"Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру" мемлекеттік қызметін көрсету қағидаларын бекіту туралы

      "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына және "Рұқсаттар және хабарламалар туралы" Қазақстан Республикасы Заңының 12-бабы 1-тармағының 4) тармақшасына сәйкес БҰЙЫРАМЫН:

      1. Қоса беріліп отырған "Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру" мемлекеттік қызметін көрсету қағидалары бекітілсін.

      2. Қазақстан Республикасы Ауыл шаруашылығы министрлігінің Ветеринариялық, фитосанитариялық және тамақ қауіпсіздігі департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Денсаулық сақтау

      министрлігі

      КЕЛІСІЛДІ"

      Қазақстан Республикасы

      Ұлттық экономика министрлігі

      "КЕЛІСІЛДІ"

      Қазақстан Республикасы

      Цифрлық даму, инновациялар және

      аэроғарыш өнеркәсібі министрлігі

"Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру" мемлекеттік қызметін көрсету қағидалары

1-тарау. Жалпы ережелер

      1. Осы "Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру" мемлекеттiк қызметін көрсету қағидалары (бұдан әрі – Қағидалар) "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабы 1) тармақшасына және "Рұқсаттар және хабарламалар туралы" Қазақстан Республикасы Заңының (бұдан әрі – Рұқсаттар және хабарламалар туралы заң) 12-бабы 1-тармағының 4) тармақшасына сәйкес әзірленді және "Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру" мемлекеттiк қызметті көрсету (бұдан әрі – мемлекеттік көрсетілетін қызмет) тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) "электрондық үкіметтің" веб-порталы (бұдан әрі – портал) – нормативтік құқықтық базаны қоса алғанда, бүкіл шоғырландырылған үкіметтік ақпаратқа және электрондық нысанда көрсетілетін мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің қызметтеріне қол жеткізудің бірыңғай терезесі болатын ақпараттық жүйе;

      2) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың анықтығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

2-тарау. Мемлекеттік қызметті көрсету тәртібі

      3. Мемлекеттік қызметті облыстардың, республикалық маңызы бар қалалардың, астананың жергілікті атқарушы органдары (бұдан әрі – көрсетілетін қызметті беруші) көрсетеді.

      4. Мемлекеттік қызмет көрсету процесінің сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Қағидаларға 1-қосымшаға сәйкес "Пестицидтердi өндiру (формуляциялау), пестицидтердi өткiзу, пестицидтердi аэрозольдiк және фумигациялық тәсiлдермен қолдануға байланысты қызметті жүзеге асыруға лицензия беру" мемлекеттік қызмет стандартында (бұдан әрі – Стандарт) баяндалған.

      5. Мемлекеттік қызметті алу үшін жеке немесе заңды тұлға (бұдан әрі – көрсетілетін қызметті алушы) көрсетілетін қызметті берушіге портал арқылы Стандартта көрсетілген құжаттарды жолдайды.

      Жеке тұлғаның жеке басын куәландыратын құжат туралы, заңды тұлғаны тіркеу (қайта тіркеу) туралы, дара кәсіпкер ретінде тіркеу туралы не дара кәсіпкер ретінде қызметтің басталғаны туралы, жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы, лицензиялық алымның бюджетке төленгені туралы мәліметтерді көрсетілетін қызметті беруші "электрондық үкіметтің" шлюзі арқылы тиісті мемлекеттік ақпараттық жүйелерден алады.

      Көрсетілетін қызметті алушылардан ақпараттық жүйелерден алынуы мүмкін құжаттарды талап етуге жол берілмейді.

      Портал мен ақпараттық жүйелердің ақпараттық өзара іс-қимылы "Ақпараттандыру туралы" Қазақстан Республикасы Заңының 43-бабына сәйкес жүзеге асырылады.

      6. Лицензияны және (немесе) лицензияға қосымшаны беру кезінде мемлекеттік қызмет көрсетудің жалпы мерзімі құжаттарды тіркеген сәттен бастап 10 (он) жұмыс күнін құрайды.

      Лицензияны және (немесе) лицензияға қосымшаны қайта ресімдеу кезінде – құжаттар тіркелген сәттен бастап 3 (үш) жұмыс күні ішінде.

      7. Көрсетілетін қызметті алушы барлық қажетті құжаттарды портал арқылы тапсырған кезде – көрсетілетін қызметті алушының "жеке кабинетінде" мемлекеттік қызметті көрсету үшін сұрау салудың қабылданғаны туралы мәртебе, сондай-ақ мемлекеттік көрсетілетін қызмет нәтижесін алу күні мен уақыты көрсетілген хабарлама көрсетіледі.

