Ескерту. Күші жойылды – ҚР Президентінің 03.04.2021 № 544 Жарлығымен.
Қазақстан Республикасының Президенті
мен Үкіметі актілерінің жинағында
жариялануға тиіс
"Қазақстан Республикасының Қауіпсіздік Кеңесі туралы" Қазақстан Республикасы Президентінің 1999 жылғы 20 қарашадағы № 88 Жарлығына сәйкес:
1. Қазақстан Республикасы Қауіпсіздік Кеңесінің мынадай:
1) сыртқы қауіпсіздік мәселелері жөніндегі;
2) әскери қауіпсіздік мәселелері жөніндегі;
РҚАО-ның ескертпесі!3) тармақша жаңа редакцияда көзделген - ҚР Президентінің 20.05.2015 № 3 өкімімен (құпия).
3) қоғамдық қауіпсіздік мәселелері жөніндегі;
4) саяси-қауіпсіздік мәселелері жөніндегі;
5) ақпараттық қауіпсіздік мәселелері жөніндегі;
6) экономикалық қауіпсіздік мәселелері жөніндегі;
7) экологиялық қауіпсіздік мәселелері жөніндегі ведомствоаралық комиссиялары құрылсын.
Ескерту. 1-тармаққа өзгеріс енгізілді - ҚР Президентінің 20.10.2017 № 568 Жарлығымен.2. Мыналар:
1) осы өкімге 1-7-қосымшаларға сәйкес Қазақстан Республикасы Қауіпсіздік Кеңесі ведомствоаралық комиссияларының лауазымдық құрамы;
2) осы өкімге 8-қосымшаға сәйкес Қазақстан Республикасы Қауіпсіздік Кеңесі ведомствоаралық комиссияларының үлгілік ережесі бекітілсін.
3. "Қазақстан Республикасы Қауіпсіздік Кеңесінің ведомствоаралық комиссиялары мен инспекциясының кейбір мәселелері туралы" Қазақстан Республикасы Президентінің 2009 жылғы 23 желтоқсандағы № 386 өкімінің 1 және 2-тармақтарының күші жойылды деп танылсын.
| Қазақстан Республикасының | |
| Президенті | Н.Назарбаев |
| Қазақстан Республикасы Президентінің 2013 жылғы 19 қарашадағы № 248 өкіміне 1-ҚОСЫМША |
Қазақстан Республикасы Қауіпсіздік Кеңесінің
сыртқы қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Құрамға өзгеріс енгізілді - ҚР Президентінің 17.09.2014 № 911 Жарлығымен.
Сыртқы істер министрі, комиссия төрағасы
Қауіпсіздік Кеңесі хатшысының орынбасары, комиссия төрағасының орынбасары
Ұлттық қауіпсіздік комитеті төрағасының орынбасары
Қорғаныс министрінің орынбасары
Ұлттық экономика вице-министрі
"Сырбар" Сыртқы барлау қызметі директорының орынбасары
Сыртқы істер министрлігінің қызметкері, комиссия хатшысы
| Қазақстан Республикасы Президентінің 2013 жылғы 19 қарашадағы № 248 өкіміне 2-ҚОСЫМША |
Қазақстан Республикасы Қауіпсіздік Кеңесінің
әскери қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Құрамға өзгерістер енгізілді - ҚР Президентінің 17.09.2014 № 911; 08.02.2016 N 191; 20.10.2017 № 568; 01.06.2019 № 57 Жарлықтарымен.
Қорғаныс министрі, комиссия төрағасы
Қауіпсіздік Кеңесі хатшысының орынбасары, комиссия төрағасының орынбасары
Қауіпсіздік Кеңесінің Әскери қауіпсіздік және қорғаныс бөлімінің меңгерушісі
Ұлттық қауіпсіздік комитеті төрағасының орынбасары - Шекара қызметінің директоры
Сыртқы істер министрінің орынбасары
Ішкі істер министрінің орынбасары
Индустрия жəне инфрақұрылымдық даму вице-министрі
Ақпарат және қоғамдық даму вице-министрі
Цифрлық даму, қорғаныс және аэроғарыш өнеркәсібі вице-министрі
Ұлттық экономика вице-министрі
Мемлекеттік күзет қызметі бастығының орынбасары
Ұлттық ұланның Бас қолбасшысы
Қорғаныс министрлігінің қызметкері, комиссия хатшысы
| Қазақстан Республикасы Президентінің 2013 жылғы 19 қарашадағы № 248 өкіміне 3-ҚОСЫМША |
РҚАО-ның ескертпесі!
