ЗҚАИ-ның ескертпесі!
Осы қаулы 01.01.2020 бастап қолданысқа енгізіледі.

      "Қазақстан Республикасының Ұлттық Банкі туралы" Қазақстан Республикасы Заңының 15-бабы екінші бөлігінің 13) тармақшасына, "Мемлекеттік қызметтер туралы" Қазақстан Республикасының Заңы 10-бабының 1) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Банкноттарды, монеталарды және құндылықтарды инкассациялау айрықша қызметі болып табылатын заңды тұлғаларға лицензия беру қағидалары (бұдан әрі – Қағидалар) бекітілсін.

      2. Осы қаулыға қосымшаға сәйкес тізбе бойынша Қазақстан Республикасы Ұлттық Банкі Басқармасы қаулыларының, сондай-ақ Қазақстан Республикасы Ұлттық Банкі Басқармасының қаулысы құрылымдық элементінің күші жойылды деп танылсын.

      3. Қолма-қол ақша айналысы департаменті (Қажымұратов Ж.Т.) Қазақстан Республикасының заңнамасында белгіленген тәртіппен:

      1) Заң департаментімен (Қасенов А.С.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулы ресми жарияланғаннан кейін Қазақстан Республикасы Ұлттық Банкінің ресми интернет-ресурсына орналастыруды;

      3) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2) тармақшасында және 4-тармағында көзделген іс-шаралардың орындалуы туралы мәліметтерді ұсынуды;

      4) "электрондық үкіметтің" ақпараттық-коммуникациялық инфрақұрылымының операторына және Бірыңғай байланыс орталығына Қағидаларға енгізілген өзгерістер мен толықтырулар туралы ақпаратты алғаш ресми жарияланған күнінен кейін бес жұмыс күні ішінде жолдауды қамтамасыз етсін.

      4. Сыртқы коммуникациялар департаменті - Ұлттық Банктің баспасөз қызметі (Адамбаева Ә.Р.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

      5. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Д.Т. Ғалиеваға жүктелсін.

      6. Осы қаулы ресми жариялануға тиіс және 2020 жылғы 1 қаңтардан бастап қолданысқа енгізіледі.

      "КЕЛІСІЛДІ"

      Қазақстан Республикасының

      цифрлық даму, инновациялар және

      аэроғарыш өнеркәсібі министрлігі

      "КЕЛІСІЛДІ"

      Қазақстан Республикасының

      Ұлттық экономика министрлігі

Банкноттарды, монеталарды және құндылықтарды инкассациялау айрықша қызметі болып табылатын заңды тұлғаларға лицензия беру қағидалары

      Ескерту. Қағидалар жаңа редакцияда - ҚР Ұлттық Банкі Басқармасының 19.12.2022 № 125 (алғашқы ресми жарияланған күнінен кейін күнтізбелік бір жүз сексен күн өткен соң қолданысқа енгізіледі) қаулысымен.

1-тарау. Жалпы ережелер

      1. Осы Банкноттарды, монеталарды және құндылықтарды инкассациялау айрықша қызметі болып табылатын заңды тұлғаларға лицензия беру қағидалары (бұдан әрі – Қағидалар) Қазақстан Республикасының Әкімшілік рәсімдік-процестік кодексіне, "Қазақстан Республикасының Ұлттық Банкі туралы" (бұдан әрі – Ұлттық Банк туралы заң), "Қазақстан Республикасындағы банктер және банк қызметі туралы" (бұдан әрі – Банктер және банк қызметі туралы заң), "Рұқсаттар және хабарламалар туралы" (бұдан әрі – Рұқсаттар және хабарламалар туралы заң), "Мемлекеттік көрсетілетін қызметтер туралы" (бұдан әрі – Мемлекеттік көрсетілетін қызметтер туралы заң) Қазақстан Республикасының заңдарына сәйкес әзірленді және банкноттарды, монеталарды және құндылықтарды инкассациялау айрықша қызметі болып табылатын заңды тұлғаларға (бұдан әрі – заңды тұлға, заңды тұлғалар) банкноттарды, монеталарды және құндылықтарды инкассациялауға лицензия беру тәртібін айқындайды.

      Қағидаларда Мемлекеттік көрсетілетін қызметтер туралы заңда, Рұқсаттар және хабарламалар туралы заңда, "Ақпараттандыру туралы" және "Электрондық құжат және электрондық цифрлық қолтаңба туралы" Қазақстан Республикасының заңдарында көрсетілген мәндерінде қолданылатын ұғымдар пайдаланылады.

2-тарау. Заңды тұлғалардың қызметін лицензиялау тәртібі

      2. Банкноттарды, монеталарды және құндылықтарды инкассациялауға лицензия алу үшін және банкноттарды, монеталарды және құндылықтарды инкассациялау қызметін жүзеге асыру кезеңінде заңды тұлғаның мынадай біліктілік талаптарына сәйкес келуі талап етіледі:

      1) заңды тұлғаның ұйымдық-құқықтық нысаны жауапкершілігі шектеулі серіктестік болып табылады;

      2) заңды тұлғаның құрылтайшылары (қатысушылары):

      Қазақстан Республикасының азаматтары мен қандастар;

      Қазақстан Республикасының заңдарына сәйкес құрылған заңды тұлғалар;

      3) мына:

      банкноттарды, монеталарды және құндылықтарды инкассациялауға лицензиядан айыру туралы шешім қабылданған заңды тұлғаның құрылтайшысы (қатысушысы) болған;

      егер қылмыстық жазаны қолдану мерзімі өтпеген жағдайда, қаржы ұйымының, банк және (немесе) сақтандыру холдингінің басшы қызметкері лауазымын атқару және қаржы ұйымының ірі қатысушысы (ірі акционері) болу құқығынан айыру түрінде қылмыстық жаза қолдану туралы заңды күшіне енген сот үкімі не өзге де шешімі бар;

      террористік іс-әрекетке қатысы бар адамдардың тізіміне, сондай-ақ жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілген тұлға заңды тұлғаның құрылтайшысы (қатысушысы) бола алмайды:

      4) заңды тұлғаның атқарушы органының басшысы:

      Қазақстан Республикасының аумағында тұрақты тұратын Қазақстан Республикасының азаматы;

      жоғары білімі бар;

      қаржылық қызметтер көрсету саласында кемінде үш жыл жұмыс тәжірибесі бар тұлға болып табылады;

      5) заңды тұлғаның атқарушы органының басшысы:

      психоневрологиялық және наркологиялық денсаулық сақтау ұйымдарында диспансерлік есепте тұрған;

      өтелмеген немесе алынбаған соттылығы бар;

      үш жыл бұрын теріс себептер бойынша қаржы ұйымдарынан, мемлекеттік органдардан, соттардан, әскери қызметтен босатылған;

      әкімшілік жаза қолдану туралы қаулы заңды күшіне енген күннен бастап бір жыл ішінде Қазақстан Республикасының Әкімшілік құқық бұзушылық туралы кодексінің 436, 443, 453, 462, 463, 464, 469, 470, 476, 477, 478, 479, 481, 482, 483, 484, 485, 486, 487, 488, 489, 490, 494, 495, 496, 504, 506, 653, 654, 658, 659, 665, 667, 669, 670 және 673-баптарында көзделген әкімшілік құқық бұзушылықтар жасағаны үшін әкімшілік жауаптылыққа тартылған;

      Қазақстан Республикасы Қылмыстық кодексінің Ерекше бөлігі бабының тиісті бөлігінде көзделген бас бостандығынан айыру түріндегі жазаның төменгі шегінің мерзімі өткенге дейін Қазақстан Республикасы Қылмыстық-процестік кодексінің 35-бабы бірінші бөлігінің 3), 4), 9), 10) және 12) тармақтарының немесе 36-бабының негізінде қылмыстық жауаптылықтан босатылған;

      террористік іс-әрекетке қатысы бар адамдардың тізіміне, сондай-ақ жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілген тұлға бола алмайды;

      6) заңды тұлғаның банкноттарды, монеталарды және құндылықтарды инкассациялау функциялары бар қызметкері Қазақстан Республикасының аумағында тұрақты тұратын Қазақстан Республикасының азаматы болып табылады;

      7) заңды тұлғаның банкноттарды, монеталарды және құндылықтарды инкассациялау функциялары бар қызметкері:

      психоневрологиялық және наркологиялық денсаулық сақтау ұйымдарында диспансерлік есепте тұрған;

      өтелмеген немесе алынбаған соттылығы бар;

      бұрынғы жұмыс орнынан теріс себептер бойынша жұмыстан босатылған;

      террористік іс-әрекетке қатысы бар адамдардың тізіміне, сондай-ақ жаппай қырып-жою қаруын таратуды қаржыландырумен байланысты ұйымдар мен адамдардың тізбесіне және (немесе) терроризмді және экстремизмді қаржыландырумен байланысты ұйымдар мен адамдардың тізбесіне енгізілген тұлға бола алмайды;

      8) заңды тұлғаның жарғылық капиталы банкноттарды, монеталарды және құндылықтарды инкассациялауға лицензия алуға құжаттар берілгенге дейін ақшалай нысанда толық көлемде қалыптастырылады және заңды тұлғаның жарғылық капиталының мөлшері кемінде:

      банкноттарды, монеталарды және құндылықтарды инкассациялауды ғана жүзеге асыратын заңды тұлғалар үшін – 50 000 000 (елу миллион) теңгені;

      банкноттарды, монеталарды және құндылықтарды қайта есептеу, сұрыптау, буып-түю, сақтау, сондай-ақ оларды банктерге және банктердің тапсырмасы бойынша олардың клиенттеріне беру жөніндегі қосымша қызметті жүзеге асыратын заңды тұлғалар үшін – 100 000 000 (бір жүз миллион) теңгені құрайды;

      9) заңды тұлғаның банкноттарды, монеталарды және құндылықтарды инкассациялауды жүзеге асыруға қажетті Нормативтік құқықтық актілерді мемлекеттік тіркеу тізілімінде № 20075 болып тіркелген, Қазақстан Республикасы Ұлттық Банкі Басқармасының 2020 жылғы 24 ақпандағы № 14 қаулысымен бекітілген Екінші деңгейдегі банктердің, Қазақстан Республикасының бейрезидент банктері филиалдарының, Ұлттық пошта операторының, банкноттарды, монеталарды және құндылықтарды инкассациялау айрықша қызметі болып табылатын заңды тұлғалардың және қызметін Қазақстан Республикасы Ұлттық Банкінің қолма-қол шетел валютасымен айырбастау операцияларына арналған лицензиясы негізінде тек қана айырбастау пункттері арқылы жүзеге асыратын заңды тұлғалардың үй-жайларын күзетуді және жайластыруды ұйымдастыру қағидаларының (бұдан әрі – № 14 қағидалар) талаптарында көзделген және сәйкес келетін үй-жайлары бар;

      10) заңды тұлғаның меншік құқығында банкноттарды, монеталарды және құндылықтарды инкассациялауды жүзеге асыру үшін қажетті кемінде екі көлік құралы болады. Заңды тұлға банкноттарды, монеталарды және құндылықтарды инкассациялауды жүзеге асыру үшін пайдаланылатын көлік құралдарының Нормативтік құқықтық актілерді мемлекеттік тіркеу тізілімінде № 19391 болып тіркелген, Қазақстан Республикасы Ұлттық Банкі Басқармасының 2019 жылғы 12 қыркүйектегі № 159 қаулысымен бекітілген Қазақстан Республикасында автомобиль инкассаторлық тасымалдарын ұйымдастыру жөніндегі нұсқаулықтың талаптарына сәйкестігін қамтамасыз етеді.

      3. Заңды тұлға банкноттарды, монеталарды және құндылықтарды инкассациялауға лицензия алу үшін "электрондық үкіметтің" веб-порталы арқылы электрондық түрде мынадай құжаттарды ұсынады:

      1) Қағидаларға 1-қосымшаға сәйкес нысан бойынша банкноттарды, монеталарды және құндылықтарды инкассациялауға лицензия беру туралы электрондық өтініш (бұдан әрі – лицензия беру туралы өтініш);

      2) жарғының электрондық көшірмесі;

      3) "электрондық үкіметтің" төлем шлюзі арқылы ақы төленген жағдайларды қоспағанда, жекелеген қызмет түрлерімен айналысу құқығы үшін лицензиялық алымның төленгенін растайтын құжаттың электрондық көшірмесі;

      4) банкноттарды, монеталарды және құндылықтарды инкассациялауды жүзеге асыруға қажетті үй-жайларға құқық белгілейтін құжаттардың және техникалық паспорттардың (электрондық техникалық паспорттар) электрондық көшірмелері;

      5) Қағидалардың 2-тармағының 10) тармақшасында көрсетілген көлік құралдарын тіркеу туралы куәліктердің электрондық көшірмелері;

      6) Қағидаларға 2-қосымшаға сәйкес нысан бойынша құрылтайшылар (қатысушылар) туралы мәліметтердің, Қағидаларға 3-қосымшаға сәйкес нысан бойынша атқарушы органның басшысы туралы мәліметтердің және Қағидаларға 4-қосымшаға сәйкес нысан бойынша қызметкер туралы мәліметтердің электрондық көшірмелері;

      7) жарғылық капитал мөлшерінің қойылатын талаптарға сәйкестігін растайтын құжаттардың электрондық көшірмелері.

