1. "Тиісті деңгейдегі білім беру бағдарламаларын іске асырып жатқан Қазақстан Республикасының Қорғаныс министрлігіне ведомстволық бағынысты әскери оқу орындарына оқуға қабылдау қағидаларын бекіту туралы" Қазақстан Республикасы Қорғаныс министрінің 2016 жылғы 22 қаңтардағы № 35 бұйрығына (Нормативтік құқықтық актілерді мемлекеттік тіркеу тізілімінде № 13268 болып тіркелген) мынадай өзгерістер мен толықтырулар енгізілсін:

      көрсетілген бұйрықпен бекітілген Тиісті деңгейдегі білім беру бағдарламаларын іске асырып жатқан Қазақстан Республикасының Қорғаныс министрлігіне ведомстволық бағынысты әскери оқу орындарына оқуға қабылдау қағидаларында:

      2-тармақ мынадай редакцияда жазылсын:

      "2. Оқуға қабылдау әскери білім беру мәселелеріне жетекшілік ететін ҚР ҚМ құрылымдық бөлімшесі (бұдан әрі – құрылымдық бөлімше) жасайтын, ҚР ҚМ бекіткен Қабылдау жоспарына сәйкес жоғары білімнің білім беру бағдарламаларын іске асыратын ҚР ҚМ ведомстволық бағынысты әскери оқу орындарына (бұдан әрі – әскери институт) даярлаудың ұқсас бағыттары бойынша қысқартылған оқу мерзімі бар білім беру бағдарламалары бойынша оқуға қабылдауды қоспағанда, 1 наурызға дейін жүзеге асырылады.";

      мынадай мазмұндағы 2-1-тармақпен толықтырылсын:

      "2-1. Әскери институттарға даярлаудың ұқсас бағыттары бойынша оқудың қысқартылған мерзімі бар білім беру бағдарламалары бойынша қабылдау әскери институттарда өткен жылы қабылданған білім алушылармен жасақталмауын ескере отырып, құрылымдық бөлімше жасайтын, ҚР ҚМ бекіткен Қабылдау жоспарына сәйкес қабылдау жылының 1 маусымына дейін жүзеге асырылады.";

      22, 23, 24, 25 және 26-тармақтар мынадай редакцияда жазылсын:

      "22. Жалпы орта білім беру базасында техникалық және кәсіптік білім берудің білім беру бағдарламасын іске асыратын ҚР ҚМ Әскери колледжіне (бұдан әрі – жалпы орта білім беру базасындағы Әскери колледж) Заңның 39-бабы 1-тармағының 1), 2), 3) тармақшаларында көзделген талаптарға сәйкес келетін азаматтар (әскери қызметшілер) оқуға түсуге құқылы.

      Негізгі орта білім беру базасында техникалық және кәсіптік білім берудің білім беру бағдарламасын іске асыратын ҚР ҚМ Әскери колледжіне (бұдан әрі – негізгі білім беру базасындағы Әскери колледж) Заңның 39-бабының 2-тармағында көзделген талаптарға сәйкес келетін азаматтар оқуға түсуге құқылы.

      23. Оқуға түсуші әскери колледждің қабылдау комиссиясына осы Қағидаларға "Әскери колледжге және жоғары білім беру бағдарламаларын іске асыратын әскери оқу орындарына оқуға түсу үшін құжаттар тізбесі" деген 2-қосымшаға сәйкес құжат топтамасын ұсынады немесе "электрондық үкіметтің" www.egov.kz веб-порталы (бұдан әрі – портал) арқылы көрсетілетін қызметті алушының электрондық цифрлық қолтаңбасы қойылған не ұялы байланыс операторы ұсынған көрсетілетін қызметті алушының абоненттік нөмірі тіркелген және порталдың есептік жазбасына қосылған жағдайда бір реттік парольмен куәландырылған әскери колледжге оқуға түсуге өтінім жібереді және осы Қағидаларға "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 9-тармағына сәйкес құжат топтамасын қоса тіркейді.

      Әскери оқу орнының қызметкері құжат топтамасын қабылдауды, оқуға түсуші келген күні оларды тіркеуді (қызмет беруші қызметкер портал арқылы алған күні) жүзеге асырады, қызмет алушы құжат топтамасын толық ұсынбаған жағдайда не олардың қолдану мерзімі өтіп кеткен болса, құжаттарды қабылдаудан бас тартады.

      Қабылдау комиссиясына не портал арқылы құжаттың толық топтамасын ұсынбаған оқуға түсушіге құжаттарды қабылдаудан бас тартылады.

      24. Қабылдау жылының 10 маусымына дейін жалпы орта білім беру базасындағы әскери колледжге азаматтар қатарынан оқуға түсуші тұрғылықты жері бойынша жергілікті әскери басқару органына не "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 9-тармағына сәйкес құжаттарды қоса беріп, портал арқылы өтініш жасайды.

      Жергілікті әскери басқару органының басшысы "Қазақстан Республикасының ұлттық қауіпсіздік органдары туралы" Қазақстан Республикасының Заңы (бұдан әрі – ҚР ҰҚО туралы Заң) 12-бабының 7) тармақшасына сәйкес жұмысты ұйымдастырады және арнайы тексеру жүргізу үшін оқуға түсушінің тиісті құжаттарын оларды ұсынғаннан кейін 10 (он) жұмыс күні ішінде жібереді.

      Портал арқылы өтініш жасаған азаматтар үшін арнайы тексеру бойынша тиісті құжаттарды ҚР ҰҚО туралы Заңның 12-бабының 7) тармақшасына сәйкес жалпы орта білім беру базасындағы әскери колледж жібереді.

      Көрсетілетін қызметті алушы портал арқылы өтініш жасаған жағдайда "жеке кабинетке" мемлекеттік көрсетілетін қызметке сұрау салудың қабылданғаны туралы ақпарат, сондай-ақ мемлекеттік көрсетілетін қызмет нәтижесін алу күні мен уақыты көрсетілген хабарлама жіберіледі.

      Көрсетілетін қызметті беруші олар түскен сәттен бастап ұсынылған құжаттардың толықтығын тексереді, толық болмаған жағдайда 3 (үш) жұмыс күні ішінде көрсетілетін қызметті алушыға жетіспейтін құжат туралы хабарламаны порталдағы "жеке кабинетке" жібереді.

      Егер 5 (бес) жұмыс күні ішінде жетіспейтін құжат ұсынылмаған жағдайда көрсетілетін қызметті беруші өтінішті одан әрі қараудан дәлелді түрде бас тартуды дайындайды, ол электрондық құжат нысанында өтініш берушінің порталдағы "жеке кабинетіне" жіберіледі.

      Көрсетілетін қызметті алушы құжаттың толық топтамасын ұсынған жағдайда көрсетілетін қызметті алушының "жеке кабинетіне" кандидаттар тізіміне қабылдау үшін құжаттардың қабылданғаны туралы хабарлама жіберіледі.

      Көрсетілетін қызметті беруші "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 10-тармағында көзделген негіз бойынша мемлекеттік қызметті көрсетуден бас тартады.

      Арнайы тексеруден өткен, білімі туралы құжаты бар оқуға түсуші жалпы орта білім беру базасындағы әскери колледжге қабылдау жылының 31 шілдесін қоса алғанда келеді.

      Портал арқылы өтініш жасаған оқуға түсуші "жеке кабинетке" түскен хабарламаға сәйкес әскери колледжге келеді.

      25. Әскери қызметшілер қатарынан жалпы орта білім беру базасындағы әскери колледжге оқуға түсуші қабылдау жылының 10 мамырына дейін әскери бөлім командирінің атына тиісті баянатпен өтініш жасайды.

      Әскери бөлім командирі жалпы орта білім беру базасындағы әскери колледжге оқуға түсуге ниет білдірген әскери қызметшіге қатысты жұмысты ұйымдастырады және оқуға түсушінің тиісті құжаттарын ҚР ҰҚО туралы Заңға сәйкес арнайы тексеру жүргізу үшін оларды ұсынғаннан кейін 10 (он) жұмыс күні ішінде жолдайды.

      Арнайы тексеруден өткен, денсаулық жағдайы бойынша оқуға жарамды, білімі туралы құжаты бар әскери қызметші қабылдау жылының 31 шілдесіне дейін жалпы орта білім беру базасындағы әскери колледжге келеді.

      Портал арқылы өтініш жасаған оқуға түсуші "жеке кабинетке" түскен хабарламаға сәйкес жалпы орта білім базасындағы әскери колледжге келеді.

