Ескерту. Күші жойылды - ҚР Үкіметінің 20.08.2015 № 648 қаулысымен (алғашқы ресми жарияланған күнінен бастап  қолданысқа енгізіледі).

      РҚАО-ның ескертпесі.
      ҚР мемлекеттік басқару деңгейлері арасындағы өкілеттіктердің аражігін ажырату мәселелері бойынша 2014 жылғы 29 қыркүйектегі № 239-V ҚРЗ Заңына сәйкес ҚР Ауыл шаруашылығы министрінің м.а. 2015 жылғы 27 ақпандағы № 9-2/175 бұйрығын қараңыз.

      "Өсiмдiк шаруашылығындағы мiндеттi сақтандыру туралы" Қазақстан Республикасының 2004 жылғы 10 наурыздағы Заңына сәйкес Қазақстан Республикасының Үкiметi ҚАУЛЫ ЕТЕДI:
      1. Қоса берiлiп отырған:
      1) Ауданның (облыстық маңызы бар қаланың) жергiлiктi атқарушы органының қолайсыз табиғат құбылысының әсерiне ұшыраған егiстiк алқаптар көлемiн айқындау үшiн комиссия құру және оның жұмысын ұйымдастыру ережесi;
      2) қолайсыз табиғат құбылысы фактiсi бойынша зерттеу актiсiнiң нысаны бекiтiлсiн.
      2. Осы қаулы алғаш рет ресми жарияланған күнiнен бастап он күнтiзбелiк күн өткен соң қолданысқа енгiзiледi.

      Қазақстан Республикасының
      Премьер-Министрі

Қазақстан Республикасы
Үкiметiнiң     
2006 жылғы 20 қазандағы
N 1010 қаулысымен
бекiтiлген    

Ауданның (облыстық маңызы бар қаланың) жергiлiктi атқарушы
органының қолайсыз табиғат құбылысының әсерiне ұшыраған
егiстiк алқаптар көлемiн айқындау үшiн комиссия құру және
оның жұмысын ұйымдастыру ережесi 1. Жалпы ережелер

      1. Осы Ауданның (облыстық маңызы бар қаланың) жергiлiктi атқарушы органының қолайсыз табиғат құбылысының әсерiне ұшыраған егiстiк алқаптар көлемiн айқындау үшiн комиссия құру және оның жұмысын ұйымдастыру ережесi (бұдан әрi - Ереже) "Өсiмдiк шаруашылығындағы мiндеттi сақтандыру туралы" Қазақстан Республикасының 2004 жылғы 10 наурыздағы Заңына (бұдан әрi - Заң) сәйкес әзiрлендi және ауданның (облыстық маңызы бар қаланың) жергiлiктi атқарушы органының қолайсыз табиғат құбылысының әсерiне ұшыраған егiстiк алқаптар көлемiн айқындау үшiн комиссия (бұдан әрi  - Комиссия) құру және оның жұмысын ұйымдастыру тәртiбiн айқындайды.
      2. Осы Ережеде пайдаланылатын негiзгi ұғымдар мен терминдер:
      агент - жалғыз акционері мемлекет болып табылатын, агроөнеркәсіптік кешен саласындағы ұлттық холдингтің құрамына кіретін, Қазақстан Республикасы Үкіметінің шешімі бойынша құрылған акционерлік қоғам;
      қолайсыз табиғат құбылысының фактісі бойынша зерттеу актісі (бұдан әрі - зерттеу актісі) — Қазақстан Республикасының Үкіметі белгілеген нысан бойынша «Өсімдік шаруашылығындағы міндетті сақтандыру туралы» Қазақстан Республикасының 2004 жылғы 10 наурыздағы Заңында талаптар көзделген, егістің ішінара немесе толық жойылуы мен қолайсыз табиғат құбылыстарының әсері арасындағы себеп-салдарлық байланысты растайтын құжат;
      өсiмдiк шаруашылығы саласындағы уәкiлеттi мемлекеттiк орган - өсiмдiк шаруашылығын дамыту саласында мемлекеттiк реттеудi жүзеге асыратын, Қазақстан Республикасының Үкiметi айқындайтын мемлекеттiк орган;
      сақтандырушы - Қазақстан Республикасының заңнамасында белгiленген тәртiппен өсiмдiк шаруашылығындағы мiндеттi сақтандыруды жүзеге асыру құқығына лицензия алған, сақтандыру жағдайы басталған кезде сақтанушыға немесе оның пайдасына шартта белгiленген сома (сақтандыру сомасы) шегiнде шарт жасалған өзге тұлғаға (пайда алушыға) сақтандыру төлемiн жасауға мiндеттi заңды тұлға;
      сақтанушы - өсiмдiк шаруашылығы өнiмiн өндiру жөнiндегi қызметтi жүзеге асыратын және сақтандырушымен немесе өзара сақтандыру қоғамымен мiндеттi сақтандыру шартын жасасқан тұлға;
      өсімдік шаруашылығындағы өзара сақтандыру қоғамы - өсімдік шаруашылығындағы міндетті сақтандыру саласында өз мүшелерінің мүліктік мүдделерін өзара сақтандыруды жүзеге асыру мақсатында тұтыну кооперативінің ұйымдық-құқықтық нысанында құрылған заңды тұлға.
      Ескерту. 2-тармаққа өзгерту енгізілді - ҚР Үкіметінің 2010.05.17 № 425 Қаулысымен.

