"Білім туралы" Қазақстан Республикасының Заңы 5-1-бабының 12) тармақшасына сәйкес БҰЙЫРАМЫН:

      1. Қоса беріліп отырған Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидалары бекітілсін.

      2. Қазақстан Республикасы Қорғаныс министрлігі Білім және ғылым департаментінің бастығы заңнамада белгіленген тәртіппен:

      1) осы бұйрықты заңнамада белгіленген тәртіппен мемлекеттік тіркеу үшін Қазақстан Республикасының Әділет министрлігіне жолдасын;

      2) осы бұйрықтың көшірмесін мемлекеттік тіркелгеннен кейін күнтізбелік он күн ішінде ресми жариялау үшін мерзімді баспасөз басылымдарына және "Әділет" ақпараттық-құқықтық жүйесіне жолдасын;

      3) осы бұйрықты ресми жарияланғаннан кейін Қазақстан Республикасы Қорғаныс министрлігінің ресми интернет-ресурсына орналастырсын.

      3. Осы бұйрықтың орындалуын бақылау Қазақстан Республикасы Қорғаныс министрінің әскери білім мәселелеріне жетекшілік ететін орынбасарына жүктелсін.

      4. Бұйрық лауазымды адамдарға, оларға қатысты бөлігінде жеткізілсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидалары

      Ескерту. Тақырыпқа орыс тілінде өзгеріс енгізіледі, қазақ тіліндегі мәтін өзгермейді - ҚР Қорғаныс министрінің 13.11.2025 № 1593 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      Ескерту. Қағида жаңа редакцияда – ҚР Қорғаныс министрінің 26.06.2024 № 667 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Қазақстан Республикасының Қорғаныс министрлігіне ведомстволық бағынысты әскери оқу орындарына ауыстыру және қайта қабылдау қағидалары (бұдан әрі – Қағидалар) Қазақстан Республикасының Қорғаныс министрлігіне ведомстволық бағынысты әскери оқу орнына (бұдан әрі – ӘОО) ауыстыру және қайта қабылдау тәртібін айқындайды.

      2. Білім алушыны бір оқу орнынан басқасына ауыстыру немесе қайта қабылдау мәселелерін қабылдаушы ӘОО әскери білім беру мәселесіне жетекшілік ететін құрылымдық бөлімше бастығының өкімі бойынша жазғы немесе қысқы каникулдық демалыс кезеңінде жеке баянат (өтініш) негізінде қарайды.

      Білім алушыны ӘОО ішінде бір мамандықтан басқасына ауыстыру білім алушының баянаты негізінде, егер пәндердегі айырмашылық 15 кредиттен аспаса, ғылыми кеңестің шешімі бойынша жүзеге асырылады.

      Ұшқыш мамандығынан басқа мамандыққа ауыстырылған білім алушыны ауыстыру ғылыми кеңестің шешімі бойынша жүзеге асырылады. Егер пәндердегі айырмашылық 15 кредиттен аспаса, онда білім алушы бір курсқа төмен ауыстырылады.

      3. Білім алушыны ӘОО-ға ауыстыру немесе қайта қабылдау кезінде транскриптте немесе білім алуды аяқтамаған адамға берілетін академиялық анықтамада (бұдан әрі – академиялық анықтама немесе транскрипт) көрсетілген пәндер және қабылдаушы ӘОО-ның жұмыс оқу жоспары арасындағы академиялық айырмашылық айқындалады.

      4. Пәндер мазмұны мен көлеміне сәйкес келген жағдайда оқу пәнінің пререквизиті ретінде айқындалған басқа оқу пәнімен немесе оқу пәнінің мазмұны бойынша аралас блокпен қайта сынақ тапсыруға жол беріледі.

      5. Меңгерілген кредит (сағат) бойынша қайта сынақ тапсыру, сондай-ақ оқу курсы білім беру бағдарламаларын салыстыру, меңгерілген пәндер тізбесінің мазмұны, олардың көлемі, алған білімі, дағдысы, машығы мен құзыреттілігі, сондай-ақ оқу нәтижесі негізінде белгіленеді.

      Оқу пәні бойынша меңгерілген сағаттан қайта сынақ тапсыру кезінде қорытынды бақылау нысанындағы және оқу технологиясындағы айырмашылық ескерілмейді.

      6. Жұмыс оқу жоспарының пәндеріндегі академиялық айырмашылықты болдырмау үшін білім алушы ағымдағы академиялық кезең ішінде жеке график бойынша пәндерді дербес оқиды, аралық бақылаудың барлық түрін тапсырады, қорытынды бақылауға рұқсатнама алады.