      4. Қазақстан Республикасының Ұлттық Банкі (бұдан әрі – Ұлттық Банк) "электрондық үкімет" шлюзі арқылы тиісті мемлекеттік ақпараттық жүйелерден:

      жеке басын куәландыратын құжаттарда көрсетілген;

      атқарушы органның басшысы болып табылатын адамда және заңды тұлға қызметкерлерінің өтелмеген немесе алынбаған соттылығының жоқ екенін растайтын;

      наркологиялық және психоневрологиялық денсаулық сақтау ұйымдарында диспансерлік есепте тұрғаны туралы мәліметтердің жоқтығын растайтын;

      жекелеген қызмет түрлерімен айналысу құқығына лицензиялық алымның төленгенін растайтын;

      заңды тұлғаны мемлекеттік тіркеу (қайта тіркеу) туралы, заңды тұлғаның тіркеу іс-әрекеттері туралы мәліметтерді алады.

      5. Заңды тұлғаның үй-жайларын қарап тексеруді Ұлттық Банктің тапсырмасы бойынша заңды тұлға үй-жайларының № 14 қағидалардың талаптарына сәйкестігін немесе сәйкес еместігін анықтау және үй-жайларға құқық белгілейтін құжаттармен және техникалық паспорттармен салыстырып тексеру тұрғысынан лицензия беру туралы өтінішті қарау үшін Қағидалардың 10-тармағында белгіленген мерзім ішінде Ұлттық Банктің аумақтық филиалы жүзеге асырады.

      Заңды тұлғаның үй-жайларын қарап тексеру нәтижелері бойынша Ұлттық Банктің аумақтық филиалы Қағидаларға 5-қосымшаға сәйкес нысан бойынша қарап тексеру актісін (бұдан әрі – қарап тексеру актісі) жасайды.

      Қарап тексеру актісі екі данада жасалады. Қарап тексеру актісінің бірінші данасы өтініш берушіге беріледі, екінші данасы кейіннен құжаттар топтамасына қоса тіркеу үшін Ұлттық Банктің аумақтық филиалында қалады.

      Қарап тексеру актісіне үй-жайларды қарап тексеруді жүргізген адамдар қол қояды, оны Ұлттық Банктің аумақтық филиалының басшысы немесе оны ауыстыратын адам бекітеді және мөрмен расталады.

      6. Банкноттарды, монеталарды және құндылықтарды инкассациялау үшін пайдаланылатын үй-жайлардың конструкциясына өзгерістер енгізілген кезде, сондай-ақ банкноттарды, монеталарды және құндылықтарды инкассациялау үшін басқа үй-жайларды пайдалану басталған кезде заңды тұлға көрсетілген заңды фактілер басталған күннен бастап күнтізбелік отыз күн ішінде көрсетілген үй-жайларға қарап тексеру актісін алу үшін үй-жайларға құқық белгілейтін құжаттардың және техникалық паспорттардың (электрондық техникалық паспорттар) электрондық көшірмелерін бір мезгілде ұсына отырып, бұл туралы Ұлттық Банкке еркін нысанда жазбаша хабарлайды.

      7. Заңды тұлға заңды тұлғаның филиалын есептік тіркеген (қайта тіркеген) күннен бастап он жұмыс күні ішінде заңды тұлғаның филиалын есептік тіркеу (қайта тіркеу) туралы анықтаманың көшірмесін қоса бере отырып, бұл туралы Ұлттық Банкке еркін нысанда жазбаша хабарлайды.

      Заңды тұлға заңды тұлғаның филиалын есептік тіркеуден алған күннен бастап он жұмыс күні ішінде бұл туралы Ұлттық Банкке еркін нысанда жазбаша хабарлайды.

      8. Заңды тұлға жарғылық капитал мөлшерінің азаюы, құрылтайшылар (қатысушылар) құрамының өзгеруі негіздері бойынша заңды тұлға қайта тіркелген күннен бастап он жұмыс күні ішінде жарғының жаңа редакциясының немесе жарғыға енгізілген өзгерістердің және (немесе) толықтырулардың көшірмесін, Қағидаларға 2-қосымшаға сәйкес нысан бойынша құрылтайшылар (қатысушылар) туралы мәліметтерді бір мезгілде ұсына отырып, бұл туралы Ұлттық Банкке еркін нысанда жазбаша түрде хабарлайды.

      9. Заңды тұлға басшының өзгеруі, жарғылық капитал мөлшерінің ұлғаюы негіздемелері бойынша заңды тұлғаның тіркеу деректеріне өзгерістер және (немесе) толықтырулар енгізілген күннен бастап он жұмыс күні ішінде Қағидаларға 3-қосымшаға сәйкес нысан бойынша атқарушы органның басшысы туралы мәліметтерді, жарғылық капитал мөлшерінің ұлғайтылуын растайтын құжаттардың көшірмелерін бір мезгілде ұсына отырып, бұл туралы Ұлттық Банкке еркін нысанда жазбаша хабарлайды.

      10. Лицензия беру туралы өтінішті Ұлттық Банк Қазақстан Республикасы заңнамасының талаптарына сәйкес келетін құжаттардың толық топтамасы ұсынылған күннен бастап жиырма жұмыс күні ішінде қарайды.

      11. Ұлттық Банк заңды тұлғаға банкноттарды, монеталарды және құндылықтарды инкассациялауға лицензияны Қағидаларға 6-қосымшаға сәйкес нысан бойынша береді.

