Ескерту. Тақырыбына өзгерту енгізілді - ҚР Үкіметінің 2005.02.24. N 170 қаулысымен .
Мемлекеттiк органдардың қызметiн үйлестiру әрі нашақорлықтың алдын алу және есiрткі құралдарының, психотроптық заттар мен прекурсорлардың заңсыз айналымына қарсы iс-әрекет жөнiнде тиiмдi шаралар қабылдау мақсатында Қазақстан Республикасының Үкiметi қаулы етеді:
1. Қосымшаға сәйкес құрамда Нашақорлық пен есiрткi бизнесiнiң алдын алу және оларға қарсы iс-әрекет бойынша жұмысты үйлестiру мәселелерi жөнiндегi комиссия (бұдан әрi - Комиссия) құрылсын.
Ескерту. 1-тармаққа өзгерту енгізілді - ҚР Үкіметінің 2005.02.24. N 170
қаулысымен
.
3. Мыналардың күшi жойылды деп танылсын:
1) "Қазақстан Республикасы Үкiметiнiң жанында Нашақорлыққа және есiрткi бизнесiне қарсы iс-әрекетті ұйымдастыру мәселелерi жөнiндегi комиссия құру туралы" Қазақстан Республикасы Yкiметiнiң 2002 жылғы 10 қазандағы N 1106
қаулысының
(Қазақстан Республикасының ПҮКЖ-ы, 2002 ж., N 34, 362-құжат);
2) "Қазақстан Республикасы Yкiметiнiң 2002 жылғы 10 қазандағы N 1106 қаулысына өзгерiстер енгiзу туралы" Қазақстан Республикасы Үкiметiнiң 2002 жылғы 28 мамырдағы N 496
қаулысының
(Қазақстан Республикасының ПYКЖ-ы, 2003 ж., N 23-24, 220-құжат).
Қазақстан Республикасы
Үкіметінің
2003 жылғы 25 желтоқсандағы
N 1316 қаулысымен
бекітілген
Нашақорлық пен есiрткi бизнесiнің алдын алу және
оларға қарсы iс-әрекет бойынша жұмысты үйлестiру
мәселелерi жөніндегi комиссияның
құрамы
Ескерту. Құрам жаңа редакцияда - ҚР Үкіметінің 2005.04.15. N 361 қаулысымен .
Есiмов - Қазақстан Республикасы Премьер-
Ахметжан Смағұлұлы Министрiнiң орынбасары, төраға
Тұрысбеков - Қазақстан Республикасының Iшкi iстер
Зауытбек Қауысбекұлы министрi, төрағаның орынбасары
Выборов - Қазақстан Республикасының Iшкi iстер
Анатолий Николаевич вице-министрi - Iшкi iстер министрлiгi
Есiрткi бизнесiне қарсы күрес және
есiрткi айналымын бақылау комитетiнiң
төрағасы, хатшы
Әйтiмова - Қазақстан Республикасының Бiлiм
Бiрғаным Сарықызы және ғылым министрi
Әкiмбеков - Қазақстан Республикасы Премьер-
Назымбек Қыздарбекұлы Министрiнiң Кеңсесi Қорғаныс және
құқық тәртiбi бөлiмiнiң меңгерушiсi
Досаев - Қазақстан Республикасының
Ерболат Асқарбекұлы Денсаулық сақтау министрi
Дунаев - Қазақстан Республикасының Қаржы
Арман Ғалиасқарұлы министрi
Балиева - Қазақстан Республикасының Әдiлет
Зағипа Яхьяқызы министрi
Исақов - Қазақстан Республикасы Президентiнiң
Нұржан Әзiмханұлы Әкiмшiлiгі Құқық қорғау мен
сот жүйелері мәселелерi бөлiмiнiң
бас инспекторы (келiсiм бойынша)
Кәрбозов - Қазақстан Республикасы Ұлттық
Қозы-Көрпеш Жапарханұлы қауiпсiздiк комитетi төрағасының
орынбасары (келiсiм бойынша)
Келiмбетов - Қазақстан Республикасының Экономика
Қайрат Нематұлы және бюджеттiк жоспарлау министрi
Қосыбаев - Қазақстан Республикасының Мәдениет,
Есетжан Мұратұлы ақпарат және спорт министрi
Қуанғанов - Қазақстан Республикасы Премьер-
Фархат Шаймұратұлы Министрiнiң Кеңсесi Әлеуметтiк-
мәдени даму бөлiмiнiң меңгерушiсi
Шәкiров - Қазақстан Республикасы Сыртқы iстер
Асқар Оразалыұлы министрiнiң орынбасары
Нашақорлық пен есiрткi бизнесінің алдын алу
және оларға қарсы iс-әрекет бойынша жұмысты
үйлестiру мәселелерi жөнiндегi
комиссия туралы ереже
Ескерту. Тақырыбына өзгерту енгізілді - ҚР Үкіметінің 2005.02.24. N 170 қаулысымен .
1. Нашақорлық пен есiрткi бизнесiнiң алдын алу және оларға қарсы iс-әрекет бойынша жұмыстарды үйлестiру мәселелерi жөнiндегi комиссия (бұдан әрi - Комиссия) консультативтiк-кеңесшi орган болып табылады.
Ескерту. 1-тармаққа өзгерту енгізілді - ҚР Үкіметінің 2005.02.24. N 170
қаулысымен
.
2. Комиссия өз қызметiнде Қазақстан Республикасының
Конституциясын
, Қазақстан Республикасының заңдарын, Қазақстан Республикасы Президентi мен Үкiметiнiң кесiмдерiн және өзге де нормативтік құқықтық кесiмдерiн, сондай-ақ осы Ережені басшылыққа алады.