      8. Көрсетілетін қызметті берушінің кеңсе жұмыскері Стандартта көрсетілген құжаттарды тіркеуді келіп түскен күні жүзеге асырады және оларды көрсетілетін қызметті берушінің басшысына жолдайды, ол жауапты жұмыскерді тағайындайды.

      Көрсетілетін қызметті алушы жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері жүгінген кезде құжаттарды қабылдау және мемлекеттік қызмет көрсету нәтижелерін беру одан кейінгі жақын жұмыс күні жүзеге асырылады.

      9. Көрсетілетін қызметті берушінің жауапты жұмыскері Стандартта көрсетілген құжаттарды тіркеген сәттен бастап 1 (бір) жұмыс күні ішінде ұсынылған құжаттардың және (немесе) олардағы мәліметтердің толықтығын тексереді.

      Көрсетілетін қызметті алушы Стандарттың 8-тармағында көзделген тізбеге сәйкес құжаттардың толық топтамасын ұсынбаған және (немесе) қолданылу мерзімі өткен құжаттарды ұсынған жағдайларда, көрсетілген қызметті беруші өтінішті қабылдаудан бас тартады.

      Көрсетілетін қызметті алушы құжаттардың толық топтамасын ұсынған жағдайда көрсетілетін қызметті берушінің жауапты жұмыскері портал арқылы электрондық нысанда халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесіне (бұдан әрі – келісуші орган) сұранымды жолдайды.

      10. Келісуші органның қызметкері сұрау салу түскен сәттен бастап 7 (жеті) жұмыс күні ішінде көрсетілетін қызметті алушының Қазақстан Республикасы заңнамасының талаптарына сәйкестігін немесе сәйкес еместігін анықтайды, оның нәтижелері бойынша пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензияны және (немесе) лицензияға қосымшаны келісу туралы қорытынды немесе пестицидтерді өндіруге (формуляциялауға) арналған қызметті жүзеге асыруға лицензияны келісуден бас тарту туралы қорытынды (бұдан әрі – қорытынды) құрады.

      Келісуші орган басшысының ЭЦҚ-мен куәландырылған электрондық құжат нысанындағы қорытынды портал арқылы көрсетілетін қызметті берушіге жіберіледі.

      Келісуші орган белгіленген мерзімде жауап бермеген жағдайда Рұқсаттар және хабарламалар туралы Заңның 25-бабы 3-тармағына сәйкес лицензия және (немесе) лицензияға қосымша келісілді деп есептеледі.

      11. Көрсетілетін қызметті берушінің жауапты қызметкері келісуші органнан қорытынды алғаннан кейін не осы Қағидалардың 10-тармағында белгіленген мерзім аяқталса 2 (екі) жұмыс күні ішінде осы Қағидаларға 2-қосымшаға сәйкес нысан бойынша пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензияны және (немесе) осы Қағидаларға 3-қосымшаға сәйкес нысан бойынша пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензияға қосымшаны немесе осы Қағидаларға 4-қосымшаға сәйкес нысан бойынша, осы Қағидалардың 13-тармағында көрсетілген негіздер бойынша мемлекеттік қызмет көрсетуден уәжді бас тартуды ресімдейді.

      Лицензия және (немесе) лицензияға қосымшаны беруден бас тарту туралы шешім шығарған кезде көрсетілетін қызметті берушінің жауапты жұмыскері көрсетілетін қызметті алушыға лицензия және (немесе) лицензияға қосымшаны беруден бас тарту туралы алдын ала шешім туралы, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдау өткізілетін уақыт пен орын (тәсіл) туралы хабардар етеді.

      Тыңдау рәсімі өткізілген жағдайда, мемлекеттік қызмет көрсету мерзімі 2 (екі) жұмыс күніне ұзартылады.

      Тыңдау туралы хабарлама мемлекеттік қызмет көрсету мерзімі аяқталғанға дейін 3 (үш) жұмыс күнінен кешіктірілмей жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі.

      Тыңдау нәтижелері бойынша көрсетілетін қызметті беруші лицензия және (немесе) лицензияға қосымшаны беру туралы не мемлекеттік қызмет көрсетуден уәжді бас тарту туралы шешім қабылдайды.

      Лицензия және (немесе) лицензияға қосымша немесе мемлекеттік қызметті көрсетуден уәжді бас тарту портал арқылы көрсетілетін қызметті алушының "жеке кабинетіне" көрсетілетін қызметті беруші басшысының не оның міндетін атқарушы адамның ЭЦҚ-сы қойылған электрондық құжат нысанында жіберіледі.