3-қосымша жаңа редакцияда көзделген - ҚР Президентінің 20.05.2015 № 3 өкімімен (құпия).
Қазақстан Республикасы Қауіпсіздік Кеңесінің
қоғамдық қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Құрамға өзгерістер енгізілді - ҚР Президентінің 17.09.2014 № 911; 09.06.2016 N 275; 17.04.2019 № 26; 22.07.2019 № 74 Жарлықтарымен.
Ішкі істер министрі, комиссия төрағасы
Қауіпсіздік Кеңесінің Құқық қорғау жүйесі бөлімі меңгерушісінің орынбасары, комиссия төрағасының орынбасары
Бас прокурордың орынбасары
Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының орынбасары
Әділет вице-министрі
Ішкі істер министрлігінің қызметкері, комиссия хатшысы
| Қазақстан Республикасы Президентінің 2013 жылғы 19 қарашадағы № 248 өкіміне 4-ҚОСЫМША |
Қазақстан Республикасы Қауіпсіздік Кеңесінің
саяси қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Құрамға өзгерістер енгізілді - ҚР Президентінің 11.04.2014 N 795; 17.09.2014 № 911; 08.02.2016 N 191; 09.06.2016 N 275; 30.10.2018 № 782; 01.06.2019 № 57 Жарлықтарымен.
Ұлттық қауіпсіздік комитеті Төрағасы, комиссия төрағасы
Ақпарат және қоғамдық даму вице-министрі, комиссия төрағасының орынбасары
Қауіпсіздік Кеңесі хатшысының орынбасары, комиссия төрағасының орынбасары
Бас прокурордың орынбасары
Әділет вице-министрі
Ішкі істер министрінің орынбасары
Мәдениет және спорт вице-министрі
Ұлттық қауіпсіздік комитетінің қызметкері, комиссия хатшысы
| Қазақстан Республикасы Президентінің 2013 жылғы 19 қарашадағы № 248 өкіміне 5-ҚОСЫМША |
Қазақстан Республикасы Қауіпсіздік Кеңесінің
ақпараттық қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Тақырыпқа өзгеріс енгізілді - ҚР Президентінің 20.10.2017 № 568 Жарлығымен.
Ескерту. Құрамға өзгерістер енгізілді - ҚР Президентінің 11.04.2014 N 795; 17.09.2014 № 911; 09.06.2016 N 275; 20.10.2017 № 568; 01.06.2019 № 57; 28.10.2019 № 195 Жарлықтарымен.
Цифрлық даму, инновациялар және аэроғарыш өнеркәсібі министрі, комиссия төрағасы
Қауіпсіздік Кеңесі хатшысының орынбасары, комиссия төрағасының орынбасары
Цифрлық даму, инновациялар және аэроғарыш өнеркәсібі министрлігінің қызметкері, комиссия хатшысы
Бас прокурордың орынбасары
Ұлттық қауіпсіздік комитеті төрағасының орынбасары
| Қазақстан Республикасы Президентінің 2013 жылғы 19 қарашадағы № 248 өкіміне 6-ҚОСЫМША |
Қазақстан Республикасы Қауіпсіздік Кеңесінің
экономикалық қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Құрам жаңа редакцияда - ҚР Президентінің 17.09.2014 № 911 Жарлығымен; өзгерістер енгізілді - ҚР Президентінің 08.02.2016 N 191; 20.10.2017 № 568; 01.06.2019 № 57 Жарлықтарымен.
