖҚ-ны сатып алу;
      10) іссапар шығыстарын жүзеге асыруымен байланысты қызметтерді сатып алу;
      11) төрелік соттың алымын төлеу;
      12) мүлікті сенімгерлік басқару бойынша қызметтерді сатып алу;
      13) жылжымайтын мүлікті жалдау бойынша қызметтерді сатып алу;
      14) табиғи монополиялар субъектілерінен реттелетін ТЖҚ-ны сатып алу;
      15) ТЖҚ-ны сатып алудың белгілі бір нарығында үстем (монополиялық) жағдайға ие тұлғадан, не оның қызметінің негізгі мәні бойынша мемлекеттік монополия субъектісінен ТЖҚ-ны сатып алу;
      16) салықтар және бюджетке төленетін басқа да міндетті төлемдер туралы Қазақстан Республикасының заңнамасында белгіленген бағалар, тарифтер, алымдар мен төлемдер бойынша ТЖҚ-ны сатып алу;
      17) төтенше жағдайлардың салдарларын оқшаулау және/немесе жою үшін, аварияларды, оның ішінде негізгі жабдық істен шыққан жағдайда (негізгі жабдықты апатты тоқтату) оларды жою үшін ТЖҚ-ны сатып алу;
      18) ауыр жұмыстарда, еңбектің зиянды (айрықша зиянды) және (немесе) қауіпті жағдайлары бар жұмыстарда, сондай-ақ жоғары қауіптілікпен, машиналармен және тетіктермен байланысты жұмыстарда жұмыс істейтін қызметкерлерді міндетті медициналық тексеру бойынша қызметтерді сатып алу;
      19) мүгедектердің Республикалық қоғамдық бірлестіктері құрған және сатып алатын ТЖҚ-ны өндіретін ұйымдардан ТЖҚ-ны сатып алу;
      20) өкілетті шығыстармен байланысты тауарларды, қызметтерді сатып алу;
      21) көрмелердің, семинарлардың, конференциялардың, мәжілістердің, форумдардың, симпозиумдардың, тренингтердің материалдарын сатып алу, сондай-ақ көрсетілген іс-шараларға қатысу үшін төлемі;
      22) қағаз және (немесе) электрондық тасығыштарда мерзімдік баспа басылымдарын, ақпаратты шетелдік бұқаралық ақпарат құралдарында орналастыру қызметтерін, сондай-ақ интернет-ресурстарда, әртүрлі магнитті тасығыштарда басылған дыбысталған кітаптардың, бедерлі-нүктелі шрифтімен басылған кітаптардың ақпаратын ұсыну қызметтерін сатып алу;
      23) жер қойнауын пайдаланушылардың, олардың балаларының тапсырыс берушінің есебінде тұрған зейнеткерлердің демалысын, емдеуді ұйымдастырумен байланысты (демалыс орнына, емделуге тасымалдау және бірге жүруді қоса алғанда) қызметтерді сатып алу;
      24) рейтингтік агенттіктердің қызметтерін, қаржы қызметтерін сатып алу;
      25) мамандандырылған кітапхана қызметтерін сатып алу;
      26) сатып алынатын ТЖҚ-ға қатысты айрықша құқықтарға ие тұлғадан зияткерлік меншік объектілері болып табылатын ТЖҚ-ны сатып алу;
      27) орындалатын жұмыстардағы жергілікті қамтудың үлесі кем дегенде 65 (алпыс бес) пайызды құраған жағдайда, қазақстандық жұмыс өндірушілерінен ғылыми-зерттеу және тәжірибелік-конструкторлық жұмыстарды сатып алу;
      28) өндірістік қуаттары қалдықтардың, олардың пайда болу көзінен ең төмен ауыстырылуын қамтамасыз ететін жеткізушіден шаруашылық қызмет үдерісі барысында пайда болатын қалдықтарды қайта өңдеу, жою және орналастыру жұмыстарын сатып алу;
      29) тамақ өнімдерін сатып алу;
      30) келісімшартты орындау кезінде тартылған Қазақстан Республикасы азаматтары болып табылатын қызметкерлерді оқыту, біліктілігін арттыру және қайта даярлау бойынша немесе Қазақстан Республикасының азаматтарын жер қойнауы және жер қойнауын пайдалану туралы Қазақстан Республикасының заңына сәйкес құзыретті органдармен келісілген мамандықтардың тізбесі бойынша оқыту бойынша жер қойнауын пайдаланушылардың келісімшарттық міндеттемелерін орындау үшін білім беру мекемелерінің қызметтерін сатып алу;
      31) емдік дәрі-дәрмектерді сатып алу;
      32) телефон және ұялы байланыс қызметтерін, Интернетке кіру қызметтерін сатып алу;
      33) коммуналдық қызметтерді сатып алу;
      34) құзыретті органның пайдалы қазбалар кен орындарын барлау және өңдеу жөніндегі орталық комиссиясының тізімінде орналасқан тәуелсіз сарапшылардан жобалау құжаттамасын сараптау бойынша қызметтерді сатып алу;
      35) Қазақстан Республикасының заңнамасына сәйкес сауда-саттықта (аукционда) іске асырылатын мүлікті (активтерді) сатып алу;
      36) электрондық сатып алу жүйесін пайдалану бойынша қызметтерді сатып алу;
      37) Жергілікті қамтуды дамыту саласындағы ұлттық дамыту институтымен қалыптастырылатын және жүргізілетін тауарлар, жұмыстар, қызметтер мен оларды жеткізушілердің дерекқорында тіркелген жалғыз жеткізуші болып табылатын тауарларды, жұмыстар мен қызметтерді қазақстандық өндірушіден сатып алу.
      130. Осы Қағидалардың 129-тармағының 1), 2), 3), 4) тармақшаларына сәйкес бір көзден алу тәсілімен ТЖҚ-ны сатып алуды өткізген жағдайда, сатып алу шарты сатып алудың конкурстық құжаттамасының талаптарына сәйкес болуы тиіс.
      Осы Қағидалардың 129-тармағының 4) тармақшаcына сәйкес бір көзден алу тәсілімен ТЖҚ-ны сатып алуды өткізген жағдайда, сатып алу шарты өтпеген сатып алу шарты жобасының айтарлықтай талаптарына сәйкес болуы тиіс.
      131. Бір көзден алу тәсілімен біртекті болып табылмайтын ТЖҚ-ны сатып алуды жүзеге асыру кезінде тапсырыс берушінің лоттарға сатып алу туралы хабарландыруда мұндай ТЖҚ-ны лоттарға міндетті түрде бөле отырып, көрсетілген тәсілмен бірыңғай сатып алуды ұйымдастыруына және жүргізуіне жол беріледі.
      Бір көзден алу тәсілімен бірнеше түрдегі біртекті ТЖҚ-ны сатып алу олардың біртекті түрлері бойынша ТЖҚ-ны лоттарға бөлу арқылы жүзеге асырылады.
      132. Тізілімде қалыптасқан бір көзден алу тәсілімен ТЖҚ-ны сатып алу қорытындыларын шығару хаттамасына төраға, хатшы және бір көзден сатып алу тәсілімен ТЖҚ-ны сатып алу қорытындыларын шығару рәсімі кезінде қатысқан барлық конкурстық комиссияның мүшелері қол қояды.
      Тізілімде қалыптасқан бір көзден алу тәсілімен ТЖҚ-ны сатып алу қорытындыларын шығару хаттамасына электрондық цифрлық қолтаңба қойылады және бір көзден алу тәсілімен ТЖҚ-ны сатып алу қорытындыларын шығарған күннен бастап үш жұмыс күнінен кешіктірмей тізілімге ақпаратты қалыптастыруға және орналастыруға өкілетті тапсырыс берушінің тұлғасы осы Қағидаларға 8-қосымшаға сәйкес нысан бойынша тізілімге орналастырады.
      Жеткізушінің тиісті жазбаша сұрауы бойынша үш жұмыс күні ішінде бір көзден алу тәсілімен ТЖҚ-ны сатып алу қорытындыларын шығару хаттамасының көшірмесі жіберіледі.
      133. Тізілімде орналастырылатын бір көзден алу тәсілімен ТЖҚ-ны сатып алу қорытындыларын шығару хаттамасы мынадай ақпаратты қамтиды:
      1) әкімшілік-аумақтық объектілердің сыныптауышына сәйкес тапсырыс берушінің атауы және орналасқан орны;
      2) бір көзден алу тәсілімен сатып алу үшін негіздеме (егер бір көзден алу тәсілімен сатып алу мәніне бірнеше лот кірген жағдайда әрбір лот бойынша);
      3) өнімнің үлгілік статистикалық жіктеуішіне сәйкес бір көзден алу тәсілімен сатып алу мәні (егер бір көзден сатып алу тәсілімен сатып алу мәніне бірнеше лот кірген жағдайда лоттардың атауы және нөмірлері);
      4) әрбір лот бойынша өлшем бірлігі мен санының мемлекетаралық жіктеуішіне сәйкес сатып алынатын тауарлардың сипаттамасы, өлшем бірлігі, саны, орындалатын жұмыстардың және көрсетілетін қызметтердің көлемі;
      5) әрбір лот бойынша міндеттемелердің мерзімі және орны;
      6) әкімшілік-аумақтық объектілердің жіктеуішіне сәйкес атауы мен нақты орналасқан орнының мекенжайы (заңды тұлғалар үшін) немесе әкімшілік-аумақтық объектілерінің жіктеуішіне сәйкес тегі, аты және заңды мекенжайы (жеке тұлғалар үшін);
      7) ҚҚС-ны есепке алмағанда, теңгеде көрсетілген әрбір лот бойынша тауарларды сатып алуға, жұмыстар орындауға және қызметтер көрсетуге бөлінген сома;
      8) сатып алу туралы шартқа қол қоюдың талап етілетін мерзімі;
      9) әрбір лот бойынша пайыздарда көрсетілген ұсынылып жатқан ТЖҚ жергілікті қамту бойынша әлеуетті жеткізушінің міндеттемелері (0-ден 100-ге дейін);
      10) ҚҚС-ны есепке алмағанда, теңгеде көрсетілген әрбір лот бойынша ұсынылып жатқан ТЖҚ-ға жеткізуші ұсынған сома;
      11) оның шеңберінде сатып алу жүзеге асырылатын жер қойнауын пайдалануға арналған келісімшартының нөмірлері;
      12) сатып алу коды және интернет-ресурсы тізілімінің мекенжайы.
      Тапсырыс беруші бір көзден алу тәсілімен сатып алу қорытындыларын шығарған күннен бастап екі жұмыс күнінен кешіктірмей қорытындылары туралы хабарландыруды Қағидалардың осы тармағының 1), 2), 3), 6), 8), 10), 11) тармақшаларында көрсетілген ақпаратты қамтитын, аптасына кемінде үш рет жарияланатын және мемлекеттік және орыс тілдерінде Қазақстан Республикасының бүкіл аумағына таралатын мерзімді баспа басылымдарында жарияланады.

Электрондық сатып алу жүйесі арқылы тауарларды, жұмыстар мен
қызметтерді сатып алу

      134. Электрондық сатып алу жүйесі арқылы біртекті болып табылмайтын ТЖҚ-ны сатып алуды жүзеге асыру кезінде тапсырыс берушінің лоттарға электрондық сатып алу жүйесі арқылы сатып алу өткізу туралы хабарландыруда осындай ТЖҚ-ны міндетті түрде бөле отырып, көрсетілген тәсілмен бірыңғай сатып алуды ұйымдастыруына және жүргізуге рұқсат етіледі.
      Электрондық сатып алу жүйесі арқылы біртекті ТЖҚ-ның бірнеше түрлерін сатып алу ТЖҚ-ны олардың біртекті түрлері бойынша лоттарға бөлу арқылы жүзеге асырылады.
      Осы тармақта көзделген жағдайларда электрондық сатып алу жүйесі арқылы сатып алу жеңімпазын анықтау электрондық сатып алу жүйесі арқылы осы сатып алуда көзделген әр лот бойынша тізіліммен жүзеге асырылады, бұл ретте шешуші шарт ең аз баға болып табылады.
      135. Электрондық сатып алу жүйесі арқылы сатып алуға қатысу үшін әлеуетті жеткізушіге электрондық құжат және электрондық цифрлық қолтаңба туралы Қазақстан Республикасының заңнамасына сәйкес электрондық цифрлық қолтаңба алу немесе тіркелген куәліктер тіркеліміне енгізу және жеткізуші ретінде тізілімге тіркелу қажет.
      136. Тапсырыс беруші электрондық сатып алу жүйесі арқылы сатып алу өткізу кезінде электрондық сатып алу жүйесі арқылы сатып алу өткізу туралы хабарландыру тізілімге енгізіледі және оған тізілімге орналастыруға өкілетті уәкілетті тапсырыс берушімен электрондық қолтаңба қойылады және электрондық сатып алу жүйесі арқылы сатып алу бойынша баға ұсыныстарын беру басталған күнге дейін он жұмыс күнінен кешіктірмей аптасына кемінде үш рет жарияланатын және мемлекеттік және орыс тілдерінде Қазақстан Республикасының бүкіл аумағына таралатын мерзімді баспа басылымдарында жарияланады.
      Тапсырыс беруші электрондық сатып алу жүйесі арқылы қайта сатып алу өткізген жағдайда, осы тармақта көрсетілген ақпараттандыру тәсілдерін пайдалана отырып, электрондық сатып алу жүйесі арқылы сатып алу бойынша өтінімдерді ұсыну басталған күнге дейін бес жұмыс күнінен кешіктірмей тиісті хабарландыру жариялауды қамтамасыз етеді.
      137. Тізілімде орналастырылатын электрондық сатып алу жүйесі арқылы сатып алу өткізу туралы хабарландыруда мынадай мәліметтер:
      1) өнімнің үлгілік статистикалық жіктеуішіне сәйкес электрондық сатып алу жүйесі арқылы сатып алу мәні (лоттар атауы және нөмірі, егер ашық конкурс мәніне бірнеше лоттар кірген жағдайда);
      2) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      3) өлшем және есеп бірліктерінің мемлекетаралық сыныптауышына сәйкес сатып алынатын тауарлар сипаттамасы, өлшем бірлігі, саны, жасалған жұмыстар және әрбір лот бойынша көрсетілетін қызметтер көлемi;
      4) әкімшілік-аумақтық объектілердің жіктеуішіне сәйкес әрбір лот бойынша міндеттемелерді орындау мерзімі және орны;
      5) Астана қаласының уақыты бойынша электрондық сатып алу жүйесі арқылы сатып алу бойынша баға ұсыныстарын ұсыну күнi мен басталу және аяқталу уақыты;
      6) ҚҚС-ны есепке алмағанда, әрбір лот бойынша тауарларды сатып алуға, жұмыстарды орындауға, қызметтерді көрсетуге бөлінген сома;
      7) ҚҚС-ны есепке алмағанда, тауарларды жеткізумен, жұмыстарды орындаумен, қызмет көрсетумен байланысты барлық шығыстар ұсыныстарында әлеуетті жеткізушіні қосу қажеттілігі туралы талап;
      8) әлеуетті жеткізушілердің өтініштері бойынша электрондық почталардың мекенжайы және телефон нөмірлері;
      9) әрбір лот бойынша айтарлықтай талаптарды көрсете отырып, тапсырыс беруші бекіткен сатып алу туралы шарт жобасы;
      10) әрбір лот бойынша ТЖҚ-ны техникалық, сапалық және пайдалану сипаттамаларын сипаттай отырып, тапсырыс беруші бекіткен толық техникалық ерекшелік;
      11) әрбір лот бойынша жекелей электрондық сатып алу жүйесі арқылы сатып алуға қатысуды қамтамасыз етуді енгізу және/немесе әрбір лот бойынша сатып алу туралы шартты орындау түрлері, көлемі мен тәсілі;
      12) әрбір лот бойынша көрсетілген тауарлардағы немесе жұмыстардағы немесе қызметтердегі жергілікті қамту бойынша талаптар (0-ден 100-ге дейін);
      13) шеңберінде сатып алуды жүзеге асыратын жер қойнауын пайдалануға арналған келісімшарттың нөмірлері.
      138. Әрбір лот бойынша жеке талаптарды және ТЖҚ-ның техникалық, сапалық және пайдаланушылық сипаттамаларды сипаттай отырып, егжей-тегжейлі техникалық ерекшелікті көрсете отырып, сатып алу туралы шарт жобасында жер қойнауын пайдалану жөнiндегi операцияларды жүргiзу кезiнде сатып алуды жүзеге асырудың мынадай жағдайларын қоспағанда, тауар белгiлеріне, қызмет көрсету белгiлерiне, фирмалық атауларына, патенттерге, пайдалы үлгiлерге, өнеркәсiптiк үлгiлерге, тауардың шығу орнының атауы мен өндiрушiнiң атауына, сондай-ақ сатып алынатын ТЖҚ-ның жеке әлеуеттi жеткiзушiге тиесiлiгiн анықтайтын өзге де сипаттамалардың мазмұнын көрсетуге рұқсат етiлмейдi:
      1) бірыңғай технологиялық топтамасында пайдаланылатын негiзгi (орнатылған) жабдықты жете жинақтау, жаңғырту, жөндеу және жете жарақтандыру үшiн;
      2) тауарды лизингке ұсыну бойынша қызметтердi жеткiзушiнi айқындау үшiн және лизинг мәнiн толық сипаттау қажеттiлігi туындағанда.
      139. Аптасына кемінде үш рет жарияланатын және қазақ және орыс тілдерінде Қазақстан Республикасының бүкіл аумағына таралатын, мерзімді баспа басылымында орналастырылатын электрондық сатып алу жүйесі арқылы сатып алу өткізу туралы хабарландыруда осы қағидалардың 137-бабының 1), 2), 3), 5), 6) тармақшаларында көрсетілген ақпарат, сатып алу коды мен тізілімнің интернет ресурсы көрсетіледі.
      140. Осы Қағидалардың 137-тармағының 5) тармақшасына сәйкес электрондық сатып алу жүйесі арқылы сатып алу бойынша баға ұсыныстарын берудің уақыт кезеңі Астана қаласының уақыты бойынша көрсетіледі. Электрондық сатып алу жүйесі арқылы сатып алу бойынша баға ұсыныстарын ұсынудың түпкілікті мерзімі Астана қаласының уақыты бойынша 18 сағат 00 минуттан кешіктірілмей көрсетіледі.
      Электрондық сатып алу жүйесі арқылы сатып алу бойынша баға ұсыныстарын ұсыну уақытының кезеңі тәуліктен кем көрсетуге жол берілмейді.
      141. Электрондық сатып алу жүйесі арқылы сатып алуға қамтамасыз етуді әлеуетті жеткізуші кепілдік ретінде:
      1) ТЖҚ-ның техникалық, сапалық және пайдаланушылық сипаттамаларды сипаттай отырып, егжей-тегжейлі техникалық ерекшелікке және тізілімде орналасқан шарттарды көрсете отырып, сатып алу туралы шарт жобасында көзделген шарттарды сақтауға сәйкес тауарды жеткізуді, жұмысты орындауды, қызметтерді көрсетуді жүзеге асырады;
      2) оны электрондық сатып алу жүйесі арқылы сатып алу жеңімпазы деп анықтаған жағдайда, электрондық сатып алу жүйесі арқылы сатып алу қорытындысын жүргізу хаттамасында белгіленген мерзімде тапсырыс берушімен сатып алу туралы шарт жасасады және, егер электрондық сатып алу жүйесі арқылы сатып алу жүргізу туралы хабарламада сатып алу туралы шарттың орындалуын қамтамасыз етуді енгізу көзделсе, сатып алу туралы шарттың орындалуын қамтамасыз етуді енгізеді.
      142. Электрондық сатып алу жүйесі арқылы сатып алуға қатысуды қамтамасыз ету әлеуетті жеткізуші электрондық сатып алу жүйесі арқылы сатып алу бойынша баға ұсыныстарын ұсыну басталған күнге дейін екі жұмыс күнінен кешіктірілмей және электрондық сатып алу жүйесі арқылы сатып алу өткізу туралы хабарламада осы Қағидалардың 137-тармағының талаптарына сәйкес тапсырыс беруші айқындаған мөлшерден кем емес енгізіледі.
      143. Электрондық сатып алу жүйесі арқылы сатып алу бойынша баға ұсыныстарын ұсыну басталған күнге дейін екі жұмыс күнінен кешіктірмей тапсырыс беруші алған әлеуетті жеткізушінің ресми сұрауы негізінде әлеуетті жеткізуші енгізген электрондық сатып алу жүйесі арқылы сатып алуға қатысуды қамтамасыз етуді қайтаруға жол беріледі.
      144. Тапсырыс берушіге аталған ТЖҚ-ны сатып алу үшін электрондық сатып алу жүйесі арқылы сатып алу өткізу туралы хабарламада көзделген сомадан үш пайыздан астам электрондық сатып алу жүйесі арқылы сатып алуға қатысуды қамтамасыз ету мөлшерін белгілеуге рұқсат етілмейді.
      145. Әлеуетті жеткізушіге мынадай түрлердің бірін электрондық сатып алу жүйесі арқылы сатып алуға қатысуды қамтамасыз етуге енгізуге рұқсат етіледі:
      1) тапсырыс берушінің банктік шотына енгізілетін кепілдікті ақша жарнасы;
      2) Қазақстан Республикасының бір немесе бірнеше екінші деңгейдегі банктерінің банктік кепілдігі.
      146. Жеткiзушiге шарт бойынша мiндеттемелер толық орындалғанға дейiн үшiншi тұлғалардың енгiзiлген кепiлдiк ақшалай жарнасына толық не бiр бөлiгiнде талап қою құқығының туындауына әкелетін iс-қимыл жасауына жол берiлмейдi.
      147. Тапсырыс беруші осы Қағидалардың 149-тармағында көзделген жағдайларды қоспағанда, жеткізуші енгізген кепілдік ақша салымын пайдалануға жол берілмейді.
      148. Электрондық сатып алу жүйесі арқылы сатып алуға қатысуды қамтамасыз етуді енгізу туралы талап мүгедектердің қоғамдық ұйымдарына таратылмайды.
      149. Электрондық сатып алу жүйесі арқылы сатып алуға қатысуды қамтамасыз ету мынадай:
      1) электрондық сатып алу жүйесі арқылы сатып алу жеңімпазы болып айқындалған әлеуетті жеткізуші сатып алу туралы шарт жасаудан бас тартқан;
      2) электрондық сатып алу жүйесі арқылы сатып алу жеңімпазы сатып алу туралы шартты жасап, сатып алу туралы шартты орындауды қамтамасыз етуді енгізу туралы, егер оны енгізу электрондық сатып алу жүйесі арқылы сатып алу өткізу туралы хабарламада көзделсе, электрондық сатып алу жүйесі арқылы сатып алу өткізу туралы хабарламада белгіленген талаптарды орындамаған жағдайлардың бірі туындаған кезде тапсырыс берушімен қайтарылмайды.
      150. Осы Қағидалардың 149-тармағында көзделген жағдайлардың бірі туындаған кезде электрондық сатып алу жүйесі арқылы сатып алуға қатысуды қамтамасыз ету сомасы тапсырыс берушінің кірісіне есептеледі.
      151. Тапсырыс берушi әлеуетті жеткізуші енгізген электрондық сатып алу жүйесі арқылы сатып алуға қатысуды қамтамасыз етудi мынадай:
      1) әлеуеттi жеткiзушiнің, осы Қағидалардың 143-тармағына сәйкес ол енгізген электрондық сатып алу жүйесі арқылы сатып алуға қатысуды қамтамасыз етуден бас тарту туралы сұрауды алған;
      2) тізілімнің электрондық сатып алу жүйесі арқылы сатып алу қорытындысын жүргізген. Аталған жағдай электрондық сатып алу жүйесі арқылы сатып алу жеңімпазы болып танылған әлеуетті жеткізушілерге қолданылмайды;
      3) сатып алу туралы шарт күшiне енген және электрондық сатып алу жүйесі арқылы сатып алу жеңiмпазы, егер оның енгiзiлуi электрондық сатып алу жүйесі арқылы сатып алу өткізу туралы хабарламада көзделген жағдайда, сатып алу туралы шарттың орындалуын қамтамасыз етудi енгiзген жағдайлардың бірі туындаған күннен бастап үш жұмыс күні ішінде оған қайтарады.
      152. Әлеуетті жеткізушінің тапсырыс берушіге шарт жобасының ережелерін және электрондық сатып алу жүйесі арқылы сатып алу бойынша (лот) ТЖҚ-ның техникалық, сапалық және пайдаланушылық сипаттамаларын сипаттай отырып, толық техникалық ерекшелікті түсіндіру туралы сұраумен, бірақ электрондық сатып алу жүйесі арқылы сатып алу бойынша өтінім беру басталған күнге дейін үш жұмыс күнінен кешіктірмей жүгінуге жол беріледі. Тапсырыс беруші сұрау тіркелген сәттен бастап бір жұмыс күні ішінде оған жауап береді.
      153. Тапсырыс берушіге осы Қағидалардың 137-тармағының 1) тармақшасында көзделген мәліметтерді қоспағанда, шарт жобасына және электрондық сатып алу жүйесі арқылы сатып алу бойынша (лот) ТЖҚ-ның техникалық, сапалық және пайдаланушылық сипаттамаларын сипаттай отырып, толық техникалық ерекшелігіне мерзімі электрондық сатып алу жүйесі арқылы сатып алу бойынша баға ұсыныстарын ұсынудың түпкілікті мерзімі өткенге дейін үш жұмыс күнінен кеш емес өзгерістер және (немесе) толықтырулар енгізуге жол беріледі. Шарт жобасына және электрондық сатып алу жүйесі арқылы сатып алу бойынша (лот) ТЖҚ-ның техникалық, сапалық және пайдаланушылық сипаттамаларын сипаттай отырып, толық техникалық ерекшелігіне өзгерістер енгізу кезінде тапсырыс берушінің қайта бекітуіне және тізілімде орналастыруға жатады және электрондық сатып алу жүйесі арқылы сатып алу бойынша баға ұсыныстарын ұсынудың түпкілікті мерзімін тапсырыс беруші бес жұмыс күнінен кеш емес мерзімде белгілейді.
      154. Тапсырыс беруші электрондық сатып алу жүйесі арқылы сатып алу бойынша баға ұсыныстарын қабылдаудың соңғы мерзімі өткенге дейін бір жұмыс күнінен кешіктірмей электрондық сатып алу жүйесі арқылы сатып алуды жүргізуден бас тарту туралы тізілімде хабарлау арқылы бас тарта алады.
      155. Ақпаратты қалыптастыруға және тізілімде орналастыруға өкілетті тапсырыс беруші тұлғасы тізілімде әрбір лот бойынша жеке осы электрондық сатып алу жүйесі арқылы сатып алудың қатысушысы ретінде электрондық сатып алу жүйесі арқылы сатып алуды өткізу туралы хабарламада тапсырыс беруші айқындаған мөлшерден кем емес мөлшерде және осы Қағидалардың 142-тармағына сәйкес мерзімде электрондық сатып алу жүйесі арқылы сатып алуға қатысуды қамтамасыз етуді ұсынатын, жеткізуші ретінде тізілімде тіркелген тізімнен осындай әлеуетті жеткізушілерді таңдау жолымен әлеуетті жеткізушілерді көрсетеді.
      156. Әлеуетті жеткізушінің, осы Қағидалардың 143-тармағына сәйкес ол енгізген электрондық сатып алу жүйесі арқылы сатып алуға қатысуды қамтамасыз етуді қайтып алған жағдайда, әлеуетті жеткізуші электрондық сатып алу жүйесі арқылы сатып алу бойынша баға ұсыныстарын ұсыну басталған күнге және уақытқа дейін тізілімде көрсетілген электрондық сатып алу жүйесі арқылы сатып алуға қатысушылар ішінен ақпаратты қалыптастыруға және тізілімде орналастыруға өкілетті тапсырыс беруші тұлғасымен алып тастауға жатады.
      157. Осы Қағидалардың 137-тармағының 5) тармақшасында айқындалған кезеңде электрондық сатып алу жүйесі арқылы сатып алуға қатысушылар әрбір лот бойынша жеке электрондық сатып алу жүйесі арқылы сатып алу бойынша баға ұсыныстарын ұсынады.
      158. Электрондық сатып алу жүйесі арқылы сатып алуға қатысушылардың электрондық сатып алу жүйесі арқылы сатып алу бойынша баға ұсыныстары сатып алынатын ТЖҚ бағасынан басқа, оларды тасымалдауға және сақтандыруға, кедендік баждарды, салықтар мен алымдарды төлеуге кететін шығындарды, сондай-ақ ҚҚС-ны есепке алмағанда тауарларды жеткізу, жұмыстарды орындау және қызметтерді көрсету шарттарында көзделген өзге де шығындарды енгізуді есепке ала отырып, олардың уәкілетті тұлғалары қалыптастырады, электрондық цифрлық қолтаңба қояды және тізілімге орналастырады.
      159. Электрондық сатып алу жүйесі арқылы сатып алуға қатысушылар ұсынатын электрондық сатып алу жүйесі арқылы сатып алу бойынша баға ұсыныстарының саны шектелмеген, электрондық сатып алу жүйесі арқылы сатып алуға қатысушысы өзінің электрондық сатып алу жүйесі арқылы сатып алу бойынша баға ұсынысын бірнеше мәрте электрондық сатып алу жүйесі арқылы сатып алу бойынша баға ұсынысының бағасын төмендету мүмкіндігіне ие. Бұл ретте, электрондық сатып алу жүйесі арқылы сатып алу бойынша баға ұсыныстарының бағасын өзгертудің (азайту) ең төменгі қадамы бастапқы баға ұсынысынан кемінде 0,1 пайызды құрайды.
      160. Электрондық сатып алу жүйесі арқылы сатып алу бойынша баға ұсыныстары мынадай жағдайда:
      1) электрондық сатып алу жүйесі арқылы сатып алу бойынша баға ұсыныстары электрондық сатып алу жүйесі арқылы сатып алу мәні болып табылатын ТЖҚ-ны сатып алуға бөлінген сомадан асса;
      2) электрондық сатып алу жүйесі арқылы сатып алу бойынша баға ұсыныстары осы Қағидалардың 137-тармағының 5) тармақшасын бұза отырып, ұсынылса;
      3) сатып алу туралы хабарландыруда белгіленген мөлшерден кем емес мөлшерде электрондық сатып алу жүйесі арқылы сатып алуға қатысуды қамтамасыз етуді ұсынбаған сатып алу қатысушысымен баға ұсынысы ұсынылса, тізілімнен автоматты түрде қайтарылады.
      161. Электрондық сатып алу жүйесі арқылы сатып алу қатысушылары ең аз электрондық сатып алу жүйесі арқылы сатып алу бойынша баға ұсыныстарын және олардың атауын көрсетпей, сатып алуға қатысқан әлеуетті жеткізушілер санын көре алады.
      162. Егер электрондық сатып алу (лот) жүйесі арқылы сатып алуға қатысушылардың бірі электрондық сатып алу жүйесі арқылы сатып алу бойынша баға ұсыныстарын берудің түпкілікті мерзімі өткенге дейін бес минуттың ішінде жаңа ең аз электрондық сатып алу жүйесі арқылы сатып алу бойынша баға ұсынысын енгізсе, электрондық сатып алу жүйесі арқылы сатып алу бойынша баға ұсыныстарын беру мерзімінің аяқталуы уақыты автоматты түрде бес минутқа созылады, бірақ үш реттен артық емес.
      163. Егер электрондық сатып алу жүйесі арқылы сатып алу бойынша соңғы баға ұсынылған сәттен бастап бес минут ішінде басқа электрондық сатып алу жүйесі арқылы сатып алу бойынша баға ұсынысы енгізілмесе, электрондық сатып алу жүйесі арқылы сатып алу бойынша баға ұсыныстарын беру мерзімі өтіп кеткен болып есептеледі және тізілім электрондық сатып алу жүйесі арқылы сатып алу қорытындыларын жүргізеді.
      164. Тізілімде ұсынылған электрондық сатып алу жүйесі арқылы сатып алу бойынша баға ұсыныстар болған кезде тізілім сатып алу жүйесі арқылы сатып алу бойынша соңғы баға ұсынысын салыстырады және Заңның 78-бабының 2-тармағында көзделген бағаны азайту шарты бойынша өлшемдерді ескере отырып, ең төменгі баға негізінде электрондық сатып алу жүйесі арқылы сатып алу бойынша баға жеңген баға ұсынысын айқындайды.
      165. Егер электрондық сатып алу жүйесі арқылы сатып алу бойынша баға ұсыныстарын берудің түпкілікті мерзіміне дейін тізілімге электрондық сатып алу жүйесі арқылы сатып алу бойынша бірде бір баға ұсынылмаған болса, электрондық сатып алу жүйесі арқылы сатып алу өткізілмеді деп танылады.
      166. Электрондық сатып алу жүйесі арқылы сатып алу бойынша баға ұсыныстарын берудің түпкілікті мерзімі аяқталған бойда тізілім жекелеген лот бойынша электрондық сатып алу жүйесі арқылы сатып алу қорытындыларын автоматты түрде жүргізеді және мына нәтижелердің бірін көрсете отырып, осы Қағидаларға 9-қосымшаға сәйкес нысан бойынша электрондық сатып алу жүйесі арқылы сатып алу қорытындыларын қалыптастырады:
      1) электрондық сатып алу жүйесі арқылы сатып алу жеңімпазын хабарлау туралы;
      2) ұсынылған электрондық сатып алу жүйесі арқылы сатып алу баға ұсыныстарының бағасы болмағандықтан, электрондық сатып алу жүйесі арқылы сатып алуды өткізілмеді деп тану туралы.
      167. Электрондық сатып алу жүйесі арқылы сатып алу қорытындыларын жүргізу хаттамасы мыналарды қамтиды:
      1) әкімшілік-аумақтық объектілердің жіктеуішіне сәйкес тапсырыс берушiнiң атауы мен орналасқан орны;
      2) электрондық сатып алу жүйесі арқылы (лот бойынша) сатып алу қорытындыларын өткiзу күнi және уақыты;
      3) өнімнің үлгі статистикалық жіктеуішіне сәйкес электрондық сатып алу жүйесі арқылы сатып алудың мәнi (егер электрондық сатып алу жүйесі арқылы сатып алу мәнiне бiрнеше лоттар кiрген жағдайда лоттардың атауы);
      4) электрондық сатып алу жүйесі арқылы (лот бойынша) сатып алуға қатысушылардың әкімшілік-аумақтық объектілердің жіктеуішіне сәйкес атауы және орналасқан орны (заңды тұлғалар үшін) немесе әкімшілік-аумақтық объектілердің жіктеуішіне сәйкес тегі, аты нақты орналасқан орны (жеке тұлғалар үшін);
      5) Заңның 78-бабының 2-тармағында көрсетілген конкурстық бағаны шартты төмендету өлшемдерін (лот бойынша) қолдануды есепке ала отырып, электрондық сатып алу жүйесі арқылы сатып алу қатысушыларының электрондық сатып алу жүйесі арқылы сатып алу бойынша баға ұсыныстарының бағасы (лот бойынша);
      6) электрондық сатып алу жүйесі арқылы сатып алу бойынша баға ұсынысы жеңімпазының электрондық сатып алу жүйесі арқылы сатып алу бойынша баға ұсынысынан кейінгі анағұрлым төмен болып табылатын электрондық сатып алу жүйесі арқылы (лот бойынша) сатып алу қатысушысының әкімшілік-аумақтық объектілердің жіктеуішіне сәйкес атауы және орналасқан орны (заңды тұлғалар үшін) немесе әкімшілік-аумақтық объектілердің жіктеуішке сәйкес тегі, аты нақты орналасқан орны (жеке тұлғалар үшін) және электрондық сатып алу жүйесі арқылы (лот бойынша) сатып алу баға ұсыныстарының бағасы және (немесе) егер, осы Қағидалардың 166-тармағының 2) тармақшасына сәйкес электрондық сатып алу жүйесі арқылы сатып алу (лоттар бойынша) нәтижесінде жеңімпаз айқындалмаса, себептерді көрсету.
      168. Тізіліммен қалыптасқан, электрондық сатып алу жүйесі арқылы сатып алу қорытындысын жүргізу хаттамасына тапсырыс берушінің ақпаратты қалыптастыруға және тізілімге орналастыруға өкілетті тұлғасы электрондық цифрлық қолтаңба қояды.
      169. Электрондық сатып алу жүйесі арқылы сатып алу жүргізу туралы хабарландыруға сәйкес белгіленген мерзімде электрондық сатып алу жүйесі арқылы сатып алу жеңімпазымен жеке әрбір лот бойынша шарттың бар талаптарын және электрондық сатып алу жүйесі арқылы сатып алу өткізу туралы хабарлама құрамындағы тізілімде орналасқан әрбір жеке лот бойынша ТЖҚ-ның техникалық, сапалық және пайдаланушылық сипаттамаларын сипаттай отырып, толық техникалық ерекшелікті көрсете отырып, шарт жобасында көзделген талаптарда шарт жасасады.
      170. Электрондық сатып алу жүйесі арқылы сатып алу жеңімпазы электрондық сатып алу жүйесі арқылы сатып алу жүргізу туралы хабарландыруға сәйкес белгіленген мерзімде өткізілген электрондық сатып алу жүйесі арқылы сатып алу нәтижелері бойынша шарт жасасудан бас тартқан жағдайда, ұсынысы тапсырыс беруші үшін электрондық сатып алу жүйесі арқылы сатып алу қорытындысын жасау хаттамасына сәйкес жеңімпаздың электрондық сатып алу жүйесі арқылы сатып алу бойынша баға ұсынысынан кейін анағұрлым тартымды болып табылатын, басқа электрондық сатып алу жүйесі арқылы сатып алуға қатысушымен шарт жасасуға жол беріледі.
      171. Егер электрондық сатып алу жүйесі арқылы сатып алу өткізілмеді деп танылса, онда сатып алу туралы шарт жобасына, жеке әрбір лот бойынша сатып ТЖҚ-ның техникалық, сапалық және пайдаланушылық сипаттамаларын сипаттай отырып, толық техникалық ерекшелікке өзгерістер және (немесе толықтырулар) енгізуге және тапсырыс берушіге осы Қағидаларда көзделген оларды өткізу тәртібіне сәйкес электрондық сатып алу жүйесі немесе бір көзден сатып алу тәсілімен қайта сатып алуды өткізуге жол беріледі.
      172. Егер электрондық сатып алу жүйесі арқылы сатып алу бойынша баға ұсыныстар жасаған электрондық сатып алу жүйесі арқылы сатып алудың барлық қатысушылары сатып алу туралы шарт жасаудан жалтарса, тапсырыс берушіге электрондық сатып алу жүйесі арқылы қайта сатып алу өткізуге жол беріледі.
      173. Тізілімде қалыптастырылған электрондық сатып алу жүйесі арқылы сатып алу қорытындыларын жасау хаттамасының қағаз данасына тапсырыс беруші қол қояды.
      174. Тапсырыс беруші электрондық сатып алу жүйесі арқылы сатып алу қорытындыларын шығарған күннен бастап бес жұмыс күнінен кешіктірмей электрондық сатып алу жүйесі арқылы сатып алудың қорытындылары туралы хабарламаны аптасына кемінде үш рет жарияланатын және мәтіні қазақ және орыс тілдерінде Қазақстан Республикасы аумағында таралатын, мерзімді баспасөз басылымдарында жариялайды, ол осы Қағидалардың 167-тармағының 1), 2), 3), 6) тармақшаларында көрсетілген ақпаратты, сатып алу кодын, тізілімнің интернет-ресурсын қамтиды.

