Рус | Қаз | Eng

Ұлттық компаниялардың тiзбесiн бекiту туралы

Қазақстан Республикасы Үкіметінің 2004 жылғы 16 ақпандағы N 182 қаулысы

Жаңартылған

      "Акционерлiк қоғамдар туралы" Қазақстан Республикасының 2003 жылғы 13 мамырдағы  Заңына  сәйкес Қазақстан Республикасының Үкiметi қаулы етеді:

      1. Қоса берiлiп отырған Ұлттық компаниялардың тiзбесi бекiтiлсiн.

      2. "Кейбiр акционерлiк қоғамдар мен республикалық мемлекеттiк кәсiпорындардың (ұлттық компаниялардың) қызметiн тиiмдi басқару мен бақылауды ұйымдастыру жөнiндегi шаралар туралы" Қазақстан Республикасы Үкiметiнiң 2001 жылғы 28 ақпандағы N 290  қаулысына  (Қазақстан Республикасының ПҮКЖ-ы, 2001 ж., N 8, 85-құжат) мынадай өзгерiстер енгiзiлсiн:
      қаулының тақырыбындағы "(ұлттық компаниялардың)" деген сөздер алынып тасталсын;
      1-тармақтың 3) тармақшасында мемлекеттiк тiлдегi мәтiнiнде "ұлттық компанияның" деген сөздер "ұйымның" деген сөзбен ауыстырылсын, "орта мерзiмдiк жоспарын" деген сөздерден кейiн "(қаржы-шаруашылық қызметiнiң жоспарын)" деген сөздермен толықтырылсын;
      көрсетiлген қаулымен бекiтiлген Кейбiр акционерлiк қоғамдардың және республикалық мемлекеттiк кәсiпорындардың (ұлттық компаниялардың) тiзбесiнде тақырыбындағы "(ұлттық компаниялардың)" деген сөздер алынып тасталсын.

      3. Осы қаулы қол қойылған күнінен бастап күшіне енеді.

      Қазақстан Республикасының
      Премьер-Министрі

Қазақстан Республикасы Үкiметiнiң
2004 жылғы 16 ақпандағы   
N 182 қаулысымен       
бекiтiлген         

Ұлттық компаниялардың тiзбесi

      1. "ҚазМұнайГаз" ұлттық компаниясы" ЖАҚ.
      2. "Электр желiлерiн басқару жөнiндегi қазақстандық
         компания" ААҚ.
      3. "Қазпочта" ААҚ.
      4. "Азық-түлiк келiсiм-шарт корпорациясы" ЖАҚ.
      5. "Қазатомөнеркәсiп" ұлттық атом компаниясы" ЖАҚ.
      6. "Ұлттық ақпараттық технологиялар" ЖАҚ.
      7. "Қазақстан темiр жолы" ұлттық компаниясы" ЖАҚ.
       8. (алып тасталды - 2005.03.05.   N 215  қаулысымен )
      9. "Қазақтелеком" ААҚ.
      10. "Астана халықаралық әуежайы" ЖАҚ.
      11. "Қазақ ақпарат агенттiгi" ұлттық компаниясы (Қазақпарат)"
          ААҚ.
      12. "Қазақстан инжиниринг" ұлттық компаниясы (Kazakhstan
          Engineering)" ААҚ.
      13. "Қазғарыш" ұлттық компаниясы" АҚ
       Ескерту. Тізбе толықтырылды - ҚР Үкiметiнiң 2005.03.17  N 242  қаулысымен.