      12. Көрсетілетін қызметті алушыға пестицидтерді өндіруге (формуляциялауға), пестицидтерді өткізуге, пестицидтерді аэрозольдық және фумигациялық тәсілдермен қолдануға арналған қызметті жүзеге асыруға лицензия және (немесе) лицензияға қосымша беру Рұқсаттар және хабарламалар туралы Заңның 29-бабы 2-тармағына сәйкес олардың қызметін жүзеге асыратын орны бойынша жүзеге асырылады.

      13. Лицензияны және (немесе) лицензияға қосымшаны алу кезінде мемлекеттік қызметті көрсетуден бас тарту үшін негіздер:

      1) Қазақстан Республикасының заңдарында жеке немесе заңды тұлғалардың осы санаты үшін қызмет түрімен айналысуға тыйым салынған;

      2) лицензиялық алым енгізілмеген;

      3) көрсетілетін қызметті алушының "Пестицидтердi (улы химикаттарды) өндiру (формуляциялау), пестицидтердi (улы химикаттарды) өткiзу, пестицидтердi (улы химикаттарды) аэрозольдік және фумигациялық тәсiлдермен қолдану жөнiндегi қызметтерге қойылатын бiлiктiлiк талаптары мен оларға сәйкестікті растайтын құжаттар тізбесін бекіту туралы" Қазақстан Республикасы Ауыл шаруашылығы министрінің 2014 жылғы 31 желтоқсандағы № 4-4/704 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11927 болып тіркелген) (бұдан әрі – біліктілік талаптары) біліктілік талаптарына сәйкес келмесе;

      4) көрсетілетін қызметті беруші тиісті келісуші мемлекеттік органнан көрсетілетін қызметті алушының лицензиялау кезінде қойылатын талаптарға сәйкес еместігі туралы жауап алды;

      5) көрсетілетін қызметті алушыға қатысты лицензиялауға жататын қызметті немесе жекелеген қызмет түрлерін тоқтата тұру немесе оған тыйым салу туралы заңды күшіне енген сот шешімі (үкімі) болған жағдайда;

      6) сот орындаушысының ұсынуы негізінде сот көрсетілетін қызметті алушы-борышкерге лицензия беруге уақытша тыйым салған;

      7) мемлекеттік қызметті алу үшін көрсетілетін қызметті алушы ұсынған құжаттардың және (немесе) оларда қамтылған деректердің (мәліметтердің) дәйексіздігі анықталған жағдайда.

      14. Лицензияны және (немесе) лицензияға қосымшаны қайта ресімдеу:

      1) жеке тұлға-лицензиаттың аты, әкесінің аты (бар болса), тегі өзгерген;

      2) дара кәсіпкер-лицензиат қайта тіркелген, оның атауы немесе заңды мекенжайы өзгерген;

      3) заңды тұлға-лицензиатты бірігу, қайта құру, заңды тұлға-лицензиатты басқа заңды тұлғаға қосу, бөлініп шығу және бөлу нысандарында қайта ұйымдастырған;

      4) заңды тұлға-лицензиаттың атауы және (немесе) орналасқан жері (лицензияда мекенжай көрсетілген жағдайда) өзгерген жағдайда жүзеге асырылады.

      Егер дара кәсіпкер-лицензиаттың заңды мекенжайы, заңды тұлға-лицензиаттың орналасқан жерінің мекенжайы "Қазақстан Республикасының әкімшілік-аумақтық құрылысы туралы" Қазақстан Республикасы Заңының талаптарына сәйкес елді мекендер атауының, көшелер атауының өзгеруіне байланысты өзгерген болса, осы Қағидалардың осы тармағының бірінші бөлігінің 2) және 4) тармақшаларында көрсетілген жағдайларда лицензияны және (немесе) лицензияға қосымшаны қайта ресімдеу жүзеге асырылмайды. Лицензиаттардың мекенжайларының мұндай өзгеруі мемлекеттік ақпараттық жүйелерді интеграциялау арқылы жүзеге асырылады.

      Рұқсаттар және хабарламалар туралы заңның 33-бабы 2-тармағына сәйкес рұқсат беру тәртібі енгізілген қызмет түрінің және (немесе) кіші түрінің атауы өзгерген жағдайда, лицензиат лицензияны және (немесе) лицензияға қосымшаны қайта ресімдеу туралы өтініш береді.