      7. Академиялық айырмашылық академиялық берешек болып саналады және аралық аттестаттаудың келесі кезеңі басталғанға дейін тапсырылады. Академиялық берешекті тапсырмаған білім алушы үлгермеушілігіне байланысты оқудан шығарылады.

      Академиялық айырмашылықты тапсыру кезінде пәннен қанағаттанарлықсыз баға алған кезде қайта тапсыруға жол берілмейді, ал білім алушы академиялық үлгермеушілігіне байланысты ӘОО-дан оқудан шығарылуға тиіс.

      8. Білім алушыны шетел білім беру ұйымынан ауыстыру немесе қайта қабылдау кезінде академиялық анықтама немесе транскрипт беріледі.

      Шетелде жалпы орта немесе техникалық және кәсіптік білім алған білім алушы шетел білім беру ұйымынан ауыстыру немесе қайта қабылдау кезінде Қазақстан Республикасы Оқу-ағарту министрінің 2023 жылғы 28 шілдедегі № 230 бұйрығымен бекітілген Орта, техникалық және кәсіптік, орта білімнен кейінгі білім туралы құжаттарды тану қағидаларында (Нормативтік құқықтық актілерді мемлекеттік тіркеу тізілімінде № 33219 болып тіркелген) белгіленген тәртіппен Қазақстан Республикасында тану рәсімінен өткен білімін аяқтағаны туралы құжат беріледі.

      Шетелде жоғары немесе жоғары оқу орындарынан кейінгі білім алған білім алушы шетел білім беру ұйымынан ауыстыру немесе қайта қабылдау кезінде Қазақстан Республикасы Ғылым және жоғары білім министрінің 2023 жылғы 12 маусымдағы № 268 бұйрығымен бекітілген Білімі туралы құжаттарды тану қағидаларында (Нормативтік құқықтық актілерді мемлекеттік тіркеу тізілімінде № 32800 болып тіркелді) белгіленген тәртіппен Қазақстан Республикасында тану рәсімінен өткен білімін аяқтағаны туралы құжат беріледі.

2-тарау. ӘОО-ға ауыстыру тәртібі

      9. Білім алушыны ӘОО-ға сол ӘОО ішінде бір мамандықтан басқасына, бір ӘОО-дан басқасына, басқа білім беру ұйымынан (бұдан әрі – оқу орны) ауыстыру жүзеге асырылады.

      10. Білім алушыны бір оқу орнынан басқасына ауыстыру мынадай тәртіппен жүзеге асырылады:

      1) білім алушы оқып жатқан оқу орны немесе ӘОО басшысының атына ауысу себебі түсіндірілген құжаттарды қоса беріп, ауысу туралы баянат (өтініш) береді;

      2) оқу орнының немесе ӘОО-ның басшысынан ауысуға жазбаша келісім алған кезде баянат академиялық анықтамамен немесе транскриптпен және мінездемемен бірге әскери білім беру мәселелеріне жетекшілік ететін құрылымдық бөлімшеге жіберіледі;

      3) әскери білім беру мәселелеріне жетекшілік ететін құрылымдық бөлімше 10 (он) жұмыс күні ішінде ұсынылған құжаттар негізінде білім алушыны ӘОО-ға ауыстыру немесе ауыстырудан бас тарту туралы шешім қабылдайды, оң шешім қабылданған кезде құжаттар 3 (үш) жұмыс күні ішінде білім алушы ауысатын ӘОО-ға жіберіледі;

      4) бұрын білім алушы оқыған оқу орнының немесе ӘОО-ның басшысы әскери білім беру мәселелеріне жетекшілік ететін құрылымдық бөлімшеден оң шешім алғаннан кейін 7 (жеті) жұмыс күні ішінде "ауысуына байланысты оқудан шығарылды" деген тұжырым бар білім алушыны оқудан шығару туралы бұйрық шығарады және оқудан шығару туралы бұйрық шыққан күннен бастап 3 (үш) жұмыс күні ішінде білім алушыны нұсқамамен жібереді, білім алушының жеке ісін қабылдайтын ӘОО-ға жібереді;

      5) қабылдайтын ӘОО-ның басшысы білім алушы келісімен оқуға қабылдау туралы бұйрық шығарады.

3-тарау. ӘОО-ға қайта қабылдау тәртібі

      11. Білім алушыны ӘОО-ға қайта қабылдау, егер ол бұрын кемінде бір семестрді табысты аяқтаса, тиісті білім беру деңгейі бойынша жүзеге асырылады.