Сатып алу туралы шарттың орындалуын қамтамасыз ету

      175. Сатып алу туралы шарттардың орындалуын қамтамасыз етуді ашық конкурс (лот) тәсілімен сатып алу жеңімпазы онымен жасалған сатып алу туралы шарт бойынша өз міндеттерін тиісінше және толық орындалуына кепілдік ретінде тапсырыс берушімен айқындалған жағдайында және мөлшерде, электрондық сатып алу жүйесі арқылы (лот) сатып алуды енгізеді.
      176. Тапсырыс берушінің сатып алу туралы шарттың орындалуын қамтамасыз етудің ашық конкурс (әр лот бойынша) тәсілімен сатып алу үшін немесе электрондық сатып алу жүйесі (әр лот бойынша) арқылы сатып алу үшін көзделген соманың үш пайызынан аспайтын мөлшерін белгілеуге жол берілмейді.
      177. Сатып алу туралы шарттың орындалуын қамтамасыз етудің мына түрлерінің бірін әлеуетті жеткізушінің енгізуіне рұқсат етіледі:
      1) тапсырыс берушінің банктік шотына енгізілген кепілді ақшалай жарна;
      2) Қазақстан Республикасының бір немесе бірнеше екінші деңгейлі банктердің банктік кепілдігі.
      178. Жеткізушінің шарт бойынша міндеттемелер толық орындалғанға дейін енгізілген кепілді ақшалай жарнаға толық не бір бөлігіне үшінші тұлғалардың талап ету құқығының туындауына әкелетін әрекеттерді жасауына жол берілмейді.
      179. Шарт бойынша міндеттемелер толық орындалғанға дейін жеткізуші енгізген кепілді ақшалай жарнаны тапсырыс берушінің пайдалануына рұқсат етілмейді.
      180. Сатып алу туралы шарттың орындалуын қамтамасыз етуді енгізу туралы талаптар мүгедектердің қоғамдық ұйымдарына қолданылмайды.
      181. Егер онымен жасалған сатып алу туралы шарт бойынша өз міндеттемелерін орындамаса не тиісінше орындамаса, сатып алу туралы шарттың орындалуын қамтамасыз етуді тапсырыс беруші қайтармайды.
      182. Осы Қағидалардың 181-тармағында көзделген жағдайлар орын алған жағдайда, сатып алу туралы шарттың орындалуын қамтамасыз ету сомасы тапсырыс берушiнiң кірісіне есептеледi.
      183. Тапсырыс беруші әлеуетті жеткізушіге ол енгізген сатып алу туралы шарттың орындалуын қамтамасыз етуді, егер ол онымен жасалған сатып алу туралы шарт бойынша өз міндеттемелерін уақытында, толық және тиісінше орындаса, үш жұмыс күні ішінде қайтарады.

Сатып алу туралы шарт

      184. Тапсырыс берушi сатып алу қорытындылары туралы хаттамаға қол қойылған күннен бастап бес жұмыс күн iшiнде сатып алу жеңімпазына сатып алу туралы шарттың жобасын жiбередi.
      185. Қазақстан Республикасының бейрезидентімен сатып алу туралы шарт жасасу жағдайларында Қазақстан Республикасы азаматтық заңнамасының және осы Қағидалардың талаптарын ескере отырып, олар ұсынған нысанмен сатып алу туралы шартты ресімдеуге рұқсат етіледі.
      186. Сатып алу туралы шарт мыналарды қамтиды:
      1) жеткізушінің жұмысты атқару шартын орындау кезінде осы Қағидаларды сақтау бойынша міндеттемесін;
      2) жеткізушінің жұмысты атқару шартын орындау кезінде осы Қағидаларды сақтамағаны үшін жауапкершілігін;
      3) жеткізушінің сатып алу қорытындыларын жасау хаттамасына сәйкес тауарлардың немесе жұмыстардың немесе қызметтердің жергілікті қамту бойынша міндеттемесін;
      4) жеткізушінің сатып алу қорытындыларын жасау хаттамасына сәйкес тауарлардың немесе жұмыстардың немесе қызметтердің жергілікті қамту бойынша міндеттемесін орындамағаны үшін жауапкершілігін;
      5) конкурстық құжаттамада көзделген өзге де құқықтар мен міндеттемелерді.
      187. Тапсырыс беруші қазақстандық өндірушімен тауарды сатып алу туралы шартты жасасқан жағдайда, шарт ережесінде ішкі айналым үшін өткізілетін сатып алу номенклатурасына сәйкес Қазақстан Республикасының аумағында шығуын растайтын тауардың шығу тегі туралы сертификаттың нотариялдық куәландырылған көшірмесін жеткізушінің беруі туралы талап етуге рұқсат етіледі, бұл ретте сертификатта көрсетілген тауардың көлемі жасасқан шарт шеңберінде берілетін тауар көлемінен кем жол берілмейді.
      188. Тапсырыс беруші қазақстандық өндірушімен шарттың ережесіндегі жұмыстарды, қызметтерді сатып алу туралы шарт жасасқан жағдайда, тапсырыс беруші белгілеген нысан бойынша және мерзімдерде жеткізілетін ТЖҚ туралы жеткізушінің есеп беруі туралы талабы көрсетіледі.
      189. Сатып алу туралы жасалған шартқа мынадай:
      1) табиғи монополия субъектілерімен, сондай-ақ белгілі бір сатып алынатын ТЖҚ нарығында үстем (монопольды) жағдайға ие, үлесі мұндай нарықта жүз пайызға тең тұлғалармен, не тиісті тауар нарығында үстем (монопольды) жағдайға ие нарық субъектілерінің мемлекеттік тізіліміне сәйкес оның қызметінің негізгі мәні бойынша мемлекеттік монополия субъектілерімен шарттар бойынша;
      2) шарттың жалпы сомасынан оннан астам пайызда шарт сомасын ұлғайту немесе ТЖҚ-ны сатып алу туралы жасалған шартта көрсетілген ТЖҚ бірлігіне бағаны өзгертпеу шарттарында сатып алынатын ТЖК көлеміне сұраныстың өзгеруіне байланысты азайту бөлігінде. ТЖҚ-ны сатып алу туралы жасалған шарттардағы мұндай өзгеріс осы ТЖҚ-ны сатып алу үшін жылдық және (немесе) орта мерзімді және (немесе) ұзақ мерзімді бағдарламада көзделген сома шегінде жол беріледі;
      3) Қазақстан Республикасының нормативтік-құқықтық актілерімен тиісті кезеңге айқындалған инфляция деңгейіне сүйене отырып, бір қаржы жылынан астам кезеңге жасалған ТЖҚ-ны сатып алу туралы шарт бағасын тараптар келісімі бойынша жыл сайын өзгерту бөлігінде;
      4) тараптар өзара келісім бойынша тауарлардың, жұмыстардың, қызметтердің бағасын және тиісінше шарттың сомасын кеміту бөлігінде өзгерістер енгізуге жол беріледі.
      190. Сатып алу туралы шарт, егер тапсырыс беруші ТЖҚ-ны сатып алу туралы хабарландыруда өзгесін көзделмеген жағдайда, сатып алу қорытындыларын шығарған күннен бастап он бес жұмыс күнi iшiнде жасалады.
      191. Осы Қағидаларда көзделген жағдайларда, жеткізуші сатып алу туралы шарт жасалған күннен бастап он жұмыс күні ішінде сатып алу туралы шарттың орындалуын қамтамасыз етуді енгізеді.
      192. Сатып алу туралы шарт мына жағдайларды қоспағанда, бiр қаржы жылынан аспайтын мерзiмге жасалады:
      1) жұмыстарды жобалау-сметалық құжаттамада көзделген, аяқталуы келесi (кейiнгi) қаржы жылындағы (жылдар) мерзiммен сатып алу;
      2) дайындаудың технологиялық мерзiмiнiң ұзақтығы олардың келесi (кейiнгi) қаржы жылында (жылдар) жеткiзiлуiн негiздейтiн активтердi және басқа тауарларды сатып алу;
      3) орындалудың ұзақтығына байланысты орындау мерзiмi (көрсету, жеткiзу) жұмыс бағдарламасында белгiленген келесi (кейiнгi) қаржы жылында (жылдар) негiзделген ТЖҚ-ны сатып алу;
      4) орта және ұзақ мерзімді ТЖҚ-ны сатып алу бағдарламаларында көзделген ТЖҚ-ны сатып алу.
      193. Сатып алу туралы шарт, тапсырыс берушi мен жеткiзушi көрсетiлген шарт бойынша қабылданған мiндеттемелердi толық орындаған жағдайда, орындалды деп есептеледi.
      194. Егер әлеуетті жеткізуші осы Қағидаларда белгіленген мерзімде тапсырыс берушіге қол қойылған сатып алу туралы шартты бермесе немесе сатып алу туралы шарт жасасып, осы Қағидаларда көзделген жағдайларда сатып алу туралы шарттың орындалуын қамтамасыз етуді енгізбесе, онда мұндай әлеуетті жеткізуші сатып алу туралы шарт жасасудан жалтарды деп танылады.
      195. Әлеуетті жеткізуші сатып алу туралы шарт жасасудан жалтарды деп танылған жағдайда, тапсырыс беруші мыналарды:
      1) егер оларды енгізуді тапсырыс беруші көздеген жағдайда, ол енгізген ашық конкурсқа қатысуға арналған өтінімді қамтамасыз етуді және (немесе) электрондық сатып алу жүйесі арқылы сатып алуға қатысуды қамтамасыз етуді ұстап тұрады;
      2) мұндай әлеуетті жеткізушіні сатып алу туралы, сондай-ақ сатып алу туралы шарт жасасудан жалтарудан келтірілген шығындарды өтеу туралы шарт жасауға мәжбүрлеу туралы талап арызбен сотқа жүгіне алады.

4. Көмірсутек шикізатына келісімшарттар бойынша жер қойнауын
пайдалану жөніндегі операцияларды жүргізу кезінде ТЖҚ-ны сатып
алу тәртібі

Жер қойнауын пайдалану жөніндегі операцияларды жүргізу кезінде
ашық конкурс тәсiлiмен тауарларды, жұмыстар мен қызметтердi
сатып алуды жүзеге асыру тәртібі

      196. Ашық конкурс тәсiлiмен бiртектi болып табылмайтын ТЖҚ-ны сатып алуды жүзеге асыру кезiнде тапсырыс берушiге конкурстық құжаттамада мұндай ТЖҚ-ны лоттарға мiндеттi түрде бөле отырып, көрсетiлген тәсiлмен бiрыңғай сатып алуды ұйымдастыруына және жүргiзуiне жол беріледі.
      Ашық конкурс тәсiлiмен бiртектi ТЖҚ-ның бірнеше түрлерін сатып алу ТЖҚ-ны олардың біртекті түрлері бойынша лоттарға және оларды жеткізудің (орындаудың, көрсетудің) орны бойынша бөлу арқылы жүзеге асырылады. Тапсырыс беруші ашық конкурсты өткізген кезде өзінің қарауы бойынша лоттарды тауарларды жеткізудің, жұмыстарды орындаудың және (немесе) қызмет көрсетудің бір орнына ие бiртектi ТЖҚ-ның саны (көлемі) бойынша қосымша бөле алады.
      Тапсырыс беруші біртекті тауарлар, жұмыстар мен қызметтерді сатып алуын жер қойнауын пайдалануға арналған бірнеше келісімшарт шеңберінде өткізген жағдайда, тауарларды жеткізудің, қызметтерді көрсетудің немесе жұмыстарды орындаудың бірыңғай орны және жер қойнауын пайдалануға арналған келісімшарттар бойынша сатып алынатын ТЖҚ көлемдерінің бөлінуі міндетті түрде көрсетілген шартта, онда осындай ТЖҚ-ны бір лотпен сатып алуға рұқсат етіледі.
      Ашық конкурс сегіз кезеңде өткізіледі:
      1) конкурстық комиссияны құру;
      2) конкурстық құжаттаманы әзірлеу және бекіту;
      3) ашық конкурсты өткізу туралы хабарландыруды және конкурстық құжаттаманы тізілімде орналастыру, сондай-ақ ашық конкурсты өткізу туралы хабарландыруды аптасына кем дегенде үш рет жарияланатын және мемлекеттік және орыс тілдерінде Қазақстан Республикасының аумағында таратылатын мерзімді баспасөз басылымдарында орналастыру;
      4) конкурстық өтінімдерді жинау;
      5) конкурстық өтінімдерді ашу хаттамасын жасай отырып, тізілімде конкурстық өтінімдерді ашу;
      6) конкурстық комиссияның конкурстық өтінімдерді ашық конкурсқа қатысуға рұқсат берілген әлеуетті жеткізушінің «қазақстандық тауарларды өндіруші» (егер, әлеуетті жеткізуші ашық конкурстың сатып алу мәні болып табылатын тауарларды өндірген жағдайда) немесе «қазақстандық жұмыстарды, қызметтерді өндіруші» (егер әлеуетті жеткізуші ашық конкурстың сатып алу мәні болып табылатын тауарларды өндірген жағдайда) мәртебесіне сәйкестігін немесе сәйкес келмейтіндігін міндетті түрде көрсете отырып, ашық конкурсқа қатысуға рұқсат беру хаттамасын қалыптастыра отырып, ашық конкурстың талаптарына сәйкес келуіне қарауы;
      7) ашық конкурсқа қатысушылардың тізілімдегі әрбір лот бойынша конкурстық баға ұсыныстарын ұсынуы, және тізілім арқылы қорытынды шығару хаттамаларын қалыптастыра отырып, ашық конкурстың жеңімпазын айқындау;
      8) ашық конкурстың жеңімпазымен шарт (-тар) жасасу.
      Осы тармақта көзделген жағдайларда, әлеуетті жеткізушілердің конкурстық өтінімдерін қарау, ашық конкурсқа қатысушылардың конкурстық баға ұсыныстарын бағалау және салыстыру, сондай-ақ ашық конкурстың жеңiмпазын анықтау конкурстық құжаттамада көзделген әрбiр лот бойынша жүзеге асырылады.

Конкурстық комиссия

      197. Тапсырыс берушіге жеке ашық конкурсқа да, сондай-ақ тұрақты негізде де, бірақ бір қаржы жылынан аспайтын мерзімде конкурстық комиссияны құруға рұқсат етіледі.
      198. Конкурстық комиссияның құрамына төраға, төраға орынбасары және конкурстық комиссияның мүшелерi кіреді. Комиссия мүшелерiнiң жалпы саны тақ саннан тұруы тиіс. Конкурстық комиссияның құрамында кем дегенде үш адам болуы тиіс. Конкурстық комиссияның хатшысы конкурстық комиссияның мүшесi болып табылмайды және конкурстық комиссияның шешiм қабылдауы кезiнде дауыс беру құқығына ие болмайды.
      199. Конкурстық комиссияның отырыстары конкурстық комиссия мүшелерінің жалпы санының қарапайым көпшілігі қатысқан жағдайда өткізіледі және ол қатысқан конкурстық комиссия мүшелері, оның төрағасы, оның орынбасары мен конкурстық комиссияның хатшысы қол қоятын хаттамамен ресімделеді. Конкурстық комиссияның қандай да бір мүшесі қатыспаған жағдайда, конкурстық комиссия отырысының хаттамасында оның қатыспау себебі көрсетіліп, осы жайтты растайтын құжат қоса беріледі.
      200. Конкурстық комиссияның шешімі ашық дауыс берумен қабылданады және оған конкурстық комиссия отырысы мүшелерінің жалпы қатысушылары санының көпшілігі дауыс берген жағдайда, ол қабылданды деп есептеледі. Дауыстар тең болған жағдайда, конкурстық комиссияның төрағасы немесе, ол болмаған жағдайда, төрағаның орынбасары дауыс берген шешім қабылданған болып есептеледі. Конкурстық комиссияның шешімімен келіспеген жағдайда, конкурстық комиссияның кез келген мүшесі айрықша пікірге ие болады, ол жазбаша түрде баяндалуы және оған конкурстық комиссия отырысының хаттамасына қоса берілуі тиіс.
      201. Конкурстық комиссияның төрағасы оның жұмысына басшылық жасайды, комиссияның отырыстарында төрағалық етеді.
      202. Конкурстық комиссияның хатшысы ТЖҚ-ны сатып алу бойынша ашық конкурс рәсiмдерiнің өткiзілуін ұйымдастырады. Конкурстық комиссияның хатшысы әлеуеттi жеткiзушiлерге тиісті сұрау салу бойынша осы Қағидалардың 204-тармағының 4) тармақшасында көзделген мәліметтерді ұсынады, конкурстық комиссия отырысының күн тәртiбi жөніндегі ұсыныстарды дайындайды, конкурстық комиссияны қажеттi құжаттармен қамтамасыз етедi, конкурстық комиссия отырысының өткiзілуін ұйымдастырады, тізіліммен қалыптастырылған өтiнiмдер салынған конверттердi ашуға қатысуға рұқсат хаттамасына, ашық конкурстың қорытындысын шығару хаттамасына, конкурстық комиссия отырыстарының басқа да хаттамаларына қол қояды, ТЖҚ-ны сатып алу бойынша ашық конкурстың құжаттары мен материалдарының сақталуын қамтамасыз етедi.