      15. Лицензияны және (немесе) лицензияға қосымшаны қайта ресімдеу кезінде көрсетілетін қызметті беруші Рұқсаттар және хабарламалар туралы Заңның 34-бабының 4 және 5-тармақтарында көзделген негіздер бойынша қайта ресімдеуді қоспағанда, көрсетілетін қызметті алушының біліктілік талаптарына сәйкестігін тексермейді.

      16. Лицензияны және (немесе) лицензияға қосымшаны қайта ресімдеу кезінде көрсетілетін қызметті берушінің жауапты қызметкері құжаттарды берген сәттен бастап 3 (үш) жұмыс күні ішінде ұсынылған құжаттардың толықтығын және (немесе) тиісінше ресімделуін тексереді.

      Стандартта көрсетілген құжаттар ұсынылмаған немесе тиісінше ресімделмеген жағдайда, көрсетілетін қызметті берушінің жауапты қызметкері осы Қағидаларға 4-қосымшаға сәйкес нысан бойынша мемлекеттік қызметті көрсетуден уәжді бас тартуды дайындайды.

      Көрсетілетін қызметті алушы құжаттар топтамасын толық ұсынған жағдайда, көрсетілетін қызметті берушінің жауапты қызметкері осы Қағидаларға 2-қосымшаға сәйкес нысан бойынша пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензияны және (немесе) осы Қағидаларға 3-қосымшаға сәйкес нысан бойынша пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензияға қосымшаны қайта ресімдейді.

      17. Заңды тұлға-лицензиатты бөліп шығару және бөлу нысандарында қайта ұйымдастырылған жағдайда, лицензияны және (немесе) лицензияға қосымшаны қайта ресімдеу осы Қағидалардың 9, 10 және 11-тармақтарына сәйкес жүзеге асырылады.

      Заңды тұлға-лицензиатты бөліп шығару немесе бөлу нысанында қайта ұйымдастыру кезінде лицензияны және (немесе) лицензияға қосымшаны қайта ресімдеу кезінде мемлекеттік қызметті көрсетудің жалпы мерзімі құжаттар тіркелген сәттен бастап 10 (он) жұмыс күнін құрайды.

      18. Лицензияны және (немесе) лицензияға қосымшаны қайта ресімдеу кезінде мемлекеттік қызметті көрсетуден бас тарту үшін Стандартта көрсетілген құжаттарды ұсынбау немесе тиісінше ресімделмеуі негіз болып табылады.

      Заңды тұлға-лицензиатты бөліп шығару және бөліну нысандарында қайта ұйымдастырылған жағдайда мемлекеттік қызметті көрсетуден бас тарту үшін негіздер болып табылады:

      1) лицензияны және (немесе) лицензияға қосымшаны қайта ресімдеу үшін қажетті құжаттар ұсынылмаған немесе тиісінше ресімделмеген;

      2) көрсетілетін қызметті алушы біліктілік талаптарына сәйкес келмеген;

      3) егер бұрын лицензия және (немесе) лицензияға қосымша заңды тұлғалар-лицензиаттардың бөліну нәтижесінде жаңадан пайда болған қатарынан басқа заңды тұлғаға қайта ресімделсе, лицензия және (немесе) лицензияға қосымша қайта ресімделуі мүмкін.

      19. Көрсетілетін қызметті беруші Мемлекеттік көрсетілетін қызметтер туралы Заңның 5-бабы 2-тармағының 11) тармақшасына сәйкес мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректерді енгізуді қамтамасыз етеді.

      Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде мемлекеттік қызметті көрсету сатысы туралы деректер Мемлекеттік қызметтерді көрсету мониторингінің ақпараттық жүйесіне автоматты режимде түседі.

3-тарау. Көрсетілетін қызметті берушінің және (немесе) оның лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

      20. Көрсетілетін қызметті берушінің мемлекеттік қызметтер көрсету мәселелері бойынша шешіміне, әрекетіне (әрекетсіздігіне) шағым көрсетілетін қызметті берушінің басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға беріледі және осы Қағидалардың 21-тармағында көзделген мерзімдерде қарауға жатады.

      Шағым Қазақстан Республикасының әкімшілік рәсімдік-процестік кодексінің (бұдан әрі – ҚР ӘРПК) 91-бабы 4-тармағына сәйкес келіп түскен жағдайда, көрсетілетін қызметті беруші оны келіп түскен күнінен бастап 3 (үш) жұмыс күнінен кешіктірмей шағымды қарайтын органға (жоғары тұрған әкімшілік орган және (немесе) лауазымды адам) жібереді. Көрсетілетін қызметті беруші қолайлы акт қабылданған, шағымда көрсетілген талаптарды толық қанағаттандыратын әкімшілік іс-әрекет жасалған жағдайда, шағымды қарайтын органға шағымды жібермейді.