Ұлттық Банк Төрағасының орынбасары
Энергетика министрі, комиссия төрағасы,
Қауіпсіздік Кеңесі хатшысының орынбасары, комиссия төрағасының орынбасары,
Бас прокурордың орынбасары
Ауыл шаруашылығы вице-министрі
Индустрия және инфрақұрылымдық даму вице-министрі
Энергетика министрлігінің қызметкері, комиссия хатшысы
Қаржы вице-министрі
Қауіпсіздік Кеңесінің Қауіпсіздіктің жалпы мәселелері бөлімінің қызметкері
Ұлттық экономика министрлігінің қызметкері, комиссия хатшысы
| Қазақстан Республикасы Президентінің 2013 жылғы 19 қарашадағы № 248 өкіміне 7-ҚОСЫМША |
Қазақстан Республикасы Қауіпсіздік Кеңесінің
экологиялық қауіпсіздік мәселелері жөніндегі
ведомствоаралық комиссиясының
ЛАУАЗЫМДЫҚ ҚҰРАМЫ
Ескерту. Құрам жаңа редакцияда - ҚР Президентінің 17.09.2014 № 911 Жарлығымен; өзгерістер енгізілді - ҚР Президентінің 20.05.2015 № 3 өкімімен; ҚР Президентінің 14.03.2017 № 446; 01.06.2019 № 57 Жарлықтарымен.
Бас прокурордың бірінші орынбасары, комиссия төрағасы
Қауіпсіздік Кеңесі Ахуалдық орталығы меңгерушісінің орынбасары, комиссия төрағасының орынбасары
Энергетика вице-министрі, комиссия төрағасының орынбасары
Ауыл шаруашылығы вице-министрі
Ішкі істер министрінің орынбасары
Білім және ғылым вице-министрі
Денсаулық сақтау вице-министрі
Индустрия және инфрақұрылымдық даму вице-министрі
Бас прокуратураның қызметкері, комиссия хатшысы
| Қазақстан Республикасы Президентінің 2013 жылғы 19 қарашадағы № 248 өкіміне 8-ҚОСЫМША |
Қазақстан Республикасы Қауіпсіздік Кеңесінің
ведомствоаралық комиссиялары туралы
ҮЛГІЛІК ЕРЕЖЕ
1. Жалпы ережелер
1. Қазақстан Республикасы Қауіпсіздік Кеңесінің ведомствоаралық комиссиясы (бұдан әрі - ведомствоаралық комиссия) Қазақстан Республикасы Қауіпсіздік Кеңесінің (бұдан әрі - Қауіпсіздік Кеңесі) қызметін қамтамасыз ету мақсатында құрылатын консультативтік-кеңесші орган болып табылады.
2. Ведомствоаралық комиссия қызметінің құқықтық негізін Қазақстан Республикасының Конституциясы, заңдары, Қазақстан Республикасы Президентінің актілері, Қазақстан Республикасы Қауіпсіздік Кеңесі Төрағасының актілері, Қазақстан Республикасының халықаралық шарттары, сондай-ақ осы үлгілік ереже құрайды.
Ескерту. 2-тармақ жаңа редакцияда - ҚР Президентінің 17.04.2019 № 26 Жарлығымен. 2. Ведомствоаралық комиссияның негізгі міндеттері,
функциялары және құқықтары
3. Ведомствоаралық комиссияның негізгі міндеттері мыналар болып табылады:
1) Қауіпсіздік Кеңесінің отырыстарына материалдар дайындау;
2) Қауіпсіздік Кеңесінің немесе Қазақстан Республикасы Президентінің көмекшісі - Қауіпсіздік Кеңесі хатшысының тапсырмасы бойынша талдамалық және зерттеу жұмысын орындау;
3) Қауіпсіздік Кеңесі қызметінің айналысатын бағыты бойынша ұсыныстар мен ұсынымдар тұжырымдау;
4) Қауіпсіздік Кеңесін айналысатын бағыты бойынша хабардар ету.