Конкурстық құжаттама

      203. Конкурстық құжаттама ТЖҚ-ны сатып алудың талаптары мен шарттары туралы әлеуеттi жеткiзушiлердi хабардар ету үшін арналған. Конкурстық құжаттаманы тапсырыс берушi әзiрлейдi және бекiтедi.
      204. Конкурстық құжаттамада мынадай мiндеттi талаптар көрсетiледi:
      1) ашық конкурс тәсілімен сатып алудың мәнi (ашық конкурс мәнiне бiрнеше лот кiрген жағдайда, лоттардың атаулары мен нөмірлері);
      2) әлеуеттi жеткiзушi өзінің біліктілік талаптарының растауға ұсынатын осы Қағидалардың 216-тармағының 2) тармақшасында көрсетiлген құжаттардың тiзбесi;
      3) әкімшілік-аумақтық объектілердің жіктеуішіне сәйкес тапсырыс берушінің атауы (заңды тұлға үшін), тегі, аты, әкесінің аты (жеке тұлға үшін) және орналасқан орны;
      4) қажет болған жағдайда, техникалық ерекшелiктердi, жоспарларды, сызбалар мен нобайларды қоса алғанда, сатып алынатын ТЖҚ-ның функционалдық, техникалық, сапалық және пайдалану сипаттамалары, сондай-ақ ТЖҚ-ның осы талаптарға сәйкестiгiн растайтын құжаттардың тiзбесi;
      5) осы Қағидалардың 10-қосымшасында келтірілген үлгілік нысанға сәйкес конкурстық баға ұсынысын қалыптастырудың тәртiбi мен ұсынудың нысаны, оның iшiнде сатып алынатын ТЖҚ бағасынан басқа, қосылған құн салығын (бұдан әрі – ҚҚС) есепке алмағанда, оларды тасымалдауға және сақтандыруға, кедендiк баждарды, салықтар мен алымдарды төлеуге кететін шығыстарды, сондай-ақ тауарларды жеткiзудің, жұмыстарды орындаудың, қызметтердi көрсетудің шығыстарын көрсету;
      6) төлем шарттары;
      7) әрбір лот бойынша сатып алынатын тауарлардың саны, орындалатын жұмыстар мен көрсетiлетiн қызметтердiң көлемi;
      8) әрбір лот бойынша тауарларды жеткiзудiң, жұмыстарды орындаудың немесе қызметтердi көрсетудiң орны;
      9) әрбір лот бойынша тауарларды жеткiзудiң, жұмыстарды орындаудың немесе қызметтердi көрсетудiң мерзiмдерi;
      10) конкурстық өтінімдерді ұсыну тәсілі, оларды ұсынудың басталу және аяқталу мерзімі, олардың қолданылу мерзімі;
      11) конкурстық өтінімдерді ашу күні мен уақыты;
      12) елеулі шарттар, оның iшiнде шарттың қолданылу мерзiмi көрсетілген шарттың жобасы;
      13) Заңның 78-бабының 2-тармағында көзделген тиісті өлшемге сәйкес келетін әлеуетті жеткізушінің конкурстық өтінімнің шартты бағасын есептеуге арналған осы Қағидалардың 218-тармағына сәйкес құжаттар;
      14) конкурстық өтiнiмнiң мазмұнына және оны ресiмдеуге қойылатын талаптар;
      15) әлеуетті жеткізушілерге конкурстық құжаттама бойынша түсіндірулерге сұрау салуға көмек болатын тәсілдер;
      16) әлеуетті жеткізушілер байланыса алатын электрондық почтаның мекенжайы мен телефон нөмірлері;
      17) конкурстық өтiнiмдi және (немесе) сатып алу туралы шарттың орындалуын қамтамасыз етуді енгізудің түрлерi, көлемi мен тәсiлi (егер конкурстық құжаттамада конкурстық өтiнiмдi қамтамасыз ету және (немесе) сатып алу туралы шарттың орындалуын қамтамасыз ету көзделсе);
      18) ашық конкурстың мәнi болып табылатын әрбір лот бойынша ТЖҚ-ны сатып алуға бөлiнген сомалар туралы мәлiмет;
      19) осы Қағидалардың 212-тармағына сәйкес тапсырыс берушінің ТЖҚ-ны сатып алу бойынша ашық конкурсты өткiзуден бас тартудың мерзiмдерi мен тәртiбi туралы мәлiметтер;
      20) жұмыстарды орындау шартын орындау кезінде осы Қағидаларды сақтау туралы жер қойнауын пайдаланушының мердігерге қоятын міндетті талабы;
      21) сатып алынған тауарлардағы немесе жұмыстардағы немесе қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша ең аз талаптар.
      Тапсырыс берушіге конкурстық құжаттамада осы Қағидалардың 216-тармағының 3) және 11) тармақшаларында көзделген құжаттарды ұсыну талаптарын қоюға рұқсат етіледі.
      Тапсырыс берушіге конкурстық құжаттамада осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқасын ұсыну талабын қоюға рұқсат етіледі. Бұл ретте конкурстық құжаттама осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттарды ұсынудың тәсілі, орны және түпкілікті мерзімі, сондай-ақ 216-тармағының 3) тармақшасының екінші, үшінші, бесінші абзацтарында және 5) тармақшада көзделген құжаттар салынған конверттерді ашудың орны, күні және уақыты туралы мәліметтерді қосымша қамтиды.
      Жылдық көлемі құндық көріністе тиісті қаржы жылына белгіленген елу мың еселік айлық есептік көрсеткіштің мөлшерінен асып түсетін жұмыстарды және/немесе қызметтерді сатып алу кезінде Тапсырыс берушіге әлеуетті жеткізушіде сатып алынатын жұмыстар, қызметтер нарығында және/немесе белгілі бір салада жұмыс тәжірибесінің болуын көздейтін, әлеуетті жеткізуші тиісті қаржы жылына белгіленген елу мың еселік айлық есептік көрсеткіштің мөлшерінен кем түспейтін шарт сомасына жұмыстарды орындаған, қызметтерді көрсетіп жүрген ұйымдардың атынан кепілдеме хаттардың/оң пікірлердің сканерден өткізілген көшірмелерімен бекітілген, орындалған жұмыстарды, көрсетілген қызметтерді қабылдау-беруді растайтын жүк құжаттардың, тиісті актілердің сканерден өткізілген көшірмелерін қоса бере отырып, біліктілік талаптарын белгілеуге рұқсат етіледі. Бұл ретте 5 (бес) жылдан асатын жұмыс тәжірибесінің болуы туралы талап орнатуға жол берілмейді.
      205. Конкурстық құжаттамада жер қойнауын пайдалану жөнiндегi операцияларды жүргiзу кезiнде сатып алуды жүзеге асырудың мынадай жағдайларын қоспағанда, тауар белгiлеріне, қызмет көрсету белгiлерiне, фирмалық атауларға, патенттерге, пайдалы үлгiлерге, өнеркәсiптiк үлгiлерге, тауардың шығу орнының атауы мен өндiрушiнiң атауына, сондай-ақ сатып алынатын ТЖҚ-ның жеке әлеуеттi жеткiзушiсіне және (немесе) сатып алынатын тауар өндірушісіне тиесiлiлігiн анықтайтын өзге де сипаттамалардың мазмұнын көрсетуге жол берілмейді:
      1) негiзгi (орнатылған) жабдықты жете жинақтау, жаңғырту және жете жарақтандыру үшiн;
      2) тауарды лизингке ұсыну бойынша қызметтердiң жеткiзушiсін анықтау үшiн және лизингтің мәнiн толық сипаттаудың қажеттiлігi туындау үшін.
      206. Тапсырыс берушінің электрондық сандық қолтаңбасы қойылып бекітілген конкурстық құжаттама Тапсырыс берушімен тізілімде орналастырылады.
      Конкурстық құжаттаманың көшірмесін ұсыну (тізілімнен берілу) фактісі тізілімде автоматты түрде тіркеледі.
      Әлеуетті жеткізушіге осы Қағидалардың 204-тармағының 4) тармақшасында көрсетілген мәліметтерді қағаз тасығышта ұсыну өтінішімен тапсырыс берушіге жүгінуге жол беріледі. Осындай мәліметтер мүдделі тұлғалардың сұрауы бойынша қағаз тасығышта конкурстық құжаттаманың хатшысымен ұсынылады. Бұл мәліметтер мүдделі тұлғалардан ресми сұрауы алынған күннен бастап бір жұмыс күннің ішінде тегін ұсынылуы тиіс.
      Бұл ретте осы Қағидалардың 204-тармағының 4) тармақшасында көрсетілген мәліметтер қағаз түрінде нөмірленген беттермен ұсынылады, соңғы бет конкурстық комиссияның хатшысы қолы қойылып, тапсырыс берушінің мөрімен бекітіледі.
      207. Конкурстық құжаттаманы ашық конкурсты өткізу туралы хабарландырудың мәтіні жарияланғанға дейін ұсынуға рұқсат етілмейді.
      208. Әлеуетті жеткізушінің конкурстық құжаттаманың ережелерiн түсiндiру туралы сұрау салумен тапсырыс берушiге жүгінуге оны Жүйеде орналастыру арқылы жол беріледі, бiрақ ол конкурстық өтiнiмдердi берудiң соңғы мерзiмi өткенге дейiнгi он күнтiзбелiк күннен кешiктiрiлмеуi тиiс. Тапсырыс берушi сұрау салу тiркелген сәтiнен бастап үш күндiк мерзiмде оған жауап бередi және сұрау салудың кiмнен түскенiн көрсетпестен, түсiндiрудi конкурстық құжаттаманы оны тізілімде орналастыру арқылы алған барлық әлеуеттi жеткiзушiлерге жiбередi.
      209. Тапсырыс берушiге осы Қағидалардың 204-тармағының 1) тармақшасында көзделген мәліметтерді қоспағанда, конкурстық құжаттамаға өзгерiстер және (немесе) толықтыруларды енгiзуге рұқсат берiледi. Конкурстық құжаттамаға өзгерiстер және/немесе толықтыруларды конкурстық өтінімді ұсынудың түпкілікті мерзімі аяқталғанға дейін бес күнтізбелік күннен кешіктірмейтін мерзімде енгізуге рұқсат етіледі. Өзгерiстер және (немесе) толықтырулар енгiзiлген кезде тапсырыс берушi конкурстық құжаттаманы қайтадан бекiтуi тиіс және тапсырыс беруші конкурстық өтінімді ұсынудың түпкілікті мерзімін әлеуетті жеткізушілер бұл өзгерістерді конкурстық өтінімдерде ескеруі үшін кемінде он күнтізбелік күнге ұзартылады.
      Тапсырыс беруші енгiзiлген өзгерiстер және (немесе) толықтырулар ескерілген конкурстық құжаттаманың көшірмесін өзгерiстер және (немесе) толықтырулар енгізілген күннен бастап бір күнтізбелік күннен кешіктірмей барлық әлеуетті жеткізушілерге оны тізілімде орналастыру арқылы ұсынады.
      Конкурстық өтінімді ұсыну мерзімін ұзарту туралы ақпарат тізілімде орналастырылуға жатады.
      Конкурстық құжаттаманы ұсынудың мерзімін ұзартудың негіздемесі конкурстық құжаттамаға өзгерістер және (немесе) толықтырулардың енгізілуі болып табылады.
      Осы тармаққа сәйкес тапсырыс берушінің ТЖҚ-ны сатып алуды жүзеге асырудан бас тартуына байланысты ашық конкурс тәсілімен сатып алудың мәні болып табылатын, осы ТЖҚ-ның кейбір лоттарын алып тастау осы Қағидалардың 204-тармағының 1) тармақшасында көзделген мәліметтерге өзгерістер енгізу деп саналмайды.

Ашық конкурсты ақпараттық қамтамасыз ету

      210. Ашық конкурсты өткізген кезде тапсырыс берушінің ақпаратты тізілімде қалыптастыруға және орналастыруға өкілетті тұлғасы ашық конкурстың өткізілуі туралы хабарландыруға Тапсырыс берушінің электрондық цифрлық қолтаңбасын қойып, оны тізілімде және жер қойнауын пайдаланушы немесе оның уәкілетті тұлғасы үшін конкурстық өтiнiмдердi ұсынудың түпкiлiктi мерзiмi бiткенге дейiн кемінде отыз күнтiзбелiк күн бұрын, ал мердігер үшін кемінде он бес күнтізбелік күн бұрын аптасына кем дегенде үш рет жарияланатын, мемлекеттiк және орыс тiлдерiнде Қазақстан Республикасының аумағында таралатын мерзiмдi баспасөз басылымдарында орналастырады.
      Ашық конкурсты қайта өткiзген жағдайда, жер қойнауын пайдаланушы немесе оның уәкілетті тұлғасы тиiстi хабарландыруды осы тармақта көрсетiлген ақпараттандыру тәсiлдерiн қолдана отырып, конкурстық өтiнiмдердi ұсынудың түпкiлiктi мерзiмi өткенге дейiн кемінде он бес күнтiзбелiк күн бұрын, ал мердігер кемінде жеті күнтізбелік күн бұрын жариялауды қамтамасыз етедi.
      211. Тізілімде орналастырылатын ашық конкурсты өткiзу туралы хабарландыруда мынадай мәліметтер көрсетіледі:
      1) ашық конкурстың мәні (егер ашық конкурстың мәніне бірнеше лот кірген жағдайда, лоттардың атаулары және нөмірлері);
      2) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      3) әрбір лот бойынша сатып алынатын тауарлардың сипаттамасы, өлшем бірлігі, орындалатын жұмыстар мен көрсетілетін қызметтер көлемi;
      4) әрбір лот бойынша тауарларды жеткізудің, қызметтерді көрсетудің, жұмыстарды орындаудың мерзімі және орны;
      5) конкурстық құжаттаманы алу тәсілдері;
      6) конкурстық өтiнiмдерді ұсынудың тәсілі, оларды ұсынудың басталу және аяқталу уақыты, сондай-ақ конкурстық өтiнiмдерді ашу күнi мен уақыты;
      7) әрбір лот бойынша, ҚҚС-ны есепке алмағанда, тауарларды сатып алуға, жұмыстарды орындауға, қызметтерді көрсетуге бөлінген сома;
      8) ашық конкурстың қорытындылары шығарылған күннен бастап әрбір лот бойынша шарт жасасудың талап етілетін мерзімі;
      9) әлеуетті жеткізушілердің жүгінуіне арналған электрондық поштаның мекенжайы мен телефон нөмірлері;
      10) сатып алынатын тауарлардағы немесе жұмыстардағы немесе қызметтердегі әрбір лот бойынша пайызбен көрсетілген (0-ден 100-ге дейін) жергілікті қамту бойынша ең аз талаптар;
      11) сатып алу жүзеге асырылатын шеңберде жер қойнауын пайдалануға арналған келісімшарт (-тардың) нөмір (-лер)і;
      12) сатып алынатын тауарлардың, жұмыстар мен қызметтердің бағасынан басқа, әлеуетті жеткізушінің конкурстық баға ұсынысына, ҚҚС есептемегенде, тауарларды жеткізу, жұмыстарды орындау, қызметтерді көрсету талаптарында көзделген өзге шығыстарды қосудың қажеттілігі туралы талап;
      13) сатып алу коды және тізілім интернет-ресурсының мекенжайы;
      14) конкурстық құжаттаманың көшірмесі.
      Аптасына кемінде үш реттен жиі емес басып шығарылатын және мемлекеттік және орыс тiлдерiнде Қазақстан Республикасының аумағында таралатын мерзiмдi баспасөз басылымдарында жарияланатын, ТЖҚ-ны сатып алудың өткізілуі туралы хабарландыру осы тармақтың 1), 2), 7), 13) тармақшаларында көрсетілген ақпаратты қамтиды.
      212. Тапсырыс берушіге ашық конкурс тәсілімен сатып алуды өткізуден бас тарту туралы тізілімде хабарлау арқылы конкурстық өтінімдерді ұсынудың түпкілікті мерзімі өткенге дейін бір жұмыс күнінен кешіктірмей ТЖҚ-ны сатып алу бойынша ашық конкурсты өткізуден бас тартуға рұқсат етіледі.
      ТЖҚ-ны сатып алу жөніндегі ашық конкурсты өткізуден бас тартқан жағдайда, тапсырыс беруші ашық конкурсты өткізуден бас тартылған күннен бастап үш жұмыс күнінен кешіктірмей, осы Қағидалардың 216-тармағының 3) тармақшасының екінші, үшінші және бесінші абзацтарында және 5) тармақшасында көзделген құжаттары бар (егер оларды ұсынудың шарты конкурстық құжаттаманың талаптарымен қарастырылған жағдайда) келіп түскен конверттерді, оларды ашпастан және ашық конкурсқа қатысуға арналған өтінімдерді қамтамасыз ету ретінде тапсырыс берушінің есебіне салынған кепілдік ақша жарнасын қайтарады.
      213. Тапсырыс беруші ашық конкурстың қорытындылары туралы хаттамаға қол қойылған күннен бастап бес жұмыс күнінен кешіктірмей аптасына кемінде үш рет басып шығарылатын және мемлекеттік және орыс тiлдерiнде Қазақстан Республикасының аумағында таралатын мерзiмдi баспасөз басылымдарында осы Қағидалардың 267-тармағының 1), 4), 12) тармақшаларында көрсетілген ақпаратты, әкімшілік-аумақтық объектілер жіктеуішіне сәйкес ашық конкурс жеңімпазының атауын, орналасқан орнын (заңды тұлғалар үшін) немесе тегін, атын, әкесінің атын, орналасқан орнының мекен-жайын (жеке тұлғалар үшін) және ашық конкурс жеңімпазының конкурстық баға ұсынысының бағасын (лоттар бойынша) және (немесе), егер ашық конкурстың нәтижесінде жеңімпаз (лоттар бойынша) айқындалмаса, себептерді қамтитын хабарландыруды орналастырады.

Конкурстық өтінімнің мазмұны және оны ұсыну

      214. Конкурстық өтінім ашық конкурсқа қатысуға ниет білдірген әлеуетті жеткізушінің, ол ашық конкурстың жеңімпазы болып танылған жағдайда, конкурстық құжаттаманың талаптары мен шарттарына сәйкес тауарларды жеткізуді немесе жұмысты орындауды немесе қызметтерді көрсетуді жүзеге асыруға келісімін білдіру болып табылады.
      215. Ашық конкурсқа қатысуға ниет білдірген әлеуетті жеткізуші тапсырыс берушіге конкурстық құжаттамаға сәйкес тізілімде белгіленген мерзімде электрондық сандық қолтаңба қойылған конкурстық өтінімді және осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттарды (егер конкурстық құжаттамада тапсырыс берушімен осындай шарт қарастырылса) конвертке салып жапсырылған күйде береді.
      Әлеуетті жеткізушіге конкурстық өтінімді не конкурстық өтінімнің құрамдас бөлігі болып табылатын құжаттарды және (немесе) материалдарды конкурстық өтінімдердің қабылдануына дейін және (немесе) конкурстық құжаттамада көрсетілген ұсынудың соңғы мерзімі өткеннен кейін ұсынуға рұқсат берілмейді.
      Конкурстық өтінімге қоса берілген құжаттардың сканерден өткізілген көшірмелері бар әлеуетті жеткізушінің конкурстық өтінімге электрондық сандық қолтаңба қойылады және тізілімге орналастырылады.
      Егер конкурстық құжаттамада осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқасын ұсыну талабы болған жағдайларда, әлеуетті жеткізуші осындай құжаттарды тізілімде орналастырудан басқа, осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттары бар конверттерді ұсыну үшін конкурстық құжаттамада қарастырылған орынға, тәртіпте және мерзімде жапсырылған конвертте ұсынуға тиіс.
      216. Әлеуетті жеткізушінің конкурстық өтінімі мыналарды қамтиды:
      1) әлеуетті жеткізушінің бірінші басшысының немесе әлеуетті жеткізушінің уәкілетті тұлғасының электрондық сандық қолтаңбасы қойылған қолданылу мерзімі көрсетілген ашық конкурсқа қатысуға арналған өтінім;
      2) құқықтық қабілеттілігін (заңды тұлғалар үшін), азаматтық әрекетке қабілеттілігін (жеке тұлғалар үшін) растайтын құжаттардың сканерден өткізілген көшірмелері:
      жеке тұлға жеке сәйкестендіру нөмірін (бұдан әрі - ЖСН) немесе бизнес сәйкестендіру нөмірін (бұдан әрі - БСН) көрсете отырып, кәсіпкерлік субъектісі ретінде тіркелгені туралы құжатты, ЖСН-ді көрсете отырып жеке басты куәландыратын құжатты ұсынады. Қазақстан Республикасының резиденті емес жеке басты куәландыратын құжаттың сканерден өткізілген көшірмесін ұсынады;
      заңды тұлға мынадай құжаттарды ұсынады:
      жарғының сканерден өткізілген көшірмесі;
      құжаттардың (лицензиялардың, патенттердің, куәліктердің) сканерден өткізілген көшірмелерін немесе сатып алынатын тауарларды өндіруге, қайта өңдеуге, жеткізу мен өткізуге, жұмыстарды орындауға және қызметтер көрсетуге арналған әлеуетті жеткізушінің құқығын растайтын құжаттардың көшірмелері;
      егер сатып алудың мәні стандарттың немесе Қазақстан Республикасының сертификаттау туралы заңнамасына сәйкес адамдардың өмірі, денсаулығы, азаматтардың мүлкі және қоршаған ортаның қауіпсіздігін қамтамасыз ететін өзге нормативтік құжаттың талаптарына сәйкес келуіне міндетті түрде сертификаттауға жататын болса, сертификаттардың сканерден өткізілген көшірмелері;
      БСН-ді көрсете отырып, заңды тұлғаны мемлекеттік тіркеу (қайта тіркеу) туралы куәліктің* немесе анықтаманың сканерленген көшірмесі. Егер заңды тұлға Қазақстан Республикасының азаматтық заңнамасында белгіленген тәртіппен бекітілген Үлгі жарғының негізінде қызметін жүзеге асырған жағдайда, онда мемлекеттік тіркеу туралы өтініштің сканерленген көшірмесі беріледі;
      Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады;
      құрылтайшы немесе құрылтайшылардың құрамы туралы мәліметтерді қамтитын құрылтай құжаттарынан алынған үзіндінің сканерден өткізілген көшірмесі (жарғыда құрылтайшылар немесе құрылтайшылардың құрамы туралы мәліметтер қамтылмаған жағдайда) немесе конкурстық өтінімдерді ашу күнінің алдындағы бір айдан бұрын емес мерзімде берілген акцияларды ұстаушылар тізілімінен алынған үзіндінің сканерден өткізілген көшірмесі;
      3) төлем қабілеттілігін растайтын мынадай құжаттар:
      Қазақстан Республикасы Ұлттық Банкінің Басқармасы бекiткен екiншi деңгейдегi банктерде және ипотекалық ұйымдардағы бухгалтерлiк есеп Үлгi жоспарына сәйкес банктiң немесе банк филиалының алдындағы әлеуетті жеткізушінің мiндеттемелерiнiң барлық түрлерi бойынша анықтама берiлген күннiң алдындағы үш айдан астам созылған мерзiмi өткен берешектiң жоқтығы туралы әлеуетті жеткізушіге қызмет көрсететін банктiң немесе банк филиалының қолы және мөрi қойылған анықтаманың түпнұсқасы немесе сканерден өткізілген көшірмесі (конкурстық құжаттамада тиісті талап болған жағдайда) (егер әлеуеттi жеткiзушi екiншi деңгейдегi бiрнеше банктiң немесе филиалдарының, сондай-ақ шетелдiк банктiң клиентi болып табылса, осы анықтама осындай банктердiң әрқайсысынан ұсынылады). Анықтама конкурстық өтiнiмдер салынған конверттер ашылатын күннiң алдындағы бiр айдан бұрын емес мерзімде берілуге тиiс. Анықтамаға қол қойған лауазымды тұлғаның өкiлеттiгiн растайтын құжаттың болмауы, мұндай әлеуеттi жеткiзушiнiң бiлiктiлiк талаптарына сәйкес келмейтін ретінде деп танылуы үшiн негiздеме болып табылмайды;
      бiрiншi басшы немесе оның орнын алмастыратын тұлға қол қойған және заңды тұлғаның мөрімен бекітілген соңғы қаржы жылындағы бухгалтерлiк теңгерiмнiң түпнұсқасы (конкурстық құжаттамада тиісті талап болған кезде) немесе сканерден өткізілген көшiрмесi.
      Егер конкурстық өтінімдерді ашу ағымдағы жылдың 30 сәуiрiне дейiнгi мерзiмде жүргiзiлсе, онда әлеуеттi жеткiзушiге бiрiншi басшының немесе оның орнын алмастыратын тұлғаның қолы қойылған және заңды тұлғаның мөрімен бекітілген соңғы қаржы жылының алдындағы қаржы жылындағы бухгалтерлiк теңгерiмнiң түпнұсқасын (конкурстық құжаттамада тиісті талап болған жағдайда) немесе сканерден өткізілген көшiрмесiн ұсынуға рұқсат етiледi.
      Конкурстық өтінімдер салынған конверттерді ашу күнінің алдындағы бір айдың ішінде берілген үш айдан астам (Қазақстан Республикасының Салық және бюджетке төленетін басқа да міндетті төлемдер туралы заңнамасына сәйкес төлеу мерзімі кейінге қалдырылған жағдайларды қоспағанда) салық берешегінің және міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегінің жоқ екені туралы не бір теңгеден кем салық берешегінің және міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегінің бар екені туралы тиісті салық органының белгіленген нысандағы анықтамасының сканерден өткізілген көшірмесі немесе түпнұсқасы (конкурстық құжаттамада тиісті талап болған жағдайда);
      ҚҚС бойынша төлем төлеушiнi есепке қою туралы куәлiктiң сканерден өткізілген көшiрмесi (болған жағдайда).
      Осы Қағидалардың 204-тармағының жиырма үшінші және жиырма төртінші абзацтарына сәйкес, конкурстық құжаттамада төлем қабілеттілігін растайтын құжаттарды ұсыну талабы қарастырылмаған тапсырыс беруші өткізетін ашық конкурсқа қатысқан жағдайда, ТЖҚ әлеуетті жеткізушілер осы тармақшада көрсетілген құжаттарды (оның ішінде – түпнұсқада) ұсынбайды;
      4) ТЖҚ-ның функционалдық, техникалық, сапалық және пайдалану сипаттамалары бар техникалық ерекшелік, сондай-ақ ТЖҚ-ның осы талаптарға сәйкестігін растайтын құжаттардың тізбесі (конкурстық құжаттамада тиісті талаптар болған жағдайда);
      5) әрбір лот бойынша жеке конкурстық өтінімдерді қамтамасыз етудің енгізілуін растайтын құжаттың (конкурстық құжаттамада тиісті талап болған жағдайда) сканерден өткізілген көшірмесі немесе түпнұсқасы (конкурстық құжаттамада тиісті талаптар болған жағдайда);
      6) әлеуетті жеткізушінің бірінші басшысын қоспағанда, әлеуетті жеткізушінің мүддесін білдіретін тұлғаға (тұлғаларға) сенімхат;
      7) ұсынылған тауарлардағы немесе жұмыстардағы немесе қызметтердегі әрбір лот бойынша пайыздарда көрсетілген жергілікті қамту бойынша міндеттемелер (0-ден 100-ге дейін);
      8) жер қойнауын пайдалану жөніндегі операцияларды жүргізумен байланысты жұмыстардың жекелеген түрлерін орындауға арналған шартты орындау кезінде мердігердің осы Қағидаларды сақтау туралы міндеттемесі;
      9) әлеуетті жеткізуші мердігерлерінің (бірге орындаушыларының) осы Қағидалардың 8-тармағында көзделген біліктілік талаптарына сәйкес келуін растайтын құжаттар;
      10) осы Қағидалардың 11-тармағында көрсетілген, өткізілетін ашық конкурсқа қатысуға тыйым салатын негіздемелердің жоқтығы туралы әлеуетті жеткізушінің кепілдік хаты;
      11) әлеуетті жеткізушіде қолданыстағы Қазақстан Республикасы заңнамасына сәйкес аккредиттелген ұйыммен сертификатталған мемлекеттік стандарттардың талаптарына сәйкес сапа менеджменті жүйесінің (сертификатталған жүйелердің) болуын растайтын құжаттардың сканерден өткізілген көшірмелері (осы Қағидалардың 204-тармағының жиырма үшінші абзацына сәйкес конкурстық құжаттамада сәйкес талап болған жағдайда);
      12) әлеуетті жеткізушіде сатып алынатын жұмыстар, қызметтер нарығында және/немесе белгілі бір салада жұмыс тәжірибесінің болуын растайтын құжаттар: орындалған жұмыстарды, көрсетілген қызметтерді қабылдау-табыстауды растайтын жүкқұжаттардың, тиісті актілердің сканерден өткізілген көшірмелерін қоса беріп, әлеуетті жеткізуші тиісті қаржы жылына белгіленген елу мың еселік айлық есептік көрсеткіштің мөлшерінен кем түспейтін шарт сомасына жұмыстарды орындаған, қызметтерді көрсетіп жүрген ұйымдардың атынан кепілдеме хаттардың/оң пікірлердің сканерден өткізілген көшірмелері (осы Қағидалардың 204-тармағының жиырма бесінші абзацына сәйкес конкурстық құжаттамадағы тиісті талап болған жағдайда).
      Ескерту. 216-тармаққа өзгерістер енгізілді - ҚР Үкіметінің 10.07.2013 № 706 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі) қаулыларымен.
      217. Егер әлеуетті жеткізуші Қазақстан Республикасының бейрезиденті болып табылса, ол өзінің біліктілік талаптарына сәйкес келуін дәлелдеу үшін Қазақстан Республикасының резиденттері ұсынатын құжаттарды немесе нотариус конкурстық құжаттама тіліндегі аудармасын куәландырған әлеуетті жеткізуші - Қазақстан Республикасының бейрезиденті туралы ұқсас мәліметтерді қамтитын құжаттарды ұсынады.
      218. Әлеуетті жеткізушілер шартты бағаны есептеу үшін осы Қағидалардың 216-тармағында көзделген құжаттардан басқа:
      1) егер әлеуетті жеткізуші ашық конкурстың сатып алу мәні болып табылатын қазақстандық тауарлардың өндірушісі болып табылған жағдайда, Қазақстан Республикасының аумағында жасалғанын растайтын, ішкі айналымға арналған тауардың шыққан жері туралы сертификаттың сканерден өткізілген көшірмесі;
      2) егер әлеуетті жеткізуші ашық конкурстың сатып алу мәні болып табылатын жұмыстар мен қызметтердің қазақстандық өндірушісі болып табылған жағдайда, әлеуетті жеткізушінің бірінші басшысы немесе өзге уәкілетті тұлғасы қол қойған осы Қағидалардың 11-қосымшасына сәйкес нысан бойынша қызметкерлердің саны туралы мәліметтер ұсынылады.
      219. Егер конкурстық құжаттамада осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқаларын ұсыну талабы қарастырылған жағдайларда, осындай құжаттар (тігілмей, басқа құжаттардан бөлек ұсынылатын конкурстық өтінімді қамтамасыз етудің енгізілуін растайтын құжаттан (-тардан) басқа) тiгiлген түрде, нөмiрленген беттерiмен немесе парақтарымен берiледi, соңғы бетi ашық конкурсқа қатысушының - жеке тұлғаның қолымен, ал заңды тұлға үшiн - бiрiншi басшының немесе өзге уәкiлеттi тұлғаның қолымен және мөрімен куәландырылады.
      220. Осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқалары салынған мөрленген конверт:
      1) конкурстық құжаттамада көрсетiлген деректемелер бойынша тапсырыс берушiге жiберiледi;
      2) «________ сатып алу бойынша ашық конкурс _____________ лот» (ашық конкурстың атауы және лоттардың атаулары мен нөмірлері) және «________________ дейiн ашуға болмайды» (конверттердi ашу күнi мен уақыты) деген сөздердi қамтиды;
      3) әлеуеттi жеткiзушiнiң атауы мен орналасқан орнының мекен-жайын (заңды тұлғалар үшін) немесе тегін, атын, әкесінің атын және тұрғылықты жерін (жеке тұлғалар үшін) қамтиды.
      221. Тапсырыс берушi конкурстық өтiнiмдердiң қолданылу мерзiмi өткенге дейiн әлеуеттi жеткiзушiлерге осы мерзiмдi қосымша уақыт кезеңiне ұзарту туралы сауал жiбере алады. Әлеуеттi жеткiзушi сауалды қабылдамаған жағдайда, соңғысы өз конкурстық өтiнiмiнiң қолданылу мерзiмi ұзартылмаған қолданылу мерзiмi барысында өткізіліп отырған ашық конкурсқа қатысу құқығынан айырылмайды.
      222. Әлеуеттi жеткiзушi конкурстық өтiнiмдi конкурстық құжаттамада көрсетiлген оларды ұсынудың соңғы мерзiмi аяқталғанға дейiн тізілімде ұсынады.
      Әлеуетті жеткізушінің конкурстық өтінімді ұсыну фактісі автоматты түрде тізілімде тіркеледі.
      223. Әлеуетті жеткізушіге конкурстық өтінімдерді ұсыну мерзiмiнiң аяқталуынан кешiктiрмей:
      1) конкурстық өтінімді өзгертуге және (немесе) толықтыруға;
      2) өзі енгізген конкурстық өтінімдерді қамтамасыз етуді қайтаруға құқығын жоғалтпай, өзінің конкурстық өтінімін қайтарып алуға рұқсат етіледі.
      224. Мыналарға:
      1) әлеуетті жеткізушіге бір лотқа бір конкурстық өтінімнен артық енгізуге;
      2) конкурстық өтінімдерді ұсынудың соңғы мерзімі аяқталғаннан кейін өзгертулер және (немесе) толықтыруларды енгізуге және конкурстық өтінімді қайтарып алуға рұқсат етілмейді.
      225. Әлеуетті жеткізуші ашық конкурс тәсілімен сатып алудың бірнеше лотына қатысқан жағдайда, осы Қағидалардың 216-тармағының 1), 4), 5), 6), 7), 8) тармақшаларында көзделген құжаттар ашық конкурс тәсілімен сатып алудың әрбір лоты үшін жеке ұсынылады.
      226. Әлеуетті жеткізуші өзінің ашық конкурс тәсілімен сатып алуға қатысуымен байланысты барлық шығыстарды өтейді. Тапсырыс беруші ашық конкурс тәсілімен осы немесе басқа ТЖҚ-ны сатып алуды өткізуден бас тартқан жағдайдан басқа, тапсырыс беруші сатып алудың қорытындыларына қарамастан, осы шығындарды өтеу бойынша міндеттемелерді атқармайды.