      26. Мектеп және "Арыстан" мамандандырылған лицейін бітірушілер қатарынан оқуға түсуші жалпы орта білім беру базасындағы Әскери колледжге оқуға түсу үшін қабылдау жылының 10 мамырын қоса алғанда, оқуға түсуші оқып жатқан білім беру ұйымы басшысының атына өтініш жасайды.

      Мектептің және "Арыстан" мамандандырылған лицейінің басшысы жұмысты ұйымдастырады және оқуға түсушінің тиісті құжаттарын ҚР ҰҚО туралы Заңға сәйкес арнайы тексеру жүргізу үшін оларды ұсынғаннан кейін 10 (он) жұмыс күні ішінде жолдайды.

      Арнайы тексеруден өткен, денсаулық жағдайы бойынша оқуға жарамды бітіруші Мектепте және "Арыстан" мамандандырылған лицейінде кәсіби-психологиялық тестілеуден өту және дене шынықтыру дайындығы нормативін тапсыру үшін Қазақстан Республикасының Қорғаныс министрлігінде құрылған комиссияға жіберіледі.

      Кәсіби-психологиялық іріктеуден өткен және дене шынықтыру дайындығы нормативін тапсырған және білімі туралы құжаты бар Мектеп және "Арыстан" мамандандырылған лицейінің бітірушісі қабылдау жылының 5 тамызына дейін түпкілікті медициналық куәландырудан өту және оқуға қабылдау үшін жалпы орта білім беру базасындағы Әскери колледжге келеді.";

      26-1-тармақтың бірінші және екінші бөліктері мынадай редакцияда жазылсын:

      "26-1. Негізгі орта білім беру базасындағы Әскери колледжге оқуға түсуші қабылдау жылын қоса алғанда, 1 – 5 тамыз кезеңінде негізгі орта білім беру базасындағы Әскери колледжге заңды өкілдерімен келеді және қабылдау туралы өтініш береді.

      Мынадай талаптарға сәйкес келмейтін:";

      27-тармақ мынадай редакцияда жазылсын:

      "27. Қабылдау кезеңінде оқуға түсуші жалпы орта білім беру базасындағы әскери колледждің аумағында орналастырылады және Қазақстан Республикасы Қорғаныс министрінің 2015 жылғы 18 маусымдағы № 353 бұйрығымен (Нормативтік құқықтық актілерді мемлекеттік тіркеу тізілімінде № 11844 болып тіркелген) бекітілген Бейбіт уақытқа арналған Қазақстан Республикасының Қарулы Күштерін азық-түлікпен, азықпен, жабдықпен, асханалық-асүйлік ыдыспен және азық-түлік қызметінің техникасымен жабдықтау нормалары (бұдан әрі – жабдықтау нормалары) бойынша тамақтандырумен қамтамасыз етіледі.";

      32-тармақ мынадай редакцияда жазылсын:

      "32. Оқуға түсушілердің дене шынықтыру дайындығын тексеру мынадай дене шынықтыру дайындығы бойынша нормативтерді қабылдауды қамтиды:

      1) жалпы орта білім беру базасындағы Әскери колледжге – "Қазақстан Республикасының Қарулы Күштеріндегі дене дайындығы жөніндегі нормативтерді бекіту туралы" Қазақстан Республикасы Қорғаныс министрінің 2014 жылғы 5 мамырдағы № 195 бұйрығына (Нормативтік құқықтық актілерді мемлекеттік тіркеу тізілімінде № 9518 болып тіркелген) (бұдан әрі – № 195 бұйрық) сәйкес;

      2) негізгі білім беру базасындағы Әскери колледжге – осы Қағидаларға "Мектепке және негізгі орта білім беру базасындағы Әскери колледжге оқуға түсу үшін дене шынықтыру дайындығы бойынша нормативтер" деген 2-1-қосымшаға сәйкес норматив бойынша.

      Барлық жаттығу үшін балдар жиынтығы бойынша 60 балдан төмен жинаған және екі норматив бойынша ең төмен балл жинамаған азаматтық жастар қатарынан оқуға түсуші кезеңнен өтпеген болып саналады.";

      35-тармақтың бірінші және екінші бөліктері мынадай редакцияда жазылсын:

      "35. Жалпы орта білім беру базасындағы Әскери колледжге оқуға қабылданған оқуға түсуші жалпы орта білім беру базасындағы Әскери колледждің бастығымен әскери қызмет өткеру туралы келісімшарт жасайды.

      Негізгі білім беру базасындағы Әскери колледжде оқитын адам оқудың үшінші курсына ауысқан кезде негізгі білім беру базасындағы Әскери колледждің бастығымен әскери қызмет өткеру туралы келісімшарт жасайды.";

      36 және 36-1-тармақтар мынадай редакцияда жазылсын:

      "36. Жалпы орта білім беру базасындағы әскери колледждің кадрлар бөлімі оқуға қабылданғаннан кейін 5 (бес) жұмыс күні ішінде жергілікті әскери басқару органына және әскери бөлімге оқуға қабылдау туралы бұйрықтан үзінді жібереді.

      36-1. Негізгі орта білім беру базасындағы Әскери колледжге оқуға қабылданған оқуға түсуші оқу үшін қабылдау жылының 29 тамызына дейін келеді.";

      37-тармақ мынадай редакцияда жазылсын:

      "37. Әскери институттарға Заңның 39-бабы 1-тармағының 1), 2) және 3) тармақшаларына сәйкес азаматтар, сондай-ақ әскери колледж бітірушісі даярлықтың ұқсас бағыттары бойынша қысқартылған оқу мерзімі бар білім беру бағдарламасы бойынша оқуға түседі.";

      38-тармақтың бірінші бөлігі мынадай редакцияда жазылсын:

      "38. Әскери институтқа оқуға түсу үшін оқуға түсуші осы Қағидаларға "Әскери колледжге және жоғары білімнің білім беру бағдарламаларын іске асыратын әскери оқу орындарына оқуға түсу үшін құжаттар тізбесі" деген 2-қосымшаға сәйкес құжат топтамасын қабылдау комиссиясына ұсынады не "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 9-тармағына сәйкес құжаттарды қоса беріп, портал арқылы өтініш жасай алады.";

      39-тармақ мынадай редакцияда жазылсын:

      "39. Азаматтар әскери институтқа оқуға түсу үшін қабылдау жылының 10 маусымына дейінгі мерзімді қоса алғанда, тұрғылықты жері бойынша жергілікті әскери басқару органы басшысының атына не "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 9-тармағына сәйкес құжаттарды қоса беріп, портал арқылы ЖОО басшысының атына өтініш жасайды.

      Жергілікті әскери басқару органының басшысы ҚР ҰҚО туралы Заңға сәйкес арнайы тексеру жұмысын ұйымдастырады.

      Портал арқылы өтініш жасаған азаматтар үшін арнайы тексеру бойынша тиісті құжаттарды ҚР ҰҚО туралы Заңның 12-бабының 7) тармақшасына сәйкес ЖОО жібереді және нәтижесі ЖОО-ға түседі.

      Портал арқылы өтініш жасаған жағдайда көрсетілетін қызметті алушының "жеке кабинетіне" мемлекеттік көрсетілетін қызметке сұрау салудың қабылданғаны туралы ақпарат, сондай-ақ мемлекеттік көрсетілетін қызмет нәтижесін алу күні мен уақыты көрсетілген хабарлама жіберіледі.

      Көрсетілетін қызметті беруші олар келіп түскен сәттен бастап ұсынылған құжаттардың толықтығын тексереді, толық болмаған жағдайда 3 (үш) жұмыс күні ішінде көрсетілетін қызметті алушыға жетіспейтін құжат туралы хабарламаны порталдағы "жеке кабинетке" жібереді.

      Егер 5 (бес) жұмыс күні ішінде жетіспейтін құжат ұсынылмаған жағдайда, көрсетілетін қызметті беруші өтінішті одан әрі қараудан дәлелді бас тартуды дайындайды, ол электрондық құжат нысанында өтініш берушіге порталдағы "жеке кабинетке" жіберіледі.

      Көрсетілетін қызметті алушы құжаттың толық топтамасын ұсынған жағдайда көрсетілетін қызметті алушының "жеке кабинетіне" кандидаттар тізіміне қабылдау үшін құжаттардың қабылданғаны туралы хабарлама жіберіледі.

      Көрсетілетін қызметті беруші 2-2-қосымшаның 10-тармағында көзделген негіз бойынша мемлекеттік қызметті көрсетуден бас тартады.