      12. Заңды тұлға банкноттарды, монеталарды және құндылықтарды инкассациялауға лицензия алған күннен бастап үш ай ішінде:

      қызметтік қаруды сатып алуға, сақтауға, сақтау мен алып жүруге рұқсат алуды қамтамасыз етеді және осы рұқсатты алған күннен бастап он жұмыс күні ішінде қызметтік қаруды сатып алуға, сақтауға, сақтау мен алып жүруге алынған рұқсат туралы еркін нысанда жазбаша түрде Ұлттық Банкке хабарлайды;

      қару мен патрондарды сақтауға арналған арнайы жабдықталған сақтау орнын жайластыруды немесе қару мен патрондарды орталықтандырылған сақтау пунктімен қару мен патрондарды сақтау шартын жасасуды қамтамасыз етеді және көрсетілген сақтау орны жайластырылған немесе аталған шартты жасасқан күннен бастап он жұмыс күні ішінде қару мен патрондарды сақтауға арналған арнайы жабдықталған сақтау орны немесе қаруды орталықтандырылған сақтау пунктімен қару мен патрондарды сақтау шарты туралы Ұлттық Банкті еркін нысанда жазбаша хабардар етеді.

      13. Банкноттарды, монеталарды және құндылықтарды инкассациялауға лицензияны беруден бас тарту Рұқсаттар және хабарламалар туралы заңның 32-бабы 1-тармағының бірінші бөлігінде көзделген негіздер бойынша жүзеге асырылады.

      14. Банкноттарды, монеталарды және құндылықтарды инкассациялауға лицензияны қайта ресімдеу Рұқсаттар және хабарламалар туралы заңда белгіленген тәртіппен және негіздер бойынша жүзеге асырылады.

      Банкноттарды, монеталарды және құндылықтарды инкассациялауға лицензияны қайта ресімдеу кезінде заңды тұлға "электрондық үкіметтің" веб-порталы арқылы электрондық түрде Қағидаларға 7-қосымшаға сәйкес нысан бойынша банкноттарды, монеталарды және құндылықтарды инкассациялауға лицензияны қайта ресімдеу туралы өтініш береді.

      15. Банкноттарды, монеталарды және құндылықтарды инкассациялауға лицензияның қолданысын тоқтата тұру, банкноттарды, монеталарды және құндылықтарды инкассациялауға лицензиядан айыру Банктер және банк қызметі туралы заңның 48-бабы 1-тармағының 1), 4), 7) және 11) тармақшаларында, сондай-ақ Рұқсаттар және хабарламалар туралы заңның 45-бабының 1-1-тармағында көзделген негіздер бойынша жүзеге асырылады.

      Банкноттарды, монеталарды және құндылықтарды инкассациялауға лицензияның қолданысын тоқтата тұру, банкноттарды, монеталарды және құндылықтарды инкассациялауға лицензиядан айыру туралы Ұлттық Банк қабылдаған шешім жайында ақпарат Ұлттық Банктің ресми интернет-ресурсына орналастырылады.

      Банкноттарды, монеталарды және құндылықтарды инкассациялауға лицензияның қолданысы тоқтатыла тұрған заңды тұлға ай сайын, әр айдың онынан кешіктірмей (лицензияның қолданылуын тоқтата тұру немесе лицензияның қолданылуын қайта бастау мерзімі өткенге дейін) Ұлттық Банкке бұзушылықтарды жою үшін заңды тұлға жүргізген іс-шаралар туралы еркін нысанда жазбаша түрде хабарлайды.

      16. Ұлттық Банк банкноттарды, монеталарды және құндылықтарды инкассациялауға арналған лицензияның қолданысын тоқтата тұруды, банкноттарды, монеталарды және құндылықтарды инкассациялауға арналған лицензиядан айыруды Қағидаларға 8-қосымшаға сәйкес нысан бойынша банкноттарды, монеталарды және құндылықтарды инкассациялауға арналған лицензияның қолданысын тоқтата тұру туралы шешімнің, Қағидаларға 9-қосымшаға сәйкес нысан бойынша банкноттарды, монеталарды және құндылықтарды инкассациялауға арналған лицензиядан айыру туралы шешімнің негізінде жүзеге асырады.

      Банкноттарды, монеталарды және құндылықтарды инкассациялауға арналған лицензияның қолданысын тоқтата тұру туралы шешімнің, банкноттарды, монеталарды және құндылықтарды инкассациялауға арналған лицензиядан айыру туралы шешімнің көшірмелері дереу заңды тұлғаға жіберіледі. Заңды тұлға банкноттарды, монеталарды және құндылықтарды инкассациялауға лицензияның қолданысын тоқтата тұру туралы шешімнің көшірмесін алған кезден бастап және лицензияның қолданылуын тоқтата тұру мерзімі өткенге дейін заңды тұлғаның, оның ішінде барлық филиалдардың қызметін тоқтата тұрады.

      Ұлттық Банк банкноттарды, монеталарды және құндылықтарды инкассациялауға арналған лицензияның қолданысын қайта жаңартуды Рұқсаттар мен хабарламалар туралы заңның 45-бабында көзделген тәртіппен Қағидаларға 10-қосымшаға сәйкес нысан бойынша банкноттарды, монеталарды және құндылықтарды инкассациялауға арналған лицензияның қолданысын қайта бастау туралы шешім негізінде жүзеге асырады.

      Банкноттарды, монеталарды және құндылықтарды инкассациялауға арналған лицензияның қолданысын тоқтата тұру, қайта бастау, банкноттарды, монеталарды және құндылықтарды инкассациялауға арналған лицензиядан айыру туралы шешімдерді құзыретіне Ұлттық Банктің заңды тұлғалардың қызметін бақылау және қадағалау мәселелері жөніндегі қызметіне жалпы басшылық жасау және үйлестіру кіретін Ұлттық Банк Төрағасының орынбасары қабылдайды.

      17. Банкноттарды, монеталарды және құндылықтарды инкассациялауға лицензия Рұқсаттар және хабарламалар туралы заңның 35-бабының 1-тармағында көзделген негіздер бойынша қолданысын тоқтатады.

      18. Заңды тұлға банкноттарды, монеталарды және құндылықтарды инкассациялау жөніндегі қызметті жүзеге асыруды тоқтатуға шешім қабылдаған жағдайда, заңды тұлға шешім қабылдаған күннен бастап он жұмыс күні ішінде қабылдаған шешімі туралы Ұлттық Банкке жазбаша түрде еркін нысанда не тиісті шешімнің көшірмесін қоса бере отырып, "электрондық үкіметтің" веб-порталы арқылы хабарлайды.