Конкурстық өтінімдерді қамтамасыз ету

      227. Тапсырыс берушіге аталған тауарды, жұмысты, қызметті сатып алу үшін конкурстық құжаттамада көзделген соманың бір пайызынан артық конкурстық өтінімдерді қамтамасыз ету мөлшерін белгілеуге рұқсат етілмейді.
      228. Әлеуетті жеткізушіге төмендегі түрлердің бірімен конкурстық өтінімді қамтамасыз етуді енгізуге рұқсат етіледі:
      1) тапсырыс берушінің банк шотына енгізілетін кепілдікті ақша жарнасы;
      2) Қазақстан Республикасының бір немесе бірнеше екінші деңгейдегі банктерінің банк кепілдігі.
      229. Жеткiзушiнiң шарт бойынша мiндеттемелер толық орындалғанға дейiн үшiншi тұлғаларда енгiзiлген кепiлдiкті ақшалай жарнаға толық не бiр бөлiгiнде талап ету құқығының туындауына әкеп соғатын әрекет жасауына жол берiлмейдi.
      230. Жеткізуші енгiзген кепiлдiкті ақшалай жарнаны тапсырыс берушінің шарт бойынша мiндеттемелер толық орындалғанға дейiн пайдалануына жол берiлмейдi.
      231. Конкурстық өтiнiмдi қамтамасыз етудi енгiзу туралы талап мүгедектердің қоғамдық ұйымдарына қолданылмайды.
      232. Тапсырыс берушi конкурстық өтiнiмдi қамтамасыз етудi мынадай жағдайлардың бiрi туындаған кезде:
      1) әлеуеттi жеткiзушi конкурстық өтiнiмдердi ұсынудың соңғы мерзiмi өткеннен кейiн конкурстық өтiнiмдi керi қайтарып алса;
      2) ашық конкурстың жеңiмпазы деп айқындалған әлеуеттi жеткiзушi сатып алу туралы шарт жасасудан жалтарса;
      3) ашық конкурстың жеңiмпазы сатып алу туралы шарт жасасып, егер оның енгiзілуі конкурстық құжаттамада көзделген жағдайда, сатып алу туралы шарттың орындалуын қамтамасыз етудi енгiзу туралы конкурстық құжаттамада белгiленген талаптарды орындамаса қайтармайды.
      233. Осы Қағидалардың 232-тармағында көзделген жағдайлардың бірі туындаған жағдайда, конкурстық өтінімді қамтамасыз ету сомасы тапсырыс берушінің кірісіне есептеледі.
      234. Тапсырыс беруші әлеуетті жеткізушіге өзі енгізген конкурстық өтінімді қамтамасыз етуді мына жағдайлар туындаған күннен бастап үш жұмыс күннің ішінде қайтарады:
      1) берілген әлеуеттi жеткiзушi өзінің конкурстық өтiнiмін конкурстық өтiнiмдердi ұсынудың соңғы мерзiмi өткенге дейiн керi қайтарып алса;
      2) Тапсырыс беруші ашық конкурсқа қатысуға рұқсаттама хаттамасына қол қойса. Аталған тармақша ашық конкурстың қатысушылары болып танылған әлеуетті жеткізушілерге қолданылмайды;
      3) Тапсырыс беруші ашық конкурс тәсiлiмен сатып алудың қорытындыларын шығару хаттамасына қол қойса. Аталған тармақша ашық конкурс жеңiмпазы ретінде танылған ашық конкурсқа қатысушыға қолданылмайды;
      4) сатып алу туралы шарт күшiне енгізілсе және енгiзiлуi конкурстық құжаттамада көзделген жағдайда ашық конкурс жеңiмпазы сатып алу туралы шарттың орындалуын қамтамасыз етудi енгiзсе;
      5) әлеуеттi жеткiзушiнiң конкурстық өтiнiмiнiң қолданылу мерзiмi өтсе.

Конкурстық өтінімдерді ашу

      235. Конкурстық құжаттаманы ұсыну фактісі келесі мәліметтерді көрсетумен тізілімде автоматты түрде тіркеледі:
      1) ашық конкурстың мәні (егер ашық конкурстың мәніне бірнеше лот кірген жағдайда лоттардың атауы мен нөмірлері);
      2) әлеуетті жеткізушінің атауы мен орналасқан орнының мекен-жайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) әлеуетті жеткізушінің өтінімді ұсынудың күні және уақыты;
      4) әлеуетті жеткізушінің конкурстық өтінімді қайтарып алған күні мен уақыты.
      236. Егер конкурстық құжаттамада осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқасын ұсыну талабы қарастырылса, онда конкурстық комиссияның хатшысы келесі мәліметтерді көрсетумен хронологиялық тәртіпте осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген әлеуетті жеткізушілердің құжаттарын тіркеу журналында әлеуетті жеткізушілердің аталған құжаттарының түпнұсқалары бар конвертті қабылдайды және тіркейді:
      1) ашық конкурстың мәні (егер ашық конкурстың мәніне бірнеше лот кірген жағдайда, лоттардың атаулары мен нөмірлері);
      2) әлеуетті жеткізушінің атауы мен орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      3) осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқасы салынған әлеуетті жеткізушінің конвертін ұсыну тәсілі;
      4) осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқасы салынған әлеуетті жеткізушінің конвертін ұсынудың күні және уақыты;
      5) әлеуетті жеткізушінің конкурстық өтінімді қайтарып алған күні мен уақыты.
      Осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген әлеуетті жеткізушілер құжаттарының түпнұсқаларын тіркеу журналы тігіледі, беттері нөмірленеді, 216-тармағының 3) тармақшасының екінші, үшінші, бесінші абзацтарында және 5) тармақшасында көзделген әлеуетті жеткізушілер құжаттарының түпнұсқаларын тіркеу журналының соңғы беті тапсырыс берушінің мөрімен бекітіледі. Бір қаржы жылы ішінде ашық конкурс тәсілімен ТЖҚ барлық сатып алуы бойынша осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген әлеуетті жеткізушілер құжаттарының түпнұсқаларын тіркеудің бірыңғай журналын жүргізуге рұқсат етіледі.
      237. Тізілімде әлеуетті жеткізушілердің конкурстық құжаттамада көрсетілген, оларды ұсынудың соңғы мерзімі өткеннен кейін ұсынылатын конкурстық өтінімдері орнатылмайды.
      Осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген, осы Қағидалардың 215, 220-тармақтарындағы талаптарды бұза отырып ресімделген құжаттары бар конверт ашылмайды және осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттар бар конвертті алған күннен бастап кем дегенде бір жұмыс күнінің ішінде әлеуетті жеткізушіге қайтарылады.
      238. Электрондық сандық қолтаңбамен қол қойылған әлеуетті жеткізушілердің конкурстық өтінімдерін ашу тізілімде автоматты түрде конкурстық құжаттамада белгіленген мерзім ішінде жүзеге асырылады.
      Егер конкурстық құжаттама осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттардың түпнұсқаларын ұсыну талабын көздеген жағдайда, конкурстық комиссия осындай құжаттардың конверттерін ашуын осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттар бар конверттерді ашу күні, уақыты және орны туралы конкурстық құжаттардың ережесіне сәйкес жүргізеді.
      239. Осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттар бар конвертті ұсынып отырған әлеуетті жеткізушінің және (немесе) осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттар бар конверттерді ашу кездегі оның уәкілетті өкілінің аудиожазба және (немесе) бейнежазбаны жүргізу құқығымен қатысуына рұқсат етіледі.
      Конкурстық комиссияның отырысына қатысып отырған тұлғаларға конкурстық комиссияның қызметіне араласуға рұқсат етілмейді.
      240. Осы Қағидалардың 12-қосымшасына сәйкес нысан бойынша конкурстық өтінімдерді ашу хаттамасы тізілімде қалыптастырылады, Тапсырыс берушінің электрондық сандық қолтаңбасы қойылады, конкурстық өтінімдерді ашу күнінен кейінгі екі жұмыс күнінен кешіктірмей тізілімде ақпаратты қалыптастыру мен орналастыруға уәкілетті тапсырыс берушінің тұлғасымен тізілімде орналастырылады.
      Тізілімде қалыптастырылған конкурстық өтінімдерді ашу хаттамасының қағаз нұсқасына төраға және (немесе) төрағаның орынбасары, хатшы және конкурстық өтінімдерді ашу күнінде болған барлық конкурстық комиссия мүшелерінің қатысушылары қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күнінің ішінде конкурстық өтінімдерді ашу хаттамасының көшірмесі жіберіледі.
      241. Тізілімде қалыптастырылатын конкурстық өтінімдерді ашу хаттамасында мынадай мәліметтер көрсетіледі:
      1) әкімшілік-аймақтық объектілердің жіктеуішіне сәйкес тапсырыс берушінің орналасқан орны мен атауы;
      2) конкурстық өтінімдерді ашу күні, уақыты;
      3) конкурстық комиссияның құрамы;
      4) ашық конкурстың мәні (егер ашық конкурстың мәніне бірнеше лот кірген жағдайда, лоттардың атаулары және нөмірлері);
      5) конкурстық құжаттаманы алған әлеуетті жеткізушілердің атауы және орналасқан орнының мекен-жайы (заңды тұлғалар үшін), аты, тегі, әкесінің аты және орналасқан орны (жеке тұлғалар үшін);
      6) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      7) конкурстық құжаттама өзгерістерінің және (немесе) түсініктемелерінің қысқаша сипаттамасы (олар болған жағдайда);
      8) конкурстық өтінімдерді ұсынудың күні мен уақыты көрсетілген конкурстық өтінімдерді ұсынған әлеуетті тұлғалардың атаулары (заңды тұлғалар үшін) немесе аты, тегі, әкесінің аты (жеке тұлғалар үшін);
      9) Осы Қағидалардың 223-тармағының 2) тармақшасына сәйкес өзінің конкурстық өтінімін кері қайтарып алған әлеуетті жеткізушілердің атаулары (заңды тұлғалар үшін) немесе аты, тегі, әкесінің аты (жеке тұлғалар үшін);
      10) Осы Қағидалардың 216-тармағының 3) тармақшасының екінші, үшінші мен бесінші абзацтарда және 5) тармақшада көзделген құжаттарды қамтыған, осы Қағидалардың 215, 220-тармақтарының талаптары бұзыла отырып ұсынылғандықтан ашылмай қайтарылған конверттер, әлеуетті жеткізушілердің атауы (заңды тұлғалар үшін), аты, тегі, әкесінің аты (жеке тұлғалар үшін);
      11) әлеуетті жеткізушілердің конкурстық өтінімдерін өзгерту және (немесе) толықтыру туралы мәліметтер;
      12) әрбір лот бойынша бөлек әлеуетті жеткізушілердің ашылған конкурстық өтінімдерінің мазмұны туралы ақпарат;
      13) осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттарды қамтыған конверттерді ашу рәсімінде қатысқан әлеуетті жеткізушілердің өкілдері туралы мәліметтер;
      14) оның шеңберінде сатып алу жүзеге асырылатын жер қойнауын пайдалануға арналған келісімшарт(-тар) нөмір(-лер)і.

Конкурстық өтінімдерді қарастыру және ашық конкурсқа қатысуға
рұқсат беру рәсімі

      242. Конкурстық комиссия конкурстық өтінімдерді қарастырады және егер басқасы конкурстық құжаттамада қарастырылмаса, әлеуетті жеткізушілерді әрбір лот бойынша бөлек конкурстық өтінімдерді ашқан күннен бастап он күнтізбелік күн ішінде ашық конкурсқа қатысуға рұқсат беру туралы шешім қабылдайды.
      243. Конкурстық комиссия конкурстық құжаттамада көрсетілген шарттар мен өзге талаптардан, сипаттамадан елеулі шегіну болып табылмайтын немесе елеулі өзгертпейтін маңызды емес ауытқулар бар болса немесе онда конкурстық өтінімнің мәнін қозғамай түзетуге келетін грамматикалық қателер бар болса, конкурстық өтінімді талаптарға сәйкес келетін өтінім ретінде қарастырады.
      244. Конкурстық өтінімдерді қарастырған кезде:
      1) конкурстық комиссияға конкурстық өтінімдерді қарастыруды жеңілдету үшін тізілімде орналастыру арқылы ашық конкурстың әлеуетті жеткізушілерінен мазмұнын өзгертпестен, олардың конкурстық өтінімдеріне байланысты түсіндірмеге сұрау салуға рұқсат етіледі;
      2) тапсырыс берушіге әлеуетті жеткізушінің конкурстық өтініміне қандай да бір өзгеріс енгізуге жол берілмейді;
      3) Осы Қағидалардың және конкурстық құжаттамалардың талаптарына сәйкес келмейтін конкурстық өтінімді осы талаптарға сәйкес келтіру үшін ешқандай сұрау салуларға, ұсыныстар мен рұқсаттамаларға жол берілмейді.
      245. Конкурстық комиссия конкурстық өтінімді қабылдамайды және әлеуетті жеткізушіні ашық конкурсқа қатыстырмайды, егер:
      1) әлеуетті жеткізушінің конкурстық өтінімі мынадай негіздемелер бойынша конкурстық құжаттама талаптарына жауап бермесе:
      техникалық ерекшеліктерді ұсынбау (конкурстық құжаттамада тиісті талап бар болған жағдайда);
      әлеуетті жеткізушінің конкурстық құжаттаманың техникалық ерекшелігінде бекітілген талаптарға сәйкес келмейтін техникалық ерекшеліктерді ұсынуы;
      конкурстық құжаттаманың талаптарына сәйкес конкурстық өтінімді қамтамасыз етуді (оның ішінде түпнұсқада - конкурстық құжаттамамен қарастырылған жағдайда) ұсынбау;
      осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттарды қамтитын конверттерді ашу кезінде әлеуетті жеткізушінің бірінші басшысы болып табылмайтын және әлеуетті жеткізушінің мүдделерін қорғайтын тұлғаға (тұлғаларға) сенімхаттың болмауы;
      осы Қағидалардың 216-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттар осы Қағидалардың 219-тармағында қарастырылған талаптарды бұзумен ұсынылған;
      конкурстық құжаттаманың талаптарына сәйкес конкурстық өтінімнің құрамына кіретін құжаттама конкурстық құжаттама тіліндегі аударма нотариуспен куәландырылмаған конкурстық құжаттаманың тілінен өзгеше тілдерде ұсынылған;
      әлеуетті жеткізушіде қолданыстағы Қазақстан Республикасы заңнамасына сәйкес аккредиттелген ұйыммен сертификатталған мемлекеттік стандарттардың талаптарына сәйкес сапа менеджменті жүйесінің (сертификатталған жүйелердің) болуын растайтын құжаттардың сканерден өткізілген көшірмелерін ұсынбау;
      әлеуетті жеткізушіде сатып алынатын жұмыстар, қызметтер нарығында және/немесе белгілі бір салада жұмыс тәжірибесінің болуын растайтын құжаттарды ұсынбау: орындалған жұмыстарды, көрсетілген қызметтерді қабылдау-табыстауды растайтын жүкқұжаттардың, тиісті актілердің сканерден өткізілген көшірмелерін қоса беріп, әлеуетті жеткізуші тиісті қаржы жылына белгіленген елу мың еселік айлық есептік көрсеткіштің мөлшерінен кем түспейтін шарт сомасына жұмыстарды орындаған, қызметтерді көрсетіп жүрген ұйымдардың атынан кепілдеме хаттардың/оң пікірлердің сканерден өткізілген көшірмелері.
      Осы тармақтың сегізінші және тоғызыншы абзацтарында көзделген негіздемелер конкурстық құжаттамада осы Қағидалардың 204-тармағының тиісінше жиырма үшінші және жиырма бесінші абзацтарына сәйкес көрсетілген құжаттарды ұсыну туралы талап көзделмеген тапсырыс берушімен өткізілетін ашық конкурсқа қатысып отырған әлеуетті жеткізушілерге қатысты қолданылмайды;
      2) әлеуетті жеткізуші және (немесе) қосымша мердігерлер (бірлесіп орындаушылар) осы Қағидалардың 8-тармағында көзделген біліктілік талаптарына мынадай негіздемелер бойынша сәйкес келмесе:
      жеке тұлға БСН немесе ЖСН көрсетілген жеке кәсіпкерліктің субъектісі ретінде тіркеу туралы құжаттың сканерден өткізілген көшірмесін, ЖСН көрсетілген жеке басты куәландыратын құжаттың сканерден өткізілген көшірмесін ұсынбаса;
      заңды тұлға жарғының сканерден өткізілген көшірмесін ұсынбаса;
      егер заңды тұлға қызметін Үлгі жарғының негізінде жүзеге асырған жағдайда, заңды тұлғаның БСН-ді көрсете отырып, заңды тұлғаны мемлекеттік тіркеу (қайта тіркеу) туралы куәліктің* немесе анықтаманың сканерленген көшірмесін не мемлекеттік тіркеу туралы өтініштің сканерленген көшірмесін ұсынбауы;
      Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады;
      заңды тұлға құрылтайшылар немесе құрылтайшылардың құрамы туралы мәліметтерді қамтитын құрылтай құжаттарын (егер жарғы құрылтайшылар немесе құрылтайшылардың құрамы туралы мәліметтерді қамтымаған жағдайда) немесе конкурстық өтінімдерді ашу күнінен бір айдан бұрын емес берілген акцияларды ұстаушылардың тізілімінен алынған сканерден өткізілген үзіндіні ұсынбаса;
      құжаттардың (лицензиялар, патенттер, куәліктер) және әлеуетті жеткізушінің сатып алынатын тауарларды өндіруге, өңдеуге, жеткізуге және өткізуге, жұмыстарды орындауға және қызметтерді көрсетуге арналған құқығын растайтын басқа құжаттардың сканерден өткізілген көшірмелерін ұсынбаса;
      Қазақстан Республикасы Ұлттық Банкінің Басқармасы бекiткен екiншi деңгейдегi банктерде және ипотекалық ұйымдардағы бухгалтерлiк есеп шоттарының Үлгi жоспарына сәйкес банктiң немесе банк филиалының алдындағы мiндеттемелерiнiң барлық түрлерi бойынша анықтама берiлген күннiң алдындағы үш айдан астам созылған мерзiмi өткен берешектiң жоқтығы туралы әлеуетті жеткізушіге қызмет көрсететін банктiң немесе банк филиалының қолы және мөрi қойылған, конкурстық өтiнiмдер салынған конверттер ашылатын күннiң алдындағы бiр айдан бұрын емес мерзімде берілген анықтаманың түпнұсқасы немесе сканерден өткізілген көшірмесі (егер әлеуеттi жеткiзушi екiншi деңгейдегi бiрнеше банктiң немесе филиалдарының, сондай-ақ шетелдiк банктiң клиентi болып табылса, осы анықтаманың осындай банктердiң әрқайсысынан ұсынылмауы) ұсынылмаса;
      банк немесе банк филиалының қолы және мөрі бар анықтамада әлеуетті жеткізушінің аталған анықтаманың берілген күннің алдындағы үш айдан бері созылып жатқан міндеттеме түрлерінің біреуінен болса да мерзімі өткен қарыздардың болуы;
      бірінші басшының немесе оны алмастыратын тұлғаның қолы қойылған және заңды тұлғаның мөрімен бекітілген соңғы қаржы жылына арналған бухгалтерлік теңгерімнің (конкурстық құжаттамаларда тиісті талап бар болған жағдайда) түпнұсқасы немесе сканерден өткізілген көшірмесін немесе егер конкурстық өтінімдерді ашу ағымдағы жылдың 30 сәуіріне дейінгі мерзімде өтсе, бірінші басшының немесе оның орнын басатын тұлғаның электрондық сандық қолтаңбасы қойылған соңғы қаржы жылының алдындағы қаржы жылына арналған бухгалтерлік теңгерімнің (конкурстық құжаттамаларда тиісті талап бар болған кезде) түпнұсқасын және сканерден өткізілген көшірмесін ұсынбау;
      конкурстық өтінімдерді ашу күнінің алдындағы бір айдың ішінде тиісті салық органы берген үш айдан астам (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлем мерзімі ұзартылған жағдайларды қоспағанда) салық берешегінің және міндетті зейнетақы жарналары, міндетті кәсіптік зейнетақы жарналары мен әлеуметтік аударым бойынша берешегінің жоқ екені туралы не бір теңгеден кем салық берешегінің және міндетті зейнетақы жарналары, міндетті кәсіптік зейнетақы жарналары мен әлеуметтік аударым бойынша берешегінің бар екені туралы  белгіленген нысандағы анықтаманың сканерден өткізілген көшірмесін және түпнұсқасын (конкурстық құжаттамада тиісті талап болған жағдайда) ұсынбауы;
      тиісті салық органның анықтамасында үш айдан астам (Қазақстан Республикасының салық және бюджетке төленетін басқа да міндетті төлемдер туралы заңнамасына сәйкес төлем мерзімі ұзартылған жағдайларды қоспағанда) бір теңге мөлшерінде салық берешегінің және міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегі туралы мәліметтердің болуы;
      конкурстық құжаттамалардың талаптары мен шарттарына сәйкес ұсынылатын біліктілік талаптары және өзге мәліметтер бойынша жалған ақпараттың ұсынылуы;
      Қазақстан Республикасының бейрезиденттерінің осы тармақшамен қарастырылған құжаттаманы (немесе оған ұқсастарын) ұсынбауы немесе бұл құжаттаманы конкурстық құжаттама тілдеріндегі нотариуспен куәландырылған аудармасыз ұсынуы.
      Осы тармақшаның жетінші, сегізінші, тоғызыншы, оныншы, он бірінші абзацтарында көзделген негіздемелер осы Қағидалардың 204-тармағының жиырма үшінші абзацына сәйкес төлем қабілеттілігін растайтын құжаттарды ұсыну туралы талап конкурстық құжаттамасында ескерілмейтін тапсырыс берушімен өткізілетін ашық конкурсқа қатысатын әлеуетті жеткізушілерге және (немесе) олар тартатын қосымша мердігерлерге (бірге орындаушыларға) қатысты қолданылмайды;
      3) осы Қағидалардың 11-тармағында көрсетілген өткізіліп отырған ашық конкурсқа қатысуға тыйым салатын негіздердің болмауы туралы әлеуетті жеткізушінің кепілхаты ұсынылмаса;
      4) әлеуетті жеткізуші осы Қағидалардың 12-тармағында келтірілген талаптарды бұзса;
      5) ұсынылып отырған тауарлар немесе жұмыстар немесе қызметтердегі жергілікті қамту бойынша міндеттемелер ұсынылмаса және (немесе) сатып алынатын тауарлардың немесе жұмыстардың немесе қызметтердегі жергілікті қамту бойынша конкурстық құжаттаманың ең аз талаптарынан аз болса;
      6) мердігер жұмыстарды орындауға арналған шартты орындау кезінде осы Қағидаларды сақтау туралы міндеттемелерді ұсынбаса.
      Ескерту. 245-тармаққа өзгерістер енгізілді - ҚР Үкіметінің 10.07.2013 № 706 (алғашқы ресми жарияланғанынан кейін күнтізбелік он күн өткен соң қолданысқа енгізіледі); 20.12.2013 N 1363 (01.01.2014 бастап қолданысқа енгізіледі) қаулыларымен.
      246. Конкурстық комиссия әлеуетті жеткізушілердің конкурстық өтінімдерін қарастырған кезде, әлеуетті жеткізушінің Заңның 78-бабының 2-тармағында көзделген өлшемге сәйкес келетіндігін анықтау үшін әлеуетті жеткізуші ұсынған мәліметтерді ескереді.
      Әлеуетті жеткізуші өзінің конкурстық өтінімінің бағасына әсер ететін өлшемге сәйкес келуін растайтын құжаттарды ұсынбаған жағдайда, конкурстық комиссия конкурстық баға ұсынысына осындай әлеуетті жеткізушінің бағасын шартты төмендетуін қолданбайды.
      247. Тапсырыс берушінің конкурстық өтінімдерді ұсынудың түпкілікті мерзімін ұзартуына байланысты оның төлем қабілеттілігін растайтын құжаттардың қолдану мерзімі өткендіктен әлеуетті жеткізушінің конкурстық өтінімін қабылдамауға рұқсат етілмейді.
      248. Анағұрлым жақсы функционалдық және басқа сипаттамалары бар тауарлар ұсынылса, сондай-ақ анағұрлым жақсы технологиялық шешімдер және (немесе) жұмыстардың ең үздік материалдардан жасалуы ұсынылған жағдайларда, әлеуетті жеткізушінің техникалық ерекшелігінің конкурстық құжаттамада көрсетілген техникалық ерекшелікке сәйкес келмеуіне жол беріледі.
      249. Ашық конкурсқа қатысуға рұқсат беру хаттамасы осы Қағидалардың 13-қосымшасына сәйкес тізілімде қалыптастырылады, оған Тапсырыс берушінің электрондық сандық қолтаңбасы қойылады, тізілімде ақпаратты қалыптастыру мен орналастыруға өкілетті тапсырыс берушінің тұлғасы оны ашық конкурсқа қатысуға рұқсат туралы шешім қабылданған күннен кейінгі күнтізбелік 10 күннен кешіктірмей, егер конкурстық құжаттамада өзге мерзім қарастырылмаса, тізілімде орналастырады.
      Ашық конкурсқа қатысуға рұқсат хаттамасының қағаз нұсқасына конкурстық комиссияның төрағасы және (немесе) төрағасының орынбасары, хатшысы және қатысуға рұқсат беру рәсіміне қатысқан конкурстық комиссияның барлық мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күнінің ішінде ашық конкурсқа қатысуға рұқсат беру хаттамасының көшірмесі жіберіледі.
      250. Ашық конкурсқа қатысуға рұқсат беру хаттамасы мыналарды қамтиды:
      1) әкімшілік-аумақтық объектілердің жіктеуішіне сәйкес тапсырыс берушінің атауы және орналасқан орны;
      2) отырысты өткізудің күні, уақыты және орны;
      3) конкурстық комиссияның құрамы;
      4) ашық конкурстың мәні (егер ашық конкурстың мәніне бірнеше лот кірген жағдайда, лоттардың атаулары);
      5) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      6) әлеуетті жеткізушілер ұсынған құжаттардың ережелеріне қатысты түсіндірмелердің жалпы мазмұндамасы (конкурстық комиссияның талап етуі бойынша түсіндірмелер ұсынылған жағдайда хаттамаға енгізіледі);
      7) конкурстық өтінімдері тізілімде ашылып, конкурстық комиссиямен қарастырылған әлеуетті жеткізушілердің атауы және орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      8) қабылдамаудың себептері көрсетілген, конкурстық өтінімдері қабылданбаған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) Заңның 78-бабының 2-тармағында көзделген бағаның шартты төмендетілуінің қолданылуы көрсетілген, ашық конкурстың (лот) қатысушылары болып танылған әлеуетті жеткізушілердің атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      10) ашық конкурс қатысушыларының конкурстық баға ұсыныстарының тізілімде орналастырылуының күні, уақыты;
      11) ашық конкурс қатысушыларының конкурстық баға ұсыныстарын бағалау және салыстырудың күні, уақыты;
      12) сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      251. Конкурстық комиссия мүдделі тұлғаларға ашық конкурсқа қатысуға рұқсат берудің нәтижелері туралы хабарланған күнінен бастап екі жұмыс күнінен ерте емес күніне конкурстық баға ұсыныстардың ашылуын белгілейді.
      252. Әлеуетті жеткізушілер ұсынған конкурстық өтініштер болмаған жағдайда тізілімде ашық конкурстың өтпегені туралы шешім қабылданады және осы Қағидалардың 266, 267-тармақтарында келтірілген тәртіппен және нысандармен қорытындылар хаттамасы ресімделеді.