      21. Көрсетілетін қызметті алушының шағымы Мемлекеттік көрсетілетін қызметтер туралы Заңның 25-бабының 2-тармағына сәйкес қарауға жатады:

      көрсетілетін қызметті беруші – тіркелген күнінен бастап 5 (бес) жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде.

      22. Көрсетілетін қызметті берушінің мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Мемлекеттік көрсетілетін қызметтер туралы Заңның 25-бабының 4-тармағына сәйкес қажет болған жағдайда 10 (он) жұмыс күнінен аспайтын мерзімге ұзартылады:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу.

      Шағымды қарау мерзімі ұзартылған жағдайда шағымдарды қарау бойынша өкілеттіктер берілген лауазымды адам шағымды қарау мерзімі ұзартылған кезден бастап 3 (үш) жұмыс күні ішінде шағым берген көрсетілетін қызметті алушыға ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

      23. Егер заңда өзгеше көзделмесе, ҚР ӘРПК 91-бабының 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

"Пестицидтерді өндіру (формуляциялау), пестицидтерді өткізу, пестицидтерді аэрозольдік және фумигациялық тәсілдермен қолдануға байланысты қызметті жүзеге асыруға лицензия беру" мемлекеттік көрсетілетін қызмет cтандарты

      Ескерту. 1-қосымша жаңа редакцияда - ҚР Ауыл шаруашылығы министрінің 04.05.2022 № 137 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Жеке тұлғаның лицензияны және (немесе) лицензияға қосымшаны алуға арналған өтініші

      (кімге)_________________________________________________________
(лицензиардың толық атауы)
(кімнен) _______________________________________________________
(жеке тұлғаның аты, әкесінің аты (бар болса), тегі, жеке сәйкестендіру нөмірі)
_______________________________________________________________
(қызмет түрінің және (немесе) қызметтің кіші түрінің (лерінің) толық атауын көрсету)
жүзеге асыруға лицензия және (немесе) лицензияға қосымша беруіңізді сұраймын

      Жеке тұлғаның тұрғылықты мекенжайы
_______________________________________________________________
(почталық индексі, облыс, қала, аудан, елді мекен, көше атауы, үйдің/ғимараттың нөмірі)
Электрондық почтасы____________________________________________
Телефондары___________________________________________________
Факсы_________________________________________________________
Банктік шоты __________________________________________________
(шот нөмірі, банктің атауы және орналасқан жері)

      Қызметті немесе іс-қимылдарды (операцияларды) жүзеге асыратын объектінің мекенжайы
_____________________________________________________________________
(почталық индексі, облыс, қала, аудан, елді мекен, көше атауы, үйдің/ғимараттың
(стационарлық үй-жайдың) нөмірі)
______ парақ қоса беріледі.
Осымен:
барлық көрсетілген деректер ресми байланыс деректері болып табылатындығы және оларға
лицензияны және (немесе) лицензияға қосымшаны беру немесе беруден бас тарту мәселелері
бойынша кез келген ақпаратты жіберуге болатындығы;
көрсетілетін қызметті алушыға қызметтің лицензияланатын түрімен және (немесе) кіші
түрімен айналысуға сот тыйым салмағандығы;
барлық қоса беріліп отырған құжаттардың шындыққа сәйкес келетіндігі және жарамды
болып табылатындығы;
көрсетілетін қызметті алушының лицензияны және (немесе) лицензияға қосымшаны беру
кезінде ақпараттық жүйелерде қамтылған, заңмен қорғалатын құпияны құрайтын
қолжетімділігі шектеулі дербес деректерді пайдалануға келісім беретіндігі расталады.
Жеке тұлға ___________ ________________________________________
(электрондық цифрлық қолтаңба) (аты, әкесінің аты (бар болса), тегі)
Толтырылған күні: 20__ жылғы "__"____

Заңды тұлғаның лицензияны және (немесе) лицензияға қосымшаны алуға арналған өтініші

      (кімге)_________________________________________________________
(лицензиардың толық атауы)
(кімнен)________________________________________________________
(заңды тұлғаның (оның ішінде шетелдік заңды тұлғаның) толық атауы,
орналасқан жері, бизнес сәйкестендіру нөмірі,
заңды тұлғаның бизнес сәйкестендіру нөмірі болмаған жағдайда, шетелдік
заңды тұлға филиалының немесе өкілдігінің бизнес сәйкестендіру нөмірі)
_______________________________________________________________
(қызмет түрінің және (немесе) қызметтің кіші түрінің (лерінің) толық атауын көрсету)