3-тарау. "Банкноттарды, монеталарды және құндылықтарды инкассациялау айрықша қызметі болып табылатын заңды тұлғаларға лицензия беру" мемлекеттік көрсетілетін қызметін (бұдан әрі – мемлекеттік көрсетілетін қызмет) көрсету тәртібі

      19. Қызмет көрсету процесінің сипаты, нысаны, мазмұны мен нәтижесі қамтылатын мемлекеттік қызмет көрсетуге қойылатын негізгі талаптардың тізбесі, сондай-ақ мемлекеттік көрсетілетін қызметтің ерекшеліктері ескерілген өзге мәліметтер Қағидаларға 11-қосымшада белгіленген.

      Ұлттық Банк Қағидаларға енгізілген өзгерістер және (немесе) толықтырулар туралы ақпаратты "электрондық үкіметтің" ақпараттық-коммуникациялық инфрақұрылымының операторына және Бірыңғай байланыс орталығына Қағидаларға көрсетілген өзгерістер және (немесе) толықтырулар енгізу туралы нормативтік құқықтық акті ресми жарияланған күннен кейін бес жұмыс күні ішінде жібереді.

      20. Ұлттық Банктің хат-хабарды қабылдауға және тіркеуге уәкілетті қызметкері лицензия беру туралы өтініш келіп түскен күні оны қабылдайды, тіркейді және мемлекеттік көрсетілетін қызметті көрсетуге жауапты бөлімшеге (бұдан әрі – жауапты бөлімше) орындауға жібереді. Лицензия беру туралы өтініш жұмыс уақыты аяқталғаннан кейін, демалыс және мереке күндері түскен кезде Қазақстан Республикасының Еңбек кодексіне сәйкес өтініштерді қабылдау келесі жұмыс күні жүзеге асырылады.

      Өтініш беруші лицензия беру туралы өтінішті "электрондық үкіметтің" веб-порталы арқылы жіберген кезде жеке кабинетте нәтижесін алу күні мен уақыты көрсетіле отырып сұратудың мемлекеттік қызмет көрсетуге қабылданғаны туралы мәртебесі автоматты түрде көрсетіледі.

      21. Жауапты бөлімшенің қызметкері лицензия беру туралы өтініш тіркелген күннен бастап екі жұмыс күні ішінде ұсынылған құжаттардың толықтығын тексереді.

      Ұсынылған құжаттардың толық болмау фактісі анықталған жағдайда жауапты бөлімше осы тармақтың бірінші бөлігінде көрсетілген мерзімде көрсетілетін қызметті алушының "жеке кабинетіне" портал арқылы өтінішті одан әрі қараудан дәлелді бас тартуды дайындайды және жібереді.

      22. Ұсынылған құжаттардың толық болу фактісі белгіленген жағдайда, жауапты бөлімше лицензия беру туралы өтініш тіркелген күннен бастап он жеті жұмыс күні ішінде құжаттардың Қазақстан Республикасы заңнамасының талаптарына сәйкестігі тұрғысынан тексереді, банкноттарды, монеталарды және құндылықтарды инкассациялауға лицензияның не дәлелді бас тартудың жобасын дайындайды.

      Ұлттық Банктің басшылығы үш жұмыс күні ішінде банкноттарды, монеталарды және құндылықтарды инкассациялауға лицензияны не мемлекеттік қызмет көрсетуден дәлелді бас тартуды келіседі және қол қояды.

      Ұлттық Банктің басшылығы банкноттарды, монеталарды және құндылықтарды инкассациялауға лицензияны не мемлекеттік қызмет көрсетуден дәлелді бас тартуды келіскеннен кейін және қол қойған соң жауапты бөлімшенің қызметкері шешім қабылданған күні өтініш берушіге көрсетілген мемлекеттік қызмет нәтижесін жібереді.

      "Электрондық үкіметтің" веб-порталында көрсетілген мемлекеттік қызмет нәтижесі өтініш берушіге уәкілетті тұлғаның электрондық цифрлық қолтаңбасымен куәландырылған электрондық құжат нысанында жеке кабинетіне жіберіледі.

      23. Мемлекеттік қызметті көрсетуден бас тарту үшін негіздер анықталған кезде жауапты бөлімше көрсетілетін қызметті алушыны мемлекеттік қызметті көрсетуден бас тарту туралы алдын ала шешім туралы, сондай-ақ өтініш берушіге алдын ала шешім бойынша ұстанымын білдіруге мүмкіндік беру үшін тыңдауды өткізу уақыты мен орны (тәсілі) туралы хабардар етеді.

      Тыңдау туралы хабарлама мемлекеттік қызмет көрсету мерзімі аяқталғанға дейін кемінде үш жұмыс күні бұрын жіберіледі. Тыңдау хабарлама берілген күннен бастап екі жұмыс күнінен кешіктірілмей жүргізіледі.

      Көрсетілетін қызметті алушы ұсынған құжаттарды қарау, тыңдау нәтижелері бойынша жауапты бөлімше банкноттарды, монеталарды және құндылықтарды инкассациялауға арналған лицензияның жобасын не мемлекеттік қызмет көрсету туралы дәлелді бас тартуды дайындайды.

      24. Мемлекеттік қызмет көрсету кезеңі туралы ақпарат мемлекеттік қызмет көрсету мониторингінің ақпараттық жүйесінде автоматты режимде жаңартылады.

4-тарау. Ұлттық Банктің және (немесе) оның лауазымды тұлғаларының мемлекеттік қызмет көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

      25. Ұлттық Банктің және (немесе) оның лауазымды тұлғаларының мемлекеттік қызмет көрсету мәселелері бойынша шешімдеріне, әрекеттеріне (әрекетсіздігіне) шағымдану Ұлттық Банк басшысының атына жазбаша түрде жүргізіледі.

      Көрсетілетін қызметті беруші, шешіміне, әрекетіне (әрекетсіздігіне) шағым жасалып отырған лауазымды адам шағым келіп түскен күннен бастап үш жұмыс күнінен кешіктірмей оны және әкімшілік істі жоғары тұрған әкімшілік органға, лауазымды тұлғаға (бұдан әрі – шағымды қарайтын орган) жібереді.

      Бұл ретте көрсетілетін қызметті беруші, шешіміне, әрекетіне (әрекетсіздігіне) шағым жасалып отырған лауазымды адам егер ол үш жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылдаса, шағымды қарайтын органға шағым жібермеуге құқылы.