Конкурстық баға ұсыныстарының мазмұны және ұсынылуы

      253. Ашық конкурсқа қатысушының электрондық сандық қолтаңбасы қойылған конкурстық баға ұсынысы тізілімге осы Қағидалардың 10-қосымшасында келтірілген нысанға сәйкес, оның iшiнде сатып алынатын ТЖҚ бағасынан басқа, ҚҚС-ны есепке алмағанда, оларды тасымалдауға және сақтандыруға, кедендiк баждарды, салықтар мен алымдарды төлеуге кететін шығыстарды, сондай-ақ тауарларды жеткiзу, жұмыстарды орындау, қызметтердi көрсету шығыстарын енгізудің есебімен әрбір лот бойынша бөлек ұсынылады.
      254. Ашық конкурстың қатысушылары конкурстық баға ұсыныстарын ашық конкурсқа қатысуға рұқсат беру хаттамасында көрсетілген мерзімінен кешіктірмей ұсынылады.
      255. Ашық конкурстың қатысушысына бір лотқа бірден артық конкурстық баға ұсынысын ұсынуға рұқсат берілмейді.
      256. Ашық конкурстың қатысушыларына конкурстық баға ұсыныстарын ұсынудың мерзімі аяқталғанға дейін:
      1) өздерінің конкурстық баға ұсыныстарын өзгертуге;
      2) олар енгізген конкурстық өтінімді қамтамасыз етуді қайтару құқығын жоғалтпай, өздерінің конкурстық баға ұсынысын қайтарып алуға рұқсат етіледі.

Конкурстық баға ұсыныстарын салыстыру және бағалау рәсімі және
ашық конкурстың жеңімпазын анықтау

      257. Ашық конкурсқа қатысуға рұқсат беру хаттамасында көрсетілген конкурстық баға ұсыныстарының мерзімі өткеннен кейін ұсынылатын ашық конкурсқа қатысушылардың конкурстық баға ұсыныстары тізілімде орналастырылмайды.
      258. Ашық конкурсқа қатысуға рұқсат беру хаттамасында белгіленген мерзім ішінде конкурстық баға ұсыныстарын ұсынған ашық конкурстың қатысушылары туралы мәліметтер тізілімде автоматты түрде тіркеледі.
      259. Ашық конкурсқа қатысушының уәкілетті тұлғасы электрондық цифрлық қолтаңба қойылған конкурстық баға ұсынысын тізілімде орналастырған кезде, конкурстық баға ұсынысын ұсыну фактісі мынадай мәліметтерді көрсету арқылы тізілімде тіркеледі:
      1) өнімнің Үлгілік статистикалық жіктеуішіне сәйкес ашық конкурстың мәні (ашық конкурстың мәніне бірнеше лот кірген жағдайда, лоттардың атаулары);
      2) әкімшілік-аумақтық объектілердің жіктеуішіне сәйкес ашық конкурсқа қатысушының атауы және орналасқан орнының мекенжайы (заңды тұлғалар үшін), тегі, аты, әкесінің аты және орналасқан орны (жеке тұлғалар үшін);
      3) ашық конкурсқа қатысушының конкурстық баға ұсынысы ұсынылған күн мен уақыт.
      260. Ашық конкурсқа қатысуға рұқсат беру хаттамасында белгіленген күнде, уақытта тізілімде ұсынылған конкурстық баға ұсыныстарын салыстыру және бағалау автоматты тәртіппен жүзеге асырылады.
      261. Электрондық цифрлық қолтаңба қойылған конкурстық баға ұсыныстарын ашу тізілімде жүзеге асырылады.
      262. Ашық конкурсқа қатысушының конкурстық баға ұсынысының бағасы ашық конкурстың (лоттың) мәні болып табылатын ТЖҚ-ны сатып алуға бөлінген сомадан асқан жағдайда, ұсынылған конкурстық баға ұсыныстары тізілімде қабылданбайды.
      263. Осы Қағидалардың 262-тармағында келтірілген шарт бойынша қабылданған конкурстық баға ұсыныстары тізілімде салыстырылады және бағаланады және Заңның 78-бабының 2-тармағында қарастырылған бағаны шарты түрде азайтудың өлшемін ескере отырып, конкурстық баға ұсынысының ең төмен бағасының негізінде (лот бойынша) ашық конкурстың жеңімпазы анықталады.
      264. Ашық конкурстың жеңімпазын анықтау кезінде, Заңның 78-бабының 2-тармағында қарастырылған бағаны шарты түрде азайтудың өлшемін қолдануды ескере отырып, ашық конкурсқа қатысушылардың конкурстық баға ұсыныстарының бағалары тең болған жағдайда, артықшылық қазақстандық тауар өндірушіге, қазақстандық жұмыс, қызмет өндірушіге беріледі.
      Мына жағдайларда:
      1) Заңның 78-бабының 2-тармағында қарастырылған бағаны шартты түрде азайту өлшемінің қолданылуын ескере отырып, қазақстандық тауар өндіруші, қазақстандық жұмыс, қызмет өндірушісі болып табылатын ашық конкурстың конкурстық баға ұсыныстарының бағалары тең болса;
      2) Заңның 78-бабының 2-тармағында қарастырылған бағаны шартты түрде азайту өлшемінің қолданылуын ескере отырып, қазақстандық тауар өндіруші, қазақстандық жұмыс, қызмет өндірушісі болып табылмайтын ашық конкурсқа қатысушылардың конкурстық баға ұсыныстарының бағалары тең болған жағдайда ашық конкурстың мәні болып табылатын сатып алынатын ТЖҚ жергілікті қамту бойынша ең үлкен пайызды ұсынған ашық конкурстың қатысушысы жеңімпаз болып танылады.
      Мына жағдайларда:
      1) Заңның 78-бабының 2-тармағында қарастырылған бағаны шартты түрде азайту өлшемінің қолданылуын ескере отырып, конкурстық баға ұсыныстарының бағалары және қазақстандық тауар өндірушілері, қазақстандық жұмыс, қызмет өндірушілері болып табылатын ашық конкурсқа қатысушылар ұсынған ашық конкурстың мәні болып табылатын сатып алынатын ТЖҚ жергілікті қамту бойынша міндеттемелердің пайыздық көрінісі тең болса;
      2) конкурстық баға ұсыныстарының бағалары және қазақстандық тауар өндірушілері, қазақстандық жұмыс, қызмет өндірушілері болып табылмайтын ашық конкурсқа қатысушылар ұсынған ашық конкурстың мәні болып табылатын сатып алынатын ТЖҚ жергілікті қамту бойынша міндеттемелердің пайыздық көрінісі тең болған жағдайда, ашық конкурстың жеңімпазы ретінде конкурстық баға ұсынысы тізілімге ашық конкурстың басқа қатысушыларының конкурстық баға ұсыныстарынан бұрын келіп түскен ашық конкурсқа қатысушы танылады.
      265. Жалпы немесе бөлек лот бойынша ашық конкурстың нәтижесін шығару кезінде тізілімде автоматты тәртіпте мына шешімдердің біреуі қалыптастырылады:
      1) ашық конкурстың немесе қайталама ашық конкурстың жеңімпазын жариялау туралы;
      2) ұсынылған конкурстық өтінімдердің болмауына байланысты ашық конкурстың немесе қайталама ашық конкурстың өтпеген деп танылуы туралы;
      3) әлеуетті жеткізушілердің конкурстық өтінімдері ашық конкурстың немесе қайталама ашық конкурстың шарттарына сәйкес келмейтіндер ретінде қабылданбаған жағдайда, ашық конкурстың немесе қайталама ашық конкурстың өтпеген деп танылуы туралы;
      4) ашық конкурстың немесе қайталама ашық конкурстың қатысушылары ұсынған конкурстық баға ұсыныстарының болмауына байланысты ашық конкурстың немесе қайталама ашық конкурстың өтпеген деп танылуы туралы;
      5) ашық конкурста немесе қайталама ашық конкурста конкурстық баға ұсынысы ашық конкурстың немесе қайталама ашық конкурстың шарттарына сәйкес келетін бір әлеуетті жеткізуші қатысқан жағдайда, ашық конкурстың немесе қайталама ашық конкурстың өтпеген деп танылуы туралы.
      266. Конкурстық баға ұсыныстарын ашу уақытынан бастап отыз минуттан кешіктірмей конкурстық баға ұсыныстарын салыстыру және бағалаудың нәтижесі бойынша шешім тізілімде осы Қағидалардың 14-қосымшасына сәйкес нысан бойынша ашық конкурстың қорытындысын шығару хаттамасы түрінде қалыптастырылады және жарияланады.
      Осы Қағидалардың 14-қосымшасына сәйкес тізілімде қалыптастырылған ашық конкурстың қорытындысын шығару хаттамасына Тапсырыс берушінің электрондық сандық қолтаңбасы қойылады және ол тізілімде ақпаратты қалыптастыруға және орналастыруға өкілетті тапсырыс берушінің тұлғасымен тізілімде орналастырылады.
      Тізілімде қалыптастырылған ашық конкурстың нәтижесін шығару хаттамасының қағаз нұсқасына төраға және (немесе) төрағаның орынбасары, хатшы және осы Қағидалардың 267-тармағында келтірілген мағлұматтарды көрсете отырып, конкурстық баға ұсыныстарын салыстыру және бағалау күнінен бастап бір жұмыс күнінен кешіктірмей конкурстық комиссия мүшелерінің қорытындысын шығарудың күнінде болған барлық қатысқан конкурстық комиссия мүшелері қол қояды.
      Әлеуетті жеткізушінің тиісті жазбаша сұрау салуы бойынша үш жұмыс күннің ішінде ашық конкурстың қорытындысын шығару хаттамасының көшірмесі жіберіледі.
      267. Ашық конкурстың қорытындысын шығару хаттамасы мыналарды қамтиды:
      1) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      2) ашық конкурстың қорытындысын шығару күні, уақыты;
      3) конкурстық комиссияның құрамы;
      4) өнімнің үлгілік статистикалық жіктеуішіне сәйкес ашық конкурстың мәні (ашық конкурстың мәніне бірнеше лот кірген жағдайда, лоттардың атауы);
      5) ашық конкурсқа қатысуға рұқсат беру хаттамасында көрсетілген соңғы мерзімнің өтуіне дейін конкурстық баға ұсыныстарын ұсынған ашық конкурсқа қатысушылардың әкімшілік-аумақтық объектілердің жіктеуішіне сәйкес атауы және орналасқан орнының мекенжайы (заңды тұлғалар үшін), тегі, аты, әкесінің аты және орналасқан орны (жеке тұлғалар үшін);
      6) өлшем мен есеп бірліктерінің мемлекетаралық жіктеуішіне сәйкес сипаттамасы, өлшем бірлігі немесе әрбір лот бойынша сатып алынатын тауарлардың саны, орындалатын жұмыстардың немесе көрсетілетін қызметтердің көлемі;
      7) осы Қағидалардың 256-тармағының 2) тармақшасына сәйкес конкурстық баға ұсыныстарын кері қайтарып алған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      8) конкурстық баға ұсыныстарындағы бағаларды көрсете отырып, осы Қағидалардың 262-тармағында келтірілген себеппен конкурстық баға ұсыныстары қабылданбаған ашық конкурсқа қатысушылардың атауы (заңды тұлғалар үшін) немесе тегі, аты, әкесінің аты (жеке тұлғалар үшін);
      9) Заңның 78-бабының 2-тармағымен көзделген (лоттар бойынша) бағаны шартты түрде азайту өлшемінің қолданылуы ескеріле отырып, ашық конкурсқа қатысушылардың қабылданған конкурстық баға ұсыныстарының бағалары;
      10) ашық конкурс (лоттар бойынша) жеңімпазының және жеңімпаздың ұсынысынан кейін конкурстық баға ұсыныстары барынша басым болып табылатын ашық конкурстың үш қатысушының әкімшілік-аумақтық объектілердің жіктеуішіне сәйкес атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін) және (немесе) ашық конкурстың нәтижесінде жеңімпаз анықталмаған жағдайда, себепті көрсету (лоттар бойынша);
      11) ашық конкурс жеңімпазының және жеңімпаздың ұсынысынан кейін конкурстық баға ұсыныстары тәуірлеу болып табылатын ашық конкурстың үш қатысушының әрбір лот бойынша ұсынылып отырған тауарлар немесе жұмыстар немесе қызметтердегі пайызбен көрсетілген (0-ден 100 дейін) жергілікті қамту бойынша міндеттемелері;
      12) сатып алудың коды мен тізілім интернет-ресурсының мекенжайы;
      13) сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      268. Ашық конкурстың қорытындысын шығару хаттамасында және конкурстық құжаттамада орнатылған мерзімде ашық конкурстың жеңімпазымен ашық конкурс жеңімпазының конкурстық өтініміндегі шарттарына сәйкес келетін шарттарда шарт жасалады.
      269. Егер өткізілген ашық конкурстың нәтижелері бойынша ашық конкурстың жеңімпазы Тапсырыс берушіге ашық конкурстың қорытындысын шығару хаттамасына сәйкес орнатылған мерзімде шартқа қол қоймай және оны ұсынбаған жағдайда, ашық конкурстың қорытындысын шығару хаттамасына сәйкес жеңімпаздың ұсынысынан кейін конкурстық баға ұсыныстары тәуірлеу болып табылатын ашық конкурстың басқа да қатысушыларымен шарт жасасуға рұқсат етіледі.
      270. Осы Қағидалардың 265-тармағының 2), 3), 4) тармақшаларымен көзделген себептер бойынша ашық конкурс өтпеген деп танылса, онда конкурстық құжаттамаға, Осы Қағидалардың 204-тармағының 1) тармақшасында көзделген мәліметтерді қоспағанда, өзгерістер мен толықтырулар енгізуге рұқсат етіледі және Тапсырыс берушінің тарапынан осы Қағидалардың 210-тармағында көрсетілген ақпараттандырудың тәсілдерін пайдалана отырып, қайталама ашық конкурс өткізіледі.
      Егер де, ашық конкурс осы Қағидалардың 265-тармағының 3) тармақшасында көзделген себеппен әлеуетті жеткізушілер тауарлар немесе жұмыстар немесе қызметтердегі жергілікті қамту бойынша конкурстық құжаттамадағы ең аз талаптарынан төмен болып табылатын міндеттемелерді ұсынғандықтан өтпеген деп танылған жағдайда, тапсырыс беруші қайталама ашық конкурсты өткізген кезде, тауарлар немесе жұмыстар немесе қызметтердегі жергілікті қамту бойынша талаптарды азайту жағына қарай өзгертеді.
      Егер ашық конкурс немесе қайталама ашық конкурс осы Қағидалардың 265-тармағының 5) тармақшасында көзделген себеп бойынша өтпеген деп танылса, онда тапсырыс беруші конкурстық баға ұсынысы ашық конкурс немесе қайталама ашық конкурстың шарттарына сәйкес келмейтін ретінде қабылданбай қоймаған ашық конкурс немесе қайталама ашық конкурстың қатысушысында берілген ашық конкурс немесе қайталама ашық конкурстың конкурстық құжаттамасымен көзделген шарттарға сәйкес бір көзден сатып алу тәсілімен сатып алуды жүргізеді.
      271. Егер өтінімдері ашық конкурстың шарттарына сәйкес келмейді деп кері қайтарылмаған барлық жеткізушілер сатып алу туралы шарт жасасудан бас тартса, онда тапсырыс беруші осы Қағидалардың 210-тармағында көрсетілген ақпараттандыру тәсілдерін қолданып, жаңа ашық конкурсты өткізеді.

Бір көзден сатып алу тәсілімен тауарларды, жұмыстарды немесе
қызметтерді сатып алу

      272. Бір көзден сатып алу тәсілімен ТЖҚ-ны сатып алу мынадай жағдайларда өткізіледі:
      1) ашық конкурс немесе қайталама ашық конкурс конкурстық баға ұсынысы ашық конкурстың шарттарына сәйкес келмейтін ретінде қабылданбай қоймаған ашық конкурстың қатысушысында берілген ашық конкурсқа арналған конкурстық құжаттамада көзделген шарттарға сәйкес ашық конкурстың шарттарына сәйкес келмейді деп конкурстық баға ұсынысы қабылданбай қоймаған бір ғана қатысушының қатысуына байланысты өтпеген деп танылса;
      2) әлеуетті жеткізушілер ұсынған конкурстық өтінімдердің болмауына байланысты қайталама ашық конкурс өтпеген болып танылса;
      3) әлеуетті жеткізушілердің конкурстық өтінімдері ашық конкурстың шарттарына сәйкес келмейтін ретінде қабылданбаған жағдайда, қайталама ашық конкурс өтпеген болып танылса;
      4) қайталама ашық конкурсқа қатысушылар ұсынған конкурстық баға ұсыныстарының болмауына байланысты қайталама ашық конкурс өтпеген болып танылса;
      5) баға ұсынысын сұрату тәсілімен сатып алу немесе қайталама сатып алу баға ұсынысы қабылданған әлеуетті жеткізушіде баға ұсыныстарын сұрату тәсілімен сатып алуда көзделген шарттармен қабылданған жалғыз баға ұсынысының болуына байланысты өтпеген болып танылса;
      6) баға ұсыныстарын сұрату тәсілімен қайталама сатып алу баға ұсыныстарының жоқтығына немесе қабылданбай қоймаған баға ұсыныстарының жоқтығына байланысты өтпеген болып танылса;
      7) электрондық сатып алу жүйесі арқылы конкурстық баға ұсыныстарының бағаларын төмендету арқылы ашық конкурс тәсілімен сатып алу немесе электрондық сатып алу жүйесі арқылы конкурстық баға ұсыныстарының бағаларын төмендету арқылы ашық конкурс тәсілімен қайталама сатып алу баға ұсынысы электрондық сатып алу жүйесі арқылы сатып алудың шарттарына сәйкес келмейтін ретінде қабылданбай қоймаған электрондық сатып алу жүйесі арқылы сатып алудың қатысушысында өтінімі электрондық сатып алу жүйесі арқылы берілген сатып алудың құжаттамасында көзделген шарттарға сәйкес электрондық сатып алу жүйесі арқылы сатып алудың шарттарына сәйкес келмейтін ретінде қабылданбай қоймаған бір ғана қатысушының қатысуына байланысты өтпеген болып танылса;
      8) электрондық сатып алу жүйесі арқылы конкурстық баға ұсыныстарының бағаларын төмендету арқылы ашық конкурс тәсілімен қайталама сатып алу әлеуетті жеткізушілер ұсынған конкурстық өтінімдердің болмауына байланысты өтпеген болып танылса;
      9) электрондық сатып алу жүйесі арқылы конкурстық баға ұсыныстарының бағаларын төмендету арқылы ашық конкурс тәсілімен қайталама сатып алу конкурстық өтінімдері конкурстық құжаттама талаптарына сәйкес келмейтін ретінде қабылданбай қоймаған әлеуетті жеткізушілердің болмауына байланысты өтпеген болып танылса;
      10) электрондық сатып алу жүйесі арқылы конкурстық баға ұсыныстарының бағаларын төмендету арқылы ашық конкурс тәсілімен қайталама сатып алу электрондық сатып алу жүйесі арқылы конкурстық баға ұсыныстарының бағаларын төмендету арқылы ашық конкурс тәсілімен қайталама сатып алудың қатысушылары ұсынған конкурстық баға ұсыныстарының болмауына байланысты өтпеген болып танылса;
      11) қандай да бір жеткізушіден ТЖҚ-ны сатып алған тапсырыс берушінің үйлестіру, стандарттау немесе қолда бар ТЖҚ-мен үйлесімділігін қамтамасыз ету мақсатында дәл сол жеткізушіден ТЖҚ-ны сатып алудың қажеттілігі пайда болса;
      12) жұмысшыларды даярлау, қайта даярлау және олардың біліктілігін арттыру бойынша көрсетілетін қызметтерді сатып алу;
      13) жол сапарларында кідірмей қалпына келтіруді талап ететін сынықтар пайда болғанда, механизм, агрегаттар істен шыққан кезде ТЖҚ-ны сатып алу;
      14) іссапар шығыстарын жүзеге асыруға байланысты қызметтерді сатып алу;
      15) арбитраждық алымдарды төлеу;
      16) мүлікті сенімді басқару жөніндегі қызметтерді сатып алу;
      17) жылжымайтын мүлікті жалға алу жөніндегі қызметтерді сатып алу;
      18) табиғи монополия субъектілерінен реттелетін ТЖҚ-ны сатып алу;
      19) сатып алынатын ТЖҚ белгілі бір нарығында үстем (монополиялы) орын алатын тұлғадан немесе қызметінің негізгі пәні бойынша мемлекеттік монополия субъектісінен ТЖҚ-ны сатып алу;
      20) Қазақстан Республикасының салық және бюджетке төленетін басқа да міндетті төлемдер туралы заңнамасында белгіленген бағалар, тарифтер, алымдар мен төлемдер бойынша ТЖҚ-ны сатып алу;
      21) төтенше жағдайлардың зардабын оқшаулау және (немесе) жою үшін, апаттарды жою үшін, соның ішінде негізгі жабдық істен шыққан жағдайларда (негізгі жабдықтың апаттық тоқтап қалуын), ТЖҚ сатып алу;
      22) ауыр жұмыстарда, зиянды (ерекше зиянды) және (немесе) қауіпті еңбек жағдайларында жұмыс істейтін, сонымен қатар қауіптілігі жоғары машина мен механизмдермен байланысты жұмыстарда жұмыс істейтін жұмысшыларды міндетті медициналық қараудан өткізу бойынша қызметтерді сатып алу;
      23) мүгедектердің республикалық қоғамдық бірлестіктерімен құрылған және сатып алынатын ТЖҚ өндіретін ұйымдардан ТЖҚ-ны сатып алу;
      24) өкілдер шығысымен байланысты тауарларды, қызметтерді сатып алу;
      25) көрмелер, семинарлар, конференциялар, жиналыстар, форумдар, симпозиумдер, тренингтердің материалдарын сатып алу, сонымен қатар көрсетілген іс-шараларға қатысқаны үшін төлемдер;
      26) қағаз және (немесе) электрондық тасығыштардағы мерзімді баспасөз басылымдарын, бұқаралық ақпарат құралдарында ақпаратты орналастыру бойынша қызметтерді, сондай-ақ интернет-ресурстарында орналастырылған ақпаратты, әртүрлі магниттік тасығыштарында шығарылған дыбыстандырылған кітаптарды, рельефтік-нүктелік қаріппен басылған кітаптарды ұсыну бойынша қызметтерді сатып алу;
      27) жер қойнауын пайдаланушының жұмысшыларды, олардың балаларын, жер қойнауын пайдаланушының есебінде тұрған зейнеткерлерді емдеумен, олардың демалысын ұйымдастырумен байланысты қызметтерді (емдеу, демалыс орындарына дейін тасымалдау мен жөнелтуді қоса алғанда) сатып алу;
      28) рейтингтік агенттіктердің қызметтерін, қаржы қызметтерін сатып алу;
      29) мамандандырылған кітапханалардың қызметтерін сатып алу;
      30) сатып алынатын тауарлар, жұмыстар, көрсетілетін қызметтерге қатысты айрықша құқықтарға ие тұлғадан зияткерлік меншік объектілері болып табылатын тауарларды, жұмыстарды, көрсетілетін қызметтерді сатып алу;
      31) Қазақстан Республикасының азаматтық заңнамасына сәйкес саудаларда (аукциондарда) өткізілетін мүлікті (активтерді) сатып алу;
      32) үйлестірілген электрондық сатып алу жүйесін пайдалану қызметтерін сатып алу;
      33) орындалатын жұмыстардағы жергілікті қамтудың үлесі кем дегенде 65 (алпыс бес) пайызды құраған жағдайда, қазақстандық жұмыс өндірушілерінен ғылыми-зерттеу және тәжірибелік-конструкторлық жұмыстарды сатып алу;
      34) өндірістік қуаттары қалдықтардың олардың пайда болу көзінен минималды ауыстырылуын қамтамасыз ететін жеткізушіден шаруашылық қызмет үдерісі барысында пайда болатын қалдықтарды қайта өңдеу, жою және орналастыру жұмыстарын сатып алу;
      35) тамақ өнімдерін сатып алу;
      36) келісімшартты орындау кезінде тартылған Қазақстан Республикасы азаматтары болып табылатын жұмысшыларды оқыту, біліктілігін арттыру және қайта даярлау бойынша немесе Қазақстан Республикасы азаматтарын Қазақстан Республикасының жер қойнауы және жер қойнауын пайдалану туралы заңына сәйкес құзыретті органдармен келісілген мамандықтардың тізбесі бойынша оқыту бойынша жер қойнауын пайдаланушылардың келісімшарттық міндеттемелерін орындау үшін білім беру мекемелерінің қызметтерін сатып алу;
      37) тауарларды осы тауарлардағы жергілікті қамтудың үлесі кем дегенде 65 (алпыс бес) пайызды құраған жағдайда сатып алу;
      38) емдік дәрі-дәрмектерді сатып алу;
      39) нотариалдық қызметтерді сатып алу;
      40) телефон және ұялы байланыс қызметтерін, Интернетке кіру қызметтерін сатып алу;
      41) коммуналдық қызметтерді сатып алу;
      42) құзыретті органның пайдалы қазбалар кен орындарын барлау және өңдеу жөніндегі орталық комиссиясының тізімінде орналасқан тәуелсіз сарапшылардан жобалау құжаттамасын сараптау бойынша қызметтерді сатып алу.
      273. Осы Қағидалардың 272-тармағының 1), 2), 3), 4), 7), 8), 9), 10) тармақшаларына сәйкес бір көзден сатып алу тәсілімен ТЖҚ-ны сатып алу өткізілген жағдайда, сатып алудың шарттары өтпеген сатып алудың конкурстық құжаттамасының талаптарына сәйкес болуы керек.
      Осы Қағидалардың 272-тармағының 5), 6) тармақшаларына сәйкес бір көзден сатып алу тәсілімен ТЖҚ-ны сатып алу өткізілген жағдайда сатып алудың шарттары өтпеген сатып алу шартының жобасындағы елеулі шарттарына сәйкес келуі тиіс.
      274. Бір көзден сатып алу тәсілімен біртекті болып табылмайтын ТЖҚ-ны сатып алуды өткізген кезде тапсырыс берушіге бір көзден сатып алу тәсілімен сатып алудың қорытындысын шығару хаттамасында мұндай ТЖҚ міндетті түрде лоттарға бөле отырып көрсетілген тәсілмен бірыңғай сатып алуды ұйымдастыруға және өткізуге рұқсат етіледі.
      Бір көзден сатып алу тәсілімен біртекті ТЖҚ бірнеше түрлерін сатып алу ТЖҚ-ны олардың біртекті түрлері және оларды жеткізудің (орындаудың, көрсетудің) орындары бойынша лотқа бөлу арқылы жүзеге асырылады.
      Біртекті тауарларды, жұмыстар мен қызметтерді жер қойнауын пайдалануға арналған бірнеше келісімшарттың шеңберінде бір көзден сатып алу тәсілімен сатып алу тапсырыс берушінің тарапынан жер қойнауын пайдалануға арналған келісімшарттар бойынша сатып алынатын ТЖҚ көлемдерінің үлестірілуін міндетті түрде көрсету арқылы іске асырылады.
      275. Бір көзден сатып алу тәсілімен ТЖҚ-ны сатып алудың қорытындыларын шығару хаттамасы мынадай ақпаратты қамтиды:
      1) әкімшілік-аумақтық объектілердің жіктеуішіне сәйкес атауы және орналасқан орны;
      2) бір көзден сатып алу тәсілімен сатып алудың негіздемесі (әрбір лот бойынша, егер бір көзден сатып алу тәсілімен сатып алудың пәніне бірнеше лот кірсе);
      3) өнімнің үлгілік статистикалық жіктеуішіне сәйкес бір көзден сатып алу тәсілімен сатып алудың мәні (лоттардың атаулары мен нөмірлері, егер бір көзден сатып алу тәсілімен сатып алудың мәніне бірнеше лот кірсе);
      4) әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі, өлшем мен есеп бірліктерінің мемлекетаралық жіктеуішіне сәйкес сипаттамасы, өлшем бірліктері;
      5) әрбір лот бойынша тауарларды жеткізу, жұмыстарды орындау, қызметтерді көрсетудің мерзімі және орны;
      6) жеткізушінің атауы;
      7) әрбір лот бойынша ұсынылатын ТЖҚ үшін жеткізушінің ҚҚС-ны есепке алмағанда теңгедегі ұсынған бағасы;
      8) әрбір лот бойынша тауарды сатып алуға, жұмыстарды орындауға және қызметтерді көрсетуге бөлінген, ҚҚС-ны есепке алмағанда, теңгедегі сома;
      9) әлеуетті жеткізушінің ұсынысқа, ҚҚС-ны есепке алмағанда, тауарларды жеткізумен, жұмыстарды орындаумен, қызметтерді көрсетумен байланысты барлық шығындарды қосу қажеттілігі туралы талап;
      10) сатып алу туралы шартты жасасудың мерзімі;
      11) ұсынылатын ТЖҚ пайыздық көріністегі (0-ден 100 дейін) жергілікті қамту бойынша әлеуетті жеткізушінің әрбір лот бойынша міндеттемелері;
      12) сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      276. Осы Қағидалардың 15-қосымшасына сәйкес нысан бойынша бір көзден сатып алу тәсілімен ТЖҚ-ны сатып алудың қорытындысын шығару хаттамасы тізілімде қалыптастырылады және оған Тапсырыс берушінің электрондық сандық қолтаңбасы қойылады және осы Қағидалардың 275-тармағында келтірілген мәліметтерді көрсетумен бір көзден сатып алу тәсілімен ТЖҚ-ны сатып алудың қорытындысы шығарылған күннен бастап бір жұмыс күнінен кешіктірмей тізілімде ақпаратты қалыптастыру мен орналастыруға өкілетті тапсырыс берушінің тұлғасы оны тізілімде орналастырады.
      Тізілімде қалыптастырылған бір көзден сатып алу тәсілімен ТЖҚ-ны сатып алудың қорытындысын шығару хаттамасының қағаз үлгісіне тапсырыс берушінің бірінші басшысы немесе тапсырыс берушінің уәкілетті өкілі қол қояды.
      Жеткізушінің тиісті жазбаша сұрау салуы бойынша үш жұмыс күнінің ішінде бір көзден сатып алу тәсілімен ТЖҚ-ны сатып алудың қорытындысын шығару хаттамасының көшірмесі жолданады.
      Бір көзден сатып алу тәсілімен сатып алудың қорытындысы шығарылған күннен бастап екі жұмыс күнінен кешіктірмей тапсырыс беруші осы Қағидалардың 275-тармағының 1), 2), 3), 6), 7), 11) тармақшаларында көрсетілген ақпаратты қамтитын қорытындылар туралы хабарландыруды аптасына кем дегенде үш рет жарияланатын және Қазақстан Республикасының аумағында мемлекеттік және орыс тілдерінде таралатын мерзімді баспасөз басылымында орналастырады.