      Арнайы тексеруден өткен, денсаулық жағдайы бойынша оқуға жарамды, ҰБТ-ның 5 пәні бойынша кемінде 50 балл (оның ішінде бір бейінді пән бойынша кемінде 7 балл және қалған пәндердің әрқайсысы бойынша кемінде 3 балл) жинаған азаматтар қабылдау жылы 15 – 31 шілде кезеңін қоса алғанда, құжаттарды тапсыру үшін әскери институтқа келеді.

      Портал арқылы өтініш жасаған оқуға түсуші "жеке кабинетке" түскен хабарламаға сәйкес әскери институтқа келеді.";

      41, 41-1, 42, 42-1 және 42-2-тармақтар мынадай редакцияда жазылсын:

      "41. Әскери институтқа оқуға түсу үшін әскери қызметшілер қатарынан оқуға түсуші қабылдау жылының 10 мамырына дейін әскери бөлім командирінің атына тиісті баянатпен өтініш жасайды.

      Әскери бөлім командирі әскери институтқа оқуға түсуге ниет білдірген әскери қызметшіге қатысты ҚР ҰҚО туралы Заңға сәйкес арнайы тексеру жұмысын ұйымдастырады және әскери қызметшіні қызмет орны бойынша ҰБТ қабылдау пункттеріне жібереді. Арнайы тексеруден өткен, ҰБТ-ның 5 пәні бойынша кемінде 50 балл (оның ішінде бір бейінді пән бойынша кемінде 7 балл және қалған пәндердің әрқайсысы бойынша кемінде 3 балл) жинаған әскери қызметшіге әскери институтқа келу күнін қабылдау жылының 31 шілдесінен кешіктірмей көрсетіп, Қазақстан Республикасы Президентінің 2006 жылғы 25 мамырдағы № 124 Жарлығымен бекітілген Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеру қағидаларының 135-тармағына сәйкес (бұдан әрі – Әскери қызмет өткеру қағидалары) оқу демалысы беріледі.

      Портал арқылы өтініш жасаған әскери қызметшілер үшін арнайы тексеруді ҚР ҰҚО туралы Заңға сәйкес ЖОО ұйымдастырады және нәтижесі ЖОО-ға түседі.

      Портал арқылы өтініш жасаған оқуға түсуші "жеке кабинетке" түскен хабарламаға сәйкес әскери институтқа келеді.

      Оқуға түсу үшін келген әскери қызметші әскери институтта орналастырылады және жабдықтау нормалары бойынша тамақтандырумен қамтамасыз етіледі.

      41-1. Мерзімді әскери қызмет өткеретін (өткерген), әскери оқу орнына оқуға түсуге ниет білдірген азаматтар қатарынан оқуға түсетін адам мерзімді қызмет аяқталған сәттен бастап бір жылдан кешіктірмей не әскери қызмет өткеру кезеңінде және олар оқуға түскен жылы 24 (жиырма төрт) жасқа толмаса (Заңның 39-бабы 1-тармағының 2) тармақшасына сәйкес), қабылдау жылының 10 маусымына дейінгі мерзімді қоса алғанда, тұрғылықты жері бойынша жергілікті әскери басқару органы басшысының, бөлім командирінің атына не "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 9-тармағына сәйкес құжаттарды қоса беріп, портал арқылы өтініш жасайды.

      Жергілікті әскери басқару органының басшысы ҚР ҰҚО туралы Заңға сәйкес арнайы тексеру жұмысын ұйымдастырады.

      Портал арқылы өтініш жасаған азаматтар үшін ҚР ҰҚО туралы Заңға сәйкес арнайы тексеруді ЖОО ұйымдастырады және нәтижесі ЖОО-ға түседі.

      Арнайы тексеруден өткен, денсаулық жағдайы бойынша оқуға жарамды азамат қабылдау жылының 31 шілдесіне дейін құжаттарды тапсыру үшін және қорытынды медициналық куәландырудан өту үшін әскери оқу орнына келеді.

      Портал арқылы өтініш жасаған оқуға түсуші "жеке кабинетке" түскен хабарламаға сәйкес әскери институтқа келеді.

      Қазақстан Республикасы Қорғаныс министрлігінің әскери оқу орындарына қабылдау Қазақстан Республикасы Қарулы Күштерінің, басқа да әскерлері мен әскери құралымдарының әскери бөлімінде жүргізілетін конкурстық іріктеу нәтижесі бойынша жүзеге асырылады.

      42. Әскери институтқа оқуға түсуге ниет білдірген Мектеп және "Арыстан" мамандандырылған лицейін бітіруші қабылдау жылының 10 мамырына дейін өздері оқитын білім беру ұйымы басшысының атына не "Мемлекеттік қызмет көрсетуге қойылатын негізгі талаптар тізбесі" деген 2-2-қосымшаның 9-тармағына сәйкес құжаттарды қоса беріп, портал арқылы тиісті өтініш жасайды.

      Мектептің және "Арыстан" мамандандырылған лицейінің басшысы:

      1) арнайы тексеру;

      2) кәсіби-психологиялық тестілеуді тапсыру;

      3) дене шынықтыру дайындығы нормативтерін тапсыру;

      4) ҰБТ тапсыру жөніндегі жұмысты ұйымдастырады.

      Бұл ретте кәсіби-психологиялық тестілеуді және дене шынықтыру дайындығы нормативтерін тапсыруды Мектеп және "Арыстан" мамандандырылған лицейі жанынан Қазақстан Республикасының Қорғаныс министрлігінде құрылған комиссия жүзеге асырады.

      Арнайы тексеруден өткен, денсаулық жағдайы бойынша оқуға жарамды, кәсіби-психологиялық тестілеуді және дене шынықтыру дайындығы нормативтерін тапсырған, ҰБТ нәтижесі бойынша кемінде 50 балл (оның ішінде бір бейінді пән бойынша кемінде 7 балл және қалған пәндердің әрқайсысы бойынша кемінде 3 балл) жинаған Мектеп және "Арыстан" мамандандырылған лицейін бітіруші қабылдау жылының 31 шілдесінде түпкілікті медициналық куәландырудан өту үшін әскери институтқа келеді.

      Портал арқылы өтініш жасаған оқуға түсуші "жеке кабинетке" түскен хабарламаға сәйкес әскери институтқа келеді.".

      42-1. Әскери институтқа оқуға түсуге ниет білдірген әскери колледж бітірушісі (бұдан әрі – әскери колледж бітірушісі) мемлекеттік емтихандарды тапсырғаннан кейін келесі күні сағат 18.00-ге дейін әскери колледж бастығының атына тиісті баянатпен өтініш жасайды, одан кейін әскери колледж бастығының бұйрығымен құрылған комиссияның конкурстық іріктеуіне жіберіледі. Конкурстық іріктеуді өткізу жөніндегі комиссияның жұмысы бітіруші баянат бергеннен кейін келесі күні аяқталады.

      Конкурстық іріктеу қорытынды аттестаттауды тапсыру нәтижесі және барлық оқу пәні бойынша үлгерімнің орташа балы негізінде ең жоғары деңгейден ең төменгі рейтингілік балға дейін әскери колледж бітірушісінің рейтингісін жасауды қамтиды.

      Әскери институтқа оқуға түсу үшін рейтингте бірінші нөмірден бастап қабылдау жоспары бойынша бөлінген орын санына сәйкес келетін нөмірге дейін тұратын әскери колледж бітірушісі іріктеледі.

      Рейтинг әскери колледж бітірушісін конкурстық іріктеу нәтижесі бойынша конкурстық комиссияның хаттамасымен ресімделеді және оны әскери колледж бастығы бекітеді. Конкурстық іріктеу нәтижесі келесі күні сағат 10.00-ге дейін, комиссия жұмысы аяқталғаннан кейін әскери колледждің интернет-ресурсында орналастырылады және әскери институтқа жіберіледі.

      42-2. Мемлекеттік емтихандарды тапсырған және конкурстық іріктеуден табысты өткен әскери колледж бітірушісіне Қазақстан Республикасы Президентінің 2006 жылғы 25 мамырдағы № 124 Жарлығымен бекітілген Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеру қағидаларының 93-тармағына сәйкес әскери институт бастығының қарамағына қабылдаумен "кіші сержант" әскери атағы беріледі.";

      43-тармақтың бірінші бөлігі мынадай редакцияда жазылсын:

      "43. Азаматтар мен әскери қызметшілерді әскери институтқа қабылдау 1 – 20 тамызда мынадай кезең бойынша жүзеге асырылады:";

      48-тармақ мынадай редакцияда жазылсын:

      "48. Конкурстық іріктеуді қабылдау комиссиясы қабылдау жылының 20 тамызында жүргізеді және ең жоғарыдан ең төменгі рейтингілік балға дейін балдар рейтингісін жасауды қамтиды. Рейтинг әскери институт қабылдау комиссиясының хаттамасымен ресімделеді.";

      51-тармақ мынадай редакцияда жазылсын:

      "51. Қабылдау комиссиясының шешімі қабылдау жылының 21 тамызында сағат 10.00-ге дейін жарияланады және әскери институттың интернет-ресурсына орналастырылады, апелляцияға өтініш 22 тамызда сағат 10.00-ге дейін қабылданады.