      12. Қазақстан Республикасының азаматтарын оқуға қайта қабылдау мынадай тәртіппен жүзеге асырылады:

      1) Қазақстан Республикасының азаматы әскери білім беру мәселесіне жетекшілік ететін құрылымдық бөлімше басшысының атына немесе "цифрлық үкімет" www.egov.kz веб-порталына (бұдан әрі – портал) осы Қағидаларға 2-қосымшаға сәйкес нысан бойынша көрсетілетін қызметті алушының электрондық цифрлық қолтаңбасы қойылған не ұялы байланыс операторы ұсынған көрсетілетін қызметті алушының абоненттік нөмірі тіркелгенде және порталдың есептік жазбасына қосылғанда бір реттік парольмен куәландырылған өзі таңдаған ӘОО-ға қайта қабылдау туралы еркін нысанда өтініш береді. Қайта қабылдау туралы өтінішке транскрипт қоса беріледі;

      2) әскери білім беру мәселесіне жетекшілік ететін құрылымдық бөлімше 10 (он) жұмыс күні ішінде ұсынылған құжаттар негізінде жоғары әскери оқу орнына қайта қабылдау немесе одан бас тарту туралы шешім қабылдайды, оң шешім қабылданған кезде 3 (үш) жұмыс күні ішінде азамат таңдаған құжаттарды әскери жоғары оқу орнына жібереді.

      3) көрсетілетін қызметті берушінің құжаттамалық қамтамасыз ету бөлімі көрсетілетін қызметті алушының өтінішін ол жүгінген күні қабылдайды және тіркейді. Тіркелгеннен кейін өтініштің көшірмесі оған мөртаңба, кіріс нөмірі мен тіркелген күні қойылып, көрсетілетін қызметті алушыға беріледі.

      Портал арқылы жүгінген кезде көрсетілетін қызметті алушының "жеке кабинетіне" мемлекеттік қызмет көрсетуге өтініштің қабылданғаны туралы ақпарат жіберіледі.

      Көрсетілетін қызметті алушы ұсынған өтініште және (немесе) құжаттарда қате немесе дәлсіздік анықталғанда, олар нысаны мен мазмұны бойынша қойылатын талаптарға сәйкес келмегенде, 1-қосымшаның 9-тармағында мазмұндалған тізбеге сәйкес құжаттар топтамасы толық ұсынылмағанда, көрсетілетін қызметті беруші өтінішті цифрлық күту парағы арқылы қабылдайды.

      Көрсетілетін қызметті алушы ұсынған құжаттар (оның ішінде түпнұсқасы) өтінішті және (немесе) құжаттарды "цифрлық үкіметтің" веб-порталы арқылы беру жағдайын қоспағанда, көрсетілетін қызметті беруші оларды сақтауға қабылдамай, көрсетілетін қызметті алушыға қайтарылуға тиіс.

      Бұл ретте көрсетілетін қызметті алушыға анықталған кемшіліктерді жою үшін 5 (бес) жұмыс күні мерзімі белгіленеді, ол Тізбенің 5-тармағында белгіленген тиісті мемлекеттік қызметті көрсетудің жалпы мерзіміне кірмейді.

      Анықталған кемшіліктер жойылған жағдайда өтінішті және (немесе) құжаттарды қабылдау күні көрсетілетін қызметті алушының бастапқы жүгінген күні болып есептеледі.

      Мемлекеттік қызмет көрсету мерзімінің өтуі көрсетілетін қызметті алушы анықталған кемшіліктерді жойған күннен бастап қайта басталады.

      Анықталған кемшіліктер белгіленген мерзімде жойылмаған жағдайда көрсетілетін қызметті беруші мемлекеттік қызметті көрсетуден бас тартады.

      Мемлекеттік қызметті көрсетуден бас тартқанда көрсетілетін қызметті беруші көрсетілетін қызметті алушыға бас тарту себебін көрсетіп, жауап жібереді.

      Осы Қағидаларға 2-2-қосымшаның 10-тармағында көзделген негіздер бойынша мемлекеттік қызметті көрсетуден бас тарту туралы шешім қабылданған кезде көрсетілетін қызметті алушымен тыңдау жүргізілмейді.