Баға ұсыныстарын сұрату тәсілімен тауарларды, жұмыстар мен
көрсетілетін қызметтерді сатып алу

      277. Баға ұсыныстарын сұрату тәсілімен ТЖҚ-ны сатып алу тапсырыс беруші үшін сипаттамасының елеулі маңызы жоқ ТЖҚ өткізіледі, мұнда шешуші шарт баға болып табылады.
      278. Баға ұсыныстарын сұрату тәсілі белгілі бір тауарды немесе белгілі бір жұмысты, көрсетілетін қызметті сатып алудың жылдық көлемі құндық тұлғалануда тиісті қаржы жылына белгіленген он төрт мың еселік айлық есептік көрсеткіш мөлшерінен аспаған жағдайда қолданылады.
      279. Баға ұсыныстарын сұрату тәсілін қолдану мақсатында белгілі бір тауарды, белгілі бір жұмысты, көрсетілетін қызметті сатып алудың жылдық көлемін қаржы жылының ішінде біреуінің мөлшері осы Қағидалардың 278-тармағында көзделген мөлшерден кем болатын бөліктерге бөлуге жол берілмейді.
      280. Баға ұсыныстарын сұрату тәсілімен біртекті болып табылмайтын ТЖҚ-ны сатып алуды өткізген кезде тапсырыс берушіге сатып алу туралы хабарландыруда мұндай ТЖҚ міндетті түрде лоттарға бөле отырып көрсетілген тәсілмен бірыңғай сатып алуды ұйымдастыруға және өткізуге рұқсат етіледі.
      Баға ұсыныстарын сұрату тәсілімен біртекті ТЖҚ-ның бірнеше түрлерін сатып алу ТЖҚ-ны олардың біртекті түрлері және оларды жеткізудің (орындаудың, көрсетудің) орындары бойынша лоттарға бөлу арқылы жүзеге асырылады.
      Тапсырыс беруші біртекті тауарлар, жұмыстар мен қызметтерді баға ұсыныстарын сұрату тәсілімен сатып алуды жер қойнауын пайдалануға арналған бірнеше келісімшарттың шеңберінде өткізген жағдайда, тауарларды жеткізу, қызметтерді көрсету мен жұмыстарды орындаудың бірыңғай орны болса және жер қойнауын пайдалануға арналған келісімшарттар бойынша сатып алынатын ТЖҚ көлемдерінің үлестірілуі міндетті түрде көрсетілсе, осындай ТЖҚ бір лотпен сатып алуға рұқсат етіледі.
      Осы тармақта көзделген жағдайларда, баға ұсыныстарын қарастыру, бағалау және салыстыру, сондай-ақ жеңімпазды анықтау сатып алу туралы хабарландыруда көзделген әрбір лот бойынша жүзеге асырылады.
      281. Баға ұсыныстарын сұрату тәсілімен сатып алуды өткізу туралы хабарландыру баға ұсыныстарын ұсыну мерзімінің аяқталуына дейін бес жұмыс күнінен кешіктірмей тізілімде қалыптастырылады, оған тізілімде ақпаратты қалыптастыруға және орналастыруға өкілетті тапсырыс беруші тұлғасының электрондық сандық қолтаңбасы қойылады, тізілімде ақпаратты қалыптастыру мен орналастыруға өкілетті тапсырыс берушінің тұлғасымен тізілімде орналастырылады және Қазақстан Республикасы аумағында таратылатын және аптасына кем дегенде үш рет басылып шығарылатын мемлекеттік және орыс тілдеріндегі мерзімді баспасөз басылымында жарияланады.
      Баға ұсыныстарын сұрату тәсілімен сатып алу туралы хабарландыруда жер қойнауын пайдалану жөніндегі операцияларды жүргізу кезінде сатып алуды жүзеге асырудың төмендегi жағдайларын қоспағанда, тауар белгiлеріне, қызмет көрсету белгiлерiне, фирмалық атауларға, патенттерге, пайдалы үлгiлерге, өнеркәсiптiк үлгiлерге, тауардың шығу орнының атауы мен өндiрушiнiң атауына, сондай-ақ сатып алынатын тауардың жеке әлеуеттi жеткiзушiсіне және (немесе) өндірушісіне тиесiлiлігiн анықтайтын өзге де сипаттамалардың мазмұнын көрсетуге рұқсат етiлмейдi:
      1) негiзгi (орнатылған) жабдықты жете жинақтау, жаңғырту және жете жарақтандыру үшiн;
      2) тауарды лизингке ұсыну бойынша қызметтердiң жеткiзушiсін анықтау үшiн және лизинг мәнiн толық сипаттаудың қажеттiлігi туындау үшін.
      282. Тізілімде орналастырылатын баға ұсыныстарын сұрату тәсілімен ТЖҚ-ны сатып алудың өткiзілуі туралы хабарландыруда мынадай мәліметтер көрсетіледі:
      1) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      2) өнімнің үлгілік статистикалық жіктеуішіне сәйкес баға ұсыныстарын сұрату тәсілімен сатып алудың мәні (егер ашық конкурстың мәніне бірнеше лот кірген жағдайда, лоттардың атаулары және нөмірлері);
      3) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) әрбір лот бойынша тауарларды жеткізудің, қызметтерді көрсетудің, жұмыстарды орындаудың мерзімі және орны;
      5) баға ұсыныстарын қабылдаудың басталу және аяқталу күні, уақыты;
      6) баға ұсыныстарын ашудың күні және уақыты;
      7) ҚҚС-ны есепке алмағанда, әрбір лот бойынша тауарды сатып алуға, жұмыстарды орындауға және қызметтерді көрсетуге бөлінген сома;
      8) әлеуетті жеткізушінің баға ұсынысына, ҚҚС-ны есепке алмағанда, тауарларды жеткізу, жұмыстарды орындау, қызметтерді көрсету талаптарында көзделген барлық шығыстарды қосудың қажеттілігі туралы талап;
      9) әлеуетті жеткізушілер байланыса алатын электрондық поштаның мекенжайы мен телефон нөмірлері;
      10) қорытынды шығарылған күннен бастап сатып алу туралы шарт жасасудың талап етілетін мерзімі;
      11) осы Қағидалардың 284-тармағына сәйкес баға ұсыныстарын сұрату тәсілімен ТЖҚ-ны сатып алудан бас тартудың мерзімдері және тәртібі туралы мәліметтер;
      12) сатып алынған тауарлардағы немесе жұмыстардағы, немесе қызметтердегі әрбір лот бойынша пайызбен көрсетілген жергілікті қамту бойынша ең аз талаптар (0-ден 100-ге дейін);
      13) маңызды шарттары көрсетілген сатып алу туралы шарт жобасы. Тізілімде баға ұсыныстарын сұрату тәсілімен ТЖҚ-ны сатып алуды өткізу туралы хабарландыруды орналастырғаннан кейін сатып алу туралы шарттың жобасының маңызды шарттарына өзгертулер мен (немесе) толықтырулар енгізуге жол берілмейді;
      14) сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і;
      15) сатып алу коды және тізілім интернет-ресурсының мекенжайы.
      283. Қазақстан Республикасының аумағында аптасына кемінде үш рет жарияланатын және мемлекеттік және орыс тілдерінде таралатын мерзімді баспасөз басылымдарында жарияланатын баға ұсыныстарын сұрату тәсілімен ТЖҚ-ны сатып алуды өткізу туралы хабарландыру осы Қағидалардың 282-тармағының 1), 2), 5), 7), 15) тармақшаларында көрсетілген ақпаратты қамтиды.
      284. Тапсырыс берушіге баға ұсыныстарын сұрату тәсілімен сатып алуды өткізуден бас тарту туралы тізілімде хабарлау арқылы баға ұсыныстарын қабылдаудың соңғы мерзімі өткенге дейінгі бір жұмыс күнінен кешіктірмей ТЖҚ-ны сатып алуды жүзеге асырудан бас тартуына рұқсат етіледі.
      285. Әлеуетті жеткізушіге баға ұсыныстарын ұсынудың соңғы мерзімінен кешіктірмей:
      1) баға ұсынысын өзгертуге және (немесе) толықтыруға;
      2) өзінің баға ұсынысын кері қайтарып алуға рұқсат етіледі.
      286. Мыналарға:
      1) бір лотқа біреуден артық баға ұсынысын енгізуге;
      2) баға ұсыныстарын ұсынудың соңғы мерзімі аяқталғаннан кейін баға ұсынысына өзгертулерді және (немесе) толықтыруларды енгізуге және кері қайтарып алуға жол берілмейді.
      287. Әлеуетті жеткізушінің баға ұсынысын ұсынуы сатып алу туралы шарттың жобасында қарастырылған маңызды шарттарды сақтай отырып, оның тауарды жеткізуге, жұмысты орындауға, қызметті көрсетуді жүзеге асыруға келісімін білдірудің нысаны болып табылады.
      288. Әлеуетті жеткізушінің баға ұсынысы мыналарды қамтиды:
      1) әлеуетті жеткізушінің атауы, орналасқан орнының мекенжайы, БСН (заңды тұлғалар үшін) немесе тегі, аты, әкесінің аты және орналасқан орны, ЖСН немесе БСН (жеке тұлғалар үшін) және банк деректемелері;
      2) өнімнің үлгілік статистикалық жіктеуішіне сәйкес баға ұсыныстарын сұрату тәсілімен сатып алудың пәні (лоттардың атауы мен нөмірлері, егер баға ұсынысын сұрау тәсілімен сатып алудың пәніне бірнеше лот кірсе);
      3) өлшем және есеп бірліктерінің мемлекетаралық жіктеуішіне сәйкес өлшем бірлігі, сипаты, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) әрбір лот бойынша тауарларды жеткізу, жұмыстарды орындау және (немесе) қызметтерді көрсетудің мерзімі мен орны;
      5) әлеуетті жеткізуші лот үшін ұсынған бағасы;
      6) ұсынылатын тауарлардағы немесе жұмыстардағы, немесе көрсетілетін қызметтердегі әрбір лот бойынша пайызбен білдірілген (0-ден 100 дейін) жергілікті қамту бойынша міндеттемелер;
      7) сатып алу туралы шарт жобасының елеулі шарттарымен келісу.
      289. Тапсырыс беруші баға ұсыныстарын сұрату тәсілімен ТЖҚ-ны сатып алуды өткізу туралы орналастырған хабарландыруда көрсетілген шарттарға сәйкес баға ұсынысында тауарларды жеткізу, жұмыстарды орындау, қызметтерді көрсетудің шарттары көрсетіледі.
      290. Электрондық цифрлық қолтаңба қойылған баға ұсынысы Тапсырыс берушіге баға ұсыныстарын сұрату тәсілімен ТЖҚ-ны сатып алуды өткізу туралы хабарландырумен белгіленген мерзімдерде тізілімде орналастыру арқылы әлеуетті жеткізушінің уәкілетті тұлғасымен беріледі.
      291. Баға ұсынысын беру фактісі осы Қағидалардың 288-тармағында көзделген мәліметтерді көрсете отырып тізілімде автоматты түрде тіркеледі.
      292. Баға ұсыныстарын сұрату тәсілімен сатып алуды өткізу туралы хабарландыруда көзделген ұсыну мерзімі өтіп кеткеннен кейін баға ұсыныстары тізілімде орналастырылмайды.
      293. Баға ұсыныстарын сұрату тәсілімен ТЖҚ-ны сатып алуды өткізу туралы хабарландырумен белгіленген мерзімде тізілімде баға ұсыныстарын ашу жүзеге асырылады.
      294. Әлеуетті жеткізушілердің электрондық цифрлық қолтаңбасы қойылған және тізілімде орналастырылған баға ұсыныстары ашылған уақыттан бастап 30 минуттың ішінде тізілімде автоматты тәртіпте әлеуетті жеткізушілердің баға ұсыныстарын ашу хаттамасы қалыптастырылады және осы Қағидалардың 16-қосымшасына сәйкес нысан бойынша баға ұсыныстарын сұрату тәсілімен сатып алудың қорытындысы шығарылады.
      295. Баға ұсыныстарын ашу мен баға ұсыныстарын сұрату тәсілімен сатып алудың қорытындысын шығару хаттамасы мынадай мәліметтерден тұрады:
      1) әкімшілік-аумақтық объектілердің жіктеуішіне сәйкес тапсырыс берушінің атауы және орналасқан орны;
      2) баға ұсыныстарын ашу мен баға ұсыныстарын сұрату тәсілімен сатып алудың қорытындысын шығару рәсімін өткізудің күні, уақыты;
      3) өнімнің үлгілік статистикалық жіктеуішіне сәйкес баға ұсыныстарын сұрату тәсілімен сатып алудың пәні (лоттардың атаулары мен нөмірлері, баға ұсыныстарын сұрату тәсілімен сатып алу пәніне бірнеше лот кірген жағдайда); сипаттамасы, өлшем және есеп бірліктерінің мемлекетаралық жіктеуішіне сәйкес өлшем бірлігі, әрбір лот бойынша сатып алынатын тауарлардың саны немесе орындалатын жұмыстардың немесе көрсетілетін қызметтердің көлемі;
      4) баға ұсыныстарын ұсынған әлеуетті жеткізушілердің әкімшілік-аумақтық объектілердің жіктеуішіне сәйкес атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      5) баға ұсыныстарын кері қайтарып алған әлеуетті жеткізушілердің атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      6) бас тартудың себептері көрсетіле отырып баға ұсыныстарынан бас тартқан әлеуетті жеткізушілердің атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін);
      7) әлеуетті жеткізушілердің ашылған баға ұсыныстарының бағалары (лоттар бойынша);
      8) ұсынылатын тауарлардағы немесе жұмыстардағы немесе көрсетілетін қызметтердегі әрбір лот бойынша пайыздық көріністегі (0-ден 100 дейін) жергілікті қамту бойынша міндеттемелер;
      9) баға ұсынысын сұрату тәсілімен сатып алудың жеңімпазының және жеңімпаздың ұсынысынан кейін конкурстық баға ұсыныстары тәуірлеу болып табылатын үш әлеуетті жеткізушінің атауы, орналасқан орнының мекенжайы (заңды тұлғалар үшін) немесе тегі, аты, әкесінің аты және орналасқан орны (жеке тұлғалар үшін) және (немесе) баға ұсынысын сұрату тәсілімен сатып алудың нәтижесінде осы Қағидалардың 301-тармағына сәйкес жеңімпаз анықталмаған жағдайда (лоттар бойынша), себеп көрсетіледі;
      10) сатып алудың коды мен тізілім интернет-ресурсының мекенжайы;
      11) сатып алу жүзеге асырылатын жер қойнауын пайдалануға арналған келісімшарт(-тардың) нөмір(-лер)і.
      296. Баға ұсыныстарын ашу мен баға ұсыныстарын сұрату тәсілімен сатып алудың қорытындысын шығару хаттамасы Тапсырыс берушінің электрондық цифрлық қолтаңбасы қойылып, осы Қағидалардың 295-тармағында келтірілген мәліметтерді көрсете отырып тізілімде орналастырылады.
      Тізіліммен қалыптастырылған баға ұсыныстарын ашу мен баға ұсыныстарын сұрату тәсілімен сатып алудың қорытындысын шығару хаттамасының жазбаша нұсқасына тапсырыс берушінің бірінші басшысы немесе тапсырыс берушінің уәкілетті өкілі қол қояды.
      Әлеуетті жеткізушінің тиісті қағаз түріндегі сұрау салуы бойынша үш жұмыс күнінің ішінде баға ұсыныстары салынған конверттерді ашу хаттамасының көшірмесі жіберіледі.
      297. Әлеуетті жеткізушінің баға ұсынысы мына жағдайларда қайтарылады:
      1) ол аталған ТЖҚ-ны сатып алу үшін лотқа бөлінген сомадан асса;
      2) ол тізілімде орналастырылған баға ұсыныстарын сұрату тәсілімен сатып алудың өткізілуі туралы хабарландыруда тапсырыс беруші көрсеткен мөлшерден кем болатын ұсынылатын тауарлар немесе жұмыстар немесе қызметтердегі жергілікті қамту бойынша міндеттемелерді қамтыса;
      3) әлеуетті жеткізуші сатып алу туралы шарт жобасының елеулі шарттарына қарсы болса немесе оларды өзгертуді және (немесе) толықтыруды ұсынса.
      Өзге негіздемелер бойынша баға ұсыныстарының қабылданбауына жол берілмейді.
      298. Баға ұсыныстарын сұрату тәсілімен сатып алудың жеңімпазы тізілімде ең арзан баға ұсынысының негізінде автоматты түрде анықталады.
      299. Ең төменгі баға ұсынысын бірнеше әлеуетті жеткізуші ұсынған жағдайда, баға ұсыныстарын сұрату тәсілімен сатып алудың мәні болып табылатын сатып алынатын ТЖҚ-дағы жергілікті қамту бойынша міндеттемелердің ең үлкен пайызын ұсынған әлеуетті жеткізуші жеңімпаз болып танылады.
      Әлеуетті жеткізушілердің баға ұсыныстары мен баға ұсыныстарын сұрату тәсілімен сатып алудың мәні болып табылатын сатып алынатын ТЖҚ-дағы жергілікті қамту бойынша міндеттемелердің пайыздық көрсеткіші тең болған жағдайда, баға ұсынысын басқа әлеуетті жеткізушілердің баға ұсыныстарынан бұрын жіберген әлеуетті жеткізуші жеңімпаз болып танылады.
      300. Баға ұсыныстарын қабылдау мерзімінің барысында бірде-бір баға ұсынысы болмаса немесе бір ғана ұсыныс түскен жағдайда, тапсырыс беруші баға ұсыныстарын қабылдау мерзімін тізілімде хабарлау арқылы баға ұсыныстарын қабылдау мерзімі аяқталған күннен бастап бес жұмыс күніне ұзартады.
      301. Осы Қағидалардың 297-тармағына сәйкес кері қайтарылмаған баға ұсыныстары болмаған жағдайда немесе жалғыз ұсыныс болған жағдайда, баға ұсыныстарын сұрату тәсілімен сатып алу немесе баға ұсыныстарын сұрату тәсілімен қайталама сатып алу жүзеге аспаған деп танылады.
      302. Баға ұсыныстарын сұрату тәсілімен сатып алу баға ұсыныстарының болмауына немесе осы Қағидалардың 297-тармағына сәйкес кері қайтарылмаған баға ұсыныстарының жоқтығына байланысты өтпеген деп танылған жағдайда, тапсырыс беруші баға ұсыныстарын сұрату тәсілімен ТЖҚ-ны қайталама сатып алуды жүргізеді.
      Егер баға ұсыныстарын сұрату тәсілімен қайталама сатып алу немесе қайталама сатып алу кері қайтарылмаған жалғыз баға ұсынысының болуына байланысты өтпеген деп танылса, тапсырыс беруші осы Қағидаларда белгіленген тәртіпте және мерзімдерде баға ұсыныстарын сұрату тәсілімен сатып алу немесе баға ұсыныстарын сұрату тәсілімен қайталама сатып алу үшін қарастырылған шарттарға сәйкес, баға ұсынысы кері қайтарылмаған әлеуетті жеткізушіден бір көзден сатып алу тәсілімен сатып алуды іске асырады.
      Баға ұсыныстарын сұрату тәсілімен сатып алудың жеңімпазы шарт жасасудан бас тартқан жағдайда, баға ұсыныстарын сұрату тәсілімен сатып алудың қорытындысын шығарудың хаттамасына сәйкес жеңімпаздың ұсынысынан кейін баға ұсыныстары тәуірлеу болып табылатын баға ұсыныстарын сұрату тәсілімен сатып алудың басқа қатысушыларымен шарт жасасуға рұқсат етіледі.
      303. Баға ұсыныстарын сұрату тәсілімен сатып алудың қорытындысы шығарылған күнінен бастап бес жұмыс күнінен кешіктірмей тапсырыс беруші осы Қағидалардың 295-тармағының 1), 3), 10) тармақшаларында көрсетілген мәліметтерді және баға ұсыныстарын сұрату тәсілімен сатып алу жеңімпазының (лоттар бойынша) атауын, орналасқан орнының мекенжайын (заңды тұлғалар үшін) немесе тегі, аты, әкесінің атын (жеке тұлғалар үшін), баға ұсынысының бағасын қамтитын Қазақстан Республикасы аумағында аптасына кемінде үш рет мемлекеттік және орыс тілдерінде мерзімді баспасөз басылымында жарияланатын баға ұсыныстарын сұрату тәсілімен сатып алудың қорытындысы туралы хабарландыруды орналастырады.