      Қабылдау комиссиясының қабылдау туралы шешімі әскери институт бастығының бұйрығымен қабылдау жылының 23 тамызында бекітіледі.";

      мынадай мазмұндағы 51-1-тармақпен толықтырылсын:

      "51-1. Әскери колледж бітірушісі әскери институтқа келгеннен кейін әскери институт бастығының бұйрығымен әскери колледж бітірушілерін конкурстық іріктеу хаттамасы негізінде әскери институтқа қабылданады.";

      мынадай мазмұндағы 4-1-тараумен толықтырылсын:

      "4-1-тарау. Әскери интернатураға оқуға қабылдау

      53-1. Әскери интернатураға оқуға қабылдау 2021 жылға дейінгіні қоса алғанда оқуға түскен, "Жалпы медицина", "Стоматология" мамандықтары бойынша бакалавр дипломы бар, әскери кафедра жанындағы әскери даярлық курсынан өткен медициналық ЖОО бітірушісі (бұдан әрі – медициналық ЖОО бітірушісі) қатарынан жүзеге асырылады.

      53-2. Құрылымдық бөлімше жыл сайын медициналық ЖОО әскери кафедрасының бастықтарына әскери интерндерді даярлау үшін бөлінетін квота санын жеткізеді.

      53-3. Медициналық ЖОО әскери кафедрасының бастықтары медициналық ЖОО бітірушілері арасында әскери интернатураға оқуға түсу үшін заңнама нормаларын жеткізу бойынша үгіт-насихаттау-түсіндіру жұмысын жүргізеді.

      Әскери интернатураға оқуға түсуге ниет білдірген медициналық ЖОО бітірушісі медициналық ЖОО әскери кафедрасы бастығының атына баянат (еркін нысанда) береді.

      Медициналық ЖОО әскери кафедрасының бастығы № 195 Бұйрыққа сәйкес айқындалған нормативтер бойынша әскери интернатураға оқуға түсуге ниет білдірген медициналық ЖОО бітірушісінің дене шынықтыру дайындығын тексеруді ұйымдастырады.

      Дене шынықтыру дайындығын тексеру нәтижесі Қазақстан Республикасы Қорғаныс министрінің 2017 жылғы 10 тамыздағы № 438 бұйрығымен бекітілген (Нормативтік құқықтық актілерді мемлекеттік тіркеу тізілімінде № 15729 болып тіркелген) Қазақстан Республикасының Қарулы Күштеріндегі дене шынықтыру дайындығы қағидаларына сәйкес ведомоспен ресімделеді.

      53-4. Әскери кафедра бастығы дене шынықтыру дайындығын тексеруден табысты өткен медициналық ЖОО бітірушісіне осы Қағидаларға "Жеке іс құжаттарының тізбесі" деген 3-1-қосымшаға сәйкес құжаттар тізбесін қоса беріп, жеке іс ресімдейді.

      Жеке іске Әскери қызмет өткеру қағидаларына сәйкес "запастағы медицина қызметінің лейтенанты" офицер құрамының алғашқы әскери атағын беру үшін қажетті құжаттар қосымша қоса беріледі.

      Медициналық ЖОО бітірушісінің қалыптастырылған жеке ісі әскери-медициналық қамтамасыз етуге жауапты Қазақстан Республикасы Қарулы Күштерінің құрылымдық бөлімшесіне (бұдан әрі – БӘМБ) жіберіледі.

      53-5. Медициналық ЖОО бітірушілерін әскери интернатураға конкурстық іріктеуді жүзеге асыру үшін БӘМБ-да мүшелер мен хатшыдан тұратын тақ санда комиссия (бұдан әрі – БӘМБ комиссиясы) құрылады.

      БӘМБ комиссиясы жұмысты ұйымдастырып, медициналық ЖОО бітірушісінің тиісті құжаттарын ҚР ҰҚО туралы Заңға сәйкес арнайы тексеру жүргізу үшін жібереді.

      53-6. Арнайы тексеру нәтижесін алғаннан кейін медициналық ЖОО бітірушілерін әскери интернатураға іріктеуді БӘМБ комиссиясы барлық оқу кезеңіндегі үлгерімнің (өндірістік практика үшін бағаны ескеріп) орташа баллына және дене шынықтыру дайындығын тексеру нәтижесіне сәйкес конкурстық негізде жүзеге асырады.

      Конкурстық іріктеу БӘМБ комиссиясының хаттамасында ресімделетін бітірушілердің ең жоғары балдан ең төменгі балға дейінгі балдық рейтингін жасап, мынадай шешімдердің бірін қабылдайды: "әскери интернатураға іріктелді", "бас тартылды".

      Әскери интернатураға түсу үшін рейтингтегі бірінші нөмірден квота саны бойынша бөлінген орын санына сәйкес келетін нөмір бойынша медициналық ЖОО бітірушілері іріктеледі. Квотаның жалпы санынан 10%-ға дейін арттыруға жол беріледі.

      Әскери институттарға қабылдау конкурсын өткізу кезінде көрсеткіштер бірдей болған жағдайда Заңның 39-бабының 1-тармағында көрсетілген адамдардың басым құқығы болады.

      БӘМБ комиссиясының хатшысы олардың шешімін әскери интернатураға түсу үшін құжаттар тапсырған медициналық ЖОО-ның әрбір бітірушісіне электрондық хабарлама арқылы жеткізеді, БӘМБ комиссиясының хаттамасы Қазақстан Республикасы Қорғаныс министрлігінің интернет-ресурсына орналастырылады.

      53-7. БӘМБ комиссиясының хаттамасы және әскери интернатураға іріктелген медициналық ЖОО бітірушілерінің жеке істері Әскери қызмет өткеру қағидаларына сәйкес "запастағы медицина қызметінің лейтенанты" офицер құрамының алғашқы әскери атағын беру үшін кадр жұмысы мәселесіне жетекшілік ететін ҚР ҚМ құрылымдық бөлімшесіне жіберіледі.

      Конкурстық іріктеуден өтпеген медициналық ЖОО бітірушілерінің жеке істері қайтадан әскери кафедраларға жіберіледі.

      53-8. Қазақстан Республикасы Қорғаныс министрінің офицер құрамының алғашқы әскери атағын беру туралы бұйрығы шығарылғаннан кейін кадр жұмысы мәселесіне жетекшілік ететін ҚР ҚМ құрылымдық бөлімшесі бұйрықтан үзіндіні және әскери интернатураға іріктелген медициналық ЖОО бітірушісінің жеке ісін әскери институтқа жібереді.

      53-9. Әскери институт әскери интернатураға іріктелген медициналық ЖОО бітірушілерінің жеке істерін алғаннан кейін оларды қабылдау үшін қабылдау жылының 29 шілдесіне қарай әскери институтқа келу қажеттілігі туралы хабардар етеді.

      Әскери институтқа оқуға қабылданған медициналық ЖОО бітірушісі әскери институт бастығымен әскери интернатурада оқу мерзіміне және ол аяқталғаннан кейін әскери қызметтің он жылына әскери қызмет өткеру туралы келісімшарт жасайды.

      Әскери институттың кадр бөлімі (персоналмен жұмыс істеу бөлімшесі) әскери институтқа қабылданғаннан кейін 7 (жеті) жұмыс күні ішінде медициналық ЖОО бітірушісі әскери есепте тұрған жергілікті әскери басқару органына қабылдау туралы бұйрықтан үзіндіні жібереді.".

      55-тармақтың үшінші бөлігі мынадай редакцияда жазылсын:

      "Әскери істегі талдау жұмысы" мамандығы бойынша ҰҚУ "Әскери дипломатиялық академия" факультетіне алдын ала іріктеуді және қабылдауды 14776 әскери бөлімі жүзеге асырады.";

      мынадай мазмұндағы 58-1-тармақпен толықтырылсын:

      "58-1. Резидентура бағдарламасы бойынша оқуға түсушілерге қойылатын талаптар:

      1) "дәрігер" біліктілігін көрсететін құжаттың болуы;

      2) қызмет өткеру уақыты кемінде 1 жыл.";

      64-тармақ мынадай редакцияда жазылсын:

      "64. ҰҚУ-ға қабылдау оқуға түсу емтихандары негізінде жүзеге асырылады:

      1) магистратураға:

      бейіні бойынша;

      дене шынықтыру дайындығы бойынша;

      2) докторантураға:

      бейіні бойынша;

      шет тілі бойынша;

      3) резидентура бағдарламасы бойынша оқу үшін – резидентура мамандығының бейіні бойынша.