<*>
Ескерту. 2-тармаққа өзгерту енгізілді - ҚР Үкіметінің 2004.08.04. N 831
қаулысымен
.
3. Комиссияның негiзгi міндеттерi:
1) бiрыңғай мемлекеттiк саясатқа және Қазақстан Республикасында нашақорлыққа және есiрткi бизнесiне қарсы күрестiң 2001-2005 жылдарға арналған стратегиясына негiзделген өзара байланысты саймасай шаралар кешенiн iске асыруға арналған жаңа көзқарастарды жүзеге асыруға;
2) Қазақстан Республикасында нашақорлықтың және есiрткi бизнесiнiң таралуына тиiмдi мемлекеттiк және қоғамдық қарсы iс-әрекет, нашақорлықтың алдын алу, оны емдеу және есiрткiге тәуелдi адамдарды оңалту жүйелерiн нығайтуға және құруға;
3) ел халқының әлеуметтiк нашақорлық иммунитетiн қалыптастыруға жәрдемдесу болып табылады.
4. Комиссияның функциялары оған жүктелген мiндеттерге сәйкес:
1) есiрткi құралдарының, психотроптық заттардың, прекурсорлардың айналымы және олардың заңсыз айналымына қарсы iс-әрекет пен оларды терiс пайдалану саласындағы мемлекеттiк саясатты жетілдiру;
2) негiзгi бағыттарды айқындау есiрткi құралдарының, психотроптық заттар мен прекурсорлардың айналымын мемлекеттiк бақылауды күшейту және нашақорлық пен есiрткi бизнесiне қарсы күрестi жүргiзушi мемлекеттiк органдарды үйлестiру;
3) нашақорлыққа, есiрткi құралдарының, психотроптық заттар мен прекурсорлардың заңсыз айналымына және олардың қол жетiмдiлігiне қарсы iс-әрекет және күрес тетiгiн iске асыру және одан әрi жетілдiру, есiрткiні заңсыз пайдаланатын, есiрткi құралдары мен психотроптық заттарды терiс пайдаланатын адамдарды уақтылы анықтау, есiрткiге тәуелдi адамдарды емдеу және оларды әлеуметтiк оңалту;
4) нашақорлықтың алдын алудың тиiмдiлiгiн арттыру, оның ішінде бұқаралық ақпарат құралдарының, оқу орындарының, медицина ұйымдарының, құқық қорғау органдарының және кең қауымның шиеленiстi қатынастарды қалыптастыруға және есiрткi қабылдамауға қатысуы арқылы;
5) нашақорлық пен есiрткi бизнесiнiң алдын алу және оған қарсы күрес мәселелерi жөніндегi заңнамалық және өзге де нормативтiк құқықтық базаны жетілдiру;
6) нашақорлық пен есiрткi бизнесiнің алдын алу және оған қарсы күрес саласында мемлекеттiк органдардың қызметiн одан әрi жетiлдiру және оларды үйлестiру;
7) нашақорлық пен есiрткi бизнесiнің алдын алу және оған қарсы күрес жөнiндегi халықаралық ынтымақтастық мәселелерi жөнiнде ұсынымдар әзiрлеу болып табылады.
5. Комиссия:
1) орталық және жергiлiктi атқарушы органдар мен өзге де ұйымдардан Комиссияның мiндеттерiн іске асыру үшiн қажеттi материалдарды сұратуға және алуға;
2) қажеттiлiгiне орай мемлекеттiк органдар мен мемлекеттiк ғылыми-зерттеу ұйымдарының мамандарын өңiрлердегi есiрткi жағдайын талдау және зерделеу үшiн тартуға;
3) Комиссияның отырыстарында орталық және жергiлiктi атқарушы органдар мен өзге де ұйымдардың өкiлдерiн Комиссияның құзыретiне кiретiн мәселелер бойынша тыңдауға;
4) мемлекеттiк органдарға осы бағыттағы жұмысты одан әрi жетілдiру жөнiнде ұсыныстар енгiзуге;
5) Комиссияның құзыретiне жататын өзге де құқықтарды жүзеге асыруға құқығы бар.
6. Комиссияның төрағасы оның қызметiне басшылық етеді, оның отырыстарына төрағалық етедi, оның жұмысын жоспарлайды, оның шешiмдерiнiң iске асырылуына жалпы бақылауды жүзеге асырады. Төраға болмаған уақытта оның функциясын орынбасары орындайды.
7. Комиссия отырысының күн тәртiбi бойынша ұсыныстар, қажеттi құжаттар, материалдар дайындауды және отырыстан кейiн хаттама ресiмдеудi Комиссияның хатшысы жүзеге асырады.
9. Комиссия отырысын жүргiзуге материалдар дайындауды Комиссия хатшысы жүзеге асырады, ол отырысқа дейiн кемiнде 3 күн бұрын Комиссия мүшелеріне барлық қажетті құжаттарды жiбередi.
10. Комиссияның отырысы қажетіне қарай, бірақ кемінде тоқсанына бір рет өткiзiледi. Комиссияның отырысы Комиссия мүшелерiнің жалпы санының кемiнде үштен екiсi қатысқан кезде заңды болып саналады. <*>
11. Комиссияның шешiмi ашық дауыс берiп қабылданады және, егер оған Комиссия мүшелерiнің жалпы санының көпшілiгi дауыс берген болса, қабылданды деп саналады және Комиссия отырысының хаттамасымен қабылданады. Дауыстар тең болған кезде төраға шешушi дауысқа ие.
Хаттамаға Комиссияның төрағасы мен хатшысы қол қояды.
Ескерту. 10-тармаққа өзгерту енгізілді - ҚР Үкіметінің 2004.08.04. N 831
қаулысымен
.