4. Негізгі міндеттеріне сәйкес ведомствоаралық комиссияға мынадай функциялар жүктеледі:
1) айналысатын бағытына қатысты ахуалдың дамуын кешенді талдауды жүзеге асыру;
2) айналысатын бағыт бойынша стратегиялық құжаттардың мазмұнын қарау және оларға баға беру;
3) айналысатын бағыт бойынша қауіпсіздікті қамтамасыз етудің өзекті мәселелерін қарау;
4) адамның, қоғамның және мемлекеттің қауіпсіздігіне қатысты оқиғаларға жедел ден қою үшін шешімдердің жобаларын дайындау;
5) айналысатын бағыты бойынша ұсынымдар тұжырымдау, сондай-ақ Қауіпсіздік Кеңесі шешімдерінің жобаларына ұсыныстар дайындау;
6) ұлттық қауіпсіздік, оны қамтамасыз ету стратегиясы мен қорғау шаралары мәселелері жөніндегі заң жобаларын талдап, олар бойынша Қауіпсіздік Кеңесіне ұсынымдар беру;
7) айналысатын бағыт бойынша Қауіпсіздік Кеңесі шешімдерінің орындалуын бақылауды жүзеге асыруға қатысу, Қауіпсіздік Кеңесіне анықталған кемшіліктерді, олардың пайда болуына ықпал ететін себептер мен жағдайларды жою жөніндегі шаралар туралы ұсыныстар енгізу;
8) адамның, қоғамның және мемлекеттің қауіпсіздігін қамтамасыз ету саласында ғылыми зерттеулер ұйымдастыру.
4-1. Ведомствоаралық комиссияның құзыретінің саласына кіреді:
1) сыртқы қауіпсіздік мәселелері жөніндегі - мемлекеттік органдардың сыртқы саясат және халықаралық қауіпсіздік мәселелер жөніндегі қызметін үйлестіру;
2) әскери қауіпсіздік мәселелері жөніндегі - мемлекеттің әскери ұйымының мәселелерін және даму перспективаларын қарастыру;
3) құпия;
4) саяси қауіпсіздік мәселелері жөніндегі - азаматтардың құқықтары мен бостандықтарының сақталуы қамтамасыз етілетін конституциялық құрылыс негіздерін қорғау жөніндегі мәселелерді қарастыру;
5) ақпараттық қауіпсіздік мәселелері жөніндегі - Қазақстан Республикасының ақпараттық (кибер) қауіпсіздігін қамтамасыз ету саласындағы мәселелерді қарастыру;
6) экономикалық қауіпсіздік мәселелері жөніндегі - Қазақстан Республикасының ұлттық экономикасын нақты және ықтимал қауіп-қатерлерден қорғау жөніндегі мәселелерді қарастыру;
7) экологиялық қауіпсіздік мәселелері жөніндегі - қоршаған ортаға антропогендік және табиғи әсерлер салдарынан туындайтын мәселелерді қарастыру.
Ескерту. Ереже 4-1-тармақпен толықтырылды - ҚР Президентінің 20.05.2015 № 3 өкімімен; өзгеріс енгізілді - ҚР Президентінің 20.10.2017 № 568 Жарлығымен.5. Ведомствоаралық комиссия негізгі міндеттерін және өз функцияларын жүзеге асыру мақсатында өз қызметінің бағытына қатысты мәселелер бойынша белгіленген тәртіппен:
1) орталық және жергілікті мемлекеттік органдардан, сондай-ақ ұйымдардан, мекемелер мен лауазымды адамдардан барлық қажетті материалдар мен ақпаратты сұратуға және алуға;
2) Қазақстан Республикасының мемлекеттік органдары мен ұйымдарының материалдарын және ақпараттық дерекқорларын пайдалануға;
3) орталық және жергілікті мемлекеттік органдардың құрылымдық бөлімшелерімен, сондай-ақ ұйымдармен және лауазымды адамдармен өзара іс-қимыл жасауға;
4) жүргізілген талдаудың, зерттеулер мен тексерулердің нәтижелері бойынша Қауіпсіздік Кеңесінің кезекті отырыстарының күн тәртібіне мәселелерді енгізу қажеттігі туралы Қауіпсіздік Кеңесіне ұсыныстар енгізуге;
5) ғылыми, ақпараттық, талдамалық жұмыстарын орындау үшін ғалымдар мен мамандарды тартуға құқылы.
3. Ведомствоаралық комиссияны қалыптастырудың және
оның қызметінің тәртібі
6. Ведомствоаралық комиссияны Қазақстан Республикасы Президентінің көмекшісі - Қауіпсіздік Кеңесі Хатшысының ұсынуы бойынша Қазақстан Республикасы Қауіпсіздік Кеңесінің Төрағасы құрады, қайта ұйымдастырады және таратады.