Электрондық сатып алу жүйесі арқылы тауарларды, жұмыстар мен
көрсетілетін қызметтерді сатып алу

      304. Электрондық сатып алу жүйесі арқылы ТЖҚ-ны сатып алу (бұдан әрі – электрондық сатып алу) конкурстық баға ұсыныстарының бағаларын төмендету арқылы ашық конкурс тәсілімен жүзеге асырылады.
      305. Конкурстық баға ұсыныстарының бағаларын төмендету арқылы ашық конкурс тәсілімен ТЖҚ-ны сатып алудың рәсімдері конкурстық баға ұсыныстарын ұсынудың және осындай сатып алудың жеңімпазын анықтаудың рәсімдерін қоспағанда, ашық конкурс тәсілімен сатып алудың рәсімдеріне сәйкес келеді.
      306. Конкурстық баға ұсыныстарының бағаларын төмендету арқылы жүзеге асырылатын ашық конкурсқа жіберілген әлеуетті жеткізушілер конкурстық баға ұсыныстарының бағаларын конкурстық баға ұсыныстарының бағаларын төмендету арқылы жүзеге асырылатын ашық конкурс бойынша жалпы немесе тізілімдегі жеке лот бойынша ұсынады және оларға электрондық цифрлық қолтаңба қояды.
      Конкурстық өтінімдердің бағаларын ұсыну мерзімі - конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысуға жіберу хаттамасы тізілімде орналастырылған мезеттен бастап, егер конкурстық құжаттамада осыдан қысқа мерзім қарастырылмаса, қырық сегіз сағатты құрайды. Осындай мерзім бес сағаттан кем болмауы қажет және осы тармақтың соңғы абзацында жазылған талаптарды ескере отырып, Астана уақыты бойынша 9-00-ден 20-00-ге дейінгі уақыт аралығында болуы тиіс.
      Конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысуға жіберу хаттамасын сауда жүргізуге қажетті уақытты ескере отырып, тек қана жұмыс күндерінде орналастыруға рұқсат етіледі, бұл күндер демалыс күндеріне және (немесе) Қазақстан Республикасының заңнамасына сәйкес келетін мейрам күндеріне сәйкес келмеуі немесе олармен үзілмеуі тиіс.
      307. Әлеуетті жеткізуші ұсынатын конкурстық баға ұсыныстарының санына шек қойылмайды, жеткізуші өз баға ұсынысын бірнеше рет төмендету жағына өзгерту мүмкіндігіне ие.
      308. Конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысушылар шартты баға ескерілген конкурстық баға ұсыныстарын және сатып алуға қатысатын, атаулары көрсетілмеген әлеуетті жеткізушілердің санын көру мүмкіндігіне ие.
      309. Сауданың жабылуына дейінгі үш минуттың ішінде әлеуетті жеткізушілердің біреуі жаңа ең төменгі конкурстық баға ұсынысын енгізген жағдайда, сауданың жабылу уақыты автоматты түрде он бес минутқа ұзартылады, алайда осындай жағдай үш реттен артық болмауы тиіс.
      310. Сауданың қорытындысы бойынша тізілімде автоматты түрде конкурстық баға ұсыныстарының бағаларын төмендету арқылы жүзеге асырылатын ашық конкурстың нәтижелері Қағидалардың 17-қосымшасына сәйкес нысан бойынша қалыптастырылады.
      311. Сауда-саттық нәтижелері тізілімде орналастырылады және оларға тізілімде еркін қол жеткізуге болады.
      312. Тапсырыс берушіге саудаға қатысу жөніндегі өтінімдерді қабылдау мерзімінің аяқталуына дейінгі бес жұмыс күнінен кешіктірмей баға ұсыныстарының бағаларын төмендету арқылы жүзеге асырылатын ашық конкурсты жүргізуден бас тартуға рұқсат етіледі.
      313. Конкурстық баға ұсыныстарының бағаларын бағалау және салыстыру тізілім ішінде жүзеге асырылады және Заңның 78-бабының 2-тармағында көзделген конкурстық бағаны шартты түрде азайтудың өлшемін ескере отырып, конкурстық баға ұсынысының ең төменгі бағасының негізінде оның жеңімпазы анықталады.
      Конкурстық баға ұсыныстарының бағаларын төмендету арқылы ашық конкурстың жеңімпазын анықтау кезінде, Заңның 78-бабының 2-тармағында көзделген бағаны шартты түрде азайту өлшемінің қолданылуын ескере отырып, конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысушылар ұсынған конкурстық баға ұсыныстары тең болған жағдайда, қазақстандық тауар өндірушіге, қазақстандық жұмыстар мен қызметтердің өндірушісіне артықшылық беріледі.
      Мына жағдайларда:
      1) Заңның 78-бабының 2-тармағында көзделген бағаны шарты түрде азайту өлшемінің қолданылуы ескеріле отырып, қазақстандық тауар өндірушілер, қазақстандық жұмыстарды, қызметтерді өндірушілер болып табылатын конкурстық баға ұсыныстарының бағаларын азайту арқылы ашық конкурстың конкурстық баға ұсыныстарының бағалары тең болса;
      2) қазақстандық тауар өндірушілер, қазақстандық жұмыстарды, қызметтерді өндірушілер болып табылмайтын конкурстық баға ұсыныстарының бағаларын азайту арқылы ашық конкурсқа қатысушылардың конкурстық баға ұсыныстарының бағалары тең болған жағдайда,
      конкурстық баға ұсыныстарының бағаларын азайту арқылы ашық конкурстың мәні болып табылатын сатып алынатын ТЖҚ-ның жергілікті қамтуы бойынша міндеттемелердің ең үлкен пайызын ұсынған конкурстық баға ұсыныстарының бағаларын азайту арқылы жүзеге асырылатын ашық конкурстың қатысушысы жеңімпаз болып танылады.
      Мына жағдайларда:
      1) Заңның 78-бабының 2-тармағында көзделген бағаны шартты түрде азайту өлшемінің қолданылуы ескеріле отырып конкурстық баға ұсыныстарының бағалары және қазақстандық тауар өндірушілер, қазақстандық жұмыстарды, қызметтерді өндірушілер болып табылатын конкурстық баға ұсыныстарының бағаларын азайту арқылы жүзеге асырылатын ашық конкурсқа қатысушылар ұсынған конкурстық баға ұсыныстарының бағаларын азайту арқылы жүзеге асырылатын ашық конкурстың мәні болып табылатын сатып алынатын ТЖҚ-ның жергілікті қамтуы бойынша міндеттемелердің пайыздық көрінісі тең болса;
      2) конкурстық баға ұсыныстарының бағалары және қазақстандық тауар өндірушілері, қазақстандық жұмыстарды, қызметтерді өндірушілері болып табылмайтын конкурстық баға ұсыныстарының бағаларын азайту арқылы жүзеге асырылатын ашық конкурсқа қатысушылар ұсынған конкурстық баға ұсыныстарының бағаларын азайту арқылы жүзеге асырылатын ашық конкурстың мәні болып табылатын сатып алынатын ТЖҚ-ның жергілікті қамту бойынша міндеттемелердің пайыздық көрінісі тең болған жағдайда,
      конкурстық баға ұсыныстарының бағаларын азайту арқылы жүзеге асырылатын ашық конкурстың жеңімпазы ретінде конкурстық баға ұсынысы конкурстық баға ұсыныстарының бағаларын азайту арқылы жүзеге асырылатын ашық конкурстың басқа қатысушыларының конкурстық баға ұсыныстарынан бұрын келіп түскен қатысушы танылады.
      314. Электрондық сатып алу жүйесі арқылы сатып алудың жалпы қорытындысы бойынша немесе бөлек лот бойынша тізілімде төменде келтірілген шешімдердің бірі қалыптастырылады:
      1) конкурстық баға ұсыныстарының бағаларын төмендету арқылы жүзеге асырылатын ашық конкурстың немесе конкурстық баға ұсыныстарының бағаларын төмендету арқылы жүзеге асырылатын қайталама ашық конкурстың жеңімпазын жариялау туралы;
      2) әлеуетті жеткізушілер ұсынған конкурстық өтінімдердің болмауына байланысты конкурстық баға ұсыныстарының бағаларын төмендету арқылы жүзеге асырылатын ашық конкурсты немесе конкурстық баға ұсыныстарының бағаларын төмендету арқылы жүзеге асырылатын қайталама ашық конкурсты өтпеген деп тану туралы;
      3) әлеуетті жеткізушілердің конкурстық баға ұсыныстары конкурстық баға ұсыныстарының бағаларын төмендету арқылы жүзеге асырылатын ашық конкурстың немесе конкурстық баға ұсыныстарының бағаларын төмендету арқылы жүзеге асырылатын қайталама ашық конкурстың шарттарына сәйкес келмейтіндер ретінде қабылданбаған жағдайда, конкурстық баға ұсыныстарының бағаларын төмендету арқылы жүзеге асырылатын ашық конкурсты немесе конкурстық баға ұсыныстарының бағаларын төмендету арқылы жүзеге асырылатын қайталама ашық конкурсты өтпеген деп тану туралы;
      4) конкурстық баға ұсыныстарының бағаларын төмендету арқылы жүзеге асырылатын ашық конкурсты немесе конкурстық баға ұсыныстарының бағаларын төмендету арқылы жүзеге асырылатын қайталама ашық конкурсты конкурстық баға ұсынысы конкурстық баға ұсыныстарының бағаларын төмендету арқылы жүзеге асырылатын ашық конкурстың немесе конкурстық баға ұсыныстарының бағаларын төмендету арқылы жүзеге асырылатын қайталама ашық конкурстың шарттарына сәйкес келмейтін ретінде кері қайтарылмаған бір ғана әлеуетті жеткізушінің қатысуына байланысты, өтпеген деп тану туралы.
      315. Конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысы бойынша тізілімде конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысын шығару хаттамасы қалыптастырылады, онда төмендегі мәліметтер көрсетіледі:
      1) әкімшілік-аумақтық объектілердің жіктеуішіне сәйкес тапсырыс берушінің атауы мен орналасқан орны;
      2) конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысын шығару күні, уақыты;
      3) конкурстық баға ұсыныстарының бағаларын төмендету арқылы жүзеге асырылатын ашық конкурстың мәні (ашық конкурстың мәніне бірнеше лот кірген жағдайда, лоттардың атауы);
      4) конкурстық комиссияның құрамы;
      5) өлшем бірліктері мен есептеудің мемлекетаралық жіктеуішіне сәйкес сипаттамасы, өлшем бірлігі немесе әрбір лот бойынша сатып алынатын тауарлардың саны, орындалатын жұмыстардың немесе көрсетілетін қызметтердің көлемі;
      6) конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысушылардың әкімшілік-аумақтық объектілердің жіктеуішіне сәйкес атауы және орналасқан мекенжайы (заңды тұлғалар үшін) немесе әкімшілік-аумақтық объектілердің жіктеуішіне сәйкес тегі, аты, әкесінің аты және орналасқан орны (жеке тұлғалар үшін);
      7) Заңның 78-бабының 2-тармағында көзделген (лоттар бойынша) бағаны шартты түрде азайту өлшемінің қолданылуы ескеріле отырып, конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысушылардың конкурстық баға ұсыныстарының бағалары;
      8) ашық конкурс (лоттар бойынша) жеңімпазының және жеңімпаздың ұсынысынан кейін конкурстық баға ұсыныстары тәуірлеу болып табылатын конкурстық баға ұсыныстарының бағаларын төмендету арқылы жүзеге асырылатын ашық конкурстың үш қатысушының атауы (заңды тұлғалар үшін) немесе тегі, аты (жеке тұлғалар үшін) және (немесе) ашық конкурстың нәтижесінде жеңімпаз анықталмаған жағдайда, себепті көрсету (лоттар бойынша);
      9) жеңімпаздың және жеңімпаздың ұсынысынан кейін конкурстық баға ұсыныстары тәуірлеу болып табылатын конкурстық баға ұсыныстарының бағаларын төмендету арқылы жүзеге асырылатын ашық конкурсқа қатысушылардың тауарлардағы немесе жұмыстардағы немесе қызметтердегі жергілікті қамту бойынша міндеттемелері;
      10) сатып алудың коды мен тізілім интернет-ресурсының мекенжайы.
      Конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысын шығару хаттамасы осы тармақта келтірілген мәліметтер және сатып алудың коды, тізілім интернет-ресурсы көрсетіле отырып, тізілімде орналастырылады.
      316. Тізілімде қалыптастырылған конкурстың қорытындысын шығару хаттамасына ақпаратты тізілімде қалыптастыруға және орналастыруға тапсырыс берушінің уәкілетті тұлғасының электрондық цифрлық қолтаңбасы қойылады.
      317. Конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысы туралы хаттамаға сәйкес бекітілген мерзім ішінде конкурстық баға ұсыныстарының бағаларын төмендету арқылы жүзеге асырылатын ашық конкурстың жеңімпазымен ашық конкурстың жеңімпазы ұсынған конкурстық өтінімдегі шарттардан кем түспейтін шарттармен шарт жасалады.
      318. Конкурстық баға ұсыныстарының бағаларын төмендету арқылы жүзеге асырылатын ашық конкурстың жеңімпазы конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысы бойынша келісімшартқа отырудан бас тартқан жағдайда, конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысы шығарылған хаттамада белгіленген мерзім ішінде конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысы шығарылған хаттамаға сәйкес, ұсыныстары жеңімпаз ұсынысынан кейін тәуірлеу болып табылатын конкурстық баға ұсыныстарының бағаларын төмендету арқылы жүзеге асырылатын ашық конкурсқа басқа қатысушылармен шарт жасасуға рұқсат етіледі.
      319. Осы Қағидалардың 314-тармағының 2), 3) тармақшаларында көзделген себептер бойынша конкурстық баға ұсыныстарының бағаларын төмендету арқылы жүзеге асырылатын ашық конкурс өтпеген деп танылған жағдайда, конкурстық құжаттамаға осы Қағидалардың 204-тармағының 1) тармақшасында көзделген мәліметтерден басқа өзгерістерді енгізуге рұқсат етіледі және тапсырыс беруші осы Қағидалардың 210-тармағында көрсетілген ақпараттандыру тәсілдерін қолдана отырып, конкурстық баға ұсыныстарының бағаларын төмендету арқылы жүзеге асырылатын қайталама ашық конкурсты өткізеді.
      Конкурстық баға ұсыныстарының бағаларын төмендету арқылы жүзеге асырылатын ашық конкурс осы Қағидалардың 314-тармағының 3) тармақшасында көзделген себеппен, әлеуетті жеткізушілер тауарлар немесе жұмыстар немесе қызметтердегі жергілікті қамту бойынша конкурстық құжаттаманың талаптарынан төмен болатын міндеттемелерді ұсынғанына байланысты өтпеген деп танылған жағдайда, тапсырыс беруші конкурстық баға ұсыныстарының бағаларын төмендету арқылы жүзеге асырылатын ашық конкурсты өткізген кезде тауарлар немесе жұмыстар немесе қызметтердегі жергілікті қамту бойынша талаптарды азайту жағына қарай өзгертеді.
      Егер конкурстық баға ұсыныстарының бағалары төмендетілетін ашық конкурс немесе конкурстық баға ұсыныстарының бағалары төмендетілетін қайталама ашық конкурс осы Қағидалардың 314-тармағының 4) тармақшасында көзделген себептермен өткізілмеген деп танылса, тапсырыс беруші конкурстық баға ұсынысы конкурстық баға ұсыныстарының бағалары төмендетілетін ашық конкурс немесе конкурстық баға ұсыныстарының бағалары төмендетілетін қайталама ашық конкурс тәсілімен сатып алу жүйесі арқылы қайталама сатып алудың шарттарына сәйкес келмейтін ретінде бас тартылған конкурстық баға ұсыныстарының бағалары төмендетілетін ашық конкурстың немесе конкурстық баға ұсыныстарының бағалары төмендетілетін қайталама ашық конкурстың қатысушысында осы конкурстық баға ұсыныстарының бағалары төмендетілетін ашық конкурсқа немесе конкурстық баға ұсыныстарының бағалары төмендетілетін қайталама ашық конкурсқа арналған конкурстық құжаттамада көзделген шарттарға сәйкес бір көзден сатып алу тәсілімен сатып алуды немесе бір көзден сатып алу тәсілімен сатып алу жүйесі арқылы сатып алуды өткізеді.
      320. Өтінімдері конкурстық баға ұсыныстарының бағаларын төмендету арқылы жүзеге асырылатын ашық конкурстың шарттарына сәйкес келмейді деп қабылданбай қоймаған барлық жеткізушілер сатып алу туралы шарт жасасудан жалтарса, тапсырыс беруші осы Қағидалардың 210-тармағында көрсетілген ақпараттандыру тәсілдерін қолдана отырып, конкурстық баға ұсыныстарының бағаларын төмендету арқылы жүзеге асырылатын жаңа ашық конкурсты өткізеді.
      321. Тізілімде қалыптастырылған конкурстық баға ұсыныстарының бағаларын төмендету арқылы жүзеге асырылатын ашық конкурстың қорытындысы шығарылған хаттаманың қағаз данасына конкурстық комиссияның төрағасы, мүшелері және ақпаратты тізілімде қалыптастыруға және орналастыруға тапсырыс берушінің уәкілетті тұлғасы қол қояды.
      322. Тізілімде қалыптастырылған конкурстық өтінімдердің бағаларын төмендету арқылы жүзеге асырылатын ашық конкурстың қорытындысы туралы хабарландырудың мәтіні Қазақстан Республикасының аумағында аптасына кемінде үш рет мемлекеттік және орыс тілдерінде таралатын мерзімді баспасөз басылымдарында жарияланады, ол осы Қағидалардың 315-тармағының 1), 3), 10) тармақшаларында көрсетілген мәліметтерді, әкімшілік-аумақтық объектілердің жіктеуішіне сәйкес атауды және орналасқан орнының мекенжайын (заңды тұлғалар үшін) немесе тегі, аты, әкесінің атын (жеке тұлғалар үшін) және ашық конкурс жеңімпазының конкурстық баға ұсынысының бағасын және (немесе) ашық конкурстың нәтижесінде жеңімпаз анықталмаған жағдайда (лоттар бойынша), себепті қамтиды.

Сатып алу туралы шарттың орындалуын қамтамасыз ету

      323. Сатып алу туралы шарттың орындалуын қамтамасыз етуді сатып алудың жеңімпазы оның өз міндеттемелерін өзімен жасалған сатып алу туралы шарт бойынша уақтылы, толық және тиісті түрде орындайтындығының кепілдігі ретінде, конкурстық құжаттамада көзделген жағдайларда енгізеді.
      324. Тапсырыс берушіге ашық конкурс тәсілімен сатып алу үшін көзделген сомадан (әрбір лот бойынша) үш пайыздан артық болатын сатып алу туралы шарттың орындалуын қамтамасыз етудің мөлшерін белгілеуге рұқсат етілмейді.
      325. Әлеуетті жеткізушіге сатып алу туралы шарттың орындалуын қамтамасыз етуді мына түрлердің біреуі арқылы енгізуге рұқсат етіледі:
      1) тапсырыс берушінің банк шотына салынатын кепілдікті ақша жарнасы;
      2) Қазақстан Республикасының бір немесе бірнеше екінші деңгейлі банктерінің банктік кепілдігі.
      326. Жеткізушіге шарт бойынша міндеттемелер толық орындалғанға дейін енгізілген кепілдікті ақша жарнасына толық немесе оның бір бөлігіне қатысты үшінші тұлғалардың талап ету құқығының туындауына әкелетін әрекеттерді жасауға рұқсат етілмейді.
      327. Тапсырыс берушіге шарт бойынша міндеттемелер толық орындалғанға дейін жеткізуші енгізген кепілдікті ақша жарнасын пайдалануға рұқсат етілмейді.
      328. Сатып алу туралы шарттың орындалуын қамтамасыз етуді енгізу туралы талап мүгедектердің қоғамдық ұйымдарына қолданылмайды.
      329. Әлеуетті жеткізуші өзімен жасалған сатып алу туралы шарт бойынша міндеттемелерін орындамаса немесе тиісті түрде орындаған жағдайда, тапсырыс беруші сатып алу туралы шарттың орындалуын қамтамасыз етуді қайтармайды.
      330. Осы Қағидалардың 329-тармағында көзделген жағдай орын алған кезде, сатып алу туралы шарттың орындалуын қамтамасыз етудің сомасы тапсырыс берушiнiң кірісіне есептеледi.
      331. Тапсырыс беруші әлеуетті жеткізушіге ол енгізген сатып алу туралы шарттың орындалуын қамтамасыз етуді онымен жасалған сатып алу туралы шарт бойынша өз міндеттемелерін уақтылы, толық және тиісті түрде орындаған жағдайда, үш жұмыс күнінің ішінде қайтарады.

Сатып алу туралы шарт

      332. Тапсырыс берушi сатып алудың қорытындысы туралы хаттамаға қол қойылған күннен бастап бес жұмыс күнінің iшiнде сатып алудың жеңімпазына өткізілген сатып алудың шарттарындағы сатып алу туралы шарттың жобасын жiбередi. Сатып алу бірнеше лот бойынша жүзеге асырылса, сатып алу туралы шарттардың жобалары тапсырыс берушімен әрбір лотқа жеке жасалады.
      333. Қазақстан Республикасының бейрезидентімен сатып алу туралы шарт жасасу жағдайында Қазақстан Республикасы азаматтық заңнамасының және осы Қағидалардың талаптарын ескере отырып, олар ұсынып отырған нысан бойынша сатып алу туралы шартты ресімдеуге рұқсат етіледі.
      334. Сатып алу туралы шарт:
      1) жұмыстарды орындау шартын орындау кезінде осы Қағидаларды сақтау бойынша жеткізушінің міндеттемесін;
      2) жұмыстарды орындау шартын орындау кезінде осы Қағидаларды сақтамағаны үшін жеткізушінің жауапкершілігін;
      3) сатып алудың қорытындысын шығару хаттамасына сәйкес тауарлар немесе жұмыстар немесе қызметтердегі жергілікті қамту бойынша жеткізушінің міндеттемесі;
      4) сатып алудың қорытындысын шығару хаттамасына сәйкес тауарлар немесе жұмыстар немесе қызметтердегі жергілікті қамту бойынша міндеттемелерді орындамағаны үшін жеткізушінің жауапкершілігін;
      5) конкурстық құжаттамада көзделген өзге де құқықтар мен міндеттерді қамтиды.
      335. Тапсырыс беруші қазақстандық тауар өндірушімен сатып алу туралы шартты жасасқан жағдайда, шарттың ережелеріне жеткізушінің ішкі айналым үшін өткізілетін сатып алу номенклатурасына сәйкес келетін, Қазақстан Республикасының аумағында шығарылғанын растайтын тауардың шығу тегі туралы сертификаттың нотариалды куәландырылған көшірмесін беруі туралы талапты қосуға рұқсат етіледі, бұл ретте сертификатта көрсетілген тауар көлемінің жасалған шарттың шеңберінде жеткізілетін тауар көлемінен кем болуына жол берілмейді.
      336. Тапсырыс беруші қазақстандық жұмыстар немесе қызметтерді өндірушімен сатып алу туралы шарт жасасқан жағдайда, шарттың ережелерінде тапсырыс беруші белгілеген нысан бойынша және мерзімдерде ұсынылатын ТЖҚ жөніндегі жеткізушінің есеп беруі туралы талабы көрсетіледі.
      337. Жеткізуші тауарды жеткізу, жұмыстарды орындау, қызметтерді көрсету үшін қосалқы мердігерлік ұйымдарды тартқан жағдайда, шартта тапсырыс беруші бекіткен нысан бойынша және мерзімдерде, мердігерлік ұйымдардың жеткізушіге жеткізілетін ТЖҚ туралы есепті беруі туралы талабы көрсетіледі.
      338. Сатып алу туралы жасалған шартқа жеткізушінің таңдауына негіз болған, сапасы мен басқа шарттарының тұрақтылығы жағдайында өзгерістер енгізуге рұқсат етіледі:
      1) табиғи монополия субъектілерімен, сондай-ақ сатып алынатын ТЖҚ белгілі бір нарығында үстем (монополиялық) жағдайға ие тұлғалармен немесе тиісті тауар нарығында үстем (монополиялық) жағдайға ие нарық субъектілерінің мемлекеттік тізіліміне сәйкес оның қызметінің негізгі мәні бойынша мемлекеттік монополия субъектілерімен жасалған шарттар бойынша;
      2) берілген тауарларды, жұмыстар мен қызметтерді сатып алу туралы жасалған шартта көрсетілген ТЖҚ бірлігі үшін бағаның өзгермейтіндігі шартымен сатып алынатын ТЖҚ көлеміндегі сұраныстың артуына байланысты шарттың жалпы сомасының он пайызынан астам шарт сомасын ұлғайту бөлігінде. Тауарларды, жұмыстар мен қызметтерді сатып алу туралы жасалған шарттағы мұндай өзгеріс берілген тауарларды, жұмыстар мен қызметтерді сатып алудың жылдық және (немесе) орта мерзімді және (немесе) ұзақ мерзімді бағдарламасында көзделген сома шегінде болу қажет;
      3) Қазақстан Республикасының нормативтік-құқықтық актілерімен тиісті кезеңге белгіленген инфляция деңгейіне сүйене отырып, бір қаржы жылынан астам кезеңге жасалатын ТЖҚ-ны сатып алу туралы шарттың бағасын тараптардың келісімі бойынша жыл сайын өзгерту бөлігінде;
      4) аталған тауарларды, жұмыстар мен қызметтерді сатып алу туралы жасалған шартта көрсетілген ТЖҚ бірлігі үшін бағаның тұрақтылығы жағдайында сатып алынатын ТЖҚ көлеміндегі қажеттілігінің төмендеуіне байланысты шарттың сомасын азайту бөлігінде.
      339. Сатып алу туралы шарт сатып алудың қорытындысы шығарылған күннен бастап он жұмыс күнінің iшiнде немесе сатып алуды өткізу туралы хабарландыруда көзделген өзге үлкен мерзім ішінде жасалады.
      340. Осы Қағидаларда көзделген жағдайларда, жеткізуші сатып алу туралы шарт жасалған күннен бастап он жұмыс күнінің ішінде сатып алу туралы шарттың орындалуын қамтамасыз етуді енгізеді.
      341. Сатып алу туралы шарт мына жағдайларды қоспағанда, бiр қаржы жылынан аспайтын мерзiмде жасалады:
      1) жобалау-сметалық құжаттамада көзделген, аяқталу мерзімі келесi (кейiнгi) қаржы жылына (жылдарына) белгіленген жұмыстарды сатып алу;
      2) дайындаудың технологиялық мерзiмiнiң ұзақтығы олардың келесi (кейiнгi) қаржы жылында (жылдарында) жеткізілуіне себеп болатын активтерді және басқа тауарларды сатып алу;
      3) орындаудың ұзақтығына байланысты, орындаудың (көрсетудің, жеткізудің) мерзімі жұмыс бағдарламасында белгіленген келесi (кейiнгi) қаржы жылына (жылдарына) келетін ТЖҚ-ны сатып алу;
      4) орташа мерзімді және ұзақ мерзімді ТЖҚ-ны сатып алудың бағдарламаларында көзделген ТЖҚ-ны сатып алу.
      342. Сатып алу туралы шарт тапсырыс берушi мен жеткiзушi көрсетiлген шарт бойынша қабылданған мiндеттемелердi толық орындаған жағдайда орындалған болып есептеледi.
      343. Егер әлеуетті жеткізуші осы Қағидаларда белгіленген мерзім ішінде тапсырыс берушіге қол қойылған сатып алу туралы шартты ұсынбаса немесе сатып алу туралы шартты жасасып, осы Қағидаларда көзделген жағдайларда сатып алу туралы шарттың орындалуын қамтамасыз етуді енгізбесе, онда мұндай әлеуетті жеткізуші сатып алу туралы шарт жасасудан жалтарған жеткізуші ретінде танылады.
      344. Әлеуетті жеткізуші сатып алу туралы шарт жасасудан жалтарған жеткізуші ретінде танылған жағдайда, тапсырыс беруші өзі енгізген (қайталама) ашық конкурсқа (оның ішінде конкурстық баға ұсыныстарын төмендету арқылы) қатысуға арналған өтінімді қамтамасыз етуді, олардың енгізілуі тапсырыс берушімен көзделген жағдайда, ұстап қалады.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
1-қосымша                  

Қызметкерлердің болуы және саны туралы мәліметтер

Қолы ______________

МО

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
2-қосымша                  

Сатып алу бойынша ашық конкурсқа қатысу үшін
(ашық конкурс атауы) әлеуетті жеткізушілер ұсынған конкурстық
өтінімдері бар конверттерді ашудың
№ _____ ХАТТАМАСЫ

_________________________________ ___________________________________
         (Өткізу орны)                  (Өткізу күні мен уақыты)

      1. Тапсырыс берушінің атауы ___________________________________
      2. Тапсырыс берушiнiң орналасқан жерi:
_____________________________________________________________________
      3. Конкурстық комиссия құрамы:
      Конкурстық комиссияның төрағасы:
_____________________________________________________________________
                      (Аты, тегі, әкесінің аты)
      Конкурстық комиссияның мүшелері:
_____________________________________________________________________
                      (Аты, тегі, әкесінің аты)
_____________________________________________________________________
                      (Аты, тегі, әкесінің аты)
      Конкурстық комиссияның хатшысы:
_____________________________________________________________________
                      (Аты, тегі, әкесінің аты)
      конкурстық өтінімдері бар конверттерді ашу рәсімін өткізді.
      4. Ашық конкурстың мәні:
      Лот № және атауы:

      5. Олардың шеңберінде сатып алу жүзеге асырылатын, жер қойнауын пайдалануға арналған келісімшарт нөмірлері:
      Лот № және атауы:
      Келісімшарт № ____________ _______________.
      6. Конкурстық құжаттама мына әлеуеттi жеткiзушiлерге ұсынылды:

      7. Конкурстық құжаттамаға өзгерiстер және (немесе) түсiнiктемелердi қысқаша сипаттау (егер осындайлар болған жағдайда) ___________________________.
      8. Конкурстық өтiнiмдер бар конверттерді мына әлеуеттi жеткiзушiлер ұсынды:
      Лот № және атауы:

      9. Конкурстық өтiнiмдер бар конверттерді мына әлеуетті жеткізушілер қайтарып алады:
      Лот № және атауы:

      10. Конкурстық өтiнiмдер бар конверттер мына әлеуеттi жеткiзушiлерге ашылмай қайтарылады:
      Лот № және атауы:

      11. Әлеуеттi жеткiзушiлердің конкурстық өтiнімдерді өзгертуі және (немесе) толықтыруы туралы мәлiмет:

      12. Әлеуеттi жеткiзушiлердің ашылған конкурстық өтінімдердің мазмұны туралы ақпарат:
_____________________________________________________________________
      13. Конкурстық өтiнiмдер бар конверттердi ашу рәсiмiне мына әлеуеттi жеткiзушiлердiң өкiлдерi қатысты:

      14. Қолдары

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
3-қосымша                  

(Ашық конкурстың атауы) сатып алу жөніндегі ашық конкурсқа
қатысуға әлеуетті жеткізушілерді жіберудің
№ _____ ХАТТАМАСЫ

_________________________________ ___________________________________
         (Өткізу орны)                  (Өткізу күні мен уақыты)

      1. Тапсырыс берушінің атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Конкурстық комиссияның құрамы:
      Конкурстық комиссияның төрағасы:
_____________________________________________________________________
                      (Аты, тегі, әкесінің аты)
      Конкурстық комиссияның мүшелері:
____________________________________________________________________
                      (Аты, тегі, әкесінің аты)
____________________________________________________________________
                      (Аты, тегі, әкесінің аты)
      Конкурстық комиссияның хатшысы:
____________________________________________________________________
                      (Аты, тегі, әкесінің аты)
      әлеуетті жеткізушілердің конкурстық өтінімдерді қарау рәсімін өткізді және мыналарды сатып алу бойынша ашық конкурсқа қатысуға рұқсат берілді:
      4. Ашық конкурс мәні:
      Лот № және атауы:

      5. Олардың шеңберінде сатып алу жүзеге асырылатын, жер қойнауын пайдалануға арналған келісімшарт нөмірлері:
      Лот № және атауы:
      _______________ № ____________ келісімшарт.
      6. Құжаттардың ережелерін жалпылай түсіндіріп жазу:
_____________________________________________________________________
      7. Әлеуетті жеткізушілердің конкурстық өтінімдерін қарау және ашық конкурсқа қатысуға рұқсат беру рәсімінде мына әлеуетті жеткізушілердің конкурстық өтінімдері қаралды:
      Лот № және атауы:

      8. Ашық конкурсқа қатысушылардың конкурстық өтінімдерін қарау нәтижелері бойынша комиссия шешім қабылдады (қажеттісін таңдау):
      1) Мына әлеуеттi жеткiзушiлердің конкурстық өтінімдерін қабылдамау:
      Лот № және атауы:

      2) Ашық конкурсқа қатысушылары болып мына әлеуеттi жеткiзушiлер танылсын:
      Лот № және атауы:

      Ашық конкурсқа қатысушылардың конкурстық баға ұсыныстары бар конверттерді қабылдаудың басталу және аяқталу күнін, уақыты мен орны ______________ бастап __________________ дейін белгіленсін.
      Ашық конкурсқа қатысушылардың конкурстық баға ұсыныстарын бағалау және салыстыру бойынша отырыс _____________________________ белгіленсін.
      9. Қолдар

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
4-қосымша                  

Ашық конкурсқа қатысушының баға кестесі
(ашық конкурсқа қатысушының атауы (тегі, аты),
әр лотқа жеке толтырылады)

      Біз Сіздің төлем шарттарыңызбен келісеміз.
      _______________________________________________________________
      Ескертпе: ашық конкурстың қатысушысы құрамдық бағаны көрсетпейді, бұл ретте осы жолда көрсетілген баға конкурстық комиссиямен ашық конкурсқа қатысушысының ҚҚС-ны есептеусіз, барлық шығындары есепке ала отырып, анықталған болып қаралады және қайта қарауға жатпайды.