      4) көрсетілетін қызметті берушінің құжаттамалық қамтамасыз ету бөлімшесі көрсетілетін қызметті алушының өтінішін тіркеген күні қоса берілген құжаттарымен бірге уәкілетті органның басшысына береді;

      5) ӘОО әскери білім беру мәселесіне жетекшілік ететін құрылымдық бөлімшеден шешімді алғаннан кейін 3 (үш) жұмыс күні ішінде академиялық айырмашылықты, мамандықты және оқу курсын айқындайды, әскери білім беру мәселесіне жетекшілік ететін құрылымдық бөлімшені академиялық айырмашылықтың болуы туралы хабардар етеді;

      6) уәкілетті органның басшысы 1 (бір) жұмыс күні ішінде өтінішті жауапты орындаушыға орындауға жібереді;

      7) орындаушы өтінішті қабылдағаннан кейін әскери оқу орнына қалпына келтіру үшін академиялық айырмашылықтың, мамандық пен оқу курсының мақсатқа сәйкестігі және оларды айқындау туралы сұрау салуды жібереді;

      8) әскери білім беру мәселесіне жетекшілік ететін құрылымдық бөлімше 10 (он) жұмыс күні ішінде әскери жоғары оқу орнын және Қазақстан Республикасының азаматын қайта қабылдау мүмкіндігі туралы хабардар етеді, Қазақстан Республикасының азаматы жеке куәлігінің, академиялық анықтаманың немесе транскрипттің төлнұсқасымен бірге оған белгіленген мерзімде әскери жоғары оқу орнына келеді;

      9) ӘОО басшысы құжаттардың төлнұсқасын тексергеннен кейін оқуға қайта қабылдау туралы бұйрық шығарады.

      ӘОО-дан теріс жауап алғанда көрсетілетін қызметті беруші көрсетілетін қызметті алушының "жеке кабинетіне" қайта қабылдаудан бас тарту туралы хабарлама жібереді.

      13. Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабарлама жасалған күннен бастап 2 (екі) жұмыс күнінен кешіктірілмей жүргізіледі. Тыңдау нәтижесі бойынша көрсетілетін қызметті беруші әскери оқу орнына қайта қабылдау мүмкіндігі немесе қайта қабылдаудан бас тарту туралы шешім қабылдайды. Көрсетілетін қызметті алушы мемлекеттік қызметті көрсетуден бас тарту себептерін жойған жағдайда көрсетілетін қызметті алушы мемлекеттік көрсетілетін қызметті алу үшін қайта өтініш жасайды.

      14. Мемлекеттік қызмет көрсету процесінің сипаттамасын, нысанын, мазмұны мен нәтижесін қамтитын мемлекеттік қызмет көрсетуге қойылатын негізгі талаптар тізбесі, сондай-ақ мемлекеттік қызмет көрсету ерекшелігін ескеріп, мәліметтер (бұдан әрі – Тізбе) Қағидаларға 1-қосымшада айқындалған.

      15. Көрсетілетін қызметті алушы өтініш жасаған кезде мемлекеттік қызметті көрсету үшін қажетті құжаттар тізбесі Тізбенің 8-тармағында айқындалған.

      16. Мемлекеттік қызмет көрсету нәтижесі Тізбенің 5-тармағында айқындалған.

      17. "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 5-бабы 2-тармағының 11) тармақшасына және "Мемлекеттік қызметтерді көрсету мониторингінің ақпараттық жүйесіне мемлекеттік қызметті көрсету сатысы туралы деректер енгізу қағидаларын бекіту туралы" Қазақстан Республикасы Көлік және коммуникациялар министрінің міндетін атқарушының 2013 жылғы 14 маусымдағы № 452 бұйрығына (Нормативтік құқықтық актілерді мемлекеттік тіркеу тізілімінде № 8555 болып тіркелген) сәйкес көрсетілетін қызметті беруші мемлекеттік қызмет көрсетуді мониторингтеудің цифрлық жүйесіне мемлекеттік қызмет көрсету сатысы туралы деректерді енгізуді қамтамасыз етеді.

      Қағидаларға өзгерістер мен (немесе) толықтырулар енгізілгенде әскери білім беру мәселесіне жетекшілік ететін құрылымдық бөлімше тиісті нормативтік құқықтық акт әділет органында мемлекеттік тіркелгеннен кейін 3 (үш) жұмыс күні ішінде "цифрлық үкімет" операторына, көрсетілетін қызметті берушінің Бірыңғай байланыс орталығына осындай өзгерістер мен (немесе) толықтырулар туралы ақпаратты жібереді.

4-тарау. Мемлекеттік қызмет көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, әрекеттеріне (әрекетсіздігіне) шағымдану тәртібі.

      Ескерту. 4-тараумен толықтырылды – ҚР Қорғаныс министрінің 26.08.2026 № 964 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      18. Мемлекеттік қызмет көрсету мәселелері бойынша көрсетілетін қызметті берушінің және (немесе) оның лауазымды адамдарының шешіміне, әрекетіне (әрекетсіздігіне) шағым көрсетілетін қызметті берушіге беріледі, оның шешіміне, әрекетіне (әрекетсіздігіне) шағым жасалады.