      жүзеге асыруға лицензия және (немесе) лицензияға қосымша беруіңізді сұраймын
Заңды тұлғаның мекенжайы _______________________________________
(почталық индексі, ел (шетелдік заңды тұлға үшін), облыс, қала, аудан, елді мекен, көше
атауы, үйдің/ғимараттың (стационарлық үй-жайдың) нөмірі)

      Электрондық почтасы____________________________________________
Телефондары____________________________________________________
Факсы__________________________________________________________
Банктік шоты____________________________________________________
(шот нөмірі, банктің атауы және орналасқан жері)
Қызметті немесе іс-қимылдарды (операцияларды) жүзеге асыратын объектінің мекенжайы
_______________________________________________________________
(почталық индексі, облыс, қала, аудан, елді мекен, көше атауы, үйдің/ ғимараттың
(стационарлық үй-жайдың) нөмірі)

      ______ парақ қоса беріледі.
Осымен:
барлық көрсетілген деректер ресми байланыс деректері болып табылатындығы және оларға
лицензияны және (немесе) лицензияға қосымшаны беру немесе беруден бас тарту мәселелері
бойынша кез келген ақпаратты жіберуге болатындығы;
көрсетілетін қызметті алушыға қызметтің лицензияланатын түрімен және (немесе) кіші
түрімен айналысуға сот тыйым салмағандығы;
барлық қоса беріліп отырған құжаттардың шындыққа сәйкес келетіндігі және жарамды
болып табылатындығы;
көрсетілетін қызметті алушының лицензияны және (немесе) лицензияға қосымшаны беру
кезінде ақпараттық жүйелерде қамтылған, заңмен қорғалатын құпияны құрайтын,
қолжетімділігі шектеулі дербес деректерді пайдалануға келісім беретіндігі расталады.
Басшы _________________________ ______________________________
(электрондық цифрлық қолтаңба) (аты, әкесінің аты (бар болса), тегі)
Толтырылған күні: 20__ жылғы "__" ____

Жеке тұлғаның лицензияны және (немесе) лицензияға қосымшаны қайта ресімдеуге арналған өтініші

      (кімге) _________________________________________________________
(лицензиардың толық атауы)
(кімнен)________________________________________________________
(жеке тұлғаның аты, әкесiнiң аты (бар болса), тегі, жеке сәйкестендіру нөмірі)
_______________________________________________________________
(қызмет түрiнің және (немесе) қызметтің кiшi түрiнің (лерінің) толық атауы)

      ________________________________________________ жүзеге асыруға арналған

      20___жылғы ___ _________ берілген №________________________
____________________________________________________________________
(лицензияның және (немесе) лицензияға қосымшалардың нөмірі(лері), берілгенкүні,
лицензияны және (немесе) лицензияға қосымшаны (ларды) берген лицензиярдың атауы)
лицензияны және (немесе) лицензияға қосымшаны(ларды) (керегінің астын сызу) мынадай
негіз (дер) бойынша (тиісті ұяшықта Х көрсетіңіз) қайта ресімдеуді сұраймын:
1) жеке тұлға-лицензиаттың аты, әкесінің аты (бар болса), тегінің өзгеруі
_____________________________________________________________________
2) дара кәсіпкер-лицензиаттың қайта тіркелуі, оның атауының өзгеруі
________________________________________________________________
3) дара кәсіпкер-лицензиаттың қайта тіркелуі, оның заңды мекенжайының өзгеруі
_______________________________________________________________
4) қызмет түрі атауының өзгеруі _____________________________________
5) қызметтің кіші түрі атауының өзгеруі ______________________________
Жеке тұлғаның тұрғылықты мекенжайы ______________________________
_______________________________________________________________
(почталық индексі, облыс, қала, аудан, елді мекен, көше атауы, үйдің/ғимараттың нөмірі)
Электрондық почтасы____________________________________________
Телефондары ___________________________________________________
Факсы _________________________________________________________
Банктік шоты ___________________________________________________
(шот нөмірі, банктің атауы және орналасқан жері)
Қызметті немесе іс-қимылдарды (операцияларды) жүзеге асыратын объектінің мекенжайы
_____________________________________________________________
(почталық индексі, облыс, қала, аудан, елді мекен, көше атауы, үйдің/ғимараттың
(стационарлық үй-жайдың) нөмірі)
______ парақ қоса беріледі.
Осымен:
барлық көрсетілген деректер ресми байланыс деректері болып табылатындығы және оларға
лицензияны және (немесе) лицензияға қосымшаны беру немесе беруден бас тарту мәселелері
бойынша кез келген ақпаратты жіберуге болатындығы;
көрсетілетін қызметті алушыға қызметтің лицензияланатын түрімен және (немесе) кіші
түрімен айналысуға сот тыйым салмағандығы;
барлық қоса беріліп отырған құжаттардың шындыққа сәйкес келетіндігі және жарамды
болып табылатындығы;
көрсетілетін қызметті алушының лицензияны және (немесе) лицензияға қосымшаны беру
кезінде ақпараттық жүйелерде қамтылған, заңмен қорғалатын құпияны құрайтын,
қолжетімділігі шектеулі дербес деректерді пайдалануға келісім беретіндігі расталады.
Жеке тұлға
_____________________________ ______________________________________
(электрондық цифрлық қолтаңба) (аты, әкесінің аты (бар болса), тегі)
Толтырылған күні: 20__ жылғы "__"______