2. Қолайсыз табиғат құбылысының әсерiне ұшыраған егiстiк
алқаптардың көлемiн айқындау үшiн комиссия құру және оның
жұмысын ұйымдастыру тәртiбi

      3. Сақтанушыдан комиссия құру туралы өтiнiш алған кезде ауданның (облыстық маңызы бар қаланың) жергiлiктi атқарушы органы өтiнiштi комиссия құру туралы өтiнiштердi тiркеу журналына тiркейдi. Өтiнiштiң көшiрмесi қабылданған күнi мен кiрiс нөмiрi белгiсiмен сақтанушыға қайтарылады.
      4. Сақтанушыдан өтiнiш алынған күннен бастап бес жұмыс күнi iшiнде ауданның (облыстық маңызы бар қаланың) жергiлiктi атқарушы органының шешiмiмен қолайсыз табиғат құбылысының әсерiне ұшыраған егiстiк алқаптардың көлемiн айқындау үшiн комиссия құрылады.
      5. Комиссияның құрамы, оның төрағасы және хатшысы ауданның (облыстық маңызы бар қаланың) жергiлiктi атқарушы органының шешiмiмен белгiленедi.
      Комиссияның құрамына жергілікті атқарушы органның, өсімдік шаруашылығы саласындағы уәкілетті мемлекеттік органның, агенттің, сақтанушының, сақтандырушының немесе өзара сақтандыру қоғамының өкілдері кіреді.
      Ескерту. 5-тармаққа өзгерту енгізілді - ҚР Үкіметінің 2010.05.17 № 425 Қаулысымен.
      6. Комиссия құру туралы шешiм қабылданғаннан кейiн ауданның (облыстық маңызы бар қаланың) жергiлiктi атқарушы органы өсiмдiк шаруашылығы саласындағы уәкiлеттi мемлекеттiк органға, агентке, сақтандырушы немесе өзара сақтандыру қоғамы мен сақтанушыға комиссияның жұмысын ұйымдастыру туралы жазбаша хабарлама жiбередi.
      Хабарламада сақтанушының мекен-жайы, оның өтiнiшiнiң тiркеу нөмiрi мен күнi, сақтанушының өтiнiшiнде көрсетiлген қолайсыз табиғат құбылысының түрi, аудан (облыстық маңызы бар қала) әкiмдiгi қаулысының нөмiрi мен күнi, сондай-ақ қолайсыз табиғат құбылысының әсерiне ұшыраған егiстiк алқаптарды қарауды жүргiзу күнi, мерзiмi және орны көрсетiледi.
      Комиссияның зерттеу үшiн шығу мерзiмi комиссия құру туралы шешiм қабылданған күннен бастап екi күнтiзбелiк күннен кешiктiрiлмей белгiленедi. Сақтанушыны қоспағанда, комиссия мүшелерiнiң қандай да бiрi оларды тиiстi түрде хабардар еткенде болмаған кезде комиссия зерттеудi жүргiзедi және комиссия хатшысы комиссия мүшесiнiң болмауы фактiсiн зерттеу актiсiнде белгiлейдi.
      Ескерту. 6-тармаққа өзгерту енгізілді - ҚР Үкіметінің 2010.05.17 № 425 Қаулысымен.
      7. Қолайсыз табиғат құбылысының әсерiне ұшыраған егiстiк алқаптарды зерттейтiн жерге келгеннен кейiн комиссия төрағасы комиссия мүшелерiне сақтанушының комиссия құру туралы өтiнiшiн ұсынады.
      8. Қолайсыз табиғат құбылысының әсерiне ұшыраған егiстiк алқаптарды зерттеу кезiнде сақтанушы комиссияға:
      1) егiстiк жерлердiң картасын (схемасын);
      2) егiске ұзақ мерзiмдi қолайсыз табиғат құбылысының әсерi жағдайында өздерiнiң құзыретiне сәйкес оның болуы фактiсiн растайтын гидрометеорологиялық қызмет органының және (немесе) табиғи және техногендiк сипаттағы төтенше жағдайлар саласындағы уәкiлеттi мемлекеттiк органның анықтамасын;
      3) егiске қысқа мерзiмдi қолайсыз табиғат құбылысының әсерi жағдайында гидрометеорологиялық қызмет органына және (немесе) табиғи және техногендiк сипаттағы төтенше жағдайлар саласындағы уәкiлеттi мемлекеттiк органға өзiне болған қолайсыз табиғат құбылысының фактiсi бойынша қабылданған күнi туралы белгiсi бар анықтама беру туралы өтiнiштiң көшiрмесiн ұсынады.
      9. Комиссия сақтанушы мәлiмдеген егiстiк алқабын өсiмдiк шаруашылығы саласындағы уәкiлеттi мемлекеттiк орган бекiткен егiстiгi жойылған алқаптарды айқындау әдiстемесi бойынша зерттейдi және зерттеу нәтижелерi бойынша өсiмдiк шаруашылығы өнiмiнiң: толық немесе iшiнара жойылу дәрежесiн айқындайды.
      10. Комиссия зерттеу нәтижелерi бойынша зерттеу күнi қолайсыз табиғат құбылысының әрбiр фактiсi немесе олардың жиынтығы және өсiмдiк шаруашылығы өнiмiнiң түрi бойынша жеке, үш данада осы қаулымен бекiтiлген нысан бойынша қолайсыз табиғат құбылысының фактiсi жөнiнде зерттеу актiсiн жасайды.
      Зерттеу актiсiне комиссия мүшелерiнiң бәрi қол қояды, ол содан кейiн агенттiң, сақтандырушының немесе өзара сақтандыру қоғамының және сақтанушының өкiлдерiне берiледi.
      Ескерту. 10-тармаққа өзгерту енгізілді - ҚР Үкіметінің 2010.05.17 № 425 Қаулысымен.
      11. Өсiмдiк шаруашылығы саласындағы уәкiлеттi мемлекеттiк органның өкiлi - комиссия хатшысы зерттеу актiсiн жасауға жауапты болып табылады.
      12. Егер комиссия мүшелерiнiң бipeуi қабылданған шешiмге келiспеген және зерттеу актiсiне қол қоймаған жағдайда, ол комиссияға өзiнiң бас тарту себептерiн жазбаша нысанда ұсынады, олар зерттеу актiсiне қоса берiледi.
      Бұл ретте хатшы зерттеу актiсiнде зерттеу актiсiне қол қоюдан бас тарту туралы белгi қояды.
      12-1. Комиссия мүшелерінің үштен екі бөлігінің қолдары болған кезде зерттеу актісі қабылданған болып есептеледі.
      Ескерту. Ереже 12-1-тармақпен толықтырылды - ҚР Үкіметінің 2010.05.17 № 425 Қаулысымен.
      13. Сақтандырушы немесе өзара сақтандыру қоғамы зерттеу актiсiн сақтандыру төлемiнiң мөлшерiн есептеу кезiнде қолданады.
      Ескерту. 13-тармаққа өзгерту енгізілді - ҚР Үкіметінің 2010.05.17 № 425 Қаулысымен.