      26. Көрсетілетін қызметті берушінің атына келіп түскен көрсетілетін қызметті алушының шағымы Мемлекеттік көрсетілетін қызметтер туралы заңның 25-бабының 2-тармағына сәйкес ол тіркелген күннен бастап бес жұмыс күні ішінде қаралуға тиіс.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы Мемлекеттік көрсетілетін қызметтер туралы заңның 25-бабының 2-тармағына сәйкес ол тіркелген күннен бастап он бес жұмыс күні ішінде қаралуға тиіс.

      27. Егер заңда өзгеше көзделмесе, сотқа дейінгі тәртіппен шағым жасалғаннан кейін көрсетілетін қызметті алушының сотқа жүгінуіне жол беріледі.

      Қазақстан Республикасының
Ұлттық Банкіне

      кімнен ________________________

      (заңды тұлғаның атауы)

Банкноттарды, монеталарды және құндылықтарды инкассациялауға лицензия беру туралы өтініш

      Банкноттарды, монеталарды және құндылықтарды инкассациялауға лицензия беруді сұраймын. Заңды тұлға туралы мәліметтер:

      1. Толық атауы: __________________________________________________

      2. Бизнес-сәйкестендіру нөмірі _____________________________________

      3. Меншік нысаны: _______________________________________________

      4. Орналасқан жері және нақты мекенжайы: __________________________

      (индекс, облыс, қала, аудан, елдімекен, көше,

      ________________________________________________________________
үйдің және (немесе) офистің нөмірі, телефон нөмірі, факс нөмірі,

      ________________________________________________________________

      электрондық пошта мекенжайы, интернет-ресурс)

      Жіберілетін құжаттардың тізбесі, олардың әрқайсысы бойынша дана және

      парақ саны:

      1. ____________________________________________________________

      2. ____________________________________________________________

      3. ____________________________________________________________

      Заңды тұлға банкноттарды, монеталарды және құндылықтарды қайта есептеу, сұрыптау, буып-түю, сақтау, сондай-ақ оларды банктерге және банктердің тапсырмасы бойынша олардың клиенттеріне беру жөніндегі қызметті жүзеге асырғанын растайды/растамайды.

      Заңды тұлға осы өтінішке қоса берілетін құжаттардың (ақпараттың) дәйектілігін, сондай-ақ өтініштің қаралуына байланысты сұратылатын қосымша ақпарат пен құжаттардың Қазақстан Республикасының Ұлттық Банкіне уақтылы ұсынылғанын растайды.

      Заңды тұлға ақпараттық жүйелердегі заңмен қорғалатын құпияны құрайтын мәліметтерді пайдалануға келісім береді.

      Заңды тұлғаның атқарушы органы басшысының не өтініш беруге уәкілетті адамның тегі, аты, әкесінің аты (ол бар болса) (растайтын құжаттар қоса беріледі):

      ________________________________________________________________

      ____________________________________________ ______________
(электрондық цифрлық қолтаңба) (күні)

Құрылтайшылар (қатысушылар) туралы мәліметтер ________________________________________________ (заңды тұлғаның атауы) 20 ___ жылғы "___" _____________________

      1. Жеке тұлғалар

      2. Заңды тұлғалар:

      Осымен заңды тұлғаның құрылтайшылары (қатысушылары) айрықша қызметі банкноттарды, монеталарды және құндылықтарды инкассациялау болып табылатын заңды тұлғаларға лицензия беру қағидаларының 2-тармағы 2) және 3) тармақшаларының талаптарына сәйкес келетіні расталады.

      Басшы ______________ _________________________

      (қолы) (тегі, аты, әкесінің аты (бар болса)

Атқарушы органның басшысы туралы мәліметтер ___________________________________________________ (заңды тұлғаның атауы) 20 ___ жылғы "___" _____________________

      1. Жалпы мәліметтер: 

      2. Атқарушы орган басшысының білімі: 

      3. Атқарушы орган басшысының еңбек қызметі туралы мәліметтер.

      Бұл тармақта бүкіл еңбек қызметi (сонымен бірге басқару органындағы мүшелігі), оның iшiнде лауазымын көрсете отырып, жоғарғы оқу орнын аяқтаған кезден, сондай-ақ еңбек қызметін жүзеге асырмаған кезеңнен бастап еңбек қызметi туралы мәліметтер көрсетіледі.

      4. Қаржы ұйымының басшысы ретінде қаржы ұйымы қызметінің мәселелері бойынша сотта істі қарау кезінде жауап беруші ретінде тартылды ма:

      ____________________________________________________________________

      (иә (жоқ),

      ____________________________________________________________________

      күні, ұйымның атауы, сотта істі қарау кезінде жауап беруші,

      ____________________________________________________________________

      қарастырылатын мәселе және заңды күшіне енген

      ____________________________________________________________________

      соттың шешімі (ол шығарылған жағдайда) көрсетілсін)

      5. Атқарушы органның басшысы сыбайлас жемқорлық қылмыс немесе әкімшілік сыбайлас жемқорлық құқық бұзушылық жасағаны үшін қылмыстық немесе әкімшілік жауаптылыққа тартылды ма:

      ____________________________________________________________________

      (иә (жоқ), жауапкершілікке тарту негіздерін көрсете отырып,

      ____________________________________________________________________

      құқық бұзушылықтың, қылмыстың қысқаша сипаты,

      ____________________________________________________________________

      шешімнің деректемелері немесе сот қаулысы)

      6. Атқарушы органның басшысы әкімшілік жаза қолдану туралы қаулы заңды күшіне енген күннен бастап бір жыл өтпеген мерзімде Қазақстан Республикасының Әкімшілік құқық бұзушылық туралы кодексінің 436, 443, 453, 462, 463, 464, 469, 470, 476, 477, 478, 479, 481, 482, 483, 484, 485, 486, 487, 488, 489, 490, 494, 495, 496, 504, 506, 653, 654, 658, 659, 665, 667, 669, 670 және 673-баптарында көзделген әкімшілік құқық бұзушылықтарды жасағаны үшін әкімшілік жауаптылыққа тартылды ма:

      ____________________________________________________________________

      (иә (жоқ), құқық бұзушылықтың қысқаша сипаты

      ____________________________________________________________________

      сот және уәкілетті лауазымды тұлға қаулысының деректемелері

      7. Атқарушы органның басшысы Қазақстан Республикасы Қылмыстық кодексінің Ерекше бөлігі бабының тиісті бөлігінде көзделген бас бостандығынан айыру түріндегі жазаның төменгі шегінің мерзімі аяқталғанға дейін Қазақстан Республикасы Қылмыстық-процестік кодексінің 35-бабы бірінші бөлігінің 3), 4), 9), 10) және 12) тармақтарының немесе 36-бабының негізінде қылмыстық жауаптылықтан босатыла отырып, қылмыстық жауаптылыққа тартылды ма:

      ____________________________________________________________________

      (иә (жоқ), құқық бұзушылықтың, қылмыстың қысқаша сипаты

      ____________________________________________________________________

      жауапкершілікке тарту негіздерін көрсете отырып,

      ____________________________________________________________________

      сот шешімінің деректемелері)

      8. Атқарушы органның басшысы кемінде үш жыл бұрын теріс себептер бойынша қаржы ұйымдарынан, мемлекеттік органдардан, соттардан, әскери қызметтен

      босатылды ма: ________

      ____________________________________________________________________

      (иә (жоқ), еңбек шартын бұзу немесе жұмыстан босату негіздерінің қысқаша сипаттамасы)

      Осы ақпаратты тексергенімді және оның дәйекті және толық болып табылатындығын растаймын.

      Мемлекеттік қызметті көрсетуге қажетті дербес деректерді жинауға және өңдеуге және Қазақстан Республикасының заңдарымен қорғалатын құпияны құрайтын, ақпараттық жүйелердегі мәліметтерді пайдалануға келісім беремін.

      Тегі, аты, әкесінің аты (ол бар болса):

      ____________________________________________________________________

      (өз қолымен баспа әріптерімен толтырылады)

      Қолы ____________________ Күні _____________________

Қызметкер туралы мәліметтер __________________________________________________ (заңды тұлғаның атауы) 20 ___ жылғы "___" _____________________

      Осы ақпаратты тексергенімді және оның дәйекті және толық болып табылатындығын растаймын.

      Мемлекеттік қызметті көрсетуге қажетті дербес деректерді жинауға және өңдеуге және Қазақстан Республикасының заңдарымен қорғалатын құпияны құрайтын, ақпараттық жүйелердегі мәліметтерді пайдалануға келісім беремін.

      Тегі, аты, әкесінің аты (ол бар болса):

      ______________________________________________________________

      (өз қолымен баспа әріптерімен толтырылады)

      Қолы ____________________ Күні _____________________

Қарап тексеру актісі

      _____________________________ _______________________________

      (Ұлттық Банк бөлімшесінің атауы) (заңды тұлғаның атауы)

      _________________ мекенжайында орналасқан үй-жайларының Қазақстан (мекенжайын көрсету)

      Республикасының мынадай нормативтік құқықтық актілерінің ____________

      __________________________________________________________________

      (нормативтік құқықтық актілердің атаулары)

      талаптарына сәйкестігі тұрғысынан тексеру жүргізді.

      ________________________ мекенжай бойынша орналасқан ____________

      үй-жай Қазақстан Республикасының жоғарыда көрсетілген нормативтік

      құқықтық актілерінің талаптарына сәйкес келеді/сәйкес келмейді.

      Үй-жайдың/үй-жайлардың Қазақстан Республикасының жоғарыда

      көрсетілген нормативтік құқықтық актілерінің талаптарына сәйкес келмеуі

      мынадай түрде көрсетіледі:

      1) ________________;

      2) ________________;

      3) ________________.

      Ұлттық Банк бөлімшесінің басшысы __________ ________________________

      (қолы) (тегі, аты және әкесінің аты (бар болса)

      Мөрдің орны

Қазақстан Республикасының Елтаңбасы "Қазақстан Республикасының Ұлттық Банкі" республикалық мемлекеттік мекемесі Банкноттарды, монеталарды және құндылықтарды инкассациялауға лицензия

      Лицензияның нөмірі __________________

      Берілген күні: ____ жылғы "___" _______

      ___________________________________________________________________

      Осы лицензия _______________________________________________________

      (заңды тұлғаның атауы

      ___________________________________________________________________

      және бизнес сәйкестендіру нөмірі)

      _____________________________________________________________ берілді

      және банкноттарды, монеталарды және құндылықтарды инкассациялауға құқық береді.

      Төраға (Төрағаның орынбасары)__________________________ _______________

      (электрондық цифрлық қолтаңба) (тегі және инициалдары)

      Берілген жері ___________

      Қазақстан Республикасының Ұлттық Банкіне

      кімнен ____________________________

      (заңды тұлғаның атауы)

Банкноттарды, монеталарды және құндылықтарды инкассациялауға лицензияны қайта ресімдеу туралы өтініш

      _______________________________________________________________

      (лицензияны қайта ресімдеу себебі көрсетілсін)

      байланысты ____ жылғы ______________ берілген нөмірі ________________

      (берілген күні көрсетілсін)

      банкноттарды, монеталарды және құндылықтарды инкассациялауға лицензияны

      қайта ресімдеуіңізді сұраймын.

      Заңды тұлға туралы мәліметтер:

      1. Толық атауы: __________________________________________________

      2. Бизнес сәйкестендіру нөмірі _____________________________________

      3. Меншік нысаны: _______________________________________________

      4. Орналасқан жері және нақты мекенжайы: _________________________

      (индекс, облыс, аудан,

      ________________________________________________________________

      елдімекен, көше, үйдің және (немесе) офистің нөмірі, телефон нөмірі,

      ________________________________________________________________

      факс нөмірі, электрондық пошта мекенжайы, интернет-ресурс)

      Өтінішке қоса берілетін құжаттар:

      1. _____________________________________________________________

      2. _____________________________________________________________

      3. _____________________________________________________________

      Заңды тұлға осы өтінішке қоса берілетін құжаттардың (ақпараттың) дәйектілігін, сондай-ақ өтініштің қаралуына байланысты сұратылатын қосымша ақпарат пен құжаттардың Қазақстан Республикасының Ұлттық Банкіне уақтылы ұсынылғанын растайды.

      Заңды тұлға ақпараттық жүйелердегі Қазақстан Республикасының заңдарымен қорғалатын құпияны құрайтын мәліметтерді пайдалануға келісім береді.