Заңды тұлғаның лицензияны және (немесе) лицензияға қосымшаны қайта ресімдеуге арналған өтініші

      (кімге)_________________________________________________________
(лицензиардың толық атауы)
(кімнен)________________________________________________________
(заңды тұлғаның (оның ішінде шетелдік заңды тұлғаның) толық
атауы, орналасқан жері, бизнес сәйкестендіру нөмірі, заңды тұлғаның бизнес
сәйкестендіру нөмірі болмаған жағдайда, шетелдік заңды тұлға филиалының
немесе өкілдігінің бизнес сәйкестендіру нөмірі)
_______________________________________________________________
(қызмет түрiнің және (немесе) қызметтің кiшi түрiнің (лерінің) толық атауы)

      __________________________________________________ жүзеге асыруға арналған
20___ жылғы "___ " _________ берілген №__________
_______________________________________________________________
(лицензияның және (немесе) лицензияға қосымшалардың нөмірі(лері), берілген күні,
лицензияны және (немесе) лицензияға қосымшаны(ларды) берген лицензиярдың атауы)
лицензияны және (немесе) лицензияға қосымшаны(ларды) (керегінің астын сызу) мынадай
негіз (дер) бойынша (тиісті ұяшықта Х көрсетіңіз) қайта ресімдеуді сұраймын:
1) "Рұқсаттар және хабарламалар туралы" Қазақстан Республикасы Заңының (бұдан әрі –
Заң) 34-бабында айқындалған тәртіпке сәйкес заңды тұлға-лицензиатты (тиісті ұяшықта Х
көрсетіңіз):
бірігу _______________
қайта құру ___________
қосылу ______________
бөліп шығару ________
бөліну _____________ жолымен қайта ұйымдастыру
2) заңды тұлға-лицензиат атауының өзгеруі _______________________
3) заңды тұлға-лицензиаттың орналасқан жерінің өзгеруі __________
4) қызмет түрі атауының өзгеруі _____________________________________
5) қызметтің кіші түрі атауының өзгеруі ______________________________
Заңды тұлғаның мекенжайы ________________________________________
_______________________________________________________________
(ел-шетелдік заңды тұлға үшін, почталық индексі, облыс, қала, аудан, елді мекен, көше
атауы, үйдің/ ғимараттың (стационарлық үй-жайдың) нөмірі)
Электрондық почтасы ___________________________________________
Телефондары ___________________________________________________
Факсы _________________________________________________________
Банктік шоты ___________________________________________________
(шот нөмірі, банктің атауы және орналасқан жері)
Қызметті немесе іс-қимылдарды (операцияларды) жүзеге асыратын объектінің мекенжайы
_____________________________________________________________
(почталық индексі, облыс, қала, аудан, елді мекен, көше атауы, үйдің/ғимараттың
(стационарлық үй-жайдың) нөмірі)
______ парақ қоса беріледі.
Осымен:
барлық көрсетілген деректер ресми байланыс деректері болып табылатындығы және оларға
лицензияны және (немесе) лицензияға қосымшаны беру немесе беруден бас тарту мәселелері
бойынша кез келген ақпаратты жіберуге болатындығы;
көрсетілетін қызметті алушыға қызметтің лицензияланатын түрімен және (немесе) кіші
түрімен айналысуға сот тыйым салмағандығы;
барлық қоса беріліп отырған құжаттардың шындыққа сәйкес келетіндігі және жарамды
болып табылатындығы;
көрсетілетін қызметті алушының лицензияны және (немесе) лицензияға қосымшаны беру
кезінде ақпараттық жүйелерде қамтылған, заңмен қорғалатын құпияны құрайтын,
қолжетімділігі шектеулі дербес деректерді пайдалануға келісім беретіндігі расталады.
Басшы ___________________________ _______________________________
(электрондық цифрлық қолтаңба) (аты, әкесінің аты (бар болса), тегі)
Толтырылған күні: 20__ жылғы "__"______

Пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензия

      Ескерту. 2-қосымша жаңа редакцияда - ҚР Ауыл шаруашылығы министрінің 04.05.2022 № 137 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      20____ жылғы "___" ___________ №_____________
_______________________________________________________________
("Рұқсаттар және хабарламалар туралы" Қазақстан Республикасының Заңына сәйкес
лицензияланатын қызмет түрінің атауы
___________________________________________________________ айналысуға
_______________________________________________________________ берілді
(заңды тұлғаның (оның ішінде шетелдік заңды тұлғаның) толық атауы, мекенжайы, бизнес-
сәйкестендіру нөмірі, заңды тұлғаның бизнес-сәйкестендіру нөмірі болмаған жағдайда –
шетелдік заңды тұлға филиалының немесе өкілдігінің бизнес-сәйкестендіру нөмірі/жеке
тұлғаның толық аты, әкесінің аты (бар болса), тегі жеке сәйкестендіру нөмірі)
Ескертпе:________________________________________________________
(иеліктен шығарылатындығы, рұқсаттың класы)
Лицензиар _______________________________________________________
(лицензиардың толық атауы)
Басшы (уәкiлеттi тұлға) ____________________________________________
(аты, әкесiнiң аты (болған болса), тегi)
Электрондық цифрлық қолтаңба ______________
Алғашқы берілген күні: _______ жылғы "____" ____________
Лицензияның қолданылу мерзімі: _______ жылғы "____" ____________
Берілген орны ____________________________

Пестицидтерді өндіруге (формуляциялауға), пестицидтерді өткізуге, пестицидтерді аэрозольдік және фумигациялық тәсілдермен қолдануға арналған қызметті жүзеге асыруға лицензияға қосымша

      Ескерту. 3-қосымша жаңа редакцияда - ҚР Ауыл шаруашылығы министрінің 04.05.2022 № 137 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Лицензияның нөмірі ____________

      Лицензияның берілген күні 20__ жылғы _________________

      Лицензияланатын қызмет түрінің кіші түрі(лері)____________________

      ______________________________________________________________
("Рұқсаттар және хабарламалар туралы" Қазақстан Республикасы Заңына сәйкес
лицензияланатын қызметтің кіші түрінің атауы)
Лицензиат ___________________________________________________
(заңды тұлғаның (оның ішінде шетелдік заңды тұлғаның) толық атауы, мекенжайы, бизнес-
сәйкестендіру нөмірі, заңды тұлғаның бизнес-сәйкестендіру нөмірі болмаған жағдайда –
шетелдік заңды тұлға филиалының немесе өкілдігінің бизнес-сәйкестендіру нөмірі/жеке
тұлғаның толық аты, әкесінің аты (бар болса), тегі, жеке сәйкестендіру нөмірі)

      Өндiрiстік база және/немесе объект_______________________________
(орналасқан жерi)
Лицензиар ___________________________________________________
(лицензияға қосымшаны берген органның толық атауы)
Басшы (уәкiлеттi тұлға)_________________________________________
(аты, әкесiнiң аты (бар болса), тегi
Электрондық цифрлық қолтаңба ______________
Қосымшаның нөмірі ________________
Қолданылу мерзiмi_____ жылғы "____" _______________
Қосымшаның берілген күні 20 ____ жылғы "____" ________________
Берілген орны ___________________________________

Мемлекеттік қызмет көрсетуден уәжді бас тарту

      Берілген күні: [Берілген күні]

      [Көрсетілетін қызметті алушының атауы]

      Тіркеу орны:

      Облыс: [Облыс]

      Аудан: [Аудан]

      Қала\ елді мекен: [Қала\ елді мекен]

      [жеке сәйкестендіру нөмірі/бизнес сәйкестендіру нөмірі] [ЖСН/БСН]

      Тіркеу күні [күні]

      Бас тарту себебі: [Бас тарту себебі]

      [Қол қоюшының лауазымы] [Қол қоюшының тегi, аты, әкесiнiң аты (болса)]

      [Қол қоюшының лауазымы] [Қол қоюшының аты, әкесiнiң аты (бар болса), тегi]