Ескерту. Күші жойылды – ҚР Президентінің 03.04.2021 № 544 Жарлығымен.

      ҚАУЛЫ ЕТЕМІН:

      1. "Қазақстан Республикасы Қауіпсіздік Кеңесінің ведомствоаралық комиссиялары туралы" Қазақстан Республикасы Президентінің 2013 жылғы 19 қарашадағы № 248 өкіміне (Қазақстан Республикасының ПҮАЖ-ы, 2013 ж., № 68, 908-құжат) мынадай өзгерістер мен толықтырулар енгізілсін:

      1) 1-тармақтың 3) тармақшасы мынадай редакцияда жазылсын:

      құпия;

      2) жоғарыда аталған өкімінің 3-қосымша осы өкімнің 1-қосымшасына сәйкес жаңа редакцияда жазылсын:

      құпия;

      3) 7-қосымша:

      "Ауыл шаруашылығы министрі, комиссия төрағасы" деген жол мынадай редакцияда жазылсын:

      "Бас прокурордың бірінші орынбасары, комиссия төрағасы";

      "Энергетика министрлігінің Мұнай-газ кешеніндегі экологиялық реттеу, бақылау және мемлекеттік инспекция комитетінің төрағасы, комиссия төрағасының орынбасары" деген жол мынадай редакцияда жазылсын:

      "Энергетика вице-министрі, комиссия төрағасының орынбасары";

      "Бас прокурордың орынбасары" деген жол мынадай редакцияда жазылсын:

      "Ауыл шаруашылығы вице-министрі";

      "Ауыл шаруашылығы министрлігінің қызметкері, комиссия хатшысы" деген жол мынадай редакцияда жазылсын:

      "Бас прокуратураның қызметкері, комиссия хатшысы";

      4) 8-қосымшада:

      мынадай мазмұндағы 4-1-тармақпен толықтырылсын:

      "4-1. Ведомствоаралық комиссияның құзыретінің саласына кіреді:

      1) сыртқы қауіпсіздік мәселелері жөніндегі - мемлекеттік органдардың сыртқы саясат және халықаралық қауіпсіздік мәселелер жөніндегі қызметін үйлестіру;

      2) әскери қауіпсіздік мәселелері жөніндегі - мемлекеттің әскери ұйымының мәселелерін және даму перспективаларын қарастыру;

      3) құпия;

      4) саяси қауіпсіздік мәселелері жөніндегі - азаматтардың құқықтары мен бостандықтарының сақталуы қамтамасыз етілетін конституциялық құрылыс негіздерін қорғау жөніндегі мәселелерді қарастыру;

      5) ақпараттық кеңістік қауіпсіздігі мәселелері жөніндегі — елдің ақпараттық тәуелсіздігі қамтамасыз етілетін Қазақстан Республикасының ақпараттық кеңістігін қорғау жөніндегі мәселелерді қарастыру;

      6) экономикалық қауіпсіздік мәселелері жөніндегі - Қазақстан Республикасының ұлттық экономикасын нақты және ықтимал қауіп-қатерлерден қорғау жөніндегі мәселелерді қарастыру;

      7) экологиялық қауіпсіздік мәселелері жөніндегі - қоршаған ортаға антропогендік және табиғи әсерлер салдарынан туындайтын мәселелерді қарастыру;".

      8-тармақ мынадай мазмұндағы екінші бөлікпен толықтырылсын:

      "Комиссияның хатшысы ведомствоаралық комиссияның жылдық жұмыс жоспары мен кезекті отырысының күн тәртібін дайындауды қамтамасыз етеді, олар Президенттің көмекшісі - Қауіпсіздік Кеңесінің хатшысымен келісіледі.";

      9-тармақ мынадай мазмұндағы үшінші бөлікпен толықтырылсын:

      "Комиссияның хатшысы ведомствоаралық комиссия отырыстарының дәлжазбасының жасалуын қамтамасыз етеді. Дәлжазбалар мен сөз сөйлеушілер баяндамаларының көшірмелері Қауіпсіздік Кеңесіне ақпарат ретінде жіберіледі.".

      2. Осы өкім қол қойылған күнінен бастап қолданысқа енгізіледі.