      Резидентура бағдарламасы бойынша оқу үшін оқуға түсу емтихандарын қабылдау үшін тапсырыс беруші денсаулық сақтау саласындағы жоғары және (немесе) жоғары оқу орнынан кейінгі білім беру ұйымының, резидентура базасы ретінде аккредиттелген университеттік аурухананың, сондай-ақ ұлттық және (немесе) ғылыми орталықтың, ғылыми-зерттеу институтының өкілдерін тартуға құқылы.";

      68-тармақтың төртінші бөлігі мынадай редакцияда жазылсын:

      "Кемінде үш адамнан тұратын емтихан комиссиясының құрамы қабылдау жылының 10 маусымына дейінгі мерзімде Қорғаныс министрінің бірінші орынбасары – ҚР ҚК Бас штабы бастығының бұйрығымен бекітіледі және:

      1) магистратураға, резидентураға – тапсырыс беруші өкілдерінен;

      2) докторантураға – жоғары оқу орнынан кейінгі білімі бар әскери қызметшілерден (қызметшілерден) қалыптастырылады.";

      мынадай мазмұндағы 69-1-тармақпен толықтырылсын:

      "69-1. Резидентураға оқуға түсушілерді конкурстық іріктеу интернатурада білім алу (GPA), интернатураның қорытынды мемлекеттік аттестаттауы (ҚМА) және мамандық бойынша оқуға түсу емтиханының нәтижесін жиынтық бағалау арқылы жүзеге асырылады.";

      мынадай мазмұндағы 73-1-тармақпен толықтырылсын:

      "73-1. ҰҚУ-ға оқуға қабылданған әскери қызметші ҰҚУ бастығымен әскери қызмет өткеру туралы келісімшарт жасайды:

      1) магистратураға, докторантураға, адъюнктураға – оқу мерзіміне және әскери оқу орнын бітіргеннен кейін әскери қызметтің бес жылына не әскери қызметте болудың шекті жасына толғанға дейін;

      2) резидентураға (клиникалық ординатураға) – әскери оқу орнын бітіргеннен кейін әскери қызметтің он жылына не әскери қызметте болудың шекті жасына толғанға дейін.";

      мынадай мазмұндағы 75, 76 және 77-тармақтармен толықтырылсын:

      "75. "Мемлекеттік көрсетілетін қызметтер туралы" Қазақстан Республикасы Заңының 5-бабы 2-тармағының 11) тармақшасына және "Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректер енгізу қағидаларын бекіту туралы" Қазақстан Республикасы Көлік және коммуникациялар министрінің міндетін атқарушының 2013 жылғы 14 маусымдағы № 452 бұйрығына сәйкес (Нормативтік құқықтық актілерді мемлекеттік тіркеу тізілімінде № 8555 болып тіркелген) көрсетілетін қызметті беруші мемлекеттік қызмет көрсетуді мониторингтеудің ақпараттық жүйесіне мемлекеттік қызмет көрсету сатысы туралы деректерді енгізуді қамтамасыз етеді.

      Қағидаларға өзгерістер және (немесе) толықтырулар енгізілген кезде әскери білім беру мәселесіне жетекшілік ететін құрылымдық бөлімше "электрондық үкімет" ақпараттық-коммуникациялық инфрақұрылым операторына, Бірыңғай байланыс орталығына және көрсетілетін қызметті берушіге тиісті нормативтік құқықтық актінің әділет органдарында мемлекеттік тіркелгеннен кейін 3 (үш) жұмыс күні ішінде өзгерістер және (немесе) толықтырулар туралы ақпаратты жібереді.

      Әскери оқу орнынан теріс жауап алған кезде "жұмылдыру ресурсының интеграциялық шлюзі" ақпараттық жүйесі (бұдан әрі – ИШ) Денсаулық сақтау министрлігіне азаматтың нарко, псих- және туберкулезге қарсы диспансерлік есепте болуы, сондай-ақ оның соңғы 3 (үш) жылдағы денсаулық жағдайы туралы сұрау салуды жібереді.

      76. Тізбенің 10-тармағында көрсетілген бас тарту үшін негіз анықталған кезде көрсетілетін қызметті берушінің қызметкері көрсетілетін қызметті алушының "жеке кабинетіне" мемлекеттік қызметті көрсетуден бас тарту туралы хабарлама жібереді.

      Бас тартқан жағдайда көрсетілетін қызметті беруші көрсетілетін қызметті алушыға қызмет көрсетуден бас тарту туралы, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдауды өткізу уақыты мен орны (тәсілі) туралы алдын ала хабарлайды.

      77. Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабарлама жасалған күннен бастап 2 (екі) жұмыс күнінен кешіктірілмей жүргізіледі. Тыңдау нәтижесі бойынша көрсетілетін қызметті беруші әскери оқу орнына қайта қабылдау мүмкіндігі немесе қайта қабылдаудан бас тарту туралы шешім қабылдайды. Көрсетілетін қызметті алушы мемлекеттік қызметті көрсетуден бас тарту себептерін жойған жағдайда көрсетілетін қызметті алушы мемлекеттік көрсетілетін қызметті алу үшін қайта өтініш жасайды.";

      Қағидаларға 2-қосымша осы бұйрыққа 1-қосымшаға сәйкес жаңа редакцияда жазылсын;

      2-1-қосымшаның тақырыбы мынадай редакцияда жазылсын:

      "Мектепке және Негізгі орта білім беру базасындағы Әскери колледжге оқуға түсу үшін дене шынықтыру дайындығы бойынша нормативтер";

      осы бұйрыққа 2-қосымшаға сәйкес редакцияда 2-2-қосымшамен толықтырылсын;

      осы бұйрыққа 3-қосымшаға сәйкес редакцияда 3-1-қосымшамен толықтырылсын;

      Қағидаларға 4-қосымша осы бұйрыққа 4-қосымшаға сәйкес жаңа редакцияда жазылсын;

      Қағидаларға 6-қосымша осы бұйрыққа 5-қосымшаға сәйкес жаңа редакцияда жазылсын.

      2. "Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидаларын бекіту туралы" Қазақстан Республикасы Қорғаныс министрінің 2016 жылғы 22 қаңтардағы № 37 бұйрығына (Нормативтік құқықтық актілерді мемлекеттік тіркеу тізілімінде № 13239 болып тіркелген) мынадай өзгеріс енгізілсін:

      көрсетілген бұйрықпен бекітілген Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидалары осы бұйрыққа 6-қосымшаға сәйкес жаңа редакцияда жазылсын.

      3. Қазақстан Республикасы Қорғаныс министрлігінің Әскери білім және ғылым департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты Қазақстан Республикасы Қорғаныс министрлігінің интернет-ресурсына орналастыруды;

      3) алғашқы ресми жарияланған күнінен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін.

      4. Осы бұйрықтың орындалуын бақылау Қазақстан Республикасы Қорғаныс министрінің тәрбие және идеологиялық жұмыс жөніндегі орынбасарына жүктелсін.

      5. Осы бұйрық мүдделі лауазымды адамдарға және құрылымдық бөлімшелерге жеткізілсін.

      6. Осы бұйрық 2025 жылғы 1 қаңтардан бастап қолданысқа енгізілетін осы бұйрықтың 1-тармағының жетінші, тоғызыншы, оныншы, он бірінші, он екінші, он үшінші, он төртінші, он бесінші, он алтыншы, он сегізінші, жиырма екінші, отыз сегізінші, қырқыншы, қырық бірінші, қырық екінші, қырық үшінші, қырық төртінші, қырық бесінші, қырық алтыншы, қырық жетінші, елуінші, елу бірінші, елу үшінші, елу бесінші, елу жетінші, елу тоғызыншы, алпыс үшінші, жүз үшінші, жүз төртінші, жүз бесінші, жүз алтыншы, жүз жетінші және жүз сегізінші абзацтарын қоспағанда, алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Цифрлық даму, инновациялар

      және аэроғарыш өнеркәсібі

      министрлігі

Әскери колледжге және жоғары білімнің білім беру бағдарламаларын іске асыратын әскери оқу орындарына оқуға түсу үшін құжаттар тізбесі

      1. Еркін нысандағы оқуға қабылдау туралы өтініш немесе оқуға түсушінің тегі, аты мен әкесінің аты (бар болса), туған күні, тұрғылықты мекенжайы, заңды өкілдерінің байланыс деректері көрсетілген баянат.