«Жер қойнауын пайдалану жөніндегі      
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
5-қосымша                  

Сатып алу бойынша ашық конкурсқа
(ашық конкурс атауы) қорытынды шығарудың
№ ____ ХАТТАМАСЫ

_________________________________ ___________________________________
         (Өткізу орны)                  (Өткізу күні мен уақыты)

      1. Тапсырыс берушiнiң атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Конкурстық комиссияның құрамы:
      Конкурстық комиссияның төрағасы:
_____________________________________________________________________
                      (Аты, тегі, әкесінің аты)
      Конкурстық комиссияның мүшелері:
_____________________________________________________________________
                      (Аты, тегі, әкесінің аты)
_____________________________________________________________________
                      (Аты, тегі, әкесінің аты)
      Конкурстық комиссияның хатшысы:
_____________________________________________________________________
                      (Аты, тегі, әкесінің аты)
      әлеуетті жеткізушілердің конкурстық өтінімдерін бағалау және салыстыру рәсімін өткізді және мыналарды сатып алу бойынша ашық конкурс жеңімпазын айқындады:
      4. Ашық конкурс мәні:
      Лот № және атауы:

      5. Олардың шеңберінде сатып алу жүзеге асырылатын, жер қойнауын пайдалануға арналған келісімшарт нөмірлері:
      Лот № және атауы:
      _______________ № ____________ келісімшарт.
      6. Конкурстық баға ұсыныстары бар конверттерді мына ашық конкурс қатысушылары ұсынды:
      Лот № және атауы:

      7. Конкурстық баға ұсыныстары бар конверттерді мына ашық конкурсқа қатысушылар қайтарып алды:
      Лот № және атауы:

      8. Мына ашық конкурсқа қатысушылардың конкурстық баға ұсыныстары қабылданбады:
      Лот № және атауы:

      9. Ашық конкурсқа қатысушылардың қабылданған конкурстық баға ұсыныстарының бағалары:
      Лот № және атауы:
      Сатып алуға бөлінген сома ______________ теңге.

      10. Конкурстық комиссия ашық конкурсқа қатысушылардың қабылданған конкурстық баға ұсыныстарын бағалады және салыстырды, әрі шешiм қабылдады (қажеттiсiн таңдау):
      1) Ашық конкурстың жеңiмпазы болып мыналар танылсын:
      Лот № және атауы:

      Жеңімпаздың конкурстық баға ұсынысынан кейінгі барынша артықшылығы бар конкурстық баға ұсынысын берген әлеуетті жеткізуші
      Лот № және атауы:

      2) Ашық конкурсты өтпеді деп тану (тиісті себебін көрсету қажет)
      Лот № және атауы:
      11. Тапсырыс беруші мына:
________________________________________________ мерзіміне дейін ашық конкурс тәсілімен өткізілген сатып алу нәтижелері бойынша
___________________________________________________________________
(Әлеуетті жеткізушінің атауы (тегі, аты), нақты орналасқан жерiнiң
мекенжайы, ұсынылған баға)
      жеңімпазбен шарт жасассын.
      12. Конкурстық баға ұсыныстарын бағалау мен салыстыру бойынша отырысқа мына ашық конкурс қатысушыларының өкілдері қатысты:

      13. Қолдары.

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
6-қосымша                  

Баға ұсыныстарын сұрату тәсілімен сатып алу бойынша
(сатып алу атауы) баға ұсыныстары бар конверттерді ашу
хаттамасы

___________________________________ _________________________________
           (Өткізу орны)                 (Өткізу күні мен уақыты)

      1. Тапсырыс берушiнiң атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Баға ұсыныстарына сұрау салу тәсілімен сатып алу мәні:
      Ашық конкурс мәні:
      Лот № және атауы:

      4. Шеңберінде сатып алу жүзеге асырылатын жер қойнауын пайдалануға арналған келісімшарт нөмірлері:
      Лот № және атауы:
      _______________ № ____________ келісімшарт.
      5. Конкурстық баға ұсыныстары бар конверттерді мына әлеуетті жеткізушілер ұсынды:
      Лот № және атауы:

      6. Конкурстық баға ұсыныстары бар конверттерді мына әлеуетті жеткізушілерге қайтарып алды:
      Лот № және атауы:

      7. Конкурстық баға ұсыныстары бар конверттерді мына әлеуетті жеткізушілерге ашылмай қайтарылды:
      Лот № және атауы:

      8. Әлеуетті жеткізушілердің баға ұсыныстарын ашу бағасы:
      Лот № және атауы:
      ҚҚС-ны есепке алмағанда, сатып алуға бөлінген сома ______________ теңге.

      9. Баға ұсыныстары бар конверттерді ашу рәсіміне мына әлеуетті жеткізушілер өкілдері қатысты:

      10. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
7-қосымша                  

Баға ұсыныстарын сұрату тәсілімен сатып алу
(сатып алу атауы) қорытындысын шығару хаттамасы

___________________________________ _________________________________
           (Өткізу орны)                 (Өткізу күні мен уақыты)

      1. Тапсырыс берушiнiң атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Баға ұсыныстарына сұрау салу тәсілімен сатып алу мәні:
      Лот № және атауы:

      4. Шеңберінде сатып алу жүзеге асырылатын, жер қойнауын пайдалануға арналған келісімшарт нөмірлері:
      Лот № және атауы:
      _______________ № ____________ келісімшарт.
      5. Баға ұсыныстарына сұрау тәсілімен сатып алу қорытындыларын өткізу рәсімдерінде мына баға ұсыныстары ашылды және қарастырылды:
      Лот № және атауы:

      6. Конкурстық баға ұсыныстары мына әлеуетті жеткізушілерден қайтарып алды:
      Лот № және атауы:

      7. Әлеуетті жеткізушілердің қабылданған баға ұсыныстарының бағасы:
      Лот № және атауы:
      ҚҚС-ны есепке алмағанда, сатып алуға бөлінген сома ______________ теңге.

      8. Қабылданған конкурстық баға ұсыныстарын бағалап және салыстырып, Тапсырыс беруші шешiм қабылдады (қажеттiсiн таңдау):
      1) Баға ұсыныстарына сұрау тәсілімен сатып алу жеңімпазы танылсын:
      Лот № және атауы:

      Баға ұсыныстары жеңімпаздың баға ұсынысынан кейін анағұрлым басым болып табылатын әлеуетті жеткізуші.
      Лот № және атауы:

      2) Баға ұсыныстарына сұрау салу тәсілімен сатып алуды онда баға ұсыныстары қабылданған кемінде екі әлеуетті жеткізушінің қатысқанына байланысты өтпеді деп танылсын.
      Лот № және атауы:
      9. Тапсырыс беруші мына:
________________________________________ баға ұсыныстарына сұрау салу тәсілімен өткізілген сатып алу нәтижелері бойынша
_____________________________________________________________________
(әлеуетті жеткізушінің атауы (тегі, аты), нақты орналасқан мекенжайы,
ұсынылған баға) жеңімпазыменен ______________ дейінгі мерзімде шарт
жасассын.
      10. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
8-қосымша                  

Бір көзден сатып алу тәсілімен сатып алу (сатып алу атауы)
қорытындыларын шығару хаттамасы

      1. Тапсырыс берушінің атауы
_____________________________________________________________________
      2. Тапсырыс берушінің тұрған жері
_____________________________________________________________________
      3. Бір көзден сатып алу тәсілімен сатып алу мәні:
_____________________________________________________________________
      4. Бір көзден сатып алу тәсілімен сатып алу мәні:
      Лот № және атауы:
      ҚҚС-ны есепке алмағанда, сатып алу үшін бөлінген сома: ________ теңге.

      5. Шеңберінде сатып алу жүзеге асырылатын, жер қойнауын пайдалануға арналған келісімшарт нөмірлері:
      Лот № және атауы:
      _______________ № ____________ келісімшарт.
      6. Әрбір лот бойынша тауарларды жеткізу, жұмыстарды орындау, қызметтерді көрсету мерзімі және орны:
      Лот № және атауы:

      7. Әрбір лот бойынша ұсынылатын ТЖҚ-ға жеткізуші ұсынған баға, теңгеде белгіленеді:
      Лот № және атауы:
      ҚҚС-ны есепке алмағанда, сатып алу үшін бөлінген сома: ________ теңге.

      8. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
9-қосымша                  

Электрондық сатып алу жүйесі арқылы сатып алу тәсілімен сатып алу
(электрондық сатып алу жүйесі арқылы алу тәсілімен сатып алу атауы)
қорытындыларын шығару
№ _____ ХАТТАМАСЫ

                                  ___________________________________
                                    (Өткізілетін күні және уақыты)
      1. Тапсырыс берушiнiң атауы
_____________________________________________________________________
      2. Тапсырыс берушiнiң орналасқан жерi
      3. Электрондық сатып алу жүйесі арқылы сатып алу тәсілімен сатып алу мәні:
      Лот № және атауы:
      ҚҚС-ны есепке алмағанда, сатып алуға бөлінген сома ______________ теңге.

      4. Шеңберінде сатып алу жүзеге асырылатын жер қойнауын пайдалануға арналған келісімшарт нөмірлері:
      Лот № және атауы:
      _______________ № ____________ келісімшарт.
      5. Электрондық сатып алу жүйесі арқылы алу тәсілімен сатып алу бойынша баға ұсыныстарын мынадай электрондық сатып алу жүйесі арқылы сатып алуға қатысушылар ұсынды:
      Лот № және атауы:
      ҚҚС-ны есепке алмағанда, сатып алуға бөлінген сома ______________ теңге.

      6. Электрондық сатып алу жүйесі арқылы сатып алу тәсілімен сатып алу қорытындыларын шығару нәтижелері:
      1) Электрондық сатып алу жүйесі арқылы сатып алу тәсілімен сатып алу жеңімпазы деп танылсын
      Лот № және атауы:

      Баға ұсыныстары жеңімпаздың баға ұсынысынан кейін анағұрлым басым болып табылатын әлеуетті жеткізуші
      Лот № және атауы:

      2) Электрондық сатып алу жүйесі арқылы сатып алу тәсілімен сатып алуды өтпеді деп танылсын (тиісті себебін көрсету).
      7. Тапсырыс беруші мына:
      Лот № және атауы
________________________________________ электрондық сатып алу жүйесі арқылы өткізілген сатып салу тәсілімен сатып алудың нәтижелері бойынша
_____________________________________________________________________
(әлеуетті жеткізушінің атауы және нақты орналасқан мекенжайы (заңды
тұлғалар үшін), тегі, аты және заңды мекенжайы (жеке тұлғалар үшін),
ҚҚС-ны есепке алмағанда, ұсынылған баға) жеңімпазымен _______________
дейінгі мерзімде шарт жасассын.
      8. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
10-қосымша                 

Ашық конкурсқа қатысушының бағалар кестесі
(ашық конкурсқа қатысушының атауы (тегі, аты), әрбір лотқа жеке
толтырылады)

      Біз Сіздің төлем шарттарыңызбен келісеміз.
      _______________________________________________________________
      Ескертпе: ашық конкурсқа қатысушы құрамдас бағаларды көрсетпейді, бұл ретте конкурстық комиссия осы жолда көрсетілген бағаны сатып алудың өткізілуі туралы хабарландыруда көзделген барлық шығындар, оның ішінде оларды тасымалдауға, сақтандыруға, кеден баждарын, салықтарды, алымдарды төлеуге, сондай-ақ ашық конкурсқа қатысушының ҚҚС қоспағанда тауарларды жеткізудің, жұмыстарды орындаудың, қызметтерді көрсетудің шарттарында көзделген өзге де шығыстарды ескере отырып белгіленген баға ретінде қарастырады және қайта қарауға жатпайды.

      Электрондық цифрлық қолтаңба _______________
      Ұсынылған күні мен уақыты __________________

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
11-қосымша                 

Жұмысшылардың болуы және саны туралы мәліметтер

      Электрондық цифрлық қолтаңба _______________
      Ұсынылған күні мен уақыты __________________

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
12-қосымша                 

Сатып алу бойынша ашық конкурсқа қатысу үшін
(ашық конкурстың атауы)
әлеуетті жеткізушілер ұсынған конкурстық өтінімдерді ашудың
№ _____ ХАТТАМАСЫ

                                  ___________________________________
                                    (Өткізілетін күні және уақыты)

      1. Тапсырыс берушінің атауы ___________________________________
      2. Тапсырыс берушінің орналасқан жері
_____________________________________________________________________
      3. Конкурстық комиссияның құрамы:
      Конкурстық комиссияның төрағасы:
_____________________________________________________________________
                        (Тегі, аты, әкесінің аты)
      Конкурстық комиссияның мүшелері:
_____________________________________________________________________
                        (Тегі, аты, әкесінің аты)
_____________________________________________________________________
                        (Тегі, аты, әкесінің аты)
      Конкурстық комиссияның хатшысы:
_____________________________________________________________________
                        (Тегі, аты, әкесінің аты)
      конкурстық өтінімдер бар конверттерді ашу рәсімін жүргізеді.
      4. Ашық конкурстың мәні:
      Лоттың № және атауы

      5. Шеңберінде сатып алу жүзеге асырылатын жер қойнауын пайдалануға арналған келісімшарттардың нөмірлері:
      Лоттың № және атауы:
      _______________ жылғы № ____________ келісімшарт.
      6. Конкурстық құжаттама мына әлеуеттi жеткiзушiлерге берілді:

      7. Конкурстық құжаттаманың өзгерiстерімен (немесе) түсiнiктемелердiң қысқаша сипаттамасы (егер олар болған жағдайда)_____________________.
      8. Конкурстық өтінімдерді мына әлеуетті жеткізушілер ұсынды:
      Лоттың № және атауы

      9. Конкурстық өтiнiмдерін мына әлеуеттi жеткiзушiлер қайтарып алды:
      Лоттың № және атауы

      10. Мына жеткізушілердің құжаттары салынған конверттер ашылмай қайтарылды:
      Лоттың № және атауы

      11. Әлеуеттi жеткiзушiлердің конкурстық өтінімдерінің өзгергені және (немесе) толықтырылғаны туралы мәлiметтер:

      12. Әлеуеттi жеткiзушiлердің ашылған конкурстық өтінімдерінің мазмұны туралы ақпарат: _____________________________________________
      13. Қағидалардың 215-тармағының 3) тармақшасының екінші, үшінші, бесінші абзацтарында және 5) тармақшасында көзделген құжаттар салынған конверттердi ашу рәсіміне әлеуетті жеткізушілердің өкілдері қатысты:

      14. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
13-қосымша                 

(Ашық конкурстың атауы) сатып алу жөніндегі ашық конкурсқа
әлеуетті жеткізушілерді жіберудің
№ _____ ХАТТАМАСЫ

___________________________________ _________________________________
            (Өткізу орны)              (Өткізудің күні мен уақыты)

      1. Тапсырыс берушінің атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Конкурстық комиссияның құрамы:
      Конкурстық комиссияның төрағасы:
_____________________________________________________________________
                        (Тегі, аты, әкесінің аты)
      Конкурстық комиссияның мүшелері:
_____________________________________________________________________
                        (Тегі, аты, әкесінің аты)
_____________________________________________________________________
                        (Тегі, аты, әкесінің аты)
      Конкурстық комиссияның хатшысы:
_____________________________________________________________________
                        (Тегі, аты, әкесінің аты)
      әлеуетті жеткізушілердің конкурстық өтінімдерін қарау және ____ сатып алу бойынша ашық конкурсқа қатыстыру рәсімін өткізді.
      4. Ашық конкурстың мәні:
      Лоттың № және атауы

      5. Сатып алу жүзеге асырылатын жер қойнауын пайдалануға арналған келісімшарттардың нөмірлері:
      Лоттың № және атауы:
      _______________ жылғы № ____________ келісімшарт.
      6. Әлеуетті жеткізушілер ұсынған құжаттардың ережелерін түсіндірулерінің жинақталған баяндамасы (олар болған жағдайда):
_____________________________________________________________________
      7. Конкурстық комиссия мына әлеуетті жеткізушілердің конкурстық өтінімдерін қарады:
      Лоттың № және атауы

      8. Ашық конкурсқа қатысушылардың конкурстық өтінімдерін қараудың нәтижелері бойынша конкурстық комиссия мынадай шешім қабылдады (керегін таңдау):
      1) Мына әлеуеттi жеткiзушiлердің конкурстық өтінімдерін қабылдамау:
      Лоттың № және атауы:

      2) Ашық конкурстың қатысушылары ретінде мына әлеуеттi жеткiзушiлер танылсын:
      Лоттың № және атауы:

      Ашық конкурсқа қатысушылардың конкурстық баға ұсыныстарын орналастырудың басталу және аяқталу күні, орны мен уақыты ______________ бастап __________________ дейін белгіленсін.
      Ашық конкурсқа қатысушылардың конкурстық баға ұсыныстарын бағалау және салыстыру _____________________________ белгіленсін.
      9. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
14-қосымша                 

(Ашық конкурстың атауы) сатып алу бойынша ашық конкурстың
қорытындысын шығарудың
№ ____ ХАТТАМАСЫ

                                  ___________________________________
                                       (Өткiзу күні мен уақыты)

      1. Тапсырыс берушiнiң атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Конкурстық комиссияның құрамы:
      Конкурстық комиссияның төрағасы:
_____________________________________________________________________
                        (Тегі, аты, әкесінің атауы)
      Конкурстық комиссияның мүшелері:
_____________________________________________________________________
                        (Тегі, аты, әкесінің атауы)
_____________________________________________________________________
                        (Тегі, аты, әкесінің атауы)
      Конкурстық комиссияның хатшысы:
_____________________________________________________________________
                        (Тегі, аты, әкесінің атауы)
      сатып алу бойынша ашық конкурстың жеңімпазын анықтау рәсімін жүргізеді:
      4. Ашық конкурстың мәні:
      Лоттың № және атауы:

      5. Сатып алу жүзеге асырылатын жер қойнауын пайдалануға арналған келісімшарттардың нөмірлері:
      Лоттың № және атауы:
      _______________ жылғы № ____________ келісімшарт.
      6. Конкурстық баға ұсыныстарын мына ашық конкурстың қатысушылары ұсынды:
      Лоттың № және атауы:

      7. Конкурстық баға ұсыныстарын ашық конкурстың мына қатысушылары қайтарып алды:
      Лоттың № және атауы

      8. Ашық конкурсқа мына қатысушылардың конкурстық баға ұсыныстары қабылданбады:
      Лоттың № және атауы

      9. Ашық конкурсқа қатысушылардың қабылданған конкурстық баға ұсыныстарының бағалары:
      Лоттың № және атауы
      Сатып алуға бөлінген сома ______________ теңге.

      10. Конкурстық комиссия ашық конкурсқа қатысушылардың қабылданған конкурстық баға ұсыныстарын бағалап және салыстырып, мынадай шешiм қабылдады (керегін таңдау):
      1) Ашық конкурстың жеңiмпазы ретінде танылсын:
      Лоттың № және атауы

      Жеңімпаздың конкурстық баға ұсынысынан кейінгі барынша артықшылығы бар конкурстық баға ұсыныстарын берген әлеуетті жеткізушілер:
      Лоттың № және атауы

      2) Ашық конкурс өткізілмеді деп танылсын
      (тиісті себебін көрсету)
      Лоттың № және атауы
      11. Тапсырыс беруші мына жеңімпазбен:
      Лоттың № және атауы
_____________________________________________________________________
  (Жеңімпаздың атауы (тегі, аты, әкесінің аты – жеке тұлғалар үшін),
         нақты орналасқан жерiнiң мекенжайы, ұсынған бағасы)
      ашық конкурс тәсілімен өткізілген сатып алудың қорытындысы бойынша ашық конкурстың қорытындысы шығарылған күнінен бастап __________ күннің ішінде шарт жасассын.
      12. Сатып алудың коды: _____________
      Тізілім интернет-ресурсының мекенжайы: ______________.
      13. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
15-қосымша                 

(Сатып алу атауы) бір көзден сатып алу тәсілімен сатып алудың
қорытындысын шығару хаттамасы

      1. Тапсырыс берушінің атауы
_____________________________________________________________________
      2. Тапсырыс берушінің орналасқан жері:
_____________________________________________________________________
      3. Бір көзден сатып алу тәсілімен сатып алудың негіздемесі:
_____________________________________________________________________
      4. Бір көзден сатып алу тәсілімен сатып алудың мәні:
      Лоттың № және атауы
      ҚҚС-ны есепке алмағанда, сатып алуға бөлінген сома: ________ теңге.

      5. Сатып алу жүзеге асырылатын жер қойнауын пайдалануға арналған келісімшарттардың нөмірлері:
      Лот № және сипаттамасы:
      _______________ жылғы № ____________ келісімшарт.
      6. Жеткізушінің атауы, тауарларды жеткізудің, жұмыстарды орындаудың, қызметтерді көрсетудің мерзімі және орны:
      Лот № және сипаттамасы:

      7. Әрбір лот бойынша ұсынылатын, өзіне тауарларды жеткізу, жұмыстарды орындау, қызметтерді көрсетуге байланысты барлық шығыстарды қамтитын, ТЖҚ-ға жеткізуші ұсынған баға, теңгеде көрсетіледі:
      Лот № және сипаттамасы
      ҚҚС-ны есепке алмағанда, сатып алуға бөлінген сома: ________ теңге.

      8. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
16-қосымша                 

(Сатып алудың атауы) баға ұсыныстарына сұрау салу тәсілімен
сатып алу бойынша баға ұсыныстарын ашу және қорытындысын шығару
хаттамасы

                                  ___________________________________
                                        (Өткізу күні мен уақыты)

      1. Тапсырыс берушiнiң атауы ___________________________________
      2. Тапсырыс берушiнiң орналасқан жерi _________________________
      3. Баға ұсыныстарына сұрау салу тәсілімен сатып алудың мәні:
      Лот № және атауы:

      4. Сатып алу жүзеге асырылатын жер қойнауын пайдалануға арналған келісімшарттардың нөмірлері:
      Лот № және сипаттамасы:
      _______________ жылғы № ____________ келісімшарт.
      5. Баға ұсыныстарын мына әлеуетті жеткізушілер ұсынды:
      Лот № және атауы:

      6. Конкурстық баға ұсыныстарын мына әлеуетті жеткізушілер қайтарып алды:
      Лот № және атауы:

      7. Мына жеткізушілердің баға ұсыныстары қабылданбады:
      Лот № және атауы:

      8. Әлеуетті жеткізушілердің ашылған баға ұсыныстарының бағасы:
      Лот № және атауы:
      ҚҚС-ны есепке алмағанда, сатып алуға бөлінген сома ______________ теңге.

      9. Баға ұсыныстарын ашудың нәтижелері бойынша:
      1) Баға ұсыныстарына сұрау салу тәсілімен сатып алудың жеңімпазы:
      Лот № және атауы:

      Жеңімпаздың баға ұсынысынан кейін анағұрлым артықшылыққа ие баға ұсыныстары бар әлеуетті жеткізушілер:
      Лот № және атауы:

      2) Баға ұсыныстарына сұрау салу тәсілімен сатып алу өтпеген деп танылсын
      (сәйкес себепті көрсету)
      Лот № және атауы
      10. Тапсырыс беруші мына жеңімпазбен:
      Лоттың № және атауы
_____________________________________________________________________
  (Жеңімпаздың атауы (тегі, аты, әкесінің аты – жеке тұлғалар үшін),
         нақты орналасқан жерiнiң мекен-жайы, ұсынған бағасы)
      баға ұсыныстарына сұрау салу тәсілімен өткізілген сатып алудың қорытындысы бойынша баға ұсыныстарына сұрау салу тәсілімен сатып алудың қорытындысы шығарылған күннен бастап __________ күннің ішінде шарт жасассын.
      11. Сатып алудың коды: ______________________________
      Тізілім интернет-ресурсының мекенжайы: ______________.
      12. Қолдары

«Жер қойнауын пайдалану жөніндегі     
операцияларды жүргізу кезінде пайдаланылатын
тауарлардың, жұмыстар мен көрсетілетін   
қызметтердің және оларды өндірушілердің  
тізілімі» мемлекеттік ақпараттық жүйесі арқылы
жер қойнауын пайдалану жөніндегі      
операцияларды жүргізу кезінде тауарларды,  
жұмыстар мен көрсетілетін қызметтерді сатып 
алу қағидаларына              
17-қосымша                 

Конкурстық баға ұсыныстарының бағаларын төмендету арқылы
өткізілген (электрондық сатып алулар жүйесі тәсілімен сатып
алудың атауы) ашық конкурстың қорытындысын шығарудың
№ _____ ХАТТАМАСЫ

                                  ___________________________________
                                       (Өткізу күні мен уақыты)

      1. Тапсырыс берушінің атауы
_____________________________________________________________________
      2. Тапсырыс берушiнiң орналасқан жерi
_____________________________________________________________________
      3. Келесі құрамдағы конкурстық комиссия:
      Конкурстық комиссияның төрағасы:
_____________________________________________________________________
                        (Тегі, аты, әкесінің аты)
      Конкурстық комиссияның мүшелері:
_____________________________________________________________________
                        (Тегі, аты, әкесінің аты)
_____________________________________________________________________
                        (Тегі, аты, әкесінің аты)
      Конкурстық комиссияның хатшысы
_____________________________________________________________________
                        (Тегі, аты, әкесінің аты)
      сатып алу бойынша конкурстық баға ұсыныстарын төмендетумен өткізілген ашық конкурстың жеңімпазын анықтау рәсімін өткізді:
      4. Конкурстық баға ұсыныстарының бағасын төмендету арқылы өткізілген ашық конкурстың сатып алу мәні:
      Лот № және атауы
      ҚҚС-ны есепке алмағанда, сатып алуға бөлінген сома ______________ теңге.

      5. Сатып алу жүзеге асырылатын жер қойнауын пайдалануға арналған келісімшарттардың нөмірлері:
      Лот № және сипаттамасы:
      _______________ жылғы № ____________ келісімшарт.
      6. Конкурстық баға ұсыныстарын конкурстық баға ұсыныстарының бағаларын төмендету арқылы өткізілген ашық конкурстың келесі қатысушылары ұсынды:
      Лот № және атауы:

      7. Конкурстық баға ұсыныстарының бағаларын төмендету арқылы өткізілген ашық конкурсқа қатысушылардың конкурстық баға ұсыныстарының бағалары:
      Лот № және атауы:
      Сатып алуға бөлінген сома ______________ теңге.

      8. Конкурстық баға ұсыныстарының бағаларын төмендету арқылы өткізілген ашық конкурсқа қатысушылардың қабылданған конкурстық баға ұсыныстарын бағалап және салыстырып, конкурстық комиссия мынадай шешiм қабылдады (керегін таңдау):
      1) Конкурстық баға ұсыныстарының бағаларын төмендету арқылы өткізілген ашық конкурстың жеңімпазы ретінде келесіні тану:
      Лот № және атауы:

      Жеңімпаздың конкурстық баға ұсынысынан кейін анағұрлым артықшылыққа ие болып табылатын конкурстық баға ұсыныстары бар әлеуетті жеткізушілер:
      Лот № және атауы:

      2) Ашық конкурс өткізілмеді деп тану
      (тиісті себепті көрсету)
      Лот № және атауы
      9. Тапсырыс беруші мына жеңімпазбен:
      Лоттың № және атауы
_____________________________________________________________________
  (Жеңімпаздың атауы (тегі, аты, әкесінің аты – жеке тұлғалар үшін),
         нақты орналасқан жерiнiң мекен-жайы, ұсынған бағасы)
      баға ұсыныстарына сұрау салу тәсілімен өткізілген сатып алудың қорытындысы бойынша ашық конкурстың қорытындысы шығарылған күнінен бастап __________ күннің ішінде шарт жасассын.
      10. Сатып алудың коды: ______________________________
      Тізілім интернет-ресурсының мекенжайы:______________.
      11. Қолдары