Ескерту. 6-тармақ жаңа редакцияда - ҚР Президентінің 17.04.2019 № 26 Жарлығымен.7. Ведомствоаралық комиссияның лауазымдық құрамын Қазақстан Республикасы Президентінің көмекшісі - Қауіпсіздік Кеңесі Хатшысының ұсынуы бойынша Қауіпсіздік Кеңесінің Төрағасы бекітеді.
Ведомствоаралық комиссияның дербес құрамын Қазақстан Республикасы Президентінің көмекшісі - Қауіпсіздік Кеңесінің хатшысы бекітеді.
Ведомствоаралық комиссияның құрамына мемлекеттік органдардың басшылары және (немесе) олардың орынбасарлары, сондай-ақ өзге де адамдар кіруі мүмкін.
Ведомствоаралық комиссияның құрамы, әдетте, төрағаны, төрағаның орынбасарын, хатшыны және комиссияның басқа да мүшелерін қамтиды.
Ескерту. 7-тармаққа өзгеріс енгізілді - ҚР Президентінің 17.04.2019 № 26 Жарлығымен.8. Ведомствоаралық комиссияның қызметін ақпараттық-талдамалық және ұйымдастырушылық-техникалық қамтамасыз етуді өкілдері ведомствоаралық комиссияның жұмысына қатысатын мемлекеттік органдар жүзеге асырады.
Комиссияның хатшысы ведомствоаралық комиссияның жылдық жұмыс жоспары мен кезекті отырысының күн тәртібін дайындауды қамтамасыз етеді, олар Президенттің көмекшісі - Қауіпсіздік Кеңесінің хатшысымен келісіледі.
Ескерту. 8-тармаққа өзгеріс енгізілді - ҚР Президентінің 20.05.2015 № 3 өкімімен.9. Ведомствоаралық комиссияның отырыстары қажеттігіне қарай, сондай-ақ Қауіпсіздік Кеңесінің немесе Қазақстан Республикасы Президентінің көмекшісі - Қауіпсіздік Кеңесі хатшысының тапсырмаларына сәйкес өткізіледі.
Отырыстарды төраға, ал ол болмаған кезде орынбасары шақырады.
Комиссияның хатшысы ведомствоаралық комиссия отырыстарының дәлжазбасының жасалуын қамтамасыз етеді. Дәлжазбалар мен сөз сөйлеушілер баяндамаларының көшірмелері Қауіпсіздік Кеңесіне ақпарат ретінде жіберіледі.
Ескерту. 9-тармаққа өзгеріс енгізілді - ҚР Президентінің 20.05.2015 № 3 өкімімен.10. Ведомствоаралық комиссияның мүшелері отырыстарға ауыстыру құқығынсыз қатысады.
Ведомствоаралық комиссияның отырысына орталық және жергілікті мемлекеттік органдардың басшылары (немесе олардың орынбасарлары) және өзге де адамдар шақырылуы мүмкін.
11. Ведомствоаралық комиссияның шешімдері отырысқа қатысып отырған ведомствоаралық комиссия мүшелерінің қарапайым көпшілік дауысымен қабылданады. Дауыс тең бөлінген жағдайда комиссия төрағасының дауысы шешуші болып табылады.
Қабылданған шешіммен келіспеген жағдайда ведомствоаралық комиссияның мүшесі өз пікірін жазбаша түрде білдіре алады, ол отырыс хаттамасына қоса тіркеледі.
Ведомствоаралық комиссияның шешімдері хаттамамен ресімделеді, оған комиссияның төрағасы қол қояды және Қазақстан Республикасы Президентінің көмекшісі - Қауіпсіздік Кеңесінің хатшысы бекітеді.
12. Ведомствоаралық комиссияның, хаттамалық шешімдері орталық және жергілікті мемлекеттік органдарда міндетті түрде қаралуға жатады.
Тиісті мемлекеттік органдардың басшылары ведомствоаралық комиссияның хаттамалық шешімдерін қараудың нәтижелері туралы басшысы тиісті ведомствоаралық комиссияның төрағасы болып табылатын мемлекеттік органды белгіленген тәртіппен хабардар етеді.
13. Ведомствоаралық комиссия әзірлеген ұсыныстар мен ұсынымдар Қазақстан Республикасы Президентінің көмекшісі - Қауіпсіздік Кеңесінің хатшысына ұсынылады.