      2. Жеке куәлік көшірмесі (салыстырып тексеру үшін түпнұсқа). Оқуға түсуші 16 (он алты) жасқа толғанға дейін туу туралы куәлік көшірмесі (салыстырып тексеру үшін түпнұсқа) ұсынылады.

      3. Әскери билет көшірмесі (тек әскери қызметшілер, оның ішінде запастағы, түпнұсқа).

      4. Білімі туралы құжаттар, ал негізгі орта білім базасындағы Әскери колледж үшін – негізгі орта білімі туралы куәлік (түпнұсқа және көшірме).

      5. ҰБТ сертификаты (Әскери колледжге оқуға түсетін және конкурстық іріктеуден өткен мерзімді әскери қызмет өткерген (өткеретін) адамдарды қоспағанда), ҰБТ-ның 5 пәні бойынша нәтижесі кемінде 50 балл (оның ішінде бір бейінді пән бойынша кемінде 7 балл және қалған пәндердің әрқайсысы бойынша кемінде 3 балл).

      6. "Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің м.а. 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген 075/у - нысанындағы медициналық анықтамасы (бұдан әрі – 075/у нысаны) және ӘОО-ға келгенге дейін күнтізбелік 30 (отыз) күннен ерте емес жүргізілген медициналық зерттеу нәтижесі:

      жалпы қан талдауы;

      мерезге микропреципитация реакциясы (микрореакция);

      жалпы зәр талдауы;

      мұрынның қосалқы қуысының рентгенографиясы;

      12 (он екі) бөліктегі электрокардиография тыныштықта (жүктемеден кейін – көрсеткіш бойынша);

      кеуде қуысы ағзасын флюорографиялық (рентгенологиялық) зерттеу медициналық куәландыру күніне 3 (үш) айдан кешіктірілмей жүргізіледі;

      бруцеллезге қан талдауы (мал шаруашылығында жұмыс істейтін және (немесе) жеке шаруашылықта малы бар);

      амбулаториялық пациенттің медициналық картасы;

      профилактикалық екпе картасы.

      Авиациялық персоналды даярлайтын әскери оқу орнының ұшқыш мамандығына оқуға түсетін кандидаттар медициналық куәландыру басталғанға дейін күнтізбелік 30 (отыз) күннен ерте емес жүргізілген медициналық зерттеу нәтижесін қосымша ұсынады:

      физикалық жүктемеден кейінгі 12 (он екі) бөліктегі электрокардиография;

      қалқанша безінің, жүрегінің, несеп-жыныс жүйесінің ультрадыбыстық зерттеуі;

      қандағы қант деңгейін және В және С гепатитінің маркерін зерттеу;

      дыбыстық аудиометрия;

      электроэнцефалография.

      7. Соттылығының болмауы туралы анықтама, ал негізгі орта білім беру базасындағы Әскери колледж үшін кәмелетке толмағандардың ісі жөніндегі бөлімшеден ішкі істер органында есепте тұрмауы туралы қосымша анықтама.

      8. Спорттық разрядты, республикалық не халықаралық жарыста, ағымдағы жылы орындаушылар байқауында, ағымдағы жылы жалпы білім беретін пәндер бойынша халықаралық олимпиадада, сондай-ақ Президенттік не республикалық жалпы білім беретін пәндер бойынша олимпиадада (конкурстық іріктеуден өткен мерзімді әскери қызмет өткерген адамдарды қоспағанда) қол жеткізген жүлделі орынды растайтын құжат (бар болса).

      9. Өлшемі 3х4 фотосурет – 4 дана.

      10. Ата-ана құқығының шектелуіне немесе одан айырылуына, ата-анасы хабарсыз кеткен деп танылуына, олар қайтыс болған деп жариялануына, әрекетке қабілетсіз (әрекет қабілеті шектеулі) деп танылуына байланысты жалғыз ата-анасының немесе екеуінің де қамқорлығынсыз қалған жетім балалар мен балалар, сондай-ақ ата-анасының қамқорлығынсыз қалған басқа да жағдайда ата-анасының қамқорлығынсыз қалу фактісін растайтын мынадай құжаттардың біреуінің көшірмесін (салыстырып тексеру үшін түпнұсқа) қосымша ұсынады (конкурстық іріктеуден өткен мерзімді әскери қызмет өткерген адамдарды қоспағанда):

      ата-анасының қайтыс болуы туралы куәлік;

      ата-анасының ата-ана құқығын шектеу немесе одан айыру туралы сот шешімі;

      ата-анасы хабарсыз кеткен деп тану, оларды қайтыс болған деп тану немесе әрекетке қабілетсіз (әрекет қабілеті шектеулі) деп тану туралы сот шешімі.

      11. Әскери қызмет міндеттерін орындау кезiнде қаза тапқан немесе мүгедек болған, қызмет өткеру уақытында хабарсыз кеткен әскери қызметшiлердiң балалары тұрғылықты жерi бойынша жергiлiктi әскери басқару органынан анықтама (конкурстық iрiктеуден өткен әскери қызмет өткерген адамдарды қоспағанда) ұсынады.

      12.Арнайы тексеруден өткені туралы анықтама (негізгі орта білім базасындағы Әскери колледжге оқуға түсетін адамдарды қоспағанда).

      13. Мерзімді әскери қызмет өткерген адамдар қабылдау комиссиясына қосымша:

      әскери қызмет өткергені туралы анықтама;

      ұсыным (конкурстық іріктеуден өткені туралы комиссия қорытындысын) береді.

Мемлекеттік қызмет көрсетуге қойылатын негізгі талаптар тізбесі

Жеке іс құжаттарының тізбесі

      1. Оқуға түсушінің тегі, аты мен әкесінің аты (бар болса), туған күні, тұрғылықты мекенжайы, өзінің және заңды өкілдерінің байланыс деректері көрсетілген еркін нысандағы қабылдау туралы өтініш.

      2. Қазақстан Республикасы азаматы жеке куәлігінің көшірмесі 2 данада.

      3. Өмірбаяны (өз қолымен жазылған және терілген) 2 данада.

      4. Үлгерім деңгейі туралы құжат (барлық оқу кезеңіндегі үлгерімнің орташа балы (GPA) (өндірістік практика үшін бағаны ескеріп).

      5. № 195 бұйрыққа сәйкес дене шынықтыру дайындығы бойынша нормативтерді тапсыру ведомосынан үзінді.

      6. Әскери-дәрігерлік сараптама жүргізу қағидаларына сәйкес оқу-жаттығу жиыны басталғанға дейін жүргізілген медициналық куәландыру нәтижесі.

      7. Арнайы тексеру үшін қажетті құжаттар (сауалнама, өлшемі 3,5*4,5 фотосурет, жеке куәлік (өзінің және жақын туыстарының) көшірмесі, мемлекеттік құпиялармен жұмыс істеуге қарсы көрсеткіштің болмауы туралы медициналық тексеру нәтижесі (психоневрологиялық және наркологиялық диспансерден).

      8. Әскери қызмет өткеру қағидаларына сәйкес "запастағы медицина қызметінің лейтенанты" офицер құрамының алғашқы әскери атағын беру үшін қажетті құжаттар.

      9. Спорттық разрядты, республикалық не халықаралық жарыста, орындаушылар конкурсында, ағымдағы жылы жалпы білім беретін пәндер бойынша халықаралық олимпиадада, сондай-ақ ағымдағы жылы жалпы білім беретін пәндер бойынша Президенттік не республикалық олимпиадада жүлделі орынды растайтын құжат (бар болса).

      10. Ата-ана құқығының шектелуіне немесе одан айырылуына, ата-анасы хабарсыз кеткен деп танылуына, олар қайтыс болған деп жариялануына, әрекетке қабілетсіз (әрекет қабілеті шектеулі) деп танылуына байланысты жалғыз ата-анасының немесе екеуінің де қамқорлығынсыз қалған жетім балалар мен балалар, сондай-ақ ата-анасының қамқорлығынсыз қалған басқа да жағдайда ата-анасының қамқорлығынсыз қалу фактісін растайтын мынадай құжаттардың біреуінің көшірмесін (салыстырып тексеру үшін түпнұсқа) қосымша ұсынады (конкурстық іріктеуден өткен әскери қызмет өткерген адамдарды қоспағанда):

      ата-анасының қайтыс болуы туралы куәлік;

      ата-анасының ата-ана құқығын шектеу немесе одан айыру туралы сот шешімі;

      ата-анасы хабарсыз кеткен деп тану, оларды қайтыс болған деп тану немесе әрекетке қабілетсіз (әрекет қабілеті шектеулі) деп тану туралы сот шешімі.