      Заңды тұлғаның атқарушы органы басшысының не өтініш беруге уәкілетті адамның тегі, аты, әкесінің аты (ол бар болса) (растайтын құжаттар қоса беріледі)

      _______________________________________________________________

      ___________________________________________ ______________

      (электрондық цифрлық қолтаңба) (күні)

Банкноттарды, монеталарды және құндылықтарды инкассациялауға лицензияның қолданысын тоқтату туралы шешім

      _________________ ________________

      (қала) (күні)

      Қазақстан Республикасының Ұлттық Банкі __________________________

      _______________________________________________________________

      _______________________________________________________________

      ____________________________________ көзделген талаптарды бұзғаны үшін,

      (талаптары бұзылған нормативтік құқықтық актілердің нормаларын көрсету)

      "Қазақстан Республикасындағы банктер және банк қызметі туралы" Қазақстан

      Республикасы Заңының 48-бабын басшылыққа ала отырып, ШЕШТІ:

      1. Бизнес сәйкестендіру нөмірі: ____________________________________

      "________________" жауапкершілігі шектеулі серіктестігіне (бұдан әрі – ЖШС)

      берілген банкноттарды, монеталарды және құндылықтарды инкассациялауға

      арналған ________________ № _______ лицензияның қолданысы __________

      мерзімге тоқтатыла тұрсын.

      2. ___________________________ департаменті (департамент

      басшысының тегі, аты, әкесінің аты (бар болса) осы шешімнің көшірмесін ЖШС

      өкіліне орындау үшін жіберсін (берсін).

      3. Осы шешімнің орындалуын өзім бақылаймын.

      Қазақстан Республикасы

      Ұлттық Банкі

      Төрағасының орынбасары _________ ___________ ___________________

      (қолы) (тегі, аты, әкесінің аты (бар болса)

      Мөрдің орны

Банкноттарды, монеталарды және құндылықтарды инкассациялауға лицензиядан айыру туралы шешім

      _________________ ________________

      (қала) (күні)

      Қазақстан Республикасының Ұлттық Банкі __________________________

      ___________________________________________________________________

      ___________________________________________________________________

      __________________________________ көзделген талаптарды бұзғаны үшін,

      (талаптары бұзылған нормативтік құқықтық актілердің нормаларын көрсету)

      "Қазақстан Республикасындағы банктер және банк қызметі туралы" Қазақстан

      Республикасы Заңының 48-бабын басшылыққа ала отырып, ШЕШТІ:

      1. Бизнес сәйкестендіру нөмірі: _______________________________ "________________" жауапкершілігі шектеулі серіктестігін (бұдан әрі – ЖШС) банкноттарды, монеталарды және құндылықтарды инкассациялауға арналған ________________ № _______ лицензиядан айырсын.

      2. ___________________________ департаменті (департамент басшысының тегі, аты,

      әкесінің аты (бар болса) осы шешімнің көшірмесін ЖШС өкіліне орындау үшін

      жіберсін (берсін).

      3. Осы шешімнің орындалуын өзім бақылаймын.

      Қазақстан Республикасы

      Ұлттық Банкі

      Төрағасының орынбасары __________ ___________________________

      (қолы) (тегі, аты, әкесінің аты (бар болса)

      Мөрдің орны

Банкноттарды, монеталарды және құндылықтарды инкассациялауға лицензияның қолданысын қайта бастау туралы шешім

      _________________ ________________
(қала) (күні)

      Қазақстан Республикасының Ұлттық Банкі "Рұқсаттар және хабарламалар туралы"

      Қазақстан Республикасы Заңының 45-бабының 3-тармағын басшылыққа ала отырып, ШЕШТІ:

      1. Бизнес сәйкестендіру нөмірі: _______________________________ "________________" жауапкершілігі шектеулі серіктестігіне (бұдан әрі – ЖШС) берілген

      банкноттарды, монеталарды және құндылықтарды инкассациялауға арналған

      _____________ № _______ лицензияның қолданысы __________ қайта басталсын.

      2. ___________________________ департаменті (департамент басшысының тегі, аты,

      әкесінің аты (бар болса) осы шешімнің көшірмесін ЖШС өкіліне орындау үшін жіберсін (берсін).

      3. Осы шешімнің орындалуын өзім бақылаймын.

      Қазақстан Республикасы

      Ұлттық Банкі

      Төрағасының орынбасары __________ ___________ ___________________

      (қолы) (тегі, аты, әкесінің аты (бар болса)

      Мөрдің орны

"Банкноттарды, монеталарды және құндылықтарды инкассациялау айрықша қызметі болып табылатын заңды тұлғаларға лицензия беру" мемлекеттік қызмет көрсетуге қойылатын негізгі талаптардың тізбесі

Күші жойылды деп танылған Қазақстан Республикасы Ұлттық Банкі Басқармасы қаулыларының, сондай-ақ Қазақстан Республикасы Ұлттық Банкі Басқармасының қаулысы құрылымдық элементінің тізбесі

      1. "Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидаларын бекіту туралы" Қазақстан Республикасы Ұлттық Банкі Басқармасының 2015 жылғы 25 ақпандағы № 22 қаулысы (Нормативтік құқықтық актілерді мемлекеттік тіркеу тізілімінде № 11772 болып тіркелген, 2015 жылғы 17 тамызда "Әділет" ақпараттық-құқықтық жүйесінде жарияланған);

      2. "Банк операцияларының жекелеген түрлерін жүзеге асыратын ұйымдарға банкноттарды, монеталарды және құндылықтарды инкассациялауға лицензия беру қағидаларын бекіту туралы" Қазақстан Республикасы Ұлттық Банкі Басқармасының 2015 жылғы 25 ақпандағы № 22 қаулысына өзгерістер енгізу туралы" Қазақстан Республикасы Ұлттық Банкі Басқармасының 2018 жылғы 27 қыркүйектегі № 231 қаулысы (Нормативтік құқықтық актілерді мемлекеттік тіркеу тізілімінде № 17767 болып тіркелген, 2018 жылғы 30 қарашада Қазақстан Республикасы нормативтік құқықтық актілерінің эталондық бақылау банкінде жарияланған);

      3. "Қазақстан Республикасы Ұлттық Банкінің кейбір қаулыларына қолма-қол ақша айналысы мәселелері бойынша өзгерістер енгізу туралы" Қазақстан Республикасы Ұлттық Банкі Басқармасының 2018 жылғы 29 қазандағы № 265 қаулысымен (Нормативтік құқықтық актілерді мемлекеттік тіркеу тізілімінде № 18173 болып тіркелген, 2019 жылғы 23 қаңтарда Қазақстан Республикасы нормативтік құқықтық актілерінің эталондық бақылау банкінде жарияланған) бекітілген Қазақстан Республикасы Ұлттық Банкі Басқармасының қолма-қол ақша айналысы мәселелері бойынша өзгерістер енгізілетін кейбір қаулыларының тізбесінің 4-тармағы.