Қазақстан Республикасы
Үкiметiнiң     
2006 жылғы 20 қазандағы
N 1010 қаулысымен
бекiтiлген    

              Қолайсыз табиғат құбылысы фактісі
              бойынша зерттеу актісінің нысаны

      Ескерту. Нысанға өзгерту енгізілді - ҚР Үкіметінің 2010.05.17 № 425 Қаулысымен.

                                           200__жылғы "__"_________»

____________________ облысы
____________________ ауданы
_______________      ауылы (елді мекен)

(Жеке тұлғаның Т.А.Ә. немесе заңды тұлғаның толық атауы) өтініші
бойынша құрылған және ___________ ауданы (облыстық маңызы бар қала)
әкімдігінің 200___ жылғы»"__"________N__ қаулысының негізінде жұмыс
істейтін мынадай құрамдағы комиссия:

      1. Комиссияның төрағасы:
____________________________________________________________________
(ауданның (облыстық маңызы бар қаланың) жергілікті атқарушы орган
өкілінің Т.А.Ә.)

      2. Комиссияның хатшысы:
____________________________________________________________________
(өсімдік шаруашылығы саласындағы уәкілетті орган өкілінің аты-жөні)

      Комиссия мүшелері:
1. Алынып тасталды - ҚР Үкіметінің 2010.05.17 № 425 Қаулысымен.
2. _________________________________________________________________
                        (агент өкілінің Т.А.Ә.)
3. _________________________________________________________________
   (сақтандырушы немесе өзара сақтандыру қоғамы өкілінің Т.А.Ә.)
4. _________________________________________________________________
                      (сақтанушы өкілінің Т.А.Ә.)

______________________________ ___________ облысы __________________

ауданы __________ ауылдық округінде орналасқан_____________________
                                               (сақтанушының Т.А.Ә.)
егістік алқапты (өсімдік шаруашылығы өнімінің түрін көрсету)
зерттеуді жүргізді және мынаны анықтады:
Өсімдік шаруашылығындағы 200__жылдың "__"_________N_______ міндетті
сақтандыру шарты бойынша сақтандырылған егістік алқап ___________ га
құрайды ___________________________________
        (өсімдік шаруашылығы өнімінің түрі)
1 га. ___________ теңге нормативі бойынша сақтандырылды

        Тұжырымдар:

      Комиссия мүшелерінің қолтаңбалары:

      1. _______________________________
      2. _______________________________
      3. _______________________________
      4. _______________________________
      5. _______________________________
      6. Комиссия хатшысы ______________