      Әскери қызмет міндеттерін орындау кезiнде қаза тапқан немесе мүгедек болған, қызмет өткеру уақытында хабарсыз кеткен әскери қызметшiлердiң балалары тұрғылықты жерi бойынша жергiлiктi әскери басқару органынан анықтама ұсынады.

ҰҚУ-ға оқуға түсу үшін құжаттар тізбесі

      1. Қазақстан Республикасы азаматы жеке куәлігінің көшірмесі (салыстырып тексеру үшін түпнұсқа).

      2. Офицер жеке куәлігінің көшірмесі (бар болса) (салыстырып тексеру үшін түпнұсқа).

      3. Әскери-дәрігерлік сараптама жүргізу қағидасына сәйкес ресімделген оқуға жарамдылығы туралы әскери-дәрігерлік комиссияның қорытындысы бар медициналық куәландыру туралы анықтама.

      4. Н-45 нысанындағы анықтама (әскери оқу орнына оқуға түсетіндер үшін анықтама "Қызмет бабында пайдалану үшін" шектеу белгісінсіз жасалады және артқы бетінде бөлім командирінің қолтаңбасымен және елтаңбалы мөрмен расталады, құпия емес іс жүргізуде тіркеледі және тіркеу журналына қолын қойғызып беріледі).

      5. Жоғарғы бастық (командир) куәландырған кәсіби-психологиялық іріктеуден өткенін растайтын құжат.

      6. Жоғары медициналық білімінің болуы туралы құжат (резидентураға түсетіндер үшін) (салыстырып тексеру үшін түпнұсқа).

      7. Интернатураны аяқтағаны туралы куәлік және интернатура бойынша GPA көрсетіп, бір тілде (қазақша/орысша) жазылған транскрипт көшірмесі (транскрипте GPA көрсетілген болмаса, талапкер білім алған ұйымның қолтаңбасы мен мөрі қойылған интернатура бойынша есептелген GPA қоса беріледі) және интернатураның қорытынды мемлекеттік аттестаттауы (ҚМА) нәтижесі (резидентураға түсетіндер үшін) (салыстырып тексеру үшін түпнұсқа).

      8. Денсаулық сақтау саласындағы маман сертификатының көшірмесі (резидентураға түсетіндер үшін) (салыстырып тексеру үшін түпнұсқа).

Жоғары білім беру бағдарламаларын іске асыратын әскери оқу орындарына оқуға түсу үшін бейінді пәндер тізбесі

Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидалары

1-тарау. Жалпы ережелер

      1. Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидалары (бұдан әрі – Қағидалар) Қазақстан Республикасының Қорғаныс министрлігіне ведомстволық бағынысты әскери оқу орнына (бұдан әрі – ӘОО) ауыстыру және қайта қабылдау тәртібін айқындайды.

      2. Білім алушыны бір оқу орнынан басқасына ауыстыру немесе қайта қабылдау мәселелерін қабылдаушы ӘОО әскери білім беру мәселесіне жетекшілік ететін құрылымдық бөлімше бастығының өкімі бойынша жазғы немесе қысқы каникулдық демалыс кезеңінде жеке баянат (өтініш) негізінде қарайды.

      Білім алушыны ӘОО ішінде бір мамандықтан басқасына ауыстыру білім алушының баянаты негізінде, егер пәндердегі айырмашылық 15 кредиттен аспаса, ғылыми кеңестің шешімі бойынша жүзеге асырылады.

      Ұшқыш мамандығынан басқа мамандыққа ауыстырылған білім алушыны ауыстыру ғылыми кеңестің шешімі бойынша жүзеге асырылады. Егер пәндердегі айырмашылық 15 кредиттен аспаса, онда білім алушы бір курсқа төмен ауыстырылады.

      3. Білім алушыны ӘОО-ға ауыстыру немесе қайта қабылдау кезінде транскриптте немесе білім алуды аяқтамаған адамға берілетін академиялық анықтамада (бұдан әрі – академиялық анықтама немесе транскрипт) көрсетілген пәндер және қабылдаушы ӘОО-ның жұмыс оқу жоспары арасындағы академиялық айырмашылық айқындалады.

      4. Пәндер мазмұны мен көлеміне сәйкес келген жағдайда оқу пәнінің пререквизиті ретінде айқындалған басқа оқу пәнімен немесе оқу пәнінің мазмұны бойынша аралас блокпен қайта сынақ тапсыруға жол беріледі.

      5. Меңгерілген кредит (сағат) бойынша қайта сынақ тапсыру, сондай-ақ оқу курсы білім беру бағдарламаларын салыстыру, меңгерілген пәндер тізбесінің мазмұны, олардың көлемі, алған білімі, дағдысы, машығы мен құзыреттілігі, сондай-ақ оқу нәтижесі негізінде белгіленеді.

      Оқу пәні бойынша меңгерілген сағаттан қайта сынақ тапсыру кезінде қорытынды бақылау нысанындағы және оқу технологиясындағы айырмашылық ескерілмейді.

      6. Жұмыс оқу жоспарының пәндеріндегі академиялық айырмашылықты болдырмау үшін білім алушы ағымдағы академиялық кезең ішінде жеке график бойынша пәндерді дербес оқиды, аралық бақылаудың барлық түрін тапсырады, қорытынды бақылауға рұқсатнама алады.

      7. Академиялық айырмашылық академиялық берешек болып саналады және аралық аттестаттаудың келесі кезеңі басталғанға дейін тапсырылады. Академиялық берешекті тапсырмаған білім алушы үлгермеушілігіне байланысты оқудан шығарылады.

      Академиялық айырмашылықты тапсыру кезінде пәннен қанағаттанарлықсыз баға алған кезде қайта тапсыруға жол берілмейді, ал білім алушы академиялық үлгермеушілігіне байланысты ӘОО-дан оқудан шығарылуға тиіс.

      8. Білім алушыны шетел білім беру ұйымынан ауыстыру немесе қайта қабылдау кезінде академиялық анықтама немесе транскрипт беріледі.

      Шетелде жалпы орта немесе техникалық және кәсіптік білім алған білім алушы шетел білім беру ұйымынан ауыстырылған немесе қайта қабылданған кезде Қазақстан Республикасы Оқу-ағарту министрінің 2023 жылғы 28 шілдедегі № 230 бұйрығымен бекітілген Орта, техникалық және кәсіптік, орта білімнен кейінгі білім туралы құжаттарды тану қағидаларында (Нормативтік құқықтық актілерді мемлекеттік тіркеу тізілімінде № 33219 болып тіркелген) белгіленген тәртіппен Қазақстан Республикасында тану немесе нострификациялау рәсімінен өткен білімін аяқтағаны туралы құжат беріледі.

2-тарау. ӘОО-ға ауыстыру тәртібі

      9. Білім алушыны ӘОО-ға сол ӘОО ішінде бір мамандықтан басқасына, бір ӘОО-дан басқасына, басқа білім беру ұйымынан (бұдан әрі – оқу орны) ауыстыру жүзеге асырылады.

      10. Білім алушыны бір оқу орнынан басқасына ауыстыру мынадай тәртіппен жүзеге асырылады:

      1) білім алушы оқып жатқан оқу орны немесе ӘОО басшысының атына ауысу себебі түсіндірілген құжаттарды қоса беріп, ауысу туралы баянат (өтініш) береді;

      2) оқу орнының немесе ӘОО-ның басшысынан ауысуға жазбаша келісім алған кезде баянат академиялық анықтамамен немесе транскриптпен және мінездемемен бірге әскери білім беру мәселелеріне жетекшілік ететін құрылымдық бөлімшеге жіберіледі;

      3) әскери білім беру мәселелеріне жетекшілік ететін құрылымдық бөлімше 10 (он) жұмыс күні ішінде ұсынылған құжаттар негізінде білім алушыны ӘОО-ға ауыстыру немесе ауыстырудан бас тарту туралы шешім қабылдайды, оң шешім қабылданған кезде құжаттар 3 (үш) жұмыс күні ішінде білім алушы ауысатын ӘОО-ға жіберіледі;

      4) бұрын білім алушы оқыған оқу орнының немесе ӘОО-ның басшысы әскери білім беру мәселелеріне жетекшілік ететін құрылымдық бөлімшеден оң шешім алғаннан кейін 7 (жеті) жұмыс күні ішінде "ауысуына байланысты оқудан шығарылды" деген тұжырым бар білім алушыны оқудан шығару туралы бұйрық шығарады және оқудан шығару туралы бұйрық шыққан күннен бастап 3 (үш) жұмыс күні ішінде білім алушыны нұсқамамен жібереді, білім алушының жеке ісін қабылдайтын ӘОО-ға жібереді;

      5) қабылдайтын ӘОО-ның басшысы білім алушы келісімен оқуға қабылдау туралы бұйрық шығарады.