      Мемлекеттік қызмет көрсету мәселелері бойынша шағымды сотқа дейінгі тәртіппен қарауды жоғарғы әкімшілік орган, лауазымды адам, мемлекеттік және әлеуметтік жауапкершілігі бар көрсетілетін қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шешіміне, әрекетіне (әрекетсіздігіне) шағым жасалатын көрсетілетін қызметті беруші шағым түскен күннен бастап үш жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте шешіміне, әрекетіне (әрекетсіздігіне) шағым жасалатын көрсетілетін қызметті беруші, егер ол үш жұмыс күні ішінде шағымда көрсетілген талаптарды толық қанағаттандыратын шешім қабылдаса не өзге де әкімшілік әрекет жасаса, шағымды қарайтын органға шағымды жібермеуге құқылы.

      Көрсетілетін қызметті берушінің атына түскен көрсетілетін қызметті алушының шағымы "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 25-бабының 2-тармағына сәйкес тіркелген күнінен бастап бес жұмыс күні ішінде қаралуға тиіс.

      Мемлекеттік және әлеуметтік жауапкершілігі бар көрсетілетін қызметтер көрсету сапасын бағалау және бақылау жөніндегі уәкілетті органның атына түскен көрсетілетін қызметті алушының шағымы тіркелген күнінен бастап он бес жұмыс күні ішінде қаралуға тиіс.

      Шағымды қарау мерзімі "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 25-бабының 4-тармағына сәйкес ұзартылуы мүмкін.

      Егер Қазақстан Республикасының заңында өзгеше көзделмесе, Қазақстан Республикасының Әкімшілік рәсімдік-процестік кодексі 91-бабының 5-тармағына сәйкес сотқа дейінгі тәртіппен шағымданғаннан кейін сотқа жүгінуге жол беріледі.

      Ескерту. 1-қосымша жаңа редакцияда – ҚР Қорғаныс министрінің 26.08.2026 № 964 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Мемлекеттік және әлеуметтік жауапкершілігі бар қызметті көрсетуге қойылатын негізгі талаптар тізбесі

Өтініш

      Ескерту. Қағидалар 2-қосымшамен толықтырылды – ҚР Қорғаныс министрінің 02.04.2025 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Мен "____"______ туған ҚР азаматы _______________________________.

      Сізден мені "__________________________________________________" оқуға қайта

      қабылдауыңызды сұраймын.

Әскери оқу орнына қайта қабылдауға бас тарту туралы хабарлама

      Ескерту. Қағидалар 2-1-қосымшамен толықтырылды – ҚР Қорғаныс министрінің 02.04.2025 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Қазақстан Республикасы Қорғаныс министрлігінің әскери оқу орнына қайта қабылдау

      (мемлекеттік көрсетілетін қызмет атауы)

      Сізге ___________________________________________________________

      ____________________________________________________________________

      сәйкес Әскери оқу орнына қайта қабылдауға бас тарту туралы хабарлаймыз.

      Қызметті көрсетуден бас тарту себебі: _______________________________________

      (егжей-тегжейлі себеп)

      ҚР ҚМ Әскери білім және ғылым департаментінің бастығы

      _____________________________________________________________________

      __________________________________________

      (әскери атағы, инициалдары мен тегі)

      Орындаушы _______________________________________

      (тегі, аты, әкесінің аты (бар болса)

      Телефоны ___________________

      "Тіркеу нөмірі" №_____________________________

      "Өтініш берілген күн" ____________

Әскери оқу орнына қайта қабылдау туралы хабарлама

      Ескерту. Қағидалар 2-2-қосымшамен толықтырылды – ҚР Қорғаныс министрінің 02.04.2025 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      _______________________________________________________________

      (тегі, аты, әкесінің аты (бар болса)

      оның _______________________________________________________________

      (әскери оқу орнының атауы) ____-курсының ___семестрінен әскери оқу орнына оқуға

      қайта қабылданғаны туралы берілді.

      Сіз қабылдану үшін ағымдағы жылғы "__" ___ дейінгі мерзімде ӘОО-ға келуіңіз қажет.

      Өзіңізбен бірге жеке куәлік, академиялық анықтама немесе транскрипт болуға тиіс.

      ҚР ҚМ Әскери білім және ғылым департаментінің бастығы

      _______________________________________

      (әскери атағы, инициалдары мен тегі)

      Орындаушы _______________________________________

      (тегі, аты, әкесінің аты (бар болса)

      Телефоны ___________________

      Осы құжат "Электрондық құжат және электрондық цифрлық қолтаңба туралы" Заңның 7-бабына сәйкес қағаз жеткізгіштегі құжатпен бірдей.