3-тарау. ӘОО-ға қайта қабылдау тәртібі

      11. Білім алушыны ӘОО-ға қайта қабылдау, егер ол бұрын кемінде бір семестрді табысты аяқтаса, тиісті білім беру деңгейі бойынша жүзеге асырылады.

      12. Азаматты оқуға қайта қабылдау мынадай тәртіппен жүзеге асырылады:

      1) азамат әскери білім беру мәселелеріне жетекшілік ететін құрылымдық бөлімше басшысының атына немесе "электрондық үкімет" www.egov.kz веб-порталына (бұдан әрі – портал) көрсетілетін қызметті алушының электрондық цифрлық қолтаңбасы қойылған немесе ұялы байланыс операторы ұсынған көрсетілетін қызметті алушының абоненттік нөмірі порталдың есептік жазбасына тіркелген және қосылған жағдайда бір реттік парольмен куәландырылған өзі таңдаған ӘОО-ға қайта қабылдау туралы еркін нысанда өтініш береді. Қайта қабылдау туралы өтінішке транскрипт қоса беріледі;

      2) әскери білім беру мәселесіне жетекшілік ететін құрылымдық бөлімше 10 (он) жұмыс күні ішінде ұсынылған құжаттар негізінде жоғары әскери оқу орнына қайта қабылдау немесе одан бас тарту туралы шешім қабылдайды, оң шешім қабылданған кезде 3 (үш) жұмыс күні ішінде азамат таңдаған құжаттарды әскери жоғары оқу орнына жібереді.

      3) көрсетілетін қызметті берушінің құжаттамалық қамтамасыз ету бөлімі көрсетілетін қызметті алушының өтінішін ол өтініш жасаған күні тіркейді. Тіркегеннен кейін өтініштің көшірмесін мөртаңба қойып, кіріс нөмірі мен тіркелген күнін көрсетіп көрсетілетін қызметті алушыға береді.

      Портал арқылы өтініш жасаған кезде көрсетілетін қызметті алушының "жеке кабинетіне" мемлекеттік қызметті көрсетуге өтініштің қабылданғаны туралы ақпарат жіберіледі.

      Көрсетілетін қызметті алушы құжат топтамасын толық ұсынбаған және/немесе қолдану мерзімі өткен құжаттарды ұсынған жағдайда көрсетілетін қызметті беруші көрсетілетін қызметті алушы жүгінген күні оның өтінішін қабылдаудан бас тартады, ал портал арқылы жүгінген жағдайда көрсетілетін қызметті алушының "жеке кабинетіне" бас тарту туралы ақпарат жіберіледі;

      4) көрсетілетін қызметті берушінің құжаттамалық қамтамасыз ету бөлімшесі көрсетілетін қызметті алушының өтінішін тіркеген күні қоса берілген құжаттарымен бірге уәкілетті органның басшысына береді;

      5) ӘОО әскери білім беру мәселесіне жетекшілік ететін құрылымдық бөлімшеден шешімді алғаннан кейін 3 (үш) жұмыс күні ішінде академиялық айырмашылықты, мамандықты және оқу курсын айқындайды, әскери білім беру мәселесіне жетекшілік ететін құрылымдық бөлімшені академиялық айырмашылықтың болуы туралы хабардар етеді;

      6) уәкілетті органның басшысы 1 (бір) жұмыс күні ішінде өтінішті жауапты орындаушыға орындауға жібереді;

      7) орындаушы өтінішті қабылдағаннан кейін әскери оқу орнына қалпына келтіру үшін академиялық айырмашылықтың, мамандық пен оқу курсының мақсатқа сәйкестігі және оларды айқындау туралы сұрау салуды жібереді;

      8) әскери білім беру мәселесіне жетекшілік ететін құрылымдық бөлімше 10 (он) жұмыс күні ішінде әскери жоғары оқу орнын және азаматты қайта қабылдау мүмкіндігі туралы хабардар етеді, азамат жеке куәлігінің, академиялық анықтама немесе транскрипт түпнұсқасымен бірге әскери жоғары оқу орнына оған белгіленген мерзімде келеді.

      9) ӘОО басшысы құжаттардың түпнұсқасын тексергеннен кейін оқуға қайта қабылдау туралы бұйрық шығарады.

      Мемлекеттік қызметті көрсету нәтижесі қағаз түрінде көрсетілетін қызметті берушінің құжаттамалық қамтамасыз ету бөлімшесі арқылы беріледі, ал электрондық түрде көрсетілетін қызметті берушінің уәкілетті адамының электрондық цифрлық қолтаңбасы қойылған электрондық құжат нысанында көрсетілетін қызметті алушының "жеке кабинетіне" жіберіледі.

      ӘОО-дан теріс жауап алған кезде көрсетілетін қызметті беруші көрсетілетін қызметті алушының "жеке кабинетіне" қайта қабылдаудан бас тарту туралы хабарлама жібереді.

      Бас тартқан жағдайда көрсетілетін қызметті беруші көрсетілетін қызметті алушыға қызмет көрсетуден бас тарту туралы, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдауды өткізу уақыты мен орны (тәсілі) туралы алдын ала хабарлайды.

      13. Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабарлама жасалған күннен бастап 2 (екі) жұмыс күнінен кешіктірілмей жүргізіледі. Тыңдау нәтижесі бойынша көрсетілетін қызметті беруші әскери оқу орнына қайта қабылдау мүмкіндігі немесе қайта қабылдаудан бас тарту туралы шешім қабылдайды. Көрсетілетін қызметті алушы мемлекеттік қызметті көрсетуден бас тарту себептерін жойған жағдайда көрсетілетін қызметті алушы мемлекеттік көрсетілетін қызметті алу үшін қайта өтініш жасайды.

      14. Мемлекеттік қызмет көрсету процесінің сипаттамасын, нысанын, мазмұны мен нәтижесін қамтитын мемлекеттік қызмет көрсетуге қойылатын негізгі талаптар тізбесі, сондай-ақ мемлекеттік қызмет көрсету ерекшелігін ескеріп, мәліметтер (бұдан әрі – Тізбе) Қағидаларға 1-қосымшада айқындалған.

      15. Көрсетілетін қызметті алушы өтініш жасаған кезде мемлекеттік қызметті көрсету үшін қажетті құжаттар тізбесі Тізбенің 8-тармағында айқындалған.

      16. Мемлекеттік қызмет көрсету нәтижесі Тізбенің 5-тармағында айқындалған.

      17. "Мемлекеттік көрсетілетін қызметтер туралы" Қазақстан Республикасы Заңының 5-бабы 2-тармағының 11) тармақшасына және "Мемлекеттік қызметтерді көрсету мониторингінің ақпараттық жүйесіне мемлекеттік қызметті көрсету сатысы туралы деректер енгізу қағидаларын бекіту туралы" Қазақстан Республикасы Көлік және коммуникациялар министрінің міндетін атқарушының 2013 жылғы 14 маусымдағы № 452 бұйрығына (Нормативтік құқықтық актілерді мемлекеттік тіркеу тізілімінде № 8555 болып тіркелген) сәйкес көрсетілетін қызметті беруші мемлекеттік қызмет көрсету сатысы туралы деректерді мемлекеттік қызмет көрсетуді мониторингтеудің ақпараттық жүйесіне енгізуді қамтамасыз етеді.

      Қағидаларға өзгерістер мен (немесе) толықтырулар енгізілген кезде әскери білім беру мәселесіне жетекшілік ететін құрылымдық бөлімше тиісті нормативтік құқықтық актіні әділет органында мемлекеттік тіркегеннен кейін 3 (үш) жұмыс күні ішінде "электрондық үкіметтің" ақпараттық-коммуникациялық инфрақұрылым операторына, көрсетілетін қызметті берушінің Бірыңғай байланыс орталығына осындай өзгерістер мен (немесе) толықтырулар туралы ақпаратты жібереді.

Мемлекеттік қызмет көрсетуге қойылатын негізгі талаптар тізбесі